قبلك الحب خرافه ومحض هراء وسفرا من اساطير الاولين - الفصل 16 - مكتملة | روايتك

______ جالسه اروى قدام ابوها(ابو حسام) واخوها ابو سالم وبجنبها الجازي ابو حسام بهدوء غريب:حامل؟ الجازي:ايي صرخ الجد ابو حسام بكلمه وحده:انكتميييي... لثواني ثم رد وعينه على الجازي:انا ما وجهت الكلام لك ناظر لاروى:كيف حامل هاه اروى بخوف:وش..وش كيف ابو سالم:يبه الله يهداك اروى مالها متطلقه الا شهرين وشوي والدكتوره قالت انها حامل من شهرين يعني مايبي لها كلام الجد:استغفرالله..سعد يدري؟ اروى بتوتر:ايوا قلت له تعرف اجرائات المستشفى وكذا الجد:لو جا وقال برجعك بترضين؟ اروى بقلق:يبه انا الحين حامل اللي ببطني ماله ذنب بغلطه صارت بسبب خالتي ام سعد الجد:روحي لغرفتك لازم اتفاهم مع اخوانك كلهم مجتمعين ببيت عمك قامتت اروى بتوتر وقامت بتلحقها الجازي لكن وقفها صوت جدها ردت بهدوء:نعم الجد:تراني لين الحين مو راضي عليك بعد حركتك الاخيره خلي عمك ابو سالم يوديك للبيت وبعدين يومين بالكثير تجين لعندي تستسمحين مني وبعدها اسامحك ابتسمت الجازي بهدوء:طيب طلعت مع عمها لبرى وتحديدآ داخل السياره طلعت جوالها وهي تكتب لذياب:"قال لك سعد؟" ابتسمت بس وصل لها مسج بعد ثواني:"اي شفتي كيف انا ذكي كذا" الجازي:"بموت شدخل؟ههههههههههه" ذياب:"بتنكرين لو لا ربي ثم خطتي كان تفركش كل شي" الجازي:"همم اوك بكون كريمه واقول اي" الجازي:"الحين كيف " ذياب:"رايح مع سعد لعند جدتي نقول لها وبعد عشان يرجع سعد حرمته لبيته" الجازي:"يالله هم وراح والله شهرين كان فلم رعب" ذياب:"اقول" الجازي:"وش" ذياب:"لهدرجه تبيني عشان يصير هم لك" ناظرت لكلامه لثواني سكرت الجوال وهي تنزل وتسلم على عمها وتدخل للبيت سكرت الباب ورجعت شغلت بعد ماوصل لها مسج ذياب:"وش بك ليكون مستحيه" مشت الجازي وهي تكتب له:"امانه تخيل بس اني اسوي كل ذا عشاني ابيك ترى بعدني ماعرفتك حيل" الجازي:"عشان المهر اللي صرفته جالسه افكر وش اسوي بالي شريتهم وكيف برجعه لك ولا مو عشانك" ذياب:"هههههههههههههه علينا؟" الجازي:"كيفك محد قال لك تصدق اصلا" الجازي:"اروح انام احسن لي" سكرت الجوال ودخلت لغرفتها رمت نفسها على السرير بتعب ناظرت لساعه كانت٧م :ياربي مايصير كذا اصفق بيدي والقى اني لابسه بجامه ومخلصه... ________ في بيت الجده ام عبدالله ناظرت لهم بقهر:تبي ترجع اللي هانت امكك هاهه انا اقول كلمه وهي تكسرهاا سعد بتوتر:يا يمه الله يهداك ببطنها ولدي تكفين لاتهدمين بيتي انا ماابي الا رضاك ذياب:يمه علامك ماعرفتك كذا تنهدت الجده:اسمع انا والله ماابي الا الخير لكنها كسرت بكلمتي وتعرفني مااحب احد يكسر كلامي سعد:محشومه الجده:خلاص اجل رجعها والله مو عشانها عشان حفيدي قام سعد من مكانه وهو يبوس راس امه:عشتي ابتسم ذياب:اجل بكلم عمي لجل زواجي الجده بستغراب:اي زواج ؟ تقصد بنت ساره ذياب ناظر لها وببتسامه:ايوا بعد منو غيرها الجده بضيقه:لا والله انك ماتاخذها انا الحين بنت عمك منيره بنيتي الحليله تتطلق واجي اضم بنتهم اي والله ماخذيتها طلقها واخذ منيره ذياب بصدمه:يمه وش اللي طلقها واخذ منيره حرمتي ابيها(بانفعال) انا احبهاا الجده بعصبيه:افا بس تكسر كلمتي يعني هااهه تقلد عمك الرخمه ذا؟؟ (بانفعال وهي تضرب براسها)اي والله ماعينتي خير يام عبدالله اي والله ماعينتيي خيرر من ولد ولدكم ياوييلي ياويلييي ياميرييي هاتيي حبوب الضغط يويلي بيذبحوني بيذبحونيي بيذبحوووونييي جلس ذياب وهو يستغفر ربه بقهر:استغفرالله..لا حول ولا قوة الا بالله(بقهر)يمه وش بك عليناا ام عبدالله بصراخ وهي تضرب بعصاتها:وش....وش يا ولد عبدالله قول قولل علمني وش فيني هاه قول اني انهبلت باخر عمري قولهااا ذياب بعصبيه كاتمها:لا اله الا الله محد قال محد تكلمم ام عبدالله:اي والله تهبووون تهبوون انت وولد بطني تهبووونن انا اعلمكم فيهم اي والله انا اعلمكككم _______ في بيت حسام ابو سطام ومنيره مجتمع الكل بما ان اليوم خميس قاطعهم الجد وجلس مع عياله يتكلمون بموضوع اروى والحريم يسمعون الكل من اخوانها وافق على موضوع رجعتها طبعا بعد مايجي ويرجعها مثل الخلق قاطعهم صوت جوال الجده ام حسام ام حسام:الوو ام عبدالله:اسمعي بنتكك بنرجعها لولدنا لجل اللي ببطنها لكنن بنت سارهه والله ماترجع والله ماترجع والله ماترجع وذي ثلاث حلووف سمعيها لولد ولدك سطامم اللي طلق بنت ولدي انا بناتنا ماينعافووون وبنت سارههه والله ماترجعع الجده ام حسام:يهبيي ياوجهكك والله لو اللي فبطنها ولو ان الاسقاط حرام والله ان ماتشوفوون بنتي وبعدين وش بها بنت ساره هااهه وولدكم خذو ماانبيييه ولو يجي ويقول بكمل زواجي على جازي ماوافقنا حنى بنتنا اروى وبنوديها لكم متحملييننن ام عبدالله:والله ولدكمم اللي بدو وطلقق بنتي منيره وهي المسيكينه مالها دخل ام حسام:تهبين اي والله انتي اللي فرقتي بلاول يوم انك تبين ولدك يعرس على بنتنا ليي هاا مابها الا الزين كله انتي اللي بديتي وولدنا ماغلط حميته على عمته ورد حركتكم الشينه وقلت لكك اللي عندي سكرت الجوال وبعصبيه:حمدد بنتك جازي قوم للمحكمه واخلعها من ولدهم عشان بعد يحلمونن يقولون بنرجعها مره ثانييه اخلعها قبل يطلقونها اللي مايخافون ربهممم ابو حسام:وش هي قايله ام حسام:تقول اروى بترجع لجل اللي ببطنها لكن جازي مايبونها عشان حركة سطام يوم طلق بنتهم منيره ابو سالم:لا حول ولا قوى الا بالله ابو عبدالله:ومنن قال بنتي بترجع لهم اجل يهينون ببنتي ويحذفون فيها وترجع اي والله مارجعتت سطام:عميي اذا هم عايفينها فا اهلها ماعافوها اول ماتطلع من ذمته فتراني خاطبها ابو سطام بفخر:كفوو والله هذا العشم ابو عبدالله ببتسامة رضا:زين العقل اي والله كملو نقاشهم وقرارتهم على حساب حياة غيرهم بينما ابتسام تصفق بخدها بصدمه:يويلي ويلا _________ جالس بعصبيه في المجلس وسعد يهدي فيه ذياب بعصبيه:ياولد انتت ماشفت وش سوت والله مايعطونها لي والله مايعطونها سعد:ياولدد مب صاير الا الخيرر ماعلييكك انت ماطلقتها يعني محد يقدر يسوي شي استغفر ذياب بقهر طلع جواله بس وصل له مسج ناظر للجوال لثواني وصدمه قام من مكانه بقهر طالع لبرا راح ورا سعد :ياولد شفيك ذياب بنرفزه وهو يفتح باب سياره:سعدد يرحممم لي والدييكك وخر عنيي بذي الساعه توجهه سعد لجهه ثانيه بسرعه لكن الباب كان مقفل صرخ بعصبيه:ذيابب افتح الباب بكلمكك شوييي بسسسس ثواني حتى حرك ذياب تاركهه مع نفسه توجه سعد لداخل بسرعه وهو ياخذ مفتاح سيارته وطلع يلحق ذياب لكن ضيعه من سرعته اما ذياب ماكان يشوف قدامه من العصبيه وتفكير بس طلع على الخط السريع صار يضغط على الدواسه بعصبيه يحس بقهرر انفاسه ماكانت منتضمه عروق يده البارزه صرخ بقهر بصوت مبحوح:والله ماياخذها والله والله ماتطلع من ذمني الا بموتيييي دموع كانت متجمعه بعيونه لاهي راضيه تنزل وتريحه ولا اللي انحبست وهدته لما تحب شخص بكل جوارحك لما تشوف هشخص ماخذ قلبك ومستحيل تعيش من دونه الحب شي غير الحب ان قلبك ينخطف من مكانه تصير ماتقدر تفارق خاطفه ولو صار وفارقته فا انت ميت لان اهم جزء بجسمك بين يده كل شي في يثيرك ويقلب احاسيسك نظراته،صوته،لمسته،حضنه،يده،ابتسامته،شعره،خده، كتفه يوم يصدم بكتفك يخلي احاسيس العالم كلها فيك اضطراب، توتر، حب ،هيام ابسط حركة منه تسليك تفقده بدقيقه واذا غاب اسبوع تصير بارد عقلك كله معه،ويوم يكون مايعرف حجم حبك هنا تكون المصيبه...تصير تخلق الف عذر وعذر عشان تصدم فيه وتلامسه بالغلط الله لو كان معك بنفس السياره ممكن تفكر تفحط فيه بس عشان يتمسك فيك وتحس بلمسته ويوم يكون رقمه عندك تتعمد تتصل بدل ترسل لجل تروق بصوته الحب شي حلو يعطيك شعور غيير غيير تصير مثل الملك واللي مو شايلته الدنيا من سعادته بحضوره لكن له سلبياته لان روحك تغادرك بغيابه فكيف لو سمعت خبر انفصالك عنه كيف يوم تسمع ان ماعاد بتشوفه او تسمع صوته او حتى تلمحه كيف وهو اللي يمدك بطاقه كيف وقلبك بين يده...ربما يتعالج مع الوقت لكن من المستحيل بلكامل واكيد مو بسهوله... ضغط على فرامل السياره بصدمه من سياره اللي انعطفت عليه لكن ماقدر يتجاوزها وحصل الاصطدام... اصطدام امامي بين سيارتين... مما سبب تقدم الجسم لقدام وصطدامه بواجهة السياره بثلاث ثواني بس وبسبب سرعت سيارتين ارتفعت مقدمة السيارتين وحصل انقلاب صوت اصطدام السياره بلارض بقوه الدخان منتشر بعد الاصطدام القوي وخروج جسد من السياره وسقوطه على الارض مملوء بزجاج والدم.... اخر مسج: "اسمع ياذياب بنتي ماتصلح لك وبعد اللي صار اتوقع وضح لك الوضع وعندها ولد عمها شاريها ويبيها ننفصل بهدوء احسن من المحاكم" _________ في الصباح نازله وتغني لحن اغنيتها المفضله دخلت للمطبخ وهي تطلع كوب وتغسله طلعت الحليب مع القهوه:همم بارده ولا حاره اخليها طلعت الثلج وهي مبتسمه ومروقه خاصه ان مشكلتهم انحلت:وش لي بالحار خلنا علبارد يالبى اخذت كاسة شاهي حطت سكر ملعقتين وملعقه قهوه ومويه حاره خلطته ثم اخذت الثلج وحطته بالكوب نص الكوب وفوقه حليب البارد لحد ماوصل لنهاية الثلج وزياده شوي اخذت الكاسه اللي فيها القهوه مع المويه الحاره بعد ماخلطتها حطته بالكوب وردت تخلط حتى صار تمام طلعت كرميل وحطت شويه:بسس قهوه ولا احلا سوت صامولي لبنه وطماط واخذت اكلها لصاله وهي تكمل بأغنيتها جلست علكنب وشغلت اللاب اللي جابته سيتا حطت على الحلقه الثانيه لمسلسلها اخذت الكوفي وجلست مروقه مع الدراما ابتسمت بحماس بس دخل البطل باللحظه الحاسمه قبل تنضرب البطله نزلت الكوب وهي تاخذ المخده وتحضنها بحماس وشوي ترفع المخده تغطي وجها نزلت الخده وهي توقف الحلقه بصراخ:يمههه استحيي يمهه قامت من مكانها وردت قعدت ثم قامت وهي تدور ثم ترجع تجلس وهي تكلم نفسها:ياهبله عادي وش بك ترى مادرو عنك ماشافوك وش دخل تستحين؟ عادي ترى شغلت الحلقه وهي تحضن المخده وتقرب تتابع ابتسمت بخجل بس مد البطل يده للبطله وقال لها امسكي يدي ناوي يطلعها من مكان الهوشه همست:ياربيي ليش مانتزوج ناس رومنسيه كذا ياخييي ااااااااااهه(صرخت بحماس بس مسكت يده وسحبها لبرا تحت تصفيق وتصفير اللي حولهم)(صرخت بحماس)ياربي كفو والله انك كفوو وقسم بالله انك ماتستاهلينه قاطعها دخول امها:جازيي الجازي:يمه ثواني بس بشوف وش يصير ام عبدالله بحزم:سكري اللاب واسمعي ابوكك بيفركش زواجك رفعت راسها بصدمه:وشووو؟؟دقيقه وش دخل الحين مو عمتي اروى بترجع لزوجها ام عبدالله وهي تجلس:اي اروى بترجع لكن امس اتصلو اهله وقالو ان بيطلقك مايبيك مثل ماتطلقت بنت عمه وهي مالها ذنب الجازي اللي كانت تتلقى صدمه ورا صدمه:هو؟ هو قاله ام عبدالله:اي هو يقال ينتقم لبنت عمه ويقول بعد ان بياخذها بس يطلقك بيملك عليها وان بنت عمه ماتنعاف قام سطام ولد عمك قال حتى بنتنا ماتنعاف وبس تنفصلين بيتقدم لك الجازي ماكانت مستوعبه كيف هو وعدها هو قال بس يحلون الموضوع بيتزوجها هو قال انه يبيها كيف استغلها لصالح عمه والحين مايبيها قامت من مكانها بقهر متوجهه لغرفتها دخلت للغرفه وهي تاخذ جوالها اتصلت عليه بس ماكان في رد طلعت للمحادثه وهي تكتب له:"يا خاين ياكذاب ماتوقعتكك كذا ليش انا وش سويت لك هاه توقعتك غيير توقعتكك غيرر عنهممم لكن كلكم مثل بعض كلكمممم" جلست بقهرر لثواني حتى ردة تتصل وبهمس:والله ماخليكك _________ طلع من العناية المركزه وبيده اوراق الحاله وقف عند الاستقبال:ماعرفتو معلومات عنه؟ الممرض:لا دكتور حمد طلبنا من الشرطه المسوؤله اذا لقو اي اثباتات او غيره لكن السياره كانت متضرره بشكل كبير وماقدرو يطلعون اي شي منها وممكن حتى مافي دكتور حمد وهو يتنهد:ربي انجاه لكن حالته غير مستقره ومشتبه ان في غيبوبه لحد الان مافي تأكيد الممرض:اي والله امس كان الوضع يخرع الحالتين اللي جت سمعت ان الغلط على سيارة الي توفى كانت قدامه شاحنه وجا بيطوفها عساس مافي احد في طريق اللي يعاكسه وحرك يبي يطوف الشاحنه ويكمل لكن طلعت قدامه سيارة اللي بالعنايه وصاره الحادث دكتور حمد:لا حول ولا قوة الا بالله ماقول الا الله يهدا هالشباب اللي يتهورون بسواقه ولايدرون اللي بيتسببون فيهم هم عايله ولا عدد كبير الممرض:صدقت اي والله قاطعهم الممرضه اللي جت:دكتور احمد امس بوقت العمليه ماقدرت اقاطعك بس كان في ثوبه جوال ماكان متضرر مره حاولت افكه لكن في رمز و تو اتصل وتذكرته مدت الجوال دكتور حمد:الله يهداك كان رديتي عسريع ماعندنا معلومات كافيه عنه لكن قاطعهم اتصال مره ثانيه ابتسم حمد بهدوء:حظك حلو كنتي بتاخذين محاضره رد بسرعه علجوال وهو يبعد عنهم لكن صدمته عصبية اللي كانت علجوال واللي ماتركته حتى يتكلم كلمه:هلا هلااا مابغيت والله ترد سويتها هااه والله ماسكت لكك تكذب علي تخليني اساعدك والحين تبي تطلقني ياظالمم وش سويت لك انا مو قلت لي انك تحبنيي ليش تسوي فيني كذاا ليش تكذب من الاول (ببكي)ليشششش تعلقنيي فيك يا الخااايننن انصدم دكتور حمد من الاندفاع اللي صار من المتصل تكلم بتوتر:لوسمحتي الجازي:منو انت...هذا جوال ذياب؟ دكتور حمد:اسمه ذياب.!!تعرفينه يعني ضرب جبهته بغباء"كل هلكلام اكيد تعرفه ياغبي":احمم انا دكتور حمد صاحب الجوال عندنا بالمستشفى الجازي:وشش اي مستشفى وش منو وش فيه.. دكتور حمد بتوتر ماعرف كيف يقول لها من كلامها واضح زوجته:لو سمحتي بس لو تجين حنى مستشفى ال.... الجازي:طيب..بس كيف وين اجي دكتور حمد:عنايه المركزه قولي ابي دكتور حمد وانا بجيك الجازي:طيب سكر الجوال وهو يحط يده على رقبته من ورا:اوف انا خفت كيف زوجها _______ بعد مده جالس قدام الاستقبال وبيده جوال ذياب في فضول يشوف صاحبة العصبيه ذي كلها وقف بس لمح وحده عند الاستقبال وواضح عليها مستعجله تقدم لعندها وهو يسمعها الجازي:ابي دكتور حمد وين! دكتور حمد:انا ناظرت له الجازي ثم للجوال المكسر بيده بقلق:وش فيه ذياب دكتور حمد:تفضلي اول معي لداخل مشت معه بتوتر خاصه انها كذبت على اهلها وقالت بتزور صاحبتها اللي ولدت جلست بالكرسي اللي قدام مكتبه دكتور حمد:في الحقيقه امس حصل حادث وكان زوجك من بينهم الجازي ناظرت له وبصدمه:وشو طيب هو شلونه حمد بتوتر:والله مدري كيف اقول لك الجازي:اشرح لي انا سنه ثالث طب وافهم ابتسم حمد بهدوء لثواني:امس الحادث كان تصادم سيارتين قدام بعض بسرعه قويه مما سبب وفاة الشخص المخطأ اما ذياب الصباح كنه شاكين انه بغيبوبه وقبل تجين بشوي دخل عليه دكتور الاعصاب وكم دكتور واكدو دخوله بغيبوبه اثر الضربه القويه اللي اخذها هو جسميآ الحمدالله اعضائه سليمه لكن حصل ودخل بغيبوبه الله وعلم ممكن اسبوع ممكن شهر ممكن سنه تعرفين اتوقع الجازي اللي كانت ماسكه نفسها لاتنهار:ايوا دكتور حمد:ياليت بس تحطين معلوماته وتتصلين باهله الجازي قامت بهمس:طيب طلعت من الغرفه وجلست بأقرب كرسي ارسلت لاروى تكلم سعد وسكرت الجوال غطت وجها ببكي قلبها يوجعها كيف كذا الوضع صار ________ بعد اربع ساعات جالس وبعصبيه:انا انتظره ولا يجي هذا وانا قايل بطيب تنفصلون ابو حسام الجد بعصبيه:لو اني منك اروح له والله ماخليه واخلعه بالمحاكم دخل ابو عادل:استهدو بالله وش فيكم صوتكم واصل لبرا جلس وهو يتنهد:اليوم وانا طالع من صلاة الجمعه سمعت انه دخل بحادث الله يكفينا ويكفيكم شره ودخل بغيبوبه ابو عبدالله:لاحول ولا قوة الا بالله ابو حسام الجد:غيبوبه؟ ابو عادل:اي ابو حسام الجد:وماصدم الا يوم بنطلق بنتنا منه الحين بتجلس معلقه ابو عادل:استغفر ربك يبه الرجال بين الحياة والموت وانت تقول بنتنا ابو عبدالله:طيب وبنتي وش اسوي فيها ابو عادل:مايمديك الا تنتظر الخلع لازم يكون بحظور الزوج جسديآ وعقليآ والطلاق من لسانه يعني مالك غير تنتظر لين يقوم ابو عبدالله:واذا ماقام وجلس سنين وبنتي ابو عادل:ربي رد سواتكم ببنتهم اللي طلقها سطام وش ذنبها شوفو الحين تبون طلاق بنتكم ولا انتو قادرين تحصلونه "انتم تريدون والقدر يريد.. تل