قبلك الحب خرافه ومحض هراء وسفرا من اساطير الاولين - الفصل 15 - مكتملة | روايتك

_________ جالسين داخل سيارة السواق ناظرة اروى للجازي:كله منكك ياهبلهه اكيد جو من العشا ناظرت الجازي لساعه اللي كانت٩:اوفف وش جابهم الحين اروى وهي تحرك برجلها بخوف:يويلي ويلا والله لو يدري ابوي اني طالعه واني رحت لسعد ورجعني والله ليذبحني والله جازي ناظرت لها وبقهر:لا علي بعد علي صوتكك تستهبليينن محد بيدري الا يوم تتكلمين يوهه اروى ناظرت لها :طيب الحين شلون بننزل الجازي:مافي غير ننزل ونقول اغمى عليك وشلناك للمستشفى اروى:واذا ماصدقو الجازي:ماعليك ماراح يعرفون نزلت اروى ومعها جازي دخلو للبيت ناظرت الجازي بستغراب كان ابوها وجدها ابو حسام جالسين:سلام عليكم ابو حسام بعصبيه:سلام عليكم بعد ولكك وجهه يا الفاسقهه تسلمينن هاهه ناظرة الجازي بصدمه لجدها:وشو ابو حسام:تحسبين ماندري وش انتي مسويه هااه ياللي ماتستحين على وجهكك اروى كانت متصنمه ومنصدمه بينما الجازي تفكرر بوش اللي يدرون عنه تكلمت بحذر:وش انا مسويه؟ ابو حسام وهو يقرص لها بعينه:متصل علينا السواق يقول رايحه مع بنتي لشقق يالي ماتستحين على وجهك يالي ماعرفنا كيف نربيكك الجازي كتمت نفسها احسن ماتروح وتذبح كومار:جدي اولاا انا رحت اللغي اشتراكي مع عياده طبعا بفضلكم ماقصرتو خربتو زواجي قبل يجي حتى وامي ماترضا اروح بروحي كلمت اروى تروح معي ابو حسام بصراخ:ومنن متى المطلقه تطلع من البيت هاه وهي تو حتى ماخلصتت عدتها الجازي بقهر:اصلاا المفروض ماتطلع من بين زوجها الا يوم تكون ثلاث طلقاتت ابو حسام بعصبيه:تهبيين اي والله تهبيين ابو عبدالله بعصبيه:جازييييي ناظرت لهم الجازي بقهر:وشوو ماسويت شي غلط انا رحت اللغيهم واخذتها معي البيت فاضي كان وش فيها يعنيي ناظرت لاروى:امشي نصعد فوق نتابع لنا فلم سحبت الجازي اروى وطلعت فوق تحت صراخ جدها:ساعه بسس يابنت احمد ساااعهه ماعاد اشوفك عند بنتي ولاتقربين صوبهاا دخلت الجازي للغرفه وسكرت الباب وقفلته جلست اروى:يمهه قلبي وقفف الجازي بضحك:هههههههههههههههههههه وقسم بالله كنت بموت لما قال عبالك مانعرف وش مسويه اروى:ولك خلق تضحكين تخيلي يدرون والله ان ينحروني الجازي:خلينا منهم قولي لي المهم هاه تحسين بشي اروى ناظرت لها بصدمه:هي سلامات يا الاخت هذا وانتي دكتوره الجازي:ذليتو امي دكتوره ودكتوره ترى توني ادرس اروى:مدري عنك مو صاحيه وش تحسين بشي روحي بس انزلي وروحي بيتكم مب فاضيه لكك الجازي:احلفي بس هذا وانا مزينه لك الموضوع اروى:الا جد الحين وش نسوي تخيلي ماصار حمل الجازي:يابنت مدري مثلي مثلك بروح للبيت وبشوف وش الخطوه الثانيه وارسلها لك اروى:طيب انزلي سريع لايجلدك ابوي الجازي:ههههههههه هذا اللي بيصير وصحيح نزلت الجازي بعد ماارسلت لابوها انها تنتظره عند السياره طلع لها ابوها واخذت منه محاضره تليها محاضره والكثير من المحاضرات بينما كان كل تفكيرها ترجع البيت وتنام ________ مر شهر واسبوعين على ابطالنا كان من اسوء الشهور الجازي مثل ماتوقعت الطلعات والدخلات صارت قليله بنسبه لها واروى ماقدرت تروح لها بسبب جدها صارت مناوشات حول الطلاق اصرت ام اروى ان ينتظرون ثلاث اشهر حقت الطلقه الاولى طبعا بعد ماترست الجازي راسها بان احتمال اروى حامل وبتتبهذلون لو طلقها بلكامل وطبعا الجد ينتظر الثلاث شهور تخلص بس عشان يخلص طلاقهم جالسه بملل تناظر للفلم اللي قدامها قصرت على صوت وهي ترد على ابتسام:الوو ابتسام:هلا والله هلا بالمعلقه الجازي:تطقطقين ابتسام:وش بك خلي روحك مرحه المهم وش الوضع الجازي ناظرت للاب بملل:ابد جالسه وناظر فلم ابتسام:تستهبلين تدرين وش اقصد الجازي:بعد ابد ماتغير شي امي تقول لان سطام طلق بنتهم خلاص ممكن زواجي بيتم لكن الله وعلم متى وبعد تقول ويمكن لا على قولتك معلقه ابتسام:اهه الله يعين يابنت طيب اروى ماشفتيها ؟؟ جدي مو راضي يطلعها امس رحت لها ومعصب يقول البنت اللي تعصيني وتطلع من البيت ماخليها حتى تطلع من غرفتها الجازي ضحكت بأستخفاف:عز الله رجالنا مخهم يفتح النفس ابتسام:مره متخيله والله رحت اكثر من مره ومو راضي كل هذا معصب الجازي:حبيبتي تلقينه خايف نغسل مخها لين تمر ثلاث شهور ويطلقها رسمي ابتسام:مسكين مايدري انها رجعت وخلصت الجازي:المهم انا احتمال بروح لها بعد كم يوم بعد يبي نتأكد اذا تم الموضوع او لا ابتسام:ايوا صح ترى ماباقي الا شهر تقريبا واسبوعين وتخلص العده الجازي ناظرت لباب غرفتها بستغراب:ايوا..ابتسام شوي واكلمكك ابتسام:وشو؟ الجازي:بشوف شي وارجع اتصل عليك ابتسام:طيب سكرت الجازي ثم قامت بشويش وفتحت الباب ناظرت بأستغراب:اتخيل؟ نزلت لتحت وهي تنادي على الشغاله:سيتاا..يا سيتااا جت لها الشغاله :نعم الجازي:امي وين؟ سيتا:مافي احد بيت بابا روح شغل ماما روح بيت ماما كبير وفي ياخذ حمودي عبدا.. الجازي:بس بس بسم الله طيب انتي رحتي فوق؟ سيتا:لا انا في مطبخ الجازي ناظرت لفوق بخوف:اقول سيتا سيتا:شنو في الجازي:انا سمعت صوت فوق ..وش رايك تروحين تشوفين ناظرت لها سيتا بخوف:لا جازي انا في خوف انتي روحي شوفي جازي نطت برعب وهي تتمسك بسيتا بعد ماسمعت صوت شي يتكسر فوق:يمهه بسم الله جوالي فوقق ..سيتا انتي قويه روحي شوفي سيتا تمسكت بالجازي وبخوف:انا مايقدر انا موت بعدين انا يخوف روحي انتي شوفي هذا بيت مال انتي ناظرت لها الجازي بقهر:والله انك ماتستحين مشت بشويش وراها كانت سيتا رجعت على ورا بخوف وصراخ لما نزلت عليهم البسه(القطوه):يمهههههههه ركضت الجازي لاقرب كنب وهي توقف فوقها:ابوك ابوكك ابوو من جابك يمه يمه سيتا بعديها بعديها لا اموت ضحكت سيتا وهي تاخذ المكنسه وتحرك البسه لبرى:انا فكر في حرامي هههههههههه الجازي مسكت المخده الصغيره وبخوف:بعديها اول بعدين سولفي على كيفكك طلعت سيتا البسه على برا ودخلت بعد ماسكرت الباب :شنو يبي عشا الجازي جلست بتعب:سيتا اول روحي جيبي جوالي جوالي فوق عند غرفه وبعدين سوي باستا سيتا:باستا ابيض مع ذره مشروم؟ الجازي:ايوه مدت جازي يدها واخذت جهاز التلفزيون دخلت سيتا وهي تمد جوالها جازي:سيتا افتحي تلفزيون وبعدها روحي مطبخ توجهة سيتا لتلفزيون وهي تتحلطم:كلو شغل انا انا الجازي:لاتكذبين ترى حتى انا اساعدك طلعت سيتا ودخلت الجازي تسولف مع ابتسام وتقول لها الموقف اللي صار مع البسه قاطعها اتصال من رقم غريب ردت بستغراب:الوو ...:الوو جازي الجازي بصدمه:اروى؟؟ اروى:خذيت جوال الشغاله الجازي كاتمه الضحكه:مسكينه والله حاسه فيك صدقيني اروى:جازي مااحس بشي يعني مافي احساس اني حامل شكله مافي وش اسوي الجازي:اسمعيني انا متواصله مع ذياب طبعا بدون يدري ابوي المهم وقال لي اذا ماصار حمل مثلي انك حامل اروى:تستهبلين كيف امثل الجازي: مانقدر ننتظر اللين تكتمل ثلاث شهور لازم قبلها فا عادي قال تمثل انها حامل ويوم تروحين تحللين نزور لك ورقه تثبت الحمل وقتها بتصير عدتك عندهم انه حتى تولدين يمدي يرجعك لقدام اروى:ادري بس كيف وانا مو حامل الجازي:يعني بكذا ياقلبي زوجك بيجي ويصر عليهم انه يرجعك واذا مارضو عادي تطوف الثلاث شهور وهو يصر لين يرجعك وبعدها نقول اوبااا طاح البزر ماتم الحمل عادي وش عرفهم اهم شي انه بيكون مرجعك وش بكك اروى:طيب متى نسويها خطتكم الجازي:عز الله مستعجله انتظري اسبوع يوم اجي عندك اروى:ابوي مابيخليك تشوفيني انتي بذات الجازي:اسمعي يوم الخميس بعد اسبوع يعني بجي العصر حلو وقتها لاتطلعين صوت ومثلي انك تعبانه وانا بداهم غرفتك وسوي انه اغمى عليك وانا اصحيك طبعا بجيك لان اعرفك تضحكين اروى:طيب واذا جو الجازي:اقول لك انا بسوي اني اصحيك وانتي عاد سوي انك صحيتي وتعبانه ونشيلك للمستشفى وقتها بكلم ذياب يجهز الاوراق اروى:طيب واسمي وبطاقتي كيف يزور الجازي:سعد عنده كل شي عنك ماعليك اروى بهمس:طيب باي اسمع صوت احد الجازي:ههههه ذكرتيني بنفسي قبل هههههه بايي سكرت منها ودخلت للمحادثات دخلت لقروب صاحباتها عقدت حواجبها وهي تشوف رد بنت خالتها وانها ضايقه طلعت وهي تدخل خاص لعندها:"بنت اتصلي بكلمك" ثواني وصل لها رد:"اوك" ضغطت على ايجابه:ياهلا ببنت الخاله المغبره ...:ههههه انتي المختفيه جوجو الجازي:وش بكك بالقروب كاتبه ضايقه وشوي تضحكين واضح فيك شي ريان ريان:يارب مرات ودي اجيبك انتي لي عندي وتصيرين مكاني بيوم الجازي بستغراب:ليش وش بك؟ ريان:تخيلي امس مجتمعه مع عماتي تعرفين علاقتي فيهم سحطيه وقامو يقولون انتي اسمك اسم ولد ويطقطقون انقهرت وامي قايله لي لاتردين عليهم بعدها بيقولو انك قليلة ادب ياخي انقهرت مرات ودي لو شخصيتي كانت اقوى ودي لو اعرف ارد احسني عديمة شخصيه ماعرفت ارد اخاف حتى احس لو رديت بياكلوني الجازي:من قال انك عديمه شخصيه؟اسمعي صدقيني كل انسان له شخصيه مستقله ريان اللي بكت:جازي والله تعبانه كل شي ضدي امي اهلي الناس الكل احسني مكبوته ماقدر ارد ولو رديت بيقولون مو متربيه وامي بس تقول انتي شخصيتك وشخصيتك احس بمووت ااههى الجازي عدلت جلستها وبجديه:ريان حبيبتي اسمعيني والله شخصيتك قويه والله انتي قويه الكل قوي مافي احد صغيف لكن لانكم تمسكون نفسكم ماتتكلمون ولا الكل قوي مافي احد ضعيف بهدنيا واللي تحسونه له شخصيه قويه حبيبتي الكل يكتسب من اللي حوله محد يصير قوي شخصيه كذا تلقين مر بتجارب كثير ترى التجربه هي اللي تعلم وتدرس انتي الحين مثلا مريتي بكثير امور بنهايه انتي تتعلمين منها تعرفين كيف تحكمين بنفسك مثلا غيرك مامر بلي مريتيه فا مايعرف يتصرف فهمتي كل شخص حسب مواقفه ...عمركك لاتسكتين قولي وتكلمي واخذي حقك بالكلام لاتخافين من احد واللي بيرد انك قليلة ادب قولي انا مارديت الا بالحق ماغلطت على احد وحتى ليش تردين وتتعبين نفسك حبيبتي لاتخلين اي احد ينرفزك اعطيهم نظره بس تسكتينهم راسك دايما على فوق عمرك لاتنزلينه واسمعي حولك ولاتتكلمين كثير اسمعي وشوفي ذي وذي وذي كيف شخصياتهم حللي وانتي جالسه تتقهوي ولا تاكلي اوك ماقول خليك دايما ساكته لكن انفلتي عند صاحباتك اللي مثل مودك اما الغريب خليك رسميه معهه فاهمه علي ريان ريان:ايوا ..طيب وش ارد انا منغبنه الجازي:عن اسمك؟ ريان:ايوا الجازي:قولي لهم ماضر نور الولد ولا نور البنت ولا كلآ ياخذ من اسمه نصيب زين ماختارت امي باسمي حبيبتي ولا من الاخر ليش تتعبين بلكلام قولي لهم صدق ؟ ماذكر طلبت رايك ريان:ههههههههه امي بتنجلط لو قلتها الجازي بروقان:اي اضحكي يالبى الضحكه وراعيتها تخيلي امانه تخيلي ازعل عشان ناس والله اخر همي انا ادري ان لكل انسان مشاعر وقلب وادري انك تتاثرين لكن لاتخلين هشي يقتلك من جوا ويحسسك بنقص لما تحسين جد انك انقتلتي من داخل لاتبكين ولاتكتمين تعرفين طريقك وين تعالي عندي اعطيك شي دافي يرد ينعشك من داخل واحضنك واقول لك احبك واقول انتي قويه وانتي ولا احلا منك وازيدك طاقه نفسيه بنفسك وثقهه اوكك ريان:شكلك ودك تبكيني وش ذا الكلام الحلو الجازي:عمري انا كلا ولا صاحباتي كيف لو بنت خالتي اي شخص حبيته لو شوي بس انا مارضى عليه انا دام اني ممكن اساعد بكون موجوده لكم وش لقينه من الدنيا يابنت كلها هموم ومشاكل حلو انك تدخلين على صاحبتك وتعبرين عن اللي بقلبك وتعطينها كلام وتقوينها ريان:عاد انا اكره هشي يوم احد يرسل كلام وكذا احبك ياصاحبتي ومدري وشو الجازيي:انا اكثر منكك اكرهه انا اقصد تعبير من قلبب من اصابع يدك بالكيبورد اما نسخ لصق احس مافيها احساس المهم ماعلينا يوم تتضايقين تعالي عندي فاضيه رسوم الدخول ١٢ ريال لدقيقه ههههههه بعدت الجوال وهي تشوف كم مدة سالفتهم:انا وياك تقريبا خذينه٢٥ دقيقه ههههههههههه يوم اسكر بحسب كم ريال عليك وادز لكك الحساب كامل ريان:يهب وجهك انا قايلهه البنت هذي ماتفتح قلبها ببلاش ههههههههههههههههههههههههه خلاص بكرا الجمعه لاجيتي بيت خوالي جبت لك معي كوفي الجازي:مدري يمكن مااجي ترى امي تفصل مرات ههههه بس اذا فيها كوفي بقول لها ريان:ماتفوتين الجازي:افا عليكك ههههههه يالله حبي بروح اتعشا بطني اهم الصراحه ريان:عوافيي الجازي:يعافيك وايي اسمعي برسل لك كلام انسخيه وسوي لصق وارسلي بقروب عماتك هههههههه ولاتردين اطلعي لين يسألون ويسألون ويروح سؤالهم لفوق ويوم يقولون ليش ماجاوبتي بعد فتره قولي مو فاضيه وانتو ماشاءالله تسولفون اربع وعشرين ساعه يعني نغزه انهم فاضين ههههههههههههههههههههه ريان:ههههههه اوكك سكرت الجازي وطلعت تكتب لها:"في ناس شغلها في الحياة بحث وتنبيش في امور الغير محاولين الصراع معهم الصراحه كثير منهم في حياتي تدرون كيف اتعامل معاهم ارتشف من كوب قهوتي واستمتع بمشاهدتهم يتكلمون ويتكلمون للجدران خلفي انفعالاتهم عروق جبينهم البارزه من الارهاق النفسي والضغط على عقولهم منظر جميل يمدني براحه النفسيه كيف يتصراعون ولا ابالي" الجازي:"ههههه امانه دزي لهم وقسم كذا وقتها ماعاد حتى بيكلمونك ههههههههههههه" ريان:"يمهه جازي والله تخيلي تجيهم جلطه رسميه" ريان:"بدز ومابدخل القروب اسبوع هههههههههه" الجازي:"كفو حبيبتي مابقى الا هم يزعلونكك " سكرت الجوال وهي تسحب الاكل اللي جابته سيتا من دقايق:يالبييهه اخخ وش احلا من الاكل بس امانه احبكك يا الاكل يازينك قاطعها صوت سيتا اللي جايه تنظف بالمكان:انتي في مجنون حمدالله وشكر مخ مافي سوي كلام مع اكل الجازي ناظرت لها بستخفاف:الله يخلف اجل اسولف معاكم انتو ونكدكم(ناظرت الاكل وهي ترسل له بوسه)السموحه على المقاطعه ياقلبي ياخي والله انت المظلوم تشبعنه وتوكلنا ولا تزعل يوم نلف فيك يمين يسار بالملعقه وصابر ومتحمل وكل يوم طعمك حلو انت الصديق كل الناس موتا الا انت يالبى سيتا صرخت بعصبيه:خلاص كله قرقر قرقر اكلي اكل يصير بارد انا ماراح يسوي حار ترى هاه في قول عضت الجازي على شفتها بغضب ثم ناظرت سيتا من فوق لتحت:بتروحين ولا شلوننن كيفي ياخي اخذت جوالها وهي تحط لها شي تتابعها وجلست تاكل _______ مر اسبوع اخر على ابطالنا لكن هلمره ماكان كا اي اسبوع لان بيبدون ينفذون خطتهم نزلت الجازي من السياره متوجه لداخل بيت عمانها دخلت وهي ترسل لذياب"انا الحين داخل راح نسوي اللي قلته وبنوديها اكيد لاقرب مستشفى عندنا مستشفى ال... جيب الاوراق عنده" وصلت لها رساله من ذياب:"مافي سلام عليكم سيده تتشرطين" ذياب:"ابشري انا طالع للمستشفى الحين" سكرت بدون ترد عليه حتى دخلت لداخل:السلام عليكم جده ابو حسام :انتي وش جابك هنا هاه هذا وانتي معلقه تطلعين وتجين لاحسيب ولارقيب هااه الجازي:ترى سلمت ياجدي ورد السلام واجب ابو حسام:تهبيين اي بالله تهبيين مابقى الا انتي تعلميني الاصول وش جابك عندنا هاه ناويه على مصيبه ثانيه الجازي جلست وهي تبتسم بهدوء:افا بس ياابو حسام تقول عني كذا افا هذا وانا جايه مشتاقه جايه اسلم عليكم ابو حسام:يوم انك مشتاقه وراك ماسمعتي الكلام هاه عمره كلام الرجال ماينكسر ولما قلنا ماتطلع اروى من البيت تقومين تطلعينها ليش الجازي"رجال رجال رجال محور الكون مو رجال والله انكم ماتسون رجل دجاجه":السموحه يابو حسام الانسان يخطي وانا اخطيت واعترف..الحين عادي اروح اسلم على عمتي اروى والله عيب شهرين تقريبا ماشفتها ابو حسام ناظر لها لثواني وهو يقرص بعينه لحتى رجع يناظر للقدوع قدامه:روحي سلمي عليها قامت الجازي ببتسامه:طيب مشت وهي تهمس:واخيراا مابغينا نسوي خطتنه طلعت لغرفتها وضربت الباب ثلاث ضربات مثل ماتفقت مع اروى:عمه الجازي:عمههه الجازي:يا اروى الجازيي بصوت اعلى:اروىى افتحي الباب انا الجازي الجازي بصوت اعلى وشبه صراخ:ياعمهه وراك مقفله الباب افتحي عمهه يا اروىى الجازي بصراخه:اروى افتحي الباب اروىى(ناظرت لورا وهي تمثل الصراخ)اللحقوووو علينا ياجدييي لفت للباب وهي تضرب فيه وبصراخ:اروىىى اروىى صعد الجد وطلعت الجده من الغرفه على صوت صراخ الجازي ابو حسام:وش فيه الجازي بتمثيل :يايبه اروى ماترد انادي وانادي عليها مافي صوت ضربت الباب ماترد يوم جيت بفتحه مقفلل ابو حسام بتوتر:ياحرمه قومي جيبي مفتاح الثاني طلع جواله وهو يتصل ب سالم ولده ابو ابتسام اخذت الجازي المفتاح من جدتها وفتحت الباب وقبل تدخل وضحت صوت القفل لاروى اللي داخل مسكت ضحكتها على اروى اللي كانت مثل ماتفقت معها لابسه عبايتها وتمثل انها كانت تصلي واغمى عليها طبعا العبايه لان الجازي تدري لو بدون عبايه وجت بتلبسها اروى بتجيب العيد ياتفتح عيونها او تضحك تقدمت الجازي لها وهي تجلس عند راسها وتقربه لحضنها حتى مايلاحظونه:جده قولي لشغالتكك تجيب مويه البنت مغمى عليها نادت الجده الشغاله اللي دخلت ومعها كاس المويه اخذت الجازي الكاس وهي تاخذ مويه تمسح وجهه اروى فيها وتضرب بخدها بخفه فتحت اروى عيونها بخفه وهي تمثل التعب تقدم الجد بقلق:هاه صحت؟ الجازي بتمثيل:ايوا بس شكلها تعبانه ياجدي خنوديها للمستشفى الجد بقلق اكثر:يالله اجل وقفت الجازي وهي توقف اروى معها دخل سالم ابو ابتسام بقلق:وش بها اروى الجد:قم ود اختك للمستشفى مغشي عليها بغرفتها محد درا عنها ابو ابتسام بقلق مسك اروى من علجنب مع الجازي:اجل مشينا نزلت الجازي معاهم متوجهين للمستشفى بالسياره همست الجازي باذن اروى:الاوراق راح توصل لي هناك انتي بتاخذين تحاليل اللي تطلببها منك الدكتوره وانا بكلمها على صوب اول مايطلعون الاوراق اوكي اروى همست:طيب وصلو للمستشفى وجلست اروى بمساعدة اخوها ابو ابتسام على الويلجير دخلو بعد مااخذو رقم طلعت الجازي بعد مااتصل عليها ذياب:الوو انت وين؟ ايوا انا واقفه قريب عند ال... ذياب اللي لمحها من بعيد تقدم لعندها وهو يمسكها من كتفها:خلاص لقيتكك لفت الجازي له وبهمس:وقفت قلبي ذياب ببتسامه:بسم الله عليه(مد لها ظرف)الاوراق هنا انا بمشي قبل يشوفني احد ماوصيك ادخلي بسرعه لدكتوره وفهميها الجازي:طيب لو قلنا انها حامل تخيل لو مارضو انها ترجع ذياب:بابا ماعليك وقتها مايمديهم لان بيشتتون الطفل الجازي بهمس:يارب يمشي كل شي ابتسم ذياب بهدوء:اقول من زمان عنك ناظرت له وبحراج:انا اللي اقول روح احسن مايشوفني احد يعرفني ترى قريب من بيتنا المستشفى تركها ذياب وببتسامه هاديه:طيب عادي حرمتي ترى كان المفروض انتي في بيتي من قبل كم اسبوع الجازي بحراج:طيب طييب ندري ترى ..انا بروح ذياب مسكها من يدها:دقيقه بقول لك الجازي بقلق :وش ذياب وهو ينتهد:ترى احتمال هذي اخر مره اشوفك انتي تدرين ان هذي الخطه لو مانجحت بيصر ابوك وجدك واللي حولنه يخربون زواجنا انتي فاهمه علي؟ جازي انا ابيك وشاريك خليها ببالك وحتى لو ماتم الموضوع تأكدي طلاق مابطلق لو تجلسين معلقه سنه غيري مااعطيك الجازي :شوف ذياب انا من اول لما وافقت عليك ماكنت اعرفك كان زواج اهل لكن يشهد الله علي ان معزتك كبرت بقلبي وشفت جوانب حلوه فيك صدقني سواء كنت نصيبي او لا فا انت بتكون شخص مميز بحياتي ذياب ابتسم بهدوء ماسك نفسه احسن مايخطفها ويخلي الكل ينهبل وراهم:طيب الحين يوم تروحين مابشوفك الا ان شاءالله يوم ارجعك بالغصب(غمز لها)فا وش رايك نلعب لعبه ناظرت له الجازي بستغراب:وش لعبته ذياب:مب هنا بقولها لك يوم ترجعين الحين روحي اكيد جا دورها الجازي بستغراب:طيب ناظر لها لحتى دخلت همس لنفسه:يالله صبرك والثبات طلع جواله وهو يتصل بسعد يخبره بالوضع ________ عند الجازي واروى طلعت ورقت تحاليل بعد مده قامت اروى بسرعه مع الجازي اخذو الورقه وسحبت الجازي اروى ودخلو لدكتوره:سلام عليكم الدكتوره:وعليكم السلام جلست الجازي وقدامها اروى:دكتوره الله يعافيك اسمعي لين الاخر حنى في مشكله بين اهل زوجها واهلنا فا ناوين يفصلونهم عن بعض ومافي امل يرجعون الا بخبر حملها الدكتوره:ايوا؟ الجازي:فا بليز حنى نبيك تقولين لعمها برى انها حامل وتكسبين فيها اجل وتصلحين بيت كان بينهدم الدكتور بستغراب:هو ليش بنكذب اصل هي حامل بجد الجازي :......... اروى:........ جازي:منو حامل؟ الدكتوره:الست اروى اروى بصدمه وغباء:انا؟؟ الدكتور بستغراب اكثر:ايوا حامل تقريبا بقائلك شهر الجازي اشرت بصدمه لاروى:ذي حامل؟ الدكتور بستغراب اكثر:الله..وانا بقالي بقول اي صارلي ساعه سحبت الورقه منهم وهي تفتحها:بصوو هينا مكتوب تحاليل هيا حامل وراح نفتح لها ملف كمان الجازي ناظرت لاروى وبقهر:جازي مو حامل انا مااحس انا مافيني اعراض اروى برتباك:وش وش دراني انا ترى مو كل يوم حامل قامت الجازي وهي تسجد شكر لله وقفت ومبتسمه:الحمدالله يارب وناسهه ناظرت لدكتوره:دكتوره طلب اخير الدكتوره:شو كمان الجازي:قولي انها حامل صار لها شهرين ______________________