قبلك الحب خرافه ومحض هراء وسفرا من اساطير الاولين - الفصل 13 - مكتملة | روايتك

مر على ابطالنا شهر واسبوعين من اخر لقاء بينهم انشغلت في الجازي باختباراتها القصيره وبدايات التجهيز طبعا ماخلت من الاتصالات بينهم بين فتره وفتره وبكل مره كانت تتمنى مايسكر لان بنظرها سوالفه ماتنمل في غرفة بطلتنا جالسه وبيدها الكتاب وتذاكر اختبارها بكره او نقول ترسم على طرف الكتاب بتفكير وهمس:مر شهرين وباقي ٧ شهور بس على زواجي سبع... قاطع سرحانها اتصال من جوالها ناظرت له وكان"ذياب" همست بستغراب:غريبه ليش متصل بلعاده مسج ابتسمت وهي تبعد الكتاب:ههههه جا بوقته احمم(ناظرت للجوال ولحد الان يتصل)ايوا يعني ثقيله ههههههههه سكر الاتصال لثواني حتى رجع يتصل عدلت جلستها وردت:الوو ذياب:حي الله هصوت الجازي:يحييك الجازي:غريبه متصل! ذياب:ما الغريب الا الشيطان ذياب:ابد قلت اسولف معك شوي..مشغوله؟ الجازي ناظرت لكتابها:همم تقريبا جالسه ادرس ذياب:اها اجل اسكر خليك تكملين الجازي تكلمت بسرعه:لا دقيقه بخجل:شوف نسولف مسج منها ادرس وبعد ارد عليك لان بعد مليت من اجواء الدراسه تعرف هههه ذياب:طيب اجل الجازي سكرت منه وهي تحذف الجوال بحراج:انا وش قلتت وش اللي مسج صدق اني ماستحي على وجهي ناظرت لكتابها:بس لو نفكر شوي يعني ملل وسوالفه ماينمل منها ...يارب وش بك ياجازي ياهبلهه قاطعها صوت المسج اللي وصل لها مدت يدها واخذت الجوال وهي تناظر للمسج ذياب:"الجازي؟" دخلت للمحادثه وهي ترد:"هلاا" ذياب:"سؤال شاطح وش كانت مواصفات زوج المسقبل" ناظرت لسؤال لثواني ثم ابتسمت بخبث:"شفت مواصفاتك-فيس مستحي-" ذياب:"ههههههههههههه ماعرفتك يارومنسيه" الجازي ناظرت لرده ثم اكتبت:"عكس مواصفاتك اقصد -فيس مستغرب-ههههههههههههههههه" ذياب:"_فيس غير مهتم_اجل وشوله وافقتي يوم خطبتك" الجازي كتبت بستهبال:"تبي الصدق عاد ماكنت ابي اتزوجك" ذياب:"؟؟" الجازي كتبت وهي ميته ضحك:"لان عندنا ماناخذ الا من العايله يعني مثلا امي تزوجت ابوي وجدي متزوج جدتي وكذا يعني فهمت" ذياب:"جازي" الجازي:"هلا" ذياب:"تتعاطين شي انتي؟" الجازي:"لا الحمدالله" ذياب:"اشك صراحه" الجازي:"لا جد انا لو بكمل ماراح ادرس اكلمك بعدين باي" ذياب:"باي؟؟" ذياب:"كذا حاف بدون قلب علاقل" ذياب:"جافه كذا؟" ذياب:"اكلم نفسي؟" عند الجازي اللي كانت جالسه تستوعب السخافه اللي قالتها مسكت شعرها بصدمه:خربت مسيرتي الزوجيه وش السخافه اللي قلتها انا وششششش ناظرت للكتاب:انسي انسي يالله انتي ماكلمتيه كان حلم ايوا والحين عندك اختبار ولازم ندرس ايوا مسكت الكتاب وهي تردد لنفسها ان لازم تنتبه وتدرس _____ مر اسبوعين كانت بطلتنه تختبر فيهم طبعا كل اسبوع اختبار لماده ومقسم على شهر باقي لها اخر اختبارين هلاسبوع واللي بعده جالسه مع امها واخوها الصغير:يمه انا مليت ابي اطلع ام عبدالله:تروحين للجامعه وترجعين هذا وش مو اسمه طلعه؟ الجازي بقهر:يمهه ابي اطلع اتمشا مبب من جامعه للبيت مو من جدكك ام عبدالله وهي تهدي حمودي اللي يبكي:اقول قومي سوي شاهي ودفي العشا لاخوك عبدالله اخلصي يالله الجازي:يمهه ام عبدالله:قلت لكك قومي يالله شكلك مليتي ماعندك شي هذا من الرفاله والله قومي اشتغلي شوي تنسين الطلعه قامت الجازي بقهر للمطبخ وهي تسمع امها:البنات الجيدات مايفكرون بطلعات تروح للمطبخ وتتفنن بطبخخ مبب هايته بشوارع الجازي صرخت بقهر من المطبخ:يارب اصير هايتههه علاقل هايته ومستانسهه مو جيده ومكروفه ام عبدالله بعصبيه:اي صرخي صرخي خل يطلع ابوك من المجلس والله يا جازي اخليك تغسلين مواعين البيت كلههه الجازي بتحلطم:ياربيي خلاص اسفههه اخذت ابريق الشاهي وهي تحطه على النار مع السكر رفعت المقله وهي تدفي العشا اللي سوته الشغاله بقهر بس دفته سكرت النار وهي تنتظر الشاهي يخلص:يارب انا ابي اطلع خلاص مليت ناظرت للمسج اللي وصل لها كان من ذياب:"سلامم" ذياب:"كيفك" ابتسمت لثواني وبهمس:جا بوقته اروق شوي ردة عليه:"بحير" ردت كتبت بسرعه عشان تصحح:"بخيو*" كتبت بنرفزه:"بخي" وصل لها صوت امها:جازييي سوي لحمودي حلييب كتبت له بنرفزه:"وانت وش دخلكك ياخيي" سكرت الجوال وهي تطفي نار على الشاهي وتسوي لحمودي حليب ام عبدالله:جاازيييي الجازي بقهر:نعممم الجازي:هلااا الجازي بقهر:كومااارييي مو جاازيييييي ام عبدالله:وجعع ان شاءالله صوتكك يالي ماتستحيي يوم تخلصين تعالي عشانن تحطين جوالي على الشحنن فاهمههه ام عبدالله بصوت عالي :فاهمه؟؟؟؟؟ الجازي وهي بتصيح خلاص:فاهمههه والله فاهمهههه ام عبدالله:غصب عنك اخلصي يالله اخوك جوعان الجازي بهمس:انا اعلمك ياسيتا شغاله على الفاضي"صرخت بقهر"سيييتااااااااااااااااا ام عبدالله:جااازيييييي وجععع الشغاله تشر الملابس بسطح عشان الصباح تلقاهم ناشفين الجازي وهي تروح لامها وتحط الشاهي وتعطي حمودي حليبه وترد تاخذ جوال امها على الشحن بصياح وقهر:كله جازي جازي جازي والله لاغير اسمي ام عبدالله بروقان:قومي اغرفي لاخوك من العشا وودي له بلمجلس اخلصي الجازي بصدمه:لا والله وش كبره عمره١٥ مايعرف يجيب لنفسه ام عبدالله وهي ترشف من الشاهي :لا مايعرف يالله اخلصي مشت الجازي بنرفزه وهي تهمس:اجر جازي احتسبي الاجر امك لازم تكرفين عشانها كملت وهي تغرف لاخوها ثم تشيله للمجلس دفت باب المجلس وبقهر:وصل الاكل يا ملك الحيوانااتت قام عبدالله بفشله وهو يسحب الصحن منها وبهمس:وقسم بالله انك فضيحه انتي وصراخك الرجال سمع كلل شي ناظرت الجازي لعبدالله وهي مارفعت عينها على ذياب ابد بفشله:والله لتموت اليوم عبدالله بصدمه:انا شكوو قاطعهم ابو عبدالله:جازيي وش الصراخ اللي قبل شوي هاه الجازي بفشله وترقيع:يبه تدري بالجامعه قالو في مسرحيه وكذا ويبون ناس تشارك ويعطون درجات فا هذا كان النص حق المسرحيه وانا كانت شخصيتي فرعيه وهي بنت مسكينه يبه ماتقدر تتكلم الا بصوت عالي وتصرخ فيها مرض وندرس عن هلمرض وانا مثلته فا قلت اتدرب بالبيت وبعد صادف البنت على مرضها قليلة ادب فا تعرف كذا صار الوضع عبدالله اللي حط اكله على صوب صفق جبهته بصدمه من الفلم اللي سوته اخته بثواني ابو عبدالله بعدم اقتناع:اييه روحي داخل وانا ابوك الجازي بفشله:طيب عبدالله:يبه شوف مطر فتح عبدالله شباك المجلس بروقان:يالبيه ريحت المطر دخلت ام عبدالله:يويلي مطر...عبدالله قم مع اختك لسطح تشيل الملابس الشغاله تنيم اخوك اخلص عبدالله:يمه جالس اكل اسف بطني اهم ام عبدالله ناظرت لذياب ببتسامه:ياهلا والله حي الله من جانا قام ذياب يسلم عليها:يحيك ويبقيك نغزت ام عبدالله الجازي ببتسامه:يويلي يا الجازي ماسلمتي على رجلك قومي سلمي تقدمت الجازي بحراج وهي تسلم عليه قشعر جسمها لما حط يده قريب خصرها وهو يسلم رجعت على ورا بحراج:ي يمه بروح اشوف الملابس ابو عبدالله:وين رايحه انتظري يخلص عبدالله يروح معاك ام عبدالله:وين ياحمد المطر اللحين بيوصخ الملابس والشغاله تو مغسلتهم ذياب:افا ياعمي تنتظر وانا موجود الحين اروح معاها تشيلهم ام عبدالله وهي تجلس:اي والله بعد منت بغريب وانا امك البيت بيتك وماعندنا غير الجازي والباقي عيال ابو عبدالله:اجل عجلو لاتبطون(لاتطولون) الجازي بفشله"بنطول وش بنسوي مثلا":طيب ناظرت لذياب وبفشله:تعال ادليك الطريق قام ذياب معاها وبس طلعو من المجلس صعدت لدرج وطول الوقت كانت هاديه لحتى وصلو لباب السطح ضربت راسها بخفه بالجدار وهي تغطي وجها تراكا ذياب على طرف الجدار:هههههه وش بكك الجازي لفت وجها وهي تناظر له بفشله:وش اللي انا اروح معاها الحين ابوي وامي بيسون فلم بمخهم يالي ماتستحي على وجهك ابتسم وهو يقرب لها لدرجة ماكان بين تلامس انفهم الا شوي وبهمس وعينه بعينها نظراتها توترها كل شي فيها يجذبه:همم وش عرفك يمكن يكون واقع مو فلم بعدت الجازي عنه بصدمه وهي تضم نفسها:يالي ماتخاف ربكك ناظر ذياب لشكلها كيف حاطه يدها:هههه يعني يوم تسوين كذا ماقدر عليك وبعدين وش ماخاف ربي قرب لعندها لحتى لصقت بالجدار الجو كان خيالي مع صوت المطر وريحة الجو معه قرب ذياب لعندها لحتى لصق فيها تقريبا وانعدمت المسافه بينهم نزل لمستوى طولها وشفته قريب من اذنها وانفاسه تضرب برقبتها يده كانت على جوانب خصرها يثبتها عن الحركه وكم كان هشي محطم لقلبه بس من لمست خصرها وبهمس:ياحلوك وانتي خايفه بعد عنها قبل يتهور وهو يدخل لسطح ثم ناظر للجازي:بتجلسين متجمده كذا يعني؟ اخلصي شيليهم تسبحو وخلصو ناظرت له الجازي بقهر وهي تاخذ السله وتدخل لسطح شال ذياب شماغه اللي كان لافه وحطه على شعرها بغيره:وانتي طالعه بدون تتغطين مسكت الجازي شماغه على راسها وراحت لصوب الملابس وهي تنزلهم بسرعه:عادي سطح من بيشوف ذياب وهو يتراكا على الجدار:حتى ولو تتغطين ماحب احد يشوفك انا عيونك وساكت ولو الود ودي غطيتهم تبين بعد تطلعين كلكك توجهه لها بس شافها تبي ترفع السله الثقيله رفعها عنها وهو يطلعها من السطح ثم حطها على جنب مشت الجازي ورا وهو نازل :متملكك ذياب:اكيد على شي اللي يخصني الجازي :وش يعني انا اخصك ذياب وقف ولف ناظر لها كان شوي من شعرها فيه مويه وعيونها اللي سحرته كانت تجذبه بنظرتها تكلم بتوتر :اقول وش رايك نمشي الجازي وهي تنزل ورا:ليش ماعندك رد اعترف وقف ذياب وهو يلف لها وهو ينطق بكل مصداقيه :لا بس لو كملتي بعد بيصير الفلم جد .... ناظر بصدمه:هههههههههههههههههههه تعالي يابزرهه(ناظر لها بضحك وهي تنزل قبله بسرعه)مايصلح انزل بروحي مب جالس ببيتناا ههههههههههههههههههه ياحلوها خافت نزل وراها وهو ماسك ابتسامته اللي مو راضيه تروح طلع جواله وهو يرسل لها:"طيب عطيني شماغي قبل تدخلين هههههههه ترى بيشكون وانتي كيفك" الحلوه:"انتظرك اصلاا" نزل الجوال وهو يشوفها تنتظره عند بداية الدرج وبيدها الشماغ مدته له بس نزل وبهمس:لعاد تكلمني ولا اشوفك يا منحرف راحت عنه بسرعه لداخل ناظر لها بصدمه:منحرف؟؟ طلع جواله وهو يرسل لها:"شكلك متاثره من الافلام" ذياب:"فمان الله ههههههه يام الافلام" سكر الجوال ثم دخل للمجلس سلم على اهلها وطلع متوجه للبيت ______ اما عند الجازي اللي رجعت لغرفتها ناويه تنام خاصه عندها اختبار ولازم تصحصح تراجع له فتحت عينها بانزعاج وهي تمد يدها وتسحب الجوال كانت رسالة من ذياب:"صحيح نسيت بخصوص الفلم اللي قلتيه عن عصبيتك يا أم الافلام" ذياب:"ماصدقته_فيس مستفز_" ____ عند ذياب دخل للبيت وابتسم وهو يسمع صوت جدته ام عبدالله"الجده":ناويي تكسرها لي يالي ماتستحي على وجهكك دخل وهو يناظر لسعد اللي ماسك رجل جدته:يمه وش بكك هذي اسمها لياقه بدنيه وانا اسوي لك مساج يخليك نفس الحصان تركضين مسكت ام عبدالله العصا وبعصبيه:ايا اللي ماتستحي على وجهك اجل انا تشبهني بالحصان يا العاق يالمرجوج يالمهبوول قام سعد من مكانه وهو ميت ضحك:هههههههههههههههههههههههههههههه افا بسس افا ام عبدالله زعلانه ام عبدالله :قم بس قم اذلف لحرمتكك لعاد اشوفك عندي سعد ناظر لذياب:هههههه الحين بتستلمك من اول تسأل عنك ومعصبه تقول هذا من اعرس وهو نايم ببيت حرمته هههههههههههه(غمز له)وهي صادقه ذياب مسك سعد من طرف ثوب:ماسمعت امي وش قالت لك؟؟ قالت اذلف لحرمتك يالله ماعندنا بزران يسهرون لاخر الليل سعد بقهر:يمه شوفي حفيدكك يتنمر علي يوم انه اكبر مني بكم شهرر ام عبدالله:ايي حييلك فيه ياذياب اضربه اللي مايستحي على وجهه ناظر سعد بصدمه لامه:يمهه انا ولدكك..انا مسكيين..يمه يانبع الحنااان ياعطر روح المكاان ذياب سكر على اذنه بأنزعاج:تكفى لعاد تغني بعد ذياب عنه وهو يجلس قريب عند جدته:ماعليك منه يأم عبدالله وقولي لي وش اخبارك ام عبدالله بعتب:اي هذاك اول اللي من كثر جلستك عندي ماتسال عن اخباري الحين ماعاد نشوفك متسدح عند بيت حرمتكك هاه ذياب:افا بس ام عبدالله ضايقآ صدرها علينا افا بس ام عبدالله:ابي رضاوتي اشوف يالله ذياب:ههههه اي مايجيبك الا الكلام الحلو يقول لك: خلي الزعل عنك الأيام تجري منك، اليوم أنا معاك وبكرة تحت تراب رجلك فطس سعد ضحك يوم ام عبدالله رفعت العصا وهي تضربها بذياب اللي قام من مكانه:يهبب ياوجهكك ياهب ماتفاولت خير لعنبوو داركم انتو بتجننوني هااه اخلص من هذا يجيني المسطول الثاني ذياب اللي واقف جنب سعد اللي ميت ضحك:هههههههههههههههههههههههههه هذا وانا براضيك ام عبدالله:تهبا والله انك تهبا ماابيك ولا ابي رضاوتك فارق انت وياهه اشوف لعاد تجوني ولاتقربوني سحب سعد ذياب معه بضحك:امش بس بكرا ورانا داومات والله ان كلمتها بعد تطردنا من البيت بكبره ذياب:هههههههههه انشهد طلع ذياب لغرفته وطلع الجوال وهو يشوف مسج منها وكان قبل مده الحلوه:"مب لازم تصدق اساسآ" ابتسم وهو يرد يقرا بكلامها همس:الاحترام بجها وهي بجها ههههههه ياحلوها ________ مر اسبوعين الباقيه من الاختبارات على بطلتنه كانت منشغله فيهم بدراسه والتكاليف اللي تجيها من الدكاتره تمددت على السرير ببتسامه:واخيرا خلصت اختبارات ناظرت لسقف بتفكير:اوف مرت ثلاث شهور باقي بس ٦ شهور على زواجي اوف يارب يعين دخلت ام عبدالله:جازي الجازي:هلا يمه تعالي جلست ام عبدالله على الكنب:خلصتي اختباراتك صح؟ الجازي:ايوا ام عبدالله:اجل تعالي نخطط لزواجك الجازي وهي تعدل جلستها:توتر والله ام عبدالله:اسمعي الحين يبي لك حمامات عنايه وتجهيزات العرايس من شعر وجسم الخ انا هلاسبوع بنروح انا وياك ونحجز لكك من هلاماكن السنعه بحثت لك وماقصرو صديقاتي ارسلو لي وين كانو يودون بناتهم يوم اعرسو وخذيت الاحسن ابتسمت الجازي:يعطيك العافيه والله كنت محاتيه ادور ام عبدالله:ماعليك الحين هلاسبوع نروح ونتفق معاهم على جلسات لحد يوم زواجك وبكذا نكون خلصنا من هم الجسم والعنايه وهلامور هم يرتبون لك الجدول وتروحين على اساسه الجازي:وبعدين ام عبدالله:عاد باقي اخبي من مهرك لذهب وانا امك اهم شي زينتك والذهب مافي احسن منه زينه وخزينه وان شاءالله نشتريه لما يقرب عرسك عشان على الموضه بعد نمشي الجازي:يعني الحين اللي علي الملابس وهلامور ام عبدالله:اي عاد خليك جيده فصلي لك كم عبايه حلوه وكم جلابيه تصلح لمناسبات ولاتكثرين ملابس المناسبات والعبي والشنط لان كل وقت وموضته لا رحتي عند رجلك اشتري حسب الموسم وموضته وعاد المهم تعرفين ملابسك لشقه والعطور وهالكريمات روحي مع البنات وشتروها ماعرف ذوقكم الحين كملت الجازي تسمع لامها ونصايحها بعد موضوع كيف تخلص امور الزواج دخلت بالحياة الزوجيه واهل الزوج والمواجيب الخ ومن هنا كان بداية الجد بنسبه للجازي وتجهيزاتها والانشغال اللي بتدخل فيه ______ وهنا مرت الاسابيع على بطلتنه انشغلت فيها بتجهيزات وبجلسات العنايه للعرايس كانت تقضي وقت راحتها تسولف مع ذياب شوي ثم ترجع تكمل تطلع مع البنات تخلص تجهيزاتها وطبعا بكل مره لازم تطلع من المول مو عاجبها شي ويرجعون يوم ثاني وثالث ورابع يحوسون بهلمولات اللين اكتمل تقريبا كل تجهيزاتها بثلاث شهور اللي مرت عليها كانت جالسه بصاله وتتكلم مع ابتسام:بسوم ناقص لي كم شغله واخلص اي اسمعي المهم الحين خلاص ماباقي الا ثلاث شهور وانا بعدني ماخترت فستان العرس امي والله بتذبحني من اول تسالني اخترتي اقول اي اي من زمان ابتسام:لانك هبلهه اسمعي بكرا بعد بنطلع نخلص النواقص وبعدها نمر اعرف وحده تهبل مصممه فاتحه محل البنات ياخذون من عندها يهبلل تصاميم فساتينها الجازي:طيب والميك اب والتسريحه والمسكه من وين اجيبهم بنهبل ابتسام:ياربييي الجازي والله بتجننيني وانتي توك تسوي فيهم الجازي:وش اسوي ابتسام انا بثلاث شهور ذي رجلي ماحس فيهم اداوم جامعه ثم اروح جلسات عنايه ثم الف بهلمولات وطريق وغثا والصيف جا وحر ورمضان بعد ماصار له مخلص فتره حتى العيد والله ماعايدت الا الصباح ثم ماعاد شافوني بعدها يعني تكفين بموت خلاصص ابتسام:بسمم خلاص رحمتك انا بكلم الحين البنات بكل القروبات عندي وبخليهم يرجحون لي احلا محل مسكات واحلا ميك اب ارتست بسعر حلو ونحجز عندهم ولا يهمك الجازي:اي تكفين بعد الحين لازم تحجزين قبلها ولا ماترضا سكرت الجازي من ابتسام بعد نقاشات تمددت على الكنب :يارب خلاص ابي انام نعست تعبتت وصل لها صوت امها:جاازيييييي سكرت عيونها بتعب:اههه ياقلبي خلاص ماقدرر...(ردت بصوت عالي عشان تسمعها)هلااااا يمه ام عبدالله:قمي سوي العشاا تعوديي بكرا وراك رجال تطبخين له غطت الجازي وجها ببكي:خلاص انا تعبت خلاصصص ام عبدالله:قلتي شييي الجازي بتعب:لا والله بقوم يالله قامت بتعب وهي تدعي تعدي الايام بسرعه وترتاح ______________