الفصل 11
نرجع ورا شوي
في الصباح
عند الجازي في الكليه
جلست بتعب بعد ماكانت تنتظر اول محاضره وبلاخير الدكتور كان ساحب
ناظرت لصاحباتها او مجرد رفقة جامعه:وش تسولفون عنه
ناظرت منال لها:تعالي اسمعي الهبله وش تقول جازي
قربت الجازي لعندهم :وش بها
بعدت سعاد منال وهي تقرب للجازي:شوفي انا صراحه ودي اتعرف على عيال
ابتسمت الجازي:حماس
منال:تستهبلين
الجازي ابتسمت لمنال:عادي وش بك وناسه بلعكس يمر وقتها بسرعه(ناظرت لسعاد وبتشجيع)كلمي عادي العالم كله الحين يكلم ودزي له صورك خلي يتخرفن
سعاد:هههه لا مو من زيني المهم اول خل ادور على واحد
جازي:افا عليك انا اعطيك وسولفي معاه لين ياخذ صورك (ببتسامه)ثم تعالي عندي ابكي يوم ينشرهم لك ويهددك فيهم اوكي واحلا شي تدرين وش؟ يوم يكذب عليك وتروحين معه ثم يا مستقبل ويا اخره سلام
ماتت منال ضحك على وجهه سعاد اللي انصدمت من انقلاب الجازي:اي ايي حيلك فيهاا
سعاد:هيي تستهبلين
الجازي جلست بملل:لا طبعا ما استهبل انتي اللي تستهبلين؟؟ انا ماراح اكلمك من جانب ديني لان لو بنروح له انتي وانا وكل مسلم يدري انه هشي حرام وله عواقبه على حسب اللي تسوينه
بكلمك من جانب عقلي
وش بتستفيدين لما تكلمين ولد؟؟
وناسه يعني يونسك؟؟ يضحكك؟؟ يغير جو؟؟ (بنغزه)ولا شي ثاني
سعاد:انا تعبت يا جازي كل صاحباتي يكلمون وشوفي تداوم للجامعه تطلع معه وتروح وتجي محد يدري عنها ثم ترجع ويجيب لها هدايا بدل قعدت البيت والملل
الجازي:شوفي بكلمك من وجهة نظري انا والله اكره شي اسمه اتكلم مع عيال تدرين ليش؟
لان انا ذكيه انا مو غبيه انا ادري ان انا بكون مجرد تسليه وصدقيني مو تسليه بريئه لا تسليه وصخه هذا اولا ثانيا لما انا ادري اني مجرد تسليه هذا يعني كل اللي بيننا كذب يعني تكفين ذنوب وكذب وتعلقين نفسك على شي تافهه وبعدين بتجين تقولين والله لا في ناس حبو وتزوجو الخ حبيبتي؟ عمره اللي كان مبني على حرام ماكان حلو او مشى عادي لازم له عواقب وعواقب تجيب الهم صدقيني وفي فرق بين حب الحرام اللي يكلمها وتكلمه ويتسلى على افاها وبين اللي شافها وحبها واختار يتقدم لها يعني لاتجين وتقولين في ناس تكلمو وطلعو وحبو بعض لا قلبي لاينكذب عليك
سعاد:بسم الله وشبك اكلتيني ترى عادي اكلم وانا مو غبيه ينكذب علي او يستغلني
جازي:جد؟
سعاد:ايي
جازي:طي...(بصدمه)يويلي نسيت دقيقه سعاد(طلعت جوالها لثواني حتى)نسييتت اني مواعده امي اروح معاها المول اوف مالي خلق امانه سعاد اسمعي ادخلي واكتبي لي جازيي الدكتور بيزيد محاضره بعد امانه بسرعه
طلعت سعاد جوالها :طيب دقيقه بسم الله....وش اكتب؟
الجازي وهي تفتح على محادثه سعاد:مثلي انه دكتور بيزيد محاضره
سعاد/كليه:"جوجوو بسرعه لاتطلعين مكان الدكتور بيزيد محاضره الحين"
سعاد/كليه:"جوجوو..."
جازي:"امانه.."
جازي:"طيب زين قلتي كنت بروح مع امي مكان"
سكرت سعاد جوالها :ها حلو
كبجرت الجازي المحادثه:ايوا كذا مضبوط الحين اقدر استغلك
سعاد بفهاوه:هاه؟
الجازي:بطلع مع خطيبي وبروح معه شقه وبدلعه شوي وبكذا ارسل لامي محادثتك عندي عذر حلو والموضوع صار بوجهكك وبدون لاتحسين انتي اني استغلك لانك مو غبيه صح؟
سعاد بصدمه:تستهبلين؟؟
الجازي:تخيلي لو ارسل لك مثلا فلانه اكتبي كذا ولا كذا والكلمه اللي تكتبينها ممكن يكون شي يوديك بداهيه انا اللهم مستغله عشان طالعه مع زوجي حلالي هو يمكن اللي تكلمينهم يستغلونك بشي قوي انتي وش عرفك يمكنه يروج مخدرات وكلمتك هي كلمت السر لبيع شي ولا شي وينصاد ويوم يفتشون جواله يلقونك معاهم بدون تدرين؟
سعاد:لا انتي زودتيها فلم هندي صار
الجازي:هه فلم هندي حبيبتي مافي شي مستحيل انا اعرف وحده كانت تكلم واحد وقال لها بسافر مكان خبي عندك اغراضي تكفين ماعندي احد بلاخير طلع اللي معاها مخدرات وحبوب وداهمتها الشرطه واضح هو اللي معلم عليها بلاخير بهذلو اهلها وحققو معاهم لين عرفو انها تخصها ولاقدرت تبرئ نفسها بلاخير زتوها بسجن
وبعد وحده ثانيه قال لها حبيبها اطلعي معي من الجامعه محد بيدري بوريك بيت العمر طبعا هي تكلمه وحبته خلاص وثقت فيه بلاخير موديها شقة دعاره؟؟انتي متوقعه اللي يكلم في خير؟؟؟ صدقيني وخليها حلق بذنك الرجال مالهم امان حبيبتي دامه مايحل لك فا هو وحش بنسبه لكك انا اقصد اللي يكلمون طبعا بلاخير في الزين والشين
المهم شيلي فكرت تكلمين من بالك حبيبتي والله ماتعينين خير من وراها
منال:والله صح كلامك انا اعرف وحده كانت تكلم وتعرفت على بنات يكلمون وكانت حيل منتبهه لنفسها بلاخير وحده من البنات دزت صورها لواحد وصار يهددها فيهم
وفي واحد قدر يعرف وين بيتها وصار يلحقها بكل مكان ويهددها انه يعرف اخوانها
سعاد:بسم الله يا فكره ارجعي مكانك خلاص معاد ابي
جازي:ههههه لا جد ترى والله انتي فكري انه كل من يكلم هو شخص سخيف وبزر
منال:اي اي بعد ترى الطيبون للطيبات والخبيثون للخبيثات لو كلمتي بيجي زوجك مثلكك
سعاد:اعوذ بالله
جازي:هيي لاا ماله دخل
منال:وش اللي ماله دخل
جازي:المقصد هنا الكلمات مو الازواج يعني الكلمه الطيبه لناس الطيبه والكلمه الخبيثه لناس الخبيثه
ماله دخل الازواج هذهي اسيا زوجة فرعون بالجنه وزوجها اكبر نصاب وكافر ماله دخل مني قصدهم الكلمات
منال:ولانا طول عمري احسب انه زوجي المسقبل بيكون نفسي
جازي:هههه ماله دخل بس ترى صح زين انه تكونين انسانه طيبه عشان ربي يرزقك برجال الزين
قامت من مكانها:المهم انا بروح عندي محاضره شوي يارب مايطلع ساحب وانتي(ناظرت لسعاد)صدقيني لاحقه على لوعت الكبد بكرا تتزوجين وتسولفين لين تقولين بس ولا بالحلال بعد لابالخش ولا بدس فا استانسي الحين وفليها بعدك انسه ماصرتي مدام بعدك حره سوي اللي تبينه وحللي شبابك قبل يجيك الرجال وبيت الرجال واهله والعيال واذا مره ملانه تعلمي لغات تنفعك ولا سجلي تحفيظ احفظي القران ترى شي حلو
يالله سي يوو
ناظرت منال لسعاد بعد مامشت الجازي وبغيض:احسن محد يعرف لك غيرها علمتك العلوم عدل
سعاد:مدري انا لاني ماصدق سوالف اللي تصير للبنات
منال:والله يصير انا اعرف وحده تكلم شباب امها صادتها وجلدتها ومانفع ردت صادتها وحرقتها بفخذها يعني تكفين انتي اصلا قبل كل شي فكري باهلك والله مو حلوه بحقهم ولا حق اللي ربوك صح؟
سعاد بتفكير:والله صح كلامك اتخيل امي تدري عشان بس ابي اقلد البنات والله تنجلط
منال بخبث:اقول ورا ماتروحين لهزواجات وترقصين عشان تملكين على واحد وسولفي معه لين تشبعين
سعاد:هههههه حلوه ليش لا
______
بعد كم ساعه بالجامعه
طلعت من المحاضره بقهر وهي تتكلم مع ابتسام:اصلا المفروض كان ماداومت يعني هذي حاله اداوم من الصبح بلاخير كلهم ساحبين؟؟؟يستهبلون على راسي ولا بعدين يقولون حنى نثق ونحب اللي يداومون باول يوم انتو داومو اول في عشان حنى نداوم....
وقفت الحازي بصدمه وهي تناظر ذياب اللي كان طالع من غرفة الاداره:بوبو اكلمك بعدين
سكرت من ابتسام وهي تدقق فيه وكان جد ذياب ومعه اوراق شهقت بصدمه:يويليي ليكون يسحب اوراقيي من الجامعه...
تقدمت لناحيته كان واقف ويناطر بلاوراق
سحبت الاوراق بعصبيه بس وصلت لعنده:تستهبل
ناظر لها ذياب بصدمه:بسم الله وش...(ناظر لها بتدقيق)جازي هذي انتي احسب وحده مجنونه
ماهتمت الجازي لكلامه وكل همها الاوراق ومضمونها:تمكنت هاه تمكنتتت
ذياب بستغراب مسكها من يدها ياخذها لمكان ابعد ناظر لعيونها لثواني:وش اللي تمكنت؟
الجازي:كنت تنتظر بس تملك وتتمكن ان يكون عليك صلاحيه علي وبعدها تسحب اوراقي من الجامعه
ذياب كان يناظر لها وهي مكمله عتاب ودموع متجمعه بعيونها بقهر كان مبتسم بهدوء على عصبيتها والفلم اللي سوته بثواني
جازي بعصبيه:مستانس بعد
رفع ذياب اصابعه وضرب طرف راسها:عقلك هذا ياليت تشغلينه بشي زين بدل هلفلم(تأمل عيونها)وبعدين قلت لك لاتزعلين حلواتي
رفعت الجازي يدها وهي تمسح دموعها:عيوني كيفي
ناظر ذياب للاوراق اللي بيدها:وبعدين هلاوراق فيها اثبات زواجنه وكم شغله وانا جيت عشان اسجل رقمي عندهم اذا صار شي يكون رقمي عندهم ويتصلون علي وطبعا لازم اوراق تثبت القرابه بيننا فا جبتهم معي
نزلت جازي راسها بفشله تمتمت:استغفرالله...
غمضت عيونها بفشله وهي ودها تصفق نفسها"والله ماجلس دقيقه وحده قدامه وانا متفشلهه"
ناظرت له وبجديه:اسمع ياولد الناس
حط يده بجيب ثوبه وهو يناظر لها ببتسامه:قولي
جازي وهي تتصنع الجديه:انا وحده توني مخلصه اربعع محاضرات متخيل اربعه والوحده كانت تقريبا ساعه لي ساعه وربع يعني انا راسي يعورني انسانه ادرس طب بشري يعني انا مب فاضيه افكر وحلل فا لازم تعذرني لان تدري مشغوله محاضرات عندي انا مو فاضيه والحين بروح لان عندي اختبار بكرا لاازم ادرس له مشغوله
همهم ذياب وهو متفق معها:اي صح لازم تروحين اختبارات صعبه صح همم لا لا انتي لازم ترتاحين
جازي وهي مكمله معاه ومصره انها ماغلطت:اي صح انا تعبانه وبروح يالله مع السلامه
طافته طالعه لبرا
طلع جواله وهو يرسل لها:"نسيت اقول لكك يقولون احتمال يكافئون اللي حضرو اليوم مع ان اغلب الدكاتره غايبين خاصه كل دكاترتك_فيس غمزه_"
ذياب:"مره تعبتي صح؟"
الحلوه:"كل تبن مع الاحترام"
ناظر لجواله بصدمه وهو يضحك:ههههههههههههههههههههه مو صاحيه وقسم
ذياب:"انتي تدرين اللي يقولها لي مايعين خير؟"
الحلوه:"طيب؟"
ذياب:"بس عشانك حرمتي بمشيها اوكي؟"
الحلوه:"اوكي؟"
ذياب:"لاتقلدين؟"
الحلوه:"طيب؟"
ذياب:"هيي"
الحلوه:"؟"
الحلوه:"؟"
الحلوه:"؟"
الحلوه:"؟"
ذياب:"خلاص"
الحلوه:"؟"
الحلوه:"؟"
الحلوه:"؟؟؟؟؟؟؟؟؟؟"
الحلوه:"كيفي...؟؟؟؟؟"
ذياب:"بزر"
طلع من الجامعه متوجه لسياره وجواله ماسكت من استفهامات الجازي
شغل السياره وطلع جواله يكتب لها:"يا البزره مشغول انا تبين شي ؟"
ناظر للاستفهام وبهمس:شكلي بكرهه يغث
وصل له مسجها
الحلوه:"حتى انا مشغوله"
الحلوه:"سي يو"
ذياب ببتسامه كتب لها:"خفي علينا يا المثقفه ماتعرفين تقولين مع السلامه"
الحلوه:"what!"ماذا
الحلوه:"I don't understand Arabic"انا ماافهم عربي
ذياب:"Oh really? No problem, let's continue the conversation in English, petite"
الحلوه:"بسم الله الرحمن الرحيم وش ذا فقره"
ذياب:"انتي اللي بديتي"
الحلوه:"طيب احترم اني توني مو مره وش كاتب فهمت شوي بس"
ذياب:"انتي قلتي ماتفهمين عربي رديت جد؟ خلاص مو مشكله نكمل كلامنا بلانجليزي الاخيره مو لازم تعرفينها"
الحلوه:"ليش مو لازم؟ اصبر بترجمها بقوقل"
ذياب:"هههههههه روحي ترجميها وايوا صح هي كلمه فرنسيه بس يستعملونها الاجانب"
حرك سيارته طالع من الجامعه وبهمس:انا لو اكمل سوالف بعد يمكن اكمل نوم هنا
بعد مده وصل لمكان دوامه
طلع جواله وكان في رساله من الجازي قبل نص ساعه:اوف نسيت
فتح علمحادثه
الحلوه:"صغيرتي اجل؟ بزر عندك انا عيب لو سمحت"
ابتسم بهدوء لكلامها همس:وش اللي عيب ولو سمحت بعد متى تفهم اني زوجها
سكر الجوال متوجهه لداخل بعد ماكتب لها
ذياب:"عشان تعرفين كيف تتفلسفين انجليزي عندي"
______
عند الجازي كانت منسدحه على سريرها وبيدها جوال تكلم ابتسام وبجوال ثاني تشوف رسالة ذياب:اقول لك ياليت ماتفلسفت قام يستهبل فوق راسي بلانجليزي يعنني
ابتسام:عاد زوجك شايب عمره٣٠ يعني تفكير ايام قبل تلقين بيغثك لين تموتين
الجازي:تفوو عليكك بسم الله علي ...عمري طويل
المهم ساعديني الحين لو جلس يتفلسف وش اسوي
ابتسام:وانتي دارسه طب ليش ان شاءالله هاه
الجازي:حبيبتي انا لما درست طب دارسه مصطلحات طبيه مو حب وغرام انا وش عرفني هاه
ابتسام:حبيبتي مترجم قوقل يفهم وش يقول بس اهم شي لاتكتبين شي ويكتبه لك قوقل بلانجليزي لان وقتها بيجيب فيك العيد يعني عادي تكتبين له روح عن حياتي يحطها لك يا روح حياتي ههههههههههههههههههههه
الجازي:ههههههههههههههههههههههههههههههه في هذي اتفقق
_____
....:تكفى استر علي والله مو بيدي والله اهلي بيذبحوني
.....:كيف بقدر اساعدك انا هذا حدي بالمساعده
......:تكفى والله لو اهلي يدرون ان شرفهم راح والله بيذبحوني والله مايرحموني تكفى ساعدني
....:هديي...كيف بساعدك طيب ؟
....:خطبني تكفى علاقل يروح من خطبه ولا غيره تكفى استر علي انا انغصبت مو بأرادتي
....:لا حول ولا قوة الا بالله...طيب انتي روحي الحين قبل يدرون اني طلعتك ولاعاد تطلعين مع اي احد
......:وطلبي والله اناا ماابي منك شي انا ابي استر على روحي
.....:يصير خير ماعليك انتي روحي الحين
_____
بعد يومين
كانت الجازي جالسه بغرفتها
وتكتب رساله لابتسام
انتظرت ثواني حتى دخلت الشغاله ومعاها صحن حلا وعصير فرش ودخلت وراها ابتسام مع دلة القهوه والفناجيل:كان تأخرتي بعد
جلست ابتسام وطلعت الشغاله وسكرت الباب وراها:وش اسوي الحريم ماقدر اتركهم جلست اقهوي شوي
جازي:اقول تعالي وسولفي من الالف الي الياء
ابتسام صبت لها قهوه هي وجازي:سمي،شوفي اول شي دخلت امه ام ذياب ومعها ام منيره
الجازي:ام منيره منو؟
ابتسام وهي تحرك بفنجالها:تعرفينها ماعندها الا منيره بنتها
الجازي وهي تاخذ من الحلا:ايي اللي مملك عليها سطام ولد عمي؟
ابتسام اخذت لها من الحلا:اي ماغيرها،المهم عاد دخلو وسلمو ومعاهم شغاله دخلو دزتك يابنت تهبل كذا حاطين الفلوس بطريقه مدري كيف المهم مهرك ال ٦٠ الف وبنص طقم يعني ناعم وعلى الجنب ساعه تهبل ماركه والجنب الثاني عطر ماركه بعد
الجازي:الله شكله حلو
ابتسام:اي والله حبيت طريقة ديكور الدزه بعد يهبل لاراحو ننزل وتشوفينه
الجازي:اخخ بفهم ليش مايصير انزل
ابتسام وهي تمد العصير للجازي وتاخذ لها واحد:عروس ياحضي عيب لازم تسوين يعنني مستحيه المهم اشربي عصير خقول لك
اخذت الجازي العصير وهي ترشف منه:وش
ابتسام:اسمعي يابنت المهر وجاك والعرس وتحدد بعد ٩شهور تقل حامل وبتولد يعني يبي لكك تجهيز كانك حامل وعندك ولاده لازم تجهزين لها
الجازي:عليك وصف...اخخ انا هذا اللي خايفه منه ابتسام انا اخاف اصرف المهر كله على مطاعم ياربي تخيلي اسويها يويليي
ضربت ابتسام كتف الجازي:لا والله..انا ادري انتي مو وجه وحده يمسكونها فلوس
الجازي:طيب الحين شلون بقسمهم
ابتسام:امك لاجات بعد بتاخذ حق الذهب عشان تجيب لك ذهب فيهم اهم شي الذهب حبيبتي ولا الملابس بعدين اخر همك المهم الحين تكثرين من الذهب الحلو طبعا شي كشخه تلبسينه ساعه طقم سواره خاتم اللي هو بس ناعم عاد وبعد ذهب زينه وخزينه حبيبتي
وبعدين نروح نسوي لك دلع العرايس ولا تنسين نشوف لك وحده تضبط الميك اب ولا الفستان اخخ وناسه متى بس يجي هليوم ونشوفك فيه عروس
الجازي:قريب ان شاءالله..اخخ الله يعين كرف الله وكيلك بيصير بهشهور
________
مر يومين
وكانت بطلتنه نايمه كل عاده بعد ماتجي من الجامعه
فتحت عيونها بانزعاج من صوت امها العالي وبنعاس همست:اوف الواحد ماينا....
قاطعها دخول امها وبيدها بخور:جازيي قومي اخلصي
قلبت الجازي المخده وحطتها على راسها:يمه بناام
وصلت ام عبدالله لعندها وهي ترفع برجلها وتدف بالجازي:قومي بس يا المتكسره زوجك بيجي يتعشا عندنا
رفعت الجازي راسها بصدمه:وشش ..ليشش ...وش يبي
ام عبدالله وهي تحط البخور على التسريح:لا قومي اكليني بعد انا عازمته
الجازي بستغراب:ليش وش المناسبه
ام عبدالله:حبيبتي خلاص ملكه وملك عليك مهر وجابه وعرس وتحدد خلاص لازم نسحبه لصوبنا حبيبتي نعوده علينا الرجال يحب الناس اللي تدلعه لازم يجينه بين فتره وفتره نعشي مره ونغدي مره ونفطره مره وندلعه حبيبتي اجل كيف الرجال بكره بيبلعك ويبلع اهلك هاه لازم تسحرينه بالكلام الحلو
الجازي:انا اسحره؟
ام عبدالله وهي تجلس على الكنب وتاخذ مخده وتحذفها على الجازي:سحر بعدوينك ان شاءالله وانتي وش دخلك هاه يالي متستحين انا اتكلم عني انا حبيبتي خلاص حسبت ولدي لازم اخليه يتعود علي بكرا اسافر معه ولا اروح معه مكان وبعدين انا وحده من زمان ودي على زوج بنت حبته حلوه
الجازي بفهاوه:هاه وش حبته حلوه؟
ام عبدالله:يعني حسبت ولدي يمدي اسلم عليه شفيك مفهيه
الجازي وهي تعدل جلستها:يمه انا ادري باخذ رفسه محترمه منك بس ممكن تعيدين وعدل لاني مو فاهمه اولا وش تسحرينه بالكلام الحلو وبعدين قولي قصدك بحبته حلوه بليز لاني مو فاهمه وش جالسه تخربطين فوق راسي
ام عبدالله:احمدي ربك اني فاضيه ولا كان رفستك جد....المهم الحين يوم الرجال يتزوج يعاشر اهلها بعد يعني يخاويهم مرات بلمخيمات ولا الطلعات ويجي مناسباتهم حلو؟
الجازي:حلو
ام عبدالله:اي فا هو حسبت ولدي ولا اقول لك اخوي مابيني وبينه الا عشر سنين بعدني الشباب
الجازي:هههههه يمه اربعين وينك وين الشباب هههههه اي ايي لاتحذفيين
ام عبدالله:حبيبتي يوم اجيبك عمري عشرين احسبي الحين صار عمرك عشرين صح اني اربعين لكن مابيني وبين رجلك الا عشر سنين والله بعد تكبريني على كيفكك
الجازي:بسم الله اسفه والله كملي
ام عبدالله:استغفرالله نسيتيني اعوذ بالله من الشيطان الرجيم ايه فا انا ماتغطى عنه خلاص مثل ولدي فا مني انا لازم اصير ذكيه ياقلبي الرجال يحب الشي الزين يعني لو البنت زينه واهلها مب زينين ماراح يبلع الوضع لكن لو جا ولقى اهل زوجته يفتحون النفس حياتهم حلوه وسوالف زينه هشي لصالح بنتهم بكرا مايمدي يتكلم عن اهلها فهمتي فا لازم نعزمه مره مرتين قبل عرسك نتعرف عليه اكثر وانتي تعرفينه اكثر لكن قدامنه لاطلعات لابطيخ بعد خلاص رجلك حلالك صار
الجازي:اها طيب وش حبته زينه مافهمت عليك
ام عبدالله بضحك:وش حاسده علي حبت خد زوجك هاه هههههههه الصراحه زوله(طوله وشكله )حلو ويفتح النفس مايضر ندلعه ونعطيه بوسه على الخد
الجازي بصدمه:يمهه عييب وش ذا الاستغلال
ام عبدالله:ههههه اقول اسكتي بس ماولدتك وكبرتك عشان تحرميني من رجلك عادي صار محرم لي ليش ماستانس عليه هاه انا دزيتك عن ابوك وقلت لاتحبينه ولاتسلمين عليه؟
الحازي بتفكير:همم لا صح كلامك لو نفكر فيها
ناظرت لكشخت امها:وقفي خنشوف الكشخه بس
ام عبدالله كانت لابسه جلابيه نوع لنص الساق وجسمها اللي كان حلو ومصغرها :وش رايك شريتها امس
الجازي:يمه كل هذا عشان عشا ههههههه
ام عبدالله وقفت قريب من المرايه وهي تعدل شعرها اللي كانت رابطته بطريقه حلوه:شرايك صبغته بني حلو
الجازي:اي حلو ورينا ميك اب حقك
ام عبدالله:هاه حلو؟
الجازي:يهبل يمه حركات طالعه اصغر مني
ام عبدالله ناظرتها بطرف عيني:حبيبتي توني شباب وش اصغر مني طايحه من عينك
الجازي:امزح بسم الله
ام عبدالله:المهم قومي تعدلي ابوك قلت له مايجي العشا ...انا ابيه بروحنا نمسكه نسولف عليه لاجا ابوك مب مخلينا ناخذ راحتنا وبعد(غمزت للجازي)بزين له بعد العشا الشاهي وعدل الشموع والجو والبخور وخليه يمكن يطول يسهر شوي ناخذ علومه
الجازي:عز الله حريم
ام عبدالله:اي حبيبتي وش عبالك اجل كل الحريم كذا ياعمري اجل تبين احذفك عندهم بدون مانعرفهم عدل (ناظرت لساعتها)قومي اخلصي كلها ساعتين وبيجي قايله له يجي الساعه٧ يتقهوه ويحلي قبل العشا
توجهة للباب وقبل تطلع :اي صح نسيت اللبسي لك بعد جلابيه حبيبتي لبس الضيق مب حلو تجيبين الضيقه لرجال وعرسه مطول
الجازي بصدمه وخجل:يمهه
ام عبدالله:وش اللي يمه وانا صادقه وبعدين خلاص كبرتي بعد لاتسوين فيها مستحيه
طلعت ام عبدالله تاركه الجازي اللي جالسه وتستوعب الوضع_