الفصل 10
كانت جالسه مع ابتسام صوب الزرع
مسوين لهم جو ويشربون شاهي خاصه مع الجو البارد
جت لهم مناير وهي تجلس بتعب وتحط صينية المكسرات والحلا:بناات ماابي العطله تخلص
ابتسام وهي تاكل من فص فص:كلها اسبوع وكم يوم وتخلص ونداوم كورس ثاني مافي مفر
رفعت الجازي راسها لابتسام:احلفي؟
ناظرت ابتسام للجازي واللي منسدحه بحضنها:والله بس وش
الجازي مدت يدها وهي تقرصها من خصرها:تنكدين ليش بفهممم بروحي كنت ناسيه كم باقي ونداوم
مسكت ابتسام جنبها بوجع:يلعن البليس ياشيخهههه ليش القرصص
ابتسمت مناير وهي تصب لها شاهي:بنات خلكم من القرص بس ترى انا هلفتره صايره مدمنة شاهي شغالة جدتي اشك تحط سحر يابنات حلو
الجازي لفت لها وهي تلعب بخصل شعر ابتسام:حبيبتي الشاي اللي تستخدمه نوعيه جديده وهي تزيد بعد سكر عشان كذا يجي حلو ذكريني اصوره لكك والله يصير مثله
قاطع سوالفهم جوال الجازي
الجازي :بوبو شوفي منوو...المهمم خلكمل لك السر الله يسلمك بعد..
قاطعتهم ابتسام اللي صرختة:جوجووو زوجك يتصل ههههههههههه ردييييي
ناظرت الجازي لجوالها بصدمه وهي تسحبه وصحيح كان مكتوب"ذياب":يويلي وش يبي متصل
مناير بحماس:ردي امانه وحطي سبيكر
ابتسام:ايي ايي وماراح نتكلمم
الجازي ابتسمت بخبث:هههه اصبرو تذكرت يوم اللي يقولون لو اتصلت على حبيبتك ترى القطيع كله يسمع معاها ههههههه
مناير:يلعن شكلك سكرر
ناظرت الجازي للجوالها :يرد يتص...(ابتسمت وهي تشوف الشاشه نورت باسمه)هههه قلت لك..اشش لحد يتكلمم
ضغطت على الزر الاخضر ثم سبيكر :الوو
وصل لها صوته الهادي:حي الله الصوت
رجعت ابتسام على ورا وهي تسوي اغمى عليها
عضت الجازي على شفتها بقهر وهي تعدل جلستها وترفس فيها
حطت كتم لثواني:هيي زوجي ياحلوه
شالت الكتم ووصلها صوته:وش بك ساكته
ردت الجازي بهدوء:انتظر تقول سبب اتصالك
وصلها صوت ضحكته الهاديه
قامت بقهر وهي تشوف ابتسام ومناير كيف يسو انهم تخرفنو
رفعت يدها بتهديد لهم وبهمس:اعلمكم ياكلبات شغلكم بعدين
شالت سبيكر وهي تروح بعيد عنهم ويد بجيب الجاكيت ويد الثانيه ماسكه الجوال
ذياب:عندك احد؟
ناظرت الجازي لثواني للبنات
ثم كملت تمشي:لا بس بعدت عن البنات...ايوا ليش متصل
ذياب وصل لها صوت تنهده وبهدوء:ابد فاضي قلت اسولف معك
ردت الجازي بهدوء:وش ماعندك غيري
ذياب:في احد عنده حرمه ويروح يسولف مع غيرها؟
الجازي:همم صح كلام منطقي
ذياب:ههه لبى المنطقين بس
سكتت بحراج
ذياب:جازي
الجازي:هلا
ذياب:انتي بالمزرعه؟
الجازي وهي تناظر حولها:ايي
ذياب بخبث:وش رايك اخطفك
الجازي:عشان اشتكي عليك
ذياب:هههههه وش بتقولين زوجتي تراك
الجازي:همم عادي اقول ما بعد سكنت معا وخطفني
ذياب:اشغل واسطاتي واخذك غصب
جازي:تو تو تو ياحضرت الضابط ماتوقعتها منك
ذياب:هههههههههههه ياحلوكك
بعدت الجازي الجوال وهي تعطي نفسها كف خفيف"اثقلي ياهبله"
ذياب:ويه نسحب الكلمه يابنت وينك؟؟ههههه
الجازي:موجوده
ذياب:اقول..قال لك ابوك؟
الجازي بستفسار:قصدك موعد الزواج..؟
ذياب:اي
الجازي:اي قال
ذياب:طيب اسمعي بما اننه حددنه الموعد بعد٩شهور باذن الله فا الاهل بيجبون الدزه المهر وهسوالف
الجازي بخجل:اي ادري
ذياب:فا بسالك احسن ...انا وابوك تشاورنا على المهر يكون٦٠ الف مع الدزه حلو؟
الجازي:حلو!
ذياب:فا قولي ولا تستحين اذا تحسينه شوي ولا مايكفي لجهازك
بعد الجازي الجوال وهي تجلس علارض تغطي وجها بحراج"يووووو فشلههه وش ذا مايسحتي يتكلم كذا انا استحييي وهو عادي ..اننن مايكفي لجهازك "
وقفت وهي تهوي على وجها بحراج ثم ردت:لا يعطيك العافيه ماقصرت زين لاتكلف على نفسك
ذياب:اذا نقصك شي لاتستحين
الجازي"هيهات والله لوينقصني ماطلب كاني مشفوحه ماستحي لو ابي اهلي عندي مو مقصرين":لا ابد كافي
ناظرت وراها وهي تشوف ابتسام واللي تاشر لها:ذياب دقيقه
حطت كتم وبصوت شبه عالي:وشوو؟؟
ابتسام:جوجوو بنروح سوبر ماركت مع سطام امشي
الجازي:تستهبلين وش تبين فيه
مناير:في حولها محل خضره وفواكه ناخذ لنا فراوله شي و نتمشى ونشوف الناسس
الجازي ناظرت لها بخبث:اي قولي تشوفون الناس من الاول
ابتسام ببراء:والله حنى ناس بريئ بسس نشوف بسس والله
الجازي:طيب جايتكم يالله
شالت الكتم:الوو
ذياب:كان نمتي بعد
الجازي:ههه سوري امم انا بسكر طيب
ذياب:ليش؟
الجازي:امم بنروح انا والبنات لسوبر ماركت
ذياب:صوب البنده؟مع منو؟
الجازي بورطه:ابوي..ابوي بيودينا
ذياب:اهاا...متاكده ابوك
الجازي:اي وش بكك
ذياب:طيب انتبهي على روحك
الجازي:طيب..باي
سكرت بستعجال وهي تركض ور ابتسام ومناير اللي صارو بعيد:انتظرونيي يابزراات
وصلت لعندهم وهي تلهث:والله انكم ماتستحون تروحون ...ووهه دقيقه خلتنفس
ابتسام:ههههه احسن مثل مارفستيني
______
سكر ذياب جواله
ثم قام متوجهه للخيمه الكبيره بالمزرعه
اللي فيها جدته
وقبل يدخل تحمحم:يمه في احد
ام عبدالله"الجده":في بنات اختي بس ادخل ماعليك متغطيات ابيك بموضوع
ذياب دخل وهو منزل راسه بس لاحظ حركت البنتين كيف يتهامسون ويضربون ببعض"وش بهم ذولي مقروصات"
جلس قريب من جدته:بغيتيني
ام عبدالله:اي والله ابي اروح لبنده اجيب من هلخضره اليوم بيجوني عرب"حريم /ناس"والمطبخ ناقصه كم غرض
ذياب:ابشري اجل اللبسي وانا بروح اقرب السياره
ام عبدالله وهي تقوم:اجل مشينا
طلع ذياب وام عبدالله ناظرت للبنتين:قمن روحن معي
تكلمت ساره:خاله مو لازم
نوره:الا بروحح،خاله هذا ولد عبدالله؟
ام عبدالله:اي هذا الي هامكم الولد ايي ولده
ساره:خاله ماتوقعت احفادك كذا حلوين ههههه
ام عبدالله وهي تقرص لها:اللي ماتستحين على وجهكك والله قومي بسس
ساره:طيب كم عمره
ام عبدالله:٣٠
ساره:همم حلوو اكبر مني بخمس سنين
نوره:يمه ذا ذياب تو معرس صح
ام عبدالله:ايي وخلصن يالله انا جايبتكن بهلوقت ابيكن تجن تساعدني تنظفن مع الشغالات وتسنعن معي مب تسولفون
ساره: ابشري يمه حنى بناتك اذا ماساعدناك نساعد من
ام عبدالله:قولن امين جعلني ارقص على عرسكن
رفعت نوره يدها وبصوت شبه عالي:اميينن ياررببب واحد حلوووو طويل معضل وسيم شهم لطيف كيوت رجل والرجال قليلوو يااارببببب ياارببب
ام عبدالله:عزالله وجهكن مغسول امشن بسس خل اجيب عباتي
______
في بنده
سطام:تستهبلون؟؟؟؟؟
الجازي ضربت ابتسام من خصرها:ودي اعطي كف
ابتسام بهمس:اسكتي لايذبحنه
سطام:انسه جازي عندك اعتراض شكله
الجازي ناظرت له وبعصبيه:سطامم مب فاضيه لك لاتخليني الحين اقوم واضرب وقسمم
سطام :تضربيني؟ انا؟
الجازي:اي اخليك مثل ايام قبل تذكر يوم اعطيك رفسه خليتك تقولل ودوني المستشفى والله ان اسويها مره ثانيه
مسك سطام صوب رجله لثواني:اي والله مانسيتها ..ترى كنت ساكت لانك بنت وانا ماضرب بنات
الجازي:يووو ياكذووببب تبي اذكرك يوم كنت تو متحجبه وقلت لك مابتهاوش معاك خلاص تحجبت كان تجي وتعطيني كف ودزيتني يالي ماتستحي على وجهك هذا وانا متحجبه خلاص واتغطى عنكك
سطام:وقتها انتي اللي طولتي لسانك وقلت لك انا ان ماسكتي بضربك
الجازي:اجل تبيني اس..
وقفت مناير بينهم وبهمس:الله يفشلكممم تهاوشوو بسياره مو هنا
سطام بعد اخته مناير وبعصبيه:المهمم وش مسوين انتو هاه ساعه الف ادوركم وينكم؟؟
ابتسام:شفيك نفسيه انت كنا نتمشى نشوف الخضره الزينه تدري في اشياء مو زينه لازم نختار الزين
سطام ناظر حوله لثواني ثم لها:اها وانا هنا المفروض اصدق
ابتسام وهي ترمش بعيونها:ياليت والله بعد اذنك يعني
الجازي:المهم سطام ماعندنا فلوس ادفع انت اي لين الحين مالقينه فراوله حلوه بندور بعدين نجيك
جات بتروح وهي تسحب ابتسام
بس انصدمت من سطام اللي سحبها من عبايتها:تعالي تعاليي
حركت كتفها عن يده:هييي تستهبلل لاتلمسيني
سطام:مالمستك انا بس لمست طرف عبايتك وبعدين ماتروحون مكان الا رجلي على رجلكم يالله اشوف قدامي
تاففت الجازي ثم سحبت ابتسام وهي تمشي ووراها سطام وبجنبه مناير اللي ماسكها لاتنحاش
همست الجازي:قلت لكك والله مايعقل البزر ياربي يغثث
ابتسام:مره تدرين انا تحسفت اننه تربينه مع بعض وقسم احسه لولا الحجاب كان اخذها ميانه معنا
الجازي:ايي مرره
وقفو عند صوب الفراوله وصارت ابتسام تختار مع مناير
اما الجازي فا طلعت جوالها بستغراب
ذياب:"ياحلوه"
عقدت حواجبها بستغراب"وش يبي"
ردت:"لو سمحت اسمي الجازي مو الحلوه"
الجازي:"تبي شي!!"
ذياب:"ها رجعتي من بنده"
الجازي:"لا باقي انتظر ابوي يخلص "
ذياب:"اها ابوكك اي صح لازم تنظرينه"
الجازي:"ايوا بر الوالدين واجب"
ذياب:"لا لا انا اتفق مره معاك الله يثبتك"
ذياب:"ترى حتى احترام الزوج والمصادقيه معا شي مهم"
الجازي:"اي صح اتفق معاك اهم شي المصداقيه بين الزوجين واتمنى هشي يكون بيننا بلمستقبل"
ذياب:"همم تدرين شي احب ثقافتك وطرحك للمعلومات"
ذياب:"اتوقع التنفيذ منك على هثقافه الجباره "
ذياب:"انتي لازم يختارونك تمثلين الدوله كا أمراه سعوديه ناجحه ومثقفه"
عقدت الجازي حواجبها وبهمس:وش به ذا يطقطق علي ولا من جده
ردت عليه:"لا خلني على وضعي"
ناظرت لسطام والبنات اللي خلصو واشترو ردت كتبت له:"يالله ابوي خلص حاسب.. انا بروح"
______
ناظر للجوال وابتسم بصدمه:لا بعد مستمره تكذب
رفع راسه وناظر لها وهي تمشي مع البنات وسطام يحارشها
ضغط اتصال على اسمها
ثواني حتى ردت:الوو
ذياب وعينه عليها:ماشاءالله ابوك شباب
الجازي:هاه؟
ذياب:ناظري وراك ياحلوتي
رفع حاجبه لها بس طاحت عينها بعينه همس بهدوء:حبل الكذب الصغير يا الحلوه
رد تكلم وعينه بعينها:تعالي..
بعد الجوال عن اذنه وسكره ولحد الحين عينه بعينها
تقدمت لحتى وقفت عنده
مد يده لها بهدوء وشبك يده بيدها واشر لسطام اللي يناظرهم بجواله
سحب الجازي بهدوء وهو يمشي بعيد واتصل على سطام:دقايق وبردها لكم ..
سكر الجوال ورده بجيبه
وهو مكمل يمشي بهدوء بعيد عن الناس:ايوا..
تكلمت الجازي بحراج من الموقف اللي طاحت فيه:اسفه
ضغط على يدها اللي بين يده بخفه لثواني حتى تكلم:انا ماطلبت اسفك...طلبت تفسير
الجازي:شوف سطام والله ولد عمي مره معه مع كنت بزر كله مع بعض وبحسبت اخوي يعني كنا ننام ونلعب وناكل ونسهر مع بعض فا والله حسبت اخوي فا والله كذا فجئه تبيني اقطع ماكلمه
ذياب وهو مكمل يمشي ويده بيدها:طيب ليش تكذبين جازي؟؟ مو حلو نبدي حياتنه بكذب المفروض تقولين لي بروح مع سطام مو ابوي فرضن اني اتصلت على ابوك وقال لي انك مو معه ولا يدري وينك واتصل عليك واقول لك صوري لي وتصورين واكتشف انه جد انتي مو بلمزرعه بس مستمر تقولين مع ابوي انا وقتها وش بيكون تفكيري؟! طالعه مع واحد
وقف ولف يناظر لها:جازي انا تو عرفتك وانجذبت لشخصيتك ولصراحتك بس هذا مايعني اني مابفهمك غلط
انا وش يعرفني انك مع البنات وسطام كل شي يدل انك طالعه مع واحد يعني ابوك ماكان يدري ولا انتي معا ولما اتصل تصرين انك معه؟؟ طبعا لو غيري كان سوا كذا بس انا سكتت ولا تكلمت مع اني شفتك صدفه هنا
ناظرت الجازي ليدها اللي بيده لثواني:طيب مابعيدها بس خفت لو قلت لك ماتخليني اروح
ذياب:هو الصراحه ماكنت بخليك تروحين
رفعت راسها تناظره بصدمه
ذياب ابتسم بهدوء:تناظرين له وتسولفين كذا انا ماستحمل اغار
الجازي نزلت نظرها بحراج
ذياب بعد يده عن يدها:شوفي انا بكون متفهم لك وبنفس الوقت اتمنى تحترمين رغبتي
الجازي ناظرت له بهدوء:وش هي
ذياب:ابيك تحترميني بغيابي ووجودي سواء كنت حولك او لا لاتحتكين بأي احد وخلي بينك وبينهم حدود وانا بلمثل بسوي
الجازي بفشله من اللي سوته:ابشر..شي ثاني
ذياب:اي
ذياب:ياليت نكون صادقين لبعض انا انسان متفهم لبعد الحدود لو عندك شي قولي بس لاتكذبين
الجازي بفشله:طيب واسفه مره ثانيه
ابتسم ذياب بهدوء:ماله داعي تتاسفين يمكن تقولين عني متناقض بس كل شي تسوينه يصير حلو بنظري حبيت الحركه شلون غشيتيني وسويتي اللي براسك بس لاتعودينها
ابتسمت الجازي بهدوء:طيب..انا بروح
ذياب:فمان الله
ناظر لها لحد ماراحت لصوب البنات
حط يده جهة قلبه:ذي تحط سحر بعيونها ولا وش والله لو اني مو ماسك نفسي كان طاحت هيبتي قدامها
يارب انا استانس انها حلالي ولا ازعل ان باقي وقت طويل على يوم تصير حلالي بالكامل اخخ بس الله يصبرنييي
مشى متوجهه لجدته وبنات اختها
______
مر اسبوع على ابطالنا
رجعت الجازي من المزرعه بما انه باقي كم يوم على الدوامات فا لازم تجهز له
كانت جالسه مع اخوها حمد الصغير(٣سنوات)علت صوتها:حمود وقسم بالله...انا راسيي صدعع خلاص اجلس اوفف
وقف حمد قدامها وصار يطلع بلسانه بستهبال ثم يروح يتخبى ورا الباب
سكرت الجازي عيونها بانزعاج:يالله صبركك
شغلت له كرتون بجواله وحطت قريب عندها:تعال اجلس هنا وتابع كرتون
ابتسم حمد وراح انسدح بجنبها يتابع ولا كان تو متخبي منها
ابتسمت وهي تلعب بشعره بتفكير"صار له اسبوع ماكلمني غريبه...اكلمه؟؟ لا لا اخاف يقول خفيفه...عادي جوجو اسبوع ماكلمكك سوي انه تتطمني علي...اي اي احلا حل"
فتحت جوالها وصارت تكتب
ثم ترجع تمسح
ثم تكتب وترجع تمسح
لحد ماستقرت على كلمه
الجازي:"السلاام عليكم"
سكرت الجوال ثواني حتى وصل لها رده
ناظرت بصدمه:يمه بسرعه
دخلت وكان كاتب
ذياب:"وعليكم السلام"
ذياب:"غريبه تكلميني؟ صاير شي.!"
الجازي:"لا ابد"
الجازي:"بس كنت بتاكد اذا كنت حي"
ذياب:"هههههه ليش"
الجازي:"لا بس غريبه اسبوع ساكت"
ذياب:"اي اخلص كم ورقه "
ذياب:"انتي مرتاحه وانا اركض اخلص كم ورقه تخصنا"
الجازي:"اها..الله يعينك"
ذياب:"وش جالسه تسوين الحين"
الجازي:"ابد مع اخوي الصغير"
ذياب:"اراهن انك معذبته"
الجازي:"انا؟"
الجازي:"لا والله حنونه انا"
ذياب:"الله يعطينه"
الجازي:"وش؟"
ذياب:"من هلحنان _فيس غمزه_"
الجازي قلبة حمره:"يالله باي اصلا انا الغلطانه اللي مكلمتك"
ذياب:"هههههههههههههههههههههه زوجتي طيبب"
الجازي:"زوجتك يوم اجي لبيتك"
ذياب:"سوالفك ماينمل منها"
ذياب:"بس اني مشغول...حبيت انك بادرتي وتكلمتي"
الجازي ناظرت بقهر:طيب انا مللل عندي افف
كتبتله:"سبحان الله تو كنت بقول لك انشغلت فجئه"
ذياب:"اي سبحان الله"
طلعت من المحادثه ودخلت تسولف مع صاحباتها وهي كان ودها لو تكمل تسولف معه
_________
مر ثلاث ايام
واليوم كان اول يوم دوام
للجازي في الكورس الثاني
طلعت من المحاضره بقهر وهي تتكلم مع ابتسام:اصلا المفروض كان ماداومت يعني هذي حاله اداوم من الصبح بلاخير كلهم ساحبين؟؟؟يستهبلون على راسي ولا بعدين يقولون حنى نثق ونحب اللي يداومون باول يوم انتو داومو اول في عشان حنى نداوم....
وقفت الحازي بصدمه وهي تناظر ذياب اللي كان طالع من غرفة الاداره:بوبو اكلمك بعدين
سكرت من ابتسام وهي تدقق فيه وكان جد ذياب ومعه اوراق شهقت بصدمه:يويليي ليكون يسحب اوراقيي من الجامعه...
_______________