قبلك الحب خرافه ومحض هراء وسفرا من اساطير الاولين - الفصل 8 - مكتملة | روايتك

مر اسبوع بعد محادثتهم انشغلت الجازي في بفترة الاختبارات واليوم كان اخر اختبار وبس رجعت حطت راسها ونامت ام عبدالله دخلت للغرفه وهي تصحي فيها:يابنت قومي جازييييي همهم الجازي بتعب:همم..(بانزعاج)بناااممم ام عبدالله:قومميي اخلصي بسرعهه الجازي بتعب وهي تقلب للجهه الثانيه:وشوو... ام عبدالله بصرخه:جازيييييي فزت بتعب:هلاا ام عبدالله:قومي جهزي شنطتك وشنطة اخوك بنروح للمزرعه اخلصيي اشوف الجازي بتعب ونحيب:ياا يمهه مو منجدكك بنام انا تعبااننه ام عبدالله وهي تطلع من الغرفه:تنامين بسياره يالله اخلصيي نزلت الجازي من على السرير وهي تسحب نفسها لدولابها فتحته وهي تطلع الشنطه اللي تحطها دايم تحت اول مافتحت الشنطه حطت راسها داخلها وكملت نوم بتعب فتحت عيونها بنزعاج من صوت الجوال مدة يدها لجيبها وهي تطلعه حطته باذنها وبتعب:بسومم تعرفين تسكرين من نفسك ولا اسكره انا لان مالي خلق اجي اعلمك والله؟ وصل لها صوت ذياب:لا حلفت عليك تجين انا فاضي غمضت عيونها بفشله"وانا دايم كذا فضيحه"سكرت بوجهه وهي ترمي الجوال وبهمس:النوم اهم وصلت لها صرخت امها من برا:جازيي ردت الجازي بتعب وبصوت عالي عشان تسمعها:هااااا ام عبدالله:ناايمهه صحححح الجازي وهي تحط يدها تحت راسها وتكمل نوم:لااااا....اخخ مسكت ظهرها وهي ترفع راسها ناظرت لامها ثم للمخده اللي انرمت عليها وبتفسير:والله نعسانه ام عبدالله:ان رحت وجيت ولقيت مو مسكره شنطتك ياويلكك قامت الجازي وهي تعدل شعرها :طيبب دخلت للحمام وهي تهمس:الواحد ماينام بهلبيت يعني ____ اما بجهه ثانيه ذياب ناظر للجوال وبصدمه:سكرت بوجهي هههههه والله سوتها حط الجوال وهو يناظر لطريق وبهمس:ياخي ابي اشوفها اسبوع لا صوت ولا شكل بموت كذا....وش سوا فيني الحب لهدرجه افقدها وقف بس وصل لوجهته نزل متوجهه للاستراحه عند اخويا عند الجازي اللي كانت نايمه بسياره وبس وصلو دخلت لاقرب غرفه وكملت نومتها في الليل صحت الجازي صلت اللي فاتها وطلعت بعد مااخذت معها شال خاصه ان الجو كان بارد ناظرت بصدمه للهدوء:وشوو ليكون نسوني وراحو هه توجهة للمطبخ دخلت وهي تسوي لنفسها كوفي وكروسان ناظرت للشغاله اللي تو دخلت:وين ماما الشغاله وهي تجلس قريب من الدفايه:هذا ماما وبنات كلو روح مزرعه ثاني في عشا الجازي وهي تصب القهوه بلكوب:اهاا طلعت وهي تجلس بلكراسي وحطت اكلها علطاوله اللي قدامها:ماشاءالله عليهم راحو وخلوني ناظرت للبزران اللي كانو يركضون ويلعبون:اوف ملل طلعت جوالها ناظرت لاسمه بتردد"ذياب"وبهمس:جازي خليك جريئه شوي وبعدي خلاص ذا زوجك مافي امل فا تعرفي علي مو احسن؟ دخلت وهي ترسل له بتردد:"فاضي؟" رفعت راسها وهي تناظر للنجوم تنتظر ردت همست:محد فاضي غيري والله هههه اخخ ملل وصل لها رد منه ناظرت له ذياب:"عند العيال" ذياب:"فيك شي؟!" ابتسمت بسخريه:هههههه المسكين منصدم مالومه انا مو وجه رومنسيه ارسلت له:"لا بس ملل عندي فا قلت نسولف" الجازي:"بس شكلك مشغول فا خلاص" انتظرت لثواني حتى نور جوالها باسمه"ذياب"يتصل فزت بتوتر وبهمس:بسم الله ارد.!!! لاا ..هيي وش لا اوف ضغطت على اجابه وهي ميته توتر:الو ذياب:حي الله هصوت وصاحبه الجازي بحراج وهي تناظر حولها وبتوتر:يحيك... كان الصمت بينهم صرت تمشي وهي تناظر للارض لحتى بعدت لمكان اظلم من صوب البيت ناظرت لسما وهي تسمع صوت انفاسه توترت ان ماتكلم:احمم ليش متصل ذياب:ابد نعقم الاذن.. الجازي جلست على اطراف رجلها وهي ترسم على الارض بعشوائي بس بهدوء:طيب عادي اسألك ذياب:قولي انفداك ابتسمت بحراج:..ليش تتكلم كذا ذياب:هذا سؤالك؟! الجازي بحراج اكثر:ايي ليش غريب ههه ذياب:لا ابد..وضحي اكثر الجازي وهي خلاص تحس ماتت حر مع ان الجو بارد :لا بس اقصد يعني....(سكتت بعد ماعرفت تعبر) ذياب:قصدك اتغزل فيك وقفت الجازي وهي تغطي وجها بحراج وبهمس:اي... ذياب:تصدقين لو قلت حبيتك من اول نظره! الجازي:ماش مايدخل مزاجي هلكلام ذياب:ولا انا بس من بعدك دخل الجازي:اي بس يعني مدري كيف ذياب:خل اقول لك بما انك السبب انا من شفتك ماصرتي تطلعين من بالي شخصيتك اسلوبك..عيونك خاصهه عندك نظره مميزه تعجبني بلحييللل انا والله من شفتك صرت ابي اشوفك اكثر واكثر شي يجذبني لك شي مميز فيك بس وابي اشوفه دايم فا شي طبيعي بتقدم لك الجازي:احمم شكرا ذياب:هههه جعلني المؤدبين ..ولا اقول اي ادب وانتي مسكره بوجهي الجازي بحراج وبتوتر:يوووه والله مو قصديي احسب صاحبتي ذياب:ههههههههه لا لا مايصير ماراح ارضا الا بشي الجازي بهمس:عساس يهمني رضيت..وشوو هشي ذياب:احلفي؟ هههههههههه يعني ماسمعتك الجازي:انا انسانه صريحه ذياب:على قلبي الصريحين الجازي عطت نفسها كف خفيف "لاتصيرين خفيفه":وش هشي ذياب:والله اخاف اقوله ثم تسكرين بوجهي الجازي:لا ماعليك قول ذياب: لا لا والله ماقول الجازي بنرفز:يوو قوول ماعليككك ذياب:بوسه الجازي:........... ذياب:الوو ههههههههههههههههه فصلت البنت وشوو حرمتيي كيفيي حرام بعدد مسكين انا ترى الجازي اللي من الصدمه جلست وغطت على وجها وهي تسمع تبريراته همست:ياقليل الادببب ذياب:افا انا؟ الجازي:بسكر امي تناديني ذياب:ياااوكك يا الكذووبب الجازي بعصبيه:هيي وشو كذووب ذياب:اولل اولل كذوب وتعصب بعد الجازي بنرفزه:ماكذب ذياب:امكك معزومه عند امي يا الكذوب الجازي:ا اقصد ا..اوف تدري كيف؟ ذياب بروقان:كيف؟ الجازي:بسكر حتى بدون شي ذياب:ههههههه اقعدد يعني معصبهه طيبب انا بعد بروح للعيال..فمان الله بعدت الجوال بصدمه:سكر بوجهيي لفت بعصبيه وقهر بس للحظات تجمدت مكانها وهي تسوف انها تعمقت حيل وراحت بعيد وظلمه والاشجاار من اماكن مفترقه كانت تتحرك بسبب الهوا بلعت ريقها بخوف وهي ترجع تتصل علي وصل لها صوته:الوو الجازي:ذياب ذياب:يالبييه اول مره اسمع اسمي منك ..عيون ذياب الجازي:شوف انا اتصلت لان يوم كنت اكلمك رحت بعيد حيل و ترى غلطتك فا بتتكلم معي لحد ماارجع ذياب:الله يكثرها الجازي وهي تمشي راجعه ومو منتبه لكلامه:وشو ذياب:الغلطات الحلوه الجازي:اذا تخوف شكرا لا ذياب:ههههه الا الجازي:لاا ذياب:الا الجازي:لاا ذياب:اسكر ترىى الجازي بهمس:يلعنن الحاجهه ذياب:يالبيه انا احبها عاد الجازي بنرفزه:يوووو تغثث ذياب:هههههههههههههههه ياحلوكك الجازي:بس وصلتت ذياب:دقيقه لاتسكرين الجازي:هلاا ذياب:البوسه وين الجازي:تبيها؟ ذياب:اي والله الجازي:احلم تسمعها ذياب:ههههههههههههههههههههههههههههه قريب نسمعها ياعروستي ولا شرايكك الجازي شهقت بصدمه:ياقليل الادبب ماتستحي ذياب:هههههههههه اقصد يوم تسلمين على اهلك قبل نمشي وش تفكرين في انتي؟؟ الجازيي صفقت وجها بحراج سكرت بوجهه وهي تصرخ بحراج:اناا ليشش قلت كذاااااااا ناظرت للشاشه وكان"ذياب"يتصل:والله ماردد دخلت للغرفه وهي تحطه على وضع الصامت دفنت وجها بلمخده وهي تصرخ فيها بصوت مكتوم بعدت عنها وهي تصرخ:احرااااجججج والله ان انا اللي ماستحيي بعد دقايق جلست وهي تتكلم مع نفسها:عادي جازي وش بك هو اصلا الوصخ هنا مو انتي وبعدين عادي سوي انك ماقلتي شي....اوففف بس هوو بيمسكها علي خلاص اعرفهه اخخ انسي عادي انسييي ردت على ورا وغمضت عيونها تحاول ترجع تنامم احسن لها ________ مر يومين على جلستهم بلمزرعه عند الجازي اللي تتفطر :مستحيل اوصف جمالو..رقت الدنيا بعيونو..قلبي كان الله بعونوو...من اللي انا حسيتو معاا.....الله عليكك ياشيرين دخلت ابتسام وببتسامه:الله الله رومنسيه من صباح الله خير الجازي:بوبوو ابتسام وهي تجلس:عيون بوبو الجازي:قفلي على قلبيي بنت عمكك خفيفهه ابتسام:وانتي توك تعرفين انك خفيفه الجازي وهي تحرك راسها مع نغمات الاغنيه:في حاجات صارت حلوه بعلاقتييي.... ابتسام باست يدها ظهر وبطن:الحمدالله وشكرر..اكلي طيب لايبرد الاكل الجازي وهي ترشف من شاي حليب:بس ترى بنت عمك ذكيه ماابيينت له اني ملت معه ولا واحد بلميه احمم ابتسام وهي تاكل من زيتون:وش الفايده ههههه النتيجه وحده هههههههههههههههههههه ايي لاتضربين قامت الجازي بتكمل ضرب بس قاطعهم صوت امها ناظرت لابتسام:فكك الله مني ابتسام:اوو صح كنت جايه بناديكك ههههه روحي بسس واعتبري انتقامي لضربتك قامت الجازي ساحبه على كلامها:اعلمكك انا طلعت لامها للجلسه الخارجيه :هلا يمه ن... وقفت مكانا من شافته رجعت على ورا بسرعه بتروح بس قاطعها امها:تعالي يمهه سلمي على زوجك تجمدت الجازي "لاا لبسيي" كانت لابسه جينز ضيق على جسمها وجاكيت مع كاب يوصل لنص الوجهه بس كانت حاطته عل ورا همست:علاقل من فوق واسع لفت وهي تمشي بتوتر وقلبها كان طبوول اول مره كذا تمشي قدام رجال وشكله يخوف كيف رجال بمعنى الكلمه يده وعروقه البارزه رقبته اكتافه العريضه النظرات كل شي حرفيا وقف وهو يناظر ليدها الممدوده مد يده يصافحها شد على يدها وهو يقربها اكثر ويسلم خد بخد ويتعمد يبين صوت البوسه همس بلجهه اللي ماتبين وجهه لاهلها:ياحلوكك اما الجازي تجمدت وقلبها وقف عن النبض لثواني جسمها برد تحس راسها بدا يعورها رجلها مو قادره توقفها وفوق كل ذا يقول ياحلوك ولا بهمس "هذا نفسه اللي كنت اكلمهه....رحمة الله عليك ياروحي" بعدت عنها وهو لحد الان ماسك يدها وببتسامه:كيفك يا الجازي ناظرت لتحت بتوتر وهمس:الحمدالله.. جدك ذياب:ابكك اتركك البنت خبصتها بعد ذياب يده عنها وهو يرد يجلس راحت الجازي سلمت على جدته ولثواني كانت بتنزل تشيل جزمتها "يكرمكم"وتمسكها وتكمل تسلم من قوة التوتر بس قبل تسوي هشي صارت تشاور بنفسها "وشش بكك ياهبله ياهبلهه وش تشيلين جزمتك وتكمليين تسلميينن"سلمت على امه ثم راحت تجلس بجنب امها اللي اشرت لها صارت تلعب بيدها بتوترر وهي تحس بنظراتهه"ياربيي كنت بجيب العيد شكوو اشيل جزمتي وتمشا معها شكووووو اهه" توترت زياده وهي تحس بنظراته "لا انا رسمي اليوم ميته " ____________