الفصل 22
ﺍﻃﻞ ﺍﻟﺼﺒﺢ ﺍﻟﺠﻤﻴﻞ ﻣﻦ ﻧﺎﻓﺬﺓ ﺍﻟﺤﻴﺎﺓ .. ﻳﺒﻠﻞ ﺍﻟﺠﻔﺎﻑ ﻭﻳﻬﺪﻳﻪ ﻣﻦ
ﺍﻟﻨﺪﻯ ﺍﻟﺤﺮﻳﺮﻱ .. ﺍﺳﺘﺒﻘﺖ ﻛﻞ ﻧﻀﺎﺭﺓ ﺍﻟﻠﻮﺯ ﻭﺍﻟﺠﻮﺯ ..
ﻛﺎﻟﺮﻳﺸﺔ ﺍﻟﻤﺪﺍﻋﺒﺔ ﻷﻧﻒ ﺍﺣﺪﺍ .. ﺗﻄﻞ ﺧﻴﻮﻁ ﺍﻟﺪﻧﻴﺎ ﺍﻟﺬﻫﺒﻴﺔ ..
ﻭﺗﺴﺘﺮﻕ ﺍﻟﻨﻈﺮ ﻣﻦ ﻛﻞ ﻧﺎﻓﺬﻩ .. ﻣﺘﻄﻔﻠﺔ ﺟﻤﻴﻠﺔ .. ﻛﻄﻔﻠﺔ ﺑﺮﻳﺌﺔ ..
ﺗﻨﺒﻪ ﺍﺑﺎﻫﺎ ﺑﺎﻥ ﻋﻠﻲ ﺍﻟﻨﻬﻮﺽ ﻭﺍﻟﺠﻠﻮﺱ ﻋﻨﺪ ﻣﺎﺋﺪﺓ ﺍﻟﻄﻌﺎﻡ .. ﻟﻜﻲ
ﻳﺒﺪﺃ ﺍﺣﺘﻔﺎﻝ ﺍﻟﻴﻮﻡ ﺍﻟﺠﺪﻳﺪ ..
------------------------------------
ﺑﻬﺬﺍﻙ ﺍﻟﻨﻮﺭ ﺑﺪﺕ ﻓﺎﺗﻦ ﺗﻔﺘﺢ ﻋﻴﻮﻧﻬﺎ ﺑﻬﺪﻭﺀ .. ﺍﻟﻈﻼﻡ ﺑﻌﺪﻩ ﻻﻑ
ﺍﻟﻐﺮﻓﺔ ﻟﻜﻦ ﺍﻟﺸﻤﺲ ﺍﻟﻌﻨﻴﺪﺓ ﺗﺨﻠﻠﺖ ﻣﻦ ﺑﻴﻦ ﺍﻟﺼﻌﻮﺑﺎﺕ .. ﻭﺍﻭﻝ ﻣﺎ
ﻗﻌﺪﺕ ﺷﺎﻓﺖ ﻫﻴﺎﻡ ﺍﻟﻠﻲ ﺑﺎﺗﺖ ﻭﻳﺎﻫﺎ ﻃﻮﻝ ﺍﻟﻠﻴﻠﺔ .. ﺍﻟﻠﻴﻠﺔ ﻫﺬﻱ
ﻭﺍﻟﻠﻴﻠﺔ ﺍﻟﻠﻲ ﻗﺒﻠﻬﺎ .. ﺍﺑﺘﺴﻤﺖ ﻓﺎﺗﻦ . ﻣﺎ ﻗﺼﺮﺕ ﻭﻳﺎﻫﺎ ﻫﻴﺎﻡ ﻭﺻﺎﺭﺕ
ﻟﻬﺎ ﻣﺜﻞ ﺍﻻﺧﺖ ﺍﻟﻠﻲ ﺍﻫﻲ ﺗﻔﺘﻘﺪﻫﺎ ﺑﻬﺎﻟﻐﺮﺑﺔ .. ﻟﻜﻦ ﺍﻟﻠﻲ ﺍﻫﻲ ﺻﺮﺍﺣﺔ
ﻣﻔﺘﻘﺪﺗﻪ ﺍﻫﻮ ﺻﻮﺕ ﻣﺴﺎﻋﺪ ﻭﺍﻫﻠﻬﺎ .. ﻣﻦ ﺯﻣﺎﻥ ﻣﺎ ﺗﺪﺭﻱ ﻋﻨﻬﻢ .. ﻣﻦ
ﻃﺎﺣﺖ ﻗﺒﻞ ﻳﻮﻣﻴﻦ ﺑﻬﺎﻟﻤﺮﺿﺔ ﻭﻫﻲ ﻣﺎ ﺗﺪﺭﻱ ﺑﺸﻲ .. ﺍﻻ ﻣﻦ ﻳﻮﻡ
ﺗﺘﺼﻞ ﻓﻲ ﻣﺴﺎﻋﺪ ﻭﻛﻠﻤﺖ ﺍﻣﻬﺎ ﺑﻨﻔﺲ ﺍﻟﻮﻗﺖ .. ﺑﺲ ﻟﻠﺤﻴﻦ ﻣﺎ ﺗﺪﺭﻱ
ﻋﻨﻬﻢ ﺷﻲ ..
ﺣﺴﺖ ﺍﻧﻬﺎ ﻓﻲ ﺣﺎﻟﺔ ﺗﺴﻤﺢ ﻟﻬﺎ ﺍﻧﻬﺎ ﺗﻘﻮﻡ .. ﺳﺤﺒﺖ ﺍﻟﻠﺤﺎﻑ ﻋﻨﻬﺎ
ﻭﻣﺪﺕ ﻳﺪﻫﺎ ﻟﻠﺮﻭﺏ .. ﺧﺬﺗﻪ ﻭﻫﻲ ﺗﻮﻗﻒ ﻟﻔﺘﻪ ﻋﻠﻴﻬﺎ ﺑﺎﺣﻜﺎﻡ .. ﻭﺷﻮﻱ
ﺷﻮﻱ ﻭﺑﻬﺪﻭﺀ ﻃﻠﻌﺖ ﻣﻦ ﺍﻟﺪﺍﺭ ﻭﻫﻲ ﺗﻤﺴﻚ ﺍﻟﺠﺪﺍﺭ ﻟﻠﺘﻮﺍﺯﻥ .. ﻟﻠﺤﻴﻦ
ﺍﻟﺪﻭﺭﺓ ﻣﺎ ﺧﻔﺖ ﻋﻠﻴﻬﺎ ﻟﻜﻦ ﺍﻟﺴﺨﻮﻧﺔ ﺍﻟﻈﺎﻫﺮ ﺍﻧﻬﺎ ﻭﻟﺖ ﻣﻦ ﺯﻣﺎﻥ ..
ﺭﺍﺣﺖ ﻓﻲ ﺍﻟﺼﺎﻟﺔ ﻭﻫﻲ ﺗﺘﻔﻘﺪ ﺑﻴﺘﻬﺎ ﺍﻟﻠﻲ ﻭﺣﺸﻬﺎﺍ .. ﻭﺍﻭﻝ ﻣﺎ ﻃﺎﺣﺖ
ﻋﻴﻨﻬﺎ ﻋﻠﻴﻪ ﺍﻫﻮ ﺍﻟﺘﻠﻔﻮﻥ ﺍﻟﻴﺪﻳﺪ .. ﺍﻟﻈﺎﻫﺮ ﺍﻧﻪ ﻭﺻﻞ ﻭﻭﺻﻞ ﺍﻟﺨﻂ
ﻭﻳﺎﻩ .. ﺭﺍﺣﺖ ﻋﻨﺪﻩ ﻭﻫﻲ ﻓﺮﺣﺎﻧﻪ ﻭﻗﻌﺪﺕ ﻋﻠﻰ ﺍﻟﻜﺮﺳﻲ .. ﺣﻤﻠﺘﻪ
ﻭﻋﻠﻰ ﻃﻮﻝ ﺿﺮﺑﺖ ﺍﻟﺮﻗﻢ ﺍﻟﻠﻲ ﻳﻄﻮﻑ ﻓﻲ ﺑﺎﻟﻬﺎ ﻣﺜﻞ ﺍﻟﺤﻠﻢ
ﺍﻟﻮﺭﺩﻱ .. ﺷﺎﻓﺖ ﺍﻟﺴﺎﻋﺔ ﺍﻭﻝ ﻟﻘﺘﻬﺎ ﺍﺭﺑﻊ ﺍﻟﻔﻴﺮ ﺑﺘﻮﻗﻴﺖ ﺑﻮﺳﻄﻦ ..
ﻳﻌﻨﻲ ﺍﻟﺴﺎﻋﺔ 11 ﺑﺘﻮﻗﻴﺖ ﺍﻟﻜﻮﻳﺖ .. ﺍﻫﻮ ﺑﺎﻟﺪﺍﻭﻡ ﺍﻟﺤﻴﻦ .. ﻭﻇﻠﺖ
ﺗﻨﺘﻈﺮ ﺍﺣﺪ ﻳﺮﻓﻊ ﺍﻟﺴﻤﺎﻋﺔ ﻟﻜﻦ ﻋﺒﺜﺎ .. ﻭﺳﻜﺮﺕ ﺍﻟﺨﻂ ﻭﺿﺮﺑﺖ ﻣﺮﺓ
ﺛﺎﻧﻴﺔ ﺑﺘﺮﻛﻴﺰ ﻳﻤﻜﻦ ﺿﺎﻓﺖ ﺭﻗﻢ ﺯﻳﺎﺩﺓ ﺍﻭ ﺭﻗﻢ ﻏﻠﻂ .. ﻟﻜﻦ ﻣﺎﻛﻮ ﺍﻱ
ﺭﺩ .. ﻳﻤﻜﻦ ﻣﺸﻐﻮﻝ ﻭﻻ ﺷﻲ .. ﻭﺭﺍﺣﺖ ﻣﻦ ﻋﻨﺪ ﺍﻟﺼﺎﻟﺔ ﻭﺭﺍﺣﺖ ﻋﻨﺪ
ﺍﻟﻤﻄﺒﺦ ﺗﺼﺐ ﻟﻬﺎ ﺷﻮﻱ ﻣﻦ ﺍﻟﻌﺼﻴﺮ .. ﺗﺤﺲ ﺑﻌﻄﺶ ﻛﺒﻴﺮ ﻓﻴﻬﺎ ..
ﺻﺒﺖ ﻟﻬﺎ ﺷﻮﻱ ﻭﺍﻭﻝ ﻣﺎ ﺭﺷﻔﺖ ﺭﻥ ﺗﻠﻔﻮﻥ ﺍﻟﺒﻴﺖ ..؟؟ ﻣﻦ؟؟
ﺭﺍﺣﺖ ﺑﻬﺪﻭﺀ ﻟﻌﻨﺪ ﺍﻟﺘﻠﻔﻮﻥ ﻭﺑﺼﻮﺗﻬﺎ ﺍﻻﻧﻔﻠﻮﻧﺰﻱ ﺍﻟﻴﺪﻳﺪ : ﺍﻟﻮ ...
ﻣﺴﺎﻋﺪ ﻭﻫﻮ ﻳﺤﺲ ﺑﺎﻟﺮﺍﺣﺔ ﺗﺴﺮﻱ ﻓﻴﻪ ﻣﻦ ﻏﻴﺮ ﺍﻱ ﺳﺒﻴﻞ : ﺍﻟﻮ؟؟
ﻓﺎﺗﻦ؟؟
ﻓﺎﺗﻦ ﺍﻟﻲ ﺍﻻﺑﺘﺴﺎﻣﺔ ﻏﻄﺖ ﻣﻼﻣﺤﻬﺎ : ﺍﻳﻪ .. ﻓﺎﺗﻦ .. ﻣﺴﺎﻋﺪ ﺷﻠﻮﻧﻚ؟
ﻣﺴﺎﻋﺪ : ﺍﻟﺤﻤﺪ ﻟﻠﻪ ﺍﻧﺘﻲ ﺷﺨﺒﺎﺭﺝ؟؟ ﻋﺴﺎﺝ ﻃﻴﺒﺔ؟؟ ﺷﻠﻮﻥ
ﺍﻻﻧﻔﻠﻮﻧﺰﺍ ﻣﻌﺎﺝ؟؟
ﻓﺎﺗﻦ ﻭﻫﻲ ﻣﺘﻈﺎﻳﻘﺔ ﻣﻦ ﺑﺮﻭﺩﻩ ﻓﻲ ﺍﻟﺴﺆﺍﻝ : ﺍﻟﺤﻤﺪ ﻟﻠﻪ ﺍﺣﺴﻦ
ﺍﻟﺤﻴﻦ
ﻣﺴﺎﻋﺪ ﺍﻟﻠﻲ ﻛﺎﻥ ﻭﺩﻩ ﻟﻮ ﻳﻄﻴﺮ ﻟﻬﺎ ﺑﻬﺎﻟﻠﺤﻈﺔ ﻟﻜﻦ ﻏﺮﻭﺭﻩ ﻛﺎﻥ ﺍﻛﺒﺮ
ﻣﻨﻪ ..: ﺍﻟﺤﻤﺪ ﻟﻠﻪ .. ﻫﺬﺍ ﺭﻗﻢ ﻣﻦ؟
ﻓﺎﺗﻦ : ﻣﺪﻳﺖ ﻟﻲ ﺧﻂ ﻟﻠﺒﻴﺖ ..
ﻣﺴﺎﻋﺪ : ﺍﻭﻭﻩ .. ( ﻭﻭﺑﺒﺮﻭﻭﺩ ﻳﻨﻢ ﻋﻦ ﻗﻬﺮ ﻓﻴﻪ ) ﻣﺒﺮﻭﻙ
ﻓﺎﺗﻦ : ﺍﻟﻠﻪ ﻳﺒﺎﺭﻙ ﻓﻴﻚ .. ( ﻭﺑﺼﻮﺕ ﺣﺰﻳﻦ ) ﺍﻟﻈﺎﻫﺮ ﺍﻧﻚ ﻣﺸﻐﻮﻝ ..
ﻓﺒﺨﻠﻴﻚ ..
ﻣﺴﺎﻋﺪ : ﺍﻳﻪ .. ﺍﻭﻛﻲ ﻣﻌﻠﻴﻪ .. ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ..
ﻓﺎﺗﻦ : ﺍﻥ ﺷﺎﺀ ﺍﻟﻠﻪ .. ﻣﻊ ﺍﻟﺴﻼﻣﺔ ..
ﻭﻛﻞ ﺍﻟﻠﻲ ﺭﺩ ﻋﻠﻴﻬﺎ ﻋﺸﺎﻥ ﻳﺴﺮﻉ ﻣﻦ ﻫﺎﻟﻤﻜﺎﻟﻤﺔ ﺍﻫﻮ : ﺑﺎﻱ ..
ﻭﺳﺪ ﺍﻟﺨﻂ ﻓﻲ ﻭﻳﻪ ﻓﺎﺗﻦ ﺍﻟﻲ ﻣﺴﺘﻬﺠﻨﻪ ﻫﺎﻟﺘﺼﺮﻑ ﻓﻴﻪ . ﻻﻭﻝ ﻣﺮﺓ
ﻳﻮﺍﺟﻬﻬﺎ ﺑﺒﺮﻭﺩ ﻣﺜﻞ ﻫﺬﺍ .. ﻳﻤﻜﻦ ﻋﻨﺪﻩ ﻣﺸﻜﻠﻪ ﻭﻻ ﺷﻲ .. ﺍﻭ ﻣﺸﻐﻮﻝ
.. ﺍﻭ ﻣﺎ ﻳﺒﻲ ﻳﻜﻠﻤﻨﻲ ﻟﻴﺶ ﻣﺎ ﺍﻛﻮﻥ ﺻﺮﻳﺤﺔ ﻭﻳﺎ ﻧﻔﺴﻲ .. ﻳﻤﻜﻦ
ﻫﺎﻟﻴﻮﻣﻴﻦ ﺧﻠﻮﻩ ﻳﻌﻴﺪ ﺍﻟﺘﻔﻜﻴﺮ ﺑﺎﺷﻴﺎﺀ .. ﻭﻇﻠﺖ ﻗﺎﻋﺪﺓ ﻣﻜﺎﻧﻬﺎ ﻭﻫﻲ
ﺗﺤﺲ ﺑﺎﻟﻤﺮﺽ ﻣﺮﺓ ﺛﺎﻧﻴﺔ .. ﻟﻜﻨﻬﺎ ﻣﺎ ﻛﺎﻧﺖ ﺗﺪﺭﻱ ﺍﻥ ﻫﺎﻟﻤﺮﺽ ﻣﺮﺽ
ﻧﻔﺴﻲ ﺑﺪﺍﺧﻞ ﻋﻘﻠﻴﺘﻬﺎ ..
ﻭﻛﻠﻬﺎ ﻛﻢ ﺩﻗﻴﻘﺔ ﺍﻻ ﻭﻳﺮﻥ ﺍﻟﺘﻠﻔﻮﻥ ﻣﻦ ﻳﺪﻳﺪ ..
ﺷﺎﻟﺘﻪ : ﺍﻟﻮﻭ؟؟
ﻣﺴﺎﻋﺪ : ﻳﻌﻨﻲ ﺍﻧﺘﻲ ﻣﺎ ﺗﺤﺴﻴﻦ؟؟ ﺍﻧﺘﻲ ﻣﺎ ﻋﻨﺪﺝ ﺫﺭﺓ ﻣﻦ
ﺍﻻﺣﺴﺎﺱ .. ﺍﻭﻝ ﺷﻲ ﺑﺪﻳﺘﻲ ﺗﺘﺠﺎﻭﺑﻴﻦ ﻭﻳﺎﻱ .. ﻭﺑﺒﻌﺪﻳﻦ ﺗﻄﻮﺭﻧﺎ
ﺑﺎﻻﺳﻠﻮﺏ .. ﻟﻴﻦ ﺗﺴﻮﻳﻦ ﺍﻟﻠﻲ ﺗﺴﻮﻳﻨﻪ ﻭﺗﺨﻠﻴﻨﻲ ﻣﺜﻞ ﺍﻟﻤﺘﺤﻘﺮﺹ
ﻣﻜﺎﻧﻲ ﻣﺎﺍﺩﺭﻱ ﻋﻨﺞ ﻻ ﺧﺒﺮ ﻭﻻ ﻋﻠﻢ؟؟ ﻳﻌﻨﻲ ﺷﻨﻮ ﺗﺘﻮﻗﻌﻴﻦ ﻣﻨﻲ ﻻ
ﺍﺗﺼﻠﻲ .. ﺍﺟﺎﺑﻠﺞ ﺑﺎﻻﺣﻀﺎﻥ ﻭﺍﻧﺴﻰ ﺍﻟﻌﻨﻰ ﺍﻟﻠﻲ ﺗﻌﻨﻴﻪ ﻟﺞ ﻃﻮﻝ
ﻫﺎﻟﻔﺘﺮﺓ ﻭﺍﻧﺎ ﺍﺿﺮﺏ ﺍﻓﻜﺎﺭﻱ ﻳﻤﻴﻦ ﻭﻳﺴﺎﺭ .. ﻓﺎﺗﻦ .. ﺍﻧﺎ ﻣﺎ ﺍﻃﻠﺐ ﻣﻨﺞ
ﺍﻧﺞ ﺗﻄﻴﺤﻴﻦ ﻟﻲ ﺑﺲ ﻣﺎ ﺗﻮﻗﻌﺖ ﻣﻨﺞ ﺍﻧﺞ ﻣﺎ ﺗﻔﺘﻜﺮﻳﻦ ﺣﺘﻰ ﺑﺮﺍﺣﺘﻲ
.. ﺍﻟﻠﻲ ﺍﻫﻲ ﺑﻤﻌﺮﻓﺔ ﻛﻞ ﺍﻣﻮﺭﺝ ﺍﻟﺼﻐﻴﺮﺓ ﻭﺍﻟﻜﺒﻴﺮﺓ ..
ﺳﻜﺘﺖ ﻓﺎﺗﻦ .. ﺷﺘﻘﺪﺭ ﺗﻌﻘﺐ ﻣﻦ ﺑﻌﺪ ﻫﺎﻟﺴﻴﻞ ﺍﻟﻬﺎﺋﺞ ﻣﻦ ﺍﻟﻌﺘﺎﺏ
ﻭﺍﻟﻤﻼﻣﺔ .. ﺷﺘﻘﺪﺭ ﺗﻘﻮﻝ ﻟﻪ ﺍﻭ ﺷﻠﻮﻥ ﺗﻬﺪﻳﻪ ...
ﻭﺑﺼﻮﺕ ﻫﺎﺩﺉ : ﻣﺴﺎﻋﺪ ﺍﻧﺎ ..
ﻣﺴﺎﻋﺪ ﻳﻘﻄﻌﻬﺎ ﺑﻌﺼﺒﻴﺔ : ﻣﺎ ﺍﺑﻲ ﺍﻧﺎ ﻓﺎﺗﻦ .. ﻣﺎ ﺍﺑﻲ ﺗﺒﺮﻳﺮﺍﺗﺞ ﻭﻻ ﺍﺑﻲ
ﺍﻋﺬﺍﺭﺝ ﻻﻧﻬﺎ ﻣﺎ ﺑﺘﻨﻔﻊ ﻭﻳﺎﻱ .
ﺳﻜﺘﺖ ﻓﺎﺗﻦ ... ﻳﻌﻨﻲ ﺣﺘﻰ ﻓﺮﺻﺔ ﻟﻠﺪﻓﺎﻉ ﻋﻦ ﻧﻔﺴﻬﺎ ﻣﺎ ﻋﻄﺎﻫﺎ ...
ﻣﺴﺎﻋﺪ : ﻫﻢ ﺳﺎﻛﺘﻪ .... ﺷﻔﻴﺞ ﻣﺎ ﺗﺘﻜﻠﻤﻴﻦ
ﻓﺎﺗﻦ ﺑﺼﻮﺕ ﻫﺎﺩﺉ ﻭﻫﻲ ﺗﺤﺲ ﺑﺎﻟﺤﻴﺎ ﺷﻮﻱ : .. ﻣﺎ ﺍﺩﺭﻱ .. ﺍﻧﺖ
ﻣﺎﺗﺨﻠﻴﻨﻲ ﺍﺗﻜﻠﻢ ..
ﻣﺴﺎﻋﺪ : ﻳﺎﻟﻠﻪ ﺗﻜﻠﻤﻲ ﺍﺑﻴﺞ ﺗﺘﻜﻠﻤﻴﻦ .. ﻭﻻ ﺗﺪﺭﻳﻦ .. ﻫﺬﺍ ﺍﻟﺸﻲ
ﺑﺮﺍﺣﺘﺞ ..ﺑﺘﺘﻜﻠﻤﻴﻦ ﺗﻜﻠﻤﻲ ﻣﺎ ﺍﺑﺘﺘﻠﻜﻤﻴﻦ ﻫﺬﺍ ﺷﻲ ﺧﺎﺹ ﻓﻴﺞ ﻟﻜﻦ
ﻋﺮﻓﻲ ﻭﺣﻄﻲ ﺑﺎﻟﺞ ﺍﻧﻲ ﻻﻳﻴﺘﺞ ﺍﻟﺠﻤﻌﺔ ﺑﺘﺸﻮﻓﻴﻦ ﺷﻲ ﻣﺎ ﺷﻔﺘﻴﻪ ..
ﺍﻭﻛﻴﻪ
ﻓﺎﺗﻦ : ﺍﻟﻴﻤﻌﺔ ﺑﺘﻜﻮﻥ ﻫﻨﻲ
ﻣﺴﺎﻋﺪ : ﺍﻱ ﻫﺎﻟﻴﻤﻌﺔ ﺑﻜﻮﻭﻭﻥ ﻋﻨﺪﺝ
ﻓﺎﺗﻦ ﺑﺼﻮﺕ ﻧﺎﻋﻢ ﻭﻓﺮﺡ : ﺍﻟﻠﻪ ﺍﻳﻴﺒﻚ ﺑﺎﻟﺴﻼﻣﺔ ..
ﻣﺴﺎﻋﺪ ﻭﻫﻮ ﻳﺤﺲ ﺑﺎﻟﻈﻴﺞ ﻭﻛﻼﻣﻬﺎ ﺍﻟﺤﻠﻮﻭ ﻭﺍﻟﻬﺎﺩﺉ : ﺍﻟﻠﻪ ﻳﺴﻠﻤﺞ ..
ﻭﺑﻌﺪ ﻓﺘﺮﺓ ﺳﻜﺖ ﻓﻴﻬﺎ ﻣﺴﺎﻋﺪ ﻭﻫﻮ ﻳﺤﺲ ﺑﺎﻟﺼﻴﺤﺔ ﺗﺘﺪﺍﻓﻊ ﻓﻴﻪ ..
ﺍﻛﺮﺭﻫﺎ ﻳﺎﻧﺎﺱ .. ﺍﻛﺮﻩ ﻫﺎﻟﻤﺸﺎﻋﺮ ﺍﻟﻠﻲ ﺗﺨﻠﻴﻨﻲ ﺍﺣﺲ ﻓﻴﻬﺎ .. ﺍﻛﺮﻩ
ﺗﺎﺛﻴﺮﻫﺎ ﻋﻠﻲ ﻣﺜﻞ ﺍﻟﻴﺎﻫﻞ .. ﺍﻛﺮﻫﻬﺎ ..
ﻓﺎﺗﻦ : ﻫﺪﻳﺖ؟؟
ﻣﺴﺎﻋﺪ ..: ﺷﻨﻮ؟؟
ﻓﺎﺗﻦ : ﺍﻗﻮﻝ ﻟﻚ ﻫﺪﻳﺖ .. ﻋﺸﺎﻥ ﺍﺗﻜﻠﻢ ؟؟
ﻣﺴﺎﻋﺪ : ﺍﻳﻪ ... ﻫﺪﻳﺖ ..
ﻓﺎﺗﻦ ﻭﻫﻲ ﺗﺒﺘﺴﻢ ...: ﻭﻟﻬﺖ ﻋﻠﻴﻚ؟؟؟
ﻣﺴﺎﻋﺪ ﻭﻫﻮ ﻳﺤﺲ ﺍﻥ ﺍﻟﻮﻗﺖ ﻛﻠﺶ ﻣﺎﺍﺍﺍﺍ ﻳﺴﺎﻋﺪ ﻣﺜﻞ ﻫﺎﻟﻜﻼﻡ :
ﺍﺭﺟﻮﺝ ﻓﺎﺗﻦ
ﺗﺒﺘﺴﻢ ﻓﺎﺗﻦ : ﺟﺎﻭﺑﻨﻲ ﺑﻜﻞ ﺻﺮﺍﺣﺔ . ﻭﻟﻬﺖ ﻋﻠﻴﻚ ﻳﻌﻨﻲ ﻋﺸﺎﻥ
ﻫﺎﻟﻌﺼﺒﻴﺔ ﻛﻠﻬﺎ ﻭﺍﻟﻔﻮﺭﺍﻥ ﺑﺪﻣﻚ .. ﻻﻧﻲ ﻣﺎ ﺍﺗﺼﻠﺖ ﻓﻴﻚ ﺑﻴﻮﻣﻴﻦ ...
ﻣﺴﺎﻋﺪ : ﻫﺎﻩ .. ﻳﻮﻣﻴﻦ .. ﻭﻛﺎﻧﻬﺎ ﺳﺎﻋﺘﻴﻦ ﻋﻨﺪﺝ .. 48 ﺳﺎﻋﺔ ﺗﺮﺍﻫﺎ ..
ﻣﻮ ﻫﻴﻨﺔ ﻭﻻ ﻗﻠﻴﻠﺔ ..
ﻓﺎﺗﻦ ﻭﻫﻲ ﻣﻮﻣﺼﺪﻗﺔ ﻫﺎﻟﻌﺼﺒﻴﺔ ﺑﻬﺎﻟﺮﻳﺎﻝ .. ﻳﺎ ﻧﺎﺱ ﺭﺣﻤﻮﻧﻲ ﻣﻨﻪ :
.. ﺍﻧﺰﻳﻦ .. ﺍﻗﻮﻝ ﻟﻚ ﺷﻲ .. ﻳﻤﻜﻦ ﻳﺨﻠﻴﻨﻲ ﺍﺳﺎﻭﻡ ﻭﻳﺎﻙ ﻫﺎﻟﻌﻨﻰ ﺍﻟﻲ
ﺗﻌﻨﻴﺘﻪ ..
ﻣﺴﺎﻋﺪ ﻭﻫﻮ ﻳﺴﺨﺮ : ﻗﻮﻟﻲ ﺍﻟﻠﻲ ﺗﻘﻮﻟﻴﻨﻪ ﻣﺎ ﻇﻦ ﺍﻧﻪ ﻳﺴﻌﻒ ﺑﺸﻲ ..
ﻓﺎﺗﻦ : ﺍﻭﻛﻴﻪ .. ﻃﻮﻝ ﻫﺎﻟﺜﻤﺎﻧﻴﺔ ﻭﺍﺭﺑﻌﻴﻦ ﺳﺎﻋﺔ .. ﺍﻧﺎ ﻣﺎ ﺍﺗﺼﻠﺖ ﻓﻴﻚ
ﻭﺍﻧﺎ ﻛﻨﺖ ﺑﺤﺎﻟﺔ ﻣﺮﺿﻴﺔ ﻣﺎ ﺳﻤﺤﺖ ﻟﻲ ﺍﻧﻲ ﺣﺘﻰ ﺍﺍﺍﻛﻞ .. ﻟﻜﻦ ... ﺍﻧﺎ
ﻃﻮﻝ ﻫﺎﻟﺜﻤﺎﻧﻴﺔ ﻭﺍﺭﺑﻌﻴﻦ ﺳﺎﻋﺔ .. ﻣﺎ ﻣﺮﺕ ﺳﺎﻋﺔ ﻋﻠﻲ ﺍﻻ ﻭﺫﻛﺮﺗﻚ ..
ﻭﺍﺗﻤﻨﻰ ﻭﺟﻮﺩﻙ ﻭﻳﺎﻱ .. ﻋﻠﻰ ﺭﻏﻢ ﺍﻥ ﻫﻴﺎﻡ ﻭﻣﻴﺸﻴﻼ ﻣﺎ ﻗﺼﺮﻭ
ﻭﻳﺎﻱ .. ﺍﻻ ﺍﻧﻲ ﺗﻤﻨﻴﺘﻚ ﺍﻧﺖ ﻋﻠﻰ ﺍﻟﻜﻞ .. ﻭﺑﺴﺒﺐ ﺍﻣﻨﻴﺘﻲ ﻫﺬﻱ
ﻟﻘﻴﺘﻚ ﻭﻳﺎﻱ .. ﺍﺫﺍ ﻣﻮ ﺑﺎﻟﺠﺴﺪ ﺑﺎﻟﺮﻭﺡ ... ﻭﻫﺬﺍ ﻛﺎﻥ ﺍﻟﺴﺒﺐ ﺍﻟﻲ
ﺧﻼﻧﻲ ﺍﺷﻔﻰ ﺑﺴﺮﻋﺔ ..
ﻏﺎﺑﺖ ﺻﻮﺕ ﻣﺴﺎﻋﺪ ﻭﻧﻔﺴﻪ ﺍﻧﻘﻄﻊ ﻣﻦ ﻛﻼﻣﻬﺎ .. ﺍﻫﻲ ﻭﺣﺪﺓ ﻣﻦ
ﺍﻟﺜﻨﺘﻴﻦ .. ﻳﺎﻫﻲ ﻣﺤﺘﺎﻟﺔ .. ﺍﻭ ﺍﻟﻠﻲ ﻗﺎﻟﺘﻪ ﺻﺞ .. ﺍﻫﻮ ﺻﺞ ﺗﺤﺴﻨﺖ
ﻋﻼﻗﺘﻬﻢ ﺑﺒﻌﺾ ﻟﻜﻦ ﻣﻮ ﻟﺪﺭﺟﺔ ﺍﻧﻬﺎ ﺗﻔﺼﺢ ﻟﻪ ﻋﻦ ﺷﻮﻗﻬﺎ ﻟﻪ ﻭﻣﺪﻯ
ﺣﺎﺟﺘﻬﺎ ﺍﻟﻌﻨﻴﻔﺔ ﺍﻟﻠﻲ ﻓﻴﻬﺎ .. ﺍﻟﻠﻲ ﻗﺎﻟﺘﻪ ﻣﻮ ﻧﺎﻗﺼﺔ ﺍﻻ ﻛﻠﻤﺔ ﻭﺣﺪﺓ
ﻭﺧﻼﺹ ﺗﺮﺗﺴﻢ ﺍﻟﻤﻮﺟﺎﺕ ﻓﻲ ﻫﺬﺍﻙ ﺍﻟﺠﺪﻭﻝ ﺍﻟﻬﺎﺩﺉ ..
ﻭﺑﺎﻟﻔﻌﻞ .. ﻓﺎﺗﻦ ﻣﻀﺖ ﻫﺎﻻﻳﺎﻡ ﻭﻫﻲ ﺗﺤﺎﺗﻴﻪ .. ﺗﺪﺭﻱ ﺍﻧﻪ ﻳﺰﻋﻞ ﺍﻭ
ﻳﺘﻈﺎﻳﻖ ﺍﺫﺍ ﻣﺎ ﺳﻤﻊ ﻣﻨﻬﺎ ﻳﻮﻣﻴﻴﺎ .. ﺷﻲ ﺧﺎﺹ ﻓﻴﻪ ﻣﺎ ﺗﻘﺪﺭ ﺗﻔﺴﺮﻩ
ﻑ ﻳﺒﺎﻟﻬﺎ .. ﻳﻤﻜﻦ ﺣﺴﻪ ﺑﺎﻟﻤﺴﺌﻮﻟﻴﺔ ﺗﺠﺎﻫﻪ ﻭﻓﻜﺮﻩ ﺍﻧﻪ ﻣﺴﺌﻮﻝ ﻋﻦ
ﺍﻟﻠﻲ ﻳﺼﻴﺒﻬﺎ .. ﻟﻜﻦ ﻋﺼﺒﻴﺘﻪ ﺍﻧﻬﺎ ﻣﺎ ﺧﺒﺮﺗﻪ ﺑﻤﺮﺿﻬﺎ ﻭﻻ ﺍﺗﺼﻠﺖ ﻓﻴﻪ
ﺧﻼﺍﺍﻩ ﻣﺜﻞ ﺍﻟﻤﻴﻨﻮﻥ .. ﻫﺬﻱ ﺛﺎﻟﺚ ﻣﺮﺓ ﺗﺸﻮﻑ ﻣﺴﺎﻋﺪ ﻳﻬﺪ ﻓﻴﻬﺎ ..
ﺍﻭﻝ ﻣﺮﺓ ﻳﻮﻡ ﺻﺮﺍﻋﻬﻢ ﻓﻲ ﺍﻟﺒﻴﺖ .. ﺛﺎﻧﻲ ﻣﺮﺓ ﺑﺎﻟﻴﻮﻡ ﺍﻟﺘﺎﺭﻳﺨﻲ ﻓﻲ
ﺍﻟﻴﺨﺖ .. ﻭﺛﺎﻟﺚ ﻣﺮﺓ ﺍﺣﻴﻦ .. ﺑﺲ ﻫﺬﻱ ﺗﻌﺘﺒﺮ ﺍﺧﻒ ﻫﺰﺓ ﻋﻠﻰ
ﻧﻔﺴﻬﺎ ..
ﻣﺴﺎﻋﺪ ﻭﻫﻮ ﻳﺘﻨﻔﺲ ﺑﺼﻌﻮﺑﻪ : ﻓﺎﺗﻦ ....
ﻓﺎﺗﻦ ﺑﺤﺐ ﻛﺒﻴﺮ ...: ﻫﻼﺍ ..
ﻣﺴﺎﻋﺪ ﻭﻫﻮ ﻳﻌﻘﺪ ﺣﻮﺍﺟﺒﻪ : ﻣﺎ ﺍﺩﺭﻱ .. ﺍﺣﺲ ﺍﻧﻲ ﻇﺎﻳﻖ .. ﻇﺎﻳﻘﺔ
ﺍﻟﺪﻧﻴﺎ ﻓﻴﻨﻲ ...
ﻓﺎﺗﻦ : ﺑﺴﻢ ﺍﻟﻠﻪ ﻋﻠﻴﻚ ﺷﻤﻨﻪ ﺍﻟﻈﻴﺞ ..ﺗﻮﻙ ﻗﺒﻞ ﺟﻢ ﻳﻮﻡ ﺑﺨﻴﺮ ...
ﻣﺴﺎﻋﺪ : ﺍﻱ ﺑﺨﻴﺮ .. ﻓﺎﺗﻦ .. ﺍﻧﺎ ﻣﺎ ﺍﺳﺘﺤﻤﻞ ﻓﻜﺮﻩ ﺍﻧﺞ ﻣﺮﻳﻀﺔ .. ﺍﻧﺎ
ﻃﻮﻝ ﻫﺎﻻﻳﺎﻡ ﻭﻣﻮ ﻋﺎﺭﻑ ﺷﺴﻮﻱ ﻭﻣﺎﻟﻲ ﺍﻱ ﻗﺮﺍﺭ ﺑﻨﻔﺴﻲ .. ﺍﺑﻴﺞ
ﺗﻘﻮﻟﻴﻦ ﻟﻲ ﻭﺑﻜﻞ ﺻﺞ ... ﺍﻧﺘﻲ ﺑﺨﻴﺮ؟؟ ﻭﻻ ﺗﺠﺬﺑﻴﻦ ﻋﻠﻲ؟
ﺍﺑﺘﺴﻤﺖ ﻓﺎﺗﻦ ﻳﻤﻜﻦ ﺑﺨﻴﺒﺔ ﺍﻣﻞ ..: ﻟﻴﺶ ﺗﺒﻲ ﺗﻌﺮﻑ؟؟؟ ﻫﺎﺷﻲ ﺷﻨﻮ
ﻭﻗﻌﻪ ﻋﻠﻴﻚ؟؟
ﻣﺴﺎﻋﺪ :ﺷﻨﻮ ﻭﻗﻌﻪ ﻋﻠﻲ .. ﻳﺎ ﺑﻨﺖ ﺍﻟﻨﺎﺱ ﺍﻧﺘﻲ ﻣﺴﺌﻮﻟﻴﺘﺞ ﻓﻲ
ﺭﻗﺒﺘﻲ .. ﻣﺎﺍﻗﺪﺭ ﻣﺎ ﺍﻃﻤﺌﻦ ﻋﻠﻴﺞ .. ﺷﻠﻮﻥ ﺍﺟﺎﺑﻞ ﺍﻫﻠﺞ ﻋﻨﺞ ﻭﺷﻠﻮﻥ
ﺍﺧﺒﺮﻫﻢ ﺍﻧﺞ ﻣﺮﻳﻀﺔ ﻭﺍﻧﺎ ﺍﻟﻠﻲ ﻣﺘﺤﻤﻞ ﻣﺴﺌﻮﻟﻴﺘﺞ .. ﻣﺎ ﺍﻗﺪﺭ ﺍﺗﺤﻤﻞ
ﻓﻜﺮﺓﺍﻧﻲ ﻣﺎ ﺃﺩﻳﺖ ﺍﻻﻣﺎﻥ ﺻﺢ ..
ﻻﺍﺍ .. ﻫﺬﻱ ﻫﻲ ﺧﻴﺒﺔ ﺍﻻﻣﻞ .. ﺍﻟﻠﻲ ﺷﻮﻱ ﻛﺎﻥ ﺍﻟﻨﺬﻳﺮ ﻟﻬﺎ ﻟﻜﻦ ﻛﻼﻣﻪ
ﺍﻟﺤﻴﻦ ﺍﻫﻮ ﺧﻴﺒﺔ ﺍﻻﻣﻞ ﺑﻌﻴﻨﻬﺎ .. ﻳﻌﻨﻲ ﻣﺎ ﺗﻮﻗﻌﺘﻬﺎ ﻳﺮﻓﻌﻬﺎ ﻟﺴﺎﺑﻊ
ﺳﻤﺎ .. ﻟﻜﻦ ﻛﻼﻣﻪ ﻫﺬﺍ ﻛﻠﺶ ﻣﺎ ﻛﺎﻥ ﻓﻲ ﻣﺤﻠﻪ .. ﺗﻮﻗﻌﺘﻪ ﻳﻐﺮﻗﻬﺎ
ﺑﻜﻠﻤﺎﺕ ﺍﻟﺤﺐ ﻭﺍﻻﻫﺘﻤﺎﻡ .. ﻟﻜﻨﻬﺎ ﻣﺴﺌﻮﻟﻴﺔ ﺑﺎﻟﻨﺴﺒﺔ ﻟﻪ ﻭﺍﻣﺎﻧﺔ ﻻﺯﻡ
ﻳﺆﺩﻳﻬﺎ ﺻﺢ ..
ﻓﺎﺗﻦ ﻭﻫﻲ ﺗﺒﺘﺴﻢ : ﻋﺎﻟﻌﻤﻮﻡ ﺍﻧﺎ ﺑﺨﻴﺮ ﻭﺻﺤﺔ ﻭﻋﺎﻓﻴﺔ .. ﻭﻻﺗﺤﺎﺗﻴﻨﻲ .
ﻭﺗﻘﺪﺭ ﺗﺄﺩﻱ ﺍﻣﺎﻧﺘﻚ ﺑﺮﺍﺣﺔ ..
ﻣﺴﺎﻋﺪ ﺣﺲ ﺍﻥ ﻛﻼﻣﻬﺎ ﻣﺒﻄﻦ : ﻟﻴﺶ؟ﻅ ﺷﻘﺼﺪﺝ ﺑﻬﺎﻟﻜﻼﻡ؟؟
ﻓﺎﺗﻦ : ﻣﺎ ﻗﺼﺪﻱ ﺷﻲ .. ﻣﻀﻄﺮﺓ ﺍﺧﻠﻴﻚ .. ﺍﻻﺫﺍﻥ ﻗﺮﺏ ﻭﻻﺯﻡ ﺍﺳﺘﻌﺪ
ﻟﻠﺼﻼﺓ .. ﻳﺎﻟﻠﻪ ﺗﻮﺻﻲ ﺷﻲ؟
ﻣﺴﺎﻋﺪ ﻓﻲ ﺑﺎﻟﻪ ﺗﻔﺎﺟﺄ ﻣﻦ ﺍﺳﻠﻮﺏ ﻓﺎﺗﻦ ﺍﻟﻠﻲ ﺻﺎﺭ ﻗﺪﻳﻢ ﻋﻠﻴﻪ ..
ﺭﺩﺕ ﺑﺤﺮﻛﺎﺕ ﺍﻟﺒﺮﻭﺩ ﻳﻌﻨﻲ ..: ﺳﻼﻣﺘﺞ ..
ﻓﺎﺗﻦ : ﻳﺎﻟﻪ ﻣﻊ ﺍﻟﺴﻼﻣﺔ ..
ﻣﺴﺎﻋﺪ : ﺍﻟﻠﻪ ﻳﺴﻠﻤﺞ ...
ﺳﻜﺮﺕ ﻓﺎﺗﻦ ﻋﻦ ﻣﺴﺎﻋﺪ ﻭﻫﻲ ﻣﺘﻈﺎﻳﻘﺔ ﺑﺎﻟﺤﻴﻞ .. ﺍﻭﻫﺎﻡ .. ﻣﺠﺮﺩ
ﺍﻭﻫﺎﻡ ﺑﻨﻴﺘﻬﺎ ﻓﻲ ﺑﺎﻟﻲ ﻋﻦ ﻫﺎﻟﺮﻳﺎﻝ .. ﻛﻨﺖ ﻣﺘﻮﻗﻌﺔ ﺍﺫﺍ ﺗﻄﻮﺭﺕ ﻭﻳﺎﻩ
ﺭﺍﺡ ﺍﻫﻮ ﻳﺘﻄﻮﺭ ﺑﻨﻔﺲ ﺍﻟﺸﻲ .. ﻟﻜﻦ ﻛﻨﺖ ﻏﻠﻄﺎﻧﺔ .. ﺍﻫﻮ ﻣﺜﻞ ﻣﺎ ﺍﻫﻮ
ﻣﺴﺘﺤﻴﻞ ﺍﻧﺎ ﺍﻳﻲ ﻭﺍﻏﻴﺮﻩ .. ﺗﻤﻠﻜﻲ ﻭﻣﺴﻴﻄﺮ ﻭﻣﻌﺘﺪ ﺑﻨﻔﺴﻪ ﻭﺷﻠﻮﻥ
ﺍﻟﻨﺎﺱ ﺗﻔﻜﺮ ﻋﻨﻪ ﺍﻫﻮ ﺍﻫﻢ ﻣﺎ ﻳﻤﻜﻦ ﻳﺠﻮﻝ ﻓﻲ ﺑﺎﻟﻪ ﺍﻭ ﺭﺍﺳﻪ .. ﺍﻧﺎ
ﻣﺴﺘﺤﻴﻞ ﺍﻗﺪﺭ ﺍﻏﻴﺮﻩ ﻻﻥ ﺍﻟﻠﻲ ﻳﺮﺑﻰ ﻋﻠﻰ ﻫﺎﻟﺸﻲ ﻣﺎ ﻳﻐﻴﺮﻩ ..
ﻣﺴﺎﻋﺪ ﻧﻔﺲ ﺍﻟﺸﻲ ﻋﺎﺩﺕ ﻟﻪ ﺍﻓﻜﺎﺭﻩ ﺍﻟﻘﺪﻳﻤﺔ ﻋﻦ ﻓﺎﺗﻦ ﻣﻦ ﺑﻌﺪ
ﺍﺳﻠﻮﺑﻬﺎ ﺍﻟﺠﺎﻑ ﻭﻳــﺎﻩ .. ﺍﻟﻈﺎﻫﺮ ﺍﻧﻬﺎ ﻣﺎ ﻗﺪﺭﺕ ﺗﺴﺘﺤﻤﻞ ﻛﻮﻧﻬﺎ
ﻣﺴﺎﻟﻤﺔ ﻭﻣﺴﺎﻳﺮﺓ ﻟﻲ ﻃﻮﻝ ﻫﺎﻟﻮﻗﺖ ﻋﺸﺎﻥ ﺗﺮﺩ ﻟﻌﺎﺩﺗﻬﺎ ﺍﻟﻘﺪﻳﻤﺔ .. ﺍﻧﺎ
ﻏﻠﻄﺎﻥ ﻳﻮﻡ ﻓﻜﺮﺕ ﺍﻧﻬﺎ ﻳﻤﻜﻦ ﺗﻜﺒﺮ ﺍﻭ ﺗﻌﻘﻞ .. ﺍﻟﻴﺎﻫﻞ ﻳﺎﻫﻞ ﻟﻮ
ﻃﻌﻤﻮﻭﻭﻩ ﻣﺜﻞ ﺍﻟﻜﺒﺎﺭ ..
ﻭﺑﻬﺬﻱ ﺍﻟﻤﻜﺎﻟﻤﺔ ﻇﻞ ﻣﺰﺍﺝ ﻣﺴﺎﻋﺪ ﺭﺩﺉ .. ﻭﻓﺎﺗﻦ ﺍﺭﺩﺉ .. ﻟﻜﻨﻬﺎ ﻏﻄﺖ
ﻫﺎﻟﺸﻲ ﺑﺎﻟﻨﻮﻡ ﺍﻟﻌﻤﻴﻖ ﺍﻟﻠﻲ ﻣﺎ ﻗﺪﺭﺕ ﺗﺴﺘﺤﻠﻲ ﻓﻴﻪ .. ﻓﻜﻠﻤﺎﺕ
ﻣﺴﺎﻋﺪ ﻭﺍﺳﻠﻮﺑﻪ ﺍﻟﺘﻤﻠﻜﻲ ﺍﻟﻠﻲ ﺍﻫﻲ ﺗﻤﻘﺘﻪ ﺭﺩ ﻟﻬﺎ ﻣﺮﺓ ﺛﺎﻧﻴﺔ .. ﺑﺲ
ﻳﻮﻡ ﺍﻟﺠﻤﻌﺔ ﺍﻫﻮ ﺭﺍﺡ ﻳﻜﻮﻥ ﻣﻮﺟﻮﺩ .. ﺍﻟﻠﻪ ﺍﻟﻌﺎﻟﻢ ﺷﻠﻮﻥ ﺑﺘﺘﺼﺮﻑ
ﻭﻳﺎﻩ ﻣﺮﺓ ﺛﺎﻧﻴﺔ .. ﺍﻟﻈﺎﻫﺮ ﺍﻥ ﻣﺎﻛﻮ ﺍﻱ ﺗﻐﻴﻴﺮ ﻻﻧﻪ ﻣﺜﻞ ﻣﺎ ﺍﻫﻮ ﺭﺍﻓﺾ
ﻟﻪ ﺍﻫﻲ ﺑﻌﺪ ﺑﺘﺮﻓﺾ .. ﺍﻫﻮ ﻣﻮ ﺍﺣﺴﻦ ﻣﻨﻬﺎ ﺑﺸﻲ ﻋﺸﺎﻥ ﺗﻌﺎﻣﻠﻪ
ﻏﻴﺮ ..
-------------------------------
ﻓﻮﺿﻰ ﺍﻟﺒﻴﺖ ﺍﻟﻴﺪﻳﺪ ﻭﺍﻻﺛﺎﺙ ﻭﺗﺮﻛﻴﺒﻪ ﻛﺎﻧﺖ ﺍﺷﺒﻪ ﺑﺎﻟﺤﺮﺏ ﻓﻲ ﺑﻴﺖ
ﺑﻮ ﺟﺮﺍﺡ .. ﺩﺧﻠﻮ ﻛﻠﻬﻢ ﻭﻋﺎﻭﻧﻮﺍ ﺍﻟﻌﻤﺎﻝ ﻋﻠﻰ ﻫﺎﻟﺸﻲ ﻭﻟﻜﻦ ﻟﻤﻦ ﺧﺎﻟﺪ
ﻭﻋﺰﻳﺰ ﻭﻣﻨﺎﻳﺮ ﻳﺸﺘﺮﻛﻮﻥ ﻓﻲ ﺷﻲ .. ﻳﻌﻨﻲ ﻣﻊ ﺍﻟﺴﻼﻣﺔ ﻳﺎ ﺍﻋﺼﺎﺏ
ﺟﺮﺍﺡ .. ﺗﻢ ﻳﺼﺎﺭﺥ ﻭﻳﺴﺐ ﻭﻳﻬﺎﻭﺵ ﻓﻴﻬﻢ ﻭﻟﻜﻦ ﻇﻠﻮﺍ ﻋﻠﻰ ﻟﻌﺒﺘﻬﻢ
ﻫﺎﻟﺜﻼﺛﺔ ﻭﻇﻠﻮ ﺑﺪﻝ ﻻ ﻳﺴﺮﻋﻮﻥ ﺍﻟﺸﻐﻞ ﺑﻌﺪﺩﻫﻢ ﻳﺄﺧﺮﻭﻧﻪ ﺑﺘﻔﺎﻫﺔ
ﺍﻟﺘﺼﺮﻓﺎﺕ .. ﺍﻭﻝ ﻏﺮﻓﺔ ﺗﺮﻛﺒﺖ ﻛﺎﻧﺖ ﻏﺮﻓﺔ ﺧﺎﻟﺪ ﻭﻣﻦ ﺑﻌﺪﻫﺎ ﺗﻌﻄﻞ
ﺍﻟﺸﻐﻞ .. ﻻﻧﻪ ﻣﻦ ﺑﻌﺪ ﻣﺎ ﺗﺮﻛﺒﺖ ﻏﺮﻓﺘﻪ ﻇﻞ ﻳﺎﺧﺮ ﺷﻐﻞ ﺍﻟﺒﺎﺟﻴﻴﻴﻦ
ﻭﻟﻜﻮﻧﻪ ﻣﺮﺗﺎﺡ ﺍﻥ ﺷﻐﻠﻪ ﺗﻢ ﻇﻞ ﻳﻤﺎﻃﻞ ﻓﻲ ﺍﺷﻐﺎﻝ ﺍﻟﺜﺎﻧﻴﻴﻦ ﻭﺟﺮﺍﺡ
ﻛﺎﻥ ﺻﻌﺐ ﻋﻠﻴﻪ ﺍﻧﻪ ﻳﺘﺤﻤﻞ .. ﺍﻭﻻ .. ﻻﻥ ﻣﺜﻞ ﻫﺎﻟﺠﻮ ﺍﻟﻠﻲ ﻳﺘﻄﻠﺐ
ﻣﻨﻬﻢ ﺍﻟﺪﻗﺔ ﻣﺎ ﻳﺴﺎﻋﺪ ﻭﺟﻮﺩ ﻳﻬﺎﻝ .. ﺛﺎﻧﻴﺎ .. ﺍﻟﻤﻮﻗﻒ ﺍﻻﺧﻴﺮﻱ ﺍﻟﻠﻲ
ﺻﺎﺩﻩ ﻭﻳﺎ ﻏﺰﻻﻥ ﺧﻼﻩ ﻣﻌﻜﺮ ﺍﻟﻤﺰﺍﺝ ﻟﺤﺘﻰ ﻫﺬﻱ ﺍﻟﻠﺤﻈﺔ ..
ﻓﺘﻄﻮﺭﺍﺕ ﻏﺮﻳﺒﺔ ﻋﺠﻴﺒﺔ ﺻﺎﺭﺕ ﺑﻴﻨﻬﻢ ﻭﻫﻮﻭ ﻣﺎ ﻛﺎﻥ ﺭﺍﺿﻲ ﺑﻬﺎ ...
ﻣﻦ ﺑﻌﺪ ﻣﺎ ﺷﺎﻓﻬﺎ ﻇﻞ ﺳﺎﻛﺖ ﻭﻫﻮ ﻳﺴﻤﻊ ﻟﺒﻮﺯﻳﺎﺩ ﻭﻫﻮ ﻳﻜﻠﻤﻪ ﻋﻦ
ﺍﻟﻄﻠﺒﻴﺔ ﺍﻟﻠﻲ ﻳﺒﻮﻧﻬﺎ ﻣﻦ ﺍﻟﻮﺭﺷﺔ .. ﻋﺪﺩ ﻣﻌﻴﻦ ﻣﻦ ﺍﻟﻤﻜﺎﺗﺐ ﻭﻋﺪﺩ
ﻣﻌﻴﻦ ﻣﻦ ﺍﻟﻜﺮﺍﺳﻲ ﻭﺳﺘﺎﻳﺮ ﻭﻏﻴﺮﻩ ﻭﻏﻴﺮﻩ .. ﻭﻛﺎﻧﻪ ﺩﺍﺵ ﻣﺤﻞ
ﻣﻔﺮﻭﺷﺎﺕ ﻣﺎ ﻳﺪﺭﻱ ﺍﻥ ﺟﺮﺍﺡ ﻟﻮ ﺑﻴﺴﻮﻱ ﺟﺬﻱ ﻓﻬﻮ ﻻﺯﻡ ﻳﺴﺘﻌﻴﻦ
ﺑﻤﺤﻼﺕ ﺛﺎﻧﻴﺔ .. ﺑﺲ ﺩﺍﻣﻪ ﻣﺴﺘﻌﺪ ﺍﻟﺮﻳﺎﻝ ﻻﻱ ﻣﺒﻠﻎ ﻣﺎ ﻋﺎﺭﺽ ﺟﺮﺍﺡ
ﻣﺘﺠﺎﻫﻞ ﻓﻜﺮﺓ ﺍﻥ ﻳﻤﻜﻦ ﺍﻟﺘﻌﺐ ﻳﻜﺴﺮ ﻇﻬﺮﻩ ﻭﻫﻮ ﻳﻌﺪﻝ ﻭﻳﺮﺗﺐ
ﺍﻻﻣﻮﺭ .. ﻭﻋﻴﻮﻥ ﻏﺰﻻﻥ ﺍﻟﻠﻲ ﻇﻠﺖ ﺗﻄﺎﺭﺩﻩ ﻃﻮﻝ ﺍﻟﻤﺤﺎﺩﺛﺔ ﺧﻠﺘﻪ ﻣﺎ
ﻳﺮﺗﺎﺡ ﻣﻨﻬﺎ .. ﻭﻟﺴﺒﺐ ﻣﺎ .. ﻛﺮﻫﻬﺎ .. ﻭﻛﺮﻩ ﺟﺮﺃﺗﻬﺎ ﺍﻟﺰﺍﻳﺪﺓ ﻭﺍﺑﺘﺴﺎﻣﺎﺗﻬﺎ
ﺍﻟﻤﺒﺎﻟﻎ ﻓﻴﻬﺎ .. ﻭﺣﺲ ﺍﻥ ﻓﻲ ﻗﻠﺒﻬﺎ ﻣﻄﻠﺐ ﻟﻪ ﻭﺍﻧﻬﺎ ﻧﻮﻉ ﻟﻠﻲ ﻗﺎﻃﺔ
ﺭﻭﺣﻬﺎ .. ﻭﻗﺒﻞ ﻻ ﺗﻄﻠﻊ ﺗﻮﻋﺪﺕ ﻟﻪ ﺍﻧﻬﺎ ﺑﺘﺰﻭﺭﻫﻢ ﻓﻲ ﺍﻟﺒﻴﺖ ..
ﻣﺒﻴﺨﻬﺎ ﻣﻦ ﺑﻨﺖ .. ﺑﺲ ﻳﺎﺧﻮﻓﻪ ﻟﻮ ﻣﺮﻳﻢ ﻭﻏﺰﻻﻥ ﻳﺘﻼﻗﻮﻥ – ﻣﺜﻞ
ﺫﻳﺞ ﺍﻟﻤﺮﺓ - ﻣﺎ ﺭﺍﺡ ﻳﺘﺤﻤﻞ ﺟﺮﺍﺡ .. ﺍﻫﻮ ﻭﺍﻳﺪ ﻏﺮﻗﺎﻥ ﺑﻌﻼﻗﺘﻪ ﻭﻳﺎ
ﻣﺮﻳﻢ .. ﻻﻭﻝ ﻣﺮﺓ ﻳﻜﻮﻥ ﺑﻬﺎﻟﺤﺎﻟﺔ ﻣﻦ ﺍﻟﻐﺮﻗﺎﻥ ﺍﻟﻌﺎﻃﻔﻲ >>
ﻣﺼﻄﻠﺤﺎﺕ ..
ﺟﺮﺍﺡ ﻭﻫﻮ ﻳﺼﺎﺭﺥ : ﻣﻮ ﺟﺬﻱ ﻣﻮ ﺟﺬﻱ ﻳﺎ ﺧﺎﻟﺪ ﺷﻮﻱ ﺷﻮﻱ ﺍﻻﺛﺎﺙ
ﻛﻠﻪ ﺧﺸﺐ ﺷﻮﻱ ﻭﻳﺘﻜﺴﺮ
ﺧﺎﻟﺪ : ﻣﺎ ﻋﻠﻴﻚ ﺟﺮﺍﺡ ﺍﻧﺎ ﺍﻋﺮﻑ ﺷﺘﻘﺼﺪ ﺑﺲ ﺧﻠﻨﻲ ﺍﺳﺤﺒﻪ ﻟﻚ ﻣﻦ
ﺩﺍﺧﻞ
ﺟﺮﺍﺡ ﻭﻫﻮ ﻳﺼﺎﺭﺥ : ﺍﻗﻮﻝ ﻟﻚ ﻣﺎﺍﺍ ﻳﺪﺧﻞ ﺍﻟﻜﺮﺳﻲ ﻋﻠﻠﻠﻖ ﺑﺎﻟﺒﺎﺏ ....
ﻭﻇﻠﻮ ﻳﺤﺎﻭﻟﻮﻥ ﻭﻳﺎ ﺍﻟﻜﺮﺳﻲ ﻟﻤﻦ ﺩﺧﻠﻮﻩ ﺷﻮﻱ ﺷﻮﻱ .. ﻭﺍﺧﻴﺮﺍ
ﺩﺧﻞ .. ﺣﻄﻮﻩ ﺑﺎﻟﺼﺎﻟﺔ ﺍﻟﺜﺎﻧﻴﺔ .. ﻳﺪﻳﺪﺓ . ﺻﺎﺭ ﺑﻴﺘﻬﻢ ﺍﻓﻲ ﺍﻟﻄﺎﺑﻖ
ﺍﻟﺘﺤﺘﻲ ﻳﺘﺄﻟﻒ ﻣﻦ ﺻﺎﻟﺘﻴﻦ ﻣﺘﺪﺍﺧﻠﻴﻦ ﺑﺒﻌﺾ .. ﺍﻟﺘﻠﻔﺰﻳﻮﻥ ﻓﻲ ﻭﺣﺪﺓ
ﻭﺍﻟﺜﺎﻧﻴﺔ ﻓﻴﻬﺎ ﻃﺎﻭﻟﺔ ﺍﻟﻄﻌﺎﻡ ﺍﻟﺼﻐﻴﺮﺓ .. ﻭﻛﺎﻥ ﺍﻻﺛﺎﺙ ﺗﺘﺮﺍﻭﺡ ﺍﻟﻮﺍﻧﻪ
ﺑﻴﻦ ﺍﻟﺒﻨﻔﺴﺠﻲ ﺍﻟﺒﺎﺭﺩ ﻭﺍﻟﺒﻨﻲ ﻭﺍﻟﺒﻴﺞ .. ﺧﻠﻰ ﻃﺎﺑﻊ ﺍﻟﺒﻴﺖ ﻳﺴﻮﻭﺩ
ﺑﺎﻟﻬﺪﻭﺀ ﻭﺍﻟﺮﺍﺣﺔ ..
ﻣﻨﺎﻳﺮ ﺍﻟﻠﻲ ﻛﺎﻧﺖ ﺗﺨﺘﺎﺭ ﻓﻲ ﺍﻟﻮﺍﻥ ﺍﻟﻔﺮﺵ ﺍﻟﻠﻲ ﻳﺎﺑﻪ ﻟﻬﻢ ﺟﺮﺍﺡ
ﺑﺎﺧﺘﻴﺎﺭﻩ .. ﻛﻞ ﻓﺮﺵ ﺑﻠﻮﻥ ﺍﻟﻐﺮﻓﺔ ﺑﺲ ﺍﻟﻤﺸﻜﻠﺔ ﺍﻥ ﻣﻨﺎﻳﺮ ﻣﻮ ﻋﺎﺟﺒﻬﺎ
ﻓﺮﺷﻬﺎ ﻭﺗﺤﺎﻭﻝ ﺗﻼﻗﻲ ﺛﺎﻧﻲ ﺑﺲ ﻳﻨﺎﺳﺐ ﻏﺮﻓﺘﻬﺎ .. ﻭﺑﻬﺎﻟﻮﻗﺖ .. ﻳﺎﺗﻬﻢ
ﺯﻳﺎﺭﺓ ﻣﻦ ﺻﺎﺣﺒﺔ ﺍﻟﻤﻘﺎﻡ ﺍﻟﺮﻓﻴﻊ .. ﻭﺑﻨﻔﺲ ﺍﻟﻮﻗﺖ ﻛﺎﻥ ﺧﺎﻟﺪ ﻳﻨﺰﻝ
ﺍﻏﺮﺍﺽ ﺳﺮﻳﺮ ﻋﺰﻳﺰ ﻣﻦ ﺍﻟﺸﺎﺣﻨﻪ .. ﻭﻳﻮﻡ ﺷﺎﻑ ﺳﻤﺎ ﻭﻫﻲ ﺗﺘﻘﺮﺏ
ﻣﻨﻬﻢ ﺍﺑﺘﺴﻢ ﻟﻬﺎ ﺍﺑﺘﺴﺎﻣﺔ ﺗﺴﻴﺢ ﺍﻟﻘﻠﺐ ﻭﻫﻲ ﻧﺰﻟﺖ ﻋﻴﻮﻧﻬﺎ ﺍﻻﺭﺽ
ﺑﺨﺠﻞ ﻭﻃﺎﺡ ﺍﻟﻌﻤﻮﺩ ﺍﻟﻠﻲ ﻛﺎﻥ ﺣﺎﻣﻠﻪ ﺧﺎﻟﺪ ﻋﻠﻰ ﻗﺪﻡ ﻋﺰﻳﺰ
ﻋﺰﻳﺰ ﺑﺼﺮﺍﺥ : ﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﻱ
ﺧﺎﻟﺪ ﺍﻧﺘﺒﻪ ﻟﻪ ﻭﺳﻤﺎﺀ ﺿﺤﻜﺖ :.. ﺍﺳﻒ ﻋﺰﻭﺯ ﻭﺍﻟﻠﻪ ﻣﺎﺍﺩﺭﻱ ..
ﻋﺰﻳﺰ ﻭﻫﻮ ﻳﻄﺎﻟﻊ ﺳﻤﺎﺀ ﺑﺤﻘﺪ : ﻳﻌﻨﻲ ﻛﺎﻥ ﻻﺯﻡ ﺍﺗﻴﻴﻦ ﻫﺎﻟﺤﺰﺓ ..
ﻭﺳﻤﺎﺀ ﺍﻟﻠﻲ ﻣﺘﻌﻮﺩﺓ ﻋﻠﻰ ﺍﺳﻠﻮﺏ ﻋﺰﻳﺰ ﺍﻟﻌﺪﺍﺋﻲ : ﻛﻴﻔﻲ ﻭﺍﻟﻠﻪ ﺣﺰﺓ
ﺍﻟﻠﻲ ﺑﻴﻲ ﻣﻮ ﺷﻐﻠﻚ ..
ﻋﺰﻳﺰ : ﻣﺎﻟﺖ ﻋﻠﻴﺞ ﺍﻧﺰﻳﻦ ..
ﺳﻤﺎﺀ ﻭﻫﻲ ﺗﻄﻠﻊ ﻟﺴﺎﻧﻬﺎ ﻟﻌﺰﻳﺰ .. ﻭﺑﻬﺎﻟﺸﻲ ﺣﻤﻞ ﻋﺰﻳﺰ ﻗﺎﻋﺪﺓ ﺍﻟﺴﺮﻳﺮ
ﺑﺮﻭﺣﻪ ﻭﺩﺧﻞ ﺍﻟﺒﻴﺖ .. ﻭﺧﺎﻟﺪ ﻇﻞ ﻭﺍﻗﻒ ﻭﻫﻮ ﻳﺘﻤﻨﻈﺮ ﻓﻲ ﺳﻤﺎﺀ
ﺑﺤﺐ ﻭﺭﻗﺔ ..
ﺳﻤﺎﺀ ﻭﻫﻲ ﺗﻀﺤﻚ ﻋﻠﻴﻪ ﺧﺠﻼ : ﻭﻳﻴﻲ ﺷﻮﻱ ﺷﻮﻱ .. ﻃﺎﺣﺖ
ﻋﻴﻨﻚ ..
ﺧﺎﻟﺪ : ﺍﺃﺃﺃﺃﺃﺃﺃﺃﺍﻩ ﺧﻠﻬﺎ ﺗﻄﻴﺢ .. ﻭﺍﻟﻠﻪ ﻋﻠﻰ ﺣﻠﻬﺎ ..
ﺳﻤﺎﺀ : ﺍﻳﻪ ﺍﻳﻪ .. ﺍﺿﺒﻂ ﺭﻭﺣﻚ ﺷﻮﻱ ..
ﺧﺎﻟﺪ : ﺍﺿﺒﻂ ﺭﻭﺣﻲ؟؟ ﻭﺍﻟﻠﻪ ﺍﻧﺎ ﺿﺎﺑﻂ ﺭﻭﺣﻲ ﻣﻦ ﺯﻣﺎﻥ .. ﺑﺲ ﻣﻦ
ﻳﻮﻡ ﺷﻔﺖ ﻫﺎﻟﺸﻘﺮﺍ ﺍﻡ ﻋﻴﻮﻥ ﺧﻀﺮﺍ ﺿﻌﺖ ..
ﺗﻀﺤﻚ ﺳﻤﺎﺀ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ..
ﺧﺎﻟﺪ ﻳﻜﻤﻞ : ﻟﻮ ﺳﻤﺤﺘﻲ ﺍﻧﺘﻲ ﻣﻦ ﺍﻱ ﻛﻮﻛﺐ .. ﻛﻮﻛﺐ ﺍﻟﻌﺴﻞ ﻭﻻ
ﺍﻟﻘﻴﻤﺮ؟؟
ﺳﻤﺎﺀ : ﻭﻳﻴﻴﻴﻊ ﻣﺎ ﺍﺷﺘﻬﻲ ﺍﻻﺛﻨﻴﻦ ..
ﺧﺎﻟﺪ : ﺍﻓﺎ ... ﺑﺲ ﺗﺪﺭﻳﻦ .. ﺍﻧﺎ ﺍﺗﻘﺒﻞ ﺭﻭﺡ ﺍﻟﻤﻨﺎﻓﺴﺔ ﺍﻟﻠﻲ ﻓﻴﺞ ...
ﻻﻧﺞ ﺍﺣﻠﻰ ﻣﻦ ﺍﻻﺛﻨﻴﻦ
ﺳﻤﺎﺀ : ﺑﺲ ﻋﺎﺩ ﻣﺼﺨﺘﻬﺎ ﻭﺍﻳﺪ ﻋﻄﻴﺘﻚ ﻭﻳﻪ ..
ﺧﺎﻟﺪ : ﻭﻳﻪ .. ﻻ ﺗﻜﻔﻴﻦ ﻛﻮﻭﻭﻉ ..
ﺳﻤﺎﺀ ﻭﻫﻲ ﺗﺼﺮ ﻋﻠﻰ ﺍﺳﻨﺎﻧﻬﺎ ﺑﺘﻌﺒﻴﺮ ﻓﻜﺎﻫﻲ : ﻭﺍﻟﻠﻪ ﻳﺒﻴﻠﻚ ﻛﻒ ﻣﻮ
ﻛﻮﻭﻭﻉ ..
ﺧﺎﻟﺪ : ﻫﺎﻫﺎﻫﺎ ... ﺍﻟﻈﺎﻫﺮ ﺍﻧﻲ ﻭﺍﻳﺪ ﻋﻄﻴﺘﺢ ﻭﻳﻪ .. ﻫﺎﺍﺍﺝ ﻳﻮﺩﻱ ..
ﻭﻳﺮﻣﻲ ﻋﻠﻴﻬﺎ ﺍﻟﻤﺨﺪﺍﺕ .. ﻭﺣﺪﺓ ﻭﺭﻯ ﺍﻟﺜﺎﻧﻴﺔ ﻭﻫﻲ ﺗﻀﺤﻚ ﻭﺗﺮﻛﺾ
ﻓﻲ ﻣﻜﺎﻧﻬﺎ ﺗﺤﺎﻭﻝ ﺍﻧﻬﺎ ﺗﺘﺤﺎﺷﻰ ﺿﺮﺑﺎﺗﻪ .. ﻭﻇﻠﻮ ﺍﻻﺛﻨﻴﻴﻦ ﻋﻠﻰ
ﻫﺎﻟﻠﻌﺒﺔ .. ﻟﻤﻦ ﻃﻠﻊ ﻟﻬﻢ ﺟﺮﺍﺡ ﻭﺍﻋﺼﺎﺑﻬﺎ ﻃﺎﻓﺮﻩ ﺑﻮﻳﻬﻬﺎ ..
ﻭﺑﺼﻮﺕ ﻫﺎﺩﺉ ﺍﺟﻔﻞ ﺳﻤﺎﺀ ﺍﻟﻠﻲ ﻛﺎﻧﺖ ﻧﺎﻗﻌﺔ ﻣﻦ ﺍﻟﻀﺤﻚ : ﻟﻮ
ﺳﻤﺤﺘﻮﻭﺍ .. ﺍﺫﺍ ﺧﻠﺼﺘﻮﺍ ﻟﻌﺐ ﺍﻟﻌﻴﺎﻝ ﻫﺬﺍ ﺗﻌﺎﻟﻮ ﺩﺍﺧﻞ ﻭﺳﻮﻭ ﺷﻲ
ﻣﻔﻴﺪ ﻳﻌﻨﻲ ..
ﻭﺍﻟﺘﻒ ﺟﺮﺍﺡ ﻋﺸﺎﻥ ﻳﺪﺧﻞ ﺍﻟﺒﻴﺖ ﺍﻻ ﻭﺳﻤﺎﺀ ﺗﺤﺬﻓﻪ ﺑﺎﻟﻤﺨﺪﺓ
ﺍﻟﺼﻐﻴﺮﻭﻧﻪ ﻭﺗﺼﻴﺪ ﺭﺍﺳﻪ .. ﺷﻘﻬﺖ ﺑﺎﻟﻀﺤﻜﺔ ﻭﺟﺮﺍﺡ ﺍﻟﺘﻔﺘﺖ ﺑﻌﺼﺒﻴﺔ
ﻭﻛﺎﻥ ﺍﻟﺸﺮﺍﺭ ﻳﻨﺒﻊ ﻣﻦ ﻋﻴﻮﻧﻪ ..
ﺧﺎﻟﺪﺑﺼﺮﺧﻪ : ﻓﻲ ﺍﻟﺼﻤﻴﻢ ..
ﺗﻮﻩ ﺟﺮﺍﺡ ﺑﻴﺘﻜﻠﻢ ﺍﻻ ﻭﺧﺎﻟﺪ ﻳﺮﻣﻴﻪ ﺑﺎﻟﻤﺨﺪﺓ ﺍﻟﺜﺎﻧﻴﺔ .. ﻭﺍﻧﻘﻠﺒﺖ
ﺍﻟﺴﺎﻟﻔﺔ ﺍﻟﻰ ﻣﻌﺮﻛﺔ ﺍﻟﻤﺨﺎﺍﺍﺩ ﻭﺍﻟﺼﺮﺍﺥ ﺗﻌﺎﻟﻰ ﻓﻲ ﻫﺬﺍﻙ ﺍﻟﺸﺎﺭﻉ
ﻭﺳﻤﺎﺀ ﺗﺘﻨﻘﺰ ﻣﺜﻞ ﺍﻟﻨﺤﻠﺔ ﻻﻥ ﺍﺑﺘﺪﻯ ﺍﻟﻤﺜﻞ .. ﺍﻧﺎ ﻋﻠﻰ ﻭﻟﺪ ﻋﻤﻲ ﻭﺍﻧﺎ
ﻭﻭﻟﺪ ﻋﻤﻲ ﻋﻠﻰ ﺍﻟﻐﺮﻳﺐ .. ﺧﺎﻟﺪ ﻭﺟﺮﺍﺡ ﻣﺎ ﺭﺣﻤﻮﻫﺎ .. ﻭﻇﻠﻮﺍ ﻋﻠﻰ
ﻫﺎﻟﺤﺎﻟﺔ .. ﻟﻔﺘﺮﺓ ﻣﻦ ﺍﻟﻮﻗﺖ ..
ﻭﺑﺎﻟﻤﻐﺮﺏ ﺍﻧﺘﻬﻰ ﻓﺮﺵ ﺍﻟﺒﻴﺖ ﺍﻻ ﻣﻦ ﺍﻏﺮﺍﺽ ﺍﻟﻤﻄﺒﺦ ﺍﻟﻠﻲ ﻻﺯﻡ
ﻳﺮﺗﺒﻮﻧﻬﺎ ﻭﻟﻜﻨﻬﻢ ﺑﺴﺒﺐ ﺍﻟﺘﻌﺐ ﺍﻟﻜﺒﻴﺮ ﺍﻟﻠﻲ ﻣﺮﻭﻭ ﻓﻴﻪ ﺍﺟﻠﻮ ﻟﻴﻮﻡ
ﺛﺎﻧﻲ .. ﻭﻇﻠﻮﺍ ﻛﻠﻬﻢ ﻓﻲ ﺍﻟﺼﺎﻟﺔ ﻭﻛﻞ ﻭﺍﺣﺪ ﻣﻨﺴﺪﺡ ﻣﻜﺎﻧﻪ ﻣﻦ
ﺍﻟﺘﻌﺐ .. ﺍﻻ ﻣﻨﺎﻳﺮ ﺍﻟﻠﻲ ﻇﻠﺖ ﻟﻠﺤﻴﻦ ﺗﺸﻮﻑ ﻓﻲ ﺍﻟﻔﺮﺵ ﻭﺗﺪﻗﻖ ﻟﻤﻦ
ﻻﻋﺖ ﺟﺒﺪ ﺧﺎﻟﺪ ﻣﻨﻬﺎ ..
ﺧﺎﻟﺪ : ﻣﻨﻮﻭﺭ ﻫﺎﺗﻲ ﺍﻟﻔﺮﺵ ﺍﻟﺒﺮﺗﻘﺎﻟﻲ ﺍﻧﺎ ﺍﺑﻴﻪ
ﻣﻨﺎﻳﺮ : ﻻﺍﺍﺍﺍﺍﺍﺍﺍﺍﺍﺍ ﺧﻠﻮﻭﻩ ﺍﺑﻲ ﺍﻓﻜﺮ ﻭﺍﻗﺮﺭ .. ﻻﺯﻡ ﻏﺮﻓﺘﻲ ﺗﺼﻴﺮ
ﺑﻴﺮﻓﻜﺖ ..
ﺧﺎﻟﺪ ﻭﻫﻮ ﻳﻘﻮﻡ ﻟﻬﺎ : ﻭﻟﻲ ﺯﻳﻦ ﺑﻴﺮﻓﻜﺖ ﻗﺎﻟﺖ ﻟﻲ .. ﻳﺎﻟﻠﻪ ﻫﺎﺗﻴﻪ
ﻣﻨﺎﻳﺮ ﻭﻫﻲ ﺗﺤﻤﻞ ﺍﻟﻔﺮﺵ ﻭﺗﻮﻗﻒ : ﻻﺍﺍﺍ ﺣﺮﺍﻡ ﻋﻠﻴﻚ ﺧﺎﻟﺪ ﺑﻠﻴﺰ ﻻ
ﺗﺤﺮﻣﻨﻲ ﻣﻦ ﻫﺎﻟﻤﺘﻌﺔ
ﺧﺎﻟﺪ : ﺍﻱ ﻣﺘﻌﺔ ﻭﺍﻧﺘﻲ ﻣﺎﺳﻜﺔ ﻫﺎﻟﻔﺮﺵ ﻣﻦ ﺍﻟﺼﺒﺢ ﻫﺎﺗﻴﻪ ﺑﺴﺮﻋﺔ ..
ﺳﻤﺎﺀ ﻭﻫﻲ ﺗﺮﻓﻊ ﻓﺮﺵ ﺛﺎﻧﻲ : ﻫﺬﺍ ﻳﻨﺎﺳﺐ ﺍﻟﺪﺍﺭ ﺑﻌﺪ ..
ﻋﺰﻳﺰ ﻳﻨﻐﺰ : ﻟﻴﺶ ﺗﺨﺘﺎﺭﻳﻦ ﺍﻧﺘﻲ ﻻ ﻳﻜﻮﻥ ﺩﺍﺭﺝ؟؟
ﺍﺳﺘﺤﺖ ﺳﻤﺎﺀ ﻭﺳﻜﺘﺖ ﻣﻜﺎﻧﻬﺎ ﻭﻫﻲ ﺗﺨﺰﺭ ﻓﻲ ﻋﺰﻳﺰ ﺍﻟﻠﻲ ﻛﺎﻥ
ﻳﻀﺤﻚ ﺑﻬﺒﻞ ﻭﻳﺪ ﺟﺮﺍﺡ ﺗﺼﻔﻊ ﺭﺍﺳﻪ ﻣﻦ ﻭﺭﻯ ﺑﺨﻔﺔ .. ﻟﻤﻦ ﺑﻠﻊ
ﺿﺤﻜﺘﻪ ..
ﺍﻡ ﺟﺮﺍﺡ : ﻳﻤﺔ ﺍﺗﺼﻠﻮ ﻓﻲ ﺍﺧﺘﻜﻢ ﻭﺍﻟﻠﻪ ﺍﻧﻲ ﻭﻟﻬﺖ ﻋﻠﻴﻬﺎ ﺷﻮﻓﻮﻫﺎ
ﺷﻠﻮﻧﻬﺎ ﺷﺨﺒﺎﺭﻫﺎ؟
ﺳﻤﺎﺀ : ﺍﻱ ﺍﻱ ﻋﻔﻴﺔ ﺟﺮﺍﺡ ﺍﺗﺼﻞ ﻓﻲ ﻓﺎﺗﻦ؟
ﺟﺮﺍﺡ : ﺍﻱ ﺍﻱ ﻋﻔﻴﺔ ﺟﺮﺍﺡ .. ﻋﻠﻰ ﺣﺴﺎﺑﺞ ﺍﻥ ﺷﺎﺀ ﺍﻟﻠﻪ ﻏﺎﻟﻲ
ﺍﻻﺗﺼﺎﻝ ﺑﺎﻣﺮﻳﻜﺎ ..
ﺧﺎﻟﺪ ﺍﻟﻠﻲ ﻧﺴﻰ ﺗﻮﺍﺟﺪ ﺳﻤﺎﺀ ﺷﻮﻱ ﻭﺭﺩﺕ ﻓﻴﻪ ﺭﻭﻭﺡ ﺍﻟﺤﺐ ﻟﻔﺎﺗﻦ :
ﻭﺍﻟﻠﻪ ﺍﻧﻚ ﺑﺨﻴﻞ ﺍﻧﺎ ﺍﺗﺼﻞ ﻓﻲ ﺷﻴﺨﺔ ﺍﻟﺒﻨﺎﺕ ﻭﻻ ﻋﻠﻲ ..
ﺍﺑﺘﺴﻤﺖ ﺳﻤﺎﺀ ﻟﻪ ﺑﻔﺮﺡ .. ﻭﺍﺗﺼﻞ ﻓﻴﻬﺎ ﺧﺎﻟﺪ .. ﻳﻤﻜﻦ ﻫﺬﻱ ﺛﺎﻧﻲ ﻣﺮﺓ
ﻳﻤﻜﻦ ﻳﺴﻤﻊ ﺻﻮﺗﻬﺎ ﺧﺎﻟﺪ ﻣﻦ ﺑﻌﺪ ﻣﺎ ﺭﺍﺣﺖ ﻓﺎﺗﻦ .. ﻭﺍﻭﻝ ﺍﻟﻠﺤﻈﺎﺕ
ﻛﺎﻥ ﻣﺘﻮﺗﺮ ﻭﻳﻌﺮﻑ ﺍﻥ ﺗﻮﺗﺮﻩ ﻛﺎﻥ ﻇﺎﻫﺮ ﻋﻠﻰ ﻭﻳﻬﻪ ﻭﺟﺪﺍﻡ ﺍﻟﻜﻞ ..
ﻭﺟﺮﺍﺡ ﺍﻟﻲ ﻛﺎﻥ ﺩﺍﻳﻤﺎ ﻳﺮﺍﻗﺐ ﺍﻟﻮﺿﻊ ﺑﺎﻟﻨﺴﺒﺔ ﻟﺨﺎﻟﺪ ﻓﻲ ﺗﻮﺍﺟﺪ ﻣﺎ
ﻧﺴﻰ ﻫﺎﻟﻌﺎﺩﺓ ﺍﻟﻠﻲ ﻓﻴﻪ .. ﻟﻜﻦ ﻫﺎﻟﻤﺮﺓ ﺑﺘﻜﺜﻴﻒ ﻧﻈﺮﺍﺗﻪ ﻋﻠﻰ ﺳﻤﺎﺀ
ﺑﻨﻔﺲ ﺍﻟﻮﻗﺖ ..
ﻭﺍﻭﻝ ﻣﺎ ﺭﻓﻌﺘﻪ ﻓﺎﺗﻦ ﺑﺼﻮﺕ ﻋﺎﻟﻲ ﻭﻣﺴﺮﻭﺭ ﻻﻧﻪ ﺭﻗﻢ ﺧﺎﻟﺪ :
ﺧﻠﻮﻭﻭﺩﻭﻭﻭ ﻭﺍﻟﻜﺮﻳﻴﻴﻴﻪ
ﺧﺎﻟﺪ ﺍﻟﻠﻲ ﺭﺝ ﻗﻠﺒﻪ : ﻓﺘﻮﻭﻭﻥ ﺍﻟﻬﻴﻴﻴﻴﻴﻴﻴﻴﻴﻴﻴﻴﻴﻠﻖ ..
ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ﻭﻟﻬﺖ ﻋﻠﻴﻚ ﻳﺎﻟﻜﺮﻳﻴﻴﻴﻪ ﺗﻮ ﺍﻟﻨﺎﺱ ﺗﺘﺼﻞ
ﻓﻴﻨﻲ ..
ﺧﺎﻟﺪ ﻭﻫﻮ ﻓﺮﺣﺎﻥ ﻣﻦ ﻗﻠﺐ : ﻭﺍﻧﺘﻲ ﺍﻛﺜﺮ ﻳﺎﻟﻜﺮﻳﻬﻪ ﻭﺍﻟﻠﻪ ﻟﺞ ﻭﺣﺸﺔ
ﻓﺘﻴﻴﻴﻴﻨﺔ ..
ﻓﺎﺗﻦ ﺑﺰﻫﻮ ﻭﻫﻲ ﺗﻜﺢ ﺷﻮﻱ : ﺍﺩﺭﻱ ﺍﺩﺭﻱ ﻻ ﺗﻘﻮﻝ ﻟﻲ ﺍﺩﺭﻱ ﺑﻜﻞ
ﺷﻲ .. ﺷﺨﺒﺎﺭﻙ ﻭﺷﺨﺒﺎﺭ ﺍﻟﺒﻴﺖ
ﺧﺎﻟﺪ : ﻳﻤﻜﻦ ﺍﻟﺒﻴﺖ ﺍﺣﺴﻦ ﻣﻨﻲ ﺍﻟﻴﻮﻭﻭﻡ ﻭﻟﻜﻦ ﺍﻟﻜﻞ ﻳﺴﻠﻢ ﻋﻠﻴﺞ ..
ﻓﺎﺗﻦ : ﻛﻠﻬﻢ ﻭﻳﺎﻙ ..
ﺧﺎﻟﺪ : ﺍﻱ ﻛﻠﻬﻢ ...
ﻓﺎﺗﻦ : ﻭﺍﺍﺍﺍﺍﺍﺍﺍﺍﺍﺍﺍﻱ ﻟﻴﺘﻨﻲ ﻭﻳﺎﻛﻢ ﺍﻛﻴﺪ ﺍﻟﻘﻌﺪﺓ ﺣﻠﻮﺓ
ﺧﺎﻟﺪ : ﻻ ﻭﺍﻟﻠﻪ .. ﻣﺎ ﺗﺤﻠﻰ ﺍﻟﻘﻌﺪﺓ ﺍﻻ ﻭﻳﺎﺝ ﻳﺎ ﺷﻴﺨﺘﻬﻢ ..
ﺑﺎﺑﺘﺴﺎﻣﺔ ﻫﺎﺩﺋﺔ ﺟﺎﺑﺖ ﺳﻤﺎﺀ ﻛﻠﻤﻪ ﺧﺎﻟﺪ .. ﻟﻜﻦ ﻓﻲ ﻗﻠﺒﻬﺎ ﻛﺎﻧﺖ
ﺍﻟﻨﻐﺼﺔ ﻗﻮﻳﺔ ﺷﻮﻱ .. ﻭﻫﺬﺍ ﺍﻟﺸﻲ ﻻﺣﻈﻪ ﺟﺮﺍﺡ ﺑﻨﻈﺮﺍﺗﻪ ..
ﻓﺎﺗﻦ : ﺑﺴﻚ ﻋﺎﺩ ﻳﺎﻟﻠﻪ ﻣﺎ ﺗﻴﻮﻭﺯ
ﺧﺎﻟﺪ : ﻻ ﺻﺞ ﺻﺞ ﻓﺘﻮﻧﺔ ﻣﺘﻰ ﺑﺘﻔﻜﺮﻳﻦ ﻓﻴﻨﻲ ﻳﻌﻨﻲ ﻟﻤﺘﻰ
ﺑﺘﻌﻠﻘﻴﻨﻲ .؟ ..
ﻓﺎﺗﻦ : ﻳﻤﺔﺓﺓﺓ ﻭﻳﻦ ﺍﻣﻲ ﺯﻫﻘﺘﻨﻲ ..
ﺧﺎﻟﺪ : ﻫﻬﻬﻬﻬﻬﻪ ﻟﺤﻈﺔ ﺷﻮﻱ ﻳﺎ ﺣﻠﻮﺓ ﺍﻟﺤﻠﻮﺍﺕ ...
ﻣﺪ ﺍﻟﺘﻠﻔﻮﻥ ﺧﺎﻟﺪ ﻻﻡ ﺟﺮﺍﺡ ﻭﺭﺍﺡ ﻗﻌﺪ ﻳﻢ ﻭﻟﺪ ﺧﺎﻟﺘﻪ ﻭﺑﻜﻞ ﺑﺴﺎﻃﺔ
ﺗﺠﺎﻫﻞ ﺳﻤﺎﺀ ﻭﻭﺟﻮﺩﻫﺎ ﻓﻲ ﺍﻟﻤﻜﺎﻥ ..
ﺍﻡ ﺟﺮﺍﺡ ﻇﻠﺖ ﺗﺴﻮﻟﻒ ﻭﻳﺎ ﺑﻨﺘﻬﺎ ﻋﻦ ﺍﻟﺒﻴﺖ ﺍﻟﻴﺪﻳﺪ ﻭﺧﺎﻟﺪ ﺍﻟﻠﻲ ﻛﺎﻥ
ﺷﺒﻪ ﺍﻟﻤﺘﻌﻠﻖ ﺑﺎﻟﺘﻠﻔﻮﻥ ﻻﻧﻪ ﻛﻞ ﺷﻮﻱ ﻳﺨﺒﺮ ﺧﺎﻟﺘﻪ ﺑﺸﻲ ﻋﺸﺎﻥ ﺗﻨﻘﻠﻪ
ﻟﻔﺎﺗﻦ ﺍﻟﻠﻲ ﻛﺎﻧﺖ ﺗﻈﺤﻚ ﻭﺗﺮﺩ ﻋﻠﻴﻪ ﻭﺳﻤﺎﺀ ﺍﻟﻠﻲ ﺟﺪﻳﺪﺓ ﻓﻲ ﺳﺎﺣﺔ
ﺍﻟﻐﻴﺮﺓ ﺗﻮﺍﺟﻪ ﺍﻟﻤﻮﻗﻒ ﺑﺒﺮﻭﻭﺩ ﻭﻟﻜﻦ ﻋﻼﻣﺎﺕ ﺍﻟﻔﻴﺾ ﻭﺍﺿﺤﺔ ﻋﻠﻰ
ﻭﻳﻬﻬﺎ .. ﻭﺍﻟﻠﻲ ﺣﺲ ﺑﻬﺎﻟﺸﻲ ﻣﻮ ﺑﺲ ﺟﺮﺍﺡ .. ﺣﺘﻰ ﻣﻨﺎﻳﺮ ..
ﺍﻡ ﺟﺮﺍﺡ : ﺳﻤﺎﺀ ﻣﻌﺎﻧﺎ ﺑﻌﺪ ﺟﺎﻥ ﺗﺒﻴﻨﻬﺎ ..
ﻳﻮﻡ ﺳﻤﻌﺖ ﻓﺎﺗﻦ ﺍﺳﻢ ﺳﻤﺎﺀ ﻋﻠﻰ ﻃﻮﻝ ﻳﺎ ﻋﻠﻰ ﺑﺎﻟﻬﺎ ﺟﺮﺍﺡ .. ﻭﻛﺎﻥ
ﺻﻌﺐ ﻋﻠﻴﻬﺎ ﺗﺘﻜﻠﻢ ﻭﻳﺎ ﺍﻟﺒﻨﺖ ﻣﻦ ﺑﻌﺪ ﻫﺎﻟﺸﻲ ﻟﻜﻦ .. ﺑﻤﺎ ﺍﻥ ﺳﻤﺎﺀ
ﻣﻮﺟﻮﺩﺓ ﻭﺍﻧﺬﻛﺮ ﺍﺳﻤﻬﺎ ﻻﺯﻡ ﺗﺤﺎﺟﻴﻬﺎ .. ﻣﻮ ﺣﻠﻮ ﺑﺤﻘﻬﺎ ﻓﻤﻬﻤﺎ ﻛﺎﻧﺖ
ﺍﻫﻲ ﻣﻮ ﻏﻠﻄﺘﻬﺎ ﺍﻟﻠﻲ ﺻﺎﺭ ..
ﻓﺎﺗﻦ : ﻋﻄﻴﻨﻲ ﺍﻳﺎﺍﺍﻫﺎ ﻳﻤﺔ ﻭﻟﻬﺖ ﻋﻠﻠﻴﻬﺎ ..
ﺍﺷﺮﺕ ﺍﻡ ﺟﺮﺍﺡ ﻟﺴﻤﺎﺀ ﺑﺎﻟﺘﻠﻔﻮﻥ ﺍﻟﻠﻲ ﺭﺍﺣﺖ ﻭﺭﺩﺕ ﺑﺮﻭﺡ ﺍﺧﺮ ﻣﺎ
ﺗﺘﺴﻤﺎﻩ ﻫﻮ ﺍﻟﻤﺮﺡ :.. ﺍﻟﻮﻭﻭ ﻓﺘﻮﻭﻭﻥ
ﻓﺎﺗﺘﻦ : ﻫﻼ ﺳﻤﻮﻭﻭﻭﻱ ﺍﻟﺤﻠﻮﺓ .. ﺷﻠﻮﻧﺞ ﺣﺒﻴﺒﺘﻲ ﺷﺨﺒﺎﺭﺝ؟
ﺳﻤﺎﺀ : ﺍﻟﺤﻤﺪ ﻟﻠﻪ ﺍﺑﺨﻴﺮ ﺍﻧﺘﻲ ﺷﺨﺒﺎﺭﺝ؟؟ ﻭﺷﺨﺒﺎﺭ ﺍﻣﻴﺮﻛﺎ ﻭﻳﺎﺝ؟
ﻓﺎﺗﻦ : ﺳﻜﺘﻲ ﻋﻨﻬﺎ ﻃﻴﺤﺘﻲ ﻓﻲ ﺍﻟﻔﺮﺍﺵ ﺑﺎﺭﺩﺓ ﻳﺎﺧﻴﺞ ..
ﺳﻤﺎﺀ : ﺍﻱ ﻭﺍﻟﻠﻪ ﺍﻥ ﺟﺎﻥ ﻋﻠﻰ ﺍﻟﺒﺮﺩ ﺍﻫﻲ ﺑﺎﺭﺩﺓ ﺑﺲ ﺍﻧﺘﻲ ﺍﻛﻴﺪ ﺍﻗﻮﻯ
ﻣﻨﻬﺎ
ﻓﺎﺗﻦ : ﺍﺣﺎﺍﺍﺍﻭﻝ ﻭﺍﺻﺎﺍﺍﺭﻉ
ﺳﻤﺎﺀ : ﻫﻬﻬﻬﻬﻬﻬﻬﻬﻬﻬﻪ ﻳﻌﻄﻴﺞ ﺍﻟﻌﺎﻓﻴﺔ ﺣﺒﻴﺒﺘﻲ
ﻓﺎﺗﻦ : ﺍﻟﻠﻪ ﻳﻌﺎﻓﻴﺞ .. ﺍﻧﺰﻳﻦ ﺣﺒﻴﺒﺘﻲ ﻻﺯﻡ ﺍﺻﻜﻪ ﺍﻟﺤﻴﻦ .. ﺗﻌﺒﺎﻧﺔ ﺷﻮﻱ
ﺑﺲ ﻻ ﺗﻘﻮﻟﻴﻦ ﻻﻣﻲ
ﺳﻤﺎﺀ : ﺍﻭﻛﻴﻚ ﺣﺒﻴﺒﺘﻲ .. ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ..
ﺧﺎﻟﺪ ﺍﻟﻠﻲ ﺩﺵ ﻋﺮﺽ : ﻻ ﺗﺨﻠﻴﻨﻬﺎ ﺗﺴﻜﺮﻩ ﺍﺑﻲ ﺍﻗﻮﻝ ﻟﻬﺎ ﺷﻲ ..
ﻓﺎﺗﻦ : ﺍﻥ ﺷﺎﺀ ﺍﻟﻠﻪ ﺣﺒﻴﺒﺘﻲ ..
ﺳﻤﺎﺀ ﻗﻬﺮﺍ ﻓﻲ ﺧﺎﻟﺪ : ﺍﻭﻛﻴﻚ ﺑﺎﺍﺍﺍﻱ ..
ﻓﺎﺗﻦ : ﺑﺎﻳﺎﺍﺍﺍﺍﺍﺕ ..
ﺳﻜﺮﺕ ﺳﻤﺎﺀ ﻋﻦ ﻓﺎﺗﻦ ﻭﻫﻲ ﺗﺮﻣﻲ ﺍﻟﺘﻠﻔﻮﻥ ﻋﻠﻰ ﺧﺎﻟﺪ .. ﻭﻫﻮ ﻣﻮ
ﻣﺼﺪﻕ ﺍﻟﻠﻲ ﺻﺎﺭ
ﺧﺎﻟﺪ : ﻟﻴﺶ ﺳﻜﺮﺗﻴﻪ ؟؟ ﻣﺎ ﻗﻠﺖ ﻟﺞ ﺍﻧﻲ ﺍﺑﻲ ﺍﻗﻮﻝ ﻟﻬﺎ ﺷﻲ ..
ﺳﻤﺎﺀ ﻣﻦ ﻏﻴﺮ ﻣﺎ ﺗﻨﺎﻇﺮﻫﺎ ﻭﺣﻮﺍﺟﺒﻬﺎ ﺗﺸﻖ ﻋﺮﺽ ﺟﺒﻴﻨﻬﺎ ..: ﻛﺎﻧﺖ
ﻣﺴﺘﻌﻴﻠﺔ ﻭﻣﺎ ﻋﻨﺪﻫﺎ ﻭﻗﺖ ..
ﺧﺎﻟﺪ ﺑﻐﻴﺾ : ﺷﻬﺎﻟﺘﺼﺮﻓﺎﺕ ﺍﻟﻠﻲ ﻣﺎ ﺗﺘﺴﻤﻰ ﻟﻠﻴﻬﺎﻝ ﻳﻌﻨﻲ ﺻﺞ
ﺣﺮﻛﺎﺕ ..
ﺳﻤﺎﺀ ﻭﻫﻲ ﺗﺒﺘﺴﻢ ﺗﺤﺎﻭﻝ ﺗﻐﻴﻀﻪ :.. ﻣﻮ ﺍﻧﺎ ﻳﺎﻫﻞ؟؟ ﺗﺤﻤﻞ ﻋﻴﻞ ...
ﻳﺎﻟﻠﻪ ﺧﺤﺎﻟﺘﻲ ﺍﻧﺎ ﺑﺮﻭﺡ ﺍﻟﺒﻴﺖ
ﺍﻡ ﺟﺮﺍﺡ : ﻳﻤﺔ ﻗﻌﺪﻱ ﻣﺎ ﻋﻠﻴﺞ ﻣﻨﻪ
ﺳﻤﺎﺀ ﺑﺰﻫﻮ : ﺍﻧﺎ؟؟ ﻋﻠﻲ ﻣﻦ ﻣﻨﻮ؟؟ ﻣﻦ ﻫﺬﺍ؟؟ ﻻ ﺧﺎﻟﺘﻲ ﺍﻧﺎ ﺗﺤﺼﻨﺖ
ﻣﻦ ﺯﻣﺎﻥ .. ﻳﺎﻟﻠﻪ ﺍﺷﻮﻓﻜﻢ ﻋﻠﻰ ﺧﻴﺮ ..
ﺟﺮﺍﺡ : ﻭﺍﻧﺘﻲ ﻣﻦ ﺍﻫﻞ ﺍﻟﺨﻴﺮ ..
ﻣﻨﺎﻳﺮ : ﺳﻤﻮﻭﻭﻱ ﻻ ﺗﻨﺴﺒﻦ ﺑﺎﺟﺮ ﺗﻌﺎﻟﻲ ﻭﻳﺎﻱ ﻋﺸﺎﻥ ﻧﺮﻭﺡ ﺍﻟﺴﻮﻕ
ﻧﺸﺘﺮﻱ ﻗﻄﻊ ﺍﻟﺪﻳﻜﻮﺭ ﻟﻐﺮﻓﺘﻲ
ﺳﻤﺎﺀ : ﻭﻻ ﻳﻬﻤﺞ ﺣﺒﻴﺒﺘﻲ .. ﻳﺎﻟﻠﻪ ﻣﻊ ﺍﻟﺴﻼﻣﺔ ..
ﺍﻟﻜﻞ : ﺍﻟﻠﻪ ﻳﺴﻠﻤﺞ ..
ﻭﻃﻠﻌﺖ ﺳﻤﺎﺀ ﻣﻦ ﺍﻟﺒﻴﺖ ﻭﻫﻲ ﺗﺤﺲ ﺍﻧﻬﺎ ﺑﺘﻨﻔﺠﺮ ﻣﻦ ﺍﻟﺼﻴﺎﺡ ..
ﻳﺎﻟﻠﻪ ﻋﻠﻴﻚ ﻳﺎ ﺧﺎﻟﺪ . ﺟﺬﻱ ﺗﺴﻮﻱ ﻟﻲ .. ﻣﻮ ﻓﺎﺗﻦ ﺍﻟﻠﻲ ﻣﺘﺼﻠﺔ ﻣﻠﻜﺔ
ﺟﻤﺎﻝ ﺍﻟﻌﺎﻟﻢ .. ﻭﺑﺪﺕ ﺩﻭﺍﻣﺔ ﺍﻟﺸﻜﻮﻙ ﺗﺼﺎﺭﻉ ﻣﺦ ﻫﺎﻟﺒﻨﺖ ﺍﻟﺼﻐﻴﺮﻭﻧﻪ
ﺍﻟﻠﻲ ﻣﺎ ﺗﻔﻬﻢ ﺷﻲ ﻓﻲ ﺍﻟﺤﺐ .. ﻭﺧﺎﻟﺪ ﺍﻟﻠﻲ ﻛﺎﻥ ﺑﺤﺎﻟﺔ ﺍﻟﻌﻦ ﻣﻦ
ﺳﻤﺎﺀ ﻇﻞ ﻣﺘﺤﻘﺮﺹ ﻣﻜﺎﻧﻪ ﻟﻜﻦ ﻏﻴﺎﺏ ﺍﻡ ﺟﺮﺍﺡ ﺍﻟﻠﻲ ﻛﺎﻥ ﻭﺭﻯ
ﻃﻠﻌﻪ ﺳﻤﺎﺀ ﻣﺒﺎﺷﺮﺓ ﺧﻠﺘﻪ ﻳﻨﻘﺰ ﻣﻦ ﻣﻜﺎﻧﻪ ﻭﻳﻠﺤﻘﻬﺎ . ﻟﻮ ﺍﻥ ﺷﺎﺀ ﺍﻟﻠﻪ
ﻭﺍﻗﻔﺔ ﻋﻨﺪ ﺑﻴﺘﻬﻢ ..
ﺟﺮﺍﺡ ﻳﺼﻮﺕ ﻋﻠﻴﻪ ﻗﺒﻞ ﻻ ﻳﻄﻠﻊ : ﻻ ﺗﺘﻬﻮﺭ ﺧﺎﻟﺪ ..
ﻟﻜﻦ ﻋﺒﺜﺎ ﻓﻴﻪ ﻻﻧﻪ ﻏﺎﺏ ﻋﻦ ﺍﻟﺒﻴﺖ ﺗﻤﺎﻣﺎ .. ﻣﻨﺎﻳﺮ ﺗﻄﺎﻟﻊ ﺟﺮﺍﺡ ﺍﻟﻠﻲ
ﻛﺎﻥ ﻳﻬﺰ ﺭﺍﺳﻪ .. ﺧﺎﻟﺪ ﻳﺤﺐ ﺳﻤﺎﺀ ﺍﻭﻛﻴﻪ ﻣﺎﻓﻴﻬﺎ ﺷﻲ .. ﻟﻜﻦ ﻣﺎﻟﻪ
ﺩﺍﻋﻲ ﻟﻠﺘﻬﻮﺭ ..
ﻣﻨﺎﻳﺮ : ﺧﻠﻬﻢ .. ﺍﻫﻤﺎ ﺗﻌﻮﺩﻭﺍ ﻋﻠﻰ ﻫﺎﻟﺸﻲ ﻣﻦ ﺯﻣﺎﻥ ..
ﺟﺮﺍﺡ : ﺭﻭﺣﻲ ﺩﺍﺭﺝ ﻭﺑﻼ ﺣﺠﻲ ﻓﺎﺿﻲ ..
ﺧﺎﻟﺪ ﺍﻟﻠﻲ ﻭﻗﻒ ﺳﻤﺎﺀ ﻭﻫﻲ ﻭﺍﻗﻔﺔ ﻋﻨﺪ ﺑﻴﺘﻬﻢ ..
ﺧﺎﻟﺪ : ﺗﻌﺎﻟﻲ ﻫﻨﻲ ..
ﺍﻟﺘﻔﺘﺖ ﻟﻪ ﺳﻤﺎﺀ ﺑﻬﺪﻭﺀ ﻭﻫﻲ ﺗﺤﺎﻭﻝ ﺍﻧﻬﺎ ﻣﺎ ﺗﺮﺗﻜﺐ ﻧﻔﺲ ﺍﻟﻐﻠﻂ
ﻣﺮﺗﻴﻦ :. ﻧﻌﻢ؟؟
ﺧﺎﻟﺪ : ﺷﻤﻌﻨﻰ ﻫﺎﻟﺤﺮﻛﺎﺕ ..
ﺳﻤﺎﺀ ﻭﻫﻲ ﺗﻔﺘﺢ ﻋﻴﻮﻧﻬﺎ ﺑﻐﺒﺎﺀ : ﺍﻭﻩ؟؟ ﺣﺮﻛﺎﺕ؟؟ ﺣﺮﻛﺎﺕ .. ﺣﺮﻛﺎﺕ
ﻣﻦ ﻳﺎ ﺧﺎﻟﺪ .. ﺍﻧﺎ ﺍﻟﻤﺪﻣﻐﺔ ﻭﻻ ﺍﻧﺖ ﺍﻟﻌﺎﺷﻖ ﺍﻟﻮﻟﻬﺎﻥ ... ( ﺗﻘﻠﺪ ﻋﻠﻴﻪ ) ﻳﺎ
ﺣﻠﻮﺓ ﺍﻟﺤﻠﻮﺍﺕ .. ﺍﻟﻘﻌﺪﺓ ﻣﺎ ﺗﺴﻮﻯ ﺑﺪﻭﻧﺞ ﻳﺎ ﺷﻴﺨﺘﻬﻢ
ﺧﺎﻟﺪ ﻭﻫﻮ ﻓﺎﺝ ﻋﻴﻮﻧﻪ ﺑﺼﺪﻣﻪ : ﺍﻟﺤﻴﻦ ﻛﻞ ﻫﺬﺍ ﻻﻧﻲ ﻗﻠﺖ ﺟﺬﻱ
ﻟﻔﺎﺗﻦ؟؟
ﺳﻤﺎﺀ : ﻻ ﻭﺍﻟﻠﻪ ﺷﺘﺘﻮﻗﻊ .. ﺍﻧﻚ ﺗﺘﻌﺎﻣﻞ ﻭﻳﺎ ﻭﺣﺪﺓ ﻣﺜﻠﻬﺎ ﻣﺜﻞ ﺍﻟﻴﺪﺍﺭ ..
ﻏﻠﻄﺎﻥ ﻳﺎ ﺭﻭﺡ ﻗﻠﺒﻲ .. ﺍﻧﺎ ﻣﺎ ﻋﻨﺪﻱ ﻫﺎﻟﺤﺮﻛﺎﺕ ﻣﺎ ﺍﺳﻮﻳﻬﺎ ﻓﻼ
ﺗﺴﻮﻳﻬﺎ ﻟﻲ ..
ﺧﺎﻟﺪ : ﻭﺍﻟﻠﻪ ﺑﺘﺘﻌﺒﻴﻦ ﺳﻤﺎﺀ ..
ﺳﻤﺎﺀ : ﺑﺸﻨﻮ؟؟
ﺧﺎﻟﺪ : ﺍﺫﺍ ﺣﻄﻴﺘﻲ ﻧﻔﺴﺞ ﻭﻳﺎ ﻓﺎﺗﻦ ﻻﻧﻬﺎ ﺑﻜﻞ ﺑﺴﺎﻃﺔ ﻏﻴﺮ ﻋﻨﺞ ..
ﺳﻤﺎﺀ ﺍﻟﻠﻲ ﺣﺴﺖ ﺑﻜﻼﻡ ﺧﺎﻟﺪ ﻣﺜﻞ ﺍﻟﻄﻌﻨﺔ .. ﻭﻳﻤﻜﻦ ﻓﻬﻤﺘﻪ ﻋﻠﻰ
ﻋﻜﺲ ﻣﺎ ﻗﺼﺪﻩ ﺧﺎﻟﺪ : ﺷﻘﺼﺪﻙ؟؟ ﺍﻧﻲ ﻳﻌﻨﻲ ﻣﻮ ﻣﺴﺎﻭﻳﺔ ﻟﻬﺎ .. ﺍﻧﻬﺎ
ﺍﺣﺴﻦ ﻣﻨﻲ ﺑﺸﻲ؟؟
ﺧﺎﻟﺪ ﻭﻫﻮ ﻣﻨﺼﻌﻖ ﻣﻦ ﺑﺎﻝ ﺳﻤﺎﺀ : ﺷﻨﻮ؟؟ ﻣﻦ ﻗﺎﻝ ﺟﺬﻱ ﺍﻟﺤﻴﻦ
ﺳﻤﺎﺀ ﻭﻫﻲ ﺗﺮﺗﺠﻒ ﻣﻦ ﺍﻟﻐﻴﺾ : ﺍﻧﺖ ﺍﻟﺤﻴﻦ ﻗﻠﺖ .. ﻣﻮ ﻧﺎﻗﺼﻨﻲ
ﺍﻋﺮﻑ ﺍﻻ ﺍﻧﻚ ﻛﻨﺖ ﺗﺤﺒﻬﺎ ﻗﺒﻞ ...
ﺳﻜﺖ ﺧﺎﻟﺪ ﻭﻫﻮ ﻳﻬﺰ ﺭﺍﺳﻪ ﻭﻳﺒﻌﺪ ﺑﻌﻴﻮﻧﻪ ﻋﻦ ﺳﻤﺎﺀ .. ﻭﺳﻜﻮﺗﻪ ﻫﺬﺍ
ﻛﺎﻥ ﺑﻤﺜﺎﺑﻪ ﺍﻟﺰﻳﺖ ﺍﻟﻠﻲ ﻳﻨﺼﺐ ﻋﺎﻟﻨﺎﺭ .. ﻭﺻﺪﻗﺖ ﺳﻤﺎﺀ ﺍﻟﻠﻲ ﺑﻐﺖ
ﺗﺼﺪﻗﻪ ﻣﻦ ﺻﻤﺖ ﺧﺎﻟﺪ
ﺳﻤﺎﺀ ﺑﺮﺟﺎﺀ : ﺗﺤﺠﻰ ﻻ . ﻗﻮﻭﻭﻝ .؟؟؟
ﺧﺎﻟﺪ : ﺳﻤﺎﺀ .. ﺍﻧﺘﻲ ﻣﺨﺞ ﺻﻐﻴﺮ .. ﻭﻓﻲ ﻣﺜﻞ ﻫﺎﻟﻠﺤﻈﺔ ﺍﻱ .. ﺗﺨﻠﻴﻨﻲ
ﺍﺗﻤﻨﻰ ﻟﻮ ﺍﻧﺞ ﺗﺸﺎﺑﻬﻴﻦ ﺍﻭ ﺍﻧﺞ ﺗﻜﻮﻧﻴﻦ ﺑﺮﺟﺎﺣﺔ ﻋﻘﻞ ﻓﺎﺗﻦ
ﺳﻤﺎﺀ ﻭﻫﻲ ﺗﺼﺎﺭﺥ ﻭﺍﻟﺪﻣﻊ ﺍﻟﺼﺮﻳﻊ ﻳﻬﻮﻱ ﻋﻠﻰ ﺧﺪﻭﺩﻫﺎ ..: ﻣﺎﻋﺮﻑ ..
ﻣﺎﻋﺮﻑ ﺍﻛﻮﻥ ﻋﻠﻰ ﻗﻮﻟﺘﻚ ﺑﺮﺟﺎﺣﺔ .. ﺍﺳﻔﺔ ﻻﻧﻲ ﻣﻮ ﻣﺜﻞ ﻓﺎﺗﻦ ﺧﺎﻟﺪ
ﺻﺪﻗﻨﻲ ﺍﺳﻔﺔ .. ﺑﺲ ﺍﺫﺍ ﺗﺒﻴﻨﻲ ﺗﺒﻴﻨﻲ ﻣﺜﻞ ﻣﺎ ﺍﻧﺎ .. ﻣﻮ ﺗﻠﺰﻕ ﻓﻴﻨﻲ
ﺻﻔﺎﺕ ﺍﺣﺪ ..
ﺧﺎﻟﺪ : ﺳﻤﺎﺀ ﻋﻼﻣﺞ ﺻﺎﻳﺮﺗﻠﻲ ﻏﺒﻴﺔ ﻣﺎ ﺗﻔﻬﻤﻴﻦ
ﺳﻤﺎﺀ ﻭﻫﻲ ﺗﺘﻨﺸﺞ ﻣﻼﻣﺤﻬﺎ ﻣﻦ ﺍﻟﺤﺰﻥ : ﺍﻟﺤﻴﻦ ﺑﻌﺪ ﻏﺒﻴﺔ؟؟ ﻻ
ﺻﺮﺍﺣﺔ ﻛﻤﻠﺖ ﻳﻮﻣﻲ ...
ﺩﺧﻠﺖ ﺳﻤﺎﺀ ﺍﻟﺒﻴﺖ ﻭﺳﻜﺮﺕ ﺍﻟﺒﺎﺏ ﻓﻲ ﻭﻳﻪ ﺧﺎﻟﺪ ﺑﻘﻮﺓ ﻟﺪﺭﺟﻪ ﺍﻧﻪ
ﺍﻧﺼﻢ ﻣﻦ ﺻﻮﺗﻪ .. ﺿﻢ ﺭﺍﺳﻪ ﺑﻴﻦ ﻳﺪﻳﻨﻪ ﻭﻫﻮ ﺣﺎﺱ ﺍﻧﻪ ﺟﺮﺡ ﺳﻤﺎﺀ
ﻣﻦ ﻏﻴﺮ ﻣﺎ ﻳﻘﺼﺪ .. ﻳﻌﻨﻲ ﺍﻫﻮ ﻣﺎ ﻗﺎﻝ ﻟﻬﺎ ﺷﻲ ﻏﻠﻂ .. ﻭﺍﻟﻈﺎﻫﺮ ﺍﻧﻬﺎ
ﺯﻭﺩﺕ ﺍﻟﺴﺎﻟﻔﺔ ﺣﺒﺘﻴﻦ .. ﺍﺧﺦ ﻣﻦ ﺍﻟﻴﻬﺎﻝ ﺍﺍﺍﺍﺍﺍﺍﺥ .. ﻭﺭﺩ ﺍﻟﺒﺎﺏ ﺍﻧﻔﺘﺢ
ﻣﺮﺓ ﺛﺎﻧﻴﺔ ﻭﺳﻤﺎﺀ ﺍﻟﻬﺎﻳﺠﺔ ﺗﻄﻠﻊ ﻣﻦ ﺟﺪﻳﺪ
ﺳﻤﺎﺀ : ﻭﺗﻌﺮﻑ ﺷﻲ .. ﻣﻦ ﻳﻮﻡ ﻭﺭﺍﻳﺢ .. ﻣﺎ ﺍﺑﻲ ﺍﺷﻮﻓﻚ .. ﻭﻻ ﺍﺑﻲ
ﺣﺘﻰ ﺍﺳﻤﻊ ﺣﺴﻚ .. ﺍﻧﺖ ﻭﺍﺣﺪ ﻏﺒﻴﻴﻴﻴﻴﻴﻴﻴﻴﻴﻴﻴﻲ ﻣﺎ ﺗﺴﺘﺎﻫﻞ ..
ﻭﺭﺩﺕ ﺳﻜﺮﺕ ﺍﻟﺒﺎﺏ ﺑﻘﻮﺓ ﺍﻛﺒﺮ ﻣﻦ ﺟﺬﻱ .. ﻭﺛﺎﺍﺍﺍﺭﺕ ﻓﻲ ﺧﺎﻟﺪ
ﺍﻟﻌﺼﺒﻴﺔ ﻟﺪﺭﺟﻪ ﺍﻧﻪ ﻗﺮﺭ ﻳﺪﺵ ﺍﻟﺒﻴﺖ ﻭﻳﻠﺤﻘﻬﺎ ﻭﻳﻜﻔﺨﻬﺎ ﺟﻢ ﻃﺮﺍﻕ
ﻋﺸﺎﻥ ﻳﺒﺮﺩ ﺣﺮﺗﻪ ﻓﻴﻬﺎ .. ﻟﻜﻦ .. ﻭﻳﻦ .. ﻣﺎ ﻳﻘﺪﺭ ﻳﺪﺧﻞ ﺍﻟﺒﻴﺖ ﻻﻥ
ﺍﻟﺒﺎﺏ ﻓﻴﻪ ﻧﻮﻉ ﻣﻦ ﺍﻟﻘﻔﻞ ﺍﻟﻜﻬﺮﺑﻲ ﺍﻟﻠﻲ ﻣﻦ ﻳﺘﺴﻜﺮ ﻣﻦ ﺩﺍﺧﻞ ﺍﻟﻠﻲ
ﺑﺮﻉ ﻣﺎ ﻳﻘﺪﺭ ﻳﻔﺘﺤﻪ .. ﻭﻇﻞ ﻭﺍﻗﻒ ﻋﻨﺪ ﺍﻟﺒﺎﺏ ﺑﻌﺠﺰ ﻭﺍﻟﻨﺎﺭ ﺗﺴﻌﺮ
ﻓﻴﻪ .. ﺣﺲ ﺍﻧﻪ ﻣﺎ ﻳﻘﺪﺭ ﻳﻘﻌﺪ ﺍﻛﺜﺮ .. ﺷﺎﻝ ﺭﻭﺣﻪ ﻭﺷﻐﻞ ﺍﻟﺴﻴﺎﺭﺓ
ﻭﻃﻠﻊ ....
ﺍﻣﺎ ﺳﻤﺎﺀ ﺍﻟﻠﻲ ﺩﺷﺖ ﺍﻟﺒﻴﺖ ﻭﻫﻲ ﻣﻨﻔﺠﺮﺓ ﺑﺎﻟﺼﻴﺎﺡ ﻭﺍﻟﺒﺠﻲ .. ﺭﺍﺣﺖ
ﻋﻠﻰ ﻃﻮﻝ ﻟﺪﺍﺭﻫﺎ ﺗﺎﺭﻛﺔ ﺍﺑﻮﻫﺎ ﻭﺍﻡ ﻣﺸﻌﻞ ﻭﺳﻂ ﺍﻟﺼﺎﻟﺔ ﻣﻨﺼﺪﻣﻴﻦ
ﻣﻦ ﺷﻜﻠﻬﺎ .. ﻋﻠﻰ ﺍﻻﻗﻞ ﺍﺑﻮﻫﺎ .. ﺍﻡ ﻣﺸﻌﻞ ﻣﺎ ﻛﺎﻧﺖ ﺣﺎﺳﻪ ﻟﻬﺎ ﻭﻻ
ﻣﻌﺬﺑﻪ ﻧﻔﺴﻬﺎ ﺣﺘﻰ ﻋﺸﺎﻥ ﺗﺤﺲ ..
ﺑﻮ ﻣﺸﻌﻞ : ﻋﻼﻣﻬﺎ ﺍﻟﺒﻨﺖ ﻫﺎﻳﺠﺔ ﺑﺎﻟﺒﺠﻲ؟
ﺍﻡ ﻣﺸﻌﻞ ﺑﻬﺪﻭﺀ : ﺍﻧﺖ ﺍﻟﻠﻲ ﺩﻟﻌﺘﻬﺎ ﺷﻮﻑ ﻟﻮﻳﻦ ﻭﺻﻠﺘﻬﺎ؟
ﺑﻮ ﻣﺸﻌﻞ ﺑﻐﻴﺾ ..: ﺍﻧﺎ ﻣﺎ ﺩﻟﻌﺘﻬﺎ .. ﺍﻧﺎ ﻋﻮﺿﺘﻬﺎ ﻋﻦ ﺍﻟﻠﻲ ﺍﻫﻲ
ﻓﺎﻗﺪﺗﻪ .. ﻣﻨﺞ
ﺍﻡ ﻣﺸﻌﻞ ﺗﺮﻓﻊ ﻋﻴﻮﻧﻬﺎ ﺑﻠﻮﻡ : ﻻ ﺗﺤﻂ ﺷﻲ ﻋﻠﻲ .. ﺍﻧﺎ ﻣﺎﻟﻲ ﺷﻐﻞ ..
ﺍﻫﻲ ﺑﻨﺘﻚ .. ﺗﺼﺮﻑ ﻭﻳﺎﻫﺎ ..
ﻫﺰ ﺭﺍﺳﻪ ﺑﻮ ﻣﺸﻌﻞ ﻣﻦ ﻫﺎﻟﺤﺮﻣﺔ ﺍﻟﻘﺎﺳﻴﺔ ﻭﺷﺎﻝ ﺑﻌﻤﺮﻩ ﻭﺭﻯ ﺑﻨﺘﻪ
ﻳﺸﻮﻑ ﺷﻨﻮ ﻓﻴﻬﺎ .. ﻭﺻﻞ ﻋﻨﺪ ﺩﺍﺭﻫﺎ ﻭﻣﺎ ﺳﻤﻊ ﺍﻻ ﺻﻮﺕ ﺻﻴﺎﺣﻬﺎ
ﺍﻟﻤﻜﺒﻮﻭﻭﺕ ﺑﻘﻬﺮ ﺻﻐﺮ ﺳﻨﻬﺎ ﻭﻛﻮﻧﻬﺎ ﻋﺎﺟﺰﺓ ﻋﻦ ﺷﻲ ﺍﻻ ﺍﻟﺒﺠﻲ
ﺑﺼﻮﺕ ﻋﺎﻟﻲ ..
ﺑﻮ ﻣﺸﻌﻞ ﻳﺤﺎﻭﻝ ﻳﻔﺞ ﺍﻟﺒﺎﺏ ﻭﻣﺎ ﻳﻘﺪﺭ : ﻳﺒﺎ ﺳﻤﻲ ﻓﺠﻲ ﺍﻟﺒﺎﺏ
ﺣﺒﻴﺒﺘﻲ
ﺳﻤﺎﺀ ﻭﺻﺖ ﺷﻬﻘﺎﺗﻬﺎ ..: ﻣﺎﺑﻲ .... ﻣﺎﺍﺍﺍﺑﻲ .. ﻣﺎﺑﻲ ﻣﺎﺑﻲ ...
ﺍﺑﻮ ﻣﺸﻌﻞ ﻳﻌﺰ ﻋﻠﻴﻪ ﻳﺴﻤﻊ ﺑﻨﺘﻪ ﺑﻬﺎﻟﺼﻮﺕ : ﺣﺒﻴﺒﺘﻲ .. ﺭﺩﻱ ﻋﻠﻲ
ﻭﺍﻟﻠﻪ ﻳﻌﺰ ﻋﻠﻰ ﺍﺑﻮﺝ ﻳﺸﻮﻓﺞ ﺟﺬﻱ
ﺳﻤﺎﺀ : ﻣﺎ ﻓﻴﻨﻲ ﺷﻲ .. ﺭﻭﺡ ﻋﻨﻲ .. ﺑﺲ ﺧﻼﺹ ﺧﻠﻮﻧﻲ ﺑﺤﺎﻟﻲ .. ﻣﺎ
ﺍﺑﻲ ﺷﻲ ..
ﺳﻜﺖ ﺑﻮ ﻣﺸﻌﻞ ﻋﻦ ﺑﻨﺘﻪ .. ﻓﻬﻮ ﺍﻥ ﻋﺮﻑ ﺷﻲ ﻋﻨﻬﺎ ﻓﻬﻮ ﻛﺮﻫﻬﺎ
ﻟﻠﻀﻐﻂ .. ﺗﺤﺐ ﺗﻤﺸﻲ ﺍﻻﻣﻮﺭ ﺍﻟﻠﻲ ﺗﺨﺼﻬﺎ ﺑﺮﺍﺣﺘﻬﺎ ﻓﻬﻲ ﺷﺎﻃﺮﺓ
ﻓﻴﻬﺎ .. ﻭﺍﻻ ﺷﻠﻮﻥ ﺑﻨﺖ ﺗﺮﺑﻲ ﻧﻔﺴﻬﺎ ﺑﻨﻔﺴﻬﺎ ﺑﻬﺎﻟﺪﻧﻴﺎ ... ﺍﻟﻈﺎﻫﺮ ﺍﻧﻪ
ﻛﺎﻥ ﻏﻠﻄﺎﻥ ﻳﻮﻡ ﺍﻧﻪ ﺣﻄﻬﺎ ﺑﻌﻬﺪﺓ ﺣﺮﻣﺔ ﻗﺎﺳﻴﺔ ﻗﻠﺐ ﻣﺜﻞ ﺳﻠﻮﻯ ..
ﺍﻟﻠﻪ ﻳﻌﻴﻦ ﻗﻠﺒﺞ ﻳﺎ ﺑﻨﺘﻲ ﻋﻠﻰ ﻭﺣﺪﺗﺞ ﺑﻬﺎﻟﺪﻧﻴﺎ ...
ﻳﻤﻜﻦ ﺍﻟﻐﻴﺮﺓ ﺍﻟﻘﺎﺗﻠﺔ ﺍﻟﻲ ﺷﺒﺖ ﺑﻬﺎﻟﺒﻨﺖ ﺍﻟﺼﻐﻴﺮﺓ ﻛﺎﻧﺖ ﺳﺒﺐ ﻓﻲ
ﺑﻜﺎﺋﻬﺎ .. ﻟﻜﻦ ﺍﻟﺤﺴﺮﺓ ﻭﺍﻟﺤﺮﻗﺔ ﺍﻟﻠﻲ ﻓﻲ ﻗﻠﺒﻬﺎ ﻛﺎﻧﺖ ﺳﺒﺐ ﺻﻴﺎﺣﻬﺎ
ﻭﺗﺸﻨﺞ ﺟﺴﻤﻬﺎ ﻓﻲ ﺍﻟﺒﺠﻲ .. ﻋﻤﺮﻫﺎ ﻣﺎ ﺣﺴﺖ ﺑﺎﻟﺤﺮﻣﺎﻥ ﻣﺜﻞ
ﻫﺎﻟﻠﺤﻈﺔ .. ﺍﻟﺤﺮﻣﺎﻥ ﻣﻦ ﺧﺎﻟﺪ .. ﺍﻫﻲ ﺻﺞ ﻗﺎﻟﺖ ﻟﻪ ﻣﺎ ﺍﺑﻲ ﺍﺷﻮﻓﻚ
ﻭﻻ ﺍﺳﻤﻊ ﺣﺴﻚ .. ﻟﻜﻦ ﻫﺬﻱ ﺍﻻﻣﻨﻴﺔ ﺍﺑﻌﺪ ﻣﻦ ﺍﻧﻬﺎ ﺗﺤﻘﻖ ﻓﻲ
ﺣﻴﺎﺗﻬﺎ .. ﻻﻧﻬﺎ ﺑﺘﺤﻘﻖ ﻫﺎﻻﻣﻨﻴﺔ ﺭﺍﺡ ﺗﻤﻮﺕ ﺳﻤﺎﺀ .. ﺩﺭﺟﺔ ﺗﻌﻠﻘﻬﺎ ﻓﻲ
ﻫﺎﻟﺼﺒﻲ ﺯﺍﺩﺕ ﻋﻦ ﺍﻟﺤﺪ ﺍﻟﻤﻌﻘﻮﻝ .. ﻭﻫﻮ ﺑﺎﻟﻤﺜﻞ .. ﻳﺎ ﺗﺮﻯ ﺑﻴﻘﺪﺭﻭﻥ
ﻳﺤﻠﻮﻥ ﻣﺸﺎﻛﻠﻬﻢ ..؟؟ ﻭﻻ ﻫﻢ ﺗﻮﻫﻢ ﺻﻐﺎﺭ ﻋﻠﻰ ﺍﻟﺤﺐ ﻭﻣﺜﻞ
ﻫﺎﻟﻤﻮﺍﺟﻬﺎﺕ ﺑﺘﺤﺴﺴﻬﻢ ﺑﻤﺪﻯ ﺻﻌﻮﺑﻪ ﻗﺪﺭﺗﻬﻢ ﻋﻠﻰ ﻣﻮﺍﺟﻬﺔ
ﺍﻟﺼﺮﺍﻋﺎﺕ ..؟؟
----------
ﻣﺴﺎﻋﺪ ﺍﻟﻠﻲ ﺭﺩ ﺍﻟﺒﻴﺖ ﻭﺍﻳﺪ ﻣﺘﺎﺧﺮ ﻋﻠﻰ ﻏﻴﺮ ﺍﻟﻌﻮﺍﻳﺪ ﻣﺎ ﻃﺎﺡ ﺷﻲ
ﻓﻲ ﺑﻄﻨﻪ ﻭﻻ ﻛﻠﻢ ﺍﺣﺪ ﻭﻻ ﻋﻄﻰ ﺍﺣﺪ ﻭﻳﻪ .. ﻣﻦ ﺍﻟﺴﻴﺎﺭﺓ ﺍﻟﻰ ﺍﻟﺒﻴﺖ
ﻭﻣﻦ ﺩﺍﺧﻞ ﺍﻟﺒﻴﺖ ﺍﻟﻰ ﻏﺮﻓﺘﻪ ﺑﺼﻤﺖ ﻭﺳﻜﻮﻥ ﺗﺎﻡ .. ﻣﺎ ﻳﺒﻲ ﻳﻌﻄﻲ
ﻭﻳﺎﺧﺬ ﺑﺎﻟﺤﺠﻲ ﻭﻻ ﻳﺒﻲ ﺍﺣﺪ ﻳﻜﻠﻤﻪ .. ﻭﺧﺼﻮﺻﺎ ﻣﺮﻳﻢ .. ﻻﻧﻬﺎ
ﺑﺘﻔﺘﺢ ﻭﻳﺎﻩ ﺗﺤﻘﻴﻖ ﻋﻦ ﻓﺎﺗﻦ .. ﺍﻭ ﻋﺪﻳﻤﺔ ﺍﻻﺣﺴﺎﺱ ﻓﺎﺗﻦ .. ﻭﺍﻟﻠﻪ
ﻳﺤﺲ ﺑﺎﻟﺘﺤﺴﻒ ﺭﺍﻛﺒﻪ ﻟﺮﺍﺳﻪ .. ﺷﻠﻮﻥ ﻗﺪﺭ ﻳﺼﺪﻕ ﺍﻧﻬﺎ ﺑﺘﺘﻌﺪﻝ
ﻭﻳﺎﻩ .. ﻭﻛﺎﻫﻲ ﺗﻔﺘﻌﻞ ﻟﻪ ﻣﻮﻗﻒ ﺳﺨﻴﻒ ﻭﻛﺒﻴﺮ ﺑﺤﻘﻪ ﻭﻫﻮ ﺍﻟﻠﻲ ﻣﺎ
ﺑﻐﻰ ﻣﻨﻬﺎ ﺷﻲ ﻏﻴﺮ ﺍﻻﺣﺴﺎﺱ ﻓﻴﻪ .. ﻟﻜﻦ ﻫﺎﻟﺸﻲ ﺍﻟﻈﺎﻫﺮ ﺍﻧﻪ ﻣﻦ
ﺍﻟﻤﺴﺘﺤﻴﻼﺕ ..
ﺗﺴﺒﺢ ﻋﻠﻰ ﺍﻟﺴﺮﻳﻊ ﻭﻭﻃﻰ ﺭﺍﺳﻪ ﺍﻟﻤﺨﺪﺓ ﺍﻣﻼ ﻓﻲ ﺍﻟﻨﻮﻡ .. ﻭﺗﻮﻩ
ﺑﻴﻐﻂ ﻋﻴﻮﻧﻪ ﺍﻻ ﺩﻗﺎﺕ ﺍﻟﺒﺎﺏ ﺗﻨﺒﻬﻪ ... ﺍﻛﻴﺪ ﻣﺮﻳﻢ ..
ﻣﺴﺎﻋﺪ : ﺩﺧﻠﻲ ﺍﻟﺒﺎﺏ ﻣﻔﺠﻮﺝ
ﻣﺮﻳﻢ ﺩﺧﻠﺖ ﻭﻫﻲ ﺗﺒﺘﺴﻢ ﻻﺧﻮﻫﺎ ﻭﻫﻲ ﺗﻀﺤﻚ : ﻭﺍﺍﺍﻱ ﺍﻧﺖ ﺳﺎﺣﺮ
.. ﺷﻠﻮﻥ ﻋﺮﻓﺖ ﺍﻧﻬﺎ ﺩﺧﻠﻲ ﻣﻮ ﺍﺩﺧﻞ؟
ﻣﺴﺎﻋﺪ ﻭﻫﻮ ﺣﺎﻁ ﻳﺪﻩ ﻋﻠﻰ ﻋﻴﻨﻪ : ﺧﻠﺼﻴﻨﻲ ﻣﺮﻳﻢ ﺷﺘﺒﻴﻦ؟
ﻣﺮﻳﻢ ﻭﻫﻲ ﺗﺠﻔﻞ : .. ﻭﻳﻴﻲ .. ﻣﺎﺍﺍﻛﻮ ﺳﻨﻊ ﺍﻟﻴﻮﻡ .. ﻳﺎﻟﻠﻪ ﺷﻴﺨﺔ
ﺍﻟﺒﻨﺎﺕ ﺩﺍﺷﻪ ﻋﻠﻴﻚ ﺣﺎﺟﻬﺎ ﻗﻮﻡ ﻟﻬﺎ ..
ﻣﺴﺎﻋﺪ ﺑﺼﻮﺕ ﺣﺎﺯﻥ : ﻣﺮﻳـــﻢ ..
ﺳﻜﺘﺖ ﻣﺮﻳﻢ .. ﺍﻟﻈﺎﻫﺮ ﺍﻧﻪ ﻣﻦ ﺻﺞ ﻣﻌﺼﺐ .. ﺷﻔﻴﻪ؟؟ ﺍﻟﺸﺮﻛﺔ
ﻳﻌﻨﻲ؟؟ ﺍﻫﻮ ﻗﻠﻤﺎ ﺍﻳﻴﺐ ﻫﻤﻮﻡ ﺍﻟﺸﻐﻞ ﻭﻳﺎﻩ ﺍﻟﺒﻴﺖ .. ﻭﻭﺳﻌﺖ ﻋﻴﻮﻧﻬﺎ
ﺑﺘﻔﻬﻢ .. ﺍﻱ .. ﺍﻟﺴﺎﻟﻔﺔ ﻣﺎﻓﻴﻬﺎ ﺍﻻ ﺣﺮﻑ ﻭﺍﺣﺪ .. ﺍﻟﻔﺎﺍﺍﺀ ﻳﺎ ﻋﻴﻨﻲ ..
ﺍﻛﻴﺪ ﻣﺴﻮﻳﺘﻠﻪ ﺷﻲ .. ﺍﻫﻮ ﻣﻦ ﺟﻢ ﻳﻮﻡ ﻣﻮ ﻋﻠﻰ ﻃﺒﺎﻳﻌﻪ .. ﻭﺍﻟﺴﺒﺐ
ﺍﻫﻮ ﻣﺮﺽ ﻓﺎﺗﻦ .. ﺑﺲ ﻟﻴﺶ ﺍﻫﻮ ﺟﺬﻱ ﻳﻌﻨﻲ ﻻﺯﻡ ﻳﺴﻬﻞ ﻋﻠﻰ ﺭﻭﺣﻪ
ﺍﻟﺴﺎﻟﻔﺔ ﻭﺍﻟﻠﻪ ﻣﺎ ﻳﺴﻮﻯ ...
ﻣﺮﻳﻢ : ﺍﻧﺰﻳﻦ ﺑﺨﻠﻴﻚ ﺍﻟﺤﻴﻦ .. ﻣﺎﺗﺒﻲ ﺗﺎﻛﻞ؟
ﻣﺴﺎﻋﺪ : ﻻ ﻣﺎﺍﺑﻲ ﺍﻛﻞ ..
ﻣﺮﻳﻢ : ﺍﻭﻛﻲ .. ﺗﺼﺒﺢ ﻋﻠﻰ ﺧﻴﺮ ..
ﻗﺒﻞ ﻻ ﺗﻄﻠﻊ ﻣﺮﻳﻢ ﻭﻗﻔﻬﺎ : ﻣﺮﻳﻢ ..
ﻣﺮﻳﻢ : ﺍﻣﺮ ..
ﻣﺴﺎﻋﺪ ﻭﻫﻮ ﻳﺎﺷﺮ ﺑﻴﺪﻩ ﺍﻟﻠﻲ ﻋﻠﻰ ﻋﻴﻨﻪ ﺻﻮﺏ ﺍﻟﻈﺮﻑ : ﺍﻱ ﺑﻌﺪ
ﺫﻛﺮﺗﻴﻨﻲ .. ﺯﻫﺒﻲ ﺍﻏﺮﺍﺿﺞ ﺑﺘﻴﻴﻦ ﻭﻳﺎﻱ ﻫﺎﻟﺠﻤﻌﺔ ..
ﻣﺮﻳﻢ ﺑﺎﺳﺘﻐﺮﺍﺏ ..: ﻭﻳﻦ؟؟
ﻣﺴﺎﻋﺪ : ﺑﺎﺧﺬﺝ ﻭﻳﺎﻱ ﻋﺸﺎﻥ ﻧﺎﺧﺬ ﻓﺎﺗﻦ .. ﺯﻫﺒﻲ ﻟﺞ ﺷﻮﻳﺔ ﺍﻏﺮﺍﺽ
ﻣﺎ ﺑﻨﺘﻢ ﻭﺍﻳﺪ ﻫﻨﺎﻙ ..
ﻣﺮﻳﻢ ﻭﻫﻲ ﻣﻨﺼﺪﻣﺔ ﻣﻦ ﻫﺎﻟﺨﺒﺮ ﺍﻟﻠﻲ ﻭﺻﻠﻬﺎ : .. ﺍﺣﻠﻠﻠﻠﻠﻠﻠﻠﻠﻠﻠﻒ
ﻣﺴﺎﻋﺪ : ﺍﻭﻭﻭﺵ .. ﻭﺍﻟﻠﻪ ﺭﺍﺳﻲ ﻳﻌﻮﺭﻧﻲ ﺧﻠﻴﻨﻲ ﺍﻧﺎﺍﺍﻡ ....
ﻣﺮﻳﻢ ﻭﻫﻲ ﻣﻮ ﻣﺼﺪﻗﻪ : ﻣﺎﺻﺪﻕ .. ﻣﺎﺻﺪﻕ .. ﺍﻱ ﺍﻱ .. ﻧﺎﻡ . ﻋﺸﺎﻥ
ﺗﺮﺗﺎﺡ .. ﻭﺍﻧﺎ ﺑﺮﻭﺡ ﺍﺯﻫﺐ ﺍﻏﺮﺍﺿﻲ .. ﻣﻮ ﻣﺼﺪﻗﺔ .. ﺑﺸﻮﻑ ﻓﺘﻮﻥ
ﺑﺸﻮﻑ ﺍﻣﻴﺮﻛﺎ ﻳﺎ ﻗﻠﺒﻴﻴﻴﻲ ﺍﺣﺒﻚ ﺳﻌﻮﻭﺩ ﺗﺼﺒﺢ ﻋﻠﻰ ﺧﻴﺮﺭﺭ
ﻭﺍﺍﺍﺍﺍﺍﺍﺍﺍﺍﻱ ..
ﻃﻠﻌﺖ ﻣﺮﻳﻢ ﻣﻦ ﺍﻟﻐﺮﻓﺔ ﻭﻫﻲ ﺗﺘﺮﻙ ﺍﺑﺘﺴﺎﻣﺔ ﻋﻠﻰ ﺷﻔﺎﻳﻒ ﺍﺧﻮﻫﺎ ..
ﻳﻌﻨﻲ ﻟﻮ ﻛﺎﻥ ﺍﻟﻮﺍﺣﺪ ﻳﺤﺲ ﻧﻔﺴﻪ ﻃﺎﻳﺢ ﻣﻦ ﺍﻋﻠﻰ ﻧﻘﻄﺔ ﺗﻈﻞ ﻣﺮﻳﻢ
ﺳﺒﺐ ﻋﺸﺎﻥ ﺗﺨﻠﻴﻪ ﻳﺘﻨﺎﺳﻰ ﻫﺎﻟﺨﻮﻑ ﻭﻳﻀﺤﻚ .. ﺍﻟﺤﻤﺪ ﻟﻠﻪ ﺍﻧﻪ ﻗﺪﺭ
ﻳﻔﺮﺣﻬﺎ ﺑﻬﺎﻟﺸﻲ ..
ﺩﻗﺎﻳﻖ ﺛﺎﻧﻴﺔ ﻣﺮﺕ ﺍﻻ ﻭﺍﻟﺘﻠﻔﻮﻥ ﻳﺮﻥ .. ﻭﻳﺮﻥ .. ﻭﻳﺮﻥ ... ﻟﻤﻦ ﺳﻜﺖ
ﺑﺮﻭﺣﻪ ﻭﺟﻔﻞ ﻣﺴﺎﻋﺪ ﻣﻦ ﻧﻮﻣﻪ ﻋﻠﻰ ﺍﺧﺮ ﺍﻟﺼﻴﺤﺎﺕ .. ﻭﻳﻮﻡ ﺧﺬ
ﺍﻟﺘﻠﻔﻮﻥ ﻭﺷﺎﻑ ﺍﻟﻠﻲ ﻣﺘﺼﻞ .. ﻟﻘﺎﻫﺎ ﺳﻴﺪﺗﻪ ﺍﻟﺼﻐﻴﺮﺓ .. ﻭﻓﺮﺡ ﻣﻦ
ﻗﻠﺐ ﻻﻧﻬﺎ ﻣﺘﺼﻠﻪ ﻓﻴﻪ .. ﻣﻊ ﺍﻥ ﺗﻮﻩ ﺍﻟﻨﺎﺱ ﻋﻠﻰ ﺍﺧﺮ ﻣﻜﺎﻟﻤﺔ ﻭﺯﻳﻦ
ﻣﻨﻬﺎ ﻓﻜﺮﺕ .. ﺑﺲ ﺍﻟﺤﻤﺪ ﻟﻠﻪ ﺍﻫﻲ ﻓﻜﺮﺕ .. ﻭﻋﻠﻰ ﻃﻮﻝ ﺍﺗﺼﻞ ﻓﻴﻬﺎ
..
ﻓﺎﺗﻦ ﺍﻟﻠﻲ ﻛﺎﻧﺖ ﻓﻲ ﺍﻟﺼﺎﻟﺔ ﻗﺎﻋﺪﺓ ﻭﺍﻟﻐﻴﺾ ﻣﺎﻛﻠﻬﺎ .. ﻣﻦ ﺍﻟﺼﺒﺢ
ﻟﻠﺤﻴﻦ ﻭﺍﻫﻲ ﺑﺮﻭﺣﻬﺎ .. ﺣﺎﻭﻟﺖ ﺗﻨﺎﻡ ﻟﻜﻦ ﻣﺎ ﻗﺪﺭﺕ .. ﻫﺎﻟﻮﺣﺶ ﻓﻲ
ﺑﺎﻟﻬﺎ ﻣﻦ ﻣﻜﺎﻟﻤﺘﻬﻢ ﺍﻟﺼﺒﺢ .. ﻭﺟﻢ ﻣﺮﺓ ﻟﺠﻤﺖ ﺭﻏﺒﺘﻬﺎ ﺑﺎﻻﺗﺼﺎﻝ ﻓﻴﻪ
ﻟﻜﻦ ﻣﺎ ﻳﺴﺘﺎﻫﻞ .. ﻭﻳﻮﻡ ﺍﻟﺤﻴﻦ ﺗﺘﺼﻞ ﻓﻴﻪ ﻣﺎﻳﺮﺩ ﻋﻠﻴﻬﺎ .. ﺧﻠﻪ ..
ﻳﺎﻛﻞ ﺩﻭﺍﻩ ﻭﻻ ﺑﺘﺼﻞ ﻓﻴﻪ ﻭﺍﻥ ﺍﺗﺼﻞ ... ﻣﺎ ﺑﺮﺩ .. ﺍﻳﻪ ﻋﻠﺒﺎﻟﻜﻢ ﻣﺎ
ﺍﻗﺪﺭ .. ﻻﺗﻨﺴﻮﻥ ﺍﻧﺎ ﻓﺎﺗﻦ ﺍﻟﻠﻲ ﺭﺍﺳﻬﺎ ﻳﺎﺑﺲ .. ﻣﺎ ﺑﺮﺩ ﻋﻠﻴﻪ
ﺑﺸﻮﻭﻭﻑ ..
ﻭﺍﻟﺘﻠﻔﻮﻥ ﻳﺮﻥ ... ﻭﻣﻦ ﺍﻟﻤﺘﺼﻞ .. ﻃﺒﻌﺎ ﺑﻮ ﺍﻟﺸﺒﺎﺏ ﻣﺴﺎﻋﺪ .. ﻭﻟﻜﻦ
ﻓﺎﺗﻦ ﺑﻄﺒﻴﻌﺘﻬﺎ ﺍﻟﻌﻨﻮﺩﺓ ﻣﺎ ﺭﺩﺕ ﻋﻠﻰ ﺍﻟﺘﻠﻔﻮﻥ .. ﻭﺧﻠﺘﻪ ﺟﺪﺍﻣﻬﺎ ﻳﺮﻥ
ﻭﻫﻲ ﻣﻮ ﻣﻬﺘﻤﺔ . ﺍﻧﺎ ﺗﻌﺒﺎﻧﺔ ﺻﺤﻴﺎ .. ﻣﻮ ﺭﺍﺩﺓ ﻋﻠﻴﻪ .. ﻣﺎ ﺍﻗﺪﺭ ﺍﺗﺤﺮﻙ
ﻋﺬﺭﻱ ﻣﻌﺎﻱ .. ﺍﺣﺲ ﺑﻮﻫﻦ ﻓﻲ ﻋﻈﺎﻣﻲ .. ﻭﺗﻤﺖ ﺗﻌﺬﺭ ﻟﻨﻔﺴﻬﺎ ﺍﺳﺒﺎﺏ
ﻋﺸﺎﻥ ﻣﺎ ﺗﺮﺩ ﻟﻤﻦ ﺳﻜﺖ ﺍﻟﺘﻠﻔﻮﻥ .. ﻭﻣﻦ ﺳﻜﺖ ﺍﻟﺘﻠﻔﻮﻥ ﺍﻧﺒﻬﺎ
ﺿﻤﻴﺮﻫﺎ .. ﻭﻣﻦ ﺍﻟﻘﻬﺮ ﻣﺎﻟﺖ ﻣﻼﻣﺤﻬﺎ ﻟﻠﺒﺠﻲ ﺑﺴﺒﺐ ﺍﻟﻌﺠﺰ .. ﻭﻟﻜﻦ
ﺭﻥ ﺍﻟﺘﻠﻔﻮﻥ ﻣﺮﺓ ﺛﺎﻧﻴﺔ .. ﻭﺭﺩﺕ ﺍﻟﺤﻴﺮﺓ ﻓﻴﻬﺎ .. ﺍﺭﺩ ﻋﻠﻴﻪ ﻭﻻ ﻣﺎﺍﺭﺩ ..
ﺍﻧﺰﻳﻦ ﺻﺮﻧﺎ ﻣﺘﻌﺎﺩﻟﻴﻦ ﻳﻌﻨﻲ ﻳﻮﻡ ﻣﺎ ﺭﺩ ﻋﻠﻲ ﻣﺎ ﺭﺩﻳﺖ ﻋﻠﻴﻪ ﺍﻟﺤﻴﻦ
ﺷﻨﻮ ﻋﺬﺭﻱ .. ﺧﻠﻨﻲ ﺍﺭﺩ ﻭﻳﺼﻴﺮ ﺧﻴﺮ ..
ﻭﻋﻠﻰ ﻃﻮﻝ ﻣﺎ ﻫﻲ ﺗﻔﻜﺮ ﺳﻜﺮ ﻣﺴﺎﻋﺪ ﺍﻟﺨﻂ ﺍﻟﻠﻲ ﻛﺎﻧﺖ ﺗﻮﻫﺎ ﺑﺘﺮﺩ
ﻋﻠﻴﻪ .. ﻭﺍﻟﺸﻲ ﺩﻓﻊ ﺍﻟﺼﺮﺍﺍﺍﺥ ﻓﻴﻬﺎ ﺑﺴﺒﺐ ﺍﻟﻘﻬﺮ .. ﻭﻣﺎ ﻋﻄﻠﺖ ﻧﻔﺴﻬﺎ
ﻭﺭﺩﺕ ﺗﺘﺼﻞ ﻓﻴﻪ ..
ﻣﺴﺎﻋﺪ ﺍﻟﻠﻲ ﻛﺎﻥ ﻭﺍﺻﻞ ﺣﺪﻩ ﻣﻦ ﺍﻟﻘﻬﺮ ﻋﻠﻰ ﻓﺎﺗﻦ .. ﻳﻌﻨﻲ ﺷﻨﻮ
ﻭﺣﺪﺓ ﺑﻮﺣﺪﺓ .. ﻣﺎ ﺍﺭﺩ ﻋﻠﻴﻬﺎ ﻣﺎ ﺗﺮﺩ ﻋﻠﻲ .. ﻭﺍﻟﻠﻪ ﺍﻧﻲ ﻻ ﺻﺪﺗﺞ ﻳﺎ
ﻓﺎﺗﻦ ﻻﺧﻠﻴﺞ ﺗﻨﺪﻣﻴﻦ .. ﻭﻛﺎﻫﻲ ﺍﻟﻬﺒﺔ ﻣﻦ ﺭﺏ ﺍﻟﻌﺎﻟﻤﻴﻦ ﺗﻮﺻﻠﻪ
ﻭﺗﺘﺼﻞ ﻓﺎﺗﻦ ﻭﻣﺎ ﻋﻄﻞ ﻣﺴﺎﻋﺪ ﺭﻓﻊ ﺍﻟﺴﻤﺎﻋﺔ ﻣﻦ ﻧﺺ ﺍﻟﺮﻧﺔ
ﺍﻻﻭﻟﻰ ..
ﻣﺴﺎﻋﺪ : ﺷﻨﻮ ﻳﻌﻨﻲ؟؟ ﻭﺣﺪﺓ ﺑﻮﺣﺪﺓ .. ﻣﺎ ﺍﺭﺩ ﻋﻠﻴﺞ ﻣﺎ ﺗﺮﺩﻳﻦ
ﻋﻠﻲ؟؟؟ ﺍﻧﺘﻲ ﻣﺎ ﺑﺘﻘﻮﻟﻴﻦ ﻟﻲ ﻣﺘﻰ ﺑﺘﺒﻄﻠﻴﻦ ﻫﺎﻟﺤﺮﻛﺎﺕ
ﻓﺎﺗﻦ ﺍﻟﻠﻲ ﻳﺎﻫﺎ ﻛﻼﻡ ﻣﺴﺎﻋﺪ ﻣﺜﻞ ﺍﻻﻋﺼﺎﺭ ﺯﻟﺰﻝ ﻛﻴﺎﻧﻬﺎ ..: ﺑﺴﻢ ﺍﻟﻠﻪ
ﻋﻠﻲ ﺷﻮﻱ ﺷﻮﻱ .. ﺍﻧﺎ ﻣﻮ ﻗﺼﺪﻱ .. ﺑﺲ ﻛﻨﺖ
ﻣﺴﺎﻋﺪ ﺑﺼﺮﺍﺥ : ﺷﻨﻮ؟؟ ﺑﺲ ﻛﻨﺘﻲ ﺷﻨﻮﻭ؟؟ ﺗﺤﺠﻲ .. ﺍﻭ ﺗﻌﺬﺭﻱ
ﻟﻨﻔﺴﺞ ﻓﺎﺗﻦ؟؟ ﺷﻨﻮ ﻳﻌﻨﻲ ﺗﺤﺎﻭﻟﻴﻦ ﺗﺜﺒﺘﻴﻦ ﺍﻥ ﺍﻟﺴﻠﻄﺔ ﻟﺞ ﺍﻧﺘﻲ؟؟
ﻫﺎ؟؟ ﻛﻠﻤﻴﻨﻲ ﺣﺎﺟﻴﻨﻲ ﻗﻮﻟﻲ ﺍﻱ ﺷﻲ ﺑﺪﻝ ﻫﺎﻟﺴﻜﻮﻭﻭﺕ
ﻓﺎﺗﻦ ﺍﻟﻠﻲ ﺑﺪﻯ ﺻﻮﺗﻬﺎ ﻳﻌﻠﻰ : ﺍﻧﺖ ﺗﻌﻄﻲ ﺍﻟﻮﺍﺣﺪ ﻓﺮﺻﺔ ﻣﺴﺎﻋﺪ ..
ﺍﻟﻈﺎﻫﺮ ﺍﻧﻚ ﻣﺘﻌﻮﺩ ﻋﻠﻰ ﺍﻥ ﺍﻟﻜﻠﻤﺔ ﺍﻻﻭﻟﻰ ﻭﺍﻻﺧﻴﺮﺓ ﺗﻜﻮﻥ ﻟﻚ
ﻣﺴﺎﻋﺪ ﺍﻟﻲ ﺗﺤﺮﻙ ﺑﻌﺼﺒﻴﺔ ﻣﻦ ﻋﻠﻰ ﺍﻟﺴﺮﻳﺮ ﻭﻭﻗﻒ : ﻓﺎﺗﻦ ﺷﻮﻓﻲ ..
ﺍﻧﺎ ﻭﻟﻠﻪ ﺻﺎﺑﺮ .. ﻭﺍﻟﻠﻪ ﺍﻟﻌﻈﻴﻢ ﺻﺎﺑﺮ ﻻ ﺗﺨﻠﻴﻨﻲ ﺍﻓﻠﺖ ﻣﻦ ﺍﻋﺼﺎﺑﻲ
ﻓﺎﺗﻦ ﺍﻟﻠﻲ ﺧﻼﺹ ﻣﺎ ﻋﺎﺩﺕ ﺗﺘﺤﻤﻞ ﻣﻨﻪ ﺍﻛﺜﺮ ..: ﻭﺍﺫﺍ ﺍﻧﺖ ﺻﺎﺑﺮ
ﻳﻌﻨﻲ ﺍﻧﺎ ﺍﻟﻠﻲ ﻣﻮﺻﺎﺑﺮﺓ .. ﻟﻴﺶ ﺩﺍﻳﻤﺎ ﺗﺤﺎﻭﻝ ﺗﺨﻠﻲ ﺍﻥ ﺍﻟﺴﺎﻟﻔﺔ ﻋﻨﻚ
ﺍﻧﺖ
ﻣﺴﺎﻋﺪ ﺑﺼﻮﺕ ﻫﺎﺩﺉ ﻭﻟﻜﻦ ﺑﻘﻬﺮ : ﺍﻧﺎ؟؟ ﺍﻧﺎ ﻳﺎ ﻓﺎﺗﻦ؟؟ ﻳﻌﻨﻲ ﻣﻦ ﺍﻟﻠﻲ
ﻳﺘﺼﺮﻑ ﻣﺜﻞ ﺍﻟﻴﻬﺎﻝ ﻃﻮﻝ ﻫﺎﻟﻔﺘﺮﺓ ﻭﻣﻦ ﻳﻌﺎﻣﻞ ﺍﻟﺜﺎﻧﻲ ﺑﺎﺳﺘﻐﻔﺎﻝ
ﻭﻳﺨﻠﻲ ﺍﺷﻴﺎﺀ ﻣﻬﻤﺔ ﻣﺜﻞ ﺳﺎﻟﻔﺔ ﻣﺮﺽ ﻭﺗﺠﺎﻫﻞ ﻭﺍﺳﺘﺨﻔﺎﻑ ..
ﺗﺮﺍﻧﻲ ﻣﻮ ﻳﺎﻫﻞ ﻓﺎﺗﻦ؟؟ .
ﻓﺎﺗﻦ : ﺍﻧﺖ ﻋﻼﻣﻚ .. ﺍﻗﻮﻝ ﻟﻚ ﻣﺮﻳﻀﺔ ﻭﺍﻟﻪ ﺍﻟﻌﻈﻴﻢ ﻃﺎﻳﺤﺔ ﻣﺜﻞ
ﺍﻟﻤﻴﺘﻴﻦ ﺗﻘﻌﺪ ﺗﻠﻮﻣﻨﻲ ﻟﻴﺶ ﻣﺎ ﺍﺗﺼﻠﺘﻲ .. ﻭﺑﻌﺪﻳﻦ ﺳﺎﻟﻔﺔ ﺍﻻﺗﺼﺎﻝ
ﻫﺬﺍ ﺷﻲ ﺭﺍﺟﻊ ﻟﻲ ﺍﻧﺎ ﻣﻮ ﺭﺍﺟﻊ ﻟﻚ ﺍﻧﺖ ..
ﺧﻼﺹ .. ﺍﻧﻔﺠﺮﺭﺭﺕ ﺍﻻﻋﺼﺎﺏ ﺑﻤﺴﺎﻋﺪ .. ﺗﻮﺻﻞ ﻓﻴﻬﺎ ﺍﻟﻤﻮﺍﺻﻴﻞ
ﻟﻬﺎﻟﻜﻼﻡ : ﺷﻨﻮ ﻳﻌﻨﻲ؟؟ ﺍﻧﺘﻲ ﺗﺘﺼﺪﻗﻴﻦ ﻋﻠﻲ .. ﺍﻧﺎ ﺍﺷﺤﺖ ﻋﻨﺪﺝ
ﺍﻻﺗﺼﺎﻻﺕ؟؟؟ ﻭﺍﻳﺪ ﻣﺼﺪﻗﺔ ﺭﻭﺣﺞ ﺍﻧﺘﻲ .. ﺍﻭ ﺗﺪﺭﻳﻦ .. ﻋﻨﺪﺝ ﻭﺍﺣﺪ
ﻏﺸﻴﻢ ( ﺑﺼﺮﺍﺥ ) ﺳﻤﺢ ﻟﺞ ﺍﻧﺞ ﺗﺼﺪﻗﻴﻦ ﻧﻔﺴﺞ ﻭﻳﺎﺍﺍﺍﻩ ..
ﻓﺎﺗﻦ ﺑﺼﻮﺕ ﻫﺎﺩﺉ ﻭﺳﻂ ﻛﻼﻡ ﻣﺴﺎﻋﺪ : ﺍﻧﺎ ﺍﻧﺎ ﻭﺍﻧﺎ .. ﻫﺬﺍ ﻛﻞ ﺷﻲ ..
ﺍﻧﺖ ﺍﻧﺴﺎﻥ ﻣﺴﻴﻄﺮ ﻭﻭﻣﺘﻤﻠﻚ ﻭﺗﻈﻦ ﺍﻧﻚ ﺑﺘﻘﺪﺭ ﺗﺴﻴﺮﻧﻲ ﻣﺜﻞ ﻣﺎ
ﺍﺗﺒﻲ .. ﺍﻓﻬﻢ ﺷﻲ ﻭﺍﺣﺪ . ﻣﺴﺘﺤﻴﻞ .. ﻣﺴﺘﺤﻴﻞ ﻣﺴﺎﻋﺪ ﺗﻤﺸﻴﻨﻲ ﻣﺜﻞ
ﻣﺎ ﺗﺒﻲ .. ﻭﺑﻌﺪﻳﻦ . ﺯﺍﻧﺎ ﺑﺴﻜﺮ ﺗﺎﻣﺮﻧﻲ ﺑﺸﻲ
ﻣﺴﺎﻋﺪ ﺑﺼﺮﺍﺥ : ﺗﻘﺪﺭﻳﻦ ﺗﺮﻭﺡ ﺍﻟﺠﺤﻴﻴﻴﻴﻴﻢ ...
ﻓﺎﺗﻦ : ﺑﺎﻱ ..
ﻭﻣﻦ ﻏﻴﺮ ﻣﺎ ﺗﻨﺘﻈﺮ ﻣﻨﻪ ﺷﻲ ﻋﺸﺎﻥ ﺗﻨﻬﻲ ﻫﺎﻟﻤﻜﺎﻟﻤﺔ ﺳﻜﺮﺕ ﻓﺎﺗﻦ
ﺍﻟﺨﻂ ﺑﻮﻳﻪ ﻣﺴﺎﻋﺪ ﺍﻟﻠﻲ ﻇﻞ ﻣﺼﻌﻮﻕ ﻭﻫﻮ ﻭﺍﻗﻒ ﻣﻜﺎﻧﻪ .. ﻟﺤﻈﺔ ..
ﺍﻫﻲ ﺳﻜﺮﺕ ﺍﻟﺨﻂ ﻓﻲ ﻭﻳﻬﻪ ﻭﻻ ﻫﻮ ﻳﺘﺨﻴﻞ ﻫﺎﻟﺸﻲ؟؟ ﺗﺠﺮﺃﺕ
ﻭﺳﻜﺮﺕ ﺍﻟﺨﻂ ﻓﻲ ﻭﻳﻬﻪ ... ﻳﺎ ﺍﻟﻠﻪ ..
ﺍﻋﺼﺎﻳﺮ .. ﺑﺮﺍﻛﻴﻦ ﻫﺎﻳﺠﺔ .. ﻓﻴﻀﺎﻧﺎﺕ .. ﺗﻘﺪﺭﻭﻥ ﺗﻘﻮﻟﻮﻥ ﺍﻝ
(ﺗﺴﻮﻧﺎﻣﻲ ) ﺑﺪﺕ ﻓﻲ ﻣﺴﺎﻋﺪ .. ﻫﺬﻱ ﻫﺎﻟﻴﺎﻫﻞ .. ﻓﺎﺗﻦ ﻣﺎ ﻏﻴﺮﻫﺎ
ﺗﺴﻜﺮ ﺍﻟﺨﻂ ﻓﻲ ﻭﻳﻬﻪ ... ﺍﻟﻤﻮﻗﻒ ﻓﻴﻪ ﺩﺍﻓﻊ ﻟﻠﻘﺘﻞ .. ﻭﻣﻦ ﻳﺎ ﺗﺮﻯ
ﺍﻟﻀﺤﻴﺔ ..
ﺑﺮﻣﻴﺔ ﻭﺣﺪﺓ ﺍﻧﻀﺮﺏ ﺍﻟﺘﻠﻔﻮﻥ ﻓﻲ ﺍﻟﺠﺪﺍﺭ ﻭﺗﻔﺘﺖ ﺍﻟﻰ ﻗﻄﻊ ﻭﺗﺴﺎﻗﻂ
ﻣﺜﻞ ﺍﻟﺒﺮﺩ ﻋﻠﻰ ﺍﻻﺭﺽ .. ﺻﺮﻳﻊ ﺑﻼ ﺭﻭﺡ ﻭﻻ ﺣﻴﺎﺓ ..
ﻇﻞ ﻣﺴﺎﻋﺪ ﻭﺍﻗﻒ ﻣﻜﺎﻧﻪ ﻭﻫﻮ ﻣﻌﺼﻮﻭﻑ ﺑﺎﻟﻐﻀﺐ .. ﺍﻫﻲ ﻧﻮﺕ ﻋﻠﻰ
ﻋﻤﺮﻫﺎ ﻳﻮﻡ ﺳﻜﺮﺕ ﺍﻟﺘﻠﻔﻮﻥ ﺑﻮﻳﻬﻪ .. ﻧﻮﺕ ﻋﻠﻰ ﻋﻤﺮﻫﺎ ﻣﻦ ﺍﻟﺰﻳﻦ ..
ﻭﻣﺎ ﻋﻠﻴﻪ ﻳﺎ ﻓﺎﺗﻦ ... ﺍﻧﺎ ﺑﺴﻜﺖ ﻋﻨﺞ .. ﻟﻴﻮﻡ ﺍﻟﺠﻤﻌﺔ .. ﻫﺎﻟﻴﻮﻡ ﺍﻟﻠﻲ
ﺑﺘﻠﻘﻴﻦ ﻓﻴﻪ ﻧﻔﺴﺞ ﺿﺎﻳﻌﺔ .. ﻣﺎﻟﺞ ﺍﻱ ﺍﺣﺪ ﻳﺨﺒﻴﺞ ﻋﻨﻲ .. ﻭﺍﻧﺎ
ﻭﺭﺍﺍﺍﺝ ﻭﺍﻟﺰﻣﻦ ﻃﻮﻳﻞ ..
ﻣﺮﻳﻢ ﺍﻟﻠﻲ ﺳﻤﻌﺖ ﺻﺮﺍﺥ ﻣﺴﺎﻋﺪ ﻭﻳﺎ ﺍﺧﺘﻬﺎ ﻭﺍﺧﻮﻫﺎ ﻃﻠﻌﻮ ﻣﻦ
ﺩﻭﺭﻫﻢ ﻭﻫﻢ ﻳﻨﺎﻇﺮﻭﻥ ﺑﻌﺾ .. ﻻﻭﻝ ﻣﺮﺓ ﻳﺴﻤﻌﻮﻥ ﺻﺮﺍﺥ ﻣﺴﺎﻋﺪ ..
ﻭﻋﺮﻓﻮﺍ ﺻﺮﺍﺧﻪ ﻫﺬﺍ ﻭﻳﺎ ﻣﻦ .. ﻓﺎﺗﻦ ﻣﺎ ﻏﻴﺮﻫﺎ .. ﻧﻮﺭﺓ ﺗﻨﺎﻇﺮ ﻣﺮﻳﻢ
ﺑﻌﺘﺐ ﺍﻟﻤﺴﻜﻴﻨﺔ ﺍﻟﻠﻲ ﻣﺎﻟﻬﺎ ﺫﻧﺐ .. ﻟﻴﺶ؟؟ ﻻﻧﻬﺎ ﺍﺭﻓﻴﺠﺘﻬﺎ ﻭﺍﻫﻲ
ﺗﺘﺤﻤﻞ ﺍﻟﺬﻧﺐ .. ﻭﻧﺘﻴﺠﺔ ﻟﻬﺎﺷﻲ ﺭﺍﺣﺖ ﻣﺮﻳﻢ ﻣﺜﻞ ﺍﻻﻡ ﺍﻟﻤﺴﻜﻴﻨﺔ
ﺗﺸﻮﻑ ﻭﻟﺪﻫﺎ ﺍﻟﻠﻲ ﻣﻌﺼﺐ ..
ﻃﻘﺖ ﺍﻟﺒﺎﺏ ﺑﻬﺪﻭﺀ ﻭﻧﻮﺭﺓ ﻭﺍﻗﻔﺔ ﻳﻢ ﻟﺆﻱ ﺑﺘﻮﺟﺲ ﻳﻨﺘﻈﺮﻭﻥ ﻣﺴﺎﻋﺪ
ﻳﺮﺩ ...
ﻣﺮﻳﻢ ..: ﻣﺴﺎﻋﺪ ... ﻣﺴﺎﻋﺪ .. ﻫﺬﻱ ﺍﻧﺎ ﻣﺮﻳﻢ
ﻣﺴﺎﻋﺪ ﺑﺼﺮﺍﺥ : ﻣﺮﻳﻢ ﺭﻭﺣﻲ ﺩﺍﺭﺝ .. ﻭﻻ ﺗﻴﻴﻨﻲ .. ﺗﺮﻯ ﺍﻥ ﺩﺧﻠﺘﻲ
ﻣﺎ ﺑﺘﻠﻮﻣﻴﻦ ﺍﻻ ﻧﻔﺴﺞ ...
ﺍﺭﺗﺠﻔﻮﺍ ﺍﻻﺛﻨﻴﻦ ﻣﻦ ﺻﺮﺍﺍﺍﺥ ﻣﺴﺎﻋﺪ ﻟﻜﻦ ﻣﺮﻳﻢ ﻣﺎ ﺍﻋﺘﺒﺮﺕ ﻟﻪ ..
ﺍﻫﻲ ﻋﻼﻗﺘﻬﺎ ﺑﻤﺴﺎﻋﺪ ﺍﻗﻮﻯ ﻣﻦ ﺍﻧﻬﺎ ﺗﻬﺘﺰ ﺑﺼﺮﺍﺧﻪ .. ﻟﻜﻦ ﺍﻫﻲ ﺑﺘﻨﻔﺬ
ﺭﻏﺒﺘﻪ .. ﺍﻫﻮ ﺍﻟﻠﻲ ﻳﺒﻴﻪ ﺍﻧﻪ ﻳﻈﻞ ﺑﺮﻭﺣﻪ ﻫﺎﻟﻔﺘﺮﺓ .. ﻭﺧﻠﻪ ﺑﺮﻭﺣﻪ ..
ﻭﺍﺳﺘﺪﺍﺭﺕ ﻋﺸﺎﻥ ﺗﺮﺟﻊ ﺩﺍﺭﻫﺎ ﻭﺗﻮﻫﺎ ﺑﺘﺪﺧﻞ ﺍﻻ ﻣﺴﺎﻋﺪ ﻳﻄﻠﻊ ﻣﻦ
ﺍﻟﻐﺮﻓﺔ ﻭﻫﻮ ﻻﺑﺲ ﺟﺎﻛﻴﺘﻪ ﺍﻟﻄﻮﻳﻞ .. ﻣﻦ ﻏﻴﺮ ﻣﺎ ﻳﻠﺘﻔﺖ ﻟﻬﻢ ﻧﺰﻝ ﻣﻦ
ﺍﻟﻄﺎﺑﻖ ﺍﻟﺘﺤﺘﻲ ﻭﻃﻠﻊ ﻣﻦ ﺍﻟﺒﻴﺖ .. ﺑﺴﺮﻋﺔ ﻛﺒﻴﺮﺓ ﻟﻒ ﺍﻟﺴﻴﺎﺭﺓ
ﻭﺷﺨﻄﻬﺎ ﺑﻌﻴﺪ ﻋﻦ ﻫﺎﻟﻤﻜﺎﻥ ..
---------------------------------
ﻓﺎﺗﻦ ﺍﻟﺜﺎﻧﻴﺔ ﺍﻟﻠﻲ ﺍﻟﻐﻴﺾ ﺗﻤﻠﻜﻬﺎ ﻻﻭﻝ ﻣﺮﺓ ﺑﺤﻴﺎﺗﻬﺎ ﻟﺪﺭﺟﺔ ﺍﻧﻬﺎ
ﺻﺎﺭﺕ ﻏﻴﺮ ﻗﺎﺩﺭﺓ ﻋﻠﻰ ﺍﻟﺘﺤﻜﻢ ﻓﻴﻪ .. ﺭﺍﺣﺖ ﺍﻟﻐﺮﻓﺔ ﻭﻫﻲ ﺗﺼﻔﻖ
ﺍﻟﺒﺎﺏ ﻭﺭﺍﻫﺎ ﻭﺗﺮﻣﻲ ﺭﻭﺣﻬﺎ ﻋﻠﻰ ﺍﻟﺴﺮﻳﺮ .. ﺣﻄﺖ ﺛﻤﻬﺎ ﻋﻠﻰ ﺍﻟﻤﺨﺪﺓ
ﺗﻜﺘﻢ ﺻﺮﺧﺔ ﺯﻟﺰﻟﺖ ﻛﻴﺎﻧﻬﺎ ﻓﻴﻬﺎ ... ﺣﺮﻛﺘﻬﺎ ﻫﺬﻱ ﻛﺎﻧﺖ ﻗﻮﻳﺔ .. ﻟﻜﻦ
ﺍﻗﻞ ﻣﺎ ﻛﺎﻥ ﻳﺴﺘﺤﻘﻪ ﻣﺴﺎﻋﺪ .. ﻻﺍ .. ﻛﺎﻥ ﻻﺯﻡ ﻣﻮ ﺍﺳﻜﺮﻩ ﺑﻌﺪ ﻣﺎ
ﺍﻗﻮﻝ ﻟﻪ ﺑﺎﻱ .. ﺍﺳﻜﺮﻩ ﻓﻲ ﻭﻳﻬﻪ ﻭﺳﻂ ﺑﺮﺑﺮﺗﻪ ﺍﻟﻠﻲ ﻣﺎ ﺗﺘﻮﻗﻒ ...
ﻳﺴﻮﻱ ﺍﻟﻠﻲ ﻳﺴﻮﻳﻪ .. ﺗﺮﺍﻩ ﻫﻮ ﺍﻟﻠﻲ ﺑﻴﻨﺪﻡ ﻣﻮ ﺍﻧﺎ .. ﻭﺳﺎﻟﻔﺔ ﺗﻄﻮﺭ
ﺍﻟﻌﻼﻗﺎﺕ .. ﻳﺸﻴﻠﻬﺎ ﻣﻦ ﺑﺎﻟﻪ .. ﻗﺎﻣﺖ ﻣﻦ ﻋﻠﻰ ﺍﻟﺴﺮﻳﺮ ﻭﻫﻲ ﺗﺸﻮﻭﺕ
ﺍﻟﻤﺨﺪﺍﺕ ﻣﻦ ﺍﻟﻘﻬﺮ ..
----------------------------------
ﺧﺎﻟﺪ ﺍﻟﻠﻲ ﻛﺎﻥ ﻗﺎﻋﺪ ﻓﻲ ﺍﻟﺴﻴﺎﺭﺓ ﻋﻨﺪ ﺍﻟﻜﺎﺭﺍﺝ ﻭﻫﻮ ﻳﻔﻜﺮ ﺑﺴﻤﺎﺀ ..
ﻃﻞ ﻋﻠﻰ ﻏﺮﻓﺘﻬﺎ ﺷﺎﻑ ﺍﻟﻨﻮﺭ ﻣﻄﻔﻲ ﻓﻴﻬﺎ .. ﺍﻛﻴﺪ ﻧﺎﻳﻤﺔ .. ﻭﺭﺩ ﻋﻴﻮﻧﻪ
ﺍﻟﻰ ﺣﻈﻨﻪ ﻭﻫﻮ ﻳﺤﺲ ﺑﺎﻟﺤﺰﻥ ﻳﺎﻛﻠﻪ .. ﻳﺎ ﺍﻟﻠﻪ ﺷﻠﻮﻥ ﻭﺍﺟﻬﺘﻨﻲ
ﺍﻟﻴﻮﻡ .. ﺣﺴﻴﺘﻬﺎ ﻣﺠﺮﻭﺣﺔ ﻣﻦ ﺧﺎﻃﺮ ﻋﻠﻲ .. ﻭﺍﻟﻠﻪ ﺍﻧﺎ ﻣﺎ ﻛﺎﻥ ﻗﺼﺪﻱ
ﻳﺎﻧﺎﺱ .. ﺑﺲ ﻣﺎ ﻗﺪﺭﺕ ﺍﺿﺒﻂ ﻧﻔﺴﻲ ﻭﻳﺎ ﻓﺎﺗﻦ ﻭﻫﺎﻟﺸﻲ ﻣﺎ ﻃﻠﻊ ﺍﻻ
ﻋﻔﻮﻳﺎ .. ﻓﺎﺗﻦ ﻣﻬﻤﺎ ﻛﺎﻧﺖ ﻏﺎﻟﻴﺔ ﻭﻋﺰﻳﺰﺓ ﻋﻠﻲ .. ﺑﺲ ﺳﻤﺎﺀ ﺍﻫﻲ ﺍﻟﻠﻲ
ﺍﺣﺒﻬﺎ ﻭﻻﺯﻡ ﺗﻔﻬﻢ ﻫﺎﻟﺸﻲ .. ﻣﺎﻟﺖ ﻋﻠﻲ ﺍﻟﻲ ﻳﻘﻮﻟﻮﻥ ﺍﻧﺎ ﺣﺎﻭﻟﺖ ﺍﻭ
ﻗﻤﺖ ﺑﺠﻬﺪ ﻋﺸﺎﻥ ﺗﻔﻬﻢ ﻫﺎﻟﺸﻲ ﻣﻨﻲ .. ﻛﻞ ﺍﻟﻠﻲ ﺳﻮﻳﺘﻪ ﺍﻧﻲ ﺻﺒﻴﺖ
ﺍﻟﺒﺎﻧﺰﻳﻦ ﻋﻠﻰ ﺍﻟﻨﺎﺭ ﻭﻭﻟﻌﺘﻬﺎ ﺍﻛﺜﺮ ﻭﺍﻛﺜﺮ .. ﻣﺎﻟﺖ ﻋﻠﻲ ﺻﺞ ﻟﻲ ﻗﺎﻟﻮ
ﺍﻟﻐﺒﻲ ﻏﺒﻲ ﻟﻮﻭ ﻟﺒﺲ ﻃﻮﻭﻕ ﺍﻟﺬﻛﺎﺀ ..
ﻭﺟﺮﺍﺡ ﺍﻟﻠﻲ ﻛﺎﻥ ﻓﻲ ﺩﺍﺭﻩ ﻳﺮﺗﺐ ﺑﻌﺾ ﺍﻟﺜﻴﺎﺏ .. ﺑﻌﺪ ﺗﻔﻜﻴﺮ ﻗﺮﺭﺕ
ﺍﻟﻌﺎﻳﻠﺔ ﺍﻧﻬﺎ ﺗﺒﺎﺕ ﺍﻟﻠﻴﻠﺔ ﻫﻨﻲ ﻓﻲ ﺑﻴﺘﻬﺎ ﺍﻟﻴﺪﻳﺪ ﻭﺑﺎﺟﺮ ﻳﻄﻠﻌﻮﻥ ﺍﺧﺮ
ﺍﻏﺮﺍﺿﻬﻢ ﻭﺧﻼﺹ .. ﺗﻨﺘﻬﻲ ﺭﺣﻠﺔ ﺍﻻﻧﺘﻘﺎﻝ ﻋﻨﺪﻫﻢ ﺍﻟﻠﻲ ﻣﺎ ﻃﺎﻟﺖ ﻋﻦ
ﺍﻟﺸﻬﺮ .. ﻗﺎﻡ ﺟﺮﺍﺡ ﻳﺠﻴﻚ ﻋﻠﻰ ﺧﺎﻟﺪ ﺑﺪﺍﺭﻩ .. ﻻﻧﻪ ﻣﻦ ﻃﻠﻊ ﻟﻠﺤﻴﻦ
ﻭﺍﻟﺴﺎﻋﺔ ﻣﺘﺎﺧﺮﺓ ﻣﺎ ﺭﺟﻊ ﺍﻟﺒﻴﺖ .. ﻧﺰﻝ ﺗﺤﺖ ﻭﻃﻠﻊ ﻟﻌﻨﺪ ﺍﻟﻜﺎﺭﺍﺝ
ﺷﺎﻓﻪ ﻓﺎﺿﻲ .. ﺍﻟﺴﻴﺎﺭﺓ ﻣﻮ ﻫﻨﻲ ﻳﻌﻨﻲ ﺍﻫﻮ ﻣﻮ ﻫﻨﻲ .. ﻭﺗﻮﻩ ﺑﻴﺪﺧﻞ
ﺩﺍﺧﻞ ﻋﻦ ﺍﻟﺒﺮﺩ ﻟﻤﺢ ﻣﺆﺧﺮﺓ ﺍﻟﺴﻴﺎﺭﺓ .. ﻭﻃﻠﻊ ﻭﻫﻮ ﺣﺎﻓﻲ ﻳﺘﺄﻛﺪ ﻣﻦ
ﺍﻟﻠﻲ ﺷﺎﻓﻪ ﻭﺑﺎﻟﻔﻌﻞ .. ﻛﺎﻥ ﺧﺎﻟﺪ ﻣﻮﺟﻮﺩ ﺩﺍﺧﻞ ﺍﻟﺴﻴﺎﺭﺓ ﻭﻫﻮ ﺭﺍﻓﻊ
ﺭﻳﻠﻪ ﻭﻣﻨﺰﻝ ﺭﺍﺳﻪ ...
ﻃﻖ ﻋﻠﻴﻪ ﺟﺮﺍﺡ ﺍﻟﺠﺎﻣﺔ ﻭﺍﻟﺜﺎﻧﻲ ﺟﻔﻞ .. ﺍﺷﺮ ﻟﻪ ﺍﻧﻪ ﻳﻔﺘﺢ ﺍﻟﺒﺎﺏ
ﻭﺑﻤﻠﻞ ﻓﺘﺢ ﺧﺎﻟﺪ .. ﻭﺭﺍﺡ ﺟﺮﺍﺡ ﺑﺴﺮﻋﺔ ﻻﻥ ﺍﻟﻬﻮﺍ ﺍﺑﺮﺩ ﻣﻦ ﺍﻧﻪ ﻳﻮﻗﻒ
ﻓﻴﻪ ﺑﺘﻴﺸﺮﺕ ﻛﺎﺕ ..
ﺟﺮﺍﺡ : ﺍﻭﻭﻭﻭﻭﻭﻭﻭﻭﻭﻑ . ﺑﺮﺩ ﺑﺮﺩ ﺑﺮﺩ .. ﻣﺎ ﺍﻗﺪﺭ .. ﻭﺍﺍﺍﺍﻩ ...
ﻻﺣﻆ ﺳﻜﻮﺕ ﺧﺎﻟﺪ .. ﻭﻋﺪﻡ ﺗﻌﻠﻴﻘﻪ ..
ﺟﺮﺍﺡ : ﻋﻼﻣﻚ ﺧﺎﻟﺪ؟؟ ﻭﻳﻨﻚ ﻣﻦ ﻣﺴﺎﻋﺔ؟؟
ﻃﻠﻊ ﺧﺎﻟﺪ ﺍﻻﻧﺒﻮﺏ ﻻﻧﻪ ﻳﺤﺲ ﺍﻥ ﺗﻨﻔﺴﻪ ﺻﺎﺭ ﺻﻌﺐ .. ﺿﻐﻂ ﻟﻠﻬﻮﺍ ..
ﻭﺭﺟﻊ ﺍﻻﻧﺒﻮﺏ ﻣﻜﺎﻧﻪ ﻭﻇﻞ ﺳﺎﻛﺖ ..
ﺟﺮﺍﺡ : ﺧﺎﻟﺪ .. ﺷﻔﻴﻚ ﺍﻧﺎ ﺍﺣﺎﺟﻴﻚ ..
ﺧﺎﻟﺪ : ﺷﺘﺒﻴﻨﻲ ﺍﻗﻮﻝ ﻟﻚ ..
ﺟﺮﺍﺡ : ﻳﺎ ﺧﻲ ﺭﺩ ﻋﻠﻲ .. ﺷﻔﻴﻚ ﻭﺷﺼﺎﺭ ﺑﻴﻨﻚ ﻭﺑﻴﻦ ﺳﻤﺎﺀ؟؟
ﺧﺎﻟﺪ ﺑﺼﻮﺕ ﻫﺎﺩﺉ : ﻻ ﺗﺘﺪﺧﻞ ﺟﺮﺍﺡ ﺧﻠﻨﻲ ﺍﺣﻞ ﻣﺸﺎﻛﻠﻲ ﺑﺮﻭﺣﻲ؟
ﺟﺮﺍﺡ : ﻳﺎﺧﻲ ﺷﻨﻮ ﺗﺤﻠﻬﺎ ﺑﺮﻭﺣﻚ ﻣﻦ ﻭﻳﻬﻚ ﺑﺎﻳﻦ ﺍﻧﻚ ﻣﺎﺣﻠﻴﺖ ﺷﻲ
...
ﺧﺎﻟﺪ : ﻛﻴﻔﻲ .. ﺍﻧﺎ ﻣﺎ ﺍﺑﻲ ﺍﺣﻠﻬﺎ .. ﻭﻻﺍﺑﻴﻚ ﺍﻧﺖ ﺗﻴﻲ ﻭﺗﺤﻠﻬﺎ .. ﺍﺻﻼ
ﺍﻧﺖ ﺳﺒﺒﻬﺎ ﻓﻠﻴﺶ ﺗﺤﺎﻭﻝ ﺍﻧﻚ ﺗﺼﻠﺤﻬﺎ؟
ﺟﺮﺍﺡ ﺑﺼﺪﻣﺔ : ﺍﻧﺎ ﺳﺒﺒﻬﺎ؟؟ ﻟﻴﺶ .. ﺍﻧﺎ ﺍﻟﻠﻲ ﻗﻌﺪﺕ ﺍﺗﻤﻴﻊ ﻓﻲ ﺍﻟﺘﻠﻔﻮﻥ
ﻭﻳﺎ ﻓﺎﺗﻦ .. ﻳﻌﻨﻲ ﻣﺎﻛﻮ ﺣﺸﻤﺔ ﻟﻬﺎﻟﺒﻨﺖ ﺍﻟﻤﺴﻴﺠﻴﻨﺔ؟؟ ﻣﺎ ﺗﺘﻮﺏ ﺍﻧﺖ
ﻳﻌﻨﻲ ؟؟
ﺧﺎﻟﺪ : ﺍﻧﺎ ﻣﺎ ﺗﻤﻴﻌﺖ ﺍﻭﻛﻴﻪ .. ﻫﺬﺍ ﺍﻭﻝ ﺷﻲ .. ﺛﺎﻧﻲ ﺷﻲ ﺍﻧﺖ
ﺍﻟﺴﺒﺐ .. ﺍﻧﺖ ﺍﻟﻠﻲ ﺧﻠﻴﺘﻨﻲ ﺍﺣﻂ ﻋﻴﻨﻲ ﻋﻠﻰ ﺳﻤﺎﺀ ﻟﻤﻦ ﻃﺤﺖ ﻓﻴﻬﺎ
ﻭﺍﻟﺒﻨﺖ ﻛﺎﻫﻲ ﺯﻋﻼﻧﺔ ﻭﻻ ﺗﺒﻲ ﺗﺸﻮﻓﻨﻲ ﻭﻻ ﺗﺒﻲ ﺗﺴﻤﻊ ﺣﺴﻲ .. ﻟﻮﻣﺎ
ﺍﻧﺖ ﻭﺍﻟﻠﻲ ﻳﻄﻠﻊ ﻣﻦ ﺗﺤﺖ ﺭﺍﺳﻚ ﺍﻧﺎ ﻣﺎ ﺻﺎﺭ ﻓﻴﻨﻲ ﻛﻞ ﻫﺬﺍ؟
ﺟﺮﺍﺡ : ﺭﻭﻭﻭﻭﻭﻭﻭﻭﻭﻭﻭﻭﻭﻭﻭﺡ ﻟﻮﻣﺎ ﺍﻧﺎ ﻣﺎ ﺣﻂ ﻋﻴﻨﻪ ﻋﻠﻰ ﺳﻤﺎﺀ ..
ﻗﺒﻞ ﻻ ﺍﻧﺎ ﺍﺗﻜﻠﻢ ﻭﻻ ﺍﺳﻮﻱ ﺷﻲ ﺍﻧﺖ ﻛﻨﺖ ﻣﻴﺖ ﻋﻠﻴﻬﺎ .. ﻛﻔﺎﻳﺔ
ﻧﻈﺮﺍﺗﻚ ﻟﻬﺎ ﻭﻣﻨﺎﺟﺮﻙ ﻭﻳﺎﻫﺎ .. ﺗﻘﻌﺪ ﺗﺤﻂ ﺍﻟﺴﺎﻟﻔﺔ ﻋﻠﻲ ﺍﻧﺎ .. ﻳﺎ
ﺣﺒﻴﺒﻲ .. ﺍﻟﺤﺐ ﻟﻌﺒﺔ .. ﺍﻥ ﻣﺎ ﻟﻌﺒﺘﻬﺎ ﻋﺪﻝ ﺗﻄﻠﻊ ﻭﺍﻧﺖ ﺗﺒﺠﻲ .. ﺍﻟﻌﺒﻬﺎ
ﻋﺪﻝ ﺗﻄﻠﻊ ﻭﺍﻧﺖ ﻓﺎﻳﺰ ﺑﺒﻨﺖ ﺗﺴﻮﻯ ﺍﻟﺪﻧﻴﺎ ﻭﻣﺎ ﻓﻴﻬﺎ ..
ﺧﺎﻟﺪ : ﺑﺴﻚ ﻣﻦ ﻛﻼﻡ ﺍﻟﺪﻋﺎﻳﺎﺕ ... ﺍﻱ ﺍﻟﺤﺐ ﻟﻌﺒﺔ .. ﺍﻟﺤﺐ ﺍﻟﻠﻲ ﻣﺎ
ﻓﻴﻪ ﺗﻔﻬﻢ ﻣﻮ ﺣﺐ ..
ﺟﺮﺍﺡ : ﺍﻱ ﺗﻔﻬﻢ ﺍﻟﻠﻪ ﻳﻬﺪﺍﻙ .. ﺍﻧﺖ ﺗﺮﺍﻙ ﻏﻠﻄﺎﻥ ﻣﻦ ﺭﺍﺳﻚ
ﻟﻜﺮﻳﺎﺳﻚ .. ﻻ ﺗﺤﺎﻭﻝ ﺗﻄﻠﻊ ﺭﻭﺣﻚ ﻣﻦ ﺍﻟﺘﻬﻤﺔ ..
ﺧﺎﻟﺪ ﻭﻫﻮ ﻳﺠﻔﻞ ﻣﻜﺎﻧﻪ ﻣﻦ ﺍﻟﻐﻴﺾ : ﺟﺮﺍﺡ .. ﺍﻧﺖ ﻣﺎ ﺗﺪﺭﻱ .. ﺍﻧﺎ
ﺭﺣﺖ ﻟﻬﺎ ﻭﺭﺍﻫﺎ ﺍﻭﻗﻔﻬﺎ ﻋﺸﺎﻥ ﺗﺘﻜﻠﻢ .. ﺗﻤﺖ ﺗﺨﺮﻁ ﻭﺗﻤﺮﻁ ﻭﻳﺎﻱ ﻭﺍﻧﺎ
ﺍﻧﻘﻬﺮﺕ .. ﻭ .. ﻭ ...
ﺟﺮﺍﺡ : ﻭ .. ﻭ .. ﻭ ﺷﻨﻮ ﻳﺎ ﺧﺎﻟﺪ؟؟ ﺷﻨﻮ؟؟
ﺧﺎﻟﺪ ﺑﻌﺘﺎﺏ ﻟﻨﻔﺴﻪ : ﻗﻠﺖ ﻟﻬﺎ ... ﻳﺎﺭﻳﺘﺞ ﻋﻘﻠﺞ ﺑﺮﺟﺎﺣﺔ ﻋﻘﻞ ﻓﺎﺗﻦ ..
ﺟﺮﺍﺡ : ﺍﻫﺎﺍﺍﺍﺍ .. ﻳﺎ ﺣﻠﻮﻙ ﻳﺎ ﺣﻠﻮﻙ ﻳﺎ ﺧﺎﻟﺪ .. ﺍﻟﺤﻴﻦ ﺍﻟﺒﻨﺖ ﻣﺤﺘﺮﻗﺔ
ﺑﻐﻴﺮﺓ ﺑﺴﺒﺐ ﻓﺎﺗﻦ .. ﺗﺮﻭﺡ ﺗﺰﻳﺪ ﺍﻟﺤﻄﺐ ﺑﺎﻟﻨﺎﺭ ﻭﺗﻜﻤﻠﻬﺎ .. ﺍﻗﻮﻝ .. ﺍﻧﺖ
ﻣﺎ ﺧﺎﻃﺮﻙ ﺗﺸﺘﻐﻞ ﻓﻲ ﻣﺴﺎﺑﻘﺔ ﺍﻏﺒﻰ ﺻﺒﻲ ﻋﻠﻰ ﻛﻮﻛﺐ ﺍﻻﺭﺽ
ﺧﺎﻟﺪ ﻭﻫﻮ ﻳﺴﻨﺪ ﺭﺍﺳﻪ ﺑﻴﺪﻩ : ﻻ ﺗﺰﻳﺪ ﺍﻟﻤﻮﺍﺟﻊ ﻓﻴﻨﻲ ﻳﺎ ﺟﺮﺍﺡ
ﺑﺮﻭﺣﻲ ﺑﻤﻮﻭﻭﻭﻭﻭﻭﻭﺕ ..
ﺟﺮﺍﺡ : ﺗﺪﺭﻱ .. ﺯﻳﻦ ﺗﺴﻮﻱ ﻓﻴﻚ ﺳﻤﺎﺀ .. ﺍﺻﻴﻠﺔ ﻭﺍﻟﻠﻪ ﺑﻨﺖ ﻧﺎﺱ ﺍﻟﻠﻲ
ﺗﺴﻮﻱ ﻓﻴﻚ ﺟﺬﻱ .. ﺍﻧﺎ ﻟﻮ ﻣﻜﺎﻧﻬﺎ .. ﺍﻟﻜﻒ ﺑﻌﻄﻴﻚ ﺍﻳﺎﻩ .. ﻭﺗﺪﺭﻱ
ﺷﻲ؟؟ ﺍﻧﺖ ﺻﺢ ﻛﻼﻣﻚ .. ﻣﺸﺎﻛﻠﻚ ﺍﻟﺨﺎﺻﺔ ﺣﻠﻬﺎ ﺑﻨﻔﺴﻚ .. ﺍﻧﺖ
ﺍﻓﻬﻢ ﻣﻦ ﺍﻱ ﺍﺣﺪ .. ﻭﻳﺎﻟﻠﻪ .. ﺩﺧﻞ ﺍﻟﺴﻴﺎﺭﺓ ﻗﺒﻞ ﻻ ﺗﺪﺧﻞ ... ﺗﺼﺒﺢ
ﻋﻠﻰ ﺧﻴﺮ ..
ﻃﻠﻊ ﺟﺮﺍﺡ ﻣﻦ ﻋﻨﺪ ﺧﺎﻟﺪ ﺍﻟﻠﻲ ﻛﺎﻥ ﻓﻲ ﺑﺆﺭﺓ ﺍﻟﻴﺄﺱ .. ﻳﺎﺭﺑﻲ ..
ﻳﺎﺭﺑﻲ ﻳﺎ ﺣﺒﻴﺒﻲ ﺷﺴﻮﻱ ﻭﻳﺎﻫﺎ .. ﻫﺬﻱ ﺍﻟﺒﻨﺖ ﺯﻋﻠﻬﺎ ﻣﺼﻴﺒﺔ .. ﺗﻘﻌﺪ
ﺑﺎﻟﻴﻮﻡ ﻭﺍﻟﻴﻮﻣﻴﻦ .. ﻭﺍﻧﺎ ﻣﺎ ﺍﺻﺒﺮ ﻋﻠﻴﻬﺎ .. ﻗﺒﻞ ﻛﻨﺖ ﺍﺗﺤﻤﻞ ﻻﻧﻲ ﻣﺎ
ﻛﻨﺖ ﺍﻋﺮﻑ ﺣﻘﻴﻘﺔ ﻣﺸﺎﻋﺮﻱ ﺗﺠﺎﻫﻬﺎ .. ﺍﻟﺤﻴﻦ ﺷﻠﻮﻥ ﺍﺻﺒﺮ ﻭﺍﻫﻲ
ﺍﺳﺎﺱ ﻭﺟﻮﺩﻱ ﺑﻬﺎﻟﺪﻧﻴﺎ .. ﻳﺎ ﺭﺑﻲ .. ﺍﺭﺣﻤﻨﻲ ﻣﻦ ﻫﺎﻟﺒﻨﺖ ﺗﺮﺍﻧﻲ ﺑﻴﻴﻴﻦ
ﻣﻨﻬﺎ .. ﺑﻴﻴﻴﻴﻦ ..
-------------------------------------
ﺍﻟﺴﺎﻋﺔ 1 ﺍﻟﻔﺠﺮ ﺑﺘﻮﻗﻴﺖ ﺍﻟﻜﻮﻳﺖ ﻭﻣﺴﺎﻋﺪ ﻟﻠﺤﻴﻦ ﻋﻨﺪ ﺍﻟﺒﺤﺮ ..
ﺭﻛﺐ ﺍﻟﺒﻄﺎﻗﺔ ﺑﺎﻟﺘﻠﻔﻮﻥ ﺍﻟﻠﻲ ﺑﺴﻴﺎﺭﺗﻪ .. ﻟﻜﻦ ﻣﺎ ﺗﻌﻨﻰ ﻭﻓﺘﺤﻪ .. ﺧﻼﻩ
ﻣﺴﻜﺮ ﻋﺸﺎﻥ ﻻ ﺗﺘﺼﻞ ﻓﻴﻪ ﻓﺎﺗﻦ ﻭﻻ ﻳﻐﺮﻱ ﻧﻔﺴﻪ ﻭﻳﺘﺼﻞ .. ﺍﻟﻬﺪﻭﺀ
ﻣﺎ ﺑﻌﺪ ﺍﻟﻌﺎﺻﻔﺔ .. ﺩﺍﻳﻤﺎ ﻳﻜﻮﻥ ﻣﺨﻠﻒ ﺑﺎﻟﺪﻣﺎﺭ .. ﻭﺍﻟﺨﺴﺎﺭﺓ ﺍﻟﻔﺎﺩﺣﺔ ..
ﺍﻟﻴﻮﻡ ﺧﺴﺮ ﻣﺴﺎﻋﺪ .. ﺧﺴﺮ ﺍﻫﻢ ﺷﻲ ﺍﻫﻮ ﺣﺎﻭﻝ ﻳﺤﺎﻓﻆ ﻋﻠﻴﻪ ..
ﻫﺪﻭﺀ ﺍﻋﺼﺎﺑﻪ .. ﻳﺎ ﺍﻟﻠﻪ ﺑﻨﺖ ﻣﺜﻞ ﻫﺬﻱ ﺗﺜﻴﺮ ﺍﻻﻋﺼﺎﺏ ﻣﺎ ﺷﻔﺖ
ﺑﺤﻴﺎﺗﻲ .. ﻃﺮﻳﻘﺔ ﻛﻼﻣﻬﺎ ﻭﻫﺪﻭﺋﻬﺎ ﻭﺗﺼﺮﻓﺎﺗﻬﺎ .. ﻻ ﻭﺗﺴﻜﺮ ﺍﻟﺘﻠﻔﻮﻥ
ﺑﻮﻳﻬﻲ .. ﻫﺬﻱ ﺍﻟﻘﺼﻤﺔ ﺍﻟﻠﻲ ﺗﻘﺴﻢ ﻇﻬﺮﻱ ﺑﺎﻟﻨﺺ ... ﻟﻜﻦ ﻫﻴﻦ ﻳﺎ
ﻓﺎﺗﻦ .. ﺍﻧﺎ ﻟﺞ .. ﺍﻧﺎ ﻟﻠﻠﻠﺞ ﻳﺎ ﻓﺎﺗﻦ ﻭﺑﻨﺸﻮﻭﻭﻑ ﻣﻦ ﺍﻟﻠﻲ ﺑﻴﻄﻠﻊ
ﻣﻨﻬﺎ .. ﺍﻟﺴﺎﻟﻔﺔ ﻣﺎ ﻋﺎﺩﺕ ﺣﺒﻴﻨﻲ ﻭﺍﺣﺒﺞ ... ﺍﻟﺴﺎﻟﻔﺔ ﺻﺎﺭﺕ ..
ﺍﺣﺘﺮﻣﻴﻨﻲ ﺍﺣﺴﻦ ﻟﺞ ... ﻭﻫﻴﻦ .. ﺍﻧﺎ ﻛﻠﻬﺎ ﺍﻟﺴﺎﻟﻔﺔ ﺟﻢ ﻳﻮﻡ ﻭﻳﺎﻳﺞ ...
ﻭﻃﺮﺕ ﺍﻟﻔﻜﺮﺓ ﻓﻲ ﺑﺎﻟﻪ .. ﺍﻫﻮ ﻗﺎﻝ ﻟﻬﺎ ﺍﻧﻪ ﺑﻴﻲ ﻳﻮﻡ ﺍﻟﺠﻤﻌﺔ .. ﻭﺍﻫﻲ
ﻻﻧﻬﺎ ﺑﺘﻜﻮﻥ ﻓﻲ ﻗﻤﺔ ﺍﻻﻧﺘﻈﺎﺭ ﻭﺍﻟﺘﻮﺗﺮ ﺭﺍﺡ ﺗﻨﺘﻈﺮ ﻫﺎﻟﻴﻮﻡ .. ﻳﺎﻟﻠﻪ ..
ﺑﻨﺸﻮﻑ ﻳﻮﻡ ﺍﻟﺠﻤﻌﺔ ﺷﻠﻮﻥ ﺑﺘﻮﺍﺟﻪ ﻫﺎﻟﺸﻲ .. ﺍﻥ ﻣﺎ ﺧﻠﻴﺘﺞ ﻳﺎ ﻓﺎﺗﻦ
ﺗﻨﺪﻣﻴﻦ .. ﻭﺑﺪﻝ ﻣﺎ ﺗﻨﺪﻣﻴﻦ ﺗﺒﺠﻴﻦ .. ﻣﺎ ﻛﻮﻥ ﻣﺴﺎﻋﺪ .. ﺍﻧﺎ ﻭﺍﻳﺪ
ﺩﻟﻌﺘﺞ ﻭﺻﺒﺮﺕ ﻋﻠﻴﺞ .. ﺧﻠﻴﺞ ﻫﺎﻟﻤﺮﺓ .. ﺩﺭﺱ ﻣﻦ ﺩﺭﻭﺱ ﺍﻟﻘﺴﺎﻭﺓ
ﺍﻟﻠﻲ ﺍﺗﺤﻠﻰ ﻓﻴﻬﺎ .. ﻭﺍﻧﺎ ﺑﺸﻮﻑ .. ﻣﻦ ﺑﻴﺮﺿﺦ ﻟﻤﻦ ..
----------
ﺗﻬﺪﻳﺪ ﻭﻭﻋﻴﺪ ﻣﻦ ﻣﺴﺎﻋﺪ ﻟﻔﺎﺗﻦ .. ﻳﺎ ﺗﺮﻯ .. ﻫﻞ ﻫﻮ ﺻﺎﺋﺐ .. ﺍﻭ ﻓﻲ
ﻣﺤﻠﻪ .؟؟ ﻣﺤﺪ ﻳﺪﺭﻱ . ﻭﻟﻜﻦ .. ﻫﻞ ﺍﻟﻄﺒﻴﻌﺔ ﺍﻭ ﺍﻟﻈﺮﻭﻑ ﺍﻭ ﺍﻟﻘﻀﺎﺀ
ﻭﺍﻟﻘﺪﺭ ﺑﻴﻜﻮﻥ ﻃﺮﻑ ﺛﺎﻟﺚ ﻓﻲ ﻫﺎﻟﻤﻌﺮﻛﺔ ﺍﻟﺤﺎﻣﻴﺔ ﺑﻴﻦ ﺍﺩﻡ ﻭﺣﻮﺍﺀ ..
ﻓﺎﺗﻦ ﺳﺎﻛﻨﺔ .. ﻭﺛﻮﺭﺓ ﺍﻻﻋﺼﺎﺏ ﻓﻴﻬﺎ ﻋﻠﻰ ﺍﻭﺟﻬﻬﺎ ﻟﻜﻨﻬﺎ ﺗﻌﻮﺩﺕ ﺍﻧﻬﺎ
ﻻ ﻋﺼﺒﺖ ﺗﺴﻜﺖ .. ﻭﻣﺮﺓ ﻭﺣﺪﺓ ﺗﻨﻔﺠﺮ .. ﻣﻦ ﻳﻌﻠﻢ .. ﻳﻤﻜﻦ ﻣﺜﻞ ﻣﺎ
ﻛﻠﺖ ﻣﻨﺎﻳﺮ ﻣﻨﻬﺎ ﻃﺮﺍﻕ .. ﻳﺎﻛﻞ ﻣﺴﺎﻋﺪ ﺍﻟﻄﺮﺍﻕ ﺍﻟﺜﺎﻧﻲ .. ﻋﺎﺩﻱ ﺟﺪﺍ ..
ﻭﻟﻮ ﺍﻟﺨﻮﻑ ﺍﻧﻪ ﻳﺮﺗﺪ ﻋﻠﻴﻬﺎ ﺟﺎﻥ ﻣﻦ ﺯﻣﺎﻥ ﺣﻄﺖ ﺍﻟﺸﻲ ﻓﻲ ﺑﺎﻟﻬﺎ ..
ﺣﻴﺎﻙ ﺍﻟﻠﻪ ﻣﺴﺎﻋﺪ .. ﺑﺘﻴﻲ ﻫﺎﻟﺠﻤﻌﺔ ... ﺣﻴﺎﻙ ﺍﻟﻠﻪ .. ﺑﺎﺳﻮﺃ ﻳﻮﻣﻴﻦ ﻟﻚ
ﺑﺎﻣﻴﺮﻛﺎ .. ﺑﺨﻠﻲ ﺍﻟﺸﻬﺮ ﺍﻟﻠﻲ ﻃﺎﻓﻚ ﻭﻳﺎﻱ ﻳﻴﺘﺠﺴﺪ ﺑﻄﺮﻳﻘﺔ ﺍﻗﻮﻯ ..
ﻓﻲ ﻳﻮﻣﻴﻦ ... ﻭﺍﻻ ﻣﺎﻛﻮﻥ ﺍﻧﺎ ﻓﺎﺗﻦ ...
ﻭﺳﻂ ﻫﺎﻟﻨﺎﺭ ﺍﻟﺤﺎﻣﻴﺔ .. ﻭﻫﺎﻟﻤﻌﺮﻛﺔ ﺍﻟﻘﻮﻳﺔ .. ﻣﻦ ﻏﻴﺮ ﺍﺩﺭﺍﻙ ﺍﻻﺛﻨﻴﻦ ..
ﻛﺎﻥ ﺍﻟﺘﻬﺪﻳﺪ ﻭﺍﻟﻮﻋﻴﺪ ﺑﻤﺜﺎﺑﺔ ﺍﻟﺤﻄﺐ ﺍﻟﻠﻲ ﺗﺴﻘﻲ ﺍﻟﻨﺎﺍﺍﺍﺭ .. ﻧﺎﺭ
ﺍﻟﻌﺸﻖ ﻭﺍﻟﻐﺮﺍﻡ ﺑﻴﻦ ﺍﻻﺛﻨﻴﻦ .. ﻓﺎﺗﻦ ﺍﻟﻠﻲ ﺻﺎﺭ ﻣﺴﺎﻋﺪ ﺷﻐﻠﻬﺎ
ﺍﻟﺸﺎﻏﻞ .. ﻭﻣﺴﺎﻋﺪ ﺍﻟﻠﻲ ﺻﺎﺭﺕ ﻓﺎﺗﻦ ﺑﻤﺜﺎﺑﺔ ﺍﻟﺘﺤﺪﻱ ﺍﻟﻠﻲ ﻳﺨﻠﻲ
ﺍﻻﺩﺭﻳﻨﺎﻟﻴﻦ ﻳﺜﻮﺭ ﺑﺪﻣﻪ ..
ﻳﺎﻟﻠﻪ .. ﻛﻮﻧﻮﻭ ﺣﺎﻇﺮﻳﻦ .. ﻟﻤﻌﺮﻛﺔ ﺍﻟﻘﺮﻥ .. ﺍﻭ ﺍﻧﺘﻘﺎﻡ ﺍﻟﻘﺮﻥ ﺑﻴﻦ
ﻫﺎﻻﺛﻨﻴﻦ ... ﻭﻇﻠﻮ ﻭﻳﺎ ﻧﻈﺮﺓ ﺣﺐ ﻋﺸﺎﻥ ﺗﻌﺮﻓﻮﻭﻭﻭﻭﻭﻭﻥ ..
ﺍﻟﻔﺼﻞ ﺍﻟﺜﺎﻧﻲ
----------------
ﺍﻟﻴﻮﻡ ﺍﻻﺭﺑﻌﺎﺀ . ﻭﻣﺎ ﻇﻞ ﻋﻠﻰ ﺍﻟﺴﻔﺮ ﺍﻻ ﻳﻮﻡ .. ﺑﺘﻮﺗﺮ ﻣﺴﺎﻋﺪ ﻣﺮﺗﻘﺐ
ﻫﺎﻟﻤﻮﻋﺪ .. ﻻﻥ ﻣﻬﻤﺎ ﺗﻮﻋﺪ ﻭﻣﻬﻤﺎ ﻗﺎﻝ ﻭﻣﻬﻤﻰ ﻗﺮﺭ ﻳﻈﻞ ﻣﺘﻮﺗﺮ ﻟﻠﻘﺎﺀ
ﺑﻴﻨﻪ ﻭﺑﻴﻦ ﻓﺎﺗﻦ .. ﻭﺍﻟﺜﺎﻧﻴﺔ ﺑﻌﺪ ﺑﻨﻔﺲ ﺍﻟﺸﻌﻮﺭ ﻃﻮﻝ ﻫﺎﻟﻔﺘﺮﺓ ..
ﻣﺴﺎﻋﺪ ﺧﺼﻢ ﻻ ﻳﺴﺘﻬﺎﻥ ﻓﻴﻪ .. ﻭﻻﺯﻡ ﺗﻜﻮﻥ ﻣﺴﺘﻌﺪﺓ ﻋﺎﻻﺧﻴﺮ ..
ﺍﺛﺎﺭ ﺍﻻﻧﻔﻠﻮﻧﺰﺍ ﻟﻠﺤﻴﻦ ﻓﻴﻬﺎ ﻟﻜﻦ ﻣﺎ ﺣﺪﺕ ﻣﻦ ﺑﺮﺍﻣﺠﻬﺎ ﺍﻻﻧﺘﻘﺎﻣﻴﺔ ﻣﻦ
ﻣﺴﺎﻋﺪ .. ﻭﺳﻼﺡ ﺍﻟﻤﺮﺃﺓ ﺍﻟﻤﻌﺮﻭﻑ ﻓﻲ ﻣﺜﻞ ﻫﺎﻟﺤﺮﻭﺏ ﺍﻫﻮ ﺍﺛﻨﻴﻦ ..
ﺍﻟﺤﻘﺮﺍﻥ .. ﻭﻣﻈﻬﺮﻫﺎ ﺍﻟﺸﺨﺼﻲ .. ﻓﺎﺗﻦ ﺍﻟﻠﻲ ﺑﺪﺕ ﺗﻔﻜﺮ ﺑﻄﺒﻴﻌﺘﻬﺎ
ﺍﻻﻧﺜﻮﻳﺔ ﻗﺮﺭﺕ ﺍﻧﻬﺎ ﻣﺎ ﺗﺨﻠﻲ ﺍﻟﺴﺎﺣﺔ ﻟﻤﺴﺎﻋﺪ . ﻻﺯﻡ ﺗﻜﻮﻥ ﻓﻲ ﺍﻭﺝ
ﺍﻻﺳﺘﻌﺪﺍﺩ ﻟﻪ ﻭﻋﺸﺎﻥ ﻫﺎﻟﺮﻭﺡ ﺍﻟﻘﺘﺎﻟﻴﺔ ﻛﺎﻓﺌـﺖ ﻧﻔﺴﻬﺎ ﺑﺘﻐﻴﻴﺮ ﺷﺎﻣﻞ
ﻟﺸﻜﻠﻬﺎ .. ﻣﻦ ﻧﺎﺣﻴﺔ ﺍﻟﺸﻌﺮ ﻭﺍﻟﺼﺒﻊ ﻭﺗﺪﺭﻳﻢ ﺍﻻﻇﺎﻓﺮ ﻭﺗﺮﺗﻴﺐ ﺧﺰﺍﻧﺔ
ﻣﻼﺑﺴﺔ ﻭﺍﻇﺎﻓﺔ ﺍﺷﻴﺎﺀ ﻳﺪﻳﺪﺓ .. ﻟﻜﻦ ﺍﻻﺣﻠﻰ ﻣﻦ ﻫﺬﺍ ﻛﻠﻪ ﺍﻫﻲ
ﺍﻟﻌﻨﺎﻳﺔ ﺍﻟﺨﺎﺻﺔ ﺍﻟﻠﻲ ﻏﺎﺻﺖ ﻓﻴﻬﺎ ..
ﻭﻛﺎﻥ ﺍﻻﺛﻨﻴﻦ ﻋﻠﻰ ﻗﻠﺐ ﻭﺍﺣﺪ ﺣﺘﻰ ﻣﺴﺎﻋﺪ ﻋﻄﻰ ﻧﻔﺴﻪ ﻓﺮﺻﺔ
ﻟﻠﺘﺮﺗﻴﺐ ﺍﻟﺸﺨﺼﻲ .. ﺗﺴﺮﻳﺤﺔ ﺷﻌﺮﻩ ﺍﻟﻠﻲ ﻋﺎﺟﺒﺘﻪ ﺧﻼﻫﺎ ﻣﺜﻞ ﻣﺎﺍﻫﻲ
ﺑﺲ ﺑﺒﻌﺾ ﺍﻟﻘﺺ ﺍﻟﺒﺴﻴﻂ ﺍﻟﻠﻲ ﺧﻼﻫﺎ ﺗﺒﻴﻦ ﺍﻛﺸﺦ .. ﻭﺍﻟﺴﺒﺎﺣﺔ ﺍﻟﻠﻲ
ﺷﺎﺩﺓ ﻣﻦ ﺟﺴﻤﻪ ﻛﺎﻧﺖ ﺍﻟﺮﻳﺎﺿﺔ ﺍﻟﻠﻲ ﻳﺤﺘﺎﺟﻬﺎ ﻭﺷﺮﻯ ﻟﻪ ﻛﻢ ﺷﻐﻠﺔ
ﺟﺬﻱ ﻋﺸﺎﻥ ﻳﻜﺸﺦ ﻓﻴﻬﺎ .. ﺍﻟﺘﻠﻔﻮﻥ ﻭﻏﻴﺮﻩ ﻻﻥ ﻣﺎﻛﺎﻥ ﺍﻣﻞ ﻓﻲ ﺍﻧﻪ
ﻳﺮﺟﻊ ﻟﻠﺤﻴﺎﻩ ..
ﻳﻤﻜﻦ ﺗﺘﺴﺎﺋﻠﻮﻥ .. ﺍﻥ ﺟﺎﻥ ﺍﺗﺼﻠﻮ ﻓﻲ ﺑﻌﺾ ﻣﻦ ﻫﺬﺍﻙ ﺍﻟﺼﺮﺍﻉ ﺍﻟﻰ
ﻫﺬﻱ ﺍﻟﻠﺤﻈﺔ .. ﻃﺒﻌﺎ ﻻ .. ﻣﺴﺎﻋﺪ ﻛﺒﺮﻳﺎﺋﻪ ﺍﺭﻓﻊ ﻣﻦ ﺟﺬﻱ ﻭﻓﺎﺗﻦ ﺍﺫﺍ
ﻛﺎﻧﺖ ﺗﻈﻦ ﻋﻦ ﺷﻲ ﺍﻧﻪ ﺻﺢ ﻓﻤﺴﺘﺤﻴﻞ ﺷﻲ ﻳﻌﺮﻗﻞ ﻫﺎﻟﻤﺴﻴﺮﺓ ..
ﺑﺘﻈﻞ ﻓﻴﻬﺎ ﺍﻟﻰ ﺍﺧﺮ ﺭﻣﻖ .. ﻭﻣﺴﺎﻋﺪ ﺑﺎﻟﻤﺜﻞ ..
--------------
ﻣﺮﻳﻢ ﻭﻫﻲ ﺗﺮﺗﺐ ﺍﻏﺮﺍﺿﻬﺎ ﺑﻈﻴﺞ ﻭﺻﻮﺕ ﺍﻣﻬﺎ ﺍﻟﻤﺘﻠﻌﻠﻊ ﻭﺍﺻﻠﻬﺎ
ﻟﺤﺘﻰ ﺩﺍﺭﻫﺎ .. ﻃﺒﻌﺎﻋﺮﻓﺖ ﺍﻻﻡ ﺑﺴﻔﺮ ﺑﻨﺘﻬﺎ ﻭﻋﻠﻰ ﺣﺴﺎﺏ ﻣﻦ؟؟
ﺍﻻﻣﻴﺮﺓ ﻓﺎﺗﻦ !! ﻻ .. ﻫﺬﻱ ﻫﻲ ﺍﻟﺤﺮﺏ .. ﻭﻫﺎﻫﻲ ﺗﺸﻦ ﻋﻠﻰ ﺭﺃﺱ
ﻓﺘﻮﻥ ﺍﻟﻠﻲ ﻣﺎﻟﻬﺎ ﺳﺎﻟﻔﺔ ﺑﺸﻲ ..
ﻧﻮﺭﺓ ﻭﻫﻲ ﺗﺴﻜﺮ ﻋﻴﻮﻧﻬﺎ ﻣﻦ ﺻﻮﺕ ﺍﻣﻬﺎ :.. .. ﻭﺍﺍﺍﻱ ﺍﻣﻲ ﻣﺎﺩﺭﻱ
ﺷﺼﺎﺩﻫﺎ ﺻﺎﺭﺕ ﻏﻴﺮ ﻣﺤﺘﻤﻠﺔ !!
ﻣﺮﻳﻢ ﻭﻫﻲ ﺗﺒﺘﺴﻢ ﺑﺴﺨﺮﻳﺔ : ﻛﻞ ﻫﺬﺍ ﻏﻴﺮﺓ ﻣﻦ ﻓﺎﺗﻦ؟؟ ﻭﺍﻟﻠﻪ ﻣﺎ
ﻫﻘﻴﺘﻬﺎ ﻣﻨﺞ ﻳﺎ ﻳﻤﺔ
ﻧﻮﺭﺓ ﻭﻫﻲ ﺗﺸﻴﺢ ﺑﻮﻳﻬﻬﺎ ﻋﻦ ﻣﺮﻳﻢ : ﺑﺲ ﻣﺮﻳﻢ ﺍﻟﻠﻲ ﺻﺎﺭ ﻗﺒﻞ ﺟﻢ
ﻳﻮﻡ ..
ﻗﺎﻃﻌﺘﻬﺎ ﻣﺮﻳﻢ : ﺍﻟﻠﻲ ﺻﺎﺭ ﻗﺒﻞ ﺟﻢ ﻳﻮﻡ ﺍﺣﻨﺎ ﻣﺎﻟﻨﺎ ﺷﻐﻞ ﻓﻴﻪ .. ﺍﻫﻤﺎ
ﺍﻻﺛﻨﻴﻦ ﺍﺩﺭﻯ ﺑﺒﻌﺾ .. ﻭﻛﻞ ﺑﺪﺍﻳﺔ ﺗﻜﻮﻥ ﺻﻌﺒﻪ .. ﻭﺍﻧﺎ ﻧﺎﺳﻴﺔ ﻟﺞ
ﻣﻮﻗﻔﺞ ﻭﻳﺎﻱ ﻓﻠﺬﺍ ﻟﻮ ﺳﻤﺤﺘﻲ ﻻ ﺍ ﺗﺒﺪﻳﻦ ﻣﺮﺓ ﺛﺎﻧﻴﺔ
ﻧﻮﺭﺓ : ﺑﺲ ﺑﺲ ﺧﻼﺹ ﻛﻠﺘﻴﻨﻲ ﺑﻬﺪﻭﻣﻲ .. ﻳﻌﻠﺞ ..
ﻣﺮﻳﻢ : ﺭﻳﻴﻴﻴﻴﻴﻴﻴﻴﻴﻴﻴﻞ ..
ﻧﻮﺭﺓ : ﻫﻬﻬﻬﻬﻬﻬﻬﻬﻬﻬﻪ ﻣﺘﺤﻘﺮﺻﺔ ﻋﺎﻟﻌﺮﺱ ﻫﺎﺍ؟؟
ﻣﺮﻳﻢ ﺑﺰﻫﻮ : ﻭﻣﻦ ﻣﺎ ﺗﺘﺤﻘﺮﺹ ..
ﻧﻮﺭﺓ ﻭﺍﻫﻲ ﺗﻐﻴﺮ ﺍﻟﻤﻮﺿﻮﻉ : ﺍﻱ ﻣﻴﻴﻴﻴﻴﻴﻴﻴﻴﻴﻤﺰ ... ﺣﺒﻴﺘﻲ ﺍﻧﺘﻲ
ﻣﺮﻳﻢ : ﺑﺪﻳﻨﺎﺍﺍﺍﺍﺍﺍﺍﺍﺍﺍﺍﺍ ﺍﻟﺘﻠﺰﻕ .. ﺭﻭﺣﻲ ﻻﺍﺍﺍ ﺗﺤﺎﻭﻟﻴﻦ ﻭﻳﺎﻱ ﺣﺘﻰ
ﻧﻮﺭﺓ ﻭﻫﻲ ﺗﺮﻭﺡ ﻟﻤﺮﻳﻢ ﻭﺗﻠﻤﻬﺎ : ﻣﻴﻮﻭﻭﻡ ﺣﺒﻴﺒﺘﻲ ﻳﺎﻟﻠﻪ ﻋﺎﺩ ﻃﻠﺒﺘﺞ
ﻣﺮﻳﻢ : ﻻﺍﺍﺍ ﻧﻮﺭﺓ ﻣﺎﻓﻴﻨﻲ ﺑﺮﻭﺣﻨﺎ ﺑﻨﻘﻌﺪ ﺟﻢ ﻳﻮﻡ ﻣﺎﺍﻗﺪﺭ ﺻﺮﺍﺣﺔ ..
ﻧﻮﺭﺓ ﺑﺤﺰﻥ : ﺣﺮﺍﻡ ﻋﻠﻴﺞ ﻋﺎﺩ ﻻ ﺗﻜﺴﺮﻳﻨﻬﺎ ﻓﻴﻨﻲ ..
ﻣﺮﻳﻢ : ﻧﻮﺭﻭ ﺗﻌﺮﻓﻴﻦ ﻣﺴﺎﻋﺪ ﺍﺫﺍ ﻗﻠﺖ ﻟﻪ ﻭﺍﻟﻠﻪ ﻳﺰﻓﻨﻲ .. ﻭﺑﻌﺪﻳﻦ
ﺍﻟﻤﻨﻄﻘﺔ ﺍﻟﻠﻲ ﺑﻨﺮﻭﺣﻬﺎ ﻣﻮ ﻟﻬﻨﺎﻙ ﻳﻌﻨﻲ ﻣﻮ ﻣﺜﻞ ﻧﻴﻮﻳﻮﺭﻙ ﻭﻻ
ﻫﺎﻟﺴﻮﺍﻟﻒ ..
ﻧﻮﺭﺓ : ﻳﺎﻟﻠﻪ ﻋﺎﺩ ﻣﺮﻳﻮﻡ ﺗﻜﻔﻴﻦ .. ﻓﺪﻳﺖ ﻫﺎﻟﻮﻳﻪ ﻭﺍﻟﻠﻪ .. ﻋﻔﻴﺔ
ﺣﺒﻴﺒﺘﻲ ﺣﺎﻭﻟﻲ ..
ﻣﺮﻳﻢ : ﺍﻭﻭﻭﻭﻭﻭﻭﻭﻭﻭﻭﻭﻑ .. ﺑﺤﺎﻭﻝ .. ﺍﻥ ﻣﺎ ﻛﺎﻥ ﻓﻲ ﻣﻜﺎﻥ ﺑﺤﺎﻭﻝ
ﻓﻲ ﺍﻟﺴﻮﻕ ﺍﻟﺤﺮﺓ ..
ﻧﻮﺭﺓ ﺑﺎﺷﻤﺌﺰﺍﺯ : ﻭﻱ ﻗﻄﻊ .. ﺍﻱ ﺳﻮﻕ ﺍﻟﺤﺮﺓ .. ﺗﺮﻭﺣﻴﻦ ﻫﺎﻟﻤﺤﻞ
ﻭﺗﺴﺎﻟﻴﻦ ﻟﻲ .. ﻣﺮﻳﻮﻡ ﻭﺍﻟﻠﻪ ﺍﺑﻲ ﺍﺳﻮﻱ ﻣﻔﺎﺟﺎﺓ ﻟﻔﻴﺼﻞ .. ﺗﻌﺮﻓﻴﻦ
ﻋﺮﺳﻨﺎ ﻣﺎ ﺑﻘﻰ ﻋﻠﻴﻪ ﺷﻲ .. ﻛﻠﻬﺎ ﺍﺳﺒﻮﻋﻴﻦ .. ( ﺑﺮﺟﺎ ﻣﺮﺓ ﺛﺎﻧﻴﺔ ) ﻋﻔﻴﺔ
ﻣﺮﻳﻮﻡ .. ﻣﺴﺎﻋﺪ ﻻ ﺩﺭﻯ ﺑﺎﻟﺸﻲ ﺟﺬﻱ ﻣﺎ ﺑﻴﺮﺩﺝ ..
ﻣﺮﻳﻢ ﻭﻫﻲ ﺗﻨﺎﻇﺮ ﺍﺧﺘﻬﺎ ﺑﻌﺠﺰ .. ﻭﺍﻟﻠﻪ ﻋﺮﻭﺱ ﻣﺎﻧﻘﺪﺭ ﻧﺮﺩﻫﺎ :
ﺍﻧﺰﻳــــــﻦ
ﻧﻮﺭﺓ ﺑﺤﺒﻮﻭﻭﻭﺭ : ﻭﻱ ﻓﺪﻳــــــــــــــﺖ ﻫﺎﻟﺒﻨﺖ ﻭﺍﻟﻠﻪ ﻳﻌﻠﻨﻲ ﻣﺎ
ﺧﻠﻯﻯﻯﻰ
ﻣﺮﻳﻢ : ﺍﻱ ﺍﻟﺤﻴﻦ .. ﻳﻌﻠﻨﻲ ﻣﺎ ﺧﻠﻰ ..
ﻧﻮﺭﺓ : ﻳﺎﻟﻠﻪ ﻋﺎﺩ ﺑﺴﺞ .. ﺍﻧﺰﻳﻦ ﺍﻧﺎ ﺑﺨﻠﻴﺞ ﺍﻟﺤﻴﻦ ﻻ ﺍﺣﺘﺠﺘﻲ ﺷﻲ
ﺧﺒﺮﻳﻨﻲ ..
ﻣﺮﻳﻢ : ﺍﻧﺰﻳﻦ ﺑﻘﻮﻝ ﻟﺞ .. ﺍﻟﺒﺲ ﻋﺒﺎﺓ ﻭﻻ ﻣﺎ ﻳﺤﺘﺎﺝ؟؟
ﻧﻮﺭﺓ : ﻻ .. ﻣﺎﻇﻦ .. ﺧﺬﻱ ﻟﺞ ﻣﻼﺑﺲ ﺣﺸﻴﻢ ﻭﻣﺎ ﻳﺤﺘﺎﺝ ﻋﺒﺎﺓ ﺑﻌﺪ ..
ﻃﻠﻌﺖ ﻧﻮﺭﺓ ﻋﻦ ﻣﺮﻳﻢ ﻭﺧﻠﺘﻬﺎ ﻓﻲ ﻏﻤﺮﺓ ﺍﻻﺛﺎﺭﺓ .. ﻳﺎ ﺭﺑﻲ .. ﺍﻧﺎ
ﺑﺮﻭﺡ ﺍﻣﻴﺮﻛﺎ .. ﻭﺑﺸﻮﻑ ﻓﺘﻮﻭﻥ . ﻭﺑﺮﺩﻫﺎ ﻭﻳﺎﻱ .. ﻳﺎ ﺍﻟﻠﻪ ﻭﻧــﺎﺳﺔ ..
ﺣﺒﻴﺒﺘﻲ ﻓﺘﻮﻥ ﻭﻟﻬﺖ ﻋﻠﻴﻬﺎ ﻣﻦ ﻗﻠﺐ .. ﺍﻟﺤﻤﺎﺭﺓ ﻣﺎ ﺗﺴﺘﺤﻲ ﻭﻻ
ﺗﺨﻴﻞ ﺍﻫﻲ ﺍﺩﺭﻱ ﻓﻴﻬﺎ ﻟﻘﺖ ﻟﻬﺎ ﺍﺭﻓﻴﺠﺔ ﻟﻜﻦ ﻭﻳﻦ ﺗﻠﻘﻰ ﻣﺜﻠﻲ ﺍﻧﺎ
ﺍﻟﺮﻳــﻢ .. ﻻ ﻫﻲ ﻭﻻ ﺍﺧـﻮﻫﺎ ﺍﻟﻔﺎﻳﺞ .. ﺍﻟﺤﻤﺎﺭ ..
ﻭﺑﺘﻔﻜﻴﺮﻫﺎ ﺑﺠﺮﺍﺡ ﻳﺎﺗﻬﺎ ﻓﻜﺮﺓ ﺧﻄﻴﺮﺓ .. ﻣﻊ ﺍﻧﻬﺎ ﻳﻤﻜﻦ ﻣﺎ ﺗﻼﻗﻴﻪ
ﺑﺲ .. ﻟﻴﺶ ﻣﺎ ﺗﺮﻭﺡ ﺍﻟﻴﻮﻡ ﺑﻴﺘﻬﻢ ﻭﺗﺒﺎﺭﻙ ﻟﻬﻢ ﻋﻠﻰ ﺍﻟﺘﺠﺪﻳﺪ .. ﻣﺎ
ﺗﺸﻮﻓﻪ ﺑﺲ ﺗﺸﻢ ﺭﻳﺤﺘﻪ ﺍﻟﻐﺎﻟﻲ .. ﻳﻌﻠﻨﻰ ﻣﺎ ﺍﺧﻠﻰ ﻣﻦ ﻭﻳﻬﻪ
ﺍﻟﻨﺤﺲ .. ﻭﻋﻠﻰ ﻫﺎﻟﻔﻜﺮﺓ .. ﺗﺮﻛﺖ ﺍﻏﺮﺍﺿﻬﺎ ﻭﻧﺰﻟﺖ ﺗﺤﺖ ﻻﻣﻬﺎ ..
ﻋﺸﺎﻥ ﺗﺮﺍﺿﻴﻬﺎ ﻭﻣﺮﺓ ﻭﺣﺪﺓ ﺗﻄﻠﺐ ﺍﺫﻧﻬﺎ ﺑﺎﻟﻄﻠﻌﺔ ..
ﻟﻘﺖ ﺍﻣﻬﺎ ﻗﺎﻋﺪﺓ ﻓﻲ ﺍﻟﺼﺎﻟﺔ ﻭﻫﻲ ﻣﺤﺰﻣﺔ ﺭﺍﺳﻬﺎ .. ﺍﻛﻴﺪ ..
ﺻﺪﻋﺖ .. ﻣﻦ ﻳﻮﻡ ﺩﺭﺕ ﺑﺴﺎﻟﻔﺔ ﺍﻟﺴﻔﺮ ﻭﻫﻲ ﻣﺎ ﻛﻠﺖ ﻣﻦ ﺍﻟﺼﺮﺍﺥ
ﻭﺍﻟﻤﻨﺎﺟﺮ .. ﻣﺤﺪ ﻳﻜﻠﻤﻬﺎ .. ﻻ ﺍﺑﻮﻱ ﻭﻻ ﻣﺴﺎﻋﺪ ﻭﻻ ﺣﺘﻰ ﻟﺰﻗﺘﻬﺎ ﻟﺆﻱ ..
ﺻﺎﺭﺕ ﺑﻤﻮﻗﻒ ﻛﺮﻳﻪ ﻟﻜﻨﻬﺎ ﻓﺘﺮﺓ ﻭﺑﺘﻌﺪﻱ .. ﺍﻡ ﻣﺴﺎﻋﺪ ﻃﻴﺒﻪ ﻭﻗﻠﺒﻬﺎ
ﺍﺑﻴﺾ ﻟﻜﻦ ﻣﻦ ﻳﺴﻴﻄﺮ ﻋﻠﻰ ﺍﻟﻐﻴﺮﺓ ..
ﺭﺍﺣﺖ ﺑﻜﻞ ﻫﺪﻭﺀ .. ﻭﺍﻧﺪﺳﺖ ﺗﺤﺖ ﺣﻈﻦ ﺍﻣﻬﺎ ﻭﻫﻲ ﻣﺴﺘﺮﺧﻴﺔ ..
ﺍﻛﻴﺪ ﺍﻟﺤﻴﻦ ﺍﻣﻬﺎ ﺑﺘﺮﻭﻏﻬﺎ ﻟﻜﻦ ﻛﺎﻧﺖ ﻏﻠﻄﺎﻧﻪ . ﺍﻣﻬﺎ ﻛﺎﻧﺖ ﻫﺎﺩﻳﺔ ﻭﻻ
ﻛﺄﻧﻬﺎ ﺣﺴﺖ ﺑﻮﺟﻮﺩ ﻣﺮﻳﻢ .. ﻣﻌﻨﺎﺗﻪ ﺍﻫﻲ ﻓﻲ ﺣﺎﻟﺔ ﺍﻟﻨﻜﺮﺍﻥ .. ﺗﻨﻜﺮ
ﺍﻟﻠﻲ ﻳﺎﺯﻋﻢ ﻣﻌﺬﺑﻴﻨﻬﺎ .. ﻳﺎﺣﻠﻮﻫﺎ ﻫﺎﻻﻡ ﻭﺍﻟﻠﻪ .
ﻣﺮﻳﻢ : ﺍﻧﺘﻪ .. ﺍﻧﺘﻪ ﻳﺎ ﺟﻤﻴﻞ ... ﺍﻧﺘﻪ ﻳﺎ ﺣﻠﻮﻭ .. ﺍﻧﺘﻪ ﻳﺎ ﺳﻮﻛﺮ
ﻧﺒﺎﺕ .. ﺍﻧﺎ ﻣﺎ ﺋﺪﺭﺵ ﻻﺍ .. ﻛﻞ ﺩﻱ ﺍﻟﺤﻼﻭﺓ ﻋﻨﺪﻧﺎ ﺑﺎﻟﻜﻮﺍﻳﺖ .. ﻳﺎ
ﻟﻬﻮﻱ ﻣﺌﺪﺭﺵ ..
ﺑﻨﻈﺮﺓ ﻭﺣﺎﺟﺐ ﻣﺮﻓﻮﻉ ﺟﺎﺑﻠﺘﻬﺎ ﺍﻣﻬﺎ .. ﻋﺮﻓﺖ ﻣﺮﻳﻢ ﺍﻧﻬﺎ ﻃﺎﻓﺖ
ﺍﻟﺤﺪ .. ﻭﻟﺰﻗﺖ ﺑﺎﻣﻬﺎ ﺍﻛﺜﺮ ..
ﻣﺮﻳﻢ : ﻳﻤﺔ ﺑﺲ ﺧﻼﺹ ﻋﺎﺩ .. ﻭﺍﻟﻠﻪ ﺑﺘﺨﻠﻴﻨﻲ ﺍﻫﻮﻥ ﻋﻦ ﺍﻟﺴﻔﺮ .. ﻛﻞ
ﻫﺬﺍ ﺷﻮﻕ ﻟﻲ ﻻ ﻻ ﺻﺮﺍﺣﺔ ﺍﻧﺎ ﻣﺎ ﻗﺪﺭ .. ﻫﺎﻟﻜﺜﺮ ﺍﻧﺎ ﻏﺎﻟﻴﺔ ﻋﻠﻴﺞ ﻳﺎ
ﺗﻮﺗﺔ ﺍﻧﺘﻲ؟؟
ﺍﻡ ﻣﺸﻌﻞ : ﻭﺍﻟﻠﻪ؟ ﺣﻠﻔﻲ ﺍﻧﺘﻲ ﺑﺲ؟؟ ﻻ ﻳﻤﺔ ﻟﻴﺶ ﺗﻬﻮﻧﻴﻦ ﺍﻟﺴﻔﺮ .
ﺭﻭﺣﻲ .. ﺭﻭﺣﻲ ﻟﻠﻲ ﺻﺎﺭﺕ ﺍﻫﻢ ﻣﻨﻲ .. ﺭﻭﺣﻲ ﻟﻔــــــــــﺎﺗﻦ .. ﺍﻟﻠﻲ
ﺳﺮﻗﺘﺞ ﻣﻦ ﻗﺒﻞ ﻭﺍﻟﺤﻴﻦ ﺍﺧﻮﺝ .. ﻣﻮ ﺑﻌﻴﺪﺓ ﺑﻌﺪ ﺟﻢ ﻳﻮﻡ ﺍﺑﻮﻭﺝ
ﻳﻄﻴﺢ ﺻﺮﻳﻊ ﺑﻬﻮﻯ ﻫﺎﻟﻔﺘﻴﻨﺔ ..
ﻣﺮﻳﻢ ﻭﻫﻲ ﺗﻀﺤﻚ ﺑﺼﻮﺕ ﻋﺎﻟﻲ ﻭﻳﻮﻡ ﺑﻘﻘﺖ ﺍﻡ ﺟﺮﺍﺡ ﻋﻴﻨﻬﺎ ﻓﻴﻬﺎ
ﺳﻜﺘﺖ .. : ﻳﺎ ﻳﻤﺔ .. ﻳﺎ ﻋﻤﺮﻱ .. ﻳﺎ ﺣﺒﻴﺒﺘﻲ .. ﻭﺍﻟﻠﻪ ﺣﺮﺍﻡ .. ﺣﺮﺍﻡ
ﻫﺎﻟﺸﻲ ﻟﻤﻘﺎﺍﺍﻣﺞ ﺍﻟﺮﻓﻴﻊ ﻳﺎ ﺳﺘﻨﺎ .. ﺍﻧﺘﻲ ﺍﻟﻜﻞ ﺑﺎﻟﻜﻞ ﻓﻲ ﻫﺎﻟﺒﻴﺖ ..
ﻭﺍﻧﺘﻲ ﻋﻤﺪ ﻫﺎﻟﺪﺍﺭ .. ﻭﺍﻧﺘﻲ ﻧﻮﻭﻭﺭ ﺍﻟﻠﻤﺒﺔ ﻻﺍﻧﻄﻔﺖ .. ﻭﺍﻧﺘﻲ ﻟﺴﻨﺪ
ﻭﺍﻧﺘﻲ ﻭﺍﻧﺘﻲ ﻭﺍﻧﺘﻲ ﻭﺍﻧﺘﻲ ... ﻳﻌﻨﻲ ﺗﺤﻄﻴﻦ ﻓﺘﻮﻭﻭﻭﻭﻭﻭﻭﻥ .. ﺍﻟﻠﻲ
ﻣﺎ ﺻﺎﺭﺕ .. ﻫﺎﻟﻨﺘﻔﺔ ﻫﺬﻱ .. ﻻ ﻳﻤﺔ .. ﺍﻧﺘﻲ ﺗﺮﺿﻴﻨﺎ ﺍﻧﺎ ﻻﺍﺍﺀ ﻭﺍﻟﻒ
ﻻﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺀ ..
ﺍﻡ ﻣﺴﺎﻋﺪ ﻭﻫﻲ ﺗﺪﻓﻊ ﺑﻨﺘﻬﺎ ﻋﻨﻬﺎ : ﺭﻭﺣﻲ ﺍﻧﺘﻲ ﻳﺎ ﻡ ﺍﻟﺤﺠﻲ .. ﻭﻳﻪ
ﻋﻠﻴﺞ ﻭﺍﻟﻠﻪ ﺍﻧﺞ ﺭﺍﻋﻴﺔ ﺣﺠﻲ ﻣﺎ ﺻﺎﺭ ﻣﺜﻠﺞ ﺑﺎﻟﻜﻮﻳﺖ ..
ﻣﺮﻳﻢ ﻭﻫﻲ ﺗﺘﻔﺪﻉ ﻳﻢ ﺍﻣﻬﺎ .. ﻭﻣﻦ ﺿﺤﻜﺘﻬﺎ ﺍﻟﻘﻮﻳﺔ ﺩﻓﻌﺖ ﺍﻣﻬﺎ ﺑﻌﺪ
ﻟﻠﻀﺤﻚ ﻭﻳﺎﻫﺎ .. ﻣﺎ ﻗﻠﺖ ﻟﻜﻢ ﺍﻥ ﻗﻠﺒﻬﺎ ﻃﻴﺐ .. ﺑﺲ ﺍﻟﻐﻴﺮﺓ ﺫﺑﺎﺍﺍﺣﺔ
ﺳﺄﻟﻮﻧﻲ ﺍﻧﺎ ﺍﺷﻮﻑ ﺍﻣﻲ ﻓﻲ ﺍﻟﺒﻴﺖ .. ﻭﺑﻌﺪ ﻓﺘﺮﺓ ﻣﻦ ﺍﻟﻬﺪﻭﺀ ..
ﻣﺮﻳﻢ ﺑﺼﻮﺕ ﺣﻨﻮﻥ ﻭﻫﻲ ﻻﻣﻪ ﺍﻣﻬﺎ : ﻳﻤﺔ .. ﺗﻮﺻﻴﻦ ﺷﻲ ﻣﻦ ﺍﻣﻴﺮﻛﺎ؟
ﺍﻡ ﻣﺴﺎﻋﺪ .: ﻭﻳــﻪ ﻳﺎ ﺣﺴﺮﺓ .. ﺷﻮﺻﻲ .. ﻟﻮ ﺭﺍﻳﺤﺔ ﺍﻟﺪﻣﺎﻡ ﻗﻠﻨﺎ ﻣﺎ
ﻋﻠﻴﻪ .. ﺍﻻ ﻋﻤﺮﻳﻜﺎ .. ﺷﺪﺭﺍﻧﺎ ﺷﻔﻴﻬﺎ ﺷﻤﺎﻓﻴﻬﺎ ..
ﻣﺮﻳﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻳﺎ ﺣﻠﻮﺝ ﺍﻣﻲ .. ﺗﺪﺭﻳﻦ ﻋﺎﺩ . ﺑﻌﻄﻠﺔ
ﺍﻟﻌﻴﺪ ﻭﺍﻟﻠﻪ ﻻﻧﺮﻭﻭﻭﺡ ﺍﻟﻌﻤﺮﺓ .. ﺷﺮﺍﻳﺞ؟
ﺍﻡ ﻣﺴﺎﻋﺪ : ﺍﻳﻪ .. ﻭﻳﺎ ﺍﺧﻮﺝ ﻋﺎﺩ ﺍﻟﻠﻲ ﻣﺎ ﻋﻨﺪﻩ ﻭﻗﺖ ..
ﻣﺮﻳﻢ : ﻻ ﺻﺞ ﺻﺞ ﻳﻤﺔ .. ﺭﻣﻀﺎﻥ ﺟﺮﻳﺐ .. ﻭﺍﻥ ﺷﺎﺀ ﺍﺍﻟﻠﻪ ﺑﺎﻟﻌﻴﺪ
ﻧﺮﻭﺡ ﺍﻟﻌﻤﺮﺓ .. ﺑﺲ ﻋﻄﻴﻨﺎ ﻣﻮﺍﻓﻘﺘﺞ ﻭﻛﻞ ﺷﻲ ﻳﺘﻢ؟
ﺍﻡ ﻣﺴﺎﻋﺪ : ﻟﻴﺶ ﺑﺘﺘﻮﺳﻄﻴﻦ ﻟﻲ ﻋﻨﺪ ﻓﺎﺗﻦ؟؟؟؟
ﻣﺮﻳﻢ : ﻫﺎ؟؟؟؟؟؟ ﻳﻤﻤﻤﻤﻤﻤﻤﻤﻤﻤﻤﺔ ﺷﻘﻠﻨﺎﺍﺍﺍ ..
ﺳﻜﺘﺖ ﺍﻡ ﻣﺴﺎﻋﺪ ﻭﺷﺎﺣﺖ ﺑﻮﻳﻬﻬﺎ ﻋﻦ ﺑﻨﺘﻬﺎ ... ﻭﺑﻌﺪ ﻫﺪﻭﺀ ﺑﺴﻴﻂ
ﺑﻴﻦ ﺍﻟﺜﻨﺘﻴﻦ
ﺍﻡ ﻣﺴﺎﻋﺪ : ﺩﻳﺮﻱ ﺑﺎﻟﺞ ﻋﻠﻰ ﻧﻔﺴﺞ ﻳﻤﺔ .. ﻭﻫﺎﻟﻠﻪ ﻫﺎﻟﻠﻪ ﻓﻲ ﺍﻟﺼﻼﺓ ..
ﻭﺫﻛﺮﻱ ﺭﺑﺞ ﻭﺣﻄﻲ ﻋﻴﻨﺞ ﻋﻠﻰ ﺍﺧﻮﻭﻭﺝ .. ﻣﺎ ﺍﺑﻲ ﻳﺼﻴﺪﻛﻢ ﺷﻲ ..
ﺍﻧﺎ ﻫﻮ ﺭﺍﺡ ﻫﺬﻳﺞ ﺍﻟﻤﺮﺓ ﻭﻗﻠﺒﻲ ﺍﺣﺘﺮﻕ .. ﻣﻮ ﺍﻧﺘﻲ ﺍﻟﻐﺎﻟﻴﺔ ﺍﻟﺜﺎﻧﻴﺔ ...
ﻣﺮﻳﻢ ﺑﻔﺮﺡ ﻛﺒﻴﺮ ﻭﺩﻣﻮﻋﻬﺎ ﺗﺪﺍﻓﻌﺖ ﺑﻌﻴﻨﻬﺎ : ﻳﻌﻠﻨﻲ ﻣﺎ ﺧﻠﻰ ﻣﻨﺞ
ﻳﺎﻟﻐﻼ .. ﺍﻧﺎ ﻏﺎﻟﻴﺔ .. ﺍﺫﺍ ﺍﻧﺎ ﻏﺎﻟﻴﺔ ﺍﻧﺘﻲ ﺷﻨﻮﻭﻭﻭ؟؟
ﻧﻮﺭﺓ ﻭﻫﻲ ﺗﻨﺰﻝ : ﻻﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍ ﻻ ﺍﺳﻤﺢ ﺑﻬﺬﻩ ﺍﻟﺨﻴﺎﻧﺔ .. ﻳﻤﺔ
ﺍﻧﺎ ﺍﻟﻌﺮﻭﻭﻭﻭﺱ ﻭﻣﺮﻳﻢ ﺍﻟﻐﺎﻟﻴﺔ؟؟ ﺷﻬﺎﻟﺨﻴﺎﺍﺍﻧﺔ .. ﻫﺰﻟﺖ ﻭﺍﻟﻠﻪ ..
ﺍﻡ ﻣﺴﺎﻋﺪ ﺗﻀﺤﻚ ﻟﻬﺎ : ﻭﻱ ﺍﻧﺘﻲ ﺍﻡ ﺍﻟﻐﻼ ﺑﻬﺎﻟﺒﻴﺖ ﻳﺎﻟﻌﺮﻭﻭﻭﺱ ..
ﻣﺮﻳﻢ : ﺍﻳﻪ ﺍﻳﻪ ﺍﻣﻲ ﺗﻘﻮﻝ ﻟﺞ ﺟﺬﻱ ﺑﺲ ﻻﻧﺞ ﻋﺮﻭﻭﺱ ﻣﻮ ﻋﺸﺎﻥ ﺍﻱ
ﺷﻲ ﺛﺎﻧﻲ
ﻧﻮﺭﺓ ﻭﻫﻲ ﺗﻠﻢ ﺍﻣﻬﺎ : ﻳﻤﺔ ﺷﻮﻓﻴﻬﺎ؟؟
ﺍﻡ ﻣﺴﺎﻋﺪ : ﻻ ﻳﻤﺔ ﻻ ﺗﻘﻮﻟﻴﻦ ﺟﺬﻱ .. ﺍﻧﺘﻮ ﻛﻠﻜﻢ ﻗﻄﻌﺔ ﻣﻦ ﻳﻮﻭﻭﻓﻲ
ﻭﺣﺸﺎﻱ .. ﻭﻛﻞ ﻭﺍﺣﺪ ﻣﻨﻜﻢ ﻟﻪ ﻣﻘﺎﻣﻪ ..
ﻣﺮﻳﻢ :ﺑﺲ ﺍﻧﺎ ﺍﻛﺜﺮ
ﻧﻮﺭﺓ : ﻻ ﺍﻧﺎ ﺍﻛﺜﺮ ...
ﻟﺆﻱ ﺍﻟﻠﻲ ﺩﺧﻞ ﻋﻠﻴﻬﻢ : ﻻ ﺍﻧﺘﻲ ﻭﻻ ﺍﻫﻲ ﺍﻧﺎ .. ( ﻳﻄﻴﺮ ﻟﺤﻈﻦ ﺍﻣﻪ )
ﺍﺣﻈﻨﻴﻨﻲ ﻳﺎ ﺑﺖ .. ﺩﺍﻧﺎ ﻭﻟﻬﺎﻥ ﻋﻠﻴﻜﻲ ﻛﺘﻴﻴﻴﻴﺮ .. ﻭﺧﺮﻭ ﺍﻧﺘﻮ
ﺍﻟﺜﻨﺘﻴﻦ ..
ﻧﻮﺭﺓ ﻭﻣﺮﻳﻢ : ﻳﻤــــــــــــــــــــــــــــــــــﺔ
ﻏﺰﻻﻥ ﻓﻲ ﻏﺮﻓﺘﻬﺎ ﺍﻟﻜﺒﻴﺮﺓ ﺍﻟﻔﺨﻤﺔ ﻭﺛﻴﺎﺑﻬﻬﺎ ﺍﻟﻤﻨﺜﺮﺓ ﺑﻄﻮﻝ ﺍﻟﻐﺮﻓﺔ
ﻭﻋﺮﺿﻬﺎ .. ﻗﺮﺭﺕ ﺍﻧﻬﺎ ﺗﺰﻭﺭ ﺑﻴﺖ ﺍﻡ ﺟﺮﺍﺡ ﺍﻟﻴﻮﻡ ﻭﻻﺯﻡ ﺗﺒﻴﻦ ﻓﻲ
ﺍﻭﻭﺝ ﺍﻧﺎﻗﺘﻬﺎ .. ﻭﺑﻌﺪ ﺑﻬﺎﻟﺰﻳﺎﺭﺓ ﺍﻗﻨﻌﺖ ﺍﻣﻬﺎ ﺑﺼﻌﻮﺑﺔ ﺍﻧﻬﺎ ﺗﻴﻲ ﻭﻳﺎﻫﺎ
.. ﺍﺳﺘﺤﺖ ﺍﻻﻡ ﻧﻈﺮﺍ ﻟﻠﻌﻼﻗﺔ ﺍﻟﺴﻄﺤﻴﺔ ﺍﻭ ﺍﻟﻤﻌﺪﻭﻣﺔ .. ﺗﻌﺬﺭﺕ
ﺳﻤﺎﺀ ﺑﻜﻞ ﺍﻟﻠﻲ ﺗﻘﺪﺭﻩ ﻻﻣﻬﺎ ﻟﻜﻨﻬﺎ ﻣﺎ ﻗﺪﺭﺕ ﺗﻘﻨﻌﻬﺎ ﺍﻻ ﺑﺸﻲ ﻭﺍﺣﺪ
ﻭﺻﺎﺭ ﻣﻦ ﺻﺎﻟﺤﻬﺎ .. ﺍﻟﺘﻌﺎﻣﻞ ﺍﻟﻴﺪﻳﺪ ﺑﻴﻦ ﺍﺑﻮﻫﺎ ﻭﺟﺮﺍﺡ .. ﻭﺭﻭﺣﺎﺕ
ﺍﺑﻮﻫﺎ ﺍﻟﺪﺍﻳﻤﺔ ﻟﻪ ﺍﻭ ﺣﺘﻰ ﺯﻳﺎﺭﺍﺕ ﺟﺮﺍﺡ ﻟﻠﻤﻜﺘﺐ .. ﺍﻫﻲ ﻣﺎ ﺷﺎﻓﺘﻪ
ﻣﻦ ﺑﻌﺪ ﻫﺬﺍﻙ ﺍﻟﻴﻮﻡ ﻟﻜﻦ ﺍﻛﺘﻔﺖ ﺻﺮﺍﺣﺔ ﻻﻧﻬﺎ ﺑﻴﻨﺖ ﻟﻪ ﺍﻧﻬﺎ ﻣﻬﺘﻤﺔ
ﻓﻴﻪ .. ﻟﻜﻨﻬﺎ ﻣﻮ ﺑﺲ ﻣﻬﺘﻤﺔ ﻓﻴﻪ .. ﻓﻜﺮﺓ ﺍﻟﺤﺼﻮﻝ ﻋﻠﻴﻪ ﺻﺎﺭﺕ
ﺗﺤﺪﻱ ﺑﺎﻟﻨﺴﺒﺔ ﻟﻬﺎ ﻭﺍﻫﻲ ﻻﺯﻡ ﺗﻜﻮﻥ ﻗﺪ ﻛﻠﻤﺘﻬﺎ .. ﻣﺴﺘﺤﻴﻞ ﺗﺨﻠﻴﻪ
ﻳﻀﻴﻊ ﻣﻦ ﻳﺪﻫﺎ ﻋﺸﺎﻥ ﺑﻨﺖ ﺑﺴﻴﻄﺔ ﻣﺜﻞ ﻣﺮﻳﻢ .. ﺟﺮﺍﺡ ﻣﺤﺘﺎﺝ
ﻟﺒﻨﺖ ﺭﺍﻗﻴﺔ ﻭﺳﺘﺎﻳﻞ ﻭﺑﺮﺳﺘﻴﺞ ﻣﺜﻠﻲ .. ﻭﺍﻫﻮ ﺍﻟﻈﺎﻫﺮ ﻣﺘﺎﺛﺮ ﻣﻨﻬﺎ
ﻳﻌﻨﻲ ﻣﺎ ﻳﺒﻴﻬﺎ ﺗﻀﻴﻊ ﻣﻦ ﺟﺬﻱ ﺍﻭﻫﻢ ﻧﻔﺴﻪ ﺍﻧﻪ ﻳﺤﺒﻬﺎ ﻭﺍﻧﻬﺎ ﺷﻲ
ﺑﺤﻴﺎﺗﻪ ..ﻟﻜﻦ ﺍﺫﺍ ﻋﺮﻑ ﺑﺎﻫﺘﻤﺎﻣﻲ ﻓﻴﻪ ﻭﺑﺤﺎﺟﺘﻲ ﻟﻪ ﺑﻴﻔﺮﻕ ﺑﻴﻨﻲ
ﻭﺑﻴﻨﻬﺎ .. ﻭﺍﻥ ﺷﺎﺀ ﺍﻟﻠﻪ ﻳﺸﻮﻑ ﺍﻧﻲ ﺍﻧﺴﺐ ﻟﻪ ﻣﻨﻬﺎ .. ﻳﺎﺍﺍﻱ ﻋﻠﻴﻪ ..
ﻳﺨﺒﻞ ﻫﺎﻟﻮﻟﺪ .. ﻣﺨﺒﻠﻨﻲ ﻭﻋﺎﻓﺲ ﺍﻓﻜﺎﺭﻱ ..
ﻭﺩﺧﻠﺖ ﻋﻠﻴﻬﺎ ﺍﺧﺘﻬﺎ ( ( ﻏﺼﻮﻥ ) ) ﺍﻟﻠﻲ ﻛﺎﻧﺖ ﺗﻮﻫﺎ ﺭﺍﺟﻌﺔ ﻟﻠﻜﻮﻳﺖ
ﻭﻳﺎ ﺯﻭﺟﻬﺎ ﺍﻟﺪﺑﻠﻮﻣﺎﺳﻲ ... ﻭﻳﻮﻡ ﺷﺎﻓﺖ ﺍﻟﻔﻮﺿﻰ ﺗﻌﺠﺒﺖ ...
ﻏﺼﻮﻥ : ﻳﺎ ﺍﻟﻠﻪ ﻏﺰﻻﻥ .. ﺷﺴﻮﻳﺘﻲ ﺑﺎﻟﺪﺍﺭ ﻗﻠﺒﺘﻴﻬﺎ ﻓﻮﻕ ﺗﺤﺖ؟؟
ﻏﺰﻻﻥ ﻭﻫﻲ ﺗﺪﻭﺭ ﻓﻲ ﺍﻟﻜﺒﺖ : ﻫﺬﺍ ﻭﺍﻧﺎ ﻟﻠﺤﻴﻦ ﻣﺎ ﻟﻘﻴﺖ ﺍﻟﻠﻲ ﺍﺑﻲ
ﺍﻟﺒﺴﻪ .. ﻏﺼﻮﻥ ﺷﻮﻓﻴﻠﻲ ﺍﻟﺒﻠﻮﺯﺓ ﺍﻟﻼﻓﻨﺪﺭ .. ﻣﺎﺭﻛﺔ ﻛﻠﻮﻱ ..
ﻏﺼﻮﻥ : ﺍﻟﻠﻪ ﻳﻬﺪﺍﺝ ﻭﻳﻦ ﺑﻠﻘﻰ ﻟﺞ ﻭﻳﺎ ﻫﺎﻟﻌﻔﺴﺔ
ﻏﺰﻻﻥ : ﻭﻭﻭﻭﻭﻩ ﻭﺍﻟﻠﻪ ﺑﻤﻮﻭﺕ ﻏﺼﻮﻭﻥ ﺳﺎﻋﺪﻳﻨﻲ ﻻ ﺗﻌﻮﺭﻳﻦ ﻟﻲ
ﺭﺍﺳﻲ ﺯﻭﺩ
ﻏﺼﻮﻥ : ﺯﻳﻦ ﺧﻠﻲ ﻋﻨﺞ ﻫﺎﻟﻠﻮﻥ .. ﺍﻟﺤﻴﻦ ﺷﺘﺎ ﻟﻴﺶ ﻣﺎ ﺗﻠﺒﺴﻴﻦ ﺷﻲ
ﺗﺪﺭﺟﻲ .. ﻳﻌﻨﻲ ﺍﻟﺒﻨﻲ ﻭﻻ ﺍﻻﺧﻀﺮ .. ﺣﻠﻮ ﻋﻠﻴﺞ ﻭﻳﺎ ﻟﻮﻥ ﺷﻌﺮﺝ
ﻏﺰﻻﻥ ﻭﻫﻲ ﻭﺍﻗﻔﺔ ﻳﻢ ﺍﻟﻤﻨﻈﺮﺓ ﺗﺘﺨﻴﻞ ﺍﻟﻠﻲ ﻗﺎﻟﺘﻪ ﺍﺧﺘﻬﺎ : ﺗﻬﻘﻴﻦ؟
ﻏﺼﻮﻥ : ﺍﻱ .. ﻭﺍﻳﺪ ﻳﻠﻴﻖ ﻋﻠﻴﺞ ﻭﺑﻴﺒﻴﻦ ﻟﻮﻥ ﺷﻌﺮﺝ ﺯﻳﻦ ..
ﻭﺍﻟﻐﺒﻴﺔ ﻏﺰﻻﻥ ﻋﻠﻰ ﻃﻮﻝ ﺭﺍﺣﺖ ﺑﻔﻜﺮﻫﺎ ﺑﺠﺮﺍﺡ .. ﻳﺎ ﺗﺮﻯ ﺷﻨﻮ ﻟﻮﻧﻪ
ﺍﻟﻤﻔﻀﻞ .. ﺍﻫﻲ ﻛﻞ ﻣﺮﺓ ﺗﺸﻮﻓﻪ ﻛﺎﻧﺖ ﺗﻠﻘﺎﻩ ﺑﺎﻟﺪﺷﺪﺍﺷﺔ .. ﻭﻳﻮﻡ ﺭﺩ
ﻣﻦ ﺍﻣﻴﺮﻛﺎ ﻛﺎﻥ ﻻﺑﺲ ﺟﺎﻛﻴﺖ ﺭﻳﺎﺿﻲ ﺍﺣﻤﺮ .. ﻳﻤﻜﻦ ﻳﺤﺐ ﺍﻟﻠﻮﻥ
ﺍﻻﺣﻤﺮ .. ﻣﺎ ﻳﻨﺪﺭﻯ ..
ﻏﺰﻻﻥ : ﺑﻠﺒﺲ ﺍﺣﻤﺮ ...
ﻏﺼﻮﻥ ﺑﺎﺳﺘﻐﺮﺍﺏ ..: ﺷﻌﺮﺝ ﺍﺣﻤﺮ ﻭﻫﺪﻭﻣﺞ ﺑﻌﺪ .. ﻻ ﻻ .. ﺧﻠﻴﻪ ﻟﻤﺮﺓ
ﺛﺎﻧﻴﺔ ﻭﻟﺒﺴﻲ ﺍﻟﻠﻲ ﻗﻠﺖ ﻟﺞ ﻋﻠﻴﻪ
ﻏﺰﻻﻥ : ﺍﻭﻛﻴﻚ . ﺑﻠﺒﺲ ... (ﻭﻫﻲ ﺗﻤﺪ ﻳﺪﻫﺎ ﻟﻠﻜﺒﺖ ) ﻫﺎﻟﺠﺎﻛﻴﺖ ..
ﻭﻭ ... ﺍﻣﻤﻢ ( ﻣﺪﺕ ﻳﺪﻫﺎ ﻟﺘﻨﻮﺭﺓ ﻗﺼﻴﺮﺓ ﺑﻜﺴﺮﺍﺕ ﻣﺘﺪﺍﺧﻠﺔ ... )
ﺷﺮﺍﻳﺞ؟؟
ﻏﺼﻮﻥ : ﺣﻠﻮﻭ .. ﻟﺒﺴﻲ ﻭﻳﺎﻫﻢ ﺑﻮﻭﺕ ﺭﻓﻴﻊ ..
ﻏﺰﻻﻥ : ﺍﻛﻴﺪ ... ﻣﺘﺄﻛﺪﺓ ﺣﻠﻮﻳﻦ ..
ﻏﺼﻮﻥ : ﺍﻱ ﺣﻠﻮﻳﻦ .. ﻭﺑﻌﺪﻳﻦ ﻋﻠﻰ ﺍﻟﻠﻲ ﺳﻤﻌﺘﻪ ﻣﻦ ﺍﻣﻲ ﻭﺍﻟﻠﻲ
ﺳﻤﻌﺘﻪ ﻣﻨﺞ ﺍﻧﻬﻢ ﻧﺎﺱ ﺑﺴﻴﻄﻴﻦ ﻳﻌﻨﻲ ﺣﺪﻫﻢ ﺳﻮﻕ ﺍﻟﻤﺒﺎﺭﻛﻴﺔ ..
ﻏﺰﻻﻥ ﺑﻐﻴﺾ : ﻏﺼﻮﻭﻥ .. ﺍﺭﺟﻮﺝ .. ﻫﺎﻟﻌﺎﻳﻠﺔ ﻭﺍﻳﺪ ﻗﺮﻳﺒﺔ ﻋﻠﻲ ﻗﻠﺒﻲ
ﻭﻣﺎ ﺍﺣﺐ ﺍﺣﺪ ﻳﺴﺘﺨﻒ ﺑﻬﻢ .. ﺍﻫﻢ ﺑﺴﻄﺎﺀ ﻟﻜﻦ ﻗﻠﺒﻬﻢ ﻛﺒﻴﺮ ..
ﻏﺼﻮﻥ : ﺑﺴﻢ ﺍﻟﻠﻪ ﻋﻠﻴﺞ ﻋﺎﺩ ﺷﻮﻱ ﺷﻮﻱ .. ﺍﻟﻠﻲ ﻳﺴﻤﻌﺞ ﻳﻘﻮﻝ ﻟﺞ
ﻣﻄﻠﺐ ﻣﻨﻬﻢ ..
ﻏﺰﻻﻥ ﺑﺘﻮﺗﺮ ..: ﺷﻘﺼﺪﺝ ﻳﻌﻨﻲ .. ﺍﻧﺎ .. ﺯﺭﺗﻬﻢ ﻣﺮﺓ ﻭﻳﺎ ﺳﻤﺎﺀ .. ﺑﻨﺖ
ﺧﺎﻟﺘﻲ ﺳﻠﻮﻯ .. ﻭﻟﻘﻴﺘﻬﻢ ﻃﻴﺒﻴﻦ ..
ﻏﺼﻮﻥ ﻭﻫﻲ ﺗﺰﻓﺮ : ﻋﻠﻰ ﺍﻟﻌﻤﻮﻡ ﺍﻧﺘﻲ ﺣﺮﺓ .. ﻃﻮﻝ ﻋﻤﺮﺝ ﻛﻨﺘﻲ ﺣﺮﺓ
ﻭﺑﺘﻈﻠﻴﻦ ﺣﺮﺓ ﻳﻌﻨﻲ ﻟﻮ ﻗﻠﻨﺎ ﻭﻋﻴﺰﻧﺎ ﻣﺤﺪ ﺑﻴﺴﻤﻊ ﻟﻨﺎ ..
ﻏﺰﻻﻥ : you are so right about this ..
ﻏﺼﻮﻥ : ﻋﻴﻞ ﺍﻧﺎ ﺑﺨﻠﻴﺞ ﺍﻟﺤﻴﻦ .. ﺑﻨﺰﻝ .. ﻣﺎ ﺍﻗﺪﺭ ﺍﺗﺎﺧﺮ ﺍﻟﻠﻴﻠﺔ ﻋﻨﺪﻧﺎ
ﻋﺰﻳﻤﺔ ﻋﺸﺎ ..
ﻏﺰﻻﻥ : ﻭﺍﻧﺘﻮ ﻛﻞ ﻟﻴﻠﺔ ﻋﺰﻳﻤﺔ .. ﻣﺎ ﻗﺮﻳﺘﻮﺍ ﻣﻦ ﺭﺩﻳﺘﻮ ﻣﻦ ﺍﻳﻄﺎﻟﻴﺎ ..
ﻏﺼﻮﻥ : ﺷﺴﻮﻱ .. ﻫﺬﺍ ﺣﻤﻮﺩ ﻣﺎ ﻳﻜﻞ ﻭﻻ ﻳﺘﻌﺐ .. ﻭﻟﻜﻦ ﺍﻧﺎ ﺷﻌﻠﻲ ..
ﺑﻴﻨﻲ ﻓﺮﻳﻖ ﺗﻘﺪﻳﻢ ﻣﺂﺩﺏ ﻭﻛﻞ ﺍﻟﻲ ﻋﻠﻲ ﺍﻧﻲ ﺍﺧﺘﺎﺭ ﻟﻮﻥ ﺍﻟﺰﻫﻮﺭ
ﻭﺍﻟﺰﺍﻭﻳﺔ ﺍﻟﻠﻲ ﺑﻨﺨﻠﻲ ﺍﻟﻄﺎﻭﻟﺔ ﻓﻴﻬﺎ ...
ﻃﻠﻌﺖ ﻏﺼﻮﻥ ﻣﻦ ﺍﻟﺪﺍﺭ ﻭﻏﺰﻻﻥ ﺗﻔﻜﺮ ﻓﻲ ﺍﺧﺘﻬﺎ .. ﻣﻦ ﺗﺰﻭﺟﺖ
ﺻﺎﺭﺕ ﺍﻧﺴﺎﻧﺔ ﺳﻄﺤﻴﺔ ﻭﻫﻤﻬﺎ ﻓﻲ ﻣﻈﻬﺮﻫﺎ .. ﻛﺎﻧﺖ ﻏﻴﺮ ﻗﺒﻞ ﻻ
ﺗﺘﺰﻭﺝ .. ﺭﻭﺡ ﺍﻟﺤﻤﺎﺱ ﻭﺣﺒﻬﺎ ﻟﻠﺤﺮﻳﺔ ﻭﺍﻟﺘﻔﻜﻚ ﻣﻦ ﺍﻟﻘﻴﻮﺩ
ﺍﻻﺟﺘﻤﺎﻋﻴﺔ ﻣﺨﻠﻴﺘﻬﺎ ﻏﻴﺮ ﻋﻦ ﺍﻟﺒﻨﺎﺕ .. ﻟﻜﻦ ﻣﻦ ﺗﺰﻭﺟﺖ ﺣﻤﻮﺩ
ﺗﻐﻴﺮﺕ .. ﻃﺎﻟﻌﺖ ﺭﻭﺣﻬﺎ ﺑﺎﻟﻤﻨﻈﺮﺓ ﻭﺗﺨﻴﻠﺖ ﺭﻭﺣﻬﺎ ﺣﺮﻣﺔ ﺟﺮﺍﺡ ..
ﺭﺍﺡ ﺗﺘﻐﻴﺮ 100 ﺩﺭﺟﺔ .. ﺑﺘﺼﻴﺮ ﺍﺑﺴﻂ ﻣﻦ ﺟﺬﻱ .. ﻭﺑﺘﺼﻴﺮ ﺍﺣﺸﻢ
ﻣﻦ ﺟﺬﻱ .. ﻳﻤﻜﻦ ﺍﻫﻮ ﻣﻦ ﺍﻟﻨﻮﻉ ﺍﻟﻠﻲ ﻣﺎ ﻳﺤﺐ ﺍﻻ ﺍﻟﺒﻨﺎﺕ
ﺍﻟﻤﺘﺤﺠﺒﺎﺕ . ﻧﻈﺮﺍ ﻟﺬﻭﻗﻪ ﺍﻟﻤﺮﻳﻊ ﻓﻲ ﺍﺧﺘﻴﺎﺭ ﺑﻨﺎﺕ ﻣﺜﻞ ﻣﺮﻳﻢ .. ﻟﻜﻦ
ﺍﻧﺎ ﺍﻗﺪﺭ ﺍﺧﻠﻴﻪ ﻳﺴﺘﺨﻒ ﻋﻠﻲ ﺍﻟﻴﻮﻡ ... ﺑﺨﻠﻴﻚ ﻳﺎ ﺟﺮﺍﺡ ﺗﺼﻴﺮ ﻣﺜﻞ
ﺍﻟﻤﻴﺖ ﻓﻴﻨﻲ .. ﻭﻣﻦ ﺩﺭﺟﺔ ﻣﺎ ﺗﻤﻮﺕ ﻓﻴﻨﻲ ﺑﺘﻜﺮﻩ ﺍﻟﺤﻴﺎﺓ ﺑﺪﻭﻧﻲ ..
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﺎﻱ ..
-------------------------
ﺟﺮﺍﺡ ﺍﻟﻠﻲ ﻛﺎﻥ ﻓﻲ ﺍﻟﻮﺭﺷﺔ ﻣﻮ ﺣﺎﺳﺲ ﺑﻨﻔﺴﻪ ﺍﺑﺪ .. ﻣﻮ ﺍﻟﺼﺒﺢ
ﻭﻫﻮ ﺭﺍﻗﺪ ﻋﻠﻰ ﺍﻟﻤﻜﺘﺐ .. ﻳﻌﺪﻝ ﻓﻲ ﺭﻗﺪﺗﻪ ﺑﻌﺪ .. ﻣﻦ ﺯﻭﺩ ﺍﻟﺘﻌﺐ
ﺍﻟﻠﻲ ﻳﻮﺍﺟﻬﻪ ﻳﻮﻣﻴﺎ ﻧﺴﺒﺔ ﺍﻟﻨﻮﻡ ﻋﻨﺪﻩ ﺻﺎﺭﺕ ﻗﻠﻴﻠﺔ .. ﻭﺣﺘﻰ
ﺑﺴﻴﻄﺔ .. ﻓﻠﺬﺍ ﻛﺎﻥ ﻳﻌﻮﺽ ﻫﺎﻟﻨﻮﻡ ﻓﻲ ﺍﻟﻨﻮﻡ ﺑﺎﻟﺸﻐﻞ .. ﺍﻟﻠﻲ ﻳﻨﺘﺞ
ﻋﻨﻪ ﺗﻌﻄﻴﻞ ﻓﻲ ﺍﻻﺷﻐﺎﻝ ..
ﺭﻥ ﺗﻠﻔﻮﻧﻪ ﻭﺍﻧﺘﻔﺾ ﻣﻦ ﻣﻜﺎﻧﻪ ﻭﻫﻮ ﻳﺘﺜﺎﻭﺏ .. ﺷﺎﻑ ﺍﻥ ﻟﺆﻱ ﺍﻟﻤﺘﺼﻞ
ﺟﺮﺍﺡ ﺑﺼﻮﺗﻪ ﺍﻟﻤﺘﺮﻭﺱ ﻧﻮﻭﻡ : ﺍﻟﻮﻭﻭﻭ
ﻟﺆﻱ : ﻳﺨﺴﺴﺴﺴﺴﺴﺲ ﻫﺎﻟﺼﻮﻭﻭﻭﺕ ﻭﺭﺍﻋﻴﻪ ﺍﻟﻘﺎﻃﻊ ﺍﻟﻠﻲ ﻣﺎ
ﻳﺴﺘﺤﻲ ﻋﻠﻰ ﻭﻳﻬﻪ
ﺟﺮﺍﺡ : ﺟﺐ ﺟﺐ .. ﺍﻧﺎ ﺍﻟﻠﻲ ﻣﺎ ﺍﺳﺘﺤﻲ ﻭﻻ ﺍﻧﺖ ؟؟ﻣﺎ ﺗﺴﺄﻝ ﻋﻨﻲ
ﻣﻦ ﺭﺩﻳﺖ ﻭﻻ ﺷﻲ .. ﺧﻼﺹ .. ﺻﺮﺕ ﺭﻳﺎﻝ ﺑﻴﺘﻨﺎ ﺧﻼﺹ ﻃﻠﻌﺖ ﻣﻦ
ﺍﻟﻘﺮﻭﻭﺏ
ﻟﺆﻱ : ﺟﺐ ﻭﻻ ﻛﻠﻤﺔ ﺍﻧﺖ ﺍﺻﻼ ﺍﻛﺒﺮﺭﺭﺭﺭﺭ ﺧﺎﻳﻦ ﻭﺍﻛﺒﺮﺭﺭﺭﺭﺭ ﻟﻮﻭﺗﻲ ..
ﺍﻧﺎ ﺗﺪﺭﻱ ﻟﻴﺶ ﻣﺘﺼﻞ ﻓﻴﻚ .. ﻋﺸﺎﻥ ﺷﻲ ﻭﺍﺣﺪ ﺑﺲ
ﺟﺮﺍﺡ : ﺷﻨﻮﻭﻭﻭ
ﻟﺆﻱ : ﺧﺘﻔﺘﻔﺘﻔﺘﻔﺘﻔﺘﻮﻭﻭﻭﻭﻭﻭﻭﻭﻭﻭﻭ ﻋﻠﻴﻴﻴﻴﻴﻴﻴﻚ ..
ﺟﺮﺍﺡ : ﻣﺎﻟﺖ ﻋﻠﻴﻚ ﻳﺎﻟﺤﻤﺎﺭ ..
ﻟﺆﻱ : ﻭﻳﻨﻚ ﻓﻲ .؟؟؟
ﺟﺮﺍﺡ ﻭﻫﻮ ﻳﺘﺜﺎﻭﺏ : ﻓﻲ ﺍﻟﻮﺭﺷﺔ ﺑﻌﺪ ﻭﻳﻦ ..
ﻟﺆﻱ : ﻛﻞ ﻫﻨﺎﺍﺍﺍﻙ؟؟؟
ﺟﺮﺍﺡ : ﻫﺬﺍ ﻭﺍﻧﺎ ﻛﻞ ﻫﻨﺎﻙ ﻭﺍﻟﺸﻐﻞ ﻣﺘﻌﻄﻞ .. ﻭﺍﻟﻠﻪ ﻣﺤﺘﺎﺝ ﻻﺣﺪ
ﻳﺴﺎﻋﺪﻧﻲ ﻟﺆﻱ ﻣﺎ ﺍﻗﺪﺭ ﺍﺣﻂ ﺑﺎﻟﻲ ﻋﻠﻰ ﻛﻞ ﺷﻲ ..
ﻟﺆﻱ : ﻳﺎﻟﻬﻴﺴﺴﺴﺴﺲ ﺍﻻﺭﺑﺪ ﻭﺍﻧﺎ ﻭﻳﻦ ﺭﺣﺖ ..
ﺟﺮﺍﺡ ﻭﻫﻮ ﻳﺘﺬﻛﺮ ﻛﻼﻡ ﻣﺴﺎﻋﺪ ﻋﻦ ﻟﺆﻱ : ﺍﻱ ﺗﻌﺎﺍﺍﺍﺍﺍﺍﺍﺍﺍﺍﻝ ﺫﻛﺮﺗﻨﻲ ..
ﺻﺞ ﺗﺒﻲ ﺗﺸﺘﻐﻞ ﻭﻳﺎﻱ؟؟
ﻟﺆﻱ : ﻣﺎﺍﺍﺍﺍﺍﺍﺍﻟﺖ ﻋﻠﻴﻚ ﺗﻮ ﺍﻟﻨﺎﺱ ﺗﻌﺮﺽ ﻋﻠﻲ ﺍﻟﺸﻐﻞ .. ﻳﺎﺧﻲ
ﺷﻐﻠﻨﻲ ﺍﺑﻲ ﺍﺗﺰﻭﺝ ﻭﺍﻟﻠﻪ ﺫﺍﻳﺒﺔ ﺣﻨﺎﻳﺎﻱ ﻭﺍﻧﺎ ﺍﻟﻌﻲ ﺑﻬﺎﻟﺴﺎﻟﻔﺔ ...
ﺟﺮﺍﺡ : ﻻ ﺗﻠﻌﻲ ﻭﻻ ﺷﻲ .. ﺗﻌﺎﻝ ﺍﻱ ﻭﻗﺖ .. ﻭﺍﻻ ﺍﻗﻮﻝ ﻟﻚ .. ﺧﻠﻨﻲ
ﺍﻋﻠﻤﻚ ﻣﻦ ﺍﻟﺤﻴﻦ ﺩﺍﻣﻚ ﻓﺎﺿﻲ ..
ﻟﺆﻱ : ﺷﺪﺭﺍﻙ ﺍﻧﻲ ﻓﺎﺿﻲ؟؟
ﺟﺮﺍﺡ : ﺍﻧﺖ ﺩﻭﻣﻚ ﻓﺎﺿﻲ ﻭﺍﻛﻴﺪ ﻗﺎﺑﺾ ﻫﺎﻟﺴﻴﺎﺭﺓ ﻭﺗﻠﻮﻭﻭﻱ ﻓﻴﻬﺎ ..
ﻟﺆﻱ ﻭﻫﻮ ﻳﻤﺜﻞ ﺑﺎﻟﺼﻴﺎﺡ : ﺍﺣﺒﻚ ﺟﺮﺍﺡ .. ﺩﻭﻣﻚ ﺣﺎﺱ ﻓﻴﻨﻲ ..
ﻳﺎﺧﻲ ﺷﻬﺎﻟﻘﻠﺐ ﺍﻟﺤﻨﻮﻥ ﺍﻟﻠﻲ ﺗﺤﻤﻠﻪ ﻓﻲ ﺻﺪﺭﻙ .. ﺍﺑﻮﻭﻭﻭﻭﺱ ﻗﻠﺒﻚ
ﺍﻧﺎ ..
ﺟﺮﺍﺡ ﻭﻫﻮ ﻳﻀﺤﻚ : ﻳﺎ ﻋﻴﻨﻲ ﻋﻠﻴﻚ ﺍﻧﺖ ﻳﺎ ﻧﺎﻋﻢ ﻳﺎ ﺭﻗﻴﻖ .. ﻳﺎﻟﻠﻪ
ﻫﺰ ﻃﻮﻟﻚ ﻭﺗﻌﺎﻝ ﻭﻻ ﺗﺘﺎﺧﺮ
ﻟﺆﻱ : ﻋﻄﻨﻲ ﺍﻟﻌﻨﻮﺍﻥ ﺯﻳﻦ ...
ﻣﻦ ﺑﻌﺪ ﻣﺎ ﻋﻄﻰ ﺟﺮﺍﺡ ﻟﺆﻱ ﺍﻟﻌﻨﻮﺍﻥ ﺳﻜﺮ ﺍﻟﺘﻠﻔﻮﻥ ﻭﻭﻳﻬﻪ ﻣﺘﻬﻠﻞ ..
ﻭﺍﺧﻴﻴﻴﺮﺍ ﻟﻘﻰ ﻟﻪ ﺍﻟﻤﺴﺎﻋﺪ .. ﻭﻣﻦ ﺑﻌﺪ .. ﺍﻋﺰ ﺭﻓﻴﺞ ﻋﻠﻰ ﻗﻠﺒﻪ ﻭﻣﻦ
ﺍﻻﻫﻞ ﻭﻣﺼﻠﺤﺘﻬﻢ ﻣﺸﺘﺮﻛﺔ . ﺍﻟﺤﻴﻦ ﻣﺎ ﺑﺎﻗﻲ ﺍﻻ ﺍﺳﻨﻊ ﻟﻪ ﺍﻟﺸﻐﻞ ﺯﻳﻦ
ﺑﺲ ﻃﺒﻌﺎ ﺷﻐﻞ ﻣﺜﻞ ﻫﺬﺍ ﻣﺎﻛﻮ ﺿﻤﺎﻧﺎﺕ ﻭﻻ ﺷﻲ ﻣﻦ ﻫﺎﻟﻜﻼﻡ ﻟﻜﻦ
ﺍﻻﺟﺮ ﺯﻳﻦ .. ﻭﻳﻤﻜﻦ ﻳﻌﺘﺒﺮ ﻫﺎﻟﺸﻐﻞ ﻣﺆﻗﺖ ﻟﻤﻦ ﻳﻠﻘﻰ ﺷﻐﻞ ﺍﺣﺴﻦ
ﻣﻨﻪ .. ﻭﻣﻦ ﻳﺪﺭﻱ ﻳﻤﻜﻦ ﻳﺘﻮﺳﻊ ﺷﻐﻞ ﺍﻟﻮﺭﺷﺔ .. ﻭﺗﺼﻴﺮ ﻓﻲ ﻳﻮﻡ
ﺷﺮﻛﺔ .. ﺑﺲ ﻻ ﻧﻄﻤﻊ ﻭﻧﺨﻠﻲ ﺍﻻﺷﻴﺎﺀ ﺗﻤﺮ ﺑﻬﺪﻭﺀ .. ﻣﺜﻞ ﻣﺎ ﻛﺎﻧﺖ ..
-----------------------
ﺍﺍﻻﻧﺘﻈﺎﺭ ﻟﻠﺴﺎﻋﺔ ﺍﺭﺑﻊ ﻛﺎﻥ ﻣﺜﻤﺮ .. ﻭﻣﺮﻳﻢ ﻃﻮﻝ ﻫﺎﻟﻮﻗﺖ ﺍﺳﺘﻐﻠﺘﻪ
ﻋﺸﺎﻥ ﺍﺷﻴﺎﺀ ﻣﻔﻴﺪﺓ ﻟﻬﺎ .. ﻣﺜﻞ ﺗﺪﺭﻳﻢ ﺍﻇﺎﻓﺮﻫﺎ ﻭﻳﺎﺍ ﺍﺧﺘﻬﺎ ﻧﻮﺭﺓ ..
ﻭﻣﻦ ﺑﻌﺪﻫﺎ ﺻﺒﻐﺖ ﺷﻌﺮﻫﺎ ﺑﻠﻮﻥ ﺍﻓﺘﺢ ﻣﻦ ﻟﻮﻥ ﺷﻌﺮﻫﺎ ﻭﺻﺎﺭ ﺟﻨﺎﻥ
ﻣﻦ ﺑﻌﺪ ﻣﺎ ﻏﺴﻠﺘﻪ ﻭﺳﺸﻮﺭﺗﻪ .. ﻭﻟﺒﺴﺖ ﺑﻬﺎﻟﻤﻨﺎﺳﺒﺔ ﺑﺪﻟﺔ ﺑﺘﺪﺭﺝ ﺍﻟﻠﻮﻥ
ﺍﻻﺧﻀﺮ ﺍﻟﻠﻲ ﺍﻫﻲ ﻣﻐﺮﻣﺔ ﻓﻴﻪ .. ﻭﺗﻔﻨﻨﺖ ﻋﺎﺩ ﻫﻲ ﻓﻲ ﺍﻟﻤﻴﻜﺐ ﺍﻟﻲ
ﺣﺎﻃﺘﻪ ﻋﺸﺎﻥ ﺗﺒﻴﻦ ﺍﻧﻬﺎ ﺍﻧﺴﺎﻧﺔ ﻣﺘﺄﻟﻘﺔ ﻭﻣﺮﺓ ﻭﺣﺪﺓ ﺑﺘﺨﺒﺮ ﺍﻡ ﺟﺮﺍﺡ
ﺑﺴﺎﻟﻔﺔ ﺳﻔﺮﻫﺎ .. ﻫﺎﻟﺸﻲ ﺑﻔﺮﺣﻬﻢ ﻻﻧﻬﻢ ﺑﻴﺮﺩﻭﻥ ﻭﻳﺎﻫﻢ ﻓﺎﺗﻦ .. ﻳﺎ ﺍﻟﻠﻪ
ﻓﺘﻮﻭﻥ ﻣﺎ ﻳﻨﺪﺭﻯ ﺷﻠﻮﻥ ﺗﻐﻴﺮﺕ ﻭﻻ ﺗﻌﺪﻝ ﺷﻜﻠﻬﺎ ..ﻳﻤﻜﻦ ﻧﺤﻔﺖ
ﻭﻳﻤﻜﻦ ﺯﺍﺩﺕ ﺍﻟﺒﻄﺔ ﺍﺩﺭﻳﺒﻬﺎ ﺍﺫﺍ ﻛﺎﻧﺖ ﺑﺮﻭﺣﻬﺎ ﺗﺴﻮﻱ ﺍﻟﻌﻤﺎﻳﻞ ..
ﺍﻟﻠﻲ ﻛﺎﻧﻮ ﺑﻴﺮﻭﺣﻮﻥ ﺑﻬﺎﻟﺰﻳﺎﺭﺓ ﺍﻫﻲ ﻣﺮﻳﻢ ﻭﺍﺧﺘﻬﺎ ﻧﻮﺭﺓ ﻻﻥ ﺍﻣﻬﻢ
ﺑﺘﺮﻭﺡ ﺗﻌﺰﻱ ﻧﺎﺱ ﻣﻦ ﺟﻴﺮﺍﻧﻬﻢ ..
ﻧﻮﺭﺓ : ﺯﻳﻦ ﻣﻦ ﺑﻴﺎﺧﺬﻧﺎ؟
ﻣﺮﻳﻢ ﻭﻫﻲ ﺗﺤﻂ ﺍﻟﻤﺎﺳﻜﺮﺍ : ﻣﺴﺎﻋﺪ ﺍﻟﻲ ﺑﻴﺎﺧﺬﻧﺎ ..
ﻧﻮﺭﺓ : ﻭﻟﻴﺶ ﻣﻮ ﻟﺆﻱ؟؟ ﺍﺣﺴﻦ .. ﻋﺎﻻﻗﻞ ﺑﻨﻮﺻﻞ ﺑﺴﺮﻋﺔ
ﻣﺮﻳﻢ : ﻻﺍﺍ ﻣﻮ ﺟﺬﻱ .. ﺍﻧﺎﺍﺑﻲ ﻣﺴﺎﻋﺪ ﻳﺎﺧﺬﻧﻲ ﻗﺒﻞ ﻣﺤﻞ ﺟﺬﻱ
ﺍﺷﺘﺮﻱ ﻓﻴﻪ ﻫﺪﻳﺔ ..
ﻧﻮﺭﺓ : ﻭﺍﺍﻱ ﺍﻧﺘﻲ ﻟﻴﺶ ﻣﺎ ﻗﻠﺘﻴﻠﻲ ﺍﻧﺎ ﺑﻌﺪ ﺑﺸﺘﺮﻱ ﻫﺪﻳﺔ
ﻣﺮﻳﻢ ﺑﻈﻴﺞ : ﻳﻌﻨﻲ ﻳﺎ ﻧﻮﺭﺓ ﺭﺍﻳﺤﻴﻦ ﺑﻴﺖ ﺍﻟﻨﺎﺱ ﻭﻫﻮ ﻳﺪﻳﺪ ﺷﻠﻮﻥ
ﻣﺎ ﺗﻔﻜﺮﻳﻦ ﺑﻬﺎﻟﺸﻲ ..
ﻧﻮﺭﺓ : ﻻ ﺯﻳﻦ ﺯﻳﻦ ﻗﻠﺘﻴﻠﻲ .. ﻟﻜﻦ ﺍﻟﺤﻴﻦ ﺷﺸﺘﺮﻱ ﻟﻬﻢ
ﻣﺮﻳﻢ : ﺍﻱ ﺷﻲ .. ﺍﻧﺎ ﺑﺎﺧﺬ ﻟﻬﻢ ﻫﺎﻱ ﺁﻟﻪ ﺍﻟﻘﻬﻮﺓ ﻭﻳﺎ ﺍﻟﻜﺎﺑﺎﺗﺸﻴﻨﻮ ..
ﻭﻭﺭﺩ .. ﻭﻣﺴﺎﻋﺪ ﻗﺎﻝ ﺑﻴﺸﺘﺮﻱ ﻫﺪﻳﺔ ﻏﻴﺮ ﻟﻬﻢ ..
ﻧﻮﺭﺓ : ﺍﻭﻭﻑ ﻋﻴﻞ ﺍﻧﺎ ﺷﺸﺘﺮﻱ ﻟﻬﻢ؟؟
ﻣﺮﻳﻢ : ﺍﻱ ﺷﻲ ﺗﺤﻔﺔ ﻓﻨﻴﺔ ﻭﻻ ﺷﻲ ..
ﻧﻮﺭﺓ ﻭﻫﻲ ﺗﻔﻜﺮ : ﻻﻻﻻ ﺗﺪﺭﻳﻦ .. ﺍﻧﺎ ﺑﺸﺘﺮﻱ ﻟﻬﻢ ﺷﻲ ﻣﻦ ﻣﺤﻞ
ﺍﻧﺘﻴﻜﺎﺕ .. ﺷﻲ ﺟﺬﻱ ﺩﻳﺰﺍﻳﻦ ﻭﺷﻤﻮﻉ ﻭﻫﺎﻟﺴﻮﺍﻟﻒ .. ﺣﻠﻮ ﺻﺢ
ﻣﺮﻳﻢ ﺗﺒﺘﺴﻢ ﻟﻬﺎ : ﻣﻦ ﺧﺒﻴﺮﺓ ﺍﻟﺸﻤﻊ ﻛﻞ ﺷﻲ ﺣﻠﻮﻭ
ﻧﻮﺭﺓ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ .. ﺯﻳﻦ ﺍﻧﺎ ﺑﺨﻠﻴﺞ ﺑﺮﻭﺡ ﺍﺳﻨﻊ ﺭﻭﺣﻲ
ﻣﺮﻳﻢ ﻣﻦ ﻏﻴﺮ ﻣﺎ ﺗﻨﺎﻇﺮ ﻧﻮﺭﺓ : ﺍﻧﺎ ﺑﺮﻭﺡ ﻣﻦ ﻏﻴﺮ ﻋﺒﺎﺓ ..
ﻧﻮﺭﺓ ﺍﻟﺘﻔﺘﺖ ﻟﻬﺎ : ﺑﺨﻠﻴﺞ ﻣﺴﺎﻋﺪ؟
ﻣﺮﻳﻢ : ﻣﻼﺑﺴﻲ ﺣﺸﺎﻡ ﻳﻌﻨﻲ ﻭﻛﻠﻬﺎ ﺑﺎﻟﺴﻴﺎﺭﺓ ﺭﻭﺣﻪ ﻭﺭﺩﻩ
ﻧﻮﺭﺓ : ﺍﻣﻤﻢ ﺻﺢ .. ﻋﻴﻞ ﺍﻧﺎ ﺑﻌﺪ ﺑﺮﻭﺡ ﻭﻳﺎﺝ ﻧﻔﺲ ﺍﻟﺸﻲ ..
ﻣﺮﻳﻢ : ﺑﺨﻠﻴﺞ ﻓﻴﺼﻞ؟؟
ﻧﻮﺭﺓ ﺑﺤﺎﻟﻤﻴﺔ : ﻭﻳـــﻪ ﻣﻦ ﻓﻴﺼﻞ .. ﻫﺬﺍ ﻟﻮ ﺍﻗﻮﻝ ﻟﻪ ﺍﺷﺮﺏ ﺳﻢ ﻋﻨﻲ
ﻳﺸﺮﺑﻪ
ﻣﺮﻳﻢ : ﻭﻳــــــــــــــــــﻪ ﻋﺎﺍﺍﺍﺩ ﻋﻄﻮﻧﺎ ﺷﻮﻱ
ﻧﻮﺭﺓ ﺑﻬﺠﻮﻡ : ﻣﺎﻛﻮ ﻳﺎﻟﻠﻪ ﺫﻟﻔﻲ .. ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺭﺍﺣﺖ ﻧﻮﺭﺓ ﻭﻣﺮﻳﻢ ﺗﻀﺤﻚ ﻋﻠﻴﻬﺎ ﻭﺗﺪﻋﻲ ﻓﻲ ﻗﻠﺒﻬﺎ ﺍﻥ ﺍﻟﻠﻪ ﻳﺤﻔﻆ
ﺍﻟﻠﻲ ﺑﻴﻦ ﺍﺧﺘﻬﺎ ﻭﺭﻳﻠﻬﺎ .. ﻭﻣﻦ ﺍﺧﺘﻬﺎ ﻭﺭﻳﻠﻬﺎ ﺍﻳﻴﻬﺎ ﺍﻫﻲ ﻭﻳﺎ ﺟﺮﺍﺣﻮﻭ
ﺍﻟﺤﻤﺎﺭ ﻭﺧﻼﺹ ﻳﺮﺗﺎﺣﻮﻭﻥ .. ﻣﻠﺖ ﻣﻦ ﺍﻟﻬﺒﺎﻝ ﻭﻳﺎﻩ ﻭﺍﻻﺳﺘﻬﺒﺎﻝ ..
ﺍﻟﺤﻴﻦ ﻛﻞ ﺷﻲ ﻻﺯﻡ ﻳﺘﻌﺪﻝ .. ﻣﻮ ﺑﻴﺘﻬﻢ ﺯﻫﺐ .. ﺧﻼﺹ ﺍﻫﻮﻭ ﻗﺎﻝ
ﻟﻲ ﻫﺎﻟﺸﻲ ﺍﻧﻪ ﺑﻴﻲ ﻳﺨﻄﺒﻨﻲ .. ﻓﺪﻳﺖ ﻋﻤﺮﻩ ﻭﺍﻟﻠﻪ ﻟﻮ ﻳﺒﻴﻨﻲ ﺍﺭﻭﺡ
ﻭﻳﺎﻩ ﺍﻟﻤﺤﻜﻤﺔ ﻭﺑﺲ ﺧﻼﺹ ﺑﻮﺍﺍﺍﺍﺍﺍﺍﺍﺍﺍﺍﺍﺍﺍﻓﻖ . ﻓﺪﻳﺖ ﻋﻤﺮﻩ ﻭﺍﻟﻠﻪ ..
ﺟﺮﺍﺡ ﺍﻟﻠﻲ ﺷﺎﻑ ﺍﻥ ﻟﺆﻱ ﻣﺎ ﻳﻔﻬﻢ ﺷﻲ ﻓﻲ ﺍﻟﺤﺴﺎﺑﺎﺕ ﺧﻠﻪ ﻣﺴﺌﻮﻟﻴﺔ
ﺍﻟﻄﻠﺒﺎﺕ ﻭﺍﻟﻌﻤﺎﻝ ﻋﻠﻴﻪ ﻭﻫﻮ ﺍﺳﺘﻠﻢ ﺍﻟﺤﺴﺎﺑﺎﺕ ﻭﺍﻟﺘﻮﺻﻴﻼﺕ .. ﻭﻣﺮﺓ
ﻭﺣﺪﺓ ﺻﺎﺭﺕ ﺍﻟﺸﻐﻠﺔﺍ ﺳﻬﻞ ﻣﻨﻬﺎ ﻣﺎ ﻓﻲ .. ﻭﻳﻤﻜﻦ ﺑﻌﺪ ﻳﺤﺘﺎﺟﻮﻥ
ﻭﺍﺣﺪ ﺛﺎﻟﺚ ﺑﺲ ﺧﻠﻬﻢ ﻳﺸﻮﻓﻮﻥ ﺍﻻﺣﻮﺍﻝ ﻭﻫﻢ ﺍﺛﻨﻴﻦ ﺑﻌﺪﻳﻦ
ﻳﻘﺮﺭﻭﻥ ..
ﻭﺗﻢ ﺍﻟﺸﻐﻞ ﺑﺎﺳﻬﻞ ﻣﺎ ﻳﻜﻮﻥ ﻭﺗﻮﺻﻠﻮﺍ ﻟﺸﻲ .. ﺍﻥ ﺷﺎﺣﻨﻪ ﻭﺣﺪﺓ ﻣﺎ
ﺗﻜﻔﻴﻬﻢ ﻭﻳﺒﻴﻠﻬﻢ ﺍﻛﺜﺮ .. ﻋﺸﺎﻥ ﻳﻘﺪﺭﻭﻥ ﻳﻮﺻﻠﻮﻥ ﺍﻟﺸﻲ ﻣﺮﺗﻴﻦ ﻓﻲ
ﻧﻔﺲ ﺍﻟﻮﻗﺖ ﻟﻤﻜﺎﻧﻴﻦ ﻣﺨﺘﻠﻔﻴﻦ .. ﻭﻫﺎﻟﻔﻜﺮﺓ ﻛﺎﻧﺖ ﻃﺒﻌﺎ ﻣﻦ ﺭﺅﻳﺎ
ﺍﻟﺸﺮﻳﻚ ﺍﻟﻴﺪﺩ ﻟﺆﻱ ﺍﻟﻠﻲ ﻛﺎﻥ ﻣﺴﺘﻤﺘﻊ ﻣﻦ ﻗﻠﺐ .. ﺷﻐﻼﻧﻪ ﺳﻬﻠﻪ ﻭﻣﺎ
ﻳﺒﻴﻠﻬﺎ ﺣﻚ ﻣﺦ ﻭﻋﻮﺍﺭ ﺭﺍﺱ ﻭﻻ ﻣﺪﻳﺮ ﻳﺼﺮﺥ ﻭﻻ ﺷﻲ .. ﺍﻟﺪﻭﺍﻡ ﻣﻦ
8 ﺍﻟﻰ ﺍﺭﺑﻊ ﺍﺳﺘﺮﺍﺣﺔ ﺳﺎﻋﺘﻴﻦ ﻣﻦ 12 ﺍﻟﻰ 2 ﻭﺷﺎﺣﻠﻰ ﻣﻦ
ﻫﺎﻟﺸﻐﻼﻧﺔ . ﻭﺍﻟﺮﺍﺗﺐ ﺑﻌﺪ ﺯﻳﻦ ﻋﻠﻰ ﻗﺪ ﺍﻟﺤﺎﻝ
ﺟﺮﺍﺡ ﻭﻫﻮ ﻣﺒﺘﺴﻢ : ﻫﺎ ﺷﺮﺍﻳﻚ ﺑﺎﻟﺸﻐﻞ
ﻟﺆﻱ ﻭﻫﻮ ﻣﻴﺖ ﻣﻦ ﺍﻟﻔﺮﺣﺔ : ﻻ ﺗﺤﺎﺟﻴﻨﻲ ﻭﺍﻟﻠﻪ ﺍﻥ ﺭﺩﻳﺖ ﺍﻟﺒﻴﺖ
ﺯﻳﻦ .. ﻫﻬﻬﻬﻬﻬﻬﻬﻬﻬﺎﻱ
ﺟﺮﺍﺡ : ﺷﺪﻋﻮﺓ ﻛﻠﻪ ﺍﻻ ﺷﻐﻞ
ﻟﺆﻱ ﻭﻫﻮ ﺑﻄﺮﻳﻘﺘﻪ ﺍﻟﻤﺒﺎﻟﻐﺔ ﻓﻲ ﻭﺻﻒ ﻣﺸﺎﻋﺮﻩ : ﺗﻌﺮﻑ ﺷﻨﻮ ﻳﻌﻨﻲ
ﻗﻌﺪﺓ ﺍﻟﺒﻴﺖ؟؟ ﺍﺍﺍﺍﺍﺍﺍﺍﺍﻩ ﻳﺎ ﺟﺮﺍﺡ ﺩﻣﺎﺍﺍﺍﺍﺍﺍﺍﺍﺍﺭ ﻫﺬﻱ ﺗﺤﻄﻢ ﻛﻞ ﺍﻟﻠﻲ
ﻓﻴﻨﻲ .. ﻣﺌﺪﺭﺭﺭﺭﺭﺵ ﺍﺋﻌﺪ ﺍﻛﺘﺮ ﻫﻨﺎﺍﺍﻙ ﻳﺎ ﺭﺍﺍﻗﻞ ..
ﺟﺮﺍﺡ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺍﻭﻛﻴﻚ ﻳﺎ ﺳﻨﻴﺔ ﺑﺲ ﺧﻼﺹ .. ﺍﻟﻮﺭﺷﺔ
ﻭﺭﺷﺘﻚ ﻭﻭﻗﺖ ﻣﺎ ﺗﺒﻲ ﺍﻓﺘﺤﻬﺎ ﻭﺍﺷﺘﻐﻞ
ﻟﺆﻱ : ﻻﻧﻲ ﺍﺣﺐ ﺍﻟﻨﺠﺎﺭﺓ ﺑﻌﺪ ﻭﺍﺣﺐ ﺍﻻﺑﺘﻜﺎﺭ
ﺟﺮﺍﺡ ﻳﺬﻛﺮ ﻟﺆﻱ ﺑﺎﻟﻤﺪﺭﺳﺔ ﻛﺎﻥ ﻳﺮﻗﺪ ﻃﻮﻝ ﺍﻟﻮﻗﺖ ﻭﺑﺤﺼﻪ ﺍﻟﺘﺪﺭﻳﺐ
ﺍﻟﻤﻬﻨﻲ ﻳﻘﻮﻭﻭﻡ .. ﻭﺿﺤﻚ ﻋﻠﻴﻪ .. ﻭﺑﺎﻟﺴﻮﺍﻟﻒ ﻣﻨﻲ ﻭﻣﻨﺎﻙ ﺍﺑﺘﺪﺕ
ﺳﺎﻟﻔﺔ ﻻ ﺧﻄﺮﺕ ﻋﻠﻰ ﺑﺎﻝ ﺟﺮﺍﺡ ﻭﻻﺍﺍ ﻣﺎﻟﺖ ﺣﺘﻰ ..
ﺟﺮﺍﺡ : ﻣﺘﻰ ﺍﻟﺴﻔﺮ؟
ﻟﺆﻱ : ﺍﻭﻭﻭﻑ ﻻ ﺗﺴﻜﺖ .. ﻳﻮﻡ ﺍﻟﺨﻤﻴﺲ ﺍﻟﺴﻔﺮ ﻭﺍﻟﻮﺻﻮﻝ ﻳﻮﻡ
ﺍﻟﺠﻤﻌﺔ ﻭﺍﻣﻲ ﺣﺎﺷﺮﺗﻨﺎ ﺑﺎﻟﺒﻴﺖ ﻭﻋﺎﻓﺴﺘﻪ ﺑﺰﻋﻠﻬﺎ؟
ﺟﺮﺍﺡ : ﻟﻴﺶ؟؟
ﻟﺆﻱ : ﺑﻌﺪ ﻣﺴﺎﻋﺪ ﻣﻮ ﻛﻔﺎﻳﺔ ﺍﻧﻪ ﻫﻮ ﺑﻴﺮﻭﺡ ﺑﻌﺪ ﺑﻴﺎﺧﺬ ﻭﻳﺎﻩ ﻣﺮﻳﻢ ..
ﺑﻬﺖ ﺟﺮﺍﺡ ... ﻣﺮﻳﻢ ... ﻟﻴﺸﺸﺸﺸﺸﺸﺸﺶ : ﻣﻦ ﺑﻴﺮﻭﺡ ﻭﻳﺎﻩ؟
ﻟﺆﻱ : ﺍﻟﺮﻳﻢ ﺍﻟﻌﺼﻼ ...
ﺭﺟﻒ ﻗﻠﺐ ﺟﺮﺍﺡ .. ﻫﺎﺫﻱ ﺍﻟﺤﻤﺎﺭﺓ ﺷﻠﻮﻥ ﺗﺴﺎﻓﺮ ﻭﻣﺎ ﺗﻘﻮﻝ ﻟﻲ :
ﻭﻣﻦ ﻗﺎﻝ ﻟﻚ ﺍﻧﻬﺎ ﺑﺘﺴﺎﻓﺮ ﻭﻳﺎ ﺍﺧﻮﻙ؟
ﻟﺆﻱ ﻭﻫﻮ ﻳﻀﺤﻚ ﺑﺴﺨﺮﻳﺔ : ﻣﺎ ﻳﺤﺘﺎﺝ ﺍﻻﺳﺘﻌﺪﺍﺩﺍﺕ ﻋﻠﻰ ﺳﺎﻕ
ﻭﻗﺪﻡ .. ﻭﻣﺮﻳﻢ ﺍﻟﻠﻪ ﻳﻬﺪﺍﻫﺎ ﻟﻮ ﻣﺎﺗﺒﻲ ﺗﻌﺮﻑ ﺍﺣﺪ ﻳﺪﺭﻱ ﻛﻔﺎﻳﺔ
ﺍﻏﺮﺍﺿﻬﺎ ﻭﺳﻮﺍﻟﻔﻬﺎ ﺍﻟﻠﻲ ﻳﺪﺭﻱ ﻋﻨﻬﺎ ﺣﺘﻰ ﺭﺍﻋﻲ ﺍﻟﺠﻤﻌﻴﺔ ..
ﺳﻜﺖ ﺟﺮﺍﺡ ﻭﻫﻮ ﻳﺤﺲ ﺑﻤﺮﺍﺭﺓ ﺗﻄﻮﻑ ﻓﻲ ﺣﻠﺠﻪ .. ﻭﻣﻦ ﻣﺘﻰ
ﺗﺪﺭﻱ ﺍﻫﻲ ﺑﻬﺎﻟﺴﺎﻟﻔﺔ؟ ﻭﻣﺎ ﻓﻜﺮﺕ ﺣﺘﻰ ﺗﺨﺒﺮﻧﻲ .. ﺷﻠﻮﻥ ﺑﺘﺴﺎﻓﺮ ..
ﻭﺷﻜﺜﺮ ﺑﺘﻢ ﻫﻨﺎﻙ .. ﺗﻈﺎﻳﻖ ﺟﺮﺍﺡ ﻣﻦ ﻏﻴﺮ ﺍﻱ ﺳﺒﺐ .. ﻳﻤﻜﻦ ﻻﻧﻪ ﻛﺎﻥ
ﻣﺘﻮﻗﻊ ﺍﻧﻬﺎ ﺗﻜﻮﻥ ﻣﻮﺟﻮﺩﺓ ﻭﻣﻌﺎﻩ ﺑﻨﻔﺲ ﺍﻟﺪﻳﺮﺓ ﺧﺼﻮﺻﺎ ﻭﺍﻟﺤﻴﻦ
ﺭﺩﻭﺍ ﺑﻴﺘﻬﻢ ﻭﺍﻟﻤﺴﺎﻓﺔ ﻗﺼﺮﺕ ﻳﻌﻨﻲ ﺣﺘﻰ ﻟﻮ ﻣﺎ ﺷﺎﻓﻬﺎ ﻳﻄﻤﻦ ﻗﻠﺒﻪ ..
ﻟﻴﺶ ﺑﺘﺴﺎﻓﺮ ﻣﻌﺎﻩ .. ﻟﻜﻦ ﻣﻌﻠﻴﻪ ﺍﻧﺎ ﻭﺭﺍﺝ ﻳﺎ ﻣﺮﻳﻢ .. ﺗﺮﻭﺣﻴﻦ
ﻭﺗﺴﺎﻓﺮﻳﻦ ﻭﺗﻴﻴﻦ ﻋﻠﻰ ﻛﻴﻔﺞ ﻭﺍﻧﺎ ﻫﻨﻲ ﻣﺜﻞ ﺍﻟﻄﺮﻃﻮﻭﻭﺭ .. ﻫﻴّﻦ ..
ﻟﺆﻱ : ﺍﻧﺰﻳﻦ ﻭﻳﻦ ﺍﺧﺬ ﻫﺬﺍ؟
ﺟﺮﺍﺡ ﻣﻦ ﻏﻴﺮ ﻧﻔﺲ : ﺧﺬﻩ ﺍﻟﻤﻜﺎﻥ ﺍﻟﻠﻲ ﺗﺒﻴﻪ
ﺍﺳﺘﻐﺮﺏ ﻟﺆﻱ : ﺯﻳﻦ ﺷﻔﻴﻚ ﺍﻧﺖ ﺍﻟﺤﻴﻦ؟
ﺟﺮﺍﺡ ﻭﻫﻮ ﻳﻘﻮﻡ : ﻣﺎﻓﻴﻨﻲ ﺷﻲ .. ﺍﻧﺎ ﺑﺮﻭﺡ ﺍﻟﺒﻴﺖ ﺑﺘﻢ ﻫﻨﻲ؟
ﻟﺆﻱ : ﻻ ﻣﺎ ﺑﺘﻢ ﺍﻟﺤﻴﻦ ﻳﺮﺩ ﻣﺴﺎﻋﺪ ﻭﺍﻟﻐﺪﻯ ﺑﻴﻨﺤﻂ ..
ﺟﺮﺍﺡ : ﻳﺎﻟﻠﻪ ﻋﻴﻞ ﺧﻠﻨﺎ ﻧﻘﻔﻞ ..
ﺭﺍﺡ ﻟﺆﻱ ﻟﻌﻨﺪ ﺍﻟﻤﻜﺘﺐ ﻭﺟﺮﺍﺡ ﻋﻨﺪ ﺍﻟﻌﻤﺎﻝ ﻭﻗﺎﻝ ﻟﻬﻢ ﺍﻧﻬﻢ ﺑﻴﺴﻜﺮﻭﻥ
ﻣﺒﺠﺮ ﺍﻟﻴﻮﻡ .. ﻣﻊ ﺍﻥ ﺍﻟﺸﻐﻞ ﺍﻟﻠﻲ ﻛﺎﻧﻮ ﻣﺨﻄﻄﻴﻴﻦ ﺍﻧﻪ ﻳﺰﻫﺐ ﺍﻟﻴﻮﻡ
ﻣﺎ ﺯﻫﺐ ﻟﻜﻦ ﺑﺎﺟﺮ ﻳﻮﻡ ﻳﺪﻳﺪ ﻭﺍﻥ ﺷﺎﺀ ﺍﻟﻠﻪ ﻳﺼﻴﺮ ﻛﻞ ﺷﻲ ﻻﻧﻪ ﺍﻥ
ﺗﻢ ﻫﻨﻲ ﺍﻛﺜﺮ ﻣﺎ ﺭﺍﺡ ﻳﺮﻛﺰ ﻭﺍﻟﺘﺮﻛﻴﺰ ﺍﻫﻢ ﺷﻲ ..
ﻃﻠﻊ ﺟﺮﺍﺡ ﻭﻳﺎ ﻟﺆﻱ ﻣﻦ ﺑﻌﺪ ﻣﺎ ﺳﻠﻤﻪ ﻧﺴﺨﺔ ﻣﻦ ﺍﻟﻤﻔﺎﺗﻴﺢ .. ﻭﺭﻛﺐ
ﺳﻴﺎﺭﺗﻪ ﺟﺮﺍﺡ ﻭﻋﻠﻰ ﻃﻮﻝ ﺗﺤﺮﻙ ﺍﻟﻰ ﺑﻴﺘﻬﻢ ...
-------------------------
ﻏﺰﻻﻥ ﻭﻫﻲ ﻓﺎﺿﺤﺔ ﺍﻣﻬﺎ ﻓﻲ ﺍﻟﺒﻴﺖ : ﻳﺎﺍ ﺍﻟﻠﻠﻠﻠﻠﻠﻠﻪ ﻳﻤﻤﻤﻤﻤﻤﻤﻤﻤﻤﺔ ﻻ
ﺗﻌﻄﻠﻴﻨﺎ ﺧﻠﻴﻨﺎ ﻧﺮﻭﻭﻭﺡ
ﺍﻡ ﺯﻳﺎﺩ ﻭﻫﻲ ﺗﻨﺰﻝ ﻣﻦ ﺍﻟﺪﺭﻱ ﻭﺍﻟﻌﺒﺎﻳﺔ ﺑﻴﺪ ﺍﻟﺨﺎﺩﻣﺔ ﺗﺒﺨﺮﻫﺎ ﻟﻬﺎ
ﻭﺑﺤﺰﻡ : ﻏﺰﻻﻥ ﻋﻼﻣﺞ ﻳﻤﺔ ﻣﻘﺮﻭﺻﺔ ﺟﺬﻱ ﺍﻟﻨﺎﺱ ﺗﻮﻫﺎ ﻣﺎ ﺍﺳﺘﺮﺍﺣﺖ
ﻓﻲ ﺑﻴﺘﻬﺎ ﻟﻮ ﺗﺨﻠﻴﻨﻬﺎ ﻟﺒﻌﺪ ﺑﺎﺟﺮ ﻳﺼﻴﺮ ﺧﻴﺮ ..
ﻏﺰﻻﻥ ﺑﺎﻧﺰﻋﺎﺝ ﻛﺒﻴﺮ : ﻻ ﻭﺍﻟﻠﻪ؟ .. ﺷﺮﺍﻳﺞ ﻣﺎ ﻧﺮﻭﺡ ﻟﻬﻢ ﻣﺮﺓ ﻭﺣﺪﺓ
ﺍﻡ ﺯﻳﺎﺩ : ﻳﻤﺔ ﻭﺍﻟﻠﻪ ﻓﺸﻠﺔ ﻣﺎﻋﺮﻑ ﺍﻟﺤﺮﻣﺔ ﻭﻻ ﺷﻲ ..
ﻏﺰﻻﻥ : ﻳﻤﺔ ﻫﺬﻱ ﻓﺮﺻﺘﺞ ﺍﻧﺞ ﺗﻌﺮﻓﻴﻨﻬﺎ
ﻏﺼﻮﻥ ﻭﻫﻲ ﻭﺍﻗﻔﺔ ﻋﻨﺪ ﺍﻟﺪﺭﻱ : ﻭﺍﻟﻠﻪ ﺍﻧﺎ ﻣﺎﺩﺭﻱ ﺍﻧﺘﻮﻭ ﺭﺍﻳﺤﻴﻦ
ﺗﺨﻄﺒﻮﻥ ﻟﻬﻢ ﻭﻻ ﺗﺰﻭﺭﻭﻧﻬﻢ .. ﻫﺬﻭﻝ ﻧﺎﺱ ﺑﺴﻴﻄﻴﻦ ﻭﻛﻞ
ﻫﺎﻻﺳﺘﻌﺪﺍﺩﺍﺕ ﻣﻮ ﻣﻬﻤﺔ ﻟﻬﻢ ﻳﺎ ﻏﺰﻻﻥ
ﻏﺰﻻﻥ ﻭﻫﻲ ﻣﺘﻮﺗﺮﺓ : ﺷﻮﻓﻲ ﻏﺼﻮﻭﻭﻥ ﻣﺎﻟﺞ ﺷﻐﻞ ﺯﻳﻦ ﺍﻧﺎ ﺑﺴﻮﻱ
ﺍﻟﻠﻲ ﺑﺴﻮﻳﻪ
ﻏﺼﻮﻥ ﺗﻜﻠﻢ ﺍﻣﻬﺎ : ﻫﺬﺍ ﺍﺧﺮ ﺍﻟﺪﻟﻊ ﻭﺍﻟﺪﻻﻝ ﺷﻮﻓﻲ ﺷﻤﺴﻮﻳﻪ ﻓﻴﻜﻢ
ﻫﺎﻟﺒﻨﺖ
ﻏﺰﻻﻥ : ﻭﺍﻟﻠﻪ ﻣﻮﺗﻲ ﺣﺮﺓ ﻣﻮ ﻛﻞ ﻳﻮﻡ ﺍﻧﺎ ﺑﻨﺘﻬﻢ ﺍﻟﺼﻐﻴﺮﺓ
ﺍﻡ ﺯﻳﺎﺩ ﺑﺤﺰﻡ ﻭﻫﻲ ﺗﺴﻜﺖ ﺍﻟﺜﻨﺘﻴﻦ : ﺑﺲ .. ﺑﺪﻥ .. ﻳﺎﻟﻠﻪ ﺳﻜﺘﻮﻭﻭﻭ ﻻ
ﺍﺍﺩﺑﻜﻢ ﺍﻧﺘﻮ ﺍﻟﺜﻨﺘﻴﻦ ..
ﻭﺍﺣﺘﺮﺍﻣﺎ ﻟﻼﻡ ﺍﻟﻮﻗﻮﺭﺓ ﺍﻧﺘﻬﻰ ﺍﻟﻨﻘﺎﺵ ﺑﻴﻦ ﻏﺼﻮﻥ ﻭﻏﺰﻻﻥ ﺍﻟﻠﻲ
ﻛﺎﻧﺖ ﻣﺮﺗﺠﻔﺔ ﻣﻦ ﺷﺪﺓ ﺍﻟﺘﻮﺗﺮ .. ﻣﺠﺮﺩ ﻓﻜﺮﺓ ﺍﻧﻬﺎ ﺗﺸﻮﻑ ﺟﺮﺍﺡ
ﺗﺨﻠﻴﻬﺎ ﺗﺮﺗﻌﺶ .. ﻭﻻﺍﺍ ﻫﺎﻟﻤﺮﺓ ﺑﻌﺪ ﺑﺘﺸﻮﻑ ﺍﻫﻠﻪ ﺍﻟﻠﻲ ﻣﻦ ﺯﻣﺎﻥ ﻣﺎ
ﺷﺎﻓﺘﻬﻢ .. ﻳﺎ ﺍﻟﻠﻪ ﻳﺼﻴﺮ ﻛﻞ ﺷﻲ ﺍﻭﻛﻴﻪ ﻭﻣﺎ ﺗﻄﻠﻊ ﻟﻲ ﻋﻘﺒﺎﺕ ﺍﻧﺎ
ﺑﻐﻨﻰ ﻋﻨﻬﺎ ..
ﻭﻃﻠﻌﺖ ﺍﻟﺨﺎﺩﻣﺘﻴﻦ ﺍﻟﺜﻨﺘﻴﻦ ﻣﻦ ﺍﻟﻤﻄﺒﺦ ﻭﻫﻢ ﺣﺎﻣﻼﺕ ﺍﻟﻬﺪﻳﺔ
ﺍﻟﻜﺒﻴﺮﺓ ﻣﻦ ﻧﻮﻋﻬﺎ ﺍﻟﻠﻲ ﻫﻲ ﻋﺒﺎﺭﺓ ﻋﻦ ﺗﺤﻔﺔ ﻓﻨﻴﺔ ﻭﻻ ﺍﺭﻭﻭﻭﻉ ..
ﻭﻏﺼﻮﻥ ﻳﻮﻡ ﺷﺎﻓﺘﻬﺎ ..
ﻏﺼﻮﻥ ﺑﺪﻫﺸﺔ : ﻭﻳﻦ ﺑﺘﺨﻠﻮﻧﻬﺎ ﻫﺬﻱ؟؟
ﻏﺰﻻﻥ : ﺑﻨﺎﺧﺬ ﺍﻟﻴﻮﻛﻦ ﺍﻟﻴﺪﻳﺪ ..
ﻏﺼﻮﻥ : ﺍﻫﺎﺍ .. ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﻏﺰﻻﻥ ﺍﻟﻠﻲ ﺗﻨﺮﻓﺰﺕ ﻭﺻﺮﺧﺖ : ﻳﻤـــــــــــﺔ ﺷﻮﻓﻴﻬﺎ
ﺍﻡ ﺯﻳﺎﺩ : ﻏﺼﻮﻭﻭﻥ ﻳﻤﺔ ﺧﻠﺞ ﻣﻨﻬﺎ ﻭﺍﻟﻠﻪ ﺣﺮﺍﻡ ﻋﻠﻴﻜﻢ ﺫﺑﺤﺘﻮﻧﺎ ﺧﻠﻮﻧﺎ
ﻧﺮﻭﺡ ﻻ ﺑﺎﺭﻙ ﺍﻟﻠﻪ ﺍﻟﻌﺪﻭﻭﻭ
ﻭﻃﻠﻌﺖ ﺍﻡ ﺯﻳﺎﺩ ﻭﻳﺎ ﺑﻨﺘﻬﺎ ﺍﻟﻤﺪﻟﻠﺔ ﻭﻏﺼﻮﻥ ﺍﻟﻠﻲ ﺭﻥ ﺗﻠﻔﻮﻧﻬﺎ ﺗﻮﺟﻬﺖ
ﻟﻪ .. ﺭﻛﺒﻮﺍ ﺍﻟﺨﺪﻡ ﺍﻟﻬﺪﻳﺔ ﺗﺤﺖ ﺍﺷﺮﺍﻑ ﻏﺰﻻﻥ ﺍﻟﻲ ﺗﻤﺖ ﺗﺼﺎﺭﺥ
ﻋﻠﻴﻬﻢ ﻋﺸﺎﻥ ﻻ ﻳﺼﻴﺒﻬﺎ ﺷﻲ .. ﺷﻌﺮﻫﺎ ﺍﻟﻄﻮﻳﻞ ﻛﺎﻥ ﻣﻐﻄﻲ ﻇﻬﺮﻫﺎ
ﻛﻠﻪ ﻭﻃﺮﻳﻘﻪ ﺍﻧﺴﻴﺎﺑﻪ ﻛﺎﻧﺖ ﺭﺍﺋﻌﺔ ﻭﺍﻟﺒﺪﻟﺔ ﺍﻟﻠﻲ ﻋﻠﻴﻬﺎ ﻛﺎﻧﺖ ﻣﺨﻠﻴﺘﻬﺎ
ﻋﻤﻠﻴﺔ ﻭﺭﻗﻴﻘﺔ ﺍﻻ ﺑﻠﻤﺤﺔ ﺍﻻﻧﺎﻗﺔ ﺍﻟﺨﺸﻨﺔ ﺍﻻ ﻭﻫﻮ ﺍﻟﺒﻮﺕ ﺍﻟﻠﻲ ﺳﺎﻗﻪ
ﻃﻮﻳﻞ .. ﻭﺩﺧﻠﺖ ﺍﻟﺴﻴﺎﺭﺓ ﻭﻳﺎ ﺍﻣﻬﺎ ﺍﻟﻠﻲ ﻛﺎﻧﺖ ﺣﻠﻘﺔ ﺍﻻﻓﻜﺎﺭ ﺗﺪﻭﺭ
ﻓﻲ ﺑﺎﻟﻬﺎ ﺑﺼﻤﺖ ﻋﻦ ﺑﻨﺘﻬﺎ .. ﺍﻟﻴﻮﻡ ﺭﺍﺡ ﻳﺘﻀﺢ ﻛﻞ ﺷﻲ .. ﺣﺎﻟﺘﻬﺎ
ﺍﻟﻨﻔﺴﻴﺔ ﺍﻟﻠﻲ ﻗﺒﻞ ﺟﻢ ﻳﻮﻡ .. ﻭﻫﺎﻟﺘﻮﺗﺮ ﺍﻟﻠﻲ ﺻﺎﻳﺪﻫﺎ ﻣﻦ ﻫﺎﻟﺰﻳﺎﺭﺓ ..
ﻭﺍﻫﻲ ﺍﻟﻠﻲ ﻣﺎ ﺗﺤﺐ ﺍﻟﺰﻳﺎﺭﺍﺕ ﺍﻟﻌﺎﺋﻠﻴﺔ .. ﻭﺍﻟﻠﻪ ﻣﺎ ﻳﻨﺪﺭﻯ ﺷﻨﻮ ﺍﻟﻠﻲ
ﻳﻤﺮ ﻣﻦ ﺗﺤﺖ ﺭﺍﺳﺞ ﻳﺎ ﻏﺰﻻﻥ .. ﺍﻟﻈﺎﻫﺮ ﺍﻥ ﻛﻼﻡ ﻏﺼﻮﻥ ﻛﺎﻥ ﺻﺢ ..
ﺑﺴﺒﺐ ﺩﻟﻌﻨﺎ ﻭﺩﻻﻟﻨﺎ ﻟﻬﺎ ﺻﺮﻧﺎ ﻋﺎﺟﺰﻳﻦ ﻋﻦ ﻛﻠﻤﺔ ﻻ ﻓﻲ ﻭﻳﻪ ﻏﺰﻻﻥ ..
ﺍﻟﻠﻪ ﻳﺴﺘﺮ ﻣﻨﺞ ﻳﺎ ﺑﻨﺘﻲ . ﻭﻳﻄﻠﻌﻨﺎ ﻣﻦ ﺍﻟﻲ ﺗﺤﺖ ﺭﺍﺳﺞ ..
================
ﻣﺴﺎﻋﺪ ﺍﻟﻲ ﻛﺎﻥ ﻫﺎﺩﺉ ﻣﻦ ﻟﻴﻠﺔ ﺍﻟﻤﻨﺎﺟﺮ ﻭﻳﺎ ﻓﺎﺗﻦ ﻣﺤﺪ ﻋﺮﻑ ﺷﻨﻮ
ﺳﺒﺐ ﻫﺪﻭﺋﻪ .. ﻳﻤﻜﻦ ﻫﺬﺍ ﺍﻟﻬﺪﻭﺀ ﻣﺎ ﻗﺒﻞ ﺍﻟﻌﻮﺍﺻﻒ .. ﻭﻳﻤﻜﻦ ﻫﺪﻭﺀ
ﻣﺎ ﺑﻌﺪ ﺍﻟﻌﻮﺍﺻﻒ .. ﻳﺮﺩ ﺍﻟﺒﻴﺖ ﻣﺒﺠﺮ ﻭﻳﺎﻛﻞ ﺯﻳﻦ ﻭﻣﺴﺘﺮﺧﻲ .. ﻭﺍﻟﻠﻪ
ﺍﻋﻠﻢ ﺷﻨﻮ ﺍﻟﻲ ﻳﺪﻭﺭ ﻓﻲ ﺑﺎﻟﻪ ﻟﻠﻤﺴﻜﻴﻨﺔ ﻓﺎﺗﻦ ..
ﻣﺮﻳﻢ ﺍﻟﻠﻲ ﻧﺰﻟﺖ ﻋﻠﻰ ﺍﻟﺴﺎﻋﺔ ﺛﻼﺛﺔ ﻭﺷﺎﻓﺘﻪ ﻗﺎﻋﺪ ﻳﺎﻛﻞ ﻭﻳﺎ ﺍﻣﻪ
ﺍﻟﻠﻲ ﺗﺴﻮﻟﻒ ﻟﻪ .. ﻭﺗﻔﺎﺟﺄﺕ ﻳﻮﻡ ﺷﺎﻓﺘﻪ ..
ﻣﺮﻳﻢ : ﻫﻼ ﻣﺴﺎﻋﺪ ..
ﻣﺴﺎﻋﺪ ﻳﺎﺷﺮ ﺑﺮﺍﺳﻪ ﻻﻧﻪ ﻛﺎﻥ ﻳﺎﻛﻞ .. ﻭﻫﻮ ﻣﻦ ﻃﺒﻌﻪ ﺍﻟﻬﺪﻭﺀ ﻭﻗﺖ
ﺍﻷﻛﻞ ..
ﻣﺮﻳﻢ ﻭﻫﻲ ﺗﻘﻌﺪ :.. ﻳﻤﺔ ﺧﺎﻃﺮﻱ ﻓﻲ ﻗﺒﺎﻗﺐ ﻣﺘﻰ ﺑﺘﺴﻮﻭﻥ ﻟﻨﺎ؟؟
ﺍﻡ ﻣﺴﺎﻋﺪ : ﻗﻮﻟﻲ ﻻﺑﻮﻭﺝ ﺍﻫﻮ ﺍﻟﺼﻴﺎﺩ ﻣﻮ ﺍﻧﺎ ..
ﻣﺮﻳﻢ : ﺑــﻴــــﻪ ﺍﻥ ﺟﺎﻥ ﻋﻠﻰ ﺍﺑﻮﻱ ﺍﻟﻮﺍﺣﺪ ﻳﻬﻮﻥ .. ﻣﻦ ﻣﺘﻰ ﻗﺎﻳﻠﺔ ﻟﻪ
ﺍﺑﻴﻪ ﻭﻛﻞ ﻣﺮﺓ ﻧﻔﺲ ﺍﻟﺸﻲ ( ﺗﻘﻠﺪ ﻋﻠﻰ ﺑﺤﺔ ﺻﻮﺕ ﺍﺑﻮﻫﺎ ) ﺍﻟﻤﺮﺓ
ﺍﻟﻴﺎﻳﺔ ﻛﻢ ﺷﻴﺨﺔ ﺍﻟﺤﺮﻳﻢ ﻣﺮﻳﻢ ﻋﻨﺪﻧﺎ؟
ﺿﺤﻚ ﻣﺴﺎﻋﺪ ﻋﻠﻰ ﻣﺮﻳﻢ ﻭﻫﻮ ﻣﻮﻃﻲ ﺭﺍﺳﻪ ﻭﺍﺳﺘﻠﻤﺘﻬﺎ ﺍﻣﻬﺎ : ﻋﻴﺐ
ﻋﻠﻴﺞ ﻫﺬﺍ ﺍﺑﻮﻭﻭﺝ ..
ﻣﺮﻳﻢ : ﺍﺑﻮﻱ ﻋﻠﻰ ﻋﻴﻨﻲ ﻭﻋﻠﻰ ﺭﺍﺳﻲ ﻟﻜﻦ ﻟﻴﺶ ﻳﻮﻋﺪ ﻭﻣﺎ ﻳﻮﻓﻲ ..
ﺍﻻ ﺑﺪﺧﻠﺔ ﺍﻻﺑﻮ ﺍﻟﻠﻲ ﺗﻮﻩ ﺭﺍﺩ ﻣﻦ ﺍﻟﺒﺤﺮ ﻭﻻﺑﺲ ﻭﺯﺍﺭ ﻭﺑﻴﺪﻩ ﻛﻴﺲ :
ﺍﻡ ﻣﺴﺎﻋﺪ ... ﻳﻮﻭﻭﻭﻭﻩ ﻳﺎﻡ ﻣﺴﺎﻋﺪ ..
ﺍﻡ ﻣﺴﺎﻋﺪ ﻭﻫﻲ ﺗﻬﺐ ﻟﻪ : ﻫﻼ ﻫﻼ ﺑﺎﻟﻐﺎﻟﻲ ﻛﺎﻧﻲ ..
ﺑﻮ ﻣﺴﺎﻋﺪ : ﻭﻳﻨﺞ ﺍﻧﺘﻲ ﻣﻦ ﺳﺎﻋﺔ ﺍﻧﺎﺩﻳﺞ
ﺍﻡ ﻣﺴﺎﻋﺪ : ﺍﺳﺘﻐﻔﺮ ﺍﻟﻠﻪ ﺗﻮﻭﻭﻙ ﻭﺻﺮﺕ ﻣﻦ ﺳﺎﻋﺔ؟؟
ﺑﻮ ﻣﺴﺎﻋﺪ : ﺧﺬﻱ ﺍﻟﺠﻴﺲ ﻻ ﺑﺎﺭﻙ ﺍﻟﻠﻪ ﻓﻲ ﺍﻟﻌﺪﻭﻭﻭﻭ
ﻣﺮﻳﻢ ﻭﻫﻲ ﺗﻀﺤﻚ ﻻﺑﻮﻫﺎ : ﻳﻌﻄﻴﻚ ﺍﻟﻌﺎﻓﻴﺔ ﻳﺒﺒﺒﺎﺍﺍﺍﺍ
ﻫﻬﻬﻬﻬﻬﻬﻬﻬﻬﻬﻬﻬﺎﻱ
ﺑﻮ ﻣﺴﺎﻋﺪ : ﻭﺍﻧﺘﻲ ﻋﻼﻣﺞ ﺷﺎﻗﺔ ﺍﻟﺤﻠﺞ ﺑﺎﻟﻨﺺ .. ﻗﻮﻣﻲ ﻭﻳﺎ ﺍﻣﺞ
ﻭﻧﻈﻔﻲ ﺍﻟﺴﻤﺞ
ﻣﺮﻳﻢ ﺑﺼﺪﻣﺔ ﻭﻣﺴﺎﻋﺪ ﻧﻘﻊ ﻣﻨﺎ ﻟﻀﺤﻚ ﻋﻠﻴﻬﺎ : ﻳﺒﺎ .. ﺷﻠﻮﻥ؟؟؟ ﺍﻧﺎ ..
ﻣﺮﻳﻢ .. ﺍﻡ ﺍﻟﺪﻝ ﻭﺍﻟﺪﻻﻝ .. ﺍﻟﻠﻲ ﺍﻟﺨﺎﺩﻣﺎﺕ ﻳﺤﻮﺷﻮﻥ ﻳﻢ ﺭﻳﻠﻲ
ﺍﻧﻈﻒ ﺳﻤﺞ .. ﻓﺸﺮﺭﺭﺭﺭﺭﺭﺭﺭﺭﺭ ﺑﺎﻟﻤﺼﺮﻱ ﺑﻌﺪ ..
ﺑﻮ ﻣﺴﺎﻋﺪ : ﺷﻨﻮ ﻳﻌﻨﻲ ﺍﻣﺞ ﺍﺣﺴﻦ ﻣﻨﺞ ﺑﺸﻨﻮ؟؟ ﻭﺍﻟﻠﻪ ﻟﻮ ﺗﻨﻮﺯﻧﻮﻥ
ﻳﺎ ﺑﻨﺎﺕ ﺍﻟﺪﻳﺮﺓ ﻛﻠﻜﻢ ﻣﺜﻞ ﺍﻡ ﻣﺴﺎﻋﺪ ﻣﺎﺗﻴﻮﻭﻥ ..
ﻣﺮﻳﻢ : ﺍﻭﺏ ﺍﻭﺏ ﻳﺒﺎ ﻻ ﺗﻐﺎﺯﻝ
ﺍﻡ ﻣﺴﺎﻋﺪ ﺑﺤﻴﺎ ﺗﺪﻋﻲ ﻟﺒﻮ ﻣﺴﺎﻋﺪ : ﻳﺎﺭﺏ ﻳﺨﻠﻴﻚ ﻟﻨﺎ ﺫﺧﺮ ﻭﺳﻨﺪ ﻳﺎ
ﻧﻈﺮ ﻋﻴﻨﻲ
ﻣﺮﻳﻢ ﻭﻫﻲ ﺗﺼﻢ ﺍﺫﻧﻬﺎ : ﻻﺍﺍﺍﺍﺍﺍﺍﺍﺍﺍﺍ ﻣﺎﺍﺑﻲ ﺍﺳﻤﻊ ﺗﺨﺮﺑﻮﻭﻭﻧﺎﺍ
ﺍﻧﺘﻮﻭﻭﻭﻭﻭ
ﺑﻮ ﻣﺴﺎﻋﺪ ﻭﻫﻮ ﻳﻘﻌﺪ ﻋﻠﻰ ﺍﻟﻄﺎﻭﻟﺔ : ﻳﺨﺮﺑﻮﻧﻬﺎ ﺳﺖ ﺍﻟﺤﺴﻦ
ﻭﺍﻟﺠﻤﺎﻝ .. ﺑﻨﺎﺕ ﻫﺎﻟﺰﻣﻦ ﻳﻨﺨﺎﻑ ﻣﻨﻜﻢ
ﻣﺴﺎﻋﺪ ﻳﻀﺤﻚ ﻭﻫﻮ ﺳﺎﻛﺖ ﻋﻠﻰ ﻛﻼﻡ ﺍﺑﻮﻩ .. ﻭﻟﻜﻦ ﻣﺴﺮﻉ ﻣﺎ
ﺍﺳﺘﻠﻤﻪ ..
ﺑﻮ ﻣﺴﺎﻋﺪ ﺑﺴﺨﺮﻳﺔ : ﻭﺍﻧﺖ؟؟؟
ﻣﺴﺎﻋﺪ ﺑﺼﺪﻣﻪ : ﺳﻢ ﻳﺎ ﻃﻮﻳﻞ ﺍﻟﻌﻤﺮ ..
ﺑﻮ ﻣﺴﺎﻋﺪ : ﺳﻢ ﻳﺎ ﻃﻮﻳﻞ ﺍﻟﻌﻤﺮ ... ﺷﻔﻴﻚ ﺳﺎﻛﺖ ﻭﻣﻘﻠﻘﻞ ﺭﻭﺣﻚ
ﻋﻠﻰ ﺍﺧﺘﻚ ﻭﺍﻧﺖ ﺍﻟﻌﻦ ﻣﻨﻬﺎ
ﻣﺮﻳﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﺎﺍﺍﻱ ﻋﻤﺮﻱ ﺍﺑﻮ ﻣﺤﺪ ﻳﻄﻠﻊ
ﻣﻈﻠﻮﻡ ﻭﻳﺎﺍﺍﻩ .. ﻳﺒﺎ .. ﺧﻠﻨﺎ ﻓﻲ ﻣﻮﺿﻮﻋﻨﺎ
ﺑﻮ ﻣﺴﺎﻋﺪ : ﺗﺨﻠﺨﻠﺖ ﻇﺮﻭﻭﻭﻭﺱ
ﻣﺴﺎﻋﺪ ﻭﻣﺮﻳﻢ ﻳﻜﻤﻠﻮﻥ : ﺍﻟﻌﺪﻭﻭﻭ ( ﻣﺮﻳﻢ ﺑﺮﻭﺣﻬﺎ ﻭﻣﺴﺎﻋﺪ ﻳﻀﺤﻚ )
ﺯﻳﻦ ﻳﺒﺎ .. ﻭﻳﻦ ﺍﻟﻘﺒﺎﻗﺐ ﺍﻟﻠﻲ ﻭﻋﺪﺗﻨﻲ ﻓﻴﻬﻢ؟؟؟ ﻫﺎ .. ؟؟ ﻫﺎ ﻳﺎﺍﺍﺍ
ﺧﻠﻒ ﻫﺎﺍ .. ﻭﻳﻦ ﺍﻻﻣﺎﻧﺔ ﻭﻳﻦ ﺍﻟﻮﻋﺪ .. ﻳﺒﺎ ﺍﻟﻜﻮﻳﺖ ﺍﻣﺎﻧــــﺔ ﻭﺑﻨﺎﺗﻬﺎ
ﺍﻣﺎﻧﺔ ﻻ ﺗﻜﺴﺮﻭﻥ ﺑﺨﺎﻃﺮﻫﻢ؟
ﺑﻮ ﻣﺴﺎﻋﺪ ﻭﻫﻮ ﻳﻨﺎﻇﺮ ﻣﺴﺎﻋﺪ : ﺍﻧﺎ ﺍﺑﻲ ﺍﻋﺮﻑ ﻫﺬﻱ ﺑﺎﻱ ﻳﻮﻡ ﻳﺎﺕ ..
ﻳﻮﻡ ﺍﻟﻠﺴﺎﻥ ﻭﻃﻮﺍﻟﺘﻪ ... ﻟﻠﻘﺒﺎﻗﺐ ﻻﺯﻡ ﻧﺮﻭﺡ ﻓﻴﻠﺠﺎ ﻭﺍﻧﺎ ﻣﻮﻭﻭ ﻧﻮﻛﺮ
(ﺧﺪﺍﻡ ) ﺭﻳﻠﺞ ﺍﻟﻠﻲ ﺍﺭﻭﻭﺡ ﻟﺞ ﻭﺍﻳﻲ ..
ﻣﺮﻳﻢ ﺑﺤﻴﺎ : ﻭﺍﺍﺍﺍﻁ ﻳﺒﺎ .. ﻛﺴﺮﺗﻨﻲ .. ﻣﺎ ﺍﺩﺭﻱ ﺍﻥ ﻛﻨﺖ ﺍﺗﺠﺒﺮ ﻣﺮﺓ
ﺛﺎﻧﻴﺔ ..
ﻣﺴﺎﻋﺪ : ﺍﻧﺎ ﺍﻋﺮﻑ ﺷﻠﻮﻥ ﺍﺟﺒﺮﺝ .. ﻳﺎﻟﻠﻪ ﺭﻭﺣﻲ ﻟﺒﺴﻲ ﻭﺭﺍﻧﺎ ﺩﺭﺏ
ﻧﺘﺸﺮﻯ ﻭﻧﺮﺟﻊ ..
ﺑﻮ ﻣﺴﺎﻋﺪ : ﻭﻳﻦ ﺭﺍﻳﺤﻴﻦ .. ( ﻳﻜﻠﻢ ﺍﻡ ﻣﺴﺎﻋﺪ ) ﻭﺍﻧﺘﻲ ﻣﺎ ﻋﻠﻤﺘﻲ
ﻋﻴﺎﻟﺞ ﻣﻨﺞ ﺍﻻ ﺍﻟﻬﻴﺎﺗﺔ .. ﻭﺩﻱ ﺍﺷﻮﻑ ﻫﺬﺍﻙ ﺍﻟﻤﻌﺼﻘﻞ ﻭﻻ ﻧﻮﻭﻭﺭﺓ
ﺍﺑﺪ ﻣﺎ ﺍﺷﻮﻓﻬﻢ ﻭﻫﺬﻱ ﻛﻞ ﻳﻮﻡ ﻣﺎ ﺣﻄﺖ ﺍﻟﻌﺒﺎﻳﺔ ﻋﻠﻰ ﺭﺍﺳﻬﺎ ﻭﻫﻴّﺖ
ﺑﺎﻟﻔﺮﻳﺞ ..
ﻣﺮﻳﻢ : ﻳﺒﺎ ﺭﺍﻳﺤﻴﻦ ﺑﻴﺖ ﺍﻟﻤﺮﺣﻮﻡ ﻋﺒﺪﺍﻟﻠﻪ ﺍﻟﻴﺎﺳﻲ ..
ﺑﻮ ﻣﺴﺎﻋﺪ ﺑﻜﻞ ﺍﺣﺘﺮﺍﻡ : ﺍﻫﺎﺍ .. ﺭﺍﻳﺤﻴﻦ ﺑﻴﺘﻬﻢ .. ﺍﻟﻠﻪ ﻳﺮﺣﻤﻪ ..
ﺭﻭﺣﻲ ﻳﺒﺎ ﻭﺷﻮﻓﻲ ﻋﻤﻪ ﺍﺧﻮﻭﻭﺝ ﺍﻥ ﺟﺎﻧﻬﺎ ﻣﺤﺘﺎﺟﺔ ﺷﻲ .. ﺑﻌﺪ ﺍﺣﻨﺎ
ﺍﻫﻞ ﻭﻧﺴﺎﻳﺐ ﻣﺎ ﻳﺼﻴﺮ ﻣﺎ ﻧﻮﺍﺻﻞ ..
ﻣﺮﻳﻢ : ﺍﻥ ﺷــــــــﺎﺀ ﺍﻟﻠﻪ ﻳﺒﺎ .. ﻣﻦ ﻫﺎﻟﻌﻴــﻦ ﻭﻫﺎﻟﻌﻴــــﻦ ..
ﺭﺍﺣﺖ ﻣﺮﻳﻢ ﻭﺭﻯ ﺍﺧﻮﻫﺎ ﻣﺴﺎﻋﺪ ﻭﺗﻮﻩ ﺑﻴﺪﺧﻞ ﻏﺮﻓﺘﻪ ﺍﻫﻲ ﻗﺪﺭﺕ
ﺗﻠﺤﻘﻪ ﻭﺗﻮﺻﻞ ﻟﻪ ..
ﻣﺮﻳﻢ : ﺳﻌﻮﻭﻭﻭﺩ ﺳﻌﻮﺩ ﺳﻌﻮﺩ ..
ﻣﺴﺎﻋﺪ ﻳﻠﺘﻔﺖ ﻟﻬﺎ ﺑﻜﻞ ﻫﺪﻭﺀ : ﻫﻼ ..
ﻣﺮﻳﻢ ﺗﻘﻠﺪ ﻋﻠﻴﻪ : ﻫﻼ .. ﺷﻨﻮ ﻫﻼ ﻗﻮﻝ ﻟﻲ ..
ﻣﺴﺎﻋﺪ ﺑﺤﻴﺮﺓ : ﺷﻘﻮﻝ ﻟﺞ؟
ﻣﺮﻳﻢ ﻭﻫﻲ ﺗﺤﻮﺱ ﺛﻤﻬﺎ : .. ﺷﺼﺎﺭ ﺑﻴﻨﻚ ﻭﺑﻴﻦ ﻓﺎﺗﻦ؟
ﻣﺴﺎﻋﺪ ﻳﻌﻘﺪ ﺣﻮﺍﺟﺒﻪ : ﺷﻨﻮ ﻳﻌﻨﻲ ﻳﺼﻴﺮ؟؟
ﻣﺮﻳﻢ : ﻣﺎﺗﻜﻠﻤﺘﻮﺍ ﻳﻌﻨﻲ ﻣﻦ ﻫﺬﻳﺞ ﺍﻟﻠﻴﻠﺔ؟
ﻣﺴﺎﻋﺪ ﻭﻛﺄﻧﻪ ﻣﺎ ﻳﺬﻛﺮ ﺷﻲ : ﺍﻱ ﻟﻴــﻠﺔ؟؟
ﻣﺮﻳﻢ : ﻟﻴﻠﺔ ﺍﻟﻌﺮﺱ .. ﻟﻴﻠﺔ ﺍﻟﻤﻌﺮﻛﺔ ﺍﻟﻌﺎﻟﻤﻴﺔ .. ﺍﻟﻠﻲ ﺭﺍﺡ ﺗﻠﻔﻮﻧﻚ
ﺿﺤﻴﺘﻬﺎ ..
ﻣﺴﺎﻋﺪ ﻭﻫﻮ ﻳﻠﻒ ﺭﺍﺳﻪ ﻋﻨﻬﺎ : ﻣﺮﻳﻢ ﻣﺎﻋﻨﺪﻱ ﻭﻗﺖ ﻟﻬﺎﻟﺴﻮﺍﻟﻒ
ﻭﺭﻭﺣﻲ ﺗﺰﻫﺒﻲ ﻭﻧﺎﺩﻱ ﻧﻮﺭﺓ ﺑﻌﺪ ﻋﺸﺎﻥ ﻧﺮﻭﺡ .. ﻣﺎ ﺍﺑﻲ ﺍﺗﺎﺧﺮ ﻭﺭﺍﻱ
ﺍﺷﻐﺎﻝ ..
ﺩﺧﻞ ﺍﻟﻐﺮﻓﺔ ﻭﺳﻜﺮ ﺍﻟﺒﺎﺏ ﻭﻣﺮﻳﻢ ﻭﺍﻗﻔﺔ ﻣﻜﺎﻧﻬﺎ ﺑﺼﺪﻣﺔ .. ﺷﻔﻴﻪ
ﻫﺬﺍ؟؟ ﻣﺎﻛﻠﻴﻦ ﺣﻼﻟﻪ .. ﻭﺍﻟﻠﻪ ﻭﻳﺎ ﻫﺎﻟﻮﻳﻪ .. ﻣﺎﻟﺖ ﻋﻠﻲ ﺍﻧﺎﺍﻟﻠﻲ
ﻣﻼﺣﻘﺔ ﻭﺭﺍﻙ .. ﺑﺲ ﻏﻤﻮﺿﻪ ﻫﺬﺍ ﺍﻛﻴﺪ ﻭﺭﺍﻩ ﺷﻲ .. ﻭﺍﻧﺎ ﻣﺎ ﻳﺼﻴﺮ
ﺍﺳﻜﺖ ﻋﻨﻪ .. ﻻ ﻳﻜﻮﻥ ﺑﺲ ﻫﻮﻥ ﻋﻦ ﻓﺘﻮﻥ ﻭﻣﺎ ﻳﺤﺒﻬﺎ .. ﺍﻗﻮﻡ ﺍﺗﺼﻞ
ﻓﻲ ﺍﺭﻓﻴﺠﺘﻲ ﻭﺍﺷﻮﻓﻬﺎ ﻗﺒﻞ ﻻ ﺍﻣﺸﻲ ..
ﻓﺎﺗﻦ ﺍﻟﻠﻲ ﻛﺎﻧﺖ ﺗﺘﻌﻤﺪ ﺍﻧﻬﺎ ﺗﺮﻣﻲ ﺗﻠﻔﻮﻧﻬﺎ ﻓﻲ ﻣﻜﺎﻥ ﻏﻴﺮ ﻋﻦ ﺍﻟﻠﻲ
ﺍﻫﻲ ﻓﻴﻪ ﻣﺎ ﺳﻤﻌﺖ ﺍﻟﺮﻧﻴﻦ ﺍﻟﻤﺘﻌﺪﺩ ﺍﻟﻠﻲ ﻛﺎﻧﺖ ﻣﺮﻳﻢ ﺗﺴﺒﺒﻪ
ﺑﺎﺗﺼﺎﻻﺗﻬﺎ .. ﻭﺍﻟﺴﺒﺐ ﺍﻟﺤﻘﻴﻘﻲ ﺍﻥ ﻓﺎﺗﻦ ﻛﺎﻧﺖ ﻓﻲ ﺳﺎﺑﻊ ﻧﻮﻣﺔ .. ﻃﺒﻌﺎ
ﻓﻲ ﻏﺮﻓﺔ ﻣﺴﺎﻋﺪ ﺍﻟﻠﻲ ﺗﻌﻮﺩﺕ ﺗﻨﺎﻡ ﻫﻨﺎﻙ ﻣﻦ ﺳﻔﺮﻩ .. ﻋﻠﻰ ﺍﻟﺮﻏﻢ
ﻣﻦ ﺍﻧﻬﺎ ﺣﺎﻣﻠﺔ ﻓﻲ ﻗﻠﺒﻬﺎ ﻋﻠﻴﻪ ﺍﻻ ﺍﻧﻬﺎ ﻣﺎ ﻗﺪﺭﺕ ﺗﺘﺨﻠﻰ ﻋﻦ
ﺍﻻﺣﺴﺎﺱ ﺍﻟﻠﻲ ﻳﺘﻮﻟﺪ ﻓﻴﻬﺎ ﺑﺎﻟﻨﻮﻡ ﻓﻲ ﻫﺎﻟﻐﺮﻓﺔ .. ﻃﺒﻌﺎ ﺍﻟﺮﺍﺣﺔ ﺍﻫﻲ
ﺍﻫﻢ ﺷﻲ ..
ﻳﻮﻡ ﻋﺠﺰﺕ ﻣﺮﻳﻢ ﺧﻠﺖ ﻋﻨﻬﺎ ﺍﻻﺗﺼﺎﻝ .. ﻭﺭﺍﺣﺖ ﺗﺘﺰﻫﺐ ﻟﻠﺰﻳﺎﺭﺓ
ﺍﻟﺘﺎﺭﻳﺨﻴﺔ .. ﻭﻫﻲ ﻣﻮ ﻋﺎﺭﻓﺔ ﺷﻨﻮﻉ ﻣﻦ ﺍﻟﺘﻄﻮﺭﺍﺕ ﺍﻟﻨﻔﺴﻴﺔ ﺍﻟﻠﻲ ﺭﺍﺡ
ﺗﻮﻟﺪﻫﺎ ﻓﻴﻬﺎ ..
-------------------
ﻓﻲ ﻫﺬﻳﺞ ﺍﻟﻠﺤﻈﺔ ﻭﺻﻠﺖ ﻏﺰﻻﻥ ﻭﻳﺎ ﺍﻣﻬﺎ ﻟﺒﻴﺖ ﺍﻡ ﺟﺮﺍﺡ ﺍﻟﻠﻲ
ﻛﺎﻧﺖ ﻣﺎ ﺗﺪﺭﻱ ﺑﻬﺎﻟﺰﻳﺎﺭﺓ .. ﻭﻛﺎﻧﺖ ﻗﺎﻋﺪﺓ ﻓﻲ ﺍﻟﺼﺎﻟﺔ ﻭﻳﺎ ﺑﻨﺘﻬﺎ ﻣﻨﺎﻳﺮ
ﻭﻫﻢ ﻳﻄﺎﻟﻌﻮﻥ ﺍﻟﺘﻠﻔﺰﻳﻮﻥ .. ﻭﻳﻮﻡ ﺭﻥ ﺍﻟﺠﺮﺱ ﺍﻟﺠﺪﻳﺪ ﺗﻠﻔﺘﺖ ﺍﻡ
ﺟﺮﺍﺡ ﺍﻭﻝ ﺍﻟﺸﻲ ﻣﺴﺘﻐﺮﺑﺔ ﺑﺲ ﺑﻌﺪﻳﻦ ﻋﺮﻓﺖ ..
ﺍﻡ ﺟﺮﺍﺡ : ﻳﻤﺔ ﺭﻭﺣﻲ ﺷﻮﻓﻲ ﻣﻦ ﻋﻨﺪ ﺍﻟﺒﺎﺏ ..
ﻣﻨﺎﻳﺮ ﻭﻫﻲ ﻻﺯﻗﺔ ﻓﻲ ﺍﻟﺘﻠﻔﺰﻳﻮﻥ : ﻳﻤﺔ ﻗﻮﻟﻲ ﻟﻌﺰﻭﺯ
ﺍﻡ ﺟﺮﺍﺡ : ﺗﺪﺭﻳﻦ ﺍﻥ ﺍﺧﻮﻭﺝ ﻣﺎ ﻗﺮ ﻓﻲ ﺍﻟﺒﻴﺖ ﻣﻦ ﺭﺩﻳﻨﺎ .. ﺭﻭﺣﻲ
ﺭﺩﻱ ﻳﻤﺔ ﺭﻳﻠﻲ ﺗﻌﻮﺭﻧﻲ ﻣﺎﻗﺪﺭ ﺍﻗﻮﻭﻝ
ﻣﻨﺎﻳﺮ ﻭﻫﻲ ﺗﻠﺘﻔﺖ : ﻳﻤﺔ .. ﺍﻧﺘﻲ ﻣﺎ ﺗﺪﺭﻳﻦ ﺍﻥ ﺍﻛﺜﺮ ﺣﺎﻻﺕ ﺍﻻﺧﺘﻄﺎﻑ
ﻟﻠﺒﻨﺎﺕ ﺍﻟﻤﺮﺍﻫﻘﺎﺕ ﺗﻜﻮﻥ ﻓﻲ ﺧﺪﺭ ﺑﻴﻮﺗﻬﻢ؟؟ ﻳﻌﻨﻲ ﻳﺮﺩﻭﻥ ﻋﻠﻰ
ﺍﻟﺠﺮﺱ ﻣﺜﻞ ﺣﺎﻟﺘﻲ؟؟
ﺍﻡ ﺟﺮﺍﺡ ﻭﻫﻲ ﺗﻬﻒ : ﺍﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻑ ..
ﻣﻨﺎﻳﺮ : ﺍﻱ ﻳﻤﺔ .. ﺗﺨﻴﻠﻲ ﻳﻌﻨﻲ ﻟﻮ ﺭﺣﺖ ﺍﺭﺩ ﻋﻠﻰ ﺍﻟﺒﺎﺏ ﻭﻣﺎ ﺭﺩﻳﺖ
ﻟﺞ؟؟ ﺷﺒﺼﻴﺮ ﻋﻠﻴﺞ ﻭﺍﻧﺎ ﺑﻨﺘﺞ ﺍﻟﺜﺎﻧﻴﺔ ﻭﺣﺒﻴﺒﺔ ﻗﻠﺒﺞ
ﺍﻡ ﺟﺮﺍﺡ ﺑﻌﺼﺒﻴﺔ : ﺭﻭﺣﻲ ﺭﺩﻱ ﻋﻠﻰ ﺍﻟﺒﺎﺏ ﻭﺍﻥ ﺷﺎﺀ ﺍﻟﻠﻪ ﻳﺨﻄﻔﻮﻧﺞ
ﻋﻠﻰ ﻗﻮﻟﺘﺞ ﻋﺸﺎﻥ ﺍﻓﺘﻚ ﻣﻦ ﻗﺮﻗﺘﺞ ..
ﻣﻨﺎﻳﺮ ﻭﻫﻲ ﻣﻮ ﻣﺼﺪﻗﺔ ..: ﻣﻦ ﺻﺠﺞ ﻳﻤﺔ؟؟ ﻣﺎ ﺗﺒﻴﻨﻲ؟؟
ﺍﻡ ﺟﺮﺍﺡ ﺑﻌﺼﺒﻴﺔ ﺯﺍﻳﺪﺓ : ﻣﻨﻮﻭﻭﺭ ﻭﻳﻬﺪ ﺭﻭﺣﻲ ﺭﺩﻳﻴﻲ ..
ﺭﺍﺣﺖ ﻣﻨﺎﻳﺮ ﻭﻫﻲ ﻣﺨﺒﺼﺔ ﻣﻼﻣﺤﻬﺎ .. ﻭﺗﻤﺖ ﺗﺘﻮﻋﺪ ﻓﻲ ﺍﻟﺰﺍﻳﺮ ﺍﻟﻠﻲ
ﻳﺎﻫﻢ ﻫﺎﻟﻠﺤﻈﺔ .. ﺍﺣﺪ ﺍﻳﻲ ﺑﻴﻮﺕ ﺍﻟﻨﺎﺱ ﺑﻬﺎﻟﻮﻗﺖ .. ﺻﺞ ﻳﻌﻨﻲ ﻣﺎﻛﻮ
ﺍﺣﺴﺎﺱ ..
ﻓﺠﺖ ﺍﻟﺒﺎﺏ ﺑﻤﻠﻞ ﻭﻫﻲ ﺗﺼﻴﺢ : ﻧــــﻌــــﻢ ..
ﻭﻣﺴﺮﻉ ﻣﺎ ﺭﺍﺡ ﺻﻴﺎﺣﻬﺎ ﻭﺗﻌﺪﻟﺖ ﻭﻗﻔﺘﻬﺎ ﻳﻮﻡ ﺷﺎﻓﺖ ﺑﻨﺖ ﺣﻠﻮﺓ
ﻭﺍﻧﻴﻘﺔ ﻭﻳﺎﻫﺎ ﻭﺣﺪﺓ ﻋﻴﻮﻭﻭﺯ .. ﻟﺤﻈﺔ ﺍﻫﻲ ﺗﻌﺮﻑ ﻫﺎﻟﺒﻨﺖ .. ﻣﺮﺓ
ﻳﺎﺗﻬﻢ ... ﺑﺲ ﺷﻨﻮ ﺍﺳﻤﻬﺎ ﻧﺴﺖ ...
ﻏﺰﻻﻥ ﺑﻔﺮﺡ : ﻫﻼ ﻣﻨﻮﻭﺭ ﺷﻠﻮﻧﺞ ﺣﺒﻴﺒﺘﻲ ..
ﻣﻨﺎﻳﺮ ﺑﺼﺪﻣﺔ : .ﻩ .. ﻫﻼﺍ ﻓﻴﺞ
ﻭﺭﺍﺣﺖ ﻏﺰﻻﻥ ﻭﺗﻤﺖ ﺗﺒﻮﺱ ﻓﻲ ﻣﻨﺎﻳﺮ ﺍﻟﻠﻲ ﻣﻮ ﻣﺘﻌﻮﺩﺓ ﻋﻠﻰ
ﻫﺎﻟﻨﻮﻉ ﻣﻦ ﺍﻟﺘﺼﺮﻓﺎﺕ ..
ﻏﺰﻻﻥ : ﺍﻣﺞ ﻫﻨﻲ؟
ﻣﻨﺎﻳﺮ : ﺍﻱ ... ﺍﻣﻲ ﻫﻨﻲ ... ﺣﻴﺎﻛﻢ ﺍﻟﻠﻪ ..
ﻏﺰﻻﻥ ﺑﻔﺮﺡ ﻛﺒﻴﺮ : ﺍﻟﻠﻪ ﻳﺤﻴﺞ ..
ﻭﺭﺍﺣﺖ ﻣﻨﺎﻳﺮ ﻭﺗﺒﻌﺘﻬﺎ ﻏﺰﻻﻥ ﻭﻳﺎ ﺍﻣﻬﺎ ﺍﻟﻠﻲ ﻛﺎﻧﺖ ﻣﻔﺘﺸﻠﺔ .. ﺍﻟﻠﻪ
ﻳﻄﻠﻌﻨﺎ ﻣﻦ ﺍﻟﻠﻲ ﻓﻲ ﺭﺍﺳﺞ ﻳﺎ ﻏﺰﻻﻥ ..
ﺩﺧﻠﺖ ﻣﻨﺎﻳﺮ ﺍﻟﺒﻴﺖ ﻭﺭﺍﺣﺖ ﻻﻣﻬﺎ ﺑﺴﺮﻋﺔ .. ﻭﻗﺎﻟﺖ ﻟﻬﺎ ﻭﺍﻡ ﺟﺮﺍﺡ ﻣﻦ
ﺯﻭﺩ ﺍﻟﺼﺪﻣﺔ ﻭﺍﻻﺭﺗﺒﺎﻙ ﻭﻗﻔﺖ ﻣﻜﺎﻧﻬﺎ ﻭﻻ ﻫﻲ ﻋﺎﺭﻓﺔ ﺗﺴﻮﻱ ﺷﻲ ..
ﻭﻳﺎﺗﻬﺎ ﻏﺰﻻﻥ ﺑﻜﻞ ﻣﺤﺒﺔ ﻭﻓﺮﺡ ﻭﻛﺎﻧﻬﺎ ﻣﺎﺷﺎﻓﺘﻬﺎ ﻣﻦ ﺯﻣﺎﻥ ..
ﻏﺰﻻﻥ : ﺷﻠﻮﻧﺞ ﺧﺎﻟﺘﻲ ﺷﺨﺒﺎﺭﺝ؟
ﺍﻡ ﺟﺮﺍﺡ ﺑﺎﺑﺘﺴﺎﻣﺘﻬﺎ ﺍﻟﻌﺎﺩﻳﺔ : ﺍﻟﺤﻤﺪ ﻟﻠﻪ ﺍﺑﺨﻴﺮ ﺍﻧﺘﻲ ﺷﻠﻮﻧﺞ ﻋﺴﺎﺝ
ﻃﻴﺒﺔ
ﻏﺰﻻﻥ : ﺍﻟﺤﻢ ﺩﻟﻠﻪ ﺍﺑﺨﻴﺮ .. ( ﺗﺎﺷﺮ ﻻﻣﻬﺎ ) ﻫﺬﻱ ﺍﻣﻲ ..
ﺍﻡ ﺟﺮﺍﺡ ﺑﺎﺳﺘﻘﺒﺎﻝ ﺭﺣﺐ : ﻫﻼ ﻭﺍﻟﻠﻪ ﺗﻮﻩ ﻣﺎ ﻧﻮﺭ ﺍﻟﺒﻴﺖ ..
ﺍﻡ ﺯﻳﺎﺩ : ﺍﻟﻠﻪ ﻳﻨﻮﺭ ﺩﻧﻴﺘﺞ .. ﺷﻠﻮﻧﺞ ﺷﺨﺒﺎﺭﺝ .. ﻣﺒﺮﻭﻙ ﻋﻠﻴﺞ
ﺍﻡ ﺟﺮﺍﺡ ﺑﺤﻴﺎﻫﺎ ﻭﺗﻮﺍﺿﻌﻬﺎ : ﺍﻟﻠﻪ ﻳﺒﺎﺭﺝ ﻓﻴﺞ .. ﺣﻴﺎﻛﻢ ﺗﻌﺎﻟﻮ
ﻗﻌﺪﻭ ...
ﻏﺰﻻﻥ : ﻟﺤﻈﺔ ﺑﺲ ﺍﺷﻮﻭﻑ ﺍﻟﺴﺎﻳﻖ ..
ﺍﻡ ﺟﺮﺍﺡ : ﻋﻠﻰ ﺭﺍﺣﺘﺞ .. ( ﺗﻜﻠﻢ ﺍﻡ ﺯﻳﺎﺩ ) ﺣﻴﺎﺝ ﺍﻟﻠﻪ ﺗﻔﻀﻠﻲ ..
ﺍﻡ ﺯﻳﺎﺩ ﺍﻟﻤﺤﺮﺟﺔ : ﺯﺍﺩ ﻓﻀﻠﺞ ﺍﻟﺸﻴﺨﺔ ..
ﻭﺗﻤﻮ ﺍﻟﺤﺮﻣﺎﺕ ﻗﺎﻋﺪﻳﻦ ﻭﻳﺎ ﺑﻌﺾ ﻭﻣﻨﺎﻳﺮ ﺍﻟﻠﻲ ﺭﺍﺣﺖ ﻏﺮﻓﺘﻬﺎ ﺗﻐﻴﺮ
ﻫﺪﻭﻣﻬﺎ ﻣﺴﺘﻐﺮﺑﺔ ﻣﻦ ﻫﺬﻱ ﺍﻟﺒﻨﺖ .. ﺍﻫﻲ ﻋﺎﺭﻓﺘﻬﺎ ﺑﺲ ﻣﻮ ﺫﺍﻛﺮﻩ
ﺍﺳﻤﻬﺎ .. ﻭﺍﻟﻠﻪ ﺍﻟﻈﺎﻫﺮ ﺍﻥ ﺍﻣﻲ ﺑﻌﺪ ﻣﻮ ﻋﺎﺭﻓﺘﻬﺎ .. ﻟﻴﺶ ﻣﺎﺍﺭﻭﺡ ﻟﺴﻤﺎﺀ
ﻭﺍﺗﺎﻛﺪ ﻣﻨﻬﺎ ﻋﻦ ﻫﺎﻟﺒﻨﺖ؟؟؟ ﺍﻱ ﻭﺍﻟﻠﻪ ﻓﻜـــﺮﺓ ..
ﻭﻟﻤﻌﺖ ﻓﻜﺮﺓ ﺛﺎﻧﻴﺔ ﻓﻲ ﺑﺎﻝ ﺍﻟﻤﺤﻘﻘﺔ ﻣﻨﺎﻳﺮ .. ﻟﻴﺶ ﻣﺎ ﺗﺮﻭﺡ ﺑﻴﺖ
ﺳﻤﺎﺀ ﻭﻣﺮﺓ ﻭﺣﺪﺓ ﺗﺴﺘﻜﻤﻞ ﺍﻟﻠﻲ ﺑﺪﺗﻪ ﻓﻲ ﺍﻟﺘﺤﻘﻴﻖ ﻋﻦ ﻫﺬﺍ ﺍﻟﻤﺸﻌﻞ
.. ﻣﻦ ﻳﺪﺭﻱ ﻳﻤﻜﻦ ﺍﻟﻴﻮﻡ ﺭﺍﺡ ﺗﻌﺮﻑ ﺍﺷﻴﺎﺀ ﺗﻮﺻﻠﻬﺎ ﻟﻠﺤﻘﻴﻘﺔ ﻋﻦ
ﻫﺎﻟﺸﺨﺺ .. ﻳﻤﻜﻦ ﺭﺍﺡ ﺗﻌﺮﻑ ﺍﺫﺍ ﻟﻪ ﻋﻼﻗﺔ ﺧﺎﺻﺔ ﺑﻌﺎﻳﻠﺘﻬﻢ ﻭﺍﺫﺍ
ﺍﺣﺴﺎﺳﻬﺎ ﻫﺬﺍ ﻃﻠﻊ ﺻﺤﻴﺢ .. ﻓﺪﻳﺘﻨﻲ ﻭﺍﻟﻠﻪ ﺍﺣﺴﻦ ﻣﺤﻘﻘﺔ ﻓﻲ
ﻫﺎﻟﺪﻧﻴﺎ .. ﻟﻮﻭ ﻳﺼﻄﻔﻮﻥ ﻛﻠﻬﻢ ﻣﺎ ﻳﻼﻗﻮﻥ ﻣﺜﻠﻲ ﺑﻬﺎﻟﺪﻧﻴﺎ ..
ﻏﻴﺮﺕ ﻫﺪﻭﻣﻬﺎ ﻣﻨﺎﻳﺮ ﻭﻧﺰﻟﺖ ﺗﺤﺖ ﻋﺸﺎﻥ ﺗﺮﻭﺡ ﺑﻴﺖ ﺳﻤﺎﺀ .. ﻭﻋﻨﺪ
ﺑﺎﺏ ﺍﻟﺒﻴﺖ ﻭﻗﻔﺘﻬﺎ ﻏﺰﻻﻥ ﻭﻫﻲ ﺗﻤﺴﻚ ﻳﺪﻫﺎ
ﻏﺰﻻﻥ : ﻭﻳﻦ ﺭﺍﻳﺤﺔ؟
ﻣﻨﺎﻳﺮ ﺑﺎﺣﺮﺍﺝ ﻭﺍﺳﺘﻐﺮﺍﺏ : ﺭﺍﻳﺤﺔ ﺑﻴﺖ ﺍﺭﻓﻴﺠﺘﻲ ﻟﻴﺶ؟
ﻏﺰﻻﻥ ﻭﻫﻲ ﺗﺒﺘﺴﻢ : ﻗﻌﺪﻱ ﻭﻳﺎﻱ ﺍﺑﻴﺞ ﺗﻮﻧﺴﻴﻨﻲ
ﻣﻨﺎﻳﺮ : ﻫﻬﻲ .. ﻛﺎﻫﻲ ﺍﻣﻲ ﻭﺍﻣﺞ ﻗﻌﺪﻱ ﻭﻳﺎﻫﻢ ﻭﺑﻴﻮﻧﺴﻮﻭﻧﺞ
ﻏﺰﻻﻥ : ﺍﺑﻴﺞ ﺍﻧﺘﻲ ﺗﻘﻌﺪﻳﻦ ﻭﻳﺎﻱ ﺍﻧﺘﻲ ﻭﺍﻳﺪ ﺣﺒﻮﺑﺔ ﻭﺍﺣﺴﺞ ﺭﺍﻋﻴﺔ
ﺳﻮﺍﻟﻒ
ﻣﻨﺎﻳﺮ ﻓﻲ ﺧﺎﻃﺮﻫﺎ :: ﻳﺎ ﺑﻨﺖ ﺍﻟﻨﺎﺱ ﻻ ﺗﻔﺸﻠﻴﻨﻲ ﺍﻧﺎ ﺍﺳﻤﺞ ﻣﺎﻋﺮﻓﻪ
ﻟﻴﺶ ﺗﺘﻠﺰﻗﻴﻦ :: -: ﺍﻧﺸﺎﺀ ﺍﻟﻠﻪ ﻓﻲ ﺍﻟﻤﺴﺘﻘﺒﻞ ﻧﻘﻌﺪ ﻭﻳﺎﺑﻌﺾ .. ﺑﻌﺪﻳﻦ
ﻣﺴﺎﻓﺔ ﺍﻟﺪﺭﺏ ﻭﺍﻧﺎ ﺭﺍﺩﺓ ﻻ ﺗﺤﺎﺗﻴﻨﻲ
ﻏﺰﻻﻥ : ﺍﻧﺘﻈﺮﺭﺭﺭﺝ ﺗﺮﻯ ﻻ ﺗﺘﺎﺧﺮﻳﻦ
ﻣﻨﺎﻳﺮ ﺑﺎﺑﺘﺴﺎﻣﺔ ﺯﺍﺋﻔﺔ : ﻓﺪﻳﺘﺞ ﻭﺍﻟﻠﻪ ﻣﺎﺑﺘﺄﺧﺮ ﻋﻠﻴﺞ ..
ﻭﺭﺍﺣﺖ ﻋﺰﻻﻥ ﻋﻦ ﻣﻨﺎﻳﺮ ﺩﺍﺧﻞ ﺍﻟﺒﻴﺖ ﺗﺎﺭﻛﺘﻬﺎ ﻓﻲ ﺗﺴﺎﺅﻝ .. ﻫﺬﻱ
ﺍﻟﺒﻨﺖ ﻭﺍﺣﺪ ﻣﻦ ﺍﻻﺛﻨﻴﻦ .. ﻳﺎ ﻫﻲ ﺗﺤﺲ ﺑﺎﻟﻮﺣﺪﺓ ﻭﻳﺎﻳﺔ ﺑﻴﺘﻨﺎ .. ﻳﺎ
ﺣﺎﻃﺔ ﻋﻴﻨﻬﺎ ﻋﻠﻰ ﺷﻲ .. ﻣﺎ ﻳﻨﺪﺭﻯ .. ﻫﻔﻬﻔﺖ ﻣﻨﺎﻳﺮ .. ﻭﺍﻟﻠﻪ ﻣﺸﻜﻠﺔ ..
ﻣﻦ ﻳﻮﻡ ﺑﺪﺕ ﺍﻟﺘﺤﻘﻴﻘﺎﺕ ﺻﺎﺭ ﻟﻬﺎ ﺑﺪﻝ ﺍﻟﺸﻐﻞ ﻋﺸﺮﺓ .. ﺣﺘﻰ ﻫﺬﻱ
ﻏﺰﻻﻥ ﻳﺒﻴﻠﻪ ﺍﻟﻮﺍﺣﺪ ﻳﺴﺘﻜﺸﻒ ﻋﻨﻬﺎ .. ﺍﻟﺤﻴﻦ ﺍﺭﻭﺡ ﻟﺴﻤﺎﺀ ﻭﺍﺧﻠﻴﻬﺎ
ﺗﻌﻠﻤﻨﻲ ﺑﻜﻞ ﺷﻲ ..
------------------------
ﻛﺎﻧﺖ ﻓﺎﺗﻦ ﻧﺎﻳﻤﺔ ﻟﻜﻦ ﻋﺎﺩﺗﻬﺎ ﺑﺎﻟﺼﺤﻮ ﻣﻦ ﻭﻗﺖ ﻣﺎ ﺧﺎﻧﺘﻬﺎ .. ﻭﻛﺎﻫﻲ
ﺍﻟﺴﺎﻋﺔ ﺗﺴﻌﺔ ﻭﺍﻫﻲ ﻋﻨﺪ ﺍﻟﻤﻄﺒﺦ ﺗﺰﻫﺐ ﻟﻬﺎ ﺍﻟﺮﻳﻮﻕ .. ﻧﺴﻜﺎﻓﻴﻪ ﻋﺎﺩﻱ
ﻭﺳﻨﺪﻭﻳﺠﺎﺕ ﺑﺎﻟﺒﻴﺾ ﻭﺍﻟﻤﺎﻳﻮﻧﻴﺰ ﻭﺍﻟﺪﻳﺎﻱ .. ﺗﻔﻨﻨﻬﺎ ﺑﺎﻟﺴﻨﺪﻭﻳﺠﺎﺕ
ﻳﺨﻠﻴﻬﺎ ﻣﻠﻜﺘﻬﻢ .. ﻣﻦ ﺧﻼﻝ ﺍﻧﻌﻜﺎﺱ ﺻﻮﺭﺗﻬﺎ ﻣﻦ ﺟﺎﻣﺔ ﺍﻟﻜﺒﺖ
ﻻﺣﻈﺖ ﺍﻧﻬﺎ ﺿﻌﻔﺖ ﺍﻛﺜﺮ ﻣﻦ ﻗﺒﻞ .. ﻭﺷﻲ ﺛﺎﻧﻲ ﺑﻴﻦ ﻟﻬﺎ ﻫﺎﻟﺸﻲ
ﺍﻫﻲ ﻣﻼﺑﺴﻬﺎ ﺍﻟﻲ ﺗﺴﺒﺢ ﻓﻴﻬﻢ .. ﻭﺍﻟﻠﻪ ﺣﺎﻟﻪ .. ﺍﻧﺎ ﻻﺯﻡ ﺍﺳﻤﻦ ﺍﻛﺜﺮ
ﻣﻦ ﺟﺬﻱ ﻣﺎ ﺑﻴﻦ ﻟﻬﻢ ﺍﻧﻲ ﺗﻌﺒﺎﻧﺔ ﺻﺤﻴﺎ ﻭﻻ ﺷﻲ .. ﺑﺲ ﻫﺎﻷﻧﻔﻠﻮﻧﺰﺍ
ﺳﻮﺕ ﺳﻮﺍﻳﺎﻫﺎ ﻓﻲ ﻳﻮﻣﻴﻦ .. ﺑﺲ ﻣﻌﻠﻴﻪ .. ﺍﻻﻛﻞ ﺍﻟﺪﺅﻭﺏ ﺑﻴﺮﺟﻊ ﻛﻞ
ﺷﻲ .. ﻋﻄﻠﺔ ﺍﻟﻜﺮﻳﺴﻤﺎﺱ ﻛﺎﻧﺖ ﻣﺒﺘﺪﻳﺔ ﻣﻦ ﺑﺪﺍﻳﺔ ﻣﺮﺿﻬﺎ .. ﻭ
ﺑﺘﺴﺘﻤﺮ ﺍﻟﻯﺎﻟﺴﻨﺔ ﺍﻟﻴﺪﻳﺪﺓ .. ﺍﺣﻠﻰ ﺷﻲ ﺍﻧﻬﺎ ﺭﺍﺡ ﺗﻘﻀﻲ ﺳﻨﺘﻬﺎ
ﺍﻟﻴﺪﻳﺪﺓ ﻳﺎ ﺍﻫﻠﻬﺎ .. ﻋﺸﺎﻥ ﺗﺘﻤﺘﻊ ﺑﺄﻳﺎﻣﻬﺎ .. ﻟﻜﻦ ﻟﻮ ﺭﺍﺣﺖ ﻭﻓﻜﺮﺕ
ﺑﺘﺸﻮﻑ ﺍﻧﻬﺎ ﺣﺘﻰ ﺑﺎﻟﻜﻮﻳﺖ ﺑﺘﻜﻮﻥ ﺣﺮﻡ ﻣﺴﺎﻋﺪ ﺧﻠﻒ ﺍﻟﺪﺧﻴﻠﻲ ..
ﻳﻌﻨﻲ ﻻﺯﻡ ﻻﺯﻡ ﺍﻃﻠﻊ ﻭﻳﺎﻩ ﻭﺍﺷﻮﻓﻪ ﻭﻳﺸﻮﻓﻨﻲ .. ﺧﻠﻪ ﻳﺸﻮﻓﻨﻲ
ﺣﻼﻟﻪ ﻟﻜﻦ ﺍﻫﻮ ﺍﻟﻠﻲ ﺑﻴﻨﺪﻡ ﻋﻠﻰ ﺍﻟﻠﻲ ﺳﻮﺍﺍﺍﻩ .. ﺍﻧﺎ ﻣﻮ ﻣﺴﺘﻌﺪﺓ
ﺍﺗﻨﺎﺯﻝ ﻗﺒﻞ ﻣﺎ ﻫﻮ ﻳﺘﻨﺎﺯﻝ ﻭﻳﺘﺮﻙ ﺣﺐ ﺍﻟﺴﻴﻄﺮﺓ ﺍﻟﻲ ﻓﻴﻪ ..
ﻭﺑﻤﺘﻌﺔ ﺗﻤﺖ ﺗﺤﺴﺐ ﺍﻟﺪﻗﺎﻳﻖ ﻭﺍﻟﺴﺎﻋﺎﺕ ﻋﻠﻰ ﻭﺻﻮﻟﻪ .. ﻫﺎﻟﻤﺮﺓ
ﻭﺻﻮﻟﻪ ﺭﺍﺡ ﻳﻜﻮﻥ ﺷﻲ ﻣﻐﺎﻳﺮ ﺗﻤﺎﻣﺎ ..
==============
ﺳﻴﺎﺭﺗﻴﻦ ﻭﻗﻔﻮﺍ ﻋﻨﺪ ﺑﻴﺖ ﺑﻮﺟﺮﺍﺡ ﺑﻨﻔﺲ ﺍﻟﻮﻗﺖ .. ﺳﻴﺎﺭﺓ ﺟﺮﺍﺡ
ﻭﺳﻴﺎﺭﺓ ﻣﺴﺎﻋﺪ .. ﻭﻣﺮﻳﻢ ﻣﻦ ﺷﺎﻓﺖ ﺟﺮﺍﺡ ﺩﻗﺎﺕ ﻗﻠﺒﻬﺎ ﺧﺎﻧﺘﻬﺎ ﻭﺑﺪﺕ
ﺗﻄﻔﺮ ﻣﻨﻬﺎ ﺍﻟﻴﻪ .. ﻭﺷﻌﻮﺭ ﻣﻦ ﺍﻟﻔﺮﺣﺔ ﻏﻤﺮﻫﺎ ﻟﻜﻦ ﺍﻫﻲ ﻻﺯﻡ ﺗﺤﺎﺳﺐ
ﻋﻠﻰ ﻭﺟﻮﺩ ﺍﺧﻮﻫﺎ ﻭﻳﺎﻫﺎ .. ﻭﺍﻭﻝ ﻣﺎ ﻧﺰﻟﺖ ﻣﻦ ﺍﻟﺴﻴﺎﺭﺓ ﻭﻳﺎ ﻣﺴﺎﻋﺪ
ﻭﻧﻮﺭﺓ ﺳﻠﻢ ﺟﺮﺍﺡ ﻋﻠﻰ ﺍﻻﺛﻨﻴﻦ ﻭﺗﻢ ﻭﺍﻗﻒ ﻭﻳﺎﻫﻢ ﺑﺎﻟﺴﻮﺍﻟﻒ ﺍﻣﺎ ﻫﻲ
ﻭﻗﻔﺖ ﺑﻌﻴﺪ ﻋﻨﺪ ﺍﺧﻮﻫﺎ ﻭﺍﺑﺘﺴﺎﻣﺔ ﺭﺿﺎ ﻋﻠﻰ ﺷﻔﺎﻫﺎ ﻛﺎﻥ ﺟﺮﺍﺡ ﻏﺎﻓﻞ
ﻋﻨﻬﺎ ..
ﻳﻮﻡ ﺍﻟﺘﻔﺖ ﺟﺮﺍﺡ ﻟﻬﺎ ﻣﺴﺮﻉ ﻣﺎ ﺑﻌﺪ ﻋﻴﻮﻧﻪ ﻋﻨﻬﺎ .. ﻣﺎ ﻳﻘﺪﺭ ﻳﻨﺎﻇﺮﻫﺎ
ﻭﻫﻲ ﺍﻟﻠﻲ ﺑﺘﺴﺎﻓﺮ ﻋﻨﻪ؟ .. ﺷﻠﻮﻥ ﻗﺪﺭﺕ ﺗﺴﻮﻱ ﺟﺬﻱ؟ ﻣﺎ ﺗﺨﺒﺮﻧﻲ
ﺑﺴﻔﺮﻫﺎ ﻋﻨﻲ .. ﻫﻴﻦ ﻳﺎ ﻣﺮﻳﻢ ﺍﻥ ﻣﺎ ﺧﻠﻴﺘﺞ ﺗﻬﻮﻧﻴﻦ ﻋﻦ ﻫﺎﻟﺴﻔﺮ ..
ﻧﻮﺭﺓ ﻭﻫﻲ ﺗﺄﺧﺮ ﻣﺸﻴﻬﺎ ﻋﻦ ﻣﺴﺎﻋﺪ ﺍﻟﻲ ﺧﻂ ﺍﻟﺪﺭﺏ ﻛﻠﻪ ﻭﻭﺻﻞ
ﻟﻠﺪﻳﻮﺍﻧﻴﺔ
ﻧﻮﺭﺓ ﻓﻲ ﺍﺫﻥ ﻣﺮﻳﻢ : ﻭﺍﺍﺍﻱ ﻳﺎ ﻣﺤﻼﺍﺍﻩ ..
ﻣﺮﻳﻢ : ﺍﻭﻭﺵ ﺳﻜﺘﻲ .. ﺫﺑﺤﻨﻲ ﻧﻮﺭﻭﻭﻩ
ﻧﻮﺭﺓ : ﺟﺒﻲ ﻳﺎﻟﻠﻲ ﻣﺎ ﺗﺴﺘﺤﻴﻴﻴﻦ .. ﻋﻴﻨﻲ ﻋﻴﻨﺞ
ﻣﺮﻳﻢ ﺑﺼﺪﻣﺔ : ﺍﻧﺘﻲ ﺑﻌﺪ ..
ﻧﻮﺭﺓ : ﺍﻧﺎ ﻏﻴﺮ .. ﺍﻧﺎ ﺍﻛﺒﺮ ﻣﻨﻪ ..
ﻣﺮﻳﻢ : ﻳﺎﻟﻠﻪ ﻋﺎﺩ ﺣﻠﻠﺘﻴﻬﺎ ..
ﺑﻬﺬﻳﺞ ﺍﻟﻠﺤﻈﺔ ﻃﺎﻑ ﺟﺮﺍﺡ ﻣﻦ ﺟﺪﺍﻡ ﻣﺮﻳﻢ ﻭﻧﻮﺭﺓ ﺍﻟﻠﻲ ﻭﺍﺻﻠﻮﺍ
ﺩﺭﺑﻬﻢ ﺍﻟﻰ ﺑﺎﺏ ﺍﻟﺒﻴﺖ .. ﻭﻣﺮﻳﻢ ﺍﻟﻠﻲ ﻣﺎ ﻛﺎﻧﺖ ﻣﻼﺣﻈﺔ ﻇﻴﺞ ﺟﺮﺍﺡ
ﻭﻓﺴﺮﺗﻪ ﺍﻧﻪ ﻣﻠﺰﻭﻡ ﻓﻴﻪ ﻻﻥ ﻧﻮﺭﺓ ﻭﻣﺴﺎﻋﺪ ﻣﻌﺎﻫﺎ ..
ﺩﺧﻠﻮﻭﺍ ﺍﻟﺒﻴﺖ ... ﻭﻭﻗﻔﺖ ﻣﺮﻳﻢ ﻣﻜﺎﻧﻬﺎ ﻣﻦ ﺍﻟﺼﺪﻣﺔ ﺍﻟﻠﻲ ﺷﺎﻓﺘﻬﺎ ..
ﻫﺎﻟﺒﻨﺖ .. ﺍﺳﻤﻬﺎ ﻏﺰﻻﻥ .. ﻳﻮﻡ ﺭﺩ ﺟﺮﺍﺡ ﻣﻦ ﺍﻟﺴﻔﺮ ﺷﻔﺘﻬﺎ ﻫﻨﻲ ..
ﺑﻨﺖ ﺧﺎﻟﺔ ﺳﻤﺎﺀ .. ﺍﺧﺖ ﻣﺸﻌﻞ .. ﺷﻴﺎﻳﺒﻬﺎ ﻫﻨﻲ ..
ﺍﻟﺘﻔﺘﺖ ﺍﻡ ﺟﺮﺍﺡ ﺍﻟﻰ ﺍﻟﺤﻀﻮﺭ ﺍﻟﺠﺪﻳﺪ ﻭﺣﺘﻰ ﺍﻟﻈﻴﻮﻑ ﺍﻻ ﻭﻫﻲ
ﻋﺰﻻﻥ ﻭﺍﻣﻬﺎ .. ﻭﻳﻮﻡ ﺗﻼﻗﺖ ﻋﻴﻮﻥ ﺍﻟﺨﺼﻤﺘﻴﻦ ﺗﻄﺎﻳﺮ ﺍﻟﺸﺮﺭ ﻓﻲ
ﻋﻴﻮﻥ ﻏﺰﻻﻥ .. ﻳﻌﻨﻲ ﻣﺎ ﻳﺎﺯ ﻟﻬﺎ ﺍﺗﻴﻲ ﺍﻻ ﺍﻟﻴﻮﻡ؟؟ ﻭﺍﻧﺎ ﻫﻨﻲ؟؟
ﻭﺩﺧﻠﺖ ﻣﺮﻳﻢ ﺑﻜﻞ ﻫﺪﻭﺀ ﻫﻲ ﻭﺍﺧﺘﻬﺎ ﻭﻫﻢ ﺣﺎﻣﻠﻴﻦ ﺍﻟﻬﺪﺍﻳﺎ ﺍﻟﻠﻲ
ﻳﺎﺑﻮﻫﺎ ﻭﺍﺳﺘﻘﺒﻠﺘﻬﻢ ﺍﻡ ﺟﺮﺍﺡ ﺍﺣﻠﻰ ﺍﺳﺘﻘﺒﺎﻝ ﻳﻤﻜﻦ ﺣﺘﻰ ﺣﺰ ﺑﺨﺎﻃﺮ
ﻏﺰﻻﻥ ﻫﺎﻟﺸﻲ ﻟﻜﻦ ﺷﻲ ﻭﺍﺣﺪ ﻻﺯﻡ ﺗﻔﻬﻤﻪ ﺍﻥ ﻣﺮﻳﻢ ﺭﺍﺑﻴﺔ ﺑﻬﺎﻟﺒﻴﺖ ..
ﻭﻣﻌﺰﺗﻬﺎ ﻣﻦ ﻣﻌﺰﺓ ﺍﻭﻻﺩ ﻫﺎﻻﻡ ﺍﻟﻄﻴﺒﺔ .. ﻟﻜﻦ ﻳﺎ ﺧﻮﻓﻲ ﻟﻮ ﺍﻥ ﻫﺎﻻﻡ
ﺑﻌﺪ ﺣﺎﻃﺘﻬﺎ ﻓﻲ ﺑﺎﻟﻬﺎ ﻟﻮﻟﺪﻫﺎ .. ﻭﺍﻧﺎ ﺍﻟﻠﻲ ﺍﺑﻲ ﺍﻛﺴﺒﻬﺎ ﺷﺒﻴﺼﻴﺮ ﻋﻠﻲ ..
-------------------------
ﻣﻨﺎﻳﺮ ﺍﻟﻠﻲ ﺩﺧﻠﺖ ﻟﺴﻤﺎﺀ ﺑﻜﻞ ﻫﺪﻭﺀ ﻇﻠﺖ ﻗﺎﻋﺪﺓ ﻓﻲ ﺍﻟﺼﺎﻟﺔ ﻭﻫﻲ
ﺗﻨﺘﻈﺮﻫﺎ ﺍﺗﻴﻴﻬﺎ ﻭﺑﻨﻔﺲ ﺍﻟﻮﻗﺖ ﻛﺎﻧﺖ ﻣﺄﺧﻮﺫﻩ ﺑﺄﻧﺎﻗﺔ ﺍﻟﺒﻴﺖ
ﻭﻛﺸﺨﺘﻪ .. ﻳﻌﻨﻲ ﺑﻴﺘﻬﻢ ﺻﺎﺭ ﺷﻲ ﺟﻤﻴﻞ .. ﻟﻜﻦ ﻫﺎﻟﺒﻴﺖ ﻣﺎ ﻳﻌﻠﻰ
ﻋﻠﻴﻪ .. ﻭﻛﺄﻧﻪ ﻗﺼﺮ . ﺍﻫﻮ ﺑﺎﻟﻔﻌﻞ ﻗﺼﺮ .. ﻛﺎﻥ ﻫﺎﻟﺒﻴﺖ ﻣﻦ ﺍﻛﺒﺮ ﺍﻟﺒﻴﻮﺕ
ﺍﻟﻠﻲ ﺍﻧﺒﻨﻮﺍ ﻓﻲ ﻫﺎﻟﻔﺮﻳﺞ .. ﻭﺗﺤﺮﻛﺖ ﺭﻭﺡ ﺍﻟﺘﺤﻘﻖ ﻓﻲ ﻣﻨﺎﻳﺮ ﻭﻗﺎﻣﺖ
ﻋﻠﻰ ﺣﻴﻠﻬﺎ ﻭﻫﻲ ﺗﺴﺘﻜﺸﻒ ﻫﺎﻟﺒﻴﺖ .. ﻋﺸﺎﻥ ﺍﻟﺪﻻﺋﻞ ﻭﺍﻟﺤﻘﺎﺋﻖ .
ﺭﺍﺣﺖ ﻭﻫﻲ ﺗﺘﻤﺸﻰ ﻋﻨﺪ ﻃﺎﻭﻟﺔ ﻛﺎﻥ ﻋﻠﻴﻬﺎ ﺍﻃﺎﺭﺍﺕ ﻣﺘﻌﺪﺩﺓ ﻟﺼﻮﺭ
ﺍﻫﻞ ﺍﻟﺒﻴﺖ .. ﻳﻤﻜﻦ ﺍﻛﺜﺮﻫﺎ ﻛﺎﻧﺖ ﻟﺤﺮﻣﺔ ﻭﻭﻟﺪ .. ﻭﻫﺎﻟﻮﻟﺪ ﻛﺎﻥ ﻣﺸﻌﻞ
ﻣﺎ ﻏﻴﺮﻩ .. ﻭﺗﻤﺖ ﺗﺮﺍﻗﺐ ﻣﻼﻣﺤﻪ ﻣﻨﺎﻳﺮ ﺑﺤﺎﺟﺐ ﻣﺮﻓﻮﻉ ﻣﺜﻠﻬﺎ ﻣﺜﻞ
ﺷﻴﺮﻟﻮﻙ ﻫﻮﻟﻤﺰ .. ﺗﻤﺖ ﺗﺘﻤﻨﻈﺮ ﻓﻴﻬﺎ ﻭﺗﺪﻗﻖ ﻭﺗﺪﻗﻖ ﻟﻤﻦ ﺍﻧﺪﻋﺲ
ﺧﺸﻤﻬﺎ ﻋﻨﺪ ﻋﻴﻨﻬﺎ .. ﻭﻳﻮﻡ ﻻﺣﻈﺖ ﺍﺷﻴﺎﺀ ﺧﻴﺎﻟﻴﻪ ﺩﺍﺭﺕ ﻓﻲ ﺑﺎﻟﻬﺎ
ﻭﻗﻔﺖ ﻭﻫﻲ ﺗﻤﻄﻂ ﻇﻬﺮﻫﺎ ﺍﻟﻠﻲ ﻛﺎﻥ ﻣﻨﺤﻨﻲ ﻃﻮﻝ ﻫﺎﻟﻮﻗﺖ .. ﻣﻮ
ﺣﺎﺳﺔ ﺑﺎﻟﺸﺨﺺ ﺍﻟﻠﻲ ﻛﺎﻥ ﻭﺍﻗﻒ ﻳﻨﺎﻇﺮﻫﺎ ..
ﻭﻳﻮﻡ ﺍﻟﺘﻔﺘﺖ ﺗﻔﺎﺟﺄﺕ ﺍﻧﻬﺎ ﺷﺎﻓﺘﻪ .. ( ﻣﻮﺿﻮﻉ ﺍﻟﺒﺤﺚ ) :: ﻣﺸﻌﻞ ::
ﻭﻗﻔﺖ ﻭﻫﻲ ﺗﻨﺎﻇﺮﻩ ﺑﺸﻤﻮﺥ ﻭﺑﻴﻦ ﺍﻟﺼﻤﺖ ﺗﻜﻠﻤﺖ ....: ﺍﻧﺘﻈﺮ ﺳﻤﺎﺀ !.
ﻣﺸﻌﻞ ﺑﺎﺑﺘﺴﺎﻣﺔ ﺭﺍﻗﺐ ﻣﻼﻣﺤﻬﺎ .. ﻗﺮﻳﺒﺔ ﻭﺑﻌﻴﺪﺓ ﺑﻨﻔﺲ ﺍﻟﻮﻗﺖ ﻣﻦ
ﻓﺎﺗﻦ ..: ﺍﻧﺘﻲ ﺍﺧﺖ ﺟﺮﺍﺡ ﺻﺢ
ﻣﻨﺎﻳﺮ ﺑﻐﺮﻭﺭ : ﺍﻱ ﻧﻌﻢ .. ﺻﺢ ..
ﺍﺑﺘﺴﻢ ﻣﺸﻌﻞ : ﺩﻗﺎﻳﻖ ﺑﺲ ﻭﺗﻨﺰﻝ ﻟﺞ ﺳﻤﺎﺀ .. ﺍﻫﻲ ﺷﻮﻱ ﺗﻌﺒﺎﻧﺔ ﺍﻟﻴﻮﻡ
ﻣﻨﺎﻳﺮ ..: ﺍﻭﻛﻴﻚ .. ﺑﻨﺘﻈﺮﻫﺎ ...
ﺍﺳﺘﻐﺮﺏ ﻣﺸﻌﻞ ﻣﻦ ﺗﺼﺮﻓﻬﺎ ﺍﻟﺠﺎﻑ ﺍﻭ ﺍﻟﻤﻐﺮﻭﺭ ﺷﻮﻱ ﻟﻜﻨﻪ ﻣﺎ ﻋﻄﺎﻫﺎ
ﺍﻱ ﺍﻫﻤﻴﺔ .. ﻭﺭﺍﺡ ﻋﻨﻬﺎ .. ﺍﻣﺎ ﻫﻲ ﻇﻠﺖ ﺗﻨﺎﻇﺮﻩ ﻭﻫﻲ ﺗﺘﻮﻋﺪ ﻓﻴﻪ .
ﺍﻧﺎ ﻻﺯﻡ ﺍﻛﺘﺸﻒ ﺣﻘﻴﻘﺘﻚ .. ﻻﺯﻡ ..
ﻭﻣﻦ ﺑﻌﺪ ﻣﺎ ﺭﺍﺡ ﻣﺸﻌﻞ ﻳﺎﺗﻬﺎ ﺳﻤﺎﺀ ﻭﻫﻲ ﻻﺑﺴﺔ ﺍﻟﺒﻴﺠﺎﻣﺎ .. ﻭﻋﻴﻮﻧﻬﺎ
ﻣﺘﻨﻔﺨﺔ ﻭﻛﺸﺘﻬﺎ ﻣﻨﺸﻮﺭﺓ .. ﺍﺳﺘﻐﺮﺑﺖ ﻣﻨﺎﻳﺮ ﻳﻮﻡ ﺷﺎﻓﺘﻬﺎ ﺑﺲ ﺗﺬﻛﺮﺕ
ﺍﻟﺨﻼﻑ ﻟﻠﻲ ﺩﺍﺭ ﺑﻴﻨﻬﺎ ﻭﺑﻴﻦ ﺧﺎﻟﺪ ..
ﺳﻤﺎﺀ ﻭﻫﻲ ﺗﻠﻢ ﻣﻨﺎﻳﺮ : ﻣﻨﻮﻭﻭﻭﻭﻭﻭﻭﻭﺭ
ﻣﻨﺎﻳﺮ : ﻭﻳﻴﻴﻴﻴﻴﻴﻪ ﺷﻮﻱ ﺷﻮﻱ ﻋﻠﻰ ﻋﻤﺮﺝ؟؟ ﻋﻼﻣﺞ ﺳﻤﺎﺀ
ﺳﻤﺎﺀ ﻭﻫﻲ ﺷﻮﻳﻮﺗﺒﺠﻲ : ﺑﻤﻮﺕ ﻣﻨﻮﻭﻭﺭ
ﻣﻨﺎﻳﺮ : ﻭﺧﺮﻱ ﺯﻳﻦ .. ﺍﺣﺪ ﻳﻤﻮﺕ ﻋﻠﻰ ﻫﺎﻟﻤﻌﺼﻘﻞ ..
ﺳﻤﺎﺀ : ﻣﻨﻮﺭ ﺫﺑﺤﻨﻲ ﻭﻟﺪ ﺧﺎﻟﺘﺞ
ﻣﻨﺎﻳﺮ : ﺗﺮﺍﺝ ﻟﻠﺤﻴﻦ ﻳﺎﻫﻞ .. ﺧﻠﻲ ﻋﻨﺞ ﺧﻠﻮﻭﺩ ﻭﺳﻤﻌﻴﻨﻲ ﻋﻨﺪﻱ ﻟﺞ
ﺳﺎﻟﻔﺔ
ﺳﻤﺎﺀ ﺑﺎﺳﺘﻐﺮﺍﺏ : ﺳﺎﻟﻔﺔ؟
ﻣﻨﺎﻳﺮ : ﺳﺎﻟﻔﺔ ﺧﻄﻴــــــﺮﺓ
ﺳﻤﺎﺀ ﺗﺴﻜﺘﻬﺎ : ﺻﺒﺮﻱ .. (ﺗﺘﻠﻔﺖ .. ﺍﻛﻴﺪ ﺍﻣﻬﺎ ﻗﺎﻋﺪﺓ ﻓﻲ ﻣﻜﺎﻥ ﻭﻫﻲ
ﺗﺘﺴﻤﻌﻬﻢ ) ﺗﻌﺎﻟﻲ ﻭﻳﺎﻱ ﺩﺍﺭﻱ ﻻ ﺍﺣﺪ ﻳﺴﻤﻌﻨﺎ
ﻣﻨﺎﻳﺮ : ﺍﻭﻛﻴﻪ
ﻭﺭﺍﺣﻮ ﺍﻟﺜﻨﺘﻴﻦ ﻟﺪﺍﺭ ﺳﻤﺎﺀ ..
----------------------------
ﻣﺸﻌﻞ ﺍﻟﻠﻲ ﻃﻠﻊ ﻣﻦ ﺍﻟﺒﻴﺖ ﺍﻭﻝ ﻣﺎ ﺑﻴﺮﻛﺐ ﺳﻴﺎﺭﺗﻪ ﺷﺎﻑ ﺟﺮﺍﺡ
ﻃﺎﻟﻊ ﻣﻦ ﺍﻟﺪﻳﻮﺍﻧﻴﺔ ﻭﻣﻌﺎﻩ ﺷﺨﺺ .. ﻭﻳﻮﻡ ﺗﻌﺮﻑ ﻋﻠﻰ ﻣﻼﻣﺤﻪ ﻇﻞ
ﻭﺍﻗﻒ ﻭﻫﻮ ﻳﺘﻤﻨﻈﺮ ﻓﻴﻪ .. ﻫﺬﺍ ﻫﻮ ﺍﻝ ..**** ﺧﻄﻴﺐ ﻓﺎﺗﻦ .. ﺷﺴﻮﻱ
ﻫﻨﻲ؟؟ ﻻ ﻳﻜﻮﻥ ... ﻻﻳﻜﻮﻥ ﻓﺎﺗﻦ ﺭﺩﺕ؟؟؟ ﻭﻳﻨﻬﺎ ﻃﻴﺐ؟؟
ﻣﺎﺷﻮﻓﻬﺎ؟؟؟
---------------------
ﻣﺮﻳﻢ ﻣﻦ ﺑﻌﺪ ﻣﺎ ﺗﻠﻘﺖ ﺍﺗﺼﺎﻝ ﻣﻦ ﻣﺴﺎﻋﺪ ﻭﺳﻜﺮﺗﻪ ..
ﻣﺮﻳﻢ ﻭﻫﻲ ﺗﻘﻮﻡ : ﻳﺎﻟﻠﻪ ﺧﺎﻟﺘﻲ ﺍﺣﻨﺎ ﺑﻨﺮﻭﺡ
ﺍﻡ ﺟﺮﺍﺡ ﺑﺼﺪﻣﺔ : ﺑﻬﺎﻟﺴﺮﻋﺔ
ﻧﻮﺭﺓ ﺑﺎﺑﺘﺴﺎﻣﺔ : ﺗﻌﺮﻓﻴﻦ ﻣﺴﺎﻋﺪ ﺩﻭﻣﻪ ﻣﺸﻐﻮﻝ .. ﻭﺧﺼﻮﺻﺎ ﺑﺎﺟﺮ
ﺍﻟﺴﻔﺮ ﺑﻌﺪ ﺍﻧﺸﻐﻞ ﺯﻭﺩ ﻭﺯﻭﺩ ..
ﺍﻡ ﺟﺮﺍﺡ : ﻭﻳﻴﻴﻪ .. ﺍﻟﻠﻪ ﻳﺮﺩﻛﻢ ﺑﺎﻟﺴﻼﻣﺔ ﺍﻥ ﺷﺎﺀ ﺍﻟﻠﻪ ﻭﻭﻳﺎﻛﻢ ﺑﻨﺘﻲ
ﺑﻌﺪ ..
ﻣﺮﻳﻢ ﺑﺎﺑﺘﺴﺎﻣﺔ ﺣﻠﻮﺓ ﻭﻣﺮﺣﺔ : ﻭﻳﺮﺩﻧﻲ ﻭﻳﺎﻫﻢ ﺑﻌﺪ
ﺍﻡ ﺟﺮﺍﺡ ﺑﺼﺪﻣﺔ : ﺍﻧﺘﻲ ﺑﻌﺪ؟
ﻣﺮﻳﻢ : ﺍﻱ ﺍﻧﺎ ﺑﻌﺪ ﻟﻴﺶ ﻣﺎﻭﺡ ﻭﻳﺎﺍﺍﺍﻫﻢ ﻳﺤﻠﻴﻠﻲ ﻣﺎ ﺭﺣﺖ ﺍﻣﻴﺮﻛﺎ
ﺑﺤﻴﺎﺗﻲ
ﺍﻡ ﺯﻳﺎﺩ ﺗﻀﺤﻚ ﻟﻬﺎ : ﻭﻟﻠﻪ ﻳﻤﺔ ﺍﻧﺎ ﺭﺣﺘﻬﺎ ﻭﻳﺎﺭﻳﺘﻨﻲ ﻣﺎ ﺭﺣﺘﻬﺎ .. ﺗﻜﺴﺮ
ﺍﻟﺮﻳﻞ ﻭﺍﻟﻌﻈﺎﻣﺔ ..
ﻣﺮﻳﻢ : ﻻ ﻋﺎﺩ ﺧﺎﻟﺘﻲ ﺍﻧﺎ ﻣﺤﺪ ﺑﻴﻘﻨﻌﻨﻲ .. ﻻﺯﻡ ﺍﺭﻭﺡ ﺑﺮﻭﺣﻲ
ﻭﺍﺷﻮﻭﻭﻑ
ﺍﻡ ﺯﻳﺎﺩ : ﺭﻭﺣﻲ ﻭﺍﻥ ﻣﺎ ﺍﻧﺎ ﻗﻨﻌﺘﺞ ﺍﻧﺘﻲ ﺑﺘﻘﻨﻌﻴﻴﻴﻦ
ﻣﺮﻳﻢ ﺑﺤﺎﻟﻤﻴﺔ : ﻭﻱ ﻓﺪﻳﺘﻨﻲ ﻣﻨﻮ ﻗﺪﻱ ..
ﺿﺤﻚ ﺍﻟﻜﻞ ﻋﻠﻴﻬﺎ ﻭﻫﻲ ﻋﻠﻰ ﺍﻟﺮﻏﻢ ﻣﻦ ﺭﺍﺣﺘﻬﺎ ﺍﻻ ﺍﻥ ﻧﻈﺮﺍﺕ ﻏﺰﻻﻥ
ﻟﻬﺎ ﻭﻫﺪﻭﺋﻬﺎ ﻣﺎ ﻃﻤﻨﻬﺎ .. ﺗﺬﻛﺮﺕ ﻣﺮﻳﻢ ﻫﺎﻟﺒﻨﺖ ﻭﻣﻮﻗﻔﻬﻢ ﺍﻟﺴﺎﺑﻖ
ﻭﺷﻠﻮﻥ ﻛﺎﻧﺖ ﻻﺯﻗﺔ ﻭﻧﻌﻮﻣﺔ ﻭﻳﺎ ﺟﺮﺍﺡ ﻭﻛﺎﻧﻬﺎ ﺑﺘﻜﺴﺮ ﻇﻔﺮﻫﺎ .. ﻟﻜﻦ
ﻫﻴﻦ ﻟﺞ ﺍﻧﺎ ﻭﺭﺍﺝ ﻳﺎ ﺑﻨﺖ ﺍﻟﻨﺎﺱ ﺍﻥ ﻣﺎ ﺧﻠﻴﺘﺞ ﺗﻨﺪﻣﻴﻦ ﻋﻠﻰ
ﻫﺎﻟﺸﻲ ..
ﻏﺰﻻﻥ : ﻳﻤﺔ ﺍﺣﻨﺎ ﺑﻌﺪ ﻻﺯﻡ ﻧﺮﻭﻭﻭﺡ ..
ﺍﻡ ﺟﺮﺍﺡ : ﻳﺎ ﺍﻟﻠﻪ ﻋﻠﻴﻜﻢ ﻳﺎ ﻣﺎ ﻛﻠﻪ ﻳﺎ ﻣﺎ ﺧﻠﻪ ..
ﺍﻡ ﺯﻳﺎﺩ ﺗﺒﺘﺴﻢ : ﻻ ﻳﺎﻭﺧﻴﺘﻲ ﺑﺲ ﺑﻨﺘﻲ ﺑﺎﻟﺒﻴﺖ ﻭﺧﻠﻴﺘﻬﺎ ﺑﺮﻭﺣﻬﺎ
ﺍﻡ ﺟﺮﺍﺡ : ﻟﻴﺶ ﻣﺎ ﻳﺎﺕ ﻭﻳﺎﻛﻢ ﺟﺎﻥ ﻛﻤﻠﺖ ﺍﻟﻘﻌﺪﺓ
ﺍﻡ ﺯﻳﺎﺩ : ﻣﺎ ﺗﻘﺼﺮﻳﻦ ﺍﻟﺸﻴﺨﺔ .. ﻳﺎﻟﻠﻪ .. ﻋﻠﻰ ﺍﻟﻌﻤﻮﻡ ﺗﺸﺮﻓﻨﺎ ﺑﻤﻌﺮﻓﺘﺞ
ﺍﻡ ﺟﺮﺍﺡ : ﺍﻟﺸﺮﻑ ﻟﻨﺎ ﺍﻟﻐﺎﻟﻴﺔ .. ﻭﻟﻮ
ﻭﺑﻬﺎﻟﺸﻲ .. ﻃﻠﻌﻮﺍ ﺍﻟﻈﻴﻮﻑ ﻛﻠﻬﻢ ﻣﺮﺓ ﻭﺣﺪﺓ .. ﻏﺰﻻﻥ ﻭﺍﻣﻬﺎ ﺍﻟﻠﻲ
ﺭﺍﺣﻮ ﻋﻨﺪ ﺳﻴﺎﺭﺓ ﺍﻟﺴﺎﻳﻖ ﺍﻟﻠﻲ ﺍﻧﺘﻈﺮﻫﻢ ﻭﻣﺮﻳﻢ ﻭﻧﻮﺭﺓ ﺍﻟﻠﻲ ﺭﺍﺣﻮ
ﻋﻨﺪ ﺳﻴﺎﺭﺓ ﺍﺧﻮﻫﻢ .. ﻭﻣﺸﻌﻞ ﺍﻟﻠﻲ ﻛﺎﻥ ﻳﺮﺍﻗﺐ ﻛﻞ ﺷﻲ ﻣﻦ ﺩﺍﺧﻞ
ﺳﻴﺎﺭﺗﻪ ﺍﻟﻤﻌﺘﻤﺔ .. ﻳﺮﺍﻗﺐ ﺍﻟﻜﻞ ﻟﻤﻦ ﻃﺎﺣﺖ ﻋﻴﻮﻧﻪ ﻋﻠﻰ ﺧﺎﻟﺘﻪ
ﻭﺑﻨﺘﻬﺎ .. ﻛﺎﻧﻮ ﻭﺍﻗﻔﻴﻦ ﻋﻨﺪ ﺍﻟﺴﻴﺎﺭﺓ ﺑﺲ ﺗﻜﻠﻤﻮﺍ ﻓﻴﻤﺎ ﺑﻴﻨﻬﻢ ﻭﺗﻮﺟﻬﻮﺍ
ﻟﻠﺒﻴﺖ .. ﻭﻇﻞ ﻫﻮ ﻳﺸﻐﻞ ﻧﻔﺴﻪ ﻻﻧﻪ ﻣﺎﻳﺒﻲ ﻳﻔﻮﺕ ﻋﻠﻰ ﻋﻤﺮﻩ ﻣﺮﺍﻗﺒﺔ
ﻣﺴﺎﻋﺪ .. ﺍﻟﻠﻲ ﻛﺎﻥ ﻣﺜﻞ ﺍﻟﺼﺨﺮ ﺳﺎﻛﺖ ﻭﻫﺎﺩﺉ ﻭﻣﺎ ﻳﻬﺰ ﺣﺘﻰ
ﺭﺍﺳﻪ .. ﺩﺧﻞ ﺍﻟﺴﻴﺎﺭﺓ ﻭﻳﺎ ﺧﻮﺍﺗﻪ ﻭﺗﺤﺮﻙ ﻣﻦ ﺍﻟﻤﻜﺎﻥ ﺍﻟﻰ ﻣﻜﺎﻥ
ﺛﺎﻧﻲ ... ﻭﻣﺸﻌﻞ ﻭﺭﺍﺍﺍﺍﻩ ﺑﻬﺪﻭﺀ ..
ﺟﺮﺍﺡ ﺍﻟﻠﻲ ﻳﻮﻡ ﺷﺎﻑ ﻣﺮﻳﻢ ﻃﺎﻟﻌﺔ ﻧﺰﻝ ﻋﻴﻮﻧﻪ ﻟﻜﻨﻪ ﺭﻓﻌﻬﺎ ﻣﺮﺓ ﺛﺎﻧﻴﺔ
ﻳﻮﻡ ﺷﺎﻑ ﻏﺰﻻﻥ .. ﻭﻣﻦ ﺷﺎﻓﻪ ﻳﻨﺎﻇﺮﻫﺎ .. ﻣﺮﻳﻢ ﻣﺎ ﻏﻴﺮﻫﺎ ..
ﻭﺍﻟﺘﻔﺘﺖ ﺑﻴﻦ ﺍﻻﺛﻨﻴﻦ ﺑﻘﻬﺮ ﻭﻫﻲ ﻣﺤﺘﺮﻗﺔ ﻣﻦ ﺩﺍﺧﻠﻬﺎ .. ﻳﻌﻨﻲ ﺍﻧﺎ
ﻳﻮﻡ ﻧﺎﻇﺮﻧﻲ ﻧﺰﻝ ﻋﻴﻮﻧﻪ .. ﻭﻳﻮﻡ ﺷﺎﻓﻬﺎ؟؟ ﻣﺎ ﺍﻗﻮﻝ ﺍﻻ ﻣﺎﻟﺖ
ﻋﻠﻴــــــﻚ ..
ﺟﺮﺍﺡ ﺍﻟﻠﻲ ﻧﺰﻝ ﻋﻴﻮﻧﻪ ﻋﻦ ﻏﺰﻻﻥ ﺗﻢ ﻳﻨﺎﻇﺮ ﺍﻻﺭﺽ ﻭﻳﻮﻡ ﻣﺸﺖ
ﻣﺮﻳﻢ ﺻﻮﺑﻪ ﻣﺎ ﻗﺪﺭﺕ ﺗﻤﻨﻊ ﻧﻔﺴﻬﺎ ﻣﻦ ﻛﻠﻤﻪ ﻭﺣﺪﺓ ..
ﻣﺮﻳﻢ ﺑﺼﻮﺕ ﻭﺍﻃﻲ : ﻣﺎﻟــﺖ ﻋﻠﻴﻚ ﻳﻮﻡ ﺍﻧﻚ ﺗﺸﻮﻓﻬﺎ ﻗﺒﻠﻲ ..
ﺭﻓﻊ ﺟﺮﺍﺡ ﺭﺍﺳﻪ ﻻ ﺍﺭﺍﺩﻳﺎ ﻣﻦ ﻛﻼﻣﻬﺎ . ﻳﻌﻨﻲ ﻻﺣﻈﺘﻪ؟؟ ﺧﻠﻬﺎ ﺗﻮﻟﻲ ..
ﺑﺎﻟﻠﻲ ﻣﺎﺍﺍﺍﺍﺍﺍ ﻳﻮﻓﺞ .. ﻣﻮ ﺍﻫﻲ ﺑﺘﺴﺎﻓﺮ ﻭﻻ ﻓﻜﺮﺕ ﺗﺨﺒﺮﻧﻲ .. ﻳﺎﻟﻠﻪ
ﺧﻠﻬﺎ ﺗﺼﻄﻔﻞ .. ﻳﻌﻠﻬﺎ ﺍﻥ ﺷﺎﺀﺍﻟﻠﻪ ﻣﺎ ﺍﺍﺍ ﺗﺮﺿﻰ ..
ﺭﻛﺒﺖ ﻣﺮﻳﻢ ﺍﻟﺴﻴﺎﺭﺓ ﻭﻏﺰﻻﻥ ﺍﻟﻠﻲ ﻛﺎﻧﺖ ﺗﻨﺘﻈﺮ ﻭﻳﺎﺍﻣﻬﺎ ﺍﻟﻠﻲ ﺗﺒﻲ
ﺗﺰﻭﺭ ﺍﺧﺘﻬﺎ ﺩﺍﻣﻨﻬﺎ ﻣﻮﺟﻮﺩﺓ ﻓﻲ ﺍﻟﻤﻨﻄﻘﺔ .. ﻭﻳﻮﻡ ﺭﺍﺣﺖ ﺍﻻﻡ ﻋﻨﺪ
ﺑﻴﺖ ﺧﺎﻟﺘﻬﺎ ﺗﻘﺪﻣﺖ ﺍﻫﻲ ﺻﻮﺏ ﺟﺮﺍﺡ ﺍﻟﻠﻲ ﻛﺎﻥ ﻭﺍﻗﻒ ..
ﻏﺰﻻﻥ ﺑﺎﺑﺘﺴﺎﻣﺔ : ﺍﻟﺴﻼﺍﺍﻡ ..
ﺟﺮﺍﺡ ﻣﻦ ﻏﻴﺮ ﻣﺎ ﻳﺮﻓﻊ ﻋﻴﻮﻧﻪ : ﻭﻋﻠﻴﻜﻢ ﺍﻟﺴﻼﻡ ..
ﻏﺰﻻﻥ ﻭﻫﻲ ﺗﺮﺍﻗﺐ ﻣﻼﻣﺤﻪ ﻭﻛﺎﻥ ﻳﺒﻴﻦ ﺍﻧﻪ ﻣﺘﻈﺎﻳﺞ : ﺧﻴﺮ ﺟﺮﺍﺡ ..
ﻓﻴﻚ ﺷﻲ؟
ﺟﺮﺍﺡ ﻭﻫﻮ ﻳﺮﻓﻊ ﺭﺍﺳﻪ ﺑﺤﻴﺎ : ﻻ ﺳﻼﻣﺘﺞ .. ﻣﺎ ﻓﻴﻨﻲ ﺍﻻ ﺍﻟﻌﺎﻓﻴﺔ ..
ﻭﺍﻧﺘﻲ ﻓﻴﺞ ﺷﻲ؟
ﻏﺰﻻﻥ ﺑﺼﺪﻣﺔ : ﻻ ﻣﺎ ﻓﻴﻨﻲ؟؟
ﺟﺮﺍﺡ : ﺍﻟﺤﻤﺪﻟﻠﻪ .. ﻳﺎﻟﻠﻪ ... ﻣﻊ ﺍﻟﺴﻼﻣﺔ ..
ﻭﻣﺜﻞ ﻛﻞ ﻣﺮﺓ ﻣﺎ ﺧﻼﻫﺎ ﺣﺘﻰ ﺗﻜﻤﻞ ﺍﻟﺴﻼﻡ ﻭﺭﺍﺡ ﻋﻨﻬﺎ : ﺍﻟﻠﻪ
ﻳﺴﻠﻤﻚ ..
ﺩﺧﻞ ﺟﺮﺍﺡ ﺍﻟﺒﻴﺖ ﻭﻫﻮ ﻣﻌﺼﻮﻑ ﻣﻦ ﻣﺮﻳﻢ .. ﻳﻌﻨﻲ ﺍﻫﻲ ﺗﺰﻋﻞ ﻭﺍﻧﺎ
ﺍﺭﺍﺿﻴﻬﺎ ﻟﻜﻦ ﺍﻧﺎ ﻟﻮ ﺯﻋﻠﺖ ﻣﺎ ﺗﻬﺘﻢ ﻭﻻ ﺗﺤﻂ ﺑﺒﺎﻟﻬﺎ .. ﺧﻠﻬﺎ ﺗﻮﻟﻲ ..
ﺗﺮﻭﺡ ﻭﺗﺮﺩ ﻋﻠﻰ ﻛﻴﻔﻬﺎ ﺍﻧﺎ ﻣﺎﻟﻲ ﺷﻐﻞ ﻓﻴﻬﺎ
ﻃﻮﻝ ﺍﻟﺪﺭﺏ ﺣﺎﻭﻟﺖ ﻣﺮﻳﻢ ﺍﻧﻬﺎ ﺗﺤﺒﺲ ﺍﻟﺼﺮﺧﺔ ﺍﻟﻠﻲ ﻓﻴﻬﺎ .. ﻳﺎﺭﻳﺘﻬﺎ
ﺑﺲ ﺗﻘﺪﺭ ﺗﺮﺩ ﺑﻴﺖ ﺍﻡ ﺟﺮﺍﺡ ﻋﺸﺎﻥ ﺗﺪﺍﻭﻱ ﻫﺎﻟﻤﻐﺮﻭﺭ .. ﻟﻜﻦ ﻣﺎﻟﻪ
ﺩﺍﻋﻲ .. ﺍﻫﻮ ﻣﺎ ﻳﺴﺘﺎﻫﻞ .. ﻳﻨﺎﻇﺮ ﻏﺰﻻﻥ ﺟﻨﻪ ﻣﺎ ﺷﺎﻑ ﺧﻴﺮ .. ﺧﻞ
ﻏﺰﻻﻥ ﺗﻨﻔﻌﻪ ... ﺧﻠﻪ ﻳﻠﻘﻰ ﻣﻨﻬﺎ ﺍﻟﻠﻲ ﻣﻼﻗﻴﻪ ﻣﻨﻲ ﻃﻮﻝ ﻫﺎﻟﺴﻨﻴﻦ ..
ﻟﻜﻦ ﺧﻼﺹ ﻳﺎ ﺟﺮﺍﺡ .. ﺍﻧﺖ ﻻﺯﻡ ﻻﺯﻡ ﺗﺘﺄﺩﺏ . ﻭﺍﻥ ﻛﺎﻥ ﻫﺎﻟﺸﻲ ﻋﻠﻰ
ﺣﺴﺎﺏ ﺭﺍﺣﺘﻲ ..
ﻣﺴﺎﻋﺪ ﺍﻟﻠﻲ ﻻﺣﻆ ﺳﻜﻮﺕ ﻣﺮﻳﻢ ﻓﻲ ﺍﻟﺴﻴﺎﺭﺓ ﻭﻳﻮﻡ ﻭﻗﻒ ﻋﻨﺪ
ﺍﻟﺒﻴﺖ
ﻣﺴﺎﻋﺪ : ﻣﺮﻳﻢ؟؟
ﻣﺮﻳﻢ ﺑﻬﻤﻬﻤﺔ ﺣﺰﻳﻨﺔ : ﻫﻤﻤﻢ
ﻣﺴﺎﻋﺪ ﺑﺎﺳﺘﻐﺮﺍﺏ : ﻋﻼﻣﺞ؟؟ ﻓﻴﺞ ﺷﻲ؟
ﻣﺮﻳﻢ : ﻻ .. ﺍﺑﻲ ﺍﺭﻭﺡ ﺍﻟﺒﻴﺖ
ﻣﺴﺎﻋﺪ : ﻛﺎﻫﻮ ﺍﻟﺒﻴﺖ ﺟﺪﺍﻣﺞ ..
ﺍﻟﺘﻔﺘﺖ ﻣﺮﻳﻢ ﻭﺷﺎﻓﺖ ﺍﻧﻬﻢ ﻭﺻﻠﻮﺍ .. ﺍﻟﻈﺎﻫﺮ ﺍﻧﻬﺎ ﻛﺎﻧﺖ ﺳﺮﺣﺎﻧﻪ
ﻃﻮﻝ ﺍﻟﻮﻗﺖ ..
ﻣﺮﻳﻢ : ﺍﻭﻛﻴﻪ .
ﻣﺴﺎﻋﺪ : ﻻ ﺗﻨﺴﻴﻦ ﺗﺰﻫﺒﻴﻦ ﺍﻏﺮﺍﺿﺞ ﺑﺎﺟﺮ ﻣﻦ ﺍﻟﺼﺒﺢ ﺍﺣﻨﺎ ﻃﺎﻟﻌﻴﻦ ..
ﻣﺮﻳﻢ : ﺍﻥ ﺷﺎﺀ ﺍﻟﻠﻪ
ﻗﺎﻟﺘﻬﺎ ﻭﻫﻲ ﺗﺴﻜﺮ ﺍﻟﺒﺎﺏ ﻭﺣﺎﺳﻪ ﺑﺎﻟﺤﺰﻥ ﻟﺒﻠﻌﻮﻣﻬﺎ .. ﻟﻮ ﺍﺣﺪ ﻳﻜﻠﻤﻬﺎ
ﺑﺘﻨﻔﺠﺮ ﻣﻦ ﺍﻟﺼﻴﺎﺡ ﻋﻠﻴﻪ ﺍﻟﺤﻴﻦ .. ﻟﻴﺶ ﺟﺬﻱ .. ﻟﻴﺶ ﻳﻌﻨﻲ ﻗﺒﻞ ﻻ
ﺍﺳﺎﻓﺮ ﻳﻌﻨﻲ ﻻﺯﻡ ﺍﺗﻜﺪﺭ .. ﻭﺍﻧﺘﺒﻬﺖ ﻟﻨﻔﺴﻬﺎ ﻭﻫﻲ ﺑﻐﺮﻓﺘﻬﺎ ... ﺍﻫﻲ ﻣﺎ
ﺧﺒﺮﺕ ﺟﺮﺍﺡ ﺍﻧﻬﺎ ﺑﺘﺴﺎﻓﺮ ..ﺑﺲ ﺍﻛﻴﺪ ﻣﺴﺎﻋﺪ ﻗﺎﻝ ﻟﻪ ﻳﻌﻨﻲ ﻭﺷﻨﻮ
ﺍﻟﻔﺮﻕ ﻻﻏﺒﺖ ﻋﻨﻪ ﻳﻮﻣﻴﻦ .. ﻛﺎﻫﻲ ﻏﺰﻻﻥ ﺍﻟﻠﻲ ﺑﺘﻤﻠﻲ ﻭﻗﺘﻪ ﻋﻠﻴﻪ ..
ﻭﺑﻬﺎﻟﻔﻜﺮﺓ ﻣﺎ ﻗﺪﺭﺕ ﻣﺮﻳﻢ ﺍﻛﺜﺮ ﻭﻏﻄﺖ ﻋﻴﻮﻧﻬﺎ ﻭﻏﺎﺑﺖ ﻓﻲ ﻧﺤﻴﺐ
ﻳﺪﻳﺪ .. ﻣﺴﺮﻉ ﺍﻟﻔﺮﺣﺔ ﺍﻟﻠﻲ ﺻﺎﺑﺘﻬﺎ ﻋﺸﺎﻥ ﺗﻄﻴﺮ ﻓﻲ ﺩﻗﺎﻳﻖ ..
--------------------
ﻣﻨﺎﻳﺮ ﺍﻟﻠﻲ ﻧﺰﻟﺖ ﻣﻦ ﺩﺍﺭ ﺳﻤﺎﺀ ﻭﻫﻲ ﺗﺘﺴﺎﺳﺮﻫﺎ .. ﻭﺗﻮﺷﻮﺵ ﻓﻲ
ﺍﺫﻧﻬﺎ ﻭﺗﻄﻤﻦ ﺳﻤﺎﺀ ﻋﻦ ﻣﻮﺿﻮﻋﻬﺎ ﻭﻳﺎ ﺧﺎﻟﺪ ﺗﻔﺎﺟﺄﺕ ﻳﻮﻡ ﺷﺎﻓﺖ ﺍﻥ
ﺍﻡ ﺯﻳﺎﺩ ﻭﻏﺰﻻﻥ ﻛﺎﻧﻮ ﻓﻲ ﺍﻟﺼﺎﻟﺔ ﻭﻳﻮﻡ ﺷﺎﻓﺖ ﻏﺰﻻﻥ ﻣﻨﺎﻳﺮ ﻋﻨﺪ
ﺳﻤﺎﺀ ﺍﺳﺘﻐﺮﺑﺖ . ﻳﻌﻨﻲ ﺳﻤﺎﺀ ﺍﻫﻲ ﺍﺭﻓﻴﺠﺔ ﻣﻨﺎﻳﺮ؟؟
ﻣﻨﺎﻳﺮ : ﻳﺎﻟﻠﻪ ﺳﻤﻮﻱ ﺍﻧﺎ ﺑﺮﻭﺡ
ﺳﻤﺎﺀ : ﺍﻭﻛﻴﻚ
ﻣﻨﺎﻳﺮ : ﺧﻠﺞ ﺻﺎﺣﻴﺔ ﺑﺎﻟﻠﻲ ﻗﻠﺖ ﻟﺞ ﻋﻠﻴﻪ ﻭﺑﺘﻨﺠﺤﻴﻦ
ﺳﻤﺎﺀ : ﻭﻟﻲ ﺯﻳﻦ ﻣﺴﻮﻳﺔ ﺭﻭﺣﺞ ﻧﺎﺻﺤﺔ
ﻣﻨﺎﻳﺮ ﺑﻨﻈﺮﺓ ﺍﺟﺮﺍﻡ : ﺻﺞ ﻻ ﻗﺎﻟﻮ ﻻ ﺷﺒﻊ ﺍﻝ ::
ﺳﻤﺎﺀ ﻭﻫﻲ ﺗﺪﻓﻌﻬﺎ : ﻭﻟﻲ ﻭﻳﺎ ﻫﺎﻟﺮﺍﺱ ..
ﻃﻠﻌﺖ ﻣﻨﺎﻳﺮ ﻣﻦ ﺍﻟﺒﺎﺏ ﻭﺳﻤﺎﺀ ﺍﻟﻠﻲ ﻣﺎ ﻛﺎﻥ ﻟﻬﺎ ﻣﺰﺍﺝ ﻟﺨﺎﻟﺘﻬﺎ ﺍﻭ
ﺑﻨﺖ ﺧﺎﻟﺘﻬﺎ ﺑﺎﻻﺣﺮﻯ ﻛﺎﻧﺖ ﻣﺠﺒﻮﺭﺓ ﺍﻧﻬﺎ ﺗﺮﻭﺡ ﻭﺗﺴﻠﻢ ﻋﻠﻴﻬﻢ ..
ﺍﻣﺎ ﻣﻨﺎﻳﺮ ﺍﻟﻠﻲ ﻃﻠﻌﺖ ﻣﻦ ﺍﻟﺒﻴﺖ ﺗﻔﺘﺢ ﺭﺑﺎﻁ ﺟﻮﺗﻴﻬﺎ ﺍﻟﺮﻳﺎﺿﻲ ﻭﻧﺰﻟﺖ
ﺗﺼﻠﺤﻪ .. ﻭﻳﻮﻡ ﺭﻓﻌﺖ ﺭﺍﺳﻬﺎ ﻻﻗﺖ ﻣﺸﻌﻞ ﺍﻟﻠﻲ ﺭﺩ ﻣﻦ ﻣﺘﺎﺑﻌﺔ
ﻣﺴﺎﻋﺪ ﻟﺒﻴﺘﻬﻢ ﺟﺪﺍﻣﻬﺎ ..
ﻣﺸﻌﻞ ﻳﺒﺘﺴﻢ : ﺣﺎﺳﺒﻲ ﻟﺮﺍﺳﺞ
ﻣﻨﺎﻳﺮ ﺑﺬﻛﺎﺀ : ﺍﻧﺎ ﻣﺤﺎﺳﺒﺔ ﻟﻪ ﻟﻜﻦ ﻧﺎﺱ ﻣﺎ ﻳﺤﺎﺳﺒﻮﻭﻥ
ﻣﺸﻌﻞ ﺑﻐﺮﺍﺑﺔ : ﺷﻘﺼﺪﺝ؟
ﻣﻨﺎﻳﺮ : ﻣﻊ ﺍﻟﺴﻼﻣﺔ ..
ﻭﺭﺍﺣﺖ ﻋﻨﻪ ﻭﻫﻲ ﻣﺘﻨﻔﺮﺓ ﻣﻨﻪ .. ﻫﺎﻻﻧﺴﺎﻥ ﻓﻴﻪ ﺷﻲ ﻣﻮ ﻋﺎﺟﺒﻨﻲ
ﻣﺎﺩﺭﻱ .. ﺳﻤﺎﻫﺮ ﺗﺸﻮﻓﻪ ﻭﺳﻴﻢ ﻭﺣﻠﻮ ﻭﻋﻴﻮﻧﻪ ﻣﺎﺩﺭﻱ ﺷﻘﺎﻟﺖ ﻋﻨﻬﻢ
ﻟﻜﻦ ﺍﻧﺎ ﻗﻠﺒﻲ ﻣﺎ ﻳﻄﻤﻨﻲ ﻣﻨﻪ .. ﻓﻴﻪ ﺷﻲ ﻏﺮﻳﺐ ﺷﻲ ﻳﺨﻠﻲ ﺍﻟﻮﺍﺣﺪ
ﻳﺤﺘﺮﺱ ﻣﻨﻪ . ﻭﺍﻧﺎ ﻻﺯﻡ ﺍﺗﻜﺸﻒ ﻫﺎﻟﺸﻲ
ﻣﺸﻌﻞ ﻇﻞ ﻭﺍﻗﻒ ﻭﻫﻮ ﻳﻔﻜﺮ ﺑﻬﺎﻟﺒﻨﺖ ﺍﻟﺼﻐﻴﺮﻭﻧﻪ .. ﺻﻐﻴﺮﻭﻧﻪ ﻟﻜﻦ
ﻟﺴﺎﻧﻬﺎ ﻃﻮﻳﻞ .. ﻭﻋﻠﻰ ﻃﻮﻝ ﺗﺬﻛﺮ ﻓﺎﺗﻦ .. ﻛﺎﻧﺖ ﺍﻟﺘﻀﺎﺩ ﻟﻬﺎﻟﺒﻨﺖ ..
ﻓﻴﻬﺎ ﻣﻠﻤﺢ ﻣﻦ ﻣﻼﻣﺤﻬﺎ ﺑﻬﺬﺍﻙ ﺍﻟﻴﻮﻡ ﺍﻟﻠﻲ ﻭﻗﻔﺘﻪ ﺑﻨﺺ ﺍﻟﺸﺎﺭﻉ ﻟﻜﻨﻬﺎ
ﺑﻌﺪ ﺗﺨﺘﻠﻒ .. ﻓﺎﺗﻦ ﻛﺎﻧﺖ ﻣﺜﺎﻝ ﻟﻠﻨﻌﻮﻣﺔ ﻭﺍﻟﺮﻗﺔ ﻟﻜﻦ ﻫﺬﻱ ...
ﻫﺰ ﺭﺍﺳﻪ ﻭﺩﺧﻞ ﺑﻴﺘﻬﻢ ..
----------------------------------------
ﺍﻟﻴﻮﻡ ﺍﻟﺴﻔﺮ .. ﺍﻟﻴﻮﻡ ﺍﻟﻤﻮﻋﻮﺩ .. ﻣﺎ ﻗﺪﺭﺕ ﻓﺎﺗﻦ ﻓﻴﻪ ﺗﻨﺎﻡ ﻭﻻ
ﺗﺴﺘﺮﻳﺢ .. ﺗﺤﺎﺗﻲ ﻫﺎﻟﻮﻗﺖ ﺍﻟﻠﻲ ﻗﺎﻋﺪ ﻳﻤﺮ ﺑﺴﺮﻋﺔ ﻭﻳﺨﻠﻲ ﻣﻮﻋﺪ
ﻣﻼﻗﺎﺗﻬﺎ ﺑﻤﺴﺎﻋﺪ ﺍﻗﺮﺏ ﻭﺍﻗﺮﺏ .. ﻳﺎ ﺍﻟﻠﻪ ﺑﻜﻮﻥ ﺑﺮﻭﺣﻲ ﻭﻳﺎﻩ ﻓﻲ
ﻧﻔﺲ ﺍﻟﻤﻜﺎﻥ .. ﻣﺎ ﺍﻗﺪﺭ ﺍﺗﺨﻴﻞ ﻫﺎﻟﺸﻲ .. ﺍﻫﻮ ﻗﺎﻝ ﻟﻲ ﻳﺎ ﺍﻟﺨﻤﻴﺲ
ﺑﺎﻟﻠﻴﻞ ﺍﻭ ﺍﻟﺠﻤﻌﺔ ﻭﻣﺎ ﺍﺩﺭﻱ ﻟﻴﺶ ﺍﺣﺲ ﺍﻧﻲ ﺍﺭﺟﺢ ﺍﻟﺨﻤﻴﺲ .. ﻳﻤﻜﻦ
ﻳﺒﻲ ﻳﺴﻮﻳﻬﺎ ﻟﻲ ﻣﻔﺎﺟﺎﺓ .. ﻳﺎ ﻗﻠﺒﻲ ﺍﻱ ﻣﻔﺎﺟﺎﺓ ﺍﻟﻠﻲ ﺍﻧﺘﻈﺮﻫﺎ ﺍﻧﺎ
ﺍﻟﻴﻮﻡ ﺑﻨﻘﺘﻞ ﺑﻨﺬﺑﺤﺞ ﻣﻨﻪ .. ﻟﻜﻦ .. ﺍﻧﺎ ﻻﺯﻡ ﺍﻛﻮﻥ ﺍﻗﻮﻯ ﻣﻦ ﺟﺬﻱ ﺍﻧﺎ
ﺗﻮﻋﺪﺕ ﻓﻲ ﻧﻔﺴﻲ ﻭﺗﺤﻠﻔﺖ ﺍﻧﻲ ﻣﺎ ﺧﻠﻴﻪ ﻳﺄﺛﺮ ﻓﻴﻨﻲ .. ﻭﻳﻦ ﻣﺎﻳﺄﺛﺮ ..
ﺍﻭﻝ ﻣﺎ ﻗﻌﺪﺕ ﻭﻳﺎﻩ ﻛﻨﺖ ﺍﻛﺮﻫﻪ .. ﻭﻳﻮﻡ ﺭﺍﺡ ﻧﺪﻣﺖ ﻋﻠﻰ ﺭﻭﺣﺘﻪ ..
ﻭﻳﻮﻡ ﺑﻴﺮﺟﻊ ﻟﻲ ﺍﻧﺎ ﻗﻠﺒﻲ ﻣﺎﺩﺭﻱ ﻭﻳﻦ ﺍﺣﻄﻪ .. ﻗﻠﺒﻲ ﺍﻟﻠﻲ ﺧﺎﻳﻨﻨﻲ
ﻭﺭﺍﺡ ﻟﺼﻮﺑﻪ ﻭﻣﻨﺘﻈﺮ ﻭﺻﻮﻟﻪ ﺍﻛﺜﺮ ﻣﻦ ﺍﻱ ﺷﻲ .. ﻳﺎ ﺍﻟﻠﻪ ﺻﺒﺮﻧﻲ ..
ﺻﺒﺮﻧﻲ ﻋﻠﻰ ﻟﻘﻴﺎﻩ ..
ﻣﺴﺎﻋﺪ ﺍﻟﻠﻲ ﻛﺎﻥ ﻳﺰﻫﺐ ﺍﻻﻏﺮﺍﺽ ﻓﻲ ﺍﻟﻤﻄﺎﺭ ﻭﻳﺎ ﻣﺮﻳﻢ ﻭﻧﻮﺭﺓ ﻭﻟﺆﻱ
ﻣﻌﺎﻫﻢ .. ﺗﺮﻛﻮ ﺍﻻﻡ ﻭﻫﻲ ﺗﺒﺠﻲ ﻓﺮﺍﻕ ﺑﻨﺘﻬﺎ ﻭﻭﻟﺪﻫﺎ ﻭﻻ ﻛﺎﻧﻬﻢ
ﺑﻴﻐﻴﺒﻮﻥ ﻓﺘﺮﺓ ﻭﺑﻴﺮﺟﻌﻮﻥ .. ﻭﻋﻴﻮﻥ ﻣﺴﺎﻋﺪ ﻭﺗﻔﻜﻴﺮﻩ ﻛﺎﻧﻮ ﻣﺸﺘﺘﻴﻦ ..
ﻳﻌﻨﻲ ﺍﻫﻮ ﺑﺠﺴﻤﻪ ﻣﻮﺟﻮﺩ ﻟﻜﻨﻪ ﻏﺎﻳﺐ ﻋﻨﻬﻢ .. ﺭﻭﺣﻪ ﻭﺗﻔﻜﻴﺮﻩ ﻭﻳﺎ
ﻓﺎﺗﻦ .. ﻭﻟﻮﻣﺎ ﻣﺮﻳﻢ ﻣﻌﺎﻩ ﺟﺎﻥ ﺍﻟﺸﻲ ﺭﺍﺡ ﻳﻜﻮﻥ ﻣﺨﺘﻠﻒ .. ﻳﻤﻜﻦ
ﻋﺎﺩﻱ ﺍﺧﺬﻫﺎ ﻣﻦ ﺷﻌﺮﻫﺎ ﻭﺍﺿﺮﺑﻬﺎ ﺑﺎﻟﺤﺎﻳﻂ ﺑﻌﺪﻳﻦ ﺍﺧﺬﻫﺎ ﻭﺍﻟﻤﻬﺎ
ﻟﺼﺪﺭﻱ ﻭﺍﺑﺎﺭﻳﻬﺎ .. ﻳﺎ ﺣﺒﻴﺒﺘﻲ ﻳﺎ ﻓﺎﺗﻦ .. ﻳﺎ ﺍﻗﻮﻯ ﻣﺘﺤﺪﻳﺔ
ﻭﺍﺻﻐﺮﻫﻢ .. ﻳﺎ ﺭﺑﻲ ﺷﻬﺎﻟﺘﻮﺗﺮ ﺍﻟﻠﻲ ﻗﺎﻋﺪ ﺍﺣﺲ ﻓﻴﻪ .. ﻣﺎ ﺑﺼﻴﺮ
ﺷﻲ .. ﺑﺪﺧﻞ ﻋﻠﻴﻬﺎ ﺑﺸﻜﻞ ﻋﺎﺩﻱ ﻭﺑﻜﻮﻥ ﻋﺎﺩﻱ ﻭﻣﺎ ﺑﻜﻠﻤﻬﺎ ﻭﻻ ﺣﺘﻰ
ﺑﻌﻄﻴﻬﺎ ﻭﻳﻪ .. ﻫﻬﺎﺍﻩ .. ﻫﺬﺍ ﺍﺫﺍ ﺍﻫﻲ ﺍﻫﺘﻤﺖ ﻟﻮﺟﻮﺩﻱ .. ﻻ ﻭﻣﺮﻳﻢ
ﺑﻌﺪ ﻋﻨﺼﺮ ﺍﻟﺘﺸﻴﺖ ﺭﺍﺡ ﺗﻜﻮﻭﻥ ﻓﻌﺎﻟﺔ ﻭﻳﺎﻫﺎ .. ﺑﺘﻠﺰﻕ ﻓﻴﻬﺎﻭﺍﻧﺎ ﺍﻟﺼﻔﺮ
ﺍﻟﻠﻲ ﻋﻠﻰ ﺍﻟﻴﺴﺎﺍﺍﺭ .. ﺍﺻﻼ ﻣﻔﺎﺟﺄﺗﻲ ﻟﻬﺎ ﺭﺍﺡ ﺗﻜﻮﻭﻥ ﻛﺎﻓﻴﺔ .. ﻣﺮﻳﻢ
ﺍﻟﻠﻲ ﺭﺍﺡ ﺗﻮﻗﻒ ﻟﻬﺎ ﻭﺗﻔﻬﻤﻬﺎ ﺍﻧﻲ ﺍﻧﺴﺎﻥ ﻻﺯﻡ ﺍﻟﻘﻰ ﺍﻟﻠﻲ ﺍﺑﻴﻪ ﻳﺎ
ﺗﺴﺘﺤﻴﻞ ﺣﻴﺎﺗﻲ ﺍﻟﻰ ﺍﻟﺠﺤﻴﻢ .. ﻭﻓﺎﺗﻦ ﻻﺯﻡ ﺗﻌﺮﻑ ﻫﺎﻟﺸﻲ ﻭﺗﺤﺘﺮﻣﻪ
ﺑﻌﺪ ﻟﻮ ﺗﺒﻲ .. ﻻﻧﻲ ﻣﻮ ﻣﺴﺘﻌﺪ ﺍﺭﺑﻲ ﻳﻬﺎﻝ .. ﻭﻋﻠﻰ ﺳﺎﻟﻔﺘﻬﺎ ﺍﻟﻠﻲ
ﺳﻮﺗﻬﺎ ﻫﺬﺍﻙ ﺍﻟﻴﻮﻡ ... ﺍﻧﺎ ﺍﻭﺭﻳﻬﺎ ... ﻛﻒ ﻣﺎ ﺗﺒﻲ ﻏﻴﺮﻩ
ﻟﺆﻱ : ﻣﺴﺎﻋﺪ .. ﻣﺴـــــﺄﻋﺪ؟
ﻣﺴﺎﻋﺪ ﻭﻫﻮ ﻳﻠﺘﻔﺖ ﺑﺠﻔﻞ : ﻫﺎ ﻫﺎ ﻫﻼﺍﺍ ﻓﻴﻚ
ﻟﺆﻱ ﻳﺒﺘﺴﻢ ﺑﺨﺒﺚ : ﻫﺎﺍ .. ﻓﻜﺮﻙ ﻣﻮ ﻭﻳﺎﻙ .. ﻭﻳﺎ ﺍﻟﺤﺒﻴﺒﺔ .. ﺍﻗﻮﻝ
.. ﻣﻮ ﻫﺬﻱ ﺍﻟﺨﻄﻮﻁ ﺍﻫﻲ ﻧﻔﺴﻬﺎ ﺍﻟﻠﻲ ﺭﺣﺖ ﻣﻌﺎﻫﺎ ﻫﺬﻳﺞ ﺍﻟﻤﺮﺓ
ﻣﺴﺎﻋﺪ : ﺍﻱ ﺍﻧﺎ ﺭﺣﺖ ﻫﻨﺎﻙ ﻭﻋﺠﺒﻮﻧﻲ ﺻﺮﺍﺣﺔ ﻭﻗﻠﺖ ﺍﺫﺍ ﺍﺿﻄﺮﻳﺖ
ﺍﻧﻲ ﺍﺳﺎﺭ ﻣﺮﺓ ﺛﺎﻧﻴﺔ ﺑﺴﺎﻓﺮ ﻋﻠﻰ ﻫﺎﻟﺨﻄﻮﻁ ..
ﻟﺆﻱ : ﺑﺲ ﻋﻴﻞ ﻳﺎ ﻗﻠﺒﻲ ﻳﺎ ﺍﺧﻮﻱ .. ﺗﺤﻤﻞ ﺑﺮﻭﺣﻚ ﻭﺣﻂ ﺑﺎﻟﻚ ﻋﻠﻰ
ﻣﺮﻳﻮﻡ ﻳﻤﻜﻦ ﺑﻬﺎﻟﺸﻴﻠﺔ ﻋﻠﺒﺎﻟﻬﻢ ﺍﻫﻲ ﻣﻦ ﺟﻬﺎﺕ ﺍﻭ ﺟﻬﺎﺕ
ﻣﺮﻳﻢ ﻭﻫﻲ ﺗﻀﺮﺏ ﻟﺆﻱ : ﻋﻤﻰ ﺑﻌﻴﻨﻚ ﺷﻨﻮﻭﻭ ﺟﻬﺎﺕ ﻭﺍﻟﻠﻪ ﺷﺮﻓﻬﻢ
ﻫﺎﻟﺸﻴﻠﺔ ﻭﻳﺎ ﺭﺍﺳﻚ
ﻟﺆﻱ : ﻭﺍﺍﺍﺍﺍﺍﺍﺍﻭ ﺍﺛﻨﻴﻨﻬﻢ ﻣﺰﺍﺟﻬﻢ ﻣﺜﻞ ﺍﻟﻔﻠﻔﻞ .. ﻳﺎﻟﻠﻪ ﺍﺧﻠﻴﻜﻢ ﺍﻧﺎ
ﺍﻟﺤﻴﻦ ﻭﺭﺍﻱ ﺍﻟﺸﻐﻞ
ﻣﺴﺎﻋﺪ ﺑﺎﺳﺘﻔﺮﺍﺏ : ﺍﻱ ﺷﻐﻞ؟
ﻧﻮﺭﺓ ﻭﻫﻲ ﺗﻨﺎﻇﺮ ﻣﺮﻳﻢ ﻣﻦ ﺗﺤﺖ ﻟﺘﺤﺖ : ﻭﻱ ﻣﺎ ﺗﺪﺭﻱ ﺍﻟﺤﻴﻦ ﻟﺆﻱ
ﻳﺸﺘﻐﻞ ﻭﻳﺎ ﺟﺮﺍﺡ ﻓﻲ ﺍﻟﻮﺭﺷﺔ
ﻣﺴﺎﻋﺪ ﻳﺒﺘﺴﻢ : ﺍﻭﻭﻩ .. ﺷﻲ ﺣﻠﻮﻭ ﻭﺍﻟﻠﻪ .. ﻳﺎﻟﻠﻪ ﺑﺎﻟﺘﻮﻓﻴﺞ .. ﺩﻳﺮﻭ
ﺑﺎﻟﻜﻢ ﻋﻠﻰ ﺍﻣﻲ ﻭﻻ ﺗﺨﻠﻴﻨﻬﺎ ﺑﺮﻭﺣﻬﺎ ﻳﺎ ﻧﻮﺭﺓ
ﻧﻮﺭﺓ ﻭﻫﻲ ﺗﻨﺰﻝ ﻋﻴﻮﻧﻬﺎ ﺑﺤﻴﺎ : ﻭﺍﻟﻠﻪ ﻣﻦ ﺯﻣﺎﻥ ﻣﺎ ﺧﻠﻴﺘﻬﺎ ﺑﺮﻭﺣﻬﺎ
ﻭﺗﻄﻤﻦ
ﻣﺴﺎﻋﺪ : ﻳﺎﻟﻠﻪ ﻋﻴﻞ .. ﺑﺨﻠﻴﻜﻢ ..
ﻟﺆﻱ :ﺗﺤﻤﻠﻮ ﺑﺮﻭﺣﻜﻢ ..
ﻭﺍﻧﻄﻠﻖ ﻣﺴﺎﻋﺪ ﻭﻳﺎ ﻣﺮﻳﻢ ﻭﻫﻢ ﺭﺍﻳﺤﻴﻦ ﻋﻨﺪ ﺍﻟﺘﺬﺍﻛﺮ ..
------------------------------------------------------------
ﺭﻥ ﺟﺮﺱ ﺍﻟﺒﻴﺖ ﻓﻲ ﺷﻘﺔ ﻓﺎﺗﻦ ﺍﻟﻠﻲ ﺟﻔﻠﺖ ﻣﻜﺎﻧﻬﺎ ﻭﻫﻲ ﺗﻮﻗﻒ .. ﻳﺎ
ﺭﺏ .. ﻣﺎ ﻳﺼﻴﺮ .. ﺍﻟﺤﻴﻦ ﻳﺎ .. ﻻ ﻣﺎﺻﺪﻕ ﻭﻳﻦ ﺍﻳﻲ ﺍﻟﺤﻴﻦ .. ﺗﻮ
ﺍﻟﻨﺎﺱ ﻋﻠﻰ ﺭﺣﻠﺘﻬﻢ .. ﻭﺭﺍﺣﺖ ﻫﻲ ﻋﻨﺪ ﺍﻟﺒﺎﺏ ﺗﻔﺘﺤﻪ ﻭﺍﺭﺗﺎﺍﺍﺍﺍﺍﺍﺍﺣﺖ
ﻳﻮﻡ ﻻﻗﺘﻬﻢ ﻣﻴﺸﻴﻼ ﻭﻳﺎ ﺟﻮﺭﺝ ﻭﺑﻨﺎﺗﻬﻢ ﺍﻟﺜﻨﺘﻴﻦ ...
ﺍﻟﺤﻮﺍﺭ ﺩﺍﺭ ﺑﺎﻻﻧﺠﻠﻴﺰﻱ ﺑﺲ ﻣﺘﺮﺟﻢ ﺑﺎﻟﻌﺮﺑﻲ
ﻟﺒﺴﺖ ﺍﻟﺸﺎﻝ ﺑﺴﺮﻋﺔ ﻭﻓﺘﺤﺖ ﺍﻟﺒﺎﺏ : ﻫﻼﺍﺍﺍ ﻭﺍﻟﻠﻪ
ﻣﻴﺸﻴﻼ : ﻫﻼ ﺑﻴﻜﻲ
ﺟﻮﺭﺝ ﻭﻫﻮ ﺣﺎﻣﻞ ﺍﻻﻏﺮﺍﺽ ﺍﻟﺒﺎﺟﻴﻪ : ﻛﻴﻔﻚ ﺳﺘﻲ ﻓﺎﺗﻦ
ﻓﺎﺗﻦ : ﻣﻨﻴﺤﺎ ﺍﻟﺤﻤﺪ ﻟﻠﻪ .. ﺍﻧﺘﻮ ﺷﺨﺒﺎﺭﻛﻢ ﻋﺴﺎﻛﻢ ﻃﻴﺒﻴﻦ
ﺟﻮﺭﺝ : ﻣﻨﺎﺍﺡ .. ﺷﻮ ﻣﺎﻓﻲ ﺍﺧﺒﺎﺭ ﻋﻦ ﺍﺳﺘﺎﺯ ﻣﺴﺎﻋﺪ
ﻓﺎﺗﻦ ﻭﻫﻲ ﺗﺮﺗﻌﺶ ﻣﻦ ﺩﺍﺧﻠﻬﺎ : ﻻ ﻭﺍﻟﻠﻪ ﺑﺲ ﺍﻟﻠﻴﻠﺔ ﺑﺎﻟﺘﺮﺟﻴﺢ ﺍﻭ ﺑﺎﺟﺮ
ﻳﺒﻜﻮﻧﻮﻥ ﻣﻮﺟﻮﺩﻳﻦ
ﻣﻴﺸﻴﻼ : ﺍﻟﻠﻪ ﻳﺠﻴﺒﻬﻢ ﺑﺎﻟﺴﻼﻣﺔ ...
ﻭﻇﻠﺖ ﻓﺎﺗﻦ ﻭﻳﺎ ﻫﺎﻟﻌﺼﺎﺑﺔ ﺍﻟﺼﻐﻴﺮﻭﻧﺔ ﺍﻟﻲ ﻣﺘﻌﻮﻫﺎ ﻟﻜﻦ ﻣﺎ ﺯﺍﻟﻮ ﻋﻨﻬﺎ
ﺍﻟﺘﻮﺗﺮ .. ﻇﻠﺖ ﺗﻔﻜﺮ ﻓﻲ ﻧﻔﺴﻬﺎ ﺍﻥ ﺟﺎﻥ ﻣﺴﺎﻋﺪ ﻧﺴﻰ ﺍﻟﻠﻲ ﺳﻮﺗﻪ
ﻭﻳﺎﻩ .. ﻭﻗﺪﺭ ﺑﻴﻨﻪ ﻭﺑﻴﻦ ﻧﻔﺴﻪ ﺍﻧﻪ ﻳﺴﺎﻣﺤﻬﺎ ﻭﻳﺨﻠﻲ ﺍﻟﻠﻲ ﺻﺎﺭ
ﻳﻌﺪﻱ ﻭﻳﻄﻮﻑ .. ﻟﻜﻦ ﻻ .. ﺍﻧﺎ ﺍﻟﻠﻲ ﺳﻮﻳﺘﻪ ﻓﻴﻪ ﻣﻮ ﺟﻠﻴﻞ .. ﺳﻜﺮﺕ
ﺍﻟﺘﻠﻔﻮﻥ ﻓﻲ ﻭﻳﻬﻪ ﻭﻫﺬﺍ ﺷﻲ ﻻ ﻳﻐﺘﻔﺮ ﻋﻠﻴﻪ .. ﻳﺎ ﺍﻟﻠﻪ ﻛﺎﻥ ﻻﺯﻡ ﻳﻌﻨﻲ
ﺗﺴﻜﺮ ﺍﻟﺘﻠﻔﻮﻥ ﻓﻲ ﻭﻳﻬﻪ .. ﻭﻛﺎﻥ ﻻﺯﻡ ﺗﺘﺠﺎﻫﻠﻪ ﻭﺕ ﻣﺎ ﻛﺎﻧﺖ
ﻣﺮﻳﻀﺔ .. ﻳﻌﻨﻲ ﺣﺮﺍﻡ ﻳﺎ ﻧﺎﺱ ﺍﻧﺎ ﻣﺎ ﻗﺪﺭ ﺍﺗﻬﻨﻰ ﺑﻨﻮﻣﻲ ﻭﻻ ﻟﻴﻠﻲ ..
ﺑﻮﺳﻂ ﺍﺣﺎﺳﻴﺲ ﺍﻟﺘﻮﺗﺮ ﺍﻟﻠﻲ ﺟﺎﺳﺖ ﻓﺎﺗﻦ ﻛﺎﻥ ﺍﻟﺨﻮﻑ ﻋﺎﻣﺮ
ﺧﻔﻮﻗﻬﺎ .. ﺳﺒﺐ ﻣﺎﺗﻘﺪﺭ ﺗﺴﻴﻄﺮ ﺍﻭ ﺗﻔﻜﺮ ﺑﺤﻘﻴﻘﺘﻪ .. ﻳﻤﻜﻦ ﻃﻮﻝ
ﺍﻟﺮﺣﻠﺔ ﺍﻟﻲ ﺍﻫﻲ ﻣﺮﺕ ﻓﻴﻬﺎ ﻣﻦ ﻗﺒﻞ ﺳﺎﻧﺪ ﻫﺎﻟﺨﻮﻑ ﺍﻟﻠﻲ ﻓﻴﻬﺎ .. ﻟﻜﻦ
ﺍﻫﻲ ﻟﻴﺶ ﺗﺨﺎﻑ .. ﺗﺤﻂ ﺍﻣﻠﻬﺎ ﻓﻲ ﺭﺏ ﺍﻟﻌﺎﻟﻤﻴﻦ ﻭﻳﺨﻠﻴﻬﺎ ﺗﻜﻮﻥ ﻓﻲ
ﺍﺣﺴﻦ ﺣﺎﻝ ..
-----------------------------
ﺟﺮﺍﺡ ﺍﻟﻠﻲ ﻛﺎﻥ ﻓﻲ ﺍﻟﻮﺭﺷﺔ ﻗﺎﻋﺪ ﻭﺣﺎﻁ ﺭﺍﺳﻪ ﻋﻠﻰ ﺍﻟﻄﺎﻭﻟﺔ .. ﻣﻮ
ﻧﺎﻳﻢ ﻛﺎﻟﻌﺎﺩﺓ ﻟﻜﻦ ﺍﻟﺼﺪﺍﻉ ﺍﻟﻠﻲ ﺣﻠﺲ ﻋﻠﻰ ﺭﺍﺳﻪ ﻣﺎ ﺧﻼﻩ ﻳﺮﺗﺎﺡ
ﺑﻨﻮﻭﻭﻣﻪ .. ﻭﻋﺸﺎﻥ ﻣﺎ ﻳﻘﻌﺪ ﻓﻲ ﺍﻟﺒﻴﺖ ﺭﺍﺡ ﺍﻟﻮﺭﺷﺔ ﻭﻗﻌﺪ ﻓﻴﻬﺎ ﻗﺒﻞ
ﺍﻟﻌﻤﺎﻝ ﻭﻗﺒﻞ ﺍﻟﻜﻞ .. ﻭﻫﻮﻳﻔﻜﺮ ﻓﻲ ﻣﺮﻳﻢ ﺍﻟﻠﻲ ﺑﺘﺴﺎﻓﺮ ﺍﻟﻴﻮﻡ ﻭﺍﻫﻲ
ﺯﻋﻼﻧﺔ ﻣﻨﻪ .. ﻟﻜﻦ ﻫﻢ ﺍﻧﺎ ﺯﻋﻼﻥ ﻋﻠﻰ ﺳﻔﺮﻫﺎ ﻭﻣﻮ ﻃﺎﻳﻖ ﺍﻟﺪﻧﻴﺎ
ﺑﺪﻭﻧﻬﺎ .. ﻳﺎ ﺗﺮﻯ ﺍﻫﻲ ﺣﺴﺖ ﺑﻨﻔﺲ ﺍﻟﺸﻌﻮﺭ ﻳﻮﻡ ﺍﻧﺎ ﺳﺎﻓﺮﺕ؟؟؟
ﻭﺳﺪ ﺧﺪﻩ ﻟﻠﻄﺎﻭﻟﻪ ﻭﻫﻮ ﻳﺤﺲ ﺑﻄﻌﻢ ﺍﻟﻔﺮﻗﺎ ﻣﺜﻞ ﺍﻟﻤﺮﺍﺭ ﻓﻲ ﺣﻠﺠﻪ ..
ﺣﺘﻰ ﺍﻟﺪﻣﻌﺔ ﺷﻮﻱ ﻭﺗﺴﺮﻱ ﻣﻦ ﻋﻴﻮﻧﻪ .. ﻳﺎ ﺍﻟﻠﻪ ﻳﺎ ﻣﺮﻳﻢ ﺷﻠﻮﻥ
ﺧﻠﻴﺘﺞ ﺗﺮﻭﺣﻴﻦ ﻣﻦ ﻏﻴﺮ ﻣﺎ ﻃﻴﺐ ﺧﺎﻃﺮﺝ .. ﻛﺒﺢ ﺟﻤﺎﺡ ﻗﻠﺒﻪ ﺍﻣﺲ
ﺍﻧﻪ ﻣﺎ ﻳﺮﻭﺡ ﻟﻌﻨﺪ ﺩﺭﻳﺸﺘﻬﺎ ﻣﺜﻞ ﻛﻞ ﻣﺮﺓ ﻭﻳﻘﻮﻝ ﻟﻬﺎ ﺍﻭ ﻳﻌﺒﺮ ﻟﻬﺎ ﻋﻦ
ﺍﻟﻠﻲ ﻳﺘﺨﺎﻟﺞ ﻣﺸﺎﻋﺮﻩ .. ﺍﻟﻐﺮﻭﺭ ﻛﺎﻥ ﺍﻛﺒﺮ ﻣﻨﻪ ﻭﻭﺣﺶ ﺍﻟﻜﺒﺮﻳﺎﺀ
ﺍﺳﺘﻴﻘﻆ ﻋﻨﺪﻩ ..
ﻣﺎﺩﺭﻱ ﺷﻜﺎﻥ ﻳﻨﺘﻈﺮ ﺍﻧﻬﺎ ﺗﻴﻴﻪ ﺑﺮﻭﺣﻬﺎ ﻭﺗﺴﺘﺴﻤﺢ ﻣﻨﻪ .. ﻟﻮ ﻛﻨﺖ
ﻣﺘﻜﺒﺮ ﻣﺮﺓ ﻣﺮﻳﻢ ﻛﻠﻬﺎ ﻋﻠﻰ ﺑﻌﻀﻬﺎ ﻏﺮﻭﺭ .. ﺍﺣﺒــــــــﺞ ﻳﺎﻟﻤﻐﺮﻭﺭﺓ ..
ﻭﺍﻥ ﺭﺩﻳﺘﻲ .. ﻻ ﻣﻨﻲ ﻟﺞ ﺍﻟﻬﺪﻳﺔ .. ﻫﺪﻳﺔ ﺣﺒﻨﺎ .. ﻫﺪﻳﺔ ﺑﺘﺨﻠﻴﺞ
ﺗﻄﻘﻄﻘﻴﻦ ﺑﺮﺍﺳﺴﺞ ﻣﻦ ﺯﻭﺩ ﻭﻧﺎﺳﺘﺞ .. ﺑﺘﻘﺪﻡ ﻟﺞ .. ﻭﺍﻟﻠﻲ ﻓﻴﻬﺎ
ﻓﻴﻬﺎ .. 21 ﺳﻨﺔ 21 ﺳﻨﺔ .. ﺍﻟﻲ ﺍﻛﺒﺮ ﻣﻨﻲ ﻣﺎ ﻳﺴﺪﻭﻥ ﺭﻭﺣﻬﻢ ﺍﻧﺎ
ﺳﺎﺩ ﻋﻤﺮﻱ ﻭﻟﻠﻪ ﺍﻟﺤﻤﺪ .. ﺑﺎﺧﺬﺝ ﻳﺎ ﻣﺮﻳﻢ .. ﺑﺎﺧﺬﺝ ﻭﺑﺨﻠﻲ ﻋﻴﻮﻧﻲ
ﺗﺘﻜﺤﻞ ﺑﺸﻮﻓﺘﺞ ﻳﺎ ﻧﻈﺮﻫﺎ ..
---------------------------------------
ﻣﺮﺭ ﺍﻟﻮﻗﺖ ﻋﻠﻰ ﻓﺎﺗﻦ ﻣﺜﻞ ﺍﻟﺴﺤﺎﺏ ﻭﺍﻟﻐﻴﻮﻡ ﻋﻠﻰ ﺍﻟﺸﻤﺲ ﺍﻟﻲ
ﺑﺪﺩﺗﻬﺎ ﺑﺎﺷﻌﺘﻬﺎ ﺍﻟﺴﺎﺧﻨﺔ .. ﻭﺻﺎﺭﺕ ﺍﻟﺪﻧﻴﺎ ﻟﻴﻞ .. ﻣﻨﻮﺭﺓ ﺑﻨﺠﻮﻡ
ﺍﻟﻤﺼﺎﺑﻴﺢ ﻭﺍﻻﺿﺎﺀﺍﺕ ﻭﻋﻴﻮﻥ ﻓﺎﺗﻦ ﺗﺮﺗﻘﺐ ﺍﻟﺒﺎﺏ ﺍﻟﻠﻲ ﺑﻴﻨﺪﻕ ..
ﻣﻴﺸﻴﻼ ﻭﺟﻮﺭﺝ ﺭﺍﺣﻮﻭ ﻣﻦ ﺯﻣﺎﻥ ﻭﻇﻠﺖ ﺍﻫﻲ ﺑﺮﻭﺣﻬﺎ ﺗﻨﺘﻈﺮ ﻭﺻﻮﻝ
ﻣﺴﺎﻋﺪ .. ﺍﻟﺴﺎﻋﺔ ﺍﻟﺤﻴﻦ 12 ﻭﻧﺺ ﺑﺎﻟﻠﻴﻞ .. ﻭﻛﻠﻬﺎ ﺩﻗﺎﻳﻖ ﻭﺍﻫﻢ
ﻳﻜﻮﻧﻮﻥ ﻣﻮﺟﻮﺩﻳﻦ ... ﻳﺎ ﺍﻟﻠﻪ ﻗﻠﺒﻲ ﻣﻮ ﻗﺎﺩﺭﺓ ﺍﺿﺒﻂ ﻣﺸﺎﻋﺮﻩ .. ﻣﻮ
ﻗﺎﺩﺭﻩ .. ﺍﺣﺲ ﺍﻧﻪ ﺑﻴﻐﻤﻰ ﻋﻠﻲ ﻟﻮ ﺷﻔﺘﻪ .. ﻣﺎ ﺍﺩﺭﻱ .. ﻣﺎﺩﺭﻱ
ﺷﻬﺎﻻﺣﺴﺎﺱ ﺍﻟﻠﻲ ﻳﻤﺮ ﻓﻴﻨﻲ .. ﻣﻮ ﻗﺎﺩﺭﺓ ﺍﺭﺳﻰ ﻋﻠﻰ ﺑﺮ ﻣﻦ
ﻫﺎﻟﻤﺸﺎﻋﺮ ..
ﻭﺑﺴﺒﺐ ﺍﻭ ﺍﺧﺮ ﻣﺮﺕ ﻋﻠﻰ ﺑﺎﻟﻬﺎ ﺍﻟﺪﺑﻠﺔ ﺍﻟﻠﻲ ﻋﻄﺎﻫﺎ ﺍﻳﺎﻩ ﻣﺴﺎﻋﺪ ..
ﻟﺒﺴﺘﻬﺎ ﻋﻠﻰ ﺭﻗﺒﺘﻬﺎ ﺟﻢ ﻳﻮﻡ ﻟﻜﻦ ﺣﺴﺖ ﺍﻧﻬﺎ ﺍﻫﺎﻧﺔ ﻟﻬﺎﻟﻨﻮﻉ ﻣﻦ
ﺍﻻﺭﺗﺒﺎﻁ .. ﻓﺎﻟﺤﻴﻮﺍﻥ ﻫﻮ ﺍﻟﻠﻲ ﻳﻜﺒﻞ ﻣﻦ ﺭﻗﺒﺘﻪ ﺩﻻﻟﺔ ﻋﻠﻰ ﺍﻟﻤﻠﻜﻴﺔ ..
ﻭﺧﻠﺘﻬﺎ ﺑﻤﻜﺎﻥ ﻣﺤﻔﻮﻅ ﻟﻤﻦ ﺗﺴﺘﻌﺪ ﻟﻬﺎﻟﺸﻲ .. ﻭﻣﺎ ﺗﺪﺭﻱ ﻟﻴﺶ ﺍﻥ ﻛﻞ
ﻋﺮﻭﻗﻬﺎ ﻭﺟﻬﺖ ﻋﻘﻠﻬﺎ ﻭﺍﺭﺳﻠﺖ ﻟﻬﺎ ﺭﺳﺎﺋﻞ ﺍﻥ ﻫﺬﻱ ﻫﻲ ﺍﻟﻠﺤﻈﺔ ...
ﻫﺬﺍ ﺍﻫﻮ ﺍﻻﺳﺘﻌﺪﺍﺩ ﻳﺎ ﻓﺎﺗﻦ .. ﻫﺬﻱ ﺍﻫﻲ ﺍﻟﻠﺤﻈﺔ ﺍﻟﻠﻲ ﻛﻨﺖ
ﺗﻨﺘﻈﺮﻳﻨﻬﺎ ﻣﻦ ﺯﻣﺎﻥ .. ﻛﺎﻫﻲ ﻳﺎﺗﺞ ﻭﺗﺤﻴﻨﺖ ﻟﺞ ﻗﺒﻞ ﺩﻗﺎﻳﻖ ﻣﻦ
ﻭﺻﻮﻝ ﻣﺴﺎﻋﺪ ..
ﺭﺍﺣﺖ ﺍﻟﻐﺮﻓﺔ ... ﻭﺍﻱ ﻏﺮﻓﺔ .. ﻏﺮﻓﺔ ﻣﺴﺎﻋﺪ ... ﻓﺘﺤﺖ ﺍﺣﺪ
ﺍﻻﺩﺭﺍﺍﺍﺍﺝ ﻭﻟﻘﺖ ﺍﻟﺠﻴﺲ ﺍﻟﻤﺨﻤﻠﻲ .. ﻗﻠﺒﺘﻪ ﻓﻮﻕ ﻳﺪﻫﺎ ﻭﺍﻧﺴﺎﺑﺖ
ﺍﻟﺴﻠﺴﻠﺔ ﻣﺜﻞ ﺍﻟﺤﺮﻳﺮ ﻋﻠﻰ ﻛﻔﻬﺎ ﺍﻻﺣﻤﺮ .. ﻭﺍﻟﺪﺑﻠﻪ ﺗﺪﻟﺖ ﺑﻴﻦ
ﺻﻮﺍﺑﻌﻬﺎ .. ﺭﻓﻌﺖ ﺍﻟﺤﻠﻘﺔ ﺍﻟﻼ ﻣﺘﻨﺎﻫﻴﺔ ﻭﻃﺎﻟﻌﺖ ﻓﻴﻬﺎ ..
ﻭﺗﺨﻴﻠﺖ
ﻟﻮ ﺍﻥ ﺣﻴﺎﺗﻬﺎ ﻛﺎﻧﺖ
ﺣﻠﻘﺔ ﻻ ﻣﺘﻨﺎﻫﻴﺔ
ﻣﻦ ﺍﻟﺰﻋﻞ ﻭﺍﻟﺨﺼﺎﻡ
ﺍﻟﺮﺿﺎ ﻭﺍﻟﺘﻔﺎﻫﻢ
ﺍﻟﺤﺐ ﻭﺍﻟﻬﻴﺎﻡ
ﻣﺎ ﺭﺍﺡ ﺗﻜﻮﻥ ﺳﻌﻴﺪﺓ؟؟ ﻣﺎ ﺭﺍﺡ ﻳﻜﻮﻥ ﻫﺎﻟﺸﻲ ﻛﻔﻴﻞ ﺍﻧﻪ ﻳﺨﻠﻴﻬﺎ
ﺗﻌﻴﺶ ﺑﻴﻦ ﺍﻟﺴﺤﺎﺏ . ﻭﺑﺤﺐ ﻣﺴﺎﻋﺪ ﺍﻟﻠﻲ ﺍﻫﻲ ﺗﺪﺭﻱ ﻓﻴﻪ ﺭﺍﺡ ﺗﻜﻮﻥ
ﻣﺜﻞ ﺍﻻﻣﻴﺮﺍﺕ .. ﻭﻣﻠﻜﺔ ﺯﻣﺎﻧﻬﺎ؟؟
ﺑﻔﺮﺡ ﻛﺒﻴﺮ .. ﺳﺤﺒﺖ ﺍﻟﺪﺑﻠﺔ .. ﻭﻣﺮﺭﺗﻬﺎ ﻋﻠﻰ ﺑﻨﺼﺮﻫﺎ ﺍﻟﻨﺤﻴﻞ .. ﺩﺧﻠﺖ
ﺍﻟﺪﺑﻠﺔ ﻟﻤﻦ ﺛﺒﺘﺖ ﻋﻨﺪ ﺍﻟﻌﻨﻖ ..
ﻭﺑﺼﻮﺭﺓ ﺳﺤﺮﻳﺔ .. ﺗﺤﻮﻟﺖ ﺍﻟﺒﻨﺖ ﺍﻟﺤﺰﻳﻨﺔ ﺍﻟﻰ ﺍﻣﻴﺮﺓ .. ﺗﻠﻤﻊ ﺍﻟﻨﺠﻮﻡ
ﺣﻮﺍﻟﻴﻬﺎ .. ﻭﺍﺳﺮﺍﺭ ﺍﻟﺤﺐ ﺗﻨﻜﺸﻒ ﻟﻬﺎ .. ﻭﺗﺘﻔﺘﺢ ﺍﻟﻮﺭﻭﺩ ﺑﻐﻴﺮ
ﻣﻮﺍﺳﻤﻬﺎ .. ﻭﺗﻨﻔﻠﻖ ﺍﻟﺼﺨﺮﻯ ﻭﺗﻨﺒﺖ ﻣﺤﻞ ﺍﻟﺸﻖ ﻭﺭﺩﺓ ﺟﻮﺭﻳﺔ ﺗﻨﺪﺕ
ﺍﻭﺭﺍﻗﻬﺎ ﺑﻌﺬﺏ ﺍﻟﻤﺎﺀ .. ﺍﻟﻠﻲ ﺣﻼﻭﺗﻪ ﻛﺎﻧﺖ ﺳﺒﺐ ﻟﻠﻮﻧﻬﺎ ﺍﻟﺮﺍﻗﻲ
ﺍﻟﻤﺰﺩﺍﻥ ﺑﺤﻤﺮﺓ ﺍﻟﺪﻡ ﺍﻟﻨﺎﺿﺞ ﺍﻟﻤﺨﻔﻮﻕ ﺑﻀﺮﺑﺎﺕ ﺍﻟﻘﻠﺐ ..
ﻭﻫﻲ ﻋﻠﻰ ﻫﺎﻟﺤﺎﻝ ﺩﻕ ﺍﻟﺠﺮﺱ .. ﻭﻋﻠﻰ ﻋﻜﺲ ﺣﺎﻟﺘﻬﺎ ﺍﺍﻟﻠﻲ ﻗﺒﻞ
ﺷﻮﻱ ﻳﻮﻡ ﺗﻔﺘﺢ ﺍﻟﺒﺎﺏ .. ﺍﻟﺨﻮﻑ ﻭﺍﻟﺘﻮﺗﺮ ﻭﺍﻻﺭﺗﺒﺎﻙ .. ﻛﺎﻥ ﻭﻳﻬﻬﺎ
ﻣﺸﺮﻕ ﺑﺎﺣﻠﻰ ﺍﺑﺘﺴﺎﻣﺔ .. ﻓﺘﺤﺖ ﺍﻟﺒﺎﺏ ﻭﻫﻲ ﺗﻨﺸﺮ ﻧﻮﺭ ﺍﻻﺑﺘﺴﺎﻣﺔ
ﻟﻠﺸﺨﺺ ﺍﻟﺰﺍﺋﺮ .. ﻭﺍﻧﺼﺪﻣﺖ .. ﻳﻮﻡ ﻟﻘﺘﻬﺎ ﻣﻴﺸﻴﻼ .. ﺑﻮﺟﻪ ﻣﺮﺗﻌﺐ
ﻭﺧﺎﺋﻒ ..
ﻓﺎﺗﻦ ..: ﻣﻴﺸﻴﻼ؟ ﻫﺬﻱ ﺍﻧﺘﻲ؟؟
ﻣﻴﺸﻴﻼ ﺑﺨﻮﻑ : ﺍﻳﻪ ﻫﻴﺪﻱ ﺍﻧﺎ ﻓﺎﺗﻦ ...
ﻓﺎﺗﻦ ﺑﺎﺳﺘﻐﺮﺍﺏ : ﻧﺴﻴﺘﻲ ﺷﻲ؟؟؟
ﻣﻴﺸﻴﻼ ﻭﻫﻲ ﺗﺪﺧﻞ : ﺣﺒﻴﺒﺘﻲ ﺟﻮﺭﺝ ﺑﺪﻭ ﻳﺪﺧﻞ .. ﻓﻴﻜﻲ ﺗﻠﺒﺴﻲ
ﺍﺷﺎﺭﺑﻚ ..
ﻓﺎﺗﻦ ﺍﻟﻠﻲ ﺍﻧﺼﺐ ﻗﻠﺒﻬﺎ ﻣﻦ ﻫﺎﻟﻐﻤﻮﺽ : ﺍﻥ ﺷﺎﺀ ﺍﻟﻠﻪ ..
ﺭﺍﺣﺖ ﻋﻨﺪ ﺍﻟﻜﺮﺳﻲ ﺍﻟﻠﻲ ﻣﺠﺎﺑﻞ ﺍﻟﺘﻠﻔﺰﻳﻮﻥ ﻭﻫﻲ ﺗﺮﻓﻌﻪ ﻭﺗﻠﻔﻪ ﻋﻠﻰ
ﺭﺍﺳﻬﺎ ﻛﺎﻧﺖ ﻗﻨﺎﺓ ﺍﻻﺧﺒﺎﺭ ﺗﺸﺘﻐﻞ .. ﻭﺗﻤﺖ ﻋﻴﻮﻧﻬﺎ ﻋﻠﻰ ﺷﺎﺷﺔ
ﺍﻟﺘﻠﻔﺰﻳﻮﻥ ﻭﺟﻮﺭﺝ ﻳﺪﺧﻞ ﺍﻟﺒﻴﺖ ﻭﻭﺟﻬﻪ ﻣﻜﻔﻬﺮ ﻣﺜﻞ ﻣﻴﺸﻴﻼ ..
ﺍﻧﺘﺒﻬﺖ ﻓﺎﺗﻦ ﺍﻟﻰ ﺍﻟﺘﻠﻔﺰﻳﻮﻥ ﺍﻛﺜﺮ ﻻﻗﺘﻪ ﺑﺚ ﻣﺒﺎﺷﺮ .. ﻧﻘﻞ ﺣﻲ ﻟﻮﻗﺎﺋﻊ
ﻃﺎﺋﺮﺓ ﻣﻨﻜﻮﺑﺔ .. ﺗﺒﻊ ﺧﻄﻮﻁ ﺷﺮﻛﺔ ﻣﻌﻴﻨﺔ .. ﻣﺎ ﺍﺳﺘﻐﺮﺑﺖ ﺍﻟﺨﻄﻮﻁ
ﻻﻧﻬﺎ ﻛﺎﻧﺖ ﻓﻴﻬﺎ ﻳﻮﻡ ﻳﺎﺕ ﺍﻣﻴﺮﻛﺎ ﺑﺎﻭﻝ ﺍﻻﻳﺎﻡ .. ﻭﺗﻤﺖ ﺗﺮﺍﻗﺐ ﺍﻟﻮﺿﻊ
ﺍﻛﺜﺮ ﻭﺍﻛﺜﺮ .. ﻭﻟﺠﺖ ﺍﻟﺪﻗﺎﺕ ﺑﻘﻠﺒﻬﺎ ﺑﻌﻨﻒ ... ﻭﺭﻓﻌﺖ ﻋﻴﻮﻧﻬﺎ ﻟﻤﻴﺸﻴﻼ
ﻭﺟﻮﺭﺝ ﺍﻟﻠﻲ ﻛﺎﻧﻮ ﻳﺮﺍﻗﺒﻮﻥ ﻣﻼﻣﺤﻬﺎ ﺑﺤﺬﺭ ..
ﻓﺎﺗﻦ ﺑﺤﻴﺮﺓ : ﺷﻨﻮ ﻳﻌﻨﻲ؟؟
ﺟﻮﺭﺝ ﻭﻫﻮ ﻳﻘﻌﺪ ﻋﻨﺪ ﺍﻟﻜﺮﺳﻲ ..: ﻣﺪﺍﻡ ﻓﺎﺗﻦ .. ﺯﻛﺮﻱ ﺭﺑﻚ .. ﻣﺎﺣﺪﺍ
ﺿﺎﻣﻦ ﻋﻤﺮﻭ
ﻓﺎﺗﻦ ﺑﺼﺪﻣﺔ : ﺷﻨﻮ؟؟ ﺷﻘﺎﻋﺪ ﺗﻘﻮﻝ .. ﺷﺼﺎﻳﺮ؟؟
ﻧﺎﻇﺮﺕ ﺍﻟﺘﻠﻔﺰﻳﻮﻥ ﻭﺟﺎﺑﻠﺖ ﺟﻮﺭﺝ ..
ﻭﺍﻧﻔﺠﺮﺕ ﻓﻲ ﻭﻳﻬﻪ ﺑﻬﺪﻭﺀ : .. ﻻ ... ﺗﻈﻦ ﻣﺴﺎﻋﺪ؟؟ ﻻﺍﺍﺍﺍﺍﺍﺍ ﺷﻨﻮ ﻣﻦ
ﺻﺠﻚ .. ﺍﺻﻼ ﻟﻮ ﺗﺤﺴﺒﻬﺎ ﺍﻫﻮ .. ﻋﻠﻰ ﺧﻄﻮﻁ .. ﺛﺎﻧﻴﺔ .. ﻭﺍﺻﻼﺍﺍﺍ
ﺍﻟﻮﻗﺖ ﻣﺎ ... ﻣﺎ ﻳﺴﻌﻒ ...
ﺟﻮﺭﺝ ﻭﻫﻮ ﻳﻨﺎﻇﺮ ﻣﺮﺗﻪ ﺑﺨﻮﻑ ﻭﻣﻴﺸﻴﻼ ﺗﺘﻜﻠﻢ : ﺣﺒﻴﺒﺘﻲ .. ﻫﻴﺪﺍ
ﺍﻟﺨﺒﺮ ﻣﻨﺌﻞ ﻣﻦ ﺷﻲ ﺳﺎﻋﺘﻴﻦ .. ﻭﻧﺤﻨﺎ ﺍﺗﺼﻠﻨﺎ ﻣﻨﺸﺎﻥ ﻧﻌﺮﻑ ﻣﺴﺎﻋﺪ
ﻋﻠﻰ ﺍﻱ ﺧﻄﻮﻁ ..
ﻓﺎﺗﻦ ﻭﻫﻲ ﺗﻐﻄﻲ ﺛﻤﻬﺎ ... ﺗﻨﺘﻈﺮ ﺍﺣﺪ ﻳﺘﻜﻠﻢ .. ﻭﻟﻜﻦ ﺻﻮﺕ ﺍﻟﺘﻠﻔﺰﻳﻮﻥ
ﻛﺎﻥ ﻣﺜﻞ ﺍﻟﻮﺯﺯ ﻓﻲ ﺍﺫﻥ ﺍﻟﻮﺍﺣﺪ ..
ﻭﺑﺼﻮﺕ ﻋﺎﻟﻲ ﻛﺎﻥ ﻣﺤﺪ ﻳﺴﻤﻌﻬﺎ ...: ﻭﻭ .. ﺍﻫﻮ ﻋﻠﻰ ﺍﻱ ﺧﻄﻮﻁ ..
ﺟﻮﺭﺝ ﻭﻫﻮ ﻳﻨﺎﻇﺮﻫﺎ ﺑﺘﺤﺴﻒ ..: ﻣﺴﺎﻋﺪ ﻋﻠﻰ ﻫﻴﺪﻱ ﺍﻟﺨﻄﻮﻁ ...
ﻇﻠﺖ ﻓﺎﺗﻦ ﺳﺎﻛﻨﺔ ﻣﻜﺎﻧﻬﺎ .. ﻻﻭﻝ ﻣﺮﺓ ﺑﺤﻴﺎﺗﻬﺎ ﻣﺎ ﻣﺮ ﻓﻲ ﺑﺎﻟﻬﺎ ﺍﻱ
ﻃﻴﻒ ﻣﻦ ﻃﻴﻮﻑ ﺍﻟﺘﻔﻜﻴﺮ .. ﻭﻻ ﻓﻜﺮﺓ .. ﻭﻻ ﻟﻤﺤﺔ ﻟﺸﻲ ﻣﻦ
ﻫﺎﻻﺷﻴﺎﺀ .. ﺍﻟﺼﻤﺖ ﺍﻟﻘﺎﺗﻞ ... ﻭﻛﻠﻤﺔ ﻭﺣﺪﺓ ... ﻣﺴﺎﻋﺪ ﻋﻠﻰ ﻫﺬﻱ
ﺍﻟﺨﻄﻮﻁ ...
ﺭﻓﻌﺖ ﻋﻴﻮﻧﻪ ﺍﻟﻤﺬﻋﻮﺭﺓ ﺍﻟﻰ ﺍﻟﺘﻠﻔﺰﻳﻮﻥ ﻭﻫﻲ ﺗﺮﺍﻗﺐ ﺍﻟﻄﻴﺎﺭﺓ ﻛﻴﻒ
ﺗﺸﺘﻌﻞ ﺑﺎﻟﻨﺎﺭ .. ﻭﺍﻟﻤﻌﻠﻖ ﻳﻌﻠﻖ ﺑﺤﺰﻥ ﻭﻳﺸﻜﻲ ﻟﻠﻤﺬﻳﻊ ﻋﻦ ﺧﺴﺎﺭﺓ
ﻓﺎﺩﺣﺔ ﻓﻲ ﺍﻻﺭﻭﺍﺡ ﺍﻟﺒﺸﺮﻳﺔ ..
ﺳﻜﺮﺕ ﻋﻴﻮﻧﻬﺎ ﺑﺨﻮﻑ ﻭﻭﺟﻪ ﻣﺴﺎﻋﺪ ﺍﻟﺒﺎﺳﻢ ﻭﻃﻮﻟﻪ ﻭﻋﺮﺿﻪ
ﻭﻣﻼﻣﺤﻪ ﻭ ,,, ﻭ .... ﻭ ...
ﻛﺎﻥ ﺷﺮﻳﻂ ﺫﻛﺮﻳﺎﺗﻬﺎ ﺍﻟﻠﻲ ﺑﺪﻯ ﻗﺼﻴﺮ ﻭﻳﺎ ﻣﺴﺎﻋﺪ ﻣﺮ ﺟﺪﺍﻡ ﻋﻴﻮﻧﻬﺎ
.. ﻭﺑﺼﺮﺧﺔ ﺍﻻﺳﺘﻐﺎﺛﺔ ﺟﺎﻟﺖ ﻛﻠﻤﺔ ﺿﺎﺋﻌﺔ ﻓﻲ ﺩﻫﺎﻟﻴﺰ ﻋﻘﻠﻬﺎ ... ﻛﻠﻤﺔ
ﻳﻤﻜﻦ ﻟﻸﺳﻒ ﺍﻟﻜﺒﻴﺮ ﻳﺎﺕ ﻣﺘﺄﺧﺮﺓ ..
ﻭﺑﻬﻤﺲ ﻣﻴﺖ ﻣﻦ ﻗﻠﺐ ﻓﺎﺗﻦ : .... ﻻﺀ