الفصل 20
ﻣﺜﻞ ﺍﻟﺤﻠﻢ ﺍﻟﻠﻲ ﺃﻧﻘﻀﻰ .. ﻭﻣﺜﻞ ﻟﺬﺗﻪ ﺍﻟﺴﺮﻳﻌﺔ ﻋﻠﻰ ﺍﻟﻨﻔﺲ ..
ﺍﺳﺘﻴﻘﻆ ﻣﺴﺎﻋﺪ ﺑﻨﻈﺮﺓ ﻛﺴﻴﺮﺓ ﻟﻠﻌﺎﻟﻢ .. ﻳﺎ ﻫﻲ ﻭﺣﺸﺘﺞ ﻳﺎ ﻓﺎﺗﻦ
ﺑﻬﺎﻟﺪﻧﻴﺎ .. ﻭﻛﻴﻒ ﺍﻧﻬﺎ ﺗﺴﻮﻯ ﻭﺗﺴﻮﻯ ﻭﻳﺎﺝ .. ﻻﻥ ﻣﻦ ﺍﻭﻝ ﻣﺎ ﺭﺍﺡ
ﻣﺴﺎﻋﺪ ﻋﻦ ﻓﺎﺗﻦ ﺑﺎﻟﻤﻄﺎﺭ ﻭﺩﺧﻞ ﺍﻟﻄﻴﺎﺭﺓ ﻛﺎﻧﺖ ﻋﺮﻭﻗﻪ ﻛﻠﻬﺎ ﺗﺸﺘﻜﻲ
ﻣﻦ ﺍﻟﻬﺠﺮﺍﻥ ﻭﺍﻟﻮﺣﺸﺔ .. ﺍﺫﺍ ﺍﻫﻮ ﺍﻟﻠﻲ ﺭﺍﺩ ﻻﻫﻠﻪ ﻭﻧﺎﺳﻪ ﻭﺩﻳﺮﺗﻪ
ﻳﻌﺎﻧﻲ ﻣﻦ ﺟﺬﻱ !! ﺍﻟﻠﻪ ﻳﻌﻴﻦ ﻓﺎﺗﻦ ﺍﻟﻠﻲ ﻋﺎﻳﺸﺔ ﺑﺎﻟﻐﺮﺑﺔ .. ﻻ ﺣﺒﻴﺐ
ﻭﻻ ﻗﺮﻳﺐ ﻭﻻ ﺍﺧﻮ ﻭﻻ ﺻﺪﻳﻖ .. ﻭﺍﻟﺴﺒﺐ ﻣﻦ ... ﺃﻧﺖ .. ﺍﺍﺍﺍﻩ ﻳﺎ
ﻓﺎﺗﻦ ... ﻳﺎ ﺍﺣﻠﻰ ﻛﻠﻤﺔ ﻳﺘﻐﻨﻰ ﺑﻬﺎ ﺍﻟﻠﺴﺎﻥ .. ﻳﺎ ﺍﺟﻤﻞ ﻭﺍﻗﻊ .. ﻭﺃﺃﻟﻢ
ﻭﺍﻗﻊ ..
ﺍﺑﺘﺴﻢ ﻣﺴﺎﻋﺪ ﻭﻫﻮﻳﺬﻛﺮ ﻭﻳﻪ ﻓﺎﺗﻦ .. ﺣﺘﻰ ﻭﺍﻫﻲ ﻣﻌﺼﺒﺔ .. ﻭﻫﻲ
ﻗﺎﻋﺪﺓ ﻣﻦ ﺍﻟﻨﻮﻡ .. ﻭﻫﻲ ﺗﺒﺘﺴﻢ .. ﻭﺍﻫﻲ ﻣﻌﺼﺒﺔ .. ﻭﻫﻲ ﻣﻬﺘﻤﺔ ..
ﻣﻨﺎﺣﺴﺔ .. ﻛﻞ ﺷﻲ .. ﺷﻜﻠﻬﺎ ﻣﺤﻔﻮﺭ ﻓﻲ ﺫﺍﻛﺮﺓ ﺍﻟﺮﻳﺎﻝ .. ﻣﻮ ﻗﺎﺩﺭ
ﻳﻌﺮﻑ ﺷﻠﻮﻥ ﻳﺸﻴﻠﻬﺎ ﻭﻻ ﻳﺨﻠﻴﻬﺎ .. ﻻﻥ ﻛﻼ ﺍﻻﺛﻨﻴﻦ ﺑﻴﺘﺴﺒﺐ ﻓﻲ
ﻧﻬﺎﻳﺘﻪ ..
ﻛﺎﻧﺖ ﺍﻟﺴﺎﻋﺔ 6 ﺍﻟﻤﻐﺮﺏ ﺑﺘﻮﻗﻴﺖ ﺍﻟﻜﻮﻳﺖ ﻳﻮﻡ ﻧﺰﻝ ﻣﺴﺎﻋﺪ ... ﺍﻭﻝ
ﻣﺎ ﻟﻔﺤﻪ ﻫﻮﺍ ﺍﻟﻜﻮﻳﺖ ﺍﻟﻌﻠﻴﻞ ﺳﻜﺮ ﻋﻴﻮﻧﻪ ﺑﻔﺮﺣﺔ .. ﻭﻣﻦ ﺳﻜﺮ ﻋﻴﻮﻧﻪ
ﺷﺎﻑ ﻭﻳﻪ ﻓﺎﺗﻦ ﺍﻟﻌﺎﻟﻖ ﺑﺠﻔﻮﻧﻪ .. ﻭﺍﻧﻌﺼﺮ ﻗﻠﺒﻪ ﻋﻠﻴﻬﺎ ...
ﺧﻠﺺ ﻣﻌﺎﻣﻼﺗﻪ ﻭﻳﺎ ﺍﻟﻤﻄﺎﺭ ﻭﺍﻟﺠﻨﻂ .. ﻭﺻﺎﺭ ﻻﺯﻡ ﻳﺮﺩ ﺍﻟﺒﻴﺖ .. ﺑﺲ
ﺷﻠﻮﻥ ﻭﺍﻫﻮ ﻣﺎ ﻋﻨﺪﻩ ﺳﻴﺎﺭﺓ .. ﺍﻫﻮ ﺍﻟﺤﻴﻦ ﻻﺯﻡ ﻳﺰﻫﺐ ﻟﻪ ﺷﻲ ﻳﻘﻮﻟﻪ
ﻟﻠﻨﺎﺱ ﻻﻥ ﺭﺟﻌﺘﻪ ﻏﻴﺮ ﻣﺘﻮﻗﻌﺔ ﻫﺎﻟﻮﻗﺖ .. ﺍﻫﻮ ﺍﻟﻤﻔﺮﻭﺽ ﻳﺮﺟﻊ ﺑﻌﺪ
ﺍﺳﺒﻮﻉ ﺗﻘﺮﻳﺒﺎ ﻭﻻ ﺧﻤﺴﺔ ﺍﻳﺎﻡ ﻟﻜﻨﻪ ﻣﺘﺠﺪﻡ .. ﻣﻊ ﺍﻥ ﻳﻤﻜﻦ ﺍﻟﻠﻲ
ﺑﻴﻘﻮﻟﻪ ﻣﺎ ﺭﺍﺡ ﻳﻨﻄﻠﻲ ﻋﻠﻰ ﻋﺪﺩ ﻛﺒﻴﺮ ﻣﻦ ﺍﻟﻨﺎﺱ .. ﻭﻣﻨﻬﻢ ﺍﻫﻞ
ﻓﺎﺗﻞ .. ﻭﺧﺼﻮﺻﺎ ﺟﺮﺍﺡ .. ﻟﻜﻦ ﺍﻫﻮ ﺑﻴﻘﺪﺭ ﻳﻔﺘﺢ ﻗﻠﺒﻪ ﻟﺠﺮﺍﺡ ﻭﻳﻘﻮﻝ
ﻟﻪ ﻧﻈﺮﺍ ﻻﻧﻪ ﺍﻫﻮ ﻳﻌﺮﻑ ﺍﻥ ﻋﻼﻗﺘﻪ ﻣﻊ ﻓﺎﺗﻦ ﺷﻮﻱ ﺣﺴﺎﺳﺔ ﻻﻧﻬﻢ
ﻛﺎﻧﻮ ﻭﻳﺎ ﺑﻌﺾ ﻟﻔﺘﺮﺓ ﻣﻦ ﺍﻟﺰﻣﺎﻥ ..
ﺍﺗﺼﻞ ﻓﻲ ﺻﺪﻳﻘﻪ ﻓﻬﺪ ﺍﻟﻠﻲ ﻳﺎﻩ ﻋﻨﺪ ﺍﻟﻤﻄﺎﺭ ﻭﺳﻠﻢ ﻋﻠﻴﻪ ﻭﻭﺻﻠﻪ
ﺍﻟﺒﻴﺖ .. ﻭﺍﻭﻝ ﻣﺎ ﻭﻗﻒ ﻣﺴﺎﻋﺪ ﻋﻨﺪ ﺑﻴﺘﻬﻢ ﺣﺲ ﺑﺎﻟﻮﺣﺸﺔ ﻟﻔﺎﺗﻦ ..
ﺍﻟﺘﻔﺖ ﻟﻮﺭﺍﻩ .. ﻭﻛﺎﻧﻪ ﺑﺸﻮﻓﻬﺎ ﻭﺍﻗﻔﺔ ﺗﻨﺘﻈﺮﻩ ﻳﺘﻘﺪﻡ ﺧﻄﻮﺍﺕ ﻋﺸﺎﻥ
ﺗﻠﺤﻘﻪ .. ﻟﻦ ﻣﺎ ﻛﺎﻥ ﻭﺭﺍﻩ ﺍﻻ ﺍﻟﻔﺮﺍﺍﺍﻍ ... ﺳﻢ ﺑﺎﻟﺮﺣﻤﻦ ﻭﺿﺮﺏ ﻋﻠﻰ
ﺍﻟﺠﺮﺱ .. ﺍﻧﺘﻈﺮ ﺷﻮﻳﺔ ﺍﻻ ﻭﻣﺮﻳﻢ ﺗﻔﺞ ﺍﻟﺒﺎﺏ ... ﻭﻭﻗﻔﺖ ﻣﺘﺼﻨﻤﺔ
ﻭﻫﻲ ﺗﻨﺎﻇﺮﻩ .. ﻭﺍﺑﺘﺴﺎﻣﺘﻪ ﻓﻲ ﻭﻳﻬﻬﺎ ﺧﻠﺘﻬﺎ ﺗﻬﺰ ﺍﻟﺒﻴﺖ ﺑﺎﺳﻤﻪ
ﻣﺮﻳﻢ : ﺳﻌﻮﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﺩﻱ ...
ﻣﺴﺎﻋﺪ : ﺍﻭﺵ ﺍﻭﺵ ... ﻓﻀﺤﺘﻴﻨﺎ ..
ﻣﺮﻳﻢ : ﻳﻤﺔ ﻣﺴﺎﻋﺪ ﻭﺻﻞ ... ﻧﻮﻭﻭﻭﺭﻭﻭﻭﻭ ﻣﺴﺎﻋﺪ ﻫﻨﻲ ..
ﻣﺴﺎﻋﺪ : ﻭﺍﻟﻠﻪ ﺍﻧﺞ ﻓﻀﻴﻴﻴﺤﺔ ﻳﺎ ﻣﺮﻳﻢ ..
ﻭﻋﻠﻰ ﻃﻮﻝ ﺍﻟﺼﻐﻴﺮﻭﻧﺔ ﻫﺎﻣﺖ ﻓﻲ ﺍﺣﻀﺎﻥ ﺍﺧﻮﻫﺎ ﺍﻟﺤﺒﻴﺐ .. ﻳﺎ ﻟﻠﻪ
ﺍﻥ ﻣﺴﺎﻋﺪ ﻓﻲ ﻗﻠﺒﻬﺎ ﺑﻤﺜﺎﺑﺔ ﺍﻻﺏ ﺍﻟﺤﻨﻮﻥ .. ﻭﺍﻟﺜﺎﻧﻲ ﺑﻌﺪ ﺍﻟﻠﻲ ﺷﻢ
ﺭﻳﺤﺔ ﻓﺎﺗﻦ ﻓﻴﻬﺎ ﻟﻤﻬﺎ ﺑﺬﺭﺍﻋﺎﺗﻪ ..
ﻣﺮﻳﻢ ﺗﻨﺎﻇﺮ ﻣﻦ ﻭﺭﺍﻩ : ﻭﻳﻨﻬﺎ ﻓﺘﻮﻥ؟؟ ﻣﺎ ﻳﺎﺕ ﻭﻳﺎﻙ؟
ﻣﺴﺎﻋﺪ : ﺍﻟﻠﻪ ﻳﻬﺪﺍﺝ ﻓﺎﺗﻦ ﻭﺭﺍﻫﺎ ﺩﺭﺍﺳﺔ ﺷﻠﻮﻥ ﺍﺗﻴﻲ؟؟
ﻣﺮﻳﻢ ﺑﺼﺪﻣﺔ : ﻳﻌﻨﻲ ﺧﻠﻴﺘﻬﺎ ﺑﺮﻭﺣﻬﺎ ﻭﻳﻴﺖ ﻫﻨﻲ؟؟؟
ﻣﺴﺎﻋﺪ : ﺍﻱ ﺑﺮﻭﺣﻬﺎ؟؟ ﻳﻤﻬﺎ ﺍﻟﺠﺎﻣﻌﺔ ﻭﺳﻜﻦ ﺍﻟﻄﻼﺏ ﻭﺍﻟﺤﻤﺪ ﻟﻠﻪ
ﻛﻮﻧﺖ ﻟﻬﺎ ﺍﺻﺪﻗﺎﺀ ..
ﻣﺮﻳﻢ : ﻭﺍﻟﻠﻪ ﺍﻥ ﻋﻠﻴﻚ ﻗﻠﺐ .. ﺧﺬﻧﻲ ﻟﻬﺎ ﻣﺴﺎﻋﺪ ﻭﺍﻟﻠﻪ ﺍﻧﻲ ﺗﻮﻟﻬﺖ
ﻋﻠﻴﻬﺎ ﺣﺮﺍﻡ ﻋﻠﻴﻚ ..
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻪ ﻳﺎ ﺑﻨﺖ ﺍﻟﻨﺎﺱ ﺧﻠﻴﻨﻲ ﺍﺗﻨﻔﺲ ﻗﺒﻞ ..
ﻭﻧﺰﻟﺖ ﺍﻡ ﻣﺴﺎﻋﺪ ﻭﻳﺎ ﻧﻮﺭﺓ ﻣﻦ ﻋﻠﻰ ﺍﻟﺪﺭﻱ ﻭﺍﺳﺘﻘﺒﻠﻮﻭﻩ ﺑﺎﻻﺣﻀﺎﻥ
ﻭﻫﻮﺍﻟﻠﻲ ﻣﺎ ﻣﺎ ﻧﻊ .. ﻻﻧﻪ ﻛﺎﻥ ﻣﺤﺘﺎﺝ ﻟﻠﻤﺔ ﺍﻟﻨﺎﺱ .. ﻳﺎ ﺍﻟﻠﻪ ﻓﺎﺭﻗﺘﻬﻢ
ﻃﻮﻝ ﻫﺎﻟﻔﺘﺮﺓ ﻭﻣﺎ ﺣﺴﻴﺖ ﻟﻔﺮﺍﻗﻬﻢ ﺍﻻ ﺑﻬﺎﻟﻠﺤﻈﺔ .. ﺍﻟﻠﻠﻪ ﻳﺤﻔﻈﺞ
ﺳﺎﻟﻤﺔ ﻳﺎ ﻓﺎﺗﻦ ..
ﺍﻡ ﻣﺴﺎﻋﺪ : ﺷﻠﻮﻧﻚ ﻳﻤﺔ ﺷﺨﺒﺎﺭﻙ ﻋﺴﺎﻙ ﺍﺑﺨﻴﺮ؟
ﻣﺴﺎﻋﺪ : ﺍﺑﺨﻴﺮ ﻳﺎ ﻣﺎﻝ ﺍﻟﺨﻴﺮ ﺍﻧﺘﻲ ﻃﻤﻨﻴﻨﻲ ﻋﻠﻴﺞ ﻭﻋﻠﻰ ﺻﺤﺘﺞ
ﻧﻮﺭﺓ : ﺍﻱ ﺍﻱ ﺍﻧﺎ ﺑﺘﺸﻜﻰ ﻋﻠﻴﻬﺎ ﺗﺮﺍﻫﺎ ﺗﻌﺎﻧﺪ ﻓﻲ ﺍﻻﺑﺮ ﻭﻣﺎ ﺗﺮﺿﻰ ﺍﻻ
ﺑﺎﻟﻐﺼﺐ ..
ﻣﺴﺎﻋﺪ ﺑﻨﻈﺮﺓ ﺗﺄﻧﻴﺐ ﻻﻣﻪ : ﻫﺎ ﻳﻤﺔ .. ﻣﺎ ﺍﺗﻔﻘﻨﺎ ﻋﻠﻰ ﺍﻧﺞ ﺗﺎﺧﺬﻳﻦ
ﺍﻟﺪﻭﺍ ..
ﺍﻡ ﻣﺴﺎﻋﺪ ﻭﻫﻲ ﺗﻤﺴﻚ ﺧﺼﺮ ﻭﻟﺪﻫﺎ ﺍﻟﻔﺎﺭﻉ ﺍﻟﻘﺎﻣﺔ : ﻳﻤﺔ ﻣﻮ ﻛﻞ ﻳﺪ
ﻳﺪ ﺍﻟﻐﺎﻟﻲ ..
ﻳﻀﺤﻚ ﻣﺴﺎﻋﺪ : ﻳﺎ ﻋﻴﻨﻲ ﻋﻠﻴﺞ ﻳﺎ ﺭﺍﻋﻴﺘﻬﺎ .. ﺍﻟﺤﻴﻦ ﻋﺎﺩ ﺑﺘﻘﺮﺩﻳﻨﻨﻲ
ﺑﻬﺎﻟﻜﻼﻡ
ﺍﻡ ﻣﺴﺎﻋﺪ ﻭﻫﻲ ﺗﺘﻨﻌﺰ ﻋﻨﻪ : ﺍﻟﻠﻪ ﻋﻠﻴﻚ ﺍﻟﺤﻴﻦ ﺍﻧﺎ ﺍﻗﺮﺩﻥ
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ( ﻭﻫﻮ ﻳﻀﻤﻬﺎ ) ﻳﺎ ﻧﺎﺱ ﺍﺣﺒﻬﺎ ...
ﻭﻗﻌﺪﻭﺍ ﻣﻊ ﺑﻌﺾ ﻭﻧﻮﺭﺓ ﻭﻣﺮﻳﻢ ﺧﺬﻭﺍ ﺍﻏﺮﺍﺽ ﻣﺴﺎﻋﺪ ﻟﻐﺮﻓﺘﻪ ﻭﻫﻮ
ﻳﻤﺸﻲ ﻭﺭﺍﻫﻢ ﻭﺿﺎﻡ ﺍﻣﻪ ﻟﺼﺪﺭﻩ .. ﻣﺎ ﻳﺪﺭﻱ ﻟﻴﺶ .. ﻳﺒﻲ ﻳﺤﺲ
ﺑﺎﻻﻣﺎﻥ . ﻻﻧﻪ ﻓﻲ ﺣﺎﻟﻪ ﻧﻔﺴﻴﺔ ﺿﻌﻴﻔﺔ ﻭﻣﻬﺰﻭﺯﺓ .. ﻣﺎ ﻳﺪﺭﻱ ﻟﻴﺶ
ﻳﺤﺲ ﺑﺎﻟﺬﻧﺐ ﻻﺑﺴﻪ ﻟﺮﺍﺳﻪ .. ﺷﻠﻮﻥ ﻳﻠﻢ ﺍﻫﻠﻪ ﻭﻧﺎﺳﻪ ﻭﻣﺨﻠﻲ ﻓﺎﺗﻦ
ﺑﺮﻭﺣﻬﺎ ﻫﻨﺎﻙ؟؟؟
ﻧﻮﺭﺓ ﻭﻫﻲ ﺗﺒﺘﺴﻢ ﺍﺑﺘﺴﺎﻣﺔ ﻛﺮﻳﺴﺖ : ﻫﺎ ﻣﺴﺎﻋﺪ ﺷﻴﺒﺘﻠﻲ ﻣﻦ ﻫﻨﺎﻙ؟؟
ﻣﺴﺎﻋﺪ : ﺷﻴﺒﺖ ﻟﺞ؟؟ ﺷﻘﺎﻟﻮﻟﺞ ﺭﺍﻳﺢ ﺳﻴﺎﺣﺔ ﺍﻧﺎ؟
ﻣﺮﻳﻢ : ﺗﺒﻲ ﺗﻘﻮﻝ ﻟﻲ ﺍﻧﻚ ﺭﺣﺖ ﺍﻣﻴﺮﻛﺎ ﻭﻣﺎ ﺷﺮﻳﺖ ﻟﻨﺎ ﺷﻲ؟؟؟
ﺷﻬﺎﻟﺒﺨﻞ ﻳﺎ ﺍﺧﻲ؟؟؟ ﺣﺮﻙ ﻇﺮﺳﻚ ﻭﺍﻟﻠﻪ ﺍﻧﻚ ﺑﺨﻴﻴﻞ .
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻭﺍﻟﻠﻪ ﻣﺎﺩﺭﻱ ﻓﺎﺗﻦ ﺷﺮﺕ ﻟﻜﻢ ﺷﻲ
ﻭﺍﻧﺎ ﺣﻄﻴﺘﻪ ﻓﻲ ﻫﺎﻟﺠﻴﺲ .. ﺟﻮﻓﻮﻩ ﻳﻤﻜﻦ ﻳﻌﺠﺒﻜﻢ ...
ﻣﺮﻳﻢ : ﻭﺍﺍﺍﺍﺍﺍﻭ ﺍﻛﻴﺪ ﺍﻛﺴﺴﻮﺍﺭﺕ ﻭﺍﻛﺴﺴﻮﺍﺭﺍﺕ ﻋﻠﻰ ﺫﻭﻕ ﺍﻟﻤﻠﻜﺔ
ﻓﺎﺗﻦ ﺗﺴﻮﻯ ﺍﻟﺪﻧﻴﺎ ﻛﻠﻬﺎ ..
ﺍﺑﺘﺴﻢ ﻣﺴﺎﻋﺪ ﻟﻜﻼﻡ ﻣﺮﻳﻢ ﻋﻦ ﻓﺎﺗﻦ .. ﺣﺘﻰ ﺍﻟﺴﻮﺍﻟﻒ ﻋﻨﻪ ﺗﺪﻏﺪﻍ
ﻣﺸﺎﻋﺮﻩ ﻭﺗﺴﻠﻴﻪ ﻋﻦ ﻭﺣﺸﺘﻬﺎ ..
ﻧﻮﺭﺓ ﻭﻫﻲ ﺗﺘﻤﻌﻦ ﻓﻲ ﺍﻟﺴﻠﺴﻠﺔ ﺍﻻﻧﺘﻴﻴﻴﻚ ﺍﻟﻠﻲ ﻛﺎﻥ ﻗﻠﺒﻬﺎ ﻣﺤﻔﻮﻭﻭﺭ
ﺑﺎﻟﻌﺎﺝ : ﻭﺍﺍﺍﺍﺍﺍﺍﺍﻭ .. ﻛﺸﺨﺔ .. ﻋﻤﺮﻱ ﻓﺘﻮﻭﻭﻥ ﺩﻭﻣﻬﺎ ﻣﻮﻟﻌﻪ
ﺑﺎﻻﻧﺘﻴﻚ .. ﻣﺮﻳﻮﻭﻡ ﺣﻠﻮ ﻋﻠﻰ ﺍﻟﺴﻮﻳﺘﺮ ﺍﻻﺳﻮﺩ ﺍﻟﻠﻲ ﺷﺮﻳﺘﻪ ﻣﻮﻭﻭ
ﻣﺮﻳﻢ ﻭﻫﻲ ﺗﺘﻤﻌﻦ ﻓﻲ ﺍﻟﺨﺎﺗﻢ ﺍﻟﻴﺎﻗﻮﺗﻲ ﺍﻟﻠﻲ ﺷﺮﺗﻪ ﻟﻬﺎ ﻓﺎﺗﻦ ﻭﺗﺒﺘﺴﻢ :
ﻳﺎ ﺍﻟﻠﻪ ﺗﺬﻛﺮﺕ !!
ﻣﺴﺎﻋﺪ : ﺷﻨﻮ ﺗﺬﻛﺮﺕ ..
ﻣﺮﻳﻢ ﻭﻫﻲ ﺗﻜﺎﺑﺪ ﺍﻟﺪﻣﻊ ﺑﻌﻴﻮﻧﻬﺎ : ﻳﻮﻡ ﺍﺣﻨﺎ ﺻﻐﺎﺭ ﻛﻨﺖ ﺍﻗﻮﻝ ﻟﻬﺎ ﺍﻧﻲ
ﺑﺲ ﺍﺻﻴﺮ ﻏﻨﻴﻪ ﺑﺸﺘﺮﻱ ﻟﻲ ﺧﺎﺗﻢ ﻛﺒﻴﺮ ﻣﺜﻞ ﺍﻟﻤﻠﻜﺎﺕ .... ﻭﻫﻲ
ﺫﻛﺮﺕ ... ﻭﺷﺮﺕ ﻟﻲ ... ﻋﻤﺮﻱ ﻓﺘﻮﻭﻭﻭﻥ ﻭﻟﻬﺖ ﻋﻠﻴﻬﺎ ...
ﻃﻠﻌﺖ ﻣﺮﻳﻢ ﻣﻦ ﺍﻟﻐﺮﻓﺔ ﻭﻫﻲ ﺗﺒﺠﻲ .. ﻭﻣﺴﺎﻋﺪ ﻋﻴﻮﻧﻪ ﻟﺤﻘﺘﻬﺎ
ﻭﺍﻻﺳﻰ ﻇﻬﺮ ﻋﻠﻰ ﻣﻼﻣﺤﻪ ﺑﻘﻮﻭﻭ ..
ﻧﻮﺭﺓ : ﺑﺮﻭﺡ ﺍﺷﻮﻓﻬﺎ ... ﻋﻦ ﺍﺫﻧﻜﻢ ..
ﺍﻡ ﻣﺴﺎﻋﺪ ﻭﻫﻲ ﺗﻘﻌﺪ ﻋﻠﻰ ﺍﻟﺴﺮﻳﺮ ﻭﺣﺎﺟﺐ ﻣﺮﻓﻮﻉ : ﻭﺍﻟﻠﻪ ﻣﺎ ﻳﺮﺯﻱ
ﻋﻠﻴﻬﺎ ﺷﻬﺮ ﻣﻦ ﺭﺍﺣﺖ ﺍﺭﻓﻴﺠﺘﻬﺎ .. ﻗﺒﻞ ﻃﻮﻝ ﺍﻟﺼﻴﻒ ﻣﺎ ﺗﺸﻮﻓﻬﺎ ..
ﻣﺴﺎﻋﺪ ﻳﻠﺘﻔﺖ ﻻﻣﻪ ﻣﻦ ﻏﻴﺮ ﻣﺎ ﻳﻨﺎﻇﺮﻫﺎ ﺑﺎﻟﻌﻴﻦ : ﺑﻌﺪ .. ﺍﻫﻲ ﺗﻌﻮﺩﺕ
ﺍﺫﺍ ﻣﺎ ﺷﺎﻓﺘﻬﺎ ﻋﻠﻰ ﺍﻻﻗﻞ ﺗﺴﻤﻊ ﺻﻮﺗﻬﺎ ..
ﺍﻡ ﻣﺴﺎﻋﺪ : ﺩﻟﻊ ﺑﻨﺎﺕ .. ﺍﻻ ﻗﻮﻝ ﻟﻲ ﻳﻤﻪ ﺷﺨﺒﺎﺭﻙ ﻋﺴﺎﻙ ﺍﺑﺨﻴﺮ ..
ﻣﺴﺎﻋﺪ ﻓﻲ ﺫﻳﺞ ﺍﻟﻠﺤﻈﻪ ﺍﺧﺮ ﻣﺎ ﻛﺎﻥ ﻳﺤﺲ ﻓﻴﻪ ﺍﻫﻮ ﺍﻟﺨﻴﺮ : ﺍﻟﺤﻤﺪ
ﻟﻠﻪ ﻳﻤﺔ ... ﺍﻟﺤﻤﺪ ﻟﻠﻪ ..
ﺍﻡ ﻣﺴﺎﻋﺪ : ﺑﺲ ﻋﻴﻞ ﺍﺧﻠﻴﻚ ﺍﻧﺎ ﺍﻟﺤﻴﻦ .. ﺍﻛﻴﺪ ﻭﺭﺍﻙ ﺻﻼﺓ ﻭﺗﻌﺒﺎﻥ ..
ﻣﺴﺎﻋﺪ : ﺗﺴﻠﻤﻴﻦ ﻳﻤﺔ .. ﺍﻭﻝ ﻣﺎ ﻳﻮﺻﻞ ﺍﺑﻮﻱ ﺻﺤﻴﻨﻲ ﺍﺑﻲ ﺍﺳﻠﻢ
ﻋﻠﻴﻪ
ﺍﻡ ﻣﺴﺎﻋﺪ : ﺍﻥ ﺷﺎﺀ ﺍﻟﻠﻪ ﻳﻤﺔ ..
ﺭﺍﺣﺖ ﺍﻡ ﻣﺴﺎﻋﺪ ﻋﻦ ﻭﻟﺪﻫﺎ ﺍﻟﻠﻲ ﻣﻦ ﺗﺴﻜﺮ ﺍﻟﺒﺎﺏ ﺣﻂ ﺭﺍﺳﻪ ﺑﻴﻦ
ﺍﻳﺪﻳﻪ ... ﻭﻓﺰ ﻣﻦ ﻣﻜﺎﻧﻪ ﺑﻌﺼﺒﻴﺔ ﻛﺒﻴﺮﺓ ..ﺍﻟﺤﻴﻦ ﺍﺩﺭﻙ ﻏﻠﻄﺘﻪ
ﺑﺘﺴﺮﻋﻪ ﺑﺎﻟﺮﺟﻌﺔ ﻋﻦ ﻓﺎﺗﻦ .. ﻳﺎ ﺍﻟﻠﻪ ﺷﻬﺎﻟﻘﻠﺐ ﺍﻟﻠﻲ ﻋﻠﻲ ﺷﻠﻮﻥ
ﻗﺪﺭﺕ ﺍﺗﺤﻤﻞ ﻓﻜﺮﺓ ﺍﻧﻲ ﺍﺧﻠﻴﻬﺎ ﺑﺮﻭﺣﻬﺎ .. ﺍﻧﺎ ﺍﻟﻠﻲ ﻣﺘﻮﻋﺪ ﻭﻣﺘﻌﻬﺪ ..
ﺑﺲ . ﻭﺍﻟﻠﻪ ﻣﺎ ﻗﺪﺭﺕ ﺍﺗﺤﻤﻞ ﺍﻛﺜﺮ .. ﺍﻟﻠﻲ ﺻﺎﺑﻨﻲ ﻭﻳﺎ ﻓﺎﺗﻦ ﺍﻛﺜﺮ ﻣﻦ
ﻣﺎ ﺍﺗﺤﻤﻞ .. ﺑﺲ ﻣﺎ ﺑﺨﻠﻴﻬﺎ ﺑﺮﻭﺣﻬﺎ ... ﺑﻔﻜﺮ ﺑﻘﺮﺍﺭ ﺍﻧﻲ ﺍﻃﺮﺵ ﻣﺮﻳﻢ
ﺗﺪﺭﺱ ﻭﻳﺎﻫﺎ .. ﻭﺍﻥ ﻛﺎﻥ ﻋﻠﻰ ﺣﺴﺎﺑﻨﺎ .. ﺑﺲ ﺍﻫﻢ ﺷﻲ ﺍﺧﻠﻲ ﻭﻧﻴﺲ
ﻟﻔﺎﺗﻦ .. ﻣﺎ ﻳﺼﻴﺮ ﺗﻘﻌﺪ ﺑﺮﻭﺣﻬﺎ ﺟﺬﻱ .. ﺣﺲ ﺑﺎﻟﻈﻴﺞ .. ﻭﻋﻠﻰ ﻃﻮﻝ
ﺩﺧﻞ ﺍﻟﺤﻤﺎﻡ ﻋﺸﺎﻥ ﻳﺸﻴﻞ ﺷﻮﻳﻪ ﻣﻦ ﻫﺎﻟﻈﻴﺞ ﺍﻟﻠﻲ ﺣﺎﻳﺸﻪ ..
-----------------
ﻣﺮﻳﻢ ﻓﻲ ﺍﻟﺪﺍﺭ ﺍﻟﻠﻲ ﻗﻌﺪﺕ ﺗﺒﺠﻲ ﻭﺗﺒﺠﻲ ﻭﻧﻮﺭﺓ ﺗﺨﻔﻒ ﻋﻠﻴﻬﺎ ﻟﻜﻦ
ﻣﺎﻛﻮ ﺍﻱ ﺍﻣﻞ ..
ﻧﻮﺭﺓ : ﻣﺮﻳﻢ .. ﺭﻳﻤﻮ ﺣﺒﻴﺒﺘﻲ ﻋﻼﻣﺞ ﺗﺒﺠﻴﻦ ﺟﺬﻱ .. ﻣﺎ ﻓﻴﻬﺎ ﺷﻲ
ﻓﺎﺗﻦ
ﻣﺮﻳﻢ : ﻭﺍﻟﻠﻪ ﻭﻟﻬﺖ ﻋﻠﻴﻬﺎ ﻧﻮﺭﺓ ﻻﻧﻲ ﺑﺼﺮﺍﺣﺔ ﻣﺸﺘﺎﻗﻪ ﻟﻬﺎ ﻣﻦ ﺯﻣﺎﻥ
ﻣﺎ ﻛﻠﻤﺘﻬﺎ ﻭﻻ ﺷﻔﺘﻬﺎ ﺗﻌﺮﻓﻴﻦ ﺷﻠﻮﻥ ﺍﻫﻲ ﻛﺎﻧﺖ ﻭﻳﺎﻱ ﻃﻮﻝ ﻋﻤﺮﻱ
ﻭﺍﻟﺤﻴﻦ ﻣﺎ ﺍﺷﻮﻓﻬﺎ ... ﻭﺍﻟﻠﻪ ﺻﻌﺐ ﻋﻠﻲ .
ﻧﻮﺭﺓ ﺗﺒﺘﺴﻢ : ﺍﺩﺭﻱ ﻓﻴﺞ ﻳﺎ ﺭﻳﻮﻭﻭﻡ ﺑﺲ ﻭﺍﻟﻠﻪ ﻣﻮ ﺯﻳﻦ ﻋﻠﻰ ﻋﻤﺮﺝ ..
ﺗﺘﻌﺒﻴﻦ ﻭﺗﺘﻌﺐ ﻧﻔﺴﻴﺘﺞ ﻭﻳﺎﺝ ..
ﻣﺮﻳﻢ ﻭﻫﻲ ﺗﻤﺴﺢ ﺩﻣﻌﻬﺎ ﻭﺍﻟﺨﺎﺗﻢ ﻓﻲ ﻳﺪﻫﺎ ... ﻓﺠﺖ ﻗﺒﻀﺘﻬﺎ
ﻭﺷﺎﻓﺘﻪ ﻭﺍﺑﺘﺴﻤﺖ ... ﺗﺬﻛﺮﺕ ﻣﻨﺎﺳﺒﺔ ﻫﺎﻟﻴﻮﻡ .. ﻛﺎﻧﻮ ﻗﺎﻋﺪﻳﻦ ﻓﻲ
ﺍﻟﻜﻼﺱ ﻭﺍﻻﺑﻠﺔ ﻛﺎﻧﺖ ﻻﺑﺴﺔ ﺧﻮﺍﺗﻢ ﻻ ﺗﻌﺪ ﻭﻻ ﺗﺤﺼﻰ ﻓﻲ ﻳﺪﻫﺎ
ﻭﻟﻜﻦ ﻭﺍﺣﺪ ﻣﻨﻬﻢ ﻋﺠﺐ ﻣﺮﻳﻢ ..
ﻭﺑﻬﻤﺲ ﻟﻔﺎﺗﻦ : ﻓﺘﻮﻭﻥ ... ﺷﻮﻓﻲ ﺧﺎﺗﻤﻬﺎ ﺍﻟﻮﺭﺩﻱ ..
ﻓﺎﺗﻦ ﺑﻬﻤﺲ : ﺍﻱ ﻭﺍﺣﺪ؟؟ﻭﺍﻳﺪ ﺧﻮﺍﺗﻢ ﻻﺑﺴﺔ ..
ﻣﺮﻳﻢ : ﻫﻬﻬﻬﻬﺎﺍﺍﺍﻱ ﺟﻮﻓﻲ ﺍﻟﻮﺭﺩﻱ ﺍﻟﻜﺒﻴﺮ ..
ﺗﻤﺖ ﻓﺎﺗﻦ ﺗﻨﺎﻇﺮ ﺻﺒﻮﻉ ﺍﻟﻤﺪﺭﺳﺔ ﻭﺍﺧﻴﺮﺍ ﻗﺪﺭﺕ ﺗﻠﻘﻂ ﺍﻟﺨﺎﺗﻢ ﺍﻟﻠﻲ
ﺗﺘﻜﻠﻢ ﻋﻨﻪ ﻣﺮﻳﻢ : ﺷﻔﻴﻪ؟؟
ﻣﺮﻳﻢ : ﺣﻠﻮﻭ ﻣﻮﻭﻭ؟
ﻓﺎﺗﻦ ﺗﻨﺎﻇﺮ ﻣﺮﻳﻢ ﺑﻐﺒﺎﺀ : ﻣﺎﻟﺖ ﻋﻠﻴﺞ ... ﺍﻱ ﺣﻠﻮﻭ ﺷﻔﻴﻬﺎ ..
ﺍﻻﺑﻠﺔ ﺑﺼﻮﺕ ﻋﺎﻟﻲ ﺷﻮﻱ : ﻣﺮﻳﻢ ﻭﻓﺎﺗﻦ ... ﺍﻧﺘﺒﻬﻮ ﻟﻠﺪﺭﺱ ..
ﺍﻧﺘﺒﻬﺖ ﻓﺎﺗﻦ ﻟﻠﻤﺪﺭﺳﻮ ﻭﻭﻳﻬﻬﺎ ﻣﺼﺒﻎ ﺑﺎﻟﻠﻮﻥ ﺍﻻﺣﻤﺮ : ﺍﻥ ﺷﺎﺀﺍﻟﻠﻪ
ﺍﺑﻠﺔ ...
ﺳﻜﺘﺖ ﻋﻦ ﻣﺮﻳﻢ ﻭﻫﻲ ﻣﺴﺘﺤﻴﺔ ﻻﻧﻬﺎ ﻣﺎﺗﺤﺐ ﺍﻟﻤﺪﺭﺳﺎﺕ ﻳﻨﺒﻬﻮﻧﻬﺎ
ﺑﺎﻟﺴﻜﻮﺕ .. ﻭﻣﺮﻳﻢ ﺍﻟﻠﻲ ﻧﻘﻌﺖ ﻣﻦ ﺍﻟﻀﺤﻚ ﻋﻠﻰ ﺷﻜﻞ ﻓﺎﺗﻦ ﺧﻠﺘﻬﺎ
ﺗﻌﻮﻱ ﺛﻤﻬﺎ ﻭﺗﻄﻠﻊ ﻟﺴﺎﻧﻬﺎ ﻓﻲ ﻭﻳﻬﻬﺎ ﻭﻫﺬﺍ ﺍﻟﻠﻲ ﺧﻠﻰ ﻣﺮﻳﻢ ﺗﻀﺤﻚ
ﺍﻛﺜﺮ .. ﻭﺑﻌﺪ ﻓﺘﺮﺓ ﻣﻦ ﺍﻟﺼﻤﺖ ﻓﻲ ﺍﻟﺼﻒ ﺭﺩﺕ ﻣﺮﻳﻢ ﺗﻘﺮﻗﺮ ﻋﻞ
ﺭﺍﺱ ﻓﺎﺗﻦ ..
ﻣﺮﻳﻢ ﺑﻬﻤﺲ : ﻓﺘﻮﻭﻥ ﻗﻮﻟﻴﻠﻬﺎ ﺍﻧﻲ ﺍﺑﻲ ﺍﻟﺨﺎﺗﻢ ...
ﻓﺎﺗﻦ ﺑﻬﻤﺲ : ﻣﺮﻳﻢ ﺍﻥ ﻣﺎ ﺳﻜﺘﻲ ﻭﺍﻟﻠﻪ ﺑﺎﻟﻘﻠﻢ ﻋﻠﻰ ﻭﻳﻬﺞ
ﻣﺮﻳﻢ ﺑﺼﻮﺕ ﻋﺎﻟﻲ ﻭﻛﺎﻧﻬﺎ ﻧﺴﺖ ﺭﻭﺣﻬﺎ : ﺍﻓﺎ ﻭﻳﻦ ﺍﻟﺼﺪﺍﻗﺔ
ﻓﺘﻴﻴﻴﻨﺔ؟؟
ﺍﻻﺑﻠﺔ : ﻣﺮﻳﻢ ... ﻓﺎﺗﻦ .. ﻫﺬﻱ ﺛﺎﻧﻲ ﻣﺮﺓ ﺍﻧﺒﻬﻜﻢ ﺑﺎﻟﺴﻜﻮﻭﻭﺕ ...
ﺍﻟﺜﺎﻟﺜﺔ ﺗﺮﻭﺣﻮﻥ ﻟﻠﻤﺸﺮﻓﺔ .. ﺳﺎﻣﻌﻴﻦ؟؟
ﻣﺮﻳﻢ ﺍﻟﻠﻲ ﺗﺤﺠﺖ ﻻﻥ ﻓﺎﺗﻦ ﺍﻧﻘﻔﻂ ﻭﻳﻬﻬﺎ : ﺍﻥ ﺷﺎﺀ ﺍﻟﻠﻪ ﺍﺑﻠﻪ ﺑﺲ
ﺣﺒﻴﺖ ﺍﻗﻮﻝ ﻟﺞ .. ﺍﻥ ﺧﺎﺗﻤﺞ ﻭﺍﻳﺪ ﺣﻠﻮﻭ
ﺍﻻﺑﻠﺔ ﺗﺼﺒﻎ ﻭﻳﻬﻬﺎ : ﺧﺎﺗﻤﻲ؟؟
ﻣﺮﻳﻢ : ﺍﻱ ﻫﺬﺍ ﺍﻟﻮﺭﺩﻱ ﺍﻟﺠﺒﻴﺮ .. ﻭﺍﻳﺪ ﻭﺍﻳﺪ ﺣﻠﻮﻭﻭ ﻋﻠﻴﺞ
ﺑﺎﻟﻌﺎﻓﻴﺔ ...
ﺍﻻﺑﻠﺔ ﻭﻫﻲ ﻣﺴﺘﺤﻴﺔ : ﻳﻌﺎﻓﻴﺞ ﺭﺑﻲ ﻭﺑﺴﺞ ﻗﺮﻗﺔ ﻳﺎﻟﻠﻪ ﺍﻧﺘﺒﻬﻲ
ﻟﻠﺪﺭﺱ .. ﻟﻮ ﺗﺒﺘﻬﻲ ﻟﻜﺜﺮ ﻣﺎ ﺗﻘﺮﻗﻴﻴﻴﻦ ﺟﺎﻥ ﺍﻧﺘﻲ ﻣﺘﻔﻮﻗﺔ ..
ﻛﻞ ﺍﻟﻄﺎﻟﺒﺎﺕ ﺿﺤﻜﻮﺍ ﻋﻠﻰ ﻣﺮﻳﻢ ﺣﺘﻰ ﻓﺎﺗﻦ ﻭﺭﻣﺖ ﺍﻟﻜﻞ ﺑﻨﻈﺮﺓ
ﺍﺣﺘﻘﺎﺭ ﺍﻻ ﻓﺎﺗﻦ ﻻﻧﻬﺎ ﻗﺮﺻﺖ ﻳﺪﻫﺎ ..
ﻭﻣﻦ ﺑﻌﺪ ﻫﺎﻟﺼﻒ ﻛﺎﻧﺖ ﻓﺴﺤﺔ ﺍﻻﺳﺘﺮﺍﺣﺔ .. ﻭﻃﺒﻌﺎ ﻣﺮﻳﻢ ﻭﻓﺎﺗﻦ
ﻭﺳﻤﻴﺔ ﺍﻟﺜﻼﺛﻲ ﺍﻟﻤﺮﺡ ﻗﺎﻋﺪﻳﻦ ﻭﻳﺎ ﺑﻌﺾ ﻳﺘﺮﻳﻘﻮﻭﻥ ... ﻭﻣﺮﻳﻢ
ﺯﻋﻼﻧﺔ ﻣﻦ ﻓﺎﺗﻦ ﻭﻓﺎﺗﻦ ﻫﻢ ﺯﻋﻼﻧﺔ ﻣﻦ ﻣﺮﻳﻢ ﻭﻫﺬﻱ ﺳﺎﺑﻘﺔ ..
ﺳﻤﻴﺔ ﺍﻟﻠﻲ ﻻﺣﻈﺖ ﺍﻟﺒﺮﻭﺩ ﺑﻴﻦ ﺍﻟﺜﻨﺘﻴﻦ ﺍﺳﺘﻐﺮﺑﺖ ﺍﻟﻮﺿﻊ ..
ﺳﻤﻴﺔ : ﻋﻼﻣﻜﻢ ﺍﻧﺘﻮ ﺍﻟﺜﻨﺘﻴﻦ ﻭﺭﺍﻛﻢ ﺳﺎﻛﺘﻴﻦ؟؟ﺷﻲ ﺻﺎﻳﺮ؟؟
ﻓﺎﺗﻦ ﺳﻜﺘﺖ ﻭﻣﺮﻳﻢ ﺍﻟﺜﺎﻧﻴﺔ ﻭﺗﺒﺎﺩﻟﻮﻭﻭ ﻧﻈﺮﺍﺍﺍﺕ ﺗﺤﺮﻕ ﻛﻞ ﻭﺣﺪﺓ
ﻣﻨﻬﻢ ﻭﻧﻈﺮﺍ ﻻﻥ ﻣﺮﻳﻢ ﺍﻗﺴﻰ ﻣﻦ ﻓﺎﺗﻦ ﺍﻟﻠﻲ ﻃﺒﻴﻌﺘﻬﺎ ﻣﺮﻫﻔﺔ ﻏﻠﺒﺖ
ﻓﺎﺗﻦ ﻭﺧﻠﺘﻬﺎ ﺗﻮﺧﻲ ﺑﻌﻴﻮﻧﻬﺎ ...
ﺳﻤﻴﺔ : ﻭﻱ ﺑﺴﻢ ﺍﻟﻠﻪ ﻗﻠﺖ ﻟﻜﻢ ﺷﻲ ﺻﺎﻳﺮ ﻣﺎ ﻗﻠﺖ ﻟﻜﻢ ﺗﺤﺎﺭﻗﻮ
ﺑﺎﻟﻌﻴﻮﻥ ... ﻫﺎ ﺍﻡ ﺟﻌﻼﻥ (ﻣﺮﻳﻢ ) ﺷﺼﺎﻳﺮ ﺑﻴﻨﻜﻢ؟؟
ﻣﺮﻳﻢ : ﻻ ﺑﺲ . ﺍﻛﺘﺸﻔﺖ ﺍﻟﻴﻮﻡ ﺍﻥ ﺍﻟﺪﻧﻴﺎ ﻣﺎﻓﻴﻬﺎ ﺍﺻﺪﻗﺎﺀ ..
ﻓﺎﺗﻦ : ﻣﺎﻟﺖ ﻋﻠﻴﺞ ﻋﺎﺩ
ﻣﺮﻳﻢ ﺑﻌﺼﺒﻴﺔ : ﻻ ﺗﺴﺒﻴﻦ ﻭﻳﺎ ﻭﻳﻬﺞ .. ﻣﻮ ﻛﻔﺎﻳﺔ ﻳﻌﻨﻲ ﺍﻟﻠﻲ ﺳﻮﻳﺘﻴﻪ
ﻓﻲ ﺍﻟﺼﻒ ﺍﻟﻴﻮﻡ
ﻓﺎﺗﻦ : ﻭﺍﻟﻠﻪ ﻣﺤﺪ ﻗﺎﻟﻠﺞ ﺗﻔﺘﺤﻴﻦ ﺍﺫﺍﻋﺔ ﺍﻟﺼﺒﺎﺡ .. ﻳﻌﻨﻲ ﻛﺎﻥ ﻻﺯﻡ
ﺗﺘﻜﻠﻤﻴﻦ ﺑﺎﻟﻤﻮﺿﻮﻉ ﺑﺎﻟﺼﻒ ﻣﺎ ﻛﻨﺘﻲ ﺗﻘﺪﺭﻳﻦ ﺗﻨﺘﻈﺮﻳﻦ ﺍﻟﻔﺴﺤﺔ ﺍﻟﻠﻲ
ﺑﻌﺪﻩ
ﺳﻤﻴﺔ : ﺍﻭﺏ ﺍﻭﺏ ﺍﻭﺏ ... ﺍﻭﻗﻔﻮﺍ ... ﺷﺎﻟﻤﻮﺿﻮﻉ ..
ﻣﺮﻳﻢ : ﻛﻞ ﺍﻟﻠﻲ ﺻﺎﺭ ﺍﻥ ﺍﻻﺑﻠﺔ ﺍﻧﻴﺴﺔ ﻻﺑﺴﺔ ﺧﺎﺗﻢ ﺣﻠﻮﻭﻭ ﺍﻟﻴﻮﻡ
ﻭﻋﻠﻘﺖ ﻋﻠﻴﻪ ..
ﺳﻤﻴﺔ : ﺍﻱ ﺧﺎﺗﻢ ﻭﺍﻳﺪ ﺧﻮﺍﺗﻢ ﺗﻠﺒﺲ ﺫﻱ
ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻣﺮﻳﻢ : ﺿﺤﻜﺘﻲ ﻳﺎﺭﺏ ﻣﺎﺩﺭﻱ ﺷﻘﻮﻝ ...
ﺳﻤﻴﺔ : ﺯﻳﻦ ﻛﻤﻠﻲ
ﻣﺮﻳﻢ : ﺯﻳﻦ ﺍﻥ ﺟﺎﻥ ﻛﻠﻤﺖ ﻫﺎﻟﻜﺤﻼ ﺍﻟﻠﻲ ﻳﻤﺞ ﻭﺍﺑﺪ ﻣﺎ ﺗﻘﺪﺭ ﺗﻬﻤﺲ
ﻭﺗﺘﺼﺎﺻﺮ ﺻﻮﺗﻬﺎ ﻟﺒﻴﺘﻬﻢ .. ﻣﺴﻜﺘﻨﺎ ﺍﻻﺑﻠﺔ ﻭﻫﺰﺋﺘﻨﺎ ...
ﻓﺎﺗﻦ : ﻭﺍﻧﺘﻲ ﺗﻌﺮﻓﻴﻦ ﺍﻥ ﻧﻘﻄﺔ ﺿﻌﻔﻲ ﺍﻥ ﺍﻻﺑﻠﺔ ﺗﻨﺸﺪﻧﻲ ﻓﻲ ﺍﻟﺼﻒ
ﻭﺗﻘﻮﻝ ﻟﻲ ﺳﻜﺘﻲ .. ﻣﺎﺣﺐ ﻫﺎﻟﺸﻲ ﻳﺎ ﺑﻨﺖ ﺍﻟﻨﺎﺱ ﺟﻢ ﻣﺮﺓ ﺑﻌﻠﻤﺞ
ﻣﺮﻳﻢ : ﺳﻜﺘﻲ ﻳﺎﻟﺒﻄﻴﺨﺔ .. ﺍﻻ ﻗﻠﺖ ﻟﻬﺎ ﺑﺼﺮﻳﺢ ﺍﻟﻌﺒﺎﺭﺓ ﺍﺑﻠﺔ ﺧﺎﺗﻤﺞ
ﻋﺠﺒﻨﻲ ...
ﺳﻤﻴﺔ ﺑﺪﻫﺶ : ﺟﺪﺍﻡ ﺍﻟﺒﻨﺎﺕ؟
ﻣﺮﻳﻢ : ﺍﻱ ﺟﺪﺍﻣﻬﻢ .. ﻟﻴﺸﺸﺸﺸﺸﺶ ﺍﻧﺎ ﺷﻘﻠﺖ؟؟
ﻓﺎﺗﻦ : ﺭﺩﻱ ﻋﻠﻴﻬﺎ ﺳﻤﻴﺔ .. ﺍﻧﺎ ﻣﺎﻓﻴﻨﻲ ﺻﺮﺍﺣﺔ ..
ﺳﻤﻴﺔ : ﻓﺸﻠﺘﻴﻨﺎ ﻳﻌﻠﺞ ﺭﻳﻠﺞ ﻳﺨﻤﺞ ..
ﻣﺮﻳﻢ ﺑﺤﻴﺎ : ﺣﺮﺍﻡ ﻋﻠﻴﺞ ﻻ ﺗﺪﻋﻴﻦ ﺟﺬﻱ .. ﺍﺳﺘﺤﻴﺰ .
ﻓﺎﺗﻦ : ﻋﺒﺎﻟﺞ ﻫﺬﻱ ﺍﺩﻣﻴﺔ ..
ﻣﺮﻳﻢ : ﻭﺍﻟﻪ ﺻﺪﻗﻮﻧﻲ ﺧﻠﻮﻧﻲ ﺑﺲ ﺍﻛﺒﺮ ﻭﺍﺷﺘﻐﻞ ﻭﻻ ﺍﺗﺰﻭﺝ ﻭﺍﺣﺪ
ﻏﻨﻲ ﺑﺸﺘﺮﻱ ﻟﻲ ﻣﺜﻞ ﻫﺎﻟﺨﺎﺗﻢ ..
ﻓﺎﺗﻦ : ﺍﻧﺎ ﻻ ﻛﺒﺮﺕ ﺑﺸﺘﺮﻳﻪ ﻟﺞ ﻭﻻ ﺗﺰﻋﻠﻴﻦ
ﻣﺮﻳﻢ : ﻭﻱ ﻣﺎ ﺍﺑﻴﻲ ﻣﺎﻟﺞ ﺣﻠﻴﺎﻥ ﻭﻣﺼﺪﻱ .. ﻻ ﻭﻣﻮ ﻃﺎﻟﻊ ﻣﻦ
ﺍﻟﻘﻠﺐ ...
ﻓﺎﺗﻦ : ﺍﻓﺎ ...
ﻣﺮﻳﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺍﺗﻐﺸﻤﺮ ﻭﻳﺎﺝ .. ﺗﺤﺒﻴﻨﻲ ﻳﺎﻟﺤﻤﺎﺭﺓ
ﺗﻤﻮﺗﻴﻦ ﻓﻴﻨﻲ .. ﻣﺎﺩﺭﻱ ﺷﻠﻮﻥ ﺑﺘﻔﺎﺭﻗﻴﻨﻲ ﻳﻮﻡ ﻣﻦ ﺍﻻﻳﺎﻡ ..
ﻓﺎﺗﻦ ﻭﻫﻲ ﺗﻀﻢ ﻣﺮﻳﻢ : ﺍﻧﺎ ﺍﻓﺎﺭﻗﺞ .. ﺍﻧﺎ ﻭﺍﻧﺘﻲ ﻣﺜﻞ ﺍﻟﺒﻴﺾ
ﻭﺍﻟﻘﺸﺮﺓ ..
ﻣﺮﻳﻢ : ﻣﺜﻞ ﺍﻟﺰﻫﺮﺓ ﻭﺍﻟﻨﺤﻠﺔ
ﺳﻤﻴﺔ ﺍﻟﻐﻴﻮﺭﺓ : ﻣﺜﻞ ﺍﻟﺒﺼﻠﺔ ﻭﻗﺸﺮﺗﻬﺎ ...
ﻣﺮﻳﻢ ﺗﺎﺷﺮ ﺑﺼﺒﻌﻬﺎ ﻋﻠﻰ ﺳﻤﻴﺔ : ﻭﺍﻧﺘﻲ ﺍﻟﺮﻳﺤﺔ ﻫﺎﻫﺎﻫﺎﻫﺎﻫﺎ
ﺳﻤﻴﺔ : ﻭﻳﺎ ﺭﺍﺳﺴﺴﺴﺴﺴﺞ ...
ﻧﻮﺭﺓ : ﻫﺪﺃﺗﻲ؟؟
ﻣﺮﻳﻢ ﻭﻫﻲ ﺗﻤﺴﺢ ﻋﻠﻰ ﻭﻳﻬﻬﺎ : ﺍﻳــﻪ .. ﺷﻮﻱ ..
ﻧﻮﺭﺓ ﺗﺒﺘﺴﻢ : ﻣﺮﻳﻮﻭﻭﻡ . ﺍﻧﺎ ﺍﺩﺭﻱ ﺑﻐﻼ ﻓﺎﺗﻦ ﻓﻲ ﻗﻠﺒﺞ .. ﻭﺻﺪﻗﻴﻨﻲ ..
ﺍﺫﺍ ﺍﻟﻠﻪ ﻋﻄﺎﻧﺎ ﻋﻤﺮ .. ﻻ ﺍﺧﺬﺝ ﻟﻬﺎ ﺍﻧﺎ ﺑﻨﻔﺴﻲ ﻫﻨﺎﻙ ﺑﺎﻣﻴﺮﻛﺎ ..
ﺿﺤﻜﺖ ﻣﺮﻳﻢ ...
ﻧﻮﺭﺓ ﺍﺳﺘﻌﺠﺒﺖ : ﺗﻀﺤﻜﻴﻦ؟؟ ﻋﻠﺒﺎﻟﺞ ﺍﺟﺬﺏ؟؟ ﻻ ﺣﺒﻴﺒﺘﻲ ﺍﻧﺎ ﻗﺪ
ﻛﻠﻤﺘﻲ .. ﻭﺑﺘﺠﻮﻓﻴﻦ ﺍﻥ ﻣﺎ ﺧﺬﺗﺞ ﻫﻨﺎﻙ ﻭﻳﺎ ﻓﻴﺼﻞ .. ﺻﺪﻗﻴﻨﻲ
ﻋﺸﺎﻥ ﺧﺎﻃﺮ ﻋﻴﻮﻧﺞ ﻛﻞ ﺷﻲ ﺗﻄﻠﺒﻴﻨﻪ ﻳﺘﻢ ..
ﻣﺮﻳﻢ : ﺗﺴﻠﻤﻴﻦ ﻭﻣﺎ ﺗﻘﺼﺮﻳﻦ ...
ﻧﻮﺭﺓ ﻭﻫﻲ ﺗﻬﺐ ﺑﻮﻗﻔﺘﻬﺎ : ﻳﺎﻟﻠﻪ .. ﺍﻧﺎ ﺑﺨﻠﻴﺞ ﺍﻟﺤﻴﻦ .. ﺑﺮﻭﺡ ﺍﺗﺠﻬﺰ
ﺍﻟﻴﻮﻡ ﻋﻨﺪﻧﺎ ﻋﺰﻳﻤﺔ ﻓﻲ ﺑﻴﺖ ﺧﺎﻟﺔ ﻓﻴﺼﻞ ..
ﻣﺮﻳﻢ : ﻳﺎﺣﺒﻬﻢ ﺍﻫﻞ ﺭﻳﻠﺞ ﻟﻠﻌﺰﻭﻣﺎﺕ .. ﻛﺎﻧﺎ ﻋﺸﻨﺎ ﻋﻤﺮﻧﺎ ﺑﻼ ﻋﺰﻭﻣﺎﺕ .
ﻧﻮﺭﺓ ﺗﻀﺤﻚ : ﻳﺎ ﻣﺮﻳﻢ ﻫﺬﻱ ﻋﺎﻳﻠﺔ ﺟﺒﻴﺮﺓ ﻭﻳﺤﺒﻮﻥ ﻳﺘﻴﻤﻌﻮﻥ .. ﻣﻮ
ﻣﺜﻠﻨﺎ .. ﻋﻮﺩﺗﻨﺎ ﺍﻣﻲ ﻋﻠﻰ ﻗﻌﺪﺓ ﺍﻟﺒﻴﺖ ﻭﻣﺎ ﻧﺰﻭﺭ ﺍﺣﺪ ﻭﻻ ﻧﺘﻮﺍﺻﻞ
ﻭﻳﺎ ﺍﺣﺪ .. ﺗﺮﻯ ﺍﻟﺠﻤﺎﻋﺎﺕ ﺍﺣﻠﻰ ﺷﻲ ﻓﻲ ﺍﻟﻌﻮﺍﻳﻞ ..
ﻣﺮﻳﻢ : ﻭﺍﻟﻠﻪ ﻣﺎ ﺍﺩﺭﻱ .. ﻋﻤﺮﻱ ﻣﺎ ﺟﺮﺑﺖ ﻫﺎﻟﺸﻲ ..
ﻧﻮﺭﺓ : ﺍﺫﺍ ﺗﺰﻭﺟﺘﻲ ﺑﺘﻌﺮﻓﻴﻦ ...
ﻋﻠﻯﻄﺎﺭﻱ ﺍﻟﺰﻭﺍﺝ ﺗﻐﻴﺮﺕ ﺍﻟﻮﺍﻥ ﻣﺮﻳﻢ ﻭﻧﻮﺭﺓ ﻻﺣﻈﺘﻬﺎ ...: ﺷﻔﻴﺞ
ﺭﻳﻮﻡ؟
ﻣﺮﻳﻢ : ﻫﺎ ... ﺍﻧﺎ؟؟ ﻣﺎ ﻓﻴﻨﻲ ﺷﻲ .... ﻟﻴﺶ؟
ﻧﻮﺭﺓ : ﻣﻦ ﻳﺒﺖ ﻟﺞ ﻃﺎﺭﻱ ﺍﻟﺰﻭﺍﺝ ﺗﻐﻴﺮﺕ ﺍﻟﻮﺍﻧﺞ ...
ﻣﺮﻳﻢ : ﺍﻟﻮﺍﻧﻲ؟؟ ﺍﻟﻠﻪ ﻳﻬﺪﺍﺝ ﺍﺷﺎﺭﺓ ﻣﺮﻭﺭ ﺗﻐﻴﺮﺕ ﺍﻟﻮﺍﻧﻲ؟؟ ﻻ ﻣﺎ
ﻓﻴﻨﻲ ﺷﻲ ﺑﺲ ﺑﺮﻭﺡ ﺍﻏﺴﻞ ﻭﻳﻬﻲ ...
ﻧﻮﺭﺓ : ﻋﻠﻰ ﺭﺍﺣﺘﺞ .. ﻳﺎﻟﻠﻪ ﺍﺷﻮﻓﺞ ﻋﻠﻰ ﺧﻴﺮ ..
ﻗﺒﻞ ﻻ ﺗﻄﻠﻊ ﻧﻮﺭﺓ ..
ﻣﺮﻳﻢ : ﻧﻮﺭﺓ .؟
ﻧﻮﺭﺓ : ﻫﻼ؟ ..
ﻣﺮﻳﻢ : ﻻﺗﺒﺎﺗﻴﻦ ﺍﻟﻠﻴﻠﺔ ﻫﻨﺎﻙ .. ﺗﻌﺎﻟﻲ ﻫﻨﻲ .. ﺧﺎﻃﺮﻱ ﻧﻘﻌﺪ ﻭﻳﺎ ﺑﻌﺾ
ﻣﺜﻞ ﻗﺒﻞ ..
ﻧﻮﺭﺓ ﺑﺎﺑﺘﺴﺎﻣﺔ ﻋﺮﻳﻀﺔ ﺑﻴﻨﺖ ﻣﺪﻯ ﻓﺮﺣﻬﺎ ﻣﻦ ﺍﻗﺘﺮﺍﺡ ﻣﺮﻳﻢ : ﺍﻓﺎ
ﻋﻠﻴﺞ ... ﻣﺎ ﻃﻠﺒﺘﻲ ﻳﺎ ﻏﻨﺎﺓ ﺭﻭﺣﻲ ..
ﻣﺮﻳﻢ : ﻭﻳﻴﻲ ﺷﻌﻨﺪﻫﺎ ﺑﻨﺖ ﺍﻻﻣﺎﺭﺍﺕ ..
ﻧﻮﺭﺓ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﺭﺍﺣﺖ ﻧﻮﺭﺓ ﻋﻦ ﻣﺮﻳﻢ ﺍﻟﻠﻲ ﺗﻤﺖ ﻭﺍﻗﻔﺔ ﻋﻨﺪ ﺑﺎﺏ ﺍﻟﺤﻤﺎﻡ ﻭﻫﻲ ﺗﺬﻛﺮ
ﻓﺎﺗﻦ ... ﺍﻟﻠﻪ ﻳﺬﻛﺮﺝ ﺑﺎﻟﺨﻴﺮ ﻳﺎﻟﻐﺎﻟﻴﺔ .. ﻭﻣﻦ ﻓﺎﺗﻦ ﺍﻧﺘﻘﻞ ﺑﺎﻟﻬﺎ ﺍﻟﻰ
ﺟﺮﺍﺡ ﻭﻟﻘﺎﺋﻬﺎ ﻭﻳﺎﻩ ﺍﻣﺲ ﺑﺎﻟﺠﺎﻣﻌﺔ .. ﻳﺎﻟﻠﻪ ﺣﺪﻱ ﺧﺎﻳﻔﺔ .. ﻻ ﻳﺼﻴﺮ
ﺑﺲ ﺷﻲ ﺟﺎﻳﺪ .. ﺍﻣﻲ ﻭﻣﻨﻘﻠﺐ ﻣﺰﺍﺟﻬﺎ ﻋﻠﻰ ﺑﻴﺖ ﺍﻟﻴﺎﺳﻲ .. ﺍﻟﻠﻪ
ﻳﻌﻴﻦ ﻗﻠﺒﻲ ﻭﺍﻟﻠﻪ ﻻ ﺻﺎﺭ ﺷﻲ .. ﺑﻤﻮﻭﻭﺕ .. ﻟﻜﻦ ﺳﻌﻮﻭﺩ ﻣﺎ ﺑﻴﻌﻮﺭ
ﻗﻠﺒﻲ .. ﺍﻫﻮ ﺍﺣﻦ ﻋﻠﻲ ﻣﻦ ﺍﻣﻲ .. ﻋﻠﻰ ﻃﺎﺭﻳﻪ .. ﻟﻴﺶ ﻣﺎ ﺍﺭﻭﻭﻭﺡ
ﻟﻪ ..
ﺩﺧﻠﺖ ﻣﺮﻳﻢ ﺍﻟﺤﻤﺎﻡ ﺑﺴﺮﻋﺔ ﻭﻏﺴﻠﺖ ﻭﻳﻬﻬﺎ ... ﻭﺭﺍﺣﺖ ﺩﺍﺭ ﺍﺧﻮﻫﺎ ..
ﻛﺎﻥ ﻣﺴﺎﻋﺪ ﻳﺼﻠﻲ ﻭﻋﻠﻰ ﻋﺎﺩﺗﻪ ﻳﺨﻠﻲ ﺍﻟﺒﺎﺏ ﺷﻮﻳﺔ ﻣﻔﺘﻮﺡ ﻃﻠﺖ
ﻣﺮﻳﻢ ﺑﺮﺍﺳﻬﺎ ﻭﺷﺎﻓﺘﻪ .. ﻭﺑﻬﺪﻭﺀ ﺩﺧﻠﺖ ﺍﻟﻐﺮﻓﺔ ﻭﺭﺍﺣﺖ ﻋﻨﺪ
ﺍﻟﺴﺮﻳﺮ .. ﻓﺠﺖ ﺍﻟﺠﻨﻄﺔ ﻭﻃﻠﻌﺖ ﺍﻻﻏﺮﺍﺽ .. ﻭﺣﺎﻝ ﻣﺎ ﺧﻠﺺ ﻣﺴﺎﻋﺪ
ﺻﻼﻩ ﺍﺳﺘﻐﻞ ﺗﺮﺗﻴﺐ ﻣﺮﻳﻢ ﻟﻼﻏﺮﺍﺽ ﻭﺗﻢ ﻳﻘﺮﻯ ﺷﻮﻱ ﻣﻦ ﺍﻟﻘﺮﺁﻥ ..
ﻭﻳﻮﻡ ﻓﺮﻍ ﻓﺮﻏﺖ ﻣﺮﻳﻢ ﻭﻳﺎﻩ ... ﻭﺍﻟﺘﻔﺘﺖ ﻟﻪ ﺑﺎﺑﺘﺴﺎﻣﺔ ﻭﺑﺎﺩﻟﻬﺎ
ﺑﺎﻟﻤﺜﻞ ... ﻭﺭﺍﺡ ﻭﻗﻌﺪ ﺑﻜﻞ ﻫﺪﻭﺀ ﻋﻠﻰ ﺍﻟﺴﺮﻳﺮ ﻭﻫﻲ ﻳﻤﻪ ... ﻛﺎﻧﺖ
ﻗﺎﻋﺪﺓ ﻭﻫﻮ ﻗﺎﻋﺪ ﻭﺭﺍﺳﻪ ﺑﻴﻦ ﻳﺪﻳﻪ .. ﻭﻛﺎﻧﻪ ﻳﻌﺎﻧﻲ ﻣﻦ ﺻﺪﺍﻉ ..
ﻭﻛﺎﻥ ﻓﻲ ﻗﻠﺐ ﻣﺮﻳﻢ ﺍﻟﻒ ﺳﺆﺍﻝ ﻟﻤﺴﺎﻋﺪ ... ﻟﻜﻨﻬﺎ ﻣﺎ ﻗﺪﺭﺕ ﺍﻻ
ﺗﺴﺄﻟﻪ ﻫﺎﻟﺴﺆﺍﻝ ..
ﻣﺮﻳﻢ ﺑﺼﻮﺕ ﺣﻨﻮﻥ : ﺷﺎﻻﺧﺒﺎﺭ؟؟؟
ﺭﻓﻊ ﺭﺍﺳﻪ ﻣﺴﺎﻋﺪ ﻭﻫﻮﻳﺒﺘﺴﻢ ﺑﺄﻟﻢ ... ﻭﺑﻌﺪ ﻓﺘﺮﺓ ﻣﻦ ﺍﻟﺼﻤﺖ ..: ﻭﺍﻧﺎ
ﺍﻟﻠﻲ ﺣﺴﺒﺎﻟﻲ ﺍﻥ ﻭﻳﻬﻲ ﻣﻨﻈﺮﺓ ﻻﺣﻮﺍﻟﻲ ..
ﻣﺮﻳﻢ : ﺍﻥ ﺟﺎﻥ ﻋﻠﻰ ﺍﻧﻪ ﻣﻨﻈﺮﺓ ﻓﻬﻮ ﻣﻨﻈﺮﺓ ﻭﺧﻮﺵ ﻣﻨﻈﺮﺓ .. ﺑﺲ
ﺍﺑﻴﻚ ﺍﻧﺖ ﺗﻘﻮﻝ ﻟﻲ ...
ﻣﺴﺎﻋﺪ ﻭﻫﻮ ﻳﻨﺎﻇﺮ ﻣﺮﻳﻢ : ﺍﻟﺤﺎﻝ ﻣﺎ ﻳﺴﺮ ... ﺍﻭ ﺍﻇﻨﻪ ﻣﺎ ﻳﺴﺮ؟؟
ﻣﺮﻳﻢ ﻭﻫﻲ ﺗﻌﻘﺪ ﺣﻮﺍﺟﺒﻬﺎ : ﻣﺎ ﺗﻮﺍﻟﻔﺘﻮ؟؟
ﻣﺴﺎﻋﺪ ﺑﺘﻨﻬﻴﻴﺪﺓ ﻣﻨﺎ ﻻﻋﻤﺎﺍﺍﺍﺍﺍﺍﻕ :. ﺍﻟﻤﻮﺍﻟﻔﺔ ﻫﻮ ﺍﻗﻞ ﺷﻲ ﻳﻤﻜﻦ
ﺻﺎﺭ ...
ﻣﺮﻳﻢ ....: ﻣﻦ ﺟﺬﻱ ﺭﺩﻳﺖ؟
ﻣﺴﺎﻋﺪ ﻭﻫﻮ ﻳﺮﺗﺐ ﺍﻟﻠﺤﺎﻑ ﺍﻟﻠﻲ ﻛﺎﻥ ﻋﻠﻰ ﺍﻟﺴﺮﻳﺮ : ﻳﻤﻜﻦ .... ﺍﻫﻮ
ﺍﻟﺴﺒﺐ .. ﻭﻻ ﻣﺎ ﺍﺩﺭﻱ .. ﻇﺎﻗﺖ ﻓﻴﻨﻲ ﺍﻟﺪﻧﻴﺎ ﻳﺎ ﻣﺮﻳﻢ ... ﺣﺴﻴﺖ ﺍﻧﻲ
ﺍﻧﺴﺎﻥ ﺿﻌﻴﻒ .. ﻣﺎ ﺍﻗﺪﺭ ﺍﺳﻮﻱ ﺷﻲ .. ﻻﻭﻝ ﻣﺮﺓ ﺑﺤﻴﺎﺗﻲ ﺍﺣﺲ ﺍﻧﻲ
ﻋﺎﺟﺰ ﻭﻣﺎ ﺍﻗﺪﺭ ﺍﻣﺪ ﻳﺪﻱ ﻭﻻ ﺍﻗﺪﺭ ﺍﻓﻜﺮ ﻭﻻ ﺍﻗﺪﺭ ﺍﺑﺘﻜﺮ ﺷﻲ ...
ﺍﻟﻬﺰﻳﻤﺔ ﻋﻠﻰ ﻳﺪ ﻓﺎﺗﻦ ﺳﺤﻘﺖ ﻛﻞ ﻋﺰﻳﻤﺘﻲ .. ﻭﺍﻧﺎ ﺍﻟﻲ ﻛﻨﺖ ﺍﻇﻦ
ﺍﻧﻲ ﻗﺎﺩﺭ ﺍﻧﻲ ﺍﺳﻴﻄﺮ ﻋﻠﻰ ﺍﻣﻮﺭﻱ ﻃﻠﻌﺖ ﻏﻠﻄﺎﺍﺍﻥ ... ﺍﻧﻬﺰﻣﺖ ﻳﺎ
ﻣﺮﻳﻢ .... ﻋﻠﻰ ﻳﺪ ﺑﻨﺖ .. ﻳﻤﻜﻦ ﻣﺎ ﻃﺎﻑ ﻋﻤﺮﻫﺎ ﺍﻟﻌﺸﺮﻳﻦ ﺳﻨﺔ ..
ﻫﺰﻣﺘﻨﻲ ﺑﺒﺮﻭﺩﻫﺎ .. ﻭﺟﻔﺎﻫﺎ .. ﻭﻣﻼﻣﺢ ﻭﻳﻬﻬﺎ ﺍﻟﻠﻲ ﺗﺨﻠﻲ ﻣﻦ ﻗﻠﺒﻲ
ﻣﺜﻞ ﺍﻟﺸﻤﻌﻪ .. ﺗﺬﻭﺏ ﻭﺗﺬﻭﺏ ﻭﻳﺨﺒﻮﻭﻭ ﺿﻮﺍﻫﺎ .. ﻭﻳﺤﺘﺮﻕ ﺍﻻﻣﻞ
ﺑﺎﺣﺘﺮﺍﻕ ﺧﻴﻄﻬﺎ .. ﻟﻤﻦ ﺧﻼﺹ .. ﺗﻌﺒﺖ ﻭﻳﻴﺖ ....
ﻣﺮﻳﻢ ﻣﻦ ﻏﻴﺮ ﺗﺼﺪﻳﻖ : ﻓﺎﺗﻦ ﺳﻮﺕ ﻛﻞ ﻫﺬﺍ؟؟؟ ﻣﺴﺘﺤﻴﻞ !!
ﻣﺴﺎﻋﺪ ﻭﻫﻮ ﻳﺴﻨﺪ ﺭﺍﺳﻪ ﻋﻠﻰ ﻳﺪﻩ ﺍﻟﻠﻲ ﻣﺎﺳﻚ ﺑﻬﺎ ﺍﻟﺠﺪﺍﺭ : ﺻﺪﻗﻴﻨﻲ
ﻣﺮﻳﻢ .. ﻣﺎ ﺍﺑﻲ ﺍﺟﺮﻣﻬﺎ .. ﻭﻻ ﺍﺑﻲ ﺍﺑﻴﻨﻬﺎ ﺷﺮﺳﻪ ﻭﺿﺎﺭﻳﻪ ﻭﻣﺤﺪ ﻳﻘﺪﺭ
ﻋﻠﻴﻬﺎ ... ﻟﻜﻨﻬﺎ ﻳﺎ ﻣﺮﻳﻢ ﺣﻘﻞ ﻣﻔﺨﺦ .. ﺍﻱ ﺷﻲ ﺍﻗﻮﻟﻪ ﻣﻤﻜﻦ ﻳﻨﻔﺠﺮ
ﻓﻲ ﻭﻳﻬﻲ .. ﻭﺣﺎﻭﻟﺖ .. ﻭﺭﺑﻲ ﺣﺎﻭﻟﺖ ... ﻣﺎ ﻗﺪﺭﺕ ..
ﻣﺮﻳﻢ : ﻣﺴﺘﺤﻴﻞ ﻫﺎﻟﺸﻲ؟؟ ﺷﻠﻮﻥ .. ﻭﺍﻧﺖ ﻣﺴﺎﻋﺪ؟؟
ﻣﺴﺎﻋﺪ ﻳﻀﺤﻚ ﺑﻘﻬﺮ : ﻣﻮ ﻫﺬﻱ ﺍﻟﻤﺸﻜﻠﺔ .. ﺍﻧﻲ ﺍﻧﺎ ﻣﺴﺎﻋﺪ ...
ﻣﺴﺎﻋﺪ ﺍﻟﻠﻲ ﻋﻤﺮﻩ ﻃﺎﻑ ﺍﻟﺴﺒﻊ ﻭﻋﺸﺮﻳﻦ ﺳﻨﺔ .. ﻭﺑﻨﺖ ﺍﺻﻐﺮ ﻣﻨﻪ
ﺑﺴﺒﻊ ﺳﻨﻴﻦ ﺗﻘﺪﺭ ﺗﺤﻄﻤﻪ .. ﺑﻨﻈﺮﺓ ﺑﺮﺍﺀﺓ .. ﻭﺗﺨﻠﻴﻪ ﺑﺎﻧﺘﻈﺎﺭ ﻧﻈﺮﺓ
ﺣﺐ ﺗﺨﻠﻲ ﺍﻟﺪﻡ ﻳﺠﺮﻱ ﻓﻲ ﺍﻟﻌﺮﻭﻕ ...
ﻣﺮﻳﻢ ﺍﻟﻠﻲ ﻗﺎﻣﺖ ﻭﺭﺍﺣﺖ ﻟﻌﻨﺪ ﺍﺧﻮﻫﺎ ﻭﻫﻲ ﺗﻤﺴﻚ ﺫﺭﺍﻋﻪ : ﺣﺒﻴﺘﻬﺎ
ﻳﺎ ﻣﺴﺎﻋﺪ؟
ﻭﺍﺧﻴـــﺮﺍ ﺍﺳﺘﺴﻠﻢ ﺍﻟﺼﺨﺮ ﺍﻟﻲ ﻓﻲ ﻣﺴﺎﻋﺪ ﻭﺳﻤﺢ ﻟﻨﻔﺴﻪ ﺑﺎﻻﻧﻜﺴﺎﺭ ..
ﺑﺪﻣﻌﻪ ﻣﻦ ﻣﺂﻗﻲ ﻋﻴﻮﻧﻪ ..: ﺣﺒﻴﺘﻬﺎ؟؟ ﻫﺬﻱ ﺍﻟﺤﺐ ﺷﻮﻳﺔ ﻋﻠﻴﻬﺎ ...
ﻫﺬﻱ ﻟﻮ ﺍﻫﺒﻬﺎ ﺑﻌﻤﺮﻱ .. ﻣﺎ ﺍﻭﻓﻲ ﻟﺤﻘﻬﺎ .. ﻓﺎﺗﻦ ﺟﻮﻫﺮﺓ ﻳﺎ ﻣﺮﻳﻢ ..
ﻻﺯﻡ ﺍﻟﻨﺎﺱ ﺗﺼﻮﻧﻬﺎ .. ﻓﺎﺗﻦ ﺧﻄﺮ ﻋﻠﻰ ﺍﻟﻜﻞ .. ﻻﻥ ﻣﺤﺒﺘﻬﺎ ﺗﻘﺪﺭ ﺗﺎﺧﺬ
ﺍﻟﻌﻘﻞ .. ﻣﺮﻳﻢ .. ﺍﻧﺎ ﺧﻼﺹ .. ﻣﺎ ﻋﺪﺕ ﺍﺗﺤﻤﻞ .. ﻭﺍﻟﻠﻪ ﻣﺎ ﻋﺪﺕ ... ﺍﻧﺎ
ﻛﺒﻴﺮ ﻋﻠﻰ ﻫﺎﻟﺴﻮﺍﻟﻒ .. ﻭﺍﻟﻠﻪ ﻛﺒﻴﺮ .. ﻣﺎﺍﺣﺐ ﻫﺎﻟﻤﺮﺍﻫﻖ ﺍﻟﻠﻲ ﻗﺎﻋﺪ
ﻳﻨﻤﻮ ﺑﺪﺍﺧﻠﻲ .. ﻣﺎﺣﺐ ﻫﺎﻟﻄﺎﺋﺶ ﺍﻟﻠﻲ ﻭﺩﻩ ﻟﻮ ﻳﻮﻗﻒ ﻋﻠﻰ ﺷﺮﻓﺘﻬﺎ
ﻭﻳﻨﺘﻈﺮﻫﺎ ﻟﻤﻦ ﺗﻄﻠﻊ ﻟﻪ ﻭﺗﻬﺪﻳﻪ ﺍﺣﻠﻰ ﺍﻟﻌﺒﺎﺭﺍﺕ ﻭﻻ ﺗﺮﻣﻴﻪ ﺑﻤﻨﺪﻳﻠﻬﺎ
ﻭﻻ ﺗﺮﺳﻠﻪ ﺑﻮﺳﻪ ﻓﻲ ﺍﻟﻬﻮﺍ .. ﺗﻘﺪﺭ ﺗﺨﻠﻴﻪ ﻳﺴﻜﺮ ﻭﻳﻨﺘﺸﻲ ﺑﻬﺎ ﻻﻳﺎﻡ ...
ﺍﻧﺎ ﺍﺑﻲ ﺍﺳﺘﻘﺮﺍﺭ .. ﺍﺑﻲ ﺍﻣﺸﻲ ﻋﻠﻰ ﺍﺭﺽ ﺛﺎﺑﺘﻪ ... ﻟﻜﻦ ....
ﺳﻜﺖ ﻣﺴﺎﻋﺪ ﻻﻥ ﺍﻟﻜﻼﻡ ﺍﻟﻠﻲ ﻓﻲ ﻗﻠﺒﻪ ﺳﻴﻼﻥ ﻭﻳﺨﺎﻑ ﻳﺠﺮﻓﻪ
ﻭﻳﺠﺮﻑ ﻛﻞ ﺍﻟﻠﻲ ﻋﺮﻓﻪ ﺑﺤﻴﺎﺗﻪ ﺑﻠﺤﻈﺔ .. ﻟﺬﺍ ﻓﻀﻞ ﺍﻟﺴﻜﻮﺕ ﻋﻠﻰ
ﻛﺜﺮ ﺍﻟﻜﻼﻡ ... ﻭﻣﺮﻳﻢ ﺍﺣﺘﺮﻣﺖ ﺻﻤﺘﻪ ﻭﺷﺎﺭﻛﺘﻪ ﻧﺤﻴﺒﻪ ﺑﻬﺪﻭﺀ ...
ﻭﻟﻜﻦ ﺍﻟﻠﻪ ﺍﻋﻠﻢ ﺑﺎﻟﻌﻮﺍﺻﻒ ﻭﺍﻟﻤﻌﺎﺭﻙ ﺍﻟﻨﻔﺴﻴﺔ ﺍﻟﻠﻲ ﻳﻤﺮ ﻓﻴﻬﺎ ﻗﻠﺐ
ﻣﺴﺎﻋﺪ ...
ﻟﻜﻦ ﻋﻘﻞ ﻣﺮﻳﻢ ﻛﺎﻥ ﻳﺼﺮﺥ ﺑﺎﻟﺤﻘﻴﻘﺔ ﺍﻟﻠﻲ ﻋﺮﻓﺘﻬﺎ ﻣﻦ ﻓﺘﺮﺓ .. ﺍﻥ
ﻣﺴﺎﻋﺪ ﻛﺎﻥ ﻳﺤﺐ ﻋﻤﻪ ﻓﺎﺗﻦ ﺍﻟﻤﺘﻮﻓﺎﺓ ﻋﺎﻟﻴﺔ .. ﻭﻛﺎﻧﺖ ﺗﺤﺲ ﺑﺎﻟﺸﻚ
ﺍﻥ ﻟﺮﺑﻤﺎ ﻣﺴﺎﻋﺪ ﻣﺎ ﻳﺤﺐ ﻓﺎﺗﻦ ﻭﻟﻜﻦ ﻳﺤﺐ ﺷﺒﺢ ﻋﺎﻟﻴﺔ ﺍﻟﻠﻲ ﻳﻌﻴﺶ
ﻓﻲ ﻓﺎﺗﻦ ﻭﺍﻟﻠﻲ ﺍﻟﻜﻞ ﺣﺘﻰ ﺍﺑﻮﻫﺎ ﺍﻟﻠﻪ ﻳﺮﺣﻤﻬﺎ ﻛﺎﻥ ﻳﺸﻮﻓﻬﺎ ﻓﻴﻬﺎ ...
ﻭﻣﺎ ﻗﺪﺭﺕ ﺗﻬﺪﻯ ﺍﻛﺜﺮ .. ﻭﻳﻮﻡ ﻻﺣﻈﺖ ﺳﻜﻮﻭﻭﺕ ﺍﺧﻮﻫﺎ ﻭﻫﺪﻭﺋﻬﺎ ..
ﺣﺴﺖ ﺍﻧﻪ ﺍﻟﻮﻗﺖ ﺍﻟﻤﻨﺎﺳﺐ ﺍﻧﻬﺎ ﺗﻔﺘﺢ ﻭﻳﺎﻩ ﻫﺎﻟﺴﺎﻟﻔﺔ ..
ﻣﺮﻳﻢ : ﻣﺴﺎﻋﺪ ... ﺍﺑﻴﻚ ﺍﺳﺎﻟﻚ .... ﺷﻲ ﺻﺮﺍﺣﺔ ﻭﺍﺑﻲ ﺟﻮﺍﺑﻚ ﻳﻜﻮﻥ
ﺑﻨﻔﺲ ﺻﺮﺍﺣﺔ ﺳﺆﺍﻟﻲ ..
ﻣﺴﺎﻋﺪ : ﺳﺄﻟﻲ ﻣﺮﻳﻢ ...
ﺗﺒﺎﻋﺪﺕ ﻋﻨﻪ ﺷﻮﻱ ﻭﺭﺍﺣﺖ ﻭﻭﻗﻔﺖ ﻋﻨﺪ ﺑﺎﺏ ﺍﻟﻐﺮﻓﺔ ..: ﺣﺒﻚ ﻟﻔﺎﺗﻦ
ﻫﺬﺍ ... ﻟﺸﺨﺺ ﻓﺎﺗﻦ ﻭﻻ ... ﻟﺮﻭﺡ ... ..
ﺳﻜﺘﺖ ﻣﺮﻳﻢ ﻻﻥ ﺣﻮﺍﺟﺐ ﻣﺴﺎﻋﺪ ﺗﻌﻘﺪﺕ ... ﻭﺣﺜﻬﺎ ﻋﻠﻰ ﺍﻟﻜﻼﻡ :
ﻛﻤﻠﻲ ﻣﺮﻳﻢ ... ﻟﺮﻭﺡ ﻣﻨﻮ؟؟
ﻣﺮﻳﻢ : ﻻ ﺗﻔﻬﻤﻨﻲ ﻏﻠﻂ ﻣﺴﺎﻋﺪ ﻟﻜﻦ .. ﺍﻧﺎ ﺍﻋﺮﻑ ﺍﻧﻚ ﻛﻨﺖ ... ﺗﺤﺐ
ﻋﻤﺔ ﻓﺎﺗﻦ ... ﺍﻟﻠﻲ ﺗﻮﻓﺖ ﻋﺎﻟﻴﺔ ..
ﻣﺴﺎﻋﺪ ﺍﻧﺼﺪﻡ ... ﻣﺮﻳﻢ ﺗﻌﺮﻑ ﺑﻬﺎﻟﻤﻮﺿﻮﻉ ﻣﻦ ﺧﺒﺮﻫﺎ .. ﻓﺎﺗﻦ؟؟ :
ﻭﺍﻧﺘﻲ ﺷﺪﺭﺍﺝ ..
ﺗﻮﺗﺮﺕ ﻣﺮﻳﻢ : .. ﺍﻧﺎ ... ﻻ ﺑﺲ ... ﺑﻜﻞ ﺻﺮﺍﺣﺔ ﺍﻧﺎ ﺳﻤﻌﺘﻪ ﻣﻦ ﻛﻼﻡ
ﺑﻴﻨﻚ ﻭﺑﻴﻦ ﺍﻣﻲ .. ﻋﺮﺿﻴﺎ ﻳﻌﻨﻲ ﻣﻮ ﻗﺼﺪﺍ ﻣﻨﻲ .. ﻣﺎ ﻛﻨﺖ ﺍﺑﻲ
ﺍﺳﻤﻊ ﺍﻟﺴﺎﻟﻔﺔ ﻭﻣﻮ ﻣﻦ ﻋﻮﺍﻳﺪﻱ ﺍﻧﻲ ﺍﺗﺼﻨﺖ ﻋﻠﻰ ﺍﻟﻨﺎﺱ ﻟﻜﻦ ﻳﻮﻡ
ﺳﻤﻌﺖ ﺍﺳﻢ ﻋﺎﻟﻴﺔ ﻻ ﺍﺭﺍﺩﻳﺎ ﺗﻮﻗﻔﺖ ﻭ ... ﺗﻤﻴﺖ ﺍﺳﻤﻊ ...
ﻣﺴﺎﻋﺪ ﻭﻫﻮ ﻳﺘﻨﻬﺪ : ﺍﻟﺤﻤﺪ ﻟﻠﻪ .. ﻋﻠﺒﺎﻟﻲ ﺳﻤﻌﺘﻲ ﺍﻟﺴﺎﻟﻔﺔ ﻣﻦ ﺍﺣﺪ
ﻳﻌﻨﻲ ﻣﺜﻞ ﻓﺎﺗﻦ ﻭﻻ ﺍﻫﻠﻬﺎ ... (ﺍﻧﺘﺒﻪ ﻟﻬﺎ ﻣﺮﺓ ﺛﺎﻧﻴﺔ ) ﺯﻳﻦ .. ﻋﻴﺪﻱ
ﺳﺆﺍﻟﺞ ﻣﺮﺓ ﺛﺎﻧﻴﺔ ..
ﻣﺮﻳﻢ : ﺍﻧﺎ ﻛﻞ ﺍﻟﻠﻲ ﻓﻴﻨﻲ ﻳﺎ ﻣﺴﺎﻋﺪ ﺍﻧﻲ ﻣﺴﺘﻐﺮﺑﺔ ﺻﺮﺍﺣﺔ ... ﺣﺒﻚ
ﻟﻔﺎﺗﻦ ﻫﺬﺍ ﻟﻬﺎ .. ﻭﻻ ﻟﻠﺮﻭﺡ ﺍﻟﻠﻲ ﺗﺴﻜﻦ ﻓﺎﺗﻦ ﻭﻫﺬﺍ ﺷﻲ ﻭﺍﺿﺢ
ﻟﻠﻌﻴﺎﻥ .. ﻭﻻ ﺑﺴﺒﺐ ﺣﺎﺟﺔ ﻓﻴﻚ .. ﺗﺤﺎﻭﻝ ﺍﻧﻚ ﺗﺒﺜﻬﺎ ﻣﻦ ﺧﻼﻝ
ﻓﺎﺗﻦ؟؟؟
ﻣﺴﺎﻋﺪ ﻭﻫﻮ ﻳﻘﻌﺪ ﻋﻠﻰ ﺍﻟﻜﺮﺳﻲ ﺍﻟﻠﻲ ﻋﻨﺪ ﺍﻟﺠﺎﻣﺔ ﻭﻳﻤﺴﺢ ﻭﻳﻬﻪ
ﺑﻴﺪﻩ : ﻇﻨﻴﺞ ﺟﺬﻱ ﻓﻲ ﺍﻟﺒﺪﺍﻳﺔ .. ﻛﻞ ﻫﺎﻻﻣﻮﻭﻭﺭ ﺍﻟﻠﻲ ﻗﻠﺘﻴﻬﺎ ﺍﺳﺘﺜﻨﺎﺀ
ﺍﻟﺤﺐ ﻟﻔﺎﺗﻦ ﺑﺮﻭﺣﻬﺎ ... ﺍﻧﺎ ﺍﻭﻝ ﻣﺎ ﺷﻔﺖ ﻓﺎﺗﻦ .. ﻻ ﺍﻟﻪ ﺍﻻ ﺍﻟﻠﻪ
ﻇﻨﻴﺖ ﺍﻥ ﻋﺎﻟﻴﺔ ﺭﺩﺕ ﺍﻟﺪﻧﻴﺎ .. ﻭﻣﻦ ﺑﻌﺪ ﻣﺎ ﻋﺮﻓﺖ ﺻﻠﺘﻬﺎ ﻓﻴﻬﺎ ﻗﻠﺖ
ﻣﺴﺘﺤﻴﻞ ﻫﺎﻟﺒﻨﺖ ﺗﻀﻴﻊ ﻣﻨﻲ .. ﻭﻳﻮﻡ ﺷﻔﺘﻬﺎ .. ﺑﻬﺬﺍﻙ ﺍﻟﻴﻮﻡ ﻭﺍﻗﻔﺔ
ﻭﻳﺎ ... ( ﺻﺮ ﻋﻠﻰ ﺍﺳﻨﺎﻧﻪ ﻻﻥ ﻣﺠﺮﺩ ﺍﻟﺬﻛﺮﻯ ﺗﺄﺟﺞ ﺣﻄﺐ ﺍﻟﻐﻴﺮﺓ
ﻓﻴﻪ ) .. ﺣﺴﻴﺖ ﺍﻧﻲ ﻻﺯﻡ ﺍﻗﺘﻠﻌﻪ ﻣﻦ ﺩﺍﺧﻠﻬﺎ ﺑﺠﺬﻭﺭﻩ .. ﻭﻛﺎﻧﺖ
ﺣﺎﺟﺘﻲ ﺍﻧﻲ ﺍﻛﻮﻥ ﺑﺎﻣﺎﻥ ﻣﺒﺜﻮﺛﻪ ﻓﻲ ﻛﻮﻥ ﻓﺎﺗﻦ ﺑﻌﻴﺪﺓ ﻋﻨﻪ .. ﻛﻨﺖ
ﺍﻋﻤﻰ ﻭﻣﺎ ﻗﺪﺭﺕ ﺍﻓﻬﻢ ﺍﻥ ﻓﺎﺗﻦ ﺗﻘﺪﺭ ﺗﻜﻮﻥ ﻗﺮﻳﺒﺔ ﻣﻨﻪ ﻟﻮ ﻛﺎﻧﺖ
ﺑﺎﺧﺮ ﺍﻟﻌﺎﻟﻢ ... ﻭﻣﻦ ﺑﻌﺪﻫﺎ .. ( ﻳﺒﺘﺴﻢ ﺑﺤﻨﺎﻥ ﻭﻛﺎﻥ ﻓﺎﺗﻦ ﻣﻮﺟﻮﺩﻩ
ﻭﻳﺎﻩ ) ﻓﻲ ﺍﻣﻴﺮﻛﺎ .. ﺗﻤﻴﺖ ﺍﺭﺍﻗﺒﻬﺎ ﻭﺍﺭﺍﻗﺐ ﺍﺑﺴﻂ ﺍﻻﺷﻴﺎﺀ ﺍﻟﻠﻲ
ﺗﺴﻮﻳﻬﺎ ﻭﺻﺮﺕ ﻣﻴﻨﻮﻧﻬﺎ ﻳﺎ ﻣﺮﻳﻢ .. ﻣﺎ ﺍﺟﺬﺏ ﻋﻠﻴﺞ ﻣﺎ ﻋﺪﺕ ﺍﺷﻮﻑ
ﻻﻋﺎﻟﻴﺔ ﻭﻻ ﺍﻟﻨﺒﺘﺔ ﺍﻟﻀﺎﺭﺓ ﺍﻟﻠﻲ ﻧﺒﺘﺖ ﻓﻲ ﻗﻠﺐ ﻓﺎﺗﻦ .. ﻣﺎ ﻋﺪﺕ
ﺍﺷﻮﻓﻬﺎ ﺍﻻ ﺍﻫﻲ .. ﻭﺍﻧﺎ ... ﺑﻌﺎﻟﻢ ﻣﺎﻓﻴﻬﺎ ﺍﻻ ﺍﺣﻨﺎ ﺍﻻﺛﻨﻴﻦ
ﻭﺻﺮﺍﻋﺎﺗﻨﺎ؟ ..؟
ﻣﺮﻳﻢ ﻭﻫﻲ ﺗﻘﻌﺪ ﻳﻤﻪ : ﻳﻌﻨﻲ ﺍﻧﺖ ﺍﻟﺤﻴﻦ ﺗﺤﺐ ﻓﺎﺗﻦ ﻋﺸﺎﻥ ﻓﺎﺗﻦ
ﻣﺴﺎﻋﺪ : ﺍﺣﺐ ﻓﺎﺗﻦ ﻋﺸﺎﻥ ﻓﺎﺗﻦ ﻭﻻﺟﻞ ﻓﺎﺗﻦ ﻭﻓﻘﻂ ﻓﺎﺗﻦ ....
ﻣﺮﻳﻢ ﻭﻫﻲ ﺗﻬﺐ ﻋﻠﻯﺮﻳﻠﻬﺎ ﻭﺭﻭﺡ ﺍﻟﺤﻤﺎﺱ ﻣﺘﺸﻌﻠﻠﻪ ﻭﺍﻟﺘﻔﺎﺅﻝ ﻳﻠﻤﻊ
ﺑﻮﻳﻬﻬﺎ : ﻋﻴﻞ ﺧﻼﺹ .. ﻻ ﺗﻌﻮﺭ ﻟﻚ ﻗﻠﺒﻚ ...
ﻣﺴﺎﻋﺪ : ﻟﻴﺶ؟؟
ﻣﺮﻳﻢ : ﻻﻧﻚ ﻻﺯﻡ ﺗﺜﻖ ﺑﻜﻞ ﺍﻟﻠﻲ ﺍﻗﻮﻟﻪ .. ﺍﻧﺖ ﺑﻜﻞ ﺻﺮﺍﺣﺔ ﻳﺪﻳﺪ ﻓﻲ
ﻫﺎﻟﺴﺎﺣﺔ .. ﺻﺞ ﺍﻥ ﻋﻤﺮﻙ ﻣﺎ ﻳﺴﻤﺢ ﻟﻚ ﻭﺻﺞ ﺍﻧﻚ ﺣﺒﻴﺖ ﻣﻦ
ﻗﺒﻞ .. ﺑﺲ ... ﺍﻟﺤﺐ ﺍﻟﺤﻘﻴﻘﻲ ﻳﻨﻌﺮﻑ ﻟﻤﻦ ﻳﻜﻮﻥ ﺍﻟﻌﺬﺍﺏ ﺍﻛﺜﺮ ﻣﻦ
ﺍﻟﺮﺍﺣﺔ .. ﻭﻣﺎ ﺍﻟﺤﺐ ﺍﻻ ﺍﻟﻌﺬﺍﺏ ﻳﺎ ﺍﻭﺧﻲ ﺍﻟﻌﺰﻳﺰ ...
ﻣﺴﺎﻋﺪ : ﺍﻟﻈﺎﻫﺮ ﺍﻧﺞ ﺧﺒﻴﺮﺓ ﻓﻲ ﻫﺎﻟﻤﺠﺎﻝ ..
ﺗﻮﺗﺮﺕ ﻣﺮﻳﻢ ﻟﻜﻨﻬﺎ ﺍﺑﺘﺴﻤﺖ ﻻﺧﻮﻫﺎ ﺑﺬﻛﺎﺀ ﻭﻫﻲ ﺗﻐﻴﺮ ﺍﻟﻤﻮﺿﻮﻉ ...:
ﺷﻮﻑ .. ﺩﺍﻣﻨﻲ ﺍﻧﺎ ﺷﻔﺖ ﻫﺎﻟﺸﻲ ﻓﻴﻚ ﻓﺎﺗﻦ ﻻﺯﻡ ﺷﺎﻓﺘﻪ .. ﻭﺻﺪﻗﻨﻲ
ﺍﺫﺍ ﺷﺎﻓﺘﻪ ﻣﻌﻨﺎﺗﻪ ﺍﻫﻲ ﺗﻌﻴﺶ ﻓﻲ ﺩﻭﺍﻣﺔ ﺍﻋﻨﻒ ﻣﻦ ﺍﻟﻠﻲ ﺍﻧﺖ
ﻋﺎﻳﺸﻬﺎ .. ﻭﻓﺎﺗﻦ ﻣﺸﻜﻠﺘﻬﺎ ﻣﻨﻈﻬﺮﻫﺎ ﺍﻟﻬﺎﺩﻱ ﻟﻜﻦ ﻣﺨﻬﺎ .... ﻃﻮﻓﺎﻥ ﻣﻦ
ﺍﻟﺤﻴﺮﺓ ﻭﺍﻻﻓﻜﺎﺭ ..
ﻣﺴﺎﻋﺪ ﻭﺍﻻﻣﻞ ﻳﻠﻤﻊ ﻓﻴﻪ : ﻣﻦ ﺻﺠﺞ ﻣﺮﻳﻢ ..
ﻣﺮﻳﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ﻣﻦ ﺻﺠﻲ .. ﻫﺬﺍ ﺍﺫﺍ ﻣﻮ ﺍﻟﺤﻴﻦ ﻗﺎﻋﺪﺓ
ﻭﺗﺘﻜﻠﻢ ﻭﻳﺎ ﻧﻔﺴﻬﺎ ﻋﻨﻚ ﻭﺗﻌﺪ ﺧﺼﺎﻟﻚ ﺍﻟﺰﻳﻨﺔ ﻭﺗﻨﺸﺪ ﺑﻚ ...
ﺻﺪﻗﻨﻲ .. ﻓﺎﺗﻦ ﻣﺜﻠﻬﺎ ﻣﺜﻠﻚ .. ﻋﺎﺷﺖ ﻓﻲ ﻭﻫﻢ ﻭﺧﻴﺎﻝ ﺑﻨﺘﻪ ﻓﻲ
ﺳﺒﻊ ﺳﻨﻮﺍﺕ ﻭﻣﺎ ﺗﺤﻘﻖ ﻟﻬﺎ ﺍﻻ ﺑﺸﻬﺮﻳﻦ ﺍﻭ ﺍﻗﻞ ... ﺻﺪﻗﻨﻲ .. ﺑﺘﺤﺲ
ﺑﻄﻌﻢ ﺍﻟﺤﺐ ﺍﻟﺤﻘﻴﻘﻲ .. ﺍﻭ ﻳﻤﻜﻦ ﺣﺴﺘﻪ ﻣﻦ ﺍﻭﻝ ﻣﺎ ﺍﺧﺘﻔﻴﺖ ﺍﻧﺖ
ﻋﻦ ﺳﺎﺣﺘﻬﺎ ..
ﻣﺴﺎﻋﺪ ﺍﻟﻲ ﻣﺎ ﺻﺪﻕ ﺍﻟﻠﻲ ﺗﻘﻮﻟﻪ ﻣﺮﻳﻢ .... ﻟﻜﻦ ﻣﺎ ﻳﺪﺭﻱ ﻟﻴﺶ ﻳﺤﺲ
ﺑﺎﻻﻗﺘﻨﺎﻉ ﻣﻦ ﻛﻼﻣﻬﺎ .. ﻟﻴﺶ ﺍﻧﻬﺎ ﺍﻗﺮﺏ ﺍﻧﺴﺎﻧﺔ ﻟﻔﺎﺗﻦ .. ﻭﺍﻛﺜﺮ ﻭﺣﺪﺓ
ﻓﺎﻫﻤﺘﻬﺎ ﺑﻬﺎﻟﺪﻧﻴﺎ .. ﻭﻳﻤﻜﻦ ﺍﻫﻲ ﺍﺩﺭﻯ ﻓﻴﻬﺎ ..
ﻣﺴﺎﻋﺪ ﻭﻫﻮ ﻣﺘﺤﻤﺲ ﻭﻛﺎﻥ ﺍﻟﻬﻢ ﺍﻟﻠﻲ ﻓﻴﻪ ﺳﺤﺎﺍﺍﺑﻪ ﻋﺪﺕ ﻭﻣﺮﺕ ...
: ﺗﺪﺭﻳﻦ ﻣﺮﻳﻢ .. ﻟﻮ ﻗﺮﻗﺘﺞ ﻫﺬﻱ ﻛﻠﻬﺎ ﺗﻄﻠﻊ ﺻﺢ ... ﻭﺍﻟﻠﻪ ﻻ ﺍﺑﻨﻲ ﻟﺞ
ﻗﺼﺮ ﻣﻦ ﺍﻟﻌﺎﺝ ...
ﻣﺮﻳﻢ : ﻭﻱ ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺷﺎﺑﻲ ﻓﻲ ﻗﺼﻮﺭ ﺍﻟﻌﺎﺝ .
ﻓﺮﺣﺘﻚ ﻭﻓﺮﺣﺔ ﺍﻋﺰ ﺍﻧﺴﺎﻧﺔ ﻋﻠﻰ ﻗﻠﺒﻲ ﺗﺴﻮﻯ ﻫﺎﻟﺪﻧﻴﺎ ﻭﻣﺎ ﻓﻴﻬﺎ ﻳﺎ
ﺧﻮﻱ ... ﺍﻫﻢ ﺷﻲ ﺑﺲ ﺍﺷﻮﻓﻚ ﻣﺮﺗﺎﺡ ﻭﻓﺮﺣﺎﻥ .. ﻭﺍﺣﺐ ﺍﻗﻮﻟﻠﻚ ..
ﺧﻠﻚ ﺭﻳﻼﻛﺲ .. ﺍﻟﺤﺐ ﻛﻠﻪ ﺍﺳﺘﺮﺧﺎﺀ .. ﻭﺍﻟﻠﻲ ﻳﺸﺪ ﻳﻘﻄﻊ ﺍﻟﺤﺒﻞ ...
ﻣﺴﺎﻋﺪ ﻭﻫﻮ ﻳﻀﻢ ﻣﺮﻳﻢ : ﻳﺎ ﻧﺒﺒﺒﻊ ﺍﻟﺼﻔﺎ ﻭﺍﻟﺤﻨﺎﻥ ﺍﻧﺘﻲ ... ﻣﺘﺎﻛﺪﺓ
ﺍﻧﺞ 19 ﺳﻨﺔ
ﻣﺮﻳﻢ ﺑﻄﻨﺎﺯﺓ : ﻭﻳﻴﻲ ﻃﺎﻟﻊ ﻫﺬﺍ .. ﺍﻧﺎ ﻋﻤﺮﻱ 20 ﺳﻨﺔ ﺷﻜﻮﻭ ﻣﺼﻐﺮﻧﻲ
ﺳﻨﺔ ﻣﺎ ﺑﻐﻴﺖ ﺍﻛﺒﺮﺭﺭ ..
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻳﺎ ﺑﻌﺪ ﺍﻟﻜﺒﺎﺭ ﺍﻧﺘﻲ ﻭﺍﻟﻠﻪ ...
ﺿﻢ ﻣﺴﺎﻋﺪ ﺍﺧﺘﻪ ﻓﻲ ﺣﻨﺎﻥ ﺑﺎﻟﻎ ﻭﺭﻏﺒﻪ ﻓﻲ ﺍﻻﻣﺎﻥ .. ﻻﻧﻪ ﻣﺎﺣﺲ
ﻓﻴﻪ ﺍﻻ ﺑﻬﺎﻟﻮﻗﺖ .. ﻳﻤﻜﻦ ﺍﻫﻮ ﺳﺒﺐ ﺳﻔﺮﻩ ﺍﻧﻪ ﻛﺎﻥ ﻣﺤﺘﺎﺝ ﺍﺣﺪ
ﻳﻜﻠﻤﻪ ﺟﺬﻱ ﻋﻦ ﻓﺎﺗﻦ ﻭﻳﻬﺪﻱ ﻗﻠﺒﻪ ﻭﻳﻮﺳﻊ ﺻﺪﺭﻩ ﻓﻲ ﻣﺜﻞ
ﻫﺎﻟﻤﻮﺿﻮﻉ ...
ﻣﺴﺎﻋﺪ : ﺑﺲ ﻋﻴﻞ .. ﺍﻟﻤﻬﻤﺔ ﻋﻠﻴﺞ ﺍﻧﺘﻲ ﺍﻟﺤﻴﻦ؟
ﻣﺮﻳﻢ ﺑﺎﺳﺘﻐﺮﺍﺏ : ﻣﻬﻤﺔ؟؟ ﺷﻤﻬﻤﺘﻪ؟؟
ﻣﺴﺎﻋﺪ : ﺍﺑﻴﺞ ﺗﻘﻮﻟﻴﻦ ﻟﻲ .. ﺍﻻ ﺗﻔﺼﻔﺼﻴﻴﻦ ﻟﻲ ﺣﻴﺎﺓ ﻓﺎﺗﻦ ﻣﻦ ﺍﻭﻝ
ﻣﺎ ﻓﻬﻤﺘﻮﺍ ﻟﺒﻌﺾ .. ﻻﺧﺮ ﺷﻲ ﻡ ﻓﻲ ﺣﻴﺎﺗﻜﻢ .. ﺣﺘﻰ ﺍﻟﺤﻴﻦ ﻭﺍﻧﺘﻮﻭﻭ
ﺑﻌﺎﺩ .. ﺍﺑﻴﺞ ﺗﺨﻠﻴﻨﻲ ﺍﻋﺮﻓﻬﺎ ﻣﺜﻞ ﻣﺎ ﺍﻋﺮﻑ ﺧﻄﻮﻁ ﺭﺍﺣﺘﻲ ..
ﻣﺮﻳﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺑﺲ ﺷﺮﺭﺭﺭﺭﺭﻁ
ﻣﺴﺎﻋﺪ : ﻟﺞ ﻋﻴﻮﻧﻲ ﻟﻮ ﺗﺒﻴﻨﻬﻢ؟؟
ﻣﺮﻳﻢ ﺑﻌﺠﺰ : ﻣﺎ ﺍﺑﻲ ﺍﺭﻭﻭﺡ ﺍﻟﺠﺎﻣﻌﺔ ﻣﻦ ﺍﻟﺼﺒﺢ ﻭﺍﻟﻠﻪ
ﻣﻠﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﺖ ﻃﻘﺖ ﺟﺒﺪﻱ ..
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺍﻓﺎ ﻋﻠﻴﺞ ﻣﺎ ﻃﻠﺒﺘﻲ ﻭﺍﻟﻠﻪ .. ﺑﺲ
ﺍﻟﺠﺎﻣﻌﺔ ... ﺣﺴﺒﻲ ﺣﺴﺎﺑﺞ ... ﺍﻟﻠﻴﺴﻦ ﻭﺑﺘﺘﺪﺭﺑﻴﻨﻪ
ﻣﺮﻳﻢ ﻣﻦ ﻏﻴﺮ ﺗﺼﺪﻳﻖ : ﺟﺬﺑﻪ ﺍﺑﺮﻳﻞ؟
ﻣﺴﺎﻋﺪ : ﺍﻱ ﺍﺑﺮﻳﻞ ﻳﺎﻟﺨﺪﻳﺔ ﺍﺣﻨﺎ ﻓﻲ ﻧﻮﻓﻤﺒﺮ ..
ﻣﺮﻳﻢ : ﻭﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻱ ﺑﺎﺧﺬ ﺍﻟﻠﻴﺴﻦ ﻳﺎ
ﻓﺮﺣﺘﻲ ﻣﻨﻮﻭﻭ ﻗﺪﻱ ﻣﻨﻮﻭﻭﻭﻭﻭﻭﻭﻭﻭﻭﻭﻭﻭ؟؟؟
-------------------------------------------------
ﻓﻲ ﺫﻳﺞ ﺍﻟﺸﻘﺔ ﺍﻟﻤﻈﻠﻤﺔ ﺑﺨﻴﻮﻁ ﺍﻟﻔﺠﺮ ﺍﻟﻨﺎﻋﻢ .. ﺗﻜﻮﺭﺕ ﻓﺎﺗﻦ ﻓﻲ
ﺳﺮﻳﺮ ﻣﺴﺎﻋﺪ .. ﺣﺴﺖ ﺑﺎﻟﻮﺣﺸﺔ ﻃﻮﻝ ﺍﻟﻴﻮﻡ ﻭﻣﺎ ﻫﻨﺎﻟﻬﺎ ﺍﻟﻨﻮﻡ ﺍﻻ
ﻓﻲ ﺩﺍﺭﻫﺎ .. ﺗﺤﺴﺲ ﻧﻔﺴﻬﺎ ﺑﺎﻻﻣﺎﻥ .. ﻭﺭﻳﺤﺔ ﻣﺴﺎﻋﺪ ﻻﻓﻪ ﺷﺮﺍﺷﻒ
ﺍﻟﺴﺮﻳﺮ ﻭﺍﻟﻤﺨﺎﺩ .. ﻭﻫﺬﺍ ﺍﻟﺸﻲ ﺍﻟﻮﺣﻴﺪ ﺍﻟﻠﻲ ﺩﻓﻌﻬﺎ ﻟﻠﻨﻮﻭﻭﻡ .. ﻻ
ﻭﻟﻘﺖ ﺑﻌﺪ ﺍﻟﻤﻠﻄﻒ ﺍﻟﻠﻲ ﻳﺤﻄﻪ ﻟﻪ ﻣﻦ ﺑﻌﺪ ﺍﻟﺤﻼﻗﺔ ﻭﻳﺎﺑﺘﻪ ﻭﻳﺎﻫﺎ
ﺍﻟﻐﺮﻓﺔ .. ﻋﺸﺎﻥ ﻛﻞ ﻣﺎ ﺧﺎﻓﺖ ﺗﺘﺄﻣﻦ ﺑﻬﺎﻟﺮﻳﺤﺔ .. ﺍﻟﺸﻘﺔ ﻛﺎﻧﺖ ﻛﺮﻳﻬﻪ
ﻭﻛﺒﻴﺮﺓ ﻭﻓﺎﺭﻏﺔ ﻋﻠﻰ ﻓﺎﺗﻦ .. ﻭﻣﺎ ﺣﺬﺑﺖ ﻓﻜﺮﺓ ﺍﻧﻬﺎ ﺗﺒﻘﻰ ﻓﻴﻬﺎ
ﺑﺮﻭﺣﻬﺎ ﺍﺑﺪﺍ .. ﺑﺲ ﺷﺘﺴﻮﻱ .. ﻻﺯﻡ ﺗﺘﻘﺒﻞ .. ﻻﻧﻬﺎ ﺍﻥ ﻣﺎ ﺗﻘﺒﻠﺖ ﻣﺎ
ﺑﺘﻤﺸﻲ ﺍﻟﻮﻗﺖ ﻭﻻ ﺑﺘﻌﺪﻳﻴﻴﻪ ..
ﻃﻮﻝ ﺍﻟﻴﻮﻡ ﻛﺎﻧﺖ ﻗﺎﻋﺪﺓ ﻓﻲ ﺍﻟﺼﺎﻟﺔ ﻭﻫﻲ ﻣﺸﻐﻠﺔ ﺍﻟﺘﺪﻓﺌﺔ
ﻭﺍﻟﺘﻠﻔﺰﻳﻮﻥ ﻳﺸﺘﻐﻞ ﻋﻠﻰ ﺍﺣﺪ ﺍﻟﻘﻨﻮﺍﺕ ﺍﻻﺧﺒﺎﺭﻳﺔ . ﺷﺎﻓﺖ ﻛﻞ ﺷﻲ ..
ﺣﺮﻭﺏ ﻭﺛﻘﺎﻓﻴﺎﺕ ﻧﺠﻮﻡ ﻭﺳﻴﻨﻤﺎ ﻭﻣﺴﻠﺴﻼﺕ ﻭﻛﻞ ﺷﻲ .. ﻟﻜﻦ ﻋﻘﻠﻬﺎ
ﻣﺎ ﻛﺎﻥ ﻣﻌﺎﻫﺎ .. ﻛﺎﻧﺖ ﻋﻴﻮﻧﻬﺎ ﺑﺲ ﺗﺮﺍﻗﺐ ﺍﻟﺘﺤﺮﻛﺎﺕ ﻟﻜﻦ ﻋﻘﻠﻬﺎ ﻛﺎﻥ
ﻛﻠﻪ ﻓﻲ ﺍﻟﻤﺎﺿﻲ .. ﻧﺒﺶ ﺫﻛﺮﻳﺎﺕ ﺗﻮﺍﺟﺪ ﻣﺴﺎﻋﺪ ﻓﻲ ﺣﻴﺎﺗﻬﺎ .. ﻭﻣﺎ
ﺗﺪﺭﻱ ﻟﻴﺶ ﻛﻞ ﻣﺎ ﺗﺪﻭﺭ ﺗﻮﻗﻒ ﻋﻦ ﻣﺸﻬﺪ ﻭﺍﺣﺪ ... ﻋﻴﻮﻥ ﻣﺴﺎﻋﺪ
ﻓﻲ ﺍﻟﻤﻄﺎﺭ .. ﺷﻠﻮﻥ ﺣﺴﺖ ﺍﻧﻬﺎ ﺗﺒﻴﻦ ﺷﺨﺼﻴﺔ ﻭﻣﻼﻣﺢ ﻭﻳﻬﻪ
ﺷﺨﺼﻴﺔ ﺛﺎﻧﻴﺔ ... ﻛﺎﻥ ﻟﻪ ﺍﺳﻢ ﻓﻲ ﻗﻠﺒﻬﺎ ﻟﻜﻦ ﻋﻘﻠﻬﺎ ﺭﻓﺾ ﺗﺮﺟﻤﺘﻪ ..
ﻭﺭﻓﺾ ﺍﻧﻪ ﻳﺤﻠﻞ ﺍﻟﺸﻴﻔﺮﻩ ﻟﻬﺎ ﻭﺧﻼﻫﺎ ﺑﺤﻴﺮﺗﻬﺎ ﺗﻨﺘﻈﺮ ﻣﺘﻰ ﻣﺎ
ﺍﺳﺘﻘﺒﻞ ﻋﻘﻠﻬﺎ ﻫﺎﻟﻜﻠﻤﺔ ﻋﺸﺎﻥ ﺗﻘﺪﺭ ﺗﺸﻮﻑ ﺍﻻﻣﻮﺭ ﺍﻭﺿﺢ ﻣﻦ ﻛﻮﻧﻬﺎ
ﺿﺒﺎﺑﻴﺔ .. ﻭﺣﺎﻭﻟﺖ ﺗﺴﻮﻱ ﻣﻘﺎﺭﻧﺔ ﺑﻴﻦ ﻣﺴﺎﻋﺪ ﻭﺑﻴﻦ ﻣﺸﻌﻞ ﻻﺣﻈﺖ
ﺍﻟﻔﺮﻭﻭﻭﻕ ﺍﻟﻬﺎﺋﻠﺔ .. ﻭﺍﻻﻫﺘﻤﺎﻣﺎﺕ ﺍﻟﻘﻠﻴﻠﺔ ﺍﻟﻤﺸﺘﺮﻛﺔ .. ﻳﻤﻜﻦ ﻻﻧﻬﺎ ﻣﺎ
ﺷﺎﻓﺖ ﻣﺸﻌﻞ ﻭﻻ ﻓﻬﻤﺖ ﻋﻨﻪ ﻭﺍﻳﺪ ... ﺍﻻ ﻣﻦ ﺳﻮﺍﻟﻒ ﻣﺘﻔﺮﻗﺔ ﻣﻦ
ﺍﺧﻮﻭﻭﻫﺎ .. ﺍﻫﻲ ﺣﺘﻰ ﺑﺤﺒﻬﺎ ﻣﺎ ﺍﻋﺘﺮﻓﺖ ﻟﻪ .. ﺑﺲ ﺍﻟﻌﻴﻮﻥ ﻛﺎﻧﺖ
ﺍﻫﻲ ﺍﻟﻤﺮﺳﺎﻝ ﺑﻴﻨﻬﻢ ﻷﻻﻑ ﺍﻟﺮﺳﺎﻳﻞ ﻋﻠﻰ ﻃﻮﻝ ﻭﻗﺖ ﻣﻌﺮﻓﺘﻬﻢ
ﺑﺒﻌﺾ .. ﻟﻜﻦ ﻫﺬﺍ ﺑﻌﺪ .. ﻣﺎ ﻳﻌﻨﻲ ﺷﻲ .. ﺍﻟﻌﻴﻮﻥ ﺗﻘﻮﻝ ﻭﺗﺘﻜﻠﻢ ﻟﻜﻦ
ﺍﻟﻠﺴﺎﻥ ﻫﻮ ﺍﻟﻠﻲ ﻳﻨﻄﻖ ﻭﻳﻘﻮﻝ ﺍﻟﺤﻖ ﻭﻳﻘﻄﻊ ﺍﻟﺒﺎﻃﻞ ..
ﻭﻋﻠﻰ ﻫﺎﻟﻜﻼﻡ ﺍﻟﻠﻲ ﻛﺎﻥ ﻳﺪﻭﺭ ﻓﻴﻬﺎ ﺣﺴﺖ ﺑﺎﻟﻨﻮﻡ .. ﻭﺍﻧﺴﺤﺒﺖ
ﻟﻔﺮﺍﺷﻬﺎ ﻟﻜﻨﻬﺎ ﺣﺴﺖ ﺑﺎﻟﺨﻮﻑ .. ﻭﻃﻠﻌﺖ ﻣﻦ ﺍﻟﻐﺮﻓﺔ ﻭﻫﻲ ﺗﺴﺤﺐ
ﺍﻟﻠﺤﺎﻑ ﻭﺟﻢ ﻭﺳﺎﺩﺓ ﻭﻳﺎﻫﺎ ﻋﺸﺎﻥ ﺗﻨﺎﻡ ﺑﺎﻟﺼﺎﻟﺔ .. ﻭﻳﻮﻡ ﻗﻌﺪﺕ ﻋﻠﻰ
ﺍﻟﻘﻨﻔﺔ ﺍﻟﻜﺒﻴﺮﺓ ﺷﺎﻓﺖ ﺑﺎﺏ ﺩﺍﺭ ﻣﺴﺎﻋﺪ ﻣﺸﺮﻉ .. ﻭﺧﻄﺮﺕ ﺍﻟﻔﻜﺮﺓ ﻓﻲ
ﺑﺎﻟﻬﺎ .. ﻟﻴﺶ ﻣﺎ ﺗﺮﻭﺡ ﺗﻨﺎﻡ ﻫﻨﺎﻙ .. ﺍﺣﺴﻦ ﻟﻬﺎ .. ﻳﻤﻜﻦ ﺗﺤﺲ ﺑﺎﻻﻣﺎﻥ
ﻭﺗﺸﻌﺮ ﺑﻮﺟﻮﺩ ﻣﺴﺎﻋﺪ ﻋﻠﻰ ﻏﻴﺎﺑﻪ ﻭﺗﺘﻐﻠﺐ ﻋﻞ ﺍﻟﺨﻮﻑ ﺍﻟﻠﻲ ﻓﻴﻬﺎ ..
ﻭﺭﺍﺣﺖ .. ﺩﺧﻠﺖ ﺍﻟﺪﺍﺭ .. ﺗﻨﺸﻘﺖ ﺍﻟﺮﻳﺤﺔ ﺍﻟﻠﻲ ﺗﺪﻭﺭ ﻓﻴﻬﺎ .. ﻣﺰﻳﺞ ﻣﻦ
ﻋﻄﺮﻩ ﺍﻟﺮﺟﺎﻟﻲ .. ﻭﻣﻦ ﺭﻳﺤﺔ ﺍﻟﻐﺮﻓﺔ ﺍﻟﻤﻨﻌﺸﻪ .. ﻭﻋﻄﺮ ﺍﻓﺘﺮ ﺷﻴﻒ ..
ﺗﺒﺴﻤﺖ ﻋﻠﻴﻪ ﻻﻧﻬﺎ ﺫﻛﺮﺕ ﻣﺮﺓ ﻣﻮﻗﻒ ﺑﻴﻨﻬﺎ ﻭﺑﻴﻨﻪ .. ﻛﺎﻥ ﻳﺤﻠﻖ ﻓﻲ
ﺍﻟﺤﻤﺎﻡ ﻭﻫﻮ ﻣﻔﺘﺢ ﺍﻟﺒﺎﺏ ﻭﻳﺪﻧﺪﻥ ﺑﺎﻟﺤﺎﻥ ﻣﻠﺨﻄﺒﺔ .. ﻭﻫﻲ ﻛﺎﻧﺖ
ﺗﻮﻫﺎ ﺑﺘﺪﺧﻞ ﺍﻟﺤﻤﺎﻡ ﺍﻻ ﻭﺷﺎﻓﺘﻪ ﻫﻨﺎﻙ .. ﻭﻇﻠﺖ ﻭﺍﻗﻔﺔ ﻣﻦ ﻏﻴﺮ ﻣﺎ
ﺗﺸﻐﻠﻪ .. ﻭﻇﻠﺖ ﺗﺮﺍﻗﺒﻪ ﺷﻠﻮﻥ ﻳﺤﻠﻖ ﺑﺴﻼﺳﺔ ﻭﺍﻥ ﻣﻨﻄﻘﺔ ﺍﻟﺤﻠﻖ
ﻋﻨﺪﻩ ﺑﺴﻴﻄﺔ .. ﻳﻌﻨﻲ ﻣﻮ ﻟﻌﻴﻨﻪ ﻣﺜﻞ ﺑﻌﺾ ﺍﻟﺮﻳﺎﻳﻴﻞ ﻓﻲ
ﺍﻟﺘﻠﻔﺰﻳﻮﻭﻥ .. ﻭﻫﻮ ﻳﻮﻡ ﺍﻧﺘﺒﻪ ﻟﻬﺎ ﻛﺎﻧﺖ ﻧﺺ ﺍﻟﻠﺤﻴﻪ ﺍﻟﻜﺮﻳﻤﻴﺔ ﺭﺍﻳﺤﺔ
ﻭﺑﻌﻴﻮﻥ ﻃﻔﻮﻟﻴﺔ ﺳﺄﻟﻬﺎ ..
ﻣﺴﺎﻋﺪ : ﺗﺒﻴﻦ ﺗﺪﺧﻠﻴﻦ؟
ﻓﺎﺗﻦ ﺑﻮﺳﻊ ﻋﻴﻮﻧﻬﺎ : ﻻ ﺑﺲ ﺍﻭﻝ ﻣﺎ ﺗﺨﻠﺺ ﺑﺪﺧﻞ؟
ﻣﺴﺎﻋﺪ : ﺍﻭﻛﻚ ﺩﻗﺎﻳﻖ ..
ﻭﺯﻳﻦ ﻣﻨﻬﺎ ﺣﺒﺴﺖ ﺿﺤﻜﺘﻬﺎ ﻣﻦ ﺷﻜﻠﻪ ﻻﻧﻪ ﻛﺎﻥ ﻏﺮﻳﺐ ﻣﻦ ﻧﻮﻋﻪ
ﺷﻮﻱ ﻭﺗﻤﺖ ﺗﺮﺍﻗﺒﻪ ﻭﺗﺮﺍﻗﺒﻪ .. ﻟﻤﻦ ﺧﻠﺺ ﺍﺧﺮ ﺷﻲ ﺍﻟﺘﻔﺖ ﻟﻬﺎ ﻭﻫﻮ
ﺭﺍﻓﻊ ﺣﺎﺟﺐ
ﻣﺴﺎﻋﺪ : ﻓﻲ ﺑﻘﻌﺔ
ﺍﻧﺘﺒﻬﺖ ﻓﺎﺗﻦ ﻟﻪ ﻻﻧﻬﺎ ﺷﻮﻱ ﻛﺎﻧﺖ ﺳﺮﺣﺎﻧﻪ ﻓﻲ ﻭﻳﻬﻪ :.. ﻫﺎ ... ﻭﻳﻦ؟؟
ﻟﺤﻈﻪ ..
ﺭﻓﻌﺖ ﺭﻳﻠﻬﺎ ﻋﺸﺎﻥ ﺗﻄﺎﻟﻊ ﻭﻳﻬﻪ ﻭﻫﻲ ﺗﺮﺍﻗﺒﻪ ﻭﻣﺎﺩﺓ ﺷﻔﺎﻳﻔﻬﺎ ﺣﺮﻛﺔ
ﻋﻠﻰ ﺍﻟﺪﻗﻪ ﻭﻣﻀﻴﺠﺔ ﻋﻴﻮﻧﻬﺎ ﻭﺍﻧﺼﺪﻣﺖ ﻓﻴﻪ ﻭﻫﻮ ﻳﻀﺤﻚ ﻋﻠﻰ
ﺷﻜﻠﻬﺎ ...
ﻓﺎﺗﻦ : ﻋﻼﻣﻚ؟
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻻ ﺑﺲ ﺷﻜﻠﺞ
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺟﻨﺞ ﺗﺪﻗﻘﻴﻦ ﺑﺴﺎﻟﻔﻪ ﺧﻄﻴﺮﺓ
ﻓﺎﺗﻦ : ﺯﻳﻦ ﺍﻧﺖ ﻗﻠﺖ ﻟﻲ ﺷﻮﻓﻲ ﺍﻥ ﺟﺎﻥ ﺍﻛﻮﻭ ﺷﻌﺮ .. ﻭﺍﻧﺎ ﻗﻌﺪﺕ
ﺍﺷﻮﻭﻑ
ﻣﺴﺎﻋﺪ ﻭﻫﻮ ﻳﻄﻠﻊ ﻣﻦ ﺑﺎﺏ ﺍﻟﺤﻤﺎﻡ : ﻫﻬﻬﻬﻬﻬﻬﻬﻬﻬﻬﻬﻬﻪ ﻻ ﻣﺎ ﻋﻠﻴﻪ
ﻣﺸﻜﻮﺭﺓ ﻭﻣﺎ ﺗﻘﺼﺮﻳﻦ .. ﺯﻳﻦ ﻓﻲ ﺷﻌﺮ
ﻓﺎﺗﻦ ﺍﻟﻠﻲ ﺣﻤﻘﺖ : ﺍﻱ ... ﻭﺍﻳﺪ ..
ﻣﺴﺎﻋﺪ ﻭﻫﻮ ﻳﺘﺤﺴﺲ : ﺯﻳﻦ ﺯﻳﻦ .. ﻧﺒﻲ ﻟﺤﻴﺔ ﺧﻔﻴﻔﺔ ﻋﻠﻰ ﺍﻻﻗﻞ ...
ﺑﻌﻴﻮﻥ ﻏﻀﺒﺎﻧﺔ ﺳﻜﺘﺖ ﻋﻨﻪ .. ﻭﻫﻮ ﻣﺸﻰ ﻋﻨﻬﺎ ﻭﻗﺒﻞ ﻻ ﻳﺮﻭﺡ ﻋﻨﻬﺎ
ﻛﺸﻜﺶ ﺷﻌﺮﻫﺎ ﺍﻟﺤﺮﻳﺮﻱ ﻣﻦ ﺟﺪﺍﻡ ﻭﺭﺍﺡ ﻏﺮﻓﺘﻪ ﻭﺍﻟﻔﻮﻃﺔ ﻋﻠﻰ
ﺟﺘﻔﻪ ..
ﻛﺎﻧﺖ ﻣﺸﻴﺘﻪ ﻏﺮﻳﺒﻪ .. ﻟﻤﻦ ﻳﻤﺸﻲ ﻳﺪﻩ ﺍﻟﻴﻤﻴﻦ ﺗﺮﻭﻭﺡ ﻭﺭﻯ ﻇﻬﺮﻩ ..
ﻭﺭﻳﻠﻪ ﻣﺴﺘﻘﻴﻤﺔ ﻟﺪﺭﺟﺔ ﺍﻥ ﻣﺎﻛﻮ ﺍﻱ ﻣﻴﻼﻥ ﻓﻲ ﺧﻄﻮﺍﺗﻪ .. ﺻﻠﺐ
ﻭﻳﺎﺑﺲ .. ﻭﺍﺣﻠﻰ ﻣﺎ ﻛﺎﻥ ﻓﻴﻪ ﺍﻫﻮ ﺷﻌﺮﻩ .. ﺣﻴﻮﻳﻪ ﻭﻧﺸﺎﻁ ﻭﻟﻮﻭﻥ
ﺣﻠﻮﻭ .. ﻳﻤﻜﻦ ﻗﺮﺏ ﺷﻜﻠﻪ ﺍﻟﺨﺎﺭﺟﻲ ﻟﻘﻠﺐ ﻓﺎﺗﻦ ﻧﺎﺑﻊ ﻣﻦ ﺍﻟﺸﺒﻪ ﺍﻟﻜﺒﻴﺮ
ﺑﻴﻨﻪ ﻭﺑﻴﻦ ﻣﺮﻳﻢ ﺍﻻ ﺍﻧﻪ ﻳﻤﻜﻦ ﺍﺯﻭﻥ ﻣﻦ ﻣﺮﻳﻢ .. ﻻﻥ ﻣﺮﻳﻢ ﺑﻄﺒﻴﻌﺘﻬﺎ
ﺷﻴﻄﺎﻧﺔ ﻭﺑﻠﻴﺴﺔ ﻳﻤﻜﻦ ﺍﻟﻮﺍﺣﺪ ﻣﺎ ﻳﻼﺣﻆ ﺣﻼﻫﺎ ﺍﻻ ﺑﺎﻟﺘﻌﻤﻖ ﻓﻲ
ﺷﻜﻠﻬﺎ ..
ﺻﺤﺖ ﻋﻠﻰ ﻣﻨﺒﻪ ﺍﻟﺼﻮﺕ ﻓﻲ ﻏﺮﻓﺘﻬﺎ .. ﺷﺎﻓﺘﻬﺎ ﺍﻟﺴﺎﻋﺔ 5 ﺍﻟﻔﻴﺮ
ﻭﻻﺯﻡ ﺗﺼﻠﻲ ﺍﻟﺤﻴﻦ .. ﻭﻣﻦ ﺍﻟﺒﺮﺩ ﺍﻟﻠﻲ ﻗﺮﺻﻬﺎ ﺳﺤﺒﺖ ﻭﻳﺎﻫﺎ ﺍﻟﻠﺤﺎﻑ
ﺍﻟﺨﻔﻴﻒ ﻭﺭﺍﺣﺖ ﻋﻨﺪ ﺍﻟﺤﻤﺎﻡ . . ﺷﻐﻠﺖ ﺍﻟﻤﺎﻱ ﺍﻟﺤﺎﺭ ﻭﻫﻲ ﻣﺘﺴﻨﺪﺓ
ﻋﻠﻰ ﺍﻟﺒﺎﺏ ﺗﻨﺘﻈﺮﺍﻟﺒﺨﺎﺭ ﻳﻈﻬﺮ .. ﻭﺗﻤﺖ ﺗﻨﺎﻇﺮ ﺍﻟﺒﻴﺖ ﺑﻌﻴﻮﻥ ﻧﻌﺴﺎﻧﻪ
ﻭﺗﺬﻛﺮﺕ ﺗﻠﻔﻮﻧﻬﺎ .. ﺗﺮﻛﺖ ﺍﻟﻠﺤﺎﻑ ﻋﻠﻰ ﺍﻻﺭﺽ ﻭﺭﺍﺣﺖ ﺻﻮﺏ
ﻏﺮﻓﺘﻬﺎ .. ﺩﺧﻠﺖ ﻭﻓﺠﺖ ﺍﻟﻠﻴﺖ ﻭﺭﺍﺣﺖ ﻋﻨﺪ ﺍﻻﺑﺠﻮﺭﺓ ﺍﻟﻠﻲ ﻳﻢ
ﺍﻟﺴﺮﻳﺮ .. ﻓﺘﺤﺘﻬﺎ ﻭﻃﻠﻌﺖ ﺍﻟﺘﻠﻔﻮﻥ .. ﻛﺎﻥ ﻣﻘﻔﻞ .. ﻭﻳﻮﻡ ﻓﺘﺤﺘﻪ .. ﻳﺎ
ﻓﻲ ﺧﺎﻃﺮﻫﺎ ﻟﻮ ﺍﻧﻬﺎ ﺗﺘﺼﻞ ﻓﻲ ﺍﻫﻠﻬﺎ .. ﺍﻛﻴﺪ ﺻﺎﺣﻴﻴﻦ ﺍﻟﺤﻴﻦ ﺍﻟﺴﺎﻋﺔ
ﻭﺣﺪﺓ ﺍﻟﻈﻬﺮ ﻋﻨﺪﻫﻢ .. ﻭﺍﺗﺼﻠﺖ ..
ﻳﺮﻥ ﺍﻟﺘﻠﻔﻮﻥ .. ﻭﻳﺮﻥ .. ﻭﻳﺮﻥ ... ﻭﻻ ﺍﺣﺪ ﻳﺸﻴﻠﻪ .. ﻷﻳﺶ؟؟ ﻻﻧﻬﻢ
ﻛﺎﻧﻮ ﻣﺸﻐﻮﻟﻴﻦ ﻓﻲ ﻧﻘﻞ ﺍﻻﻏﺮﺍﺽ ﻭﺗﻄﻠﻴﻌﻬﺎ ﻣﻦ ﺍﻟﺒﻴﺖ ﻋﺸﺎﻥ ﺍﻥ
ﺍﻟﻤﺮﻣﻴﻴﻦ ﻳﻮﻭﻫﻢ ﻭﺍﻟﺒﻴﺖ ﻓﻲ ﺣﺎﻟﻪ ﻓﻮﺿﻰ .. ﻭﻟﻤﻦ ﺗﻌﺒﺖ ﻓﺎﺗﻦ
ﺳﻜﺮﺗﻪ .. ﻭﺍﺳﺘﻐﺮﺑﺖ .. ﻭﻳﻨﻬﻢ ﻫﺬﻭﻝ ﻣﺎ ﻳﺮﺩﻭﻥ ... ﻭﺗﻮﻫﺎ ﺑﺘﺮﻣﻲ
ﺍﻟﺘﻠﻔﻮﻥ ﺍﻻ ﻃﺮﺕ ﻓﻲ ﺑﺎﻟﻬﺎ ﻣﺮﻳﻢ ... ﻭﺍﺑﺘﺴﻤﺖ ﻭﻋﻠﻰ ﻃﻮﻭﻭﻭﻝ
ﺍﺗﺼﻠﺖ ﻓﻴﻬﺎ ... ﻭﻣﺮﻳﻢ ﻛﺎﻧﺖ ﻓﻲ ﺍﻟﻤﺤﺎﻇﺮﺓ ﻭﺗﻠﻔﻮﻧﻬﺎ ﻋﻠﻰ ﺍﻟﻔﻮﻳﺲ
ﻣﻴﻞ .. ﻭﻋﺼﺒﺖ ﻓﺎﺗﻦ ﻳﻮﻡ ﺳﻤﻌﺖ ﺍﻟﺮﺳﺎﻟﺔ ﺗﺘﻜﻠﻢ .. ﻭﺗﺮﻛﺖ ﺭﺳﺎﻟﻪ
ﻟﻤﺮﻳﻢ ﺍﻧﻬﺎ ﺗﺮﻥ ﻟﻬﺎ ﺍﻭﻝ ﻣﺎ ﺗﻄﻠﻊ .. ﻭﺳﻜﺮﺕ ﺍﻟﺘﻠﻔﻮﻥ .. ﻭﻣﻦ ﻣﺮﻳﻢ ..
ﺩﺍﺭ ﺑﺎﻟﻬﺎ ﻟﻪ .. ﻟﻤﺴﺎﻋﺪ .. ﺍﻫﻲ ﺍﺳﺘﻐﺮﺑﺖ ﺍﻧﻪ ﻣﺎ ﺍﺗﺼﻞ ﻓﻴﻬﺎ ﻟﺤﺪ
ﺍﻟﺤﻴﻦ .. ﻳﻤﻜﻦ ﻣﺸﻐﻮﻝ ﻭﻻ ﺷﻲ .. ﺧﺼﻮﺻﺎ ﻭﺍﻧﻪ ﻳﻤﻜﻦ ﻭﺻﻞ
ﺍﻟﻤﻐﺮﺏ ﺍﻣﺲ .. ﺑﺲ .. ﻣﻮ ﻣﻌﻨﺎﺗﻪ ﻳﻨﺴﺎﻧﻲ .. ﺧﻠﻨﻲ ﺍﻧﺎ ﺍﺻﻴﺮ ﺍﺣﺴﻦ
ﻣﻨﻪ ﻭﺍﺩﻕ ﻭﺍﺗﻄﻤﻦ ﻋﻠﻴﻪ ..
ﻭﺑﺘﺮﺩﺩ .. ﺍﺗﺼﻠﺖ ﻓﻴﻪ ..
ﻛﺎﻥ ﻣﺴﺎﻋﺪ ﻏﺎﻳﺺ ﻓﻲ ﺍﻻﻭﺭﺍﻕ ﺍﻟﻠﻲ ﺟﺪﺍﻣﻪ .. ﻃﺒﻌﺎ ﻳﻮﻡ ﻭﺻﻞ
ﺍﻻﻭﺭﺍﻕ ﻭﺍﺻﻠﺔ ﻟﻠﻴﺪﺍﺭ .. ﻭﻗﻀﺎﻳﺎ ﻭﺗﺄﻣﻴﻨﺎﺕ ﻭﺳﻮﺍﻟﻒ ﻻ ﺍﻭﻝ ﻭﻻ
ﺗﺎﻟﻲ .. ﻭﻳﻮﻡ ﺭﻥ ﺗﻠﻔﻮﻧﻪ ﺗﻬﻔﻬﻒ ﻻﻧﻪ ﻣﺎ ﺳﻜﺖ ﻃﻮﻝ ﺍﻟﻴﻮﻡ .. ﻟﻜﻦ
ﺍﻟﺤﻴﻦ ﻛﺎﻥ ﻣﺒﺎﻳﻠﻪ .. ﻳﺎ ﺗﺮﻯ ﻣﻦ؟؟ ﺭﻓﻊ ﺍﻟﺴﻤﺎﻋﺔ ﻭﺷﺎﻑ ﺍﺳﻤﻬﺎ ...
ﻓــﺎﺗﻦ .. ﻭﻣﺎ ﺻﺪﻕ ﺭﻭﺣﻪ .. ﻭﺑﻌﺪ ﻣﺎ ﺭﻥ ﻭﺍﻳﺪ ... ﺍﺧﻴﺮﺍ ﺭﻓﻌﻪ ..
ﻭﺑﺼﻮﺕ ﻣﻮ ﻣﺼﺪﻕ ..
ﻣﺴﺎﻋﺪ : ﻓﺎﺗﻦ؟؟
ﻓﺎﺗﻦ ﺍﻟﻠﻲ ﺗﺼﻨﻤﺖ ﻳﻮﻡ ﺳﻤﻌﺖ ﺻﻮﺗﻪ ﻣﺎ ﻧﻄﻘﺖ ﺑﺸﻲ
ﻣﺴﺎﻋﺪ : ﺍﻟﻮ ... ﻓﺎﺗﻦ ... ﻓﺎﺗﻦ
ﺭﺩﺕ ﻻﺭﺽ ﺍﻟﻮﺍﻗﻊ : ﺍﻟﻮ ... ﻫﻼ ... ﻣﻌﺎﻙ ..
ﻣﺴﺎﻋﺪ ﺗﻀﺎﺭﺑﺖ ﺩﻗﺎﺕ ﻗﻠﺒﻪ : ﻫﻼ ﻓﻴﺞ ... ﺷﻠﻮﻧﻨﺞ .. ﺷﺨﺒﺎﺭﺝ ..
ﻓﺎﺗﻦ : ﺍﻟﺤﻤﺪ .. ﺍﻟﺤﻤﺪ ﻟﻠﻪ ﺍﺑﺨﻴﺮ ... ﺍﻧﺖ ﺷﺨﺒﺎﺭﻙ ...
ﻣﺴﺎﻋﺪ : ﺍﻧﺎ ﺑﺨﻴﺮ ﻣﺎﻋﻠﻴﺞ ﻣﻨﻲ ﺍﻧﺘﻲ ﻋﻠﻮﻣﺞ ﻭﺍﺧﺒﺎﺭﺝ ﻭﺷﻤﺴﻮﻳﺔ ..
ﻓﺎﺗﻦ : ﻭﺍﻟﻠﻪ ﻣﺎﻣﺴﻮﻳﺔ ﺷﻲ ... ﺑﺲ ﺗﻮﻧﻲ ﻗﺎﻋﺪﺓ ﻣﻦ ﺍﻟﺮﻗﺎﺩ ..
ﻣﺴﺎﻋﺪ ﻳﺒﺘﺴﻢ : ﺧﻠﺘﻠﺞ ﺍﻟﺴﺎﺣﺔ ..
ﺍﺑﺘﺴﻤﺖ ﻓﺎﺗﻦ : ﻻ ﺑﺲ ... ﻛﻨﺖ ﺗﻌﺒﺎﻧﺔ ﺷﻮﻱ ..
ﻣﺴﺎﻋﺪ : ﺍﺳﻢ ﺍﻟﻠﻪ ﻋﻠﻴﺞ .. ﺷﻲ ﻳﻌﻮﺭﺝ؟؟
ﻓﺎﺗﻦ ﺗﺤﻴﺮﺕ .. ﻛﺎﻥ ﺧﺎﻃﺮﻫﺎ ﻟﻮ ﺷﻲ ﻳﻌﻮﺭﻫﺎ ﻋﺸﺎﻥ ﺗﺸﻮﻑ ﺧﻮﻓﻪ
ﻋﻠﻴﻬﺎ ...: ﻻ ﺳﻼﻣﺘﻚ .. ﻣﺎﻓﻴﻨﻲ ﺍﻻ ﺍﻟﻌﺎﻓﻴﺔ ...
ﺿﺎﻕ ﻓﻲ ﺻﺪﺭ ﻣﺴﺎﻋﺪ ﺳﺆﺍﻝ ﺑﺲ ﺣﺴﻪ ﺷﻮﻱ ﻃﻔﻮﻟﻲ ﺍﻭ ﺣﻖ
ﻳﻬﺎﻝ ...: ﺍﻣﻤﻤﻢ ﻗﺎﻋﺪﺓ ﻟﻠﺼﻼﻩ
ﻓﺎﺗﻦ ﻭﻫﻲ ﺗﺬﻛﺮ ﻣﺎﻱ ﺍﻟﺤﻤﺎﻡ : ﺍﻭﻭﻭﻭﻭﻭﻭﻭﻭ .. ﻟﺤﻈﻪ ﻟﺤﻈﻪ ..
ﺭﺍﺣﺖ ﻭﺳﻜﺮﺕ ﻣﺎﻱ ﺍﻟﺤﻤﺎﻡ ﺍﻟﻠﻲ ﻛﺎﻥ ﻳﺸﺘﻐﻞ ﻣﻦ ﺍﻭﻝ ﻣﺎ ﺻﺤﺖ
ﻟﻠﺤﻴﻦ ... ﻭﺭﺩﺕ ﻟﻠﺘﻠﻔﻮﻥ
ﻓﺎﺗﻦ : ﺍﻟﻮﻭﻭﻭﻭ
ﻣﺴﺎﻋﺪ : ﻋﻼﻣﺞ ﺷﺼﺎﻳﺮ ﻋﻨﺪﺝ؟
ﻓﺎﺗﻦ : ﻻ ﺑﺲ ﻧﺴﻴﺖ ﺍﻟﻤﺎﻱ ...
ﻣﺴﺎﻋﺪ : ﺍﻫﺎ .....
ﻭﺳﺎﺩ ﺍﻟﺼﻤﺖ ﺑﻴﻨﻬﻢ .. ﺍﻫﻮ ﻳﺤﺎﻭﻝ ﻳﺴﻤﻊ ﻧﻔﺴﻪ ﻭﺍﻫﻲ ﺗﺪﻭﺭ ﻋﻠﻰ
ﻛﻼﻡ ﺗﻘﻮﻟﻪ ﻟﻪ .. ﺍﻫﻲ ﻧﻔﺴﻬﺎ ﻣﺴﺘﻐﺮﺑﻪ ﺍﺗﺼﺎﻟﻬﺎ ﻟﻪ ...
ﻓﺎﺗﻦ ﺑﺼﻮﺕ ﺣﻨﻮﻥ : ﺣﻤﺪ ﻟﻠﻪ ﻋﻠﻰ ﺍﻟﺴﻼﻣﺔ
ﺫﺍﺏ ﻗﻠﺐ ﻣﺴﺎﻋﺪ ﻣﻦ ﻧﺒﺮﺗﻬﺎ ..: ﺍﻟﻠﻪ ﻳﺴﻠﻤﺞ ﻭﻳﺤﻔﻈﺞ ...
ﻓﺎﺗﻦ : ﻣﺮﺗﺎﺡ؟؟
ﺗﻨﻬﺪ ﻣﺴﺎﻋﺪ ﻭﺧﺬ ﺭﺍﺣﺘﻪ : ﻟﻮ ﺗﺒﻴﻦ ﺍﻟﺼﺞ .. ﻣﺎ ﺍﻗﺪﺭ ﺍﺣﺲ ﺑﺎﻟﺮﺍﺣﺔ
ﻭﺍﻧﺎ ﻣﺨﻠﻴﺞ ﺑﺮﻭﺣﺞ ..
ﺳﻜﺘﺖ ﻓﺎﺗﻦ .. ﺯﻳﻦ ﻭﺍﻟﻠﻪ ﺍﻧﻪ ﺣﺲ ﻓﻴﻨﻲ ..
ﻣﺴﺎﻋﺪ : ﺑﺲ .. ﺍﻧﺘﻲ ﻗﺪﻫﺎ ﻭﻗﺪﻭﺩ ﻭﺍﻧﺎ ﻭﺍﺛﻖ ﻣﻨﺞ .. ﻭﻭﺍﺛﻖ ﻣﻦ
ﻗﺪﺭﺍﺗﺞ ..
ﻓﺎﺗﻦ ..: ﺍﻧﺎ .. ﺍﻧﺎ ﺍﺑﻲ ﻻﺏ ﺗﻮﺏ ...
ﺍﺳﺘﻐﺮﺏ ﻣﺴﺎﻋﺪ : ﻻﺏ ﺗﻮﺏ؟؟ ﻟﻠﺠﺎﻣﻌﺔ ﻳﻌﻨﻲ ..
ﺻﻔﻘﺖ ﻓﺎﺗﻦ ﻋﻠﻰ ﺭﺍﺳﻬﺎ ... ﻳﺎﻟﻔﻄﻴﻨﺔ .. ﻳﺎﻟﺸﺎﻃﺮﺓ ﻳﺎﻟﺤﻠﻮﺓ
ﻳﺎﻟﺠﻤﻴﻠﺔ .. ﻫﺬﺍ ﺍﻟﻠﻲ ﻃﻠﻌﺘﻲ ﻓﻴﻪ .. ﺍﺑﻲ ﻻﺏ ﺗﻮﻭﻭﺏ .. ﺻﺞ ﻳﻌﻨﻲ
.. ﻟﻮ ﺗﺼﻔﻘﻴﻦ ﺭﺍﺳﺞ ﺑﺎﻟﻄﻮﻓﺔ ﺍﺣﺴﻦ :.. ﺍﻳﻪ .. ﻻﻧﻲ ﺍﺣﺘﺎﺟﻪ ﻭﻳﺒﻴﻠﻲ
ﺑﻌﺪ ﺧﻂ ﺍﻧﺘﺮﻧﺖ ..
ﻣﺴﺎﻋﺪ : ﺍﻓﺎ ﻋﻠﻴﺞ ﺍﻧﺘﻲ ﺑﺲ ﻻ ﺗﺤﺎﺗﻴﻦ ﻭﺑﻴﻮﺻﻠﺞ ﺍﻟﻼﺏ ﺗﻮﺏ ..
ﻭﺧﻂ ﺍﻻﻧﺘﺮﻧﺖ .. ﺑﻌﺪ ﺷﻲ ﻧﺎﻗﺼﺞ ..
ﻓﺎﺗﻦ : ﺍﻣﻤﻤﻤﻤﻢ ... ﻋﺎﺩﻱ ﻳﻌﻨﻲ ﺍﻃﻠﻊ ﻭﺍﺗﺸﺮﻯ ﺍﻏﺮﺍﺽ ﻭﻫﺎﻟﺴﻮﺍﻟﻒ ..
ﻣﺴﺎﻋﺪ :ﺍﻟﺒﻴﺖ ﺑﻴﺘﺞ ﻭﻻﺯﻡ ﺗﻌﺘﻨﻴﻦ ﻓﻲ ﻧﻔﺴﺞ ﻭﺗﺸﺘﺮﻳﻦ ﺍﻟﻠﻲ ﺗﺒﻴﻨﻪ
ﻭﺍﻟﻠﻲ ﺗﺤﺘﺎﺟﻴﻨﻪ ... ﺍﻟﻔﻴﺰﺍ ﻋﻨﺪﺝ؟
ﻓﺎﺗﻦ ﺍﻟﻠﻲ ﻧﺴﺖ ﻣﻜﺎﻥ ﺍﻟﻔﻴﺰﺍ ..: ﺍﻣﻤﻤﻤﻢ ﺍﻱ ﻋﻨﺪﻱ ... ﻋﺎﺩﻱ
ﺍﺳﺘﺨﺪﻣﻬﺎ
ﻣﺴﺎﻋﺪ ﻳﻀﺤﻚ : ﻫﺬﻱ ﻓﻠﻮﺳﺞ ﻣﻮ ﻓﻠﻮﺱ ﺍﻟﻐﻴﺮ .. ﻭﻋﻠﻰ ﺭﺍﺣﺘﺞ ..
ﻟﻮ ﺗﺒﻴﻨﻬﺎ ﻛﻠﻬﺎ ﺑﻌﺪ ﻣﺤﺪ ﺑﻴﻌﺘﺮﺿﺞ ..
ﻓﺎﺗﻦ : ﻫﻬﻬﻬﻪ .. ﺍﻟﺤﻤﺪ ﻟﻠﻪ ... ... ﺭﺣﺖ ﺑﻴﺘﻨﺎ؟؟
ﻣﺴﺎﻋﺪ : ﻗﺼﺪﺝ ﺍﻫﻠﺞ؟؟ ﻻ ﻭﺍﻟﻠﻪ ﻣﺎ ﺭﺣﺖ ﻟﻬﻢ ﺍﻟﻴﻮﻡ ﺍﻧﺎ ﻣﻌﺰﻡ ﺑﻌﺪ
ﻣﺎ ﺍﻃﻠﻊ ﻣﻦ ﺍﻟﺪﻭﺍﻡ .. ﻟﻴﺶ ﺷﻲ ﻓﻲ ﺧﺎﻃﺮﺝ
ﻓﺎﺗﻦ : ﻻ ﺑﺲ ... ﺳﻠﻢ ﻋﻠﻴﻬﻢ ﻭﻗﻮﻝ ﻟﻬﻢ ﺍﻧﻲ ﻭﻟﻬﺖ ﻋﻠﻴﻬﻢ ..
ﻣﺴﺎﻋﺪ : ﻳﺒﻠﻎ ﺍﻥ ﺷﺎﺀ ﺍﻟﻠﻪ ..
ﻭﺑﺼﻌﻮﻭﻭﻭﻭﻭﻭﺑﻪ ﺑﺎﻟﻐﺔ ﺣﺎﻭﻟﺖ ﻓﺎﺗﻦ ﺍﻧﻬﺎ ﺗﻘﻮﻝ ﻟﻪ ﺷﻲ .. ﺷﻲ ﻳﺒﺮﺩ
ﻫﺎﻟﺜﻠﻮﺝ ﺍﻟﻠﻲ ﺑﻴﻨﻬﻢ ﻻﻥ ﻣﺴﺎﻋﺪ ﻗﺎﻝ ﻟﻬﺎ ﺍﻧﻪ ﻣﺎ ﺭﺍﺡ ﻳﺘﻘﺪﻡ ﻟﻬﺎ
ﺑﺨﻄﻮﺓ ﺩﺍﻣﻨﻬﺎ ﻣﺐ ﻣﻠﺘﺰﻣﺔ ﺑﺎﺗﻔﺎﻗﻬﻢ .. ﻭﺍﻫﻲ ﺣﺎﻭﻟﺖ ﻭﺍﻟﻠﻪ ﺍﻟﻌﺎﻟﻢ
ﺍﻧﻬﺎﺗﻨﻄﻖ ﺑﻜﻠﻤﺔ ﻋﺸﺎﻥ ﺗﺒﻴﻦ ﻟﻪ ﺍﻧﻬﺎ ﺻﺎﺩﻗﺔ ﺑﻮﻋﺪﻫﺎ ..
ﻓﺎﺗﻦ ...: ﺍﻟﺒﻴﺖ .. ﻓﺎﺿﻲ ﺑﺪﻭﻧﻚ .. ﻭ ...
ﻣﺴﺎﻋﺪ ﺍﻟﻠﻲ ﻛﺎﻥ ﺷﺒﻪ ﻣﺴﻜﺮ ﻋﻴﻮﻧﻪ .. ﻭﺍﺧﻴﺮﺍ ﻧﻄﻘﺖ ﺑﺎﻟﻲ ﻛﻨﺖ
ﺍﺗﻤﻨﺎﻩ ﺗﻘﻮﻟﻪ ..: ﻭ؟
ﻓﺎﺗﻦ ﺑﺤﻴﺎ ﻭﻛﺎﻧﻪ ﺟﺪﺍﻣﻬﺎ ...: ﻭ .. ﺣﺴﻚ .. ﻣﻔﻘﻮﺩ ..
ﻣﺴﺎﻋﺪ : ﻭ ...؟؟
ﻓﺎﺗﻦ ﻭﻫﻲ ﺗﺨﺒﻲ ﻭﻳﻬﻬﺎ ﻓﻲ ﺍﻟﺠﺪﺍﺭ ﻭﺍﻟﺘﻠﻔﻮﻥ ﻋﻨﺪ ﺍﺫﻧﻬﺎ ..:
ﻭﺣﺸﺘﻨﻲ ..
ﺳﻜﺮ ﻋﻴﻮﻧﻪ ﻣﺴﺎﻋﺪ ﻭﻛﺎﻧﻪ ﺳﺎﺭﺡ ﻓﻲ ﺣﻠﻢ ﻟﺬﻳﺬ :.. ﺣﺘﻰ ﺍﻧﺘﻲ ..
ﻭﺣﺸﺘﻴﻨﻲ ..
ﻓﺎﺗﻦ : ﺻﺞ؟؟؟
ﻣﺴﺎﻋﺪ ﻳﺒﺘﺴﻢ : ﺍﻱ ﺻﺞ .. ﻭﺣﺸﺘﻴﻨﻲ .. ﻭﺍﻛﺜﺮ ﻭﺣﺸﻨﻲ .. ﻛﺸﺘﺞ
ﻣﻨﺎﻟﺼﺒﺢ ..
ﺍﻧﺼﺪﻣﺖ ﻓﺎﺗﻦ .. ﻟﻜﻨﻬﺎ .. ﺿﺤﻜﺖ ﻳﻮﻡ ﺳﻤﻌﺖ ﺭﻧﻪ ﺿﺤﻜﺘﻪ
ﺍﻟﺤﻠﻮﺓ :.. ﻫﻬﻬﻬﻬﻬﻬﻪ .. ﺍﻱ ﺍﺿﻐﻄﻨﻲ .. ﻋﺒﺎﻟﻚ ﺑﺼﻴﺢ ..
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻪ ﻻ ﻟﻴﺶ ﺗﺼﻴﺤﻴﻦ .. ﺍﺣﻠﻰ ﺷﻲ ﻛﺸﺘﺞ ﺯﻳﻦ
ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻬﻪ
ﻣﺴﺎﻋﺪ : ﺩﻭﻡ ﻫﺎﻟﻀﺤﻜﺔ ﻳﺎ ﺭﺏ .. ﻣﻮ ﻳﻮﻡ ..
ﻓﺎﺗﻦ ﺍﻟﻠﻲ ﺣﻠﺖ ﻟﻬﺎ ﺍﻟﺴﻮﺍﻟﻒ .. ﺷﻜﺜﺮ ﺳﻬﻞ ﺍﻧﻬﺎ ﺗﻜﻠﻤﻪ ﻓﻲ ﺍﻟﺘﻠﻔﻮﻥ ﺍﻭ
ﺍﻧﻬﺎ ﻣﺎ ﺗﺸﻮﻓﻪ ﺍﻭ ﺗﺤﻂ ﻋﻴﻨﻬﺎ ﺑﻌﻴﻨﻪ : ﻭﻳﺎﻙ ...
ﻻﻭﻝ ﻣﺮﺓ ﺗﺸﻘﻖ ﺣﻠﺞ ﻣﺴﺎﻋﺪ ﻣﻦ ﺍﻻﺑﺘﺴﺎﻣﺔ .. ﻣﺎ ﺻﺪﻕ ﻋﻤﺮﻩ .. ﻣﺎ
ﻳﺪﺭﻱ ﻟﻴﺶ ﻫﺎﻟﺸﻌﻮﺭ ﺍﻟﻤﻔﺮﺡ ﺍﻟﻠﻲ ﻳﺨﻠﻲ ﺍﻟﻌﺮﻭﻕ ﺗﺘﻔﺠﺮ ﺑﺎﻟﺪﻡ .. ﻳﺎ
ﺗﺮﻯ .. ﺗﻔﺎﺅﻝ ﻣﺮﻳﻢ ﻓﻲ ﻣﺤﻠﻪ .. ﻭﺍﻟﻠﻪ ﻛﻼﻡ ﺍﻟﺒﻨﺖ ﻳﺒﻴﻦ ﻫﺎﻟﺸﻲ .. ﻳﺎ
ﻗﻠﺒﻲ ﻟﻮ ﻳﻄﻠﻊ ﻛﻞ ﻛﻼﻣﻪ ﺻﺢ ...
ﻓﺎﺗﻦ : ﺯﻳﻦ .. ﺍﻧﺎ ﺑﺨﻠﻴﻚ ﺍﻟﺤﻴﻦ .. ﺑﺮﻭﺡ ﺍﺻﻠﻲ ﻭﺍﺗﺰﻫﺐ ﻟﻠﺠﺎﻣﻌﺔ ...
ﻣﺴﺎﻋﺪ : ﺍﻭﻛﻲ ﺷﻮﻓﻲ ﺍﻧﺘﻲ ﺍﻟﻴﻮﻡ ﺑﺲ ﺩﺑﺮﻱ ﻟﺞ ﺍﺣﺪ ﻳﺎﺧﺬﺝ ﻫﻨﺎﻙ
ﻭﺑﺎﻟﺮﺩﺓ ﺟﻮﺭﺝ ﺑﻴﻜﻮﻭﻭﻥ ﻋﻨﺪﺝ ..
ﻓﺎﺗﻦ : ﺍﻥ ﺷﺎﺀﺍﻟﻠﻪ .. ﺑﻜﻠﻢ ﻫﻴﺎﺍﻡ ﺍﻟﻠﻲ ﺍﻋﺮﻓﻬﺎ ﻭﺍﻫﻲ ﻣﺎ ﺗﻘﺼﺮ ..
ﻣﺴﺎﻋﺪ : ﺛﻘﺔ ﻳﻌﻨﻲ؟
ﻓﺎﺗﻦ : ﺍﻱ ﺍﻟﺤﻤﺪ ﻟﻠﻪ ﺑﻨﺖ ﺣﺸﻴﻢ ﻭﺗﺨﺎﻑ ﺭﺑﻬﺎ ..
ﻣﺴﺎﻋﺪ ﻳﺒﺘﺴﻢ : ﺣﻠﻮﺓ؟
ﺍﻧﺼﺪﻣﺖ ﻓﺎﺗﻦ ..: ﺍﻱ .. ﺣﻠﻮﺓ .. ﻟﻴﺶ؟
ﻣﺴﺎﻋﺪ : ﻻ ﺑﺲ ﺍﺳﺎﻟﺞ ..
ﺗﻈﺎﻳﻘﺖ ﻓﺎﺗﻦ ..: ﺍﻱ ﺣﻠﻮﺓ ﺍﻟﺒﻨﺖ ... ﻋﺎﻟﻌﻤﻮﻡ .. ﺍﻧﺎ ﺑﺨﻠﻴﻚ ﺍﻟﺤﻴﻦ ...
ﻣﺴﺎﻋﺪ ﺍﻟﻠﻲ ﺷﻮﻱ ﻭﻳﻨﻘﻊ ﻣﻦ ﺍﻟﻀﺤﻚ : ﺩﻳﺮﻱ ﺑﺎﻟﺞ ﻋﻠﻰ ﺣﺎﻟﺞ ﻭ ..
ﺳﻠﻤﻴﻠﻲ ﻋﻠﻰ ﻫﻴﺎﻡ ..
ﻓﺎﺗﻦ : ﺑﺲ ﺧﻼﺹ
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺷﻘﻠﺖ ..
ﻓﺎﺗﻦ ﺑﻈﻴﺞ : ﻳﺎﻟﻠﻪ ﻣﻊ ﺍﻟﺴﻼﻣﺔ ..
ﻣﺴﺎﻋﺪ : ﺍﻟﻠﻪ ﻳﺴﻠﻤﺞ ...
ﻭﺳﻜﺮﺕ ﺍﻟﺘﻠﻔﻮﻥ ﺑﺴﺮﻋﻪ ﻓﺎﺗﻦ .. ﺻﺞ ﺍﻧﻪ ﻣﺎ ﻳﺴﺘﺤﻲ .. ﻳﺴﺄﻟﻨﻲ ﻋﻦ
ﺑﻨﺖ؟؟ ﺷﻬﺎﻟﺤﺮﻛﺎﺕ ﻳﻌﻨﻲ ﺍﻟﻠﻲ ﺗﻘﻬﺮ .. ﺷﻌﻠﻴﻪ ﻣﻦ ﻫﻴﺎﻡ ﻭﻻ ﻣﻦ
ﻏﻴﺮﻫﺎ .. ﻳﻌﻨﻲ ﻣﺎ ﻳﺎﺯ ﻟﻪ ﺳﺆﺍﻝ ﺍﻻ ﻫﺬﺍ ... ﺻﺞ ﺍﻧﻪ ﻳﻘﻬﺮﺭﺭﺭ .. ﺩﺧﻠﺖ
ﺍﻟﺤﻤﺎﻡ ﻭﻏﺴﻠﺖ ﻭﻳﻬﻬﺎ ﻭﺍﻫﻲ ﻣﻮ ﻗﺎﺩﺭﺓ ﺗﺸﻴﻞ ﻧﺒﺮﺓ ﺻﻮﺗﻪ ﻣﻦ ﺑﺎﻟﻬﺎ ..
ﻳﺎﻟﻠﻪ ﺻﻮﺗﻪ ﺣﻤﻴﻢ ﻭﻧﺎﻋﻢ ﻭﻳﺪﺵ ﺍﻟﻘﻠﺐ ... ﻭﺷﻠﻮﻥ ﻛﻠﻤﺎﺗﻪ ﻧﺎﻋﻤﺔ
ﻭﺍﻧﺴﻴﺎﺑﻴﻪ .. ﺭﻓﻌﺖ ﻓﺎﺗﻦ ﻭﻳﻬﻬﺎ ﻟﻠﻤﻨﻈﺮﺓ ﺍﻟﻠﻲ ﺑﺎﻟﺤﻤﺎﻡ ﻭﻫﻲ ﺗﻬﺰ
ﺭﺍﺳﻬﺎ ..
ﻓﺎﺗﻦ :: ﺍﺍﺍﺥ ﻣﻨﺞ ﻳﺎﻟﻠﻮﺗﻴﺔ .. ﻣﺎ ﻋﺮﻓﺘﻲ ﻗﺪﺭ ﺍﻟﺮﻳﺎﻝ ﺍﻻ ﻳﻮﻡ ﺭﺍﺡ ...
( ﺗﻘﻠﺪ ﻋﻠﻰ ﺭﻭﺣﻬﺎ ) ﻛﻠﻤﺎﺗﻪ ﺍﻧﺴﻴﺎﺑﻴﻪ .. ﻧﺎﻋﻤﺔﺓ .. ﻳﺪﺵ ﺍﻟﻘﻠﺐ ...
ﻣﺎﻟﺖ ﻋﻠﻴﺞ ﺍﻗﻮﻭﻭﻝ ﺑﺎﻟﺨﻤﺲ ...
ﺻﻠﺖ ﻭﻗﻌﺪﺕ ﺗﻘﺮﻯ ﻟﻬﺎ ﺷﻮﻳﺔ ﻣﻦ ﺍﻟﻘﺮﺁﻥ .. ﻭﻳﻮﻡ ﺧﻠﺼﺖ ﻣﻦ
ﺍﻟﺴﻮﺭﺓ .. ﻃﻠﻌﺖ ﺍﻏﺮﺍﺽ ﻛﺎﻧﻮ ﻋﻨﺪﻫﺎ ﻣﻦ ﺍﻟﺒﻴﺖ .. ﻣﺒﺨﺮ ﺻﻐﻴﺮﻭﻥ
ﻭﻓﺤﻢ ﻭﺑﺨﻮﻭﺭ .. ﻣﺎﺗﺪﺭﻱ ﻟﻴﺶ ﻃﺎﺑﺖ ﻓﻲ ﻧﻔﺴﻬﺎ ﻟﻮ ﺍﻧﻬﺎ ﺗﺸﻢ ﺭﻳﺤﻪ
ﺍﻟﺒﺨﻮﺭ ﻓﻲ ﺍﻟﺒﻴﺖ .. ﻭﺍﻱ ﺑﺨﻮﺭ ﺍﻟﺒﺨﻮﺭ ﺍﻻﻣﺎﺭﺍﺗﻲ ﺍﻻﺻﻴﻞ .. ﺩﺧﻨﺖ
ﺍﻟﻐﺮﻓﺔ ﻭﻃﻠﻌﺘﻪ ﻭﺣﻄﺘﻪ ﻋﻠﻰ ﺍﻟﺘﻠﻔﺰﻳﻮﻥ ﺑﺎﻟﺼﺎﻟﺔ ..
ﻭﻳﻮﻡ ﻟﻘﺖ ﺩﺍﺭ ﻣﺴﺎﻋﺪ ﻣﻔﺘﻮﺣﻪ ﻛﺸﺮﺕ ﺑﻌﻴﻮﻧﻬﺎ ﻟﻜﻨﻬﺎ ﺍﻧﻤﺤﺖ
ﺍﻟﺘﻜﺸﻴﺮﺓ ﺑﻤﺠﺮﺩ ﺫﻛﺮ ﺻﻮﺗﻪ .. ﻭﺣﻤﻠﺖ ﺍﻟﻤﺒﺨﺮ ﻭﻣﻌﺎﻫﺎ ﻗﺮﺹ ﻳﺪﻳﺪ
ﻣﻦ ﺍﻟﺒﺨﻮﺭ ﻭﺩﺧﻠﺖ ... ﺳﻜﺮﺕ ﺍﻟﺪﺭﻳﺸﺔ ﻭﺍﻟﺴﺘﺎﺭﺓ ﻭﺣﻄﺖ ﺑﺨﻮﺭ
ﺍﻛﺜﺮ .. ﻭﺗﻤﺖ ﺗﻤﺸﻴﻪ ﻋﻠﻰ ﻃﻮﻝ ﺍﻟﺪﺍﺭ ﻭﻋﻨﺪ ﺍﻟﺴﺘﺎﺭﺓ ﻭﺍﻟﺸﺮﺍﺷﻒ ..
ﻟﻤﻦ ﺣﺴﺖ ﺍﻥ ﺍﻟﻐﺮﻓﺔ ﺗﺸﺒﻌﺖ ﻣﻦ ﺍﻟﺮﻳﺤﺔ .. ﻭﻃﻠﻌﺖ ﻣﻦ ﺍﻟﺪﺍﺭ
ﻭﺍﻟﺒﺎﺏ ﻣﻔﺘﻮﻭﻭﺡ .. ﻋﺸﺎﻥ ﺗﺤﺴﺲ ﻧﻔﺴﻬﺎ ﺑﻮﺟﻮﺩ ﻣﺴﺎﻋﺪ ﺍﻟﻲ ﻣﺎ
ﻳﺤﺐ ﺍﻟﺒﺎﺏ ﻳﻜﻮﻥ ﻣﺴﻜﺮ ..
ﻓﻄﻮﺭ ﺧﻔﻴﻒ ﻣﻦ ﻣﺮﺑﻰ ﻭﺯﺑﺪ ﻭﺟﺒﻦ ﻭﺑﻴﺾ ﻣﺨﻔﻮﻕ ﺻﻔﻔﺘﻪ ﻋﻠﻰ
ﺍﻟﻄﺎﻭﻟﺔ ﻭﻫﻲ ﺗﺴﺤﺐ ﺍﻟﻜﺮﺳﻲ ﺍﻟﻄﻮﻳﻞ ﺍﻟﻠﻲ ﻛﺎﻥ ﺩﺍﻳﻤﺎ ﻣﺴﺎﻋﺪ ﻧﻮﻉ
ﺍﻟﻠﻲ ﻳﺴﺘﻨﺪ ﻋﻠﻴﻪ ﻻ ﻭﻗﻒ ﻳﻨﺘﻈﺮ ﺍﻻﻛﻞ ﻋﺸﺎﻥ ﻳﺰﻫﺐ .. ﺗﺬﻛﺮﺕ
ﻣﻮﻗﻒ ﺍﻟﻤﻠﺔ ﺍﻟﻠﻲ ﻓﻴﻬﺎ ﻟﻄﺒﻖ ﺍﻟﺸﻮﻛﻮﻻ ﺑﺎﻟﻜﻴﻚ .. ﻭﺑﻴﻨﻬﺎ ﻭﺑﻴﻦ ﻧﻔﺴﻬﺎ
ﺍﺿﺤﻜﺖ ﻋﻠﻰ ﺗﺼﺮﻓﻬﺎ .. ﻳﺎﺍﺍﻩ ﺷﻜﺜﺮ ﻛﻨﺖ ﻃﺎﺋﺸﺔ ﻭﻳﺎﻫﻞ .. ﻟﻜﻦ ﻣﺎ
ﻋﻠﻴﻪ .. ﻛﻞ ﺷﻲ ﻭﻳﺘﻐﻴﺮ .. ﺩﻭﺍﻡ ﺍﻟﺤﺎﻝ ﻣﻦ ﺍﻟﻤﺤﺎﻝ ..
----------------------------------
ﻫﻴﺎﻡ ﺍﻟﻠﻲ ﺻﺤﺖ ﻣﻦ ﺑﺪﺭﻱ ﺍﻟﻴﻮﻡ ﻭﻫﻲ ﻣﺘﻈﺎﻳﻘﺔ .. ﻳﻌﻨﻲ ﻣﻦ ﺍﻭﻝ
ﺍﻟﺼﺒﺢ ﻭﻫﻲ ﺗﺤﺲ ﺑﺎﻟﻈﻴﺞ ﻓﻲ ﺻﺪﺭﻫﺎ ﺍﻟﻠﻪ ﻳﻌﻴﻨﻬﺎ ﻋﻠﻰ ﺑﺎﺟﻲ
ﺍﻟﻴﻮﻡ .. ﻋﻄﻠﺔ ﺍﺳﺒﻮﻋﻴﺔ ﻓﺎﺷﻠﺔ ﻣﻦ ﻧﻮﻋﻬﺎ ﻇﻠﺖ ﻓﻴﻬﺎ ﺑﺎﻟﺒﻴﺖ ﻭﻻ
ﺗﺤﺮﻛﺖ ﻭﻻ ﺭﺍﺣﺖ ﻭﻻ ﺭﺩﺕ .. ﻭﻛﻠﻪ ﻋﻠﻰ ﺣﺴﺎﺏ ﻣﻦ .. ﻋﻠﻰ ﺣﺴﺎﺏ
ﻫﺎﻟﺴﺨﻴﻒ ﺍﻟﻠﻲ ﻇﺎﻳﻔﻬﺎ ﻓﻲ ﺍﻟﻤﺴﻨﺠﺮ .. ﻣﻦ ﺑﻌﺪ ﻣﺎ ﺣﺬﻓﺖ ﺍﻳﻤﻴﻠﻪ
ﻣﻦ ﺍﻟﻠﻴﺴﺖ ﺍﻟﻠﻲ ﻋﻨﺪﻫﺎ ﺭﺩﺗﻪ ﻣﺮﺓ ﺛﺎﻧﻴﺔ ﻭﺍﻧﺘﻈﺮﺕ ﻭﺍﻧﺘﻈﺮﺕ ﻟﻤﻦ
ﻣﻠﺖ ﻭﻗﺎﻣﺖ ﻋﻠﻰ ﺍﻟﻜﻤﺒﻴﻮﺗﺮ ﻭﻇﻞ ﺍﻟﻤﺴﻨﺠﺮ ﺷﻐﺎﻝ ﺍﻻ ﺍﻧﻬﺎ ﻓﻲ ﺣﺎﻟﺔ
ﺍﻝaway ﻭﺑﻌﺪ ﻣﺎ ﺷﺒﻚ .. ﺷﻜﻠﻪ ﺟﺎﻑ ﺍﻧﻲ ﺣﻄﻴﺘﻪ ﺑﻠﻮﻙ ﻭﺩﻳﻠﻴﺖ ..
ﻳﺎﻟﻠﻪ ﺷﺎﺳﻮﻱ ﺍﻟﺤﻴﻦ ﻭﺍﻟﻠﻪ ﺍﻧﻲ ﺗﻮﺭﻃﺖ ..
ﺍﻫﻲ ﻣﺎ ﺗﺒﻲ ﺗﻜﻠﻤﻪ ﻭﻻ ﺍﻧﻬﺎ ﺗﺨﻠﻖ ﻋﻼﻗﺎﺕ ﻳﺪﻳﺪﺓ ﻻﻥ ﻣﺎﻟﻬﺎ ﺑﺎﺭﺽ
ﺍﻫﻲ ﻛﻞ ﺍﻟﻠﻲ ﺗﺒﻴﻪ ﺍﻧﻬﺎ ﺗﻌﺘﺬﺭ ﻣﻨﻪ ﻋﻠﻰ ﺍﺳﻠﻮﺑﻬﺎ ﻭﺧﻼﺹ ﻳﻨﻬﻮﻥ
ﺍﻟﺸﻲ ﻋﻠﻰ ﺧﻴﺮ . ﻟﻜﻦ ﺍﻫﻮ ﻣﺎ ﺩﺧﻞ ﻭﻻ ﺷﺒﻚ ﻭﻫﺬﻱ ﺍﻟﻠﻲ ﻗﺎﻫﺮﻫﺎ
ﺍﻛﺜﺮ ﺷﻲ .. ﻳﻌﻨﻲ ﻣﺴﺘﺤﻴﻞ ﻭﺍﺣﺪ ﻳﻀﻴﻔﻨﻲ ﻟﺪﻗﺎﻳﻖ ﻳﺨﻠﻴﻨﻲ ﻃﻮﻝ
ﻭﻳﻴﻚ ﺍﻧﺪ ﺍﻧﺘﻈﺮﻩ .. ﻭﺍﻟﻠﻪ ﻳﺎﻫﻲ ﺣﺎﻟﻪ ...
ﺍﻭﻝ ﻣﺎ ﻗﻌﺪﺕ ﺍﻟﻴﻮﻡ ﻧﺰﻟﺖ ﺗﺤﺖ ﻭﻣﺎ ﻛﺎﻥ ﺍﺣﺪ ﺻﺎﺣﻲ ﺍﻻ ﺍﻣﻬﺎ
ﻛﻌﺎﺩﺗﻬﺎ ﺗﺰﻫﺐ ﻟﻬﻢ ﺍﻟﺮﻳﻮﻕ .. ﻻﻧﻬﺎ ﻣﺎ ﺗﺜﻖ ﺑﺮﻳﻮﻕ ﺍﻟﺨﺪﺍﻣﺎﺕ ﻭﺗﺤﺐ
ﺷﻐﻞ ﺍﻟﺒﻴﺖ .. ﺍﺳﻢ ﺍﻡ ﻫﻴﺎﻡ ﻛﺎﻥ ﺻﺒﺤﻪ ﺑﺲ ﻻﻧﻬﺎ ﻣﺎ ﺗﺤﺒﻪ ﺍﻟﻜﻞ
ﻳﻨﺎﺩﻳﻬﺎ ﺍﻡ ﻋﻠﻲ .. ﻋﻠﻰ ﺍﺧﻮﻫﺎ ﺍﻟﺼﻐﻴﺮ ...
ﺭﺍﺣﺖ ﻟﻬﺎ ﻫﻴﺎﻡ ﻭﻫﻲ ﺗﻘﻌﺪ ﺟﺪﺍﻣﻬﺎ ﻋﻠﻰ ﻃﺎﻭﻟﺔ ﺍﻟﻤﻄﺒﺦ : ﺻﺒﺎﺡ
ﺍﻟﺨﻴﺮ ﻳﻤﺔ ..
ﺍﻡ ﻋﻠﻲ : ﺻﺒﺎﺡ ﺍﻟﻨﻮﺭ ﻳﻤﺔ ... ﺷﻌﻨﺪﺝ ﻳﺎﻟﺴﻪ ( ﺑﺎﻟﺒﺤﺮﻳﻨﻲ ﻗﺎﻋﺪﺓ )
ﻋﻠﻰ ﺍﻟﻄﺎﻭﻟﺔ ﻧﺰﻟﻲ ﻭﻳﻠﺴﻲ ﻋﻠﻰ ﺍﻟﻜﺮﺳﻲ
ﻫﻴﺎﻡ : ﻣﺎﺑﻲ .. ﻻﻳﻌﺔ ﺟﺒﺪﻱ ﻭﺍﻟﻠﻪ ﻫﺎﻟﻮﻳﻚ ﺍﻧﺪ ﺍﺧﺲ ﻭﻳﻚ ﺍﻧﺪ ﻋﻠﻰ
ﻗﻠﺒﻲ
ﺍﻡ ﻋﻠﻲ : ﺍﻛﻴﺪ .. ﺣﺎﺑﺴﻪ ﺭﻭﺣﺞ ﻓﻲ ﺣﺠﺮﺗﺞ ﻭﻳﻦ ﻣﺎ ﺗﻠﻮﻉ ﺟﺒﺪﺝ ..
ﺟﻢ ﻣﺮﺓ ﻗﻠﻨﺎﻟﺞ ﺗﻌﺎﻟﻲ ﻭﻳﺎﻧﺎ ﺗﻌﺎﻟﻰ ﻭﻳﺎﻧﺎ ﺗﻌﻴﺰﺯﺗﻲ ﻣﺎ ﺗﺒﻴﻦ ..
ﻫﻴﺎﻡ : ﻭﺍﻧﺎ ﻟﻲ ﺑﺎﺭﺽ ﻋﺒﺎﻟﺞ ﺍﺭﻭﻭﺡ ﻣﻼﻫﻲ ﻭﻳﺎﻛﻢ .. ﺟﻮﻓﻲ ﻃﻮﻟﻲ
ﺟﻨﻲ ﺍﺑﻘﺮﺓ ..
ﺍﻡ ﻋﻠﻲ ﺑﺴﺨﺮﻳﺔ : ﺍﻟﺒﻘﺮﺓ ﻣﺘﻮﻭﻥ ﺍﻧﺘﻲ ﺍﻻ ﺯﺭﺍﻓﻪ
ﻫﻴﺎﻡ : ﻻ ﻭﺍﻟﻠﻪ ﻭﺍﺗﻌﺪﻟﻴﻨﻬﺎ ﻟﻲ ...
ﺍﻡ ﻋﻠﻲ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ﺷﺪﺭﺍﻧﻲ ﻋﻨﺞ .. ﺷﻌﻨﻪ ﻣﻌﺼﺒﻪ ﺭﻭﺣﺞ
ﻭﺧﺎﻃﺮﺝ ﻟﻮ ﺍﺗﺼﻄﺮﻳﻦ ﻋﻤﺮﺝ
ﻫﻴﺎﻡ ﻭﻫﻲ ﺗﻮﻗﻒ ﺑﻤﻠﻞ ﺟﺪﺍﻡ ﺍﻣﻬﺎ : ﺍﻭﻑ ﺍﻭﻑ ﺍﻭﻑ ﻭﺍﻟﻠﻪ ﺍﻥ
ﺧﺎﻃﺮﻱ . ﻭﻳﻨﻬﺎ ﻳﺪﺝ ﺻﻄﺮﻳﻨﻲ ..
ﺍﻡ ﻋﻠﻲ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ﻭﻋﻠﻴﻪ ﺑﻨﺘﻲ ﺣﺒﻴﺒﺘﻲ ﻣﺎ ﻳﺴﺴﻮﻯ
ﻋﻠﻴﺞ .. ﻗﻠﺖ ﻟﺞ ﺧﻠﻴﻨﺎ ﺍﻧﻌﺮﺳﺞ ﻣﺎ ﺭﺿﻴﺘﻲ ..
ﻫﻴﺎﻡ : ﺍﻭﻑ ﻭﺍﻟﻠﻪ ﺍﻧﻲ ﻏﺒﻴﺔ ﻟﻮ ﻋﺮﺳﻴﺖ ﻭﻻ ﻇﻠﻴﺖ ﻫﺎﻟﻠﻮﻥ ﺑﻘﻬﺮ
ﻭﻋﻮﺍﺭ ﺭﺍﺱ .. ﻋﺎﻻﻗﻞ ﻓﻲ ﻭﺍﺣﺪ ﺍﺳﻨﺪﺭ ﺭﺍﺳﻪ ..
ﺍﻡ ﻋﻠﻲ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺷﺪﻋﻮﺓ ﻳﻌﻨﻲ ﺍﻧﺘﻲ ﻣﺐ ﻣﺴﻨﺪﺭﻯ
ﺭﺍﺳﻨﺎ .. ﻳﺎﻟﻠﻪ ﺣﺒﻴﺒﺘﻲ ﺭﻭﺣﻲ ﻗﻌﺪﻱ ﺍﺧﻮﺍﻧﺞ ﻭﺍﺑﻮﻭﻭﺝ ﺧﻠﻴﻬﻢ ﻳﻨﺰﻟﻮﻥ
ﻳﺘﺮﻳﻘﻮﻭﻥ ..
ﻫﻴﺎﻡ : ﺍﻥ ﺷﺎﺀ ﺍﻟﻠﻪ ..
ﻫﺬﻱ ﺻﻮﺭﺓ ﻣﻦ ﺻﻮﺭ ﺍﻟﺘﻌﺎﻣﻞ ﺍﻻﺳﺮﻱ ﻓﻲ ﺑﻴﺖ ﻫﻴﺎﻡ .. ﺻﺪﺍﻗﺔ
ﻭﻣﺤﺒﺔ ﻭﺗﻜﺎﻧﻒ .. ﻳﻌﻨﻲ ﺍﻡ ﻫﻴﺎﻡ ﻭﺍﺑﻮﻫﺎ ﻣﺎ ﺣﺴﺴﻮﻫﺎ ﻳﻮﻡ ﺍﻧﻬﺎ
ﺑﺮﻭﺣﻬﺎ ﻓﻲ ﺍﻟﺒﻴﺖ ﻳﺎﻣﺎ ﺍﻣﻬﺎ ﻛﺎﻧﺖ ﻛﺎﺗﻤﺔ ﺍﺳﺮﺍﺭﻫﺎ ﻭﺍﻟﻠﻲ ﺗﻘﻮﻝ ﻟﻬﺎ
ﻛﻞ ﺷﻲ .. ﻭﺍﻣﻬﺎ ﻗﺒﻞ ﻻ ﺗﻜﻮﻥ ﺍﻣﻬﺎ ﻛﺎﻧﺖ ﺻﺪﻳﻘﺘﻬﺎ ﺍﻟﻠﻲ ﺗﻘﺪﺭ ﺗﺤﻂ
ﺭﺍﺳﻬﺎ ﻋﻠﻰ ﺟﺘﻔﻬﺎ ﻭﺗﺸﻜﻲ ﻛﻞ ﺍﻟﻠﻲ ﺑﺴﺪﺭﻫﺎ .. ﻟﻜﻦ ﻫﻴﺎﻡ ﻣﺎ ﻗﺪﺭﺕ
ﺣﺲ ﺍﻣﻬﺎ ﺍﻭ ﻳﻤﻜﻦ ﺍﺳﺘﺤﺖ ﺍﻭ ﻣﺮﺍﻋﺎﺓ ﻟﻤﺸﺎﻋﺮﻫﺎ ﻣﺎ ﺧﺒﺮﺗﻬﺎ ﻳﻮﻡ
ﻋﻦ ﺯﻳﺎﺩ ﺍﻻ ﺍﻟﻘﻠﻴﻞ .. ﻳﻤﻜﻦ ﻻﻥ ﻛﺜﺮﺗﻪ ﺑﻴﺄﺩﻳﻬﺎ ﻟﻤﺸﺎﻛﻞ .. ﻻﻥ ﻣﻬﻤﺎ
ﻛﺎﻥ ﺍﻻﻫﻞ ﻻ ﻋﺮﻓﻮﺍ ﺍﻥ ﺑﻨﺘﻬﻢ ﻣﺘﻌﻠﻘﺔ ﻓﻲ ﻭﺍﺣﺪ ﺑﻴﺒﻌﺪﻭﻧﻬﺎ ﻋﻨﻪ
ﺑﺸﺘﻰ ﺍﻟﻄﺮﻕ .. ﻣﻮ ﻋﺸﺎﻥ ﺷﻲ ﻋﺸﺎﻥ ﻣﺼﻠﺤﺔ ﺑﻨﺘﻬﻢ .. ﻭﻣﺜﻞ ﻣﺎ
ﻳﻘﻮﻝ ﺍﻟﻤﺜﻞ .. ﺍﻟﺒﺎﺏ ﺍﻟﻠﻲ ﺍﻳﻴﻚ ﻣﻨﻪ ﺍﻟﺮﻳﺢ ﺗﺴﺪﻩ ﻭﺗﺴﺘﺮﻳﺢ ..
ﺭﺍﺣﺖ ﻓﻮﻕ ﻫﻴﺎﻡ ﻭﻫﻲ ﺗﻮﻋﻲ ﺍﻟﺠﻴﺶ ﺍﻟﺼﻐﻴﺮ ﺍﻟﻤﻜﻮﻥ ﻣﻦ ﺍﺧﻮﻫﺎ
ﻋﻠﻲ ﻭﺍﺧﺘﻴﻬﺎ ﺍﻟﺘﻮﺃﻡ ﻫﻴﺎ ﻭﻫﺎﻟﺔ .. ﻭﺍﺑﻮﻫﺎ ﺍﻟﻠﻲ ﻧﻮﻣﻪ ﻛﺎﻥ ﻋﻤﻴﻖ
ﻟﺪﺭﺟﺔ ﺍﻧﻪ ﻳﺒﻴﻠﻪ ﺻﻔﺎﺭﺓ ﺍﻧﺬﺍﺭ ﺗﻮﻗﻈﻪ ... ﻟﻜﻨﻪ ﺑﺎﻻﺧﻴﺮ ﻃﺎﻉ ﻭﻧﺰﻝ ..
ﻭﻫﻴﺎﻡ ﺑﻌﺪ ﻭﻳﺎﻫﻢ ﺑﺲ ﻗﺒﻞ ﻻ ﺗﻨﺰﻝ ﺭﺍﺣﺖ ﻋﻨﺪ ﺩﺍﺭﻫﺎ ﺗﺴﻜﺮ ﺍﻟﺒﺎﺏ ..
ﻟﻜﻨﻬﺎ ﺷﺎﻓﺖ ﺷﻲ ﻳﻮﻟﻊ ﻋﻨﺪ ﺍﻟﻜﻤﺒﻴﻮﺗﺮ .. ﻣﺤﺎﺩﺛﺔ ﻣﻦ ﺍﻟﻤﺴﻨﺠﺮ .. ﻣﻦ
ﻳﺎ ﺭﺑﻲ؟؟ ﻻ ﻳﻜﻮﻥ ﺍﺣﺪ ﻣﻦ ﻫﻠﻲ ﻓﻲ ﺍﻟﺒﺤﺮﻳﻦ؟؟؟
ﺭﺍﺣﺖ ﻋﻨﺪﺍﻟﻜﻤﺒﻴﻮﺗﺮ ﻭﺷﺎﻓﺖ ﺍﻭﻝ ﺍﻟﺘﻮﺑﻴﻚ ﻳﻮﻟﻊ .. >< ﻳﺎ ﺻﺎﺣﺒﻲ
ﺷﻮﻑ ﺍﻟﺪﻫﺮ >< ﻭﻣﺎ ﺻﺪﻗﺖ ﺧﺒﺮ .. ﻭﻋﻠﻰ ﻃﻮﻝ ﻗﻌﺪﺕ ﻋﻠﻰ
ﺍﻟﻜﺮﺳﻲ ..
ﻛﺎﻥ ﻛﺎﺗﺐ ﻟﻬﺎ : good morrow ﻋﻠﻰ ﻃﺮﻳﻘﺔ ﺍﻟﺸﻜﺴﺒﻴﺮﻳﺔ
ﺇﺳﺎﻟﻨﻲ ﻟﻮ ﺣﺒﻴﺖ : ﺻﺒﺎﺍﺍﺍﺍﺡ ﺍﻟﻨﻮﺭ؟ ..
ﻳﺎ ﺻﺎﺣﺒﻲ : ﺍﻭﻭﻩ ﺍﻧﺘﻲ ﺍﻫﻨﻲ ...
ﺇﺳﺎﻟﻨﻲ ﻟﻮ ﺣﺒﻴﺖ : ﺍﻱ ﺍﻧﻪ ﻫﻨﻲ ... ﺍﻧﺖ ﺑﻌﺪ ﺍﻫﻨﻲ؟؟
ﻳﺎ ﺻﺎﺣﺒﻲ : ﺍﻧﺎ ﻋﻠﻰ ﻃﻮﻝ ﺍﻫﻨﻲ .. ﺍﺩﻭﺭ ﻧﺎﺭ ﺍﺣﺎﺟﻴﻬﻢ ﻟﻜﻦ ﺍﺑﺪ ..
ﻣﺎﻛﻮ ﺍﺣﺪ ﻣﺴﺘﻌﺪ ..
ﺍﺑﺘﺴﻤﺖ ﻫﻴﺎﻡ ﺑﻘﻬﺮ .. ﻳﻌﻨﻲ ﻛﺎﻥ ﻫﻨﻲ ﻃﻮﻝ ﺍﻟﻮﻗﺖ .. ﻭﺣﺎﻃﻨﻲ ﻋﻠﻰ
ﺍﻟﺒﻠﻮﻙ .. ﻟﻜﻦ ﺍﻧﺎ ﺳﻮﻳﺖ ﻟﻪ ﺑﻠﻮﻙ ﻭﺩﻳﻠﻴﺖ ... ﻳﻌﻨﻲ ﻣﺘﻌﺎﺩﻟﻴﻦ : ﻋﻠﻰ
ﺍﻟﻌﻤﻮﻡ .. ﺍﻧﺎ ﺑﺨﻠﻴﻚ ﺍﻟﺤﻴﻦ ﺑﺮﻭﺡ ﺍﺗﺮﻳﻖ !!
ﻳﺎ ﺻﺎﺣﺒﻲ : ﺭﻳﻮﻕ ﻫﺎﻟﺤﺰﺓ ﺷﻌﻨﺪﻛﻢ؟؟؟
ﺳﻤﺎﺀ : ﻣﺎ ﻋﻨﺪﻧﺎ ﺷﻲ ﺑﺲ ... ﺟﺬﻱ ﻣﺎ ﻋﻨﺪﻧﺎ ﺳﺎﻟﻔﻪ .. ﻧﻈﻴﻊ ﻭﻗﺖ
ﻗﻠﻨﺎ ﺑﻨﺘﺮﻳﻖ
ﻳﻌﻨﻲ ﺷﻠﻮﻥ ﺷﻌﻨﺪﻧﺎ ﺍﻟﻨﺎﺱ ﻣﻦ ﺗﻘﻌﺪ ﺍﻟﺼﺒﺢ ﺗﻔﻄﺮ ..
ﻳﺎ ﺻﺎﺣﺒﻲ : ﻫﻬﻬﻬﻬﻬﻬﻬﻬﻬﻬﻬﻬﻬﺎﺍﺍﻱ .. ﺣﻠﻮﺓ ﻫﺬﻱ ..
ﺇﺳﺎﻟﻨﻲ : ﻋﻠﻰ ﺻﺎﺣﺒﺘﻬﺎ ..
ﻳﺎ ﺻﺎﺣﺒﻲ : ﺍﻛﻴﺪ ... ﻣﺎ ﺍﺑﻲ ﺍﻋﻄﻠﺞ .. ﺭﻭﺣﻲ ﺗﺮﻳﻘﻲ ﻭﺍﻥ ﺷﺎﺀ ﺍﻟﻠﻪ
ﻟﻨﺎ ﻟﻘﺎﺀ ﻳﺪﻳﺪ ..
ﺇﺳﺎﻟﻨﻲ : ﺍﻥ ﺷﺎ ﺍﻟﻠﻪ .. ﻳﺎﻟﻠﻪ .. ﺗﺸﺎﻭ ﺗﺸﺎﻭ ..
ﻳﺎ ﺻﺎﺣﺒﻲ : ﻓﻲ ﺣﻔﻆ ﺍﻟﻠﻪ ﻭﺭﻋﺎﻳﺘﻪ ..
ﻋﻈﺖ ﻫﻴﺎﻡ ﻋﻠﻰ ﺷﻔﺎﺗﻬﺎ ﺍﻟﺘﺤﺘﻴﻪ .. ﻳﻌﻨﻲ ﻳﺒﻲ ﻳﺒﻂ ﺟﺒﺪﻱ .. ﻟﻜﻦ
ﻣﺐ ﻋﻠﻲ ﺍﻧﺎ ... ﻳﺎﺯﻋﻢ ﻳﻌﺮﻑ ﻟﻼﺻﻮﻝ ... ﺳﻜﺮﺕ ﺍﻟﻤﺴﻨﺠﺮ ﻭﻫﻲ
ﺗﺤﺲ ﺑﺎﻟﻔﺮﺡ .. ﻣﺎ ﺗﺪﺭﻱ ﻟﻴﺶ .. ﻭﻛﺎﻥ ﺑﺎﻟﻬﺎ ﺍﺭﺗﺎﺡ .. ﻭﺍﺧﻴﺮﺍ ﻛﻠﻤﺘﻪ ..
ﻟﻜﻦ ﺗﻌﺎﻝ .. ﻣﻊ ﺍﻧﻲ ﻣﺎ ﺍﻋﺘﺬﺭﺕ ﻟﻪ .. ﺑﺲ ﻳﺎﻟﻠﻪ ﺍﻫﻮ ﺑﺮﻭﺣﻪ ﻣﺎﺷﺎ ﺀ
ﺍﻟﻠﻪ ﻋﻠﻴﻪ ﺣﺒﻮﺏ ﻭﺷﻜﻠﻪ ﻧﺴﻰ .. ﻳﻌﻨﻲ ﺍﻧﺎ ﺳﻮﻳﺖ ﻭﺍﻫﻮ ﺳﻮﻯ ..
ﻣﺘﻌﺎﺩﻟﻴﻦ ... ﻭﻱ ﻭﺍﺧﻴﺮﺍ ...
ﺍﺭﺗﺎﺣﺖ ﻫﻴﺎﻡ ﻣﻦ ﺍﻟﻬﻢ ﺍﻟﻠﻲ ﻛﺎﻥ ﻓﻴﻬﺎ .. ﻭﻧﺰﻟﺖ ﺗﺤﺖ ﻟﺒﻴﺘﻬﻢ ﺑﺸﻜﻞ
ﺛﺎﻧﻲ ﺍﻭ ﺑﻨﻔﺴﻴﻪ ﺛﺎﻧﻴﺔ .. ﻣﺒﺘﺴﻤﺔ ﻭﻣﺘﺴﺎﻣﺤﺔ ﻭﻓﻮﻕ ﻛﻞ ﻫﺬﺍ ..
ﻣﺘﺤﻤﻠﺔ ﺍﺧﻮﺍﻧﻬﺎ ﺍﻟﻠﻲ ﻣﻌﺮﻭﻑ ﻋﻨﻬﻢ ﻗﺎﺩﺓ ﺍﻟﺸﻄﺎﻧﺔ ﻓﻲ ﺍﻟﻌﺎﺋﻠﺔ ..
ﺍﻡ ﻋﻠﻲ : ﺍﺷﻔﻴﺞ ﺭﺣﺘﻲ ﻣﺒﺮﻃﻤﺔ ﻭﺭﺩﻳﺘﻲ ﺑﺎﺑﺘﺴﺎﻣﺔ ﺳﻘﻨﻞ ﺗﻮﻭ
ﻫﻴﺎﻡ : ﻓﻜﺮﺕ ﻓﻴﻬﺎ ﻣﺎﻣﺎ .. ﻳﻌﻨﻲ ﻟﻴﺶ ﺍﻋﻮﺭ ﺭﺍﺳﻲ ﻭﺍﺣﺮﻕ ﺍﻋﺼﺎﺑﻲ
ﻋﻠﻰ ﺍﺷﻴﺎﺀ ﻭﺍﻟﻠﻪ ﺍﻟﻌﻈﻴﻢ ﻣﺎ ﺗﺴﻮﻯ ... ﺍﻟﺪﻧﻴﺎ ﻳﻮﻣﻴﻦ .. ﻳﻮﻡ ﻟﻨﺎ ﻭﻳﻮﻡ
ﻋﻠﻴﻨﺎ .. ﻭﺍﻧﺎ ﺍﺣﺲ ﺍﻥ ﺍﻟﻴﻮﻡ ﺍﻟﻠﻲ ﻟﻨﺎ ﻻﺯﻡ ﻧﺴﺘﻤﺘﻊ ﻓﻴﻪ .. ﺻﺢ ﺑﺎﺑﺎ ..
ﺍﺑﻮ ﻋﻠﻲ ﻣﻦ ﻏﻴﻴﺮ ﻣﺎ ﻳﺮﻓﻊ ﻋﻴﻮﻧﻪ ﻭﻫﻮ ﻳﻘﺮﻯ ﺍﻟﺠﺮﻳﺪﺓ : ﺻﺒﺤﺔ
ﺧﻼﺹ ﺑﻨﺸﻴﻞ ﺍﻻﻧﺘﺮﻧﺖ ﻣﻦ ﻋﻨﺪ ﺑﻨﺘﺞ ﺗﺮﻯ ﻛﻞ ﻫﺎﻟﺴﻮﺍﺍﺍﺍﺍﺕ ﻣﻨﻪ ..
ﺍﻡ ﻋﻠﻲ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺗﺒﻲ ﺍﻻﻧﻘﻼﺏ ﺍﺻﻴﺮ ﻓﻲ ﺑﻴﺘﻨﺎ ﻻ
ﺍﺑﻮﻱ ﺧﻠﻪ ﺧﻠﻪ .. ﻭﻻ ﺗﻜﺸﺮ ﺑﻨﺘﻲ ﺣﺒﻴﺒﺔ ﻗﻠﺒﻲ ..
ﻋﻠﻲ : ﺷﻮﻱ ﺷﻮﻱ ﺍﺣﻨﺎ ﻫﻨﻲ ﺑﻌﺪ ﺍﻭﻛﻴﻪ ..
ﺍﻡ ﻋﻠﻲ : ﻭﻱ ﻋﺎﺩ ﺍﻧﺘﻨﻮﺭ ﻫﺎﻟﺒﻴﺖ ..
ﺗﺸﻘﻖ ﻋﻠﻲ ﻭﺍﻟﺒﻨﺘﻴﻦ ﺛﺎﺭﻭ ﻭﺑﻨﻔﺲ ﺍﻟﻮﻗﺖ ﺗﻜﻠﻤﻮﺍ : ﻭﺍﺣﻨﺎﺍﺍﺍﺍﺍﺍﺍﺍﺍﺍﺍﺍﺍﺍﺍ
ﺍﻡ ﻋﻠﻲ : ﺍﻧﺘﻮﻭﻭ ﺷﻤﻮﻉ ﻫﺎﻟﺒﻴﺖ ﻳﺎ ﺑﻌﺪ ﺍﻣﻲ ﻭﺍﺑﻮﻱ ..
ﺍﻟﻜﻞ ﺿﺤﻚ ﻋﻠﻰ ﻫﺎﻟﻜﻼﻡ ﺍﻟﺤﻠﻮ ﻣﻦ ﺍﻻﻡ ﻭﻫﻴﺎﻡ ﺍﻟﻠﻲ ﻛﺎﻧﺖ ﻓﺮﺣﺎﻧﺔ
ﺍﻛﺜﺮﻫﻢ .. ﻭﺍﺧﻴﺮﺍ ﺗﻜﻠﻤﺖ ﻣﻌﺎﻩ .. ﺍﻟﻈﺎﻫﺮ ﺍﻧﻪ ﺷﺨﺺ ﺣﺒﻮﺏ ﻭﻳﺤﺐ
ﻳﻌﺎﻣﻞ ﺍﻟﻨﺎﺱ ﻣﺜﻞ ﻣﺎ ﻳﻌﺎﻣﻠﻮﻧﻪ ﺣﺘﻰ ﻟﻮ ﻛﺎﻥ ﺑﺎﻟﺸﺮ .. ﻳﻌﻨﻲ ﺍﻫﻮ ﺻﺞ
ﺣﺸﺮﻱ ﺷﻮﻱ ﻟﻜﻨﻪ ﻃﻴﺐ ... ﺍﺍﺍﺍﺥ ﻋﻠﻴﻚ ﻳﺎ ﺯﻳﺎﺩ ﻟﻮ ﺍﻧﺖ ﺑﺲ ﺍﻟﻠﻲ
ﺗﻜﻠﻤﻨﻲ ﻣﻮ ﺍﻫﻮ .. ﻭﺍﻟﻠﻪ ﺟﺎﻥ ﺍﻋﺒﺮ ﻟﻚ ﻋﻦ ﺍﻟﻠﻲ ﻓﻲ ﻗﻠﺒﻲ ﻛﻠﻪ ...
ﻭﺍﺧﻠﻴﻚ ﺗﻔﻬﻢ .. ﺍﻥ ﻓﻲ ﻫﺎﻟﺪﻧﻴﺎ ﻗﻠﺐ ﻳﻨﺒﺾ ﺑﺲ ﻋﺸﺎﻧﻚ ..
---------------------------------------
ﺍﻟﺴﺎﺑﻌﺔ ﺍﺭﺑﻊ ﺍﻟﻌﺼﺮ ﺑﺘﻮﻗﻴﺖ ﺍﻟﻜﻮﻳﺖ ..
ﺑﻴﺖ ﺑﻮ ﺟﺮﺍﺡ ﺍﻟﻠﻲ ﻛﺎﻥ ﻋﺎﻣﺮ ﺍﻟﻴﻮﻡ ﺻﺎﺭ ﺑﺤﺎﻟﻪ ﻳﺮﺛﻰ ﻟﻬﺎ .. ﻭﺍﻡ
ﺟﺮﺍﺡ ﺍﻟﻠﻲ ﻣﺎ ﺻﺪﻗﺖ ﺍﻥ ﺑﻴﺘﻬﺎ ﻳﺼﻴﺮ ﺟﺬﻱ ﻣﺎﻗﺪﺭﺕ ﺗﻮﻗﻒ
ﺩﻣﻮﻋﻬﺎ .. ﻭﺟﺮﺍﺡ ﻳﻬﺪﻱ ﻓﻴﻬﺎ ﻭﻳﺴﻜﻦ ﻓﻴﻬﺎ ﻭﺍﺑﺪ ﻣﺎﻛﻮﻭ ﺍﻱ ﻣﺠﺎﻝ
ﻟﻠﺘﺼﻠﻴﺢ .. ﺍﻟﺤﺮﻣﺔ ﻣﻮ ﻗﺎﺩﺭﺓ ﺍﺗﺤﻤﻞ ﻣﺸﻬﺪ ﺑﻴﺘﻬﺎ .. ﻳﻌﻨﻲ ﺷﺎﻟﺤﻞ ﻳﺎ
ﺭﺑﻲ ؟؟؟ ﻭﺧﺎﻟﺪ ﺍﻟﻠﻲ ﺍﻛﺜﺮﻫﻢ ﻓﺮﺣﺎﻥ ﺑﻬﺎﻟﺸﻲ ﻳﻜﺴﺮ ﻭﻳﺎ ﺍﻟﻬﻨﻮﺩ ﺍﻟﻠﻲ
ﻳﺎﻳﻴﻦ ﻭﻣﺎﺧﺬﻩ ﺍﻟﺤﻤﺎﺱ ﻭﻳﺎ ﻋﺰﻳﺰ .. ﻓﺮﺣﺎﻧﻴﻦ ﺍﻥ ﺑﻴﺘﻬﻢ ﺍﻟﺨﺮﺏ
ﺍﺧﻴﺮﺍ ﺑﻴﻜﻮﻭﻥ ﻳﺪﻳﺪ ... ﻭﺍﻡ ﺟﺮﺍﺡ ﻛﻞ ﻣﺎ ﻳﻜﺴﺮﻭﻭﻥ ﺷﻲ ﻳﻨﻜﺴﺮ
ﻗﻠﺒﻬﺎ ﺍﻛﺜﺮ ﻭﺍﻛﺜﺮ ..
ﺟﺮﺍﺡ : ﻳﻤﺔ ﺧﻠﻴﻨﻲ ﺍﺧﺬﺝ ﺍﻟﺸﻘﺔ ﻭﺍﻟﻠﻪ ﺍﺣﺴﻦ ﻟﺞ ..
ﺍﻡ ﺟﺮﺍﺡ : ﻻ ﺧﻠﻨﻲ ﺍﻫﻨﻲ .. ﺧﻠﻨﻲ ﺍﺷﻮﻑ ﺳﻮﺍﻳﺎﻙ .. ﺧﻠﻨﻲ ﺍﺷﻮﻑ
ﺷﺴﻮﻳﺖ ﻓﻲ ﺑﻴﺘﻲ .. ﻳﻌﻠﻚ ﺍﻟﺴﻌﺎﺩﺓ ﺷﻮﻑ ﺷﻘﺎﻋﺪﻳﻦ ﻳﺨﺮﺑﻄﻮﻥ
ﺑﺪﺍﺭﻱ .. ﻳﺎﻟﻠﻪ ﻗﻠﺒﻲ ﻣﺎ ﺍﻗﺪﺭ ﺍﺗﺤﻤﻞ ..
ﺟﺮﺍﺡ : ﻳﻤﺔ ﻳﻌﻨﻲ ﺍﻧﺘﻲ ﺍﻟﻠﻪ ﻳﻬﺪﺍﺝ
ﺍﻡ ﺟﺮﺍﺡ : ﺑﺲ ﻭﻻ ﻛﻠﻤﺔ .. ﺣﺘﻰ ﺍﻻﺛﺎﺙ ﺧﻠﻴﺘﻬﻢ ﻳﻘﻄﻮﻧﻪ ﻭﺍﻟﻠﻪ ﻣﻦ
ﻭﻳﻦ ﻟﻚ ﺍﻧﺖ ﺗﺄﺛﺚ ﺍﻟﺒﻴﺖ ﻣﻦ ﻳﺪ ﻭﻳﺪﻳﺪ ..
ﺟﺮﺍﺡ : ﻣﻦ ﻭﻳﻦ ﻟﻲ؟؟ ﺍﻟﻠﻪ ﺍﻟﺮﺯﺍﻕ ﻳﻤﺔ ﻭﺍﻟﺨﻴﺮ ﻭﻧﻌﻢ ﺑﺎﻟﻠﻪ ﻭﺍﻳﺪ ..
ﻳﺎﻟﻠﻪ ﺍﻧﺎ ﺑﺨﻠﻴﻜﻢ ﺍﻟﺤﻴﻦ ﺍﻟﻴﻮﻡ ﺑﺮﻭﺡ ﺍﻟﻮﺭﺷﺔ ﺑﺸﻮﻓﻬﺎ ﻭﺑﺠﻴﻚ ﺍﻟﻌﻤﺎﻝ
ﺑﻌﺪ ﻣﺮﺓ ﻭﺣﺪﻩ ..
ﺍﻡ ﺟﺮﺍﺡ : ﺍﺍﺍﺥ ﻳﺎ ﺑﻴﺘﻲ ﺍﺍﺍﺍﺥ
ﺟﺮﺍﺡ : ﻳﺎﻟﻠﻪ ﻳﻤﺔ ﺧﻠﻴﻨﻲ ﺍﻗﻄﺞ ﺍﻟﺒﻴﺖ ﻣﻨﻮﻭﺭ ﻫﻨﺎﻙ ﺑﺮﻭﺣﻬﺎ ﻭﻳﺎ
ﺳﻤﺎﻫﺮ ﺍﺧﺎﻑ ﻳﺴﺘﺨﻔﻮﻥ ﻣﻦ ﺣﻼﻩ ﺍﻟﺸﻘﺔ ..
ﺍﻡ ﺟﺮﺍﺡ ﻭﻫﻲ ﺗﻬﺰ ﺭﺍﺳﻬﺎ ﺑﺄﺳﻒ : ﻟﻴﺘﻨﻲ ﻣﺎ ﻃﻌﺘﻚ ... ﻟﻴﺘﻨﻲ ﻣﺎ
ﺳﻤﻌﺖ ﻛﻼﻣﻚ .... ﻫﺬﻱ ﺍﺧﺮﺗﻬﺎ ﺍﻟﻠﻲ ﻳﺴﻤﻊ ﻟﻠﺼﻐﺎﺭ ..
ﺟﺮﺍﺡ : ﺑﻌﺪ ﺻﻐﺎﺭ .. ﻳﺎﻟﻠﻪ ﻣﻌﻠﻴﻪ ﻣﺴﻤﻮﻭﺣﺔ ( ﻭﻫﻮ ﻳﺼﻮﺕ ﻋﻠﻰ
ﺧﺎﻟﺪ ) ﺧﺎﻟﺪ .. ﺧﺎﻟﺪ .. ﺧﺎﺍﺍﺍﺍﺍﺍﺍﺍﺍﺍﺍﺍﻟﺪ ..
ﺍﻟﻤﺨﺒﻞ ﺧﺎﻟﺪ ﻳﻠﺘﻔﺖ ﻟﻪ : ﻫﺎﺍﺍﺍﺍﺍﺍﺍﺍﺍﺍﺍﺍﺍ؟؟؟
ﺟﺮﺍﺡ ﺑﺼﻮﺕ ﻋﺎﻟﻲ : ﺣﻂ ﺑﺎﻟﻚ ﻋﻠﻰ ﻋﺰﻭﻭﻭﻭﻭﺯ ﺑﺎﺧﺬ ﺍﻣﻲ ﺍﻟﺸﻘﺔ
ﻭﺑﺮﻭﺡ ﺍﻟﻮﺭﺷﺔ ﻭﺑﺮﺩ ﻟﻜﻢ ..
ﺧﺎﻟﺪ ﺑﺼﺮﺍﺍﺍﺥ : ﺍﻭﻭﻭﻭﻭﻭﻛﻴﻴﻴﻴﻴﻴﻴﻴﻴﻴﻴﻴﻴﻴﻪ
ﺟﺮﺍﺡ : ﺗﻘﻮﻟﻴﻦ ﻟﻲ ﺍﻧﺎ ﻣﻴﻨﻮﻥ ﺷﻮﻓﻲ ﻫﺬﺍ ﺍﻟﻠﻲ ﺗﺨﺒﻞ ﻣﻦ ﻳﻮﻡ ﻛﺴﺮﻧﺎ
ﺍﻟﺒﻴﺖ .. ﻭﻛﺎﻧﻪ ﻳﻨﺘﻘﻢ ..
ﺍﻡ ﺟﺮﺍﺡ : ﻳﻌﻠﻨﻲ ﺍﻋﺮﺳﻜﻢ ﻭﺍﻓﺘﻚ ﻣﻨﻜﻢ ..
ﺍﺭﺗﺒﺶ ﺟﺮﺍﺡ ﻣﻦ ﺳﻤﻊ ﻫﺎﻟﻜﻠﻤﺔ .. ﻟﻜﻦ ﺗﻮﻩ ﺍﻟﻨﺎﺱ .. ﻣﺎ ﺑﻴﻘﻮﻝ ﻻﻣﻪ
ﻣﻦ ﺍﻟﺤﻴﻦ .. ﻻﺯﻡ ﻳﻨﺘﻈﺮ ﻓﺘﺮﺓ ﺷﻮﻱ ﻋﻠﻰ ﺍﻻﻗﻞ ﺑﺲ ﻳﺰﻫﺐ ﺍﻟﺒﻴﺖ
ﻭﻳﺰﻫﺐ ﻗﺴﻤﻪ ﺍﻟﻠﻲ ﺻﻤﻤﻪ ﻭﻳﺎ ﺍﻟﻤﻬﻨﺪﺳﻴﻦ ﻭﻣﺎ ﺭﺍﺡ ﻳﺄﺛﺮ ﻋﻠﻰ
ﻣﺴﺎﺣﺔ ﺍﻟﺒﻴﺖ ﺍﺑﺪﺍ .. ﺑﺎﻟﻌﻜﺲ ﺭﺍﺡ ﻳﺘﻮﺳﻊ ﻣﻦ ﻭﺭﻯ ﺷﻮﻱ .. ﻻﻥ
ﺍﻟﺒﻴﺖ ﻛﺒﻴﺮ ﺑﺲ ﻭﺍﻳﺪ ﺍﻏﺮﺍﺽ ﺍﻟﺤﻴﻦ ﻻ ﺳﻮﻭﻭﻩ ﻭﻋﺪﻭﻭﻟﻪ ﻛﻞ ﺷﻲ
ﺑﻴﺘﻌﺪﻝ .. ﺑﺲ ﻳﺰﻫﺐ ﺍﻟﺒﻴﺖ . ﻋﻠﻰ ﻃﻮﻝ .. ﻃﻴﺮﺍﻥ ﻟﺒﻴﺖ ﻣﺮﻳﻢ
ﻭﻳﺨﻄﺒﻬﺎ ﻭﻏﺼﺐ ﻋﻨﻬﻢ ﻳﻮﺍﻓﻘﻮﻥ ﺑﻬﺬﺍﻙ ﺍﻟﻮﻗﺖ .. ﻭﺍﻥ ﻣﺎ ﻭﺍﻓﻘﻮﺍ ..
ﺑﺨﻄﻔﻬﺎ ﻭﺑﺘﺰﻭﺟﻬﺎ ﻓﻲ ﺗﺎﻳﻼﻧﺪ ﻭﺑﺮﺩ .. ﻭﺍﻟﻠﻪ ﺍﻧﺎﺳﺔ ﻣﺨﻲ ﻓﻠﻠﻠﻠﻢ ..
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﻣﻦ ﺑﻌﺪ ﻣﺎ ﺭﺍﺡ ﺟﺮﺍﺡ ﻭﻳﺎ ﺍﻣﻪ ﻟﻠﺸﻘﺔ ﻳﺎﺕ ﺳﻴﺎﺭﺓ ﺑﻴﺖ ﺍﻟﻨﻬﻴﺪﻱ
ﻭﻫﻲ ﻣﺤﻤﻠﺔ ﺑﺴﻤﺎﺀ ﺍﻟﻠﻲ ﻳﻮﻡ ﺷﺎﻓﺖ ﺑﻴﺖ ﺑﻮ ﺟﺮﺍﺡ ﻓﺘﺤﺖ ﺛﻤﻬﺎ ...
ﺍﻟﺘﺼﻠﻴﺢ ﺟﺬﻱ ﻳﺴﻮﻱ؟؟؟ ﻫﺬﺍ ﺍﻟﺒﻴﺖ ﺻﺎﺭ ﺩﻣﺎﺍﺍﺍﺭ .. ﻭﻭﻳﻦ ﺍﻫﻠﻪ؟؟
ﻓﻲ ﺍﻟﺒﻴﺖ ﻭﻻ ..
ﻃﻠﻌﺖ ﻣﻦ ﺍﻟﺴﻴﺎﺭﺓ ﻭﻫﻲ ﻣﻮ ﻣﺼﺪﻗﺔ .. ﻭﺭﺍﺣﺖ ﻋﻨﺪ ﺍﻟﺮﺻﻴﻒ ﺍﻟﻠﻲ
ﻳﻤﻪ ﻭﻫﻲ ﺗﻨﺎﻇﺮ ﺑﺬﻫﻮﻭﻝ ﻟﻠﺒﻴﺖ ﺍﻟﺤﻨﻮﻥ ﺍﻟﺪﺍﻓﻲ ﻳﺘﺤﻮﻝ ﺍﻟﻰ
ﺣﻄﺎﻡ .. ﺣﺴﺒﻲ ﺍﻟﻠﻪ ﻋﻠﻰ ﺍﻟﻠﻲ ﻛﺎﻥ ﺍﻟﺴﺒﺐ ..
ﺧﺎﻟﺪ ﺍﻟﻠﻲ ﺍﻧﺼﻤﺖ ﺍﺫﻧﻪ ﻣﻦ ﺍﻟﺘﻜﺴﻴﺮ ﻗﺮﺭ ﺍﻟﻨﺰﻭﻝ ﺍﺧﻴﺮﺍ ﻭﻟﻜﻦ ﻋﺰﻭﺯﺯ
ﺍﻟﺮﻭﺡ ﺍﻟﻘﺘﺎﻟﻴﺔ ﻇﻞ ﻭﻳﺎ ﺍﻟﻬﻨﻮﺩ .. ﻧﺰﻝ ﺗﺤﺖ ﺧﺎﻟﺪ ﻭﻫﻮ ﻣﻴﺖ ﻣﻦ
ﺍﻟﻌﻄﺶ ﻭﺭﺍﺡ ﻋﻨﺪ ﺍﻟﻜﻮﻟﺮ ﺍﻟﻲ ﻛﺎﻥ ﻣﺼﻔﻮﻑ .. ﻭﺷﺮﺏ ﻣﺎﻱ ... ﻭﺻﺐ
ﻟﻪ ﻣﺮﺓ ﺛﺎﻧﻴﺔ ﻭﺻﺒﺎﻩ ﻋﻠﻰ ﺭﺍﺳﻪ ﻣﻦ ﺷﺪﺓ ﺍﻟﺘﻌﺐ .. ﻭﻫﻮ ﻳﻠﺘﻔﺖ ﺷﺎﻑ
ﺳﻤﺎﺀ ﻭﺍﻗﻔﺔ ﻋﻨﺪ ﺍﻟﺒﺎﺏ ﻭﻋﻠﻰ ﻃﻮﻝ ﺭﺍﺣﺖ ﻟﻬﺎ ... ﻭﻫﻮ ﻳﻔﻮﺷﺮ
ﺑﺎﻝ safety helmet
ﺧﺎﻟﺪ : ﺻﺒﺎﺡ ﺍﻟﺨﻴﺮ ...
ﺳﻤﺎﺀ ﺍﻟﻠﻲ ﺍﻭﻝ ﺷﻲ ﻣﺎ ﻋﺮﻓﺘﻪ ﻟﻜﻦ ﻳﻮﻡ ﺷﺎﻓﺖ ﻣﻼﻣﺤﻪ ﺯﻳﻦ :
ﺷﺴﻮﻳﺘﻮﻭ ﺑﺎﻟﺒﻴﺖ ..
ﺧﺎﻟﺪ ﻭﻫﻮ ﻳﺒﺘﺴﻢ ﺑﻔﺨﺮ : ﻭﺍﻟﻠﻪ ﺍﻧﺎ ﻣﺎ ﺍﺑﻲ ﺍﺷﻬﺪ ﻟﻨﻔﺴﻲ ﺑﺸﻲ ﺑﺲ
ﻭﺍﻟﻠﻪ ﻛﺴﺮﻧﺎﻩ ﺗﻜﺴﻴﺮ ... ﻭﻋﺰﻭﺯ .. ﺍﻟﺒﻠﺪﺯﺭ ﺍﻟﺒﺸﺮﻱ ﻣﺎ ﻗﺼﺮ .. ﺍﻟﻬﻨﻮﺩ
ﺗﺮﻯ ﺧﻘﺎﻕ ﻣﺎ ﺳﻮﻭﻭ ﺷﻲ ﻛﻠﻪ ﺍﺣﻨﺎ ..
ﺳﻤﺎﺀ : ﻭﻓﺮﺣﺎﻥ ..
ﺧﺎﻟﺪ ﺑﻔﺨﺮ : ﻭﺍﻟﻠﻪ ﻧﺤﻤﺪ ﺍﻟﻠﻪ ...
ﺳﻤﺎﺀ ﺑﻘﻬﺮ ﻭﻫﻲ ﺗﺘﺠﺪﻡ ﺻﻮﺑﻪ ﻟﺪﺭﺟﻪ ﺍﻧﻬﺎ ﺍﺟﻔﻠﺘﻪ : ﻗﻮﻝ ﻳﻌﻠﻜﻢ
ﺍﺳﻬﺎﻝ ﻣﺎ ﺗﺸﻔﻮﻥ ﻣﻨﻪ ﺍﻻ ﻟﻤﻦ ﻳﻨﺘﻬﻲ ﺍﻟﺒﻴﺖ .. ﻳﻌﻠﻜﻢ ﺗﻨﺪﺛﺮﻭﻥ
ﻭﺗﻨﺠﻠﻌﻮﻥ .. ﻫﺒﻮﺏ ﻳﻬﺐ ﻋﻠﻰ ﺭﺍﺳﻜﻢ ﻗﻮﻝ ﺍﻣﻴﻦ . ﻟﻴﺶ ﺳﻮﻳﺘﻮ ﻓﻲ
ﺍﻟﺒﻴﺖ ﺟﺬﻱ ﺍﻧﺘﻘﺎﻡ ﻳﺎ ﺫﺍ ﺍﻟﻨﺤﺲ ..
ﺧﺎﻟﺪ : ﺍﻭﻭﻭﺱ .. ﻋﻴﺐ ﺷﻨﻮ ﻫﺎﻟﻜﻼﻡ .. ﻣﻊ ﺍﻥ ﺻﺮﻳﺨﺞ ﺻﻢ ﺍﺫﻧﻲ ﺑﺲ
ﺍﻧﺘﺒﻬﺖ ﻟﺠﻢ ﻛﻠﻤﺔ ﻗﻠﺘﻴﻬﺎ .. ﻋﻴﺐ ﺳﻤﺎﺀ ﻫﺬﺍ ﻭﺍﻧﺎ ﺑﻮ ﻋﻴﺎﻟﺞ ..
ﺳﻤﺎﺀ : ﺑﻮ ﻋﻴﺎﻟﻲ .... ( ﺳﻜﺘﺖ ﺳﻤﺎﺀ ﻻﻧﻪ ﻳﺤﺎﻭﻝ ﻳﻘﺮﺩﻥ ﻭﻫﻲ ﺑﻌﺰ
ﻗﻬﻬﺮﻫﺎ ) ﺗﺼﺪﻕ .. ﻋﻠﻰ ﻫﺎﻟﻠﻲ ﺳﻮﻳﺘﻮﻭﻩ ﻣﺮﺩﻛﻢ ﺑﺘﻨﺪﻣﻮﻥ .. ﺑﻴﺖ
ﺷﺤﻼﺗﻪ ﻳﻨﺒﻊ ﻣﻨﻪ ﺍﻟﺪﻓﺎ ﻭﺍﻟﺤﻨﺎﻥ ﺗﺮﻭﺣﻮﻥ ﺗﻬﺪﻣﻮﻧﻪ ﺟﺬﻱ
ﺧﺎﻟﺪ : ﻋﻼﻣﺞ ﻫﺬﺍﺍ ﺍﻟﺘﺮﻣﻴﻢ ﺟﺬﻱ ﻳﺴﻮﻱ ..
ﺳﻤﺎﺀ : ﺗﺮﻣﻴﻢ .. ﻫﺬﺍ ﺻﺎﺭ ﻣﺨﺘﺒﺮ ﺻﻮﺍﺭﻳﺦ .. ﻻ ﻭﻧﻮﻭﻳﺔ ﺑﻌﺪ ..
ﺣﺴﺒﻲ ﺍﻟﻠﻪ ﻋﻠﻰ ﺑﻠﻴﺴﻜﻢ ..
ﺧﺎﻟﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﺎﺍﻱ ﻳﺤﻠﻴﻠﺞ ﺗﺬﻛﺮﻳﻨﻲ ﺑﻴﺪﺗﻲ ﺍﻟﻠﻪ ﻳﺮﺣﻤﻬﺎ
ﻣﺜﻠﻬﺎ ﺍﺗﻜﻠﻤﻴﻦ .. ﺗﻌﺎﻟﻲ ﻳﺎ ﺧﻠﻒ ﺍﻟﺨﻼﻳﻒ ﻭﺷﻮﻓﻲ ﺷﻠﻮﻥ ﺑﻨﺴﻮﻱ
ﺍﻟﺒﻴﺖ ..
ﺳﻤﺎﺀ : ﻟﻴﺶ ﺍﻟﺒﻴﺖ ﻓﻴﻪ ﻣﺠﺎﻝ ﺍﻥ ﺍﻟﻮﺍﺣﺪ ﻳﻄﻮﻑ ﻓﻴﻪ ..
ﺧﺎﻟﺪ : ﺍﻧﺎ ﺑﻤﺸﻲ ﻭﺍﻧﺘﻲ ﺍﻣﺸﻲ ﻭﺭﺍﻱ .. ﺑﺴﻮﻱ ﻟﺞ ﺩﺭﺏ ..
ﺳﻤﺎﺀ : ﺑﺲ ﻻ ﺗﺘﻌﻮﺭ ..
ﺧﺎﻟﺪ ﻳﻠﺘﻔﺖ ﻟﻬﺎ ﻭﻫﻮ ﻳﺒﺘﺴﻢ ﺑﺒﻼﻫﺔ : ﻟﻴﺶ؟؟ ﺗﺨﺎﻓﻴﻦ ﻋﻠﻲ؟؟
ﺳﻤﺎﺀ : ﻭﻳﻴﻴﻴﻲ ﺍﺧﺎﻑ ﻋﻠﻴﻚ ... ﻳﺎﻟﻠﻪ ﺟﺪﺍﻣﻲ ﺍﺑﻲ ﺍﺟﻮﻭﻭﻑ ..
ﺧﺎﻟﺪ ﻭﻫﻮ ﻳﻌﺬﺑﻬﺎ ﻛﻞ ﻣﺎ ﺗﻤﺸﻲ ﻭﻳﺤﺴﻬﺎ ﺗﻄﻮﻑ ﻳﻮﻗﻒ ﻟﻤﻦ ﺷﻮﻱ
ﻭﺗﻠﺰﻕ ﻓﻴﻪ ﻭﺗﺼﺎﺭﺥ ﻋﻠﻴﻪ ﻭﻫﻮ ﻳﻀﺤﻚ .. ﻭﺍﺧﻴﺮﺍ ﻭﺻﻠﻮﻭﻭ ﻟﺪﺍﺧﻞ
ﺍﻟﺒﻴﺖ ﺍﻟﻠﻲ ﻛﺎﻥ ﺧﺎﻟﻲ ﻣﻦ ﺑﻌﺪ ﻣﺎ ﻛﺎﻥ ﻣﻠﻴﺎﺍﻧﺎ .. ﻭﺍﻟﻤﻄﺒﺦ ﺍﺧﺘﻔﺖ
ﻣﻼﻣﺤﻪ ﺗﻤﺎﻣﺎ ﻻﻥ ﻣﻮﻗﻌﻪ ﺑﻴﺘﻐﻴﺮ ..
ﺳﻤﺎﺀ ﻭﻫﻲ ﺗﻤﺴﻚ ﺭﺍﺳﻬﺎ : ﻭﻳﻦ ﺭﺍﺡ ﺍﻟﻤﻄﺒﺦ ...
ﺧﺎﻟﺪ : ﺍﻟﻤﻄﺒﺦ ... (ﺑﻌﻴﻮﻥ ﻭﺍﺳﻌﺔ ﻣﺜﻞ ﺍﻟﻴﻬﺎﻝ ﻭﻳﺪﻳﻨﻪ ﺑﺤﺮﻛﻪ
ﺍﺧﺘﻔﺎﺀ ) ﺑﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺡ
ﺳﻤﺎﺀ ﺑﺤﺰﻥ : ﺍﺍﺍﺥ ﻳﺎ ﻗﻠﺒﻲ ..
ﺧﺎﻟﺪ : ﺗﻌﺎﻟﻲ ﻭﺭﺍﻱ ﺑﻮﺭﻳﺞ ﺷﻲ ﻋﺠﻴﺐ ..
ﺳﻤﺎﺀ ﻭﻫﻲ ﺗﺮﻓﻊ ﺣﺎﺟﺐ : ﺷﻨﻮﻭ ﺍﻟﻠﻲ ﻋﺠﻴﺐ ...؟؟
ﺧﺎﻟﺪ ﻭﻫﻮ ﻳﺘﻘﺮﺏ ﻣﻨﻬﺎ : ﺑﻮﺭﻳﺞ ﻗﺴﻤﻨﺎ ﺍﻥ ﺷﺎﺀ ﺍﻟﻠﻪ ..
ﺍﺳﺘﺤﺖ ﺳﻤﺎﺀ : ﺷﻘﺴﻤﻪ
ﻋﺾ ﺧﺎﻟﺪ ﻋﻠﻰ ﺷﻔﺎﺗﻪ : ﺍﻗﺼﺪ ﻗﺴﻤﻲ .. ﺑﺒﻨﻲ ﻟﻲ ﻧﻮﻉ ﻣﻦ ﺍﻟﺸﻘﺔ
ﺍﻟﺼﻐﻴﺮﻭﻧﻪ ﺍﻟﻤﺘﺪﺍﺧﻠﺔ ﻋﻠﻰ ﺑﻌﻀﻬﺎ ... ﻫﻨﻲ .. ﻓﻮﻕ ﺍﻟﻜﺎﺭﺍﺝ
ﺗﺸﻮﻓﻴﻦ ..
ﻳﺎﺷﺮ ﻟﻪ ﺑﻴﺪﻫﺎ ﻭﻫﻲ ﺗﺸﻮﻑ : ﺍﻱ .. ﺷﻔﺘﻪ ... ﻋﻴﻞ ﻭﻧﺎﺳﺔ ... ﺑﻴﻜﻮﻥ
ﻟﻚ ﺷﻘﺔ ..
ﺧﺎﻟﺪ : ﺍﻱ ﺑﻴﻜﻮﻥ ﻟﻲ ﺷﻘﺔ .. ﺑﺲ .. ﻣﺜﻞ ﻣﺎ ﻳﻘﻮﻟﻮﻥ .. ﺍﻟﺒﻴﺖ ﻫﻮ
ﺣﻴﺚ ﺍﻟﻘﻠﺐ .. ﻭﺍﻧﺎ ﻗﻠﺒﻲ ...
ﺍﺳﺘﺤﺖ ﺳﻤﺎﺀ ﻣﻦ ﻛﻼﻣﻪ ﻭﺗﺮﺍﺟﻌﺖ ﺷﻮﻱ ﻋﻨﻪ ...
ﻳﺎﺷﺮ ﺧﺎﻟﺪ ﺑﻴﺪﻩ : ﻭﺍﻧﺎ ﻗﻠﺒﻲ ﻳﻔﺮﻕ ﺷﺎﺭﻉ ﺑﻴﻨﻲ ﻭﺑﻴﻨﻪ ... ﺑﺲ ﺗﺪﺭﻳﻦ
ﺷﻠﻮﻭﻥ ..
ﺳﻤﺎﺀ ﻭﻫﻲ ﺑﺎﻟﻐﺼﺐ ﺗﺤﺎﻭﻝ ﺗﺮﻓﻊ ﻋﻴﻮﻧﻬﺎ : ﺷﻠﻮﻥ؟
ﺧﺎﻟﺪ ﻭﻫﻮ ﻳﻠﺘﻔﺖ ﻋﻨﻬﺎﺍ ﻭﻳﺪﺧﻞ ﺍﻛﺜﺮ : ﺳﻤﻌﺖ ﻣﻦ ﻋﻤﻲ ﺑﻮ ﺟﺮﺍﺡ
ﺍﻟﻠﻪ ﻳﺮﺣﻤﻪ .. ﻣﻦ ﺻﺒﺮ ﻧﺎﻝ .. ﻭﺍﻧﺎ ﺑﺼﺒﺮ ... ﻭﺑﺼﺒﺮ .. ﻋﺸﺎﻥ ﺍﻧﺎﻝ
ﻗﻠﺒﻲ .. (ﻭﻫﻮ ﻳﻠﺘﻔﺖ ) ﻭﺻﺪﻗﻴﻨﻲ ... ﻣﺴﺘﺤﻴﻞ ﺍﺣﺪ ﻳﻮﻗﻒ ﻓﻲ
ﺩﺭﺑﻲ ... ﻣﺴﺘﺤﻴﻞ ﺍﺳﻤﺢ ﻻﺣﺪ ﺍﻧﻪ ﻳﺎﺧﺬ ﺍﻟﻠﻲ ﻟﻲ .. ﻣﺴﺘﺤﻴــﻞ
ﺑﻌﻴﻮﻥ ﺣﺎﻟﻤﺔ ﺭﺍﻗﺒﺘﻪ ﺳﻤﺎﺀ ﻭﻫﻲ ﻣﻮ ﻣﺼﺪﻗﺔ .. ﻳﺎ ﺍﻟﻠﻪ .. ﻳﻌﻨﻴﻨﻲ
ﺑﻬﺎﻟﻜﻼﻡ .. ﻭﻳﻌﻨﻴﻪ ﻣﻦ ﺧﺎﻃﺮﻩ .. ﻭﻳﺘﻮﻋﺪ ﺍﻧﻪ ﻣﺴﺘﺤﻴﻞ ﺍﺣﺪ ﻳﻮﻗﻒ
ﺑﺪﺭﺑﻨﺎ .. ﻳﻌﻨﻲ ﻻ ﺍﻣﻲ ﻭﻻ ﺍﺣﺪ ﺛﺎﻧﻲ ﻣﻤﻜﻦ ﻳﺘﻌﺪﻯ ﻋﻠﻴﻨﺎ .. ﺍﻭ ﻳﻔﺮﻕ
ﺑﻴﻨﻨﺎ ...
ﺳﻤﺎﺀ ﺍﻟﻠﻲ ﺣﺴﺖ ﺍﻧﻬﺎ ﻻﺯﻡ ﺗﺮﻭﺡ : ﺯﻳﻦ .. ﺍﻧﺎ ﺑﺮﻭﺡ ﺍﻟﺤﻴﻦ ...
ﺧﺎﻟﺪ ﺍﻟﻠﻲ ﻛﺎﻥ ﻳﺮﺍﻗﺐ ﻣﻼﻣﺤﻬﺎ ﺑﺤﺬﺭ : ﺳﻤﺎﺀ ...
ﺍﻟﺘﻔﺘﺖ ﻟﻪ ..: ﻫﻼ ...
ﺧﺎﻟﺪ ...: ﻣﺴﺘﺤﻴﻞ ﺳﻤﺎﺀ .. ﺍﺣﺪ ﻳﻮﻗﻒ ﺑﻴﻨﻨﺎ ... ﻣﺴﺘﺤﻴﻞ ..
ﺍﺑﺘﺴﻤﺖ ﻟﻪ ﺳﻤﺎﺀ ... ﻭﻣﺎ ﺗﺪﺭﻱ ﻟﻴﺶ ﺣﺴﺖ ﺍﻧﻬﺎ ﺗﺒﻲ ﺗﺴﻮﻱ ﻟﻪ
ﺣﺮﻛﺔ ﺟﺬﻱ ﻣﻦ ﺣﺮﻛﺎﺕ ﻗﺒﻞ ... ﻭﻛﻞ ﺍﻟﻠﻲ ﺳﻮﺗﻪ ﺍﻧﻬﺎ ﻃﻠﻌﺖ ﻟﺴﺎﻧﻬﺎ
ﻟﻪ ﻭﺭﺍﺣﺖ ...
ﻛﺎﻧﺖ ﻃﺎﻳﺮﺓ ﻣﻦ ﺍﻟﻔﺮﺡ ﻭﻫﻲ ﺗﺘﺨﻄﻰ ﺍﻟﺸﺎﺭﻉ ﺍﻟﻠﻲ ﻳﻔﺼﻞ ﺑﻴﻨﻬﺎ ﻭﺑﻴﻦ
ﻗﻠﺒﻬﺎ ﻣﺜﻞ ﻣﺎ ﻗﺎﻝ ﺧﺎﻟﺪ .. ﻭﻫﻲ ﺗﺤﺲ ﺍﻥ ﺍﻻﻑ ﺍﻟﻨﺠﻮﻡ ﺗﻠﻤﻊ ﺑﻌﻴﻨﻬﺎ
ﻭﻣﺸﺎﻋﺮ ﻫﺎﻳﺠﺔ ﻣﺜﻞ ﺍﻟﻔﺮﻭﺱ ﺍﻟﺒﺮﻳﺔ ﺗﺘﺮﺍﻛﺾ ﺑﺪﻣﻬﺎ ﻭﻣﻤﻮ ﻋﺎﺭﻓﺔ
ﻫﻞ ﺍﻧﻬﺎ ﺗﺴﻜﻦ ﻭﻻ ﺗﺘﺤﺮﻙ ﻟﺤﺘﻰ ﻳﺠﻴﺴﻬﺎ ﺍﻻﻋﻴﺎﺀ ﻭﺗﻘﻌﺪ .. ﻭﻳﻮﻡ
ﺩﺧﻠﺖ ﺍﻟﺒﻴﺖ ﻛﺎﻧﺖ ﺍﻻﺑﺘﺴﺎﻣﺔ ﺷﺎﻗﺔ ﺣﻠﺠﻬﺎ ﺑﺲ ﻣﺴﺮﻉ ﻣﺎ ﺍﺧﺘﻔﺖ
ﻳﻮﻡ ﺷﺎﻓﺖ ﺍﻣﻬﺎ ﻗﺎﻋﺪﺓ ﻓﻲ ﺍﻟﺼﺎﻟﺔ .. ﻭﻣﺸﻌﻞ ﻗﺎﻋﺪ ﻣﻌﺎﻫﻢ ..
ﺍﻡ ﻣﺸﻌﻞ : well well well ﺷﻮﻓﻮ ﻣﻦ ﻗﺮﺭ ﻳﺸﺮﻓﻨﺎ ﺑﺤﻈﻮﺭﻩ ... ﻫﻼ
ﻳﻤﺔ ﺳﻤﺎﺀ .. ﻫﻼ ﺣﺒﻴﺒﺘﻲ .. ﺗﻌﺎﻟﻲ ﺧﻠﻴﻨﻲ ﺍﺿﻤﺞ ﻭﺳﻠﻤﻲ ﻋﻠﻲ . ﻣﻮ
ﺗﻮﻧﻲ ﺭﺍﺩﺓ ﻣﻦ ﺍﻟﺴﻔﺮ ..
ﺳﻤﺎﺀ ﻭﻫﻲ ﻣﺘﺨﺼﺮﺓ ﻭﺳﻂ ﺍﻟﺼﺎﻟﺔ : ﺷﺪﻋﻮﺓ ﻳﻌﻨﻲ ﻣﻮ ﺍﻭﻝ ﻣﺮﺓ ..
ﻭﻻ ﺍﻇﻦ ﺍﺧﺮ ﻣﺮﺓ ..
ﺍﻡ ﻣﺸﻌﻞ ﺑﻀﺤﻜﺔ : ﻫﻬﻬﻬﻬﻬﻬﻬﻬﻬﻬﻬﻪ ﺍﻟﻠﻪ ﻋﻠﻴﻬﺎ ﺑﻨﺘﻲ ﺩﻭﻣﻬﺎ ﺷﺎﻃﺮﺓ ..
ﺗﻌﺎﻟﻲ ﻳﻤﻪ ﺧﻠﻴﻨﻲ ﺍﺿﻤﺞ ﻭﺍﻟﻤﺞ ﻟﺼﺪﺭﻱ ..
ﺳﻤﺎﺀ ﺑﻈﻴﺞ : ﻣﺎﻟﻪ ﺩﺍﻋﻲ ﻟﻬﺎﻟﺮﺳﻤﻴﺎﺕ ﺍﻟﻠﻲ ﺍﻧﺘﻲ ﺑﻐﻨﻰ ﻋﻨﻬﺎ .. ﺍﺩﺭﻱ
ﺑﻮﻗﺘﺞ ﻣﻤﺘﻞﺀ ﻭﻣﺎ ﻳﺴﻊ ..
ﺍﻡ ﻣﺸﻌﻞ ﺍﻟﻠﻲ ﺍﻧﻘﻬﺮﺕ ﻣﻦ ﻟﺴﺎﻥ ﺑﻨﺘﻬﺎ : ﺭﻭﺣﻲ ﺩﺍﺭﺝ ﻳﻤﻪ ﺍﺭﺗﺎﺣﻲ
ﻭﻏﻴﺮﻱ ﻣﻼﺑﺴﺞ ﻭﻧﺰﻟﻲ ﻋﺸﺎﻥ ﺍﻧﺘﻐﺪﻯ ... ﻭﺑﻌﺪ .. ﻣﺎﻛﻮ ﺑﻴﺖ ﺍﻡ
ﺟﺮﺍﺡ ﺍﻟﻠﻲ ﺗﺮﻭﺣﻴﻦ ﻟﻬﺎ .. ﺧﻼﺹ . ﺗﻬﺪﻡ ﺑﻴﺘﻬﻢ ..
ﺳﻤﺎﺀ ﻭﻫﻲ ﺗﺰﺯﺭ ﻋﻠﻰ ﺍﺳﻨﺎﻧﻬﺎ : ﻭﻳﺎ ﻓﺮﺣﺘﺞ ...
ﺍﻡ ﻣﺸﻌﻞ ﺑﺒﺮﺍﺀﺓ : ﻓﺮﺣﺘﻲ؟ ﻻ ﻭﺍﻟﻠﻪ ﻳﻤﺔ .. ﻟﻴﺶ ﺍﻓﺮﺡ .. ﺑﺲ ﺍﻟﻠﻲ
ﺳﻤﻌﺘﻪ ﺍﻧﻪ ﺑﻴﺘﻬﻢ ﺑﻴﺘﻌﻤﺮ .. ﻟﻜﻦ ﺷﻨﻮ ... ﺍﻟﻠﻲ ﻳﺮﺑﻰ ﻓﻲ ﺧﺮﺍﺑﺔ . ﻳﺘﻢ
ﻣﺨﻪ ﺧﺮﺍﺑﻪ ﻟﻮ ﺣﻄﻮﻭﻩ ﻓﻲ ﻗﺼﺮ ﻣﻦ ﺫﻫﺐ ..
ﺳﻤﺎﺀ : ﺍﻟﺨﺮﺍﺑﺔ ﺍﻟﻠﻲ ﺗﺘﻜﻠﻤﻴﻦ ﻋﻨﻬﺎ ... ﺗﺴﻮﻯ ﻗﺼﻮﺭ ﺍﻟﺬﻫﺐ ﻛﻠﻬﺎ ﺍﻟﻠﻲ
ﻏﺎﺭﺓ ﻋﻴﻮﻧﺞ ..
ﻣﺸﻌﻞ : ﺳﻤﺎﺀ ... ﺑﺲ ﺧﻼﺹ .. ﻳﺎﻟﻠﻪ ﺭﻭﺣﻲ ﺩﺍﺭﺝ ﻭﻏﻴﺮﻱ ﻣﻼﺑﺴﺞ .
ﻭﻧﺰﻟﻲ ﻋﺸﺎﻥ ﻧﺘﻐﺪﻯ ...
ﺳﻤﺎﺀ ﺍﻟﻠﻲ ﻣﺎ ﺻﺪﻣﻬﺎ ﻣﻮﻗﻒ ﺍﺧﻮﻫﺎ ... ﺩﻭﻭﻣﻪ ﺟﺒﺎﻥ ﻭﻣﺎ ﻳﻘﺪﺭ
ﻳﺘﻜﻠﻢ ﻟﻬﺎ .. ﻟﺪﺭﺟﻪ ﺍﻧﻪ ﺣﺘﻰ ﻣﺎ ﻓﺎﺗﺢ ﺍﻣﻲ ﺑﻤﻮﻭﺿﻮﻉ ﻓﺎﺗﻦ ﻭﺧﻼﻫﺎ
ﺗﺮﻭﺡ ﻣﻦ ﻳﺪﻩ ﺑﺴﻬﻮﻟﺔ .. : ﻣﺎ ﺍﺑﻲ ﻏﺪﻯ ...
ﺳﻤﺎﺀ ﻭﻫﻲ ﺗﺮﻛﺾ ﻋﻠﻰ ﺍﻟﺪﺭﻱ ﻭﺷﺎﻓﺖ ﺍﺑﻮﻫﺎ ﺟﺪﺍﻣﻬﺎ ﺑﺎﺑﺘﺴﺎﻣﺘﻪ
ﺍﻟﻮﺍﺳﻌﻪ : ﺣﺒﻴﺒﺔ ﻗﻠﺐ ﺍﺑﻮﻫﺎ ..
ﺳﻤﺎﺀ : ﻫﻼ ﻳﺒﺎ ...
ﻭﻏﺎﺑﺖ ﻓﻲ ﺣﻈﻨﻪ ﺍﻟﻮﺍﺳﻊ ... ﻳﺎ ﺍﻟﻠﻪ ﺷﻜﺜﺮ ﻛﺎﻧﺖ ﻣﺤﺘﺎﺟﺔ ﻟﻠﻤﺔ ﻣﻦ
ﺍﺑﻮﻫﺎ ..
ﺑﻮ ﻣﺸﻌﻞ : ﺗﻮﺝ ﺭﺍﺩﺓ ﺣﺒﻴﺒﺘﻲ؟ ﻳﺎﻟﻠﻪ ﺭﻭﺣﻲ ﻏﻴﺮﻱ ﻣﻼﺑﺴﺞ ﻭﻧﺰﻟﻲ
ﺗﺤﺖ ﺧﻠﻴﻨﻲ ﺍﺷﺒﻊ ﻣﻦ ﻭﻳﻬﺞ ﻳﺎﻭﻳﻪ ﺍﻟﺤﺴﻦ ..
ﺳﻤﺎﺀ : ﻳﺒﺎ ﻣﺎ ﺍﺑﻲ ﺍﻏﺪﻯ
ﺍﺑﻮ ﻣﺸﻌﻞ : ﺃﻓﺎ .. ﻛﺴﺮﻩ ﺑﺤﻘﻲ ﻳﺎ ﺑﻨﺖ ﺍﻟﻨﻬﻴﺪﻱ .. ﻧﺰﻟﻲ ﻳﺎ ﻋﻤﺮﻱ ﺍﺑﻲ
ﺍﺳﻮﻟﻒ ﻭﻳﺎﺝ ﻭﺍﻟﻠﻪ ﺍﻧﻲ ﺗﻮﻟﻬﺖ ﻋﻠﻴﺞ .. ﻳﺎﻟﻠﻪ ﺩﻗﺎﻳﻖ ﻭﺗﺰﻫﺒﻲ ﻭﻧﺰﻟﻲ
ﺗﺤﺖ .. ﺍﻧﺘﻈﺮﺝ ..
ﺳﻤﺎﺀ : ﺍﻥ ﺷﺎﺀ ﺍﻟﻠﻪ ... ﻋﻦ ﺍﺫﻧﻚ ﻳﺒﺎ ...
ﺭﺍﺣﺖ ﺳﻤﺎﺀ ﻋﻨﻬﻢ ﻭﻫﻲ ﺗﺤﺲ ﺑﺎﻟﻈﻴﺞ ﻳﻌﻢ ﻓﻲ ﻗﻠﺒﻬﺎ .. ﻳﺎ ﺍﻟﻠﻪ
ﺷﻜﺜﺮ ﺍﻟﺒﻴﺖ ﻛﺎﻥ ﺣﻠﻮﻭﻭ ﺑﻠﻴﺎﻫﻢ .. ﻭﺍﻟﺤﻴﻦ ﺭﺩﻭﺍ ﻭﺭﺩﺕ ﻣﻌﺎﻫﻢ
ﺷﺮﻭﺭﻫﻢ ... ﻭﺗﺬﻛﺮﺕ ﻛﻼﻡ ﺧﺎﻟﺪ ﺍﻟﻠﻲ ﻣﻦ ﺷﻮﻱ .. ﻣﺴﺘﺤﻴﻞ ﺍﺣﺪ
ﻳﻮﻗﻒ ﺑﻴﻨﻨﺎ .. ﻭﺍﻛﻴﺪ ﺍﻣﻲ ﺑﺘﻮﻗﻒ ﻓﻲ ﻭﻳﻬﻲ ﻭﻣﺸﻌﻞ ﺑﻴﻈﻞ ﺳﺎﻛﺖ
ﻭﺍﺑﻮﻱ ﻣﺜﻞ ﺍﻟﺸﻲ ... ﻻﻧﻬﻢ ﻣﺎ ﺗﻌﻠﻤﻮﺍ ﺷﻠﻮﻥ ﻳﺮﺩﻭﻥ ﻋﻠﻴﻬﺎ .. ﻟﻜﻦ ﺍﻧﺎ ..
ﺍﻋﺮﻑ ﺷﻠﻮﻥ ﺍﻭﻗﻒ ﻓﻲ ﻭﻳﻬﻬﺎ .. ﻭﻣﺴﺘﺤﻴﻞ . ﺗﻮﻗﻒ ﺍﻫﻲ ﻓﻲ
ﻭﻳﻬﻲ ... ﻭﻓﻲ ﻭﻳﻪ ﺣﺒﻲ ﻭﺳﻌﺎﺩﺗﻲ ..
ﻣﺎﻇﻨﺖ ﺳﻤﺎﺀ ﺍﻥ ﺍﻟﻮﺿﻊ ﻳﻤﻜﻦ ﻳﺘﺄﺯﻡ .. ﻭﻣﺎ ﻇﻨﺖ ﺍﻥ ﻳﻤﻜﻦ ﺍﺣﺪ ﻣﻦ
ﺍﻫﻠﻬﺎ ﺷﺎﻓﻬﺎ ﻭﻫﻲ ﺗﺴﻮﻟﻒ ﻭﻳﺎ ﺧﺎﻟﺪ .. ﻟﻜﻦ ﻣﺜﻞ ﻣﺎ ﻳﻘﻮﻟﻮﻥ ﺍﻟﺠﺪﺭﺍﻥ
ﻟﻬﺎ ﺍﺫﺍﻥ .. ﻭﻳﺎ ﺗﺮﻯﻨﺒﻌﺔ ﺍﻟﺼﻔﺎ ﻭﺍﻟﻄﻔﻮﻟﺔ ﺳﻤﺎﺀ ﻭﺧﺎﻟﺪ .. ﺭﺍﺡ
ﻳﺴﺘﻤﺮﻭﻥ ﻋﻠﻰ ﻫﺎﻟﺤﺎﻝ؟؟؟ ﻭﻻ ﺍﻟﺼﺮﺍﻉ ﻻﺟﻞ ﺑﺬﺭﺓ ﻳﺘﻤﻨﻮﻥ ﻟﻮ ﺍﻧﻬﻢ
ﻳﺰﺭﻋﻮﻧﻬﺎ ﺑﺎﺭﺽ ﺧﺼﺒﺔ ﺗﻜﺒﺮ ﻭﺗﻜﺒﺮ ﻭﺗﻌﻤﺮ ﻭﺗﻈﻠﻞ ...
ﻭﺳﻤﺎﺀ ﺍﻟﻠﻲ ﺗﻈﻦ ﺍﻥ ﺍﻫﻲ ﺑﻐﻨﻰ ﻋﻦ ﺍﻫﻠﻬﺎ ... ﻣﺎ ﻛﻮ ﻓﻲ ﻗﻠﺒﻬﺎ
ﺍﻧﺘﻈﺎﺭ .. ﻟﻨﻈﺮﺓ ﺍﻟﺤﺐ ﻳﻤﻜﻦ ﺑﻌﻴﻮﻥ ﺍﻣﻬﺎ؟؟؟ ﻫﺎﻟﻨﻔﻮﺭ ﻭﻫﺎﻟﻜﺮﺍﻫﻴﺔ
ﺍﻟﻤﺼﻄﻨﻌﺔ ﻭﻫﺎﻟﻌﺪﻡ ﺍﻫﻤﻴﺔ ﻟﺘﻮﺍﺟﺪ ﺍﻣﻬﺎ ﻓﻲ ﺍﻟﻤﻜﺎﻥ .. ﻣﻮ ﺩﻟﻴﻞ ﻋﻠﻰ
ﻣﺪﻯ ﺍﺣﺘﻴﺎﺟﻬﺎ ﻻﻣﻬﺎ ﻭﻛﺮﻫﻬﺎ ﻟﻜﺮﻩ ﺍﻣﻬﺎ ﻟﻬﺎ ..
ﺍﻟﻔﺼﻞ ﺍﻟﺜﺎﻧﻲ
ﺻﺎﺭﺕ ﺍﻟﺴﺎﻋﺔ ﺛﻤﺎﻧﻴﺔ ﻭﻓﺎﺗﻦ ﻟﻠﺤﻴﻦ ﻗﺎﻋﺪﺓ ﻓﻲ ﺍﻟﺒﻴﺖ . ﺟﻬﺰﺕ ﻣﻦ
ﻓﺘﺮﺓ ﺑﺲ ﻇﻠﺖ ﺍﺷﻴﺎﺀ ﺑﺴﻴﻄﺔ ﻣﻨﻲ ﻭﻣﻨﺎﻙ ﺗﺸﻐﻞ ﺑﺎﻟﻬﺎ ..
ﻭﻣﻨﻬﺎﺍﻟﺒﺤﺚ ﻋﻦ ﺍﻟﻔﻴﺰﺍ ..ﻣﺎ ﺗﺪﺭﻱ ﺑﺎﻱ ﺟﻨﻄﻪ ﺣﻄﺘﻬﺎ .. ﻭﻇﻠﺖ ﺗﺪﻭﺭ
ﻓﻲ ﻛﻞ ﺍﻟﺸﻨﻂ .. ﻭﺗﺪﻭﺭ ﻋﻠﻰ ﺍﻟﻄﻘﻢ ﺍﻟﺬﻫﺒﻲ ﺍﻟﻠﻲ ﺍﻫﺪﺍﻩ ﻣﺴﺎﻋﺪ ﻟﻬﺎ
ﺍﻭﻝ ﻣﺎ ﺧﻄﺒﻬﺎ ﻭﻣﺎ ﺗﺪﺭﻱ ﻭﻳﻦ ﺭﺍﺡ ..
ﻭﺍﺧﻴﺮﺍ .. ﻟﻘﺖ ﺍﻟﻄﻘﻢ ﻑ ﻋﻠﺒﻪ ﻣﻦ ﺍﻟﻌﻠﺐ ﺍﻟﻜﺎﺭﺗﻮﻧﻴﺔ ﺍﻟﺼﻐﻴﺮﺓ
ﻭﺗﺸﻘﻘﺖ ﻣﻦ ﺍﻟﻮﻧﺎﺳﺔ .. ﻭﺣﻄﺘﻪ ﻳﻢ ﺭﻳﻠﻬﺎ ﻭﻫﻲ ﺗﺪﻭﺭ ﻋﻠﻰ ﺍﻟﻔﻴﺰﺍ ..
ﻭﻫﺬﻱ ﻫﻲ ﺑﻌﺪ ﺍﻟﻔﻴﺰﺍ ﻭﻟﻘﺘﻬﺎ .. ﻳﺎ ﺍﻟﻔﺮﺣﺔ ﺍﻟﻜﺒﻴﺮﺓ .. ﻗﺎﻣﺖ ﻣﻦ ﻣﻜﺎﻧﻬﺎ
ﻭﺣﻤﻠﺖ ﻋﻠﺒﺔ ﺍﻟﻄﻘﻢ .. ﻭﻓﺘﺤﺘﻪ .. ﻭﺗﻤﺖ ﺗﺘﻤﻨﻈﺮ ﻓﻲ ﺍﻟﻘﻠﺒﻴﻦ ..
ﻭﺍﺑﺘﺴﻤﺖ ﻭﻋﻠﻰ ﻃﻮﻝ ﺳﺤﺒﺖ ﺍﻟﺴﻠﺴﻠﺔ ﻭﻟﺒﺴﺘﻬﺎ .. ﻭﺍﻟﺘﺮﺍﺟﻲ
ﻭﺍﻟﺨﺎﺗﻢ ﺍﻟﻨﺎﻋﻢ .. ﻓﻜﺎﻥ ﻛﻞ ﺷﻲ ﺑﻴﺮﻓﻜﺖ .. ﻭﺭﺍﺣﺖ ﻋﻨﺪ ﻃﺎﻭﻟﺔ
ﺍﻟﺴﺮﻳﺮ ﻭﺭﻓﻌﺖ ﺍﻟﺒﻮﻛﻴﺖ ﺍﻟﻤﺨﻤﻞ ﺍﺍﻟﻠﻲ ﻓﻴﻪ ﺍﻟﺪﺑﻠﺔ ﺍﻟﻤﻌﻠﻖ
ﺑﺎﻟﺴﻠﺴﻠﺔ .. ﻭﺳﺤﺒﺘﻬﺎ .. ﻭﻋﺎﺩﺕ ﺩﻭﺍﻣﺔ ﺍﻻﻓﻜﺎﺭ ﻭﺍﻟﺘﺮﺩﺩﺍﺕ ﺗﺸﻌﻞ
ﻓﻴﻬﺎ؟ .. ﺍﻟﺒﺴﻬﺎ .. ﻭﻻ ﻫﺬﺍ ﺍﺳﺘﻌﺠﺎﻝ .. ﻣﺎ ﺍﺑﻲ ﺍﻟﺒﺴﻬﺎ ﺍﻻ ﻟﻤﻦ ﺍﺣﺲ
ﻭﺍﻋﺮﻑ ﻟﻨﻔﺴﻲ ﺍﻧﻲ ﺧﻼﺹ ... ﻣﺴﺘﻌﺪﺓ ﻟﻠﺨﻄﻮﺓ ﺍﻟﺜﺎﻧﻴﺔ ﺍﻻ ﻭﻫﻲ
ﺯﻭﺍﺟﻨﺎ .. ﻭﺑﺪﻝ ﻣﻦ ﻟﺒﺲ ﺍﻟﺪﺑﻠﺔ ﻟﺒﺴﺖ ﺍﻟﺴﻠﺴﻠﺔ ﻭﺍﻟﺪﺑﻠﺔ ﻣﻌﻠﻘﺔ
ﻓﻴﻬﺎ .. ﻭﺷﺎﻓﺖ ﺭﻭﺣﻬﺎ ﺑﺎﻟﻤﻨﻈﺮﺓ ﻭﺍﺑﺘﺴﻤﺖ ﺑﺮﺿﺎ ﻋﻦ ﺣﺎﻟﻬﺎ .. ﻭﺑﻜﺤﻞ
ﺍﺧﻀﺮ ﻋﻠﻰ ﻟﻮﻥ ﻣﻼﺑﺴﻬﺎ ﺭﺳﻤﺖ ﻋﻴﻮﻧﻬﺎ ﻣﻦ ﻓﻮﻕ .. ﻭﺧﻼﺹ .. ﻫﺬﺍ
ﻛﺎﻥ ﻛﻞ ﺍﻟﻤﻴﻜﺐ ﺍﻟﻠﻲ ﻗﺪﺭﺕ ﺗﺤﻄﻪ ﻻﻥ ﻣﻮ ﻣﻦ ﻃﺒﻌﻬﺎ ﺍﻟﺘﺼﺒﻎ ..
ﻭﻳﻮﻡ ﺯﻫﺒﺖ ﺭﺍﺣﺖ ﻟﻠﺘﻠﻔﻮﻥ ﻭﺩﻗﺖ ﻋﻠﻰ ﻫﻴﺎﻡ ..
ﻫﻴﺎﻡ ﺍﻟﻲ ﺍﺳﺘﻐﺮﺑﺖ ﺍﺗﺼﺎﻝ ﻓﺎﺗﻦ ﻭﻫﻲ ﺗﻮﻫﺎ ﻭﺍﺻﻠﺔ ﺍﻟﺠﺎﻣﻌﺔ :
ﺍﻟﻮﻭﻭﻭ ﻓﺘﻮﻭﻭﻭﻭﻭﻭﻭﻥ ..
ﻓﺎﺗﻦ ﺑﺤﻴﺎ ﻭﺑﻔﺮﺣﺔ ﻣﻦ ﻧﺒﺮﺓ ﻫﻴﺎﻡ : ﻫﻼ ﻫﻴﻮﻭﻭﻡ .. ﺷﻠﻮﻧﺞ ﺷﺨﺒﺎﺭﺝ
ﻫﻴﺎﻡ : I'm great what about you
ﻓﺎﺗﻦ : ﺍﻧﺎ ﺑﻌﺪ ﺍﻭﻛﻴﻪ ... ﺑﺲ ﻣﺘﻮﺭﻃﺔ ..
ﻫﻴﺎﻡ : ﻟﻴﺶ ﺷﺼﺎﻳﺮ ..
ﻓﺎﺗﻦ : ﺧﻄﻴﺒﻲ ﺳﺎﻓﺮ ﺑﻬﺎﻟﻮﻳﻜﺎﻧﺪ ﻭﻣﺎ ﺍﻋﻨﺪﻱ ﺍﺣﺪ ﻳﻘﻄﻨﻲ ﺍﻟﺠﺎﻣﻌﺔ
ﻓﻤﺎﺩﺭﻱ ﺍﺫﺍ ﺗﻘﺪﺭﻳﻦ ..
ﻫﻴﺎﻡ : no problema mochaha ﺍﻟﺤﻴﻦ ﺑﺎﻳﻴﺞ
ﻓﺎﺗﻦ ﺑﺮﺍﺍﺍﺣﺔ : ﺛﺎﺍﺍﺍﺍﺍﺍﺍﻧﻜﺲ .. ﻭﺍﻟﻠﻪ ﺍﻧﻲ ﻣﺎﻗﺪﺭ ﺍﻋﺒﺮ ﻟﺞ ﺍﻧﻘﺬﺗﻴﻨﻲ
ﺻﺮﺍﺣﺔ
ﻫﻴﺎﻡ ﻭﻫﻲ ﺗﺤﻚ ﺍﻟﺴﻴﺎﺭﺓ : ﻭﻳﻨﻬﺎ ﺷﻘﺘﻜﻢ
ﻓﺎﺗﻦ : ﻳﻢ ﺍﻟﺠﺎﻣﻌﺔ ﺑﺲ ﻳﺒﻴﻠﺞ ﺍﺗﻴﻴﻦ ﻳﻢ ﺗﻘﺎﻃﻊ (’’’) ﻭ (’’’) ﻭﺧﻼﺹ
ﻋﻠﻰ ﻳﻤﻴﻨﺞ ﻫﺬﻱ ﺍﻟﻌﻤﺎﺭﺓ ﺍﻟﺮﺍﺑﻌﺔ .. ﺑﺎﺑﻬﺎ ﺍﺧﻀﺮ ﻏﺎﻣﺞ
ﻫﻴﺎﻡ : perfect ﺍﻟﺤﻴﻦ ﺍﻧﺎ ﻋﻨﺪﺝ .. ﻳﺎﻟﻠﻪ ﺗﺰﻫﺒﻲ
ﻓﺎﺗﻦ : ﺯﺍﻫﺒﺔ ﻣﻦ ﻏﻴﺮ ﻣﺎ ﺗﻘﻮﻟﻴﻦ ..
ﻫﻴﺎﻡ : ok then just give me a se and I'm there
ﻓﺎﺗﻦ : ﺍﻭﻛﻴﻪ ..
ﺳﻜﺮﺕ ﻓﺎﺗﻦ ﻋﻦ ﻫﻴﺎﻡ ﻭﻫﻲ ﻣﺴﺘﻐﺮﺑﺔ ... ﻫﺎﻟﺒﻨﺖ ﺩﻭﻣﻬﺎ ﺗﺮﻃﻦ
ﺍﻧﺠﻠﻴﺰﻱ .. ﺳﺎﻋﺎﺕ ﺍﺣﺴﻬﺎ ﻣﺎ ﺗﻌﺮﻑ ﻋﺮﺑﻲ .. ﻣﻊ ﺍﻧﻬﺎ ﺗﻮﻫﺎ ﻓﻲ
ﺍﻣﻴﺮﻛﺎ ﺷﻲ ﻣﻦ 10 ﺳﻨﻮﺍﺕ .. ﻳﻌﻨﻲ ﺍﻫﻲ ﺭﺑﺖ ﻓﻲ ﺍﻟﺒﺤﺮﻳﻦ ﻭﺗﻌﺮﻑ
ﻟﻠﻌﺮﺑﻴﺔ .. ﻳﻤﻜﻦ ﻫﺬﺍ ﻧﻮﻉ ﻣﻦ ﺍﻻﻧﺪﻣﺎﺝ ﻓﻲ ﺑﻴﺌﺘﻬﺎ .. ﺍﻟﻠﻪ ﺍﻟﻌﺎﻟﻢ .. ﺑﺲ
ﻗﻠﺒﻲ ﻣﺮﺗﺎﺡ ﻟﻬﺎ .. ﺑﺲ ﻣﺎ ﻳﺮﺗﺎﺡ ﻟﻠﻲ ﺗﺤﺒﻪ .. ﻫﺬﺍ ﺯﻳﺎﺩ .. ﺩﻭﻣﻪ ﻳﻨﻐﺰ
ﺑﺎﻟﻜﻼﻡ ﻭﺣﺮﻛﺎﺗﻪ ﻣﻮ ﻣﻔﻬﻮﻭﻣﺔ ﺑﺎﻟﺤﻴﻞ ..
ﻭﺑﺎﻟﻔﻌﻞ ﺗﻮﺟﻴﻬﺎﺕ ﻓﺎﺗﻦ ﻛﺎﻧﺖ ﺩﻗﻴﻘﺔ ﻻﻥ ﻫﻴﺎﻡ ﻛﺎﻧﺖ ﻣﻮﺟﻮﺩﺓ ﺑﻌﺪ
5 ﺩﻗﺎﻳﻖ .. ﻭﺭﻧﺖ ﻟﻔﺎﺗﻦ ﺍﻟﻠﻲ ﻧﺰﻟﺖ ﺑﺴﺮﻋﺔ ﻭﻫﻲ ﺗﻘﻔﻞ ﺍﻟﺒﺎﺏ .. ﺣﻤﻠﺖ
ﻛﺘﺒﻬﺎ ﺯﻳﻦ ﻭﻧﺰﻟﺖ ﻣﻦ ﺍﻟﺪﺭﻱ ﺑﺪﻝ ﺍﻟﻤﺼﻌﺪ ﻭﺷﺎﻓﺖ ﻓﻲ ﺩﺭﺑﻬﺎ ﻋﺎﻳﻠﺔ
ﺍﻣﻴﺮﻛﻴﺔ ﺗﻌﻮﺩﻭ ﻳﺸﻮﻓﻮﻧﻬﺎ ﻭﺍﺑﺘﺴﻤﺖ ﻓﻲ ﻭﻳﻬﻬﻢ ﻓﺎﺗﻦ ﻭﺭﺍﺣﺖ ..
ﺭﻛﺒﺖ ﻭﻳﺎ ﻫﻴﺎﻡ ﻭﻋﻠﻰ ﻃﻮﻝ ﺗﺤﺮﻛﻮ ﻟﻠﺠﺎﻣﻌﺔ
ﻫﻴﺎﻡ : nice ..******** ﺟﺮﻳﺐ ﻣﻦ ﺍﻟﺠﺎﻣﻌﺔ ﻭﻛﺸﺨﺔ
ﻓﺎﺗﻦ : ﺍﻳﻪ ... ﻫﺬﺍ ﺍﻟﻠﻲ ﻳﺸﺘﻐﻞ ﻭﻳﺎ ﻣﺴﺎﻋﺪ ﻣﺪﻭﺭ ﺍﻟﺸﻘﺔ
ﻫﻴﺎﻡ : ﺍﻟﻈﺎﻫﺮ ﺍﻧﻪ ﻳﻌﺮﻑ ﻟﻠﻤﻨﻄﻘﺔ
ﻓﺎﺗﻦ : ﻟﺒﻨﺎﻧﻲ ﺍﻻﺻﻞ ﺍﻣﻴﺮﻛﻲ ﺍﻟﺠﻨﺴﻴﺔ .. ﻋﺎﺵ ﻫﻨﻲ ﻳﻤﻜﻦ ﺛﻼﺛﺔ
ﺍﺭﺑﺎﻉ ﺣﻴﺎﺗﻪ
ﻫﻴﺎﻡ : interesting so how was ur weak end
ﻣﺎ ﺍﺻﻌﺐ ﻫﺎﻟﺴﺆﺍﻝ .. ﻭﻳﻚ ﺍﻧﺪ .. ﻫﺬﻱ ﻛﺎﻧﺖ ﺣﻴﺎﺓ ﺑﺤﺎﻟﻬﺎ .. ﻟﻜﻦ ..
ﻣﺤﺪ ﻟﻪ ﺍﻟﺼﻼﺣﻴﺔ ﺍﻧﻪ ﻳﻌﺮﻑ ﺷﻨﻮ ﺻﺎﺭ ﻓﻴﻬﺎ ﻟﺬﺍ ﺑﻜﻞ ﺍﻗﺘﻀﺎﺏ :
ﺍﻟﺤﻤﺪ ﻟﻠﻪ ﺍﻭﻛﻴﻪ .. ﻭﺍﻧﺘﻲ
ﻫﻴﺎﻡ : my weak end stunk until this morning
ﻓﺎﺗﻦ : ﻟﻴﺶ؟؟
ﻫﻴﺎﻡ : ﺑﻘﻮﻝ ﻟﺞ ﺍﻟﺴﺎﻟﻔﺔ ﺑﻌﺪ ﺍﻟﺒﺮﻳﻚ .. ﻻﻧﻬﺎ ﻃﻮﻳﻠﺔ ﻭﻳﺒﻴﻠﻬﺎ ﻭﻗﺖ ..
ﻓﺎﺗﻦ : ﺍﻫﺎﺍﺍ ...
ﻭﺑﻌﺪ ﻫﺎﻟﻬﺪﻭﺀ ﺍﻟﻘﺼﻴﺮ ﻭﺻﻠﻮ ﺍﻟﺠﺎﻣﻌﺔ ﻫﻴﺎﻡ ﻭﻓﺎﺗﻦ .. ﻭﻛﻞ ﻭﺣﺪﺓ
ﻣﻨﻬﻢ ﺗﺤﻤﻞ ﻓﻲ ﻧﻔﺴﻴﺘﻬﺎ ﺍﺷﺮﺍﻗﺔ ﻋﻠﻰ ﺣﺪﺓ .. ﻓﺎﺗﻦ ﺑﺎﺷﺮﺍﻗﺔ ﺍﻟﺤﻴﺎﺓ
ﺍﻟﺠﺪﻳﺪﺓ ﺍﻟﻠﻲ ﺍﻫﻲ ﺗﺤﺴﻬﺎ ﻓﻲ ﻧﻔﺴﻬﺎ ﻭﻫﻴﺎﻡ ﺑﺎﺷﺮﺍﻗﺔ ﺍﻟﺸﺨﺺ
ﺍﻟﺠﺪﻳﺪ ﺍﻟﻠﻲ ﻋﺮﻓﺘﻪ .. ﻣﺎ ﺗﺪﺭﻱ ﻟﻴﺶ ﺗﺤﺲ ﺍﻧﻪ ﻭﺍﻳﺪ ﻣﺘﻐﻠﻐﻞ ﻓﻴﻬﺎ
ﻟﺴﺒﺐ ﻏﺮﻳﺐ .. ﻭﻛﺎﻧﻬﺎ ﺗﻌﺮﻓﻪ .. ﺍﻭ ﺗﻌﺮﻑ ﺍﺳﻠﻮﺑﻪ ﺑﻄﺮﻳﻘﺔ ﻏﺮﻳﺒﺔ ...
ﺑﺲ ﺍﻟﻴﻮﻡ ﺍﻫﻲ ﻻﺯﻡ ﺗﺘﺤﺮﻯ ﻣﻦ ﺭﺑﻌﻬﺎ ﺍﺫﺍ ﺍﺣﺪ ﻣﻨﻬﻢ ﻋﻄﻰ ﺍﻳﻤﻴﻠﻬﺎ
ﻟﺸﺨﺺ ﻣﻌﻴﻦ ..
ﻫﻴﺎﻡ : ﺷﻮﻭﻭﻭﻭﺕ .. ﻧﺴﻴﺖ ﺍﻟﻼﺑﺘﻮﺏ .. ﻳﺒﺘﻲ ﻻﺑﺘﻮﺑﺞ؟
ﻓﺎﺗﻦ : ﻻ ﻣﺎ ﻳﺒﺘﻪ .. ﺃﺻﻼ ﻣﺎ ﺷﺮﻳﺖ ... ﻗﻠﺖ ﻟﻤﺴﺎﻋﺪ ﻗﺎﻝ ﻟﻲ ﺟﺮﻳﺐ
ﺑﺤﺼﻠﻪ ..
ﻫﻴﺎﻡ : ﺍﻟﻤﺸﻜﻠﺔ ﻣﺎ ﻧﻘﺪﺭ ﻧﺪﺧﻞ ﺑﻠﻴﺎﻩ
ﻓﺎﺗﻦ ﺑﺼﺪﻣﺔ : ﺣﻠﻔﻲ؟؟
ﻫﻴﺎﻡ ﺑﺤﺰﻥ : ﺍﻳﻪ ﻣﺎ ﺗﺪﺭﻳﻦ
ﻓﺎﺗﻦ : ﻻ ﻭﺍﻟﻠﻪ ﻣﺎ ﺩﺭﻳﺖ .. ﺷﺎﻟﺤﻞ ﺍﻟﺤﻴﻦ؟
ﻫﻴﺎﻡ : ﻣﺎ ﺍﺩﺭﻱ ﻣﺎﺍﺩﺭﻱ .. ﺧﻠﻴﻨﻲ ﺑﺲ ﺍﺟﻴﻚ ﻋﻠﻰ ﺍﺣﺪ ﺍﻟﺮﺑﻊ ..
ﻭﺍﺗﺼﻠﺖ ﻫﻴﺎﻡ ﻓﻲ ﺑﺎﻛﺴﺘﺮ ﻟﻜﻨﻪ ﻣﺎ ﺑﻴﻲ ﺍﻟﺠﺎﻣﻌﺔ ﻭﻣﺎ ﻇﻠﺖ ﺍﻻ
ﺗﺎﻻ .. ﺍﻟﻠﻲ ﺍﺗﻔﻘﺖ ﻭﻳﺎ ﻫﻴﺎﻡ ﺍﻧﻬﺎ ﺗﻌﻄﻴﻬﻢ ﻻﺑﺘﻮﺑﻬﺎ ﻭﻻﺑﺘﻮﺏ ﺍﺭﻓﻴﺠﺘﻬﺎ
ﻭﺟﻴﺴﻲ .. ﻭﺍﻧﺤﻠﺖ ﺍﻟﻤﺸﻜﻠﺔ ..
ﻫﻴﺎﻡ : ﺍﻫﻤﺎ ﻭﺍﻗﻔﻴﻦ ﻟﻨﺎ ﻋﻨﺪ ﺍﻝ b – building
ﻓﺎﺗﻦ : ﻳﺎﻟﻠﻪ ﻋﻴﻞ ﺧﻠﻴﻨﺎ ﻧﺮﻭﻭﺡ
ﻫﻴﺎﻡ : let's go
ﺭﺍﺣﺖ ﺳﻤﺎﺀ ﻭﻳﺎ ﻓﺎﺗﻦ ﻭﺍﺳﺘﻠﻤﻮﺍ ﺍﻻﺑﺘﻮﺑﺎﺕ ﻭﺩﺧﻠﻮ ﺍﻟﻤﺤﺎﻇﺮﺓ
ﺑﺴﺮﻋﺔ .. ﻭﺷﺎﻓﻮﻭ ﺯﻳﺎﺩ ﻓﻲ ﺍﻟﻜﻼﺱ ﺭﻭﻭﻡ ﻭﻳﺎﻩ ﻋﺒﺪﺍﻟﺮﺣﻤﻦ
ﺍﻟﺴﻌﻮﺩﻱ ﻭﻫﻢ ﻳﺘﻌﺒﺜﻮﺏ ﺑﺎﻟﻼﺑﺘﻮﺏ ﻭﻳﻀﺤﻜﻮﻥ ﻣﻊ ﺑﻌﺾ .. ﻭﻳﻮﻡ
ﻭﺻﻠﺖ ﻫﻴﺎﻡ ﻭﻓﺎﺗﻦ ﺣﺮﻛﺎﺕ ﻟﺘﻬﺪﺋﺔ ﺍﻟﻮﺿﻊ ﺑﻴﻦ ﺯﻳﺎﺩ ﻭﻋﺒﺪ ﺍﻟﺮﺣﻤﻦ ..
ﻭﻳﻮﻡ ﻗﺮﺑﻮﺍ ﺍﻟﺒﻨﺘﻴﻦ ..
ﺯﻳﺎﺩ : ﻫﻼ ﻭﺍﻟﻠﻪ ﻓﺎﺗﻦ .. ﻋﺎﺵ ﻣﻦ ﺷﺎﻓﺞ .. ﻣﻦ ﺯﻣﺎﻥ ﻣﺎ ﺷﻔﻨﺎﺝ
ﻓﺎﺗﻦ ﻭﻫﻲ ﻣﺘﻌﻮﺩﺓ ﻋﻠﻰ ﺍﺳﻠﻮﺑﻪ ﺍﻟﺒﺎﻳﺦ : ﻫﻼ ﻓﻴﻚ .. ﻋﺎﺷﺖ
ﺍﻳﺎﻣﻜﻢ ..
ﻭﻗﻌﺪﺕ ﻣﻜﺎﻧﻬﺎ ﻭﻫﻴﺎﻡ ﺑﺎﻟﻤﺜﻞ .. ﻭﺗﻢ ﻋﺒﺪ ﺍﻟﺮﺣﻤﻦ ﻳﺘﻈﺎﺣﻚ ﻭﻳﺎ ﺯﻳﺎﺩ
ﻋﻠﻰ ﺷﻲ ﺑﻴﻨﻬﻢ ﻭﻫﻴﺎﻡ ﺍﻟﻠﻲ ﺗﻈﺎﻳﻘﺖ ﻣﻨﻬﻢ ﻭﺑﻴﻦ ﻋﻠﻰ ﻭﻳﻬﻬﺎ ..
ﻭﻣﺴﻜﺖ ﻓﺎﺗﻦ ﻓﺠﺄﺓ ﻳﺪﻫﺎ ﻭﻫﻲ ﺗﺒﺘﺴﻢ ﻟﻬﺎ ..
ﻓﺎﺗﻦ : ﻣﺎ ﻋﻠﻴﺞ .. ﻃﻮﻟﻲ ﺑﺎﻟﺞ ..
ﻫﻴﺎﻡ ﺗﺮﺩ ﻻﺑﺘﺴﺎﻡ ﻟﻔﺎﺗﻦ : what ever
ﻭﺩﺧﻞ ﺍﻟﺪﻛﺘﻮﺭ ﻭﺍﻧﺴﺤﺐ ﻋﺒﺪ ﺍﻟﺮﺣﻤﻦ .. ﻭﺑﺪﺕ ﺍﻟﻤﺤﺎﻇﺮﺓ ...
------------------------------------
ﻣﺴﺎﻋﺪ ﺍﻟﻠﻲ ﻣﺨﻠﺺ ﺩﻭﺍﻣﻪ ﻇﻞ ﻓﻲ ﺍﻟﻤﻜﺘﺐ ﻟﻮﻗﺖ ﺍﻃﻮﻝ ﻋﺸﺎﻥ
ﻳﺨﻠﺺ ﺍﻻﻣﻮﺭ ﺍﻟﻠﻲ ﻓﺎﺗﺘﻪ .. ﻭﺍﻟﻴﻮﻡ ﻋﻠﻰ ﻏﻴﺮ ﺍﻟﻌﻮﺍﻳﺪ ﺭﺍﺡ ﺍﻟﺸﻐﻞ
ﺑﺎﻟﺜﻴﺎﺏ ﺍﻟﻌﺎﺩﻳﺔ ﻳﻌﻨﻲ ﺑﻨﻄﻠﻮﻥ ﻭﻗﻤﻴﺺ .. ﺗﻌﻮﺩ ﻣﻦ ﻟﺒﺴﻪ ﻓﻲ ﺍﻣﻴﺮﻛﺎ
ﻭﻧﺴﻰ ﺍﻟﺪﺷﺪﺍﺷﺔ ﻭﺍﻟﻐﺘﺮﺓ .. ﻭﺍﻟﻜﻞ ﻻﺣﻆ ﻫﺎﻟﺸﻲ .. ﺣﺘﻰ ﺣﻴﺎﺓ
ﺍﻟﺒﺮﺳﻮﻧﺎﻝ ﺍﺳﺴﺘﺎﻧﺪ ﻟﺒﻮ ﺯﻳﺎﺩ ﺍﻟﻠﻲ ﻋﻠﻘﺖ ﻋﻠﻰ ﻣﻈﻬﺮﻩ ﺑﻐﻤﺰﺓ .. ﻭﻫﻮ
ﺍﻟﻠﻲ ﻣﻦ ﻛﻼﻡ ﻣﺮﻳﻢ ﻣﻌﺎﻩ ﻇﻞ ﻣﻨﺘﺸﻲ ﻭﻣﺮﺗﺎﺡ ﻭﺍﺗﺼﺎﻝ ﻓﺎﺗﻦ ﻓﻴﻪ
ﺧﻼﻩ ﻣﺮﺗﺎﺡ ﺍﻛﺜﺮ ﻭﺍﻛﺜﺮ ... ﺧﻄﻮﺗﻬﺎ ﻛﺎﻧﺖ ﺟﺒﻴﺮﺓ ﻭﻫﻮ ﻳﻘﺪﺭ ﻫﺎﻟﺸﻲ
ﻣﻨﻬﺎ ..
ﺯﻫﻖ ﻣﻦ ﻛﺜﺮﺓ ﺍﻻﻭﺭﺍﻕ ﺍﻟﻠﻲ ﻛﺎﻥ ﻻﺯﻡ ﻳﻌﺎﺑﻠﻬﻢ ﻟﻜﻦ ﺭﺍﺡ ﺍﻟﻜﺜﻴﺮ ﻭﺑﻘﻰ
ﺍﻟﻘﻠﻴﻞ .. ﻭﻳﻤﻜﻦ ﻳﺨﻠﻴﻪ ﻟﺒﺎﺟﺮ .. ﻻﻧﻪ ﻣﺎ ﻳﻘﺪﺭ ﻳﺘﺤﻤﻞ ﺍﻛﺜﺮ ﻣﻦ
ﺟﺬﻱ .. ﻳﻤﻜﻦ ﻳﻤﺮ ﺍﻟﻠﻴﻞ .. ﺍﻭ ﺍﻱ ﺷﻲ ﺛﺎﻧﻲ .. ﻣﻊ ﺍﻧﻪ ﻣﺎ ﺳﻮﺍﻫﺎ ﻣﺮﺓ
ﺑﺤﻴﺎﺗﻪ ﺑﺲ ﻳﺒﻲ ﻳﻤﻠﻲ ﻭﻗﺘﻪ ﻗﺪ ﻣﺎ ﻳﻘﺪﺭ ﻋﺸﺎﻥ ﻳﻘﺪﺭ ﻳﺤﻂ ﺷﻲ ﻓﻲ
ﺑﺎﻟﻪ ﻏﻴﺮ ﻓﺎﺗﻦ ﻭﺍﻟﻠﻲ ﻳﻤﻜﻦ ﺗﺴﻮﻳﻪ ﻓﻲ ﻫﺬﻱ ﺍﻟﻠﺤﻈﺎﺕ ..
ﺗﺤﺮﻙ ﻣﻦ ﺍﻟﻤﻜﺘﺐ ﻭﻫﻮ ﻳﺘﻤﻄﻂ ﻣﻦ ﺍﻟﺘﻌﺐ ﻭﻇﻬﺮﻩ ﺍﻟﻲ ﺗﻘﻄﻊ ﻋﻠﻴﻪ
ﻣﻦ ﺍﻟﻘﻌﺪﺓ .. ﻭﺭﻳﻠﻪ ﺍﻟﻠﻲ ﻛﺎﻧﺖ ﻣﺘﺸﻨﺠﺔ ﻣﻦ ﻛﺜﺮﺓ ﺍﻟﺘﻨﻘﻼﺕ ﺍﻟﻴﻮﻡ ..
ﻣﻦ ﺍﻟﺰﻳﺮﻭﻛﺲ ﺍﻟﻰ ﺍﻟﻤﻄﺒﻌﺔ ﻭﻣﻦ ﺍﻟﻤﻄﺒﻌﺔ ﻟﻼﺭﺷﻴﻔﺎﺕ .. ﻭﻣﻦ
ﺍﻻﺭﺷﻴﻔﺎﺕ ﻟﻠﻤﺤﺎﺳﺐ ﻭﺍﻟﻼﺋﺤﺔ ﻣﺴﺘﻤﺮﺓ ..
ﻣﺪﺩ ﺭﻳﻠﻪ ﺑﺸﻜﻞ ﺍﻗﻮﻯ ﻋﺸﺎﻥ ﻳﺤﺮﻙ ﺍﻟﻌﻀﻼﺕ .. ﺧﻼﺹ ﻣﺪﺍﻣﻪ ﺭﺩ
ﺍﻟﻜﻮﻳﺖ ﻳﻌﻨﻲ ﻻﺯﻡ ﻳﺮﺩ ﻟﻠﺠﻴﻢ ﺍﻟﻠﻲ ﻛﺎﻥ ﻳﺮﻭﺣﻠﻪ .. ﻭﻫﺎﻟﺸﻲ ﺑﻴﺨﻠﻴﻪ
ﻳﺤﺲ ﺑﺎﻟﻄﺎﻗﺔ ﺍﻛﺜﺮ .. ﺧﺼﻮﺻﺎ ﻭﻳﺎ ﺭﻳﺎﺿﺘﻪ ﺍﻟﻤﻔﻀﻠﺔ .. ﺍﻟﺴﺒﺎﺣﺔ ..
ﻃﻠﻊ ﻣﻦ ﺍﻟﺒﻨﺎﻳﺔ ﻭﻫﻮ ﻣﺘﻮﺟﻪ ﻟﺒﻴﺖ ﺑﻮ ﺟﺮﺍﺡ ﺍﻟﻠﻪ ﻳﺮﺣﻤﻪ ﻋﺸﺎﻥ
ﻳﺰﻭﺭ ﺍﻫﻞ ﻓﺎﺗﻦ ﻭﻳﺨﺒﺮﻫﻢ ﻋﻦ ﺍﺣﻮﺍﻟﻬﺎ .. ﺍﻛﻴﺪ ﺍﻫﻢ ﻣﺸﺘﺎﻗﻴﻦ ﻟﻬﺎ
ﺑﺎﻟﺤﻴﻞ .. ﻭﻣﺎ ﻧﺴﻰ ﺍﻻﻏﺮﺍﺽ ﺍﻟﺒﺴﻴﻄﺔ ﺍﻟﻠﻲ ﺷﺮﺗﻬﺎ ﻓﺎﺗﻦ ﻻﻫﻠﻬﺎ ﺩﻟﻴﻞ
ﻋﻠﻰ ﺗﻔﻜﻴﺮﻫﺎ ﺑﻬﻢ .. ﺑﺘﻨﻔﻴﺬﻩ ﻟﻬﺎﻻﺷﻴﺎﺀ ﺍﻟﺒﺴﻴﻄﺔ ﻭﺍﻟﻠﻲ ﻣﺎﺗﻨﺬﻛﺮ
ﻳﺤﺲ ﺑﺎﻟﻔﺮﺣﺔ ﻻﻧﻪ ﻳﻘﺪﺭ ﻳﻠﺒﻲ ﻟﻔﺎﺗﻦ ﺍﺑﺴﻂ ﺍﻻﺷﻴﺎﺀ ﻭﺗﻈﻞ ﻭﺗﺒﻘﻰ
ﻓﻲ ﺫﺍﻛﺮﺗﻪ ..
ﻳﻮﻡ ﻭﺻﻞ ﻋﻨﺪ ﺑﻴﺖ ﺑﻮ ﺟﺮﺍﺡ ﻫﺰ ﺭﺍﺳﻪ ﺑﻐﻴﺮ ﺗﺼﺪﻳﻖ؟؟؟ ﻫﺬﺍ
ﺑﻴﺘﻬﻢ؟؟؟ ﺷﺼﺎﺭ ﻓﻴﻪ .. ﺷﻠﻲ ﺳﻮﺍﻩ ﺑﻬﺎﻟﺤﺎﻟﺔ ,, ﺗﺮﻣﻴﻢ ﻫﺬﺍ ﻭﻻ ﻣﻮﻗﻊ
ﺗﻔﺠﻴﺮﺍﺕ ... ﻭﺗﻢ ﻭﺍﻗﻒ ﻣﻜﺎﻧﻪ ﻭﻫﻮ ﻣﻮ ﻣﺼﺪﻕ ﺍﻟﻠﻲ ﻳﺸﻮﻓﻪ .. ﻭﻋﻠﻰ
ﻃﻮﻝ ﺍﺗﺼﻞ ﻓﻲ ﺟﺮﺍﺡ ..
ﺟﺮﺍﺡ ﺍﻟﻠﻲ ﻛﺎﻥ ﻓﻲ ﺍﻟﻮﺭﺷﺔ ﻣﺎ ﻳﺴﻤﻊ ﺍﻟﺘﻠﻔﻮﻥ .. ﻭﻫﻮ ﻳﺼﺎﺭﺥ ﻭﻳﺎ
ﺍﻟﻌﻤﺎﻝ ﻭﺍﻵﻻﺕ ﻣﻐﻄﻴﺔ ﻋﻠﻰ ﻛﻞ ﺻﻮﺕ .. ﻭﻣﻦ ﺑﻌﺪﻫﺎ ﺩﺧﻞ ﺟﺮﺍﺡ
ﺍﻟﻤﻜﺘﺐ ﻭﺍﻟﺘﻠﻔﻮﻥ ﻛﺎﻥ ﺳﺎﻛﺖ .. ﻭﻣﺎ ﺍﻧﺘﺒﻪ ﻟﻪ ﺍﻻ ﻳﻮﻡ ﺭﻥ ﻣﺮﺓ ﺛﺎﻧﻴﺔ ..
ﻭﺷﺎﻑ ﺍﻥ ﻣﺴﺎﻋﺪ ﺍﻟﻠﻲ ﻣﺘﺼﻞ ﻭﺑﺪﻫﺸﺔ ﺭﺩ ﻋﻠﻰ ﺗﻠﻔﻮﻥ
ﺟﺮﺍﺡ : ﻣﺴﺎﻋﺪ؟؟
ﻣﺴﺎﻋﺪ : ﻫﻼ ﺟﺮﺍﺡ ﺷﻠﻮﻧﻚ ﺷﺨﺒﺎﺭﻙ؟
ﺟﺮﺍﺡ : ﺍﺑﺨﻴﺮ ﺍﻟﻠﻪ ﻳﺴﻠﻤﻚ ﺍﻧﺖ ﺷﺨﺒﺎﺭﻙ
ﻣﺴﺎﻋﺪ : ﺍﻟﺤﻤﺪ ﻟﻠﻪ ﺍﺑﺨﻴﺮ؟؟ ﺍﻧﺖ ﻭﻳﻨﻚ ﻓﻲ؟
ﺟﺮﺍﺡ : ﺍﻧﺎ ﻓﻲ ﺍﻟﻮﺭﺷﺔ ﻭﻳﺎ ﺍﻟﻌﻤﺎﻝ .. ﻭﺍﻳﺪ ﺍﺷﻐﺎﻝ ﺗﻌﻄﻠﺖ ﻫﻨﻲ ..
ﻭﻳﺒﻴﻠﻬﺎ ﻣﺘﺎﺑﻌﺔ ﻣﻦ ﻳﺪﻳﺪ .. ﺍﻧﺖ ﻭﻳﻨﻚ؟؟؟ﺻﻮﺗﻚ ﻭﺍﺿﺢ؟؟
ﻣﺴﺎﻋﺪ : ﻻﻧﻲ ﻓﻲ ﺍﻟﻜﻮﻳﺖ ...
ﺟﺮﺍﺡ ﺍﻧﺪﻫﺶ : ﻓﻲ ﺍﻟﻜﻮﻳﺖ؟؟ ﻣﻦ ﻣﺘﻰ؟؟
ﻣﺴﺎﻋﺪ : ﺍﻟﺒﺎﺭﺣﺔ ﺑﺲ ﺭﺩﻳﺖ .. ﻭﺍﻗﻒ ﻋﻨﺪ ﺑﻴﺘﻜﻢ ﻭﻣﺴﺘﻐﺮﺏ ﻣﻦ
ﺣﺎﻟﺘﻪ
ﺟﺮﺍﺡ : ﻋﻨﺪﻧﺎ ﺣﺎﻟﺔ ﺗﺮﻣﻴﻢ ﻓﻲ ﺍﻟﺒﻴﺖ .. ﻣﺴﺎﻋﺪ ﻓﺎﺗﻦ ﻫﻨﺎﻙ ﺑﺮﻭﺣﻬﺎ؟؟
ﻟﻴﺶ ﺭﺩﻳﺖ ﻣﺒﺠﺮ ..
ﻣﺴﺎﻋﺪ : ﺍﺳﺒﻮﻉ ﻭﺍﺣﺪ ﻣﺎﻓﺮﻕ ﺟﺮﺍﺡ ..
ﺟﺮﺍﺡ : ﻟﻴﺶ؟؟ ﺻﺎﺭ ﺑﻴﻨﻜﻢ ﺷﻲ؟؟
ﻣﺴﺎﻋﺪ : ﺧﻠﻚ ﻣﻦ ﻫﺎﻟﻜﻼﻡ ﻗﻮﻝ ﻟﻲ ﺍﻟﺤﻴﻦ ﻭﻳﻦ ﺍﻗﺪﺭ ﺍﺷﻮﻑ
ﺑﻴﺘﻜﻢ ..
ﺟﺮﺍﺡ : ﺍﺻﺒﺮ ﺷﻮﻱ ﺍﻧﺎ ﺍﻟﺤﻴﻦ ﺑﻄﻠﻊ ﻣﻦ ﺍﻟﻮﺭﺷﺔ .. ﻭﻳﻨﻚ ﻓﻴﺎﻟﺒﻴﺖ؟
ﻣﺴﺎﻋﺪ : ﺍﻧﺖ ﺍﻟﻠﻲ ﺧﻠﻚ ﺍﺩﻟﻲ ﺍﻟﻮﺭﺷﺔ ﺍﻟﺤﻴﻦ ﻳﺎﻳﻚ ..
ﺟﺮﺍﺡ : ﺍﻭﻛﻴﻪ ... ﺍﻧﻄﺮﻙ ..
ﺳﻜﺮ ﺟﺮﺍﺡ ﻋﻦ ﻣﺴﺎﻋﺪ ﻭﻫﻮ ﻣﻨﺼﺪﻡ ﻣﻦ ﺭﺩﻩ ﻣﺴﺎﻋﺪ ﺍﻟﻤﺒﺠﺮﺓ ..
ﺻﺞ ﺍﻧﻬﺎ ﺍﺳﺒﻮﻉ ﻟﻜﻦ .. ﺍﺧﺮ ﻣﺎ ﺗﻮﻗﻌﻪ ﺍﻥ ﻣﺴﺎﻋﺪ ﻳﺨﻠﻲ ﻓﺎﺗﻦ ﻭﻳﺮﺩ
ﺑﺴﺮﻋﻪ .. ﺍﻫﻮ ﻇﻦ ﺍﻧﻪ ﻳﻤﻜﻦ ﻳﺘﺄﺧﺮ ﻣﻮ ﻳﺠﺪﻡ ﺍﻟﺴﻔﺮﺓ .. ﺍﻟﻠﻪ ﺍﻋﻠﻢ
ﺑﺎﻟﻠﻲ ﺻﺎﺭ ﺑﻴﻨﺎﺗﻬﻢ .. ﻓﺎﺗﻦ ﻣﺎ ﻛﺎﻧﺖ ﻣﺘﻘﺒﻠﺘﻪ ﻣﻦ ﺍﻟﺰﻳﻦ ﻓﻲ ﺍﻟﺒﺪﺍﻳﺔ
ﻭﻫﺬﺍ ﺍﻟﺴﺒﺐ ﺍﻟﻠﻲ ﺧﻼﻧﻲ ﺍﺭﺩ ﺍﻟﻜﻮﻳﺖ ﻋﺸﺎﻥ ﻳﻘﺪﺭﻭﻥ ﻳﻼﻗﻮﻭﻥ
ﺍﻟﻤﺠﺎﻝ ﺍﻧﻬﻢ ﻳﺘﻔﺎﻫﻤﻮﻥ ﻓﻴﻤﺎ ﺑﻌﻀﻬﻢ .. ﺍﻟﻠﻪ ﻳﻌﻴﻦ ..
ﻛﻠﻬﺎ ﺍﻻ ﻋﺸﺮ ﺩﻗﺎﻳﻖ ﻭﻣﺴﺎﻋﺪ ﻋﻨﺪ ﺟﺮﺍﺡ .. ﺭﺍﻗﺒﻪ ﺟﺮﺍﺡ ﻣﻦ ﺧﻼﻝ
ﺍﻟﺠﺎﻣﺔ ﺍﻟﻠﻲ ﻛﺎﻧﺖ ﺗﻄﻞ ﻋﻠﻰ ﺍﻟﺸﺎﺭﻉ ﻭﺷﺎﻑ ﻣﺴﺎﻋﺪ ﻭﺍﺳﺘﻐﺮﺏ ..
ﻓﻲ ﺍﻟﺒﺪﺍﻳﺔ ﻣﺎ ﻋﺮﻓﻪ .. ﺷﻌﺮﻩ ﻛﺎﻥ ﺍﻏﻠﻆ ﻭﺟﺴﻤﻪ ﺍﺿﻌﻒ ﻣﻦ ﻗﺒﻞ
ﺑﺲ ﻃﻮﻟﻪ ﺍﻟﻔﺎﺭﻉ ﻫﺬﺍ ﺍﻫﻮ .. ﻭﺍﺑﺘﺴﻢ ﻳﻮﻡ ﺷﺎﻓﻪ ﻻﺑﺲ ﺛﻴﺎﺏ ﻋﺎﺩﻳﺔ
ﻣﻮ ﺍﻟﺪﺷﺪﺍﺷﺔ ﻭﺍﻟﻐﺘﺮﺓ ﻣﺜﻞ ﻣﺎ ﺗﻌﻮﺩﻩ ..
ﻃﻠﻊ ﻟﻪ ﺟﺮﺍﺡ ﻭﻳﻮﻡ ﺷﺎﻓﻪ ﻣﺴﺎﻋﺪ ﺍﺑﺘﺴﻢ .. ﻣﻮ ﻋﺸﺎﻥ ﺍﻟﻔﺮﺣﺔ
ﺑﺸﻮﻓﻪ ﻣﺴﺎﺍﻋﺪ ﻻﻧﻪ ﺷﺎﻑ ﻓﺎﺗﻦ ﻓﻴﻪ ﻭﻣﻼﻣﺤﻪ ﺍﻟﻘﺮﻳﺒﻪ ﻣﻦ ﺣﺒﻴﺒﺔ
ﻗﻠﺒﻪ .. ﺻﺎﺭ ﻣﻬﻮﻭﺱ ﺑﺴﻴﺪﺗﻪ ﺍﻟﺼﻐﻴﺮﺓ ﺍﻟﻠﻲ ﺗﺼﺎﺣﺒﻪ ﻓﻲ ﻭﻳﻮﻩ
ﺍﻟﻨﺎﺱ ﻛﻠﻬﺎ ..
ﺟﺮﺍﺡ : ﺣﻴﺎ ﺍﻟﻠﻪ ﻣﺴﺎﻋﺪ .. ﺗﻮﻫﺎ ﻣﺎ ﻧﻮﺭﺕ ﺍﻟﻜﻮﻳﺖ ..
ﻣﺴﺎﻋﺪ ﻭﻫﻮ ﻳﻀﺤﻚ ﻋﻠﻰ ﺷﻜﻞ ﺟﺮﺍﺡ : ﺍﻟﻠﻪ ﻳﻨﻮﺭ ﺣﻴﺎﺗﻚ ... ﺷﻔﻴﻚ
ﺻﺎﻳﺮ ﻟﻲ ﻭﺍﺣﺪ ﻣﻦ ﺍﻟﻌﻤﺎﻝ ..
ﺟﺮﺍﺡ : ﺗﺼﻮﺭ ﺍﻧﻲ ﻻﺑﺲ ﺩﺷﺪﺍﺷﺔ ﻭﺍﻭﻝ ﻣﺎ ﺩﺧﻠﺖ ﻫﻨﻲ ﻗﻠﺖ ﻟﻬﻢ ..
ﻭﻳﻨﻪ ﺍﻻﻭﻓﺮﻭﻭﻝ .. ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﻣﺴﺎﻋﺪ : ﻳﻌﻄﻴﻚ ﺍﻟﻌﺎﻓﻴﺔ .. ﺍﻟﻈﺎﻫﺮ ﺍﻧﻚ ﻣﺴﺘﻠﻢ ﺍﻟﺸﻐﻞ ..
ﺟﺮﺍﺡ : ﺑﻴﻨﻲ ﻭﺑﻴﻨﻚ ﺍﻟﻮﺭﺷﺔ ﻣﺎﺍﺩﺭﻱ ﻋﻨﻬﺎ ﺍﻻ ﺍﻟﻴﻮﻡ ﻃﻮﻝ ﻭﻗﺖ ﻣﺎ
ﺭﺩﻳﺖ ﻭﺍﻧﺎ ﻓﻲ ﺍﻟﻜﻠﻴﺔ ﺍﺧﻠﺺ ﺍﻭﺭﺍﻕ ﺍﻧﺴﺤﺎﺑﻲ ﻭﻳﺎ ﺍﻟﻤﺘﻌﻬﺪﻳﻦ ﻭﺍﻟﺒﻨﺎﺀ
ﻭﺍﻟﺸﻘﺔ ﻭﻛﻞ ﺷﻲ .. ﻳﻌﻨﻲ ﺯﺣﻤﺔ ﺷﻮﻱ
ﻣﺴﺎﻋﺪ : ﻭﻫﺬﺍ ﺷﻲ ﺣﻠﻮ ﺑﻌﺪ ﺍﻧﻚ ﺗﺮﻛﺾ ﻋﺸﺎﻥ ﺑﻴﺘﻜﻢ ﺯﻳﻦ ﺳﻮﻳﺖ ..
ﺍﻻﻧﺴﺎﻥ ﺩﺍﻳﻤﺎ ﻳﺒﺪﻯ ﺑﺮﺍﺱ ﺍﻟﺤﻴﺔ ﻣﻮ ﺑﺬﻳﻠﻬﺎ ..
ﺟﺮﺍﺡ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ... ﻳﺎﻟﻠﻪ .. ﻗﻮﻝ ﻟﻲ .. ﻟﻴﺶ ﺭﺩﻳﺖ ﻣﺒﺠﺮ
ﻋﻦ ﺍﺧﺘﻲ ﻭﺧﻠﻴﺘﻬﺎ ﻫﻨﺎﻙ ﺑﺮﻭﺣﻬﺎ؟؟
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻪ ... ﺧﻔﺖ ﻣﻨﻚ ﺗﺮﻯ ..
ﺟﺮﺍﺡ : ﺍﻣﺰﺡ ﻭﻳﺎﻙ ﺗﺪﺭﻱ ﻓﻴﻨﻲ ..
ﻣﺴﺎﻋﺪ : ﺍﻓﺎ ﻋﻠﻴﻚ ﻋﺎﺩ ... ﻻ ﺑﺲ .. ﺣﺴﻴﺖ ﺍﻥ ﺍﻟﻀﻐﻂ ﻛﺜﺮ ﻋﻠﻰ
ﺍﺧﺘﻚ ﻭﻋﻠﻲ ﺍﻧﺎ ﺑﻌﺪ .. ﻭﻛﺎﻥ ﻻﺯﻡ ﺍﻃﻠﻊ ﻋﻨﻬﺎ ﺷﻮﻱ ﻋﺸﺎﻥ ﺗﺤﺲ
ﻟﻔﺮﺍﻗﻲ ﻭﺗﺸﺘﺎﻕ ﻟﻲ ..
ﺟﺮﺍﺡ : ﺍﺣﻢ ﺍﺣﻢ .. ﻣﻦ ﺍﻟﻤﻔﺮﻭﺽ ﺍﻧﻲ ﺍﻋﺮﻑ ﻫﺎﻟﺴﻮﺍﻟﻒ
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ .. ﺍﻱ ﻋﻴﻞ ﺷﻠﻮﻥ
ﺗﺘﻌﻠﻤﻮﻥ ﺍﻧﺘﻮ ﻳﺎﻟﺼﻐﺎﺭ ..
ﺟﺮﺍﺡ : ﻭﻱ ﻋﺎﺩ ﻻ ﺗﺨﺮﺑﻨﻲ ﺗﺮﻯ ﺍﻣﻲ ﺗﺨﺎﻑ ﻋﻠﻲ ..
ﻣﺴﺎﻋﺪ : ﺍﺩﺭﻱ ﻓﻴﻚ ... ﺧﺎﻳﻔﻴﻦ ﻋﻠﻴﻚ ﻭﻋﻠﻰ ﺷﺒﺎﺑﻚ
ﺟﺮﺍﺡ ﺑﺰﻫﻮ : ﺍﻱ ﻋﺸﻠﻮﻥ ﻋﻴﻞ ..
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﺟﺮﺍﺡ : ﻳﺎﻟﻠﻪ ﺧﻠﻨﺎ ﻧﺮﻭﺡ ﺍﻟﺒﻴﺖ ﺍﻛﻴﺪ ﺍﻧﺖ ﻭﺻﺎﻳﺎ ﻓﺎﺗﻦ ﻭﺍﺻﻠﺔ
ﻟﻠﺴﻤﺎ .. ﻭﺳﻼﻣﺎﺗﻬﺎ ﻭﺗﻌﻠﻴﻤﺎﺗﻬﺎ ﻭﻣﺮﺍﺣﺒﻬﺎ
ﻣﺴﺎﻋﺪ : ﺍﻱ ﻭﺍﻟﻠﻪ ﺣﺘﻰ ﺍﻥ ﻟﺒﻴﺘﻜﻢ ﺻﻮﻏﺔ ..
ﺟﺮﺍﺡ : ﺍﻟﻠﻪ ﻟﻴﺶ ﺍﻟﻌﺒﺎﻟﺔ
ﻣﺴﺎﻋﺪ : ﺍﻥ ﺟﺎﻥ ﻋﻠﻲ ﺍﻧﺎ ﻣﺎ ﺍﻳﻴﺐ ﺷﻲ ﻟﻤﺎ ﺍﺳﺎﻓﺮ .. ﻫﺬﻱ ﺍﺧﺘﻚ
ﺟﺮﺍﺡ : ﺍﻟﺤﺮﻳﻢ ﻟﻬﻢ ﻋﺎﺩﺍﺕ
ﻣﺴﺎﻋﺪ : tell me about it
ﺟﺮﺍﺡ ﻭﻫﻮ ﻳﻔﺘﺢ ﻋﻴﻮﻧﻪ : yes yes ﺻﺮﺕ ﻋﻨﻘﺮﻳﺰﻱ ﻣﺴﺎﻋﺪ؟؟
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻳﺎﺧﻲ ﺑﺎﻟﻐﻠﻂ ..
ﺟﺮﺍﺡ : ﻫﻬﻬﻬﻬﻬﻬﻬﻬﻬﻬﻬﻪ ﻳﺎﻟﻠﻪ ﺩﻗﺎﻳﻖ ﺍﻏﻴﺮ ﻣﻼﺑﺲ ﻭﺭﺍﺩ ﻟﻚ ..
ﻇﻞ ﻣﺴﺎﻋﺪ ﻓﻴﺎﻟﺴﻴﺎﺭﺓ ﻭﺍﻟﺪﻧﻴﺎ ﺑﺪﺕ ﺗﻈﻠﻢ .. ﻭﺑﺎﻟﺸﺘﺎﺀ ﺍﻟﺪﻧﻴﺎ ﺗﻈﻠﻢ
ﻭﺍﻻﺫﺍﻥ ﺑﻌﺪﻩ ﻣﺎ ﺍﺫﻥ .. ﻭﺻﻞ ﺟﺮﺍﺡ ﻭﺗﺤﺮﻛﺖ ﺍﻟﺴﻴﺎﺭﺓ ﺍﻟﻰ ﺑﻴﺖ ﺍﻡ
ﺟﺮﺍﺡ .. ﻋﺸﺎﻥ ﻳﻮﺻﻠﻮﻥ ﻟﻬﺎ ﺍﺧﺮ ﺍﺧﺒﺎﺭ ﺑﻨﺘﻬﺎ ..
-----------------------------------------
ﺑﻮﻗﺖ ﺍﻟﻠﻲ ﻫﺒﻂ ﺍﻟﻠﻴﻞ ﻓﻲ ﺍﻟﻜﻮﻳﺖ ﻛﺎﻥ ﺍﻟﺼﺒﺎﺡ ﺑﺎﻭﺟﻪ ﻓﻲ ﺍﻣﻴﺮﻛﺎ
ﻭﻓﺎﺗﻦ ﻛﺎﻧﺖ ﻗﺎﻋﺪﺓ ﻓﻲ ﺍﺣﺪ ﺍﻻﺳﺘﺮﺍﺣﺎﺕ ﺍﻟﻠﻲ ﺗﻨﺘﺸﺮ ﻓﻴﺎﻟﺠﺎﻣﻌﺔ ﻣﻊ
ﺍﻟﺒﻨﺎﺕ ﻣﻦ ﺍﻟﺸﻠﺔ .. ﺻﺞ ﺍﻥ ﻣﻌﻈﻤﻬﻢ ﺍﻣﻴﺮﻛﻴﺎﺕ ﻟﻜﻦ ﻛﺎﻧﻮﻭ ﻣﺼﺪﺭ
ﺭﺍﺣﺔ ﻟﻔﺎﺗﻦ .. ﻭﻫﻴﺎﻡ ﺑﻌﺪ ﺍﻟﻠﻲ ﻛﺎﻧﺖ ﺛﻨﺎﺋﻲ ﻓﻲ ﺍﻟﺠﺎﻣﻌﺔ ﻭﻳﺎ ﻓﺎﺗﻦ
ﻣﻦ ﻭﺻﻠﺖ .. ﺣﺘﻰ ﻛﺮﻳﺴﺘﻲ ﻏﺎﺭﺕ ﺑﺴﺒﺐ ﻫﺎﻟﺸﻲ ﺑﺲ ﺗﻮﺍﺟﺪ ﻋﺒﺪ
ﺍﻟﺮﺣﻤﻦ ﺍﻻﺭﺑﻊ ﻭﻋﺸﺮﻳﻦ ﺳﺎﻋﻲ ﻳﺒﻌﺪ ﻋﻨﻬﺎ ﻫﺎﻟﺸﻌﻮﺭ .. ﻟﻜﻦ ﺗﻈﻞ ﻓﻲ
ﻗﻠﺒﻬﺎ ﻣﺤﺒﻪ ﺧﺎﺻﺔ ﻟﻔﺎﺗﻦ ﻧﻈﺮﺍ ﻟﻄﺒﻴﻌﺘﻬﺎ ﺍﻟﻨﺎﻋﻤﺔ ﻭﺍﻟﻄﻴﺒﺔ ..
ﻫﻴﺎﻡ ﻛﺎﻧﺖ ﺗﻀﺤﻚ ﻭﻳﺎ ﻓﺎﺗﻦ ﻭﻓﺎﺗﻦ ﺗﺒﺎﺩﻟﻬﺎ ﺍﻟﻀﺤﻚ ﻭﻟﻜﻦ ﺑﻬﺪﻭﺀ
ﻭﻣﻦ ﺑﻌﻴﺪ ﻛﺎﻥ ﻳﺮﺍﻗﺒﻬﻢ ﺯﻳﺎﺩ ﻭﻋﺒﺪ ﺍﻟﺮﺣﻤﻦ ﻛﺎﻥ ﻳﺮﺍﻗﺒﻪ .. ﻭﻳﻮﻡ ﻣﻞ
ﻣﻦ ﺗﺠﺎﻫﻞ ﺯﻳﺎﺩ ﻟﻪ ﻭﻗﻒ ﻓﻲ ﻭﻳﻬﻪ
ﻋﺒﺪﺍﻟﺮﺣﻤﻦ : ﻭﺵ ﺑﻼﻙ ﺟﺎﻟﺲ ﺍﺍﺣﺎﻛﻴﻚ ﻭﻋﻴﻮﻧﻚ ﻋﻠﻰ the lady in
blue
ﺯﻳﺎﺩ ﻳﺒﺘﺴﻢ ﻭﻋﻴﻨﻪ ﻟﻠﺤﻴﻦ ﻋﻠﻰ ﺍﻟﻠﻲ ﻳﻨﺎﻇﺮﻩ : ﻳﺎﻟﻐﺒﻲ ﻣﻮ ﻗﺎﻋﺪ ﺍﻃﺎﻟﻊ
ﻓﺎﺗﻦ .. ﻗﺎﻋﺪ ﺍﻃﺎﻟﻊ ﻫﻴﺎﻡ .. ﺻﺞ ﺍﻧﻬﺎ ﻏﺒﻴﺔ .. ﻭﻋﻮﺍﻃﻔﻬﺎ ﺑﺘﺨﻮﻧﻬﺎ
ﻓﻴﻮﻡ ..
ﻋﺒﺪ ﺍﻟﺮﺣﻤﻦ : ﻛﻴﻒ؟؟
ﺯﻳﺎﺩ : ﺷﻠﻮﻥ ﻛﻴﻒ ﺑﻌﺪ .. ﻳﻌﻨﻲ ﺍﻥ ﻇﻠﺖ ﻋﻠﻰ ﻫﺎﻟﻐﺒﺎﺀ ﺍﻟﻠﻲ ﺍﻫﻲ
ﻋﺎﻳﺸﺘﻪ ﺻﺪﻗﻨﻲ ﺑﺘﻨﺼﺪﻡ ﻳﻮﻡ ..
ﻋﺒﺪ ﺍﻟﺮﺣﻤﻦ : ﻗﺼﺪﻙ ﻋﻦ ﺳﺎﻟﻔﺔ ﺣﻤﺪ .. ﻋﺎﺩﻱ ﻳﺎ ﺯﻳﺎﺩ .. ﻛﻞ ﺑﻨﺖ ﻟﻤﻦ
ﺗﻼﻗﻲ ﻟﻬﺎ ﺣﺪ ﻳﻬﺘﻢ ﺑﻬﺎ ﺗﻤﻴﻞ ﻟﻪ ..
ﺯﻳﺎﺩ ﻭﻋﻴﻮﻧﻪ ﻋﻠﻰ ﻫﻴﺎﻡ ﻭﻫﻮ ﻳﺸﺪﻫﻢ : ﻳﻌﻨﻲ ﻣﺎ ﺗﻮﻗﻌﺘﻬﺎ ﺗﻜﻮﻥ
ﺑﻬﺎﻟﻐﺒﺎﺀ ﻳﻌﻨﻲ .. ﺣﺴﻴﺘﻬﺎ ﺑﺘﺼﻴﺪﻧﻲ ﺑﺴﺮﻋﻪ ﻟﻜﻨﻬﺎ ﻃﻠﻌﺖ ﻣﺪﻣﻐﺔ ..
ﻋﺒﺪﺍﻟﺮﺣﻤﻦ ﻭﻫﻮ ﻳﻮﻟﻊ ﺻﻠﺐ ﺯﻗﺎﺭﺓ : ﻋﺎﺩﻱ ﻳﺎ ﺍﺧﻲ ﺍﻧﺎ ﺗﻌﻠﻤﺖ ﻟﻴﻪ
ﺍﻧﺖ ﻣﻨﺖ ﺑﺮﺍﺿﻲ ﺗﺘﻌﻠﻢ ﺯﻳﻲ ..
ﺯﻳﺎﺩ : ﻣﺎﺩﺭﻱ ﺷﻠﻮﻥ .. ﺗﺼﺪﻕ ﺳﺎﻋﺎﺕ ﺧﺎﻃﺮﻱ ﺍﻣﺴﻜﻬﺎ ﺟﺬﻱ ﻭﺍﺭﻗﻌﻬﺎ
ﺑﻜﺴﺎﺕ ﻟﻤﻦ ﺗﻔﻬﻢ ﻭﺑﻌﺪﻳﻦ ﺑﺮﺗﺎﺡ ..
ﻋﺒﺪ ﺍﻟﺮﺣﻤﻦ : ﺣﺎﺳﺐ .. ﺗﺮﺍﻙ ﺑﺎﻣﻴﺮﻛﺎ .. ﻟﻮ ﻛﻨﺖ ﻓﻲ ﻣﻜﺎﻥ ﺛﺎﻧﻲ ﻛﺎﻥ
ﺍﻟﺴﺎﻟﻔﺔ ﻋﺎﺩﻳﺔ ﻭﺑﺘﻤﺮ ﺑﻬﺪﻭﺀ .
ﺯﻳﺎﺩ : ﻣﺎﻟﺖ ﻋﻠﻴﻚ ﻋﺎﺩ ﺍﻧﺖ ﻭﺍﻳﺪ ﺳﺎﺧﺮ ..
ﻋﺒﺪ ﺍﻟﺮﺣﻤﻦ : ﻭﺍﻟﻠﻪ ﻣﻬﻲ ﺑﺤﺎﻟﻪ ﺍﻧﺖ ﻭﻳﺎﻫﺎ .. ﺗﺤﺒﻬﺎ ﻣﻦ ﺍﻭﻝ
ﻣﺎﻃﺎﺣﺖ ﻋﻴﻨﻚ ﻋﻠﻴﻬﺎ ﻭﻣﻨﺖ ﺑﺮﺍﺿﻲ ﺗﻌﻠﻤﻬﺎ ﺑﻬﺎﻟﺸﻲ ﻭﻻﻋﺐ ﻣﻌﺎﻫﺎ
ﻟﻌﺒﺔ ﺍﻟﻘﻂ ﻭﺍﻟﻔﺎﺭ ... ﺻﺪﻕ ﺍﻧﻲ ﻣﻌﺠﺐ ﻛﺒﻴﺮ ﺑﺤﻤﺎﺳﻴﺔ ﺗﻮﻭﻡ ﻟﻜﻦ
ﺟﻴﺮﻱ ﻛﺎﻥ ﻳﻘﻬﺮﻧﻲ .. ﺻﺪﻗﻨﻲ ﻫﺎﻟﻠﻌﺒﺔ ﺣﻠﻮﺓ ﻟﻜﻨﻬﺎ ﺍﺫﺍ ﻃﺎﻟﺖ
ﺳﻤﺠﺖ ..
ﺯﻳﺎﺩ : ﺷﺘﺒﻴﻨﻲ ﺍﺳﻮﻱ ﻋﻴﻞ .. ﺍﻟﻠﻲ ﺍﻫﻲ ﺗﺒﻴﻪ .. ﺍﻧﻲ ﺍﺭﻭﺡ ﻟﻬﺎ ﻭﺍﻗﻮﻝ
ﻟﻬﺎ ﻟﻮ ﺳﻤﺤﺘﻲ ﻳﺎ ﺫﺍﺕ ﺍﻟﻤﻼﻣﺢ ﺍﻟﺠﻤﻴﻠﺔ ﺍﻫﺪﻳﻨﻲ ﻗﻠﺒﻚ ﻻﻧﻲ ﺑﻼ
ﻗﻠﺐ ﻓﻘﺪ ﻓﻘﺪﺗﻪ ﻋﻨﺪﻣﺎ ﺭﺃﻳﺘﻚ ..
ﻋﺒﺪ ﺍﻟﺮﺣﻤﻦ ﻳﺘﺼﻨﻊ ﺍﻻﻫﺘﻤﺎﻡ : ﺍﻳﺶ ﻗﻠﺖ .. ﻋﻴﺪﻩ ﻟﻮ ﺳﻤﺤﺖ
ﺑﺴﺘﺨﺪﻣﻪ ﻓﻲ ﻗﺼﻴﺪﺗﻲ ﺍﻟﺠﺪﻳﺪﺓ
ﺯﻳﺎﺩ : ﻭﺧﺮ ﺯﻳﻦ ﻻ ﺑﻜﺲ ﻋﻠﻰ ﻋﻴﻨﻚ ... ﺍﻫﻲ ﻣﻦ ﻃﺮﻑ .. ﻭﻓﺎﺗﻦ ﻣﻦ
ﻃﺮﻑ ﺛﺎﻧﻲ ...
ﻋﺒﺪ ﺍﻟﺮﺣﻤﻦ : ﻳﺎ ﻫﺬﻱ ﺍﻟﺤﺎﻟﺔ ﺍﻟﺮﺟﺎﻝ ﺑﻮ ﻗﻠﺒﻴﻦ .. ﻭﺵ ﺑﻼﻫﺎ ﻓﺎﺗﻦ
ﺑﻌﺪ .. ﺑﺎﻟﺼﺮﺍﺣﺔ ﺍﻧﺎ ﻣﺎ ﻋﺠﺒﺘﻨﻲ ﺍﺑﺪﺍ .. ﻫﺎﺩﺋﺔ ﺯﻳﺎﺩﺓ ﻋﻦ ﺍﻟﻠﺰﻭﻡ ..
ﻭﺛﻘﻴﻠﻪ ﻭﺛﻘﻠﻬﺎ ﻣﺴﻤﺠﻬﺎ ..
ﺯﻳﺎﺩ ﻳﻠﺘﻔﺖ ﻟﻪ : ﻭﻳﺎﺯﻋﻢ ﻣﺘﻌﻠﻢ ﺍﻧﺖ ﻭﻋﺎﺭﻑ ﻭﺧﺎﺑﺮ ﺍﻟﺒﻨﺎﺕ .. ﻳﺎ ﺧﺒﻞ
ﻫﺬﺍ ﺍﻟﻨﻮﻉ ﺍﺣﻠﻰ ﻧﻮﻉ ﻣﻦ ﺍﻟﺒﻨﺎﺕ .. ﻫﺬﺍ ﺍﻟﻨﻮﻉ ﺍﻟﻠﻲ ﻳﺨﻠﻴﻚ ﺗﻌﻴﺶ
ﺑﺤﻴﺮﺓ ﻭﻫﻢ ﻣﺮﺗﺎﺣﺎﺕ .. ﻫﺬﺍ ﺍﻟﻨﻮﻉ ﺍﻟﻠﻲ ﻳﺨﻠﻴﻚ ﺗﺘﻄﻌﻢ ﻟﻴﻠﻚ ﻭﺗﻜﺮﻩ
ﻧﻬﺎﺭﻙ ..
ﻋﺒﺪ ﺍﻟﺮﺣﻤﻦ : ﻳﻌﻨﻲ ﺍﻧﺖ ﻻﺯﻡ ﺗﺤﺪﺩ ﻣﺼﻴﺮﻙ .. ﻓﺎﺗﻦ .. ﻭﻻ ﻫﻴﺎﻡ
ﺯﻳﺎﺩ : ﻓﺎﺗﻦ ﺭﺍﺣﺖ ﻣﻦ ﻳﺪﻱ ..
ﻋﺒﺪ ﺍﻟﺮﺣﻤﻦ ﺑﺎﺳﺘﻐﺮﺍﺏ : ﻛﻴﻒ؟؟
ﺯﻳﺎﺩ : ﻓﺎﺗﻦ ﻫﺬﻱ ﺧﻄﻴﺒﺔ ﺷﺮﻳﺞ ﺍﺑﻮﻱ ﻓﻲ ﺷﺮﻛﺘﻪ ..
ﻋﺒﺪ ﺍﻟﺮﺣﻤﻦ : ﺍﻧﻘﻠﻊ .. ﻣﺘﺰﻭﺟﺔ؟؟؟
ﺯﻳﺎﺩ : ﺍﻳﻪ ﻣﺘﺰﻭﺟﺔ ..
ﻋﺒﺪ ﺍﻟﺮﺣﻤﻦ : ﻋﻠﻴﻬﻢ ﺍﻟﺤﺮﺍﻡ ... ﻭﺍﻟﻠﻪ ﺍﻧﻲ ﻛﻨﺖ ﺍﻣﺰﺡ ﻋﻨﻬﺎ .. ﺻﺪﻗﻨﻲ
ﻛﻨﺖ ﺣﺎﻃﻬﺎ ﻓﻲ ﺑﺎﻟﻲ .. ﻳﺎ ﺧﺴﺎﺍﺍﺍﺭﺗﻲ .. ﻳﺎﺣﻈﻪ ﺍﻟﻠﻲ ﻣﺘﺰﻭﺟﻬﺎ ...
ﺯﻳﺎﺩ : ﺍﻫﻲ ﺑﻌﺪ ﻳﺎ ﺣﻈﻬﺎ .. ﻣﺜﻞ ﻣﺴﺎﻋﺪ ﻣﺎ ﻳﺘﺤﺼﻞ ... ﺑﺲ ﻣﺎﺩﺭﻱ
ﻟﻴﺶ ﺍﺣﺲ ﺍﻥ ﻫﻨﺎﻙ ﺑﺮﻭﺩ ﺑﻴﻨﻬﻢ ﻭﻓﺠﻮﺍﺕ ...
ﻋﺒﺪ ﺍﻟﺮﺣﻤﻦ : ﺯﻳﺎﺩ .. ﻳﺎ ﺭﺟﺎﻝ ﺍﻧﺎ ﻗﻠﺒﻲ ﺣﺒﻚ ﻭﺍﻟﻠﻪ ﺍﻧﻲ ﺍﺑﻐﻲ ﺣﻴﺎﺗﻚ
ﻻ ﺗﺘﺪﺧﻞ ﺑﻴﻦ ﺍﻟﺮﺟﺎﻝ ﻭﺣﺮﻣﺘﻪ ﻓﻴﻬﺎ ﻗﺺ ﺭﻗﺎﺏ ﻳﺎ ﺷﻴﺦ
ﺯﻳﺎﺩ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ .. ﺗﺪﺭﻱ ﺷﺸﻲ ..
ﻋﺒﺪ ﺍﻟﺮﺣﻤﻦ : ﺍﻳﺶ ﻳﺎ ﺑﻮ ﺍﻓﻜﺎﺭ ﺟﻬﻨﻤﻴﺔ ..
ﺯﻳﺎﺩ ﻭﻫﻮ ﻳﻘﻌﺪ ﻭﻳﻠﻢ ﻋﺒﺪ ﺍﻟﺮﺣﻤﻦ ﻣﻦ ﺭﻗﺒﺘﻪ : ﺷﻮﻑ .. ﺍﻧﺎ ﺑﺮﺍﻓﺞ
ﻓﺎﺗﻦ .. ﻭﺑﺼﻴﺮ ﺻﺪﻳﻘﻬﺎ ﻋﺸﺎﻥ ﺍﻧﻲ ﺍﺗﻘﺮﺏ ﻣﻦ ﻫﻴﺎﻡ ﺍﻛﺜﺮ .. ﺑﺨﻠﻴﻬﺎ
ﺗﻔﻬﻢ ﺍﻧﻲ ﻣﻮ ﻣﻬﺘﻢ ﻓﻴﻬﺎ ﻭﺟﺬﻱ ﺑﺘﻜﻮﻥ ﺍﻟﺴﺎﻟﻔﺔ ﻋﺎﺩﻳﺔ ﻭﺷﻮﻱ ﺷﻮﻱ
ﺍﺗﻘﺮﺏ ﻣﻦ ﻫﻴﺎﻡ .. ﺷﺮﺍﻳﻚ
ﻋﺒﺪ ﺍﻟﺮﺣﻤﻦ : ﻳﺎ ﻋﻴﻨﻲ ﻋﻠﻰ ﺍﻻﻓﻜﺎﺭ ﺍﻟﻌﺮﺑﻴﺔ .. ﻫﻨﺎ ﺍﻟﻌﻘﻞ ﻭﺍﻻ ﻭﺍﺣﺪ
ﺯﻱ ﻫﺎﻟﺰﺑﺎﻳﻞ ﺍﻟﻠﻲ ﻫﻨﺎ ﺑﺮﻭﺡ ﻟﻬﺎ ﺑﺮﺟﻠﻪ ﻳﻘﻮﻝ ﻟﻬﺎ ﺍﻟﺼﺮﺍﺣﺔ ﻭﻟﻠﻲ ﻓﻲ
ﻗﻠﺒﻪ .. ﻗﻠﺐ ﺭﺟﺎﻝ ﻣﻨﺼﺐ ﺑﻤﻮﻳﺔ ﺑﺎﺭﺩﺓ
ﺯﻳﺎﺩ ﻭﻫﻮ ﻳﻌﻘﺪ ﺣﻮﺍﺟﺒﻪ : ﻣﺎ ﻋﺠﺒﺘﻚ ﻓﻜﺮﺗﻲ
ﻋﺒﺪ ﺍﻟﺮﺣﻤﻦ : ﻻ ﻭﺍﻟﻠﻪ .. ﻣﺎ ﻋﺠﺒﺘﻨﻲ .. ﺯﻱ ﻭﺟﻬﻚ .. ﻳﺎﻟﻠﻪ ﺍﻧﺎ ﻋﻨﺪﻱ
ﻛﻼﺱ ﻟﺰﻡ ﺍﺣﻀﺮﻩ .. ﺍﺷﻮﻓﻚ ﻋﻠﻰ ﺧﻴﺮ ..
ﺯﻳﺎﺩ : ﺍﻟﺨﻴﺮ ﺑﻮﻳﻬﻚ ...
ﺭﺍﺡ ﻋﺒﺪ ﺍﻟﺮﺣﻤﻦ ﻋﻦ ﺯﻳﺎﺩ ﺍﻟﻠﻲ ﻇﻞ ﻗﺎﻋﺪ ﻭﻫﻮ ﻳﻨﺎﻇﺮ ﻫﻴﺎﻡ ﻭﺷﻠﻮﻥ
ﺗﻀﺤﻚ ... ﻭﺗﺬﻛﺮ ﺑﺪﺍﻳﺔ ﺍﻟﻤﻌﺎﻧﺎﺓ .. ﻣﺜﻠﻪ ﻣﺜﻞ ﻓﺎﺗﻦ ﺍﻭﻝ ﻣﺎ ﻭﺻﻞ
ﺍﻣﻴﺮﻛﺎ ﻭﺧﺼﻮﺻﺎ ﻫﺎﻟﺠﺎﻣﻌﺔ .. ﻳﺪﻭﺭ ﻋﻠﻰ ﻛﻼﺳﺎﺗﻪ ﻭﻣﻦ ﺑﻴﻦ
ﻫﺎﻟﻜﻼﺳﺎﺕ ﺷﺎﻓﻬﺎ ﻗﺎﻋﺪﺓ ﻭﻫﻲ ﺗﻀﺤﻚ .. ﺗﻢ ﺑﺎﻫﺖ ﻣﻜﺎﻧﻪ ﻭﻫﻮ
ﻳﻨﺎﻇﺮ ﺷﻜﻠﻪ ﺷﻠﻮﻥ ﺍﻥ ﺍﻻﺑﺘﺴﺎﻡ ﺻﺎﺭ ﻟﻪ ﻣﻌﻨﻰ ﺛﺎﻧﻲ ﻓﻲ ﻭﻳﻬﻬﺎ ..
ﻭﺷﻠﻮﻥ ﺍﻥ ﺍﻻﻟﻮﺍﻥ ﻛﺎﻧﺖ ﻣﺘﺪﺍﺧﻠﺔ .. ﻣﻦ ﻋﻴﻮﻧﻬﺎ ﻟﻠﻮﻥ ﻭﺟﻨﺎﺗﻬﺎ
ﻭﺷﻔﺎﻳﻔﻬﺎ .. ﻭﺷﻌﺮﻫﺎ ﺍﻻﺣﻤﺮ ﺍﻟﺒﺮﻏﻨﺪﻱ .. ﻭﺑﻴﺎﺽ ﺑﺸﺮﺗﻬﺎ ﺍﻟﻤﺼﺎﺣﺐ
ﺑﺎﻟﻮﺭﺩﻱ .. ﻭﻛﻴﻒ ﺍﻥ ﺷﻜﻠﻬﺎ ﻋﺒﺮ ﻋﻦ ﻣﻠﻜﺔ ﺟﻤﺎﻝ ﺍﺣﻼﻡ ﻛﻞ ﺷﺎﺏ ..
ﻭﺭﺍﺡ ﻭﺩﺧﻞ ﺍﻟﻜﻼﺱ ﻭﻋﻴﻮﻧﻪ ﻋﻠﻴﻬﺎ ﻟﻤﻦ ﺩﻋﻢ ﻓﻴﻪ ﻭﺍﺣﺪ ﻭﻃﻴﺢ ﻛﻞ
ﺍﻟﻜﺘﺐ ﺍﻟﻠﻲ ﻛﺎﻥ ﺣﺎﻣﻠﻬﺎ ﻭﺧﻠﻰ ﻛﻞ ﺍﻻﻧﺘﺒﺎﻩ ﻳﺘﻮﺟﻪ ﻟﻪ .. ﺑﺎﺑﺘﺴﺎﻣﺔ
ﻗﻠﻪ ﺣﻴﻠﻪ ﻭﺟﻬﻬﺎ ﺯﻳﺎﺩ ﻟﻠﻜﻞ ﺗﺒﺎﺩﻝ ﺍﻟﻜﻞ ﺍﻟﻀﺤﻚ ﻭﻳﺎﻩ .. ﻭﺣﺘﻰ ﺍﻥ
ﻭﺣﺪﺓ ﻣﻦ ﺍﻟﺒﻨﺎﺕ ﻗﺎﻣﺖ ﻭﺷﺎﻟﺖ ﺍﻟﻜﺘﺐ ﻭﻳﺎﻩ .. ﻭﻭﺍﺣﺪ ﻣﻦ ﺍﻟﺸﺒﺎﺏ
ﻓﻀﻰ ﻣﻜﺎﻥ ﻳﻤﻪ ﻋﺸﺎﻥ ﻳﺮﻭﺡ ﻭﻳﻘﻌﺪ .. ﻭﻋﺒﺪ ﺍﻟﺮﺣﻤﻦ ﺑﻌﺪ ﻛﺎﻥ ﻓﻲ
ﺍﻟﻜﻼﺱ ﻭﺻﻠﺐ ﺍﻟﺰﻗﺎﺭﺓ ﻛﺎﻥ ﻋﻠﻰ ﻃﺮﻑ ﺛﻤﻪ .. ﻭﻣﻦ ﺑﻌﺪ ﻣﺎ ﺳﻠﻢ
ﻋﻠﻰ ﺯﻳﺎﺩ ﻭﺟﻪ ﻋﻴﻮﻧﻪ ﻋﻠﻰ ﺻﻴﺪﺗﻪ .. ﺍﻟﻠﻲ ﻛﺎﻧﺖ ﺗﺘﻤﺜﻞ ﻓﻲ
ﻛﺮﻳﺴﺘﻲ ﺍﻟﻤﻨﺒﻬﺮﺓ ﺑﺠﻤﺎﻟﻪ ﻭﻫﻮ ﻳﻐﻤﺰ ﻟﻬﺎ ﻭﺍﻫﻲ ﺗﻀﺤﻚ ﻭﻳﺎ ﻫﻴﺎﻡ ..
ﻋﺒﺪ ﺍﻟﺮﺣﻤﻦ ..: ﺧﻠﻴﺠﻲ؟؟
ﺯﻳﺎﺩ : ﺍﺳﺠﺪ ﻟﻠﻪ ﺑﺎﻟﺸﻜﺮ .. ﻛﻮﻳﺘﻲ ..
ﻋﺒﺪ ﺍﻟﺮﺣﻤﻦ/ ﺳﻌﻮﺩﻱ ﻭﻛﻠﻲ ﻓﺨﺮ ..
ﺯﻳﺎﺩ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ﻫﻼ ﻓﻴﻚ
ﻋﺒﺪ ﺍﻟﺮﺣﻤﻦ : ﻳﺒﻘﻴﻚ ..
ﻭﻣﺮﺕ ﺍﻻﻳﺎﻡ ﻋﻠﻰ ﻫﺬﺍﻙ ﺍﻟﺤﺎﻝ ﻭﺗﻼﺣﻤﺖ ﺍﻟﺮﺑﺎﻋﺔ .. ﺟﻤﺎﻋﺔ ﺯﻳﺎﺩ
ﺍﻟﻠﻲ ﺻﺎﺭ ﺍﻫﻮ ﻟﺴﺒﺐ ﻏﺮﻳﺐ ﻧﻮﻉ ﻣﻦ ﺍﻟﻘﻴﺎﺩﻱ ﻟﻬﺎ .. ﻭﺟﻤﺎﻋﺔ ﻫﻴﺎﻡ
ﺍﻟﻠﻲ ﺑﻜﻞ ﺻﻮﺭﺓ ﻭﺍﺿﺤﺔ ﺍﻫﻲ ﻗﻴﺎﺩﻳﺔ ﻟﻬﺎ .. ﻟﻜﻦ ﺍﻟﻨﻔﻮﺭ ﺑﻴﻦ ﺍﻻﺛﻨﻴﻦ
ﻛﺎﻥ ﻣﺘﻤﺜﻞ ﻓﻲ ﺍﻟﻤﻨﺎﺟﺮ ﺍﻟﻠﻲ ﻛﺎﻧﻮﻭ ﻳﻤﺮﻭﻥ ﻓﻴﻪ .. ﻻﻥ ﺯﻳﺎﺩ ﻛﺎﻧﺖ
ﻃﺒﻴﻌﺘﻪ ﻭﺍﺳﻠﻮﺑﻪ ﻓﻲ ﺍﻟﻜﻼﻡ ﻛﻮﻣﻴﺪﻱ ﻭﺍﻟﻄﻨﺎﺯﺓ ﻋﻠﻰ ﺍﻟﻐﻴﺮﻛﺎﻧﺖ
ﻫﻮﺍﻳﺘﻪ ﺑﺲ ﺍﻟﻲ ﻗﻠﺒﻪ ﻛﺒﻴﺮ ﺑﻴﻌﺮﻑ ﺍﻥ ﺯﻳﺎﺩ ﻳﻌﺒﺮ ﻋﻦ ﺣﺒﻪ
ﺑﺎﻟﻜﻮﻣﻴﺪﻳﺎ ﻟﻜﻦ ﻃﺒﻴﻌﺔ ﻫﻴﺎﻡ ﺍﻟﺤﺴﺎﺳﺔ ﻣﻨﻌﺖ ﻫﺎﻟﺘﻔﻬﻢ ﻓﻴﻬﺎ .. ﺑﺲ
ﻣﺎ ﻣﻨﻌﻬﺎ ﻫﺎﻟﺸﻲ ﻣﻦ ﺍﻥ ﻳﺘﻐﻠﻐﻞ ﺯﻳﺎﺩ ﻓﻲ ﻗﻠﺒﻬﺎ ﺑﻄﺮﻳﻘﺔ ﻏﻴﺮ
ﻣﻌﻘﻮﻟﺔ .. ﻳﻤﻜﻦ ﺑﺴﺒﺐ ﺷﻌﺒﻴﺘﻪ ﺑﻴﻦ ﺍﻟﻨﺎﺱ ﻭﺍﺳﻠﻮﺑﻪ ﺍﻟﺼﺮﻳﺢ ﺍﻟﻠﻲ
ﺗﻜﺮﻫﻪ ﻓﻴﻪ ﻟﻜﻨﻬﺎ ﺗﻌﺸﻘﻪ ..
ﻭﺟﺬﻱ ﻃﺎﻓﺖ ﺍﻟﺴﻨﺔ ﻋﻠﻴﻬﻢ .. ﺭﺩ ﻓﻴﻬﺎ ﺍﻟﻜﻮﻳﺖ ﺯﻳﺎﺩ ﻭﻟﻜﻨﻪ ﺭﺩ
ﺍﻣﻴﺮﻛﺎ ﺑﺴﺮﻋﺔ ﻻﻧﻪ ﻣﺎ ﻗﺪﺭ ﻋﻠﻰ ﻓﺮﺍﻕ ﻫﻴﺎﻡ ﻭﺗﻔﺎﺟﺄ ﻳﻮﻡ ﺩﺭﻯ ﺍﻧﻬﺎ
ﺭﺍﺣﺖ ﺍﻟﺒﺤﺮﻳﻦ ﺯﻳﺎﺭﺓ ﻻﻫﻠﻬﺎ .. ﻭﻫﺬﺍ ﺍﻟﺸﻲ ﻣﺎ ﻣﻨﻌﻪ ﺍﻧﻪ ﻳﻜﻮﻥ ﻭﻗﺖ
ﺣﻠﻮ ... ﻭﺍﻫﻠﻪ ﺑﻌﺪ ﻣﺎ ﻗﺼﺮﻭﻭﻭﺍ ﻋﻨﻪ ﺯﺍﺭﻭﻩ ﻭﻇﻠﻮﻭﺍ ﻭﻳﺎﻩ ﻭﻛﺎﻥ
ﺍﻟﻮﻗﺖ ﻣﻤﺘﻊ ﻭﻳﺎﻫﻢ .. ﺍﻻ ﺍﻥ ﺍﻣﻨﻴﺘﻪ ﻓﻲ ﺍﻟﺴﻼﻡ ﺑﻴﻨﻪ ﻭﺑﻦ ﻫﻴﺎﻡ
ﻇﻠﺖ ﻗﺎﺋﻤﺔ ﻋﻠﻰ ﺍﻣﻞ ﺍﻟﺘﻘﻠﺐ .. ﺍﻫﻮ ﺳﺎﻋﺎﺕ ﻳﻔﻀﻞ ﻫﺎﻟﻌﻼﻗﺔ ﻋﻠﻰ
ﺷﻲ ﺍﺣﺴﻦ ﻣﻨﻬﺎ .. ﻳﻤﻜﻦ ﻋﺸﺎﻥ ﻻ ﻳﺎ ﻭﻗﺖ ﺍﻧﻪ ﻳﺮﻭﺡ .. ﻳﻜﻮﻥ ﺳﻬﻞ
ﻋﻠﻴﻪ ﺍﻧﻪ ﻳﻮﺍﺻﻞ ﺣﻴﺎﺗﻪ ﺍﻭ ﺣﺘﻰ ﻳﻨﺴﻰ .. ﻣﻊ ﺍﻥ ﻫﻴﺎﻡ ﺑﻨﺖ ﻻ
ﺗﻨﺴﻰ ..
ﻭﺍﺧﻴﺮﺍ ﻭﻳﺎ ﺣﺮﻛﺘﻪ ﺍﻟﻠﻲ ﺳﺎﻋﺎﺕ ﻳﺤﺲ ﺍﻧﻬﺎ ﺍﻟﺴﺒﻴﻞ ﺍﻟﻮﺣﻴﺪ ﻋﺸﺎﻥ
ﻳﻮﺻﻞ ﻟﻬﺎ .. ﻭﺳﺎﻋﺎﺕ ﻳﺤﺴﻬﺎ ﺣﺮﻛﺔ ﻣﺎ ﺗﺘﻨﺎﺳﺐ ﻭﻳﺎ ﻃﺒﻴﻌﺔ ﻋﻼﻗﺔ
ﻭﻳﺎ ﻫﻴﺎﻡ .. ﻳﻤﻜﻦ ﺗﻜﺘﺸﻔﺔ ﺑﻴﻮﻡ ﻭﺗﻨﻌﺪﻡ ﻛﻞ ﺍﻻﻣﺎﻝ ﻓﻲ ﻋﻼﻗﺔ ﺗﻨﺸﺄ
ﺑﻴﻨﻬﻢ
ﻭﻗﻈﻪ ﺍﻟﻤﻨﺒﻪ ﺍﻟﻠﻲ ﻳﺤﻄﻪ ﻓﻲ ﺳﺎﻋﺘﻪ ﻋﻦ ﻣﻮﻋﺪ ﺍﻟﻤﺤﺎﻇﺮﺓ .. ﻫﺰ
ﺭﺍﺳﻪ ﻋﻦ ﺫﻛﺮﻳﺎﺕ ﻫﻴﺎﻡ ﻭﺭﺍﺡ ﻟﻠﻤﺤﺎﻇﺮﺓ ..
ﻭﻫﻨﻲ ﻳﻮﻡ ﻣﺸﻰ ﺍﺿﻄﺮ ﺍﻧﻪ ﻳﻤﺮ ﻋﻨﺪ ﺟﻤﺎﻋﺔ ﺍﻟﺒﻨﺎﺕ .. ﻭﺍﻭﻝ ﻣﺎ
ﺷﺎﻑ ﻫﻴﺎﻡ ﻧﺰﻝ ﻋﻴﻮﻧﻪ ﻭﻭﺟﻬﻬﺎ ﻟﻔﺎﺗﻦ ﺑﺎﺑﺘﺴﺎﻣﺔ ﺗﺴﻠﺐ ﺍﻻﻧﻔﺎﺱ .. ﻛﻞ
ﺍﻟﻠﻲ ﺳﻮﺗﻪ ﻓﺎﺗﻦ ﺍﻧﻬﺎ ﻧﺰﻟﺖ ﻋﻴﻮﻧﻬﺎ ﻣﻦ ﻏﻴﺮ ﺍﻛﺘﺮﺍﺙ ﻭﻻ ﻛﺄﻥ ﺍﺣﺪ
ﻃﺎﻑ ﻋﻠﻴﻬﺎ .. ﻭﻫﻴﺎﻡ ﺍﻟﻠﻲ ﺭﻓﻌﺖ ﻋﻴﻮﻧﻪ ﻋﻠﻰ ﺍﻻﺑﺘﺴﺎﻣﺔ ﺍﻟﻌﺬﺑﺔ ﺍﻟﻠﻲ
ﻭﺟﻬﻬﺎ ﺯﻳﺎﺩ ﻟﻔﺎﺗﻦ .. ﻭﻳﺎ ﻟﻠﺤﻤﻢ ﺍﻟﺒﺮﻛﺎﻧﻴﺔ ﺍﻟﻠﻲ ﺗﺄﺟﺠﺖ ﻓﻲ ﻗﻠﺒﻬﺎ
ﺗﺠﺎﻩ ﻫﺎﻟﺮﻳﺎﻝ ..
ﻫﻴﺎﻡ ﻭﻫﻲ ﺗﺰﺭ ﻋﻠﻰ ﻇﺮﻭﺳﻬﺎ : ﺃﻛﺮﻫﻪ ..
ﻓﺎﺗﻦ ﺗﻀﺤﻚ ﺑﺨﻔﺔ : ﻳﺎﺭﻳﺖ ﻛﻼﻣﺞ ﺻﺞ
ﻫﻴﺎﻡ : ﻻﻭﺍﻟﻠﻪ ﻓﺘﻮﻭﻥ .. ﺍﻛﺮﺭﻫﻪ .. ﺍﻛﺮﺭﻫﻪ ﻭﻟﻮ ﻳﺤﺼﻞ ﻟﻲ ﺟﺎﻥ ﺯﺭﻳﺖ
ﺭﻗﺒﺘﻪ ﻭﻧﺤﺮﺗﻪ ..
ﻓﺎﺗﻦ : ﺍﻭﻭﻭﻩ ... ﻋﺎﺷﻘﺔ ﻣﻦ ﺍﻟﻄﺮﺍﺯ ﺍﻻﺟﺮﺍﻣﻲ .. ﻫﻬﻬﻬﻬﻬﻬﻪ
ﻫﻴﺎﻡ : ﺗﺘﻄﻨﺰﻳﻦ .. ﺻﺪﻗﻴﻨﻲ .. ﻟﻮ ﻳﺼﻴﺪﺝ ﺟﺬﻱ ﻣﺎ ﺑﺘﺘﻘﺸﻤﺮﻳﻦ
ﻫﺎﻟﻠﻮﻥ .. ﺟﺎﻥ ﺑﺘﺤﺘﺮﻗﻴﻦ ﻣﻜﺎﻧﺞ ﺟﻨﺞ ﻋﻠﻰ ﺿﻮﻭ
ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺍﻭﻻ .. ﺍﺳﻤﻬﺎ ﻏﺸﻤﺮﺓ .. ﺛﺎﻧﻴﺔ .. ﻃﻨﺸﻴﻪ ﻳﺎ
ﻋﻤﺮﻱ .. ﺍﻟﻠﻲ ﻣﺎ ﻳﺴﺘﺎﻫﻞ ﻣﺎ ﻳﻨﻌﻄﻰ ﻭﻳﻪ .. ﻭﺑﻌﺪﻳﻦ ﺍﻧﺘﻲ ﻟﻴﺶ ﺗﺒﻠﻴﻦ
ﻋﻤﺮﺝ ﺑﻬﺎﻟﺴﻮﺍﻟﻒ ﺑﻌﺪﺝ ﺻﻐﻴﺮﺓ ..
ﻫﻴﺎﻡ : ﺗﺒﻴﻨﻲ ﻣﺜﻠﺞ ﻳﻌﻨﻲ ﺍﻧﻄﺮ ﺍﻟﺮﻳﻞ ﻟﻤﻦ ﺍﻳﻴﻨﻲ .. ﻧﻮﻭ ﻭﺍﻱ ﺣﺒﻴﺒﺘﻲ
ﺍﻧﺎ ﻣﺎ ﺑﺘﺰﻭﺝ ﺍﻻ ﻋﻦ ﺣﺐ ..
ﻭﺟﻬﺖ ﻓﺎﺗﻦ ﻋﻴﻮﻧﻬﺎ ﻟﻬﻴﺎﻡ ﺑﺤﺴﺎﻓﺔ ... ﺷﻠﻮﻥ ﺗﻔﻜﺮ ﻋﻨﻲ .. ﺗﻔﻜﺮ ﺍﻧﻲ
ﻛﻨﺖ ﻗﺎﻋﺪﺓ ﻭﺍﻧﺘﻈﺮ ﺍﻟﺰﻭﺝ ﻣﺜﻞ ﻛﻞ ﺍﻟﺒﻨﺎﺕ .. ﻣﺎ ﺗﺪﺭﻱ ﺍﻧﻲ ﻋﺸﺖ
ﺣﺴﺮﺓ ﻋﻤﺮ ﻭﻓﺮﺣﺔ ﻣﺎ ﺗﻤﺖ .. ﺍﻳﻪ ﻟﻮ ﺑﺲ ﺗﺪﺭﻱ .. ﻭﻓﻜﺮﺕ ﻓﺎﺗﻦ
ﺑﻤﺴﺎﻋﺪ .. ﻣﻊ ﺍﻧﻪ ﻣﺎ ﺭﺍﺡ ﻣﻦ ﺑﺎﻟﻬﺎ ﻋﻠﻰ ﺍﻟﺮﻏﻢ ﻣﻦ ﺍﻟﻤﺸﺎﻏﻞ .. ﺍﻻ
ﺍﻧﻬﺎ ﻫﺬﻱ ﺍﻟﻤﺮﺓ ﻓﻜﺮﺕ ﻓﻴﻪ ﺑﻌﻤﻖ .. ﻭﺷﺎﻓﺖ ﺷﻜﺜﺮ ﺍﻫﻲ ﺿﻌﻴﻔﺔ ﻣﻦ
ﺩﻭﻧﻪ ﻻﻧﻪ ﻛﺎﻥ ﺍﻟﺴﻨﺪ ﺍﻻﻛﺒﺮ ﻟﻬﺎ ﻳﻮﻡ ﻛﺎﻧﺖ ﻫﻨﻲ ﻭﻛﺎﻧﺖ ﺗﺤﺴﻪ
ﺍﻟﻤﻀﺎﺩ ﺍﻟﻠﻲ ﺗﻮﺍﺟﻪ ﺑﻪ ﺍﻟﻨﺎﺱ ..
ﺗﻤﺖ ﺗﺤﻮﺱ ﻓﻲ ﺍﻻﻳﺴﻜﺮﻳﻢ ﺍﻟﻠﻲ ﺗﺎﻛﻠﻪ ... ﻭﻳﺮﻥ ﺗﻠﻔﻮﻧﻬﺎ ﻋﻠﻰ ..
( (ﺃﻏﻠﻰ ﺣﺒﻴﺒﺔ ) ) ﻭﻣﺎ ﺻﺪﻗﺖ ﻋﻤﺮﻫﺎ ﻓﺎﺗﻦ ..
ﻓﺎﺗﻦ : ﻳﺎ ﺍﻏﻠﻰ ﺣﺒﻴﺒﺔ
ﻣﺮﻳﻢ : ﻳﺎ ﺑﻌﺪﻫﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻤﻢ
ﻓﺎﺗﻦ : ﻣﺮﻳﻮﻡ ﺣﺒﻴﺒﺘﻲ ﻳﺎ ﺑﻌﺪ ﻋﻤﺮﻱ
ﻣﺮﻳﻢ : ﻳﺎﺧﻠﻒ ﺍﻣﻲ ﻭﺍﺑﻮﻱ ﻳﺎ ﻋﺰﻱ ﻭﺷﻤﺎﻏﻲ
ﻓﺎﺗﻦ : ﻭﻟﻬﺖ ﻋﻠﻴﺞ ﻳﺎﻟﻘﺮﺩﺓ
ﻣﺮﻳﻢ : ﻭﺍﻧﺘﻲ ﺍﻛﺜﺮ ﻳﺎﻟﺠﺮﺍﺩﺓ .. ﻣﻦ ﺯﻣﺎﺍﺍﺍﻥ ﻣﺎ ﺳﻤﻌﺖ ﺣﺴﺞ ﺍﻟﻠﻲ
ﻳﻠﻮﻉ ﺍﻟﺠﺒﺪ
ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ﺣﻠﻔﻲ ﺍﻧﺘﻲ ﺑﺲ .. ﺷﻠﻮﻧﺞ ﺷﺨﺒﺎﺭﺝ
ﻋﺴﺎﺍﺍﺍﺍﺍﺝ ﺍﺑﺨﻴﺮ
ﻣﺮﻳﻢ : ﻭﺍﻟﻠﻪ ﺍﻟﺤﻤﺪ ﻟﻠﻪ ﺍﺑﺨﻴﺮ ﺍﺷﻘﺢ ﻭﺍﺯﻗﺢ ﻭﻛﻞ ﺷﻲ .. ﻭﺍﻧﺘﻲ
ﻓﺎﺗﻦ : ﺍﻧﺎ ﺑﺨﻴﺮ ﻭﺑﺨﻴﺮ ﻭﺑﺨﻴﺮ .. ﺑﺲ ﻣﺘﻮﻟﻬﻪ ﻋﻠﻴﻜﻢ
ﻣﺮﻳﻢ : ﻣﺎ ﺗﺘﻮﻟﻪ ﻋﻠﻴﺞ ﺍﻟﻌﺎﻓﻴﺔ ﻳﺎ ﻗﻠﺒﻲ ﺩﻭﻣﻬﺎ ﻭﻳﺎﺝ ... ﺍﻻ ﻗﻮﻟﻴﻠﻲ ...
ﻟﻴﺶ ﻃﺮﺩﺗﻲ ﺍﺧﻮﻱ؟
ﺍﻧﻘﺒﻀﺖ ﻓﺎﺗﻦ : ﻃﺮﺩﺗﻪ؟؟ ﻣﺘﻰ؟؟
ﻣﺮﻳﻢ : ﻫﻮ ﺍﻟﻠﻲ ﻗﺎﻟﻲ .. ﺍﻧﺞ ﻃﺮﺩﺗﻴﻪ ..
ﻓﺎﺗﻦ ﺑﺤﻴﺮﺓ : ﺍﻫﻮ ﻗﺎﻝ ﻟﺞ ﺟﺬﻱ .
ﺍﻻ ﻭﻣﺴﺎﻋﺪ ﻳﺪﺧﻞ ﺍﻟﺒﻴﺖ ﻭﻣﺮﻳﻢ ﻗﺎﻋﺪﺓ ﻓﻲ ﺍﻟﺼﺎﻟﺔ ﺗﺄﺷﺮ ﻋﻠﻴﻪ ..
ﺍﺷﺮ ﻋﻠﻰ ﺭﻭﺣﻪ ﻓﺎﻛﺪﺕ ﻟﻪ ﻃﻠﺒﻬﺎ ﻭﺭﺍﺡ ﻭﻗﻌﺪ ﻋﻨﺪﻫﺎ : ﺍﻱ ﺍﻫﻮ ﻗﺎﻝ
ﻟﻲ ﺍﻧﺞ ﺣﺬﻓﻨﻲ ﻣﻼﺑﺴﻪ ﻛﻠﻬﺎ ﻓﻲ ﺍﻟﺸﺎﺭﻉ ﻭﻗﻠﺘﻴﻠﻪ ﻻ ﺍﺷﻮﻑ ﺭﻗﻌﺔ
ﻭﻳﻬﻚ ﻫﻨﻲ ﻣﺮﺓ ﺛﺎﻧﻴﺔ
ﻓﺘﺢ ﻣﺴﺎﻋﺪ ﻋﻴﻮﻧﻪ ﺑﺪﻫﺸﺔ؟؟ ﺗﺤﺎﺟﻲ ﻣﻨﻮ ﻫﺬﻱ؟؟ ﻭﺑﺤﺮﻛﺔ ﺳﺮﻳﻌﺔ
ﺣﻄﺖ ﻣﺮﻳﻢ ﺻﻮﺕ ﻓﺎﺗﻦ ﻋﻠﻰ ﺍﻟﺴﺒﻴﻜﺮ .. ﻭﺍﻭﻝ ﻣﺎ ﺳﻤﻊ ﺿﺤﻜﺘﻬﺎ ﺭﺝ
ﺻﺪﺭﻩ ﺑﺪﻗﺎﺕ ﻗﻠﺒﻪ ..
ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺣﺴﺒﻲ ﺍﻟﻠﻪ ﻋﻠﻰ ﺑﻠﻴﺴﺞ .. ﻭﺍﻟﻠﻪ ﺣﻤﺎﺭﺓ
ﺍﻧﺘﻲ ﺷﻬﺎﻟﺴﻮﺍﻟﻒ ﺍﻟﻠﻲ ﻣﺜﻞ ﻭﻳﻬﺞ
ﻣﺮﻳﻢ : ﺍﻱ ﺗﺮﻯ ﺍﻗﻮﻝ ﻟﺞ ﺍﻧﺘﻲ ﻻﻋﺪﻳﺘﻲ ﺍﻟﻜﻮﻳﺖ ﺑﺘﻜﻮﻧﻴﻦ ﻓﺮﺣﺎﻧﺔ ﻣﻦ
ﺯﻣﺎﻥ ﺧﺒﺮﻧﺎ ﺍﻟﺤﻜﻮﻣﺔ ﻭﻣﺴﻴﺠﺔ ﺍﻟﻤﻄﺎﺭ ﻋﻨﺞ
ﻓﺎﺗﻦ : ﻭﻱ ﺷﺪﻋﻮﺓ ﺍﻧﺎ ﻋﻨﺪﻱ ﺍﻣﻴﺮﻛﺎ ﺷﻠﻲ ﺑﺎﻟﻜﻮﻳﺖ
ﻣﺮﻳﻢ : ﺷﻮﻭﻭﻑ ﺍﻟﺤﻤﺎﺭﺓ .. ﺗﺘﺒﺮﻯ .. ﺍﺳﺠﺪﻱ ﻟﺮﺑﺞ ﻻﻧﺞ ﻛﻮﻳﺘﻴﺔ ..
ﻓﺎﺗﻦ : ﺍﻟﺤﻤﺪ ﻟﻠﻪ ﻭﻟﺸﻜﺮ .. ﻋﻴﻞ ﺍﻧﺎ ﻃﺮﺩﺕ ﺍﺧﻮﺝ ... ﺗﺮﺍ ﻣﺎ ﻳﻌﺮﻑ
ﻳﻜﻨﺲ ﻭﻻ ﻳﻐﺴﻞ ﻭﻻ ﻳﻨﻈﻒ
ﺭﻓﻊ ﺣﺎﺟﺐ ﻣﺴﺎﻋﺪ ﻟﻤﺮﻳﻢ ﻭﻫﻲ ﺧﺎﺳﺖ ﻣﻦ ﺍﻟﻀﺤﻚ :
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﺎﺍﺍﻱ ﻣﺎ ﻋﻠﻤﺘﻪ ﺍﻣﻲ ﻣﺴﻴﺠﻴﻨﻪ ﺫﺍﻳﺒﻪ ﻋﻠﻴﻪ ﺗﻌﻠﻢ
ﻋﺸﺎﻥ ﺣﺮﻣﺔ ﺍﻟﻤﺴﺘﻘﺒﻞ ﻣﺎ ﻳﻄﻴﻊ ..
ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻳﺒﻴﻠﻪ ﺩﺭﻭﻭﺱ ﻣﻦ ﺩﺭﻭﺳﺞ
ﻣﺮﻳﻢ : ﺍﻱ ﻭﺍﻟﻠﻪ
ﻓﺎﺗﻦ : ﺑﺴﺞ ﻗﺮﻗﺔ ﻭﻗﻮﻟﻴﻠﻲ ﺷﻌﻠﻮﻭﻭﻣﺞ
ﻣﺮﻳﻢ : ﻭﺍﻟﻠﻪ ﺗﺴﺮﺝ ﺍﻟﻌﻠﻮﻡ ﺍﺳﺎﻝ ﻋﻦ ﻋﻠﻮﻣﺞ
ﻓﺎﺗﻦ : ﺍﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻩ ﻳﺎ ﻣﺮﻳﻢ ﺷﻘﻮﻝ ﻟﺞ .. ﻭﺍﻟﻠﻪ ﻳﺒﻴﻠﻲ
ﺍﻗﻌﺪ ﻭﻳﺎﺝ ﻋﺸﺎﻥ ﺑﺲ ﺍﺗﻜﻠﻢ ﻭﺍﺗﻜﻠﻢ ﻟﻤﻦ ﻳﻬﺪﻯ ﻗﻠﺒﻲ ..
ﻣﺮﻳﻢ ﺗﻐﻤﺰ ﻟﻤﺴﺎﻋﺪ ﻭﺗﺘﻤﺘﻢ ﺑﺤﻠﺠﻬﺎ ( ( ﻣﺎ ﻗﻠﺖ ﻟﻚ ) ) : ﺷﻔﻴﺞ ﻳﺎ
ﻋﻤﺮﻱ ﺷﻔﻴﻴﻴﻴﺞ ..
ﻓﺎﺍﺗﻦ : ﻣﺎﺩﺭﻱ ﻣﺮﻳﻮﻡ .. ﺩﻭﺍﻣﺔ ﺍﻃﻮﻑ ﻓﻴﻬﺎ ﻣﻮ ﻋﺎﺭﻓﺔ ﻭﻳﻦ ﺍﻟﺪﺭﺏ
ﻋﺸﺎﻥ ﺍﻃﻠﻊ .. ﺣﻴﺎﺗﻲ ﻛﻠﻬﺎ ﺗﻌﻠﻘﺖ ﺑﺴﻠﺴﻠﺔ ﻭﺣﻠﻘﺔ ﻣﺎ ﺍﺩﺭﻱ ﺍﺩﺧﻠﻬﺎ
ﻭﺍﻭﻋﺪ ﺭﻭﺣﻲ ﺍﻧﻲ ﻣﺎ ﺍﻃﻠﻊ ﻣﻨﻬﺎ ﻭﻻ ﺍﺗﺨﻠﻰ ﻋﻨﻬﺎ ﻭﺍﻧﺴﺤﺐ ﺑﻬﺪﻭﺀ ..
ﻋﻮﺭﻩ ﻗﻠﺒﻪ ﻣﺴﺎﻋﺪ ﻋﻠﻰ ﻛﻼﻡ ﻓﺎﺗﻦ ﻭﻟﻒ ﻭﻳﻬﻪ ﻋﻦ ﻣﺮﻳﻢ ﺍﻟﻠﻲ
ﻻﺣﻈﺖ ﻫﻢ ﺍﺧﻮﻫﺎ :.. ﻓﺎﺗﻦ ﺣﺒﻴﺒﺘﻲ ﺍﻧﺘﻲ ﻃﻮﻝ ﻋﻤﺮﺝ ﻛﻨﺘﻲ ﻓﺎﻫﻤﺔ
ﻭﻋﺎﺟﻞ .. ﻭﺍﻧﺎ ﻋﻨﺪﻱ ﺛﻘﺔ ﻓﻴﺞ ﻭﻓﻲ ﺧﻴﺎﺭﺝ ﻭﺍﻋﺮﻑ ﺍﺳﺒﺎﺑﺞ ﻓﻲ
ﺣﺎﻝ ﺍﻟﺰﻳﻦ ﻭﻻ ﺍﻟﺸﻴﻦ
ﻓﺎﺗﻦ : ﻭﺍﻟﻠﻪ ﻳﺎ ﻣﺮﻳﻢ ﻳﺎﺭﻳﺘﺞ ﻭﻳﺎﻱ ﻋﻠﻰ ﺍﻻﻗﻞ ﻋﻨﺪﻱ ﺍﺣﺪ ﺍﺗﻜﻠﻢ
ﻣﻌﺎﻩ ... ﻣﺎﻛﻮ ﺍﺣﺪ ﺍﻗﺪﺭ ﺍﻋﺒﺮ ﻟﻪ ﻋﻦ ﻣﺸﺎﻋﺮﻱ .. ﺍﻟﺒﺎﺭﺣﺔ ﺻﻌﺐ
ﻋﻠﻲ ﺍﻟﻨﻮﻡ ﻭﺍﻧﺎ ﺍﻓﻜﺮ .. ﻣﺎ ﻗﺪﺭﺕ . ﺍﺣﺲ ﻧﻔﺴﻲ ﺿﺎﻳﻌﺔ ..
ﻣﺮﻳﻢ : ﻟﻴﺶ؟؟؟
ﻓﺎﺗﻦ : ﻟﻮ ﺗﺼﺪﻗﻴﻦ ﺍﻧﺎ ﻟﻴﺶ ﺿﺎﻳﻌﺔ ﺑﺘﺤﺴﻴﻨﻲ ﻣﺘﻨﺎﻗﻀﺔ .. ﺍﻧﺎ ﺿﺎﻳﻌﺔ
ﺑﻼ ﻣﺴﺎﻋﺪ .. ( ﺍﺻﻄﻠﺐ ﻣﺮﺓ ﻭﺣﺪﺓ ﻣﻜﺎﻧﻪ ﻣﺴﺎﻋﺪ ﻭﻻﻧﺖ ﻣﻼﻣﺤﻪ ) ..
ﻭﻛﻤﻠﺖ ﻓﺎﺗﻦ : ﺍﻧﺎ ﺻﺞ ﻓﻲ ﻧﻔﺲ ﺍﻟﻮﻗﺖ ﻛﻨﺖ ﺍﻋﺘﺒﺮﻩ ﺍﺧﺮ ﺷﺨﺺ
ﻳﻤﻜﻦ ﺍﻛﻮﻥ ﻣﺤﺘﺎﺟﺔ ﻟﻪ ﻟﻜﻦ ﺍﻟﺤﻴﻦ ﺍﻗﻮﻝ ﻟﺞ .. ﻣﻊ ﺍﻥ ﺍﻟﻤﺪﺓ ﺍﻟﻲ
ﻏﺎﺏ ﻓﻴﻬﺎ ﻛﺎﻧﺖ ﻗﺼﻴﺮﺓ ﻳﻤﻜﻦ ﻣﺎ ﺗﻌﺪﺕ ﺍﻟﻴﻮﻣﻴﻦ .. ﺑﺲ ... ﺑﺪﻳﺖ
ﺍﺣﺲ ﺑﺠﻴﻤﺘﻪ ﻓﻲ ﺍﻟﺒﻴﺖ ﻭﻓﻲ ﺍﻟﺮﻭﺗﻴﻦ ﺍﻟﻴﻮﻣﻲ ..
ﻣﺮﻳﻢ : ﻓﺎﺗﻦ ... ﺷﻘﺼﺪﺝ ﻣﻦ ﻫﺎﻟﻜﻼﻡ ﻛﻠﻪ ..
ﻓﺎﺗﻦ ﺍﻟﻠﻲ ﺗﺰﻗﺮﻫﺎ ﻫﻴﺎﻡ ﻋﺸﺎﻥ ﺍﻟﻤﺤﺎﻇﺮﺓ ﺍﻟﻴﺎﻳﺔ : ﻣﺮﻳﻢ ﺍﻧﺎ ﺑﺨﻠﻴﺞ
ﺍﻟﺤﻴﻦ ﻭﻻ ﺭﺩﻳﺖ ﺍﻟﺒﻴﺖ ﺑﻜﻠﻤﺞ .. ﻻﺯﻡ ﺍﺭﻭﺡ ﺍﻟﻤﺤﺎﻇﺮﺓ ﺍﻟﺤﻴﻦ ..
ﻣﺮﻳﻢ : ﺍﻭﻛﻴﻪ ﺣﺒﻴﺒﺘﻲ ﺑﻨﺘﻈﺮ ﺍﺗﺼﺎﻟﺞ .. ﺩﻳﺮﻱ ﺑﺎﻟﺞ ﻋﻠﻯﺮﻭﺣﺞ ..
ﻓﺎﺗﻦ : ﺍﻥ ﺷﺎﺀ ﺍﻟﻠﻪ ﺣﺒﻴﺒﺘﻲ .. ﻳﺎﻟﻠﻪ .. ﺳﻠﻤﻴﻠﻲ .. ﺳﻠﻤﻴﻠﻲ ﻋﻠﻰ
ﻣﺴﺎﻋﺪ ...
ﻣﺮﻳﻢ ﺗﻨﺎﻇﺮﻣﺴﺎﻋﺪ ﻭﻫﻲ ﺗﺒﺘﺴﻢ ..: ﻳﺒﻠﻎ ..
ﻓﺎﺗﻦ : ﺑـــﺎﻱ
ﻣﺮﻳﻢ : ﺑـــــﺎﻱ ..
ﻭﺗﺴﻜﺮﺕ ﺍﻟﻤﺤﺎﺩﺛﺔ .. ﻭﻓﺎﺗﻦ ﺍﻟﻠﻲ ﻟﺪﻗﻴﻘﺔ ﻭﺣﺪﺓ ﺣﺴﺖ ﺍﻥ ﺍﺣﺪ ﺛﺎﻧﻲ
ﻭﻳﺎ ﻣﺮﻳﻢ .. ﺍﻭ ﻳﻤﻜﻦ ﻫﺬﺍ ﺗﻔﻜﻴﺮﻫﺎ .. ﻛﺎﻥ ﻭﻳﺎﺍ ﺍﺣﺪ ﺛﺎﻧﻲ . ﻭﻻ ..؟؟؟؟
ﻣﺎ ﺍﺩﺭﻱ ...
ﻣﺮﻳﻢ ﻓﻲ ﻃﺮﻑ ﺛﺎﻧﻲ ﺣﻄﺖ ﺗﻠﻔﻮﻧﻬﺎ ﻋﻠﻰ ﺍﻟﻄﺎﻭﻟﺔ ﻭﻣﺴﺎﻋﺪ ﺍﻟﻠﻲ ﻛﺎﻥ
ﺿﺎﻡ ﻳﺪﻳﻨﻪ ﻋﻨﺪ ﺣﻠﺠﻪ ﺑﺘﻔﻜﻴﺮ .. ﻛﻼﻡ ﻓﺎﺗﻦ ﺍﻟﺤﻴﻦ .. ﻛﺎﻥ ﺑﻤﺜﺎﺑﺔ
ﺣﻴﺮﺓ ﻳﺪﻳﺪﺓ ﻓﻲ ﺣﻴﺎﺗﻪ .. ﺍﺧﺮ ﺷﺨﺺ ﻣﻤﻜﻦ ﺗﺤﺘﺎﺟﻠﻪ ﻟﻜﻨﻬﺎ
ﺗﺤﺘﺎﺟﻠﻪ .. ﻟﻴﺶ ﻫﺎﻻﻟﻐﺎﺯ ﻓﻲ ﻛﻼﻣﻬﺎ .. ﻭﻟﻴﺶ ﻫﺎﻟﻤﺸﺎﻋﺮ ﺍﻟﻤﺨﺒﻴﺔ ..
ﻭﻟﻴﺶ ﻫﺎﻟﺪﻭﺍﻣﺔ ﺍﻟﻠﻲ ﺍﻫﻲ ﺑﻐﻨﻰ ﻋﻨﻬﺎ .. ﻫﺎﻟﻜﺜﺮ ﻗﺮﺍﺭ ﺍﻻﺳﺘﻘﺮﺍﺭ
ﺻﻌﺐ ﻋﻠﻴﻬﺎ .. ﻭﺍﻟﺴﻠﺴﻠﺔ ﻭﺍﻟﺪﺑﻠﺔ .. ﺷﻠﻮﻥ ﺗﻜﻠﻤﺖ ﻋﻨﻬﻢ ... ﻫﺎﻟﺒﻨﺖ
ﺑﺘﻴﻨﻨﻲ ..
ﻣﺮﻳﻢ ﻭﻫﻲ ﺗﺤﻂ ﻳﺪﻫﺎ ﻋﻠﻰ ﺟﺘﻒ ﻣﺴﺎﻋﺪ : ﻋﻼﻣﻚ؟؟
ﻣﺴﺎﻋﺪ ﻳﻬﺰ ﺭﺍﺳﻪ : ﻭﻻ ﺷﻲ .. ﺑﺲ ﺣﻴﺮﺓ ﻳﺪﻳﺪﺓ ﻭﺍﻓﻜﺎﺭ ﻳﺪﻳﺪﺓ ...
( ﺑﺴﺮﻋﺔ ﻏﻴﺮ ﺍﻟﻤﻮﺿﻮﻉ ) ﺍﻡ ﺟﺮﺍﺡ ﺗﺴﻠﻢ ﻋﻠﻴﺞ ﻭﺍﻟﺒﻨﺎﺕ ﺑﻌﺪ ..
ﻣﺮﻳﻢ : ﻻ ﺗﻐﻴﺮ ﺍﻟﻤﻮﺿﻮﻉ ﻣﺴﺎﻋﺪ ... ﺻﺪﻗﺖ ﻛﻼﻣﻲ ﻭﻻ ﻻﺀ ..
ﻗﺎﻡ ﻣﺴﺎﻋﺪ ﻭﻫﻮ ﻣﺘﻈﺎﻳﻖ : ﺍﺻﺪﻕ ﺷﻨﻮ ﻓﻲ ﻛﻼﻣﺞ ﻣﺮﻳﻢ؟ ﺍﻧﻬﺎ ﺗﻔﻜﺮ
ﻓﻴﻨﻲ؟؟ ﺍﻧﻬﺎ ﺣﺎﻃﺘﻨﻲ ﻋﻠﻰ ﺑﺎﻟﻬﺎ ﻭﺍﻧﻬﺎ ﺗﺤﺎﻭﻝ ﺗﺨﻠﺺ ﻧﻔﺴﻬﺎ ﻣﻦ
ﺍﻟﺤﻴﺮﺓ ﺍﻟﻠﻲ ﺍﻫﻲ ﻋﺎﻳﺸﺘﻬﺎ .. ﺍﻱ ﻣﺼﺪﻗﺞ .. ﺑﺲ ﺍﻧﺎ ﺧﺎﻳﻒ ﻣﻦ ﺍﺧﺮ
ﺍﻓﻜﺎﺭﻫﺎ . ﺧﺎﻳﻒ ﻣﻦ ﺍﺧﺮ ﺍﺳﺘﻨﺘﺎﺟﺎﺗﻬﺎ .. ﻟﻮ ﻭﺻﻠﺖ ﻟﻘﺮﺍﺭ ﺍﻧﻬﺎ ﺧﻼﺹ
ﻣﺎ ﻋﺎﺩﺕ ﺗﺒﻴﻨﻲ ﻭﻻ ﻋﺎﺩﺕ ﺗﺤﺲ ﺍﻧﻲ ﻳﻤﻜﻦ ﺍﺷﻐﻞ ﺣﻴﺰ ﻣﻦ ﺣﻴﺎﺗﻬﺎ ..
ﺷﺒﺼﻴﺮ ﻓﻴﻨﻲ ﺍﻧﺎ؟؟ ﺗﺨﻴﻠﻲ ﺍﻟﻮﻗﺖ ﻭﺍﻟﻜﻢ ﺍﻟﻬﺎﺋﻞ ﻣﻦ ﺍﻟﺠﻬﺪ ﺍﻟﻠﻲ ﺭﺍﺡ
ﺍﺑﺬﻟﻪ ﻋﺸﺎﻥ ﺑﺲ ﺍﻭﺻﻞ ﻓﻴﻪ ﻟﺸﻲ ﻳﻬﺪﻳﻨﻲ .. ﻭﻣﺎ ﺍﺩﺭﻱ .. ﺍﻫﻲ ﻣﺎ
ﺣﻄﺖ ﻟﻲ ﻣﻬﻠﺔ ﻭﻻ ﺷﻲ .. ﺑﻈﻞ ﺍﻧﺘﻈﺮ ﻭﺍﻧﺘﻈﺮ ﻣﻦ ﻏﻴﺮ ﺍﻱ ﻣﻮﻋﺪ
ﻧﻬﺎﺋﻲ ﺍﻭ ﺣﺪ ..
ﺯﻓﺮﺕ ﻣﺮﻳﻢ ﻣﻦ ﺍﻟﻈﻴﺞ ﻭﻗﺎﻣﺖ ﻋﻠﻰ ﺭﻳﻠﻬﺎ ..: ﺗﺪﺭﻱ ﺷﻠﻮﻥ؟
ﻣﺴﺎﻋﺪ : ﺷﻨﻮ؟
ﻣﺮﻳﻢ : ﺍﻧﺖ ﻭﻓﺎﺗﻦ ﺍﻟﻠﻪ ﺣﻄﻜﻢ ﻟﺒﻌﺾ ﻋﺸﺎﻥ ﺷﻲ ﻭﺍﺣﺪ ...
ﺍﻟﻘﺮﻗــــــــــــــﺎ ﻭﺑﺲ .. ﻳﻌﻨﻲ ﻳﺎ ﺍﺧﻲ ﻳﺎﺣﺒﻜﻢ ﻟﻠﺤﺠﻲ .. ﺍﻫﻲ ﻣﻦ
ﻳﻮﻡ ﻭﺍﺣﻨﺎ ﺻﻐﺎﺭ ﺗﻘﺮﻕ ﻋﻠﻰ ﺭﺍﺳﻲ ﻭﺍﻟﺤﻴﻦ ﺍﻧﺖ .. ﺑﺼﺮﺍﺣﺔ ﺻﺞ ﻟﻲ
ﻗﺎﻟﻮ ﻛﻞ ﻭﺍﺣﺪ ﻳﺎﺧﺬ ﺷﺒﻴﻬﻪ ﺑﺎﻟﺪﻧﻴﺎ .. ﻭﻓﺎﺗﻦ ﺧﺬﺗﻚ ﻭﺍﻧﺖ ﺧﺬﺗﻬﺎ ..
ﺍﻟﺤﻴﻦ ﻟﻮ ﺳﻤﺤﺘﻮﺍ .. ﺩﺑﺮﻭ ﻟﻜﻢ ﺣﻞ .. ﻭﺑﺴﻜﻢ ﺩﻭﺍﻣﺎﺕ ﻭﺻﺮﺍﻋﺎﺕ
ﻧﻔﺴﻴﻪ ﻣﺎ ﻭﺭﺍﻫﺎ ﺍﻻ ﺍﻟﺘﻌﺐ ﻭﻋﻮﺍﺭ ﺍﻟﺮﺍﺱ .. ﻋﻴﺸﻮﻭ ﺣﻴﺎﻛﻢ ﺗﺮﻯ ﺍﻧﺘﻮ
ﻗﺎﻋﺪﻳﻦ ﺗﻈﻴﻌﻮﻥ ﻭﻗﺖ ﺛﻤﻴﻦ ﻣﻦ ﻋﻤﺮﻛﻢ ...
ﺭﺍﺣﺖ ﻣﺮﻳﻢ ﺗﺎﺭﻛﺔ ﻣﺴﺎﻋﺪ ﻓﻲ ﺻﺪﻣﺔ ﻣﻦ ﻣﻮﻗﻔﻬﺎ .. ﻫﺬﻱ ﻭﺍﻫﻲ
ﺍﻟﻐﻴﺮ ﻣﻌﻨﻴﺔ ﺛﺎﺭﺕ ﺍﻟﻠﻪ ﻳﻌﻴﻦ ﺍﻟﻤﻌﻨﻴﻲ ﺑﺎﻟﺴﺎﻟﻔﺔ .. ﺩﺧﻞ ﻫﺎﻟﺒﻴﺖ ﻋﻠﻰ
ﺟﻨﺎﺡ ﺍﻟﺴﺮﻋﺔ ﻻﻥ ﻣﻌﺪﺗﻪ ﻛﺎﻧﺖ ﺗﺘﻨﺎﻓﺾ ﻣﻦ ﺍﻟﻴﻮﻉ .. ﻭﻣﻦ ﺑﻌﺪ
ﻣﺤﺎﺩﺛﺔ ﻓﺎﺗﻦ ﺻﺎﺭ ﻣﺎ ﻳﺸﺘﻬﻲ ﺍﻻﻛﻞ ... ﻓﻔﻜﺮ ﺑﻤﻜﺎﻥ ﻳﻘﺪﺭ ﻳﺤﺲ
ﺑﺎﻟﺤﺮﻳﺔ ﻓﻴﻪ ﻏﻴﺮ ﻫﺎﻟﻘﻔﺺ ﺍﻟﻠﻲ ﻳﻘﺒﺾ ﻋﻠﻰ ﻧﻔﺴﻪ .. ﺳﺤﺐ ﻋﻤﺮﻩ
ﻭﻃﻠﻊ ﻣﻦ ﺍﻟﺒﻴﺖ .. ﺍﻟﻰ ﺍﻟﺒﺤﺮ ....
-----------------------------
ﻣﻨﺎﻳﺮ ﺍﻟﻠﻲ ﻛﺎﻧﺖ ﻗﺎﻋﺪﺓ ﻭﻳﺎ ﺭﻓﻴﺠﺔ ﺩﺭﺑﻬﺎ ﺳﻤﺎﻫﺮ ﻭﻣﺨﻬﺎ ﻓﻲ ﻣﻜﺎﻥ
ﺛﺎﻧﻲ .. ﻣﺨﻬﺎ ﻣﻨﺼﺐ ﺑﺎﻫﺘﻤﺎﻡ ﻋﻠﻰ ﻭﻟﺪ ﺍﻟﺠﻴﺮﺍﻥ .. ﻣﺸﻌﻞ .. ﻣﺎ ﺗﺪﺭﻱ
ﻟﻴﺶ ﻫﺎﻻﻧﺴﺎﻥ ﺩﺍﺧﻞ ﺑﺎﻟﻬﺎ ﺑﻄﺮﻳﻘﺔ ﻣﺰﻋﺠﺘﻬﺎ .. ﺑﻄﺮﻳﻘﺔ ﺗﺨﻠﻴﻬﺎ ﺗﻔﻜﺮ
ﻣﺮﺗﻴﻦ ﻟﻤﺎ ﺗﺸﻮﻓﻪ .. ﺗﺤﺲ ﺍﻥ ﻟﻪ ﻋﻼﻗﺔ ﻓﻲ ﺑﻴﺘﻬﻢ ﻭﻋﺎﺋﻠﺘﻬﻢ ..
ﻧﻈﺮﺍﺗﻪ ﻟﻠﺒﻴﺖ ﻭﺍﻟﺤﺰﻥ ﺍﻟﻤﺮﺳﻮﻡ ﻋﻠﻰ ﻭﻳﻬﻪ ﻟﻤﻦ ﻳﻨﺎﻇﺮ ﺍﻟﺒﻴﺖ ﻳﺸﻜﻚ
ﺍﻟﻮﺍﺣﺪ ﻓﻴﻪ .. ﻫﺬﺍ ﺷﺴﺎﻟﻔﺘﻪ ﻭﻳﺎ ﺑﻴﺘﻨﺎ؟؟؟ ﻻ ﻳﻜﻮﻥ ﺍﺧﻮﻱ ﺑﺲ ﺍﻣﻲ
ﻣﺎ ﺗﺒﻴﻨﺎ ﻧﻌﺮﻑ ﻋﻨﻪ؟؟؟ ﺍﺷﻮﻑ ﺟﺮﺍﺡ ﻭﺍﻳﺪ ﻣﺘﻌﻠﻖ ﻓﻴﻪ ...
ﺳﻤﺎﻫﺮ : ﻣﻨﻮﺭ ﺗﺮﻯ ﺑﺮﻭﺡ ﺑﻴﺘﻨﺎ ...
ﻣﻨﺎﻳﺮ ﺗﻨﺘﺒﻪ : ﻫﺎ ... ﻟﻴﺶ ﺑﺘﺮﻭﺣﻴﻦ؟؟ ﺷﻘﺘﻨﺎ ﺍﺣﻠﻰ ﻣﻦ ﺑﻴﺘﻜﻢ ﺯﻳﻦ
ﺗﻤﻲ ﻭﻳﺎﻱ
ﺳﻤﺎﻫﺮ : ﻣﺎﺩﺭﻱ ﺷﻔﻴﺞ ﺳﺮﺣﺎﻧﻪ ﻭﻣﺨﺞ ﻣﻮ ﻭﻳﺎﻱ ..
ﻣﻨﺎﻳﺮ : ﺳﻤﻮﻭﺭ .. ﺍﺑﻴﺞ ﺗﻔﺘﺤﻴﻦ ﻣﺨﺞ ﻭﻳﺎﻱ
ﺳﻤﺎﻫﺮ : ﻣﺎﻟﺖ ﻋﻠﻴﺞ ﻳﺎﻡ ﺭﻳﻞ ﻋﻮﺭ .. ﺍﻧﺎ ﺍﻟﺤﻴﻦ ﻳﺒﻴﻠﻲ ﺍﻓﺘﺢ ﻣﺨﻲ
ﺷﻘﺎﻟﻮﻟﺞ ﻣﻴﻨﻮﻧﺔ ﻣﻘﻔﻞ ..
ﻣﻨﺎﻳﺮ ﻭﻫﻲ ﺗﺸﺪ ﻋﻠﻰ ﺣﻠﺠﻬﺎ : ﻳﻤﺔ ﻣﻨﺞ ﺍﻧﺘﻲ ﻗﻤﺔ ﺍﻟﺪﻗﻢ ﻓﻲ
ﺍﻟﻤﺠﺘﻤﻊ ﺍﻟﻜﻮﻳﺘﻲ .. ﺳﻤﻌﻴﻨﻲ .. ﺷﻔﺘﻲ ﻫﺬﺍ ﺍﺧﻮ ﺳﻤﺎﺀ ..
ﺳﻤﺎﻫﺮ ﻭﻫﻲ ﺗﺮﺹ ﻧﻈﺎﺭﺍﺗﻬﺎ : ﻣﻨﻮ؟؟ ﺍﻱ ﻫﺬﺍﻙ ﺍﻟﺤﻠﻮ .. ﺑﻮ ﺧﺸﻢ
ﻃﻮﻳﻞ .. ﻭﺍﻟﻠﻲ ﺷﻌﺮﻩ ﻧﺎﻋﻢ .. ﻭﺍﻟﻠﻲ .
ﻣﻨﺎﻳﺮ : ﺍﻧﺎ ﺳﺄﻟﺘﺞ ﺳﺆﺍﻝ ﻣﺤﺪﺩ ﻟﻴﺶ ﺗﻮﺻﻔﻴﻨﻪ ﻟﻲ ..ﻗﻠﻨﺎ ﻋﻠﻴﺞ ﻧﻈﺎﺭﺓ
ﺑﺲ ﻣﻮ ﻟﻬﺎﻟﺪﺭﺟﺔ
ﺳﻤﺎﻫﺮ : ﻫﻬﻬﻬﻬﻬﻬﻬﻬﻬﺎﺍﺍﺍﻱ .. ﻟﻴﺶ .. ﻋﺎﺟﺒﺞ؟
ﻣﻨﺎﻳﺮ : ﻗﻄﻊ ﻓﻴﺞ ﺍﻧﺎ ﻳﻌﺠﺒﻮﻧﻲ ﺍﻟﺮﻳﺎﻳﻴﻞ ﻳﺨﺴﻮﻭﻥ ﺩﻣﺎﺭ ﺩﻧﻴﺎ ﻫﺬﻭﻝ
ﺳﻤﺎﻫﺮ : ﻃﺎﻉ ﻫﺬﻱ .. ﻋﻴﻞ ﻣﻦ ﻳﻌﺠﺒﺞ؟؟ ﺍﻟﻴﻬﺎﻝ؟؟؟ ﻭﻻ ﺍﻟﺒﺰﺍﺭﻳﻦ؟
ﻣﻨﺎﻳﺮ : ﺟﺒﻲ ﺯﻳﻦ .. ﻗﻠﺖ ﻟﺞ ﻣﻦ ﺍﻭﻟﻬﺎ ﻓﺘﺤﻲ ﻣﺨﺞ ﻭﻳﺎﻱ .. ﺍﻧﺰﻳﻦ ﻣﺎ
ﺷﻔﺘﻲ ﻧﻈﺮﺍﺗﻪ ﻟﺒﻴﺘﻨﺎ ﺷﻠﻮﻥ ﺣﺰﻳﻦ ﻭﻗﻠﺒﻪ ﻳﻌﻮﺭﻩ
ﺳﻤﺎﻫﺮ : ﺍﻧﺎ ﻣﺎ ﻋﻨﺪﻱ ﻭﻗﺖ ﺍﻃﺎﻟﻊ ﺻﺒﻴﺎﻥ ﻣﺎﻓﻴﻨﻲ ﻋﻠﻰ ﺑﺪﺭ ﻳﺰﺧﻨﻲ
ﺯﺥ ﻣﻦ ﺍﻟﻄﻖ ..
ﻣﻨﺎﻳﺮ ﻭﻫﻲ ﺗﻨﺎﻇﺮ ﺳﻤﺎﻫﺮ ﺑﻐﺒﺎﺀ : ﺍﻧﺘﻲ ﻣﻮﻟﻮﺩﺓ ﺑﺘﺎﺭﻳﺦ ﺍﻟﻐﺒﺎﺀ؟؟ ﻭﻻ
ﺍﻟﻐﺸﺎﻣﺔ .. ﻭﻻ ﺍﻟﺪﻗﺎﻣﺔ
ﺳﻤﺎﻫﺮ : ﺟﺒﻲ ﻋﺎﺩ ﻻ ﺑﺎﻟﻨﻌﺎﻝ ﻋﻠﻰ ﻭﻳﻬﺞ .. ﻭﺍﻳﺪ ﺳﻤﺤﺘﻠﺞ ﺍﺷﻮﻓﺞ
ﺧﺮﻃﺘﻴﻬﺎ ..
ﻣﻨﺎﻳﺮ : ﻭﻱ ﻋﺪﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻝ . ﺑﻤﻮﺕ ﻣﻦ ﺍﻟﺨﻮﻑ .. ﻛﻠﻤﺔ ﺛﺎﻧﻴﺔ
ﻭﺍﺳﻮﻳﻬﺎ ﺑﺮﻭﺣﻲ
ﺳﻤﺎﻫﺮ : ﺍﻳﺎ ﺟﻠﻴﻠﻪ ﺍﻟﺤﻴﺎﺍﺃ ..
ﻭﺗﺮﻣﻴﻬﺎ ﺑﺎﻟﻤﺨﺪﺓ ﻭﻣﻌﺮﻛﺔ ﻳﺪﻳﺪﺓ ﺑﻴﻦ ﺍﻟﺒﻨﺘﻴﻦ ﺍﻟﻠﻲ ﻃﺎﻓﻮ ﺍﻝ 15
ﻭﻋﻘﻠﻴﺘﻬﻢ ﻋﻘﻠﻴﺔ ﺍﻝ 5 ﺳﻨﻮﺍﺕ .. ﻟﻜﻦ ﻫﺬﺍ ﻣﻮ ﻣﻌﻨﺎﺗﻪ ﺍﻥ ﻣﻨﺎﻳﺮ ﻣﺎ
ﺗﺤﺎﻭﻝ ﺗﻜﺘﺸﻒ ﺍﻟﻠﻲ ﻗﺎﻋﺪ ﻳﺼﻴﺮ ﻓﻲ ﺍﻟﺨﻔﺎﺀ .. ﺍﺍﻭ ﺑﺎﻻﺣﺮﻯ ﺻﻠﺔ
ﻣﺸﻌﻞ ﺑﺒﻴﺘﻬﻢ .. ﻣﺎ ﺗﺪﺭﻱ ﻟﻴﺶ ﺗﺤﺲ ﺍﻥ ﺍﻟﺪﻡ ﻳﺮﺑﻂ ﺑﻴﻨﻬﻢ ... ﻣﺎ
ﺍﺩﺭﻱ ﻋﻨﻬﺎ ﺍﻧﺎ ﺻﺮﺍﺣﺔ ﻧﺎﻧﺴﻲ ﺩﺭﻭﻭ ﺷﺘﺨﻄﻂ .. ﺑﺲ ﺍﻻﻳﺎﻡ ﺑﺘﺒﻴﻦ
ﻟﻨﺎ ..
ﻓﺎﺗﻦ ﺍﻟﻠﻲ ﺧﻠﺼﺖ ﻣﺤﺎﻇﺮﺍﺗﻬﺎ ﻭﻭﻗﻔﺖ ﻋﻨﺪ ﺍﻟﺒﺎﺭﻙ ﺍﻟﻠﻲ ﺩﺍﻳﻢ
ﻳﻨﺘﻈﺮﻫﺎ ﻣﺴﺎﻋﺪ ﻫﻨﺎﻙ .. ﻭﺗﻤﺖ ﺗﺮﺍﻗﺐ ﺍﻟﺮﺍﻳﺤﻴﻦ ﻭﺍﻟﺮﺍﺩﻳﻦ ﻣﺜﻞ ﻛﻞ
ﻣﺮﺓ ﻭﺍﻫﻲ ﺗﺴﺮﻕ ﺍﻟﻨﻈﺮﺍﺕ ﻟﺴﺎﻋﺘﻬﺎ .. ﻭﻳﻦ ﺟﻮﺭﺝ ﻟﻠﺤﻴﻦ ﻣﺎ ﻳﺎﻧﻲ ..
ﻣﻊ ﺍﻥ ﺍﻟﺠﺎﻣﻌﺔ ﻣﻮ ﺑﻌﻴﺪﺓ ﻭﺍﻧﺎ ﺗﻘﺮﻳﺒﺎ ﺣﻔﻈﺖ ﺍﻟﺪﺭﺏ ﻟﻮ ﺭﺩﻳﺖ
ﻣﺸﻲ .. ﺑﺲ ﺍﻭﺍﻣﺮ ﻣﺴﺎﻋﺪ ﺗﻘﺘﻀﻲ ﺍﻧﻲ ﻣﺎ ﺍﻣﺸﻲ .. ﻭﺍﻧﺘﻈﺮ
ﺟﻮﺭﺝ ... ﻭﺭﻥ ﺗﻠﻔﻮﻧﻬﺎ .. ﺷﺎﻓﺖ ﺍﻟﺮﻗﻢ ﺍﺳﺘﻐﺮﺑﺖ .. ﻣﺎ ﺗﻌﺮﻑ ﻣﻦ
ﺻﺎﺣﺒﻪ ..
ﻓﺎﺗﻦ : ﺍﻟﻮﻭ
ﺟﻮﺭﺝ : ﺍﻫﻠﻴﻦ ﻣﺪﺍﻡ ﻓﺎﺗﻦ .. ﻛﻴﻔﻚ .
ﻓﺎﺗﻦ ﻭﻫﻲ ﺗﺘﻨﻬﺪ : ﺍﻟﺤﻤﺪ ﻟﻠﻪ ﺟﻮﺭﺝ ﺍﻧﺖ ﺷﺨﺒﺎﺭﻙ .. ﻭﻳﻨﻚ؟
ﺟﻮﺭﺝ : ﻟﻼﺳﻒ ﻣﻌﺮﻓﺖ ﺍﻟﻤﻜﺎﻥ ﺍﻟﻠﻲ ﻭﺻﻔﻮ ﻟﻲ ﺍﻻﺳﺘﺎﺯ ﻣﺴﺎﻋﺪ ﺑﺲ
ﺍﺫﺍ ﺑﺘﺮﻳﺪﻱ ﺗﻌﺎﻟﻲ ﻋﻨﺪ ﺍﻟﺸﺎﺭﻉ ﻣﺸﺎﻥ ﺍﺧﺪﻙ ..
ﻓﺎﺗﻦ : ﺩﻗﺎﻳﻖ ﻭﺍﻧﺎ ﻋﻨﺪﻛﻢ ..
ﺳﻜﺮﺕ ﻓﺎﺗﻦ ﻋﻦ ﺟﻮﺭﺝ ﻭﺍﻫﻲ ﻣﺘﻈﺎﻳﻘﺔ .. ﺷﻠﻮﻥ ﺗﺮﻛﺐ ﻭﻳﺎ ﺭﻳﺎﻝ
ﻏﺮﻳﺐ .. ﺍﻭﻭﻭﻑ ..ﺷﻬﺎﻟﺤﺎﻟﺔ .. ﻳﻌﻨﻲ ﺍﻟﻴﻮﻡ ﻭﺑﺲ ﺑﺎﺟﺮ ﺍﻥ ﺷﺎﺀ ﺍﻟﻠﻪ
ﻛﻞ ﺷﻲ ﻳﺘﻌﺪﻝ .. ﺑﺲ ﻣﺴﺎﻋﺪ ﺷﻠﻮﻥ ﺭﺿﺎﻫﺎ ﻋﻠﻲ .. ﺻﺞ ﻳﻌﻨﻲ
ﻏﺒﺎﺀ ..
ﺭﺍﺣﺖ ﺑﻈﻴﺠﻬﺎ ﻟﻠﺴﻴﺎﺭﺓ ﻭﺷﺎﻓﺘﻬﺎ ﺩﻳﻮﺭﺍﻧﻘﻮﻭ ﺳﻮﺩﺓ ﻭﺟﻮﺭﺝ ﻳﺄﺷﺮ
ﻟﻬﺎ .. ﻭﻫﻲ ﻣﻨﺰﻟﺔ ﺭﺍﺳﻬﺎ ﻭﻣﺴﺘﺤﻴﺔ ﻣﻮ ﻋﺎﺭﻓﺔ ﺷﻠﻮﻥ ﺗﺮﻭﺡ ﺗﺮﻛﺐ
ﻭﺭﻯ .. ﺑﺲ .. ﺍﻫﻲ ﺗﺒﻌﺖ ﺣﺎﺳﺘﻬﺎ ﻭﺭﺍﺣﺖ ﻭﻓﺘﺤﺖ ﺍﻟﺒﺎﺏ ﺍﻟﻮﺭﺍﻧﻲ
ﻭﻗﻌﺪﺕ .. ﻭﻣﺎ ﻛﺎﻥ ﻳﺒﻴﻦ ﻋﻠﻰ ﺟﻮﺭﺝ ﺍﻱ ﺍﺩﻧﻰ ﻟﻼﻋﺘﺮﺍﺽ ..
ﺟﻮﺭﺝ : good evening
ﻓﺎﺗﻦ : ﻣﺴﺎﺀ ﺍﻟﻨﻮﺭ ...
ﺟﻮﺭﺝ : ﻓﻴﻜﻲ ﺗﺎﺧﺪﻱ ﺍﻟﻜﻴﺲ ﺍﻟﻠﻲ ﺟﻨﺒﻚ ﻓﻴﻪ ﺍﻟﻼﺑﺘﻮﺏ ﻭﺍﻥ ﺷﺎﺀ
ﺍﻟﻠﻪ ﺧﻂ ﺍﻻﻧﺘﺮﻧﺖ ﻳﻜﻮﻥ ﻋﻨﺪﻙ ﺑﺎﻟﻤﺴﺎ .. ﺭﺍﺡ ﺗﺠﻴﺒﻪ ﻟﻚ ﺟﻮﺯﺗﻲ
ﻣﻴﺸﻴﻼ ..
ﺍﺳﺘﻐﺮﺑﺖ ﻓﺎﺗﻦ : ﻣﺘﺰﻭﺝ ﺟﻮﺭﺝ؟
ﺟﻮﺭﺝ : ﻭﻟﻮ ﻣﺪﺍﻡ .. ﺍﻧﺎ ﻣﺘﺰﻭﺝ ﻭﻋﻨﺪﻱ ﺗﻮﺃﻡ .. ﺷﻴﻠﻲ ﻭﺷﻴﺮﻟﻲ ..
ﺟﻮﺯﺗﻲ ﺍﻣﻴﺮﻛﺎﻧﻴﻲ .. ﻭﻫﻲ ﺍﻟﻠﻲ ﺍﻥ ﺷﺎﺀ ﺍﻟﻠﻪ ﺑﺘﺘﻜﻔﻞ ﻓﻴﻜﻲ .. ﺗﺠﻴﺒﻚ
ﻣﻦ ﺍﻟﺠﺎﻣﻌﺔ ﻭﺗﺎﺧﺪﻳﻚ ..
ﻓﺎﺗﻦ : ﻻ ﻣﺎﻟﻪ ﺩﺍﻋﻲ ﻟﻠﻌﺒﺎﻟﺔ .. ﺍﻥ ﺟﺎﻥ ﻋﻠﻰ ﺍﻟﺮﺩﺓ ﺍﻭﻛﻴﻪ ﻟﻜﻦ ﺍﻟﺮﻭﺣﺔ
ﺍﺗﻔﻘﺖ ﻭﻳﺎ ﺍﺭﻓﻴﺠﺘﻲ ﺍﻫﻲ ﺍﻟﻠﻲ ﺑﺘﺎﺧﺬﻧﻲ ..
ﺟﻮﺭﺝ ﺑﺤﻴﺮﺓ : ﻣﺎ ﻓﻬﻤﺖ ﻋﻠﻴﻚ ﺷﻮ ﺋﻠﺘﻲ ..
ﺍﺑﺘﺴﻤﺖ ﻓﺎﺗﻦ : ﻭﻟﻚ ﻳﺎ ﻋﻤﻲ ﺑﺌﻠﻚ ﺍﺭﻓﻴﺌﺘﻲ ﻫﻲ ﺍﻟﻠﻲ ﺑﺘﺘﺎﺧﻮﺩﻧﻲ
ﺍﻟﺠﺎﻣﻌﺔ
ﺟﻮﺭﺝ : ﻋﻔﺎﺭﻡ ﻋﻠﻴﻜﻲ ﻳﺎ ﺳﺘﻲ ﻟﻚ ﺷﻮ ﻫﺎﻟﺤﻜﻲ ﺍﻟﺤﻠﻮﻭﻭﻭ ﻫﻴﻚ
ﺑﺪﻱ ﺍﻳﺎﻛﻲ ﻟﺒﻨﺎﻧﻲ
ﻓﺎﺗﻦ ﺑﻜﻞ ﺍﻋﻤﺎﻕ ﻗﻠﺒﻬﺎ ﺿﺤﻜﺖ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻭﺍﻟﻠﻪ ﺣﺎﻟﺔ
ﺻﺮﺕ ﻟﺒﻨﺎﻧﻴﺔ ﻭﻣﺴﺎﻋﺔ ﺑﺤﺮﻳﻨﻴﺔ .. ﻳﻼ .. ﺍﻻﻧﺴﺎﻥ ﻻﺑﺪ ﻟﻪ
ﺑﺎﻟﺘﻐﻴﻴﺮﺍﺕ ..
ﺟﻮﺭﺝ ﺑﺎﻟﺨﻠﻴﺠﻲ : ﻋﻠﻰ ﻗﻮﻟﺘﻜﻢ .. ﺩﻭّﺍﻡ ﺍﻟﺤﺎﻝ ﻣﻦ ﺍﻟﻤﺤﺎﻝ ..
ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻪ ﺩﻭﺍﻡ .. ﻣﻮ ﺩﻭّﺍﻡ
ﺟﻮﺭﺝ : ﻭﻣﻨﻜﻢ ﻧﺴﺘﻔﻴﺪ ...
ﻭﺻﻠﺖ ﻓﺎﺗﻦ ﻋﻨﺪ ﺑﻴﺘﻬﺎ ﻭﻫﻲ ﺗﺒﺘﺴﻢ ﻟﺠﻮﺭﺝ .. ﻣﺴﻜﻴﻦ .. ﻇﻬﺮ
ﺍﻟﺮﻳﺎﻝ ﻋﻜﺲ ﻣﺎ ﻛﺎﻧﺖ ﺗﺘﻮﻗﻌﻪ .. ﺻﺞ ﺍﻥ ﺍﻻﻧﺴﺎﻥ ﻣﺎ ﻳﻌﺮﻑ ﺍﻟﻨﺎﺱ
ﺍﻻ ﻟﻤﻦ ﻳﻌﺎﺷﺮﻫﺎ .. ﻭﺍﻧﺎ ... ﺩﺍﻳﻤﺎ ﺍﺣﻜﺎﻣﻲ ﺗﻨﻄﻠﻲ ﻋﻠﻰ ﺍﻟﻨﺎﺱ ﻗﺒﻞ ﻻ
ﺍﻋﺮﻓﻬﺎ .. ﺻﺞ ﺍﻧﻲ ﺩﻗﻤﺔ .. ﻭﻃﺮﻯ ﻣﺴﺎﻋﺪ ﻋﻠﻰ ﺑﺎﻟﻬﺎ .. ﻳﺎ ﺍﻟﻠﻪ ﺷﻨﻮ
ﻛﺎﻧﺖ ﺗﺤﺘﻘﺮﻩ ﻓﻲ ﺑﺪﺍﻳﺔ ﻋﻼﻗﺘﻬﺎ ﺑﻪ .. ﻭﺷﻠﻮﻥ ﻛﺎﻧﺖ ﺗﻨﻔﺮ ﻣﻦ ﺫﻛﺮ
ﺍﺳﻤﻪ .. ﻭﺍﻛﺜﺮ ﺷﻲ ﺑﻬﺬﺍﻙ ﺍﻟﻴﻮﻡ ﺍﻟﻠﻲ ﻭﻗﻔﺖ ﻓﻴﻪ ﺑﻮﻳﻬﻪ ﻭﺻﺮﺧﺖ
ﻋﻠﻴﻪ ﻭﺍﺗﻬﻤﺘﻪ ﺑﺎﻟﺠﺬﺏ .. ﺷﻬﺎﻟﺠﺮﺃﺓ ..
ﺩﺧﻠﺖ ﺍﻟﺸﻘﺔ ﻭﻫﻲ ﺗﺘﻨﺸﻖ ﺍﻟﺮﻳﺤﺔ ﺍﻟﻠﻲ ﻓﻴﻬﺎ .. ﺍﺣﻠﻰ ﺷﻲ .. ﺍﻟﺒﺨﻮﺭ
ﻟﻤﻦ ﻳﺘﺴﻜﺮ ﻓﻲ ﺍﻟﺒﻴﺖ .. ﺳﻜﺮﺕ ﻋﻴﻮﻧﻬﺎ ﻭﻫﻲ ﺗﺒﺘﺴﻢ .. ﺭﺍﺣﺖ ﻋﻨﺪ
ﺍﻟﻜﺮﺍﺳﻲ ﻭﻗﻄﺖ ﺍﻻﻏﺮﺍﺽ ﺍﻟﻠﻲ ﻛﺎﻧﺖ ﻋﻨﺪﻫﺎ .. ﻣﺎ ﻋﻨﺪﻫﺎﻭﻗﺖ ﻻﺯﻡ
ﺗﻄﻠﻊ ﺍﻟﺤﻴﻦ ﻭﺗﺮﻭﺡ ﺍﻱ ﻣﻴﻨﻲ ﻣﺎﺭﻛﺖ ﺗﺘﺸﺮﻯ ﻟﻠﺒﻴﺖ ﺍﻏﺮﺍﺽ .. ﻭﻋﻠﻰ
ﻃﺎﺭﻱ ﻫﺎﻟﻔﻜﺮﺓ ﻭﻗﻔﺖ ﺑﻴﻨﻬﺎ ﻭﺑﻦ ﻧﻔﺴﻬﺎ . ﻻﻭﻝ ﻣﺮﺓ ﺗﺤﺲ ﺑﺎﻻﻟﻔﺔ ..
ﻻﻥ ﻫﺬﺍ ﺑﻴﺘﻬﺎ .. ﻭﺍﻫﻲ ﻻﺯﻡ ﺗﻌﺘﻨﻲ ﻓﻴﻪ .. ﻭﻫﺎﻟﻤﺴﺄﻟﺔ ﻋﻠﻰ ﻗﺪ ﻣﺎ
ﺗﺨﺮﻉ .. ﺗﻔﺮﺡ .. ﻻﻥ ﻓﻜﺮﺓ ﺍﻥ ﺍﻻﻧﺴﺎﻥ ﻳﻤﺘﻠﻚ ﺷﻲ ﻟﻨﻔﺴﻪ ﻳﻘﺪﺭ ﺍﻧﻪ
ﻳﻌﻤﺮﻩ ﻭﻻﺍﻧﻪ ﻳﺪﻣﺮﻩ .. ﺗﺤﻴﻲ ﺭﻭﺡ ﺍﻟﺤﻤﺎﺱ ﻓﻴﻪ .. ﻭﺍﻟﺘﻨﺎﻓﺲ .. ﺑﻴﻦ
ﻧﻔﺴﻪ ﺍﻟﻄﻴﺒﺔ ﻭﻧﻔﺴﻪ ﺍﻟﺸﺮﻳﺮﺓ .. ﻭﺗﻤﺖ ﺗﻀﺤﻚ ﻋﻠﻰ ﻧﻔﺴﻬﺎ ﻭﻫﻲ
ﺑﻬﺎﻻﻓﻜﺎﺭ ..
ﺭﺍﺣﺖ ﺩﺍﺭﻫﺎ ﻭﻏﻴﺮﺕ ﻫﺪﻭﻣﻬﺎ ﻟﻠﺒﺲ ﻟﺴﺒﻮﺭﺕ ﻭﻋﻠﻰ ﻃﻮﻝ ﻟﻠﺤﻤﺎﻡ
ﻋﺸﺎﻥ ﺗﺘﻮﺿﻰ ﻭﺗﺼﻠﻲ ..
-----------------------------------------
ﻋﻠﻰ ﻃﻮﻝ ﻣﻦ ﻭﺻﻠﺖ ﺍﻟﺒﻴﺖ ﻫﻴﺎﻡ ﺭﻛﻴﺾ ﻋﻠﻰ ﺍﻻﻧﺘﺮﻧﺖ .. ﻓﺘﺤﺖ
ﺍﻟﻤﺴﻨﺠﺮ ﻭﺍﻧﺘﻈﺮﺕ ﺍﻟﻤﺴﻨﺠﺮ ﺍﻳﻜﻮﻥ ﻭﻫﻮ ﻳﺪﻭﺭ .. ﺭﺍﺣﺖ ﻭﻏﻴﺮﺕ
ﻣﻼﺑﺴﻬﺎ ﻋﻠﻰ ﻋﻴﻞ ﻭﻋﻴﻮﻧﻬﺎ ﻋﻠﻰ ﺍﻟﻘﺎﺋﻤﺔ ﺍﻟﻠﻲ ﺗﻨﺘﻈﺮﻫﺎ ﺗﻨﻔﺘﺢ ..
ﻭﺍﺧﻴﺮﺍ ... ﺍﻻﻭﻝ ﻣﺎ ﺍﻫﺘﻤﺖ ﻟﻪ .. ﺍﻟﺜﺎﻧﻲ ﻣﺎ ﺍﻫﺘﻤﺖ ﻟﻪ .. ﻟﻜﻦ
ﺍﻟﺜﺎﻟﺚ ..
><ﺍﻟﺒــﺎﺭﺣﺔ ﻗﻠﺒــﻲ .. ﺯﺍﺩﺕ ﻣـﻮﺍﻭﻳــﻠﻪ ><
ﻣﺎ ﺻﺪﻗﺖ .. ﻛﺎﻧﺖ ﺗﻮﻫﺎ ﺑﺘﻨﻘﺰ ﻣﻦ ﺍﻟﻔﺮﺣﺔ .. ﻣﻮﺟﻮﺩ ﻫﻨﻲ .. ﻭﺑﻌﺪ
ﺛﺎﻧﻴﺘﻴﻦ .. ﺩﺧﻞ ﻋﻠﻴﻬﺎ ﺑﺎﻟﺰﻗﺎﻳﺮ ..
><ﺍﻟﺒــﺎﺭﺣﺔ ﻗﻠﺒــﻲ .. ﺯﺍﺩﺕ ﻣـﻮﺍﻭﻳــﻠﻪ :>< ﻭﺍﺧﻴﺮﺍ ﺭﺩﻳﺘﻲ ﺍﻟﺒﻴﺖ
ﺇﺳــﺄﻟﻨﻲ ﻟﻮ ﺣﺒﻴﺖ .. : ﻟﻴﺶ .. ﻛﻨﺖ ﺗﻨﺘﻈﺮﻧﻲ؟؟
><ﺍﻟﺒــﺎﺭﺣﺔ ﻗﻠﺒــﻲ .. ﺯﺍﺩﺕ ﻣـﻮﺍﻭﻳــﻠﻪ :>< ﻻ ﻭﺍﻟﻠﻪ .. ﻭﺍﻳﺪ ﻣﺼﺪﻗﺔ
ﺭﻭﺣﺞ .. ﺍﻛﻴﺪ ﻣﻨﺘﻈﺮﺝ ﻋﻴﻞ ﺷﻨﻮﻭ
ﻣﺎﻗﺪﺭﺕ ﺗﻀﺒﻂ ﺭﻭﺣﻬﺎ ﻫﻴﺎﻡ .. ﻭﻻ ﺗﻌﺮﻑ ﺳﺒﺐ ﻓﺮﺣﺘﻬﺎ ﺍﻟﺠﺒﻴﺮﺓ :..
ﺍﺳﻔﺔ ﻋﻴﻞ ﻻﻧﻲ ﺧﻠﻴﺘﻚ ﺗﻨﺘﻈﺮ .. ﺑﺲ ﻛﺎﻥ ﻋﻨﺪﻱ ﻣﺸﻮﺍﺭ ..
><ﺍﻟﺒــﺎﺭﺣﺔ ﻗﻠﺒــﻲ .. ﺯﺍﺩﺕ ﻣـﻮﺍﻭﻳــﻠﻪ :>< ﺍﻱ ﻣﺸﻮﺍﺭ .. ﻻﺯﻡ
ﺍﻋﺮﻑ ..
ﺇﺳـﺄﻟﻨﻲ ﻟﻮ ﺣﺒﻴﺖ : ﻛﻨﺖ ﺭﺍﻳﺤﺔ ﺍﺧﺬ ﺍﺧﺘﻴﻨﻲ ﻣﻦ ﻣﺪﺭﺳﺔ ﺍﻟﺒﺎﻟﻴﺔ ..
><ﺍﻟﺒــﺎﺭﺣﺔ ﻗﻠﺒــﻲ .. ﺯﺍﺩﺕ ﻣـﻮﺍﻭﻳــﻠﻪ :>< ﻳﺎﻗﻠﺒﻲ ﻋﻠﻴﻬﻢ .. ﻋﻨﺪﺝ
ﺻﻮﺭﻫﻢ
ﺇﺳـﺄﻟﻨﻲ ﻟﻮ ﺣﺒﻴﺖ : ﺍﻛﻴﺪ ..
ﻭﻭﺭﺗﻪ ﺻﻮﺭ ﺍﺧﺘﻴﻨﻬﺎ ﻭﻫﻢ ﻻﺑﺴﻴﻦ ﺛﻴﺎﺏ ﺍﻟﺒﺎﻟﻴﻪ . ﻭﺣﺪﻩ ﻣﻨﻬﻢ ﻋﻠﻰ
ﺷﻜﻞ ﻧﺤﻠﺔ ﻭﺍﻟﺜﺎﻧﻴﺔ ﻓﺮﺍﺷﺔ ..
><ﺍﻟﺒــﺎﺭﺣﺔ ﻗﻠﺒــﻲ .. ﺯﺍﺩﺕ ﻣـﻮﺍﻭﻳــﻠﻪ :>< ﻳﺎ ﻗﻠﺒــــــــــــــــــــﻲ
ﻋﻠﻴﻬﻢ .. breath taking
ﺇﺳــﺄﻟﻨﻲ ﻟﻮ ﺣﺒﻴﺖ : ﺗﺴﻠﻢ ... ﻃﺎﻟﻌﻴﻦ ﻋﻠﻰ ﺍﺧﺘﻬﻢ
><ﺍﻟﺒــﺎﺭﺣﺔ ﻗﻠﺒــﻲ .. ﺯﺍﺩﺕ ﻣـﻮﺍﻭﻳــﻠﻪ :>< ﻳﺎﻟﻠﻪ ﻋﺎﺩ ﻋﻦ ﺍﻟﺘﻮﺍﺿﻊ ..
ﺍﻧﺘﻲ ﺍﻛﻴﺪ ﺍﺣﻠﻰ ﻣﻨﻬﻢ
ﺇﺳــﺄﻟﻨﻲ ﻟﻮ ﺣﺒﻴﺖ : ﻟﻮ ﺳﻤﺤﺖ . ﺑﻼ ﻣﻐﺎﺯﻝ .. ﺗﺮﻯ ﺍﺳﺘﺤﻲ ..
><ﺍﻟﺒــﺎﺭﺣﺔ ﻗﻠﺒــﻲ .. ﺯﺍﺩﺕ ﻣـﻮﺍﻭﻳــﻠﻪ :>< ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺷﺪﻋﻮﺓ .. ﺍﻻ ﺍﺗﻐﺸﻤﺮ
ﺍﺧﺘﻔﺖ ﺍﻟﻀﺤﻜﺔ ﻣﻦ ﻋﻠﻰ ﻭﻳﻪ ﻫﻴﺎﻡ .. ﻭﻧﻐﺰﻫﺎ ﻗﻠﺒﻬﺎ .. ﻭﻳﻮﻡ
ﻻﺣﻈﺖ ﺳﻜﻮﺗﻬﺎ
><ﺍﻟﺒــﺎﺭﺣﺔ ﻗﻠﺒــﻲ .. ﺯﺍﺩﺕ ﻣـﻮﺍﻭﻳــﻠﻪ :>< ﺗﺮﻯ ﺍﺗﻐﺸﻤﺮ .. ﺍﻧﺘﻲ ﺍﻛﻴﺪ
ﺣﻠﻮﺓ ﺑﻄﺒﻌﺞ ..
ﺇﺳــﺄﻟﻨﻲ ﻟﻮ ﺣﺒﻴﺖ : ﺗﺴﻠﻢ ...
><ﺍﻟﺒــﺎﺭﺣﺔ ﻗﻠﺒــﻲ .. ﺯﺍﺩﺕ ﻣـﻮﺍﻭﻳــﻠﻪ :>< ﻳﺴﻠﻤﺞ ﺭﺑﻲ ﺍﻧﺰﻳﻦ .. ﺍﻧﺎ
ﺍﻟﺤﻴﻦ ﻻﺯﻡ ﺍﻣﺸﻲ ..
ﺍﻧﺼﺪﻣﺖ ﻫﻴﺎﻡ : ﺗﻮﻩ ﺍﻟﻨﺎﺱ ..
><ﺍﻟﺒــﺎﺭﺣﺔ ﻗﻠﺒــﻲ .. ﺯﺍﺩﺕ ﻣـﻮﺍﻭﻳــﻠﻪ >< : ﻧﻈﺮﺍﺕ ﻣﺎﻛﺮﺓ .. ﻟﻴﺶ ..
ﺗﺒﻴﻦ ﺗﺴﻮﻟﻔﻴﻦ ﻭﻳﺎﻱ؟
ﺍﻧﺤﺮﺟﺖ ﻫﻴﺎﻡ : ﻻ ﻭﺍﻟﻠﻪ ﻻ ﺗﺼﺪﻕ ﻋﻤﺮﻙ .. ﺑﺲ ﻗﻠﺖ ﻳﻤﻜﻦ .. ﺍﻧﺖ
ﺗﺒﻲ ﺗﺴﻮﻟﻒ ﺩﺍﻣﻨﻚ ﺗﻨﺘﻈﺮﻛﻞ ﻫﺎﻟﻔﺘﺮﺓ ..
><ﺍﻟﺒــﺎﺭﺣﺔ ﻗﻠﺒــﻲ .. ﺯﺍﺩﺕ ﻣـﻮﺍﻭﻳــﻠﻪ :>< ﺷﺴﻮﻱ .. ﺍﻧﺎ ﺍﻧﺴﺎﻥ
ﻣﺸﻐﻮﻝ ﻭﻣﺸﺎﻏﻠﻲ ﻣﺎ ﺗﻨﺘﻬﻲ ..
ﺭﻓﻌﺖ ﻫﻴﺎﻡ ﺣﺎﺟﺒﻬﺎ ﻭﺗﻬﻜﻤﺖ .. ﺑﻴﺰﻧﺲ ﻣﺎﻥ ﻭﻻ ﺍﺩﺭﻱ
><ﺍﻟﺒــﺎﺭﺣﺔ ﻗﻠﺒــﻲ .. ﺯﺍﺩﺕ ﻣـﻮﺍﻭﻳــﻠﻪ :>< ﺑﺎﻻﻧﺠﻠﻴﺰﻱ ﻳﻘﻮﻟﻮﻧﻬﺎ
business man
ﺍﻧﺼﺪﻣﺖ ﻳﻮﻡ ﺷﺎﻓﺖ ﺍﻧﻪ ﺷﻠﻮﻥ ﻗﺮﻯ ﺍﻟﻠﻲ ﻓﻲ ﺑﺎﻟﻬﺎ : ﺍﻱ ﻭﺍﻟﻠﻪ .. ﺍﻟﻠﻪ
ﻳﻌﻴﻨﻚ
><ﺍﻟﺒــﺎﺭﺣﺔ ﻗﻠﺒــﻲ .. ﺯﺍﺩﺕ ﻣـﻮﺍﻭﻳــﻠﻪ :>< ﺍﻟﺠﻤﻴﻊ ﻳﺎﺭﺏ .. any
way my beauty queen g2g now ﻣﺘﻰ ﺍﻗﺪﺭ ﺍﺷﻮﻓﺞ؟
ﺇﺳــﺄﻟﻨﻲ ﻟﻮ ﺣﺒﻴﺖ : ﻣﺎﺍﺩﺭﻱ .. ﺍﻧﺎ ﻣﺘﻮﺍﺟﺪﺓ ﺗﻘﺮﻳﺒﺎ ﻣﻌﻈﻢ ﺍﻟﻮﻗﺖ ..
ﺑﺲ ﺍﻛﻮﻥ away
><ﺍﻟﺒــﺎﺭﺣﺔ ﻗﻠﺒــﻲ .. ﺯﺍﺩﺕ ﻣـﻮﺍﻭﻳــﻠﻪ :>< ﻳﺎﻟﻠﻪ ﻓﻈﻲ ﺭﻭﺣﺞ ﺍﻧﺎ
ﺑﻴﻲ ﺑﻌﺪ ﺳﺎﻋﺘﻴﻦ ﺟﺬﻱ ﺍﺑﻴﺞ ﺗﻜﻮﻧﻴﻦ ﻣﻮﺟﻮﺩﺓ
ﻫﺰﺕ ﺭﺍﺳﻬﺎ ﻫﻴﺎﻡ .. ﻭﺍﻳﺪ ﻣﺼﺪﻕ ﺭﻭﺣﻪ : ﺍﻥ ﺷﺎﺀ ﺍﻟﻠﻪ
><ﺍﻟﺒــﺎﺭﺣﺔ ﻗﻠﺒــﻲ .. ﺯﺍﺩﺕ ﻣـﻮﺍﻭﻳــﻠﻪ :>< ﻣﺎﺍﺑﻲ ﺍﻧﺸﺎﺀ ﺍﻟﻠﻪ . ﺍﺑﻲ
ﺣﺎﻇﺮ ﺣﻤﺪ
ﺇﺳــﺄﻟﻨﻲ ﻟﻮ ﺣﺒﻴﺖ : ﻻ ﺗﻌﻮﻳﻬﺎ ..
><ﺍﻟﺒــﺎﺭﺣﺔ ﻗﻠﺒــﻲ .. ﺯﺍﺩﺕ ﻣـﻮﺍﻭﻳــﻠﻪ :>< ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﻳﺎﺣﻠﻮﺝ .. ﻳﺎﻟﻠﻪ .. cya
ﺇﺳــﺄﻟﻨﻲ ﻟﻮ ﺣﺒﻴﺖ : take care
ﺳﻜﺮ ﺍﻟﻤﺴﻨﺠﺮ ﺯﻳﺎﺩ ﻭﻫﻮ ﻳﺘﻨﻬﺪ .. ﻭﺍﻟﻠﻪ ﻣﺎ ﺑﻴﺪﻩ ﺣﻞ ﺍﻻ ﻫﺬﺍ .. ﻫﻴﺎﻡ
ﻣﻦ ﺍﻟﻤﺴﺘﺤﻴﻞ ﺗﺘﻘﺮﺏ ﻣﻨﻪ .. ﻓﻴﻬﺎ ﺣﺴﺎﺳﻴﺔ ﺿﺪﻱ .. ﻭﻛﻞ ﻣﺎ ﺍﺣﺎﻭﻝ
ﺍﺗﻘﺮﺏ ﻣﻨﻬﺎ ﺗﻠﻘﻰ ﺍﻟﻄﺮﻳﻘﺔ ﺍﻟﻠﻲ ﺗﺒﻌﺪﻧﻲ ﻓﻴﻬﺎ ﻋﻨﻬﺎ .. ﺑﺲ ﺍﻧﺎ .. ﺍﻧﺎ
ﺷﺎﻟﻠﻲ ﺑﺴﺘﻔﻴﺪﻩ ﻣﻦ ﺍﻟﺘﻘﺮﺏ ﻟﻬﺎﺟﺬﻱ .. ﺍﻧﺎ ﻻﺯﻡ ﻣﺎﺣﻄﻬﺎ ﻓﻲ ﺑﺎﻟﻲ .
ﺑﻨﺖ ﻣﺜﻞ ﻫﻴﺎﻡ ﺻﻌﺐ ﺍﻟﻮﺍﺣﺪ ﻳﺘﻌﺎﻣﻞ ﻣﻌﺎﻫﺎ .. ﻋﻠﻰ ﺷﻄﺎﻧﺘﻬﺎ ﺍﻻ ﺍﻧﻬﺎ
ﺣﺴﺎﺳﺔ ﻭﺍﻗﻞ ﺷﻲ ﻳﺠﺮﺣﻬﺎ .. ﻟﻮ ﻧﺴﻤﺔ ﺍﻟﻬﻮﺍ ...
ﻗﺎﻡ ﻣﻦ ﻋﻠﻰ ﺍﻟﻜﻤﺒﻴﻮﺗﺮ ﻭﻫﻮ ﺑﻈﻴﻖ .. ﻳﻤﻜﻦ ﻣﻤﺘﺪ ﻭﻳﺎﻩ ﻣﻦ ﺍﻭﻝ ﻣﺎ
ﺷﺎﻓﻬﺎ .. ﺍﻭ ﻣﻦ ﺍﻭﻝ ﻣﺎ ﻋﺮﻓﻬﺎ .. ﺍﻫﻲ ﻗﺪﺭﺕ ﺗﺘﻐﻠﻐﻞ ﻓﻲ ﻗﻠﺒﻪ ﻣﺜﻞ
ﻣﺎ ﻫﻮ ﺗﻐﻠﻐﻞ ﻓﻴﻬﺎ .. ﻭﻻ ﻳﺨﻔﻰ ﻫﺎﻟﺸﻲ .. ﺑﺲ ﺍﻫﻲ ﻟﻬﺎ ﻃﺒﻊ ﻛﺮﻳﻪ
ﺗﺨﻠﻲ ﺍﻟﻮﺍﺣﺪ ﺩﺍﺋﻤﺎ ﻓﻲ ﻣﻮﻗﻒ ﺩﻓﺎﻋﻲ ﻭﻳﺎﻫﺎ .. ﻭﻣﺎ ﻳﺴﺘﺤﻤﻞ ﻣﻨﻬﺎ
ﺍﻗﻞ ﺍﻟﺸﻲ .. ﻣﺜﻞ ﻣﺎ ﺍﻫﻲ ﻣﺎ ﺗﺴﺘﺤﻤﻞ ﺷﻲ ﻣﻦ ﺍﻟﻨﺎﺱ ..
ﻟﻜﻦ .. ﻫﻞ ﻫﺬﻱ ﺍﻟﻄﺮﻳﻘﺔ ﺍﻟﻤﺜﻠﻰ ﻳﺎ ﺯﻳﺎﺩ ﺍﻧﻚ ﺗﺘﻘﺮﺏ ﻣﻨﻬﺎ ... ﺍﻟﻠﻪ
ﺍﻋﻠﻢ .. ﻣﻦ ﺑﻌﺪ ﻫﺎﻟﺤﺮﻛﺔ ﺷﻨﻮ ﺭﺍﺡ ﻳﻜﻮﻭﻭﻥ ﻣﻮﻗﻔﻚ ﻓﻲ ﺣﻴﺎﺓ
ﻫﻴﺎﻡ .. ﺍﻟﻠﻲ ﺑﺪﺕ ﺗﺘﻌﻠﻖ ﻓﻲ ﻫﺎﻟﺸﺨﺺ .. ﻣﻦ ﻏﻴﺮ ﺍﻱ ﺍﺩﺭﺍﻙ ﻓﻴﻬﺎ ..
-----------------------------------
ﺍﻟﺴﺎﻋﺔ 12 ﺑﺎﻟﻠﻴﻞ .. ﻭﻣﺸﻌﻞ ﻭﺍﻗﻒ ﻋﻨﺪ ﺧﺮﺍﺏ ﺑﻴﺖ ﺑﻮ ﺟﺮﺍﺡ ..
ﻭﺍﻟﻠﻮﻋﺔ ﺗﻨﺘﻔﺾ ﻓﻲ ﻋﺮﻭﻗﻪ .. ﻓﺎﺗﻦ .. ﻳﺎ ﻣﻦ ﻛﻨﺘﻲ ﻧﻮﺭﺍ ﻳﺸﻌﺸﻊ ﻣﻦ
ﺷﻘﻮﻕ ﻭﺭﻗﻌﺎﺕ ﻫﺬﻩ ﺍﻟﺠﺪﺭﺍﻥ .. ﻳﺎ ﻧﺒﺮﺍﺱ ﺍﻟﻄﻬﺎﺭﺓ ﻭﺍﻟﺤﺸﻤﺔ
ﻭﺍﻻﻣﺎﻥ .. ﻭﻳﺎ ﻋﻴﻮﻥ ﺍﻟﺤﻮﺭ ﺍﻟﺘﻲ ﺩﺟﺖ ﺑﺎﻟﻬﺪﻭﺀ ﻭﺍﻟﺨﻠﻮ ﻣﻦ ﺯﻳﻒ
ﺍﻟﻌﺎﻟﻢ ﺍﻟﺤﻘﻴﻘﻲ .. ﺳﺤﻘﺖ ﻳﺎ ﻓﺮﺍﺷﺔ ﻣﺰﺩﺍﻧﺔ ﺑﺎﻟﻮﺍﻥ ﺍﻟﺤﺐ ﻭﺍﻟﻌﺸﻖ ..
ﻭﺳﺤﻖ ﺣﺒﻨﺎ ﺑﺮﺟﻞ ﺍﻟﻐﺎﺷﻢ ﺍﻟﻤﻌﺘﺪﻱ .. ﻭﺑﺒﺮﻭﺩ ﻋﺎﺷﻖ ﺍﺑﻠﻪ .. ﻟﻢ ﻳﻌﺮﻑ
ﺍﻥ ﻟﻠﻌﺸﻖ ﻣﻌﺎﺭﻙ .. ﻭﺣﺒﻴﺒﺘﻪ ﺳﻼﺣﺎ ﻓﺘﺎﻛﺎ ﻳﻮﺍﺟﻪ ﺑﻪ ﺍﺩﻋﺎﺀﺍﺗﻬﻢ ..
ﺟﺒﻨﺖ ﻳﺎ ﻫﺬﺍ ﻭﺗﺮﻛﺘﻬﺎ ﺗﻄﻴﺮ ﻭﺗﺮﺣﻞ ﻣﻦ ﻳﺪﻙ .. ﺭﺣﻠﺖ ﺍﻟﻰ ﺑﻠﺪ .. ﺍﻟﻠﻪ
ﺍﻋﻠﻢ ﻛﻴﻒ ﺗﻤﺮ ﻇﺮﻭﻓﻬﺎ ﻫﻨﺎﻙ ..
ﺩﺧﻞ ﺩﺍﺧﻞ ﺍﻟﺒﻴﺖ ﺍﻟﺨﺮﺑﺔ .. ﻭﻫﻮ ﺣﺎﻣﻞ ﻭﻳﺎﻩ ﻣﺼﺒﺎﺡ .. ﻭﺍﻻﻣﻞ ﺍﻛﺒﺮ
ﻣﻨﻪ ﻓﻲ ﺍﻧﻪ ﻳﻠﻘﻰ ﺷﻲ ﻣﻦ ﺑﻘﺎﻳﺎ ﺍﻟﺒﻴﺖ .. ﺍﻭ ﺷﻲ ﻳﺨﺺ ﻓﺎﺗﻦ ..
ﻭﺍﻧﺘﻘﻞ ﻣﻦ ﺍﻟﻠﻲ ﻛﺎﻧﺖ ﻓﻴﻮﻡ ﺻﺎﻟﺔ .. ﻭﺩﺧﻞ ﻟﻠﻤﻄﺒﺦ ﺍﻟﻠﻲ ﺍﺣﺘﻔﻞ
ﺑﺎﻫﻠﻪ ﻭﺗﺠﻤﻌﺎﺗﻬﻢ .. ﺣﺘﻰ ﺍﻫﻮ ﻛﺎﻥ ﻓﻲ ﻳﻮﻡ ﻣﻦ ﺍﻻﻳﺎﻡ ﻣﻦ ﺍﻫﻠﻪ ..
ﻭﻟﻘﻰ ﻧﺼﻴﺒﻪ ﻣﻦ ﺍﻟﻘﻌﺪﻩ ﻓﻴﻪ .. ﻭﺍﺑﺘﺴﻢ ﻳﻮﻡ ﺫﻛﺮ ﻓﺎﺗﻦ ﺑﻬﺬﺍﻙ ﺍﻟﻴﻮﻡ
ﻭﺍﻗﻔﺔ ﺑﻼ ﺣﺠﺎﺏ ﻭﻧﻈﺮﺍﺕ ﺍﻟﺬﻫﻮﻝ ﺍﻟﻠﻲ ﻣﺎ ﺯﺍﻟﺖ ﺍﺛﺎﺭﻫﺎ ﻭﺍﺿﺤﺔ ﻓﻲ
ﺍﺑﺘﺴﺎﻣﺔ ﻣﺸﻌﻞ ﻛﻞ ﻣﺎ ﺫﻛﺮﻫﺎ .. ﺩﺧﻞ ﺍﻟﻤﻄﺒﺦ ﻭﻫﻮ ﻳﻤﺴﺢ ﻋﻠﻰ
ﺍﻟﻄﺎﻭﻟﺔ ﺑﻨﻌﻮﻭﻣﺔ .. ﻭﻫﻮ ﻳﺘﺨﻴﻠﻬﺎ ﺷﻠﻮﻥ ﻛﺎﻧﺖ ﻳﻤﻜﻦ ﻓﻲ ﺍﻟﻤﻄﺒﺦ ..
ﺗﻄﺒﺦ .. ﻭﻻ ﺗﺤﻀﺮ ﺷﻲ ﻣﻦ ﺍﻟﺤﻠﻮ ﺍﻟﻠﻲ ﻛﺎﻧﺖ ﻣﺸﺘﻬﺮﻩ ﻓﻴﻪ ...
ﻭﻓﺠﺄﺓ ﺩﺍﻫﻤﺘﻪ ﺫﻛﺮﻯ ﻫﺬﺍﻙ ﺍﻟﻴﻮﻡ ﺍﻟﺼﻴﻔﻲ ﻳﻮﻡ ﻛﺎﻧﺖ ﺍﺭﻓﻴﺠﺘﻬﺎ
ﻳﺎﻳﺘﻬﺎ .. ﻳﻮﻡ ﻛﺎﻧﺖ ﻭﺍﻗﻔﺔ .. ﻭﻫﻮ ﻭﺍﻗﻒ ﻓﻲ ﺍﻟﺒﻠﻜﻮﻥ ﻳﻨﺎﻇﺮﻫﺎ ..
ﻭﻣﺴﺘﻤﺘﻊ ﺑﻤﺸﻬﺪﻫﺎ .. ﺍﻟﻰ ﺍﻥ ﺷﺎﻑ ﻫﺬﺍﻙ ﺍﻝ**** ﻭﻫﻮ ﻳﻨﺎﻇﺮﻫﺎ
ﺑﺎﻟﻤﺜﻞ .. ﻣﺎ ﺣﺲ ﺑﺎﻟﺨﻄﻮﺭﺓ ﺍﻟﻠﻲ ﻛﺎﻥ ﻻﺯﻡ ﻳﺤﺴﻬﺎ .. ﻛﻞ ﺍﻟﻠﻲ ﻗﺪﺭ
ﻳﺤﺴﻪ ﺍﻟﺰﻋﻞ .. ﺯﻋﻞ ﻋﻠﻰ ﻓﺎﺗﻦ ﺑﻼ ﺳﺒﺐ .. ﻭﻛﺎﻥ ﻭﺩﻩ ﻟﻮ ﺍﻧﻪ ﻳﻨﻬﺶ
ﻣﻦ ﻟﺤﻤﻬﺎ ﺑﺴﺒﺐ ﺍﻟﻐﻴﺮﺓ ﺍﻟﻠﻲ ﺷﺒﺖ ﺑﻴﻦ ﻇﻠﻮﻋﻪ .. ﻟﻜﻦ .. ﺑﻮﻓﺎﺓ
ﺍﺑﻮﻫﺎ ﻭﺍﻟﻈﺮﻭﻑ ﺍﻟﻠﻲ ﺣﺎﻳﻄﺘﻬﻢ ﺍﺳﺘﺪﻋﺖ ﻣﻨﻪ ﺍﻧﻪ ﻳﺘﻨﺎﺳﻰ ..
ﺍﻧﺎ ﺷﺎﺭﻛﺘﻬﺎ ﻓﻲ ﻇﺮﻭﻑ ﺍﺻﻌﺐ ﻣﻦ ﺍﻱ ﻇﺮﻑ .. ﺷﺎﺭﻛﺘﻬﺎ ﺍﻟﻨﺤﻴﺐ
ﻋﻠﻰ ﺍﺑﻮﻫﺎ ... ﺷﺎﺭﻛﺘﻬﺎ ﻋﺰﺍﺍﺍﻩ .. ﻛﻨﺖ ﺍﻗﺮﺏ ﻟﻬﺎ ﻣﻦ ﺣﺒﻞ ﺍﻟﻮﺭﻳﺪ ..
ﻓﺸﻠﻮﻥ ﻳﺎ ﺭﺑﻲ ﺷﻠﻮﻭﻭﻥ ..
ﻭﻻﻭﻝ ﻣﺮﺓ ﻳﻌﺒﺮ ﻣﺸﻌﻞ ﻋﻦ ﻏﻀﺒﻪ ﻳﻮﻡ ﺭﻓﺲ ﺍﻟﻜﺮﺳﻲ ﺍﻟﻠﻲ ﻛﺎﻥ ﻓﻲ
ﺍﻟﻤﻄﺒﺦ .. ﻭﻫﻮ ﻳﻠﻬﺚ ﺑﻠﻬﻴﺐ ﺍﻟﻨﺎﺭ ... ﻭﻛﻞ ﻣﺎ ﻳﺤﺲ ﺑﺎﻟﺸﻌﻮﺭ ﻳﻌﺮﻑ ..
ﺍﻧﻪ ﺍﻧﺘﻘﺎﻣﻪ ﻻﺯﻡ ﻳﻜﻮﻥ ﻛﺒﻴﺮ .. ﻻﺯﻡ ﻳﻜﻮﻭﻭﻥ ﻓﻌﺎﻝ .. ﻻﺯﻡ ﻳﻜﻮﻭﻭﻥ ..
ﻣﻤﻴﺖ ..
ﻳﻘﺎﻝ ﻋﻨﺪﻣﺎ ﻳﺤﺐ ﺍﺣﺪﻫﻢ ﺷﺨﺼﺎ .. ﻭﻳﻜﻮﻥ ﻫﻨﺎﻙ ﺷﺨﺺ ﺛﺎﻟﺚ
ﻣﺘﺴﺒﺐ ﺑﻔﺮﺍﻕ ﺍﺷﺒﻪ ﺑﺎﻟﺪﺧﻮﻝ ﻟﻠﻨﺎﺭ ﻣﻦ ﺷﺪﻩ ﻟﻈﻰ ﺍﻟﺸﻮﻕ .. ﺗﺨﻠﻖ
ﺷﺨﺼﻴﺔ ﻓﻲ ﺍﻟﻌﺎﺷﻖ .. ﻭﻳﻨﻘﻄﻊ ﺍﻟﺨﻴﻂ ﺍﻟﺬﻱ ﻳﻔﺼﻠﻪ ﻋﻦ ﺍﻟﺠﻨﻮﻥ ..
ﻓﻼ ﻳﺒﻘﻰ ﻓﻴﻪ ﺍﻻ ﺍﻻﻧﺘﻘﺎﻡ ..
ﻣﺸﻌﻞ ﻭﺻﻞ ﻟﻤﺮﺣﻠﺔ ﻋﺎﻃﻔﻴﺔ ﻣﺎ ﻳﻘﺪﺭ ﺍﻧﻪ ﻳﺘﺮﺍﺟﻊ ﻣﻨﻬﺎ .. ﻭﺍﻫﻮ ﻻﺯﻡ
ﻳﺒﺪﺃ ﺧﻄﺘﻪ ﺑﺎﻻﻧﺘﻘﺎﻡ .. ﺍﻻﻧﺘﻘﺎﻡ ﺍﻟﻘﺎﺗﻞ .. ﺍﻟﻬﺎﺩﺉ .. ﻳﺘﻘﺮﺏ ﻣﻦ ﻣﺴﺎﻋﺪ
ﺑﻄﺮﻳﻘﺔ ﻣﺎ ﺗﺨﻄﺮ ﻋﻠﻰ ﺑﺎﻟﻪ ... ﺑﺨﻠﻴﻪ ﻳﺤﺲ ﺑﺎﻟﻤﻮﺕ ﻭﻫﻮ ﻋﻠﻰ ﻗﻴﺪ
ﺍﻟﺤﻴﺎﺓ .. ﺑﺨﻠﻴﻪ ﻳﺤﺲ .. ﺑﺠﺰﺀ ﻣﻦ ﺍﻟﻠﻮﻋﺔ ﺍﻟﻠﻲ ﺍﻧﺎ ﻋﺎﻳﺸﻬﺎ .. ﺑﺨﻠﻴﻪ
ﻳﻌﺮﻑ .. ﻣﻦ ﻓﻴﻨﺎ ... ﺍﻟﻠﻲ ﻳﺴﺘﺎﻫﻞ .. ﻭﻣﻦ ﻓﻴﻨﺎ ﺍﻟﻠﻲ ﻣﺎ ﻳﺴﺘﺎﻫﻞ ..
ﺍﻧﺎ ﻭﻋﺪﺗﻪ .. ﻭﻋﺪﺗﻪ ﺑﺎﻟﻠﻴﻠﺔ ﺍﻟﻠﻲ ﺗﻌﺪﻯ ﻓﻴﻬﺎ ﻋﻠﻰ ﻣﻤﻠﻜﺔ ﺣﺒﻲ ..
ﻭﺳﺮﻕ ﻣﻨﻲ ﻣﻠﻜﺔ ﻗﻠﺒﻲ ..
ﺑﺨﻠﻴﻚ ﺗﻨﺪﻡ ﻳﺎ ﻣﺴﺎﻋﺪ .. ﺑﺨﻠﻴﻚ ﺗﺘﻤﻨﻰ ﻟﻮ ﺍﻥ ﻋﻴﻨﻚ ﻣﺎ ﻃﺎﺣﺖ
ﻋﻠﻰ ﻓﺎﺗﻦ .. ﺑﺒﻌﺪﻙ ﻋﻨﻬﺎ ﻟﺪﺭﺟﺔ ﺍﻧﻚ ﻣﺎﺗﻔﻜﺮ ﺍﻧﻚ ﺗﺘﻘﺮﺏ ﻣﻨﻬﺎ ﻣﺮﺓ
ﺛﺎﻧﻴﺔ .. ﺑﺴﻠﺐ ﻣﻨﻚ ﺍﻣﻞ ﺍﻟﺤﻴﺎﺓ ﻣﺜﻞ ﻣﺎ ﺳﻠﺒﺘﻪ ﻣﻨﻲ .. ﻭﺑﺴﺘﺮﺟﻊ
ﻓﺎﺗﻦ ﻣﻨﻚ .. ﻭﻟﻮ ﺑﺎﻟﺬﺑﺢ ..
ﻣﺸﻌﻞ ﻭﺑﻴﻨﺖ ﻧﻴﺘﻪ ﺍﻟﺸﻴﻨﺔ ﺗﺠﺎﻩ ﻣﺴﺎﻋﺪ .. ﻭﻣﺴﺎﻋﺪ ﺍﻟﻠﻲ ﺧﺒﺮ ﻛﺎﻥ
ﻣﺎ ﻳﺪﺭﻱ ﺑﺸﻲ ﻓﻲ ﻫﺎﻟﻌﺎﻟﻢ ﺍﻻ ﺍﻟﻤﺪﺍﺭ ﺍﻟﻠﻲ ﺍﻫﻮ ﻳﺪﻭﺭ ﻓﻴﻪ .. ﻓﺎﺗﻦ ..
ﻭﻓﺎﺗﻦ ﺍﻟﻠﻲ ﺑﺪﺕ ﻣﺸﺎﻋﺮﻫﺎ ﻻ ﺍﺭﺍﺩﻳﺎ ﻣﻨﻬﺎ ﺗﺘﺴﻠﻞ ﻭﺗﻬﺮﺏ ﺑﺨﺠﻞ ﺍﻟﻰ
ﻣﺴﺎﻋﺪ .. ﻣﻦ ﻏﻴﺮ ﺍﺩﺭﺍﻛﻬﺎ ﺑﺪﺕ ﻓﺎﺗﻦ ﺗﻔﻜﺮ ﻓﻲ ﻣﺴﺎﻋﺪ ﺑﺎﻟﺼﻐﻴﺮﺓ
ﻭﺍﻟﻜﺒﻴﺮﺓ .. ﻭﺗﻌﺪ ﺍﻟﻜﻼﻡ ﻓﻲ ﻧﻔﺴﻬﺎ ﻟﻮﻗﺖ ﺭﺟﻮﻋﻪ .. ﻭﺗﻔﻜﺮ ﺑﻄﺮﻳﻘﺔ
ﺍﻛﺜﺮ ﺍﻧﺎﺭﺓ ﻋﻦ ﻗﺒﻞ .. ﻭﻛﺎﻧﻬﺎ . ﻭﺍﺧﻴﺮﺍ .. ﺭﺿﺨﺖ .. ﻟﻤﻄﻠﺐ ﻫﺬﺍ
ﺍﻟﺴﻴﺪ ﺍﻟﺬﻱ ﺍﺗﺎﻫﺎ ﻣﻦ ﺳﺎﻟﻒ ﺍﻟﺰﻣﺎﻥ .. ﻭﺗﻮﺟﺴﻬﺎ ﺍﻭ ﺣﺴﻬﺎ ﺑﺎﻟﺨﻄﺮ ﻣﺎ
ﻛﺎﻥ ﻳﻨﺒﺌﻬﺎ ﺍﻥ ﺍﻟﻌﺎﺷﻖ ﺍﻟﻠﻲ ﻓﻲ ﻳﻮﻡ ﻛﺎﻧﺖ ﺗﻈﻨﻪ ﺳﺒﺐ ﻭﺟﻮﺩﻫﺎ
ﺑﺎﻟﺪﻧﻴﺎ ﻋﻠﻰ ﻭﺷﻚ ﺍﻧﻪ ﻳﻌﻴﺪ ﺻﺒﻎ ﺩﻧﻴﺘﻬﺎ ﻣﺮﺓ ﺛﺎﻧﻴﺔ ﺑﺎﻻﻟﻮﺍﻥ .. ﻟﻜﻦ ..
ﺍﻟﻮﺍﻥ ﻣﻦ ﻧﻮﻉ ﺍﺧﺮ ... ﻣﻦ ﻳﺪﺭﻱ .. ﺷﻨﻮﻋﻬﺎ ﻫﺎﻻﻟﻮﺍﻥ .. ﺍﻟﻠﻲ ﻳﻌﻠﻢ
ﻭﺣﺪﻩ ﺍﻫﻮ ﺭﺏ ﺍﻟﻌﺎﻟﻤﻴﻦ ...