الفصل 18
ﻓﻲ ﻭﺳﻂ ﺫﺍﻙ ﺍﻟﺒﺤﺮ ﻣﺎ ﻛﺎﻥ ﻳﺘﺨﻠﻞ ﺻﻮﺕ ﺍﻟﺮﻳﺢ ﺍﻟﺒﺎﺭﺩﺓ ﺍﻟﻤﻨﻌﺸﺔ
ﺃﻱ ﺻﻮﺕ ﺍﻻ ﻣﺤﺮﻙ ﺍﻟﻴﺨﺖ .. ﻣﺴﺎﻋﺪ ﻛﺎﻥ ﻇﺎﻳﻊ ﻓﻲ ﻓﺮﺣﺔ ﺍﻟﺴﻴﺎﻗﺔ
ﻭﻓﺎﺗﻦ ﻇﺎﻳﻌﺔ ﻓﻲ ﻓﺘﻨﺔ ﺍﻣﻮﺍﺝ ﺍﻟﺒﺤﺮ ﺍﻻﺧﻀﺮ ﺍﻻﺯﺭﻕ .. ﺟﻤﺎﻟﻪ ﻛﺎﻥ
ﻋﺠﻴﺐ ﻭﻏﺮﻳﺐ ﻣﻦ ﻧﻮﻋﻪ .. ﺍﻟﻤﺎﻱ ﻛﺎﻥ ﺷﻔﺎﻑ ﻭﻳﻜﺸﻒ ﺍﻟﻠﻲ ﺗﺤﺘﻪ
ﻛﻠﻪ .. ﻭﻣﺎ ﻛﺎﻧﺖ ﺗﺒﺎﺩﻝ ﺑﻬﺎﻟﺠﻤﺎﻝ ﺍﻟﻄﺒﻴﻌﻲ ﺑﺎﻱ ﺷﻲ .. ﺗﻤﻨﺖ ﻟﻮ ﺍﻥ
ﺍﻣﻬﺎ ﻣﻌﺎﻫﺎ .. ﺍﻣﻬﺎ ﺗﺤﺐ ﺍﻟﺒﺤﺮ .. ﻭﺷﻜﺜﺮ ﻛﺎﻧﻮ ﻳﺮﻭﺣﻮﻥ ﺍﻟﺒﺤﺮ ﻳﻮﻡ
ﻛﺎﻧﻮ ﺻﻐﺎﺭ ﺗﻠﺒﻴﺔ ﻟﺮﻏﺒﺔ ﺍﻣﻬﻢ .. ﻛﺎﻥ ﺍﺑﻮﻫﻢ ﻳﺎﺧﺬﻫﻢ ﻭﻳﺎﻩ ﻋﻨﺪ ﺍﻟﺸﻂ
ﻭﻳﻌﻠﻤﻬﻢ ﺍﻟﺴﺒﺎﺣﺔ ﻟﻜﻦ ﺍﻫﻲ ﻛﺎﻧﺖ ﺗﺨﺎﻑ ﻣﻦ ﻓﻜﺮﺓ ﺍﻟﻐﻮﺹ ﻓﻲ
ﺍﻟﻤﻴﺎﻩ .. ﻛﺜﺎﻓﺔ ﺍﻟﻤﺎﻱ ﻋﻨﺪ ﺍﻟﺴﺒﺎﺣﺔ ﺗﻔﺰﻋﻬﺎ ﻟﻜﻨﻬﺎ ﻣﺎ ﺍﺑﺘﻌﺪﺕ ﻋﻦ
ﺍﻟﺒﺤﺮ ﻭﺍﻳﺪ ﺑﺎﻟﻌﻜﺲ .. ﺣﺒﺘﻪ ﻭﺣﺒﺖ ﺻﻮﺗﻪ ﺍﻟﻘﻮﻱ ﻭﺷﻠﻮﻥ ﻳﻜﻠﻤﻬﺎ
ﻭﺷﻠﻮﻥ ﻳﻔﻬﻢ ﺍﻟﻠﻲ ﺑﺪﺍﺧﻠﻬﺎ .. ﺍﻫﻲ ﺗﺪﺭﻱ ﺍﻥ ﻛﻞ ﻫﺬﻱ ﺍﻻﺷﻴﺎﺀ
ﻣﺠﺎﺯﻳﺔ ﻭﻣﺎﻟﻬﺎ ﻭﻗﻊ ﻓﻲ ﺍﻟﺤﻘﻴﻘﺔ .. ﺍﻟﺒﺤﺮ ﻣﺎ ﻳﺴﻤﻊ ﻭﻻ ﻳﺘﻜﻠﻢ ﻭﻻ
ﻳﺘﻔﺎﻋﻞ ﻣﻊ ﺍﺣﺪ .. ﻟﻜﻨﻪ ﻟﻪ ﺳﺤﺮﻩ ﺍﻟﺨﺎﺹ .. ﺳﺤﺮﻩ ﺍﻟﻠﻲ ﻣﺎ ﻳﻘﺪﺭ
ﺍﺣﺪ ﺍﻧﻪ ﻳﺴﺒﺮ ﺍﻏﻮﺍﺭﻩ ﺍﻭ ﻳﺘﻔﻬﻢ ﻓﻴﻪ ..
ﻣﺴﺎﻋﺪ ﻛﺎﻥ ﻳﺘﺬﻛﺮ ﻣﺰﺍﺭ ﻋﺎﻟﻴﺔ ﺍﻟﻠﻲ ﻛﻞ ﻟﻴﻠﺔ ﻳﻬﺪﻳﻪ ﺯﻳﺎﺭﺓ ﺍﻭ ﻃﻠﺔ
ﻳﺬﻛﺮﻩ ﺑﺎﻟﻮﺻﻞ ﺍﻟﻠﻲ ﺑﻴﻨﻬﻢ ﻣﺎ ﻏﺎﺑﺖ ﻋﺎﻟﻴﺔ ﻋﻦ ﺑﺎﻟﻪ ﻓﻲ ﺫﻳﺞ
ﺍﻟﻠﺤﻈﺔ .. ﻭﺣﻀﻮﺭﻫﺎ ﺍﻟﻘﻮﻱ ﻣﻌﺎﻩ ﻓﻲ ﻧﻔﺲ ﺍﻟﻤﻜﺎﻥ ﻧﺴﺎﺍﻩ ﻓﺎﺗﻦ ﻣﻊ
ﺍﻥ ﻓﺎﺗﻦ ﻓﻲ ﺍﻟﺒﺪﺍﻳﺔ ﻛﺎﻧﺖ ﺍﻟﺼﻠﺔ ﺍﻟﺮﻭﺣﻴﺔ ﺑﻴﻦ ﻣﺴﺎﻋﺪ ﻭﻋﺎﻟﻴﺔ ﻟﻜﻦ
ﺍﻟﺤﻴﻦ ﺍﻟﻮﺿﻊ ﺍﺧﺘﻠﻒ .. ﻓﺎﺗﻦ ﺑﺎﻧﺖ ﻋﻠﻰ ﺣﻘﻴﻘﺘﻬﺎ ﺍﻧﻬﺎ ﺗﺨﺘﻠﻒ ﻋﻦ
ﻋﺎﻟﻴﺔ .. ﻋﺎﻟﻴﺔ ﺗﻌﻠﻰ ﻋﻠﻰ ﻓﺎﺗﻦ ﺑﺪﺭﺟﺎﺕ ﻭﺩﺭﺟﺎﺕ .. ﻋﺎﻟﻴﺔ ﻓﻴﻬﺎ ﺍﻟﻠﻲ
ﻓﺎﺗﻦ ﻣﺴﺘﺤﻴﻞ ﻳﻜﻮﻥ ﻓﻴﻬﺎ .. ﻓﻴﻬﺎ ﺍﻟﺤﺐ .. ﺍﻟﺤﺐ ﻟﻲ ﺍﻧﺎ .. ﺍﻟﺤﺐ
ﻭﺍﻟﺤﻨﺎﻥ ﺍﻟﻠﻲ ﻣﺎ ﺍﻧﻮﺟﺪ ﻓﻲ ﻗﻠﺐ ﺣﺮﻣﺔ ﺑﻬﺎﻟﺪﻧﻴﺎ .. ﻳﻤﻜﻦ ﺍﻫﻮ ﺍﻧﻮﺟﺪ
ﻓﻲ ﻗﻠﺐ ﻓﺎﺗﻦ .. ﻟﻜﻦ ﻣﺴﺘﺤﻴﻞ ﻳﻜﻮﻥ ﻟﻲ ..
ﻧﺰﻝ ﺭﺍﺳﻪ ﺑﻬﺎﻟﻜﻼﻡ ﺍﻭ ﺍﻟﺼﺮﺍﻉ ﺍﻟﻨﻔﺴﻲ ﺍﻟﻠﻲ ﻛﺎﻥ ﻳﺪﻭﺭ ﻓﻴﻪ .. ﻭﺑﻠﻤﺤﺔ
ﻟﻔﺎﺗﻦ ﺷﺎﻓﻬﺎ ﻗﺎﻋﺪﺓ ﻭﺍﻫﻲ ﻣﺴﻜﺮﺓ ﻋﻴﻮﻧﻬﺎ ﻭﻣﺒﺘﺴﻤﺔ ﻭﺳﺎﻧﺪﻩ ﺭﻗﺒﺘﻬﺎ
ﺑﻴﺪﻫﺎ ﻭﺍﻫﻲ ﻣﺴﺘﻤﻌﺔ ﺑﺎﻟﺠﻮ ... ﺍﻟﺸﺎﻝ ﺍﻟﻠﻲ ﻋﻠﻰ ﺭﺍﺳﻬﺎ ﻛﺎﻥ ﻳﻄﻴﺮ
ﻭﺧﺼﻼﺕ ﻋﻨﺪ ﺟﺒﻴﻨﻬﺎ ﻛﺎﻧﺖ ﻃﺎﻟﻌﺔ ﻭﻣﺤﻠﻴﺔ ﻭﻳﻬﻬﺎ .. ﻃﻔﻮﻟﻲ ﻟﺪﺭﺟﺔ
ﻛﺒﻴﺮﺓ .. ﻭﺑﻨﻔﺲ ﺍﻟﻮﻗﺖ ﻗﺎﺳﻲ ﻭﻋﻨﻴﻒ .. ﻣﺜﻞ ﺍﻟﺼﺨﺮ ﺍﻟﻠﻲ ﻳﻀﺮﺑﻪ
ﺍﻟﻤﻮﺝ ﻭﻻ ﻳﻨﻬﺰ .. ﻫﺬﻱ ﺍﻧﺘﻲ ﻳﺎ ﻓﺎﺗﻦ .. ﺻﺨﺮﺓ .. ﺗﻀﺮﺑﺞ ﺍﻣﻮﺍﺝ ﺣﺒﻲ
ﻭﺗﺤﺎﻭﻝ ﺍﻧﻬﺎ ﺗﻬﺰ ﻭﺟﺪﺍﻧﺞ .. ﻟﻜﻨﺞ ﻣﺎ ﺗﺤﺴﻴﻦ .. ﻣﺎ ﺗﺤﺴﻴﻦ ﺑﺎﻟﻨﺎﺭ
ﺍﻟﻠﻲ ﺗﺴﻌﺮ ﻓﻴﻨﻲ .. ﺗﻈﻨﻴﻦ ﺍﻧﻲ ﺑﺎﺭﺩ ﻭﺍﻧﻲ ﻣﺎ ﺍﺣﺲ ﻟﻜﻨﺞ ﻏﻠﻄﺎﻧﻪ ..
ﻭﺣﺲ ﻣﺴﺎﻋﺪ ﺑﺎﻟﻈﻴﺠﺔ ﺷﻮﻱ ﻭﺍﺧﺘﺎﺭ ﺑﻘﻌﺔ ﺣﻠﻮﺓ ﻋﻨﺪ ﺍﻟﺒﺤﺮ ﻳﻤﻬﺎ
ﺻﺨﺮ ﻭﻭﻗﻒ ﺍﻟﻴﺨﺖ .. ﻗﺎﻡ ﻣﻦ ﻋﻠﻰ ﻛﺮﺳﻲ ﺍﻟﻘﻴﺎﺩﺓ ﻭﻳﻮﻡ ﻳﺎ ﻳﻘﻌﺪ
ﻭﻳﺎ ﻓﺎﺗﻦ ﻋﻨﺪ ﺍﻟﻜﺮﺍﺳﻲ ﺍﻧﺘﺒﻬﺖ ﻓﺎﺗﻦ ﺍﻥ ﺍﻟﻴﺨﺖ ﺗﻮﻗﻒ .. ﻟﻜﻦ ﺍﻟﻬﻮﺍ
ﻛﺎﻥ ﺑﻌﺪﻩ ﻳﻬﺐ ﺑﻨﻌﻮﻣﺔ .. ﻭﻳﻮﻡ ﺍﻧﺘﺒﻬﺖ ﻟﻮﺟﻮﺩ ﻣﺴﺎﻋﺪ ﻓﻲ ﻧﻔﺲ
ﺍﻟﻤﻜﺎﻥ ﺗﺬﻛﺮﺕ ﻣﻀﺎﻳﻘﺎﺗﻪ ﻟﻬﺎ .. ﻭﻧﺰﻟﺖ ﻋﻴﻮﻧﻬﺎ ﺑﺎﻷﺭﺽ .. ﺻﺎﺭﺕ ﻣﺎ
ﺗﻜﺮﻫﻪ ﻭﻗﺖ ﻻ ﻇﺎﻳﻘﻬﺎ .. ﻣﺎ ﺗﺪﺭﻱ .. ﺷﻌﻮﺭ ﻏﺮﻳﺐ ﻳﻤﺮ ﻓﻴﻬﺎ ﻣﻦ
ﺍﻟﺤﺴﺮﺓ ﻭﺍﻷﻟﻢ ﻟﻤﻦ ﻳﻈﺎﻳﻘﻬﺎ ﺍﻭ ﺗﺤﺲ ﺍﻧﻬﺎ ﻏﻴﺮ ﻣﺮﻏﻮﺏ ﻓﻴﻬﺎ .. ﺍﻫﻮ
ﻃﻴﺐ ﻣﺎ ﻋﻠﻴﻪ ﻛﻼﻡ ﻟﻜﻦ ﻋﻴﺒﻪ ﺍﻫﻮ ﺗﻤﻠﻜﻪ ﻓﻲ ﺍﻟﻨﺎﺱ .. ﻭﺭﻏﺒﺘﻪ ﺍﻧﻪ
ﻳﺴﻴﺮ ﻛﻞ ﺷﻲ ﻋﻠﻰ ﻛﻴﻔﻪ .. ﺍﻫﻲ ﻣﺎ ﺗﻌﻮﺩﺕ ﻳﻮﻡ ﺍﻧﻬﺎ ﺗﻜﻮﻥ ﺗﺤﺖ
ﺃﻣﺮﺓ ﺍﺣﺪ .. ﺣﺘﻰ ﺍﻣﻬﺎ ﻭﺍﺑﻮﻫﺎ ﻛﺎﻧﻮ ﻳﺨﻠﻮﻧﻬﺎ ﻋﻠﻰ ﺭﺍﺣﺘﻬﺎ ﺗﺘﺼﺮﻑ
ﻣﻦ ﻏﻴﺮ ﺃﻱ ﺗﺤﻜﻢ .. ﻟﻜﻦ ﺍﻫﻮ .. ﻳﺒﻴﻠﻪ ﻓﺘﺮﺓ ﻋﺸﺎﻥ ﻳﻔﻬﻢ ﻫﺎﻟﺸﻲ ..
ﻫﺬﺍ ﺍﻥ ﺍﺳﺘﻤﺮﻭﺍ ﻭﻳﺎ ﺑﻌﺾ ..
ﻣﺴﺎﻋﺪ : ﺣﻠﻮ ﺍﻟﺠﻮ ﺻﺢ ..
ﻫﺰﺕ ﺭﺍﺳﻬﺎ ﻓﺎﺗﻦ ﻭﺍﻫﻲ ﺗﺒﺘﺴﻢ : ﺣﻠﻮ ﻭﻣﻨﻌﺶ ..
ﻣﺴﺎﻋﺪ ﻳﺒﺘﺴﻢ : ﻟﻜﻦ ﻭﻻ ﻳﺴﻮﻯ ﺷﻲ ﻣﻦ ﺍﻟﻜﻮﻳﺖ ...
ﻓﺎﺗﻦ : ﻭﻳﺎﻙ ... ﺍﻟﻜﻮﻳﺖ ... ﺷﻲ ﺛﺎﻧﻲ .. ﺍﺍﺍﻩ ﻋﻠﻴﺞ ﻳﺎ ﻛﻮﻳﺖ ..
ﺭﻓﻊ ﺣﺎﺟﺒﻪ ﻣﺴﺎﻋﺪ .. ﻭﻗﺎﻝ ﻓﻲ ﺧﺎﻃﺮﻩ : ﺍﻟﻜﻮﻳﺖ .. ﺍﻟﻜﻮﻳﺖ ﻭﺍﻫﻞ
ﺍﻟﻜﻮﻳﺖ .. ﻫﺰ ﺭﺍﺳﻪ ﻣﻦ ﺍﻓﻜﺎﺭﻩ .. ﺻﺞ ﺍﻧﻪ ﻏﺒﻲ .. ﺍﻫﻮ ﻣﻮ
ﺑﻬﺎﻟﺴﻄﺤﻴﺔ ﻋﺸﺎﻥ ﻳﻌﻴﺶ ﻧﻔﺴﻪ ﺑﺎﻟﺸﻚ ﻭﺩﻭﺍﻣﺎﺗﻪ .. ﺍﻫﻮ ﺍﻛﺒﺮ ﻣﻦ
ﻫﺎﻟﺴﻮﺍﻟﻒ .. ﻟﻜﻦ ﺗﻮﺍﺟﺪﻩ ﻣﻊ ﻓﺎﺗﻦ ﺑﻨﻔﺲ ﺍﻟﻤﻜﺎﻥ ﻳﺨﻠﻴﻪ ﻳﺤﺲ ﺑﺎﻧﻪ
ﺻﻐﻴﺮ ﻭﺗﻔﻜﻴﺮﻩ ﺿﺌﻴﻞ .. ﺗﺄﺛﻴﺮﻫﺎ ﺍﻟﻴﺎﻫﻞ ..
ﻓﺎﺗﻦ : ﻣﺴﺎﻋﺪ ..؟؟؟؟؟
ﻧﺎﻇﺮﻫﺎ ﻣﺴﺎﻋﺪ ﺑﻜﻞ ﺟﻮﺍﺭﺣﻪ ... ﻷﻭﻝ ﻣﺮﺓ ﻓﺎﺗﻦ ﺗﻨﺎﺩﻳﻪ ... ﻷﻭﻝ ﻣﺮﺓ
ﺗﺘﻠﻔﻆ ﺑﺎﺳﻤﻪ .. ﻭﻻ .. ﺑﻨﻌﻮﻣﺔ ﺗﻬﻠﻚ ﺍﻟﻐﻮﻝ .. ﻓﻤﺎ ﺑﺎﻝ ﻣﺴﺎﻋﺪ
ﺍﻻﻧﺴﺎﻥ ﺍﻟﻌﺎﺩﻱ
ﺑﺎﺭﺗﺒﺎﻙ : .. ﻩ .. ﻫﻼ ...
ﻓﺎﺗﻦ ﺑﺎﺭﺗﺒﺎﻙ ﻻﻧﻬﺎ ﻣﺎ ﺗﺪﺭﻱ ﺷﺘﻘﻮﻝ ﻟﻪ .. ﻓﻲ ﺧﺎﻃﺮﻫﺎ ﻛﻼﻡ ﻟﻜﻦ :..
... ﻣﺎ .. ﻣﺎ ﺗﻘﺪﺭ ﺗﺮﻭﺡ ﻫﻨﺎﻙ ..
ﻭﺗﺎﺷﺮ ﺑﻴﺪﻫﺎ ﻭﻳﻨﺎﻇﺮ ﻣﺴﺎﻋﺪ ﻟﻮﻳﻦ ﻣﺎ ﺗﺄﺷﺮ .. ﺷﺎﻑ ﺍﻥ ﻫﻨﺎﻙ ﻧﻮﻉ
ﻣﻦ ﺍﻟﻤﺮﻓﺄ ﻟﻠﻘﻮﺍﺭﺏ ..
ﻭﺭﺩ ﻳﻄﺎﻟﻌﻬﺎ : ﻟﻴﺶ؟
ﻓﺎﺗﻦ ﺑﺎﺭﺗﺒﺎﻙ ﻭﻫﻲ ﺗﻬﺰ ﺍﺟﺘﺎﻓﻬﺎ : ﻣﺎﺩﺭﻱ .. ﻳﻤﻜﻦ ﻧﺸﻮﻑ ﺍﻟﻤﻜﺎﻥ ..
ﻣﺴﺎﻋﺪ : ﺍﻫﻨﻲ ﻣﻮ ﻋﺎﺟﺒﺞ ..
ﻣﺎ ﻛﺎﻧﺖ ﺗﺒﻲ ﺗﺒﻴﻦ ﻟﻪ ﺧﻮﻓﻬﺎ .. ﺍﻫﻲ ﺗﺨﺎﻑ ﺍﻧﻬﺎ ﺗﻮﻗﻒ ﻓﻲ ﻣﻜﺎﻥ
ﻣﺤﺎﻳﻄﻪ ﺍﻟﻤﺎﻱ .. ﺗﺘﺤﺮﻙ ﻓﻴﻪ ﺍﻭﻛﻲ .. ﻟﻜﻦ ﻓﻜﺮﺓ ﺍﻧﻬﺎ ﺗﻜﻮﻥ ﻭﺳﻂ
ﻟﺠﺔ ﺍﻟﻤﺎﻱ ﺗﺮﻋﺒﻬﺎ ..
ﺑﺘﻮﺗﺮ : ﻻ ﺑﺲ .... ﺍﻧﺸﻮﻑ ﻭﻧﺴﺘﻜﺸﻒ ..
ﻣﺴﺎﻋﺪ : ﺍﻧﺰﻳﻦ ﺑﻌﺪ ﺳﺎﻋﺔ ﺟﺬﻱ .. ﻻﻥ ﻋﻨﺪﻧﺎ ﻛﻞ ﺍﻟﻮﻗﺖ .
ﻭﺗﻤﺖ ﻓﺎﺗﻦ ﺗﻔﻜﺮ ﺑﻌﺠﺰ ﺑﺸﻲ ﻋﺸﺎﻥ ﻳﺨﻠﻴﻬﻢ ﻳﺮﻭﺣﻮﻥ ﻫﻨﺎﻙ :..
ﺍﻧﺰﻳﻦ .. ﻣﺎ ﻋﻨﺪﻧﺎ ﺷﻲ ﻧﺎﻛﻠﻪ ﻓﻲ ﺍﻟﻴﺨﺖ .؟؟ ﻧﺮﻭﺡ ﻧﺸﺘﺮﻱ ﻟﻨﺎ
ﺧﺮﺍﺑﻴﻂ ..
ﻣﺴﺎﻋﺪ ﻳﻔﻜﺮ ﺍﻧﻪ ﻳﻨﺎﺯﻋﻬﺎ ﺷﻮﻱ : ﺑﺲ ﺍﻧﺎ ﻣﺎﺣﺐ ﺍﻟﺨﺮﺍﺑﻴﻂ .. ﻟﻮ ﺗﻠﻘﻴﻦ
ﻟﻲ ﻣﻄﻌﻢ ﻳﻄﺒﺦ ﻋﻴﻮﺵ ﻭﻟﺤﻮﻡ ﺍﻭﻛﻴﻪ .. ﺧﺮﺍﺑﻴﻂ ﺍﻧﺎ ﻣﺎ ﺣﺒﻬﺎ ..
ﻳﻌﻌﻊ .. ﺗﺴﻤﻦ ﺍﻟﻮﺍﺣﺪ .. ﻭﺍﻧﺎ ﺍﺑﻲ ﺍﺣﺎﻓﻆ ﻋﻠﻰ ﺟﺴﻤﻲ
ﻗﺎﻝ ﻫﺎﻟﺠﻤﻠﺔ ﻭﻫﻮ ﻳﻤﺴﺢ ﻋﻠﻰ ﺑﻄﻨﻪ ﺍﻟﻤﺴﻄﺢ .. ﻭﺍﺳﺘﺤﺖ ﻓﺎﺗﻦ ﻣﻦ
ﺣﺮﻛﺘﻪ ﻣﻊ ﺍﻧﻬﺎ ﻛﺎﻧﺖ ﻋﺎﺩﻳﺔ .. ﻟﻜﻨﻬﺎ ﺧﻠﺘﻬﺎ ﺗﻨﺎﻇﺮﻩ ﻭﺗﻨﺎﻇﺮ ﺑﻨﻴﻪ
ﺟﺴﻤﻪ ﻭﺍﺳﺘﺤﺖ ﻭﺭﺩﺕ ﺗﺤﺎﻭﻝ ﻭﻳﺎﻩ
ﻓﺎﺗﻦ : ﺑﺲ ﺍﻧﺎ ﻳﻮﻋﺎﻧﺔ ..
ﻣﺴﺎﻋﺪ : ﺍﻭﻭﻭﻭﻭﻭﻭﻩ .. ﺟﻨﺞ ﻳﺎﻫﻞ .. ﺍﻧﺰﻳﻦ ﻣﺎ ﺗﻘﺪﺭﻳﻦ ﺗﺼﺒﺮﻳﻦ
ﺷﻮﻱ ..
ﻓﺎﺗﻦ : ﻻﺍﺍ ﻣﺎ ﻗﺪﺭ ... (ﻭﺑﺮﺟﺎ ) ﻋﺎﺩ ..
ﺫﺍﺏ ﻗﻠﺒﻪ ﻣﻦ ﻭﻳﻬﻬﺎ ﺍﻟﻤﺘﺮﺟﻲ .. ﻳﺎ ﺣﻠﻮﺝ ﻭﺍﻟﻠﻪ ﻭﺍﻧﺘﻲ ﺗﺘﺮﺟﻴﻦ ..
ﺧﺎﻃﺮﻱ ﺗﺘﺮﺟﻴﻦ ﻟﻲ ﻃﻮﻝ ﻋﻤﺮﺝ ﺑﺲ ﻋﺸﺎﻥ ﺍﺷﻮﻑ ﻫﺎﻟﺤﻼ .. ﻭﻣﺎ
ﻫﺎﻥ ﻋﻠﻴﻪ ﻳﺸﻮﻓﻬﺎ ﺟﺬﻱ ﻣﻦ ﻏﻴﺮ ﻣﺎ ﻳﻠﺒﻲ ﻟﻬﺎ ﻃﻠﺐ .. ﻏﺒﻲ ﺍﻧﺖ ﻳﺎ
ﻫﺎﻟﻘﻠﺐ .. ﻳﺬﻭﺑﻚ ﻫﺎﻟﺸﻜﻞ ﺍﻟﺴﻤﺢ .. ﻣﺎﻟﺖ ﻋﻠﻴﻚ ﻭﻣﻦ ﻣﺴﺎﻋﺔ ﻟﻠﺤﻴﻦ
ﺗﺘﻮﻋﺪ ﻓﻴﻬﺎ ﺍﻻ ﺑﻮﺭﻳﻬﺎ ﻭﺍﻻﻣﺎﺩﺭﻱ ﺷﻨﻮ .. ﺍﺛﺮﻙ ﺧﻘﺔ ﻭﻣﺎ ﻣﻨﻚ ﻓﺎﻳﺪﺓ
ﻭﻻ ﺭﺟﺎ ..
ﻣﺴﺎﻋﺪ : ﺑﺸﺮﻁ ..
ﻓﺎﺗﻦ ﺍﺳﺘﻐﺮﺑﺖ .. ﺷﺮﻁ : ﺃﻱ ﺷﺮﻁ؟؟
ﻣﺴﺎﻋﺪ ﻳﺒﺘﺴﻢ : ﺍﻧﺞ ﻣﺎ ﺗﻨﺎﺣﺴﻴﻨﻲ ﻃﻮﻝ ﺍﻟﻴﻮﻡ .. ﺑﺴﻨﺎ ﻓﺎﺗﻦ .. ﺍﺣﻨﺎ
ﺻﺎﺭ ﻟﻨﺎ ﺷﻬﺮ ﺍﻟﺤﻴﻦ ﻭﻳﺎ ﺑﻌﺾ .. ﻻﺯﻡ ﻧﺤﺎﻭﻝ ﺍﻧﻨﺎ ﻧﺘﻘﺒﻞ ﺑﻌﺾ .. ﻣﺎ
ﻧﻘﺪﺭ ﻧﺴﺘﻤﺮ ﺟﺬﻱ ..
ﺍﻧﺼﺪﻣﺖ ﻓﺎﺗﻦ ﻣﻦ ﻃﻠﺒﻪ ... ﻟﻜﻨﻪ ﻛﺎﻥ ﻋﺎﺩﻝ ﻭﺣﻘﺎﻧﻲ .. ﺻﺢ .. ﻟﻤﺘﻰ
ﺑﻈﻠﻮﻥ ﺟﺬﻱ ﻟﻜﻨﻪ ﻣﻮ ﻣﻦ ﺍﻟﺴﻬﻞ ﻋﻠﻴﻬﺎ ... ﻣﻮ ﺑﺴﺒﺐ ﻣﺸﻌﻞ ﻭﻻ
ﺑﺴﺒﺐ ﺑﺪﺍﻳﺘﻬﻢ ﻣﻊ ﺑﻌﺾ .. ﺍﻫﻲ ﻋﺎﺷﺖ ﻭﻳﺎﻩ ﺷﻬﺮ ﻭﺷﺎﻓﺖ ﻃﺒﻌﻪ
ﻭﺍﺧﻼﻗﻪ .. ﻭﻣﺎ ﺗﺤﺴﻪ ﻣﻦ ﺍﻟﻨﻮﻉ ﺍﻟﻠﻲ ﺗﺘﺴﺎﻣﺢ ﻣﻊ ﻛﻞ ﺷﻲ ﻳﺴﻮﻳﻪ ..
ﻭﺩﺍﻣﻨﻪ ﻓﺘﺢ ﺍﻟﻤﺠﺎﻝ ﻋﺸﺎﻥ ﺍﻧﻬﻢ ﻳﻌﺪﻟﻮﻥ ﻣﺴﺎﺭﻫﻢ .. ﻟﻴﺶ ﺍﻫﻲ ﻣﺎ
ﺗﺸﺮﻁ ﺑﻌﺪ
ﻓﺎﺗﻦ : ﺑﺸﺮﻁ؟
ﻣﺴﺎﻋﺪ ﻳﺒﺘﺴﻢ : ﺷﺮﻁ ﺑﺸﺮﻁ؟
ﻓﺎﺗﻦ ﺍﺳﺘﺤﺖ ﻭﻧﺰﻟﺖ ﻋﻴﻮﻧﻬﺎ : ... ﺷﺮﻃﻲ ﺍﻧﻚ ﻣﺎ ... ﻣﺎ ﺗﺤﺎﻭﻝ ﺍﻧﻚ
ﺗﺘﺤﻜﻢ ﻓﻴﻨﻲ ... ﺗﺨﻠﻴﻨﻲ ﺍﺗﺼﺮﻑ ﻣﻌﺎﻙ ﻋﻠﻰ ﺳﺠﻴﺘﻲ ... ﺍﻧﺎ ﻣﺎ ﺣﺐ
ﺍﻟﺘﺤﻜﻢ ... ﻛﻞ ﻣﺎ ﺗﺸﺪ ﻣﻌﺎﻱ .. ﺍﻧﺎ ﺍﺷﺪ ﺍﻛﺜﺮ .. ﻣﺜﻠﻚ ﻣﺎ ﺍﺑﻲ ﺍﻟﺨﻴﻂ
ﻳﻨﻘﻄﻊ ﻭﺍﻃﻴﺢ ﻭﺍﺗﻌﻮﺭ ...
ﻣﺴﺎﻋﺪ : ﺑﺲ ﺍﻧﺎ ﻣﺎﺣﺐ ﺍﻟﺪﻟﻊ
ﻓﺎﺗﻦ ﺑﺼﻮﺕ ﺍﻧﺜﻮﻱ ﻭﻋﻤﻴﻖ : ﻭﺍﻧﺎ ﻣﺎ ﺍﺗﺪﻟﻊ .. ﺍﻧﺎ ﻛﺒﺮﺕ ﻋﻠﻰ ﺍﻟﺪﻟﻊ
ﻣﺴﺎﻋﺪ ﻭﻫﻮ ﻳﻨﺎﻇﺮ ﺟﺪﺍﻣﻪ : ﻣﺎ ﻳﺒﻴﻦ
ﻓﺎﺗﻦ ﺗﻘﺮ : ﺃﻱ ﺍﻋﺘﺮﻑ ... ﺑﺲ ﺍﻧﺖ ﺑﻌﺪ ﺗﺘﻌﺎﻣﻞ ﻣﻌﺎﻱ ﺟﻨﻲ ﻳﺎﻫﻞ ﻣﺎ
ﺟﻨﻲ ﺣﺮﻣﺔ ﻭﻣﺮﺑﻴﺔ ﺍﺧﻮﺍﻧﻬﺎ .. ﻟﻮ ﻣﺎ ﺗﺪﺭﻱ ﺍﻧﺎ ﺭﺑﻴﺖ ﻣﻨﺎﻳﺮ ﻭﻳﺎ ﺍﻣﻲ
ﻭﻋﺰﻳﺰ ﻛﺎﻥ ﻣﺜﻞ ﻭﻟﺪﻱ .. ﺍﻧﺎ ﻳﺎﻳﻪ ﻣﻦ ﺑﻴﺌﺔ ﻛﻨﺖ ﺍﻛﺒﺮﻫﻢ .. ﻟﻜﻦ ﻭﻳﺎ
ﻣﻌﺎﻣﻠﺘﻚ ﺗﺤﺴﺴﻨﻲ ﻟﻠﺤﻴﻦ ﻛﺄﻧﻲ ﺑﺎﻟﺤﻈﺎﻧﺔ ﻭﻻ ﺍﻟﺮﻭﺿﺔ ..
ﻣﺴﺎﻋﺪ ﻳﻨﺎﻇﺮﻫﺎ ﺑﻜﻞ ﻋﻤﻖ ﻭﺟﺪﻳﺔ .. ﻻﻧﻪ ﺑﺼﺮﺍﺣﺔ ﻳﺴﺘﻤﺘﻊ ﻟﻤﻨﻪ
ﻳﻌﺮﻑ ﺍﺷﻴﺎﺀ ﺧﺎﺻﺔ ﻋﻨﻬﺎ ﻭﻋﻦ ﺣﻴﺎﺗﻬﺎ ﻭﺟﻮﺍﻧﺐ ﻣﻦ ﺷﺨﺼﻴﺘﻬﺎ ﺍﻟﻠﻲ
ﻣﺮﻳﻢ ﻛﺎﻧﺖ ﺩﺍﻳﻢ ﺗﺴﻮﻟﻒ ﻟﻪ ﻋﻨﻬﺎ ﺩﺍﻳﻤﺎ .. ﻳﺒﻲ ﻳﻌﺮﻑ ﺍﻟﺼﺞ ﻣﻦ
ﺍﻟﻐﻠﻂ .. ﻳﺒﻲ ﻳﻌﺮﻑ ﻫﻞ ﻣﺮﻳﻢ ﻛﺎﻧﺖ ﺗﺒﺎﻟﻎ ﻭﻻ ﻓﺎﺗﻦ ﺻﺞ ﺟﺬﻱ ..
ﻓﺎﺗﻦ ﻭﻫﻲ ﺗﺤﺲ ﺑﻨﻈﺮﺍﺗﻪ ﺗﺮﺑﻜﻬﺎ .. ﻧﺰﻟﺖ ﻋﻴﻮﻧﻬﺎ ﺑﺤﻈﻨﻬﺎ ﻭﺍﻫﻲ ﺗﻔﺮﻙ
ﻳﺪﻳﻨﻬﺎ : ﻟﺬﺍ .. ﻋﺸﺎﻥ ﻧﻘﺪﺭ ﺍﻧﻨﺎ ﻧﺘﻮﺍﺻﻞ ﺍﺣﺴﻦ ﻣﻦ ﺟﺬﻱ .. ﻻﺯﻡ
ﺍﻟﺘﻘﺪﻳﻢ ﻣﻦ ﺍﻟﻄﺮﻓﻴﻦ .. ﻣﺜﻞ ﻣﺎ ﺗﻌﺮﻑ .. ﺍﻟﻴﺪ ﺍﻟﻮﺣﺪﺓ ﻣﺎ ﺗﺼﻔﻖ
ﻣﺴﺎﻋﺪ : ﺻﺢ ......
ﻭﺑﺘﻔﻜﻴﺮ .. ﺑﻴﻦ ﺍﻻﺛﻨﻴﻦ .. ﻭﺧﺼﻮﺻﺎ ﻣﺴﺎﻋﺪ ﺍﻟﻠﻲ ﺿﺎﻉ ﻓﻲ ﻛﻼﻡ
ﻓﺎﺗﻦ ﺍﻟﻤﻨﻤﻖ ﻭﺍﻟﺼﺮﻳﺢ ﻭﺍﻟﻠﻲ ﻣﺎ ﻓﻴﻪ ﺃﻱ ﺗﺮﺩﺩ ﺍﻭ ﺗﺄﺗﺄﺓ .. ﺍﻟﻈﺎﻫﺮ ﺍﻧﻬﺎ
ﻣﻌﺪﺓ ﻫﺎﻟﻜﻼﻡ ﻋﻨﺪﻫﺎ ﻣﻦ ﺯﻣﺎﻥ ... ﺑﻠﻴﺴﺔ ..
ﻭﺍﺧﻴـــــــــــــــــﺮﺍ
ﻣﺴﺎﻋﺪ : ﻣﻮﺍﻓﻖ ...
ﺑﺎﺑﺘﺴﺎﻣﺔ ﺭﺿﺎ ﻭﺭﺍﺣﺔ ﻛﺒﻴﺮﺓ : ﺍﺗﻔﻘﻨﺎ ﻋﻴﻞ ..
ﻭﻗﻒ ﻣﺴﺎﻋﺪ : ..no ﻟﻠﺤﻴﻦ ﻣﺎ ﺍﺗﻔﻘﻨﺎ ..
ﺍﺳﺘﻐﺮﺑﺖ ﻓﺎﺗﻦ : ﺷﻠﻮﻥ ..
ﻣﺪ ﻳﺪﻩ ﻣﺴﺎﻋﺪ ﻟﻔﺎﺗﻦ ﻣﺼﺎﻓﺤﺔ ﻣﺜﻞ ﺭﺟﺎﻝ ﺍﻻﻋﻤﺎﻝ : ﻓﻲ ﻋﺎﻟﻢ
ﺍﻷﻋﻤﺎﻝ ﻭﺍﻟﺒﺰﻧﺰ .. ﺍﻻﺗﻔﺎﻗﻴﺎﺕ ﺗﺘﻢ ﺑﺎﻻﻳﺎﺩﻱ .. ﻋﺸﺎﻥ ﺍﻧﻬﺎ ﺗﻜﻮﻥ
ﻣﺘﺒﺎﺩﻟﺔ ..
ﻓﺎﺗﻦ ﺑﺎﺑﺘﺴﺎﻣﺔ ﻭﻣﺪﺓ ﻳﺪﻫﺎ ﺑﻬﺪﻭﺀ : fair enough
ﻣﺴﻚ ﻣﺴﺎﻋﺪ ﻳﺪ ﻓﺎﺗﻦ ﻭﺻﺎﻓﺤﻬﺎ ﺑﻜﻞ ﻫﺪﻭﺀ ﻭﻫﻮ ﻳﺴﺤﺒﻬﺎ ﻋﺸﺎﻥ
ﺗﻘﻮﻡ .. ﻭﺍﻫﻲ ﻗﺎﻣﺖ .. ﻭﻭﻗﻔﺖ ﺑﻄﺮﻳﻘﺔ ﻣﺒﺎﺷﺮﺓ ﻭﻗﺮﻳﺒﺔ ﻣﻨﻪ .. ﺧﻠﺖ
ﻛﻞ ﻋﺮﺝ ﻓﻴﻬﺎ ﻳﻨﺘﻔﺾ ﻭﻳﺴﺘﻐﺮﺏ ﻫﺎﻟﻘﺮﺏ .. ﻭﻣﺴﺎﻋﺪ ﻛﺎﻥ ﻭﻳﻬﻪ
ﺟﺎﻣﺪ ﻟﻜﻨﻪ ﻣﺮﺗﺒﻚ ﻣﺜﻞ ﻃﺎﻟﺐ ﻓﻲ ﺍﻟﻤﺪﺭﺳﺔ ﺟﺪﺍﻡ ﻣﺪﺭﺳﺘﻪ .. ﻭﺗﺮﺍﺟﻊ
ﺧﻄﻮﺓ ﺍﻭ ﺧﻄﻮﺓ ﻭﻧﺺ .. ﻭﺍﺑﺘﺴﻢ ﻋﺸﺎﻥ ﻳﺨﻔﻒ ﺍﻟﺘﻮﺗﺮ ﺍﻟﻠﻲ ﺳﺎﺩ
ﺷﻮﻳﺔ ..
ﻣﺴﺎﻋﺪ : ﻳﺎﻟﻠﻪ ﺍﻧﺰﻳﻦ ﻻ ﺗﻌﻄﻠﻴﻨﺎ ﺧﺮﺍﺑﻴﻄﺞ ﺗﻨﺘﻈﺮﺝ ..
ﻓﺎﺗﻦ : ﺍﻭﻛﻴﻪ ...
ﺭﺍﺡ ﻣﺴﺎﻋﺪ ﻋﻨﺪ ﻛﺮﺳﻲ ﺍﻟﻘﻴﺎﺩﺓ ﻭﻫﻮ ﻳﺤﺲ ﺍﻧﻪ ﻣﺜﻞ ﺍﻟﻄﻴﺮ ﺍﻟﻲ ﻃﻠﻊ
ﻣﻦ ﺍﻟﻘﻴﻮﺩ .. ﺍﻻﺑﺘﺴﺎﻣﺔ ﻣﻮ ﺭﺍﻳﺤﺔ ﻋﻦ ﻭﻳﻬﻪ .. ﻣﻌﺎﻧﻘﺔ ﻣﻼﻣﺤﻪ
ﻣﻌﺎﻧﻖ .. ﻏﺮﻳﺐ ﻫﺎﻟﺸﻌﻮﺭ ... ﺷﻠﻮﻥ ﻳﻌﻤﺮ ﺍﻟﺠﺴﻢ ﻭﻳﻤﻠﻴﻪ ﺩﻓﺎ
ﻭﻏﻤﺮﺓ .. ﺷﺴﻤﻪ ﻳﺎﻧﺎﺱ ﻫﺎﻟﺸﻌﻮﺭ ﻋﺸﺎﻥ ﻛﻞ ﻣﺎ ﺗﻈﺎﻳﻘﺖ ﺍﺣﺲ
ﻓﻴﻪ ... ﻭﺗﺤﺮﻙ ﺍﻟﻘﺎﺭﺏ ﻣﻦ ﻣﻜﺎﻧﻪ
ﻓﺎﺗﻦ ﺑﺲ ﺭﺍﺡ ﻣﺴﺎﻋﺪ ﻋﻨﻬﺎ ﻗﻌﺪﺕ ﻋﻠﻰ ﺍﻟﻜﺮﺳﻲ ﻭﻫﻨﻲ ﺗﻤﺴﻚ ﻳﺪﻫﺎ
ﺍﻟﻠﻲ ﺗﺮﺗﺠﻒ ﻣﻦ ﻗﺒﻀﺔ ﻳﺪﻩ .. ﻋﻤﻖ ﺷﺨﺼﻴﺘﻪ ﻭﻟﺒﺎﻗﺘﻪ ﺍﻟﻠﻲ ﺳﺎﻋﺎﺕ
ﺗﺴﺘﺤﻮﺫ ﻋﻠﻰ ﺍﻧﺘﺒﺎﻫﻬﺎ ﺗﺨﻠﻴﻬﺎ ﻣﺜﻞ ﺍﻟﻴﺎﻫﻞ ﺟﺪﺍﻣﻪ .. ﻟﻜﻦ ﺍﺭﺗﺒﺎﻛﻪ
ﻭﺗﻮﺗﺮﻩ ﺍﻟﻤﻘﺎﺑﻞ ﻟﺘﻮﺗﺮﻫﺎ ﻳﺨﻠﻴﻬﺎ ﺗﺴﺘﻐﺮﺏ .. ﻭﺍﺣﺪ ﻣﺜﻞ ﻣﺴﺎﻋﺪ ...
ﺃﻛﻴﺪ ﺗﻌﺎﻣﻞ ﻣﻊ ﺍﻟﻜﻞ ﻣﻦ ﺍﻟﻨﺎﺱ .. ﺍﻟﺤﺮﻳﻢ ﻭﺍﻟﺮﻳﺎﻳﻴﻞ .. ﻓﻠﻴﺶ
ﺟﺪﺍﻣﻲ ﺍﻧﺎ ﺍﺣﺴﻪ ﺳﺎﻋﺎﺕ ﻣﺘﻮﺗﺮ .. ﻟﻜﻦ ﺍﻻﻫﻢ ﺗﻢ .. ﺍﻧﻬﻢ ﺍﺗﻔﻘﻮﺍ ﻋﻠﻰ
ﺷﻲ ﻣﺸﺎﺑﻪ ﻟﻠﻬﺪﻧﺔ .. ﻭﺍﻟﺤﻤﺪ ﻟﻠﻪ ﻫﺬﺍ ﺍﻟﻠﻲ ﺍﻫﻲ ﺗﺘﻤﻨﺎﻩ .. ﺍﻟﻬﺪﻭﺀ
ﺍﻟﻨﻔﺴﻲ ..
===============================
ﻓﻲ ﺍﻟﻜﻮﻳﺖ .. ﺷﺎﻟﻴﻪ ﺑﻴﺖ ﺍﻟﻨﻬﻴﺪﻱ ..
ﻣﺸﻌﻞ ﺑﺼﻮﺕ ﺗﻌﺒﺎﻥ : ﺁﻟﻮ ..
ﺳﻤﺎﺀ ﺍﻟﻠﻲ ﻛﺎﻧﺖ ﻗﺎﻋﺪﺓ ﺑﺪﺍﺭﻫﺎ ﺗﺼﺒﻎ ﺍﻇﺎﻓﺮ ﺭﻳﻠﻬﺎ ﺍﻧﺼﺪﻣﺖ ﻳﻮﻡ
ﺳﻤﻌﺖ ﺻﻮﺗﻪ ....: ﻣﺸﻌﻞ؟؟؟
ﺍﺑﺘﺴﻢ ﻣﺸﻌﻞ : ﺷﻠﻮﻧﺞ miss perfect
ﺍﺷﺮﻕ ﻭﻳﻪ ﺳﻤﺎﺀ ﻭﺍﻫﻲ ﺗﺴﻤﻊ ﺣﺲ ﺍﺧﻮﻫﺎ : ﻣﺸﻌﻠﻮﻭﻭﻭﻭﻭ .. ﻣﺸﻌﻞ
ﻳﺎﻟﺴﺒﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻝ
ﻣﺸﻌﻞ : ﻫﻬﻬﻬﻪ .. ﻟﻴﺶ ﺑﻌﺪ ﺷﺴﻮﻳﺖ ...
ﺳﻤﺎﺀ ﻭﺍﻫﻲ ﺗﺒﺠﻲ : ﻳﺎﻟﺤﻤﺎﺭ ﺻﺎﺭ ﻟﻲ ﺷﻬﺮ ﻭﺍﻧﺎ ﺍﺗﺼﻞ ﻓﻴﻚ ﻭﺍﻧﺖ
ﻭﻻﺗﺮﺩ ﻋﻠﻲ .. ﻭﻻ ﺗﺴﺄﻝ ﻭﻻ ﺗﻘﻮﻝ ﻭﻳﻨﻬﺎ ﺍﺧﺘﻲ ﺷﻠﻮﻧﻬﺎ ﺷﺨﺒﺎﺭﻫﺎ ..
ﺻﺞ ﺍﻥ ﻣﺎ ﻋﻨﺪﻙ ﻗﻠﺐ ...
ﻣﺸﻌﻞ : ﺍﺳﻒ ﺳﻤﺎﺀ .. ﺑﺲ .. ﻛﺎﻧﺖ ﺣﺎﻟﺘﻲ ﺍﻟﻨﻔﺴﻴﺔ ﺗﻌﺒﺎﻧﺔ ﻭﻣﺎ
ﺣﺒﻴﺖ ﺍﻇﻴﺠﺞ ﻭﻳﺎﻱ ..
ﺳﻤﺎﺀ ﻭﺍﻫﻲ ﺗﺒﺠﻲ : ﺑﺲ ﺍﻧﺎ ﻣﻮ ﺃﻱ ﻭﺣﺪﺓ .. ﺍﻧﺎ ﺍﺧﺘﻚ ﺍﻟﻠﻲ ﺗﺤﺒﻚ
ﻭﺗﻤﻮﺕ ﻋﻠﻴﻚ .. ﺗﺪﺭﻱ ﺷﻜﺜﺮ ﺍﻧﺎ ﺍﻋﺎﻧﻲ ﻣﻦ ﺩﻭﻧﻚ ﺗﺪﺭﻱ؟؟؟؟
ﻣﺸﻌﻞ ﻭﻫﻮ ﻳﺤﺲ ﺑﺎﻟﺪﻣﻌﺔ ﺗﺨﻮﻧﻪ ﻭﺗﻨﺰﻝ : ﺍﺩﺭﻱ .... ﺍﺩﺭﻱ ﺳﻤﺎﺀ ...
ﺳﻤﺎﺀ : ﻻ ﻣﺎ ﻇﻨﻚ ﺗﺪﺭﻱ .... ﻟﻮ ﺗﺪﺭﻱ ﻣﺎ ﺧﻠﻴﺘﻨﻲ ﺑﺮﻭﺣﻲ ... ﺍﻣﻲ
ﻭﺍﺑﻮﻱ ﻣﺴﺎﻓﺮﻳﻦ ﻭﺍﻧﺖ ﺑﻌﺪ ﺭﺍﻳﺢ ﻋﻨﻲ .... ﻣﺨﻠﻴﻨﻲ ﺑﺮﻭﺣﻲ ﻓﻲ
ﻫﺎﻟﺒﻴﺖ ﺍﻟﻜﺮﻳﻪ ..
ﻣﺸﻌﻞ ﺑﺪﻫﺸﺔ : ﺍﻣﻲ ﻣﺴﺎﻓﺮﺓ .. ﻭﻳﻦ؟؟
ﺳﻤﺎﺀ : ﺷﺪﺭﺍﻧﻲ ﻓﻴﻬﺎ ... ﻋﻨﺪﻫﺎ ﻣﺆﺗﻤﺮ .. ﺧﻠﺘﻨﻲ ﻫﻨﻲ ﻭﻳﺎ ﺍﻟﺨﺎﺩﻣﺔ ...
ﻟﻜﻦ ﺍﻧﺖ ﻳﺎﻟﺴﺒﺎﻝ ... ﻫﻴﻦ ﺍﻭﺭﻳﻚ ..
ﻣﺸﻌﻞ : ﻻ ﺗﻌﻮﺭﻳﻦ ﻗﻠﺒﻲ ﺯﻭﺩ ﺳﻤﺎﺀ .. ﺧﻼﺹ .. ﻛﺎﻓﻲ ﻋﺬﺍﺏ ﻭﺍﻟﻪ
ﻳﻜﻔﻴﻨﻲ ﻣﺎ ﻳﺎﻧﻲ ..
ﺳﻤﺎ ﻭﻫﻲ ﺗﻤﺴﺢ ﺩﻣﻌﻬﺎ : ﺑﺲ ﺧﻼﺹ ﺍﻧﺎ ﺑﻨﺴﻰ ﻛﻞ ﺷﻲ ﺑﺲ ﺭﺩ
ﺍﻟﺒﻴﺖ ... ﺭﺩ ﺍﻟﺒﻴﺖ ﺍﻗﻌﺪ ﻭﻳﺎﻱ ﺧﻠﻨﺎ ﻧﺴﻮﻱ ﺍﻟﻠﻲ ﻧﺒﻴﻪ ﻓﻲ ﻏﻴﺎﺏ
ﺍﻟﻐﻮﻟﺔ ..
ﻣﺸﻌﻞ : ﻻ ﺗﻘﻮﻟﻴﻦ ﺟﺬﻱ
ﺳﻤﺎﺀ : ﺳﻮﺭﻱ ﺑﺲ ... ﻣﺎﻗﺪﺭ ﺍﺿﺒﻂ ﺭﻭﺣﻲ
ﻣﺸﻌﻞ : ﺩﻭﻣﺞ ﻣﺎ ﺗﻘﺪﺭﻳﻦ ﺗﻀﺒﻄﻴﻦ ﺭﻭﺣﺞ .. ﻳﺎﻟﺒﻄﺔ
ﺳﻤﺎﺀ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺑﻌﺪ ﻫﺪﻭﺀ ﻧﻔﺴﻲ ...
ﺳﻤﺎﺀ : ﻣﺸﻌﻞ .....
ﻣﺸﻌﻞ ﻳﺮﺩ ﻋﻠﻴﻬﺎ ﺑﺘﻨﻬﻴﺪﺓ : ﺁﺁﺁﺁﺁﺁﺁﺁﺁﺁﺁﺁﺁﻩ ﻻ ﺗﺴﺄﻟﻴﻨﻲ ﺳﻤﺎﺀ .. ﻻ
ﺗﺴﺄﻟﻴﻨﻲ .. ﺧﻠﻴﻨﻲ ﺑﺤﺎﻟﻲ .. ﺍﻧﺎ ﺯﻳﻦ ﻣﻨﻲ ﺳﺎﻛﺖ .. ﺍﻥ ﺗﻜﻠﻤﺖ ......
ﻣﺎﺩﺭﻱ ﺷﺒﻴﺼﻴﺮ ﻓﻴﻨﻲ ...
ﺳﻤﺎﺀ : ﻣﺎ ﻋﻠﻴﻚ ﺣﺒﻴﺒﻲ .. ﺍﻧﺖ ﺭﺩ ﺍﻟﺒﻴﺖ ﻭﺧﻞ ﻣﺎﻣﺎ ﺳﻤﺎﺀ ﺗﻌﺘﻨﻲ
ﻓﻴﻚ ﻭﺧﻼﺹ .. ﺍﺭﻣﻲ ﻛﻞ ﺷﻲ ﻭﺭﻯ ﻇﻬﺮﻙ .. ﺍﻟﻌﻤﺮ ﺗﻮﻩ ﺑﺎﺩﻱ ﻓﻴﻚ ...
ﻣﺎ ﻳﺪﺭﻱ ﻣﺸﻌﻞ ﻟﻴﺶ ﻳﺤﺲ ﺍﻧﻪ ﺧﻼﺹ .. ﺍﻟﻘﻄﺎﺭ ﻓﺎﺗﻪ ﻣﺜﻞ ﻣﺎ
ﻳﻘﻮﻟﻮﻥ ﻣﻊ ﺍﻧﻪ ﺷﺒﺎﺏ .. ﻣﺎ ﺩﺍﻡ ﻓﺎﺗﻦ ﻏﻴﺮ ﻣﻮﺟﻮﺩﺓ ﻣﻌﻨﺎﻩ ﺍﻟﺤﻴﺎﺓ
ﻏﻴﺮ ﻣﻮﺟﻮﺩﺓ .. ﻣﻌﻨﺎﻩ ﺍﻟﺸﺒﺎﺏ ﻣﺎﻟﻪ ﻃﻌﻢ ﻭﻻ ﻣﺬﺍﻕ
ﻣﺸﻌﻞ : ﺍﻭﻛﻴﻚ ﺳﻤﺎﺀ .. ﺍﻧﺎ ﺑﺮﺩ ﺍﻟﺒﻴﺖ ﺑﺎﺟﺮ ..
ﺳﻤﺎﺀ : ﻭﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻭ ﻗﻴﻒ ﻣﻲ ﻓﺎﻳﻒ
ﻣﺸﻌﻞ : ﻫﻬﻬﻬﻬﻬﻬﻬﻬﻬﻪ ﻟﺞ ﺗﻦ ﺑﻌﺪ ﺷﺘﺒﻴﻦ ..
ﺳﻤﺎﺀ : ﻭﺍﻭ ﻭﺍﻭ ﻭﺍﻭ .. ﺃﺣﺒﻚ ﻳﺎ ﺃﺭﻭﻉ ﺃﺥ ﺑﻬﺎﻟﺪﻧﻴﺎ .. ﺃﺣﺒﻚ ..
ﻣﺸﻌﻞ : ﺣﺘﻰ ﺃﻧﺎ ﺑﻌﺪ ﺃﺣﺒﺞ .. ﻳﻼ .. ﺑﺎﺟﺮ ﻣﺪﺭﺳﺔ ﺭﻭﺣﻲ ﺭﻗﺪﻱ ﺑﻼ
ﺳﻬﺮ ﺑﻼ ﻓﺎﻳﺪﺓ ..
ﺳﻤﺎﺀ : ﺍﻥ ﺷﺎﺀ ﺍﻟﻠﻪ ﺑﺲ ﻗﺒﻞ ﺍﺑﻴﻚ ﺗﻮﻋﺪﻧﻲ ﺍﻧﻚ ﺻﺞ ﺑﺘﻴﻲ ﺑﺎﺟﺮ
ﻣﺸﻌﻞ : ﻫﺎﻩ .. ﺷﻨﻮ ﻳﻌﻨﻲ ﺍﺟﺬﺏ ﻋﻠﻴﺞ .. ﺍﻧﺎ ﻻ ﻗﻠﺖ ﻟﺞ ﺷﻲ ﺍﻋﻨﻴﻪ
ﻭﺍﺳﻮﻳﻪ ..
ﺳﻤﺎﺀ : ﻻ ﺑﺲ ﺍﺑﻴﻚ ﺗﻮﻋﺪﻧﻲ
ﻣﺸﻌﻞ :ﻟﻴﺶ؟
ﺳﻤﺎﺀ : ﻋﻠﻤﻮﻧﺎ ﺑﺎﻟﻤﺪﺭﺳﺔ ﻭﻋﺪ ﺍﻟﺤﺮ ﺩﻳﻦ ...
ﻣﺸﻌﻞ : ﺍﻟﻠﻪ ﻭﺍﻟﻤﺪﺭﺳﺔ ﺍﺩﺭﻱ ﻓﻴﺞ ﻣﺎ ﺗﺮﻭﺣﻴﻨﻬﺎ ..
ﺳﻤﺎﺀ : ﻫﻬﻬﻬﻬﻬﻬﻬﻬﺎﻱ ... ﻫﻮﺍﻳﺔ ﻣﺎﻱ ﺩﻳﺮ ﺑﺮﺍﺫﺭ ..
ﻣﺸﻌﻞ : ﺧﻴﺎﺑﺘﺞ ﺍﻻ ﻣﻮ ﻫﻮﺍﻳﺔ .. ﻳﺎﻟﻠﻪ .. ﺍﻧﺎ ﺑﺨﻠﻴﺞ ﺍﻟﺤﻴﻦ ...
ﺗﺼﺒﺤﻴﻦ ﻋﻠﻰ ﺧﻴﺮ
ﺳﻤﺎﺀ : ﻭﺍﻧﺖ ﻣﻦ ﺍﻫﻞ ﺍﻟﺨﻴﺮ ﻭﺍﻟﻌﺎﻓﻴﺔ ﻭﺍﻟﻤﺎﺯﻭﻻ
ﻣﺸﻌﻞ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ﺧﺒﻠﺔ ﻣﺎ ﻋﻠﻴﺞ ﺷﺮﻫﻪ .. ﻳﺎﻟﻠﻪ ﺑﺎﻱ
ﺳﻤﺎﺀ : ﺑﺎﻳﺎﺕ ...
ﺳﻜﺮﺕ ﺳﻤﺎﺀ ﻋﻦ ﺍﻟﺘﻠﻔﻮﻥ ﻭﻫﻲ ﻓﺮﺣﺎﻧﺔ ﻣﻦ ﻛﻞ ﻗﻠﺒﻬﺎ .. ﻳﺎ ﺍﻟﻠﻪ ..
ﺍﺣﻠﻰ ﺷﻲ ﺻﺎﺭ ﻟﻲ ﻣﻦ ﻓﺘﺮﺓ .. ﺍﺧﻮﻱ ﻳﺘﺼﻞ ﻓﻴﻨﻲ ﻣﻦ ﺑﻌﺪ ﻣﺎ
ﺣﺮﻗﺖ ﺗﻠﻔﻮﻧﻪ ﻣﻦ ﺍﻻﺗﺼﺎﻻﺕ ﻟﻤﻦ ﻗﻔﻞ ﺗﻠﻔﻮﻧﻪ ﻭﺍﻟﺤﻴﻦ .. ﺍﻟﺤﻤﺪ ﻟﻠﻪ
ﺭﺏ ﺍﻟﻌﺎﻟﻤﻴﻦ .. ﻣﻊ ﺍﻧﻪ ﺍﻛﻴﺪ ﺯﻋﻼﻥ ﺍﻻ ﻣﻴﺖ ﺯﻋﻞ ﻋﻠﻰ ﻇﻴﺎﻉ ﻓﺎﺗﻦ
ﻣﻦ ﻳﺪﻩ ﻟﻜﻦ .. ﻗﺪﺭ ﻭﻣﻜﺘﻮﺏ .. ﻣﻦ ﻳﺪﺭﻱ .. ﻳﻤﻜﻦ ﻓﺎﺗﻦ ﺍﻟﺤﻴﻦ
ﻣﺮﺗﺎﺣﺔ ﻭﺍﻫﻮ ﺑﻌﺪ ﻳﻤﻜﻦ ﻳﻼﻗﻲ ﺍﻟﺤﺐ ﺍﻟﺤﻘﻴﻘﻲ ..
ﺍﺑﺘﺴﻤﺖ ﻟﻨﻔﺴﻬﺎ ... ﺍﻟﺤﺐ ﺍﻟﺤﻘﻴﻘﻲ .. ﺃﻫﻲ ﺷﺘﻌﺮﻑ ﻓﻲ ﺍﻟﺤﺐ ..
ﻋﻤﺮﻫﺎ ﻣﺎ ﺣﺒﺖ ﺍﺣﺪ ﻭﻻ ﺗﺤﺐ ﺍﻻﻓﻼﻡ ﺍﻟﺮﻭﻣﺎﻧﺴﻴﺔ ﻭﻻ ﺗﺸﺘﻬﻲ ﺍﻟﻠﻮﻥ
ﺍﻻﺣﻤﺮ .. ﻣﻦ ﻣﻘﺮﻓﺎﺗﻬﺎ ﻫﺎﻟﻠﻮﻥ .. ﻟﻜﻦ ﺍﻫﻲ ﺍﻧﺴﺎﻧﺔ ﻓﻀﻮﻟﻴﺔ ﻭﻭﺩﻫﺎ ﻟﻮ
ﺍﻥ ﻫﺎﻟﺸﻌﻮﺭ ﻳﻤﺮ ﻓﻴﻬﺎ ﻣﺜﻞ ﻣﺎ ﻳﻤﺮ ﻓﻲ ﺍﻟﻨﺎﺱ ﻛﻠﻬﺎ .. ﻟﻴﺶ ﺍﻫﻲ ﻣﻮ
ﻏﻴﺮ؟؟ ﺍﻫﻲ ﺍﻧﺴﺎﻧﺔ ﻭﻟﻬﺎ ﺍﻟﺤﻖ ﻭﻛﺎﻣﻞ ﺍﻟﺤﺮﻳﺔ ﺍﻧﻬﺎ ﺗﺤﺐ .. ﻭﺗﻨﺤﺐ
ﻟﻜﻦ .. ﻣﻦ ﻳﺴﺘﺎﻫﻞ ﻓﻲ ﻫﺎﻟﺪﻧﻴﺎ .. ﺷﺒﺎﺏ ﻫﺎﻻﻳﺎﻡ ﺿﺎﻳﻊ ﻣﺎ ﻳﺒﻲ ﻣﻦ
ﺍﻟﺒﻨﻴﺔ ﺍﻻ ﺍﻟﺴﻤﻨﻪ .. ﻭﺍﻧﺎ ﻣﺴﺘﺤﻴﻞ ﺍﺧﻀﻊ ﻟﺮﺟﻞ ﻓﻲ ﻫﺎﻟﺪﻧﻴﺎ ...
ﺿﺤﻜﺖ ﻋﻠﻰ ﻧﻔﺴﻬﺎ ﺑﻬﺎﻟﻜﻠﻤﺔ .. ﺗﺨﻀﻊ ﻟﺮﺟﻞ .. ﺍﻫﻲ ﻣﻊ ﺣﻴﺎﺗﻬﺎ
ﻫﺬﻱ ﺑﺘﻜﻮﻥ ﺷﺎﻛﺮﺓ ﻟﺮﺏ ﺍﻟﻌﺎﻟﻤﻴﻦ ﺍﻥ ﺗﺰﻭﺟﺖ ﻓﻴﻮﻡ ... ﺍﻟﻔﻈﺎﻭﺓ ﻭﻗﻠﺔ
ﺍﻻﻫﺘﻤﺎﻡ ﻓﻲ ﺣﻴﺎﺗﻬﺎ ﻣﺎ ﺧﺬﺗﻬﺎ ﻟﻠﺪﺭﺏ ﺍﻟﻐﻠﻂ ﺑﺎﻟﻌﻜﺲ .. ﺍﻫﻲ ﺭﺑﺖ
ﻧﻔﺴﻬﺎ ﺍﺣﺴﻦ ﺗﺮﺑﻴﺔ ﻭﻟﻮ ﺍﻥ ﺣﺮﻳﺘﻬﺎ ﻓﻲ ﻟﺒﺴﻬﺎ ﺳﺎﻋﺎﺕ ﻣﻘﺰﺯﺓ ﻟﻜﻦ
ﺍﻫﻲ ﺍﻧﺴﺎﻧﺔ ﺗﺤﺒﺐ ﺍﻟﺘﻐﻴﻴﺮ ﻭﺷﻜﻠﻬﺎ ﻣﻦ ﺍﻫﻢ ﺍﻻﻣﻮﺭ ﺍﻟﻠﻲ ﺗﺴﺘﺤﻮﺫ
ﻋﻠﻰ ﺍﻫﺘﻤﺎﻣﻬﺎ .. ﻣﻮ ﺫﻧﺒﻬﺎ ﺍﻧﻬﺎ fashion mode
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﻭﺗﺎﺑﻌﺖ ﺗﺼﺒﻴﻎ ﺍﻇﺎﻓﺮﻫﺎ ﻭﺍﻫﻲ ﺗﺪﻧﺪﻥ ﺑﺎﻟﺤﺎﺍﺍﻥ ﺍﻏﻨﻴﺔ ﺁﺷﺮ yeah
yeah (ﺍﻇﻨﻜﻢ ﺗﻌﺮﻓﻮﻧﻬﺎ ) ﻟﻤﻦ ﺳﻤﻌﺖ ﺻﻮﺕ ﺍﻟﺒﺎﺏ ﺍﻟﺮﺋﻴﺴﻲ ..
ﻧﺎﻇﺮﺕ ﺍﻟﺴﺎﻋﺔ ﺍﻟﻠﻲ ﻋﻠﻰ ﺍﻟﺮﻑ ﺍﻟﻠﻲ ﻋﻨﺪ ﺳﺮﻳﺮﻫﺎ .. ﺍﻟﺴﺎﻋﺔ ﺗﺴﻌﺔ
ﺑﺎﻟﻠﻴﻞ .. ﻣﻦ ﻳﺎﻳﻬﻢ ﻫﺎﻟﺤﺰﺓ؟؟؟ ...
ﻗﺎﻣﺖ ﻣﻦ ﻣﻜﺎﻧﻬﺎ ﻭﺍﻫﻲ ﺗﻄﻞ ﻋﻠﻰ ﺍﻟﺪﺭﻳﺸﺔ ﻋﺸﺎﻥ ﺗﺸﻮﻑ ﻣﻦ .. ﺍﻻ
ﻭﻃﻖ ﻋﻠﻰ ﺑﺎﺏ ﻏﺮﻓﺘﻬﺎ ﻳﻔﺰﻋﻬﺎ ..
ﺳﻤﺎﺀ : ﺑﺴﻢ ﺍﻟﻠﻪ ... come in
ﺍﻟﺨﺎﺩﻣﺔ : madam some one is asking about you ?
ﺳﻤﺎﺀ ﺑﺎﺳﺘﻐﺮﺍﺏ : ??who
ﺍﻟﺨﺎﺩﻣﺔ : the neighbors
ﺍﻧﺮﺳﻤﺖ ﺍﻻﺑﺘﺴﺎﻣﺔ ﺑﻮﺳﻊ ﻋﻠﻰ ﺛﻢ ﺳﻤﺎﺀ ... ﺍﻟﺠﻴﺮﺍﻥ ... ﺍﻛﻴﺪ ﺧﺎﻟﺘﻲ
ﺍﻡ ﺟﺮﺍﺡ ﻣﺎ ﻏﻴﺮﻫﺎ .. ﻭﺑﺴﺮﻋﺔ ﻛﺒﻴﺮﺓ ﻃﻠﻌﺖ ﻣﻦ ﺩﺍﺭﻫﺎ ﻭﺍﻫﻲ ﺗﺮﻛﺾ
ﻭﺍﻫﻲ ﻣﻮ ﻣﻬﺘﻤﺔ ﺑﻤﻨﻈﺮﻫﺎ ﻭﻻ ﺷﻜﻠﻬﺎ ﺷﻠﻮﻥ .. ﺣﺘﻰ ﺍﻥ ﻓﺴﺘﺎﻧﻬﺎ ﻛﺎﻥ
ﺷﻮﻱ ﻗﺼﻴﺮ ﻟﻜﻨﻪ ﻣﻐﻄﻰ ﻣﻨﻔﻮﻕ ﻭﺍﻛﻤﺎﻣﻬﺎ ﻃﻮﻳﻠﺔ ﻭﺗﺘﻮﺳﻊ ﻋﻨﺪ
ﺍﻟﻜﻮﻉ .. ﻭﻛﺎﻥ ﺷﻜﻠﻬﺎ ﺍﺛﻴﺮﻱ ﺑﻬﺬﺍﻙ ﺍﻟﻤﻈﻬﺮ .. ﻭﺑﺴﺮﻋﺔ ﻛﺒﻴﺮﺓ ﺭﺍﺣﺖ
ﻋﻦ ﺍﻟﺒﺎﺏ ﺍﻟﻜﺒﻴﺮ ﻭﻓﺘﺤﺘﻪ ﺑﻜﻞ ﺣﺒﻮﻭﻭﻭﺭ ﻭﺗﺮﺣﻴﺐ ..
ﺳﻤﺎﺀ : ﺍﻫﻠﻴﻴﻴﻴﻴﻴﻴﻴﻴﻲ .............
ﺿﺎﻉ ﺍﻟﻜﻼﻡ ﻣﻨﻬﺎ ﻳﻮﻡ ﺷﺎﻓﺖ ﺍﻟﻠﻲ ﻭﺍﻗﻒ ... ﻛﺎﻥ ﺍﻭﻝ ﻣﺎ ﻓﺘﺤﺖ
ﺍﻟﺒﺎﺏ ﻣﺎﻋﻄﻬﺎ ﻇﻬﺮﻩ ﻭﺍﻟﺤﻴﻦ ﻳﻮﻡ ﻓﺠﺘﻪ ﺍﻟﺘﻔﺘﺖ ﻟﻬﺎ ﻭﻫﻮ ﺟﺎﻣﺪ ....
ﻭﺍﻫﻲ ﻳﻮﻡ ﺷﺎﻓﺘﻪ ﺗﺠﻤﺪﺕ ﺍﻛﺜﺮ ﻭﺍﻛﺜﺮ .... ﺍﻫﻮ ﻣﺎ ﻏﻴﺮﻩ ... ﻣﻦ ﺑﺪ
ﺍﻟﻨﺎﺱ ﻛﻠﻬﺎ ......
ﺧﺎﻟﺪ ﺑﺼﻮﺕ ﺣﻤﻴﻢ : ﻣﺴﺎﺀ ﺍﻟﺨﻴﺮ ..
ﺳﻤﺎﺀ ﺑﺘﺮﺩﺩ ﻭﺍﻫﻲ ﺗﺤﺲ ﺑﺎﻟﺒﺮﺩ ﻓﺠﺄﺓ : ﻣﺴﺎﺀ ﺍﻟﻨﻮﺭ ...
ﻟﻠﺤﻈﺎﺕ ﺑﺪﻯ ﺧﺎﻟﺪ ﺭﺍﺿﻲ .. ﻭﻳﻮﻡ ﻧﺎﻇﺮﻫﺎ ﺭﻓﻊ ﻋﻴﻮﻧﻪ ﺑﻌﻴﻮﻧﻬﺎ
ﻭﺑﻐﻀﺐ ﺧﻔﻴﻒ : ﺷﻬﺎﻟﻤﻼﺑﺲ ....؟؟؟
ﺳﻤﺎﺀ ...: ﺷﻨﻮ؟؟ﻅ
ﻭﺍﻓﺴﺪﺕ ﺍﻟﻠﺤﻈﺔ .. ﻭﻋﻴﻮﻥ ﺳﻤﺎﺀ ﺗﺘﺠﻮﻝ ﻋﻠﻰ ﻣﻼﺑﺴﻬﺎ ....:
ﻋﻼﻣﻬﻢ؟؟
ﺧﺎﻟﺪ ﺑﺼﻮﺕ ﺍﺷﺒﻪ ﺑﺎﻟﻬﻤﺲ : ﺍﺳﺘﻐﻔﺮ ﺍﻟﻠﻪ ﺍﻟﻌﻈﻴﻢ ... (ﺭﻓﻊ ﺻﻮﺗﻪ )
ﺍﻧﺰﻳﻦ ... ﺧﺎﻟﺘﻲ ﺗﺒﻴﺞ ﺍﻟﺤﻴﻦ ... ﻳﺎﻟﻠﻪ ﻓﻤﺎﻥ ﺍﻟﻠﻪ ...
ﻭﺭﺍﺡ ﻋﻨﻬﺎ ﻣﻦ ﻏﻴﺮ ﺃﻱ ﻛﻼﻡ ﺛﺎﻧﻲ .... ﻭﻫﻲ ﺍﻟﻠﻲ ﻇﻠﺖ ﺗﻌﺪ ﺩﻗﺎﺕ
ﻗﻠﺒﻬﺎ ﺍﻟﻤﺘﺴﺎﺭﻋﺔ ﻣﻦ ﺷﺎﻓﺘﻪ ﻣﺎ ﺍﺳﺮﻉ ﺗﺤﺮﻛﻪ ﻓﻲ ﺍﻓﺴﺎﺩ ﺍﻟﻠﺤﻈﺔ
ﺍﻟﺤﻠﻮﺓ ... ﺣﻠﻮﺓ؟؟ ﻣﺎﻟﺖ ﻋﻠﻴﻪ ﻫﺎﻟﺴﺒﺎﻝ ﺍﻥ ﺟﺎﻥ ﺍﻛﻮﻭﻭ ﻟﺤﻈﺔ
ﺣﻠﻮﺓ ﻭﻳﺎﻩ .. ﺑﺲ .. ﺍﻫﻮ ﻋﻠﻰ ﺣﻖ ... ﻣﻼﺑﺴﻲ ﻳﺎ ﻧﺎﺱ ﻣﻮ ﺯﻳﻨﺔ
ﻟﻠﻄﻠﻌﺔ ﻟﻜﻨﻬﺎ ﻣﺮﻳﺤﺔ ﻟﻠﺒﻴﺖ ... ﻭﺗﻤﺖ ﺗﻨﺎﻇﺮ ﺍﻟﻔﺮﺍﻍ ﺍﻟﻠﻲ ﺟﺪﺍﻣﻬﺎ
ﻭﺍﻫﻲ ﻟﻠﺤﻴﻦ ﻳﻢ ﺍﻟﺒﺎﺏ ... ﻭﻓﺠﺎﺓ .... ﻟﻤﻌﺖ ﺍﻟﻔﻜﺮﺓ ﺍﻟﺠﻬﻨﻤﻴﺔ
ﻓﻴﺒﺎﻟﻬﺎ .... ﻫﺎ ﻫﺎ ﻫﺎ .. ﺍﺳﺘﺎﺫ ﺧﺎﻟﺪ .. ﺍﻧﺖ ﺍﻟﻴﻮﻡ ﻣﻴﺖ ﻻ ﻣﺤﺎﻟﺔ ..
ﺑﺘﺠﻮﻑ ﺷﻠﻮﻥ ﺍﻥ ﺳﻤﺎﺀ ﺗﻘﺪﺭ ﺗﻄﻴﺤﻚ ﻣﻦ ﺳﺎﺑﻊ ﺳﻤﺎ ... ﻟﻌﻨﺪ ﺭﻳﻠﻬﺎ ..
ﻭﺭﺍﺣﺖ ﻓﻮﻕ .. ﺗﺒﺮﺑﺲ ﻭﺗﺪﻋﺲ ... ﻭﺗﺤﻀﺮ ﻟﻤﻔﺎﺟﺄﺗﻬﺎ ﺍﻟﻤﻨﺘﻈﺮﺓ ..
ﺍﻣﺎ ﺧﺎﻟﺪ ﺍﻟﻠﻲ ﻣﻦ ﻃﻠﻊ ﻣﻦ ﻋﻨﺪ ﺳﻤﺎﺀ ﻭﻫﻮ ﻣﺘﻜﺪﺭ ﻭﻳﺮﻣﻲ ﻗﺒﻀﺎﺗﻪ
ﻓﻲ ﺍﻟﻬﻮﺍ ﺍﻟﺨﺎﻟﻲ ... ﻣﻨﻘﻬﺮ ﻣﻨﻬﺎ ﺍﻻ ﺧﺎﻃﺮﻩ ﻳﻔﺠﺮﻫﺎ .. ﺷﻬﺎﻟﻠﺒﺴﺲ
ﻳﻌﻨﻲ ﺍﻫﻲ ﻣﺎ ﺗﻌﺮﻑ ﺍﻟﻠﺒﺲ ﺍﻟﺼﺢ ﻣﻦ ﺍﻟﻐﻠﻂ .. ﻳﻌﻨﻲ ﻳﺎﻧﺎﺱ ﺍﻧﺎ
ﻏﻠﻄﺎﻥ .. ﺍﻟﺒﻨﺖ ﻣﺜﻞ ﺍﻟﺒﻘﺮﺓ ,, ﺍﻟﺒﻘﺮﺓ ﺗﻤﻴﺰ ﺍﻫﻲ ﻣﺎ ﺗﻤﻴﺰ؟؟ ﻭﺍﻧﺎ
ﺍﺳﺘﺤﻲ ﻭﺍﻟﻠﻪ ﺍﻟﻌﻈﻴﻢ ﺍﺳﺘﺤﻲ ﻋﻤﺮﻱ ﻣﺎ ﻃﺎﻟﻌﺖ ﺑﻨﺎﺕ ﺟﺬﻱ .. ﺍﻧﺎ
ﻣﺎﻧﻲ ﻣﻼﻙ ﺑﺲ ....
ﻭﺍﻟﺘﻔﺘﺖ ﻋﻨﺪ ﺑﺎﺏ ﺑﻴﺘﻪ ﺍﻟﺠﺪﻳﺪ .. ﺑﻴﻦ ﻋﻤﻪ ﺍﻟﻤﺮﺣﻮﻡ ﻭﻫﻮ ﻳﺘﺬﻛﺮ
ﻓﺎﺗﻦ ... ﻓﺎﺗﻦ ﻣﺜﺎﻝ ﺍﻟﺤﺸﻤﺔ ﻭﺍﻻﺧﻼﻕ ﻭﺍﻟﺴﺘﺮ ﻓﻲ ﻫﺎﻟﺪﻳﺮﺓ ﻛﻠﻬﺎ .. ﻳﺎ
ﺍﻟﻠﻪ ﻋﻠﻴﻬﺎ .. ﻣﻦ ﺍﻻﺳﺒﺎﺏ ﺍﻟﻠﻲ ﺧﻠﺘﻨﻲ ﺍﺣﺒﻬﺎ ﺍﻫﻲ ﺣﺸﻤﺘﻬﺎ .. ﻳﻌﻨﻲ
ﻋﻤﺮﻫﺎ ﻣﺎ ﻗﺎﻟﺖ ﻫﺬﺍ ﻭﻟﺪ ﺧﺎﻟﺘﻲ ﻛﻞ ﻳﻮﻡ ﻣﻌﺎﻧﺎ ﻣﺎ ﺑﻠﺒﺲ ﺣﺠﺎﺏ
ﻋﻠﻴﻪ .. ﻣﻦ ﺍﻭﻝ ﻣﺎ ﻟﺒﺴﺖ ﺍﻟﺤﺠﺎﺏ ﺑﺎﻻﺑﺘﺪﺍﺋﻴﺔ ﻭﻫﻲ ﺗﺘﻐﻄﻰ ﻋﻠﻲ ..
ﺍﻻ ﺳﻴﺎﺑﻴﻞ ﻫﺎﻟﺰﻣﻦ ﺍﻟﻬﺎﺑﻂ ﺳﻤﺎﺋﻮ ﻭﻣﻨﻮﻭﻭﺭ .. ﻭﺳﻤﻮﺭ ﺍﻡ ﺧﻤﺴﺘﻌﺶ
ﻋﻴﻦ ... ﻟﻜﻦ ﻣﺮﺩﻫﻢ ﺑﻴﻌﻘﻠﻮﻥ .. ﻭﺍﻭﻟﻬﻢ ﻫﺎﻟﺒﻘﺮﺓ ﺍﻟﻌﻮﺩﺓ ...
ﺩﺵ ﺍﻟﺒﻴﺖ ﻭﻫﻮ ﻳﺰﻓﺮ : ﺍﻟﺤﻴﻦ ﺑﺘﻴﻲ ﺧﺎﻟﺘﻲ؟
ﺍﻡ ﺟﺮﺍﺡ ﺑﺤﺎﺟﺐ ﻣﺮﻓﻮﻉ ﻭﺍﻫﻲ ﺗﻨﺎﻇﺮﻩ : ﺷﻘﻠﺖ ﻟﻬﺎ؟؟
ﺧﺎﻟﺪ ﺍﻟﺘﻔﺘﺖ ﻟﻬﺎ ﻭﻫﻮ ﻳﺒﺘﺴﻢ ﺑﻤﻠﻞ : ﻻ ﺗﺨﺎﻓﻴﻦ . ﻻ ﺗﺤﺎﺗﻴﻦ .. ﺍﻣﻴﺮﺗﺞ
ﺑﺨﻴﺮ ﻭﺑﺴﻼﻣﺔ ﻭﻣﺎ ﻗﻄﻴﺖ ﻋﻠﻴﻬﺎ ﺃﻱ ﻛﻠﻤﺔ ..
ﺍﻡ ﺟﺮﺍﺡ : ﻋﺒﺎﻟﻲ ﺑﻌﺪ ... ﺑﺘﻨﺎﻡ؟
ﺧﺎﻟﺪ : ﻻ ﺑﺲ .... ﺑﻘﻌﺪ ﻓﻲ ﺍﻟﻤﻄﺒﺦ ...
ﺟﺮﺍﺡ ﺍﻟﻠﻲ ﻛﺎﻥ ﺑﺎﻟﺼﺎﻟﺔ ﺑﻌﺪ ﺑﺲ ﺭﺍﻗﺪ ﻋﻠﻰ ﺭﻳﻞ ﺍﻣﻪ ﺗﻜﻠﻢ : ﺍﻟﺤﺎﻟﺔ
ﺍﻟﻨﻔﺴﻴﺔ ﺧﺎﻟﺪ؟
ﺧﺎﻟﺪ : ﺍﻧﺖ ﻣﺎﻟﻚ ﺷﻐﻞ ...
ﺿﺤﻚ ﺟﺮﺍﺡ ﻭﺍﻡ ﺟﺮﺍﺡ ﺍﺳﺘﻐﺮﺑﺖ : ﺣﺎﻟﺔ ﻧﻔﺴﻴﺔ؟؟؟ ﺷﻬﺎﻟﺤﺎﻟﺔ
ﺍﻟﻨﻔﺴﻴﺔ
ﺧﺎﻟﺪ : ﻳﻮﻭﻭﻩ ﺧﺎﻟﺘﻲ ﻣﺎ ﻋﻠﻴﺞ ﻣﻨﻪ
ﺟﺮﺍﺡ ﻭﻫﻮ ﻳﻔﺘﺢ ﻋﻴﻮﻧﻪ ﻭﻳﻘﻌﺪ ﻳﻢ ﺍﻣﻪ ﻭﻫﻮ ﻳﻠﻤﻬﺎ : ﻳﻤﻪ ﺧﺎﻟﺪ ﻓﻴﻪ
ﺣﺎﻟﺔ ﻧﻔﺴﻴﺔ ﻟﻤﻦ ﻳﻜﻮﻥ ﻣﺘﻈﺎﻳﺞ ﻳﺎﻛﻞ ﻣﻦ ﻏﻴﺮ ﺣﻮﺍﺱ ...
ﺍﻡ ﺟﺮﺍﺡ ﺑﺼﺪﻣﺔ : ﻫﺬﺍ ﻳﺎﻛﻞ؟؟ ﻣﺎ ﺗﺠﻮﻓﻪ ﻫﻴﻜﻞ ﻋﻈﻤﻲ .. ﻣﻌﺼﻘﻞ
ﻳﻜﺴﺮ ﺍﻟﺨﺎﻃﺮ ..
ﺧﺎﻟﺪ : ﺷﻜﺮﺍ ﺧﺎﻟﺘﻲ .. ﺭﻓﻌﺘﻲ ﻣﻌﻨﻮﻳﺎﺗﻲ ﺻﺮﺍﺣﺔ ﻣﺎﻗﺪﺭ ﺍﺷﻜﺮﺝ ﻛﻔﺎﻳﺔ
ﺟﺮﺍﺡ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻗﺎﻣﺖ ﺍﻡ ﺟﺮﺍﺡ ﻭﺭﺍﺣﺖ ﻟﺨﺎﻟﺪ ﺍﻟﻠﻲ ﻛﺎﻥ ﻭﺍﻗﻒ ﻋﻨﺪ ﺍﻟﻤﻄﺒﺦ : ﻳﻤﺔ
ﺣﺒﻴﺒﻲ ﺷﻤﻨﻪ ﺍﻟﺤﺎﻟﺔ ﺍﻟﻨﻔﺴﻴﺔ؟
ﺧﺎﻟﺪ : ﻳﻤﺔ ﻣﺎ ﻋﻠﻴﺞ ﻣﻨﻪ ﻫﺬﺍ ﻭﻟﺪﺝ ﺍﻛﺒﺮ ﻣﻮﺭﺩ ﻟﻼﺷﺎﻋﺎﺕ ... ﺍﻧﺎ
ﻣﺎﻓﻴﻨﻲ ﺷﻲ ﺑﺲ ﻳﻮﻋﺎﻥ ..
ﺍﻡ ﺟﺮﺍﺡ : ﺍﻧﺘﻈﺮ ﺷﻮﻱ ﻟﻤﻦ ﺍﺗﻴﻲ ﺳﻤﺎﺀ ﻭﻛﻠﻨﺎ ﻧﺘﻌﺸﻰ
ﺧﺎﻟﺪ ﺗﺬﻛﺮ ﺷﻜﻞ ﺳﻤﺎﺀ ﻭﻣﻼﺑﺴﻬﺎ ﻭﻓﻜﺮﺓ ﺍﻥ ﺟﺮﺍﺡ ﺍﻳﻜﻮﻥ ﻗﺎﻋﺪ
ﻣﻌﺎﻫﻢ ﻭﺍﻫﻲ ﺑﻬﺎﻟﻤﻼﺑﺲ ﻇﻴﻘﺖ ﻋﻠﻴﻪ ﺍﻛﺜﺮ ..
ﺧﺎﻟﺪ : ﻣﺎﺑﻲ ﻳﻤﺔ ﻣﻮ ﻳﻮﻋﺎﻥ
ﺍﻡ ﺟﺮﺍﺡ ﺑﺪﻫﺸﺔ : ﺗﻮﻙ ﻳﻮﻋﺎﻥ؟؟؟
ﺧﺎﻟﺪ ﺑﺎﺑﺘﺴﺎﻣﺔ : ﻃﺎﺭ ﺍﻟﻴﻮﻉ ﻳﻤﺔ ...
ﺍﻡ ﺟﺮﺍﺡ ﺑﺪﺕ ﺗﻌﺼﺐ ﺻﺮﺍﺣﺔ .. ﺣﺎﻝ ﺧﺎﻟﺪ ﻫﺎﻟﻴﻮﻣﻴﻦ ﻣﻮ ﻋﺎﺟﺒﻬﺎ ..
ﺷﻔﻴﻪ ﺟﺬﻱ ﻟﻴﺶ ﻳﺘﺼﺮﻑ ﺑﻄﺮﻳﻘﺔ ﺗﺨﻠﻲ ﺍﻟﻮﺍﺣﺪ ﺍﻳﻀﻴﻊ ﻭﻫﻮ
ﻳﺤﺎﻭﻝ ﻳﻌﺮﻑ ﻋﻼﻣﻪ ..
ﺍﻻ ﻭﺩﻗﺎﺕ ﻋﻠﻰ ﺍﻟﺒﺎﺏ ﺗﻌﻠﻦ ﻫﺪﻭﺀ ﺍﻟﻤﻨﺎﺟﺮ ﺑﻴﻦ ﺍﻡ ﺟﺮﺍﺡ
ﻭﺧﺎﻟﺪ ..ﺭﺍﺡ ﺟﺮﺍﺡ ﻳﻔﺞ ﺍﻟﺒﺎﺏ ﺍﻻ ﻭﻗﻒ ﻣﻜﺎﻧﻪ ﺑﺪﻫﺸﺔ .. ﻭﻫﻮ ﻳﺒﺘﺴﻢ
ﻭﻳﻨﺎﻇﺮ ﺧﺎﻟﺪ ﺍﻟﻠﻲ ﻛﺎﻥ ﻳﺮﻓﻊ ﻧﻈﺮﺓ ﻋﺸﺎﻥ ﻳﺠﻮﻑ ﻣﻦ ﻋﻨﺪ ﺍﻟﺒﺎﺏ ...
ﺟﺮﺍﺡ : ﺣﻴﺎ ﺍﻟﻠﻪ ﺍﻟﻘﺎﻃﻌﺔ .. ﺟﺬﻱ ﻋﺎﺩ ﻣﺮﺓ ﻭﺣﺪﺓ ... ﺑﻴﻌﻴﻨﺎ ﻓﻲ
ﺍﻟﺴﻮﻕ ..؟
ﺳﻤﺎﺀ ﺑﺤﻴﺎ : ﺍﺷﺘﺮﻳﻜﻢ ﺑﺎﻟﻐﺎﻟﻲ ﺷﺪﻋﻮﺓ ..
ﻭﺩﺧﻠﺖ ﺳﻤﺎﺀ ﻭﺑﺎﻧﺖ ﺍﻟﺮﺅﻳﺎ ﻋﻨﺪ ﺧﺎﻟﺪ ﺍﻟﻠﻲ ﻛﺎﻥ ﻣﺘﻜﺪﺭ .. ﻷﻧﻬﺎ ﺍﻥ
ﺩﺧﻠﺖ ﺍﻟﺒﻴﺖ ﺑﻬﺬﻳﺞ ﺍﻟﻤﻼﺑﺲ ... ﻳﺎﻭﻳﻠﻬﺎ ﺑﺬﺑﺤﻬﺎ ﺑﺘﻠﻬﺎ ﻣﻦ ﺷﻌﺮﻫﺎ ...
ﻟﻜﻦ ﻻﺀ ... ﺍﻧﺼﺪﻡ ﺧﺎﻟﺪ ﻳﻮﻡ ﺷﺎﻑ ﺷﻠﻲ ﻻﺑﺴﺘﻪ ... ﻛﺎﻧﺖ ﻻﺑﺴﺔ
ﺟﻼﺑﻴﺔ ﺳﻮﺩﺓ ﻣﻄﺮﺯﺓ ﺑﺎﻻﺣﻤﺮ .. ﻭﻋﻠﻰ ﺭﺍﺳﻬﺎ ﺷﻴﻠﺔ ﺳﻮﺩﺍ ﻣﻄﻠﻌﺔ
ﺑﻴﺎﺿﻬﺎ ﻛﻠﻪ ... ﻭﻣﺴﻚ ﺧﺎﻟﺪ ﻋﻠﻰ ﻗﻠﺒﻪ ﻋﺸﺎﻥ ﻻ ﻳﻤﻮﺕ ... ﺷﻨﻮ
ﻫﺬﺍ .. ﻳﺤﻠﻴﻠﻬﺎ ﺑﺎﻟﺸﻴﻠﺔ .. ﻳﺎ ﻗﻠﺒﻲ ﻋﻠﻴﻬﺎ ..
ﺍﻡ ﺟﺮﺍﺡ ﺍﻟﻠﻲ ﺍﻧﻌﺠﺒﺖ ﺑﻤﻈﻬﺮﻫﺎ : ﺍﻟﻠﻪ ﺑﺎﻟﺰﻳﻦ .. ﺣﻴﺎ ﺍﻟﻠﻪ ﺍﻟﺤﻼ
ﻛﻠﻪ .. ﺯﻋﻼﻧﺔ ﻣﻨﺞ ﺍﻧﺎ ﺻﺮﺍﺣﺔ ﻛﻞ ﻫﺎﻻﻳﺎﻡ ﻭﻣﺎ ﺗﺰﻭﺭﻳﻨﻲ ..؟
ﺭﺍﺣﺖ ﺳﻤﺎﺀ ﺑﻜﻞ ﺣﺐ ﻭﻟﻮﺕ ﻋﻠﻰ ﺍﻡ ﺟﺮﺍﺡ : ﻓﺪﻳﺖ ﻋﻤﺮﺝ ﻭﺍﻟﻠﻪ ﻣﻮ
ﻣﻨﻲ ... ﺑﺲ ﻛﻨﺖ ﺗﻌﺒﺎﻧﺔ ﻭﺭﻳﻠﻲ ﻣﺎ ﺗﺴﺎﻋﺪﻧﻲ ﺑﺲ ﺍﻧﺎ ﺍﻟﻴﻮﻡ ﻛﻨﺖ
ﺑﻴﻴﺞ ﺑﺲ ﺗﻌﺮﻓﻴﻦ ﺍﻟﺒﻴﺖ ﻣﺤﺪ ﻟﻪ ..
ﺍﻡ ﺟﺮﺍﺡ : ﻳﺎﻟﻠﻪ ﻣﻌﻠﻴﺔ .. ﺍﻧﺎ ﺍﻟﻴﻮﻡ ﻣﺎﻗﺪﺭﺕ ﺍﺻﺒﺮ ﻋﻨﺞ ﻭﻣﻦ ﺟﺬﻱ
ﺧﻠﻴﺖ ﻫﺎﻟﻤﻄﻔﻮﻕ ﻳﻨﺎﺩﻳﺞ ..
ﺭﻓﻌﺖ ﺳﻤﺎﺀ ﻋﻴﻮﻧﻬﺎ ﻋﻠﻰ ﺧﺎﻟﺪ ﺍﻟﻠﻲ ﻛﺎﻥ ﻭﺍﻗﻒ ﻣﺜﻞ ﺍﻟﺼﻨﻢ .. ﻣﺎﻛﻠﻬﺎ
ﺑﻌﻴﻮﻧﻪ .. ﻣﻮ ﻣﺼﺪﻕ ﺍﻛﻴﺪ ﺍﻟﻠﻲ ﻗﺎﻋﺪ ﻳﺸﻮﻓﻪ ﻟﻜﻦ .. ﺍﻟﻴﺎﻱ ﺍﻋﻈﻢ ﻳﺎ
ﻋﺰﻳﺰﻱ ..
ﺳﻤﺎﺀ : ﻭﺍﻧﺎ ﺑﻌﺪ ﻣﺎ ﺻﺒﺮﺕ ﻋﻨﻜﻢ ﻭﻳﺎﻳﺘﻜﻢ ﺍﻛﻞ ﻣﻦ ﺍﻛﻠﻜﻢ ﺗﺮﺍﻧﻲ
ﻳﻮﻋﺎﻧﺔ ﺑﺎﻟﺤﻴﻞ ﺧﺎﻟﺘﻲ
ﺟﺮﺍﺡ : ﺍﻭﻭﻭﻭﻭﻭﻑ ﺑﻠﺤﻖ ﻋﻠﻰ ﺍﻻﻛﻞ ﻻ ﻳﺨﻠﺺ ..
ﺳﻤﺎﺀ : ﺧﺎﻟﺘﻲ ﺷﻮﻓﻴﻪ
ﺟﺮﺍﺡ : ﻫﺎﻫﺎﻫﺎﻫﺎ ﻳﺎﻟﻠﻪ ﺍﻥ ﻗﺪﺭﺗﻲ ﺗﺎﺧﺬﻳﻦ ﺷﻲ ﺍﻧﺎ ﻭﺧﺎﻟﺪ ﺍﻟﻴﻮﻡ
ﻳﻮﺍﻋﺔ .. ﻳﻌﻨﻲ ﺍﻻﻛﻞ ﺑﻴﺨﻠﺺ ﺑﻴﺨﻠﺺ ..
ﺳﻤﺎﺀ : ﺍﻛﻴﺪ ﺧﺎﻟﺘﻲ ﺑﺘﺸﻴﻞ ﻟﻲ ﺷﻮﻳﻪ ... ﺻﺢ ﺧﺎﻟﺘﻲ؟
ﺍﻡ ﺟﺮﺍﺡ : ﻳﺎﻟﻠﻪ ﻋﺎﺩ ﻋﻦ ﺍﻟﺪﻟﻊ ﻭﺧﻠﻮ ﺍﻟﺒﻨﺖ ﺗﺎﻛﻞ ﻭﻳﺎﻛﻢ ... ﻳﺎﻟﻠﻪ
ﺗﻌﺎﻟﻮ ﺍﻟﻤﻄﺒﺦ ﺍﻟﻨﺎﺱ ﺻﺎﺭﺕ ﻟﻴﻞ ..
ﺳﻤﺎﺀ ﺗﺴﺎﻝ ﺟﺮﺍﺡ ﻭﻋﻴﻮﻧﻬﺎ ﻋﻠﻰ ﺧﺎﻟﺪ : ﻭﻳﻨﻬﻢ ﻣﻨﺎﻳﺮ ﻭﻋﺰﻭﺯ
ﺟﺮﺍﺡ : ﺭﻗﻮﻭﻭﻭﺩ ﺷﻌﺒﺎﻟﺞ ﻫﺬﻭﻝ ﻭﺭﺍﻫﻢ ﻣﺪﺍﺭﺱ .. ﻣﻦ ﺯﻣﺎﻥ ﺗﻌﺸﻮﻭﺍ
ﺳﻤﺎﺀ : ﻭﻱ ﺩﻳﺎﻱ ..
ﺟﺮﺍﺡ : ﻋﺒﺎﻟﺞ ﺍﻟﻜﻞ ﻣﺜﻠﺞ ﻳﺎ ﺍﻟﺒﻮﻭﻣﺔ
ﺳﻤﺎﺀ ﺑﺼﺪﻣﺔ : ﻣﺎﺑﻮﻡ ﺍﻻ ﺍﻧﺖ ...
ﺟﺮﺍﺡ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ﻳﺎﻟﻠﻪ ﺧﻠﻮﻧﺎ ﻧﺎﻛﻞ ﻭﺍﻟﻪ ﺑﻄﻨﻲ ﻟﺰﻕ ﺑﻈﻬﺮﻱ ..
ﺭﺍﺡ ﺟﺮﺍﺡ ﺩﺍﺧﻞ ﺍﻟﻤﻄﺒﺦ ﻭﺳﻤﺎﺀ ﻭﺭﺍﻩ ﻭﺍﻫﻲ ﺗﻨﺎﻇﺮ ﺧﺎﻟﺪ ﻣﻦ ﻓﻮﻕ
ﻭﺗﺤﺖ ﻭﺍﻫﻲ ﺗﺤﺲ ﺑﻐﻴﺮﺗﻪ ﺑﻌﻴﻨﻪ .. ﻳﺎﻱ ﺷﻨﻮ ﺍﻻﺣﺴﺎﺱ ﺻﺞ ﺍﻧﻪ
ﻓﻈﻴﻊ .. ﻣﺬﻭﻗﻨﻲ ﺍﻟﻮﻳﻞ ﻋﻠﻰ ﺣﺴﺎﺑﻚ ﻟﻜﻦ ﻣﻌﻠﻴﻪ .. ﺍﻧﺎ ﻣﺎ ﺍﻗﻮﻝ ﺍﻻ
ﻭﺍﻧﻔﺬ .. ﻫﻬﻬﻬﻬﻬﻬﻬﻬﻬﻬﻬﻬﻬﻪ ..
ﻗﺒﻞ ﻻ ﺗﺪﺧﻞ ﺍﻟﻤﻄﺒﺦ ﺍﻟﺘﻔﺘﺖ ﻟﻪ ﻣﻦ ﺑﻌﻴﺪ ﺷﻮﻱ
ﺳﻤﺎﺀ ﺑﺼﻮﺕ ﻫﺎﻣﺲ : ﻣﺎ ﺗﺒﻲ ﺗﺎﻛﻞ؟؟
ﺧﺎﻟﺪ ﺭﺍﻓﻊ ﺣﺎﺟﺒﻪ ﻭﻫﻮ ﻣﺘﻈﺎﻳﻖ : ﻣﺎ ﺍﺑﻲ ﺁﻛﻞ ...
ﺳﻤﺎﺀ : ﻋﻠﻰ ﺭﺍﺣﺘﻚ ...
ﻭﻛﺎﻧﺖ ﺗﻬﻢ ﺑﺎﻟﺪﺧﻠﺔ ﻭﻓﻲ ﺧﺎﻃﺮ ﺧﺎﻟﺪ ﺍﻟﻒ ﻭﺍﻟﻒ ﺷﻲ ﻳﺴﻮﻳﻪ ﻟﻜﻨﻪ
ﻳﺤﺲ ﺍﻥ ﻟﺴﺎﻧﻪ ﻣﺮﺑﻮﻁ .. ﻭﺗﻮﻫﺎ ﺑﺘﺪﺧﻞ ﻋﻨﻪ ﺍﻻ ﺻﻮﺕ ﻳﻄﻠﻊ ﻣﻨﻪ
ﻣﻦ ﻏﻴﺮ ﺃﻱ ﻟﺠﺎﺍﺍﻡ ..
ﺧﺎﻟﺪ : ﺷﺤﻼﺗﺞ ﻭﺍﻧﺘﻲ ﻻﺑﺴﺔ ﺍﻟﺸﻴﻠﺔ ...
ﻛﺎﻧﺖ ﻫﺎﻟﻜﻠﻤﺎﺕ ﺑﺎﻟﺠﺪﺍﺭﺓ ﺍﻧﻬﺎ ﺗﻮﻗﻒ ﺳﻤﺎﺀ ﺑﺼﻌﻘﺔ ﻣﺜﻞ ﺍﻟﻜﻬﺮﺑﺎﺀ ..
ﺧﺎﻟﺪ : ﺗﺨﻴﻠﺘﺞ ﺟﺬﻱ .. ﻟﻜﻨﺞ ﻃﻠﻌﺘﻲ ﺍﺣﻠﻰ ﺑﻮﺍﻳﺪ ﻓﻲ ﺍﻟﻮﺍﻗﻊ ....
ﺗﻴﺒﺴﺖ ﺳﻤﺎﺀ ﻣﻜﺎﻧﻬﺎ ﻭﺍﻫﻲ ﻣﻮ ﻣﺼﺪﻗﺔ ﺍﻃﺮﺍﺀ ﺧﺎﻟﺪ ﻟﻬﺎ .. ﻻ ﺍﻟﺪﻧﻴﺎ
ﺍﻧﻘﻠﺒﺖ .. ﻣﺴﺘﺤﻴﻞ ﻫﺎﻟﺸﻲ ﺻﺞ .. ﻣﺴﺘﺤﻴﻞ ﺍﻧﻪ ﻳﻤﺪﺣﻬﺎ ... ﻳﻘﻮﻝ
ﻟﻬﺎ .. ﺍﻧﻬﺎ ... ﺣﻠﻮﺓ ... ﻳﺸﻮﻓﻬﺎ ﺣﻠﻮﺓ ﺑﻌﻴﻮﻧﻪ .. ﻳﺎ ﺭﺏ ﺍﻟﺴﻤﺎﺍﺍﺀ ..
ﺳﻤﺎﺀ ﺑﻴﻐﻤﻰ ﻋﻠﻴﻬﺎ ...
ﺍﻻ ﻭﺻﻮﺕ ﺍﻡ ﺟﺮﺍﺡ ﻳﻮﻋﻴﻬﺎ ﻣﻦ ﻫﺎﻟﺼﺪﻣﺔ ﺍﻟﺤﻠﻮﺓ : ﻳﺎﻟﻠﻪ ﻳﻤﺔ ﺧﺎﻟﺪ
ﺳﻤﺎﺍﺍﺀ ﺩﺧﻠﻮﻭﻭ ..
ﺍﻧﺘﻔﻀﺖ ﺳﻤﺎﺀ ﻣﻦ ﺻﻮﺕ ﺍﻟﺨﺎﻟﺔ ﻭﺗﻮﻫﺎ ﺑﺘﺪﺧﻞ ﺍﻻ ﺧﺎﻟﺪ ﻳﺪﺧﻞ ﻗﺒﻠﻬﺎ
ﻣﻦ ﻋﻠﻰ ﻃﺮﻓﻬﺎ ﺍﻟﻴﻤﻴﻦ .. ﻭﺍﻫﻲ ﻣﻮ ﻣﺼﺪﻗﺔ ﻗﺮﺑﻪ ﻫﺬﺍ ﺍﻟﻠﻲ ﻳﺮﺑﻚ
ﺣﻮﺍﺳﻬﺎ ﻛﻠﻪ ..
ﺧﺎﻟﺪ ﻣﻦ ﺟﻬﺔ ﺛﺎﻧﻴﺔ ﻛﺎﻥ ﻳﺤﺲ ﺑﺎﻧﻪ ﻋﻠﻰ ﻭﺷﻚ ﻳﻄﻴﺮ .. ﻭﻻ ﻳﻨﻔﺠﺮ ..
ﻭﻻ ﻛﺄﻧﻪ ﻃﺎﻳﺢ ﻣﻦ ﺍﻟﻄﺎﺑﻖ ﺍﻝ 20000
ﻣﻮ ﻗﺎﺩﺭ ﻳﺼﺪﻕ ﻫﺎﻟﻤﺸﺎﻋﺮ ﺍﻟﻘﻮﻳﺔ ﺍﻭ ﺍﻟﻌﻨﻴﻔﺔ ﻓﻴﻪ .. ﻋﻤﺮﻩ
ﻫﺎﻻﺣﺴﺎﺱ ﻣﺎ ﻣﺮ ﻓﻴﻪ ﻳﻮﻡ ﻛﺎﻥ ﻳﺤﺐ ﻓﺎﺗﻦ .. ﻛﺎﻧﺖ ﺍﻟﻤﺸﺎﻋﺮ ﻫﺎﺩﺋﺔ
ﻭﺣﺎﻟﻤﺔ ﻭﺭﻭﻣﺎﻧﺴﻴﺔ .. ﺍﻣﺎ ﻭﻳﺎ ﺳﻤﺎﺀ .. ﻓﻬﻲ ﻋﻨﻴﻔﺔ ﻭﻣﺘﻤﺮﺩﺓ ﻭﻏﻴﺮ
ﻣﻔﻬﻮﻣﺔ .. ﻳﺎ ﺭﺑﻲ ﺍﺭﺣﻤﻨﻲ ﻣﻮ ﻗﺎﺩﺭ ﺍﺿﺒﻂ ﻣﺸﺎﻋﺮﻱ .. ﺍﻥ ﻇﻠﺖ
ﻫﺎﻟﺒﻨﺖ ﻭﻳﺎﻱ ﻭﺍﻟﻠﻪ ﺑﻤﻮﺕ ﺍﻧﺎ .. ﻗﻠﺒﻲ ﻣﺎ ﻳﺘﺤﻤﻞ ﻛﻞ ﻫﺎﻟﻤﺸﺎﻋﺮ ...
ﻭﺑﺴﺒﺐ ﻫﺎﻟﺘﻮﺗﺮ ﺍﻟﻨﻔﺴﻲ ﺍﻟﺸﺪﻳﺪ ﺍﻟﻠﻲ ﻛﺎﻥ ﻳﻌﺎﻧﻲ ﻣﻨﻪ ﺧﺎﻟﺪ ﻧﻔﺦ
ﺍﻻﻧﺒﻮﺏ ﺍﻟﻬﻮﺍﺋﻲ ﻓﻲ ﺣﻠﺠﻪ ﻭﻫﻮ ﻳﻘﻌﺪ ﻋﻠﻰ ﺍﻟﻄﺎﻭﻟﺔ ..
ﺟﺮﺍﺡ ﻳﻮﻡ ﺷﺎﻓﻪ ﻗﺎﻋﺪ ﺍﺑﺘﺴﻢ ﻻﻧﻪ ﻛﺎﻥ ﺷﺎﻫﺪ ﻋﻠﻰ ﻛﻞ ﺍﻟﻠﻲ ﺻﺎﺭ
ﺑﻴﻦ ﺳﻤﺎﺀ ﻭﺧﺎﻟﺪ
ﺟﺮﺍﺡ : ﻭﻳﻦ ..؟؟ ﺗﻘﻮﻝ ﻣﺎ ﺗﺒﻲ ﺗﺎﻛﻞ؟؟؟
ﺧﺎﻟﺪ : ﺍﻧﻔﺘﺤﺖ ﺷﻬﻴﺘﻲ ..
ﺟﺮﺍﺡ : ﺍﻟﻠﻪ ﻟﻨﺎ ﻳﻤﺔ ﺍﻟﻠﻪ ﻟﻨﺎ .. ﻳﺎﻟﻠﻪ ﺑﺎﻟﺸﻬﻴﺔ ﺍﻟﻠﻲ ﺗﻨﻔﺘﺢ ..
ﺍﻡ ﺟﺮﺍﺡ ﺗﻨﺘﺒﻪ ﻟﺴﻤﺎﺀ ﺍﻟﻠﻲ ﺩﺧﻠﺖ ﺍﻟﻤﻄﺒﺦ ﻭﻭﻗﻔﺖ ﻳﻤﻬﺎ ﻋﻨﺪ ﺍﻟﻔﺮﻥ :
ﻳﻤﺔ ﺳﻤﺎﺀ ﻳﺎﻟﻠﻪ ﻗﻌﺪﻱ ...
ﺳﻤﺎﺀ : ............ ﺍﻥ ﺷﺎﺀ ﺍﻟﻠﻪ ..
ﺭﺍﺣﺖ ﻭﻗﻌﺪﺕ ﺳﻤﺎﺀ ﻋﻨﺪ ﺍﻟﺠﻬﺔ ﺍﻟﻴﺴﺎﺭ .. ﻣﺠﺎﺑﻠﻬﺎ ﺧﺎﻟﺪ ﻭﻋﻠﻰ ﻃﺮﻑ
ﺍﻟﻄﺎﻭﻟﺔ ﺟﺮﺍﺡ ﻭﻣﻦ ﺍﻟﻄﺮﻕ ﺍﻟﺜﺎﻧﻲ ﺍﻡ ﺟﺮﺍﺡ ... ﻭﻛﻞ ﻫﺬﺍ ﻣﺎ ﻏﺎﺏ ﻋﻦ
ﻋﻴﻮﻥ ﺟﺮﺍﺡ ﺍﻟﻠﻲ ﺷﻮﻱ ﻭﻳﻨﻔﺠﺮ ﻣﻦ ﺍﻟﻀﺤﻚ ﻟﻜﻦ ﻓﻲ ﻧﻔﺲ ﺍﻟﻮﻗﺖ
ﻳﺤﺲ ﺑﻌﺒﻖ ﺍﻟﺮﻭﻣﺎﻧﺴﻴﺔ ﻭﺍﻟﺤﻨﻴﻦ ﻻﻡ ﺍﻟﻌﻴﺎﻝ .. ﻃﺒﻌﺎ ﻣﻦ ﻏﻴﺮﻫﺎ ..
ﺍﻟﻤﻴﻴﻴﻢ .. ﺍﺍﺍﺥ ﻋﻠﻴﺞ ﻳﺎ ﻣﺮﻳﻢ ﺯﻣﺎﻧﻲ ... ﺍﺣﺒﺞ ...
------------
ﺧﻠﺺ ﺍﻟﻌﺸﺎ ﻭﺳﻤﺎﺀ ﺑﺎﻟﻐﺼﺐ ﻛﻠﺖ ﻟﻬﺎ ﻟﻘﻤﺔ ﻭﺣﺪﺓ ﻣﺜﻠﻬﺎ ﻣﺜﻞ ﺧﺎﻟﺪ ..
ﺍﻟﻠﻲ ﺍﺣﺘﺮﻡ ﻭﺟﻮﺩ ﺳﻤﺎﺀ ﻣﻌﺎﻫﻢ ﻓﻲ ﻣﻜﺎﻥ ﻭﺍﺣﺪ ﻭﻣﺎ ﺭﻓﻊ ﻋﻴﻮﻧﻪ ﻟﻬﺎ
ﺍﻻ ﻣﺮﺓ ﻭﺣﺪﺓ ﻳﻤﻜﻦ ... ﻭﺣﺲ ﺍﻟﻠﺤﻈﺔ ﻃﺎﻟﺖ ﺑﻬﺬﺍﻙ ﺍﻟﻮﻗﺖ .. ﺍﻫﻮ ﻣﺎ
ﻳﺒﻲ ﻳﻐﻠﻂ ﻓﻲ ﺣﻖ ﺳﻤﺎﺀ .. ﻭﻣﺎ ﻳﺒﻲ ﻳﺄﻟﻢ ﻗﻠﺒﻪ ﺍﻛﺜﺮ .. ﻫﺎﻟﻤﺮﺓ
ﺍﻟﻤﻨﺎﺳﺒﺔ ﺭﺍﺡ ﺗﻜﻮﻥ ﺍﻛﺒﺮ .. ﻫﺎﻟﺒﻨﺖ ﺍﺭﻓﻊ ﻣﻦ ﻣﻘﺎﻣﻪ ﺑﺄﻻﻑ ﺍﻟﺨﻄﻮﺍﺕ
ﻭﺍﻟﺪﺭﺟﺎﺕ .. ﻣﺎ ﺭﺍﺡ ﻳﻘﺪﺭ ﻳﺴﻮﻱ ﺷﻲ ﻭﻣﺴﺘﺤﻴﻞ ﺍﻫﻠﻬﺎ ﻳﻮﻗﻔﻮﻥ
ﻣﻌﺎﻩ ﻋﺸﺎﻥ ﻳﺎﺧﺬﻫﺎ .. ﻟﺤﻤﺎﻳﺘﻬﺎ ﻣﻨﻪ ﻭﻣﻦ ﻓﻘﺮﻩ ...
ﺍﻭﻭﻭﻭﻭﻭﻭﻭﻭﻑ ﺍﻧﺎ ﻟﻴﺶ ﺍﻓﻜﺮ ﺑﻬﺎﻻﺷﻴﺎﺀ .. ﺍﻧﺎ ﻣﺴﺘﺤﻴﻞ ﺍﺣﺐ
ﺳﻤﺎﺀ .. ﺳﻤﺎﺀ ﺣﻠﻮﺓ ﻭﺟﻤﻴﻠﺔ ... ﻭﺣﻠﻮﺓ ... ﻭﺟﻤﻴﻠﺔ ( ﻭﻋﻴﻮﻧﻪ ﺗﺒﻬﺖ
ﻋﻠﻰ ﺷﻜﻠﻬﺎ ﺍﻟﺠﻤﻴﻞ ) ﺣﻠﻮﺓ .... ﻭﺟﻤﻴﻠﺔ ﻟﻜﻦ ... ﻟﻜﻦ ﻻﺍﺍ ( ﻳﺸﺪ ﻋﻠﻰ
ﻋﻴﻮﻧﻪ ) ﻣﺴﺘﺤﻴﻞ ﺍﺣﺒﻬﺎ .... ﻣﺴﺘﺤﻴﻞ ﺍﺣﺒﻬﺎ ... ﺣﺒﻲ ﻟﻬﺎ ﻣﻌﺎﻧﺎﺓ ..
ﻭﺑﻌﺪﻳﻦ ﺍﻧﺎ ﻫﺎﻟﻜﺜﺮ ﻣﺨﻲ ﺻﻐﻴﺮ ﻣﺎ ﺍﻗﺪﺭ ﺍﻋﻴﺶ ﻣﻊ ﺑﻨﺖ ﻏﺮﻳﺒﺔ ﻋﻨﻲ
ﺍﻻ ﻭﻻﺯﻡ ﺍﺣﺒﻬﺎ؟؟ ﺻﺞ ﺍﻧﻲ ﻣﺘﺨﻠﻒ ﻋﻘﻠﻴﺎ .. ﻧﻘﺪﺭ ﻧﻜﻮﻥ ﺍﺻﺪﻗﺎﺀ ..
ﺃﻱ ﻧﻌﻢ .. ( ﻭﻫﻮ ﻳﺒﺘﺴﻢ ) ﺍﺻﺪﻗﺎﺀ ... ﺍﺣﻠﻰ ﺷﻲ ﻓﻲ ﻫﺎﻟﺪﻧﻴﺎ
ﺍﻟﺼﺪﺍﻗﺔ ... ﻭﺗﺬﻛﺮ ﻓﺠﺄﺓ ﺍﻟﻔﻠﻢ ﺍﻟﻬﻨﺪﻱ ﺍﻟﻠﻲ ﺟﺎﻓﻪ ﻗﺒﻞ ﻓﺘﺮﺓ ﻳﻮﻡ
ﺍﻟﻤﻤﺜﻞ ﻳﻘﻮﻝ .. (ﺍﻟﺤﺐ ﺻﺪﺍﻗﺔ .. ) ﻭﺑﻮﺯ ﻣﺮﺓ ﺛﺎﻧﻴﺔ ... ﻭﻛﻞ ﻫﺬﺍ
ﺗﺤﺖ ﻋﻴﻮﻥ ﺟﺮﺍﺡ ﺍﻟﻠﻲ ﻣﺎ ﻳﺼﺪﻕ ﺍﻟﻔﻠﻢ ﺍﻟﻠﻲ ﻳﺠﻮﻓﻪ ﻓﻲ ﻭﻳﻪ ﻭﻟﺪ
ﺧﺎﻟﺘﻪ ...
ﺟﺮﺍﺡ : ﺧﺎﻟﺪ .. ﺧﻠﺺ ﺍﻟﻔﻠﻢ ﻭﻻ ﺷﻨﻮ؟
ﺍﻧﺘﺒﻬﺖ ﻟﻪ ﺳﻤﺎﺀ ﻭ ﺧﺎﻟﺪ ﺑﻌﻴﻮﻥ ﺣﻴﺮﺍﻧﺔ : ﻫﺎ؟؟؟
ﺟﺮﺍﺡ : ﺍﻟﻔﻠﻢ ﺍﻟﻠﻲ ﻭﻳﻬﻚ ﻣﻨﻈﺮﺗﻪ ﺧﻠﺺ ﻭﻻ ﺷﻨﻮ (ﻭﻫﻮ ﻳﺸﺮﺏ
ﺍﻟﻌﺼﻴﺮ )؟
ﺧﺎﻟﺪ ﻭﻫﻮ ﻳﻘﻮﻡ : ﺗﺴﻠﻤﻴﻦ ﺧﺎﻟﺘﻲ ... ﺍﻟﻌﺸﺎ ﻛﺎﻥ ﻋﺠﻴﺐ ... ﺍﻟﺤﻤﺪ ﻟﻠﻪ
ﺭﺏ ﺍﻟﻌﺎﻟﻤﻴﻦ ..
ﻭﻋﻠﻰ ﻃﻮﻝ ﻗﺎﻡ ﻣﻦ ﻣﻜﺎﻧﻪ ﻭﻫﻮ ﻣﺘﻈﺎﻳﻖ ﺑﺎﻟﺤﻴﻞ ﻣﻦ ﻧﻔﺴﻪ ..
ﺷﻬﺎﻟﺤﺎﻟﺔ ﻳﺎ ﺭﺑﻲ ﺍﻧﺎ ﻣﺎ ﻳﺼﻴﺮ ﻣﺎ ﺍﺿﺒﻂ ﻧﻔﺴﻲ ﺟﺪﺍﻡ ﺍﻟﻨﺎﺱ .. ﻭﺍﻟﻠﻪ
ﺍﻧﺎ ﻣﺎ ﺍﺳﺘﺎﻫﻞ ﺍﻟﻠﻲ ﻳﺼﻴﺒﻨﻲ .. ﺍﻭﻭﻭﻭﻭﻑ
ﺳﻤﺎﺀ ﺍﻟﻠﻲ ﺗﻈﺎﻳﻘﺖ ﻳﻮﻡ ﻗﺎﻡ ﺧﺎﻟﺪ ﻣﻦ ﻣﻜﺎﻧﻪ .. ﻻﺣﻈﺘﻪ ﻣﺎ ﻛﺎﻥ
ﻣﻌﺒﺮﻫﺎ ﻋﻠﻰ ﺍﻟﻄﺎﻭﻟﺔ ﻭﻗﺎﻡ ﺑﺴﺮﻋﺔ ﻣﻦ ﺧﻠﺺ .. ﻭﺑﻨﻔﺲ ﺍﻟﻮﻗﺖ
ﻻﺣﻈﺖ ﺍﻧﻪ ﻣﺎ ﺍﻛﻞ ﺍﻻ ﺍﻟﺒﺴﻴﻂ ... ﻭﺗﻤﺖ ﻣﺘﻈﺎﻳﻘﺔ ﻣﻦ ﻧﻔﺴﻬﺎ ﻭﺍﻫﻲ
ﺗﺴﺎﻋﺪ ﺍﻡ ﺟﺮﺍﺡ ﻓﻲ ﺍﻟﺼﺤﻮﻥ ﺍﻟﻠﻲ ﻋﻠﻰ ﺍﻟﻄﺎﻭﻟﺔ ﻭﻳﻮﻡ ﺧﺬﺕ ﺻﺤﻦ
ﺟﺮﺍﺡ ... ﻫﻤﺲ ﻟﻬﺎ
ﺟﺮﺍﺡ : ... ﻣﺎ ﻋﻠﻴﺞ ﻣﻨﻪ ... ﺍﻫﻮ ﻣﺘﺤﻴﺮ ﻫﺬﺍ ﻛﻞ ﺷﻲ ... ﺗﻌﺮﻓﻴﻦ
ﺍﻟﻮﺍﺣﺪ ﻣﻮ ﻛﻞ ﻳﻮﻡ ﻳﺸﻬﺪ ﺟﻤﺎﻝ ﻣﺜﻞ ﺟﻤﺎﻟﺞ؟؟
ﻭﻫﻮ ﻳﺒﺘﺴﻢ ﻟﻬﺎ ﻭﺳﻤﺎﺀ ﺍﻟﻠﻲ ﺍﻧﺤﺮﺟﺖ ﻣﻦ ﺍﻃﺮﺍﺀ ﺟﺮﺍﺡ ﺣﺴﺖ
ﺑﺎﻟﺮﺍﺣﺔ ﺍﻟﻨﺴﺒﻴﺔ ﺑﺲ ﺑﻌﺪ .. ﺍﻫﻲ ﻣﺘﻌﺠﺒﺔ ﻣﻦ ﺍﻟﺤﻮﺍﺟﺰ ﺍﻟﻠﻲ ﻳﺤﻄﻬﺎ
ﺧﺎﻟﺪ ﺑﻴﻨﻬﺎ ﻭﺑﻴﻨﻪ .. ﻛﻞ ﻫﺬﺍ ﻋﺸﺎﻥ ﺍﻧﻲ ﻣﻮ ﻣﺘﺤﺠﺒﺔ ﺍﻭ ﺍﻧﻲ ﺍﻟﺒﺲ
ﺍﺷﻴﺎﺀ ﻣﺎ ﺗﻌﺠﺒﻪ؟؟؟ ﻣﺎﻇﻦ ﺍﻥ ﻫﺬﺍ ﺍﻟﺴﺒﺐ ﻛﻠﻪ .. ﻟﻴﺶ ﺍﻫﻮ ﻣﺒﺘﻌﺪ
ﻋﻨﻲ ﺟﺬﻱ؟؟؟
ﻃﻠﻊ ﺧﺎﻟﺪ ﻭﻃﻠﻊ ﻭﺭﺍﻩ ﺟﺮﺍﺡ ﻭﻫﻮ ﻳﺤﻤﻞ ﺗﻔﺎﺣﺔ ﺑﻴﺪﻩ .. ﻳﻘﻀﻤﻬﺎ ﺑﻜﻞ
ﺷﺮﺍﻫﺔ ﻭﻫﻮ ﻳﺮﺍﻗﺐ ﻣﻼﻣﺢ ﺧﺎﻟﺪ ﺍﻟﻠﻲ ﻭﻗﻒ ﻋﻨﺪ ﺍﻟﺘﻠﻔﺰﻳﻮﻥ ﻭﺣﻤﻞ
ﺍﺟﻬﺰﺓ ﺍﻟﺘﺤﻜﻢ .. ﻋﺎﺩ ﺍﻧﻪ ﺑﻄﺎﻟﻊ ﺍﻟﺘﻠﻔﺰﻳﻮﻥ .. ﺷﻲ ﻻﺯﻡ ﺗﻌﺮﻓﻮﻧﻪ ﻋﻦ
ﺧﺎﻟﺪ .. ﺍﻫﻮ ﻣﺠﻨﻮﻥ ﺍﻓﻼﻡ ﻫﻨﺪﻳﺔ ﻟﺬﺍ ﻻ ﻗﻌﺪ ﻳﻄﺎﻟﻊ ﺷﻲ ﻓﻼﺯﻡ
ﻳﻜﻮﻥ ﻫﻨﺪﻱ .. ﺧﻠﻴﺠﻲ ﻣﺎﻋﻠﻴﻪ ﺷﺮﻩ ﻣﺘﺎﺛﺮ .. ﻭﻣﻦ ﻣﺎ ﻳﺘﺎﺛﺮ ...
ﺟﺮﺍﺡ ﻭﻫﻮ ﻳﻨﺴﺪﺡ ﻋﻠﻰ ﺍﻟﻜﺮﺳﻲ ﺍﻟﻠﻲ ﻣﺠﺎﺑﻠﻪ : ﺧﻠﻮﺩ ﺗﺮﻯ ﺍﻻﺳﺒﻮﻉ
ﺍﻟﻴﺎﻱ ﺑﻴﻮﻭﻥ ﺍﻟﻤﺘﻌﻬﺪﻳﻦ ﻳﺒﺪﻭﻥ ﺍﻟﺸﻘﻞ ..
ﺧﺎﻟﺪ ﻭﻫﻮ ﺳﺮﺣﺎﻥ : ﺍﻫﺎ ...
ﺟﺮﺍﺡ ﻳﺮﻓﻊ ﺣﺎﺟﺒﻪ ﻣﻦ ﺳﺮﺣﺎﻥ ﻭﻟﺪ ﺧﺎﻟﺘﻪ .. ﻭﺑﺪﻯ ﻳﺨﺘﺒﺮﻩ : ﻳﺒﻮﻥ
ﻣﻨﻚ ﻣﻘﺪﻡ 4000 ﺩﻳﻨﺎﺭ ..
ﺧﺎﻟﺪ : ﺍﻭﻛﻴﻪ ..
ﺟﺮﺍﺡ ﻳﺒﺘﺴﻢ ﻭﺍﻟﻀﺤﻜﺔ ﻣﺎﻟﻴﻪ ﻭﻳﻬﻪ : ﻭﻻﺯﻡ ﺗﻠﺒﺲ ﺑﺪﻟﺔ ﺭﻗﺺ ﺷﺮﻗﻲ
ﻭﺗﻬﺰ ﻳﺎ ﻭﺯ
ﺧﺎﻟﺪ : ﺍﻭﻛﻴﻪ .. (ﺍﻧﺘﺒﻪ ) ﻫﺎ؟؟؟؟؟ ﺷﺘﺨﺮﺑﻂ ﺍﻧﺖ؟
ﺟﺮﺍﺡ : ﻻ ﺑﺲ .. ﺍﺧﺘﺒﺮﻙ ... ﺍﺷﻮﻓﻚ ﻭﻳﺎﻱ ﻭﻻ ﻻﺀ ..
ﺧﺎﻟﺪ : ﺍﻧﺎ ﻭﻳﺎﻙ ﻓﻠﺬﺍ ﺧﻞ ﻋﻨﻚ ﺍﻟﺴﺨﺎﻓﺔ ﺯﻳﻦ ..؟
ﺟﺮﺍﺡ ﻳﻘﻠﺪ ﻋﻠﻰ ﻧﺒﺮﺓ ﺻﻮﺕ ﺧﺎﻟﺪ : ﺯﻳﻦ ... ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﺑﻌﺪ ﻓﺘﺮﺓ ﺻﻤﺖ ﻭﻋﻴﻮﻥ ﺧﺎﻟﺪ ﻛﻞ ﺷﻮﻱ ﺗﺘﺴﻠﻞ ﻟﻠﻤﻄﺒﺦ ... ﻭﻳﻨﻬﺎ
ﻣﻨﺨﺸﺔ ﻫﻨﺎﻙ ...
ﺟﺮﺍﺡ : ﺗﺮﻯ ﺍﻟﻮﻗﺖ ﺗﺎﺧﺮ .. ﻭﺍﻧﺎ ﺑﺮﻭﺡ ﺍﻧﺎﻡ ..
ﺧﺎﻟﺪ : ﺗﺮﻯ ﺍﺧﺮ ﺍﻟﺠﻴﺮﺍﻥ ﻣﺎ ﻋﺮﻓﻮ ﺑﻬﺎﻟﺴﺎﻟﻔﺔ ﺗﺒﻴﻨﻲ ﺍﺭﻭﺡ ﺍﺧﺒﺮﻫﻢ ....
ﺧﻴﺮ ﻳﺎ ﻃﻴﺮ ﻳﻌﻨﻲ ﺑﺘﺮﻭﺡ ﺗﻨﺎﻡ ﺗﺼﺒﺢ ﻋﻠﻰ ﺧﻴﺮ ..
ﺟﺮﺍﺡ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﺎﻱ ﺣﻠﻮﻭﻭﻭﻭﻭﺓ ﻳﺎ ﺟﻤﻴﻞ .. ﺣﻠﻮﺓ
ﻣﻨﻚ .. ﺑﺲ ﺣﺎﺳﺐ ﻋﻠﻰ ﻋﻤﺮﻙ ﻻ ﺗﻄﻴﺮ ..
ﺧﺎﻟﺪ : ﻫﺎ ﻫﺎ ﻫﺎ ...
ﻳﻄﻞ ﺟﺮﺍﺡ ﺑﻌﻴﻮﻧﻪ ﺩﺍﺧﻞ ﺍﻟﻤﻄﺒﺦ ﻭﻳﺎﻛﻞ ﺍﻟﺘﻔﺎﺡ : ﺗﺮﻯ ﻣﺎ ﺑﺘﻴﻲ ﻟﻚ
ﺑﺮﻳﻠﻬﺎ ..
ﺧﺎﻟﺪ : ﺷﻨﻬﻮ؟؟؟؟
ﺟﺮﺍﺡ ﻳﺮﻓﻊ ﺣﻮﺍﺟﺒﻪ : ﺳﻤﺎﺀ !!. ﻣﺎ ﺑﺘﻴﻲ ﻟﻚ ﺑﺮﻭﺣﻬﺎ .. ﺍﻟﺒﻨﺖ ﺭﻭﺣﻬﺎ
ﻋﺰﻳﺰﺓ ..
ﺧﺎﻟﺪ : ﻭﻣﻦ ﻗﺎﻟﻚ ﺍﻧﻲ ﺍﺑﻴﻬﺎ ﺍﺗﻲ .. ﻭﺭﻭﺣﻬﺎ ﻋﺰﻳﺰﺓ ﺍﺣﺴﻦ ﻟﻬﺎ ﻋﻴﻞ
ﺗﻘﻂ ﺭﻭﺣﻬﺎ ﻋﻠﻰ ﺍﻟﻠﻲ ﻳﺴﻮﻯ ﻭﺍﻟﻠﻲ ﻣﺎ ﻳﺴﻮﻯ؟
ﺟﺮﺍﺡ ﻭﻫﻮ ﻣﻨﺸﻐﻞ ﺑﺎﻟﺘﻔﺎﺣﺔ : ﻻ ﺑﺲ ﺍﻗﻮﻝ ﻟﻚ ....... ﻻﻧﻬﺎ
ﻣﺎﺗﺘﻀﻴﻊ .. ﻭﺑﻨﺖ ﻣﺜﻠﻬﺎ ﺗﺴﺎﻭﻱ ﺑﻨﺎﺕ ﺍﻟﻌﺎﻟﻢ ﻛﻠﻬﻢ ... ﺍﻻ ﻭﺣﺪﺓ ﻳﻌﻨﻲ
( ﺑﺎﺑﺘﺴﺎﻣﺔ ﻧﺎﺻﻌﺔ )
ﺧﺎﻟﺪ ﻭﻫﻮ ﻳﻨﺎﻇﺮﻫﺎ ﺑﺤﺴﺮﺓ ﻣﻦ ﺩﺍﺧﻞ ﺍﻟﻤﻄﺒﺦ : ﻭﺍﻧﺎ ﻣﺎ ﺣﻄﻴﺘﻬﺎ ﻓﻲ
ﺑﺎﻟﻲ ﻋﺸﺎﻥ ﺍﻧﻬﺎ ﺗﻀﻴﻊ ﻣﻦ ﻳﺪﻱ ﻋﻠﻰ ﻗﻮﻟﺘﻚ ...... (ﺑﻨﺒﺮﺓ ﺣﺰﻳﻨﺔ
ﻭﻫﻮ ﻣﻮﻃﻲ ﺭﺍﺳﻪ ) ﺍﻟﻠﻪ ﻳﻮﻓﺠﻬﺎ ﻓﻲ ﺣﻴﺎﺗﻬﺎ .. ﺗﺴﺘﺎﻫﻞ ﻛﻞ ﺍﻟﺨﻴﺮ ..
ﺟﺮﺍﺡ ﺍﻟﻠﻲ ﺗﻈﺎﻳﻖ ﻣﻦ ﺻﺪ ﺧﺎﻟﺪ ﺍﻟﻤﺴﺘﻤﺮ ﻟﺴﻤﺎﺀ .. ﺍﻫﻮ ﻳﻌﺮﻑ ﺍﻧﻬﺎ
ﺍﻟﺒﻨﺖ ﺍﻟﻤﻨﺎﺳﺒﺔ ﻟﻪ ﻟﻮ ﺷﻨﻮ ﺳﻮﻯ .. ﻟﻜﻦ ﺍﻟﻐﺒﻲ ﻏﺒﻲ .. ﻭﻳﻤﻜﻦ ﺍﻫﻮ
ﻳﻔﻀﻞ ﺍﻧﻪ ﻳﻨﺎﻡ ﻋﻠﻰ ﻭﺫﻧﻪ ..
ﻭﻗﺎﻡ ﺟﺮﺍﺡ ﻣﻦ ﻣﻜﺎﻧﻪ ﻭﺭﺍﺡ ﻭﻗﻒ ﻋﻨﺪ ﺧﺎﻟﺪ ﻭﺑﻬﻤﺲ ﻓﻲ ﺍﺫﻧﻪ :
ﺧﺎﻟﺪ ... ﻻ ﺗﻌﺎﻧﺪ .. ﺍﻟﺒﻨﺖ ﺗﺒﻴﻚ .. ﺑﺲ ﺍﻧﺖ ﻻﺯﻡ ﺗﺤﻄﻬﺎ ﻓﻲ ﺑﺎﻟﻚ
ﻗﺒﻞ .. ﻭﺍﻧﺎ ﺍﺩﺭﻱ ﺍﻧﻬﺎ ﻓﻲ ﺑﺎﻟﻚ ... (ﻭﻳﺎﺷﺮ ﻋﻠﻰ ﻗﻠﺐ ﺧﺎﻟﺪ ) ﻭﻓﻲ
ﻗﻠﺒﻚ ... ﺍﻧﺴﻰ ﻓﺎﺗﻦ ... ﻭﻣﺎ ﺭﺍﺡ ﻳﺼﻴﺮ ﻟﻚ ﻭﻳﺎﻫﺎ ﺍﻟﻠﻲ ﺻﺎﺭ ﻭﻳﺎ
ﻓﺎﺗﻦ ﻻﻥ ﻋﻼﻗﺘﻜﻢ ﻛﺎﻧﺖ ﻣﺴﺘﺤﻴﻠﺔ .. ﻟﻜﻦ ﻫﺬﻱ ...
( ﻳﺎﺷﺮ ﻋﻠﻰ ﺳﻤﺎﺀ )
ﺍﻫﻲ ﺍﻟﺒﻴﺖ ﻭﺍﻟﺤﻈﻦ ﺍﻟﺪﺍﻓﻲ ﻭﺍﻟﺒﻠﺪ ﺍﻟﻠﻲ ﺍﻧﺖ ﻛﻨﺖ ﺗﻨﺸﺪﻩ .. ﻭﺗﻨﺎﺟﻴﻪ
ﺑﻌﻴﻮﻧﻚ ﻟﻠﻨﺎﺱ ﺍﻟﻐﻠﻂ .. ﺍﻟﻠﻲ ﺣﺴﻴﺘﻪ ﺣﺘﻰ ﺑﻜﻮﻧﻚ ﺑﻴﻨﻨﺎ ﻭﺑﻮﺳﻄﻨﺎ ..
ﺍﺑﺘﺴﻢ ﺟﺮﺍﺡ ﻟﺨﺎﻟﺪ ﺍﻟﻠﻲ ﻛﺎﻥ ﻣﻨﺪﻫﺶ ﻣﻦ ﻛﻼﻡ ﺟﺮﺍﺡ ... ﺻﻌﺐ
ﻫﺎﻻﻧﺴﺎﻥ ﻳﻌﺮﻑ ﻛﻞ ﺷﻲ .. ﻣﺴﺘﺤﻴﻞ ﻳﻌﻨﻲ ﺷﻠﻮﻥ ﻳﻌﺮﻑ ﻣﺜﻞ
ﻫﺎﻻﻣﻮﺭ ﺍﻟﻠﻲ ﺗﻈﻞ ﻓﻲ ﻗﻠﺐ ﺍﻻﻧﺴﺎﻥ ﻭﻣﺎ ﻳﺘﺠﺮﻯ ﺍﻟﻠﺴﺎﻥ ﻳﻘﻮﻟﻬﺎ ..
ﺟﺮﺍﺡ ﻳﺼﻮﺕ ﺑﻌﺎﻟﻲ ﺻﻮﺗﻪ : ﻳﻤﺔ .. ﺳﻤﻮﻭﻭﻱ .. ﺍﻧﺎ ﺑﻌﺘﺰﻝ ﻭﺑﺮﻭﺡ
ﺍﻧﺎﺍﺍﺍﺍﺍﺍﻡ .. ﺗﺼﺒﺤﻮﻥ ﻋﻠﻰ ﺧﻴﺮ
ﺍﻡ ﺟﺮﺍﺡ : ﻭﺍﻧﺖ ﻣﻦ ﺍﻫﻞ ﺍﻟﺨﻴﺮ ﻳﻤﻪ
ﺳﻤﺎﺀ ﺍﻟﻠﻲ ﻛﺎﻧﺖ ﻗﺮﻳﺒﺔ ﻣﻦ ﺍﻟﺒﺎﺏ : ﺗﻼﻗﻲ ﺧﻴﺮ ...
ﺟﺮﺍﺡ ﻳﻜﻠﻢ ﺧﺎﻟﺪ ﻭﻫﻮ ﻳﺮﻛﺐ ﺍﻟﺪﺭﻱ : ﺗﺼﺒﺢ ﻋﻠﻰ ﺧﻴﺮ ...
ﺧﺎﻟﺪ ﻭﻛﺄﻧﻪ ﻳﻌﻴﺪ ﻛﻼﻡ ﺳﻤﺎﺀ : .... ﺗﻼﻗﻲ ﺧﻴﺮ ..
ﺍﻡ ﺟﺮﺍﺡ ﺗﺴﻮﻟﻒ ﻭﻳﺎ ﺳﻤﺎﺀ ﺍﻟﺸﺎﺭﺩﺓ ﻓﻲ ﺍﻟﻤﻄﺒﺦ : ﻳﻤﺔ ﺳﻤﺎﺀ ﺍﻣﺞ
ﻣﺘﻰ ﺑﺘﺮﺩ ﻣﻦ ﺍﻟﺴﻔﺮ؟
ﺳﻤﺎﺀ ..: ﻫﺎﺍﺍ؟؟
ﺗﻠﺘﻔﺖ ﺍﻻﻡ ﻟﺴﻤﺎﺀ : ﻳﻤﺔ ﻋﻼﻣﺞ ﺍﺣﺎﺟﻴﺞ ...
ﺳﻤﺎﺀ ﺗﻨﺘﺒﻪ : ﻫﻼ ﺧﺎﻟﺘﻲ ... ﺷﺘﻘﻮﻟﻴﻦ؟؟
ﺍﻡ ﺟﺮﺍﺡ : ﺍﻗﻮﻝ ﻟﺞ ﻣﺘﻰ ﺑﺘﺮﺩ ﺍﻣﺞ ﻣﻦ ﺍﻟﺴﻔﺮ ...
ﺳﻤﺎﺀ : ﻳﻤﻜﻦ ﺑﺎﺟﺮ ﻭﻻ ﺑﻌﺪ ﺑﺎﺟﺮ .. ﺍﺗﺼﻠﺖ ﺍﻫﻲ ﻭﻗﺎﻟﺖ ﻟﻠﺨﺎﺩﻣﺔ
ﺍﻣﺲ ..
ﺍﻡ ﺟﺮﺍﺡ : ﻳﻤﺔ ﻻﺯﻡ ﺗﺰﻫﺒﻴﻦ ﻟﻬﺎ ﺍﻟﺒﻴﺖ .. ﻣﺎ ﻳﺼﻴﺮ ﺍﻛﻴﺪ ﺑﺘﺮﺩ ﻭﺍﻫﻲ
ﺗﻌﺒﺎﻧﺔ ﻣﺎ ﺗﻘﺪﺭ ﻋﻠﻰ ﺯﻫﺎﺑﻪ ﺑﺮﻭﺣﻪ .. ﺑﻴﻮﻭﻧﻜﻢ ﻇﻴﻮﻑ ﻭﺯﻭﺍﺭ .. ﻻﺯﻡ
ﺍﻻﺻﻮﻝ ﻭﺍﻻﺗﻴﻜﻴﺖ ..
ﺳﻤﺎﺀ ﺑﺎﺑﺘﺴﺎﻣﺔ : ﻋﺎﺩ ﺧﺎﻟﺘﻲ ﺷﻴﻨﻈﻔﻮﻥ ﻓﻲ ﺍﻟﺒﻴﺖ ﺩﻭﻣﻪ ﻧﻈﻴﻒ ﻭﺍﻥ
ﺟﺎﻥ ﻋﻠﻰ ﺍﻟﺨﺎﺩﻣﺔ ﺧﻠﻴﻬﺎ ﺗﺤﻠﻞ ﻣﻌﺎﺷﻬﺎ ﺗﺴﺘﻠﻢ ﺍﻛﺜﺮ ﻣﻦ ﺍﻟﻤﻮﻇﻒ
ﺍﻟﺤﻜﻮﻣﻲ ﺷﺘﺒﻲ ﺑﻌﺪ .. ﺑﻴﺖ ﺗﺤﺖ ﺍﻣﺮﺗﻬﺎ ﻭﺗﺼﺮﻓﻬﺎ ﻣﻦ ﻗﺪﻫﺎ؟؟
ﺍﻡ ﺟﺮﺍﺡ : ﺑﺲ ﻳﻤﺔ ﻳﺪ ﻋﻦ ﻳﺪ ﺗﻔﺮﻕ ... ﻳﺪ ﺣﺮﻣﺔ ﺍﻟﺒﻴﺖ ﺗﺰﻳﻦ
ﺍﻟﺒﻴﺖ .. ﻭﻫﺎﻟﺨﺎﺩﻣﺎﺕ ﻣﺎ ﻋﻨﺪﻫﻢ ﻫﺎﻟﻠﻤﺴﺔ ..
ﺳﻤﺎﺀ : ﻳﻌﻨﻲ ﺧﺎﻟﺘﻲ ﺍﻧﺎ ﺍﻟﻠﻲ ﺍﻋﺮﻑ
ﺍﻡ ﺟﺮﺍﺡ : ﻻ ﻳﻤﺔ ﻣﺎ ﻗﻠﺖ ﻟﺞ ﺟﺬﻱ .. ﺍﺩﺭﻱ ﻓﻴﺞ ﺑﻌﺪﺝ ﺻﻐﻴﺮﺓ ﺑﺲ
ﺍﻻﻧﺴﺎﻥ ﻳﺘﻌﻠﻢ ﻣﻦ ﺍﻫﻮ ﺻﻐﻴﺮ ﻋﺸﺎﻥ ﻻ ﻛﺒﺮ ﻳﻜﻮﻥ ﻣﺘﻘﻦ ﻟﻠﺸﻲ ..
ﺳﻤﺎﺀ ﺗﻨﺎﻇﺮ ﺍﻡ ﺟﺮﺍﺡ ﺑﺎﺑﺘﺴﺎﻣﺔ ﻛﺒﻴﺮﺓ ﻭﺍﻡ ﺟﺮﺍﺡ ﻣﺴﺘﻐﺮﺑﺔ؟؟
ﺍﻡ ﺟﺮﺍﺡ : ﻫﻮ؟؟ ﻋﻼﻣﺞ ﺗﻄﺎﻟﻌﻴﻴﻨﻲ ﺟﺬﻱ ..؟
ﺳﻤﺎﺀ : ﺧﺎﻟﺘﻲ ... ﺍﻧﺘﻲ ﺍﻧﺴﺎﻧﺔ ﻛﻠﺶ ﻛﻠﺶ ﺭﺍﻗﻴﺔ ﺗﺪﺭﻳﻦ ... ﻭﺍﻳﺪ ﻫﺎﻳﺪ
ﺳﺘﺎﺍﺍﺍﻧﺪ ..
ﺍﻡ ﺟﺮﺍﺡ : ﺷﻬﺎﻱ ﺳﺘﺎﻧﺪﻩ ﺑﻌﺪ؟؟
ﺳﻤﺎﺀ : ﻳﻌﻨﻲ ... ﻓﻴﺞ ﺳﻤﻮﻭﻭ ﻭﻣﻘﺎﻣﺞ ﺭﻓﻴﻊ .... ﺍﺫﺍ ﻛﺒﺮﺕ .. ﺍﺑﻲ
ﺍﻛﻮﻥ ﻣﺜﻠﺞ ... ﺑﻴﺖ ﺣﻤﻴﻢ ﻭﻋﻴﺎﻝ ﻃﻴﺒﻴﻦ ... ﻭﻗﻠﺐ ﻣﺜﻞ ﺍﻟﺬﻫﺐ
ﺍﻡ ﺟﺮﺍﺡ ﺍﺑﺘﺴﻤﺖ ﻟﺴﻤﺎﺀ ﺑﺤﺐ : ﻭﻱ ﻓﺪﻳﺖ ﻗﻠﺒﺞ ﻳﺎ ﻋﻤﺮﻱ .. ﺍﻧﺎ
ﺟﺬﻱ؟؟
ﺳﻤﺎﺀ : ﻣﻮ ﺑﺲ ﺟﺬﻱ ﺍﻻ ﺟﺬﻱ ﻭﺟﺬﻱ ﻭﺟﺬﻱ ﻭﻧﺺ ﺑﻌﺪ ...
ﺍﻡ ﺟﺮﺍﺡ ﺗﻠﻢ ﺳﻤﺎﺀ : ﻳﺎ ﺑﻌﺪ ﻗﻠﺒﻲ ﻫﺎﻟﻨﺘﻔﺔ ..
ﺳﻤﺎﺀ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻩ
ﺑﻌﺪ ﺳﺎﻋﺔ ﻣﻦ ﺍﻟﺰﻣﻦ ...
ﺧﺎﻟﺪ : ﻳﺎﻟﻠﻪ ﺧﺎﻟﺘﻲ ﺗﺼﺒﺤﻴﻦ ﻋﻠﻰ ﺧﻴﺮ ..
ﺍﻻ ﻭﺍﻡ ﺟﺮﺍﺡ ﻃﺎﻟﻌﺔ ﻣﻦ ﺍﻟﻤﻄﺒﺦ ﻭﻳﺎﻫﺎ ﺳﻤﺎﺀ : ﺗﻠﻘﻰ ﺧﻴﺮ ﻳﻤﺔ ..
ﻭﻛﺎﻧﺖ ﻻﺑﺴﺔ ﻋﺒﺎﺗﻬﺎ ﻋﻠﻰ ﺭﺍﺳﻬﺎ ﺍﻟﻠﻲ ﺗﻄﻠﻊ ﻓﻴﻬﺎ ﺑﺎﻟﻔﺮﻳﺞ ....
ﻭﺍﺳﺘﻐﺮﺏ ﺧﺎﻟﺪ
ﺧﺎﻟﺪ : ﻋﻠﻰ ﻭﻳﻦ؟؟
ﺍﻡ ﺟﺮﺍﺡ : ﺑﻮﺻﻞ ﺳﻤﺎﺀ ﻟﺒﻴﺘﻬﻢ؟؟
ﺧﺎﻟﺪ : ﻭﻳﻦ ﺑﻴﺘﻬﻢ ﻓﻲ ﺑﻠﺠﻴﻜﺎ ﺍﻻ ﺣﺬﻓﺔ ﺣﺼﺎﺍﻩ ..
ﺍﻡ ﺟﺮﺍﺡ ﺑﺼﺪﻣﺔ : ﻭﻳﻪ .. ﺍﻟﺴﺎﻋﺔ ﻋﺸﺮ ﺍﻟﺤﻴﻦ ﻭﻳﻦ ﺣﺬﻓﻪ ﺣﺼﺎﻩ ..
ﻻﺯﻡ ﺍﻟﺒﻨﺖ ﺍﻣﺎﻧﺔ ﻓﻲ ﺭﻗﺎﺑﻨﺎ ...
ﺧﺎﻟﺪ : ﺑﺲ ﻋﻴﻞ ﺧﻠﺞ ﻓﻲ ﺍﻟﺒﻴﺖ ﻣﺎ ﻳﺼﻴﺮ ﺗﻈﻬﺮﻳﻦ ﺍﻧﺎ ﺍﻭﺻﻠﻬﺎ ..
ﺳﻤﺎﺀ ﻓﺮﺣﺖ ... ﺑﻴﻮﺻﻠﻨﻲ .. ﻳﺎﻭﻳﻞ ﻗﻠﺒﻲ ..
ﺍﻡ ﺟﺮﺍﺡ : ﻻ ﻳﻤﺔ ﻣﺎ ﻳﺼﻴﺮ ﺍﻧﺖ ﺗﻌﺒﺎﻥ ﻭﺑﻌﺪﻳﻦ ﺍﻻ ﺟﺮﻳﺐ ﻣﻨﺎ ﻣﺎ
ﺑﻴﺎﺧﺬ ﻣﻨﻲ ﻭﻗﺖ ..
ﻳﺴﺤﺐ ﺧﺎﻟﺪ ﺍﻟﻌﺒﺎﻳﺔ ﻣﻦ ﻋﻠﻰ ﺭﺍﺱ ﺍﻡ ﺟﺮﺍﺡ : ﻳﺎﻟﻠﻪ ﻋﺎﺩ .. ﺻﺞ ﺍﻥ
ﺍﻟﻄﺮﻳﺞ ﺫﺑﺤﺘﺞ .. ﻳﺎﻟﻠﻪ ﺩﺍﺧﻞ ﻣﺎ ﻋﻨﺪﻧﺎ ﺣﺮﻳﻢ ﻳﻄﻠﻌﻮﻥ ﺑﺎﻧﺼﺎﺹ
ﺍﻟﻠﻴﺎﻟﻲ .. ﻫﺎﻭ ﺷﺘﺒﻴﻦ ﺍﻟﻨﺎﺱ ﺗﻘﻮﻝ ﻋﻨﺎ ..؟؟
ﺍﻡ ﺟﺮﺍﺡ : ﺧﻠﻮﻭﻭﺩ
ﺧﺎﻟﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺃﻱ ﻭﺍﻟﻠﻪ ﻣﻴﺘﺔ ﻋﻠﻰ ﺍﻟﺴﻜﺔ ..
ﺧﻠﻴﻨﻲ ﺍﻧﺎ ﺑﻈﻬﺮﻫﺎ ﻭﺍﻧﺘﻲ ﻣﺎ ﻋﻠﻴﺞ ..
ﺍﻡ ﺟﺮﺍﺡ : ﺑﺲ ﻫﺎﺍ ... ﺍﻥ ﻇﻴﻘﺖ ﺑﻬﺎ ﺍﻻ ...
ﺧﺎﻟﺪ ﻳﻘﻄﻌﻬﺎ : ﻣﺎ ﺑﻴﻴﻴﻴﻴﻴﻴﻈﺞ ﺑﻬﺎ ... ﻭﺍﺻﻼ ( ﻭﻫﻮ ﻳﺮﻓﻊ ﺣﻮﺍﺟﺒﻪ
ﻓﻲ ﻭﻳﻪ ﺳﻤﺎﺀ ) ﺍﻧﺎ ﻣﺎﻟﻲ ﺧﻠﻖ ..
ﺳﻤﺎﺀ ﺑﺪﻫﺸﺔ ﻭﻫﻲ ﺗﺒﺎﺩﻟﻪ ﺍﻟﻘﺰﺯ : ﻭﻱ ﻋﺎﺩ ﺍﻧﺎ ﺍﻟﻠﻲ ﻟﻲ ﺧﻠﻖ ....
ﺧﺎﻟﺪ ﻳﻔﺞ ﻋﻴﻮﻧﻪ ﺑﻮﻳﻬﻬﺎ : ﺷﺘﻘﻮﻟﻴﻦ؟؟
ﺍﻡ ﺟﺮﺍﺡ ﺍﻟﻠﻲ ﺗﺨﺒﺖ ﺳﻤﺎﺀ ﻭﺭﺍﻫﺎ : ﻣﺎ ﺗﻘﻮﻝ ﺷﻲ ﻳﺎﻟﻠﻪ ﻋﺎﺩ ﻭﺻﻞ
ﺍﻟﺒﻨﺖ ...
ﺧﺎﻟﺪ : ﺍﻥ ﺷﺎﺀ ﺍﻟﻠﻪ ... ( ﻭﻳﻨﺎﻇﺮ ﺳﻤﺎﺀ ) ﺟﺪﺍﻣﻲ؟؟
ﺳﻤﺎﺀ : ﺍﻥ ﺷﺎﺀ ﺍﻟﻠﻪ .... ﺗﺼﺒﺤﻴﻦ ﻋﻠﻰ ﺧﻴﺮ ﺧﺎﻟﺘﻲ .. (ﻭﻫﻲ ﺗﺒﻮﺱ
ﺍﻡ ﺟﺮﺍﺡ )
ﺍﻡ ﺟﺮﺍﺡ : ﻭﺍﻧﺘﻲ ﻣﻦ ﺍﻫﻞ ﺍﻟﺨﻴﺮ ﻭﺍﻟﻌﺎﻓﻴﺔ ﻳﻤﺔ ...
ﻭﻃﻠﻊ ﺧﺎﻟﺪ ﻣﻦ ﺍﻟﺒﻴﺖ ﻭﻭﺭﺍﻩ ﺳﻤﺎﺀ ...
" ﻛﺎﻥ ﻳﻤﺸﻲ ﺧﺎﻟﺪ ﺑﺴﺮﻋﺔ ﻋﺸﺎﻥ ﺳﻤﺎﺀ ﺗﻠﺤﻘﻪ ﻭﻳﺨﻠﺺ ﻫﺎﻟﻤﺴﺆﻭﻟﻴﺔ
ﻋﻠﻰ ﺧﻴﺮ .. ﻟﻜﻦ ﺳﻤﺎﺀ ﻋﻠﻰ ﻋﻜﺴﻪ .. ﻛﺎﻧﺖ ﺗﻤﺸﻲ ﻭﺍﻫﻲ ﺗﻨﺎﻇﺮ
ﺍﻟﺴﻤﺎ .. ﻭﻋﺎﺟﺒﺘﻬﺎ ﺍﻟﻨﺠﻮﻡ ﺷﻠﻮﻥ ﻣﻨﺜﻮﺭﺓ ﺑﻌﺮﺽ ﺍﻟﻔﻀﺎ ﻭﺷﻠﻮﻥ ﺍﻟﻘﻤﺮ
ﺳﺎﻃﻊ ﻓﻲ ﺫﻳﺞ ﺍﻟﻠﻴﻠﺔ .. ﻳﺎﺑﺨﺖ ﺍﻟﻠﻲ ﺳﺎﻫﺮ ﺗﺤﺘﻪ ...
ﺍﻧﺘﺒﻪ ﻟﻬﺎ ﺧﺎﻟﺪ ﻻﻥ ﻭﺻﻞ ﺑﻴﺘﻬﺎ ﻭﺍﻫﻲ ﻟﻠﺤﻴﻦ ﺗﻤﺸﻲ ﻓﻲ ﻧﺺ
ﺍﻟﺪﺭﺏ ..
ﺧﺎﻟﺪ : ﻳﺎﻟﻠﻪ ﻳﺎﻡ ﻣﺮﺯﻭﻕ .. ﻣﺎﻋﻨﺪﻱ ﺍﻟﻮﻗﺖ ﻛﻠﻪ ..
ﺳﻤﺎﺀ : ﻣﻦ ﺍﻡ ﻣﺮﺯﻭﻕ ..
ﻭﺍﻫﻲ ﺗﻤﺸﻲ ﺑﺴﺮﻋﺔ ﻟﻌﺘﺒﺔ ﺍﻟﺒﻴﺖ ..
ﺧﺎﻟﺪ : ﺍﻡ ﻣﺮﺯﻭﻕ .... ﻳﻨﻴﺔ ..
ﺳﻤﺎﺀ ﻣﺴﻜﺖ ﻋﻠﻰ ﻗﻠﺒﻬﺎ : ﺍﻧﺎ ﻳﻨﻴﺔ؟؟
ﺧﺎﻟﺪ ﻳﺒﺘﺴﻢ : ﻟﻴﺶ؟؟؟ ﻣﺎ ﺗﺪﺭﻳﻦ ﺍﻥ ﻛﻞ ﺑﻨﻲ ﺍﺩﻡ ﻓﻴﻪ ﻳﻨﻲ؟؟
ﺳﻤﺎﺀ : ﻭﻱ ﺑﺴﻢ ﺍﻟﻠﻪ ﻋﻠﻲ ﻓﻴﻚ ﻭﻻ ﻓﻴﻨﻲ ...
ﺧﺎﻟﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ﻳﺎ ﺍﻟﻤﻴﻨﻮﻧﺔ ﺻﺞ ﻫﺎﻟﻜﻼﻡ ﻭﺍﺳﺎﻟﻲ ﺧﺎﻟﺘﻲ ...
ﺳﻤﺎﺀ : ﺍﻧﺎ ﻣﺎﻓﻴﻨﻲ ﺷﻲ ...
ﺧﺎﻟﺪ ﺑﺼﻮﺕ ﻭﺍﻃﻲ : ﺍﻧﺘﻲ ﻗﻤﺔ ﺍﻟﻴﻨﺎﻧﻮﺓ ..
ﺳﻤﺎﺀ : ﺷﻠﻮﻥ ﺷﻠﻮﻥ ﺷﻠﻮﻥ؟؟؟
ﺧﺎﻟﺪ : ﻻ ﻭﻻ ﺷﻲ ﻳﺎﻟﻠﻪ ﺍﻧﻘﻠﻌﻲ ﺩﺍﺧﻞ ...
ﺳﻤﺎﺀ : ﺑﺲ ﺧﻼﺹ ﻛﺎﻧﻲ ﻋﻨﺪ ﺑﻴﺘﻨﺎ ﺍﻧﺖ ﺍﻧﺠﻠﻊ ﺑﻴﺘﻜﻢ
ﺧﺎﻟﺪ : ﺍﻭﻭﻭﻭﻑ .. ﺩﺷﻲ ﺑﺴﺮﻋﺔ ﻭﺳﻜﺮﻱ ﺍﻟﺒﺎﺏ ﻭﺭﺍﺝ ﻭﻗﻔﻠﻴﻪ ﻭﺑﻌﺪﻳﻦ
ﺑﻤﺸﻲ ..
ﺳﻤﺎﺀ ﺑﺎﺑﺘﺴﺎﻣﺔ ﺭﺿﺎ ﻭﻗﻔﺖ ﻭﺍﻫﻲ ﻣﺠﺎﺑﻠﺔ ﺧﺎﻟﺪ ﻭﻫﻮ ﻳﻨﺎﻇﺮﻫﺎ
ﺑﺎﺳﺘﻐﺮﺍﺏ ..
ﺧﺎﻟﺪ : ﺍﺷﻔﻴﺞ ﻭﺍﻗﻔﺔ ﻣﺜﻞ ﺍﻟﺼﻨﻢ ﻭﺗﺘﺒﺴﻤﻴﻦ ﻣﺜﻞ ﺍﻟﻤﻴﺎﻧﻴﻦ .. ﻗﺎﻳﻠﺞ
ﻧﻜﺘﺔ
ﺳﻤﺎﺀ ﻣﺎ ﺍﺗﻬﻤﺖ ﻻﻱ ﻛﻠﻤﺔ ﻣﻦ ﺍﻟﻠﻲ ﻗﺎﻟﻬﻢ : .... ﺗﺨﺎﻑ ﻋﻠﻲ؟؟
ﺧﺎﻟﺪ ﺍﺭﺗﺠﻒ ﻗﻠﺒﻪ ﻣﻦ ﻧﺒﺮﺓ ﺻﻮﺗﻬﺎ : ﻻ ﻣﺎﺧﻒ ﻋﻠﻴﺞ .. ﺍﺧﺎﻑ ﻣﻨﺞ ...
ﺍﻧﺘﻲ ﺗﺨﻮﻓﻴﻦ ﺑﻠﺪ ﻭﻣﺎ ﻋﻠﻴﺞ ﺧﻮﻑ .. ﺑﺲ ... ﺍﻧﺘﻲ ﺍﻣﺎﻧﺔ ﺑﺮﻗﺎﺑﻨﻪ ..
ﻭﻻﺯﻡ ﺍﻻﻧﺴﺎﻥ ﻳﻮﻓﻲ ﺑﺄﻣﺎﻧﺘﻪ ..
ﺳﻤﺎﺀ ﺍﻟﻠﻲ ﻋﺠﺒﻬﺎ ﺍﻟﺤﻮﺍﺭ ﻗﻌﺪﺕ ﻋﻠﻰ ﻋﺘﺒﺎﺕ ﺍﻟﺒﻴﺖ ﺍﻟﺮﺧﺎﻣﻴﺔ : ﻻ
ﺻﺞ ﺻﺞ ﺧﺎﻟﺪ ... ﻣﻦ ﻗﻠﺒﻚ ... ﻣﺎ ﺗﺨﺎﻑ ﻋﻠﻲ؟؟؟
ﺧﺎﻟﺪ ﺍﻟﻠﻲ ﺗﻈﺎﻳﻖ ﻣﻦ ﺭﺍﺣﺔ ﺳﻤﺎﺀ ﻻﻧﻪ ﻳﺘﻮﺗﺮ ﻭﻳﺎﻫﺎ .. ﻭﺍﻫﻲ ﻣﻮ
ﺣﺎﺳﺒﺔ ﺣﺴﺎﺏ ﺍﺣﺪ ﺍﻟﺒﻨﻮﺗﻪ ﻓﺮﻳﺔ ﻳﻌﻨﻲ ﻣﺎ ﺗﺨﺎﻑ ﻣﻦ ﺷﻲ ..
ﺧﺎﻟﺪ : ﻗﻮﻣﻲ ﻗﻮﻣﻲ ﻳﺎﻟﻠﻪ ﻣﻮ ﺍﺳﺘﺤﻠﺖ ﻟﺞ ﺍﻟﻘﻌﺪﺓ ..
ﺳﻤﺎﺀ : ﻟﻴﺶ؟؟؟
ﺧﺎﻟﺪ : ﻻ ﻭﺍﻟﻠﻪ ﺷﻌﺒﺎﻟﺞ ﺍﻫﻨﻲ ﺍﻭﺭﻭﺑﺎ ﻗﺎﻋﺪﺗﻠﻲ ﺑﻨﺺ ﺍﻟﺸﺎﺭﻉ ﻋﺎﺩ ﺍﻥ
ﺍﻟﺴﻮﺍﻟﻒ ﻋﺠﺒﺘﺞ ..
ﺳﻤﺎﺀ ﺑﺤﻤﺎﺱ : ﻻ ﺻﺞ ﺻﺞ ﺍﻟﺴﻮﺍﻟﻒ ﻋﺠﺒﺘﻨﻲ ﺳﻮﻟﻒ ﻟﻲ .. ﺑﺪﻝ ﻻ
ﺗﻨﺎﺟﺮﻧﻲ ﻃﻮﻝ ﺍﻟﻮﻗﺖ
ﺧﺎﻟﺪ : ﺍﻧﺎ؟؟؟ ......................... ( ﺳﻜﺖ ﻭﻫﻮ ﻳﺘﺤﻠﻒ ﻓﻴﻬﺎ
ﺑﻴﺬﺑﺤﻬﺎ ) ... ﻟﻮ ﺳﻤﺤﺘﻲ ﺩﺷﻲ ﺍﻟﺒﻴﺖ ..
ﺳﻤﺎﺀ : ﻣﺎﺍ ﺑﺪﺵ ... ﺷﺒﺘﺴﻮﻱ؟؟
ﺧﺎﻟﺪ ﺑﻌﺼﺒﻴﺔ : ﺷﺒﺴﻮﻱ .. ﺑﻠﻤﺞ ﻣﻦ ﺷﻌﺮﺝ ﻭﺑﺮﻣﻴﺞ ﺩﺍﺧﻞ ...
ﺳﻤﺎ ﻭﺍﻫﻲ ﻓﺎﺟﺔﻋﻴﻮﻧﻬﺎ : .. ﻭﺍﺍﺍﺍﺍﻭ .. ﺷﻌﻨﺪﻩ ﺭﺍﻣﺒﻮ ...
ﺧﺎﻟﺪ ﺑﺼﻮﺕ ﻧﺎﻋﻢ : ﻻﺗﻌﺼﺒﻴﻨﻲ ﺳﻤﺎﺀ ... ﺩﺷﻲ ﺩﺍﺧﻞ ....
ﻭﻗﻔﺖ ﺳﻤﺎﺀ ﻭﺍﻫﻲ ﺗﻨﺎﻇﺮﻩ ﺑﻌﻴﻮﻧﻬﺎ ﺍﻟﻨﺎﻋﻤﺔ ﺍﻟﺤﻠﻮﺓ ... ﻭﺭﻭﺣﻬﺎ
ﻫﻴﻤﺎﻧﺔ ﻓﻲ ﻫﺎﻟﻤﻌﺼﻘﻞ ﺍﻟﻠﻲ ﺳﻠﺐ ﻭﺟﺪﺍﻧﻬﺎ ﺍﻟﺼﻐﻴﺮ ....
ﺳﻤﺎﺀ ...: ﻃﻠﺐ ... ﻭﻻ ﺃﻣﺮ؟؟
ﺧﺎﻟﺪ ﺍﻟﻠﻲ ﺫﺍﺏ ﺑﻌﻴﻮﻧﻬﺎ ....: ﺳﻤﺎﺀ ... ﺍﺭﺟﻮﺝ .... ﻻﺗﺴﻮﻳﻦ ﻓﻴﻨﻲ
ﺟﺬﻱ ..
ﺳﻤﺎﺀ ﺑﺼﺪﻣﺔ : ﺍﺳﻮﻱ ﻓﻴﻚ؟؟؟ ﺷﺴﻮﻱ ﻓﻴﻚ؟؟
ﺧﺎﻟﺪ ﺍﻟﻠﻲ ﻧﺪﻡ ﻋﻠﻰ ﻛﻼﻣﻪ .. ﺍﻟﺒﻨﺖ ﺷﺬﻧﺒﻬﺎ .. ﺍﻟﺒﻨﺖ ﻣﺎﻟﻬﺎ ﺃﻱ ﺫﻧﺐ
ﻓﻲ ﺍﻧﻚ ﺻﺮﺕ ﻣﻬﻮﻭﺱ ﻓﻴﻬﺎ .. ﺷﻴﻠﺔ ﻭﺟﻼﺑﻴﺔ ﻭﻣﻈﻬﺮ ﻣﺆﺩﺏ ﻳﺴﻮﻱ
ﻓﻴﻚ ﻛﻞ ﻫﺬﺍ ...
ﺧﺎﻟﺪ : ﺩﺷﻲ ﺩﺍﺧﻞ ﺳﻤﺎﺀ ..
ﺳﻤﺎﺀ : ﻻ ... ﻣﺎ ﺑﺪﺵ ... ﺍﻻ ﻗﺒﻞ ﻣﺎ ﺗﻘﻮﻝ ﻟﻲ ..... ﺍﻧﺎ ﺷﺴﻮﻳﺖ
ﻓﻴﻚ ...
ﻧﺰﻝ ﺧﺎﻟﺪ ﻋﻦ ﺍﻟﺮﺻﻴﻒ ﻭﻭﻗﻒ ﺑﺎﻟﺸﺎﺭﻉ ﻭﻫﻮ ﻳﺘﻨﻬﺪ ﺑﻘﻮﺓ ..... ﺻﺞ
ﺍﻧﻬﺎ ﻣﻮ ﺭﺍﺿﻴﺔ ﺗﻔﻬﻢ .. ﻭﻻ ﻳﻘﺪﺭ ﻳﻔﻬﻤﻬﺎ ﺍﻛﺜﺮ ﻣﻦ ﺟﺬﻱ ..
ﺧﺎﻟﺪ : ﺳﻤﺎﺀ ﺳﻤﺎﺀ ﺍﺷﻔﻴﺞ ﻣﺎ ﺗﻔﻬﻤﻴﻦ ... ﺧﻼﺹ ﺍﻧﺎ ﺍﺳﻒ ﻣﻮ ﻗﺼﺪﻱ
ﺍﻟﻜﻼﻡ ﺍﻟﻲ ﻗﻠﺘﻪ ﺩﺷﻲ ﺍﻟﺒﻴﺖ ..
ﺳﻤﺎﺀ ﺑﻨﻌﻮﻣﺔ : ﻗﻮﻟﻬﺎ ﻣﺮﺓ ﺛﺎﻧﻴﺔ؟
ﺧﺎﻟﺪ : ﺷﻨﻮﻭﻭﻭ
ﺳﻤﺎﺀ ...: ﺍﺳﻤﻲ ... ﻗﻮﻟﻪ ﻣﺮﺓ ﺛﺎﻧﻴﺔ ..
ﺣﺮﻗﺔ ﺳﺮﺕ ﻓﻲ ﺻﺪﺭ ﺧﺎﻟﺪ ﻣﻦ ﻋﻔﻮﻳﺔ ﺳﻤﺎﺀ ﺍﻟﻠﻲ ﺑﺘﺬﺑﺤﻪ ... ﻟﻜﻨﻪ
ﻣﺎ ﻗﺪﺭ ﻳﺮﻓﺾ ﻃﻠﺒﻬﺎ ... ﺑﺲ ﻫﺎﻟﻤﺮﺓ ﻓﻲ ﻧﺒﺮﺓ ﺍﺣﺴﻦ .. ﻭﺑﻜﻼﻡ
ﺛﺎﻧﻲ ..
ﺧﺎﻟﺪ : ﺳﻤﺎﺀ ﺩﺷﻲ ﺍﻟﺒﻴﺖ ... ﻣﻮ ﺣﻠﻮ ﺍﻟﺒﻨﺖ ﺗﻄﻠﻊ ﻓﻲ ﺍﻟﺸﺎﺭﻉ
ﺑﻬﺎﻟﻮﻗﺖ .. ﻭﺑﻬﺎﻟﺴﺎﻋﺔ ﻣﻦ ﺍﻟﺰﻣﻦ .. ﻻﺯﻡ ﺗﺤﺎﺳﺒﻴﻦ ﻋﻠﻰ ﻧﻔﺴﺞ ﻣﻦ
ﺣﺠﻮﺓ ﺍﻟﻨﺎﺱ ﻋﻠﻴﺞ ... ﺍﺫﺍ ﺍﻧﺘﻲ ﻣﺎ ﺗﻬﺘﻤﻴﻦ ... ﻏﻴﺮﺝ ﻳﻬﺘﻢ؟؟
ﺳﻤﺎﺀ : ﻏﻴﺮﻱ ....؟؟؟ ﻣﺜﻞ ﻣﻨﻮ؟؟؟؟
ﺧﺎﻟﺪ ﺗﻮﺗﺮ ﻣﺮﺓ ﺛﺎﻧﻴﺔ : ﻛﻞ ﻣﻦ .. ﺍﻫﻠﺞ ﺍﻣﺞ ﺍﺑﻮﺝ ﺍﺧﻮﺝ ﺧﺎﻟﺘﻲ ...
ﺳﻤﺎﺀ ﻗﺎﻃﻌﺘﻪ : ﻭﺍﻧﺖ !!! ﺗﻬﺘﻢ؟؟
ﺧﺎﻟﺪ ﺍﺭﺗﺒﻚ ﻫﺎﻟﻤﺮﺓ ﻭﺍﺭﺗﺒﺎﻛﻪ ﻃﻠﻊ ﺑﺮﺟﻔﺔ : ﺳﻤﺎﺀ ... ﺷﻠﻮﻥ ﻣﺎ ﺍﻫﺘﻢ ...
ﺍﻧﺘﻲ ﺑﺤﺴﺒﺔ .. ﺍﺧﺘﻲ ...
ﺍﺑﺘﺴﻤﺖ ﺳﻤﺎﺀ ﺑﺄﻟﻢ ... ﺍﺧﺘﻪ ... ﺑﺤﺴﺒﺔ ﺍﺧﺘﻪ :... ﺟﺬﺍﺏ ... ﺍﻧﺎ
ﻣﺴﺘﺤﻴﻞ ﺍﻛﻮﻥ ﺍﺧﺘﻚ ..
ﺧﺎﻟﺪ ﻭﻫﻮ ﻳﺮﺗﺠﻒ ﻣﻦ ﺻﺞ .. ﻳﻤﻜﻦ ﺑﺴﺒﺐ ﺍﻟﺠﻮﻭ : ﺷﻨﻮ ﻣﺴﺘﺤﻴﻞ ..
ﺻﺪﻗﻴﻨﻲ .. ﺍﻧﺎ ﻣﻌﺘﺒﺮﺝ ﻣﺜﻞ ﺍﺧﺘﻲ ..
ﺳﻤﺎﺀ ﺷﻮﻱ ﻭﺗﺒﺠﻲ : ﻣﺎ ﻳﻬﻤﻨﻲ ... ﺍﻧﺖ ﺗﻌﺘﺒﺮﻧﻲ ﻣﺜﻞ ﺍﺧﺘﻚ ﻭﻻ
ﻋﻤﺘﻚ ... ﻟﻜﻦ ﺍﻧﺎ ﻣﺎ ﺍﻋﺘﺒﺮﻙ ﻣﺜﻞ ﺍﺧﻮﻱ ....
ﺧﺎﻟﺪ : ﻟﻴﺶ ﺍﻥ ﺷﺎﺀ ﺍﻟﻠﻪ ﻣﻮ ﻗﺪ ﺍﻟﻤﻘﺎﻡ؟؟
ﺳﻤﺎﺀ ...: ﻻﻥ ﺍﻻﺧﺖ ﻣﺎ ﺗﻔﻜﺮ ﺑﺎﺧﻮﻫﺎ ... ﻭﻻﺗﺤﺲ ﻻﺧﻮﻫﺎ .......
ﻣﺜﻞ ﻣﺎ ... ﺍﻧﺎ ﺍﺣﺲ ﻟﻚ .... ﺍﻟﻠﻪ ﻣﺎ ﻳﺮﺿﻰ .. ﻣﻮﻭ؟؟
ﺳﻜﺖ ﺧﺎﻟﺪ ﻟﻜﻦ ﺣﻠﺠﻪ ﺗﻢ ﻣﻔﺠﻮﺝ ... ﻭﺳﻤﺎﺀ ﺍﻟﻠﻲ ﻛﺎﻧﺖ ﻭﺍﻗﻔﺔ ﻋﻠﻰ
ﻋﺘﺒﺔ ﺑﺎﺏ ﺍﻟﺒﻴﺖ ﻭﻗﻔﺖ ﻟﻠﺤﻈﺎﺕ .. ﻟﻜﻨﻬﺎ ﺗﺮﺍﺟﻌﺖ ﻭﺩﺧﻠﺖ ﺍﻟﺒﻴﺖ
ﻭﺗﺮﻛﺖ ﺧﺎﻟﺪ ﻓﻲ ﺩﻭﺍﻣﺔ ﻣﻦ ﺍﻟﺼﺪﻣﺎﺕ ﺍﻟﻠﻲ ﺗﻮﺍﻟﺖ ﻋﻠﻴﻪ ... ﺷﺘﻘﻮﻝ
ﻫﺬﻱ؟؟ ﺷﻘﺎﻋﺪﺓ ﺗﺨﺮﺑﻂ؟؟ ﺍﻫﻲ ﺻﺎﺣﻴﺔ؟؟ ﻓﻲ ﻛﺎﻣﻞ ﻗﻮﺍﻫﺎ
ﺍﻟﻌﻘﻠﻴﺔ؟؟؟ ﺷﻠﻮﻥ ... ﻣﺎ ﻳﺼﻴﺮ ... ﻟﻴﺶ؟؟؟ ﻻﺍ ﻣﺴﺘﺤﻴﻞ .. ﻣﺴﺘﺤﻴﻞ
.. ﺍﻛﻴﺪ ﺗﺠﺬﺏ .... ﺍﻛﻴﺪ ... ﺍﻛﻴﺪ ﻣﻴﻨﻮﻧﺔ ﻫﺬﻱ .. ﻳﻨﺖ .. ﻳﻨﺖ
ﺍﻟﻤﻴﻨﻮﻧﺔ .... ﻣﺴﺘﺤﻴﻞ ...
ﻭﺭﺟﻊ ﺧﺎﻟﺪ ﺍﻟﺒﻴﺖ ﺑﻜﻞ ﻋﺼﺒﻴﺔ ... ﺣﻤﺎﺭﻫﺎ ﺍﻧﺎ ﺗﺴﺘﻬﺒﻞ ﻋﻠﻲ .. ﺍﺧﺮ
ﺯﻣﻦ ﺑﻌﺪ ﻫﺎﻟﻬﻴﻠﻖ ﺗﻘﺺ ﻋﻠﻲ ﺍﻧﺎ ... ﻭﻭﻗﻒ ﻋﻠﻰ ﺑﺎﺏ ﺍﻟﺒﻴﺖ ﻣﺮﺓ
ﻭﺣﺪﺓ .. ﺑﻔﻜﺮﺓ ﺛﺎﻧﻴﺔ ... ﻟﻜﻦ .. ﻟﻮ ﺻﺞ .. ﻃﻠﻌﺖ ﺗﺤﺒﻨﻲ .. ﺷﻔﻴﻬﺎ؟؟؟
ﻣﻮ ﺣﺮﺍﻡ ﺍﻧﻬﺎ ﺗﺤﺒﻨﻲ .. ﺍﻧﺎ ﻣﻮ ﻧﺎﻗﺺ ﻭﻻﻧﻲ ﻋﺎﻳﺐ .. ﻣﺎﻓﻴﻬﺎ ﺷﻲ ﺍﺫﺍ
ﺣﺒﺘﻨﻲ .. ﺑﺲ .. ﻓﺎﺗﻦ ﺍﻟﻠﻲ ﻛﺎﻧﺖ ﻓﺎﺗﻦ ﺍﻟﻌﺎﺟﻞ ﻣﺎﺣﺒﺘﻨﻲ ... ﻓﺸﻠﻮﻥ
ﻫﺬﻱ ﺍﻟﺒﻨﺖ ﺑﺘﺤﺒﻨﻲ ... ﻫﻞ ﻣﻤﻜﻦ ﺍﻥ ﺍﻛﻮ ﺑﻨﺖ ﺗﺤﺒﻨﻲ ﻫﺎﻟﺪﻧﻴﺎ؟؟
ﻭﻣﻦ ﻳﺎ ﻧﺎﺱ؟؟ ﺳﻤﺎﺀ ...
ﺍﻟﺘﻔﺘﺖ ﻟﺒﻴﺘﻬﺎ ﻭﻫﻮ ﻳﻨﺎﻇﺮﻩ ﺑﻐﺮﺍﺑﻪ .. ﻭﻛﺄﻧﻪ ﺷﻲ ﻧﺎﺯﻝ ﻣﻦ ﺍﻟﻔﻀﺎﺀ ...
ﻣﻦ ﻫﺬﺍﻙ ﺍﻟﻴﻮﻡ .. ﺍﻭﻝ ﻣﺎ ﺷﻔﺘﻬﺎ .. ﻭﺍﻫﻲ ﻣﻜﻮﻧﻪ ﺷﻲ ﻓﻴﻨﻲ ﺍﻧﺎ ﻣﺎ
ﻋﺮﻓﻪ ﻭﻻ ﻓﺎﻫﻤﻪ ﻭﻻ ﺍﻗﺪﺭ ﺍﻧﻲ ﺍﺳﺘﻮﻋﺒﻪ ... ﻟﻴﺶ؟؟؟ ﺷﺎﻟﺴﺒﺐ؟؟
ﺣﺎﻭﻟﺖ ﺍﻧﻲ ﺍﺗﻨﺎﺳﺎﻫﺎ ﺑﻔﺎﺗﻦ .. ﻭﺑﻘﻠﺒﻲ ﺍﻟﻠﻲ ﺗﻌﻠﻖ ﺑﻬﺎ .. ﻟﻜﻦ ﺑﻌﺪ ..
ﻇﻠﺖ ﺍﻫﻲ ﺍﻟﺴﺒﺐ ﻟﻠﻤﻨﺎﺟﺮ ﻭﺍﻟﻬﻮﺍﺵ .. ﺍﻟﻠﻲ ﻛﺎﻥ .. ﻋﻠﻰ ﻋﻜﺲ
ﺍﻟﻨﺎﺱ .. ﻣﺘﻌﺔ ﻟﻲ .. ﻭﻣﺼﺪﺭ ﻓﺮﺡ ﻭﺳﺮﻭﻭﺭ ..
ﺍﻟﻨﺎﺱ ﻻ ﺫﻛﺮﺕ ﻣﻨﺎﺟﺮﻫﺎ ﻭﻳﺎ ﺍﻟﻨﺎﺱ ﺗﺬﻛﺮﻩ ﺑﺎﻟﻢ .. ﺍﻭ ﺑﻈﻴﺞ .. ﺍﻧﺎ
ﻛﻨﺖ ﺍﺫﻛﺮﻩ ﺑﻔﺮﺣﺔ ﻭﺍﺑﺘﺴﺎﻣﺔ .. ﻭﺧﺼﻮﺻﺎ ﻫﺬﺍﻙ ﺍﻟﻴﻮﻡ ... ﻳﻮﻡ ﻣﺎ
ﺫﻛﺮﺗﻬﺎ ﻭﺩﻣﻌﺘﻲ ﺗﺴﻴﻞ ... ﺍﺑﺘﺴﻤﺖ ﻭﻗﻄﻌﺖ ﺩﺭﺏ ﺍﻟﺪﻣﻌﺔ ﺍﻟﻲ
ﺍﺧﺘﻔﺖ ..
ﺗﻢ ﻭﺍﻗﻒ ﻋﻠﻰ ﺍﻟﺒﺎﺏ ﻭﻫﻮ ﻣﻮ ﻋﺎﺭﻑ ﺷﻴﺴﻮﻱ .. ﻳﺴﻜﺖ .. ﻭﻻ
ﻳﺘﻘﺪﻡ .. ﻭﻻ ﻳﺘﺮﺍﺟﻊ .. ﻭﻳﻨﻬﻲ ﻗﺼﺔ ﻳﻤﻜﻦ ﺗﻜﻮﻥ ﻣﻦ ﺍﺣﻠﻰ
ﺍﻟﻘﺼﺺ .. ﺍﺫﺍ ﺍﻟﺤﺐ ﻳﺎﻧﻲ ﻟﺤﺪ ﺑﻴﺘﻲ .. ﻓﻠﻴﺶ ﺍﺭﻓﻀﻪ ... ﻣﻮ ﻣﻦ
ﻋﻮﺍﻳﺪﻱ ﺍﻧﻲ ﺍﺭﻓﺾ ﺷﻲ .. ﺍﻻ ﺍﻟﺬﻝ ﻭﺍﻟﻌﺎﺭ ... ( ﻭﻫﻮﻳﻠﺘﻔﺖ ﻟﺒﻴﺖ
ﺍﻟﻨﻬﻴﺪﻱ ) ﻭﺍﺫﺍ ﺍﻧﺘﻲ ﻳﻴﺘﻲ ﻟﻲ ﻳﺎ ﺳﻤﺎﺀ ... ﻣﺴﺘﺤﻴﻞ ﺍﺭﺩﺝ ...
ﻣﺴﺘﺤﻴﻞ .....
ﺭﺍﺣﺖ ﺳﻤﺎﺀ ﺩﺍﺭﻫﺎ ﻭﺍﻫﻲ ﺗﺒﺠﻲ ﺑﺤﺮﺍﺭﺓ .. ﻣﻮ ﻣﺜﻞ ﺍﻟﻴﻬﺎﻝ ﺍﻟﻠﻲ
ﻳﺮﻣﻮﻭﻧﻦ ﺑﻨﻔﺴﻬﻢ ﻋﻠﻰ ﺍﻟﺴﺮﻳﺮ ﻭﻳﺤﻈﻨﻮﻥ ﺍﻟﻤﺨﺪﺓ ... ﺑﺎﻟﻌﻜﺲ .. ﺑﻘﻠﺐ
ﻛﺴﻴﺮ ﻭﺭﻭﺡ ﻫﺎﻳﻤﺔ ﻗﻌﺪﺕ ﻋﻠﻰ ﺍﻟﻜﺮﺳﻲ ﻭﻫﻲ ﺗﺤﺲ ﺑﺴﻴﻞ ﺍﻟﺪﻣﻊ
ﺍﻟﺴﺎﺧﻦ ﻋﻠﻰ ﻭﺟﻨﺎﺗﻬﺎ ﻭﺻﻮﻻ ﻟﺮﻗﺒﺘﻬﺎ ... ﺷﻬﺎﻷﻟﻢ .. ﺷﻬﺎﻷﺣﺴﺎﺱ
ﺍﻟﻐﺮﻳﺐ .. ﻟﻴﺶ ﺍﺣﺲ ﺍﻧﻲ ﺑﻤﻮﻭﻭﺕ .. ﻭﻛﺄﻧﻲ ﻟﻮ ﺍﺳﺘﻤﺮﻳﺖ ﺑﻔﺎﺭﻕ
ﺍﻟﺪﻧﻴﺎ ... ﺣﺮﻗﺔ ﻭﺑﺮﻭﺩﺓ ﻗﺸﻌﺮﻳﺮﺓ ﻭﺭﺍﺣﺔ ﻣﺎ ﺍﻗﺪﺭ ﺍﻣﻴﻴﺰ ﺑﻬﺎ ..
ﻭﻭﻳﻬﻪ .. ﻣﺎ ﻳﻔﺎﺭﻕ ﻋﻴﻨﻲ ... ﻭﺗﺤﺮﻛﺎﺗﻪ ﻭﻛﻞ ﺷﻲ ﻳﺴﻮﻳﻪ ..ﻳﺨﻠﻴﻨﻲ
ﻣﺮﺍﻗﺒﺔ ﻟﻪ ﻭﻣﺴﺘﺸﻌﺮﺓ ﺑﻜﻞ ﻣﺸﺎﻋﺮﻩ ﻭﺍﺣﺎﺳﻴﺴﻪ .. ﻟﻴﺶ ﺍﺣﺲ
ﺑﻬﺎﻟﻘﺮﺏ ﻣﻨﻪ ﻭﻟﻜﻦ ﺍﻫﻮ ﺑﻌﻴﺪ ﻋﻨﻲ ﻛﻞ ﺍﻟﺒﻌﺪ .. ﻟﻮ ﺗﻜﻠﻤﺖ ﺍﻛﺜﺮ ﺟﺎﻥ
ﻋﺮﻑ ﻭﻋﺮﻓﺖ ﺍﻧﺎ ﻭﻳﺎﻩ ﺑﺤﻘﻴﻘﺔ ﻣﺸﺎﻋﺮﻱ ﺗﺠﺎﻫﻪ .. ﺑﺲ ﺍﺣﺴﻦ ﺍﻧﻲ
ﺳﻜﺖ .. ﻟﻜﻦ ... ﻋﻴﻮﻧﻪ ﻛﺎﻧﺖ ﺗﻘﻮﻝ ﻛﻼﻡ ﺛﺎﻧﻲ ﻋﻦ ﺍﻟﻠﻲ ﻧﻄﻖ ﻓﻴﻪ ...
ﻟﻴﺶ ﺟﺬﻱ ... ﻟﻴﺶ ﻳﺎ ﺧﺎﻟﺪ ...
ﻗﺎﻣﺖ ﻣﻦ ﻣﻜﺎﻧﻬﺎ ﻭﻭﻗﻔﺖ ﻋﻨﺪ ﺍﻟﺪﺭﻳﺸﺔ ﻭﺍﻫﻲ ﺗﻔﺘﻜﺮ ﺍﻥ ﺧﺎﻟﺪ ﻳﻤﻜﻦ
ﺭﺍﺡ ﺑﻴﺘﻬﻢ ﻭﺍﻛﻴﺪ ﺗﻮﺳﺪ ﺍﻟﺴﺮﻳﺮ ﻭﻧﺎﻡ ... ﻭﺍﻧﺪﻫﺸﺖ ﻳﻮﻡ ﺷﺎﻓﺖ ﺧﺎﻟﺪ
ﻭﺍﻗﻒ ﻋﻨﺪ ﺑﻴﺘﻬﻢ ﻭﻣﺴﺘﻨﺪ ﺍﻟﺠﺪﺍﺭ .. ﻭﻫﻮ ﺍﻭ ﻣﺎ ﻟﻤﺤﻬﺎ ﻭﺍﻗﻔﺔ ﻋﻨﺪ
ﺍﻟﺒﻠﻜﻮﻥ ﺍﻋﺘﺪﻝ ﻓﻲ ﻭﻗﻔﺘﻪ .. ﻭﺑﻠﻬﻔﺔ ﻭﺗﺮﻗﺐ ﻧﺎﻇﺮﻫﺎ ... ﺳﻤﺎﺀ ﺍﻟﺜﺎﻧﻴﺔ
ﺑﻌﺪ ﺍﻟﻠﻲ ﻣﺎ ﺗﻮﻗﻌﺖ ﺍﻧﻬﺎ ﺗﺸﻮﻓﻪ ﻓﻲ ﺍﻟﺴﻜﺔ ﺍﻧﻤﺤﺖ ﻛﻞ ﻣﺸﺎﻋﺮ
ﺍﻟﺤﺰﻥ ﻭﺍﻷﻟﻢ ﻓﻴﻬﺎ ﺍﻟﻰ ﺍﻟﻔﺮﺡ ﻭﺍﻟﺴﺮﻭﺭ .. ﺣﺘﻰ ﺍﻧﻬﺎ ﻓﻲ ﻭﺳﻂ ﺩﻣﻮﻋﻬﺎ
ﺍﺑﺘﺴﻤﺖ ﻟﻪ .. ﻭﺧﺎﻟﺪ ﺣﺴﻬﺎ ﺍﺑﺘﺴﺎﻣﺔ ﺍﻟﻨﻮﺭ ﺍﻟﻠﻲ ﺗﻀﻮﻱ ﻇﻼﻡ ﺍﻟﻠﻴﻞ ..
ﻭﺗﻘﺪﻡ ﻟﻬﺎ ﻭﻭﻗﻒ ﺑﻨﺺ ﺍﻟﺸﺎﺭﻉ .. ﻭﺳﻤﺎﺀ ﺣﺴﺖ ﺑﺮﻭﺡ ﺍﻟﺤﻤﺎﺱ
ﺗﻌﻤﺮﻫﺎ ﻭﻛﺄﻥ ﻳﻄﻠﺐ ﻣﻨﻬﺎ ﺍﻧﻬﺎ ﺗﺘﻘﺪﻡ ﻣﻌﺎﻩ ﻣﺜﻞ ﻣﺎ ﺗﻘﺪﻡ ... ﻭﻋﻠﻰ
ﻃﻮﻝ ... ﻃﺎﺭﺕ ﻣﻦ ﻏﺮﻓﺘﻬﺎ ﺑﻔﺮﺣﺔ ﻭﻏﺒﻄﺔ ﻛﺒﻴﺮﺓ .. ﻭﺍﻫﻲ ﺗﺮﻛﺾ
ﺑﻜﻞ ﻋﻨﻔﻮﺍﻧﻬﺎ ﻭﺑﻜﻞ ﺭﻭﺡ ﺍﻟﺤﺐ ﺍﻟﻠﻲ ﻟﻮﻧﺖ ﺣﻴﺎﺗﻬﺎ ﺑﻬﺬﺍﻙ ﺍﻟﻮﻗﺖ ..
ﻭﻣﺎ ﻭﻋﺖ ﻟﻨﻔﺴﻬﺎ ﺍﻻ ﻭﺍﻫﻲ ﻭﺍﻗﻔﺔ ﻋﻨﺪ ﺑﺎﺏ ﺍﻟﺒﻴﺖ ﻭﻗﻠﺒﻬﺎ ﻳﺮﻓﺮﻑ
ﺑﺎﻟﺪﻗﺎﺕ ﺍﻟﻘﻮﻳﺔ ..
ﻳﻮﻡ ﺷﺎﻓﻬﺎ ﺧﺎﻟﺪ ﻋﻨﺪ ﺍﻟﺒﺎﺏ .. ﻭﻗﻒ ﻣﻜﺎﻧﻪ .. ﻣﺎﻗﺪﺭ ﻳﻮﺍﺻﻞ ﺍﻛﺜﺮ ..
ﻳﺨﺎﻑ ﻻ ﺗﻘﺮﺏ ﺍﻛﺜﺮ ﻳﺘﻬﺸﻢ ﺍﻟﺸﻲ .. ﻻﻧﻪ ﻣﺜﺎﻟﻲ ﻋﻠﻰ ﺍﻧﻪ ﻳﻜﻮﻥ
ﻭﺍﻗﻌﻲ .. ﻭﺗﻤﻨﻰ ﻟﻮ ﺍﻥ ﻫﺬﻱ ﺍﻟﻠﺤﻈﺔ ﺗﺴﺘﻤﺮ .. ﻭﺳﻤﺎﺀ ﺍﻟﻠﻲ ﺍﺳﺘﻐﺮﺑﺖ
ﻭﻗﻔﺘﻪ ﺑﻨﺺ ﺍﻟﺸﺎﺭﻉ ﻗﺮﺭﺕ ﺑﻌﻘﻠﻴﺘﻬﺎ ﺍﻟﺴﺎﺫﺟﺔ ﻭﺍﻟﻤﺘﺤﺮﺭﺓ ﺍﻧﻬﺎ ﺍﻫﻲ
ﺗﺘﻘﺪﻡ ﻟﻪ ... ﻭﺑﺎﻟﻔﻌﻞ .. ﻃﻠﻌﺖ ﺳﻤﺎﺀ ﻣﻦ ﻋﻨﺪ ﺍﻟﺒﺎﺏ ﻭﺭﺍﺣﺖ ﻟﺨﺎﻟﺪ
ﻓﻲ ﺍﻟﺸﺎﺭﻉ .. ﺑﺠﻼﺑﻴﺘﻬﺎ ﻭﻟﻜﻦ ﻣﻦ ﻏﻴﺮ ﺍﻟﺸﺎﻝ .. ﻭﺍﻫﻲ ﺣﺎﻓﻴﺔ ﺑﻼ ﺃﻱ
ﺷﻲ ﻳﻐﻄﻲ ﻗﺪﻣﻬﺎ ... ﺗﻘﺪﻣﺖ ﺷﻮﻳﻪ ﻟﻜﻦ ﺧﺎﻟﺪ ﺍﻟﻲ ﺣﺮﻙ ﻧﻔﺴﻬﺎ ﻭﻣﺎ
ﺧﻼﻫﺎ ﺗﺘﻌﺪﻯ ﺣﺪﻭﺩ ﺑﻴﺘﻬﺎﺍ ...
ﺧﺎﻟﺪ ..........: ﺍﻧـﺘﻲ ﻣﺘـﺎﻛﺪﺓ؟
ﺳﻤﺎﺀ ﻭﺍﻟﺪﻣﻮﻉ ﺗﻠﻤﻊ ﺑﻌﻴﻨﻬﺎ ...: ﺑﺸـﻨـﻮ؟
ﺧﺎﻟﺪ ﻳﺤﺮﻙ ﻋﻴﻮﻧﻪ ﻋﻠﻰ ﻭﻳﻬﻬﺎ : ﺳﻤﺎﺀ .... ﻭﺍﺛﻘﺔ ﻣﻦ ﺍﻧﺞ ... ﻣﺎ
ﺗﻌﺘﺒﺮﻳﻨﻲ ﺍﺧﻮﻭﺝ؟
ﺳﻤﺎﺀ ﻣﺎ ﺗﻜﻠﻤﺖ .. ﻫﺰﺕ ﺭﺍﺳﻬﺎ ﻭﺍﻫﻲ ﺗﺤﺲ ﺍﻧﻬﺎ ﻣﺎ ﻛﺎﻧﺖ ﻭﺍﺛﻘﺔ ﻣﻦ
ﺷﻲ ﻓﻲ ﺣﻴﺎﺗﻬﺎ ﻣﺜﻞ ﻫﺎﻟﻤﻮﺿﻮﻉ ..
ﺧﺎﻟﺪ : ﺳﻤـﺎﺀ .. ﺍﻧـﺎ ﻣﺎ ﺍﺑﻴـﺞ ﺗﻨﺪﻣﻴﻦ ﺑﻌﺪﻳﻦ ... ﻻﻧﺞ .... ﺍﻥ ﺧﻄﻴﺘﻲ
ﻫﺎﻟﺪﺭﺏ .. ﻣﺎ ﺍﺑﻴﺞ ﺗﻨﺎﻇﺮﻳﻦ ﺍﻟﻠﻲ ﻭﺭﺍﺝ ... ﻻﻥ ﻛﻠﻪ ﻣﺎﺿﻲ .. ﻭﻛﻠـﻪ
ﻣﻮ ﻣﻬﻢ ..
ﺳﻤﺎﺀ : ﺍﻟﻠﻲ ﻳﺘﻘﺪﻡ ﺍﻟﺤﻴﻦ ﺧﻄﻮﺓ ﻟﺠﺪﺍﻡ ﻟﻠﺜﺎﻧﻲ .. ﻣﻌﻨﺎﺗﻪ ﺍﻧﻪ ﻭﻋﺪ ..
ﻭﻋﻬﺪ ..
ﻭﻗﺎﻣﺖ ﺍﻫﻲ ﺑﺎﻭﻝ ﺧﻄﻮﺓ ﻭﺍﻫﻲ ﺗﻨﺎﻇﺮ ﺧﺎﻟﺪ ﺑﻜﻞ ﺛﻘﺔ ﻭﺍﻫﻮ ﻣﻮ ﻗﺎﺩﺭ
ﻳﺼﺪﻕ ﻫﺎﻟﻠﻴﻠﺔ .. ﺷﻠﻮﻥ ﻣﺎ ﺣﺲ ﺍﻥ ﺍﻟﻴﻮﻡ ﺭﺍﺡ ﻳﻜﻮﻥ ﻳﻮﻡ ﺍﻟﻤﺼﻴﺮ
ﻭﺍﻟﺘﻘﺮﻳﺮ ﺑﺎﻟﻌﻼﻗﺔ ﺑﻴﻨﻪ ﻭﺑﻴﻦ ﺳﻤﺎﺀ .. ﺳﻤﺎﺀ .. ﺳﻤﺎﺀ ﺍﻫﻲ ﻧﻔﺴﻬﺎ .. ﺍﻟﻠﻲ
ﻛﻨﺖ ﺍﻓﻜﺮ ﻓﻴﻬﺎ ﺑﻄﺮﻳﻘﺔ ﺛﺎﻧﻴﺔ .. ﻓﻲ ﻟﺤﻈﺎﺕ .. ﻓﻲ ﺛﻮﺍﻧﻲ ﺑﻈﻼﻡ ﻟﻴﻠﺔ
ﻣﻨﻮﺭﺓ ﺑﺎﻟﻨﺠﻮﻡ ﻭﺍﻟﺒﺪﺭ .. ﺗﺼﻴﺮ ﺷﻲ ﻋﻈﻴﻢ ﻭﻛﺒﻴﺮ ﻓﻲ ﺣﻴﺎﺗﻲ ...
ﺗﺼﻴﺮ ﺍﻫﻲ ﺍﻟﺸﻲ ﺍﻟﻠﻲ ﻳﺨﻠﻴﻪ ﻳﺮﺟﻒ ﻣﺜﻞ ﺍﻟﺒﺮﺩﺍﻥ ﻭﻳﻨﺎﺟﻲ ﺩﻓﺎﻫﺎ ..
ﻭﻫﻮ ﻳﺮﺍﻗﺐ ﻣﻼﻣﺤﻬﺎ ﻭﺍﺑﺘﺴﺎﻣﺘﻬﺎ ﺍﻟﻤﻤﺰﻭﺟﺔ ﺑﺎﻟﺪﻣﻮﻉ ﺗﻘﺪﻡ ﺑﺎﻟﺨﻄﻮﺓ
ﺻﻮﺑﻬﺎ .. ﻭﻳﻮﻡ ﺛﺒﺖ ﺭﻓﻊ ﺭﺍﺳﻪ ﻟﻬﺎ .... ﻭﺷﺎﻑ ﺍﻟﻮﺟﻪ ﺍﻟﺴﻤﺢ ﻣﻤﻨﻮﻥ
ﻭﺷﺎﻛﺮ ﻟﻬﺎﻟﻠﺤﻈﺔ ...
ﺧﺎﻟﺪ : ﻣـﺎﻛﻮ ﺗﺮﺍﺟـﻊ ...
ﺳﻤﺎﺀ : ﻭﻻ ﺧﻄـﻮﺓ ..
ﺧﺎﻟﺪ : ﻭﻋﺪ
ﺳﻤﺎﺀ : ﻋﻬـﺪ
ﺍﺑﺘﺴﻢ ﻟﻬﺎ ﻭﻫﻮ ﻳﺤﺲ ﺑﺎﻟﺮﺍﺣﺔ ﻭﺍﻟﺪﻓﺎ ﻳﺴﺮﻱ ﻓﻲ ﺧﻼﻳﺎﻩ ﻭﻭﺟﺪﺍﻧﻪ ..
ﻭﺍﻫﻲ ﻛﺎﻧﺖ ﺗﺒﺘﺴﻢ ﺑﺴﻌﺎﺩﺓ ﻭﺣﺒﻮﺭ .. ﻻﻧﻬﺎ ﻓﻲ ﻫﺬﻱ ﺍﻟﻠﻴﻠﺔ ﻟﻘﺖ
ﺿﺎﻟﺘﻬﺎ ﻓﻲ ﺧﺎﻟﺪ ... ﻭﺍﻟﻤﻔﺎﺟﺎﺓ ﻛﺎﻧﺖ ﻓﻲ ﺍﺣﺴﺎﺳﻬﺎ ﺑﺎﻟﻨﻀﺞ ﻭﺍﻟﻜﺒﺮ ..
ﻭﺍﻥ ﺍﻟﺘﻐﻴﻴﺮ ﻣﻄﻠﻮﺏ ..
ﺭﺍﺣﻮ ﺍﻻﺛﻨﻴﻦ ﻟﻤﻀﺎﺟﻌﻬﻢ ﻓﻲ ﻧﺸﻮﺓ ﻋﺎﺭﻣﺔ .. ﺧﺎﻟﺪ ﻓﺼﺦ ﺗﻲ ﺷﺮﺗﻪ
ﻭﺑﺪﻝ ﺍﻟﺒﺎﻧﻄﻠﻮﻥ ﺑﺼﺮﻭﺍﻝ ﻣﺮﻳﺢ ﻭﺗﻲ ﺷﺮﺕ ﺍﺭﻳﺢ .. ﻭﻫﻮ ﻣﻮ ﻗﺎﺩﺭ
ﻳﺤﺲ ﺑﺮﻭﺣﻪ .. ﻭﻧﺎﻡ ﻋﻠﻰ ﺍﻟﺴﺮﻳﺮ ﻭﻫﻮ ﻓﺎﺗﺢ ﻋﻴﻮﻧﻪ .. ﻣﺎ ﻳﺒﻲ
ﻳﺴﻜﺮﻫﺎ ﻋﺸﺎﻥ ﻻ ﻳﺮﻭﺡ ﻭﻳﻪ ﺳﻤﺎﺀ ﻋﻦ ﻧﻈﺮﻩ .. ﻭﻫﻮ ﻣﻮ ﻗﺎﺩﺭ ﻳﺼﺪﻕ
ﺍﻧﻪ ﻳﺤﺲ ﺑﻬﺎﻟﻤﺸﺎﻋﺮ ﻟﺴﻤﺎﺀ ﻣﻦ ﺑﺪ ﺍﻟﺒﻨﺎﺕ ﻛﻠﻬﻢ ... ﺳﻤﺎﺀ ﺍﻟﻠﻲ ﻣﺎﻇﻦ
ﺍﻧﻪ ﺑﻴﻼﻗﻲ ﺑﻨﺖ ﻣﺜﻠﻬﺎ ﻓﻲ ﺣﻴﺎﺗﻪ ... ﺟﺮﻳﺌﺔ ﻭﻋﻔﻮﻳﺔ ﻭﻣﺘﺤﺮﺭﺓ ..
ﻛﺎﻧﺖ ﺗﻤﺜﻞ ﺍﻟﺘﻀﺎﺩ ﻓﻲ ﻛﻞ ﺷﻲ ﺍﻫﻮ ﻳﺘﻤﻨﺎﻩ ﻓﻲ ﺍﻟﺒﻨﺖ ... ﻋﻜﺲ
ﻓﺎﺗﻦ ﻟﻜﻦ ﻓﻴﻬﺎ ﺷﻲ ﺭﺍﺋﻊ ﻳﻤﻴﺰﻫﺎ ﻋﻦ ﻓﺎﺗﻦ ... ﺻﺮﺍﺣﺘﻬﺎ ﻭﻭﺿﻮﺡ
ﻣﺸﺎﻋﺮﻫﺎ .. ﻣﺎﻫﻲ ﻗﻮﻳﺔ ﻭﻻ ﻫﻲ ﺛﺎﺑﺘﻪ ﺑﺎﻟﻌﻜﺲ .. ﺍﻫﻲ ﻣﺜﻞ ﺍﻟﻤﺮﻛﺐ
ﺍﻟﻠﻲ ﻳﺘﻤﺎﻳﻞ ﺑﺎﻟﻤﻮﺝ ﻟﻜﻨﻬﺎ ﻓﻲ ﻧﻔﺲ ﺍﻟﻮﻗﺖ .. ﺑﺎﻗﻴﺔ .. ﻭﻣﺎ ﺗﺘﺤﺮﻙ ..
ﻳﺎﺭﺏ .. ﻳﺎﺭﺏ ﺛﺒﺘﻨﻲ ﻋﻠﻰ ﺍﻟﻄﺮﻳﺞ ﺍﻟﺼﺢ .. ﻻﻧﻲ ﻣﺎﺍﺑﻲ ﺍﻛﻮﻥ ﻏﻠﻂ ..
ﺗﻌﺒﺖ ﻣﻦ ﻛﻮﻧﻲ ﻋﻠﻰ ﻏﻠﻂ ... ﺗﻌﺒﺖ ..
ﺍﻟﻔﺼﻞ ﺍﻟﺜﺎﻧﻲ
---------------
ﻣﺮ ﻋﻠﻰ ﺍﻟﺮﺣﻠﺔ ﺗﻘﺮﻳﺒﺎ 3 ﺳﺎﻋﺎﺕ ﻭﺍﻻﺛﻨﻴﻦ ﻟﻠﺤﻴﻦ ﻣﺎ ﺭﺟﻌﻮ ﻟﻠﻴﺨﺖ ..
ﻋﺎﺟﺒﻬﻢ ﺍﻟﺮﺻﻴﻒ ﺍﻟﻠﻲ ﺍﻟﻨﺎﺱ ﻣﺘﻴﻤﻌﺔ ﻋﻠﻴﻪ ﻭﻣﺴﺘﻤﺘﻌﺔ ﺑﻮﻗﺘﻬﺎ ..
ﺍﺟﺎﺯﺓ ﻭﻛﻞ ﺍﻟﻨﺎﺱ ﻃﺎﻟﻌﺔ ﻓﻲ ﺍﻟﻤﻨﺘﺰﻫﺎﺕ ﻭﺗﺘﻤﺸﻰ ﻭﻳﺎ ﻋﻴﺎﻟﻬﺎ
ﻭﺍﺻﺤﺎﺑﻬﺎ .. ﻭﻣﺴﺎﻋﺪ ﻭﻓﺎﺗﻦ ﻛﻞ ﺷﻮﻱ ﻳﺘﻮﻗﻔﻮﻥ ﻭﻳﺎﻛﻠﻮﻥ ﻟﻬﻢ ﻣﻦ
ﺍﻟﺨﺮﺍﺑﻴﻂ ﺍﻟﻠﻲ ﺷﺮﻭﻭﻫﺎ .. ﻭﻳﺮﺟﻌﻮﻥ ﻣﺮﺓ ﺛﺎﻧﻴﺔ ﻟﻠﻤﺸﻲ .. ﻛﺎﻧﺖ
ﻣﻮﺍﺿﻴﻌﻬﻢ ﻣﺤﺪﻭﺩﺓ ﻭﻣﺴﺎﻋﺪ ﻣﺎ ﻛﺎﻥ ﻳﻔﺘﺢ ﺃﻱ ﻣﻮﺿﻮﻉ ﻻﻧﻪ ﻳﺨﺎﻑ
ﻳﻜﻮﻥ ﻣﺼﺪﺭ ﻣﻠﻞ ﻟﻔﺎﺗﻦ ﻟﺬﺍ ﺍﻫﻲ ﻛﺎﻧﺖ ﺗﻘﻮﻝ ﺷﻲ ﻭﺍﻫﻮ ﻳﻌﻠﻖ ﻋﻠﻴﻪ ..
ﻭﻳﺎ ﻛﺜﺮﻫﺎ ﺍﻟﻤﻮﺍﺿﻴﻊ ﺍﻟﻠﻲ ﻓﺘﺤﺘﻬﺎ ﻓﺎﺗﻦ .. ﻣﻌﻈﻤﻬﺎ ﺷﻴﻖ ﺍﻻ ﻭﺍﺣﺪ
ﺧﻼﻩ ﻳﺴﻜﺖ ﻭﻣﺎ ﻳﺮﺩ ﻋﻠﻴﻬﺎ ﺍﻻ ﺑﺎﻟﻠﻪ ﺍﻋﻠﻢ ..
ﻣﻦ ﻧﺎﺣﻴﺔ ﻓﺎﺗﻦ ﻛﺎﻧﺖ ﻣﺮﺗﺎﺣﺔ ﻣﻦ ﻫﺎﻟﺮﺣﻠﺔ ﺍﻟﻨﺎﺿﺠﺔ .. ﻭﺗﺼﻮﺭﺕ
ﻓﻲ ﺑﺎﻟﻬﺎ ﻟﻮ ﺍﻥ ﺣﻴﺎﺗﻬﺎ ﻣﻊ ﻣﺴﺎﻋﺪ ﻛﺎﻧﺖ ﺟﺬﻱ ﻓﻬﻲ ﺭﺍﺡ ﺗﻜﻮﻥ
ﻣﺮﺗﺎﺣﺔ ... ﺍﺑﺘﺴﻤﺖ ﺑﺄﻟﻢ ﻳﻮﻡ ﻗﺎﻟﺖ ﻫﺎﻟﺸﻲ ﻓﻲ ﻣﺨﻴﻠﺘﻬﺎ ...
ﻣﺮﺗﺎﺣﺔ .. ﻣﺮﺗﺎﺣﺔ .. ﺻﺎﺭﺕ ﺍﻟﺮﺍﺣﺔ ﺷﻲ ﻣﻬﻢ ﺑﺎﻟﻨﺴﺒﺔ ﻟﻲ .. ﺑﺪﻝ ﻻ
ﺍﻗﻮﻝ ﻋﺎﺷﻘﺔ .. ﻣﺠﻨﻮﻧﺔ .. ﻣﺤﺒﻮﺑﺔ .. ﺍﻋﻴﺶ ﻓﻲ ﻗﺼﺔ ﺧﺮﺍﻓﻴﺔ ﻣﺎ
ﻳﺤﻠﻢ ﻓﻴﻬﺎ ﺍﺣﺪ .. ﺟﻨﺔ ﺍﻟﻌﺸﻖ ﻭﻓﺮﺩﻭﺱ ﺍﻟﻬﻴﺎﻡ .. ﺻﺎﺭﺕ ﻫﺬﻱ ﺍﺷﻴﺎﺀ
ﺛﺎﻧﻮﻳﺔ ﺑﺎﻟﻨﺴﺒﺔ ﻟﻲ .. ﻳﺎ ﺍﻟﻠﻪ .. ﺍ ﻛﺮﻩ ﻧﻔﺴﻲ .. ﺍﻛﺮﻩ ﻫﺎﻟﻔﺎﺗﻦ .. ﻭﺍﻛﺮﻩ
ﻫﺎﻟﺸﺨﺼﻴﺔ ﺍﻟﺠﺪﻳﺪﺓ ﺍﻟﻠﻲ ﺻﺮﺕ ﻻﺯﻡ ﺍﻣﺸﻲ ﻋﻠﻰ ﺧﻄﻮﺍﺗﻬﺎ .. ﻣﺎ
ﺍﺑﻲ ﺟﺬﻱ .. ﻋﻤﺮﻱ ﻣﺎ ﺑﻐﻴﺖ ﺍﻧﻲ ﺍﻛﻮﻥ ﺟﺬﻱ .. ﻟﻜﻦ ... ﺍﻟﻈﺎﻫﺮ ﺍﻥ
ﺣﻠﻢ ﺍﻟﻔﻘﻴﺮ ﻋﻤﺮﻩ ﻣﺎ ﻳﺘﺤﻘﻖ .. ﻭﻫﺬﻱ ﻫﻲ ﺣﺎﻟﺘﻲ ..
ﻛﺎﻥ ﻣﺴﺎﻋﺪ ﺑﻬﺬﻳﺞ ﺍﻟﻠﺤﻈﺔ ﻋﻨﺪ ﺍﺣﺪ ﺍﻷﻛﺸﺎﻙ ﺍﻟﻠﻲ ﺗﺒﻴﻊ ﺍﻟﺒﻮﺑﻜﻮﺭﻥ
ﺍﻭ ﺷﻌﺮ ﺍﻟﺒﻨﺎﺕ .. ﻭﺷﺮﻯ ﻟﻔﺎﺗﻦ ﺑﻮﺑﻜﻮﺭﻥ ﻭﻋﺼﻴﺮ ﻭﻫﻮ ﺷﺮﺍﻟﻪ ﺑﻨﺪﻭﻝ
ﻻﻥ ﺍﻟﺼﺪﺍﻉ ﺑﻴﻔﺠﺮ ﺭﺍﺳﻪ ... ﻭﻫﻮ ﻳﻤﺸﻲ ﻟﻔﺎﺗﻦ ﻭﻗﻔﺖ ﻟﻪ ﺑﻨﻮﺗﺔ
ﺷﻘﺮﻯ ﻭﻓﻲ ﻛﻞ ﺍﻟﻐﻨﺞ ﻭﺍﻟﺪﻟﻊ .. ﻭﻛﺄﻧﻬﺎ ﺗﺒﻲ ﺍﻟﻠﻲ ﻓﻲ ﻳﺪﻩ .. ﺍﺑﺘﺴﻢ ﻟﻬﺎ
ﻣﺴﺎﻋﺪ ﺑﺼﺪﻕ ..
ﻣﺴﺎﻋﺪ : you want this ?
ﺍﻟﺒﻴﺒﻲ : ﺍﻫﺎﺍﺍ ..
ﻣﺴﺎﻋﺪ ﺍﻟﻠﻲ ﻧﺰﻝ ﻟﻬﺎ ﻭﺗﻮﻗﻞ .. : I'll give it to you but.. give
me a kiss first
ﺍﻡ ﺍﻟﻴﺎﻫﻞ ﻳﺎﺕ ﻟﻠﺒﻨﺖ ﻭﻭﻗﻔﺖ ﺟﺮﻳﺐ ﻭﺍﻫﻲ ﺗﺒﺘﺴﻢ ﻟﻤﺴﺎﻋﺪ .. ﺍﻟﻠﻲ
ﺍﻟﻴﺎﻫﻞ ﻳﺎﺗﻪ ﺑﻨﻌﻮﻣﺔ ﻭﺑﺎﺳﺘﻪ ﻋﻠﻰ ﺧﺪﻩ ﻭﺳﺤﺒﺖ ﺍﻟﺒﺎﺑﻜﻮﺭﻥ ﻭﺭﺍﺣﺖ
ﻋﻨﻪ ﻟﺤﻈﻦ ﺍﻣﻬﺎ ﻭﺍﻫﻲ ﻣﺴﺘﺤﻴﺔ ..
ﺍﻡ ﺍﻟﺒﻨﺖ : I'm so sorry she has this bad habit
ﻣﺴﺎﻋﺪ : an angel like that with bad habit? No way can
she have what ever she wants
ﺍﻡ ﺍﻟﺒﻨﺖ : thank you
ﻣﺴﺎﻋﺪ : any time
ﻭﻫﻮ ﻳﻨﺎﻇﺮ ﺍﻟﺒﻴﺒﻲ ﻭﻳﻠﻮﻭﺡ ﺑﻴﺪﻩ ﻟﻬﺎ .. ﻭﺍﻫﻲ ﺑﻌﺪ ﺗﻠﻮﺡ ﻟﻪ ﺑﺲ ﺑﺤﻴﺎ
ﻭﻫﻲ ﺗﺘﺨﺒﻰ ﻭﺭﻯ ﺍﻣﻬﺎ .. ﻭﻣﻦ ﺑﻌﺪﻫﺎ ﻛﻤﻞ ﻣﺴﺎﻋﺪ ﺩﺭﺑﻪ ﻟﻔﺎﺗﻦ ﺍﻟﻠﻲ
ﻛﺎﻧﺖ ﻗﺎﻋﺪﺓ ﻋﻠﻰ ﺍﺣﺪ ﺍﻟﻤﻘﺎﻋﺪ ﻭﻃﺒﻌﺎ ﻛﺎﻧﺖ ﻋﻴﻮﻧﻬﺎ ﻭﺣﻮﺍﺳﻬﺎ
ﻣﺘﻮﺟﻬﺔ ﻟﻪ .. ﻭﻛﺎﻧﺖ ﺷﺎﻫﺪ ﻋﻠﻰ ﻛﻞ ﺍﻟﻠﻲ ﺻﺎﺭ ﺑﻴﻨﻪ ﻭﺑﻴﻦ ﺍﻟﻴﺎﻫﻞ ..
ﻭﺣﺰ ﻫﺎﻟﺸﻲ ﺍﻛﺜﺮ ﺑﺨﺎﻃﺮﻫﺎ .. ﻛﻞ ﻳﻮﻡ ﻗﺎﻋﺪﺓ ﺗﻜﺘﺸﻒ ﻓﻴﻪ ﺷﻲ
ﻳﺪﻳﺪ .. ﻭﺍﻟﻴﻮﻡ ﺍﻛﺘﺸﻔﺖ ﻓﻴﻪ ﺍﻟﺘﺴﺎﻭﻡ ﻭﺍﻟﻤﺮﺍﺿﺎﺓ ﻭﺍﻟﻬﺪﻭﺀ .. ﻭﺍﻟﺤﻴﻦ
ﺃﺑﻮﻳﺘﻪ ﻭﺣﺒﻪ ﻟﻠﻴﻬﺎﻝ ..
ﻭﺍﻭﻝ ﻣﺎ ﻭﺻﻞ ﻭﻗﻌﺪ ﻳﻤﻬﺎ : ﻣﺴﺎﻣﺤﺔ ﺑﺲ ﺳﺒﻘﺘﺞ ﻭﺣﺪﺓ ﻓﻲ
ﺍﻟﺒﻮﺑﻜﻮﺭﻥ ..
ﻓﺎﺗﻦ ﺑﺎﺑﺘﺴﺎﻣﺔ : ﺣﻼﻝ ﻋﻠﻴﻬﺎ ..
ﺍﺑﺘﺴﻢ ﻟﻬﺎ ﻣﺴﺎﻋﺪ ﻭﻫﻮ ﻳﻌﻄﻴﻬﺎ ﺍﻟﻌﺼﻴﺮ ﻭﻣﺴﺮﻉ ﻣﺎ ﺳﻜﺖ ﻋﻨﻬﺎ ﻭﻫﻮ
ﻳﻨﺎﻇﺮ ﺍﻟﻨﺎﺱ ﻓﻲ ﺍﻟﺒﺎﺭﻙ .. ﻭﻓﺎﺗﻦ ﺍﻟﻠﻲ ﻓﺘﺤﺖ ﺍﻟﻌﺼﻴﺮ ﻭﺷﺮﺑﺘﻪ ﻣﻦ
ﻏﻴﺮ ﺃﻱ ﺗﻌﻄﻴﻞ ﻻﻧﻬﺎ ﺗﺤﺲ ﺑﺎﻟﻌﻄﺶ .. ﻭﺑﻤﺜﻞ ﻫﺎﻟﺠﻮ ﺍﻟﺴﻮﺍﺋﻞ ﺍﺣﻠﻰ
ﺷﻲ ﻋﻨﺪﻫﺎ ﻭﻧﻜﻬﺔ ﺍﻟﺠﻮﺍﻓﺎ ﻏﺮﺍﻣﻬﺎ .. ( ﻣﺜﻠﻲ ﻫﺎﻫﺎ ) ﻭﺗﻤﺖ ﺗﺸﺮﺏ
ﺍﻟﻌﺼﻴﺮ ﺑﻬﺪﻭﺀ .. ﻟﻜﻦ ﺍﻟﻌﻮﺍﺻﻒ ﻛﺎﻧﺖ ﻓﻲ ﺩﻣﺎﻏﻬﺎ .. ﻫﺎﻟﺘﻨﺎﻗﺾ ﻓﻲ
ﺣﺎﻟﻬﺎ ﻳﺴﻘﻤﻬﺎ ﻭﻳﻤﺮﺿﻬﺎ .. ﺍﻫﻲ ﺭﺍﻓﻀﺔ ﺍﻟﻌﺎﻃﻔﺔ ﻣﻦ ﻣﺴﺎﻋﺪ ﻟﻜﻦ
ﻟﻴﺶ ﺗﺤﺲ ﺍﻧﻬﺎ ﺑﺤﺎﺟﺔ ﻟﻬﺎ .. ﻭﺗﺒﻲ ﺗﻜﺘﺸﻔﻬﺎ ﻓﻴﻪ .. ﻟﻜﻨﻬﺎ ﻣﺎ ﺗﻘﺪﺭ
ﺗﺤﺒﻪ .. ﺑﺲ ﺗﺒﻴﻬﺎ ... ﺍﻧﺎﻧﻴﺔ ﻭﺍﺳﺘﺒﺪﺍﺩﻳﺔ ﻣﻨﻬﺎ ﻣﺎ ﺗﺪﺧﻞ ﺑﻌﻘﻞ ﺍﺣﺪ ..
ﻭﻣﻦ ﻇﻴﺠﻬﺎ ﻓﻲ ﺍﻓﻜﺎﺭﻫﺎ ﺑﺪﺕ ﺗﻬﺰ ﺭﻳﻠﻬﺎ ﻭﺍﻫﻲ ﻗﺎﻋﺪﺓ .. ﻭﻣﺴﺎﻋﺪ
ﺍﻟﻠﻲ ﻣﺎ ﺗﻔﻮﺗﻪ ﺗﺤﺮﻛﺎﺕ ﻓﺎﺗﻦ ﻭﻟﻮ ﻟﻠﺤﻈﺔ ﺍﻧﺘﺒﻪ ﻟﺤﺮﻛﺔ ﺭﻳﻠﻬﺎ
ﺍﻟﻤﺘﻮﺗﺮﺓ .. ﻭﻣﻦ ﻏﻴﺮ ﻣﺎ ﻳﻨﺎﻇﺮﻫﺎ ﻭﻫﻮ ﻳﺸﺮﺏ ﺍﻟﻌﺼﻴﺮ ..
ﻣﺴﺎﻋﺪ : ﻋﻼﻣﺞ؟
ﺍﻧﺘﺒﻬﺖ ﻟﻪ ﻓﺎﺗﻦ ﻭﻫﻲ ﺗﻌﺾ ﻋﻠﻰ ﺷﻔﺘﻬﺎ : ﻫﺎ؟؟
ﻣﺴﺎﻋﺪ ﻳﻨﺰﻝ ﺍﻟﻌﺼﻴﺮ ﻋﻦ ﺣﻠﺠﻪ : ﻋﻼﻣﺞ ﺗﻬﺰﻳﻦ ﺭﻳﻠﺞ؟؟ ﻣﺘﻈﺎﻳﻘﺔ؟
ﻓﺎﺗﻦ : ﻻ ﻻ ﻣﺎ ﻓﻴﻨﻲ ﺷﻲ .... ﻣﺎﻓﻴﻨﻲ ﺷﻲ ...
ﻣﺴﺎﻋﺪ : ﻣﺘﺄﻛﺪﺓ؟
ﻓﺎﺗﻦ ﺍﻟﻠﻲ ﺗﻈﺎﻳﻘﺖ ﻣﻦ ﺑﻌﺪ ﻣﺎ ﻛﻠﻤﻬﺎ ﻣﺴﺎﻋﺪ ﻭﻗﻄﻊ ﺍﻓﻜﺎﺭﻫﺎ : ﺍﻳــﻪ ..
ﻣﺎ ﻓﻴﻨﻲ ﺷﻲ ..
ﻣﺴﺎﻋﺪ ﺑﻨﺒﺮﺓ ﺳﺎﺧﺮﺓ : ﺍﻟﺤﻤﺪ ﻟﻠﻪ ﺭﺏ ﺍﻟﻌﺎﻟﻤﻴﻦ ...
ﻣﺎ ﺍﻧﺘﺒﻬﺖ ﻓﺎﺗﻦ ﻟﻠﺴﺨﺮﻳﺔ ﺑﺼﻮﺗﻪ ﻭﻏﺎﺑﺖ ﻣﺮﺓ ﺛﺎﻧﻴﺔ ﻓﻲ ﺃﻓﻜﺎﺭﻫﺎ ..
ﻭﺍﻫﻲ ﺗﺘﻮﻗﻊ ﺃﺣﺪﺍﺙ ﺍﻟﻤﺴﺘﻘﺒﻞ ﻭﺷﺮﺍﺡ ﻳﺼﻴﺮ ﻓﻴﻬﺎ؟؟ ﺧﺎﻳﻔﺔ ﺑﻜﻞ
ﺻﺮﺍﺣﺔ ﻭﺑﻜﻞ ﺑﺴﺎﻃﺔ ﻣﻦ ﺍﻟﻤﺴﺘﻘﺒﻞ .. ﻻﻥ ﻛﻞ ﻣﺎ ﻳﻤﺮ ﺍﻟﻮﻗﺖ ﻳﺘﻘﺮﺏ
ﻣﻮﻋﺪ ﺍﻟﺰﻭﺍﺝ ﻭﻣﻮﻋﺪ ﺍﻻﻧﺪﻣﺎﺝ ﻟﺮﻭﺣﻬﺎ ﻣﻊ ﺭﻭﺡ ﻣﺴﺎﻋﺪ .. ﺍﻭ ﻳﻤﻜﻦ
ﺣﻴﺎﺗﻬﺎ ﺑﺤﻴﺎﺓ ﻣﺴﺎﻋﺪ .. ﻳﺎ ﺍﻟﻠﻪ .. ﻫﻞ ﺍﻧﺎ ﺍﺑﺎﻟﻎ ﺑﻬﺎﻟﺨﻮﻑ ﻭﻻ ﻣﻦ
ﺣﻘﻲ؟؟ ﻭﺍﻟﻠﻪ ﺍﻧﻲ ﻣﻮ ﻋﺎﺭﻓﺔ ﺷﻠﻮﻥ ﺍﺗﺼﺮﻑ ﻣﻌﺎﻩ ﻭﻻ ﺷﻠﻮﻥ ﺭﺍﺡ
ﺍﺳﻌﺪﻩ ﺑﺰﻭﺍﺟﻨﺎ .. ﺍﻧﺎ ﺧﻄﻮﺑﺔ ﻭﻣﻮ ﻗﺎﺩﺭﺓ ﺍﺗﺼﻮﺭ ﻧﻔﺴﻲ ﻗﺎﻋﺪﺓ ﻭﻳﺎﻩ
ﺑﻨﻔﺲ ﺍﻟﻤﻜﺎﻥ .. ﺍﻻ ﺍﻥ ﻫﺬﺍ ﺍﻟﻮﺿﻊ ﻛﺎﻥ ﺍﺿﻄﺮﺍﺭﻱ .. ﻭﻫﻮ ﺧﻄﻴﺒﻲ ..
ﺍﻻ ﺯﻭﺟﻲ ﺑﺲ .. ﺍﻟﺰﻭﺍﺝ ﻣﺎ ﺗﻢ ﺑﻴﻨﻨﺎ .. ﻭﺭﺩﺕ ﺭﻳﻠﻬﺎ ﻣﺮﺓ ﺛﺎﻧﻴﺔ ﺗﻬﺘﺰ ..
ﻭﻣﺴﺎﻋﺪ ﺍﻧﺘﺒﻪ ﻟﻬﺎ ...
ﻣﺴﺎﻋﺪ ﻭﻫﻮ ﻳﻬﺐ ﻋﻠﻰ ﺭﻳﻠﻪ : ﻳﻼ ﺧﻠﻴﻨﺎ ﺍﻧﺘﻤﺸﻰ؟
ﻓﺎﺗﻦ ﺍﻟﻠﻲ ﻛﺎﻧﺖ ﻗﺎﻋﺪﺓ ﻟﻠﺤﻴﻦ : ﻭﻳﻦ ﺍﻧﺘﻤﺸﻰ؟
ﻣﺴﺎﻋﺪ ﻧﺮﻭﺡ ﻟﻠﻴﺨﺖ .. ﻻﻧﻲ ﻣﻠﻴﺖ ﻣﻦ ﺍﻟﻘﻌﺪﺓ ..
ﻓﺎﺗﻦ ﺗﻨﺎﻇﺮ ﺍﻟﻤﻜﺎﻥ ﺍﻟﻠﻲ ﻭﻗﻔﻮﺍ ﻓﻴﻪ ﺍﻟﻴﺨﺖ : ﻟﻜﻦ ﺍﻧﺎ ﻣﺎ ﺑﻲ ﺍﺭﻭﺡ ..
ﻣﺴﺎﻋﺪ ﻳﻠﺘﻔﺖ ﻟﻬﺎ ﻭﺷﺒﻪ ﺍﻻﺑﺘﺴﺎﻣﺔ ﻋﻠﻰ ﻭﻳﻬﻪ : ﺑﺲ ﻋﻴﻞ ﺗﻤﻲ
ﻫﻨﻲ .. ﻭﺍﻧﺎ ﺍﺫﺍ ﺑﺮﺩ ﺍﻟﺒﻴﺖ ﺑﻴﻴﺞ ﻭﺑﺎﺧﺬﺝ؟
ﻓﺎﺗﻦ ﺑﻨﻈﺮﺓ ﻋﺼﺒﻴﺔ : ﺍﻧﺖ ﻣﻦ ﺻﺞ ﻭﻻ ﺗﺘﻐﺸﻤﺮ؟
ﻣﺴﺎﻋﺪ ﻭﻫﻮ ﻳﺘﻤﻄﻂ : ﻻﻻﻻ ﻭﻻ ﺍﻟﻠﻪ ﻟﻴﺶ ﺍﺗﻐﺸﻤﺮ ﺍﻧﺎ ﻣﻦ ﺻﺠﻲ
ﺍﺗﺤﺠﻰ .. ﺗﺒﻴﻦ ﺗﻘﻌﺪﻳﻦ ﻗﻌﺪﻱ .. ﻋﻴﺜﻲ ﻓﻲ ﻫﺎﻟﺒﺎﺭﻙ ﻭﺍﻧﺎ ﺑﺮﻭﺡ ﻭﺑﺮﺩ
ﻟﺞ ..
ﻓﺎﺗﻦ ﻣﻦ ﺍﻟﻌﺼﺒﻴﺔ ﻗﺎﻣﺖ ﻋﻠﻰ ﺣﻴﻠﻬﺎ ﻭﺍﻫﻲ ﻣﺘﻨﺮﻓﺰﺓ : ﺑﺲ ﺧﻼﺹ
ﺭﺩﻧﻲ ﺍﻟﺒﻴﺖ ﻭﻛﻤﻞ ﺑﺮﻧﺎﻣﺠﻚ ..
ﻣﺴﺎﻋﺪ ﻭﻗﻒ ﻟﻬﺎ ﺑﺼﻤﺖ ﻭﻫﻮ ﻣﺘﻈﺎﻳﻖ ﻟﻶﺧﺮ : ﺭﺩﻳﻨﺎ؟؟؟ ﺭﺩﻳﻨﺎ؟؟؟
ﻓﺎﺗﻦ : ﻻ ﻣﺎ ﺭﺩﻳﻨﺎ ﻭﻻ ﺭﺣﻨﺎ ﺍﻧﺖ ﺍﺻﻼ ﻛﻠﻪ ﻋﻠﻰ ﻛﻴﻔﻚ ﺗﺒﻲ ﺗﺴﻮﻗﻨﻲ
ﻳﻤﻴﻦ ﻳﺴﺎﺭ ﻋﻠﻰ ﻛﻴﻔﻚ ﻃﻠﻌﺘﻨﻲ ﻣﻦ ﺍﻟﺒﻴﺖ ﻏﺼﺐ ﻭﺑﺘﺪﻭﺭ ﻓﻴﻨﻲ
ﺑﺎﻟﻴﺨﺖ ﻏﺼﺐ ﻭﻛﻞ ﺷﻲ ﻏﺼﺐ ﺣﺘﻰ ﺍﻟﻌﺼﻴﺮ ﻏﺼﺐ .. ﺍﻟﻈﺎﻫﺮ ﺍﻧﺎ
ﺍﻟﻐﺼﺐ ﺻﺎﺭ ﺷﻲ ﺍﺳﺎﺳﻲ ﺑﻬﺎﻟﺤﻴﺎﺓﺍﻟﻠﻲ ﺭﺍﺡ ﻧﻌﻴﺸﻬﺎ ..
ﺳﻜﺖ ﻣﺴﺎﻋﺪ ﻭﻣﺎ ﺭﺩ ﻋﻠﻴﻬﺎ .. ﻭﻓﺎﺗﻦ ﺍﻟﻠﻲ ﻣﻦ ﺍﻟﻨﻔﻀﺔ ﻇﻠﺖ ﻭﺍﻗﻔﺔ
ﺟﺪﺍﻣﻬﺎ ﻭﺍﻫﻲ ﺗﻘﻠﺐ ﻓﻲ ﻋﻴﻮﻧﻬﺎ ﻳﻤﻴﻦ ﻳﺴﺎﺭ .. ﻭﻣﺴﺘﻌﺪﺓ ﻟﻠﻄﺮﺍﻕ
ﺍﻟﻠﻲ ﺭﺍﺡ ﻳﺤﻮﺱ ﻣﺨﻬﺎ .. ﻭﺍﻧﺘﻈﺮﺕ ﻭﺍﻧﺘﻈﺮﺕ ﺷﻲ ﻣﻦ ﻣﺴﺎﻋﺪ ..
ﻟﻤﻦ ﺍﻓﺘﺮ ﻋﻨﻬﺎ ﻭﺭﺍﺡ ﻳﻤﺸﻲ ﻭﻻ ﻫﻮ ﻣﻌﺒﺮﻫﺎ ﺍﻭ ﺭﺍﺩ ﻋﻠﻴﻬﺎ ﺑﻜﻠﻤﺔ ...
ﻣﺎ ﺗﺴﺘﺎﻫﻞ ﺍﻟﻜﻼﻡ .. ﻫﺬﻱ ﺍﻟﺒﻨﺖ ﺧﻼﺹ .. ﺍﻧﺎ ﻏﺴﻠﺖ ﻳﺪﻱ ﻣﻨﻬﺎ ﻻﻧﻬﺎ
ﻣﺎ ﺑﺘﺴﻤﻊ ﺍﻟﻜﻼﻡ ﻭﻻ ﺑﺘﻄﻴﻊ ﻭﻻ ﺑﺘﻌﺪﻳﻬﺎ ﻋﻠﻰ ﺧﻴﺮ ...
ﻇﻠﺖ ﻓﺎﺗﻦ ﻭﺍﻗﻔﺔ ﻣﻜﺎﻧﻬﺎ ﻭﺍﻫﻲ ﺗﻨﺎﻇﺮ ﻫﺎﻟﻌﻤﻼﻕ ﺍﻟﻠﻲ ﺭﺍﺡ ﻋﻨﻬﺎ .. ﻣﺎ
ﺗﻮﻗﻌﺘﻪ ﻳﺮﻭﺡ ﻭﻳﺨﻠﻴﻬﺎ ﺑﺮﻭﺣﻬﺎ ﻭﺍﻫﻮ ﺍﻟﻠﻲ ﻛﺎﻥ ﻟﻬﺎ ﻣﺜﻞ ﺍﻟﻈﻞ ...
ﺷﻠﻮﻥ ﺭﺍﺡ ﻋﻨﻬﺎ ﺟﺬﻱ .. ﻭﻋﻠﻰ ﻃﻮﻝ ﺍﺭﺳﻞ ﻣﺨﻬﺎ ﺭﺳﺎﻟﺔﺍﻟﻰ ﺭﻳﻠﻬﺎ
ﻋﺸﺎﻥ ﺗﺘﺤﺮﻙ ﻭﺗﻤﺸﻲ ... ﻭﺗﻠﺤﻘﻪ ﻣﺤﻞ ﻣﺎ ﺭﺍﺡ ..
ﻭﺑﺎﻟﻔﻌﻞ .. ﺗﺒﻌﺖ ﻓﺎﺗﻦ ﻣﺴﺎﻋﺪ ﺍﻟﻠﻲ ﺳﺒﻘﻬﺎ ﺑﺎﻟﻤﺸﻲ ﻭﻫﻲ ﻣﺘﻠﻮﻣﺔ ﻋﻠﻰ
ﻧﻔﺴﻬﺎ .. ﺷﻬﺎﻟﺘﻘﻠﺐ ﺍﻟﻨﻔﺴﻲ ﻓﻴﻬﺎ ﻭﺷﻬﺎﻟﻤﺰﺍﺟﻴﺔ ﺍﻟﻠﻲ ﻋﻤﺮﻫﺎ ﻣﺎ ﻣﺮﺕ
ﺑﻬﺎ .. ﻟﻴﺶ ﻫﺎﻟﺤﺎﻟﺔ ﺍﻟﻨﻔﺴﻴﺔ ﺍﻟﺼﻌﺒﺔ ﻣﻼﺯﻣﺘﻬﺎ ﻣﺜﻞ ﺍﻟﻄﻴﻒ ﻓﻲ ﺑﺎﻝ
ﺍﻟﻌﻄﺸﺎﻥ .. ﻟﻴﺶ ﻗﺮﺍﺭﺓ ﻧﻔﺴﻬﺎ ﻣﻮ ﻫﺎﺩﻳﺔ ﻭﻻ ﻫﻲ ﻗﺎﺩﺭﺓ ﺗﻌﺮﻑ ﺍﻫﻲ
ﺷﺘﺒﻲ .. ﻻ ﺍﻟﻨﺎﺭ ﺗﻌﺠﺒﻬﺎ ﻭﻻ ﺍﻟﺠﻨﺔ .. ﻭﺗﻤﺸﻲ ﺑﻴﻦ ﺍﻻﺛﻨﻴﻦ .. ﻟﻴـﺶ ﻳﺎ
ﺭﺏ ﻟﻴـﺶ؟
ﺃﻣﺎ ﻣﺴﺎﻋﺪ ﻓﺤﺎﻟﻪ ﻻ ﻳﺴﺮ ﻭﻻ ﻳﻄﻤﻦ ﻻﻥ ﺍﻟﻐﻀﺐ ﻭﺍﻟﻘﻬﺮ ﻭﺻﻞ ﻓﻴﻪ
ﻣﻮﺻﻞ ﻳﻤﻜﻦ ﻻ ﺷﺎﻑ ﻓﺎﺗﻦ ﺟﺪﺍﻣﻪ ﻳﻘﻄﻌﻬﺎ .. ﻗﺴﻢ ﺑﺎﻟﻠﻪ ﺍﻥ ﻣﺎ
ﻭﻗﻔﻨﻲ ﻋﻨﻬﺎ ﺷﻲ ﺍﻻ ﻋﻴﻮﻧﻬﺎ .. ﻭﺍﻻ ﺍﻧﺎ ﺫﺑﺤﺘﻬﺎ ﺍﻟﺤﻴﻦ ﻭﺣﻜﺮﺗﻬﺎ ﺑﻴﺪﻱ
ﻭﺧﻠﺼﺖ ﻋﻠﻴﻬﺎ .. ﺍﻧﺎ ﻣﻴﻨﻮﻥ .. ﻣﻴﻨﻮﻥ ﺍﻧﺎ ﺍﺣﻂ ﻧﻔﺴﻲ ﻭﻳﺎ ﻳﺎﻫﻞ ..
ﻣﺘﺰﻭﺟﻬﺎ ﻋﺸﺎﻥ ﺍﺷﻴﻠﻬﺎ ﻋﻦ ﺍﻟﻐﻠﻂ ... ﺍﻱ ﺍﻱ ﻗﺺ ﻋﻠﻰ ﺣﺎﻟﻚ ﻣﺜﻞ
ﻣﺎ ﻗﺼﻴﺖ ﻓﻲ ﺍﻟﺒﺪﺍﻳﺔ .. ﺍﻧﺖ ﻣﺎ ﺗﺰﻭﺟﺘﻬﺎ ﻋﺸﺎﻥ ﺍﺗﺸﻴﻠﻬﺎ ﻋﻦ ﺍﻟﻐﻠﻂ
ﻭﺍﻟﻠﻪ ﺍﻟﺒﻨﺖ ﻣﻼﻙ ﻭﻣﺎ ﺗﻨﻌﺎﺏ ﺑﺸﻲ .. ﺍﻧﺖ ﺗﺰﻭﺟﺘﻬﺎ ﻻﻧﻚ ﻣﺎ ﺗﺤﻤﻠﺖ
ﻓﻜﺮﺓ ﺍﻧﻬﺎ ﺗﻜﻮﻥ ﻟﻮﺍﺣﺪ ﻏﻴﺮﻙ .. ﻓﻠﻌﺒﺖ ﻟﻌﺒﺔ ﻣﻦ ﺳﺒﻖ ﻟﺒﻖ .. ﻭﺍﻧﺖ
ﺳﺒﻘﺖ ﻟﻜﻨﻚ ﻣﺎ ﺭﺍﺡ ﺗﻠﺒﻘﻬﺎ ﺑﻴﻮﻡ .. ﻏﺒﻲ ﻏﺒﻲ ﻏﺒﻲ ﻭﻣﺨﻚ ﻗﺪ
ﺍﻟﺬﺑﺎﻧﻪ ... ﻣﺎﻟﺖ ﻋﻠﻲ ﻣﺎﺍﺍﺍﺍﺍﺍﻟﺖ ﻋﻠﻲ ..
ﻛﺎﻧﺖ ﻫﺬﻱ ﺍﻟﻜﻠﻤﺎﺕ ﺍﺗﺼﺎﺭﺥ ﻓﻲ ﺧﻴﺎﻝ ﻣﺴﺎﻋﺪ ﻭﻫﻮ ﻳﻤﺸﻲ ﺑﻬﺪﻭﺀ
ﻟﻜﻦ ﺍﻟﻨﺎﺭ ﻛﺎﻧﺖ ﺗﺴﻌﺮ ﻓﻴﻪ .. ﻭﻗﺎﻭﻡ ﺍﻟﺸﻌﻮﺭ ﺍﻧﻪ ﻳﻠﺘﻔﺖ ﻭﻳﺸﻮﻑ
ﺍﻟﺨﺒﻠﺔ ﺍﻟﻠﻲ ﺧﻼﻫﺎ ﻭﺭﺍﺍﻩ .. ﻣﺎ ﻳﺪﺭﻱ ﻟﻴﺶ ﻳﺤﺲ ﺍﻧﻬﺎ ﺗﻤﺸﻲ ﻭﺭﺍﻩ ..
ﻭﺍﻟﻠﻪ ﻛﻴﻔﻬﺎ ﺑﺘﻤﺸﻲ ﻣﺎ ﺑﺘﻤﺸﻲ ﻻﻧﻲ ﺧﻼﺹ ﻣﺎ ﻋﺪﺕ ﺍﺗﺤﻤﻠﻬﺎ .. ﻣﺎ
ﻋﺪﺕ ﺍﺗﺤﻤﻠﻬﺎ ﻭﻻ ﺍﺗﻘﺒﻠﻬﺎ ﻭﺍﻥ ﺟﺎﻥ ﺍﻫﻲ ﺗﻌﺮﻑ ﻟﻠﻜﻼﻡ ﺍﻟﻤﻌﺴﻞ ﺍﻧﺎ
ﺍﻋﺴﻞ ﻣﻨﻬﺎ ...
ﻭﺻﻞ ﻟﻠﻴﺨﺖ ﻭﺭﻛﺒﻪ ﻭﻋﻠﻰ ﻃﻮﻝ ﺭﺍﺡ ﻋﻨﺪ ﻛﺮﺳﻲ ﺍﻟﺴﺎﺋﻖ ﻭﺷﻐﻞ
ﺍﻟﻤﺤﺮﻙ .. ﻭﻓﺎﺗﻦ ﺍﻟﻠﻲ ﻭﺻﻠﺖ ﻭﻫﻲ ﺗﺮﻛﺾ ﻣﻦ ﺑﻌﺪ ﻣﺎ ﺍﺧﺘﻔﻰ ﻋﻦ
ﻧﻈﺮﻫﺎ ﺧﻴﺎﻝ ﻣﺴﺎﻋﺪ .. ﻭﺍﻧﺘﺒﻪ ﻟﻬﺎ ﻣﺴﺎﻋﺪ ﻭﺍﻟﺘﻔﺖ .. ﻛﺎﻧﺖ ﻭﺍﻗﻔﺔ
ﻭﺍﻟﻬﻮﺍ ﻳﻬﺒﻬﺎ ﻭﺍﻫﻲ ﺗﻠﻬﺚ ﻭﺍﻫﻲ ﺣﺎﻣﻠﺔ ﺟﻨﻄﺘﻬﺎ ﺑﻴﺪﻫﺎ ﻭﺗﻨﻮﺭﺗﻬﺎ
ﺍﻟﻨﺎﻋﻤﺔ ﺗﻨﺴﺎﺏ ﻣﻦ ﺑﻴﻦ ﺳﻴﻘﺎﻧﻬﺎ ..
ﺍﻟﺤﻴﻦ ﺗﺒﻲ ﺗﺮﻛﺐ ﺍﻟﻴﺨﺖ ﺑﺲ ﻣﻮ ﻋﺎﺭﻓﺔ ﻻﻧﻪ ﺷﻮﻱ ﺑﻌﻴﺪ ﻋﻨﻬﺎ
ﻭﻳﺒﻴﻠﻬﺎ ﺗﻨﻂ .. ﻭﺭﻓﻌﺖ ﺍﻟﺠﻨﻄﺔ ﻭﺍﻫﻲ ﺗﺒﻲ ﺗﺪﺧﻞ ﻭﺍﻭﻝ ﻣﺎ ﺣﻄﺖ
ﺭﻳﻠﻬﺎ ﺗﻬﺎﻣﻞ ﺍﻟﻴﺨﺖ ﻓﻲ ﺍﻟﻤﺎﺀ ﻭﺧﺎﻓﺖ ﻭﺭﻓﻌﺖ ﺭﻳﻠﻬﺎ ﻭﺗﻤﺖ ﻭﺍﻗﻔﺔ
ﺗﻨﺘﻈﺮ ﻣﻦ ﻣﺴﺎﻋﺪ ﺍﻧﻪ ﺍﻳﻲ ﻭﻳﺨﻠﺼﻬﺎ .. ﻭﻫﻮ ﻳﺮﺍﻗﺒﻬﺎ ﻭﻳﻮﻡ ﺣﺲ ﺍﻧﻬﺎ
ﺗﻨﺘﻈﺮﻩ ﺗﻬﻔﻬﻒ ﻭﺑﻤﻠﻞ ﻣﺼﻄﻨﻊ ﺭﺍﺡ ﻟﻬﺎ ﻭﻫﻮ ﻳﻤﺪ ﻳﺪﻩ ﻟﻬﺎ .. ﺑﻐﺮﻭﺭ
ﻣﺴﻜﺖ ﻓﺎﺗﻦ ﻳﺪﻩ ﻭﺣﻄﺖ ﺭﻳﻠﻬﺎ ﺩﺍﺧﻞ ﺍﻟﻴﺨﺖ ﻭﺗﻮﻫﺎ ﺑﺘﺪﺧﻞ ﻭﺗﻬﺎﻣﻞ
ﺍﻟﻴﺨﺖ ﻣﺮﺓ ﺛﺎﻧﻴﺔ ﻭﻟﻜﻦ ﺑﺪﺧﻮﻝ ﻓﺎﺗﻦ ﻟﻠﻴﺨﺖ ﻭﺟﺎﻥ ﺗﻄﻴﺢ ﻋﻠﻰ
ﻣﺴﺎﻋﺪ ﺑﻜﻞ ﻗﻮﺗﻬﺎ ...
ﻟﻜﻦ ﻣﺴﺎﻋﺪ ﺍﻟﻠﻲ ﻣﺴﻜﻬﺎ ﺑﻘﻮﺗﻪ ﻣﺎ ﻗﺪﺭ ﺍﻧﻪ ﻳﺼﺎﺭﻉ ﺗﻬﺎﻣﻞ ﺍﻟﻴﺨﺖ
ﻋﻠﻰ ﺍﻟﻤﺎﻱ ﻭﺗﻤﺎﻳﻞ ﺍﻫﻮ ﺍﻟﺜﺎﻧﻲ ﻟﻤﻦ ﺍﺧﺮﺗﻬﺎ ﺛﺒﺖ ﻣﻜﺎﻧﻪ ﻭﻫﻮ ﻣﺎﺳﻚ
ﻓﺎﺗﻦ ﺍﻟﻠﻲ ﻛﺎﻧﺖ ﻣﻦ ﺷﺪﺓ ﺍﻟﺨﻮﻑ ﺣﺎﻃﻪ ﻳﺪﻳﻨﻬﺎ ﻋﻠﻰ ﻭﻳﻬﻬﺎ
ﻟﺤﻈﺎﺕ ﻣﺮﺕ ﻣﻦ ﻫﺎﻟﺘﺠﺮﺑﺔ ﺍﻟﻘﺎﺳﻴﺔ ﺍﻭ ﺍﻟﻤﻀﺤﻜﺔ ﺑﻌﺪ ﻭﺷﻮﻱ ﺷﻮﻱ
ﻓﺠﺖ ﻓﺎﺗﻦ ﻳﺪﻫﺎ ﻋﻦ ﻭﻳﻬﻬﺎ ﻭﺗﺸﻮﻑ ﻧﻔﺴﻬﺎ ﻋﻨﺪ ﻣﺴﺎﻋﺪ ﺍﻟﻠﻲ ﻛﺎﻥ
ﻣﻨﺤﺮﺝ ﻭﺍﻟﺴﺒﺐ ﺍﻟﻠﻲ ﺧﻼﻫﺎ ﺗﻌﺮﻑ ﺍﻧﺤﺮﺍﺟﻪ ﺍﻫﻲ ﻧﻈﺮﺍﺗﻪ ﺍﻟﻠﻲ ﻛﺎﻥ
ﺻﺎﺩ ﺑﻬﺎ ﻣﻜﺎﻥ ﺛﺎﻧﻲ .. ﻭﻳﻮﻡ ﻻﺣﻈﺖ ﺍﻟﻤﻜﺎﻥ ﺍﻟﻠﻲ ﺍﻫﻲ ﻓﻴﻪ ﻋﻠﻰ
ﻃﻮﻝ ﻃﻔﺮﺕ ﻣﻨﻪ ﻣﺜﻞ ﺍﻟﻨﺎﺭ ﺍﻟﻼﺳﻌﺔ .. ﻭﻣﻦ ﺷﺪﺓ ﺍﻻﺣﺮﺍﺝ ﺭﺍﺣﺖ
ﻗﻌﺪﺕ ﻋﻠﻰ ﺍﻟﻜﺮﺳﻲ ﻭﻛﻠﻤﺔ ﺷﻜﺮﺍ ﻻﺻﻘﺔ ﺑﻄﺮﻑ ﻟﺴﺎﻧﻬﺎ ﻟﻜﻦ ﺍﻟﺤﻴﺎ
ﻛﺎﻥ ﺍﻛﺒﺮ ﻣﻨﻬﺎ ..
ﺭﺍﺡ ﻣﺴﺎﻋﺪ ﻭﺍﻫﻮ ﻣﺮﺗﺒﻚ ﺑﺎﻟﺤﻴﻞ ﻟﻤﻜﺎﻥ ﺍﻟﺴﺎﻳﻖ .. ﻭﺣﺮﻙ ﺍﻟﻴﺨﺖ
ﻋﺸﺎﻥ ﻳﺤﺲ ﺑﺎﻟﺪﻡ ﻳﻤﺸﻲ ﻓﻴﻪ .. ﻳﺎﻟﻠﻪ .. ﺗﻤﻨﻴﺖ ﺍﻛﻮﻥ ﻗﺮﺑﻬﺎ .. ﻟﻜﻦ
ﻣﻮ ﺑﻬﺎﻟﻘﺮﺏ .. ﺍﺣﺎﺳﻴﺴﻲ ﻛﻠﻬﺎ ﺍﻧﺼﺪﻣﺖ .. ﻣﺎ ﻗﺪﺭﺕ ﺍﺗﺨﻴﻞ ﻳﻮﻡ ﻣﻦ
ﺍﻻﻳﺎﻡ ﺍﻛﻮﻥ ﻗﺮﻳﺐ ﻣﻨﻬﺎ ﺟﺬﻱ .. ﺣﻂ ﻳﺪﻩ ﻋﻠﻰ ﻗﻠﺒﻪ ﻭﻫﻮ ﻳﺘﺤﺴﺲ
ﺍﻟﻨﺒﺾ ﺍﻟﻠﻲ ﻛﺎﻥ ﻋﻠﻰ ﻭﺷﻚ ﺍﻧﻪ ﻳﻔﺠﺮ ﻗﻠﺒﻪ .. ﻭﻫﻮ ﻳﺘﺬﻛﺮ ﻋﻄﺮﻫﺎ
ﻭﺷﺬﺍﻫﺎ ﻭﻧﻌﻮﻣﺘﻬﺎ ﻭﺧﻔﺘﻬﺎ .. ﺍﻻ ﻭﻳﻬﻬﺎ .. ﻻﻧﻬﺎ ﻛﺎﻧﺖ ﻣﺨﺒﻴﺘﻪ ﻣﻦ
ﺍﻟﺨﻮﻑ .. ﺍﺍﺍﻩ ﻳﺎ ﻳﻤﺔ .. ﻗﻠﺒﻲ ﻣﺎ ﻗﺪﺭ ...
ﻟﻠﺤﻈﺔ ﻣﻦ ﺍﻟﻠﺤﻈﺎﺕ ﺍﻟﻠﻲ ﻣﺮﺕ ﻧﺎﺩﻯ ﻗﻠﺐ ﻓﺎﺍﺗﻦ ﻋﻠﻰ ﻣﺴﺎﻋﺪ
ﻋﺸﺎﻥ ﻳﻨﻘﺬﻫﺎ .. ﻟﻠﺤﻈﺔ ﻣﻦ ﺍﻟﻠﺤﻈﺎﺕ ﻫﺎﻡ ﺍﻟﻌﺸﻖ ﻓﻲ ﻗﻠﺐ ﻓﺎﺗﻦ
ﻟﻤﺴﺎﻋﺪ .. ﻟﻠﺤﻈﺔ ﻣﻦ ﺍﻟﻠﺤﻈﺎﺕ .. ﺍﻟﻠﻲ ﻣﺮﺕ ﻋﻠﻴﻬﻢ ..
ﻭﺗﺤﺮﻙ ﺍﻟﻴﺨﺖ ﻟﺒﻘﻌﺔ ﺛﺎﻧﻴﺔ ﺣﺎﻣﻠﻪ ﻋﻠﻰ ﺳﻄﺤﻬﺎ ﺍﺛﻨﻴﻦ .. ﺍﻧﻘﻠﺒﺖ
ﺍﺣﻮﺍﻟﻬﻢ 180 ﺩﺭﺟﺔ .. ﺍﻟﻠﻪ ﺍﻟﻌﺎﻟﻢ .. ﺗﻮﻫﺎ ﺍﻟﺮﺣﻠﺔ ﺑﺎﺩﻳﺔ .. ﺷﺮﺍﺡ
ﺗﻜﻤﻞ ﻋﻠﻴﻪ .. ؟؟
----------------------------
ﻛﺄﻱ ﻳﻮﻡ ﻋﺎﺑﺮ ﻣﺮﺕ ﺍﻟﻠﺤﻈﺎﺕ ﻭﺍﻟﺪﻗﺎﺋﻖ ﻭﺍﻟﺴﺎﻋﺎﺕ ﻋﻠﻰ ﻣﺮﻳﻢ ﻭﺍﻫﻲ
ﺑﺪﺍﺭﻫﺎ .. ﻭﻣﺜﻞ ﻣﺎ ﺍﻭﻝ ﺩﺧﻠﺖ ﺍﻟﺠﺎﻣﻌﺔ .. ﺗﺬﺍﻛﺮ .. ﻳﺎ ﺍﻟﻠﻪ ﻋﻠﻲ ﻭﺍﻟﻠﻪ
ﺍﻧﻲ ﺩﺍﻓﻮﺭﺓ ﻣﻦ ﺩﺷﻴﺖ ﺍﻟﺠﺎﻣﻌﺔ ﻭﺍﻧﺎ ﻣﺘﺸﻄﺮﺓ ﺍﺩﺭﺱ ﻭﺍﺫﺍﻛﺮ ﻭﺍﺣﻈﺮ
ﻭﻛﻞ ﺷﻲ .. ﺑﺲ ﻳﺎﺭﻳﺖ ﻳﻼﺣﻈﻨﻲ ﺍﻟﺪﻛﺘﻮﺭ ﻭﻳﺨﻠﻴﻨﻲ ﺍﺟﺎﻭﺏ ..
ﺍﻟﻬﻴﺲ ﺍﻻﺭﺑﺪ ﺩﻭﻣﻪ ﻳﺨﻠﻲ ﺍﻟﻔﺼﻴﺦ ﻳﺠﺎﻭﺑﻮﻥ .. ﺗﺮﻯ ﻣﺎ ﻳﺪﺭﻱ ﻣﻦ
ﺗﺤﺖ ﺍﻟﻠﻔﺎﻓﺔ ﻭﺍﻟﻌﺒﺎﻳﺔ ... ﺍﺧﻠﻴﻪ ﻳﺴﺘﺨﻒ .. ﻭﻳﺎ ﻭﻳﻬﻪ .. ﻟﻜﻦ ﻣﺤﺪ
ﻳﻘﺪﺭ ... ﻭﺗﻄﺎﻟﻊ ﺍﻟﺪﺏ ﻭﺗﺒﺘﺴﻢ ﺑﺨﺒﺚ .. ﻭﺗﺤﺎﺟﻲ ﺭﻭﺣﻬﺎ
ﻣﺮﻳﻢ : ﺍﻻ ﺍﻧﺖ ﺟﻮﺟﻮ ﻣﻮﻭﻭ؟؟ ﻓﺪﻳﺖ ﻫﺎﻟﺨﺸﻢ ﻭﺍﻟﻠﻪ .. ﺍﻣﻮﺍﺍﺍﺍﺍﺡ ..
ﺭﻣﺖ ﺑﻨﻔﺴﻬﺎ ﺑﺨﻔﺔ ﻋﻠﻰ ﺍﻟﺴﺮﻳﺮ ﻭﻫﻲ ﺗﻀﺤﻚ ﻣﻦ ﺧﺎﻃﺮ .. ﻭﻃﺎﺣﺖ
ﻋﻠﻰ ﻛﺘﺒﻬﺎ ﻭﻫﻲ ﺗﺘﻨﻬﺪ .. ﻳﺎ ﺍﻟﻠﻪ ﺳﻌﺎﺩﺓ ﻻ ﺗﻮﺻﻒ .. ﻭﺣﻠﻢ ﺟﻤﻴﻞ ﻻ
ﻳﻜﺎﺩ ﻳﺘﺼﺪﻕ .. ﻣﺎ ﺍﺣﻠﻰ ﺍﻟﺤﺐ .. ﻭﻣﺎ ﺍﺣﻠﻰ ﺍﻟﻌﺸﺎﻕ .. ﻭﻣﺎ ﺍﺣﻠﻰ
ﻛﻞ ﺍﺛﻨﻴﻦ ﻳﻌﺘﺮﻓﻮﻥ ﺑﻤﺤﺒﺘﻬﻢ .. ﺍﺍﺍﺥ ﻟﻮ ﺑﺲ ﺍﺣﻨﺎ ﺍﻧﻘﻠﻴﺰ
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ...
ﻻﺣﻈﺖ ﺍﻟﻮﻗﺖ .. ﺷﺎﻓﺘﻬﺎ ﺍﻟﺴﺎﻋﺔ 1 ﺗﻘﺮﻳﺒﺎ ﺑﺎﻟﻠﻴﻞ ... ﺧﻠﻬﺎ ﺗﻨﺎﻡ
ﺍﺣﺴﻦ ﻟﻬﺎ .. ﻭﻗﺒﻞ ﻻ ﺗﺮﻭﺡ ﻭﺗﻨﺎﻡ ... ﺗﺬﻛﺮﺕ ﺟﺮﺍﺡ ﺍﻟﻠﻲ ﺯﺍﺭﻫﺎ ﻋﻨﺪ
ﺑﻴﺘﻬﻢ ... ﻭﺷﻠﻮﻥ ﺭﺳﻢ ﻟﻬﺎ ﻛﻠﻤﺔ ﺍﺣﺒﺞ ﻓﻲ ﺍﻟﺠﻮ ... ﺷﻠﻮﻥ ﺍﻋﺘﺮﻑ ﻟﻬﺎ
ﺑﺤﺒﻪ .. ﻭﺷﻠﻮﻥ ﺍﺳﺘﻘﺒﻠﺖ ﺍﻋﺘﺮﺍﻓﻪ .. ﺑﺲ ﺗﻌﺎﻝ .. ﺍﻧﺎ ﻣﺎ ﺭﺩﻳﺖ ﻋﻠﻴﻪ ..
ﻣﺎ ﻗﻠﺖ ﻟﻪ ﻳﻌﻨﻲ ﺍﻱ ﻻﻑ ﻳﻮ ﺗﻮ؟؟ ﻳﺎ ﺗﺮﻯ ﺍﻫﻮ ﻳﺪﺭﻱ ﺍﻧﻲ ﺍﺣﺒﻪ؟؟
ﻭﻳﻦ ﻣﺎ ﻳﺪﺭﻱ ﺍﻟﺮﻳﺎﻝ ﺧﺎﺑﺰﻧﻲ ﻭﻋﺎﻳﻨﻨﻲ ﺑﻌﺪ .. ﺷﻠﻮﻥ ﻣﺎ ﻳﻌﺮﻑ .. ﺑﺲ
ﺗﻌﺎﻝ ﺍﺣﺴﻦ .. ﺧﻠﻪ ﺍﻫﻮ ﻳﻌﺘﺮﻑ ﻭﺍﻧﺎ ﺍﻇﻞ ﺳﺎﻛﺘﻪ .. ﻋﻠﻰ ﻗﻮﻟﻪ ﻣﺤﻤﺪ
ﻋﺒﺪﻩ .. ﺍﻟﺤﺐ ﻋﻠﻤﻬﺎ ﺍﻟﺴﻜﻮﺕ ﻭﻋﻠﻤﻨﻲ ﺍﻟﻜﻼﻡ .. ﻫﻬﻬﻬﻬﻬﻬﻬﻬﻬﻬﻬﻪ ﻳﺎ
ﺑﻌﺪ ﻋﻤﺮﻱ ﻣﺤﻤﺪ ﻋﺒﺪﻩ ﻟﻪ ﻣﻦ ﺍﻻﻏﺎﻧﻲ ﻟﻜﻞ ﻣﻨﺎﺳﺒﺔ .. ﺍﺍﺍﺥ ﻋﻠﻴﺞ
ﻳﺎﻓﺘﻮﻥ .. ﻟﻮ ﺍﻧﺘﻲ ﻭﻳﺎﻱ ﺍﻟﺤﻴﻦ ﺟﺎﻥ ﺧﻠﻴﺘﺞ ﺍﺗﻘﻄﻌﻴﻦ ﻣﻦ ﺯﻭﺩ
ﻭﻧﺎﺳﺘﻲ .. ﺻﺞ ﻟﻲ ﻗﺎﻟﻮ ﻣﺎ ﺗﻜﻤﻞ ﺍﻻﻓﺮﺍﺡ ﺍﻻ ﺑﺤﻈﻮﺭ ﺍﻫﻞ ﺍﻟﻔﺮﺡ .. ﻳﺎ
ﻋﻤﺮﻱ ﻳﺎ ﻓﺘﻮﻥ .. ﻳﺎ ﺗﺮﻯ ﺷﻘﺎﻋﺪﺓ ﺗﻤﺮﻳﻦ ﻓﻴﻪ ﻣﻦ ﻣﻐﺎﻣﺮﺍﺕ ﻭﻳﺎ
ﻣﺴﺎﻋﺪ ﺍﻟﺸﻘﻲ ..
ﺷﻘﺎﻋﺪﺓ ﺗﻤﺮ ﻓﻴﻪ ﺍﺭﻓﻴﺠﺘﺞ ... ﺍﻫﻲ ﺍﻟﻌﻮﺍﺻﻒ ﺑﺤﺪ ﺫﺍﺗﻬﺎ .. ﻣﻦ ﺑﻌﺪ
ﺫﻳﺞ ﺍﻟﻤﺴﻜﺔ ﻣﺴﺎﻋﺪ ﻣﺎ ﺣﻂ ﻋﻴﻨﻪ ﻋﻠﻴﻬﺎ ﻭﻛﺄﻧﻪ ﻣﺸﻤﺌﺰ ﻭﻻ
ﻣﺘﻈﺎﻳﻖ .. ﻳﺎ ﺍﻟﻠﻪ ﻫﺎﻟﻜﺜﺮ ﻇﺎﻳﻘﻪ ﻟﻤﺴﻲ .. ﺗﺮﺍﻧﻲ ﺗﻈﺎﻳﻘﺖ ﺍﻛﺜﺮ ..
ﻭﺭﺑﻲ .. ﺗﻈﺎﻳﻘﺖ ﻣﻦ ﺧﺎﻃﺮ .. ﻟﻴﺶ ﻳﻤﺴﻜﻨﻲ ﺟﺬﻱ .. ﻟﻮ ﺍﻃﻴﺢ ﻭﻻ
ﻳﻠﻤﺴﻨﻲ .. ﺍﺻﻼ ﺍﺣﻨﺎ ﻣﻮ ﻣﺘﺰﻭﺟﻴﻦ ﺷﻠﻮﻥ ﻳﺘﺼﺮﻑ ﻭﻳﺎﻱ
ﻫﺎﻟﺘﺼﺮﻑ ... ﺻﺞ ﻟﻲ ﻗﺎﻟﻮﻭﻭ ﺷﺒﺎﺏ ﺍﺧﺮ ﺯﻣﻦ .. ﻭﻋﺎﺩ ﺍﻧﻬﺎ ﺍﻟﺒﻨﺖ
ﻋﺼﺒﺖ ﻭﺭﻓﻌﺖ ﺭﻳﻠﻬﺎ ﻭﺣﻄﺘﻬﺎ ﻋﻠﻰ ﺍﻟﺜﺎﻧﻴﺔ ﺑﻌﺼﺒﻴﺔ ﻭﻫﻲ ﺗﻬﺰﻫﺎ
ﻭﻋﺎﻗﺪﺓ ﺫﺭﺍﻋﻬﺎ ﻋﻠﻰ ﺻﺪﺭﻫﺎ .. ﻭﺗﻨﻔﺦ .. ﺗﻤﺜﻴﻠﻴﻪ ﺍﻟﺘﻌﺼﻴﺐ .. ﻋﻠﻰ
ﺍﻣﻞ ﺍﻥ ﻣﺴﺎﻋﺪ ﻳﻨﺘﺒﻪ ﻟﻬﺎ .. ﻟﻜﻦ .. ﻫﺬﺍ ﺍﻻﻣﻞ ﺍﺷﺒﻪ ﺑﺎﻟﻤﻴﺖ .. ﻻﻧﻪ ﻣﻦ
ﺟﺎﺑﻞ ﺟﺪﺍﻡ ﻣﺎ ﻓﺮ ﻭﻳﻬﻪ ﻭﻻ ﻣﺮﺓ ..
ﻣﺎ ﻓﺮ ﻭﻳﻬﻪ ﻻﻧﻪ ﻳﺨﺎﻑ ﻳﻨﻔﻀﺢ ﺍﻟﻴﻮﻡ .. ﻭﺗﻨﻔﻀﺢ ﻣﻌﺎﻩ ﻛﻞ ﻣﺸﺎﻋﺮﻩ
ﻭﻛﻞ ﺍﻋﺘﺪﺍﺩﺍﺗﻪ ﺑﻨﻔﺴﻪ ﺍﻟﺮﺟﻮﻟﻴﺔ .. ﺍﻟﻴﻮﻡ ﺍﻟﻈﺎﻫﺮ ﺍﻧﻪ ﻣﺎ ﺑﻴﻌﺪﻱ ﻋﻠﻰ
ﺧﻴﺮ .. ﻣﺎﺑﻴﻌﺪﻱ ﻗﺒﻞ ﻻ ﺍﻗﻮﻝ ﻟﻬﺎ ﺍﺣﺒﺒﺒﺒﺒﺒﺒﺒﺒﺒﺒﺒﺒﺞ ﺍﺣﺒﺒﺒﺞ ﻳﺎﻟﻴﺎﻫﻞ ..
ﻳﺎﻟﻠﻲ ﻗﻠﺒﺘﻲ ﺣﻴﺎﺗﻲ ﻓﻮﻕ ﺗﺤﺖ .. ﻳﺎﻟﻠﻲ ﺗﺨﻠﻴﻨﻲ ﺍﻏﺎﺭ ﻣﻦ ﻛﻞ ﺷﻲ
ﻋﻠﻴﺞ ... ﺣﺘﻰ ﺍﻻﺭﺽ ﺍﻟﻲ ﺗﻤﺸﻴﻦ ﻋﻠﻴﻬﺎ ... ﺍﺣﺒﺞ ﻭﻭﺩﻱ ﻟﻮ ﺍﻟﻤﺞ
ﺑﺪﻝ ﻫﺎﻟﻮﺣﺪﺓ ﺍﻟﻠﻲ ﺍﻧﺘﻲ ﻋﺎﻳﺸﺔ ﻓﻴﻬﺎ .. ﺍﺑﻴﺞ .. ﺍﺑﻴﺞ ﻟﻲ ﻭﻟﻲ ﺍﻧﺎ
ﺑﺲ ... ﻭﺍﻥ ﻳﺎﺕ ﺍﻟﻈﺮﻭﻑ ﺍﻧﺞ ﺗﻜﻮﻧﻴﻦ ﻟﻐﻴﺮﻱ .. ﻣﺎ ﺭﺍﺡ ﺍﺭﺗﺎﺡ ﺍﻻ ﻟﻤﻦ
ﺍﺫﺑﺤﺞ ﻭﺍﺫﺑﺢ ﺭﻭﺣﻲ ﺑﺬﺑﺤﺞ .. ﺧﻼﺹ .. ﺍﻧﺎ ﻣﺎ ﻋﺪﺕ ﺍﺗﺤﻤﻞ ﻳﺎﻧﺎﺱ
ﺭﺣﻤﻮﻧﻲ .. ﺭﺣﻤﻮﻧﻲ ﻭﺗﻔﻬﻤﻮﻧﻲ .. ﺍﻧﺎ ﻣﺎﻗﺪﺭ ﻋﻠﻰ ﺑﻌﺎﺩﻫﺎ ﻋﻨﻲ .. ﺻﺞ
ﺟﺮﻳﺒﺔ ﻭﺍﺟﺮﺏ ﻣﻦ ﻛﻞ ﻫﺎﻟﻨﺎﺱ ﻟﻜﻨﻬﺎ ﺑﻌﻴﺪﺓ .. ﺑﻌﻴﺪﺓ ﻭﺍﺑﻴﻬﺎ ﺗﻤﺪ
ﻳﺪﻫﺎ ﻟﻲ ﻋﺸﺎﻥ ﺍﻗﺮﺑﻬﺎ .. ﻭﺍﺧﻠﻴﻬﺎ ﻭﺍﻋﻴﺸﻬﺎ ﻓﻲ ﻗﻠﺒﻲ .. ﺗﺴﺘﻤﺘﻊ
ﺑﺪﻗﺎﺗﻪ ﺍﻟﻤﻴﻨﻮﻧﺔ ﻭﺣﺒﻪ ﺍﻟﻜﺒﻴﺮ ..ﻭﺍﻟﻠﻪ ﻳﺎ ﻓﺎﺗﻦ ﻻ ﺣﺒﻴﺘﻴﻨﻲ ﺭﺍﺡ
ﺗﻜﻮﻧﻴﻦ ﺍﻟﻤﻠﻜﺔ ﺑﻬﺎﻟﺪﻧﻴﺎ .. ﺭﺍﺡ ﺗﻜﻮﻧﻴﻦ ﻣﻠﻜﺔ ﻣﻤﻠﻜﺘﻲ .. ﺭﺍﺡ ﺗﻜﻮﻧﻴﻦ
ﺍﻟﺪﻧﻴﺎ ﺍﻟﻠﻲ ﺍﻧﺎ ﺍﺷﻮﻓﻬﺎ ﻣﻦ ﺧﻼﻟﺞ ... ﻭﻛﺎﻧﺖ ﻫﺬﻱ ﺍﻟﻜﻠﻤﺎﺕ ﻣﻦ
ﺍﻟﺠﺪﻳﺮ ﺍﻧﻬﺎ ﺗﺨﻠﻴﻪ ﻳﺴﺘﺪﻳﺮ ﻭﻳﻨﺎﻇﺮ ﻓﺎﺗﻦ ... ﺍﻭ ﻳﺸﺒﻊ ﻧﻈﺮﻩ ﻣﻨﻪ ﻻﻧﻪ
ﻳﻮﻋﺎﻥ .. ﻳﻮﻋﺎﻥ ﻟﻬﺎ .. ﻭﻟﺤﺒﻬﺎ .. ﺟﻮﻭﻉ ﻓﻄﺮﻱ ﻭﻏﺮﻳﺐ ﻭﻋﺠﻴﺐ ﺗﺠﺎﻩ
ﻫﺎﻟﻤﺨﻠﻮﻗﺔ .. ﻭﺗﻮﻩ ﺑﻴﺮﺩﺩ ﻋﻠﻴﻬﺎ ﺍﻟﻜﻠﻤﺔ ﺍﻟﻠﻲ ﺗﺪﻭﺭ ﻓﻲ ﺑﺎﻟﻪ ﻭﺗﻄﺤﻦ
ﺍﻋﺼﺎﺑﻪ ﻣﺜﻞ ﺍﻟﺮﺣﺎ .. ﺷﺎﻑ ﺍﻟﻌﺼﺒﻴﺔ ﻭﻧﻈﺮﺍﺕ ﺍﻻﺣﺘﻘﺎﺭ ﺑﻌﻴﻮﻧﻬﺎ ..
ﻭﺗﻮﻗﻒ ﺳﻴﻞ ﺍﻟﻜﻠﻤﺎﺕ ﻣﻦ ﺑﺎﻝ ﻣﺴﺎﻋﺪ .. ﻭﻋﻠﻰ ﻃﻮﻝ .. ﻭﻫﻮ ﻳﻠﺘﻔﺖ
ﻛﻞ ﺩﻗﻴﻘﺔ ﻟﻔﺎﺗﻦ ﻳﺤﺎﻭﻝ ﻳﺨﻔﻒ ﺳﺮﻋﺔ ﺍﻟﻴﺨﺖ ﻭﻳﻮﻗﻔﻪ ﻋﺸﺎﻥ ﻳﺮﻭﺡ
ﻳﺸﻮﻑ ﺷﻠﻲ ﻣﻈﺎﻳﺞ ﺍﻣﻴﺮﺓ ﺍﻻﻣﻴﺮﺍﺕ ... ﻭﻓﺎﺗﻦ ﺍﻟﻠﻲ ﺗﻼﻗﺖ ﻋﻴﻮﻧﻬﺎ
ﺑﻌﻴﻮﻥ ﻣﺴﺎﻋﺪ ﺍﻧﺘﻔﺾ ﻗﻠﺒﻬﺎ ﻣﻨﻪ .. ﻳﺎ ﺍﻟﻠﻪ .. ﻫﺬﺍ ﻭﺍﻧﺎ ﺍﺗﻮﻋﺪ ﻓﻴﻪ ﻣﻦ
ﻣﺴﺎﻋﺔ ﻟﻠﺤﻴﻦ .. ﻧﻈﺮﺓ ﻭﺣﺪﺓ ﻣﻨﻪ ﺗﺮﺟﻔﻨﻲ ﺟﺬﻱ .. ﻋﻨﺒﻮﻭﻭﻫﺎ ﻣﺴﻜﺔ
ﺍﻟﻠﻲ ﻣﺴﻜﻨﻲ ﺍﻳﺎﻫﺎ .. ﺟﺬﻱ ﺗﺴﻮﻱ ﻓﻴﻨﻲ .. ﺍﻛﻴﺪ .. ﻟﻴﺶ ﻣﺎ ﺗﺴﻮﻱ ..
ﺍﻧﺎ ﻣﻮ ﻣﺘﻌﻮﺩﺓ ﻋﻠﻰ ﻫﺎﻟﻤﻮﺍﻗﻒ .. ﺑﺲ ﺑﻌﺪ .. ﻣﻦ ﺳﻤﺢ ﻟﻪ ..
ﺍﻟﻠﺌﻴﻴﻴﻢ .. ﺍﻟﻤﺘﻌﺪﻱ ... ﺍﻝ ... ﺍﻝ ..... ﺍﻝ ... ﻣﺠﺒﺮ .... ﺍﻱ ﺍﻱ ..
ﻣﺠﺒﺮ .. ﻳﺠﺒﺮﻧﻲ ﺍﺳﻮﻱ ﺍﺷﻴﺎﺀ ﺍﻧﺎ ﻣﺎ ﺍﻓﻜﺮ ﻓﻴﻬﺎ .. ﻛﻞ ﺷﻲ ... ﻛﻞ ﺷﻲ
ﻳﺼﻴﺮ ﺑﺎﻟﺼﺪﻓﺔ ﻭﻳﺎﻩ .. ﺍﻟﻌﻘﻞ .. ﻣﺎﻛﻮﻭ ... ﺍﻫﻮ ﺍﻟﻠﻲ ﻣﻀﻴﻊ
ﻋﻘﻠﻲ ..ﻭﺍﻟﻴﻮﻡ .. ﺍﻧﺎ ﺑﺮﺩﻩ ﻟﻲ .. ﺑﻮﺿﻊ ﺍﻟﺤﺪﻭﺩ ﺑﻴﻨﻲ .. ﻭﺑﻴﻨﻪ .. ﺍﻝ ..
ﻣﺠﺒﺮ ...
ﻭﺭﺍﺡ ﻣﺴﺎﻋﺪ ﻗﻌﺪ ﻳﻤﻬﺎ ﺑﻜﻞ ﻫﺪﻭﺀ ... ﻭﻫﻮ ﻳﻨﺎﻇﺮﻫﺎ ﺑﻄﺮﻳﻘﺔ ﺧﻠﺖ
ﻓﺎﺗﻦ ﺗﻘﺸﻌﺮ ﻭﺗﻨﺘﻔﺾ ﺑﺬﻳﺞ ﺍﻟﻠﺤﻈﺔ .. ﻭﻣﺴﺎﻋﺪ ﺍﻟﻤﺴﻴﻜﻴﻦ ﺍﻟﻠﻲ ﻛﺎﻥ
ﻣﻬﺘﻢ ﻟﻈﻴﻘﻬﺎ ﻭﺣﺎﻁ ﻧﻔﺴﻪ ﺑﻴﻦ ﺍﻳﺪﻳﻬﺎ .. ﻭﻫﻮ ﻳﺮﻓﻊ ﺍﻟﻨﻈﺎﺭﺓ ﺣﺎﺟﺎﻫﺎ
ﻣﺴﺎﻋﺪ ﺑﻨﺒﺮﺓ ﻣﻬﺘﻤﺔ : ﻓﺎﺗﻦ ﻋﻼﻣﺞ ﻣﺘﻈﺎﻳﻘﺔ؟
ﺍﻧﺼﺪﻣﺖ ﻓﺎﺗﻦ : ﺍﻧﺎ؟؟ ﻣﺘﻰ؟ ﺍﻗﺼﺪ .. ( ﻋﺎﺩﺕ ﺍﻟﻰ ﻇﻴﻘﻬﺎ ﺍﻟﻤﺼﻄﻨﻊ
ﻭﻫﺰﺓ ﺍﻟﺮﻳﻞ ) ﺃﻳﻪ .. ﺍﻧﺎ ﻣﺘﻈﺎﻳﻘﺔ .. ﺍﻧﺎ ﻣﺘﻈﺎﻳﻘﺔ ﻭﻣﺘﻈﺎﻳﻘﺔ ﻭﻇﻴﻖ
ﺍﻟﺪﻧﻴﺎ ﺣﺎﻳﺸﻨﻲ ..
ﻣﺴﺎﻋﺪ ﻭﻗﻠﺒﻪ ﻳﺄﻟﻤﻪ : ﻓﻴﻨﻲ ﻭﻻ ﻓﻴﺞ .. ﻟﻴﺶ ﺷﻤﻨﻪ ﺍﻟﻈﻴﺞ؟؟؟
ﻓﺎﺗﻦ ﺍﻟﻠﻲ ﻛﺎﻧﺖ ﺗﻔﺘﺢ ﻋﻴﻮﻧﻬﺎ ﻭﺗﺴﻜﺮﻫﺎ ﺑﺨﻮﻑ .. ﺟﻨﻬﺎ ﺩﺍﺷﺔ
ﺍﻣﺘﺤﺎﻥ ﻭﻻ ﺩﺍﺷﺔ ﻋﺮﻳﻦ ﺍﺳﺪ : ﺷﻤﻨﺔ ﺍﻟﻈﻴﺞ .. ﺍﺳﺎﻝ ﺭﻭﺣﻚ .. ﺷﻤﻨﺔ
ﺍﻧﺎ ﻣﺘﻈﺎﻳﻘﺔ ..
ﻣﺴﺎﻋﺪ ﻭﻫﻮ ﻳﻌﻘﺪ ﺣﻮﺍﺟﺒﻪ ﺑﺼﺪﻣﻪ : ﺍﺳﺎﻝ ﺭﻭﺣﻲ؟؟ ﻟﻴﺶ .. ﺍﻧﺎ
ﺳﺒﺐ ﻇﻴﺠﺞ؟؟
ﻓﺎﺗﻦ ﻭﻫﻲ ﻣﺘﺮﺩﺩﺓ ﻣﻦ ﺍﻫﺘﻤﺎﻣﻪ ﺍﻟﻌﻨﻴﻒ ﺑﻬﺎ ﺑﻬﺎﻟﻠﺤﻈﺔ .. ﺷﻘﻮﻝ ﻟﻪ ﻳﺎ
ﻧﺎﺱ .. ﺣﻠﻠﻮﻧﻲ : .. ﺍ ... ﺍ ... ﺍﻳـــﺔ
ﻭﻓﺞ ﻋﻴﻮﻧﻪ ﻣﺴﺎﻋﺪ ﻭﻋﻠﻘﺖ ﺑﺴﺮﻋﺔ ﻓﺎﺗﻦ : ﺟﺰﺋﻴﺎ ..
ﻣﺴﺎﻋﺪ ﻗﺎﻡ ﻣﻦ ﻣﻜﺎﻧﻪ ﻭﻫﻮ ﺛﺎﺋﺮ :.. ﺷﺴﻮﻳﺖ ﻟﺞ؟
ﻓﺎﺗﻦ ﺍﻟﻠﻲ ﺧﺎﻓﺖ ﻣﻦ ﻧﺒﺮﺓ ﺻﻮﺗﻪ ﻣﻊ ﺍﻧﻬﺎ ﻛﺎﻧﺖ ﻣﻨﺨﻔﻀﺔ :
ﺷﻴﺴﻮﻳﺖ . ﻟﻲ .. ﺍﻧﺖ ﺍﺧﺒﺮ .. ﺍﻧﺎ ﻣﻮ ... ﺍﻧﺎ ﻣﻮﻭ ﺍﺧﺼﺎﺋﻴﺔ ﺗﻘﺮﻳﺮﺍﺕ
ﺍﻋﻄﻴﻚ ﺗﻘﺎﺭﻳﺮ ﺑﺎﻟﻠﻲ ﺗﺴﻮﻳﻪ ... ﻻﺯﻡ ﺗﻜﻮﻥ ﻉ .. ﻉ .. ﻋﺎﺭﻑ ﻟﻠﻲ
ﺗﺴﻮﻳﻪ ﻭﻳﺎﻱ .. ﻭﻳﺨﻠﻴﻨﻲ .. ﺍﺗﻈﺎﻳﻖ ..
ﻣﺴﺎﻋﺪ ﻋﻠﻰ ﺻﻮﺗﻪ ﻓﻲ ﺫﻳﺞ ﺍﻟﺒﻘﻌﺔ ﺍﻟﻠﻲ ﻛﺎﻧﻮ ﺑﺮﻭﺣﻬﻢ ﻓﻴﻬﺎ :..
ﻋﺎﺭﻑ؟؟ ﻭﺍﻟﻠﻪ ﺍﻟﻌﻈﻴﻢ ﺍﻧﺎ ﻣﺎﻋﺮﻑ ﺷﺴﻮﻱ ﻭﻳﺎﺝ .. ﺍﺭﻭﺡ ﻟﺞ ﻳﻤﻴﻦ
ﺗﻄﻠﻌﻴﻦ ﻟﻲ ﻳﺴﺎﺭ .. ﻛﻞ ﺷﻲ ﺍﺳﻮﻳﻪ ﻣﻮ ﻋﺎﺟﺒﺞ ﺣﺘﻰ ﺍﻟﻠﻲ ﻣﺎ ﺍﺳﻮﻳﻪ
ﻣﻮ ﻋﺎﺟﺒﺞ .... ﺷﺴﻮﻳﺖ ﺑﺎﻟﻠﻪ ﻋﻠﻴﺞ
ﻓﺎﺗﻦ ﺍﻟﻠﻲ ﺍﻧﺘﻔﻀﺖ ﻣﻦ ﺻﺮﺧﺘﻪ : ... ﻻ .. ﺗﺼﺎﺭﺥ ﻋﻠﻲ .. ﻻ
ﺗﺼﺎﺭﺥ .. ﻣﺎ ﺑﺘﺜﺒﺖ ﺷﻲ ﺑﺎﻟﺼﺮﺍﺥ ..
ﻣﺴﺎﻋﺪ ﺍﻟﻠﻲ ﺷﻮﻱ ﻭﻳﻤﺴﻚ ﺷﻌﺮﻩ ﻣﻦ ﺍﻟﻘﻬﺮ : ﻳﻌﻨﻲ ... ﺍﻗﻄﻊ ﻫﺪﻭﻣﻲ
ﺍﻧﺎ .. ﺍﻗﻄﻊ ﻫﺪﻭﻣﻲ .. ﺍﻧﺘﻲ ﺷﺘﺒﻴﻦ ﺑﺎﻟﻀﺒﻂ ﺷﺘﺒﻴﻦ .. ﺗﺒﻴﻨﻲ ﺍﺫﺑﺢ
ﺭﻭﺣﻲ .. ﺗﺒﻴﻨﻲ ﺍﻏﻞ ( ﺍﻗﻂ ) ﺭﻭﺣﻲ ﺑﺎﻟﺒﺤﺮ ... ( ﻭﻟﻤﻌﺖ ﻋﻴﻮﻧﻪ ﻭﻓﺎﺗﻦ
ﺑﻨﻔﺲ ﺍﻟﻮﻗﺖ ﻓﺘﺤﺖ ﺛﻤﻬﺎ ﻣﻦ ﺍﻟﺼﺪﻣﺔ ) ﺍﻱ .. ﺑﺴﻮﻳﻬﺎ .. ﺑﺴﻮﻳﻬﺎ ﻟﺞ
ﻋﻞ ﻭﻋﺴﻰ ﺗﺮﺿﻴﻦ ...
ﻭﺗﻮﻩ ﺑﻴﺮﻣﻲ ﺭﻭﺣﻪ ﺍﻻ ﺗﻨﻂ ﻓﺎﺗﻦ ﻭﺗﻤﺴﻚ ﻳﺪﻩ : ﻭﻳﻦ ﺭﺍﻳﺢ؟؟؟
ﻣﺴﺎﻋﺪ : ﺑﻐﻞ ﺭﻭﺣﻲ ﺧﻼﺹ .. ﺍﻧﺎ ﻣﺎ ﺍﺑﻲ ﻫﺎﻟﺪﻧﻴﺎ .. ﻭﺍﻟﻠﻪ ﻣﻠﻴﺖ ..
ﻣﻠﻠﺘﻴﻨﻲ .. ﺫﺑﺤﺘﻴﻨﻲ .. ﺧﻠﻴﺘﻬﺎ ﺗﻄﻖ ﺑﺠﺒﺪﻱ ..
ﻓﺎﺗﻦ : ﺧﻠﻬﺎ ﺗﻄﻖ ﺑﺲ ﻻ ﺗﻐﻞ ﺭﻭﺣﻚ ﺑﺎﻟﺒﺤﺮ ...
ﻣﺴﺎﻋﺪ : ﻓﺎﺗﻦ ﺗﺮﺍﺝ ﺫﺑﺤﺘﻴﻨﻲ ﻭﺍﻟﻠﻪ ﺑﺴﺞ ﻣﻴﻬﻞ .. ﻣﻠﻴﺖ ﺍﻧﺎ ﻭﺍﻟﻠﻪ
ﻣﻠﻴﺖ ...
ﻓﺎﺗﻦ ﺭﻣﺖ ﻳﺪﻩ ﺑﻌﺼﺒﻴﺔ ﻭﻛﻤﻠﺖ : ﺷﻨﻮ ﻣﻠﻴﺖ ﻭﻣﻠﻴﺖ ﻃﺎﻳﺢ ﻟﻲ
ﻣﻠﻴﺖ ﻭﻣﻠﻴﺖ ... ﺗﺮﻯ ﻣﻮ ﺑﺲ ﺍﻧﺎ ﺍﻟﻠﻠﻲ ﺗﻘﻬﺮ ﻓﻲ ﻫﺎﻟﺴﺎﻟﻔﺔ ﺍﻧﺖ ﺍﻟﻌﻦ
ﻣﻨﻲ ﻟﻮ ﺳﻤﺤﺖ .. ﻻ ﺗﺒﺮﻱ ﺭﻭﺣﻚ ﻭﺗﺨﻠﻴﻨﻲ ﺑﻤﻮﻗﻊ ﺍﻻﺗﻬﺎﻡ .. ﺍﻧﺖ
ﺍﻟﺴﺒﺐ
ﻣﺴﺎﻋﺪ ﻳﻀﺤﻚ ﻣﻦ ﺍﻟﻘﻬﺮ ﻭﻫﻮ ﻳﺤﻮﻡ ﻣﻜﺎﻧﻪ :
ﻫﻬﻬﻬﻬﻬﻬﻬﻬﻬﻬﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻱ ﻫﻬﻬﻬﺎﺍﺍﻱ ﻫﻬﻬﻬﺎﺍﺍﺍﻱ ﻳﺎ ﻗﻠﺒﻲ ﻭﺍﻟﻠﻪ ﺍﻧﺎ
ﺑﻤﻮﺕ ( ﻭﻳﺼﻴﺢ ﺍﻟﺤﻴﻦ ) ﻟﻮ ﺍﺩﺭﻱ ﺑﺲ ﻫﺎﻟﻤﺤﻜﻤﺔ ﺍﻟﻠﻲ ﻧﺎﺻﺒﺘﻬﺎ ﻟﻲ
ﻫﻨﻲ ﺑﻌﺮﺽ ﺍﻟﺒﺤﺮ ﺷﻨﻮ ﺍﺗﻬﺎﻣﻬﺎ ﺑﺲ ﻟﻮ ﺍﺩﺭﻱ ... ؟؟
ﻓﺎﺗﻦ : ﻳﻌﻨﻲ ﺗﺴﻮﻱ ﺭﻭﺣﻚ ﺧﺒﻞ ﻭﻣﻮ ﻓﺎﻫﻢ ﻭﺍﻧﺖ ﺍﻗﻞ ﺍﻻﺷﻴﺎﺀ ﺗﺤﻂ
ﺑﺎﻟﻚ ﻋﻠﻴﻬﺎ
ﻣﺴﺎﻋﺪ ﻳﻮﻗﻒ ﻭﻫﻮ ﻳﺘﻨﻔﺲ ﺑﻌﻤﻖ ﻭﻳﺘﻜﻠﻢ ﺑﺼﻮﺕ ﻣﺘﺮﺟﻲ : ﺷﺴﻮﻳﺖ
ﻓﻴﺞ .. ﻭﻟﻠﻪ ﺷﺴﻮﻳﺖ ﻓﻴﺞ ﻗﻮﻟﻴﻠﻲ ﺑﺲ ﻭﺍﻟﻠﻪ ﺑﻘﻄﻊ ﺭﻭﺣﻲ ..
ﺍﻧﺤﺮﺟﺖ ﻓﺎﺗﻦ ﻣﻦ ﺫﻛﺮ ﺍﻟﻤﻮﺿﻮﻉ ﻻﻧﻪ ﻓﻲ ﻫﺎﻟﻠﺤﻈﺔ ﻟﻮ ﻗﺎﻟﺘﻪ ﺭﺍﺡ
ﻳﺒﻴﻨﻬﺎ ﺳﺨﻴﻔﺔ . ﺑﺲ ﺍﻫﻲ ﻻﺯﻡ ﺗﺤﻂ ﺍﻟﺤﻮﺍﺟﺰ ﻭﺍﻟﺤﺪﻭﺩ ﺑﻴﻨﺎﺗﻬﻢ .
ﻣﺎﻟﺠﻴﻦ ﺻﺢ ﺑﺲ ﻣﻮ ﻣﻌﻨﺎﺗﻪ ﻟﻪ ﺍﻟﺤﻖ ﻓﻲ ﺍﻟﻠﻤﺲ ﻭﻫﺎﻟﺴﻮﺍﻟﻒ ..
ﺑﻌﺪﻫﻢ ﻋﻠﻰ ﺍﻟﻌﺮﺱ ﺑﺸﻬﺮ ﺍﺭﺑﻌﺔ ..
ﻓﺎﺗﻦ ﺑﺤﺮﺝ ﻭﺍﻫﻲ ﺗﺒﺘﻌﺪ ﻋﻨﻪ ﻭﺗﻘﻌﺪ : .... ﻳــﻮﻡ ﻣﺴــﻜﺘﻨﻲ؟
ﻣﺴﺎﻋﺪ : ﻫﺎ؟؟
ﻓﺎﺗﻦ ﺗﺮﻓﻊ ﺻﻮﺗﻬﺎ : ﻳﻮﻭﻭﻭﻭﻡ .. ( ﺳﻜﺘﺖ ﻭﺍﻫﻲ ﺗﺎﺧﺬ ﻧﻔﺲ ﻭﺗﻬﺪﻱ
ﻧﻔﺴﻬﺎ ) ﻳﻮﻡ ﻣﺴــﻜﺘــﻨﻲ .. ﻗﺒﻞ ﺷﻮﻱ ..
ﻣﺴﺎﻋﺪ ﺑﻌﺪﻡ ﺗﺼﺪﻳﻖ : ﺍﻧﺘﻲ .. ﻣﻦ ﺻﺠﺞ ؟؟
ﻓﺎﺗﻦ ﻗﺎﻣﺖ ﻣﻦ ﻣﻜﺎﻧﻬﺎ ﻭﺍﻫﻲ ﻣﺘﻮﺗﺮ ﻭﺗﻀﻢ ﻭﺗﻔﺞ ﺑﻴﺪﻳﻨﻬﺎ : ﺍﻱ ﺍﻛﻴﺪ
ﻣﻦ ﺻﺠﻲ .. ﺍﻧﺎ ﺻﺞ ﻣﻤﻠﻮﺝ ﻋﻠﻴﻬﺎ ﻟﻜﻦ .. ﺃﺣﻨﺎ ﻣﺎ ﺗﺰﻭﺟﻨﺎ ... ﺍﺣﻨﺎ
ﻟﻠﺤﻴﻦ ... ﺑﻴﻨﺎﺗﻨﺎ ﺣﺪﻭﺩ ﻭﺣﻮﺍﺟﺰ ( ﻭﺍﻫﻲ ﺗﻠﺘﻔﺖ ﻭﺗﻮﺟﻪ ﺻﺒﻌﻬﺎ ﻓﻲ
ﻭﻳﻬﻪ ﻣﻦ ﺑﻌﻴﺪ ) ﺍﻧﺖ ﻻﺯﻡ ﺗﺤﺘﺮﻣﻬﺎ ﻭﻣﺎ ﺗﻄﻮﻓﻬﺎ ...
ﻣﺴﺎﻋﺪ ﺳﻜﺖ ﻭﺍﻫﻮ ﻳﻨﺎﻇﺮﻫﺎ ﺑﻌﺪﻡ ﺗﺼﺪﻳﻖ .. ﺍﻟﺤﻴﻦ ﻫﺬﺍ ﺍﻟﻠﻲ
ﻣﻈﺎﻳﻘﻬﺎ ... ﺍﻧﻲ ﻣﺴﻜﺘﻬﺎ؟؟ ﻳﻌﻨﻲ ﺍﻫﻲ ﻏﺒﻴﺔ ﻭﻻ ﺗﺘﻐﻴﺒﻰ .. ﻳﻌﻨﻲ
ﺍﻫﻲ ﺩﻗﻤﺔ ﻭﻻ ﺗﺘﺪﻳﻘﻢ .. ﻳﺎ ﻧﺎﺱ .. ﺍﻧﺎ ﺍﻟﻠﻲ ﻣﻮﻗﻔﻨﻲ ﻋﻨﻬﺎ ﻣﺎ ﺭﻭﺡ
ﻭﺍﺧﻠﺺ ﻋﻠﻴﻬﺎ ﻭﻳﻬﻬﺎ ﺍﻟﺴﻤﺢ ﺍﻟﻠﻲ ﺣﺘﻰ ﺑﻐﺒﺎﺋﻪ ﻳﺘﻐﻠﻐﻞ ﺑﻌﺮﻭﻗﻲ ..
ﻟﻜﻦ ...
ﻣﺴﺎﻋﺪ ﺑﺼﻮﺕ ﻭﺍﻃﻲ : ﻳﻌﻨﻲ ﺍﻧﺘﻲ ... ﻣﻦ ﺻﺠﺞ ﺗﺘﻜﻠﻤﻴﻦ
ﻓﺎﺗﻦ : ﺍﻭﻭﻭﻭﻭﻭﻭﻭﻩ .. ﺗﺮﺍﻙ ﺿﻴﺠﺖ ﺑﻲ .. ﺧﺬﻧﻲ ﺑﺎﻟﻌﻘﻞ .. ﺍﺣﺮﺟﺘﻨﻲ
ﻭﻳﺎ ﻣﺴﻜﺘﻚ ﻫﺬﻱ ..
ﻣﺴﺎﻋﺪ : ﻳﻌﻨﻲ ﺍﻧﺘﻲ ﻣﺎ ﻛﻨﺘﻲ ﻣﺘﻮﺭﻃﺔ ﺷﻠﻮﻥ ﺗﺮﻛﺒﻴﻦ ﺍﻟﻴﺨﺖ
ﻓﺎﺗﻦ : ﺑﻠﻰ .. .ﺑﺲ ﻣﺎ ﻛﺎﻥ ﻟﻪ ﺩﺍﻋﻲ ﺍﻟﻤﺴﻜﺔ ﻭﻫﺎﻟﺴﻮﺍﻟﻒ ...
ﻣﺴﺎﻋﺪ : ﻓﺎﺗﻦ .... ﺣﺮﺍﻡ ﻋﻠﻴﺞ
ﻓﺎﺗﻦ : ﺷﻨﻮ ﺣﺮﺍﻡ ﻋﻠﻲ .. ﺗﺮﻯ ﻫﺬﺍ ﺍﻟﺼﺢ .. ﻭﻳﻤﻜﻦ ﺍﻧﺖ ﻣﺎ ﺗﻌﺮﻓﻪ
ﺑﺲ ﺑﻌﻠﻤﻚ ﺍﻳﺎﻩ؟ ..
ﺳﻜﺘﺖ ﻓﺎﺗﻦ ﻳﻮﻡ ﺷﺎﻓﺖ ﻋﻴﻮﻥ ﻣﺴﺎﻋﺪ ﺍﻟﻠﻲ ﻟﻮ ﻛﺎﻧﺖ ﺗﻘﺘﻞ ﺟﺎﻥ
ﺍﻫﻲ ﺻﺮﻳﻌﺘﻬﺎ ﺍﻟﺤﻴﻦ .. ﺍﻟﻐﻀﺐ ﻭﻋﺪﻡ ﺍﻟﺘﺼﺪﻳﻖ ﻭﺍﻟﻈﻴﺞ ﻭﺑﻨﻔﺲ
ﺍﻟﻮﻗﺖ .. ﻟﻮﻧﻬﻢ ﺍﻟﺠﺬﺍﺏ ﻛﺎﻥ ﺧﻠﻴﻂ ﻭﻣﺰﻳﺞ ﺧﻄﻴﺮ ﻳﺨﻠﻴﻬﺎ ﺗﻔﻜﺮ
ﻣﺮﺗﻴﻦ ﺑﺎﻟﻠﻲ ﺗﻘﻮﻟﻪ .. ﺑﺲ ﺑﻬﺎﻟﻠﺤﻈﺔ ﺍﻫﻲ ﻣﺨﻬﺎ ﻓﻲ ﺣﺎﻟﻪ ﻏﻀﺐ .. ﻣﺎ
ﺗﺪﺭﻱ .. ﺻﺞ ﺍﻥ ﺍﻟﺴﺎﻟﻔﺔ ﺳﺨﻴﻔﺔ ﺍﻟﻠﻲ ﺍﻫﻲ ﺗﺘﻨﺎﻗﺶ ﻓﻴﻬﺎ ﺑﺲ ﺍﻫﻲ
ﻓﻲ ﺣﺎﻟﺔ ﻏﻀﺐ ﻭﻧﻔﻮﺭ ﻭﻋﻨﻒ .. ﺗﺒﻲ ﺗﻈﻬﺮﻩ ﻓﻲ ﻭﻳﻪ ﻣﺴﺎﻋﺪ ﻭﻣﺎ
ﻫﻤﻬﺎ .. ﻣﺎ ﻳﺨﻮﻓﻬﺎ ...
ﻣﺴﺎﻋﺪ : ﺍﻟﻈﺎﻫﺮ ﺍﻧﺞ ﻣﺎ ﺑﺘﺘﺎﺩﺑﻴﻦ ﺟﺬﻱ ..
ﻭﺍﺳﺘﻐﺮﺑﺖ ﻓﺎﺗﻦ ﻣﻦ ﻛﻼﻣﻪ ﺍﻻ ﺍﻥ ﻳﺪ ﻣﺴﺎﻋﺪ ﺍﻟﻠﻲ ﻣﺴﻜﺘﻬﺎ ﻃﻴﺮﺕ
ﻛﻞ ﺷﻲ ﻣﻦ ﺑﺎﻟﻬﺎ .. ﻭﺍﻟﻌﻨﻒ ﺍﻟﻠﻲ ﻭﺍﺟﻬﻬﺎ ﺑﻪ ﺧﻼﻫﺎ ﻓﻲ ﺣﺎﻟﺔ
ﻏﻴﺒﻮﺑﺔ . ﺗﻤﺸﻲ ﻭﺭﺍﻩ ﻭﺍﻫﻲ ﺗﺘﺤﺴﺲ ﺍﻻﻟﻢ ﺷﻠﻮﻥ ﻳﻄﻮﻑ ﻓﻲ
ﺟﺴﻤﻬﺎ ﻣﺜﻞ ﺍﻟﻤﺤﻠﻮﻝ ﺍﻟﻌﺠﻴﺐ .. ﺧﻼﻫﺎ ﺑﺤﺎﻟﺔ ﻣﻦ ﺍﻟﺼﺪﻣﺔ
ﻭﺍﻟﻜﻬﺮﺑﺎ ... ﺟﺮﻫﺎ ﻣﺴﺎﻋﺪ ﺩﺍﺧﻞ ﺍﻟﺪﺭﺝ ﺍﻟﻠﻲ ﻳﺆﺩﻱ ﺍﻟﻰ ﺍﻟﻐﺮﻓﺔ
ﺍﻟﻮﺣﻴﺪﺓ ﻓﻲ ﺍﻟﻴﺨﺖ .. ﻭﻳﻮﻡ ﺩﺧﻠﻬﺎ ﺍﻟﻐﺮﻓﺔ ﺳﻜﺮ ﺍﻟﺒﺎﺏ ﻣﻦ ﻭﺭﺍﻩ
ﻭﻓﺎﺗﻦ ﺍﻟﻠﻲ ﻛﺎﻧﺖ ﺗﻤﺸﻲ ﻭﺭﺍﻩ ﻣﺜﻞ ﺍﻟﻌﺼﻔﻮﺭﺓ ﻃﺎﺭﺕ ﺑﺎﻟﻐﺮﻓﺔ ﻳﻮﻡ
ﺭﻣﺎﻫﺎ ﻋﻠﻰ ﺍﻟﺴﺮﻳﺮ ﺑﻜﻞ ﻗﻮﺗﻪ ..
ﻭﺍﻟﻬﻠﻊ ﺑﺪﻯ ﻳﺪﺏ ﻓﻴﻬﺎ ﺑﻜﻞ ﻣﻌﻨﻰ ﺍﻟﻜﻠﻤﺔ .. ﻭﻳﻮﻡ ﺳﻜﺮ ﻣﺴﺎﻋﺪ ﺍﻟﺒﺎﺏ
ﺑﻘﻮﺓ ﺳﺎﺩﺕ ﺻﺮﺧﺔ ﻓﻲ ﺟﺴﻤﻬﺎ ﻣﺎ ﻗﺪﺭ ﻟﺴﺎﻧﻬﺎ ﻳﻨﻄﻖ ﺑﻬﺎ ﻣﻦ
ﺷﺪﺗﻬﺎ .. ﻳﻤﻜﻦ ﺗﺘﻔﺠﺮ ﻣﻊ ﻫﺎﻟﺼﺮﺧﺔ ..
ﻣﺴﺎﻋﺪ : ﺣﻮﺍﺟﺰ؟؟ ﺣﺪﻭﺩ ... ﺣﺒﻴﺒﺘﻲ .. ﺍﻧﺘﻲ ﺯﻭﺟﺘﻲ ﻭﺣﻠﻴﻠﺘﻲ ..
ﻭﺍﻟﺰﻭﺍﺝ ﻭﻫﺎﻟﺴﻮﺍﻟﻒ ﺍﻟﺒﻄﺎﻟﻴﺔ ﺍﻟﻠﻲ ﺍﻟﻨﺎﺱ ﺍﺑﺘﺪﻋﺘﻬﺎ ﻛﻠﻬﺎ ﻣﺠﺮﺩ
ﺷﻜﻠﻴﺎﺕ .. ﺍﻧﺎ ﻟﻮ ﺍﺳﻮﻱ ﻓﻴﺞ ﺍﻱ ﺷﻲ .... ﻣﺤﺪ ﺭﺍﺡ ﻳﺘﻜﻠﻢ ﻟﻲ؟؟ ...
ﻓﺸﻠﻮﻥ ﺗﻔﻜﺮﻳﻦ ﺑﻬﺎﻟﻤﻮﺿﻮﻉ؟؟؟ ﻭﻣﻌﺼﺒﺔ ﺭﻭﺣﺞ ﻭﻣﺴﻮﻳﺔ ﻣﻦ
ﺍﻟﺴﺎﻟﻔﺔ ﻗﻀﻴﺔ ﻭﻣﺤﻜﻤﺔ ..
ﺧﺎﻓﺖ ﻓﺎﺗﻦ ﻣﻦ ﻣﺴﺎﻋﺪ ﻭﻣﻦ ﺗﻬﺠﻤﻪ ﻭﻣﻦ ﻛﻼﻣﻪ ﺍﻟﻐﻴﺮ ﻣﻨﻤﻖ ﺍﻭ
ﻳﻤﻜﻦ ﺍﻟﺴﻮﻗﻲ ﻭﻧﻘﺰﺕ ﻣﻦ ﻣﻜﺎﻧﻬﺎ ﻟﻌﻨﺪ ﻃﺮﻑ ﺍﻟﺴﺮﻳﺮ ﻣﻦ ﻏﻴﺮ
ﻣﺎﺗﺤﺲ ﺑﻘﻤﻴﺼﻬﺎ ﺍﻟﻠﻲ ﻃﻠﻊ ﻣﻦ ﺍﻟﺘﻨﻮﺭﺓ ﻭﺷﻴﻠﺘﻬﺎ ﺍﻟﻠﻲ ﻣﺎ ﻋﺎﺩ ﻟﻬﺎ
ﻟﺰﻣﻪ ﻻﻥ ﺷﻌﺮﻫﺎ ﻛﻠﻪ ﻃﻠﻊ ﻣﻦ ﺗﺤﺘﻬﺎ ..
ﻭﻫﻲ ﺗﻔﺮﻙ ﺭﺳﻐﻬﺎ ﺍﻟﻠﻲ ﻗﺒﺾ ﻋﻠﻴﻪ ﻣﺴﺎﻋﺪ : ﺷﻘﺼﺪﻙ ﺑﻬﺎﻟﻜﻼﻡ ..
ﻣﺴﺎﻋﺪ ﺍﻟﻠﻲ ﻛﺎﻥ ﻣﺜﻞ ﺍﻟﺜﺎﻳﺮ ﻳﺤﻮﻡ ﻳﻤﻴﻦ ﻭﻳﺴﺎﺭ ..: ﺍﻧﺘﻲ ﻭﺍﻳﺪ
ﺩﻓﻌﺘﻲ ﻓﻴﻨﻲ .. ﻭﻭﺍﻳﺪ ﺗﺤﻤﻠﺘﺞ ﻭﺻﺒﺮﺕ ﻋﻠﻴﺞ ﻣﻦ ﺗﺰﻭﺟﺘﺞ .. ﻟﻜﻨﺞ
ﺍﺗﻴﻴﻦ ﻭﺗﺤﻄﻴﻦ ﺑﻴﻨﻲ ﻭﺑﻴﻨﺞ ﺣﻮﺍﺟﺰ .. ﻭﺣﺪﻭﺩ ... ﻫﺬﻱ ﺍﻟﻘﺸﺔ ﺍﻟﻠﻲ
ﺑﺘﻘﺼﻢ ﺿﻬﺮﻱ ...
ﻭﻫﻮ ﻳﺘﻘﺮﺏ ﻣﻨﻬﺎ ﺑﻐﻀﺐ ..
ﻓﺎﺗﻦ : ﺯﻳﻦ ﺍﻧﺎ ﺍﺳﻔﺔ ﻭﺍﻟﻠﻪ ﻣﻮ ﻗﺼﺪﻱ .. ﻭﺍﻟﻠﻪ ﻣﻮ ﻗﺼﺪﻱ ﺑﺲ ﺣﻞ
ﻋﻨﻲ ..
ﻣﺴﺎﻋﺪ ﻳﻀﺤﻚ : ﺍﺣﻞ ﻋﻨﺞ ... ﺍﺣﻞ ﻋﻨﺞ ﻭﻳﻦ ... ﻣﺴﺮﻉ ﻣﺎ
ﺗﺮﺍﺟﻌﺘﻲ ﺑﻜﻼﻣﺞ .. ﻣﻦ ﺍﻟﻠﻲ ﻳﺘﺤﺠﻰ ﺍﻟﺤﻴﻦ ﺍﻟﺤﺪﻭﺩ ﻭﺍﻟﺤﻮﺍﺟﺰ .. ﻭﻻ
ﺍﻧﺘﻲ ..
ﻓﺎﺗﻦ ﺍﻟﻠﻲ ﺷﻮﻱ ﻭﺗﺒﺠﻲ ﻣﻦ ﺍﻟﺤﺰﻥ ﺍﻟﻠﻲ ﻋﻢ ﻓﻴﻬﺎ : ﺗﻜﻔﻰ ﻣﺴﺎﻋﺪ ..
ﻭﺍﻟﻠﻲ ﻳﺴﻠﻤﻚ ... ﺍﻧﺎ ﺍﺳﻔﺔ ﻭﻏﻠﻄﺎﻧﺔ ..
ﻭﻛﻞ ﻫﺬﺍ ﻛﺎﻥ ﻋﺒﺎﺭﺓﻋﻦ ﺗﺤﻔﻴﺰ ﻟﻤﺴﺎﻋﺪ ﺍﻧﻪ ﻳﺘﻘﺮﺏ ﻣﻨﻬﺎ ﺍﻛﺜﺮ ﻭﺍﻛﺜﺮ :
ﺍﺑﻲ ﺍﺷﻮﻑ ﻟﺴﺎﻧﺞ ﺍﻟﺤﻴﻦ ﺷﺒﻴﻨﻄﻖ .. ﺍﺑﻴﺞ ﺗﻮﺭﻳﻨﻲ ﺷﻠﻮﻭﻭﻥ
ﻫﺎﻟﺤﻮﺍﺟﺰ ﻭﺍﻟﺤﺪﻭﺩ ﺑﺘﻈﻬﺮ .. ﻭﻣﻦ ﻭﻳﻦ ﺑﺘﻄﻠﻊ .. ﻭﺍﻧﺎ ﻣﺎ ﻳﻔﺼﻞ ﺑﻴﻨﻲ
ﻭﺑﻴﻨﺞ ﺍﻻ ﺍﻟﻬﻮﺍ .. ﻭﺍﻟﻬﻮﺍ ﻣﺎ ﻳﻨﻤﺴﻚ ..
ﻓﺎﺗﻦ ﺍﻟﻠﻲ ﻭﺻﻠﺖ ﻟﻠﺰﺍﻭﻳﺔ ﻣﻦ ﻋﻨﺪ ﺍﻟﺴﺮﻳﺮ ﻭﻫﻲ ﻣﺮﺗﻌﺒﺔ ﻣﻦ ﻗﻠﺒﻬﺎ
ﻭﺷﻮﻱ ﺑﺘﻨﻬﺎﺭ : ﺗﻜﻔﻰ ﻣﺴﺎﻋﺪ ﺍﺫﻛﺮ ﺭﺑﻚ ...
ﻣﺴﺎﻋﺪ : ﺭﺑﻲ ﻳﻘﻮﻝ ﺍﻧﻲ ﺣﺮﻣﺘﻲ ﻭﺍﻧﺎ ﻟﻲ ﺍﻟﺤﻖ ﺍﻧﻲ ﺍﺳﻮﻱ ﻣﻌﺎﺝ
ﺍﻟﻠﻲ ﺍﺑﻴﻪ ....
ﻭﻳﻮﻡ ﻭﺻﻞ ﻟﻬﺎ ﺍﻧﻬﺎﺭﺕ ﻓﺎﺗﻦ ﻭﺷﻮﻱ ﺗﻄﻴﺢ ﻋﻠﻰ ﺍﻻﺭﺽ ﻣﻦ ﺍﻟﺨﻮﻑ
ﻭﻣﺴﻜﻬﺎ ﻣﺴﺎﻋﺪ ﻭﻳﻮﻡ ﺍﻧﻤﺪﺕ ﻳﺪﻩ ﻋﻨﺪ ﻓﺎﺗﻦ ﺻﺮﺧﺖ : ﻻﺍﺍ ...
ﻭﻗﻒ ﻣﺴﺎﻋﺪ ﻗﺒﺎﺍﻟﻬﺎ ﻋﻨﺪﺟﺪﺍﺭ ﺍﻟﻐﺮﻓﺔ ﺑﻌﺼﺒﻴﻪ : ﺳﻤﻌﻴﻨﻲ ....
ﺳﻤﻌﻴﻨﻲ ..... ( ﻳﺄﺷﺮ ﺑﺼﺒﻌﻪ ﻓﻲ ﻭﻳﻬﻬﺎ ﻭﺍﻫﻲ ﺗﺒﺠﻲ ﻭﺩﻣﻮﻉ ﺍﻟﺨﻮﻑ
ﻭﺍﻟﺬﻋﺮ ﺗﻬﻞ ﻣﻦ ﻋﻴﻮﻧﻬﺎ ﻣﺜﻞ ﺍﻟﺸﻼﻝ ) ﻫﺬﻱ ... ﺍﻭﻝ ﻣﺮﺓ ... ﻭﺍﺧﺮ
ﻣﺮﺓ ... ﻭﺍﺣﻠﻒ ﺑﺎﻟﻠﻪ ﻳﺎ ﻓﺎﺗﻦ ... ﺑﺎﻟﻠﻪ ... ﺍﻭﻝ ﻣﺮﺓ ﻭﺍﺧﺮ ﻣﺮﺓ
ﺗﺘﺤﺪﻳﻨﻲ ﻓﻲ ﺷﻲ .... ﺍﻫﻮ ﻣﻠﻜﻲ ... ﺍﺧﺮ ﻣﺮﺓ ﺗﺴﺘﻔﺰﻳﻨﻲ ﻓﻲ ﺷﻲ ﺍﻧﺎ
ﺍﻗﺪﺭ ﻋﻠﻴﻪ ... ﻭﻻ ﺗﻈﻨﻴﻦ ﺍﻧﻲ ﻣﺎ ﺍﻗﺪﺭ ﻋﻠﻴﻪ ... ﺗﺮﻯ ﺍﻧﺘﻲ ﻛﻨﺘﻲ
ﺗﺒﺎﺗﻴﻦ ﻭﻳﺎﻱ ﻓﻲ ﺷﻘﺔ ﻭﺣﺪﺓ ﻭﻣﺎ ﻳﻔﺼﻞ ﺑﻴﻨﻨﺎ ﺍﻻ ﺟﺪﺍﺭ ... ﺟﺪﺍﺭ ﻳﺎ
ﻓﺎﺗﻦ ... ﻣﻦ ﺍﻟﺴﻬﻞ ﺍﻧﻲ ﺍﺧﺘﺮﻗﺔ ﻭﺍﻭﺻﻞ ﻟﺞ ... ﻟﻜﻦ .. (ﻭﻫﻮ ﻳﻨﺰﻝ
ﻳﺪﻩ ﻭﺍﻟﻘﻬﺮ ﻳﻨﺒﻊ ﻣﻦ ﻋﻴﻮﻧﻪ ﻭﻗﻠﺒﻬﺎ ﺫﺍﻳﺐ ﻣﻦ ﺷﻜﻠﻬﺎ ﺍﻟﺤﺰﻳﻦ ) ﺍﻧﺎ
ﺍﺣﺘﺮﻣﺘﺞ .. ﻭﺍﺣﺘﺮﻡ ﻗﺮﺍﺭﺝ .. ﻭﺣﺮﻳﺘﺞ ﻋﻠﻰ ﻋﻴﻨﻲ ﻭﻋﻠﻰ ﺭﺍﺳﻲ ...
ﻓﻼ ﺗﻌﺘﺒﺮﻳﻦ ﺍﺣﺘﺮﺍﻣﻲ ﺿﻌﻒ ﻣﻨﻲ ﺗﺠﺎﻫﺞ ... ﻻ ... ﺍﻧﺎ ﺍﺣﺘﺮﺍﻣﻲ ﻟﺞ
ﻣﻌﻨﺎﺗﻪ ﺗﻘﺪﻳﺮﻱ ﻟﺞ .. ﺗﺮﻯ ﺍﻧﺎ ﺍﻗﺪﺭ ﺍﺳﻮﻱ ﻛﻞ ﺷﻲ .. ﻛﻞ ﺷﻲ .. ﺍﻗﺪﺭ
ﺍﻧﻲ ﺍﻧﺴﻰ ... ﺍﻧﺴﻰ ﻏﻼﺝ ﻓﻲ ﻗﻠﺒﻲ .. ﻭﺍﺫﺑﺤﺞ .. ﻓﻼ ﺗﺴﺘﻔﺰﻳﻨﻲ
ﺍﺭﺟﻮﺝ ... ﺍﺗﺮﺟﺎﺝ ﻭﺍﺗﻮﺳﻞ ﻟﺞ .. ﻻﻧﻲ ﻣﺎﺑﻜﻮﻥ ﻣﺴﺌﻮﻝ ﻋﻦ ﻧﺘﻴﺠﺔ
ﺃﻓﻌﺎﻟﻲ ﻭﻳﺎﺝ ... ﺳﺎﻣﻌﺘﻨﻲ؟؟؟
ﺍﻧﺘﻔﻀﺖ ﻓﺎﺗﻦ ﺑﻴﻦ ﻳﺪ ﻣﺴﺎﻋﺪ ﻭﺍﻫﻲ ﺗﺒﺠﻲ ... ﻭﻳﻮﻡ ﺣﺴﻬﺎ ﻣﺴﺎﻋﺪ
ﺍﻧﻬﺎ ﺗﻘﺮﻳﺒﺎ ﺛﺎﺑﺘﻪ ﻣﻜﺎﻧﻬﺎ .. ﺗﺮﺍﺟﻊ ﻋﻨﻬﺎ ﻭﻫﻮ ﻣﺘﻠﻮﻡ ﻣﻦ ﻗﻠﺐ ﻋﻠﻰ
ﻣﻮﻗﻔﻪ ﺗﺠﺎﻫﻬﺎ .. ﺷﺴﻮﻯ ﻓﻴﻬﺎ ..؟؟ ﺍﺭﻋﺒﻬﺎ ﻭﻫﺰ ﻛﻴﺎﻧﻬﺎ ﺍﻟﺼﻐﻴﺮ ... ﻻ
ﻭﺍﻟﻠﻌﻦ .. ﻓﻲ ﺧﻀﻢ ﺍﻧﻔﻌﺎﻟﻪ ﺍﻋﺘﺮﻑ ﺑﻐﻼﻫﺎ ﺍﻟﻠﻲ ﻳﻌﻤﺮ ﻗﻠﺒﻪ ... ﺍﻧﻬﺰﻡ
ﻓﻲ ﺍﻟﻤﻮﻗﻒ ﺍﻟﻠﻲ ﻇﻦ ﻓﻲ ﺑﺪﺍﻳﺘﻪ ﺍﻧﻪ ﻓﺎﺯ ﻓﻴﻪ ... ﻭﻋﻠﻰ ﻃﻮﻝ ﻣﻦ
ﻏﻴﺮ ﺍﻱ ﻛﻠﻤﺔ ﺛﺎﻧﻴﺔ ﻃﻠﻊ ﻣﻦ ﺍﻟﻐﺮﻓﺔ ﻭﻫﻮ ﻳﺤﺲ ﺑﺎﻻﻧﻬﻴﺎﺭ .. ﺧﻼﺹ ..
ﻣﺎﻛﻮ ﺷﻲ ﻳﻘﺪﺭ ﻳﺴﻮﻳﻪ ﻳﺼﻠﺢ ﺍﻟﻠﻲ ﺻﺎﺭ ... ﻣﻦ ﺑﻌﺪ ﻫﺎﻟﻤﻮﺍﺟﻬﺔ ..
ﺍﻫﻮ ﻓﻲ ﻃﺮﻳﺞ ﻭﻓﺎﺗﻦ ﺑﻄﺮﻳﺞ ...
ﺍﻣﺎ ﻓﺎﺗﻦ ﺍﻟﻠﻲ ﻣﻦ ﻏﺎﺏ ﻣﺴﺎﻋﺪ ﻋﻦ ﺟﻮ ﺍﻟﻐﺮﻓﺔ ﻃﺎﺣﺖ ﻋﻠﻰ ﺍﻻﺭﺽ
ﻭﻫﻲ ﻣﻮ ﻣﺼﺪﻗﺔ .. ﺯﻟﺰﻻﻝ .. ﻓﻴﻀﺎﻥ .. ﻃﻮﻓﺎﻥ .. ﻋﺎﺻﻔﺔ .. ﻭﺍﻻ
ﺍﻋﺼﺎﺭ .. ﻛﻞ ﺍﻟﻈﻮﺍﻫﺮ ﺍﻟﻄﺒﻴﻌﻴﺔ ﻣﺮﺕ ﻋﻠﻴﻬﺎ ﻟﻠﺤﻈﺔ ﻣﻦ ﺍﻟﻠﺤﻈﺎﺕ ..
ﻟﻮﻗﺖ ﻳﻤﻜﻦ ﻣﺎ ﺗﻌﺪﻯ ﺍﻟﺪﻗﻴﻘﺘﻴﻦ .. ﺗﻬﺪﻣﺖ ﻛﻞ ﺍﺭﻛﺎﻧﻬﺎ ﻭﺍﻋﻠﻨﺖ
ﺍﻧﻬﺰﺍﻣﻬﺎ ﺑﻀﻌﻔﻬﺎ ﺟﺪﺍﻡ ﻣﺴﺎﻋﺪ ... ﻣﺜﻞ ﺍﻻﺳﺪ ﺍﻟﻠﻲ ﻣﺘﻌﺪﻳﻦ ﻋﻠﻰ
ﺣﻜﻤﻪ .. ﻭﺩﺍﺧﻠﻴﻦ ﻋﺮﻳﻨﻪ ﻣﻦ ﻏﻴﺮ ﺍﺳﺘﺌﺬﺍﻧﻪ .. ﻣﺜﻞ ﺍﻟﺜﻮﺭ ﺍﻟﻬﺎﻳﺞ ...
ﺭﻣﻰ ﻋﻠﻴﻬﺎ ﺍﻓﻈﻊ ﺍﻟﻜﻠﻤﺎﺕ ... ﻭﻭﺍﺟﻬﻬﺎ ﺑﻘﻮﺗﻪ ﺍﻟﻠﻲ ﻫﺸﻤﺖ ﻛﻞ
ﺣﻨﺎﻳﺎﻫﺎ .. ﻭﺍﻫﻲ ﺍﻟﻠﻲ ﻛﺎﻧﺖ ﺗﻈﻦ ﺍﻧﻬﺎ ﻗﻮﻳﺔ ... ﻃﻠﻌﺖ ﻫﺸﻪ
ﺑﺎﻟﻤﻘﺎﺭﻧﺔ ﻣﻊ ﻣﺴﺎﻋﺪ ... ﺷﺮﺍﺭﺓ ﺣﻮﻟﺖ ﺍﻟﻤﻮﻗﻊ ﺍﻟﻰ ﺳﺎﺣﺔ ﺣﺎﻣﻴﺔ
ﺍﻟﻮﻃﻴﺲ .. ﺑﺪﺕ ﻣﻮﺟﺔ ﺍﻟﺒﺠﻲ ﺗﻬﺰﻫﺎ ﺑﻌﻨﻒ .. ﻭﻫﻲ ﺧﺎﻳﻔﺔ ﻭﺗﺮﺗﻌﺶ
ﻣﻜﺎﻧﻬﺎ .. ﻣﺎ ﺗﺪﺭﻱ ﻟﻴﺶ ﺧﺎﻳﻔﺔ .. ﺍﻭ ﻋﻠﻰ ﺷﻨﻮ ﺧﺎﻳﻔﺔ .. ﻋﻠﻰ ﻧﻔﺴﻬﺎ ..
ﻋﻠﻰ ﻣﺴﺎﻋﺪ .. ﻋﻠﻰ ﻗﻠﺒﻬﺎ ﺍﻟﻠﻲ ﻣﻮ ﻗﺎﺩﺭﺓ ﺗﺴﻜﻦ ﺍﻧﻴﻨﻪ .. ﻭﻻ ﻋﻠﻰ
ﺍﻟﻬﺠﻮﻡ ﺍﻟﻠﻲ ﺗﻌﺮﺿﺖ ﻟﻪ ﺍﻟﻴﻮﻡ ... ﺑﺲ .. ﺍﻟﺤﻖ ﻳﻨﻘﺎﻝ .. ﺍﻫﻲ ﺍﻟﺴﺒﺐ
.. ﺍﻫﻲ ﺍﻟﺴﺒﺐ ... ﻛﻼﻣﻪ ﻣﺎ ﻛﺎﻥ ﻏﻠﻂ .. ﻛﻼﻣﻪ ﻛﺎﻥ ﺻﺢ ﺑﺼﺢ ...
ﺑﺲ .. ﺍﻫﻲ .. ﻟﻴﺶ ﻋﺼﺒﺖ ﻳﻮﻡ ﻣﺴﻜﻬﺎ .. ﻟﻴﺶ ﺍﻟﻐﻀﺐ ﺍﻟﻠﻲ ﻛﺎﻥ
ﻟﻨﻔﺴﻬﺎ ﻭﺟﻬﺘﻪ ﻟﻤﺴﺎﻋﺪ ﻭﻫﻮ ﺍﻟﻠﻲ ﻣﻦ ﺷﺎﻓﻬﺎ ﻣﺘﻈﺎﻳﻘﺔ ﻧﺴﻰ ﻇﻴﻘﻪ
ﻭﻳﺎﻫﺎ ﻳﺴﺎﻝ ﻋﻨﻬﺎ ﻭﻋﻦ ﺳﺒﺐ ﻇﻴﻘﻬﺎ .. ﻭﺍﻻ ﺍﻟﻤﻌﺎﻣﻠﺔ ﺍﻟﺤﻠﻮﺓ ﺍﻟﻠﻲ
ﻓﻴﺎﻟﺒﺎﺭﻙ .. ﻭﺍﻻ ﺍﻟﺮﺣﻠﺔ ﻣﻦ ﺑﺪﺍﻳﺘﻬﺎ ﻟﻨﻬﺎﻳﺘﻬﺎ .. ﻭﻛﻠﻤﺎﺕ ﻛﺎﻧﺖ ﺗﺮﻥ ﻓﻲ
ﺑﺎﻟﻬﺎ ﻣﻦ ﻛﻼﻡ ﻣﺴﺎﻋﺪ ..
( ( ﺍﻧﺎ ﺍﺣﺘﺮﻣﺘﺞ .. ﻭﺍﺣﺘﺮﻡ ﻗﺮﺍﺭﺝ .. ) )
( ( ... ﻓﻼ ﺗﻌﺘﺒﺮﻳﻦ ﺍﺣﺘﺮﺍﻣﻲ ﺿﻌﻒ ﻣﻨﻲ ﺗﺠﺎﻫﺞ ... ﻻ ... ﺍﻧﺎ
ﺍﺣﺘﺮﺍﻣﻲ ﻟﺞ ﻣﻌﻨﺎﺗﻪ ﺗﻘﺪﻳﺮﻱ ﻟﺞ . ) )
( (ﺗﺮﻯ ﺍﻧﺎ ﺍﻗﺪﺭ ﺍﺳﻮﻱ ﻛﻞ ﺷﻲ .. ﻛﻞ ﺷﻲ .. ﺍﻗﺪﺭ ﺍﻧﻲ ﺍﻧﺴﻰ ...
ﺍﻧﺴﻰ ﻏﻼﺝ ﻓﻲ ﻗﻠﺒﻲ .. ﻭﺍﺫﺑﺤﺞ ) )
ﻭﺍﻧﺼﺪﻣﺖ ﻣﻦ ﺍﻟﻜﻠﻤﺔ ﺍﻟﻠﻲ ﺫﻛﺮﺗﻬﺎ ﻟﻠﺤﻈﺎﺕ
( ( ﺍﻧﺴﻰ ﻏﻼﺝ ﻓﻲ ﻗﻠﺒﻲ .. ﺍﻧﺴﻰ ﻏﻼﺝ ﻓﻲ ﻗﻠﺒﻲ .. ﺍﻧﺴﻰ ﻏﻼﺝ ﻓﻲ
ﻗﻠﺒﻲ ) )
ﻭﺗﻤﺖ ﺗﺮﺩﺩ ﻫﺎﻟﻜﻠﻤﺔ ﺑﻠﺴﺎﻧﻬﺎ : ﻏﻼﺝ .. ﻏﻼﺝ .. ﺑﻘﻠﺒﻲ .... ﻏﻼﺝ ...
ﻭﻏﺎﺑﺖ ﻓﻲ ﻣﻮﺟﺔ ﻣﻨﺎ ﻟﺒﺠﻲ ﻭﺍﻫﻲ ﺗﺤﺎﻭﻝ ﺗﻤﺤﻲ ﻫﺎﻟﻜﻠﻤﺔ ﻣﻦ
ﺭﺍﺳﻬﺎ .. ﻻ ﻣﺴﺘﺤﻴﻞ .. ﻣﺴﺘﺤﻴﻞ .. ﻫﺎﻟﺸﻲ ﻣﺎ ﻳﺘﺼﺪﻕ .. ﻣﻮ
ﻣﻌﻘﻮﻝ ... ﻣﺎ ﻳﺼﻴﺮ ﻳﻐﻠﻴﻨﻲ .. ﻣﺎ ﻳﺼﻴﺮ .. ﺍﻫﻮ ﻳﺤﺘﻘﺮﻧﻲ ﻭﻳﻜﺮﻫﻨﻲ
ﻭﻳﻌﺎﻗﺒﻨﻲ ﻭﻳﺤﺘﺠﺰﻧﻲ ﻋﻨﺪﻩ .. ﻣﺎ ﻳﺼﻴﺮ ﻳﺤﺒﻨﻲ ... ﺍﻫﻮ ﻣﺘﺰﻭﺟﻨﻲ
ﻋﺸﺎﻥ ﻳﻘﻬﺮﻧﻲ ﻓﺤﺒﻲ ﻟﻤﺸﻌﻞ .؟ . ﻋﺸﺎﻥ ﻳﻨﺘﻘﻢ ﻣﻨﻲ ...
ﻳﻨﺘﻘﻢ ﻣﻨﻬﺎ .. ﻟﻴﺶ ﻳﻨﺘﻘﻢ ؟ . ﺍﻧﺘﺒﻬﺖ ﻟﻨﻔﺴﻬﺎ .. ﻟﻴﺶ ﻳﻨﺘﻘﻢ ﻣﻨﻲ ﻭﺍﻧﺎ
ﻣﺎ ﺑﻴﻨﻲ ﻭﺑﻴﻨﻪ ﺍﻱ ﺻﻠﺔ ﺍﻭ ﺍﻱ ﻋﻼﻗﺔ ...ﻟﻴﺶ ﻳﻌﻨﻲ ﻣﻦ ﻗﻠﺔ ﺍﻟﻨﺎﺱ
ﺍﻟﻠﻲ ﺑﻴﺤﻄﻨﻲ ﻓﻲ ﺑﺎﻟﻪ ... ﻭﺗﻤﺖ ﺗﺴﺘﺮﺟﻊ ﻓﻲ ﺑﺎﻟﻬﺎ ﻟﺤﻈﺎﺕ ﻗﺪﻳﻤﺔ
ﻣﺮﺕ ﺑﻴﻨﻬﺎ ﻭﺑﻦ ﻣﺴﺎﻋﺪ .. ﻟﻜﻦ ﺣﺎﻟﺘﻬﺎ ﺍﻟﻨﻔﺴﻴﺔ ﻣﺎ ﺳﺎﻋﺪﺗﻬﺎ ﺍﺑﺪﺍ ..
ﻭﺧﻠﺘﻬﺎ ﻣﻨﻬﺎﺭﺓ ﻋﻠﻰ ﺫﻳﺞ ﺍﻻﺭﺽ .. ﻭﺷﺎﻟﺖ ﻋﻤﺮﻫﺎ ﺑﺎﻟﻐﺼﺐ ﻭﺭﺍﺣﺖ
ﻋﻠﻰ ﺍﻟﺴﺮﻳﺮ ﻭﻫﻲ ﻣﺘﻬﺎﻟﻜﺔ ﻣﻦ ﺍﻟﺒﺠﻲ ﺍﻟﻠﻲ ﺑﺠﺘﻪ .. ﻭﻣﻦ ﺍﻟﺨﻮﻑ ..
ﺍﻟﻠﻲ ﻟﻠﺤﻴﻦ ﺍﺛﺎﺭﻩ ﻋﻠﻴﻬﺎ .. ﺍﻛﻴﺪ ﻫﺎﻟﻴﻮﻡ ﻣﺎ ﺭﺍﺡ ﻳﻨﺴﻰ .. ﻫﺎﻟﻴﻮﻡ ﺭﺍﺡ
ﻳﻈﻞ ﻓﻲ ﺫﺍﻛﺮﺓ ﺍﻟﺰﻣﻦ ﺍﻟﻠﻲ ﺟﻤﻊ ﺑﻴﻨﻬﺎ ﻭﺑﻴﻦ ﻣﺴﺎﻋﺪ ... ﻟﻜﻦ .. ﻫﻞ
ﺭﺍﺡ ﺗﻈﻞ ﺍﻻﻭﺿﺎﻉ ﺟﺬﻱ؟؟
ﻣﺴﺎﻋﺪ ﺍﻟﻠﻲ ﻃﻠﻊ ﻋﻠﻰ ﺍﻟﺴﻄﺢ ﻭﻭﺳﻊ ﺍﻟﻔﻀﺎ ﻭﺍﻟﺒﺤﺮ ﻛﺎﻥ ﻭﻻ ﺷﻲ
ﺑﺎﻟﻨﺴﺒﺔ ﻟﻤﺸﺎﻋﺮﻩ ﺍﻟﻤﺘﺄﻟﻤﺔ .. ﻣﺜﻞ ﺍﻻﺳﺪ ﺍﻟﻤﺠﺮﻭﺡ .. ﺍﻭ ﻣﺜﻞ ﺍﻟﻨﻤﺮ
ﺍﻟﻠﻲ ﺧﺴﺮ ﻣﻌﺮﻛﺔ ﺍﻟﺒﻘﺎﺀ ﻓﻲ ﺍﻟﺤﻴﺎﺓ ... ﻳﺤﺲ ﺑﺎﻟﺨﺴﺎﺭﺓ ﻭﺍﻟﻬﺰﻳﻤﺔ
ﻓﻲ ﻣﻌﺮﻛﺔ ﺍﻫﻮ ﻛﺎﻥ ﻣﺴﺘﻌﺪ ﻟﻬﺎ ﺑﻜﻞ ﺟﻮﺍﺭﺣﻪ ﻭﻣﺴﺘﻌﺪ ﺍﻧﻪ ﻳﻤﻀﻲ
ﻓﻴﻬﺎ ﺑﻜﻞ ﺟﺮﺃﺓ .. ﻟﻜﻦ ... ﺍﻟﻴﻮﻡ ﺍﻫﻮ ﺍﻧﺠﺮﺡ .. ﺍﻧﺠﺮﺡ ﻭﺍﺭﻫﺐ ﻭﺗﻌﺪﻯ
ﻋﻠﻰ ﺍﻏﻠﻰ ﺍﻟﺤﺒﺎﻳﺐ .. ﻋﻠﻰ ﻧﺒﺾ ﻗﻠﺒﻪ .. ﻋﻠﻰ ﺳﺒﺐ ﺣﻴﺎﺗﻪ .. ﻋﻠﻰ
ﺍﻟﺸﻤﻌﺔ ﻟﻠﻲ ﻧﻮﺭﺕ ﻇﻼﻡ ﺩﻧﻴﺘﻪ ﻣﻦ ﺑﻌﺪ ﻓﻘﺪﺍﻥ ﻋﺎﻟﻴﺔ ..ﻭﺑﻬﺎﻟﺸﻲ ﺣﺲ
ﺑﺎﻟﻜﺘﻤﺔ ﺗﺨﺘﺮﻕ ﺻﺪﺭﻩ .. ﻭﺗﻢ ﻳﻤﺴﺢ ﻋﻠﻴﻪ ﺑﻴﺪﻩ ﻭﺣﺲ ﺍﻥ ﻧﻔﺴﻪ ﻣﺎ
ﻳﺴﺎﻋﺪﻩ ﻭﻻ ﻳﻜﻔﻴﻪ ... ﻭﻋﻠﻰ ﻃﻮﻝ ﺭﻛﺐ ﻋﻠﻰ ﺍﻟﺤﺪ ﻣﻦ ﺍﻟﻘﺎﺭﺏ
ﻭﺭﻣﻰ ﺭﻭﺣﻪ ﺑﻌﻨﻒ ﻓﻲ ﺍﻟﻬﻮﺍ ... ﻭﻏﺎﺹ ﺑﺎﻟﺒﺤﺮﺭﺭﺭﺭﺭﺭﺭﺭﺭﺭ ...
ﻓﻲ ﻋﺎﻟﻢ ﺍﻟﻜﺜﺎﻓﺔ ﻭﺍﻟﺼﺪﻣﺔ ﺍﻟﻤﺎﺋﻴﺔ ﻏﺎﺑﺖ ﻣﺴﺎﻋﺪ ﻭﻫﻮ ﻣﺴﻜﺮ ﻋﻴﻮﻧﻪ
ﻭﺣﺎﺑﺲ ﺍﻧﻔﺎﺳﻪ .. ﻭﺗﻢ ﻳﻨﺘﻈﺮ ﺟﺴﻤﻪ ﺍﻟﻞ ﻳﻬﻮﻯ ﺛﻘﻠﻪ ﻓﻲ ﺍﻟﻤﺎﻱ ..
ﻭﻛﺎﻫﻮ ﻳﺮﺟﻊ ﻟﻠﺴﻄﺢ ﺑﺪﻓﻌﻪ ﻣﻨﻪ ﻟﻠﻤﺎﻱ ﻭﻳﻨﺴﺎﺏ ﻣﺜﻞ ﺍﻟﺤﺮﻳﺮ
ﺑﺎﺧﺘﺮﺍﻕ ﺍﻟﻌﺮﺽ ﻭﻳﻮﺻﻞ ﻟﻠﺴﻄﺢ ﺑﺸﻬﻘﺔ ﻗﻮﻳﺔ ... ﻃﻠﺒﺎ ﻟﻠﻬﻮﺍﺀ .. ﻭﺭﺩ
ﻏﺎﺹ ﻣﺮﺓ ﺛﺎﻧﻴﺔ ﻭﺩﻓﻊ ﻧﻔﺴﻪ .. ﻟﻤﻦ ﺣﺲ ﺑﺎﻟﺘﻌﺐ ﻭﺍﻟﻬﻼﻙ .. ﻭﺗﻢ
ﻳﺠﺪﻑ ﺑﺬﺭﺍﻋﻴﻨﻪ ﻟﻠﻴﺨﺖ ﺍﻟﻠﻲ ﺍﺑﺘﻌﺪ ﻋﻨﻪ .. ﻭﻳﻮﻡ ﻭﺻﻞ ﺭﻛﺐ ...
ﻭﻫﻮ ﻳﺠﺮ ﻧﻔﺴﻪ ﺟﺮ .. ﻭﺑﻠﻠﻪ ﺑﺎﻟﻤﺎﻱ ﺧﻼﻩ ﻳﺜﻘﻞ ﺍﻛﺜﺮ .. ﻭﺻﺎﺭﺕ ﻣﻬﻤﺔ
ﺗﻮﺍﺟﺪﻩ ﻋﻠﻰ ﺍﻟﺴﻄﺢ ﺻﻌﺒﻪ .". ﻟﻜﻦ ﻣﺎﻛﻮ ﺷﻲ ﺻﻌﺐ ﻋﻠﻰ ﻣﺴﺎﻋﺪ ..
ﻭﻛﺎﻫﻮ ﻋﻠﻰ ﺍﺭﺿﻴﺔ ﺍﻟﻴﺨﺖ ... ﻭﻫﻲ ﻣﻨﺴﺪﺡ ﺑﻄﻮﻟﻪ ﺍﻟﻔﺎﺭﻍ ﻭﺍﻧﻔﺎﺳﻪ
ﺍﻟﻤﺘﻼﺣﻘﺔ ﻭﺍﻟﺴﺮﻳﻌﺔ ﺍﻟﻤﺨﻨﻘﺔ .. ﻛﺎﻥ ﺗﺪﺭﻳﺐ ﻋﻨﻴﻒ ﻟﺠﺴﻤﻪ ﺍﻟﻠﻲ ﻣﺎ
ﺗﻌﺮﻑ ﻟﻠﺮﻳﺎﺿﺔ ﻣﻦ ﻓﺘﺮﺓ .. ﺧﺼﻮﺻﺎ ﺭﻳﺎﺿﺘﻪ ﺍﻟﻤﻔﻀﻠﺔ .. ﺍﻟﺴﺒﺎﺣﺔ ...
ﻭﻇﻞ ﻣﻨﺴﺪﺡ ﻋﻠﻰ ﺍﻻﺭﺿﻴﺔ ... ﺍﻟﻰ ﺣﻴﻦ ﻣﺎ ﻳﻘﺪﺭ ﻳﺘﻨﻔﺲ ﺑﺎﻧﺘﻈﺎﻡ ..
=================
ﻣﺮﺕ ﺍﻟﺴﺎﻋﺎﺕ ﻋﻠﻰ ﺍﻻﺛﻨﻴﻦ ﻭﻫﻢ ﻣﺘﻔﺎﺭﻗﻴﻦ ﺑﺎﻟﻤﻜﺎﻥ ﻟﻜﻨﻬﻢ ﻻﻭﻝ ﻣﺮﺓ
ﻳﻤﻜﻦ ﻓﻲ ﺣﻴﺎﺗﻬﻢ ﻗﺮﻳﺒﻴﻦ ﻣﻦ ﺑﻌﺾ ﺑﺎﻟﻔﻜﺮ ﻭﺍﻟﻌﻘﻞ ... ﻛﺎﻧﺖ ﻓﺎﺗﻦ
ﻧﺎﻳﻤﺔ ﻋﻠﻰ ﺍﻟﺴﺮﻳﺮ ﻭﻫﻲ ﻣﺎ ﺗﻘﺪﺭ ﺗﻮﻗﻒ ﺳﻴﻼﻥ ﺍﻟﺪﻣﻊ ﻣﻦ ﻋﻴﻨﻬﺎ ﻋﻠﻰ
ﺍﻟﻠﻲ ﺳﻮﺗﻪ ﺍﻟﻴﻮﻡ ﻭﻳﺎ ﻣﺴﺎﻋﺪ .. ﻭﻣﻮ ﻗﺎﺩﺭﺓ ﺗﺸﻴﻞ ﻛﻠﻤﺘﻪ ﻣﻦ ﺑﺎﻟﻬﺎ ..
ﻣﺎ ﺗﻘﺪﺭ ﺗﺘﺼﻮﺭ ﻟﻴﺶ ﻗﺎﻝ ﺍﻟﻠﻲ ﻗﺎﻟﻪ؟؟ ﻣﺎﻛﻮ ﺳﺒﺐ ﻳﺪﻓﻌﻪ ﻟﺬﻛﺮ ﻣﺜﻞ
ﻫﺎﻟﺸﻲ .. ﻭﻟﻜﻦ ﻛﻞ ﻣﺎ ﺗﺬﻛﺮ ﺻﺮﺍﺧﻪ ﻋﻠﻴﻬﺎ ﻓﻲ ﻫﺎﻟﻐﺮﻓﺔ ﺗﻐﻴﺐ
ﻣﻼﻣﺤﻬﺎ ﺑﺬﺭﺍﻋﻬﺎ ﻭﺑﻨﻮﺑﺔ ﺑﺠﻲ ﻳﺪﻳﺪﺓ ..
ﺍﻣﺎ ﻣﺴﺎﻋﺪ ﺍﻟﻠﻲ ﻳﻨﺘﻔﺾ ﻣﻦ ﺍﻟﺒﺮﺩ ﺑﺲ ﻳﻬﺰ ﺟﺴﻤﻪ ﻭﻳﻨﻔﻀﻪ ﻭﻛﺎﻧﻪ
ﻳﺒﻌﺪ ﺍﻟﺒﺮﺩ ﻋﻨﻪ ﻣﺎ ﺣﺮﻙ ﺍﻟﻘﺎﺭﺏ ﻭﻻ ﺍﻧﺶ ﻭﺍﺣﺪ ﻣﻦ ﻣﻜﺎﻧﻪ .. ﻳﻨﺘﻈﺮ
ﺍﻻﺷﺎﺭﺓ ﻣﻦ ﻓﺎﺗﻦ .. ﻣﺎ ﻳﻘﺪﺭ ﻳﻨﻘﻠﻬﺎ ﻣﻦ ﺍﻟﻤﻜﺎﻥ ﺍﻻ ﺑﺎﻣﺮﻫﺎ .. ﻭﻭﻗﺖ
ﻣﺎ ﺗﻜﻮﻥ ﺍﻫﻲ ﻣﺴﺘﻌﺪﺓ .. ﺭﺍﺡ ﻳﻨﻔﺬ ﺍﻟﻠﻲ ﻋﻠﻴﻪ ... ﻭﻇﻞ ﻳﻨﺘﻈﺮ ..
ﻭﻳﻨﺘﻈﺮ .. ﻭﺍﻟﺠﻮ ﻳﻐﻴﻢ ﻋﻠﻴﻬﻢ .. ﻭﺍﺫﻳﺎﻝ ﺍﻟﻠﻴﻞ ﺗﻘﺘﺮﺏ ﻣﻦ ﺍﻟﺴﻤﺎﺀ
ﻭﺗﻜﺴﻴﻬﺎ ﻏﺮﻭﺏ ﻭﻻ ﺍﺣﻠﻰ .. ﻟﻜﻨﻪ ﻛﺎﻥ ﺣﺰﻳﻦ .. ﻭﻛﺄﻥ ﻣﺸﺎﻋﺮ ﻣﺴﺎﻋﺪ
ﻃﻠﻌﺖ ﻣﻨﻪ ﻭﻃﺎﻭﻟﺖ ﺍﻟﺴﻤﺎﺀ ﻭﻣﺰﺟﺖ ﺳﻮﺍﺩﻫﺎ ﺑﺼﻔﺎﺭﻫﺎ ... ﻭﺍﻟﻮﺍﻧﻬﺎ
ﺍﻟﻨﺎﺭﻳﺔ ﺍﻟﻠﻲ ﻣﺎ ﺗﺄﺫﻱ ﺍﻟﻌﻴﻦ ﺑﻨﻮﺭﻫﺎ .. ﻭﻣﺮﺣﻠﺔ ﺍﻻﻧﺘﻈﺎﺭ .. ﻣﺎ ﺯﺍﻟﺖ ﻓﻲ
ﺩﺭﺑﻬﺎ .. ﻭﻣﺎ ﺯﺍﻟﺖ ﻓﻲ ﻣﺤﻄﺘﻬﺎ ..
ﺣﺴﺖ ﻓﺎﺗﻦ ﺍﻥ ﻣﻌﺪﺗﻬﺎ ﺗﺘﻘﻠﺺ ﻣﻦ ﺷﺪﺓ ﺍﻟﻴﻮﻉ ﻭﺍﻻﺿﻄﺮﺍﺏ ﺍﻟﻠﻲ
ﻓﻴﻬﺎ .. ﻭﻣﻦ ﺯﻭﺩ ﺍﻟﺘﻌﺐ ﺧﺎﻓﺖ ﺗﻨﺎﻡ ... ﻟﺬﺍ ﻗﺎﻣﺖ ﻣﻦ ﻣﻜﺎﻧﻬﺎ ﻭﺍﻫﻲ
ﺗﺘﺮﻧﺢ ﻣﻦ ﺯﻭﺩ ﺍﻻﻋﻴﺎﺀ ﺍﻟﻠﻲ ﻓﻴﻬﺎ .. ﻭﺭﺍﺣﺖ ﻋﻨﺪﺑﺎﺏ ﻓﻲ ﺍﻟﻐﺮﻓﺔ ..
ﻭﻓﺘﺤﺘﻪ .. ﻟﻘﺘﻪ ﺣﻤﺎﻡ ﻓﺎﺧﺮ ﻭﺭﻭﻋﺔ .. ﻣﻊ ﺍﻧﻪ ﺻﻐﻴﺮ .. ﻭﻭﻗﻔﺖ ﻋﻦ
ﺍﻟﻤﻨﻈﺮﺓ ﺷﺎﻓﺖ ﻋﻴﻮﻧﻬﺎ ﺍﻟﻤﺘﻮﺭﻣﺔ ﻭﺍﻟﻤﻨﻄﻘﺔ ﺍﻟﻠﻲ ﻋﻨﻚ ﺧﺸﻤﻬﺎ
ﻣﺤﻤﺮﺓ ﻣﺜﻞ ﺍﻟﻜﺮﺯﺓ .. ﻣﺴﺤﺖ ﻋﻠﻴﻬﺎ ﻋﺸﺎﻥ ﻳﻐﻴﺐ ﺍﻟﻠﻮﻥ ﻟﻜﻦ ﻣﻦ
ﻏﻴﺮ ﺍﻱ ﻧﺘﻴﺠﺔ .. ﺗﺮﺟﻊ ﺗﺤﻤﺮ ﻣﺜﻞ ﻣﺎ ﺍﻫﻲ .. ﺭﻓﻌﺖ ﻛﻤﻴﻬﺎ ﻭﻓﺘﺤﺖ
ﺍﻟﻤﺎﻱ ﻭﻳﻮﻡ ﺗﺤﺴﺴﺘﻪ ﻟﻘﺘﻪ ﺑﺎﺭﺩ .. ﺧﺬﺕ ﻣﻨﻪ ﻏﺮﻓﺔ ﻭﺭﻣﺘﻬﺎ ﻋﻠﻰ
ﻭﻳﻬﻬﺎ ﻭﺣﺴﺖ ﺑﺎﻻﻧﺘﻌﺎﺵ .. ﻭﺍﻫﻲ ﺗﺤﺲ ﺑﺘﺠﻠﻂ ﺑﺸﺮﺗﻬﺎ ﺑﺴﺒﺐ
ﺑﺮﻭﺩﺓ ﺍﻟﻤﺎﻱ ..ﺷﺎﻓﺖ ﻣﻨﺪﻳﻞ ﻣﻌﻠﻖ ﻭﺗﻤﺖ ﺗﺘﺤﺤﺴﺴﻪ ﺑﺼﻮﺍﺑﻌﻬﺎ ..
ﺑﻌﺪﻳﻦ ﺑﻠﻠﺘﻪ ﻭﻋﺼﺮﺗﻪ ﻋﻦ ﺍﻟﻤﺎﻱ .. ﻭﺣﻤﻠﺘﻪ ﻭﻳﺎﻫﺎ ﺑﺮﻉ ﺍﻟﺤﻤﺎﻡ ..
ﻭﺗﻤﺖ ﺗﻤﺴﺢ ﻋﻠﻰ ﺭﻗﺒﺘﻬﺎ ﻣﻦ ﺟﺪﺍﻡ ﻭﻭﺭﻯ .. ﻭﺗﻨﺸﻒ ﻭﻳﻬﻬﺎ ﻣﻦ
ﻗﻄﺮﺍﺕ ﺍﻟﻤﺎﻱ ﺍﻟﺴﺎﻳﻠﺔ .. ﻭﻗﻌﺪﺕ ﻋﻠﻰ ﺣﺎﻓﺔ ﺍﻟﺴﺮﻳﺮ ﺑﺘﻨﻬﻴﺪﺓ .. ﺷﺎﻓﺖ
ﺍﻟﻐﺮﻓﺔ ﻣﻈﻠﻤﺔ .. ﻣﻌﻨﺎﺗﻪ ﺍﻥ ﺍﻟﻠﻴﻞ ﺍﻛﻴﺪ ﻫﺒﻂ ﻋﻠﻴﻬﻢ ﻭﺍﻫﻢ ﻓﻲ
ﺍﻟﺒﺤﺮ .. ﻭﻻﺯﻡ ﻳﺮﺩﻭﻥ .. ﻭﺗﻮﻫﺎ ﺑﺘﻄﻠﻊ ﻟﻤﺴﺎﻋﺪ ﻭﻳﻮﻡ ﻭﻗﻔﺖ ﺍﻟﻤﻜﺎﻥ
ﺍﻟﻠﻲ ﻭﻗﻔﻪ ﻗﺒﻞ ﺷﻮﻱ ﺻﺎﺩﻫﺎ ﻣﺜﻞ ﺍﻻﺭﺗﻌﺎﺵ ﺍﻟﻠﻲ ﺧﻼﻫﺎ ﺗﺤﺲ
ﺑﺘﻘﻠﺺ ﻓﻲ ﻣﻌﺪﺗﻬﺎ .. ﻭﺗﺤﺮﻛﺖ ﻣﻦ ﺍﻟﻤﻨﻄﻘﺔ ﻟﻤﻨﻄﻘﺔ ﺛﺎﻧﻴﺔ ﻭﺍﻫﻲ
ﺗﻨﺎﻇﺮﻫﺎ .. ﻭﺗﺘﺤﺴﻒ ﻋﻠﻰ ﻛﻞ ﺷﻲ ﺳﻮﺗﻪ ﻭﻗﺎﻟﺘﻪ ﺑﺤﻖ ﻣﺴﺎﻋﺪ .. ﻟﻜﻦ
.. ﺑﻌﺪ ﻓﻮﺍﺕ ﺍﻟﻔﻮﺕ ﻣﺎ ﻳﻨﻔﻊ ﺍﻟﺼﻮﺕ .. ﻟﻜﻦ ﻫﺬﺍ ﻣﻮ ﻣﻌﻨﺎﺗﻬﺎ ﺍﻧﻬﺎ ﻣﺎ
ﺗﺮﺩ ﻟﻠﺒﻴﺖ .. ﺧﻠﻬﻢ ﻳﺮﺩﻭﻥ ﺍﻟﺒﻴﺖ ﻭﻛﻞ ﻭﺍﺣﺪ ﻳﺮﻗﺪ ﺑﺪﺍﺭﻩ ﻳﻤﻜﻦ ﻳﻬﺪﻯ
ﺍﻭ ﻳﺮﺗﺎﺡ ..
ﻃﻠﻌﺖ ﻣﻦ ﺍﻟﻐﺮﻓﺔ ﻭﻫﻲ ﺗﻌﺪﻝ ﻣﻦ ﺷﻴﻠﺘﻬﺎ . ﻭﺍﻧﺼﺪﻣﺖ ﻣﻦ ﺑﺮﻭﺩﺓ
ﺍﻟﺠﻮ ﺍﻟﻠﻲ ﺍﺧﺘﺮﻗﺖ ﻛﻞ ﺣﻮﺍﺳﻬﺎ .. ﺑﺲ ﻗﺎﻭﻣﺘﻬﺎ ﻭﻃﻠﻌﺖ ﻋﻠﻰ ﺳﻄﺢ
ﺍﻟﻴﺨﺖ ﺍﻟﻠﻲ ﻛﺎﻥ ﻣﺴﺎﻋﺪ ﻗﺎﻋﺪ ﻋﻠﻰ ﻛﺮﺍﺳﻴﻪ ﻭﻫﻮ ﺣﺎﻁ ﻳﺪﻳﻪ
ﺑﻤﺨﺎﺑﻲ ﺍﻟﺠﺎﻛﻴﺖ ﺍﻟﻠﻲ ﻣﺴﻜﺮ ﻭﺛﻢ ﻣﺴﺎﻋﺪ ﻣﻐﻄﻰ ﺩﺍﺧﻠﻪ ﻭﺷﻌﺮﻩ
ﻳﺘﻄﺎﻳﺮ ﻭﻳﺎ ﺍﻟﻬﻮﺍ ﻭﺭﺍﺳﻪ ﻣﻌﺎﻧﻖ ﺍﻻﺭﺽ .. ﻳﻮﻡ ﺣﺲ ﺍﻥ ﺍﺣﺪ ﺛﺎﻧﻲ
ﻣﺘﻮﺍﺟﺪ ﻭﻳﺎﻩ ﺑﻨﻔﺲ ﺍﻟﻤﻜﺎﻥ ... ﺭﻓﻊ ﺭﺍﺳﻪ ﻟﻄﺮﻑ ﺍﻟﻴﻤﻴﻦ ﻭﺷﺎﻓﻬﺎ ..
ﻛﺎﻧﺖ ﻭﺍﻗﻔﺔ ﻭﻫﻲ ﻣﺘﻜﺘﻔﺔ .. ﻭﻛﺎﻥ ﺍﻟﻌﺒﺮﺓ ﺧﺎﻧﻘﻪ ﺍﺣﺎﺳﻴﺴﻬﺎ .. ﻭﻭﻗﻒ
ﺑﻜﻞ ﻫﺪﻭﺀ ﻭﺑﻜﻞ ﺭﺍﺣﺔ ﻭﻋﻴﻮﻧﻪ ﻻﺯﻗﺔ ﺑﻮﻳﻬﻬﺎ .. ﻭﻣﺎ ﺗﺤﺮﻙ ﻭﻻ ﺑﻮﺻﺔ
ﻣﻦ ﻣﻜﺎﻧﻪ .. ﻭﻓﺎﺗﻦ ﺍﻟﻠﻲ ﻣﻦ ﻏﻴﺮ ﺍﻱ ﺣﺴﻴﺔ ﺗﺤﺮﻛﺖ ﺧﻄﻮﺓ ﻭﺣﺪﺓ
ﻟﻌﻨﺪ ﺍﻟﺴﻄﺢ .. ﻭﻣﻦ ﻫﺎﻟﺨﻄﻮﺓ ﺧﻄﻮﺓ ﺛﺎﻧﻴﺔ .. ﻭﻣﻦ ﺍﻟﺨﻄﻮﺓ ﺍﻟﺜﺎﻧﻴﺔ
ﺛﺎﻟﺜﺔ .. ﻟﻤﻦ ﻭﻗﻔﺖ ﻋﻠﻰ ﻣﺴﺎﻓﺔ ﺑﻌﻴﺪﺓ ﻭﺍﻟﻘﺮﻳﺒﺔ ﻣﻦ ﻣﺴﺎﻋﺪ ﺣﺴﺖ
ﺑﺼﻮﺕ ﺍﻧﻴﻦ ﻓﻲ ﺩﺍﺧﻠﻬﺎ .. ﻭﻛﺎﻥ ﻣﻐﻨﺎﻃﻴﺲ ﻳﻌﻴﺚ ﻓﻴﻬﺎ ﻳﺠﺬﺑﻬﺎﺍﻛﺜﺮ
ﻭﺍﻛﺜﺮ ﻟﻤﺴﺎﻋﺪ .. ﻣﺎ ﺗﺪﺭﻱ ﺷﻘﺎﻋﺪ ﻳﺼﻴﺮ ﻓﻴﻬﺎ .. ﻭﻻ ﺍﺭﺍﺩﻳﺎ ..
ﻓﺎﺗﻦ ﺑﺼﻮﺕ ﻣﺒﺤﻮﺡ ﻭﺍﻟﺼﺪﻕ ﻇﺎﻫﺮ ﻓﻴﻪ : ﺍﻧﺎ .... ﺁﺳﻔـــﺔ
ﻭﺟﻪ ﻣﺴﺎﻋﺪ ﻧﻈﺮﺍﺗﻪ ﻟﻪ ﻭﻋﻴﻮﻧﻪ ﺍﻟﻠﻲ ﻛﺎﻧﺖ ﻣﻠﻴﺎﻧﺔ ﺑﺎﻟﺪﻣﻊ ﻋﻠﻰ
ﻣﻈﻬﺮﻫﺎ .. ﻭﻛﺎﻥ ﻭﺩﻩ ﻟﻮ ﺍﻧﻪ ﻳﻘﺪﺭ ﻳﺨﻔﻒ ﻋﻨﻬﺎ ﻭﻃﺄﺓ ﺍﻟﺤﺰﻥ ..
ﺗﻘﺮﺑﺖ ﻓﺎﺗﻦ ﻭﻫﻲ ﺗﺮﺟﺢ ﻳﺪﻳﻨﺎ ﻳﻤﻴﻦ ﻭﻳﺴﺎﺭ .. : ﺍﻧﺎ ... ﻣﺎ ﺍﺩﺭﻱ ....
ﺍﻧﺎ ﺻﺢ ﻏﻠﻄﺎﻧﺔ .... ﻭ .. ﻗﺴﻴﺖ ﻋﻠﻴﻚ ... ﻭﻡ .... ﻭﺗﺴﺒﺒﺖ ... ﺑﺲ
.... ﺍﻧﺎ ....
ﺳﻜﺘﺖ ﻓﺎﺗﻦ ﻭﻫﻲ ﺗﻔﺴﺮ ﻛﻞ ﺷﻲ ﺑﻌﻴﻮﻧﻬﺎ .. ﻭﻣﺴﺎﻋﺪ ﺍﻟﻠﻲ ﻛﺎﻥ ﻭﺍﻗﻒ
ﻭﻫﻮ ﻳﺮﺍﻗﺐ ﻣﻼﻣﺢ ﻭﻳﻬﻬﺎ ﺑﻨﻈﺮﺓ ﻛﺴﻴﺮﺓ ﻣﺎﻗﺪﺭ ﺍﻧﻪ ﺍﻻ ﻳﺴﺤﺐ ﻧﻔﺲ
ﻋﻤﻴﻖ ﻭﺑﻨﻔﺲ ﺍﻟﻮﻗﺖ ﻳﻐﻤﺮ ﺍﻟﺪﻣﻌﻪ ﺍﻟﻠﻲ ﺟﺎﻟﺖ ﻓﻲ ﻋﻴﻮﻧﻪ ...
ﻓﺎﺗﻦ : ﻳﻤﻜﻦ ﺍﻧﺖ ﻣﺎ ﺭﺍﺡ ... . ـﺴﺎﻣﺤﻨﻲ ﺍﺑﺪ ﻋﻠﻰ ﺍﻟﻠﻲ ...
ﻗﻄﻌﻬﺎ ﻣﺴﺎﻋﺪ . ﻭﻫﻮ ﻳﺤﻂ ﺻﺒﻌﻪ ﻋﻨﺪ ﺣﻠﺠﻪ : ﺍﻭﻭﻭﻭﻭﺵ .... ﺑﺲ
... ﻻ ﺗﻘﻮﻟﻴﻦ ﺍﻛﺜﺮ ...
ﻓﺎﺗﻦ ﺑﻌﻴﻮﻧﻬﺎ ﺍﻟﻼﻣﻌﺔ ﺣﺴﺖ ﺑﺎﻟﻤﻮﺕ ... ﻣﺎ ﻳﺒﻲ ﺍﻱ ﺗﻔﺎﻭﺽ
ﺑﺎﻟﻤﻮﺿﻮﻉ ... ﻭﻧﺰﻟﺖ ﺭﺍﺳﻬﺎ ﻣﻦ ﺷﺪﺓ ﺍﻷﻟﻢ ﺍﻟﻠﻲ ﺣﺴﺖ ﻓﻴﻪ ﻳﺘﻀﺮﻉ
ﺑﺎﻟﺪﻡ ﺍﻟﻠﻲ ﺑﻮﻳﻴﻬﺎ ..
ﻣﺴﺎﻋﺪ ﺑﺸﺒﺢ ﺍﺑﺘﺴﺎﻣﺔ ﻋﻠﻰ ﻭﻳﻬﻪ : ﻻﻧﻲ ﻣﺴﺎﻣﺤﺞ ﻣﻦ ﺯﻣﺎﻥ ... ﺑﺲ
ﺍﺗﻤﻨﻰ ﻋﻠﻴﺞ ﻟﻮ ﺍﻧﺞ ﺗﺴﺎﻣﺤﻴﻨﻲ ﺑﺎﻟﻤﻘﺎﺑﻞ ..
ﺭﻓﻌﺖ ﺭﺍﺳﻬﺎ ﻓﺎﺗﻦ ﻭﻫﻲ ﺗﺸﻬﻖ ﻣﻦ ﺍﻟﺒﺠﻲ : .. ﺍﻧﺎ؟؟؟
ﻣﺴﺎﻋﺪ ﻭﻫﻮ ﻳﺘﺤﺮﻙ ﺑﻌﺼﺒﻴﺔ : ﻣﺎ ﺍﺩﺭﻱ ... ﻓﻘﺪﺕ ﺍﻋﺼﺎﺑﻲ ...
ﻭﺣﺴﻴﺖ ﺍﻧﻲ ﻛﻨﺖ ﺑﺘﻔﺠﺮ ... ﻟﻜﻦ .. ﺍﻧﺘﻲ ﻣﺎ ﺗﺴﺘﺎﻫﻠﻴﻦ ﻣﻨﻲ ....
ﻓﺎﺗﻦ .. ﺍﻧﺎ .. ﻣﺎﺍﺑﻴﺞ ﺗﺘﻌﺬﺑﻴﻦ ﻣﻌﺎﻱ .. ﻭﺍﻥ ﻛﻨﺘﻲ ﺗﺤﺴﻴﻦ ﺍﻧﺞ
ﺑﺘﺘﻌﺬﺑﻴﻦ ﻣﻌﺎﻱ ... ﺻﺪﻗﻴﻨﻲ .. ﺍﻧﺎ ﺑﻨﻔﺬ ﻟﺞ ﺍﻟﻠﻲ ﺗﺒﻴﻨﻪ .... ﺍﻟﻠﻲ
ﺗﺒﻴﻨﻪ ...
ﻓﻲ ﺫﻳﺞ ﺍﻟﻠﺤﻈﺔ ﺣﺴﺖ ﻓﺎﺗﻦ ﺍﻥ ﺑﺎﺏ ﺍﻟﻨﺠﺎﺓ ﺍﻟﻠﻲ ﻛﺎﻧﺖ ﺗﺪﻋﻲ ﺭﺑﻬﺎ
ﻟﻴﻞ ﻭﻧﻬﺎﺭ ﻳﻨﻔﺘﺢ ﺷﻮﻱ ﺷﻮﻱ ﻟﻬﺎ .. ﻭﻛﻞ ﺍﻟﻠﻲ ﻋﻠﻴﻬﺎ ﺍﻧﻬﺎ ﺗﺪﺧﻞ
ﻓﻴﻪ ... ﻭﺧﻼﺹ .. ﺗﻨﺘﻬﻲ ﺭﺣﻠﺔ ﺍﻟﻌﺬﺍﺏ ﺍﻟﻠﻲ ﺑﺪﺗﻬﺎ ﻣﻦ ﻭﻓﺎﺓ ﺍﺑﻮﻫﺎ ..
ﺗﻘﺪﺭ ﺗﻄﻠﺐ ﻣﻨﻪ ﺍﻟﻠﻲ ﺗﺒﻴﻪ .. ﺗﻘﺪﺭ ﺗﻄﻠﺐ ﺍﻱ ﺷﻲ ﺍﻫﻲ ﺗﺮﻏﺐ ﻓﻴﻪ ...
ﺣﺘﻰ ﻟﻮ ﻛﺎﻧﺖ ... ﺣﺮﻳﺘﻬﺎﻣﻦ ﻣﺴﺎﻋﺪ !!!..
ﻓﺎﺗﻦ ﺑﺤﺬﺭ : ﺍﻱ ﺷﻲ؟؟
ﻣﺴﺎﻋﺪ ﻭﻫﻮ ﻳﺘﻜﻠﻢ ﺑﺤﻤﺎﺱ : ﺻﺪﻗﻴﻨﻲ ﻓﺎﺗﻦ .. ﺍﻧﺎ ﻣﺎ ﺍﻗﻮﻝ ﺷﻲ ﺍﻻ
ﻭﺍﻧﺎ ﻗﺪﻩ .. ﻭﻋﻠﻰ ﻗﺪ ﻛﻠﻤﺘﻲ .. ﻟﻮ ﻛﻨﺘﻲ ﺑﺘﻄﻠﺒﻴﻦ ﺍﻟﻤﺴﺘﺤﻴﻞ ... ﺭﺍﺡ
ﺍﺣﺎﻭﻝ ﺍﻧﻲ ﺍﺧﻠﻴﻪ ﻣﻤﻜﻦ ﻋﺸﺎﻧﺞ ...
ﻗﺎﻝ ﻫﺎﻟﻜﻠﻤﺔ ﻭﻫﻮ ﻳﺤﺎﻭﻝ ﺍﻧﻪ ﻳﻤﺴﻚ ﺍﻟﺠﺮﺡ ﺍﻟﻠﻲ ﻓﺘﺤﻪ ﺑﻘﻠﺒﻪ ﻣﻦ
ﺧﻼﻝ ﻛﻼﻣﻪ ﻫﺬﺍ .. ﻟﻜﻦ .. ﺍﻟﺤﺐ ﻣﻮ ﺍﻻﺣﺘﻜﺎﺭ .. ﺍﻟﺤﺐ ﺍﻟﻄﺎﻋﺔ ..
ﺍﻟﺮﻭﻣﺎﻧﺴﻴﺔ ﻫﻲ ﻣﻮ ﺑﺎﻟﺘﻜﺒﻴﻞ ﻟﻠﺸﺨﺺ ﺍﻟﻠﻲ ﻓﻲ ﺍﻟﻤﻘﺎﺑﻞ .. ﺍﻟﺤﺐ ﺍﻫﻮ
ﺍﻥ ﺍﻟﺤﺒﻴﺐ ﻳﻮﻓﺮ ﺍﻟﺴﻌﺎﺩﺓ ﻭﺍﻟﺮﺍﺣﺔ ﺍﻟﻨﻔﺴﻴﺔ ﻟﻠﺤﺒﻴﺐ ﺍﻟﺜﺎﻧﻲ ... ﻭﻟﻜﻦ
ﻫﺬﺍ ﻣﺎ ﻛﺎﻥ ﻳﺪﻭﺭ ﻓﻲ ﺑﺎﻝ ﻓﺎﺗﻦ ... ﻛﺎﻧﺖ ﺍﻫﻲ ﺗﺮﺗﺠﻲ ﻫﺎﻟﻠﺤﻈﺔ ﺑﻜﻞ
ﻧﺸﻮﺓ ﻓﻴﻬﺎ .. ﻭﻓﺠﺄﺓ ﺳﺎﻟﺖ ﺍﻟﺪﻣﻮﻉ ﻣﺮﺓ ﺛﺎﻧﻴﺔ ﺑﻌﻴﻮﻧﻬﺎ ﻭﺍﻫﻲ
ﻣﻐﺸﻴﺔ .. ﺗﺸﻮﻑ ﺷﺮﻳﻂ ﺍﻻﺣﺪﺍﺙ ﺍﻟﻠﻲ ﺻﺎﺭﺕ ﻟﻬﺎ ﻣﻊ ﻣﺴﺎﻋﺪ .. ﻣﻦ
ﺍﻭﻝ ﻣﺎ ﺷﺎﻓﺘﻪ .. ﻟﻬﺬﻱ ﺍﻟﻠﺤﻈﺔ .. ﻳﻮﻡ ﻭﻓﺎﺓ ﺍﺑﻮﻫﺎ .. ﻳﻮﻡ ﻗﺮﺍﻳﺔ
ﺍﻟﻮﺻﻴﺔ .. ﺑﺎﻟﻤﺴﺘﺸﻔﻰ .. ﺑﺎﻟﺨﻄﺒﺔ .. ﻭﺍﻟﻤﻼﺝ .. ﻭﺍﻟﻰ ﺻﺮﺍﺧﻪ ﺑﻬﺬﻳﺞ
ﺍﻟﻠﻴﻠﺔ ... ﻭﻳﻮﻡ ﻫﻮ ﻣﺮﻳﺾ .. ﻭﻳﻮﻡ ﺍﻫﻲ ﺳﻬﺮﺕ ﻋﻠﻯﺮﺍﺣﺘﻪ ..
ﻭﻳﻮﻡ ... ﻳﻮﻡ ﺍﻟﻠﻲ ﻳﺎﻫﺎ ﻟﻠﺠﺎﻣﻌﺔ ﻳﺎﺧﺬﻫﺎ ﻟﻠﺒﻴﺖ ... ﺑﻴﺘﻬﻢ .. ﺷﻘﺘﻬﻢ
ﺍﻟﻠﻲ ﺿﻤﺘﻬﻢ ﻓﻲ ﺧﻀﻢ ﺍﻟﻤﻌﺎﺭﻙ ﺍﻟﺼﻌﺒﺔ ﺍﻟﻠﻲ ﺗﻮﺍﺟﻬﻮﺍ ﺑﻬﺎ ... ﻣﻌﺎﺭﻙ
ﺍﻫﻲ ﻣﺎ ﻇﻨﺖ ﺍﻧﻬﺎ ﺗﻘﺪﺭ ﺗﺨﻮﺿﻬﺎ ﻣﻌﺎﻩ ﻻﻧﻬﺎ ﺿﻌﻴﻔﺔ ﻭﻣﺎ ﺗﻘﺪﺭ
ﻋﻠﻴﻬﺎ .. ﻟﻜﻦ ﻭﺍﻫﻲ ﺗﺴﺘﺮﺟﻊ ﻫﺎﻟﺬﻛﺮﻳﺎﺕ ﻻﺣﻈﺖ ﺷﻲ ﻋﻤﻴﻖ ...
ﻻﺣﻈﺖ ﺷﺨﺼﻴﺘﻬﺎ ... ﻻﺣﻈﺖ ﻗﻮﺓ ﺍﻟﺘﺤﻤﻞ ﺍﻟﻠﻲ ﻛﺎﻧﺖ ﺗﻈﻦ ﺍﻧﻬﺎ ﻣﺎ
ﺗﻤﻠﻜﻬﺎ .. ﻻﺣﻈﺖ ﻓﺎﺗﻦ ﺍﻟﺠﺪﻳﺪﺓ ﺍﻟﻠﻲ ﻛﺎﻧﺖ ﻟﻔﺘﺮﺓ ﻣﻦ ﺍﻟﻴﻮﻡ ﻣﺎ
ﺗﻌﺠﺒﻬﺎ .. ﻛﻴﻒ ﺍﻧﻬﺎ ﺑﻬﺎﻟﻠﺤﻈﺔ ﻗﺪﺭﺕ ﺍﻧﻬﺎ ﺗﺴﺘﺤﻮﺫ ﻋﻠﻰ ﺍﻫﺘﻤﺎﻣﻬﺎ
ﺍﻟﻜﺒﻴﺮ ...
ﻭﻣﺴﺎﻋﺪ ﺍﻟﻠﻲ ﻛﺎﻥ ﻳﻨﺘﻈﺮ ﻗﺮﺍﺭ ﻓﺎﺗﻦ ﺍﻟﻠﻲ ﻳﺎ ﺍﻣﺎ ﺭﺍﺡ ﻳﻜﻮﻥ
ﺑﺎﻻﻋﺪﺍﻡ .. ﺍﻭ ﺍﻧﻪ ﻳﻜﻮﻥ ﺑﺎﻟﺘﺒﺮﺋﺔ ﻭﺍﻟﺘﺤﺮﻳﺮ ... ﻭﻧﻄﻘﺖ ﺍﻟﻘﺎﺿﻴﺔ ..
ﻓﺎﺗﻦ ......: ﺍﻧﺎ .... ﻣﺎ ﺍﺑﻲ .....ﻣﺎ ﺍﺑﻲ ﺍﻧﻔﺼﻞ ... ﻭﻻ ﺍﺑﻲ ﺍﺗﻄﻠﻖ
....
ﺯﻓﺮﺍﺍﺍﺍﺍﺍﺍﺍﺍﺍﺍﺍﺍﺍﺍﺕ ﺍﻟﺮﺍﺣﺔ ﺻﺪﺭﺕ ﻣﻦ ﻣﺴﺎﻋﺪ ... ﻭﻣﺴﺮﻉ ﻣﺎ
ﺍﻧﻘﺒﻀﺖ ...
ﻓﺎﺗﻦ : ﺑﺲ ﺍﺑﻴﻚ ﺗﺮﻭﺡ ﻋﻨﻲ .... ﺍﺑﻴﻚ ﺗﺮﺟﻊ ﺍﻟﻜﻮﻳﺖ ....
ﻣﺴﺎﻋﺪ ﺍﺳﺘﻬﺠﻦ ﻫﺎﻟﻘﺮﺍﺭ ﻣﻨﻬﺎ ...: ﻟﻴﺶ؟؟
ﻓﺎﺗﻦ : ﺍﺑﻲ ﺍﻗﻌﺪ ﻣﻊ ﻧﻔﺴﻲ ... ﺍﺑﻲ ﺍﻓﻜﺮ ﺑﺎﻻﻣﻮﺭ ﺍﻟﻠﻲ ﺍﻧﺎ ... ﻣﺎ
ﺣﻄﻴﺘﻬﺎ ﻓﻲ ﺑﺎﻟﻲ ﻣﻦ ﻗﺒﻞ ... ﺍﺑﻲ ﺍﺳﻴﻄﺮ ﻋﻠﻰ ﻧﻔﺴﻲ ﺍﻛﺜﺮ ﻣﻦ
ﺟﺬﻱ .. ﺑﺎﻻﺧﺘﺼﺎﺭ ... ﺍﺑﻲ ﺍﺭﺳﻲ ﻋﻠﻰ ﺑﺮ ... ﺍﺫﺍ ﺗﻤﻴﻨﺎ ﻋﻠﻰ ﺟﺬﻱ ..
ﻣﺤﺪ ﺭﺍﺡ ﻳﺘﻀﺮﺭ ﺍﻻ ﺍﺣﻨﺎ ﺍﻻﺛﻨﻴﻦ .. ﻭﺍﻧﺎ ... ( ﺑﺎﻧﻴﻦ ﻋﻤﻴﻖ ) ﺗﻌﺒﺖ ..
ﻣﺴﺎﻋﺪ ﺍﺑﺘﺴﻢ ﻟﻬﺎ ﺩﻟﻴﻞ ﻋﻠﻰ ﺍﻻﺳﺘﻌﺪﺍﺩ ﺍﻟﻠﻲ ﺃﻫﻮ ﻓﻴﻪ .. : ﺧﻼﺹ
ﻋﻴﻞ ... ﺍﻧﺎ ﺑﺮﺟﻊ ﺍﻟﻜﻮﻳﺖ .. ﻭﻟﻮ ﺗﺒﻴﻦ .. ﺑﺎﺟﺮ ﺑﻌﺪ ...
ﺍﻧﺼﺪﻣﺖ ﻓﺎﺗﻦ : ﺑﺎﺟﺮ؟؟؟ﺑﺲ ﺭﺣﻠﺘﻚ ﺑﻌﺪ ﺍﺳﺒﻮﻉ؟؟
ﻣﺴﺎﻋﺪ ﻳﺒﺘﺴﻢ ﻭﻫﻮ ﻳﻬﺰ ﺭﺍﺳﻪ : ﻣﺎ ﻋﻠﻴﻪ .. ﻧﺸﺘﺮﻱ ﺗﺬﻛﺮﺓ ﺛﺎﻧﻴﺔ ...
ﺧﻼﺹ ﻓﺎﺗﻦ .. ﺍﻟﻠﻲ ﺗﺒﻴﻨﻪ ﺭﺍﺡ ﻳﺼﻴﺮ ... ﺑﺲ ... ﻟﻲ ﻃﻠﺐ ﻣﻨﺞ ...
ﻓﺎﺗﻦ : ﺷﻨﻮ؟
ﻣﺴﺎﻋﺪ ﻭﻫﻮ ﻳﺘﻘﺮﺏ ﻣﻨﻬﺎ .. ﻭﻳﻄﻠﻊ ﻧﻮﻉ ﻣﻦ ﺍﻟﺴﻠﺴﻠﻪ ﺍﻟﻠﻲ ﻛﺎﻧﺖ ﻓﻲ
ﺟﺎﻛﻴﺘﻪ .. ﻣﻦ ﻟﻤﻌﺎﻥ ﺍﻟﺬﻫﺐ ﺍﻟﻠﻲ ﻓﻴﻬﺎ ﻛﺎﻧﺖ ﺗﺒﺮﻕ ﺑﺎﻟﻮﺍﻥ ﻣﺨﺘﻠﻔﺔ ..
ﻭﺗﺘﺪﻟﻰ ﻣﻨﻬﺎ ﺩﺑﻠﺔ .. ﺫﻫﺒﻴﺔ .. ﺑﺜﻼﺙ ﻣﺎﺳﺎﺕ ...
ﻣﺴﺎﻋﺪ : ﻫﺬﺍ ...
ﺗﻤﺖ ﻓﺎﺗﻦ ﺗﻨﺎﻇﺮ ﺍﻟﺴﻠﺴﻠﺔ ﺑﻌﺠﺐ ﻭﺍﺳﺘﻐﺮﺍﺏ .. ﺍﻱ ﺻﺢ .. ﺍﻫﻢ
ﻣﺨﻄﻮﺑﻴﻦ .. ﻭﻻﺯﻡ ﺗﻠﺒﺲ ﺩﺑﻠﺔ ﻟﻠﺨﻄﻮﺑﺔ ... ﺷﻠﻮﻥ ﺭﺍﺡ ﻋﻦ ﺑﺎﻟﻬﺎ
ﻫﺎﻟﻤﻮﺿﻮﻉ ... ﻭﺳﺤﺐ ﻣﺴﺎﻋﺪ ﻳﺪﻫﺎ ﺑﻬﺪﻭﺀ .. ﻭﻧﺰﻝ ﺍﻟﺪﺑﻠﺔ ﻓﻲ
ﺭﺍﺣﺘﻬﺎ .. ﻭﺳﻜﺮﻫﺎ ..
ﻣﺴﺎﻋﺪ : ﺍﺑﻴﺞ ﺗﺤﺎﻭﻟﻴﻦ ﺍﻧﺞ ﺗﺘﻘﺒﻠﻴﻦ ﻫﺎﻟﻬﺪﻳﺔ ﻣﻨﻲ .. ﻭﺍﻧﺘﻲ ﺗﻔﻜﺮﻳﻦ
ﺑﻮﺿﻌﺞ .. ﺗﻔﻜﺮﻳﻦ ﺑﻮﺿﻌﻲ ﻣﻌﺎﺝ ... ﺗﻔﻜﺮﻳﻦ ﺍﻥ ﻛﻞ ﺷﻲ ﺭﺍﺡ ﺗﻔﻜﺮﻳﻦ
ﻓﻴﻪ ﻣﺎ ﺭﺍﺡ ﻳﻜﻮﻥ ﻟﺞ ﺍﻧﺘﻲ ﻭﺑﺲ .. ﺭﺍﺡ ﻳﻜﻮﻥ ﻟﻨﺎ ﺍﺣﻨﺎ ﺍﻻﺛﻨﻴﻦ .. ﺍﻧﺎ
ﺑﺼﺮﺍﺣﺔ ﻣﺎﺑﻴﺪﻱ ﺷﻲ ﻏﻴﺮ ﺍﻧﻲ ﺍﻧﻔﺬ ﺍﻟﻠﻲ ﺗﺒﻴﻨﻪ .. ﻟﻜﻦ ﻳﺎ ﻓﺎﺗﻦ ..
ﺣﻴﺎﺗﻲ ﺍﻧﺎ ﺗﺮﻯ ﻛﻠﻬﺎ ﺑﻴﻦ ﺍﻳﺪﻳﺞ .. ﻭﺍﻧﺘﻲ ﺑﻨﻔﺴﺞ ﺗﻘﺪﺭﻳﻦ ﺗﻘﺮﺭﻳﻦ ..
ﺷﻨﻮ ﺭﺍﺡ ﻳﺼﻴﺮ ﻓﻴﻬﺎ ...
ﻋﻘﺪﺕ ﻓﺎﺗﻦ ﺣﻮﺍﺟﺒﻬﺎ ﻭﺍﺑﻌﺪﺕ ﻳﺪﻫﺎ ﻋﻦ ﻣﺴﺎﻋﺪ ﻭﻫﻮ ﺗﺤﺲ ﺑﺎﻟﻈﻴﺞ
ﻣﺮﺓ ﺛﺎﻧﻴﺔ ﻭﻫﺐ ﻣﺴﺎﻋﺪ ﻳﺘﻜﻠﻢ ﻟﻬﺎ ﺑﺘﺨﻔﻴﻒ ..
ﻣﺴﺎﻋﺪ : ﻻﻻﻻ .. ﻣﺎ ﺍﺑﻴﺞ ﺗﺘﻨﺮﻓﺰﻳﻦ .. ﺻﺪﻗﻴﻨﻲ ... ﺍﻧﺎ ﻋﻄﻴﺘﺞ ﻫﺎﻟﺪﺑﻠﺔ
ﺑﺴﻠﺴﻠﺔ .. ﻋﺸﺎﻥ ﻣﺎ ﺍﻏﺼﺒﺞ ﺍﻧﺞ ﺗﻠﺒﺴﻴﻨﻬﺎ ﺑﺼﻮﺍﺑﻌﺞ .. ﻳﻮﻡ ﺍﻟﻲ ﺍﻧﺘﻲ
ﺗﺤﺴﻴﻦ ﺍﻧﺞ ﺗﻘﺪﺭﻳﻦ ﺗﺘﺤﻤﻠﻴﻨﻬﺎ ﻓﻴﻬﻢ .. ﻣﻌﻨﺎﺗﻪ ﺭﺍﺡ ﺗﻘﺪﺭﻳﻦ
ﺗﺘﺤﻤﻠﻴﻨﻲ ﻓﻲ ﺣﻴﺎﺗﺞ ... ﻭﺍﺫﺍ ﺧﻠﻴﺘﻬﺎ ﺑﺎﻗﻴﺔ ﺑﺎﻟﺴﻠﺴﻠﺔ .. ﺭﺍﺡ ﺍﻓﻬﻢ
ﻫﺎﻟﺸﻲ ﺑﻌﺪ .. ﻭﺻﺪﻗﻴﻨﻲ ... ﺑﻜﻮﻥ ﺷﺎﻛﺮﻥ ﻟﺞ .. ﻭﻗﻔﺘﺞ ﺍﻟﻠﻲ ﻗﻀﻴﺘﻴﻪ
ﻭﺍﻧﺘﻲ ﺗﺤﺎﻭﻟﻴﻦ ﺍﻧﺞ ﺗﺼﻠﺤﻴﻦ ﺣﻴﺎﺗﻴﻦ ﺑﺪﻝ ﺍﻟﻮﺣﺪﺓ ... ﻣﺤﺪ
ﺧﺴﺮﺍﻥ .. ﻭﺍﻟﺸﺮﻑ ﻛﺎﻥ ﻋﻈﻴﻢ ﻟﻲ ﻳﺎ ﻓﺎﺗﻦ .. ﺍﻧﻲ ﺍﻛﻮﻥ ﻗﺮﻳﺐ ﻣﻨﺞ
ﻛﻞ ﻫﺎﻟﻘﺮﺏ ﻟﻔﺘﺮﺓ ﻣﻦ ﻓﺘﺮﺍﺕ ﺣﻴﺎﺗﻨﺎ ... ﻭﻫﺬﻱ ﺍﻟﺬﻛﺮﻳﺎﺕ ﻭﺍﻻﺣﺪﺍﺙ
ﻛﻠﻬﺎ ﻣﺎ ﺭﺍﺡ ﺗﻐﻴﺐ ﻋﻦ ﺑﺎﻟﻲ ... ﺻﺪﻗﻴﻨﻲ ..
ﻣﺎﻗﺪﺭﺕ ﻓﺎﺗﻦ ﺗﻌﻘﺐ ﻋﻠﻰ ﻛﻼﻡ ﻣﺴﺎﻋﺪ ﺍﻟﺼﺎﺩﻕ ﺍﻟﻨﺎﺑﻊ ﻣﻦ ﺍﻟﻘﻠﺐ ..
ﺍﻫﻮ ﺑﻨﻔﺴﻪ ﺍﻧﺼﺪﻡ ﺑﻜﻼﻣﻪ ﻭﺑﻤﺪﻯ ﻭﺍﻗﻌﻴﺘﻪ .. ﻻﻭﻝ ﻣﺮﺓ ﻳﺤﺲ ﺍﻧﻪ
ﻳﻤﻴﻞ .. ﻻﻭﻝ ﻣﺮﺓ ﻳﺤﻂ ﺍﻟﻨﺎﺱ ﺑﺪﻝ ﻧﻔﺴﻪ .. ﻣﻦ ﻭﻓﺎﺓ ﻋﺎﻟﻴﺔ ﻭﺍﻫﻮ
ﻳﻤﺸﻲ ﺍﻟﻨﺎﺱ ﻋﻠﻰ ﻫﻮﺍﻩ ﻋﻦ ﻻ ﺍﺗﻴﻲ ﺍﻟﻔﺮﺻﺔ ﻭﺍﻟﻨﺎﺱ ﺗﻤﺸﻴﻪ ﻋﻠﻰ
ﻫﻮﺍﻫﺎ .. ﻣﺜﻞ ﻣﺎ ﺻﺎﺭ ﻟﻪ ﻭﻳﺎ ﻋﺎﻟﻴﺔ . ﺍﻟﻜﻞ ﺍﺑﻌﺪﻩ ﻋﻨﻬﺎ ﻟﻤﻦ ﻣﺎﺗﺖ ﻋﻨﻪ
ﻭﻏﺎﺑﺖ ﻭﺍﻫﻮ ﻇﻞ ﻭﺣﻴﺪ ﻳﻌﺎﺗﺐ ﺍﻟﺒﺤﺮ ﻭﻳﺒﻜﻲ ﺍﻟﻨﺠﻮﻡ ﺑﻌﺰﺍﻩ .. ﻟﻜﻦ
ﻓﺎﺗﻦ ... ﻓﺎﺗﻦ ﺍﻫﻲ ﺍﻟﻠﻲ ﺭﺍﺡ ﺗﻜﻮﻥ ﻣﻘﺮﺭﺓ ﻟﻤﺼﻴﺮﻩ .. ﻫﻞ ﻳﺎﺗﺮﻯ
ﻣﺴﺎﻋﺪ ﺭﺍﺡ ﻳﻜﺮﺭ ﺍﻟﻐﻠﻂ ﻣﺮﺗﻴﻦ .. ﻭﻻ ﻫﺎﻟﻤﺮﺓ ﺭﺍﺡ ﻳﻜﻮﻥ ﻋﻠﻰ
ﺻﻮﺍﺏ ..؟؟ ﻛﻞ ﻫﺬﺍ ﺑﻴﺪ ﻓﺎﺗﻦ .. ﺍﻟﻠﻲ ﺑﺪﺕ ﺗﺤﺲ ﺑﻌﻤﻖ ﺍﻟﻤﺴﺆﻭﻟﻴﺔ
ﺍﻟﻤﻠﻘﺎﻩ ﻋﻠﻰ ﻛﺎﻫﻠﻬﺎ ..
ﻻﺣﻈﻬﺎ ﺗﺮﺗﺠﻒ ﻣﻦ ﺍﻟﺒﺮﺩ ﻭﻫﻲ ﺗﻠﻢ ﻧﻔﺴﻬﺎ :... ﺭﻭﺣﻲ ﺩﺍﺧﻞ ﺍﻟﻐﺮﻓﺔ
ﻭﺍﻟﺤﻴﻦ ﺍﺣﻨﺎ ﺭﺍﺩﻳﻦ ﺍﻟﺒﻴﺖ ..
ﻓﺎﺗﻦ : ﻻ ﺑﻘﻌﺪ ﻫﻨﻲ ﻣﻠﻴﺖ ﻣﻦ ﺍﻟﺤﻜﺮﺓ ..
ﻣﺴﺎﻋﺪ : ﻋﻠﻰ ﺭﺍﺣﺘﺞ ..ﺑﺲ ﻭﻗﺖ ﺍﻟﻲ ﺗﺤﺴﻴﻦ ﺍﻧﺞ ﺑﺮﺩﺗﻲ ﺭﻭﺣﻲ
ﺩﺍﺧﻞ ...
ﻓﺎﺗﻦ : ﺍﻥ ﺷﺎﺀ ﺍﻟﻠﻪ ..
ﻭﺭﺍﺡ ﻣﺴﺎﻋﺪ ﻟﻌﻨﺪ ﺍﻟﻘﻴﺎﺩﺓ ... ﻭﺷﻐﻠﻪ .. ﻭﺍﺑﺘﻌﺪ ﻋﻦ ﻫﺬﻱ ﺍﻟﺒﻘﻌﺔ ﺍﻟﻠﻲ
ﻣﺴﺘﺤﻴﻞ ﻓﻲ ﻳﻮﻡ ﻣﻦ ﺍﻻﻳﺎﻡ ﺭﺍﺡ ﺗﻨﻤﺴﺢ ﻋﻦ ﺑﺎﻟﻪ .. ﺍﺑﺘﻌﺪ ﻋﻨﻬﺎ
ﻟﻔﺘﺮﺓ .. ﻣﻮ ﺑﺲ ﻓﺘﺮﺓ ﻟﻮ ﺗﺒﻲ ﺍﻟﻌﻤﺮ ﻛﻠﻪ ﺑﺸﺮﻁ ﺍﻧﻬﺎ ﺗﻮﻋﺪﻧﻲ ﺑﻴﻮﻡ
ﺍﻛﻮﻥ ﻓﻴﻬﺎ ﺍﻗﺮﺏ ﺍﻟﻨﺎﺱ ﻟﻬﺎ .. ﻭﻟﻮ ﻟﻠﺤﻈﺔ ﻭﺣﺪﺓ .. ﻓﻬﺎﻱ ﺍﻟﻠﺤﻈﺔ ﺭﺍﺡ
ﺗﻜﻮﻥ ﻣﻮ ﺑﺲ ﺧﻴﺮ ﻋﻠﻲ .. ﺍﻻ ﺍﻣﻞ ﻋﻤﺮﻱ ﻛﻠﻪ ...
ﻭﻓﺎﺗﻦ ﺍﻟﻠﻲ ﻗﻌﺪﺕ ﻋﻠﻰ ﺍﻟﻜﺮﺳﻲ ﻭﻫﻲ ﺗﻨﺎﻇﺮ ﺍﻟﻐﺮﻭﻭﺏ ﺑﺘﻤﺘﻊ .. ﻭﻓﻴﻬﺎ
ﻧﻮﻉ ﻣﻦ ﺍﻟﻬﺪﻭﺀ ﺍﻟﻨﻔﺴﺎﻧﻲ ﺍﻟﻠﻲ ﻋﻢ ﻣﻦ ﺑﻌﺪ ﺍﻟﻌﺎﺻﻔﺔ ﺍﻟﻠﻲ ﻣﺮﺕ ﻓﻴﻬﺎ
ﺣﻴﺎﺗﻬﺎ .. ﻭﺗﻤﺖ ﺗﻨﺎﻇﺮ ﺍﻟﺴﻠﺴﻠﺔ ﺍﻟﻠﻲ ﺑﻴﺪﻫﺎ ﻭﻛﻴﻒ ﺍﻥ ﺍﻟﻠﻤﻌﺎﻥ ﻳﺨﺒﻲ
ﺑﺼﺮﻫﺎ .. ﻭﺍﻟﺪﺑﻠﺔ ﺍﻟﻠﻲ ﺩﺣﺮﺟﺘﻬﺎ ﺑﺎﺻﺎﺑﻌﻬﺎ ﻓﻲ ﺣﻈﻨﻬﺎ .. ﻭﺍﻻﻟﻤﺎﺳﺎﺕ
ﺍﻟﺜﻼﺙ .. ﺭﻓﻌﺖ ﻋﻴﻮﻧﻬﺎ ﺗﻨﺎﻇﺮ ﻣﺴﺎﻋﺪ ﺍﻟﻠﻲ ﻛﺎﻥ ﻋﺎﻃﻬﺎ ﻇﻬﺮﻩ .. ﻭﻫﻮ
ﻣﻨﺸﻐﻞ ﺑﺎﻟﻘﻴﺎﺩﺓ .. ﻳﺎ ﺗﺮﻯ .. ﻳﺎﺳﻴﺪ ﻣﻦ ﺳﺎﻟﻒ ﺍﻟﺰﻣﺎﻥ .. ﻇﻬﺮ ﻣﻦ ﻣﻦ
ﺍﻟﻼﻣﻜﺎﻥ .. ﻣﻦ ﺣﺎﻳﻂ ﺑﻴﺘﻬﻢ .. ﻣﻦ ﺑﻮﺍﺑﺔ ﺑﻴﺘﻬﻢ ... ﻭﻗﻒ ..
ﻭﺷﺎﻓﻨﻲ .. ﻭﺷﻔﺘﻪ .. ﻭﻣﺎ ﺗﻮﻗﻌﺖ ﺑﻴﻮﻡ ﺍﻧﻲ ﺍﻭﺻﻞ ﻓﻴﻪ ﻣﻌﺎﻙ
ﻟﻬﺎﻟﻮﻗﺖ .. ﺗﻀﺤﻴﺘﻚ ﻫﺬﻱ ﺍﻟﻠﻲ ﺑﺪﻳﺖ ﺍﺣﺲ ﻟﻬﺎ .. ﺷﻨﻮ ﻣﻌﻨﺎﻫﺎ ﻓﻲ
ﺣﻴﺎﺗﻲ؟؟؟؟ ﻫﻞ ﺭﺍﺡ ﺍﻭﻓﻲ ﻟﻚ ... ﻭﻻ ﺭﺍﺡ ﺍﻛﺘﺸﻒ .. ﺍﻥ ﻻ ﺳﺒﻴﻞ
ﻟﻠﺤﺐ ﺑﻴﻨﺎﺗﻨﺎ ...
ﻭﻣﺎ ﺯﺍﻝ ﺍﻟﻘﻠﺐ ﻳﻨﺘﻈﺮ ﻧﻈﺮﺓ ﺍﻟﺤﺐ .. ﻓﻬﻞ ﻣﻦ ﺳﺒﻴﻞ ﻟﻬﺎ ؟؟؟؟