الفصل 16
ﻣﺮ ﻋﻠﻰ ﻏﻴﺎﺏ ﺟﺮﺍﺡ ﺍﻟﺜﻼﺛﺔ ﺍﻳﺎﻡ .. ﻓﻴﻬﺎ ﻣﺴﺎﻋﺪ ﻭﻓﺎﺗﻦ ﻳﻄﻠﻌﻮﻥ
ﻃﻠﻌﺎﺕ ﺭﺳﻤﻴﺔ ﺍﻟﻰ ﺍﻟﺠﺎﻣﻌﺔ ﺗﻜﻤﻴﻞ ﺍﻟﺘﺴﺠﻴﻞ ﻭﺍﻟﻰ ﻣﻜﺘﺒﺔ ﺍﻟﺠﺎﻣﻌﺔ
ﻋﺸﺎﻥ ﺍﻟﻜﺘﺐ .. ﻭﻛﺎﻧﻮ ﻣﻌﺰﻭﻣﻴﻦ ﻋﻠﻰ ﺟﻠﺴﺔ ﺍﻓﺘﺘﺎﺣﻴﺔ ﺍﻟﺠﺎﻣﻌﺔ
ﻟﻠﻄﻠﺒﺔ ﺍﻟﺠﺪﺩ ﻟﻜﻦ ﻣﺎ ﺣﻀﺮﻭﻫﺎ .. ﻟﻀﻴﻖ ﺍﻟﻮﻗﺖ ﻭﻝ .. ﻟﻘﻠﺔ ﺍﻟﻨﻮﻡ ..
ﺑﺲ ﺍﻟﻬﺪﻭﺀ ﻭﺍﻟﺘﺠﻨﺐ ﺍﻣﺒﻴﻨﻬﻢ ﻛﺎﻥ ﺳﺎﺩﻱ ﺑﻄﺮﻳﻘﺔ ﻣﺘﻮﺣﺸﺔ ﻟﺪﺭﺟﺔ
ﺍﻥ ﻣﺴﺎﻋﺪ ﺍﻋﺼﺎﺑﻪ ﺍﺧﺘﺮﺑﺖ ﻭﺻﺎﺭ ﻣﺎ ﻳﺴﺘﺤﻤﻞ ﺍﻗﻞ ﺍﻻﺷﻴﺎﺀ ﻣﻦ
ﻓﺎﺗﻦ .. ﻣﺜﻼ ﺗﺄﺧﺮﻫﺎ ﺍﻟﻤﺘﻌﻤﺪ ﻟﻠﺴﻴﺎﺭﺓ ﻳﻮﻡ ﻳﺘﺤﺮﻛﻮﻥ .. ﻭﻻ ﺩﻻﻟﻬﺎ
ﺍﻟﺰﺍﻳﺪ .. ﻭﻋﺪﻡ ﺗﻮﺟﻴﻪ ﺍﻟﻜﻼﻡ ﻟﻪ ﺍﻻ ﺑﻄﻼﻉ ﺍﻟﺮﻭﺡ .. ﻣﺜﻼ ﻛﺎﻧﻮ ﻓﻴﻮﻡ
ﺭﺍﺟﻌﻴﻦ ﺍﻟﺒﻴﺖ ﻭﻓﻲ ﺍﻟﺠﺎﻣﻌﺔ ﺿﺎﻋﺖ ﺟﻨﻄﻪ ﻓﺎﺗﻦ ﻭﻣﺎ ﻗﺎﻟﺖ ﻟﻤﺴﺎﻋﺪ
ﺍﻧﻬﺎ ﺿﺎﻋﺖ ﻭﺳﻜﺘﺖ ﻋﻦ ﺍﻟﻤﻮﺿﻮﻉ .. ﻭﻳﻮﻡ ﻳﺎﻫﺎ ﻳﻄﻠﺐ ﻣﻨﻬﺎ ﺑﻌﺾ
ﺍﻻﻭﺭﺍﻕ ﺍﻟﻠﻲ ﻛﺎﻧﺖ ﻣﺤﺘﻔﻈﻪ ﻓﻴﻬﻢ ﺑﺎﻟﺠﻨﻄﻪ ﻓﻜﺮﺕ ﺍﻧﻬﺎ ﺗﺨﺒﺮﻩ ﺍﻥ
ﺍﻟﺠﻨﻄﻪ ﺿﺎﻋﺖ .. ﺍﻧﻘﻬﺮ ﻣﺴﺎﻋﺪ ﻣﻨﻬﺎ ﻳﻮﻡ ﻋﺮﻑ ﺍﻧﻬﺎ ﺿﺎﻳﻌﺔ
ﻣﻨﺎﻟﺼﺒﺢ .. ﻭﺗﻢ ﻳﺪﻭﺭ ﻳﺪﻭﺭ ﻭﻳﺪﻭﺭ ﺍﻟﺠﻨﻄﻪ ﻟﻤﻦ ﻟﻘﺎﻫﺎ ﻋﻨﺪ ﻛﺎﻭﻧﺘﺮ
ﺍﺣﺪ ﺍﻟﺸﻌﺐ ﺍﻟﺪﺭﺍﺳﻴﺔ ﻭﺭﺩﺍﻫﺎ ﻟﻬﺎ .. ﻟﻜﻦ ﺑﺸﻨﻮ؟؟ ﺭﻣﺎﻫﺎ ﻋﻠﻴﻬﺎ ﻣﺜﻞ
ﺍﻟﺠﻤﺮﺓ ﺍﻟﻠﻲ ﺗﺤﺮﻕ ﻳﺪﻩ .. ﺣﺘﻰ ﺍﻥ ﻓﺎﺗﻦ ﺍﻧﺼﺪﻣﺖ ﻣﻦ ﺣﺮﻛﺘﻪ ﻫﺬﻱ
ﻭﺧﺬﺗﻬﺎ ﻋﺬﺭ ﻋﺸﺎﻥ ﺍﻧﻬﺎ ﺗﺰﻋﻞ ﻣﻊ ﺍﻥ ﻣﻮﻗﻔﻬﺎ ﻳﺰﻋﻞ ﺍﻛﺜﺮ ..
ﻭﻗﻌﺪﺕ ﺑﺪﺍﺭﻫﺎ ﻳﻮﻣﻴﻦ ﻣﻦ ﻏﻴﺮ ﻣﺎ ﻳﺸﻮﻓﻬﺎ ﻣﺴﺎﻋﺪ .. ﻭﻻ ﻳﺪﺭﻱ
ﻋﻨﻬﺎ .. ﺑﻴﻨﻪ ﻭﺑﻴﻨﻨﻔﺴﻪ ﺍﺭﺗﺎﺡ ﻻﻥ ﻃﺮﻳﻘﺔ ﺗﺼﺮﻓﻬﺎ ﻇﺎﻳﻘﺘﻪ
.. ﻓﻲ ﺫﻳﺞ ﺍﻟﻠﻴﻠﺔ ﻇﻠﺖ ﻓﺎﺗﻦ ﺗﺮﺍﺟﻊ ﻧﻔﺴﻬﺎ ﻭﺃﻓﻌﺎﻟﻬﺎ ﻭﺣﺴﺖ ﺑﺄﻧﻬﺎ
ﺍﺑﺘﻌﺪﺕ ﻋﻦ ﺷﺨﺼﻴﺘﻬﺎ ﺍﻟﺤﻘﻴﻘﻴﺔ ﻭﺗﻘﻤﺼﺖ ﺷﺨﺼﻴﺔ ﻫﺬﻱ ﺍﻟﺒﻨﺖ
ﺍﻟﻤﺰﻋﺠﺔ ﺫﺍﺕ ﺍﻟﻤﻴﻮﻝ ﺍﻟﻄﻔﻮﻟﻴﺔ .. ﻟﻜﻦ ﺍﻫﻲ ﻣﺎ ﺗﺴﺘﺤﻤﻠﻪ ... ﻣﻮ ﺑﺲ
ﻣﺎ ﺗﺴﺘﺤﻤﻠﻪ ﻣﺎ ﺗﺤﺐ ﻓﻜﺮﺓ ﺍﻧﻬﺎ ﻣﺘﻮﺍﺟﺪﺓ ﻣﻌﺎﻩ ﻓﻲ ﻧﻔﺲ ﺍﻟﻤﻜﺎﻥ ..
ﻣﺎ ﺗﺤﺐ ﺗﻘﻌﺪ ﻓﻲ ﻧﻔﺲ ﺍﻟﻤﻜﺎﻥ ﺍﻟﻠﻲ ﺍﻫﻮ ﻓﻴﻪ ﻭﻻ ﺗﻤﺸﻲ ﻳﻤﻪ ﻭﻻ
ﺗﻄﻠﻊ ﻭﻳﺎﻩ ﻭﻻ ﺷﻲ ... ﺗﺤﺴﻪ ﻓﺮﺽ ﻭﺍﺟﺒﺎﺭ ﻋﻠﻴﻬﺎ .. ﺣﺘﻰ ﻫﺬﻱ
ﺍﻟﺸﻘﺔ ﺍﻟﻠﻲ ﺍﻧﻌﺠﺒﺖ ﺑﻬﺎ ﺍﻭﻝ ﻣﺎ ﺩﺧﻠﺘﻬﺎ .. ﺍﻟﺤﻴﻦ ﺗﺤﺴﻬﺎ ﻣﺜﻞ ﺍﻟﺴﺠﻦ
ﺍﻟﻠﻲ ﻳﻀﻐﻂ ﻋﻠﻴﻬﺎ ..
ﻟﻜﻦ ﺑﻌﺪ ﺍﻫﻲ ﻣﺎﻟﻬﺎ ﺣﻖ ﺑﻬﺎﻟﺘﺼﺮﻓﺎﺕ .. ﻣﺴﺎﻋﺪ ﺭﻳﺎﻝ ﻋﻮﺩ ﻭﺟﺒﻴﺮ
ﻭﻓﺎﻫﻢ .. ﻣﺎ ﻇﻨﻪ ﺑﻴﺴﺘﺤﻤﻞ ﺍﻛﺜﺮ ﻣﻦ ﺟﺬﻱ . ﻣﺎ ﺭﺩﻩ ﺑﻴﻨﻔﺠﺮ ﺑﻴﻮﻡ ..
ﻭﺍﻟﺨﻮﻑ ﺍﻧﻪ ﻳﻨﻔﺠﺮ ﻓﻲ ﻭﻳﻬﻲ .. ﺃﻱ ﺑﻌﺪ ﺭﻳﺎﻝ ﻣﺜﻞ ﻫﺬﺍ ﻳﺴﻮﻱ ﺍﻟﻠﻲ
ﻳﺒﻴﻪ ﻭﻳﺤﻮﺱ ﻋﺎﻳﻠﺔ ﻛﺎﻣﻠﺔ ﻭﻳﺒﻌﺪﻧﻲ ﻋﻦ ﻫﻠﻲ ﺍﻟﻠﻲ ﻣﺎ ﻛﻨﺖ ﺍﺭﺿﻰ
ﺑﺎﻟﻔﺮﺍﻕ ﺳﺎﻋﺔ ﻭﺭﺿﻴﺖ ﺑﺎﺭﺑﻊ ﺍﻭ ﺧﻤﺲ ﺳﻨﻴﻦ .. ﻫﺬﺍ ﻗﺎﺩﺭ ﻋﻠﻰ ﻛﻞ
ﺷﻲ ..
ﺑﻌﺪ ﺑﺎﺟﺮ ﺭﺍﺡ ﻳﻜﻮﻥ ﺍﻭﻝ ﻳﻮﻡ ﺟﺎﻣﻌﻲ ﻟﻬﺎ .. ﺍﻭﻝ ﻳﻮﻡ ﺟﺎﻣﻌﻲ ﻳﻌﻨﻲ
ﺍﻭﻝ ﺗﺠﺮﺑﺔ ﻟﻬﺎ ﻓﻲ ﻣﺤﻴﻂ ﻣﺘﺨﺎﻟﻂ ﺷﺒﺎﺏ ﻭﺑﻨﺎﺕ ﻭﻋﻴﺎﻳﺰ ﻭﺷﻴﺎﺏ ..
ﻭﻛﻞ ﺷﻲ .. ﺣﺘﻰ ﺍﻧﻬﺎ ﺭﺍﺡ ﺗﻜﻮﻥ ﻓﻲ ﻣﺤﻴﻂ ﻣﻦ ﺍﻟﻌﺎﺩﺍﺕ ﺍﻟﺰﻳﻨﺔ
ﻭﺍﻟﺸﻴﻨﺔ ﺍﻫﻲ ﻻﺯﻡ ﺗﺤﻂ ﻓﻲ ﺑﺎﻟﻬﺎ ﺍﻧﻬﺎ ﻓﻲ ﺑﻠﺪ ﺍﻟﻜﻞ ﻳﺨﺎﻑ ﻣﻨﻪ
ﻭﻳﺨﺎﻑ ﻋﻠﻰ ﻋﻴﺎﻟﻪ ﻣﻨﻪ .. ﺍﻣﻴﺮﻛﺎ .. ﺑﻠﺪ ﺍﻟﺘﺤﻀﺮ ﻭﺍﻟﺤﺮﻳﺎﺕ .. ﺑﻠﺪ
ﻳﺮﻓﺾ ﺍﻟﺘﺨﺎﺭﻳﻒ ﻭﺍﻟﺰﻭﺍﺋﻒ ﺍﻟﻠﻲ ﺗﻐﻠﻒ ﺍﻟﻤﺠﺘﻤﻊ .. ﺑﻠﺪ ﻳﺮﻓﺾ
ﺍﻟﺮﺟﻌﻴﺔ ﻭﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ .. ﻳﺤﺐ ﺍﻟﺘﺠﺪﺩ ﻭﺍﻫﻢ ﺷﻲ .. ﻳﺤﺐ
ﺍﻟﻔﺴﻖ ..
ﻻﺯﻡ ﺍﻛﻮﻥ ﺑﻌﻴﺪﻩ ﻋﻦ ﻫﺬﻱ ﺍﻻﻫﻮﺍﺀ .. ﻻﺯﻡ ﺍﻛﻮﻥ ﻣﺜﺎﻝ ﻳﻘﺘﺪﻯ ﺑﻪ
ﻟﻨﻔﺴﻲ ﻭﻟﻠﻨﺎﺱ .. ﻻﺯﻡ ﺍﺣﺎﻓﻆ ﻋﻠﻰ ﻧﻔﺴﻲ ﻣﻦ ﻛﻞ ﺑﺆﺭﺓ ﻓﺴﺎﺩ .. ﻻﺯﻡ
ﺍﺫﻛﺮ ﺭﺑﻲ ﻓﻲ ﻛﻞ ﻟﺤﻈﺔ ﺍﺣﺲ ﻧﻔﺴﻲ ﺧﺎﻳﻔﺔ ﻋﺸﺎﻥ ﺍﻗﻮﻯ ﺑﻴﻨﻲ
ﻭﺑﻴﻦ ﻧﻔﺴﻲ ... ﻣﺜﻞ ﻣﺎ ﺳﻮﻯ ﻣﺸﻌﻞ ..
ﺑﺎﺑﺘﺴﺎﻡ ﺫﻛﺮﺕ ﻣﺸﻌﻞ ﻟﻜﻦ ﻋﺼﺮﺓ ﺍﻟﻘﻠﺐ ﻣﺜﻠﻬﺎ ﻣﺜﻠﻬﺎ .. ﻣﺎ ﺗﻐﻴﺐ
ﺍﺑﺪﺍ ﻣﻊ ﻧﻄﻖ ﺍﻻﺳﻢ ﺑﺎﻟﺸﻔﺎﻳﻒ .. ﻟﻜﻦ ﺍﻟﺨﻔﻘﺎﺕ ﻫﺪﺃﺕ ﻭﻗﻠﺖ ﻋﻦ
ﻗﺒﻞ .. ﻣﺎ ﻋﺎﺩﺕ ﺳﺮﻳﻌﺔ ﻭﻣﺘﻀﺎﺭﺑﻪ ﻛﺎﻧﻬﺎ ﻓﻲ ﺳﺒﺎﻕ .. ﺻﺎﺭﺕ ﺍﻟﺤﻴﻦ
ﺍﺣﻦ ﻭﺍﻫﺪﺉ .. ﻭﺍﺭﻳﺢ ﻳﻤﻜﻦ .. ﻟﻜﻦ ﻏﺸﺎﺀ ﺍﻟﺤﺰﻥ ﻫﺬﺍ ﻣﺎ ﻳﻐﻴﺐ ..
ﻭﺍﻟﻮﺟﻊ ﺍﻟﻠﻲ ﻳﻮﺻﻞ ﻟﺤﻨﺠﺮﺗﻬﺎ .. ﻣﺸﻌﻞ .. ﻳﺎ ﻣﺸﻌﻞ ﻳﺎ ﺗﺮﻯ
ﺷﺤﺎﻟﻚ؟؟ ﺷﻠﻮﻥ ﻋﺎﻳﺶ ﻭﺷﻠﻮﻥ ﻣﺘﻤﻜﻦ ﻣﻦ ﺑﻌﺎﺩﻧﺎ .. ﻳﻤﻜﻦ ﺍﻧﺖ
ﺻﺮﺕ ﺍﻗﻮﻯ ﻣﻨﻲ ﻭﻗﺒﻠﺖ ﺍﻟﻨﺼﻴﺐ ﻭﺍﻟﻘﺪﺭ .. ﺍﻧﺎ ﻣﺎ ﻗﺒﻠﺘﻪ .. ﻟﻜﻦ
ﺗﻤﺎﺷﻴﺖ ﻣﻌﺎﻩ ... ﻳﺎ ﺳﺨﺮﻳﺔ ﺍﻟﻘﺪﺭ .. ﺍﻻﻧﺴﺎﻥ ﺍﻟﻠﻲ ﺍﺣﺒﻪ ﻭﻭﺩﻱ ﻟﻮ
ﺍﻧﻲ ﺍﺫﻭﺏ ﻓﻲ ﻫﻮﺍﻩ ﺑﻌﻴﺪ ﻛﻞ ﺍﻟﺒﻌﺪ ﻋﻨﻲ .. ﻭﺍﻟﻠﻲ ﺍﻣﻘﺘﻪ ﻭﻭﺩﻱ ﻟﻮ
ﺍﻧﻪ ﻳﺨﺘﻔﻲ ﻋﻦ ﻇﺎﻫﺮ ﺍﻟﺪﻧﻴﺎ ... ﺍﻗﺮﺏ ﻣﻦ ﺍﻟﺸﺮﻳﺎﻥ .. ﻳﺎﺭﺑﻲ ﻟﺸﻨﻮ
ﺗﺮﻣﺰ ﻫﺬﻱ ﺍﻻﻣﻮﺭ .؟؟ ﻻﻱ ﺩﺭﺏ ﻭﻻﻱ ﻃﺮﻳﻖ ﻭﻻﻱ ﻣﺼﻴﺮ ... ؟؟؟
ﻭﺗﺴﺎﻗﻂ ﺍﻟﻤﻄﺮ .. ﻭﺷﺎﺟﺖ ﺍﻻﺣﺰﺍﻥ ﻓﻲ ﻗﻠﺐ ﻓﺎﺗﻦ .. ﻭﺍﻣﺘﺰﺟﺖ
ﻋﺬﻭﺑﻪ ﺍﻟﻘﻄﺮﺍﺕ ﻭﻳﺎ ﻣﻠﻮﺣﺔ ﺩﻣﻮﻋﻬﺎ .. ﺑﺠﺖ ﻓﺎﺗﻦ .. ﺍﺧﻴﺮﺍ ﺑﺠﺖ
ﻭﻃﻠﻌﺖ ﺍﻟﻠﻲ ﻓﻴﻬﺎ ﻣﻦ ﺁﻻﻡ ... ﺟﺪﺩﺕ ﺍﻟﻌﺰﺍ ﻋﻠﻰ ﺣﺒﻬﺎ ﺍﻟﻀﺎﺋﻊ ﻭﻋﻠﻰ
ﺍﻻﺣﻼﻡ ﻭﻋﻠﻰ ﺍﻻﻣﻨﻴﺎﺕ ... ﻭﻣﺴﺮﻉ ﻣﺎ ﻣﺴﺤﺖ ﺍﻟﺪﻣﻊ ﻭﺍﻫﻲ
ﺗﺘﻨﻬﺪ ... ﻣﺎ ﻣﻠﻴﺘﻲ ﻳﺎ ﻓﺎﺗﻦ؟ . ﻣﺎ ﻣﻠﻴﺘﻲ ﻣﻦ ﺍﻟﺒﺠﺎ ﻋﻠﻰ ﺷﻲ ﻣﺎﺻﺎﺭ
ﻟﻜﻨﻪ ﺍﻧﺘﻬﻰ ﻭﺧﻼﺹ ﻣﺎ ﺭﺍﺡ ﻳﺮﺩ ﻟﺞ ﻓﻴﻮﻡ ﻣﻦ ﺍﻻﻳﺎﻡ .. ﻻﺯﻡ
ﺗﺼﺒﺮﻳﻦ .. ﻭﺗﺸﻮﻓﻴﻦ ﺣﻴﺎﺗﺞ ﺑﺎﻟﻤﻨﻈﺎﺭ ﺍﻟﻠﻲ ﺍﻫﻮ ﻣﺘﻮﻗﻊ ﻣﻨﺞ ﺗﺸﻮﻓﻴﻦ
ﻧﻔﺴﺞ ﻓﻴﻪ ..
ﺷﻨﻮ ﺣﺐ؟؟ ﺷﻨﻮ ﻏﺮﺍﻡ ؟؟ ﺍﻟﻮﻟﻪ ﻭﺍﻟﻬﻴﺎﻡ .. ﻛﻠﻬﺎ ﺍﻭﻫﺎﻡ ﺯﺭﻋﻮﻫﺎ ﻓﻲ
ﺑﺎﻟﻨﺎ ﻧﺰﺍﺭ ﻗﺒﺎﻧﻲ ﻭﺟﻤﻴﻞ ﺑﺜﻴﻨﻪ ﺑﺎﺷﻌﺎﺭﻫﻢ؟؟ ﺭﻭﻣﻴﻮ ﻭﺟﻮﻟﻴﺖ
ﺑﺘﻀﺤﻴﺘﻬﻢ .. ﻗﻴﺲ ﻭﻟﻴﻠﻰ ﺑﻐﺒﺎﺋﻬﻢ .. ﻛﻠﻬﺎ ﺍﻭﻫﺎﻡ .. ﻛﻠﻬﺎ ﺗﺨﺎﺭﻳﻒ
ﻣﺎﻟﻬﺎ ﺃﻱ ﻭﻗﻊ ﻣﻦ ﻫﺎﻟﺰﻣﻦ .. ﻫﺬﺍ ﺍﻟﺰﻣﻦ ﺯﻣﻦ ﺍﻟﻘﺴﺎﻭﺓ .. ﺯﻣﻦ ﺍﻟﻠﻲ ﻓﻴﻪ
ﺍﻟﻘﻮﻱ ﻳﺤﻜﻢ .. ﻭﺍﻟﻀﻌﻴﻒ ﻳﻨﻔﺬ ﻭﻫﻮ ﺳﺎﻛﺖ ..
ﻣﺴﺎﻋﺪ ﻛﺎﻥ ﻗﺎﻋﺪ ﻋﻠﻰ ﺍﻟﻘﻨﻔﺔ ﺍﻟﻠﻲ ﻳﻢ ﺩﺭﻳﺸﺔ ﺍﻟﺼﺎﻟﺔ .. ﻳﻄﺎﻟﻊ
ﻫﺒﻮﺏ ﺍﻟﻤﻄﺮ ﺍﻟﻨﺎﻋﻢ .. ﻳﺎ ﺣﻠﻮﻩ ﻭﻳﺎ ﻧﻌﻮﻣﺘﻪ .. ﻛﻞ ﻫﺬﻱ ﺍﻻﺷﻴﺎﺀ ﻟﻬﺎ
ﺍﻟﻘﺪﺭﺓ ﺍﻧﻬﺎ ﺗﺤﺮﻙ ﻓﻲ ﻧﻔﺲ ﺍﻻﻧﺴﺎﻥ ﺍﺷﻴﺎ ﺗﺘﺠﻪ ﻟﺮﺏ ﺍﻟﻌﺎﻟﻤﻴﻦ
ﻟﺸﻜﺮﻩ .. ﺍﻟﺤﻤﺪ ﻟﻠﻪ ﺭﺏ ﺍﻟﻌﺎﻟﻤﻴﻦ ﻋﻠﻰ ﻣﻄﺮ ﺍﻟﺨﻴﺮ .. ﺍﻟﺘﻔﺘﺖ ﺗﺠﺎﻩ
ﻏﺮﻓﺔ ﻓﺎﺗﻦ ﻭﻫﻮ ﻳﻔﻜﺮ .. ﺻﺎﺭ ﻟﻬﺎ ﺗﻘﺮﻳﺒﺎ ﺍﻟﻴﻮﻣﻴﻦ ﻭﺍﻫﻲ ﺩﺍﺧﻞ ﻭﻣﺎ
ﺗﻄﻠﻊ .. ﻭﺍﻥ ﻃﻠﻌﺖ ﻣﺎ ﺗﺤﻂ ﻋﻴﻮﻧﻬﺎ ﺑﻌﻴﻮﻧﻲ .. ﻫﺎﻟﻜﺜﺮ ﻳﻌﻨﻲ ﺗﻬﺪﻳﺪﻱ
ﻣﺸﻰ ﻋﻠﻴﻬﺎ .. ﻭﻻ ﺍﻫﻲ ﻣﺎ ﺗﺒﻲ ﺗﺘﻌﺮﺽ ﻟﻲ ... ﻭﺍﻟﻠﻪ ﺍﻧﺎ ﺍﺣﺘﺮﺕ ﻭﻳﺎ
ﻫﻠﺒﻨﺖ .. ﻻ ﺗﺒﻲ ﺍﻟﺠﻨﻪ ﻭﻻ ﺍﻟﻨﺎﺭ .. ﻭﺍﻧﺎ ﻣﺎﺣﺐ ﺟﺬﻱ .. ﺍﻛﻮﻥ ﻣﻌﻠﻖ
ﺑﻴﻦ ﺍﻻﺛﻨﻴﻦ .. ﻭﺍﻧﺎ ﺑﻌﺪ ﺷﻔﻴﻨﻲ ﺻﺞ ﻣﺎ ﻋﻨﺪﻱ ﻋﻘﻞ .. ﻳﻌﻨﻲ ﺑﻨﺖ
ﺍﻧﺖ ﻣﻔﺎﺭﻗﻬﺎ ﻋﻦ ﺍﻫﻠﻬﺎ .. ﻭﻓﻮﻕ ﻫﺬﺍ ﻛﺎﻧﺖ ﺑﻮﻫﻢ ﺣﺐ ﻭﺑﻌﺪﻳﻦ ﺍﻫﻲ
ﻣﺎ ﺗﻌﺮﻓﻚ ﻭﻻ ﺗﻌﺮﻑ ﻋﻨﻚ ﺍﻻ ﺍﻧﻚ ﺍﺧﻮ ﺍﺭﻓﻴﺠﺘﻬﺎ ﺍﻟﻤﻘﺮﺑﺔ .. ﻟﻴﺶ ﻣﺎ
ﺗﻌﺮﻓﻬﺎ ﻋﻠﻰ ﺷﺨﺼﻚ ﺍﻟﺤﻘﻴﻘﻲ؟ ﻟﻴﺶ ﻣﺎ ﺗﺘﻘﺮﺏ ﻣﻨﻬﺎ ﺑﺪﻝ ﻣﺎ ﺗﺤﺘﻚ
ﻣﻌﺎﻫﺎ ﺑﺎﺗﻔﻪ ﺍﻻﺷﻴﺎﺀ ﻭﺗﺨﻠﻴﻬﺎ ﺳﺎﻟﻔﺔ ﺣﻴﺎﺓ ﻭﻣﻮﺕ ..
ﻗﺎﻡ ﻣﻦ ﻋﻠﻰ ﺍﻟﻜﺮﺳﻲ ﻭﻳﺪﻳﻨﻪ ﻓﻲ ﻣﺨﺎﺑﻴﻪ ﻭﻫﻮ ﻣﺤﺘﺎﺭ .. ﻣﺘﻰ ﺑﺲ
ﺗﺮﻭﺡ ﺍﻟﺠﺎﻣﻌﺔ ﻭﺗﻨﺸﻐﻞ .. ﻭﺗﻨﺴﻰ ﻛﻞ ﻫﺎﻟﻌﻨﺎﺩ ﻭﻫﺎﻟﻤﻴﻬﻞ .. ﺟﺬﻱ
ﺑﺘﺼﻴﺮ ﺍﺣﺴﻦ ﺣﺎﻟﺘﻬﺎ ..
ﻗﻌﺪ ﺑﺎﻟﺼﺎﻟﺔ ﻭﻫﻮ ﻣﺴﺘﺮﺧﻲ ﻭﻣﺴﻜﺮ ﻋﻴﻮﻧﻪ .. ﻳﻨﺘﻈﺮ ﻣﻦ ﺍﻟﻤﻄﺮ
ﻳﻬﺪﻳﻪ ... ﻭﺑﺼﻮﺕ ﺑﺎﺏ ﻏﺮﻓﺔ ﻓﺎﺗﻦ ﻳﻨﻔﺘﺢ .. ﻃﻠﻌﺖ ﻭﻭﻳﻬﻬﺎ ﻣﺘﻨﻔﺦ
ﻣﻦ ﺍﻟﺼﻴﺎﺡ ﻭﻋﻠﻰ ﻃﻮﻝ ﻋﺪﻝ ﻣﺴﺎﻋﺪ ﻗﻌﺪﺗﻪ ﺍﻟﻤﺴﺘﺮﺧﻴﺔ ﻭﻫﻮ
ﻳﻄﺎﻟﻌﻬﺎ ... ﻣﻨﺼﺪﻡ ﻣﻦ ﺷﻜﻠﻬﺎ ﻭﺣﺎﻟﺘﻬﺎ .. ﻳﻮﻣﻴﻦ ﺑﺎﻟﺪﺍﺭ ﻭﺍﻫﻲ
ﺗﺒﺠﻲ؟؟؟
ﻗﺎﻡ ﻋﻠﻰ ﻃﻮﻟﻪ ﻭﺭﺍﺡ ﻟﻬﺎ : ﺷﻔﻴﺞ؟
ﻣﺎ ﺗﻜﻠﻤﺖ ﻓﺎﺗﻦ ﻭﻇﻠﺖ ﻭﺍﻗﻔﺔ ﻣﻜﺎﻧﻬﺎ ... ﻣﺎ ﺗﻘﺪﺭ ﺗﺘﻜﻠﻢ ﺗﺨﺎﻑ
ﺗﻨﻔﺠﺮ ﻣﻦ ﺍﻟﺤﺰﻥ ﻓﻲ ﻭﻳﻬﻪ
ﻣﺴﺎﻋﺪ ﺑﺼﻮﺕ ﺣﻨﻮﻥ : ﻋﻼﻣﺞ ﺗﺒﺠﻴﻦ ﻓﺎﺗﻦ؟؟؟ ﻓﻴﺞ ﺷﻲ؟
ﻓﺎﺗﻦ ﺑﺼﻮﺕ ﻣﺒﺤﻮﺡ ﻣﻦ ﺍﻟﺒﺠﻲ : ﺗﻌﺒﺎﻧﺔ ﺷﻮﻱ ..
ﻋﻠﻰ ﻃﻮﻝ ﺗﻘﺮﺏ ﻣﻨﻬﺎ ﻭﻣﺪ ﻳﺪﻩ ﻟﺠﺒﻴﻨﻬﺎ : ﻓﻴﺞ ﺻﺪﺍﻉ؟؟ ﺣﻤﻰ؟؟
ﺯﻛﺎﻡ؟
ﺗﺒﻌﺪﺕ ﻓﺎﺗﻦ ﻋﻨﻪ ﻭﺍﻫﻲ ﺗﻨﺎﻇﺮﻩ ﺑﻌﺠﺰ : ﻣﺎﻓﻴﻨﻲ ﺷﻲ ... ﺍﺑﻲ ﺍﺭﺩ
ﺍﻟﻜﻮﻳﺖ ..
ﻭﻗﻒ ﻣﺴﺎﻋﺪ ﺑﻄﻮﻟﻪ ﺟﺪﺍﻣﻬﺎ ﻭﻫﻮ ﻳﻨﺎﻇﺮﻫﺎ ﻣﻦ ﻏﻴﺮ ﺃﻱ ﺍﺣﺴﺎﺱ :
ﺗﺮﺩﻳﻦ ﺍﻟﻜﻮﻳﺖ؟؟ ﺷﺘﺴﻮﻳﻦ ﻫﻨﺎﻙ؟
ﻓﺎﺗﻦ ﺑﺼﻮﺕ ﻛﺴﻴﺮ : ﺃﻱ ﺷﻲ .. ﺑﺲ ﻣﺎﺑﻲ ﺍﻗﻌﺪ ﻫﻨﻲ ...
ﻣﺴﺎﻋﺪ : ﻟﻴﺶ ﻣﺎ ﺗﺒﻴﻦ ﺗﻘﻌﺪﻳﻦ ﻫﻨﻲ؟
ﻓﺎﺗﻦ : ﻻﻧﻚ ﺍﻧﺖ ﻫﻨﻲ ..
ﻃﻌﻨﺔ ﺛﺎﻧﻴﺔ ﺗﺼﺒﻬﺎ ﻓﺎﺗﻦ ﻓﻲ ﻗﻠﺐ ﻣﺴﺎﻋﺪ ﻭﻫﻮ ﻳﺒﺘﻠﻊ ﺍﻷﻟﻢ ﻭﻳﺴﻜﺖ :
ﻭﻟﻴﺶ .. ﺍﻧﺎ ﺷﻔﻴﻨﻲ؟؟
ﻓﺎﺗﻦ ﻭﻫﻲ ﺗﺬﺭﻑ ﺩﻣﻊ ﺳﺎﺧﻦ : ﻣﺎ ﺍﺑﻴﻚ ﻓﻲ ﺣﻴﺎﺗﻲ ...
ﻣﺴﺎﻋﺪ ﺍﻧﻘﻬﺮ ﻣﻦ ﻛﻠﻤﺘﻬﺎ : ﻣﺎ ﺗﺒﻴﻨﻲ ﻓﻲ ﺣﻴﺎﺗﺞ؟؟؟ ﻭﻟﻴﺶ؟؟ ﻣﻦ ﻗﺎﻝ
ﻟﺞ ﺍﻧﻲ ﻓﻲ ﺣﻴﺎﺗﺞ؟
ﻓﺎﺗﻦ ﺑﺎﺳﺘﻐﺮﺍﺏ : ﻋﻴﻞ ﻣﻠﺠﺘﻨﺎ .. ﻭﺧﻠﻮﺗﻨﺎ ﻫﺬﻱ ﻓﻲ ﺷﻘﺔ ﻟﺤﺎﻟﻨﺎ ..
ﺷﺘﺴﻤﻴﻬﺎ؟؟؟ ﻣﻮ ﺍﻧﺖ ﻓﻲ ﺣﻴﺎﺗﻲ ..؟
ﺗﺒﺎﻋﺪ ﻋﻨﻬﺎ ﻣﺴﺎﻋﺪ ﻭﻫﻮ ﻣﻨﻘﺮﻑ .. ﺻﺢ ﻛﻼﻣﻬﺎ .. ﺍﺣﻨﺎ ﻟﻴﺶ ﻭﻳﺎ
ﺑﻌﺾ .. ﻟﻜﻦ ﻫﺬﺍ ﻣﻮ ﻛﻼﻡ .. ﻳﻌﻨﻲ ﺍﻧﺎ ﻟﻤﺘﻰ ﺑﺘﺤﻤﻠﻬﺎ .. ﻭﺍﺣﺪ ﻏﻴﺮﻱ
ﻳﺎﺧﺬﻫﺎ ﻣﻦ ﺭﻗﺒﺘﻬﺎ ﻭﻳﺨﻠﺺ ﻋﻠﻴﻬﺎ ..
ﻣﺴﺎﻋﺪ ﺍﻟﺘﻔﺘﺖ ﻟﻬﺎ : ﺗﺒﻴﻦ ﺗﺮﺩﻳﻦ؟؟ ﺭﺩﻱ .. ﻣﺤﺪ ﻭﻗﻔﺞ ..
ﻓﺎﺗﻦ ﻭﺍﻫﻲ ﺗﺸﻴﺢ ﺑﻮﻳﻬﻬﺎ : ﻣﺎ ﺑﺘﺨﻠﻴﻨﻲ
ﻣﺴﺎﻋﺪ ﻭﻫﻮ ﻳﺘﺤﺮﻙ ﺑﺴﺮﻋﺔ ﻣﻜﺎﻧﻪ : ﻻ ﻭﺍﻟﻠﻪ ﻣﻦ ﺻﺠﻲ ﺍﺗﻜﻠﻢ ..
(ﺭﺍﺡ ﻋﻨﺪ ﺍﻟﺒﺎﺏ ﻭﻓﺠﺔ ) ﺭﻭﺣﻲ .. ﻃﻠﻌﻲ .. ﺭﻭﺣﻲ ﻭﻻ ﺗﺮﺩﻳﻦ ﺍﻧﺘﻲ
ﻋﻠﺒﺎﻟﺞ ﺍﻧﺎﺍﺑﻴﺞ؟؟؟ ﺍﻧﺘﻲ ﻋﻠﺒﺎﻟﺞ ﺍﻧﺎﻣﻴﺖ ﻋﻠﻴﺞ ..؟؟؟ ﺗﻈﻨﻴﻦ ﺍﻧﻲ
ﻓﺮﺣﺎﻥ ﻻﻧﻲ ﺣﺎﺑﺴﺞ ﻓﻲ ﻫﺎﻟﻤﻜﺎﻥ .. ﻻ ﻳﺎ ﺍﻧﺴﺔ .. ﺍﻧﺎ ﻣﻮ ﻣﺴﺘﺎﻧﺲ ..
ﻓﺎﺗﻦ : ﻋﻴﻞ ﻟﻴﺶ ﺟﺬﻱ؟؟؟؟ ﻟﻴﺶ ﺍﻧﺎ ﻭﺍﻧﺖ ﻃﺤﻨﺎ ﻓﻲ ﻫﺎﻟﻨﺼﻴﺐ؟
ﻟﻴﺶ ﺳﻮﻳﺖ ﻓﻴﻨﻲ ﺍﻟﻠﻲ ﺳﻮﻳﺘﻪ ..؟؟ ﻟﻴﺶ ﺑﻌﺪﺗﻨﻲ ﻋﻦ .... ﻋﻦ ....
ﻣﺴﺎﻋﺪ ﺑﺼﻮﺕ ﻣﺘﺄﻟﻢ : ﺍﺑﻌﺪﺗﺞ ﻋﻦ ﺣﺒﻴﺒﺞ .. ﻋﻦ ﻧﻮﺭ ﻋﻴﻮﻧﺞ .. ﻋﻦ
ﻧﺒﺾ ﻗﻠﺒﺞ ..
ﻓﺎﺗﻦ ﺑﻨﻈﺮﺓ ﺻﺪﻣﺔ : ﻣﺎ ﻛﺎﻥ ﻫﺬﺍ ﻗﺼﺪﻱ
ﻣﺴﺎﻋﺪ : ﺍﻭﻭﻭﻭﻩ .. ﻣﻮ ﻗﺼﺪﺝ .. ﻃﻴﺐ ﺍﻧﺎ ﺍﺳﻒ ﻳﺎ ﺍﻧﺴﺔ ﻭﺍﻟﻠﻪ ﻣﺎ
ﻛﺎﻥ ﻗﺼﺪﻱ .. ﺍﻋﺬﺭﻳﻨﻲ .. ﻻﻧﻲ ﺍﻧﺴﺎﻥ ﻭﻗﺢ ﻭﻣﺎ ﺍﻋﺮﻑ ﺍﻧﺎ ﺑﻌﺪﺗﺞ ﻋﻦ
ﺷﻨﻮ
ﻓﺎﺗﻦ ﻭﻫﻲ ﺗﺘﺤﺮﻙ ﺻﻮﺑﻪ : ﺍﻧﺖ ﻣﺎﻟﻚ ﺣﻖ .. ﺷﻬﺎﻟﺠﺮﺃﺓ ﺍﺗﻴﻲ ﻭﺗﻜﻠﻤﻨﻲ
ﺟﺬﻱ ﻭﺍﻧﺖ ﺍﺧﺮ ﻣﻦ ﻳﺘﻜﻠﻢ .؟؟
ﻣﺴﺎﻋﺪ : ﺍﻧﺎ ﺍﻭﻟﻬﻢ ﻳﺎ ﻓﺎﺗﻦ .. ﺍﻧﺘﻲ ﺍﺫﺍ ﻣﺎ ﺗﻌﺮﻓﻴﻦ ﺍﻧﺎﺍﻋﻠﻤﺞ .. ﺍﻧﺘﻲ
ﺍﻣﺎﻧﺔ .. ﺍﻣﺎﻧﺔ ﺑﺮﻗﺒﺘﻲ .. ﻭﺍﻧﺎ ﻣﺎﺧﺬﺗﺞ ﻋﺸﺎﻥ ﺳﻮﺍﺩ ﻋﻴﻮﻧﺞ ..
ﺑﺎﻟﻌﻜﺲ .. ﺍﻧﺎ ﻣﺎ ﺗﺨﻴﻠﺘﺞ ﺑﻴﻮﻡ ﻣﻦ ﺍﻻﻳﺎﻡ ﺯﻭﺟﺔ ﻟﻲ .. ﺍﻧﺎ ﺧﺬﺗﺞ
ﻋﺸﺎﻥ ﻭﺻﻴﺔ ﺍﺑﻮﺝ ﺍﻟﻠﻲ ﻛﺎﻥ ﻳﺘﻤﻨﻰ ﻣﻦ ﺑﻨﺘﻪ ﺍﻟﻠﻲ ﻳﺘﻐﻨﻰ ﺑﻬﺎ ﺍﻧﻬﺎ
ﺗﻜﻮﻥ ﺫﺍﺕ ﺷﺄﻥ ﺑﻬﺎﻟﺪﻧﻴﺎ .. ﺍﻧﺴﺎﻧﺔ ﻃﻤﻮﺣﺔ ﻭﺍﻧﺴﺎﻧﺔ ﺟﺒﻴﺮﺓ .. ﻛﺎﻥ
ﻳﺒﻲ ﻳﺠﺎﺯﻳﻬﺎ ﻋﻠﻰ ﺳﻨﻴﻦ ﺍﻟﺤﺮﻣﺎﻥ
ﻓﺎﺗﻦ ﺑﺪﻣﻊ : ﺍﺑﻮﻱ ﻣﺎ ﻛﺎﻥ ﻳﺒﻴﻨﻲ ﺍﻛﻮﻥ ﺟﺬﻱ .. ﺯﻭﺟﺔ ﺭﻳﺎﻝ ﻻ ﺍﺑﻴﻪ
ﻭﻻ ﻳﺒﻴﻨﻲ ..
ﻣﺴﺎﻋﺪ : ﺗﻘﺪﺭﻳﻦ ﺗﺘﺤﺪﻳﻦ ﻗﺪﺭﺝ؟؟ ﻧﺼﻴﺒﺞ؟؟ ﺍﻧﺘﻲ ﻋﺎﻟﻤﺔ ﺑﺎﻟﻐﻴﺐ؟؟
ﺍﺑﻮﺝ ﻣﺎﻛﺎﻥ .. ﻭﺷﻮﻓﻲ ﻋﻠﻰ ﻗﻮﻟﺘﺞ ﻭﻳﻦ ﻗﻄﺎﺍﺍﺍﺝ .. ﺷﻮﻓﻲ ﻳﺎ ﻓﺎﺗﻦ ..
ﺍﻧﺎ ﻣﺴﺘﻌﺪ ﺍﺗﺤﻤﻠﻚ ﻋﺸﺎﻥ ﺳﺒﺐ ﻭﺍﺣﺪ ﺑﺲ ... ﻭﻣﺎﻛﻮ ﻏﻴﺮﻩ .. ﻻﻧﺞ
ﺍﻣﺎﻧﺔ .. ﻭﺍﻻﻣﺎﻧﺔ ﻣﺎ ﻳﺘﻔﺮﻁ ﻓﻴﻬﺎ .. ﺍﻧﺘﻲ ﺍﺫﺍ ﺗﺒﻴﻦ ﺗﺮﺩﻳﻦ ﺍﻭﻛﻴﻪ .. ﻣﺎ
ﻋﻨﺪﻱ ﺃﻱ ﻣﺎﻧﻊ .. ﺑﺎﺟﺮ ﺍﺭﺩﺝ .. ﺑﺲ ﻓﻜﺮﺓ ﺍﻧﻨﺎ ﻧﻨﻔﺼﻞ ﺷﻴﻠﻴﻬﺎ ﻣﻦ
ﺑﺎﻟﺞ .. ﻧﻬﺎﺋﻴﺎ .. ( ﻳﻤﺴﻚ ﺫﺭﺍﻋﻴﻨﻬﺎ ﺑﻘﻮﺓ ﺑﺴﻴﻄﺔ ) ﺍﻧﺘﻲ ﺑﺘﺮﻭﺣﻴﻦ
ﻭﺑﺘﻴﻴﻦ .. ﻭﺍﻧﺘﻲ ﺣﺮﻡ ﻣﺴﺎﻋﺪ ﺍﻟﺪﺧﻴﻠﻲ .. ﺍﻧﺞ ﺗﻜﻮﻧﻴﻦ ﻓﺎﺗﻦ ﺍﻟﻴﺎﺳﻲ
ﻣﺮﺓ ﺛﺎﻧﻴﺔ .. ﻫﺬﺍ ﺣﻠﻢ ﺍﻧﺘﻲ ﺻﻌﺐ ﺗﻮﺻﻠﻴﻦ ﻟﻪ .. ﺳﺎﻣﻌﺘﻨﻲ ..
ﻓﺎﺗﻦ : ﺃﻱ ﻗﻠﺐ ﺣﺎﻣﻠﻪ ﺍﻧﺖ .. ﺍﻧﺖ ﺣﺎﻣﻞ ﺻﺨﺮ ﻓﻲ ﺻﺪﺭﻙ .. ﺍﻧﺖ ﻟﻮ
ﺗﻤﻮﺕ ﻣﺎ ﺑﺘﻌﺮﻑ ﻫﺎﻟﺸﻲ ﻻﻧﻚ ﻣﺎ ﺗﺤﺲ ﺑﺎﻟﺤﻴﺎﺓ ﻭﻻ ﺑﺸﻲ .. ﻭﺑﺘﺘﻌﻮﺩ
ﻋﻠﻰ ﺍﻟﻮﺿﻊ ..
ﻣﺴﺎﻋﺪ ﻳﺒﺘﺴﻢ ﺑﺴﺨﺮﻳﺔ : ﻋﺎﺩ ﺍﻧﺘﻲ ﺍﻟﻠﻲ ﺗﻌﺮﻓﻴﻦ ﺗﻌﻴﺸﻴﻦ ..
ﻓﺎﺗﻦ : ﺍﻧﺎ ﻋﺸﺖ .. ﻭﻣﺖ ﻣﻦ ﻳﻮﻡ ﻋﺮﻓﺘﻚ .. ﻣﻦ ﺍﻭﻝ ﻳﻮﻡ ﺷﻔﺘﻚ
ﻓﻴﻪ .. ﻋﺮﻓﺖ ﺍﻥ ﻟﻚ ﺷﻲ ﻓﻲ ﺣﻴﺎﺗﻲ .. ﺷﻲ ﺍﻧﺎ ﻣﺎ ﺍﺑﻴﻪ .. ﻣﺎ ﻛﻨﺖ
ﺍﻇﻦ ﺍﻧﻪ ﻫﺎﻟﺴﺠﻦ ﻭﻫﺎﻻﺟﺒﺎﺭ ..
ﻣﺴﺎﻋﺪ ﻭﻗﻠﺒﻪ ﻳﺘﻘﻄﻊ ﻣﻦ ﺩﺍﺧﻞ ﻟﻜﻦ ﻫﻴﻬﺎﺕ ﻓﺎﺗﻦ ﺗﺨﻠﻴﻪ ﻳﻨﻬﺎﺭ :
ﺷﻮﻓﻲ .. ﻛﺜﺮ ﺍﻟﻜﻼﻡ ﻣﺎﺑﻴﻔﻴﺪﺝ .. ﻋﻨﺪﺝ ﺍﻟﻠﻴﻠﺔ ﺑﻄﻮﻟﻪ ﺗﻔﻜﺮﻳﻦ .. ﻳﺎ
ﺗﺮﺩﻳﻦ ﺍﻟﻜﻮﻳﺖ .. ﻳﺎ ﺗﺘﻤﻴﻦ ﻫﻨﻲ .. ﻭﻋﺮﻓﻲ ﺷﻲ ﻭﺍﺣﺪ .. ﺍﻧﺎ ﻣﺴﺘﺤﻴﻞ
ﺍﺭﻓﺾ ﻟﺞ ﻃﻠﺐ .. ﺍﻻ ﻭﺍﺣﺪ .. ﺍﻻ ﻭﻫﻮ ﺯﻭﺍﺟﻨﺎ .. ﺑﻴﺘﻢ ﻋﻠﻰ ﺭﻗﺒﺘﺞ
ﻣﺜﻞ ﺣﺒﻞ ﺍﻟﻤﺸﻨﻘﺔ ..
ﺭﺍﺡ ﻋﻨﺪ ﺍﻟﻤﻄﺒﺦ ﻭﻫﻮ ﻳﺘﻨﻔﺲ ﻣﺜﻞ ﺍﻻﺳﺪ ﺍﻟﺠﺎﺋﺮ .. ﻳﺤﺲ ﺑﺎﻟﻘﻬﺮ ..
ﻳﺤﺲ ﺑﺎﻟﺪﻡ ﻳﻔﻮﺭ ﻓﻲ ﻋﺮﻭﻗﻪ .. ﻟﻴﺶ ﺍﻧﺎ؟؟؟ ﻟﻴﺶ ﺍﻫﻲ ..؟؟ ﻟﻴﺶ
ﺍﺣﻨﺎ ...
ﻭﻋﺸﺎﻥ ﻳﻨﻔﺲ ﻫﺎﻟﻌﺼﺒﻴﺔ ﺭﺍﺡ ﻋﻨﺪ ﺑﺎﺭ ﺍﻟﻤﻄﺒﺦ ﻭﺭﻣﻰ ﺑﻜﻞ ﺷﻲ
ﻣﻮﺟﻮﺩ ﻋﻠﻴﻪ ﻓﻲ ﺍﻻﺭﺽ ... ﻭﻓﺎﺗﻦ ﻣﻦ ﺷﺪﺓ ﺍﻟﺼﻮﺕ ﻧﻘﺰﺕ ﻣﻦ
ﻣﻜﺎﻧﻬﺎ .. ﻓﺠﺖ ﻋﻴﻮﻧﻬﺎ ﺑﺨﻮﻑ .. ﺷﻔﻴﻪ ﻫﺬﺍ .. ﻳﻦ ؟؟
ﻣﺴﺎﻋﺪ ﺑﺼﻮﺕ ﻋﺎﻟﻲ : ﺍﻗﻬﺮ ﻣﺎ ﻋﻠﻲ ﻓﻲ ﻫﺎﻟﺪﻧﻴﺎ ... ﻟﻤﻦ ﻳﻤﺸﻲ ﺷﻲ
ﻋﻜﺲ ﻣﺎ ﺍﺑﻲ ... ﻭﻫﺎﻟﺪﻧﻴﺎ ﻣﺎ ﻋﻤﺮﻫﺎ ﻣﺸﺖ ﺑﻴﻮﻡ ﺑﻤﺜﻞ ﻣﺎ ﺑﻐﻴﺖ ..
ﻭﻗﻒ ﻣﻜﺎﻧﻪ ﺩﻗﻴﻘﺔ ﻭﺣﺪﺓ ﻭﺭﻋﺪ ﺍﻟﺴﻤﺎ ﻳﻄﻖ ﺑﻬﺪﻭﺀ ﻭﻛﺄﻧﻪ ﻳﻬﺪﻱ
ﺍﻟﻮﺿﻊ .. ﻓﺎﺗﻦ ﻭﺍﻗﻔﺔ ﻋﻨﺪ ﺍﻟﺒﺎﺏ ﺑﺨﻮﻑ ﻭﻣﺴﺎﻋﺪ ﻋﻨﺪ ﻃﺎﻭﻟﺔ ﺍﻟﻤﻄﺒﺦ
ﺑﻬﺪﻭﺀ ﻭﻟﻜﻦ ﺍﻧﻔﺎﺳﻪ ﻣﺘﻼﺣﻘﺔ ﻣﺜﻞ ﺍﻟﻘﻄﺎﺭ ﺍﻟﺴﺮﻳﻊ ..
ﻓﻲ ﻣﺨﻴﻠﺔ ﻓﺎﺗﻦ ﻣﺎ ﺗﻮﻗﻌﺖ ﺑﻴﻮﻡ ﻣﻦ ﺍﻻﻳﺎﻡ ﺍﻧﻬﺎ ﺗﺸﻮﻑ ﺑﺮﻛﺎﻥ
ﻫﺎﻳﺞ .. ﻭﻟﻜﻨﻬﺎ ﺍﻟﻴﻮﻡ ﺷﺎﻓﺖ .. ﻻﻥ ﺷﻜﻞ ﻣﺴﺎﻋﺪ ﺗﻐﻴﺮ ﻣﻦ ﺍﻟﺒﺮﻭﺩ
ﺍﻟﻠﻲ ﻛﺎﻥ ﻛﺎﺳﺤﻪ ﺍﻟﻰ ﻧﻴﺮﺍﻥ ﺗﺘﺸﻌﻠﻞ .. ﻫﺬﺍ ﺍﻛﻴﺪ ﻣﻮ ﺻﺎﺣﻲ؟؟ ﻓﻴﻪ
ﺷﻲ؟؟ ﻛﻼﻣﻲ ﻳﻌﻨﻲ ﺳﻮﻯ ﻓﻴﻪ ﺟﺬﻱ؟؟ ﻭﻟﻴﺶ ﻳﻌﺼﺐ ﺩﺍﻣﻪ ﻣﺎ
ﻳﺒﻴﻨﻲ ﻣﺜﻞ ﻣﺎ ﺍﺑﻴﻪ؟ ﻟﻴﺶ ﻫﺎﻟﻨﺮﻓﺰﺓ ﺍﻟﺰﺍﻳﺪﺓ ؟؟ ﻳﻤﺜﻞ ﻋﻠﻲ ﻳﻌﻨﻲ
ﻭﻻ .. ﻭﻻ ﻫﻮ ﻟﻪ ﻣﻘﺼﺪ ﻣﻨﻬﺎ ..
ﺗﻢ ﻳﻬﺪﻱ ﺭﻭﺣﻪ ﻣﺴﺎﻋﺪ ﻭﻳﺬﻛﺮ ﺭﺑﻪ .. ﻭﻳﺘﻌﻮﺫ ﻣﻦ ﺍﻟﺸﻴﻄﺎﻥ ﺍﻟﻲ ﺧﻼﻩ
ﻳﻔﻘﺪ ﺍﻋﺼﺎﺑﻪ ﺩﻗﻴﻘﺔ ﻭﺣﺪﺓ .. ﻣﻮ ﺟﺬﻱ .. ﻣﺎﺑﻐﻴﺖ ﺍﻧﻲ ﺍﺛﻮﺭ ﺟﺬﻱ
ﺟﺪﺍﻣﻬﺎ .. ﻫﺎﻟﻤﻮﺍﺟﻬﺔ ﻭﺍﻳﺪ ﻣﺘﺴﺮﻋﺔ .. ﻣﺎﻛﺎﻥ ﻻﺯﻡ ﺍﻭﺍﺟﻬﻬﺎ ..
ﻣﺴﺎﻋﺪ : ﺍﻧﺎ ﺑﻄﻠﻊ ﺗﺒﻴﻦ ﺷﻲ؟؟؟
ﻓﺎﺗﻦ ﻛﺎﻧﺖ ﺍﻟﺜﺎﻧﻴﺔ ﺗﺒﻲ ﺗﻄﻠﻊ : .. ﻭﻳﻦ ﺑﺘﺮﻭﺡ؟
ﻣﺴﺎﻋﺪ ﻳﻨﺎﻇﺮﻫﺎ ﺑﻘﺮﻑ : ﻳﻬﻤﺞ؟
ﻓﺎﺗﻦ : ﺍﻧﺎ ﺑﻌﺪ ﺍﺑﻲ ﺍﻃﻠﻊ .. ﻣﺎﺑﻲ ﺍﺗﻢ ﻫﻨﻲ ﺑﺮﻭﺣﻲ ..
ﻣﺴﺎﻋﺪ ﺑﺴﺨﺮﻳﺔ : ﻭﺑﺘﺘﺤﻤﻠﻴﻦ ﺍﻥ ﻣﻌﺎﺝ ﺍﻛﺒﺮ ﻓﺮﺽ ﺑﺤﻴﺎﺗﺞ؟؟
ﻓﺎﺗﻦ : ﺧﻠﻚ ﺑﻌﻴﺪ ﻋﻨﻲ .. ﻭﻛﻞ ﺷﻲ ﻳﺼﻴﺮ ﺑﺨﻴﺮ ..
ﻣﺴﺎﻋﺪ ﻭﻫﻮ ﻳﺪﺧﻞ ﺩﺍﺭﻩ : ﺧﻤﺲ ﺩﻗﺎﻳﻖ ﻭﺗﺰﻫﺒﻴﻦ ..
ﺳﻜﺮ ﺍﻟﺒﺎﺏ ﻣﻦ ﻏﻴﺮ ﺃﻱ ﺍﻧﺘﻈﺎﺭ ﺍﻧﻬﺎ ﺗﺮﺩ ﻋﻠﻴﻪ .. ﻭﺍﻫﻲ ﺑﻌﺪ ﺳﺮﻋﺖ
ﺩﺍﺧﻞ ﺍﻟﺪﺍﺭ ﻭﺭﺍﺣﺖ ﻭﻃﻠﻌﺖ ﻟﻬﺎ ﺟﺎﻛﻴﺖ ﻣﻦ ﺍﻟﻜﺒﺖ .. ﻃﺎﻟﻌﺖ ﺛﻴﺎﺑﻬﺎ
ﺷﺎﻓﺘﻬﺎ ﻋﺎﺩﻳﺔ ﻭﻣﻨﺎﺳﺒﺔ .. ﺭﺍﺣﺖ ﺍﻟﺤﻤﺎﻡ ﻭﻏﺴﻠﺖ ﻭﻳﻬﻬﺎ ﻭﺭﺩﺕ ﺩﺍﺭﻫﺎ
ﻣﺮﺓ ﺛﺎﻧﻴﺔ .. ﻟﺒﺴﺖ ﺍﻟﻤﻘﻨﻊ ﻣﻦ ﺗﺤﺖ ﻭﻋﻠﻴﻪ ﺍﻟﺸﻴﻠﻪ ﺍﻟﺴﻮﺩﺍ ﺍﻟﻠﻲ ﺑﻨﺖ
ﺑﻴﺎﺽ ﺑﺸﺮﺗﻬﺎ ﻭﻭﻫﺞ ﺧﺪﻭﺩﻫﺎ ﺍﻟﻠﻲ ﻧﺒﻊ ﻣﻦ ﺍﻟﺒﺠﻲ .. ﻭﻃﻠﻌﺖ ﺑﺮﻩ
ﻟﻤﺴﺎﻋﺪ ﺍﻟﻠﻲ ﻛﺎﻥ ﻭﺍﻗﻒ ﻋﻨﺪ ﺍﻟﺒﺎﺏ ﻭﻻﺑﺲ ﺟﺎﻛﻴﺖ ﺑﻨﻲ ﻭﻟﻔﺎﻓﺔ ﻋﻠﻰ
ﺭﻗﺒﺘﻪ ...
ﻭﻣﻦ ﻏﻴﺮ ﺃﻱ ﻛﻼﻡ ﺗﺒﻌﺘﻪ ﺑﺮﻩ ﺍﻟﺒﻴﺖ .. ﻗﻔﻞ ﺍﻟﺒﺎﺏ ﻭﺣﻂ ﺍﻟﻤﻔﺎﺗﻴﺢ
ﺑﻤﺨﺒﺎﺗﻪ .. ﻭﻣﺸﻮﻭﻭ ...
ﻃﻠﻌﻮ ﻣﻦ ﺍﻟﺒﻨﺎﻳﺔ ﻭﻫﻢ ﻳﻤﺸﻮﻥ ﺑﻌﻴﺪ ﻋﻦ ﺑﻌﺾ .. ﺍﻟﻤﻄﺮ ﻭﻗﻒ ﻭﻇﻠﺖ
ﻗﻄﺮﺍﺕ ﺑﺴﻴﻄﺔ ﺗﺘﺴﺎﻗﻂ ﻣﻦ ﺍﻟﺴﻤﺎ ... ﻣﺴﺎﻋﺪ ﻣﻦ ﺯﻣﺎﻥ ﺳﺒﻖ ﻓﺎﺗﻦ
ﻭﺍﻫﻲ ﺗﻤﺸﻲ ﻭﺭﺍﻩ ﺗﺘﺒﻌﻪ ﻭﻟﻜﻦ ﻋﻦ ﺑﻌﺪ .. ﻭﺭﻓﻌﺖ ﻭﻳﻬﻬﺎ ﻟﻠﻤﻄﺮ
ﻋﺸﺎﻥ ﻳﺘﺒﻠﻞ ﻭﻳﻬﻬﺎ ﺑﻘﻄﺮﺍﺗﻪ ﺍﻟﻌﺬﺑﻪ .. ﻋﻞ ﻭﻋﺴﻰ ﻳﻄﻔﻲ ﻣﻦ ﻧﺎﺭ
ﺍﻟﺨﻮﻑ ﺍﻟﻠﻲ ﻓﻴﻬﺎ .. ﻭﺗﻔﻜﺮ ﻓﻲ ﻣﺴﺎﻋﺪ ﻭﺭﺩﺓ ﻓﻌﻠﻪ ﻣﻦ ﺍﻟﻠﻲ ﺻﺎﺭ
ﻛﻠﻪ ... ﻳﺎ ﺗﺮﻯ ﺍﻧﺴﺎﻥ ﻣﻨﺰﻫﻖ ﻣﻦ ﺍﻟﻠﻲ ﻣﺘﺰﻭﺟﻬﺎ ﻭﻣﺎ ﻳﺒﻴﻬﺎ ﻳﺘﺼﺮﻑ
ﺑﻬﺎﻟﺘﺼﺮﻑ؟؟ ﺷﻜﺜﺮ ﺍﻫﻮ ﻣﺴﺘﺒﺪ ﻭﻣﺘﻠﺒﺪ ﺍﻟﻤﺸﺎﻋﺮ .. ﻳﺒﺪﻱ ﻣﺸﺎﻋﺮ ﺍﻟﻐﻴﺮ
ﻋﻠﻰ ﻧﻔﺴﻪ .. ﻟﻜﻦ ﺍﻟﺤﻖ ﻳﻨﻘﺎﻝ .. ﻫﺬﺍ ﺭﻳﺎﻝ ﺍﻧﺎ ﻻﺯﻡ ﺍﺧﺎﻑ ﻣﻨﻪ ﻭﻣﺎ
ﺍﺟﺎﺩﻟﻪ .. ﻻﻧﻪ ﻣﺎ ﻳﺸﻮﻑ ﺷﻲ ﺣﺰﺓ ﺍﻟﻠﻲ ﻫﻮ ﻏﻀﺒﺎﻥ ..
ﻣﺴﺎﻋﺪ ﺑﻬﺬﺍﻙ ﺍﻟﻮﻗﺖ ﺗﻢ ﻳﺘﻨﻔﺲ ﺑﻌﻤﻖ ﻭﺍﻫﻮ ﻳﺘﺤﺴﺲ ﺧﻄﻮﺍﺕ
ﻓﺎﺗﻦ ﻭﺭﺍﻩ .. ﻭﺗﻢ ﻳﻤﺸﻲ ﻭﻻ ﻋﻠﻴﻪ ﺟﺎﻥ ﺗﺒﻌﺘﻪ ﻭﻻ ﻻﺀ .. ﺍﺻﻼ ﺍﻟﻴﻮﻡ
ﺑﻴﻤﺸﻲ ﻗﺪ ﻣﺎ ﻳﻘﺪﺭ ﻋﻞ ﻭﻋﺴﻰ ﻳﻨﺴﻰ .. ﻟﻜﻦ ﻭﻳﻦ ﻳﻨﺴﻰ ..
ﻣﺴﺘﺤﻴﻞ ﻳﻮﻡ ﻣﻦ ﺍﻻﻳﺎﻡ ﻳﺘﺨﻄﻰ ﻣﺜﻞ ﻫﺎﻟﺘﺠﺮﺑﺔ ﺍﻟﻨﻔﺴﻴﺔ ﺍﻟﻘﺎﺳﻴﺔ ...
ﺗﻮﻗﻒ ﻓﻲ ﻭﻳﻬﻪ ﻭﻻ .. ﺗﻘﻮﻝ ﻟﻪ ﻋﻴﻨﻲ ﻋﻴﻨﻚ .. ﻣﺎ ﺍﺑﻴﻚ .. ﺷﻠﻮﻥ
ﺧﺬﺗﻨﻲ .. ﻣﺎﺍﺑﻴﻚ ﺟﺰﺀ ﻓﻲ ﺣﻴﺎﺗﻲ؟؟ ﻭﺍﺣﺪ ﻏﻴﺮﻩ ﻳﺬﺑﺤﻬﺎ ﻭﻳﺸﺮﺏ
ﻣﻦ ﺩﻣﻬﺎ ﻟﻜﻦ ﺍﻫﻮ ﺍﻟﺤﻴﺎ ﻣﻨﻪ ﻣﺎ ﺳﻮﻯ ﻓﻴﻬﺎ ﺷﻲ ... ﺣﺲ ﻧﻔﺴﻪ
ﻣﺴﻠﻮﻭﻭﺏ ﺍﻻﺭﺍﺩﺓ .. ﻭﻓﺎﺗﻦ – ﻋﻠﻰ ﺍﻟﺮﻏﻢ ﻣﻨﻪ - ﻣﻌﻠﻘﺘﻪ ﻣﺎﺑﻴﻦ ﺍﻟﺠﻨﺔ
ﻭﺍﻟﻨﺎﺭ .. ﻭﻣﺒﻴﻦ ﺍﻧﻪ ﻃﺎﻳﺢ ﺑﺎﻟﻨﺎﺭ ﻭﻫﻮ ﻭﻻ ﺩﺍﺭﻱ .. ﻭﺍﻻ ﺍﻟﺠﻨﻪ ﺑﻌﻴﺪﺓ
ﻛﻞ ﺍﻟﺒﻌﺪ ﻋﻨﻬﻢ ..
ﻇﻠﻮﻭﺍ ﻳﻤﺸﻮﻥ ﻭﻳﻤﺸﻮﻥ ... ﻭﺍﻟﺸﻤﺲ ﺗﻮﻫﺎ ﺑﺘﺸﺮﻕ ... ﻳﺎ ﺗﺮﻯ
ﻫﺎﻟﺼﺒﺢ ﺍﻟﻠﻲ ﺑﺘﺸﺮﻕ ﻋﻠﻴﻪ ﺍﻟﺸﻤﺲ .. ﻓﻲ ﻣﻨﻪ ﺍﻟﺨﻴﺮ ﻋﺸﺎﻥ ﻓﺎﺗﻦ
ﻭﻣﺴﺎﻋﺪ .. ﻳﻠﻘﻮﻥ ﺣﻞ ﻟﻤﺸﻜﻠﺘﻬﻢ؟؟؟
-----------------------------
ﻓﻲ ﺍﻟﻜﻮﻳﺖ .. ﺣﺰﺓ ﺍﻟﻈﻬﺮ .. ﺟﺮﺍﺡ ﺗﺤﺮﻙ ﻣﻦ ﺍﻟﺒﻴﺖ ﻣﺒﺠﺮ .. ﻳﺒﻲ
ﻳﺮﻭﺡ ﺍﻟﺠﺎﻣﻌﺔ ﻋﺸﺎﻥ ﻳﻘﺪﻡ ﺍﻭﺭﺍﻕ ﺍﻻﻧﺴﺤﺎﺏ ﻭﻣﺮﺓ ﻭﺣﺪﺓ ﻳﻤﺮ ﻋﻠﻰ
ﻣﻜﺘﺐ ﻣﻘﺎﻭﻻﺕ ﻋﺸﺎﻥ ﺗﺮﻣﻴﻢ ﺍﻟﺒﻴﺖ ﻭﺑﻨﺎﺀ ﻣﻠﺤﻖ ﻟﺨﺎﻟﺪ ﻓﻴﻪ ﻭﻳﻤﺮ
ﻋﻠﻰ ﺍﻟﺒﻨﺎﺕ ﻭﺍﻻﻭﻻﺩ ﻣﻦ ﺍﻟﻤﺪﺭﺳﺔ .. ﻭﻃﻮﻝ ﻫﺎﻟﻮﻗﺖ ﺗﻢ ﻳﻔﻜﺮ ﻓﻲ
ﻣﺮﻳﻢ ﻭﻧﻈﺮﺍﺗﻬﺎ ﻟﻪ .. ﺻﺞ ﺍﻧﻬﺎ ﻛﺎﻧﺖ ﺗﺒﻲ ﺗﺸﺮﺏ ﻣﻦ ﺩﻣﻪ ..ﻟﻜﻦ ﺍﻫﻮ
ﻣﺎﻟﻪ ﺫﻧﺐ ﻳﻮﻡ ﺍﻥ .. ﺷﺴﻤﻬﺎ؟؟ ﻏﺰﻻﻥ؟ .. ﺃﻱ ﺍﺳﻤﻬﺎ ﻏﺰﻻﻥ .. ﻛﺎﻧﺖ
ﻣﻮﺟﻮﺩﺓ ﻓﻲ ﺍﻟﺒﻴﺖ .. ﺍﻫﻮ ﺭﺍﺩ ﺍﻟﺒﻴﺖ ﻣﺴﺘﺎﻧﺲ ﻭﺍﻫﻲ ﺑﺼﺮﺍﺣﺔ
ﺧﺮﺑﺖ ﻋﻠﻴﻪ ﻭﻧﺎﺳﺘﻪ .. ﻣﺮﻳﻢ ﺍﻟﻠﻪ ﻳﻬﺪﺍﻫﺎ ﻋﻠﻴﻬﺎ ﻋﻘﻠﻴﺔ ﻭﺣﺪﺓ ﻣﻦ
ﺯﻣﻦ ﺍﻟﺠﺎﻫﻠﻴﺔ .. ﺧﻼﺹ ﺍﻧﺎ ﻃﺎﻟﻌﺖ ﺍﻟﺒﻨﺖ ﻭﻃﻠﻌﺖ ﺗﻌﺮﻓﻨﻲ ﻣﻌﻨﺎﺗﻪ
ﺍﺣﻨﺎ ﺑﻴﻨﻨﺎ ﻋﻼﻗﺔ .. ﻭﺍﻟﻠﻪ ﺍﻟﻠﻲ ﻳﺤﻂ ﻣﺨﻪ ﺑﻤﺦ ﺍﻟﺒﻨﺎﺕ ﻳﻌﻴﺰ ﺣﻴﻠﻪ ..
ﻭﺻﻞ ﺍﻟﺠﺎﻣﻌﺔ ﻭﻣﺎ ﻳﻨﻜﺮ ..ﺍﻥ ﻓﻲ ﻗﻠﺒﻪ ﻳﺎﺕ ﺍﻣﻨﻴﺔ ﻗﻮﻳﺔ ﻟﻮ ﺍﻧﻪ
ﻳﺸﻮﻑ ﻣﺮﻳﻢ ﻫﻨﺎﻙ .. ﻃﺒﻌﺎ ﻣﺮﻳﻢ ﺗﺪﺭﺱ ﻓﻲ ﻛﻠﻴﺔ ﺍﻟﺘﺠﺎﺭﺓ ﻧﻔﺴﻬﺎ
ﺍﻟﻠﻲ ﻳﺪﺭﺱ ﻓﻴﻬﺎ ﺟﺮﺍﺡ .. ﻭﻟﻼﺳﻒ ﺍﻟﺸﺪﻳﺪ ﺍﻧﻪ ﻣﻀﻄﺮ ﻳﻨﺴﺤﺐ
ﻫﺎﻟﻜﻮﺭﺱ ﻭﺍﻻ ﺭﺍﺣﺖ ﻋﻠﻴﻬﺎ ﻛﻞ ﻳﻮﻡ ﻓﺎﺝ ﻭﻳﻬﻲ ﻓﻲ ﻭﻳﻬﻬﺎ ..
ﻫﻬﻬﻬﻬﻬﻬﻬﻬﻬﻬﻬﻬﻬﻪ ﻓﺪﻳﺖ ﻭﻳﻬﻬﺎ ﻭﺍﻟﻠﻪ ﻳﺎﺣﻠﻮﻫﺎ ﻭﺍﻫﻲ ﻣﻌﺼﺒﺔ .. ﺟﻨﻬﺎ
ﺟﺎﻛﻠﻴﺖ ﻋﻠﻰ ﻛﺎﻛﺎﻭ ..
ﺩﺧﻞ ﺩﺍﺧﻞ ﺍﻟﻜﻠﻴﺔ ﻭﻋﻠﻰ ﻃﻮﻝ ﻣﻜﺘﺐ ﺍﻟﺘﺴﺠﻴﻞ .. ﻗﺪﻡ ﺍﻻﻭﺭﺍﻕ
ﻭﺍﻧﺴﺤﺐ ﻭﻛﻞ ﺷﻲ ﺻﺎﺭ ﻭﺯﻫﺐ .. ﻓﻠﻘﻰ ﺍﻧﻪ ﻋﻨﺪﻩ ﻭﻗﺖ ﺷﻮﻱ
ﻋﺸﺎﻥ ﻳﺘﻔﺮﺭ ﻭﻳﻤﻜﻦ ﻳﺸﻮﻑ ﺣﺪ ﻣﻦ ﺭﺑﻌﻪ ﺍﻭ ... ﻳﺸﻮﻑ ﻣﺮﻳﻢ ..
ﻓﺮﺍﺡ ﻻﺳﺘﺮﺍﺣﺔ ﻣﻌﺮﻭﻭﻭﻓﺔ ﻓﻲ ﺍﻟﺠﺎﻣﻌﺔ ﻭﺩﺧﻞ .. ﺗﻢ ﻳﻨﺎﻇﺮ ﻭﻳﻨﺎﻇﺮ
ﺍﻟﻨﺎﺱ ﺟﺎﻥ ﻓﻴﻬﺎ ﺍﺣﺪ ﻟﻜﻦ ﻣﺎ ﺷﺎﻑ ﺍﻻ ﻭﺍﺣﺪ ﻣﻦ ﺍﻟﺸﺒﺎﺏ ... ﻋﺎﻳﺾ
ﺍﻟﺴﺎﻟﻢ .. ﺍﺑﺘﺴﻢ ﺟﺮﺍﺡ ﻳﻮﻡ ﺷﺎﻓﻪ .. ﻫﺬﺍ ﻋﺎﻳﺾ ﺻﺎﺣﺐ ﺍﻛﺒﺮ ﺳﻤﻌﺔ
ﺑﻴﻦ ﺍﻟﺒﻨﺎﺕ .. ﻃﺒﻌﺎ ﻣﺎﻫﻲ ﺷﻴﻨﺔ ﺑﺎﻟﻌﻜﺲ .. ﻣﻌﺮﻭﻑ ﻋﻨﻪ ﺑﻤﺴﺎﻋﺪﺗﻪ
ﺍﻟﻤﻘﺼﻮﺭﺓ ﻟﻠﺒﻨﺎﺕ ﻓﻲ ﺍﻟﺒﺤﻮﺙ ﻭﺍﻟﺒﺮﻭﺟﻜﺘﺎﺕ ﻭﻣﻦ ﻫﺎﻟﺴﻮﺍﻟﻒ ..
ﻳﺎﺣﺒﻪ ﻟﺤﺮﻑ ﺍﻟﺒﺎﺀ .. ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻋﺎﻳﺾ : ﻻ ﻣﺎﺻﺪﻕ .. ﺟﺮﺍﺡ ﺍﻟﻴﺎﺳﻲ ﺑﻜﺒﺮﻩ ﻫﻨﻲ ... ﺗﻮ ﻣﺎ ﻧﻮﺭﺕ
ﺍﻟﻜﻠﻴﺔ
ﺟﺮﺍﺡ ﻭﻫﻮ ﻳﺒﺘﺴﻢ ﺍﺑﺘﺴﺎﻣﺘﻪ ﺍﻟﻠﻲ ﺗﺨﺒﻞ : ﻫﻼ ﻓﻴﻚ ﺍﻟﻌﻴﺾ ..
ﺷﺨﺒﺎﺭﻙ ﻋﺴﺎﻙ ﺍﺑﺨﻴﺮ؟
ﻋﺎﻳﺾ : ﺍﻟﺤﻤﺪ ﻟﻠﻪ ﺍﺑﺨﻴﺮ .. ﻫﺎ ﺍﻻ ﻧﺎﺳﻲ ﺩﺭﺑﻚ ﺍﻟﻴﻮﻡ؟
ﺟﺮﺍﺡ : ﻻ ﻳﺎﺧﻮﻙ ﺑﺲ ﺍﻟﻴﻮﻡ ﺍﻧﺎ ﻳﺎﻱ ﺍﻗﺪﻡ ﺍﻭﺭﺍﻕ ﺍﻧﺴﺤﺎﺑﻲ ﻣﻦ
ﻫﺎﻟﻜﻮﺭﺱ ..
ﻋﺎﻳﺾ ﺍﻟﻲ ﻳﺪﺭﻱ ﺑﻮﻓﺎﺓ ﺍﺑﻮ ﺟﺮﺍﺡ ﻭﺣﻀﺮ ﺍﻟﻌﺰﺍ : ﺃﻱ ... ﻳﺎﻟﻠﻪ ﻣﻌﻠﻴﻪ
ﺧﻴﺮﻫﺎ ﺑﻐﻴﺮﻫﺎ ..
ﺟﺮﺍﺡ : ﺃﻱ ﻭﺍﻟﻠﻪ .. ﺯﻳﻦ .. ﺍﻧﺖ ﺷﺘﺴﻮﻱ ﻫﻨﻲ؟
ﻋﺎﻳﺾ ﺑﺎﺑﺘﺴﺎﻣﺔ ﻣﺎﻛﺮﺓ : ﺑﻌﺪ ﺧﺒﺮﻙ .. ﺍﻧﺎ ﺍﺧﻮ ﺍﻻﺧﻮﺍﺕ ﻫﻨﻲ ..
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻭﻳﻦ ﻣﺎ ﻳﺒﻮﻥ ﺍﺿﻐﻄﻮﻥ ﻋﻠﻰ ﺍﻟﺠﺮﺱ ﻭﻋﺎﻳﺾ
ﻣﻮﺟﻮﺩ
ﺟﺮﺍﺡ : ﺍﻳﺤﻜﻮﻥ ﺍﻟﻤﺼﺒﺎﺡ ﻭﺍﻧﺖ ﺍﻟﺼﺎﺝ ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻋﺎﻳﺾ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﺗﻤﻮ ﺍﻻﺛﻨﻴﻦ ﺍﻳﺴﻮﻟﻔﻮﻥ ﻭﻫﻢ ﻭﻗﻮﻑ .. ﻭﺍﻟﺒﻨﺖ ﺍﻟﻠﻲ ﻛﺎﻧﺖ ﻗﺎﻋﺪﺓ ﻋﻠﻰ
ﻃﺮﻑ ﺑﻌﻴﺪ ﻭﻣﺎ ﺗﻨﺸﺎﻑ ﻛﺎﻧﺖ ﺣﺎﺿﺮﺓ ﻟﻬﺎﻟﻤﺤﺎﺩﺛﺎﺕ .. ﻋﺮﻓﺘﻮﻫﺎ؟؟ ﺃﻱ
ﻭﺍﻟﻠﻪ ﻣﺮﻳﻢ ﻣﺎﻛﻮ ﻏﻴﺮﻫﺎ .. ﻗﺎﻟﺘﻬﺎ ﻟﻜﻢ ﺍﻫﻲ ﻣﺤﺪ ﺍﻳﻲ ﻫﺎﻟﺤﺰﺓ ﺍﻻ
ﺍﻫﻲ .. ﻭﺑﺎﻟﺼﺪﻓﺔ ﻛﺎﻧﺖ ﻗﺎﻋﺪﺓ ﻋﻨﺪ ﺷﻠﺔ ﻟﻠﺒﻨﺎﺕ ﻳﺴﻮﻟﻔﻮﻥ
ﻭﻳﻀﺤﻜﻮﻥ ﻋﻠﻰ ﺭﺍﺣﺘﻬﻢ .. ﻭﺍﻟﻈﺎﻫﺮ ﺍﻧﻬﻢ ﺑﻌﺪ ﺣﻀﻮﺭ ﻋﻠﻰ
ﻫﺎﻟﻮﺍﻗﻔﻴﻦ ..
ﻭﺣﺪﺓ ﻣﻦ ﺍﻟﺒﻨﺎﺕ : ﻭﺍﺍﺍﺍﺍﺍﻱ ﺷﻮﻓﻲ ﺍﻻﺳﻤﺮﺍﻧﻲ ﻓﺪﻳﺘﻪ
ﺍﻟﺜﺎﻧﻴﺔ : ﻻ ﻻ ﺧﻠﺞ ﻣﻨﻪ ﺷﻮﻓﻲ ﺍﻟﺤﺎﺳﺮ ﻓﺪﻳﺖ ﻫﺎﻟﻄﻮﻝ ﻭﺍﻟﻠﻪ ..
ﻭﺣﺪﻩ ﺛﺎﻟﺜﺔ : ﺗﺼﺪﻗﻮﻥ .. ﻋﺎﻳﺾ ﺣﻠﻮ .. ﻟﻜﻦ ﺍﻟﻠﻲ ﻭﻳﺎﻩ ﺍﺣﻠﻰ ..
ﻣﺎﺩﺭﻱ ﻓﻴﻪ ﺷﻲ ﻋﺠﻴﺐ ..
ﺍﻟﺜﺎﻧﻴﺔ : ﻟﻴﺶ ﺍﻧﺘﻲ ﺗﻌﺮﻓﻴﻨﻪ
ﺍﻟﺜﺎﻟﺜﺔ : ﻻﻣﺎﻋﺮﻓﻪ ﺑﺲ ﻛﻨﺖ ﺍﺷﻮﻓﻪ .. ﻣﺎﺷﺎﺀ ﺍﻟﻠﻪ ﻣﺤﺘﺮﻡ ﻭﻟﻮ ﺍﻥ ﻓﻲ
ﺑﻨﺎﺕ ﻳﺘﻌﺮﺿﻮﻥ ﻟﻪ ..
ﺍﻟﺜﺎﻧﻴﺔ : ﺃﻱ ﻣﺎﺷﺎﺀ ﺍﻟﻠﻪ ﻋﻠﻴﻪ ﺍﻟﻠﻪ ﻳﻬﻨﻴﻬﺎ ﺍﻟﻠﻲ ﺑﺘﺼﻴﺒﻪ ..
ﺍﻻﻭﻟﻰ : ﺗﺪﺭﻭﻥ .. ﺍﻧﺎ ﻭﺩﻱ ﻓﻲ ﻭﺍﺣﺪ ﻳﺤﺒﻨﻲ ﺟﺬﻱ
ﺍﻟﺜﺎﻟﺜﺔ : ﺍﻻﺳﻤﺮ ﻭﻻ ﺍﻻﺑﻴﺾ
ﺍﻻﻭﻟﻰ : ﺍﻻﺳﻤﺮ .. ﻟﻜﻦ ﺍﻻﺑﻴﺾ ﻣﺎﺩﺭﻱ ﺷﻌﻠﻴﻪ ... ﺷﻜﻠﻪ ﺟﻨﺘﻠﻤﺎﻥ
ﻭﺣﺒﻮﺏ
ﺍﻟﺜﺎﻧﻴﺔ : ﺍﻳﻴﻴﻴﻴﻴﻴﻴﻴﻴﻴﻴﻴﻴﻴﻪ ﻳﻼ ﺍﻟﻠﻪ ﻛﺮﻳﻢ
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻣﺮﻳﻢ ﺍﻟﻠﻲ ﻛﺎﻥ ﻣﻦ ﺍﻟﻤﻤﻜﻦ ﺍﻧﻬﺎ ﺗﻬﻴﺞ ﻭﺗﻌﺼﺐ .. ﻣﺎ ﺳﻮﺕ ﺷﻲ ﻏﻴﺮ
ﺍﻧﻬﺎ ﻧﺰﻟﺖ ﺭﺍﺳﻬﺎ ﻭﺍﻫﻲ ﺗﺒﺘﺴﻢ ... ﺻﺞ ﺍﻧﻪ ﺟﻨﺘﻠﻤﺎﻥ .. ﻭﺻﺞ ﺍﻥ ﻳﺎ
ﺣﻈﻲ ﻓﻴﻪ ﻭﻓﻲ ﺣﻼﻩ .. ﻭﻓﻲ ﻃﻴﺒﺔ ﻗﻠﺒﻪ ﻭﺣﻼﻭﺓ ﺭﻭﺣﻪ .. ﻟﻜﻦ ..ﺍﻫﻮ
ﻟﻴﺶ ﺳﻮﻯ ﺟﺬﻱ ﻭﻳﺎ ﻏﺰﻻﻧﻮﻭ ﺍﻟﺴﺒﺎﻟﺔ؟؟ ﻳﻌﻨﻲ ﺍﻥ ﺍﺍﺳﺘﺎﻫﻞ ﻣﻨﻪ؟؟
ﻫﺬﻱ ﺗﺼﺮﻓﺎﺕ ﻭﺍﺣﺪ ﺑﺎﻟﻠﻪ ﻋﻠﻴﻪ ﻳﺸﻮﻑ ﺣﺒﻴﺒﺘﻪ ﺍﻟﻠﻲ ﻫﻲ ﺍﻧﺎ؟؟؟
ﻳﻮﻡ ﺭﻓﻌﺖ ﺭﺍﺳﻬﺎ ﻣﺮﻳﻢ ﻭﺍﻫﻲ ﺗﻄﺎﻟﻌﻪ ﻻﺣﻈﺖ ﺍﻧﻪ ﺷﺎﻓﻬﺎ ﻭﻟﻜﻦ
ﻋﻴﻮﻧﻪ ﻛﺎﻧﺖ ﻣﺘﻌﻠﻘﺔ ﻓﻴﻬﺎ ﺑﺸﻜﻞ ﻏﻴﺮ ﻃﺒﻴﻌﻲ .. ﻭﻛﺄﻧﻪ ﻣﻨﺼﺪﻡ
ﻭﻓﺮﺣﺎﻥ ﻋﻠﻰ ﻫﺎﻟﺼﺪﻣﺔ ... ﻭﻣﺴﺮﻉ ﻣﺎ ﺑﻌﺪ ﻋﻴﻮﻧﻪ ﻳﻮﻡ ﺣﺲ ﺍﻧﻬﺎ
ﺗﻄﺎﻟﻌﻪ ﺑﻌﺪ .. ﺍﺑﺘﺴﻤﺖ ﺑﺤﻴﺎ ﻣﺮﻳﻢ ﻭﺍﺳﺘﺤﺖ ﻋﻠﻯﻮﻳﻬﻬﺎ ..
ﺷﻬﺎﻟﺤﺮﻛﺎﺕ .... ﻟﻜﻦ ﻟﺤﻈﻪ؟؟؟؟؟؟
ﺭﻓﻌﺖ ﺭﺍﺳﻬﺎ ﻫﺎﻟﻤﺮﺓ ﺑﺼﺪﻣﺔ .. ﻫﺬﺍ ﻣﻨﻮ ﺍﻟﻠﻲ ﻭﺍﻗﻒ ﻭﻳﺎﻩ؟؟ ﺗﻮﻩ
ﻣﻠﺘﻔﺖ ﻋﺎﻳﺾ ﻭﻗﺪﺭﺕ ﻣﺮﻳﻢ ﺗﺸﻮﻑ ﺷﻜﻠﻪ ... ﻣﺴﻮﺩ ﺍﻟﻮﻳﻪ ﻣﺎﻏﻴﺮﻩ؟؟
ﺷﺴﻮﻯ ﺟﺮﺍﺡ ﻭﻳﺎﻩ؟؟ ﻻ ﻳﻜﻮﻥ ﺍﺭﻓﻴﺠﻪ ..
ﻭﻣﺎ ﻗﺪﺭﺕ ﺍﻧﻬﺎ ﺗﺘﺎﺑﻊ ﺍﻓﻜﺎﺭﻫﺎ ﻻﻥ ﺻﺎﺭ ﻭﻗﺖ ﺍﻟﻤﺤﺎﻇﺮﺓ .. ﺍﻫﻲ ﻣﺎ ﺷﺎ
ﺀ ﺍﻟﻠﻪ ﻋﻠﻴﻬﺎ ﻣﺎ ﺗﺤﺐ ﺗﻠﺒﺲ ﺳﺎﻋﺎﺕ ﻭﻋﺸﺎﻥ ﺗﺘﻨﺒﻪ ﻟﻮﻗﺖ ﺍﻟﻤﺤﺎﻇﺮﺓ
ﺗﺴﻮﻱ ﻟﻬﺎ alarm ﻗﺒﻞ ﺍﻟﻤﺤﺎﻇﺮﺓ ﺑﺮﺑﻊ ﺳﺎﻋﺔ ﻋﺸﺎﻥ ﺗﻘﺪﺭ ﺗﺘﺤﺮﻙ ..
( ﻫﺬﻱ ﺍﻧﺎ ﺟﺬﻱ ﻫﻴﻬﻴﻬﻴﻬﻴﻮ ) ﻭﺭﻥ ﺍﻝalarm ﺑﻬﺬﺍﻙ ﺍﻟﻮﻗﺖ ﻭﺻﺎﺭ
ﻋﻠﻴﻬﺎ ﺍﻧﻬﺎ ﺗﺘﺤﺮﻙ .. ﻭﻳﻮﻡ ﻗﺎﻣﺖ ﻗﺎﺑﻠﺘﻬﺎ ﻧﻈﺮﺍﺕ ﺟﺮﺍﺡ ﺍﻟﻤﺘﺴﺎﺋﻠﺔ ﻋﻦ
ﺍﻟﻤﻜﺎﻥ ﺍﻟﻠﻲ ﺑﺘﺮﻭﺣﻪ .. ﻟﻜﻦ ﺍﻫﻲ ﻣﺎ ﻗﺪﺭﺕ ﺗﺤﻂ ﻋﻴﻨﻬﺎ ﺑﻌﻴﻨﻪ ﺍﻃﻮﻝ
ﻋﺸﺎﻥ ﻻ ﺍﺣﺪ ﻳﻼﺣﻆ .. ﻭﻣﺮﺕ ﻣﻦ ﺻﻮﺑﻬﻢ ﺑﺴﺮﻋﺔ ﻭﻃﻠﻌﺖ ﻣﻦ
ﺍﻻﺳﺘﺮﺍﺣﺔ ..
ﻃﺒﻌﺎ ﻋﺎﻳﺾ ﻣﺎ ﺭﺍﺣﺖ ﻣﺮﻳﻢ ﻋﻦ ﻋﻴﻮﻧﻪ ﺍﻻ ﺑﻌﺪ ﻣﺎ ﺍﻛﻠﻬﺎ ﺃﻛﻞ .. ﻭﺗﻢ
ﺳﺎﻛﺖ ﻭﻫﻮ ﻳﻄﺎﻟﻌﻬﺎ ﻭﺟﺮﺍﺡ ﺍﻟﻠﻲ ﻳﺒﻲ ﻳﺘﺮﺧﺺ ﻭﻳﻠﺤﻘﻬﺎ ﻳﺴﺘﺄﺫﻥ
ﺑﻌﺪ ..
ﺟﺮﺍﺡ : ﺯﻳﻦ ﻋﺎﻳﺾ ﺍﻧﺎ ﺑﺨﻠﻴﻚ ﺍﻟﺤﻴﻦ ..
ﻋﺎﻳﺾ : ﺣﺘﻯﺎﻧﺎ ﺑﻌﺪ .. ﻳﺎﻟﻠﻪ ﺍﺧﻠﻴﻚ ..
ﺗﻮﻫﻢ ﺑﻴﻄﻠﻌﻮﻥ ﺍﻻ ﺑﻨﺖ ﺗﻨﺎﺩﻱ ﻋﺎﻳﺾ ..
ﺍﻟﺒﻨﺖ : ﻟﻮ ﺳﻤﺤﺖ ﺍﺥ ﻋﺎﻳﺾ ...
ﺍﻟﺘﻔﺖ ﻋﺎﻳﺾ ﻭﺣﺲ ﺍﻥ ﻫﺬﺍ ﻣﻮ ﻭﻗﺘﻪ : ﻩ ﻩ ﻫﻼ ﺍﺧﺘﻲ ... ﺍﻣﺮﻱ ..
ﺟﺮﺍﺡ ﻣﺎ ﻭﻗﻒ ﻳﻨﺘﻈﺮﻩ ﻭﻋﻠﻰ ﻃﻮﻝ ﻃﻠﻊ ﻣﻦ ﺍﻻﺳﺘﺮﺍﺣﺔ ﻭﺭﻯ
ﻣﺮﻳﻢ ... ﻭﻣﺎﺻﺎﺭ ﻟﻪ ﺛﻮﺍﻧﻲ ﺍﻻ ﻭﺍﻫﻲ ﺟﺪﺍﻣﻪ .. ﺷﻠﻮﻥ ﻋﺮﻓﻬﺎ؟؟ ﺍﻧﺎ
ﺍﻗﻮﻝ ﻟﻜﻢ ..
ﻓﻲ ﺫﻛﺮﻯ ﻣﻦ ﺫﻛﺮﻳﺎﺕ ﺟﺮﺍﺡ ﻟﻤﺮﻳﻢ ﺍﻧﻬﺎ ﻛﺎﻧﺖ ﺗﻤﺸﻲ ﻣﺜﻞ
ﺍﻟﺼﺒﻴﺎﻥ .. ﻳﻌﻨﻲ ﻣﺸﻴﻪ ﺟﻨﻘﻞ .. ﻟﻜﻦ ﻳﻮﻡ ﺟﺮﺍﺡ ﻋﻠﻖ ﻋﻠﻴﻬﺎ ﺗﻤﺖ
ﺗﻐﻴﺮ ﻓﻲ ﻫﺎﻟﻤﺸﻴﺔ ﺍﻟﻰ ﺷﻲ ﺍﻟﻌﻦ .. ﻣﺸﻴﺔ ﺍﻟﻌﺎﺭﺿﺎﺕ .. ﻟﻜﻦ ﻓﺎﺗﻦ
ﺑﻴﻮﻡ ﻣﻦ ﺍﻻﻳﺎﻡ ﻗﻌﺪﺕ ﻭﻳﺎﻫﺎ ﻋﻨﺪ ﺣﻮﺵ ﺍﻟﺒﻴﺖ ﺍﻟﻮﺭﺍﻧﻲ ﻭﺗﻤﺖ
ﺗﻌﻠﻤﻬﺎ ﻣﺸﻴﺔ ﺍﻟﺜﻨﺘﻴﻦ ﺗﻌﻮﺩﻭﺍ ﻋﻠﻴﻬﺎ .. ﻭﺗﻤﻮ ﻳﻤﺸﻮﻥ ﻋﻠﻴﻬﺎ .. ﻭﺍﻟﻠﻲ
ﻳﺸﻮﻑ ﻣﺮﻳﻢ ﻭﻓﺎﺗﻦ ﻣﻦ ﻭﺭﻯ ﻣﺎ ﻳﻘﺪﺭ ﻳﻔﺮﻕ ﺃﻱ ﻭﺣﺪﻩ ﻣﻦ ﺍﻟﺜﺎﻧﻴﺔ ..
ﺍﻻ ﺍﺫﺍ ﺍﻟﺘﻔﺘﻮ ﻃﺒﻌﺎ ...
ﻭﺗﻢ ﺟﺮﺍﺡ ﻳﻤﺸﻲ ﻭﺭﺍﻫﺎ ﺑﻜﻞ ﻫﺪﻭﺀ ﻭﺍﻫﻲ ﻳﺮﻥ ﺗﻠﻔﻮﻧﻬﺎ ... ﻛﺎﻧﺖ
ﺍﺧﺘﻬﺎ ﻧﻮﺭﺓ ..
ﻣﺮﻳﻢ : ﻫﺎ ﻧﻮﺭﺓ ..
ﻧﻮﺭﺓ : ﻫﻼ ﻓﻴﺞ ﻭﻳﻨﺞ ﺍﻧﺘﻲ؟
ﻣﺮﻳﻢ : ﻋﻨﺪﻱ ﻣﺤﺎﻇﺮﺓ ﺑﺮﻭﺣﻬﺎ ﺍﻟﺤﻴﻦ
ﻧﻮﺭﺓ : ﺍﻓﺎ .. ﻭﺍﻟﻠﻪ ﺑﻐﻴﺘﺞ ﺍﺗﻴﻴﻦ ﻭﻳﺎﻱ ..
ﻣﺮﻳﻢ : ﺗﻮﺝ ﻣﺘﻔﺮﻏﺔ .. ﺳﻜﺘﻲ ﻧﻮﺭﻭ ﺑﻘﻮﻝ ﻟﺞ ﺷﻲ
ﻧﻮﺭﺓ : ﻫﻼ ﺷﻔﻴﺞ؟
ﻣﺮﻳﻢ ﺑﻮﻧﺎﺳﺔ : ﺟﺮﺍﺡ ﻭﻟﺪ ﻋﻤﻲ ﻋﺒﺪﺍﻟﻠﻪ ﻫﻨﻲ؟؟
ﻧﻮﺭﺓ : ﺑﺮﺑﺞ؟؟ ﻓﻲ ﺍﻟﻜﻠﻴﺔ؟؟
ﻣﺮﻳﻢ : ﺍﻳﻴﻴﻴﻴﻴﻴﻴﻲ
ﻧﻮﺭﺓ : ﺍﻳﺎ ﻣﺴﻮﺩﺓ ﺍﻟﻮﻳﻪ ﺧﻼﺹ ﺍﻧﺎ ﺑﻘﻮﻝ ﻟﻤﺴﺎﻋﺪ ﻳﻄﻠﻌﺞ ﻣﻨﻬﺎ ..
ﺗﺒﻴﻦ ﺗﻠﻌﺒﻴﻦ ﻋﺎﻟﻜﻤﺎﻥ ﻭﻳﺎ ﺍﻣﻲ؟؟
ﻣﺮﻳﻢ : ﻣﺎﻟﺖ ﻋﻠﻴﺞ ﻳﺎﻟﺴﻮﺩﺓ ﺍﻧﺎ ﺍﻟﺤﻴﻦ ﻗﻠﺖ ﺟﺬﻱ ﺻﺞ ﺍﻧﺞ ﻣﻮ ﻭﻳﻪ
ﺍﺣﺪ ﻳﻘﻮﻝ ﻟﺞ ﺷﻲ ..
ﻧﻮﺭﺓ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺍﺗﻐﺸﻤﺮ ﻭﻳﺎﺝ ﻃﺎﻟﻊ ﻫﺬﻱ
ﺧﺎﻓﺖ ﻣﻦ ﺻﺞ .. ﺯﻳﻦ ﻗﻮﻟﻴﻠﻲ .. ﺣﻠﻮ ﻭﻻ ﺍﻳﻨﻦ؟
ﻣﺮﻳﻢ : ﻭﺍﺍﺍﺍﺍﺍﺍﺍﺍﺍﻱ ﻳﺨﺒﻞ ﻧﻮﺭﻭ ﻻﺑﺲ ﺩﺷﺪﺍﺷﻪ ﻛﺤﻠﻲ ﻏﺎﻣﺠﺔ ﻭﺻﺎﻳﺮ
ﻳﻬﺒﻞ ﺍﻟﺤﻤﺎﺭ ﻳﺒﻲ ﺍﻟﺒﻨﺎﺕ ﻳﻐﺎﺯﻟﻮﻧﻪ
ﻧﻮﺭﺓ : ﻭﻳﻴﻴﻴﻴﻴﻴﻴﻪ ﻟﻮ ﻣﺎ ﻛﻨﺖ ﺗﻜﺒﺮ ﻣﻨﻪ ﺟﺎﻥ ﺗﺤﻠﻤﻴﻦ ﻓﻴﻪ
ﻣﺮﻳﻢ : ﺟﺒﻲ ﻳﺎﻟﺤﻤﺎﺭﺓ ﻳﺎﻟﻠﻪ ﺑﺴﻜﺮﻩ ﻋﻨﺞ ..
ﻧﻮﺭﺓ : ﺯﻳﻦ ﻣﺘﻰ ﺗﺨﻠﺼﻴﻦ
ﻣﺮﻳﻢ : ﺍﻟﺴﺎﻋﺔ 4 ﻟﻴﺶ؟
ﻧﻮﺭﺓ : ﺯﻳﻦ ﻋﻴﻞ ﺍﻧﺎ ﺑﺎﺟﻞ ﺍﻟﻄﻠﻌﺔ ﻟﻤﻦ ﺗﺨﻠﺼﻴﻦ ﻋﺸﺎﻥ ﺍﻧﻲ ﻣﺎﻋﺮﻑ
ﺍﺗﺴﻮﻕ ﺑﻠﻴﺎﺝ
ﻣﺮﻳﻢ : ﻋﻠﻤﺘﻴﻨﻲ ﻭﺍﻟﺤﻴﻦ ﻣﺎ ﺗﻘﺪﺭﻳﻦ ﺗﺘﺨﻠﻴﻦ ﻋﻨﻲ
ﻧﻮﺭﺓ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ﺷﻨﺴﻮﻱ ﺑﻌﺪ .. ﻳﺎﻟﻠﻪ ﺣﺒﻮﺑﻪ ﺑﺎﻱ ..
ﻣﺮﻳﻢ : ﺑﺎﻱ ...
ﺗﻮﻫﺎ ﺑﺘﻤﺸﻲ ﻣﺮﻳﻢ ﺍﻻ ﺟﺮﺍﺡ ﻳﻮﻗﻔﻬﺎ : ﻳﻮﻡ ﺍﻧﻲ ﺣﻠﻮ ﻭﺍﻳﻨﻦ ﻭﺍﻫﺒﻞ
ﻟﻴﺶ ﺗﺴﻮﻳﻦ ﺍﻟﻠﻲ ﺗﺴﻮﻳﻨﻪ؟
ﺍﻧﺘﻔﻀﺖ ﻣﺮﻳﻢ ﻭﺷﻮﻱ ﻳﻄﺢ ﺍﻟﺘﻠﻔﻮﻥ :ﺑﺴﻢ ﺍﻟﻠﻪ ﺍﻟﺮﺣﻤﻦ .. ﺍﻧﺖ ﻣﻦ
ﻭﻳﻦ ﻃﺎﻟﻊ؟
ﺟﺮﺍﺡ ﺑﺎﺑﺘﺴﺎﻣﺔ : ﻣﻦ ﺍﻟﻤﺼﺒﺎﺡ ﺍﻟﻌﺠﻴﺐ .. ﻟﻴﺶ ﺗﺘﻐﺰﻟﻴﻦ ﻓﻴﻨﻲ ﺟﺪﺍﻡ
ﺍﺧﺘﺞ ﻫﺎﺍﺍ؟؟ ﻣﺎ ﺗﺴﺘﺤﻴﻦ؟
ﻣﺮﻳﻢ ﺑﻌﺼﺒﻴﺔ : ﻭﺍﻧﺖ ﻟﻴﺶ ﺗﺘﺴﻤﻊ ..؟؟ ﻣﻮ ﻗﻠﻪ ﺣﻴﺎ ﻫﺬﻱ؟؟
ﺟﺮﺍﺡ ﻳﺎﺯﻋﻢ ﻣﻌﺼﺐ : ﻫﺎﺍﺍ .. ﻣﺮﻳﻮﻭﻡ ﻟﻤﻲ ﻟﺴﺎﻧﺞ ﻻ ﺍﻗﺼﻪ ﻟﺞ
ﻣﺮﻳﻢ : ﻭﻳﻴﻴﻴﻴﻴﻲ ﻋﺎﺩ ﺧﺮﻋﺘﻨﻲ ﻣﻮﻭﻭﻭﻭﺕ ﺍﺭﺟﻮﻙ .. ﻳﺎﻟﻠﻪ ﺍﻧﻘﻠﻊ ﻋﻨﻲ
ﺍﺑﻲ ﺍﺭﻭﺡ ﻣﺤﺎﺿﺮﺗﻲ
ﺍﻻ ﻳﻮﻗﻒ ﺟﺪﺍﻣﻬﺎ ﺟﺮﺍﺡ ﻭﻻ ﻫﺎﻣﻪ ﺣﺠﻲ ﺍﻟﻨﺎﺱ : ﺯﻳﻦ ﻣﻦ ﺻﺠﺞ ..
ﺍﻧﺎ ﺣﻠﻮ ﻭﺍﻫﺒﻞ .. ﻭﺍﻳﻨﻦ؟؟
ﻣﺮﻳﻢ ﻭﻫﻲ ﺗﺒﻲ ﺗﺤﺒﻄﻪ : ﻭﻳﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻲ ﻻ ﻳﻜﻮﻥ ﺻﺪﻗﺖ؟؟
ﺗﺮﺍﻧﻲ ﺍﺟﺎﻣﻞ ﻣﺎ ﺍﻗﺼﺪ .. ﻭﻱ ﻣﺴﻜﻴﻦ ﻣﻦ ﺻﺠﻪ ..
ﺟﺮﺍﺡ : ﺗﺤﺒﻴﻨﻲ ﻳﺎﻟﺴﺒﺎﻟﺔ؟
ﻣﺮﻳﻢ ﺑﻀﻴﺞ ﻭﺣﻴﺎ : ﺍﻧﺖ ﻛﻞ ﻣﺎ ﺷﻔﺘﻨﻲ ﺳﺎﻟﺘﻨﻲ ﻫﺎﻟﺴﺆﺍﻝ
ﺟﺮﺍﺡ : ﺣﺮﺍﻡ ﻋﻠﻴﺞ ﺗﻮﻧﻲ ﺍﺳﺎﻟﺞ .. ﺗﺤﺒﻴﻨﻲ ﻣﺮﻳﻢ ..
ﺑﻐﺮﻭﺭ ﻭﺍﻫﻲ ﺗﺬﻛﺮ ﻏﺰﻻﻥ : ﻻ ... ﺍﻧﺎ ﻣﺎﺣﺒﻚ .. ﻳﺎﻟﻠﻪ ﺍﺫﻟﻒ ﻋﻨﻲ ..
ﻭﺭﺍﺣﺖ ﻋﻨﻪ ﻣﺮﻳﻢ ﻭﻇﻞ ﺟﺮﺍﺡ ﻭﺍﻗﻒ ﻣﻜﺎﻧﻪ ﻭﻗﻠﺒﻪ ﻳﺘﻔﺠﺮ ﻣﻦ
ﺍﻟﺤﺐ .. ﻳﺎﻭﻳﻞ ﻋﻤﺮﻱ .. ﻳﺎﻭﻳﻞ ﻋﻤﺮﻱ ﻣﻦ ﻫﺎﻟﺒﻨﻴﺔ .. ﻣﺎﺩﺭﻱ ﺍﺭﻭﺡ
ﻭﺍﺗﺮﺍﺟﻊ ﻋﻦ ﺍﻻﻧﺴﺤﺎﺏ ﻭﺍﻇﻞ ﻭﻳﺎﺝ ﻓﻲ ﻫﺎﻟﻜﻠﻴﺔ ﺍﺧﻠﻴﺞ ﻣﺎ ﺗﻌﺮﻓﻴﻦ
ﺭﻳﻠﺞ ﻣﻦ ﻳﺪﺝ ... ﻟﻜﻦ ﻣﻌﻠﻴﻪ .. ﺍﻧﺎﺑﺼﻴﺮ ﻃﻴﺐ ﻭﺍﺣﺴﻦ ﻣﻨﺞ .. ﺑﺨﻠﻴﺞ
ﺗﺪﺭﺳﻴﻦ ﻋﻠﻰ ﺭﻭﻳﺤﺎﺗﺞ .. ﻟﻜﻦ ﻭﻳﻦ ﻋﻨﻲ ﻳﺎ ﻣﺮﻳﻢ .. ﻣﺎﺭﺩﺝ ﻟﻠﺠﺮﻳﺢ
ﻭﺍﻧﺘﻲ ﺗﻀﺤﻜﻴﻦ ..
--------------------------------------
ﺍﻟﺴﺎﻋﺔ 10 ﺑﺘﻮﻗﻴﺖ ﺑﻮﺳﻄﻦ ﺍﻟﻮﻻﻳﺎﺕ ﺍﻟﻤﺘﺤﺪﺓ ﺍﻻﻣﻴﺮﻛﻴﺔ ...
ﻛﺎﻧﺖ ﻓﺎﺗﻦ ﺗﺘﻘﻠﺐ ﻋﻠﻰ ﻓﺮﺍﺷﻬﺎ .. ﺑﺘﻘﻌﺪ ﺑﻌﺪ ﺟﻢ ﺳﺎﻋﺔ .. ﻣﻊ ﺍﻧﻬﺎ
ﻣﺎﺭﺩﺕ ﺍﻟﺒﻴﺖ ﻭﻳﺎ ﻣﺴﺎﻋﺪ ﺍﻻ ﻋﻠﻰ ﺍﻟﺴﺎﻋﺔ ﺳﺒﻌﺔ .. ﺑﺲ ﺍﻟﺤﻤﺪ ﻟﻠﻪ ..
ﻭﺍﻟﻠﻪ ﺍﻥ ﺍﻟﻄﻠﻌﺔ ﻧﺴﺘﻬﺎ ﻛﻞ ﺍﻟﻬﻤﻮﻡ ﺍﻟﻠﻲ ﻛﺎﻧﺖ ﺟﺎﻳﺴﺘﻬﺎ .. ﻭﺍﻟﻤﺸﻲ
ﻭﺍﻟﻬﻮﺍ ﺍﻟﻨﻈﻴﻒ ﻧﺸﻂ ﺧﻼﻳﺎﻫﺎ ﺍﻟﻌﺼﺒﻴﺔ ﻣﻦ ﺑﻌﺪ ﻫﻮﺍ ﺍﻟﺸﻘﺔ ﺍﻟﻠﻲ
ﻋﻄﺒﻬﺎ .. ﻃﺒﻌﺎ ﻣﺎ ﻧﻄﻘﺖ ﺑﻮﻻ ﺣﺮﻑ ﻣﻊ ﻣﺴﺎﻋﺪ .. ﻣﻦ ﺑﻌﺪ ﻫﻴﺠﺎﻧﻪ
ﻣﺴﺘﺤﻴﻞ ﺗﻜﻠﻤﻪ ﺍﻻ ﺑﻌﺪ ﺍﺳﺒﻮﻉ ﻳﻤﻜﻦ ..
ﺗﺬﻛﺮﺕ ﻳﻮﻡ ﻋﻄﺎﻫﺎ ﺍﻟﺨﻴﺎﺭ ﺍﻧﻬﺎ ﺗﻄﻠﻊ ﻣﻦ ﺍﻟﺒﻴﺖ ﻭﺗﺮﺩ ﺍﻟﻜﻮﻳﺖ ﻣﻊ
ﺍﺟﺒﺎﺭﻳﺔ ﺯﻭﺍﺟﻬﻢ ﻣﻦ ﺑﻌﺾ .. ﻳﺎ ﻧﺎﺱ ﺍﻧﺎ ﺑﻘﺒﻞ ﻓﻴﻪ ﻭﺑﺰﻭﺍﺟﻪ ﺑﺲ
ﻣﺎﺑﻴﻪ ﻳﺘﻌﺮﺽ ﻟﺪﺭﺑﻲ .. ﻫﺬﺍ ﺷﻲ ﻋﺎﻫﺪﺕ ﻧﻔﺴﻬﺎ ﻋﻠﻴﻪ .. ﺑﺘﻘﺒﻞ ﻓﻴﻪ
" ﺑﺤﻴﺎﺗﻬﺎ " ﺑﺸﺮﻁ ﺍﻧﻪ ﻣﺎ ﻳﻄﻠﺐ ﺍﻛﺜﺮ ﻣﻦ ﻫﺎﻟﺸﻲ .. ﻳﺤﻤﺪ ﺭﺑﻪ ﺍﻧﻬﺎ
ﺑﺘﻌﻄﻴﻪ ﻫﺎﻟﺸﻲ .. ﺑﻌﺪ ﺷﻨﻮ ﻳﺘﻄﻠﺐ ﺯﻳﺎﺩﺓ ﻟﻴﺶ؟؟؟
ﻓﻲ ﻏﺮﻓﺘﻪ ﻛﺎﻥ ﻧﺎﻳﻢ ﻭﻣﻮ ﻧﺎﻳﻢ .. ﻳﺤﺲ ﺑﺎﻟﺴﺨﻮﻧﺔ ﺗﻌﻤﺮﻩ .. ﻣﺸﻴﻪ
ﺍﻟﺒﺎﺭﺣﺔ ﻓﻲ ﺍﻟﺠﻮ ﺍﻟﺒﺎﺭﺩ ﻣﺎ ﺳﺎﻋﺪﻩ .. ﺧﺼﻮﺻﺎ ﻭﺍﻥ ﺛﻴﺎﺑﻪ ﻛﺎﻧﺖ ﺷﻮﻱ
ﺧﻔﻴﻔﻪ ﻣﻊ ﺍﻧﻪ ﻻﺑﺲ ﺟﺎﻛﻴﺖ .. ﻟﻜﻦ ﺍﻟﺒﺮﺩ ﻭﺍﻟﻤﻄﺮ ﻣﺎ ﺳﺎﻋﺪﻩ .. ﺣﻂ
ﻳﺪﻩ ﻋﻠﻰ ﺟﺒﻴﻨﻪ ﺷﺎﻓﻪ ﻣﺤﻤﻮﻡ .. ﺗﺄﻓﻒ ﻻﻧﻪ ﻣﺎ ﻳﺤﺐ ﺍﻟﻤﺮﺽ .. ﻗﺎﻡ
ﻋﻠﻰ ﺣﻴﻠﻪ ﻭﺗﻮﻩ ﺑﻴﻮﻗﻒ ﺍﻻ ﺑﻌﻄﺴﻪ ﻗﻮﻳﺔ ﺭﺩﺗﻪ ﻋﻠﻰ ﺍﻟﺴﺮﻳﺮ .. ﻻ
ﻻ .. ﺧﻼﺹ ﺍﻟﺸﻲ ﺻﺎﺭ ﺭﺳﻤﻲ .. ﻣﺴﺎﻋﺪ ﻣﺰﺟﻢ ..
ﻃﻠﻊ ﻣﻦ ﺍﻟﺪﺍﺭ ﻭﻫﻮ ﻛﻠﺶ ﻣﻮ ﻣﺘﻤﻨﻲ ﺍﻧﻪ ﻳﺸﻮﻑ ﻓﺎﺗﻦ .. ﻭﻟﻼﺳﻒ
ﻛﺎﻧﺖ ﻭﺍﻗﻔﺔ ﺑﻨﺺ ﺍﻟﻤﻄﺒﺦ ﺗﺸﺮﺏ ﻋﺼﻴﺮ .. ﻭﻛﺎﻟﻌﺎﺩﺓ ﻳﻦ ﻣﺴﺎﻋﺪ ﻭﻫﻮ
ﻳﺸﻮﻓﻬﺎ ﺗﺸﺮﺏ .. ﺻﺞ ﺍﻧﻪ ﻣﻮ ﺷﺎﻳﻒ ﺧﻴﺮ .. ﻟﻜﻦ ﻣﺎ ﻋﻄﺎﻫﺎ ﻭﻳﻪ ..
ﻓﺘﺢ ﺍﻟﺜﻼﺟﺔ ﻭﻫﻮ ﻳﺼﺒﺢ
ﻣﺴﺎﻋﺪ : ﺻﺒﺎﺡ ﺍﻟﺨﻴﺮ ..
ﻓﺎﺗﻦ ﺑﺼﻮﺕ ﻣﺒﺤﻮﺡ : ﺻﺒﺎﺡ ﺍﻟﻨﻮﺭ .
ﺭﺟﻊ ﺍﻟﺴﻜﻮﺕ ﻣﺮﺓ ﺛﺎﻧﻴﺔ ﻭﻫﻮ ﻳﺴﺤﺐ ﻏﺮﺷﺔ ﺍﻟﻌﺼﻴﺮ .. ﺻﺐ ﻟﻪ
ﻗﻼﺹ ﻭﺭﺩﻫﺎ ﻭﻓﺘﺢ ﺍﺣﺪ ﺍﻻﺩﺭﺍﺝ ﺍﺧﺬ ﻣﻨﻬﺎ ﺑﻨﺪﻭﻝ .. ﺷﺮﺏ ﺣﺒﺘﻴﻦ
ﻣﻨﻪ ﻋﻠﻰ ﺍﻟﺮﻳﺞ ﻭﻳﺎ ﻋﺼﻴﺮ ... ﺭﺩ ﺍﻟﻘﻼﺹ ﺑﺎﻟﻤﻐﺴﻠﺔ ﻭﺭﻭﺡ ﺩﺍﺭﻩ ..
ﻣﻦ ﻏﻴﺮ ﺃﻱ ﻛﻼﻡ ..
ﻓﺎﺗﻦ ﻭﻗﻔﺖ ﻋﻨﺪ ﺍﻟﻄﺎﻭﻟﺔ ﺑﻈﻴﺞ ﻭﻫﻲ ﺗﻨﺎﻇﺮﻩ .. ﺷﻔﻴﻪ ﻭﻳﻬﻪ ﻣﻨﻜﺸﻒ
ﻟﻮﻧﻪ ﻭﺟﻨﻪ ﻣﺮﻳﺾ؟؟ ﻻ ﻳﻜﻮﻥ ﻣﺰﺟﻢ ﻭﻻ ﻣﺤﻤﻮﻡ ..؟؟ ﻋﺎﺩ ﺍﺣﺪ ﻳﺎﻛﻞ
ﺑﻨﺪﻭﻝ ﻋﻠﻰ ﺍﻟﺮﻳﺞ .. ﻛﻴﻔﻪ ﺍﻟﻠﻲ ﻳﺒﻴﻪ ﻳﺴﻮﻳﻪ ..
ﺯﻫﺒﺖ ﻟﻬﺎ ﺭﻳﻮﻕ ﺧﻔﻴﻒ ﻭﺗﻮﻫﺎ ﺑﺘﺪﺧﻞ ﺍﻟﺪﺍﺭ .. ﻟﻜﻦ ﻣﺴﺎﻋﺪ ﻣﺎ ﺭﺍﺡ
ﻋﻦ ﺑﺎﻟﻬﺎ .. ﻳﻤﻜﻦ ﺻﺞ ﻣﺮﻳﺾ؟؟ ﺍﺫﺍ ﻣﺮﻳﺾ ﺷﺴﻮﻱ ﻟﻪ .. ﺑﺲ ﺑﻘﻌﺪ
ﻓﻲ ﺍﻟﺼﺎﻟﺔ ﻳﻤﻜﻦ ﻳﺤﺘﺎﺝ ﺷﻲ ...
ﺭﺍﺣﺖ ﻭﻗﻌﺪﺕ ﻋﻠﻰ ﺍﻟﻜﺮﺳﻲ ﺍﻟﻠﻲ ﻓﻲ ﺍﻟﻄﺎﻭﻟﻪ ﺍﻟﻤﺠﺎﺑﻞ ﻏﺮﻓﺘﻪ ..
ﻭﻓﺘﺤﺖ ﺍﻟﺘﻠﻔﺰﻳﻮﻥ ﺑﺼﻮﺕ ﻭﺍﻃﻲ ﻋﻠﻰ ﻗﻨﺎﺓ ﺗﻌﺮﺽ ﺍﻓﻼﻡ .. ﻭﺗﻤﺖ
ﻣﻨﺪﻣﺠﺔ ﻭﺍﻫﻲ ﻣﺴﺘﻌﺪﺓ ﻻﻱ ﻃﻠﺐ ﻣﻦ ﻣﺴﺎﻋﺪ ...
######
ﻣﺮﺕ ﺳﺎﻋﺎﺕ ﻭﻣﺴﺎﻋﺪ ﻣﺎ ﻃﻠﻊ ﻣﻦ ﺍﻟﺪﺍﺭ .. ﻭﻓﺎﺗﻦ ﺍﻟﻠﻲ ﺗﺸﻐﻞ ﻧﻔﺴﻬﺎ
ﺑﺎﺷﻴﺎﺀ ﻣﺴﺘﻐﺮﺑﺔ ﻣﻦ ﺍﺧﺘﻔﺎﺋﻪ .. ﺑﺎﻟﻌﺎﺩﺓ ﻳﻘﻮﻡ ﻳﻄﻠﻊ ﻭﻻ ﻳﺴﻮﻱ ﻟﻨﻔﺴﻪ
ﻣﺸﺎﻭﻳﺮ ﻭﻳﻘﻌﺪ .. ﻭﻳﻨﻬﺎ ﺍﻟﺼﺤﻴﻔﺔ ﻳﻤﻜﻦ ﻗﺎﻋﺪ ﻳﻘﺮﺍﻫﺎ .. ﺗﻤﺖ ﺗﻨﺎﻇﺮ
ﺍﻟﻤﻜﺎﻥ ﺍﻟﻠﻲ ﺍﻫﻮ ﺑﺎﻟﻌﺎﺩﺓ ﻳﺤﻂ ﺍﻟﺼﺤﻴﻔﺔ ﻓﻴﻬﺎ ﻭﻣﺎ ﺷﺎﻓﺘﻬﺎ .. ﺍﻟﻴﻮﻡ
ﺑﻜﺒﺮﻩ ﻏﺮﻳﺐ .. ﻟﻜﻦ ﺍﻟﺠﻮ ﺣﻠﻮﻭ ..ﺭﺍﺣﺖ ﻭﻃﻠﺖ ﻣﻦ ﺍﻟﺪﺭﻳﺸﺔ ﺗﺘﻤﺘﻊ
ﺑﺎﻟﻬﻮﺍ ﺍﻟﺒﺎﺭﺩ ﺍﻟﻠﻲ ﻳﻠﻔﺢ ﻣﻦ ﺑﻌﺪ ﺍﻟﻤﻄﺮ .. ﺍﻟﻄﺒﻴﻌﺔ ﻓﻲ ﺑﻮﺳﻄﻦ ﻛﺎﻧﺖ
ﺧﻼﺑﺔ .. ﻭﺍﻛﺒﺮ ﺩﻟﻴﻞ ﺍﻫﻮ ﺍﻟﻮﻗﺖ ﺍﻟﻲ ﻣﻀﻮﻩ ﺍﻣﺲ ﻭﻫﻢ ﻳﺘﻤﺸﻮﻥ ...
ﻭﺻﻠﻮﻭ ﻟﻤﻜﺎﻥ ﺑﻌﻴﺪ ﻟﻤﻦ ﺣﺴﻮﻭ ﺑﺎﻟﻌﺠﺰ ﺍﻧﻬﻢ ﻳﺮﺩﻭﻥ ﻟﻤﻨﻄﻘﺘﻬﻢ
ﺑﺴﻬﻮﻟﺔ .. ﻟﻜﻦ ﻣﺴﺎﻋﺪ ﺷﻜﻠﻪ ﺣﺎﻓﻆ ﺍﻟﻄﺮﻳﺞ ﻣﻦ ﺯﻭﺩ ﻣﺎ ﻳﻄﻠﻊ ﻭﺭﺩﻳﻨﺎ
ﺑﻮﻗﺖ ﺍﻗﺼﺮ ﻣﻦ ﺭﻭﺣﺘﻨﺎ .. ﺍﺭﺑﻊ ﺳﺎﻋﺎﺕ ﻭﺍﺣﻨﺎ ﻧﻤﺸﻲ .. ﻭﺍﻻﻓﻜﺎﺭ
ﺗﺎﺧﺬﻧﺎ ﻳﻤﻴﻦ ﻭﻳﺴﺎﺭ ..
ﻓﻲ ﺫﻳﺞ ﺍﻟﻠﺤﻈﻪ ﺍﻟﺘﻔﺘﺖ ﺻﻮﺏ ﻏﺮﻓﺔ ﻣﺴﺎﻋﺪ ﻻﻧﻬﺎ ﺳﻤﻌﺖ ﺻﻮﺕ
ﻓﻴﻬﺎ .. ﺍﻻ ﻭﻣﺴﺎﻋﺪ ﻳﻄﻠﻊ ﻣﻨﺎﻟﻐﺮﻓﺔ ﻭﺷﻜﻠﻪ ﻣﻌﺘﻔﺲ ﺷﻮﻱ .. ﻳﻌﻨﻲ
ﺷﻌﺮﻩ ﻣﻮ ﻣﺮﺗﺐ ﻭﺣﺎﻣﻞ ﻓﻮﻃﺔ ﺷﻜﻠﻪ ﺑﻴﺘﺴﺒﺢ .. ﻭﻫﻮ ﻳﻤﺸﻲ ﺑﻬﺪﻭﺀ
ﻣﺮ ﻋﻠﻴﻬﺎ ﻣﻦ ﻏﻴﺮ ﺃﻱ ﺍﻋﺘﺒﺎﺭ ﻭﺩﺧﻞ ﺍﻟﺤﻤﺎﻡ ﻭﺳﻜﺮ ﺍﻟﺒﺎﺏ .. ﻭﺟﻬﺖ
ﺳﻤﻌﻬﺎ ﻓﺎﺗﻦ ﻟﻠﺤﻤﺎﻡ ﺗﻨﺘﻈﺮ ﺻﻮﺕ ﺍﻟﻤﺎﻱ .. ﻭﻛﺎﻫﻲ ﺳﻤﻌﺘﻪ .. ﻳﺴﺒﺢ ..
ﺷﺎﻟﺖ ﻋﻤﺮﻫﺎ ﻭﺭﺍﺣﺖ ﺍﻟﻤﻄﺒﺦ .. ﻓﻲ ﺧﺎﻃﺮﻫﺎ ﺍﻟﻴﻮﻡ ﺗﺴﻮﻱ ﻛﻢ
ﻃﺒﺨﺔ ﺟﺬﻱ ﺗﻔﺘﺢ ﺍﻟﻨﻔﺲ .. ﻭﺑﺘﺴﻮﻱ ﻫﺎﻟﻤﺮﺓ ﻃﺒﺨﺔ ﺍﻟﺸﻮﻛﻮﻻ
ﺑﻤﻠﺘﻴﻦ .. ﻟﻬﺎ ﻭﻟﻤﺴﺎﻋﺪ ﻋﺸﺎﻥ ﺗﺤﺪ ﻣﻦ ﺍﻟﻬﻮﺍﺵ ﺍﻣﺒﻴﻨﻬﻢ .. ﻣﺎ ﺗﺒﻴﻪ
ﻳﺠﻴﺲ ﺻﺤﻨﻬﺎ ﻓﻠﺬﺍ ﺍﻫﻲ ﺑﺘﺴﻮﻱ ﻟﻪ ..
ﻳﻮﻡ ﻃﻠﻊ ﻣﻦ ﺍﻟﺤﻤﺎﻡ ﻛﺎﻥ ﻻﺑﺲ ﺍﻟﺮﻭﺏ ﺍﻟﻠﻲ ﻛﺎﻥ ﻫﻨﺎﻙ ﻭﺍﻟﻔﻮﻃﺔ
ﺧﻼﻫﺎ ﺩﺍﺧﻞ ﺍﻟﺤﻤﺎﻡ .. ﺭﺍﺡ ﺍﻟﻤﻄﺒﺦ ﻭﻓﺎﺗﻦ ﺗﺘﺠﻨﺐ ﺍﻧﻬﺎ ﺗﻨﺎﻇﺮﻩ ﻻﻧﻬﺎ
ﺗﻘﺮﻳﺒﺎ ﺍﺳﺘﺤﺖ ﻣﻦ ﻣﻨﻈﺮﻩ ﻭﻫﻮ ﻣﺎﺧﺬ ﺣﺮﻳﺘﻪ ﻣﻌﺎﻫﺎ .. ﻟﻜﻦ ﺍﻫﻮ ﻣﻮ
ﻣﻬﺘﻢ ﻟﻮﺟﻮﺩﻫﺎ .. ﻭﺳﺤﺐ ﻛﺒﺴﻮﻻﺕ ﺍﻟﺒﻨﺪﻭﻝ ﻭﺻﺐ ﻟﻪ ﻋﺼﻴﺮ
ﻭﺷﺮﺑﻪ ﻣﺮﺓ ﺛﺎﻧﻴﺔ .. ﺍﻫﻨﻲ ﻓﺎﺗﻦ ﺣﺴﺖ ﺍﻧﻬﺎ ﻻﺯﻡ ﺗﺘﻜﻠﻢ ﻣﻌﺎﻩ
ﻓﺎﺗﻦ : ﻣﻮ ﺯﻳﻦ ﺗﺎﻛﻞ ﺑﻨﺪﻭﻝ ﻋﻠﻰ ﺍﻟﺮﻳﺞ ..
ﻣﺴﺎﻋﺪ : ﻣﺎﻟﻲ ﺧﻠﻖ ﺍﻛﻞ ..
ﻓﺎﺗﻦ ...: ﺯﻳﻦ ﺑﺴﻮﻱ ﻟﻚ ﺷﻲ ﺧﻔﻴﻒ
ﻳﻘﻄﻌﻬﺎ ﻣﺴﺎﻋﺪ ﻭﻫﻮ ﻳﺴﻜﺮ ﺍﻟﺜﻼﺟﺔ ﻭﻳﻤﺸﻲ ﻋﻨﻬﺎ : ﻣﺎﺑﻲ ﺷﻲ
ﻣﻨﺞ ...
ﺭﺍﺡ ﺩﺍﺧﻞ ﺍﻟﻐﺮﻓﺔ ﻭﺳﻜﺮ ﺍﻟﺒﺎﺏ ﻭﻓﺎﺗﻦ ﺍﻟﻤﻨﺤﺮﺟﺔ ﻭﺍﻗﻔﺔ
ﺑﻐﻴﻴﻴﻴﻴﻴﻴﻴﺾ ﻭﺳﻂ ﺍﻟﻤﻄﺒﺦ .. ﺍﻟﺴﺨﻴﻒ ﺍﻟﺘﺎﻓﻪ .. ﻣﻌﺘﻮﻩ ﻭﺍﺣﺪ ..
ﺑﺼﻮﺕ ﻣﺴﻤﻮﻉ : ﺻﺞ ﻣﺎ ﺍﺳﺘﺤﻲ ﻋﻠﻰ ﻭﻳﻬﻲ .. ﺍﻧﺎ ﺍﺣﺎﺟﻲ ﻧﺎﺱ
ﺟﺬﻱ ﻟﻴﺶ؟؟ ﺍﺳﻜﺖ ﻋﻨﻪ ﻳﻌﻠﻪ ﻣﺎ ﻳﺴﻤﻊ ﺍﻟﻜﻼﻡ .. ﻭﺍﻧﺎ ﺷﻌﻠﻲ ﻣﻨﻪ ..
ﺧﻠﻪ ﻳﺎﻛﻞ ﺍﻟﺒﻨﺪﻭﻝ ﻋﻠﻰ ﺍﻟﺮﻳﺞ .. ﺷﺒﺼﻴﺮ ﻓﻴﻪ ..؟؟ ﺧﻠﻪ ﻳﻮﻟﻲ ﺍﻥ
ﺷﺎﺀ ﺍﻟﻠﻪ ﻋﻤﺮﻩ ﻣﺎ ....
ﺳﻜﺘﺖ ﻓﺎﺗﻦ ﻻﻧﻬﺎ ﺑﻄﺒﻴﻌﺘﻬﺎ ﻣﺎ ﺗﺤﺐ ﺗﺪﻋﻲ ﻋﻠﻰ ﺍﺣﺪ .. ﻟﻜﻦ ﺍﻟﻐﻴﺾ
ﺍﻭ ﻳﻤﻜﻦ ﺍﻻﺣﺮﺍﺝ ﺑﻠﻎ ﻣﻨﻬﺎ ﺍﻟﻤﺒﻠﻎ .. ﻓﺘﻤﺖ ﺳﺎﻛﺘﻪ ﻭﺍﻫﻲ ﺗﻄﺒﺦ ..
ﻭﺍﻟﻈﺎﻫﺮ ﺍﻥ ﻣﺰﺍﺝ ﺍﻟﺤﻤﻖ ﻓﻴﻬﺎ ﺳﺎﻋﺪﻫﺎ ﻻﻧﻬﺎ ﻣﻦ ﻏﻴﺮ ﺣﺎﺳﻴﺔ ﺷﺎﻓﺖ
ﻧﻔﺴﻬﺎ ﻣﺰﻫﺒﺔ ﺍﺭﺑﻊ ﻃﺒﺨﺎﺕ .. ﻣﻌﻜﺮﻭﻧﺔ ﺑﺎﻟﺸﻄﺔ ﺍﻟﺤﺎﺭﺓ ﻭﻟﻔﺎﻓﺎﺕ
ﺑﺎﻟﺪﺟﺎﺝ ﻭﺍﻟﻤﺎﻳﻮﻧﻴﺰ .. ﻛﻴﻚ ﺑﺎﻟﺸﻮﻛﻮﻻ ﻭﺩﺭﻳﻢ ﻭﻳﺐ ﺍﻟﻤﺨﻠﻮﻁ ﺑﻘﻄﻊ
ﺑﺮﺍﻭﻧﻴﺰ ﺷﻮﻛﻮﻻ .. ﻭﻫﺬﺍ ﺍﻻﻳﺴﻜﺮﻳﻢ ﺍﻟﻠﻲ ﻋﺠﺐ ﻣﺴﺎﻋﺪ ...
ﻋﻈﺖ ﻋﻠﻰ ﺷﻔﺎﺗﻬﺎ ﻭﺍﻫﻲ ﺗﻔﻜﺮ .. ﻣﺎﻳﺼﻴﺮ ﺍﺧﻠﻴﻪ ﺟﺬﻱ ﻋﻠﻰ ﺍﻟﺮﻳﻖ ..
ﺍﻟﻤﺮﻳﺾ ﻻﺯﻡ ﻳﺎﻛﻞ ﻋﺸﺎﻥ ﺩﻓﺎﻋﺎﺕ ﺟﺴﻤﻪ ﺗﺘﺤﺴﻦ .. ﻭﺍﻧﺎ ﺑﺴﻮﻱ
ﺍﻟﺨﻴﺮ ﻭﺑﻘﻄﻪ ﺑﺤﺮ .. ﻣﺎ ﻋﻠﻴﻪ ﻣﻨﻪ ﻭﻻ ﺑﻨﺘﻈﺮ ﻣﻨﻪ ﻛﻠﻤﺔ ﺷﻜﺮﺍ ﻣﻊ ﺍﻧﻪ
ﻟﻮ ﻓﻴﻪ ﺷﻮﻳﻪ ﺳﻨﻊ ﻭﺫﺭﺍﺑﺔ ﺟﺎﻥ ﻗﺎﻟﻬﺎ ..
ﺯﻫﺒﺖ ﻣﻦ ﻛﻞ ﺷﻲ ﺑﻄﺒﻖ ﻭﺳﻮﺕ ﻟﻪ ﻋﺼﻴﺮ ﻟﻴﻤﻮﻥ ﻃﺒﻴﻌﻲ ﻣﻊ
ﺍﻟﺴﻜﺮ .. ﻭﺣﻄﺘﻪ ﻋﻠﻰ ﺻﻴﻨﻴﺔ ﻭﻳﺎ ﻧﻮﻉ ﻣﻦ ﺍﻟﻔﻮﻁ ﺍﻟﻠﻲ ﻳﻨﻈﻔﻮﻥ ﺑﻬﺎ
ﺍﻟﻔﻢ ..
ﺣﻤﻠﺖ ﺍﻟﺼﻴﻨﻴﺔ ﻭﺍﻫﻲ ﺗﺬﻛﺮ ﺭﺑﻬﺎ ﻋﺸﺎﻥ ﻻ ﺗﻨﺤﺮﺝ ﺍﻛﺜﺮ ﻭﺍﻟﺤﻤﺪ ﻟﻠﻪ
ﺍﻫﻮ ﻓﻴﻪ ﻋﺎﺩﺓ ﺍﻧﻪ ﻣﺎ ﻳﺴﻜﺮ ﺍﻟﺒﺎﺏ ﺯﻳﻦ .. ﻓﺪﺧﻠﺖ ﺑﻜﻞ ﻫﺪﻭﺀ
ﻭﺷﺎﻓﺘﻪ ﻧﺎﻳﻢ ﻋﻠﻰ ﺍﻟﺴﺮﻳﺮ ﻭﻫﻮ ﺟﺎﺳﻒ ﺭﻳﻮﻟﻪ ﺑﺘﻌﺐ .. ﺍﻟﺒﻨﺪﻭﻝ
ﻣﺴﻮﻱ ﻓﻴﻪ ﻣﻔﻌﻮﻝ ﻣﺜﻞ ﺍﻟﺴﺤﺮ .. ﻟﻜﻦ ﺍﻫﻮ ﻻﺯﻡ ﻳﻘﻮﻡ ﻋﺸﺎﻥ ﻳﺎﻛﻞ
ﺷﻲ ..
ﺍﺳﺘﻐﺮﺑﺖ ﻓﺎﺗﻦ ﺗﺠﺎﻭﺑﻬﺎ ﻟﻤﺴﺎﻋﺪ ﻭﻫﻮ ﻣﺮﻳﺾ .. ﻳﻤﻜﻦ ﻫﺬﺍ ﺗﻌﻮﻳﺾ
ﻋﻦ ﺍﻻﻳﺎﻡ ﺍﻟﻠﻲ ﻓﺎﺗﺖ ﻭﻫﻲ ﺗﻌﺎﻣﻠﻪ ﺑﻮﻗﺎﺣﺔ .. ﺍﻫﻲ ﺻﺢ ﻛﺎﻧﺖ
ﻣﻌﺬﻭﺭﺓ ﻟﻜﻦ ﻣﺼﺨﺘﻬﺎ .. ﺭﺍﺣﺖ ﻋﻨﺪﻩ ﻭﻫﻲ ﻭﺍﻗﻔﻪ ﺗﻨﺎﺩﻳﻪ ..
ﻓﺎﺗﻦ : ﻣﺴﺎﻋﺪ ... ﻣﺴﺎﻋﺪ ...
ﺭﺩ ﻋﻠﻴﻬﺎ ﺑﺘﻌﺐ : ﻫﺎﺍ ....
ﻓﺎﺗﻦ ﺑﺼﻮﺕ ﻧﺎﻋﻢ ﻭﻫﻲ ﺗﺮﺟﻊ ﺍﻟﺸﻌﺮ ﻟﻮﺭﻯ ﺍﺫﻧﻬﺎ : ﻣﺴﺎﻋﺪ ﻗﻮﻡ ﺍﻛﻞ
ﻟﻚ ﺷﻲ ﻣﻮ ﺯﻳﻦ ﺗﺮﻗﺪ ﻭﺍﻧﺖ ﻋﻠﻰ ﺭﻳﺠﻚ ..
ﻣﺴﺎﻋﺪ : ﻣﺎﺑﻲ ..
ﻓﺎﺗﻦ ﻛﺎﻥ ﺧﺎﻃﺮﻫﺎ ﺗﺮﻓﺴﻪ : ﻗﻮﻡ ﻣﺴﺎﻋﺪ ﻻﺯﻡ ﺗﺎﻛﻞ .. ﻗﻮﻡ ﺍﻧﺎ ﺯﻫﺒﺖ
ﻟﻚ ﻛﻞ ﺷﻲ ﻛﺎﻫﻮ ﺍﻻﻛﻞ
ﻣﺴﺎﻋﺪ ﺑﻌﺼﺒﻴﺔ ﺑﺴﻴﻄﺔ : ﻗﻠﺖ ﻟﺞ ﻣﺎﺑﻲ ﻻ ﺗﻌﻮﺭﻳﻦ ﺭﺍﺳﻲ ..
ﻭﺗﻢ ﻣﻌﻘﺪ ﺣﻮﺍﺟﺒﻪ ﻣﻦ ﺍﻟﺘﻌﺐ ﻻﻥ ﻣﻦ ﺻﺞ ﻣﻮ ﻗﺎﺩﺭ ﻳﻘﻮﻡ .. ﻣﻦ
ﻳﻘﻮﻡ ﺭﺍﺳﻪ ﻳﻔﺘﺮ .. ﻓﺎﺗﻦ ﺍﻟﻠﻲ ﺍﻧﺤﺮﺟﺖ ﻣﻦ ﻗﻠﺐ ﻣﻦ ﻣﻌﺎﻣﻠﺘﻪ ﻃﻘﺖ
ﺟﺒﺪﻫﺎ ﻭﻃﻠﻌﺖ ﻣﻦ ﺍﻟﺤﺠﺮﺓ ﻭﺍﻫﻲ ﺗﺘﻜﻠﻢ ﺑﺼﻮﺕ ﻭﺍﻃﻲ
ﻓﺎﺗﻦ : ﻗﻤﺖ ﻭﻻ ﻣﺎ ﻗﻤﺖ ﻛﻴﻔﻚ ﺍﻧﺎ ﺍﻫﻢ ﺷﻲ ﺳﻮﻳﺖ ﺍﻟﻮﺍﺟﺐ .. ﻣﺎﻟﻲ
ﻋﻠﻲ ..
ﻛﺎﻧﺖ ﻓﺎﺗﺢ ﻋﻴﻦ ﻭﺍﻟﺜﺎﻧﻴﺔ ﺻﺎﻛﻬﺎ ﻭﺍﻫﻮ ﻳﺴﻤﻊ ﻫﺬﺭﺗﻬﺎ ... ﻣﺎﺩﺭﻱ
ﺷﺘﺒﻲ ﺗﺜﺒﺖ ﻭﻳﺎ ﻫﺎﻟﻤﻌﺎﻣﻠﺔ .. ﺗﺠﺮﺡ ﻭﺗﺪﺍﻭﻱ .. ﻳﻬﺎﻝ ﺍﺧﺮ ﺯﻣﻦ ..
ﺗﻢ ﻧﺎﻳﻢ ﻭﻫﻮ ﻳﺸﻢ ﺭﻳﺤﺔ ﺍﻻﻛﻞ .. ﺻﺞ ﺻﺎﺭ ﻟﻪ ﻓﺘﺮﺓ ﻣﻦ ﺍﺧﺮ ﻣﺮﺓ
ﺍﻛﻞ ﻟﻜﻦ ﻋﻨﺎﺩﺍ ﻓﻴﻬﺎ ﻣﺎ ﺑﺎﻛﻞ .. ﻣﺎﻟﺖ ﻋﻠﻴﻬﺎ ﻭﻋﻠﻰ ﻃﺒﺎﺧﻬﺎ ﺍﻟﻴﺎﻫﻞ ..
ﺗﻤﺖ ﻓﺎﺗﻦ ﻗﺎﻋﺪﺓ ﻓﻲ ﺍﻟﺼﺎﻟﺔ ﻭﻫﻲ ﺗﻬﺰ ﺭﻳﻠﻬﺎ ﺟﺪﺍﻡ ﺍﻟﺘﻠﻔﺰﻳﻮﻥ ..
ﻓﺎﺗﺤﺘﻪ ﻋﺸﺎﻥ ﺗﻤﻀﻲ ﺍﻟﻮﻗﺖ ﻭﻳﺎﻩ .. ﻭﺗﻨﺘﻈﺮ ﺍﻟﻮﻗﺖ ﻋﺸﺎﻥ ﺗﺮﻭﺡ
ﻭﺗﺎﺧﺬ ﺍﻟﺼﺤﻮﻥ .. ﺍﻛﻴﺪ ﺍﻟﺤﻴﻦ ﻃﺎﺡ ﻋﻠﻴﻪ ﻣﺜﻞ ﺍﻟﻤﻠﻬﻮﻑ ﻭﻗﺎﻋﺪ ﻳﺎﻛﻞ
ﻓﻴﻪ .. ﺃﻱ ﻣﻦ ﻳﻘﺪﺭ ﻋﻠﻰ ﻃﺒﺎﺧﻲ ﺍﻧﺎ .. ﻫﺎﻫﺎﻫﺎﻱ .. ﻣﺎ ﺑﻘﻰ ﺍﻻ ﺍﻧﺖ
ﻳﺎ ﻣﺴﺎﻋﺪ ﺍﻟﺪﺧﻴﻠﻲ ..
ﻣﺮﺕ ﺳﺎﻋﺔ ﻋﻠﻰ ﻫﺎﻟﻤﻮﻗﻒ ﻭﺭﺍﺣﺖ ﺍﻟﺪﺍﺭ ﻓﺎﺗﻦ ﻋﺸﺎﻥ ﺗﺸﻴﻞ
ﺍﻟﻤﻮﺍﻋﻴﺐ " ﺍﻟﻔﺎﺿﻴﺔ " ﻋﻠﻰ ﻗﻮﻟﺘﻬﺎ .. ﻭﺍﻧﺼﺪﻣﺖ ﻣﻦ ﺍﻟﺰﻳﻦ ﻳﻮﻡ
ﺷﺎﻓﺘﻬﺎ ﻣﺎ ﺍﻧﻠﻤﺴﺖ .. ﻃﺎﻟﻌﺖ ﻣﺴﺎﻋﺪ ﻭﻃﺎﻟﻌﺖ ﺍﻟﺼﺤﻮﻥ ...
ﺍﺣﺴﺴﺴﺴﺴﺴﺴﺴﺴﺴﺴﺴﺴﻦ ﻳﻌﻠﻪ ﻣﺎ ﺍﻛﻞ .. ﺭﺍﺣﺖ ﻭﺷﺎﻟﺖ
ﺍﻟﺼﺤﻮﻥ ﻭﺳﻜﺮﺕ ﺍﻟﺒﺎﺏ ﺑﻘﻮﻭﻭﻭﻭ ﻣﻦ ﺍﻟﻘﻬﺮ .. ﻣﺴﺎﻋﺪ ﺍﻟﻠﻲ ﺑﻌﺪﻩ ﻣﺎ
ﺭﻗﺪ ﺍﺑﺘﺴﻢ ﻳﻮﻡ ﺳﻤﻊ ﺻﻮﺕ ﺍﻟﺒﺎﺏ ﻭﻫﻮ ﻳﺸﺪ ﻋﻠﻰ ﻋﻴﻮﻧﻪ ﻣﻦ ﻗﻮﺓ
ﺍﻟﺼﻮﺕ .. ﻣﺴﻜﻴﻨﺔ .. ﺗﻈﻦ ﺍﻧﻬﺎ ﺍﻫﻲ ﺑﺲ ﺍﻟﻠﻲ ﺗﻘﺪﺭ ﺗﺤﺮﻕ ﺍﻟﺪﻡ ... ﻣﺎ
ﻋﺮﻓﺘﻴﻨﻲ ﺯﻳﻦ ﻳﺎ ﺑﻨﺖ ﺍﻟﻴﺎﺳﻲ ..
ﻗﺎﻡ ﻭﻏﻄﻰ ﺭﺍﺳﻪ ﺑﺎﻟﻠﺤﺎﻑ ﻭﺳﻤﺢ ﻟﻠﻨﻮﻡ ﺍﻧﻪ ﻳﺎﺧﺬﻩ ﻻﺍﺍﺍﺍﺧﺮ ﻋﺎﻟﻢ ..
ﺍﻟﻔﺼﻞ ﺍﻟﺜﺎﻧﻲ
---------------
ﺍﻟﻌﺼﺮ ﺑﺘﻮﻗﻴﺖ ﺍﻟﻜﻮﻳﺖ ..
ﻋﻨﺪ ﺑﻴﺖ ﺑﻮ ﺟﺮﺍﺡ ﻗﻌﺪ ﺧﺎﻟﺪ ﻭﻳﺎ ﻋﺒﺪ ﺍﻟﻌﺰﻳﺰ ﻭﻓﺎﺿﻞ ﺍﺭﻓﻴﺠﻪ ﺍﻟﻠﻲ
ﺯﺍﺭﻩ ﻫﺎﻟﻤﺮﺓ ﺑﻨﺎﺀﺍ ﻋﻠﻰ ﺍﻭﺍﻣﺮ ﺍﻡ ﺟﺮﺍﺡ .. ﻣﺎﻛﻮ ﺭﻭﺣﺔ ﻟﺒﻴﺖ ﻓﺎﺿﻞ ..
ﻻﻧﻪ ﻣﺎ ﺗﺂﻣﻦ ﻟﻪ .. ﻣﻦ ﻳﺮﻭﺡ ﻳﺒﺎﺕ ﻭﺍﻫﻲ ﻣﺎ ﺗﺤﺒﻪ ﻳﺒﺎﺕ ﺑﺮﻩ ﺍﻟﺒﻴﺖ ..
ﻛﻔﺎﻳﺔ ﻗﺒﻞ ﻣﺘﺤﻤﻠﺔ ﺍﻟﺤﻴﻦ ﻣﺎ ﻋﻨﺪﻩ ﻋﺬﺭ .. ﻭﺍﻥ ﺷﺎﺀ ﺍﻟﻠﻪ ﻛﻠﻬﺎ ﺍﻳﺎﻡ
ﻭﻣﺘﻌﻬﺪﻳﻦ ﺍﻟﺒﻨﺎﺀ ﺑﻴﻮﻭﻧﻬﻢ ﻋﺸﺎﻥ ﺍﻟﺒﻨﻲ ﻭﺍﻟﺘﺮﻣﻴﻢ ..
ﻛﺎﻥ ﻋﺒﺪ ﺍﻟﻌﺰﻳﺰ ﻳﻨﺎﺣﺲ ﺧﺎﻟﺪ ﻭﻓﺎﺿﻞ ﺍﻟﻠﻲ ﻭﺩﻫﻢ ﻟﻮ ﻳﺬﺑﺤﻮﻧﻪ
ﺍﻟﻤﺘﻴﻦ ﻟﻜﻦ ﻓﻲ ﻧﻔﺲ ﺍﻟﻮﻗﺖ ﻳﺴﻮﻱ ﻟﻬﻢ ﺣﺮﻛﺎﺕ ﺑﺎﻟﻜﻮﺭﺓ ﻳﺨﻠﻴﻬﻢ
ﻳﻀﺤﻜﻮﻥ .. ﻋﺒﺪ ﺍﻟﻌﺰﻳﺰ – ﻣﺜﻠﻪ ﻣﺜﻞ ﺍﺧﻮﺍﻧﻜﻢ ﺍﻟﻠﻲ ﺑﻤﺜﻞ ﻋﻤﺮﻩ -
ﻣﻴﻨﻮﻥ ﻛﺮﺓ ﻗﺪﻡ .. ﻭﻭﺩﻩ ﻟﻮ ﺍﻧﻪ ﻳﺼﻴﺮ ﻻﻋﺐ ﺟﺒﻴﺮ ﻳﺨﻠﻲ ﺍﻟﻜﻞ
ﻳﻔﺘﺨﺮ ﻓﻴﻪ ﻭﻭﺩﻫﻢ ﺍﻟﺼﻐﺎﺭ ﻟﻮ ﺍﻧﻬﻢ ﻳﻜﺒﺮﻭﻥ ﻭﻳﺼﻴﺮﻭﻥ ﻧﻔﺴﻪ ..
ﻃﻤﻮﺣﺎﺗﻪ ﻛﺒﻴﺮﺓ ﺍﺩﺭﻱ ..
ﺧﺎﻟﺪ : ﺯﻳﻦ ﻓﺎﺿﻞ ﻣﺘﻰ ﺍﻟﺪﻭﺍﻡ ﺗﺮﺍﻧﻲ ﻣﻠﻴﺖ ﻭﺍﻧﺖ ﺗﻘﻮﻝ ﻟﻲ ﺍﺻﺒﺮ
ﻭﺍﺻﺒﺮ ..
ﻓﺎﺿﻞ ﻭﻫﻮ ﻳﻮﻟﻊ ﺯﻗﺎﻳﺮ : ﺍﻧﻄﺮ ﺍﻧﺖ ﺷﻮﺭﺍﻙ ﻛﻠﻬﺎ ﺍﻳﺎﻡ ﻭﻳﺮﺩ ﻋﻠﻴﻬﺎ
ﻓﺎﺭﻭﺀ
ﺧﺎﻟﺪ ﻭﻫﻮ ﻳﺤﻮﺱ ﻭﻳﻬﻪ : ﻫﺬﺍ ﺍﺳﻤﻪ ﺍﻳﻴﺐ ﺍﻟﻔﻘﺮ ﺷﺒﺎﻟﻚ ﺍﻟﺨﻴﺮ ؟؟
ﻓﺎﺿﻞ : ﻻ ﻳﺎ ﻋﻨﻮﻧﻲ ﺍﺻﺒﺮ ﻭﻛﻞ ﺷﻲ ﺑﺼﻴﺮ ﺑﺨﻴﺮ ..
ﺧﺎﻟﺪ : ﺍﻥ ﺷﺎﺀ ﺍﻟﻠﻪ ...
ﻗﺎﻟﻬﺎ ﻭﻋﻴﻮﻧﻪ ﺗﺘﻮﺟﻪ ﻋﻨﺪ ﺑﻴﺖ ﺑﻮﻣﺸﻌﻞ .. ﻗﻠﺒﻪ ﻣﻨﺸﻐﻞ ﻋﻠﻰ ﺳﻤﺎﺀ ..
ﺻﺎﺭ ﻟﻬﺎ ﺗﻘﺮﻳﺒﺎ ﺍﻟﻴﻮﻣﻴﻦ ﻣﺎ ﻳﺎﺕ ﺑﻴﺖ ﺧﺎﻟﺘﻪ .. ﺑﺎﻟﻌﺎﺩﺓ ﺍﻫﻲ ﻟﺰﻗﺔ
ﺟﻮﻧﺴﻮﻥ ﻭﻻ ﻋﻨﺰﺭﻭﺕ ﻣﺎ ﺗﻔﺎﺭﺝ .. ﻳﺸﻮﻓﻬﺎ ﻋﻠﻰ ﺍﻟﻐﺪﻯ ﻭﺍﻟﻌﺸﺎ
ﻭﺍﻟﻌﺼﺎﺭﻱ ﺣﺘﻰ ﺍﻟﺼﺒﺢ ﻻﻧﻬﺎ ﺧﺎﻳﺒﺔ ﻣﺎ ﺗﺮﻭﺡ ﺍﻟﻤﺪﺭﺳﺔ .. ﻃﺎﻟﻌﻪ
ﻋﻠﻴﻪ .. ﺳﺎﻋﺎﺕ ﺗﻔﻮﺕ ﻭﺟﺒﺔ ﻭﻻ ﻭﻗﺖ ﻣﻌﻴﻦ ﻟﻜﻨﻬﺎ ﻻﺯﻡ ﺗﻜﻮﻥ
ﻣﻮﺟﻮﺩﺓ .. ﻟﻜﻦ ﻳﻮﻣﻴﻦ ﻓﺘﺮﺓ ﻃﻮﻳﻠﺔ ﻋﻠﻰ ﻏﻴﺎﺑﻬﺎ .. ﻻ ﻳﻜﻮﻥ ﺗﺘﻐﻠﻰ
ﻋﺼﻌﺺ ﺍﻟﺰﻗﺎﻳﺮ .. ﻭﺍﻟﻠﻪ ﺑﻜﻴﻔﻬﺎ ﺗﺘﻐﻠﻰ ﻣﻦ ﺍﻟﻴﻮﻡ ﻟﺒﺎﺟﺮ ﻣﻮ ﺧﺎﻟﺪ
ﺟﻤﻴﻞ ﺟﻤﺎﻝ ﺍﻟﻠﻲ ﻳﻤﻮﺕ ﻋﻠﻴﻬﺎ .. ﻟﻜﻦ ﻭﺍﻟﻠﻪ ﻓﻲ ﻗﻠﺒﻲ ﺣﺮﺓ ﻋﻠﻴﻬﺎ ..
ﻭﺣﺸﺘﻨﻲ ﺍﻟﺴﺒﺎﻟﺔ ..
ﺍﻻ ﻭﻳﺪ ﻓﺎﺿﻞ ﺗﻬﺰﻩ : ﻫﻲ ﺍﻧﺘﺖ؟
ﺧﺎﻟﺪ ﺑﻈﻴﺞ : ﻫﺎﺍﺍﺍﺍﺍﺍﺍﺍﺍﺍﺍ
ﻓﺎﺿﻞ : ﻃﺎﻟﻊ ﻫﺬﺍ ﻣﺎﺩﺭﻱ ﺍﻃﻔﻴﻬﺎ ﻋﻠﻰ ﺟﺒﻴﻨﻚ؟؟ ﻣﻦ ﻗﺎﻋﺪ ﺍﺣﺎﺟﻲ
ﺍﻧﺎ ﻫﺎﺍ ﻗﻮﻝ ﻟﻲ ؟؟
ﺧﺎﻟﺪ : ﺍﻭﻭﻭﻭﻭﻭﻑ ﺍﻧﺖ ﺳﻮﺍﻟﻔﻚ ﻣﺎ ﺗﺨﻠﺺ .. ﻭﻻ ﺍﻡ ﻣﺮﺯﻭﻕ ﺭﺍﻋﻴﺔ
ﺍﻟﺒﺰ ..
ﻓﺎﺿﻞ : ﻣﺎ ﻋﻠﻴﻨﺎ .. ﺍﻡ ﻣﺮﺯﻭﻕ ﺍﻡ ﻣﺮﺯﻭﻕ ﺑﺲ ﺍﻧﺖ .. (ﺑﻨﻈﺮﺓ ﺧﺒﺚ )
ﺷﺘﻄﺎﻟﻊ ﻫﻨﺎﻙ؟؟؟؟
ﺧﺎﻟﺪ : ﻭﻳﻦ ﻫﻨﺎﻙ
ﻓﺎﺿﻞ : ﻫﻴﻴﻲ .. ﻋﻠﻰ ﻣﺎﻣﺎ ﻳﺎ ﺑﺎﺑﺎ .. ﻗﺎﻋﺪ ﺗﻄﺎﻟﻊ ﻫﺎﻟﻔﻴﻼ .. ﻣﻦ ﻫﻨﺎﻙ
ﻳﺴﻜﻦ
ﺍﻻ ﻋﺒﺪ ﺍﻟﻌﺰﻳﺰ ﺍﻳﻲ : ﻫﻨﺎﻙ ﺣﺒﻴﺒﺔ ﺍﻟﻘﻠﺐ ..
ﺧﺎﻟﺪ : ﺣﺒﻴﺒﻪ ﻓﻲ ﻋﻴﻨﻚ ﻗﻮﻝ ﺍﻣﻴﻦ
ﻋﺒﺪ ﺍﻟﻌﺰﻳﺰ : ﻫﻬﻬﻬﻬﻬﻬﻬﻬﻬﻬﻬﻬﻬﺎﺍﺍﺍﺍﻱ
ﻓﺎﺿﻞ ﻳﻄﺎﻟﻊ ﺧﺎﻟﺪ ﺑﺨﺒﺚ ﻭﻣﻜﺮ : ﺃﻱ ﺣﺒﻴﺒﺔ ﻗﻠﺐ ؟؟ ﻣﺎ ﻋﺮﻓﻬﺎ ﺍﻧﺎ
ﻫﺬﻱ؟؟
ﻋﺒﺪ ﺍﻟﻌﺰﻳﺰ ﻳﻤﺜﻞ ﻣﺜﻞ ﺍﻟﺒﻨﺎﺕ : ﺳﻤﺎﺍﺍﺍﺍﺍﺍﺀ ﺍﻟﺤﻠﻮﺓ ﺍﻟﺠﻤﻴﻠﺔ ... ﺍﻟﻠﻲ ﻣﺎ
ﻳﻘﺪﺭ ﻳﻌﻴﺶ ﻣﻦ ﺩﻭﻧﻬﺎ .. ﺍﻩ ﺍﻩ ﺍﻩ ..
ﻓﺎﺿﻞ : ﺍﻳﺎ ﺍﻟﻨﻴﺲ
ﺧﺎﻟﺪ ﺑﻌﺼﺒﻴﻪ : ﻳﺎﻟﺘﻤﺒﺔ ﺍﺳﻜﺖ ﻻ ﺍﻓﺸﺸﻚ ﺍﻟﺤﻴﻦ
ﻋﺒﺪ ﺍﻟﻌﺰﻳﺰ ﻣﺎ ﺯﺍﻝ ﻓﻲ ﺍﻟﺘﻤﺜﻴﻞ : ﺍﺍﺍﻩ ﺧﺎﻟﺪ .. ﺑﻼ ﺑﻴﺎﺧﺔ .. ﻛﺮﻳﻪ
ﻭﺍﺣﺪ .. ﻟﻮﻋﺔ ﺍﻧﺖ .. ﺍﻩ ﺍﻩ
ﻓﺎﺿﻞ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺧﺎﻟﺪ ﻳﻘﻮﻡ ﺑﻌﺼﺒﻴﺔ ﺍﻟﻰ ﻋﺒﺪ ﺍﻟﻌﺰﻳﺰ : ﺑﺘﺴﻜﺖ ﻭﻻ ﺍﺣﺸﺮ ﻫﺎﻟﻜﻮﺭﺓ
ﺑﺤﻠﺠﻚ ..
ﻋﺒﺪ ﺍﻟﻌﺰﻳﺰ ﻳﺸﺮﺩ ﻣﻨﻪ : ﻣﻌﺼﻘﻞ ﻣﺎﺗﻘﺪﺭ ﻋﻠﻲ
ﻳﺤﺎﻭﻝ ﻳﻤﺴﻜﻪ ﺧﺎﻟﺪ ﻟﻜﻦ ﻭﻳﻦ ﻳﺘﻌﺐ ﻭﻋﺰﻭﻭﺯ ﻳﻨﺮﻓﺰﻩ ... ﺷﻮﻱ ﻭﻗﻒ
ﻭﻫﻮ ﻣﻨﻬﺪ ﺍﻟﺤﻴﻞ : ﺍﻭﺭﻳﻚ ﻟﻜﻦ ﻳﺎﻟﺘﻤﺒﺔ .. ﺍﻥ ﻣﺎ ﻓﺸﺸﺘﻚ ﻭﺧﻠﻴﺘﻚ
ﺗﻄﻴﺮ ﺍﻟﻰ ﺍﻟﺨﻔﺠﻲ ..
ﻋﺒﺪ ﺍﻟﻌﺰﻳﺰ ﻭﻫﻮ ﻳﺮﻛﺾ ﺑﺎﺧﺮ ﺍﻟﺸﺎﺭﻉ : ﻫﺎﻫﺎﻫﺎﻫﺎﻫﺎﻉ .... ﺍﻟﺤﻖ ﻋﻠﻰ
ﺳﻤﻮﻱ ﻗﺒﻞ .. ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺧﺎﻟﺪ ﻭﻫﻮ ﻳﻘﻌﺪ : ﺟﺐ ﻳﺎﻟﺰﻓﺖ ...
ﻭﺑﻌﺪ ﻓﺘﺮﺓ .. ﻭﻓﺎﺿﻞ ﻳﻨﺎﻇﺮﻩ ﺑﺤﻤﻖ .. ﻭﻟﻜﻦ ﻓﻲ ﻧﻔﺲ ﺍﻟﻮﻗﺖ
ﻳﺒﺘﺴﻢ .. ﻻﻥ ﺧﺎﻟﺪ ﺻﺎﺭ ﻟﻪ ﻓﺘﺮﺓ ﻣﻮ ﺻﺎﺣﻲ .. ﺍﻫﻮ ﺻﺞ ﻗﺎﻝ ﻟﻪ ﺍﻧﻪ
ﻳﺤﺐ ﻓﺎﺗﻦ ﺑﻨﺖ ﺧﺎﻟﺘﻪ ﻟﻜﻦ ﺍﻫﻮ ﺍﻛﺘﺸﻒ ﺗﻐﻴﺮ ﻋﺠﻴﺐ ﻭﻏﺮﻳﺐ ﻓﻴﻪ
ﻣﻦ ﺍﻳﺎﻡ .. ﻭﻋﺮﻑ ﺍﻟﺤﻴﻦ ﺍﻟﺴﺒﺐ . ﺍﺛﺮﻩ ﺍﻟﻜﻠﺐ ﻳﺤﺐ ﻭﻣﺎ ﻳﻘﻮﻝ ..
ﻻﺣﻆ ﺧﺎﻟﺪ ﺳﻜﻮﺕ ﻓﺎﺿﻞ : ﻋﻼﻣﻚ ﺍﻧﺖ ﺳﺎﻛﺖ؟
ﻓﺎﺿﻞ ﻭﻫﻮ ﻳﻨﻔﺾ ﺍﻟﺰﻗﺎﻳﺮ : ﻻ ﺑﺲ ... ﺍﻓﻜﺮ
ﺧﺎﻟﺪ : ﺍﺫﺍ ﺗﻔﻜﺮ ﻓﻲ ﻛﻼﻡ ﻋﺒﺪ ﺍﻟﻌﺰﻳﺰ ﺍﻧﺖ ﻓﺎﺿﻲ ﻭﻣﺎ ﻋﻨﺪﻙ ﺷﻐﻠﺔ
ﻳﺒﺘﺴﻢ ﻓﺎﺿﻞ : ﻭﻣﻦ ﻗﺎﻝ ﻟﻚ ﺍﻧﻲ ﺍﻓﻜﺮ ﻓﻲ ﻋﺒﺪ ﺍﻟﻌﺰﻳﺰ ...
ﺧﺎﻟﺪ : ﺍﻋﺮﻑ ﻣﺨﻚ ﺍﻧﺖ ﻳﺒﻴﻠﻪ ﻓﻼﺵ ﻓﻤﻦ ﺟﺬﻱ ﻗﻠﺖ ﺍﻛﻴﺪ ﻳﻔﻜﺮ
ﻓﻲ ﻫﺎﻟﺴﺎﻟﻔﺔ ..
ﻓﺎﺿﻞ ﺑﺼﻮﺕ ﺧﺎﻓﺖ : ﻭﺍﻃﻲ ..
ﺧﺎﻟﺪ : ﺷﻨﻮﻭﻭﻭﻭﻭ؟
ﻓﺎﺿﻞ ﻳﺮﻓﻊ ﺻﻮﺗﻪ : ﺍﻗﻮﻝ ﻟﻚ ﻭﺍﻃﻲ ..
ﺧﺎﻟﺪ : ﻃﺎﻟﻊ ﻋﻠﻴﻚ
ﻓﺎﺿﻞ : ﻋﻴﻞ ﺗﺤﺐ ﻭﻻ ﺗﻘﻮﻝ ﻟﻲ ..؟؟؟ ﺻﺞ ﺍﺭﻓﻴﺞ .. ﻭﺍﺭﻓﻴﺞ ﻣﺜﺎﻟﻲ
ﺑﻌﺪ .. ﻭﺍﻧﺎ ﺍﻟﻠﻲ ﻓﺎﺟﺮ ﻟﻚ ﻗﺼﺔ ﺣﺐ ﻫﺎﻟﺰﻣﻦ ﺍﻟﻐﺎﺑﺮ ﻭﺍﻧﺖ ﺍﺑﺪ ﻣﻮ
ﻣﻌﺒﺮﻧﻲ ...
ﺧﺎﻟﺪ : ﻻﻥ ﻣﺎﻛﻮ ﺷﻲ ﺍﻗﻮﻟﻪ ﻟﻚ
ﻓﺎﺿﻞ : ﻋﻴﻞ ﺍﻛﻮﻭﻭ ﺑﻨﺖ ﻭﺍﻧﺎ ﻣﺎﺩﺭﻱ ﻋﻨﻬﺎ
ﺧﺎﻟﺪ ﻭﻫﻮ ﻳﻬﺰ ﺭﺍﺳﻪ ﻳﺒﻌﺪ ﻭﻳﻪ ﺳﻤﺎﺀ ﻋﻦ ﻣﺨﻴﻠﺘﻪ : ﺍﻟﺴﺎﻟﻔﺔ
ﻣﺎﺗﺴﺘﺎﻫﻞ ﻛﻞ ﻫﺬﺍ .. ﻛﻞ ﺍﻟﺴﺎﻟﻔﺔ ﺍﻥ ﺍﺧﺖ ﻣﺸﻌﻞ ﺍﻟﻨﻬﻴﺪﻱ ﺍﺳﻤﻬﺎ
ﺳﻤﺎﺀ .. ﺑﻨﺖ ﻣﺼﺮﻗﻌﺔ ﺟﻨﻬﺎ ﺑﻨﺖ ﺯﻟﻤﺔ ﺗﻌﻴﺶ ﻓﻲ ﻫﺬﺍﻙ ﺍﻟﺒﻴﺖ ﺍﺗﻴﻲ
ﺑﻴﺖ ﺧﺎﻟﺘﻲ ﻭﺍﻧﺎ ﻋﻠﻰ ﻃﻮﻝ ﺍﻣﺤﺎﺭﺑﻬﺎ .. ﻳﻌﻨﻲ ﻣﺎﻓﻴﻬﺎ ﺷﻲ ﺷﻘﻮﻝ
ﻟﻚ ..؟؟ ﺍﺻﻴﺮ ﻟﻚ ﻣﺜﻞ ﺍﻟﺒﻨﺎﺕ ﺍﻟﻴﻮﻡ ﺻﺎﺭ ﻟﻲ ﺟﺬﻱ ﻭﻳﺎ ﺳﻤﺎﺀ ﻭﺟﺬﻱ
ﻭﻳﺎ ﺳﻤﺎﺀ؟؟
ﻓﺎﺿﻞ : ﻧﻔﺲ ﺍﻟﺸﻲ ﺻﺎﺭ ﻟﻚ ﻭﻳﺎ ﻓﺎﺗﻦ ﻭﺍﺧﺮﺗﻬﺎ ﻃﻠﻌﺖ ﻟﻲ ﺗﺤﺒﻬﺎ؟
ﺧﺎﻟﺪ ﻭﻫﻮ ﻳﺬﻛﺮ ﻓﺎﺗﻦ ﺑﺤﺰﻥ : ﻓﺘﻮﻭﻭﻥ؟؟؟ ﻓﺘﻮﻥ ﻏﻴﺮ ﻳﺎ ﻓﺎﺿﻞ
ﻏﻴﺮ ... ﻓﺘﻮﻥ ﻭﺭﺩﺓ ﻫﺎﻟﺪﻧﻴﺎ ﺍﻟﻠﻲ ﻣﻦ ﺭﺍﺣﺖ ﺫﺑﻞ ﻛﻞ ﺷﻲ ﺑﻌﻴﻮﻧﻲ !!!
ﻓﺎﺿﻞ : ﻣﻮ ﺑﺎﻳﻦ
ﺧﺎﻟﺪ : ﺷﻠﻮﻥ ﻳﻌﻨﻲ .. ﺗﺒﻴﻨﻲ ﺍﻗﻄﻊ ﻫﺪﻭﻣﻲ ﺟﺪﺍﻡ ﺍﻟﻨﺎﺱ؟؟؟ ﻭﺍﻗﻮﻝ
ﻭﻳﻨﺞ ﻳﺎ ﻓﺎﺗﻦ ﻭﻳﻨﺞ ﻳﺎ ﻧﺒﻊ ﺍﻟﻤﺎﻱ؟؟
ﻓﺎﺿﻞ ﻳﻀﺤﻚ : ﻻ ﺑﺲ ﺻﺮﺍﺣﺔ ﺍﻧﺎ ﻻﺯﻡ ﺍﺷﻮﻑ ﻫﺎﻟﺴﻤﺎﺀ .. ﻣﺎ ﻳﺼﻴﺮ
ﻻﺯﻡ ﺍﺣﻜﻢ ﻋﻠﻴﻬﺎ
ﺗﺬﻛﺮ ﺧﺎﻟﺪ ﻟﺒﺲ ﺳﻤﺎﺀ ﺍﻟﻠﻲ ﻳﺒﻂ ﺍﻟﺠﺒﺪ .. ﻭﺍﻛﺜﺮ ﺷﻲ .. ﻭﻳﻬﻬﺎ ﺍﻟﻠﻲ
ﻳﺘﻌﻠﻖ ﻓﻴﻪ ﺍﻟﻠﻲ ﻣﺎ ﻳﺘﻌﻠﻖ .. ﻭﻣﺴﺘﺤﻴﻞ ﻳﺨﻠﻲ ﺍﺭﻓﻴﺠﺔ ﻓﺎﺿﻞ ﻻﻧﻪ
ﺍﻳﻌﺮﻓﻪ ﻳﻘﺪﺭ ﺍﻟﺠﻤﺎﻝ ﻟﻤﻦ ﻳﺸﻮﻓﻪ ﺑﻄﺮﻳﻘﻪ ﺳﻮﻗﻴﺔ ﻳﻌﻨﻲ ﻣﺜﻠﻪ ﻣﺜﻞ
ﺷﺒﺎﺏ ﻫﺎﻻﻳﺎﻡ .. ﻭﻣﺎ ﻃﻮﻝ ﺍﺑﺪ ﻓﻲ ﺍﻟﺸﻲ
ﺧﺎﻟﺪ : ﻣﺎﻓﻲ ﺗﺸﻮﻓﻬﺎ ﻭﻻ ﺷﻲ؟؟
ﻓﺎﺿﻞ ﺑﺤﺎﺟﺐ ﻣﺮﻓﻮﻉ : ﻟﻴﺶ؟؟ ﺗﻐﺎﺭ؟؟
ﺧﺎﻟﺪ : ﻻ ﺍﻏﺎﺭ ﻭﻻ ﺷﻲ ﺍﻟﺒﻨﺖ ﺑﺤﺴﺒﺔ ﺍﺧﺘﻲ ﻭﻣﺎ ﺍﺣﺒﻚ ﺍﺗﺒﺼﺒﺺ
ﻓﻴﻬﺎ ..
ﻓﺎﺿﻞ : ﺑﺤﺴﺒﺔ .. ﻭﻣﻮﻭﻭ ﺍﺧﺘﻚ .. ﺍﻧﺎ ﺑﻈﻞ ﻫﻨﻲ ﺍﻟﻴﻮﻡ ﺑﻨﺘﻈﺮﻫﺎ ﻟﻤﻦ
ﺗﻄﻠﻊ ﻣﻦ ﺍﻟﺒﻴﺖ ..
ﺧﺎﻟﺪ : ﻣﺎ ﺑﺘﻄﻠﻊ .. ﻭﻻ ﺑﺘﻈﻞ ﺍﻧﺖ ﻭﺍﻗﻒ ﻫﻨﻲ ﻳﺎﻟﻠﻪ ﺍﻧﻘﻠﻊ
ﻓﺎﺿﻞ : ﻫﺎﻫﺎﻫﺎﻫﺎﻫﺎ .. ﺷﺎﺭﻉ ﻋﻤﻚ ﻫﺬﺍ؟؟؟ ﻭﻻ ﺷﺎﺭﻳﻪ؟
ﺧﺎﻟﺪ : ﺷﺎﺭﻳﻪ ﺑﻜﻴﻔﻲ .. ﻳﺎﻟﻠﻪ ﺍﻧﻘﻠﻊ ..
ﻓﺎﺿﻞ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺍﻟﻴﻮﻡ ﺑﺮﻭﺡ ﻟﻜﻦ ﺑﺎﺟﺮ ﻭﻳﻦ
ﺧﺎﻟﺪ : ﻳﺎﻟﻠﻪ ﺍﺫﻟﻒ ﻣﺎ ﻭﺭﺍﻙ ﺍﻻ ﺍﻟﺘﻌﺐ ..
ﻭﺗﻮﻩ ﺑﻴﺪﺧﻞ ﻓﺎﺿﻞ ﺳﻴﺎﺭﺗﻪ ﺍﻻ ﻭﺳﻤﺎﺀ ﺗﻄﻠﻊ ﻣﻦ ﺍﻟﺒﻴﺖ .. ﻟﻜﻦ
ﺷﻠﻮﻭﻭﻥ ... ﻛﺎﻧﺖ ﻻﺑﺴﺔ ﺗﻨﻮﺭﺓ ﻣﻮﺭﺩﺓ ﺷﻮﻱ ﻗﺼﻴﺮﺓ ﻟﻨﺺ ﺍﻟﺴﺎﻕ ..
ﻭﻋﻠﻴﻬﺎ ﺻﻨﺪﻝ ﻣﻦ ﺍﺣﺪ ﺍﻟﻮﺍﻥ ﺍﻟﺘﻨﻮﺭﺓ ﻣﺴﻄﺢ .. ﻭﻋﻠﻴﻬﺎ ﺗﻲ ﺷﺮﺕ
ﻳﺪﻩ ﻃﻮﻳﻠﻪ ﻭﻓﻮﻗﻪ ﻟﻔﺎﻓﻪ ﻭﺷﻌﺮﻫﺎ ﺍﻟﺤﺮﻳﺮﻱ ﺍﻟﻄﻮﻳﻞ ﺷﻮﻱ ﻣﻬﺪﻭﺩ
ﻋﻠﻰ ﻭﻳﻬﻬﺎ ﺑﻄﺮﻳﻘﺔ ﻣﻼﺋﻜﻴﺔ ﺧﻠﺖ ﻣﻦ ﻗﻠﺐ ﺧﺎﻟﺪ ﻳﺪﻕ ﺑﻘﻮﻭﻭﻭﻭ
ﺣﺘﻰ ﺍﻧﻪ ﻣﺎ ﻋﺮﻑ ﺳﺎﺳﻪ ﻣﻦ ﺑﻨﻜﺮﻳﺎﺳﻪ ..
ﺍﻣﺎ ﻓﺎﺿﻞ ﻓﺸﻠﻊ ﺍﻟﺤﻠﺞ ﻣﻦ ﻫﺎﻟﺒﻨﺖ .. ﻭﻋﻴﻮﻧﻪ ﻃﺎﺣﺖ ﻋﻠﻰ ﺧﺎﻟﺪ
ﻣﺒﺎﺷﺮﺓ ﻭﺷﺎﻓﻪ ﻣﻮﻭﻭﻭﻭﺕ ﺍﻟﺮﻳﺎﻝ ﻣﺎ ﻳﺪﺭﻱ ﻋﻦ ﺭﻭﺣﻪ ﺷﻠﻮﻥ
ﻳﻄﺎﻟﻌﻬﺎ .. ﺍﻟﺨﺎﻳﺲ .. ﺍﺛﺮﻳﻪ ﻣﺨﺒﻲ ﻋﻠﻲ ﺣﻮﻭﻭﻭﻭﺭﻳﺔ ﻧﺎﺯﻟﺔ ﻣﻦ
ﺍﻟﺴﻤﺎ .. ﻟﻜﻦ ﺍﻟﺤﻖ ﻳﻨﻘﺎﻝ ﺍﻟﺒﻨﺖ ﻣﺎ ﺟﻨﻬﺎ ﺧﻠﻴﺠﻴﻪ .. ﻭﺍﻻ ﺍﻟﺨﻠﻴﺠﻴﺎﺕ
ﺟﺬﻱ .. ﺍﻟﺨﺪﻭﺩ ﺣﻤﺮﺍ ﻭﺍﻟﺸﻌﺮ ﺍﺷﻘﺮ ﻭﺍﻟﻌﻴﻮﻥ ﺧﻀﺮﺍ .. ﻳﺎ ﻋﻤﺮﻱ ﻭﺍﻟﻠﻪ
ﻫﺎﻟﺒﻨﺖ .. ﻭﺗﺬﻛﺮ ﺣﺒﻴﺒﺘﻪ ﺳﻤﻴﺔ ﻭﺍﺳﺘﺤﻰ ﻋﻠﻰ ﻭﻳﻬﻪ ﻭﻧﺰﻝ ﻋﻴﻮﻧﻪ ..
ﺳﻤﺎﺀ ﺗﻤﺸﻲ ﺻﻮﺏ ﺧﺎﻟﺪ ﺑﻜﻞ ﻫﺪﻭﺀ ﻭﺣﻼﻭﺓ ﻭﻗﻠﺐ ﺍﻟﺜﺎﻧﻲ ﻣﺘﺼﺮﻗﻊ
ﻣﻦ ﺍﻟﺪﻗﺎﺕ ..
ﺳﻤﺎﺀ ﺑﺎﺑﺘﺴﺎﻣﺔ ﻧﺎﻋﻤﺔ : ﻗﻮﺓ ﺧﺎﻟﺪ ...
ﺧﺎﻟﺪ ..: ﺍﻟﻠﻪ . ﻳﻘﻮﻳﺞ ... ﻋﺎﺵ ﻣﻦ ﺷﺎﻓﺞ
ﺳﻤﺎﺀ ﺑﺤﻴﺮﺓ ﻭﺍﺑﺘﺴﺎﻣﺔ : ﻣﺎ ﻋﺮﻑ ﺷﻴﺮﺩﻭﻥ؟؟
ﺧﺎﻟﺪ ﺗﻮﻗﻊ ﻫﺎﻟﺸﻲ ﻣﻨﻬﺎ : ﻳﻘﻮﻟﻮﻥ ﻋﺎﺷﺖ ﺍﻳﺎﻣﻚ ..
ﺳﻤﺎﺀ ﺑﺪﻻﻝ ﻭﺍﻫﻲ ﺣﺎﺍﺳﺔ ﻟﺘﺎﺛﻴﺮﻫﺎ ﻋﻠﻰ ﺧﺎﻟﺪ : ﻋﺎﺷﺖ ﺍﻳﺎﻣﻚ ﺧﺎﻟﺪ ..
ﺧﺎﻟﺘﻲ ﻣﻮﺟﻮﺩﺓ؟
ﺧﺎﻟﺪ ﻭﻫﻮ ﻣﺒﻬﺖ : ﺃﻱ .. ﻣﻮﺟﻮﺩﺓ ..
ﺳﻤﺎﺀ : ﻋﻦ ﺍﺫﻧﻚ ..
ﺗﻮﻫﺎ ﺗﺪﺧﻞ ﺳﻤﺎﺀ ﺍﻟﺒﻴﺖ ﻭﺧﺎﻟﺪ ﻭﻋﻰ ﻋﻠﻰ ﻧﻔﺴﻪ .. ﺳﻌﺎﺑﻴﻠﻪ ﺳﺎﻟﺖ
ﻣﻦ ﻓﻤﻪ ﻋﻠﻰ ﺍﻟﺒﻨﺖ ﻭﺍﺷﻜﺮﻩ ﻋﻴﻨﻲ ﻋﻴﻨﻬﺎ .. ﻟﻜﻦ ﻭﻳﻦ
ﺧﺎﻟﺪ : ﺳﻤﺎﺀ ..
ﺍﻟﺘﻔﺘﺖ ﻟﻪ ﺑﺪﻻﻝ : ﻧﻌﻢ؟
ﺧﺎﻟﺪ : ﻳﺎﺯﻋﻢ ﺑﻨﻴﺔ ﺍﻧﺘﻲ ﺍﻟﻴﻮﻡ؟؟ ( ﻳﺎﺯﻋﻢ = ﺍﻭﻧﺞ )
ﺳﻤﺎﺀ ﺍﻧﺼﺪﻣﺖ : ﺷﻠﻮﻥ؟؟
ﺧﺎﻟﺪ : ﺑﻬﺎﻟﺜﻴﺎﺏ؟؟ ﻳﺎﺯﻋﻢ ﺑﻨﻴﺔ؟؟
ﺍﻧﻘﻬﺮﺕ ﺳﻤﺎﺀ ﻣﻨﻪ .. ﺻﺞ ﺍﻥ ﺍﻟﺤﻤﺎﺭ ﺣﻤﺎﺭ ﻟﻮ ﻟﺒﺴﻮﻩ ﺫﻫﺐ .. ﻫﺬﺍ
ﺍﻳﻮﺯ؟؟ ﺍﻧﺎ ﺍﻗﺺ ﺷﻌﺮﻱ ﻭﺍﺣﻠﻖ ﺷﻮﺍﺭﺑﻲ ﺑﻤﻮﻭﻭﻭﺱ ﻭﻻ ﻳﻌﻘﻠﻞ ...
ﺳﻤﺎﺀ : ﻣﻌﺘﻮﻭﻩ ﻭﺍﺣﺪ ..
ﺧﺎﻟﺪ ﻳﺒﺘﺴﻢ : ﻃﺎﻟﻊ ﻋﻠﻴﺞ
ﺩﺧﻠﺖ ﺳﻤﺎﺀ ﺑﻘﻬﺮ ﺍﻟﺒﻴﺖ ﻭﻫﻲ ﻣﻮﻭ ﻣﺼﺪﻗﺔ .. ﻭﺍﻫﻲ ﺍﻟﻠﻲ ﺗﻤﺖ
ﺳﺎﻋﺔ ﻛﺎﻣﻠﺔ ﺗﺘﻠﺒﺲ ﻓﻲ ﻫﺎﻟﺜﻴﺎﺏ .. ﺍﻟﺨﺎﻳﺲ ﻣﻦ ﻣﺴﺎﻋﺔ ﻭﺍﻧﺎ ﺍﻃﺎﻟﻌﻪ
ﻣﻦ ﺩﺭﻳﺸﺔ ﻣﺸﻌﻠﻮﻭﻭ ﻭﺍﻧﺎ ﻣﻴﺘﺔ ﻋﻠﻴﻪ ﺍﻟﺴﺒﺎﻝ ﻭﻫﻮ ﺍﺑﺪ ﻣﻮ ﺣﺎﺱ ..
ﻣﺎﻟﺖ ﻋﻠﻴﻪ ﺍﻟﺸﻴﻔﺔ ﺍﻟﻐﻠﻂ ﻣﻮ ﻣﻨﻪ ﻣﻨﻲ ﺍﻧﺎ ﺍﻟﻬﺒﻠﺔ ﺍﻟﻠﻲ ﻗﺎﻃﺔ ﺭﻭﺣﻲ
ﻋﻠﻴﻪ . ﻟﻜﻦ ﺍﻧﺖ ﻣﺎ ﻳﻨﻔﻊ ﻣﻌﺎﻙ ﺍﻻ ﺍﻟﻄﻖ ﻭﺍﻟﻤﻀﺎﺭﺏ .. ﺳﺒﺎﻝ ﻭﺍﺣﺪ ..
ﺧﺎﻟﺪ ﻭﺍﻗﻒ ﻭﻫﻮ ﻳﻨﺎﻇﺮ ﺧﻴﺎﻟﻬﺎ ﺍﻟﻠﻲ ﻳﺪﺧﻞ ﺍﻟﺒﻴﺖ .. ﻻ ﺻﺞ ﺍﻟﻴﻮﻡ
ﺳﻤﺎﺀ ﺳﻮﺕ ﻓﻴﻪ ﺷﻐﻞ .. ﺍﻟﺮﻳﺎﻝ ﺩﺍﺥ ﻣﻦ ﺣﻼﻫﺎ .. ﻟﻜﻦ ﻟﻴﺶ ﺑﻼ
ﺣﺠﺎﺏ .. ﺗﺨﻴﻠﻬﺎ ﻟﻮ ﻛﺎﻧﺖ ﻣﺘﺤﺠﺒﺔ ﻣﺜﻞ ﻓﺘﻮﻥ .. ﺑﻴﻄﻠﻊ ﻫﺎﻟﺠﻤﺎﻝ
ﻛﻠﻪ .. ﻟﺤﻈﻪ ... ﻟﺤﻈﻈﻈﻈﻈﻈﻈﻈﻈﻈﻪ ﺧﻠﻮﻭﻭﺩ .. ﻫﺬﻱ ﺳﻤﺎﺍﺍﺀ ﻣﻮ
ﻓﺎﺗﻦ .. ﺍﺷﻔﻴﻚ ﺗﻔﻜﺮ ﻓﻴﻬﺎ ﺟﺬﻱ .. ﺷﻌﻠﻴﻚ ﺍﻧﺖ ﻣﻨﻬﺎ .. ﺗﺴﻄﻔﻞ ﺍﻥ
ﺷﺎﺀ ﺍﻟﻠﻪ ﺍﻧﺖ ﻣﺎ ﻋﻠﻴﻚ ﻣﻨﻬﺎ ... ﻟﻜﻦ ﺷﻔﻴﻪ ﻗﻠﺒﻲ ﻳﺪﻕ ﺟﺬﻱ ﻣﻦ
ﺷﺎﻓﻬﺎ ... ﻻ ﻳﻜﻮﻥ ﺑﺲ ﻧﻮﺑﺔ ﺭﺑﻮﻭﻭ
ﺍﻻ ﻭﻓﺎﺿﻞ ﻳﻀﺮﺑﻪ ﻋﻠﻰ ﺭﺍﺳﻪ ﻣﻦ ﻭﺭﻯ : ﺍﻳﺎ ﺍﻟﻮﺍﻃﻲ .. ( ﻳﻘﻠﺪ ﻋﻠﻰ
ﺷﻜﻞ ﺧﺎﻟﺪ ) ﺑﺤﺴﺒﺔ ﺍﺧﺘﻲ ﻭﻣﺎ ﺍﺣﺒﻚ ﺍﺗﺒﺼﺒﺺ ﻓﻴﻬﺎ .. ﻭﺍﻧﺖ ﺍﻟﻠﻲ
ﺷﻮﻱ ﻭﺗﺎﻛﻠﻬﺎ ﺑﻌﻴﻮﻧﻚ؟؟؟ ﺻﺞ ﺍﻧﻚ
ﺧﺎﻟﺪ : ﺍﻧﻘﻘﻘﻘﻘﻘﻘﻘﻘﻠﻊ ..
ﻓﺎﺿﻞ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ..
ﻭﻗﺒﻞ ﻻ ﻳﺘﺤﺮﻙ ﻣﻦ ﺍﻟﻤﻜﺎﻥ ﺷﻐﻞ ﺍﻟﺴﻴﺎﺭﺓ ﻭﺍﻟﻤﺴﺠﻞ ﻋﻠﻰ ﺍﻋﻠﻰ
ﺻﻮﻭﻭﻭﺕ
" " ﻗﻮﻟﻲ ﻟﻲ .. ﻗﻮﻟﻲ ﻟﻲ .. ﻣﺎﺫﺍ ﺍﻓﻌﻞ ﻓﻴﻚ .. ﻓﺎﻧﺎ ﻓﻲ ﺣﺎﻟﺔ
ﺍﺩﻣﺎﻥ .. ﻗﻮﻟﻲ ﻟﻲ .. ﻗﻮﻟﻲ ﻟﻲ .. ﻛﻴﻒ ﺳﺎﻧﻘﺬ ﻧﻔﺴﻲ ... ﻣﻦ ﺍﺷﻮﺍﻗﻲ
ﻭﺍﺣﺰﺍﻧﻲ "... "
ﻓﺎﺿﻞ ﻭﺍﻫﻮ ﻳﻄﻠﻊ ﻣﻦ ﺍﻟﺴﻴﺎﺭﺓ : ﻭﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻭ
ﻭﺭﺍﺡ ﻋﻦ ﺧﺎﻟﺪ ﺍﻟﻠﻲ ﻇﻞ ﻭﺍﻗﻒ ﻭﻫﻮ ﻳﻀﺤﻚ ﻋﻠﻰ ﺧﺒﺎﻝ ﻓﻀﻮﻝ
ﺍﻟﻠﻲ ﻣﻮ ﻓﻲ ﻣﺤﻠﻪ .. ﺑﺲ ﻳﺎ ﺗﺮﻯ ﻳﺎ ﺧﺎﻟﺪ ﺷﻨﻮ ﺗﻔﺴﻴﺮ ﺩﻗﺎﺕ ﻗﻠﺒﻚ
ﺍﻟﻠﻲ ﻃﺮﺑﻘﺖ ﺻﺪﺭﻙ ﻓﻲ ﻣﺮﻭﺭﻫﺎ .. ﻭﻻ ﺭﻳﺤﺘﻬﺎ .. ﻭﻻ ﺷﻌﺮﻫﺎ
ﺍﻟﺤﺮﻳﺮﻱ ... ﻟﻜﻦ ﺍﻟﺤﻤﺎﺭﺓ ﻣﻦ ﺳﻤﺢ ﻟﻬﺎ ﺗﻄﻠﻊ ﺍﻟﺸﺎﺭﻉ ﺟﺬﻱ؟؟ ﺻﺞ ﻣﺎ
ﺗﺴﺘﺤﻲ .. ﺍﻭﺭﻳﺞ ﺳﻤﻮﻭﻭﻭﻱ ...
ﻭﺗﻮﻩ ﺑﻴﺪﺧﻞ ﺩﺍﺧﻞ ﺍﻟﺒﻴﺖ ﺍﻻ ﻭﺷﻲ ﻳﺸﻐﻠﻪ .. ﻭﺃﺟﻞ ﺍﻟﻤﻮﺍﺟﻬﺔ ﺍﻟﻰ
ﻣﺮﺓ ﺛﺎﻧﻴﺔ ..
===============
ﺳﻤﺎﺀ ﺍﻟﻠﻲ ﺩﺧﻠﺖ ﺍﻟﺒﻴﺖ ﻭﻫﻲ ﻣﻨﺒﻄﺔ ﺟﺒﺪﻫﺎ ﺷﻮﻱ ﺗﻤﺖ ﺗﺪﻭﺭ ﻋﻠﻰ
ﺧﺎﻟﺘﻬﺎ ﺍﻡ ﺟﺮﺍﺡ .. ﻣﻦ ﺯﻣﺎﻥ ﻣﺎ ﺷﺎﻓﺘﻬﺎ ﻭﺍﻛﻴﺪ ﺣﺎﻃﻪ ﻓﻲ ﺧﺎﻃﺮﻫﺎ
ﻋﻠﻰ ﺍﻟﻠﻲ ﺻﺎﺭ ﻭﻳﺎ ﺍﻟﺴﺒﺎﻟﺔ ﻏﺰﻻﻧﻮﻭﻭ ﻟﻜﻦ ﻭﻳﻦ ﺍﻭﺩﻱ ﻭﻳﻬﻲ ﺻﺮﺍﺣﺔ
ﺍﻧﺤﺮﺭﺭﻕ ﻣﻦ ﺍﻟﻔﺸﻠﺔ .. ﺑﻌﺪ ﺷﺴﻮﻱ ﻓﻲ ﻏﺰﻻﻥ ﺍﺫﺍ ﺍﻫﻲ ﻣﺎ ﺗﺴﺘﺤﻲ
ﻋﻠﻰ ﻭﻳﻬﻬﺎ ﻭﻻ ﺗﺨﻴﻞ .. ﺻﺞ ﺍﻧﺎ ﻣﺎﻟﻲ ﺫﻧﺐ ﺍﺫﺍ ﺍﻧﺎ ﻣﻦ ﻫﺎﻟﻌﺎﻳﻠﺔ
ﺍﻟﻔﺎﻗﺪﺓ .. ﻭﺍﺣﺪ ﺧﺴﺮﻧﻲ ﺍﻏﻠﻰ ﺍﺧﺖ ﻭﺍﻟﺜﺎﻧﻴﺔ ﺗﺒﻲ ﺗﺨﺴﺮﻧﻲ ﺍﺣﻠﻰ ﺍﻡ
ﻭﺍﺧﻮ ﻓﻲ ﻫﺎﻟﺪﻧﻴﺎ ﻣﻦ ﺑﻌﺪ ﻣﺸﻌﻞ ..
ﺳﻤﺎﺀ ﺍﻟﻠﻲ ﺍﺳﺘﻐﺮﺑﺖ ﻏﻴﺎﺏ ﺍﻡ ﺟﺮﺍﺡ ﻋﻦ ﺍﻟﻄﺎﺑﻖ ﺍﻻﺭﺿﻲ .. ﻭﻳﻨﻬﺎ؟؟
ﻻ ﻳﻜﻮﻥ ﺗﺸﺘﻐﻞ ﻓﻮﻕ؟؟
ﺳﻤﺎﺀ : ﺧﺎﻟﺘﻲ؟؟؟ ﺧﺎﻟﺘﻲ؟؟ﻅ
ﺍﻻ ﻭﺻﻮﺕ ﺍﻡ ﺟﺮﺍﺡ ﺑﻌﻴﺪ .. ﻭﻛﺎﻧﻬﺎ ﺑﺎﻟﻜﺎﺭﺍﺝ : ﻫﻼ ﻳﻤﺎ ﺳﻤﺎ ﺍﻧﺎ ﻫﻨﻲ ..
ﻭﺭﺍﺣﺖ ﺳﻤﺎ ﻟﻬﺎ ﺑﻔﺮﺣﺔ .. ﺍﻟﻈﺎﻫﺮ ﺍﻥ ﺍﻡ ﺟﺮﺍﺡ ﻣﺎ ﺣﻄﺖ ﻓﻲ ﺧﺎﻃﺮﻫﺎ
ﻟﻜﻦ ﻣﻦ ﻳﺪﺭﻱ ..
ﺍﻻ ﻭﺳﻤﺎﺀ ﻭﺍﻗﻔﺔ ﻋﻠﻰ ﺍﻟﺒﺎﺏ ﺑﺎﺑﺘﺴﺎﻣﺔ : ﻗﻮﺓ ﺧﺎﻟﺘﻲ
ﺍﻡ ﺟﺪﺭﺍﺡ ﺑﺼﻮﺕ ﺧﺎﻳﻒ : ﺣﺎﺳﺒﻲ ﻳﻤﺔ ﻓﻮﻗﺞ ﻛﺎﺭﺗﻮﻥ
ﺳﻤﺎﺀ ﻣﺎ ﺗﺪﺭﻱ ﺑﺎﻟﺪﻧﻴﺎ ﻭﺳﺤﺒﺖ ﺍﻟﺒﺎﺏ ﺍﻟﻠﻲ ﻓﻮﻗﻪ ﺍﻟﻜﺎﺭﺗﻮﻥ ﻣﺴﻨﻮﺩ
ﻭﻛﺎﻥ ﻛﻠﻪ ﻗﻮﺍﻃﻲ ﺷﻮﻱ ﻣﻠﻴﺎﻧﺔ ﻃﺎﺣﺖ ﻓﻮﻕ ﺭﻳﻠﻬﺎ ﻭﺣﺪﺓ ﻣﻨﻬﺎ ﻭﻣﻦ
ﺍﻟﻀﺮﺑﺔ ﺗﻌﻔﺮﺗﺖ ﺳﻤﺎﺀ ...
ﺍﻡ ﺟﺮﺍﺡ : ﻳﻤﺔﺓﺓﺓ ﺓﺷﻔﻴﻴﻴﻴﺞ
ﺳﻤﺎﺀ : ﺧﺎﻟﺘﻲ ﺭﻳﻠﻲ ... ﺍﺍﺍﺍﺍﺍﺍﺍﺍﻱ .....
ﺍﻡ ﺟﺮﺍﺡ ﺗﻨﺎﺩﻱ ﺑﺼﻮﺗﻬﺎ : ﺟﺮﺍﺍﺍﺍﺍﺍﺍﺍﺍﺍﺡ؟؟؟ ﺧﺎﻟﻠﻠﻠﻠﻠﻠﻠﻠﺪ؟؟ ﻳﻤﻪ ﻟﺤﻘﻮ
ﻋﻠﻴﻴﻴﻲ ..
ﺧﺎﻟﺪ ﺑﻬﺬﺍﻙ ﺍﻟﻮﻗﺖ ﻛﺎﻥ ﺩﺍﺵ ﺍﻟﺒﻴﺖ ﻭﻫﻮ ﻳﺮﻛﺾ ﺻﻮﺏ ﺍﻟﻜﺎﺭﺍﺝ
ﻳﺸﻮﻑ ﺷﻤﻨﻪ ﺗﺸﻜﻲ ﺧﺎﻟﺘﻪ
ﺧﺎﻟﺪ : ﺷﻔﻴﻴﻴﺞ ﺧﺎﻟﺘﻲ؟؟ ﻋﻼﻣﺞ ﺗﺼﺎﺭﺧﻴﻦ؟
ﺍﻡ ﺟﺮﺍﺡ ﺍﻟﻠﻲ ﻛﺎﻧﺖ ﻗﺎﻋﺪﺓ ﻋﻠﻰ ﺍﻻﺭﺽ ﺗﻤﺴﻚ ﺭﻳﻞ ﺳﻤﺎﺀ ﺍﻟﻠﻲ
ﺍﻟﻈﺎﻫﺮ ﺍﻧﻬﺎ ﺗﻮﺭﻣﺖ ﻣﻦ ﺍﻟﻀﺮﺑﻪ : ﻳﻤﻪ ﺭﻭﻭﺡ ﻳﻴﺐ ﻟﻲ ﺛﻠﺞ ﻋﺸﺎﻥ
ﺍﺣﻄﻬﺎ ﻋﻠﻰ ﺭﻳﻞ ﺳﻤﺎﺀ
ﺧﺎﻟﺪ ﺍﻟﻠﻲ ﻳﻄﺎﻟﻊ ﺳﻤﺎﺀ ﺍﻟﻘﺎﻋﺪﺓ ﻋﻠﻰ ﺍﻻﺭﺽ ﻭﻫﻲ ﺗﺒﺠﻲ :
ﺷﻔﻴﻴﻴﻴﻬﺎ؟؟ ﺷﺴﻮﺕ ﺑﻌﺪ؟؟
ﺍﻡ ﺟﺮﺍﺡ : ﻣﺎﺳﻮﻳﺖ ﺷﻲ ﻫﺬﻱ ﺍﻧﺎ ﺣﻄﻴﺖ ﺍﻟﻜﺎﺭﺗﻮﻥ ﻓﻮﻕ ﺍﻟﺒﺎﺏ
ﻣﺆﻗﺘﺎ ﻋﺸﺎﻥ ﺍﻓﻀﻲ ﺷﻮﻱ ﻣﻜﺎﻥ ﺍﻻ ﻭﺍﻟﻤﺴﻴﺠﻴﻨﻪ ﻣﺎ ﺗﺪﺭﻱ ﻓﺘﺤﺘﻪ
ﻭﻃﺎﺍﺍﺡ ﻋﻠﻰ ﺭﻳﻠﻬﺎ ..
ﺧﺎﻟﺪ : ﺩﻗﺎﻳﻖ ﻭﺍﻟﺜﻠﺞ ﻋﻨﺪﻛﻢ ..
ﻭﺭﺍﺡ ﺧﺎﻟﺪ ﻭﻫﻮ ﻳﻬﺰ ﺭﺍﺳﻪ ﻣﻦ ﺍﻟﻌﺠﺐ .. ﺍﻟﻠﻪ ﻳﻠﻌﻨﻚ ﻳﺎ ﻓﻀﻮﻝ ﻭﺍﻟﻠﻪ
ﺍﻥ ﻋﻴﻨﻚ ﺣﺎﺍﺍﺍﺭﺓ ﻳﺎ ﻣﺎﻝ ﺍﻟﻀﻌﻔﺔ .. ( ﺑﺎﻟﺒﺤﺮﻳﻨﻲ ﻫﺬﻱ ﻟﻮﻭﻭﻭﻭﻝ )
ﻣﻦ ﺑﻌﺪ ﻣﺎ ﺣﻄﺖ ﺍﻡ ﺟﺮﺍﺡ ﺍﻟﺸﺎﺵ ﻋﻠﻰ ﺭﻳﻞ ﺳﻤﺎﺀ ﺍﻟﻠﻲ ﻣﻦ ﺍﻟﺒﺠﻲ
ﺻﺎﺭﺕ ﺧﺪﻭﺩﻫﺎ ﻣﺜﻞ ﺍﻟﻮﻫﺞ ﻳﻀﺤﻚ ﺍﻟﻠﻲ ﻣﺎ ﻳﻀﺤﻚ ..
ﺍﻡ ﺟﺮﺍﺡ : ﻫﺎ ﺳﻤﺎﺀ ﻟﻠﺤﻴﻦ ﺗﻌﻮﺭﺝ؟؟
ﺳﻤﺎﺀ ﺗﻬﺰ ﺭﺍﺳﻬﺎ ﻭﺍﻟﺪﻣﻊ ﻳﻠﻤﻊ ﺑﻌﻴﻮﻧﻬﺎ ﻭﺧﺎﻟﺪ ﻳﻄﺎﻟﻌﻬﺎ ﻣﻦ ﺑﻌﻴﺪ : ﻻ ...
ﺍﻡ ﺟﺮﺍﺡ : ﻳﻤﺔ ﺍﻧﺘﻲ ﺑﻌﺪ ﻋﻮﺑﺔ ﻣﺎ ﺗﻌﺮﻓﻴﻦ ﺗﺴﻮﻳﻦ ﺷﻲ .. ﻋﻠﻰ ﻃﻮﻝ
ﻓﺘﺤﺘﻲ ﺍﻟﺒﺎﺏ ﺟﺬﻱ ﺍﻟﺤﻤﺪ ﻟﻠﻪ ﺍﻧﻬﺎ ﻗﻮﺍﻃﻲ ﻓﺎﺿﻴﺔ ﺍﻟﺤﻤﺪ ﻟﻠﻪ
ﺳﻤﺎﺀ : ﺧﺎﻟﺘﻲ ﻭﺍﻳﺪ ﺗﻌﻮﺭﻧﻲ ﺭﻳﻠﻲ ..
ﺍﻡ ﺟﺮﺍﺡ ﺑﻨﻈﺮﺓ ﻟﻮﻡ : ﻗﻮﻣﻲ ﻧﺎﺧﺬﺝ ﺍﻟﻤﺴﺘﺸﻔﻰ ..
ﺳﻤﺎﺀ : ﺷﻘﻮﻝ ﻟﺒﻴﺘﻨﺎ ﻟﻮ ﺭﺩﻳﺖ ﺑﺎﻟﺠﺒﻴﺮﺓ
ﺍﻡ ﺟﺮﺍﺡ : ﻣﺎ ﻋﻠﻴﺞ ﺍﻟﺤﻴﻦ ﺧﻠﻴﻨﺎ ﻧﺮﻭﺡ ﺍﻟﻤﺴﺘﺸﻔﻰ
ﺧﺎﻟﺪ : ﻣﺎﻓﻴﻬﺎ ﺷﻲ ﺧﻠﻴﻬﺎ ﻳﻤﻪ ﺩﻟﻊ ﺑﻨﺎﺕ
ﺍﻡ ﺟﺮﺍﺡ : ﺣﺮﺍﻡ ﻋﻠﻴﻚ ﺧﺎﻟﺪ ﺍﻟﺒﻨﺖ ﺗﺘﻠﻮﻯ .. ﻳﻤﻜﻦ ﻛﺴﺮ ﻭﺍﺣﻨﺎ
ﻧﺴﻜﺖ ﻋﻨﻬﺎ ..
ﺧﺎﻟﺪ : ﻳﻤﺔ ﻣﺎ ﻋﻠﻴﺞ ﻣﻨﻬﺎ ﻣﻦ ﻗﺎﻝ ﻟﻬﺎ ﺗﺪﺧﻞ ﻋﺮﺽ ﻭﺑﺲ
ﺳﻤﺎﺀ : ﺍﻧﺖ ﻛﻠﻪ ﺗﻬﺎﻭﺵ ﻭﺑﺲ؟
ﺧﺎﻟﺪ : ﺟﺐ ﻭﻻ ﻛﻠﻤﺔ .. ﻣﺎ ﻋﻠﻴﺞ ﻣﻨﻬﺎ ﺧﺎﻟﺘﻲ
ﺳﻤﺎﺀ ﺑﺪﻣﻮﻋﻬﺎ ﻭﻗﻬﺮﻫﺎ :.. ﺍﻧﺖ ﻟﻴﺶ ﻣﺎ ﺗﺤﺒﻨﻲ؟؟ ﺍﻧﺎ ﺷﺴﻮﻳﺖ
ﻟﻚ؟؟
ﺧﺎﻟﺪ ﺍﻟﻠﻲ ﺍﻧﺼﺪﻡ ﻣﻦ ﻛﻼﻣﻬﺎ ﻟﻜﻦ ﻇﻞ ﻋﻠﻰ ﻋﻮﺍﺑﺘﻪ : ﻣﺎﺣﺒﺞ ﻛﻴﻔﻲ
ﺍﻟﺤﺐ ﺑﺎﻟﻐﺼﻴﺒﺔ ﺍﻫﻮ؟؟
ﺍﻡ ﺟﺮﺍﺡ ﺑﻌﺼﺒﻴﺔ : ﺑﺲ ﺧﺎﻟﺪ
ﺳﻤﺎﺀ : ﺧﻼﺹ ﺧﺎﻟﺘﻲ .. ﻭﻗﺖ ﻣﺎ ﻫﺬﺍ ﻫﻨﻲ ﺍﻧﺎ ﻣﺎ ﺑﻴﻲ ﺑﻴﺘﻜﻢ ..
ﻭﻗﺖ ﺍﻟﻠﻲ ﺍﻫﻮ ﻣﻮ ﻫﻨﻲ ﺍﺗﺼﻠﻲ ﻓﻴﻨﻲ ﻋﺸﺎﻥ ﺍﻳﻴﺞ ..
ﺧﺎﻟﺪ : ﻭﻱ ﻳﻤﺔ ﺗﻜﻔﻴﻦ .. ﻣﺎ ﺑﻐﻴﻨﺎ ﻧﻔﺘﻚ ﻣﻨﺞ ﺟﻢ ﻳﻮﻡ ﺭﺩﻳﺘﻲ ﻣﺮﺓ
ﺛﺎﻧﻴﺔ؟؟
ﻣﺎ ﻗﺪﺭﺕ ﺳﻤﺎﺀ ﺑﻄﺒﻴﻌﺘﻬﺎ ﺍﻟﺤﺴﺎﺳﺔ ﺍﻧﻬﺎ ﺗﻈﻞ ﺍﻛﺜﺮ ﺑﻬﺎﻟﻤﻜﺎﻥ ﻭﺍﻡ
ﺟﺮﺍﺡ ﺍﻟﻠﻲ ﺗﻠﻮﻣﺖ ﻣﻦ ﻗﻠﺐ ﻋﻠﻰ ﺧﺎﻟﺪ ﻭﻣﻮﻗﻔﻪ ﻣﻊ ﻓﺎﺗﻦ ... ﻃﻠﻌﺖ
ﺳﻤﺎﺀ ﻣﻦ ﺍﻟﺒﻴﺖ ﻭﺍﻫﻲ ﺗﺠﺮ ﺭﻳﻠﻬﺎ ﺍﻟﺘﻌﺒﺎﻧﺔ ﻭﺗﻤﺴﺢ ﺩﻣﻮﻋﻬﺎ ﺑﻄﺮﻳﻘﺔ
ﺗﻜﺴﺮ ﻗﻠﺐ ﺍﻟﻠﻲ ﻣﺎ ﻳﻨﻜﺴﺮ .. ﺍﻣﺎ ﺧﺎﻟﺪ ﻓﻈﻞ ﻣﻜﺎﻧﻪ ﻭﻫﻮ ﻓﺎﺝ ﻋﻴﻮﻧﻪ
ﺑﺘﻌﺐ ﻳﻄﺎﻟﻊ ﺳﻤﺎﺀ .. ﻟﻠﺤﻴﻦ ﻓﻲ ﺻﺪﻣﺔ ﻛﻼﻣﻪ ﺍﻟﻠﻲ ﻗﻄﺎﻩ ﻋﻠﻴﻬﺎ؟؟
ﺑﺲ ﺍﺣﺴﻦ .. ﺧﻠﻬﺎ ﺗﺮﻭﺡ .. ﻣﺎﺍﺑﻲ ﺍﺷﻮﻓﻬﺎ ﻣﺮﺓ ﺛﺎﻧﻴﺔ .. ﻣﺎﺍﺑﻲ ..
ﻭﻳﻮﻡ ﺭﺍﺣﺖ ﺳﻤﺎﺀ ﻋﺼﺒﺖ ﺍﻡ ﺟﺮﺍﺡ ﻣﻦ ﺍﻟﺰﻳﻦ : ﺍﻧﺖ ﻣﺎ ﺗﺴﺘﺤﻲ؟؟
ﻣﻦ ﻣﺘﻰ ﻭﺍﻧﺖ ﺗﻄﺮﺩ ﺍﻟﻨﺎﺱ ﻣﻦ ﺍﻟﺒﻴﻮﺕ؟؟؟ ﺍﻟﺤﻴﻦ ﺍﻟﺒﻨﺖ ﺷﺴﻮﺕ
ﻓﻴﻚ ﻋﺸﺎﻥ ﻫﺎﻟﻌﺪﺍﻭﺓ ﻛﻠﻬﺎ؟؟؟
ﺧﺎﻟﺪ ﺑﻬﺪﻭﺀ ﻭﺣﺰﻥ ﻭﻫﻮ ﻳﻠﻌﺐ ﺑﻘﺪﻣﻪ : ﻣﺎ ﺗﻌﺠﺒﻨﻲ ..
ﺍﻡ ﺟﺮﺍﺡ : ﻟﻴﺶ ﻫﻮ ﻋﻠﻰ ﻛﻴﻔﻚ ﻳﻌﻨﻲ؟؟؟ ﺍﻟﺒﻨﺖ ﻣﺮﺗﺎﺣﺔ ﻭﺍﻫﻲ
ﻗﺎﻋﺪﺓ ﻓﻲ ﺍﻟﺒﻴﺖ ﺍﺣﺴﻦ ﻣﻦ ﻗﻌﺪﺗﻬﺎ ﻓﻲ ﻫﺬﺍﻙ ﺍﻟﺒﻴﺖ ﺍﻟﺨﺎﻟﻲ ﻣﻌﻈﻢ
ﺍﻟﻮﻗﺖ ﺑﺮﻭﺣﻪ ﻭﺍﻟﺸﻴﺎﻃﻴﻦ ﺗﻠﻌﺐ ﻓﻲ ﺭﺍﺳﻬﺎ ..
ﺳﻜﺖ ﺧﺎﻟﺪ ﻻﻥ ﻣﺎ ﻋﻨﺪﻩ ﺣﺠﺔ ﻗﻮﻳﺔ ﻣﻊ ﺧﺎﻟﺘﻪ .. ﺍﻫﻮ ﻣﻊ ﻧﻔﺴﻪ ﻣﻮ
ﻋﺎﺭﻑ ﺍﻫﻮ ﻟﻴﺶ ﻣﺎ ﻳﺒﻴﻬﺎ ﺍﺗﻴﻲ ﺍﻟﺒﻴﺖ .. ﻳﻤﻜﻦ ﻋﺸﺎﻥ ﻻ ﻳﺼﻴﺮ ﺍﻟﻠﻲ
ﻗﺎﻟﻪ ﻟﻪ ﺍﺛﻨﻴﻦ .. ﻓﺎﺿﻞ ﻭﺟﺮﺍﺡ ..
ﺍﻡ ﺟﺮﺍﺡ ﺗﺘﻜﻠﻢ ﻭﻳﺎ ﺧﺎﻟﺪ ﺍﻻ ﻭﺟﺮﺍﺡ ﻳﺪﺧﻞ ﺍﻟﺒﻴﺖ .. ﻭﻳﻼﺣﻆ ﺍﻥ
ﺍﻟﺠﻮ ﻣﺘﻮﺗﺮ ﻻﻥ ﺧﺎﻟﺪ ﻭﺍﻗﻒ ﻭﻳﺪﻳﻨﻪ ﻭﺭﻯ ﻇﻬﺮﻩ ﻭﻋﻴﻮﻧﻪ ﺑﺎﻻﺭﺽ
ﻭﺍﻡ ﺟﺮﺍﺡ ﻭﺍﻗﻔﻪ ﺑﻌﻴﺪ ﻋﻨﻪ ﻭﺗﻜﻠﻤﻪ ..
ﺟﺮﺍﺡ ﻭﻫﻮ ﻳﺮﻓﻊ ﺍﻟﻨﻈﺎﺭﺓ : ﺍﻟﺴﻼﻡ ﻋﻠﻴﻜﻢ ..
ﺍﻡ ﺟﺮﺍﺡ ﺗﺎﺧﺬ ﻧﻔﺲ : ﻭﻋﻠﻴﻜﻢ ﺍﻟﺴﻼﻡ ..
ﺧﺎﻟﺪ : ﻭﻋﻠﻴﻜﻢ ﺍﻟﺴﻼﻡ ..
ﻗﻌﺪ ﺟﺮﺍﺡ ﻭﻫﻮ ﻳﻨﺎﻇﺮ ﺍﻣﻪ ﺍﻟﻠﻲ ﻛﺎﻧﺖ ﺗﻨﺎﻇﺮ ﺧﺎﻟﺪ : ﻋﻼﻣﻜﻢ؟؟
ﺍﻡ ﺟﺮﺍﺡ : ﻭﻻ ﺷﻲ .. ﻳﻤﺔ ﺗﺒﻲ ﻏﺪﻯ؟؟؟ ﻃﻠﻌﺘﻚ ﻣﻦ ﺍﻟﺼﺒﺢ
ﺟﺮﺍﺡ : ﻻ ﻳﻤﺔ ﺍﻛﻠﺖ ﻗﺒﻞ ﻻ ﺍﻳﻲ ﺍﻟﺒﻴﺖ .. ﺷﺼﺎﻳﺮ؟؟
ﺍﻡ ﺟﺮﺍﺡ : ﻣﺎ ﺻﺎﺭ ﺷﻲ ﺑﺲ ﻛﻨﺖ ﺍﻛﻠﻢ ﺧﺎﻟﺪ ﻋﻦ ﺍﻟﺒﻨﺎﻱ ..
ﺟﺮﺍﺡ ﻳﻌﺮﻑ ﺍﻥ ﺍﻣﻪ ﺗﺠﺬﺏ .. ﻻﻥ ﺍﻫﻲ ﻣﺎﺗﻮﻗﻒ ﺧﺎﻟﺪ ﺟﺬﻱ ﺍﻻ ﻻﻧﻪ
ﻣﺴﻮﻱ ﺷﻲ .. ﻭﺷﻲ ﺟﺎﻳﺪ .. ﻭﻳﻤﻜﻦ ﺍﻫﻲ ﻣﺎ ﺗﺒﻴﻪ ﻳﻌﺮﻑ ﺑﻬﺎﻟﺸﻲ ﻣﻦ
ﺟﺬﻱ ﻗﺎﻋﺪﺓ ﺗﻘﻮﻝ ﻟﻪ ﻣﻮﺿﻮﻉ ﻏﻴﺮ ..
ﺟﺮﺍﺡ : ﺍﻧﺰﻳﻦ .. ﺯﻫﺒﻮ ﺣﺎﻟﻜﻢ .. ﻻﻥ ﺍﻟﻤﻘﺎﻭﻝ ﺑﻴﻴﻨﺎ ﺑﻌﺪ ﺍﺳﺒﻮﻉ ﻳﻤﻜﻦ ..
ﺍﻡ ﺟﺮﺍﺡ : ﻭﺍﺣﻨﺎ ﺑﻨﻘﻌﺪ ﻓﻲ ﺍﻟﺒﻴﺖ ﻭﻗﺖ ﺍﻟﺒﻨﺎﻱ ﻭﺍﻟﺘﻌﺪﻳﻞ؟؟
ﺟﺮﺍﺡ : ﻻ ﻃﺒﻌﺎ ﻣﺎ ﻧﻘﺪﺭ ﻧﻘﻌﺪ ﻳﻤﻪ ﻫﺬﺍ ﺗﺮﻣﻴﻢ ﺷﺎﻣﻞ .. ﺑﻨﺸﻴﻞ ﺍﻟﻬﺪﻭﻡ
ﻭﻫﺎﻻﺛﺎﺙ ﺍﻟﺨﺮﺑﺎﻥ ﻛﻠﻪ ﺑﻨﻘﻄﻪ ﻭﺑﻨﺸﺘﺮﻱ ﻛﻞ ﺷﻲ ..
ﺍﻡ ﺟﺮﺍﺡ ﺑﺼﺪﻣﺔ : ﻧﻘﻂ ﺍﻻﺛﺎﺙ؟؟ ﻳﻨﻴﺖ ﻳﻤﺔ .. ﻫﺬﻱ ﺍﻟﻔﺮﺷﺔ ﻣﺎ ﺻﺎﺭ
ﻟﻬﺎ ﺳﻨﺘﻴﻦ ﻋﻨﺪﻧﺎ
ﺟﺮﺍﺡ ﻭﻫﻮ ﻳﺤﻮﺱ ﺛﻤﻪ .. ﺍﻣﻪ ﻋﺎﺩ ﺍﻟﻠﻲ ﻣﺘﻌﻠﻘﻪ ﺑﺎﻏﺮﺍﺽ ﺍﻟﺒﻴﺖ :
ﻳﻤﺔ ﻫﺬﺍ ﻛﻠﻪ ﺧﺮﺑﺎﻥ ﻭﺭﺍﻳﺤﺔ ﻋﻠﻴﻪ ﻣﻦ ﺍﻟﺮﻃﻮﺑﺔ ﺧﻠﻴﻨﺎ ﻧﻘﻄﻪ ﻣﺎ ﻧﺒﻴﻪ
ﺍﻡ ﺟﺮﺍﺡ : ﻭﻧﺼﺮﻑ ﺍﻟﻔﻠﻮﺱ ﺑﻌﻤﺎ .. ﻻ ﻳﺎﺑﻮﻙ .. ﺍﻟﺰﻳﻦ ﺧﻠﻮﻩ ﻭﺍﻟﺨﺮﺑﺎﻥ
ﻗﻄﻮﻩ ... ﻭﻣﻮ ﻛﻠﻪ ﺧﺮﺑﺎﻥ ﺍﻧﺎ ﻣﻌﺘﻨﻴﺔ ﻓﻴﻪ ﻣﻦ ﺯﻣﺎﺍﺍﻥ ..
ﺟﺮﺍﺡ : ﻳﻤﺔ ﺣﺘﻰ ﻟﻮ ﺍﻋﺘﻨﻴﺘﻲ ﻓﻴﻪ ﺍﻟﺠﻮ ﻣﺎ ﻳﺴﻤﺢ ﺑﻬﺎﻟﺸﻲ .. ﺧﻠﻴﻨﺎ
ﻧﻘﻄﻪ ﺍﺣﺴﻦ ..
ﺍﻡ ﺟﺮﺍﺡ : ﻻ ... ﺑﻌﺪﻳﻦ ﻭﻳﻦ ﺑﻨﺮﻭﺡ ﻻ ﺑﺪﻯ ﺍﻟﺘﺮﻣﻴﻢ ﻭﺍﻟﺒﻨﺎﻱ؟
ﺟﺮﺍﺡ : ﻣﺎﺩﺭﻱ ﻧﺘﺎﺟﺮ ﻟﻨﺎ ﺷﻘﺔ ..
ﺧﺎﻟﺪ ﺑﺼﻮﺕ ﺣﺰﻳﻦ : ﺧﻠﻮﻧﺎ ﻧﺮﻭﺡ ﺍﻟﺒﻴﺖ ﺍﻟﻌﻮﺩ ﻧﻘﻌﺪ ﻫﻨﺎﻙ ﺟﻢ ﻳﻮﻡ
ﺟﺮﺍﺡ ﺑﻨﻈﺮﺓ ﻟﺨﺎﻟﺪ : ﺍﻧﺖ ﺍﻟﺜﺎﻧﻲ ﺑﻌﺪ ... ﺍﻟﺒﻴﺖ ﺍﻟﻌﻮﺩ ﺣﺎﻟﺘﻪ ﺣﺎﻟﻪ
ﻭﺑﺮﻭﺣﻪ ﻳﺒﻴﻠﻪ ﻫﺪﻡ
ﺧﺎﻟﺪ ﺑﻨﻈﺮﺓ ﻛﺮﻩ : ﻳﻌﻨﻲ ﺷﻘﺼﺪﻙ؟ ﺍﻧﺎ ﻋﺸﺖ ﻓﻲ ﺧﺮﺍﺑﺔ ..
ﺟﺮﺍﺡ : ﺑﺪﻳﻨﺎ ﺑﺎﻟﺤﺴﺎﺳﻴﺎﺕ .. ﻳﻤﺔ ﺍﻧﺘﻮ ﺳﻮﻭ ﺍﻟﻠﻲ ﺗﺒﻮﻥ ﻭﻗﻮﻟﻮﻟﻲ
ﺑﻌﺪﻳﻦ .. ﺍﻧﺎ ﺑﺮﻭﺡ ﺍﻧﺎﻡ ﻻﻥ ﻋﻴﻨﻲ ﺣﺎﺭﻗﺘﻨﻲ ﺍﺑﻲ ﺍﺭﺗﺎﺡ ﻗﺒﻞ ﺍﻻﺫﺍﻥ ..
ﺍﻡ ﺟﺮﺍﺡ : ﺭﻭﺡ ﻳﻤﺔ ﺍﺭﺗﺎﺡ ...
ﻣﻦ ﺑﻌﺪ ﻣﺎ ﺍﻧﺴﺤﺐ ﺟﺮﺍﺡ ﻣﻦ ﻋﻨﺪﻫﻢ
ﺧﺎﻟﺪ ﻭﻫﻮ ﻳﺮﻛﺐ ﺍﻟﺪﺭﻱ : ﺍﻧﺎ ﺑﻌﺪ ﺑﺮﻭﺡ ﺍﺭﺗﺎﺡ
ﺍﻡ ﺟﺮﺍﺡ ﺑﻨﺒﺒﺮﺓ ﺍﻣﺮﺓ : ﻗﺮ ﻣﻜﺎﻧﻚ ..
ﺍﻟﺘﻔﺖ ﻟﻬﺎ ﺧﺎﻟﺪ : ﺷﻨﻮ ﺑﻌﺪ ﺧﺎﻟﺘﻲ؟؟؟
ﺍﻡ ﺟﺮﺍﺡ : ﺗﻴﻲ ﻭﻳﺎﻱ ﺍﻟﺤﻴﻦ ﻭﺗﻌﺘﺬﺭ ﻟﻠﺒﻨﺖ ..
ﺧﺎﻟﺪ ﺑﺼﺪﻣﺔ : ﺷﻨﻮﻭﻭﻭﻭﻭﻭﻭﻭﻭﻭﻭﻭﻭ ﻣﺎ ﺑﻘﺖ ﺍﻻ ﺍﻟﺤﻤﺮﺓ ﺍﻋﺘﺬﺭ ﻟﻬﺎ
ﺍﻡ ﺟﺮﺍﺡ ﺍﻫﻨﻲ ﻓﻘﺪﺕ ﺍﻋﺼﺎﺑﻬﺎ ﻭﻣﺴﻜﺖ ﺍﺫﻥ ﺧﺎﻟﺪ : ﺑﺘﺴﻤﻊ ﺍﻟﻜﻼﻡ
ﻭﻻ ﺷﻨﻮ؟؟ ﺗﺮﺍﻙ ﻭﺍﻳﺪ ﻣﺼﺨﺘﻬﺎ .. ﻋﻄﻴﻨﺎﻙ ﻭﻳﻪ ﺯﻳﺎﺩﺓ ﻋﻦ ﺍﻟﻠﺰﻭﻡ ﻟﻤﻦ
ﺗﻤﻴﺖ ﺗﻘﺺ ﺑﻮﻳﻬﻨﺎ
ﺧﺎﻟﺪ ﺍﻟﻤﻨﺼﺪﻡ ﻣﻦ ﺍﻟﻤﺴﻜﺔ : ﺍﺍﺍﺍﺍﺍﺍﺥ ﺧﺎﻟﺘﻲ ﻣﻮ ﺟﺬﻱ ﻋﺎﺩ ﺣﺮﺍﻡ
ﻋﻠﻴﺞ ﻣﻄﻴﺘﻴﻬﺎ ..
ﺍﻡ ﺟﺮﺍﺡ : ﻳﺎﻟﻠﻪ ﺟﺪﺍﻣﻲ ﻋﻴﻞ ..
ﺧﺎﻟﺪ : ﺃﻱ ﺃﻱ ﺃﻱ ﺍﻧﺰﻳﻦ ﺑﺲ ﻓﺠﻴﻨﻲ .. ﻓﺠﻴﻨﻲ ﻭﺍﻟﻠﻲ ﻳﺴﻠﻢ ﻗﻠﺒﺞ ..
ﻓﺠﺘﻪ ﺍﻡ ﺟﺮﺍﺡ .. ﻭﻫﻲ ﺗﻨﺎﻇﺮﻩ ﻭﺍﻟﻀﺤﻜﺔ ﻓﻴﻬﺎ ﻻﻧﻬﺎ ﻣﻦ ﺯﻣﺎﻥ ﻣﺎ
ﺷﺪﺕ ﺍﺫﻥ ﺍﺣﺪ .. ﺣﺘﻰ ﻋﻴﺎﻟﻬﺎ ﺍﻟﺼﻐﺎﺭ .. ﻟﻜﻦ ﺧﺎﻟﺪ ﻣﺎ ﻛﺎﻥ ﻳﺴﻠﻢ ﻣﻦ
ﻣﺴﻜﺘﻬﺎ ... ﻭﻃﺎﻟﻌﺖ ﺍﺫﻧﻪ ﺍﻟﻠﻲ ﺻﺎﺭﺕ ﺣﻤﺮﺍ ﺣﺘﻰ ﺍﻟﺠﺎﻧﺐ ﻣﻦ
ﻭﻳﻬﻪ ... ﻭﺑﻌﻴﻮﻧﻪ ﺩﻣﻌﻪ ﺍﻻﻟﻢ ﻣﺜﻞ ﻣﺎ ﻛﺎﻥ ﺻﻐﻴﺮ ..
ﺃﻡ ﺟﺮﺍﺡ : ﺟﻠﻴﻞ ﺣﻴﺎ .. ﺍﻧﺎ ﻋﻠﻤﺘﻚ ﺟﺬﻱ؟؟؟
ﺧﺎﻟﺪ : ﺑﺲ ﻋﺎﺩ ﺧﺎﻟﺘﻲ ﻭﺍﻟﻠﻪ ﺍﻧﺎ ﺍﺳﻒ .. ﺑﺮﻭﺡ ﻟﻬﺎ .. ﺑﺮﻭﺣﻲ ﻋﺎﺩ
ﺍﻡ ﺟﺮﺍﺡ : ﻟﻴﺶ ﺍﻥ ﺷﺎﺀ ﺍﻟﻠﻪ ﻋﺸﺎﻥ ﺗﻌﻤﻴﻬﺎ ﺯﻭﺩ؟
ﺧﺎﻟﺪ : ﻻ ﻋﻴﻞ ﺗﻌﺎﻟﻲ ﻟﻲ ﻭﻳﺎ ﻋﺒﺎﺗﺞ ﻫﺬﻱ ﻭﺍﻃﻠﺒﻲ ﺃﻡ ﺍﻟﺒﻨﺖ ...
ﻭﺧﻠﻴﻬﺎ ﺗﻤﺴﻚ ﺍﺫﻧﻲ ﺍﻟﺜﺎﻧﻴﺔ ﻣﻮ ﺍﺣﻠﻰ؟؟
ﺗﺨﻴﻠﺖ ﺍﻡ ﺟﺮﺍﺡ ﺍﻟﻮﺿﻊ ﻭﺍﻧﻔﺠﺮﺕ ﺑﺎﻟﻀﺤﻚ ... ﻭﺧﺎﻟﺪ ﻳﻄﺎﻟﻌﻬﺎ
ﺑﺎﺳﺘﻐﺮﺍﺏ .. ﻭﺑﻔﺮﺣﺔ .. ﺧﺎﻟﺘﻪ ﻻﻭﻝ ﻣﺮﺓ ﻣﻦ ﺑﻌﺪ ﻫﺎﻟﻤﺼﺎﻳﺐ ﻛﻠﻬﺎ
ﺗﻀﺤﻚ ﻫﺎﻟﻀﺤﻜﺔ ﺍﻟﻠﻲ ﻋﺮﻓﻮﻫﺎ ﺑﻌﻬﺪ ﺯﻭﺟﻬﺎ .. ﻭﻳﺎ ﻛﺜﺮ ﺷﻮﻗﻬﻢ
ﻭﺍﻓﺘﻘﺪﺍﻫﻢ ﻟﻬﺎ .. ﻭﻻﺣﻈﺖ ﺍﻡ ﺟﺮﺍﺡ ﺍﻥ ﺧﺎﻟﺪ ﻳﻨﺎﻇﺮﻫﺎ ﺑﺎﺳﺘﻐﺮﺍﺏ ..
ﺍﻫﻲ ﻣﻦ ﻧﻔﺴﻬﺎ ﺍﺍﺳﺘﻐﺮﺑﺖ ... ﻟﻜﻦ ..
ﺍﻡ ﺟﺮﺍﺡ ﺗﺘﻘﺮﺏ ﻣﻦ ﺧﺎﻟﺪ ﻭﺗﻔﺮﻛﻬﺎ ﺑﻴﺪﻳﻨﻬﺎ ﻣﺜﻞ ﻣﺎ ﺗﺴﻮﻱ ﻳﻮﻡ ﻛﺎﻧﻮ
ﺻﻐﺎﺭ ﻟﻤﻦ ﻳﺒﺮﺩﻭﻥ : ﺧﺎﻟﺪ ... ﻻ ﺗﺘﺤﺪﻯ ﺷﻲ ﻓﻲ ﻫﺎﻟﺪﻧﻴﺎ ... ﺍﻥ ﺟﺎﻥ
ﺑﺒﺘﺘﺤﺪﻯ .. ﺗﺤﺪﻯ ﺍﻟﺸﻴﻄﺎﻥ ﻻﻧﻪ ﺧﺼﻢ ﺻﻌﺐ ﻭﻟﻜﻦ ﻣﻦ ﺍﻟﺴﻬﻞ ﺍﻧﻚ
ﺗﺒﻌﺪﻩ ﻋﻨﺪ ﺩﺭﺑﻚ .. ﺗﺤﺪﻯ ﺍﻟﺠﻬﻞ ﻻﻥ ﻧﻮﺭ ﺍﻟﻌﻠﻢ ﺍﺣﻠﻰ ﻣﻦ ﻇﻼﻣﻪ ..
ﻟﻜﻦ ﻗﻠﺒﻚ ( ﻭﺗﺤﻂ ﻳﺪﻩ ﺑﻴﺪﻫﺎ ﻋﻠﻰ ﺻﺪﺭﻩ ) ﺍﻟﻘﻠﺐ ﺻﻌﺐ ﺍﻧﻚ
ﺗﺘﺤﺪﺍﻩ .. ﻭﺻﻌﺐ ﺍﻧﻚ ﺗﻜﺒﺢ ﺟﻤﺎﺣﻪ .. ﻫﺬﺍ ﺍﻟﻘﻠﺐ ﺑﻬﺬﺍ ﺍﻟﻌﻤﺮ ﻓﺮﺱ
ﻫﺎﻳﺞ .. ﻭﻣﻦ ﻳﻤﺴﻚ ﺍﻟﻔﺮﺱ ﺍﻟﻬﺎﻳﺞ ﺍﻟﻠﻲ ﻳﺒﻲ ﻳﺮﻭﻭﺡ ﺑﺎﻟﺒﺮﺍﺭﻱ ﻭﻳﺸﻖ
ﻋﺮﺽ ﺍﻟﻬﻮﺍ ﺑﺴﺮﻋﺘﻪ؟؟
ﺍﻧﺼﺪﻡ ﺧﺎﻟﺪ ﻣﻦ ﻛﻼﻡ ﺧﺎﻟﺘﻪ ﺍﻟﻠﻲ – ﻋﻠﻰ ﺍﻟﺮﻏﻢ ﻣﻦ ﺍﻟﺘﺒﻄﻴﻦ - ﺍﻻ
ﺍﻧﻬﺎ ﻛﺎﻧﺖ ﺗﻄﻠﺐ ﻣﻨﻪ ﺍﻧﻪ ﻳﻜﻮﻥ ﻣﺘﺴﺎﻫﻞ ﻣﻊ ﻧﻔﺴﻪ ﻭﻗﺖ ﻣﺎ ﺗﻜﻮﻥ
ﺳﻤﺎﺀ ﻣﺘﻮﺍﺟﺪﺓ .. ﻻﻧﻪ ﻳﺒﻴﻦ ﻣﺘﻮﺗﺮ ﻭﻣﻨﺮﻓﺰ ﻭﻣﻀﻄﺮﺏ ﻭﻗﺖ ﻣﺎ ﺗﻜﻮﻥ
ﺟﺪﺍﻣﻪ ﺍﻭ ﻣﻌﺎﻩ ﻓﻲ ﻧﻔﺲ ﺍﻟﻤﻜﺎﻥ ..
ﺑﺲ ﺍﻫﻮ ﻣﺎ ﻳﺒﻲ ﻳﻜﻮﻥ ﻏﻴﺮ ﺍﻟﻠﻲ ﺍﻫﻮ ﻋﻠﻴﻪ .. ﻣﺎ ﻳﺒﻲ ﻳﻜﻮﻥ
ﻣﺘﺴﺎﻫﻞ ﻣﺎ ﻳﺒﻲ ﻳﻜﻮﻥ ﺣﺒﻮﺏ ﻭﻻ ﺭﺍﻗﻲ .. ﻣﺎ ﻳﺒﻲ ﻳﻨﻐﺮﻡ ﻓﻴﻬﺎ
ﻭﺗﺮﻭﺡ ﻣﺜﻞ ﻣﺎ ﺻﺎﺭ ﻟﻪ ﻭﻳﺎ ﻓﺎﺗﻦ .. ﻛﻔﺎﻳﺔ ﺟﺮﻭﺡ .. ﺟﺮﺡ ﻓﺎﺗﻦ ﻟﺤﻴﻨﻪ
ﻳﻨﺰﻑ ﻭﻣﺎ ﺑﺮﻯ .. ﻣﺎ ﻓﻴﻨﻲ ﻣﻜﺎﻥ ﻟﺠﺮﺡ ﺛﺎﻧﻲ ﻭﺍﻋﺎﻧﻲ ﻭﺍﺗﺄﻟﻢ ﻭﺍﻧﺎ
ﺍﻃﺎﻟﻌﻬﺎ ﺗﺮﻭﺡ ﻣﻦ ﺍﻳﺪﻱ ﻭﺍﻧﺎ ﺳﺎﻛﺖ .. ﻟﻴﺶ ﻣﺎﺗﻔﻬﻤﻮﻧﻲ ﻟﻴﺶ؟؟ ﺍﻧﻲ
ﺧﻼﺹ ﺗﻌﻘﺪﺕ ﻭﻣﺎ ﺍﺑﻲ ﺍﺣﺐ ﻭﻻ ﺍﺑﻲ ﺍﻧﺤﺐ ﻭﻻ ﺷﻲ .. ﻭﺳﻤﺎﺀ ..
ﺍﺍﺍﺍﺍﺍﺍﻩ ﻣﻨﻬﺎ ﺗﺠﺮﻧﻲ ﻟﻬﺎ ﻣﺜﻞ ﺍﻟﻤﻐﻨﺎﻃﻴﺲ ﻣﻊ ﺍﻥ ﺍﻟﺒﻨﺎﺕ ﺍﻟﻠﻲ ﻣﺜﻠﻬﺎ ﻣﺎ
ﻳﻌﺠﺒﻮﻧﻲ ..
ﺧﺎﻟﺪ ﻳﻬﺰ ﺭﺍﺳﻪ ﻟﺨﺎﻟﺘﻪ : ﺯﻳﻦ ﺧﺎﻟﺘﻲ ﺍﻧﺎ ﺑﺨﻠﻴﺞ ﺍﻟﺤﻴﻦ ﺑﺮﻭﺡ ﺑﻴﺘﻬﻢ
ﺍﻥ ﻛﺎﻧﺖ ﻫﻨﺎﻙ ﺑﺴﺘﺴﻤﺢ ﻣﻨﻬﺎ .. ﺭﺿﺖ ﻛﺎﻥ ﺑﻬﺎ ﻣﺎ ﺭﺿﺖ ﻛﻴﻔﻬﺎ
ﻋﻨﺪﻫﺎ ﻗﺼﺮ ﺑﻜﺒﺮﻩ ﺗﺪﻕ ﺭﺍﺳﻬﺎ ﻓﻴﻪ ﻟﻴﻤﻦ ﺗﻌﻴﺰ ..
ﺍﻡ ﺟﺮﺍﺡ : ﺍﻟﻠﻪ ﻳﻬﺪﻳﻚ ﻳﺎ ﻭﻟﻴﺪﻱ ..
ﺧﺎﻟﺪ : ﻳﻼ ﺧﺎﻟﺘﻲ ..
ﻭﻃﻠﻊ ﺧﺎﻟﺪ ﻣﻦ ﺍﻟﺒﻴﺖ ﻭﻫﻮ ﻣﺘﻤﻠﻤﻞ .. ﻳﺠﺮ ﻧﻔﺴﻪ ﺟﺮ ﻟﺒﻴﺖ ﺳﻤﺎﺀ ..
ﻭﻗﻒ ﻋﻨﺪ ﺍﻟﺒﺎﺏ ﻭﻫﻮ ﻣﺤﺘﺎﺭ ﻭﻳﺼﻔﺮ .. ﺍﺩﻕ ﺍﻟﺠﺮﺱ ﻭﻻ ﻣﺎﺩﻗﻪ ...
ﺩﻗﻪ ﺩﻗﻪ .. ﺑﺮﻧﺎﻣﺞ ..
ﺩﻕ ﺍﻟﺠﺮﺱ ﻭﺍﻧﺘﻈﺮ ﺭﺩ .. ﻭﻓﺘﺤﺖ ﺍﻟﺒﺎﺏ ﺍﻟﺨﺎﺩﻣﺔ ﺍﻻﻧﺪﻭﻧﻴﺴﻴﺔ ﺍﻟﻠﻲ
ﻓﻴﻬﺎ ﻗﺒﺢ ﺍﻟﺤﻤﺪ ﻟﻠﻪ ﺭﺏ ﺍﻟﻌﺎﻟﻤﻴﻦ ﺧﻞ ﻣﻦ ﻧﻔﺲ ﺧﺎﻟﺪ ﺗﺸﻤﺌﺰ ..
ﺍﻟﺨﺎﺩﻣﺔ : ﻳﺲ ..
ﺧﺎﻟﺪ ﺍﻟﻠﻲ ﺍﻧﺠﻠﻴﺰﻳﺘﻪ ﺗﺤﻔﻪ : ﺳﻤﺎﺀ ﺑﻠﻴﺰ ..
ﺍﻟﺨﺎﺩﻣﺔ : just a minute
ﺭﺍﺣﺖ ﺍﻟﺨﺎﺩﻣﺔ ﻭﺧﺎﻟﺪ ﻣﺸﻤﺌﺰ ﻟﻠﺤﻴﻦ ﻣﻦ ﺷﻜﻠﻬﺎ ﻭﻳﺘﻌﻮﺫ ﻣﻦ ﺑﻠﻴﺲ ..
ﺻﺞ ﻋﻠﻴﻬﺎ ﺧﺸﺔ ﺗﻨﺮﻓﺰ ﺍﻟﻠﻲ ﻣﺎ ﻳﺘﻨﺮﻓﺰ ..
ﻭﻛﺎﻫﻲ ﺳﻤﺎﺀ ﺗﻈﻬﺮ ﻟﻪ ﻣﻦ ﺍﻟﺒﺎﺏ ﻭﻋﻴﻮﻧﻬﺎ ﻟﻠﺤﻴﻦ ﻻﻣﻌﺔ ﺑﺎﻟﺪﻣﻊ ..
ﺳﻤﺎﺀ : ﺷﺘﺒﻲ؟؟
ﺧﺎﻟﺪ ﺍﻟﻠﻲ ﺑﻬﺖ ﻓﻲ ﻭﻳﻬﻬﺎ .. ﻭﺗﻢ ﻳﺘﺄﻣﻞ ﻣﻼﻣﺤﻬﺎ .. ﺍﻧﺎ ﺍﻭﻝ ﻣﺮﺓ
ﺍﺷﻮﻑ ﺑﻨﺖ ﺣﻠﻮﺓ ﻫﺎﻟﻜﺜﺮ ﻭﺍﻫﻲ ﺗﺒﺠﻲ ﺑﺎﻟﻌﺎﺩﺓ ﻳﺨﺮﻋﻮﻭﻭﻥ ﻭﻫﻢ
ﻳﺨﻔﺴﻮﻥ ﻭﻳﻬﻬﻢ : ﺳﻤﺎﺀ .. ﺍﺣﻢ ... ﺳﻤﻌﻴﻨﻲ
ﺳﻤﺎﺀ : ﻳﺎﻱ ﺗﻌﺘﺬﺭ؟
ﺧﺎﻟﺪ ﺑﻬﺪﻭﺀ : ﺍﻳﻪ
ﺳﻤﺎﺀ ﺑﺼﺮﺧﺔ : ﺍﺫﻟﻠﻠﻠﻠﻠﻠﻠﻠﻠﻠﻠﻠﻠﻠﻠﻠﻠﻠﻠﻠﻠﻠﻠﻒ
ﺗﻌﺮﻓﻮﻥ ﻟﻮ ﻭﺍﺣﺪ ﻣﺜﻼ ﻗﻌﺪ ﻓﻲ ﺗﻴﺎﺭ ﻫﻮﺍﺋﻲ ﻗﻮﻳﻴﻴﻴﻲ ﻭﺗﺤﺴﻮﻥ ﺍﻥ
ﻣﻼﻣﺢ ﻭﻳﻬﻪ ﺑﺘﻄﻴﺮ ... ﻫﺬﺍ ﻛﺎﻥ ﻣﻔﻌﻮﻝ ﺻﺮﺧﺔ ﺳﻤﺎﺀ ﻓﻲ ﻭﻳﻪ
ﺧﺎﻟﺪ .. ﻟﺪﺭﺟﺔ ﺍﻧﻪ ﻭﻗﻒ ﻣﻜﺎﻧﻪ ﻣﻦ ﺑﻌﺪ ﻣﺎ ﺳﻜﺮﺕ ﺍﻟﺒﺎﺏ ﻓﻲ ﻭﻳﻬﻪ
ﻣﻮ ﻗﺎﺩﺭ ﻳﺸﻴﻞ ﻋﻤﺮﻩ .. ﺍﺫﻧﻪ ﺍﻧﺼﻤﺖ ﻭﺭﺍﺳﻪ ﻳﺪﻭﺭ ... ﻳﻮﻡ ﻭﻋﻰ ﻋﻠﻰ
ﺍﻟﺼﺪﻣﺔ ﻣﺸﻰ ﺑﻜﻞ ﻫﺪﻭﺀ ﻟﺒﻴﺘﻬﻢ .. ﻣﻮ ﻗﺎﺩﺭ ﻳﺴﺘﻮﻋﺐ .. ﺍﻫﻮ ﺣﻲ
ﻭﻻﻣﻴﺖ؟؟ ﻋﻨﺒﻮﻫﺎ ﻣﻦ ﺑﻨﺖ .. ﻛﻞ ﻫﺬﺍ ﻳﻄﻠﻊ ﻣﻨﻬﺎ؟؟
ﺳﻤﺎﺀ ﺍﻟﻠﻲ ﺭﺍﺣﺖ ﻏﺮﻓﺔ ﻣﺸﻌﻞ ﺗﺮﺍﻗﺐ ﺧﺎﻟﺪ ﻭﻫﻮ ﻳﺪﺧﻞ ﺍﻟﺒﻴﺖ
ﺣﺴﺘﻪ ﻧﻮﻉ ﺍﻟﺰﻋﻼﻥ ﺍﻭ ﺍﻟﺤﺰﻳﻦ ﻻﻧﻬﺎ ﻣﺎ ﻗﺒﻠﺖ ﺍﻋﺘﺬﺍﺭﻩ .. ﻭﺯﻋﻠﺖ
ﺍﻫﻲ ﺑﻴﻨﻬﺎ ﻭﺑﻴﻦ ﻧﻔﺴﻬﺎ .. ﻳﺎ ﺣﻠﻴﻠﻪ ﻳﺎﻳﻨﻲ ﻟﻌﻨﺪ ﺑﺎﺏ ﺍﻟﺒﻴﺖ ﻳﻌﺘﺬﺭ
ﻣﻨﻲ .. ﻟﻜﻨﻲ ﻣﻮ ﻣﻌﺰﺓ ﺍﺑﻮﻩ ﻛﻞ ﻣﺎ ﺟﺮﺣﻨﻲ ﻳﺎ ﻭﻳﻌﺘﺬﺭ .. ﺧﻠﻪ ﻳﻮﻟﻲ
ﻭﻳﺎﻛﻞ ﻣﻦ ﺩﻭﺍﺍﺍﻩ ..
ﻟﻜﻨﻬﺎ ﻣﺎ ﻛﺎﻧﺖ ﺗﺪﺭﻱ ﺍﻥ ﺧﺎﻟﺪ ﻓﻲ ﺫﻳﺞ ﺍﻟﻠﺤﻈﺔ ﻣﺎ ﻛﺎﻥ ﺯﻋﻼﻥ ﺍﻭ
ﺣﺰﻳﻦ .. ﻛﺎﻥ ﻭﺩﺓ ﻟﻮ ﻳﺪﻓﻊ ﻧﺺ ﻋﻤﺮﻩ ﻋﺸﺎﻥ ﺳﻤﻌﻪ ﻳﺮﺩ ...
( ( ( ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ) ) )
---------------------------
ﺍﻟﺴﺎﻋﺔ 2 ﺍﻟﻔﺠﺮ ﻓﻲ ﺑﻮﺳﻄﻦ ..
ﺑﻨﻮﻡ ﻋﻤﻴﻖ ﺳﺒﺤﺖ ﻓﺎﺗﻦ ﻓﻴﻪ ﺍﺗﺼﻠﺖ ﻓﻴﻬﺎ ﺍﺣﻼﻡ ﻣﺘﻌﺪﺩﺓ .. ﻣﻨﻬﺎ
ﺍﻟﺰﻳﻦ ﺍﻟﻲ ﺭﺳﻢ ﺍﺑﺘﺴﺎﻣﺔ ﻭﻣﻨﻪ ﺍﻟﺸﻴﻦ ﺍﻟﻲ ﺧﻠﻰ ﺍﻟﻌﺮﻕ ﻳﺰﺥ ﻣﻦ
ﺟﺒﻴﻨﻬﺎ .. ﻟﻐﻴﺎﺏ ﻣﺴﺎﻋﺪ ﻋﻦ ﺍﻟﺴﺎﺣﺔ ﻛﺎﻥ ﺍﻻﺛﺮ ﺍﻟﻌﻈﻴﻢ ﻓﻲ ﻫﺬﻱ
ﺍﻟﺮﺍﺣﺔ .. ﻛﺎﻧﺖ ﻧﺎﻳﻤﺔ ﻭﻻ ﺗﺤﺲ ﺑﻨﻔﺴﻬﺎ .. ﻳﻤﻜﻦ ﺻﺎﺭ ﻟﻬﺎ ﺣﻮﺍﻟﻲ
ﺍﻟﺴﺖ ﺳﺎﻋﺎﺕ .. ﺻﻠﺖ ﺍﻟﻌﺸﺎ ﻭﺭﺍﺣﺖ ﺗﻨﺎﻡ ﻋﻠﻰ ﻃﻮﻝ ﻻﻥ ﺍﻟﺠﻮ
ﻣﺘﻌﺐ .. ﻭﺑﺎﺟﺮ ﻳﻮﻡ ﺟﺎﻣﻌﻲ ﻣﺎ ﺗﻘﺪﺭ ﺗﻔﻮﺗﻪ ﻭﻻﺯﻡ ﺗﻘﻌﺪ ﻣﻦ ﺍﻟﺼﺒﺢ ..
ﻟﻜﻦ ﺑﺼﻮﺕ ﺍﻟﺮﻋﺪ ﺍﻟﻠﻲ ﻓﻲ ﺍﻟﺴﻤﺎ ﺻﺤﺖ ﻓﺎﺗﻦ ﺑﻔﺰﻉ ﺑﺴﻴﻂ .. ﺍﻫﻲ
ﻣﺎ ﺗﺨﺎﻑ ﻣﻨﻪ ﻟﻜﻦ ﺃﻱ ﻭﺍﺣﺪ ﻳﻨﺎﻡ ﻓﻲ ﻣﺜﻞ ﻫﺎﻟﻈﺮﻭﻑ ﺍﻟﻄﺒﻴﻌﻴﺔ
ﻭﻣﺜﻞ ﻫﺎﻻﺻﻮﺍﺕ ﻳﺼﺤﻰ ...
ﻟﻤﺖ ﺍﻟﻠﺤﺎﻑ ﺍﻟﻠﻲ ﺗﻐﻄﺖ ﻓﻴﻪ ﺑﻬﺪﻭﺀ ﻭﺳﺤﺒﺖ ﺍﻟﺘﻲ ﺷﺮﺕ ﺍﻟﺜﻘﻴﻞ
ﻭﻟﺒﺴﺘﻪ .. ﻭﺑﻬﺪﻭﺀ ﻃﻠﻌﺖ ﻣﻦ ﺍﻟﺪﺍﺭ ﻭﺗﻔﺎﺟﺎﺕ ﺑﺎﻥ ﻧﻮﺭ ﺍﻟﻤﻄﺒﺦ
ﻣﺸﻐﻞ ... ﻭﻓﺘﺤﺖ ﻋﻴﻮﻧﻬﺎ ﺍﻛﺜﺮ ﺷﺎﻓﺖ ﻣﺴﺎﻋﺪ ﻭﺍﻗﻒ ﻋﻨﺪ ﺑﺎﺭ
ﺍﻟﻤﻄﺒﺦ ﻭﻣﺎﻋﻄﻬﺎ ﻇﻬﺮﻩ ﻭﻋﻠﻰ ﺍﻟﻔﺮﻥ ﺍﺑﺮﻳﻖ ﺍﻟﺠﺎﻱ ﻭﻛﺄﻧﻪ ﻳﻨﺘﻈﺮﻩ
ﻳﻐﻠﻲ .. ﻟﻤﺖ ﺷﻌﺮﻫﺎ ﺑﻬﺪﻭﺀ ﻭﺭﺍﺣﺖ ﻋﻨﺪﻩ ... ﻛﺎﻥ ﻣﺴﻜﺮ ﻋﻴﻮﻧﻪ
ﻭﻣﺤﻨﻲ ﺭﺍﺳﻪ ﻭﻃﻮﻟﻪ ﺍﻟﺸﺎﻣﺦ ﻣﻨﻘﻄﻊ ﻣﻦ ﺍﻟﺘﻌﺐ ..
ﺧﺎﻓﺖ ﻓﺎﺗﻦ ﻋﻠﻴﻪ ﻣﻦ ﺻﺞ ﻻﻥ ﻟﻮﻧﻪ ﻣﺎﻛﺎﻥ ﻃﺒﻴﻌﻲ ..
ﻓﺎﺗﻦ ﺑﺼﻮﺕ ﻧﺎﻋﻢ : ﻣﺴﺎﻋﺪ ..؟؟؟
ﺍﻟﺘﻔﺖ ﻣﺴﺎﻋﺪ ﺑﺎﻧﺘﻔﺎﺿﺔ .. ﻛﺎﻥ ﻏﺎﻓﻲ ﺷﻮﻱ .. : ﻫﻼ ...
ﻳﻮﻡ ﺭﻓﻊ ﺭﺍﺳﻪ ﻭﻋﻴﻮﻧﻪ ﺍﻟﺤﻤﺮﺍ ﻓﻲ ﻭﻳﻬﻬﺎ ﺗﻀﺎﺭﺑﺖ ﺩﻗﺎﺕ ﻓﺎﺗﻦ
ﺑﺨﻮﻭﻭﻑ ﻋﻠﻴﻪ .. ﺷﻜﻠﻪ ﺍﺑﺪ ﻣﺎ ﻳﻄﻤﻦ .. ﻫﺬﻱ ﻣﻮ ﺣﻤﻰ ﻭﻻ ﺯﻛﺎﻡ ..
ﺷﻜﻠﻬﺎ ﺍﻧﻔﻠﻮﻧﺰﺍ ﺣﺎﺩﺓ .. ﻭﻟﻮﻧﻪ ﺻﺎﻳﺮ ﺍﺻﻔﺮ ﻭﺷﻌﺮﻩ ﻣﻌﻔﺲ ..
ﻓﺎﺗﻦ : ﻓﻴﻚ ﺷﻲ ﻣﺴﺎﻋﺪ
ﻣﺴﺎﻋﺪ ﺑﺼﻮﺕ ﻫﺎﺩﺉ .. ﻭﺣﺰﻳﻦ ﺑﻌﺾ ﺍﻟﺸﻲ : ﺍﻧﺘﻈﺮ ﺍﻟﻤﺎﻱ ﻳﻐﻠﻲ ...
ﺷﻤﺼﺤﻴﺞ؟؟ ﻓﻴﺞ ﺷﻲ؟
ﻓﺎﺗﻦ : ﻻ ﺑﺲ ﻛﻨﺖ ﻋﻄﺸﺎﻧﺔ ..
ﻣﺴﺎﻋﺪ : ﺍﻫﺎ ...
ﻭﺳﻜﺖ .. ﺗﺴﺎﻧﺪ ﻋﻠﻰ ﺍﻟﺒﺎﺭ ﻭﻫﻮ ﻳﺘﻨﻔﺲ ﻣﻦ ﻓﻤﻪ ﻻﻥ ﺟﻴﻮﺑﻪ ﺍﻻﻧﻔﻴﺔ
ﻛﺎﻧﺖ ﻣﺴﺪﻭﺩﺓ .. ﻭﻓﺎﺗﻦ ﺗﺴﻤﻊ ﺻﻮﺕ ﺗﻨﻔﺴﻪ ﻭﺍﻫﻲ ﻣﻀﻄﺮﺑﺔ ..
ﺗﻌﺮﺽ ﻋﻠﻴﻪ ﻣﺴﺎﻋﺪﺗﻬﺎ ﻭﻻ ﻻﺀ؟؟ ﺍﻫﻲ ﺳﻮﺕ ﻟﻪ ﺍﻛﻞ ﻭﻣﺎ ﺍﻛﻠﻪ
ﻭﻗﻬﺮﻫﺎ ﺑﻬﺎﻟﺤﺮﻛﺔ .. ﻳﻌﻨﻲ ﺍﻫﻮ ﻣﺮﻳﺾ ﻻﺯﻡ ﺍﺣﺪ ﻳﻌﺘﻨﻲ ﻓﻴﻪ ..
ﻓﺎﺗﻦ : ﺯﻳﻦ ﺭﻭﺡ ﺩﺍﺭﻙ ﻭﺍﻧﺎ ﻻﺯﻫﺐ ﺍﻟﻤﺎﻱ ﺑﻴﻴﺒﻪ ﻟﻚ
ﻣﺴﺎﻋﺪ ﺑﺘﻌﺐ : ﻻ ﻛﺎﻫﻮ ﻣﺎ ﺑﺎﺟﻲ ﺷﻲ ﻋﻠﻴﻪ
ﻓﺎﺗﻦ ﺑﺎﻟﺤﺎﺡ : ﻣﺴﺎﻋﺪ ﺭﻭﺡ ﺩﺍﺭﻙ ﻭﺍﻧﺎ ﺑﻴﻴﺒﻪ ﻟﻚ ﻭﻳﺎﻩ ﺍﻟﻔﻜﺲ
ﻭﺍﻟﺒﻨﺪﻭﻝ ﺑﻌﺪ ..
ﻣﺴﺎﻋﺪ ﺑﻀﻴﺞ : ﺭﻭﺣﻲ ﻧﺎﻣﻲ ﺑﺎﺟﺮ ﻋﻠﻴﺞ ﺩﻭﺍﻡ ..
ﺣﺴﺖ ﻓﺎﺗﻦ ﺍﻧﻬﺎ ﺑﺘﻄﻘﻪ ﺍﻟﺤﻴﻦ ﺑﺎﻟﻤﻘﻠﺔ ﺍﻟﻤﻌﻠﻘﺔ ﻓﻮﻕ ﺭﺍﺳﻪ .. ﺻﺞ ﺍﻥ
ﺭﺍﺳﻪ ﻳﺎﺑﺲ .. ﻟﻜﻦ ﻋﻠﻰ ﻣﻦ؟؟ ﻣﻮ ﻋﻠﻲ ﺍﻧﺎ ..
ﻓﺎﺗﻦ : ﻻ .. ﺑﺴﺮﻋﺔ ﺭﻭﺡ ﺩﺍﺭﻙ ﻭﺍﻧﺎ ﺑﻴﻴﻚ
ﻣﺴﺎﻋﺪ ﻛﻠﺶ ﺗﻀﺎﻳﻖ : ﻓﺎﺗﻦ ..
ﻓﺎﺗﻦ ﻗﻄﻌﺘﻪ ﺑﺤﺰﻡ : ﺭﻭﻭﻭﺡ ﺑﺴﺮﻋﺔ ﻭﻻ ﺗﻌﺎﻧﺪ .. ﺗﺮﺍﻙ ﻣﻠﻠﺘﻨﻲ ﻣﻦ
ﻣﺴﺎﻋﺔ ﻭﺍﻧﺎ ﺍﻗﻮﻝ ﻟﻚ ..
ﺍﻧﺼﺪﻡ ﻣﺴﺎﻋﺪ ﻣﻦ ﻛﻼﻣﻬﺎ : ﺍﻧﺰﻳﻦ ﺍﻧﺎ ﻣﺎﻗﻠﺖ ﻟﺞ ﺗﻌﺎﻟﻲ ﺳﻮ ..
ﻓﺎﺗﻦ ﺗﻘﻄﻌﻪ ﺑﺴﺮﻋﺔ : ﻳﺎﻟﻠﻪ ﺑﺴﺮﻋﺔ ﻋﻦ ﺍﻟﻜﻼﻡ ﺍﻟﻔﺎﺿﻲ
ﻣﺴﺎﻋﺪ : ﻓﺎﺗﻦ
ﻓﺎﺗﻦ : ﻣﺴﺎﻋﺪ ﺭﻭﺡ ﺗﻜﻔﻰ ... ﺗﻐﻄﻰ ﺑﺎﻟﻠﺤﺎﻑ ﻭﺍﻧﺎ ﺑﻴﻴﺐ ﻟﻚ ﺍﻟﺠﺎﻱ ..
ﻣﺴﺎﻋﺪ ﻭﻫﻮ ﻳﺤﺲ ﺑﺘﻌﺐ ﻭﺻﺞ ﻣﺤﺘﺎﺝ ﻟﻠﺮﺍﺣﺔ .. ﺩﺍﻣﻬﺎ ﻋﺎﺭﺿﻪ
ﺧﺪﻣﺎﺗﻬﺎ ﺍﻧﺎ ﺷﻌﻠﻲ .. ﺍﺧﺎﻑ ﺑﻌﺪﻳﻦ ﺗﻘﻮﻝ ﻣﻐﺼﻮﺑﻪ ﻭﺍﻧﺎ ﻓﺮﺽ ﻋﻠﻴﻬﺎ
ﺑﺤﻴﺎﺗﻬﺎ .. ﻳﺎﺭﻳﺖ ﻟﻮ ﻋﻨﺪﻱ ﻣﺴﺠﻞ ﻋﺸﺎﻥ ﺍﺳﺠﻞ ﻛﻞ ﻛﻠﻤﺔ ﺗﻘﻮﻟﻬﺎ ..
ﺍﻓﺘﺮ ﻭﺭﺍﺡ ﺩﺍﺭﻩ ﺑﻬﺪﻭﺀ ﻭﻫﻮ ﻳﺨﺐ ﺍﻻﺭﺽ ﻣﻦ ﺍﻟﺘﻌﺐ .. ﻭﻓﺎﺗﻦ ﺍﻟﻠﻲ
ﻳﻤﻜﻦ ﻻﻭﻝ ﻣﺮﺓ ﺗﺮﺍﻗﺐ ﺍﻭ ﺗﻨﺎﻇﺮ ﻣﺴﺎﻋﺪ ﻓﺘﺮﺓ ﻃﻮﻳﻠﺔ ﻻﺣﻈﺖ ﺍﺷﻴﺎﺀ
ﻓﻴﻪ .. ﺗﺮﺍﻩ ﻧﺴﺨﺔ ﻣﻄﻮﺭﺓ ﻣﻦ ﻣﺮﻳﻢ ﻭﻃﻮﻟﻪ ﻏﺮﻳﺐ ﻭﻋﺮﺽ ﺟﺴﻤﻪ
ﺍﻏﺮﺏ .. ﻣﺎ ﻳﺒﻴﻦ ﻋﻠﻴﻪ ﻋﻤﺮﻩ .. ﻟﻜﻦ ﺿﺨﺎﻣﺘﻪ ﺍﻫﻲ ﺍﻟﻠﻲ ﺗﺒﻴﻦ ﻟﻠﻨﺎﺱ
ﺍﻧﻪ ﻛﺒﻴﺮ .. ﺍﻭﻝ ﻣﺎ ﺷﺎﻓﺘﻪ ﺍﻫﻲ ﻋﻄﺘﻪ ﻋﻤﺮ ﺍﻟﺜﻼﺛﻴﻦ .. ﻟﻜﻨﻪ ﻗﺮﻳﺐ
ﻣﻦ ﺍﻟﺜﻼﺛﻴﻦ .. 27 ﻋﻤﺮ ﻣﻮ ﻫﻴﻦ .. ﻟﻜﻦ ﺑﺼﺮﺍﺣﺔ ﺗﺤﺮﻛﺖ ﻓﻴﻬﺎ ﺍﺷﻴﺎﺀ
ﻛﺎﻧﺖ ﺳﺎﻛﻨﺔ ﻗﺒﻞ ﺗﺠﺎﻫﻪ .. ﻣﺜﻼ ﻫﺎﻟﺘﻮﺗﺮ ﺍﻟﻠﻲ ﻳﺼﻴﺒﻬﺎ ﻟﻤﻦ ﻳﻨﺎﻇﺮﻫﺎ
ﺑﻜﻞ ﻫﺪﻭﺀ .. ﺗﺤﺲ ﺍﻧﻪ ﻧﻈﺮﺗﻪ ﺍﻟﺒﺎﺭﺩﺓ ﺗﻌﺼﺒﻬﺎ .. ﺍﻫﻮ ﻟﻴﺶ ﺟﺬﻱ؟؟
ﻟﻴﺶ ﻳﺒﻴﻦ ﻟﻲ ﺗﻤﻠﻜﻪ ﻣﻊ ﺍﻧﻪ ﻳﻤﻜﻦ ﻓﻲ ﺳﺒﺤﺎﻧﻴﺘﻪ ﻭﻣﺎ ﻋﻠﻴﻪ ﻣﻨﻲ ..
ﺻﻮﺕ ﺍﻻﺑﺮﻳﻖ ﻧﺒﻬﻬﺎ ﻣﻦ ﺳﺮﺣﺎﻧﻬﺎ .. ﻭﻣﺴﺮﻉ ﻣﺎ ﺻﺒﺘﻪ ﻓﻲ ﺍﻟﻜﻮﺏ
ﻭﺣﻄﺖ ﻭﻳﺎﻩ ﺟﻴﺲ ﻟﻴﺒﺘﻮﻥ .. ﺗﻤﺖ ﺗﺤﺮﻛﻪ ﻭﺗﺤﺮﻛﻪ ﻭﺍﻫﻲ ﺳﺮﺣﺎﻧﻪ
.. ﻭﻓﻲ ﺧﺎﻃﺮﻫﺎ ﻟﻮ ﺍﻧﻪ ﻳﺎﻛﻞ ﺷﻲ ﻋﺸﺎﻥ ﻣﺎ ﻳﺒﻠﻊ ﺍﻻﺩﻭﻳﻪ ﻋﻠﻰ
ﺍﻟﺨﺎﻟﻲ .. ﻭﻣﻦ ﻏﻴﺮ ﺃﻱ ﺍﻛﺘﺮﺍﺙ ﺯﻫﺒﺖ ﻟﻪ ﺳﻨﺪﻭﻳﺞ ﻭﺷﻮﻳﻪ ﺧﺒﺰ
ﻣﻤﺴﻮﺡ ﺑﺰﺑﺪ ﻭﺷﺮﺍﻳﺢ ﺑﺮﺗﻘﺎﻝ ﻋﺸﺎﻥ ﺍﻟﻔﻴﺘﺎﻣﻴﻨﺎﺕ .. ﻭﺣﻄﺖ ﻟﻪ
ﺍﻟﺒﻨﺪﻭﻝ ﻓﻲ ﺻﻮﺏ ﻭﺣﻤﻠﺖ ﺍﻟﻔﻜﺲ ﻓﻲ ﻣﺨﺒﺎﺗﻬﺎ ﻭﺭﺍﺣﺖ ﺍﻟﺪﺍﺭ ..
ﻛﺎﻧﺖ ﻣﻨﻮﺭﺓ ﺑﻬﺪﻭﺀ ﻋﻨﺪ ﺍﻟﺰﺍﻭﻳﺔ ﻭﻣﺴﺎﻋﺪ ﻣﺴﻨﺪ ﻇﻬﺮﻩ ﻭﻛﺎﻧﻪ
ﻣﻨﺴﺪﺡ .. ﻭﻭﺣﺪﺓ ﻣﻦ ﺭﻳﻠﻪ ﻣﻨﻄﻮﻳﺔ ﻭﺍﻟﺜﺎﻧﻴﺔ ﻣﻤﺪﻭﺩﻩ ﻭﺍﻟﺠﻮ ﺍﻟﺨﺎﻧﻖ
ﻣﺎﻟﻲ ﺍﻟﻐﺮﻓﺔ .. ﻓﺘﺤﺖ ﻓﺎﺗﻦ ﺍﻟﺒﺎﺏ ﺑﻬﺪﻭﺀ ﻭﺩﺧﻠﺖ ﺑﺎﻟﺼﻴﻨﻴﺔ ﻭﻣﺴﺎﻋﺪ
ﺍﻟﻠﻲ ﺍﻧﺘﺒﻪ ﻟﻬﺎ ﻓﺘﺢ ﻋﻴﻨﻪ ﻭﺷﺎﻑ ﺍﻧﻬﺎ ﻳﺎﺑﺖ ﺍﻛﻞ ﺑﻌﺪ ..
ﻣﺴﺎﻋﺪ : ﻣﺎﺑﻲ ﺍﻛﻞ ﺑﺲ ﺍﺑﻲ ﺍﻟﺪﻭﺍ
ﻓﺎﺗﻦ : ﺩﻭﺍ ﺑﻼ ﺍﻛﻞ ﻣﻮ ﺯﻳﻦ .. ﻻﺯﻡ ﺍﻟﻔﻴﺘﺎﻣﻴﻨﺎﺕ ..
ﻣﺴﺎﻋﺪ ﺑﺴﺨﺮﻳﺔ : ﺧﺒﺮﻱ ﻓﻴﺞ ﻋﻠﻮﻡ ﺳﻴﺎﺳﻴﺔ ﺷﻠﻲ ﺣﻮﻟﺞ ﻃﺐ؟؟
ﻓﺎﺗﻦ ﺑﺴﺨﺮﻳﺔ ﺍﻛﺒﺮ : ﺍﻟﻈﺮﻭﻑ ﻭﻣﺎ ﺗﺴﺘﺪﻋﻲ ..
ﺳﻜﺖ ﻋﻨﻬﺎ ﻣﺴﺎﻋﺪ ﻭﻫﻮ ﻳﺴﻜﺮ ﻋﻴﻮﻧﻪ ﻭﻣﻮ ﻗﺎﺩﺭ ﻳﺘﻨﻔﺲ .. ﺭﺍﺣﺖ
ﻓﺎﺗﻦ ﻭﻓﺘﺤﺖ ﺍﻟﺪﺭﻳﺸﺔ ﺑﻤﺴﺘﻮﻯ ﺑﺴﻴﻂ ﻋﺸﺎﻥ ﻳﺪﺧﻞ ﺍﻟﻬﻮﺍ ﺍﻟﻤﻨﻌﺶ
ﻭﻟﻜﻦ ﺍﻟﺒﺎﺭﺩ ..
ﻣﺴﺎﻋﺪ : ﺳﻜﺮﻳﻬﺎ ﻧﺎﻭﻳﺔ ﻋﻠﻲ ﺑﺎﻟﺘﻬﺎﺏ ﺭﺋﻮﻱ ..
ﻓﺎﺗﻦ : ﺍﻟﺘﻬﺎﺏ ﺭﺋﻮﻱ ﻭﻻ ﺍﺧﺘﻨﺎﻕ .. ﺍﻟﻐﺮﻓﻪ ﻣﺤﺘﺎﺟﺔ ﺗﺒﺪﻳﻞ ﻓﻲ ﺍﻟﻬﻮﺍ ..
ﺩﻗﺎﻳﻖ ﻭﺍﺳﻜﺮﻫﺎ ..
ﺳﻜﺖ ﻣﺴﺎﻋﺪ ﻻﻥ ﻛﻼﻣﻬﺎ ﺻﺢ .. ﻟﻜﻨﻬﺎ ﺗﻘﻬﺮ ﻟﻤﻦ ﺗﻄﻠﻊ ﻋﺎﺭﻓﻪ ﻟﻜﻞ
ﺷﻲ ..
ﺗﻤﺖ ﻭﺍﻗﻔﺔ ﻭﺍﻟﺼﻴﻨﻴﺔ ﺟﺪﺍﻡ ﻣﺴﺎﻋﺪ ﻭﻣﺎ ﻣﺴﻚ ﺍﻻ ﺍﻟﺒﻨﺪﻭﻝ
ﻭﺍﻟﺠﺎﻱ ..
ﻓﺎﺗﻦ ﺑﺎﻋﺘﺮﺍﺽ : ﺁ ﺁ ﺁ ﺁ ﺁ
ﻣﺴﺎﻋﺪ ﺭﻓﻊ ﺭﺍﺳﻪ ﺑﻀﻴﺞ : ﺷﻨﻮ؟؟؟
ﻓﺎﺗﻦ ﺑﺎﺑﺘﺴﺎﻣﺔ : ﺍﻛﻞ ﻗﺒﻞ ..
ﻣﺴﺎﻋﺪ ﻳﺮﻓﻊ ﺣﺎﺟﺐ : ﻣﺎﺑﻲ .. ﺷﻨﻮ ﻏﺼﺐ ﺍﻫﻮ؟؟
ﻓﺎﺗﻦ : ﺃﻱ .. ﻏﺼﺐ .. ﻳﺎﻟﻠﻪ ﺍﻛﻞ ..
ﺭﻣﻰ ﻣﺴﺎﻋﺪ ﺍﻟﺒﻨﺪﻭﻝ ﻭﺣﻤﻞ ﺷﺮﻳﺤﺔ ﺑﺮﺗﻘﺎﻝ ﻭﺍﻛﻠﻬﺎ ﺑﻬﺪﻭﺀ .. ﻭﺷﻜﻠﻪ
ﻋﺠﺒﺘﻪ .. ﻭﺍﻟﺜﺎﻧﻴﺔ ﻭﺍﻟﺜﺎﻟﺜﺔ .. ﻭﺷﻮﻱ ﻣﻦ ﺍﻟﺴﻨﺪﻭﻳﺞ .. ﺷﺮﺏ ﺍﻟﺠﺎﻱ
ﻭﻣﻦ ﺑﻌﺪﻩ ﺍﻟﺒﻨﺪﻭﻝ ﻭﺍﻟﻤﺎﻱ ..
ﻣﺴﺎﻋﺪ ﺑﺴﺨﺮﻳﺔ : ﻫﺎ ﻣﺎﻣﺎ ... ﻓﺮﺣﺎﻧﻪ
ﻓﺎﺗﻦ ﺑﺎﺑﺘﺴﺎﻣﺔ ﺍﻧﺘﺼﺎﺭ : ﻋﻔﻴﺔ ﻋﻠﻰ ﺍﻟﺸﺎﻃﺮ .. good boy
ﺑﻨﻘﻤﺔ ﺭﻣﺎﻫﺎ ﻧﻈﺮﺍﺕ ﺍﻫﻲ ﺍﺑﺪﺍ ﻣﺎ ﻋﺒﺮﺗﻪ ﻭﻇﻠﺖ ﺗﻤﺸﻲ ﺑﻔﺨﺮ
ﻭﻛﺒﺮﻳﺎﺀ .. ﻭﺳﻜﺮﺕ ﺍﻟﺒﺎﺏ ﺑﻬﺪﻭﺀ ﻣﻦ ﻭﺭﺍﻩ .. ﺣﻄﺖ ﺍﻻﻏﺮﺍﺽ
ﺑﺎﻟﻤﻄﺒﺦ ﻭﺍﻫﻲ ﺗﻀﺤﻚ ﻣﻦ ﻗﻠﺐ ﻋﻠﻴﻪ .. ﺻﺞ ﺍﻧﻪ ﻳﺎﻫﻞ ..
ﻣﺴﺎﻋﺪ ﻛﺎﻥ ﻟﻠﺤﻴﻦ ﻳﺮﺍﻗﺐ ﻇﻠﻬﺎ ﺍﻟﻠﻲ ﺍﺧﺘﻔﻰ ﻋﻦ ﻋﻴﻮﻧﻪ .. ﺻﺞ ﺍﻧﻬﺎ
ﻳﺎﻫﻞ ..
ﻏﻄﻰ ﺭﻭﺣﻪ ﺯﻳﻦ .. ﻭﺿﺮﺏ ﻋﻠﻰ ﺍﻟﻤﺨﺪﺓ ﻋﺸﺎﻥ ﺗﻨﺘﻔﺦ .. ﻭﺭﻳﺢ ﻧﻔﺴﻪ
ﻋﺸﺎﻥ ﻳﻨﺎﻡ ..
ﻓﺎﺗﻦ ﻃﺎﺭﺕ ﻧﻮﻣﺘﻬﺎ ﺧﻼﺹ .. ﻭﺭﺍﺣﺖ ﺩﺍﺭﻫﺎ ﻣﻦ ﺑﻌﺪ ﻣﺎ ﻧﻈﻔﺖ
ﺍﻟﻤﻄﺒﺦ ﺯﻳﻦ ﻋﺸﺎﻥ ﺗﺰﻫﺐ ﻟﻬﺎ ﺑﺪﻟﺔ ﺗﻠﺒﺴﻬﺎ ﺑﺎﺟﺮ .. ﻟﻮ ﻛﺎﻧﺖ ﺑﺎﻟﻜﻮﻳﺖ
ﺟﺎﻥ ﺍﻫﻲ ﻭﻣﺮﻳﻢ ﻃﻘﻤﻮ ﻓﻲ ﺍﻟﻌﺒﺎﻳﺔ .. ﻟﻜﻦ ﺧﺴﺎﺭﺓ ﺍﻫﻨﻲ ﻣﺎ ﺗﻘﺪﺭ
ﺗﻠﺒﺲ ﻋﺒﺎﻳﻪ .. ﻟﻜﻦ ﻣﺎﺷﺎﺀ ﺍﻟﻠﻪ ﺛﻴﺎﺑﻬﺎ ﻭﺍﻳﺪ ﻣﺤﺘﺮﻣﺔ ﻭﻣﺤﺘﺸﻤﺔ ..
ﺗﻤﺖ ﺗﻨﻘﻲ ﻓﻴﻬﻢ ﻭﻣﻦ ﺯﻭﺩ ﺍﻋﺠﺎﺑﻬﺎ ﺑﻬﻢ ﻣﺎ ﻗﺪﺭﺕ ﺗﺨﺘﺎﺭ .. ﺍﻟﻤﻼﺑﺲ
ﻛﺎﻧﺖ ﺍﻧﻴﻘﺔ ﻭﺗﻨﻢ ﻋﻦ ﺫﻭﻕ .. ﺫﻭﻕ ﺟﺮﺍﺡ ﻭﺫﻭﻕ ﻣﺮﻳﻢ .. ﺍﻭﻭﻭﻳﺎ
ﻋﻠﻴﻬﻢ ﻫﺎﻻﺛﻨﻴﻦ .. ﻣﺘﻰ ﻳﺎﺭﺏ ﻧﻔﺮﺡ ﺑﻬﻢ .. ﻳﺎﺧﻮﻓﻲ ﻟﻮ ﺻﺎﺭ ﻧﺼﻴﺒﻬﻢ
ﻣﻦ ﻧﺼﻴﺒﻲ .. ﻭﺍﻟﻠﻪ ﺑﻨﺘﺤﺮ ..
ﻭﻋﺸﺎﻥ ﻫﺎﻻﺛﻨﻴﻦ ﻃﻠﻌﺖ ﺑﺪﻟﺘﻴﻦ .. ﻭﺣﺪﺓ ﻣﻦ ﺍﺧﺘﻴﺎﺭ ﺟﺮﺍﺡ ﻭﺍﻟﺜﺎﻧﻴﺔ
ﻣﺮﻳﻢ .. ﻭﻻﺣﻈﺖ ﺍﻥ ﺍﻻﻟﻮﺍﻥ ﺗﺮﻛﺐ ﻋﻠﻰ ﺑﻌﺾ ..
ﻛﺎﻧﺖ ﺑﻨﻄﻠﻮﻥ ﺷﺎﻣﻮﺍ ﻛﺤﻠﻲ ﻭﻋﻠﻴﻪ ﻧﻮﻉ ﻣﻦ ﺍﻟﺘﻨﻮﺭﺓ ﺍﻟﺤﺮﻳﺮﻳﺔ ﺑﻠﻮﻥ
ﺍﺯﺭﻕ ﺳﻤﺎﻭﻱ .. ﻭﺍﻟﺠﺎﻛﻴﺖ ﻟﻠﺒﺪﻟﺔ ﺍﻟﺜﺎﻧﻴﺔ ﺍﺯﺭﻕ ﺳﻤﺎﻭﻱ ﻋﻠﻴﻪ
ﺩﻭﺍﻭﻳﺢ .. ﻟﺒﺴﺘﻬﻢ ﻓﺎﺗﻦ ﻋﻠﻰ ﺑﻌﺾ ﻟﻘﺘﻬﻢ ﺳﺘﺎﺍﺍﻳﻞ .. ﻭﻃﻠﻌﺖ ﻟﻬﺎ ﺗﻲ
ﺷﺮﺕ ﻛﺤﻠﻲ ﻳﺎﻗﺘﻪ ﺭﻓﻴﻌﻪ ﺑﺲ ﺑﻼ ﺍﻛﻤﺎﻡ ﻭﻻ ﺍﻛﺘﺎﻑ .. ﻭﺣﻄﺘﻬﻢ ﻋﻠﻰ
ﺍﻟﺴﺮﻳﺮ .. ﻃﺒﻌﺎ ﻋﻨﺪﻫﺎ ﻣﻦ ﺍﻟﻠﻔﺎﻓﺎﺕ ﺍﻟﻠﻲ ﻳﺴﺪﻫﺎ ﻭﻳﺴﺪ ﻓﺮﻳﺞ ..
ﻭﻃﻠﻌﺖ ﻗﻔﺤﻴﺔ ﺳﻤﺎﻭﻳﺔ ﻭﺍﻟﺸﺎﻝ ﻛﺎﻥ ﺍﺯﺭﻕ .. ﻭﺍﻻﻛﺴﺴﻮﺍﺭﺍﺕ ﻣﺎ
ﺗﺤﺒﻬﺎ ﻻﻧﻬﺎ ﺗﺤﺲ ﺑﺎﻟﺤﻜﺔ .. ﻭﺍﻟﺼﻨﺪﻝ ﻛﺎﻥ ﻛﺤﻠﻲ ﻭﺍﻟﺠﻨﻄﻪ ﻛﺎﻧﺖ
ﻗﻄﻢ ﺑﻌﺪ .. ﻭﺑﺠﺬﻱ ﺯﻫﺒﺖ ﻓﺎﺗﻦ ﺑﺎﺣﻠﻰ ﺣﻠﺔ .. ﻭﺑﺎﺣﻠﻰ ﺷﻴﺎﻛﺔ .. ﻣﺘﻰ
ﺍﻳﻲ ﺍﻟﺼﺒﺢ ﻋﺸﺎﻥ ﺗﻠﺒﺲ ﻫﺎﻟﻬﺪﻭﻡ ..
ﻭﺑﻔﺮﺣﺔ ﺍﻻﻧﺘﻈﺎﺭ ﻏﻔﺖ ﻓﺎﺗﻦ ...
-----------------------------------
-----------------------------------
ﺍﻟﻜﻮﻳﺖ ﺍﻟﻌﺼﺮ ..
ﻛﺎﻧﺖ ﻣﺮﻳﻢ ﻓﻲ ﺩﺍﺭﻫﺎ ﺗﻘﺮﻯ ﻓﻲ ﺍﺣﺪ ﺍﻟﻤﻠﺰﻣﺎﺕ ﺍﻟﻠﻲ ﻋﻄﻮﻫﻢ ﺍﻳﺎﻩ ..
ﺗﺤﻀﻴﺮ ﻋﺸﺎﻥ ﺍﻟﻤﺸﺎﺭﻛﺔ .. ﺑﺼﺮﺍﺣﺔ ﺍﻟﺪﺭﺍﺳﺔ ﻛﻠﺶ ﻣﺎﻟﻬﺎ ﻃﻌﻢ ﻟﻤﻦ
ﺗﻜﻮﻥ ﻟﺤﺎﻟﻬﺎ .. ﺻﺞ ﺳﻤﻴﺔ ﻻﺯﻗﺔ ﻓﻴﻬﺎ ﺍﺭﺑﻊ ﻭﻋﺸﺮﻳﻦ ﺳﺎﻋﺔ ﻟﻜﻦ ﻟﻮ
ﻛﺎﻧﺖ ﻓﺎﺗﻦ ﻣﻮﺟﻮﺩﺓ .. ﺟﺎﻥ ﺍﻧﺎ ﺍﻛﺜﺮ ﻭﺣﺪﺓ ﻣﺴﺘﺎﻧﺴﺔ ﻓﻲ ﻫﺎﻟﺪﻧﻴﺎ ..
ﻟﻜﻦ ﻭﻳﻦ ﺍﻟﻘﺮﺍﺩﺓ ﻗﺮﺍﺩﺓ ﻟﻮ ﻟﺒﺴﻮﻫﺎ ﺍﻟﻤﺎﺱ ﻭﺍﻟﺬﻫﺐ ..
ﺗﻤﺖ ﺗﻘﺮﻯ ﻭﺗﻘﺮﻯ ﻭﺍﻫﻲ ﺗﻄﺎﻟﻊ ﺗﻠﻔﻮﻧﻬﺎ .. ﻭﻻ ﻳﺘﺼﻠﻮﻥ ﻭﻻ ﻳﺴﺘﺤﻮﻥ
ﻋﻠﻰ ﻭﻳﻬﻬﻢ .. ﺍﻟﺤﻴﻦ ﺍﻟﻮﻗﺖ ﻓﻴﺮ ﻋﻨﺪﻫﻢ ﻣﺎﺍﻗﺪﺭ ﺍﺗﺼﻞ .. ﻟﻜﻦ
ﻳﺎﻭﻳﻠﻬﻢ ﻣﻨﻲ ﻭﺍﻟﻠﻪ ﻻ ﺩﻭﺱ ﻓﻲ ﺑﻄﻮﻧﻬﻢ .. ﺧﻞ ﺑﺲ ﻳﺮﺩ ﻣﺴﺎﻋﺪ ..
ﺩﻭﺍﻩ ﻋﻨﺪﻱ ..
ﺍﻻ ﻭﻧﻮﺭﺓ ﺗﺪﺧﻞ ﻋﻠﻴﻬﺎ ﺍﻟﺪﺍﺭ .. ﻏﺮﻳﺒﺔ ﺍﻟﻴﻮﻡ ﻧﻮﺭﺓ ﻓﻲ ﺍﻟﺒﻴﺖ ..
ﻭﺍﻣﺲ ﺑﻌﺪ ﻧﺎﻣﺖ ﻋﻨﺪﻧﺎ ..
ﻧﻮﺭﺓ ﺑﺼﻮﺕ ﺣﺰﻳﻦ : ﻗﻮﺓ ..
ﻣﺮﻳﻢ ﺑﺎﺳﺘﻐﺮﺍﺏ : ﻳﻘﻮﻳﺞ ....
ﺩﺧﻠﺖ ﻧﻮﺭﺓ ﻭﻗﻌﺪﺕ ﻋﻠﻰ ﺍﻟﺴﺮﻳﺮ ﺟﺪﺍﻡ ﻣﺮﻳﻢ ... ﻻﻻ ﻧﻮﺭﺓ ﻣﻮ
ﻃﺒﻴﻌﻴﺔ .. ﺷﻜﻠﻬﺎ ﺑﺘﺒﺠﻲ؟
ﻣﺮﻳﻢ : ﻧﻮﺭﻭ ﻋﻼﻣﺞ ..
ﻭﻣﺎ ﻗﺎﻟﺘﻬﺎ ﻣﺮﻳﻢ ﺍﻻ ﻭﻧﻮﺭﺓ ﺗﻨﻔﺠﺮ ﺑﺎﻟﺒﺠﻲ .. ﺷﺎﺏ ﻗﻠﺐ ﻣﺮﻳﻢ ﻋﻠﻰ
ﺍﺧﺘﻬﺎ .. ﺍﻫﻲ ﺍﻟﻠﻲ ﻓﺮﺣﺎﻧﺔ ﻃﻮﻝ ﺍﻟﻮﻗﺖ ﺗﺼﻴﺢ ﻣﺜﻞ ﻫﺎﻟﺼﻴﺎﺡ
ﺍﻟﺤﻴﻦ؟؟ ﺷﻔﻴﻬﺎ؟؟ ﻻﻳﻜﻮﻥ ﺑﺲ ﺭﻳﻠﻬﺎ ﻣﺨﺘﻠﻒ ﻭﻳﺎﻫﺎ؟؟؟
ﻣﺮﻳﻢ ﺗﻠﻮﻱ ﻋﻠﻰ ﺍﺧﺘﻬﺎ : ﻧﻮﺭﻭ ﺣﺒﻴﺒﺘﻲ ﻋﻼﻣﺞ؟؟ ﻟﻴﺶ ﺗﺒﺠﻴﻦ؟؟ ﻓﻴﺞ
ﺷﻲ؟
ﻧﻮﺭﺓ : ﻣﺎﻓﻴﻨﻲ ﺷﻲ؟
ﻣﺮﻳﻢ : ﻋﻴﻞ ﻟﻴﺶ ﺗﺒﺠﻴﻦ ..؟؟
ﻧﻮﺭﺓ : ﻣﺎﺍﺑﺠﻲ
ﻣﺮﻳﻢ : ﻋﻴﻞ ﺷﻨﻮ ﻫﺬﺍ ﻣﻄﺮ ﺍﻟﺨﺮﻳﻒ؟؟ ﻳﺎﻟﻠﻪ ﺗﺤﺠﻲ ﺷﻔﻴﺞ ..
ﻧﻮﺭﺓ ﺭﻓﻌﺖ ﺭﺍﺳﻬﺎ ﻭﻭﻳﻬﺎ ﻣﺤﻤﺮﺭﺭﺭﺭ ﻣﻦ ﺍﻟﺒﺠﻲ : ﻣﺮﻳﻢ ﻓﻴﺼﻞ ﻣﺎ
ﻳﺤﺒﻨﻲ ...
ﻣﺮﻳﻢ ﺑﻐﺒﺎﺀ : ﺷﻔﻴﻪ؟
ﻧﻮﺭﺓ : ﻓﻴﺼﻞ ﻣﺎ ﻳﺤﺒﻨﻲ .... ﻣﺎﻳﺤﺒﻨﻲ ..
ﻣﺮﻳﻢ ﺍﻟﻠﻲ ﺑﺼﺮﺍﺣﺔ ﺍﻧﻘﻬﺮﺕ .. : ﻧﻮﺭﺓ .. ﻗﻮﻣﻲ ﺫﻟﻔﻲ ﺩﺍﺭﺝ ... ﻭﻻ
ﺗﻌﻮﺭﻳﻦ ﺭﺍﺳﻲ
ﻧﻮﺭﺓ ﺑﺼﺪﻣﺔ : ﻣﺮﻳﻢ ﺣﺮﺍﻡ ﻋﻠﻴﺞ
ﻣﺮﻳﻢ ﺑﻌﺼﺒﻴﺔ : ﻋﻴﻞ ﻳﺎﻳﻪ ﻟﻲ ﺑﺪﻣﻮﻋﺞ ﺍﻟﻠﻲ ﺗﺴﺠﺐ ﺍﻟﺤﺮ ﻣﻨﺞ
ﻭﺗﻘﻮﻟﻴﻦ ﻟﻲ ﻓﻴﺼﻞ ﻣﺎ ﻳﺤﺒﺞ .. ﺩﺍﺭﻟﻴﻨﻎ ﻣﺎﺑﺎﺟﻲ ﻋﻠﻰ ﺯﻭﺍﺟﻜﻢ ﺍﻻ
ﺍﺳﺒﻮﻋﻴﻦ ﻭﻳﻦ ﻣﺎ ﻳﺤﺒﺞ ﺍﻟﺮﻳﺎﻝ ﺫﺍﻳﺐ ﻓﻴﺞ
ﻧﻮﺭﺓ : ﺍﻧﺎ ﻻﺣﻈﺘﻪ ﻫﺎﻻﻳﺎﻡ ﻭﺍﻳﺪ ﺷﺎﺭﺩ ﻭﻛﻠﻪ ﻣﺘﻈﺎﻳﻖ ﻭﺍﻗﻞ ﺷﻲ ﺍﻗﻮﻟﻪ
ﻳﺰﻋﻠﻪ ..
ﻣﺮﻳﻢ : ﻳﻤﻜﻦ ﻧﻔﺴﻴﺘﻪ ﺗﻌﺒﺎﻧﺔ ﻭﻻ ﺷﻲ ﺻﺎﻳﺮ ﻟﻪ ﺑﺎﻟﺸﻐﻞ .. ﻳﻤﻜﻦ
ﻣﺮﻳﺾ ﻣﺎ ﺗﺪﺭﻳﻦ
ﻧﻮﺭﺓ : ﺑﺴﻢ ﺍﻟﻠﻪ ﻋﻠﻴﻪ ﻻ ﺗﻔﺎﻭﻟﻴﻦ ﻋﻠﻴﻪ ..
ﻣﺮﻳﻢ ﺧﺎﻃﺮﻫﺎ ﺗﻠﺦ ﻧﻮﺭﺓ ﺑﻜﺲ : ﻳﻤﺎ ﺍﻧﺘﻲ ﺳﺎﻟﺘﻴﻪ ﺷﻔﻴﻚ ﺷﻤﺎﻓﻴﻚ
ﺣﻴﺎﺗﻲ ﺗﻌﺒﺎﻥ ﻣﻦ ﺷﻲ
ﻧﻮﺭﺓ : ﻗﻠﺖ ﻟﻪ ﻭﺟﺎﻥ ﻳﻨﻔﺠﺮ ﻓﻲ ﻭﻳﻬﻲ ﻣﺎﻓﻴﻨﻲ ﺷﻲ ﻣﺎﻓﻴﻨﻲ ﺷﻲ
ﻳﻌﻨﻲ ﻣﺎ ﻳﺼﻴﺮ ﺍﺳﻜﺖ ﻣﺎ ﻳﺼﻴﺮ ﺍﺗﻈﺎﻳﻖ ﺣﺮﺍﻡ ﻋﻠﻲ ﻫﺬﻭﺝ ﺍﻧﺘﻲ
ﺗﺘﻈﺎﻳﻘﻴﻦ ﻣﻌﻈﻢ ﺍﻻﻭﻗﺎﺕ ﻭﺍﻧﺎ ﻣﺎ ﺍﻟﺢ ﻋﻠﻴﺞ
ﻣﺮﻳﻢ : ﺟﻮﻭﻭ ﺍﻟﺤﻤﺎﺭ ... ﻗﺎﻝ ﻟﺞ ﺟﺬﻱ؟؟
ﻧﻮﺭﺓ ﺑﺤﺰﻥ ﻛﺒﻴﺮ : ﺍﻳﻪ .. ﻭﻳﻮﻡ ﻗﻠﺖ ﻟﻪ ﺣﺎﻟﻚ ﻣﻮ ﻋﺎﺟﺒﻨﻲ .. ﺍﻳﻘﻮﻝ
ﻟﻲ ﺍﻧﺎ ﺟﺬﻱ .. ﺗﺒﻴﻨﻲ ﺣﻴﺎﺝ ﺍﻟﻠﻪ ﻣﺎ ﺗﺒﻴﻨﻲ .. ﻛﻴﻔﺞ ..
ﻣﺮﻳﻢ ﺗﻮﺳﻌﺖ ﻋﻴﻮﻧﻬﺎ : ﻻ ﺑﺎﻟﻠﻪ ﻗﺎﻝ ﺟﺬﻱ؟؟؟
ﻧﻮﺭﺓ ﻣﺎ ﺗﻜﻠﻤﺖ ﻭﻏﺎﺑﺖ ﻓﻲ ﻣﻮﺟﺔ ﺑﺠﻲ ﻛﺒﻴﺮﺓ .. ﻭﻣﺎ ﻫﺎﻥ ﻋﻠﻰ
ﻣﺮﻳﻢ ﺍﻥ ﺍﺧﺘﻬﺎ ﺗﺒﺠﻲ ﺟﺬﻱ ﻻﻥ ﻧﻮﺭﻭ ﻋﻠﻰ ﺩﻟﻌﻬﺎ ﻭﺑﻴﺎﺧﺘﻬﺎ ﺍﻻ ﺍﻧﻬﺎ
ﻏﺎﻟﻴﺔ ﻭﻋﺰﻳﺰﺓ ..
ﻣﺮﻳﻢ : ﻧﻮﺭﻭ ﻻ ﺗﺒﺠﻴﻦ ﺣﺒﻴﺒﺘﻲ ﺗﺮﺍﺝ ﻗﻄﻌﺘﻲ ﻗﻠﺒﻲ ... ﺻﻠﻲ ﻋﻠﻰ
ﺍﻟﻨﺒﻲ ﻭﻣﺎﻓﻲ ﺷﻲ .. ﻻ ﺗﺨﺎﻓﻴﻦ ..
ﻧﻮﺭﺓ : ﺍﻧﺎ ﻛﻨﺖ ﺧﺎﻳﻔﺔ ﻣﻦ ﻓﺘﺮﺓ ﻛﺎﻥ ﻓﻲ ﻗﻠﺒﻲ ﺷﻚ .. ﻟﻜﻦ ﺑﻜﻼﻣﺔ
ﻫﺬﺍ ﺻﺮﺍﺣﺔ ﺧﻠﻰ ﺍﻟﺸﻚ ﻳﺘﺤﻮﻝ ﻟﻴﻘﻴﻦ .. ﻣﺮﻳﻢ ﺑﻤﻮﺕ ﺍﻧﺎ ﻣﺎﻗﺪﺭ
ﺍﺗﺤﻤﻞ ﺍﻛﺜﺮ ..
ﻣﺮﻳﻢ : ﺻﻠﻲ ﻋﻠﻰ ﺍﻟﻨﺒﻲ ﺣﺒﻴﺒﺘﻲ ﻭﻣﺎ ﻓﻴﺞ ﺍﻻ ﻛﻞ ﺍﻟﺨﻴﺮ .. ﺑﺲ ﺑﻌﺪ
ﺍﻫﻮ ﺻﺎﺝ ﻳﻌﻨﻲ ﻳﻤﻜﻦ ﻣﺘﻈﺎﻳﻖ ﻭﻻ ﻓﻲ ﺧﺎﻃﺮﻩ ﺷﻲ ﻭﺍﻧﺘﻲ ﻣﺎ
ﺳﻮﻳﺘﻴﻪ ﻭﻻﻳﻤﻜﻦ ﺍﻧﺘﻲ ﻣﺴﻮﻳﻪ ﺷﻲ ﻭﻣﺎ ﻋﺠﺒﻪ
ﻧﻮﺭﺓ : ﻣﺜﻞ ﺷﻨﻮ؟؟ ﻭﺍﻟﻠﻪ ﺍﻧﺎ ﻣﺎﺳﻮﻱ ﺷﻲ ﺍﻻ ﻭﻳﺎﻩ ﻭﺑﺮﺿﺎﻩ .. ﺍﺻﻼ
ﺍﻟﺮﻳﺎﻳﻴﻞ ﻋﻮﺍﺭ ﺭﺍﺱ ﺍﻟﻠﻲ ﺗﺤﻂ ﺑﺎﻟﻬﺎ ﺑﻬﻢ ﺗﺘﻌﺐ ..
ﻣﺮﻳﻢ ﻭﺍﻫﻲ ﺗﺘﺬﻛﺮ ﺟﺮﺍﺡ .. ﻭﺍﺑﺘﺴﺎﻣﺘﻪ ﺍﻟﻴﻮﻡ ﻓﻲ ﺍﻟﺠﺎﻣﻌﺔ : ﺃﻱ
ﻭﺍﻟﻠﻪ .. ﺗﻌﺐ ﻭﻋﻮﺍﺭ ﺭﺍﺱ ﻭﻟﻮﻭﻭﻋﻪ ﺑﻌﺪ ..
ﻧﻮﺭﺓ ﺑﺤﺰﻥ ﻭﺍﻫﻲ ﺗﺒﺠﻲ : ﻟﻜﻦ ﺻﺪﻗﻴﻨﻲ ﻣﺎ ﺑﺮﺿﻰ ﻋﻠﻴﻪ ﺍﻻ ﻟﻤﻦ
ﻳﻘﻮﻝ ﻟﻲ ﺷﻔﻴﻪ .. ﺍﻧﺎ ﺯﻭﺟﺘﻪ ﻭﺟﺮﻳﺐ ﺑﻌﻴﺶ ﻭﻳﺎﻩ ﻓﻲ ﺑﻴﺖ ﻭﺍﺣﺪ
ﻳﺨﺒﻲ ﻋﻠﻲ ﺍﺳﺮﺍﺭﻩ ﻭﻫﻤﻮﻣﻪ .. ﻣﻮ ﺍﻧﺎ ﺍﻟﻤﻔﺮﻭﺽ ﺍﻛﻮﻥ ﻛﺎﺗﻤﺔ ﺍﺳﺮﺍﺭﻩ
ﻭﺍﻛﺜﺮ ﺍﻧﺴﺎﻧﺔ ﺗﻔﻬﻤﻪ ﻓﻲ ﻫﺎﻟﺪﻧﻴﺎ ..
ﻣﺮﻳﻢ ﺗﻠﻮﻱ ﻋﻠﻰ ﺍﺧﺘﻬﺎ ﻣﻦ ﻇﻬﺮﻫﺎ : ﻭﻳﻴﻴﻴﻴﻴﻴﻲ ﻓﺪﻳﺖ ﺍﻟﻌﺎﺍﺍﺍﺍﺟﻞ ﺍﻧﺎ
ﻭﺍﻟﻠﻪ ﺍﺭﻭﺡ ﻓﻲ ﺧﺮﺍﻳﻄﻬﺎ .. ﺣﺒﻴﺒﺘﻲ ﻣﺎ ﻋﻠﻴﺞ .. ﻫﺬﻱ ﻓﻴﺲ ﻭﺗﻌﺪﻱ
.. ﺭﻳﻠﺞ ﻳﻤﻜﻦ ﺧﺎﻳﻒ ﻋﻠﻰ ﻋﺰﻭﺑﻴﺘﻪ ﻭﻻﻓﻴﻪ ﺷﻲ ﻭﺍﻧﺘﻲ ﻣﺎﺗﺪﺭﻳﻦ ..
ﺑﺲ ﺍﻧﺘﻲ ﻻ ﺗﻌﺼﺒﻴﻦ ﻭﻳﺎﻩ ﻭﻻ ﺗﻔﺘﺤﻴﻦ ﻭﻳﺎﻩ ﺣﻮﺍﺭﺍﺕ ﻭﺯﻋﻠﻲ
ﻭﺑﺮﻃﻤﻲ ﻗﺪ ﻣﺎ ﺗﺒﻴﻦ ﻟﻤﻦ ﻳﺴﺘﺤﻲ ﻋﻠﻰ ﻭﻳﻬﻪ ﺍﻟﻠﻲ ﺟﻨﻪ ﻳﺰﺭﺓ ﻭﺍﻳﻴﺞ
ﻟﻠﺒﻴﺖ ..
( (ﻗﺎﻣﺖ ﻣﺮﻳﻢ ﺟﺪﺍﻡ ﻧﻮﺭﺓ ﻭﻗﻌﺪﺕ ﻋﻨﺪ ﺭﻳﻠﻬﺎ ﺑﻄﺮﻳﻘﻪ ﺳﻴﻨﻴﻤﺎﺋﻴﺔ ) )
ﻳﻤﺴﻚ ﻳﺪﺝ ﻭﻳﻘﻮﻝ ﻟﺞ :: ﺳﺎﻣﺤﻴﻨﻲ .. ﺳﺎﻣﺤﻴﻨﻲ ﻳﺎ ﺍﻣﻴﺮﺗﻲ ﺍﻟﻐﺎﻟﻴﺔ
ﻳﺎ ﺫﺍﺕ ﺍﻟﻌﻴﻮﻥ ﺍﻟﺸﻬﻼﻭﻳﺔ ﺍﻟﻘﻮﺱ ﻗﺰﺣﻴﺔ .. ﺍﻧﺘﻲ ﻟﻤﻦ ﺗﺰﻋﻠﻴﻦ ﻗﻠﺒﻲ
ﻳﺰﻋﻠﻞ .. ﻓﻼ ﺗﺰﻋﻠﻲ ﻳﺎ ﻋﻴﻮﻧﻲ ﻻﻧﻲ ﺍﻣﻮﺕ ﺑﺰﻋﻠﻚ . ﺯ
ﻧﻮﺭﺓ ﺗﺴﺤﺐ ﻳﺪﻫﺎ ﺑﺪﻟﻊ : ﻣﺎﺑﻲ ..
ﻣﺮﻳﻢ ﺗﺤﻮﺱ ﻋﻴﻨﻬﺎ : ﻣﺎﺫﺍ؟؟ ﻣﺎﺑﻲ؟؟ ﻣﺎ ﻫﺬﻩ ﺍﻟﻤﺎﺑﻲ؟؟ ﻭﻳﺤﻚ ﻳﺎ ﺍﺑﻨﻪ
ﺍﻟﻌﺮﺏ؟؟ ﻗﻮﻟﻲ ﻻ ﺍﺭﻳﺪ ..
ﻧﻮﺭﺓ ﻭﺍﻫﻲ ﻣﺘﺴﻤﺘﻌﺔ : ﻣﺎ ﺍﺭﻳﺪ
ﻣﺮﻳﻢ : ﺍﻗﻮﻝ ﻧﻮﺭﺓ ﺍﻧﺘﻲ ﺟﻢ ﻧﺴﺒﺘﺞ ﻓﻲ ﺍﻟﻌﺮﺑﻲ؟؟ ﺍﻛﻴﺪ ﺯﻳﺮﻭﻭ
ﻧﻮﺭﺓ : ﻻ ﻭﺍﻧﺘﻲ ﺍﻟﺼﺎﺟﺔ ﻣﺎﻳﻨﺲ ﻭﺍﺍﺍﺍﻥ ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﻣﺮﻳﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺍﻳﻪ ﺍﻳﻪ ﺣﻼﺍﺍﺍﺝ ﻭﺍﻧﺘﻲ
ﺗﻀﺤﻜﻴﻦ .. ﻣﻮ ﺑﻨﺖ ﺍﻟﺪﺧﻴﻠﻲ ﺍﻟﻠﻲ ﺍﺧﺮ ﻋﻤﺮﻩ ﺍﻟﺮﻳﺎﻝ ﻳﺒﺠﻴﻬﺎ
ﻭﻳﺤﺰﻧﻬﺎ ..
ﻧﻮﺭﺓ : ﺻﺢ ﻛﻼﻣﺞ .. ﻣﻮ ﻓﺼﻮﻭﻭﻝ ﺍﻟﻨﺘﻔﻪ ﻳﺒﺠﻴﻨﻲ ... ﺗﺮﺍﻩ ﻣﺜﻞ ﻣﺎ
ﺯﻋﻠﻨﻲ ﻭﺯﻋﻠﻲ ﻏﺎﻟﻲ .. ﻳﺮﺍﺿﻴﻨﻲ ..
ﻣﺮﻳﻢ : ﻳﺎ ﻋﻴﻨﻲ ﻳﺎ ﻟﻴﻠﻲ .. ﻣﺎﻗﺪﺭ ﺍﻧﺎ ﺍﻟﺼﺮﺍﺣﺔ ..
ﻧﻮﺭﺓ ﺗﻤﺴﻚ ﻣﺮﻳﻢ ﻭﺗﻠﻤﻬﺎ : ﻋﻤﺮﻱ ﻋﻠﻴﺞ ﻣﺮﻳﻢ ... ﻳﻌﻞ ﻋﻴﻨﻲ ﻣﺎ
ﺗﺒﺠﻴﺞ ﻳﻮﻡ ﺍﻟﻠﻲ ﺗﺒﺠﻲ ﺑﻪ ﺍﻟﻌﻴﻮﻥ ..
ﻣﺮﻳﻢ ﺍﻟﻠﻲ ﺷﺎﺏ ﻗﻠﺒﻬﺎ ﻣﻦ ﻛﻠﻤﻪ ﺍﺧﺘﻬﺎ : ﻋﻤﺮﻱ ﻧﻮﺭﻭ .. ﺩﻣﻮﻋﺞ ﻏﺎﻟﻴﺔ
ﻳﺎ ﺑﻌﺪﻫﻢ ﻭﺍﻟﻠﻪ ..
ﻧﻮﺭﺓ : ﺯﻳﻦ ﺍﻧﺎ ﺑﺨﻠﻴﺞ ﻭﺍﻧﺘﻲ ﺫﺍﻛﺮﻱ
ﻣﺮﻳﻢ : ﺍﻥ ﺷﺎﺀﺍﻟﻠﻪ .. ﻭﻣﺜﻞ ﻣﺎ ﻭﺻﻴﺘﺞ .. ﺣﻘﺮﻳﻪ ﻟﻤﻦ ﻳﺬﻭﺏ ..
ﻧﻮﺭﺓ : ﺍﻟﺬﻭﺏ ﺷﻮﻳﻪ ﻋﻠﻴﻪ .. ﻟﻤﻦ ﻳﺴﻴﺢ ﻭﻳﺨﺘﻔﻲ ﻋﻦ ﺍﻟﻜﺮﺓ ﺍﻻﺭﺿﻴﺔ
ﻫﻬﻬﻬﻬﻬﻬﻬﻬﻬﻬﻬﻪ
ﻣﺮﻳﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺭﺍﺣﺖ ﻧﻮﺭﺓ ﻋﻦ ﻣﺮﻳﻢ ﺑﻌﺪ ﻣﺎ ﻓﺠﺠﺖ ﺧﺎﻃﺮﻫﺎ .. ﻟﻜﻦ ﻣﺮﻳﻢ ﻇﻠﺖ
ﻣﻜﺎﻧﻬﺎ ﺗﻔﻜﺮ ﻓﻲ ﺍﺧﺘﻬﺎ .. ﻫﺬﻱ ﺍﻭﻝ ﻣﺮﺓ ﺗﺰﻋﻞ ﻧﻮﺭﺓ ﻓﻴﻬﺎ ﻣﻦ ﻓﻴﺼﻞ
ﺑﻬﺎﻟﻄﺮﻳﻘﺔ ﻭﻳﺘﺼﺮﻑ ﻣﻌﺎﻫﺎ ﺑﻬﺎﻟﺸﻜﻞ . ﻳﺎ ﺗﺮﻯ .. ﺍﻫﻮ ﻓﻲ ﻗﻠﺒﻪ ﻭﺣﺪﻩ
ﺛﺎﻧﻴﺔ؟؟ ﻭﻻ ﻣﻦ ﺻﺠﻪ ﻋﺎﻑ ﺍﺧﺘﻲ؟؟؟ ﻟﻜﻦ ﻳﺎﻭﻳﻠﻪ ﻟﻮ ﺳﻮﺍﻫﺎ ..
ﻣﺴﺎﻋﺪ ﺑﻴﺪﻭﺱ ﻓﻲ ﺑﻄﻨﻪ ﻭﺑﻴﺨﻠﻴﻪ ﻳﻄﻠﻊ ﺍﻟﺪﻻﻟﻊ ﻣﻦ ﺣﻠﺠﻪ .. ﻟﻮ
ﺳﻮﺍﻫﺎ ﺻﺮﺍﺣﺔ .. ﻣﻮ ﺭﻳﺎﻝ .. ﻟﻜﻦ ﻧﻮﺭﻭ ﺩﺍﻫﻴﺔ ﻣﺎ ﻳﻘﺪﺭ ﻋﻠﻴﻬﺎ ﺑﺘﺨﻠﻲ
ﺭﻭﺍﺍﺍﻧﻪ ﻳﺴﻴﺢ ﻋﻠﻴﻬﺎ ..
-------------------------
ﺩﺧﻠﺖ ﻧﻮﺭﺓ ﺩﺍﺭﻫﺎ ﻭﺍﻫﻲ ﻛﺎﺭﻫﻪ ﺍﻟﺪﻧﻴﺎ .. ﺷﺎﻓﺖ ﺍﻏﺮﺍﺿﻬﺎ ﻣﻴﻤﻌﺔ
ﻓﻲ ﺟﻨﺎﻁ ﻛﺒﺎﺭ ﻋﻨﺪ ﺍﻟﺒﺎﺏ .. ﺍﻛﻴﺪ ﺍﻣﻲ ﺍﻣﺰﻫﺒﺘﻬﻢ ﻟﻲ .. ﻟﻜﻦ ﺍﻥ ﻇﻞ
ﻓﻴﺼﻞ ﺟﺬﻱ ﻭﺍﻟﻠﻪ ﻻ ﻋﺮﺱ ﺑﻴﺼﻴﺮ ﻭﻻ ﻫﻢ ﻳﺤﺰﻧﻮﻥ .. ﺍﻧﺎ ﺻﺞ ﻛﻨﺖ
ﺍﺑﺎﺕ ﻭﻳﺎﻩ ﻟﻜﻦ ﺍﻫﻮ ﻓﻲ ﺩﺍﺭ ﻭﺍﻧﺎ ﻓﻲ ﺩﺍﺭ .. ﻭﻣﺎ ﺟﺎﺳﻨﻲ ﻭﻻ ﺷﻲ ..
ﻟﻜﻦ ﺍﻟﻨﺎﺱ ﺷﺒﺘﻘﻮﻝ .. ﻳﺎﻣﺎ ﺣﺬﺭﺗﻨﻲ ﺍﻣﻲ ﻭﻛﻠﻤﺘﻨﻲ ﻭﻣﺴﺎﻋﺪ ﻭﺍﺑﻮﻱ
ﻟﻜﻦ ﺍﻧﺎ ﺣﺒﻲ ﻛﺎﻥ ﺍﻋﻤﻰ ﻟﻪ .. ﻟﻜﻨﻪ ﺳﺒﺎﻝ ﻭﻣﺎ ﻳﺴﺘﺎﻫﻞ .. ﺍﻟﻜﺮﻳﻪ ..
ﺍﻟﺤﻤﺎﺭ .. ﻛﻞ ﺍﻟﺮﻳﺎﻳﻴﻞ ﺣﻤﻴﺮ .. ﻣﺎ ﻳﻔﻬﻤﻮﻥ .. ﻋﻠﺒﺎﻟﻬﻢ ﻻ ﺣﺒﺘﻬﻢ
ﺍﻟﺤﺮﻣﺔ ﺧﻼﺹ ﻻﺯﻡ ﻳﺴﺘﻐﺮﻭﻥ .. ﻟﻜﻦ ﻫﻴﻦ ﻳﺎ ﻓﻴﺼﻞ .. ﺍﻥ ﻣﺎ
ﻭﺭﻳﺘﻚ ..
ﻗﻌﺪﺕ ﻋﻠﻰ ﺍﻟﺴﺮﻳﺮ ﺍﻻ ﻭﺍﻟﺘﻠﻔﻮﻥ ﻳﺮﻥ .. ﻭﻛﺎﻧﺖ ﺭﻧﺘﻪ ... ﺗﻤﺖ ﺗﻨﺎﻇﺮ
ﺍﻟﺘﻠﻔﻮﻥ ﻭﻫﻮ ﻳﺼﻴﺢ ﻭﺍﻫﻲ ﺍﺑﺪ ﻣﺎ ﺣﺮﻛﺖ ﺳﺎﻛﻦ .. ﻭﺳﻜﺖ ﺍﻟﺘﻠﻔﻮﻥ
ﺑﺮﻭﺣﻪ ... ﺩﻗﻴﻘﻪ ﻃﺎﻓﺖ ﻭﺭﺩ ﺍﺗﺼﻞ ﻭﺭﻥ ﺍﻟﺘﻠﻔﻮﻥ ... ﻭﺗﻢ ﻳﺮﻥ ﻭﻳﺮﻥ
ﻭﻳﺮﻥ .. ﻳﻤﻜﻦ ﻓﻮﻕ ﺍﻝ10 ﻣﺮﺍﺕ ﻭﻧﻮﺭﺓ ﻣﺎ ﺷﺎﻟﺘﻪ .. ﺩﺧﻠﺖ ﺍﻟﺤﻤﺎﻡ
ﺗﺴﺒﺢ ﻭﻃﻠﻌﺖ ﻭﺍﻟﺘﻠﻔﻮﻥ ﻳﺮﻥ .. ﻭﺍﺧﻴﺮﺍ ... ﻗﺮﺭﺕ ﺍﻧﻬﺎ ﺗﺸﻴﻠﻪ ..
ﻧﻮﺭﺓ ﺑﺼﻮﺕ ﻣﻼﻥ : ﺍﻟﻮﻭ ..
ﻓﻴﺼﻞ : ﺍﻧﺘﻲ ﻭﻳﻨﺞ ﻣﺎ ﺗﺮﺩﻳﻦ ﻋﻠﻰ ﺍﻟﺘﻠﻔﻮﻥ؟؟
ﻧﻮﺭﺓ : ﻛﻨﺖ ﻣﺸﻐﻮﻟﺔ .. ﻧﻌﻢ ﻓﻲ ﺷﻲ؟؟
ﻓﻴﺼﻞ ﺣﺲ ﻟﻬﺎ ﺍﻧﻬﺎ ﺯﻋﻼﻧﻪ ﻟﻜﻦ ﺣﺮﻛﺘﻬﺎ ﺍﻧﻬﺎ ﻣﺎ ﺗﺠﺎﻭﺏ ﻳﺪﻳﺪﻩ
ﺻﺮﺍﺣﺔ : ﻧﻮﺭﺓ ﺍﺑﻴﺞ ﻓﻲ ﻛﻠﻤﺔ .. ﻣﻦ ﻓﻲ ﺑﻴﺘﻜﻢ ﺍﻟﺤﻴﻦ؟؟
ﻧﻮﺭﺓ : ﻣﺤﺪ ﻓﻲ ﺑﻴﺘﻨﺎ .. ﺍﻧﺘﻈﺮ ﺍﺑﻮﻱ ﻻ ﺭﺩ ﻭﺑﻌﺪﻳﻦ ﺗﻌﺎﻝ ..
ﻓﻴﺼﻞ : ﺯﻳﻦ ﺣﻴﺎﺗﻲ ﺩﺧﻠﻴﻨﻲ ﺍﻟﺒﻴﺖ ﻻﺯﻡ ﺍﻛﻠﻤﺞ
ﻧﻮﺭﺓ : ﻣﺎﺍﺑﻲ ﺍﻛﻠﻤﻚ ..
ﻓﻴﺼﻞ : ﻧﻮﺭﺓ .. ﺍﻏﺰﻱ ﺍﺑﻠﻴﺲ
ﻧﻮﺭﺓ : ﺍﻧﺖ ﺍﻏﺰ ﺑﻠﻴﺲ ﻓﻴﺼﻞ .. ﻭﻣﺜﻞ ﻣﺎ ﻟﻮﻋﺘﻨﻲ ﻫﺎﻟﻴﻮﻣﻴﻦ ﻋﻠﻴﻚ
ﺑﻠﻮﻋﻚ ﻣﺜﻞ ﺍﻟﺸﻲ ..
ﻓﻴﺼﻞ : ﺍﺳﻒ ﻧﻮﺭﺓ ﻭﺍﻟﻠﻪ ﺍﺳﻒ ﺑﺲ ﻧﻔﺴﻲ ﻛﺎﻧﺖ ﻇﺎﻳﻘﺔ !! ﻭﻣﺎ
ﺣﺒﻴﺖ ﺍﻇﻴﻘﺞ ﻭﻳﺎﻱ ﺍﻛﺜﺮ
ﻧﻮﺭﺓ : ﻻ ﻭﺍﻟﻠﻪ .. ﺗﺨﻠﻴﻨﻲ ﺍﺭﺩ ﺍﻟﺒﻴﺖ ﻭﺍﻧﺎ ﺍﺗﺒﺠﺒﺞ ﺻﺒﺢ ﻭﻟﻴﻞ ﻣﻮ
ﻋﺎﺭﻓﺔ ﻻ ﻳﻤﻴﻦ ﻭﻻ ﺷﻤﺎﻝ ﻣﻦ ﺍﻟﻀﻴﺠﺔ ﻭﺗﻘﻮﻝ ﻟﻲ ﻣﺎ ﺗﺒﻴﻨﻲ
ﺍﺗﻈﺎﻳﻖ؟؟ ﺻﺞ ﺍﻥ ﻃﺮﻳﻘﺘﻚ ﻋﺠﻴﺒﺔ ﻭﻣﺎ ﻣﻨﻬﺎ ﻃﺮﻳﻘﺔ ..
ﻓﻴﺼﻞ : ﺣﻴﺎﺗﻲ ﺯﻳﻦ ﺍﻧﺎ ﺑﻴﻴﺞ ﺍﻟﺤﻴﻦ ﺧﻠﻴﻨﺎ ﻧﺮﻭﺡ ﺍﻟﺒﻴﺖ ﻭﻧﺘﻔﺎﻫﻢ
ﻧﻮﺭﺓ : ﻣﺎﻛﻮ ﺗﻔﺎﻫﻢ .. ﻟﻤﻦ ﺗﺴﺘﻮﻋﺐ ﺍﻟﻠﻲ ﺳﻮﻳﺘﻪ ﻓﻴﻨﻲ ﺑﻴﻨﻚ ﻭﺑﻴﻦ
ﻧﻔﺴﻚ .. ﻳﺎ ﻓﻴﺼﻞ ﺍﻧﺎ ﺯﻭﺟﺘﻚ ﻣﻮ ﺃﻱ ﻏﺮﻳﺒﺔ .. ﻭﻟﻤﻦ ﺍﻧﺖ ﺗﺨﺒﻲ
ﻋﻠﻲ ﺍﺳﺮﺍﺭﻙ ﺑﺘﺪﻓﻌﻨﻲ ﺍﻧﺎ ﺑﻌﺪ ﺍﻧﻲ ﺍﺧﺒﻲ ﻋﻠﻴﻚ ﺍﺳﺮﺍﺭﻱ .. ﻭﺟﺬﻱ
ﺣﻴﺎﺗﻨﺎ ﻻ ﺭﺍﺡ ﺗﻜﻮﻥ ﺳﻌﻴﺪﺓ ﻭﻻ ﻭﺿﺤﺔ ..
ﻓﻴﺼﻞ ﻭﻫﻮ ﻳﺒﺘﺴﻢ ﻋﻠﻰ ﻛﻼﻣﻬﺎ ..: ﻭﺿﺤﺔ؟؟ ﻣﻦ ﻫﺬﻱ؟
ﻧﻮﺭﺓ : ﺍﺧﺖ ﺳﻌﻴﺪﺓ ..
ﻓﻴﺼﻞ ﻳﻀﺤﻚ : ﻫﻬﻬﻬﻬﻬﻬﻬﻬﻬﻬﻬﻬﻪ ﺍﻧﺰﻳﻦ ﻃﻠﻲ ﻣﻦ ﺩﺭﻳﺸﺘﺞ ..
ﻧﻮﺭﺓ ﺑﺎﺳﺘﻐﺮﺍﺏ : ﻣﺎﻟﻲ ﺧﻠﻖ ..
ﻓﻴﺼﻞ : ﺯﻳﻦ ﻃﻠﻲ ﻭﺷﻮﻓﻲ ﺣﺒﻴﺒﺞ ﺷﻠﻮﻥ ﻣﺘﻠﺰﻕ ﻳﺒﻴﺞ
ﻋﻘﺪﺕ ﻧﻮﺭﺓ ﺣﻮﺍﺟﺒﻬﺎ .. ﻭﺭﺍﺣﺖ ﻋﻨﺪ ﺍﻟﺪﺭﻳﺸﺔ ﺗﺸﻮﻑ .. ﺍﻻ ﻭﻓﻴﺼﻞ
ﻭﺍﻗﻒ ﻋﻨﺪ ﺳﻴﺎﺭﺗﻪ ﺍﻟﺮﻧﺞ ﻭﻳﻄﺎﻟﻌﻬﺎ ﻣﻦ ﻓﻮﻕ ﻭﺍﻟﺘﻠﻔﻮﻥ ﻣﻌﻠﻖ ﻓﻲ
ﺍﺫﻧﻪ ..
ﻧﻮﺭﺓ : ﺷﻤﻴﻴﺒﻚ؟؟ ﻣﺘﻰ ﻳﻴﺖ؟؟
ﻓﻴﺼﻞ : ﺍﺻﻼ ﺍﻧﺎ ﻫﻨﻲ ﻣﻦ ﺛﺎﻧﻲ ﻣﺮﺓ ﺍﺗﺼﻞ ﻓﻴﺞ ﻭﻣﺎ ﺗﺮﺩﻳﻦ ﻋﻠﻲ ..
ﻛﻨﺖ ﻣﺘﺼﻞ ﻓﻴﺞ ﺍﺑﻲ ﺍﻋﺰﻣﺞ ﻋﻠﻰ ﻣﻜﺎﻥ ﺟﺬﻱ ﻧﻄﻠﻊ ﻓﻴﻪ ﻭﻧﺮﻳﺢ
ﻗﻠﻮﺑﻨﺎ
ﻧﻮﺭﺓ ﻭﺍﻫﻲ ﺗﻘﻌﺪ : ﻻ ﻣﺎ ﺑﻲ ﺍﻃﻠﻊ ﻭﻳﺎﻙ .. ﻭﺭﺩ ﻳﺎ ﻭﻟﺪ ﺍﻟﻨﺎﺱ ﻣﻦ
ﻣﺤﻞ ﻣﺎ ﻳﻴﺖ .
ﻓﻴﺼﻞ : ﺍﻓﺎﺍ ... ﻭﻫﺎﻟﻌﺎﺷﻖ ﺍﻟﻮﻟﻬﺎﻥ ﺍﻟﺴﻬﺮﺍﻥ ﻟﻴﻞ ﺍﻟﺒﺎﺭﺡ ﻣﺎ ﻏﻔﺎ ﺟﻔﻨﻪ
ﻭﻻ ﺗﻐﻄﻰ ﺑﻨﻮﻡ ..
ﻧﻮﺭﺓ : ﻭﻳﻴﻴﻴﻴﻴﻴﻴﻲ ﺑﻴﺎﻉ ﺣﺠﻲ
ﻓﻴﺼﻞ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻣﺴﻤﻮﺣﺔ ﻭﺑﺎﻟﺤﻞ ﺑﻌﺪ .. ﻳﺎﻟﻠﻪ ﺍﻟﺤﻴﻦ
ﺗﻌﺎﻟﻠﻴﻠﻲ ..
ﻧﻮﺭﺓ : ﻧﻮﻭﻭﻭﻭﻭﻭﻭ ﺍﻳﻢ ﻓﻴﺮﻱ ﺳﻮﺭﻱ
ﻓﻴﺼﻞ : ﻣﺎﻓﻬﻢ ﺍﻧﺠﻠﻴﺰﻱ .. ﺗﻌﺎﻟﻲ ﻭﺍﻗﻮﻟﻬﺎ ﺑﺎﻟﻌﺮﺑﻲ ..
ﻣﺎﺗﺖ ﻧﻮﺭﺓ ﻓﻲ ﺍﻟﻐﺮﻓﺔ ﻭﺗﺴﻴﺤﺖ ﻣﻨﻪ .. ﺻﺞ ﺍﻧﻪ ﻻ ﺯﻋﻞ ﺯﻋﻞ ﻭﻻ
ﻓﺮﺡ ﻳﻄﻴﺮ ﺍﻟﻮﺍﺣﺪ ﻣﻦ ﻋﻘﻠﻪ :. ﺩﻗﺎﻳﻖ .. ﺑﺲ ﻫﺎﺍﺍ ﻣﺎ ﺗﻄﻮﻝ .. ﻗﻮﻝ
ﺍﻟﻲ ﻓﻲ ﺧﺎﻃﺮﻙ ﻭﺍﻧﻘﻠﻊ .
ﻓﻴﺼﻞ : ﺍﻧﻘﻠﻊ . ﺍﻧﻘﻠﻊ ﻣﺎ ﻓﻴﻬﺎ ﺷﻲ .. ﺑﺲ ﻃﻠﻌﻲ ﺍﻧﺘﻲ ﺑﺎﻻﻭﻝ .
ﺳﻜﺮﺕ ﻧﻮﺭﺓ ﻋﻦ ﺣﺒﻴﺐ ﺭﻭﺣﻬﺎ ﻭﺍﻫﻲ ﺗﺘﻠﺒﺲ ﺑﺴﺮﻋﺔ ﻋﺒﺎﺗﻬﺎ ﻭﺷﻴﻠﺘﻬﺎ
.. ﻭﺑﻤﺎ ﺍﻧﻬﺎ ﺗﻮﻫﺎ ﻃﺎﻟﻌﺔ ﻣﻦ ﺍﻟﺤﻤﺎﻡ ﻣﺎ ﺣﻄﺖ ﺑﻮﻳﻬﻬﺎ ﻭﻻ ﺷﻲ ﻣﻦ
ﺍﻟﺰﻳﻨﺔ ﻭﻧﺰﻟﺖ ﻟﻪ ﺗﺤﺖ .. ﻭﻗﻔﺖ ﻭﻳﺎﻩ ﺷﻮﻳﻪ ﻭﺍﻫﻲ ﻣﺎﺩﺓ ﺑﺮﻃﻤﻬﺎ ﺍﻻ
ﻭﻳﺪ ﻓﻴﺼﻞ ﺗﺴﺤﺒﻬﺎ ﻭﺗﺪﺧﻞ ﺍﻟﺴﻴﺎﺭﺓ ﻣﻦ ﺍﻟﺼﻮﺏ ﺍﻟﺜﺎﻧﻲ ﻭﺍﻫﻮ ﻭﻳﺎﻫﺎ
ﻭﻋﻠﻰ ﻃﻮﻝ .. ﺗﺤﺮﻛﻮ ﻣﻦ ﻣﻜﺎﻧﻬﻢ ﺍﻟﻰ ﻣﻜﺎﻥ ﺛﺎﻧﻲ .. ﻭﻳﻦ ﻳﻘﺪﺭﻭﻥ
ﻳﺘﻜﻠﻤﻮﻥ ﻭﻳﻔﻀﻔﻀﻮﻥ ﻋﻦ ﺭﻭﺣﻬﻢ ﺑﺮﺍﺍﺍﺍﺍﺍﺍﺍﺍﺣﺔ .. ﻭﻛﻞ ﻫﺬﺍ ﻛﺎﻥ
ﺟﺪﺍﻡ ﻋﻴﻮﻥ ﻣﺮﻳﻢ ﺍﻟﻠﻲ ﻟﻤﻌﺖ ﺑﺴﻌﺎﺩﺓ ﻭﺍﻫﻲ ﺗﺸﻮﻑ ﻓﺮﺣﺔ ﺍﺧﺘﻬﺎ
ﺑﻮﻳﻬﻬﺎ ..
ﺍﻟﻠﻪ ﻳﺴﻌﺪﺝ ﻳﺎ ﻧﻮﺭﺓ ﻭﻳﺴﻌﺪﻧﻲ ﻭﻳﺴﻌﺪ ﺍﻟﻜﻞ ﻓﻲ ﻫﺎﻟﺪﻧﻴﺎ .. ﺍﻟﺴﻌﺎﺩﺓ
ﺣﻖ ﺷﺮﻋﻲ ﻳﺎﺗﻲ ﻣﻊ ﺍﻟﻮﻻﺩﺓ ﻳﺎ ﻧﺎﺱ ﻓﺎﺳﻌﻮﺍ ﺍﻟﻰ ﺳﻌﺎﺩﺗﻜﻢ ...
ﻫﻬﻬﻬﻬﻬﻬﻬﻬﻪ
ﺍﻟﺴﺒﺐ ﺍﻟﺤﻘﻴﻘﻲ ﺍﻟﻠﻲ ﺧﻠﻰ ﻓﻴﺼﻞ ﻳﺘﻈﺎﻳﻖ ﻧﺴﺒﻴﺎ ﻣﻦ ﻧﻮﺭﺓ ﺍﻫﻲ
ﻣﺸﺎﻋﺮﻩ ﺍﻟﺠﺪﻳﺪﺓ ﻭﺍﻓﻜﺎﺭﻩ ﺍﻟﻐﺒﻴﺔ ﻧﻮﻋﺎ ﻣﺎ ﺗﺠﺎﻩ ﺯﻭﺍﺟﻬﻢ ... ﻛﻞ ﺭﺟﻞ
ﻗﺒﻞ ﺍﻟﺰﻭﺍﺝ ﻳﺤﺲ ﺍﻧﻪ ﻣﻘﺪﻡ ﻋﻠﻰ ﺧﻄﻮﺓ ﺟﺒﻴﺮﺓ ﻓﻠﺬﺍ ﻳﺤﺎﻭﻝ ﺍﻧﻪ
ﻳﺘﺪﺍﺭﻙ ﻫﺎﻟﻐﻠﻂ ﻋﻠﻰ ﺣﺴﺐ ﺗﻔﻜﻴﺮﻫﻢ ﺑﺎﻧﻪ ﻳﺘﻮﻗﻒ ﺍﻭ ﺍﻧﻪ ﻳﺨﺘﺒﺮ
ﺍﻟﻄﺮﻑ ﺍﻟﺜﺎﻧﻲ ﺑﺸﺪﺓ ﺍﻟﺤﺐ .. ﻭﻳﻤﻜﻦ ﺍﻟﺴﺒﺐ ﺍﻟﺜﺎﻧﻲ ﺍﻫﻲ ﻣﺸﺎﻋﺮﻩ
ﺍﻟﺠﺪﻳﺪﺓ ﺗﺠﺎﻩ ﻣﺮﻳﻢ .. ﻳﺨﺎﻑ ﻣﻨﻬﺎ ﻻﻧﻬﺎ ﻏﺮﻳﺒﺔ ﻭﻣﺎ ﺗﺸﺎﺑﻪ ﻣﺸﺎﻋﺮﻩ
ﻟﻨﻮﺭﺓ ﺣﺒﻴﺒﺔ ﻗﻠﺒﻪ .. ﻳﺎﺗﺮﻯ ﻫﻞ ﺭﺍﺡ ﺗﻜﺒﺮ ﻫﺎﻟﻤﺸﺎﻋﺮ ﻭﻻ ﺗﻈﻞ ﻧﺰﻭﺓ
ﻭﺍﺣﺪ ﺟﺮﻳﺐ ﺑﻴﺘﺰﻭﺝ ﻭﺧﺎﻳﻒ ﻋﻠﻰ ﻋﺰﻭﺑﻴﺘﻪ ...؟؟ ﺍﻟﻠﻪ ﻳﺴﺘﺮ ﺑﺲ ..
ﻟﻜﻦ ﻓﻲ ﻏﻴﺎﺏ ﺯﻭﺟﺘﻪ ﻭﺣﺒﻴﺒﺘﻪ ﻋﺮﻑ ﻓﻴﺼﻞ ﺍﻧﻪ ﻣﺎﻟﻪ ﺑﺪ ﻣﻦ ﻧﻮﺭﺓ
ﻭﺍﻧﻬﺎ ﺍﻏﻠﻰ ﺷﻲ ﻋﻠﻴﻪ ﻓﻲ ﺣﻴﺎﺗﻪ .. ﻭﻻ ﻣﺮﻳﻢ ﻭﻻ ﻣﺸﺎﻋﺮ ﻣﺮﺍﻫﻘﻪ
ﺗﻘﺪﺭ ﺗﻐﻴﺮ ﻫﺎﻟﺸﻲ ..
-----------------------
ﺍﺫﺍﻥ ﺍﻟﻔﺠﺮ ﻓﻲ ﺑﻮﺳﻄﻦ ..
ﻗﺎﻣﺖ ﻓﺎﺗﻦ ﻭﺍﻫﻲ ﺗﻌﺒﺎﻧﺔ ﻣﻦ ﺍﻟﺮﻗﺪﺓ ﺍﻟﺒﺴﻴﻄﺔ ﺍﻟﻠﻲ ﺭﺍﺣﺖ ﻓﻴﻬﺎ ..
ﺣﺴﺘﻬﺎ ﺍﻋﻤﻖ ﻣﻦ ﺍﻟﻨﻮﻡ ﺍﻟﻤﺘﻮﺍﺻﻞ ﺍﻟﻤﺴﺎﻋﻲ .. ﻟﻤﻠﻤﻠﺖ ﺭﻭﺣﻬﺎ ﺑﺨﻔﺔ
ﻭﻗﺎﻣﺖ ﻣﻦ ﻋﻠﻰ ﺍﻟﺴﺮﻳﺮ ﻭﻃﻠﻌﺖ ﻣﻦ ﺩﺍﺭﻫﺎ ... ﺗﻮﺿﺖ ﻭﻧﺴﻠﺖ
ﺷﻌﺮﻫﺎ ﻋﻠﻰ ﺧﻔﻴﻒ ﻭﺗﻮﻫﺎ ﺑﺘﺪﺧﻞ ﺩﺍﺭﻫﺎ ﻋﺸﺎﻥ ﺗﺼﻠﻲ .. ﺍﻻ ﺗﻠﻔﺖ
ﻧﻈﺮﻫﺎ ﻏﺮﻓﺔ ﻣﺴﺎﻋﺪ .. ﻳﺎ ﺗﺮﻯ ﺷﺤﺎﻟﻪ ﺍﻟﺤﻴﻦ؟؟ ﺍﻛﻴﺪ ﻧﺎﻳﻢ ﻭﻏﺎﻁ ﻓﻲ
ﺳﺎﺑﻊ ﻧﻮﻣﺔ .. ﺍﻻﻛﻞ ﺭﻳﺤﻪ ﻭﺍﻟﺪﻭﻯ ﺧﺪﺭﻩ ... ﻋﺸﺎﻥ ﺗﻄﻤﻦ ﻓﻀﻮﻟﻬﺎ
ﺭﺍﺣﺖ ﻭﻃﻠﺖ ﻋﻠﻰ ﺍﻟﻐﺮﻓﺔ ﻣﻦ ﺍﻟﺒﺎﺏ ..
ﻭﻓﺘﺤﺖ ﻋﻴﻮﻧﻬﺎ ﺑﺼﺪﻣﺔ ﻳﻮﻡ ﺷﺎﻓﺖ ﻣﺴﺎﻋﺪ ﻧﺎﻳﻢ ﻋﻠﻰ ﺍﻟﺴﺮﻳﺮ ﺑﻼ
ﻟﺤﺎﻑ ﻭﺍﻟﻌﺮﻕ ﻳﺰﺥ ﻣﻨﻪ .. ﻭﺷﻜﻠﻪ ﻛﺎﻧﻪ ﺑﻴﻤﻮﺕ ﺍﻭ ﻳﺤﺘﻀﺮ .. ﻣﺴﻜﺖ
ﻋﻠﻰ ﻗﻠﺒﻬﺎ ﻭﺩﺧﻠﺖ ﺍﻟﺪﺍﺭ ﺑﺴﺮﻋﺔ ﻭﺍﻟﻈﺎﻫﺮ ﺍﻥ ﺍﻟﺤﺮﺍﺭﺓ ﺍﺭﺗﻔﻌﺖ ﻋﻠﻴﻪ
ﻭ ﺣﺎﻟﺘﻪ ﺟﺎﺩﺕ ﻋﻦ ﻗﺒﻞ ..
ﻗﻌﺪﺕ ﻋﻠﻰ ﺍﻟﺴﺮﻳﺮ ﻳﻢ ﺫﺭﺍﻋﻪ ﻭﺍﻫﻲ ﺗﺮﺍﻗﺐ ﺣﻮﺍﺟﺒﻪ ﺍﻟﻤﻌﻘﺪﺓ ﺑﺘﻌﺐ
ﻭﻓﻤﻪ ﺍﻟﻤﻔﺘﻮﺡ ﻋﺸﺎﻥ ﻳﺘﻨﻔﺲ ﻭﺧﺪﻭﺩﻩ ﻣﺘﻮﻫﺠﺔ ﻣﻦ ﺍﻟﺤﺮﺍﺭﺓ ..
ﻣﺴﻜﺖ ﻳﺪﻩ ﺑﺨﻮﻑ ﻭﺍﻫﻲ ﺗﻬﺰﻫﺎ : ﻣﺴﺎﻋﺪ ... ﻣﺴﺎﻋﺪ .. ﺑﺴﻢ ﺍﻟﻠﻪ
ﻋﻠﻴﻚ ﻋﻼﻣﻚ؟؟
ﻣﺎ ﺻﺤﻰ ﻣﺴﺎﻋﺪ ﻭﻻ ﻓﺘﺢ ﻋﻴﻮﻧﻪ ﻭﻇﻞ ﻣﻜﺎﻧﻪ ... ﺧﺎﻓﺖ ﻓﺎﺗﻦ ﺍﻛﺜﺮ
.. ﻻ ﻳﻜﻮﻥ ﺑﻴﺼﻴﺮ ﻓﻴﻪ ﺷﻲ؟؟ ﻳﺎ ﺭﺑﻲ ﺍﺳﺘﺮ ﻳﺎ ﺭﺏ ..
ﺭﺍﺣﺖ ﺍﻟﻤﻄﺒﺦ ﻋﻠﻰ ﻃﻮﻝ ﻭﻣﻠﺖ ﻣﻠﺔ ﺑﺎﻟﻤﺎﻱ ﺍﻟﺒﺎﺭﺩ ﺷﻮﻱ ﻭﺣﻤﻠﺖ
ﻣﻌﺎﻫﺎ ﻓﻮﻁ ﻋﺸﺎﻥ ﺍﻟﻜﻤﺎﺩﺍﺕ .. ﻭﺭﺍﺣﺖ ﺍﻟﺪﺍﺭ ﺑﺴﺮﻋﺔ .. ﻗﻌﺪﺕ ﻋﻨﺪ
ﺳﺮﻳﺮﻩ ﻭﺍﻫﻲ ﺗﻌﺎﻳﻦ ﻭﻳﻬﻪ ﺍﻟﺘﻌﺒﺎﻥ ﺍﻟﻤﺼﻔﺮ .. ﻣﺴﺤﺖ ﺑﻜﻔﻬﺎ ﻋﻠﻰ
ﺟﺒﻴﻨﻪ ﺗﺘﺤﺴﺲ ﺣﺮﺍﺭﺗﻪ ﺷﺎﻓﺘﻬﺎ ﻋﺎﻟﻴﺔ .. ﻣﺴﻜﺖ ﻋﻠﻰ ﻗﻠﺒﻬﺎ .. ﻗﻌﺪﺕ
ﺗﺪﻭﺭ ﺑﻴﻦ ﺍﻻﺩﺭﺍﺝ ﻳﻤﻜﻦ ﻓﻴﻬﺎ ﺛﺮﻣﻮﻣﺜﺮ ﻭﻻ ﺷﻲ ﻳﻘﻴﺲ ﺍﻟﺤﺮﺍﺭﺓ ...
ﻣﺎ ﻟﻘﺖ ﺷﻲ ﻭﺗﻤﺖ ﻣﺤﺘﺎﺭﺓ .. ﻏﻤﺴﺖ ﺍﻭﻝ ﻓﻮﻃﺔ ﻓﻲ ﺍﻟﻤﺎﻱ ﺍﻟﺒﺎﺭﺩ
ﻭﺗﻴﻤﺪﺕ ﺍﺻﺎﺑﻌﻬﺎ .. ﻋﺼﺮﺗﻬﺎ ﻭﺣﻄﺘﻬﺎ ﻓﻮﻕ ﺟﺒﻴﻦ ﻣﺴﺎﻋﺪ ﻭﻫﻮ
ﻳـﺘﺄﻟﻢ .. ﻋﻮﺭﻫﺎ ﻗﻠﺒﻬﺎ ﻋﻠﻰ ﺷﻜﻠﻪ .. ﻳﺎ ﺭﺑﻲ ﺍﺳﺘﺮﻫﺎ ﻻ ﻳﺼﻴﺪﻩ ﺷﻲ ..
ﻭﺗﻤﺖ ﺟﺬﻱ ﻓﺎﺗﻦ ﺗﺤﻂ ﺍﻟﻜﻤﺎﺩﺍﺕ ﻭﻻ ﺍﺣﺘﺮﺕ ﺗﺸﻴﻠﻬﺎ ﻭﺗﺤﻂ ﻭﺣﺪﺓ
ﺛﺎﻧﻴﺔ ﻋﺸﺎﻥ ﺗﻤﺘﺺ ﺍﻟﺤﺮﺍﺭﺓ ﻣﻦ ﺟﺴﻤﻪ ...
ﺻﺎﺭﺕ ﺍﻟﺴﺎﻋﺔ ﺧﻤﺲ .. ﻭﻣﺴﺎﻋﺪ ﻟﻠﺤﻴﻦ ﺣﺮﺍﺭﺗﻪ ﻣﺮﺗﻔﻌﺔ ﺷﻮﻱ ..
ﺑﺲ ﻣﺎ ﺗﻌﺮﻑ ﻓﺎﺗﻦ ﺷﻜﺜﺮ ﺑﺎﻟﻀﺒﻂ ... ﻗﻌﺪﺕ ﻋﻠﻰ ﺍﻻﺭﺽ ﻋﻨﺪ ﺳﺮﻳﺮﻩ
ﺑﻌﺠﺰ .. ﻳﺎ ﺭﺑﻲ ﺍﻟﺮﻳﺎﻝ ﺑﻴﻤﻮﺕ ﺟﺪﺍﻣﻲ ﻭﺍﻧﺎ ﻣﺎ ﺩﺭﻱ ﺷﺴﻮﻱ ﻭﻳﺎﻩ؟؟؟
ﻳﺎ ﺭﺑﻲ ﺍﺭﺣﻤﻨﻲ .. ﻣﺎ ﻋﺮﻑ ﺷﺴﻮﻱ ﻭﻳﺎﻩ؟؟
ﺗﻤﺖ ﻓﺎﺗﻦ ﺗﺒﺠﻲ ﻣﻦ ﺍﻟﻌﺠﺰ ﺍﻟﻠﻲ ﻓﻴﻬﺎ .. ﻣﺎ ﺗﺪﺭﻱ ﺷﺘﺴﻮﻱ ﻭﻳﺎ
ﻣﺴﺎﻋﺪ ﻋﺸﺎﻥ ﺗﺨﻒ ﺣﺮﺍﺭﺗﻪ .. ﺍﻟﺼﺒﺢ ﻃﻠﻊ ﻋﻠﻴﻬﻢ ﻭﺍﻫﻮ ﻟﻠﺤﻴﻦ
ﺣﺮﺍﺭﺗﻪ ﻣﺮﺗﻔﻌﺔ .. ﻣﺎ ﻗﺪﺭﺕ ﺗﻨﺎﻡ ﻭﻻ ﺩﻗﻴﻘﺔ .. ﻭﺗﻔﻜﻴﺮﻫﺎ ﻛﻠﻪ ﺗﺠﺎﻩ
ﻫﺎﻟﺮﺭﻳﺎﻝ .. ﻭﻓﺠﺄﺓ ..
ﻓﺘﺢ ﻣﺴﺎﻋﺪ ﻋﻴﻮﻧﻪ ﺑﺘﻌﺐ ﻭﻫﻮ ﻳﻨﻄﻖ ﺑﺸﻲ .. ﻗﺎﻣﺖ ﻓﺎﺗﻦ ﻭﺍﻫﻲ
ﺗﺮﺟﻊ ﺍﻟﺨﺼﻼﺕ ﻭﺭﻯ ﺍﺫﻧﻬﺎ .. ﺗﻤﺴﺢ ﺩﻣﻌﻬﺎ ﻭﺍﻫﻲ ﺗﺘﻘﺮﺏ ﻣﻨﻪ .. ﺷﻜﻠﻪ
ﻛﺎﻥ ﻳﻌﻮﺭ ﺍﻟﻘﻠﺐ ﻭﻳﻮﺟﻌﻪ .. ﺗﻌﺒﺎﻥ ﻭﻣﻌﺮﻕ ﻭﻳﺘﺤﺮﻙ ﺑﻈﻴﻖ ﻓﻲ
ﻣﻜﺎﻧﻪ .. ﺍﻛﻴﺪ ﺍﻟﺴﺨﻮﻧﺔ ﺍﻫﻲ ﺍﻟﻠﻲ ﻣﻈﺎﻳﻘﺘﻪ ..
ﻓﺎﺗﻦ : ﻣﺴﺎﻋﺪ ... ﻣﺴﺎﻋﺪ ﺗﺴﻤﻌﻨﻲ؟
ﻣﺴﺎﻋﺪ ﻳﺘﻤﺘﻢ ﺑﺸﻲ ﻭﻫﻮ ﻳﺒﻠﻊ ﺭﻳﺠﻪ ﺑﺼﻌﻮﺑﺔ ..
ﻓﺎﺗﻦ ﻭﻫﻲ ﺗﺘﻘﺮﺏ ﻣﻨﻪ ﺑﻄﺮﻳﻘﺔ ﻳﻤﻜﻦ ﻻﻭﻝ ﻣﺮﺓ ﺗﺴﻮﻳﻬﺎ .. ﻭﻳﺪﻫﺎ
ﻋﻠﻰ ﺻﺪﺭﻩ ﺑﺨﻔﺔ : ﻣﺴﺎﻋﺪ ﺗﻜﻠﻢ .. ﻗﻮﻝ ﺷﻲ ..
ﻣﺴﻚ ﻣﺴﺎﻋﺪ ﻳﺪﻫﺎ ﺑﻄﺮﻳﻘﺔ ﻣﻔﺎﺟﺎﺓ ﻭﺑﻴﻨﺖ ﺣﺮﺍﺭﺓ ﺟﺴﻤﻪ ﺍﻟﻠﻲ
ﺍﻧﺘﻘﻠﺖ ﻟﻔﺎﺗﻦ ﺑﺮﻋﺸﺔ ..
ﻣﺴﺎﻋﺪ ﺑﺼﻮﺕ ﺿﻌﻴﻒ : ﺍﺑﻲ .. ﻣﺎﻱ ..
ﻓﺎﺗﻦ ﺍﻟﻠﻲ ﻛﺎﻧﺖ ﺣﻮﺍﺳﻬﺎ ﻣﺸﻠﻮﻟﺔ ﺑﺴﺒﺔ ﻟﻤﺴﺔ ﻳﺪﻩ : ﻫﺎ ...
ﻣﺴﺎﻋﺪ ﻳﺒﻌﺪ ﻳﺪﻩ ﻋﻨﻬﺎ : ﻣﺎﺍﺍﺍﻱ ..
ﻓﺎﺗﻦ ﻭﻫﻲ ﺗﻤﺴﺢ ﺩﻣﻮﻋﻬﺎ : ﺍﻥ ﺷﺎﺀ ﺍﻟﻠﻪ .. ﺍﻥ ﺷﺎﺀ ﺍﻟﻠﻪ ..
ﻃﻠﻌﺖ ﻓﺎﺗﻦ ﻣﻦ ﺍﻟﺪﺍﺭ ﻭﺍﻫﻲ ﺗﻤﺸﻲ ﻟﻠﻤﻄﺒﺦ .. ﺻﺒﺖ ﻛﻮﺏ ﻣﺎﻱ
ﻭﺣﺴﺘﻪ ﺑﺎﺭﺩ ﺷﻮﻱ .. ﺻﺒﺖ ﻧﺼﻪ ﻭﺣﻄﺖ ﺷﻮﻳﺔ ﻣﺎﻱ ﺩﺍﻓﻲ ..
ﻭﺧﺬﺗﻪ ﻟﻤﺴﺎﻋﺪ .. ﻋﺸﺎﻥ ﻳﺸﺮﺑﻪ ..
ﺩﺧﻠﺖ ﺍﻟﺪﺍﺭ ﻭﻫﻲ ﺗﻤﺴﻚ ﺍﻟﻤﺎﻱ ﺑﻬﺪﺍﻱ ﻋﺸﺎﻥ ﻻ ﻳﻨﺼﺐ ﻣﻦ ﻳﺪﻫﺎ ..
ﻻﻥ ﺧﻮﻓﻬﺎ ﻭﺍﺭﺗﺒﺎﻛﻬﺎ ﺩﻓﻊ ﺟﺴﻤﻬﺎ ﻛﻠﻪ ﻟﻼﺭﺗﻌﺎﺵ .. ﻛﺄﻧﻬﺎ ﺍﻫﻲ ﺍﻟﻠﻲ
ﻣﺤﻤﻮﻣﺔ ﻣﻮ ﻣﺴﺎﻋﺪ ..
ﻓﺎﺗﻦ ﻭﺍﻫﻲ ﺗﺤﻂ ﺍﻟﻘﻼﺹ : ﺧﻠﻨﻲ ﺑﺲ ﺍﺭﻓﻌﻚ ﻣﺎ ﺗﻘﺪﺭ ﺗﺸﺮﺑﻪ ﻭﺍﻧﺖ
ﻧﺎﻳﻢ ﻋﻠﻰ ﻇﻬﺮﻙ ..
ﻣﺴﺎﻋﺪ ﻣﺎ ﺍﻋﺘﺮﺽ ﻭﻻ ﺷﻲ ﻟﻜﻦ ﺟﺜﺘﻪ ﻛﺒﻴﺮﺓ ﻭﺛﻘﻴﻠﺔ ﻭﻓﺎﺗﻦ ﻫﺰﻳﻠﺔ
ﺟﺪﺍﻣﻪ .. ﻟﻜﻨﻬﺎ ﻣﺴﻜﺘﻪ ﻣﻦ ﻋﻨﺪ ﺍﻛﺘﺎﻓﻪ ﻭﺣﺎﻭﻟﺖ ﺗﺮﻓﻌﻪ ﻭﻇﻨﺖ ﺍﻧﻬﺎ
ﺍﺭﻓﻌﺘﻪ ﻟﻜﻦ ﺍﻟﺠﻬﺪ ﻛﺎﻥ ﻛﻠﻪ ﻟﻤﺴﺎﻋﺪ ﻻﻧﻬﺎ ﻟﻮ ﻣﻦ ﺍﻟﻴﻮﻡ ﻟﺒﺎﺟﺮ ﻣﺎ
ﺑﺘﻘﺪﺭ .. ﻓﺮﻓﻊ ﻧﻔﺴﻪ ﺷﻮﻱ ﻭﺍﻫﻮ ﻳﺤﺲ ﺑﻠﻤﺴﺎﺕ ﻓﺎﺗﻦ ﻭﺑﺎﻫﺘﻤﺎﻣﻬﺎ
ﺍﻟﻐﺮﻳﺐ .
ﺟﺪﻣﺖ ﻟﻪ ﺍﻟﻜﻮﺏ : ﺳﻢ ..
ﻣﺴﺎﻋﺪ ﺑﺼﻮﺕ ﺗﻌﺒﺎﻥ : ﺑﺴﻢ ﺍﻟﻠﻪ ...
ﺷﺮﺏ ﺍﻟﻤﺎﻱ ﻛﻠﻪ ﻣﺮﺓ ﻭﺣﺪﺓ ﻭﻫﻮ ﻣﻌﺮﻕ .. ﻭﻣﻦ ﺍﻟﺘﻌﺐ ﻳﺪﻩ ﻛﺎﻧﺖ
ﺗﺮﺗﻌﺶ ﻭﻣﺪ ﺍﻟﺜﺎﻧﻴﺔ ﻋﺸﺎﻥ ﻳﺴﻨﺪﻫﺎ .. ﻭﻓﺎﺗﻦ ﺗﺮﺍﻗﺒﻪ ﻭﺍﻟﺪﻣﻊ ﻳﻠﻤﻊ
ﺑﻌﻴﻨﻬﺎ .. ﺧﺎﻳﻔﺔ ﻋﻠﻴﻪ .. ﺑﻜﻞ ﺻﺮﺍﺣﺔ ﻛﻠﺶ ﺧﺎﻳﻔﺔ ﻋﻠﻴﻪ ﻻ ﻳﺼﻴﺪﻩ
ﺷﻲ .. ﺍﻟﻈﺎﻫﺮ ﺍﻥ ﻃﺒﻴﻌﺔ ﻓﺎﺗﻦ ﺍﻟﻄﻴﺒﺔ ﺍﻟﺤﻨﻮﻧﺔ ﺍﻟﻤﺤﺒﺔ ﺭﺩﺕ ﻓﻲ ﻣﺜﻞ
ﻫﺎﻟﻈﺮﻭﻑ .. ﻳﺎ ﺗﺮﻯ ﺩﺍﻳﻤﺔ ﻭﻻ ﻭﻗﺘﻴﺔ ,,
ﺑﻌﺪ ﻣﺎ ﺧﻠﺺ ﻣﺴﺎﻋﺪ ﻣﻦ ﺍﻟﻜﻮﺏ ﻋﻄﺎﻩ ﻓﺎﺗﻦ ﻭﻫﻮ ﻳﻨﺴﺪﺡ ﻣﻜﺎﻧﻪ
ﻣﺮﺓ ﺛﺎﻧﻴﺔ .. ﻭﻓﺎﺗﻦ ﺗﺮﺍﻗﺒﻪ ﺑﻜﻞ ﺣﺬﺭ ﻭﺗﺮﻗﺐ .. ﻳﻤﻜﻦ ﻳﻄﻠﺐ ﺷﻲ
ﺛﺎﻧﻲ ..
ﻣﺴﺎﻋﺪ ﺑﺼﻮﺕ ﻭﺍﻃﻲ : ﺭﻭﺣﻲ ﻧﺎﻣﻲ ... ﺑﺎﺟﺮ ﻭﺭﺍﺝ ﺩﻭﺍﻡ ..
ﻓﺎﺗﻦ ﺑﺼﻮﺕ ﺑﺎﻛﻲ : ﻣﻌﻠﻴﻪ .. ﻭﻗﺖ ﺍﻟﻤﺤﺎﻇﺮﺓ ﻣﺘﺄﺧﺮ .. ﻻ ﺗﺤﺎﺗﻲ ..
ﻣﺴﺎﻋﺪ : ﺍﺑﻴﺞ ﺗﺮﺗﺎﺣﻴﻦ .. ﺭﻭﺣﻲ ﻧﺎﻣﻲ ﻭﺍﻧﺎ ﺍﻥ ﺷﺎﺀ ﺍﻟﻠﻪ ﺑﻘﻮﻡ .. ﻫﺬﺍ
ﻛﻠﻪ ﻋﺸﺎﻥ ﺍﻟﺤﺮﺍﺭﺓ ﺗﺮﻭﺡ ﻋﻨﻲ .. ﻻ ﺗﺤﺎﺗﻴﻦ
ﻓﺎﺗﻦ ﻭﺍﻫﻲ ﺗﻜﺘﻢ ﺻﻴﺤﺔ ﻓﻴﻬﺎ :.. ﻻ ﺗﺤﺎﺗﻴﻨﻲ ... ﺍﻧﺎ ﻣﺮﺗﺎﺣﺔ ﺟﺬﻱ ..
ﺍﺑﺘﺴﻢ ﻣﺴﺎﻋﺪ ﺍﺑﺘﺴﺎﻣﺔ ﺧﻔﻴﻔﺔ ﻭﻫﻮ ﻣﺴﻜﺮ ﻋﻴﻮﻧﻪ ﻭﺣﻂ ﻳﺪﻩ ﻋﻠﻰ
ﺻﺪﺭﻩ ﻭﺭﺩﺕ ﺣﻮﺍﺟﺒﻪ ﺗﻌﻘﺪﺕ ﻟﻠﺘﻌﺐ ﺍﻟﻜﺒﻴﺮ ﺍﻟﻠﻲ ﻓﻴﻪ ... ﻭﻣﻊ ﻫﺪﻭﺀ
ﺍﻧﻔﺎﺳﻪ ﺣﺴﺖ ﻓﺎﺗﻦ ﺍﻧﻪ ﻧﺎﻡ ... ﻓﻘﺮﺑﺖ ﻭﻳﻬﻬﺎ ﺻﻮﺑﻪ ﻋﺸﺎﻥ ﺗﺘﺄﻛﺪ ﺍﻧﻪ
ﻧﺎﻳﻢ .. ﻣﻮ ﻣﻴﺖ .. ﻭﻳﻮﻡ ﺳﻤﻌﺖ ﺍﻧﻔﺎﺳﻪ ﺍﻟﻬﺎﺩﺋﺔ ﺑﻌﺪﺕ ﻭﻳﻬﻬﺎ ﻋﻨﻪ
ﺑﺤﺮﺝ .. ﻣﺎﺗﺪﺭﻱ ﻟﻴﺶ ﺣﺴﺖ ﺍﻧﻪ ﻣﻮ ﻧﺎﻳﻢ .. ﺑﺲ ﻣﺴﻜﺮ ﻋﻴﻮﻧﻪ ..
ﺍﺣﺴﺎﺳﻬﺎ ﻛﺎﻥ ﻓﻲ ﻣﺤﻠﻪ .. ﻻﻥ ﻣﺴﺎﻋﺪ ﻣﺎ ﻳﻘﺪﺭ ﻳﻨﺎﻡ ﺑﺴﺒﺐ ﺍﻟﺤﻤﻰ ..
ﻭﻟﻜﻦ ﺍﻧﻔﺎﺳﻪ ﻫﺪﺕ ﻻﻥ ﺍﻟﻌﻮﺍﺻﻒ ﺍﻟﻠﻲ ﻓﻲ ﺩﺍﺧﻞ ﺟﺴﻤﻪ ﺳﻜﻨﺖ
ﺑﺸﻮﻓﻪ ﻓﺎﺗﻦ ﻭﺍﻫﺘﻤﺎﻣﻬﺎ .. ﻭﻳﻮﻡ ﻗﺮﺑﺖ ﻭﻳﻬﻬﺎ ﻟﻪ ﺷﻢ ﻋﻄﺮﻫﺎ ﻭﻋﺒﻴﺮﻫﺎ
ﺍﻟﻔﺘﺎﻥ ﻭﺣﺲ ﺍﻧﻪ ﺧﻼﺹ .. ﻟﻮ ﻳﻘﺪﺭ ﻳﻘﻮﻡ ﻗﺎﻡ ...
****
ﻓﺎﺗﻦ ﺍﻟﻠﻲ ﻇﻨﺖ ﺍﻧﻬﺎ ﺗﻘﺪﺭ ﺗﻮﺍﺻﻞ ﻣﻊ ﻣﺴﺎﻋﺪ ﻭﺗﻌﺘﻨﻲ ﻓﻴﻪ ﺑﻨﻔﺲ
ﺍﻟﻮﻗﺖ ﺍﻛﺘﺸﻔﺖ ﺍﻧﻬﺎ ﺗﺤﺎﻭﻝ ﻣﺤﺎﻭﻻﺕ ﻓﺎﺷﻠﺔ .. ﻻﻧﻬﺎ ﺑﺲ ﺣﻄﺖ
ﺭﺍﺳﻬﺎ ﻋﻠﻰ ﺍﻟﻜﺮﺳﻲ ﺍﻟﻄﻮﻳﻞ ﺍﻟﻠﻲ ﻓﻲ ﺩﺍﺭ ﻣﺴﺎﻋﺪ ﻋﻠﻰ ﻃﻮﻝ ﻧﺎﻣﺖ
ﻭﻻ ﺗﺪﺭﻱ ﻋﻦ ﺭﻭﺣﻬﺎ ... ﻭﻣﺴﺎﻋﺪ ﺍﻟﺜﺎﻧﻲ ﺍﻟﻠﻲ ﺧﻔﺖ ﺍﻟﺤﻤﻰ ﻋﻨﻪ
ﺷﻮﻱ ﻧﺎﻡ ﺑﻌﺪ ﻣﺜﻞ ﺍﻟﻴﻬﺎﻝ .. ﻭﻇﻠﻮ ﺍﻻﺛﻨﻴﻦ ﻓﻲ ﺟﻮﻭ ﺳﺎﻛﻦ .. ﻭﻳﻤﻜﻦ
ﻻﻭﻝ ﻣﺮﺓ .. ﺍﻧﻔﺎﺳﻬﻢ ﺗﻌﺎﻧﻘﺖ ﺑﻬﺪﻭﺀ ﻭﺣﺎﻟﻤﻴﺔ .. ﻋﻠﻰ ﻋﻜﺲ ﻭﺿﻊ
ﺍﺻﺤﺎﺑﻬﺎ .. ﻭﻳﻦ ﺍﻟﺤﺮﺏ ﻭﺍﻟﻌﺪﺍﺀ ﻭﺍﻟﻨﻔﻮﺭ ﺳﺎﻳﺪ .. ﻟﻜﻦ ﻣﺜﻞ ﻫﺎﻟﻤﻮﻗﻒ
ﺍﻟﻠﻲ ﺧﻠﻰ ﻣﻦ ﻓﺎﺗﻦ ﺗﺤﺲ ﺑﻌﺠﺰﻫﺎ ﻭﻗﺖ ﻻ ﻃﺎﺡ ﻣﺴﺎﻋﺪ ﻳﻐﻴﺮ
ﻓﻜﺮﺗﻬﺎ ﻋﻨﻪ .. ﻭﻣﺴﺎﻋﺪ ﺍﻟﻠﻲ ﻳﻈﻦ ﺍﻥ ﻗﻠﺐ ﻓﺎﺗﻦ ﺗﺤﺠﺮ ﻋﻠﻴﻪ .. ﻫﻞ
ﻣﻦ ﺍﻟﻤﻤﻜﻦ ﺍﻧﻪ ﻳﻐﻴﺮ ﺗﻔﻜﻴﺮﻩ ﻭﻳﺤﻂ ﺍﻣﺎﻝ ﻳﺎ ﺍﻧﻬﺎ ﺗﺸﻴﻠﻪ ﺳﺎﺑﻊ ﺳﻤﺎ
ﻳﺎ ﺗﺮﻣﻴﻪ ﻟﻼﺭﺽ ..
ﻣﻦ ﻳﺪﺭﻱ ... ﺍﻻﻧﺘﻈﺎﺭ ﻟﻨﻈﺮﺓ ﺍﻟﺤﺐ ﻣﻦ ﻓﺎﺗﻦ .. ﻃﻮﻳﻞ ﻭﻻ
ﻗﺼﻴﺮ ... ؟؟؟؟