الفصل 15
ﻳﺎﺍﺍﺍﺍﺍﺍﺍﺍﺍﺍﻩ ﺍﻟﺰﺣﻤﺔ ﻓﻲ ﻫﺎﻟﺠﺎﻣﻌﺔ , ﻭﻣﻜﺘﺐ ﺗﺴﺠﻴﻞ ﺍﻟﻤﻮﺍﺩ ﻓﺎﻳﺾ
ﻟﻸﺧﺮ ﻭﺍﻟﻨﺎﺱ ﺗﻨﺘﻈﺮ ﺍﺩﻭﺍﺭﻫﺎ ﺑﺎﻻﺭﻗﺎﻡ .. ﻣﻦ ﺍﻟﺼﺒﺢ ﻗﻌﺪ ﻣﺴﺎﻋﺪ ﻭﻳﺎ
ﺟﺮﺍﺡ ﻭﻭﻗﻈﻮﺍ ﻓﺎﺗﻦ ﺍﻟﻲ ﻣﺎ ﻏﻤﺾ ﻟﻬﺎ ﺟﻔﻦ ﺍﻟﺒﺎﺭﺣﺔ ﻛﻠﻬﺎ ﻭﺍﻫﻲ ﺗﻔﻜﺮ
ﺑﺎﻟﻠﻲ ﺻﺎﺭ ﻣﻦ ﻓﺘﺮﺓ .. ﻳﻮﻡ ﻟﻤﺴﻬﺎ ﻣﺴﺎﻋﺪ .. ﻳﺎﺍﺍﻩ ﺷﻨﻮ ﺣﺴﺖ ﺑﺎﻟﺤﻘﺪ
ﺍﻟﻠﻲ ﻓﻲ ﻗﻠﺒﻬﺎ ﻳﺘﺠﻤﻊ ﻣﺮﺓ ﻭﺣﺪﺓ ﻭﻳﻨﻔﺠﺮ ﺑﺘﻬﺪﻳﺪ ﻭﺍﺑﺘﻌﺎﺩ ﻋﻦ
ﺍﻟﻤﻜﺎﻥ .. ﺑﺼﺮﺍﺣﺔ ﺧﺎﻓﺖ ﻻ ﻳﻨﻔﺠﺮ ﻣﺮﺓ ﻭﺣﺪﺓ ﻓﻲ ﻭﻳﻬﻬﺎ .. ﺍﻫﻲ
ﺷﺎﻓﺘﻪ ﻣﺮﺓ ﻭﻫﻮ ﻳﻌﺼﺐ ﻭﻛﻴﻒ ﺍﻥ ﻋﺼﺒﻴﺘﻪ ﻛﺎﻧﺖ ﺑﺴﻜﺎﺍﺕ ﺑﺲ
ﺍﻟﺸﺮﺍﺭ ﻛﺎﻥ ﻳﻮﻟﻊ ﻭﺯﻳﻦ ﺍﻧﻪ ﻗﺒﺾ ﻧﻔﺴﻪ ﻻ ﻳﺬﺑﺢ ﻣﺸﻌﻞ .. ﺍﻫﻲ ﻻﺯﻡ
ﻣﺎ ﺗﺤﻂ ﻧﻔﺴﻬﺎ ﻓﻲ ﻣﻮﺍﻗﻒ ﻣﻌﺎﻩ .. ﺗﺘﺠﺎﻫﻠﻪ ﻗﺪ ﻣﺎ ﺗﻘﺪﺭ .. ﻭﺍﺫﺍ ﻫﻮ
ﻓﻴﻪ ﻋﺰﺓ ﻧﻔﺲ .. ﺑﻴﺴﻜﺖ ﻋﻨﻬﺎ ﻣﺜﻞ ﻣﺎ ﺍﻫﻲ ﺳﺎﻛﺘﺔ ..
ﺑﺮﻭﺩﺓ ﺍﻟﻤﻜﺎﻥ ﻭﻏﺮﺍﺑﺘﻪ ﻭﺗﻘﺮﻳﺒﺎ ﻭﺳﻌﻪ ﺧﻼﻫﺎ ﺗﺤﺲ ﺑﺎﻟﻮﺣﺸﺔ ﻟﺒﻴﺘﻬﺎ
ﻭﻟﺠﻮ ﺃﻫﻠﻬﺎ ﻭﻷﻣﻬﺎ ﺑﺎﻻﺧﺺ .. ﻳﺎ ﺗﺮﻯ ﺷﺨﺒﺎﺭﻫﻢ ﻣﻦ ﺑﻌﺪ ﺳﻔﺮﻱ ..
ﺗﻘﺮﻳﺒﺎ ﺍﻧﺎ ﺻﺎﺭ ﻟﻲ ﻳﻮﻣﻴﻦ ﺑﻌﻴﺪﺓ ﻋﻦ ﺍﻟﺒﻴﺖ ﻭﺍﻟﺒﺎﺭﺣﺔ ﻣﻦ ﺍﻟﻤﻮﻗﻒ
ﺍﻟﺨﺎﻳﺲ ﻭﻳﺎ ﻣﺴﺎﻋﺪ ﻣﺎ ﻃﻠﻌﺖ ﻣﻦ ﺩﺍﺭﻱ ... ﻣﺎﺩﺭﻱ ﺍﺗﺼﻞ ﺟﺮﺍﺡ
ﻓﻲ ﺍﻟﺒﻴﺖ ﻭﻻ ﻻﺀ؟؟ ﺍﻥ ﺷﺎﺀ ﺍﻟﻠﻪ ﺍﺗﺼﻞ ﻋﺸﺎﻥ ﻳﻄﻤﻦ ﺍﻣﻲ ﻋﻠﻴﻨﺎ ..
ﻳﺎﺣﺒﻲ ﻟﺞ ﻳﺎ ﻣﺮﻳﻢ .. ﺗﻮﻟﻬﺖ ﻋﻠﻴﺞ ﺍﻧﺘﻲ ﺍﻟﺜﺎﻧﻴﺔ ﺍﻛﺜﺮ .. ﻭﻗﻌﺪﺕ ﻓﺎﺗﻦ
ﺗﺬﻛﺮ ﻭﺻﺎﻳﺎ ﻣﺮﻳﻢ ﺍﻟﻜﺜﻴﺮﺓ ﺍﻟﻠﻲ ﺗﺨﻠﻠﺘﻬﺎ ﻣﻌﻈﻢ ﺍﻟﻮﻗﺖ ﻭﺻﻴﺔ
ﻭﺣﺪﺓ .. ﺍﺗﺼﻠﻲ ﻓﻴﻨﻲ ﻓﺘﻮﻥ ﻻ ﺗﻨﺴﻴﻦ .. ﻭﺍﻟﻠﻪ ﺍﻥ ﻧﺴﻴﺘﻲ ﻻ ﺷﻖ ﻟﺞ
ﺣﻠﺠﺞ ..
ﻣﺴﺎﻋﺪ ﺍﻟﻠﻲ ﻛﺎﻥ ﻓﻲ ﺍﻟﺸﺎﺭﻉ ﻳﺮﻛﺾ ﺑﻜﻞ ﻫﺪﻭﺀ .. ﻭﺍﻓﻜﺎﺭﻩ ﻃﺒﻌﺎ
ﻛﻠﻬﺎ ﻣﻨﺼﺒﺔ ﻧﺎﺣﻴﺔ ﻓﺎﺗﻦ ﻭﻧﺎﺣﻴﺔ ﺣﻴﺎﺗﻬﻢ .. ﻳﻔﻜﺮ ﺑﻌﻤﻖ ﺷﻠﻮﻥ ﺭﺍﺡ
ﻳﺨﻠﻴﻬﺎ ﻫﻨﻲ ﺑﺎﻟﻐﺮﺑﺔ ﻟﺤﺎﻟﻬﺎ .. ﻣﺎ ﻳﻘﺪﺭ .. ﺍﻟﺴﺎﻟﻔﺔ ﻣﺎ ﻋﺎﺩﺕ ﺳﺎﻟﻔﻪ ﺍﻧﻪ
ﻣﺎﻳﻄﻴﻖ ﻳﻘﻌﺪ ﻓﻲ ﺩﻳﺮﺓ ﺍﻫﻲ ﻣﻮ ﻣﻮﺟﻮﺩﻩ ﻓﻴﻬﺎ .. ﺍﻟﺴﺎﻟﻔﺔ ﺻﺎﺭﺕ
ﺍﻧﻬﺎ ﺷﻲ ﻣﻦ ﻣﻤﺘﻠﻜﺎﺗﻪ ﻭﺍﻟﻐﻴﺮﺓ ﻋﻠﻴﻬﺎ ﺑﺘﺬﺑﺤﻪ .. ﺍﻫﻮ ﺻﺎﺭ ﻣﻮﻗﻒ ﻓﻲ
ﺍﻟﻤﻄﺎﺭ ﻭﻗﺖ ﻣﺎ ﻭﺻﻠﻮ ﺍﻣﻴﺮﻛﺎ ﺯﻳﻦ ﻣﻨﻪ ﻣﺴﻚ ﺍﻋﺼﺎﺑﻪ ﻭﻣﺎ ﺳﻮﻯ
ﺷﻲ ﻣﺘﻬﻮﺭ
ﻛﺎﻥ ﻓﻲ ﻭﺍﺣﺪ ﻳﺒﻴﻦ ﻋﻠﻴﻪ ﺍﻧﻪ ﺧﻠﻴﺠﻲ ﻳﻨﺎﻇﺮ ﻓﺎﺗﻦ ﺑﻄﺮﻳﻘﺔ ﺗﺨﻠﻲ
ﺍﻟﺒﻨﺖ ﻣﺜﻼ ﺗﺘﻘﻔﻂ ﻓﻲ ﻧﻔﺴﻬﺎ .. ﻻﻧﻬﺎ ﻧﻈﺮﺓ ﻭﺍﺣﺪ ﻣﺎ ﺷﺎﻑ ﺑﻨﻴﻪ ﻓﻲ
ﻋﻤﺮﻩ .. ﻟﻜﻦ ﺍﻟﻠﻲ ﻗﻬﺮ ﻣﺴﺎﻋﺪ ﺍﻛﺜﺮ ﺍﻧﻪ ﻳﻮﻡ ﺭﻛﺰ ﻋﻴﻮﻧﻪ ﺍﻟﺤﺎﺩﺓ ﻋﻠﻰ
ﺍﻟﺮﻳﺎﻝ ﺍﻟﺨﺴﻴﺲ ﻋﺸﺎﻥ ﻳﺴﺘﺤﻲ ﻣﺎ ﻋﺒﺮﻩ ﻫﺬﺍﻙ ﺍﻟﻬﺮﻡ ﻭﻇﻞ ﻳﻨﺎﻇﺮ
ﻓﺎﺗﻦ ﺑﻜﻞ ﻭﻗﺎﺣﺔ ﻟﺪﺭﺟﺔ ﺍﻥ ﻣﺴﺎﻋﺪ ﺧﻼﺹ ﻗﺮﺭ ﺍﻧﻪ ﻳﺮﻭﺡ ﻳﻜﻠﻤﻪ ..
ﻟﻜﻦ ﺟﺮﺍﺡ ﺳﺒﻘﻪ ﺑﻬﺎﻟﺸﻲ ﻻﻧﻪ ﻳﻤﻜﻦ ﻛﺎﻥ ﻣﻼﺣﻆ ﻟﻠﻮﺿﻊ ﻭﺭﺍﺡ
ﻭﺳﺤﺐ ﻓﺎﺗﻦ ﻣﻦ ﻳﺪﻫﺎ ﻭﺧﻼﻩ ﺍﻫﻮ ﺍﻟﻠﻲ ﻳﻜﻤﻞ ﺑﺎﻗﻲ ﺍﻻﻏﺮﺍﺽ ..
ﻣﺴﺎﻋﺪ ﻛﺎﻥ ﻳﺮﻣﻲ ﺍﻟﺠﻨﺎﻁ ﺑﻘﻬﺮ ﻭﻏﻴﺮﻩ ﻋﻤﻴﻪ ﺧﻠﺖ ﺍﻟﺴﻮﺍﺩ ﻳﺸﺢ
ﺑﻌﻴﻨﻪ .. ﻭﻣﻦ ﻫﻨﻲ ﺑﺪﺕ ﻓﻜﺮﺗﻪ ﻓﻲ ﺍﻧﻪ ﻳﺘﺮﻙ ﻓﺎﺗﻦ ﻓﻲ ﺍﻟﻐﺮﺑﺔ ﻣﺎ
ﺗﻌﺠﺒﻪ .. ﻭﻻﺯﻡ ﻳﻐﻴﺮ ﻣﻦ ﻫﺎﻟﺘﺮﺗﻴﺒﺎﺕ ﺷﻮﻱ ..
ﺍﺑﺪﺍ ﻣﺎ ﻛﺎﻥ ﻳﻬﻤﻪ ﻓﻲ ﻫﺬﻳﺞ ﺍﻟﻠﺤﻈﺔ ﺍﻥ ﺟﺎﻥ ﻓﺎﺗﻦ ﺗﺤﺒﻪ ﻭﻻ ﻻﺀ ..
ﻻﻥ ﻣﺸﺎﻋﺮ ﺍﻻﺳﺘﺒﺪﺍﺩ ﻓﻴﻪ ﺭﺩﺕ ﻣﺮﺓ ﺛﺎﻧﻴﺔ .. ﻋﻴﻞ ﺍﻧﺎ ﻣﺎ ﻇﻠﺖ ﺍﻻ
ﻫﺎﻟﻨﺘﻔﺔ ﺗﻬﺪﺩﻧﻲ .. ﻣﻦ ﺍﻟﺰﻭﺩ ﻋﺎﺩ ﺍﻧﺎ ﺍﻟﻠﻲ ﺑﻤﻮﺕ ﻋﻠﻴﻬﺎ ﻋﺸﺎﻥ
ﺍﻟﻤﺴﻬﺎ ...
ﻛﻞ ﺷﻲ ﻣﻦ ﻛﻼﻣﻪ ﻛﺎﻥ ﻣﺘﻨﺎﻗﺾ .. ﺍﻫﻮ ﻛﺎﻥ ﻳﻌﺮﻑ ﺍﻥ ﺑﻠﻤﺴﺔ ﺧﺪﻫﺎ
ﻛﺎﻥ ﻳﺤﺲ ﺑﺎﻟﻠﻬﻴﺐ ﻳﺴﺮﻱ ﺑﻌﺮﻭﻗﺔ ﻭ ﻛﺎﻥ ﺍﻻﺣﺴﺎﺱ ﻋﺎﺩ ﻓﻴﻪ ﻣﺮﺓ
ﺛﺎﻧﻴﺔ ﻭﺗﻢ ﻳﺮﻛﺾ ﺑﺴﺮﻋﺔ ﺷﺪﻳﺪﺓ ﻟﻴﻤﻦ ﺣﺲ ﺍﻥ ﺻﺪﺭﻩ ﺑﻴﻨﻔﺠﺮ ﻣﻦ
ﺍﻟﺒﺮﻭﺩﺓ ﺍﻟﻠﻲ ﺗﺨﻠﻠﺘﻪ .. ﻓﻮﻗﻒ ﻣﻜﺎﻧﻪ ﻭﻫﻮ ﻳﻠﻬﺚ ﺑﻘﻮﺓ .. ﻭﺍﻟﻌﺮﻕ
ﺍﻟﺒﺎﺭﺩ ﻳﺰﺥ ﻣﻦ ﺟﺒﻴﻨﻪ ... ﺩﻗﺎﺕ ﻗﻠﺒﻪ ﻛﺎﻧﺖ ﻭﺍﺻﻠﻪ ﺣﺘﻰ ﺟﺒﻴﻨﻪ ..
ﻟﻜﻦ .. ﻭﻳﻦ .. ﻣﺎﻗﺪﺭ ﻳﻨﻔﺲ ﺑﻜﻞ ﻫﺬﺍ ﺍﻻ ﺑﻬﺎﻟﺮﻛﺾ ...
ﻭﻗﻒ ﻋﻨﺪ ﺟﺪﺍﺭ ﻭﻛﺎﻧﺖ ﻛﻞ ﺍﻟﻤﺤﻼﺕ ﻣﺴﻜﺮﺓ ﺑﻬﺬﺍﻙ ﺍﻟﻮﻗﺖ ﺍﻻ ﻣﺤﻞ
ﻭﺍﺣﺪ .. ﻛﺎﻧﻪ ﻣﺨﺒﺰ ... ﺗﻢ ﻳﻨﺎﻇﺮ ﺍﻟﻈﺒﺎﺏ ﺍﻟﻠﻲ ﻋﻨﺪ ﺍﻟﻤﺤﻞ .. ﻛﺎﻥ
ﺍﻟﻄﺤﻴﻦ ﻳﻨﺮﺵ ﻋﻠﻰ ﺍﻻﺭﺿﻴﺔ ﻋﺸﺎﻥ ﻳﺨﻔﻒ ﻣﻦ ﺑﺮﻭﺩﺓ ﺍﻟﻤﻜﺎﻥ
ﻭﻳﻤﺘﺼﻬﺎ .. ﻭﻣﻦ ﻋﻨﺪ ﺍﻟﻤﺤﻞ ﺭﻳﺤﺔ ﺍﻟﺨﺒﺰ ﺍﻟﺤﻠﻮ ﺗﻔﻮﺡ .. ﻫﺬﺍ ﺍﻟﺸﻲ
ﺧﻠﻰ ﻣﺴﺎﻋﺪ ﻳﺘﺠﻪ ﺑﺎﻓﻜﺎﺭﻩ ﺍﻟﻰ ﻃﺮﻳﺞ ﺛﺎﻧﻲ .. ﻟﻮ ﺍﻥ ﻓﺎﺗﻦ ﻭﺍﻫﻮ
ﻳﺘﻤﺘﻌﻮﻥ ﺑﻌﻼﻗﺔ ﻃﺒﻴﻌﻴﺔ .. ﺟﺎﻥ ﻓﻲ ﻣﺜﻞ ﻫﺎﻟﻮﻗﺖ ﺍﻫﻮ ﻭﺍﻫﻲ ﻋﻨﺪ
ﻫﺎﻟﻤﺨﺒﺰ ﻳﺎﻛﻠﻮﻥ ﻣﻨﻪ .. ﻭﺑﻤﺜﻞ ﻫﺎﻟﺸﺎﺭﻉ ﻳﻤﺸﻮﻥ ﻭﺍﻫﻢ ﻣﺘﻜﺎﺗﻔﻴﻦ ..
ﺳﺎﻛﺘﻴﻦ ﻭﻫﻤﺲ ﺍﻟﺤﺐ ﺑﺎﺭﻭﻉ ﺍﻟﻜﻠﻤﺎﺕ .. ﻟﻜﻦ ...
ﻋﻠﻰ ﻃﻮﻝ ﻏﻴﺮ ﻣﺴﺎﺭﺓ ﻣﺴﺎﻋﺪ ﻟﺪﺭﺏ ﺍﻟﺮﺟﻌﺔ ﻟﻠﺸﻘﺔ ... ﻭﺍﻫﻮ ﻳﻔﻜﺮ
ﺑﺤﺰﻥ ﺑﻔﺎﺗﻦ ... ﻭﺑﺤﻴﺎﺗﻪ ﺍﻟﻠﻲ – ﻳﻤﻜﻦ - ﺗﻮﻩ ﻭﻋﻰ ﻋﻠﻰ ﺣﺠﻢ ﺍﻟﻐﻠﻂ
ﺍﻟﻠﻲ ﺳﻮﺍﻩ ﺑﺎﻧﻪ ﺗﺰﻭﺟﻬﺎ ﺑﻬﺎﻟﻮﻗﺖ ..
ﻓﺎﺗﻦ ﺍﻟﻠﻲ ﻣﻦ ﺩﺧﻠﺖ ﺍﻟﺤﺠﺮﺓ ﻣﺎ ﻃﻠﻌﺖ ﺣﺴﺖ ﺑﺎﻟﻴﻮﻉ ﻳﻘﺮﺻﻬﺎ ,
ﻓﻄﻠﻌﺖ ﻣﻦ ﺍﻟﺤﺠﺮﺓ ﻓﻲ ﺍﻟﻔﻴﺮ ﻭﺭﺍﺣﺖ ﻟﻠﻤﻄﺒﺦ ﺍﻟﻤﻔﺘﻮﺡ ﻭﻓﺘﺤﺖ
ﺍﻟﺜﻼﺟﺔ ﻟﻘﺖ ﺍﻥ ﺍﻻﻏﺮﺍﺽ ﻛﺜﻴﺮﺓ ﻓﻴﻬﺎ .. ﺍﻟﻈﺎﻫﺮ ﺍﻥ ﺍﻟﻠﻲ ﺳﻤﻮﺑﻪ
ﺟﻮﺭﺝ ﺯﻫﺐ ﺍﻟﺒﻴﺖ ﻋﻠﻰ ﺍﺻﻮﻝ .. ﻣﺎ ﻗﺼﺮ ﻭﺍﻟﻠﻪ ﺑﺲ ﺍﻫﻲ ﻣﺎ ﺑﻠﻌﺘﻪ
ﺍﺑﺪﺍ ﻻﻧﻪ ﻳﻤﻜﻦ ﺑﺎﻳﺦ ﻭﺩﻭﻡ ﻳﺘﻜﻠﻢ ﺑﺎﻻﻧﺠﻠﻴﺰﻱ .. ﺗﻤﻨﻈﺮﺕ ﺑﺎﻟﻤﻜﺎﻥ
ﺍﻛﺜﺮ ﻭﻛﻞ ﻧﻈﺮﺓ ﺗﺰﻳﺪ ﺍﻻﻋﺠﺎﺏ ﻓﻴﻬﺎ .. ﺍﻟﺸﻘﺔ ﻣﺜﻞ ﻣﺎ ﺫﻛﺮﻧﺎ ﺍﻧﻬﺎ ﻣﻮ
ﻓﺎﺧﺮﺓ ﻟﻜﻦ ﺣﻤﻴﻤﻴﺔ ﺑﻄﺮﻳﻘﺔ ﺗﺸﺐ ﺍﻟﺨﺎﻃﺮ .. ﺍﻻﺛﺎﺙ ﺍﻟﻨﺎﻋﻢ ﻭﻻ
ﺍﻟﻬﺪﻭﺀ ﺍﻟﻠﻲ ﻳﻠﻒ ﺍﻟﻤﻜﺎﻥ ﻭﻻ ﻟﻮﻥ ﺍﻟﺼﺒﻎ ﺍﻟﻠﻲ ﻣﺨﻠﻲ ﺍﻟﻤﻜﺎﻥ ﻛﻼﺳﻴﻚ
ﻭﺭﻭﻣﺎﻧﺘﻴﻚ .. ﻟﻜﻦ ﻭﻳﻦ .. ﻟﻮ ﻛﺎﻧﺖ ﻇﺮﻭﻓﻬﺎ ﺛﺎﻧﻴﺔ ﻛﺎﻥ ﻣﻌﻠﻴﻪ .. ﻟﻮ
ﻛﺎﻧﺖ ﻃﺒﻴﻌﺔ ﻋﻼﻗﺘﻬﺎ ﺑﻤﺴﺎﻋﺪ ﻏﻴﺮ .. ﻣﺴﺎﻋﺪ؟؟ ﻟﻴﺶ ﺍﻧﺖ ﻳﺎ
ﻣﺴﺎﻋﺪ؟؟ ﻟﻴﺶ ﺍﻧﺖ ﻭﻣﻮ ﻣﺸﻌﻞ .؟؟ ﻟﻴﺶ ﻳﺎ ﺭﺑﻲ؟؟ ﺍﻧﺎ ﻣﺎ ﺍﻋﺘﺮﺽ
ﻋﻠﻰ ﺣﻜﻤﻚ ﻟﻜﻦ ﺍﺳﺘﻐﺮﺏ .. ﻳﺎﺭﺏ ﻋﻮﻧﻚ ﻭﺭﺿﺎﻙ .. ﺗﻤﺖ ﺗﺤﻮﺱ ﻓﻲ
ﺍﻟﺜﻼﺟﺔ ﻭﺍﻫﻲ ﺗﻄﺎﻟﻊ ﻣﻦ ﺍﻷﻛﻞ .. ﻃﻠﻌﺖ ﺯﺑﺪﺓ ﻓﺴﺘﻖ ﻭﻧﺎﻇﺮﺕ ﺍﻛﺜﺮ
ﺟﺎﻥ ﻓﻲ ﺧﺒﺰ ﺗﺎﻛﻠﻪ .. ﻟﻜﻦ ﻻﺀ .. ﺳﻜﺮﺕ ﺍﻟﺜﻼﺟﺔ ﻭﺣﻄﺖ ﺍﻟﺰﺑﺪﺓ ..
ﺗﺬﻛﺮﺕ ﺍﻧﻬﺎ ﺷﺎﻓﺖ ﻣﺮﺑﻰ ﻭﺭﺩﺕ ﻣﺮﺓ ﺛﺎﻧﻴﺔ ﻭﻃﻠﻌﺘﻪ .. ﻭﺗﺤﺖ ﺍﻟﺜﻼﺟﺔ
ﻧﻮﻉ ﻣﻦ ﺍﻟﺤﺎﻓﻈﺔ ﻛﺎﻥ ﻓﻴﻬﺎ ﻛﻞ ﺍﻧﻮﺍﻉ ﺍﻟﺨﺒﺰ .. ﺭﻭﺗﻲ ﺭﻭﻝ ﻭﺳﻠﻴﺲ
ﻭﻣﻦ ﻫﺎﻟﺴﻮﺍﻟﻒ .. ﻃﻠﻌﺖ ﺍﻟﺴﻠﻴﺲ ﻭﺗﻤﺖ ﺗﻤﺴﺢ ﻭﺍﻫﻲ ﺗﻨﺎﻇﺮ ﺍﻟﻐﺮﻓﺔ
ﺍﻟﻠﻲ ﺍﺧﻮﻫﺎ ﻧﺎﻳﻢ ﻓﻴﻬﺎ .. ﻭﺍﻟﻠﻪ ﺍﻥ ﺟﺮﺍﺡ ﻣﺨﺮﺍﻑ ﻧﻮﻡ ﻣﻦ ﻳﻄﻴﺢ
ﺧﻼﺹ ﻣﺎ ﻳﻘﻮﻡ .. ﻣﺎ ﺷﺎﺀ ﺍﻟﻠﻪ ﻋﻠﻴﻪ ..
ﺧﻠﺼﺖ ﻣﻦ ﺍﻻﻛﻞ ﺍﻟﺴﺮﻳﻊ ﻭﻳﻤﻜﻦ ﺍﻟﻘﻠﻴﻞ ﺷﺮﺑﺖ ﻣﺎﻱ ﻭﻃﻠﻌﺖ ﻣﻦ
ﺍﻟﻤﻄﺒﺦ ..ﺍﻧﺘﺒﻬﺖ ﺍﻟﻰ ﺻﻮﺕ ﻓﻲ ﺍﻟﺒﺎﺏ .. ﻃﺎﻟﻌﺖ ﺍﻟﺴﺎﻋﺔ ﺑﺨﻮﻑ ..
ﻣﻦ ﻃﺎﻟﻊ ﺑﻬﺎﻟﺤﺰﺓ ﻳﺎ ﺗﺮﻯ؟؟ ﻭﺭﺩﺕ ﺩﺍﺧﻞ ﺍﻟﻤﻄﺒﺦ ﺗﺸﻮﻑ ﻣﻨﻮ؟؟ ﻳﺎ
ﺭﺑﻲ ﻣﻦ ﻳﺎﻱ ﺑﻬﺎﻟﺤﺰﺓ .. ﻫﺬﻱ ﺍﻣﻴﺮﻛﺎ ﺑﻌﺪ ﻣﻮ ﺍﻟﻜﻮﻳﺖ ﺍﻷﻣﺎﻥ ..
ﺍﻻ ﻭﺗﻄﻞ ﺑﺮﺍﺳﻬﺎ ﻣﻦ ﺟﺪﺍﺭ ﺍﻟﻤﻄﺒﺦ ﺑﺨﻮﻑ ﺑﺴﻴﻂ ﻭﻓﻀﻮﻝ .. ﻛﺎﻥ
ﻣﺴﺎﻋﺪ ﻭﻫﻮ ﺻﺎﺏ ﻋﺮﻕ ﻣﻦ ﻓﻮﻕ ﻟﺘﺤﺖ .. ﻻﺑﺲ ﺑﺪﻟﺔ ﺭﻳﺎﺿﻴﻪ
ﻭﺍﻭﻝ ﻣﺎ ﺩﺧﻞ ﺍﻟﺒﻴﺖ ﻓﺼﺦ ﺍﻟﺠﺎﻛﻴﺖ ﻭﺭﻣﺎﻩ ﻋﻠﻰ ﺍﻟﻜﺮﺳﻲ ﻭﺍﻫﻮ
ﻳﻠﻬﺚ ﻣﻦ ﺍﻟﺘﻌﺐ ﻭﻛﺎﻧﻪ ﺭﺍﻛﺾ ﻭﻻ ﺷﻲ .. ﻓﺎﺗﻦ ﺍﻧﺘﺒﻬﺖ ﻟﻨﻔﺴﻬﺎ ﺍﻥ ﻣﺎ
ﻋﻠﻴﻬﺎ ﺃﻱ ﺷﻲ ﻳﻐﻄﻲ ﺷﻌﺮﻫﺎ ﻟﻜﻦ .. ﺍﻫﻲ ﺑﺎﻟﺤﺴﺒﺔ ﺯﻭﺟﺘﻪ ﻣﻮ ﺃﻱ
ﺍﺣﺪ ﻏﺮﻳﺐ .. ﻭﻇﻠﺖ ﻭﺍﻗﻔﻪ ﻣﻜﺎﻧﻬﺎ ﻣﺘﺨﺒﻴﺔ ﻭﺭﻯ ﺍﻟﺤﺎﻳﻂ ﻋﻞ
ﻭﻋﺴﻰ ﻣﺎ ﻳﺸﻮﻓﻬﺎ
ﻛﺎﻥ ﻳﻠﻬﺚ ﺑﻘﻮﺓ ﻭﻛﺎﻧﻪ ﺭﺍﻛﺐ ﻳﺒﻞ ﻭﻻ ﻋﺎﺑﺮ ﻣﺤﻴﻄﺎﺕ .. ﻭﺭﺍﺡ ﺻﻮﺏ
ﺍﻟﺜﻼﺟﺔ ﺑﻼ ﺣﺎﺳﻴﺔ ﻋﺸﺎﻥ ﻳﺸﺮﺏ ﺍﻟﻤﺎﻱ .. ﻓﺘﺢ ﺍﻟﺒﺎﺏ ﻭﻃﻠﻊ ﻏﺮﺷﺔ
ﺯﺍﻫﺒﺔ ﻭﺷﺮﺏ ﻣﻨﻬﺎ ﻭﺍﻫﻮ ﻣﺴﻜﺮ ﻋﻴﻮﻧﻪ ﻭﻳﺤﺲ ﺑﺒﺎﻟﻤﺎﻱ ﻳﺴﺮﻱ ﻓﻲ
ﺍﻟﻤﺮﻱﺀ ﺍﻟﻰ ﺍﻟﻤﻌﺪﺓ .. ﻭﻳﻮﻡ ﻓﺘﺢ ﻋﻴﻨﻪ ﺷﺎﻑ ﻓﺎﺗﻦ .. ﻣﺎ ﻧﺰﻝ ﺍﻟﻤﺎﻱ ﺍﻻ
ﺑﻌﺪ ﻣﺎ ﺷﺒﻌﺖ ﻋﻴﻮﻧﻪ ﻣﻦ ﻣﻨﻈﺮﻫﺎ ..
ﻛﺎﻧﺖ ﻭﺍﻗﻔﺔ ﻭﺍﻫﻲ ﻣﺴﻨﺪﺓ ﻧﻔﺴﻬﺎ ﻛﺎﻧﻬﺎ ﻣﻨﺨﺸﺔ ﻭﻻ ﺷﻲ .. ﺷﻜﻠﻬﺎ
ﺍﻟﻄﻔﻮﻟﻲ ﻋﻜﺮﻩ ﺷﻲ ﻭﺍﺣﺪ .. ﻧﺤﻞ ﺟﺴﻤﻬﺎ ﺍﻟﻐﺮﻳﺐ .. ﻳﺬﻛﺮﻫﺎ ﻗﺒﻞ ..
ﻣﺎ ﻛﺎﻧﺖ ﺿﻌﻴﻔﺔ ﺑﻬﺎﻟﺸﻜﻞ .. ﻛﺎﻧﺖ ﻳﻨﻘﺎﻝ ﻋﻨﻬﺎ ﺑﻌﺎﻓﻴﺔ .. ﻟﻜﻦ ﺍﻟﺤﻴﻦ
ﺻﺎﺭﺕ ﺟﻠﺪ ﻋﻠﻰ ﻋﻈﻢ ﻭﻭﺟﻨﺎﺗﻬﺎ ﻃﺎﻓﺮﺓ ﺑﺸﻜﻞ ﺟﺬﺍﺏ ﻭﻣﺆﺳﻒ
ﺷﻮﻱ .. ﻟﻜﻦ ﺍﻟﻠﻲ ﺧﻼﻩ ﺑﺼﺮﺍﺣﺔ ﻳﺴﻜﺖ ﻭﺍﻫﻮ ﻭﺍﻗﻒ .. ﺍﻫﻲ
ﺍﻟﺨﺼﻼﺕ ﺍﻟﺒﻨﻴﻪ ﺍﻟﺬﻫﺒﻴﺔ ﺍﻟﻠﻲ ﻋﻠﻰ ﺟﺒﻴﻨﻬﺎ ..
ﺑﺼﻮﺕ ﺍﻫﺪﺉ ﻣﻦ ﺍﻟﻤﻌﺘﺎﺩ .. ﻭﺑﺎﻟﺼﺪﻓﺔ ﺧﻠﻰ ﻣﻦ ﺻﻮﺕ ﻣﺴﺎﻋﺪ
ﻳﺠﺸﻰ : ﻣﺎ ﻧﻤﺘﻲ
ﻫﺰﺕ ﺭﺍﺳﻬﺎ ﺑﻈﻴﺞ : ﻻ ..
ﻣﺴﺎﻋﺪ : ﻣﺘﻈﺎﻳﻘﺔ؟
ﻓﺎﺗﻦ ﺗﻄﺎﻟﻊ ﻳﻤﻴﻦ ﻭﻳﺴﺎﺭ : ﺍﻟﻐﺮﺑﺔ ﺷﻮﻱ ﻣﺄﺭﻗﺘﻨﻲ .. ﻣﻮ ﻣﺘﻌﻮﺩﺓ ﺍﻧﺎﻡ
ﻓﻲ ﻣﻜﺎﻥ ﻭﺍﺳﻊ ..
ﺍﺑﺘﺴﻢ ﻣﺴﺎﻋﺪ ﺑﻄﺮﻳﻘﺔ ﺧﻔﻴﻔﺔ ﻣﺎ ﺗﺒﻴﻦ ﺳﺮﻭﺭ ﺣﺘﻰ ﺍﻧﻬﺎ ﻣﺎ ﺑﻴﻨﺖ
ﺍﺑﺘﺴﺎﻣﺔ ﻋﻨﺪ ﻓﺎﺗﻦ : ﺍﻟﻠﻪ ﻳﺨﻠﻲ ﺟﺮﺍﺡ ﻣﺎﺧﺬ ﺍﻟﺮﻗﺎﺩ ﻛﻠﻪ
ﻓﺎﺗﻦ ﻭﺍﻫﻲ ﺗﻮﺍﻳﺞ ﻣﺮﺓ ﺛﺎﻧﻴﺔ ﻋﻠﻰ ﺍﻟﺪﺍﺭ : ﻋﻠﻴﻪ ﺑﺎﻟﻌﺎﻓﻴﺔ ..
ﻛﺎﻥ ﻓﻲ ﺧﺎﻃﺮﻫﺎ ﻟﻮ ﻳﺨﻠﻴﻬﺎ ﺗﺮﻭﺡ ﺗﻨﺎﻡ ﻭﻳﺎ ﺍﺧﻮﻫﺎ .. ﻟﻜﻦ .. ﻣﻮ
ﻋﺪﻟﻪ .. ﻫﺎﻟﺸﻲ ﺑﺨﻠﻴﻪ ﺍﻳﺤﺲ ﺑﺎﻟﻐﺮﺑﺔ ﺍﻛﺜﺮ ﻭﺍﻛﺜﺮ .. ﻟﻜﻦ .. ﺍﻫﻲ ﻣﺎ
ﺗﻘﺪﺭ ﺗﺠﺒﺮ ﻧﻔﺴﻬﺎ ﻋﻠﻰ ﺍﻟﻨﻮﻡ ﻟﺤﺎﻟﻬﺎ .. ﺻﺞ ﺍﻧﻬﺎ ﻛﺎﻧﺖ ﺗﺮﻗﺪ ﻟﺤﺎﻟﻬﺎ
ﻓﻲ ﺍﻟﺒﻴﺖ ﻟﻜﻦ ﻫﻨﻲ ﻏﻴﺮ .. ﻫﻨﻲ ﻏﺮﺑﺔ ﻭﻣﺎﻓﻲ ﺍﻟﻤﻜﺎﻥ ﺷﻲ ﻭﺍﺣﺪ
ﺗﺄﻟﻔﻪ .. ﻭﻓﺠﺄﺓ ﺗﺤﺮﻛﺖ ﻣﻦ ﻣﻜﺎﻧﻬﺎ ﺭﺍﻳﺤﺔ ﻟﻠﺪﺍﺭ ..
ﻓﺎﺗﻦ ﺑﺼﻮﺕ ﺣﺰﻳﻦ : ﺗﺼﺒﺢ ﻋﻠﻰ ﺧﻴﺮ ..
ﻣﺴﺎﻋﺪ ﺍﻟﻠﻲ ﻭﻗﻒ ﺑﺤﻴﺮﺓ .. ﻻ ﻳﻘﺪﺭ ﻳﻮﻗﻔﻬﺎ ﻭﻻ ﻳﻘﺪﺭ ﻳﺨﻠﻴﻬﺎ ﺗﺮﻭﺡ ..
ﻭﻓﺠﺄﺓ ﺗﺬﻛﺮ ﻛﻠﻤﺘﻬﺎ : ﺗﻠﻘﻴﻦ ﺧﻴﺮ ..
ﻭﺍﻫﻲ ﺗﻤﺸﻲ ﻓﺎﺗﻦ ﻭﻗﻔﺖ ﻣﻜﺎﻧﻬﺎ ... ﺫﻛﺮ ﻛﻠﻤﺘﻬﺎ ﺑﻬﺬﺍﻙ ﺍﻟﻴﻮﻡ .. ﺍﻫﻲ
ﺩﺍﻳﻤﺎ ﺗﺮﺩ ﻋﻠﻰ ﺍﻟﻠﻲ ﻳﻤﺴﻮﻥ ﻋﻠﻴﻬﺎ ﺑﻬﺎﻟﺠﻮﺍﺏ .. ﺍﻟﺘﻔﺘﺖ ﻟﻪ ﺑﻜﻞ
ﻫﺪﻭﺀ ..: ﻭﻳﺎﻙ ..
ﻭﻛﻤﻠﺖ ﺩﺭﺑﻬﺎ ﻟﺪﺍﺭﻫﺎ ..
ﻇﻠﺖ ﻭﺍﻗﻔﻪ ﺑﻨﺺ ﺍﻟﺪﺍﺭ ﻭﺍﻫﻲ ﺗﻔﻜﺮ .. ﻭﻧﻔﺲ ﺍﻟﺸﻲ ﻣﺴﺎﻋﺪ ﻭﺍﻗﻒ
ﻋﻨﺪ ﺑﺎﺭ ﺍﻟﻤﻄﺒﺦ ﻭﻫﻮ ﺳﺎﻧﺪ ﺟﺴﻤﻪ ﺑﻴﺪﻩ ﻭﻳﻔﻜﺮ ﻓﻴﻬﺎ .. ﻏﺮﺑﺔ .. ﻏﺮﺑﺔ
ﻣﻦ ﺷﻨﻮ ﻓﺎﺗﻦ؟ ﻏﺮﺑﺔ ﺍﻟﺒﻠﺪ ﻭﻻ ... ﻏﺮﺑﺔ ﺍﻟﻘﻠﺐ ... ﻛﻞ ﺷﻲ ﻏﺮﻳﺐ
ﻋﻠﻴﺞ .. ﻫﺎﻟﺒﻴﺖ .. ﻭﻫﺎﻟﺤﻴﺎﺓ .. (ﻳﺒﺘﺴﻢ ﺑﺴﺨﺮﻳﺔ ) ﻭﻫﺎﻟﺰﻭﺝ .. ﻏﺮﺑﺔ ﺍﻥ
ﻛﺎﻥ ﻓﻲ ﺍﻟﻈﻦ ﺷﺮ ﺑﺎﻟﻨﺴﺒﺔ ﻟﺞ ﺑﺘﺴﺘﻤﺮ ﻣﻌﺎﺝ ﻃﻮﻝ ﺍﻟﻌﻤﺮ .. ﻳﺎ ﺭﺑﻲ ..
ﺍﻧﺎ ﻟﻴﺶ ﺍﻣﺮ ﻓﻲ ﻫﺎﻟﻈﺮﻭﻑ .. ﺍﻧﺎ ﻣﺎ ﻛﻨﺖ ﺣﺎﻁ ﻓﻲ ﺑﺎﻟﻲ ﺍﻧﻲ
ﺍﺣﺒﻬﺎ .. ﺍﻧﺎ ﻛﻨﺖ ﻣﻌﺠﺐ .. ﺷﻠﻲ ﺧﻼﻧﻲ ﺍﺣﺐ .. ﺍﻧﺎ ﻣﺎﺣﺐ ﺍﻻ
ﻋﺎﻟﻴﺔ .. ﻣﻦ ﻭﻳﻦ ﻃﻠﻌﺖ ﻟﻲ ﻓﺎﺗﻦ .. ﻣﻦ ﻭﻳﻦ؟؟
ﻭﻫﻲ ﺗﻬﺰﻫﺰ ﺭﻳﻠﻬﺎ ﻭﺗﻨﺎﻇﺮ ﺑﺎﺣﺪ ﺍﻻﻭﺭﺍﻕ ﺍﻟﻠﻲ ﻋﻄﺎﻫﺎ ﺍﻳﺎﻫﺎ ﺟﺮﺍﺡ ﻣﻦ
ﺷﻮﻱ ﻋﺸﺎﻥ ﺗﺸﻮﻑ ﻓﻴﻬﻢ ﻭﺗﻜﺘﺐ ﻭﺗﻮﻗﻊ .. ﺗﺤﺪﺩ ﻭﺗﺨﺘﺎﺭ ﺍﻟﻤﻮﺍﺩ
ﻭﺍﻟﻤﻨﻬﺞ ﺍﻟﺪﺭﺍﺳﻲ ﺍﻟﻠﻲ ﺑﺘﺘﺎﺑﻌﻪ .. ﺗﺨﺼﺼﺖ ﻓﻲ ﺍﻟﻌﻠﻮﻡ ﺍﻟﺴﻴﺎﺳﻴﺔ ..
ﻭﻫﺬﺍ ﺍﻟﺸﻲ ﻛﺎﻥ ﻣﻦ ﻣﻴﻮﻟﻬﺎ .. ﻭﻳﻮﻡ ﺷﺎﻓﻬﺎ ﻣﺴﺎﻋﺪ ﺗﺎﺷﺮ ﻋﻠﻰ
ﻫﺎﻟﺘﺨﺼﺺ ﺣﺲ ﺑﺎﻟﻔﺨﺮ ﻣﻨﻬﺎ .. ﻭﺑﻨﻈﺮﺓ ﻣﺴﺘﻘﺒﻠﻴﺔ ﺗﺨﻴﻞ ﻓﺎﺗﻦ
ﺣﺮﻣﺔ ﻓﻲ ﺍﻟﺜﻼﺛﻴﻦ ﻣﻦ ﻋﻤﺮﻫﺎ ﺑﺎﻧﺎﻗﺔ ﻭﺣﺰﻡ ﺗﺘﺨﺬ ﻗﺮﺍﺭﺍﺕ ﺳﻴﺎﺳﻴﺔ
ﻟﻠﻤﺮﺃﺓ ﺗﺘﺪﺧﻞ ﻓﻲ ﺷﺆﻭﻥ ﺍﻟﺪﻭﻟﺔ .. ﺍﻟﻠﻪ .. ﺻﺞ ﺍﻥ ﻫﺎﻟﺸﻲ ﻳﻨﺎﺳﺒﻬﺎ ..
ﺷﺨﺼﻴﺘﻬﺎ ﻗﻮﻳﺔ ﻋﻠﻰ ﺍﻟﺮﻏﻢ ﻣﻦ ﺣﺠﻤﻬﺎ .. ﻭﺩﻭﺭﻫﺎ ﻓﻌﺎﻝ ﻓﻲ ﻣﺠﺘﻤﻊ
ﺑﻴﺘﻬﺎ ﻭﺍﻛﻴﺪ ﺍﻫﻲ ﻭﺩﻫﺎ ﻟﻮ ﺍﻧﻬﺎ ﺗﻜﻤﻞ ﻫﺎﻟﻤﺴﻴﺮﺓ ﺑﺲ ﻋﻠﻰ ﻧﻄﺎﻕ
ﺍﻭﺳﻊ ..
ﻭﻓﺠﺄﺓ ﻳﻤﺮ ﺷﺎﺏ ﻃﻮﻳﻴﻴﻴﻞ ﺟﺪﺍﻣﻬﺎ ﻭﺍﻫﻲ ﺳﺮﺣﺎﻧﻪ ﺑﺎﻻﻭﺭﺍﻕ ﺗﻘﺮﺍﻫﻢ
ﻭﺿﺎﻣﺔ ﺭﺟﻠﻴﻨﻬﺎ ﻭﺳﺎﻧﺪﺓ ﻇﻬﺮﻫﺎ ﺑﺘﻌﺐ ﻭﻛﻞ ﺷﻮﻱ ﺗﺘﺜﺎﻭﺏ ﻣﻦ ﻗﻠﺔ
ﺍﻟﻨﻮﻡ .. ﺍﺑﺘﺴﻢ ﺍﻟﺸﺎﺏ ﻭﻣﺸﻰ ﻋﻨﻬﺎ ﻭﺗﻮﻗﻒ ﻓﺠﺄﺓ ﻭﺭﺟﻊ ﻟﻬﺎ ..
ﺣﻤﻞ ﺟﻨﻄﺘﻬﺎ ﺍﻟﻠﻲ ﻛﺎﻧﺖ ﻃﺎﻳﺤﺔ ﻋﻠﻰ ﺍﻻﺭﺽ : excuse me
ﺭﻓﻌﺖ ﻓﺎﺗﻦ ﺭﺍﺳﻬﺎ ﻟﻠﻲ ﻭﺍﻗﻒ ﺟﺪﺍﻣﻬﺎ .. ﻭﻣﺎﻟﺖ ﺑﻪ ﺑﻌﻴﺪ .. ﻋﺸﺎﻥ
ﺗﻮﺻﻞ ﻟﻬﺎﻟﺸﺎﺏ ﺍﻟﻄﻮﻳﻞ :.. ?yes
ﻃﺒﻌﺎ ﺍﻟﺸﺎﺏ ﻋﺮﻑ ﺍﻧﻬﺎ ﻋﺮﺑﻴﺔ ﻣﻦ ﺣﺠﺎﺑﻬﺎ ﻭﻟﺒﺎﺳﻬﺎ ﺍﻟﻤﺤﺘﺸﻢ : ﻫﺬﻱ
ﺟﻨﻄﺘﺞ؟؟ ﺍﺫﺍ ﻣﻮ ﺟﻨﻄﺘﺞ ﺍﺳﻤﺤﻴﻠﻲ ﺑﺎﺧﺬﻫﺎ ﻋﺎﺟﺒﺘﻨﻲ ...
ﻃﺎﻟﻌﺘﻬﺎ ﻓﺎﺗﻦ ﺑﻐﺮﺍﺑﺔ ﻭﻛﺎﻧﻬﺎ ﺑﺘﺘﻌﺮﻑ ﻋﻠﻴﻬﺎ .. ﻭﻃﺎﻟﻌﺖ ﺟﻨﺒﻬﺎ ﺗﺘﺎﻛﺪ
ﻣﻦ ﺟﻨﻄﺘﻬﺎ ﺍﻟﻠﻲ ﺣﻤﻠﺘﻬﺎ ﺍﻟﻴﻮﻡ ﺍﻟﺼﺒﺢ ﻭﻻﺣﻈﺖ ﺍﻟﻮﺭﺩﺓ ﺍﻟﻠﻲ ﻋﻠﻰ
ﺍﻟﺠﻨﻄﻪ ﻭﻋﻠﻰ ﻃﻮﻝ ﻧﺰﻟﺖ ﺑﻌﻴﻮﻧﻬﺎ ﻋﻠﻰ ﺍﻟﻨﻌﺎﻝ ﺍﻟﻤﻐﻄﻰ ﺍﻟﻠﻲ ﻛﺎﻧﺖ
ﻻﺑﺴﺘﻪ ﻭﻋﺮﻓﺖ ﺍﻥ ﺍﻟﺠﻨﻄﻪ ﻟﻬﺎ ...
ﻓﺎﺗﻦ : ﻻ ﺟﻨﻄﺘﻲ ﻫﺬﻱ
ﺍﻟﺸﺎﺏ : ﺧﺴﺎﺭﺓ ﻭﺍﻟﻠﻪ ﺍﻥ ﺧﺎﻃﺮﻱ ﻓﻴﻬﺎ ..
ﻓﺎﺗﻦ ﻣﺴﺘﻐﺮﺑﺔ ﻣﻦ " ﻓﻬﻠﻮﺓ " ﻫﺎﻟﺸﺎﺏ .. ﻭﻣﻦ ﻛﻼﻣﻪ ﺷﻜﻠﻪ ﻛﻮﻳﺘﻲ :...
ﺍﺫﺍ ﺗﺒﻴﻬﺎ ﺧﺬﻫﺎ
ﺍﻟﺸﺎﺏ ﺣﺲ ﺍﻥ ﻓﺎﺗﻦ ﻣﺎﻟﻬﺎ ﻣﺰﺍﺝ ﻟﻠﻤﺰﺡ : ﺍﻧﺘﻲ ﻛﻮﻳﺘﻴﻪ؟
ﻫﺰﺕ ﻓﺎﺗﻦ ﺭﺍﺳﻬﺎ ..
ﻭﻭﻗﻒ ﺍﻻﺥ ﻭﺍﻟﺠﻨﻄﻪ ﻟﻠﺤﻴﻦ ﻓﻲ ﻳﺪﻩ : ﺗﺪﺭﺳﻴﻦ ﻫﻨﻲ؟؟؟
ﺑﻌﺪ ﻫﺰﺕ ﺭﺍﺳﻬﺎ ﻓﺎﺗﻦ ﻭﺍﻫﻲ ﺗﻠﺘﻔﺖ ﺻﻮﺏ ﻣﺴﺎﻋﺪ ﻭﺟﺮﺍﺡ .. ﻭﻳﻨﻬﻢ
ﻫﺬﻳﻼ ﺧﻠﻮﻧﻲ ﺑﺮﻭﺣﻲ ﻭﺭﺍﺣﻮ ...
ﻳﻄﺎﻟﻊ ﺍﻟﺸﺎﺏ ﻭﻳﻦ ﻣﺎ ﺗﺘﻠﻔﺖ ﻓﺎﺗﻦ ﻛﻞ ﺷﻮﻱ : ﺗﺮﻯ ﺍﻟﺪﺭﺍﺳﺔ ﻫﻨﻲ
ﺻﻌﺒﺔ ﻭﺍﻧﺎ ﺍﻧﺼﺤﺞ ﺍﻧﺞ ﺗﺎﻛﻠﻴﻦ ﺍﻟﻜﺘﺐ ﻗﺪ ﻣﺎ ﺗﻘﺪﺭﻳﻦ .. ﻣﻦ ﻳﺪﺭﻱ
ﻳﻤﻜﻦ ﺗﻨﺠﺢ ﺍﻟﺴﺎﻟﻔﺔ ﻭﻳﺎﺝ ..
ﻓﺎﺗﻦ : ﻧﻌﻢ؟؟؟؟؟؟؟
ﺿﺤﻚ ﺍﻟﺸﺎﺏ ﺑﻘﻮﻭﻭ ﻋﻠﻰ ﺍﺳﺘﻐﺮﺍﺏ ﻓﺎﺗﻦ ﻣﻨﻪ .. ﺑﺲ ﺻﺮﺍﺣﺔ ﺍﻟﺤﻖ
ﻳﻨﻘﺎﻝ . ﺍﻟﺒﻨﺖ ﺟﻤﻴﻠﺔ ﺑﺸﻜﻞ ﻳﺴﻴﺢ ﺍﻟﻘﻠﺐ .. ﻣﺎﻫﻲ ﺟﺬﺍﺑﻪ ﻟﻜﻦ ﻓﻴﻬﺎ
ﻫﺪﻭﺀ ﻳﺠﻠﺐ ﺍﻟﻌﻮﺍﺻﻒ ﻓﻲ ﻗﻠﺐ ﺃﻱ ﺭﻳﺎﻝ ..
ﺍﻻ ﻭﻣﺴﺎﻋﺪ ﻳﻠﺘﻔﺖ ﻭﻛﺄﻧﻪ ﺣﺲ ﺍﻥ ﻓﺎﺗﻦ ﺑﺄﺯﻣﺔ .. ﻭﺷﺎﻑ ﻇﻬﺮ ﺍﻟﺮﻳﺎﻝ
ﺍﻟﻮﺍﻗﻒ ﻳﻤﻬﺎ ﻭﺍﻫﻲ ﻗﺎﻋﺪﺓ ﺗﻨﺎﻇﺮﻩ ﺑﺎﻧﺰﻋﺎﺝ ﻭﺻﺎﺭ ﺑﺎﻟﺼﺪﻓﺔ ﺍﻧﻬﺎ
ﺻﺪﺕ ﺻﻮﺏ ﺟﺮﺍﺡ ﻭﻣﺴﺎﻋﺪ ﻭﺷﺎﻓﺖ ﺍﻥ ﻣﺴﺎﻋﺪ ﻳﻄﺎﻟﻌﻬﺎ ﺑﻈﻴﺞ
ﻭﻛﺎﻧﻪ ﻳﺸﻮﻑ ﺍﻟﻠﻲ ﻳﺼﻴﺮ .. ﻭﺳﺤﺐ ﺟﺮﺍﺡ ﻣﻌﺎﻩ ﺑﻌﺪ ﻣﺎ ﻛﻠﻤﻪ
ﻭﺍﻟﺜﺎﻧﻲ ﺍﻟﺘﻔﺖ ﺑﻌﺪ ﻻﺧﺘﻪ ﻭﻇﺎﻕ ﺻﺪﺭﻩ ﻳﻮﻡ ﺷﺎﻑ ﻧﻈﺮﺓ ﺍﻟﻌﺠﺰ
ﻓﻴﻬﺎ .. ﻭﺭﺍﺣﻮ ﻋﻨﺪﻫﺎ ..
ﺍﻟﺸﺎﺏ ﺣﺲ ﺍﻥ ﺍﺣﺪ ﻭﺭﺍﻩ ﻭﺍﻟﺘﻔﺖ ﻭﺍﻟﻀﺤﻜﺔ ﻓﻲ ﻋﻴﻮﻧﻪ ﻭﺯﺍﺩﺕ
ﺍﺗﺴﺎﻋﺘﻬﺎ ﻳﻮﻡ ﺷﺎﻑ ﺍﻟﻠﻲ ﺷﺎﻓﻪ ..
ﺍﻟﺸﺎﺏ : ﻣﺴﺎﻋﺪ؟؟؟؟؟؟؟؟؟؟؟؟
ﻣﺴﺎﻋﺪ ﻭﻫﻮ ﻣﻈﻴﺞ ﻋﻴﻮﻧﻪ ﻭﻛﺄﻧﻪ ﻣﻮ ﻣﺘﻮﻗﻊ ﻫﺎﻟﺸﺨﺺ : ﺯﻳﺎﺩ؟؟؟
ﺯﻳﺎﺩ ﺍﺑﺪ ﻣﺎ ﻋﻄﻞ : ﻣﺴﺎﺍﺍﺍﺍﻋﺪ ... ( ﻭﻫﻮ ﻳﻠﻤﻪ )
ﺟﺮﺍﺡ ﺭﺍﺡ ﻋﻨﺪ ﺍﺧﺘﻪ ﻭﻫﻮ ﻣﺴﺘﻐﺮﺏ ﻣﺜﻠﻬﺎ .. ﻭﻣﺴﺎﻋﺪ ﺍﻟﻠﻲ ﺍﻧﻘﻠﺐ
ﺣﺎﻟﻪ ﻣﻦ ﺍﻟﻈﻴﺞ ﺍﻟﻰ ﺍﻟﻔﺮﺡ .. ﺯﻳﺎﺩ ﻫﺬﺍ ﻛﺎﻥ ﻣﺜﻞ ﺍﻻﺧﻮ ﻟﻤﺴﺎﻋﺪ ﻳﻮﻡ
ﻛﺎﻥ ﺑﺎﻟﻜﻮﻳﺖ .. ﻃﺒﻌﺎ ﺯﻳﺎﺩ ﺍﻫﻮ ﻭﻟﺪ ﺻﺎﺣﺐ ﺍﻟﺸﺮﻛﺔ ﺍﻟﻠﻲ ﻳﺸﺘﻐﻞ
ﻓﻴﻬﺎ ﻭﺣﺒﻪ ﻟﻬﺎﻟﻮﻟﺪ ﻳﻔﻮﻕ ﺍﻟﺘﺼﻮﺭ ﻻﻧﻪ ﻣﺜﺎﻟﻴﺎﺗﻪ ﻓﻲ ﺍﻟﺤﻴﺎﺓ ﺟﻤﻴﻠﺔ
ﺑﺎﻟﻨﺴﺒﺔ ﻟﺸﺎﺏ ﻓﻲ ﻣﺜﻞ ﻋﻤﺮﻩ ...
ﻣﺴﺎﻋﺪ : ﻫﻼ ﻭﺍﻟﻠﻪ ﺑﺰﻳﺎﺩ ﻭﺍﻟﻠﻪ ﺍﻧﻲ ﻣﺎ ﺗﻮﻗﻌﺖ ﺍﺷﻮﻓﻚ ﻫﻨﻲ
ﺯﻳﺎﺩ : ﺣﺘﻰ ﺍﻧﺎ ﺑﻌﺪ ﺑﺲ ﺷﻔﺖ ﺷﻠﻮﻭﻭﻥ ﺍﻧﻚ ﻭﺭﺍﻱ ﻭﺭﺍﻱ ﻭﻳﻦ
ﻣﺎﺭﻭﺡ؟؟
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺑﺲ ﺗﻌﺎﻝ ﻗﻮﻝ ﻟﻲ .. ﺍﻧﺎ ﻣﺎ ﻫﻘﻴﺘﻚ
ﻫﻨﻲ .. ﻋﻠﺒﺎﻟﻲ ﻓﻲ ﺑﺮﻳﺴﺘﻮﻥ؟؟
ﺯﻳﺎﺩ : ﻻﺍﺍﺍﺍﺍﺍ ﺷﺒﻲ ﻓﻲ ﺍﻟﻤﺤﺎﻣﺎﺓ ﻭﺍﻟﻘﺎﻧﻮﻥ .. ﺍﻧﺎ ﺑﺪﺭﺱ ﻫﻨﻲ ﺍﻥ ﺷﺎﺀ
ﺍﻟﻠﻪ ﺍﻟﻌﻠﻮﻡ ﺍﻟﺴﻴﺎﺳﻴﺔ ﻭﺑﺘﺨﺼﺺ ﺍﻻﻗﺘﺼﺎﺩ ..
ﻣﺴﺎﻋﺪ ﻳﺒﺘﺴﻢ ﻭﻳﻨﺎﻇﺮ ﻓﺎﺗﻦ ﺑﻠﺤﻈﻪ : ﺧﻮﺵ ﺍﺧﺘﻴﺎﺭ ﻭﺍﻟﻠﻪ ﺍﻫﻨﺌﻚ
ﻋﻠﻴﻪ ..
ﻓﻲ ﻗﻠﺒﻪ ﻛﺎﻥ ﻳﻮﺟﻪ ﻫﺬﺍ ﺍﻟﻜﻼﻡ ﻟﻔﺎﺗﻦ ﺑﻌﺪ .. ﻭﺍﻣﺒﻴﻦ ﺍﻧﻬﺎ ﻣﺎ ﻓﻬﻤﺖ
ﻋﻠﻴﻪ ﻻﻥ ﻧﻈﺮﺗﻬﺎ ﻋﺎﺩﻳﺔ ﻭﻫﺎﺩﺋﺔ ﻣﻤﺎ ﺧﻠﻰ ﺟﻤﺎﻝ ﻋﻴﻮﻧﻬﺎ ﻳﻜﺘﺴﺢ
ﺑﺸﺮﺗﻬﺎ ﻛﺎﻣﻞ ..
ﻣﺴﺎﻋﺪ : ﻃﻴﺐ ﺍﻋﺮﻓﻚ ﻋﻠﻰ ﺟﺮﺍﺡ ﺍﻟﻴﺎﺳﻲ .. ﻭﺍﺧﺘﻪ .. ﺍﻟﻠﻲ ﺍﻫﻲ
ﺧﻄﻴﺒﺘﻲ .. ﻓﺎﺗﻦ .. ﺍﻫﻲ ﺑﺘﺪﺭﺱ ﺑﻌﺪ ﻫﻨﻲ !!
ﺍﻟﺘﻔﺖ ﺯﻳﺎﺩ ﺑﺨﻴﺒﺔ ﺍﻣﻞ ﻭﺍﺿﺤﺔ ﻟﻮﻳﻪ ﻓﺎﺗﻦ ﻭﺍﻫﻮ ﻳﺒﺘﺴﻢ ﺑﺼﺪﻣﺔ :
ﺧﻄﻴﺒﺘﻚ؟؟؟ ( ﺑﺪﻫﺸﺔ ﻳﻨﺎﻇﺮ ﻣﺴﺎﻋﺪ ) ﺗﺰﻭﺟﺖ ﻣﺴﺎﻋﺪ؟؟؟
ﻣﺴﺎﻋﺪ ﺣﺲ ﺍﻥ ﺍﻟﻮﺿﻊ ﺣﺴﺎﺱ ﺧﺼﻮﺻﺎ ﻭﺍﻥ ﺯﻳﺎﺩ ﻳﻌﺮﻑ ﻋﻦ
ﻋﻼﻗﺘﻪ ﺑﻌﺎﻟﻴﺔ ﻭﺣﺲ ﺍﻧﻪ ﺑﻴﺘﻮﺭﻁ ﻟﻮ ﺗﻜﻠﻢ ﺯﻳﺎﺩ ﺍﻛﺜﺮ ..
ﺯﻳﺎﺩ ﻭﻋﻴﻮﻧﻪ ﻣﺘﻮﺳﻌﺔ : ﻣﻦ ﺍﻫﻞ ﻋﺒﺪﺍﻟﻠﻪ ﺍﻟﻴﺎﺳﻲ ﻳﻌﻨﻲ؟
ﻣﺴﺎﻋﺪ ﺑﺴﺮﻋﺔ : ﻋﻴﺎﻝ ﻋﺒﺪ ﺍﻟﻠﻪ ﺍﻟﻴﺎﺳﻲ .. ﺍﻟﻠﻪ ﻳﺮﺣﻤﻪ ..
ﺍﻧﺼﺪﻡ ﺯﻳﺎﺩ ﺍﻛﺜﺮ : ﺗﻮﻓﻰ؟؟؟؟ ﻣﺘﻰ؟؟؟؟
ﺟﺮﺍﺡ ﺑﺤﺰﻥ : ﻗﺒﻞ 3 ﺷﻬﻮﺭ ﻭﺷﻲ ..
ﺯﻳﺎﺩ ﺑﺼﺪﻕ : ﺍﻟﺒﻘﻴﺔ ﻓﻲ ﺣﻴﺎﺗﻜﻢ ﻭﺍﻟﻠﻪ ... ﺍﻧﺼﺪﻣﺖ ﺻﺮﺍﺣﺔ ..
ﻣﺴﺎﻋﺪ ﻳﺒﺘﺴﻢ : ﻻ ﻣﺎ ﻋﻠﻴﻚ ﺷﺮ .. ﺍﻻﻋﻤﺎﺭ ﺑﻴﺪ ﺍﻟﻠﻪ ﻭﺍﻟﻤﻮﺕ ﺣﻖ ...
ﺯﻳﺎﺩ : ﻭﻧﻌﻢ ﺑﺎﻟﻠﻪ .. ( ﻳﻠﺘﻔﺖ ﻣﺮﺓ ﺛﺎﻧﻴﺔ ﻟﺠﺮﺍﺡ ) ﺍﻟﺒﻘﻴﺔ ﻓﻲ ﺣﻴﺎﺗﻚ
... (ﻟﻔﺎﺗﻦ ) ﺍﻟﺒﻘﻴﺔ ﻓﻲ ﺣﻴﺎﺗﺞ .. ﺍﺧﺘﻲ ..
ﻓﺎﺗﻦ ﺑﺼﻮﺕ ﺣﺰﻳﻦ ﺑﻌﺾ ﺍﻟﺸﻲ : ﺣﻴﺎﺗﻚ ﺍﻟﺒﺎﻗﻴﺔ ...
ﺟﺮﺍﺡ ﺑﺴﻠﻮﻛﻪ ﺍﻟﻲ ﺻﺎﺭ ﻣﻌﺘﺎﺩ ﻓﻲ ﺍﻧﻪ ﻳﺒﻌﺪ ﺍﻟﻬﻢ ﻋﻦ ﺍﺧﺘﻪ ﺗﻜﻠﻢ :
ﺗﺮﻯ ﺣﺘﻰ ﻓﺎﺗﻦ ﺗﺪﺭﺱ ﻋﻠﻮﻡ ﺳﻴﺎﺳﻴﻪ ﺗﺨﺼﺺ ﻋﻠﻢ ﺍﺟﺘﻤﺎﺍﻉ ..
ﻓﺮﺡ ﻣﺴﺎﻋﺪ ﻻﻥ ﺟﺮﺍﺡ ﻻ ﺍﺭﺍﺩﻳﺎ ﻭﻣﻦ ﻏﻴﺮ ﻣﻌﺮﻓﺔ ﻏﻴﺮ ﺍﻟﻤﻮﺿﻮﻉ
ﺯﻳﺎﺩ : ﺍﻭﻭﻭﻩ .. ﺗﺮﺍﻧﺎ ﺭﺑﻊ .. ﺧﻼﺹ ﻋﻴﻞ ﺍﻧﺎ ﺳﻨﺔ ﺛﺎﻧﻴﺔ ﺍﻟﺤﻴﻦ ﻭﺍﻱ
ﺩﻛﺘﻮﺭ ﺑﺘﺴﺠﻠﻴﻨﻪ ﻗﻮﻟﻴﻠﻲ ﻋﻨﻪ ﻭﺍﻧﺎ ﺍﻭﺭﻳﺞ ﻓﻴﻪ ..
ﻣﺴﺎﻋﺪ : ﺑﺎﻟﺤﺰﺍﻡ
ﺯﻳﺎﺩ ﻭﻫﻮ ﻳﻔﺞ ﻋﻴﻮﻧﻪ ﺍﻟﺨﻀﺮﺍ ﺑﻮﺳﻊ : ﺍﻻ ﺑﺎﻟﻌﻘﺎﻝ ﻭﺍﻧﺎ ﺍﺧﻮﻙ
ﺿﺤﻚ ﺟﺮﺍﺡ ﻭﻣﺴﺎﻋﺪ ﻭﻓﺎﺗﻦ ﺍﻟﻠﻲ ﻣﺎﻫﺰﻫﺎ ﺍﻟﻤﻮﻗﻒ ﺗﻤﺖ ﺳﺎﻛﺘﺔ
ﻭﺍﻫﻲ ﻣﻨﺰﻟﻪ ﺭﺍﺳﻬﺎ ﻭﻋﻠﻰ ﻃﻮﻝ ﺍﻧﺘﺒﻬﺖ ﺍﻟﻰ ﻣﺴﺎﻋﺪ ﻳﻮﻡ ﺿﺤﻚ ..
ﻭﻻﺣﻈﺖ .. ﺍﻧﻪ ﻛﻞ ﻣﺎ ﺿﺤﻚ ﻳﺤﻂ ﻳﺪﻩ ﻋﻠﻰ ﺣﻠﺠﻪ ﻭﻛﺎﻧﻪ ﻳﺨﺒﻲ
ﺿﺤﻜﺘﻪ .. ﺷﻬﺎﻟﻌﺎﺩﺓ ..
ﺯﻳﺎﺩ ﺑﻌﺪ ﺍﻟﻀﺤﻚ : ﺯﻳﻦ ﺍﻧﺎ ﺑﺨﻠﻴﻜﻢ ﺑﺲ ﻻﺯﻡ ﺗﻌﻄﻴﻨﻲ ﺭﻗﻤﻚ ﻫﻨﻲ
ﻋﺸﺎﻥ ﺍﺗﺼﻞ ..
ﻣﺴﺎﻋﺪ : ﺍﻓﺎ ﻋﻠﻴﻚ ﺑﺲ ﻻ ﺗﺘﺼﻞ ﺍﻻ ﻣﺮﺓ ﻭﺣﺪﺓ
ﺯﻳﺎﺩ : ﻓﻲ ﺍﻟﻴﻮﻡ؟
ﻣﺴﺎﻋﺪ : ﻓﻲ ﺍﻷﺳﺒﻮﻉ ﻳﺎ ﺍﺧﻲ ﻣﺎﻓﻴﻨﻲ ﻋﻠﻴﻚ ﻭﻋﻠﻰ ﺳﻮﺍﻟﻔﻴﻚ ..
ﺯﻳﺎﺩ : ﺍﻓﺎ ﺑﻴﻨﺎ ﻋﻴﺶ ﻭﻣﻠﺢ ﻳﺎﻟﻬﺮﻡ ..
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺟﺮﺍﺡ : ﺣﻴﺎﻙ ﺍﻟﻠﻪ ﺑﺎﻱ ﻭﻗﺖ ﻳﺎ ﺯﻳﺎﺩ
ﺯﻳﺎﺩ : ﺍﻟﻠﻪ ﻳﺤﻴﻜﻢ .. ( ﻳﻠﺘﻔﺖ ﻋﻠﻰ ﻭﺍﺣﺪ ﺍﺳﻮﺩ ﻳﺎﺷﺮ ﻟﻪ ﻋﺸﺎﻥ ﺍﻳﻲ )
ﺯﻳﻦ ﺍﻧﺎ ﺑﺨﻠﻴﻜﻢ ﻻﻥ ﺧﻮﻳﺎﻱ ﺑﺬﺑﺤﻮﻧﻲ ﻳﺎﻳﻴﻦ ﻋﺸﺎﻥ ﺍﻟﺘﺴﺠﻴﻞ ﻭﺍﻧﺎ
ﻳﺎﺯﻋﻢ ﺭﺍﻳﺢ ﺍﻳﻴﺐ ﻟﻬﻢ ﺍﻻﻭﺭﺍﻕ ﺍﻟﺘﺴﺠﻴﻞ ﻫﻬﻬﻬﻬﻬﻬﻬﻬﻬﻬﻬﻪ
ﻣﺴﺎﻋﺪ : ﻳﺎﻟﻠﻪ ﻋﻴﻞ ﺗﺤﻤﻞ ﻓﻲ ﺭﻭﺣﻚ ﻭﺧﻠﻨﺎ ﻧﺸﻮﻓﻚ ..
ﺑﻄﻮﻝ ﻫﺬﺍﻙ ﺍﻟﻮﻗﺖ ﺯﻳﺎﺩ ﻳﺘﺠﻨﺐ ﺍﻟﻨﻈﺮ ﻟﻔﺎﺗﻦ .. ﺑﺲ ﻳﻮﻡ ﺿﺤﻜﻮ
ﻻﺣﻆ ﺍﻧﻬﺎ ﻣﺎ ﺗﺤﺮﻛﺖ ﻓﻴﻬﺎ ﻭﻻ ﻋﻀﻠﻪ ﻭﻻ ﻣﻠﻤﺢ .. ﺗﻤﺖ ﺟﺎﻣﺪﺓ ﻣﺜﻠﻬﺎ
ﻣﺜﻞ ﺗﻤﺜﺎﻝ ﺍﻟﺤﺮﻳﺔ .. ﻭﻗﺒﻞ ﻻ ﻳﺮﻭﺡ ﻋﻨﻬﻢ ﺍﻟﺘﻔﺖ ﻟﻬﺎ ..
ﺯﻳﺎﺩ : ﺍﻧﺎ ﺍﺳﻒ ﻣﺎ ﻛﺎﻥ ﻗﺼﺪﻱ ﺍﻫﺬﻱ ﻋﻠﻴﺞ ﺑﺲ ﺳﺄﻟﻲ ﻋﻨﻲ ﻋﻨﺪ
ﺧﻄﻴﺒﺞ ﻭﺑﻴﻘﻮﻝ ﻟﺞ .. ﺍﻧﺎ ﻣﻦ ﺍﺻﻴﺪ ﺍﺣﺪ ﻣﺎﻓﻜﻪ ﺍﺷﺤﻨﻪ
ﻓﺎﺗﻦ ﺑﺎﺑﺘﺴﺎﻣﺔ ﻣﺰﻳﻔﺔ : ﻻ ﻋﺎﺩﻱ ..
ﺯﻳﺎﺩ : ﻳﺎﻟﻠﻪ ﻋﻴﻞ .. ﺍﺧﻠﻴﻜﻢ ﺍﻧﺎ ﺍﻟﺤﻴﻦ ... ﺑﺎﻱ ..
ﻣﺴﺎﻋﺪ : ﺗﺤﻤﻞ ﻓﻲ ﺭﻭﺣﻚ
ﺯﻳﺎﺩ ﻭﺍﻫﻮ ﻭﺍﻗﻒ ﺑﻌﻴﺪ ﻭﻳﻬﺰ ﺭﺍﺳﻪ ﺑﻄﺮﻳﻘﺔ ﻛﻮﻣﻴﺪﻳﺔ : ﺍﻥ ﺷﺎﺀ ﺍﻟﻠﻪ
ﻣﺎﻣﺎ .. ﻣﻊ ﺍﻟﺴﻼﻣﺔ
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ ﺍﻟﻠﻪ ﻳﺴﻠﻤﻚ ..
ﺟﺮﺍﺡ ﻭﻫﻮ ﻳﺒﺘﺴﻢ : ﺷﺨﺼﻴﺔ ﻫﻮﺍﻳﺔ ..
ﻣﺴﺎﻋﺪ : ﻣﺎ ﺷﻔﺖ ﺷﻲ ﻭﺍﻟﻠﻪ ... ﺯﻳﻦ .. ﺍﻟﺤﻴﻦ ﺍﺣﻨﺎ ﺧﻠﺼﻨﺎ .. ﺗﺒﻮﻥ
ﻧﺮﻭﺡ ﻧﺘﻐﺪﻯ ﻭﻻ ﻧﺮﺩ ﺍﻟﺒﻴﺖ
ﻓﺎﺗﻦ ﻣﺎ ﺧﻠﺖ ﺍﺣﺪ ﻳﺘﻨﻔﺲ : ﺍﻟﺒﻴﺖ ..
ﻭﻣﺸﺖ ﺟﺪﺍﻣﻬﻢ ﻭﻛﺄﻧﻬﺎ ﻣﻮ ﻣﺴﺘﻌﺪﺓ ﻻﻱ ﻧﻮﻉ ﻣﻦ ﺍﻟﻨﻘﺎﺷﺎﺕ ...
ﻭﺍﻧﺼﺪﻡ ﺟﺮﺍﺡ ﻣﻦ ﺣﺮﻛﺘﻬﺎ ﻟﻜﻦ ﻣﺴﺎﻋﺪ ﺗﻌﻮﺩ ﻋﻠﻴﻬﺎ .. ﺍﻟﺘﻔﺖ ﺟﺮﺍﺡ
ﺑﻨﻈﺮﺍﺕ ﺍﻋﺘﺬﺍﺭ ﻟﻤﺴﺎﻋﺪ ﻟﻜﻦ ﺍﺑﺘﺴﺎﻣﺔ ﻣﺴﺎﻋﺪ ﺍﻟﻤﺘﻔﻬﻤﺔ ﺧﻠﺘﻪ ﺳﺎﻛﺖ
ﻭﻣﺸﻮﻭﻭ ﻣﻦ ﺍﻟﻤﺤﻞ ﺍﻟﻠﻲ ﻛﺎﻧﻮ ﻓﻴﻪ ﻭﻫﻢ ﺯﻋﻼﻧﻴﻦ ﻟﻜﻦ ﻣﺘﻈﺎﻫﺮﻳﻦ
ﺑﺎﻟﺮﺍﺣﺔ .. ﺟﺮﺍﺡ ﻻﺯﻡ ﻳﻜﻠﻢ ﺍﺧﺘﻪ ﻭﻳﺸﻮﻑ ﻟﻪ ﺣﻞ ﻣﻌﺎﻫﺎ .. ﻭﻣﺴﺎﻋﺪ
ﻻﺯﻡ ﻳﺼﺒﺮ ﺍﻛﺜﺮ .. ﺍﻟﻌﻴﻠﺔ ﻣﺎ ﺗﻴﻴﺐ ﺍﻻ ﺍﻟﻨﺪﺍﻣﺔ ...
ﻟﻜﻦ ﻓﺎﺗﻦ ﺍﻟﻠﻲ ﻣﺸﺖ ﻭﺳﻮﺕ ﺭﻭﺣﻬﺎ ﻋﻨﺘﺮ ﻛﻠﻬﺎ ﺍﻻ ﻋﺸﺮ ﺧﻄﻮﺍﺕ
ﻭﻭﻗﻔﺖ ﻣﻜﺎﻧﻬﺎ ﻭﺳﻂ ﺍﻟﺰﺣﻤﺔ ﻭﺍﻫﻲ ﺗﺪﻭﺭ ﺟﺮﺍﺡ ﺍﻭ ﻣﺴﺎﻋﺪ .. ﻏﺒﺎﺋﻬﺎ
ﺍﻟﻠﻲ ﻣﺎ ﺗﺪﺭﻱ ﻣﻦ ﻭﻳﻦ ﻳﻨﺒﻊ ﻓﻴﻬﺎ ﺑﻬﺎﻻﻳﺎﻡ ﻭﺻﻠﻬﺎ ﺍﻟﻰ ﻫﺎﻟﻤﻮﻗﻒ ..
ﺍﻟﺤﻴﻦ ﺷﻠﻮﻥ ﺑﺘﻼﻗﻴﻬﻢ .. ﻭﺗﻤﺖ ﻋﺎﻃﻴﻪ ﻇﻬﺮﻫﺎ ﻟﻠﻤﻜﺎﻥ ﺍﻟﻠﻲ ﻛﺎﻧﺖ
ﻓﻴﻪ ﺗﻨﺘﻈﺮ ﺍﺣﺪ ﺍﻳﻴﻬﺎ ﺗﻔﺎﺟﺄﺕ ﻳﻮﻡ ﺣﺴﺖ ﺑﺎﻟﻴﺪ ﺍﻟﻠﻲ ﻣﺴﻜﺖ ﻛﻮﻋﻬﺎ
ﺑﺨﻔﺔ ﻭﺳﺤﺒﺘﻬﺎ ﻭﺭﻯ ﺟﺜﺔ ﻣﺎ ﻟﺒﺜﺖ ﺍﻻ ﻭﻋﺮﻓﺖ ﻟﻤﻦ ﺗﻜﻮﻥ .. ﻣﺴﺎﻋﺪ
..
ﻣﺎ ﻃﺎﻟﻌﻬﺎ ﻭﻻ ﻧﺎﻇﺮﻫﺎ ﻭﻻ ﺍﻫﺘﻢ ﻟﺮﺩﺓ ﻓﻌﻠﻬﺎ ﻟﻜﻦ ﺍﻟﻘﻬﺮ ﺍﻟﻠﻲ ﻳﺎﻩ ﻣﻦ
ﻣﻮﻗﻔﻬﺎ ﺍﻫﻮ ﺍﻟﻠﻲ ﺧﻼﻩ ﻳﺴﻮﻱ ﺍﻟﻠﻲ ﺳﻮﺍﻩ .. ﻟﻜﻦ ﺍﻧﺼﻴﺎﻋﻬﺎ ﻟﻪ ﻛﺎﻥ
ﻣﺮﻳﺢ .. ﻭﻫﺪﻭﺋﻬﺎ ﺍﺭﻳﺢ .. ﻭﺑﻬﺬﺍ ﺍﻟﺸﻲ ﺗﺤﺮﻛﻮ ﻣﻦ ﻣﻜﺎﻧﻬﻢ ﻭﺟﺮﺍﺡ
ﻳﻤﺸﻲ ﻭﺭﺍﻫﻢ ﻭﻫﻮ ﻋﺎﺭﻑ .. ﺍﻥ ﺍﻟﺘﻮﺗﺮ ﺑﻴﻦ ﻣﺴﺎﻋﺪ ﻭﻓﺎﺗﻦ ﻛﺒﻴﺮ ..
ﻭﻳﻤﻜﻦ ﻳﺮﺟﻊ ﻟﻜﻮﻧﻬﻢ ﻣﺎ ﻳﻌﺮﻓﻮﻥ ﺑﻌﺾ .. ﻭﺑﻬﺬﻱ ﺍﻟﻠﺤﻈﺔ ﺗﺬﻛﺮ ﻳﻮﻡ
ﻓﺎﺗﻦ ﻭﻗﻔﺖ ﻓﻲ ﺩﻳﻮﺍﻧﻴﺔ ﺑﻴﺘﻬﻢ ﻭﺍﻫﻲ ﺗﺘﻬﻤﻪ ﺑﺎﻟﺠﺬﺏ ﻭﺍﻟﺘﻠﻔﻴﻖ .. ﻳﺎ
ﺗﺮﻯ ﻓﺎﺗﻦ ﺷﺎﻳﻔﺔ ﺷﻲ ﻋﻠﻰ ﻣﺴﺎﻋﺪ ﻳﺨﻠﻴﻬﺎ ﺗﻌﺎﻣﻠﻪ ﺑﻬﺎﻟﻄﺮﻳﻘﺔ
ﺍﻟﺠﺎﻓﺔ؟؟ ﻭﺍﻻ ﻫﺎﻟﺘﺼﺮﻓﺎﺕ ﻣﻮ ﻣﻦ ﺷﻤﺎﻳﻞ ﻓﺎﺗﻦ ...
================
ﻣﺮﻳﻢ ﺍﻟﻤﺴﻜﻴﻨﺔ ﺗﺨﻤﺮﺕ ﻋﻨﺪ ﺍﻟﺘﻠﻔﻮﻥ ﻭﻻ ﺍﺣﺪ ﺍﺗﺼﻞ .. ﺣﺘﻰ ﺍﻧﻬﺎ
ﺑﺎﻟﻴﻮﻡ ﺍﻟﺜﺎﻧﻲ ﺭﺍﺣﺖ ﺍﻟﺠﺎﻣﻌﺔ ﻭﺍﻫﻲ ﻣﻘﻬﻮﻭﻭﻭﺭﺓ ﻋﻠﻰ ﺣﺮﻛﺔ
ﺍﺧﻮﻫﺎ .. ﻳﻮﻋﺪ ﻭﻻ ﻳﺘﺼﻞ .. ﻭﻓﺘﻮﻥ ﺍﻟﺜﺎﻧﻴﺔ .. ﻳﺎ ﻭﻳﻠﻬﺎ ﻣﻨﻬﺎ ﺍﻥ
ﺍﺗﺼﻠﻮﻭﻭ ﻻ ﺗﺸﺮﺷﺤﻬﻢ ﻭﺗﻮﺻﻞ ﺻﻮﺗﻬﺎ ﻟﻠﻜﻮﻧﻐﺮﺱ ﺍﻻﻣﻴﺮﻛﻲ ..
ﻳﻮﻡ ﻭﺻﻠﺖ ﺍﻟﺠﺎﻣﻌﺔ ﻋﻠﻰ ﻃﻮﻝ ﻳﺎﻫﺎ ﺍﺗﺼﺎﻝ ﻣﻦ ﺳﻤﻴﺔ .. ﺍﻫﻲ
ﻣﺴﻤﻴﺘﻬﺎ ﻓﻲ ﺍﻟﺘﻠﻔﻮﻥ ﻗﺮﻗﺎﺍﺍ .. ﻭﺣﺎﺳﺖ ﺑﺜﻤﻬﺎ ﻳﻤﻴﻦ ﻭﻳﺴﺎﺭ ﻳﻮﻡ
ﺷﺎﻓﺖ ﺍﻻﺳﻢ ..
ﻣﺮﻳﻢ ﻭﻫﻲ ﺗﻐﻴﺮ ﻣﻦ ﺻﻮﺗﻬﺎ : ﻫﻼ ﺳﻤﻮﻱ ..
ﺳﻤﻴﺔ : ﻭﻳﻨﺞ ﻣﺮﻳﻮﻡ ﻓﻲ ﺍﻟﺠﺎﻣﻌﺔ؟
ﻣﺮﻳﻢ : ﻻ ﻭﺍﻟﻠﻪ ﺍﺗﺴﻮﻕ .. ﺍﻛﻴﺪ ﻓﻲ ﺍﻟﺠﺎﻣﻌﺔ ﺑﻌﺪ ﺍﻛﻮ ﺍﺣﺪ ﺍﻳﻲ ﻏﻴﺮﻱ
ﺍﻧﺎ ﺍﻟﻤﻘﺮﻭﺩﺓ ﺑﻬﺎﻟﺤﺰﺓ؟
ﺳﻤﻴﺔ : ﻟﻴﺶ ﻋﻨﺪﺝ ﻣﺤﺎﻇﺮﺍﺕ ﻣﻦ ﻭﻗﺖ؟؟
ﻣﺮﻳﻢ : ﻻ ﺑﺲ ﻳﺎﻳﻪ ﻭﻳﺎ ﺍﺑﻮﻱ ﻧﻔﺲ ﺍﻟﺪﺭﺏ .. ﻟﺆﻱ ﻣﻮ ﻓﺎﻳﺞ ﻟﻲ
ﺍﻳﻴﺒﻨﻲ ﻭﺍﻳﻮﺩﻳﻨﻲ .. ﺍﺍﺍﺍﺥ ﻋﻠﻰ ﻣﺴﺎﻋﺪ ﺑﺲ ..
ﺳﻤﻴﺔ : ﻳﺎﺣﻴﻪ ﻣﺴﺎﻋﺪ ﺍﻟﺤﻴﻦ ﺗﺸﻮﻓﻴﻨﻪ ﻫﻮﺍﻳﻪ ﻭﻳﺎ ﻓﺘﻮﻥ ﻭﻻ ﻳﺪﺭﻱ
ﻋﻨﺞ ﻭﻻ ﻋﻦ ﻫﻮﺍ ﺩﺍﺭﺝ
ﻣﺮﻳﻢ ﻭﺍﻫﻲ ﻣﺴﺘﻐﺮﺑﺔ؟؟ ﺳﻤﻴﺔ ﻣﺎ ﺗﻌﺮﻑ ﺍﻥ ﻓﺎﺗﻦ ﺗﺤﺐ ﻣﺸﻌﻞ؟؟؟
ﻓﺎﺗﻦ ﻛﺎﻧﺖ ﺗﻌﺒﺮ ﻋﻦ ﺍﻋﺠﺎﺑﻬﺎ ﺑﻪ .. ﻟﻜﻦ ... ﻳﻤﻜﻦ ﻫﺬﺍ ﺍﻟﺸﻲ ﻋﺎﺩﻱ
ﺑﺎﻟﻨﺴﺒﺔ ﻟﺴﻤﻴﺔ !!
ﻣﺮﻳﻢ : ﺍﻳﻪ .. ﺍﻛﻴﺪ ﻫﺬﺍ ﻫﻮ ﺍﻟﺴﺒﺐ ..
ﺳﻤﻴﺔ : ﺍﻧﺰﻳﻦ ﺍﻧﺎ ﺍﻟﺴﺎﻋﺔ ﺗﺴﻌﺔ ﺑﻜﻮﻥ ﻣﻮﺟﻮﺩﺓ ﻭﻳﻦ ﺍﻻﻗﻴﺞ ..
ﻣﺮﻳﻢ : ﺑﻜﻮﻥ ﻋﻨﺪ ﺍﻟﻜﻮﻓﻲ ﺷﻮﺏ .. ﺳﻤﻌﻴﻨﻲ ﻣﺎﺑﻲ ﺍﺭﻭﺡ ﻫﺬﻳﺞ
ﺍﻟﻜﺎﻓﺘﻴﺮﻳﺎ .. ﻛﻠﻪ ﻣﺼﺒﻦ ﻭﺧﺮﺍﺑﻴﻂ ..
ﺳﻤﻴﺔ : ﺍﻥ ﺷﺎﺀ ﺍﻟﻠﻪ ﻋﻤﺘﻲ ﺟﻢ ﻣﺮﻳﻢ ﻋﻨﺪﻧﺎ
ﻣﺮﻳﻢ ﻭﺣﺎﺟﺐ ﻣﺮﻓﻮﻉ : ﻭﺣﺪﺓ ﻭﺗﺴﺪﺝ
ﺳﻤﻴﺔ : ﻫﻬﻬﻬﻬﻬﻬﻬﻬﻬﻪ ﻳﺎﻟﻠﻪ ﻋﻴﻞ ﺍﺧﻠﻴﺞ ..
ﻣﺮﻳﻢ : ﻓﻲ ﺍﻣﺎﻥ ﺍﻟﻠﻪ ..
ﺳﻜﺮﺕ ﻣﺮﻳﻢ ﺍﻟﺘﻠﻔﻮﻥ ﻭﺭﺍﺣﺖ ﺗﺘﻤﺸﻰ .. ﻛﻠﻴﻪ ﺍﻟﺘﺠﺎﺭﺓ ﺍﺑﺪﺍ ﻣﺎ
ﺗﻔﻀﻰ .. ﻻ ﺻﺒﺢ ﻭﻻ ﻋﺼﺮ ﻭﻻ ﻣﺴﻰ .. ﻣﺘﺮﻭﻭﻭﺳﺔ ﺍﻭﺍﺩﻡ .. ﺣﺸﻰ
ﻳﻨﺒﻌﻮﻥ ﻣﻦ ﺍﻻﺭﺽ .. ﻟﻘﺖ ﻟﻬﺎ ﻣﻜﺎﻥ ﻋﻨﺪ ﺯﺍﻭﻳﺔ ﻭﺭﺍﺣﺖ ﺗﻘﻌﺪ ﻋﻠﻴﻪ
ﺗﻨﺘﻈﺮ ﻣﺤﺎﻇﺮﺓ ﺍﻟﺴﺎﻋﺔ 10 ﺍﻟﻠﻲ ﻣﺎ ﺗﺪﺭﻱ ﻣﺘﻰ ﺑﺘﺒﺪﻯ .. ﻋﻠﻰ ﺍﻻﻗﻞ
ﺑﺘﻴﻲ ﺳﻤﻴﺔ ﻭﺗﻮﻧﺴﻬﺎ ... ﺍﻟﻠﻪ ﻟﻮ ﻓﺘﻮﻥ ﺑﺲ ﻭﻳﺎﻫﺎ ﻓﻲ ﺍﻟﻜﻠﻴﻪ ..
ﺍﻭﻭﻭﻭﻭﻭﻭﻭﻭﻑ ﺟﺎﻥ ﺍﻟﺴﺎﻟﻔﺔ ﺗﻜﻮﻥ ﻏﻴﺮ ﺑﺎﻟﻤﺮﺓ .. ﺑﺲ ﻳﺎﻟﻠﻪ .. ﻫﺬﺍ
ﺍﻟﻘﺪﺭ ﻭﻻﺯﻡ ﺗﻤﺸﻲ ﻣﻌﺎﻩ ﻭﺍﻻ ﻣﺎ ﺑﺘﻘﺪﺭ ﺗﻤﺸﻲ ..
ﺍﻻ ﻭﺑﻨﺖ ﻏﺮﻳﺒﺔ ﺗﻤﺸﻲ ﺻﻮﺑﻬﺎ ﺑﺎﺑﺘﺴﺎﻣﺔ .. ﺍﺳﺘﻐﺮﺑﺖ ﻣﺮﻳﻢ ﻣﻨﻬﺎ ..
ﺍﻟﺒﻨﺖ : ﺍﻟﺴﻼﻡ ﻋﻠﻴﻜﻢ
ﻣﺮﻳﻢ : ﻭﻋﻠﻴﻜﻢ ﺍﻟﺴﻼﻡ ﻳﺎ ﻫﻼ
ﺍﻟﺒﻨﺖ : ﻫﻼ ﻓﻴﺞ ﺣﺒﻮﺑﺔ .. ﻣﺴﺘﺠﺪﺓ؟
ﻣﺮﻳﻢ ﺑﺨﺎﻃﺮﻫﺎ – ﻣﻜﺘﻮﺏ ﻋﻠﻰ ﺟﺒﻴﻨﻲ :- ﺃﻱ ﻧﻌﻢ ..
ﺍﻟﺒﻨﺖ : ﻳﻨﻌﻢ ﺑﺤﺎﻟﺞ .. ﺷﻮﻓﻲ ﻫﺬﺍﻙ ﺍﻟﻠﻲ ﻭﺍﻗﻒ ( ﻭﺗﺎﺷﺮ ﺍﻟﺒﻨﺖ ﺻﻮﺏ
ﻭﺍﺣﺪ ﺍﻳﻘﻄﻊ ﺍﻟﻘﻠﺐ ﻣﻦ ﺣﻼﺗﻪ )؟؟
ﻣﺮﻳﻢ ﺍﻟﻐﺒﻴﺔ ﻃﺎﻟﺖ ﻭﻳﻦ ﻣﺎ ﺍﻟﺒﻨﺖ ﺗﺎﺷﺮ ﺑﻜﻞ ﺑﻼﻫﺔ ﻟﻴﻤﻦ ﺷﺎﻓﺖ
ﻭﺍﺣﺪ ﻳﻄﻴﺢ ﺍﻟﻄﻴﺮ ﻣﻦ ﺍﻟﺴﻤﺎ ﻣﻦ ﺟﻤﺎﻟﻪ .. ﻭﺑﺴﺮﻋﺔ ﺭﺩﺕ ﻋﻴﻮﻧﻬﺎ
ﻟﻠﺒﻨﺖ : ﺷﻔﻴﻪ؟؟
ﺍﻟﺒﻨﺖ ﺑﺤﺎﺟﺐ ﻣﺮﻓﻮﻉ : ﻣﻮﺻﻞ ﻟﺞ ﺳﻼﻡ .. ﻭﻫﺬﻱ ﺍﻟﻮﺭﻗﺔ ...
ﻣﺪﺕ ﺍﻟﺒﻨﻴﻪ ﺍﻟﻮﺭﻗﺔ ﻭﻣﺮﻳﻢ ﺍﻟﻠﻲ ﺳﺬﺍﺟﺘﻬﺎ ﺍﻭ ﻳﻤﻜﻦ ﺻﺪﻣﺘﻬﺎ ﺧﻠﺘﻬﺎ
ﺗﺴﺘﺠﻴﺐ ﻻﻱ ﺷﻲ ﻣﻦ ﻏﻴﺮ ﺃﻱ ﺣﺴﻴﺔ .. ﻭﺧﺬﺕ ﺍﻟﻮﺭﻗﺔ ﻭﺭﺍﺣﺖ
ﺍﻟﺒﻨﺖ ﻋﻨﻬﺎ ﺑﺎﺑﺘﺴﺎﻣﺔ ..
ﻣﺮﻳﻢ ﻋﻴﻮﻧﻪ ﻛﺎﻧﺖ ﻣﻔﺘﻮﺣﺔ ﺑﻄﺮﻳﻘﺔ ﺗﺨﻠﻲ ﺍﻟﻮﺍﺣﺪ ﻳﻀﺤﻚ ﻋﻠﻴﻬﺎ ﻣﻦ
ﺷﺪﺓ ﺍﻟﺼﺪﻣﺔ .. ﻭﺍﺳﺘﻐﺮﺑﺖ ﺍﻟﻤﻮﺍﻗﻒ ﺍﻟﻠﻲ ﺻﺎﺭ ﻭﻳﺎﻫﺎ ﻟﻠﺘﻮ ﻭﻓﺘﺤﺖ
ﺍﻟﻮﺭﻗﺔ ﻭﻗﻌﺪﺕ ﺗﻘﺮﻯ ﺷﻨﻮ ﺍﻟﻤﻜﺘﻮﺏ ﻓﻴﻬﺎ ....
ﻫﺬﺍ ﺍﻟﻠﻮﻥ ﻋﻠﻴﻚ ﻳﺠﻨﻦ ﻳﺸﺒﻪ ﻟﻮﻥ ﻋﻴﻮﻧﻚ ... ﻧﻈﺮﺍﺕ ﺍﻟﻌﺎﻟﻢ ﻣﺎ ﺗﻄﻤﻦ
ﺍﺣﺬﺭ ﻻ ﻳﺤﺴﺪﻭﻧﻚ
ﻳﺴﻠﻢ ﻫﺎﻟﻄﻮﻝ ﻭﻫﺎﻟﻨﻈﺮﺓ ﻭﻫﺎﻟﺠﺴﻢ ﺍﻟﻤﺘﻨﺎﺳﻖ (ﻭﻟﻊ ﻭﻳﻪ ﻣﺮﻳﻢ ) ..
ﺍﻛﺜﺮﻫﻢ ﻣﻌﺠﺐ ﺑﺎﻟﻤﺮﺓ ﻭﺑﻴﻨﻲ ﻭﺑﻴﻨﻬﻢ ﻓﺎﺭﻕ
ﺍﻭﻟﻬﻢ ﺍﺗﻘﺪﻡ ﻭﺍﻋﺮﻑ ﺍﻭﻟﻬﻢ ﻣﺠﻨﻮﻧﻚ
ﻳﺎ ﺭﺑﻲ .. ﺷﻬﺎﻟﻮﻗﺎﺣﺔ ... ﺷﻬﺎﻻﺧﻼﻕ ﺍﻟﻤﻨﺤﻄﺔ .؟؟؟ ﻳﺎ ﻭﻳﻞ ﻋﻤﺮﻱ ..
ﻭﺷﺎﻟﺖ ﻣﺮﻳﻢ ﺍﻏﺮﺍﺿﻬﺎ ﺑﺴﺮﻋﺔ ﻭﺍﻟﻮﺭﻗﺔ ﺍﻟﻠﻲ ﻃﺎﺣﺖ ﻓﻲ ﺣﻈﻨﻬﺎ
ﻛﺎﻧﻬﺎ ﺟﻤﺮﺓ ﺗﺤﺮﻗﻬﺎ ﻃﺎﺣﺖ ﻋﻠﻰ ﺍﻻﺭﺽ ﻭﻗﺖ ﻣﺎ ﻓﺰﺕ ﻣﺮﻳﻢ ﺑﺴﺮﻋﺔ
ﻭﺍﺧﺘﻔﺖ ﺑﻠﻤﺢ ﺍﻟﺒﺼﺮ . ﻭﻋﻴﻮﻥ ﺍﻟﺼﺒﻲ ﺍﻟﺴﺨﻴﻒ ﺗﻼﻗﻂ ﻣﺴﻴﺮﺓ ﻣﺮﻳﻢ
ﺍﻟﺴﺮﻳﻌﺔ ﻭﺍﻟﻠﻲ ﻣﻌﺎﻩ ﻭﺍﻗﻔﻴﻦ ﻧﺎﻗﻌﻴﻦ ﻣﻦ ﺍﻟﻀﺤﻚ ﻋﻠﻰ ﺍﻟﺒﻨﺖ ...
ﻭﺍﺣﺪ ﻣﻦ ﺍﻟﺴﺨﻴﻔﻴﻦ : ﺍﻭﻭﻭﻭﻭﻭﻭﻭﻭﻭﻑ ﺣﺮﻗﺖ ﺍﻟﺒﻨﻴﺔ ﻋﺎﻳﺾ ..
ﺷﻜﺎﺗﺐ ﻓﻲ ﺍﻟﻮﺭﻗﺔ
ﻋﺎﻳﺾ ﻭﻋﻴﻮﻧﻪ ﻻﺯﻗﺔ ﻓﻲ ﺧﻴﺎﻝ ﻣﺮﻳﻢ ﺍﻟﻠﻲ ﺍﺧﺘﻔﻰ : ﻣﻮ ﺷﻐﻠﻚ ..
ﺍﻗﻮﻝ ﻧﺎﻫﺪ
ﻧﺎﻫﺪ ﺍﻟﻠﻲ ﺗﻀﺤﻚ : ﻫﺎﺍﺍ
ﻋﺎﺍﻳﺾ ﺑﻌﻴﻮﻧﻪ ﺍﻟﻌﺴﻠﻴﺔ ﺍﻟﻔﺎﺗﺤﺔ : ﺭﻭﺣﻲ ﻭﺭﺍﻫﺎ ﻭﺷﻮﻓﻴﻬﺎ ﻭﻳﻦ
ﺭﺍﺣﺖ؟؟
ﻧﺎﻫﺪ : ﺗﻌﺎﻝ ﻻ ﻳﻜﻮﻥ ﺍﺷﺘﻐﻞ ﻣﺮﺍﺳﻠﺔ ﻭﻻ ﺍﺩﺭﻱ .. ﺍﻧﺖ ﺗﺒﻴﻬﺎ ﺭﻭﺡ
ﻭﺭﺍﻫﺎ .. ﺍﻧﺎ ﺧﺎﻃﺮﺕ ﻭﺻﺮﺕ ﻣﺮﺳﺎﻝ
ﻋﺎﻳﺾ : ﻭﻳﻦ ﺍﺭﻭﺡ ﺑﺲ ﻭﺭﺍﻫﺎ .. ﺍﻟﻠﻪ ﻳﻬﺪﺍﺝ ﺯﻳﻦ ﺷﻮﻓﻲ ﺍﺣﺪ ﻣﻦ
ﺍﺭﻓﻴﺠﺎﺗﺞ ﻳﻤﻜﻦ ﻳﻌﺮﻓﻮﻧﻬﺎ؟؟
ﺍﻟﺴﺨﻴﻒ : ﺍﻟﻈﺎﻫﺮ ﺍﻧﻬﺎ ﺻﺎﺑﺘﻚ ..
ﻋﺎﻳﺾ ﻭﻫﻮ ﻳﺮﺟﻊ ﻟﺨﻴﺎﻝ ﻣﺮﻳﻢ ﺍﻟﻠﻲ ﻛﺎﻥ ﻗﺎﻋﺪ ﻋﻠﻰ ﺍﻟﻜﺮﺳﻲ : ﺷﻲ
ﻓﻴﻬﺎ ﺷﺪﻧﻲ ..
ﻧﺎﻫﺪ : ﺑﺮﺍﺋﺘﻬﺎ ﻳﻤﻜﻦ
ﺍﻟﺴﺨﻴﻒ : ﻏﺒﺎﺋﻬﺎ ﺑﺎﻻﺣﺮﻯ
ﻓﻲ ﺑﺎﻝ ﻋﺎﻳﺾ ﻻ ﺍﻟﺒﺮﺍﺀﺓ ﻭﻻ ﺍﻟﻐﺒﺎﺀ ﺍﻟﻠﻲ ﻛﺎﻥ ﺷﺎﺩﻩ .. ﺍﻟﻠﻲ ﺫﺑﺤﻪ
ﻓﻲ ﻣﺮﻳﻢ ﺍﻫﻲ ﺿﺌﺎﻟﻪ ﺣﺠﻤﻬﺎ ﻭﻫﺪﻭﺋﻬﺎ ﺍﻟﻤﻼﺋﻜﻲ .. ﻭﻣﻼﻣﺢ ﻭﻳﻬﻬﺎ
ﺍﻟﺨﺎﻟﻴﺔ ﻣﻦ ﺗﺒﺮﺟﺎﺕ ﺑﻨﺎﺕ ﻫﺎﻻﻳﺎﻡ ﻭﺣﺸﻤﺘﻬﺎ .. ﻳﺎ ﺍﻧﻬﺎ ﺳﺮﻗﺖ ﻗﻠﺒﻲ
ﻭﺭﺍﺣﺖ .. ﻭﻣﺸﻰ ﺑﺨﻄﻮﺍﺕ ﺛﺎﺑﺘﻪ ﻭﻫﻮ ﻳﻠﺘﻔﺖ ﻳﻤﻴﻦ ﻭﻳﺴﺎﺭ ﻭﺭﺍﺡ
ﻭﺍﺧﺬ ﺍﻟﻮﺭﻗﺔ ﻭﻃﻮﺍﻫﺎ ﻓﻲ ﻣﺨﺒﺎﻩ ﻭﺭﺟﻊ ﻟﺮﺑﻌﻪ ...
ﺍﻣﺎ ﻣﺮﻳﻢ ﺍﻟﻠﻲ ﺗﻤﺖ ﺗﻤﺸﻲ ﺑﻐﻀﺐ ﻛﺒﻴﺮ ﻭﺍﻫﻲ ﺗﺤﺲ ﺑﻨﺮﻓﺰﺓ .. ﺗﻮﻫﺎ
ﺍﻻﺧﺖ ﻭﺍﻋﻴﺔ ﻋﻠﻰ ﺍﻟﺼﺪﻣﺔ .. ﻭﺍﻧﺎ ﺍﻗﻮﻝ ﻟﻴﺶ ﺍﻣﻲ ﻃﺎﺡ ﻟﺴﺎﻧﻬﺎ ﻋﻠﻲ
ﺑﺴﺒﺐ ﺍﻟﻜﻠﻴﺔ .. ﺍﺛﺮﻳﻬﺎ ﺑﺴﺒﺔ ﺍﻟﺨﻤﺎﻡ ﺍﻟﻤﺘﻴﻤﻊ ﻓﻴﻬﺎ .. ﺍﻟﺨﺎﻳﺲ .. ﺷﻠﻮﻥ
ﻳﺎﺗﻪ ﺍﻟﺠﺮﺃﺓ .. ﻭﺍﻟﻠﻪ ﻟﻮ ﺟﺮﺍﺡ ﻫﻨﻲ ﺟﺎﻥ ﺧﻠﻴﺘﻪ ﺍﻳﻴﻠﻚ ﻭﻳﺎﺩﺑﻚ ﻭﻳﺎﻛﻞ
ﻣﻦ ﻟﺤﻤﻚ ﻟﻜﻦ ﻭﻳﻦ .. ﺍﻟﺒﻄﻞ ﻣﻮ ﻫﻨﻲ ﺟﺎﻥ ﺍﻳﺎﺩﺑﻚ ﻭﻳﺮﺩﻙ ﻟﺒﻄﻦ
ﺍﻣﻚ ... ﻭﻳﺎ ﻫﺎﻟﻮﻳﻪ .. ﺻﺎﺑﻐﻪ ﻣﺎﻫﻮﻏﻮﻧﻲ (ﻟﻮﻥ ﺍﻟﺨﺸﺐ ﺍﻟﻐﺎﻣﺞ )
ﺍﻭﻭﻭﻭﻭﻭﻭﻭﻭﻑ ﺍﻛﺮﻩ ﻫﺎﻟﻜﻠﻴﺔ .. ﺍﻛﺮﺭﺭﺭﻩ ﺍﻟﺪﺭﺍﺳﺔ ... ﻛﻠﻪ ﻣﻨﻚ
ﻣﺴﺎﻋﺪ .. ﻛﻠﻪ ﻣﻨﻚ ...
ﻓﻲ ﻭﺳﻂ ﺯﺣﻤﺔ ﺍﻟﺒﻨﺎﺕ ﻳﺮﻥ ﺗﻠﻔﻮﻥ ﻣﺮﻳﻢ ... ﺑﺈﺷﻤﺌﺰﺍﺯ ﺭﻓﻌﺘﻪ ﻋﻠﻰ
ﺍﺳﺘﻌﺪﺍﺩ ﺍﻧﻬﺎ ﺗﺤﻄﻪ ﺳﺎﻳﻠﻨﺖ ﻟﻜﻨﻬﺎ ﺷﺎﻓﺖ ﺍﺳﻢ ﺧﻠﻰ ﺧﺎﻃﺮﻫﺎ ﻳﻨﻔﺞ
ﻟﻼﺍﺍﺍﺍﺍﺍﺍﺍﺧﺮ ... ﺳﻌﻮﻭﻭﺩﻱ ﻣﺘﺼﻞ ... ﻣﺴﺎﻋﺪ ﻣﺴﺎﻋﺪ ﻣﺘﺼﻞ
ﻭﺭﺩﺕ ﺑﻜﻞ ﺣﺒﻮﻭﻭﻭﺭ : ﻳﺎﻟﻜﺮﻳﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻴﻪ
ﻣﺴﺎﻋﺪ ﻳﻀﺤﻚ ﻣﻦ ﺧﺎﺍﺍﺍﻃﺮ :
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻣﺮﻳﻢ : ﺟﺬﺍﺏ ﺟﺬﺍﺏ ﻧﺼﺎﺏ ﺣﺮﺍﻣﻲ ﻣﺪﻋﻲ ﻋﻠﻴﻜﻢ ﺍﻟﻄﻤﺎﻁ ﻗﻮﻝ
ﺍﻣﻴﻦ ﻭﻳﻨﻜﻢ ﻣﻦ ﻳﻮﻣﻴﻦ ﻭﺍﻧﺎ ﺍﻧﺘﻈﺮﺭﺭﻛﻢ
ﻣﺴﺎﻋﺪ : ﺷﻮﻱ ﺷﻮﻱ ﻳﺎ ﺑﻨﺖ ﺍﻟﻨﺎﺱ ﻛﻠﻴﺘﻴﻨﻲ ﺑﻬﺪﻭﻣﻲ ..
ﻣﺮﻳﻢ : ﻭﻳﻦ ﻣﺎ ﺍﺗﺼﻠﺘﻮ ﻭﻳﻦ .. ﻋﻄﻨﻲ ﻋﻄﻨﻲ ﺍﻳﺎﻫﺎ ﺧﻠﻨﻲ ﺍﺷﺮﺏ ﻣﻦ
ﺩﻣﻬﺎ ﻋﻄﻨﻲ
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺷﻠﻮﻧﺞ ﺭﻳﻮﻭﻡ .؟ .
ﺷﺨﺒﺎﺭﺝ؟؟
ﻣﺮﻳﻢ : ﺍﻧﺎ ﺑﺨﻴﺮ ﺍﻟﺤﻴﻦ ﺻﺮﺕ ﺑﺨﻴﺮ ﺑﺲ ﻋﻄﻨﻲ ﻣﺮﺗﻚ ﺧﻠﻨﻲ ﺍﻛﺴﺮ
ﺧﺸﻤﻬﺎ
ﻣﺴﺎﻋﺪ : ﻻ ﻋﺎﺩ ﻛﻞ ﺷﻲ ﻭﻻ ﻣﺮﺗﻲ ﺗﺮﻯ ﺍﺳﻔﺮﺝ
ﻣﺮﻳﻢ : ﺗﺴﻔﺮﻧﻲ ﻻ ﻋﻴﻮﻧﻲ ﻋﻄﻨﻲ ﺍﻳﺎﻫﺎ ﻭﺍﻧﺎ ﺑﺮﺍﻭﻳﻚ ﻣﻦ ﺍﻟﻠﻲ ﺑﻴﺴﺎﻓﺮ
ﻣﺪ ﻣﺴﺎﻋﺪ ﺍﻟﺘﻠﻔﻮﻥ ﻟﻔﺎﺗﻦ ﻭﺭﻯ ﻓﻲ ﺍﻟﺴﻴﺎﺭﺓ ﻭﺟﺮﺍﺡ ﺍﻟﻠﻲ ﻣﺮ ﺍﻟﺘﻠﻔﻮﻥ
ﺻﻮﺑﻪ ﺣﺲ ﺑﺮﻭﺣﻪ ﺑﺘﺘﻘﻄﻊ ﻣﻦ ﺍﻟﺸﻮﻭﻭﻭﻕ .. ﻟﻴﺶ ﻓﺎﺗﻦ ﻭﻣﻮ ﺍﻧﺎ؟؟؟
ﻟﻴﺶ؟؟ ﺑﺲ ﺍﺳﻤﻊ ﺻﻮﺗﻬﺎ ﻳﺎ ﺭﺑﻲ .. ﺍﻳﺴﻤﻊ ﺯﻋﻴﺠﻬﺎ ...
ﺍﻻ ﻓﺎﺗﻦ ﻭﻛﺎﻧﻬﺎ ﺗﺤﺲ ﺑﺎﺧﻮﻫﺎ : ﻣﻌﻠﻴﻪ ﺍﻓﺘﺤﻪ ﻋﻠﻰ ﺍﻟﺴﺒﻴﻜﺮ
ﻣﺴﺎﻋﺪ : ﻣﻌﻠﻴﻪ .. ﺑﺲ ﺣﺎﺳﺒﻲ ﻟﻬﺎ ﻣﻦ ﺣﺴﻴﺘﻬﺎ ﺗﺨﺮﺑﻂ ﺷﻔﺮﻳﻬﺎ ..
ﻭﻓﺘﺤﺖ ﻓﺎﺗﻦ ﺍﻟﺴﺒﻴﻜﺮ ﻭﺑﻬﺪﻭﺀ : ﺍﻟﻮﻭﻭﻭﻭ
ﻣﺮﻳﻢ ﻃﺮﺑﻘﺖ ﺑﺎﻟﺴﻴﺎﺭﺓ : ﺍﻟﻮﻭﻭﻭﻭﻭ ﺑﻌﻴﻴﻴﻴﻴﻴﻴﻴﻴﻨﺞ .. ﺍﻧﺘﻲ ﺭﻓﻴﺠﺔ
ﺍﻧﺘﻲ .؟؟ ﺍﻧﺘﻲ ﺻﺪﻳﻘﺔ ﺍﻟﻌﻤﺮ ﻭﺍﻟﺪﺭﺏ ﺍﻧﺘﻲ؟؟ ﺍﻗﻮﻭﻭﻭﻭﻭﻭﻭﻭﻭﻝ ﺍﻧﺎ ﻻ
ﻋﺮﻓﺞ ﻭﻻ ﺗﻌﺮﻓﻴﻨﻲ ﺧﻼﺹ .. ﺍﻧﺎ ﺑﻨﺴﻰ ﻛﻞ ﻏﺮﺍﻣﻚ ﻭﺍﻧﺴﻰ ﺣﺒﻴﺒﻲ
ﻛﻞ ﻏﺮﺍﻣﻲ
ﻓﺎﺗﻦ ﻭﻫﻲ ﻣﻨﻔﻘﻌﻪ ﻣﻦ ﺍﻟﻀﺤﻚ : ﺣﺒﻴﻴﻴﻴﻴﻴﻴﻴﻴﻴﺒﺘﻲ ﺍﻟﺮﻳﻢ
ﻣﺮﻳﻢ : ﺍﻧﺘﻲ ﺍﻟﺨﻴﺎﻧﻪ ﻭﺳﻂ ﺩﻣﺞ ﻟﻜﻦ ﺷﻨﻮﻭﻭﻭ ﻣﺎ ﻫﻮ ﻋﻠﻴﺞ ﺍﻧﺘﻲ
ﻣﻼﻣﻲ ...
ﻓﺎﺗﻦ : ﺑﺲ ﻋﺎﺩ ﺧﻠﻴﻨﻲ ﺍﻗﻮﻝ ﻟﺞ ﻳﺎ ﻋﻤﺮﻱ
ﻣﺮﻳﻢ : ﺷﺘﻘﻮﻟﻴﻦ ﺍﺑﻲ ﺍﻋﺮﻑ ﺷﺘﻘﻮﻟﻴﻦ
ﻓﺎﺗﻦ : ﺍﻭﺹ ﺍﻭﺹ ﺍﻧﺘﻲ ﻭﻳﻨﺞ ﻓﻲ ﺍﻟﻠﻲ ﺗﺼﺎﺭﺧﻴﻦ ﻋﻠﻰ ﻛﻴﻔﺞ
ﺍﻧﺘﺒﻬﺖ ﻣﺮﻳﻢ ﻟﻠﻤﻜﺎﻥ ﺍﻟﻠﻲ ﺍﻫﻲ ﻓﻴﻪ ﻭﻻﺣﻈﺖ ﺍﻥ ﻧﺺ ﺍﻟﻤﻮﺟﻮﺩﻳﻦ
ﻳﻄﺎﻟﻌﻮﻧﻬﺎ .. ﺣﻤﺮﺕ ﻭﺧﻀﺮﺕ ﻭﺭﺍﺣﺖ ﻣﻜﺎﻥ ﺑﻌﻴﺪ ﻟﺮﻭﺣﻬﺎ ﺟﺬﻱ :
ﺳﻜﺘﻲ ﻓﺘﻮﻭﻭﻭﻥ ﻭﺍﻟﻠﻪ ﺍﻧﻲ ﻣﻴﻨﻮﻧﺔ ﻳﺎﻟﺴﺔ ﺍﺻﺎﺭﺥ ﺟﺪﺍﻡ ﺍﻟﻨﺎﺱ ..
ﺧﻠﻴﻨﻲ ﺑﺲ ﺍﻗﻌﺪ ﻣﻜﺎﻧﻲ .. ( ﺗﺤﻮﺱ ﺷﻮﻱ ﻭﺗﺮﺩ ﺗﺘﻜﻠﻢ ) ﻫﺎﻟﻮﻭﻭﻭﻭ
ﻓﺎﺗﻦ : ﻳﺎ ﺍﺣﻠﻰ ﻫﺎﻟﻮﻭﻭﻭﻭ ﻓﻲ ﻫﺎﻟﺪﻧﻴﺎ
ﻣﺮﻳﻢ : ﺃﻱ ﺑﻌﺪ ﻟﺰﻗﻲ .. ﻭﻳﻨﺞ ﺍﻣﺲ .. ﻟﻴﺶ ﻣﺎ ﺍﺗﺼﻠﺘﻲ .. ﺍﻧﺎ ﺣﺎﺳﺒﺘﻬﺎ
ﻟﻜﻢ ﻣﺘﻰ ﺗﻮﺻﻠﻮﻥ ﻭﺍﻧﺘﻈﺮﺕ ﻭﺍﻧﺘﻈﺮﺕ ﻭﻻ ﺍﺣﺪ ﻋﺒﺮﻧﻲ ﻭﻧﻘﻌﺘﻮﻧﻲ
ﻟﻴﻤﻦ ﻃﻠﻌﺖ ﺭﻳﺤﺘﻲ ﻋﻨﺪ ﺍﻟﺘﻠﻔﻮﻥ ﻭﻻ ﺍﺣﺪ ﺍﺗﺼﻞ ﻭﺍﻓﺘﻜﺮ ...
ﻓﺎﺗﻦ : ﻛﻨﺎ ﺗﻌﺒﺎﻧﻴﻦ ﻭﻃﺤﻨﺎ ﺑﺎﻟﺮﻗﺎﺩ ﺍﻭﻝ ﻣﺎ ﻭﺻﻠﻨﺎ ﻭﻗﻠﻨﺎ ﺑﺎﻟﻴﻮﻡ ﺍﻟﺜﺎﻧﻲ
ﺑﻨﺘﺼﻞ ..
ﻣﺮﻳﻢ : ﺑﻬﻢ ﺍﻧﺎ ﻻﺍﺍﺍﺍ ﺍﻧﺎ ﻏﻴﺮ ﺍﻧﺎ vip ﻓﻴﺮﻱ ﺍﻣﺒﻮﺭﺗﻨﺖ ﺑﻴﺮﺳﻮﻥ ﻳﺎ
ﻋﻴﻮﻧﻲ
ﻓﺎﺗﻦ : ﻳﺎ ﺑﻌﺪﻱ ﻭﺍﻟﻠﻪ ﺍﻟﻔﻲ ﺃﻱ ﺑﻲ .. ﺷﺨﺒﺎﺭﺝ ﺑﺲ
ﻣﺮﻳﻢ : ﺍﻧﺎ ﺯﻳﻨﺔ ﻭﻟﻮ ﺍﻧﻲ ﺯﻋﻼﻧﺔ؟؟ ﺍﻧﺘﻲ ﺷﺨﺒﺎﺭﺝ ﻭﺷﺨﺒﺎﺭ ﻋﻤﺮﻳﻜﺎ
ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻬﻪ ﺑﺨﻴﺮ ﺗﺴﻠﻢ ﻋﻠﻴﺞ
ﻣﺮﻳﻢ : ﺑﻮﺵ ﻭﻛﻠﻴﻨﺘﻮﻥ .. ﺍﻗﻮﻝ ﻓﺘﻮﻥ ﻣﺎﺷﻔﺘﻲ ﻭﻻ ﻟﻤﺤﺘﻲ ﺗﻮﻡ ﻛﺮﻭﺯ
ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻬﻬﻪ ﻟﻠﺤﻴﻦ ﻻ ﺑﺲ ﺍﻥ ﺷﺎﺀ ﺍﻟﻠﻪ ﺟﺮﻳﺐ .. ﺗﻮﺻﻴﻦ
ﺷﻲ ..
ﻣﺮﻳﻢ : ﻭﻻ ﺷﻲ ﺑﺲ ﺍﺑﻲ ﻣﻮﻭﻭﻭﻭﻭﻭﻭﻭﻭﻭﻭﻭﻭﺣﺔ ﻣﻦ ﺗﻮﻣﻲ ﻓﺪﻳﺖ
ﻋﻤﺮﻩ .
ﻓﺎﺗﻦ ﻧﻘﻌﺖ ﻣﻦ ﺍﻟﻀﺤﻚ ﻭﻋﻠﻰ ﻃﻮﻝ ﺷﺎﻟﺖ ﺍﻟﺘﻠﻔﻮﻥ ﻣﻦ ﺍﻟﺴﺒﻴﻜﺮ ﻻﻥ
ﻫﺬﻱ ﻫﻲ ﺍﻟﺨﺮﺍﺑﻴﻂ ﺍﻟﻠﻲ ﺗﻜﻠﻢ ﻋﻨﻬﺎ ﻣﺴﺎﻋﺪ ﻗﺒﻞ ﺷﻮﻱ ... ﻟﻜﻦ ﺑﻌﺪ
ﻣﺎ ﺳﻤﻌﻬﺎ ﺟﺮﺍﺡ ﻭﺍﻟﻀﺤﻜﺔ ﺍﻟﻠﻲ ﻛﺎﻧﺖ ﻣﺤﺒﻮﺳﺔ ﺍﻧﻘﻠﺒﺖ ﺍﻟﻰ ﺗﺠﻬﻢ ...
ﺗﻮﻡ ﻛﺮﻭﻭﻭﺯ؟؟ ﺍﻟﺤﻤﺎﺭﺓ ﻣﺎ ﺳﺎﻟﺖ ﺣﺘﻰ ﻋﻨﻲ ﻭﻃﺎﻳﺤﺘﻠﻲ ﺑﺘﻮﻡ
ﻛﺮﻭﻭﻭﻭﺯ .. ﺧﻞ ﺍﺭﺩ ﺍﻟﻜﻮﻳﺖ ﺑﻮﺭﻳﻬﺎ ﺳﻨﻊ ﺍﻟﻠﻪ ..
ﺑﻌﺪ ﻟﺤﻈﺖ ﻣﻦ ﺍﻟﺴﻮﺍﻟﻒ ﻭﻳﺎ ﻓﺘﻮﻥ ﻭﺍﻟﻀﺤﻚ ﻓﺎﻗﻊ ﺑﻄﻨﻬﺎ ﻋﻄﺖ
ﺍﻟﺘﻠﻔﻮﻥ ﻟﻤﺴﺎﻋﺪ ﺍﻟﻠﻲ ﻛﺎﻥ ﻋﺎﻳﺶ ﻓﻲ ﺩﻧﻴﺎ ﻣﻮﺳﻴﻘﻴﻪ ﺑﺮﻧﺎﺕ ﺿﺤﻜﺔ
ﻓﺎﺗﻦ .. ﻋﻠﻴﻬﺎ ﺿﺤﻜﺔ ﻭﺍﻟﻠﻪ ﺍﻧﻬﺎ ﺗﺬﻭﺏ ﺍﻟﻠﻲ ﻣﺎﻳﺬﻭﺏ .. ﻻﻫﻲ ﺭﻗﻴﻘﺔ
ﻣﺜﻞ ﺍﻟﺒﻨﺎﺕ ﻭﻻ ﺧﺸﻨﻪ .. ﻓﻴﻬﺎ ﻛﻞ ﺍﻧﻮﺍﻉ ﺍﻻﺻﻮﺍﺕ .. ﻫﻬﻬﻬﻬﻬﻬﻬﻬﻬﻬﻬﻪ
ﻭﻳﺎ ﻛﻞ ﺿﺤﻜﺔ ﻳﻀﺤﻚ ﻣﻌﺎﻫﺎ ﺑﺲ ﻳﺤﺒﺴﻬﺎ ﻭﻳﻐﻄﻲ ﺛﻤﻪ ﺑﻴﺪﻩ ...
ﺟﺮﺍﺡ ﺣﺲ ﻟﻤﺴﺎﻋﺪ ﻭﺑﻴﻨﻪ ﻭﺑﻴﻦ ﻧﻔﺴﻪ ﺍﺑﺘﺴﻢ .. ﺳﺒﺤﺎﻥ ﺍﻟﻠﻪ .. ﺳﺮﻋﺔ
ﻏﺮﻳﺒﺔ ﺍﻟﻠﻲ ﺣﺐ ﻣﺴﺎﻋﺪ ﻓﻴﻬﺎ ﺍﺧﺘﻲ .. ﺍﻟﻠﻪ ﻳﻬﻨﻴﻬﻢ ﺑﺒﻌﺾ ﺍﻥ ﺷﺎﺀ
ﺍﻟﻠﻪ ﻭﺗﺒﺎﺩﻟﻪ ﻓﺎﺗﻦ ﺍﻟﺤﺐ ﺑﺎﻟﺤﺐ ..
ﻣﺴﺎﻋﺪ : ﻟﻲ ﺭﺩﻳﻨﺎ ﺍﻟﺒﻴﺖ ﺟﺮﺍﺡ ﻻﺯﻡ ﺗﺘﺼﻞ ﻓﻲ ﺍﻟﺒﻴﺖ ﻭﺗﺘﺨﺒﺮ ﻋﻨﻬﻢ
ﺷﻠﻮﻧﻬﻢ ﺷﺨﺒﺎﺭﻫﻢ ..
ﺟﺮﺍﺡ : ﻻ ﺗﺤﺎﺗﻲ ﻭﻻ ﺗﻮﺻﻲ ﺣﺮﻳﺺ .. ( ﻳﻄﺎﻟﻊ ﻓﺎﺗﻦ ) ﻭﺍﺫﺍ ﻧﺴﻴﺖ
ﻓﻔﺘﻮﻥ ﺷﺴﺎﻟﻔﺘﻬﺎ
ﻓﺎﺗﻦ ﺗﺒﺘﺴﻢ ﻭﻫﻲ ﺗﻨﺎﻇﺮ ﺍﺧﻮﻫﺎ ... ﻭﺗﺮﺩ ﻋﻴﻮﻧﻬﺎ ﻟﻠﻤﺸﺎﻫﺪ ﺍﻟﻠﻲ ﺑﺮﻩ ..
ﻣﺴﺎﻋﺪ ﻳﻨﺎﻇﺮﻫﺎ ﻣﻦ ﺍﻟﻤﺮﺍﻳﺔﺍﻟﻠﻲ ﻓﻮﻕ ﻭﺍﻫﻲ ﺍﺑﺪﺍ ﻣﻮ ﺣﺎﺳﻪ ﻓﻴﻪ ..
ﺍﺣﺴﻦ .. ﻋﺸﺎﻥ ﻳﻨﺎﻇﺮﻫﺎ ﻛﻴﻒ ﻣﺎ ﺣﻼ ﻟﻪ .. ﺍﺍﺍﻩ ﻋﻠﻴﺞ ﻳﺎ ﺣﺒﻴﺒﺔ
ﻗﻠﺒﻲ ... ﺣﺒﻴﺒﺔ ﻗﻠﺒﻲ .. ﺍﺳﻢ ﺗﺮﺍﻓﻖ ﻓﻲ ﺑﺎﻝ ﻣﺴﺎﻋﺪ ﻣﻦ ﺑﻌﺪ ﻃﻠﻮﻋﻪ
ﻣﻦ ﺍﻟﺸﺎﻭﺭ ﺍﻟﻴﻮﻡ ﺍﻟﺼﺒﺢ ﺣﺘﻰ ﻫﺬﻱ ﺍﻟﻠﺤﻈﺔ .. ﻭﺩﻩ ﻟﻮ ﻳﺒﺜﻪ ﻟﻔﺎﺗﻦ
ﺑﻜﻞ ﻟﺤﻈﺔ ﻳﺘﻜﻠﻢ ﻣﻌﺎﻫﺎ .. ﻟﻜﻦ ﻋﺰﺓ ﻧﻔﺴﻪ ﺍﻛﺒﺮ ﻣﻦ ﻫﺬﺍ ﻛﻠﻪ
ﻭﺑﻌﺪﻳﻦ .. ﺷﻨﻮ ﺍﻟﺴﺎﻟﻔﺔ ﺧﺮﻳﻂ ﻣﺮﻳﻂ .. ﻻ ﺗﻨﺴﻰ ﻗﺒﻞ ﺍﺳﺒﻮﻉ ﺗﻘﺮﻳﺒﺎ
ﺷﻔﺘﻬﺎ ﻭﺍﻗﻔﺔ ﻣﻊ ﻭﻟﺪ ﺟﻴﺮﺍﻧﻬﻢ ﻭﻣﺎ ﺗﺪﺭﻱ ﺷﻨﻮ ﻛﺎﻧﻮ ﻳﻘﻮﻟﻮﻥ ... ﻻ
ﺗﻘﻌﺪ ﺗﺘﻨﺎﺳﻰ ﻫﺎﻻﺷﻴﺎﺀ ﻻﻧﻬﺎ ﺍﻫﻲ ﺑﺎﻟﺘﺎﻛﻴﺪ .. ﻣﺎ ﻧﺴﺘﻬﺎ .. ﻭﺍﻻ
ﻫﺎﻟﺴﺮﺣﺎﻥ ﻭﺍﻟﺴﻬﺮ ﻭﻫﺎﻟﺘﻔﻜﻴﺮ ﻭﻫﺎﻟﻐﺮﺑﺔ ﻟﺸﻨﻮ؟؟ ﺍﻛﻴﺪ ﻟﻪ !!!
ﻭﻛﺎﻧﺖ ﻫﺬﻱ ﺍﻻﻓﻜﺎﺭ ﺍﻟﺴﺒﺐ ﺍﻟﻜﺎﻓﻲ ﺍﻟﻠﻲ ﺧﻠﻰ ﻣﺴﺎﻋﺪ ﻳﺤﺲ
ﺑﺎﻟﻜﺒﺖ ﻓﻲ ﻗﻠﺒﻪ .. ﻟﻜﻦ ﺍﻟﺘﻌﺐ ﻛﺎﻥ ﻏﺎﻟﺒﻪ ﻭﺍﻟﺴﺎﻋﺔ ﻛﺎﻧﺖ ﺗﻮﻫﺎ 12
ﺑﺎﻟﻈﻬﺮ .. ﻻﺍﺍﻩ .. ﻻﺯﻡ ﻳﺮﺩ ﺍﻟﺸﻘﺔ ﻭﻳﻨﺎﻡ .. ﻭﻳﻤﻜﻦ ﻳﻨﺎﻡ ﻟﻴﻮﻡ ﺛﺎﻧﻲ .. ﻣﺎ
ﻳﻘﺪﺭ ﻳﺘﻢ ﻫﺎﻟﻜﺜﺮ ﺻﺎﺣﻲ ... ﺳﻬﺮ ﻭﺗﻔﻜﻴﺮ ﻭﺍﻧﺘﻈﺎﺭ .. ﺍﺭﻫﻖ ﺧﻴﺎﻟﻪ
ﻭﻋﻘﻠﻪ ﻣﻦ ﻛﺜﺮﻫﻢ ..
===========
ﺑﻴﺖ ﺑﻮ ﺟﺮﺍﺡ ﺍﻟﻠﻲ ﺍﻟﻬﺪﻭﺀ ﻭﺍﻟﺴﻜﻮﻥ ﻳﻠﻔﻪ ﺭﺟﻊ ﻓﻮﺿﻰ ﻭﻋﻔﺴﺔ
ﺑﻬﺬﻳﺞ ﺍﻟﻠﻴﻠﺔ .. ﻃﺒﻌﺎ ﻣﻮ ﻻﻥ ﻧﺴﻮﺍ ﺳﻔﺮ ﺟﺮﺍﺡ ﻭﻓﺎﺗﻦ ﻻﻥ ﺍﻳﻤﻦ
ﻭﻋﺒﺪ ﺍﻟﻌﺰﻳﺰ ﻣﺎﻗﻌﺪﻭ .. ﻳﻠﻌﺒﻮﻥ ﻣﻨﻲ ﻭﻣﻨﺎﻙ ﻭﺍﻟﻔﻮﺿﻰ ﻓﻮﻕ ﺗﺤﺖ
ﻭﺍﻟﻜﺮﺍﺳﻲ ﺗﺘﺤﺮﻙ ﻭﺍﻟﻬﻮﺍﺵ ﻗﺎﻳﻢ .. ﻭﻋﺰﻳﺰﺓ ﻛﻞ ﺷﻮﻱ ﺗﺴﻜﺖ ﻓﻴﻬﻢ
ﻭﺍﻫﻲ ﺗﺴﺐ ..
ﺍﻡ ﺟﺮﺍﺡ ﻭﺍﻫﻲ ﺗﻀﺤﻚ : ﺧﻠﻴﻬﻢ ﻳﺎ ﺧﻮﻳﺘﻲ ﻭﺍﻟﻠﻪ ﻣﺎ ﻳﺴﻮﻯ ﻋﻠﻴﺞ
ﻋﺰﻳﺰﺓ ﺑﻌﺼﺒﻴﺔ : ﻳﻨﻨﻮﻭﻭﻧﻲ ﻳﻨﻨﻮﻧﻲ ﻭﺍﻟﻠﻪ ﻛﻠﻪ ﻛﻮﺭﺓ ﻓﻲ ﺍﻟﺒﻴﺖ ﻛﻮﺭﺓ
ﻭﻓﻲ ﺍﻟﻤﺪﺭﺳﺔ ﻛﻮﺭﺓ ﻫﻢ ﻓﻲ ﺍﻟﺴﻴﺎﺭﺓ ﻛﻮﺭﺓ
ﺍﻡ ﺟﺮﺍﺡ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺑﺮﻭﺣﻬﻢ ﺑﺘﻌﺒﻮﻥ ﻭﺑﻴﻘﻌﺪﻭﻥ
ﺻﺒﻴﺎﻥ ﻣﻮ ﺣﻠﻮ ﻋﻠﻴﻬﻢ ﻗﺎﻋﺪﻳﻦ ﻭﺳﺎﻛﺘﻴﻦ
ﻋﺰﻳﺰﺓ : ﺍﺍﺍﺍﺥ ﺑﺲ ﻟﻮ ﻋﻨﺪﻱ ﺑﻨﺖ .. ﻣﺎﺭﺯﻗﻨﻲ ﺭﺑﻲ ﺍﻻ ﺑﻮﻟﺪﻳﻦ ..
ﺍﻡ ﺟﺮﺍﺡ : ﻗﻮﻟﻲ ﺍﻟﺤﻤﺪ ﻟﻠﻪ ﻏﻴﺮﺝ ﻣﺎ ﻋﻨﺪﻫﻢ
ﻋﺰﻳﺰﺓ ﻭﺍﻫﻲ ﺗﻨﺎﻇﺮﻫﻢ : ﻓﺪﻳﺖ ﻋﻤﺮﻫﻢ ﺍﻟﺤﻤﺪ ﻟﻠﻪ ﺭﺏ ﺍﻟﻌﺎﻟﻤﻴﻦ ...
ﺷﺨﺒﺎﺭ ﻓﺎﺗﻦ ﻭﺟﺮﺍﺡ؟
ﺍﻡ ﺟﺮﺍﺡ ﻭﺍﻫﻲ ﺗﺴﻨﺪ ﺭﺍﺳﻬﺎ ﺑﻴﺪﻫﺎ ﺑﺨﻮﻑ : ﻫﺬﺍ ﺍﺣﻨﺎ ﻧﻨﺘﻈﺮ ﺧﺒﺮ
ﻣﻨﻬﻢ ﻭﻻ ﻳﺎﻧﺎ ﺣﺘﻰ ﺗﻠﻔﻮﻥ؟
ﻋﺰﻳﺰﺓ : ﻻ ﻣﺎ ﻋﻠﻴﻬﻢ ﺷﺮ ﻣﻌﺎﻫﻢ ﻣﺴﺎﻋﺪ ﻣﺎﺷﺎﺀ ﺍﻟﻠﻪ ﻋﻠﻴﻪ
ﺍﺑﺘﺴﻤﺖ ﻫﻨﻲ ﺍﻡ ﺟﺮﺍﺡ : ﺍﻟﻠﻪ ﻳﺨﻠﻴﻪ ﻭﺍﻟﻠﻪ ﺻﺞ ﺣﺒﻴﺒﻲ ﺟﺮﺍﺡ ﻣﺎ
ﻗﺼﺮ ﻟﻜﻦ ﻟﻮ ﻣﺎ ﻣﺴﺎﻋﺪ ﻭﺍﻟﻠﻪ ﻣﺎ ﺍﺩﺭﻱ ﺷﺴﻮﻳﻨﺎ؟؟
ﻋﺰﻳﺰﺓ ﺗﺘﻠﻔﺖ ﻓﻲ ﺍﻟﺒﻴﺖ : ﺯﻳﻦ ﻭﻳﻨﻬﺎ ﻣﻨﻮﺭ؟؟
ﺍﻡ ﺟﺮﺍﺡ : ﺍﻛﻴﺪ ﻭﻳﺎ ﺳﻤﺎﻫﺮ ﺑﺪﺍﺭﻫﺎ .. ﺗﻌﺮﻓﻴﻨﻬﻢ ﻫﺬﻭﻝ ﺍﻟﺒﻨﺘﻴﻦ ﺭﻭﺡ
ﻭﺣﺪﻩ ﻓﻲ ﺟﺴﺪﻳﻦ ..
ﻋﺰﻳﺰﺓ : ﻭﺧﺎﻟﺪ؟
ﺍﻡ ﺟﺮﺍﺡ : ﺍﻛﻴﺪ ﻓﻲ ﺩﺍﺭ ﺟﺮﺍﺡ ﻳﻘﻌﺪ ﻫﻨﺎﻙ ﻓﻲ ﺍﻟﻮﻗﺖ ﺍﻟﺤﺎﻟﻲ ..
ﺍﻻ ﻭﺧﺎﻟﺪ ﻳﺪﺧﻞ ﺍﻟﺒﻴﺖ ﻭﻫﻮ ﻣﻌﺮﻕ ﻣﻦ ﻗﻠﺐ ... ﻭﺷﻜﻠﻪ ﻳﺒﻴﻦ ﻋﻠﻴﻪ
ﺍﻧﻪ ﺗﻌﺒﺎﻥ ...
ﺑﺼﻮﺕ ﺗﻌﺐ : ﺍﻟﺴﻼﻡ ﻋﻠﻴﻜﻢ
ﺍﻡ ﺟﺮﺍﺡ ﺍﻧﺘﻔﻀﺖ ﻣﻦ ﻣﻜﺎﻧﻬﺎ ﻳﻮﻡ ﺷﺎﻓﺘﻪ : ﻭﻋﻠﻴﻜﻢ ﺍﻟﺴﻼﻡ ( ﻗﺎﻣﺖ )
ﻳﻤﺔ ﺧﺎﻟﺪ ﺷﻔﻴﻚ؟؟؟
ﺧﺎﻟﺪ ﺍﻟﻠﻲ ﻛﺎﻥ ﻳﺤﺲ ﺑﻈﻴﻴﺞ ﻗﻮﻱ ﻓﻲ ﺻﺪﺭﻩ ﻣﺎ ﻗﺪﺭ ﻳﺘﻜﻠﻢ ﻭﺍﻳﺪ :
ﻣﺎﻓﻴﻨﻲ ﺷﻲ ... ﺑﺲ ... ﺍﺑﻲ ﺍﻧﺒﻮﺏ ﺍﻟﺘﻨﻔﺲ .. ﻣﺎﺩﺭﻱ ﻭﻳﻦ ﻃﺎﺡ ..
ﻭﺻﺪﺭﻩ ﻳﻄﻠﻊ ﺍﺻﻮﺍﺕ ﺗﺪﻝ ﻋﻠﻰ ﺍﻧﻬﺎ ﻧﻮﺑﺔ ﻣﻦ ﻧﻮﺑﺎﺕ ﺍﻟﺮﺑﻮﻭﻭ ...
ﺧﺎﻟﺪ ﺑﺘﻌﺐ : ﻣﺎﺷﻔﺘﻴﻪ ﺧﺎﻟﺘﻲ؟
ﺍﻡ ﺟﺮﺍﺡ ﺑﺨﻮﻑ : ﻻﻭ ﺍﻟﻠﻪ ﻳﻤﺔ ﻣﺎ ﺷﻔﺘﻪ .. ﻟﻴﺶ ﺍﻧﺖ ﻭﻳﻦ ﺣﺎﻃﻪ؟
ﺧﺎﻟﺪ ﺧﻼﺹ ﺣﺲ ﺑﺎﻻﻧﻬﻴﺎﺭ : ﺧﺎﻟﺘﻲ .. ﻣﺴﻜﻴﻨﻲ ﺧﺎﻟﺘﻲ ...
ﻭﻗﺒﻞ ﻻ ﻳﻜﻤﻞ ﺧﺎﻟﺪ ﻃﺎﺡ ﻋﻠﻰ ﺍﻻﺭﺽ ﺑﻨﻮﺑﻪ ﺍﺧﺘﻨﺎﻕ ﻳﻤﻜﻦ ﺗﻜﻮﻥ
ﻣﻌﺘﺎﺩﺓ ﻟﻜﻦ ﺗﺼﻴﺮ ﻣﺮﺓ ﻛﻞ ﺳﻨﺔ .. ﻟﻜﻦ ﻣﺎ ﺗﻘﺪﺭ ﺍﻡ ﺟﺮﺍﺡ ﻋﻠﻰ ﺗﻌﺐ
ﺧﺎﻟﺪ ﺗﺤﺲ ﺑﺎﻟﻤﻮﺕ ..
ﺍﻡ ﺟﺮﺍﺡ : ﻳﻤﺔ ﺧﺎﻟﺪ ﺣﺒﻴﺒﻲ ﻧﻈﺮ ﻋﻴﻨﻲ ﺍﺷﻔﻴﻚ ..
ﺧﺎﻟﺪ ﻣﺎ ﻳﻘﺪﺭ ﻳﺘﻜﻠﻢ ﻻﻥ ﺍﻟﺘﻨﻔﺲ ﻋﻨﺪﻩ ﺻﻌﺐ
ﺍﻡ ﺟﺮﺍﺡ : ﻋﺰﻳﺰﺓ ﺭﻭﺣﻲ ﺩﺍﺭ ﺟﺮﺍﺡ ﺩﻭﺭﻱ ﻟﻪ ﻋﻠﻰ ﺍﻧﺒﻮﺑﻪ
ﻋﺰﻳﺰﺓ ﻭﺍﻫﻲ ﺗﻄﻠﻊ ﻣﻦ ﺍﻟﺒﻴﺖ : ﺍﻧﺎ ﺍﺣﻤﻞ ﻭﺍﺣﺪ ﻣﻌﺎﻱ ﻓﻲ ﺍﻟﺴﻴﺎﺭﺓ
ﻓﻲ ﺟﻨﻄﻪ ﺍﻻﺩﻭﻳﺔ ﻟﺤﻈﺎﺕ ﻭﺭﺍﺩﺓ ﻟﻜﻢ ..
ﺭﺍﺣﺖ ﻋﺰﻳﺰﺓ ﻭﺭﺩﺕ ﻭﺍﻫﻲ ﺣﺎﻣﻠﺔ ﺍﻻﻧﺒﻮﺏ ﺍﻟﻠﻲ ﻳﺘﻨﺸﻖ ﻣﻨﻪ ﺧﺎﻟﺪ
ﺑﺎﻟﻌﺎﺩﺓ ﻻﻧﻬﺎ ﻣﻤﺮﺿﺔ ﻭﻣﺜﻞ ﻫﺎﻻﺷﻴﺎﺀ ﺗﺘﻮﺍﺟﺪ ﻣﻌﺎﻫﺎ ﻓﻲ ﺣﺎﻻﺕ
ﺍﻟﻤﺪﺭﺳﺔ .. ﺍﺧﺬﺗﻪ ﺍﻡ ﺟﺮﺍﺡ ﻭﻧﺎﻭﻟﺘﻪ ﺧﺎﻟﺪ ﻋﺸﺎﻥ ﻳﺴﺘﻨﺸﻖ ﻣﻨﻪ ...
ﺧﺎﻟﺪ ﺑﻌﺪ ﺍﻻﺳﺘﻨﺸﺎﻕ ﺗﻢ ﻫﺎﺩﺉ ﻭﺍﻫﻮ ﻣﻨﺴﺪﺡ ﻋﻠﻰ ﺍﻻﺭﺽ ﻭﻣﺴﻜﺮ
ﻋﻴﻮﻧﻪ ..ﻭﻓﺎﺗﺢ ﻓﻤﻪ ﻣﺜﻞ ﺍﻟﺘﻌﺒﺎﻥ .. ﻟﻜﻦ ﻣﺎ ﻛﺎﻧﻮ ﻳﺪﺭﻭﻥ ﺍﻧﻪ ﺻﺎﺣﻲ
ﻭﻳﺴﻤﻌﻬﻢ ﻭﻣﺴﺘﻤﺘﻊ ﺑﺮﻳﺤﺔ ﺍﻟﻨﺴﻮﺍﻥ .. ﺍﻻ ﻭﺑﺪﺧﻠﺔ ﺳﻤﺎﺀ ﻟﻠﺒﻴﺖ ﺍﻟﻠﻲ
ﺗﻌﻮﺩﺕ ﺗﺪﺧﻞ ﻣﻨﻪ ﻣﻦ ﻏﻴﺮ ﺍﺳﺘﺌﺬﺍﻥ .. ﺑﻜﻞ ﺑﺴﺎﻃﺔ ﻻﻥ ﺍﻫﻠﻪ
ﻳﺮﺣﺒﻮﻥ ﻓﻴﻬﺎ ..
ﺳﻤﺎﺀ : ﺍﻟﺴﻼﻻﻻﻻﻻﻻﻻﻻﻡ ...
ﻭﺍﻧﻘﻄﻊ ﺻﻮﺗﻬﺎ ﻳﻮﻡ ﺷﺎﻓﺖ ﺧﺎﻟﺪ ﻃﺎﻳﺢ ﻋﻠﻰ ﺍﻻﺭﺽ ﻭﺗﻮﺳﻌﺖ
ﻋﻴﻮﻧﻬﺎ ﻣﻦ ﺍﻟﺼﺪﻣﺔ ... ﺷﻔﻴﻪ ﻫﺬﺍ ﻧﺎﻳﻢ ﻋﻠﻰ ﺍﻻﺭﺽ .. ﻻ ﻳﻜﻮﻥ ﺑﺲ ..
ﺧﺎﻓﺖ ﺳﻤﺎﺀ ﻋﻠﻰ ﺧﺎﻟﺪ ﻓﻲ ﻗﻠﺒﻬﺎ ﻭﺳﺎﻟﺖ ﺑﻜﻞ ﻫﺪﻭﺀ : ﺵ ... ﺷﻔﻴﻪ
ﺧﺎﻟﺪ؟؟
ﺍﺑﻠﻴﺲ ﻛﺎﻥ ﻣﺴﻜﺮ ﻋﻴﻮﻧﻪ ﻭﺗﻮﻩ ﺑﻴﻔﺘﺤﻬﻢ ﺍﻻ ﻭﺭﻏﺒﺔ ﻳﺪﻳﺪﺓ ﻓﻲ ﺍﻧﻪ
ﺍﻳﻨﻦ ﺳﻤﺎﺀ ﺗﻌﻤﺮ ﻗﻠﺒﻪ ﻭﺗﻈﺎﻫﺮ ﺑﺎﻟﻤﺮﺽ ﺍﻛﺜﺮ ﻭﺍﻛﺜﺮ ..
ﺍﻡ ﺟﺮﺍﺡ : ﻭﺍﻟﻠﻪ ﻣﺎﺩﺭﻱ ﻳﺎﺑﻨﻴﺘﻲ ﻃﺎﻳﺢ ﻋﻠﻰ ﺍﻻﺭﺽ ﺑﻨﻮﺑﻪ ﺍﺧﺘﻨﺎﻕ
ﻭﻟﻠﺤﻴﻦ ﻣﺎﻗﺎﻡ .. ﻳﻤﺔ ﺧﺎﻟﺪ ﻳﻤﻪ ﺣﺒﻴﺒﻲ ﻗﻮﻡ .. ﺑﺴﻢ ﺍﻟﻠﻪ ﻋﻠﻴﻚ ﺷﻔﻴﻚ
ﺳﻤﺎﺀ ﺑﺤﻴﺮﺓ : ﺯﻳﻦ ﺳﻮﻭ ﻟﻪ ﻋﻤﻠﻴﺔ ﺗﻨﻔﺲ ﺍﺻﻄﻨﺎﻋﻲ ..
ﻋﺰﻳﺰﺓ : ﻳﻤﺔ ﻫﺬﻱ ﺣﺎﻟﺔ ﻋﺎﺩﻳﺔ ﻭﺍﻟﺤﻴﻦ ﺑﻴﻘﻮﻡ .. ﻳﻤﺔ ﺧﺎﻟﺪ ﺍﺳﺘﺮﺧﻲ
ﺣﺒﻴﺒﻲ ﻻ ﺗﺸﺪ ﻋﻠﻰ ﺭﻭﺣﻜﺰﺯ
ﻟﻜﻦ ﻭﻳﻦ ﻋﻦ ﺳﻤﺎﺀ ﻣﺎﻗﺪﺭﺕ ﺗﻘﺮ ﻣﻜﺎﻧﻬﺎ : ﺍﺫﺍ ﻣﺎ ﺗﻌﺮﻓﻮﻥ ﺍﻧﺎ ﺍﻋﺮﻑ ..
ﻫﺎﺍ ﺗﻨﻌﺰﻭﺍ ﺷﻮﻱ ﺧﻠﻮﻧﻲ ..
ﺍﻧﺘﺒﻪ ﺧﺎﻟﺪ ﻟﻘﺮﺑﻬﺎ ﺍﻟﻤﺨﻴﻒ ﻭﻋﻠﻰ ﻃﻮﻝ ﻭﻗﻒ ﻋﻠﻰ ﺭﻳﻠﻪ :.. ﻫﻲ ﺍﻧﺘﻲ
ﺷﻨﺎﻭﻳﺔ ﺗﺴﻮﻳﻦ ..
ﺍﻧﺼﺪﻣﺖ ﺳﻤﺎﺀ ﻟﻘﻌﺪﺗﻪ ﺍﻟﻤﻔﺎﺟﺄﺓ : ... ﺍﻧﺖ ﻣﺎﻓﻴﻚ ﺷﻲ؟؟؟؟
ﺧﺎﻟﺪ : ﺃﻱ ﻣﺎﻓﻴﻨﻲ ﺷﻲ .. ﺣﺸﻰ ﻟﻌﻨﺒﻮﻭ ﺍﻟﻮﺍﺣﺪ ﻣﺎ ﻳﻘﺪﺭ ﻳﺮﺗﺎﺡ
ﻭﻳﺎﻛﻢ .. ﺍﺑﻲ ﺍﻧﺎﻡ ﻋﻠﻰ ﺍﻻﺭﺽ .. ﻭﺍﻧﺘﻲ ﺍﺑﺪ ﻣﺎ ﺗﻌﻄﻠﻴﻦ .. ﺗﻨﻔﺲ
ﺍﺻﻄﻨﺎﻋﻲ ﺑﻌﺪ ﻫﺬﺍ ﺍﻟﻠﻲ ﻗﺎﺻﺮ
ﻣﻦ ﺍﻻﺣﺮﺍﺝ ﺧﺎﻟﺪ ﻛﺎﻧﻮ ﺧﺪﻭﺩﻩ ﻣﺤﻤﺮﺍﺕ ﻻﻥ ﻳﻌﺮﻑ ﺍﻟﺘﻨﻔﺲ
ﺍﻻﺻﻄﻨﺎﻋﻲ ﺷﻠﻮﻥ ﻳﻜﻮﻥ .. ﻟﻜﻨﻪ ﻛﺎﻥ ﻣﻘﻬﻮﺭ ﻣﻦ ﺟﺮﺃﺓ ﺳﻤﺎﺀ .. ﻭﻟﻜﻦ
ﺍﻫﻲ ﻛﺎﻧﺖ ﻣﺴﺘﻌﺪﺓ ﺗﻨﻘﺬﻩ؟؟ ﻟﻴﺶ؟؟
ﺳﻤﺎﺀ ﺑﺎﺣﺮﺍﺝ : ﺍﻧﺖ ﻛﻨﺖ ﻓﻲ ﺣﺎﻟﺔ ﺻﻌﺒﺔ ﻭ ..
ﺧﺎﻟﺪ : ﺑﺲ ﺧﻼﺹ .. ﻻ ﻋﺎﺩ ﺗﺘﻜﻠﻤﻴﻦ ﻓﻲ ﻫﺎﻟﻤﻮﺿﻮﻉ .. ﻳﺎﻟﻠﻪ ..
ﺍﺧﻠﻴﻜﻢ ﺍﻧﺎ ﺍﻟﺤﻴﻦ ..
ﻭﻫﻮ ﻳﺮﻛﺐ ﺍﻟﺪﺭﻱ ﻭﻗﻒ ﻭﻳﻨﺎﻇﺮﻫﻢ ﺑﻨﻈﺮﺓ ﺗﻀﺤﻚ : ﺣﺮﻳﻢ ﺍﺧﺮ
ﺯﻣﻦ ..
ﺭﻛﺐ ﺧﺎﻟﺪ ﻭﻫﻮ ﻣﻦ ﺩﺍﺧﻞ ﻣﺎ ﻳﺪﺭﻱ .. ﻳﺤﺲ ﺑﺒﺮﺍﻛﻴﻦ ﺗﺘﻔﺠﺮ ﻓﻴﻪ ﻣﻦ
ﻣﺸﺎﻋﺮ ﻏﺮﻳﺒﺔ .. ﺣﺮﻳﺠﺔ .. ﺛﻠﺞ ﻭﺻﻌﻴﻖ .. ﻣﺎ ﻳﺪﺭﻱ .. ﺍﺣﺎﺳﻴﺲ
ﻣﺘﻀﺎﺭﺑﺔ ﻳﻤﻴﻦ ﻭﻳﺴﺎﺭ .. ﺩﺧﻞ ﺍﻟﺪﺍﺭ ﻭﺳﻜﺮ ﺍﻟﺒﺎﺏ .. ﻋﻠﻰ ﻃﻮﻝ ﻧﺎﻡ
ﻋﻠﻰ ﺍﻟﺴﺮﻳﺮ ﻭﻫﻮ ﻳﻔﻜﺮ .. ﻳﻔﻜﺮ ﺑﺴﻤﺎﺀ .. ﻫﺬﻱ ﻫﺎﻟﻨﺘﻔﺔ ﻣﺎﺩﺭﻱ
ﺷﻤﺴﻮﻳﺘﻠﻲ .. ﺍﺻﻼ ﺍﻧﺎ ﻣﺎﻓﻴﻨﻲ ﺷﻲ ﻋﻠﻴﻬﺎ ﻟﻜﻦ ﻛﻠﻪ ﻣﻦ ﺟﺮﺍﺣﻮ
ﺍﻟﻤﻌﻔﻦ ﺧﻼﻧﻲ ﺍﺣﻂ ﻋﻴﻮﻧﻲ ﻋﻠﻴﻬﺎ ﻭﺧﻼﺹ ﻧﺸﺒﺖ ﻓﻴﻬﺎ .. ﻭﺍﻻ ﺍﻧﺎ ﻻ
ﺍﺣﺒﻬﺎ ﻭﻻ ﺍﺑﻴﻬﺎ ..
ﺍﺣﺒﻬﺎ؟؟ ﺍﺑﻴﻬﺎ؟؟ ﻣﻦ ﻳﺎﺏ ﻃﺎﺭﻱ ﺍﻟﺤﺐ ... ﻳﺎﻭﻳﻠﻲ ﺷﻬﺎﻟﻠﻲ ﻗﺎﻋﺪ
ﻳﺼﻴﺮ ﻭﻳﺎﻱ ...
ﺍﻡ ﺟﺮﺍﺡ ﺗﺤﺖ ﻭﻳﺎ ﺳﻤﺎﺀ ﻭﻋﺰﻳﺰﺓ : ﻳﻤﺔ ﺳﻤﺎﺀ ﻻ ﺗﺰﻋﻠﻴﻦ ﺭﻭﺣﺞ ﺧﺎﻟﺪ
ﻫﺬﺍ ﻳﺒﻴﻠﻪ ﺗﺄﺩﻳﺐ ..
ﺳﻤﺎﺀ ﻭﻫﻲ ﺗﻠﻌﺐ ﺑﺎﻟﻘﻼﺹ ﺍﻟﻠﻲ ﻋﻠﻰ ﻃﺎﻭﻟﻪ ﺍﻟﺼﺎﻟﺔ : ﻻﺧﺎﻟﺘﻲ ﻋﺎﺩﻱ
ﻫﺬﺍ ﺍﻧﺎ ﻣﺎ ﻋﻄﺘﻪ ﺍﻗﻨﻮﺭ .. ﺍﻻ ﻗﻮﻟﻴﻠﻲ ﻣﺎ ﺍﺗﺼﻠﺖ ﻓﺎﺗﻦ؟
ﺍﻡ ﺟﺮﺍﺡ : ﻻ ﻭﺍﻟﻠﻪ ﻳﺎ ﺑﻨﻴﺘﻲ ﻣﺎ ﺍﺗﺼﻞ ...
ﺍﻻ ﻭﺗﻠﻔﻮﻥ ﺍﻟﺒﻴﺖ ﻳﺮﻥ .. ﻭﻳﺘﻬﻠﻞ ﻭﻳﻪ ﺍﻡ ﺟﺮﺍﺡ :.. ﺍﻛﻴﺪ ﻫﺬﻱ ﺍﻫﻲ ..
ﺍﻥ ﺟﺎﻥ ﺍﻫﻲ ﻟﺞ ﺍﻟﺒﺸﺎﺭﺓ ﻳﺎ ﺳﻤﻮﻭﻭﻱ ..
ﻭﺭﺍﺣﺖ ﺍﻡ ﺟﺮﺍﺡ ﺗﺮﻓﻊ ﺳﻤﺎﻋﺔ ﺍﻟﺘﻠﻔﻮﻥ ﺑﺸﻐﻒ ..
ﺍﻡ ﺟﺮﺍﺡ : ﺍﻟﻮﻭﻭﻭ
ﺟﺮﺍﺡ ﺑﺼﻴﺎﺡ : ﻳﻤﺔﺓﺓﺓﺓﺓﺓﺓﺓﺓﺓﺓﺓﺓﺓﺓﺓﺓﺓﺓﺓﺓﺓﺓﺓﺓﺓ ﺣﺒﻴﺒﺘﻲ
ﻳﻤﺔﺓﺓﺓﺓﺓﺓﺓﺓﺓﺓﺓ
ﺍﻡ ﺟﺮﺍﺡ ﻭﺍﻟﺪﻣﻊ ﻳﺘﻴﻤﻊ ﻓﻲ ﻋﻴﻮﻧﻬﺎ : ﺟﺮﺍﺡ؟؟ ﻳﻤﺔ ﺟﺮﺍﺡ؟؟ ﻫﺬﺍ
ﺍﻧﺖ؟
ﺟﺮﺍﺡ : ﺃﻱ ﻳﻤﺔ ﻫﺬﺍ ﺍﻧﺎ ... ﺷﺨﺒﺎﺭﺝ ﻳﻤﻪ ﺷﻠﻮﻧﺞ ﻋﺴﺎﺝ ﺑﺲ ﺑﺨﻴﺮ ..
ﺍﻡ ﺟﺮﺍﺡ ﻭﺍﻟﺪﻣﻌﺔ ﺳﺎﻟﺖ : ﻳﺎ ﻧﻈﺮ ﻋﻴﻨﻲ ﻳﺎ ﺟﺮﺍﺡ ﺍﻧﺎ ﺑﺨﻴﺮ ﺍﻧﺘﻮ
ﺷﺨﺒﺎﺭﻛﻢ ﻭﺷﻤﺴﻮﻳﻴﻦ ﻭﻓﺎﺗﻦ ﺷﻠﻮﻧﻬﺎ
ﻓﺎﺗﻦ ﻳﻢ ﺟﺮﺍﺡ : ﻋﻄﻨﻲ ﺍﻳﺎﻫﺎ ﺑﻜﻠﻤﻬﺎ ..
ﺟﺮﺍﺡ ﺍﻟﻠﻲ ﻣﺎﻋﻄﻬﺎ ﺍﻗﻨﻮﺭ : ﻳﻤﺔ ﻛﻠﻨﺎ ﺑﺨﻴﺮ ﺍﻧﺘﻲ ﺷﺨﺒﺎﺭﺝ ﻭﺷﺨﺒﺎﺭﻫﻢ
ﺍﻟﻌﻔﺎﺭﻳﺖ ﻭﺧﺎﻟﺪ ﻭﺧﺎﻟﺘﻲ ..
ﺍﻡ ﺟﺮﺍﺡ : ﻛﻠﻨﺎ ﺍﺑﺨﻴﺮ ﻳﺎ ﻭﻟﻴﺪﻱ ﺑﺲ ﻣﺸﺘﺎﻗﻴﻦ ﻟﻜﻢ .. ﻋﻄﻨﻲ ﻓﺎﺗﻦ
ﻳﻤﺔ
ﺟﺮﺍﺡ : ﻳﻤﺔ ﻟﻠﺤﻴﻦ ﻣﺎ ﺷﺒﻌﺖ ﻣﻨﺞ
ﻓﺎﺗﻦ ﻭﻫﻲ ﻣﺴﺎﻛﺔ ﻳﺪ ﺟﺮﺍﺡ : ﻋﻄﻨﻲ ﺍﻟﺘﻠﻔﻮﻭﻭﻭﻭﻭﻥ ﺟﺮﺍﺍﺍﺍﺡ ..
ﻣﺴﺎﻋﺪ ﻛﺎﻥ ﺷﺎﻫﺪ ﻋﻠﻰ ﻛﻞ ﻫﺬﺍ ﻋﻨﺪ ﻃﺎﻭﻟﺔ ﺍﻟﻤﻄﺒﺦ .. ﻳﻨﺎﻇﺮ ﺍﻻﺛﻨﻴﻦ
ﺍﻟﻠﻲ ﺍﻧﻘﻠﺒﻮ ﻣﺜﻞ ﺍﻟﻴﻬﺎﻝ ﺩﻗﻴﻘﺔ ﻭﺣﺪﺓ ﻳﻮﻡ ﺳﻤﻌﻮ ﺻﻮﺕ ﺍﻣﻬﻢ ..
ﻭﻳﺒﺘﺴﻢ ..
ﺍﻻ ﻭﺗﺰﺥ ﻓﺎﺗﻦ ﺍﻟﺴﻤﺎﻋﺔ ﻣﻦ ﺟﺮﺍﺡ : ﺍﻟﻮﻭﻭ ﻳﻤﺔ ... ﻳﻤﺔ ﺣﺒﻴﺒﺘﻲ ....
( ﺗﻬﺠﺪ ﺻﻮﺕ ﻓﺎﺗﻦ ) ﺍﺣﺒﺞ ﻳﻤﺔ .. ﻭﻟﻬﺖ ﻋﻠﻴﻴﻴﻴﻴﻴﺞ
ﺍﻡ ﺟﺮﺍﺡ ﻭﺍﻫﻲ ﺗﺴﺘﺮﺟﻊ ﺍﻟﻤﺸﺎﻋﺮ ﺍﻟﺤﺰﻳﻨﺔ ﻟﻔﺮﺍﻕ ﺑﻨﺘﻬﺎ : ﺣﺒﻴﺒﺘﻲ
ﻓﺎﺗﻦ ﻧﻈﺮ ﻋﻴﻮﻧﻲ ﻓﺎﺗﻦ .. ﻳﺎ ﺭﻭﺡ ﻫﺎﻟﺒﻴﺖ ﻭﻧﻮﺭﻩ .. ﺷﻠﻮﻧﺞ ﻳﻤﺔ
ﺷﺨﺒﺎﺭﺝ؟؟
ﻓﺎﺗﻦ : ﺍﻧﺎ ﺑﺨﻴﺮ ﻳﻤﺔ .. ( ﺗﻤﺴﺢ ﺩﻣﻌﻬﺎ ﺑﻜﻢ ﺍﻟﺘﻲ ﺷﺮﺕ ) ﻳﻤﺔ ﺑﺮﺩ
ﻫﻨﻲ .. ﻻﺑﺴﻴﻦ ﺛﻴﺎﺏ ﺷﺘﺎﺍ ..
ﺍﻡ ﺟﺮﺍﺡ : ﻭﺍﻟﻠﻪ ﺍﺣﻨﺎ ﻟﻠﺤﻴﻦ ﺍﻟﺠﻮ ﺑﺲ ﻣﺎﻛﻮ ﺭﻃﻮﺑﺔ ..
ﻓﺎﺗﻦ : ﻳﻤﺔ ... ﻳﻤﺔ ﺗﻌﺎﻟﻲ ﻋﻨﺪﻱ ﻗﻌﺪﻱ ﺟﻢ ﻳﻮﻡ ... ﺑﺴﺞ ﻗﻌﺪﻩ ﻫﻨﺎﻙ
ﺍﻡ ﺟﺮﺍﺡ : ﻫﻬﻬﻬﻬﻬﻬﻬﻬﻬﻬﻬﻬﻪ ﻭﺍﺧﻮﺍﻧﺞ ﻣﻦ ﻟﻬﻢ ... ﻣﻌﻠﻴﻪ ﻳﻤﻪ ﺟﺮﺍﺡ
ﻋﻨﺪﺝ ﻭﺭﻳﻠﺞ ﺑﻌﺪ ﻣﺎ ﺑﻴﻘﺼﺮ ... ﺍﻻ ﺷﺨﺒﺎﺭﻩ؟؟ ﺷﻤﺴﻮﻳﻪ ﻭﻳﺎﻩ
ﻻ ﺍﺭﺍﺩﻳﺎ ﺍﻧﺘﻘﻠﺖ ﻋﻴﻮﻥ ﻓﺎﺗﻦ ﻣﻦ ﻋﻨﺪ ﺍﺧﻮﻫﺎ ﺍﻟﻰ ﻣﺴﺎﻋﺪ ...
ﻭﺍﺣﺘﺎﺭﺕ ﺷﻨﻮ ﺗﻘﻮﻝ .. ﺗﺨﺎﻑ ﺗﺘﻜﻠﻢ ﻋﻨﻪ ﺟﺪﺍﻣﻪ .. ﻟﻮ ﻣﻦ ﻭﺭﺍﻩ ﺟﺎﻥ
ﻋﺎﺍﺩﻱ ﺗﺄﻟﻒ ﺟﻢ ﻛﻠﻤﺔ ﻟﻜﻦ ﺃﻫﻮ ﻳﻤﻬﺎ .. ﻭﺷﻜﻠﻪ ﺑﻌﺪ ﻓﻬﻢ ﺍﻥ ﺍﻟﻮﺍﻟﺪﺓ
ﺗﺴﺎﻝ ﻋﻨﻪ ﻻﻧﻪ ﻣﺎ ﻓﺎﺭﺝ ﻋﻴﻮﻧﻬﺎ ﻟﺤﻈﻪ ..
ﻓﺎﺗﻦ ﺑﺎﺣﺮﺍﺝ : ﺍﺑﺨﻴﺮ ﻳﻤﺔ .. ﻳﺴﻠﻢ ﻋﻠﻴﺞ
ﺍﻡ ﺟﺮﺍﺡ : ﻳﻤﺔ ﻓﺎﺗﻦ ﻣﺎﻭﺻﻴﺞ ﻋﻠﻴﻪ ﺗﺮﺍﻩ ﺭﻳﻠﺞ .. ﺣﻄﻴﻪ ﺑﻌﻴﻮﻧﺞ ..
ﻓﺎﺗﻦ ﻭﺍﻟﻠﻮﻥ ﺍﻻﺣﻤﺮ ﺻﺎﺑﻐﻬﺎ : ﺍﻥ ﺷﺎﺀ ﺍﻟﻠﻪ ﻳﻤﺔ .. ﻻ ﺗﻮﺻﻴﻦ
ﺣﺮﻳﺼﺔ ..
ﺍﻡ ﺟﺮﺍﺡ : ﻭﺷﺨﺒﺎﺭﺝ ﺑﻌﺪ ﺭﺣﺘﻲ ﺍﻟﺠﺎﻣﻌﺔ
ﻓﺎﺗﻦ : ﺃﻱ ﻳﻤﺔ .. ﺭﺣﻨﺎ ... ( ﻳﺄﺷﺮ ﺟﺮﺍﺡ ﻋﻠﻴﻬﺎ ﻋﺸﺎﻥ ﺗﻌﻄﻴﻪ
ﺍﻟﺴﻤﺎﻋﺔ ) ﻳﻤﺔ ﺟﺮﺍﺡ ﻳﺒﻴﺞ ..
ﺍﻡ ﺟﺮﺍﺡ : ﻭﻳﻦ ﻳﻤﺔ ﻣﺎ ﺷﺒﻌﺖ ﻣﻨﺞ ..
ﻓﺎﺗﻦ : ﻣﺮﺓ ﺛﺎﻧﻴﺔ ﻳﻤﺔ .. ﻛﺎﻫﻮ ﻟﺤﻈﻪ ...
ﻋﻄﺖ ﺟﺮﺍﺡ ﺍﻟﺴﻤﺎﻋﺔ ﻭﻗﺎﻣﺖ ﻋﻠﻰ ﻃﻮﻟﻬﺎ ﺑﻌﻴﺪ ﻋﻦ ﺍﻟﻜﺮﺳﻲ ..
ﻭﺟﺮﺍﺡ ﻻﻫﻲ ﻭﻳﺎ ﺍﻣﻪ ﻓﻲ ﺍﻟﺘﻠﻔﻮﻥ .. ﻭﻗﻔﺖ ﻓﺎﺗﻦ ﻭﺭﻯ ﺍﻟﻜﺮﺳﻲ
ﻭﺍﻫﻲ ﻣﺎﻋﻄﻪ ﻣﺴﺎﻋﺪ ﻇﻬﺮﻫﺎ ﻭﺍﻫﻮ ﻛﺎﻥ ﻭﺍﻗﻒ ﻭﻫﻮ ﻳﻨﺘﻈﺮ ﻣﻨﻬﺎ
ﺗﻠﺘﻔﺖ ﻋﺸﺎﻥ ﻳﺸﻮﻑ ﻋﻴﻮﻧﻬﺎ ... ﻳﺒﻲ ﻳﺸﻮﻑ ﺍﻟﻨﻈﺮﺓ ﺍﻟﻠﻲ ﺍﻧﺮﺳﻤﺖ
ﻓﻲ ﺫﻳﺞ ﺍﻟﻠﻴﻠﺔ ﺑﻬﺎ .. ﻟﻴﻠﺔ ﺍﻟﻠﻲ ﺷﺎﻓﻬﺎ ﻭﺍﻗﻔﺔ ﻣﻊ ﻣﺸﻌﻞ ﻳﻮﻡ ﻳﺮﻭﺡ
ﻋﻨﻬﺎ ﻭﻳﺪﺧﻞ ﺑﻴﺘﻬﻢ ﻣﺜﻞ ﺍﻟﻐﺒﻲ .. ﻟﻜﻦ ﻓﺎﺗﻦ ﻣﺎ ﻋﻄﺘﻪ ﺍﺩﻧﻰ ﻓﺮﺻﺔ
ﻻﻧﻬﺎ ﻇﻠﺖ ﻭﺍﻗﻔﺔ ﻭﺍﻫﻲ ﻣﺎﻋﻄﺘﻪ ﻇﻬﺮﻫﺎ ..
ﻳﻮﻡ ﺧﻠﺺ ﺟﺮﺍﺡ ﺍﻟﻤﻜﺎﻟﻤﺔ ﺳﻜﺮ ﺍﻟﺘﻠﻔﻮﻥ ﻭﻫﻮ ﻳﺎﺷﺮ ﻟﻤﺴﺎﻋﺪ : ﺩﻭﺭﻙ
ﺍﻟﺤﻴﻦ ..
ﻣﺴﺎﻋﺪ ﻭﻫﻮ ﻳﺴﺤﺐ ﻗﻼﺹ ﺍﻟﻤﺎﻱ ﻣﻦ ﺟﺪﺍﻣﻪ ﻭﻳﺮﻓﻌﻪ ﻟﻔﻤﺔ : ﻻ ﻣﺎ
ﻳﺤﺘﺎﺝ .. ﻣﺮﻳﻢ ﻭﺍﺗﺼﻠﻨﺎ ﻓﻴﻬﺎ .. ﺍﻣﻲ ﺍﻥ ﺷﺎﺀ ﺍﻟﻠﻪ ﻣﺮﺓ ﺛﺎﻧﻴﺔ ..
ﺟﺮﺍﺡ : ﻣﺎ ﻳﺼﻴﺮ ﺟﺬﻱ
ﻳﺒﺘﺴﻢ ﻣﺴﺎﻋﺪ : ﻋﺎﺩﻱ ﺟﺮﺍﺡ .. ﺍﻻ ﺍﻗﻮﻝ ﻟﻚ .. ﻣﺎ ﺗﺒﻲ ﻧﻄﻠﻊ ﺷﻮﻱ
ﻋﻦ ﺣﻜﺮﺓ ﺍﻟﺒﻴﺖ ..
ﺟﺮﺍﺡ ﺑﺎﺑﺘﺴﺎﻡ : ﻭﺍﺍﺍﺍﺍﺍﺍﺍﺍﺍﻭ ﺍﻛﻴﺪ ﺍﺑﻲ ﺍﻃﻠﻊ ... ( ﻳﻠﺘﻔﺖ ﻟﻔﺎﺗﻦ )
ﻓﺘﻮﻥ .. ﻓﺘﻮﻭﻭﻭﻥ ..
ﺍﻟﺘﻔﺘﺖ ﻓﺎﺗﻦ ﺍﻟﺴﺮﺣﺎﻧﺔ ﺑﺼﻮﺕ ﻭﻛﻼﻡ ﻣﺴﺎﻋﺪ : ﻫﺎﺍﺍ ...
ﺟﺮﺍﺡ : ﺍﺗﻴﻴﻦ ﻣﻌﺎﻧﺎ ..
ﻓﺎﺗﻦ ﺑﺘﻌﺐ : ﻻ ﻭﺍﻟﻠﻪ ﺭﻭﺣﻮ ﺍﻧﺘﻮ .. ﺍﻧﺎ ﺗﻌﺒﺎﻧﺔ .. ﻳﺒﻴﻠﻲ ﺍﻧﺎﺍﺍﻡ ﻋﺸﺎﻥ
ﺍﻗﺪﺭ ﺍﻓﺘﺢ ﻋﻴﻮﻧﻲ ﺑﻄﺮﻳﻘﺔ ﻃﺒﻴﻌﻴﺔ ..
ﺟﺮﺍﺡ : ﺑﻨﻔﺘﻘﺪﺝ ..
ﺍﺑﺘﺴﻤﺖ ﻓﺎﺗﻦ : ﺗﺴﻠﻢ ..
ﺟﺮﺍﺡ : ﺍﻣﺰﺡ ﻣﻌﺎﺝ ﺗﺮﻯ ﻻﺗﺼﺪﻗﻴﻦ
ﻓﺎﺗﻦ ﻭﺍﻫﻲ ﺗﻀﺮﺑﻪ : ﻛﺮﻳﻪ
ﺟﺮﺍﺡ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺍﻧﺰﻳﻦ ﻣﺴﺎﻋﺪ ﺩﻗﺎﻳﻖ ﺍﻏﻴﺮ
ﻫﺪﻭﻣﻲ ﻭﺭﺍﺩ ﻟﻚ ..
ﻣﺴﺎﻋﺪ : ﺑﺴﺮﻋﺔ ﻋﺎﺩ ..
ﻭﻳﻄﻴﺮ ﺟﺮﺍﺡ ﻟﻠﻐﺮﻓﺔ ﻋﺸﺎﻥ ﻳﺒﺪﻝ ﻫﺪﻭﻣﻪ ﻭﺍﻻﺛﻨﻴﻦ ﻭﺍﻗﻔﻴﻦ ﻋﻦ ﺑﻌﺪ
ﻣﺴﺎﻓﺔ ﻛﺒﻴﺮﺓ ﺑﻌﺾ ﺍﻟﺸﻲ .. ﻭﻧﻈﺮﺍﺗﻬﻢ ﻣﺘﺼﺎﺩﻣﺔ , ﺍﻻﺛﻨﻴﻦ ﺧﺎﻃﺮﻫﻢ
ﻳﺨﻨﻘﻮﻥ ﺑﻌﺾ ﻟﻜﻦ ﻫﺎﻟﺤﺮﺏ ﺍﻟﺒﺎﺭﺩﺓ ﺍﻫﻲ ﺍﻟﻠﻲ ﻣﺴﻴﻄﺮﺓ ﻋﻠﻰ ﻛﻞ
ﺷﻲ .. ﺍﻟﻠﻲ ﻣﺴﻜﺘﻬﻢ ﻋﻦ ﺑﻌﺾ ﻭﻋﻦ ﻣﻂ ﺷﻌﻮﺭ ﺑﻌﺾ ﺍﻫﻮ ﺟﺮﺍﺡ ..
ﻟﻜﻦ ﺑﻌﺪ ﻣﺎ ﻳﺴﺎﻓﺮ ﺟﺮﺍﺡ .. ﻫﺎﻟﺒﻴﺖ ﺭﺍﺡ ﻳﻨﻌﻔﺲ ﻓﻮﻕ ﺗﺤﺖ ..
ﻋﺼﺒﻴﺔ ﻣﺴﺎﻋﺪ .. ﺑﺎﻟﻤﻘﺎﺑﻞ .. ﺑﺮﻭﺩ ﻓﺎﺗﻦ ..
ﻣﺴﺎﻋﺪ : ﻟﻮ ﺗﺒﻴﻦ ﺗﻘﺪﺭﻳﻦ ﺍﺗﻴﻴﻦ
ﻓﺎﺗﻦ ﺑﻐﺮﻭﺭ : ﻣﺎﻟﻲ ﺧﻠﻖ ..
ﻣﺴﺎﻋﺪ ﻳﺒﺘﺴﻢ ﺑﺴﺨﺮﻳﺔ : ﻭﺍﻟﻠﻪ ﺍﻧﺘﻲ ﺍﻟﺨﺴﺮﺍﻧﺔ ..
ﻭﺧﻼﻫﺎ ﻭﻣﺸﻰ ﻳﻤﻬﺎ ﻋﺸﺎﻥ ﻳﺮﻭﺡ ﺍﻟﻐﺮﻓﺔ ﺍﻻ ﻳﻮﻗﻔﻪ ﺻﻮﺕ ﻓﺎﺗﻦ ﻭﻫﻮ
ﻳﻤﺮ ﻭﺫﺭﺍﻋﻪ ﻳﻤﺮ ﻋﻨﺪ ﺫﺭﺍﻋﻬﺎ
ﻓﺎﺗﻦ : ﺑﺘﺘﺄﺧﺮﻭﻥ؟؟
ﻣﺴﺎﻋﺪ ﺑﻨﻈﺮﺓ ﻣﻠﻞ : ﻣﺎ ﻧﺪﺭﻱ .. ﻳﻤﻜﻦ ﻣﺎ ﻧﺮﺩ ﺍﻻ ﺑﻮﻳﻪ ﺍﻟﺼﺒﺢ
ﻓﺎﺗﻦ ﺑﻌﺼﺒﻴﺔ : ﻭﺍﻧﺎ ﻫﻨﻲ ﺑﺮﻭﺣﻲ؟
ﻣﺴﺎﻋﺪ ﻭﻫﻮ ﻳﺤﻘﺮﻫﺎ ﻭﻳﺮﻭﺡ : ﻗﻠﻨﺎ ﻟﺞ ﺗﻌﺎﻟﻲ ﻣﺎ ﺭﺿﻴﺘﻲ .. ﻗﻠﻌﺘﺞ ..
ﻭﺭﺍﺡ ﻋﻨﻬﺎ ﻭﺩﺧﻞ ﺍﻟﺪﺍﺭ .. ﻭﺍﻫﻲ ﻭﺍﻗﻔﺔ ﻋﻨﺪ ﺍﻟﺼﺎﻟﺔ ﻭﻗﺎﺑﻀﺔ ﻳﺪﻳﻨﻬﺎ ..
ﻻ ... ﻭﺍﻟﻒ ﻻ ﻳﺎ ﻣﺴﺎﻋﺪ .. ﻣﺎ ﺭﺍﺡ ﺗﻘﺪﺭ ﺗﻌﺼﺒﻨﻲ .. ﺍﻧﺎ ﺑﻮﺭﻳﻚ .. ﺍﻥ
ﻣﺎ ﻟﻔﻴﺘﻚ ﺑﺎﻟﺠﻠﻴﺪ ﻭﺍﻟﺼﻌﻴﻖ ﻣﺎﻛﻮﻥ ﺍﻧﺎ ﻓﺎﺗﻦ .. ﺍﺑﺨﻠﻴﻚ ﺗﻨﺪﻡ ﻋﻠﻰ
ﺍﻟﻴﻮﻡ ﺍﻟﻠﻲ ﻓﻜﺮﺕ ﺍﻧﻲ ﺍﻛﻮﻥ ﻟﻚ ...
======================
ﺑﻬﺬﺍﻙ ﺍﻟﻮﻗﺖ ﻗﻂ ﻣﺸﻌﻞ ﺟﻨﻄﺘﻪ ﻓﻲ ﺍﻟﺴﻴﺎﺭﺓ ﻻﻧﻪ ﺧﻼﺹ ﺑﻴﺮﺩ
ﺍﻟﺸﺎﻟﻴﻪ .. ﻣﺎ ﻳﻘﺪﺭ ﻳﺴﻜﻦ ﻓﻲ ﻧﻔﺲ ﺍﻟﻔﺮﻳﺞ ﺍﻟﻠﻲ ﻛﺎﻧﺖ ﻓﺎﺗﻦ ﻭﻧﺒﻀﻬﺎ
ﻳﺘﺨﻠﻞ ﺷﻮﺍﺭﻋﻪ ﻭﺗﻌﺮﺟﺎﺗﻪ ﻭﺷﻘﻮﻕ ﻃﺮﺟﺎﺗﻪ .. ﺧﻼﺹ .. ﺍﻟﺸﻲ ﺻﺎﺭ
ﺍﻛﺒﺮ ﻣﻨﻪ .. ﻣﻮ ﺑﻴﺪﻩ .. ﻣﺎ ﻳﻘﺪﺭ ﻳﺘﻨﻔﺲ ﺍﻟﻬﻮﺍ ﺍﻟﻠﻲ ﻓﺎﺗﻦ ﻛﺎﻧﺖ ﺗﺘﺨﻠﻠﻪ
ﺑﻌﺒﻴﺮﻫﺎ ﻭﻋﻄﺮﻫﺎ ..
ﺍﻟﺸﻮﻕ ﻟﻔﺎﺗﻦ ﺍﺧﺬ ﻣﻨﻪ ﺍﻟﺼﺤﺔ .. ﻓﻲ ﺧﻼﻝ ﻫﺬﻳﺞ ﺍﻟﻔﺘﺮﺓ ﻧﺰﻝ ﻭﺯﻧﻪ
ﻭﺳﻮﺩ ﻭﻳﻬﻪ ﻭﺷﻌﺮﻩ ﻃﻮﻝ ﻭﻧﺰﻝ ﻋﻠﻰ ﺟﺒﻴﻨﻪ .. ﻗﻌﺪ ﻭﻫﻮ ﻣﺴﻨﺪ
ﺭﺍﺳﻪ ﻋﻠﻰ ﺳﻘﻒ ﺍﻟﺴﻴﺎﺭﺓ .. ﻭﻫﻮ ﻳﻮﺟﻪ ﻧﻈﺮﻩ ﺍﻟﻰ ﺩﺍﺭ ﻓﺎﺗﻦ ﻓﺒﻴﺖ ﺑﻮ
ﺟﺮﺍﺡ ﺍﻟﻠﻪ ﻳﺮﺣﻤﻪ .. ﻳﺎ ﺑﻌﺪ ﻫﺎﻟﺪﻧﻴﺎ ﻳﺎ ﻓﺎﺗﻦ .. ﺍﻟﺪﻧﻴﺎ ﻭﺣﺸﺔ ﺑﻠﻴﺎﺝ ..
ﺣﺘﻰ ﻟﻮ ﻣﺎﻛﻨﺘﻲ ﻟﻲ .. ﻣﺎ ﺗﻤﻨﻴﺘﺞ ﺗﺒﺘﻌﺪﻳﻦ ﻋﻨﻲ ﺟﺬﻱ .. ﻧﻬﺎﺋﻴﺎ ..
ﻣﺎﺷﻮﻑ ﺣﺘﻰ ﻋﻴﻨﺞ .. ﻭﺍﻧﺎ ﺍﻟﻠﻲ ﺗﺎﻫﺖ ﺍﻓﻜﺎﺭﻱ ﻓﻴﺞ ﻳﻮﻡ ﻛﻨﺖ ﻓﻲ
ﺍﻟﻐﺮﺑﺔ ﻭﺭﺩﻳﺖ ﻟﻮﻃﻨﻲ ﻭﻛﺎﻧﻲ ﺍﺗﻐﺮﺏ ﻣﻦ ﺑﻌﺪﺝ .. ﻳﺎ ﺗﺮﻯ .. ﺍﻟﻠﻲ ﺻﺎﺭ
ﻫﺬﺍ ﻛﻠﻪ ﻓﻲ ﻧﺼﻴﺐ ﻣﻦ؟؟ ﻟﻮ ﺷﻨﻮ ﺻﺎﺭ ﻳﺎ ﻓﺎﺗﻦ .. ﺍﺑﻈﻞ ﺍﺣﺒﺞ ﻟﻴﻮﻡ
ﺍﻟﺪﻳﻦ . ﻟﻴﻮﻡ ﺍﻟﻠﻲ ﺍﻧﺒﻌﺚ ﻓﻴﻪ ﺣﻲ ﺟﺪﺍﻡ ﺭﺏ ﺍﻟﻌﺎﻟﻤﻴﻦ .. ﺍﺣﺒﺞ ﻓﺎﺗﻦ ..
ﺍﺣﺒﺞ ..
ﻋﻨﺪ ﻃﺮﻑ ﺍﻟﺒﻴﺖ ﺍﻟﻜﻮﺑﻞ ﺳﻤﺎﻫﺮ ﻭﻣﻨﺎﻳﺮ ﻳﺘﻤﺸﻮﻥ ﻭﻫﻢ ﻳﺘﻀﺎﺭﺑﻮﻥ ..
ﻃﺒﻌﺎ ﻫﺎﻟﺜﻨﺘﻴﻦ ﻣﻴﻨﻦ ﻭﻣﺤﺪ ﻳﻘﺪﺭ ﻣﺎ ﻳﺮﺍﻗﺒﻬﻢ ﻓﻲ ﺍﻟﺸﺎﺭﻉ .. ﺍﻟﻠﻲ
ﺗﻌﺮﻗﻞ ﺍﻷﻭﻟﻰ ﻭﺍﻟﻠﻲ ﺗﻤﻂ ﺷﻌﺮ ﺍﻟﺜﺎﻧﻴﺔ .. ﻳﻌﻨﻲ ﺣﺎﻟﺘﻬﻢ ﺻﻌﺒﺔ .. ﻣﻨﺎﻳﺮ
ﻋﻠﻰ ﻋﻜﺲ ﻓﺎﺗﻦ ﻣﻮ ﻣﻠﺘﺰﻣﺔ ﺑﺎﻟﺤﺠﺎﺏ ﻟﻜﻦ ﺛﻴﺎﺑﻬﺎ ﻣﺤﺘﺸﻤﺔ ﻭﺑﺎﻟﻤﺜﻞ
ﺳﻤﺎﻫﺮ .. ﻳﻌﻨﻲ ﻭﻳﻦ ﻣﺎ ﺗﺮﻭﺡ ﻣﻨﺎﻳﺮ ﻭﺭﺍﻫﺎ ﺳﻤﺎﻫﺮ .. ﻳﺎﻟﺨﻮﻑ ﺑﺲ ﻟﻮ
ﺗﺰﻭﺟﻮﺍ ﻧﻔﺲ ﺍﻟﺮﻳﺎﻝ ..
ﺳﻤﺎﻫﺮ ﻭﺍﻫﻲ ﺗﺮﺍﻗﺒﻞ ﻣﺸﻌﻞ ﺍﻟﻠﻲ ﻛﺎﻥ ﻳﻌﺪﻝ ﺍﻏﺮﺍﺿﻪ ﻓﻲ ﺍﻟﺴﻴﺎﺭﺓ
ﺍﻟﻔﺨﻤﺔ : ﻣﻨﻮﻭﺭ ﺷﻮﻓﻲ ﺣﻴﺎﺗﻲ ﺍﻟﻤﺴﺘﻘﺒﻠﻴﻪ ..
ﻣﻨﺎﻳﺮ ﺑﺎﻟﻌﻤﺪ ﻣﺎ ﻃﺎﻟﻌﺖ ﻭﻳﻦ ﻣﺎ ﺍﺷﺮﺕ ﺳﻤﺎﻫﺮ ﻭﻭﺟﻬﺖ ﻧﻈﺮﻫﺎ ﺍﻟﻰ
( ﺗﻜﺮﻣﻮﻥ ) ﺣﺎﻭﻳﺔ ﺯﺑﺎﻟﺔ ﻋﻨﺪ ﻧﻬﺎﻳﺔ ﺍﻟﺸﺎﺭﻉ ﻭﻛﺎﻥ ﻋﻠﻴﻬﺎ ﻗﻄﻮﺓ
ﻣﻌﻔﻨﺔ : ﺃﻱ ﻭﺍﻟﻠﻪ .. ﺑﺲ ﻋﺎﺩ ﻣﻮ ﻳﻢ ﺑﻴﺘﻨﺎ ﻣﺎ ﻧﺒﻴﺞ ﺗﻴﻴﻦ ﺗﻮﺻﺨﻴﻦ
ﺳﻤﺎﻫﺮ ﺿﺮﺑﺖ ﻣﻨﺎﻳﺮ ﻋﻠﻰ ﺿﻬﺮﻫﺎ : ﻳﺎﻟﺨﺎﻳﺴﺔ
ﻣﻨﺎﻳﺮ ﻭﺍﻫﻲ ﻣﻨﻮﺟﻌﺔ : ﻳﻌﻠﺞ ﺍﻟﻔﻘﺮ ﻳﺎﻟﺤﻤﺎﺭﺓ ﻗﻮﻟﻲ ﺍﻣﻴﻦ
ﺳﻤﺎﻫﺮ : ﺍﻧﺘﻲ ﻗﺒﻠﻲ .. ﻃﺎﻟﻌﻲ ﻃﺎﻟﻌﻲ ﻣﻨﻮﻭﺭ
ﻣﻨﺎﻳﺮ : ﺍﻭﻭﻭﻭﻭﻭﻭﻭﻭﻩ ﺑﻨﺸﻮﻑ ﺍﻟﻠﻲ ﺫﺍﺑﺤﺘﻨﺎ ﻓﻴﻪ
ﻭﻃﺎﻟﺖ ﻣﻨﺎﻳﺮ ﻣﺸﻌﻞ ﻭﻫﻮ ﻳﺮﺗﺐ ﺍﻏﺮﺍﺿﻪ ﻓﻲ ﺍﻟﺪﺑﺔ ﻭﺍﻫﻲ ﺗﻨﺎﻇﺮﻩ
ﻭﻫﻲ ﻣﻌﻘﺪﺓ ﺣﻴﺎﺗﻬﺎ .. ﺍﻧﺎ ﺍﻋﺮﻑ ﻫﺎﻟﺸﺨﺺ ﺑﺲ ﻣﺎ ﺷﻔﺘﻪ ﻭﺍﻳﺪ
ﺑﺎﻟﻔﺮﻳﺞ ..
ﺳﻤﺎﻫﺮ : ﻫﺬﺍ ﺍﺭﻓﻴﺞ ﺍﺧﻮﻱ ﺟﺮﺍﺡ .. ﺍﺧﻮ ﺳﻤﺎﺀ ..
ﺳﻤﺎﻫﺮ : ﻭﺍﻟﻠﻪ ﺍﻧﻪ ﻋﺬﺍﺏ .. ﺷﻮﻓﻲ ﺍﻟﺸﻌﺮ ﺑﺲ ﻭﻻ ﺍﻟﻜﺸﺨﺔ
ﻣﻨﺎﻳﺮ ﻭﻫﻲ ﻣﺘﻌﺠﺒﺔ ﻣﻦ ﺳﻤﺎﻫﺮ : ﺍﻧﺘﻲ ﻭﺍﻟﻠﻪ ﻣﺮﺍﻫﻘﺔ .. ﻛﻞ ﻭﺍﺣﺪ
ﻳﻌﺠﺒﺞ .. ﺣﺘﻰ ﺍﺳﻠﻢ ﺍﻟﻠﻲ ﻓﻲ ﺍﻟﻜﺎﻓﺘﻴﺮﻳﺎ ﻳﻮﺯﻉ ﺍﻟﻔﻼﻓﻞ ﺗﺤﺒﻴﻨﻪ؟
ﺳﻤﺎﻫﺮ : ﺍﻧﺠﺒﻲ ﺯﻳﻦ ﻳﻌﻄﻴﻨﻲ ﻓﻼﻓﻞ ﺣﺎﺭ ﻭﺟﺎﻫﺰ
ﻣﻨﺎﻳﺮ : ﻛﻠﻪ ﻣﻦ ﻣﺼﺎﺭﻳﻦ ﺍﻟﺒﻘﺮ ..
ﺳﻤﺎﻫﺮ : ﻳﺎﻟﻮﺻﺨﺔ
ﻣﻨﺎﻳﺮ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻭﺍﻫﻲ ﺗﻀﺤﻚ ﺩﺧﻠﻮ ﺍﻟﺒﻴﺖ ﺍﻟﺜﻨﺘﻴﻦ .. ﻟﻜﻦ ﻣﻨﺎﻳﺮ ﺍﻧﺸﺪ ﺍﻧﺘﺒﺎﻫﻬﺎ ﺍﻟﻰ
ﻣﺸﻌﻞ ﻭﻧﻈﺮﺍﺗﻪ ﺍﻟﻰ ﺍﻟﺒﻴﺖ .. ﻛﺎﻧﺖ ﻳﻨﺎﻇﺮﻩ ﻭﻛﺎﻧﻪ ﺑﻴﺘﻪ ﺍﻟﻠﻲ ﺑﻴﺮﻭﺡ
ﻋﻨﻬﺎ .. ﻭﻳﻄﺎﻟﻊ ﺷﻲ ﻓﻮﻕ .. ﺗﺎﺑﻌﺖ ﻧﻈﺮﻩ ﻭﻋﺮﻓﺖ ﺍﻧﻪ ﻳﻨﺎﻇﺮ ﺩﺍﺭ
ﻓﺎﺗﻦ .. ﻳﻤﻜﻦ ﺍﻟﺪﺍﺭ ﻋﺎﺟﺒﺘﻪ ﻭﻻ ﺍﻟﺪﺭﻳﺸﺔ .. ﻣﺎﻳﻨﺪﺭﻯ ﻭﺍﻟﻠﻪ ..
ﻭﺭﻛﺒﺖ ﻣﺸﻌﻞ ﺍﻟﺴﻴﺎﺭﺓ ﻭﻣﺮ ﻣﻦ ﺻﻮﺏ ﻣﻨﺎﻳﺮ ﻭﺍﻫﻮ ﺍﺑﺪ ﻣﻮ ﻣﻔﺘﻜﺮ
ﻓﻴﻬﺎ ﺳﻮﺍﺀ ﺷﺎﻓﺘﻪ ﻭﻻ ﻻﺀ .. ﺳﻤﺎﻫﺮ ﺭﺩﺕ ﺑﺮﻩ ﻣﺮﺓ ﺛﺎﻧﻴﺔ ﻭﺍﻫﻲ
ﺗﺴﺤﺐ ﻣﻨﺎﻳﺮ ... ﻭﻛﺎﻟﻌﺎﺩﺓ ﻳﻌﻨﻲ ﺑﺎﻟﻤﻨﺎﺟﺮ
ﺍﻟﻴﻮﻡ ﺍﻫﻮ ﺍﻟﻴﻮﻡ ﺍﻟﻠﻲ ﺑﻴﺮﺩ ﻓﻴﻪ ﺟﺮﺍﺡ ﺍﻟﻜﻮﻳﺖ .. ﺍﻛﻴﺪ ﻣﺎ ﻣﺮ ﺍﺳﺒﻮﻉ
ﻻﻧﻪ ﻣﻦ ﺑﻌﺪ ﺍﺭﺑﻌﺔ ﺍﻳﺎﻡ ﻳﻤﻊ ﺍﻏﺮﺍﺿﻪ ﻭﻫﻮ ﺭﺍﺩ ﺍﻟﻜﻮﻳﺖ .. ﺍﻫﻮ ﺻﺞ
ﺍﻧﺴﺤﺐ ﻣﻦ ﺍﻟﺠﺎﻣﻌﺔ ﻟﻬﺎﻟﻜﻮﺭﺱ ﻟﻜﻦ ﻋﻠﻴﻪ ﺍﺷﻐﺎﻝ ﻛﺜﻴﺮﺓ .. ﻣﻨﻬﺎ ﺍﻭ
ﻳﻤﻜﻦ ﺍﻭﻟﻬﺎ ﺗﺮﻣﻴﻢ ﺍﻟﺒﻴﺖ ﻣﻦ ﺍﻭﻝ ﻭﻳﺪﻳﺪ .. ﻭﺑﺎﻟﺼﺮﺍﺣﺔ ﺍﻫﻮ ﻳﺤﺲ
ﺍﻧﻪ ﻟﻮ ﺧﻠﻰ ﻓﺎﺗﻦ ﻭﻣﺴﺎﻋﺪ ﻟﺤﺎﻟﻬﻢ ﻳﻤﻜﻦ ﻳﺘﺄﻗﻠﻤﻮﻥ ﻣﻊ ﺑﻌﺾ ﻻﻥ
ﻓﺎﺗﻦ ﺷﻮﻱ ﺻﻌﺒﺔ ﻓﻲ ﺍﻟﺘﺄﻗﻠﻢ ﺧﺼﻮﺻﺎ ﻣﻊ ﻣﺴﺎﻋﺪ ﻭﺍﻫﻲ ﻛﺎﻧﺖ
ﺭﺍﻓﻀﺔ ﻫﺎﻟﻔﻜﺮﺓ ﺗﻤﺎﻣﺎ ..
ﻣﺎﺩﺭﻱ ﻟﻴﺶ ﻓﺎﺗﻦ ﻛﺎﺭﻫﺔ ﻣﺴﺎﻋﺪ ﺟﺬﻱ ..؟؟ ﻫﺎﻟﺴﺆﺍﻝ ﻣﺎ ﻓﺎﺭﺝ ﺧﻴﺎﻝ
ﺟﺮﺍﺡ ﻭﻻ ﺩﻗﻴﻘﺔ .. ﻛﻞ ﻣﺮﺓ ﻳﺸﻮﻑ ﻓﻴﻬﺎ ﻣﺴﺎﻋﺪ ﻭﻻ ﻳﺸﻮﻑ ﻓﺎﺗﻦ
ﻣﻌﺎﻩ ﻓﻲ ﻧﻔﺲ ﺍﻟﻤﻜﺎﻥ ﻳﺤﺲ ﺑﺎﻥ ﺍﻟﺸﺮﺍﺭ ﻳﺘﻄﺎﻳﺮ ﻓﻲ ﺍﻟﻬﻮﺍ .. ﻓﻲ
ﺳﺒﺐ ﻳﺎ ﺗﺮﻯ ﻳﺨﻠﻴﻬﻢ ﻋﺎﻳﺸﻴﻦ ﺟﺬﻱ ﻭﺧﺼﻮﺻﺎ ﺍﻥ ﻓﺎﺗﻦ ﺍﺧﺘﻲ ﻣﺎ
ﻋﺮﻓﺖ ﺭﻳﺎﻝ ﻗﺒﻞ ﻏﻴﺮ ﻣﺴﺎﻋﺪ؟؟ ﻟﻴﺶ ﺍﻫﻮ ﺑﺎﻟﺬﺍﺕ؟؟
ﻳﻮﻡ ﻗﻌﺪ ﻳﻜﻠﻤﻬﺎ ﻗﺒﻞ ﻟﻴﻠﺔ ﺍﻟﺴﻔﺮ ﻛﺎﻧﺖ ﺳﺎﻛﺘﺔ ﻭﻫﺎﺩﺋﺔ ﻭﺳﺄﻟﻬﺎ ﺍﻛﺜﺮ
ﻣﻦ ﻣﺮﺓ ﺍﻥ ﺟﺎﻥ ﻛﺎﻧﺖ ﻣﺮﺗﺎﺣﺔ ﻭﻻ ﻻﺀ ﻭﺍﻫﻲ ﺗﻬﺰ ﺭﺍﺳﻬﺎ ﺑﺎﺑﺘﺴﺎﻣﺔ
ﺍﺑﻌﺪ ﻣﻦ ﺍﻟﺼﺞ .. ﻭﺣﺎﻭﻝ ﺍﻧﻪ ﻳﻌﺮﻑ ﻣﻨﻬﺎ ﺍﻥ ﺟﺎﻥ ﻣﺴﺎﻋﺪ ﻣﺘﺴﺒﺐ
ﻋﻠﻴﻬﺎ ﻣﺮﺓ ﻟﻜﻦ ﺍﻫﻲ ﻣﺎ ﻋﻄﺘﻪ ﺟﻮﺍﺏ ﺍﻳﺠﺎﺑﻲ ..
ﺟﺮﺍﺡ : ﻗﻮﻟﻴﻠﻲ ﻳﺎ ﻓﺎﺗﻦ ﺗﺮﻯ ﺍﻧﺎ ﻣﺎ ﺑﺴﻮﻱ ﻓﻴﺞ ﺷﻲ .. ﻻ ﺗﺴﻜﺘﻴﻦ
ﻋﻦ ﺍﻟﻐﻠﻂ ﺍﻥ ﺟﺎﻥ ﺍﻟﻐﻠﻂ ﻣﻮﺟﻮﺩ؟
ﻭﻳﻦ ﺗﺠﺎﻭﺏ ﻓﺎﺗﻦ ﻭﺍﻫﻲ ﻋﺎﺭﻓﺔ ﺍﻥ ﺍﻟﻐﻠﻂ ﻓﻴﻬﺎ ﺍﻫﻲ : ﻻ ﻳﺎ ﺟﺮﺍﺡ
ﺑﺲ ﺗﻌﺮﻑ ﺍﻧﺎ ﻣﺎﻋﺮﻑ ﻫﺎﻻﻧﺴﺎﻥ ﻣﻌﺮﻓﺘﻲ ﻓﻴﻪ ﻛﺎﻧﺖ ﺑﻤﺪﺓ ﻗﻴﺎﺳﻴﺔ ﺍﻥ
ﺷﺎﺀ ﺍﻟﻠﻪ ﺍﺗﻌﻮﺩ ﻋﻠﻴﻪ ..
ﺟﺮﺍﺡ ﺑﻈﻴﺞ : ﻭﺍﻟﻠﻪ ﺍﻧﻲ ﺧﺎﻳﻒ ﺍﻧﺞ ﻣﺎ ﺑﺘﺘﻌﻮﺩﻳﻦ .. ﻳﺎ ﻓﺎﺗﻦ ﺍﻧﺎ
ﺍﺧﻮﺝ ﻭﺍﻋﺮﻓﺞ ﺯﻳﻦ ﺍﻥ ﻣﺎ ﺍﺭﺗﺤﺘﻲ ﻣﻦ ﺍﻻﻭﻝ ﻣﺎ ﺑﺘﺮﺗﺎﺣﻴﻦ ﺑﻌﺪﻳﻦ
ﺍﺑﺘﺴﻤﺖ ﻓﺎﺗﻦ ﻭﺍﻫﻲ ﻣﺎﺳﻜﺔ ﻳﺪﻩ : ﻻ ﺗﻔﺎﻭﻝ ﻋﻠﻰ ﺍﺧﺘﻚ .. ﻗﻮﻝ ﺍﻥ
ﺷﺎﺀ ﺍﻟﻠﻪ ﺍﺗﺄﻗﻠﻢ ﻋﻠﻰ ﺍﻟﻮﺿﻊ ﻭﺍﻧﺖ ﻻ ﺗﺤﻄﻨﻲ ﻓﻲ ﺑﺎﻟﻚ .. ﺍﻛﻮ ﺍﺷﻴﺎﺀ
ﺍﻫﻢ ﻣﻨﻲ ﻻﺯﻡ ﺗﻬﺘﻢ ﻓﻴﻬﺎ ..
ﺟﺮﺍﺡ : ﻓﺎﺗﻦ ﺣﺎﻭﻟﻲ ﺍﻧﺞ ﺗﻜﻮﻧﻴﻦ ﺻﺒﻮﺭﺓ .. ﻣﺴﺎﻋﺪ ﺭﻳﺎﻝ ﻳﻨﺸﺮﻯ
ﺑﺎﻟﻤﺎﻝ ..
ﻏﺼﺔ ﻓﻲ ﺣﻠﺞ ﻓﺎﺗﻦ ﻣﻨﻌﺘﻬﺎ ﻣﻦ ﺍﻟﺮﺩ .. ﻓﺎﻛﺘﻔﺖ ﺑﻬﺰ ﺍﻟﺮﺍﺱ ..
ﻭﺍﻻﺑﺘﺴﺎﻡ ﺍﻟﺰﺍﺋﻒ ..
ﺟﺮﺍﺡ ﻓﻬﻢ ﺍﻥ ﻓﺎﺗﻦ ﺑﻌﺪﻫﺎ ﻣﺘﻈﺎﻳﻘﺔ ﻟﻜﻦ ﺷﺴﻮﻱ ﺍﻛﺜﺮ : ﻓﺎﺗﻦ ..
ﺗﻜﻔﻴﻦ .. ﻻ ﺗﺨﺒﻴﻦ ﻋﻠﻲ ﺷﻲ .. ﺍﻥ ﺟﺎﻥ ﺻﺎﺭ ﻟﺞ ﺷﻲ ﻻ ﺳﻤﺢ ﺍﻟﻠﻪ ..
ﺃﻱ ﺷﻲ ﻣﻤﻜﻦ ﻳﺨﻄﺮ ﻋﻠﻰ ﺑﺎﻟﺞ ... ﻗﻮﻟﻴﻠﻲ ..
ﻓﻲ ﻫﺎﻟﻤﻮﻗﻒ ﻳﺎﺕ ﻓﻲ ﻗﻠﺐ ﻓﺎﺗﻦ ﺣﺴﺮﺓ .. ﻣﺎ ﺗﻐﻠﺒﻬﺎ ﺣﺴﺮﺓ ﺛﺎﻧﻴﺔ ..
ﻟﻮ ﺍﻧﻬﺎ ﻗﺎﻟﺖ ﻟﺠﺮﺍﺡ ﻋﻦ ﺍﻟﻠﻲ ﻳﺼﻴﺮ ﻓﻲ ﻗﻠﺒﻬﺎ ﻭﺑﺤﻴﺎﺗﻬﺎ ﻭﺍﻧﻬﺎ ﺗﺤﺐ
ﻣﺸﻌﻞ .. ﻳﻤﻜﻦ ﻳﻀﺮﺑﻬﺎ .. ﻳﻤﻜﻦ ﻳﺬﺑﺤﻬﺎ .. ﺍﻭ ﻣﻦ ﻳﺪﺭﻱ .. ﻳﻤﻜﻦ
ﻳﺘﻔﻬﻤﻬﺎ .. ﻻﻧﻪ ﻳﻌﺮﻓﻬﺎ ﺍﻧﻬﺎ ﻣﺴﺘﺤﻴﻞ ﺗﺴﻮﻱ ﺷﻲ ﻏﻠﻂ ﻓﻲ ﺣﻴﺎﺗﻬﺎ ..
ﻭﺍﻟﺤﺐ ﻣﺎﻫﻮ ﻏﻠﻂ .. ﺍﻟﺤﺐ ﻳﺼﻴﺮ ﻏﻠﻂ ﻟﻤﻦ ﺗﻨﻘﻠﺐ ﻣﻌﺎﻧﻴﺔ ﻣﻦ
ﺍﻟﺨﻴﺮ ﺍﻟﻰ ﺍﻟﺸﺮ .. ﻟﻜﻦ ﺑﻌﺪ ﺷﻨﻮ ﻳﺎ ﻓﺎﺗﻦ .. ﺑﻌﺪ ﻣﺎ ﻭﻗﻊ ﺍﻟﻔﺎﺱ
ﺑﺎﻟﺮﺍﺱ .. ﺧﻼﺹ .. ﺍﺳﺘﺴﻠﻤﻲ ﻟﻘﺪﺭﺝ .. ﻭﻧﺼﻴﺒﺞ .. ﻭﺍﺩﻋﻲ ﺭﺑﺞ ﺍﻧﻪ
ﻳﺴﻬﻠﻬﺎ ﻋﻠﻴﺞ ..
ﻭﻣﺎ ﺯﺍﻝ ﺟﺮﺍﺡ ﻳﻔﻜﺮ .. ﺍﻧﻪ ﻟﻮ ﻣﺴﺎﻋﺪ ﻳﺘﺤﺮﻙ ﺍﻛﺜﺮ ﺗﺠﺎﻩ ﻓﺎﺗﻦ ... ﺍﻭ
ﻻ .. ﻟﻮ ﻛﺎﻧﻮ ﻟﺤﺎﻟﻬﻢ ﻳﻤﻜﻦ ﺭﺍﺡ ﻳﺘﻔﻘﻮﻥ ﻋﻠﻰ ﺃﺷﻴﺎﺀ ﻛﺜﻴﺮﺓ .. ﺍﻟﺤﻴﺎ
ﺑﺴﺒﺐ ﻭﺟﻮﺩﻱ ﻳﻤﻜﻦ ﺍﻳﻜﻮﻥ ﺗﻌﻄﻴﻞ .. ﻟﺬﺍ ﺍﻧﺎ ﻻﺯﻡ ﺍﺭﺩ ﻋﺸﻀﺎﻥ
ﻳﺼﻔﻰ ﺍﻟﺠﻮ ﻟﻬﻢ .. ﺍﺭﺩ ﻟﻨﺼﻴﻦ ﻗﻠﺒﻲ .. ﺃﻣﻲ ﻭﻣﺮﻳﻢ ..
ﺍﺍﺍﺍﺍﺥ ﻋﻠﻴﻬﺎ ﻭﺍﻟﻠﻪ ﺍﻧﻬﺎ ﻗﺮﻗﺎ ﻟﻜﻦ ﺍﻣﻮﺕ ﻓﻴﻬﺎ ﻳﺎ ﻧﺎﺱ .. ﺍﻧﺎ ﺷﻠﻮﻥ
ﺍﻧﺘﻈﺮ ﻟﻤﻦ ﺍﺧﻄﺒﻬﺎ .. ﺍﻧﺎ ﺍﻥ ﻣﺎ ﺗﺰﻭﺟﺘﻬﺎ ﺑﻬﺎﻟﺼﻴﻒ ﻳﻜﻮﻥ ﺧﻴﺮ .. ﻟﻜﻦ
ﻻ .. ﺍﻧﺎ ﻣﺎ ﺍﻗﺪﺭ ﺍﻋﻄﻞ ﻣﺴﺘﻘﺒﻞ ﺍﻟﺒﻨﺖ .. ﻻﺯﻡ ﺗﺪﺭﺱ ﻭﺗﺘﻌﺐ ﻋﻠﻰ
ﻋﻤﺮﻫﺎ ﻭﺍﺗﻴﻴﺐ ﺷﻬﺎﺩﺓ ﺗﻔﻴﺪﻫﺎ ﻓﻲ ﺍﻟﻤﺴﺘﻘﺒﻞ .. ﺑﻌﺪﻳﻦ ﺍﻧﺎ ﺍﺧﺬﻫﺎ ..
ﻳﻮﻡ ﺍﻧﻲ ﺍﻭﻗﻒ ﻋﻠﻰ ﺭﻳﻠﻲ ﻭﺍﺷﻴﻞ ﺑﺮﻭﺣﻲ ..
ﻇﻞ ﻳﻔﻜﺮ ﻣﻦ ﻭﻓﺎﺓ ﺍﺑﻮﻩ ﺍﻟﻰ ﻳﻮﻣﻪ ﻫﺬﺍ ﻓﻲ ﺷﻐﻠﺔ ﺍﺑﻮﻩ .. ﻭﺍﻛﺘﺸﻒ
ﺍﻟﻔﻮﺍﺋﺪ ﺍﻟﻜﺜﻴﺮﺓ ﺍﻟﻲ ﻓﻴﻬﺎ ﻭﺑﺪﻯ ﻳﻄﺎﻟﻌﻬﺎ ﻣﻦ ﻧﻈﺮﺓ ﺛﺎﻧﻴﺔ ﺗﻤﺎﻣﺎ .. ﻧﻈﺮﺓ
ﺍﻟﺘﻔﺸﻞ ﻭﺍﻟﺤﻴﺎ ﺭﺍﺣﺖ ﻭﺗﺨﺒﺖ ﻓﻲ ﻣﻜﺎﻥ ﺑﻌﻴﺪ .. ﻭﺻﺎﺭ ﺍﻟﺸﺮﻑ
ﻭﺍﻟﺘﻌﺐ ﻭﺍﻻﺟﺮ ﻳﻌﺠﺒﻪ ﺍﻛﺜﺮ .. ﻳﻤﻜﻦ ﺭﺍﺡ ﻳﺴﺘﻠﻢ ﺍﺣﺪ ﺍﻟﻮﺭﺷﺎﺕ ﺍﻟﻠﻲ
ﻭﺭﺛﻮﻫﻢ ﻭﻳﺪﻳﺮﻫﺎ ﻭﺑﻬﺎ ﺍﻳﻴﺐ ﻣﺪﺧﻮﻝ ﻟﻠﺒﻴﺖ .. ﺑﺲ ﻳﺎ ﺗﺮﻯ ﻣﺮﻳﻢ ﺭﺍﺡ
ﺗﺮﺿﻰ ﻓﻴﻨﻲ ﻟﻮ ﻛﻨﺖ ﺍﺷﺘﻐﻞ ﺑﻬﺎﻟﺸﻐﻠﺔ ..
ﻭﻓﻲ ﺍﻟﻤﻄﺎﺭ ﻓﺎﺗﻦ ﻛﺎﻧﺖ ﺯﻋﻼﻧﺔ ﻭﺣﺰﻳﻨﺔ ﻭﻳﺪﻫﺎ ﻇﻠﺖ ﻓﻲ ﻳﺪ ﺟﺮﺍﺡ
ﺣﺘﻰ ﻋﻨﺪ ﺍﻟﻜﺎﻭﻧﺘﺮ ﻭﻣﺎ ﺧﻠﺘﻪ .. ﻣﺴﺎﻋﺪ ﻣﺎ ﺍﻫﺘﻢ ﻟﻬﺎ ﻭﻳﻤﻜﻦ ﻻﻧﻪ ﺑﺪﻯ
ﻳﺤﻘﺮ ﺗﺼﺮﻓﺎﺗﻬﺎ ﻭﻣﺎ ﻳﻠﻮﻣﻬﺎ ﻣﺜﻞ ﻗﺒﻞ ﻋﻠﻰ ﺍﻗﻞ ﺷﻲ .. ﺍﻫﻲ ﺗﺤﺘﺎﺝ
ﻟﻠﻮﻗﺖ ﻭﺍﻧﺎ ﻣﺎ ﻋﻨﺪﻱ ﻭﻗﺖ ﺍﺩﻟﻊ ﺣﺮﻳﻢ ..
ﻓﺎﺗﻦ : ﺍﻭﻝ ﻣﺎ ﺗﻮﺻﻞ ﻓﻲ ﻣﻄﺎﺭ ﺍﻟﻌﺎﺻﻤﺔ ﺗﺘﺼﻞ ﻓﻴﻨﻲ ﻻ ﺗﻄﻨﺸﻨﻲ
ﺟﺮﺍﺡ ﻳﺒﺘﺴﻢ : ﺍﻭﻭﻭﻭﻭﻭ ﻭﺍﻟﻠﻪ ﻓﺘﻮﻥ ﺣﻔﻈﺖ ﻫﺎﻻﺳﻄﻮﺍﻧﺔ ﺧﻼﺹ
ﺑﺘﺼﻞ ﻓﻴﺞ ﺍﻭﻝ ﻣﺎ ﺍﻭﺻﻞ ﻣﻄﺎﺭ ﺍﻟﻜﻮﻳﺖ .. ﺑﻌﺪ .. ﺍﻣﺮﻱ ﻋﻠﻰ
ﻫﺎﻟﺨﺸﻢ؟؟
ﻓﺎﺗﻦ : ﺗﺤﻤﻞ ﻓﻲ ﺍﻣﻲ ﻭﺣﺎﺳﺐ ﻟﻬﺎ ﺗﺮﺍﻫﺎ ﺗﺘﻌﺎﻟﺞ ﻋﻦ ﺍﻟﺴﻜﺮﻱ ..
ﺟﺮﺍﺡ : ﺍﺩﺭﻱ ﻓﺎﺗﻦ .. ﻭﺑﻌﺪ ..
ﻓﺎﺗﻦ : ﻣﻨﻮﺭ .. ﺍﻗﻨﻌﻬﺎ ﺑﺎﻟﺤﺠﺎﺏ .. ﻣﺎﻟﻪ ﻟﺰﻭﻡ ﺍﻟﺴﻔﻮﺭ
ﺟﺮﺍﺡ : ﻋﺎﺩ ﻫﺬﺍ ﺷﻐﻠﻪ ﺍﻣﻲ ﻣﻮ ﺍﻧﺎ ..
ﻓﺎﺗﻦ ﺑﻠﻮﻡ ﻳﺴﻠﺐ ﺍﻟﻘﻠﻮﺏ .. ﻭﻳﻤﻠﻞ ﺷﻮﻱ : ﺟﺮﺍﺡ ﺍﻧﺖ ﺗﺪﺭﻱ ﺍﻥ ﺍﻣﻲ
ﻣﺎ ﺗﻘﺪﺭ ﺗﺠﺒﺮ ﺍﺣﺪ ﻋﻠﻰ ﺷﻲ .. ﺍﻧﺖ ﺍﻗﻨﻌﻬﺎ ..
ﺟﺮﺍﺡ : ﻳﻮﻭﻭﻭﻭﻭﻭﻭﻭﻭﻭﻭﻩ ﻳﺎ ﻓﺎﺗﻦ ﺗﺮﺍﻧﻲ ﻭﺍﻟﻠﻪ ﻣﻠﻴﺖ ﻣﻨﺞ ﺧﻠﺞ
ﺑﻨﺖ ﻋﺎﺟﻞ
ﻓﺎﺗﻦ ﺑﺰﻋﻞ ﻭﺩﻣﻌﺘﻬﺎ ﺍﻟﻠﻲ ﺻﺎﺭﺕ ﺑﺎﻟﻤﺨﺒﻰ ﻫﺎﻻﻳﺎﻡ ﺗﻄﻠﻊ ﻭﻗﺖ ﻣﺎ
ﺗﺒﻲ : ﺻﺮﺕ ﻣﻤﻠﺔ ﻣﻮ .. ﺷﻜﺮﺍ ﻭﻣﺎ ﺗﻘﺼﺮ
ﺻﺪﺕ ﻋﻨﻪ ﻭﺍﻫﻲ ﺷﻮﻱ ﻭﺑﺘﺒﺠﻲ ﻭﺟﺮﺍﺡ ﻳﻨﺎﻇﺮﻫﺎ ﺑﻌﺠﺰ :
ﺍﺍﺍﺍﺍﺍﺍﺍﺍﺍﺍﺍﻫﻬﻬﻬﻬﻬﻬﻬﻪ ﻓﺘﻮﻭﻭﻥ ﻋﻼﻣﺞ ﺑﺴﺞ ﺩﻟﻊ ﻭﺍﻟﻠﻪ ﻭﺍﻟﻠﻪ ﺭﺍﺡ
ﺍﺳﻮﻱ ﺍﻟﻠﻲ ﺗﺒﻴﻦ ﺍﻧﺘﻲ ﺑﺲ ﻻ ﺗﺰﻋﻠﻴﻦ
ﻓﺎﺗﻦ : ﺃﻱ ﺃﻱ ﺣﺠﻲ ..
ﺟﺮﺍﺡ ﻳﻄﺎﻟﻊ ﻣﺴﺎﻋﺪ : ﻭﺍﻟﻠﻪ ﺍﻧﺎ ﻳﻨﻴﺖ ﻭﻳﺎﻫﺎ ﻫﺬﻱ
ﻣﺴﺎﻋﺪ ﻳﻬﺰ ﺭﺍﺳﻪ ﺑﺘﻌﺐ ﻳﻌﻨﻲ ﺧﻠﻬﺎ ﻣﻨﻚ ﻣﺎ ﻋﻠﻴﻚ ﻣﻨﻬﺎ ﻭﺟﺮﺍﺡ
ﻳﻀﺤﻚ .. ﻭﻳﺎﻭﻳﻠﻚ ﻳﺎ ﻣﺴﺎﻋﺪ ﻻﻥ ﻓﺎﺗﻦ ﺍﻟﺘﻔﺘﺖ ﻟﻚ ﻭﻧﻈﺮﺍﺗﻬﺎ ﻛﻠﻬﺎ
ﻛﺮﻩ .. ﺣﺘﻰ ﺍﻥ ﻣﺴﺎﻋﺪ ﻳﻤﺪ ﻭﻳﻬﻪ ﺟﻨﻪ ﺗﻤﺜﺎﻝ ﻭﻓﻴﻪ ﺿﺤﻜﺔ ﺑﺘﻄﻠﻊ
ﻣﻦ ﺧﺸﻤﻪ ..
ﻭﻳﺎ ﺍﻟﻨﺪﺍﺀ ﺍﻟﻠﻲ ﻳﻌﻠﻦ ﻓﺮﺍﻕ ﺍﻻﺧﻮﻳﻦ ﺍﻟﺤﺒﻴﺒﻴﻦ ﻋﻦ ﺑﻌﺾ .. ﻭﺑﺎﻟﻨﺪﺍﺀ
ﺯﺧﺖ ﺩﻣﻮﻉ ﻓﺎﺗﻦ ﻭﺍﻫﻲ ﺗﺤﻈﻦ ﺟﺮﺍﺡ ..
ﺇﺿﺎﻓﺔ ﺭﺩ
brune 11:33 PM 12-05-07
ﻓﺎﺗﻦ : ﻻ ﺗﺮﻭﺡ
ﺟﺮﺍﺡ ﻭﻫﻮ ﻳﻤﺴﺢ ﻋﻠﻰ ﺭﺍﺳﻬﺎ : ﻳﺎﻟﻠﻪ ﻓﺘﻮﻥ ﻋﺎﺩ ﺣﺒﻴﺒﺘﻲ ﺑﺪﻝ ﻻ
ﺗﺪﻋﻴﻠﻲ ﺑﺎﻟﺴﻼﻣﺔ؟؟
ﻓﺎﺗﻦ ﻭﻫﻲ ﺗﺮﻓﻊ ﺭﺍﺳﻬﺎ ﻭﺗﻤﺴﺢ ﺍﻟﺪﻣﻮﻉ ﺑﻜﻢ ﺍﻟﺘﻲ ﺷﺮﺕ : ﺗﻮﺻﻞ
ﺑﺎﻟﺴﻼﻣﺔ ﻳﺎ ﺭﺑﻲ ﻋﻠﻰ ﺍﺟﻨﺤﻪ ﺍﻟﻤﻼﺋﻜﺔ ..
ﺟﺮﺍﺡ : ﺍﻣﻴﻦ ﻳﺎ ﺭﺏ ﺍﻟﻌﺎﻟﻤﻴﻦ .. ﻳﺎ ﺣﻠﻮﺝ ﻭﻳﺎ ﺣﻠﻮ ﺍﺩﻋﻴﺘﺞ ﻳﺎﺍﺧﺘﻲ
ﺍﻟﻐﺎﻟﻴﺔ ...
( ﻳﻠﺘﻔﺖ ﻟﻤﺴﺎﻋﺪ )
ﻣﺎ ﻭﺻﻴﻚ ﻋﻠﻴﻬﺎ ﻣﺴﺎﻋﺪ ﺗﺮﺍﻫﺎ ﻏﺎﻟﻴﺔ ﻭﻟﻮ ﺍﻧﻬﺎ ﺗﺘﺪﻟﻊ ﻭﺗﺤﺐ ﺍﻟﺪﻻﻝ ..
ﻣﺴﺎﻋﺪ ﺑﺎﺑﺘﺴﺎﻣﺔ ﻭﻫﻮ ﻳﻤﺴﻚ ﻛﺘﻒ ﺟﺮﺍﺡ : ﻣﺎ ﻋﻠﻴﻚ ﺍﻧﺎ ﺑﺤﻄﻬﺎ ﻓﻲ
ﻋﻴﻮﻧﻲ ﺷﺘﺒﻲ ﺍﻛﺜﺮ ..
ﺟﺮﺍﺡ : ﺍﺑﻲ ﺍﻛﺜﺮ ﻣﻦ ﻋﻴﻮﻧﻚ .. ﺍﺑﻴﻚ ﺗﺤﻄﻬﺎ ﻋﻠﻰ ﺑﺎﻟﻚ .. ﻭﻓﻲ
ﻗﻠﺒﻚ ..
ﺍﻧﺤﺮﺝ ﻣﺴﺎﻋﺪ ﻟﻜﻦ ﺷﺴﻮﻱ .. ﺍﻣﺮﻩ ﻟﻠﻪ : ﺍﻥ ﺷﺎﺀ ﺍﻟﻠﻪ ﺟﺮﺍﺡ .. ﺍﻧﺖ
ﺑﺲ ﺳﻠﻢ ﻋﻠﻰ ﺍﻻﻫﻞ ﻭﺗﺤﻤﻞ ﻓﻲ ﻫﻠﻚ .. ﺗﺮﺍﻫﻢ ﺍﻣﺎﻧﺔ ..
ﺟﺮﺍﺡ : ﺍﻓﺎ ﻋﻠﻴﻚ ﺑﺲ .. ﻳﺎﻟﻠﻪ .. ﺍﻧﺎ ﺍﺧﻠﻴﻜﻢ ( ﻳﻨﺰﻝ ﺭﺍﺳﻪ ﻟﻔﺎﺗﻦ )
ﺍﺣﺒﺞ ﻓﺘﻮﻭﻭﻥ
ﻓﺎﺗﻦ ﺗﺤﻈﻦ ﺍﺧﻮﻫﺎ ﻣﺮﺓ ﺛﺎﻧﻴﺔ : ﻭﺍﻧﺎ ﺑﻌﺪ ...
ﻭﺑﻌﺪ ﻓﺘﺮﺓ ﻣﻦ ﺍﻟﻌﻨﺎﻕ ﺭﺍﺡ ﺟﺮﺍﺡ ﻭﻫﻮ ﻳﻠﻮﺡ ﻟﻬﻢ ﺑﺨﻔﺔ ﺑﻴﺪﻩ
ﻭﺍﺑﺘﺴﺎﻣﺘﻪ ﺍﻟﺤﻠﻮﺓ ﺍﻟﻌﺮﻳﻀﺔ ﻣﻐﻄﻴﺔ ﻣﻼﻣﺢ ﻭﻳﻬﻪ ﻛﻠﻬﺎ .. ﻭﻓﺎﺗﻦ ﺍﻟﻠﻲ
ﻋﻴﻮﻧﻬﺎ ﻛﺎﻧﺖ ﻻﺯﻗﺔ ﻓﻲ ﻇﻞ ﻭﺧﻴﺎﻝ ﺍﺧﻮﻫﺎ ﻣﺎ ﻓﺎﺭﺟﺘﻪ ﺍﻻ ﻳﻮﻡ
ﺍﺧﺘﻔﻰ ﺗﻤﺎﻣﺎ ﻋﻦ ﺑﺼﺮﻫﺎ .. ﻭﻇﻠﺖ ﻭﺍﻗﻔﺔ ﻣﻜﺎﻧﻬﺎ ﻭﻋﻴﻮﻧﻬﺎ ﺑﺎﻻﺭﺽ ..
ﻭﺍﺧﻴﺮﺍ .. ﻃﺎﺣﺖ ﺍﺳﻴﺮﺓ ﻓﻲ ﻳﺪ ﻣﺴﺎﻋﺪ .. ﻻ ﺍﺧﻮ ﻭﻻ ﻭﻟﻲ ﻭﻻ
ﺣﺎﻣﻲ .. ﻟﻜﻦ ﻳﺎ ﻓﺎﺗﻦ .. ﺍﻫﻮ ﺯﻭﺟﺞ ﻣﻮ ﺃﻱ ﻏﺮﻳﺐ .. ﻣﻦ ﻳﻘﺪﺭ
ﻳﻘﻨﻌﻬﺎ .. ﺍﻧﺎ ﻣﺎﻗﺪﺭ .. ﺍﻧﺘﻮ ﺗﻘﺪﺭﻭﻥ؟؟؟؟
ﻃﻮﻝ ﺩﺭﺏ ﺍﻟﺮﺩﺓ ﻟﻠﺸﻘﺔ ﻛﺎﻧﺖ ﻓﺎﺗﻦ ﺳﺎﻛﺘﻪ ﻭﻻ ﺗﻨﻄﻖ ﺑﺤﺮﻑ ﻭﺍﺣﺪ ..
ﺍﺳﺘﻠﻢ ﻣﺴﺎﻋﺪ ﺳﻴﺎﺭﺓ ﺷﻴﺮﻭﻛﻲ ﻣﻦ ﺍﻟﺸﺮﻛﺔ ﻋﺸﺎﻥ ﻳﺴﺘﻌﻤﻠﻬﺎ ..
ﻭﻛﺎﻧﺖ ﺍﻟﺴﻴﺎﻗﺔ ﻭﻳﺎﻩ ﻣﺜﻞ ﺍﻟﺤﻠﻢ ﺑﺎﻟﻨﺴﺒﺔ ﻟﻔﺎﺗﻦ .. ﻣﺎ ﺷﺎﺀ ﺍﻟﻠﻪ
ﺳﻴﺎﻗﺘﻪ ﻫﺎﺩﺋﺔ ﻭﻻ ﻳﺤﺲ ﺍﻟﻮﺍﺣﺪ ﺍﻥ ﺍﻟﺘﺎﻳﺮ (ﺍﻟﻜﻔﺮ ) ﻳﻀﺮﺏ ﺍﻻﺭﺽ ..
ﻭﻟﻜﻦ ﻓﺎﺗﻦ ﻣﺴﺘﺤﻴﻞ ﺗﺘﻘﺒﻠﻪ ﻓﻲ ﺣﻴﺎﺗﻪ .. ﺍﻫﻲ ﺧﻼﺹ ﻫﺬﺍ ﺍﻟﺸﻲ
ﺻﺎﺭ ﺧﺎﺭﺝ ﺳﻴﻄﺮﺗﻬﺎ .. ﻛﺮﻫﻪ ﺑﺪﻯ ﻳﺴﺘﻔﺤﻞ ﻛﻞ ﺫﺭﻳﺔ ﻓﻴﻬﺎ .. ﺷﻠﻮﻥ
ﻳﻘﺪﺭ ﻳﻨﺎﻡ ﻭﻳﺼﺤﻰ ﻭﻳﺎﻛﻞ ﻭﻳﻤﺴﻰ ﻭﻳﺼﺒﺢ ﻭﺍﻫﻮ ﻋﺎﺭﻑ ﺍﻥ ﺍﻟﻠﻲ
ﺗﺰﻭﺟﻬﺎ ﻣﺎﺗﺒﻴﻪ ﻭﺗﺤﺐ ﻭﺍﺣﺪ ﻏﻴﺮﻩ ... ﺻﺞ ﺍﻧﺴﺎﻥ ﻣﺘﻠﺒﺪ ﺍﻟﻤﺸﺎﻋﺮ ..
ﺍﻭ ﻳﻤﻜﻦ ﻣﻴﺖ ﺍﻟﻤﺸﺎﻋﺮ .. ﺻﺞ ﺍﻧﺎ ﺍﺷﻔﻖ ﻋﻠﻴﻪ .. ﻣﻦ ﻛﻞ ﺍﻋﻤﺎﻕ
ﻗﻠﺒﻲ ..
ﻓﻲ ﻗﻠﺐ ﻣﺴﺎﻋﺪ ﻛﺎﻥ ﺍﻟﻬﻢ ﻣﺘﺴﻠﻖ ﺍﻋﺎﻟﻴﻪ ﻭﻣﻐﻄﻲ ﺍﺳﻔﻠﻪ .. ﻭﺟﻮﺩ
ﻓﺎﺗﻦ ﺑﺠﻨﺒﻪ ﻭﻫﺪﻭﺋﻬﺎ ﺍﻟﺪﺍﺋﻢ ﻳﺨﻠﻴﻪ ﻳﺤﺲ ﺑﻌﺪﻡ ﺍﻻﺳﺘﻘﺮﺍﺭ .. ﻭﺟﻮﺩﻫﺎ
ﻣﻌﺎﻩ ﻓﻲ ﻣﺜﻞ ﻫﺎﻟﻮﺿﻌﻴﺔ ﺃﻱ ﺍﻧﻬﻢ ﺑﺮﻭﺣﻬﻢ ﻭﻻ ﺍﺣﺪ ﻣﻌﺎﻫﻢ ﻳﺨﻠﻴﻪ
ﻳﺘﻮﺗﺮ ﻭﻳﻠﺘﺰﻡ ﺍﻟﺼﻤﺖ ﻭﺍﻫﻮ ﺍﻟﻠﻲ ﻳﺒﻲ ﻳﺘﻜﻠﻢ ﻣﻌﺎﻫﺎ ﻭﻳﺒﻲ ﻳﺒﻨﻲ
ﻋﻼﻗﺔ ﺑﻴﻨﻬﻢ .. ﻭﺍﻥ ﺧﻠﺖ ﻣﻦ ﺍﻟﻤﺸﺎﻋﺮ ﻓﻲ ﺍﻭﻝ ﺍﻟﺸﻲ ﻓﻤﺮﺩﻫﺎ
ﺑﺘﺨﺘﻠﻒ ﻣﻊ ﺍﻟﺰﻣﻦ .. ﻣﻦ ﻳﺪﺭﻱ .. ﻳﻤﻜﻦ ﺗﺤﺒﻨﻲ ﻓﺎﺗﻦ ﺑﻴﻮﻡ ﻣﻦ
ﺍﻻﻳﺎﻡ؟؟
ﻻ ﻳﺎ ﻣﻌﻮﺩ ﺷﻨﻮ ﺗﺤﺒﻚ؟؟؟ ﺍﻧﺎ ﻣﺎﺩﺭﻱ ﻟﻴﺶ ﻓﻜﺮﺓ ﺍﻧﻬﺎ ﺗﺤﺒﻨﻲ ﻣﻮ
ﺩﺍﺧﻠﺔ ﻓﻲ ﺑﺎﻟﻲ .. ﻣﺎﺑﻴﻬﺎ ﺗﺤﺒﻨﻲ .. ﻻﻧﻲ ﺍﺩﺭﻱ .. ﺍﻟﺤﺐ ﺍﻻﻭﻝ ﺍﻫﻮ ﻛﻞ
ﺷﻲ ﺑﻬﺎﻟﺪﻧﻴﺎ ..
ﺻﺞ ﺍﻧﻪ ﻳﺤﺲ ﺑﺎﻟﺤﺐ ﺗﺠﺎﻩ ﻓﺎﺗﻦ ﻟﻜﻨﻪ ﻣﺎ ﻳﺴﺎﻭﻱﺀ ﺟﺰﺀ ﻣﻦ
ﺍﻟﻤﺸﺎﻋﺮ ﺍﻟﻠﻲ ﻛﺎﻥ ﻳﺤﺲ ﺑﻬﺎ ﻳﻮﻡ ﻛﺎﻧﺖ ﻋﺎﻟﻴﺔ ﻣﻮﺟﻮﺩﺓ ﻋﻠﻰ ﺍﻟﺪﻧﻴﺎ ..
ﻛﺎﻥ ﻳﺤﺲ ﺑﺎﻟﺠﻨﻮﻥ ﻭﺍﻟﺪﻡ ﻣﺜﻞ ﺍﻟﺬﺭﻳﺎﺕ ﺍﻟﻬﺎﻳﻤﺔ ﻋﻠﻰ ﻭﻳﻬﻬﺎ
ﻭﺍﻟﻨﺸﺎﻁ ﻋﺎﺭﻡ ﺣﺘﻰ ﻓﻲ ﻋﺰ ﺍﻟﺘﻌﺐ .. ﻓﺎﺗﻦ ﺍﻟﻤﺸﺎﻋﺮ ﺍﻟﻤﻮﺟﻬﺔ ﻟﻬﺎ
ﻣﻬﺪﺋﺔ ﺍﻛﺜﺮ ﻣﻨﻬﺎ ﻋﺎﺷﻘﺔ .. ﻳﺒﻴﻬﺎ ﺗﻬﺪﻯ ﻭﺗﺴﻜﻦ .. ﻫﻮ ﻳﻌﺮﻑ ﺍﻥ
ﻫﺎﻟﻘﻨﺎﻉ ﺍﻟﻤﻠﺒﺪ ﺑﺎﻟﺜﻠﺞ ﻏﻴﺮ ﺣﻘﻴﻘﻲ .. ﺍﻫﻲ ﻣﺎﺳﻜﺔ ﻧﻔﺴﻬﺎ ﻻ ﺗﻲ
ﻭﺗﺨﻨﻘﻨﻲ ﻭﺍﻟﻠﻪ ﺧﻠﻬﺎ ﺗﺤﺘﺮﻡ ﻧﻔﺴﻬﺎ ﺯﻳﻦ ﻣﻨﻲ ﻣﺎ ﺍﺷﻴﻠﻬﺎ ﻣﻦ ﺷﻌﺮﻫﺎ
ﻭﺍﻃﻴﺢ ﻓﻴﻬﺎ ﺗﻜﻔﺢ ﻟﻴﻤﻦ ﺗﻨﺴﻰ ﺍﺳﻤﻬﺎ ..
ﻭﺻﻠﺖ ﺍﻟﺴﻴﺎﺭﺓ ﻟﻠﺒﻨﺎﻳﺔ ﻭﻋﻠﻰ ﻃﻮﻝ ﻓﺎﺗﻦ ﻃﻠﻌﺖ ﻣﻨﻬﺎ ﻭﺭﺍﺣﺖ ﻟﻠﺒﺎﺏ
ﺍﻟﺮﺋﻴﺴﻲ .. ﺩﺧﻠﺖ ﻫﻨﺎﻙ ﻭﻣﺴﺎﻋﺪ ﺭﻛﺾ ﻭﺭﺍﻫﺎ ﻋﺸﺎﻥ ﻳﻠﺤﻖ ﻋﻠﻰ
ﺍﻟﺒﺎﺏ ﻟﻜﻦ ... ﺗﺴﻜﺮ ﺍﻟﺒﺎﺍﺍﺏ ﻓﻲ ﻭﻳﻬﻪ ﻭﻇﻞ ﻭﺍﻗﻒ ﻓﻲ ﺍﻟﺸﺎﺭﻉ ﻭﻫﻮ
ﺣﺎﻁ ﺭﺍﺳﻪ ﻋﻠﻰ ﺍﻟﺒﺎﺏ ﻣﻦ ﺍﻟﻘﻬﺮ .. ﻳﻌﻨﻲ ﺷﺴﻮﻱ ﻟﻬﺎ .. ﻫﺬﻱ ﺍﻭﻝ
ﻣﻮﺍﺟﻬﺔ ﺑﻴﻨﺎﺗﻬﻢ .. ﻭﻣﺴﺮﻉ ﻣﺎ ﻃﻠﻊ ﺻﻮﺕ ﻣﻦ ﺍﻟﺒﺎﺏ ﻳﺒﻴﻦ ﺍﻧﻪ ﺍﻧﻔﺘﺢ
ﻣﻦ ﻓﻮﻕ ﻭﺑﻨﻈﺮﺓ ﻗﻬﺮ ﺩﺧﻞ ﻣﺴﺎﻋﺪ ﻭﺭﻛﺐ ﻓﻮﻕ ... ﺍﻟﻈﺎﻫﺮ ﺍﻥ ﺍﻟﻴﻮﻡ
ﻣﺎ ﺑﻴﻌﺪﻱ ﻋﻠﻰ ﺧﻴﺮ ..
ﺩﺧﻞ ﺍﻟﺸﻘﺔ ﻭﺍﻟﺒﺎﺏ ﻛﺎﻥ ﻣﻔﺘﻮﺡ ﺷﻮﻱ .. ﺳﻜﺮﻩ ﻣﻦ ﻭﺭﺍﻩ ﻭﻫﻮ ﻳﻄﺎﻟﻊ
ﺑﺎﺏ ﻏﺮﻓﺔ ﻓﺎﺗﻦ ﺍﻟﻠﻲ ﺗﺴﻜﺮ ﺑﻮﻗﺎﺣﺔ ﻓﻲ ﻭﻳﻬﻪ ﻭﻫﻮ ﺍﺑﺪ ﻣﺎ ﺗﺤﺮﻙ ﻭﻻ
ﺳﻮﻯ ﺷﻲ .. ﺭﺍﺡ ﻋﻨﺪ ﺍﻟﻤﻄﺒﺦ ﻃﻠﻊ ﻟﻪ ﺳﻠﺔ ﺍﻟﻔﻮﺍﻛﻪ ﺍﻟﻠﻲ ﺗﺸﺮﺍﺍﻫﺎ
ﻭﻳﺎ ﺟﺮﺍﺡ ﺍﻣﺲ .. ﻭﺗﻢ ﻳﺎﻛﻞ ﻓﻴﻬﺎ ﻭﻣﺎ ﺍﻧﻜﺮ ﻟﻜﻢ .. ﻛﺎﻥ ﻣﻨﻘﻬﺮ .. ﻟﻜﻨﻪ
ﻳﻌﺮﻑ ﺍﻥ ﻓﺎﺗﻦ ﻳﺎﻫﻞ .. ﻭﺍﻟﻴﺎﻫﻞ ﻣﺎ ﻳﻨﺨﺬ ﻋﻠﻴﻪ .. ﻣﺎ ﺭﺩﻫﺎ ﺑﺘﻄﻠﻊ
ﻭﺑﺘﺴﻮﻱ ﺣﺮﻛﺎﺕ ﺍﻟﻌﻦ ﻣﻦ ﻫﺬﻱ ﻭﺑﺘﻨﺘﻈﺮ ﻣﻨﻲ ﺍﻧﻲ ﺍﺛﻮﺭ ﻋﻠﻴﻬﺎ
ﻋﺸﺎﻥ ﻳﺒﺮﺩ ﻗﻠﺒﻬﺎ ﻭﺗﻤﺴﻚ ﻋﻠﻲ .. ﻟﻜﻦ ﻣﻮ ﺍﻧﺎ ﻳﺎ ﻓﺎﺗﻦ ... ﺑﺘﺘﻌﺒﻴﻦ
ﻣﻌﺎﻱ ..
ﻭﺑﺎﻟﻔﻌﻞ .. ﻃﻠﻌﺖ ﻓﺎﺗﻦ ﻣﻦ ﺍﻟﺪﺍﺭ ﻭﻫﻲ ﺧﺎﻓﺴﺔ ﻭﻳﻬﻬﺎ ﺑﻘﺮﻑ .. ﺭﺍﺣﺖ
ﺑﺴﺮﻋﺔ ﺩﺍﺧﻞ ﺍﻟﻤﻄﺒﺦ ﺍﻭ ﻳﻤﻜﻦ ﻳﻤﻪ ﻭﻭﻗﻔﺖ ﻭﺍﻫﻲ ﻣﺘﺨﺼﺮﻩ ﻣﻦ
ﺍﻟﻀﻴﺞ ﻋﺸﺎﻥ ﺍﻧﻪ ﻳﺘﺰﺣﺰﺡ ﻣﻦ ﻳﻤﻬﺎ ﻭﺗﻘﺪﺭ ﺗﻔﺘﺢ ﺍﻟﺒﺎﺏ ﻭﺗﺎﺧﺬ ﺍﻟﻠﻲ
ﺗﺒﻴﻪ ... ﺗﺒﺎﻋﺪ ﻣﺴﺎﻋﺪ ﻭﻫﻲ ﻓﺘﺤﺖ ﺍﻟﺒﺎﺏ ﻭﻃﻠﻌﺖ ﻏﺮﺷﺔ ﺍﻟﻤﺮﺑﻰ
ﻭﺯﺑﺪﺓ ﺍﻟﻔﺴﺘﻖ .. ﺳﺤﺒﺖ ﺟﻴﺲ ﺍﻟﺴﻠﻴﺲ ﻭﻛﺎﻧﻬﺎ ﻣﺎﺧﺬﺓ ﺍﻟﻤﺆﻧﺔ
ﻭﺗﺮﻭﺡ ﺩﺍﺧﻞ ﺍﻟﺪﺍﺭ ..
ﻣﺴﺎﻋﺪ ﻗﺒﻞ ﻻ ﺗﺮﻭﺡ ﺍﻋﺘﺮﺽ ﺩﺭﺑﻬﺎ : ﻭﻳﻦ ﺭﺍﻳﺤﺔ؟؟
ﻭﻗﻔﺖ ﻓﺎﺗﻦ ﺑﻈﻴﺞ : ﺑﺮﻭﺡ ﺩﺍﺭﻱ
ﻣﺴﺎﻋﺪ ﻳﺎﺷﺮ ﺑﺮﺍﺳﻪ ﻋﻠﻰ ﺍﻟﻠﻲ ﻓﻲ ﻳﺪﻫﺎ : ﺑﺘﺎﻛﻠﻴﻦ ﺑﺲ .. ﻣﺎ ﺗﺒﻴﻦ
ﺗﺸﺮﺑﻴﻦ؟
ﻓﺎﺗﻦ : ﺷﻨﻮﻭ
ﻓﺘﺢ ﻣﺴﺎﻋﺪ ﺍﻟﺜﻼﺟﺔ ﻭﻃﻠﻊ ﻏﺮﺷﺔ ﻋﺼﻴﺮ ﺑﺮﺗﻘﺎﻝ : ﺧﺬﻱ ﻫﺬﺍ ﻣﻌﺎﺝ ..
ﻳﻜﻔﻴﺞ ﺣﻖ ﺟﻢ ﻳﻮﻡ ... ﻋﺸﺎﻥ ﻣﺎ ﺗﻌﻄﺸﻴﻦ ..
ﺧﺬﺕ ﻓﺎﺗﻦ ﺍﻟﻐﺮﺷﺔ ﻭﺍﻫﻲ ﻣﻌﺼﺒﺔ ﻋﻠﻰ ﺍﻻﺧﺮ ﻣﻨﻪ ﻭﺭﺍﺣﺖ ..
ﻭﻣﺴﺎﻋﺪ ﻳﻀﺤﻚ ﻋﻠﻴﻬﺎ ﻣﻦ ﺩﺍﺧﻠﻪ ﻭﻭﻗﻔﻬﺎ : ﻣﺮﺓ ﺛﺎﻧﻴﺔ ﻟﻮ ﺗﺒﻴﻦ ﺃﻱ
ﺷﻲ ﺍﻧﺎ ﺑﺤﻄﻪ ﻟﺞ ﻋﻨﺪ ﺍﻟﺒﺎﺏ ﻋﺸﺎﻥ ﻻ ﺗﺘﻌﺒﻴﻦ .. ﺍﻟﻤﺴﺎﻓﺔ ﻃﻮﻳﻠﺔ ..
ﻓﺎﺗﻦ : ﻣﻮ ﻻﺯﻡ .. ﺍﻧﺎ ﺑﺮﻭﺣﻲ ﺑﺎﺧﺬﻩ .. ﻻ ﺗﺘﻌﺐ ﻧﻔﺴﻚ
ﻣﺴﺎﻋﺪ ﺑﻨﻈﺮﺓ ﺗﻬﻜﻤﻴﺔ ﻭﻟﻜﻦ ﺍﺳﺮﺓ : ﺗﻌﺒﻨﺎ ﻟﺞ ﺭﺍﺣﺔ ..
ﻓﺎﺗﻦ ﻓﻲ ﻧﻔﺴﻬﺎ ﻛﺎﻧﺖ ﺗﺴﺒﻪ ﻣﻦ ﻓﻮﻕ ﻟﺘﺤﺖ .. ﻭﻣﻨﻘﻬﺮﺓ ﻣﻨﻪ ..
ﻭﺩﺧﻠﺖ ﺍﻟﺪﺍﺭ ﺑﻜﻞ ﻫﺪﻭﺀ ﻭﻻ ﻃﺎﻟﻌﺖ ﻭﺭﺍﻫﺎ .. ﻭﻣﺴﺎﻋﺪ ﻭﺍﻗﻒ ﻋﻨﺪ
ﺍﻟﻤﻄﺒﺦ ﻭﻫﻮ ﻳﺒﺘﺴﻢ ﻭﺗﻤﻨﻰ ﻓﻲ ﻗﻠﺒﻪ ﻟﻮ ﺍﻧﻬﺎ ﺗﻠﺘﺖ ﻋﺸﺎﻥ ﻳﺒﻂ
ﺟﺒﺪﻫﺎ ﺍﻛﺜﺮ .. ﺑﺼﺮﺍﺣﺔ ﺍﻧﺎ ﻣﻴﻨﻮﻥ ﻳﻮﻡ ﻇﻨﻴﺖ ﺍﻧﻲ ﺍﺣﺒﻬﺎ .. ﻛﺎﻥ
ﺍﻻﻋﺠﺰ ﻣﻨﻲ ﺗﺠﺎﻫﺞ ﻳﺎ ﻓﺎﺗﻦ .. ﻟﻜﻦ ﺍﻟﺤﻤﺪ ﻟﻠﻪ ﻳﻮﻡ ﺍﻧﻨﺎ ﺍﺧﺘﻠﻴﻨﺎ
ﺑﺒﻌﺾ .. ﻋﺸﺎﻥ ﺗﻌﺮﻓﻴﻦ ﻣﻦ ﻣﺴﺎﻋﺪ ... ﻭﺭﺍﺡ ﻧﺎﻡ ﺑﺪﺍﺭﻩ ﻭﺍﻫﻮ ﻳﻨﺘﻈﺮ
ﺻﺒﺢ ﻳﺪﻳﺪ ﻟﺤﺮﺏ ﻳﺪﻳﺪﺓ ..
========================
ﻓﻲ ﺍﻟﻴﻮﻡ ﺍﻟﺜﺎﻧﻲ .. ﻭﻗﻔﺖ ﺳﻴﺎﺭﺓ ﻏﺰﻻﻥ ﺍﻟﻔﺎﺭﻫﺔ ﻋﻨﺪ ﺑﺎﺏ ﺑﻴﺖ
ﺧﺎﻟﺘﻬﺎ .. ﺍﻫﻲ ﺍﺗﺼﻠﺖ ﻗﺒﻞ ﺷﻮﻱ ﻭﻗﺎﻟﻮﻟﻬﺎ ﺍﻥ ﺧﺎﻟﺘﻬﺎ ﻣﺴﺎﻓﺮﺓ ﻓﻲ
ﺭﺣﻠﺔ ﻋﻤﻞ ﻭﻣﻦ ﺟﺬﻱ ﻣﺎ ﺭﺍﺡ ﺗﻜﻮﻥ ﻣﻮﺟﻮﺩﺓ ﺍﻟﻴﻮﻡ .. ﺑﺘﻤﻀﻲ ﺍﻟﻴﻮﻡ
ﻭﻳﺎ ﺳﻤﺎﺀ ﻭﺑﺎﻻﺧﺺ .. ﺭﺍﺡ ﺗﺮﺍﻗﺐ ﺑﻴﺖ ﺍﻟﺠﻴﺮﺍﻥ ﻳﻤﻜﻦ ﺗﺸﻮﻑ
ﻭﻟﺪﻫﻢ .. ﺟﺮﺍﺡ .. ﺍﻟﻠﻪ ﺣﺘﻰ ﺍﺳﻤﻪ ﺣﻠﻮ .. ﻳﺎﺣﻈﻲ ﻓﻴﻚ .. ﻭﻳﺎﺣﻈﻚ
ﻓﻴﻨﻲ ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺩﺧﻠﺖ ﺍﻟﺒﻴﺖ ﻭﺍﻫﻲ ﺗﻨﺘﻈﺮ ﺍﺣﺪ ﻳﺴﺘﻘﺒﻠﻬﺎ .. ﻃﺎﻟﻌﺖ ﺍﻟﺴﺎﻋﺔ .. ﺟﺎﻓﺘﻬﺎ
ﺍﺭﺑﻊ ﺍﻟﻌﺼﺮ .. ﺍﻛﻴﺪ ﺳﻤﺎﺀ ﺭﺩﺕ ﻣﻦ ﺍﻟﻤﺪﺭﺳﺔ ﻭﺑﺪﻟﺖ ﻫﺪﻭﻣﻬﺎ ﻭﻗﻌﺪﺕ
ﻭﺍﺭﺗﺎﺣﺖ .. ﺍﻣﺒﻴﻴﻴﻪ ﻟﻮ ﺍﻧﻬﺎ ﻣﻦ ﺍﻟﻨﻮﻉ ﺍﻟﻠﻲ ﻳﺮﻗﺪ ﺑﺎﻟﻌﺼﺮ .. ﻻ ﻻ
ﻣﺎﻇﻦ .. ﺍﻟﺒﻨﺖ ﻫﺬﻱ ﻣﻮ ﻣﻦ ﻫﺎﻟﻨﻮﻉ .. ﻳﺎﻟﻠﻪ ﻋﺎﺩ ﺍﻧﺎ ﺑﻨﺘﻈﺮﻫﺎ
ﺷﻮﺭﺍﻱ ..
ﻳﻮﻡ ﻳﺎﺑﺖ ﻟﻬﺎ ﺍﻟﺨﺪﺍﻣﺔ ﺍﻟﻌﺼﻴﺮ : ﻭﻳﻨﻬﺎ ﺳﻤﺎﺀ ..
ﺍﻟﺨﺎﺩﻣﺔ : ﻣﺎﻣﺎ ﺳﻤﺎﺀ ﻳﺮﻭﺡ ﺑﻴﺖ ﺟﻴﺮﺍﻥ ..
ﻏﺰﻻﻥ ﻭﺍﻫﻲ ﺗﺮﻓﻊ ﺍﻟﻌﺼﻴﺮ : ﺃﻱ ﺑﻴﺖ ﺟﻴﺮﺍﻥ؟
ﺍﻟﺨﺎﺩﻣﺔ : ﺑﻴﺖ ﺑﻮ ﺟﺮﺍﺡ ... ﻫﻨﻲ ﻓﻲ ﺷﺎﺭﻉ ﻗﺮﻳﺐ ..
ﺭﺷﻔﺖ ﻏﺰﻻﻥ ﺍﻟﻌﺼﻴﺮ ﻭﻫﻲ ﺗﺮﻓﻊ ﺣﺎﺟﺐ .. ﻳﻌﻨﻲ ﺍﻫﻲ ﻓﻲ ﺑﻴﺘﻬﻢ ...
ﻟﻮ ﺍﺭﻭﺡ ﻭﺭﺍﻫﺎ ﻫﻨﺎﻙ؟؟ ﻓﺸﻴﻠﺔ؟ .؟؟
ﻏﺰﻻﻥ : ﺯﻳﻦ ﺧﺬﻱ ﻫﺬﺍ ﺍﻟﻌﺼﻴﺮ ﻭﺍﻧﺎ ﺑﺮﻭﺡ ﻟﻬﺎ ﻫﻨﺎﻙ ..
ﺍﻟﺨﺎﺩﻣﺔ : ﺟﻴﻦ ﻣﺎﻣﺎ ..
ﺑﻌﺪ ﻣﺎ ﺭﺍﺣﺖ ﺍﻟﺨﺎﺩﻣﺔ ﻇﻠﺖ ﻏﺰﻻﻥ ﻗﺎﻋﺪﺓ ﻣﻜﺎﻧﻬﺎ ﻭﻗﻠﺒﻬﺎ ﻳﺪﻕ ..
ﺍﻫﻲ ﺷﺮﺍﺡ ﺗﺴﻮﻱ .؟؟ ﻣﻦ ﺻﺠﻬﺎ ﺑﺘﺮﻭﺡ ﺑﻴﺖ ﺍﻟﺼﺒﻲ ﻭﺗﻘﻌﺪ ﻭﻳﺎ
ﻫﻠﻪ .. ﻭﺳﻤﺎﺀ ﺷﻨﻮ ﺭﺍﺡ ﺗﻜﻮﻥ ﺭﺩﺓ ﻓﻌﻠﻬﺎ .. ﺍﻛﻴﺪ ﺑﺘﻨﻘﻬﺮ ﻟﻜﻦ .. ﺍﻫﻲ
ﺷﻜﻮ .. ﺍﻧﺎ ﺑﻌﺪ ﺑﺘﻌﺮﻑ ﻋﻠﻰ ﺑﻴﺖ ﺍﻟﻨﺎﺱ .. ﻣﻦ ﻳﺪﺭﻱ .. ﻳﻤﻜﻦ ﺭﺍﺡ
ﻧﺼﻴﺮ ﻋﺎﻳﻠﺔ ﻓﻲ ﻳﻮﻡ ﻣﻦ ﺍﻻﻳﺎﻡ ..
ﻭﻋﻠﻰ ﻃﻮﻝ ﺍﻟﺠﺮﻳﺌﺔ ﻏﺰﻻﻥ ﺷﺎﻟﺖ ﺍﻏﺮﺍﺿﻬﺎ ﻭﻧﺎﻇﺮﺕ ﻋﻤﺮﻫﺎ ﺑﺎﻟﻤﺮﺍﻳﺔ
ﻗﺒﻞ ﻭﺷﺎﻓﺖ ﺍﻧﻬﺎ ﻓﻲ ﺍﻭﺝ ﺍﺷﺮﺍﻗﺘﻬﺎ .. ﻛﺎﻧﺖ ﻻﺑﺴﻪ ﻓﺴﺘﺎﻥ ﺣﺮﻳﺮﻱ
ﺍﺯﺭﻕ ﻣﻠﻜﻲ ﻭﻣﻦ ﺗﺤﺘﻪ ﺗﻲ ﺷﺮﺕ ﻳﺪﻩ ﻃﻮﻳﻠﻪ ﻭﻣﺰﻣﻮﻣﺔ ﻋﻨﺪ ﺍﻟﻜﻢ ..
ﻭﻛﺎﻥ ﺷﻌﺮﻫﺎ ﺍﻟﻄﻮﻳﻞ ﺍﻟﻐﺰﻳﺮ ﻣﻨﺸﻮﺭ ﻋﻠﻰ ﺍﺟﺘﻔﺎﻫﺎ ﻭﻣﻜﻴﺎﺟﻬﺎ ﻛﺎﻥ
ﻫﺎﺩﺉ ﺍﻻ ﺍﻥ ﺧﻄﻪ ﺍﻟﻜﺤﻞ ﻛﺎﻧﺖ ﺫﺑﺎﺣﺔ .. ﻭﺗﺒﻴﻦ ﺑﻴﺎﺽ ﻋﻴﻮﻧﻬﺎ
ﺑﻄﺮﻳﻘﺔ ﺑﺎﻫﺮﺓ ..
ﺗﻤﺖ ﺗﻤﺸﻲ ﺑﻘﻠﻖ ﻭﺍﻫﻲ ﺗﻔﺮﻙ ﺻﻮﺍﺑﻌﻬﺎ ﺑﺤﻴﺮﺓ .. ﻭﺿﻐﻄﺖ ﻋﻠﻰ
ﺍﻟﺠﺮﺱ ﻋﺸﺎﻥ ﻳﻄﻠﻊ ﻟﻬﺎ ﺍﺣﺪ .. ﻃﻠﻊ ﻟﻬﺎ ﻋﺰﻭﺯ ﻭﻫﻮ ﻳﺒﺘﺴﻢ ﻭﻳﻮﻡ
ﺷﺎﻓﻬﺎ ﻓﺘﺢ ﺣﻠﺠﻪ ﻣﻦ ﺍﻟﺼﺪﻣﺔ .. ﺍﻟﺒﻨﺖ ﺻﺪﻣﺘﻪ ﻣﻦ ﺟﻤﺎﻟﻬﺎ ..
ﻏﺰﻻﻥ ﺑﺪﻻﻝ : ﻫﻼ ﺣﺒﻮﺏ .. ﺷﺨﺒﺎﺭﻙ؟
ﻋﺒﺪ ﺍﻟﻌﺰﻳﺰ : ﺍﻧﺎ؟؟؟ ﺍﻧﺎ ﺑﺨﻴﺮ .... ﺑﺨﻴﺮ ﻭﺍﻳﺪ .. ﺍﻧﺘﻲ ﺷﺨﺒﺎﺭﺝ؟
ﻏﺰﻻﻥ ﻭﺍﻫﻲ ﺗﻘﺮﻡ ﺧﺪﻩ ﺑﺼﻮﺍﺑﻌﻬﺎ : ﺍﻧﺎ ﺑﺨﻴﺮ ﻭﺍﻳﺪ ﺑﻌﺪ ... ( ﺗﻨﺎﻇﺮ
ﺍﻟﺒﻴﺖ ) ﺳﻤﺎﺀ ﻣﻮﺟﻮﺩﺓ؟؟
ﻋﺒﺪ ﺍﻟﻌﺰﻳﺰ : ﺍﻛﻴﺪ .. ﻫﺬﺍ ﺑﻴﺘﻬﺎ ﺍﻟﺜﺎﻧﻲ .... ﻋﻠﻰ ﻗﻮﻟﺔ ﺍﻣﻲ ..
ﻏﺰﻻﻥ : ﺍﻟﻠﻪ ﻳﺨﻠﻴﻚ ﻟﻬﺎ .. ﺯﻳﻦ ﻣﻤﻜﻦ ﺍﺩﺧﻞ ﺑﻴﺘﻜﻢ
ﻋﺒﺪ ﺍﻟﻌﺰﻳﺰ : ﺣﻴﺎﺝ ﺍﻟﻠﻪ .. ﺍﻧﺘﻲ ﺑﻌﺪ ﻫﺬﺍ ﺑﻴﺘﺞ ﺍﻟﺜﺎﻧﻲ ...
ﻏﺰﻻﻥ ﺑﻀﺤﻜﺔ ﺩﻟﻊ : ﻫﻬﻬﻬﻬﻬﻬﻬﻪ ﺣﺒﻴﺒﻲ ﻭﺍﻟﻠﻪ .. ﺗﺴﻠﻢ ..
ﺩﺧﻠﺖ ﻏﺰﻻﻥ ﺍﻟﺒﻴﺖ ﻭﻫﻲ ﻣﻨﺤﺮﺟﺔ ﺑﻌﺾ ﺍﻟﺸﻲ ﻟﻜﻦ ﻫﺪﻓﻬﺎ ﻛﺎﻥ
ﺍﺟﺮﺃ ﻣﻨﻬﺎ ﻭﺧﻼﻫﺎ ﺗﺪﺧﻞ ﻭﺍﻫﻲ ﻣﺮﺗﺎﺣﺔ ﺑﻌﺾ ﺍﻟﺸﻲ .. ﻳﻤﻜﻦ ﺑﺴﺒﺐ
ﺟﻮ ﺍﻟﺒﻴﺖ ﺍﻟﺪﺍﻓﺊ .. ﻳﻮﻡ ﺷﺎﻓﺘﻬﺎ ﺳﻤﺎﺀ ﺍﻧﺼﺪﻣﺖ ﻭﻭﻗﻔﺖ ﻣﻜﺎﻧﻬﺎ
ﻭﺍﻫﻲ ﻣﺘﻌﺠﺒﺔ ﻣﻦ ﺗﻮﺍﺟﺪ ﺑﻨﺖ ﺧﺎﻟﺘﻬﺎ ﻓﻲ ﺑﻴﺖ ﺑﻮ ﺟﺮﺍﺡ
ﺳﻤﺎ :ﻋﺰﻻﻥ؟؟؟ ﺷﺘﺴﻮﻳﻦ ﻫﻨﻲ؟
ﺭﺍﺣﺖ ﻟﻬﺎ ﻏﺰﻻﻥ ﺑﺎﺑﺘﺴﺎﻣﺔ ﻭﺍﺑﺪﺍﻟﺒﻨﺖ ﻣﻮ ﻣﻔﺘﻜﺮﺓ : ﻫﻼﺍﺍ ﺳﻤﺎﺀ ..
ﺷﻠﻮﻧﺞ ﺣﺒﻴﺒﺘﻲ ﺷﺨﺒﺎﺭﺝ
ﻭﺍﻫﻲ ﺗﺒﻮﺳﻬﺎ ﻭﺳﻤﺎﺀ ﺍﺑﺪ ﻣﻮ ﻓﺎﻫﻤﺔ ﺍﻟﺴﺎﻟﻔﻪ : ﺍﺑﺨﻴﺮ ﺍﻟﻠﻪ ﻳﺴﻠﻤﺞ
ﻭﺍﻧﺘﻲ؟
ﻏﺰﻻﻥ : ﺍﺑﺨﻴﺮ ﺍﺳﺎﻝ ﻋﻨﺞ ﻭﻗﺎﻟﻮﻟﻲ ﺍﻧﺞ ﻓﻲ ﺑﻴﺖ ﻫﺎﻟﻨﺎﺱ ﺍﻟﻄﻴﺒﺔ ..
(ﺗﻠﺘﻔﺖ ﻻﻡ ﺟﺮﺍﺡ ﺑﺤﺐ ﻻﻥ ﻋﻴﻮﻧﻬﺎ ﻣﺜﻞ ﻋﻴﻮﻥ ﺟﺮﺍﺡ ﺑﺎﻟﻀﺒﻂ )
ﺍﻟﺴﻼﻡ ﻋﻠﻴﺞ ﺧﺎﻟﺘﻲ
ﺍﻡ ﺟﺮﺍﺡ ﺑﺎﺑﺘﺴﺎﻡ ﻭﻓﺮﺡ : ﻭﻋﻠﻴﺞ ﺍﻟﺴﻼﻡ ﺣﺒﻴﺒﺘﻲ ﺷﻠﻮﻧﺞ ﺷﺨﺒﺎﺭﺝ
ﻏﺰﻻﻥ : ﺍﺑﺨﻴﺮ ﺍﻟﻠﻪ ﻳﺴﻠﻤﺞ (ﺗﻠﺘﻔﺖ ﻟﺴﻤﺎﺀ ) ﻗﺎﻟﻲ ﻋﺒﺪ ﺍﻟﻌﺰﻳﺰ ﺍﻥ ﻫﺬﺍ
ﺑﻴﺘﺞ ﺍﻟﺜﺎﻧﻲ؟
ﺳﻤﺎﺀ ﺑﺤﻴﺮﺓ : ﺗﻌﺮﻓﻴﻦ ﻋﺰﻭﺯ ﺑﻌﺪ
ﻏﺰﻻﻥ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺍﻛﻮ ﺍﺣﺪ ﺍﻧﺎ ﻣﺎ ﻋﺮﻓﻪ ﻫﻨﻲ .. ﻛﻠﻬﻢ
ﺍﻋﺮﻓﻬﻢ .. ﻣﻨﻜﻢ ﻭﻓﻴﻜﻢ ﺻﺢ ﺧﺎﻟﺘﻲ
ﺍﻡ ﺟﺮﺍﺡ ﺍﻟﻤﻨﺪﻫﺸﺔ ﻭﺗﻀﺤﻚ : ﺍﻛﻴﺪ ﺣﺒﻴﺒﺘﻲ ﺣﻴﺎﺝ ﺍﻟﻠﻪ ..
ﺻﺮﺍﺣﺔ ﻭﺟﺮﺃﺓ ﻏﺰﻻﻥ ﻣﺎ ﻛﺎﻧﺖ ﺿﺪﻫﺎ ﺑﺎﻟﻌﻜﺲ .. ﺍﻡ ﺟﺮﺍﺡ ﺍﻟﻠﻲ ﻣﻦ
ﺷﺎﻓﺘﻬﺎ ﺍﻧﺒﻬﺮﺕ ﻭﺣﺴﺖ ﺑﻤﺪﻯ ﻃﻴﺐ ﻫﺎﻟﺒﻨﺖ ﻋﻠﻰ ﺍﻟﺮﻏﻢ ﻣﻦ
ﻣﻈﻬﺮﻫﺎ ﺍﻟﺮﺍﻗﻲ .. ﻭﻧﻈﺮﺗﻬﺎ ﻟﺒﻴﺘﻬﻢ ﺍﻟﻤﻨﻌﺠﺒﺔ ﺣﺴﺴﺖ ﺍﻡ ﺟﺮﺍﺡ ﺍﻥ
ﻫﺬﻱ ﺍﻟﺒﻨﺖ ﺑﻨﺖ ﻋﺰ .. ﻟﻜﻦ ﻗﻠﺒﻬﺎ ﻃﻴﺐ .. ﻣﺜﻠﻬﺎ ﻣﺜﻞ ﺳﻤﺎﺀ ..
ﻭﻋﻠﻰ ﺟﺬﻱ ﻇﻠﻮ ﺍﻟﺒﻨﻴﺎﺕ ﺑﺎﻟﺴﻮﺍﻟﻒ ﻭﻳﺎ ﺍﻡ ﺟﺮﺍﺡ ﻭﻫﻢ ﺍﺑﺪ ﻣﻮ
ﺣﺎﺳﻴﻦ ﻭﻻ ﻋﺎﺭﻓﻴﻦ ﺍﻥ ﺑﻌﺪ ﺩﻗﺎﻳﻖ ﻳﻤﻜﻦ ﺑﻴﻮﺻﻞ ﺟﺮﺍﺡ ﻭﺑﻴﻄﺐ
ﻋﻠﻴﻬﻢ .. ﻭﻃﺒﻌﺎ ﻗﺒﻞ ﻻ ﻳﻄﺐ ﺍﻫﻮ ... ﺗﺨﻴﻠﻮ ﻣﻦ ﻃﺐ؟؟؟
ﺗﺨﻴﻠﻮﻭ؟؟
ﺗﺨﻴﻠﺘﻮﻭ؟؟؟؟
==================
ﻓﻲ ﺫﻳﺞ ﺍﻟﺸﻘﺔ ﺍﻟﺒﺎﺭﺩﺓ ﻛﺎﻧﺖ ﻓﺎﺗﻦ ﺗﺬﺭﻉ ﺍﻟﺪﺍﺭ .. ﺭﻭﺣﺔ ﻭﺭﺩﺓ ..
ﻭﺍﻻﻭﺭﺍﻕ ﺍﻟﻠﻲ ﺗﺒﻊ ﺍﻟﺠﺎﻣﻌﺔ ﻣﻨﺘﺸﺮﺓ ﻋﻠﻰ ﺍﻟﺴﺮﻳﺮ ﺍﻟﻮﺍﺳﻊ .. ﻣﺎ ﺗﺪﺭﻱ
ﻳﺶ ﺍﻟﻴﻮﻡ ﻃﺎﻕ ﻓﻲ ﺑﺎﻟﻬﺎ ﺍﻧﻬﺎ ﺗﻄﻠﻊ ﻭﺗﺸﻢ ﻫﻮﺍ .. ﻟﻜﻦ ﻫﺎﻟﻐﻮﻝ ﺍﻟﻲ
ﺟﺎﺛﻢ ﻋﻠﻰ ﺣﻴﺎﺗﻬﺎ ﻣﺎ ﺑﻴﺴﻤﺢ ﻟﻬﺎ .. ﻣﺎ ﺑﻴﺨﻠﻴﻬﺎ ﺗﻄﻠﻊ ﻣﻦ ﺍﻟﺒﻴﺖ ..
ﺍﻛﻴﺪ .. ﺍﻫﻮ ﺑﻴﺒﺪﻱ ﺍﻓﻜﺎﺭﻩ ﺍﻟﺠﻬﻨﻤﻴﺔ ﻗﺒﻠﻬﺎ .. ﺑﻴﺤﺒﺴﻬﺎ ﻓﻲ ﺍﻟﺒﻴﺖ ﻭﻻ
ﺑﻴﺨﻠﻴﻬﺎ ﺗﺸﻮﻑ ﺍﻟﺪﻧﻴﺎ .. ﻻ ﻻ ﻣﺴﺎﻋﺪ ﻣﻮ ﻋﻨﺠﻬﻲ ﺑﻬﺎﻟﻄﺮﻳﻘﺔ .. ﺍﻫﻮ
ﺻﺞ ﻗﺮﺍﻗﻮﺵ .. ﻟﻜﻦ ﺍﻟﻜﻠﻤﺔ ﺍﻟﻄﻴﺒﺔ ﺗﻨﻔﻊ ﻭﻳﺎﻩ .. ﺑﺲ ﻳﺎﻧﺎﺱ ﻣﺎ
ﺍﺷﺘﻬﻴﻪ .. ﻛﻞ ﻣﺎ ﺍﺷﻮﻓﻪ ﺍﺣﺲ ﺑﻌﺬﺍﺏ ﺍﻟﻀﻤﻴﺮ .. ﺍﺣﺲ ﺑﺎﻧﻲ ﺟﺮﺣﺖ
ﻣﺸﻌﻞ ﻋﺸﺎﻧﻪ .. ﻣﺸﻌﻞ ﺍﻟﻠﻲ ﻣﺎﻗﺪﻡ ﻟﻲ ﻓﻲ ﻫﺎﻟﺪﻧﻴﺎ ﺷﻲ ﻏﻴﺮ
ﺍﻟﺤﺐ .. ﺑﺲ ﺑﻌﺪ ﺍﻻﻭﺍﻥ ...
ﺭﻣﺖ ﺑﻨﻔﺴﻬﺎ ﻋﻠﻰ ﺍﻟﺴﺮﻳﺮ ﻭﺍﻫﻲ ﺗﻄﻴﺮ .. ﻛﺎﻧﺖ ﺑﻼ ﺣﺎﺳﻴﺔ ﻭﺍﻟﺴﺮﻳﺮ
ﻛﺎﻥ ﻣﺮﻥ ﺟﺪﺍ ... ﻭﺗﻤﺖ ﻣﻨﺴﺪﺣﺔ ﻣﻜﺎﻧﻬﺎ ﻭﺍﻫﻲ ﻣﻮﺟﻬﺔ ﺣﺎﺳﻴﺔ
ﺍﻟﺴﻤﻊ ﺑﻜﻞ ﻃﺎﻗﺎﺗﻬﺎ .. ﺗﺘﺴﻤﻊ ﺍﻗﻞ ﺍﻻﺷﻴﺎﺀ .. ﻣﻦ ﺍﻟﻌﺎﻟﻴﺔ .. ﺍﻟﻰ
ﺍﻟﺨﺎﻓﺘﺔ .. ﺣﺘﻰ ﺍﻟﻠﻲ ﻳﻤﻜﻦ ﺗﻜﻮﻥ ﻏﻴﺮ ﻣﺴﻤﻮﻋﺔ ... ﺩﻕ ﻋﻘﺎﺭﺏ
ﺍﻟﺴﺎﻋﺔ ... ﺍﺻﻮﺍﺕ ﺍﻟﺴﻴﺎﺭﺍﺕ ﺑﺎﻟﺸﺎﺭﻉ .. ﺻﻮﺕ ﺍﻟﻬﻮﺍ ﻭﻫﻮ ﻳﻀﺮﺏ
ﺍﻟﺪﺭﻳﺸﺔ ﻭﻳﺒﺘﻌﺪ .. ﻳﺰﻭﺭﻫﺎ ﻭﻳﻐﺎﺩﺭ .. ﻟﻤﻦ ﺳﻤﻌﺖ ﺻﻮﺕ ﻧﺎﺑﻊ ﻣﻦ
ﺍﻟﺸﻘﺔ ﻧﻔﺴﻬﺎ .. ﺻﻮﺕ ﺻﺮﻳﺮ ﺑﺎﺏ ﻭﻛﺄﻧﻪ ﻳﻨﻔﺘﺢ ... ﻗﺎﻣﺖ ﻣﻦ ﻋﻠﻰ
ﺍﻟﺴﺮﻳﺮ ﻭﻫﻲ ﻫﺎﺩﻟﺔ ﺷﻌﺮﻫﺎ ﻋﺸﺎﻥ ﺗﻄﻠﻊ ﺗﺸﻮﻑ ﺷﻘﺎﻋﺪ ﺍﻳﺼﻴﺮ ...
ﺷﺎﻓﺖ ﻣﺴﺎﻋﺪ ﻭﺍﻗﻒ ﻋﻨﺪ ﻃﺎﻭﻟﺔ ﺍﻟﻤﻄﺒﺦ ﻭﻫﻮ ﻳﻨﺎﻇﺮ ﻓﻮﻕ ﻋﻨﺪ
ﺍﻻﺩﺭﺍﺝ .. ﻳﺪﻭﺭ ﻋﻠﻰ ﺷﻲ .. ﻃﻮﻟﻪ ﻣﺎﺷﺎﺀ ﺍﻟﻠﻪ ﻓﺎﺭﻉ ﻭﺑﻨﻴﻪ ﺟﺴﻤﻪ
ﻣﺎﻫﻲ ﺭﻳﺎﺿﻴﻪ ﻟﻜﻦ ﺻﻠﺒﺔ .. ﻭﻋﻠﻰ ﻣﺎ ﻳﺒﻴﻦ .. ﺍﻧﻪ ﻣﺎ ﻋﻠﻴﻪ ﻧﻌﺎﻝ ..
ﺻﺮﻭﺍﻝ ﺍﺧﻀﺮ ﻏﺎﺍﺍﻣﻖ ﻭﺗﻲ ﺷﺮﺕ ﺭﻳﺎﺿﻲ ﺭﻣﺎﺩﻱ .. ﺭﻓﻊ ﺭﻳﻠﻪ ﺍﻟﻰ
ﺍﻟﺪﺭﺝ ﺍﻟﺮﻓﻴﻊ ﻭﻣﺪ ﻳﺪﻩ ﻭﻃﻠﻊ ﺧﻼﺍﺍﻁ .. ﺧﻼﻁ ﻋﺼﺎﺋﺮ .. ﻣﺎﺷﺎﺀ ﺍﻟﻠﻪ
ﻫﺬﺍ ﺑﻴﺖ ﺟﺎﻫﺰ .. ﺣﻄﺎﻩ ﻋﻠﻰ ﺍﻟﻄﺎﻭﻟﺔ ﻣﻦ ﻏﻴﺮ ﻣﺎ ﻳﻨﺘﺒﻪ ﻟﻔﺎﺗﻦ
ﺍﻟﻮﺍﻗﻔﺔ .. ﻣﺮ ﻋﻠﻰ ﺍﻟﺜﻼﺟﺔ ﻭﻃﻠﻊ ﻓﻮﺍﻛﻪ .. ﻭﻓﺎﺗﻦ ﺗﺮﺍﻗﺒﻪ .. ﺑﺎﻳﻦ
ﻋﻠﻴﻪ ﺳﺖ ﺑﻴﺖ ﺑﺎﺭﻋﺔ ..
ﺑﻨﻌﻮﻣﺔ ﻭﻫﺪﻭﺀ ﻛﺎﻥ ﻳﻘﻄﻊ ﺍﻟﻔﻮﺍﻛﺔ ﻭﻳﻘﺸﺮﻫﺎ .. ﻣﻮﺯ .. ﻓﺮﺍﻭﻟﻪ .. ﺣﺘﻰ
ﺗﻔﺎﺡ .. ﻭﻣﺎﻧﺠﻮ .. ﻳﻘﻄﻌﻪ ﻭﻳﻄﻠﻌﻪ ﻣﻨﺎﻟﻘﺸﻮﺭ ﻟﺸﺮﺍﻳﺢ ﻭﻳﺤﻄﻪ ﻓﻲ
ﺍﻟﺨﻼﻁ .. ﻃﻠﻊ ﺩﺑﺔ ﻋﺼﻴﺮ ﻛﻮﻛﺘﻴﻞ ﻭﺻﺒﺎﻩ ﻓﻲ ﺍﻟﺨﻼﻁ .. ﻭﺣﻂ ﺟﻢ
ﺧﺎﺷﻮﻗﺔ ﺳﻜﺮ ... ﻭﺗﻢ ﻳﺨﻠﻂ ﺍﻟﻌﺼﻴﺮ .. ﻭﺍﻭﻝ ﻣﺎ ﻧﺒﻊ ﺻﻮﺕ ﺍﻟﺨﻼﻁ
ﺍﻟﻤﺰﻋﺞ ﺭﻓﻊ ﺭﺍﺳﺔ ﻟﻔﺎﺗﻦ ﻳﻨﺎﻇﺮﻫﺎ ... ﻫﺬﻱ ﻣﻦ ﻣﺘﻰ ﻭﺍﻫﻲ ﻭﺍﻗﻔﺔ؟؟
ﻭﺍﻟﺜﺎﻧﻴﺔ ﻛﺎﻧﺖ ﺗﺮﺍﻗﺐ ﺍﻟﺨﻼﻁ ﻭﺣﻮﺍﺟﺒﻬﺎ ﻣﻌﻘﺪﺓ .. ﻭﻛﺄﻧﻬﺎ ﺗﻨﺘﻈﺮ ﻣﻦ
ﻫﺎﻟﺨﻠﻴﻂ ﺃﻱ ﻟﻮﻥ ﺭﺍﺡ ﻳﺘﻜﻮﻥ ... ﻭﻭﻗﻒ ﺍﻟﺨﻼﻁ ﻭﻣﻊ ﺍﻟﺘﻮﻗﻒ ﺭﻓﻌﺖ
ﻋﻴﻮﻧﻬﺎ ﻓﺎﺗﻦ ﻟﻪ .. ﻭﺷﺎﻓﺘﻪ ﺍﻧﻪ ﻳﻔﻮﺷﺮ ﺑﺤﺮﻛﺎﺗﻪ .. ﻃﻠﻊ ﻧﻮﻉ ﺍﻟﻘﻼﺹ
ﺍﻟﻜﺒﻴﺮ ﻭﺻﺐ ﺍﻟﻌﺼﻴﺮ ﻓﻴﻪ ﻭﺣﻂ ﻣﻜﻌﺒﻴﻦ ﺛﻠﺞ ... ﺣﻂ ﺍﻻﻏﺮﺍﺽ
ﻣﻜﺎﻧﻬﺎ ﻭﺍﻟﻮﺻﺦ ﻣﻜﺎﻧﻪ ﻭﻧﻈﻒ ﺍﻟﺨﻼﻁ ﺑﺴﺮﻋﺔ ﻭﺣﻄﺎﻩ ﻋﻠﻰ ﺍﻟﻄﺎﻭﻟﻪ
ﻋﺸﺎﻥ ﻳﺠﻒ ... ﺣﻤﻞ ﺍﻟﻌﺼﻴﺮ ﻭﺩﺧﻞ ﺩﺍﺧﻞ ﺍﻟﺪﺍﺭ ﻣﻦ ﻏﻴﺮ ﺃﻱ
ﻛﻠﻤﻤﻤﻤﻤﻤﻤﻤﻤﻤﺔ ﻭﺣﺪﺓ ﻳﻮﺟﻬﻬﺎ ﻟﻔﺎﺗﻦ ...
ﻣﺸﺖ ﻓﺎﺗﻦ ﺑﺎﺳﺘﻬﺘﺎﺭ ﻭﻫﻲ ﺗﻘﻠﺪ ﻣﺴﺎﻋﺪ ﻟﻴﻤﻦ ﻳﻤﺸﻲ .. ﻣﺸﻴﺘﻪ ﺩﺍﻳﻤﺎ
ﺗﻜﻮﻥ ﺭﺟﻞ ﺿﺎﻏﻄﺔ ﺍﻛﺜﺮ ﻣﻦ ﺍﻟﺜﺎﻧﻴﺔ .. ﻭﻳﺎﺯﻋﻢ ﺍﻫﻮﻭ ﺍﻟﺤﻴﻦ ﺟﺬﺍﺏ
ﻣﺎ ﻟﺖ ﻋﻠﻴﻪ .. ﻭﺭﺍﺡ ﻋﻨﺪ ﺍﻟﻤﻄﺒﺦ ﻭﺗﺮﻓﻊ ﺭﻳﻠﻬﺎ ﻳﺎﺯﻋﻢ ﺍﻧﻬﺎ ﺗﺎﺧﺬ
ﺍﻟﺨﻼﻁ ﻭﺗﻘﻠﺪ ﻋﻠﻴﻪ ﻭﺣﺪﻫﺎ ﻣﻨﻘﻬﺮﺓ ﻣﻨﻪ .. ﻭﻫﺰﺕ ﺭﺍﺳﻬﺎ ﻭﺍﻫﻲ
ﺗﻀﺤﻚ ﻫﻬﻬﻬﻬﻬﻬﻪ ﻏﺒﻲ ﻣﻌﺘﻮﻭﻭﻩ .. ﻋﻠﺒﺎﻟﻪ ﻫﻮ ﻳﻮﻧﺲ .. ﻣﺎﻟﺖ ﻋﻠﻴﻪ
ﻭﺗﻤﺖ ﺍﻫﻲ ﻣﻦ ﺍﻟﺤﺮﺓ ﺗﺴﻮﻱ ﻟﻬﺎ ﻃﺒﺨﺎﺕ ﺑﺴﻴﻄﺔ .. ﺗﻘﺪﺭ ﺗﺎﻛﻠﻬﺎ ..
ﻣﺜﻼ ﺳﻮﺕ ﻟﻬﺎ ﻃﺒﻘﻬﺎ ﺍﻟﺸﻬﻴﺮ ﻛﻼﺏ ﺳﺎﻧﺪﻭﻳﺞ ﺑﺎﻟﺪﺟﺎﺝ ﻭﺍﻟﻠﺤﻢ .. (ﻛﻞ
ﺍﻟﻜﻼﺏ ﺳﺎﻧﺪﻭﻳﺞ ﺑﻬﺎﻟﻄﺮﻳﻘﺔ ) ﺑﺲ ﻓﺎﺗﻦ ﻛﺎﻧﺖ ﺗﻔﻨﻦ ﻓﻴﻪ .. ﺯﻳﺘﻮﻥ
ﻭﻃﻤﺎﺍﻁ ﻭﺧﺲ ﻭﺳﻮﺍﻟﻒ ﻳﻌﻨﻲ ﻣﺎ ﺗﺨﻄﺮ ﻋﻠﻰ ﺍﻟﺒﺎﻝ ... ﻭﻓﻲ ﻏﻤﺮﺓ
ﺍﻟﻤﻄﺒﺦ ﺑﺪﺕ ﺗﺴﻮﻱ ﺣﻠﻮﻳﺎﺕ ﺍﻫﻲ ﻣﺎ ﻭﻋﺖ ﻟﻨﻔﺴﻬﺎ ﺍﻻ ﻳﻮﻡ ﻭﺻﻠﺖ
ﻟﻨﺺ ﺍﻟﺸﻐﻞ .. ﺳﻮﺕ ﻓﺮﻭﺕ ﺳﺎﻻﻁ ﻭﺑﻌﺪ ﻛﻴﻜﺔ ﻣﻊ ﺍﻟﺪﺭﻳﻢ ﻭﻳﺐ
ﻭﻛﺎﻫﻲ ﺗﺨﺒﺰ ﻛﻴﻜﺔ ﺛﺎﻧﻴﺔ ﺑﻨﻜﻬﺔ ﺍﻟﺸﻮﻛﻮﻻ ﻋﺸﺎﻥ ﺍﻟﺘﺤﻠﻴﺔ .. ﻭﻣﺎ
ﻻﺣﻈﺖ ﺍﻟﺴﺎﻋﺔ ﺍﻻ ﺍﻥ ﺍﻟﺪﻧﻴﺎ ﻏﺮﺑﺖ ﻣﻦ ﺯﻣﺎﻥ .. ﺟﻢ ﺻﺎﺭ ﻟﻬﺎ
ﺑﺎﻟﻤﻄﺒﺦ ﻭﺍﻟﻮﺣﺶ ﺍﻟﻜﺎﺳﺮ ﻓﻲ ﺣﺠﺮﻩ ﻣﺎ ﻃﻠﻊ ﻣﻨﻪ ..
ﻳﻮﻡ ﺧﻠﺼﺖ ﻣﻦ ﻛﻞ ﺷﻲ ﺳﺤﺒﺖ ﻟﻬﺎ ﻋﺼﻴﺮ ﺗﺸﺮﺏ ﻣﻨﻪ .. ﻓﺘﺤﺖ
ﺍﻟﺘﻠﻔﺰﻳﻮﻥ ﻟﻘﺘﻪ ﻣﺠﻬﺰ ﺑﻘﻨﻮﺍﺕ ﺣﺪﻳﺜﺔ ﻭﺷﺒﻜﺎﺕ ﺣﻠﻮﺓ .. ﺑﺲ ﻣﺎ
ﻋﺠﺒﻬﺎ ﺷﻲ .. ﺣﻄﺖ ﺑﺮﻧﺎﻣﺞ ﻃﺒﺦ ﺻﻴﻨﻲ .. ﻭﺗﻤﺖ ﺗﻄﺎﻟﻌﻪ ﻭﺍﻫﻲ
ﺗﻀﺤﻚ ﻋﻠﻰ ﺣﺮﻛﺎﺕ ﺍﻟﺸﻴﻒ ﻻﻥ ﻓﻲ ﻧﻔﺲ ﺍﻟﻮﻗﺖ ﻛﺎﻥ ﻳﻨﻜﺖ ..
ﻭﻣﻊ ﻫﺎﻟﻤﻄﺎﻟﻊ ﻣﺪﺩﺕ ﻧﻔﺴﻬﺎ ﺍﻛﺜﺮ ﻭﺣﺴﺖ ﺑﺮﺍﺣﺔ ﻓﻲ ﻫﺎﻟﻜﺮﺍﺳﻲ
ﺍﻟﺪﺍﻓﻴﺔ .. ﺳﺤﺒﺖ ﺍﻟﻠﺤﺎﻑ ﺍﻟﻠﻲ ﻋﻠﻰ ﺣﺎﻓﺔ ﺍﻟﻜﺮﺳﻲ ﻭﺗﻐﻄﺖ ﻓﻴﻪ ..
ﻛﺎﻧﺖ ﺗﻌﺒﺎﻧﺔ .. ﻃﺒﻌﺎ ﺍﻫﻲ ﻣﺎ ﺗﻌﺮﻑ ﺗﻨﺎﻡ ﻣﻦ ﻧﻔﺴﻬﺎ ﺑﺎﻟﻠﻴﻞ ﻓﺎﻟﺤﻴﻦ
ﺑﺴﺒﺐ ﺍﻟﺸﻐﻞ ﻭﺍﻟﺘﺪﻗﻴﻖ ﻭﺍﻟﺘﺮﻛﻴﺰ ﺣﺴﺖ ﺑﺎﻟﺘﻌﺐ .. ﻏﻤﻀﺖ ﻋﻴﻮﻧﻬﺎ
ﻭﺍﻻ ﺑﻬﺎ ﺳﺎﺍﺍﺍﺍﺍﺍﺍﺍﺍﺍﺍﺑﺤﺔ ﻓﻲ ﻋﺎﻟﻢ ﺍﻟﻨﻮﻡ ..
ﻃﻠﻊ ﻣﺴﺎﻋﺪ ﺑﻮﻗﺖ ﺍﻟﺼﻼﺓ .. ﻭﻛﺎﻥ ﻋﻠﻰ ﻧﻮﻡ ﻓﺎﺗﻦ ﻣﺮ ﻳﻤﻜﻦ ﺗﻘﺮﻳﺒﺎ
ﺍﻟﺴﺎﻋﺘﻴﻦ .. ﻭﺍﻭﻝ ﻣﺎ ﺷﺎﻓﻬﺎ ﻧﺎﻳﻤﺔ ﻋﻠﻰ ﺍﻟﻜﺮﺳﻲ ﻭﻗﻒ ﻣﻜﺎﻧﻪ !! ﻫﺬﻱ
ﺷﺘﺴﻮﻱ ﻧﺎﻳﻤﺔ ﻫﻨﻲ؟؟ ﻣﺎﻟﻬﺎ ﺩﺍﺭ ... ﺳﻤﻊ ﺣﺲ ﺍﻟﺘﻠﻔﺰﻳﻮﻥ ﺷﻐﺎﻝ ﻭﻣﺪ
ﺭﺍﺳﻪ ﻳﻄﺎﻟﻊ ﺍﻟﺒﺮﻧﺎﻣﺞ .. ﻛﺎﻥ ﺑﺮﻧﺎﻣﺞ ﻋﻦ ﺍﻟﺰﻫﻮﺭ ﻭﺗﻌﺪﻳﻠﻬﺎ ﻭﺍﻟﺘﺰﻳﻴﻦ ..
ﻭﻓﺎﺗﻦ ﺍﺑﺪ ﻣﻮ ﺩﺍﺭﻳﺔ ﻋﻨﻪ ..
ﻗﻌﺪ ﺑﻌﻴﺪ ﻋﻨﻬﺎ ﻋﻠﻰ ﻗﻨﻔﺔ ﺛﺎﻧﻴﺔ .. ﻭﻫﻮ ﻳﺮﺍﻗﺒﻬﺎ .. ﺣﺎﻁ ﻳﺪﻳﻨﻪ ﻋﻨﺪ
ﻛﻮﻋﺔ ﻭﻫﻮ ﻳﺮﺍﻗﺐ ﻃﺮﻳﻘﺔ ﻧﻮﻣﻬﺎ .. ﻛﺎﻧﺖ ﻧﺎﻳﻤﺔ ﻋﻠﻰ ﻃﺮﻑ ﺍﻟﻴﻤﻴﻦ
ﻭﺭﻗﺒﺘﻬﺎ ﻣﺎﺩﺗﻬﺎ ﻋﻠﻰ ﺍﻟﻤﺨﺪﺓ ﺑﻜﻞ ﺭﺍﺣﺔ .. ﺭﻳﻞ ﺟﺎﺳﻔﺘﻬﺎ ﻭﺍﻟﺜﺎﻧﻴﺔ
ﻣﻤﺪﻭﺩﺓ ﻭﻋﻠﻴﻬﺎ ﻛﺎﻥ ﺩﻻﻍ .. ﺍﻟﻈﺎﻫﺮ ﺍﻧﻬﺎ ﺗﺤﺲ ﺑﺎﻟﺒﺮﺩ .. ﻭﺍﺑﺪ ﺟﻨﻬﺎ
ﻓﻲ ﻋﺎﻟﻢ ﺛﺎﻧﻲ ﺗﻤﺎﻣﺎ .. ﻋﺎﻟﻢ ﺍﻟﺮﺍﺣﺔ ﻭﺍﻻﺣﻼﻡ ﺍﻟﻮﺭﺩﻳﺔ .. ﺍﺑﺘﺴﻢ
ﻣﺴﺎﻋﺪ ﻟﻤﻨﻈﺮﻫﺎ ﺍﻟﻄﻔﻮﻟﻲ ﻭﺷﻜﺜﺮ ﺗﺬﻛﺮﻩ ﺑﺎﺧﺘﻪ ﻣﺮﻳﻢ .. ﺗﻮﻩ ﺑﻴﺮﻭﺡ
ﻋﻨﺪﻫﺎ ﺍﻻ ﻭﺍﻫﻲ ﺗﺘﻘﻠﺐ ﻣﻜﺎﻧﻬﺎ ﻋﻠﻰ ﺍﻟﻜﺮﺳﻲ ﻭﺗﻌﻄﻴﻪ ﻇﻬﺮﻫﺎ ..
ﻭﺗﻮﺟﻪ ﻧﻔﺴﻬﺎ ﻟﻠﻄﺮﻑ ﺍﻟﺜﺎﻧﻲ ﻭﻫﺎﻟﻤﺮﺓ ﺍﻟﺒﻨﻴﻪ ﺗﻤﺪﺩﺕ ﺍﻛﺜﺮ ﻣﻦ ﺟﺬﻱ ..
ﺣﺲ ﻣﺴﺎﻋﺪ ﺍﻥ ﻣﺎﻟﻪ ﺣﻖ ﻳﻨﺎﻇﺮﻫﺎ ﺟﺬﻱ ﻭﺍﻫﻲ ﻧﺎﻳﻤﺔ ﻟﻜﻦ ﻳﺎ
ﻧﺎﺱ .. ﺍﻋﺬﺭﻭﻭﻭﻩ .. ﻫﺬﻱ ﻣﺮﺗﻪ .. ﻭﺑﺎﻻﺧﺺ .. ﺣﺒﻴﺒﻪ ﻗﻠﺒﻪ ﺍﻟﻠﻲ
ﻳﻌﺸﻘﻬﺎ ﻭﻳﺬﻭﺏ ﻓﻲ ﻫﻮﺍﻫﺎ ﺣﺘﻰ ﻣﻨﺎﺟﺮﻫﺎ ... ﺭﺍﺡ ﺩﺍﺧﻞ ﺩﺍﺭﻩ
ﺑﺴﺮﻋﻪ ﻭﺳﺤﺐ ﺑﺮﺩﺓ ﺍﻣﻪ ﻣﺰﻫﺒﺘﻬﺎ ﻟﻪ .. ﻭﺭﺍﺡ ﻭﻏﻄﻰ ﺑﻬﺎ ﻓﺎﺗﻦ ...
ﺍﻟﻠﻲ ﻃﺒﻌﺎ ﻧﻮﻣﻬﺎ ﻛﺎﻥ ﺛﺠﻴﻞ ﻭﻣﺎ ﺣﺴﺖ ﺑﺸﻲ .. ﺍﻻ ﺑﺎﻟﺪﻡ ﺍﻟﺴﺎﺧﻦ
ﻳﻌﺒﺮ ﻋﺮﻭﻗﻬﺎ ﻭﻳﺪﻓﻴﻬﺎ ﻭﻳﺨﻠﻴﻬﺎﺗﻐﻮﺹ ﻓﻲ ﻟﺬﻩ ﺍﻟﻨﻮﻡ ﺍﻛﺜﺮ ﻭﺍﻛﺜﺮ
( ( ﻓﻴﻨﻲ ﻧﻮﻭﻭﻭﻭﻡ ﻫﻬﻬﻬﻬﻬﻬﻬﻬﻬﻬﻬﻪ ( (
ﺗﻢ ﻳﻨﺎﻇﺮﻫﺎ ﻣﺴﺎﻋﺪ ﺑﻔﺮﺡ .. ﻳﺎ ﺭﻳﺘﻬﺎ ﺗﺘﻢ ﺟﺬﻱ .. ﻧﺎﻳﻤﺔ .. ﻭﻧﺎﻳﻤﺔ ..
ﻭﺍﻧﺎ ﺍﻧﺎﻇﺮﻫﺎ .. ﻭﻣﺎ ﻳﺘﺪﺧﻞ ﺑﻴﻨﻨﺎ ﺃﻱ ﺍﺣﺪ .. ﺃﻱ ﺍﺣﺪ ..
-------
ﻧﺮﺟﻊ ﻟﻠﻲ ﻭﺻﻞ ﺑﻴﺖ ﺑﻮ ﺟﺮﺍﺡ ... ﻃﺒﻌﺎ ﺍﻟﻠﻲ ﻳﺎﺗﻬﻢ ﺑﻬﺬﺍﻙ ﺍﻟﻮﻗﺖ
ﻣﻦ ﺍﻟﻌﺼﺮ ﻛﺎﻧﺖ ﻣﺮﻳﻢ ﻭﻻ ﺍﺣﺪ ﻏﻴﺮﻫﺎ .. ﻳﻮﻡ ﺩﺧﻠﺖ ﻛﺎﻥ ﺍﻟﺘﺮﺣﺎﺏ
ﻓﻴﻬﺎ ﻣﻦ ﻗﺒﻞ ﺍﻡ ﺟﺮﺍﺡ ﻻﺍﺍﺍﺍ ﻳﻀﺎﻫﻰ .. ﻭﺍﻟﺘﺒﻮﺱ ﻭﺍﻟﺘﺤﺒﺐ ﻓﻴﻬﺎ ﻣﺎ
ﺧﻒ ﻭﻻ ﻫﺪﻯ .. ﻳﺎﺣﺒﻬﺎ ﻋﻨﺪ ﺍﻡ ﺟﺮﺍﺡ .. ﺗﺤﺒﻬﺎ ﻣﺜﻞ ﻟﻮ ﻛﺎﻧﺖ ﻓﺎﺗﻦ ..
ﺍﻭ ﻣﺜﻞ ﻟﻮ ﻛﺎﻧﺖ ﺯﻭﺟﺔ ﻭﻟﺪﻫﺎ ﺍﻟﻠﻲ ﺗﻤﻨﺘﻬﺎ ﻟﻪ ﻣﻦ ﻳﻮﻡ ﻛﺎﻧﺖ
ﺻﻐﻴﺮﺓ .. ﻣﺮﻳﻢ ﺗﻌﺮﻑ ﺑﻤﺸﺎﻋﺮ ﺍﻡ ﺟﺮﺍﺡ ﺗﺠﺎﻫﻬﺎ ﻟﺬﺍ ﺍﻫﻲ ﺩﺍﻳﻤﺎ
ﺗﺤﺴﺲ ﻧﻔﺴﻬﺎ ﺑﺎﻟﺨﺠﻞ ﺗﺠﺎﻫﻬﺎ ﻋﺸﺎﻥ ﻋﻤﺮﻫﺎ ﻭﺍﺣﺘﺮﺍﻣﻬﺎ ..
ﺳﻤﺎﺀ ﺭﺍﺣﺖ ﻋﻠﻰ ﻃﻮﻝ ﻭﺣﻈﻨﺖ ﻣﺮﻳﻢ ﺍﻟﻠﻲ ﺍﺑﺪ ﻣﺎ ﺗﻮﻗﻌﺖ ﺍﻗﻞ ﻣﻦ
ﻫﺬﺍ ﻋﻨﺪ ﺳﻤﺎﺀ ﻻﻧﻬﺎ ﺣﺒﺎﺑﻪ ﻭﺍﻟﻮﺍﺣﺪ ﻳﺘﻌﻮﺩ ﻋﻠﻴﻬﺎ .. ﺍﺻﻼ ﺍﻫﻲ ﻧﻔﺴﻬﺎ
ﻣﺮﻳﻢ ﺍﺷﺘﺎﻗﺖ ﻟﺴﻤﺎﺀ ﻣﻦ ﺟﺬﻱ ﻳﺎﺕ ﺗﺰﻭﺭﻫﻢ ﺍﻟﻴﻮﻡ ﻭﺗﺰﻭﺭﻫﺎ ﺍﻫﻲ
ﺑﻌﺪ ... ﻟﻜﻦ .. ﺍﻫﻲ ﺍﻧﺼﺪﻣﺖ ﻳﻮﻡ ﺷﺎﻓﺖ ﺷﺨﺺ ﺛﺎﻟﺚ ﻣﻌﺎﻫﻢ
ﺑﺎﻟﺪﺍﺭ ... ﺑﻨﺖ ﻭﻻ ﺍﻟﺤﻮﺭ ﻣﻦ ﺟﻤﺎﻟﻬﺎ .. ﺍﻧﺎﻗﺔ .. ﻭﺑﺎﻻﺧﺺ ...
ﺭﻓﺎﺍﺍﺍﺍﺍﻫﻴﺔ ﻭﻋﺰ ﺗﻨﺒﻊ ﻣﻦ ﺣﻨﺎﻳﺎﻫﺎ .. ﻭﺍﺑﺘﺴﺎﻣﺘﻬﺎ ﻛﺎﻧﺖ ﻣﻠﻜﻴﺔ ﻭﺗﺒﻴﻦ
ﻋﻦ ﺑﺮﺳﺘﻴﺞ ﻋﺎﻟﻲ ﻭﺭﺍﻗﻲ .. ﻟﻜﻦ ﺍﻟﻠﻲ ﺣﺮﻕ ﻗﻠﺐ ﻣﺮﻳﻢ ﺍﻫﻮﻭﻭ ﺳﺒﺐ
ﺗﻮﺍﺟﺪﻫﺎ ﻋﻨﺪﻫﻢ .. ﺍﻫﻲ ﺍﻭﻝ ﻣﺮﺓ ﺗﺸﻮﻓﻬﺎ .. ﻳﺎ ﺗﺮﻯ .. ﻣﻦ ﻫﻲ
ﺍﻟﺒﻨﺖ؟؟؟
ﺳﻤﺎﺀ ﻭﺍﻫﻲ ﺗﺪﺧﻞ ﻣﺮﻳﻢ ﻭﻛﺎﻧﻬﺎ ﺑﻨﺖ ﻣﻦ ﻫﺎﻟﺒﻴﺖ : ﺣﻴﺎﺝ ﻣﺮﻳﻮﻡ ...
ﺷﻮﻓﻲ ﻫﺬﻱ ﺑﻨﺖ ﺧﺎﻟﺘﻲ ﺍﻟﺤﺒﻴﺒﺔ .. ﺧﺎﻟﺘﻲ ﻭﻣﻮ ﺍﻫﻲ ﻫﻬﻬﻬﻬﻬﻬﻬﻬﻬﻬﻬﻪ
... ﻏﺰﻻﻥ ..
ﻣﺮﻳﻢ ﺑﺎﺑﺘﺴﺎﻣﺔ ﻣﺴﺎﻭﻳﺔ ﻻﺑﺘﺴﺎﻣﺔ ﻏﺰﻻﻥ : ﺣﻴﺎ ﺍﻟﻠﻪ ﻏﺰﻻﻥ ..
ﻏﺰﻻﻥ ﺑﺪﻻﻟﻬﺎ ﻭﺩﺍﻫﻴﺘﻬﺎ ﺍﻟﻤﻌﺮﻭﻓﺔ : ﺍﻟﻠﻪ ﻳﺤﻴﺞ ﻭﻳﺒﻘﻴﺞ ﻳﺎ .. ﻣﺮﻳﻢ
ﺻﺢ؟؟
ﻣﺮﻳﻢ : ﺃﻱ ﻧﻌﻢ ﺻﺢ ...
ﻏﺰﻻﻥ : ﻋﺎﺵ ﻣﻦ ﺷﺎﻓﺞ ﻭﺍﻟﻠﻪ
ﻣﺮﻳﻢ ﺑﺼﺪﻣﺔ ﻭﺍﻫﻲ ﺗﻨﺎﻇﺮ ﺍﻡ ﺟﺮﺍﺡ ﺍﻟﻠﻲ ﺭﺩﺕ ﻋﻠﻴﻬﺎ ﺑﻨﻈﺮﺓ ﺗﻔﻬﻢ :
ﻋﺎﺷﺖ ﺍﻳﺎﻣﺞ ﻭﺍﻳﺎﻡ ﻣﻐﺎﻟﻴﺞ ...
ﻏﺰﻻﻥ : ﻳﺎﺣﻠﻮﻭ ﻛﻼﻣﺞ ..
ﻣﺮﻳﻢ : ﺑﻌﺪ ﺍﻟﻠﻲ ﺭﺑﻲ ﻋﻨﺪ ﺍﻡ ﺟﺮﺍﺡ ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺍﻡ ﺟﺮﺍﺡ : ﺗﺴﻠﻤﻴﻦ ﻳﺎ ﺑﻌﺪﻱ
ﻣﺮﻳﻢ : ﻣﻮ ﻗﺼﺪﻱ ﺧﺎﻟﺘﻲ
ﺍﻡ ﺟﺮﺍﺡ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻣﺎ
ﺗﻴﻮﺯﻳﻦ
ﻣﺮﻳﻢ ﺑﺤﻴﺎ : ﻟﻮ ﺍﻳﻮﺯ ﺟﺎﻥ ﻣﺎ ﻛﻮﻥ ﻣﺮﻳﻢ ..
ﺳﻤﺎﺀ ﻭﻏﺰﻻﻥ ﺿﺤﻜﻮ ﺑﻌﺪ ... ﻟﻜﻦ ﺍﻟﻠﻲ ﺣﺰ ﻓﻲ ﺧﺎﻃﺮ ﻏﺰﻻﻥ ﺍﻫﻮ
ﻣﻈﻬﺮ ﻫﺎﻟﺒﻨﺖ ... ﻣﺸﺎﺑﻪ ﺍﻭ ﻳﻤﻜﻦ ﻣﻄﺎﺑﻖ ﻟﻤﻈﻬﺮ ﺍﺧﺖ ﺟﺮﺍﺡ ﺍﻟﻠﻲ
ﺷﺎﻓﺘﻬﺎ .. ﺑﻨﻔﺲ ﺍﻟﻄﻮﻝ ﺗﻘﺮﻳﺒﺎ .. ﻧﻔﺲ ﻣﻼﻣﺢ ﺍﻟﻮﻳﻪ ﻣﻊ ﺍﻥ ﻫﺬﻱ
ﺍﻏﻤﺞ ﺷﻮﻱ ... ﻟﻜﻦ ﺣﺸﻤﺘﻬﺎ ﻭﻧﻮﺭ ﻭﻳﻴﻬﻬﺎ ﻭﺑﺎﻻﺧﺺ ﻣﻈﻬﺮﻫﺎ ﺍﻟﺮﺍﻗﻲ
ﺍﻟﻠﻲ ﻳﻨﻢ ﻋﻦ ﺫﻭﻕ ﺧﻼﻫﺎ ﺗﺤﺲ ﺑﺎﻟﻐﻴﺮﺓ ﻣﻨﻬﺎ .. ﻳﺎ ﺗﺮﻯ ﺟﺮﺍﺡ
ﻳﻌﺮﻓﻬﺎ؟؟؟ ﻳﺸﻮﻓﻬﺎ ﺑﻬﺎﻟﻤﻈﻬﺮ؟؟
ﻣﺮﻳﻢ ﺍﻟﻠﻲ ﻛﺎﻧﺖ ﺗﺴﻮﻟﻒ ﺑﺎﺳﻬﺎﺏ ﻭﻣﻦ ﻏﻴﺮ ﺃﻱ ﺗﻮﻗﻒ ﻣﻊ ﺳﻤﺎﺀ ﺍﻟﻠﻲ
ﺗﺒﺎﺩﻟﻬﺎ ﺍﻟﺴﻮﺍﻟﻒ ﻭﺍﻡ ﺟﺮﺍﺡ ﺗﺴﻤﻌﻠﻬﻢ ﻭﺍﻫﻲ ﻗﺎﻋﺪﺓ ﺍﻣﺒﻴﻨﻬﻢ ﻭﻛﻞ
ﻭﺣﺪﺓ ﺗﺼﻔﻘﻬﺎ ﺑﺎﻟﻐﻠﻂ ﻭﺗﺴﺘﺴﻤﺢ ﻣﻨﻬﺎ ﻭﺍﻡ ﺟﺮﺍﺡ ﺍﺑﺪ ﻓﺮﺭﺣﺎﺍﺍﺍﺍﻧﻪ
ﻣﻮﺕ ﺑﻬﺎﻟﻴﻤﻌﺔ ﺍﻟﻠﻲ ﻳﻤﻜﻦ ﻧﺎﻗﺼﺔ ﺑﻔﺎﺗﻦ ﺑﺲ ﺍﻥ ﺷﺎﺀ ﺍﻟﻠﻪ ﻣﺎ ﺭﺩﻫﺎ
ﺑﺘﺮﺟﻊ ﺑﻨﺘﻲ .. ﻭﺑﺘﺴﺮ ﻋﻴﻮﻧﻲ ﺑﻮﺟﻮﺩﻫﺎ ..
ﻋﻨﺪ ﺫﻳﺞ ﺍﻟﻌﺘﺒﺔ .. ﻭﺻﻞ ﺍﻟﺘﺎﻛﺴﻲ ﺍﻟﻠﻲ ﻭﺻﻞ ﺑﻄﻠﻨﺎ ﺟﺮﺍﺡ ... ﻭﻓﻲ
ﻫﺬﻳﺞ ﺍﻟﻠﺤﻈﻪ ﻗﻠﺐ ﺍﻡ ﺟﺮﺍﺡ ﺑﺪﻯ ﻳﺪﻕ ﺑﻘﻮﻭﻭ ﻏﻴﺮ ﻃﺒﻴﻌﻴﺔ ... ﺗﻤﺖ
ﺗﻤﺴﻚ ﺻﺪﺭﻫﺎ ﻭﺍﻫﻲ ﺗﻀﺤﻚ ﻣﻊ ﺳﻮﺍﻟﻒ ﻣﺮﻳﻢ ﻭﺳﻤﺎﺀ ... ﻟﻜﻦ ﻣﺮﻳﻢ
ﺣﺴﺖ ﺍﻥ ﺍﻡ ﺟﺮﺍﺡ ﺗﻐﻴﺮﺕ ﺍﻟﻮﺍﻧﻬﺎ ﻭﻣﺮﺓ ﻭﺣﺪﺓ ﻗﺎﻣﺖ ﺗﺘﻠﻔﺖ ﻋﻠﻰ
ﺍﻟﺒﺎﺏ ﺗﺸﻮﻑ ﺍﻥ ﻳﻤﻜﻦ ﺍﺣﺪ ﻭﺻﻞ ... ﻭﺗﻤﺖ ﺗﺮﺍﻗﺒﻬﺎ ﻣﺮﻳﻢ ﺑﻜﻞ ﻫﺪﻭﺀ
ﻭﻳﻮﻡ ﺣﺴﺖ ﺍﻡ ﺟﺮﺍﺡ ﺍﻧﻬﺎ ﻣﺮﺍﻗﺒﻪ
ﺍﻡ ﺟﺮﺍﺡ ﺑﻀﺤﻜﺔ : ﻣﺎﺩﺭﻱ .. ﺣﺴﻴﺖ ﺍﻥ ﺍﺣﺪ ﻋﻨﺪ ﺍﻟﺒﺎﺏ ... ﺑﺲ
ﺟﺬﻱ ...
ﻣﺮﻳﻢ ﺗﺒﺘﺴﻢ : ﺑﺮﻭﺡ ﺍﺷﻮﻑ ﻳﻤﻜﻦ ﺳﻤﻌﺘﻲ ﺷﻲ ﻭﻻ ﺷﻲ ..
ﺍﻡ ﺟﺮﺍﺡ : ﺃﻱ ﻳﻤﺔ ﺭﻭﺣﻲ ﺷﻮﻓﻲ ...
ﻗﺎﻣﺖ ﻣﺮﻳﻢ ﻋﻠﻰ ﻃﻮﻟﻬﺎ ﻭﺍﻫﻲ ﺗﻤﺸﻲ .. ﺑﻜﻞ ﻫﺪﻭﺀ ﻭﺑﻜﻞ ﻋﻔﻮﻳﺔ
ﺗﻘﺮﺑﺖ ﻣﻦ ﺍﻟﺒﺎﺏ ﺍﻟﺮﺋﻴﺴﻲ ﻭﻓﺘﺤﺘﻪ ﻭﻭﻗﻔﺖ ﺗﻨﺎﻇﺮ ﺍﺣﺪ ﻳﺪﻓﻊ
ﻟﻠﺘﺎﻛﺴﻲ ﻭﺟﻨﻄﺔ ﺳﻔﺮ ﺧﻠﺖ ﻣﻦ ﻗﻠﺐ ﻣﺮﻳﻢ ﻳﻔﺰ ﺑﻔﺰﻉ .. ﻻ ﻳﻜﻮﻥ
ﺍﻫﻮ؟؟؟؟ ﻻ ﻳﻜﻮﻥ ﻛﺤﻞ ﻫﺎﻟﻌﻴﻦ ﻭﻧﺎﻇﺮﻫﺎ؟؟؟ ﻭﻳﻨﻪ؟؟ ﻭﻳﻨﻪ ﻣﺎ
ﻳﻠﺘﻔﺖ .. ﻳﺸﻮﻓﻨﻴﻪ؟؟ ﻭﺍﺷﻮﻓﻪ؟؟ ﺍﻟﺘﻔﺖ ﺣﺒﻴﺒﻲ ... ﻭﻣﻦ ﻏﻴﺮ ﺣﺴﻴﺔ
ﻧﻄﻖ ﻟﺴﺎﻧﻬﺎ
ﻣﺮﻳﻢ ﺑﻬﻤﺲ : ﺍﻟﺘﻔﺖ ﺣﺒﻴﺒﻲ ...
ﻭﻫﻨﻲ ﺍﻟﺘﻔﺖ ﺟﺮﺍﺡ ﻭﻫﻮ ﻳﺰﻡ ﻋﻴﻮﻧﻪ ﺑﺴﺒﺐ ﺍﻟﻬﻮﺍ ﺍﻟﺒﺎﺭﺩ ﺍﻟﻠﻲ
ﻳﻠﻔﺤﻪ .. ﺗﺮﻯ ﺣﺘﻰ ﺍﻟﻜﻮﻳﺖ ﺍﻟﺒﺮﺩ ﻧﺎﺯﻝ ﻋﻠﻴﻬﺎ .. ﻭﺗﺠﻤﺪ ﻣﻜﺎﻧﻪ ﻳﻮﻡ
ﻟﻤﺢ ﺍﻟﺨﻴﺎﻝ ﺍﻟﻠﻲ ﻭﺍﻗﻒ ﻋﻠﻰ ﺍﻟﺒﺎﺏ ﺗﻢ ﻳﻮﺍﻳﺞ ﻓﻴﻪ ﻭﻳﻮﺍﻳﺞ .. ﺍﻟﻬﻮﺍ
ﻛﺎﻥ ﻋﺎﻣﻲ ﻋﻴﻨﻪ ﻭﺍﻟﺘﺮﺍﺏ ﻓﻲ ﻛﻞ ﺻﻮﺏ .. ﻟﻜﻦ ﻗﺪﺭ ﻳﻤﻴﺰﻫﺎ .. ﻛﺎﻧﺖ
ﺍﻫﻲ .. ﻣﻨﺎ ﻋﻴﻮﻧﻪ ﺍﻟﻠﻲ ﻣﺎ ﺗﻮﻗﻊ ﺍﻧﻪ ﻳﺸﻮﻓﻬﺎ ﻫﻨﻲ .. ﻓﻲ ﺑﻴﺘﻬﻢ ..
ﺑﺎﺳﺘﻘﺒﺎﻟﻪ ..
ﺣﻤﻞ ﺟﻨﻄﺘﻪ ﻭﺗﻘﺪﻡ ﻟﻠﺒﺎﺏ ﻭﺍﻫﻲ ﻃﻠﻌﺖ ﺑﻌﺪ ... ﻛﺎﻧﺖ ﺑﻌﻴﺪ ﻋﻦ
ﺍﻟﺒﺎﺏ ﺍﻟﺮﺋﻴﺴﻲ ﻭﺍﻡ ﺟﺮﺍﺡ ﺍﻟﻠﻲ ﻃﺎﻝ ﻏﻴﺎﺏ ﻣﺮﻳﻢ ﻋﻠﻴﻬﺎ ﺍﺳﺘﻐﺮﺑﺖ
ﻭﻗﺎﻣﺖ ﻣﻦ ﻣﻜﺎﻧﻬﺎ ﻟﻌﻨﺪ ﺍﻟﺒﺎﺏ .. ﻭﻳﻮﻡ ﻭﻗﻔﺖ ﻋﻨﺪﻩ ﺷﺎﻓﺘﻪ .. ﺣﺒﻴﺐ
ﻗﻠﺒﻬﺎ ﻭﺭﻭﺣﻬﺎ ﻭﻛﻴﺎﻧﻬﺎ ﻛﻠﻪ .. ﺟﺮﺍﺡ ...
ﺭﺍﺣﺖ ﺍﻡ ﺟﺮﺍﺡ ﻋﻠﻰ ﻃﻮﻝ ﻭﺍﻗﻄﻌﺖ ﺑﻴﻦ ﺍﻟﻌﻴﻮﻥ ﺍﺣﻠﻰ ﻟﻘﺎﺀ ﻭﺍﺣﻠﻰ
ﺍﺳﺘﻘﺒﺎﻝ ﻳﻤﻜﻦ ﺍﺣﺪ ﻳﻠﻘﺎﻩ .. ﺍﺳﺘﻘﺒﺎﻝ ﺍﻟﺤﺒﻴﺒﻴﻦ ﻳﺨﺘﻠﻒ ﻋﻦ ﺃﻱ ﺷﻲ
ﻓﻲ ﻫﺎﻟﺪﻧﻴﺎ .. ﻭﻟﻜﻦ ﺑﻌﺪ ﺍﻡ ﺟﺮﺍﺡ ﻟﻬﺎ ﻣﻘﺎﻣﻬﺎ ﺍﻟﻌﺎﻟﻲ ﻋﻨﺪ ﻭﻟﺪﻫﺎ ﺍﻟﻠﻲ
ﻣﻦ ﺷﺎﻓﻬﺎ ﺧﻄﺮ ﻣﺮﻳﻢ ﻭﺭﺍﺡ ﻻﺣﻈﺎﺍﺍﻥ ﺍﻻﻡ ﺍﻟﻮﻟﻬﺎﻧﻪ .. ﻭﻣﻦ ﺩﺭﻳﺸﺔ
ﺍﻟﺼﺎﻟﺔﺍﻟﻠﻲ ﺗﻄﻠﻊ ﻋﻠﻰ ﺍﻟﺤﻮﺵ ﻛﺎﻧﺖ ﺳﻤﺎﺀ ﺗﻄﻠﻊ ﻭﺗﺒﺘﺴﻢ
ﺳﻤﺎﺀ : ﻫﺬﺍ ﺟﺮﺍﺡ
ﻏﺰﻻﻥ ﻓﺰ ﻗﻠﺒﻬﺎ ﻭﻗﺎﻣﺖ ﻭﻳﺎ ﺳﻤﺎﺀ : ﻣﻨﻮ؟؟؟؟
ﺳﻤﺎﺀ : ﺍﺍﻳﻲ ﻋﻮﺭﺗﻴﻨﻲ .. ﺍﻗﻮﻝ ﻟﺞ ﺟﺮﺍﺡ ﻫﺬﺍ؟؟ ﻭﺍﻧﺘﻲ ﺷﻔﻴﺞ ﻻﺯﻗﺔ
ﺟﺬﻱ ﻗﻮﻣﻲ؟
ﻏﺰﻻﻥ : ﺍﻧﺘﻲ ﻗﻮﻣﻲ ﺗﻌﺮﻓﻴﻨﻪ ﺍﻧﺎ ﻣﺎ ﻋﺮﻓﻪ ..
ﺳﻤﺎﺀ ﺑﺤﺎﺟﺐ ﻣﺮﻓﻮﻉ : ﻣﺎﺩﺭﻳﺖ ﺍﻧﺞ ﻣﻦ ﻗﻮﻡ ﺍﻟﺼﻴﺎﻋﺔ ..
ﻏﺰﻻﻥ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻗﻮﻡ ﺷﻨﻮ؟؟؟
ﺳﻤﺎﺀ : ﻗﻮﻣﻲ ﺑﺲ ...
ﻏﺰﻻﻥ ﺍﻟﻠﻲ ﺗﻤﺖ ﺗﻀﺤﻚ ﻭﻟﻜﻦ ﻣﻦ ﺷﺎﻓﺖ ﺟﺮﺍﺡ ﻗﺮﻳﺐ ﻣﻦ ﻋﻴﻮﻧﻬﺎ
ﻭﺍﺑﺘﺴﺎﻣﺘﻪ ﺍﻟﻠﻲ ﺷﺎﻓﺘﻬﺎ ﻣﺮﺓ ﻳﻮﻡ ﻛﺎﻧﻮ ﺑﺎﻟﻤﺼﻌﺪ ﺧﻼﺹ .. ﺩﺍﺑﺖ
ﻓﻴﻪ ... ﻭﻳﻨﻚ ﺍﻧﺖ ﻋﻨﻲ .. ﻣﺎﺍ ﺗﺪﺭﻱ ﺍﻥ ﺟﺎﻥ ﺍﻧﺎ ﻓﻲ ﺳﻤﺎ ﻭﻻ ﺍﺭﺽ ..
ﻫﺎﻳﻤﺔ ﺑﺨﻴﺎﻝ ﻋﻴﻮﻧﻚ ﺍﻟﻠﻲ ﻣﻦ ﻳﻮﻡ ﻣﺎ ﺭﻣﻴﺘﻨﻲ ﺑﻨﻈﺮﺗﻚ ﻭﺍﻧﺎ ﻣﺘﻌﻠﻘﺔ
ﻓﻴﻬﺎ .. ﺍﻧﺖ ﺭﺣﺖ ﻭﺍﻧﺎ ﺑﻘﻴﺖ .. ﻟﻜﻦ ﺍﻟﻴﻮﻡ .. ﻳﺎ ﺭﺑﻲ ﺍﻟﻴﻮﻡ ﻟﻘﻴﺘﻚ ..
ﻭﺍﻧﺖ ﺭﺍﺟﻊ ﻣﻦ ﺳﻔﺮﻙ .. ﺣﻤﺪ ﻟﻠﻪ ﻋﻠﻰ ﺳﻼﻣﺘﻚ .. ﻳﺎ ﺣﺒﻴﺒﻲ ..
ﻳﻮﻡ ﺗﻮﻩ ﺟﺮﺍﺡ ﺑﻴﺪﺧﻞ ﺍﻟﺒﻴﺖ ﻣﺮﻳﻢ ﻭﻗﻔﺖ ﻣﻜﺎﻧﻬﺎ ﻻﻥ ﺳﻴﺎﺭﺓ ﺛﺎﻧﻴﺔ
ﻭﺻﻠﺖ .. ﻭﻛﺎﻧﺖ ﺳﻴﺎﺭﺓ ﻟﺆﻱ ﺍﻝ gmc envoy ﻣﻌﺮﻭﻑ ﻣﺼﺮﻗﻊ
ﻭﺳﻴﺎﺭﺗﻪ ﺳﻴﺎﺭﺍﺕ ﻣﺼﺮﻗﻌﻴﻦ ..
ﺷﺎﻓﻬﺎ ﺟﺮﺍﺡ ﺍﻧﻬﺎ ﺗﻮﻗﻔﺖ ﻣﻜﺎﻧﻬﺎ : ﺷﻔﻴﺞ ﻣﺮﻳﻢ ﺣﻴﺎﺝ ﺩﺍﺧﻞ
ﺗﺎﺷﺮ ﺑﻴﺪﻫﺎ ﺑﻌﺠﺰ : ﻟﺆﻱ ﻫﻨﻲ ... ﻭﺻﺎﺭ ﻻﺯﻡ ﺍﺭﻭﺡ
ﺍﻡ ﺟﺮﺍﺡ : ﺑﺲ ﻳﻤﻪ ﺍﻧﺘﻲ ﺗﻮﺝ ﻭﺍﺻﻠﺔ
ﻣﺮﻳﻢ : ﺧﺎﻟﺘﻲ ﺑﻌﺪ ... ﻣﺎﻗﺪﺭ ﺍﻗﻌﺪ ﺍﻛﺜﺮ ... ﺍﻣﻲ ﻣﺎﻟﻬﺎ ﺍﺣﺪ ﻓﻲ
ﺍﻟﺒﻴﺖ ...
ﺍﻡ ﺟﺮﺍﺡ : ﻳﻤﺔ ﺑﺲ ﻧﺺ ﺳﺎﻋﺔ ﺯﻳﺎﺩﺓ ﻭﺩﺧﻠﻲ ﻟﺆﻱ ﺑﻌﺪ ...
ﺟﺮﺍﺡ : ﺧﻠﻮﻩ ﺍﻧﺎ ﺑﺮﻭﺡ ﻟﻪ
ﻣﺮﻳﻢ ﻭﺟﺮﺍﺡ ﻳﻄﻮﻑ ﻣﻦ ﻳﻤﻬﺎ ﻭﻗﻔﺘﻪ ﺑﻨﻈﺮﺓ ﻋﺠﺰ : ﻻ ... ﺧﻠﻪ ...
(ﺗﻄﺎﻟﻊ ﺍﻡ ﺟﺮﺍﺡ ﺑﺨﺠﻞ ﺍﻟﻠﻲ ﻋﺮﻓﺖ ﺍﻥ ﺍﻟﻤﻮﻗﻒ ﻳﺴﺘﺪﻋﻲ ﺍﻧﻬﺎ ﺗﻐﻴﺐ
ﺷﻮﻱ )
ﺟﺮﺍﺡ : ﻣﺮﻳﻢ ...
ﻣﺮﻳﻢ : ﻻ ﺗﻘﻮﻝ ﺷﻲ ... ﺍﺻﻼ ﺍﺣﻨﺎ ﻭﻗﻔﺘﻨﺎ ﻫﻨﻲ ﻏﻠﻂ .. ﺧﻠﻨﻲ ﺍﺭﻭﺡ
ﺑﻴﺘﻨﺎ ... ﺍﻫﻢ ﺷﻲ ﺍﻧﻲ ﺗﻄﻤﻨﺖ ﻋﻠﻴﻚ ...
ﺗﻮﻫﺎ ﺑﺘﺪﺧﻞ ﺩﺍﺧﻞ ﻓﺘﺤﺖ ﺍﻟﺒﺎﺏ ﺍﻻ ﺟﺮﺍﺡ ﻳﻨﺎﺩﻳﻬﺎ : ﻣﺮﻳﻢ ...
ﺍﻟﺒﺎﺏ ﺍﻧﻔﺞ ﻭﻭﻗﻔﺖ ﻣﺮﻳﻢ ﻭﺍﻫﻲ ﻣﺠﺎﺑﻠﺘﻪ ﻭﺍﻟﻠﻲ ﻛﺎﻧﺖ ﻭﺍﻗﻔﺔ ﻋﻨﺪ
ﺍﻟﺒﺎﺏ ﻏﺰﻻﻥ ﺑﺎﺑﺘﺴﺎﻣﺔ ﻏﺮﻳﺒﺔ ﺷﻮﻱ .. ﺟﺮﺍﺡ ﺗﻮﻩ ﺑﻴﺘﻜﻠﻢ ﻟﻜﻨﻪ ﺍﻧﺼﺪﻡ
ﻣﻦ ﺷﻮﻓﻪ ﺍﻟﺒﻨﺖ .. ﻫﺬﻱ ﻫﻲ ﺍﻟﺒﻨﺖ ﺍﻟﻲ ﻓﻲ ﺍﻟﻤﺼﻌﺪ .. ﺑﻨﺖ ﺻﺎﺣﺐ
ﺍﻟﺸﺮﻛﺔ ﺍﻟﻠﻲ ﻳﺸﺘﻐﻞ ﻓﻴﻬﺎ ﻣﺴﺎﻋﺪ .. ﺷﺘﺴﻮﻱ ﻫﻨﻲ؟؟
ﻏﺰﻻﻥ ﺍﻟﺠﺮﻳﺌﺔ : ﺣﻤﺪ ﻟﻠﻪ ﻋﻠﻰ ﺳﻼﻣﺘﻚ ﺟﺮﺍﺡ ...
ﺍﻟﺘﻔﺘﺖ ﻣﺮﻳﻢ ﺑﺴﺮﻋﺔ ﻟﻠﺼﻮﺕ ... ﺗﻌﺮﻑ ﺟﺮﺍﺡ؟؟؟ ﻫﺎﻟﺒﻨﺖ ﺗﻌﺮﻑ ﻣﻦ
ﺍﻫﻮ ﺟﺮﺍﺡ
ﺟﺮﺍﺡ ﻳﻮﻡ ﺷﺎﻑ ﻣﻼ ﻣﺢ ﻣﺮﻳﻢ ﺍﻟﻤﺴﺘﻐﺮﺑﺔ ﺣﺲ ﺍﻧﻪ ﻳﻤﺸﻲ ﻟﺤﺒﻞ
ﺍﻟﻤﺸﻨﻘﺔ : ﺍﻟﻠﻪ .. ﺍﻟﻠﻪ ﻳﺴﻞ .. ﻳﺴﻠﻤﺞ ﺍﺧﺘﻲ ..
ﻏﺰﻻﻥ : ﺗﻮﻫﺎ ﻣﺎ ﻧﻮﺭﺕ ﺍﻟﻜﻮﻳﺖ ..
ﺍﻧﺤﺮﺝ ﺟﺮﺍﺡ ﺍﻛﺜﺮ : ﺑﻨﻮﺭﺭ .. ﺭﺝ ...
ﻭﻋﻴﻮﻧﻪ ﻛﻠﻬﺎ ﻛﺎﻧﺖ ﻋﻠﻰ ﻣﺮﻳﻢ ﺍﻟﻤﻨﺼﺪﻣﺔ .. ﺩﺧﻠﺖ ﺩﺍﺧﻞ ﺍﻟﺒﻴﺖ
ﻣﺮﻳﻢ ﺑﻜﻞ ﻫﺪﻭﺀ ﻭﺳﺤﺒﺖ ﺟﻨﻄﺘﻬﺎ ﻭﺍﻡ ﺟﺮﺍﺡ ﺗﻮﻗﻔﻬﺎ : ﻳﻤﺔ ﻣﺮﻳﻢ
ﻭﻳﻦ ﺭﺍﻳﺤﺔ ﺧﻠﺞ ﻫﻨﻲ
ﻣﺮﻳﻢ ﺑﺎﺑﺘﺴﺎﻣﺔ ﻟﻜﻦ ﺑﻘﻠﺐ ﺟﺮﻳﺢ : ﻻ ﺧﺎﻟﺘﻲ ﻻﺯﻡ ﺍﺭﻭﻭﺡ ﺍﻣﻲ
ﺗﻨﺘﻈﺮﻱ ﻭﻣﺎ ﻗﺪﺭ ﺍﺧﻠﻴﻬﺎ ﻓﻲ ﺍﻟﺒﻴﺖ ﺗﻌﺮﻓﻴﻦ ﺑﻌﺪ ﺍﻟﺴﻜﺮﻱ ﻭﻛﻞ ﺷﻮﻱ
ﻳﺒﻴﻠﻬﺎ ﺩﻭﻯ ..
ﺍﻡ ﺟﺮﺍﺡ : ﺗﻌﺎﻟﻴﻠﻲ ﻳﻤﺔ ﻻ ﺗﻘﻄﻌﻴﻨﻲ .. ﺍﻧﺘﻲ ﻓﻴﺞ ﺭﻳﺤﺔ ﻓﺘﻮﻭﻭﻥ
ﻣﺮﻳﻢ : ﺍﻥ ﺷﺎﺀ ﺍﻟﻠﻪ ﻳﻤﺔ ... ﻟﻴﻦ ﺍﺗﺼﻠﺖ ﻓﺘﻮﻥ ﺧﺒﺮﻭﻧﻲ .. ﻭﻟﻴﻦ
ﻋﻄﺘﻜﻢ ﺭﻗﻤﻬﺎ ﺑﻌﺪ ﺧﺒﺮﻭﻧﻲ .. ﺍﻧﺎ ﺑﺤﺎﻭﻝ ﺍﺗﺼﻞ ﻓﻴﻬﺎ ﺍﻟﻴﻮﻡ ﻣﻦ ﺗﻠﻔﻮﻥ
ﺍﻟﺒﻴﺖ ﺑﺲ ﻣﺎ ﻋﺮﻑ ﻓﻮﺍﺭﻕ ﺍﻟﺘﻮﻗﻴﺖ ﺑﻴﻨﺎ ﻭﺑﻴﻨﻬﻢ ...
ﺍﻡ ﺟﺮﺍﺡ : ﺍﻥ ﺷﺎﺀ ﺍﻟﻠﻪ ﻳﻤﺔ ﺑﺲ ﺗﺤﻤﻠﻲ ﻓﻲ ﺭﻭﺣﺞ ﻭﻗﻮﻟﻲ ﻟﻠﺆﻱ
ﻫﺎﻟﻠﻪ ﻫﺎﻟﻠﻪ ﻓﻲ ﺍﻟﻄﺮﻳﺞ ..
ﻣﺮﻳﻢ ﺑﺤﺰﻥ ﺍﺷﺎﺣﺖ ﺑﻮﻳﻬﻬﺎ ﻭﻃﻠﻌﺖ : ﺍﻥ ﺷﺎﺀ ﺍﻟﻠﻪ ﺧﺎﻟﺘﻲ ﻣﻊ
ﺍﻟﺴﻼﻣﺔ ..
ﺍﻡ ﺟﺮﺍﺡ ﺍﻟﻠﻲ ﻃﺒﻌﺎ ﻣﺎ ﻓﺎﺗﻬﺎ ﺃﻱ ﺷﻲ ﻣﻦ ﺍﻟﻲ ﺻﺎﺭ ﺣﺴﺖ ﺑﺠﺮﺡ
ﻣﺮﻳﻢ ... : ﻓﻲ ﺍﻣﺎﻥ ﺍﻟﻠﻪ ﻳﺎ ﺑﻨﻴﺘﻲ ..
ﻃﻠﻌﺖ ﻣﺮﻳﻢ ﻣﻦ ﺍﻟﺒﺎﺏ ﻭﺑﻨﻔﺲ ﺍﻟﻮﻗﺖ ﺩﺧﻠﺖ ﻏﺰﻻﻥ ﺍﻟﺒﻴﺖ
ﺑﺎﺑﺘﺴﺎﻣﺔ ﺩﻟﻊ ﺗﺨﻠﻲ ﺍﻟﻮﺍﺣﺪ ﻭﺩﻩ ﻟﻮ ﻳﻌﻄﻴﻬﺎ ﺑﻜﺲ ﻣﺎ ﺗﺒﻲ ﻏﻴﺮﻩ ...
ﻏﺰﻻﻥ : ﻭﻳﻨﺞ ﻣﺮﻳﻢ ﻟﻠﺤﻴﻦ ﻣﺎ ﺷﺒﻌﻨﺎ ﻣﻨﺞ
ﻣﺮﻳﻢ ﺍﺑﺪ ﻣﺎ ﻋﻄﺘﻬﺎ ﻭﻳﻪ ﻭﺭﺍﺣﺖ ﻻﺧﻮﻫﺎ ﻭﺷﺎﻓﺖ ﺍﻥ ﺟﺮﺍﺡ ﻣﻌﺎﻩ ..
ﻭﻟﺤﻜﻢ ﻭﺟﻮﺩ ﻟﺆﻱ ﻓﻲ ﺍﻟﺴﺎﺣﺔ ﺍﻻﺛﻨﻴﻦ ﻣﺎ ﺗﺒﺎﺩﻟﻮ ﺍﻟﻨﻈﺮﺍﺕ ﺍﺑﺪﺍ
ﻭﺭﺍﺣﺖ ﻣﺮﻳﻢ ﺑﻤﺸﺎﻋﺮ ﻋﻜﺲ ﻣﺎ ﻛﺎﻧﺖ ﺗﺘﻮﻗﻊ .. ﻛﺎﻥ ﺍﻻﻟﻢ ﻓﻴﻬﺎ
ﻭﺍﻟﻤﺸﺎﻋﺮ ﺍﻟﻤﺠﻨﻮﻧﺔ ﺍﻟﻠﻲ ﻳﺴﻤﻮﻧﻬﺎ ﺍﻟﻐﻴﺮﺓ ﻭﺍﺣﺴﺎﺱ ﺍﻟﺨﻴﺎﻧﺔ ﻋﺎﻣﺮ
ﻓﻲ ﺧﻔﻮﻗﻬﺎ ﻟﻜﻦ ﻭﻳﻦ ﻳﺎ ﺭﺑﻲ ﻭﻳﻦ ... ﻣﻌﻠﻴﻪ ﻳﺎ ﺟﺮﺍﺡ .. ﻛﻞ ﻫﺬﺍ
ﺑﺘﺎﻛﻠﻪ ﻣﻦ ﺍﻟﺤﺎﻣﻲ ﻭﺍﻧﺎ ﻣﺮﻳﻢ ... ﺑﺘﺸﻮﻑ ...
ﺗﻢ ﻭﺍﻗﻒ ﺟﺮﺍﺡ ﺑﺮﻩ ﺍﻟﺒﻴﺖ ﻭﻫﻮ ﻣﺘﻠﻮﻡ ﻋﻠﻰ ﺍﻟﻠﻲ ﺻﺎﺭ .. ﺍﻟﺤﻴﻦ ﺍﻫﻮ
ﻓﻲ ﺑﺎﻟﻪ ﺳﺆﺍﻝ .. ﻫﺎﻟﺒﻨﻴﺔ ﺷﺘﺴﻮﻱ ﻓﻲ ﺑﻴﺘﻬﻢ ... ﻣﻦ ﻭﻳﻦ ﻟﻬﺎ ﻋﻨﻮﺍﻧﻨﺎ
ﻭﻟﻴﺶ ﻗﺎﻋﺪﺓ ﻭﻳﺎ ﺍﻣﻲ ﺑﺤﺮﻳﺔ ﺟﺬﻱ؟؟ ﺍﻣﻲ ﻋﺎﺩﻱ ﺑﻌﺪ ﺗﺪﺧﻞ ﺃﻱ ﻣﻦ
ﺑﻴﺘﻨﺎ .. ﻣﺎ ﺗﺪﺭﻱ ﺍﻧﻬﺎ ﻳﻤﻜﻦ ﺗﻄﻠﻊ ﺳﻔﺎﺣﺔ ﻣﺠﺮﻣﺔ ﻗﺎﺗﻠﺔ ﺍﺑﺪ ﻣﺎﻓﻲ
ﺍﻟﺪﻧﻴﺎ ﺍﻣﺎﻥ ﻋﻠﻰ ﺑﺎﻟﻬﺎ ..
ﺗﻢ ﻳﻄﺎﻟﻊ ﺍﻟﺒﻴﺖ ﺍﻟﻠﻲ ﻛﺮﻩ ﻭﺻﻮﻟﻪ ﻟﻪ .. ﺷﻜﺜﺮ ﻛﺎﻥ ﺣﺎﻁ ﺍﻣﺎﺍﻝ
ﻭﺗﺤﻘﻖ ﺟﺰﺀ ﻣﻦ ﺣﻠﻤﻪ ﺍﻥ ﻣﺮﻳﻢ ﺗﻜﻮﻥ ﺑﺎﺳﺘﻘﺒﺎﻟﻪ ﻟﻜﻦ ﻇﻬﻮﺭ ﻏﺰﻻﻥ
ﺍﻟﻠﻲ ﻓﻲ ﻏﻴﺮ ﻣﺤﻠﻪ ﺣﻮﺱ ﺍﻻﺣﻼﻡ ﻛﻠﻬﺎ ﻭﺣﻮﻟﻬﺎ ﻣﻦ ﺣﻠﻢ ﻭﺭﺩﻱ
ﺟﻤﻴﻞ .. ﺍﻟﻰ ﻛﺎﺑﻮﺱ ﻣﺮﻳﻊ .. ﺍﻟﻠﻪ ﻳﻔﻜﻨﺎ ﻣﻨﻪ ..
ﺗﻮﻩ ﺑﻴﺪﺧﻞ ﺍﻟﺒﻴﺖ ﺍﻻ ﺳﻤﺎﺀ ﺗﺠﺮ ﻳﺪ ﻏﺰﻻﻥ ﻣﻦ ﻣﺤﻠﻬﺎ ﻭﺷﻮﻱ ﺗﺠﻠﻌﻬﺎ
ﻟﻬﺎ
ﻏﺰﻻﻥ : ﺃﻱ ﺳﻤﺎﺀ ﻋﺪﺍﻝ ﻋﺎﺩ ...
ﺳﻤﺎﺀ : ﺗﻌﺎﻟﻲ ﺍﺑﻴﺞ ﻓﻲ ﺳﺎﻟﻔﺔ ﻓﻲ ﺍﻟﺒﻴﻴﺖ ..
ﺟﺮﺍﺡ ﻛﺎﻥ ﻭﺍﻗﻒ ﺑﺮﻩ ﻭﻫﻮ ﻣﻨﺰﻝ ﺭﺍﺳﻪ ﻭﻳﺪﻳﻨﻪ ﻓﻲ ﺟﻴﻮﺏ
ﺑﻨﻄﻠﻮﻧﻪ ..
ﺳﻤﺎﺀ ﺍﻟﻠﻲ ﺗﻌﺮﻑ ﺍﻥ ﻣﺮﻳﻢ ﺗﺤﺐ ﺟﺮﺍﺡ ﻭﻫﻮ ﺑﺎﻟﻤﺜﻞ ﻭﻗﻔﺖ ﺑﺤﻴﺎ :
ﺳﻮﺭﻱ ﺟﺮﺍﺡ
ﺟﺮﺍﺡ ﻳﺒﺘﺴﻢ ﺑﻐﺮﺍﺑﺔ : ﻋﻠﻰ ﺷﻨﻮ؟
ﺳﻤﺎﺀ ...: ﺳﻮﺭﻱ ...
ﻏﺰﻻﻥ ﺗﻄﺎﻟﻌﻬﻢ ﺑﺎﺳﺘﻐﺮﺍﺏ ﻭﻛﺄﻧﻬﺎ ﻓﺎﻗﺪﺓ ﻗﻄﻌﺔ ﻣﻦ ﺍﻟﺤﺰﻭﺭﺓ .. ﺍﻛﻴﺪ
ﺍﻟﺴﺎﻟﻔﺔ ﻓﻴﻬﺎ ﺷﻲ .. ﻭﺍﻻ ﺳﻤﺎﺀ ﻟﻴﺶ ﺗﻌﺘﺬﺭ .؟؟
ﺩﺧﻠﻮ ﺍﻟﺒﻨﺘﻴﻦ ﺍﻟﺒﻴﺖ ﺍﻟﻜﺒﻴﺮ ﺍﻟﻔﺎﺿﻲ .. ﻭﻏﺰﻻﻥ ﻓﺠﺖ ﻳﺪﻫﺎ ﻣﻦ ﺳﻤﺎﺀ
ﻏﺰﻻﻥ ﺑﻌﺼﺒﻴﺔ : ﺗﺮﺍﺝ ﻣﺼﺨﺘﻴﻬﺎ ﺗﺠﺮﻳﻨﻲ ﻣﺜﻞ ﺍﻟﻌﻨﺰ
ﺳﻤﺎﺀ : ﺍﻧﺘﻲ ﺍﻟﻠﻲ ﻣﺼﺨﺘﻴﻬﺎ .. ﺗﺮﻭﺣﻴﻦ ﺗﻠﺤﻘﻴﻨﻲ ﻭﻳﻦ ﻣﺎ ﺍﺭﻭﺡ
ﻭﺑﻌﺪﻳﻦ ﺗﺴﻮﻳﻦ ﺍﻟﻠﻲ ﺳﻮﻳﺘﻴﻪ .. ﺍﻧﺘﻲ ﻣﺎﺗﺴﺘﺤﻴﻦ؟
ﻏﺰﻻﻥ : ﺷﺴﻮﻳﺖ ﺍﻧﺎ؟؟؟
ﺳﻤﺎﺀ : ﺑﺲ ﺧﻼﺹ .. ﺍﻧﺎ ﺍﺑﻲ ﺍﻋﺮﻑ ﻣﻦ ﻭﻳﻦ ﻧﺰﻝ ﺍﻟﺤﺐ ﻓﻲ ﻗﻠﺒﺞ
ﺍﻟﻴﻮﻡ ﻋﺸﺎﻥ ﺗﺰﻭﺭﻳﻨﻲ .. ﻭﺍﻻ ﺍﻧﺘﻲ ﻛﻨﺘﻲ ﻣﺨﻄﻄﺔ ﻟﻜﻞ ﻫﺬﺍ ﻣﻦ
ﻗﺒﻞ ..
ﻏﺰﻻﻥ ﺑﺤﻴﻠﺔ ﻭﺍﺳﻌﺔ ﻭﺣﺎﺟﺐ ﻣﺮﻓﻮﻉ : ﻋﻼﻣﺞ ﺳﻤﻮﻱ .. ﺍﻧﺘﻲ ﺑﻨﺖ
ﺧﺎﻟﺘﻲ ﻭﺍﻧﺎ ﺍﺣﺒﺞ
ﺳﻤﺎﺀ ﺑﺼﺪﻣﺔ : ﺍﺍﺍﺍﻩ .. ﻳﻤﺔ ... ﻗﻠﺒﻲ .. ﺗﺤﺒﻴﻨﻲ ... ﻻ ﻣﺎﺻﺪﻕ
ﺻﺮﺍﺣﺔ ﺍﺭﺟﻮﺝ ﻗﺮﺻﻴﻨﻲ .. ﺭﺩﻳﻨﻲ ﻻﺭﺽ ﺍﻟﻮﺍﻗﻊ ..
ﻏﺰﻻﻥ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺷﺨﺼﻴﺔ ﻛﻮﻣﻴﺪﻳﺔ ﻭﺍﺍﺍﻭ
ﺗﻴﻨﻨﻴﻴﻴﻦ ..
ﺗﻤﺖ ﺍﻟﺒﺎﻳﺨﺔ ﻏﺰﻻﻥ ﺗﻀﺤﻚ ﻭﺳﻤﺎﺀ ﺍﺑﺪﺍ ﻣﻮ ﻋﺎﺟﺒﻬﺎ ﺍﻟﻮﺿﻊ .. ﺍﻫﻲ
ﺗﻌﺮﻑ ﻏﺰﻻﻥ – ﻣﻦ ﺑﻌﻴﺪ – ﺍﻧﻬﺎ ﺗﺤﺼﻞ ﻋﻠﻰ ﺍﻟﻠﻲ ﺗﺒﻴﻪ .. ﻭﺗﺼﺮﻓﺎﺗﻬﺎ
ﻭﺍﺿﺤﺔ ﻭﻣﻜﺸﻮﻓﺔ .. ﺍﻛﻴﺪ ﺣﺎﻃﺔ ﺟﺮﺍﺡ ﻓﻲ ﺑﺎﻟﻬﺎ ﺍﻭ ﺷﻲ ﻣﻦ
ﻫﺎﻟﻘﺒﻴﻞ ﻟﻜﻦ ﺍﻫﻲ ﻻﺯﻡ ﺗﺤﺬﺭﻫﺎ ..
ﺳﻤﺎﺀ : ﻏﺰﻻﻥ .. ﺍﺣﺐ ﺍﻋﻠﻤﺞ ﺑﺸﻲ ﻭﺍﺣﺪ ﺑﺲ ...
ﻏﺰﻻﻥ : ﺍﻻ ﺍﻫﻮ؟؟
ﺳﻤﺎﺀ ﺑﻮﺳﻊ ﺻﺪﺭ : ﺍﻥ ﻣﺮﻳﻢ ﻟﺠﺮﺍﺡ .. ﻭﺟﺮﺍﺡ ﻟﻤﺮﻳﻢ ... ﻳﺤﺒﻮﻥ ﺑﻌﺾ
ﻗﺒﻞ ﻻ ﺍﻧﺘﻲ ﺗﻨﻮﻟﺪﻳﻦ ...
ﻏﺰﻻﻥ ﺍﻟﻠﻲ ﺷﻮﻱ ﺍﻧﺼﺪﻣﺖ ﻟﻜﻦ ﺗﻮﻗﻌﺖ ﻫﺎﻟﺸﻲ .. ﻓﺸﺎﺏ ﻣﺜﻞ ﺟﺮﺍﺡ
ﺍﻛﻴﺪ ﺍﻟﻤﻌﺠﺒﺎﺕ ﻳﺘﻬﺎﻓﺘﻮﻥ ﻋﻠﻴﻪ ... ﻟﻜﻦ ﺑﻨﺖ ﻣﺜﻞ ﻣﺮﻳﻢ ... ﺗﻘﺪﺭ
ﺗﻜﻮﻥ ﻣﻨﺎﻓﺴﺔ ﻗﻮﻳﺔ ﻟﻬﺎ .. ﻻﻥ ﻣﺮﻳﻢ ﻋﻨﺪﻫﺎ ﺍﻟﻤﻘﻮﻣﺎﺕ ﺍﻟﻠﻲ ﺗﻔﺘﻘﺮﻫﺎ
ﻏﺰﻻﻥ ﻭﺍﻟﻠﻲ ﻳﺘﻤﻨﻮﻧﻬﺎ ﺷﺒﺎﺏ ﻫﺎﻻﻳﺎﻡ .. ﺍﻟﺤﺸﻤﺔ ﻭﺍﻟﺴﺘﺮ .. ﻟﻜﻦ ﺍﻫﻲ
ﻣﺎ ﻳﻨﻘﺼﻬﺎ ﺷﻲ .. ﺍﻫﻲ ﺑﻨﺖ ﺭﻳﺎﻝ ﻋﻮﺩ ﻳﻘﺪﺭ ﻳﻔﺮ ﺍﻟﺪﻧﻴﺎ ﻓﻲ ﺩﻗﺎﻳﻖ
ﻏﺰﻻﻥ : ﺍﻟﻌﺘﻴﺞ ﻳﻘﻄﻮﻧﻪ ﻳﺎ ﺳﻤﺎﺀ .. ﻭﺍﻟﻴﺪﻳﺪ ﻫﻮ ﺍﻟﻠﻲ ﻳﻨﺸﺮﻯ
ﻭﻳﻨﻠﺒﺲ .. ﺍﻧﺎ ﻣﺎ ﺑﺘﺤﺪﻯ ﻗﺪﺭ ﺍﺣﺪ ﻭﻻ ﺑﻘﻠﺐ ﻧﺼﻴﺐ ﺍﺣﺪ .. ﺍﻟﻠﻲ ﻟﻪ
ﻧﺼﻴﺐ ﻓﻲ ﺷﻲ .. ﻳﻠﻘﺎﻩ ﻳﻠﻘﺎﻩ .. ﻟﻜﻦ ﺍﻧﺎ ﻣﺎﻟﻲ ﺷﻐﻞ ﻟﻮ ﺻﺎﺭ ﺷﻲ
ﻭﺧﻠﻰ ﺍﻻﺣﻼﻡ ﺍﻟﻮﺭﺩﻳﺔ .. ﺗﻨﺘﻬﻲ .. ﻋﻦ ﺍﺫﻧﺞ ...
ﻃﻠﻌﺖ ﻏﺰﻻﻥ ﻣﻦ ﺍﻟﺒﻴﺖ ﻭﺳﻤﺎﺀ ﺑﺤﻴﺮﺓ ﻭﻗﻔﺖ ﺩﺍﺧﻞ ﺍﻟﺼﺎﻟﺔ
ﺍﻟﻜﺒﻴﺮﺓ ... ﻫﺬﻱ ﻣﻦ ﻭﻳﻦ ﻃﻠﻌﺖ؟؟ ﻣﻦ ﻭﻳﻦ ﻳﺎﺕ؟؟ ﻭﻟﻴﺶ ﺟﺮﺍﺡ
ﻭﻟﺪ ﺧﺎﻟﺘﻲ ... ﻣﺎﺑﻴﻬﺎ ﺗﺨﺮﺏ ﻋﻼﻗﺘﻲ ﻭﻳﺎﻫﻢ .. ﺍﻧﺎ ﺯﻳﻦ ﻣﻨﻲ ﻟﻘﻴﺖ
ﺍﻟﻌﺎﻳﻠﺔ ﺍﻟﻠﻲ ﺗﻀﻤﻨﻲ .. ﻭﺍﻟﺤﻴﻦ ﻳﺎﻳﻪ ﻫﺬﻱ ﺗﺨﺮﺑﻬﺎ .. ﺯ ﻭﺍﻟﻠﻪ ﻫﺎﻟﻌﺎﻳﻠﺔ
ﻣﺎ ﺍﻳﻲ ﻭﺭﺍﻫﺎ ﺍﻻ ﺍﻟﺨﺮﺍﺏ ... ﻳﺎ ﺳﺎﺗﺮ ﺍﻟﻠﻪ ..
ﺑﺪﻝ ﻻ ﺗﻄﻠﻊ ﻣﻦ ﺍﻟﺒﻴﺖ ﻣﺮﺓ ﺛﺎﻧﻴﺔ ﺭﻛﺒﺖ ﺳﻤﺎﺀ ﺍﻟﺪﺭﻱ ﺑﻜﻞ ﺣﺰﻥ ...
ﺗﺘﻮﻗﻊ ﺍﻧﻬﺎ ﺧﻼﺹ ﺍﻧﺒﺬﺕ ﻣﻦ ﺑﻴﻦ ﻋﺎﻳﻠﺔ ﺑﻮ ﺟﺮﺍﺡ .. ﻣﺎ ﺗﺪﺭﻱ ﺍﻥ
ﻫﺎﻟﻌﺎﻳﻠﺔ ﻟﻮ ﺍﻟﻨﺎﺱ ﻳﺴﻤﻮﻧﻬﻢ ﻣﺎ ﻳﻜﺮﻫﻮﻧﻬﻢ ﻭﻻ ﻳﺮﺩﻭﻧﻬﻢ ﻓﻴﻮﻡ ... ﻟﻜﻦ
ﺍﻟﻠﻪ ﻳﻌﻴﻨﻬﻢ .. ﻭﺑﺎﻻﺧﺺ .. ﺍﻭﻻﺩﻫﻢ .. ﻻﻧﻬﻢ ﺍﻧﻘﻄﻮ ﻓﻲ ﺩﻭﺍﻣﺔ ﺍﻟﺰﻣﻦ
ﺍﻟﻠﻲ ﺗﻔﺘﺮ ﻭﻻ ﺗﻮﻗﻒ ﻻﺣﺪ ﻭﻻ ﺗﺴﻤﻊ ﻻﺣﺪ .. ﺗﺮﻣﻲ ﻛﻞ ﻭﺍﺣﺪ ﻓﻲ
ﺟﻬﺔ ﺍﻟﻠﻲ ﺣﺪﺩﻫﺎ ﻟﻬﻢ ﺍﻟﻘﺪﺭ ..
===================
ﻓﻲ ﺍﻟﻠﻴﻞ ﻳﻮﻡ ﻭﺻﻞ ﺧﺎﻟﺪ . ﺍﺧﻴﺮﺍ . ﻟﻠﺒﻴﺖ ﻣﻦ ﺑﻌﺪ ﻣﺒﻴﺖ ﻳﻮﻣﻴﻦ
ﻋﻠﻰ ﺭﺍﺱ ﻓﻲ ﺑﻴﺖ ﻓﺎﺿﻞ ﻛﺎﻧﺖ ﺍﻡ ﺟﺮﺍﺡ ﺗﻨﺘﻈﺮﻩ ﺑﻘﻬﺮ .. ﻟﻜﻦ
ﻣﻌﻠﻴﻪ ﺧﻠﻪ ﻳﺮﺩ ﺍﻟﺒﻴﺖ ﺍﻭﺭﻳﻪ .. ﻋﻠﺒﺎﻟﻪ ﻫﺎﻟﺒﻴﺖ ﻓﻨﺪﻕ .. ﻳﺎﺭﻳﺘﻪ ﻓﻨﺪﻕ
ﺑﻌﺪ ﻣﺎ ﻳﻘﺮ ﻓﻲ ﺍﻟﺒﻴﺖ ﺧﻤﺲ ﺩﻗﺎﻳﻖ ﻋﻠﻰ ﺑﻌﺾ ..
ﺩﺧﻞ ﺍﻟﺒﻴﺖ ﻭﻫﻮ ﻳﻐﻨﻲ ﻃﺒﻌﺎ ...
ﺋﻮﻟﻲ ﺋﻮﻟﻲ ﺟﺎﻱ ﺑﻌﻴﺪ ﺍﻧﺎ .. ﺍﺣﻜﻲ ﻟﻲ ﺍﺣﻜﻲ ﻟﻲ ﺣﻜﺎﻱ ﺑﻐﻨﻲ ﺍﻧﺎ ..
ﺣﺘﻰ ﻋﻤﺮﻱ ﻳﻄﻮﻝ .. ﻭﺋﻠﺒﻲ ﻋﻨﻲ ﻳﺌﻮﻝ .. ﻏﻴﺮﻙ ﻣﺶ ﻣﻌﺌﻮﻝ ..
ﺣﺒﻮﻭﻭ ﺍﻧﺎ ...
ﻭﺑﻌﻴﻮﻧﻪ ﻳﺪﻭﺭ ﻭﻳﺪﻭﺭ .. ﻳﻤﻜﻦ ﺍﻟﺴﻮﺳﺔ ﺳﻤﺎﺀ ﻣﻮﺟﻮﺩﺓ ... ﻟﻜﻦ ﻻﺀ ..
ﺍﻟﺒﻨﺖ ﻣﻮ ﻫﻨﻲ .. ﻭﺷﺎﻑ ﺍﻡ ﺟﺮﺍﺡ ﺍﻟﻠﻲ ﻗﺎﻋﺪﺓ ﻭﻫﻲ ﺗﻬﺰ ﺭﻳﻠﻬﺎ ..
ﺍﺑﺘﺴﻢ ﻟﻬﺎ ﺑﺨﺒﺚ ﻭﻣﺮﺍﺿﺎﺓ ﻟﻜﻨﻲ ﺍﻫﻲ ﺻﺪﺕ ﻋﻨﻪ ﺑﻌﺼﺒﻴﺔ ﺧﻠﺘﻪ
ﻳﺤﺲ ﺍﻥ ﺍﻟﻮﺿﻊ ﻣﺘﻮﺗﺮ ﻭﺣﺴﺎﺱ .. ﻭﺍﻳﺪ ﺑﺎﺕ ﻓﻲ ﺑﻴﺖ ﻓﺎﺿﻞ . ﻣﻮ
ﺫﻧﺒﻪ .. ﻓﺎﺿﻞ ﺑﻐﺎﻩ ﻓﻲ ﺳﺎﻟﻔﻪ ﻭﻣﺎ ﻛﺎﻥ ﻳﺪﺭﻱ ﺍﻧﻬﺎ ﺑﺘﺴﺘﻤﺮ ﻟﻴﻮﻣﻴﻦ ...
ﺧﺎﻟﺪ : ﺍﻟﺴﻼﻡ ﻋﻠﻴﻜﻢ ....
ﺻﻮﺕ ﺟﺮﺍﺡ ﻣﻦ ﺍﻟﻤﻄﺒﺦ ﻃﺎﻟﻊ : ﻭﻋﻠﻴﻜﻢ ﺍﻟﺴﻼﻡ .. ﻭﺍﺧﻴﺮﺍ ﺷﺮﻓﺖ ..
ﺧﺎﻟﺪ ﺍﻧﺼﺪﻡ : ﺟﺮﺍﺣﻮﻭﻭﻭﻭ؟؟ ﻫﺬﺍ ﺍﻧﺖ
ﺟﺮﺍﺡ : ﺃﻱ ﺍﻧﺎ ﻟﻴﺶ .. ﻣﻦ ﻣﺘﻮﻗﻊ؟؟ ﺑﺎﺑﺎ ﻧﻮﻳﻞ ..
ﺧﺎﻟﺪ ﻳﺒﺘﺴﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺍﻭﺏ ﺍﻭﺏ ﻭﻟﺪ ﺍﻣﻴﺮﻛﺎ
ﺷﻌﻠﻴﻚ ﺑﺪﻝ ﻻ ﺗﻘﻮﻝ ﻟﻲ ﺍﻟﻌﻢ ﺑﻮ ﺻﺎﻟﺢ ﺗﻘﻮﻝ ﻟﻲ ﺑﺎﺑﺎ ﻧﻮﻳﻞ ..
ﺷﻌﻠﻴﻚ ﻋﺎﺩ ..
ﺗﺤﺎﺑﺒﻮ ﺍﻻﺛﻨﻴﻦ
ﺧﺎﻟﺪ : ﺣﻤﺪ ﻟﻠﻪ ﻋﻠﻰ ﺍﻟﺴﻼﻣﺔ ... ﻳﺎ ﺟﺎﻱ ﻣﻦ ﺍﻟﺴﻔﺮ
ﺟﺮﺍﺡ ﻗﺮﺻﻪ : ﺍﻧﺖ ﺷﻤﺴﻮﻱ ﻓﻲ ﺍﻣﻲ؟
ﺧﺎﻟﺪ : ﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﻭﺝ .. ﻳﺎ ﺣﻤﺎﺭ ﻳﻌﻮﻭﻭﻭﺭ .. ﻋﻠﺒﺎﻟﻚ ﻣﺜﻠﻚ
ﻣﺘﺮﻭﺱ ﺷﺤﻢ ﻭﻟﺤﻢ .. ﺣﺪﻱ ﻫﺎﻟﻴﻠﺪ .. ﻭﺑﻌﺪﻳﻦ ﺷﻤﺴﻮﻱ ﻓﻲ ﺍﻣﻲ ..
ﻗﺼﺪﻱ ﺧﺎﻟﺘﻲ ..
ﺟﺮﺍﺡ : ﺭﻭﺡ ﻟﻬﺎ ﺍﺳﺎﻟﻬﺎ ﺍﻫﻲ ﺑﺘﺠﺎﻭﺑﻚ ...
ﺧﺎﻟﺪ ﻳﻠﺘﻔﺖ ﻻﻡ ﺟﺮﺍﺡ : ﺧﺎﻟﺘﻲ ﺍﻟﺤﻠﻮﺓ .. ﺍﻧﺘﻲ ﺍﻳﺘﻬﺎ ﺍﻟﺼﻬﺒﺎﺀ
ﺍﻟﺠﻤﻴﻠﺔ .. ﻣﺎ ﺑﺎﻟﻚ ﻣﺎﺩﺓ ﺍﻟﺒﺮﻃﻢ ﺷﺒﺮﻳﻦ .. ؟؟
ﺍﻡ ﺟﺮﺍﺡ : ﻗﻮﻡ ﺍﺫﻟﻒ ﻋﻨﻲ ..
ﺧﺎﻟﺪ ﻳﻔﺘﺢ ﻋﻴﻮﻧﻪ ﺑﺼﺪﻣﺔ : ﺍﺫﻟﻒ .. ﺍﻳﻦ ﺍﺫﻟﻒ ﻭﺍﻧﺘﻲ ﺍﻟﻘﺪﺭ ﻳﺎ
ﺳﻨﻴﻮﺭﻳﺘﺎ .. ﻻ ﻻ ﺗﻘﺘﻠﻴﻨﻲ ﺑﻬﺬﻩ ﺍﻟﻜﻠﻤﺔ ﻓﺎﻧﺎ ﺳﺎﻣﻮﺕ
ﺍﻡ ﺟﺮﺍﺡ : ﺧﺎﻟﺪ؟؟؟
ﺧﺎﻟﺪ ﻳﺼﻄﻠﺐ : ﺍﺳﻒ ﺧﺎﻟﺘﻲ ..
ﺟﺮﺍﺡ ﻳﺎ ﺻﻮﺑﻪ : ﺧﻮﺵ ﺩﺍﻳﻠﻮﻍ .. ﻣﻦ ﻭﻳﻦ؟
ﺧﺎﻟﺪ ﺑﺼﻮﺕ ﺧﺎﻓﺖ : ﺍﻟﺒﺎﺭﺣﺔ ﺳﻬﺮﺍﻧﻴﻦ ﻋﻠﻰ ﻣﺴﻠﺴﻞ ﻣﺪﺑﻠﺞ ﺍﻭﺵ ..
ﺟﺮﺍﺡ : ﺍﻫﺎﺍﺍ .. ( ﺑﺼﻮﺕ ﻣﺴﻤﻮﻉ ) ﻳﺎﻟﻠﻪ ﻋﻴﻞ ﻳﻤﺔ؟ .. ﺍﻧﺎ ﺑﺮﻭﺡ ﺍﻧﺎﻡ
ﻟﻲ ﺷﻮﻱ ﻻﻧﻲ ﺍﺣﺲ ﺍﻥ ﻋﻈﺎﻣﺘﻲ ﻣﺘﻜﺴﺮﺓ ... ﺍﺧﻠﻴﻜﻢ .. ( ﻳﺼﺪ
ﻟﺨﺎﻟﺪ ) ﺍﻟﻬﻤﺔ ﺍﻟﻬﻤﺔ ﻳﺎ ﺧﻮﺳﻴﺔ ﺧﺎﻟﺪ ..
ﺧﺎﻟﺪ : ﺍﻭﻭﻭﺵ ...
ﺭﺍﺡ ﺟﺮﺍﺡ ﻭﻇﻞ ﺧﺎﻟﺪ ﻭﺍﻗﻒ ﻣﻜﺎﻧﻪ ﻳﻢ ﺧﺎﻟﺘﻪ ﺍﻟﻠﻲ ﺯﻋﻼﻧﺔ ﻋﻠﻴﻪ
ﻭﺻﺎﺩﺓ ﺑﻌﻴﻮﻧﻬﺎ ﻋﻨﻪ .. ﻟﻜﻦ ﺗﺼﺪﻗﻮﻥ ﻓﻲ ﺫﻳﺞ ﺍﻟﻠﺤﻈﺔ .. ﺗﻤﻨﻰ ﺧﺎﻟﺪ
ﻟﻮ ﺍﻥ ﻓﺎﺗﻦ ﻣﻮﺟﻮﺩﺓ .. ﻻﻥ ﻣﺤﺪ ﻳﻘﺪﺭ ﻳﺮﺍﺿﻲ ﺧﺎﻟﺘﻪ ﻏﻴﺮﻫﺎ ﻋﻨﻪ ..
ﺍﺍﺍﺍﻩ ﻋﻠﻴﺞ ﻳﺎ ﻧﻮﺭ ﻫﺎﻟﺒﻴﺖ .. ﺭﺣﺘﻲ ﻭﺍﻇﻠﻤﺘﻴﻪ ...
ﺧﺎﻟﺪ ﺭﺍﺡ ﻭﻗﻌﺪ ﺑﻜﻞ ﻫﺪﻭﺀ ﻳﻢ ﺧﺎﻟﺘﻪ .. ﻭﺑﺼﻮﺕ ﺣﺰﻳﻦ ﻭﺟﻤﻴﻞ :..
ﺗﺪﺭﻳﻦ ﺧﺎﻟﺘﻲ .. ﺍﻧﺎ ﻟﻴﺶ ﻛﻨﺖ ﻭﺍﻗﻒ ﻣﻜﺎﻧﻲ ... ﻛﻨﺖ ﺍﻧﺘﻈﺮ ...
ﺍﻡ ﺟﺮﺍﺡ : ﺗﻨﺘﻈﺮﻧﻲ ﻳﻌﻨﻲ ﺍﻧﺎ ﺍﻟﻠﻲ ﺍﺭﺍﺿﻴﻚ؟؟
ﺧﺎﻟﺪ ﻳﺒﺘﺴﻢ : ﻻ ﺧﺎﻟﺘﻲ .. ﺍﻧﺎ ﺍﻧﺘﻈﺮ ﻓﺎﺗﻦ ﺗﻄﻠﻊ ﻟﻲ ﻣﻦ ﻫﺎﻟﻤﻄﺒﺦ ..
ﻭﻻ ﺗﻨﺰﻝ ﻣﻦ ﻫﺎﻟﺪﺭﺝ ﻭﺍﻫﻲ ﺗﺨﻔﺲ ﻭﻳﻬﻬﺎ ﻓﻴﻨﻲ ﻫﻬﻬﻬﻬﻬﻬﻬﻬﻬﻪ .
ﺗﺤﻮﺱ ﺑﻔﻤﻬﺎ ﻳﻤﻴﻦ ﻭﻻ ﻳﺴﺎﺭ ﺗﺘﻈﺎﻫﺮ ﺑﺎﻟﻈﻴﺞ ﻣﻦ ﺗﻮﺍﺟﺪﻱ ﻓﻲ
ﺍﻟﺒﻴﺖ ... ﺑﺲ ﺍﻟﺤﻴﻦ .. ﻣﺎﻛﻮ ﺍﺣﺪ ﺍﻻ ﺍﻧﺎ ﻭﺍﻧﺘﻲ ﺣﺒﻮﺑﺔ ..
ﺍﻡ ﺟﺮﺍﺡ ﺍﺑﺘﺴﻤﺖ ﻏﺼﺐ ﻋﻨﻬﺎ .. ﻃﺎﺭﻱ ﻓﺎﺗﻦ ﺍﻳﻴﺐ ﻟﻬﺎ ﺍﻟﺒﺴﻤﺔ
ﻭﺍﻟﺪﻣﻌﺔ ﻟﻮ ﺷﻨﻮ ﻛﺎﻥ ﻣﻮﻗﻔﻪ .. ﺻﻮﺗﻬﺎ ﻣﻔﻘﻮﺩ ﻣﻨﻬﺎﻟﺒﻴﺖ .. ﺻﺮﺍﺣﺔ ﻣﺎ
ﻏﺎﺑﺖ ﻓﺎﺗﻦ ﻋﻦ ﻫﺎﻟﺒﻴﺖ ﺍﻻ ﻣﺮﺗﻴﻦ .. ﻳﻮﻡ ﺗﺴﺎﻓﺮ ﻭﻳﺎ ﺑﻴﺖ ﺍﻟﺪﺧﻴﻠﻲ
ﻭﻫﺎﻟﻤﺮﺓ .. ﻭﺍﺑﺪ ﺍﻟﺒﻴﺖ ﻣﺎ ﻳﻨﻄﺎﺍﻕ ...
ﺍﻡ ﺟﺮﺍﺡ : ﻟﻬﺎ ﻭﺣﺸﺔ
ﺧﺎﻟﺪ : ﺍﻭﻭﻭﻭﻭﻑ ... ﺗﺼﺪﻗﻴﻦ ﺧﺎﻟﺘﻲ ... ﺍﻧﺎ ﺍﺣﺲ ﺍﻥ ﻛﻞ ﺯﺍﻭﻳﺔ ﻓﻲ
ﻫﺎﻟﺒﻴﺖ ﺗﻨﺎﺩﻳﻬﺎ ... ﺍﻟﻄﺎﻭﻟﺔ .. ﻛﺮﺳﻴﻬﺎ ﺍﻟﻠﻲ ﺗﻠﺰﻕ ﻳﻢ ﺍﻟﺘﻠﻔﺰﻳﻮﻥ ..
ﺳﻤﺎﻋﻪ ﺍﻟﺘﻠﻔﻮﻥ ﻳﻮﻡ ﺍﻧﻬﺎ ﺗﺴﻮﻟﻒ ﻭﻳﺎ ﻣﺮﻳﻢ ﻭﺍﻟﻀﺤﻚ ﻻﺧﺮ ﺍﻟﺸﺎﺭﻉ
ﻫﻬﻬﻬﻬﻬﻬﻬﻬﻬﻬﻪ ﻋﻤﻲ ﺑﻮ ﺟﺮﺍﺡ .. (ﻏﺎﺏ ﺻﻮﺕ ﺧﺎﻟﺪ ) ﻋﻤﻲ ﺑﻮ ﺟﺮﺍﺡ
ﻳﻨﺎﺩﻳﻬﺎ ﺑﻮﻗﺖ ﺍﻟﻤﻐﺮﺏ ... ﻳﻨﺎﺩﻳﻬﺎ ﻋﺸﺎﻥ ﺗﺤﻤﻞ ﺍﻟﻌﺪﺓ ﻭﺗﻘﻄﻬﺎ
ﺑﺎﻟﻜﺎﺭﺍﺝ .. ﻭﺍﻻ ﺍﻧﺘﻲ .. ﺗﻨﺎﺩﻳﻨﻬﺎ ﻋﺸﺎﻥ ﺗﺴﻮﻱ ﻫﺎﻟﺸﻲ .. ﻭﻣﻨﻮﺭ ﺗﺼﺮﺥ
ﻋﺸﺎﻥ ﺍﺗﻴﻴﻬﺎ ﻭﺗﺴﺎﻋﺪﻫﺎ ﻓﻲ ﺍﻟﻮﺍﺟﺒﺎﺕ .. ﻋﺰﻭﺯ ﻳﺮﺩ ﺍﻟﺒﻴﺖ ﻭﻫﻮ
ﻻﻋﺐ ﻛﻮﺭﺓ ﻭﻣﻮﺻﺦ ﺭﻭﺣﻪ ﻭﻻ ﺍﻧﻪ ﺷﺎﻕ ﻓﺎﻧﻴﻠﺘﻪ ﻳﺒﻴﻬﺎ ﺗﺨﺸﻬﺎ
ﻋﻨﺞ .. ﺍﻧﺎﺍﺷﺘﻘﺖ ﻟﻜﻞ ﻫﺬﺍ ﺧﺎﻟﺘﻲ .. ﺍﻧﺘﻲ ﻣﺎ ﺍﺷﺘﻘﺘﻲ ... ؟؟؟
ﺍﻡ ﺟﺮﺍﺡ : ﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﺁﻩ ..... ﺍﻧﺎ ﺍﺷﺘﺎﻕ؟؟ ﺍﻧﺎ ﺍﻟﺒﻨﺖ
ﻣﺎ ﺗﺮﻭﺡ ﻋﻦ ﺑﺎﻟﻲ .. ﻛﻞ ﻭﻗﺖ ﺍﺣﺲ ﺍﻧﻬﺎ ﺗﻨﺎﺩﻳﻨﻲ ... ﺍﺣﺲ ﺍﻧﻬﺎ
ﺗﻮﻗﻈﻨﻲ ﻟﺼﻼﺓ ﺍﻟﻔﻴﺮ .. ﺗﺰﻫﺐ ﺍﻟﺮﻳﻮﻕ ﻋﻨﻲ ﻻﺧﻮﺍﻧﻬﺎ .. ﺍﻏﺴﻞ ﺛﻴﺎﺑﻬﺎ
ﻭﻻ ﺍﻛﻮﻳﻬﻢ ... ﻭﺣﺸﺘﻨﻲ ﺑﻨﺘﻲ .. ﺍﺑﻲ ﺑﻨﺘﻲ ﻳﺎ ﺧﺎﻟﺪ .. ﺍﺑﻴﻬﺎ ...
ﺧﺎﻟﺪ ﻳﻠﻢ ﺧﺎﻟﺘﻪ ﺑﺤﻨﺎﻥ ﻭﻫﻮ ﻳﺒﺘﺴﻢ .. ﻣﺘﻠﻮﻡ ﻟﻜﻦ ... ﻫﺬﺍ ﺗﻨﻔﻴﺲ :
ﺍﻧﺎ ﻣﻌﺎﺝ ﺧﺎﻟﺘﻲ ... ﺍﻧﺎ ﺑﻜﻮﻥ ﻟﺞ ﻓﺎﺗﻦ ﻟﻮ ﺗﺒﻴﻦ .. ﺑﻜﻮﻥ ﻟﺞ ﺍﻟﻠﻲ
ﺗﺒﻴﻨﻪ ..ﺑﺲ ﻻ ﺗﺒﺠﻴﻦ ﺟﺪﺍﻣﻲ
ﺍﻡ ﺟﺮﺍﺡ : ﻣﺎﺑﻴﻚ ﺗﻄﻠﻊ ﻣﻦ ﺍﻟﺒﻴﺖ ﻣﺮﺓ ﺛﺎﻧﻴﺔ .. ﻣﺎﺑﻴﻚ ﺗﻨﺎﻡ ﺑﺮﻩ
ﺍﻟﺒﻴﺖ .. ﺗﺮﺩ ﺍﻟﺒﻴﺖ ﻣﻦ ﻭﻗﺖ .. ﺍﺑﻴﻚ ﺗﻘﻌﺪ ﻭﻳﺎﻧﺎ ﺑﻜﻞ ﻭﺟﺒﺔ ... ﻣﺜﻞ
ﻗﺒﻞ ... ﻣﺜﻞ ﻳﻮﻡ ﻛﺎﻧﺖ ﻓﺎﺗﻦ ﻣﻮﺟﻮﺩﺓ ... ﺳﺎﻣﻌﻨﻲ ..
ﻛﻞ ﻫﺬﺍ ﻛﺎﻥ ﻭﺳﻂ ﺍﻟﺪﻣﻮﻉ ﻭﺧﺎﻟﺪ ﻳﺒﺘﺴﻢ ﺑﺎﻟﻢ : ﺍﻥ ﺷﺎﺀ ﺍﻟﻠﻪ
ﺍﻡ ﺟﺮﺍﺡ : ﻣﻮ ﺍﻥ ﺷﺎﺀ ﺍﻟﻠﻪ ﻭﻣﺎﺷﻮﻑ ﺷﻲ ...
ﺧﺎﻟﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻭﻭﻭﻭﺍﺍﺍﻱ ﺍﻧﺘﻲ ﻣﺎﻗﺪﺭ ﻋﻠﻰ
ﺩﻟﻌﺞ ..
========================
ﺻﺎﺭﺕ ﺍﻟﺪﻧﻴﺎ ﻣﻐﺮﺏ ﻭﻓﺎﺗﻦ ﻟﻠﺤﻴﻦ ﻧﺎﻳﻤﺔ ... ﻣﺎ ﻳﺪﺭﻱ ﻣﺴﺎﻋﺪ ﺷﺴﻮﻱ
ﻓﻴﻬﺎ .. ﺍﻟﺠﻮ ﺑﻌﺪ ﺑﺮﺩ .. ﻭﺭﺍﺡ ﻳﺎﺏ ﻟﻬﺎ ﻫﺎﻟﻤﺮﺓ ﻟﺤﺎﻑ ﺍﻗﻮﻯ .. ﻭﻧﻮﻣﻬﺎ
ﻣﺎﺷﺎﺀ ﺍﻟﻠﻪ ﺛﺠﻴﻞ .. ﻣﺎ ﺗﻬﺰﻩ ﺟﺒﺎﻝ ... ﺍﻟﺘﻠﻔﺰﻳﻮﻥ ﻛﺎﻥ ﺷﻐﺎﻝ ﻭﺳﻜﺮﻩ ..
ﻃﻠﻊ ﻣﻦ ﺍﻟﺒﻴﺖ ﻭﺭﺩ ﻭﻫﻲ ﺑﻌﺪﻫﺎ ﻧﺎﻳﻤﺔ .. ﻟﻴﻤﻦ ﺍﺳﺘﻬﻢ ﻋﻠﻴﻬﺎ .. ﻻ
ﻳﻜﻮﻥ ﺗﻌﺒﺎﻧﺔ ﻭﻻﺷﻲ ..
ﺭﺍﺡ ﻋﻨﺪﻫﺎ ﻭﻫﻮ ﻳﺤﻂ ﻣﻔﺎﺗﻴﺢ ﺍﻟﺒﺎﺏ ﻋﻠﻰ ﺍﻟﻄﺎﻭﻟﺔ ﺍﻟﻠﻲ ﻳﻢ ﺍﻟﺒﺎﺏ ..
ﻓﺼﺦ ﺍﻟﺠﺎﻛﻴﺖ ﺍﻟﺴﻤﻴﻚ ﻭﺣﻄﺎﻩ ﻋﻠﻰ ﺍﻟﻜﺮﺳﻲ ﻭﻗﻌﺪ ﻋﻠﻰ ﺭﻛﺒﺘﻪ
ﻋﻨﺪﻫﺎ .. ﻛﺎﻧﺖ ﻓﺎﺭﺓ ﻭﻳﻬﻬﺎ ﻋﻨﺪﻩ .. ﻭﺷﻜﻠﻬﺎ ﻣﺜﻞ ﺍﻟﺮﺳﻤﺔ .. ﺷﻌﺮﻫﺎ
ﺍﻟﻨﺎﻋﻢ ﻣﻐﻄﻲ ﺍﻟﻤﺨﺪﺓ ﻭﺷﻮﻳﺔ ﻣﻨﻪ ﺷﺎﺑﻦ ﻓﻲ ﻭﻳﻬﻬﺎ .. ﻭﻣﻦ ﻧﻌﻮﻣﺘﻪ
ﻟﻴﻤﻦ ﻳﺘﺤﺮﻙ ﻳﻄﻠﻊ ﺍﺻﻮﺍﺕ .. ﻭﻛﺎﻧﻪ ﺷﺮﺍﺭ .. ﺩﻓﻰ ﻳﺪﻩ ﻣﺴﺎﻋﺪ ﻗﺒﻞ
ﻻﻧﻪ ﺻﺒﻮﻋﻪ ﺑﺎﺭﺩﺓ ﻣﻦ ﺍﻟﺠﻮ ﺑﺮﻩ .. ﺗﻢ ﻳﻬﻔﻬﺎ ﻭﻳﻮﻡ ﺣﺲ ﺍﻥ ﺍﻟﺪﻓﺎ ﺭﺩ
ﻓﻴﻬﺎ .. ﺣﻂ ﻳﺪﻩ ﻋﻠﻰ ﺟﺒﻴﻦ ﻓﺎﺗﻦ ﺑﻬﺪﻭﺀ .. ﺑﻈﺎﻫﺮ ﻛﻔﻪ ... ﺣﺮﺍﺭﺗﻬﺎ
ﻛﺎﻧﺖ ﻃﺒﻴﻌﻴﺔ .. ﻭﺍﻫﻲ ﺷﻜﻠﻬﺎ ﻃﺒﻴﻌﻴﺔ ﻳﻌﻨﻲ ﻣﺎﻓﻴﻬﺎ ﺃﻱ ﺩﻻﻻﺕ ﻋﻠﻰ
ﺍﻟﻤﺮﺽ .. ﻳﻤﻜﻦ ﺗﻌﺒﺎﻧﺔ؟؟؟ ﺧﻠﻬﺎ ﻧﺎﻳﻤﺔ .. ﺑﺲ ﻣﺎ ﻳﺼﻴﺮ ﺍﻫﻲ ﻣﺎ ﻛﻠﺖ
ﺷﻲ ... ﺭﺍﺡ ﻋﻨﺪ ﺍﻟﻤﻄﺒﺦ ﺑﻜﻞ ﻫﺪﻭﺀ ﻭﻫﻮ ﻳﻔﺘﺢ ﺑﺎﺏ ﺍﻟﺜﻼﺟﺔ
ﻭﻋﻴﻮﻧﻪ ﻋﻠﻴﻬﺎ .. ﺍﻧﺼﺪﻡ ﻳﻮﻡ ﺷﺎﻑ ﺍﻟﻠﻲ ﻓﻴﻬﺎ .. ﺣﻠﻮﻳﺎﺕ ﻭﺍﺷﻴﺎﺀ
ﻣﻨﺰﻟﻴﺔ ﻣﺎ ﻛﺎﻧﺖ ﻣﻮﺟﻮﺩﺓ .. ﻣﻦ ﺳﻮﺍﻫﺎ؟؟ ﺍﻫﻲ؟؟ ﻣﺘﻰ؟؟؟؟
ﻃﻠﻊ ﻭﺍﺣﺪ ﻣﻨﻬﻢ ﻭﻫﻮ ﻳﻄﺎﻟﻌﻪ ﺑﺎﺳﺘﻐﺮﺍﺏ .. ﻫﺎﻟﻄﺒﻖ ﻣﻮ ﻏﺮﻳﺐ
ﻋﻠﻴﻪ .. ﺑﺲ ﻳﻤﻜﻦ ﻣﻦ ﺯﻭﺩ ﻣﺎ ﻧﻮﺭﺓ ﺗﻄﺒﺦ ﻭﺗﺴﻮﻱ ﻣﺎ ﻛﺎﻥ ﻳﻤﻴﺰ ..
ﺍﻫﻮ ﺑﺲ ﻳﺎﻛﻞ ... ﺍﺧﺬ ﺧﺎﺷﻮﻗﻪ ﻭﻏﺮﻑ ﺑﻬﺎ ﺷﻮﻱ ﻭﺗﺬﻭﻗﻪ .. ﺣﻠﻰ ﻟﻪ
ﺍﻟﻄﻌﻢ .. ﻃﺒﻌﺎ ﺍﻫﻮ ﻣﻴﻨﻮﻥ ﺷﻮﻛﻮﻻ .. ﻭﺗﻢ ﻳﺎﻛﻞ ﻓﻴﻪ ﻭﻫﻮ ﻣﺘﻤﺘﻊ
ﺑﻄﻌﻤﻪ ﻭﻣﺘﻠﺬﺫ ﺍﻻﺥ ... ﻓﻲ ﻫﺎﻟﻔﺘﺮﺓ ﻣﺎ ﻛﺎﻥ ﻳﺪﺭﻱ ﺍﻥ ﻓﺎﺗﻦ ﻗﻌﺪﺕ
ﻭﻫﻲ ﺗﻄﺎﻟﻌﻪ ﻳﺎﻛﻞ ﻣﻦ ﻃﺒﺨﻬﺎ .. ﻣﻦ ﺳﻤﺢ ﻟﻪ ..
ﻗﺎﻣﺖ ﻣﻦ ﻋﻠﻰ ﺍﻟﻜﺮﺳﻲ ﻣﺜﻞ ﺍﻟﻴﻬﺎﻝ ﺛﻴﺎﺑﻬﺎ ﺍﻟﻠﻲ ﻭﺭﻯ ﻳﺎ ﺟﺪﺍﻡ
ﻭﺷﻌﺮﻫﺎ ﻗﻴﺎﻣﺔ ..
ﻓﺎﺗﻦ : ﻭﻟﻴﺶ ﺗﺎﻛﻞ ﻣﻦ ﺍﻛﻠﻲ ..
ﻣﺴﺎﻋﺪ ﻣﺴﺘﻐﺮﺏ ﻣﻨﻬﺎ ﻭﻣﺒﺘﺴﻢ : ﺻﺢ ﺍﻟﻨﻮﻡ
ﻓﺎﺗﻦ : ﺻﺢ ﺑﺪﻧﻲ .. ﻟﻴﺶ ﺗﺎﻛﻞ ﻣﻨﻪ
ﻣﺴﺎﻋﺪ : ﻓﻲ ﺍﻟﺜﻼﺟﺔ ﻭﻛﻠﺘﻪ .. ﻟﻴﺶ ﺣﺮﺍﻡ
ﻓﺎﺗﻦ : ﺃﻱ ﺣﺮﺍﻡ .. ﺍﻧﺎ ﺗﻌﺒﺖ ﻭﺍﻧﺎ ﺍﺳﻮﻳﻪ
ﻣﺴﺎﻋﺪ : ﻟﻜﻦ ﺣﻠﻮﻭ .. ﺗﺪﺭﻳﻦ ﺍﻧﺎ ﻣﻴﻨﻮﻥ ﺷﻮﻛﻮﻻ
ﺍﻧﻘﻬﺮﺕ ﻓﺎﺗﻦ ﻻﻧﻬﺎ ﺍﻫﻲ ﺍﻟﺜﺎﻧﻴﺔ ﺗﻤﻮﺕ ﻓﻲ ﺍﻟﺸﻮﻛﻮﻻ : ﺍﻧﺎ ﻣﺎﺣﺒﻪ ﻭﻻ
ﺍﺩﺍﻧﻴﻪ
ﻣﺴﺎﻋﺪ : ﻭﻣﻦ ﻃﻠﺐ ﺣﺒﺞ ﻭﻣﺪﺍﻧﺎﺝ ﻟﻪ ... ﺍﻧﺎ ﺍﻗﻮﻝ ﻋﻦ ﻧﻔﺴﻲ ..
ﻓﺎﺗﻦ : ﺗﺒﻲ ﺷﻮﻛﻮﻻ ﺳﻮﻫﺎ ﺑﺮﻭﺣﻚ ... ﺍﻛﻠﻲ (ﻭﻫﻲ ﺗﺴﺤﺐ ﺍﻟﻤﻠﺔ ﻣﺜﻞ
ﺍﻟﻴﻬﺎﻝ ) ﻻ ﺗﺎﻛﻠﻪ ..
ﺳﺤﺐ ﻣﺴﺎﻋﺪ ﺍﻟﻤﻠﻪ ﺑﻴﺪﻩ ﺑﻜﻞ ﺧﻔﺔ ﻭﻓﺎﺗﻦ ﻇﻠﺖ ﻭﺍﻗﻔﺔ ﻣﻜﺎﻧﻬﺎ :
ﻳﻴﺒﻬﺎ ..
ﻣﺴﺎﻋﺪ : ﻋﻦ ﺍﻟﻴﻬﺎﻟﺔ ..
ﻓﺎﺗﻦ ﻛﻠﺶ ﻣﺨﻬﺎ ﺻﺎﺭ ﺑﻠﻮﻭﻭﻭﻭﻭﻙ : ﻳﻴﺐ ﺍﻟﻤﻠﺔ ..
ﻣﺴﺎﻋﺪ : ﻧﻮﻭﻭ
ﻭﻫﻮ ﻳﺎﻛﻞ ﺑﻄﺮﻳﻘﺔ ﺗﺨﻠﻴﻬﺎ ﺗﻨﻘﻬﺮ ...
ﻓﺎﺗﻦ : ﻳﻴﺒﻬﺎ ﻋﺸﺎﻥ ﻻ ﻳﺼﻴﺮ ﺷﻲ ﺑﺘﻨﺪﻡ ﻋﻠﻴﻪ ..
ﻣﺴﺎﻋﺪ : ﻫﺎﻫﺎ ... ﺍﻧﺘﻈﺮﺝ ﺗﺴﻮﻳﻦ ﺷﻲ ..
ﻓﺎﺗﻦ : ﻫﺎﺕ ﺍﻟﻤﻠﻪ ..
ﻣﺴﺎﻋﺪ ﻳﺘﺮﺍﺟﻊ ﻟﻌﻨﺪ ﺍﻟﺤﻮﺽ ﻭﻫﻮ ﺣﺎﻣﻞ ﺍﻟﻤﻠﺔ ﺑﻴﺪﻩ : ﻣﺎ ﺑﻴﻴﺒﻬﺎ ..
ﺷﺒﺘﺴﻮﻳﻦ؟؟
ﺭﺍﺣﺖ ﻓﺎﺗﻦ ﻋﻨﺪﻩ ﻭﺗﻘﺮﺑﺖ ﻣﻨﻪ ﺑﺎﺣﺮﺍﺝ .. ﻭﻣﺪﺕ ﻳﺪﻫﺎ ﺗﻨﺘﻈﺮﻩ ﻳﺤﻂ
ﺍﻟﻤﻠﻪ ﺑﻴﺪﻫﺎ ﻟﻜﻦ ﺍﻫﻮ ﺍﺑﺪﺍ ﻣﺎ ﻋﺒﺮﻫﺎ ﻭﺭﺍﺡ ﻋﻨﻬﺎ ﻭﻻ ﻛﺎﻧﻪ ﻳﺸﻮﻓﻬﺎ ..
ﻟﻜﻦ ﻓﻲ ﻗﻠﺒﻪ ﻛﺎﻥ ﻳﺤﺲ ﺑﺎﻟﺴﺨﻒ ﻣﻦ ﻧﻔﺴﻪ ﺍﻧﻪ ﻳﺤﻂ ﻋﻤﺮﻩ ﻣﻊ
ﻭﺣﺪﺓ ﻳﺎﻫﻞ ﻣﺜﻞ ﻓﺎﺗﻦ ...
ﻓﺎﺗﻦ ﺭﺍﺣﺖ ﻭﻗﻔﺖ ﺑﻤﻮﺍﺟﻬﺘﻪ ﻭﺍﻫﻲ ﺭﺍﻓﻌﺔ ﺣﺎﺟﺐ : ﻣﻮ ﻛﻔﺎﻳﺔ ﺍﻧﺖ
ﺑﻜﺒﺮﻙ ﻓﺮﺭﺭﺭﺽ ﺑﺤﻴﺎﺗﻲ .. ﺑﻌﺪ ﻋﻠﻰ ﺍﺷﻴﺎﺋﻲ ...؟؟؟؟
ﺍﻧﺠﺮﺡ ﻣﺴﺎﻋﺪ ﻣﻦ ﻛﻠﻤﺘﻬﺎ ... ﺑﺎﻟﻔﻌﻞ ﺍﻧﺠﺮﺡ ﻭﺣﺲ ﺍﻥ ﻣﺜﻞ ﺍﻟﺸﻮﻙ
ﻳﻨﻐﺮﺯ ﺑﻘﻮﺓ .. ﻟﻜﻦ ﻣﺜﻞ ﻣﺎ ﻳﻘﻮﻟﻮﻥ ﺿﺮﺏ ﺍﻟﺤﺒﻴﺐ ﻣﺜﻞ ﺍﻛﻞ
ﺍﻟﺰﺑﻴﺐ ...
ﻭﻗﻒ ﺑﺼﻼﺑﺔ ﻋﻠﻰ ﺍﻻﺭﺽ ﻭﻫﻮ ﻳﺒﺘﺴﻢ ﻓﻲ ﻭﻳﻬﻬﺎ ﺑﻨﻌﻮﻣﺔ : ﺗﺪﺭﻳﻦ ..
ﺍﺣﻠﻰ ﻣﺎ ﻓﻴﺞ ... ﺍﻫﻲ ﻋﻴﻮﻧﺞ ﻟﻤﻦ ﺗﻜﻮﻧﻴﻦ ﻣﻌﺼﺒﺔ ... ﺣﺘﻰ ﻟﺴﺎﻧﺞ
ﻫﺬﺍ ﺍﻟﻠﻲ ﻳﻨﻘﻂ ﺳﻢ .. ﻟﻜﻦ ﻳﺎ ﻓﺎﺗﻦ ﺣﻄﻴﻨﻲ ﻓﻲ ﺑﺎﻟﺞ ..
ﻳﺎﺧﺬ ﻳﺪﻫﺎ ﺍﻟﻠﻲ ﺳﺤﺒﺘﻬﺎ ﻟﻜﻦ ﺍﻫﻮ ﻗﻮﻯ ﻗﺒﻀﺘﻪ ﻋﻠﻴﻬﺎ ﻭﻣﺪﺩﻫﺎ ﻭﺣﻂ
ﺍﻟﻤﻠﻪ ﻓﻲ ﻳﺪﻫﺎ : ﻻ ﺗﺴﺘﻔﺰﻳﻨﻲ ﻭﺍﻳﺪ ... ﻻﻧﺞ ﺑﺘﻨﺪﻣﻴﻦ ...
ﺑﻌﺪ ﺧﺼﻠﻪ ﺷﻘﺮﺍ ﻋﻦ ﻋﻴﻮﻧﻬﺎ ﺍﻟﻤﻌﺼﺒﺔ ﻭﻫﻲ ﺷﺎﺣﺖ ﺑﻮﻳﻬﻬﺎ ﺑﻌﻴﺪ
ﻋﻨﻪ ... ﻫﺪ ﻳﺪﻫﺎ ﻭﺭﺍﺡ ﻟﺪﺍﺭﻩ ﻭﻣﺎ ﺳﻜﺮ ﺍﻟﺒﺎﺏ .. ﺧﻼﻩ ﺗﻘﺮﻳﺒﺎ ﻣﻔﺘﻮﺡ
ﺑﺮﺑﻊ ﺍﻟﻤﺴﺎﻓﺔ ... ﻭﻇﻠﺖ ﺍﻫﻲ ﻣﺜﻞ ﺍﻟﻔﺎﺷﻠﺔ ﻭﺍﻗﻔﺔ ﺑﺎﻟﺼﺎﻟﺔ ... ﺍﻟﻤﻠﺔ
ﻭﻟﻘﺘﻬﺎ .. ﻟﻜﻦ ... ﺍﻫﻲ ﺗﻤﺖ ﻭﺍﻗﻔﺔ ﻣﻜﺎﻧﻬﺎ ﻭﺍﻫﻮ ﺍﻟﻠﻲ ﺭﺍﺡ ... ﻣﻦ ﺑﻌﺪ
ﺗﻬﺪﻳﺪ ﻣﺒﻄﻦ ﺑﺨﻄﺮ .. ﻟﻜﻦ ﺍﻫﻮ ﻣﺎ ﻳﻘﺪﺭ ﻳﺴﻮﻱ ﻓﻴﻨﻲ ﺷﻲ .. ﻳﺨﺴﻲ
ﺍﻻ ﺍﻫﻮ ...
ﺭﺍﺣﺖ ﻭﺣﻄﺖ ﺍﻟﻤﻠﺔ ﻓﻲ ﺍﻟﻤﻄﺒﺦ ﻭﺭﺍﺣﺖ ﻋﻨﺪ ﺍﻟﻜﺮﺳﻲ ﻭﻟﻘﺖ
ﺑﻄﺎﻧﻴﺎﺕ ﻭﻟﺤﻔﺔ ﻋﻠﻰ ﺍﻟﻜﺮﺳﻲ ... ﺍﻟﻠﻲ ﺗﺬﻛﺮﻩ ﺍﻫﻲ ﺗﻐﻄﺖ ﺑﻮﺍﺣﺪ ..
ﻟﻜﻦ ﻣﻦ ﻭﻳﻦ ﻳﻮﻭ ﻫﺎﻟﺜﻼﺛﺔ ... ﻭﺍﻫﻲ ﻗﺎﻋﺪﺓ ﻋﻠﻰ ﺍﻻﺭﺽ ﺣﻤﻠﺖ
ﺍﻟﻐﻄﺎﺀ ﺍﻻﺣﻤﺮ ﺍﻟﻠﻲ ﻳﺎﺑﻪ ﻣﺴﺎﻋﺪ ﻭﻫﻲ ﺗﺸﻤﻪ .. ﻫﺬﻱ ﻫﻲ ﺭﻳﺤﺘﻪ ..
ﺷﻤﺘﻬﺎ ﻓﻴﻪ ﻣﻦ ﻗﺒﻞ .. ﻭﺭﻣﺖ ﺍﻟﻠﺤﺎﻑ ﺑﻜﻞ ﻫﺪﻭﺀ ﻋﻠﻰ ﺍﻟﻜﺮﺳﻲ
ﻭﻃﻮﺕ ﺍﻟﺜﺎﻧﻲ ﻭﺣﻄﺘﻪ ﻋﻠﻰ ﺍﻟﻜﺮﺳﻲ ﻣﺜﻞ ﻣﺎ ﻛﺎﻥ .. ﻭﺍﻟﺜﺎﻧﻲ ﻇﻞ
ﻋﻠﻰ ﺍﻻﺭﺽ ... ﻭﺭﺍﺣﺖ ﺩﺍﺧﻞ ﺩﺍﺭﻫﺎ .. ﻭﺳﻜﺮﺕ ﺍﻟﺒﺎﺏ ...
ﻣﺴﺎﻋﺪ ﻓﻲ ﺩﺍﺭﻩ ﻛﺎﻥ ﻳﺤﺲ ﺑﺎﻷﻟﻢ ﻣﻦ ﻛﻠﻤﺎﺕ ﻓﺎﺗﻦ ... ﺍﻫﻮ ﺑﻜﺒﺮﻩ
ﻓﺮﺽ ﻋﻠﻰ ﺣﻴﺎﺗﻬﺎ ... ﺍﻧﺎ ﻓﺮﺽ ﻋﻠﻰ ﺣﻴﺎﺗﻬﺎ ... ﺁﺁﺁﺁﺁﻩ ﻳﺎ ﺭﺑﻲ ...
ﻭﻃﺮﺕ ﻋﻠﻰ ﺑﺎﻟﻪ ﺍﻻﻏﻨﻴﺔ ...
ﺍﻟﻴﻚ ﺍﻟﻤﺸﺘﻜﻰ .. ﻭﻣﻦ ﻗﻠﺐ ﺑﻜﻰ .. ﻣﻦ ﺍﻟﺒﻌﺪ ﻳﺎ ﻋﻤﺮﻱ .. ﺩﻣﻌﻲ
ﺍﺷﺘﻜﻰ ..
ﺍﻟﻠﻪ .. ﻛﺎﻧﺖ ﻫﺬﻱ ﺍﻏﻨﻴﻪ ﻋﺎﻟﻴﺔ ﺍﻟﻤﻔﻀﻠﺔ ﻳﻮﻡ ﻛﺎﻥ ﺍﻫﻮ ﻣﺴﺎﻓﺮ ..
ﺗﺮﺳﻠﻪ ﺭﺳﺎﻳﻞ ﻭﺍﻫﻲ ﺗﻜﺘﺐ ﺍﺑﻴﺎﺕ ﻫﺬﻱ ﺍﻻﻏﻨﻴﺔ ﺍﻟﺴﺎﺣﺮﺓ ﻭﺗﻌﻄﺮﻫﺎ
ﻣﻦ ﻋﻄﺮﻫﺎ ﺍﻟﺤﻠﻮ ... ﻭﻫﻮ ﻛﺎﻥ ﻳﺸﻤﻪ ﻣﺜﻞ ﺍﻟﻤﻴﻨﻮﻥ ﻭﻳﺨﻠﻴﻪ ﻋﻠﻰ
ﻭﻳﻬﻪ ﺑﻜﻞ ﻫﻴﺎﺍﺍﺍﺍﺍﻡ .. ﺍﺣﺒﺞ ﻋﺎﻟﻴﺔ ... ﺍﺣﺒﺞ .. ﻭﻳﺎﺭﻳﺘﻬﺎ ﻓﺎﺗﻦ ﺗﺤﺒﻨﻲ
ﻣﺜﻞ ﻣﺎ ﺣﺒﻴﺘﻴﻨﻲ ... ﺭﺍﺡ ﺍﻛﻮﻭﻭﻥ ﺍﺳﻌﺪ ﺍﻧﺴﺎﻥ ﻓﻲ ﻫﺎﻟﺪﻧﻴﺎ .. ﻳﺎ
ﺗﺮﻯ .. ﺍﻧﺎ ﻟﻲ ﻧﺼﻴﺐ ﻓﻲ ﺍﻟﻔﺮﺣﺔ ﻭﺍﻟﺴﻌﺎﺩﺓ ﻣﻊ ﻓﺎﺗﻦ ﻭﻻ ﻻﺀ؟؟؟؟ ﻳﺎ
ﺗﺮﻯ ﻓﺎﺗﻦ ﺑﺮﺍﺳﻬﺎ ﺍﻟﻴﺎﺑﺲ ﺭﺍﺡ ﺗﻘﺒﻞ ﻓﻴﻨﻲ ﺑﻴﻮﻡ ﻣﻦ ﺍﻻﻳﺎﻡ؟؟؟ ﺣﺘﻰ
ﻟﻮ .. ﻗﺮﺑﻬﺎﻣﻬﻢ ﺑﺎﻟﻨﺴﺒﺔ ﻟﻲ ... ﻭﺑﻌﺪﻫﺎ ﻋﻦ ﻫﺬﺍﻙ ... ﺍﻫﻢ .,. ﺣﺘﻰ ﻟﻮ
ﻋﻠﻰ ﺍﻟﻌﻨﺎ ﻭﺍﻟﺴﻬﺮ ﻳﺎ ﻓﺎﺗﻦ ﺭﺍﺡ ﺍﻧﺘﻈﺮﺝ .. ﻳﻨﺎﻇﺮ ﺍﻟﺒﺎﺏ .. ﺍﻧﺘﻈﺮﺝ
ﺗﺪﺧﻠﻴﻦ ﻟﻲ ﻣﻦ ﻫﺎﻟﺒﺎﺏ ﻭﺗﻐﻠﻘﻴﻦ ﺍﺑﻮﺍﺏ ﺍﻟﻌﺬﺍﺏ ﻭﺍﻟﺴﻬﺮ ﺍﻟﻄﻮﻳﻞ ..
ﻋﺸﺎﻥ ﻧﺒﺪﻯ ﺣﻴﺎﺗﻨﺎ ﻣﻦ ﺟﺪ ﻭﺟﺪﻳﺪ..