الفصل 10
ﺍﻧﻪ ﺍﻟﻤﺴﺎﺀ .. ﻟﻢ ﻳﺼﺪﻕ ﺟﺮﺍﺡ ﺍﻥ ﺍﻟﻮﻗﺖ ﻗﺪ ﺣﺎﻥ ﻟﻴﺨﺒﺮ ﺍﻣﻪ ﻋﻦ ﻣﺎ
ﻫﻮ ﺑﺼﺪﺩ ﻗﻮﻟﻪ ﻟﻬﺎ .. ﻧﻈﻢ ﺍﻟﻜﺜﻴﺮﻣﻦ ﺍﻻﻓﻜﺎﺭ ﻭﺍﻟﻜﺜﻴﺮ ﻣﻦ ﺍﻟﻜﻼﻡ ..
ﻭﻟﻜﻦ ﻛﻞ ﻫﺬﺍ ﻻ ﻳﻌﻨﻲ ﺷﻴﺌﺎ .. ﻓﺒﻠﺤﻈﺔ ﻗﺪ ﻳﻨﺴﺎﻩ ﻛﻠﻪ .. ﻭﻗﺪ
ﻳﺘﺮﺍﺟﻊ ﻓﻲ ﺍﻗﻞ ﻣﻦ ﺛﺎﻧﻴﺔ .. ﻓﺎﻟﻀﻐﻂ ﻛﺒﻴﺮ .. ﻻ ﻳﻌﺮﻑ ﻛﻴﻒ ﻳﺴﺮﺩ
ﺍﻻﻣﺮ ﻻﻣﻪ .. ﻻ ﻳﺮﻳﺪ ﺍﻥ ﻳﺘﻌﻤﻖ ﻭﻟﻜﻦ ﻻ ﻳﺴﺘﻄﻴﻊ ﺍﻥ ﻳﻀﻤﻦ ﻣﻮﺍﻓﻘﺔ
ﺍﻣﻪ ﻋﻠﻰ ﻫﺬﺍ ﺍﻟﺸﻲﺀ .. ﻻ ﻳﺮﻳﺪ ﺍﻥ ﻳﺨﺒﺮﻫﺎ ﺑﺎﺩﻕ ﺍﻟﺘﻔﺎﺻﻴﻞ .. ﺍﻭ
ﺑﺎﻻﺣﺮﻯ .. ﻻ ﻳﺮﻳﺪ ﺍﻥ ﻳﻔﺘﺢ ﺑﺎﺏ ﺍﻵﻻﻡ ﻋﻨﺪ ﺍﻣﻪ ﺣﺘﻰ ﻻ ﺗﺘﺬﻛﺮ
ﺍﺑﺎﻩ .. ﻭﻟﻜﻦ ﻫﺬﺍ ﺷﻲﺀ ﻣﺤﺘﻢ .. ﻻﺑﺪ ﻭﺍﻥ ﻳﺬﻛﺮ ﺟﻬﻮﺩ ﺍﺑﺎﻩ ﻓﻲ ﻫﺬﺍ
ﺍﻟﻤﻮﺿﻮﻉ .. ﻓﻠﻮﻻﻩ ﻟﻤﺎ ﺣﺪﺙ ﻛﻞ ﻣﺎ ﺣﺪﺙ ..
ﻟﻜﻢ ﺍﻟﻤﺴﺌﻮﻟﻴﺔ ﺻﻌﺒﺔ ﺑﻌﺾ ﺍﻟﺸﻲﺀ ﺍﻗﻨﺎﻉ ﻓﺎﺗﻦ ﻟﻴﺲ ﺑﺎﻻﻣﺮ ﺍﻟﻬﻴﻦ ..
ﺍﻭ ﺍﻟﻌﺎﺩﻱ .. ﺍﻧﻬﺎ ﻋﻨﻴﺪﺓ .. ﻭﻻ ﺗﻘﺒﻞ ﺑﺎﻱ ﺷﻲ .. ﻭﻟﻜﻦ .. ﻣﻌﻲ ﺍﻭﺭﺍﻕ
ﺭﺍﺑﺤﺔ ﻛﺜﻴﺮﺓ .. ﺍﻣﻲ .. ﻭﺧﺎﻟﺪ ... ﻭﻣﺴﺎﻋﺪ ..
ﻋﺰﻡ ﺍﻟﻘﺮﺍﺭ .. ﻭﻧﻬﺾ ﻣﻦ ﻣﻜﺎﻧﻪ ﻭﺗﻘﺪﻡ ﻧﺎﺣﻴﺔ ﻏﺮﻓﺔ ﺍﻣﻪ ... ﻳﻤﺸﻲ
ﺑﺨﻄﻮﺍﺕ ﺛﺎﺑﺘﺔ ﻭﻳﺪﻳﻪ ﻓﻲ ﺟﻴﺒﻴﻪ .. ﻻ ﻻ .. ﺳﺘﻘﺘﻨﻊ ﺍﻣﻲ .. ﻣﻊ ﺍﻥ
ﺍﺑﺘﻌﺎﺩ ﻓﺎﺗﻦ ﺻﻌﺐ ﻋﻠﻴﻬﺎ .. ﻟﻜﻨﻬﺎ ﺳﺘﻘﺘﻨﻊ ..
ﻋﻠﻰ ﺗﻠﻚ ﺍﻻﻓﻜﺎﺭ ﻭﺻﻞ ﺍﻟﻰ ﻏﺮﻓﺔ ﺍﻣﻪ .. ﻭﻛﻢ ﺷﺎﺑﺖ ﺭﻭﺣﻪ ﻋﻨﺪﻣﺎ
ﻭﺻﻞ ﻫﻨﺎﻙ .. ﻭﺗﺨﻴﻞ .. ﻟﻮ ﺍﻧﻪ ﻓﺘﺢ ﺍﻟﺒﺎﺏ .. ﺳﻴﻜﻮﻥ ﺍﺑﺎﻩ ﺑﺎﻟﺪﺍﺧﻞ ..
ﺟﺎﻟﺴﺎ ﻋﻠﻰ ﺍﻟﺴﺮﻳﺮ ﻭﻫﻮ ﻣﻐﻤﺾ ﻋﻴﻨﻴﻪ ﻭﻣﻮﺳﺪ ﺭﺍﺳﻪ ﻟﻠﺠﺪﺍﺭ ..
ﺍﺳﻨﺪ ﺟﺮﺍﺡ ﻣﻘﺪﻣﺔ ﺭﺃﺳﻪ ﺍﻟﻰ ﺍﻟﺒﺎﺏ .. ﻳﺒﻠﻊ ﻏﺼﺔ ﺍﻟﺤﺰﻥ ﺍﻟﺘﻲ ﻋﻤﺮﺕ
ﻗﻠﺒﻪ .. ﺭﺣﻤﺔ ﺍﻟﻠﻪ ﻋﻠﻴﻚ ﻳﺎ ﺍﺑﺘﻲ .. ﻛﻴﻒ ﺍﻧﻰ ﻟﻨﺎ ﺍﻥ ﻧﻔﻜﺮ ﺑﺎﻟﻌﻴﺶ
ﻣﻦ ﺩﻭﻧﻚ ﻟﺒﺎﻗﻲ ﺍﻟﻌﻤﺮ ..
ﻭﺑﻬﺬﻩ ﺍﻟﻜﻠﻤﺎﺕ ﻭﺑﻴﺪﻳﻪ ﺍﻟﺘﻲ ﻣﺴﺢ ﺭﻗﺎﺋﻖ ﺍﻟﺪﻣﻮﻉ ... ﻃﺮﻕ ﺍﻟﺒﺎﺏ ..
ﻭﺍﺗﺎﻩ ﺻﻮﺕ ﺍﻣﻪ ﺍﻟﺤﺰﻳﻦ ﻟﻴﻌﻴﺪ ﺗﻠﻚ ﺍﻻﺣﺰﺍﻥ ﺍﻟﺘﻲ ﻃﺮﺩﻫﺎ ﻗﺒﻞ ﻗﻠﻴﻞ
ﺍﻡ ﺟﺮﺍﺡ : ﺗﻔﻀﻞ ..
ﺍﻃﻞ ﺑﺮﺃﺳﻪ ﻭﻫﻮ ﻳﺒﺘﺴﻢ ﺑﻤﺮﺡ : ﻣﺴﺎﺀ ﺍﻟﻮﺭﺩ ﻭﺍﻟﻴﺎﺳﻤﻴﻦ ﻭﺍﻟﺮﻳﺤﺎﻥ
ﻭﺍﻟﻨﻌﻨﺎﻉ
ﺗﻀﺤﻚ ﺍﻡ ﺟﺮﺍﺡ : ﻫﻬﻬﻬﻬﻪ ﻫﻼ ﻭﺍﻟﻠﻪ ﺑﻮﻟﻴﺪﻱ ﻫﻼ ﺑﺎﻟﻐﺎﻟﻲ ﻭﺭﻳﺤﺔ
ﺍﻟﻐﺎﻟﻲ .. ﺣﻴﺎﻙ ﻳﻤﺔ
ﻳﺪﺧﻞ ﺟﺮﺍﺡ ﻭﻫﻮ ﻳﻐﻠﻖ ﺍﻟﺒﺎﺏ ﻣﻦ ﺧﻠﻔﻪ : ﺍﻟﻠﻪ ﻳﺤﻴﻴﻴﻴﺞ .. ﻭﻳﺒﻘﻴﺞ ..
ﻭﻳﺨﻠﻴﻴﻴﻴﺞ
ﺗﺒﺘﺴﻢ ﺍﻡ ﺟﺮﺍﺡ : ﻭﻳﺎﻛﻢ ﻳﺎ ﻋﻴﺎﻟﻲ .. ﺗﻌﺎﻝ ﺍﻗﻌﺪ ﻫﻨﻲ ﻳﻤﻲ ..
ﺟﺮﺍﺡ : ﻻ ﻣﺎﺑﻲ .. ﺑﻘﻌﺪ ﻫﻨﻲ ﺑﻌﻴﺪ ﻋﻨﺞ
ﺍﻡ ﺟﺮﺍﺡ : ﻟﻴﺶ ﻣﺎ ﺗﺒﻲ ﻗﺮﺏ ﺍﻣﻚ؟؟ (ﺑﻤﺮﺡ )
ﺟﺮﺍﺡ ﺑﻐﺮﻭﺭ : ﺍﻧﺎ ﺍﻣﻲ ﻋﻠﻤﺘﻨﻲ ﺍﻟﺤﺮﻣﺔ ﺍﻟﻠﻲ ﺗﻘﻂ ﺭﻭﺣﻬﺎ ﻋﻠﻴﻚ
ﺑﻼﻫﺎ .. ﻣﺎ ﻧﺒﻴﻬﺎ ..
ﺍﻡ ﺟﺮﺍﺡ : ﻣﺪﻣﻐﺔ ﺍﻣﻚ ﻣﺎ ﻋﺮﻓﺖ ﺗﻌﻠﻤﻚ .. ﺗﻌﺎﻝ ﻫﻨﻲ (ﺑﻨﺒﺮﺓ
ﻓﻜﺎﻫﻴﻪ ) ﺍﻧﺎ ﺍﻋﻠﻤﻚ ﺍﻟﻴﻮﻡ ﺩﺭﺱ ﺛﺎﻧﻲ
ﺟﺮﺍﺡ : ﻭﻳﻴﻴﻴﻴﻲ ﻳﻤﻪ ﺑﺘﺨﺮﺑﻴﻨﻲ ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺍﻡ ﺟﺮﺍﺡ : ﻣﺎﺩﺭﻱ ﻋﻨﻚ ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻃﺎﻟﻊ ﻟﻲ ﺑﺸﻐﻼﺕ
ﻳﺪﻳﺪﻩ .. (ﺑﻐﺮﻭﺭ ) ﻣﺮﺓ ﺛﺎﻧﻴﺔ ﺗﺒﻲ ﺗﻮﺿﺢ ﺷﻲ ﻭﺿﺤﺔ ﺯﻳﻦ ﻻ ﺗﻄﻠﻊ
ﻋﻠﻰ ﺍﺷﺎﻋﺎﺕ ..
ﻭﻫﻮ ﻳﺘﺤﺮﻙ ﻣﻦ ﻣﻜﺎﻧﻪ ﺍﻟﻰ ﻋﻨﺪ ﺍﻣﻪ ﺍﻭ ﺑﺎﻻﺣﺮﻯ ﻋﻨﺪ ﺣﻈﻨﻬﺎ : ﺃﻱ
ﺍﺷﺎﻋﺎﺕ ﻫﺬﻱ ﺍﻟﻠﻲ ﺗﺘﻜﻠﻤﻴﻦ ﻋﻨﻬﺎ؟
ﺍﻡ ﺟﺮﺍﺡ : ﻻ ﺗﻘﻮﻝ ﺍﻧﻲ ﻋﻠﻤﺘﻚ ﺍﻧﻚ ﻣﺎ ﺗﺮﻭﺡ ﻟﻠﻤﺮﺓ ﺍﻟﻲ ﺗﻘﻂ
ﺭﻭﺣﻬﺎ ... ﻛﻠﻬﻢ .. ﺍﻻ ﺍﻣﻚ ..
ﺟﺮﺍﺡ : ﻭﺍﻟﻠﻪ ﻟﻴﺶ ﺍﻥ ﺷﺎﺀ ﺍﻟﻠﻪ ﺷﻔﻴﻬﺎ ﺯﻳﺎﺩﺓ ﻋﻦ ﺣﺮﻳﻢ ﺍﻟﺪﻧﻴﺎ؟؟
ﺍﻡ ﺟﺮﺍﺡ ﺑﺤﺰﻥ : ﻻﻥ ﺍﻣﻚ ﻣﺎ ﻋﻨﺪﻫﺎ ﻓﻲ ﻫﺎﻟﺪﻧﻴﺎ ﺷﻲ ﻳﻜﺤﻞ ﻋﻴﻮﻧﻬﺎ
ﻏﻴﺮ ﺷﻮﻓﺘﻚ ﻳﺎ ﺑﻌﺪ ﺍﻟﺸﻮﻭﻭﻭﻑ ..
ﺫﺍﺑﺖ ﺍﻭﺩﺍﺝ ﻗﻠﺐ ﺟﺮﺍﺡ ﻣﻦ ﻛﻼﻡ ﺍﻣﻪ ﺍﻟﻌﺬﺏ ﺍﻟﻔﺠﻴﻊ ﻭﻟﻜﻦ : ﻳﻤﻪ ..
ﻳﺎ ﺑﻌﺪ ﻫﺎﻟﺪﻧﻴﺎ ﻳﺎ ﻳﻤﺔ ..
ﺍﻡ ﺟﺮﺍﺡ : ﺣﺒﻴﺒﻲ ﻭﻟﻴﺪﻱ ... ﻫﺎ ﻳﻤﺔ .. ﺷﻔﻴﻚ ﺍﻟﻴﻮﻡ ﻳﺎﻳﻨﻲ ﻋﻠﻰ ﻏﻴﺮ
ﻋﻮﺍﻳﺪﻙ ... (ﺗﻨﻈﺮ ﺍﻟﻴﻪ ﺑﺘﻤﻌﻦ ) ﺍﻛﻴﺪ ﻓﻲ ﺧﺎﻃﺮﻙ ﺷﻲ؟
ﺟﺮﺍﺡ : ﺃﻱ ﻭﺍﻟﻠﻪ ﺧﺎﻃﺮﻱ ﻓﻲ ﻣﻮﻭﻭﻭﻭﺣﺔ
ﺗﺪﻓﻌﻪ ﺍﻡ ﺟﺮﺍﺡ : ﻫﻬﻬﻬﻬﻬﻬﻬﻬﻪ ﻣﺎ ﺍﻣﺼﺨﻚ .. ﺧﻠﺼﻨﻲ ﺍﺑﺒﺴﺮﻋﺔ
ﺷﺘﺒﻲ؟
ﺟﺮﺍﺡ : ﺍﻓﺎ .. ﺷﺘﺒﻲ؟؟ ﻗﻮﻳﻪ ﺑﺤﻘﻲ ﻳﺎ ﺍﻡ ﺟﺮﺍﺡ .. ( ﻳﺒﺘﺴﻢ ﻟﻬﺎ )
ﻓﺪﻳﺖ ﻋﻤﺮﺝ ﻳﻤﺔ
ﺍﻡ ﺟﺮﺍﺡ : ﻭﺍﻟﺤﻴﻦ ﻗﻮﻝ ﻟﻲ .. ﺷﻔﻴﻚ؟؟ ﻻﻧﻲ ﺣﺎﺳﺔ ﺍﻥ ﻓﻲ ﺷﻲ
ﺷﺎﻏﻞ ﺑﺎﻟﻚ .. ﻣﻦ ﺟﻢ ﻳﻮﻡ .. ﻭﺍﻧﺖ ﻣﺸﻐﻮﻝ .. ﻣﺸﻐﻮﻝ ﻓﻲ ﺷﻨﻮ؟؟
ﺍﺑﺘﺴﻢ ﺟﺮﺍﺡ ﻟﺤﺪﺓ ﻣﺮﺍﻗﺒﺔ ﺍﻣﻪ . . ﻓﻬﻲ ﻟﻢ ﺗﺴﺎﻟﻪ ﺍﻻ ﺍﻟﻴﻮﻡ ..
ﻭﻛﻌﺎﺩﺗﻬﺎ ﺍﻧﺘﻈﺮﺗﻪ ﺣﺘﻰ ﺍﻥ ﻳﺎﺗﻲ ﻫﻮ ﻟﻬﺎ
ﻟﻴﻮﺿﺢ ﻟﻬﺎ ﻣﺎ ﻳﺠﻮﻝ ﺑﺨﺎﻃﺮﻩ ..
ﺍﺳﺘﻮﻯ ﺑﺠﻠﺴﺘﻪ : ﻳﻤﺔ ﺍﻧﺎ ﻋﻨﺪﻱ ﺳﺎﻟﻔﺔ ﻭﻳﺎﺝ ﺍﻟﻴﻮﻡ .. ﻣﻬﻤﺔ ﻟﻨﺎ ﻛﻠﻨﺎ ..
ﻭﺑﺎﻻﺧﺺ .. ﻓﺎﺗﻦ
ﺍﻡ ﺟﺮﺍﺡ : ﻓﺎﺗﻦ؟؟
ﺟﺮﺍﺡ : ﻳﻤــﺔ .. ﺍﻧﺎ ﻣﺎﺩﺭﻱ ﺍﻧﺘﻲ ﺷﻨﻮ ﺭﺍﻳﺞ ﺑﺲ ... ﻓﺎﺗﻦ ﺷﺼﺎﺭ ﻋﻠﻰ
ﺩﺭﺍﺳﺘﻬﺎ؟
ﺑﺘﺴﺎﺋﻞ ﺗﺮﺩ ﺍﻡ ﺟﺮﺍﺡ : ﻭﺍﻟﻠﻪ ﻳﺎ ﻳﻤﺔ ﻣﺎﺩﺭﻱ .. ﺍﺣﻨﺎ ﻣﺎ ﻗﺪﺭﻧﺎ ﻧﺘﻨﻔﺲ
ﻋﻠﻰ ﺍﻟﻌﻄﻠﺔ ﺍﻻ .. ﺍﻻ ﻭﺍﺑﻮﻙ ﺍﻟﻠﻪ ﻳﺮﺣﻤﻪ ﺭﺍﺡ .. ﻭﻣﻨﻬﺎ ﺍﻧﺎ ﻣﺎﺩﺭﻱ ﻋﻦ
ﺍﺣﻮﺍﻟﻨﺎ ﻻ ﺷﺮﻕ ﻭﻻ ﺟﻨﻮﺏ ﻭﻻ ﺷﻤﺎﻝ .. ﺑﺲ ﺍﻟﻠﻲ ﺍﻋﺮﻓﻪ ﺍﻥ ﺍﺑﻮﻙ
ﻣﺨﻠﻲ ﻟﻬﺎ ﺍﻓﻠﻮﺱ ﺑﺎﻟﺒﻨﻚ ﻋﺸﺎﻥ ﺗﺪﺭﺱ ..
ﺍﺳﺘﻐﺮﺏ ﺟﺮﺍﺡ؟؟ ﺍﻣﻪ ﻋﻠﻰ ﻋﻠﻢ ﺑﻬﺬﺍ ﺍﻻﻣﺮ : ﻳﻤﻪ .. ﺍﻧﺘﻲ ﺗﻌﺮﻓﻴﻦ ﺷﻲ
ﻋﻦ ﻫﺎﻟﻔﻠﻮﺱ ..؟
ﺍﻡ ﺟﺮﺍﺡ : ﺍﻛﻴﺪ ﻳﻤﻪ .. ﺍﺑﻮﻙ ﻣﺎﻛﺎﻥ ﻳﺴﻮﻱ ﺷﻲ ﻣﻦ ﺩﻭﻥ ﻣﺎ ﻋﺮﻓﻪ ..
ﺍﺑﻮﻙ ﺣﻂ ﺑﻴﺖ ﺍﻟﻌﺎﻳﻠﺔ ﺍﻟﺠﺒﻴﺮ ﻓﻲ ﻳﺪ ﺷﺮﻛﺔ ﻣﻘﺎﻭﻻﺕ ﺍﻟﻠﻲ ﺳﻮﺗﻪ
ﻣﻄﻌﻢ ﻣﺎﺩﺭﻱ ﻓﻨﺪﻕ .. ﻭﺍﻟﻠﻲ ﻳﻄﻠﻊ ﻣﻦ ﻫﺎﻟﻔﻨﺪﻕ ﻳﺤﻄﻮﻧﻪ ﻓﻲ
ﺍﻟﺒﻨﻚ .. ﻭﺑﺲ .. ﻛﻞ ﻫﺬﺍ ﺍﻟﻠﻲ ﺍﻋﺮﻓﻪ .. ﺍﻟﺒﺎﺟﻲ ﺗﻘﺪ ﺗﺮﻭﺡ ﺗﺴﺎﻝ
ﻣﺴﺎﻋﺪ ﻭﻟﺪ ﺍﻟﺪﺧﻴﻠﻲ ..
ﻟﻢ ﻳﺼﺪﻕ ﺟﺮﺍﺡ ﻧﻔﺴﻪ .. ﻫﻮ ﺍﻟﺬﻱ ﻛﺎﻥ ﻳﻌﺪ ﻧﻔﺴﻪ ﻟﻘﻮﻝ ﻛﻞ ﻫﺬﺍ
ﺍﻟﻜﻼﻡ ﺍﺗﻀﺢ ﺍﻥ ﺍﻣﻪ ﺗﻌﺮﻑ ﺑﻪ ... ﻭﻛﻴﻒ ﻟﻢ ﻳﺨﻄﺮ ﻫﺬﺍ ﻋﻠﻰ ﺑﺎﻟﻪ ..
ﻓﻼ ﺯﻭﺝ ﻳﺨﻔﻲ ﺍﻣﻮﺭﺍ ﻛﻬﺬﻩ ﻋﻦ ﺯﻭﺟﺘﻪ ...
ﺟﺮﺍﺡ : ﺯﻳﻦ ﻳﻤﺔ .. ﺍﻧﺎ ﻣﺴﺎﻋﺪ ﻳﺎﻧﻲ ﻗﺒﻞ ﺟﻢ ﻳﻮﻡ .. ﻭﻋﻠﻤﻨﻲ ﻋﻠﻰ ﻛﻞ
ﻫﺎﻻﺷﻴﺎﺀ .. ﻭﻋﻠﻤﻨﻲ ﻋﻠﻰ .. ﺍﺷﻴﺎﺀ ﺛﺎﻧﻴﺔ ﺑﻌﺪ ..
ﺍﻡ ﺟﺮﺍﺡ : ﺷﻬﺎﻻﺷﻴﺎﺀ ..
ﻭﺗﻜﻠﻢ ﺟﺮﺍﺡ ﻣﻊ ﺍﻣﻪ ﺑﺎﺳﻬﺎﺏ ﻭﺑﻠﻐﺔ ﻣﻔﻬﻮﻣﺔ .. ﻓﻬﻲ ﻭﺍﻥ ﻛﺎﻧﺖ
ﻋﺎﺭﻓﺔ ﻓﺘﻈﻞ ﺟﺎﻫﻠﺔ ﺑﻤﺼﻄﻠﺤﺎﺕ ﻭﺍﻳﻀﺎﺣﺎﺕ ﻫﻲ ﺑﻐﻨﻰ ﻋﻨﻪ .. ﻓﻬﻮ
ﺍﺧﺘﺼﺮ ﻋﻠﻴﻬﺎ ﻛﻞ ﺷﻲ ﻭﺍﺧﺒﺮﻫﺎ ﺍﻻﻣﺮ .. ﻣﻦ ﺍﻟﻮﺳﻂ ﺣﻴﺚ ﺗﺮﻛﺘﻪ
ﺍﻟﻰ ﺍﺧﺮ ﺷﻲ ﻗﺮﺃﻩ ﻣﻦ ﺗﻠﻚ ﺍﻟﻤﺠﻠﺪﺍﺕ ... ﻭﺍﻟﻈﺎﻫﺮ ﺍﻥ ﻭﺍﻟﺪﺗﻪ ﻗﺪ
ﺍﻧﺰﻋﺠﺖ ﻟﻔﻜﺮﺓ ﺳﻔﺮ ﻓﺎﺗﻦ ﻟﻠﺨﺎﺭﺝ .. ﻓﻬﻲ ﻣﻤﺘﻌﻈﺔ ﻭﻣﻼﻣﺤﻬﺎ ﺷﺎﺑﻬﺎ
ﺍﻟﻜﺪﺭ ..
ﺍﻡ ﺟﺮﺍﺡ : ﻳﺎﺑﻮﻙ ﻭﻳﻦ ﺗﺮﻭﺡ ﺍﺧﺘﻚ ﺑﻌﻴﺪ ﻋﻨﻲ .. ﻭﻻ ﺑﺎﻣﺮﻳﻜﺎ؟؟ ﻣﺎﻗﺪﺭ
ﻳﻤﻪ ﺍﺧﻠﻴﻬﺎ ﺗﺮﻭﺡ ﺑﺮﻭﺣﻬﺎ؟
ﺟﺮﺍﺡ : ﻳﻤﻪ ﻣﺎﻛﻮ ﺷﻲ ﺍﺳﻤﻪ ﺑﺮﻭﺣﻬﺎ .. ﻫﻨﺎﻙ ﻃﻼﺏ ﻋﺮﺏ ﻳﺎﺍ ﻳﻤﺔ ﻟﻮ
ﺗﻌﺪﻳﻨﻬﻢ ﺗﻀﻴﻌﻴﻦ .. ﻭﺑﻌﺪﻳﻦ ﺍﻫﻲ ﻣﻮ ﺭﺍﻳﺤﺔ ﺗﻌﻴﺶ ﻫﻨﺎﻙ .. ﺭﺍﻳﺤﺔ
ﺗﺪﺭﺱ .. ﻭﺭﺍﺡ ﻳﻜﻮﻥ ﻟﻬﺎ ﺳﻜﻦ ﺧﺎﺹ ﻓﻴﻬﺎ ﻭﺭﺍﺡ ﺗﻜﻮﻥ ﻟﻬﺎ ﺗﺴﻬﻴﻼﺕ
ﺍﺣﻨﺎ ﻓﻲ ﺑﻠﺪﻧﺎ ﻣﺎ ﻧﻠﻘﺎﻫﺎ .. ﻻ ﺗﻨﺴﻴﻦ ﺍﻫﻲ ﻓﻲ ﺑﻌﺜﺔ .. ﻭﺍﻟﺒﻌﺜﺔ ﻧﻌﻤﺔ
ﻳﺎ ﻳﻤﺔ ﻣﺎﻧﻘﺪﺭ ﻧﺮﻓﺴﻬﺎ ﺧﺼﻮﺻﺎ ﻭﻳﺎ ﻇﺮﻭﻓﻨﺎ ..
ﺍﻡ ﺟﺮﺍﺡ : ﺻﺢ ﻳﺎ ﻳﻤﻪ ﺑﺲ ﺍﻧﺎ ﻗﻠﺒﻲ ﻣﺎ ﻳﻄﺎﻭﻋﻨﻲ ﺍﺧﻠﻴﻬﺎ ﺗﺮﻭﺡ ﻫﻨﺎﻙ
ﻟﺤﺎﻟﻬﺎ .. ﻣﺎﻗﺪﺭ ﺍﺭﻗﺪ ﺑﺎﻟﻠﻴﻞ ﻭﺍﻫﻲ ﻣﻮ ﻭﻳﺎﻱ ﻓﻲ ﺍﻟﺒﻴﺖ ..
ﺟﺮﺍﺡ : ﻳﻤﺔ ﻣﺜﻞ ﻣﺎ ﻋﻠﻤﺘﻲ ﻓﺎﺗﻦ ﺗﻜﻮﻥ ﺟﺬﻱ ﻋﻠﻤﻲ ﻣﻨﺎﻳﺮ ﻭﺍﻻ
ﻫﺬﻳﺞ ﺣﺎﻟﺔ ﺧﺎﺻﺔ .. ﻳﻤﻪ .. ﺍﻧﺘﻲ ﻣﺎ ﺗﺪﺭﻱ ﺍﺑﻮﻱ ﺷﻜﺜﺮ ﺗﻌﺐ ﻋﻠﻰ
ﻫﺎﻟﺒﻌﺜﺔ ﻋﺸﺎﻥ ﻭﺍﺣﺪ ﻣﻨﺎ ﺑﺲ ﻳﺎﺧﺬﻫﺎ .. ﻭﺍﻥ ﻛﺎﻧﺖ ﻓﺎﺗﻦ ﺍﻟﻠﻲ
ﺑﺘﺎﺧﺬﻫﺎ .. ﺑﺘﺎﺧﺬﻫﺎ .. ﺑﺲ ﻻﺯﻡ ﻧﺮﺿﻲ ﺍﺑﻮﻱ ﻭﺍﻫﻮ ﻣﻴﺖ ﻳﺎ ﻳﻤﺔ ..
ﺗﺮﻯ ﻫﺬﻱ ﻭﺻﻴﺘﻪ
ﺗﺠﻬﻤﺖ ﻣﻼﻣﺢ ﺍﻡ ﺟﺮﺍﺡ .. ﻭﻛﺎﻧﺖ ﻋﻠﻰ ﻭﺷﻚ ﺍﻟﺒﻜﺎﺀ .. ﻭﻟﻜﻨﻬﺎ
ﺍﺧﻔﻀﺖ ﺍﻟﺒﺼﺮ ﻋﻦ ﺍﺑﻨﻬﺎ .. ﻛﻴﻒ ﺍﺗﺮﻙ ﺍﺑﻨﺘﻲ .. ﻻ ﺍﺭﻳﺪﻫﺎ ﺍﻥ ﺗﻐﻴﺐ
ﻋﻦ ﻋﻴﻨﻲ ﻭﻻ ﺍﺭﻳﺪﻫﺎ ﺍﻥ ﺗﺘﻐﺮﺏ ﻭﻫﻲ ﺻﻐﻴﺮﺓ .. ﺗﻈﻞ ﻓﺘﺎﺓ ﻭﺍﻟﻔﺘﺎﺓ
ﻟﻴﺲ ﻟﻬﺎ ﺑﺎﻟﻬﻮﺍ ﺃﻱ ﺧﺒﺮﺓ ..
ﺟﺮﺍﺡ ﺑﻨﺒﺮﺓ ﻣﻮﺍﺳﻴﺔ : ﻳﻤﺔ .. ﺍﻧﺎ ﺍﺩﺭﻱ ﻫﺎﻟﺸﻲ ﺻﻌﺐ ﻋﻠﻴﺞ .. ﺍﺫﺍ
ﺻﻌﺐ ﻋﻠﻴﺞ ﻣﺮﺓ ﺍﻧﺎ ﺍﻟﻒ ﻣﺮﺓ ﻳﺎ ﻳﻤﺔ .. ﺑﺲ ﻛﻞ ﻣﺎ ﺍﺣﺲ ﺍﻧﻪ ﺻﻌﺐ
ﺍﺫﻛﺮ ﺍﺑﻮﻱ .. ﺍﺑﻮﻱ ﻛﺎﻥ ﻳﺘﻤﻨﻰ ﻟﻨﺎ ﺍﻭ ﻟﻮﺍﺣﺪ ﻣﻨﺎ ﺑﺲ .. ﺍﻧﻪ ﻳﻜﻮﻥ
ﺷﻲ ﻓﻲ ﻫﺎﻟﺪﻧﻴﺎ .. ﻭﺍﻫﻮ ﺗﻌﺐ ﻭﺟﻬﺪ ... ﻭﺣﺘﻰ ﺍﻧﻪ .. ﺭﺍﺡ ﻋﺸﺎﻧﻨﺎ ..
ﻓﻴﻌﻨﻲ ﺍﺣﻨﺎ ﻣﺎﻧﻘﺪﺭ ﻧﻀﺤﻲ ﻭﻟﻮ ﺷﻲ ﻋﺸﺎﻧﻪ .. ﻭﺻﺪﻗﻴﻨﻲ ﻳﺎ ﻳﻤﺔ ..
ﻣﺎ ﺑﺘﻨﺪﻣﻴﻦ .. ﻻﻧﻲ ﺍﻧﺎ ﻓﻜﺮﺕ ﺑﺎﻟﻤﻮﺿﻮﻉ ﻭﻣﺎ ﺗﻈﻨﻴﻦ ﺍﻧﻲ ﻟﻮ ﻛﻨﺖ
ﻣﺸﻜﻚ ﻻﻗﻞ ﺛﺎﻧﻴﺔ ﻣﺎ ﺭﺍﺡ ﺍﻳﻴﺞ ﻭﺍﻗﻮﻝ ﻟﺞ ﻋﻨﻪ؟؟
ﺍﻡ ﺟﺮﺍﺡ ﺑﻌﺼﺒﻴﺔ ﺑﺴﻴﻄﺔ : ﺑﺲ ﻳﺎ ﻳﻤﺔ ﻣﺎﻗﺪﺭ . ﻣﺎﻗﺪﺭ ﺍﺧﻠﻲ ﺍﺧﺘﻚ
ﺗﺮﻭﻭﻭﺡ ﻋﻨﻲ ﺑﻌﻴﺪ .. ﻓﺎﺗﻦ ﻣﺎ ﺑﺘﺮﺿﻰ .. ﻣﺎ ﺗﻌﻮﺩﺕ ﺍﻧﻬﺎ ﺗﻄﻠﻊ ﻋﻦ
ﺍﻟﺒﻴﺖ ﻟﻔﺘﺮﺓ ﻃﻮﻳﻠﺔ .. ﺍﻫﻲ ﺍﻟﺒﻨﺖ ﺍﻟﻮﺣﻴﺪﺓ ﺍﻟﻠﻲ ﻛﻞ ﺍﻡ ﺗﺘﻤﻨﻰ ﻣﺜﻠﻬﺎ
ﻓﻲ ﻫﺎﻟﺪﻧﻴﺎ ..
ﺟﺮﺍﺡ : ﻳﻤﻪ ﺻﺢ ﻛﻼﻣﺞ ﺑﺲ .. ﺍﻧﺘﻲ ﻻﺯﻡ ﺗﺘﻘﺒﻠﻴﻦ ﻫﺎﻟﺸﻲ ... ﻻﻥ
ﻓﺎﺗﻦ ﺍﻥ ﻣﺎﻓﻜﺮﺕ ﺑﻤﺴﺘﻘﺒﻠﻬﺎ ﻭﺑﻤﺼﻠﺤﺘﻬﺎ .. ﻋﻨﺪﻫﺎ ﺍﻻﺧﻮ ﺍﻟﻠﻲ ﻳﻔﻜﺮ
ﻋﺸﺎﻧﻬﺎ .. ﻭﺍﻧﺎ ﺍﺣﺲ .. ﻟﻮ ﺗﺒﻴﻦ .. ﺭﺿﺎﻱ ﺑﻴﻜﻮﻥ ﺑﺴﻔﺮﻫﺎ .. ﻭﺍﻧﺎ
ﺍﻧﺸﺎﻟﻠﻪ ﻛﻞ ﻓﺘﺮﺓ ﻭﻓﺘﺮﺓ ﺑﺰﻭﺭﻫﺎﻭﺍﻫﻲ ﺑﻌﺪ ﻛﻞ ﻓﺘﺮﺓ ﻭﻓﺘﺮﺓ ﺭﺍﺡ ﺗﻴﻴﻨﺎ
ﺑﺎﻻﺟﺎﺯﺍﺕ ﻭﺗﻘﻌﺪ ﻣﻌﺎﻧﺎ .. ﻭﻟﻠﻮ ﺍﻧﺘﻲ ﺧﺎﻳﻔﺔ ﺍﻥ ﻓﺎﺗﻦ ﺗﺘﻌﺮﺽ
ﻟﻠﻤﺼﺎﻳﺐ ﻫﻨﺎﻙ .. ﺍﻇﻨﻲ ﺍﻧﺘﻲ ﻣﺮﺑﻴﺘﻬﺎ .. ﻭﻣﻮ ﻛﻞ ﺑﻨﺖ ﺗﻠﻘﻰ ﻣﺜﻞ
ﺗﺮﺑﻴﺘﺞ ﻳﺎ ﻳﻤﺔ .. ﻓﺎﺗﻦ ﺑﻨﺖ ﻻ ﻳﻌﻠﻰ ﻋﻠﻴﻬﺎ ﺑﻨﺖ ﺛﺎﻧﻴﺔ .. ﻭﺍﻥ ﺷﺎﺀ ﺍﻟﻠﻪ
ﺭﺍﺡ ﺗﺮﻓﻊ ﺭﺍﺳﻨﺎ ﻛﻠﻨﺎ ﻭﺗﺒﻴﺾ ﻭﻳﻬﻨﺎ
ﺗﺒﺘﺴﻢ ﺍﻡ ﺟﺮﺍﺡ ﺑﺤﺰﻥ : ﻟﻮ ﻛﺎﻧﺖ ﺍﻟﻈﺮﻭﻑ ﺛﺎﻧﻴﺔ .. ﻟﻮ ﻛﻨﺖ ﺍﻧﺖ ﺍﻟﻠﻲ
ﺗﺮﻭﺡ .. ﻣﺎ ﺣﺴﻴﺖ ﺑﺸﻲ .. ﻟﻜﻦ .. ﺍﻧﺎ ﺍﺩﺭﻱ ﻫﺎﻟﺸﻲ ﺻﻌﺐ ﻋﻠﻴﻚ ..
ﻻﻥ ﻫﺬﻱ ﺍﻟﺒﻌﺜﺔ ﻛﺎﻥ ﻻﺯﻡ ﺗﻜﻮﻥ ﻟﻚ
ﻳﻘﻄﻊ ﺟﺮﺍﺡ ﻛﻼﻣﻬﺎ : ﻭﺍﻧﺎ ﻣﺎ ﺍﻫﺘﻤﻴﺖ ﻳﻤﺔ ... ﻭﻻ ﻭﺍﺣﺪ ﻣﻨﺎ ﻋﺮﻑ
ﺑﻬﺎﻟﺸﻲ .. ﺍﻻ ﺍﺑﻮﻱ .. ﻟﻜﻦ ﺷﻮﻓﻲ ﻓﺎﺗﻦ ﺷﻠﻮﻥ ﺫﺑﺤﺖ ﻋﻤﺮﻫﺎ
ﺑﺎﻟﺪﺭﺍﺳﺔ .. ﻻ ﺗﺎﻛﻞ ﻭﻻ ﺗﻨﺎﻡ .. ﻭﻻ ﺗﺮﺗﺎﺡ .. ﻋﺸﺎﻥ ﺑﺲ ﺍﻧﻬﺎ ﺗﺮﻓﻊ
ﺭﺍﺱ ﺍﺑﻮﻱ .. ﻻﻧﻬﺎ ﺗﻌﺮﻑ ﺭﺿﻰ ﺍﺑﻮﻱ ﻳﻜﻤﻦ ﻓﻲ ﺍﻟﻨﺠﺎﺡ .. ﻟﺬﺍ ﻫﻲ
ﺍﺣﻖ ﻣﻨﻲ ﺑﻬﺎﻟﺒﻌﺜﺔ ..
ﺍﺧﻔﻀﺖ ﺍﻻﻡ ﺍﻟﺤﺰﻳﻨﺔ ﺑﺼﺮﻫﺎ .. ﺣﺰﻧﺎ ﻋﻠﻰ ﻣﺎ ﻗﺮ ﺑﻔﺆﺍﺩﻫﺎ .. ﻛﻼﻡ
ﺟﺮﺍﺡ ﺻﺤﻴﺢ .. ﻻ ﻳﻤﻜﻦ ﺍﻥ ﺍﻇﻠﻢ ﺍﺑﻨﺘﻲ ﻭﺍﺩﻋﻬﺎ ﺗﺒﻘﻰ ﻫﻨﺎ .. ﺑﻴﻨﻤﺎ
ﺍﻟﻔﺮﺻﺔ ﺳﺎﻧﺤﺔ ﻟﻬﺎ ﺑﺎﻥ ﺗﺨﺮﺝ ﻣﻦ ﻫﺬﻩ ﺍﻟﻘﻮﻗﻌﺔ ﻭﻣﻦ ﻫﺬﺍ ﺍﻟﻌﺎﻟﻢ ﺍﻟﻰ
ﻋﺎﻟﻢ ﺍﺧﺮ .. ﻟﻢ ﺍﻋﺪﻫﺎ ﻟﻬﺬﺍ ﺍﻟﺸﻲ .. ﻭﻟﻢ ﺍﺟﻬﺰﻫﺎ ﻟﻪ .. ﻛﻴﻒ ﻟﻲ ﺍﻥ
ﺍﺗﺮﻙ ﺻﻐﻴﺮﺗﻲ ﺍﻟﺤﺒﻴﺒﺔ ﻓﻲ ﻋﺎﻟﻢ ﻻ ﺗﻌﺮﻑ ﻋﻨﻪ ﺍﻻ ﺑﺎﻻﺧﺒﺎﺭ .. ﻭﻳﺎ
ﻟﻴﺘﻪ ﻳﺴﺮ .. ﻟﻜﻦ .. ﻫﺬﻩ ﺭﻏﺒﺘﻚ ﻳﺎ ﺯﻭﺟﻲ ﺍﻟﺤﺒﻴﺐ .. ﻓﺎﻧﺖ ﻗﺪ
ﺗﻌﺒﺖ .. ﻭﻻﺯﻟﺖ ﺍﺫﻛﺮ ﺳﻬﺎﺩ ﺍﻟﻠﻴﺎﻟﻲ ﺍﻟﺬﻱ ﺻﺎﺣﺒﻚ .. ﺗﻔﻜﺮ ﺑﻤﺼﻴﺮ
ﺍﻭﻻﺩﻧﺎ ﺑﻬﺬﺍ ﺍﻟﻔﻘﺮ .. ﺍﻟﺤﻤﺪ ﻟﻠﻪ ﻋﻠﻰ ﻛﻞ ﺣﺎﻝ .. ﻭﻟﺮﺑﻤﺎ ﻫﺬﻩ ﻫﻲ
ﻫﺪﻳﺔ ﺍﻟﻨﺠﺎﺡ ﺍﻟﺘﻲ ﻛﻨﺖ ﺗﻌﺪﺩﻫﺎ ﻟﻔﺎﺗﻦ ...
ﺍﺣﺲ ﺟﺮﺍﺡ ﺍﻥ ﺍﻣﻪ ﻣﻮﺍﻓﻘﺔ .. ﻭﺍﻟﺤﺰﻥ ﻭﺍﺟﺐ ﻋﻠﻴﻬﺎ .. ﻻﻧﻬﺎ ..
ﺳﺮﻳﺮﻳﺎ .. ﻗﺒﻠﺖ ﺑﻤﺎ ﻗﺎﻟﻪ ﻟﻬﺎ .. ﻭﻗﺪ ﺗﻮﺍﻓﻖ .. ﺑﻞ ﺍﺣﺘﻤﺎﻟﻴﺔ ﻛﺒﻴﺮﺓ ﺍﻧﻬﺎ
ﻣﻮﺍﻓﻘﺔ .. ﻭﺑﺪﺃ ﻳﻌﺪ ﻧﻔﺴﻪ ﻟﻠﻤﻮﺍﻓﻘﺔ .. ﺳﺘﻮﺍﻓﻖ .. ﺍﻧﺎ ﻭﺍﺛﻖ ﺑﺎﻧﻬﺎ
ﺳﺘﻮﺍﻓﻖ
ﺟﺮﺍﺡ ﺑﺤﺬﺭ : ﻫﺎ ﻳﻤﺔ ... ﺷﻘﻠﺘﻲ .
ﺍﺑﺘﺴﻤﺖ ﺍﻡ ﺟﺮﺍﺡ ﺑﺼﻤﺖ .. ﻭﻛﺎﻧﺖ ﻫﺬﻩ ﻫﻲ ﺍﻟﺒﺸﺎﺭﺓ .. ﻟﻘﺪ ﻭﺍﻓﻘﺖ
ﺍﻣﻲ .. ﻭﺍﺍﺍﻓﻘﺖ ... ﺍﻟﺤﻤﺪ ﻟﻠﻪ ﺭﺏ ﺍﻟﻌﺎﻟﻤﻴﻦ ... %50 ﻣﻦ ﺍﻟﻤﻬﻤﺔ ﻗﺪ
ﻧﻔﺬ .. ﻭﺍﻻﻥ .. ﺍﻟﺨﻤﺴﻮﻥ ﺍﻟﺒﺎﻗﻴﺔ .. ﻓﺎﺗﻦ ..
ﺟﺮﺍﺡ : ﺻﺪﻗﻴﻨﻲ ﻳﻤﺔ .. ﻣﺎ ﺭﺍﺡ ﺗﻨﺪﻣﻴﻦ .. ﺭﺍﺡ ﺗﺬﻛﺮﻳﻦ ﻫﺎﻟﻤﻮﻗﻒ
ﺑﻴﻮﻡ ﻣﻦ ﺍﻻﻳﺎﻡ ﻭﺑﺘﻘﻮﻟﻴﻦ ﻟﻲ .. ( ﺑﺼﻮﺕ ﻧﺴﺎﺋﻲ ) ﻳﻌﻠﻨﻲ ﻣﺎﺧﻠﻰ
ﻣﻨﻚ ﻳﺎﺑﻮﻣﺤﻤﺪ .. ﻗﻠﺖ ﻭﺻﺪﻗﺖ ... ﻓﺪﻳﺖ ﻋﻤﺮﻙ ﻳﺎ ﻭﻟﻴﺪﻱ
ﺍﻡ ﺟﺮﺍﺡ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺿﺤﻚ ﺍﻻﺛﻨﺎﻥ ﻭﻟﻜﻦ ﺟﺮﺍﺡ ﻛﺎﻥ ﺍﻛﺜﺮ ﻓﺮﺣﺎ .. ﻃﺒﻴﻌﻲ .. ﻭﻛﻴﻒ ﻻ
ﻳﻔﺮﺡ ﻭﻫﻮ ﻳﻨﻔﺬ ﺟﺰﺀﺍ ﻣﻦ ﻭﺻﻴﺔ ﻭﺍﻟﺪﻩ ... ﺍﻭﻩ .. ﺍﻟﺤﻤﺪ ﻟﻠﻪ ﺍﻧﻚ
ﺫﻛﺮﺗﻴﻨﻲ ﺍﻳﺘﻬﺎ ﺍﻟﻜﺎﺗﺒﺔ ﺑﺎﻟﻮﺻﻴﺔ ... ﻛﻴﻒ ﺍﻧﻰ ﻟﻲ ﺍﻥ ﺍﻧﺴﻰ .. ﺷﻜﺮﺍ ...
ﺟﺮﺍﺡ : ﻳﻤﺔ .. ﺍﻛﻮ ﺷﻲ ﺛﺎﻧﻲ ﺑﻌﺪ؟
ﺍﻡ ﺟﺮﺍﺡ ﺑﺨﻮﻑ : ﺷﺼﺎﻳﺮ ﺑﻌﺪ .؟؟ ﻣﻨﻮ ﺑﻴﺴﺎﻓﺮ؟
ﺟﺮﺍﺡ ﻳﺒﺘﺴﻢ : ﻻ ﻳﻤﺔ ﻣﺎﻛﻮ ﺍﺣﺪ ﺑﻴﺴﺎﻓﺮ .. ﻟﻜﻦ ... ﻣﺴﺎﻋﺪ ﻗﺒﻞ ﺟﻢ
ﻳﻮﻡ ﺧﺒﺮﻧﻲ ﺍﻥ ﺍﺑﻮﻱ ﻟﻪ ﻭﺻﻴﺔ .. ﻭﻳﺒﻲ ﻣﻮﻋﺪ ﻭﻳﺎﻧﺎ ﻋﺸﺎﻥ ﻳﻘﻮﻟﻬﺎ
ﻟﻨﺎ ..
ﺍﻡ ﺟﺮﺍﺡ ﺑﺘﻔﻜﻴﺮ : ﻗﻮﻝ ﻟﻪ ﺃﻱ ﻭﻗﺖ ﻣﺎ ﻳﺒﻲ ﺣﻴﺎﻩ ﺍﻟﻠﻪ ﻳﺘﻔﻀﻞ ..
ﺟﺮﺍﺡ : ﻣﺘﻰ ﻳﻨﺎﺳﺒﻜﻢ ..
ﺍﻡ ﺟﺮﺍﺡ : ﻣﺎﺩﺭﻱ ﺃﻱ ﻭﻗﺖ ﻳﺎ ﻭﻟﻴﺪﻱ ﺣﻴﺎﻩ ﺍﻟﻠﻪ .. ﺑﺲ ﺍﺧﺘﻚ .. ﺷﻨﻮ
ﺑﻴﺼﻴﺮ ﻋﻠﻴﻬﺎ؟ ﺍﻗﺼﺪ ﻣﺘﻰ ﺑﺘﻘﻮﻝ ﻟﻬﺎ؟؟
ﺟﺮﺍﺡ : ﺧﻠﻲ ﻓﺎﺗﻦ ﻋﻠﻲ ﻳﺎ ﻳﻤﺔ ... ﺍﻧﺎ ﺍﻟﻠﻲ ﺑﺘﻔﺎﻫﻢ ﻭﻳﺎﻫﺎ ﻋﻠﻰ
ﻫﺎﻟﺴﺎﻟﻔﺔ .. ﻭﺑﺲ ﻫﺎﺍ .. ﻣﺎﺍﺑﻴﻬﺎ ﺗﻌﺮﻑ ﺷﻲ ﻋﻦ ﻫﺎﻟﻤﻮﺿﻮﻉ ﻣﻨﺞ .. ﺍﻧﺎ
ﺍﺑﻲ ﺍﻓﺎﺗﺤﻬﺎ ﻓﻴﻪ ﺍﻭﻝ ﺑﺎﻭﻝ ... ﺍﺗﻔﻘﻨﺎ؟؟
ﺍﻡ ﺟﺮﺍﺡ : ﺍﻟﻠﻲ ﺗﺸﻮﻓﻪ ﻳﺎ ﻭﻟﻴﺪﻱ ..
ﻳﻨﻈﺮ ﺍﻟﻰ ﺍﻟﺴﺎﻋﺔ : ﻓﺪﻳﺖ ﻋﻤﺮﺝ ﻳﻤﻪ ﻳﺎﻟﻠﻪ ﺍﻧﺘﻲ ﻧﺎﻣﻲ ﺍﻟﺤﻴﻦ ..
ﻭﺑﺎﺟﺮ ﻳﺤﻠﻬﺎﺍﻟﻒ ﺣﻼﻝ .. ﻭﺍﻧﺎ ﺑﻌﻄﻲ ﺍﻟﺮﻳﺎﻝ ﻣﻮﻋﺪ ﺍﻳﻴﻨﺎ ﻳﻮﻡ .. ﻳﻮﻡ
ﺍﻻﺭﺑﻌﺎﺀ؟؟ ﺯﻳﻦ ﺟﺬﻱ؟؟
ﺍﻡ ﺟﺮﺍﺡ : ﻋﻠﻰ ﺭﺍﺣﺘﻚ ﻳﺎ ﻳﻤﻪ ..
ﺟﺮﺍﺡ ﺑﺎﺑﺘﺴﺎﻣﺔ : ﻗﻂ ﻗﻠﺖ ﻟﺞ ﺍﺣﺒﺞ؟
ﺍﻡ ﺟﺮﺍﺡ : ﻫﻬﻬﻬﻬﻪ ﻻ ﻭﺍﻟﻠﻪ ﻣﻦ ﺯﻣﺎﻥ ﻣﺎﻗﻠﺖ ﻟﻲ
ﻳﻀﻢ ﺍﻣﻪ ﺑﻘﻮﺓ ﺑﻴﻦ ﺫﺭﺍﻋﻴﻪ : ﺍﺣﺒـــــــﺞ ﻳﻤﺔ .. ﺍﺣﺒـــﺞ ..
ﺍﻡ ﺟﺮﺍﺡ : ﻭﺍﻧﺎ ﺍﻣﻮﺕ ﻓﻴﻚ ﻳﺎ ﻋﻤﺮﻱ ..
ﺟﺮﺍﺡ : ﺗﺼﺒﺤﻴﻦ ﻋﻠﻰ ﺧﻴﺮ ..
ﺍﻡ ﺟﺮﺍﺡ : ﺗﻠﻘﻰ ﺧﻴﺮ ﻳﻤﺔ ..
******************
(ﻳﻮﻡ ﺍﻟﻤﻬﻤﺔ ﺍﻟﻤﺴﺘﺤﻴﻠﺔ .. Mission imposible )
ﻻ ﻣﻔﺮ ﻟﻔﺎﺗﻦ ﺍﻻ ﺍﻥ ﺗﻘﺒﻞ .. ﺍﻣﻲ ﻣﻮﺍﻓﻘﺔ .. ﺍﻧﺎ ﻣﻮﺍﻓﻖ .. ﺧﺎﻟﺪ ﺍﻳﻀﺎ
ﻣﻮﺍﻓﻖ .. ﻻ ﻣﻔﺮ ﻟﻬﺎ .. ﺳﺘﻮﺍﻓﻖ .. ﻭﺍﻥ ﻛﺎﻥ ﻫﺬﺍ ﺍﺧﺮ ﺷﻲ ﺍﻗﻮﻡ ﺑﻪ
ﻓﻲ ﺣﻴﺎﺗﻲ .. ﻻﺑﺪ ﻟﻮﺻﻴﺔ ﻭﺍﻟﺪﻱ ﺍﻥ ﺗﺘﻨﻔﺬ ...
ﻧﺎﻡ ﺟﺮﺍﺡ ﻭﻫﻮ ﻳﺮﺩﺩ ﻫﺬﻩ ﺍﻟﻜﻠﻤﺎﺕ .. ﻭﺍﻟﻤﺴﻜﻴﻦ .. ﻣﻦ ﺷﺪﻳﺪ ﺍﻟﺘﻌﺐ
ﻟﻢ ﻳﻨﺘﺒﻪ ﻟﻨﻔﺴﻪ ﻓﻲ ﺍﻟﻴﻮﻡ ﺍﻻﺧﺮ ﺍﻻ ﺑﻮﻗﺖ ﺻﻼﻩ ﺍﻟﻈﻬﺮ ..
ﻛﺎﻥ ﻛﺎﻟﻤﻴﺖ ﻋﻠﻰ ﻓﺮﺍﺷﻪ .. ﻭﻣﺎ ﺍﻥ ﺳﻤﻊ ﺍﻻﺫﺍﻥ ﺣﺘﻰ ﻓﺰ ﻗﺎﺋﻤﺎ ﻣﻦ
ﻣﻜﺎﻧﻪ؟؟ ﺍﻧﻤﺖ ﻃﻮﻝ ﻫﺬﺍ ﺍﻟﻮﻗﺖ؟؟ ﻳﺎ ﺭﺑﻲ .. ﻛﻢ ﺍﻟﺴﺎﻋﺔ ﺍﻻﻥ؟؟
ﺗﺤﺮﻙ ﺍﻟﻰ ﻧﺎﺣﻴﺔ ﺍﻟﺴﺎﻋﺔ .. ﻭﺑﺎﻟﻔﻌﻞ .. ﺍﻧﻬﺎ ﺍﻟﺤﺎﺩﻳﺔ ﻋﺸﺮ ﻭﺍﻟﻨﺼﻒ ..
ﻗﻢ ﺍﻧﻬﺾ .. ﻓﺎﻟﻴﻮﻡ ﻳﻮﻡ ﺣﺎﻓﻞ ﻟﻚ ..
*****
ﻛﺎﻥ ﻣﺴﺎﻋﺪ ﻓﻲ ﺍﻟﻤﻜﺘﺐ ﻏﻴﺮ ﻗﺎﺩﺭ ﻋﻠﻰ ﺍﻟﻌﻤﻞ .. ﺗﺄﺗﻲ ﺍﻻﻓﻜﺎﺭ ﺑﻪ
ﻭﺗﺬﻫﺐ .. ﻟﻢ ﻳﺘﺼﻞ ﺑﻪ ﺟﺮﺍﺡ ﺣﺘﻰ ﺍﻻﻥ .. ﻗﺎﻝ ﺑﺎﻧﻪ ﺳﻴﺮﺩ ﺍﻟﻴﻮﻡ ..
ﻭﻻ ﺧﺒﺮ ﻋﻨﻪ ﺣﺘﻰ ﻫﺬﻩ ﺍﻟﻠﺤﻈﺔ .. ﺍﻧﻪ ﺍﻻﺫﺍﻥ .. ﺳﺎﻗﻮﻡ ﻭﺍﺻﻠﻲ ..
ﺣﺘﻰ ﻳﺘﺼﻞ .. ﻫﻜﺬﺍ ﺍﻣﻀﻲ ﺍﻟﻮﻗﺖ .. ﻭﻳﻤﻀﻲ ﻋﻨﻲ ..
ﻓﻲ ﻏﺮﻓﺘﻬﺎ ﻛﺎﻧﺖ ﺟﺎﻟﺴﺔ ﺗﺼﻠﻲ .. ﻭﻋﻨﺪﻣﺎ ﺍﻧﺘﻬﺖ .. ﺭﻓﻌﺖ ﻛﻔﻴﻬﺎ
ﺑﺎﻟﺪﻋﺎﺀ ...
( ( ﺍﻟﻠﻬﻢ ﻳﺎ ﻭﺍﺳﻊ ﺍﻟﺮﺣﻤﺔ ﻭﻳﺎ ﻋﺎﻃﻲ ﺍﻟﺼﺒﺮ .. ﺍﻟﻬﻤﻨﺎ ﻳﺎ ﺍﻟﻬﻲ ﺑﺎﻟﺼﺒﺮ
ﺍﻟﺠﻤﻴﻞ ... ﺍﻟﻠﻬﻢ ﻓﺮﺝ ﺍﻣﻮﺭﻧﺎ ﻭﻭﺳﻊ ﺻﺪﺭﻭﻧﺎ ﻭﺍﺭﺯﻗﻨﺎ ﺧﻴﺮﺍ ﻭﺭﺣﻤﻪ ..
ﺍﻟﻬﻲ ﺍﻗﺒﻞ ﺗﻮﺑﺘﻨﺎ .. ﻭﻭﻓﻘﻨﺎ ﻭﺍﻓﺘﺤﻬﺎ ﻋﻠﻴﻨﺎ ﻳﺎﺭﺏ ..
ﺍﺑﺘﺴﻤﺖ ﻭﻇﻬﺮﺕ ﺗﻠﻚ ﺍﻟﻤﺎﺳﺎﺕ ﺍﻟﺒﻴﻀﺎﺀ .. ﻭﺍﻛﻤﻠﺖ
ﻭﻭﻓﺞ ﺟﺮﺍﺣﻮﻭﻭﻭﻭﻭ ﺍﻟﻜﺮﻳﻪ ﻭﻓﺮﺟﻬﺎ ﻋﻠﻴﻪ ﻭﻛﺒﺮﻩ ﺑﺴﺮﻋﺔ ﻋﺸﺎﻥ
ﺍﻳﻨﻲ ﻭﻳﺎﺧﺬﻧﻲ ﻭﺍﺗﺰﻭﺟﻪ ﻭﻳﺘﺰﻭﺟﻨﻲ ﻭﺍﻧﻴﻴﻴﺐ18 ﻛﺘﻜﻮﻭﻭﺕ
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻛﻠﻬﻢ ﺻﻔﺮ ﻣﺎﺑﻲ ﺳﻮﻭﺩ .. ) )
ﻧﻬﻀﺖ ﻣﻦ ﻋﻠﻰ ﺗﻠﻚ ﺍﻟﺴﺠﺎﺩﺓ ﻭﻃﻮﺗﻬﺎ ﻟﺘﺨﺮﺝ ﻣﻦ ﺍﻟﻐﺮﻓﺔ .. ﻭﺍﺫﺍ
ﺑﻠﺆﻱ ﻳﻄﻞ ﻋﻠﻴﻬﺎ
ﻟﺆﻱ : ﺍﻧﺎ ﻫﻨﻴﻴﻴﻴﻴﻴﻴﻴﻴﻴﻴﻴﻲ ﺷﻘﺎﻋﺪﺓ ﺗﺴﻮﻳﻴﻴﻴﻴﻴﻴﻴﻦ ﺗﺤﺸﻴﻦ
ﻓﻴﻨﻲ ...؟؟
ﻣﺮﻳﻢ ﻭﻫﻲ ﺗﻤﺴﻚ ﺑﺼﺪﺭﻫﺎ : ﺑﺴﻢ ﺍﻟﻠﻪ ( ﺗﻐﻀﻨﺖ ﻣﻼﻣﺤﻬﺎ ) ﻗﻮﻝ ﺍﻟﻠﻪ
ﻻ ﻳﺒﺎﺭﺝ ﻓﻲ ﻋﺪﻭﻳﻨﻚ .. ﺍﻧﺖ ﻋﻼﻣﻚ ﺟﺬﻱ ﻫﻴﻠﻖ ﻭﺗﻄﻠﻊ ﻟﻲ ﻣﻦ
ﺗﺤﺖ ﺍﻻﺭﺽ ..
ﻟﺆﻱ : ﺍﻃﻠﻊ ﻣﻦ ﺗﺤﺖ ﺍﻻﺭﺽ .. ﺩﻭﺩﺓ ﻗﺎﻟﻮﻟﺞ .. ﺩﻭﺩﻩ ﻓﻲ ﺑﻄﻦ
ﻋﺪﻭﻳﻨﺞ ... ﻗﻮﻟﻴﻠﻲ ﻣﺮﻳﻮﻭﻭﻡ ...
ﻣﺮﻳﻢ : ﺷﺘﺒﻲ
ﻟﺆﻱ : ﺟﻢ ﻋﻤﺮﺝ ﺍﻧﺘﻲ ﺍﻟﺤﻴﻦ ..
ﻣﺮﻳﻢ : ﻟﻴﺶ ﺗﺒﻲ ﺗﺸﺘﺮﻱ ﻟﻲ ﻫﺪﻳﺔ؟؟ ﻣﻮ ﺍﻟﻴﻮﻡ ﻋﻴﺪ ﻣﻴﻼﺩﻱ
ﻟﺆﻱ ﺑﻨﻘﻤﺔ : ﻭﻳﻪ ﻋﺎﺩ ﺍﻧﺎ ﻣﺘﻰ ﺷﺮﻳﺖ ﻟﺞ ﻫﺪﻳﺔ ﻋﺸﺎﻥ ﺍﻟﻴﻮﻡ ﺍﺳﻮﻱ
ﻫﺎﻟﺸﻲ .. ﺑﺲ ﺍﺳﺎﻟﺞ ﺍﻧﺘﻲ ﺟﻢ ﻋﻤﺮﺝ ..؟
ﻣﺮﻳﻢ : ﺟﺮﻳﺐ ﺑﺼﻴﺮ ..19 ﺑﺸﻬﺮ 10
ﻳﺪﺧﻞ ﻏﺮﻓﺘﻬﺎ ﻭﻳﺠﻠﺲ ﻋﻨﺪ ﺍﻟﻜﺮﺳﻲ ﺑﺘﻔﻜﻴﺮ ﻭﺣﺎﺟﺒﻴﻨﻪ ﻣﻌﻘﻮﺩﺍﻥ :
ﻳﻌﻨﻲ ﺍﻛﺒﺮ ﻣﻨﺞ ﺏ ... (ﻳﻌﺪ ﻋﻠﻰ ﺍﺻﺎﺑﻌﻪ ﺍﻟﺠﺎﻫﻞ ) ﺑﺜﻼﺙ ﺳﻨﻴﻦ ..
ﻣﺮﻳﻢ ﺑﺎﺳﺘﻐﺮﺍﺏ : ﻣﻦ ﻫﺬﻱ؟؟؟
ﻣﻦ ﻏﻴﺮ ﺍﺩﺭﺍﻛﻪ ﺑﺴﺆﺍﻝ ﺍﺧﺘﻪ ﻳﻜﻤﻞ ﻛﻼﻣﻪ : ﺍﻛﺒﺮ ﻣﻨﺞ ﺑﺜﻼﺙ ..
ﻭﺍﻧﺘﻲ ﺍﺻﻐﺮ ﻣﻨﻲ ﺑﺜﻼﺙ .. ﻳﻌﻨﻲ ﻛﺒﺮﻱ ... ﻫﻴﺎﺍﺍﺍﺍﺍﺍﺍﺍﺍﺍﺍ
ﻣﺮﻳﻢ : ﺍﻭﻭﻭﻭﻭﻭﻭﻩ .. ﺷﺴﺎﻟﻔﺔ ..
ﻟﺆﻱ ﻳﺒﺘﺴﻢ ﻟﻬﺎ ﺑﺨﻔﺔ ﻭﺣﺎﺟﺒﻪ ﻣﺮﻓﻮﻉ : ﺗﺪﺭﻳﻦ ﻳﺎ ﻣﺮﻳﻢ ... ﺍﻧﺘﻲ ﻻﺯﻡ
ﺗﻔﺮﺣﻴﻦ ..
ﻣﺮﻳﻢ : ﻭﻱ ﻳﺎ ﺣﺴﺮﺭﺭﺓ ﺍﻓﺮﺡ ﻋﻠﻰ ﺷﻨﻮ .. ﺍﺣﻨﺎ ﻃﺎﻟﻌﻴﻦ ﻣﻦ
ﻫﺎﻟﻤﺼﺎﻳﺐ ﻋﺸﺎﻥ ﻳﺤﺼﻞ ﻟﻨﺎ ﻧﻔﺮﺡ
ﻟﺆﻱ : ﻧﻮ ﻣﺎﻱ ﺩﻳﺮ ﺳﺴﺘﺮ .. ﺍﻟﻴﻮﻡ ﺍﻓﺮﺣﻲ .. ﻻﻥ ﺍﺧﻮﺝ ( ﻳﻬﻨﺪﻡ
ﻧﻔﺴﻪ ) ﻣﺤﺴﻮﺑﺞ ﻟﺆﻱ .. ﺑﻴﺘﺰﻭﺝ ..
ﻟﻢ ﺗﺘﻜﻠﻢ ﻣﺮﻳﻢ ﺑﻞ ﺗﺮﻛﺖ ﻋﻴﻨﻴﻬﺎ ﻣﺘﻤﻌﻨﺘﻴﻦ ﻓﻲ ﺍﺧﻴﻬﺎ ... ﻭﺍﻧﻔﺠﺮﺕ
ﺿﺤﻜﺎ ...
ﻟﺆﻱ ﺍﻟﺬﻱ ﻛﺎﻥ ﻳﺒﺘﺴﻢ ﺗﺠﻬﻤﺖ ﻣﻼﻣﺤﻪ : ﻟﻴﺶ ﺗﻀﺤﻜﻴﻦ
ﻣﺮﻳﻢ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﻫﺎ ﻫﺎ ﻫﺎ
ﻧﻜﺘﻪ ﺣﻠﻮﺓ ﻳﺎ ﺍﺥ ﻟﺆﻱ .. ﻟﻮ ﺳﻤﺤﺖ .. ﻻ ﺗﻘﻮﻝ ﻟﻲ ﻏﻴﺮﻫﺎ .. ﺗﺮﻯ
ﺑﻤﻮﺕ .. ﺑﺸﺮﻕ ﻭﺍﻧﺎ ﺍﺿﺤﻚ ... ﻫﺎﻫﺎﻫﺎﻫﺎﻫﺎﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺑﻨﻈﺮﺍﺕ ﺣﺎﻗﺪﺓ : ﺗﺮﺍﺝ ﺣﻤﺎﺭﺓ .. ﻣﻮ ﻭﻳﻪ ﺍﺣﺪ ﺍﻳﻘﻮﻝ ﻟﺞ ﺷﻲ .. ﻟﻴﺶ
ﺗﻀﺤﻜﻴﻦ
ﻣﺮﻳﻢ ﺑﺼﺮﻳﺢ ﺍﻟﻌﺒﺎﺭﺓ : ﺍﻧﺖ ﻣﻦ ﻭﻳﻦ ﻟﻚ ﺗﺘﺰﻭﺝ .. ﻭﺍﻧﺖ ﻣﻦ ﻣﺘﻰ
ﺗﺤﺐ ﺑﻨﺖ ﻭﺣﺪﺓ .. ﻭﺍﻧﺖ ﻣﻦ ﻣﺘﻯﻯﻯﻰ ﺗﻔﻜﺮ ﺑﺎﻟﺰﻭﺍﺝ .. ﻫﺎﻩ .. ﺍﺻﻼ
ﻣﻦ ﺑﻴﺨﻠﻴﻚ ﺗﺘﺰﻭﺝ .. ﺍﻣﻲ؟؟ ﻻ ﻳﺒﺎ ﺷﻴﻞ ﻫﺎﻟﻔﻜﺮﺓ ﻣﻦ ﺑﺎﻟﻚ .. ﺍﻣﻲ ﻣﺎ
ﺑﺘﺰﻭﺟﻚ ﻗﺒﻞ ﻣﺎ ﻳﺘﺰﻭﺝ ﻣﺴﺎﻋﺪ .. ﻭﺑﻌﺪﻳﻦ ﻣﺎﻛﻮ ﺑﻨﻴﻪ ﻓﻴﻬﺎ .. ﺷﺮﻃﻪ
ﻋﻘﻞ ( ﺑﺎﺻﺒﻌﻬﺎ ) ﺗﺘﺰﻭﺟﻚ .. ﺍﻧﺖ ﺍﺣﻨﺎ ﺍﻟﻠﻲ ﺧﻮﺍﺗﻚ ﻣﻮ ﺷﺎﺩﻳﻨﻚ ..
ﺗﻌﺒﻞ ﻋﻠﻰ ﺑﻨﺖ ﺍﻟﻨﺎﺱ ﻟﻴﺶ ...
ﺗﻤﺴﻚ ﻳﺪﻩ ﻭﺗﺠﺮﻩ ﻟﻠﺨﺎﺭﺝ : ﺗﻜﻔﻰ .. ﺭﻭﺡ ﺩﺍﺭﻙ ﻏﺴﻞ ﻭﻳﻬﻚ ﻭﺗﻮﺿﻰ
ﻭﺭﻭﺡ ﺍﻟﻤﺴﻴﺪ ﻭﺻﻞ .. ﻭﺍﻟﻠﻪ ﻳﻔﺘﺤﻬﺎ ﻋﻠﻴﻚ ..
ﻭﻧﺠﺤﺖ ﺑﺎﺧﺮﺍﺟﻪ ﻭﻫﻮ ﺻﺎﻣﺖ .. ﻭﻋﻨﺪ ﺑﺎﺏ ﺍﻟﻐﺮﻓﺔ ﻗﺒﻞ ﺍﺍﻥ ﺗﻐﻠﻖ
ﺍﻟﺒﺎﺏ ﻓﻲ ﻭﺟﻬﻪ : ﺗﻘﺪﺭ ﺗﻀﻤﻨﻲ ﻳﺎ ﺍﺧﻮﻱ .. ﺍﻧﺎ ﻣﺴﺘﺤﻴﻞ ﺍﻓﺘﺢ ﻫﺎﻟﺜﻢ
ﺩﺍﻡ ﻫﺎﻟﺮﺍﺱ ﻳﺸﻢ ﺍﻟﻬﻮﺍ ﺷﺮﻁ ﺍﻧﻚ ﺗﻨﺴﻰ ﻫﺎﻟﻔﻜﺮﺓ ﺗﻤﺎﻣﺎ ﻻ ﺑﻞ
ﺗﻤﺴﺤﻬﺎ ﻣﻦ ﺧﻴﺎﻟﻚ ﻭﻓﻜﺮﻙ .. ﻻﻥ ﻫﺬﺍ ﺷﻲ ﻣﺴﺘﺤﻴﻞ .. ﻡ ﺱ ﺕ ﺡ
ﻱ ﻝ ... ﻭ ... ﺑﺎﻱ ..
ﺍﻏﻠﻖ ﺍﻟﺒﺎﺏ ﺑﺨﻔﺔ ﻓﻲ ﻭﺟﻪ ﻟﺆﻱ ﺍﻟﻤﻨﺼﺪﻡ ... ﺍﻧﻪ ﻏﻴﺮ ﻣﺼﺪﻕ ﻣﻦ
ﺭﺩﺓ ﻓﻌﻞ ﺍﺧﺘﻪ .. ﻓﻬﻮ ﻟﻢ ﻳﻘﻞ ﻟﻬﺎ ﺷﻴﺌﺎ .. ﻭﺗﻬﺠﻤﺖ ﻋﻠﻴﻪ ﺑﺘﻠﻚ
ﺍﻟﻄﺮﻳﻘﺔ ...
ﻭﻓﺠﺎﺓ ﻓﺘﺢ ﺍﻟﺒﺎﺏ ﻣﺮﺓ ﺍﺧﺮﻯ ﻭﻇﻬﺮﺕ ﻣﺮﻳﻢ ..
ﻣﺮﻳﻢ : ﺑﺎﻟﻤﻨﺎﺳﺒﺔ !! ﺍﻟﻴﻮﻡ ﻳﻮﻡ ﻓﺤﺼﻚ ﻟﻠﺘﻘﻮﻳﻢ ﺍﻟﻠﻲ ﻋﻠﻰ ﻇﺮﻭﺳﻚ ..
ﺭﻭﺡ ﻗﺒﻞ ﻻ ﺗﻨﺴﻰ ..
ﻭﺍﻏﻠﻘﺖ ﺍﻟﺒﺎﺏ ...
ﻭﻇﻞ ﻟﺆﻱ ﻭﺍﻗﻔﺎ .. ﻭﺑﻐﻴﺮ ﻭﻋﻲ .. ﻣﺸﻰ ﺍﻟﻰ ﻏﺮﻓﺘﻪ ﻭﻫﻮ ﻳﻔﻜﺮ ﺑﺮﺩﺓ
ﻓﻌﻞ ﻣﺮﻳﻢ .. ﺍﺫﺍ ﻣﺮﻳﻢ ﺍﻟﺘﻲ ﻫﻲ ﺍﺧﺘﻪ ﺍﻟﺼﻐﻴﺮﺓ ﻛﺎﻧﺖ ﻫﺬﻩ ﺭﺩﺓ
ﻓﻌﻠﻬﺎ .. ﻓﻤﺎﺫﺍ ﺳﺘﻜﻮﻥ ﺭﺩﺓ ﻓﻌﻞ ﺍﻣﻪ ﻭﺍﺧﻴﻪ ... ﺍﻟﻤﻮﺿﻮﻉ ﺑﺤﺎﺟﻪ ﺍﻟﻰ
ﺍﻟﺪﺭﺍﺳﺔ ..
******
ﺗﺮﺭﺭﺭﺭﺭﺭﺭﺭﺭﺭﺭﺭﺭﺭﻥ
ﺗﺮﺭﺭﺭﺭﺭﺭﺭﺭﺭﺭﺭﺭﺭﺭﺭﺭﺭﺭﺭﺭﺭﺭﻥ
ﺗﺮﺭﺭﺭﺭﺭﺭﺭﺭﺭﺭﺭﺭﺭﺭﺭﺭﺭﻥ
ﻛﺎﻧﺖ ﻫﺬﻩ ﻫﻲ ﺍﻟﺮﻧﺎﺕ ﺍﻟﺜﻼﺙ ﺍﻟﻮﺣﻴﺪﺍﺕ ﺑﻬﺎﺗﻒ ﻣﺴﺎﻋﺪ ﺍﻟﺬﻱ ﻛﺎﻥ
ﻳﻨﺘﻈﺮﻫﺎ .. ﻭﻋﻨﺪﻣﺎ ﺗﺎﻛﺪ ﻣﻦ ﺍﻟﺮﻗﻢ ﺍﻟﻤﺘﺼﻞ .. ﺍﺟﺎﺏ ﻋﻠﻴﻪ ﺑﻜﻞ ﺗﺤﻔﻆ
ﻣﺴﺎﻋﺪ : ﺍﻟﻮﻭﻭ ...
ﺟﺮﺍﺡ : ﻫﻼ ﻣﺴﺎﻋﺪ .. ﺷﺨﺒﺎﺭﻙ؟
ﺗﻨﻬﺪ ﻣﺴﺎﻋﺪ ﺑﺮﺍﺍﺍﺍﺍﺍﺍﺍﺍﺣﺔ ﻏﺮﻳﺒﺔ ﺳﺮﺕ ﻓﻲ ﺍﻭﺻﺎﻟﻪ .. ﻭﺍﺧﻴﺮﺍ ..
ﻭﺍﺧﻴﺮﺍ :.. ﻫﻼ ﺟﺮﺍﺡ .. ﺍﺑﺨﻴﺮ ﺍﻟﻠﻪ ﻳﺴﻠﻤﻚ ﻭﺍﻧﺖ ﻛﻴﻒ ﺣﺎﻟﻚ؟
ﺟﺮﺍﺡ : ﻳﺠﻤﻞ ﺣﺎﻟﻚ ﻳﺎﺧﻮﻱ .. ﻫﺎ .. ﻣﺴﺘﻌﺪ؟
ﻣﺴﺎﻋﺪ ﺑﺤﺬﺭ : ﺍﻣﻚ ﻭﺍﻓﻘﺖ؟
ﺟﺮﺍﺡ ﻳﺒﺘﺴﻢ : ﺍﻛﻮﻭ ﺷﻲ ﺟﺮﺍﺡ ﻳﻌﺠﺰ ﻋﻨﻪ .. ﻻ ﻭﺍﻟﺤﺮﻳﻢ ﺑﻌﺪ ..
ﻫﻬﻬﻬﻬﻬﻬﻬﻬﻬﻪ
ﻣﺴﺎﻋﺪ : ﺣﻠﻮﻭﻭﻭﻭ ﻳﺎ ﺟﺮﺍﺡ ... ﺍﻧﺖ ﺳﻮﻳﺖ ﺷﻲ ﻣﻬﻢ ﺻﺮﺍﺣﺔ ﻓﻲ
ﺣﻴﺎﺗﻚ ﻭﻓﻲ ﺣﻴﺎﺓ ﻫﻠﻚ ..
ﺟﺮﺍﺡ : ﺑﻔﻀﻞ ﻧﺼﻴﺤﺘﻚ ﻭﺍﺭﺷﺎﺩﺍﺗﻚ ﻭﺍﻻ ﺍﻧﺎ ﻭﺍﺧﻮﺍﻧﻲ ﻟﻠﺤﻴﻦ ﻣﺎ ﻟﻨﺎ
ﺑﺮ ﻧﺮﺳﻲ ﻋﻠﻴﻪ ..
ﺍﺣﺲ ﻣﺴﺎﻋﺪ ﺍﻧﻪ ﻳﻤﻠﻚ ﺍﻟﺪﻧﻴﺎ ﻓﻲ ﻗﺒﻀﺘﻪ .. ﻭﻫﺬﻩ ﺍﻟﺪﻧﻴﺎ ﻟﻢ ﺗﻜﻦ ﺍﻻ
ﻓﺎﺗﻦ .. ﻓﺎﺗﻦ .. ﺍﻧﺘﻲ ﺑﻴﻦ ﻳﺪﻱ .. ﻻ ﺍﻛﺎﺩ ﺍﺻﺪﻕ ﻫﺬﺍ ﺍﻟﺸﻲ
ﻣﺴﺎﻋﺪ : ﻋﻴﻞ ﻋﻄﻨﻲ ﺍﻟﻤﻮﻋﺪ ﻟﻠﺰﻳﺎﺭﺓ ﻋﺸﺎﻥ ﺍﺭﺗﺐ ﺍﻣﻮﺭﻱ ﻣﻦ ﺍﻟﺤﻴﻦ
ﺟﺮﺍﺡ : ﻭﺍﻟﻠﻪ ﻣﺎﺩﺭﻱ ﺍﻧﺖ ﺃﻱ ﻭﻗﺖ ﺗﺤﺲ ﻧﻔﺴﻚ ﻓﺎﻇﻲ ﻓﻴﻪ ﺣﻴﺎﻙ ..
ﻣﺴﺎﻋﺪ : ﻳﻮﻡ ﺍﻻﺭﺑﻌﺎﺀ ﺍﻧﺎ ﻓﺎﺿﻲ .. ﺗﻌﺮﻑ ﺍﺟﺎﺯﺓ ﻭﻣﺎﻛﻮ ﺩﻭﺍﻡ ..
ﻳﻨﺎﺳﺒﻜﻢ
ﺟﺮﺍﺡ : ﺍﻧﺎ ﻗﻠﺖ ﻳﻮﻡ ﺍﻻﺭﺑﻌﺎﺀ ﺑﻌﺪ .. ﻳﺎﻟﻠﻪ ﻋﻴﻞ .. ﻧﻨﺘﻈﺮﻙ ..
ﻣﺴﺎﻋﺪ : ﺟﺮﺍﺡ ﻣﺜﻞ ﻣﺎ ﻭﺻﻴﺘﻚ .. ﻻ ﺍﺣﺪ ﻣﻦ ﺍﺧﻮﺍﻧﻚ ﻳﻌﺮﻑ
ﻫﺎﻟﺸﻲ ..
ﺟﺮﺍﺡ : ﻻ ﺗﺤﺎﺗﻲ ﻭﻻ ﺗﺤﻂ ﻓﻲ ﺑﺎﻟﻚ ...
ﺍﺗﻰ ﺍﻟﺴﺆﺍﻝ ﺍﻟﺬﻱ ﻛﺎﻥ ﻳﻀﺎﻳﻘﻪ ﻣﻨﺬ ﺑﺪﺀ ﺍﻟﻤﻮﺿﻮﻉ : ﻭﺍﺧﺘﻚ .. ﻣﺎ
ﻛﻠﻤﺘﻬﺎ .. ؟
ﺟﺮﺍﺡ : ﺍﻟﻴﻮﻡ ﺍﻥ ﺷﺎﺀ ﺍﻟﻠﻪ ﺑﻘﻌﺪ ﻭﻳﺎﻫﺎ ﺍﻧﺎ ﻭﺍﻣﻲ ﻭﻭﻟﺪ ﺧﺎﻟﺘﻲ ..
ﻭﺍﻟﻠﻲ ﻓﻴﻪ ﺍﻟﺨﻴﺮ ﺍﻟﻠﻪ ﻳﺠﺪﻣﻪ ..
ﺍﻟﻔﺮﺣﺔ ﻛﺒﻴﺮﺓ ﻓﻲ ﻗﻠﺐ ﻣﺴﺎﻋﺪ .. ﺍﻟﻨﺼﺮ .. ﻣﺎ ﺍﺣﻼﻩ .. ﺣﺘﻰ ﻭﺍﻥ
ﻛﺎﻧﺖ ﻧﺴﺒﺘﻪ ﻣﺘﻮﺳﻄﺔ .. ﺍﻻ ﺍﻧﻪ ﻳﻌﺪ ﻧﺼﺮﺍ .. ﻭﻧﺼﺮﺍ ﻛﺒﻴﺮﺍ ..
ﻣﺴﺎﻋﺪ : ﺧﻴﺮ ﻋﻴﻞ ... ﻳﻮﻡ ﺍﻻﺭﺑﻌﺎﺀ ﺑﺎﻟﻌﺼﺮ ﺍﻧﺎ ﻋﻨﺪﻛﻢ ..
ﺟﺮﺍﺡ : ﺣﻴﺎﻙ ﺍﻟﻠﻪ .. ﻳﺎﻟﻠﻪ ﻋﻴﻞ .. ﺑﺨﺎﻃﺮﻙ
ﻣﺴﺎﻋﺪ : ﻓﻴﺤﻔﻆ ﺍﻟﻠﻪ ﻭﺭﻋﺎﻳﺘﻪ ..
ﺍﻏﻠﻖ ﺟﺮﺍﺡ ﺍﻟﻬﺎﺗﻒ ﻋﻦ ﻣﺴﺎﻋﺪ ﻭﻫﻮ ﻳﻌﺪ ﻧﻔﺴﻪ ﻻﺧﺘﻪ .. ﻓﺎﺗﻦ ..
ﺍﻧﺘﻲ ﻟﻤﻬﻤﺔ ﻣﺴﺘﺤﻴﻠﺔ .. ﻭﻟﻜﻦ .. ﺍﻋﺮﻓﻚ . ﺍﻥ ﻋﺮﻓﺘﻲ ﺍﻥ ﺍﻟﻤﻮﺿﻮﻉ
ﻣﺘﻌﻠﻖ ﺑﺮﺍﺣﺔ ﺍﺑﻲ .. ﻓﺎﻧﺘﻲ ﻟﻦ ﺗﺘﻮﺍﻧﻲ ﻋﻨﻪ ﻳﺎﺍﺧﺘﻲ ﺍﻟﺒﺎﺭﺓ ..
ﻗﺎﻡ ﺟﺮﺍﺡ ﻣﻦ ﺍﻟﺼﺎﻟﺔ ﻭﺗﻮﺟﻪ ﺍﻟﻰ ﺍﻟﺨﺎﺭﺝ ... ﺍﻣﻪ ﻛﺎﻧﺖ ﻗﺪ ﺍﻭﺻﺘﻪ
ﺑﺸﺮﺍﺀ ﺑﻌﺾ ﺍﻻﻏﺮﺍﺽ ﺍﻟﺘﻲ ﻳﺤﺘﺎﺟﻮﻧﻬﺎ .. ﻻ ﺍﻋﺮﻑ ﺍﻥ ﻛﺎﻥ ﻟﻨﺎ ﺭﺍﺗﺒﺎ
ﻣﻌﻴﻨﺎ ﻳﺴﺘﻠﻤﻪ ﻭﺍﻟﺪﻱ .. ﻓﺎﻧﺎ ﻻ ﺍﺫﻛﺮ ﻳﻮﻣﺎ ﻛﻨﺎ ﻓﻴﻪ ﻋﺎﺟﺰﻳﻦ ﻋﻦ
ﺍﻟﻤﺎﻛﻞ ﻭﺍﻟﻤﺸﺮﺏ .. ﺭﻏﻢ ﺑﺴﺎﻃﺘﻪ .. ﺍﻻ ﺍﻧﻪ ﻟﻠﻪ ﺍﻟﺤﻤﺪ ﺗﻮﺍﺟﺪ ﻓﻲ
ﻣﻨﺰﻟﻨﺎ .. ﻳﺎ ﺗﺮﻯ؟؟ ﻣﻦ ﺍﻳﻦ ﻛﺎﻥ ﻳﺎﺗﻲ ﺍﺑﻲ ﺑﺎﻟﻤﺎﻝ؟؟ ﻫﺬﺍ ﺷﺊ ﻟﻴﺲ
ﻣﻬﻤﺎ .. ﻭﻟﻜﻨﻲ ﺳﺄﻓﺘﺢ ﻣﻮﺿﻮﻋﻪ ﻣﻊ ﺍﻣﻲ ﻣﺮﺓ ﺍﺧﺮﻯ ..
ﻛﺎﻥ ﻋﻠﻰ ﻭﺷﻚ ﺍﻥ ﻳﺮﻛﺐ ﺍﻟﺴﻴﺎﺭﺓ ﻭﺍﺫﺍ ﺑﻤﺸﻌﻞ ﻳﻨﺎﺩﻳﻪ .. ﻓﺨﺮﺝ ﻟﻪ
ﻭﻫﻮ ﻳﺒﺘﺴﻢ
ﺟﺮﺍﺡ : ﺷﺪﻋﻮﻭﻭﻭﺓ ﻳﺎﻟﺤﺒﻴﺐ ... ﻻ ﺗﺰﻭﺭ ﻭﻻ ﺷﻲ .. ﻋﻨﺒﻮﻭ ﻫﺎﻟﻮﻳﻪ ﺍﻻ
ﺧﻄﻮﺗﻴﻦ ﻳﻤﻜﻢ
ﻣﺸﻌﻞ ﻳﺒﺘﺴﻢ : ﻫﻼ ﻓﻴﻚ ﺣﺒﻴﺒﻲ .. ﻻ ﻭﺍﻟﻠﻪ ﺑﺲ ﻣﺸﻐﻮﻝ ﻫﺎﻻﻳﺎﻡ ..
ﺗﻌﺮﻑ ﺍﻟﺠﺎﻣﻌﺔ ﻗﺮﻳﺒﺔ ﻭﻻﺯﻡ ﺍﺯﻫﺐ ﺍﻭﺭﺍﻗﻲ .. ﺗﺮﺍﻧﻲ ﻣﻮ ﻛﻮﻳﺘﻲ
ﻋﻨﺪﻫﻢ ﻫﻬﻬﻬﻬﻬﻪ
ﺟﺮﺍﺡ : ﻻ ﻋﺎﺩﻱ ﻳﻮﻡ ﻳﻮﻣﻴﻦ ﻭﺗﻨﺘﻬﻲ ﻫﺎﻟﺸﻜﻠﻴﺎﺕ .. ﺑﺎﻟﻌﺎﺩﺓ ﻣﺎ
ﺗﻄﻮﻝ ..
ﻣﺸﻌﻞ : ﺍﻟﻠﻪ ﻳﺴﻤﻊ ﻣﻨﻚ .. ﺷﺨﺒﺎﺭﻫﻢ ﺍﻟﺒﻴﺖ .. ﻭﺷﺨﺒﺎﺭﻫﺎ ﺍﻟﻮﺍﻟﺪﺓ؟
ﺟﺮﺍﺡ : ﺍﻟﺤﻤﺪ ﻟﻠﻪ ... ﻋﺎﻳﺸﻴﻦ ﺑﻔﻀﻞ ﺍﻟﻠﻪ .. ﺍﻟﺴﻤﻮﺣﺔ ﻣﻨﻚ ﻣﺸﻌﻞ
ﺑﺲ ﺍﻧﺎ ﻣﻀﻄﺮ ﺍﻟﺤﻴﻦ ﺍﻣﺸﻲ
ﻣﺸﻌﻞ ﻳﺒﺘﺴﻢ : ﻫﺎﺍ ... ﺍﺷﺘﺮﻱ ﻟﻲ ﻛﻴﻠﻮ ﺑﺎﻣﻴﺎ ﻭﻻ ﻛﻴﻠﻮ ﺑﻄﺎﻁ .. ﺍﻻ
ﻳﻴﺐ ﻫﺎﻟﺮﺯ ﻭﻻ ﻳﻴﺐ ﻫﺎﻟﻄﺒﺨﺔ
ﺟﺮﺍﺡ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﺎﻱ ﺃﻱ ﻭﺍﻟﻠﻪ ﺻﺮﻧﺎ ﺭﻳﺎﻳﻴﻞ ﺑﻴﻮﺕ ﻭﻋﻠﻴﻨﺎ
ﻣﺴﺌﻮﻟﻴﺎﺕ .. ﺑﺲ ﺗﺼﺪﻕ .. ﺟﺬﻱ ﺍﺣﻠﻰ .. ﺗﺤﺲ ﺭﻭﺣﻚ ﺷﻲ ..
ﻣﺸﻌﻞ : ﺍﺻﺪﻗﻚ .. ﻭﺍﻻ ﺍﻧﻚ ﻣﺘﻮﻟﻪ ﻋﻠﻰ ﺍﻟﻄﻠﻌﺎﺕ ﻭﺍﻟﺪﻳﻮﺍﻧﻴﺎﺕ ..
ﻭﺍﻟﻘﻬﻮﺓ ﻭﺍﻟﺸﻴﺸﺔ
ﺟﺮﺍﺡ : ﺍﺍﺍﺍﺍﺍﺍﺍﺥ ﻻ ﺗﻴﻴﺐ ﻃﺎﺭﻳﻬﺎ .. ﺗﺮﺍﻧﻲ ﻣﻴﺘﻦ ﻋﻠﻴﻬﺎ ...
ﻣﺸﻌﻞ : ﺍﻭﻛﻲ ﻳﺎﻟﻠﺨﻮ .. ﻣﺎ ﻃﻮﻝ ﻋﻠﻴﻚ ...
ﺟﺮﺍﺡ : ﺍﻭﻛﻴﻲ ...
ﻭﻳﺘﺮﻛﻪ ﻣﺸﻌﻞ ﻣﺘﻮﺟﻬﺎ ﻟﻤﻨﺰﻟﻪ .. ﻭﻫﻮ ﻳﻄﻮﻱ ﻳﺪﻳﻪ ﻓﻲ ﺟﻴﺒﻴﻪ
ﻭﻳﺨﺮﺟﻬﻤﺎ ..
ﺟﺮﺍﺡ ﻣﻨﺎﺩﻳﺎ : ﻣﺸﻌﻞ
ﻣﺸﻌﻞ : ﻫﻼ ..
ﺟﺮﺍﺡ : ﺷﺮﺍﻳﻚ ﻓﻲ ﺟﺎﻣﻌﺔ ﻳﻴﻞ؟؟
ﻣﺸﻌﻞ : ﺟﺎﻣﻌﺔ ﻳﻴﻞ؟؟؟ ﺷﻴﺎﺑﻬﺎ ﻟﻤﺨﻚ؟؟
ﺟﺮﺍﺡ ﻭﻫﻮ ﻳﻔﺘﺢ ﺑﺎﺏ ﺍﻟﺴﻴﺎﺭﺓ : ﻻ ﺑﺲ .. ﻓﺎﺗﻦ ﺍﺧﺘﻲ ﻣﺤﺼﻠﺔ ﺑﻌﺜﺔ
ﻟﻬﺎﻟﺠﺎﻣﻌﺔ .. ﻭﺷﻜﻠﻬﺎ ﺑﺘﻮﺍﻓﻖ ﻋﻠﻴﻬﺎ .. ﺑﺲ ﺍﻧﺖ ﻗﻮﻝ ﻟﻲ ﺷﻠﻮﻧﻬﺎ
ﻫﺎﻟﺠﺎﻣﻌﺔ ﺯﻳﻨﺔ ..
ﻟﻨﻌﻴﺪ ﻭﺻﻒ ﻭﺿﻌﻴﺔ ﻣﺸﻌﻞ ﻗﺒﻞ ﺍﻥ ﻳﺴﻤﻊ ﻛﻠﻤﺔ ﻋﻦ ﺳﻔﺮ ﻓﺎﺗﻦ ...
ﻛﺎﻥ ﻭﺍﻗﻔﺎ ﻭﻫﻮ ﻳﺘﻜﺄ ﻋﻠﻰ ﻗﺪﻡ ﺍﻛﺜﺮ ﻣﻦ ﺍﻻﺧﺮﻯ .. ﻭﻋﻨﺪﻣﺎ ﺳﻤﻊ
ﺑﺴﻔﺮ ﻓﺎﺗﻦ ... ﺍﺳﺘﻘﺎﻡ ﻋﻠﻰ ﺭﺟﻠﻴﻪ ... ﻭﺍﻟﺤﻴﺎﻩ ﻏﺎﺑﺖ ﻋﻦ ﻣﺤﻴﺎﻩ ..
ﻓﺎﺗﻦ؟؟؟ ﺗﺴﺎﻓﺮ؟؟؟؟؟
ﺗﻘﺪﻡ ﻟﺠﺮﺍﺡ ﺑﺎﻟﻢ : ﺑﺘﺴﺎﻓﺮ ﺍﺧﺘﻚ؟
ﺟﺮﺍﺡ : ﺃﻱ .. ﻣﻼﻗﻴﺔ ﺑﻌﺜﺔ ﻻﻣﻴﺮﻛﺎ .. ﺑﻬﺎﻟﺠﺎﻣﻌﺔ .. ﻭﻣﺎﺩﺭﻱ .. ﺷﺮﺍﻳﻴﻚ
ﻓﻴﻬﺎ .. ﺯﻳﻨﺔ؟
ﻣﺸﻌﻞ ..: ﺍﻛﻴﺪ .... ﻫﺬﻱ ... ﺛﺎﻧﻲ ﺍﻓﻀﻞ ﺟﺎﻣﻌﺔ ﺑﺎﻣﻴﺮﻛﺎ .. .
ﺍﺑﺘﺴﻢ ﺟﺮﺍﺡ : ﺍﻟﺤﻤﺪ ﻟﻠﻪ .. ﺯﻳﻦ ﻋﻴﻞ .. ﺍﺧﻠﻴﻚ ﺍﻟﺤﻴﻦ ...
ﻟﻢ ﻳﺮﺩ ﻣﺸﻌﻞ .. ﻭﺑﻘﻲ ﻭﺍﻗﻔﺎ ﻓﻲ ﻣﻨﺘﺼﻒ ﺍﻟﻄﺮﻳﻖ .. ﻣﺮ ﻋﻠﻴﻪ ﺟﺮﺍﺡ
ﻭﻏﺎﺩﺭ .. ﻭﺑﻘﻲ ﻫﻮ ﻋﻠﻰ ﺍﻟﻄﺮﻳﻖ .. ﺗﻀﺮﺑﻪ ﺍﻟﺸﻤﺲ ﻓﻲ ﻗﻤﺔ ﺭﺍﺳﻪ ..
ﻭﺑﻘﻲ ﻋﻠﻰ ﺍﻟﻄﺮﻳﻖ ..
ﺗﻬﻴﺠﺖ ﻛﻞ ﺍﻋﺼﺎﺑﻪ ﻭﺣﻮﺍﺳﻪ .. ﺗﺸﻨﺠﺖ ﺍﻭﺭﺩﺗﻪ ... ﻭﻇﺎﻗﺖ ﻧﻔﺴﻪ
ﺑﻌﻨﻒ .. ﻳﺎ ﻟﻠﺼﻮﺍﻋﻖ .. ﻳﺎ ﻟﻠﻬﻮﻝ .. ﻓﺎﺗﻦ ﻣﻐﺎﺩﺭﺓ .. ﺳﺘﺴﺎﻓﺮ؟؟ ﺍﻧﻬﺎ
ﻣﻐﺎﺩﺭﺓ ﻋﻨﻲ .. ﻛﻴﻒ ﺍﻧﻰ ﻟﻬﺎ .. ﺍﻥ ﺗﺬﻫﺐ ﻭﺗﺘﺮﻛﻨﻲ .. ﻛﻴﻒ؟؟؟
ﺗﻮﺟﻪ ﺑﺒﺼﺮﻩ ﺍﻟﻰ ﻧﺎﻓﺬﻩ ﻏﺮﻓﺘﻬﺎ ... ﻻﺑﺪ ﻭﺍﻧﻬﺎ ﻫﻨﺎﻙ ... ﻋﻤﺮﺕ ﻓﻲ
ﻗﻠﺒﻪ ﺍﻻﻣﻨﻴﺔ ﺍﻟﻤﺠﻨﻮﻧﻪ ﺑﺎﻥ ﻳﺼﻌﺪ ﻟﻴﺮﺍﻫﺎ .. ﻭﻳﻜﻠﻤﻬﺎ .. ﻻ ﺑﻞ ﻳﻌﻨﻔﻬﺎ ...
ﻛﻴﻒ ﺟﺎﺯ ﻟﻬﺎ ﺍﻻﻣﺮ ﺑﺎﻥ ﺗﺬﻫﺐ ﻋﻨﻪ ﻭﺗﺘﺮﻛﻪ ﺑﻌﺪ ﺍﻥ ﻟﻘﻴﻬﺎ ﻓﻲ
ﺣﻴﺎﺗﻪ .. ﻛﻴــﻒ؟؟ ﻫﻲ ﻭﻫﻲ ﺍﻟﺘﻲ ﺗﺤﺒﻪ .. ﻫﺎ ﻫﻲ ﻋﻠﻰ ﻭﺷﻚ ﺍﻥ
ﺗﺬﻫﺐ ﻭﺗﺘﺮﻛﻪ ..
ﻟﻢ ﻳﻌﺮﻑ ﺃﻱ ﻃﺮﻳﻘﺎ ﻟﻬﺎ .. ﻳﺮﻳﺪ ﺍﻥ ﻳﺘﻜﻠﻢ ﻣﻌﻬﺎ ﺑﺎﻱ ﻃﺮﻳﻘﺔ .. ﻻﺑﺪ
ﻭﺍﻥ ﻳﻜﻠﻤﻬﺎ ﻗﺒﻞ ﺍﻥ ﺗﺘﺨﺬ ﻫﺬﺍ ﺍﻟﻘﺎﺭ ﺍﻟﻤﺠﻨﻮﻥ ﺑﺘﺮﻛﻪ .. ﻻ ﺍﺳﺘﻄﻴﻊ ﺍﻥ
ﺍﺻﺪﻕ ﻫﺬﺍ ﺍﻟﺸﻲ .. ﻓﺎﺗﻦ ﺗﺘﺮﻛﻨﻲ؟؟؟ ﻓﺎﺗﻦ ﺗﻬﺠﺮﻧﻲ؟؟؟ ﻻ ﺍﺭﻳﺪ ﻫﺬﺍ ..
ﻳﺎ ﻭﻳﻠﻲ .. ﻻ ﺍﻃﻴﻖ ﻫﺬﺍ ..
ﺩﺧﻞ ﻣﻨﺰﻟﻬﻢ ﻭﺍﻟﺪﻧﻴﺎ ﺗﻤﻮﺝ ﺑﻌﻴﻨﻴﻪ .. ﺩﻭﺍﺭ ﺷﺪﻳﺪ ﺩﺍﻫﻤﻪ ﻭﻫﻮ ﻳﺮﻛﺐ
ﺍﻟﺪﺭﺝ .. ﻻ ﻳﻌﺮﻑ ﻣﺎ ﺳﺒﺒﻪ .. ﻭﻛﺄﻥ ﺍﻟﻌﺎﻟﻢ ﺑﺎﺳﺮﻩ ﻗﺪ ﺗﺪﺍﻋﻲ ﻭﺳﻘﻂ
ﻋﻠﻰ ﻛﺘﻔﻴﻪ .. ﻣﺤﻤﻼ ﺍﻳﺎﻩ ﻣﺼﻴﺒﺔ ﻭﻻ ﻛﻞ ﺍﻟﻤﺼﺎﺋﺐ .. ﻓﺎﺗﻦ ﻣﻐﺎﺩﺭﺓ ..
ﺍﻧﻬﺎ ﻣﻐﺎﺩﺭﺓ ...
ﺍﻧﺘﺎﺑﺘﻪ ﻣﺸﺎﻋﺮ ﻏﺮﻳﺒﺔ ﻗﺒﻞ ﺍﻳﺎﻡ .. ﻟﻢ ﺗﻜﻦ ﺟﻴﺪﺓ ﺍﺑﺪﺍ .. ﺍﻻ ﺍﻧﻪ ﺍﺑﻌﺪﻫﺎ
ﺑﺬﻛﺮﺍﻩ ﺍﻟﺒﺴﻴﻄﺔ ﻣﻦ ﻓﺎﺗﻦ .. ﻭﻣﻦ ﻛﻠﻤﺎﺗﻬﺎ ﺍﻟﺸﺠﻴﺔ ﻭﻣﻦ ﻧﻈﺮﺗﻬﺎ ﺗﻠﻚ
ﺍﻟﺘﻲ ﺍﻏﺪﻗﺘﻪ ﺑﻬﺎ ﻋﻨﺪﻣﺎ ﻛﺎﻥ ﻭﺍﻗﻔﺎ ﻋﻨﺪ ﺑﺎﺏ ﻣﻨﺰﻟﻬﺎ .. ﻛﻴﻒ ﻫﺬﺍ ..؟
ﻭﻫﻞ ﺳﻤﺎﺀ ﻋﻠﻰ ﻋﻠﻢ ﺑﻪ ..؟؟
ﺑﻬﺬﻩ ﺍﻟﻔﻜﺮﺓ ﺍﺳﺮﻉ ﻋﻠﻰ ﺍﻟﺪﺭﺝ ﻣﺘﻮﺟﻬﺎ ﺍﻟﻰ ﻏﺮﻓﺘﻬﺎ ...
ﺍﻻﺧﺮﻯ ﻛﺎﻧﺖ ﺟﺎﻟﺴﺔ ﻭﻫﻲ ﺗﺴﺘﻤﻊ ﻟﻠﻤﻮﺳﻴﻘﻰ ﺑﻮﺿﻊ ﺍﻟﺴﻤﺎﻋﺎﺕ ﻋﻠﻰ
ﺍﺫﻧﻴﻬﺎ ..
ﻳﺮﻓﻌﻬﺎ ﻣﺸﻌﻞ ﻋﻨﻬﺎ : ﺍﻧﺘﻲ ﻛﻨﺘﻲ ﺗﺪﺭﻳﻦ؟
ﺳﻤﺎﺀ ﺑﺎﻧﺰﻋﺎﺝ ﻭﺍﺿﺢ : ﺍﻭﻭﻩ ﻣﺸﻌﻞ ﺷﻬﺎﻟﺘﺼﺮﻓﺎﺕ؟
ﻣﺸﻌﻞ ﺑﺎﻟﻢ : ﺟﺎﻭﺑﻴﻨﻲ ﻛﻨﺘﻲ ﺗﺪﺭﻳﻦ؟
ﺳﻤﺎﺀ : ﻻ ﻣﺎﺍﺩﺭﻱ ﻫﺎﺕ ﺍﻟﺴﻤﺎﻋﺎﺕ؟
ﻣﺸﻌﻞ ﺑﺎﻟﻢ ﺍﻛﺒﺮ : ﺳﻤﺎﺀ ﻓﺎﺗﻦ ﺑﺘﺴﺎﻓﺮ ﺑﺮﻩ ﺍﻟﻜﻮﻳﺖ ﻛﻨﺘﻲ ﺗﺪﺭﻳﻦ
ﺑﻬﺎﻟﺸﻲ ﻭﻻ ﻻﺀ؟
ﺍﻧﺘﺒﻬﺖ ﻓﺎﺗﻦ ﻟﻜﻼﻣﻪ ﻭﺍﻧﺼﺪﻣﺖ ﺍﻻﺧﺮﻯ : ﺷﻨﻮ؟؟؟ ﺑﺘﺴﺎﻓﺮ؟؟؟ ﻭﻳﻦ
ﺑﺘﺮﻭﺡ
ﺟﻠﺲ ﻣﺸﻌﻞ ﺑﻘﻠﺔ ﺣﻴﻠﺔ : ﺑﺘﺮﻭﺡ ﺍﻣﻴﺮﻛﺎ .. ﺗﺪﺭﺱ ﻫﻨﺎﻙ؟
ﺳﻤﺎﺀ ﺑﻐﺒﺎﺀ : ﺍﻣﻴﺮﻛﺎ؟؟ ﻭﻟﻴﺶ؟؟ ﻣﻮ ﺗﻮﻙ ﺍﻧﺖ ﺭﺍﺩ ﻣﻦ ﻫﻨﺎﻙ؟
ﻣﺸﻌﻞ : ﻣﺎﺩﺭﻱ ... ﺳﻤﺎﺀ .. ﺑﻤﻮﺕ ﻳﺎﺧﺘﻲ ﺑﻤﻮﺕ .. ﺣﺎﺱ ﺍﻥ ﺍﻟﺪﻧﻴﺎ
ﻃﺎﺣﺖ ﻛﻠﻬﺎ ﻋﻠﻰ ﺭﺍﺳﻲ ( ﻳﻤﺴﻚ ﺭﺍﺳﻪ ﻛﻤﻦ ﺍﻧﺘﺎﺑﻪ ﺻﺪﺍﻉ ﺍﻟﻴﻢ )
ﺗﻘﺮﺑﺖ ﻣﻨﻪ ﺳﻤﺎﺀ ﺑﺤﻨﺎﻥ : ﻳﺎ ﺑﻌﺪ ﻋﻤﺮﻱ ﻳﺎ ﺧﻮﻱ .. ﺳﻼﻣﺘﻚ ﻣﺎ
ﺗﺸﻮﻑ ﺷﺮ .. ﺑﺲ .. ﺍﻧﺖ ﻣﺘﺎﻛﺪ ﻣﻦ ﻫﺎﻟﺸﻲ؟؟ ﻭﺑﻌﺪﻳﻦ .. ﻓﺎﺗﻦ
ﻣﺴﺘﺤﻴﻞ ﺗﻄﻠﻊ ﺑﺮﻩ ﺍﻟﻜﻮﻳﺖ ..
ﻣﺸﻌﻞ ﻳﻠﺘﻔﺖ ﺑﻠﻬﻔﺔ : ﺷﺪﺭﺍﺝ؟؟؟ ﺍﻫﻲ ﻗﺎﻟﺖ ﻟﺞ ﻋﻦ ﺍﻟﻤﻮﺿﻮﻉ
ﺳﻤﺎﺀ : ﻻ ﻣﺎ ﻗﺎﻟﺖ ﻟﻲ ﺑﺲ ﻓﺎﺗﻦ ﻣﺴﺘﺤﻴﻴﻴﻴﻴﻴﻴﻴﻴﻴﻴﻴﻞ ﺗﺘﺮﻙ ﺍﻫﻠﻬﺎ
ﻭﺍﺧﻮﺍﻧﻬﺎ ﻭﺗﺴﺎﻓﺮ .. ﻫﺎﻟﺸﻲ ﻣﻮ ﻃﺒﻴﻌﻲ ﻭﻻ ﻳﺪﺵ ﺍﻟﻌﻘﻞ ..
ﻣﺸﻌﻞ ﺗﻌﻮﺩ ﻟﻪ ﺍﻻﺍﻻﻡ .. ﺗﻌﻠﻖ ﺑﺎﻣﻞ ﻣﺎ ﺍﺳﺮﻉ ﺯﻭﺍﻟﻪ : ﺑﺲ ﺟﺮﺍﺡ ﻛﺎﻥ
ﻣﺘﺎﻛﺪ ﻣﻦ ﺳﻔﺮﻫﺎ .. ﻭﻓﺮﺣﺎﻥ ﻋﻠﻴﻪ ... ﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺥ ﻳﺎ ﺭﺑﻲ
ﻳﺎﺭﺑﻴﻴﻴﻴﻴﻲ
ﻗﺎﻡ ﻣﻦ ﻣﻜﺎﻧﻪ ﺑﻘﻬﺮ ... ﻳﻀﺮﺏ ﺑﺎﻟﺮﺍﺣﺘﻴﻦ ﻭﻫﻮ ﻻ ﻳﻌﺮﻑ ﺳﺒﻴﻼ ﻟﻬﺎ ...
ﻭﺑﺪﻯ ﻛﻤﻦ ﻟﻤﻌﺖ ﻓﻲ ﻣﺨﻴﻠﺘﻪ ﻓﻜﺮﻩ ﺭﺍﺋﻌﺔ؟
ﻣﺸﻌﻞ : ﺳﻤﻮﻱ .. ﺭﻭﺣﻲ ﻟﻬﺎ .. ﺭﻭﺣﻲ ﻟﻬﺎ ﻭﺳﺎﻟﻴﻬﺎ ؟
ﺳﻤﺎﺀ : ﺷﻨﻮ ﺷﻨﻮ ﺷﻨﻮ؟؟ ﺍﻧﺎ ﺷﻜﻮﻭﻭ ﺍﺭﻭﺡ ﻟﻬﺎ .. ﻳﺎﺧﻲ ﻣﺎﺑﻲ ﺍﺗﺪﺧﻞ
ﻓﻲ ﺷﺌﻮﻧﻬﺎ .. ﺷﺒﺘﻘﻮﻝ ﻋﻨﻲ؟؟ ﺍﻛﻴﺪ ﺑﺘﻌﺮﻑ ﺍﻧﻚ ﺍﻧﺖ ﺍﻟﻠﻲ ﺩﺍﺯﻧﻲ ..
ﻣﺸﻌﻞ ﻳﺠﻠﺲ ﻋﻨﺪ ﺍﺧﺘﻪ ﺑﺘﻮﺳﻞ : ﺳﻤﺎﺀ ﺗﻜﻔﻴﻴﻴﻴﻦ ﻳﺎﺍﺧﺘﻲ ﻭﺍﻟﻠﻪ
ﺑﻤﻮﺕ ﺍﻧﺎ ..
ﺳﻤﺎﺀ ﺑﻌﺠﺰ : ﺑﺲ ﻣﺎﻗﺪﺭ ﺍﺭﻭﺡ ﻟﻬﺎ ﻳﺎ ﻣﺸﻌﻞ ... ﺗﺨﻴﻞ ﺑﺲ ﻟﻮ ﺍﺭﻭﺡ
ﻟﻬﺎ ﻭﺍﻗﻮﻝ ﻟﻬﺎ ( ﺗﻤﺜﻞ ﻭﻛﺎﻧﻬﺎ ﺫﻫﺒﺖ ﺍﻟﻴﻬﺎ ) ﻫﻼ ﻓﺎﺗﻦ ﺷﻠﻮﻧﺞ
ﺷﺨﺒﺎﺭﺝ؟؟ ﺍﻧﺘﻲ ﻣﻦ ﺻﺠﺞ ﺑﺘﺴﺎﻓﺮﻳﻦ ﺍﻣﻴﺮﻛﺎ ..
ﻣﺸﻌﻞ : ﻣﻮ ﺟﺬﻱ ﻣﻮ ﺷﺮﻁ ﺑﻬﺎﻟﻄﺮﻳﻘﺔ .. ﺭﻭﺣﻲ ﻟﻬﺎ ﺳﻮﻟﻔﻲ ﻣﻌﺎﻫﺎ
ﺍﺧﺬﻱ ﻭﻋﻄﻲ ﺑﺎﻟﻜﻼﻡ .. ﻭﺑﺎﻟﺴﻮﺍﻟﻒ ﺍﻳﻲ ﻫﺎﻟﻤﻮﺿﻮﻉ
ﻳﻠﺘﻔﺖ ﻋﻦ ﺍﺧﺘﻪ
ﺍﺥ ﻳﺎ ﺭﺑﻲ ﻟﻮ ﻓﻴﻨﻲ ﺑﺲ ﺍﺩﺧﻞ ﻟﻬﺎ ﺍﻟﺒﻴﺖ ... ﻟﻮﻭﻭﻭﻭﻭﻭﻭﻭﻭﻭﻭﻭﻭ
ﻋﻠﻰ ﻋﻜﺲ ﺗﻮﻗﻌﺎﺗﻜﻢ ﻓﺴﻤﺎﺀ ﻛﺎﻧﺖ ﺟﺰﺋﻴﺎ ﻓﺮﺣﺔ ﺑﻤﺎ ﻗﺎﻟﻪ ﻣﺸﻌﻞ ﻋﻦ
ﺫﻫﺎﺏ ﻓﺎﺗﻦ ﻟﻠﺪﺭﺍﺳﺔ .. ﻓﻬﺬﻩ ﻓﺮﺻﺔ ﻋﻈﻴﻤﺔ ﻟﻢ ﺗﻜﻦ ﻓﺎﺗﻦ ﻟﺘﺤﺼﻞ
ﻋﻠﻴﻬﺎ ﻭﻻ ﺑﻌﺪ ﻣﻠﻴﻮﻥ ﺳﻨﺔ .. ﻭﻟﻜﻦ ﻻﻧﻬﺎ ﻃﺎﻟﺒﺔ ﻣﺠﺘﻬﺪﺓ ﻟﻘﻴﺖ ﻣﺎ
ﺻﺒﺮﺕ ﻟﻪ .. ﺍﻟﺤﻤﺪ ﻟﻠﻪ ﺭﺏ ﺍﻟﻌﺎﻟﻤﻴﻦ ..ﻟﻜﻦ ﻣﺸﻌﻞ ﻻ ﻳﻤﻠﻚ ﺍﺩﻧﻰ ﺣﻖ
ﺑﻤﺜﻞ ﻫﺬﻩ ﺍﻟﺮﺩﺓ ﻟﻠﻔﻌﻞ .. ﻳﺒﺪﻭ ﻛﺎﻟﻤﻐﺪﻭﺭ ﺑﻪ ﺍﻭ ﻛﺎﻟﻤﻄﻌﻮﻥ .. ﻭﻫﻮ
ﺍﻟﺬﻱ ﻟﻢ ﻳﺘﻘﺪﻡ ﺧﻄﻮﺓ ﻭﺍﺣﺪﺓ ﻟﻠﺪﻓﺎﻉ ﻋﻦ ﺣﺒﻪ ﻟﻬﺎ ..
ﻣﺸﻌﻞ ﻭﺍﻻﻟﻢ ﻳﻀﺞ ﺑﻮﺟﻬﻪ : ﻫﺎ ﺳﻤﺎﺀ ﺷﻘﻠﺘﻲ؟؟
ﺍﺷﺎﺣﺖ ﺑﻨﻈﺮﻫﺎ ﻋﻨﻪ : ﻻ ... ﻭﺑﻴﻨﻲ ﻭﺑﻴﻨﻚ .. ﺧﻠﻬﺎ ﺗﺮﻭﺡ ... ﺗﺸﻮﻑ
ﻣﺴﺘﻘﺒﻠﻬﺎ .. ( ﺗﻨﻈﺮ ﺍﻟﻴﻪ ﻣﺮﺓ ﺍﺧﺮﻯ ) ﺍﻟﻠﻲ ﻣﻼﻗﻴﺘﻪ ﻓﺎﺗﻦ ﺍﻟﻴﻮﻡ
ﻣﺴﺘﺤﻴﻞ ﻛﺎﻧﺖ ﺗﻼﻗﻴﻪ ﻭﻻ ﺑﻌﺪ ﺍﻟﻒ ﺳﻨﺔ .. ﻓﻠﻴﺶ ﺍﻧﺖ ﻳﺎﻱ ﺍﻟﺤﻴﻦ
ﺗﺨﺮﺏ ﻫﺎﻟﻔﺮﺻﺔ ﻋﻠﻴﻬﺎ ...
ﻣﺸﻌﻞ ﺑﺼﺪﻣﺔ : ﺍﻧﺎ؟؟؟؟؟ ﺍﺧﺮﺏ ﻋﻠﻴﻬﺎ؟؟؟؟ ﺍﻧﺘﻲ ﺷﻘﺎﻋﺪﺓ ﺗﻘﻮﻟﻴﻦ
ﺳﻤﺎﺀ : ﺍﻟﺼﺞ ... ﻗﺎﻋﺪﺓ ﺍﻗﻮﻝ ﻟﻚ ﺍﻟﺼﺞ .. ﻳﺎﺧﻲ ﺧﻠﻬﺎ ﺗﺮﻭﺡ ﻭﺷﻮﻑ
ﻣﺴﺘﻘﺒﻠﻬﺎ .. ﺧﻠﻬﺎ ﺗﺮﻭﺡ ﻭﺗﺒﻨﻲ ﻫﺎﻟﻄﺎﻗﺔ ﺍﻭ ﻫﺎﻟﻌﻘﻞ ﺍﻟﻠﻲ ﺍﻫﻲ ﺣﺎﺑﻪ
ﺗﻨﻤﻴﻪ .. ﻻ ﺗﺼﻴﺮ ﻟﻬﺎ ﺣﺎﺟﺰ ﻳﺎ ﻣﺸﻌﻞ .. ﻻ ﺗﻜﻮﻥ ﺣﺎﺟﺰ ..
ﻗﻄﻌﻬﺎ ﻣﺸﻌﻞ : ﺑﺲ ﺧﻼﺹ ... ﻳﻌﻨﻲ ﺍﻧﺎ ﺟﺬﻱ ﺑﻌﻴﻮﻧﺞ ﻳﺎ ﺳﻤﺎﺀ ...
( ﺑﺎﻟﻢ ﻳﺸﻴﺮ ﻋﻠﻰ ﻧﻔﺴﻪ ) ﺍﻧﺎ ﺣﺎﺟﺰ ﻟﻔﺎﺗﻦ؟؟؟ ﻳﺼﻴﺮ ﺧﻴﺮ ... ﻟﻜﻦ
ﺍﻟﻐﻠﻂ ﻣﻮ ﻣﻨﺞ ﺍﻧﺘﻲ .. ﺍﻟﻐﻠﻂ ﻣﻨﻲ ﺍﻧﺎ ﺍﻟﻠﻲ ﻳﺎﻳﻠﺞ ﺍﻃﻠﺐ ﻣﻨﺞ ﺷﻲ ..
ﻣﺎ ﺩﺭﻳﺖ ﺍﻥ ﺍﻟﻄﻠﺐ ﻋﻨﺪﺝ ﻣﺬﻟﺔ ...
ﻭﺧﺮﺝ ﻣﻦ ﻏﺮﻓﺘﻬﺎ ﻭﻫﻮ ﻳﺸﺮﻉ ﺍﻟﺒﺎﺏ ﺑﺎﻟﻘﻮﺓ ... ﻏﻴﺮ ﻋﺎﺑﺊ ﺍﺫﺍ ﺗﻜﺴﺮ
ﺍﻭ ﺗﻬﺸﻢ .. ﺍﻟﻤﻬﻢ ﺍﻧﻪ ﻳﻨﻔﺲ ﻋﻦ ﻏﻀﺒﻪ ﺍﻟﻌﺎﺭﻡ ... ﻭﻇﻠﺖ ﺳﻤﺎﺀ
ﻟﻮﺣﺪﻫﺎ .. ﺣﺰﻳﻨﺔ .. ﻋﻠﻰ ﺍﺧﻴﻬﺎ .. ﻭﻋﻠﻰ ﺍﺧﺘﻬﺎ ﺍﻟﺘﻲ ﻟﻢ ﺗﺘﻬﻨﻰ ﺑﻬﺎ
ﻛﺜﻴﺮﺍ .. ﻟﺘﺴﺎﻓﺮ ﻭﺗﺒﺘﻌﺪ ﻋﻨﻬﺎ ...
ﻓﻲ ﺑﻴﺖ ﻓﺎﺿﻞ ﻭﺑﺎﻟﺘﺤﺪﻳﺪ ﻓﻲ ﺍﻟﻤﺠﻠﺲ .. ﺍﻟﻘﻠﺐ ﺍﻟﺠﺮﻳﺢ ﺟﺎﻟﺲ
ﺑﺎﻟﻢ .. ﻳﻨﻈﺮ ﺍﻟﻰ ﺍﻟﺴﻘﻒ ﺑﻨﻈﺮﺍﺕ ﻓﺎﺭﻏﺔ ﻻ ﻣﻌﻨﻰ ﻟﻬﺎ .. ﻟﻢ ﻳﻜﻦ ﻓﻲ
ﻗﻠﺒﻪ ﺃﻱ ﺍﻣﻨﻴﺔ ﺍﻭ ﺭﻏﺒﺔ ﻓﻲ ﺍﻥ ﻳﻐﻴﺮ ﻣﻦ ﺣﻴﺎﺗﻪ .. ﻭﻟﻜﻢ ﻛﺎﻧﺖ
ﺍﻻﻣﻨﻴﺎﺕ ﻋﻈﻴﻤﺔ ﻗﺒﻞ ﺍﻣﺲ .. ﻭﺍﻟﻴﻮﻡ .. ﺍﻟﺒﺎﻝ ﻣﻔﺮﻍ .. ﻭﺍﻟﻘﻠﺐ ..
ﺟﺮﻳﺢ ﻭﻳﺪﻣﻲ ﺍﻟﻤﺎ .. ﻟﻜﻦ .. ﻫﺬﻩ ﺭﻏﺒﺘﻚ ﻳﺎﺭﺏ ﺍﻟﻌﺎﻟﻤﻴﻦ .. ﻻ ﺍﺣﺪ
ﻳﻌﺮﻑ ﻣﺼﻴﺮﻩ ﻭﻻ ﻳﻌﺮﻑ ﻣﺸﻴﺌﺔ ﺭﺑﻪ ﻣﻦ ﻛﻞ ﻫﺬﻩ ﺍﻻﻣﻮﺭ .. ﺛﻘﺘﻲ ﺑﻚ
ﻓﻈﻴﻌﺔ ﻳﺎ ﺍﻟﻬﻲ .. ﺍﻧﺖ ﺗﺒﻌﺚ ﻟﻲ ﺭﺳﺎﻟﺔ ﺑﻬﺬﻩ ﺍﻟﻤﺼﻴﺒﺔ .. ﻟﻜﻦ .. ﻫﻞ
ﺍﻧﺎ ﻣﺴﺘﻌﺪ ﻟﻬﺎ؟؟؟
ﺩﻣﻌﺔ ﻧﺎﻋﻤﺔ ﺳﺮﺕ ﻋﻠﻰ ﺧﺪﻩ ﺍﻟﻨﺤﻴﻞ ﺍﻻﺳﻤﺮ .. ﺍﺑﺘﺴﻢ ﻋﻨﺪﻣﺎ ﺩﺍﻋﺐ
ﺷﻔﺎﻫﻪ ﻭﻣﺴﺤﻬﺎ ﺑﻈﻬﺮ ﻛﻔﻪ .. ﺩﻣﻌﺔ ﺷﻘﻴﺔ .. ﺷﻘﺖ ﻃﺮﻳﻘﻬﺎ ﻟﺸﻔﺎﺗﻲ
ﻭﻛﺎﻧﻬﺎ ﻋﻠﻰ ﺍﻟﺮﻏﻢ ﻣﻦ ﺣﺰﻧﻲ ﺗﺮﻳﺪ ﺍﻥ ﺗﻀﺤﻜﻨﻲ .. ﻣﺎ ﺍﺷﻘﺎﻙ ﻣﻦ
ﺩﻣﻌﺔ ..
ﻭﺗﺬﻛﺮ ﺳﻤﺎﺀ .. ﺗﻠﻚ ﺍﻟﺼﺒﻴﺔ ﺍﻟﺸﻘﻴﺔ .. ﻣﺎ ﺍﺷﺪ ﺍﻟﺸﺒﻪ ﺑﻴﻦ ﻫﺬﻩ ﺍﻟﺪﻣﻌﺔ
ﻭﺳﻤﺎﺀ .. ﺍﻻﺛﻨﺘﺎﻥ ﺩﺧﻠﺘﺎ ﺣﺰﻧﻪ ﻭﺣﻮﻟﺘﻬﻤﺎ ﺍﻟﻰ ﺿﺤﻚ ﻭﺍﺑﺘﺴﺎﻡ .. ﻭﺍﻧﺎ
ﺍﻟﺬﻱ ﻛﻨﺖ ﺍﺗﺸﺎﺟﺮ ﻣﻌﻬﺎ ﻛﻞ ﻣﺎ ﺭﺃﻳﺘﻬﺎ .. ﻣﺴﻜﻴﻨﺔ .. ﻻﺑﺪ ﻭﺍﻥ ﺍﻋﺘﺬﺭ
ﻟﻬﺎ ﻋﻨﺪﻣﺎ ﺍﺭﺍﻫﺎ ﻣﺮﺓ ﺍﺧﺮﻯ ..
ﻭﻳﺮﻥ ﺟﻬﺎﺯﻩ ﺍﻟﻤﺤﻤﻮﻝ ... ﺍﻧﻪ ﺟﺮﺍﺡ ... ﻣﺎﺫﺍ ﻳﺮﻳﺪ؟؟ ﺍﻭﻭﻭﻭﻑ ﻻ
ﺍﺭﻳﺪ ﺍﻥ ﺍﺫﻫﺐ ﻟﻤﻨﺰﻟﻬﻢ .. ﻻ ﺍﺗﺤﻤﻞ ﺍﻥ ﺍﻛﻮﻥ ﻫﻨﺎﻙ ﺩﻗﻴﻘﺔ ﻭﺍﺣﺪﺓ
ﻭﺍﻧﺎ ﺍﻋﺮﻑ ﺑﺬﻫﺎﺏ ﻓﺎﺗﻦ ﺑﻌﻴﺪﺍ ﻋﻨﻲ ... ﻻ ﺍﺭﻳﺪ ...
ﻭﺻﻤﺖ ﺍﻟﻬﺎﺗﻒ ...
ﻭﻋﺎﺩ ﻟﻠﺮﻧﻴﻦ ﻣﺮﺓ ﺍﺧﺮﻯ ..
ﻭﺑﻘﻲ ﺧﺎﻟﺪ ﻳﻨﻈﺮ ﺍﻟﻴﻪ ... ﻟﺮﺑﻤﺎ ﺍﻻﻣﺮ ﺿﺮﻭﺭﻱ ﻭﻫﺎﻡ ... ﻻ ﺍﺭﻳﺪ .. ﻻ
ﺍﺭﻳﺪ ...
ﻭﺻﻤﺖ ﻣﺮﺓ ﺍﺧﺮﻯ ..
ﺍﻓﻀﻞ .. ﻳﺎ ﻟﻴﺘﻪ ﻳﺼﻤﺖ ﺍﻟﻰ ﺍﻻﺑﺪ ... ﻭﻻ ﻳﺮﻥ ﻣﺠﺪﺩﺍ ..
ﻭﻭﻣﺎ ﺍﻗﺼﺮ ﻫﺬﻩ ﺍﻻﻣﻨﻴﺔ ﻓﻬﺎﻫﻮ ﻗﺪ ﻋﺎﺩ ﺍﻟﻰ ﺍﻟﺮﻧﻴﻦ ... ﺍﻟﻠﻬﻢ ﻃﻮﻟﻚ
ﻳﺎ ﺭﻭﻭﻭﺡ ...
ﻭﺍﺟﺎﺏ ﻋﻠﻴﻪ ﺑﺼﻮﺕ ﻣﻘﺒﻮﺽ : ﺍﻟﻮﻭﻭ
ﺟﺮﺍﺡ : ﻭﻳﻨﻚ ﺍﻧﺖ .. ﻟﻴﺶ ﻣﺎ ﺗﺮﺩ؟
ﺧﺎﻟﺪ ﻭﻫﻮ ﻳﺘﻨﻬﺪ : ﻭﻋﻠﻴﻜﻢ ﺍﻟﺴﻼﻡ .. ﺍﻟﺤﻤﺪ ﻟﻠﻪ ﺍﺑﺨﻴﺮ .. ﺍﺳﺎﻝ ﻋﻨﻜﻢ
ﺍﻧﺘﻮ ﺷﺨﺒﺎﺭﻛﻢ
ﺍﻧﺤﺮﺝ ﺟﺮﺍﺡ ﻗﻠﻴﻼ : ﺍﻟﺤﻤﺪ ﻟﻠﻪ ﻧﺴﻠﻢ ﻋﻠﻴﻚ .. ﺍﻧﺖ ﺷﺨﺒﺎﺭﻙ؟
ﺍﺧﺒﺎﺭﻱ؟؟ ﻣﺎﺫﺍ ﺗﻈﻨﻬﺎ .. ﻫﻞ ﺗﺼﺪﻕ ﻳﺎ ﺍﺑﻦ ﺧﺎﻟﺘﻲ .. ﺍﻧﻲ ﺳﻌﻴﺪ ﺟﺪﺍ
ﻟﺪﺭﺟﺔ ﺍﻧﻲ ﻗﺪ ﺍﻗﻔﺰ ﻟﻮﻻ ﺧﻮﻓﻲ ﻣﻦ ﺍﻟﺴﻘﻒ ﻳﻀﺮﺏ ﺭﺍﺳﻲ ﻭﻳﻐﺸﻰ
ﻋﻠﻲ : ﺍﺑﺨﻴﺮ .. ﻧﺤﻤﺪ ﺭﺑﻨﺎ ... ﺷﺨﺒﺎﺭ ﺧﺎﻟﺘﻲ؟؟
ﺟﺮﺍﺡ : ﺍﻟﺤﻤﺪ ﻟﻠﻪ ﺗﻤﺎﻡ ... ﺗﺮﺍﻧﻲ ﻗﻠﺖ ﻟﻬﺎ ﺍﻟﺒﺎﺭﺣﺔ
ﺧﺎﻟﺪ ﻭﻗﻠﺒﻪ ﻳﻌﺘﺼﺮ ﺍﻟﻤﺎ : ﻭﺷﻘﺎﻟﺖ؟؟
ﻛﺎﻥ ﻓﻲ ﻗﻠﺒﻪ ﻳﺘﻤﻨﻰ ﺭﻓﻀﻬﺎ .. ﻭﻟﻜﻦ
ﺟﺮﺍﺡ : ﺍﻣﻲ ﻭﺍﻓﻘﺖ .. ﺗﻌﺮﻑ ﻣﺴﺘﺤﻴﻞ ﺗﻤﺸﻲ ﺿﺪ ﻭﺻﻴﺔ ﺍﺑﻮﻱ ...
ﻣﺎ ﺍﻟﻌﻦ ﺍﻻﻣﺎﺍﻝ ﺍﻟﻌﺮﻳﻀﺔ ﺍﻟﺘﻲ ﺗﺘﻬﺪﻡ ﺑﻠﺤﻈﺎﺕ ﻣﻬﺎﻧﺔ : ﺍﻟﺤﻤﺪ ﻟﻠﻪ ..
ﻭﻓﺎﺗﻦ ... ﻗﻠﺘﻮﻟﻬﺎ؟؟؟
ﺟﺮﺍﺡ : ﺍﻟﻴﻮﻡ ﺍﻥ ﺷﺎﺀ ﺍﻟﻠﻪ ﺑﺎﻟﻠﻴﻞ .. ﺑﺠﺘﻤﻊ ﻣﻌﺎﻫﺎ ﺍﻧﺎ ﻭﺍﻣﻲ .. ﻭﺍﻧﺖ
ﺑﻌﺪ
ﺧﺎﻟﺪ ﺑﺴﺨﺮﻳﺔ : ﺍﻧﺎ ﺷﻜﻮﻭﻭ ..
ﺟﺮﺍﺡ ﺑﺠﺪﻳﺔ : ﺧﺎﻟﺪ .. ﺧﻞ ﻋﻨﻚ ﺩﻭﺭ ﺍﻟﻌﺎﺷﻖ ﺍﻟﻤﻌﺬﺏ .. ﺍﻧﺎ ﻣﺎ ﻗﻠﺖ
ﻟﻚ ﺍﻟﻠﻲ ﻗﻠﺘﻪ ﻋﺸﺎﻥ ﻫﺎﻟﺪﻭﺭ ﺍﻟﺒﺎﻳﺦ .. ﺍﻧﺎ ﻗﻠﺖ ﻟﻚ ﻻﻧﻲ ﺍﺑﻲ ﺭﻳﺎﻝ
ﻳﺸﺪ ﻇﻬﺮﻱ ﻭﻳﺎ ﺍﺧﺘﻲ ... ﻭﺑﺲ .. ﻭﺍﻧﺎ ﻣﺎﻛﻨﺖ ﺍﺩﺭﻱ ﺍﻧﻚ ﻣﻮ ﻗﺪ
ﻫﺎﻟﺸﻲ ﺟﺎﻥ ﻣﺎ ﻗﻠﺖ ﻟﻚ ..
ﺧﺎﻟﺪ ﻳﺘﺪﺍﺭﻙ ﻧﻔﺴﻪ : ﺍﺳﻒ ﺟﺮﺍﺡ ﺑﺲ ... ﺧﻠﻨﺎ ﻣﻦ ﻫﺎﻟﺸﻲ ﺍﻣﺘﻰ
ﺗﺒﻴﻨﻲ ﺍﻳﻴﻜﻢ؟
ﺟﺮﺍﺡ : ﺑﻌﺪ ﺍﻟﻌﺸﺎ .. ﺍﻭ .. ﻋﻠﻰ ﺍﻟﺴﺎﻋﺔ ..9
ﺧﺎﻟﺪ : ﺍﻭﻛﻲ .. ﺍﻧﺎ ﻋﻨﺪﻛﻢ ..
ﺟﺮﺍﺡ : ﻟﻴﺶ ﻣﺎ ﺗﻴﻲ ﺍﺗﻌﺸﺎ ﻭﻳﺎﻧﺎ؟
ﺧﺎﻟﺪ : ﻭﺩﻱ ﺑﺲ ﻓﺎﺿﻞ ﻋﺎﺯﻣﻨﻲ ﺍﻟﻴﻮﻡ
ﺟﺮﺍﺡ : ﺍﻭﻛﻲ ﻋﻴﻞ .. ﺍﻟﻴﻮﻡ ﺍﻟﺴﺎﻋﺔ ﺗﺴﻊ ﻭﺍﻻ ﺗﺴﻊ ﻭﻧﺺ
ﺧﺎﻟﺪ : ﺍﻳﺼﻴﺮ ﺧﻴﺮ ..
ﻭﺍﻏﻠﻖ ﻋﻨﻪ ... ﻣﺎ ﻫﺬﻩ ﺍﻟﺤﻴﺎﺓ؟؟ ﻟﺴﺖ ﺑﻨﺎﻗﺺ .. ﻭﻟﻜﻦ .. ﻳﺎﺗﻲ ﺍﻟﻤﺰﻳﺪ
ﻟﻴﺸﻘﻴﻨﻲ .. ﻻ ﺍﻋﺮﻑ ﻳﺎ ﺩﻧﻴﺎ ﻣﺎ ﺑﺎﻟﻚ ﻣﻌﻲ .؟؟ ﺣﺮﻣﺘﻨﻲ ﻣﻦ ﻛﻞ
ﺷﻲ .. ﺣﺘﻰ ﻓﺎﺗﻦ .. ﻭﺍﻻﻥ .. ﺗﺮﻳﺪﻳﻦ ﺍﻥ ﺗﺘﻔﻨﻨﻲ ﻓﻲ ﺗﻌﺬﻳﺒﻲ ﺑﺎﻥ
ﺍﻛﻮﻥ ﻃﺮﻓﺎ ﻣﺴﺎﻋﺪ ﻓﻲ ﺍﺑﻌﺎﺩ ﻓﺎﺗﻦ ﻋﻦ ﺍﻟﻜﻞ ... ﻟﻴﺲ ﻟﺪﻱ ﺷﻲ
ﺍﻗﻮﻟﻪ ﻟﻚ ﻳﺎ ﺩﻧﻴﺎ ﺍﻻ ﺗﺒﺎ ﻟﻚِ
ﻭﻛﻢ ﻛﺎﻥ ﺍﻟﻮﻗﺖ ﺳﺮﻳﻌﺎ ﻓﻲ ﺍﻟﻤﻀﻲ .. ﻓﻬﺎﻫﻲ ﺍﻟﺴﺎﻋﺔ ﺗﺪﻕ ﺍﻟﺜﺎﻣﻨﺔ
ﻣﺴﺎﺀﺍ .. ﻭﻋﺎﺋﻠﺔ ﺍﺑﻮ ﺟﺮﺍﺡ ﻣﺠﺘﻤﻌﺔ ﻓﻲ ﺍﻟﻤﻄﺒﺦ ﻭﻫﻢ ﻳﺘﺴﺎﻣﺮﻭﻥ ..
ﻋﻠﻰ ﺍﻟﺮﻏﻢ ﻣﻦ ﺍﻟﺒﺮﻭﺩ ﺍﻟﺬﻱ ﻳﺠﺘﺎﺡ ﻣﺮﺣﻬﻢ ﺍﻟﻤﻌﺘﺎﺩ ﺍﻻ ﺍﻧﻪ ﺍﻓﻀﻞ
ﻣﻦ ﻻﺷﻲ ﺑﺎﻟﻨﺴﺒﺔ ﺍﻟﻰ ﺍﻡ ﺟﺮﺍﺡ .. ﻭﺟﺮﺍﺡ ﻫﻮ ﺍﻟﻮﺣﻴﺪ ﺍﻟﺬﻱ ﻳﺒﺪﻭ
ﻣﺘﻐﻴﺮﺍ !! ﻟﻼﺣﺴﻦ ﻃﺒﻌﺎ ..ﻣﺜﻼ ﻫﻮ ﻣﻦ ﻳﻀﺎﻳﻖ ﻣﻨﺎﻳﺮ ﺑﺪﻻ ﻋﻦ ﻋﺒﺪ
ﺍﻟﻌﺰﻳﺰ ﺍﻟﺠﺎﻟﺲ ﻓﻲ ﺍﻟﻤﻄﺒﺦ ﻭﻫﻮ ﻳﻀﺤﻚ ﺑﺨﻔﺔ .. ﻭﻓﺎﺗﻦ ﺗﻘﻠﻲ ﺍﻟﻄﻌﺎﻡ
ﻣﻊ ﺍﻣﻬﺎ ..
ﺟﺮﺍﺡ : ﻳﺎﻟﻠﻪ ﻣﺎ ﺑﺎﺟﻲ ﺷﻲ ﻋﻠﻰ ﺍﻟﻤﺪﺍﺭﺱ .. ﺷﻬﺮ ﻭﺍﻧﺘﻮ ﻫﻨﺎﻙ
ﻣﻨﺎﻳﺮ ﺑﺎﻧﺰﻋﺎﺝ : ﺍﻭﻭﻭﻭﻭﻭﻭﻭﻭﻭﻭﻭﻭﻑ ﻭﺍﻟﻠﻪ ﺍﻧﺖ ﻣﻐﺜﺔ ﻟﻴﺶ ﺗﺬﻛﺮﻧﻲ
ﺑﻬﺎ ﻭﺍﻟﻠﻪ ﻧﺎﺳﻴﺘﻬﺎ ﺍﻧﺎ ... ﻳﻤﻪ ﺣﻄﻲ ﻓﻲ ﺣﺴﺎﺑﺞ ﻫﺎﻟﺴﻨﺔ ﻣﻮ ﺭﺍﻳﺤﺔ
ﺍﻟﻤﺪﺭﺳﺔ ..
ﺟﺮﺍﺡ : ﻣﺎﺷﺎﺀ ﺍﻟﻠﻪ ﻣﻨﻮﺭ ﺍﻧﺘﻲ ﺻﺎﺭ ﻟﺞ ﻣﻦ ﻳﻮﻡ ﻋﻤﺮﺝ ﺧﻤﺲ
ﺳﻨﻮﺍﺕ ﻭﺍﻧﺘﻲ ﻓﻲ ﺍﻟﺮﻭﺿﺔ ﺗﻘﻮﻟﻴﻦ ﻧﻔﺲ ﺍﻟﺸﻲ ﻭﻣﺎﺟﻮﻓﺞ ﻧﻔﺬﺗﻲ
ﻫﺎﻟﻜﻼﻡ
ﻣﻨﺎﻳﺮ : ﺍﻧﺘﻮ ﻣﺨﻠﻴﻨﻲ .. ﻭﺍﻟﻠﻪ ﻭﺍﻟﻠﻪ ﻟﻮ ﺑﻴﺪﻱ ﺟﺎﻥ ﻣﺎ ﺭﺣﺖ ﻟﻜﻦ
ﺷﺎﻗﻮﻝ .. ( ﺗﻘﻠﺪ ﺻﻮﺕ ﺍﻣﻬﺎ ) ﻳﺎﺑﻨﺘﻲ ﺍﻟﺒﻨﻴﻪ ﺭﺍﺱ ﻣﺎﻟﻬﺎ ﺷﻬﺎﺩﺗﻬﺎ ﻓﻲ
ﻫﺎﻟﺪﻧﻴﺎ ﺳﻼﺡ ﺿﺪ ﺍﻟﻤﻮﺍﻗﻒ .. ﺃﻱ ﺳﻼﺡ ﻫﺬﺍ .. ﻳﺎﻛﻞ ﺗﺒﻦ ﻫﺎﻟﺴﻼﺡ ..
ﻳﻮﻣﻨﻪ ﻫﺬﺍ ﺳﻼﺡ ﺍﻧﺎ ﺿﺪ ﺍﻟﻌﻨﻒ ..
ﺟﺮﺍﺡ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻓﺎﺗﻦ : ﺑﺪﻝ ﻣﺎ ﺗﻘﻮﻟﻴﻦ ﻫﺎﻟﻔﺼﻞ ﺑﺘﺸﻄﺮ ﻭﺑﺮﻓﻊ ﻣﻦ ﻣﻌﺪﻟﻲ ﻋﺸﺎﻥ
ﺍﻟﻨﺴﺒﺔ .. ﻻ ﺗﻨﺴﻴﻦ ﺍﻧﺘﻲ ﺍﻭﻝ ﺳﻨﻪ ﺑﺎﻟﺜﺎﻧﻮﻳﺔ .. ﻣﻨﺘﻲ ﺑﺎﻟﻤﺘﻮﺳﻄﺔ
ﺧﻼﺹ ..
ﻣﻨﺎﻳﺮ : ﺍﺍﺍﺍﺍﺍﺍﺍﻩ ﻳﺎ ﻗﻠﺒﻲ ﻣﺎﻗﺪﺭ ﺍﻧﺎ ﻋﻠﻰ ﻫﺎﻟﺪﺍﻓﻮﺭﺓ .. ﺟﺎﻳﻔﺔ ﻧﻔﺴﺞ
ﻭﻳﺎ ﻧﺴﺒﺘﺞ .. ﻭﺍﻟﻠﻪ ﺍﻧﺎ ﺍﺑﻲ ﺍﻋﺮﻑ ﺍﻧﺘﻲ ﺗﺎﻛﻠﻴﻦ ﺍﻟﻜﺘﺐ
ﻋﺰﻳﺰ : ﻻ ﻭﺍﻧﺘﻲ ﺍﻟﺼﺎﺟﺔ ﺗﺒﻠﻬﺎ ﻭﺗﺸﺮﺏ ﻣﺎﻳﻬﺎ ..
ﺍﻟﺘﻔﺖ ﺟﺮﺍﺡ ﺍﻟﻰ ﺍﺧﻴﻪ ﺑﺪﻫﺸﺔ : ﺍﻭﻩ ﺍﻭﻩ .. ﺷﻮﻱ ﺷﻮﻱ ﻳﺎﺍﺍ ﻋﺎﺩﻝ
ﺍﻣﺎﻡ ﺻﻜﻴﺘﻨﺎ ﺑﻨﻜﺘﻚ ..
ﻓﺎﺗﻦ :ﻓﺪﻳﻴﻴﻴﻴﻴﻴﻴﻴﺘﻪ ﻳﻮﻡ ﺍﻧﻪ ﻳﻨﻜﺖ ﻋﻠﻲ .. ﺍﻧﺖ ﻣﺎﻟﻚ ﺧﺺ ..
ﻳﺎﻟﺤﺎﻗﺪ
ﺟﺮﺍﺡ ﻳﻤﺴﻚ ﻗﻠﺒﻪ ﻭﻛﺎﻧﻪ ﻃﻌﻦ : ﺍﻩ ﺍﻩ ﻳﺎ ﻗﻠﺒﻲ .. ﻛﻠﺸﻲ ﻭﻻ ﺍﻧﺘﻲ ﻳﺎ
ﺍﻟﻔﺘﻨﺔ .. ﻓﺘﻮﻧﺔ .. ﻓﺘﻮﻭﻭﻭﻭﻭﻭﻧﺔ .. ﻓﺎﺗﻦ : ﻫﻬﻬﻬﻬﻬﻬﻬﻬﻬﻬﻬﻪ ﺷﺘﺒﻲ
ﺟﺮﺍﺡ ﻳﻘﺘﺮﺏ ﻟﻬﺎ ﻭﻳﻬﻤﺲ : ﻓﺪﻳﺖ ﺭﻓﻴﺠﺘﺞ
ﺗﻠﺘﻔﺖ ﻭﻫﻲ ﺗﻀﺮﺑﻪ ﺑﺎﻟﻤﻨﺸﻔﺔ : ﺯﻭﻝ ﺯﻭﻝ ...
ﺟﺮﺍﺡ ﻳﺒﺘﻌﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺍﻡ ﺟﺮﺍﺡ : ﻳﺎﻟﻠﻪ ﻳﺎ ﻋﻴﺎﻝ ﺭﺗﺒﻮ ﺍﻟﻄﺎﻭﻟﺔ ..
******
ﻣﺴﺎﻋﺪ ﻛﺎﻥ ﺟﺎﻟﺴﺎ ﻓﻲ ﺍﻟﺼﺎﻟﺔ ﻭﻫﻮ ﺻﺎﻣﺖ .. ﻳﺘﻨﻌﻢ ﺑﺎﻟﻬﺪﻭﺀ .. ﻻ
ﺍﺣﺪ ﺑﺎﻟﻤﻨﺰﻝ .. ﺍﻣﻪ ﻭﻣﺮﻳﻢ ﻓﻲ ﻣﻨﺰﻝ ﺍﺧﺘﻪ ﺍﻟﺠﺪﻳﺪ ﺑﺼﺪﺩ ﺍﻋﺪﺍﺩﻩ ..
ﻭﻟﻢ ﻳﻌﺪﻥ ﻣﻨﺬ ﺍﻟﻈﻬﻴﺮﺓ .. ﺍﻟﺤﻤﺪ ﻟﻠﻪ .. ﻻ ﺍﺯﻋﺎﺝ ﻭﻻ ﺭﻧﻴﻦ ﺻﻮﺕ
ﻣﺮﻳﻢ ﻭﻻ ﻟﺆﻱ .. ﻳﺒﺪﻭ ﺍﻧﻪ ﻫﻮ ﺍﻻﺧﺮ ﻗﺪ ﺧﺮﺝ .. ﻣﺎ ﺍﺣﻠﻰ ﺍﻟﻤﻨﺰﻝ ﻭﻫﻮ
ﻫﺎﺩﺉ ..
ﻳﺒﺘﺴﻢ ﻭﻫﻮ ﻣﻐﻤﺾ ﻋﻴﻨﻴﻪ ﻭﺭﺍﺳﻪ ﻳﺘﻮﺳﺪ ﺍﻟﻜﺮﺳﻲ ﺍﻟﻮﺛﻴﺮ .. ﻛﺎﻧﺖ
ﻣﻼﺑﺴﻪ ﻣﺮﻳﺤﺔ ﻟﻠﻐﺎﻳﺔ .. ﻗﻤﻴﺼﺎ ﺭﻳﺎﺿﻴﺎ ﺭﻣﺎﺩﻱ ﺍﻟﻠﻮﻥ ﻭﺻﺮﻭﺍﻝ
ﺭﻳﺎﺿﻲ ﺍﺳﻮﺩ .. ﻳﺒﺪﻭ ﺻﻐﻴﺮﺍ ﺑﺘﻠﻚ ﺍﻟﻤﻼﺑﺲ .. ﻭﻛﺎﻧﻪ ﺍﺑﻦ ﺍﻟﺤﺎﺩﻳﺔ
ﻭﺍﻟﻌﺸﺮﻳﻦ .. ﺍﺍﺍﺍﻩ .. ﻛﻢ ﻣﻀﻰ ﻣﻦ ﺍﻟﻌﻤﺮ ﻳﺎ ﻣﺴﺎﻋﺪ .. ﻭﺍﻧﺖ ﻟﻢ ﺗﻘﻢ
ﺑﺸﻲ ﻳﺬﻛﺮ ﻓﻲ ﺣﻴﺎﺗﻚ .. ﺣﺘﻰ ﻣﺴﺎﻋﺪﺍﺗﻚ ﺍﻟﻰ ﺍﻫﻠﻚ .. ﻟﻢ ﺗﻜﻦ ﻓﻲ
ﻧﻈﺮﻫﻢ ﻗﻴﻤﺔ ﻛﻤﺎ ﻫﻲ ﺭﻏﺒﺘﻬﻢ ﻓﻲ ﺗﺰﻭﻳﺠﻚ .. ﻟﻜﻦ .. ﻛﻴﻒ ﻟﻬﻢ ﺍﻥ
ﻳﻔﻬﻤﻮ ﻣﺎ ﺗﻤﺮ ﺍﻧﺖ ﺑﻪ .. ﺻﻌﺐ .. ﺻﻌﺐ ﻋﻠﻰ ﻛﻞ ﺍﻧﺴﺎﻥ ﺍﻥ ﻳﻌﺮﻑ ﺍﻭ
ﺍﻥ ﻳﻔﻬﻢ ﻣﻮﺍﻗﻒ ﺍﺣﺪ ﻣﺎ .. ﺍﻟﺤﻤﺪ ﻟﻠﻪ .. ﻛﻞ ﺷﻲ ﻭﻟﻪ ﺣﻞ ﺑﻴﻮﻡ ﻣﺎ ..
ﺍﻓﻜﺎﺭﻩ ﻛﺎﻧﺖ ﻛﻠﻬﺎ ﻣﺘﻮﺟﻬﺔ ﺍﻟﻰ ﻣﻨﺰﻝ ﺍﺑﻮ ﺟﺮﺍﺡ ... ﻻ ﻳﻌﺮﻑ ﻣﺘﻰ
ﺳﻴﻜﺸﻒ ﺟﺮﺍﺡ ﺍﻟﻤﻮﺿﻮﻉ ﻻﺧﺘﻪ .. ﻣﻊ ﺍﻧﻪ ﻳﻌﻄﻲ ﺍﻻﻣﺮ ﺍﻻﻫﻤﻴﺔ
ﺍﻟﻜﺒﺮﻯ .. ﻓﻔﺎﺗﻦ ﺷﺎﺀﺕ ﺍﻡ ﺍﺑﺖ ﺳﺘﻮﺍﻓﻖ ﻋﻠﻰ ﺍﻟﺴﻔﺮ ﻭﺍﻟﺠﺎﻣﻌﺔ ..
ﻛﻴﻒ ﻟﻬﺎ ﺍﻥ ﺗﺮﻓﺾ .. ﻛﺎﻥ ﺑﺎﻣﻜﺎﻧﻲ ﺍﻥ ﺍﺿﻐﻂ ﻋﻠﻴﻬﺎ ﻟﻜﻦ .. ﻛﻞ ﻣﺎ
ﺍﺗﻘﺮﺏ ﻣﻨﻬﺎ ﺗﺼﺪﻣﻨﻲ ﺷﺮﺍﺭﺍﺕ ﻛﻬﺮﺑﻴﺔ ﺗﺼﺪﺭ ﻣﻨﻬﺎ .. ﻫﺎﺩﺋﺔ ﻭﻟﻜﻦ ..
ﺍﻋﺎﺻﻴﺮ ﻫﻮﺟﺎﺀ ﺑﻬﺎ .. ﻻ ﺍﺗﺤﻤﻠﻬﺎ ﻭﻻ ﺍﺗﺤﻤﻞ ﺻﺒﺎﻫﺎ ﺍﻟﺨﻄﻴﺮ ...
ﻛﺎﻥ ﻳﺪﻗﻖ ﻓﻲ ﺁﻧﻴﺔ ﺯﺟﺎﺟﻴﺔ ﻋﻠﻰ ﺍﻟﻄﺎﻭﻟﺔ ﻭﻫﻮ ﻳﺮﻯ ﺗﻠﻚ
ﺍﻻﻧﻌﻜﺎﺳﺎﺕ ﺍﻟﺘﻲ ﺗﺼﻄﺪﻡ ﺑﺒﻌﻀﻬﺎ ﻭﺗﻜﻮﻥ ﺍﺭﻭﻉ ﺍﻻﻟﻮﺍﻥ .. ﻭﻳﻔﻜﺮ
ﺑﻌﻴﻨﻲ ﻓﺎﺗﻦ .. ﺍﺍﺍﻩ ﻣﻦ ﻋﻴﻨﻴﻬﺎ .. ﺗﺒﻌﺜﺮ ﺍﻟﺠﻮ ﺍﻟﺴﺎﻛﻦ ﻭﺗﺸﻮﺑﻪ
ﺑﺎﻟﺴﺤﺐ ﻭﺍﻟﺮﻳﺎﺡ .. ﻛﻤﺎ ﻓﻌﻠﺖ ﺑﺤﻴﺎﺗﻲ .. ﻓﻤﻦ ﻛﺎﻥ ﻟﻴﻌﺘﻘﺪ ﺍﻧﻲ ﻗﺪ
ﺍﺷﻐﻞ ﺑﻔﺘﺎﺓ ﻏﻴﺮﻙ ﻳﺎ ﺣﺒﻴﺒﺘﻲ ﺍﻻﺯﻟﻴﺔ .. ﻭﻟﻜﻦ .. ﻫﺬﺍ ﻋﺰﺍﺀ ﺭﺑﻲ ﻟﻲ ..
ﺍﻧﻪ ﺧﻠﻘﻚ ﻣﺮﺓ ﺍﺧﺮﻯ ﻓﻲ ﻓﺎﺗﻦ .. ﻟﻮﻻ ﺑﻌﺾ ﺍﻟﺸﻮﺍﺋﺐ ﻭﻟﻜﻦ ﻛﻞ ﺷﻲ
ﻳﺘﻨﻘﻰ .. ﺣﺘﻰ ﺍﻟﻤﺎﺱ ﻧﻔﺴﻪ .. ﻭﻓﺎﺗﻦ .. ﺳﺎﻧﻘﻴﻬﺎ ﺑﻨﻔﺴﻲ ..
ﻟﻢ ﻳﺮﺩ ﻋﻠﻰ ﺑﺎﻟﻪ ﻻ ﻣﺮﺓ ﺍﻥ ﻓﺎﺗﻦ ﺭﺑﻤﺎ ﺗﺤﺐ ﻣﺸﻌﻞ .. ﺍﻭ ﺍﻧﻬﺎ ﻳﻮﻣﺎ
ﻣﺎ ﻗﺪ ﻭﺟﻬﺖ ﻫﺬﻩ ﺍﻟﻤﺸﺎﻋﺮ ﺍﻟﺠﻴﺎﺷﺔ ﻻﺣﺪ ﻣﺎ .. ﺍﻧﺎﻧﻴﺘﻪ ﻛﺎﻧﺖ ﺻﻌﺒﺔ
ﺟﺪﺍ ﻋﻠﻰ ﺃﻱ ﺍﺣﺪ .. ﻓﻤﺴﺎﻋﺪ ﻣﻦ ﺍﻟﻨﻮﻉ ﺍﻟﺬﻱ ﻋﻨﺪﻣﺎ ﻳﺨﻄﻂ ﻳﻨﻔﺬ ..
ﻭﻧﺎﺩﺭﺍ ﻣﺎ ﻳﺨﻄﺊ .. ﻟﻜﻦ ﻳﺎﻋﺰﻳﺰﻱ ﻳﺎ ﻣﺴﺎﻋﺪ .. ﺍﺗﻌﺘﻘﺪ ﺍﻧﻚ ﻋﻠﻰ
ﺻﻮﺍﺏ ﻫﺬﻩ ﺍﻟﻤﺮﺓ؟؟ ﻳﻘﺎﻝ ﺍﻥ ﻻ ﺟﺮﻡ ﺍﺭﺗﻜﺐ ﻋﻠﻰ ﺍﻻﺭﺽ ﻣﺜﻞ
ﺟﺮﻳﻤﺔ ﺗﻔﺮﻳﻖ ﺍﻻﺣﺒﺎﺀ .. ﻭﻫﺎ ﺍﻧﺖ ﻋﻠﻰ ﻭﺷﻚ ﺍﻥ ﺗﻔﺮﻕ ﺑﻴﻦ ﻗﻠﺒﻴﻦ
ﻋﺎﺷﻘﻴﻦ ﻟﻢ ﻳﺘﻤﻨﺎ ﻣﻦ ﻫﺬﻩ ﺍﻟﺤﻴﺎﺓ ﺍﻻ ﺑﻌﻀﻴﻬﻤﺎ ... ﺍﺍﻧﺖ ﻋﻠﻰ
ﺍﺳﺘﻌﺪﺍﺩ ﻟﺘﻘﺒﻞ ﻣﺜﻞ ﻫﺬﻩ ﺍﻟﺠﺮﻳﻤﺔ ﺍﻟﺸﻨﻌﺎﺀ .. ؟؟ ﻻ ﺍﻋﺮﻑ ﻣﺎ ﺑﺎﻟﻚ ﻳﺎ
ﺷﺨﺼﻴﺘﻲ ﺍﻟﺤﺒﻴﺒﺔ .. ﻻﺑﺪ ﻭﺍﻥ ﺍﻟﺤﺐ ﻗﺪ ﺍﺫﻫﺐ ﺑﻌﻘﻠﻚ ..
ﻳﺪﺧﻞ ﻟﺆﻱ ﻭﻫﻮ ﻳﻐﻨﻲ ﺑﺼﻮﺗﻪ ﺍﻟﻨﺎﻋﻢ .. ﻋﻠﻰ ﻏﺮﺍﺭ ﺍﺑﻴﻪ .. ﻳﻤﺘﻠﻜﺎﻥ
ﺻﻮﺗﺎ ﻧﺎﻋﻤﺎ .. ﺍﻣﺎ ﻣﺴﺎﻋﺪ ﻓﺼﻮﺗﻪ ﺭﺟﻮﻟﻲ ﻭﻗﻮﻱ ﻳﺼﻞ ﺍﻟﻰ ﺍﻋﻤﺎﻕ
ﺍﻻﺫﻥ ..
ﻛﺎﻥ ﻳﻐﻨﻲ ﺑﺼﻮﺕ ﻣﻨﺨﻔﺾ .. ﻭﻋﻨﺪﻣﺎ ﺍﻧﺘﺒﻪ ﺍﻟﻰ ﺍﺧﻴﻪ ﺍﻟﻤﺴﺘﻠﻘﻲ
ﺍﺑﺘﺴﻢ ﻭﻋﻠﻯﺼﻮﺗﻪ
ﻟــﺆﻱ : ﻗﻠﻲ ﻳﺎ ﺣﻠﻮ ﻣﻨﻴﻦ ﺍﻟﻠﻪ ﺟﺎﺑﻚ ..ﺧﺰﻥ ﺟﺮﺡ ﻗﻠﺒﻲ ﻣﻦ ﻋﺬﺍﺑﻚ ..
ﺟﺮﺡ ﺍﻟﻘﻠﺐ ﻣﻦ ﻓﺮﻗﺎﻙ ﺧﺰﻥ .. ﻣﺤﺪ ﻣﺜﻠﻲ ﺑﻤﺤﺒﻮﺑﻪ ﺗﻤﺤﻦ
ﻫﻢ ﻫﺬﺍ ﻧﺼﻴﺒﻲ ﻭﺍﻧﺠﺒﺮ ﺑﻴﻚ .. ﻻ ﺍﻧﻲ ﺍﺗﻮﺏ ﻭﺍﻟﻠﻪ ﻳﻬﺪﻳﻚ ..
ﻣﺴﺎﻋﺪ ﻳﻀﺤﻚ ﺑﻌﺬﻭﺑﺔ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻳﺠﻠﺲ ﻋﻨﺪ ﺭﺟﻠﻲ ﺍﺧﻴﻪ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ﻋﺠﺒﺘﻚ ﺍﻻﻏﻨﻴﺔ ... ﺗﺬﻛﺮ
ﻗﺒﻞ .. ﻣﺎ ﺗﻄﻠﻊ ﺍﻻﻏﻨﻴﻪ ﻣﻦ ﺳﻴﺎﺭﺗﻚ ..
ﻣﺴﺎﻋﺪ : ﺍﺍﺍﺍﺍﺍﺍﺍﺍﺍﻩ ﻭﺍﻟﻠﻪ ﺫﻛﺮﺗﻨﻲ ﺑﺎﻳﺎﻡ .. ﻫﻬﻬﻬﻬﻬﻬﻬﻬﻬﻬﻬﻪ ﺍﻧﺎ ﻭﻧﺎﻳﻒ
ﻣﺎ ﻧﺨﻠﻲ ﻫﺎﻻﻏﻨﻴﺔ .. ﺍﻟﺸﺮﻳﻂ ﺭﺍﺡ ﻭﺍﻻﻏﻨﻴﺔ ﻣﺎ ﺭﺍﺣﺖ ﻫﻬﻬﻬﻬﻬﻬﻬﻬﻬﻬﻬﻪ
ﻟﺆﻱ : ﻋﺎﺩ ﺯﻣﻦ .. ﺍﻟﺤﻴﻦ ﺍﻧﺖ ﻛﺒﺮﺕ ﻭﺷﻴﺒﺖ ..
ﻣﺴﺎﻋﺪ : ﺍﻳﻪ ﺍﻛﺒﺮ ﻣﻦ ﺍﺑﻮﻙ ﺍﻧﺎ ... ﺍﻟﻠﻲ ﻳﺴﻤﻌﻚ ﻣﺎ ﻳﻘﻮﻝ ﺍﻧﺎ ﺍﻛﺒﺮ
ﻣﻨﻚ ﺑﺨﻤﺲ ﺳﻨﻮﺍﺕ .. ﺃﻟﻒ ﺳﻨﺔ ﻋﻤﺮﻱ
ﻟﺆﻱ : ﺍﻧﺖ ﻓﻴﻚ ﻣﺎ ﺗﺒﻴﻦ ﻫﺎﻟﻜﺒﺮ .. ﺑﺲ ﺍﻧﺖ ﺍﻟﻠﻲ ﻣﺴﻮﻱ ﻓﻲ ﺭﻭﺣﻚ
ﺟﺬﻱ .. ﻣﺤﺪ ﺿﺮﺑﻜﻢ ﻋﻠﻰ ﺍﻳﺪﻳﻜﻢ ( ﻳﻨﻘﻠﺐ ﺻﻮﺗﻪ ﺍﻟﻰ ﺻﻮﺕ ﺍﻧﺜﻰ )
ﻛﻞ ﻣﻦ ﺷﻜﻰ ﺑﺲ ﺍﺷﻔﻴﻜﻢ .. ﻣﺤﺪ ﺿﺮﺑﻜﻢ ﻋﻠﻰ ﺍﻳﺪﻳﻜﻢ
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻟﺆﻱ ﻳﺘﻠﻔﺖ ﺑﺎﻟﻤﻨﺰﻝ : ﻭﻳﻨﻬﻢ ﺍﻟﺰﻧﺎﻧﺎﺕ ﺍﻟﺤﻨﺎﻧﺎﺕ ﺍﻟﺮﻧﺎﻧﺎﺕ ﺯﻳﻨﺔ ﺍﻟﺪﻧﻴﺎ
ﻭﺑﻬﺠﺘﻬﺎ ..
ﻣﺴﺎﻋﺪ : ﻓﻲ ﺑﻴﺖ ﻧﻮﺭﻭ .. ﻳﺠﻬﺰﻭﻥ ﻣﻌﺎﻫﺎ ﺍﻟﺒﻴﺖ .. ﺷﻜﻠﻬﺎ ﻋﺰﻣﺖ
ﺍﻫﻲ ﻭﻓﻴﺼﻞ ﻋﻠﻰ ﺍﻟﺰﻭﺍﺝ
ﻟﺆﻱ : ﺷﺪﻋﻮﺓ ﻳﻌﻨﻲ ﺍﻫﻲ ﺍﻟﻠﻲ ﺗﻘﻌﺪ ﺑﺎﻟﺒﻴﺖ .. ﺍﺭﺑﻌﺔ ﻭﻋﺸﺮﻳﻦ ﺳﺎﻋﺔ
ﻫﻨﺎﻙ .. ﻭﻻ ﻣﺮﺓ ﺷﻔﺘﻬﺎ ﻣﻦ ﺍﻧﺨﻄﺒﺖ ﺗﺼﺪﻕ؟؟
ﻣﺴﺎﻋﺪ : ﺑﻌﺪ ﻫﺬﻱ ﺳﻨﺔ ﺍﻟﺤﻴﺎﺓ ﺍﻟﺒﻨﺖ ﺗﺘﺰﻭﺝ ﻭﺗﺮﻭﺡ ﺗﻌﻴﺶ ﻭﻳﺎ
ﺯﻭﺟﻬﺎ
ﻟﺆﻱ : ﺗﺘﺰﻭﺝ ﻣﻮ ﺗﻨﺨﻄﺐ
ﻣﺴﺎﻋﺪ : ﻭﺍﻟﻠﻪ ﺍﻟﺤﻴﻦ ﺍﻟﺨﻄﻮﺑﺔ ﻣﺜﻬﺎ ﻣﺜﻞ ﺍﻟﺰﻭﺍﺝ .. ﺍﻟﺰﻭﺍﺝ ﺍﻟﺤﻴﻦ
ﺷﻜﻠﻴﺎﺕ ﻋﺸﺎﻥ ﺍﻟﺼﺮﻑ ﻭﺍﻟﺨﺴﺎﻳﺮ . ﺍﻧﺎ ﻣﺎﺩﺭﻱ ﻟﻴﺶ ﻓﻴﺼﻞ ﻣﺎ ﻋﻄﻬﺎ
ﻭﻳﻪ .. ﻣﻮ ﻛﻔﺎﻳﺔ ﺑﺎﻟﺨﻄﻮﺑﺔ ﻭﻛﻞ ﺫﻳﺞ ﺍﻟﺨﺴﺎﻳﺮ .. ﻓﻨﺪﻕ ﻭﺗﺼﻤﻴﻤﺎﺕ
ﻣﺎﺩﺭﻱ ﻣﻦ ﻭﻳﻦ ﻭﻓﺮﻳﻖ ﺗﺠﻤﻴﻞ ... ﻭﺍﻟﻠﻪ ﺍﻟﺒﻨﺎﺕ ﻏﻮﻯ ﻭﻣﻨﻜﺮ ..
ﻟﺆﻱ : ﻻ ﺗﻌﻴﺐ .. ﻣﻦ ﻋﺎﺏ ﺍﺳﺘﻌﺎﺏ .. ﻭﺍﻟﻌﻴﺐ ﺭﻳﺎﻝ ﻭﺍﻗﻒ ﻋﻠﻰ
ﺍﻟﺒﺎﺏ .. ﺗﺮﻯ ﺍﻧﺖ ﺍﻟﻴﻮﻡ ﺗﻘﻮﻝ ﺟﺬﻱ .. ﺑﺎﺟﺮ ﻟﻲ ﺗﺰﻭﺟﺖ ﺑﺼﻴﺮ ﻓﻴﻚ
ﻧﻔﺲ ﺍﻟﺸﻲ ﻭﺍﻧﺖ ﺑﺘﻈﻞ ﻭﺍﻗﻒ ﻣﻜﺎﻧﻚ ﺗﻘﻮﻝ ﻫﻴﻴﻲ ﻭﺍﻟﻠﻪ ﻫﻬﻬﻬﻬﻬﻬﻬﻪ
ﻣﺴﺎﻋﺪ : ﻣﻴﻨﻮﻥ ﺍﺗﺰﻭﺝ .. ﺍﻻ ﺍﻗﻮﻝ ﻟﻚ .. ﺍﻧﺖ ﺷﺨﺒﺎﺭ ﻧﺘﺎﻳﺞ
ﺍﻟﺠﺎﻣﻌﺔ؟؟ ﻣﺘﻰ ﺑﺘﺘﺨﺮﺝ؟
ﺗﻠﻌﺜﻢ ﻟﺆﻱ ﺑﺎﻟﺮﺩ .. ﻓﻬﻮ ﻟﺮﺑﻤﺎ ﻟﻢ ﻳﻨﻈﺮ ﺍﻟﻰ ﻧﺘﺎﺋﺞ ﺍﻣﺘﺤﺎﻧﺎﺗﻪ .. ﻟﻌﻠﻤﻪ
ﺍﻟﻤﺴﺒﻖ ﺑﻬﺎ .. ﻳﺎﻭﻳﻠﺘﻲ ﻟﻮ ﻋﺮﻑ ﻣﺴﺎﻋﺪ .. ﺳﻴﻘﺘﻠﻨﻲ ﻭﻳﻌﻠﻘﻨﻲ ﻋﻠﻰ
ﻣﺪﺧﻞ ﺍﻟﻤﺪﻳﻨﻪ ﻣﺜﺎﻻ ﻳﺤﺘﺬﻯ ﺑﻪ
ﻟﺆﻱ : ﻭﺍﻟﻠﻪ ﺗﻤﺎﻡ ﻋﺎﻝ ﺍﻟﻌﺎﻝ ﻳﺴﻠﻤﻮﻥ ﻋﻠﻴﻚ ﻭﻣﻦ ﺯﻣﺎﻥ ﻣﺎ ﺳﻤﻌﻮ
ﻋﻨﻚ ﺷﻲ .. ﻭﺍﻟﺘﺨﺮﺝ ﻻﺣﻘﻴﻦ ﻋﻠﻴﻪ ﻳﺎﺧﻮﻱ ..
ﻣﺴﺎﻋﺪ : ﻭﺍﻟﻠﻪ ﺧﻮﻓﻲ ﻣﺎﺗﺪﺭﻱ ﺳﺎﺳﻚ ﻣﻦ ﻛﺮﻳﺎﺳﻚ ﻓﻴﻬﺎ .. ﻋﻨﺪﻱ
ﺍﺣﺴﺎﺱ ﻳﻘﻮﻝ ﻟﻲ ﺍﻥ ﺍﻟﺪﻭﺍﻳﺢ ﻋﻠﻰ ﻛﺒﺮ ﻭﻳﻬﻚ
ﻟﺆﻱ : ﻫﻬﻬﻬﻬﻬﻬﻬﻬﻬﻬﻬﻬﻬﻪ ﻭﺍﻟﻠﻪ ﺍﻧﻚ ﻧﻜﺘﻪ ﻧﻮﻛﺘﻪ ﻳﺎﺧﻮﻳﻪ .. ﺍﺻﻼ ﻳﺎ
ﺣﺒﻴﺒﻲ ﺍﻧﺎ ﻣﺴﻮﻱ ﻟﻲ ﻣﺨﻄﻂ ﺍﺑﻌﺎﺩﻩ ﺗﺼﻞ ﺍﻟﻰ ﺍﻟﺴﺒﻊ ﺳﻨﻮﺍﺕ ﺍﻭ
ﺍﻗﻞ ..
ﻣﺴﺎﻋﺪ ﻭﻫﻮ ﻳﺘﻨﻔﺲ ﺍﻟﺼﻌﺪﺍﺀ .. ﺛﺮﺛﺮﺓ ﻟﺆﻱ ﻓﻲ ﻣﺜﻞ ﻫﺬﻩ ﺍﻻﻣﻮﺭ .. ﻻ
ﺗﻨﺘﻬﻲ : ﻭﺷﻨﻮ ﻫﺎﻟﻤﺨﻄﻂ؟؟ ﻟﺆﻱ ﺑﻜﻞ ﻓﺨﺮ : ﺍﻧﻲ ﻻﺯﻡ ﺍﻭﺛﻖ ﻧﻔﺴﻲ
ﺑﻤﻮﺍﺩﻱ ﻋﺸﺎﻥ ﻣﺎ ﺍﻃﻠﻊ ﻭﺍﻧﺎ ﻧﺎﺳﻲ ﺷﻲ ﻳﻌﻨﻲ ﺍﻋﻴﺪ ﺍﻟﻤﺎﺩﺓ ﻣﺮﺗﻴﻦ ..
ﺍﻥ ﺍﺣﺘﺠﺖ ﻭﻟﻠﻀﺮﻭﺭﻳﺎﺕ ﺍﻟﻘﺎﺳﻴﺔ .. ﺛﻼﺙ ﻣﺮﺍﺕ .. ﺍﻋﺠﺒﻚ ﻣﻮﻭ
ﻣﺴﺎﻋﺪ ﺑﻠﻬﺠﺔ ﻗﺎﺳﻴﺔ : ﺧﻞ ﻋﻨﻚ ﻫﺎﻟﻐﺸﻤﺮﺓ ﺍﻟﻠﻲ ﻣﺎ ﻣﻨﻬﺎ ﻓﺎﻳﺪﺓ
ﻭﺧﻂ ﺑﺎﻟﻚ ﻋﻠﻰ ﺩﺭﺍﺳﺘﻚ .. ﻟﺆﻱ .. ﺍﻧﺖ ﻣﺎ ﺭﺍﺡ ﺗﻠﻘﻰ ﻟﻚ ﺷﻐﻠﺔ ﺯﻳﻨﺔ
ﻭﻋﺪﻟﺔ ﻭﺗﺼﻠﺢ ﻟﻤﻮﺍﻃﻦ ﻛﻮﻳﺘﻲ ﺑﻼ ﺷﻬﺎﺩﺓ .. ﻻ ﺗﻈﻦ ﺍﻧﻚ ﻛﻮﻳﺘﻲ
ﺧﻼﺹ ﻳﻌﻨﻲ ﺑﺘﻠﻘﻰ ﻟﻚ ﺍﻟﻮﻇﻴﻔﺔ ﺍﻟﻠﻲ ﺗﺒﻴﻬﺎ .. ﺍﻧﺖ ﻻﺯﻡ ﺗﺘﻌﺐ ﻋﻠﻰ
ﻋﻤﺮﻙ .. ﺯﻣﻦ ﺍﻭﻝ ﺗﺤﻮﻝ ﻭﺍﻟﻮﻇﺎﻳﻒ ﺻﻌﺐ ﺗﻠﻘﺎﻫﺎ
ﻟﺆﻱ : ﻻﺣﻘﻴﻦ ﻋﻠﻰ ﺍﻟﻮﻇﺎﻳﻒ .. ﻭﺍﻥ ﻇﺎﻗﺖ ﺑﻲ ﺍﻻﺣﻮﺍﻝ ﺗﺮﻯ
ﺍﻟﺴﻴﺎﺭﺍﺕ ﻣﺎﻟﻴﺔ ﺍﻟﺪﻧﻴﺎ .. ( ﺍﺑﺘﺴﺎﻣﺔ ﺳﺎﺧﺮﺓ .. ﻭﺟﻤﻴﻠﺔ ﻧﻮﻋﺎﻣﺎ .. )
ﺑﺸﺘﻐﻞ ﺗﺎﻛﺴﻲ .. ﺷﺮﺍﻳﻚ؟
ﺍﺭﺍﺩ ﺍﻥ ﻳﺼﺮﺥ ﺑﻪ .. ﻭﻟﻜﻦ ﻫﺬﻩ ﺍﻻﺑﺘﺴﺎﻣﺔ ﺗﺰﺣﻒ ﺍﻟﻰ ﺍﻟﻘﻠﺐ ﻟﺘﺮﺳﻢ
ﺍﻻﺑﺘﺴﺎﻣﺔ ﻋﻠﻰ ﺷﻔﺎﻩ ﻛﻞ ﻣﻦ .. ﻟﻄﺎﻟﻤﺎ ﺗﻤﻴﺰ ﺑﻬﺎ ﻟﺆﻱ ﻋﻦ ﻛﻞ ﺑﺎﻗﻲ
ﺍﻻﻃﻔﺎﻝ
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻪ .. ﻭﺍﻟﻠﻪ ﻣﺎﺩﺭﻱ ﺷﺴﻮﻱ ﻓﻴﻚ .. ﺧﺎﻃﺮﻱ
ﺍﻗﻄﻌﻚ ﻋﻠﻰ ﺍﺳﺘﻬﺘﺎﺭﻙ .. ﻟﻜﻦ .. ﻗﻠﺒﻲ ﻣﺎ ﻳﻄﻴﻌﻨﻲ
ﻟﺆﻱ ﺑﺪﻻﻝ ﺍﻟﺒﻨﺎﺕ : ﻭﺍﺍﺍﺍﻱ ﻋﻠﻲ .. ﺍﺫﻭﺏ ﺍﻟﻘﻠﻮﺏ .. ﻻﺯﻡ ﻳﺴﻤﻮﻧﻲ ﻟﺆﻱ
ﺍﻟﺪﺧﻴﻠﻲ ... ﺑﻴﻦ ﻗﻮﺳﻴﻦ .. ﻣﺬﻭﺑﻬﻢ .. ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻣﺴﺎﻋﺪ : ﻗﻮﻭﻭﻭﻭﻭﻭﻭﻭﻭﻭﻭﻭﻭﻡ ﻭﻳﺎ ﻫﺎﻟﻮﻳﻪ ...
******
ﺩﻗﺖ ﺍﻟﺴﺎﻋﺔ ﺍﻟﺘﺎﺳﻌﺔ .. ﻭﻟﻢ ﻳﻈﻬﺮ ﺧﺎﻟﺪ ﺣﺘﻰ ﺍﻻﻥ .. ﺟﺮﺍﺡ ﻛﺎﻥ
ﻳﻨﺘﻈﺮ ﺫﻫﺎﺏ ﺍﺧﻮﺗﻪ ﻟﻠﻨﻮﻡ ﻟﻜﻲ ﻳﺴﺘﻔﺮﺩ ﺑﺎﻣﻪ ﻭﺍﺧﺘﻪ .. ﻭﻳﺒﺪﻯ
ﻣﻮﺿﻮﻋﻪ ﺍﻟﺬﻱ ﻳﺮﻳﺪ ﺍﻥ ﻳﻨﺘﻬﻲ ﻣﻨﻪ .. ﻳﺎ ﺍﻟﻠﻪ .. ﺍﻋﻨﻲ ﻋﻠﻰ ﻓﺎﺗﻦ ..
ﺻﻌﺒﺔ ﺍﻟﻤﺮﺍﺱ ﻫﺬﻩ ﺍﻟﻔﺘﺎﺓ .. ﻻ ﺗﻘﺒﻞ ﺑﺸﺊ ﺳﺒﻖ ﻭﺍﻥ ﺭﻓﻀﺘﻪ ..
ﻭﺧﺼﻮﺻﺎ ﻓﻲ ﻫﺬﻩ ﺍﻟﻔﺘﺮﺓ ﺍﻋﺼﻴﺒﺔ .. ﺍﻣﺮ ﻣﺴﺘﺤﻴﻞ .. ﻭﻟﻜﻦ .. ﺳﻨﺮﻯ
ﻣﻦ ﺳﻴﻐﻠﺐ ﺍﻻﺧﺮ ..
ﻭﺻﻞ ﺧﺎﻟﺪ ﻟﻠﻤﻨﺰﻝ ﻭﻫﻮ ﻣﺘﻀﺎﻳﻖ .. ﻻ ﻳﺮﻳﺪ ﺍﻥ ﻳﺪﺧﻞ .. ﻻ ﻳﺮﻳﺪ ﺍﻥ
ﻳﺠﻠﺲ ﻣﻌﻬﻢ .. ﻭﻻ ﻳﺮﻳﺪ ﺍﻥ ﻳﻜﻮﻥ ﺟﺰﺀﺍ ﻣﻦ ﻣﺨﻄﻄﺎﺕ ﺟﺮﺍﺡ ﻻﺧﺘﻪ
ﻓﺎﺗﻦ .. ﻻﻧﻪ ﻣﻌﺘﺮﺽ ﻋﻠﻰ ﻓﻜﺮﺓ ﺳﻔﺮ ﻓﺎﺗﻦ ﻭﺫﻫﺎﺑﻬﺎ .. ﻟﻜﻦ .. ﻳﻈﻞ
ﻏﺮﻳﺒﺎ ﻭﻻ ﺭﺃﻱ ﻟﻪ .. ﻭﻭﺟﻮﺩﻩ ﻫﻮ ﻣﺠﺮﺩ ﻣﺠﺎﻣﻠﺔ ﻣﻦ ﺟﺮﺍﺡ .. ﻟﻜﻲ
ﻳﻄﻴﺐ ﺧﺎﻃﺮﻱ ﻭﻟﻜﻲ ﻳﺠﻌﻠﻨﻲ ﺍﻓﺘﺨﺮ ﺑﻨﻔﺴﻲ .. ﻻ ﻳﻔﻘﻪ ﺷﻴﺌﺎ ﺑﻤﺪﻯ
ﺻﻌﻮﺑﻪ ﻫﺬﺍ ﺍﻻﻣﺮ ﻋﻠﻲ .. ﻻﺩﺧﻞ .. ﻭﺍﺷﺮﻙ ﺑﻬﺬﻩ ﺍﻟﻤﺴﺮﺣﻴﺔ .. ﻋﻠﻬﺎ
ﺗﻨﺘﻬﻲ ﻓﻲ ﺻﺎﻟﺢ ﺍﺣﺪ ﻣﺎ ..
ﻭﺩﺧﻞ ﺍﻟﻤﻨﺰﻝ ...
ﻭﺍﺳﺘﻘﺒﻠﺘﻪ ﺧﺎﻟﺘﻪ ﺑﻔﺮﺡ : ﻓﺪﻳﺖ ﻭﻟﺪ ﺍﻟﻐﺎﻟﻴﻴﻦ ﻳﻌﻠﻨﻲ ﻣﺎ ﺧﻠﻰ ﻣﻦ
ﻭﻳﻬﻪ
ﺍﻟﺘﻔﺘﺖ ﻟﻪ ﻓﺎﺗﻦ ﺑﺎﺑﺘﺴﺎﻣﺔ ﻭﻟﻜﻦ ﺑﺪﺕ ﻛﺎﻟﻐﺮﻳﺒﺔ ﻧﻮﻋﺎ ﻣﺎ .. ﻭﻟﻢ ﻳﻬﺘﻢ
ﺧﺎﻟﺪ ﻛﺜﻴﺮﺍ ..
ﺧﺎﻟﺪ : ﻫﻼ ﻓﻴﺞ ﺧﺎﻟﺘﻲ .. ﺧﺒﺎﺭﺝ .. ﻋﺴﺎﺝ ﺍﺑﺨﻴﺮ؟؟ ﺷﻤﺴﻮﻳﺔ؟؟
ﺍﻡ ﺟﺮﺍﺡ : ﺑﺨﻴﺮ ﺑﺸﻮﻓﺘﻚ .. ﺗﻌﺎﻝ ﻳﻤﺔ ﺍﻗﻌﺪ ﻳﻤﻲ ..
ﻭﺍﻛﺘﻤﻞ ﺍﻟﻌﺪﺩ .. ﻟﻢ ﺗﺒﻘﻰ ﺍﻻ ﻣﻨﺎﻳﺮ ﻟﺘﻐﺎﺩﺭ .. ﺍﺷﺎﺭ ﺟﺮﺍﺡ ﺍﻟﻰ ﺍﻣﻪ
ﻟﺘﻨﺘﺒﻪ ﻟﻮﺟﻮﺩ ﻣﻨﺎﻳﺮ .. ﻓﻬﻲ ﺍﻟﻮﺣﻴﺪﺓ ﺍﻟﺒﺎﻗﻴﺔ .. ﻭﺃﻭﻣﺄﺕ ﻟﻪ ﺍﻣﻪ
ﺑﺎﻻﻳﺤﺎﺏ
ﺍﻡ ﺟﺮﺍﺡ : ﻳﻤﺎ ﻣﻨﻮﺭ .. ﺑﺴﺞ ﺣﺒﻴﺒﺘﻲ ﺫﺍﺑﺖ ﻋﻴﻮﻧﺞ .. ﻗﻮﻣﻲ ﻧﺎﻣﻲ ﻣﻦ
ﺍﻟﺼﺒﺢ ﻗﻌﺪﺓ ..
ﻣﻨﺎﻳﺮ : ﻳﻤﺔ ﺑﺲ ﻟﺤﻈﺔ ﺷﻮﻱ ﺍﻟﻤﺴﻠﺴﻞ ﺣﻠﻮﻭﻭ
ﺍﻡ ﺟﺮﺍﺡ : ﻳﺎﻟﻠﻪ ﻳﻤﺔ ﺑﺎﺟﺮ ﻳﻌﻴﺪﻭﻧﻪ ﻭﺑﺘﺸﻮﻓﻴﻨﻪ
ﻣﻨﺎﻳﺮ ﺗﻠﺘﻔﺖ : ﻳﻤﺎﺍﺍﺍ ﺣﺮﺍﻡ ﻭﺍﻟﻠﻪ ﺍﺑﻲ ﺍﻛﻤﻠﻪ ﻣﻦ ﺯﻣﺎﻥ ﻣﺎ ﺷﻔﺖ ﻣﻨﻪ
ﺷﻲ ﻭﺍﺷﻮﻑ ﺍﻻﺣﺪﺍﺙ ﻛﺎﺛﺮﻩ ﻓﻴﻪ ﻭﺍﻧﺎ ﺧﺒﺮ ﻛﺎﻥ
ﺍﻡ ﺟﺮﺍﺡ : ﻳﺎﻟﻠﻪ ﻋﺎﺩ ﻻ ﺗﺮﺩﻳﻨﻲ ﻑ ﻛﻠﻤﺘﻲ
ﺍﺳﺘﻐﺮﺑﺖ ﻓﺎﺗﻦ ﻣﻦ ﺍﺻﺮﺍﺭ ﺍﻣﻬﺎ ﻋﻠﻰ ﻣﻐﺎﺩﺭﺓ ﻣﻨﺎﻳﺮ ﻟﻠﺼﺎﻟﺔ .. ﻫﻨﺎﻙ
ﺍﻣﺮ ﻏﺮﻳﺐ .. ﺷﻲ ﻣﺎ ﻳﺠﺮﻱ ﺑﻴﻨﻬﺎ ﻭﺑﻴﻦ ﺍﺧﻲ ﺟﺮﺍﺡ .. ﻳﺎ ﺗﺮﻯ ﻣﺎ
ﻫﻮ؟؟
ﻣﻨﺎﻳﺮ : ﻳﻤﻪ ﺍﺧﺮ ﻟﻘﻄﺔ ﺍﺧﺮ ﻟﻘﻄﺔ ..
ﻓﺎﺗﻦ : ﻳﺎﻟﻠﻪ ﻣﻨﻮﺭ ﺭﻭﺣﻲ ﻃﺎﻭﻋﻲ ﺍﻣﻲ ﻭﺭﻭﺣﻲ ﻧﺎﻣﻲ ﻛﺎﻫﻲ ﻋﻴﻨﺞ
ﻣﻐﺰﺭﺓ ﻣﻦ ﺍﻟﺘﻌﺐ .. ﺭﻭﺣﻲ ﻧﺎﻣﻲ ﻭﺍﻧﺎ ﺑﺎﺟﺮ ﺑﺲ ﺍﺣﻄﻮﻧﻬﺎ ﺍﻗﻮﻝ ﻟﺞ ..
ﻣﻨﺎﻳﺮ : ﺍﻭﻭﻭﻭﻭﻑ ﺣﺘﻰ ﺗﻠﻔﺰﻳﻮﻥ ﻣﺎ ﻳﺨﻠﻮﻧﻪ ﻧﻄﺎﻟﻌﻪ .. ﺗﺼﺒﺤﻮﻥ ﻋﻠﻰ
ﺧﻴﺮ
ﺗﻀﺤﻚ ﺍﻡ ﺟﺮﺍﺡ ﻋﻠﻰ ﺍﺑﻨﺘﻬﺎ ... ﻭﻫﻜﺬﺍ .. ﺍﻟﺴﺎﺣﺔ ﺧﺎﻟﻴﺔ .. ﻭﻻ ﻣﻔﺮ
ﻟﻚ ﻳﺎ ﻓﺎﺗﻦ ..
ﻭﻟﻜﻦ .. ﻫﻲ ﺍﻻﺧﺮﻯ ﻧﻬﻀﺖ ﻭﺍﻋﺘﺬﺭﺕ : ﺍﻟﺴﻤﻮﺣﺔ ﺍﻧﺎ ﺑﺮﻭﺡ ﺍﻧﺎﻡ
ﺍﻟﺤﻴﻦ؟؟
ﻗﻔﺰ ﺟﺮﺍﺡ ﻣﻦ ﻣﻜﺎﻧﻪ : ﻻ ﻻ ﺧﻠﺞ .. ﻻ ﺗﺮﻭﺣﻴﻦ ﺍﻟﺤﻴﻦ
ﺍﻟﺘﻔﺘﺖ ﻟﻪ ﻓﺎﺗﻦ ﺑﺎﺳﺘﻐﺮﺍﺏ ﺟﻌﻠﻪ ﻳﻨﺪﻡ ﻋﻠﻰ ﻗﻔﺰﺗﻪ : ﺗﻌﺒﺎﻧﺔ ﺟﺮﺍﺡ ﻣﻦ
ﺍﻟﻔﻴﺮ ﻭﺍﻧﺎ ﻣﻮﺗﻌﻴﺔ ..
ﺟﺮﺍﺡ ﻣﺨﻔﻔﺎ ﻟﻨﺒﺮﺗﻪ ﺍﻟﺴﺎﺑﻘﺔ : ﺧﻠﺞ ﻓﺘﻮﻥ ... ﻧﺒﻴﺞ ﻓﻲ ﺳﺎﻟﻔﺔ ..
ﻓﺎﺗﻦ ﺑﺎﺳﺘﻐﺮﺍﺏ .. ﻭﺗﻮﺟﺲ : ﺳﺎﻟﻔﺔ؟ ﺃﻱ ﺳﺎﻟﻔﺔ؟
ﺍﻡ ﺟﺮﺍﺡ : ﺗﻌﺎﻟﻲ ﻳﻤﻲ ﻳﻤﻪ ﺣﺒﻴﺒﺘﻲ ...
ﻣﻨﺼﺎﻋﺔ ﻟﻜﻼﻡ ﺍﻣﻬﺎ ﺗﻮﺟﻬﺖ ﻓﺎﺗﻦ ﻟﻤﻜﺎﻥ ﺑﺎﻟﻘﺮﺏ ﻣﻨﻬﺎ .. ﻭﺟﻠﺴﺖ :..
ﺧﻴﺮ؟؟ ﺷﺼﺎﻳﺮ؟
ﻛﺎﻥ ﺟﺮﺍﺡ ﻋﻠﻰ ﺍﻫﺒﺔ ﺍﻟﻜﻼﻡ .. ﻭﺧﺎﻟﺪ ﻋﻴﻨﻴﻪ ﻣﻌﺎﻧﻘﺘﺎ ﺍﻻﺭﺽ .. ﻭﺍﻣﻲ
ﺗﻨﻈﺮ ﺍﻟﻰ ﻳﺪﻳﻬﺎ ﺑﺤﺰﻥ .. ﻣﺎ ﺍﻟﺬﻱ ﺣﺼﻞ .. ﻳﺎ ﺭﺑﻲ .. ﻟﺴﻨﺎ ﻧﺎﻗﺼﻴﻦ ﻟﻘﺪ
ﺗﺎﻟﻤﻨﺎ ﺑﻤﺎ ﻓﻴﻪ ﺍﻟﻜﻔﺎﻳﺔ ..
ﺟﺮﺍﺡ : ﺍﻟﺨﻴﺮ ﺑﻮﻳﻬﺞ ﻓﺘﻮﻧﺔ .. ﺑﺲ ﺍﻟﻤﻮﺿﻮﻉ ﺍﻟﻠﻲ ﺍﺣﻨﺎ ﻳﺎﻳﻦ ﺍﻧﻜﻠﻤﺞ
ﻋﻨﻪ .. ﻣﻮﺿﻮﻉ ﺧﻴﺮ ﻋﻠﻴﻨﺎ ﻭﻋﻠﻴﺞ ..
ﻓﺎﺗﻦ : ﺷﻨﻮ ﺍﻟﻤﻮﺿﻮﻉ ..
ﺟﺮﺍﺡ ﻳﻔﺘﺘﺢ : ﻓﺘﻮﻥ .. ﻗﺒﻞ ﻭﻓﺎﺓ ﺍﺑﻮﻱ ﺍﻟﻠﻪ ﻳﺮﺣﻤﻪ ﻭﺻﻠﺞ ﻇﺮﻑ ﻣﻦ
ﺷﺮﻛﺔ ﺍﻟﻮﻓﺎ ﻟﻠﻤﺤﺎﻣﺎﺓ ﻋﻦ ﺑﻌﺜﺔ ﺩﺭﺍﺳﻴﺔ ﺍﻫﻤﺎ ﻣﻘﺪﻣﻴﻨﻬﺎ ﻟﺞ .. ﺩﺭﺍﺳﺔ
ﻣﺠﺎﻧﻴﺔ ﻓﻲ ﺍﻓﻀﻞ ﺟﺎﻣﻌﺎﺕ ﺍﻣﻴﺮﻛﺎ ﻋﺸﺎﻥ ﺗﺪﺭﺳﻴﻦ ﺍﻟﻠﻲ ﺧﺎﻃﺮﺝ ﻓﻴﻪ
ﻫﻨﺎﻙ ...
ﻓﺎﺗﻦ ﺗﻜﻤﻞ : ﻭﺍﻧﺎ ﺭﻓﻀﺖ ﻫﺎﻟﺒﻌﺜﺔ ... ﻭﺍﻧﺖ ﺗﺪﺭﻱ ﺑﻬﺎﻟﺸﻲ
ﺑﺪﺃﺕ ﺩﻗﺎﺕ ﻗﻠﺐ ﺟﺮﺍﺡ ﺗﺘﺴﺎﺭﻉ .. ﺗﺒﺪﻭ ﺻﺎﺭﻣﺔ ﺭﻓﻀﻬﺎ .. ﻛﻴﻒ
ﺳﺘﻮﺍﻓﻖ : ﺍﺩﺭﻱ .. ﻭﺍﻧﺎ ﺟﺰﺋﻴﺎ ﻛﻨﺖ ﻣﻮﺍﻓﻖ ﻣﻌﺎﺝ .. ﻻﻥ ﺍﻟﻈﺮﻑ ﻣﺎﻛﺎﻥ
ﻣﺴﺎﻋﺪ .. ﻭﻛﻨﺎ ﺍﺣﻨﺎ ﻓﻲ ﺻﺪﻣﺔ ﻭﻓﺎﺓ ﺍﻟﻐﺎﻟﻲ ﺍﻟﻠﻪ ﻳﺮﺣﻤﻪ .. ﻭﻣﺎ ﻛﻨﺎ
ﻓﻲ ﺻﻮﺍﺑﻨﺎ .. ﻧﻔﻜﺮ ﻋﻠﻰ ﺭﺍﺣﺘﻨﺎ ﻭﻻ ﻓﺎﻫﻤﻴﻦ ﺍﻟﺴﺎﻟﻔﺔ ﻋﺪﻝ ..
ﻓﺎﺗﻦ ﻭﺍﻟﺨﻮﻑ ﻳﺪﺏ ﻓﻲ ﺍﻭﺻﺎﻟﻬﺎ : ﺷﺘﺒﻲ ﺗﻮﺻﻞ ﻟﻪ ﺟﺮﺍﺡ
ﻛﺎﻥ ﺟﺮﺍﺡ ﻳﺒﺪﺍ ﺑﺎﻟﻜﻼﻡ ﻭﻗﺎﻃﻌﻪ ﺧﺎﻟﺪ ﺑﻨﺒﺮﺓ ﻫﺎﺩﺋﺔ ﺟﺪﺍ .. ﻭﻣﻘﻌﻨﺔ
ﺑﻌﺾ ﺍﻟﺸﻲ : ﺍﻟﻠﻲ ﻳﺒﻲ ﻳﻮﺻﻞ ﻟﻪ ﺟﺮﺍﺡ ﺍﻫﻮ .. ﺍﻥ ﺭﻓﻀﺞ ﻟﻬﺎﻟﺒﻌﺜﺔ
ﺍﻟﻤﺠﺎﻧﻴﺔ ﺍﻟﻤﻤﻴﺰﺓ ﺑﺼﺮﺍﺣﺔ .. ﺷﻲ ﺍﺳﺘﻬﺘﺎﺭﻱ ﻣﻨﺞ ﻳﺎ ﻓﺎﺗﻦ .. ﺧﺼﻮﺻﺎ
ﻭﺍﻥ ﻣﻮ ﻛﻞ ﻣﻦ ﻳﻠﻘﻰ ﻣﺜﻞ ﻫﺎﻟﺒﻌﺜﺔ ﺍﻟﻠﻲ ﺍﻧﺘﻲ ﻻﻗﻴﺘﻬﺎ .. ﻭﻗﺎﻃﺘﻬﺎ
ﻟﻼﺳﻒ ﺑﺎﻟﺨﻤﺎﻡ
ﻓﺎﺗﻦ : ﺧﺎﻟﺪ ﺍﻧﺖ ﺗﻌﺮﻑ ﺍﻧﺎ ﻟﻴﺶ ﺭﺍﻓﻀﺔ ﻫﺎﻟﺸﻲ .. ﻭﺑﻌﺪﻳﻦ ﺍﻟﻠﻲ
ﻋﻄﺎﻧﻲ ﺑﻌﺜﺔ ﻓﻲ ﺍﻣﻴﺮﻛﺎ ﻣﺎ ﻳﻘﺪﺭ ﻳﻌﻄﻴﻨﻲ ﺑﻌﺜﺔ ﻓﻲ ﺍﻟﻜﻮﻳﺖ ..
ﺟﺮﺍﺡ : ﻳﺎ ﻓﺎﺗﻦ ﻫﺬﻱ ﺍﻟﺒﻌﺜﺔ ﻣﻦ ﺍﻭﻟﻬﺎ ﻟﺘﺎﻟﻴﻬﺎ ﻣﺨﺼﺼﺔ ﻋﺸﺎﻥ
ﺍﻟﺪﺭﺍﺳﺔ ﺑﺮﻩ ﺍﻟﻜﻮﻳﺖ .. ﻳﻌﻨﻲ ﺩﺭﺍﺳﺔ ﻋﻠﻰ ﻣﺴﺘﻮﻯ ﻣﺘﻘﺪﻡ ﻭﺣﺪﻳﺚ
ﻭﻣﺘﻄﻮﺭ .. ﻟﻼﺳﻒ ﻣﺎ ﻧﻘﺪﺭ ﻧﻮﺻﻞ ﻟﻪ ﻟﻠﺤﻴﻦ ﺑﺎﻟﺨﻠﻴﺞ
ﻓﺎﺗﻦ : ﻭﺷﺎﻟﻤﻄﻠﻮﺏ ﻣﻨﻲ؟
ﺍﻡ ﺟﺮﺍﺡ : ﻳﺎ ﺑﻨﻴﺘﻲ .. ﻣﻮ ﺯﻳﻦ ﺍﻧﺞ ﺗﺮﻓﻀﻴﻦ ﻫﺎﻟﺒﻌﺜﺔ ﻻﻧﻬﺎ ﻓﻲ
ﺻﺎﻟﺤﺞ .. ﺍﻫﻲ ﺍﻟﻠﻲ ﺑﺘﺎﺳﺲ ﻣﺴﺘﻘﺒﻠﺞ ﻭﺗﺒﻨﻲ ﺣﻴﺎﺗﺞ ﻭﺗﺮﺯﻗﺞ
ﺑﺸﻬﺎﺩﺓ ﻗﻮﻳﺔ ﺗﻨﺠﺤﺞ ﻓﻲ ﻛﻞ ﻣﺠﺎﻻﺕ ﺣﻴﺎﺗﺞ
ﻟﻢ ﺗﺼﺪﻕ ﻓﺎﺗﻦ ﻣﺎ ﺗﺴﻤﻌﻪ .. ﻭﻣﻦ ﻣﻦ؟؟ ﻣﻦ ﺍﻣﻬﺎ؟؟ ﻳﻌﻨﻲ ﺍﻧﻬﻢ ﻛﻠﻬﻢ
ﻣﺸﺘﺮﻛﻮﻥ ﻓﻲ ﻫﺬﺍ ﺍﻻﻣﺮ ... ﻭﺍﺑﺘﻌﺪﺕ ﻗﻠﻴﻼ ﻋﻦ ﺍﻣﻬﺎ ﺑﺎﺷﺎﺭﻩ
ﻟﻼﻧﺰﻋﺎﺝ ..
ﻓﺎﺗﻦ : ﺍﺷﻜﺮ ﺍﻫﺘﻤﺎﻣﻜﻢ ﻭﻛﺜﺮ ﺍﻟﻠﻪ ﺟﻤﻴﻠﻜﻢ ﻟﻜﻦ ﺍﻧﺎ ﻣﺎ ﺍﺑﻲ ﻫﺎﻟﺒﻌﺜﺔ
ﻭﻗﺮﺍﺭﻱ ﻧﻬﺎﺋﻲ ﻭﻣﺤﺪ ﻳﻘﺪﺭ ﻳﺮﺩﻧﻲ
ﺟﺮﺍﺡ : ﻓﺎﺗﻦ ﺍﻟﺴﺎﻟﻔﺔ ﻣﻮ ﺳﺎﻟﻔﺔ ﺍﺧﺘﻴﺎﺭﻳﺔ .. ﺍﻫﻲ ﺍﻟﺒﻌﺜﺔ ﻣﺎﻳﺎﺗﺞ
ﻋﺸﺎﻥ ﺍﻧﺞ ﺗﻘﺒﻠﻴﻨﻬﺎ ﻭﻻ ﺗﺮﻓﻀﻴﻨﻬﺎ .. ﺍﻧﺘﻲ ﻣﺠﺒﻮﺭﺓ ﺍﻧﺞ ﺗﻘﺒﻠﻴﻨﻬﺎ؟
ﻓﺎﺗﻦ : ﺟﺮﺍﺡ ﺍﻧﺖ ﺷﻘﺎﻋﺪ ﺗﻘﻮﻝ .. ﺑﺲ ﻻﻧﻬﺎ ﻱ ﺍﻓﻀﻞ ﺟﺎﻣﻌﺎﺕ ﺍﻣﻴﺮﻛﺎ
ﺍﻟﺨﺎﻳﺴﺔ ﺧﻼﺹ ﻳﻌﻨﻲ ﻻﺯﻡ ﺍﻭﺍﻓﻖ .. ﻳﺎﺧﻲ ﻣﺎﺑﻲ .. ﺍﻟﺴﺎﻟﻔﺔ ﺑﺎﻟﻐﺼﺐ
ﺍﻫﻲ ﻭﻻ ﺑﺎﻟﻐﺼﺐ .. ؟
ﺧﺎﻟﺪ : ﻻ ﺗﻔﻜﺮﻳﻦ ﺑﺎﻟﻤﻮﺿﻮﻉ ﻣﻦ ﻫﺬﻱ ﺍﻟﻨﺎﺣﻴﺔ ﻓﺘﻮﻥ .. ﺍﻫﻲ
ﻣﻮﻏﺼﺐ .. ﻟﻜﻦ ﺍﻫﻲ ﺍﺧﺘﻴﺎﺭﻱ ﻧﻮﻋﺎ ﻣﺎ ﺍﺟﺒﺎﺭﻱ ..
ﻓﺎﺗﻦ ﺑﻌﺼﺒﻴﺔ : ﻭﺍﻧﺖ ﻃﻠﻌﺖ ﻟﻲ ﻓﻴﻬﺎ ﺍﻟﺤﻴﻦ .. ﺍﺧﺘﻴﺎﺭﻱ ﺍﺟﺒﺎﺭﻱ؟؟
ﺷﺎﻓﻬﻢ ﻣﻦ ﻫﺎﻟﻜﻼﻡ
ﺟﺮﺍﺡ : ﻳﺎ ﻓﺎﺗﻦ ﻫﺬﻱ ﺍﻟﺒﻌﺜﺔ ﺍﺑﻮﻱ ﺍﻟﻠﻲ ﺣﺎﻁ ﺭﺍﺱ ﻣﺎﻟﻬﺎ ﻋﺸﺎﻥ
ﻭﺍﺣﺪ ﻣﻨﺎ ﻳﺎﺧﺬﻫﺎ .. ﺗﻌﺐ ﻭﺷﻘﻰ ﻭﺳﻬﺮ ﻭﺗﻌﻨﻰ ﻋﺸﺎﻥ ﻭﺍﺣﺪ ﻣﻨﺎ
ﻳﺴﺘﺎﻫﻞ ﻫﺎﻟﻤﻘﺎﻡ ﺍﻧﻪ ﻳﺎﺧﺬ ﺷﻲ ﺍﻭ ﻳﺴﺘﻔﻴﺪ ﻣﻦ ﺷﺊ ﻣﻦ ﺗﻌﺐ ﺍﺑﻮﻩ
ﻭﺷﻘﺎﻩ ..
ﺍﻧﺼﺪﻣﺖ ﻓﺎﺗﻦ ﻣﻦ ﻛﻼﻡ ﺍﺧﻴﻬﺎ ﺍﻟﺼﺮﻳﺢ .. ﺑﻌﺜﺔ ﻣﻦ ﺭﺍﺱ ﻣﺎﻝ ﻛﻮﻧﻪ
ﻭﺍﻟﺪﻱ؟؟ ﻣﻦ ﺍﻳﻦ ﻻﺑﻲ ﺑﺎﻟﻤﺎﻝ ﻟﻜﻲ ﻳﻜﻮﻥ ﻫﺬﺍ ﺍﻟﺮﺍﺱ ﺍﻟﻤﺎﻝ .. ﻫﻲ
ﻟﻴﺴﺖ ﺑﺎﻟﻐﺒﻴﺔ .. ﺗﻌﺮﻑ ﻣﺼﺎﺭﻳﻒ ﺍﻟﺠﺎﻣﻌﺎﺕ ﺍﻟﺨﺎﺭﺟﻴﺔ .. ﻭﺗﻌﺮﻑ ﻛﻢ
ﻳﺘﻄﻠﺐ ﻣﻦ ﺍﻟﺠﻬﻮﺩ ﻭﺍﻟﻤﺴﺎﻋﻲ ﻟﻜﻲ ﻳﺤﺼﻞ ﻃﺎﻟﺐ ﻋﺮﺑﻲ ﻋﻠﻴﻬﺎ .. ﻣﺎ
ﻫﺬﻩ ﺍﻟﻤﻌﻀﻠﺔ ﻳﺎ ﺭﺑﻲ؟؟
ﻓﺎﺗﻦ : ﺷﻠﻮﻥ ﺍﺑﻮﻱ ﺍﻟﻠﻲ ﺣﺎﻃﻨﻬﺎ؟؟ ﻭﺍﺑﻮﻱ ﻣﻦ ﻣﺘﻰ ﻟﻪ ﺭﺍﺳﻤﺎﻝ ﻋﺸﺎﻥ
ﺍﻳﻴﺐ ﻟﻨﺎ ﺑﻌﺜﺎﺕ؟؟
ﺟﺮﺍﺡ : ﺍﺑﻮﻱ ﻛﺎﻥ ﻣﺸﺮﻙ ﺑﺒﻴﺘﻨﺎ ﺍﻟﺠﺒﻴﺮ ﻓﻲ ﻣﺸﺮﻭﻉ ﺍﺳﺘﺜﻤﺎﺭﻱ
ﻭﺍﻟﺤﻤﺪ ﻟﻠﻪ ﻃﻠﻊ ﻟﻪ ﺑﺎﺧﻴﺮ .. ﻭﻛﺎﻥ ﻫﺎﻟﺸﻲ ﻋﻠﻰ ﻃﻮﻝ ﺳﺖ ﺳﻨﻮﺍﺕ ..
ﻭﺍﻟﺤﻤﺪ ﻟﻠﻪ ﺍﻟﻠﻪ ﻣﺎ ﺧﻴﺒﻪ ﻭﻗﺪﺭ ﺍﻧﻪ ﻳﺠﻤﻊ ﻣﻦ ﺍﻟﺒﻴﺖ ﻣﺒﻠﻎ ﻣﺤﺘﺮﻡ
ﺍﻭ ﻳﻤﻜﻦ ﻗﻮﻱ ﻋﺸﺎﻥ ﺍﻧﻪ ﻳﺸﺮﻙ ﺍﺣﺪ ﻣﻨﺎ ﻓﻲ ﺑﺮﻧﺎﻣﺞ ﺑﻌﺜﺎﺕ
ﺍﻟﺸﺮﻛﺎﺕ .. ﻭﺍﻟﺤﻤﺪ ﻟﻠﻪ ﻗﺪﺭ ﻭﻧﺠﺢ .. ﻟﻜﻦ ... ( ﺑﺎﻟﻢ ) ﻣﺎ ﺣﺼﻞ ﻟﻪ
ﺍﻧﻪ ﻳﺨﺒﺮﺝ ﺑﻬﺎﻟﺸﻲ ....
ﻓﺎﺗﻦ : ﻭﻟﻴﺶ ﺍﻧﺎ ... ﻟﻴﺶ ﺍﻧﺎ؟؟ ﻟﻴﺶ ﻣﻮ ﺍﻧﺖ .. ﻣﺎ ﺗﻘﻮﻝ ﺍﻧﻬﺎ ﻣﻦ
ﺳﺖ ﺳﻨﻮﺍﺕ .. ﻟﻴﺶ ﻣﻮ ﺍﻧﺖ ﺍﻟﻲ ﻣﻼﻗﻲ ﻫﺎﻟﺒﻌﺜﺔ .؟؟
ﺟﺮﺍﺡ ﺑﺎﻟﻢ : ﻻﻧﻲ ﺍﺳﺘﻬﺘﺮﺕ ﻭﺿﻴﻌﺖ ﻣﺴﺘﻘﺒﻠﻲ ﻓﻲ ﺍﺷﻴﺎﺀ ﺗﺎﻓﻬﺔ ..
ﻋﻤﺮﻱ ﻣﺎ ﺳﻤﻌﺖ ﻛﻼﻣﻪ ﻳﻮﻡ ﻛﺎﻥ ﻳﻨﺼﺤﻨﻲ ﻋﻦ ﺍﻟﻤﺪﺭﺳﺔ ﻭﻳﺘﺮﺟﺎﺍﺍﻧﻲ
ﻋﺸﺎﻥ ﺍﺩﺭﺱ .. ﻭﺍﻧﺎ ﻛﻨﺖ ﺍﻓﻀﻞ ﺍﻟﻄﻠﻌﺎﺕ ﻭﺍﻟﺴﻬﺮ ﺑﺎﻳﺎﻡ ﺍﻻﻣﺘﺤﺎﻧﺎﺕ
ﻋﻠﻰ ﺍﻟﺪﺭﺍﺳﺔ .. ﻣﻮ ﻣﺜﻠﺞ ﺍﻧﺘﻲ ﻳﺎﻓﺎﺗﻦ ﺍﻟﻠﻲ ﻛﻨﺘﻲ ﺗﺪﺭﺳﻴﻦ ﻋﺸﺎﻥ
ﺗﺮﺿﻴﻦ ﺍﺑﻮﻱ .. ﻋﺸﺎﻥ ﺗﻔﺮﺣﻴﻨﻪ ﺑﺎﻟﻨﺴﺐ ﻭﺍﻟﻌﻼﻣﺎﺕ .. ﻭﻫﺬﻱ ﻛﺘﺒﺔ
ﺍﻟﻠﻪ ﻭﻧﺼﻴﺒﻪ
ﻓﺎﺗﻦ : ﻻ .. ﻣﺎﺑﻲ .. ﻣﺎﺑﻲ ... ( ﺗﻌﺘﺼﺮ ﻣﻼﻣﺤﻬﺎ ﺍﻟﻤﺎ ) ﺟﺮﺍﺡ ﻻ ﺗﺴﻮﻱ
ﻓﻴﻨﻲ ﺟﺬﻱ .. ﺍﻧﺎ ﺍﺧﺘﻚ .. ﻻ ﺗﺒﻌﺪﻧﻲ ﻋﻨﻜﻢ ﺟﺬﻱ؟؟؟ ﻻ ﺗﺠﺒﺮﻧﻲ ..
ﺗﻜﻔﻰ ..
ﻭﺗﺸﻴﺢ ﺑﻮﺟﻬﻬﺎ ﺑﻌﻴﺪﺍ ﻋﻨﻬﻢ .. ﻣﺘﺎﻟﻤﺔ ... ﺍﻧﻬﺎ ﻣﻤﺰﻗﺔ ﺑﻤﺎ ﻗﺎﻟﻪ ﻟﻬﺎ
ﺍﺧﻴﻬﺎ .. ﻛﻞ ﻫﺬﺍ ﻳﻘﻮﻡ ﺑﻪ ﻭﺍﻟﺪﻱ .. ﻭﻧﺤﻦ ﻻ ﻧﻌﻠﻢ ﺑﻪ .؟؟ ﺍﻻﻥ ﺗﺒﺮﺭﺕ
ﻋﻨﺪﻱ ﻛﻞ ﻣﻮﺍﻗﻔﻪ ﻭﻛﻞ ﺷﺠﺎﺭﺍﺗﻪ ﺍﻟﺘﻲ ﻟﻢ ﻳﻜﻦ ﻳﺒﺪﻭ ﺍﻧﻬﺎ ﺳﺘﻨﺘﻬﻲ
ﺑﻴﻨﻪ ﻭﺑﻴﻦ ﺟﺮﺍﺡ ﺣﻮﻝ ﺍﻟﺪﺭﺍﺳﺔ .. ﻭﻛﻴﻒ ﻛﺎﻧﺖ ﺻﺤﺘﻪ ﺗﺴﻮﺀ ﺑﻌﺪ
ﺗﻠﻚ ﺍﻟﺸﺠﺎﺭﺕ ﻭﻫﻮ ﻣﻤﺘﻌﺾ .. ﻓﺎﺑﻲ ﺍﻥ ﻛﺎﻥ ﻻ ﻳﺮﻳﺪ ﺷﻴﺌﺎ ﺑﻬﺬﻩ
ﺍﻟﺪﻧﻴﺎ .. ﻫﻲ ﺍﻟﺤﻴﺎﺓ ﺍﻟﺘﻲ ﻧﻌﻴﺸﻬﺎ .. ﻣﺤﺪﻭﺩﻳﺔ ﺧﺎﻧﻘﺔ ﻭﺍﺣﻴﺎﻧﺎ ﻋﺠﺰ
ﻣﺆﻟﻢ ﻧﻜﺘﻔﻲ ﺑﺤﻤﺪ ﺍﻟﻠﻪ ﻋﻠﻴﻪ ﻭﺑﺎﻟﺪﻋﺎﺀ ﻻﻧﻔﺮﺍﺝ ﺍﻟﻬﻢ ... ﻟﻜﻦ .. ﻛﻴﻒ
ﻟﻲ ﺍﻥ ﺍﻏﺎﺩﺭ .. ﻛﻴﻒ ﻟﻲ ﺍﻥ ﺍﺗﺮﻛﻬﻢ .. ﻭ .... ﻭ .... ﺍﺗﺮﻛﻪ ...
ﻛﻴﻒ؟؟؟؟؟
ﻳﻨﻬﺾ ﻭﻳﺘﺠﻪ ﻧﺎﺣﻴﺘﻬﺎ ﻟﻴﻀﻤﻬﺎ ﺑﺤﻨﺎﻥ ... ﻭﻳﻬﺪﺉ ﻣﻦ ﺭﻭﻋﻬﺎ ..
ﺟﺮﺍﺡ ﺑﻬﺪﻭﺀ : ﻓﺘﻮﻥ .. ﻻ ﺗﺨﻠﻴﻦ ﻗﺮﺍﺭﺍﺗﺞ ﺗﻜﻮﻥ ﺳﺮﻳﻌﺔ ﻭﻣﻨﺪﻓﻌﺔ ...
ﺍﻧﺘﻲ ﻻﺯﻡ ﺗﻔﻜﺮﻳﻦ .. ﻻﺯﻡ ﺗﺤﻄﻴﻦ ﻓﻲ ﺑﺎﻟﺞ ﺍﻭﻟﻮﻳﺎﺗﺞ ﻋﻠﻰ ﺍﻭﻟﻮﻳﺎﺕ
ﺍﻟﻜﻞ .. ﻣﺤﺪ ﺭﺍﺡ ﻳﻮﻗﻒ ﻟﺞ ﻓﻲ ﺍﻟﻤﺴﺘﻘﺒﻞ ﻣﺜﻞ ﻣﺎ ﺍﻧﺘﻲ ﺗﻮﻗﻔﻴﻦ
ﺍﻟﺤﻴﻦ ﻟﻠﻜﻞ
ﻓﺎﺗﻦ ﺑﺎﻧﺪﻓﺎﻉ : ﻣﻮ ﻣﻬﻢ ﻋﻨﺪﻱ ...
ﻳﻘﺎﻃﻌﻬﺎ ﺟﺮﺍﺡ : ﻻ ﺗﻘﻮﻟﻴﻦ ﺟﺬﻱ ... ﺷﻮﻓﻴﻨﻲ ﻭﺍﻧﺎ ﺍﺧﻮﺝ ... ﻛﻨﺖ
ﻋﺎﻃﻲ ﺍﻟﺪﻧﻴﺎ ﻇﻬﺮﻱ ﻭﻣﺴﺘﻘﺒﻞ ﺍﻟﻤﻠﺬﺍﺕ ﻭﺍﻟﻀﻴﺎﻉ ﺑﻌﻤﺮﻱ . ﻟﻴﻤﻦ ...
ﻟﻴﻤﻦ ﺿﺮﺑﺘﻨﻲ ﻭﻓﺎﺓ ﺍﺑﻮﻱ ﻣﺜﻞ ﺍﻟﺼﻔﻌﺔ ﺍﻟﻠﻲ ﺗﻨﺒﻪ ﺍﻟﻮﺍﺣﺪ ﻋﻠﻰ ﺣﻴﺎﺗﻪ
ﻭﻋﻠﻰ ﺍﻟﺨﺴﺎﺭﺓ ﺍﻟﻠﻲ ﺍﻫﻮ ﻗﺎﻋﺪ ﻳﻐﻮﺹ ﻓﻴﻬﺎ .... ﻭﻓﺎﺕ ﺍﻻﻭﺍﻥ ..
ﻭﻣﺎﺕ ﺍﺑﻮﻱ .. ﻭﺧﻼﻧﻲ ﺍﻃﻴﺢ ﺑﺤﺴﺎﻓﺔ ﻣﺎ ﺗﻨﺘﻬﻲ .. ﺣﺮﺍﺭﺓ ﻓﻲ ﺍﻟﻴﻮﻑ
ﻣﺎ ﺗﻬﺪﻯ ﻭﻻ ﺗﺴﺘﻜﻴﻦ ...
ﺍﺷﺎﺣﺖ ﺑﻮﺟﻬﻬﺎ ﻋﻨﻪ ﻣﻌﺘﺮﺿﺔ ﻋﻠﻰ ﻛﻼﻣﻪ ﺩﺍﺧﻠﻴﺎ .. ﻻ ﺗﺮﻳﺪ ﺍﻥ
ﺗﺘﻜﻠﻢ ... ﻻﺑﺪ ﻭﺍﻧﻬﺎ ﻋﻠﻰ ﻃﺮﻳﻖ ﺍﻟﻤﻮﺍﻓﻘﺔ .. ﺳﺘﻮﺍﻓﻖ .. ﺍﻋﻠﻢ ﺑﻬﺬﺍ ..
ﻭﺍﻛﻤﻞ ﺟﺮﺍﺡ :. ﺍﻧﺎ ﺍﻟﻠﻲ ﻣﺼﺒﺮﻧﻲ ﻫﺎﻻﻳﺎﻡ ﺍﻫﻲ ﻫﺎﻟﺴﺎﻟﻔﺔ .. ﺍﻟﻠﻲ ﺭﺩﻧﻲ
ﻟﻠﺤﻴﺎﺓ ﺍﻫﻮ ﻫﺎﻟﻄﺮﻳﻖ ﺍﻟﻮﺣﻴﺪ ﺍﻟﻠﻲ ﺑﻴﻦ ﻟﻲ ﺍﻧﻲ ﺍﻗﺪﺭ ﺍﺑﻴﺾ ﺣﺴﺎﺑﻲ
ﻋﻨﺪ ﺍﺑﻮﻱ .. ﻭﺍﺧﻠﻴﻪ ﻳﺮﻓﻊ ﺭﺍﺳﻪ ﻓﺨﺮ ﺑﻲ .. ﺍﻧﻲ ﻗﺪﺭﺕ ﺍﺿﻤﻦ ﻋﻠﻰ
ﺍﻻﻗﻞ ﻣﺴﺘﻘﺒﻞ ﻭﺍﺣﺪ ﻣﻦ ﺍﺧﻮﺍﻧﻲ .. ﻭﺍﻧﺘﻲ ﻣﻮ ﺃﻱ ﻭﺍﺣﺪ ﻳﺎ ﻓﺎﺗﻦ ..
ﺍﻧﺘﻲ ﺍﻻﻡ ﺍﻟﺜﺎﻧﻴﺔ ﻟﻨﺎ .. ﺍﻧﺘﻲ ﺍﻟﻠﻲ ﻭﻗﻔﺘﻨﻲ ﻟﻨﺎ ﻭﻗﻔﺔ ﺍﻟﺮﻳﺎﺟﻴﻞ ﺑﻴﻦ
ﺍﻟﺤﺮﻳﻢ .. ﻭﻣﺤﺪ ﺑﻌﻤﺮﺝ ﻳﻘﺪﺭ ﻳﺘﺤﻤﻞ ﺭﺑﻊ ﺍﻟﻤﺴﺌﻮﻟﻴﻪ ﺍﻟﻠﻲ ﺍﻧﺘﻲ
ﺗﺤﻤﻠﺘﻴﻬﺎ ﺑﺎﺧﺮ ﺍﻟﻔﺘﺮﺓ ... ﺻﺪﻗﻴﻨﻲ ﻳﺎ ﺍﺧﺘﻲ ﺍﻧﺎ ﻣﺎ ﻭﺍﻓﻘﺖ ﻋﻠﻰ
ﻫﺎﻟﺸﻲ ﻭﻣﺎ ﺍﺳﺘﻤﺮﻳﺖ ﻓﻴﻪ ﺍﻻ ﻭﺍﻧﺎ ﻣﺘﺎﻛﺪ ﺍﻥ ﻫﺎﻟﺸﻲ ﺻﻼﺡ .. ﻻﻧﻪ
ﻟﻮ ﻛﺎﻥ ﻏﻠﻂ ﺭﺑﻨﺎ ﻣﺎ ﺭﺍﺡ ﻳﻮﺍﻓﻖ ﻋﻠﻴﻪ ﻭﻻ ﺭﺍﺡ ﻳﺨﻠﻴﻪ ﻳﺴﺘﻤﺮ .. ﻭﻻ
ﺭﺍﺡ ﻳﺨﻠﻴﻪ ﻳﻈﻬﺮ ﻟﻨﺎ ﻣﺜﻞ ﺍﻟﻮﻣﻀﺎﺕ ﺑﺎﻟﺤﻴﺎﺓ ...
ﻓﺎﺗﻦ ﺑﺎﻟﻢ : ﺟﺮﺍﺡ ... ﻣﺎﺑﻲ .. ﻣﺎﺑﻲ ...
ﺻﻤﺖ ﺟﺮﺍﺡ .. ﻻ ﻳﻌﺮﻑ ﻛﻴﻒ ﻳﻘﻨﻌﻬﺎ .. ﺍﻧﻬﺎ ﺭﺍﻓﻀﺔ ﺗﻤﺎﻣﺎ ﻟﻬﺬﻩ
ﺍﻟﻔﻜﺮﺓ ... ﻳﺎ ﺭﺑﻲ .. ﻛﻴﻒ ﺳﺎﻗﻨﻌﻬﺎ .. ﻛﻴﻒ؟؟؟؟
ﺍﻟﺘﻔﺖ ﺍﻟﻰ ﺍﻣﻪ ﻣﻨﺎﺟﺎﺓ .. ﻟﻜﻦ ﺍﻻﺧﺮﻯ ﻳﺒﺪﻭ ﻣﻦ ﻣﻼﻣﺤﻬﺎ ﺍﻧﻬﺎ
ﺗﺮﺍﺟﻌﺖ ﻋﻦ ﺍﻟﻔﻜﺮﺓ ... ﻳﺎﻭﻳﻠﺘﻲ .. ﻫﺎ ﻗﺪ ﺻﻔﻴﺖ ﻭﺣﻴﺪﺍ ﺑﻬﺬﻩ
ﺍﻟﻤﻌﺮﻛﺔ .. ﻭﻳﺒﺪﻭ ﺍﻧﻲ ﺳﺎﺧﺴﺮﻫﺎ ... ﻻ ﺍﺭﻳﺪ ﺍﻥ ﺍﺧﺴﺮﻫﺎ ..ﻓﺨﺴﺎﺭﺗﻲ
ﻫﻲ ﻛﺨﺴﺎﺭﻩ ﺍﺑﻲ .. ﺳﺎﻣﺤﻨﻲ ﻳﺎ ﺍﺑﻲ ... ﺳﺎﻣﺤﻨﻲ .. ﻟﻢ ﺍﺳﺘﻄﻊ ﺍﻥ
ﺍﻓﻌﻞ ﻟﻚ ﻫﺬﺍ ﺍﻟﺸﻲ ﺍﻟﺒﺴﻴﻂ ...
ﻭﻟﻜﻦ ﻇﻬﺮ ﺻﻮﺕ ﺧﺎﻟﺪ ﻣﻦ ﺍﻟﻼﺷﻲﺀ ﻣﻨﻘﺬﺍ ﺟﺮﺍﺡ .. ﻭﻣﻌﻴﺪﺍ ﺍﻻﻣﻞ
ﻓﻲ ﺩﺍﺧﻠﻪ ﻣﺮﺓ ﺍﺧﺮﻯ ...
ﺧﺎﻟﺪ : ﻓﺎﺗﻦ ... ﺗﻌﺎﻟﻲ ﻣﻌﺎﻱ ﺷﻮﻱ .
ﻓﺎﺗﻦ : ﻭﻳﻦ؟؟
ﺧﺎﻟﺪ ﻳﺸﻴﺮ ﻟﻬﺎ ﺑﻴﺪﻳﻪ : ﺗﻌﺎﻟﻲ ﺍﻧﺘﻲ ﻭﻻ ﻋﻠﻴﺞ ...
ﻧﻈﺮﺕ ﺍﻟﻰ ﺍﺧﻴﻬﺎ ﻭﻛﺎﻧﻬﺎ ﺗﻨﺘﻈﺮ ﻣﻨﻪ ﺍﻟﻤﻮﺍﻓﻘﺔ .. ﻭﺍﻭﻣﺄ ﺑﺮﺍﺳﻪ
ﻭﻏﺎﺩﺭﺕ ﻣﻊ ﺧﺎﻟﺪ ... ﺍﻟﻰ ﺧﺎﺭﺝ ﺗﻠﻚ ﺍﻟﺪﺍﺋﺮﺓ ﺍﻟﻤﻜﻬﺮﺑﺔ .. ﺣﻴﺚ ﺍﻟﻬﻮﺍﺀ
ﺍﻟﺨﻔﻴﻒ ﻳﺒﺮﺩ ﺍﻟﻘﻠﺐ ﻣﻦ ﺍﻟﺤﺮﺍﺭﺓ ...
ﻣﺮﻳﻢ ﺍﻟﺘﻲ ﻭﺻﻠﺖ ﻟﻠﻤﻨﺰﻝ ﻟﻢ ﺗﻜﻒ ﻋﻦ ﺍﻟﺜﺮﺛﺮﺓ ﻟﻤﺴﺎﻋﺪ ﺍﻟﻨﺎﺋﻢ ﻭﻟﺆﻱ
ﺍﻟﺴﺎﺭﺡ ﻋﻨﺪ ﺍﻟﺘﻠﻔﺎﺯ .. ﻛﺎﻧﺖ ﻓﺨﻮﺭﺓ ﺑﺸﻘﺔ ﺍﺧﺘﻬﺎ ﺍﻟﺒﺴﻴﻄﺔ .. ﻟﻜﻦ ..
ﻋﻨﺪﻣﺎ ﺗﺜﺮﺛﺮ ﻣﺮﻳﻢ .. ﻻ ﻣﻨﺎﺯﻉ ﻟﻬﺎ .. ﻳﺎﺍﺍﺍﺍ ﻟﻠﺼﺒﺮ
ﻣﺮﻳﻢ : ﻭﺗﻌﺮﻑ ﺳﻌﻮﺩ .. ﺣﺎﻃﻪ ﻟﻬﺎ ﻧﻮﻉ ﺍﻟﺤﻮﺽ ﺍﻟﻤﺎﺋﻲ ﺍﻭﻝ ﻣﺎ ﺗﺪﺵ
ﺍﻟﺒﻴﺖ .. ﺻﺮﺍﺣﺔ ﻓﻈﻴﻊ .. ﺻﺞ ﺍﻧﻬﺎ ﺷﻘﺔ ﻭﺛﻼﺙ ﻏﺮﻑ ﻟﻜﻦ ﺷﻴﻚ ..
ﻣﺎﺩﺭﻱ ﺟﻢ ﺻﺮﻑ ﻋﻠﻴﻬﺎ ﻓﻴﺼﻞ .. ﻻ ﻭﺍﻻﺣﻠﻰ ﺑﻌﺪ ﺍﻥ ﺍﻛﻮﻭﻭ ﺛﺮﻳﺎﺕ
ﺻﻐﻨﻮﻧﺎﺕ ﻓﻲ ﺍﻟﺼﺎﻟﺔ ﺗﻄﻠﻊ ﻋﻠﻴﻚ ﺍﻭﻝ ﻣﺎ ﺗﺪﺧﻞ ﺍﻣﺨﻠﻴﻪ ﺍﻟﺠﻮﻭ
ﺭﻫﻴﺐ ﻭﺣﻠﻮﻭﻭ ...
ﻣﺴﺎﻋﺪ : ﻓﻴﺼﻞ ﻛﺎﻥ ﻫﻨﺎﻙ؟
ﻣﺮﻳﻢ : ﻻﻭ ﺍﻟﻠﻪ ﻣﺎﻛﺎﻥ ﻫﻨﺎﻙ ...ﺍﺻﻼ ﺯﻭﺝ ﺍﺧﺘﻚ ﻫﺬﺍ ﻳﺒﻴﻦ .. ﻣﺎ ﺷﻔﺘﻪ
ﻓﺤﻴﺎﺗﻲ ﺍﻻ ﻣﺮﺗﻴﻦ .. ﻳﻮﻡ ﺍﻟﺨﻄﺒﺔ ﻭﺍﻟﻤﻠﺠﺔ .. ﺑﺲ .. ﻭﺍﻻ ﺍﺫﺍ ﻳﺎﻧﻪ
ﻫﻨﻲ ﻗﻌﺪ ﻭﻳﺎﻛﻢ ﻓﻲ ﺍﻟﺪﻳﻮﺍﻧﻴﺔ ﻭﺍﻻ ﺩﺵ ﻋﻠﻰ ﺍﻣﻲ ﺑﺲ ﻭﺳﻠﻢ ..
ﻭﺍﻳﺪ ﻣﺘﺪﻳﻦ ..
ﻣﺴﺎﻋﺪ : ﻣﻮ ﻣﺴﺎﻟﻪ ﺗﺪﻳﻦ ﻭﻻ ﻛﻮﻧﻪ ﻓﺮﻱ .. ﺭﻳﺎﻝ ﻣﺤﺘﺮﻡ ﺣﺎﻁ ﺣﺮﻣﺔ
ﻟﺒﻴﻮﺕ ﺍﻟﻨﺎﺱ .. ﻭﺍﻟﺤﻤﺪ ﻟﻠﻪ ﻻﺯﻡ ﻧﻔﺮﺡ ﻭﻧﺸﻜﺮ ﺭﺑﻨﺎ ﻋﻠﻰ ﺯﻭﺝ ﺍﺧﺖ
ﻣﺜﻞ ﻫﺬﺍ ...
ﻣﺮﻳﻢ : ﺃﻳــﻪ ﻣﺎﻋﻠﻴﻪ ﻣﺎﻓﻴﻬﺎ ﺷﻲ .. ﺍﻟﺤﻤﺪ ﻟﻠﻪ ﻋﻠﻰ ﻛﻞ ﺣﺎﻝ .. ﺍﻫﻢ
ﺷﻲ ﻧﻮﺭﻭﻭ ﺗﺴﺪ ﺣﻠﺠﻬﺎ ﻭﺗﺸﺒﻊ .. ﺗﺪﺭﻱ ﺳﻌﻮﺩ .. ﻓﻲ ﺍﻟﺒﻴﺖ ﺣﺎﻃﻴﻦ
ﻟﻬﻢ ..............................
( ( ﻟﺤﻈﻪ ﻣﺮﻳﻢ ... ﺳﺘﻮﻭﻭﺏ ... ﺩﻗﺎﺋﻖ ﻣﻦ ﻓﻀﻠﻚ ﻭﻻ ﺍﻇﻨﻬﺎ
ﺳﺘﻘﺘﻠﻚ ... ﻣﺎﺷﺎﺀ ﺍﻟﻠﻪ ﻋﻠﻴﻚ .. ﻟﻨﺘﻜﻠﻢ ﻋﻦ ﻫﺬﻩ ﺍﻟﺸﺨﺼﻴﺔ ﻗﻠﻴﻼ ..
ﻓﻴﺼﻞ ... ﻟﻢ ﺍﻃﺮﻳﻪ ﺍﻻ ﺑﺎﻻﺳﻢ .. ﻟﻢ ﺗﺮﻭﻩ .. ﻭﻟﻢ ﺗﺘﺎﻟﻔﻮ ﻣﻌﻪ .. ﻭﻟﻢ
ﺗﺠﺘﻤﻌﻮ ﺑﻪ ﻭﻻ ﻣﺮﺓ .. ﺳﻤﻌﺘﻢ ﻓﻲ ﺍﻟﺒﺪﺍﻳﺔ ﻛﻴﻒ ﻧﻮﺭﺓ ﻛﺎﻧﺖ ﺗﺨﺘﺎﻝ
ﺑﻪ .. ﻭﻟﺮﺑﻤﺎ ﻫﺬﻩ ﺛﺎﻟﺚ ﻣﺮﺓ ﺍﺫﻛﺮﻩ .. ﻻﻋﺮﻓﻜﻢ ﻋﻠﻴﻪ ...
ﻓﻴﺼﻞ ﺍﻟﺮﺍﻫﻲ .. ﺷﺎﺏ ﻓﻀﻴﻞ .. ﻳﺒﻠﻎ ﻣﻦ ﺍﻟﻌﻤﺮ ﺍﻟﺨﺎﻣﺴﺔ ﻭﺍﻟﻌﺸﺮﻳﻦ ..
ﻳﻌﻤﻞ ﺑﺎﺣﺪﻯ ﺍﻟﻮﺯﺍﺭﺍﺕ ﺍﻟﺤﻜﻮﻣﻴﺔ ﺑﺎﻟﺪﻭﻟﺔ ..
ﻓﻴﺼﻞ ﻟﻢ ﻳﻜﻦ ﻟﻪ ﺑﺎﻟﺤﺐ ﺃﻱ ﻋﻨﻮﺍﻥ .. ﺑﺎﻟﻮﺍﻗﻊ .. ﻟﻢ ﺗﻜﻦ ﻟﻪ ﺻﻠﺔ
ﺑﺎﻟﻌﺎﻟﻢ ﺍﺑﺪﺍ .. ﻛﺎﻥ ﻣﺒﺘﻌﺪﺍ ﻭﻣﻨﻌﺰﻻ ﻋﻨﻬﺎ ﻭﺍﻛﺜﺮ ﺍﻭﻗﺎﺗﻪ ﺑﺎﻟﺒﻴﺖ ..
ﻭﺧﺮﻭﺟﻪ ﺑﺴﻴﻂ .. ﻟﺮﺑﻤﺎ ﻻﺣﺪﻯ ﺣﻔﻼﺕ ﺍﻻﻋﺮﺍﺱ ﻭﺍﻟﻤﻨﺎﺳﺒﺎﺕ
ﺍﻟﺨﺎﺻﺔ ﺍﻟﺒﺴﻴﻄﺔ ﺟﺪﺍ .. ﻓﻤﻜﺎﻧﻪ ﺍﻟﻤﻔﻀﻞ ﻫﻮ ﺍﻟﻤﻨﺰﻝ ...
ﺑﺎﺭﺍ ﺑﺎﺍﺑﻮﻳﻪ ﻭﺑﺎﺧﻮﺗﻪ .. ﻭﺑﺎﻻﺧﺺ .. ﺃﻟﻔﺘﻴﺎﺕ .. ﻳﻌﻠﻢ ﺑﻤﺪﻯ
ﺣﺴﺎﺳﻴﺘﻬﻦ ﻭﻣﺪﻯ ﺷﻔﺎﻓﻴﺘﻬﻦ ﻭﻣﺪﻯ ﺣﺎﺟﺘﻬﻦ ﻟﻠﺤﺐ ﻭﺍﻟﺤﻨﺎﻥ
ﻭﺍﻟﻌﻄﻒ ﺍﻟﻤﺴﺘﻤﺮﺍﻥ .. ﺣﺘﻰ ﻟﻮ ﺍﺧﻄـﺄﻥ ﻻ ﻳﻌﺎﻗﺒﻬﻦ ﺑﺎﻟﺼﺮﺍﺥ ﺍﻭ
ﺍﻟﻨﻌﻴﻖ ﺍﻟﺬﻱ ﻳﺨﺮﻕ ﺍﻻﺫﺍﻥ .. ﺍﻟﺘﻔﻬﻢ ﻫﻮ ﺍﺳﺎﺱ ﺍﻟﻌﻼﻗﺎﺕ .. ﻫﺬﺍ ﻫﻮ
ﺷﻌﺎﺭﻩ
ﻟﻢ ﻳﻜﻦ ﻳﺨﻄﻂ ﻻﻥ ﻳﻘﻊ ﻓﻲ ﺣﺐ ﻧﻮﺭﺓ ... ﺍﻻ ﻋﻨﺪﻣﺎ ﺭﺁﻫﺎ ﻣﺮﺓ ﻣﻊ
ﺍﺧﺘﻪ (ﻭﺩﺍﺩ ) ﺳﺮﻗﺖ ﻗﻠﺒﻪ ﺑﻜﻞ ﻣﺎ ﻟﻠﻜﻠﻤﺔ ﻣﻌﻨﻰ .. ﻓﻨﻮﺭﺓ ﺟﻤﻴﻠﺔ
ﺑﻄﺒﻌﻬﺎ ﻭﺧﻼﺑﺔ ﻭﻓﺎﺗﻨﺔ ﻭﺗﺴﺮﻕ ﺍﻻﺿﻮﺍﺀ ﺍﻳﻨﻤﺎ ﺣﻠﺖ .. ﻭﻫﺬﺍ ﻛﺎﻥ ﻟﻪ
ﺍﻻﺛﺮ ﺍﻟﻌﻜﺴﻲ .. ﻓﻬﻲ ﺍﺗﺨﺬﺕ ﻣﻦ ﻫﺬﺍ ﺍﻟﺠﻤﺎﻝ ﻏﺮﻭﺭﺍ ﻭﻛﺒﺮﻳﺎﺀ ..
ﻟﻜﻦ .. ﻗﻠﺐ ﺍﻟﻤﺤﺐ ﻣﺘﺴﺎﻣﺢ ﺑﻄﺒﻌﻪ .. ﻻ ﻳﻘﺒﻞ ﺑﺎﻥ ﻳﻀﻊ ﺻﻮﺭﺓ ﻏﻴﺮ
ﺻﻮﺭﺓ ﺍﻟﻤﻼﻙ ﻟﺤﺒﻴﺒﻪ .. ﻭﻻﻧﻪ ﺷﺎﺏ ﺫﻭ ﺧﻠﻖ ﻋﺎﻝ ﻟﻢ ﻳﺮﺿﻰ ﺑﺎﻥ
ﺗﺘﻄﻮﺭ ﻋﻼﻗﺘﻪ ﻣﻊ ﻧﻮﺭﺓ ﺍﻻ ﻓﻲ ﺍﻃﺎﺭ ﺷﺮﻋﻲ ﻭﺗﺤﺖ ﺍﻧﻈﺎﺭ ﺍﻟﺮﺏ
ﻭﻇﻠﻪ .. ﻓﺘﻘﺪﻡ ﻟﺨﻄﺒﺘﻬﺎ .. ﻭﻟﻜﻮﻥ ﻧﻮﺭﺓ ﺻﻐﻴﺮﺓ ﺑﺘﻠﻚ ﺍﻟﻔﺘﺮﺓ .. ﺃٌﺟﻞ
ﻃﻠﺒﺔ ﺍﻟﻰ ﺍﻥ ﺗﻨﺘﻬﻲ ﻣﻦ ﺍﻟﺪﺭﺍﺳﺔ ﺍﻟﺜﺎﻧﻮﻳﺔ .. ﻓﺒﻘﻰ ﻫﻮ ﻳﻨﺘﻈﺮﻫﺎ
ﺑﺘﻮﺟﺲ .. ﻣﺎﺫﺍ ﻟﻮ ﺭﻓﻀﻮﻧﻲ ﺣﺘﻰ ﺑﻌﺪ ﺍﻥ ﺗﺘﺨﺮﺝ ... ﻟﻜﻦ .. ﻛﻞ
ﺍﻋﺘﻘﺎﺩﺍﺗﻪ ﻭﺷﻜﻮﻛﻪ ﺧﺎﺑﺖ ﻋﻨﺪﻣﺎ ﺗﻘﺪﻡ ﻟﻬﺎ ﻟﻠﻤﺮﺓ ﺍﻟﺜﺎﻧﻴﺔ ﻭﻭﺍﻓﻘﻮ ﺍﻫﻠﻬﺎ
ﻋﻠﻴﻪ ... ﻭﺧﻄﺒﻬﺎ .. ﻭﺑﻬﺬﻩ ﺍﻟﺨﻄﺒﺔ ﻣﻠﻚ ﺍﻟﺪﻧﻴﺎ ﺑﺎﺳﺮﻫﺎ ..
ﻳﻘﺪﻡ ﻟﻬﺎ ﺭﻭﺣﻪ ﻟﻮ ﻃﻠﺒﺘﻬﺎ ﻣﻦ ﻏﻴﺮ ﺃﻱ ﺗﻔﻜﻴﺮ .. ﺍﻧﺪﻓﺎﻋﻴﺘﻪ ﺑﺤﺐ ﻧﻮﺭﺓ
ﺣﻴﺮﺕ ﻛﻞ ﺍﺧﻮﺗﻬﺎ .. ﻓﻬﻲ ﺑﻄﺒﻌﻬﺎ ﻃﻼﺑﺔ .. ﻭﻟﻜﻦ .. ﻛﻤﺎ ﻗﻠﺖ .. ﻗﻠﺐ
ﺍﻟﻤﺤﺐ .. ﻣﺘﺴﺎﻣﺢ ..
ﺍﻻﻥ ﺍﻟﺴﺆﺍﻝ ﺍﻟﺬﻱ ﻳﺘﺮﺍﻭﺩ ﻟﻜﻢ ... ﻟﻢ ﺫﻛﺮﺕ ﺷﺨﺼﻴﺔ
ﻓﻴﺼﻞ ....؟ .؟؟؟ ﺍﻣﻤﻢ .. ﺍﻻﻳﺎﻡ ﺍﻟﻘﺎﺩﻣﺔ ﺍﻭ ﺍﻻﺣﺪﺍﺙ ﺍﻟﻘﺎﺩﻣﺔ ﺳﺘﺒﻴﻦ
ﻟﻜﻢ ﺳﺒﺐ ﺗﻘﺪﻳﻤﻲ ﻟﻪ ... ﻭﺷﻜﺮﺍ .. ﺍﻭﻩ .. ﻧﺴﻴﻨﺎ ﻣﺮﻳﻢ .. ﺗﻔﻀﻠﻲ ﻳﺎ
ﻣﺮﻳﻢ ﺍﻛﻤﻠﻲ ﻣﺎ ﺑﺪﺃﺗﻪ .. ﺍﻋﺎﻧﻚ ﺍﻟﻠﻪ ﻳﺎ ﻣﺴﺎﻋﺪ ) )
ﺗﻜﻤﻞ ﻣﺮﻳﻢ : ﻭ ﺣﺎﻃﻴﻦ ﺩﻳﺰﺍﻳﻦ ﻣﻼﺋﻜﺔ ﺑﻐﺮﻓﺔ ﻳﻘﻮﻟﻮﻥ ﺣﻖ ﺍﻟﻌﻴﺎﻝ
ﻫﻬﻬﻬﻬﻬﻬﻬﻪ ﻣﺎ ﻳﺴﺘﺤﻮﻥ ﺍﻣﺨﻄﻄﻴﻴﻦ ﻣﻦ ﺍﻟﺤﻴﻦ ﻟﻠﻌﻴﺎﻝ ..
ﻣﺴﺎﻋﺪ ﺑﻀﻴﻖ ﻭﻟﻜﻦ ﺑﺎﺑﺘﺴﺎﻡ : ﺍﻧﺘﻲ ﺷﻜﻮ ﺑﻬﺎﻟﺴﻮﺍﻟﻒ .. ( ﻳﻨﺎﺩﻱ ﺍﻣﻪ )
ﻳﻤﻪ ﻫﺬﻱ ﻏﺜﺔ ﻻ ﺗﺎﺧﺬﻳﻨﻬﺎ ﻣﻜﺎﻥ ﻣﺮﺓ ﺛﺎﻧﻴﺔ
ﺗﻄﻠﻊ ﺍﻻﻡ ﺑﺎﺑﺘﺴﺎﻣﺔ ﻭﻫﻲ ﺍﻻﺧﺮﻯ ﺗﺒﺪﻭ ﻛﻤﻦ ﻭﺯ ﻋﻠﻰ ﺭﺃﺳﻬﺎ ﺍﻟﻰ ﺍﻥ
ﺗﺼﺪﻉ : ﻭﺍﻟﻠﻪ ﺣﺎﻟﻨﺎ ﻣﻦ ﺣﺎﻟﻜﻢ ﻻ ﺗﻈﻨﻮﻥ ﺍﻧﻨﺎ ﺍﻗﻞ ..
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
ﻣﺮﻳﻢ ﺑﻘﻬﺮ : ﻳﻌﻨﻲ ﺍﻟﺤﻴﻦ ﻫﺬﺍ ﻳﺰﺍﻱ ﺍﻧﻲ ﺍﻳﻴﺐ ﻟﻜﻢ ﺍﺧﺮ ﺍﻻﺧﺒﺎﺭ ..
ﻟﺆﻱ : ﻛﺎﻥ ﺣﻠﻮ ﻣﻨﻪ ﺍﻧﻪ ﻳﻜﻮﻥ ﻣﻮﺟﺰ .. ﻣﻮ ﻧﺸﺮﺓ ﺍﻻﺧﺒﺎﺭ ﻣﺮﺓ
ﻭﺣﺪﻩ ..
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﺎﺍﺍﺍﺍﻱ ﺣﻠﻮﺓ ..
ﻟﺆﻱ ﻭﻫﻮ ﻳﻐﻤﺰ : ﺻﻮﺭﺭﺭﺭﺭﻫﺎ ..
ﻣﺮﻳﻢ : ﻣﺎﻟﺖ ﻋﻠﻴﻜﻢ ﺍﻗﻮﻝ ... ( ﺗﻘﻒ ﻭﻫﻲ ﺗﺘﺨﺎﻳﻞ ﺑﺎﻟﻤﺸﻲ ) ﺍﻧﺎ ﺑﻌﺪ ..
ﻳﻮﻡ ﺍﻟﻠﻲ ﺑﺴﻮﻱ ﻟﻲ ﺑﻴﺖ .. ﺑﺨﻠﻴﻪ ﺍﺣﻠﻰ ﺑﻴﺖ .. ﺑﻴﺖ ﻓﻴﻪ ﻧﺎﻓﻮﺭﺓ ..
ﻭﻓﻴﻪ ﺛﺮﻳﺎﺕ .. ﻭﺍﻟﺠﻔﺼﻴﻦ ﻭﺍﻟﺒﻼﻁ ﻣﻦ ﺍﺣﻠﻰ ﻣﺎ ﻳﻜﻮﻥ (ﻧﻈﺮﺓ ﻏﺮﻭﺭ )
ﺑﺨﻠﻲ ﺍﻟﻠﻲ ﻣﺎ ﻳﺘﻌﺠﺐ .. ﻳﺘﻌﺠﺐ .. ﻭﻗﻄﻊ ﺑﺎﻟﻌﺪﻭ ﻫﺬﻱ ﻭﻳﻮﻭﻭﻩ
ﺍﺭﻭﺡ ﻻﻣﻲ ﺍﺑﺮﻛﻠﻲ ...
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﺎﺍﺍﻱ
ﻳﻠﺘﻔﺖ ﺍﻟﻴﻪ ﻟﺆﻱ ﺑﻌﺼﺒﻴﺔ :.. ﺍﻧﺎ ﻣﻨﻚ ﺍﺧﺬﻫﺎ ﻭﺍﺧﺮﻣﻄﻬﺎ ﻭﺍﺭﻣﻴﻬﺎ ﻓﻲ
ﺍﻟﺒﺤﺮ
ﻣﺴﺎﻋﺪ : ﺍﻓﺎ .. ﻣﻮ ﻣﺴﺎﻋﺪ ﺍﻟﻠﻲ ﻳﺴﻮﻱ ﺟﺬﻱ ﺑﺨﻮﺍﺗﻪ .. ﺍﻻ ﺍﺫﺍ ﺍﻧﺖ ..
ﻟﺆﻱ : ﺍﻧﺎ ﻣﺎﻭﺩﻱ ﺑﺲ ﻗﺴﻢ ﺑﺎﻟﻠﻪ ﺗﻘﻬﺮﻧﻲ ... ﺍﻟﻴﻮﻡ ﻟﻮ ﺳﻤﻌﺖ ﺷﻘﺎﻟﺖ
ﻟﻲ ﻭﺍﻧﺎ ﺭﺍﻳﺢ ﻟﻬﺎ ﺍﻓﻀﻔﺾ ﻗﻠﺒﻲ ﻟﻬﺎ .. ﻛﻠﺘﻨﻲ ﺑﻬﺪﻭﻣﻲ .. ﻳﻌﻠﻬﺎ ﻣﺎﻝ
ﺍﻟﻮﻳﻊ ..
ﻣﺴﺎﻋﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺍﻧﺖ ﻋﺒﺎﻟﻚ ﻫﺬﻱ ﻧﻮﺭﻭ .. ﻳﺒﺎ
ﻫﺬﻱ ﻟﻮﺙ .. ﻫﺬﻱ ﺗﺮﺑﻴﺘﻲ ﺍﻧﺎ .. ﻋﻠﻤﺘﻬﺎ ﺷﻠﻮﻥ ﺗﺴﺪ ﺍﻟﺴﺎﻟﻔﺔ ﻣﻦ ﺍﻭﻟﻬﺎ
ﺍﺫﺍ ﺣﺴﺘﻬﺎ ﺑﺎﻳﺨﺔ ..
ﻟﺆﻱ ﻳﻌﻴﺪ ﺍﻟﺘﻔﻜﻴﺮ ﺑﺼﻤﺖ : ﺟﻨﻲ ﺍﻧﺴﺒﻴﺖ ..
ﻣﺴﺎﻋﺪ ﺑﺼﺪﻣﺔ ﻭﻫﻮ ﻳﻔﺘﺢ ﻋﻴﻨﻴﻪ ﻋﻠﻯﻮﺳﻌﻬﻤﺎ .. ﻭﻛﻢ ﺑﺪﻳﺘﺎ
ﺭﺍﺋﻌﺘﻴﻦ : ﻳﺎﺍﺍﺍﺍﻩ ﻟﺆﻱ .. ﻣﻌﺪﻝ ﺍﻟﺬﻛﺎﺀ ﻃﺎﻕ ﻋﻨﺪﻙ ﺍﻻﻟﻒ ﺍﻟﻴﻮﻡ؟ .
ﻟﺆﻱ ﻳﺒﺘﺴﻢ ﺑﻔﺨﺮ : ﻋﺸﺎﻥ ﺗﻌﺮﻑ .. ﻳﻮﻡ ﻟﻚ .. ﻳﻮﻡ ﻋﻠﻴﻚ .. ﻣﺶ ﻛﻞ
ﻳﻮﻡ ﻣﻌﺎﺍﺍﺍﻙ
ﻣﺴﺎﻋﺪ ﺑﻀﺤﻜﺔ ﺻﺪﺭﺕ ﻣﻦ ﺩﺍﺧﻠﻬﺎ :
ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ
*****
ﺟﻠﺴﺎ ﺍﻻﺛﻨﻴﻦ ﻋﻨﺪ ﺣﻮﺽ ﺍﻟﺰﺭﺍﻋﺔ ﺍﻟﺒﺴﻴﻂ ... ﻣﺒﺘﻌﺪﻳﻦ ﺑﻀﻊ ﺍﻻﻗﺪﺍﻡ
ﻋﻦ ﺑﻌﻀﻴﻬﻤﺎ ... ﺻﺎﻣﺘﻴﻦ .. ﻻ ﻳﺘﻜﻠﻤﺎﻥ ﻭﻻ ﻳﺼﺪﺭﺍﻥ ﺃﻱ ﺟﻠﺒﺔ ﻓﻲ
ﺍﻟﻤﻜﺎﻥ ... ﻛﺎﻧﺖ ﻓﺎﺗﻦ ﻣﻨﺤﻨﻴﺔ ﻭﺫﻗﻨﻬﺎ ﻋﻠﻰ ﺭﻛﺒﺘﻴﻬﺎ .. ﺍﻟﺤﺰﻥ ﻳﺸﻮﺏ
ﻗﻠﺒﻬﺎ ﻟﻜﻦ ﻣﻦ ﺍﻟﺬﻱ ﺳﻴﻔﻬﻤﻬﺎ .. ﺍﻧﻬﺎ ﺑﻜﻤﺎﺀ .. ﻻ ﺗﻘﺪﺭ ﺍﻥ ﺗﺘﻜﻠﻢ .. ﻭﻻ
ﺗﻘﺪﺭ ﺍﻥ ﺗﻌﺒﺮ .. ﻓﺨﻮﻓﻬﺎ ﺍﻛﺒﺮ ﻣﻨﻬﺎ .. ﺗﺮﻳﺪ ﺍﻥ ﺗﺼﺮﺥ ﺑﺎﻋﻠﻰ ﺻﻮﺗﻬﺎ
ﺍﻟﺨﺎﺋﻒ .. ﻻ ﺍﺭﻳﺪ ﺍﻟﺬﻫﺎﺏ .. ﻻ ﺍﺭﻳﺪ ﺍﻥ ﺍﺫﻫﺐ ﻭﺍﺑﺘﻌﺪ ﻋﻨﻪ .. ﺍﻧﺎ ﻟﻢ
ﺍﺻﺪﻕ ﺗﻮﺍﺟﺪﻩ ﺑﻘﺮﺑﻲ ﺑﻌﺪ ﺗﻠﻚ ﺍﻟﺴﻨﻮﺍﺕ ﺍﻟﻄﻮﺍﻝ ﺍﻟﺘﻲ ﺣﻠﻤﺖ ﺑﻪ
ﻻﺗﺨﻠﻰ ﻋﻦ ﻛﻞ ﺷﻲ ﻭﺍﺫﻫﺐ ﺑﻌﻴﺪﺍ ﻋﻨﻪ ... ﻻ ﺍﺭﻳﺪ .. ﻗﻞ ﻟﻬﻢ ﺍﻧﺖ ﻳﺎ
ﺭﺑﻲ .. ﺍﻛﺸﻒ ﺍﻧﺖ ﻟﻬﻢ ﺣﺎﻟﻲ .. ﻓﺎﻧﺎ ﻟﻦ ﺍﺗﻜﻠﻢ .. ﻻ ﺍﻗﺪﺭ ﺍﻥ ﺍﺗﻜﻠﻢ ...
ﻟﻢ ﻳﺎ ﺍﺑﻲ ﺍﻟﻌﺰﻳﺰ؟؟ ﻟﻢ ﻫﺬﺍ ﺍﻟﺘﻜﺘﻢ؟؟ ﻫﺎﻗﺪ ﺳﻘﻄﺖ ﺍﻻﻣﻮﺭ ﺗﺒﺎﻋﺎ
ﺑﻲ .. ﻣﺎ ﺷﺄﻧﻲ ﺍﻧﺎ؟؟ ﻟﻢ ﺍﻧﺎ؟؟
ﻻ ﺗﻌﺮﻑ ﻟﻢ ﺗﺒﺎﺩﺭﺕ ﺻﻮﺭﺓ ﻣﺴﺎﻋﺪ ﻓﻲ ﺑﺎﻟﻬﺎ .. ﻭﺍﻗﻔﺎ ﻭﻫﻮ ﻳﻨﻈﺮ ﺍﻟﻴﻬﺎ
ﺑﺎﻧﺘﺼﺎﺭ .. ﻟﻜﻢ ﺍﻛﺮﻫﻪ .. ﺍﻛﺮﻫﻪ ..
ﺧﺎﻟﺪ ﺍﻟﺬﻱ ﺿﺎﻉ ﻓﻲ ﺍﻓﻜﺎﺭﻩ .. ﻓﻬﺬﻩ ﺍﻟﻠﺤﻈﻪ ﻛﺎﻧﺖ ﻏﺎﻟﻴﺔ ﻋﻠﻰ
ﻗﻠﺒﻪ ... ﻣﺎ ﺍﺣﻠﻰ ﺍﻥ ﺗﻜﻮﻥ ﻓﺎﺗﻦ ﺟﺎﻟﺴﺔ ﺑﺠﻨﺒﻪ .. ﻻ ﻳﻬﻤﻪ ﺍﻥ ﺗﻜﻠﻤﺖ
ﺍﻭ ﺗﺤﺪﺛﺖ .. ﺍﻫﻢ ﻣﺎﻓﻲ ﺍﻻﻣﺮ .. ﺍﻧﻪ ﻳﺴﺘﻄﻴﻊ ﺍﻥ ﻳﺴﻤﻊ ﺍﻧﻔﺎﺳﻬﺎ
ﺍﻟﺤﺮﻳﺮﻳﺔ ...
ﺧﺎﻟﺪ ﺑﻬﺪﻭﺀ : ﻫﺪﺃﺗﻲ ..
ﻟﻢ ﺗﺘﻜﻠﻢ .. ﻭﻫﺰﺕ ﺭﺍﺳﻬﺎ ﺑﺎﻻﻳﺠﺎﺏ ...
ﺧﺎﻟﺪ : ﻧﻘﺪﺭ ﻧﺘﻜﻠﻢ ..
ﻟﻮ ﻛﺎﻧﺖ ﻓﺎﺗﻦ ﺗﻌﺮﻑ ﺑﻤﺎ ﺣﺪﺙ ﻣﻊ ﺧﺎﻟﺪ ﻣﻊ ﺟﺮﺍﺡ ﻭﻣﺪﻯ ﺍﻟﻤﻪ
ﺑﺴﻔﺮﻫﺎ .. ﻟﻘﺎﻟﺖ ﺍﻧﻪ ﻋﻠﻰ ﻭﺷﻚ ﺍﻟﺒﻜﺎﺀ .. ﺍﻣﺎ ﻫﻮ ﻓﻔﺴﺮ ﺻﻤﺘﻬﺎ ﻋﻠﻰ
ﺍﻧﻪ ﺍﻟﻤﻮﺍﻓﻘﺔ
ﺧﺎﻟﺪ : ﻓﺎﺗﻦ ... ﻻ ﺗﻈﻨﻴﻦ ﺍﻧﻲ ﻣﻮﺍﻓﻖ ﻋﻠﻰ ﺳﻔﺮﺝ ﻭﺍﺑﺘﻌﺎﺩﺝ ﻋﻦ ﺍﻟﻜﻞ
.. ﺍﺻﻼ .. ﺍﻧﺎ ﻣﺎﺷﻮﻑ ﻫﺎﻟﺪﻳﺮﺓ ﻭﻻ ﻫﺎﻟﺪﻧﻴﺎ ﻣﻦ ﺩﻭﻧﺞ ..
ﺍﻟﺘﻔﺘﺖ ﻓﺎﺗﻦ ﺍﻟﻴﻪ ﺑﺘﻮﺟﺲ .. ﻧﻈﺮﺗﻬﺎ ﻛﺎﻧﺖ ﻏﺮﻳﺒﺔ .. ﻭﺍﺳﺮﻉ ﺍﻟﻰ
ﺗﻌﺪﻳﻞ ﻣﺎ ﻗﺎﻟﻪ
ﺧﺎﻟﺪ : ﻻ ﺗﻈﻨﻴﻦ ﺍﻧﻲ ﺍﺣﺒﺞ ﻭﻻ ﻫﺎﻟﺴﻮﺍﻟﻒ .. ﺷﻴﻠﻲ ﻫﺎﻟﻔﻜﺮﺓ ﻋﻦ
ﺑﺎﻟﺞ .. ﺗﺮﻯ ﺍﻟﺒﻨﺎﺕ ﻣﺎ ﺧﻠﺼﻮﺍ ﻋﺸﺎﻥ ﺍﻳﻴﺞ ﺍﻧﺘﻲ ﻭﻳﺎ ﻫﺎﻟﺮﺍﺱ .. ﺑﻌﺪﻱ
ﻫﺎﻟﻨﻈﺮﺍﺕ
ﺍﺑﺘﺴﻤﺖ ﻓﺎﺗﻦ ﻭﺍﺑﻌﺪﺕ ﻋﻴﻨﻴﻬﺎ ﺍﻟﻰ ﺗﻠﻚ ﺍﻟﺒﻘﻌﺔ ﺍﻟﺘﻲ ﻛﺎﻧﺖ ﺗﻨﻈﺮ ﺍﻟﻴﻬﺎ
ﻟﻜﻦ .. ﺍﺧﺘﻔﺖ .. ﻭﺟﺎﻟﺖ ﺍﺑﺼﺎﺭﻫﺎ ﻟﺒﻘﻌﺔ ﺍﺧﺮﻯ ..
ﺧﺎﻟﺪ : ﻓﺘﻮﻥ .. ﺗﺬﻛﺮﻳﻦ ﻋﻤﻲ ﻗﺒﻞ .. ﺍﻳﺎﻡ ﻣﺎ ﻳﺠﻤﻌﻨﺎ ﻗﺒﻞ ﺍﻟﻤﺪﺭﺳﺔ
ﻭﻳﻘﻌﺪ ﻣﻌﺎﻧﺎ ﺑﺎﻟﺴﺎﻋﺎﺕ ﻭﺍﻫﻮ ﻳﺘﻜﻠﻢ ﻭﻳﻨﺼﺢ ﻭﻳﻌﻴﺪ ﻭﻳﺰﻳﺪ ... ﻭﺷﻮﻱ
ﺍﻻ ﺟﺮﺍﺡ ﺗﺨﺐ ﻋﻴﻨﻪ ﻣﻦ ﺍﻟﺮﻗﺎﺩ ﻭﺍﻻ ﺍﻧﺎ ﺍﻟﻠﻲ ﻛﻞ ﺷﻮﻱ ﺍﻧﻂ ﻟﻪ
ﺑﻤﻮﺿﻮﻉ ﻋﺸﺎﻥ ﻳﺘﻐﻴﺮ ﻭﻫﻮ ﻳﻬﺎﻭﺷﻨﻲ ﻭﻳﻬﺰﺋﻨﻲ .. ؟؟؟
ﺗﻬﺰ ﺭﺍﺳﻬﺎ ﻓﺎﺗﻦ ﻭﻫﻲ ﺗﺘﺬﻛﺮ ﺗﻠﻚ ﺍﻟﻘﻌﺪﺍﺕ ... ﻣﺎ ﺍﺣﻼﻫﺎ ..
ﺧﺎﻟﺪ : ﻭﺗﺬﻛﺮﻳﻦ ﺷﻠﻮﻥ ﻛﻨﺘﻲ ﺍﺗﻬﺎﻭﺷﻴﻨﺎ ﺍﻧﺎ ﻭﺟﺮﺍﺡ ﻋﺸﺎﻥ ﻧﺒﻴﻦ
ﺍﻻﺣﺘﺮﺍﻡ ﻭﺍﻥ ﺍﺑﻮﺝ ﻟﻮ ﻣﺎ ﻛﺎﻥ ﻳﺨﺎﻑ ﻋﻠﻴﻨﺎ ﺟﺎﻥ ﻣﺎ ﻋﻮﺭ ﺭﺍﺳﻪ ﻭﻳﺎ
ﻳﻤﻌﻪ ﺧﺎﻳﺒﻴﻦ؟
ﺗﺒﺘﺴﻢ ﻓﺎﺗﻦ ﻭﺗﻬﺰ ﺭﺍﺳﻬﺎ ...
ﺧﺎﻟﺪ ﺑﻨﻈﺮﺓ ﻛﻠﻬﺎ ﺍﻟﻢ ... ﻻ ﻳﻌﺮﻑ ﻛﻴﻒ ﻳﺴﺮﺩ ﻫﺬﺍ ﺍﻟﻜﻼﻡ ﺍﻟﺬﻱ ﻳﻘﻄﻊ
ﻗﻠﺒﻪ ﻣﻦ ﺍﻟﻤﺮﺓ ﺍﻟﻒ ﻣﺮﺓ ..
ﺧﺎﻟﺪ : ﻋﻴﻞ ﻟﻴﺶ ﺍﻧﺘﻲ ﺍﻟﻴﻮﻡ ﺻﺎﻳﺮﺓ ﻟﻨﺎ ﺍﻟﻬﻴﻠﻖ .. ﻭﺍﻟﺨﺎﻳﺒﺔ ﺍﻟﻠﻲ
ﺗﻌﺼﺐ ﻋﻤﻲ ...؟؟
ﺍﻟﺘﻔﺘﺖ ﻓﺎﺗﻦ ﻟﻪ ﺑﻜﻞ ﺩﻫﺸﺔ : ﺍﻧﺎ ﻳﺎ ﺧﺎﻟﺪ؟؟؟
ﻟﻢ ﻳﻨﻈﺮ ﺍﻟﻴﻬﺎ .. ﺍﺷﺎﺡ ﺑﺒﺼﺮﻩ ﻛﻲ ﻻ ﻳﺒﻜﻲ : ﻓﺎﺗﻦ .. ﺍﻧﺎ ﻋﺎﺭﻑ ﺍﻥ
ﻣﺼﻴﺒﺘﺞ ﻭﻳﺎ ﻫﻠﺞ ﻛﺒﻴﺮﺓ .. ﻭﺍﻥ ﺍﻟﺸﻲﺀ ﺻﻌﺐ ﻋﻠﻴﺞ .. ﻟﻜﻦ ﻣﺎ ﻗﺪ
ﻓﻜﺮﺗﻲ ﺑﻌﻤﻲ ﺍﻟﻤﺴﻜﻴﻦ ﺍﻟﻠﻲ ﺍﻟﻠﻪ ﻋﺎﻟﻢ ﺷﻨﻮ ﺍﻟﻠﻲ ﻗﺪﻣﻪ ﻋﺸﺎﻥ ﻳﻠﻘﻰ
ﻟﻜﻢ ﻣﺜﻞ ﻫﺎﻟﻤﺴﺘﻘﺒﻞ ﺍﻟﺤﻠﻮ ... ﻣﻮ ﻛﻞ ﻣﻦ ﻳﺎ ﻓﺎﺗﻦ ﺑﻈﺮﻭﻑ ﺣﻴﺎﺗﻨﺎ
ﻳﻠﻘﻰ ﻫﺎﻻﺑﻮﺍﺏ ﺍﻟﺬﻫﺒﻴﺔ ﺗﻨﻔﺘﺢ ﻟﻪ ﺑﺎﻟﺤﻴﺎﺓ .. ﺷﻮﻓﻴﻨﻲ .. ﻟﻮ ﻣﺎ ﺍﻧﺘﻮ
ﻭﻟﻮ ﻣﺎ ﻋﻤﻲ ﺑﺎﻻﺧﺺ ﺍﻟﻠﻲ ﻟﻤﻨﻲ ﻓﻲ ﺑﻴﺘﻜﻢ ﻋﻠﻰ ﻋﻜﺲ ﺃﻱ ﻭﺍﺣﺪ
ﺛﺎﻧﻲ ﺟﺎﻥ ﺍﻧﺎ ﺿﺎﻳﻊ .. ﻭﻣﻦ ﻳﺪﺭﻱ .. ﻳﻤﻜﻦ ﻣﺖ ﻣﻦ ﺯﻣﺎﻥ ﻭﺍﺟﺘﻤﻌﺖ
ﺑﺎﻣﻲ ﻭﺍﺑﻮﻱ ..
ﻓﺎﺗﻦ : ﻳﻮﻣﻲ ﻗﺒﻞ ﻳﻮﻣﻚ
ﺍﻟﺘﻔﺖ ﺍﻟﻴﻬﺎ ﻭﻫﻮﻳﺒﺘﺴﻢ .. ﻭﻟﻢ ﻳﻜﻦ ﻳﻌﺮﻑ ﺍﻥ ﺩﻣﻌﺘﻪ ﻗﺪ ﻫﻄﻠﺖ ﻣﻦ
ﺟﻔﻨﻪ ﺍﻻﺣﻤﺮ : ... ﺍﻧﺎ ﺣﺎﻣﻞ ﻓﻀﻞ ﺍﺑﻮﺝ ﻋﻠﻲ ﻟﻴﻮﻡ ﺍﻟﻘﻴﺎﻣﺔ .. ﻭﺑﻈﻞ
ﺍﻗﻮﻡ ﻭﺍﻗﻌﺪ ﻭﺍﻧﺎ ﺍﺫﻛﺮﻩ ﺑﺎﻟﺨﻴﺮ ﻭﺍﻟﺮﺣﻤﺔ ﻟﺮﻭﺣﻪ ﺍﻟﻜﺮﻳﻤﺔ ﺍﻟﻠﻲ
ﺑﺼﺮﺍﺣﺔ ﻣﺎ ﺗﺘﻮﺍﻓﺮ ﺑﻬﺎﻟﺰﻣﻦ ﺍﻟﻐﺎﺩﺭ ... ﺧﺼﻮﺻﺎ ﻟﻨﺎ ﺍﺣﻨﺎ ﺍﻟﺸﺒﺎﺏ ..
ﻓﺎﺗﻦ ﺍﻟﺘﻲ ﺷﺎﺑﺖ ﺭﻭﺣﻬﺎ ﺑﺪﻣﻌﺔ ﺧﺎﻟﺪ .. ﻻﻭﻝ ﻣﺮﺓ ﻳﺒﻜﻲ .. ﻻﻭﻝ ﻣﺮﺓ
ﻳﺒﻜﻲ ﺍﻣﺎﻣﻬﺎ .. : ﺧﺎﻟﺪ .. ﺍﻧﺎ ﻣﺎﻗﺪﺭ ﺍﺭﻭﺡ ...
ﺧﺎﻟﺪ : ﺗﻘﺪﺭﻳﻦ ﻣﻤﻮ ﻣﺎ ﺗﻘﺪﺭﻳﻦ .. ﺍﻧﺘﻲ ﺧﺎﻳﻔﺔ ﻓﺘﻮﻥ ... ﻭﺑﺲ ... ﻫﺬﺍ
ﻛﻞ ﺍﻟﻤﻮﺿﻮﻉ .. ﻟﻜﻦ .. ﺍﻧﺘﻲ ﻣﺎ ﺣﻄﻴﺘﻲ ﻓﻲ ﺑﺎﻟﺞ ﺍﻟﻤﺘﻌﺔ ﺍﻟﻠﻲ ﺍﻧﺘﻲ
ﺭﺍﺡ ﺗﻼﻗﻴﻨﻬﺎ ..
ﺑﺤﻤﺎﺳﺔ ﻳﻠﺘﻔﺖ ﻟﻬﺎ ﻭﻫﻮ ﻳﻤﺴﺢ ﻋﻴﻨﻴﻪ ﻭﻗﻠﺒﻪ ﻳﺘﻤﺰﻕ ﻋﻠﻰ ﻫﺬﻩ
ﺍﻟﺘﻤﺜﻴﻠﻴﺔ ﺍﻟﺘﻲ ﻳﺆﺩﻳﻬﺎ ﺍﻣﺎﻣﻬﺎ
ﺧﺎﻟﺪ ﺑﺎﺑﺘﺴﺎﻡ ﻭﻟﻤﻌﺎﻥ ﺑﻌﻴﻨﻴﻪ : ﺭﺍﺡ ﺗﻠﻘﻴﻦ ﺫﻳﺞ ﺍﻟﻤﻜﺘﺒﺔ ﺍﻟﻠﻲ ﻓﻴﻬﺎ ﻣﻦ
ﺍﻟﻜﺘﺐ ﺍﻟﻠﻲ ﻳﺤﻮﺱ ﻋﻴﻮﻧﺞ ﺍﻟﻬﺒﻼ .. ﻭﺭﺍﺡ ﺗﻠﻘﻴﻦ ﺫﻳﺞ ﺍﻟﻤﺒﺎﻧﻲ ﺍﻟﻠﻲ
ﺗﻀﻴﻌﻴﻦ ﻓﻴﻬﺎ ﻭﻫﺬﺍ ﺷﻲ ﻣﻮ ﻏﺮﻳﺐ ﻋﻠﻴﺞ .. ﺭﺍﺡ ﺗﺸﻮﻓﻴﻦ ﺷﺒﺎﺏ ﻣﻦ
ﻛﻞ ﺟﻨﺴﻴﺎﺕ ﺍﻟﻌﺎﻟﻢ .. ﺍﻟﺤﻤﺮ ﺍﻟﺒﻴﺾ ﺍﻟﺴﻤﺮ ﺍﻟﺴﻮﺩ ﺍﻟﺼﻔﺮ ﻛﻞ ﺷﻲ
ﻛﻞ ﺷﻲ ..
ﻓﺎﺗﻦ ﺗﻀﺤﻚ ﻻﺳﻠﻮﺑﻪ ﻓﻲ ﺍﻟﺴﺮﺩ :.. ﻫﻬﻬﻬﻬﻬﻬﻬﻬﻬﻬﻬﻬﻬﻬﻪ
ﺧﺎﻟﺪ ﻳﺒﺘﺴﻢ ﺑﺼﺪﻕ : ﺻﺪﻗﻴﻨﻲ .. ﺭﺍﺡ ﺗﻜﻮﻧﻴﻦ ﻭﻻﺷﻲ ﻓﻲ ﻫﺬﺍﻙ
ﺍﻟﻌﺎﻟﻢ ﻻﻥ ﺍﻟﻌﺎﻟﻢ ﻣﺎ ﺭﺍﺡ ﻳﺘﻤﺤﻮﺭ ﻋﻠﻴﺞ ﺍﻧﺘﻲ ﺑﺲ .. ﺭﺍﺡ ﺗﻜﻮﻧﻴﻦ
ﺍﻧﺘﻲ ﻭﻳﺎ ﺛﻜﻨﻪ ﻣﻦ ﺍﻟﺸﺒﺎﺏ ﺍﻟﻠﻲ ﺭﺍﺡ ﻳﻄﻠﻊ ﻣﻨﻜﻢ ﺍﻟﺬﻛﻲ ﻭﺭﺍﺡ ﻳﻄﻠﻊ
ﻣﻨﻜﻢ ﺍﻟﻄﺎﻟﺢ ﻣﺜﻞ ﻭﻟﺪ ﺧﺎﻟﺘﺞ ﺍﻟﺤﻠﻮﻭ ...
ﺍﺑﺘﺴﻤﺖ ﻓﺎﺗﻦ ﻭﻛﺎﻥ ﻭﺻﻔﻪ ﻗﺪ ﺍﻋﺠﺒﻬﺎ ...
ﺧﺎﻟﺪ : ﺗﺨﻴﻠﺘﻲ ... ﺷﻔﺘﻲ ﺷﻜﺜﺮ ﺣﻠﻮﺓ ﺍﻟﻔﻜﺮﺓ ... ﻭﺷﻜﺜﺮ ﻣﻔﺎﺟﺎﺕ
ﻭﻣﻐﺎﻣﺮﺍﺕ ﺭﺍﺡ ﺗﻜﻮﻥ ﻟﺞ ﻫﻨﺎﻙ .. ﻓﻜﺮﻱ ﻓﻴﻬﺎ .. ﻻ ﺣﺴﻴﺐ ﻭﻻ ﺭﻗﻴﺐ؟
ﻓﺎﺗﻦ ﺑﻌﺼﺒﻴﺔ : ﺷﻘﺎﻟﻮﻙ ؟؟
ﺧﺎﻟﺪ ﻳﻘﻄﻌﻬﺎ ﺑﻀﺤﻜﻪ : ﻫﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻬﻪ ﺳﻮﺭﻱ .. ﻓﻜﺮﺗﺞ ﺍﻧﺎ
ﻓﻲ ﺩﻗﻴﻘﺔ .. ﻫﻬﻬﻬﻬﻬﻬﻬﻬﻪ ﺑﺲ .. ﻓﻜﺮﻱ ﻓﻲ ﺍﻟﻠﻲ ﻗﻠﺘﻪ ﻟﺞ .. ﻓﻜﺮﻱ
ﻓﻲ ﻓﺮﺣﺔ ﻫﻠﺞ ﻳﻮﻡ ﺗﺮﺩﻳﻦ ﻟﻬﻢ ﻭﻋﻨﺪﺝ ﺷﻬﺎﺩﺓ ﻣﻦ ﺍﻣﻴﺮﻛﺎ .. ﺗﺨﻠﻴﻦ
ﺧﺎﻟﺘﻲ ﻳﻨﺮﻓﻊ ﺭﺍﺳﻬﺎ .. ﻭﻋﻤﻲ ﻳﻨﺬﻛﺮ ﺑﻜﻞ ﻣﺮﺓ ﻳﻨﺎﺩﻭﻧﺞ ﺑﺎﺳﻤﻪ ..
ﺍﻟﺪﻛﺘﻮﺭﺓ ﻓﺎﺗﻦ ﻋﺒﺪﺍﻟﻠﻪ ﺍﻟﻴﺎﺳﻲ .. ﺣﻠﻮﻭ ﻣﻮﻭﻭ؟
ﻓﺎﺗﻦ ﻭﻫﻲ ﺗﺒﺘﺴﻢ ... ﺻﺤﻴﺢ ﻛﻼﻣﻪ .. ﻫﺬﺍ ﺍﻻﻧﺴﺎﻥ ..
ﺧﺎﻟﺪ ﺑﻬﺪﻭﺀ ﻣﺮﺓ ﺍﺧﺮﻯ :... ﻓﺎﺗﻦ ... ﻗﺒﻠﻲ ﻫﺎﻟﺒﻌﺜﺔ .. ﻭﺭﻭﺣﻲ ...
ﻭﺧﻠﻲ ﺍﻻﺑﻮﺍﺏ ﺍﻟﺬﻫﺒﻴﺔ ﺗﻨﻔﺘﺢ ﻋﻠﻴﺞ .. ﻭﺧﻠﻲ ﻫﺎﻟﺮﻭﺡ ﺍﻟﻤﺤﺒﻮﺳﺔ
ﺗﻄﻠﻊ ﻫﻨﺎﻙ .. ﻇﻴﻌﻲ ﻓﻲ ﺍﻟﺠﻮ ﻫﻨﺎﻙ .. ﺍﺳﺒﺤﻲ ﻓﻲ ﺫﻳﺞ ﺍﻟﻤﻌﻠﻮﻣﺎﺕ
ﻭﺫﻳﺞ ﺍﻟﺤﻴﺎﺓ ﺍﻟﻐﺮﻳﺒﺔ .. ﻭﺭﺩﻱ ﻟﻨﺎ ... ﺑﻌﺪﻳﻦ .. ﻭﻋﻨﺪﺝ ﻛﻞ ﺍﻟﺴﻮﺍﻟﻒ
ﺍﻟﻠﻲ ﻣﺎ ﺗﻤﻠﻠﻨﺎ ﻭﻻ ﺗﻌﻮﺭ ﺭﺍﺳﻨﺎ ... ﻭﺗﺨﻠﻴﻨﺎ ﻛﻞ ﻣﺎ ﻧﻘﻌﺪ ﻣﻌﺎﺝ ﻧﻜﺘﺸﻒ
ﻓﻴﺞ ﺍﻟﻜﺜﻴﺮ ﺍﻟﻜﺜﻴﺮ ...
ﺍﻟﺘﻔﺘﺖ ﻓﺎﺗﻦ ﻟﻪ ﻭﺍﻟﺪﻣﻮﻉ ﺗﺘﻸﻷ ﺑﻌﻴﻨﻴﻬﺎ ..... ﻟﻘﺪ ﺟﻌﻠﻬﺎ ﺗﻘﻮﻡ ﺑﺘﻠﻚ
ﺍﻟﺨﻄﻮﺓ ﺍﻟﺘﻲ ﻟﻢ ﺗﺼﺪﻕ ﺍﻧﻬﺎ ﻗﺪ ﺗﻘﻮﻡ ﺑﻬﺎ ﻓﻲ ﻳﻮﻡ ﻣﺎ .. ﺍﻟﺨﺒﻴﺚ ..
ﻟﻘﺪ ﺍﻗﻨﻌﻬﺎ ﺑﻔﻜﺮﻩ ﺍﻟﺴﻔﺮ .. ﻟﺮﺑﻤﺎ ﺫﻛﺮﻩ ﻟﻮﺍﻟﺪﻱ ﻫﻮ ﻣﺎ ﺟﻌﻠﻨﻲ ﺍﺭﺗﺒﻂ
ﺑﺎﻟﻤﻮﺿﻮﻉ ﺍﻛﺜﺮ ... ﺻﺤﻴﺢ ﻳﺎ ﻓﺎﺗﻦ .. ﻫﺬﻩ ﻓﺮﺻﺘﻚ ﻟﻜﻲ ﺗﺒﺪﻳﻦ
ﺷﻜﺮﻙ ﻭﺗﺮﺩﻳﻦ ﺟﻤﻴﻞ ﻭﺍﻟﺪﻙ ﺍﻟﻜﺒﻴﺮ ﻋﻠﻴﻚ ﻭﻋﻠﻰ ﺍﺧﻮﺗﻚ ... ﺍﻧﻬﺎ
ﺍﻟﻔﺮﺻﺔ ﻳﺎ ﻓﺎﺗﻦ .. ﺍﻧﻬﺎ ﺍﻟﺤﻴﺎﺓ ﺍﻟﺘﻲ ﺍﻧﺘﻲ ﻟﻄﺎﻟﻤﺎ ﺣﻠﻤﺖ ﺑﻬﺎ ﻓﻲ ﺩﻓﺘﺮ
ﻳﻮﻣﻴﺎﺗﻚ ﻭﺧﻮﺍﻃﺮ ﺣﻴﺎﺗﻚ ... ﺍﻧﻬﺎ ﺗﻠﻚ ﺍﻟﻠﺤﻈﻪ ﺍﻟﺘﻲ ﻟﻄﺎﻟﻤﺎ ﺗﺨﻴﻠﺘﻬﺎ
.. ﻭﺍﻧﻪ ﺛﻤﺮ ﺍﻟﺠﻬﺪ ﻭﺍﻟﺘﻌﺐ ﻃﻮﺍﻝ ﺗﻠﻚ ﺍﻟﺴﻨﻮﺍﺕ ﺑﺎﻟﺘﻔﻮﻕ ..
ﻟﻜﻦ .. ﻗﻠﺒﻲ ﻣﺎ ﺷﺎﻧﻪ ﻟﻜﻲ ﻳﺘﻘﻄﻊ ﻫﻜﺬﺍ ﺑﺎﻟﺮﺣﻴﻞ ﻋﻦ ﻣﻦ ﻳﺤﺒﻪ ﻭﻣﻦ
ﻳﺸﺘﺎﻕ ﻟﻪ ... ﻣﺎ ﺷﺎﻥ ﻗﻠﺒﻲ ﺍﻟﻤﺴﻜﻴﻦ ﺍﻟﺬﻱ ﺍﺣﺐ ﻭﻻ ﻳﺮﻳﺪ ﻣﻦ ﻫﺬﻩ
ﺍﻟﺪﻧﻴﺎ ﺍﻻ ﺣﺒﻴﺒﻪ .. ﻟﻢ ﻫﺬﺍ ﺍﻟﺼﺮﺍﻉ ﻓﻲ ﺑﺎﻟﻲ .. ﻭﻟﻢ ﻫﺬﻩ ﺍﻟﻠﻮﻋﺔ
ﺍﻟﺸﺪﻳﺪﺓ .. ﺍﺣﺒﻪ .. ﻭﺳﺎﻏﺎﺩﺭ .. ﻭﻟﻜﻨﻲ ﺳﺎﻋﻮﺩ .. ﺩﺍﺋﻤﺎ ﻭﺍﺑﺪﺍ ﺳﺎﻋﻮﺩ ..
ﺳﺎﻋﻮﺩ ﻟﻪ ﻭﻻﻫﻠﻲ ﻭﻟﻜﻞ ﺍﻟﻨﺎﺱ .. ﻟﻦ ﺍﺑﺘﻌﺪ ﻛﺜﻴﺮﺍ .. ﻟﻦ ﺍﻏﻴﺐ ﻋﻨﻪ
ﻃﻮﻳﻼ .. ﻟﻜﻦ .. ﻛﻴﻒ ﻟﻲ ﺍﻥ ﺍﻗﻮﻝ ﻛﻞ ﻫﺬﺍ .. ﻫﻞ ﻗﺒﻠﺖ ﻳﺎ ﺭﺑﻲ ﺑﻬﺬﺍ
ﺍﻟﻘﺮﺍﺭ ..؟؟ ﻫﻞ ﻗﺒﻠﺖ ﺑﻬﺬﺍ ﺍﻟﻤﺼﻴﺮ؟؟؟ ﻫﻞ ﻫﺬﻱ ﻫﻲ ﻛﺘﺒﺘﻚ ﻟﻲ ﻳﺎ
ﺭﺑﻲ؟؟؟
ﻭﻓﻘﻨﻲ ﻳﺎ ﺭﺑﻲ ... ﻭﻓﻘﻨﻲ ...
ﺍﻟﺘﻔﺘﺖ ﺍﻟﻰ ﺧﺎﻟﺪ ﻟﻜﻨﻪ ﻟﻢ ﻳﻜﻦ ﻫﻨﺎﻙ .. ﻳﺎﺍﺍﺍﻩ .. ﻫﻞ ﺿﺎﻋﺖ ﻓﻲ
ﺍﻓﻜﺎﺭﻫﺎ ﺍﻟﻰ ﺗﻠﻚ ﺍﻟﺪﺭﺟﺔ ﺑﺤﻴﺚ ﺍﻧﻬﺎ ﻟﻢ ﺗﻼﺣﻆ ﻣﻐﺎﺩﺭﺗﻪ ... ﻟﺮﺑﻤﺎ
ﺍﺭﺍﺩﻧﻲ ﺍﻥ ﺍﻛﻮﻥ ﻟﻮﺣﺪﻱ ﻟﻜﻲ ﺍﻏﻮﺹ ﺍﻛﺜﺮ ﺑﺘﻠﻚ ﺍﻻﻓﻜﺎﺭ ... ﻳﺎ ﺣﺒﻴﺐ
ﻗﻠﺒﻲ ﻳﺎ ﺧﺎﻟﺪ .. ﻳﺎ ﺍﺧﻲ ﺍﻟﻤﻔﻀﻞ ﻓﻲ ﻫﺬﺍ ﺍﻟﻌﺎﻟﻢ .. ﻭﺻﺪﻳﻘﻲ ﺍﻟﺬﻱ ﻻ
ﻳﻐﻠﺒﻚ ﺻﺪﻳﻖ ...
ﺑﺪﺧﻮﻟﻬﺎ ﻟﻠﻤﻨﺰﻝ ﺗﻮﺟﻬﺖ ﻛﻞ ﺍﻻﻧﻈﺎﺭ ﺍﻟﻴﻬﺎ .. ﻭﺑﺎﻻﺧﺺ .. ﺍﺧﻴﻬﺎ
ﺟﺮﺍﺡ .. ﻛﺎﻥ ﻳﺒﺪﻭ ﻛﺎﻟﻤﻨﺘﻈﺮ ﻟﺤﻜﻢ ﺍﻣﺎ ﺍﻥ ﻳﺤﻴﻪ .. ﺍﻭ ﺍﻥ ﻳﻤﻴﺘﻪ ...
ﻣﺴﻜﻴﻦ ﺍﻧﺖ ﻳﺎ ﺍﺧﻲ .. ﻛﻠﻬﻢ ﻻ ﻳﺴﺘﺤﻘﻮﻥ ﻣﻨﻲ ﺍﻻﻫﺘﻤﺎﻡ ﻣﺜﻠﻚ ..
ﻭﻟﻬﺬﺍ ﺗﻘﺪﻣﺖ ﻟﻪ ﺍﻭﻻ ...
ﻭﺟﻠﺴﺖ ﻋﻨﺪ ﺭﺟﻠﻴﻪ ﻭﻫﻮ ﻳﻨﻈﺮ ﺍﻟﻰ ﻋﻴﻨﻴﻬﺎ ...
ﻭﻟﻢ ﺗﺘﻜﻠﻢ ... ﻭﺍﺑﺘﺴﻤﺖ ﺑﺘﻠﻚ ﺍﻟﻌﺬﻭﺑﺔ ﻓﻲ ﻗﻠﺒﻬﺎ .. ﻓﺘﻬﻠﻠﺖ ﻧﻈﺮﺍﺕ
ﺍﺧﻴﻬﺎ ﻭﺗﺸﻘﻘﺖ ﺑﺸﺮﺗﻪ ﺑﺎﺑﺘﺴﺎﻣﺔ ﻋﺎﺭﻣﺔ .. ﻓﺮﻓﻊ ﻛﻔﻴﻪ ﺍﻟﻰ ﻭﺟﻬﻪ
ﻓﺮﺣﺎﺍﺍ ﻭﻏﺒﻄﺎ ﻟﻤﺎ ﺣﻘﻘﻪ .. ﺍﺍﺍﻩ ﻳﺎ ﺍﺧﻲ .. ﻟﻮ ﻛﻨﺖ ﺍﻋﺮﻑ ﺍﻥ ﻫﺬﻩ
ﺳﻌﺎﺩﺗﻚ ﻟﻤﺎ ﺗﻮﺍﻧﻴﺖ ﻟﺤﻈﺔ ﻋﻨﻬﺎ ...
ﻭﺑﺘﻠﻚ ﺍﻟﻠﺤﻈﻪ
ﻭﺍﻟﻌﺎﺋﻠﺔ ﺟﺎﻟﺴﺔ ﻓﻲ ﺗﻠﻚ ﺍﻟﺼﺎﻟﺔ ﺍﻟﻤﻨﻴﺮﺓ ..
ﺍﻻﻡ ﻋﻨﺪ ﺍﺑﻨﻬﺎ .. ﻭﺍﻻﺧﺖ ﻋﻨﺪ ﺭﺟﻞ ﺍﺧﻴﻬﺎ ﺍﻟﺬﻱ ﻳﻤﺴﺢ ﻋﻠﻰ
ﺷﻌﺮﻫﺎ .. ﻭﺭﺍﺱ ﺍﻻﺧﺖ ﻋﻠﻰ ﺭﺟﻞ ﺍﺧﻴﻬﺎ .. ﻭﺍﺑﻦ ﺍﻟﺨﺎﻟﺔ ﻳﻀﻢ ﺍﺑﻦ
ﺧﺎﻟﺘﻪ ﺑﻔﺮﺡ ﻭﺍﻧﺘﺼﺎﺭ ...
ﺗﺒﺘﻌﺪ ﺍﻟﺼﻮﺭﺓ ...
ﻭﺗﺒﺘﻌﺪ .. ﻟﺘﺘﺠﻪ ﺍﻟﻰ ﺗﻠﻚ ﺍﻟﺴﻤﺎﺀ ..
ﺣﻴﺚ ﻳﻘﺒﻊ ...
ﺭﺟﻞ .. ﻳﺒﺘﺴﻢ ﺑﻜﻞ ﻓﺮﺡ .. ﻭﺑﻜﻞ ﻓﺨﺮ .. ﻭﻫﻮ ﻳﻨﻈﺮ ﺍﻟﻰ ﺍﺑﻨﺎﺀﺓ
ﺛﻤﺮﻩ ﺑﺘﻠﻚ ﺍﻟﺪﻧﻴﺎ ...
ﺛﻤﺮﺍﺕ .. ﻟﻮ ﻭﺯﻋﺖ ﻓﻲ ﻫﺬﻩ ﺍﻟﺪﻧﻴﺎ ﻟﺘﻐﻄﺖ ﺑﺎﻟﻨﻌﻴﻢ ﻭﺍﻟﻄﻴﺒﺔ ..
ﺍﻟﺤﻤﺪ ﻟﻠﻪ ﺭﺏ ﺍﻟﻌﺎﻟﻤﻴﻦ .؟ ...
ﻓﺎﺗﻦ ﻭﻭﺍﻓﻘﺖ ﻋﻠﻰ ﺍﻟﺴﻔﺮ ... ﻭﻣﺴﺎﻋﺪ ﻭﻧﺎﻝ ﻣﺎ ﺍﺭﺍﺩﻩ ..
ﻣﺸﻌﻞ ... ﻣﺎ ﻣﻮﻗﻌﻪ ﻣﻦ ﺍﻻﻋﺮﺍﺏ ..
ﺍﻫﻞ ﺳﻴﺘﻘﺒﻞ ﻏﺮﺑﺘﻪ ﻣﻊ ﻓﺎﺗﻦ ... ﺍﻡ ﺍﻧﻪ ﺳﻴﺮﻓﺾ ﻭﺳﻴﻘﻮﻡ ﺑﻤﺎ ﻻ
ﻳﺪﺧﻞ ﺍﻟﻌﻘﻞ؟ .؟؟
ﺧﺎﻟﺪ .. ﻫﻞ ﻫﺬﻩ ﻫﻲ ﺍﻭﻟﻰ ﺧﻄﻮﺍﺕ ﺍﻟﻨﺠﺎﺡ ﻓﻲ ﺣﻴﺎﺗﻪ ...؟؟ ﺍﻡ ﻫﺬﻩ
ﺍﻟﻨﻜﺴﺔ ﺍﻟﺘﻲ ﺳﺘﺆﺩﻱ ﺑﻪ؟؟
ﺟﺮﺍﺡ؟؟؟ ﻣﺎ ﺍﻟﺬﻱ ﺳﻴﺠﺮﻱ ﻋﻠﻴﻪ ﺍﻻﻥ ﻭﻗﺪ ﺳﻘﻄﺖ ﻣﺴﺆﻭﻟﻴﺔ ﺍﺧﺘﻪ
ﻋﻨﻪ ﻭﻟﻜﻦ ﺯﺍﺩﺕ ﺑﻌﺪ ﺍﻥ ﺗﻐﺎﺩﺭ ﻓﺎﺗﻦ .. ﻓﻬﻲ ﺍﻟﺘﻲ ﻛﺎﻧﺖ ﺗﻤﺴﻚ
ﺍﻟﻘﺎﺭﺏ ﻣﻦ ﺩﻓﺔ ﺍﻟﻴﺴﺎﺭ ...
ﻣﺎ ﺍﻟﺬﻱ ﺳﻴﺤﺼﻞ؟؟؟ ﻭﻣﺎ ﻫﻲ ﺍﻟﺤﻴﺎﺓ ﺍﻟﺘﻲ ﺗﻨﺘﻈﺮ ﻓﺎﺗﻦ .؟؟؟؟