لا لي ذنب ولا انت عاصي.. - الفصل 42 - مكتملة | روايتك

في الحاره كانوا العيال يلعبون بالكورة لحالهم و البنات صغار متجمعات لحالهم جاء فيصل و رأئد واصله معاه لان حامد طردهم و منعهم انهم يلعبون مع عيال الحاره يلعبون لحالهم فيصل بتنهد :ما توقعت عمي حامد كذا رائد :انا ولده توني أكتشف وجهه الجديد مو بس انت فيصل: والله طفشش رائد :معاك فلوس فيصل:لا ليه رائد :قم و أعلمك قام فيصل و قاله الخطة بدق و تفصيل فيصل بدهشه :بسم الله ممداني اقول طفش الا و انت تنط لنا بذي الفكره رائد : ذكي من يومي بس يلا عشان يمدينا نخلص بدري فيصل:تم بس ممعاي فلوس رائد:جدي ولا بلاش فيصل بحماس :قدام رفعوا اطراف ملابسهم من الاسفل و ربذوها على خصورهم مسك رائد يد فيصل بحماس : 1..2..3 يلاا صاروا يتسابقون بضحك و برائه شيطانيه مين منهم يوصل لـ بو فراس و ياخذ الفلوس وهم يتسابقون و يتدافون بضحك وقفوا بسرعه يوم شافوا بو مازن يناديهم راحوا له بسرعه بو مازن بضحك على اشكالهم: ليه دميتم الدنياا كذا فيصل بلهث :كنا نتسابق مين يرحون عند جدي الأول بو مازن: وش تبون منه رائد :نبي فلوس عشان نشتري عصير بو مازن:الركض و التعب ذا كله عشان عصير من بقالة الإثنين:ايي بو مازن:إذا إنكم تبون عصير تعالوا معي جوا أعطيكم بدون تخسرون جدكم على طول لف رائد لفيصل وفيصل نفس رد فعله شك بو مازن فيهم و قال :يلاا تعالوا حياكم فيصل وهو يرجع ورا :لا تسلم ي جد تركي احنا كنت مخططين ناخذ... رائد يرقع لفيصل :ناخذ للعيال الحاره معنا لانه دورنا ذي المره بالقطه تعرف أنت ماشاءالله العيال كثيرين ما نبي نخسر مشكور بو مازن: عيال الحاره هاهه الإثنين برتباك:ايي العيال بو مازن:طـ.. قاطعه رائد بسرعه وهم يتراجع على ورا: عاد معسلامه ي جد فيصل : معسلامه بو مازن ممداه يرد عليهم لا معد يشوفهم ، بو مازن:الله يهديكم دخل فيصل و رائد بسرعه و سكروا الباب حوش وهم يتلامسون نبض قلوبهم بيدينهم من تعب بالركض فيصل: من وين طلع ذا رائد: بغينا ننكشف فيصل: كنا رحنا فيها راحوا لـ بو فراس توقعوا انه لحاله بس كان معاه فراس و سعد و كانوا مندمجين لف فيصل لرائد فيصل :انت قول له رائد: والله ما لي شغل انت قول فيصل:انت الي جاب الفكره يلا قدامي رائد:صدقني اذا بقى فلوس اني اخذها ولا اعطيك ريال واحد فيصل : تم تم بس يلا دخل رائدوهو يمشي ببطء و وراه فيصل و بو فراس لاحظهم و رفع راسه ، وصل رائد عنده و قال بصوت أقرب للهمس :جدي بو فراس وهو يناظر بدقه : نعم ي رائد رائد برتباك و خوف : ا..ا .[نغزه فيصل بضهره عشان يكمل ]..ابي منك طلب بو فراس: امر وش تبي رائد : ابي فلوس نبي نشتري من البقاله بو فراس: اهااا قولوا لي وش تبون من البقاله رائد : بغينا ناخذ كوره تعرف ما نقدر نلعب مع عيال الحاره و ثاني شيء بغينا مفرحات بو فراس: كم تبون فيصل بسرعه : 100 ضرب رائد جبهته بخفه ، بو فراس ببتسامه: ليه بتشتري المفرحات كلها رائد بترقيع : لا ي جدي تكفي50 او 40 اخذ بو فراس فلوس من جيبه و اعطاها رائد : اسمع ي رائد اشر لقمر و هناء و مناير معاك تفهم و الفلوس لا تلعبون فيها رائد : ابشر ي جدي طلعوا بهدوء عشان ما يشكون فيهم ثم مع الباب الرئيسي وانطلقوا للبقاله متحمسين لخطتهم .........••...... في الديوانية بعد ما طلعوا العيال كمل بو فراس و فراس و سعد موضوعهم بو فراس:راح تكون الملكة و زواج بنفس الليلة فراس: بس يبه انا و نايف متفقين يكون عرسنا بنفس الليلة سعد : يبه خل الملكة الاسبوع الجاي و بعدها بسبوعين زواج بو فراس: اجال الليلة نشتور احنا و بو نايف و بو مازن و يصير خير فراس و سعد بنفس الوقت: تم تنهد بو فراس ويمسح لحيته ومرسوم على وجهه الفرح والسرور .......••..... في بيت بو مازن قبل لا يأذن المغرب كان عاليه و امها يتجهزون عشان يرون العشاء اخذ عاليه فستان للكعب خفيف و لطيف منقوش عليها اوراق شجر و البراعم الورد كان الفستان بسيط بس اعطاها منظر انيق ما كثر ميك اب اخذ روج على خفيف و مسكره و بس لا اكثر ولا أقل نزل لامها بعبايتها متجهزه و متحمسه ،عاليه بحماس :جاهزه ام عاليه :تمام يلا .......••..... في الحاره اشترى فيصل و رائد طراطيع [العاب نارية] حالفين إين الليلة تكون ناريه على الأخير وهم يمشون ورا البيت وقفوا قدام بيت جدهم ،فيصل:انا بنتظرك هنا و انت رواح اعط الاغراض لعماتي و تعال لا تطول رائد :تمام بس ترا سلم ورا هناكك أنتبه عمي سعد يشوفك فيصل بثقة نفس :ما عليك راح رائد في طريقه دخل مع الباب الي قريب من المطبخ ثم دخل مع باب المطبخ ما شاف احد كمل طريقه بحذر عينه بس قدام بعد ما تاكد ان مافي احد بـ سيب المطبخ تراجع عشان يطلع الا ويستطم بـ هناء وقدر اللحم مسك رأسه من الألم ،هناء :بسم الله من وين طلعت أنت رائد وهو يمسك راسه:من تحت الارض من وين يعني من الباب هناء : تستاهل..[دخل القدر المطبخ ثم رجع بثلج في كيس صغير] حطته على جبهته الحمراء هناء :المره الجايه شوف قدامك زين رائد:طيب..جدي اعطاني فلوس و قال لي اشري لكم اغراض شوفيها بالمطبخ لك و لـ عمتي مناير و قمر هناء وهي تمسح جبهته بثلج:تمام ..خذ الثلج معك عشان ما تنتفخ جبهتك هز رائد رأسه معنى طيب و راح مسرع عشان الخطه ،وصل و لقى السلم جاهز طلع فوق السطح شاف فيصل يستناه كان رائد بيروح له بس وقف يوم تذكر انهم اذا نفذوا الخطه بيوصلون لهم لف لسلم عشان يحمله و يطلعه معهم ما قدر اما فيصل فكان يراقبه و يشرب عصير :وش تساوي رائد : اطلع السلم معنا فيصل بستغراب :ليه رائد : بقول لك بعدين بس تعال ساعدني فيصل: يالله تساعدوا و طلعوا السلم معاهم و صاروا فوق السطح قفلوا كمان باب السطح و هنا جلسوا يستنون الوقت المناسب ببتسامة شر و كان ما باقي على صلاة المغرب الا نص ساعه استغلوا الوقت الي معاهم بالمفرحات الي اشتروها . . .............••.......... بعد صلاة المغرب كان الكل متجمع بديوانية و كان الضيف ، سيف ،بو بشاير و ولده ياسر ، نايف و ابوه ،مازن و ابوه ، عيال بو فراس كلهم مع مهند الي جالس بهدوء جنب ابوه ، بو ناصر ،و جيران الي حولينهم اخذ بو فراس على جنب بو مازن و بو نايف و بو بشاير يتناقشون حول الزواج اما نايف و فراس فكانوا عند العشاء برا البيت يسولفون بفرح عن زواجهم نايف بمزح : تكفى فراس لا اوصيك البنت لا توديها عند النياق فراس: صدقيني اني لوديها اليوم الثاني هناك اعرفها على سموحه [الناقه السمحة] نايف بضحك :عز الله انه بينفر قلبها منك فراس: لااا هذا اسمه تعارف على ظروف نايف : الله يكون بعونها طيب بسألك بتاخذ بيت ولا بتسكن مع أهلك فراس: اكيد مع أهلي باخذ الشقة حقك حامد و انت نايف:مثلك مع أهلي فراس: ماشاءالله شفت ياسر مسرعه بناء بيته جنب أهله نايف :صادق مدري متى بتملك هو فراس: مدري بس أحسه زيي المغصوب نايف: ايي شفته حتى يوم الخطبة كان وجهه متضايق فراس: ما عليك منه اذا ما مسكته و وصيته بـ اختي اوصيه تليق فيه نايف: اتركنا منه ركز بس على زواجك مستقبلك كـ شاب تارك العزوبية و شقى ابوه ابتسم فراس: الحمدلله الذي به تتم الصالحات صدقني لولا الله ثم سعود ما كنت ذلحين مكاني نايف: الله يرحمه ويغفر له و يثبته عند السؤال فراس: امين ي رب ...........••....... في سيب المطبخ كانوا البنات مبتعدين عن الحريم و عن أصواتهم الي تهز المكان و خصيصاً ام ناصر و بناتها ، هناء : بنات والله صار لنا مده مجتمعنا زي الناس بشاير: كل من مشاكل الي ما لها داعي عاليه:بس الي حلو انها عدت على خير هناء : شوفوا شوفوا العرايس يتكلمون ضربت عاليه ركبة هناء : إن شاء الله دنيا تدور فيك و نقولك ذا الشيء هناء :هههههه في أحلامك انا توني اليوم حالفه لبوي اني اعنس معه بشاير:ههههه على اساس عمي بياخذ كلامك بجديه صدقيني انك تنزفين وعيونك تقول دعواتكم هناء : نشوف.. الا اقول حمده وين بشاير: مع امك شوي و تجي هناء: بنات شفتم زينب يماا عيونها بتطلع من رأسها وهي تناظرك ي عاليه عاليه :الغيرة ي اختاه بشاير: ليه تغار هناء وهي تشرب شاي :لانها كانت حاطه عينها على فراس بشاير:اما و انا اخر من يدري هناء:لانك فاهيه شبية مناير جتهم عزيزه كانت بكامل أناقتها و أنوثتها مسلوده شعر على كتفها الايسر ولا كان يحتاج كثر الميك اب كان بطبيعتها تجنن اقل شيء عندها كحل و روج خفيف ،و فزت عاليه على طول و حضنتك عزيزه و بادلتها عزيزه بحنان و شوق ،عاليه:اشتقت لك كثير ي عزيزه عزيزه بحب :حتى انا اشتقت لك عاليه:تعالي اجلي معانا و تأشر على مكان بجنبها عزيزه: بعدين الحين بروح اخذ اغراض من المطبخ و اروح لامي هناء :بتنامين عندناا عزيزه :لا مع زوجـي هناء : وعع عليكم يالمتزوجات كملت عزيزه طريقه وهي تضحك على هناء اما هناء فـ نادت عليها امها و راحت لها ،هناء:هلا يمه ام فراس :هناء حبيبتي روحي جتنا بنت صغيره تقول في مهاوشة بزران عند الباب روحي اطرديها هناء ببتسامه شر :من عيوني يمه راحت هناء مسرعه لغرفة أبوها عشان تاخذ خيزرانته ،نزل وهي تهف الخيزرانه هف بحماس و شوق لضرب و تضحك كانها ضحكة شرشبيل العيال الصغار مسكتها بشاير :وين رايحه بالخيزرانه هناء:لتحرير المسلمين وين يعني للعيال الي برا بشاير:هناء اتركيهم علي هم صغار و تعرفين عقولهم لسا ما عقلت هناء:هناء ما تعرف صغار ما صغار انا اطلع قلوبهم من مكانها الواش عند رجل و مو هنا بشاير:تكفين طلبتك خليني اجرب انا بالاول اذا ما نفع فـ صدقيني لمسكهم لك هناء بينها و بين نفسها [ يليل البلشه]:هيا يلا وريني وش بتسوين طلع بشاير و هناء للعيال الي بالحوش و خاصةً للي كانوا يتهاوشون نزلت بشاير لمستواهم و مسكتهم الاثنين تمسح ملابسهم قالت برقة : ليه تتهاوشون كذاا قال واحد نتفه :هو الي بدأ ..:لا كذبت انت الي بدأ ..:و تكذب كمان انا اوريك بشاير:خلاص خلاص انا عندي حل لنقاش ذا بس توعدوني ما تعيدونها ..: ما لي شغل والله لطلعها من قلبك ..: شوف نفسك قدام ثم تعال ضارب بشاير:خلااص ..:ليه وش فيني عشان مكسر خشمك هاهه ..:تخس بس اذلف ي نتفه هناء:خلااااص انت و هو يلا انقلعوا لبرا يلاا طاح واحد من العيال الي كانوا يتهاوشون و ساعده خوي الي كانت معه و هربوا خوف من هناء و عصبيتها هناء:المره الجايه لازم اعلمك كيف تخوفينه و تصيرين كابوسه بشاير بشبه خوف من هناء :إن شاء الله هناء بحماس:اوقول متى ودكم نروح نحوص بالسيارة بشاير:متوقع الفتره ذي هناء :ليه بشاير:لوا تلحظين كلها اعراس و اول مكان فيه عرس بيتكم ، عرس فراس الي لسا ما تحدد و عرس مناير و عرسي و إن شاءالله يجيك الدور هناء:يالله بدينا من جديد راح ابوي الله يحفظه و بدلتي انتي بشاير:وانا صادقه البنت لا بد انها من تزوج هناء :تكفين ي بشاير اتركيني أتنفس شوي من طاري زواج انا باقي طفله تفهمين طفلة بشاير:طيب ابشري بس يلا ندخل جوا ي طفله دخلن البنات جوا و شاف صوت و صراخ مو طبيعي طاعوا بسرعه لقوا عاليه تتضارب مع زينب و الحريم يباعدن بينهن عاليه وهي تعض يد : والله ما افكك حتى اشرب دمك يالـ** ام عاليه و تسحب بنتها : فكيها ي عاليه فكيهااا و ام ناصر تضرب يد عاليه الي ماسك بها شعر زينب :فكي شعر بنتي يالي ما تستحين زادت عاليه عض وهي تضحك لام ناصر و زينب تبكي فزعة هناء و بشاير و سحبوا عاليه بالقوة عن زينب ،مدت ان ناصر يدها عشان تضرب عاليه بس مسكة يدها ام فراس و دفتها بعيد و قالت : قولي لبنتك عديمة التربية تمسك لسانها و لا عاد تجيب طاري ولدي على لسانها المقرف ام ناصر: بنتي متربية أحسن قطعتها هناء بصراخ مدت هناء اصبعها في وجهه ام ناصر بغضب : و رب البيت ان قلتي كلمة واحده عن امي انه ما يفكونك مني ذولا فهمتي سكتت ام ناصر بغضب و اخذت بنتها على جنب اما عاليه فراحت للحمامات مع امها ثم لحقتها هناء و بشاير ..