لا لي ذنب ولا انت عاصي.. - الفصل 28 - مكتملة | روايتك

بعد صلاة العشاء هناء:بنات يلا بروح أجيب شي وجي بشاير:بنت بسرعه راحت هناء و شوي و تجي و معها مفتاح سيارة فراس و كيس كبير ناظروا البنات هناء ثم ناظروا الكيس ،بشاير :لا لا اكيد أنتي انهبلتي هناء :وش الي انهبلت هذي مغامره مناير بفهاوه:وش الي بالكيس ابتسمت هناء:ملابس عيال انصدموا البنات و ناظروها ،بشاير :بس اتوقع هذا ما يجوز حمده:عادي أصلاً مين بيعرفنا بشاير:وش الي مين بيعرفا و السيارة سيارة مين مناير:هناء بلا شقاوه رديها مستحيل فراس يسامحنا هناء:عاد خذيها بوجهي بشاير:وجهك مغسول بمرقه اقول رجعي الاغراض و خلينا عاقلين هناء :عادي انتُ رحوا انا بالعب الي بيجي حياه الله مابي اكون حاطه يدي على خدي و اناظر اشكالكم الي تسد النفس يلاا قومي انتي و هيه طلعوا الرجوله الي فيكم ناظرت بشاير مناير: مناير انتي شفتي هناء شربت شيء منتهي صلاحيته او كثرت كولا مناير ببتسامه جانبيه : لاا حمده:صراحه انا معاها عادي ي بنات مين بيعرفنا و السيارة بنزيل اللوحه وبس ناظرت مناير بشاير ثم حمده و هناء هناء :هاهه بتجون مناير:بجي بشاير:بـ..بجي راحوا غيروا ملابسهم و لبسوا ملابس عيال وبعد ما غيروا اخذوا المفتاح و اتجهوا لسيارة فراس و السواق هناء و الباقي بالحوض هناء :مستعدين البنات:يلاا شغلت هناء و حوصت شوي و انطلقت و البنات فالينها وقرروا انهم ينزلون البقاله ياخذون لهم شيء بارد عشان يكملون بس ما نزل الا هناء و الباقي بالسياره ، دخلت ولا اعطت وجه للرجال الي بالبقاله و راحت لقسم العصيرات و المويه اخذت لها عصيرات وعلبة كبيره مويه باقي بس تاخذ لها شبس مدت يدها عشان تاخذها بس ما قدرت لنها قصيره بس تفاجأت لما انمدت يد و اخذت الشبي لف عشان تشوف من هو الا و تنصدم اكثر انه الحرامي الي سرق كتابها بدر: هاك هناء تاظرت شبس ثم الحرامي ، بدر: تبي تاخذه ولا ارجعه سحبته هناء و اعطته ظهرها اما بدر هوا مستغرب من شكل الولد الي قدامه رجع له و قال :لو سمحت كاني قد شفتك بدل ما تتكلم هناء تشمقت فيه و عرف بدر انها البنت الي اخذ منها الكتاب:انتي الـ.. لف هناء عليه بغضب و ضربته على ذيك المنطقة و طاح بدر اما هي راحت مسرعه و حاسبت بسرعه و طلعت ورمت الاغراض على البنات و شغلت السيارة و مشت بسرعه اما بدر الي كان من قوة الضربه موقادر يتحرك نطق :طـ..طارق كان طارق مار من جهه قريبه من بدر سمع صوت أنين لف عشان يشوف انصدم من شوفت بدر طايح بالارض و ماسك ذيك المنطقة ،بدر وهو يحاول يقومه :بدر وش فيكك ؟! بدر متألم : حسبي الله ونعم الوكيل طارق:وش فيك تكلم من ضربك! بدر : ولا شيء بس ساعدني اقوم بموت اخخ ساعده طارق و حاسبوا و طلعوا ،فتح باب الحوض و جلسه فيه و اعطاه مويه شوي و أبتسم بدر كفخه طارق بخفه على راسه: وش يضحكك هاهه ومن سوا فيك كذا تكلم بدر :صديق ي طارق صديق تعرفت عليه كنت امزح معه و صدق و ضربني طارق: طيب ليه ما زهمتني بدر:والله زهمتك بس ما سمعتني طارق :اخخ لو اني شفته بسس ،كيفك الحين احسن من قبل بدر :صدقني رجله حديد احح [يقصد رجل هناء] ....... :ووووهووووو ياالله هناء :تمسكواا حمده:السرعي زيادهه بشاير وهي تتمسك :لاا خففي هناء:مالي شغل ما جينا الا لتفحيطاتتت مناير:هـنـاء تكفين خففي والله شوي و ارجع هناء وهي تغني عشان ما تسمعها:لاااااااااااانا ما اسمع صارت الخط محطه تفحيط لين تعطلت عليهم السياره و وقفوا وهم يناظرون هناء بنظرات اللوم ،هناء:خـيـر حمده:انتي السبب لو انس ما طلعتي فوق على اساس بنمشي على جنب هناء:الله الله ومين الي اعطاني الفكره حمده :انا ما اعطيتس انا بس اقترحت عليس هناء برفع حاجب :طيب كلهم نفس الشيء المهم خلونا نشوف اذا في معدات ورا المراتب بشاير:ليه تعرفين تصلعينها هناء:لوء بس بجرب مناير:هناء تكفين لا تنكبينا هناء :وش الي انكبكم بس بجرب و انتوا تفقدوا الكفر ليكون هو السبب لقيت هناء معدات ورا المراتب و اخذتها و فتحت الكبوت [معرفش اش يسمونها بس الي اقصده مقدمة السيارة ] و طلع منها دخان اسود عضت هناء شفايفها, بينها وبين نفسها [يالليل صدق نكبتنا ] جتها حمده:هاهه بشري هناء : شوفي انا مو مكانيكي بس شكلها احترقت حمده بصدمه :وشوو لااا تكفين واحنا كيف نروح هناء:اصه بشاير و مناير لا يسمعونس بندبر لنا شيء حمده:يالله حاولي ترشين عليها مويه هناء :احسها مو فكره كويس حمده وهي تناظر الطريق :بنت شوفي في سياره جايه هناء بتسرع نطت وهي تأشر لهم يوقفون ، ووقفوا و كانت الصدمه ان بدر و خويه طارق تراجعت بسرعه لورا السياره و وهي تأشر لـ حمده تتكلم فتح طارق شباك السياره ،بدر:نعم ، تبون شيء حمده بتردد:اءء[ بصوت رجولي] احمم احنا تعطلت سيارتنا ولا نعرف نصلحها بدر بتعجب:اف متعرف تصلح سيارتك ليه وين تربية انت حمده بغضب :وانت شدخلـ.. مسكت هناء فمها ،هناء وهي منزله راسها عشان ما تنكشف :بتساعدونا ولا لا بدر ببتسامه: طيب بنساعدكم..يلا ي طارق نزل بدر و طارق و اخذو المعدات الي كانت بالارض و واحد دخل السيارة و الثاني فتح مقدمة السيارة وبين ما كان طارق يصلح كان بدر يناظر هناء و هناء تتجنب نظراته ،بدر :ايواا وانتوا وش اسمائكم هناء بسرعه:وانت وش دخلك تعجب بدر من جرائتها :افااا واحنا مساعدينكم عاد اذا قلت اسمك ما باكلك هناء:ما ابي بدر:وانت[يقصد حمده] حمده :عبدالعزيز بدر :و خوياك الي ورا السيارة حمده:سليمان و ياسر بدر : انت ي ورعع خايف على اسمك مثلاً هناء : كل تبن ما ابي اقول تفهم ولا لا بدر:هدد ي الخو ترا ما قلت شيء عشان تعصب علي ، الاا ليش منزل رأسك ارفع راسك ابي اشوف وجهك هناء [كانت متلثمه بالشماغ، رفعت راسها]:يالله انت وش تبي سرح بدر في عيون هناء المسحوبه والمزينه بـ الكحل و نطق بدون ما يحس :ماشاءالله عيونك ساحره انصدمت هناء و حمده من كلامه و مسكة هناء يد حمده و سحبتها و راحت عند البنات ورا السياره بس قبل لا تروح قالت بوجهه غضب :علمنا اذا صلحت بدر ابتسم لشراستها ،ولف لـ طارق :خلصت طارق :ي ليتك ما كلمته كنت خليتني اتأمله اذا ولد او بتت بس سبحان الله احسه بنت مو ولد ضحك بدر عليه : حتى انا مر نص ساعة و اشتغلت السيارة قاموا البنات يوم سمعوها اشتغلت لفت هناء تشوف ، نزل بدر من السيارة ، بدر وهو طالع من تحت السيارة : خلصنا ركبوا البنات بسرعه و شغلت هناء و اعطت نظره حاره لـ بدر و مشت بسرعه لدرجة ان السيارة طلعت صوت،طارق :اوووووف ابوك ي السرعه ال بطله بدر بحماس:نسابقهم طارق:لا يلا نروح بدر :صدقني ما اروح الا ان اسبقهم طارق:ورعع ما نبي مشاكل يلاا ركب بدر مكان السواق ولف على طارق:بتركب ولا امشي طارق: تكفى ي بدر رفقًا بها تدري اني توني طلعتهاا بدر :اركب اقول ركب طارق و أنطلق بدر بكل سرعته يبي يسبق البناتت وصل لاخر مرحله من السرعه و طارق اول مره يجرب السرعه زي كذا ،طارق بصياح :بــدددددررر و بدر يضحك :يووووووهوووو و زاد بدر في سرعته يوم شاف ان البنات قدامهم و تعداهم و البنات يناظرونه بصدمه و تحمست هناء و زادت في سرعتهاا و صاروا و كانهم في سباق سيارات نزل طارق شباكه وهو يصيح في البنات ويقول :خــفضواا سرعتكممم ما سمعته هناء بس خففت يوم شافت امها تدق وقفت :هلا يمه ام فراس:هناء يمه وينس لفت هناء على البنات وهي تاكل اظافيرها :قريبه يمه ليه تبين شيء ام فراس: ايي يمه اذا انكم قريبين من بقالة بو سليم جيبي بن معس هناء :ابشري يمه قفلت ام فراس ولفت هناء للبنات :تمسكوا و انطلق لبقاله بو سليم بسرعه قبل لا تلاحظ ان فراس انهم مو موجودين وقبل لا يقوم فراس ويفقد ملابسه و بعد مرور ساعه رجعت هناء و البنات و رجعوا سياره فراس وملابسه و راحت لأمها الي عند خالتها اما البنات يوم وصلوا كل وحده طاحت من التعب هناء:بناتت تكفون مين تتبرع بتدليك حمده:انا الي احتاج تدليك ربطتينا في الحوض و كاننا تيوس بو علي هناء:احمدي ربك اني مخليتكم تتشقلبون مع مطبات الديره مناير:خلاص خلاص انتي و هيه اقسم بالله راسي باقي شوي و يصيح عريكه بشاير: مين يبي مويا باردة البنات :اانااا راحت بشاير جابت أربعة علب مويه و انسدحت على رجول هناء شوي و ناموا البنات كلهم من التعب ..... في بيت بو فايز رجع بدر وهو مبتسم وسعادة شاف امه قدامه و حضنها وراح يرقص معاها و ام فايز تضربه بخفيف و تضحك وتقول يفكها بس بدر كل ما ضربته يبوس يدينها ،بدر :اخخ يالغاليه احبك ام فايز :ولد انت صاحي بدر :لا نايم ضحك بو فايز ،شافه بدر و راح باس راسه و يده وقال :كيفك يبه بو فايز :بخير الحمدلله بدر وهو كان متوقع ان فايز يكون ورا ابوه بس ما شافه :يبه وين فايز بو فايز :فايز سافر عشان ينهي اموره من بدري بدر :تمام انا بروح انام تأمرون شيء الولدين :سلامتك راح بدر وهو ما يقدر يبعد عيون هناء من باله كل ما لف يتذكر موقف معاها في السوق سكر باب غرفته و جلس فوق سريره ،بدر :اخخ ي ربي من هاذيي و حط راسه على المخده وهو يتذكر شراستها معاه :فديت العيون المسحوبه بشراسه .............••.......... مر شهرين بشكل سريع على عايلة بو مازن الي كان مره يسحب على اتصالات ابوه و مره يقول انه مشغول ما يقدر ينزل الديره يبي ينسي ابوه فكرة الزواج بس هذا زاد من غضب بو متعب و تشدده اما على على عايلة بو فراس فكان شهرين ملياء بالمفاجاة من جهت ام فراس الي اغمى عليها يوم سمعت ان عزيزه اطلق عليها ناصر بس مر الوقت و رجعت عزيزه و الكل كان يهتم فيها بشده ويحاولون انهم ما يذكرونها بـ ناصر او يجيبون طاري الزواج اما فراس و عاليه فـ مر عليهم ببطء و اشتد حبهم لـ بعض و تعلقهم بحبهم رغم بعدهم الا أن كل ما مر يوم يزيد حبهم و الشوق آخذ نفس وقتهم اما نايف فـ تمت خطبته و ملكته من بشاير بسرعه ولا كان على زواجهم شهرين ونايف صار في مرحلة يرسم احلامه معاها من يوم شافها في ليلة ملكتهم يوم مسك يدينها الناعمة صار كل ما تذكرها يتحسس يدينه اما لـ هناء كل ما راحت لـ سوق تشوف بدر قدامها وصار يلاحقها يحاول ياخذ اسمها بس هي مُصره انها متعطيه وجه اما سيف مع هذي شهرين مو قادر ينسى عزيزه مسيطره على كل تفكيره و هواجيسه و ناوي يخطبها بس خايف ترفضه ، و قمر الي كان البيت يعم يصوتها ومقالبها صارت ما تطلع الا نادر و سئت حالتها النفسيه صارت تخاف من اي شيء يقرب منها حتى اذا صارت تسلم على جدها او جدتها و بس اذا قربت من بو فراس تصير ترجف و وجهها يصير اسود بس من يوم سافروا معد تنشاف ابداً ، اما فيصل فصار كل ما شاف رند ياخذها و يلعب معاها ..............••.......... بيت بو مازن كانت عاليه نازل مع الدرج بس وقفت على صوت ابوها وهو يقول :ابشر يبه ابشر ما عليك بقول لها بس اهدا انت وان شاء الله تتحسن الأمور وشوي و قفل راحت له و قالت : اش فيه جدي بو مازن برتباك:من متى كنتي تسمعين لنا عاليه: ما كنت اسمعك بس مريت وانت تقول لجدي يهدأصاير شيء بو مازن بتنهد:لا لا ولاشيء بس يمكـ..ن هذا الاسبوع ننزل الديره نط عاليه بفرح:والله بو مازن بحزن :ايي عاليه بفرح:متى في اي يوم بو مازن:بعد بكره عاليه:تمامم[اخيراً ما بغينا ننزل ] راحت عاليه على طول لغرفتها تبي تجهز كل شيء من بدري و اخذت لها ورقه و قلم وراحت تكتب الراض تبيها من المول عشان تلعب فيها مع هناء و البنات بس دخلت عليها امها ، ان عاليه:لولي خذي معاك ملابس كثير لاننا بنطول في الديره عاليه ببتسامه عريضة:ابشري يمه قامت من مكانها وتجهت لدولابها طلعت ملابسها و لوحاتها و الوانها و حطتها بشنطه ومشتاقه لقصايد عشيقها و شوفته ينتظرها ............••......... في بيت بو فراس فراس الي كان في الديوانية يهوجسو معه ثامر و حامد ، كانوا طفشانين بس جتهم هناء منفسه تبي تاخذ الدله والفناجيل ،حامد وهو منسدح :هنااء هناء :شتبي حامد:هناء هناء:شتبيي حامد:قوميني هناء:ليه وش تشوفني انت رافعة سيارات حامد:قوميني حسبي الله على عدوك انهد حيلي هناء:هههه صدقت درب كراعينك هاذي على الرياضه ثامر: جيبي لنا شاي هناء : قم انت وهو اطلعوا تشمسوا لا تفقع ظهوركم الحمى قموا ترا اذا مرضتم مافي احد بيعتني فيكم شوفوا اخوكم مرض ولا احد جاب له كوب المويه غير الوالده الله يحفظها ثامر :الا صدق حامد سمعت ابوي يكلم في الجوال قبل امس عند بضاعة في الخرج ولها قيمه كبيره حامد:ي رب ان ابوي ما يقول لي والله ان تكسر ظهري و انا رايح جاي من الرياض لـ محايل ثامر:الحمدلله انا باقي مصار لي سياره ولا كان رحت فيها حامد:اقول ي ثامر حمد و اهله بيجون ثامر:ايي بيجون هذا الاسبوع حامد:الله يعين لف حامد عشان يقول لـ فراس شيء بس فراس مكان موجود كانت واضح عليه انه مو مركز معاهم حامد:فراس ما رد عليه فراس حامد:فـراس ما رد عليه حامد بصياح:فــراس فز فراس من مكانه، فراس:هلا حامد:وش بلاك ما ترد لي ساعه اناديك ما ترد فراس:ولا شيء كنت سرحان حامد:المهمم متى بتتزوج ترا باقي كم شهر و تدخل 27 فراس:قريب ي حامد قريب حامد بفرح:صدق قل والله فراس: والله هناء:الله يكون بعون المسكينه بتجلطها فراس: اذلفي اقول هناء:نينينيني اسكت لسد حلقك بذا الفناجيل ي