الفصل 23
بعد ما راح سعد و فراس كان الجوا كاتم بس كسر صمتهم حامد: يبه إتصلت عليك عزيزه شيء
بو فراس: لا والله ما اتصلت احاول اتصل مافي رد و ناصر ادق الا لين يفصل ما يرد دقوا عليك شيء
حامد:لا مادقوا ولا انا دقيت وانت ي حمد و ثامر اتصلوا شيء
الاثنين:لاا
ام فراس:دق ي حسين دق على اخوك عبدالله أسأل عنهم يمكن عنده علم
بو فراس: طيب
رفع جواله بو فراس ودق على بو ناصر بس ما يرد لف بو فراس لـ ام فراس:ي نوير دقي على ام ناصر
عقدت ام ناصر حاجبها :والله ما دق عليها
بو فراس:ي نوير تعوذي من أبليس و دقي خلينا نتطمن على البنت
دق ام فراس على ام ناصر و ردت:خـير
تحنحنت ام فراس وهي تناظر بو فراس: خير ان شاء الله بس حبيت ادق عليس عندكم عزيزه و ناصر
ام ناصر: لاا مو عندنا
ام فراس:طيب ،،و قفلت و قالت :مو عندهم
بو فراس: خلاص انا بكره بروح لـ عبدالله
.............••...........
في سياره بو مازن
كان في معركه بين عاليه و مازن ضرب و نطنطه بين المراتب
بو مازن:مازن بعد عنها بعـد
مازن:والله ما أبعد لين اخذ حقي منها
عاليه وهي تضحك :هههههههه تأخذ حقك مني
كانت بتنط في الشنطه ورا بس مسك رجلها، مازن: والله ما تروحين الين تعطيني جوالي
عاليه:ما بعطيك جوالك بس فكني احسن لك
مازن :وش بتسون وانتي مقلوبه على راسك
عاليه: يـــبههه الحقني
بو مازن وفيه ضحكه :مازن فكها و انا بقولها تعطيك
فكها مازن وطاحت على رأسها قامت وهي تمسك راسها :افتكوا لحيك
بو مازن:بسم الله الله معنا
ام عاليه:عــالـيه انا وش قلت هذا الكلام لا عاد اسمعه
عاليه:بس يمه شوفي وش سوا
ام عاليه:ما يهم اجلسي زي ناس
رجعت عاليه من الشنطه و جلست جنب مازن الي يضحك عليها
عاليه:احترام نفسك ترا والله ان قم لـ ادفنك حي
ما تحمل مازن شكلها و ضحك و ضحك معاه بو مازن و ام عاليه و عاليه تراقبهم بحاجب مرفوع :ماشاءالله يعني تضحكون على عصبيتي هاهه
بو مازن بضحك :هههههههههههههههههههههههههههه لا لا احنا نضحك على مازن
عاليه:واضح واضح
ناظرت عاليه الي ماسك بطنه من الالم ضحك ،قرصته بقوه نط مازن :اييي اييي خيرر ماتستانين لين تعكرين مزاجي
عاليه:احسن المهمم يبه بقول لك شيء
بو مازن:تفضلي
عاليه:يبه بغيــر أسمي
بو مازن بتعجب : ليش ي بابا أسمك حلو
عاليه:لا ي بابا أسمي قديم أبي أغير بواحد عشان يكون اسمي الجديد حلو بعباية تخرجي و لبداية صفحة جديدة
بو مازن: أبشر من عيوني بس وش الاسم الجديد الي اخترتيه
عاليه: العنود هذا بيكون أسمي الجديد وش رايك يبه
بو مازن:ماشاءالله اسم حلو
مازن بعناد :بس انا ما بناديك الا عـاليه
عاليه:عــادي ذيك الحزه ما بعطيك وجه
بو مازن:يعني بـ نبدأ نناديك ي العنود
العنود:ايي يبه
ام العنود : مبروك بالاسم الجديد بس يمه ارسلي للخياطه تكتب أسمك الجديد
العنود :الله يبارك فيك يمه ..طيب
بو مازن:مازن بكرهه تاخذ العنود وتروح بها للأحوال و تغيرون الاسم
مازن بستغراب:يبه يمه اش فيك ما قلتم شيء شلون سمحتم لها تغير اسمها
بو مازن: هذا شيء يخصني و ثاني شيء هذي بنتي وحيدتي
حظنته العنود من ورا المرتبه : حبيبي ي بابا
ناظر مازن امه :و انتي يمه
ام العنود :انا مع تركي في كل قرار يقوله
ناظر بو مازن ام العنود بحب ، مازن :يعني انتي ي طعسه غيرتي اسمك بواحد اخس
العنود :مافي طعس هنا الا انت بس بعد عند طريقيي
مازن:مالت عليك
اخذت العنود شنطتها و طلعت منها بطاطس كبير وفتحته و قربته من ابوها و امها :ما دام الطريق طويل قول لنا يبه قصتك انت و أمي
مازن:صدق يبه أبي اسمع قصة حبكم
ضحك بو مازن بخفه : اذا وافقت غزاله فـ بقولكم
رجعوا بنظرهم لـ امها :يمه تكفين وافقي
مازن:اييي يمه تكفين
ام العنود باحراج:لاا
العنود:لااااا يمه تكفين تكفين لا تقولين لا ياخيي حتى جدتي قالت لنا قصتها مع جدي الله يرحمه
ام العنود :بس
بو مازن:عادي قصة صغير يأخذ منها عبره
ام العنود:طيب خلاص
بو مازن: بس ترا بقول لكم ان عمكم حسين هو صدق عم لكم رضعنا انا و هو من امي الله يرحمها يعني يعتبر اخوي من الرضاعة وعمكم
العنود :شلون يبه
بو مازن: ام حسين الله يرحمها كانت بنت عم امي كان في صلت قرابه يعني امي كانت من قبيلة العم حسين وابوي الله يهديه تزوج امي غصبًا عن ابوه و قبيلته و كانت امي الله يرحمها تتعذب من جدتي و جدي و كانت جدتي تحرض ابوي على امي ، في يوم من الايام جت ام حسين زياره لأمي و تركت حسين عند امي و رضعته معي بس ابوي كان جاي من المزرعه و شاف حسين و مسك امي ضرب و جت ام حسين تأخذ ولدها لقيت امي وجهها مضروب وفي كدمه بعينها اخذت ولدها و تاسفت منها و راحت
لانها رضعته مع حسين ابوي الله يهديه كان من كثر ما ابوه و امه يحرضنه صار كل ما شاف امي يعذبها
فـ عدت الأيام و سنوات و مات جدي و بعدها بشهور ماتت جدتي و سافرت انا عشان أدور لي وضيفه ذيك الأيام ما كان فيدي الا 500 جمعتها عشان اخذها معي و لقيت لي وظيفة راقيه شوي كنت إشتغل عن شايب كبير في سنه كان طيب معي اذكره مره سألني قال { ليش ي ولد حالتك هذا }
قلت له {انا ي عم مريض من السكر و ممنوع من بعض الماكولات}
قال لي { لا اله الا الله وانت في ذا السن }
قلت { ايي ي عم بس انا في ذا المرض مزمن}
قام من مكانه و أعطاني فلوس كثيره حلفت ثم حلفت و حاولت فيه بس هو ناظرني و قال {تركي ترا والله ما اشوفك الا مثل ولدي المرحوم انا بعد ما فقدت زوجتي ثم ولدي ما بقى معي احد في ذا الدنيا الا انت وذا المحل }سكنت بعدها مع ذا الشايب و جلست معه 4 سنوات ولا كنت ادري طيلة هذي السنوات انه كتب ثروته كلها بـ اسمي [ثم نزلت دموع بو مازن و مسحها بشماغه ] وفي يوم تعب علي سويت له فطور وفطرته و مسك يده حسبته بيقوم بس سحبني و قال لي { ي تركي انا حبيتك مثل ولدي وشفت فيك شيء خلاني أثق فيك وانا ادري ان كل ما جاء يوم يروح من عمري نصيفه و انا ترا كتبت المحل وهذا البيت وكل شيء يخصني بـ اسمك ،ابيك تكون رجال وتمسك حقك وكل الي يسمع بـ اسمك يقول ونعم بذا الرجال انا صح مو ابوك بس حبيت أوصيك قبل لا يأخذ ربي وداعته }
قلت له و انا احظنه {الله يهديك ي عم الله يهديك شلون تحطها بسمي بدون ما تقولي و ترا انا والله ما طمعت في اي شيء لك ولا كان لي نيه في شيء وانا الحمدلله تحسنت احوالي ،ي عم الله يطول بعمرك ولا توسوس هذي حمى بسيطه وبترح وانا ترا اعتبرك مثل ابوي [وباس يده وراسه] خلك ي عم قوي عشان نروح انا و انت عند أهلي اعرفك عليهم قوي نفسك ي عم }
قال لي بعد نقاش طويل يبي ينام فـ طلعت من عنده و طلعت للمحل وكان المحل قريب من البيت ،و بعد صلاة الظهر رجعت البيت و دخلت معي اغراض من البقال وحطيتها فلمطبخ و طلعت عشان اتطمن على العم مسعود لقيته نايم بس الحقيقة كان ميت وانا حسبته نايم رحت سويت لنا غداء وبعد ما خلصت جبته غرفته و استغربت العم مسعود مكان يطول في نومته ، ناديت عليه ما رد رجعت ناديت بس بصوت اقوى ما رد بعدت الغداء وجلست جنبه هزيته كم مره ما رد قربت منه اشوف اذا في نفس ما كان في نفس عرف انه مات ، حملته و رحت فيه للمستشفى و خلصت اجراءاته قلت لناس من اقاربه انه توفى وبعدها بيوم سوينا عزاء كبيره وجت ناس واجد
و خلص العزاء و انا كنت مرهه حزين عليه بس ما وقفت قمت بمحل حقه و بنيت مسجد بأسمه من فلوسي انا و المحل اشتغلت عليه بجد ليل نهار لين صار من أشهر محلات الذهب وفي يوم جت ام غزال وبناتها كانت وكانت البنت الكبيره هي و امها في جهه يختارون و غزال وقفت في مكان على قطعت أسوار من ذهب رحت لها قلت {تبينها }
ناظرتني و قالت بخجل {اي بس بكم }
انا في ذيك الحزه قلت بدون محس بفسي { خذيها هديه }
ناظرتني بصدمه و قالت {شلون}
انحرجت و قلت {أقصد خذيها هديه من المحل }
قالت وهي تناظر الأسوار { بس شكلها غاليه مره}
و جتنا امها و قالت { لقيتي لك شيء}
قالت {ايي يمه هذي الاسواره عجبتني بس}
ام غزاله {وش يمه غاليه }
غزاله {ايي يمه غاليه بس صاحب المحل يقول بيعطينا اياها هديه }
ذيك الحظه عطتني ام غزاله ذيك النظرات الحاره و قالت {لا يمه اذا تبينها بشريها لك احنا ما نقبل الهدايا }
قلت له وانا فيني غصه احراج { ي خاله لا تفهمين الموقف خلط انا قلت لها كذا لأنكم ماشاءالله اخترتم ذهب كثير فـ قلت اعطيكم وحده مجاني عشان المره الجايه تجون تشترون من عندنا }
ناظرتني ثم قالت {اشوا ،طيب اعطنا اياه خلصنا }
جمعت الذهب الي اختاروا و سمعت صوت ضحكه خفيف عرف انها كانت تضحك علي أبتسم حاسبووا و طلعوا و عرفت ان بيتهم قريب من المحل وكنت كل ما أروح البقال القاها قدامي لين ما تطورت علاقتنا و صرنا نسولف مع بعض بس من بعـــيد بس مستحيل انسى يوم طرد الكلب ذيك اليوم قلبتي الحاره علينا هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
ام العنود وهي منحرجه :تركيي
بو مازن:خلاص خلاص ، المهم ساعدتها و بعدت الكلب بس الجتمعوا الناس علينا و صرفتهم من عندي وهي راحت بس ما سلمت من امها خاصمتها جتني اليوم الثالث عيونها محمره حاولت اراضيها مع اني مالي دخل بس كانت زعلانه علي اسبوع وفي اخر الاسبوع جبت لها وردة الجوري و رضيت ،قعدنا نتواعد يمكن سنه حتى جاء يوم و قررت أرجع ديرتي و اقول لأبوي يخطبها لي و فعلاً رجعت الديره و لقيت ابوي زوج راشد و طلال و كان مع راشد ولده فايز ،كان ابوي مبسوط مني مرهه كان بيطير من الفرحه مو عشاني رجعت لا عشان الفلوس الي حصلتها و محلات الذهب بس قلت له انها مو لي و ان كل ريال يطلع من ذا المحلات بتبرع فيها للايتام و المستشفيات بأسم العم مسعود ابوي في ذيك الحظه ضربني قدام القبيلة كلها أعطاني كف منساه بس الله يسامحه دنيا و اخره
العنود بصدمه :يبه قدام القبيلة
بومازن : ايي ، بس ما سويت شيء الا اني بست راسه و يده و قلت له اني ان الفلوس الي معي مو لي انها لرجال كنت ساكنت عنده وقلت له السالفه كلها من يوم سكنت عنده الا يوم وفاته الله يرحمهه ويغفر له
ابوي في ذيك الحظه ما حن قلبه و تعاطف كان كل همه يكون له نصيب من الفلوس ، يوم راحوا الناس ما بقى الا ابوي واحنا ي عياله قلت له اني ابي أخطب قال لي :من هم الي بتخطب عندهم
أبتسمت و قلت :يبه ابي اخطب عند واحد في الرياض
بو متعب بغضب:وليهه في الرياض ليه ما تأخذ وحده من بنات عمانك الي كل وحده منهم تقول الزين عندي ما لقيت تاخذ الا من الرياض
تركي :يبه انا لي رغبه أتزوج من هناك
بو متعب:لو تموت
تركي بتردد: طيب يبه لو أعطيتك نص الفلوس الي عندي بتروحي معي و اتزوجها
بو متعب بعد سكوت دام لحظات : كم بتعطيني
تركي :150الف
بو متعب ببتسامه عريضة:موافق بس ترا المهر عليك و الذبايح
تركي:طيب بس ابي وقفتك معي كأب بيخطب لولده من نيه طيب
بو متعب: طيب هات الفلوس
تركي : بعطيك يبه اذا وصلنا الرياض الحين ما معي شيء
و بعد مرور أسبوع رحنا انا و ابوي و اخواني لرياض نخطب و الحمدلله وافقت أمكم وتزوجنا وعشنا حياة سعيدة و أكتملة بجيتكم
مازن : الله يخليك لنا يبه
بو مازن:آمين و يخليكم لي
العنود :لذا الدرجة جدي طماع
بو مازن:لا تقولين كذا ي عاليه اقصد العنود جدك قلبه مهمًا قسى طيب بس الظروف تغيره
العنود:يبه كيف الظروف الاب مهمًا سوو عيال لزم يكون اول سند لهم المفروض يكون قدامه يوم قلت له إنك تبي تتزوج المفروض يكون أول داعم لك جدي فيه تصرفات غيرت مكانته بقلبي
سكت بو مازن وهو يفكر بكلامها
مازن يبي يغير الموضوع:بس اكيد انا كنت أجمل فرحة جت امي و ابوي كنت ملاك
العنود:ماشاءالله عليك ملاك انا بكرهم انت في المرتبة الثانية صف ورا يالاخو
مازن:واذا يعني بكر انا رجال و انتي بنت
وقف بو مازن وفي محل كبير للعوائل:خلوا النقاش لبعدين ادخلوا نتعشى ونكمل الطريق
..............••............
في المستشفى
تعرض سيف لإصابة قوية و خطيرة شوي وخاصةً في الكتف بسبب الرصاصه و الباقي خفيف شوي بس كان تفكير بـ عزيزه الي كانت تنزف طول الطريق مع أنهم حاولوا يصحوها دخل عليه العقيد و اعطاها تحيه الشرطه و شكره على عمله الصادق و حماية المواطنه و القبض على السجين الهارب
سيف:العفو طال عمرك بس الشرطي الي انصاب في القسم كيف حالته
العقيد : للاسف مات الله يرحمه ويغفر له ويصبر اهله
سيف :الله يرحمه و المواطنه كيف حالتها
العقيد: يقولون بغى يصير عندها هبوط وتوقف في نبض بس سوا لها إنعاش وهي حاليًا في العناية المركزة بس
سيف بستغراب:بس وش
العقيد :المسكينه كانت في بدايات الحمل بس فقدته
نزل سيف رأسه بـ حزن : الله يعوضها
راح العقيد و بقي سيف يفكر كيف حامل وهي تكرهه الا يكون
ي