لا لي ذنب ولا انت عاصي.. - الفصل 12 - مكتملة | روايتك

........••...... عند ام فراس الي يرحبون بالحريم الي جاينهم من بدري عشان يساعدونهم والدنيا قايمه عندهم وناس داخله طالعه عند البنات الي كانو يتجهزون عند غدي و عزيزه الي كانت جاهزه وبارزه كانت جميلة بمعنى الكلمة تأخذ العقل حتى البنات يوم دخلوا عليها سمو برحمان ،ناظرتها مناير ومن دون ما تحس نزلت دموعها وهي تشوف اختها الكبيرة شبيهة أمهم رايحه : الله يتمم لك ي عزيزه ولفت وجهها تسمح دموعها قبل لا تنفجر اما هناء الي ماسكة نفسه بس راحت حضنت عزيزه بقوه :عزيزه زورينا لا تنسينا مسحت عزيزه عيونها لانها بدأت تدمع وحضنت هناء و مناير كمان دخلت ام فراس عشان تشوف بنتها قدام ما يجون ناس بس شافت منظر جميل و حزين في نفس الوقت تقدمت لهم : ي بنات وخروا شوي خلوني اخذ معاكم شويت حضن ،ضحكوا البنات بخفه ثم مسك ام فراس يد عزيزه توصيها في مستقبلها وفي زوجها و حياتها اما البنات طلعوا راحوا للمطبخ شافوا نوف تطرد البزارين ودقايق و جت بشاير واخذت علبة موية بشاير: ي مناير مين من جيرانكم الي معاهم سيارة صغيره بــيضاء فخمه مناير :مافي من جيرانا الي معه سيارة بيضاء كلها من زمان جدي بشاير:ههههههههههههههههههههههههههه المهم بنات بتجي بنت عمتكم رفعت هناء حاجبها :اييي بتجي جعلها ما تجي بشاير :هناء حاولي ما تسوين مشاكل ترا اليوم يوم مهمه لنا كلنا نبي نفرح ونستانس ونقهر الحاسدين هناء:طيب ابشري بس اذا انها نرفزتني اسكتها شوفي والله ان قالـــت بس كلمه بسيطه والله لمسح بلاط البيت بشعرها غدي:لا لا ان شاء الله ما تجي نوف :بنات خلونا نطلع نسلم على الحريم طلعوا البنات يسلمون على الحرمه الي جتهم ، دخلت ام عاليه وانصدمت ام فراس وراحت مسرعه تسلم عليهاا :ي هلا ي هلا منوره ي ام عاليه منوره ام عاليه: حبيبتي بنوركك ومبروك بزواج عزيزه ام فراس بفرح واصلل لسماء: الله يبارك فيك والله الساعه المبارك بجيتكم ناظرت ام فراس عاليه ولا بدون ما تحس :ماشاءالله تبارك الرحمن هذي عاليه ام عاليه:ايي هذي عاليه.عاليه تعالي سلمي اش فيك صنمتي دقدمت عاليه بفشله وسلمت على ام فراس ام فراس :ماشاءالله كبرت وصارت عروس ابتسمت عاليه بنحراج دخلت للصاله مع امها و نزلت الطرحه من على وجهها وشافت الكل يناظرها بنظرات صدمه ما تدري كيف اوصفها بس خافت و راحت مع امها اماا البنات كل وحده حاطه يدها على فمها من صدمه الي يشوفونها شافوا ملاك دخل عليهم ناظروا بعض ثم رجع يناظرونها هناء بتساع عيون : لا لا حقيقي الي قاعد اشوف ماردو البنات هناء :بناااات اش فيكم ساكتيني قولوا انه حلم ضربتها بخفه مناير :يي مو حلم كلنا شفناها نوف :يمهه جمالها يخوف بشاير:بنات والله مو قادره اشيل عيني عنها دخلوا البنات عند ام فراس و ام عاليه و الحريم وسلموا عليهم ووصلوا عند عاليه سلموا عليها وكانوا مستحين منها وجلسوا كلهم جنب ام فراس كانهم بنات صغار مستحين هناء بهمس :بنات نقول لها تجي تسولف معنا برا بشاير:ما اتوقع بـ توافق نوف: اخخ كانت تحب عزيزه بس عزيزه مو موجوده معنا هناء :انتي قولي لها لاني كبيره وبتستحي منس نوف : لو تموتين قولي لـ عمتي تناديها سمعتهم ام فراس وحست فيهم : لولي وش رأيك تروحين مع البنات تسولفون مع بعض وتتعرفون على بعض لفوا البنات لـ ام فراس ثم لـ عاليه ناظرتها عاليه : تمام طلعت عاليه من بين الحريم الي تبي الفكه منهم الي كل وحده فيهم تعطيها نظرات ما تدري كيف توصفها بس كانت تخوفها طلعت بسرعه و مسكت ي هناء وطلعت بهم مسكت قلبها:الحمدلله ناظروها البنات بستغراب ناظرتهم : اسفه ي هناء شديت على يدم بالغلط بس كنت متوتره من نظرات الحريم ،ناظرت هناء يدها ثم عاليه وقالت:خقيت ضربتها مناير بخفه عاليه:و انا بعد بنات طالعين تجننون بشاير:انتي الي تجننين صدق ابتسمت عاليه بخجل :ايوا كيفكم تصدقون شـقد اشتقت لكم ما اذاكركم الا وحنا صغار مناير :تمام الحمدلله صدق كنا بزرات في البداية استحوا البنات منها بس شوي بدأت سوالف وضحك ،راح الحاجز الي كان بينهم شوي .......••..... عند فراس و نايف كانوا لسا في الطريق بس فراس كان في عالم ثاني لحظ نايف سكوته :اقول يفراس وش رايك تعطيني شوي من شعرك ناظره فراس وعيونه تقول تعبانه : ابشري ي نايف ما طلبت شيء بس بعطيك ابيات الي فـ قلبي نايف :خذ راحتك " من كثره الشوق من عيوني هطل جلست انا في مكان وضحكتي في مكان الحب هذا مسبب في شعوري عطل محتار بين المشاعر و المشاعر اخوان شعور يقول انساها و وخليك بطل وشعور يقول لاتنسى وخليك ..." ثم وقف شوي لفه بخنقه يطالع مع شباك سياره معد له نيعه يكمل به غصه في حلقه ما يبي يطلعها ناظره نايف وهو متردده يسأل فراس اش فيه : فـراس زعلان فراس :ايي والله اني زعلان و مقهور ومشتاق منتبه نايف للكلمه الاخيره : ي فراس لا تزعل على خالي و انت تعرفه عصبي بس مافي احلى من جلسه معه توسع الصدر فراس: صادق بس ازواج مو بالغصب و انا لو تنقلب السماء على الارض ما أتزوج بعادات و تقاليد نايف بمزح : ندري انك ولهان بس منهي تعيسة الحظ ابتسم فراس بخفه: لو قلتلك بتقول ان ما عندي عقل نايف:قول وما عليك ما بقول شي و ترا سرك في بير تكلم سكت فراس شوي ثم نطق :بنت جارنا تركي وقف نايف السيارة بقوة ولف على فراس: وشـووو! فراس ماسك راسه : وش فيك ي بن الحلال بغيت اوصل لصدام مسكه نايف بكتافه :اقول انت مافي عقل ولا وش فراس :نايف فكني وبعلمك .فكه و كملوا مشوارهم نايف :تكلم فراس :شوف هو مو حب بس انا كل ما تذكرتها اضحك لا إراديًا وحس بشعور غريب بس جميل يعني كيف اوصفه لك زيي الاشتياق ابي اشوفها ابي اسمع ضحكتها ابي احضنها ما ادري هو إهتمام ولا وش نايف: فراس بعلمك ومن بدري لا تخلي هذا الاحساس يكبر فيك انت تدري انهم مو من قبيلتنا وتدري ان بينا وبينهم عداوه مستحيل يخلونك تتزوجها حاول قد ما تقدر تنساها فراس: شلون أقدر انساها ما قدرت انساه من 7 سنوات شلون انساها الحين نايف:والله مدري وش اقول بس الله يسهلها... اسمع معد شفتهم جو الديره فراس: صدقت عاد لهم 7 سنوات ما جو الديرة نايف : شفت البارح ولد غريب في بقالة الهندي فراس: حتى انا شفته بس شفت معه حرمه قلت يمكن زوار ويروحون وصلوا بيت بو فراس ونزل فراس بعد ما قال لـ نايف يستناه دخل الحوش و اتجه لـ باب الخلفي للمطبخ و نادا لـ مناير بس ما ردت وجاء سعد وهو معه صحن فناجيل و اعطاها فراس وهرب : اسمع هذا صحن اعطه هناء تغسل الفناجيل وتجهز قهوه وفناجيل كثيره وبسرعه ابوي يستناك [وهرب] فراس بصياح :ورععع تعالل انا باقي ما تجهزت سعد بصياح من بعيد :بروح انزل فيصل و رائد من فوق سطح اخاف يسوون شيء بـ مهند المسكين زفر فراس و لف لـ باب المطبخ و دخل بشويش بس وقف وهو يشوف بنت كامله الاوصاف جميله جمال الفاتن وتدور بفستانها الأسود و وقفت يوم تلاقت عيونا ،فك فراس الصحن الي كان بيده و حط يده على عيونه أدركت عاليه الي كانت فيه و هربت و البنات قاموا يشوفون الي طاح فـ المطبخ ، دخلت هناء ورفعت يدها على رأسها من الصدمه الي تشوفها :فــراس وش سويت ي غبي فراس الي نسي وضعه :هاهه انا وش سويت ؟ ثم ناظر الفناجيل ورفع عينه على هناء و مناير :والله ما كان قصديي تكفون شوفوا اذا باقي فيه مناير وهي حاطه يدها على حاجبها :الله لا يبلانا هناء وهي تلقط الجزاز : ان لله وانا اليه راجعون وش فيك انت ما تشوف قدامك[وهي تأشر بيدها على درج جنب الفرن ] شوف في ذاك الدرج تلقى الفناجيل الاحتياطية فراس: بنات عادي اسالكم سؤال بسيط لفت مناير ورفعت هناء راسها وبنفس الحظه. :وش قرب منهم ويده ترجف بدون سبب رجع قامه مسك جبهته ثم رجع لهم وقال بصوت مرجوف :اء ا مناير جيبي ثوبي وهناء تكفين قولي لأي احد يجيي ياخذ الفناجيل انا مستعجل هناء:فراس اش فيك ترجفف ليكون تعبان [قربت منه حطت يدها على جبهته ] فراس محموم تعبان شيء فراس :هاهه لا ء ليه؟! هناء :حرارتك مرتفعه شوي فراس :اكيد ضربت شمس اكيد اء مناير وين ثوبي مناير: دقائق بروح اجيبه وجي برتباك فراس :بسرعه تكفين بسرعه لحظة هناء ارتباكه و رجفته وكنست القزاز وراحت مسرعه تجهز صحن الفناجيل اما مناير الي طلعت من المطبخ مسرعه لغرفة العيال اخذت ملابسه الي كانت مجهزتها من قبل واخذت عطره و البخور معاها وطلعت مسرعه له :فــراس هاك بسرعه جبت عطرك و البخور عشان تتبخر فراس : ياااخي [لف لـ هناء ]هناء تعلمي منها ولو شوي اعطته هناء ذيك النظره الي كشفته :اقــول اطلع لا افضحك قدامها لف لها يحاول يغير الموضوع : امزح امزح تعرفيني ههههاه بخر ثوبه ثم اخذ العطر وباس راس مناير ثم هناء ردت هناء بسرعه قبل لا يطلع : فراس شكلك بتموت فراس يضحكك: لا لا ارتاحي هههههههههه طلع وهو مبتسم بس باقي متذكر البنت الي شافها وركب مع سياره وهو يده على وجهه ووجهه أحمر استغرب نايف بس قال يمكن الشمس سكت ونطلقوا للمخيم .........••........ عند البنات عاليه الي كانت تحوس في سيب وتدور مكانها وتعض يدها وتنط وتقول :يمههه شافتي يمـــا ،ثم جتها يد من وراها مسكت كتفها لفت شافت هناء مبتسمه : تكفين قولي لا هناء : ي بنت لمحه ما تضر أمشي يلا عاليه:اقولك شافني وانا أدور تقولين لمحه [وحطت يدها على جبهتها ] شكلي بغمى علي ي ليت الأرض انشقت وبلعتني اههههاهه هناء: ي بنت الحلال خلاص اول مره و اخر مره بس امشي نروح عن المطربات ،سحبت هناء عاليه بيدها و اخذتها معاها تخفف عليها عند حمده الي لبست فستانها وعقمت امها يدها ولفتها و تطمنت عليها طلعت عند الحريم ما بقي الا حمده الي كانت تاخذ نظره اخيره على شكلها و دخلت عليها مناير ومعاها خبز و جبن و عصير ومسكت حمده من كتفها وجلستها :يلا ي حموده خلينا نأكل شوي حمده : بس مو جوعانه مناير: صدقتك..امي تقول ما اكلتي شي من صباح قلت خلينا ناكل سوا ابتسمت حمده :حبيبتي ي منايروو و سموا وبدات يأكلون ويسولفون دخلت عليهم هناء و عاليه وجلست هناء جنب صحن :خـيـر ان شاء لله ما قلتوا لنا عشان نجي عندكم ناكل معاكم مناير: إنتي ماشاءالله عليك شفطتي الفطاير الي شراها فراس البارح هناء بجحد :انااااا اناااا أكلتها لا اله الا الله ما لقيت الا انا بسسسس حظ المظلوم بالجنة اخذت لقمه و سمعت الطقاقة و قامت تهز عاليه بحماس :هناء وش رايك نطلع لها نقول لها تدق لنا مصري نهز شوي هناء بحماس :قدام مسكت عاليه بيدها وطلعوا متجهين للطقاقة تاركين حمده و مناير الي مره يضحكون ومره يسولفون في الاخير طلعوا يرقصون مع هناء و عاليه الي قالوا لـ طقاقه تدق لهم مصري وكل وحده منهم اخذت لها طرحه و بدأوا يهزون ويضحون و الحريم يصفقون ويزغرطون ..........••............ في المخيم دخل فراس و نايف وسلموا على رجاجيل و طلعوا يشفون الأوضاع لقيوا بو فراس يخاصم فيصل و رائد لمحهم وبصوت قوي :فــراس وين كنت جت فراس ام ركب وتقدم وهو يرجف :هـ.هلا يبه كـ. كنت عند العزبه اشيك عليهاا تقدم له بو فراس: اسمع انت ونايف روحوا خذوا القهوه والبخور ومرو به على ضيوف بسرعه لاطبع هذي الخيزرانه على ظهوركم فهمتم بسرعه باقي ليلنا طويل الاثنين:ابشر وكل واحد منهم اخذ شغلته و راحوا . عند فيصل و رائد الي كانوا يرقصون و يعرضون مع الكبار شوي و نطت فكره جهنمية لـ رائد مسك فيصل :فيصل خلنا ننتقم من العريس [العريس هوا الي علم سعد و بو فراس ان فيصل و رائد كانوا فوق سطح ] ابتسم فيصل :قدام ي الخو انطلقوا راحوا عن واحد من الي كانوا يقصدون خلوهم حتى غفلواو راحوا اخذوا المايك ونزلوا تحت المسرح ومسكوا المايك الإثنين ونطق سوا: العريس ناصر بن عبدالله فاااشل و بخيل و حمار ، انصدموا الجميع وبدون استثناء الكل يدور لمصدر الصوت ما شافوا احد بس لقيوا المايك مرمي على الأرض الوحيدين الي عرف صوت حمد و حامد الي كل وحد منهم متفشل ، كيف تركوا هذولاء شياطين تحظر اما لحسن الحظ ان فيصل و رائد قدروا يهربون بدون ما احد يمسكهم ،اماا العريس الي كان متنرفز من العرس كله وخاصة عيال عمه حسين يبي بأي لحظه يخلص و يروح ويفتك من مهزلتهم ،كان بيروح بس مسكته ابوه بقوه :على وين ناصر :بروح البيت وين يعني بروح اخذه ابوه على جنب بعيد عن الناس مسكه اعطاه كف لف وجهه بقوه :انت ما تستحي على وجهك تروح في ليلة عرسك أقسم بالله انك طلعت بدون علمي انها تكون اول واخر مره تعرفيني فيها فهمت ،هز ناصر راسه بمعنى بـ ابشر وطلع بو ناصر بسرعه قبل لا احد يفقدهم و ترك ولده الي حالف ان يخلي حياة المسكينه جحيم وطلع وعيون حمر .......••...... أذان المغرب صلى الكل في مسجد الديره ثم توجهوا لمخيم بو فراس عشان السامريه بس تأخر نايف على صلاة وخلص شغلته وتوجه للمسجد عشان يلحق على صلاة ،صلى وستغفر و قام طلع وسكر أبواب المسجد وفي طريقه سمع صوت لف شاف بنت طالعه من الباب حق الحوش الخلفي لبيت بو فراس وبدون طرحه وكان في الهواء خفيف شافها تعطي البساس اكل ونكشف وجهها الملاكي وتسولف مع وحده وتضحك وبدون ما يحس مسك قلبه و ابتسم من ابتسامتها الي كانت تشبه ابتسامت طفلة صغيرة كان يناظرها بس حس بنفسه ما بغى يمشى بس اختبى قريب منها سمع البنت الي كانت تسولف معاها ذكرت اسمها وهي تقول :{بشاير اسرعي تكفين ابي تشوفين عمتي المقروده } مشى بسرعه بعد ما عرف اسمها وهو باقي مبتسم ابتسامه عريضه وباقي تطلع له صورتها وهي تضحك وتسولف بصوتها نعومي وتبعد شعرها عن وجهها الفاتن واسمها الي انطبع فعقله وقف وقريب من المخيم ومسك قلبه وقال :اخخ ي قلبي اش ذا الجمال بنت مين انتي ي بشاير ،وكمل طريقة ودخل وكان قريب من فراس الي كان مماثل لحالته،الي كان يفكر بـ البنت الي سحرته حتى ماصارت تفارق عقله صارت كل تفكيره وهاجسه يبي يعرف مين هي بس شيء بقلبه يقول أنه يعرفها ملامحها وعيونها وابتسامتها ماهي غريبه عليه أبتسم حين تذكر شكلها وهي هاربه بس هربت واخذت قلبه معاها ، خرب عليهم سعد : تبون ترقصون معنا السامريه انتبهوا الإثنين وقالوا بصوت حماسي :اي والله نبي وتوجهوا يرقصون مع الجماعه وكان فراس يرقص مع ابوه واخوانه وخويه وهوه في كامل فرحته