يـا نجـمـه سمـاء وضحـت دربـي الغريب . - الفصل 24 - بقلم هيام بنت همام - مكتملة | روايتك

قامو الحريم يسولفون ويضحكون والبنات معهم وكانت عيون شهد على ملاك طول الوقت وبعد ساعات من السوالف قاطعهم صوت فهد وهو ينادي امه من برا :يمهه! العشاء جاء ام فهد:وليدي الله يصلحه طلعت والحريم يضحكون ام فهد:ها ياولد علامك تصايح؟ فهد:هاك يمه الاكل جاء بس عمي قال وزعو اللحم زين لأنهم مسويه عشوائي ام فهد:تمام يقلبي ارجع عند اخوياك َبنادي البنات يساعدوني باس راس امه ورجع لقسمهم جو البنات وساعدوها ومن ضمنهم شهد ام فهد:اجلسي يبنتي توك واصله! شهد:ابد والله ما اجلس الا معك بدئو يودون الصحون للمطبخ في المطبخ.. ملاك :كله لحم! طيب وانا لين:شنسوي لك انتي ماتحبينه ملاك:الشكوى لله سمعو صوت مصعب وهو يقول درب يبنات! ملاك: معليكم انا بخرج وانتو خليكم هنا! قمر:مايقدر يعيش بدون قلبه ملاك بضحكه:كملي شغلك بسس! شهد:اووهه مصعب وحشنيي مرهه!! مسكتها نجمه وقالت :لايكون بتروحين معها؟! شهد:خرى بس اكيد بروح اشوفه قمر:ما عندنا بنات يشوفون اولاد وبعدين ماتشوفين زوجته؟!! طلعت ملاك له وقالت:ها يامصعب شتبي؟ مصعب:لايكون ماتبين شوفتي ملاك :الاا نبيها مصعب وهو يتناولها الاكياس:هاا ذا اكلك ابتسمت ملاك بعد محاوله عشان تمسكها :مالكك داعيي مصعب:تخيلي يطب شي فمي وانتي ما اكلتي! ملاك بخجل:حياتي والله قاطعهم خروج شهد لف مصعب راسه يغض بصره ملاك:وين رايحه شهد :مالك دخل بسلم عليه مصعب :استأذنكم راح مصعب انصدمت شهد شهد لملاك:لسه راح! ملاك:ياحبيبتي تراك مو بأمريكا انتي بالسعوديه اصحيي! ماتستحون على وجهس يوم تطبين كذا على رجال وزوجته!! شهد:وانتي مصدقه نفسك انك زوجته؟ اكيد متزوجك مصلحه ملاك :وإذاني مو زوجته تطبين كذا! تستمر القصة أدناه شهد :اي صعوبيي حبيبي كان بيخطبني بس انتي نشبتي ملاك:والله مادريت عنك ولاهو درا روحي لعند امك بسس دخلت بدون ما تتكلم وخلت شهد برا قمر :ها شصار؟ ملاك:واهه بقهر!! لين:شافها مصعب؟ ملاك:هههه اول ماشافها خرجت انحاش نجمه:ما الومه والله رجعو البنات لداخل بعد ما خلو فهد يودي الصحون للرجال لين :وش ذي الأكياس الي كانت معك؟ ملاك:ااا ذيك مصعب معطيني اياها بها اكل لي لين:العبب كيف بيخلي حبيبته بدون اكل ملاك بحيا:يكفي يبنات..انتو كلو وانا بخرج شوي نجمه :وين؟ ملاك :بمشي برا شوي وبعدها بدخل لين:اجل احنا بنروح ناكل انتبهي على نفسك! ابتسمت ملاك وخرجت تمشي بالحديقه الكبيره كان في اسطبل خيول ومسبح فعلا كان قصر راحت وجلست على طرف المسبح تلعب بالمويا برجولها جاها ولد غريب وقال:من انتي؟ لفت بخوف وقالت بفهاوه:هاا؟ فارس:وش الي هاا وجهك جديد على ملاك:وانت منهو؟ جلس فارس وقال:اخو شهد ملاك:ايي الي جاي من برا؟ الحمد لله على السلامة فارس:الله يسلمك ملاك؛ ليه جاي هنا؟ فارس:والله الرجال ياكلون لحم وانا ماحبه ملاك:ايي زيي! انسجمو بالسوالف وكانت ملاك تحسبه بزر عمر احدعشر سنه ملاك بعد سوالف كثيره:جوعان؟ فارس :اي والله من يوم ما اكلت بالطياره ملاك:امش معي قامو وراحت للمطبخ واعطاه أكلها :ها مدري وشو بس كله فارس:وانتي؟ ملاك :معليك ماني جوعانه مقاطعهم صوت راشد وهو ينادي الاخوه ملاك:انا بدخل للصاله وكُله كله! دخلت بدون ماتسمع رده راحت للبنات الي خلصو اكل وقامو يسولفون ... عند الرجال راشد:والله ماعرفتك يامصعب مصعب:وليه؟ ههههههه راشد:صاير حليوه وتزوجت والله تغيرت مصعب:اما صاير حليوه؟ الله يسعدك وينه اخوك؟ تستمر القصة أدناه راشد :مع العيال عند العيال كانو فهد وفيصل كالعاده يتضاربون في المجلس وسعود على جواله وهادي وفارس نفس سعود فيلص:قومو انت وياه وش ذا الكسل؟! سعود:يرحم امك فكنا شتبي؟ فارس:فيصل انت باقي الدوده فيك ماتقدر اعقل! فيصل:عاينو من يتكلم؟ كيف بنات أمريكا بسس؟ ابيك تضبطلي وحده فارس:وانت من بيقبل بوجهك؟ ضحكو العيال وقال فيصل:قدها؟ فارس:وقدود! بدائو يتراميون بالمداكي حق المجلس ... ملاك:يبنات طفشتت لين :اي والله طفش مرهه دخلت نجمه عليهم وقالت:يبناتت شرايكم نطلع نمشي؟ ناضر البنات ببعض وكأنهم تقبلو الفكره لين:تمم قومو اللبس عباياتكم لبسو عباياتهم وخروجو في السياره كانت ملاك على الجوال تكلم مصعب مصعب:وينك؟ ملاك:خرجت مع البنات نص ساعه وارجع مصعب :كان قلتيتلي اوديك! ملاك:ماله داعي صالح يسوق بنا مصعب:مالقيتو الا صالح! ملاك:ليه؟ مصعب:لا ولا شي انتبهي على نفسك! ... نزلو البنات ونزل وراهم صالح يمشوه ويضحكون وبيدهم اكواب القهوه قمر بضحك:اييي تتذكرين؟ وربي انيي ضحكتتت وقتهاا ملاك:هههههههههههههههههههههه منجدد ضحكت الين ما أوجعني بطني ..... فارس:راشد امش العب معنا سوني مصعب:صدق لسه ماتروح امشو نروح كلنا دخلو المجلس وبدائو يلعبون بالسوني مصعب:ولدد العب زي الناس بلا غشش! راشد باستفزاز :وراك شادها هد علينا يبوي قام مصعب بعد دقايق بانتصار:الققمم القمم! راشد:وش ذي اللعبه حقت بزارين! فارس بضحك:لاتدور تصريفه عاد الكل:هههههههههههههههههههههه راشد:خلنا نلعب قيم ثاني! مصعب:قدام! جلسوا يلعبون بالساعات وماحسو بالوقت ... نجمه:يبنات تأخر الوقت! ملاك:ليه كم الساعه.. يمهه الساعه وحده! لين:احلفيي؟ ملاك :وربيي! امشو نرجع قامو البنات وركب مع صالح بالسياره تستمر القصة أدناه صالح :بدري والله! قمر:ما حسينا بالوقت تحركت السياره وتوجه لبيت الجد نزلو من السياره وراحت كل وحده لغرفتها وراح صالح لعند العيال الي باقي يلعبون ... دخلت غرفتها ورمت نفسها على السرير بعبايتها و فر بتعب :اخيرا خلص اليوم قامت بعد دقايق وراحت للحمام تاخذ شور وتمسح مكياجها خرجت ولبست قميص حرير اسود جلست قدام التسريحه وبدأت تسوي عنايتها ببشرتها دخل عليها مصعب فجاه ملاك بصدمه:يمهه! مصعب بخمول:ملاك! قامت ملاك وابتسمت له وهي تناضر عيونه الناعسه :من متى مانمت؟ تقدم لعندها ورمى نفسه عليه حاوطته بيدينها الصغيره عشان تمسكه وقالت:تعبان؟؟ مصعب:وحشتيني! ملاك:تراني كنت تحت طول الوقت متى لحقت اوحشك؟ مصعب وهو يحضنها :كل ما اختفيتي من قدامي اشتاق لك شمت ريحه العود الي تخرج منه والريحه الي تحبهاا مرهه بادلته الحضن وقالت:حتى انت وحشتني! بعد مصعب وهو باقي محاوط خصرها بيدينه وقال:كيف اليوم؟ ملاك وهي تفكر:اممم اليوم مره حلوو ولطيف بس ما ارتحت لشهد مصعب:ازعجتك؟ ملاك:اهجد! البنت ماسوت شي زفر بارتياح:الحمد لله.. انا بروح اغسل عشان ارتاح وبرجع ملاك:ايي زين باسها بخدها ودخل للحمام ابتسمت بخجل وهي تمسك خدها الي باسها منها:عيبب! ههههههه انسدحت وهي تفكر فيه وبحركاته الي تبين حبه لها بعد دقايق خرج من الحمام ولبس ملابس مريحه وانسدح على السرير جنبها يتاملها وكانه مستعد يتاملها طول حياته عيونها الهاديه ملامحها المرخيه وشعرها الي مفرود وراها قاطع تامله يدها وهي تحضن بدون ماتحس ماردها ابد وبادلها الحضن بكل حبب -الساعه 3 الفجر- قامت بعد محاولات من النوم لبست جاكيت قمر الي كان على المكتب خرجت تبي تمشي بحديقه البيت شوي وتأخذ نفس تمشي وهي حاضنه نفسها وتشم الهوى البارد توجهت الاسطبل مكانها المفضل للابد مالقيتهم بس قالت"اكيد نايمين" توجهت للمسبح جلست على أطرافه دخلت رجلها في المويا بعد محاولات من شده البروده غارقه بافكارها هبت ريح فجأه وكلن شعرها يغطي وجهها من قوه الريح .. خرج من المجلس بعد ماخلص دوره بالعب وخرج يبي يدق جواله وقف بعيدد من المجلس عشان ياخذ راحته صالح:ولد! ناصر:اخيرا دقيت وينك ماتسال!! صالح:والله لكك وحشهه علومك؟ ناصر:ابد والله بكل خير بس ناقصني شوفتك صالح :قريب بإذن الله! بدا ناصر يسولف كعادته مايسكت وكان صالح يسمع بكل حب بس لفت انتباهه وحده جالسه على المسبح صالح وهو يكلم ناصر واعينه على الشخص الي جالس:دقايق ياناصر مايقدر يشوف زين بسبب الضلام قرب لها وعرف انها قمر .. حست لين ان في احد وراها بس تجاهلت الشعور تناضر ميوته المسبح ورجولها الي تعلب بالمويا فجأه وبدون أي مقدمات طاحت بالمسبح بسبب دفه شخص كان صالح دفها لانه يحسبها قمر وعلى حسب خبرته انها تعرف تسبح مره تحاول تقاوم الموياد الي بدأ يدخل بنفسها حس صالح انها مو قمر وطاح بالماء على طول يطلعها مسكها من خصرها ورفعها لفوق مع محاولات منها انها ترتفع اخذت نفس بكل قوتها وهي تحاول تشوف مين هو عرف صالح انها لين شاف عيونها وانفها الحمر من المويه وشعرها الي مغطي اغلب وجهها ماقدرت تمسك نفسها وبدأت تبكي بخوف وهي عالقه فيه صالح وهو يحاول يمسك ضحكته:لينن خلاص طلعتي! طلعها لبرا المسبح كانت تنتفض من البرد وراصه على اسنانها من الموقف غض بصره عنها وقال:معليش والله احسبك قمر ساكته وما ترد عليه ونقطه وتبكي كمل صالح وقال:والله السموحه.. ادخلي لداخل اللحين بتمرضين وراح بدون مايسمعها الانه داري مابتنطق حرف دخلت لين بعد ماحسيت ان البرد وصل لغلوعهاا