يـا نجـمـه سمـاء وضحـت دربـي الغريب . - الفصل 15 - بقلم هيام بنت همام - مكتملة | روايتك

لين:مين انتم؟ فهد:انا وفيصل وسعود قمر:غريبه سعود يخرج مو من عادته نجمه:انتم غاصبينه؟ فهد:لا والله بس قال يبي يطلع يشم هوا وقلنا نخرج مع بعض قمر:احسن تعالو عشان تستانس اكثر فهد:تمام بروح اقوم فيصل ساعه وانتو جاهزين راح فهد للمجلس الي نايمين في الرجال فهد:فيصل والله لو ماتقوم الحين ولا اجلدك..! فيصل بعصيبه:وخرر ابي انام! فهد:ماتبي تطلع مع ملاك فيصل:اقول وخرر مابي ابي انام فهد :احسن والله بنخرج بدونك! جاء سعود وقال :وش بكم من صباح ربي؟ فهد وهو يناضر فيصل:شوف ذا تقل ميت.. مو راضي يقوم ضرب سعود فيصل وقال:قومم! والله لا انادي لك عبد العزيز قام وهو مفجوع:من ذا الزق الي ضربني؟!! خرج سعود وفهد الانهم يدرون بيجلس معصب لو ناقشوه وهو توه صاحي قام فيصل وراح الحمام ورجع لعندهم فيصل:ليه متكشخين؟ سعود:بنخرج فيصل:على وين وليه ماتكلموني؟ فهد:انت قلت ماتبي تخرج فيصل بتعجب:متى قلت؟ اقول استنوني بروح البس وارجع ..... ملاك:تكفى ابي اخرج معاهم.. مصعب :انا قلت لا ملاك:وليه؟ والله بس ساعه وارجع مصعب:وين بتروحون؟! ملاك:البحر القريب وبناكل ونرجع راح للخزانه وقال:بروح معك ملاك بابتسامه:شكراا... نزلت ملاك ولقت الكل متجمع لين-قمر-نجمه-فيصل-سعود-فهد-فاطمه ناضرت ملاك فاطمه:بتروحين معانا ياحلوه؟ فاطمه:اي بجي معاكم ملاك وهي تناضر الكل: مصعب قال بيجي معانا كانو البنات لابسات ناقابهن وجاهزات لين:ياليل الي مايخلي حبيبته قمر وهي تضرب لين بكتفها:وش دراك بالحب انتي يغار عليها! نزل مصعب وقال :اكيد بغار على ملاكي! ناضرت ملاك وهي متفشله من كلمته:من ملاكك؟! مصعب:الي قدامي ملاك بهمس:وع وعع..... مدامه يحب منال ليه يعاملني كذا؟ مصعب :فيصل خذ معك البنات وانا وملاك بنروح بسيارتي تستمر القصة أدناه فيصل :تمام مسك مصعب يدها وراح للسياره كانت ملاك مستحيه وكانت تحاول تبعد يده بس ماقدرت من كبرها ملاك :فكنيي! فكها وقال: وش بك انتي ملاك بعصبيه:على كيفك تمسك يدي؟ مصعب:وإذا مسكتها مارح آكلك ركبت السياره وركب بعدها وركبو البنات ووصلو في سياره مصعب ملاك:ليه جاي معنا؟ مصعب:وش الي ليه ابي آكل زيكم ملاك:تمام بس متى بنوصل؟ مصعب:دقيقتين ونوصل ..... وصلو ونزلت ملاك من السياره بعد مصعب:واوو المكان يجنن !! كان ساكت وما يتكلم مشو البنات مع بعض والأولاد ورا فيصل :ليه جاي معنا؟! مصعب:وش ذا الأسلوب تكلم زي الناس! فيصل:ليه جاي معنا ياحلو... ؟ مصعب:جاي مع زوجتي فيصل:كلنا صغار الا انت الشايب هنا! مصعب بحده:لا ترفع صوتك لفت لين وقالت :بنروح ناكل هناك أشرت على مقهى مره حلو ..... دخلو وطلبو البنات وجلسوا على طاوله لحالهم والعيال بطاوله ملاك:الهه من زمان ماشربت قهوه لين مأشره لقمر:شوفي ذي البقره ماتقدر تتنفس بدونها قمر:شدعوه ترا كلها كوبين لين:صح صح بس كوبين كانو يسولفون ومبسوطات الا ملاك الي كانت على الجوال تمشي وتفرفر الين ماجاها رجال رفعت راسها وهي تشوفه ينتضره :ممكن تعطيني سنابك؟ ملاك بصدمه:نعم؟؟ :سنابك كانو البنات ياضرون وش بيصير ملاك :وخر من هنا بسس! :شدعوه يامحور الكون تراماطلبت شي ملاك:اقول قو..... مسكه من ياقته وقال:وش عندك هنا؟ :وخر! مصعب:تطلبها سنابها وتبيني اوخر؟! احتدت اصواتهم وجو العمال وفكو بينهم مسكها مصعب وقال:لمسك؟ ملاك وهي تطمنه:ما تكلم معي حتى اهدى شوي لين :امشو خلنا نطلع من هنا! ... خرجو وراحو يمشون على البحر كانو الكل يمشي مع بعض الا ملاك ومصعب كان على جنب ملاك:معصب؟ مصعب وهو يزفر ويبعد انضاره:لا... ملاك وهي تاشر على وجه:الا شوف واضح ! ناضرها مصعب :قلت لك لا تخرجين بس ماسمعت كلامي شو في وش صار! ملاك:عادي مامصعب بعدين انت وقفته عند حده... مصعب :ولو ماكنت موجود وش كنتي بتسوين!! ملاك بابتسامه:بجلده زيك ابتسم بالغصب من كلامها وحاول يخفي وجه ملاك:ضحكت! يشتت عيونه:لـ... لا ماضحكت كانت تمشي وتضحك معه الين ما قالت:يمه برد مرهه! مسك يدها ودخلها بجيبه ناضرت بتعجب:بيشوفونا! مصعب بغيض:وش مسوين احنا ترا ماسكين يدين بعض سكتت عشان لا يرجع يعصب بعد ساعه ونص .... رجعو المزرعه دخلو البنات لداخل والعيال ملاك:متى بنرجع البيت؟ مصعب:اصبري شوي مالنا الا يومين ملاك:بس ودي ارجع مصعب وهو يمسك كتفها:على الاقل اجلسي يومين كمان ملاك بتنهد وهي تمشي لداخل:مالي ابي ارجع انام! دخلت ودخل مصعب لعند الرجال . بعد نص ساعه ام التوأم :وينكم يابنات؟ من الصبح واحنا نطبخ وانتم توكم تجون جميله :عيب عليكم بدلو وتعالو ساعدونا! ملاك:تمام انا بطلع واجيكم غيرو البنات ملابسهم ودخلو المطبخ كانو قمر ونجمه يغسلون المواعين وملاك مع جميله يطبخون جميله:لازم اعيد كلامي؟! قلت لك تقطعينه كذا !! كانت ملاك تشتغل وهي ساكته وراسها بينفجر من صراخ جميله جميله وهي تدق ملاك بقوه:خليني انا اقطع!! انتي روحي وكبي.... ملاك وهي ماسكه يدها :احح....جرحتيني!! جميله :اوبسس... بالغلط! فتحت المويه على جرحها وهي تناضرها :ماتستحين على وجهك؟ وش حركات المبزه ذي؟ خرجت من المطبخ وهي متنرفزه مو حركتها لفت يدها وطلعت ترتاح بغرفتها -عند مصعب- كان يسولف مع البزارين ويضحك سهم:ودنا البقاله.. مصعب:الحين حرر بعدين اوديكم! قوس:تمام بنروح عند ماما الحين راحو التوأم جت رساله على جواله "ان كنت تبيها تعيش تعال للموقع" قام مصعب وهو خايف عليها مرهه اتصل على الرقم وهو يقول:رد.... رد يابن الـ##ب!!...