الفصل 14
-عند البنات-
قد خلصو اكل زمانن
لين وهي تلبس عبايتها:ياليل وين البنت كل شوي تضيع؟
ملاك وهي تضحك من وراها:ما ضعت ياحياتي رحت اجيب عبايتي!
ضحكت لين عليها
ملاك:هيي! لاتضحكون هو طلع كذا
لين:طيب غيري الفستان يخلي العبايه منفوشه
ملاك:اجل دقايق بطلع اغير وارجع
بعد كم دقيقه
.....
نزلت ملاك وهي تسكر عبايتها :يلا امشي
لين :بس من باي سياره نركب
ملاك:كان قلتلي اول!
بتصل عليه يعطينا سيارته وخلي اخوك يسوق
لين:حبيب القلب في الخدمه 24ساعه.. هااا؟
ملاك وهي تطلع من عندهم:دقايق واجي
مصعب :الو؟
ملاك:اسمع ابي سيارتك
مصعب:ليه وش صاير؟
ملاك:نبي نروح بقاله ومافي سياره نروح بها
مصعب:اممم.. زين بجسم الحين
ملاك:لالا.. لاتجي بس ارسل المفتاح مع فيصل
مصعب بغضب:وليه فيصل؟
ملاك:هدي يارجال... لين بتركب معانا
مصعب وهو يزفر:زينن برسله معه ولا تتأخرين!
ملاك بابتسامه :شكراا!! صعوبيي.....
سكرت الخط
مصعب وهو يضحك:صعوبيي؟؟ صعوبيي مره وحده؟!
ملاك:وش ذا الدلع.. وعع
لين من وراها بهمس: من صعوبي؟
ملاك بصراخ:يممهه... بنت!
لين وهي تناضر فيصل يجي من بعيد:الله يستر لا يهجم علينا
لفت له ملاك وهي تضحك على ركضته:حرام عليك
فيصل:تنتضروني؟
لين وهي تروح للسياره :امشي لا تصدق نفسك
.
.
.
وصلو البقاله
نزلو يشترون
اشترو شكلاتات وبطاطسات ومشروبات
ملاك:لين شوفي ذا
جت لين لعندها وقالت:وش ذا؟
ملاك:شرايك نجربه؟
لين :حطيه ولو ماعجبنا اكلناه فيصل
.....
خلصو وركبو السياره
فيصل :يالضالمين:ميه وخمسين على بقاله؟؟
ملاك:اقول سوق انت الي يسمعك يقول من جيبك
فيصل بفشله:سمي
رجعو للمزرعه ودخلو
مسكت ملاك فيصل على جنب وقالت:امسك ذي واعطيها لمصعب
فيصل :وانا؟؟
ملاك وهي تضربه على كتفه:كنت بالبقاله ليه متاخذ لك؟
راح فيصل
ودخلت ملاك للبنات
كانو مجهزين غرفه ومشغلين البلوجيكتر المتنقل ومسوين الكنب
STORY CONTINUES BELOW
ابتسمت ملاك وقالت: حماسس!
خلصو ترتيبات وجلسو يتابعون الفلم
"الساعه 2"
كانت نجمه ولين نايمات وقمر وملاك يتابعون الفلم
قمر :ماني قادره خلاصص بنام!
ملاك وعيونها ناعسه:ايي والله ماعاد فيني حيل
قمر:اجل روحي نامي بغرفتك انتي متزوجه وراك رجال ينتضرك!
قامت ملاك وقالت:صحح!! نسيته!
انا بروح له! تصبحين على خير!
خرجت من الغرفه وكان البيت كله نايم وهدوءء
مشت الين قريب الغرفه وقالت:عطشانه ابي مويه!
بنزل اشرب وارجع
نزلت للمطبخ وفتحت الثلاجه واخدت قاروره :يمكن صاحي ويبي كمان!
بس انا وش على منه؟؟
شرب مويتها وطلعت لفوق
دخلت راسها من الباب تشوفه قايم ولا نايم
كان نايم
دخلت بهدوء وراحت للحمام :
يمه وش بيسوي فيني؟
هههه شكلي بنام على الكنبه
ملاك وش فيك! اكيد بتنامي على الكنبه!!
خرجت وأخذت بطانيه من الدولاب وانسدحت تبي تنام
سمعت صوته
بنفسها :مصعب؟ بس نايم!
بروح اشوف وش فيه
تقدمت لعنده بهدوء ولقته يعرق
"كان يحلم"
مدت يدها تشوف حرارته
يمهه وش ذا العرق كله! حران ؟!
بعدت البطانيه ورفعت المكيف عشان يبرد
كانت خايفه وترتعش :يمه وش قاعد يحلم فيه؟
كان مصعب معقد حواجبه ويقول:لاا..... منا... ل
منال!!
فز من نومه والقاها بوجه
كان يسمع صوتها الناعم
ملاك بخوف:وش فيك؟ انت بخير؟؟! رد على لاتخوفني!
حضنها مصعب بسرعه وبقوه بدون ماينطق
كانت خايفه عليه مرههه
بادلته الحضن وتطبطب على ضهره بهدوء
وهي تقول: معليه ...
كان مصعب خايف ويعرق :ملا...ملاك
حطت عيونها بعيونه :اسمعني اللحين وهدي شوي
كان زي الطفل
مو معقوله ذا مصعب الجامد والقوي
هدأته وقالت له يقول وش صار
ماقدر يتكلم ابدا
بس دموعه نزلت
حطت يدها على خده ومسحت دموعه:لا يامصعب... انت قوي... مصعب ما تنزل دمعته
حضنته ورجعت تمسح على راسه
كانت دموعه نتزل على كتفها
بعد كم دقيقه
نام على كتفها
حطت يدها على راسه وحطته على المخذه
دفته بالبطانيه وكانت تبي تقوم
بس مسكها من خصرها ونيمها جنبه
وقال بتعب:خليك جنبي...
ماكانت تبي تزيد حالته وجلست هاديه
......
"صباح اليوم الثاني"
فتحت عيونها وكانو البنات حولها:وش ذا مو عأساس نسهر؟
قمر بانزعاج:اششش وطي صوتك ابي انام!
ضربتها على كتفها بعصبيه وقالت :قومي ياغبيه! الساعه 11
فزت قمر :يمه امي بتجلدنا!
لين قامت على ازعاجهم:الله يصيبكم ماتخلون الواحد ينامم؟ يارب امكم تتوطى ببطونكم اخرجو وخلوني انام !
قامو البنات وراحو لغرفتهم
...
لمت البطانيه حولها وقالت:برد سكرو المكيف!
فتحت عيونها وهي منزعجه
يا ربييي ابغاا انامم !
شافته يخرج من الحمام وحوله الروب
استوعبت انه هو ودفنت راسها البطانيه بدون صوت
مصعب وهو يكتف يدينه:الحين سمعتك تهاوشين
ملاك بهمس من تحت البطانيه:كم الساعه؟
مصعب: الساعه 11
قامت وقالت :احلف! تأخر الوقتت
كانت تبي تروح للحمام بس مسكها من يدها :
ما سألتني عن منال؟
ناضرت صدره المفتوح وقالت بابتسامه:مافي داعي
وسكر صدرك
سابت يده وراحت للحمام
كان مستغرب منها
ذي ماتغار؟
وش ذا الحب؟
سكرت الباب و ناضرت نفسها بالمرايه :وش ذا ليه ما تسألينه؟ من حقك تسألين من هي!!
ههه اصلا مايهمني!
والله وطلع يحب!
غسلت وجهها واخدت شاور ولبست فستان ناعم بيتوتي وخرجت
ونشفت شعرها وحطت مسكره وروج ونزلت
لقت البنات ياكلون
جلست معاهم وقالت:كيف النوم؟
لين:والله فنانه بس قوموني ذول!
قمر:مو انا ذي نجمه!
لين:بس انا صحيت على صوتك!
ملاك:اششش لا تصدعونا من صبح الله
نجمه:صح كلو اول شي وبعدها عندي مكان فنان
لين : انتي الي تضبطين الطلعات دايم!
نجمه بتفاخر:وش دراكم فيني؟
قمر:وين؟؟
نجمه:في بحر قريب مرهه يجنن وعليه جلسات وممشي وحوله مقاهي مرهه يجنن!
لين :شرايكم نروح الحين؟
ملاك:وخلونا نودي معانا البزارين حرام!
قمر:صح مادام عيلتنا الوحيده الي باقيه كل البزارين نعرفهم
لين :لا يبنات نبي ننبسط لحالنا
دخل فهد وقال:امشو بنروح معاكم