يـا نجـمـه سمـاء وضحـت دربـي الغريب . - الفصل 4 - بقلم هيام بنت همام - مكتملة | روايتك

كانت لين خايفه من الي بيصير لأنها حافضه مصعب بيسوي الي براسه بكل برود -عند بيت الجد - خليك هنا دقايق دخل وكلم العامله تساعده يدخلونها لقسم عمته منيره ناضرت ملاك وهو راجع قالها بخلي العامله تدخلك على انك صديقه لين هزت راسها ولهدا وطته "حتى انتم مو معترفين فيني؟" مسك اكتافه وقال :الا اعترف فيك وبكل فخر كمان بس جدي لو درا اني جبتك وانا باقي ماتزوجتك قتلني نزلت ملاك وراحت ورا العامله الين ما طلت لبنت كانت قريبه من عمرها وقالت البنت :انتي الي كلمني عليك ؟ هزت راسها بنعم وقالت :اي قالت لين وهي متفهمه الوضع :تعالي لغرفتي مشت ملاك وراها دخلتها لين وسكرت الباب كانو قدام بعض رفعت ملاك عيونها وكانت لين حانه عليها حضنتها وقالت ادري ان مصعب مايسوى الغلط حتى لو طاش رصت على اسنانها محاوله عدم البكى قالت لين لها :افسخي العبايه اشوف جروحك ناضرتها ملاك بهلاك وقالت :مارح تخافين؟ لين وهي تجهز الأغراض تناضر لها :لا مارح اخاف ياحياتي فسخت ملاك عبايتها كانت لابسه تيشيرت بدون اكمام بحيث تبين كل جروحها الي على اكتافها وسعت لين عيونها وقالت:مين الي سوالك كذا؟!! خافت ملاك من صوتها وقالت لها:لا تخلين احد يعرف تكفين كانت لين راحمتها بشكل كبير عقمت جروحها واتصلت على مصعب الي كان ينتضرها برا لين :الو مصعب مصعب:ها بشري لين:تراها ما تعرف اني بكلمك عشان كذا بوطي صوتي مصعب :اخلصي لين:البنت حالتها سيئه مرهه اكتافه كلها آثار ضرب ضرب موصاحي! وسع عيونه لانه يحسبها تتعذب بس مو لذي الدرجه رجعت ملاك السياره بعد ساعه مصعب :خف الالم ملاك ببرود:مارح يخف حتى لو راحت الجروح مارح يخف بقلبي مصعب: نأجل الزواج؟؟ ناضرت ملاك بقله حيله وقالت:بتزوجك..... بتزوجك بس عشان ابعد من الإنسان القذر هاذاك مصعب :وجروحك؟ ملاك:بغطيها بالمكياج ناضرها مصعب وهو يكره ابوها أكثر وينوي عليه قالت ملاك بعد فتره هدوء:بترجعين البيت؟ مصعب:يخسي ارجعك لعنده ناضرت ملاك بصدمه وقالت: اجل وين بتوديني؟ مصعب :بوديك لفندق الين يوم العرس ملاك:بس بيجي يدور على مصعب:مارح ابين اسمك ابدا ارتاح ملاك وهي تاخذ نفس كانت أول مره تاخذ نفس كامل وهي متطمه -في الفندق- وصلو وقالها تستناه على الكراسي رجع عندها وهو معاه بطاقه وقال "دور 14 غرفه رقم 174" رفعت ملاك راسها له وقالت له بهدوء ليه تسوي كل ذا عشاني؟وانت ماتعرفني حتى هل الموضوع شفقه؟ لو كان شفقه رجعني انجلد احسن عالاقل رح اكون راضيه عن نفسي تستمر القصة أدناه ناضرها مصعب مسك يدها ودخلها الاصنصير وقال وهو معاها :مو شفقه ابدا ياملاك استوعبي انا بتزوجك طبيعي اخاف عليك ماصدقته ابداا وصلو الغرفه المطلوبه و دخلو قالت ملاك: ليه داخل معي؟ مصعب :ابي انام معك وسعت عيونها بصدمه وبدأت ترتجف قالها مصعب بضحك:امزح معاك بس جيت اشوف كيف الغرفه قالها وهو خارج لاتفتحين الباب الا اذا سمعتي طرقتين وبعدها ثلاث طرقات على الباب فهمتي؟ هزت راسها وقالت : اي فهمت الحين اخرج ابي انام خرج مصعب من الغرفه وتوجه لسيارته دق عليه اخوه عبد العزيز :وينك ياكلبب ووين البنت! مصعب ببرود: اجي البيت واكلمك عزيز بعصبيه أكثر :اقول ابوها بينجن تسمع؟!! لو ماجيت الحين والله بتكون نهايتك على يديني والله زفر مصعب وهو يقول:شكلنا مارح نخلص توجه للبيت بسرعه اول مادخل البيت كان عبد العزيز واقف ينتصر مسك مصعب من ياقته وقال:وين البنت؟ وينها!! مصعب وهو يبعد يده وقال:ماني قايل لك تبيها تموت قدامي وانا اشوف صاحي انت؟؟ ضربه عزيز الين ماسدحه على الأرض وقال:مسوي نفسك بطل اجل والله ليقتلك ابوي وجدي لو درو وش سويت قام مصعب بعصبيه وقال:هاذا المشعل غاسل عقولكم البنت تتعذب منه تتعذب ياعزيز عزيز بعدم ادراك :خلها تموت حتى انا انك تشوه سمعتنا وقدامي كمان فا..... ضربه مصعب في وجهه من قهره وقال: ما توقعتها منك ياعزيز ماتوقعتها!! ركب مصعب سيارته وراح لعند ناصر عشان ينام عنده -صباح اليوم الثاني - قامت ملاك من النوم كانت نومه مريحهه جدا دخلت تتغسل وترجع تلبس نفس الملابس حق أمس استوعبت انه ماعندها جوال تدق عليه دخل مصعب عليها وقال :نمتي زين؟ هزت راسها براحه وابتسامه وقالت:افضل نومه بحياتي شاف ابتسامتها الي ترد الروح وابتسم تلقائي تداركت ملاك الوضع وقالت الحين وين بنروح؟ مصعب :جوعانه؟ بنروح ناكل رفضت ملاك وقالت:ماني خارجه معك الين مانتزوج مصعت :وامس مع مين خرجتي؟ ملاك بحده:كان موضوع طارئ كنت معذوره مصعب وهو يخرج من الغرفه :تري ابوك عرف اني اخذتك وسعت ملاك عيونها بصدمه وبدا جسمها يرتعش من الخوف ماكان يدري مصعب وقال وهو يلف جسمه :ذا جوالـ........ ملاك! ركض لعندها وكان يقول:تنفسي بشويش هداها الين ماهدت وقال :والله مايمسك مخلوق وانا معك ناضرت ملاك وهي جالسه على الكرسي منحيه ضهرها كانت عيونها حمرا ... عيونها الباكيه... كان مصعب دايم يشوف عيونها الباكيه بس ولا مره شافها تبكي نزل نفسه حتى صار مستواها وقال :تقدرين تبكين يا ملاك نطق اسمها زي بذي الطريقه كانت تضعفها مرهه بدأت تبكي وهي منزله راسها عشان مايشوفها اكتفى مصعب يمسح على ضهرها وهو ساكت . . . -في يوم الزواج- كانت ملاك تتجهز قامو العاملات يسوون شعرها ومكياجها الين ما شهقت وحده قالت ملاك بهمس:اشش لحد يعرف غطيها لي بالمكياج هزت العامله راسها بتفهم وقالت :ولا يهمت بخفيها خلصو تزيين كانت جالسه لحالها وبس تناضر وجهها في المرايه الين مادخلو عليها ام زوجها"خديجه" وعمت زوجها منيره بنتها وجت حرمه غريبه بس كان اسلوبها يجنن ومعاها توام نجمه وقمر كانو جميلات مرهه سلمو على العروسه وقالت خديجه بحب:ياخضه فيك انتي كثيره على ذاك الصايع ضحكت ملاك وبدأت خديجه تتكلم معاها كانت لطيفه مرهه وواضح انها تحب عيالها مرهه كانو التوام نفسهم يتعرفون عليها وفعلا تعرفو عليها وكانو لطيفات زي امهم جت فاطمه وقالت لملاك :انتي مرهه حلووه زي عروستي ضحك الكل على برائتها اللطيفه دخلت زوحه غزيز وسلمت على الي موجودين كانت راحمه ملاك لأنها عرفت الي صار لها وقالت قدام الكل :الحمدلله افتكيتي من ابوك انصدمت ملاك بس دخل طفل وقال يمه..... ذي زوجت مصعب لو انا مصعب كان تزوجتها زماان ياحضت يامصعب بها مسكته امه من اذنه وهي تقول اعتذر ياقليل الحياء! . .