يـا نجـمـه سمـاء وضحـت دربـي الغريب . - الفصل 3 - بقلم هيام بنت همام - مكتملة | روايتك

رجعها البيت وهو بالغصب ماسك اعصابه عنها قالها وهو يوقف السياره بقوه :وصلنا انزلي ! نزلت ملاك وهي هاديه دخلت البيت وكانت مرهقهه طلعت غرفتها ورمت نفسها على السرير وكانت تفكر وتتذكر كيف هاوشته بدون قصد رغم أنها قويه بس حساسه وتانيب ضميرها ياكلها كانت تفكر كيف تكلمه ماكان عندها اي طريقه تتواصل معاه ابدا قامت ونزلت للمطبخ تسوي شي تاكله بس كان المطبخ فاضي ذي طريقه ابوها إذا يبي يعذبها يفضي المطبخ من الاكل وما يخلي غير كيس رغيف ويخليها بالايام بدون اكل بالعشاء دخل ابوها البيت وهو يقول وينك يابنت!! جت لين عنده وقالت سم يبه قالها وين زوجك الغبي قالت ملاك مدري بس.... مابي اتزوجه يايبه عصب ابوها وقال مين انتي عشان تعطيني رايك انا قلت تتزوجينه يعني بتتزوجينه رفعت ملاك راسها ناضرت له وقالت يبه! ترا يكفي انا البي بعيش معا.... أعطاها كف لف وجهها ومسكها من شعرها وجرها لغرفتها ضربها الين ماتعب وقال :مافي بنت تفرض رايها على سامعه؟! بعد نص ساعه كانت ملاك تبكي بصمت وذا الشي الي كان يضيق تنفسها كانت تحاول ترتب انفاسها بدون فايده و مو قادره تتحرك من الألم جاء ببالها مصعب دخلت غرفه ابوها الي نايم اخذت جواله وهي ترجف الم وخوف خرجت من الغرفه وراحت للحمام وسكرت الباب كانت تدور "بقائمه الاتصالات" الين مالقت اسمه "مصعب بن طلال" دقت وهي تدعي انه يرد بسرعه -في بيت طلال- كان لابس بجامته السودا وبنطلونه الرمادي جالس على مكتبه وهو يمسح راسه من ألم الصدام والم عيونه من اشعه الكمبيوتر رجع راسه للوراء عشان يمدد رقبته الي تصلبت من كثر الشغل كان شبه نايم على الكرسي الين ماقومه صوت جواله مسك الجوال ورد بدون مايشوف الرقم بهمس:الو فتح عيونه من الصوت الناعم وقال ذا مو صوت احد انا مسجله شاف الرقم ورجع يقرب الجوال من اذنه: مين؟ بهمس والم باين بصوتها:ملاك يامصعب ملاك وقف وهو معقد حواجبه وقال:وش فيه انطقي غمضت ملاك عيونها من صوته القوي وهي تقول وصوتها مبحوح:وطي صوتك تكفى بيسمعني مصعب وهو يتدارك الوضع وتكلم بخفوت :وش سوا لك الكلب فيك شي؟ ملاك وهي تمسك بكيها :احتاجك يامصعب مالي غيرك فز قلبه من كلامها وقالها :البسي عبايتك اخرجي قدام البيت خمس دقايق وانا عندك طفى الجوال واخذ معطفه معه بسبب البرد الي برا ركب السياره وهو مو قادر يمسك اعصابه :والله لا اوريك يا ابن##### لا ماخليتك تنذل قدام خلق الله ماني ولد طلال ضرب الدركسون وعلى السرعه - خرجت ملاك من البيت وهي حاطه الحجاب على راسها فقط بدا المطر ينزل كانت ملاك تحس ان المطر هو الشي الوحيد الي يطبطب عليها بس كانت تكرهه بنفس الوقت لانه مايجي لا وهي زعلانه أو معصبه.... مرت كم دقيقه بدأت ترتجف من البرد وهي مشبكه يدينها ببعض من البرد -كان شكل يدينها جمييل ما ادري كيف ادقق بأقل تفاصيلها مصعب مايسوي كذا! كانت يدها ببياض الثلج وعروقها الزرقاء والبنفسجيه فوق يدها - حط يده على يدينها رفعت راسها من شافت رجوله الي ورجولها ولا شي جنبها رفعت راسها تطالع له كانت عيونه مرتخيه مرهه كانت بارده بس بشكل دافئ بدأت عيونها تحمر وجسمها يرجف أكثر مسكها مصعب من معصمها عضت على شفايفها وغمضت عيونها من الألم استغرب مصعب وقال: وش فيه؟ ناضرت وهي تحاول ماتبين المها مافيـ...ـه شي ماقدرت تصبر وبعدت معصمها الي كان كله جروح محاولات منها شافها مصعب ومسك معصمها وقالت مهبوله انتي؟؟ ليه تسوين كل ذا؟ نزلت راسها وهي تمسك دموعها :وين سيارتك؟ قالها بعصبيه مخلوطه يخوف:جاوبيني! ردت ملاك بانفعاليه :دريت!؟ خلاص وش اسوي لك إذا دريت بعد عني مسكها من كتفها وقال بتعاطف :معليه ياملاك تصيرين معي والله لا اذبحه إذا لمسك مره ثانيه والله ركبو السياره قال مصعب :تبين المستشفى هزت راسها وهي تقول :لا، ماعندي اي عذر وش بقولهم السبب؟ اجل دقايق دق على امه وقالت له :وينك ياصايع متى بترجع مصعب وهو يحاول يتدارك الوضع:يمه في احد جنبي سكتت امه بعدم اهتمام وقالت وش تبي؟ قالها : ابي رقم عمتي منيره قالت امه:وشو له؟ قالها :يلا يا امي ضروري! قالت تمام سكرت الخط على طول وارسلت رقمها اتصل مصعب على عمته وقال :الو منيره:اهلين مين؟ مصعب :انا مصعب ياعمه ماودي أطول عليك بس ابي لين ضروري اعضت منيره الجوال بنتها وقالت :الو مصعب؟؟ اي لين بجي لبيتكم الحين و جهزي لي الاسعافات الاوليه بجيب وحده ابيك تداوين جروحها هزت راسها باستغراب:تمام بس لا تتأخر! سكر الخط وغير طريقه لبيت جده عند عمته منيره