غمرني حبه - الفصل الاول - مكتملة | روايتك

*ـ ࢪواية غمرني بحبه1-2-3-4-5🥳🥀↻≯🍒⸙•♡»»)) ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*تـم مـشـارڪه الـࢪوايـة مـن قـنـاة عشاق الروايات ➶𝄞🥂📓ツ))* ‏تابع قناة عـًٌٍّ̨̥̬̩ـشـًٌٍّ̨̥̬̩ـآقـًٌٍّ̨̥̬̩ـ آلَرٍوٌآيـًٌٍّ̨̥̬̩ـآتـًٌٍّ̨̥̬̩ـ 🦋📚🇵🇸 في واتساب: https://whatsapp.com/channel/0029VaG4kKrKQuJKW4U8383w قناتنا التانيه غرام الروايات ‏تابع قناة غـ͓̽ـرٍآمـ͓̽ـ آلَرٍوٌآيـ͓̽ـآتـ͓̽ـ 🧚‍♀️📚💅💫 في واتساب: https://whatsapp.com/channel/0029VakuN1aHwXbJf5jj7w0J غمرني بحبه حلقة ١ *كانت سهر في طريقها لتبحث عن عمل جديد تذكرت خطيبها و يوم اعترافه بحبها والحادث المشؤوم الذي غير حياتها *فلاش باك *كانت في الشركه التي تعمل بها حاليا كانت تجلس في مكتبها تقوم بعملها كالعاده وجدت يزن ابن صاحب الشركه ومديرها المباشر يحدثها :خير يا مستر يزن :سهر كنت عايزك في موضوع شخصي ينفع نخرج نقعد بعد الشغل في اي كافيه :اسفه حضرتك عارف : عارف بس الموضوع مش هينفع هنا وكمان مش قادر اجله :طب ينفع اتصل على ماما استاذنها والمكان يكون مفتوح : اه اتفضلي : هبلغ حضرتك بموافقتها *عادت الى مكتبها وذهنها شارد ما الذي يريده منها مديرها وكل تعاملاتها رسميه طوال السنتين التي تعمل بها داخل الشركه *سهر فتاه رقيقه تبلغ من العمر 24 سنه ملامحها جميله محجبه ملابسها دائما منسقه وملفته لبساطتها وتناسق الوانها *اما عن يزن فهو شاب وسيم جدا يدير قسم الحسابات لدى والده يبلغ من العمر 27 سنه ذى وجهين في العمل ملتزم لشده والده عليه لكن خارج العمل فهو شاب طائش زير نساء يسهر داخل المراقص ويشرب الخمر لكن ليس لدرجه الثماله *لا احد يعرف عنه هذا الجانب غير والديه و اصدقائه لانه في العمل جاد جدا *بعد العمل توجهت سهر الى الكافيه الذي اتفق يزن على مقابلتها به :سهر احب ادخل في الموضوع على طول انا بحبك وعايزه اتقدم لك واتجوزك *صدمت من كلامه فكل معاملته معها رسميه حتى نظرات الاعجاب لم تلاحظها عليه بالعكس في بعض الاوقات كان يخرج غضبه عليها ويرتفع صوته ولولا انها قدمت استقالتها اعتراضا على اسلوبه معها فرفضها وبعدها اصبح حذرا في التعامل معها :ساكته ليه : اسفه بس بحاول افتكر هو ده حصل امتى : هو ايه اللي حصل امتى :حبك ليا بحاول افهم يعني حتى لو حبيتني بيبان عليك لكن حضرتك ما بترفعش عينك تبص لي اصلا *افهم من كده انك بترفضيني بذوق لانك مرتبطه وفي حد في حياتك : برفض حضرتك اه بس مفيش حد في حياتي :طالما مفيش حد في حياتك اقدر اعرف سبب الرفض :من غير زعل مش مصدقه ولا كلمه وانت بالنسبه لي مجرد مدير وبس :شفتي انا اخترت صح و متمسك بيك لابعد الحدود واحده غيرك كانت ما صدقت شاب وغني بما ان ما فيش حد في حياتك ممكن تديني فرصه اثبت لك اني بحبك لان في الشغل اكيد مش هبقى جاي احب :متاسفه بس جوايا ما فيش اي احاسيس ومشاعر لك *بعد محاولات و محايلات منه واصرار وافقت ان يتم خطبتهم بعد موافقه اهلها على ان لا يتعجل في اتمام الزواج *تمت فعلا قراءه الفاتحه وارتدوا دبل الخطوبه وتم تحديد موعد الشبكه بعد شهر *يوم الحادث المؤلم *كان هذا اليوم بعد الخطوبة باسبوع حاول إقناعها بشتى الطرق كي تحضر معه حفله هامه بصفتها خطيبته لأنها فيما بعد سوف تحضر معه باستمرار *كانت والدتها ترفض بشده لان داخلها احساس بالخوف على ابنتها لكن طمئنها انه لن يؤخرها وهي بحكم انها خطيبته يجب ان تظهر معه في مجتمعه *في النهايه وافقت والدتها *ارتدت سهر فستان رقيق وعليه حجاب متناسق مع الفستان *احتد يزن عليها :ايه ده بقى احنا رايحين نسهر اقلعي الحجاب :نعم انت مفكرني لابسه الحجاب في الشركه بس انت خطبتني محجبه و هتتجوزني محجبه مش حابب ما فيش مشكله *وقامت بخلع الدبله من يدها :ايه ده هو انت اي نقاش هتقلعي الدبله : سهل اقلع الدبله لكن الحجاب عمري ما هقلعه اطلاقا :خلاص براحتك ده كان مجرد اقتراح لان لما نتجوز في دول بتمنع الحجاب واحنا هنسافر كثير : يبقى مش لازم ندخلها الدول دي بتشجع المنحرفين انما بتحتقر المحترمين يبقى ما تستاهلش ندخلها :خلاص يلا هنتاخر *اراد أن يمحو سوء التفاهم الذي حدث بينهم فألقى عليها بعض كلمات المغازلة : بس ايه القمر ده انت بتحلوي وانت متعصبة والفستان هياكل منك حتة *ابتسمت رغم عبوثها مسبقا عينك اللي حلوه سلام يا ماما :سهر : نعم يا ماما : استودعك الله الذي لا تضيع ودائعه *شعرت بالقلق من كلام والدتها : يزن لو سمحت اسبقني هحصلك على العربيه .... في ايه يا ماما هو انا مسافره شكلك قلقان قوي كده ليه :مش عارفه خلي بالك من نفسك قلبي مش مطمن :ما تقلقيش يا حبيبتي هي اول مره ما انا ياما روحت حفلات تبع الشركة :مش عارفه خايفه ليه *قبلت يدها وراسها : ما تقلقيش يا حبيبتي طول ما انت بتدعيلي ربنا هيحفظني *وذهبت مع يزن بقلمي سحر السحرتي *عندما استقبلهم ضيف الحفل انبهرت سهر من تجهيزات الفيلا واشمئذت من ملابس الضيوف العاريه كانت حفله عيد ميلاد صديق يزن *عرفها يزن باصدقائه فعرض عليه صديقه ان يريه تجهيزات صاله الجيم الخاصه به والاجهزه الجديده التي احضرها *اصطحب يزن سهر معه حتى لا يتركها بمفردها وترى التجهيزات ربما يقوم بها في عش الزوجيه *توجهت معه من حديقه الفيلا الى الجهة الخلفيه وجدت المكان مظلم فشعرت بالخوف : معلش ممكن تروح انت انا مش مستريحة :تعالي انت خايفه ليه وانا معاك هو سبقنا عشان يشغل النور *امسك يدها وجدت انه دور سفلي للفيلا كالبدروم فتركت يده فازداد خوفها :معلش هستناك هنا *لم يريد نزولها معه دون ارادتها : طيب براحتك مش هتاخر عليك *سمعت مشاده وصوت عالي لكن لم تفسر الكلام وجدت صديق يزن يسرع ويمسك بيدها ويجذبها لتدخل بالقوة *اسرع يزن بدوره وامسك يدها الاخرى وجذبها منه وجعلها خلفه وهو يصرخ في صديقه : سهر خطيبتي ما تمدش ايدك عليها *بدا صديقه يترنح ويتحدث بكلام لم تفسره أيضا وجذبها من خلف يزن بقوة أكبر وقال وهو يتحسسها بوقاحة :انا صاحب الفكرة ولازم ابدأ الاول ده اتفقنا *جذبها يزن بقوة وعنف بعد أن وجه لكمة إلى وجهه : انت ما بتفهمش بقول لك دي خطيبتي *وفجاه يتشاجر الاثنين و يضرب كل منهم الاخر يدفعه صديقه ليسقط يزن ويرتطم رأسه في الارض فيفقد الوعي وتصرخ سهر باسمه :يزن.... يزن *عودة للواقع *وصلت إلى مقر الشركة *دخلت سهر لتقديم ال cv في اكبر شركه من شركات البرمجه فأستقبلها صديق والدها عبد الله الذي يعمل بالشركه مديرا للاستشارات القانونيه ويعتبر من اكبر محامين البلد *سلمت عليه وقبلت يده فوضع يده فوق راسها : الله يرضى عليك ما بطلتيش العاده دي بتاعه والدك الله يرحمه :حضرتك في مقام عمي وبابا ربانا على كده ازاي بعد ما مات انسى كل اللي علمه لينا ده غير ان حضرتك لك معزه خاصه في قلبي من زمان ولو كان ينفع كنت اتجوزتك هههههه :انت طول عمرك بكاشه : مش وانا صغيره كنت دايما بقول لك كده وطنط تجري ورايا تضربني : هههههه انت لسه فاكره قلبك قاسي قوي :ابدا دي كانت ايام جميله انا كنت بحب اناكف فيها وعايزه الحضن بتاعي بتاع زمان اللي كنت بقولك وانت بتحضني جامد هتكسرني : انت لسه ما كبرتيش تعالي *وقام باحتضانها فبكت وهي داخل حضنه : في ايه يا سهر : انت عارف بحضنك ليه لان حضن بابا وحشني قوي وكل ما بحضن حضرتك بحس بيه :طب ايه هتدخلي المقابله وانت بتعيطي كده انا موصي عليك وقلت انك شخصيه قويه وشعله نشاط هترفعي راسي ولة : من غير ولة انا بنت ابويا وال cv اهي تحكم : متاكد طبعا لو كنت شاكك ما كنتش اتوسطت لك :لا واسطه ايه يا اونكل كفايه ان حضرتك بلغتني انهم محتاجين تخصصي انت عارف بابا مربينا اننا ما نغشش او ناخد فرصه حد يستاهلها : انا بهزر معاك واسطة ايه انت فاكره انك لو بنتي حتى وانت مش جديره بالوظيفه هيشغلوكي الشركات الكبيره دي مفيش عندها الكلام الفارغ ده لانهم بيشتغلوا مع شركات عالميه اتفضلي روحي بلغيهم انك انت وصلتي بقلمي سحر السحرتي *كان هذا الحوار يدور على مسمع من كريم الالفي صاحب الشركه الذي لفت انتباهه قبلة سهر ليد عبد الله مستشار الشركه كان كريم بالصدفة في هذه اللحظة وصل إلى مقر الشركة فتظاهر انه يتحدث في الهاتف ووقف ليعرف من هي وماذا يدور *دخلت سهر للمقابله الشخصيه بعد ان سلمت ال cv الخاص *بها كان يا كريم يتابع هذه المقابله من مكتبه فقد جذبته سهر بحجابها وجمالها وما فعلته مع عبدالله أصبح نادر الحدوث *كان كريم يتابع المقابله فهو يضع كاميرات في كل الشركه وخصوصا هذا القسم ليعلم من يتم قبوله وعلى اي اساس *كان يدير المقابله نبيل ابن عمه مدير الحسابات نبيل :سمعت انك قريبة المستشار عبد الله : لا هو صديق والدي الله يرحمه من حوالي 50 سنه من وهما صغيرين و بعتبره في مقام عمي بس ده بعيد تماما عن اذا هتقبلوني او لا انا مش بحب الواسطه هو بس عرفني انكم محتاجين تخصصي :يعني ادير الحوار زيك زي اي شخص بيقدم : ارجوك كده لو اتقبلت هبقى مستريحه اكثر *بدا نبيل يسألها عدة تساؤلات خاصه بالعمل بعضها :سبت الشركه اللي قبلنا ليه رغم انها شركه كبيره برضة :انا ما سبتهاش انا لسه بشتغل معاهم بس هما عارفين اني بدور على شركه تانيه و معايا توصيه منهم و شهاده الخبره هستلمها اول ما اقدم استقالتي عندهم :برضة ده مش رد على سؤالي عايزه تسيبيهم ليه :اسباب شخصية :اقدر اعرفها لاني لازم اقدر سبب تركك لشركة كبيرة زيها اضمن من أين انك مش هتسبينا لاسباب تافهة *ترددت قبل أن تتكلم : الحقيقة كنت مخطوبه لابن صاحب الشركه ومن شهر عمل حادثه ودخل في غيبوبه ومن يومها مش قادره اشتغل معاهم نفسيا غير مؤهله ادخل الشركه وهو غير متواجد فوالده اقترح علي اني اخذ اجازه لغايه اعصابي ما تهدى بس انا بحب الشغل فطلبت منه اني اسيب الشغل وامام اصراري وافق بصعوبه :عايزه تفهميني انهم متمسكين بيكي :حضرتك شوف ال cv والتوصيه بتاعتهم انا بشتغل معاهم بقالي سنتين من اول ما اتخرجت واكيد شركه كبيره مش هتكتب توصيه بالشكل ده مجامله *تفحص ال cv باهتمام : انت معاكي اثنين لغه غير الانجليزي : ايوه اللغه الصينيه و الالمانيه :تفتكري لغتين بالاهميه دي هو ده سبب تمسكهم بك :لا اطلاقا السبب شغلي واجتهادي لان درست اللغتين وانا بشتغل : الراتب بتاعك كبير ده يرجع لانك خطيبه ابنه :حضرتك انا اتخطبت اسبوع واحد وبعدها الحادثه حصلت والراتب ده زايد بقى له ست شهور غير المكافات وكنت هزيد بس اللي حصل اجل كل شيء :وكنت بتاخدي مكافات كثير ليه :ما كنتش مرتبطه بساعات العمل وبعمل كل متطلبات العمل واكثر واوقات كنت بساعد زمايلي فهم كانوا بيقدروا اجتهادي واخلاصي في الشركه :تمام بس انت متوقعه نفس الراتب ونفس المكافات :اكيد بس لما اثبت نفسي الاول :لو وافقنا تقدري تبداي معانا امتى : اول ما تبلغوني هعمل اخلاء طرف من الشركه ما فيش اي مشكله في الوقت :طب اتفضلي : اتشرفت بمعرفه حضرتك *نظر لها نظره حقيره فسرتها انها اعجاب بقدراتها كانت بريئة لم تستوعب أنه طبع لديه : انا اللي اتشرفت بقلمي سحر السحرتي *ذهبت وكلها امل في الوظيفه *اسرعت الى المستشفى التي بها خطيبها ودخلت سلمت على والدته التي كانت تمكث معه باستمرار : عامل ايه دلوقتي يا طنط ما فيش جديد *بوجه حزين ودموع :لسه يا حبيبتي جيتي ليه مش كان عندك مقابله :حبيت اكلمه وافرحه انهم ممكن يقبلوني :ربنا يوفقك انا ما كنتش متوقعه انك هتفضلي معاه غيرك كان سابه من زمان وكل الحكايه فاتحه ودبلتين : ازاي يا طنط حضرتك بتقولي كده :هتفضلي كده لامتى : لغايه ما يقوم بالسلامه انت مش عايزاني اجي ولة ايه :اصحابه بقوا بيزوروه مره في الاسبوع وقريب هيبطلوا بس انت يوميا :دول اصحابه انما انا خطيبته اقرب له منهم ما تقلقيش بس وادعي له محتاجه حاجه مني لاني وقت الزياره انتهى بس الحمد لله لحقت اخر خمس دقائق :وجيتي ليه يا حبيبتي كنت اجلتيها لبكره *قبلت راسها بحب : انت لسه بتعتبريني غريبه مش قادره تعتبريني بنتك : ربنا يعلم حبيتك قد ايه بعد كل اللي عملتيه رغم اني كنت معترضه على الخطوبه اكيد حكى لك :حكى لي بس اي ام بتحب مصلحة اولادها معلش اسيبك دلوقتي وبكره نتعاتب كنت رفضاني ليه :مع السلامه يا حبيبتي *ذهبت سهر وفي طريقها للمنزل تذكرت الباقي من يوم الحادث فلاش باك *بعد ان وقع يزن جلست بجانبه تصرخ باسمه وتهزه كي يستجيب لم يرد عليها وسط صدمة صديقه واخذت تنادي وتستنجد بأحد *حد يتصل بالاسعاف *قامت من جلستها وضربت صديقه في صدره بيدها الاثنتين بكل غضب وقوه ليه عملت كده ليه عمل لك ايه #ماذا حدث في الحفلة هل سيتم إنقاذ يزن ٢/٣ غمرني بحبه حلقة ٢ *بعد أن وقع يزن جلست بجانبه تصرخ باسمه وتهزه كي يستجيب لم يرد عليها وسط صدمه صديقه واخذت تنادي :حد يتصل بالاسعاف *قامت من جلستها وضربت صديقه في صدره بيدها الاثنتين بكل غضب وقوه ليه عملت كده ليه عمل لك ايه *صرخ هو الاخر :مش عارف... مش عارف ايه اللي حصل... مش قصدي ... دى شئ عادي احنا متعودين مع بعض نتخانق و نتصالح *وصلت الاسعاف وتم نقل يزن الي المستشفي ذهبت سهر معه ولم تتركه خوفا عليه *اتصلت سهر على والدتها تخبرها وانها لن تستطيع تركه :اخوك مسافر واختك جوزها زي قلته عمره ما هيجي ولا بيقضي لنا مصلحه :ما تقلقيش انا هبقى كويسه حبيت اطمنك عشان لو اتاخرت *لم تجد والدتها حل سوى ان تتصل بزوجه عبد الله صديق زوجها وتروي لها ما حدث قامت بدورها بايقاظ زوجها وذهب لسهر في المستشفى بقلمي سحر السحرتي *دخل عبد الله المستشفى في نفس الوقت مع والد ووالده يزن *تفاجا والد يزن ان عبد الله يعرف سهر لان له شان وسمعه معروفه بين رجال الأعمال *فسأله: انت تعرف سهر من اين : انا صديق والدها وفي مقام عمها لان ابوها عشره من ايام الطفوله وكان المفروض تطلبها مني بس كنت مسافر في شغل ويزن كان مستعجل فقلت لها يلبسوا الدبل و الخطوبه هكون اول واحد يستقبل المعازيم كان نفسي اتعرف عليك في ظروف احسن من كده تعالى نعرف ايه اللي حصل *كانت سهر منهاره وروت لهم ما حدث وعدم فهمها لما كان يتشاجران *طلب منها والد يزن ان تقول للشرطه عندما تاتي انه سقط فقط ولم يكن هناك مشاجره عبد الله باعتراض : ازاي وحق ابنك :زي ما هي قالت انه مجرد حادث وصاحبه ده عشره عمره ولو اتحبس يزن هيزعل واول الدكتور ما يخرج هنتطمن مش هقبل احرق قلب ابوه وامه عبد الله : بس *قاطعه والد يزن :ما بسش احنا دلوقتي المسؤولين ولما يزن يقوم بالسلامه حب ياخذ اجراء ضد صاحبه هنسانده و تيجي تشهد وقتها ممكن تقول انها كانت متوتره وقت الحادثه عبد الله :خلاص يا سهر هم اصحاب الشان : بس يا عمي صاحبه شكله كان شارب تقريبا *عبد الله بصرامه وحدة : خلاص يا سهر انت هتخافي على ابنهم اكثر منهم عموما بعدين هنتكلم و افهمك كل حاجه :اللي تشوفه يا عمي بس نطمن عليه الأول *خرج الدكتور من غرفه العمليات فقد احتاج جرحه الى التعقيم والخياطه :احنا عملنا له اشعه و اطمنا ان مفيش نزيف بس للاسف هو دخل في غيبوبه والدته :هيفوق امتى : للاسف مش هنقدر نحدد ممكن اسبوع شهر او سنه ربنا معاه ادعوا له *انهارت والدته من الصدمه وقالت سهر والدموع في عينيها :لسه برضة عايزين تتنازلوا عن حقه ازاي وليه *امسك عبد الله سهر و احتضانها :اسف هي منهاره هروحها تستريح وبعدين لو في تحقيق اكيد الصبح هتيجي *افلتت سهر نفسها من حضنه لا انا مش هسيبه غير لما اطمن عليه والد يزن: روحي يا بنتي استريحي شويه وزي ما سمعتي هو دخل غيبوبه يعني مش هيفوق دلوقتي ولو في جديد انا اول واحد هيكلمك *ذهبت بالفعل بعد تردد وفي طريقها للمنزل تحدث معها عبد الله :اهدي وهيبقى كويس : ازاي اهله كده عايزين يسيبوا حقه :والد صاحبه راجل له سلطه وكلمه مسموعه في البلد وعمر ابنه ما هيدخل السجن او ياخذ يوم واحد حبس وده اللي والد يزن واثق منه غير ان بينهم شغل كثير :يعني يضحي بابنه عشان الشغل ولا عشان خايف : هما رجال الاعمال لهم حسابات ثانيه خرجي نفسك انت من الدائره دي لانك هتخسري : انا مش خايفه منهم :مش هتقدري تعملي حاجه حتى لو قلت الحقيقه والده هيتنازل ومش هيوجه له اي اتهام فبلاش من الاول تنفخي في قربه مقطوعه وتعرضي نفسك لموقف محرج ده بقى مسؤوليتهم هما بقلمي سحر السحرتي : انت شايف كده :اه اسمعي كلامي بلاش تعندي وتعملي عكس اللي طلبته : انا بحترمك وانت عارف وما اقدرش اكسر كلمه انت بتقولها بس هتجنن حد يسيب حق ابنه انا لو منه كنت اكلته باسناني :انت قلت انها حادثه :اه بس كان شارب : يزن كمان بيشرب : لا يزن مش بيشرب وما شربش هناك وانا معاه :لا ده اللي عرفته عنه لما سالت عليه بعد ما رجعت من السفر كنت خلاص لبستي دبلته وكنت هحذرك و اخليك تحاولي تغيري اخلاقه وقلت انه طيش شباب يمكن لما يستقر ويتجوز يبطل خصوصا انه اختار واحده ملتزمه و مؤدبه زيك اكيد هتقدري تشديه وتغيريه للاحسن :اغيره للاحسن ده هو اللي كان عايز يغيرني للاسوء ده كان عايزني اقلع الحجاب النهارده في الحفله : ازاي بس واضح انك رفضتي :طبعا انت شايفني قلعته : عموما لما يقوم بالسلامه هنحطه تحت الميكروسكوب يا يبطل طيشه يا اما ما يلزمناش ولة انت بتحبيه وقبلاه على وضعه : لا طبعا لو بيشرب ما يلزمنيش حتى لو بحبه لكني معجبه بيه مش اكثر بس مفيش مشاعر حب :سهر لو حبيتيه قولي ده خطيبك ما تتكسفيش : انا عمري كذبت عليك اصلا هو فأجاني بطلب ايدي و اصر قلت ليه لا اجرب بما اني مش مرتبطة وكان يهمني رايك بس كنت مسافر :يعني لو رفضت كنت هتسمعي كلامي :انت عارف حضرتك كنت اكثر من اخ لبابا وسفرنا ومصيفنا ومعظم اعيادنا كانت مع بعض ازاي اعارضك خصوصا بعد ما حفظت العشره بينك وبين بابا بعد ما مات ووقفت جنبنا وما كانش لينا حد :ابوك ده كان اخويا احنا الاثنين كنا سند ليعض في الدنيا واتفقنا اللي يموت الثاني ياخد باله من أسرته وانا عملت بس اللي كان هيعمله وبعدين انت اخر العنقود بتاعنا مش عارف اختك ما سمعتش كلامي ليه زيك وراحت اتجوزت البروطه ده اللي معاها ده هههههه : الحب بهدله انسان كسلان عن أنه يتنفس حتى ده بيشتغل بالعافيه نفسه تنزل هي تشتغل وعلى طول بيبعتها البيت عندنا عشان يوفر مصاريف اكلهم هو وعياله شفت كده : بس مامتك مدياله وش : هتعمل ايه يعني هتطردها بقلمي سحر السحرتي : لا بس تفهمها لانه واخد على كده وده هيكون صعب على مر الزمان :يوووه ماما غلبت هتعمل ايه على يدك اكيد استسلمت للامر الواقع بس لما ماما بتسافر مش بيعرف يعمل معايا حاجه ده بيهرب لانه بيخاف من لساني هههههه ... وصلنا شكرا خرجتني من اللي انا فيه بموضوع مستفز اكثر : انت عرفاني محامي مراوغ :شكرا مره ثانيه على وقفتك معايا اكيد ماما متضايقه انها صحتك من نومك وقلقتك : قولي لها صينيه لازانيا اعتذار كافي :بس كده قريب اول ما اخلص من المشكله هعملها بنفسي : لا ماما اللي تعملها عايز اعرف اكل : اخص عليك يا اونكل طب لما تذوق بتاعتي هتعرف ان انا بعملها احسن من ماما :ماشي بس انت عارفه مش بجامل : اكيد بس واثقه انك هتاكل صوابعك وراها تصبح على خير ولا اقول صباح الخير :سهر المهم انه خير هيبقى خير ان شاء الله ما تقلقيش *عادت بذاكرتها من اليوم المشؤوم *وصلت للمنزل وصعدت والدتها :خير عملت ايه : كل خير شكلهم ممكن يقبلوني حسيت كده :انا دعيت لك كثير :عارفه يا ست الكل انت عامله ايه :مش كويسه طول ما انت لسه مخطوبه ليزن بعد ما عرفت عنه انه بيشرب : يا ماما هو دلوقتي في غيبوبه ادعي له يقوم منها بالسلامه لكن مش هقدر اسيبه دلوقتي ما ينفعش :امال امتى هتفضلي كده واحنا مش عارفين هيقوم منها امتى :حبيبتي اهدي انا هنقل شغل جديد خلي تركيزي دلوقتي ازاي اثبت نفسي الاول وربنا هيحلها من عنده انا داخله الكورس هيبدا كمان شويه اوعي تكون بنتك وعيالها خلصوا النت : لا قفلته اول ما جت ومعاها البروطه جوزها وطلب النت قلت له انك مخبيه الراوتر واول ما سمع اسمك ما نطقش : ههههههه احسن خليني على طول في وشه يمكن يحس على دمه :هو اللي زي عمره هيحس بس اختك زعلت :وهو ايه اللي يزعل في كدة جوزها بيجي مخصوص ياكل ويخلص شغله ويحمل من النت بتاعي ويخلصه ولا مرة فكر يجدده من جيبه او حتى يعزم انا مش قاعده على بنك : معلش حظ اختك كده ادخلي ريحي وشوفي شغلك *بعد يومين اتصلت عليها شركه كريم يبلغوها انه تمت الموافقه عليها وسوف تستلم الوظيفه بعد يومين *كان كريم الذي رشح تعينها من بين كل المتقدمين بحجة تمكنها من لغتين بجانب باقي قدراتها فقد شعر انه يريد رؤيتها مره اخرى *ذهبت لشركه يزن كي تقدم استقالتها والد يزن: اسف انك مضطره تمشي انت من اكفا الناس اللي اشتغلت هنا انا حزين انك هتسبينا مش بس لانك خطيبه يزن :حضرتك عارف مش قادره اركز كل اما ابص على مكتبه بحس انه هيخرج منه بتمنى يخرج يزعق فيا زي زمان زي ما كان بيعمل بس يخرج حتى لو ضربني انا راضيه الفتره اللي فاتت كان شغلي كله اخطاء وبراجع عليه مره واثنين وانا مش كده بحب اكون دقيقة في الشغل : عارف .. انت متاكده ان مكانك موجود :متاكده ؛سهر كفايه كل شويه تروحي ليزن : ليه ده ما لوش علاقة باستقالتي انا سبت الشغل لاني بضره اكثر ما بفيده :يعني استقالتك مش بدايه انك حتسيبي يزن : خطوبتي له كانت قصيره بس حضرتك معذور تقول كده ما تعرفنيش لسه غير كموظفه :حبيت اعفيك من اي حرج انك تنهي ارتباط بيه لو محرجة :الامور دي ما فيش فيها احراج بس ممكن اسالك لو انه مش من حقي ليه اتنازلت عن حق يزن :غصب عني لو صاحبه اخذ يوم واحد حبس مش بعيد كانوا قتلوه انا اب ابني يبقى عايش في غيبوبه وحقه رايح ويبقى قدام عيني بدل ما يموت و ياخد حقه ويا ريت ممكن ياخده الناس دي مش سهلة ربنا ينتقم من الظالم لأننا ما نعرفش الحكايه :للدرجه دي : احنا في سوق الرحمه معدومه بيزنس بس سامحيني ارجوك انا ما سبتش حقه بمزاجي : سامحيني حضرتك على سوء الظن :ولا يهمك وشركه كريم الالفي هتكسبك واحنا اللي هنخسرك : كل شيء نصيب عن اذنك *ذهبت بعد يومين واستلمت العمل *بعد شهر من العمل المتواصل اثبتت مهاراتها وجدارتها بالوظيفة *لم تكن تمل من الذهاب ليزن في المستشفى *ذات يوم طلبها نبيل في مكتبه بملف مهم ذهبت لكن نظرته لها لم تكن مريحه هذه المره :ادخلي واقفلي الباب *توجس قلبها من نظراته فقالت بتخوف : ممكن نسيبه مفتوح *تحدث بنبره عاليه وقوه كي يبث الرعب في نفسها : اسرار الشغل ننشرها بقى على النت احسن اتفضلي يا انسه ادخلي و اقفلي الباب انت اول مره تشتغلي في شركه كبيره :اسفه يا فندم *بدا يسالها عده اسئله استفسار عما بداخل الملف وهي جالسه امامه تجيبه حتى قال : تعالي شوفي النقطه دي مش واضحه *وقفت بجانبه لتراها بكل برائة لم تتوقع منه اى سوء ولكن مد يده ليتحسسها بوقاحه #ما هو رد فعل سهر مع نبيل هل ستقبل هذة الإهانة ام تترك العمل غمرني بحبه حلقة ٣ *لم تحتمل سهر عندما قام نبيل بتحسسها بوقاحه فقامت بلوي يديه وكادت ان تكسرها وقالت بمنتهى الغضب والحده : انت فاكرني سهله ومن البنات اللي انت كل شويه تشغلهم وبعد ما تزهق منهم تمشيهم لا فوق لنفسك انا هعمل لك جزع بسيط في ايدك عشان تفتكرني و اسفه اني اشتغلت في شركه زبالة واضح انكم واجهة بس من بارة لكن من جوة بتستغلوا البنات *بصقت عليه واسرعت بالخروج واخذت حقيبتها وذهبت لتقديم استقالتها علم سامي والد نبيل بتقديمها الاستقاله وفهم لماذا فطلب مقابلتها *نبيل شاب في الثلاثين من عمره ليس لديه صفه من اسمه اطلاقا يعتبر متحرش الشركه لم يجروء احد من ابلاغ كريم عنه خوفا من بطش والده *كان سامي خائفا من ان سهر تخبر كريم بان نبيل قد تحرش بها ذهبت الى مكتبه مثلما طلب منها : اتفضلي يا انسه ممكن اعرف سبب الاستقاله دي *ردت بحدة والغضب واضح على وجهها :عندي اسباب خاصه .... مش عايزه اشتغل هنا الشركه مش عجباني.... حط اي اسباب :طب لو وعدتك انها مش هتتكرر *نظرت له بحيره وتساؤل : هو ايه اللي مش هيتكرر بالظبط :السبب اللي هتستقيلي عشانه *ففهمت ما يرمي اليه : اه انتم عصابه في بعض الابن يتحرش والاب يغطي عليه لا شكرا انا ما يشرفنيش اشتغل في شركه قذره كده والاسم شركة كبيرة : احترمي نفسك انا بقول انك زي بنتي وبطيب خاطرك لكن طوله لسان مش عايز اتفضلي امشي لو عايزه ما حدش مسكك بس لو كلمه واحده طلعت منك ما حدش هيصدقك ومش عايز افكرك اننا هنرد ونقول انك انت اللي عرضتي نفسك وابني رفضك ولو مفكره ان المستشار عبد الله هيقف معاكي عمره ما هيجي على مصلحته لان مصلحته هنا معانا :اولا انا مش بتهدد ولا مسنوده من اونكل عبد الله ولا هقول لحد عشان عايزة اخلص منكم خالص بس قول لابنك ان لو شفته في الشارع صدفه هكسر ايده *واسرعت بالخروج وهي تبكي لم تكن تتوقع هذا الكم من سوء الاخلاق اب يشجع سلوك ابنه المنحل ويقوم بالتهديد والترهيب *اصطدمت بكريم وهي تخرج من الاسانسير :اسفه جدا :انت كويسه :هبقى كويسه اول ما اخرج من هنا :استني ليه ايه اللي حصل وخلاكي تعيطي وكمان عايزة تهربي من الشركه : ما حصلش حاجه غلطت اني اشتغلت هنا وهصلح الغلط ده :بس ده مش وقت انصراف : : هو في وقت انصراف للاستقاله *نظر لها بدهشه وغضب : ايه اللي وصلك تقدمي استقالتك وانت بقالك شهر ونص بس متعينه :وانت مالك وانت مين اصلا مش عايزة اشتغل هنا انا حره : انا كريم الالفي صاحب الشركه اتفضلي معايا لو سمحتي على مكتبي وصدقيني لو لك حق هجيبه *كان يتحدث معها بكل ادب وود فهدئت قليلا : متشكره على ذوق حضرتك بس انا خلاص اخذت قراري ومش هرجع فيه :طب روحي دلوقتي شكلك تعبانه بس تعالي بكره *أرادها ان تعود لماذا يتمسك بها بهذه الدرجة فقال متحججا : وما تنسيش انك ما تقدريش تمشي قبل ثلاث شهور لان في شرط جزائي *عادت لغضبها بعد أن هددها هو الآخر و تمتمت : لا دي انتم عصابه فعلا بقلمي سحر السحرتي *سمعها ولكن لم يعلق لانه مقدرا لحالتها :نعم افندم بتقولي حاجه *ردت بسخرية واستخفاف من هذا السبب : ابدا يعني لو سبت الشغل لانه مش عاجبني الشرط الجزائي بكام يعني : ب 20000 الف جنيه *نظرت له نظره سخريه اكبر : بسيطه بكره هتكون الفلوس عندكم المهم اخلص من هنا وما ارجعش تاني : احنا مزعلينك قوي كده طب ارجوك روحي وتعالي بكره على مكتبي ممكن... انا مش بعملها مع حد بس حاسس انك موظفه كويسه .... ولو لك حق تأكدي اني هرده لك مهما كان مين *امام طلبه باحترام :حاضر بس انا مصرة على الاستقاله وهجيب معايا الشرط الجزائي : تعالي من غيره ونتفاهم الاول ولو ما لمستيش بنفسك اني اقدر ارد لك حقك قدامك اسبوع تدفعي خلاله يمكن تغيري رايك *لم تكن تعرف كريم لسفره للخارج لتعاقده على عده صفقات *ذهبت بعد ان هدات قليلا فقد احست انه شخصيه مهذبه وان الشرط الجزائي ما هو الا حجة لعودتها وليس تهديدا لها *صعد كريم وفتح باب مكتب نبيل بعنف وجد عنده طبيب الشركه يقوم بلف يده برباط ضاغط : اهلا يا دكتور خلصت :اهلا يا كريم بيه اه خلصت :طب اتفضل حضرتك واقفل الباب وراك لو سمحت *توجه بنظرة حارقة لنبيل كاد أن يسقط فاقد الوعي من شدة خوفه لكنه تماسك :سؤال وترد عليا هتكذب هيكون اخر يوم ليك هنا مهما كان زعل عمي :خير يا كريم : احنا هنا في الشغل يا اما يا باشمهندس او يا كريم بيه اختار بنفسك وتنسى صفة القرابة :اسف يا باشمهندس :ايه اللي يخلي موظفه مستجده كفئ في عملها تنزل تجري وهي بتعيط من عندك :من عندي ليه وانا عملت حاجه *حاول التماسك وعدم التهور :نبيل قلت لك من غير كذب وبلاش غضبي يطلع عليك انت القسم الوحيد اللي بيغير موظفات كثير وساكت عشان خاطر عمي و طول ما الشغل بيمشي ولما احس ان القسم شغله اتحسن بعد ما كنت هغيرك واجيب حد غيرك و اكيد طبعا التحسن ده مش منك ... اسال السؤال مرة كمان جريت ليه :بصراحه كنت بشرح لها حاجه في الملف ايدي خبطت فيها غصب عني وزي ما انت شايف هي محجبه ومتعصبه فهمتني غلط :هي المحترمه دلوقتي في نظرك بقت متعصبه همشيها انك ما تقصدش وانها فهمتك غلط وما اعتذرتش ليه :هي ادتني فرصه دي مسكت ايدي لوتها وكانت هتكسرها *تحول غضب كريم الى ضحكه عاليه واعجاب برد فعل سهر اثارت غيظ نبيل ثم عاد الى صرامته :كلمتين مش هكررهم اهم حاجه عندي مصلحة الشغل وممكن ارفدك انت ..... لما الاقي واحدة ظبتت شغل القسم اكيد مش هفرط فيها تتشقلب والبنت ترجع واوعى تتعرض لها ثاني فاهم ..... هي هتيجي بكره ومعاها الشرط الجزائي فشوف ناوي تعمل ايه قبل ما هي تدخلي تكون غيرت رايها في الاستقاله : اعملها ازاي دي : ما اعرفش فكر بدل ما بتفكر ازاي تخبط الناس بايدك من غير قصد .... فهمتني ولا عايز تفسير اوضح *عاد الى مكتبه فاستقبلته سكرتيرته ايناس :ابعتي لعمي يجي حالا *اسرعت بالاتصال بسامي واخبرته ان كريم غاضب جدا بقلمي سحر السحرتي *اسرع سامي إلى كريم فهو يعلم غضبه جيدا طرق الباب :اتفضلي يا عمي :عرفت منين انه انا :انا مستنيك ومانع اي حد يدخل لي غيرك :خير يا كريم : انا مسكت الشركه من بعد والدي وكبرتها وحضرتك شريك هنا وماسك قسم من اقسام الشركه ولو كنت ما اثبتش جداره كنت هعتذر لك وهقول كفايه عليك شريك وعرفت طبعي ومفيش مشاكل في الشغل بنا : اه ربنا ما يجيب مشاكل لازمته ايه الكلام دلوقتي :لما طلبت مني ان نبيل يشتغل وانا عارف ومتاكد من قدراته فضلت مصلحه حضرتك على مصلحه الشركه : انا متشكر ليك جدا يا ابني :مش عايز شكر لاني بغبائي عينته ورغم ان القسم بتاعه دايما متاخر وبيغير موظفات كثير وبيغلط لسه مصر على غبائي ولسة سايبه بيشتغل في الشركه رغم اني ضد الوسايط بس انت عمي الوحيد ورافض ازعلك :هو ايه اللي حصل : المره دي موظفه خارجه تجري من الشركه بتعيط المره الجايه هيترفع علينا قضيه تحرش ويسوء سمعه الشركه : هي قالت لك رغم اني هددتها *لم يكمل لان كريم نظر اليه بعيون من نار :هددتها ليها حق تبرطم وتقول علينا عصابه الابن بيتحرش والاب بدل ما يعتذر بيداري عليه ويهدد بس هي ما اتكلمتش مش عارف من التهديد ولا لانها عايزه تخلص مننا وخلاص :يا كريم نبيل شاب وطايش :شاب ده عنده 30 سنه واتجوز وطلق مرتين ده مش طيش ده استهتار باختصار البنت هتيجي بكره تدفع الشرط الجزائي : احنا مش عايزين منها حاجه تغور بفلوسها *نظر له بتعجب واندهاش : على اساس ان هي اللي غلطانه لاخر لحظه بتحملها ذنب هي ما ارتكبتهوش : انا قصدي ما نبقاش غلطانين في حقها وندفعها فلوس كمان *نظر له بسخرية : بفهمك غلط طول عمري اخص عليا *قال بصرامة : بكره لما تيجي قبل ما تدخل لي تكون انت وابنك غيرتوا رايها من غير تهديد طبعا وتقول لنبيل أن ده اخر انذار له وما يتعرضلهاش باي شكل من الاشكال : حاضر يا كريم تؤمر باي حاجه تانيه : انا مش بامر يا عمي بس مصلحه الشغل اهم المفروض كانت جت منك تنصحه وتنبهه ومش كل البنات زي بعضها ويخلي الشغل بعيدا عن تصرفاته دي *ذهب سامي وعنف نبيل و روى له ما حدث وعرف منه انه اعترف لكريم بكل ما حدث سامي: قلت لك لم نفسك في الشركه انا مش كل شويه هداري واصلح غلطك بدل ما نلاقي نفسنا بره الشركه :هو فاكر نفسه مين احنا شركاء في الشركه من حقنا نعمل اللي احنا عايزينه : سيادتك ناسي اننا شركه بنسبه 25% بس وهو باقي الشركه لانه كبرها وسدد ديونها وحضرتك ماشي بتبعزق على جوازاتك الفاشله وكنت كل ما بتتزنق بتبيع كام سهم :خلاص يا بابا يعني اعمل ايه دلوقتي :شوف البنت دي ساكنه فين وتروح تقنعها ترجع وتبعد عنها خالص او شوف لك موظفه تجيبها لمزاجك ودي للشغل عشان عارف ان اللي فيه داء مش بيبطله ودي بالذات مش عارف كريم مهتم بيها ليه :تفتكر في بينهم حاجه نقدر نستغلها وننتقم منه : حاجه ايه دايما كده الغباء مسيطر عليك كريم كان مسافر وخبط فيها وهي خارجه بتعيط وبعدين كريم متجوز وما لوش في الستات مش زيك : يعني هو انت كل شويه تفكرني ما خلاص بقى انا طبعي كده *وقال بكل فخر :بحب الستات احب اذوق من كل طبق : بتدوق من كل طبق اهو كان في طبق هيتكسر على دماغك لم نفسك شويه احسن نلاقي نفسنا باره الشركه : كل شويه نلاقي نفسنا باره الشركه نلاقي نفسنا بارة الشركه انا زهقت امتى احس انها بتاعتي واني بشتغل في ملكي : ما حدش منعك لو ينفع افتح لنفسك شركه جديده بس هتوقعها ومش هتقدر تنجحها فبلاش نضحك على نفسنا انت مش شاطر غير انك تستغل البنات اللي بتشتغل عندك بسب احتياجهم للشغل اهي جت واحده ما يهمهاش وتقدر تدفع الشرط الجزائي كمان ..... شوف هتصالح البنت دي ازاي اقول لك شوف عنوانها واجي معاك احسن تلخبط الدنيا وبلاش ندخل عبد الله في الموضوع انت عارفه بقلمي سحر السحرتي *ذهب كل منهم الى بيت سهر فتح زوج اختها : لو سمحت ده منزل الانسه سهر :اه مين حضراتكم :انا نبيل مديرها في الشركه وده والدي ممكن نقابلها : اه اتفضلوا طبعا (ونادى)يا سمر نادي على اختك في ضيوف عايزينها *جلس نبيل وسامي ورحب بهم عادل زوج اختها : اهلا وسهلا بيكم بس مبدئيا احب الفت نظركم ان سهر مخطوبه رغم محاولتنا انها تسيب خطيبها لانه في غيبوبه بقاله كتير ولسه مطول *دخلت سهر وهي تريد ان تخنق زوج اختها وعلامات الغضب تملا وجهها فتحدثت وهي تجز على أسنانها علها تستطيع كبت غضبها :ابيه عادل سمر بتنده على حضرتك جوه يا ريت تروح لها واستاذ نبيل جاي عشان مشكله في الشغل مش عشان يطلب ايدي فيا ريت بلاش تتطوع وتطلع اسرار البيت باره :انا بطلع *لم يكمل نظرت له نظره حاده جعلته ينصرف ويردد بخوف : ايوه يا سمر جاي حالا :اهلا وسهلا شرفتوني بالزياره في البيت هو التهديد في الشركه ما كانش كافي وقبل ما تتكلموا انا ما قلتش للباشمهندس كريم ولا كنت اعرف انه صاحب الشركه مش عشان خايفه منكم لا عشان اقفل صفحتكم خالص وبكره هدفع الشرط الجزائي سامي: انت داخله فينا شمال من اول ما دخلنا احنا في بيتك وواضح انك بنت متربيه ما تعاملش ضيوفها كده : اسفه طبعا بس اتفاجئت بالزياره اتفضل كمل : احنا عارفين انك ما اتكلمتيش واسفين انك فهمتينا غلط ومش حابين نخسر واحده في كفاءتك :في غيري كثير واكفء مني ويقدروا يلبوا طلبات استاذ نبيل اللي ما لهاش علاقه بالشغل سامي : ممكن تقعدي وتهدي وفكري كويس و اسمعي نصيحتي يا سهر #ما هي نصيحة سامي وهل فعلا سيغير رأيها وتعود إلى للشركة ٤/٥ غمرني بحبه حلقة ٤ * استغربت سهر من نظرة سامي إليها هل هي نظره ابوه وهو يقول لها اسمعي نصيحتي ام هي فقط مجرد نظرة تظاهر بالطيبة لانه يريد شيئا منها قال سامي : اسمعي نصيحتي ما عجبتكيش بلاش تعملي بيها اظن شغلك في الشركه فرصه لك وانت طبعا عرفت ان باشمهندس كريم عرف اللي حصل اوعدك انه مش هيتكرر وده كل الحكايه بصراحه من غير لف ودوران ... واضح انك ذكيه ومش هقدر اقول لك انه غصب عنه او اني ما قصدتش اهددك بس انا اب ومش عارف اغير ابني بلاش تخسري كرير كويس رجوعك للشركة مصلحة لينا احنا الاثنين *قطع كلامهم دخول والده سهر وهي تحمل صينيه بها شاي وكيك وترحب بهم بحفاوه :اتفضلوا اهلا وسهلا سامي: اهلا بحضرتك سهر :شكرا يا ماما تسلم ايدك *قبل ان تجلس والدتها :معلش يا ماما احنا بنتكلم في نقط مهمه في الشغل ما لحقناش نخلصها النهارده ممكن تسيبينا شويه لو سمحت :اه يا حبيبتي نورتونا سامي: واضح انك ما حكيتيش لوالدتك على اللي حصل : طبعا مش عشان خايفه من تهديدك عشان لو عرفت هتيجي تكسر ايده اللي اتمدت عليا هي ام زي ما حضرتك اب وتاكل باسنانها اي حد يتعرض لأولادها خصوصا بعد ما مات بابا *ونظرت بسخريه لنبيل : الف سلامه على ايدك الدكتور قال لك مالها *نبيل رد بحنق :جزع بسيط وهيخف *غمزه والده كي يعتذر :انا اسف على اللي حصل واظن خالصين اخذتي حقك مني *نظرت له بتحدي : تفتكر ان كان ممكن امشي من الشركه و اسيب حقي حتى لو ممكن اتسجن مش بس ادفع شرط جزائي سامي: خلاص يا سهر فكري كويس في عرضي وبلاش نخسر احنا الاثنين :حاضر اتفضلوا الشاي : لا شكرا يا دوب نمشي : لو ما شربتوش الشاي ماما هتفهم ان في حاجه و هتفضل تقرر فيا لغايه ما هضعف و هعترف لو خايف على ابنك اتفضل *ضحك: انت بتهدديني *ضحكت بدورها :برد الجمايل مش اكتر بس ماما صعب شويه وزي ما قلت بتخاف عليا قوي لاني اصغر اخواتي وعشان كده خليتنا ناخد دوره دفاع عن النفس امال عرفت ازاي اني جزعت ايده وما كسرتها : لا احنا كده نخاف منك : ليه بس ده دفاع مش هجوم اللي بيهجم علينا بدورنا بندافع عن نفسنا مش اكتر يعني اللي عملته رد فعل :تصدقي انت طلعتي لطيفه قوي :شكرا لحضرتك :اتمنى ننسى اللي حصل ونبدا صفحه جديده : حضرتك احرجتني لما شرفتني في البيت ما استنتش لما اروح الشغل بكره وده اكيد هحطه في الاعتبار وانا بفكر :انت لسه هتفكري خلاص يا سهر مش همشي غير لما اخذ الموافقه :اللي تشوفه حضرتك مش هكسفك بقلمي سحر السحرتي *في اليوم التالي ذهبت سهر لمكتب كريم في الموعد المتفق عليه ايناس سكرتيرته: هو منتظرك بس معاه مكالمه دقائق و هتدخلي :مفيش مشكله *كانت مترددة : هو انا اقدر اسالك سؤال خاص هو باشمهندس كريم ايه نظامه معاكي : مش فاهمه : قصدي بيتعامل معك ازاي زي مستر نبيل مثلا : ااااه فهمتك لا هو غير نبيل خالص وكل الشركه عارفه نبيل بس ما حدش قدر يبلغ الباشمهندس قبل كده بحكم أنه ابن عمه مفكرينه هيقف معاه بس انت حظك حلو :هو انت عرفتي :بصراحه خمنت اول ما دخل عند مستر نبيل و زعق معاه وبعدين استدعى مستر سامي فهمت ما انا بقالي كتير هنا وفي حاجات بفهمها من غير كلام بس اطمني الباشمهندس محترم جدا ومش بتاع الحاجات دي ولا بيشجعها : طمنتيني :الا قولي لي هو انت اللي عملت في ايد مستر نبيل كده : مش بتقولي بتفهمي من غير كلام :هههههه ماشي اقعدي معايا في البريك بدل ما تقعدي لوحدك نتكلم و نتصاحب ايه رايك :اكيد طبعا يشرفني بس مش دايما بقعد لوحدي بس لما بيبقى عندي شغل : الباشمهندس لو عرف انك بتشتغلي في البريك هيزعل : وهو هيعرف منين : بينزل يقعد معانا بس هو الفتره اللي فاتت كان مشغول واوقات بيهزر ويانا وياكل كمان من اكل اي حد فينا ...... نفسه صافيه و بيحب الناس و بيتعامل معانا على اننا اسره واحده مختلف تماما عن نبيل هتلاحظي ده لما تستمري معانا : بجد طب *لم تكمل قاطعتها ايناس لانها سمعت جرس من كريم : استني عشان خلص ادخلي لانه عنده اجتماع بعدك نتكلم في البريك :اوكي *طرقت الباب واذن لها بالدخول :احب اعرف قرارك لان عندي اجتماع لو كان ينفع كنت اجلته بس انا اديت لك موعد من غير ما اعرف مواعيدي :خلاص يا باشمهندس هستمر :بابي مفتوح لك في اي وقت وشاكر لك ان ما حدش عرف وما حدش هيعرف لان دي سمعة الشركة مش عشان اداري عليه ولو اتكرر منه الغلط تأكدي انه هيسيب الشركه تماما : بس :بس ايه :ايناس فهمت تقريبا :لا ايناس القرده بتاعه الشركه بتعرف لوحدها ومش خايف منها هي امينه على اسراري مش بتطلع اي حاجه بارة المكتب يمكن اتكلمت معاكي لانك صاحبه المشكله لكن غير كده هي مش رغايه ابدا :شكرا لحضرتك على اهتمامك :لسه عندي خمس دقائق اقدر اعرف ليه ما اشتكتيش :هشتكي لمين : ليا ايه ما انفعش :ده ابن عمك غير ان عمك نفسه هددني فقلت عيله في بعضها و هيداروا على بعض : وجهه نظر ..... تفتكري دي كانت وجهه نظر كل واحده اشتغلت معاه ومشيت :اعتقد لو بنت محترمه اكيد :وكنت هتعملي ايه لو سبتينا :عندي اختيار ارجع الشركه اللي اللي كنت بشتغل فيها قبلكم هم قالوا لي وقت ما احب ارجع مكاني موجود :سبتيهم ليه :قصه طويله وحضرتك عندك اجتماع استاذن *مد يده ليسلم عليها :اتشرفت بمعرفتك يا سهر وانسي انك تمشي من عندنا *شعور غريب حست به وهي تسلم عليه لا تدري ما هو غير ان نظرته لها كانت مختلفه عن كل الناس ما هذا الشعور *عادت الى مكتبها وجدت نبيل يتعامل معها بكل احترام فاطمئنت وعادت الى نشاطها *في وقت البريك ذهبت الى كافيه الشركه و تقابلت مع ايناس جلسا سويا يتحدثان ويضحكون كانت عيون كريم تراقبها باستمرار *في ذلك الوقت دخل عبد الله الكافيه فاسرعت سهر و قبلت يده و احتضنته : يا بنتي مش قدام الناس بطلي تبوسي ايدي : انت مكسوف ولا ايه : انا عليك انت ما تتكسفيش قدام الناس : وايه اللي يكسف ابويا و ببوس ايده :ماشي يا بكاشه فين اللازانيا هتحمرقي من اولها بقالي كتير طالبها :كل ما بفكر اعملها و اجيبها اسال عليك الاقيك مسافر : انا فعلا كنت مسافر مع كريم فتره طويله :شفت يعني فاكراك .... موجود بكره ولا تحب ابعتها عند طنط : لا طنط مين انت عارفه هي بتاكلني مسلوق اليومين دول :طول عمرها بتحبك و بتخاف على صحتك : دائما بتدافع عنها : اذا كان هي متجوزه اكبر محامي ومش بيدافع عنها تلاقي حد ينصرها :كان لازم تدخلي حقوق : اتحايلوا علي كثير خفت عليك قلت بلاش اقفل مكتبك و تقعد في البيت :هههههه خلاص هاتيها بكره بعيد عن طنطك : اتفقنا :بس انت عارفه بحبها ازاي :عارفه و هدهشك :طب كبري الصينيه شويه : كده كثير وصحتك اخاف عليك :لا هعزم كريم معايا خلاص هقول له ما يطلبش اكل :تمام بكرة تكون عندك بقلمي سحر السحرتي *في اليوم التالي في موعد البريك تقابلت سهر مع عبد الله :فين الاكل انا ما فطرتش :ثلاث دقائق والتاكسي يوصل عشان تاكلها سخنه انا عملتها الصبح وماما سويتها و بعتتها بس ليه ما فطرتش مش في ادويه لازم تاخدها هزعل منك ومش هعمل حاجه تاني تضر صحتك كده : ما تقلقيش اكيد اكلت حاجه خفيفه و هاخد الدواء قبل الاكل :اهو بيتصل هروح استلم منه خذ الدواء على ما استلم *ذهبت لتستلم الطعام وعادت اعدت لعبد الله وجبته وقبل ان يضع الشوكه في فمه : اوعى تاكل اخذت الدواء الاول :لا نسيت من شوقي للاكل :طنط موصياني اتفضل ميه :نسيته فوق : لا ما انا عملت حسابي و جبت لك شريط من الصيدليه عشان عارفه الحركات دي :سهر مش هتكوني انت وهي عليا :هو احنا بنضرك عشان صحتك احنا خايفين عليك و بنحبك مش بنتحكم فيك ولا ايه يا باشمهندس *نظر لها باعجاب غريب وشرد ذهنه في جمالها وخفت روحها فانتبه على ضحكتها الرقيقه :الباشمهندس مش معانا هو شم ريحه الاكل بس امال لو داقه هيضيع مننا عبد الله :واثقه قوي من نفسك هدوق واقول لك إذا يجي منك : طب قبل ما تذوق لو حلو انا اللي عملاها لو وحشه اكيد سواق التاكسي اكلها واشتري غيرها *عبد الله ضحك وكاد يختنق وهو ياكل خافت سهر كثيرا و احضرت الماء ليشرب : اسفة والله بهزر معاك : ما تخافيش انا كويس بس اصلها طلعت حلوه اوي :بجد ما انا عارفه اسيبك تستمتع بيها والحق البريك قبل ما يخلص وقته بالهناء والشفاء : مش هتاكلي معانا لا اسيبكم براحتكم بس الباشمهندس بخلان عليا يقول رايه *ليرد مسرعا حتى لا تحزن فهو لا يريد ان يراها حزينه لا بجد تسلم ايدك ممكن تبدائي مشروعك الخاص : بجد عجبتك يعني مش مجامله : عجبتني قوي لو هتقل عليك ممكن تبقي تعملي حسابي مع المستشار عبد الله : لا كده هتخلوني اتغر بجد اكيد هعمل حسابك بس اتمنى تكون فعلا عجبتك : لا اطمني بجد احسن من بره و تحسي فيها دفء البيت فكرتيني بوالدتي اكلها كان له نكهه عمري ما لقيتها غير عندها :بالهناء والشفاء يا باشمهندس استاذن *ذهبت وجلست مع ايناس وبعض زملائها كان كريم يختلس النظر اليها من وقت الى اخر *كان ينتظر البريك اذا كان موجود في الشركه لرؤيتها لا يعلم لماذا لكنه احب طريقه تعاملها مع زملائها اهتمامها وحبها لعبد الله كان يفتقد الحب والاهتمام *كريم مهندس في ال 39 من عمره وسيم يهتم باناقته متزوج من 15 سنه ولديه ولدين توام ...زوجته تهتم بنفسها وشكلها امام الناس كعاده زوجات رجال الاعمال النادي و اصدقائها هم كل حياتها بقلمي سحر السحرتي *لا تعلم متى سافر او متى سيعود الا اذا ذهبت معه او اذا ارادت ان يشتري لها شيئا *لقد تحمل مسؤوليه العمل بعد التخرج مباشره لم يكن كاي شاب له اصدقاء ويخرج ويسهر معهم نسبه لمرض والده وانهيار حاله الشركه الماليه فكان يجب ان يعمل كي ينقذها وتعود لسابق عهدها *فمرت به السنوات دون ان يشعر واحس انه لم يعيش سنوات شبابه ويتمتع به *لماذا سهر هي التي حركت لديه مشاعر لم يعهدها ألا لانها شابه وهو يفتقد شبابه ام لانها محجبه محترمه وزوجته تستر اقل مما تكشف من جسدها *مرت شهور سهر بين العمل والمستشفى لزياره يزن لم تكل او تمل وحصلت على احترام والديه :لاحظ نبيل نظرات كريم لسهر اراد استفزاز مشاعره وهل هو فعلا معجبا بها ام لا *انتهز نبيل فرصه انهم في البريك ذهبت سهر لاحضار الكوب الخاص بها لتشرب فيه قهوتها وجدته موضوع في الدولاب العلوي فوقفت على اطراف اصابعها كي تمسك به *وقف نبيل خلفها بطريقه قذره :ممكن اساعدك لو تحبي : لا شكرا ممكن تبعد شويه *قال بوقاحة و اقترب أكثر : انا شايف المج بعيد خليني اساعدك *احضرت المج بنفسها ووقع منها فوق راسه انكسر وفتحت راسه #هل تعمدت سهر ام كان مجرد حادث غمرني بحبه حلقة ٥ *صرخت سهر :مستر نبيل اسفه ما كانش قصدي انت كويس حد يلحقنا دكتور الشركه فين *وهي تنظر له نظره تحدي بانه لو لديه من الشجاعه قطره يخبر احد انها فعلتها وهي تقصد : حدث هذا تحت نظر كريم الذي لم يستطع نجدتها من تحرش نبيل لانه اراد ان يرى كيف ستوقفه عند حده كما فعلت اول مره وكان يتجنب ملاحظة أحد لما يكنه لها من مشاعر حتى لا تسوء سمعتها *لم يتوقع رد الفعل هذا منها لكنه شعر بسعاده من فعلتها فقد راى امراه قويه تستطيع الحفاظ على نفسها اسرع كريم لنجده نبيل :الف سلامه عليك لا شكلها بسيط مش تخلي بالك يا انسه سهر خلاص حصل خير :اسفه يا مستر كريم مش عارفه ازاي المج وقع مني على دماغه *نظر لها بفخر من فعلتها فهمتها بذكائها :خلاص اتفضلي على مكتبك بلاش تنهاري كده الدكتور هيعالجه نص ساعه وهاتي لي الاوراق اللي انت شغاله عليها لانه اكيد هيروح مش هيعرف يشتغل كده وهو متعور *توعد نبيل لسهر وكان يستشيط غضبا لفشل خطته ولضرب سهر له بالكوب فوق راسه لانه عرف انها تعمدت ذلك *بعد نصف ساعه توجهت سهر الى مكتب كريم ايناس :سهر انت بتلعبي في عداد عمرك باين عليك : ليه وانا عملت حاجه :علي انا برده ما انا شفتك كنت رايحه اعمل قهوتي انا كمان :يعني يرضيكي اللي عمله اسكتله عشان يسوق فيها :لا جدعة بس خلي بالك نبيل مش هيسكت ومش هيسيب حقه : كسر حقه وهو كمان له عين يفكر انه له حق ....ربنا يستر من مستر كريم هو كان عايز الملف ده :ادخلي هو مستنيك :هو مش انت اللي هتدخليه له : لا هو اكيد عايز يتناقش معاكي فيه بقلمي سحر السحرتي *دخلت ووجدت ابتسامه على وجهه وقد ظنت انه غاضب لما حدث لابن عمه : اتفضلي اقعدي : اتفضل الملف :بلاش تضايقي نفسك اللي حصل كان مجرد حادثه :هو انت شايفني متضايقه حاجه حصلت غصب عني مش مقصوده هزعل ليه : طب دمعتين حتى تضحكي علي بيهم : ليه هكذب مش زعلانه عليه والظاهر اني مش مطوله هنا :ليه هو عمل لك حاجه ثاني *فاضطربت لا تدري ماذا تقول يبدو انه لا يعلم شيئا :لا قصدي ان مستر نبيل اكيد مش هيسكت وهيزعل : بس ده حادثه اكيد مش هيعمل حاجه *تناقش معها وسالها عن بعض المعلومات التي في الملف *دخلت ايناس ومعها ايميل باللغه الصينيه :الشركه الصينيه بعتت الايميل ده مش عارفه ما بعتوش ليه بالانجليزي :خلاص ابعتيه يترجم *نطقت سهر : اسمحي لي انا ممكن اترجمه :صح انا نسيت ازاي انك معاكي لغه صينيه :وحضرتك هتعرف منين مستر نبيل اللي يعرف من الانترفيو اللي عمله معايا : اصل بشوف السي في بتاع كل الموظفين الجداد :اه طب تحب اقراه هنا او اترجمه كتابه : اقرايه هنا وايناس تكتب المفيد عشان ما نضيعش وقت *قامت بالترجمه وسط اعجاب كل من كريم وايناس وعادت الى العمل *بعد عده ايام قام نبيل بخصم خمسه ايام من راتب سهر لاسباب تافهه فدخلت مكتبه للاستفسار وحدثت مشاده كلاميه معهم : لا انا كده مش هقعد في الشركه بالشكل ده ظلم وافترى :حقك لكن مش هقبل استقالتك ولا هتاخدي شهاده خبره لو تحبي ارفدك ما فيش عندي اي مانع :لا عندي موانع و في مدير وصاحب للشركه يرد عليك انا مش بشتغل وكل الشغل على دماغي والاموره اللي بره ما بتعملش حاجه وكل شويه تصرف لها مكافات ومش بتكلم لكن توصل انك تخصم خمس ايام من غير وجه حق لا بقى في ده مش هسكت : اعلى ما في خيلك اركبيه : تمام هنشوف *ذهبت لايناس وهي غاضبه وطلبت موعد لمقابله كريم : بس هو في اجتماع اقعدي اهدي واشربي حاجه على ما يخلص : مش عايزه حاجه : مالك هو نبيل عمل حاجه معاكي ثاني :خصم خمس ايام من المرتب ومش عايز يقبل الاستقاله عايز يرفدني ومن غير شهاده خبره شفتي :طب اهدي عشان تعرفي تتكلمي مع مستر كريم لانك كده هتضيعي حقك *مرت نصف ساعه وانتهى كريم من الاجتماع وجد سهر في انتظاره :خير يا انسه سهر مستنيه من بدري : لا من شويه ممكن اتكلم مع حضرتك *كانت تقاوم دموعها ولكن بمجرد ان دخلت تساقطت بغزاره :اهدي بس في ايه : اسفة حضرتك بس ممكن تقبل استقالتي من غير اسباب انا قربت على سنه وحرام امشي من غير شهاده خبره : مين قال انك هتمشي هو نبيل عمل حاجه معاكي :اه *استشاط من الغضب :عمل ايه :خصم خمس ايام من المرتب *فهدا قليلا : هو ده اللي مزعلك طب ليه :عشان باخد 10 دقائق اصلي الظهر مش اكثر انا بحافظ على مواعيد العمل وبصلي العصر في البريك لكن ما اقدرش ااجل الظهر للبريك واظن انا قايمه بالشغل على اكمل وجه : هي دي اسباب انك تسيبي الشغل ولة انت مخبية حاجه ثانيه طب هتكلم معاه :انا مش ممكن اقعد انا شايله كل الشغل والمكافات لغيري لكن مش مهم انما تعبي يتخصم منه ده ظلم ارفضه هو ايه سر العداء معايا انا عملت شغل كثير ومنه قديم كان بايظ ملتزمه بالمواعيد عمري ما اتاخرت اجازات بيرفض يديني عايزة افهم قصرت في ايه عشان يخصم ليا : ولما انت بتعملي كل ده اللي معاك في المكتب بتعمل ايه *صمتت ولم تتحدث :ردي عليا عايز اعرف كل حاجه :مش هقدر اتكلم عن حد بس حضرتك ممكن تراجع سجلات الحضور والإجازات والمكافات هتتاكد اني مظلومه *احترمها لعدم خوضها في سمعة زميلاتها ولكن ارادت تنبيه أنه يتم قهرها والتجبر عليها ليس أكثر : هو في مكتبه : اه هناك : تعالي معايا بقلمي سحر السحرتي *ذهب معه كان المكتب مغلق ومضاء اللمبه الحمراء فانتظر معها *بعد عده دقائق خرجت منه زميلتها في المكتب بمنظر مقزز شفتيها مجروحه وملابسها غير مهندمه ففهم كريم وقال بنبرة حادة : استنيني هنا *دخل و عينيه واضح عليهم الغضب الشديد : اهلا باشمهندس كريم : هو انا مش حذرتك وقلت لك اخر انذار بلاش تتعرض لسهر وسفالتك تبقى بعيد عن الشركه :انا عملت لها ايه هي اتاخرت خصمت لها ايه المشكله مش هعرف امشي كلامي على الموظفين مش فاهم ايه اللي مزعلك قوي كده دى اول مره تسيب مكتبك عشان حد وتجيلي هو في حاجه بينكم اول مره اشوفك متنرفز لحتة موظفه ايه عجبتك *لم يجادل معه حتى لا يحس انه فعلا معجب بسهر : انت اكيد شارب حاجه او مش في وعيك انا هفوت لك تفاهتك دي وسهر هنقلها من عندك بما انك مش عايز تتغير وابقى اشوف غلطه في القسم واللي بره دي تمشي والكلام الفارغ اللي بيتعمل في الشركه ده بلاش لان واضح انك مش هتطول هنا *خرج لسهر :تعالي معايا على مكتبي ولمي كل حاجاتك من هنا : ليه : هنقلك من هنا *ذهبت خلفه : ايناس كلمي حد ينقل مكتب لسهر معاكي هنا وفهميها بتعملي ايه عشان لما تطلعي اجازه الجواز هي هتكون مكانك *وتوجه بالحديث لسهر : مكانك مع ايناس هي مديره مكتبي وهتعتبر رئيستك افهمي منها شغلها اذا مناسب لك الشغل :شكرا بس تخصصي غيرها ما افتكرش اني هقدر :انت ذكيه و تقدري تتعلمي بسرعه حاولي و ممكن تروحي النهارده وتبداي من بكره *دخل مكتبه واغلق الباب فضحكت ايناس : بتضحكي على ايه : بقيت مديرتك وهتحرش براحتي *ضحكت سهر : تبقي ناويه على عاهة مستديمه انت شفت اللي حصل في نبيل فتحت دماغه واخد كام غرزة منورين راسه الفاضية :استر يا رب ده انت شرانيه :خافي مني بقى ولو تحبي بقى ابقى مديرتك ما عنديش مانع *توالت الايام التي كانت من اسعد ايام كريم لانه كل يوم يرى سهر ويتعامل معها مباشره *ذات يوم طلب من سهر وايناس أن يدخلا مكتبه :عندي اجتماع بعد يومين مع وفد للشركه الصينيه الاجتماع مهم سهر لازم تحضري بما انك بتعرفي اللغه الصينية لو حاجه المترجم غيرها في الترجمه عرفيني لانها شركه اول مره نتعامل معاها ...ايناس هتسجلي انت اي ملاحظات خلي سهر منتبهه للترجمه وقبلها بيوم تتاكدوا من أن غرفه الاجتماعات جاهزة *يوم الاجتماع *حضرت سهر باكرا تصطحب مها معجنات مختلفة ضيافه لاعضاء الاجتماع ووضعت لمساتها الخاصه من بعض الزهور ومعطر للجو برائحه نسيم الصباح تبعث الراحه والهدوء في النفس كانها تهتم ببيتها بقلمي سحر السحرتي *دخل كريم باكرا ايضا وقد راها :ايه النشاط ده كله :حبيت اتاكد ان كل حاجه صح قبل الاجتماع *دخل غرفه الاجتماعات فوجد لمساتها الغير معهوده :احنا كده هنمشي ايناس : لا طبعا ده هي اللي طلبت مني اعمل كل ده *دخلت ايناس وقد استمعت لهم وقالت : بلاش تكذبي لان مستر كريم عارف ان مش بتاعه الحركات دي وما تخافيش ده بيهزر قال يمشيني هو يعرف اصلا يتحرك خطوه في الشركه من غيري : فعلا ايناس اهم مني في الشركه :شفتي احنا بنهزر كده بينا وبين بعض بس قدام الناس معامله رسميه بس انت بقيتي معانا بس في ريحه اكل تحفه :دي ضيافه عملتها : لازم اذوقها احسن تتعب الناس مش كده يا مستر كريم :كده طبعا وتعبتي نفسك ليه في شركه متفقين معاها بتبعت لنا ضيافه كل اجتماع :حبيت اعمل شيء مختلف بما انهم اول مره يتعاملوا معانا اتفضلوا احب اسمع رايكم : ايناس لا وحشه قوي انا هاخذها البيت لانها هتتعبهم وهم ياكلوا الحاجات الثانيه كريم : عندك حق نص انت ونص على مكتبي *ضحكت سهر كثيرا كان صوت ضحكتها مميز وساحر : مش اذا خليتوا منها حاجه وانتم واقفين تأكلوها هبقى اعمل لكم ثاني سيبوها انا متفائله خير بيها وصاحيه من بدري عشان اعملها كريم :خلاص يا ايناس بس رجعيها بعيد شويه يمكن ما حدش يشوفها ونبقى نقسمها سوا بعد الاجتماع *ضحكوا سويا كثيرا *دخل نبيل كان يستشيط غضبا منهم وفي عقله المريض : حلال ليك يا أستاذ كريم وحرام عليا *كان خلفه والده وباقي الموظفين سامي: في حاجه غريبه في غرفه الاجتماعات ايناس: دي لمسات سهر فعلا تسلم ايديها *نبيل بكل حقد : عملت ايه يعني جديد *نهره والده بنظراته وقال : لا بجد في جو مختلف كل يوم بيزيد اعجابي بك يا سهر : شكرا على دعمك ليا يا مستر سامي : يلا يا كريم ننزل نستقبل الوفد *صعد الوفد قبل بدايه الاجتماع بنصف ساعه بداوا في تناول الضيافه وتفاجئ كريم ان سهر تسلم بحفاوه على مترجم الوفد فسالها والغيرة تتاكله : انت تعرفيهم : لا بس جاكي استاذي هو اللي درس لي الكورس وعلمني اللغه الصينيه اللي بتحدثها بطلاقه ده مدرس هايل رغم صعوبه اللغه وكنت هبطل بس هو لما بدا يدرسها لينا اسلوبه سهل وحببنا فيها جدا وكان بيحفزنا بجوائز وهدايا جاكي: ودي مكافئتك ليا هتمشيني من الشغل وبتبداي انت ترجمه للوفد *ضحكت : لا استاذي انا بشتغل هنا مش بترجم *بدء الاجتماع كانت سهر تجلس بجانب كريم وجاكي لان هناك بعض الكلمات بالعربيه لم يتقنها جاكي بعد كانت سهر تساعده بها *الى ان تفوه رئيس الوفد ببعض الكلمات عن حفل بمناسبه الشراكه بينهم ومنها ان عليهم استقبال بعض فتيات الليل في الحفل ولا مانع لديه من زوجاتهم وضحك *فردت سهر بالصيني بانفعال واضح لم يستطع جاكي ترجمه الكلام لانه احس ان به اهانه لكريم فهو لم يتوقع ذلك من رئيس الوفد : هذه وقاحه لن نقبلها واذا عرف مستر كريم ذلك سوف يوقف هذه الشراكه اذا كنت تظن انك ستنتهك اعراضنا لمجرد ان نفوز بشراكتك فتفضل انصرف بقلمي سحر السحرتي *تفاجا انها تجيد الصينيه بطلاقه واعتذر انه كان يمزح فقط مع اعضاء شركته وان بعض الشركات تتبع معه ذلك الاسلوب ليوافق على العمل معهم : بعض الشركات مش كل الشركات ... شركه الالفي شركه محترمه ولها سمعتها وشراكتكم معها شرف لكم وانت تعلم ذلك جيدا وليس العكس :اسف الرجاء ان تنسي ما قلته لم اكن اقصد اي اهانه : عليك الاعتذار من مستر كريم :هو لا يعلم ماذا قلت : ستعتذر له وسوف اقول انك شككت في قدرتنا على النجاح *اعتذر رئيس الوفد وقد ترجم جاكي ما قالته سهر حتى لا تفسد العلاقه بين الشركتين *ولكن كريم شعر ان هذا لم يكن ما حدث فطريقة كلام سهر الحادة تدل على غير ذلك ففضل تاجيل معرفه الحقيقه بعد نهايه الاجتماع *وتم تحديد حفل توقيع العقود انصرف كل من كان بالاجتماع الا سهر وكريم الذي طلب منها تفسير لما حدث #هل ستقول له الحقيقة ام ستحتفظ بهذه المعلومة