مغرور احب ملتزمه - الفصل الاول - بقلم شهد عبد الغنى - مكتملة | روايتك

*ـ ࢪواية مغرور أحب ملتزمة1-2-3-4-5🥳🥀↻≯🍒⸙•♡»»)) ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏*تـم مـشـارڪه الـࢪوايـة من قناة حكايات القمر Amir ➶𝄞🥂📓ツ))* ‏تابع قناة Amir 🌕حـكـايـات القـمـر في واتساب: https://whatsapp.com/channel/0029VaIyK5NAjPXJ9ofWVy0O رواية مغرور أحب ملتزمة للكاتبة الصغيرة: شهد عبد الغنى ـــــــــــ البارت الاول... .....: جووورى، انتى ي بت ي جوورى استيقظت بطلتنا جويرية ذات 19 ربيعا فاليوم هو موعد سفرها لمحافظة الاسكندرية لتكمل تعليمها وتنتقل بذلك لمرحلة جديدة وهى مرحلة الجامعة بطلتنا فى كلية الطب فتاة متوفقة فى دراستها وملتزمة وطيبة تعشق الروايات...... جورى: ايوة ي ماما، صحيت اهو استيقظت جورى وصلت الضحى ثم ارتدت نقابها جورى وهى ترتدى النقاب: يااه أخيرا بعد انتظار ثم أكلمت فى نفسها: ليا شهر وانا لابسه النقاب بعد زن على بابا الى كان رافض بس بفضل ربنا لبسته وحققت حلمى، وانهاردة هبدأ رحلة جديدة فى حياتى ان شاء الله تكون بداية موفقة.... خرجت جورى والقت السلام على والديها ثم تناولت فطورها وبعد ذلك اوصلها اخاها معتز للسيارة التى ستقلها الى سكنها الجديد (معتز اخو جورى يصغرها بسنه فهو الآن فى الصف الثالث الثانوي فتى ملتزم وطيب مثل أخته تماما) جورى: خلى بالك من نفسك ي ميزو ومن دراستك ولو احتجت حاجه رن عليا معتز: وانتى كمان خلى بالك من نفسك ي دكتورنا الكبيرة ولو احتجتى حاجه رنى عليا فى ثانية هتلاقينى عندك جورى: تسلملى ي ميزو، يلا استودعك الله معتز: فى أمان الله. ركبت بطلتنا السيارة ووضعت سماعه اذنها وظلت تستمع للقرآن الى ان تصل... .................... فى فلة فخمة وجميلة ويبدو أنها لأناس أثرياء ينام بطلنا عمر صاحب 27 عاما والده من كبار رجال الاعمال بالبلد صاحب شركة الوفد للاستيراد والتصدير وولده عمر له الفضل فى كبر هذه الشركات...... دخلت أخته جنى صاحبت 19 ربيعا لتوقظه جنى: عمررررࢪ عمر: ايه ي بنتى فى ايه، فى حد يصحى حد كدا جنى ببكاء: تعالى شوف باباك قدملى فى جامعة لوكال خالص عمر: يووه ي جنى، ايه الصبح ده، اوعى هشوف فى ايه جنى: قوله ي عمر بليييز، انا مستحيل اروح الجامعة ده عمر: ي ترى عملتى ايه المرادى ي جنى جنى: كل ده عشان سهرت مع صحابى ورجعت متأخر عمر: وصحابك دول الواد الصايع منهم، اتغيرتى ي جنى خالص، انتى الى مكانش همك غير مذاكرتك ومستقبلك بس شهرين بس يغيروكى ليه؟ انا مش هكلم بابا عشان انتى مش غلطانه هكلمه عشان البرستيج بتاعنا بس، غير كده انتى تستاهلى.. جنى بعدم اكتراث: مش مهم المهم انت تكلمه، انا ازاى اجيب مجموع طب واورح جامعة حكومية وبابا يبقا رجل أعمال. عمر تنهد وتركها ولم يرد عليها .................. على السفرة، الكل متجمع والد عمر واسمه أحمد مترأس السفرة كعادته وهيبته وزوجته إيمان على اليمين وابنه عمر وابنته جنى على شمالهما. أحمد: استعدى ي جنى عشان من بكرة هتنتقلى لجامعتك جنى بصت لعمر بمعنى تكلم والدهم لاحظ ذلك فقال : متحاولش ي عمر لأنى مش هعدل عن قرارى، خليها تتحمل نتيجة أخطائها يمكن تتعدل شوية عمر: بس ي بابا ازاى وشكلنا هيبقا ازاى قدام الناس لما نودى جنى جامعة حكومية أحمد: ده قرار منتهى وحتى الكريتيك كارد بتاعك هيتوقف بردو والى هسمع انه ساعدها ولا اداها فلوس يبقا هو الجانى على نفسه وعليها بردو عمر: بس ي بابا أحمد.: خلص الموضوع ثم نظر الى جنى وقال: يمكن تحسى بغلطك شوية ي ست جنى جنى اخفضت رأسها ولم تتكلم أحمد قام من السفرة وقالهم: الحمد لله شبعت، خلص ي عمر والحقنى عالشركة عمر: حاضر ي بابا ــــــــــــــــ. نظرة سريعة عن عائلة عمر أحمد: والد عمر.... رجل صارم وهو من اصول صعيدية بنى ما يملك من شركات وابتدأ عمله من الصفر، ساعده فى نجاحه وبناء ثروته ابنه عمر، يربى منزله على اصول وقواعد ليست فى باقى الناس الذين فى مثل مستواهم أحمد رجل طيب القلب إيمان: والدة عمر...... إمرأة طيبة وحنون تحب زوجها واولادها وهى من تعتنى بمنزلها رغم كبر حجمه، الا انها لا تحب ان يخدم أحد ابنائها وزوجها غيرهااا جنى: اخت عمر.... عندها 19سنة، بنت طيبة ولكن صحبة السوء افسدتها، كانت لاتهمها سوى دراستها ولكن كمان نقول صحبة السوء تجر لذلك غيرتها فى شهرين فقط ................. انددد ................. عند جورى ذهبت الى السكن الخاص بها مع بعض من زميلاتها فى السكن بعد انتهاء الفتيات من التنظيف والترتيب جورى بتعب: يا رجلى ي ضهرى ي مفاصلى سارة بضحك: كلنا لها ي ستى جورى : احنا تلاتة ناقص واحدة فى السكن بسمة: اه، شكلنا كده هنتحمل أجرتها وأمرنا لله سارة: المصاريف كترت خالص، لازم نلم ايدنا شوية جورى: معاكى حق ي سارة، مينفعش نتعب أهلينا اكتر من كده كفاية مصاريف الجامعة ولا مصاريف تالتة ثانوى الا تلاقيها لسه مأثرة فيهم بسمة: ربنا يقدرنا ونرد تعبهم وتعبنا خير سارة وجورى: ياارب جورى: يلا ي بنات نصلى الضهر جماعة وبعدها نرتاح شوية سارة وبسمة: يلا.. وقامو الفتيات توضأو وصلو الضهر وكانت تأمهم جورى لانها حافظة لكتاب الله ♥️ ......... بعد مرور يوم... اليوم هو اول يوم فى الجامعة ذهبت الفتيات سارة وبسمة وجورى للجامعة بحماس لبدأ مرحلة جديدة سارة: طب هنسبقك ي جورى وهندخل جورى وكانت تبحث عن شئ فى حقيبتها: استنو بس انا قربت اخلص اهو .... لقتها ثم خبطت فى واحد حورى بألم: معذرة، اسفة معليش .......: ابقى فتحى المرة الجاية ي شاطرة جورى مرضيتش حتى تبص عليه ومشيت وسابته عمر: هيا ناقصة هبل عالصبح مش كفاية المكان الى احنا فيه، يلا ي جنى انزلى وفضينا خلينا نخلص جنى ببكاء: مش عايزة ي عمر بلييز عمر بضجر: يلا ي جنى، عشان لما تتصرفى خلى بالك. من تصرفاتك المرة الجاية جنى مسحت دموعها ونزلت فقال لها عمر: اتصرفى كويس فى الجامعه عشان عقابك يخف جنى: حاضر ثم دخلت...... نظرت جنى ااى الجامعة فوجدتها مليئة بالناس وهى لا تعرف أحدا ففضلت تمشى وهى تكلم. نفسها وتقول: انا معرفش حد هنا ولا عارفه اروح فين، والمكان يتوه فعلا ثم وجدت من يقول لها: اقدر اساعدك.. نظرت اليه جنى ثم:...... ـــــــــــــــ ي ترى مين الشخص ده وهيحصل ايه مع جنى؟؟كله هنعرفه البارت الجاى انتظرونى الكاتبة الصغيرة: شهد عبد الغنى ـــــــــــ ♥️🫂 رواية مغرور أحب ملتزمة الكاتبة الصغيرة: شهد عبد الغنى ـــــــــــ البارت الثانى بصت جنى لفت شاب باين عليه مش كويس فردت : لا شكرا الشاب: باين عليكي جديدة هنا صح جنى تركته ولم ترد عليه الشاب لحقها: ممكن نتعرف جنى: لا ولو سمحت تقدر تسيبنى جويرية شافتها فقامت راحت عندها جورى: انا بقالى ساعة بدور عليكى، يلا الشلة كلها مستنياكى جنى فهمت أن جويرية جاءت لتنقذها من ذلك الشاب فردت عليها : اه انا كنت بدور عليكم بردو جورى: طب يلا، ثم نظرت للشاب: وسع كده يا اخ ابتعد الشاب وهو محرج من الموقف ويتوعد لجورى... . جنى: شكرا بجد ليكى جورى: الشكر لله وحده ي جميلة جنى: هاى انا جنى، اول سنة ليا فى الجامعة جورى: وانا جويرية بينادونى جورى، بصرة زى بعض جنى ضحكت على طريقة جورى اللطيفة معها جورى: شكلنا كدا هنبقا صحاب جنى: اوى اوى جورى: كفك يسطا جنى: كفك 🤚 بسمة: لفيت الجامعة عليكى كلها كنتى فى اى مصيبة جورى: خبطت فى واد زى بتوع الروايات ي بت، بس فصلنى منه يخربيته متكبر وشايف نفسه على ايه 👀 سارة: متعرفينا يسطا جورى: جنى اعرفك بالشلة سارة وبسمة جنى: تشرفنا، هاى انا جنى بسمة: بسمة ام الشلة واعقل واحدة هنا سارة: وانا سارة مجنونة الشلة جنى: تشرفنا ي بنات جورى: شرفك الله بالنظر الى وجهه الكريم جنى:وااو كلامك حلو خالص ي جورى، بس انا ممكن اسألك انتى لابسة نقاب، ده هيخليكى كبيرة وغير كده هيخنقك جورى بابتسامه: مين الى قال كده بس، النقاب لو هيكبرنى فهو هيخلينى كبيرة عند ربنا والله اكبر من كل شئ ومش بيخنق خالص، باكل وبشرب وبتنفس وعايشة حياتى زيكم عادى جنى: ايه التعقيد ده ي بنتى، عيشى سنك جورى: ومين قال انى مش عايشة سنى بخرج واتفسح وآكل وبشرب وكله برضا ربنا فى ايه تانى سنى عشان اعيشه جنى: لبسك وطريقتك معقدين خالص جورى: بصى ي حبيبتى ي جنى عمر اللبس الشرعى ميكون معقد ومش حلو.. عيشى سنك ده انتى كمسلمة وعارفه اصول دينك كويس مينفعش تقوليها، لأنه مفيش حياة بعيدة عن ربنا..... جنى: براحتك سارة: يلا ي بنات نكتشف ونشوف معانا ايه انهاردة بسمة وجورى: يلااا ـــــــــــــــــ البنات قضو يومهم بشكل لطيف وجنى حبتهم خالص وحبت طريقة تعاملهم مع بعض وإنهم مش صحاب مصالح ولا بيصاحبو حد عشان البرستيج ولا حتى صحاب مظاهر، وكمان هيا حبت جورى جدا كلامها والتزامها خلو جنى عايزة تكتشف حاجات كتير عنها فى نهاية اليوم جورى: بقولك ي جنى هاتى رقم الفون بتاعك جنى بخجل: للأسف الفون بتاعى بابا أخده منى كعقاب جورى احست بخجلها واحراجها: عادى ولا يهمك يسطا، الحال من بعضه، انا لما بتعاقب بيتاخد منى الفون ويتقطع عنى النت، طب مثلا هاتى رقم مامتك اختك اى حد قريب ليكى عشان اعرف اكلمك جنى بتفكير اعطتها رقم عمر فهى لا تحفظ غيره... جورى: اشطاا، يلا سلام ي حب جنى: سلام ................... بعد مرور شهرين... والد جنى أحس بأن ابنته تغيرت للأفضل فقد لاحظ انتظامها فى صلاتها ونومها، لا تخرج مع اصدقائها القدامى، حتى أنه لما اقترح عليها ان يعيدها لجامعتها الخاصة رفضت ذلك حتى لاحظ ايضا انها طريقة لبسها تحسنت عن الاول، وكان ذلك أفرحه جدا ............. جورى: ايه ي بنات رأيكم نتصل بجنى ونعزمها تيجى هنا بسمة: اشطاا، وانا هعمل بيتزا عشان نتسلى سارة: معاكى رقمها جورى: هيا ادتنى رقم باباها باين سارة: اشطا، يلا اتصلى جورى اتصلت برقم عمر تليفون عمر رن برقم غريب.. فرد جورى: السلام عليكم ورحمة الله وبركاته استغرب عمر من اللهجة كثيرا، واثار ذلك فضوله من ي ترى يلقى التحية بهذه الطريقة فى هذا الزمن الذى أصبحت فيه كلمة هاى واهلا هي التحية، لم ينكر بأنه أعجبه ذلك وطريقة كلامها تثير فضوله يريد ان يعرف من تلك عمر: وعليكم السلام جورى: ازيك ي عمو، انا ابقا جويرية صديقة جنى بنت حضرتك عمر وهو يكتم ضحكه ولكنه اراد ان يتسلى بها قليلا: الحمد لله بخير ي بنتى وانتى عاملة ايه جورى: الحمد لله بخير، هى جنى موجودة عمر: ايوة ي بنتى موجودة، استنى هنادى عليها ثم نادى على احدى الخادمات لكى تنادى جنى عمر: قوليلى ي بنتى انتى مين، معليش يعنى اصل معرفش انه جنى معاها صحاب اسمهم جويرية جورى بلطف: اه ي عمى اصل اتعرفنا على بعض من شهرين تقريبا، هيا معايا فى نفس الجامعة عمر: اها وانتى من فين ي جويرية جورى: انا من محافظة الاقصر ي حج جنى جاءت اليه وتنصت على حديثه فانصدمت جنى بزعيق: عمررر عمر بص ليها بصدمة جورى سمعت صوتها فى التليفون: ده صوت جنى صح، هو فى حاجه ي عمو هيا بخير عمر قفل التليفون بسرعة جنى بغضب: انت اهبل ي عمر، ايه حركات العيال بتاعتك ده ياخى، ده لو جورى عرفت هتخسرنى صاحبتى عمر: ماعملتش حاجه وبعدين مين اداها رقمى جنى: انا، عشان بابا واخد منى الفون ومكنتش حافظة غير رقمك عمر: بس مينفعش تدى رقمى لحد من غير متقوليلى جنى: متزوغش فى الموضوع ي عمر، عالعموم جورى مش استايلك خالص فاختصر وابعد عنها ومتحطاش فى دماغك لانه انت الى هتخسر عمر: تكون مين جورى ده الى هتخيلنى انا اخسر جنى: صاحبتى من الجامعه الجديدة وبنت بسيطة خالص عشان كده بقولك مش استايلك فابعد احسنلك لانه مفيش غيرك هيندم فى الاخر، جورى مش زى صحابى القدام الى بيتمنو نظرة منك ومصاحبنى عشان انا اختك عمر: البنات كلهم واحد علفكرة وصاحبتك الى بتتحدينى بيها انا اقدر فى يومين اخليها تعملى الى انا عايزه جنى: مستحييل، ومتقدرش ي عمر عمر: اقدر ي جنى جنى: هتندم، وابعد بقا هات هاخد رقمها واتصل بيها من تليفون ماما جنى اخدت رقم جورى ومسحته من تليفون عمر وعملتله بلوك وراحت تتصل بجورى...... ــــــــــــــــــــــــــــــــــــــــــــــــــــــــــــــ جورى: ايه ي بنتى فى ايه باباكى ليه قفل كده قلقتينى جنى: متقلقيش ي جورى انا بخير وتليفون بابا فصل شحن، المهم ده رقم ماما ابقى كلمينى عليه جورى: اشطا، بقولك تعالى انهاردة عندنا فى السكن عازمينك جنى: بقولك ايه رأيك نروح مطعم، سيبك من السكن جورى بتفكير: اشطاا، يلا هبعتلك العنوان وهتلاقينا اناوالبنات هناك جنى: اوك .................. عمر: بابا حول جنى من المكان الى هيا فيه، وديها لجامعتها الخاصة عالاقل انترنشونال ومش لوكال زى الجامعة الى بتروحها، ده غير الاماكن الشعبية الى بدأت تروحها ده مش مستواها خالص ي بابا والد عمر بضيق من تفكير ولده: عمر فكك بجد، تفكيرك زبالة وانا طالما شايف انه جنى بقت احسن وتصرفاتها بقت كويسة وهيا مش عايزة تحول من جامعتها ده يبقا براحتها والاحسن ليك يعمر تنضف دماغك من التفكير ده عمر خرج غاضبا من عند والد على كلامه معه وفجأة هاتفه رن الشخص: هيا فى مطعم........... عمر: كدا تمام ماشى اقفل ماشى ي جنى ............ عند البنات...... جورى: هتطلبو ايه بسمة: بيتزاا سارة: بيتزا جنى: زى بسمة وسارة جورى: اشطاات كلنا بيتزاا جنى: معزومين على حسابى ي بنات جورى: لا ي جنى احنا هنقسم المبلغ علينا جنى: متقلقوش انا معايا فلوس كتير جورى: معليش ي جنى، مينفعش الحلو لما نقسم المبلغ علينا.. جنى باعجاب: اشطاا وبعد دقايق دخل عمر بهيبته المحل وذهب لأخته عمر بصوت عال: والله عال ي ست جنى، بقا جنى أحمد تقعد فى محل زى ده، مش مستواكى خالص ي جنى جنى باحراج: اتلم ي عمر وكفاية احراج وملكش دعوة عمر: يلا يجنى من هنا، لاهو مستواكى ابدا، مكنتش اعرف انه ده هيبقا تأثير عقاب بابا عليكى جنى احرجت كثيرا من تصرف اخيها وبدأت الدموع تغرق عينيها جورى أحست باحراج صديقتها بسمة امسكت جورى: ملكيش دعوة جورى: 5,4,3,2 عمر: يلا يجنى من هنا، ده حتى الموظفين هنا بباخدو مرتب اقل من مصروفك اليومى جورى: 2,1 سارة: اشطا ابتدينا جورى قامت وبعصبية: كفاية بقا حضرتك مش عايز تقعد هنا محدش طلب منك تيجى المحل ده عشان هو مش من مستوى حضرتك.. انما اختك ليها اب وهو موافق على الى بتعمله فانت مليكش الحق تتحكم فيها.. المشكله مش فى الناس ولا المحل الوكال والصغير والى مرتب موظفينه اقل من مصروف حضرتك المشكة فى عقليتك انت، ربنا سبحانه وتعالى مش بيعامل الناس بفلوسهم ولا مستواهم انم ا بيعاملهم بما فى قلوبهم، فلو حضرتك مش عايز تبقا يا ريت من غير كسر خاطر ولا كلام يجرح تتفضل من هناا سارة: خليها تهدى اللعب شوية مش ناقصين بسمة: انتى مش عارفاها لما تتعصب جنى لمل حست انه عمر خلاص اتعصب وكلام جورى ممكن يخليه يعمل حاجه مش كويسة فيها فقررت تلم الدور: يلا ي عمر من هناا عمر واقف بيبص فى جورى جنى: بالله عليك ي عمر عشان خاطر ماما عندك ياخى لم الدور ويلا من هناا عمر بص لجنى وبعدها فى جورى ومشى.... جورى: يلا ي بنات مالكم فى ايه، وانتى ي جنى اقعدى بطلى عياط ويلا عشان ناكل كله بص ليها باستغراب... جورى: يووه، هو انا بتكلم انجلش مثلا، اكيد يعنى مش هنبوظ خروجتنا عشان واحد اهبل زى ده جنى: ده اخويا علفكرة جورى: سبحان الله، مش شبهك خالص جنى: هو يعنى طيب والله، بس تفكيره محتاج يتعدل حبتين جورى: خليه يعدله بعيد عننا، ويلا ناكل مش جايين نفك ضغط الجامعة نقوم نعكننها على نفسنا. جنى: معاكى حق. سارة: مش كنتى بتبكى دلوقتى جنى: عادى بسمة: الحمد لله انى لسه بعقلى لدلوقتى سارة: وانا كمان. جورى: بطلو رغى ويلا كلوو ......................... عمر اتصل بصديقه زياد عمر: تعالى عندى فورا زياد: شكلك عملت مصيبة ي جدع عمر: مش ناقصك ي زياد تعالى عندى عالشركة فوراا زياد: اشطا فى الطريق ي جدع ....... بعد دقايق وصل زياد ودخل عند عمرر زياد: سلامو عليكو عمر: اقعد مش ناقصك ي زياد زياد: ايه مالك عمر حكاله على كل حاجه زياد: اووبا ي جدع، ده مرمطت بكرامتك الارض، بس انت غلطان ي صاحبى من امتا تفكيرك كدا وكمان بتهين ناس فى شغلها عمر بندم: انا كنت متعصب وكنت عايز جنى ترجع الجامعه بتاعتها وكمان خايف عليها، انت عارف انا مريت بايه وعارف كمان انه انا تفكيرى مش كدا ابدا زياد: عارف ي صاحبى، بس مش كل الناس واحد، بس خطتك قلبت عليك.. عمر:............... ـــــــــــــــــ ي ترى خطة ايه رأيكم فى الرواية الجديدة والاحداث كمان 🫂 الكاتبة الصغيرة: شهد عبد الغنى ـــــــــــ رواية مغرور أحب ملتزمة للكاتبة الصغيرة: شهد عبد الغنى ـــــــــــ البارت الثالث عمر: مكنتش متوقع الأمور توصل لكده زياد: حد قالك اعمل خطط ونفذ عمر: انا كنت عايز بس اشوف جنى اتغيرت صح زى مبتظهرلنا ولا بتمثل عشان بابا يلغى عقابها وكنت عايز أختبر صحاب جنى عشان متوقعش زى المرة الى فاتت مع صحاب سوء ومش كويسين زياد: ده البت ي ابنى مرمطت بيك الارض عمر: عارف لولا انى عارف انى غلطان، لكنت ملقيتش البنت ده موجودة اصلا زياد: هتعمل ايه دلوقتى عمر: هعتذر للمحل وهبعتلهم شوية مساعدات كده تكبر المحل زياد: اشطا، وأبوك لما يعرف عملت ايه مع جنى عمر: متقلقش بابا عارف انى عملت كدا زياد بمزاح: وعارف البنت الى هزقتك عمر بزهق: شكلك عايز ضرب من بتوع زمان زياد بخوف مصطنع: انا أمى بتتصل عليا، سلاموو عليكوو عمر: اخلع ي جبان عمر لم يكف عن التفكير بتلك الفتاة الشجاعة، نعم إنها شجاعه لم تسكت عن الحق ولا عن حق صديقتها، تلك العيون الجريئة من أنت ي من قلبتى كيانى... ــــــــــــــــــــــــــ عند البنات قضو وقت جميل وبعد ذلك البنات راحو السكن وجنى رجعت بيتها ............ فى بيت جنى والد جنى رجع لجنى الفون بتاعها والكريتك كارد والعربية بتاعتها... جنى كانت مبسوطة جداا، انه العقاب بتاعها خلص والد جنى: عايزة ترجعى للجامعه الخاصة بتاعتك جنى: لا ي بابا انا مبسوطة بجامعتى ده والد جنى: براحتك ي بنتى جنى: كنت عايزة اقول لحضرتك حاجه والد جنى: على الى عمله عمر انهاردة صح جنى بذهول: عرفت ازاى والد جنى وضح لها انه ده كانت خطة عشان يشوفوها اتغيرت صح ولا ولأ واذا كان صحابها كويسين ولا العكس والد جنى: بس مش عارف ليه عمر اتأخر كده جنى: تلاقى كرامته بتلقح عليه لدلوقتى، ده صاحبتى مرمطت بكرامته أرض المحل عشان يجى ويهزق صحابى وهزق المحل، بابا انا هعزم صحابى عندنا ممكن والد جنى: وتعرفينى عالبنت الى هزقت عمر جنى: من عيونى والد جنى: يشرفو ي بنتى.. ـــــــــــــــــــــــ جنى أخدت رقم جورى من تليفون مامتها واتصلت بيها وقالتها عالعزومة وقالت لها انها هتبعت ليهم عربية تجيبهم لحد بيتها عشان مش هيعرفو الطريق... والبنات وافقو ................. فى صباح يوم جديد البنات خلصو محاضراتهم، وذهبو للكافيتريا جورى: مين عليها تجيب الطلبات جنى: انا والبت سارة جورى: طب يلا بالله كوباية قهوة بسمة: وانا عصير ليمون جنى: يلا ي سارة. ..... جورى: وليه مش موافقة بسمة: انا مش عارفة ي جورى هو حلو وشغله كويس وكمان قالى هيخلينى اكمل تعليمى وكمان بيصلى الحمد لله ومش بيسيب فرض تصدقى ي جورى اول سؤال سألو ليا بتصلى ولا لأ؟ جورى: متضيعوش من ايدك ي بسمة صدقينى، مش هتلاقى حد زيه النوع دلوقتى، دول نادرين الوجود بسمة بتفكير: اممم سارة: جورى معاها حق صح ي جنى جنى: صح،، ي جورى ايه مواصفات الى عايزة تتجوزيه جورى: يكون ملتزم، بيصلى وبار بوالديه ويكون بيتقى ربنا فيا، صالح بس جنى: ايه الرومانسية ده كلها سارة: مشفتيش كراستها الى هتديها للشخص الى هيبقا جوزها كاتبة فيها ايه جنى: بجد جورى: جوزى وانا حرة فيه؟ بسمة والبنات ضحكو عليهاا😂 جنى : هو انا ممكن اسالك سؤال ي جورى. جورى: اتفضلى ي حبيبتى جنى: انا عايزة ابقا زيك؟ عايزة اعرف حاجات عن الدين بتاعى، انا مبعرفش غير الصلاة والصيام والاركان بس جورى بابتسامة: بالمختصر كده اعملى الحاجه الى ترضى ربنا والى مترضيش ربنا ابعدى عنها زى مثلا فلنقل لبسك: لبسك ده اول خطوة تغيريها، لباس المراة المسلمة يبقا واسع ساتر لا يرى شئ منها والحجاب ميكونش قصير ربنا سبحانه وتعالى بيقول فى القرآن «وليضربن بخمرهن على جيوبهن ولا يبدين زينتهن إلا ما ظهر منها» يعنى ايه؟ _يعنى انه الواحده مننا لازم يكون الحجاب بتاعها مغطى لحد منطة الصدر ومفيش حاجه تظهر من زينتك الا الوجه والكفين فقط جنى : طب ليه ربنا فرض علينا الحجاب؟ جورى: بصى ي جنى باختصار بصى لقطعة البونبون ده لو انا شلتها من كيسها كده (وشالت الكيس بتاعها) وسيبتها، هيحصل لها ايه جنى: مش هتنفع تانى غير انه النمل والدبان هيتلمو عليها جورى: بالظبط كدا ولو انا خليتها فى كيسها هيتلم عليها حاجه. جنى: لأ جورى: اهو كداا بالظبط، البنت عند ربنا زى قطعة البونبون وأغلى كمان ده ماسة وده الى وصى بيها رسول ﷺ «استوصو بالنساء خيرا» وقال علينا «المؤنسات الغاليات» وقال «رفقا بالقوارير» وربنا سبحانه وتعالى وصى بينا فى القران بردو، اقرأى سورة النساء وهتشوفى انتى غالية عند ربنا اد ايه، فعلشان انتى غالية لازم ربنا يحميكى ومش اى يجى يشوفك، انتى أميرة، والاميرة للأمير بتاعها بس الى هو زوجها مش خطيبها بردو البنت الغالية الى تحفظ نفسها ومتبينش اى حتة من جسمها ولا تلبس لبس ضيق بيفصل مفاتن جسمها وكل الى ماشى عارف تفاصيل جسمها بينظر ليها نظرة بشعة ترضى شهواته، طب ليه ترخصى نفسك كدا وربنا جعلك غالية. فى واحده قالت لشيخ: اقنعنى بالحجاب الشرعى فرد عليها: قال سيدنا على ابن ابى طالب رضى الله عنه وكرم الله وجهه «لو علمت المرأة كيف ينظر اليها الرجل لغطت نفسها بالحديد» جنى: يالله، طب الحجاب الشرعى يتمثل فى ايه جورى: فى الخمار والجيب والدريسات الواسعة وفيه حاجات اسمها ادناءات ورداء زى الى لابساه كده جنى: بس انتى لابسة نقاب، هو النقاب فرض جورى: مختلف فيه بس انا لابساه تشبها بأمهات المؤمنين الى هما زوجات النبى ﷺ زى عائشة وخديجة والباقيات رضي الله عنهن جنى: كلامك حلو جدا ومقنع ي جورى ثم بصت للساعه بتاعتها : معليش ي بنات انا اتاخرت سلام عليكم، على معادنا انهاردة البنات: وعليكم السلام ورحمة الله وبركاته ــــــــــــــــــــــــ جنى ركبت عربيتها ولسه بتشغلها ورايحه تعدلها خبطت فى عربية حد جنى: ي نهار ابيض، ده انا لسه واخداكى امبارح ي أخت، لحقت عشان اتعاقب تانى نزلت للعربية لقت شخص واقف وبيبص على عربيته جنى للشخص: اسفه لحضرتك جدا والله، ومستعدة انى اتحمل كل الخساير الشاب وهو غاضض بصره عنها: حصل خير جنى مش عارفه تقول ايه هيا كانت متوقعة انه هيتخانق معاها وهيطلب تعويض جنى: بجد شكرا لحضرتك، بس انا مش هتنازل عن تصليح الى بوظته الشاب: مفيش داعى، هيا بسيطة جنى: معليش لو سمحت انا مصرة الشاب: وانا مش هقبل معليش. بعد اذنك ي انسة ممكن تحولى عربيتك عشان امشى جنى باحراج: حاضر واسفه مرة تانية الشاب بابتسامة: لا عادى ولا يهمك جنى ركبت عاربيتها ومشيت بيها الشاب نظر لعربيته: اكيد ده عين البت جورى جورى جات من ورااه: مراااااد مراد: اعوذ بالله من الشيطان الرجيم، هما بيجو عالسيرة جورى: ايه ده يسطا هو انت لحقت عشان عربيتك تتخبط مراد: ابدا ي ستى ده بنت كان رايحه تعدل العربية بتاعتها فخبطت فيها جورى: خيرا خيرا بإذن الله، المهم امت وصلت لا وكمان عربية جديدة ولبس جديد مباارك ي دوك مراد بغرور مصطنع: وهذا أقل ما أملك جورى: من تواضع لله رفعه ي عمى مراد: عمك مين ي بت اذا انا اكبر منك بخمس سنين بس جورى: عمى ولا مش عمى هتنكر، هتنكر قول عشان ارن على بابا دلوقتى مراد: عمك يستى مانكرتاش، المهم خلصتى محاضراتك جورى: يس مراد: طب يلا سلاام بقا، عشان اروح اشوف مدير الجامعه جورى: اشطاا، بالتوفيق ي مراد: يا ايه جورى بضحك: ي عمى مراد: ماشى ي ست جورى، سلام جورى:سلام فلاااش مراد شاب عنده 25 سنة، ملتزم كان فى كلية طب عدى سنينه كلها كان الاول على دفعته وربنا اكرمه واتعين دكتور فى الجامعه ودلوقتى اتحول لجامعة جورى هو فعلا يبقا عمها اخو باباها ـ ـاند 🎬 ــــــــــــــــــــــــــ جورى راحت للبنات. سارة: متأكده ده عمك جورى: يس بسمة: طب يلا ي اختى عشان نلحق نروح للبت جنى. جورى: حاضر ـــــــــــــــــــــــــــ البنات راحو السكن وغيرو هدومهم جورى: هسبقكم اجيب حاجه وهاجى علطول مش هطول سارة: عمك الى مستنيكى ده صح جورى: ايوة هاخد منه حاجه وجاية فورا بسمة: اشطا نزلت جورى وراحت لمراد واخدت منه كيس جورى: شكرا ي مراد بجد مراد: انتى تأمرى ي حبيبتى ، يلا بقا شوفى صحابك عشان مستنينك جورى: حاضر، سلام مراد: سلام 👋 ............ جورى لقت البنات نزلو فعلا ومستنينها عند العمارة: جورى: يلا البنات: يلا ........... البنات ركبو العربية الى جنى جابتها ليهم وبعد فترة وصلو لبيت جنى سارة: اللهم بارك، هيا جنى عايشة هنا جورى: ربنا يزيدهم ويباركلهم يا رب بسمة: يلا ي بنات عشان منتأخرش على جنى البنات: يلا دخلو البنات ولقو جنى مستنياهم هيا ومامتها جورى: السلام عليكم ورحمة الله وبركاته جنى: وعليكم السلام ورحمة الله وبركاته اعرفك ي ماما ده جويرية وده سارة وده بسمة واعرفكم ي بنات ده ماما جورى: ازيك ي خالتو، والدة جنى: الحمد لله بخير ي بنتى، يلا ي بنات اتفضلو البنات دخلو قعدو فى الصالون والدة جنى: ازيكم ي بنات عاملين ايه بسمة: الحمد لله بخير ي خالتو، تسلمى والدة جنى: انا بصراحه عندى فضول اشوف وشك ي جورى ممكن جورى: اكيد ي خالتو، بس هو فى حد هنا جنى: اه بابا موجود ي جورى وكمان فيه كاميرات فى الفلة والدة جورى: ممكن تيجى معايا ي جورى جورى: حاضر ي خالتو راحت والدة جورى وودتها لمكان بعيد عن الكاميرات وجورى رفعت النقاب بتاعها وورت مامت جنى وشها (جورى كانت ملامحها جميلة وهادئة، وعيونها عسلى فاتح ووجهها مضئ بصلاة القيام والفجر) والدة جنى: بسم الله ماشاء الله، ربنا يحفظك ي بنتى جورى بخجل: شكرا وبعدها رجعو للبنات والدة جنى قعدت مع البنات شوية وحبتهم جدا من طريقة كلامهم وأخلاقهم....... والد جنى كان خارجا من المنزل فشافهم: السلام عليكم ورحمة الله وبركاته للبنات بهدوء: وعليكم السلام ورحمة الله وبركاته جنى: اعرفك ي بابا جورى ثم همست له الى هزقت عمر وكمان متسلمش عشان مفيش ولا واحده فيهم بتسلم على رجالة وده سارة وده بسمة والد جنى: شرفتو ي بنات... عن اذنكم والدة جنى قامت لتوصل زوجها.. جنى: يلا ي بنات البنات راحو مع جنى عمر كان خارج من الاوضة بتاعته لما شافهم جايين عمر كان تقريبا متنح فى جورى جويرية: ابتدينا سارة: ملكيش دعوة ولمى الليلة جورى: خليه يلم عيونه احسن افقعهومله سارة: معليش ي جورى، الى عملتيه فيه مش قليل جورى: يستاهل جنى: يلا ي بنات وصلنا، ده اوضتى ودخلو الاوضة...... فى الاوضة... جورى: اتفضلى ي جنى ده هدية بسيطة منى جنى مسكت الكيس وفتحته لقته دريس جميل وعليه خمار جنى: الله بجد شكرا جدا ي جورى جورى: يلا جربيه جنى دخلت تجرب الدريس وده كانت اول مرة فى حياتها تجرب لبس زى ده جورى عدلته ليها ولفت ليها الخمار بطريقة جميلة فكانت جنى مثل حوريات الجنة جنى: وااااو، اللبس شيك وجميل خاالص، استنو هوريه لماما تعالو معايا جورى بفرحه: يلا عمر وماامته كانو قاعدين فى الصالون... جنى بفرحه: بصى ي ماما والدة جنى بصت لعمر: ده جنى عمر: يمكن والدة جنى: يخربيت جمالك، بجد اللبس ده جميل جدا صح ي عمر عمر: فعلا ي ماما، شكلك متغير خالص ي جنى جنى بفرحه: بصى ي ماما، جورى هيا الى جابتهملى وكمان جابتلى الخمار انا كلمتك فى موضوع الحجاب الشرعى امبارح وكنا هننزل انهاردة نشترى والدة جنى: تسلمى ي جورى جورى بخجل: مفيش داعى لكل ده ي جماعه ده مجرد هدية بسيطة جنى: ده أغلى هدية على قلبى، شكرا ي جورى جورى: مفيش شكر بينا ي روحى وبعدها تلفون جورى رن برقم مراد جورى: ايوة ي مراد مراد: الوقت اتأخر ي جورى وكمان يدوب تمشى من عندك عشان توصلى السكن عالوقت بدل متباتى بره جورى: طب انت وصلت ولا لسه مراد: انا قدام الفلة الى قولتيلى عليها، يلا اطلعو جورى: حاضر، سلام مراد: سلام .... ثم نظرت اليهم وقالت جورى: بعد اذانكم ي جماعه احنا لازم نمشى دلوقتى عشان الوقت اتأخر والدةجنى: ي بنتى اقعدو شوية، ده يدوب لسه واصلين بسمة: تسلمى ي طنط، بس مواعيد السكن معليش جورى: السلام عليكم ورحمة الله وبركاته جنى: طب استنو هخلى السواق يوصلكم جورى بابتسامة تحت النقاب أظهرتها عندنا ضاقت عينيها: شكرا ي جنى، بس مفيش داعى، مراد مستنينا بره لا ينكر عمر بأن الفضول أصابه ليعرف من هو مراد ذاك ، يتضايق عندنا تنطق اسمه هكذا بأريحية، هل يغار عليها لا لا من تكون هذه ليغار عليها، مستحييل يجب أن ينفض هذه الأفكار من رأسه... قاطع تفكيره سؤال جنى لجورى: مين مراد ي جورى؟ اصل انا اعرف انه مش معاكى قرايب هنا وأهلك فى الاقصر بسمة باختصار: مراد يبقا عمها جنى: اهاا سارة: سلام عليكم ي جماعة وبعد وداع الكل خرجت الفتيات وركبو السيارةمع مراد واوصلهم للسكن ............... عند جنى عمر ذهب لغرفته وهو يفكر فى جورى عمر فى نفسه: تلك العينين الجميلتين، وجرأتها لم تستطع فتاة أن تقف فى وجهه او ترد كلمة عليه ثم قال : معقول ي عمر معقول تكون حبيتها وليه لأ حبتها، ايوة حبتها، جويرية، جويرية اخد يكرر فى اسمها حتى غط فى نوم عميق........ ــــــــــــــــــــ ي ترى هيحصل ايه معاهم وي ترى عمر هيقبل حبه لجورى ولا هيرفضه 🤔 كله هنعرفه فى البارتات الجاية انتظرونىىى الكاتبة الصغيرة: شهد عبد الغنى 🫂 رواية مغرور أحب ملتزمة للكاتبة الصغيرة: شهد عبد الغنى ـــــــــــ البارت الرابع فى صباح اليوم التالى....... اسيقظ كل من ابطالنا ليواجه أحداث يومه فها هى بطلتنا جورى ترتدى ملابسها وتذهب لجامعتها وبطلنا المغرور ذهب لعمله ليكف عن التفكير بتلك الجريئة ذات العيون البنية التى تشبه قطع الشوكولاته اللذيدة... ـــــــــــــــــــــــ فى الجامعة كانت جنى قد ارتدت الزى الشرعى وكانت قد جعلتها مفاجأة للفتيات..... كانت جنى تمشى وهى تبحث عن الفتيات فوجدت جورى تقف مع أحدهم فذهبت اليها.. جنى: السلام عليكم ورحمة الله وبركاته جورى بصدمة: وعليكم السلام ورحمة الله وبركاته، مش معقووول جنى، يخربيت جمالك ي بت جنى لاحظت ذلك الواقف وينظر الى جورى جورى: مبارك ي عيونى وربنا يثبتك جنى: اللهم آمين، شكرا ي جورى جورى: مفيش شكر بينا ي روحى جنى وقد لاحظت شيئا: لو سمحت انت الى خبطت عربيته صح؟ مراد وهو يغض بصره عنها: صح جنى: اسفه بجد مرة تانية معليش مراد: لا عادى ولا يهمك جنى: شكرا، سلام دلوقتى يجورى جورى: سلام ي جنجون مراد واقف بيبص لجورى ومتنح جورى: الوو، ي عاالم ي هوو نحن هناا مرااد مراد بخضة: ايه ي بنتى فى ايه مالك جورى بمكر: مالك ولا تكونش المزة عجبتك ي مسيو مراد، ده انت ي أخ باين مبصتش فيها اصلا مراد: فكك سلام جورى: لا استنى ده انت هتعزمنى على قهوة وتحكيلى من طق طق لسلام عليكم مراد: حاضر، يلا بينا ـــــــــــــــ فى الكافيتريا مراد: بصى ي ستى انا اول لما لمحتها يوم ما خبطت عربيتى، انا غضيت بصرى عنها علطول بس مقدرتش ملمحهاش ومن يومها كلامها معايا وملامحها مش قادر انساهم جورى: يعنى طبيت ي معلم ومحدش سمى عليك، بس البنت تستاهل بصراحه، ها قولى ي جدع امت هتتقدم مراد: بالسرعه ده جورى: اومال هتسنا لما حد يجى ياخدها منك ثم أكملت بمكر: انا سمعت انه فى حد عايز يتقدملها كده وسألنى عليها مراد بذهول: بجد جورى: ايوة مراد: طب قوليلى بسرعة هيا بنت مين او مثلا رقم باباها جورى: انا اعرف انه باباها اسمو أحمد ومن عيلة غنية على حسب بيتهم ومعاها اخ كده يعنى استغفر الله العظيم مغرور ومش بطيقه المهم ما علينا ملناش دعوة عشان منجيبش فى سيرة الخلق طبعا والحاجه الى هتتصدم منها انى معايا رقم باباها ومامتها لو عايز كمان، اشطاات بقا كده هتعزمنى على حاجه كبيرة مراد: ده اجيبلك المطعم كامل، لو اقنعتى باباكى يجى عشان يتقدم جورى: وده كمان سيبها علياا ودلوقتى كمان بص واتعلم.... رنت جورى على باباها جورى: السلام عليكم ورحمة الله وبركاته والد جورى: وعليكم السلام ورحمة الله وبركاته ازيك ي جورى عاملة ايه جورى: الحمد لله فل الفل ي حج وانت اخبارك ايه والبيت وناسه عاملين ايه والد جورى: كلهم بخير ي بنتى، ايه ي حبيبتى عايزة حاجه جورى: كنت عايزة اكلمك فى موضوع مهم ي حج، انا يحج بصراحه لقيت بنت ناس محترمة وعسل لابنك مراد وكمان الواد باين عليك عنيه منها وانا خايفه عليه بصراحه من الفتنة وكمان الجامعة الى هو شغال فيها مليانه بنات حاطة عينها فلما ندبسه فى واحده كده الواد يبقا سلم ي حج كلامى صح والد جورى بضحك: عين العقل جورى: عين الجمل ي حج، ها قولت ايه بقا عشان البنت هتضيع من الواد ناخد معاد والد جورى: اعملو الى يريحكم جورى: عين الجمل ي حج....... هناخد معاد ونتصل بيك عشان تيجى اشطاات والد جورى: اشطاات جورى: سلامو عليكو ي حج عشان اطمن الواد والد جورى: وعليكم السلام ....... جورى: تاخد رقم باباها بقا مراد بصدمة: بحبك ي جووورىى، أحلى أخت فى الكوون جورى: اخت مين ي جدع، ده انت عمى مراد: مش مهم انا سامحلك بأى حاجه انهاردة اطلبى وانا شبيك لبيك جورى: ان كان كدا بقاا، يبقى يلا عالملاهى مراد: يلا ي صغغن جورى: مش مهم يلا ........ بعد مرور اسبوع فى الاسبوع ده مراد اتصل بوالد جنى واخد منه معاد ووقتها كان والد جنى سأل على مراد وعيلته فعرف انهم من الصعيد وعيلة طيبة جدا وذات خلق وكمان صدم من حاجه تانية هنعرفها بعدين 🤔 ...... انهاردة والد جورى وصل الاسكندرية واخد مراد وجورى راحت بناء على طلب جنى منها انها تيجى..... ــــــــــــــــــــ فى فلة والد جنى.. طرق مراد على الباب وفتحت له احدى الخادمات، كان والد جورى يدخل بتعجب وذهول للمكان الخادمة: اتفضلو ي جماعه ذهب الجميع وراء الخادمة الى الصالون.. ......... فى الصالون. كان يجلس كلا من عمر ووالد جنى عندما دخل الجميع . تهللت أسارير عمر عندما رآها، كان سعيدا جدا والد جورى بصدمة: أحمد احمد والد عمر بابتسامة: ازيك ي محمد محمد والد جورى: أحمد بجد مش مصدق والله أحمد بحب: تعالى ي صاحبى وحضنو بعض باشتياق (مصدومين مش كدا 😂 فاكرين اول بارت فى الرواية قولتكم انه أحمد والد عمر من اصول صعيدية، انا عارفه انكم متوقعتوش حاجه زى كدا، بس انا طالما موجودة تتوقعو اى حاجه 😂 يلا كل سنة وانتم طيبين ♥️♥️😂) كان الجميع يقف بذهول ما عدا عمر الذى كان واقفا ينظر لجورى الى وسعت عيناها الجميلتان من الصدمة، فلاحظت ذلك جورى فغضت بصرها وهى تشتمه فى سرها بعد وقت ليس بطويل، لاحظ. الصديقان صدمة اولادهم أحمد: اقعدو ي ولاد انا هفهمكم كل حاجه، بس قبل دا ثم نظر للخادمة وقال لها: ممكن تنادى جنى وأمها من جوه اومأت له الخادمة وذهبت لتنادى جنى ووادتها.. وبعد وصول جنى ووالدتها ونظرات التعجب منهم... أحمد: اقعدو انا هفهمكو كل حاجه أحمد: انا قبل ما ببقا فى المستوى كلكم عارفين انى كنت اصلا من محافظة الاقصر، ومحمد يبقى صاحبى، انا ومحمد مكناش مجرد صحاب وبس كنا اخين وزمايل وجيران وكل حاجه وانا اتجوزت قبل محمد وجبت عمر كان عنده تقريبا 7 سنين لما احمد خلف بنته الاولى وبعدها انا سافرت للاسكندرية واتقطعت أخبارنا وبقينا منعرفش حاجه عن بعض، لما مراد اتصل بيا من اسبوع تقريبا لما قالى اسمه بالكامل فكرنى بمحمد وانا بحثت عن عيلته واكتشفت انه يبقا اخو صاحبى محمد والباقى كله عارفه محمد: وحشتنى ي صاحبى احمد: انت اكتر ي محمد والله ثم نظر الى جورى: ده بنتك الكبيرة صح محمد: اعرفك بقا الدكتورة المستقبلية جويرية محمد أحمد: بسم الله ماشاء الله، كبرتى ي بنتى، ازبك عاملة ايه جورى: الحمد لله بخير ي عمى أحمد: اعرفك ي محمد ده يبقا ابنى عمر اكيد فاكره محمد: وده يتنسى كان شقى جدا عمر نظر اليه مبتسما مراد: انا فاكر عمر كويس علفكرة، كنا دايما بنلعب مع بعض عمر: وانا كمان فاكرك ي صاحبى محمد: دلوقتى ي صاحبى انا كنت جاى طالب ايد بنتك جنى لاخويا وابنى مراد أحمد: ده يشرفنى ويسعدنى بس نشوف رأى جنى ايه رأيك ي جنى جنى كانت محرجه جدا ولم تنطق بكلمة والد جنى: نقول السكوت علامة الرضا، مباارك ي حبيبتى جورى قامت وحضنت جنى: مبارك ي جونجون محمد: على بركة الله الخطوبة وكتب الكتاب اخر الاسبوع احمد: ايه رأيك ي عمر عمر: رايى من رأيك ي بابا أحمد: على بركة الله نقرا الفاتحه وكلهم قراو الفاتحه وسابو مراد وجنى يتكلمو مع بعض...... فى الرؤية الشرعية مراد: ..................... ـــــــــــــــــ ي ترى مراد وجنى هيحكو عن ايه 🤔 وايه السر الى مخبياه جنى 😳 كله هنعرفه البارت الجااى انتظرونييي الكاتبة الصغيرة: شهد عبد الغنى ـــــــــــ رواية مغرور أحب ملتزمة للكاتبة الصغيرة: شهد عبد الغنى ـــــــــــ البارت الخامس... مراد: ازيك ي انسة جنى. جنى: الحمد لله بخير، وازى حضرتك ي دكتور مراد: لا بقا هنا مفيش دكتور انا اسمى مراد جنى اومأت له رأسها بخجل مراد.: كلمينى عن نفسك شوية ي جنى جنى: انا حياتى عادية، بس الاول مكانتش كده انا طول عمرى مش يهمنى غير مستقبلى بس دراستى كانت كل حاجه فى حياتى، بس من اربع شهور قبل ما اتعرف على جورى كنت مصاحبة ناس افسدونى بصراحه بقيت اروح اسهر معاهم وارجع البيت متأخر وكل يوم خروجه وكل يوم رحلة لحد اما بابا عاقبنى عشان يبعد صحاب السوء عنى وودانى جامعة حكومية ووقتها قابلت جورى والشلة واتعرفت عليهم وهما بصراحه غيرونى انا مكنتش اعرف حاجه عن دينى بس هما بصراحه غيرونى مراد بابتسامة: ربنا يثبتك جنى: اللهم آمين واياك يارب وقعدو يدردشو ومراد يسأل جنى وجنى بتجاوبه بكل صدق...... .................... فى حديقة الفلة كان يجلس والد جورى ووالد جنى ووالدتها وعمر وجورى يتحاورون أحمد: بص ي محمد انا عارف انك جاى من الصعيد، يعنى مدة اقامتك هنا هتقعد عندى مليش دعوة محمد.: لا معليش بقا مرة تانية، مش هقدر أحمد: انا مصر وحتى بنتك جورى ممكن تقعد مع جنى جورى: بارك الله فيك ي عمى، بس انا مش هقدر انت وبابا حرين مع بعض، ابعدونى عنكم احمد: ازاى ي بنتى فاكر ي محمد لما كانت مراتك حامل كنت اقولك لو بنت هجوزها لعمر ولو ولد هجيب انا البنت واجوزها ليه محمد.: فاكر ي صاحبى، ولما جورى كان عندها شهرين كان عمر يجى عندنا علطول ويقعد جنبها وميرضاش يسيبها ويقول ده مراتى جورى كاد أن يقضى عليها من الخجل والاحراج وخصوصا أن ذلك الابله عمر ينظر..... جورى بحرج: بعد اذنكم ي جماعة عمر هب واقفا: ممكن اطلب منك طلب ي عمى نظر الكل اليه بتعجب محمد اومأ له رأسه ثم أكمل عمر: انا طالب منك ايد بنتك جويرية صمت وصدمة عمت ارجاء المكان صمت لدقائق والجميع ينظر لعمر بصدمة... قاطع هذا الصمت جورى وهى تستأذنهم بالذهاب ولم تنتظر رد أحدهم فذهبت تهرول بسرعة.. جاء مراد وجنى وهما ينظران للجميع بتعجب جنى: فى ايه ي جماعة مراد: مالكم فى ايه وفين جورى عمر بحرج: ايه ي عمى قولت ايه محمد: بصراحه يا ابنى الرأى رأى جويرية عمر: لو سمحت ي عمى احنا هنجيكم بعد بكرة نتقدم والى فى الخير يقدمه ربنا محمد: بإذن الله، بعد اذنكم ي جماعة أحمد وهو يقاطعه: مش هتمشى من هنا الا لما تتعشى احنا متفقين على كده ومتحاولش ي محمد تعاند لأنى مصر ومش هتنازل محمد بضحك: حيلك حيلك ي عم انا كنت هستأذن اروح اجيب جويرية تلاقيها مستنيانا عند العربية جنى: انا هروح اجيبها ي عمى خليك مرتاح محمد اومأ لها رأسه ثم ذهبت جنى لجورى صدمت جنى من الذى رأته فقد رات جويرية وهى تجلس أعلى سيارة والدها بطريقة مضحكة ويبدو عليها أنها تفكر فى أمر ماا جنى: جورى جورى نظرت اليها ثم قالت: هما بابا ومراد مش ماشين صح جنى: بابا مصر انه يتعشو معانا جورى تنهدت: وطبعا عايزنى ادخل ولو دخلت هيتكلمو فى الموضوع الى عرضه اخوكى جنى: ايه ي جورى مالك جورى: انا بصراحه مش موافقة على اخوكى ي جنى وهو حاطنى فى موقف محرج لو موافقتش ممكن علاقة بابا وعمو أحمد تتأثر بكدا جنى: طب انتى ليه مش موافقة على؟ هو فى حد فى حياتك او انتى معجبة بحد جورى: لا ابدا؟ وانتى عارفه كده وانى مليش فى الحاجات ده خالص جنى: طب ليه مش موافقة على عمر، اديه فرصة يمكن تحبيه جورى: مغرور ومش ملتزم جنى: هو مش مغرور خالص علفكرة، هو بيبين كدا عشان البيئة الى عايش فيها عايزة كده انتى مشفتيش البيئة الى عايشين فيها... الناس معتقدة اننا مرتاحين وكده، لكن احنا عكس كدا الناس هنا كلها مظاهر ولو كنتى طيبة ومحطتيش حدود لكل حد هيحصل معاكى زيى اتلميت على شلة فاسدة وافسدونى ولولا فضل ربنا ثم بابا وعمر كنت خسرت حياتى، بابا طول عمره حاطط حدود لكل الناس ملوش صحاب ابدا ولاحتى بيخلينا نختلط بيهم وعمر كذلك بس نتيجة انه فى الشغل وفى الحياة ده 24 ساعه فأثرت على حياته بشكل كبير...... فاكرة يوم المطعم عمر مكانش عايز يقل من المكان ولا حتى منكم ده كان مجرد اختبار ليا وليكم عشان يشوفنى اتغيرت فعلا ولا لأ ويشوف اختيار صحابى اذا كان صح او غلط وهو علفكرة راح بنفسه واعتذر لمطعم وعملهم دعاية واداهم تعويض على الى حصل جورى: امممم جنى: انا مش بقول كده عشان هو اخويا ي جنى انا لو شايفة عمر ولو 1% مش كويس عمرى ما كنت هخليكى توافقى عليه عشان انتى مش مجرد صاحبتى انتى اختى والله وانا ممنونه ليكى جدا على وقفتك جنبى دايما، وكمان بصراحه انا شايفة عمر بقا معجب بيكى وبيحبك واظن انتى مش غبية للدرجه ده كلنا لاحظنا حبه ليكى جورى: بس هو مش الشخص الى انا متمنياه، مش ملتزم والله اعلم كمان اذا كان بيصلى ولا لأ جنى: لا اطمنى عمر بيصلى الحمد لله، بابا من اصول صعيدية وعلمنا مبادئ مش موجودة فى. البيئة الى عايشين فيها، ولو بالنسبة للألتزام فهو لو بيحبك هيتغير عشانك زى ما انا بحاول اتغير عشان مراد وباقتناع كمان جورى صفرت: اوعى ده الواد مراد بقا طلع جاامد جنى خجلت: بطلى بقا جورى: حاضر ي فراولة 🍓 جنى: واهو ي ستى اكسبى حسنات واعملى حاجه لله وغيريه جورى بتفكير: امممم هشوف جاء مراد مقاطعا لهن: يلا ي بنات ادخلو ولا عجبتكم القاعدة هنا جورى: لا ي خفيف تعالى بس نزلنى مراد بضحك: وانتى مش هتبطلى لماضة وقاعدة ليه كده جورى: يا بنى نزل انت وساكت مراد: حاضر اهو وساعدها فى النزول وذهبو كلهم للداخل.... قضو وقت جميل مع بعضهم حيث الرجال كانو يجلسون فى الحديقة والفتيات فى الداخل فى الصالون وبعد فترة استأذن مراد ومحمد واخذو معهم جورى للمغادرة ..................... بعد مرور يومين ......... فى شقة مراد كان يجلس أحمد وعمر ومحمد ومراد وفى غرفه اخرى كانت جورى وجنى ووالدة جنى عند الرجال كانو يتناقشون فى ما يريده عمر وكانت جورى وقتها صلت استخارة من اليوم الذى طلب عمر يدها للزواج وأخذت قرارها .............. أحمد: ممكن ي محمد تنادى جورى ناخد رأيها محمد: حاضر، قوم ي مراد هات جورى عمر كان قلقا جدا من قرار جورى الذى ستأخذه ......... ذهب مراد الى الغرفة وطرق الباب ففتحت له جنى كان يعتقد. ان التى ستفتح هى جورى ولذا لم. يكن بباله ان يغض بصره ولكنه تفاجأ بجنى تفتح الباب فحين لمحها غض بصره فورا وهى فعلت كذلك، فمنذ خطبتها لمراد وهى نحاول ان تلتزم وتتعلم الكثير عن دينها مراد: ممكن تنادى جورى جنى بخجل: حاضر، جورى بيندهولك قامت جورى ووضعت نقابها وذهبت مع مراد ...... عند دخولها للغرفة بعد ان القت السلام بخجل ورد الجميع عليها أحمد: كنت عايز اقولك حاجه ي جورى قبل ما تقولى رأيك جورى اومأت راسها بخجل احمد: بصى ي جورى انتى عندى زى جنى عشان كده متخافيش وقولى رأيك بصراحه ومهما كان ردك بالرفض او بالموافقة فعلاقتى بمحمد مش هتتغير وهنعتبر الموضوع ده محصلش لو انتى مش موافقة والعلاقة هتبقا زى ما هى عشان كده قولى رأيك بارتياح جورى وقد ارتاحت مما قاله أحمد ثم قالت بخجل: بصراحه انا................. ـــــــــــــــــــــــــــــــــــــــــــــــــــــــــــــــ ي ترى جورى هتوافق ولا هترفض كله هنعرفه البارت الجاى انتظرووونييييى الكاتبة الصغيرة: شهد عبد الغنى ‏