يتيمه - ❴🔢❵☟الــبــــــ❴ 1️⃣ ❵ـــــــارت☟ - مكتملة | روايتك

*ࢪوايــة اليتيمه ♡゙🍒 ⊁ ))* ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *تـم مـشـاركـة الروايـة من قـنـاة حكايات لا تنتهي 🦋 ً᭣ٌ᭫ ᨳ في واتـسـاب* *تـابـع قـنـاة حكايات لا تنتهي 🦋 ً᭣ٌ᭫ ᨳ فـي واتـسـاب* https://whatsapp.com/channel/0029VagGaX842DcliA3nlg3C (1/2/3/4/5) الفصل الأول - أنت يا زفت يا اللي اسمك مراد خرج سليم من غرفته عاري الصدر نحو غرفة شقيقه الأصغر ليقتحمها بهمجية عالية مصدرا صوتا عاليا كاد الباب يتحطم بسببه و هو يتنفس بسرعة و عينيه تجوب المكان كالأسد الذي سينقض علي فريسته لكن خاب ظنه فالغرفة خالية ليس بها أحد لينزل للأسفل و يجده علي مائدة الافطار مع والدته التي صرخت ما إن رأت ابنها علي ذاك النحو - سليم أنت ازاي تنزل كده ؟؟!!! من امتي بتقعد علي الفطار من غير الملابس الرسمية ؟؟!!! نظر لمراد الذي ينظر له ببراءة و كأنه لم يفعل شيئا - حاضر يا ماما هلبس رسمي بس اربي ابنك الأول و بعدها اطلع وقفت ياسمين أمامه و هي تراه غاضب - سليم يا حبيبي أنت الكبير مينفعش تعمل عقلك بعقل طفل عنده خمس سنين سليم بسخرية و عدم تصديق - ده عنده خمس سنين ؟؟!! لا بجد أنت مش عارفه عمل ايه في الأوضة بتاعتي أنا ملقتش لبس فيها البيه قطعه كله و حتي البرفان خلصه مرة واحدة ياسمين و هي تضع يدها علي ذراعه - يعني نازل كده عشان بس حاجات تافه زى دي اطلب غيرهم و انتهي الموضوع مسح وجهه حتي يهدأ و لا ينفعل علي والدته - سيبني بس اربي ابنك و بعدها اللي عايزه هعمله ضربته بخفه علي رأسه - كلامك بقي بيئه أوى ..... ابنك ... سليم بيه يقول ابنك ؟؟!!!! اطلع و أنا هضبطلك كل حاجة يلا عشان متتأخرش علي شغلك نظر لمراد ثم لوالدته و ذهب بالفعل بينما والدته عادت للجلوس و عينيها علي مراد الذي ينظر لطبقه بهدوء غريب - عملت ايه في هدوم أخوك يا مراد ؟؟!!! رفع نظره لها ببراءة مخادعة - مامي أنا كنت نايم معملتش حاجة هو سليم اللي دايما عصبي كده نظرت أمامها و هي تقول - عندك حق سليم بقي لا يحتمل خالص الفترة دي ذهب سليم لعمله دون تناول الافطار فمازال غاضبا من ذاك الذي يدعونه طفل و هو عجوز فطريقته ليس بطفل برئ قط و ما إن رأه حتي قال بتذمر - هو مراد ده مش هيعقل خالص ؟؟!!! نظر له سليم و هو بطريقه لمكتبه - مش ممكن يكون عيل ده هدومي انتهت و حتي البرفان خلصه مرة واحدة المفتري يخلص ١٠ دفعة واحدة رفع خالد حاجبه - أنا بستعمل واحدة أنت ١٠ ليه بتعمل بيه ايه ؟؟!!! دخل سليم مكتبه متجاهلا كلام خالد - قولي إنك لقيت سكرتيرة عدلة بدل الأشكال اللي بتيجي دي مش ناقص خالد بغرور و هو يجلس أمامه - لقيتها و هي في مكتبي دلوقتي كله برفكت تعليم ذوق أدب مفيش بعد كده سليم بجدية - ابعتها يلا اشوفها عشان تبدأ شغلها ورانا كتير بعد ما اللي قبلها مشيت خالد بتصحيح - قصدك انطردت علي العموم هي اسمها دانة و الملف قدامك و هبعتها حالا - االبارت الثاني - انتهي من قراءة الملف خاصتها و قد كانت مناسبة من حيث العلم ليرفع نظره لها فهي تجلس أمامه منذ عشر دقائق يري ملابسها و تصرفها فليس لديه الاستعداد لجعلها تتعلم ثم يقوم ببساطة بطردها من جديد لتصرف من تلك التصرفات الغير بريئة بالمرة  دانة بقلق - أستاذ سليم الملف فيه مشكلة ؟؟!! سليم بنفي - لا الملف كويس جدا بس كان عندي سؤال هو ليه مستغلتيش في مكان قبل كده ؟؟!! دانة و هي تفرك يديها بارتباك - كلهم رفضوا عشان لسه خريجة و مش عندي خبرة و بعدين هم كانوا بيطلبوا حاجات مش كويسة سليم بتفهم و هو يعيد لها الملف - تمام العقد هنمضيه دلوقتي و هتبدأي شغلك حالا عشان الوقت بس عايز البطاقة بتاعتك اعطته البطاقة ليضع أمامها العقد و لم يقرأ الاسم أو يهتم فهو يريد فقط من تعمل بشكل سريع و بعيد عن التودد إلي المدير كانت سعادة دانة كبيرة فلم يسبق لأحد الموافقة على عملها فحين يعلم أنها يتيمة يلقيها خارجا كالحشرة أو يظن أنه سينال منها ما يريد ثم يغادر لغيرها - أول حاجة هتقومي بيها هي فنجان قهوة مظبوطه دانة بحماس - حالا انطلقت و هو أرسل الأوراق للمحامي ثم عاد يعمل علي ما بين يديه بينما دانة تعد القهوة و جدت من يشد طرف ملابسها لتنظر لذاك الطفل - أنت سكرتيرة سليم الجديدة ؟؟!!! انخفضت لمستواه تقبل وجنته التي لم تتمكن من تمالك نفسها من رؤيتها ليسمح بيده وجنته و هو يقول بتذمر - عيب البنت تبوس الولد و بعدين مش بحب حد بيبوسني دانة بابتسامة - خلاص متزعلش أنا سكرتيرة سليم بيه خير ؟!! مراد بأمر صدمها - اعمليلي فنجان قهوة معاكي و هاتيه مكتب سليم بسرعة يلا ثم تركها و ذهب اتجه مكتب مراد ليقتحم المكتب الأمر الذي أفزع سليم من مكانه و جعله ينتفض فقد كان يعطي تركيزه الكامل لما بين يديه - في ايه ؟؟!!! ذهب مراد لأمام المكتب ثم نظر لسليم بغضب غريب - كم مرة قولتلك الكرسي عالي عليا اقعد ازاي دلوقتي ؟؟!!! نظر له سليم بإستنكار - نعم يا أخويا ؟؟!!! دخلت دانة بالقهوة لتضعها أمام سليم و قد ظنت أن مراد ابنه لذا اتجهت له تساعده ليجلس علي الكرسي لكنه أبعد يديها عنه - أنا هتصرف ملكيش دعوة بيا بينما يتلفت حوله بكل اتجاه بينما نهض سليم ليقف بجانب دانة و هو يراقب مراد بعدم فهم - هو بيدور علي ايه في مكتبي ؟؟!!! ثم اتجه للأريكة التي علي اليمين صاعدا فوقها و بعدها وقف عليها و نظر للكرسي ليقفز فوقه ممسكا بظهر الكرسي ناظرا لسليم و دانة بابتسامة شريرة جدا - مربي طرزان أنا جلس مراد و هو يقول لدانة - فين القهوة بتاعتي ؟؟!!! اقترب منه سليم بغضب ليرفعه من ياقة ملابسه بيد واحدة و يصبح معلقا في الهواء يحرك قدمه برفض بينما سليم يصرخ - مين الغبي اللي جابك الشركة ؟؟!!! مراد بامتعاض - سليم أنت مرفوض و أنا اللي همسك الشركة هي شركتي و أنا حر بس البنت اللي هناك دي هتفضل لو بطلت تبوسني كل شويه - البارت الثالث - نظر لدانة و هو يرفع حاجبه لها عقب جملة سليم أنها تقبله بينما هي احمرت وجنتها بينهما لتفرك يدها بتوتر فهي لا ترغب بفقدان العمل الذي حصلت عليه آخيرا فقد تفقده لكنه حقا لم تتمالك نفسها أمام ذاك الطفل الصغير - طفل صغير برئ ألقى سليم شقيقه بعدم اهتمام من يده لتصرخ دانة و تهرع له بخوف علي مراد الذي سقط فوق الأريكة لتقترب منه دانة - أنت كويس يا حبيبي ؟؟!!! جلس علي الأريكة يرمقه بغضب من تعامله معه و زاد حين نطق تلك الكلمات - دي طفل قولي عجوز شاب طايش أنا كرهت الأطفال و الخلفة بسببه و قررت متجوزش عشان ميبقاش عندي واحد زيه مراد بتذمر - و هو أنت تعرف تجيب ولد مز زيي كده كل بنات الحضانة بيحبوني سليم بصراخ عال انتفضت علي أثره دانة - مسعااااااااااد........ مسعااااااااااد أتي السائق بسرعة فقد كان يعلم أن الأمر لن يمر علي خير بوجود ذاك الطفل و قد صدق حدسه - الحيوان ده تروحه و لو شفته تاني في الشركة هنفخك أنت المسؤول عنه ثم عاد بنظره لمراد ليجده اختفي فجأة ليبحث عنه حوله لكنه لم يجده ليقول بلهع - هو راح فين الزفت ده ؟؟؟!!! دوروا عليه بسرعة اقتحم خالد المكتب سريعا و هو يقول بفزع - سليم الحق مراد سايق العربية ليجراله حاجة ركض سليم للخارج و هو يحدث نفسه - في داهية مراد المهم العربية دي جديدة لسه منك لله يا مراد و قالي اتجوز يا سليم عشان تخلف و هو مش كفاية هو لا كمان أجيب نسخة للدنيا شبه خرج ليجد السيارة اصطدمت بسيارة أخري بالطريق و تخرج دخانا ليضع يده علي قلبه بألم - العربية راحت رفع يده للسماء بدعاء - منك لله يا مراد أشوف فيك يوم خالد بدفعة من كتفه -هو ده وقته اطمن علي أخوك الأول في داهية العربية تتعوض أسرعت دانة معه و هم ينظرون لداخل السيارة بخوف محاولين خروج الصغير من السيارة و الاطمئنان عليه بينما سليم يتابع ما يحدث بجمود قلب فقط السيارة يكاد يبكي عليها - سليم هم بيدورا علي ايه ؟؟!!!! فزع سليم من مكانه و هو ينظر له بصدمة - عفريت .... شبحه هيطاردني مراد بتذمر و هو يعصق يده علي صدره - العربية بتاعتك مش شغاله جيت أسوقها زيك لقيته مش بتتحرك خالص هاتلي واحدة يا سليم سليم بمحاولة استيعاب لكلامه - يعني أنت عايش صح ؟؟؟!!! و العربية بح مش كده ؟؟!!! أومأ له بعدم فهم ليمسكه من ملابسه - و حياة أمك يالا العربية راحت مبقالهاش أسبوع ملحقتش و جبت أجلها دي أنا هدمرك أسرعت دانة له ما إن رأته بيد سليم تحمله بين ذراعيها تقبله و تطمئن عليه بخوف حقيقي بينما خالد يمسك سليم المجنون - سبني هموته ده عيل بالذمة ؟؟!!! العربية ضاعت ملحقتش اشوفها خالد بمحاولة لعدم الضحك - استني بس هو خرج ازاي من العربية قبل الحادثة و اتعور و لا لا ؟؟!!! سليم بغضب و غيظ - يروح في داهية العربية عوضي علي الله فيها بس الأوزعة دي يعمل في كل ده لسه مطلعش من البيضة مراد و هو يبعد دانة عنه لتضطر لوضعه أرضا بينما يقف أمام سليم - خالد سيبه خليه يوريني هيعمل ايه هو عشان عنده عضلات طب ما - البارت الرابع - بعتذر عن عدم التنزيل يوم الثلاثاء معرفتش أنزل لأني كان عندي ظروف فبإذن الله بكرة هنزل بكرة تاني اضطر خالد للاستعانة بطبيب حتي يتمكن من تهدئة سليم الذي فقد عقله بالكامل جراء ضياع سيارته و تم حمله للقصر و دانة معهم بقلق فلم يمر يومها الأول بالعمل كما كانت تتوقع فتح سليم عينيه بضع دقائق حتي تذكر ما جري و علي خلاف توقعات خالد فقد جلس علي الفراش صامتا - سليم أنت كويس ؟؟!! نظر له قليلا ثم تنهد - طول ما الزفت ده عايش عمري ما هكون بخير - سليم نظر للباب ليجد يدخل وجهه فقط منه بوجه طفولي برئ لكنه يعرف أنه يخفي خلفه كارثة محققة - عملت ايه المرة دي ؟؟!! مراد بحزن - لو مش عايز براحتك بس أنا مش رايح بكرة الحضانة سليم بغيظ و هو يعض شفتيه - الله يخربيت سليم و اللي خلف سليم كارثة ايه اللي مخوفاك كده يا أخره صبري مراد بدموع رق له قلب سليم - بكرة في حفلة في المدرسة و عايزين بابا يكون موجود لو فاضي ممكن تيجي و تحضر تغيرت تعابير وجه سليم علي الفور رافعا ذراعيه لشقيقه الصغير الذي ركض نحوه فقد مات والد مراد و والدته حامل بالشهر الخامس هو لم يره سوى فقط في الصور ضمه سليم له بحنان مربطا علي رأسه ثم قال له عله يخرجه من حزنه - عندي صور لبابا علي التليفون و اللاب تيجي نشوفه أنا و أنت مراد بسعادة طفولية - بجد يا سليم أحضر اللاب بينما استئذن خالد للرحيل ليبقي مراد و سليم يشاهدان صور والدهما محاولا سليم التخفيف عن مراد فهو يحب سماع الكثير من القصص عن والده و عما يفعله و وجود سليم يخفف عنه و ربما هو ما يجعل سليم يتمالك نفسه قليلا معه - سليم أنا عايز اتجوز دانة نظر له بعدم تصديق لكلامه - تت... ايه يالا ؟؟!!!! مراد بتذمر منه - بطل تقولي كده اسمي مراد و بعدين بقولك عايز اتجوز ده خبر يفرح سليم برفض - لا طبعا دانة كبيرة جدا دي لو كانت اتجوزت بدري كانت بقيت أمك و بعدين أنت خمس سنين مراد بتفكير و هو يضع يده علي فمه - خلاص تالا سليم و هو يضع اللاب علي الطاولة - مين تالا ؟؟!! مراد و هو يهز كتفيه - حبيبتي عندها تلت سنين نتجوز و نقعد في الأوضة بتاعي و هشيل سبايدرمان منها كفاية باتمان أتت الخادمة تخبر سليم - سليم بيه الأنسة بسمة تحت مراد بامتعاض - هي البت الرخمة دي جاية ليه ؟؟!!! سليم بإنزعاج شديد - أول مرة نتفق علي حاجة طب اخلص منها ازاي دي ؟؟!!!! مراد بمكر و هو يضم يده لبعضها - سبلي الموضوع و هجبلك شغل عالي يا كبير بس الأول بتعرف تجري سليم بقلق - مش مرتحالك خالص بس بعرف اجري - البارت الخامس - بقي سليم مع مراد بنفس الغرفة و لم يذهب لبسمة بينما شقيقه يتصل برقم أحد رفاقه و هو لا يعلم ما يدور برأس ذاك العقل الذري الغير شبيه بالأطفال و البراءة نهائيا لكنه بالفعل علي استعداد تام لفعل أي شيء يجعله يتخلص منها حتي لو كان........... مراد - و بعدين هنفضل هنا كتير ؟؟!!! مراد و هو ينظر لساعته - كلها دقيقتين و هتشوف أحلي شغل بس المهم ما يكنش جعان سليم بعدم فهم لجملته الأخيرة - هو مين ده اللي جعان ؟؟!!! صراخ بالأسفل جعله ينتفض من مكانه و يهرع لهن رغم حديث مراد معه عن عدم النزول لكنه لم يهتم و انطلق نحوهن لتحل عليه الصدمة فذاك القرد الصغير أحضر للقصر............أسد والدته و خلفها بسمة و دانة فوق الطاولة برعب بينما هو تجمد بمكانه لا يشعر بجسده حتي فرغم كل تخيل له عن الأمر فأخيه فاق الواقع و الخيال معا - مش فاهم ليه الأوفر ده كله زارا طيب خالص و مش بيأذي حد نظر لأسفل ليجد مراد ينظر له - فعلا هو حد يخاف من أسد برضوه حمله من ياقته بعنف و هو يقول بتحذير - تمشي الأسد ده من هنا دلوقتي و حسابي معك بعدين أنزله أرضا لينظر له مراد بغيظ ثم صفر ليركض نحوه الأسد و يلاعبه بينما سليم ركض للباب سريعا حين رأه يتجه نحوه - يخربيتك ده ولا كأنه أسد حتي الحيوانات يا زفت بعد رحيل الأسد خارجا اتجه سليم لوالدته التي انهارت علي الكرسي بصدمة يتبعها بسمة و رغم كره سليم لها لكنها بالنهاية تظل ابنة خالته بينما دانة تنظر له بخوف و سرعان ما وجدت نفسها لا تستطيع الوقوف أسرع يساعدها سليم و يجلسها علي الأريكة تحت النظرات الغاضبة - أنا همشي مش عايزة اشتغل خلاص سليم بهدوء - اهدئ يا دانة الموضوع انتهي هتروحي و بكرة إن شاء الله تكوني علي المكتب الساعة ٨ بالدقيقة والدته برفض - سيبها تمشي مش شايف لابسه ايه بقي واحدة زى دي تبقي سكرتيرة سليم بيه و واجهة الشركة ؟؟!!! مستوي الشركة هيضيع بسببها بسمة موافقة و هي تري قلق مراد الزائد عليها قبلهما - عندك حق يا أنطي لو مش لاقي سكرتيرة أحلي سبني أدور علي واحدة تناسب الشركة و اسمها نهضت دانة من مكانها سريعا و هي تمسح دموعها بعنف فلن تبقي تتلاقي الإهانات - أنا ماشية و شكرا يا سليم بيه علي كل حاجة عن اذنكم ركضت للخارج لتقف بالحديقة الأمامية و قد عادت لقبل نقطة الصغر بأول يوم لها ربما فقط عليها الاستسلام لن تجد عملا محترما قط الكل يرفض و هي لا تملك إيجار شقتها و كأن الظروف كلها تتحايل عليها حتي ملابسها لولا أنها تحافظ عليها منذ سنوات حين كانت بالملجأ لكن الوضع كارثيا - دانة مسحت وجهها سريعا ثم التفتت لسليم تواجه بقوة - أكثر حاجة بكرهها هي التأخير عن المواعيد لأي سبب كان فنجان القهوة مظبوط و الشغل علي مكتبي أول ما أوصل و علي فكرة ذوقك حلو أوى في الهدوم دانة بشجاعة - سليم بيه أنا مش هكمل الهانم طردتني و أنا... سليم مقاطعا و هو يضع يده بجيبه - و هي الهانم اللي كانت عينتك و لا ابن الهانم .... تأخير دقيقه هتلاقيني طابب عليك في البيت و بجيبك بهدوم البيت و السيد الوالد طبعا مش هيسكت أشار لمسعد الذي أتي علي الفور - توصل الأنسة لحد باب البيت و تتأكد بنفسك أنها دخلت دانة باعتراض - سليم بيه..... سليم بأمر - دانة امشي من قدامي علي ما أشوف المصيبة اللي جوه ده مش هتبقي أنت و مراد عليا قاطعه صراخ من جديد لينظر خلفه بحسرة - تاني يا مراد