أنت متسول ياحسن - ❴🔢❵☟الــبــــ❴ ألأخير ❵ــــــارت☟ - مكتملة | روايتك

هتفت فتحيه بملامح تملئها الصدمه: أنتِ إتجننتِ! مين ده اللي شحات! حسن دُرغام اللي هيفتح الفرع التالت لشركته ماهو حاجه من الإتنين إما أنتِ عاميه أو فيه حلقه مفقوده مش قادره أصدق. تحدثت سيرا بشراسه: لأ صدقي أنا شوفته بعيني بالجلبيه المقطعه وقاعد ووشه مبهدله ولولا إني عديت من الشارع قدرًا مكنتش عرفت والله أعلم كان هيفضل مخبي عليا قد إيه. _ أنتِ ازاي مفكرتيش تسأليه؟ أنتِ مجنونه على العموم أنا هستنى أما اشوف أخرتها معاكِ عشان تعبت منك اكيد فيه حاجه انتِ مش فاهماها ومع ذلك مصممه تفضلي حماره.. ثم تركتها تفكر في بضع الكلمات التي أُلقت في وجهها _________________________________________ _ المشاهدات مكسره الدنيا ياعمنا دماغك ألماظ -أنا مش مصدق إني قربت أوصل كنت متوقع إنه مستحيل _ أي خدمه فين بقى فلوسي أنا اللي ساعدتك وظبطتلك الدنيا ومعاك في كل حاجه فين نسبتي؟ ألقىٰ الظرف أمامه باابتسامه واثقه - خد فلوسك بس كده خلاص دورك خلص _ يعني إيه؟ - اللي سمعته يلا الباب في إيدك. _____________________________________ شهقه صدرت منها عقب مارأته في هاتفها حتى ألقت الهاتف وارتدت ملابسها على عُجاله لتتجه إلى وجهتها.. _ يافندم مينفعش تدخلي دلوقتي اتجهت إلى باب مكتبه ودخلت دون أي اعتبار وصؤخت بجملتها سيرا: إيه القرف اللي شوفته على اليوتيوب ده؟ نظر لها بعيون غاضبه: أنتِ إيه المنظر المتخلف اللي دخلتي بيه ده! تحدثت سيرا تحاول ان تهدأ من ذاتها حتى تصل إلى معرفة ماتريده: محتاجه اسمع عشان أنتَ تعبتلي أعصابي _ مش محتاجه شرح واضح إنك شوفتي الفديوهات اللي انتشرت بعمل تجارب إجتماعيه إيه المشكله بقى؟ سيرا: أنتَ شايف إن ده عادي؟ أنتَ بتعمل ده ليه أصلاً أنتَ ولامحتاج فلوس ولامحتاج شغل ولامحتاج اللي بتعمله ده ديه مش فديوهات تجربه اجتماعيه بس ده كمان فديوهات تمثيل! قولي كده ياحسن باشا هيبتك كصاحب شركه مش قليله فين وأنتَ طالع تمثل مع فُلانه معرفش جايباها منين ديه كمان ده عادي بالنسبالك! ازاي وتقولي تجربه اجتماعيه ده هو كام فديو تجربه اجتماعيه مزوعين في النص وسط القرف اللي عملته قاطعها بنبره غاضبه: التمثيل بقى قرف! انتِ مجنونه أكيد. تحدثت سيرا بنبره ساخره: اختلاط بينك وبين بنت والإسم بتمثل افكار مسمومه بتتزرع في دماغ اللي بيتفرج واسمها بتمثل فلوس بتدخلك من حاجه زي كده واسمها بتمثل السؤال اللي محيرني أكتر ليه؟! ليه بجد وأنتَ معاك فلوس وعندك شغلك ليه تغامر عشان حاجه زي ديه! كاد أن يقاطعها لتهتف: هتقولي فن! ألف سلامه ياحسن باشا تلجلج حسن ليتحدث بخفوت: ده حلمي من زمان انا استحملت ادير الشركه ديه واكبرها عشان خاطر اقدر اوصل للهدف ده واعرف امثل واوصل الحاجه ديه بحبها.. تمتمت بوهن: الكلام معاك مش جاي بفايده حاجاتك هتوصلك أنا استحاله اكمل معاك.. __________________________________ _يعني إيه سيبتيه؟! سيرا: بصي ياماما عشان ننهي الموضوع أنا استحاله أكمل معاه من الأخر وكده كده صدقيني حتى لو كملت في علاقه زي ديه باللي بيعمله ده العلاقه هتخرب ومش بعيد يتجوز اللي شبهه وانا خايفه اتطبع باللي بيعمله شويه شويه يطلعني أمثل معاه بقى ويبقى فرح وانا مش هستنى إننا نوصل لِ كده أنا كده مبسوطه ممكن تسيبيني وبلاش تضغطي عليا؟ تحدثت فتحيه بنبره هينه: أنتِ اللي محكتيش كل حاجه من الأول وخلتيني أتعصب عليكِ إنتِ عندك حق إن شاء الله ربنا يرزقك بالخير ليكِ وكويس إنك اتصرفتي التصرف ده. #بقلم إيمان ممدوح #تمت •إسكريبت «ضيّ» •«المرأه العامله» •«شراكه قلبيه» •«حرب لم تختارها» الإسكريبتات القديمه اللي حابب يشوفهم ويقول رأيه