الفصل الاول
*قـــصـــص يـــــمــــــانـــــو💚📚*
_*بإدارة يمان سعيد*_🧡
*❴📖❵↵*اختلاف*
*❴🔢❵الـــبـــــــــــ❴الاول❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*قـــصــــص يـــــمـــــانــــــو💚📚*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*https://whatsapp.com/channel/0029VaNMcGuHFxP9VtPQOm2A*
*قــــــصــــــص يـــــــمــــــانــــــو💚📚*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *يمان سعيد* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*قـــصـــص يـــــمــــــانــــــو💚📚*
https://whatsapp.com/channel/0029VaNMcGuHFxP9VtPQOm2A
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
📚كتب||روايات||منوعة📚:
👇 👇
((#اختـــــلاف))
#بقلمي 📖 ✏️
#نـــورايـــة
القسم(1)+(2)+(3)+(4)...يتبع
@rwayate
(1)
جلال: وين رايحة يا سميرة..
سميرة: عندي اجتماع ضروري
جلال: ما بدك تستقبيلها من المطار؟
سميرة: والله بدي .. بس الاجتماع ما بقدر ألغي... خلص إنت روج جيبها.. وأنا بحاول أخلص بدري وآجي ع البيت
جلال: ماشي
سميرة: ما في عليك شغل
جلال: هو في بس أبو أدهم مادام موجود ما بخاف
سميرة: اها يلا سلام
********
في المطار..... يُعلن عن وصول الطائرة من إيطاليا... ينزل الركاب من بينهم فتاة تلبس ترنج رياضي(بدلة رياضية)... لا يظهر شعرها بسبب الطاقية التي ترتريها على رأسها... تظهر لنا ببشرتها البيضاء والعيون العسلية والقوام الجميل يستقبلها والدها
جلال: الحمدلله ع سلامتك يا بنتي
رحيق: الله يسلمك يابابا
جلال: هاتِ الشناتي عنك .. خلينا نروح ع السيارة
رحيق: مامي وينها
جلال: عليها اجتماع وماقدرت تيجي .. أكيد هلأ بتكون وصلت البيت
رحيق: اها شكلو اجتماع مهم .. في العادة بتلغي جميع مواعيدها وبتيجي تستقبلني
جلال: اه مهم
*
@rwayate
وصلوا الفيلة... دخلوا
ماري (الخادمة): الحمدلله ع السلامة آنسة رحيق
رحيق: الله يسلمك
ويأتي صوت من الداخل: أهلين بنتي نورت الفيلة
رحيق: ماما اشتقتلك
سميرة: وانا بالأكثر حبيبتي ...
جلال: بدنا نقضيها ترحيب .. يلا ادخلوا اكيد رحيق تعبانة
رحيق: شو تعبانة اللي عددت ساعات قاعدة بالطيارة..
سميرة: رياضية بنتنا من يومها
جلال: شو رياضية هسا صارت مهندسة معمارية
رحيق ببرود: بس بضلني رياضية يابا قبل ما أكون مهندسة
جلال: طيب يلا ادخلي غرفتك ارتاحي .. لأنه بدي أتكلم معاكي بموضوع
رحيق: رح أوخذ شاور ... بعدين بتحكي معي.. لأني مش تعبانه
جلال: ماشي
******
رحيق: اها شو الموضوع يابا
جلال: الموضوع الشغل
رحيق ببرود: أي شغل
جلال: شو أي شغل .. يعني الشغل بالشركة
رحيق: بس يابابا أنا عندي نادي رياضي .. بكفي اللي خمس سنين مشغولي عنه بسبب الدراسة
جلال: النادي بتروحي عليه بعد الشغل.. انا درستك هندسة عشان تمسكي الشغل عني
رحيق: انا درست هندسة بس عشان خاطرك إنت وإمي.. لولا زعلكم إنتوا بتعرفوا شو بدي أدرس.. كنت بدي أدخل كلية الرياضة
جلال بحدة: اسمعي يا رحيق الحكي اللي بدي أحكي آخر كلام ومابدي أسمع نقاش.. من بكرى بدك تنزلي ع الشركة وتستلمي الشغل وبعد الشغل براحتك بتحبي تروحي النادي روحي .. أما اذا مابدك تنزلي الشركة النادي من بكرى
بكون مسكر يا رحيق
رحيق: بس يابابا
جلال: ما في بس شو قلتِ؟
رحيق بيأس: حاضر موافقة
جلال مربتا على كتفها: الله يرضى عليكِ
@rwayate
اليوم التالي في موعد الإفطار.. نزلت رحيق
رحيق: صباح الخير
جلال وسميرة: صباح النور
رحيق: يلا جلال بيك مابدك تروح الشغل
سميرة بإندهاش: بدك تروحي ع الشغل بالترنج
رحيق ببرود: اها في اشي
سميرة: شومالك إنت عبيطة .. إنت رايحة الشغل مش النادي
رحيق بحدة: ماما بليز هاد ستايلي .. مابغيروا
سميرة: وهاي الطاقية العجيبة اللي على راسك
رحيق: مالها.. كمان مابشيلها
سميرة: جلال شوف بنتك بدها تجلطني
جلال مهدئا: خلص يا سميرة خلي البنت على راحتها
سميرة: ماشي
رحيق: ماما ماتزعلي مني .. انا هيك برتاح هاتي بوسة أموووا
سميرة: وانا بقدر أزعل منك يا حبيبتي
@rwayate
دخلوا الشركة (الشركة عبارة شراكة بين جلال وبين كمال أبوأدهم..... طبعا هم أصدقاء.... وهي عبارة عن شركة للتصميم والتجهيز البنائي )
رحيق: وين هلأ أروح
جلال: تعالي هلأ ع مكتبي.. عشان أخليهم يجهزوا مكتبك
...
جلال للسكرتيره: اطلبي أبوأدهم خلي يجي عندي
دعاء: حاضر جلال بيك
...
أبوأدهم: السلام عليكم
جلال ورحيق: وعليكم السلام
جلال: كمال هاي بنتي رحيق أكيد بتعرفها
كمال: أهلين بنتي .. أكيد بعرفها بس كبرانة وحليانة
رحيق: تسلم عمو
جلال: بنتي صارت مهندسة معمارية.. وبدي إياها تستلم شغل
كمال: طبعا شركة أبوها أولى فيها.. ومكانها موجود
جلال: وين
كمال: مع ابني أدهم
جلال مستفهما: كيف يعني ابنك مهندس بناء وبنتي معماري
كمال: يعني بنتك بتصير ترسم التصاميم وابني بوخذ التصاميم حتى يبدأ تنفيذهن على أرض الواقع..
جلال: ماشي... وين بدو يكون مكتبها
كمال: يعني إذا مافيها مشكلة بنفس المكتب... لأنه مكتبه واسع
جلال: شو رأيك يارحيق.. من ناحيتي موافق
رحيق ببرود: عادي ما بتفرق معي
كمال: طيب على بركة الله... انا رايح أوصي يحطوا مكتب وكرسي ... بس يجهزهن بحكيلكم
جلال: ماشي
@rwayate
في مكتب أدهم الذي كان يغط في نومِِ عميق على مكتبه.. يفيق على ضجة بسبب إحضار مكتب رحيق
أدهم منزعجا: شو عم تعملوا
عامل: عم نحط مكتب مثل ما إنت شايف
أدهم: شايف إنت شايفني أعمى.. ليش عم تحطوا
عامل: أوامر كمال بيك
كمال داخلا: يعطيكم العافية
العمال: الله يعافيك.. هيك نحنا خلصنا
كمال: اه شكرا
..
أدهم متسائلا: لإيش المكتب الثاني
كمال: لأنه في شخص رح يشتغل معك هون
أدهم بحدة: مالقيتوا إلا تحطوا عندي.. مليانة الشركة غرف فاضية... ومين الشخص اللي بدو يشاركني بمكتبي
كمال بحدة: أول اشي هاد المكتب مش إلك لحالك من هسا .. صار إلك ولرحيق
أدهم بهيام: رحيق مين رحيق
كمال بحدة: رحيق بنت جلال... ومن هسا بحذرك إذا بتتجاوز حدودك يا أدهم فاهم
أدهم: فاهم فاهم
**
(أدهم ذو 288 سنة ... شخصية جذابة ... تنجذب الفتيات له.. وهذا ما يعتز به ويفتخر.. فهو ذو بشرة حنطية وعيون عسلية وشعر كثيف أسود ساحل يقوم بتسريحه بطريقة غريبة تلفت نظر الفتيات .. جسم مفتول العضلات)
دخلت رحيق مع كمال وجلال المكتب... وأدهم كان واضعا رجليه على مكتب
كمال بحدة: احم أدهم أفندي
أدهم بارتباك: اها اها شو في
كمال: شو أزعجنا نومتك
أدهم بخجل: لأ لأ
جلال: كيف حالك يا ابني
أدهم: أهلين عمي
أدهم: وين بنت حضرتك يا عمي
كمال موخزا ابنه: هيها واقفة جنبوا
أدهم ضاحكا: هاهاها.. شو كاينة بالنادي هههههه
رحيق ببرود: هاد مكتبي يا بابا
جلال: اها وهدول الملفات بعرفوك بطبيعة شغلك.. اطلعي عليهن
رحيق جلست على الكرسي: حاضر بابا
كمال: أنا آسف يابنتي ع تصرف أدهم
رحيق ببرود: لأ يا عمو ما تعتذر... لأنه شكلو نايم لحد الآن.. مش صاحي شكله