الفصل الرابع
قامت تسلم على خالتها ام فيصل وكان السلام حااار :الف مبروك يايمه سارة.
سارة :الله يبارك فيك ياخاله والله نورت الرياض بجيتكم .
جات العنود وام راشد :يله سارة تركي يبغئ يشوفك .
ارتجفت سارة وخافت :يمه تكفين مابي ادخل .
العنود :وش الي ماتبي تدخلي يله قدامي .
سارة :خاله الله يخليك ما ابغى.
ام فيصل :ليه من حقه يشوفك ايش نقول للناس ماتبغئ تشوف ابن عمها .
سارة وهي تمسك يد خالتها :تكفين والله مابي خايفه .
ام راشد بنبره حنونه جداً:والله تزعل خالتك ام تركي عشاني سارة طلبتك لاترديني .
قررت سارة تدخل على تركي كان جنبها أخوها راشد فتح الباب واستغرب :كان هنا ....قطع كلامه اتصال من تركي :معليش راشد اعذرني بس خويي تعب ودقو علي وحق سارة على رأسي
راشد :سلامات عسئ ماشر وقدامكم العمر انشاء الله .
ـــــــــــ
دخلت سارة المجلس وتوترها خف واستقبلتها ام تركي :ماشاء الله تبارك الرحمن .نزلت سارة رأسها من الحياء وردت بصوت يادوب ينسمع :تسلمين خالتي .
ـــــــــــــــــــــــــ
سالم :ياحيا الله با ابن خالتي نورت الرياض .
فيصل : الله يحييك والنور نوركم .
سالم :والله لك وحشه ياخي .
فيصل :طبيعي .
سالم :اوف والثقه .
فيصل :هههههه والله انشغلت لوتشوف وش الجرائم الي تجينا لتشيب وانت شباب .
سالم : ههههههههههههههه.
فيصل ابن خاله راشد وسالم ضابط ساكنين في الشرقية.
ـــــــــــــــــــــــــــــ