قصتي مع الجن - الفصل الرابع - بقلم رعب رهيب - مكتملة | روايتك

البارت4 جلست أتأمل المنطقه كانت بحق حلوه ....فكرت اصورها واوري فراس....بما اني ما قدرت اخذه...قلت للعيال : حاب اتمشى واخذ صور للمنطقه وشوي راجع لكم.... وافقوا....وقمت اتمشى لوحدي....وصلت منطقه مادخلنا فيها فايز....كانت بعيدة شوي ....لكن ما ادري ليه فايز خباها عننا....من جد كانت منطقه احلا من اللي جالسين فيها.... قمت اصور كل شي....شد نظري بيت مهجور....قمت اصورة ....واللي داهشني....انه بنيانه متماسك.....كان واضح انه قديم بس بنيته قويه...ما كان ودي اطلع من المنطقه هاذي....كانت جدا مريحه....وهاديه..... رجعت للعيال كنت متحمس اوريهم المنطقه ... بس ما لقيت فايز وخالد ويزن.... سألت اخوياي عنهم.... قالوا لي راحوا لان عندهم مشكله وما ادري ايش....ما اهتميت لهم كثير.... جيت وجلست بجنب فيصل.... انا : فيصل فيصل.....اكتشفت منطقه تفتح النفس وفيها بيت مهجور وشكلها مرة حلو.... فيصل : صورت؟؟! انا : ايه اكيد اصبر اوريك..... قمت اقلب في الكام وين الصور؟؟؟ وين اختفت !!! والله اني مصورها ومتأكد.....فين راحت!! فيصل : يالله انت وحركاتك السامجه .... طنشت فيصل وقمت اقلب في الكام واتأكد... فجأه ... طلعت لي صورة بشعه....رميت الكام على الارض.... اتجمعوا اخوياي عليه ....وشافوا الصورةة.... ناصر: بسم الله ايش ذا؟؟؟ يزيد: ايش مصور انت؟؟؟ فيصل : مقلب هاه؟ انا : لا والله مدري كيف جات انا بنفسي مدري شلون صورتها.....والله العظيم .... الصورة كانت وجهه بنت ...مليان شقوق...عيونها بيضاء ولا فيها نقطة سواد... كان شعرها اجعد واسود مرة.....كانت مبتسمه واسنانها صفراء ولسانها مقطوع.... يالله ما ابشعها.....حذفت الصور...ورجعت اقلب في الكام من جديد....وكنت اتفحص الصور....ادور صور المكان..... بس الصدمه....هي نفسها رجعت الصورة.....والله اني حاذفها ومتأكد والله.....ايش رجعها!!!! ارتبكت ...ما عرفت ايش اسوي... انا: فيصل يرحم امك تعال احذفها....ما تنحذف... جاء فيصل وبنفسه حذفها وقام يقلب في الكام وانا بجنبه ....بس الصدمه ...برضوة الصورة نفسها !! من وين جات!!! مين هاذي وكيف صورتها؟؟!! فيصل قفل الكام وقال : خليك منه بعدينه نوديه عند واحد ويضبطه لك.....ويحذف كل الصور.... خلينا نتعشااء وننام ألحين....وبكرة نتطمن على اخوينا ....(يقصد يزن وخالد وفايز)