قصتي مع الجن - الفصل الثاني - بقلم رعب رهيب - مكتملة | روايتك

قصتي مع الجن - البارت2 الصراحه كنت متضايق .....بس فكرت وقلت يمكن لاني رفضت اخذ فراس....وانا ما احب ازعله.....او اضايقه..... بديت اتجهز .....ورحت لامي وابوي... وقلت لهم اني خارج مع العيال وحأغيب لكم يوم..... قالوا لي روح وانتبه لنفسك وارجع لنا سليم....وخلي عنك حركات العيال والمغامرة.... وكأنهم حاسيين ان طلعتنافيها بلا..... سلمت على روسهم....وطمنتهم واني راح ارجع بخير ان شاء الله... نزلت بسرعه وبدينا نحمل الاغراض انا وفيصل ويزيد وناصر..... وحركنا .....كان الطريق طويل.....كنا نتبادل في السواقه....ونتناوب عشان اللي يسوق ما يغلبه النوم وينام ويسوي فينا حادث.....لا قدر الله.... اخر واحد وصلت له مناوبة السواقه ناصر..... وغلبنا النوم كلنا ونمنا .....كان يحوس ويلف من مكان لمكان...كنا نحس اننا على طريق تراب.... وماندري عنه.....قمنا وقلنا له وين!!! قال: وصلنا.... نزلنا .....بس الغبي دخلنا جوه مرة ما خلانا على الاطراف....كانت المنطقه يغطيها خضار النباتات..... وكان الجو جدا هادي....واصوات العصافير ....كان جو خيالي... نزلنا الأغراض ....وبدينا نحط خيامنا ونرتب ..... كانت الشمس على اطراف الغياب..... قمت اخذ لفه في المنطقه واجيب لاخوياي حطب عشان النار..... كنت امشي والمكان جدا هادي....حسيت بشي وراي .....التفت....ما كان فيه شي.....كملت طريقي.... سمعت صوت احد يمشي وراي...لفيت....لقيت اثر رجول بس ما كان فيه احد....وكانت وراي بالتمام.... حسيت انه مقلب من اخوياي وما شلت هم.... رحت لهم وبديت اضحك....وقلت : اللي مسوي فيني مقلب بيرجع له.... كلهم قاموا يناظرون بعض ومو عارفين شسالفه...ومين ممقلبني؟! بدينا نشعل النار ونجلس حولها .....كان الهدوء وبرودة الجو جدا خيالي ....كنا مستمتعين بالسوالف والضحك..... بس فجأه... شفنا نور من بعيد....وكان يقرب منا .... ارتبكنا....وبدأنا نخاف.... فيصل: ياخوافين اكيد انهم اوادم وضايعين ولا محتاجين مساعده....بطلوا حركات البزران...وانتم عارفين ان المنطقه مقطوعه فأكيد شافوا النور وجوا .... طمنا كلام فيصل ...ولما وصل النور عندنا طلعوا ٣ عيال.... اللي هم فايز وخالد ويزن.... جو وجلسوا معانا....كانت اشكالهم غريبه.... ما كانوا زينا..... بشرتهم مايله للون الازرق.... ما اهتمينا وفكرنا انه من البرد ..... لكن طول الجلسه كان يزن يناظرني..... كل ما اناظرة ابتسم والف للجهه الثانيه ابيه يشيل عينه عني...بس ما كان يشيل عينه .....