الفصل الاول
تتكلم القصة أن لكل إنسان
ونصيبه من الدنيا وان عليه
الرضئ به مهما كان صعباً...
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
خرجت من غرفتها علئ صوت ابوها يناديها :سارة يبه تعالي ابغاك .
سارة وهي نازلة :أمرني يبه وش بغيت . ابو راشد (فهد):اقعدي.
جلست سارة وهي حاسه ان في شي استغربت لما ابوها تنهد :عسئ ماشر ايش فيك يبه .
قرب فهد منها وباسها في رأسها :ويلوموني ليه احب بنتي .
ابتسمت سارة وقامت باست ابوها :ياعمري يا ابوي وش فيك والله شغلت بالي .
فهد وحب يدخل في الموضوع مباشرة :ولد عمك تركي يبغا العرس والملكه يكون بعد شهر وانا قلت له بشاور بنتي وأخوانها وابلغك ف ايش رأيك .
سارة ماعرفت ايش ترد ما كان منها إلا أنها تقول :ليش الاستعجال يبه .
فهد :لا ما استعجل تركي في الموضوع وانتي تدري لكم مخطوبين سنتين والرجال كل ما يقول يبغا يسوي العرس نقول له لا واول من يوقف قدامه اخوانك بس يبقئ الرأي الاخير لك وبعدين قدامك شهر .
ردت سارة :خلاص يا يبه دام انت شايف كذا ماعندي مانع بس انشاء الله يمديني اجهز في هذا الشهر