✮إسڪـࢪيـبت مـنـــ» 82 «ــوع✮ - ❴🔢❵☟الــبــــ❴ ألأخير ❵ــــــارت☟ - مكتملة | روايتك

وبلوزة قصيرة وطرحة صغيرة اوي مبينة نص شعرها بس باين علي وشها إنها بريئة جداً ،، لكن لبسها ملفت جداً ... روحت ناحيتها وكنت يبصلها كدا لاقيتها لمحتني في ضحكتلها ومديت ايدي وقولتلها انا حياة ابتسمتلي وسلمت عليا وقالتلي - وانا آسيا - اللهم بارك اسمك حلوه اوي يا آسيا وإنت احلي الحقيقة. - تسلمي يا قمر بس بصراحة عايزة اقولك حاجة بس خايفة تزعلي مني - لا خالص مش هزعل قولي - انا سمعت الشباب بتتكلم عليك وبتقول .... وحكيتلها اللي سمعته... لاقيتها بصتلي وعلامات الحزن بدأت تظهر علي وشها بس انا مش زي ما هما مفكرين كدا اسمحيلي اتكلم معاك شوية - اه طبعا تعالي نقعد في حتة هادية بصي يا آسيا ،، ربنا سبحانه وتعالى قال في سورة النور... وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ بصي يا آسيا ربنا لما فرض علينا الحجاب اكيد عشان يحمينا ،، والمرأة في الاسلام اصلاً ملكة ،، مينفعش أي حد يشوف مفاتنها دي غير اهلها واللي يستاهلها بس.. هقولك مثال احنا لما بنيجي نشتري تفاح .. بنقي اللي معروض وعليه الدبان ولا اللي مغلف اكيد المغلف اللي متحافظ عليه .. كذلك اللبس إنت اه جواكي جوهرة بس الجوهرة دي مش من حق اي حد يشوفها ويرمي كل شوية كلمتين كدا صح ولا اي إنت جوهرة مكنونة. بس انا بحب اللبس دا اوي... - طيب بتحبي اللبس اكثر ولا ربنا - اكيد ربنا - طب واللي بيحب حد مش بيسمع كلامه - اه بيسمع كلامه - طيب عايزة اقولك حاجه " من ترك شيئاً لله عوضه الله خيراً منه " إنت لو سيبتي اللبس الضيق دا عشان ربنا ،، وتوبت وقولت انا مش هلبس كدا تاني يارب ،، ربنا هيبدلك كل السيئات اللي كنت بتاخديها حسنات ،، وشوفي بقي كام سيئة إنت خدتيها ،، إنت اخدتي سيئة كل شخص شافك باللبس دا ،، متخيلة قد اي بس شوفتي ازاي ربنا غفور بيقولك لو توبت عن الذنب دا وبطلتيها كل السيئات دي هتبقي حسنات ،، حقيقي أنا بحسدك .. ازاي يبقي قدامي كنز زي دا واضيعه من ايدي ،، بجد الله ازاي ربنا غفور كدا انا حقيقي زعلانة من نفسي جدا .. معقول يكون ربنا غفور كدا .. وانا اعصيه عارفة يا حياة انا مش طايقة نفسي دلوقتي ولا طايقة اللبس اللي انا لابساه دا .. خلاص انا توبت مش عايزة ألبس كدا تاني. - طب تعالي معايا مسجد الجامعة دخلنا المسجد واتوضت وصلت ركعتين توبة وهناك كان فيه بنات ربنا يجازيهم خير طلبنا منهم لبس عشان آسیا تروح بيه لأنها مكنتش قادرة تخرج كدا تاني . واحنا خارجين وخلاص ودعتها ومشيت ،، مفيش خمس دقايق لايقت لمة كبيرة قدام الجامعة ،، ببص لاقيتها هي! ماتت.. يا الله ماتت بعد ما تابت ب خمس دقايق ،، تخيلوا كدا لو كانت ماتت قبل ما تتوب وماتت زي ماهي بلبسها كدا... يوم القيامة كانت هتبعث بيه .. بس سبحان الله ربنا أراد انه يهديها ويقبض روحها وهو راض عنها .. اللهم ارزقنا حسن الخاتمه. انا قرأت الاسكريبت دا وحقيقي دمعت ،، يارب اهديني يارب تاني يوم دخلت علي الاكونت بتاعها لاقيت كذا حد منزل بوست وعاملها تاج وكل البوستات عبارة عن ربنا يرحمك يا حور ،، إنا لله وإنا إليه راجعون انتوا بتقولوا ايه !! حور ماتت !! لا انتوا بتهزروا ... دخلت علي الشات بتاعها فضلت ابعتلها مفيش اي رد.. طلعت لآخر محادثة وقرأتها من تاني وعيني جت علي كلمة توب عشان كلنا هنموت. مكنتش متخيل أبداً ان دا هيحصل في يوم من الايام.. طيب هي دلوقتي بتتحاسب بس هي تابت قبل ما تموت.. الدور والباقي عليك يا هلال ... ايه لسه مجاش الوقت انك تتوب وتفوق بقي ولا آيه رحمة ابو حطب🫶