❴🔢❵☟الــبــــــ❴ 1️⃣ ❵ـــــــارت☟
*إسڪࢪيبت🩷🍭.*
*📚♥️↻≯♡゙ُ)) في واتساب: عالم القصص والروايات*
*https://whatsapp.com/channel/0029VadlVO6GpLHTs4Ckn50y*
*#إسكريبت*
🩷🩷🩷🩷🩷🩷🩷🩷🩷🪷
*"ولا تـرضى إلا برفك إيه انا اتخنقت منك حقيقي " البسي دا يا مريم ومتلبسيش دا يا مريم ' كلمي دا يا مريم ومتكلميش دا يا مريم " بزعيق " يعم ارحمنييييي بقاااا اوووووف
=بحده .. مريم ' صوتك عالي اوي ودا غلط + إننا في الشارع وانتِ الي غلطانه علي فكره
_ بزعيق ' ودا ليه بقا هاا .. انا الي معكننه عليك
= مريم يا حبيبي " انتِ عاوزه تلبسي فستان مجسمك يوم الفرح وعريان وانا مش قابل أبدا بدا ..
_ يا زين دا يوم ف العمر " انت وعدتني يوم كتب الكتاب انك تخليني مبسوطه " دلوقتي انا لو لبسته هكون مبسوطه
= يعني انبساطك بدا يا مريم
_ بفرحه " ايوا
= يبقا ازعلي احسن .. ويلا علشان اوصلك يلا
_بغضب وهي بتخبط رجلها ف الأرض ' زييييين اقف هنا منا لازم افهم بقا " ليه التحكم الذايد دا انا اتخنقت يوووه
=بهدوء " مريم يا حبيبي ' اركبي العربيه ووطي صوتك وانا هفهمك بالراحه
_ يخربيت برودك يا أخي
= بحده : يعني علشان بعاملك بالراحه و معتبرك انك بنتي قبلك زوجتي يبقى انا بارد يعني ازعق عليك في الشارع واعملك وحش هكون كده كويس والله انتم البنات محدش عارف ليكم حل
* ركبت العربيه وانا مش طايقه نفسي الفستان كان شكله يجنن هو عنده حق هو ديق وعريان شويه بس دي ليله العمر وانا عايزه افرح زي باقي البنات
_ نتكلم بهدوء بقا لو سمحتِ
=بزعل ' اتفضل
* لف وشي ليه وحاوط ايدي بأيديه وكلمني بحنان وهدوء كعادته .
_ انتِ عارفه اني بحبك صح 💛
=بزعل " عرفت يوم كتب الكتاب بعد سنه ونص خطوبه وانا حتي مبقتش عارفه انت بتحبني وله لا
_ بضحك : والله مفيش اجمل من الكلام إللي بيتقال في الحلال بيكون ليه طعم تاني
معاصي الخطوبة بتكون سبب في فساد الزواج بعد كدة إن ما عند الله لاينال إلا بطاعته ❤
=انا عاوزه الفستان يا زين " دي هي ليله ف العمر وكل البنات ف اليوم دا بتعمل الي نفسها فيه .. وانت عاوز فرح إسلامي ويكون منفصل ' وانا مش قابله بكده ابدا وعمري محضرت فرح زي دا اصلا فأكيد وحش
_ اتنهد وبص قدامه شويه .. ورجع بصلها تاني : طب والله من ألطف واجمل الأفراح والله إلى بحضرها الأفراح الإسلامية فيها كمية راحة وبهجة رهيب يكفي بس انها ترضى الله عز وجل 💙
= بس يا زين " عاوزه اقول بس أن المنطقه اللي احنا عايشين فيها لو قولت ليهم فرح اسلامي بيتخضو زي مايكون قولتلهم هعمل عزا بدل الفرح ودي حاجه مخوفاني اوي ان فرحي يتعمل كده
_ بصي يا مريم انا عاوزك تفهميني كويس حضورهم او عدم حضورهم مش هيفيدنا في حاجه أولا كل واحد فينا هيتحاسب عن عمله في الدنيا وانا مش عايز اعمل فرح مختلط وربنا يسألني عن كل شاب مش هيغض بصره عن البنات وكمان هتسال عن كل واحد في الفرح هيسمع اغاني بسببي " مش هطيق راجل يقعد يتأمل فيك وف ملامحك وجسمك .. انا بغير علي ديني وعليكِ " انا مش ديوث يا مريم علشان اسيبك تلبسي الفستان دا . وكمان مين ضامن عمره ما كتير بيتوفوا ليله زفافهم يا مريم .
*دور العربيه ومشي وانا طول الطريق ساكته كلامه صح بس مش عجبني ' مهي مجتش من ليله يعني يووه .
|
_ مريم بت يا مرييييم
= نعم يا ماما
_ زين رن عليا وبيسأل انتِ قافله فونك ليه !
= بزهق " قوليله نايمه
_ لا بقا دا الموضوع في إنه ولازم اعرف فِ ايه .. دا فرحكم معتش عليه غير ٣ شهور
= ييييييه يا ماما قولتلك مفيش هاا .. انا نازله المكتبه اجيب روايه وهرجع
_ قولي لزوجك .
= حاضر
* كتبتله رساله وقفلت الفون * زين انا هنزل المكتبه *
|
* كنت بقرأ في الكتاب قدام البحر ولقيت حد قعد جنبي .
_ مالك بتعيطي ليه !!
= مفيش
_ انا مريم لو حابه تتكلمي معايا انا هسمعك
= مش حابه أتكلم.
_ ولا يهمك " عند إذنك
|
=اتأخرتي ليه يابت يا مريم دا زين قاعد جوا من بدري
_ زين هنا !!
* حطيت الكتب ودخلت الانتريه كان قاعد سرحان منكرش انه وسيم وإني معجبه بيه بس تحكماته مزهقاني ومخليه بينا حاجز ومش قادره افهمه .
_ زين !
= كنتِ فين
_ المكتبه
= ممكن أتكلم معاكِ
_ أكيد
= بصلي بقلق " مريم انتِ بتحبيني وله لا !؟
_ لو غير كده مش هكمل معاك يا زين
= يعني بتحبيني
_ بص يا زين انا معجبه بيك " مقدرش اقولك إني بحبك .. انت غيري خالص يا زين
=بضعف " غيرك ازاى
_ انت متدين وبتحب ربنا اوي وبتعمل حساب لكل خطوه " وانا غيرك .. انا ايوا بحب ربنا بس انا نفسي اعيش حياتي ' انت خليتني بطلت بناطيل وقولتلي حرام " وان البنت لبساها لازم يكون فضفاض زي م ربنا عز وجل قال .. مش بقيت بكلم ولاد خالتي وعماتي وعمامي زي الاول ولا اهزر معاهم وقولتلي دول مش اخواتك وحرام وانا سمعتلك ونفذت .. لكن كده كتير ' انك تحرمني اني البس الفستان واعمل الفرح الي نفسي فيه ف دا كتير بجد . وكمان تقولي هنسمي ولادنا عائشه وعمر وحمزه علي أسماء الصحابه .. انت جاي من أنهي كوكب .
= انا بحبك وعاوز آخد بأيدك للجنه مش للنار " عاوز اشدك وتسنديني " عاوزك سند ليا ف طريقي .
_ بعصبيه ' وانا مش كده من الأول ' اختارتنييي لييه بقاا
= بزعيق " علشان حبيتك .. علشان مش هقدررر احبببب غيرك ولا حد يدخل حياتي غييييرك
_ لو الحب بالطريقه دي يبقا خليه لنفسك انا مش عاوزه حبك دا يا أخي
= بترقب " يعني ايه يا مريم !
_ يعني طلقني يا زين وشوفلك زوجه صالحه غيري .
* بصلي بنظره كلها ضعف .. عمري مهنساها أبدا.. اديته ضهري ولسه هخرج من الاوضه اتخبطت ف التربيزه .
_ ايييي رجلي
= بلهفه وخوف " مالك حصلك ايه هااا تعالي اقعدي
* شالني وقعدني وفضل يفحص رجلي بخوف حقيقي باين ف عيونه .
_ انا كويسه خلاص أبعد .
= قام وقف " حاضر
_ ياريت تنفذ الي قولتلك عليه يا زين " انا مش هعيش ف الخنقه دي اكتر من كده .
= غمض عيونه بوجع " حاضر عن إذنك
*مر يومين وهو لا بيرن ولا حتي رد علي قراري " لبست ونزلت اقعد ع البحر .
_ انسه مريم
= لفيت وشي وشبهت عليها " ايوا
_ انا الي كنت هنا من كام يوم وكنت بعيط فكراني
= ايوا ايوا .
_ ممكن اتكلم معاكِ شويه انا مليش حد اتكلم معاه
= اتفضلي .
_ اتنهدت " انا أسماء " كنت مخطوبه لواحد كنا بنحب بعضها ٤ سنين وبعدين كون نفسه وجه خطبني كان مغرقني كلام حب و رومانسيه كنا احلي قصه حب ف الجامعه كلها .. لحد ما من كام شهر بقا يخدني معاه حفالات أصحابه ويختارلي لبس ضيق وعمري محسيته بيغير عليا .. اصحابه بقوا يتفرجوا عليا وهو عادي بدل ميخبيني منهم ويخاف عليا كان عاملني فرجه ليهم .. كنت بسمحله يمسك ايدي ووقت زعلي يطبطب عليا وساعات لو بعيط يحضني .. كان في تجاوزات كتير اوي بينا .. نخرج لوحدنا ونسهر وكلام مباح ازي بقينا نقوله لبعض .
= بحروف مرتعشه " وو و وبعدين
_ ف يوم كنت مروحه وبعدين الشميز بتاعي وانا نازله من التاكسي اتقطع .. ملقيتش حوليا مكان غير المسجد .. دخلت وكان في بنات قعدين تقريبا في ندوه او حاجه . كنت واثقه انهم هيتطردوني بمنظري دا ... شميز وبنطلون ضيق ونص شعري باين والبرفان مغرق الدنيا .. لكن لقيت العكس رحبوا بيا جدا وبحب اكني اختهم ولما طلبت منهم حاجه علشان هدومي جابولي اسدال من المسجد وقالولي اقعد اسمع معاهم وبعدين أمشي
= وبعدين
_ قعدت علشان اتحرجت بعد كرمهم دا واسيبهم وامشي .. الشيخه الي هناك كانت بتتكلم عن العلاقات المحرمه وعن التعديات الي في الخطوبه وعن ليله الفرح الي كلها ذنوب " حسيت ان الكلام نازل عليا زي الصعقه " فضلت تقول :
[ من أطاع اللّٰه في الخِطبة مكَّنَ بيتَه ]
يعني اللي بيراعي ضوابط الخطوبة ، ربنا بيرزقه البركة في بيته.
= وبعدين
_ اتكلمت عن يوم الزفاف وقالت إنك ستحمل ذنب كل من تبرجت في زفافك، وكل من استمع للغناء، وكل من أُعجب بأغنية في زفافك فعاد لبيته وبحث عنها وأدمنها،ستحمل ذنب الذي اطلق بصره في النساء لأنك كنت سبباً في إحضار الطرفين معاً بطريقة لا ترضي الله ولا رسوله، قسماً بمن أحلّ القسم الأمر عظيم ..
= بصوت مليان ندم " وبعد كده حصل ايه
_ رجعت ونا ندمانه وقررت هحول خطوبتي لخطوبه ترضي ربنا عز وجل .. رنيت علي خطيبي وجه البيت وكلمته بهدوء .. اتعصب عليا وشتمني وقالي خطوبه اسلامي ايه وبتاع ايه وفرح مين الي من غير معاصي امال اصحابي لما يجوا الفرح يلاقوا ايه .. الخناق ذاد بينا لحد مرمالي الدبله ف وشي ومشي .. وانا قررت هتغير علشان ربنا .. وزي ما انتِ شايفه .. من بنطلون ل خمار بفضل الله .
= انتِ كنتِ بتعيطي علشانه .
_ لا يا مريم " كنت بعيط علي ال5سنين الي ضاعوا من عمري مع شخص غلط محافظش علي قلبي ندمانه علي اني سمحتله يلمسني قبل العقد واني اقوله كل مشاعري.. ندمانه ندم بيقتل ف قبلي ببرود .
=بدموع " كلامك جاي ف وقته
_ ازاى