❴🔢❵☟الــبــــــ❴ 3️⃣ ❵ـــــــارت☟
لست من نسلي 🧚♂️
8/9/10
https://whatsapp.com/channel/0029VakuN1aHwXbJf5jj7w0J/301
: روحت عشان اجيب لبس للبيبي اصل انا وزياد قريب هيجيلنا بيبي
الكل بصدمه وهما بيبصوا على زياد : اييييييييييييه زياد!!
زياد بيشاور على نفسه بصدمه واستغراب : انا؟!!... محصلش!!
معتز بعصبيه : نهر ايه معنى الكلام ده؟؟!
نهر : معناها ان كلكوا استغليتوا حالتي لمصالحكم واحد واحد والحمدلله أن ده حصل عشان يكشفكم على حقيقتكم ليا!!
معتز بعصبيه وتوتر : نهر ايه الكلام ده انتي بتتبلي علينا؟؟.. بتردي علينا الجميل بالطريقه دي؟؟!
نهر بتضحك بسخريه وبتشاور عليهم : انت عمي المحترم معتز اللي مفيش عم زيك في الدنيا دي اللي استغليت حالتي وخليتني أوقع عن أوراق تنازل ملكيه ليك.... وانت يا حسام فضلت في الرايحه والجايه.. ونزلت منها دمعه.. تتحر*ش بيا على اساس انك بتلعب معايا طب اعتبرني اختك طب ترضاها على نور؟؟؟
حسام بعصبيه : اخرسي اختي مش زيك!!
نهر بضحكه سخرية : هه فعلآ اختك مش زيي لأنها الشيطا..ن نفسه!!..... دي عرفت اني حامل من هنا واستغلت الموضوع ده وزورت التقارير وقالت إنها هي الحامل وراسمين خطه كامله عشان ياخدوا الطفل بتاعي!!
الكل بيبص على نور بصدمه ونور بتنزل رأسها متلاشيه نظراتهم
معتز بصدمه : نور ده بجد؟؟...انتي مش حامل؟!!
نهر بسخريه وجمود : استنى ده انت هتسأل كتير اوي لسه وهتنصدم يا غالي... وعمتو المرأه المحترمه كانت بتهددني اسكت ومقولش لحد الكلام ده والا امي مش هترجع وكانت بتعمل ده عشان قال بنتي وعشان حسام ميتسجنش!!
حسام بصدمه وخوف : بس انا مقر.. بتش من نهر للدرجادي وبجد المرادي انا بقول الحقيقه ومش بكدب !!
نهر بجمود : مهو مش انت اللي عملت كده فعلا ده زياد حفيد العيله ووريثها الوحيد الشب المحترم اللي بترفعوا رأسكم بيه هو اللي عمل كده!!
مالك بصدمه وهو بيرجع للورا وبيبصلهم : انتو يطلع منكم كل ده!!!...... أنا مش مصدق نفسي انا مش عايش وسط عيله انا طلعت عايش وسط مجر.. مين حتى المجر.. م احسن منكم ما بيرضاهاش في عيلته إنما انتو..... لا لا انا مش مصدق بجد!!........ انا مش هعيش لحظه معاكم من تاني... وبيتحرك
حسينه بصدمه وبتمسكه من كتفه : مالك انت بتقول ايه؟؟؟..... مستحيل مستحيل يا ابني هتسيبني بعد ما كبرتك وربيتك وشيلتك جوه بطني عشان واحده ملهاش عيله!!
نهر الكلمه وجعتها وبتنزل منها دمعه
مالك بضحكه سخريه : مهو طبيعي ميكونش عندها عيله لو انتو عيلتها بتعملوا كده!!...بيفك ايدها من كتفها ولسه هيطلع
معتز بجمود : لو رجلك هتعتب برا البيت ده انسى ان ليك اب هنا ومتأخدش ولا حاجه معاك!!
مالك بهدوء : وانا أساساً مخدتش ولا كنت هأخد حاجه لأن كلها طلعت فلوس حرا.. م!!...
معتز بعصبيه : يااااااااااا حراااااااااس!!
الحراس بيجوا بسرعه على صوته صف كامل
معتز بجمود : مالك رجله متعتبش على البيت ده تاني ولو حاول بس يعتب تتصلوا بالشرطه مفهوووووم؟؟
الحراس بصدمه وتوتر : مفهوم
مالك بيبتسم ابتسامه غريبه وبيطلع بره البيت وزياد بيطلع جري وراه
نهر بتبص عليه وهو طالع وبتبتسم : ومغلطتش يا مالك لما قولت زمان انك اخويا اللي امي مخلفتهوش
زياد وهو بيجري : ماااااااالك ماااااااالك اقف عندك!!
مالك بيتجاهله وهو بيمشي بسرعه بالنهايه زياد بيمسكه من كتفه
زياد باستغراب : في ايه يا بني ما تقف مش بناديك!!
مالك بجمود : عايز ايه؟؟؟
زياد بصدمه : انت بتتكلم معايا كده ليه؟؟
مالك وهو بينزع ايده من كتفه : عايزني اتكلم معاك ازاي؟؟؟.. وانت مين أساساً؟؟؟...انا معرفكش انا طلعت مخدوع وخدعه كبيره كمان معقول انت زياد اخويا اللي كنت على طول بقولك انت قدوتي وانا فخور بيك ؟؟
زياد بحزن : وانت مصدق يا مالك أن انا اعمل كده؟؟؟
مالك بعصبيه : اه مصدق ومتحاولش تضحك علبا عشان خلاص انا مبقتش أصدق حد فيكم!!
زياد وهو بيخرج بعض الأموال من جيبه : خلاص يا مالك براحتك متصدقنيش بس عايزك تعرف ان انا معملتش حاجه وانا مش كداب وهيجي اليوم اللي هتعرف فيه ان انا برئ فعلا ووقتها هتندم!!... وخد خلي الفلوس دي معاك عشان تمشي بيهم امورك ولما تخلص اتصل عليا وهبعتلك تاني
مالك بضحكه سخريه : فلوس حرا.. م!!... وبيمشي بسرعه وبيسيبه وسط حزن الآخر
زياد بحزن وهو قاعد على سلم بيت عمه القديم : لما كنت بتدايق كنت بجي هنا على طول وبقعد و برتاح وهي بتراضيني انما دلوقتي كل حاجه تغيرت يا ريت كل حاجه ترجع زي زمان ياريتك يا عمي ما مو.. تش ياريت كل ده محصلش كنا عايشين بسلام ومبسوطين!!
زياد بتذكر : اييييه ده انا نسيت الوصيه خالص!!... مفتحتهاش كل السنين دي.. ياترى عمي كان كاتبلي ايه وعايزني في ايه ؟!... وبينزل جري على تحت وبيقفل البيت وبيركب العربيه بسرعه وبيتوجه ناحيه القصر وهو بيعد الثواني على أحر من جمر
زياد بيفتح الخزنه وبيطلع الوصيه وبيقرأها زياد بصدمه : ايييييييييه ده انا كان لازم افتحها من زمااان اتأخرت اوي!!
نور ببكاء : اتكشفنا خلاص يا ماما أكرم هيطلقنيييي!!
حسينه بحزن : متزعليش يا بنتي أن شاء الله ربنا هيعوضك بالخير عن أكرم هوا مش نصيبك
نور ببكاء : بس انا مش عايزه خير ولا تعويض انا عايزه أكرم أكرم وبس!!
حسينه بتبص عليها بحزن بينما تجفف الاخره دموعها بسرعه وبتطلع من الغرفه
: نهر
بتبص وراها بتلاقي نور وهي بتعيط وراها بتلف وشها الناحيه التانيه بتجاهل
نور : حقك عليا يا نهر حقدي وانانيتي عموني ونسيت انك اختي وصحبتي وكل دنيتي وسندي ومليش غيري سامحيني وتعالى نرجع زي زمان فاكره؟؟
نهر بابتسامه : فاكره يا نور فاكره... وبتمسك ايديها وبتحضنها وبيقعدوا مع بعض وهما بيفتكروا ذكرياتهم...
بعد أيام قليله
حسينه بتوتر : الوووو
أكرم باستغراب من ردها : الووو خالتي ازيك ليه نور مردتش هو الطفل و نور كويسين؟؟؟.. انا جاي اخدها عشان السفر بكره الصبح قعدت معاكم بما فيه الكفاية خلاص يادوب نلحق نلم هدومنا
حسينه بتوتر : بصراحة يا ابني نور الحمل تاعبها جدا والدكتور بيقول انه مش ثابت وكتبلها على ادويه وراحه تامه
أكرم بصدمه : بجد طب هجي اطمن عليها و اخدها
حسينه بتوتر وخوف : لالالالا لا ملوش داعي يا ابني مش سفرك بكره الدكتور قال إنها مش هتقدر تسافر لحد ما تولد أو يستقر الحمل
أكرم بخوف : في داهيه السفر انا هجي اطمن عليها واجبها هنا عشان اخد بالي منها
حسينه بشهقه : تجي تجي اييييه؟؟... لا ده الدكتور مديلها بنج مش هتفوق غير بكره بالليل وانت سفرك بكره الصبح
أكرم باستغراب : ما نا مش هسيب نور ورايا واسافر هسيب السفر وخيرها في غيرها
حسينه بصدمه : لالالا يا بني تسيب السفر ازاي.؟؟... دي نور بتقولك سافر وهي أول ما تولد أو يستقر الحمل هتسافر وانا معاها عشان اخد بالي منها وأخواتها معاها
أكرم باستغراب : اييه ده مش انتي قولتي انها واخده بنج ومش هتفوق الا بكره بالليل؟؟
حسينه بتوتر : ايوه قولت كده.. ليه في حاجه؟؟
أكرم : طب ازاي بتقولي انها بتقولي سافر.؟
حسينه وهي بتخبط جبهتها : اقصد ان أن..... اه ماهي قبل ما تاخد البنج كانت بتقول كده وقالت لي اقولك كده
أكرم ببلاهه : خلاص يا خالتي لآ نور عايزه كده مفيش مشكله يلا مع السلامه
حسينه وهي بتتنهد بهدوء : واخيرا.. مع سلامه يا ابني مع سلامه الله يفكها عليك
حسينه بخبث : كده بقى نجحت الخطه الأولى وانا مش هخليكي يا نهر بعد ما خليتي ابني يبعد عني وكنتي عايزه تخربي بيت بنتي وعايزه تاخدي ابني التاني برضو تنتصري عليا وهتشوفي!!
زياد وهو بيقفل الباب براحه : يا ترى ياماما ناويه على ايه.....كده في حاجات مستخبيه ومش مفهومالي كتير سواء وصيه عمي.. ولا كلام نهر اللي قالته وانا معملتش حاجه وفي مؤامرات كتير بتحصل من ورانا وانا لازم اعرف كل حاجه والحقوق تترد لأصحابها !!
#لست_من_نسلي 8
بصوا يا جماعه عايزه اقول كلمتين توضيح اسمعوها لو سمحتوا في فرق بين النقد والإساءة جميل.. والنقد ده انا بتقبله جدا وبحبه وبحترم الشخص في رأيه وبحاول افهم وجهه نظره بعدين يشوف هو غلطان أو لا وانا والله ويعلم ربنا اكتر انسان ملوش دعوه بالمشاكل وبعيد عنها لكن هتجي تسيئ لي مره هشوف كومنتك وهتجاوزه وهمسحه أو هسيبه زي النيش ومش هرد عليكي إنما هتسيئ اكتر من مره فأنا هنا هرد عليكي بكلمه واحده بس..... متابعينيش 👍
انا كنت عايزه اعمل الكلام في بوست لوحده بس مش عايزه حد تاني يفهم الكلام عليه بحبكم في الله اختكم سوارة الحكومة ❤️: كده بقى نجحت الخطه الأولى!!
وانا مش هخليكي يا نهر بعد ما خليتي ابني يبعد عني وكنتي عايزه تخربي بيت بنتي وعايزه تاخدي ابني التاني برضو تنتصري عليا وهتشوفي!!
زياد وهو بيقفل الباب براحه : يا ترى ياماما ناويه على ايه.....كده في حاجات مستخبيه ومش مفهومالي كتير سواء وصيه عمي.. ولا كلام نهر اللي قالته وانا معملتش حاجه وفي مؤامرات كتير بتحصل من ورانا وانا لازم اعرف كل حاجه والحقوق تترد لأصحابها !!
في صباح يوم جديد على طاوله السفره
حسينه بخوف وحزن : لسه مصمم مترجعش الولد طب على الأقل اديلو فلوس ده ابنك حتى!!
معتز بجمود : هو اللي صمم مش انا ولا مليم من فلوسي هديهولوا الا لما يتنازل عن كلامه!!
زياد بسخريه : هو اللي مش هياخد منك اساساً لاني لحقته واديتو من فلوسي انا شخصيا ورفض!!
حسينه بشهقه وزعل : يعني ايه؟؟.. يعني كده خلاص انا خسرت ابني؟؟.... ابني لازم يرجع رجعولي ابنييييي!!
: السلام عليكم
الكل بيبص تجاه الصوت بيلاقوها نفيسه جايه ومعاها تغريد
زياد بتأفف وصوت غير مسموع : اهو ده الناقص اللزقه و ملكه التمثيل شرفوا!!
نهر بتسمعه وبتبص عليه مسافه باستغراب من كلامه بعدين بتستوعب بتضحك وزياد بيبصلها وبيبتسم بعدين نهر بتفتكر وبتكشرله وبتنزل رأسها على الطبق قدامها وزياد بيبص لها بحزن وبيلف وشه
نور باستغراب وذهول من مجيئهم : وعليكم السلام خالتي وتغريد اقعدوا اتفضلوا افطروا معانا
نفيسه باستغراب : طب ما انتي زي القطه بسبعه ارواح اهو امال ايه؟؟
نور باستغراب من كلامها : مش فاهمه!!
حسينه بتتوتر وهي فاهمه كل حاجه
نفيسه : اصل أكرم اتصل عليا وقالي أن الحمل تاعبك وان مديينلك بنج ومش هتفوقي الا على الليل بس انا شايفاكي احسن من تغريد نفسها !!
نهر كانت هتتكلم بس افتكرت كلام نور ليها وأنها اعتذرت منها فسكتت
زياد بهدوء : ونور مش حامل اساسا عشان الحمل يتعبها!!
نور بتسمع كلام زياد وبتبص على رياكشنات حماتها بتحس برجفه في جميع أنحاء جسدها وبتقع على الأرض مغشي عليها
حسينه بخوف وهي بتبص على زياد بغضب : نوووووور
نفيسه بعدم فهم : استني مش فاهمه ازاي نور مش حامل اساساً حد يوضحلي!!
الكل بيبص لها بتجاهل وهما خايفين على نور وبيتصلوا على الدكتور وبيجي يفحصها
الدكتور : ده تعب الحمل جسمها ضعيف كتبت لها على شويه فيتامينات!!
زياد بيقف على الزاويه وبيتأفف : تاني!!..نفس الكدبه!!
نفيسه بتقعد شويه هي وتغريد ولما يحسوا بتجاهل وعدم ترحيب بيهم بيقرروا يمشوا
نفيسه بتفكير : ياترى يقصد ايه زياد بكلامه؟؟
تغريد بتدقيق : هو قال إن نور مش حامل أساساً.. وانا سمعته لما الدكتور قال حامل قال تاني نفس الكدبه يعني نور مش حامل!!
نفيسه بشهقه : هييييييه مش ممكن معقول نهر!
زياد بعصبيه : دي مش حاجه يتلعب بيها هااا بعد كم شهر اكيد جوزها هيعرف انها كدابه بعدين انتو ازاي باقيين على راجل مستعد يسيبك عشان حاجه ملكيش دعوه بيها
معتز بعصبيه : احنا خلاص هنلم الفضايح دي كلها عشان نرتاح نهر تولد ونور تاخد الطفل تربيه وانت ونهر تتجوزوا
زياد بحده : اييييييه؟؟... انت عايزني اتخلى عن أبي لا ده مستحيل!!
معتز بحده وهو بيجز على سنانه : وانا مش بخيرك سمعه العيله بيكم كلكم وانتو حطيتوها تحت الطين بنت عمك هتنستر بأنك هتتجوزها وعشان محدش يتكلم على الطفل وسمعه نور هتأخدوا على أساس أن ابنها وهتربيه ومنها بيتها ميتخربش!!
نهر بعصبيه : يااااااا سلام وانتو فاكريني ايه اللي عايز فلوس يستغلني واللي عايز شهو.. اته يستغلني واللي مبيخلفش اخلفله ليه شايفيني ايييييييييه حرام عليكو!!... وبسيب الصاله جري وبتطلع على فوق زياد بيبص عليها وهي بتطلع بحزن شديد
: مييييييييييييييين؟؟
زياد بهدوء : نهر ده انا افتحيلي الباب شويه عايز اتكلم معاكي
نهر بعصبيه : وانا معنديش كلام معاك!!
زياد بحزن وهو يطرق : نهر ابوس ايدك افتحي الباب عايز افهم منك كل حاجه حصلت لاني معملتش حاجه!!.
نهر بضحكه سخريه : معملتش حاجه والله انت مش فاكر مش فاكر لما ******* انت كنت السبب في مو... ت ابويا الأساسي مش الثعبان لأن ابويا ما.. ت على حسرته بسببك!!.. وبتقفل الباب في وشه
زياد بتذكر وتدقيق : في اليوم ده انا فاكر اني لما صحيت لقيت نفسي في بيت عمي بس مكنش في حد فيه معقوله!!
: انا هروح اشوف كاميرات المراقبة في اليوم ده عشان افهم كل حاجه!!
وبيروح وبيفتح التسجيلات على تاريخ اليوم كان كل شيء عادي لحد ما جات لقطه.......
زياد بصدمه : معقوله.. دي جر*يمه مدبره!!.. يتبع
#لست_من_نسلي 9
بكره بما انو الخميس في بارتين 🤗
بارت النهارده قصير عارفه حقكم عليا صلوا على النبي صلى الله عليه وسلم ❤️وبيروح وبيفتح التسجيلات على تاريخ اليوم كان كل شيء عادي لحد ما جات لقطه المنتظره...
كان عمه ومراته وبنته وخالته وبناتها والعيله كلها جايين زياره بمناسبة رجوعه بعد اول اجازه ليه وكان كل شيء على مايرام لحد ما جات تغريد وضيفتهم عصير بعدها بمسافه الكل بقي شبه فاقد الوعي صاحيين بس مش واعيين بالحواليهم وجاء شخص هوا عارفه كويس وساعد تغريد وشال زياد ونهر وطلعهم على شقه عمه بعدها التسجيل ما بيلاقيش تسجيلات جوه شقه عمه
زياد باستغراب : طب شالنا **** ودانا فوق ليه ومفيش تسجيلات جوه الشقه!!
بعدها بيظهر الشخص ده وهو شايل مجموعه صور في ايديه وطالع زياد بيقرب اللقطه وبيحاول يشوف محتوى الصور دي ايه لحد ما تتضح له الصوره
زياد بصدمه : معقوله.. دي جر*يمه مدبره!!
: بت بت بت يا نهر استني بكلمك!!
نهر باستغراب : عايزه تكلميني انا؟
نفيسه بتوتر : ايوه انتي فاكره لما قولتي لي انك حامل وحسام ابو الطفل وو...
نهر بمقاطعه وجمود وهي بتحط ايديها على بطنها : الوحيد اللي هو أبو ابني واولادي هو زياد ومش غيره فاهمه؟؟؟... بعدين انتي ازاي تسأليني عن حاجه زي كده يا طنط مين ادالك الحق؟؟؟
نفيسه بخوف : ان. ن. ا
نهر بتذكر وحده : بعدين استني انا افتكرت حاجه اليوم اللي الثعبان لد.. غني فيه انتي كنتي معايا في الجنينه وبتدوري على حاجه وقعت عنك كده وانا فتحت التسجيلات وشوفت أن الثعبان ده انتي كنتي مطلعاه من بوكس في شنطتك!! انتي كنتي عايزه تمو.. تيني؟؟؟... ايه رايك لما اقول ازياء والعيله كلها؟؟؟
نفيسه بخوف : لالالا ابوس ايدك لا كله الا زياد حقك عليا مكنتش اقصد انا مكنتش عايزه أمو..تك انا كنت عايزه يغمى عليكي من الخوف ونخطفك بس موصلتش لكده!!
نهر بجمود : عموماً انا هسيبك المرادي وبمزاجي بس لو دايقتيني كده او كده او شوفتك بتعملي حركات أو اتكلمتي في حاجه بخصوص الموضوع أو سالتي فخافي مني!!
نفيسه بتوتر : مش هيتكرر تاني اوعدك
نهر بتبصلها بقوه مسافه وبتمشي
نفيسه بتفكير : رده فعل نهر دي بتأكد لي شكوكي أن نور مش حامل وده ابن نهر بس انا لازم اتأكد برضو!!
تغريد باستغراب : ماما انتي واقفه هنا ليه؟؟
نفيسه وهي بتمسكها من كتفيها : انا اتاكدت من شكوكي
تغريد باستغراب :اتاكدتي من اييييييه بالظبط مش فاهمه؟
نفيسه : اتأكدت أن مرات اخوكي مش حامل ودي لعبه من حسينه
تغريد بصدمه : اتاكدتي ازااااااي؟؟
نفيسه : مش مهم ازاي المهم أن نهر هي الحامل وابو الطفل شكلو زياد فعلا من ثقتها
تغريد بصدمه وهي بتجري : ايييييييييييييه زياد لالالالا انا معملتش ده كله عشان بالنهايه نهر تتجوز زياد!!
زياد بيبصلها بفرحه وعتاب لما بيلاقيها قدامه : نهر!!
نهر بتكشرله بس كان سادد الطريق قدامها : ابعدد افتح الطريق عشان امشي!!
زياد بابتسامه : نهر انا معملتش حاجه صدقيني
نهر بحده : زياد ابعد عن وشي!!
زياد : مش هبعد لحد ما تسمعيني وتعرفي الحقيقه وتشوفيها بعينك
نهر بسخريه : اووووه ماي قاد حقيقه؟!... هي عيلتك بتعرف الحقيقه ده انتو زورتوا خبر حمل بنتكوا وعملتوا حقيقه عاوزني اصدقكم!،
زياد بيتعصب وبيمسكها من ايديها بقوه وبيسحبها وراه وهي بتزعق فيه بعصبيه وبتحاول تفك ايديها منه
نهر بزعيق : سيب ايدي بقولك!.. سيـ..
زياد كان ماشي وهي وراه بيلاحظ باب أوضه الضيوف مفتوح شويه صغيره و تغريد واقفه مع نفس الشخص وواضح انهم بيتخانقوا
زياد بتركيز بيفتح الباب فتحه أكبر شويه وهو بيشاور لها تسكت : نهر اسكتي دقيقة عشان تعرفي الحقيقه بنفسك
نهر بتبصله باستغراب وبتسكت وبيتابعوا الحديث وبيسمعوا كل الحقيقه واللي حصل
نهر بصدمه وهي بتفتح الباب كبير : هوووووا انتوووو؟؟؟
الاتنين بيبصوا لهم بصدمه...يتبع
#لست_من_نسلي البارت الـ 10
بعد شويه في بارت ❤️