❴🔢❵☟الــبــــــ❴ 1️⃣ ❵ـــــــارت☟
لست م̷ـــِْن نسلي 🧚♂️🦥
1/2/3/4/5
https://whatsapp.com/channel/0029VakuN1aHwXbJf5jj7w0J/301
: زياد ابني مش هيتجوز غير بت عمه نهر!!
الكل بصدمه : اييييييه انتي موافقه !!
حسينه وهي بتحط ايديها على أكتاف نهر : ايوه اكيد موافقه وهو انا هلاقي احسن من نهر لابني فين؟؟؟
نفيسه بعصبيه وهي بتحضن بنتها : معنى كلامك ده انك موافقه على المهزله اللي حصلت لبنتي دي وانتي عارفه ان ليها ست سنين موقفه حياتها على زياد!!
حسينه : نفيسه زياد ما وعدش تغريد بحاجه.. وانا ما وعدتكوش بحاجه الا لما انتو بنفسكم اتكلمتوا معايا وقولتلكوا لو زياد موافق مفيش مشكله!!
نفيسه : يعني خلاص البت بارت بسببك يا حسينه بارت!!
حسينه بهدوء : ما بارتش لسه وان شاء الله ربنا يرزقها بنصيبها اللي كاتبهولها قريب
نفيسه وهي بترفع سبابتها : من النهارده مفيش حاجه بتربط بينا وبينكم غير التار تار بنتي وهعرف اخدوا منكم كلكم وهتشوفي يا حسينه وانسي أن ليكي اخت!!
حسينه بجمود : خلصتي.. يبقى اتفضلي ومن النهارده ممنوع رجلك تعتب على هنا براااااااا!!
معتز وهو بيحك ذقنه بتفكير : ياترى يا حسينه ناوية على ايه موافقتك وراها سر كبير والف مكيده اكيد انا لازم اعرف نيتك !!
نهر ببراءة : مرت عمي هوا في ايه رايحه جاية رايحة جايه شبه المروحه كده
حسينه بشرود وهي بتبصلها : بفكر يا نهر لحل للمصيبه اللي انا فيها دي
نهر وهي بتحط ايديها على كتفها : ربنا هيحلها من عنده اكيد ماما كانت بتقولي دايما كده
حسينه وهي بتملس على شعرها بحنان : هي واحشاكي اوي؟؟
نهر بحزن : واحشاني اوي اوي نفسي ترجعلي بسرعه
حسينه بتبص عليها بشفقه وتفكير : كله منك يا حسام انت السبب في كل حاجه... انا لازم افكر في حل.. انا مستحيل مهما كان اقـ*ـتل طفل مسكين مشفش الدنيا لسه بسبب طيش ابني... وفي نفس الوقت مش هينفع اجوز نهر لحسام بعد اللي عمله فيها... وزياد مش هينفع يتجوزها وهي حامل برضو!!... ومش هينفع يعرفوا انها حامل انا لازم الاقي حل!!
حسينه بتبص على نهر بقوه وبتمسكها من كتفها ناحيتها : نهر يا حبيبتي انتي مش هتقولي لحد على أي حاجه من اللي قولتيه ليا مفهووووم؟؟؟
نهر بخضه من تغيرها : مفهووووم
حسينه بخوف : متخافيش يا بنتي انا بس بقولك كده عشان امك مش هترجع تاني لو حد عرف فلازم تسكتي انتي فاهماني؟؟
نهر بخوف من فكره ان امها مش هترجع : فاهماكي!!
في صباح يوم جديد وعلى طاوله الفطور
معتز وهو بيبص على حسينه بتفكير : انا قررت اعجل بجواز نهر وزياد ليوم الخميس الجاي
حسينه بخوف وتوتر : لا الخميس قريب اوي تلاته ايام بس واحنا ملحقناش نجهز لحاجه!!
معتز بشك : واحنا مش مضطرين نجهز لحاجه الفرح مش هينفع ينعمل زي ما انتي عارفه عشان ام نهر يعني وبيبص على نهر ...مسافره و القصر اهو كبير وكله جناحات ولو عايزين يعزلوا الفلل موجوده برضو والاتنين موافقين يبقى ايه لازمتها التأجيل؟؟
حسينه بتلاعب وهي بتحط ايديها على أكتاف نهر : لا ازايي وده مش مبرر برضو... نهر من حقها تفرح زي باقي البنات ويتعملها خطوبه و فرح وشهر عسل ومهر وتلبس الفستان وتخرج وتشتري حاجات كتير وتجهز نفسها دي بنت الغالي ومرات ابني الكبير برضو ولا مش كده؟؟؟
نهر بتأييد وهي بتحط حسينه : كلام عمتو صح الصح يا عمي انا عايزه اعمل كل ده!!
معتز بيتنهد وبيبص على حسينه : خلاص زي ما نهر عايزه مش هقدر اقول حاجه !!
زياد وهو بيقوم على السفره : الحمدلله انا شبعت... كملوا اكل ورايا اجتماع مهم
مالك وهو بيأخد مفاتيحه من على السفره : الحمدلله...استناني انا خارج معاك اهو... وبيخرجوا
الخدامه باحترام : انا اسفه لمقاطعتكم وانتو بتاكلوا... بس نفيسه اخت حضرتك برا وجايبه بنت حضرتك معاها وهي بتعيط ومصرة تدخل والحرس مش عارفين يدخلوها بسبب أوامر من حضرتكم
حسينه بصدمه من أن اختها تكون عملتها : اييييييه... نور بنتي!!..... وبتقوم على السفره جري ووراها باقي العيله
نور بانهيار وشهقه : طلقني يا ماما طلقني بعد كل السنوات دي بسببببببك!!
الأم وهي بتحضنها : وبنتي دخلها ايه بمشكلتنا يا نفيسه مشكلتك معايا مش معاها !!
نفيسه بزعيق : بنتك كانت أرض بور وانا كنت مخليه ابني يستحملها على أساس ان تغريد تتجوز زياد زي ما احنا عايزين بس زي ما انتو رديتولنا جميلنا بالإساءة احنا برضو هنردهولكم اضعاف وانا لسه مخلصتش تاري منك ومش آخر مره تشوفي وشي هتقابليني كتير وهتترجيني برضو !!
نور بتزق امها بقوه وبتدخل على جوه جري وهي بتعيط وحسينه بتجري وراها
نور بانهيار في اوضتها : اطلعووووا برا مش عايزه اشوف حد فيكوووو انتو السبب !!
حسينه ببكاء : يا بنتي متقوليش كده كان غصب عني!!
نور ببكاء : غصب عنك ازاي ياماما؟؟؟... انتي وافقتي على جواز نهر من زياد بارادتك وخالتو حذرتك وانتي طردتيها يعني مش بابا اللي غاصبك!!
حسينه بجمود : كلو يطلع على برااااااااا!!
معتز وحسام ونهر بيطلعوا برا وحسينه بتتأكد انهم مشيو وبتقفل الباب كويس
نور بتبص عليها بعدم فهم
حسينه بجمود : اسمعي الكلام اللي هقولهولك كويس وميخرجش من هنا ومحدش يعرف بيه غيرنا مفهووووم؟!!
نور بخوف من تغيرها المفاجئ : مفهوم مفهوم
حسينه : وبتحكيلها على كل اللي حصل.......
نور بفرحه وبتفكير : بجد يا ماما نهر حامل؟؟؟
حسينه باستغراب من فرحتها : ايوه بجد
نور بابتسامه خبث : نهر هتكون المفتاح الذهبي اللي هيخلصنا من كل مشاكلنا !!
حسينه بعدم فهم : مش فاهمه كلامك يا بنتي وضحي اكتر
نور : انا هأخد الطفل اللي في بطن نهر وهربيه على اساس انه ابني وكده أكرم هيرجعني وحماتي مش هتقدر تعمل حاجه ومحدش هيعرف غيري وغيرك بالكلام ده وكده هنكون ضر.. بنا عصفورين بحجر واحد !!
حسينه بخوف : انتي متأكده الموضوع مستحيل يا بنتي
نور وهي بتبص قدامها بقوه ومش شايفه غير نفسها : مش مستحيل اسمعي كلامي كويسه وركزي...........................
حسينه بابتسامه : يعجبني دماغك يا بنتي طالعة زي ذكيه زي امك!!
نور : بس دلوقتي اهم حاجه اروح اتأكد من الدكتور أن نهر حامل اصل مش هنقدر نثق بكلامها وانتي عارفه حالتها
حسينه وهي بتبص قدامها بتفكير : تمام يا بنتي
وكانوا غافلين عن الأذان اللي بتسمعهم
وفي طاوله الغداء والكل بيأكل
معتز بعصبيه : متبكيش يا نور انا هاخدلك حقك منهم وهندمهم كلهم!!
مالك بتأييد ونفس العصبيه : واكرم ده بالذات انا هندموا وهعرفوا قيمتك كويس مش اختي اللي تتر.. مي الر..مية دي!!
نور بتمثيل البكاء : خلاص الموضوع خلص انا مش عايزه منهم حاجه لأنهم مش غلطانين انتو السبب!!
زياد بجمود : مش بسببنا ده اللي كان لازم يحصل وفي الحالات كلها انا مكنتش هتجوز تغريد فأقفلي على السيرة !!
حسينه وهي بتغمز لها : انتي ليه مش بتأكلي يا بنتي؟؟
نور بتمثيل : مش عايزه اكل حاجه انا قعدت معاكوا عشان خاطرك انتي بس!!
حسام : خلاص يا نور متزعليش انا هخرجك وتغيري جو وبالمره تفكي على نفسك!!
حسينه بتأييد وهي بتبص على نهر : ايوه فكرة كويسه روحي معاه واشتري كل اللي عايزاه واللي نفسك فيه وخدي نهر برضو عشان تشتري الحاجات اللي محتجالها
زياد بعصبيه : انا مش هوافق نهر تخرج مع حسام انا هأخدهم !!
مالك بإحراج : احممم زياد عندك اجتماع في الشركه بعد نص ساعه وبيستمر تلاته ساعات
زياد بعصبيه : الغييييي!!
حسينه بتخاف المشكله تكبر اكتر ومخططهم يفشل
: خلاص يا ولاد مش عايزه خناقه انا هخرجهم وبالمره تكون خروجه حريم!!
زياد بهدوء : خلاص تمام وانا ومالك هنوصلكم في طريقنا
: تمااااااااااام يلا يا بنات اطلعوا نجهز ونأكل بره !!!
بعد مسافه وصلوا قدام مول كبير ونزلوا التلاته
زياد : خدوا بطاقه البنك اشتروا اللي عايزينه من حسابي
حسينه بتوتر وهي بتلتقطه : بارك الله فيك يا ابني يلا امشي احنا وصلنا !!
زياد وهو بيبصلهم بقوه : لا مش همشي الا لما اتأكد انكم دخلتوا!!
حسينه ونور بيبلعوا ريقهم بخوف وبيمشوا ومعاهم نهر وبيدخلوا المول بيقفوا مسافه جوه وهم بيبصوا عليه من بعيد
حسينه بخوف : هاااا شوفيه مشي ولا لا؟؟؟
نور بتوتر : ايوه مشي مشي بس خلينا نطلع من البوابه الخلفيه عشان مش مطمنه من نظراتو لو بيراقبنا
حسينه بخوف : تمام....امشي قدامنا يانور ووقفي تاكسي وانا هجيب نهر وراكي
:تمام!!!
: عايزين نعمل فحص حمل لو سمحتي
موظفه الاستقبال : تمام... عايزه الاسم الرباعي
حسينه : نهر الـ..
نور بمقاطعة وبسرعه : نور نور
الاستقبال بتبصلهم باستغراب : نهر ولا نور؟؟؟
حسينه : نور معتز الـ.....................
الاستقبال : تمام ادخلوا على اوضه الكشف على طول اللي هي هناك
نور بخوف : تمام.... وبتسحب نهر وبتبعد مسافه.... بصي يا نهر لو حد سألك عن اسمك اسمك نور مفهووووم والا امك مش هترجع!!
نهر بخوف : مفهوم مفهوم
وبيدخلوا اوضه الكشف بعد مسافه بتطلع النتيجه
نور بلهفه : هاااا يا دكتوره ايه النتيجه؟؟؟
الدكتورة : مبروك المدام نور حامل في الأول داخله على التاني وده التقرير
نور بتمسك منها التقرير بفرحه وبتقرأها وبتتنطط كأنها حامل فعلا : بصي يا ماما مكتوب ايه في التقرير مكتوب نور معتز حامل حامل!!... . شكرا يا نهر... وبتحضنها وسط استغراب نهر
حسينه بفرحه من نجاح اول خطه : يلا نرجع البيت بسرعه ونبلغهم!!
معتز باستغراب : ايه اللي رجعكم بالسرعه دي؟؟... ده انا قولت انكم مش هترجعوا الا بعد ساعتين على الاقل!!
حسام بنفس الاستغراب : اه يا ماما وفين الحاجات اللي اشتريتوها؟؟؟
حسينه بتسكت بتوتر وبترد بدالها نور بفرحه : اصل اول ما روحنا المول دوخت واغمى عليا!!
معتز وحسام بخوف : ايه دوختي ليه مالك؟؟؟.... طب روحتي الدكتور؟؟؟....... ده عشان مأكلتيش اكيد!!
نور بضحكه : اهدوأ اهدوأ براحه عليا ايوه وروحت الدكتورة وقالتلي ده فعلا عشان مأكلتش وغلط عليا عشان الجنين... وبتحط ايديها على بطنها
معتز بعتاب : شوفتي يا بنتي ده عشان ماكلتيش اغـ...... دقيقة دقيقه انتي قولتي ايه جنين؟!!
حسام بابتسامه : بجد يا نور انتي حامل؟؟
نور وهي بتخرج التقارير من شنطتها : ايوه قولت جنين وانا حامل شوفوا التقارير اهي
معتز وحسام بيمسكوا التقارير : مكتوب حامل!!!
نهر بتساؤل : وهو الحمل حاجه حلوه يا عمي عشان تفرحوا كده؟؟؟
معتز بابتسامه : ايوه اكيد يا نهر
نهر بفرحه وهي بتسقف وبتحط ايديها على بطنها : طب ما انا........... ََ
نور وحسينه بيبصوا عليها بصدمه وخوف من كلامها..... يتبع
#لست_من_نسلي 1
: طب ما انا حامـل وفي طفل صغير هنا في بطني
نور وحسينه بيبصوا عليها بصدمه وخوف من كلامها
حسينه بتضحك وبتبصلها بخوف : يا حبيبتي يا نهر ضحكتيني والله ان شاء الله ربنا بكره يرزقك انتي وزياد لما تتجوزوا
نهر : بس انا عـ
نور بمحاوله تغيير الموضوع عشان نهر ما تتكلمش ويتكشفوا
: بابا متى هترن على اكرم عشان نعرفوا؟؟؟
معتز : هستنى زياد لما يجي واشوف ايه رأيه في الموضوع
نور بعصبيه : يا بابا زياد هيتأخر بره ويمكن ميوافقش انت عارف
معتز بهدوء : اخوكي احكم منك ومني انا نفسي ابوه بكتير نشوف رأيه
نور : يا بابا زياد مش هيوافق
: مش هوافق على ايه؟؟؟
نور بتبص وراها بصدمه لما تلاقيه وبتقول بتوتر : ززز زياد انت جيت مش قولتوا انكوا هتتأخروا؟؟؟
زياد بجمود : البطاقة اللي ادتهالكم عشان تشتروا منها متصرفش منها حاجه !!.... ده غير ان مليش غير ساعة الا سايبكوا في المول عايز توضيح لده !!
معتز بفرحه وهو بيحضنه : اختك حامل يا زياد هتبقى خال!!
زياد بصدمه : ايييييييه!! ... انتي حامل يا نور بجد؟؟؟
نور بابتسامه وهي بتحاوط بطنها : ايوه يا زياد
زياد ومالك بفرحه في نفس الوقت : يعني هبقى خال !!
زياد : اطلبي مني الحاجه اللي عايزاها بمناسبه الخبر الحلو ده
نور بتوتر : بصراحه انا كلمت بابا عشان اكرم يعرف بحملي وو..
زياد بعصبيه ومقاطعة : وعايزه ترجعيلوا بعد ما طلقك بسبب حاجه ملكيش ذنب فيها !!
نور بخوف من عصبيته : يا زياد انا بحـ...
زياد بعصبيه وهو بيكور ايده : امشيييي من قدااااامي!!!
بتنتفض من صوته العالي وبتطلع على فوق جري وهي بتعيط بانهيار
حسينه : ينفع كده يا ابني زعلتها وانت عارف انها بتحبوا وقد ايه كانت متأثره لما طلقها
معتز : بعدين هي حامل مينفعش تزعل وتتوتر كده يا بني متوقعتش منك كده يا زياد عشان كده قولتلها لما زياد يجي انا دايما كنت بقول انك احكم مني خيبت ظني فيك المرادي
زياد بيمسح على وشه بندم : انا مكنتش اقصد بس أكرم مش هينفع ليها ده ابن امه اول ما أمه تقوله اتجوزها يتجوزها طلقها يطلقها ده مش هينفع ليها !!
حسينه : ده عشان مجبتش وقتها حتت عيل اللي يملأ عينه ويرفع راسه انما دلوقتي تلاقيه هيتجنن فيها وشوف كلامي
زياد : وهي اختي مش ماليه عينه ورافعه راسه ؟؟؟
معتز بزهق : امشي يا زياد انا غلطان اني بشاورك من الاول هتتصل عليه حسينه وخلاص!!
نور بانهيار : زياد مش هيوافق يا مااامااااا!!
حسينه : اهدي يا بت واسكتي وبطلي عياط معتز ادالي الأذن اتصل عليه جيبي التلفون عشان اتصل عليه
نور بفرحه : بجد يا ماما خدي خدي اهو
كان قاعد وقدامه امه بيبص على صور العروسات اللي أمه جابتهوله وبيفكر فيها قاطعه رنة تلفونه بص لقاها هي قام بعد عن امه مسافه ورد
أكرم بهمس : الو ايوه يا نور
: انا مش نور انا خالتك حسينه
أكرم بتفاجؤ : معلش افتكرتك نور.. عامله ايه؟؟
حسينه بهدوء : بص انا مش جايه أرغي معاك كتير وعامله ايه وعامل ايه والنفاق ده انا جايه اقولك بنتي حامل ومصاريف حملها وولادتها عليك ويوم ما يولد الطفل مصاريفه برضو هتكـ...
اكرم بمقاطعه وفرحه : نوررر حامل بجد يا خالتي يعني؟
حسينه : ودي حاجه بهزروا فيها؟؟؟
أكرم وهو بيلتقط مفاتيحه : طب مسافه السكه واكون عندها خليها تجهز نفسها عشان اخدها
حسينه بسخريه : وهو انت فاكر انك بعد ما ر.. ميت بنتي الر..ميه دي بعد ما سلمنهالك وأمناها معاك هنوافق ترجعها؟؟
أكرم : طب هي فين نور اديهالي وانا هتكلم معاها
حسينه : وتتكلم معاها بصفتك اييييه متنساش انك طلقتها!!
اكرم : ارجوكي يا خالتي سامحيني كان غصب عني عايزاني اعمل ايه بعد ما طردتي امي وشوفت حاله اختي وهي منهاره
حسينه : خلاص يا أكرم اللي فات ما.. ت ولو عايز بنتي نوافق ترجعلك تجيب لها شقه بعيد عن بيت امك وباسمها وتجيب لها دهب من وزنها عشان بنتي وزنها دهب وعشان كرامتها ترجعلها وعشان الكل يعرف انها غاليه والا ما تورينيش وشك
اكرم : بس كده وانا رديتها من دلوقتي !!.... وبيقفل الخط قبل ما يسمع الرد
نور بخوف : و ايه لازمتها الطلبات دي يا ماما؟؟؟... كده صعبتيها ومستحيل يوافق!!
حسينه بابتسامه : عشان اعرف نفيسه مين بنتي كويس وعشان اخليه خاتم في صباعك وميطلقكيش عشان الشقه باسمك و عشان يحرم يسمع امه تاني!!
نور ببكاء : بس كده مش هيوافق بالعكس
حسينه بضحكه وابتسامه : وما يوافقش ليه يا غبيه ده ردك في التلفون ووافق
نور بفرحه : بجد يا ماما
حسينه : بجد يا قلب امك جهزي نفسك عشان هوا جاي
بعد مسافه بيصل أكرم وبيدخل ومعاه أمه اللي فضلت ساكته وبتبصلهم بغل
أكرم بفرحه وهو بيحضنها : بجد يا نور انتي حامل وريني الإثبات
نور حست بالإهانة وأنه مش عايزها الا عشان الطفل : خد دي التقارير
بيشوفها وبيبص لها بصدمه
أكرم : طب يا جماعه احنا خلاص هنمشي
حسينه بجمود : فين الشقه اللي باسم بنتي والدهب ولا انت فاكر انك هتضحك علينا؟؟؟
أكرم : لا والله يا جماعه بس انا ونور مش محتاجين الشقه أساساً!!
حسينه : ايه مش محتاجين شقه هوا انت فاكر اني هخليها تعيش مع امك الحربا .. ية تاني وهي حامل ده بعينك !!
نفيسه بتبص عليها بغضب وبتفضل ساكته
أكرم : مش كده بس مش هنحتاج الشقه لاني جاتلي نقليه شغل بره مصر فهنسافر لمده سنه ونشوف لو الوضع كويس نستقر لو معجبناش نرجع مصر
حسينه بخوف : ايييييييييييه؟؟.... سنه!!... يعني نو ر يعني هتولد بره!!
أكرم : ايوه بإذن الله هبقى ابعتلك لما تقرب الولاده
نور بتفكير وهي بتبص على امها بخوف : ايه المصايب اللي بتجي ورا بعض دي طب انا أساساً مش حامل كده أكرم هيعرف الحقيقه !!
نفيسه بتبص من بعيد بتلاقي نهر طالعه على الحديقه بتتسحب وراها بهدوء وهي بتطلع حاجه من شنطتها
كانت بتلعب في الجنينه بكل الهدوء حست بلمسه حد على جسمها انتفضت بخوف : حسام ابعددد عني!!
نفيسه اتخضت من منظرها وبتقع الحاجه على الأرض
نهر بهدوء : دي انتي يا خالتو خضتيني انا افتكرتك حسام
نفيسه بتدور على الحاجه في الأرض بعينيها وبتحاول تشغل نهر بالكلام عشان ما تلاحظهاش : وليه افتكرتيني حسام ومالك اتخضيتي كده؟؟؟
نهر ببراءه : اصل هو دايما بيعمل معايا كده وماما قالتلـ
نفيسه بصدمه : بيعمل معاكي كده ازاي؟؟
نهر بهمس : قربي كده... ومش بس كده شايفه بطني دي؟؟
نفيسه : ايوه شايفاها
نهر : فيها طفل صغير منو وعمتو قالتلي مقولش لحد والا ماما مش هترجع
نفيسه بصدمه : ايييييييييييه!!!َ... يتبع
#لست_من_نسليي : ايييييييييييه!!!َ
نهر بابتسامه : بس انتي ما تقوليش لحد اني عرفتك ماشي؟؟
نفيسه بتوتر وهي بتتسحب براحه : ماا. اشي اكيد مش هعرف حد انا لازم امشي بسرعة
نفيسه وهي بتجري وبتهمس في التلفون : انا مش مضطره اخد.. رها ونخـ. ـطفها اساساً عشان عرفت حاجه هتخلي زياد يسيبها على طول!!
أكرم بابتسامة : واخيرا نورتي بيتك من تاني وقريب هينور حته مننا
نور بتوتر : اااه يا أكرم بس انت مش حابه نسافر
أكرم بعبس : وليه مش حابه نسافر؟؟... غريبه!!.. انتي طول عمرك حلمك نسافر وبتزني عليا اول ما جات الفرصه مش عايزه !!
نور بتوتر من نظراته : ده قبل ما ابقى حامل انا مش عايزه ابني يتربى على عادات برا ولا حابه ابعد عن اهلي انا اكتشفت اني مليش غيرهم
أكرم بعصبيه وزعل : انتي بتقولي كده عشان طلقتك مش كده؟؟... بس وريني هعمل ايه وامك طردت امي واهانتها وهي مديالها كلمه واختي اللي منهاره وانتي شايفه حالتها بنفسك!!
نور : لا يا اكر..
أكرم بحده : اقفلي على السيره دي مش عايز اسمع عنها تاني خلاص الموضوع انتهى.... وبيلف وشه الناحيه التانيه وبينام
نور بخوف وتفكير : يالهويي اكرم مستحيل يتراجع عن فكره السفر مهما كان انا لازم افكر في حل..... وبتبتسم بخبث... انا لاقيت الحل!!
تاني يوم على طاوله الفطور
مالك باستغراب من وجودها : منوره السفره يا نور
نور : النور نورك كده كده يا ملوك
زياد بنفس الاستغراب وبسخريه : ماشاءالله يا نور بقيت اشوفك في البيت اكتر من امي هوا اكرم طلقك تاني؟؟...ولا معهوش حق الفطور فبعتك ؟؟
نور باحراج وزعل : انت بتتريق عليا يا زياد؟؟... وعموما لا انا كنت جايه عشان وحشتوني وعشان جايه اتكلم معاك في موضوع مهم بس شكل وجودي مش مرحب بيه!!
حسينه بتبص لزياد بعصبيه وبتبتسم لنور : لا يا عمري البيت بيتك البت لما بتتجوز بيبقى عندها بيتين بيت اهلها وبيت جوزها إنما الراجل لما بيكبر مبيبقاش ليه بيت غير بيته بس انا شايفه زياد بيحب ينورنا كتير!!
مالك بضحك وهو بيبص على معالم زياد اللي تغيرت : اضرررر..ب!!
حسينه بتبصله بابتسامه : يا حبيبي ما انت معاه برضو!!
مالك باحراج : يا ماما انا قاعد معاكوا عشان ده من بر الوالدين وعشان انتو مش عايزيني ابعد
حسينه : مين مش عايز كده انت يا معتز قولت حاجه زي كده؟؟
معتز بضحك : ابدا بالعكس انا نفسي ارتاح منهم وخصوصاً مالك ده!!
الكل بيضحك عليهم في وسط جو عائلي جميل خلفه مكا.. يد ومصايب
زياد بابتسامه : حقك عليا يا نور بس انا كنت زعلان انك رجعتيلو عشان خايف عليكي وعلى فكره ماما غلطت لما قالت البنت لما تتجوز بيكون عندها بيتين بالعكس بيكون عندها تلاته بيوت جوزها وأهلها واخوها
نور بدمعه وهي في تفكيرها : حقك عليا انا يا زياد انت متستهلش حاجه من اللي بنخطط لها !!
زياد بابتسامه : انتي قولتي انك عايزاني في موضوع مهم خير ان شاء الله
نور بتوتر : انت عارف ان انا واكرم مسافرين صح؟؟
زياد بغضب من سماع اسمه : اممممممم
نور بخوف من تغير ملامحه : انا سمعت ان هناك في علاج للمرضى زي نهر كده
نهر بخوف ودموع : علاج للمرضى زيي بس انا مش مش مريضه هيدوني حقنه صح انا بخاف منها مش عايزه مش عايزه
زياد وهو بيكور ايده بقوه من العصبيه : نهر اطلعي على الجنينه شويه ومتخافيش انتي كويسه وزي الفل اهي!!
نهر بتقوم وبتطلع على طول وهي بتجري
حسينه بتبدل نظرها بين ايد زياد اللي مبيكورهاش بالطريقه دي الا لما هيكون هيعمل مصيبه وعلى بنتها اللي جسمها بدأ ينتفض من الخوف
زياد بعصبيه وزعيق : اولا كده نهر مش مريضه تمام؟!!.... تانياً انا استحاله اخلي نهر تسافر معاكي انتي وجوزك الـ **** وانا اساساً ذات نفسي مش عايزك تسافري معاه بس انتي اللي جبتيه لنفسك....ثالثا كده وبصلها بحده وقوه... نهر احسن من ناس كتير بصحتها وعافيتها... ناس عاملين أقارب وهما عقارب!!..وفاكرين مش عارفين حاجه ولا فاهمين... ناس عايزه تئذينا عشان مصلحتهم!!.. بس فوقي يا نور انا مفيش حاجه في البيت ده بتتخبى عليا!،..انا بس بعمل نفسي عبيط عشان اشوف اخرك.. ولما اشوفه خافي مني وقتها مش دلوقتي!!.. وبيقوم وبيسيب السفره
نور وحسينه بيبصوا بخوف لبعض وبيهمسوا بخوف : يقصد ايه؟؟.. معقول زياد يكون عارف بكل حاجه؟؟.... دي مصيبه!!
زياد بيطلع على بلكونه غرفته وبيبص بيلاقي نهر بتلعب في الجنينه بفرحه بيبص عليها بحزن
: حقك عليا يا نور عيني ناس كتير عايزه تئذيكي بس ما تخافيش انا هعرف احميكي كويس !!
وبيبص عليها بحب وهو بيفتكر ذكرياتهم مع بعض زمان وفجأه بيلاحظ حاجه واقعه على أرض الجنينه بيبص عليها بصدمه وبيصرخ : نهر ابعدددددددددددي!!... يتبع
#لست_من_نسلي 3
حقكم عليا اتاخرت بتنزيل البارت يومين بس كنت قاعده مع مرات اخويا في المستشفى باركولي بقيت عمتو 😎❤️