الحلال أجمل👌🏻 - ❴🔢❵☟الــبــــ❴ ألأخير ❵ــــــارت☟ - مكتملة | روايتك

" مكنتش برفض اقابل حد! عادي يعني، لكن حسيت بِـ حاجة غريبة، حسيت إن.. إن هو! وبالفعل جه هو وأهله بالليل وخرجت في إيدي العصير وهي بترتعش، كنت خايفة ومتوترة جدًا، دخلت قعدت جمب بابا ومتكلمتش، كانوا بيتكلموا بس أنا مش مركزة معاهم.. حاسة بعيون عليّا، أو خلينا نقول.. حاسة بعيونه هو عليّا، ودا كان موترني أكتر، فوقت على كلمة بابا.. _طيب نسيبهم لوحدهم شوية مسكت إيده بسرعة طبطب على إيدي وهمسلي.. _متخافيش،هكون قريب أمأت بصمت وأنا بسيب إيده، خرج الكل وأنا عيوني لسه في الأرض! خايفة أرفعها،لعند مَ اتكلم.. _اقوم امشي طيب ولا اي؟ هو، هو صوته! حسيت برعشة في جسمي ورفعت عيوني بسرعة، لقيته بيبصلي ومبتسم! قولتله بصوت مهزوز _انت؟ ابتسم _على فكرة وحشتيني اتكسفت لكن حاولت ارد بثبات... _على فكرة لسه حرام كان متغير جدًا، كان هادي، ابتسامته هادية ونظرته هادية.. ارتاحت لما بصيتله! بس دا ميمنعش انه لو مش ملتزم مش هوافق! اي الغباء دا؟ شكلة التزم اصلًا.. باين عليه جدًا. _عندك أسأله؟ _بتصلي؟ _في المسجد، وأنا الإمام جسمي قشعر من الجمال والله، كملنا الرؤية بنسأل بعض أسأله.. كأننا منعرفش بعض! أنا فعلًا حاسة إني معرفوش، إنسان تاني، إنسان جميل. _طيب ردّي هيوصلك مع بابا خرجت عند الباب وبعدين رجعت.. وقولت_هنلتزم بضوابط الخطوبة! اتكلم بسرعة_ يعني إنتِ موافقة؟ اتجمدت من غبائي! لأ بجد اي الغباء دا؟! قولت بتوتر_لا.. اه، أقصد.... خرجت جري من الأوضة وأنا سامعه ضحكته اللي منه لله! والكل بيبصلي باستغراب! وطبعًا مش عايزه أتكلم عن زن هدى أختي إنها تعرف كان في اي! لكن طبعًا مقولتش، أكيد مش هفضح نفسي يعني، كفاية هو. صليت استخاره وارتاحت، قولت لِـ بابا إني موافقة، والتزمنا بضوابط الخطوبة فعلًا.. وهو قالي فكرة حلوة جدًا يوم الخطوبة، وهي اننا نجيب نوتس واي حاجة عايزين نقولها نكتبها في النوت دي! ويوم كتب الكتاب هنبدل النوت، وفرحت ان الفكرة منه جدًا، دا غير فرحتي إن مامته هي اللي لبستني الدبلة وهو اللي قالها. اتخطبنا 6 شهور بس! وطلب نكتب الكتاب وكفاية كدا! وطبعًا طبعًا يعني وافقت مفيهاش كلام! كان يوم لطيف جدًا،واحساس الطف...احساس ان دعوتك استجابت، دعوة 5 سنين! ربنا هداه وجعله من نصيبي فعلًا، حقيقي كنت فرحانة جدًا، وخايفة جدًا." "بارك الله لكما وبارك عليكما وجمع بينكما في خير. " " مجرد مَ المأذون خلص الكلمة لقيته جرى حضني! وهمس في ودني بصوت شبه باكي.. _دلوقتي اقدر اقولك وحشتيني صح؟ ضحكت_صح _طب وحشتيني طلب من بابا نخرج لوحدنا، بابا قاله_هي بقت مراتك أصلًا، وتقدر تاخدها عادي! خرجنا وكانت ألطف خروجة حقيقي، وفرحتنا إحنا الإتنين متتوصفش! وفي الآخر روّحني وإداني النوت بتاعته وأنا إديته النوت بتاعتي! وأنا بديهالوا.. قولتله_على فكرة انت كمان وحشتني بصلي بسرعة_ قولتي اي؟ جريت دخلت جوا وأنا شايفة ابتسامته. دخلت وقفلت الباب، وفتحت النوت عشوائي.. والمكتوب فيها كان"أنا قولت فكرة النوت لأن كل مَ بتوحشيني كُنت بكتبلك هنا، أنا عارف إن هدايتي هي استجابة لِـ دعائك.. إنتِ أعظم إنتصاراتي." سرحت وأنا بقرء الكلام، وقرأته أكتر من مرة.. فوقت على صوت ماسيدچ منه، بيقول فيها"إنتِ أعظم إنتصاراتي." " الحلال أجمل"🥹🤎🦋 رينو