الحلال أجمل👌🏻 - ❴🔢❵☟الــبــــــ❴ 1️⃣ ❵ـــــــارت☟ - مكتملة | روايتك

*~اسكربيت 🥹🫶🏻~* _*الحلال اجمل🥹💕*_ _أنا آسفة مش هينفع نتكلم تاني علشان حرام، لو لينا نصيب نتقابل.. هنتقابل. "بعتله الماسيدچ دي،وعملت بلوك وقفلت الفون وفضلت أعيَّط.. أنا عارفه إنه بيحبني، وأنا بحبه.. لكن اللي بنعمله دا غلط، مينفعش نتكلم علشان حرام، لازم نرجع لِـ ربنا. كنت بقلب في الفيس وقابلني بوست بيقول" حتى لو هو ناوي يتقدم مش هيكون ليكِ، لأنك فَضلتيه على ربنا، عصيتي ربنا فيه.. فـ ربنا هيحرمك منه، ولو بقى من نصيبك هتكون حياتكم مش حلوة، علشان بنيتوها غلط، بنيتوها على معصية." الكلام خوّفني، خوفت من ربنا ومن عقابه دُنيا وآخره، خوفت أخسره.. حاولت مدعيش بيه وأدعي بالخير وبس، لكن مقدرتش! كنت كل مرة بلاقيني دعيت بيه، بس كنت بقول" يارب لو خير ليّا اهديه واجعله من نصيبي، ولو مش خير نسيهوني". قومت اتوضيت وصليت، وعيّط كأني معيّطش قبل كدا! خلصت صلاة وكنت حاسه براحة غريبة! راحة محسيتش بيها قبل كدا، كنت ساعتها في 2 ثانوي ودلوقتي 3 كلية ولسه بدعي بيه في صلاتي! لا اراديًا بلاقيني دعيت بيه! وكنت واثقة إن ربنا هيستجيب، كنت برفض أي حد بيتقدم.. مش علشان مستنياه، أنا واثقة إنه لو مكتوبلي هيكون ليّا، لكن هما مش مناسبين.. مش أكتر. التزمت نسبيًا وقربت من ربنا ولبست الخِمار، بعدت عن صحبة السوء وقربت من صحبة صالحة، حياتي اتغيرت جدًا، ولقيت راحتي بالقرب من ربنا." _متقدملك عريس _ماشي _هتقابليه؟ _ايوا يا ماما