❴🔢❵☟الــبــــــ❴ 1️⃣ ❵ـــــــارت☟
*ـ اسكربت كامل💗🎀.⊁..))*
*تــآبــع قــنــآهّ حـڪـايـه ف ࢪوايــه 🦋 ً᭣ٌ᭫ ᨳ . ف وتــســآب*
*`https://whatsapp.com/channel/0029VakfoTc8qIzzKA6lLf2g`*
🔴🔴🔴🔴🔴🔴🔴🔴🔴🔴
🟣🟣🟣🟣🟣🟣🟣🟣🟣🟣
- _يا غيث يلّا؛ هنتأخّر.
_إستنّي، نازل أهو.
_علفكرة همشي وأسيبك.
_خلاص نزلت، كنت بخلّي ماما تعمل لنا ساندويتشات ناكُلها في الطريق.
_أنا متأخّرة يا غيث، والميس مُمكن تزعّق ليّا.
_متختفيش، أنا معاكِ.
خُدي كُلي بقا؛ علشان متتعبيش.
_شُكرًا يا غيث.
_بسمَع بابا بيقول لِـ ماما إن مفيش شُكر بين الحبايب وإحنا بنحِب بعض، فـ مفيش شُكر بيننا.
_آية... مُمكن أتكلّم معاكِ شويّة.
_تعالي يا ماما، بُصي؟
وإحنا راجعين مِن حصّة العربي غيث جاب لي الوَردة دي.
_جميلة يا حبيبتي،
بس ركّزي معايا؛ علشان هحكي معاكِ موضوع مُهم.
_إتفضّلي يا ماما.
_بُصي يا عيون ماما، مش إحنا إتّفقنا إنك كبرتي ومبقتيش طفلة؟
_أيوا.
_وكنت بمهّد لك إن الفترة دي حاجات كتير هتتغيّر وتسيبيها؟
مُمكن تكون صعبة بس ربّنا أمَرنا بِكدا.
_مش هو إستايل اللّبس هيتغيّر؟
_وفي تعاملك والحياة الإجتماعية.
_يعني إيه؟
_يعني أولاد العيلة مينفعش تهزّري معاهم أو تسلّمي عليهم بـ إيدك؛ همّ مش محارمِك، حتى مينفعش تقعُدي قدّامهم بِشعرك، وكمان غيث..
_ماله غيث؟
حصل له حاجة؟
_إهدي يا حبيبتي، غيث هو كمان مبقاش ينفع تتعاملي معاه زي ما كنتم، خلاص أنتم كبرتم، هيكون فيه حدود بعد كدا في التعامل... زيّه زي الغريب.
_إزاي بس يا ماما؟!
غيث صاحبي وحبيبي.
_حبيبتي، مينفعش برضُه تقولي كلمة حبيبي عليه.
هتتعوّدي يوم بعد يوم إنه يكون غريب عنك، ولو ربنا كاتِب لكم نصيب فـ هو هيجمعكُم سوا إن شاء الله، بس أهم حاجة متغضِبوش ربّنا.
_حاسّة الأمر صعب يا ماما، أنا وغيث علَطول سوا، إزاي أبعِد عنّه!!
_إحنا إتّفقنا لمّا نعرف إن ربنا أمرنا بِشيء نقول إيه؟
_سمعًا وطاعة.
_براڤو يا حبيبة عيني، ربنا يبارك فيكِ ويقوّيكي.
_إيه يا غيث؟
مطلّعنا فوق كدا ليه؟
_ماما بتقول لي مينفعش أكلّمك أو أمسِك إيدك تاني.
_وأنا كمان ماما قالت لي كدا، قالت إنه هيبقى حرام وإننا كبرنا.
_إزاي هسيبك؟ مش أنا الـ بوّديكي دروسك علشان أنتِ بتخافي تكوني لوحدك؟ وأنا الـ بمسِك إيدك وإحنا بنعدّي الطريق؟ طب مين هيحضُنك ويطبطَب عليكِ لمّا تعيّطي؟ وأنا!! مين هيضحّكني ويهزّر معايا لمّا أكون زعلان؟
_ماما قالت لمّا نبعِد دلوقتي ربنا هيبارك فينا ومُمكن يجمَعنا سوا لمّا نكبر.
_أنا مش هقدر أستنى لِحد الجامعة علشان نتجوّز.
_بس أنا هستنّاك يا غيث، هبعِد وهصبُر وأدعي ربنا لحد ما تجيلي، بس إوعى أنتَ تنساني.
_مُستحيل عيوني تنساكي.
"تمَن سنين... قاعدة بفتكِر ذكريات مِن تمَن سنين... مش ناسية وعدي له إني هستنّاه، بس هو لسة مجاش، مِن الإعدادي وإحنا بُعاد عن بعض، كان الأمر صعب في البداية لكن بدأت أغصِب على نفسي، قعدت في صراع كدا خمَس سنين، لحَد ما هو سافر أصلًا علشان الجامعة، يمكن كان قُصادي وحواليّا فَـ قلبي كان متطمّن شوية، لكن دلوقتي هو في دولة تانية، يعني مُمكن ينساني ويحِب أي واحدة."