الصدمة
المشهد ١ :
الزمان : نهاري / صباحا
المكان : خارجي / البطل في طريقه الى المنزل
الشخصيات : محمد / طفلين / جلال
يعود محمد الى منزله واثناء عودته يرى طفلين يلعبان في الشارع ف يبتسم ويكمل طريقه حتى يصل الى باب الدار ويراه مفتوحا
يستغرب محمد ثم يدخل الى المنزل وينادي والدته ولا يجدها ليفقد عقله لان ولادته مريضه ولا تستطيع الحركه ؛ يخرج ويقف امام الدار ؛ ليرن هاتف محمد
محمد : الو !
جلال ( هاتفيا) :هههههههه هلاو شلونك
محمد : منو انت؟
جلال : مو مهم منو اني ؛ اعتقد انته مضيع والدتك مو؟
محمد ب تنرفز : قسما بالله اذا صار شي على امي احرگ الگاع الي تمشي عليها ؛ گلي امي وين؟
جلال : توء توء توء توء كلش حبيت عصبيتك بس اعتذر ماگدر ارجعها بهاي السهولة لان احتاجك
محمد : تمام سلمني والدتي ويصير التريده
جلال ( بمكر ) * هههههههه محممدد عبالك ماعرف ماضيك ؟؟ لووو تريدني اذكرك بأسمك القديم ؛ عالعموم حسب ماعرفت والدتك مريضه وتحتاج تاخذ علاج كل فتره وبما انو اني احترم الامهات راح انطيها هذا العلاج بس بشرط واحد
محمد (ب تنرفز) : احجي شنو شرطك؟
جلال : كلش حبيت تفهمك هههههههه
على كل امر تنفذة الي والدتك راح تاخذ جرعة من هذا العلاج
وراح نصورها الك وهيه تاخذ الجرعة لكن بالمقابل انت تصورلنا الجثة الي راح تقتلها
محمد (مستغربا): شنو شنو ؟؟؟ تريدني اصير قاتل مأجور يعني!
جلال: افهمها مثل ما تريد لكن تعرف اذا رحت واشتكيت للشرطه امك شيصيرلها مو؟؟ هههههههه انتظر مني خبر
محمد : الو الووووو !
المشهد ٢ :
الزمان : نهاري / بعد انتهاء الاتصال بين جلال و محمد
المكان: خارجي/ على شاطئ نهر دجلة
الشخصيات : محمد / كرم
يأتي محمد الى كرم الذي كان جالسا وينظر الى الشاطئ فيراه
كرم ويقول
كرم : محمد خير شصاير اتصلت بيه وما فهمت شي
محمد (وهو يتحرك كثيرا): امي انخطفت
كرم : شنو ؟ منو خطفها
محمد : واحد مختل يريدني اصيرله قاتل مأجور
كرم : وراح تسوي اليريده؟
محمد ( بغضب ) : ليش برأيك اكو غير حل؟
كرم : ارجوك لا تعيد الماضي
يتم ارسال رساله على هاتف محمد تحتوي على صورة احد تجار المخدرات المعروفين في المنطقة انذاك وبعدها يرن هاتف محمد
محمد : الو
جلال ( هاتفيا) : صباح الخير
محمد : انت يجي خير من وراك منو هذا الي دازلياه؟
جلال : هههههههه تسوي نفسك متعرفه يعني؟
محمد : احجي شتريد؟
جلال : هههههههه بكل بساطة اريدة ميت وهاا راح ادزلك لوكيشن بي المعدات الي تحتاجهن حتى تكتله خلال هاذي اليومين اريده ميت
محمد : امي وينن ؟ الوو ! الووو! سده النگس
كرم : اذا راح تسوي الي يريده اكيد انت تخبلت
محمد (بغضب) : يعني تريد اعوفله امي ؛ لازم اسوي الي يريده
كرم : انتا عندك علم هذا من اخطر التجار تدري جم حارس گدام بيته شلون راح تدخل تكتله؟
محمد ( مستغربا) : وانته منين تعرف بي خطر وعنده حراس
كرم (بهدوء مبالغ) : دائما ينشرونه عالانترنيت واشوفه
تأتي رساله الى هاتف محمد تحتوي على موقع سياره
يتبع..