قطر الموت - الفصل الاول - مكتملة | روايتك

**روايه قطر الموت💀_* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏#قطر الموت هو احنا بنشتغل عشان نعرف نعيش.. ولا عشان _نعرف ونفهم اكتر.. خصوصا لما يكون شغلنا متعلق بالمعرفة طيب تعمل اي لو عرفت ان المعرفة دي هتخليك تواجه الموت وهتتأذي مقابل ده.. هتوافق تكمل ولا هتخاف علي نفسك .... مش عارف اي الي بيحصل.. كل الي اعرفه اني اتحذرت من دخول المكان ده ومسمعتش الكلام.. انا دلوقتي محبوس في حمام القطر ومش لوحدي.. ايوة مش لوحدي.. هيا معايا كل ماابص في المرايا.. الاقيها في وشي.. مدبوحة وواقفة بكل ثبات.. قدرت اخرج من الحمام لكن شوفت الي مكنتش اتوقعه ... قطرالموت الجزء الاول انا اسمي حمزة عبد السلام.. سني 27 سنة.. من احدي محافظات الوجه البحري.. عايش مع مراتي وابني حسن وعنده دلوقتي سنتين بس انا بشتغل شغلانة غريبة شويه.. غريبة بالنسبة للناس الي حواليا الي كانت دايما بتسألني.. هي الشغلانة دي بتأكل عيش وبتكسب منها كويس؟ هرضي فضولكم وهقولك اني بشتغل يوتيوبر.. ايوة بالظبط كده.. معايا قناة علي اليوتيوب فيها عدد متابعين كويس جداً.. طيب اي المحتوي الي بقدمه؟ المحتوي هو تقارير وقصص عن الحوادث الخارقة للطبيعة والغامضة وطبعا بدأت زي اي حد.. لحد ما قناتي اتعرفت والتفاعل فيها زاد.. خصوصا اني كنت بقدم اي حاجة بأدلة مش مجرد كلام مرسل .. قصتي بتبدأ من يوم 7 مارس 2023.. صحيت على خبر حادثة قطر في قليوب.. كان قطر ركاب عمل حادثة واتسبب في وفاة أربعة أشخاص.. واصابة 23 شخص رحم الله أمواتنا جميعا كنت مهتم بالاخبار دي جداً.. لكن الي زود شغفي اني ادور ورا الحوار ده.. مكالمة.. ايوة مكالمة من المصور الي شغال معايا.. اسمه سليم الي رن عليا وقال _حمزة.. ازيك عامل اى؟.. سمعت عن الحادثة الي حصلت النهاردة _اه طبعاً يا سليم سمعت _طيب انا عرفت شوية حاجات عن الحادثة دي.. حاجات هتخليك تاجي بسرعة _حاجات زي اي يا سليم؟ _تعالي بس.. وهخليك تقابل عم عبدالباسط سواق القطر والي قلي شوية معلومات خطيرة جداً.. دي مش مجرد حادثة يا حمزة.. دي حاجة فوق مستوي الادراك اصلا وخلي بالك الراجل ده قريب مني جداً يعني سهل نروحله البس وتعالي ... قفلت مع سليم السكة.. وبصراحة عندي شغف اعرف اي الموضوع نزلت من البيت.. بلد سليم تبعد عن بيتي ربع ساعة.. اخدت تاكس ووصلت فعلاً استقبلني سليم وقلي.. _ عم عبدالباسط بيته في الشارع ده.. عاوزك تكون هادي وانت بتتكلم مع الراجل.. عشان هو من ساعة ما ساب الشغل.. او بمعني اصح مشوه وهو عنده اضطرابات نفسية ... روحت مع سليم بيت عم عبدالباسط سواق القطر... وخبطت.. فتحتلي ست كبيرة وقالت اتفضلوا يبني دخلت بيت بسيط جداً من دور واحد.. فيه اوضة واحدة وصالة وحمام ومطبخ.. بيت من البيوت القديمه دخلنا للراجل الي كان جليس الفراش.. سلمت عليه وعرفته بنفسي وقولتله _ انا جاي اسمع منك الي حصل يا عم عبدالباسط بس حاول تساعدني _انا هحكيلك.. بس لازم الاول تبحث عن الي في الورقة دي _ورقة اي؟ واي الارقام دي؟ _دي ارقام قطارات عملت حوادث وماتت بسببها ناس واتصابت ناس.. اعرف التفاصيل وتعالي عشان تعرف الحكاية.. وقبل ما تتكلم وتقولي احكي وانا هفهم هقولك مش هتفهم حاجة غير لما تبحث عن الارقام دي ... خرجت من عنده انا وسليم.. وانا مش فاهم ليه يعني!؟ رجعت البيت خرجت اللاب توب بتاعي وبدأت ابحث وكانت النتيجة كتالي.. ركزوا معايا في الي جاي عشان ده كارثة بكل المقاييس الحوادث بدأت بحدث في قطر vip 934 خط الاسكندريه الاقصر.. يوم 28 اكتوبر 2019... الي حصل ان اتنين شباب مكنش معاهم تذاكر.. الكمسري او موظف التذاكر طلب منهم يا يدفعوا الغرامة وتمن التذكرة.. يا أما ينطوا من القطر فضل الشباب يتكلموا معاه عشان هما مش معاهم فلوس.. لكنه رفض بأسوة كل المحاولات عشان تحصل الفاجعة.. والشباب دي تنط فعلاً من القطر ويموتوا.. وطبعا كلنا عارفين الحادثة دي ... دورت علي باقي الارقام ولقيت في 26 مارس 2021: اصطدام قطار مكيف بقطار ركاب من الخلف بدائرة مركز طهطا بسوهاج، ما نتج عنه خروج 3 عربات عن القضبان، راح ضحية الحادث 32 مواطنًا وأصيب 108 مواطن ... في 18 أبريل 2021: خرج قطار متجه من القاهرة الي المنصورة عن القضبان، قرب محطة سكة حديد طوخ، وراح ضحية الحادث عدد من المواطنين بالإضافة إلى إصابة ما يقرب من 103 أشخاص ... في 17 يونيو 2022 شهدت مدينة ملوي بالمنيا، جنوب مصر، مصرع 4 أشخاص دهساً تحت عجلات القطار بمزلقان شرق المحطة. ... حادث قطار قليوب 2023 هو حادث وقع مساء يوم الثلاثاء 7 مارس 2023 نتيجة اصطدام قطار رقم 557/3027 ركاب التابع لسكك حديد مصر بنهاية السكة بمحطة قطار مدينة قليوب بمحافظة القليوبية شمال العاصمة المصرية القاهرة، ونتج عنه وفاة أربعة أشخاص وإصابة 23 آخرين. ... ماشي بس اي علاقة القطارات دي ببعضها برضو انا مش فاهم؟ لازم ارجعله زي ما قلي عشان افهم منه.. حل اللغز ده .. تانى يوم رجعت البلد تانى.. عشان اقابل عم عبدالباسط روحت علي بيته.. انا وسليم وخبطنا ودخلنا كالعادة وقابلته وقولتله _ها يا عم عبدالباسط.. انا عرفت الحوادث الي حصلت بس معرفتش الرابط ما بينهم اي.. ممكن بقي تحكيلي اي الي حصل بالظبط والي يعتبر غريب زي ما قال سليم _قبل ما احكيلك الي حصل.. لازم تعرف اني انا الي سبت الشغل.. سبته عشان مبقتش متحمل الي بشوفه كل يوم _بتشوف اي يا عم عبدالباسط؟ _بشوفهم.. بشوف الناس الي ماتت في القطر.. ومش كل الي انت عرفتوا الحقيقة.. في حاجات تاني حصلت ... الحكاية بدأت من سنة 2019 في شهر 10 تحديدا.. انا فاكر اليوم ده كأنه امبارح.. كنت سايق قطر 934 vip المتجه من اسكندرية للاقصر.. الدنيا هادية ومفيش اي حاجة غريبة .. لحد نص الطريق كان الوضع طبيعي جداً.. لحد ما بدأت اسمع صوت خناق.. وناس بتقول يعني اي!! يعني اي ينطوا من القطر والصوت بدأ يعلي.. عشان يتحول لصريخ من ستات وزعيق من الرجالة مكنتش عارف استحمل الصوت.. والي عرفتوا هو نفس الي انت عرفتوا.. اتنين شباب نطوا من القطر عشان مش معاهم تذاكر الدنيا اتقلبت يومها.. تحقيقات ومشاكل وطبعا عاوزين يعرفوا اي الي حصل بالظبط؟ بعد فترة من الحادث ده الي اتكلم عنه العالم كله..حصلت حادثة تاني كان بعدالحادثة الاولي بحاولي شهرين..سمعت المرة دي ان واحد دبح مراته في حمام القطر بعد ما هربت منه وسبتله البيت ومن اليوم ده وطلعوا علي القطر كلام انه مسكون وان الناس بتشوف خيالات وبيشوفوا ست مدبوحة في الحمام ..بعد الموضوع ده صدر قرار بتكهين القطر باحدي المخازن.. رغم انه كان لسه جديد لكن الحوادث الي حصلت وشكوي الناس خلت القرار ده يصدر بسرعة. .. لكن الموضوع منتهاش هنا عشان.. القطر الي اتكهن ده اتخدت منه قطع غيار لقطر تانى وتمر على الحادثة سنة وكام شهر عشان في سنة 2021 وفي شهر مارس.. ياجي عليا الدور عشان اسوق قطر مكيف.. كانت الدنيا تمام ومفيش اي حاجة لكن مكنتش عارف ان القطر ده هو الي القطر الي اتنقلت فيه قطع الغيار.. وانا سايق.. حسيت بحد قاعد جمبي.. اتلفت وشوفتها.. ايوة شوفتها ست مدبوحة من رقبتها بطريقة وحشية.. مكنتش عارف اتصرف ازاي؟ وصلني انذار ان في قطر قدامي واني لازم اوقف القطر شوية.. لكن انا من الصدمة فضلت مكمل والي نفعني.. انه حصل عطل في القطر وبلغت عنه قبل الحادثة ما تحصل بنص ساعة وهو ده السبب اني محصليش مشكلة او اتحبست لان سرعة القطر زادت وخبطت في قطر ركاب كان واقف قدامي وده اتسبب في فصل 3 عربيات.. وفي ناس ماتت وناس اتصابت ... بعدها انا اخدت اجازة.. عشان اريح اعصابي.. ورجعت تاني بعدها عشان اكمل شغلي.. والحياة مشيت عادي لحد شهر يونيو 2022.. في اليوم ده سواق اسمه حسنين اتحرك بالقطر.. وبعد ساعات من تحركه اتصل بيا وهو بيبكي زي العيال الصغيرة وبيقول انه دهس اربع شباب كانوا معديين من قدام القطر وان الي حصل كان غريب.. قال: ان سرعة القطر زادت جداً وهما معديين وانه فقد السيطرة عليه انا قولتله ميقولش لحد الكلام ده وان الغلط عليهم عشان عدوا في توقيت القطر وده فعلا الي اتقال .. وعرفت كده بيني وبينك.. ان قطع الغيار بتاعت القطر المشؤوم كانت برضو في نفس القطر وبدأت تطاردني الكوابيس.. كنت بشوف ناس بتصرخ وبتقولي انقذنا.. انقذنا كنت تقريباً مش بنام... سبت الشغل واصبت بعياء شديد وبقيت تعبان جداً..لحد ما عرفت الي حصل في حادثة قطر قليوب... وعرفت ان القطر المشؤوم ده اتكهن في مكان قريب من هنا.. بس انا بحذرك بلاش بلاش تروح هناك .. _بلاش ليه؟ _اتقال انه الي راح المكان ده.. يتجنن يا مات وانا خايف عليك يبني _ لا.. متخفش انا عديت بالكلام ده كتير.. قولي اسم المكان _اسم المكان هو.. هو .. عرفت اسم المكان منه.. بس بعد اللي اتقال ده تفتكروا اروح ولا لا... يتبع الجزء التاني ... النهارده الساعة 12 بليل هكمل الجزء الثاني من قطر الموت وقصة المخزن ده وحقيقة الكلام اللي بيتقال عنه... انتظروني في جزء تاني باحداث مرعبة جداً اتمني منكم الدعم والتفاعل ..