إســكــربــيــت رعـــ 11ــب - الفصل الثاني والأخير - مكتملة | روايتك

**روايه بذره إبليس💀_* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏#بذرةإبليس #الجزءالثالث لما دخلت الأوضة.. لقيت اللي خلانى أتجمدت مكانى مراتى على سرير الولادة.. ميتة وعينيها الاتنين مفتوحين على الاخر ونازل منهم دم وبوقها نازل منه دم اسود أما عن إبنى فالدكتور شايله بين إيديه وسامع صوت صراخه.. قربت من مراتي وأنا الدموع في عينيا ليه.. ليه يا هناء سبتينى ليه؟ أنا مليش غيرك يا هناء الدكتور أدى إبنى لممرضة من الممرضات.. وقرب منى وهو بيطبطب عليا وقال _شد حيلك يا شيخ رضا.. البقاء لله = ونعم بالله.. هو إى اللي حصل عشان تموت بالمنظر ده _ والله ما عارف أقولك إى، شوف يا شيخ رضا دي أغرب حالة ولادة شوفتها في حياتي بس عشان الموضوع يطول شرحه وده مش وقته عشان تلحق تجهز نفسك للدفنة على ما يطلع التصريح ... خرجت من أوضة العمليات تايه مش عارف هو في إى ولا ليه حصل ده؟؟! كل حاجه بعدها تمت بسرعة من تصريح دفنة لتغسيل وتكفين وجنازة وعزا ووسط كل ده أنا مكنتش عارف حاجه ولا حتى كنت عارف نفسي.. أنا كنت واقف في الجنازة زي خيال المآتة مش حاسس بأى حاجه بسلم وخلاص وبعد ما خلص العزا حصلت أول حاجة دخلت الشك جوه قلبى.. كنت قاعد في البيت اللي حسيت نفسي فيه غريب بعد موتها مش لاقي الونيس إيوة هي كانت ونيسي في الدنيا دي الباب خبط قومت فتحت لقيت في وشي دكتور سامح دكتور أمراض النسا والتوليد وده من أكبر الدكاترة في البلد وروحناله أنا وهناء قبل كده عشان تكشف عنده وهو اللي قلنا إنها مش هتخلف وعندها مشكلة المهم الدكتور سامح مد ايده وقال _ البقاء لله شد حيلك يا شيخ رضا = سبحان من له الدوام يا دكتور _ كنت عايزك في موضوع كده لو وقتك يسمح = أكيد طبعاً، أتفضل يا دكتور ... دخل الدكتور سامح وقعد علي كرسي في الصالة وكان باين عليه الأحراج الشديد جداً وبعدين إتكلم وقال _ شوف يا شيخ رضا الكلام اللي هقوله مش سهل خالص عليك، أنا مقدر إنك لسه خارج من أزمة وفاة زوجة حضرتك ولكن الحق المهنى يخلينى أجى وأتكلم معاك واقولك اللي عندي حضرتك جتلى إنت وزوجتك عشان تكشفوا عندي عشان تأخر موضوع الإنجاب وأنا قولت لحضرتك إن المشكله عند زوجتك وده اللي وضحته الأشعة والتحاليل، إن زوجة حضرتك كانت بتعانى من مشكلة في الرحم وحتى لو عملت عملية حقن مجهري مش هتخلف برضو مستحيل بس لما عرفت إنها ماتت وهي بتولد كنت هتجنن وأعرف إزاى؟! وعشان كده جيت لحضرتك = طيب وإنت متوقع منى هقولك إى؟... هل هيكون عندي تفسير لموضوع زي ده؟! _ شيخ رضا أنا عايز أشوف الولد = أتفضل يا دكتور ... دخلنا الأوضة للولد اللي كان نايم في سريره الصغير.. شلته وقربته من الدكتور.. اللي قرب من ودنه وكبر فيها كحركة عادية جداً لكن اللي مش عادي، إن الطفل يصرخ صرخة لا تتناسب أبداً مع كونه طفل رضيع الدكتور نفسه أتخض وأدانى الطفل بسرعه وأستأذن ومشي وفي اللحظة دي تليفونى رن.. كان الشيخ نصر وده شيخ من بلد جمبنا وكان صديق مقرب لوالدي الله يرحمه فتحت الخط وبعد السلام.. قال _ إنت كويس يبنى ولا فيك حاجه؟ = الحمدلله على كل حال يا شيخ نصر _ وأخبار إبنك إى؟ =الحمدلله كويس _ طيب انا عايزك تجيب إبنك وتجيلى بكرة.. عشان انا حلمت بيك حلم مش خير = مش خير إزاى؟... أحكى يا شيخ نصر! _ مش في التليفون يبنى.. بكرة تجيلى ... قفلت معاه الخط وأنا مش فاهم إى حاجة؟.. وفي الوقت ده سمعت صوت صراخ وزعاق جاي من الشارع وكأن الناس بتتخانق فتحت الشباك ولقيت الناس مرة تانية بتحاول تضرب توفيق عشان حاول يكون هو الإمام مرة تانية بس المرة دي تجاهلت أنا مش ناقص وتعبان جداً دخلت إتوضيت عشان أصلى العشاء.. ووقفت على سجادة الصلاة وقولت الله أكبر وفي الوقت ده سمعت صرخة والمفروض إنها صرخة إبنى.. لكنها صرخة طالعة من الجحيم نور الأوضة بدأ يترعش بقوة وحسيت بجسمى بيتلج وبيسيب ووقعت مكانى علي سجادة الصلاة وسمعت صوت بيقولى رضاااا.. رضاااا ده إبننا يا رضاااا.. أوعي تحاول تأذيه وفضلت الجملة دي تتكرر في ودني ومحستش بحاجة بعدها لكنى لما فوقت لقيت الشيخ نصر قدامى وقال _ لما مجتش عرفت إن في حاجه حصلتلك قوم يبنى عشان نشوف بذرة إبليس اللي في بيتك = بذرة إبليس؟! _ إيوة.. اللي جوه ده مش إبنك ده منهم.. من الجن السفلى، إمبارح شوفت في المنام مراتك الله يرحمها وهى قاعدة مع دجال كافر عشان تخلف وللأسف عملها عمل على نجاسة = نجاسة؟؟.. إزاي؟ _ زي ما إنت فاهم بالظبط وللأسف مراتك كانت حامل في حاجه مش بشر.. وده غرضهم إنهم يكون ليهم بذرة وسط البشر ويفضل عددهم يكبر عشان يرجعوا يسيطروا من تاني _ طيب والحل يا شيخ نصر؟ = مفيش غير حل واحد.. هو موت الطفل اللي جوه ده _ إنت بتقول إي يا شيخ نصر؟.. أقتل مين؟ ده أبنى إنت عارف يعني ايه إبنى = وأنا بقولك ده مش إبنك إفهم متبقاش غبى ... والشيخ نصر بيتكلم وبيحاول يقنعنى.. النور قطع قولتله _ دقيقة هجيب التليفون من جوه عشان أنور دخلت عشان أجيب التليفون لكن في اللحظة دي حصلت حاجه كانت هتخلى عقلى هيشت لما دخلت عشان أجيب التليفون لقيت التليفون بيرن وكان المتصل.. الشيخ نصر التليفون وقع من إيدى.. وفي اللحظة دي النور رجع وخرجت بره الأوضة لقيته لسه قاعد زي ما هو وبيبصلى وبيبتسم مسكت ريموت التليفزيون وشغلته على قناة المجد ولتاني مرة تحصل معايا زي ما حصلت في المصحف قبل كده.. اول ما فتحته كانت سورة البقرة وكان الشيخ سعد الغامدى وبيقول بسم الله الرحمن الرحيم وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ ۖ وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ ۚ وَمَا يُعَلِّمَانِ مِنْ أَحَدٍ حَتَّىٰ يَقُولَا إِنَّمَا نَحْنُ فِتْنَةٌ فَلَا تَكْفُرْ ۖ فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ ۚ وَمَا هُم بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ ۚ وَيَتَعَلَّمُونَ مَا يَضُرُّهُمْ وَلَا يَنفَعُهُمْ ۚ وَلَقَدْ عَلِمُوا لَمَنِ اشْتَرَاهُ مَا لَهُ فِي الْآخِرَةِ مِنْ خَلَاقٍ ۚ وَلَبِئْسَ مَا شَرَوْا بِهِ أَنفُسَهُمْ ۚ لَوْ كَانُوا يَعْلَمُونَ صدق الله العظيم صرخ ووشه بدأ يسود بطريقة غريبة وبدأ يشد في وشه ويقطع الجلد عشان يظهر نفس المخلوق من تاني، بعينيه الصفرة المشقوقة بالطول والوش اللي مفهوش جلد وقالى بصوت أجش عايز إبنى.. عااااايز إبنى ... اعوذ بالله من الشيطان الرجيم.. ربي اعوذ بك من همزات الشياطين وأعوذ بك ربى أن يحضرون بقولك عااااايز إبنى في اللحظة دي التليفون رن وكان الشيخ نصر فتحت الخط ولقيته بيقرأ آية الكرسي بصوت عالى وكنت سامع صوت خبط ورزع عند الشيخ نصر وفي لحظة اختفي المخلوق ده ولقيت باب الشقه بيخبط.. قربت وفتحت وكان أخر شخص ممكن أتوقعه كان... يتبع الجزء الرابع والأخير