الفصل الثاني والأخير
*رواية احببت ملتحي (٣.٤.٥).....♥️♥️*
الحلقة التالتة
أحببت ملتحى😍😍
لايك قبل القرءاة يا بنانيت وكومنت حلو مش مجرد ملصق عشان أحس انكم معايا
نزلت جويرية بالحجاب لاول مرة....فتجهت نظرات الناس إليها فى الشارع ما بين مؤيد ومرحب ومهنئ للحجاب وما بين فاسد اكيد ...يقول خسارة دارت جمالها وكبرها ...
ثم أتجهت الى مكان عملها ...محل الملابس ودخلت وهى مترقبة ردود الفعل ..
ياسمين وهى تضع يديها على رآسها بصدمة:: إيه ده ...بركاتك يا شيخ خالد ..ده احنا كنا احنا عايزين نوقعه ..تقومى انتى ال تقعى ويخليكى تلبسى الحجاب....
لا احنا متفقناش على كده..اوعى تغوطى معاهم..دى حياة الشيوخ دى يبنتى .كبت وحبسة وكل حاجة عندهم حرام والست نمرة اتنين عندهم . ومش متمتعين بالدنيا. .وبوزهم ديما شبرين ..
فخلى بالك...وارجعى يبنتى انا نصحتك عشان متندميش لو ارتبطتى بيه ..مش هيخليكى تشوفى النور ..
وده طبعا فكر خاطىء عند كتير من الناس .لان الالتزام ليس بعد عن الدنيا لا بالعكس
له ان يستمتع بكل ملذاتها لكن فى كل ما أحله الله ويبعد عن كل ما حرمه الله . غير هذا فإن حياتهم عادية
يعنى بيكلوا ويشربوا ويخرجوا. ويضحكوا والست عندهم غالية عشان عرفين وصية رسول الله صل الله عليه وسلم 🌹🌹إستوصوا بالنساء خيرا
ورفقا بالقوارير
جويرية بقلق... .ايه ده بجد. .معقول. .لا مظنش . يمكن انا معرفش حياة الملتزمين ازاى...بس انا حبيت اوى الحجاب...وكفاية انه ستر وحماية من عيون الناس ال متسواش .
..ويجى صاحب المحل
يتفاجىء بحجاب جويرية .وطبعا زعل عشان كانت الاول بتجذب الزباين بدلعها وجمالها ولبسها الملفت ودلوقتى خلاص سترت نفسها عن أعين الطامعين
جمال صاحب المحل بغضب . .ايه ال عملاه فى نفسك ده ..
روحى اقلعيه ..حد برده يكون عنده الشعر الحرير ويغطيه...ليه تعملى كده
جويرية...عشان الحجاب فرض على كل مسلمة وانا مقتنعة بيه ومش عايزة أقلعه
جمال بنرفزة...سيبك من الشعارات دى وارجعى لعقلك..يأما ملكيش شغل عندى...بمنظرك ده
..وكانها كانت سلعة مش انسانة احبت الستر عن التبرچ
جويرية بحزن...بس حرام عليك انت عارف انا بصرف على امى المريضة واخواتى
جمال بتودد ..طيب يا ستى .اقلعيه وارجعى لعقلك وانا هزودلك المرتب كمان ..
وهنا الشيطان رجع يوسوس ليها ..انها تخلع الحجاب عشان متخسرش شغلها ..
بس أترددت تانى...وقالت ادينى فرصة اقرر يومين
جمال بنبرة صوت قوية ..قدامك اسبوع. لو مخلعتهوش..يبقى مع السلامة يا حلوة ..
ياسمين تنصحها : يبنتى..اخلعيه ..عشان متخسريش شغلك وانتى محتاجة الفلوس ..وانتى كمان من جواكى كويسة ومش حتة القماشة دى ال هتخليكى احسن
هنا...دمعت جويرية..وبصت للسما..وقالت يارب انت عالم بحالى..اعمل ايه ..اقلعه عشان الشغل وامى واخواتى محتجنى...ولا افضل بيه...ويمشينى ..اعمل ايه ...دلنى يارب ..
فكرت..جويرية..فى خالد ...وقالت لازم اروحله يمكن يدلنى...على حل ..مش هو السبب انى لبست الحجاب
جويرية...السلام عليكم
خالد..بابتسامة..عشان عارف صوتها..ولمحها بالحجاب واللبس الساتر الجميل
خالد....وعليكم السلام...الحمد لله ان هداكى الله للحجاب والستر والعفة..مبارك عليكى
جويرية بقلق ..الله يبارك فيك..انا حبيبت الحجاب بس ..وغلبت دموع جويرية..الكلام
جويرية بحزن..بس هيكون سبب فى طردى من الشغل وانا محتاجة
فتأثر خالد بدموعها.....وحس ناحيتها بشعور غريب
خالد بثقة....متخفيش على رزقك لانه الرزق بتاع ربنا هو ال بيرزق ..ومن ترك شيئا لله عوضه خير منه
بس اتمسكى بحجابك واوعى تقلعيه ..لانه سترك فى الدنيا والاخرة
ومتقلقيش ..ادينى يومين هكون شفتلك شغل فى مكان محترم .ومرتب ازيد باذن الله .
جويرية..بابتسامة...ربنا يجازيكى كل خير .
جويرية بخجل وحب ::
مش هتبصلى حتى نظرة واحدة...تقلى ايه رئيك فى شكلى بالحجاب ...
خالد .بحرج..اصلو يعنى ..
جويرية ...معلش عشان خاطرى .نظرة وحدة مش حرام يعنى....
خالد..مقدرش يقاوم..وفعلا رفعه بصره لثانية..تأملاها
وقال فى نفسه تبارك الله حورية من الجنة وكأنها خطفت قلبه من نظرة واحدة....فغض بصره سريعا ..مرة أخرى
خالد بابتسامة ..ماشاءالله ربنا يبارك...أكيد كده أحلى وأستر ..
ربنا يثبتك ...
فرحت جويرية..وحست..انه قلبه .بدء يحس بيها .
جويرية بفرح ...ان شاءالله مش هقلعه وربنا يثبتنى عليه
رجعت جويرية ..للمحل تانى
ياسمين...ايه...شكلك مبسوطة..احنا كنا عايزينك تخليه يوقع فيكى..بس شكله خلاكى انتى ال وقعتى فيه واثر عليكى ..
يبنتى ارجعى احسن دول معقدين
جويرية وهى تهز رآسها :انا مش شايفة كده بالعكس ..ده كلامه جميل وابتسامته بتسحر..ومش مكشر ولا حاجة
ياسمين..طب والشغل هتسبيه وهتعملى ايه
جويرية ..ربنا الرزاق .مش صاحب المحل
يجى جمال يلاقيها برده بالحجاب
جمال بنبرة حادة... ايه فكرتى ولا لسه مصممة على ال فى دماغك
جويرية بثقة... انا مش هقلع الحجاب ابدا
جمال بتردد....طيب خليكى بيه يا ستى بس بلاش لبسك ال عامل زى امنا الحجة..ارجعى للبسك الاول كان شيك وجميل...وانا بشوف بنات لبسة طرحة .بس لبسين لبس على الموضة عادى بنطلونات وبديهات ..وعايشين حياتهم..فمتقفلهاش انتى كده
جويرية...وهو ده اسمه حجاب ..
لما مغطيين شعرهم..ومن تحت لبس ضيق وكاشف مفاتنهم ..
بالعكس يسيبوا شعرهم أحسن بدال مش لبسينه بشروطه ..عشان كده اساءوا للحجاب
جمال ..ايه يا بنتى..هو حد عملك غسيل مخ ..من امتى كنتى مقفلة كده
جويرية..قصدك..فتحت ده انا كنت عامية
جمال..براحتك..انتى حرة..بس يلا ورينى عرض كتافك...وخلى الخيمة دى تنفعك
جويرية...الرزاق هو الله ..وانا هدعيلك بالهداية
وسلمت جويرية على البنات..ال بكوا عشان هتفارقهم وهى بكت...
وخرجت..راحت لخالد...
بالله عليك انا خلاص سبت شغلى فشوفلى حاجة مناسبة بسرعة انا فى رقبتى بيت مفتوح
خالد..بشفقة. يطلع مبلغ ويحاول يديها
جويرية بدموع.لا ..انا مش جاية اشحت..انا عايزة أشتغل واكسب من ايدى.
خالد..اعجب بيها اكتر لان عندها كرامة وعزة نفس
واخد رقمها وقلها استنى اتصالى فى اى وقت اقلك على ظروف الشغل الجديد باذن الله
جويرية...جزاك الله كل خير...وابتسمت ومشيت
ولكن.قلبها سبته معاه.
خالد...لنفسه..ايه مالك .مش. على بعضك كده..انت اول مرة..تأثر فيك بنت .اوعى تكون قلبك مال ليها..مش هى دى الزوجة ال كنت بتحلم بيها ..انت كنت بتحلم بوحدة .منتقبة..وختمة القران وعندها علم شرعى .عشان تعينك على طاعة الله وتربى عيالك على شرع الله ..لكن هى لسه ابيض .ويدوبك فى اول الطريق وهتتعبك .فأنساها احسن ..
.خالد.يرد على نفسه...بس مش قادر حاسس قلبى لما بسمعها كأن كلماتها بتمس اوتار قلبى .وبحس بسعادة وبتمنى متفرقنيش ...ومش يمكن زى مأثرت فيها ولبست الحجاب ..اساعدها على طاعة الله لغاية متكون فعلا الزوجة ال بتمناها واخد فيها اجر ....
ابتسم..خالد...ولمح طيفها فى عنيه فنظرة وحدة ليها كانت كفيلة ان تملكت جويرية شغاف قلبه . ..
ثم تذكر صديق لوالداه فقرر ان يحدثه بشأن جويرية
خالد..يمسك الموبيل...ويتصل بصديق لوالده كبير فى السن....يمتلك مكتبة..للكتب الشرعية..بجانب ما تحتاجه المراة المسلمة المنتقبة والمختمرة من ملابس شرعية .
خالد. . السلام عليك..عمى عبد الرحمن .كيف حالك
عبدالرحمن..وعليكم السلام .اهلا ابن الغالى. انا بخير والحمدلله..فى نعمة وفضل
خالد بخجل : ديما يارب يا عمى ..لى عندك خدمة..
عبدالرحمن...انت تؤمر يا خالد خير؟
خالد بصوت خافت : فيه بنت غلبانة محتاجة شغل محترم..وانا بتمنى تشغلها عندك..وتبقى وسط اخواتى البنات
عبدالرحمن بحب...ولو ان عندى بنات ومش محتاج حد بس مقدرش ارفضلك طلب يا ابن الغالى ..ابعتهالى فى اى وقت تحبه ...
خالد بسعادة ...ربنا يجازيكى كل خير يا عمى..بس راعيها فى المرتب دى بتصرف على امها واخواتها
عبد الرحمن بخجل... .بس يبنى انت عارف حال الشغل ونايم قد ايه..
خالد ..خلاص شوف حضرتك..هتديها كام وانا هزود من جيبى بس متفهماش انى بساعد عشان نفسها عزيزة شوية
عبد الرحمن بابتسامة اعجاب بخالد ...ربنا يبرلكك..يبنى .ونفرح بيك .
خالد .باذن الله...وابتسم خالد وفكر فى جويرية.
أتصل خالد بجويرية...
خالد ...السلام عليكم
جويرية..بفرحة لما سمعت صوته ...وعليكم السلام
خالد...ان شاءالله من بكرة..هتشتغلى فى مكتبة الحج عبدالرحمن ..وشرح لها التفاصيل ومكان المكتبة
جويرية.بسعادة....انا مش عرفة أشكرك ازاى .ربنا يجازيك كل خير
خالد...تشكرينى بإنك تثبتى على حجابك..وكمان انتى هتشتغلى فى مكتبة فيها كتب علم كتير فحولى تقرئى فيها وتتعلمى امور دينك ..ال هتنفعك فى امور دنياكى واخرتك
جويرية...حاضر باذن الله هقرء ..وانا سعيدة بكده..شكرا يا خالد
خالد .بسعادة..لانها بتتقبل منه كل كلمة بيقلها..الشكر لله
جويرية .بحزن.. بس المكتبة فى مكان بعيد عنك...
ازاى هقدر أشوفك اقصدى..اطمن عليك ♥️
خالد.بحرج.وتلعثم....انا هاجى ان شاءالله ..اطمن انك مرتاحة فى الشغل هناك ..وعشان لو احجتى اى شىء ومعاكى رقمى..لو حصل اى حاجة كلمينى ..
جويرية.بفرح ...ربنا يخليك ويسعدك...
.بجانب محل العطارة الذى يملكه خالد وأبيه كنيسة كبيرة يقصدها عدد كبير جدا من الاقباط من كل صوب وجهة
وكان محل خالد لا يخلوا من بعضهم لشراء ما يلزمهم من العطارة
وكان خالد يعاملهم فى البيع والشراء معاملة تنم عن اخلاق الاسلام السمحة ..يعاملهم برفق ولين ...من باب قوله تعالى لكم دينكم ولى دين
...وفى يوم...شاهد خالد ..مجموعة من الشباب الملتحين .يقفون ..يراقبون الكنيسة.ويتمتمون بكلمات لا يفهمها ولكنها يظهر عليها انها غضب وشتائم
..وبعض من هؤلاء الشباب المجموعة. دخلوا عند خالد...ل يشتروا ما يلزمهم من احتياجات
ولكن أسلوب تحدثهم معه فيه نوع من الغلظة
وسئلوه انت بتتعامل مع الاقباط وبيشتروا منك
خالد بتعجب....اه وايه المشكلة ده الرسول صل الله عليه وسلم كان بيتعامل مع اليهود كمان ومات صل الله عليه وسلم ودرعه مرهون عند يهودى
أحد الشباب بغضب ..خسئت ..دول كفرة .متتعاملش معاهم
خالد بغضب....وانا مالى هو انا ال حاسبهم ..ال بيحاسب ربنا ..وأنا ليه الظاهر بس منهم وهما كويسين فى التعامل معانا وده ال يهمنى
أخذ الشباب ما يلزمهم وخرجوا غاضبين من موقف خالد وحديثه الطيب عن الاقباط
فحمد الله خالد انهم خرجوا ..
خالد بحنقة ..أستغفر الله ..اهو الجماعة دول هما ال بيشوهوا صورة الملتحين ...بتشددهم وفهمهم الخاطىء للدين .ربنا يهديهم .
....وتمر الايام...وفعلا جويرية أشتغلت فى المكتبة الاسلامية..وكانت سعيدة جدا ..بالتعرف على اخوات ليها فى الله ..حببوها أكتر .فى الحجاب..وعرضت عليها اخت بتشتغل معاها اسمها رودينا ..انها تعلمها مبادئ التجويد عشان تحفظ القران بطريقة صحيحة .
...وفقت جويرية....لانها فعلا لما بتسمع القران من الشيوخ بصوت جميل ومسترسل ..كان نفسها تعرف ازاى هما بيقرؤا كده....واحنا مش بنقرء ليه زيهم
ودلوقتى مع رودينا عرفت السر وهو احكام التجويد هى ال بتعطى للقران حلاوة فى القراءة ..
وفى يوم..كانت جويرية..تقرء بعض السور بعد ما تعلمت تطبيقها من رودينا ..وقرئتها جويرية بصوت عذب جميل...
دخل عليها فى هذا الوقت..خالد.وقد تسارعت نبضات قلبه لرؤيتها
..واتسعت عيناه من الفرحة...وابتسم....فها هى حبيبة القلب ..قد تخطت بعد الخطوات فى الطريق الصحيح ..
خالد...السلام عليكم ورحمة الله وبركاته
جويرية.تعرف صوته...فتقوم من فرحتها ترحب بيه وترد السلام...وعليكم السلام ورحمة الله وبركاته
اهلا خالد..اخيرا جيت ..انا فكرت انك نسيتنى
خالد..عايز يقلها.انا مقدرش أنساكى بس مسك نفسه وغير الكلام وقال
ماشاءالله ..تبارك الله ..يا جويرية..انا فعلا سعيد جدا ...ان ربنا من عليكى بحفظ القران الكريم وتلاوته على النحو الصحيح ..ربنا يثبتك وتواصلى الحفظ وتختميه بإذن الله
جويرية..حست بخجله..فابتسمت..
الحمدلله...مفيش أجمل من تلاوة كتاب الله بالتجويد
خالد بابتسامة ..وانتى عاملة ايه ..ومش محتاجة اى حاجة أطلبى وانا أنفذ
جويرية محدثة نفسها ..عايزة تقله محتاجك أنت 😍 بس خافت من وقع الكلمة عليه فيبعد ومتشفهوش تانى فسكتت لثوانى ثم تكلمت
جويرية...الحمدلله .فى نعمة.ومش محتاجة غير رضا ربنا
ابتسم خالد..وحس ان فعلا جويرية هتكون نعم الزوجة ال اختارها قلبه 😍
وفجائها بطلب اديها للزواج ..عشان عارف أن الحب الحلال لازم يمشى يبدء صح من الباب مش من الشباك والكلام والمقابلات فى الحرام ...
خالد بخجل ...جويرية...ممكن أكلم والدتك..ونيجى نزوركم
جويرية..بفرحة ومش مصدقة نفسها...
اه طبعاااااااا..امتى 🤣
خالد..ضحك.لبرائتها وعلم جيدا أنها تبادله نفس الشعور
خالد بسعادة ...فى الوقت المناسب ليكم
جويرية وهى تكاد ترقص من الفرحة .. .خلاص يوم الجمعة فى اجازتى باذن الله
وفى مكان اخر
كان ابو غسان يتحدث....لقد جاء الامر من القائد
بإن ؟؟؟؟
*..........يتبع....*
الحلقة الرابعة
أحببت ملتحى 😍😍
جويرية كانت الفرحة تطل من عينيها الكحيلتين عندما طلب منها خالد الزواج وتوردت وجنتيها وشفتيها وازدادت جمالا على جمال
فسبحان الله فالحب والارتباط بانسان يفهمك قبل ان يحبك يجعل الانسان سعيدا
ويظهر على وجه وملامحه التغيير بعكس ما يرتبط بإنسان لا يفهمه او يقدره فيظهر على وجهه الحزن وتنطفىء ملامحه ووتصبه الشيخوخة وهو مازال فى سن الشباب
....رجعت جويرية ال بيتها سعيدة واخذت تطرق الباب طرقات سريعة منتظمة كأنه أله موسيقية تعزف عليها وما أن فتحت لها أختها الصغيرة الباب حتى احتضنتها وقبلتها
ودخلت على والدتها ..تقبلها ..وتداعبها
جويرية بفرحة...الجميل عامل ايه النهردة
أم جويرية بحب....بخير طالما انتى بخير يا عيونى
خير بشرينى ...باين على وشك خبر حلو ...الفرحة بتطل من عيونك الحلوة ..
جويرية بخجل ومداعبة وروح خفيفة ايضا....
عريس يا آماى 🤣🤣🤣
أم جويرية وهى تطلق زغرودة قبل ان تفهم اى شىء عن العريس من فرحتها....ده يوم المنى لما اشوفك فى بيت العدل يا ضنايا ..
جويرية بإبتسامة....بتزغردى قبل مقلك مين العريس
ام جويرية بثقة...أنا عرفة بنتى ومتأكدة انها لما تختار هتختار صح وكمان متأكدة انه انسان كويس اووى
جويرية بتعجب ....عرفتى إزاى
أم جويرية بإبتسامة...أمال التغيير المفاجىء الحلو (تقصد الحجاب) ده منين ..أكيد وراه شاب حلو وعارف ربنا كمان فقدر يأثر فيكى
ومردتش أكلم غير لما تيجى بنفسك تقوليلى .وتفرحينى
دمعت عين جويرية من الفرحة وضمت والداتها بحنان ....ربنا يخليكى ليه يا ست الكل وهو فعلا انسان كويس اوى وعارف ربنا ..
وأول مكلم ..كان عشان يدخل البيت من بابه مش عشان يحب الاول زى باقى شباب اليومين دول
أم جويرية بثقة فى الله ....الحمد لله يبنتى ده من دعائى ان ربنا يكرمك بإنسان يحبك ويصونك ويعوضك عن ابوكى الله يرحمه
جويرية والدموع فى عينيها.. كان نفسى يبقى موجود مفيش بعد الاب وهو السند بس قضاء الله ربنا يرحمه ويغفر له
ام جويرية بمداعبة ....يوه هنقلبها نكد ..قوليلى هيجوا امتى .
جويرية بابتسامة...الجمعة ان شاءالله يا أمى
ام جويرية...ربنا يتمم بخير يا جورى يا قمر
تحدث خالد ايضا مع والده الحج سالم...عن جويرية.وانها فتاة جميلة وعلى خلق ودين وايضا يتيمة الاب ..وانه يريد خطبتها ..فرحب والده بالموضوع وتحدث مع الام عن امر الخطبه ففرحت ثم ذهبت إليه معاتبة
الحجة احسان والدته بعتاب ..بقه كده يا ولد يا بكاش اعرف من ابوك انك عايز تخطب ومتقليش انا الاول
ده انا ياما أتحيلت عليك عشان تجوز وانت كنت بترفض ...ايه حصل دلوقتى ومين سعيدة الحظ ال هتاخد خالد بن الحج سالم ..
خالد بابتسامة...معلش يا ست الكل ..انا بس كلمت بابا الاول عشان اكد عليهم ميعاد الزيارة وبعدين كنت هاجى احكيلك ..انا مقدرش أخبى حاجة عليكى
احسان بفرحة..قول يا واد يا خالد ده يوم المنى ومستنياه من زمان ..احكيلى يلا عن ست الحسن والجمال ال قدرت تجيبك على مله وشك كده وخطفت قلبك
خالد بتودد لوالدته ...هى بنت بسيطة اوى يمكن مش مؤهل عالى او من عيلة كبيرة بس طيبة وروحها جميلة وعندها استعداد وقبول لاى حاجة بنصحها بيها وبتعملها بحب وأقتناع وده خلانى أتعلق بيها اكتر ..وقلت عشان مقعش فى الاثم والتعلق بدون ارتباط ..أعجل الارتباط بيها ونعمل العقد عشان أقدر اكلمها واقرب منها
احسان وهى تقطب جبينها ...يا واد متقفلهاش اوى كده واكلم معاها زى منته عايز .
.متستناش كتب الكتاب عشان تفهموا بعض كويس فعلى البر كده أحسن
خالد وهو يبتسم ...يا امى مينفعش اخد راحتى معاها الا بعد العقد ان شاءالله
احسان وهى تحرك شفتيها يمينا وشمالا ...انت ديما محبكها اوى كده .
منه بشوف المخطوبين راحين جايين مع بعض ومش بيكتبوا كتاب الا يوم الدخلة
خالد بصوت فيه نبرة من الغضب ...وده يصح برده يا ست الكل ...وفين الخوف من الله ..وانا عايز الحلال من البداية للنهاية عشان ربنا يبارك فى زواجنا ونسعد ويرزقنا بذرية طيبة ..فلازم يكون فيه اساس سليم من البداية .
احسان بحب ..ربنا يكملك بعقلك يا ضنايا ويسعدك ويكملك على خير
خالد بسعادة.... يارب يا ست الكل
احسان ...وامتى هنروح نزورهم
خالد...الجمعة بأذن الله يا أمى ..واحنا الحمدلله حالنا ميسور فمش هنطول فى الخطوبة..وهنستعد للزواج فى أقرب وقت ان شاءالله
احسان بتعجب...طيب والعروسة يبنى هتقدر تجهز نفسها فى وقت قصير كده
خالد بخجل ... والله يا امى..هما حالهم على قدهم . بس انا هكفل بكل شىء باذن الله وعايزك تخديها يا أمى تجبلها كل ال عيزاه واعتبريها بنتك وبتجهزيها ..
احسان بشفقة على حالهم ..دى هتبقى مرات الغالى ...حاضر يبنى وان شاءالله تبقى بنتى وتعوضنى عن غياب اختك خديجة فى بلاد بره مع جوزها
خالد...وخديجة هتقدر تنزل فى الزفاف
احسان وهى تهز رأسها ..مش عرفة يا حبيبى ..خلينا نحدد وبعدين نبلغهم ونشوف ظروفهم ايه ..هيقدروا ينزلوا ولا ايه ..
بس الود ودى ينزلوا وتبقى الفرحة فرحتين ..دى وحشتنى اوووى ..البت خوخة دى وتبكى احسان
خالد وهو يربت عليها بحنان ...معلش يا ست الكل ان شاء الله تنزل ونفرح كلنا
احسان بدموع ..يارب يبنى ...
...جويرية بفرحة فى ..يوم الجمعة ...شغالة فى البيت ترويق وتظبيط وبتغنى...يا دبلة الخطوبة عقبلنا كلنا ونبنى طوبة طوبة فى عشنا حبنا
ام جويرية بسعادة ...ربنا يفرحك كمان وكمان يا قلب أمك ويتمم بخير. ..
جويرية..بدموع...ربنا يخليكى ليه يا ست الكل..بس انا مش عرفة هسبكم ازاى وهتعيشوا ازاى من غيرى..بس انا هشرط عليه أشتغل بعد الجواز عشان برده اصرف على البيت ولغاية ماخواتى يكملوا تعليمهم
أم جويرية بحب : متشغليش بالك بينا احنا عندنا رب كريم عمره مهسيبنا واخواتك البنات بيكبروا وهيقدروا يرعونى
جويرية وهى تقبل والدتها...ربنا يطولنا فى عمرك يا ست الكل ويشفيكى يارب
أم جويرية بحنان ...يلا كفاية كده.خلى اخواتك يكملوا توضيب وانتى ادخلى كده خدى دش وظبطى نفسك كده..عريسك قرب يجى
جويرية بابتسامة..ماشى كلامك يا قمر انتى وتبوسها من خدها وتدخل تجهز نفسها ...
نيجى ..للجماعة التكفيرية..
أبو غسان بصوت فيه غلظة ..لقد جائنا الامر وهينفذ بعد شهر من الان بإذن الله ..
وسيأتى مدد آخر من الاخوة يحضروا معانا التجهيزات للعملية ..
ابو غسان للشنقيطى.اذهب وتحرى عن الهدف من كل اتجاهاته ..وتعرف على نقاط الضعف فيه ومن اى اتجاه سنصيبه
الشنقيطى بسرور..وهو كذلك اخى ابو غسان
أبو غسان..ل صهيب ...انت حليق يا صهيب فلن يشك فيك أحد ..أدخل جوه الهدف وتعرف على ما بداخل المكان وابحث عن مكان داخله نضع فيه القنبلة بدون أن يشعر بها أحد
أبو غسان..سنضع قنبلة بالداخل والخارج ..لنقضى على هؤلاء الكفرة جميعا ..بعون الله
صهيب.والشنقيطى...الله اكبر..الله اكبر..
علم وينفذ بإذن الله ..دمرهم الله
والغريب ان جاء مع المدد لهذه الجماعة سيدة تدعى أشجان....وقد بعثوها للرجال كزواج متعة وهذا الزواج اصلا محرم فى الشرع ولكن أحلوه لانفسهم واعتبروا أنفسهم مجاهدين .ويحل لهم الترويح عن أنفسهم ....وسيكون لها دور اخر فى العملية وهتنزل تعاين مكان الهدف بنفسها
....يصل خالد ومعه الوالد والوالدة...لبيت جويرية فى الموعد المحدد
تفتح لهم الباب اختها الصغيرة بسمة وتنادى عليهم والدتها لانها لا تستطيع القيام لمرضها
ام جويرية...اهلا وسهلا نورتونا وشرفوتنا .اتفضلوا بيتكم ومطرحكم وكان نفسى استقبلكم بنفسى ولكن زى منتوا شايفين المرض معجزنى
أم خالد بشفقة ..ولا يهمك يا حجة شفاكى الله وعافاكى وكفايا كلامك ال زى السكر ده
خالد بترقب ..يبص يمين شمال منتظر بلهفة جويرية التى سحرته وخطفت قلبه
تاخد بلها منه أم جويرية فتتبتسم ...وتقول فى نفسها لايقين لبعض ...هو بدر وهى قمرين
وتقول لبنتها الصغيرة..تنادى على جورى من جوه ...
فابتسم خالد
جويرية تخرج بابتسامة جميلة..تشوفها مامت خالد
ام خالد...بسم الله ماشاءالله قمر عروستنا ربنا يحميها
ابو خالد...بارك الله لكم يا بنتى
خالد بإبتسامة ...عاملة ايه يا جويرية
جويرية..بحرج...الحمد لله
ابوخالد ...طيب على بركة الله ..بقلك يا حجة خير البر عاجله ...وانتى شايفة ابننا خالد ملتزم .فعايز عشان يقدر يدخل ويخرج عندكم ويكلم معاها فلازم نعمل كتب كتاب ...وبعد شهر بإذن الله الدخلة فكل حاجة عندنا جهزة بأمر الله ومستنيين موفقتكم بس
ام جويرية بتلعثم وحزن عشان ظروفهم على قدهم والمدة صغيرة اوى ومش هتلحق تجهزها
....بس يا حج يعنى شهر واحد هنلحق .وووووو
أم خالد وهى تربت على يديها ...متقلقيش يا حجة...جويرية بنتى زى مخالد ابنى وهخدها تشترى كل ال يعجبها ويلزمها ...ومتشليش هم حاجة ابدا
جويرية بفرح...ربنا يبارك فيكى يا أمى
انا موافقة بس كان عندى شرط
بصلها خالد باستغراب.....شرط ايه ده
جويرية وهى بتبص لامها واخواتها البنات..
انا هشتغل بعد الجواز....عشان أقدر اصرف على علاج امى ومصاريف اخواتى البنات فى المدارس
خالد فرحان انها بتبر والدتها لهذه الدرجة وبتحب اخواتها ...
خالد بنظرة حب ...متشليش هم يا جويرية ...وانا كنت هتكفل بيهم من غير مقولك او تحتاجى شغل وانا موجود
جويرية بحرج ...بس
ام خالد...مفيش بس يا حبيبتى ..ده هيبقى جوزك ..ومش هيخليكوا تحتاجوا لحاجة باذن الله ومش هيمنعك تيجى وتطمنى على والدتك واخواتك ابدا...احنا عارفين شرع الله كويس يا بنتى
جويرية..تبص لوالدتها بفرحة..تروح ام جويرية تزغرد وتقول ...الف مبروك يبنى وربنا يتمم بخير
وحددوا ميعاد كتب الكتاب ..وهيكون فى المسجد
أما الفرح باذن الله سيكون فى قاعة اسلامية
.......
أشجان وقد أصبحت فرد من الجماعة ..وهى
سيدة على قدر من الجمال تردى إسدال أسود
تنزل هى أيضا كما طلب منها تعاين الهدف لتعلم جيدا كيف ستقوم بمهمتها
..فتقع عينها على خالد فى المحل ....؟.
*.......يتبع.......*
الحلقة الخامسة
أحببت ملتحى 😍😍
ذهبت أشجان لمكان الهدف لمعاينته
وحين كانت تجول بنظرها يمينا ويسارا وقعت عينيها على خالد وهو فى محله يتعامل مع زبأئنه والابتسامة لا تفارق شفتيه .
أشجان بإعجاب ...ما أجمل طلعته وابتسامته ..وحاولت إبعاد نظرها عنه فهى جاءت لمهمة محددة تتابعها ولكن سرعان ما سددت نظراتها له مرة أخرى وسرحت فى عالم من الخيال ..
فهى طالما كانوا الرجال يطلبونها وهى تعطيهم جسدها فقط ولكن لم يستطيع أحدهم ان يفوز بقلبها ..
ولا تعلم لماذا هذا الشعور بخفقان قلبها نحو خالد ..
وبينما هى كذلك ..
نظر اليها صهيب وأخذ يحدثها عن الهدف ويتكلم كثيرا ولكن وجدها فى عالم اخر ولا تعيره أهتمام ولا تدرك ما يحدثها به ولا ترد عليه الحديث
صهيب بإستغراب وهو يمسكها من ذراعها لكى تنتبه اليه ...ايه مالك فيه ايه ...رحتى فين ..عمال اكلمك من الصبح وانتى ولا هنا ..سرحانة فى إيه
أشجان بإضطراب...وهى تختلس نظرات أخيرة لخالد
لا مفيش حاجة ..كنت بتقول ايه
صهيب وقد أتجه بصره صوب ما تنظر إليه أشجان ..فوجدها تنظر لخالد وتتأمله ..
صهيب بغضب وهو يمسك وجهها لتلتفت إليه .. ..لا الواد ده اه ملتحى بس مش تبعنا ولا أفكارنا خالص ..ده عادى بيتعامل مع الكفار وبيشترى ويبيع منهم ..
يارب ساعة العملية تصيبه القنبلة هو كمان ونخلص منه بالمرة هو وأشكاله
أشجان بخوف ..لا .لا سبهولى يمكن أقدر اقنعه بأفكارنا ويكون منا ويساعدنا فى العملية عشان هو قريب منهم اوى
صهيب بغيظ...ايه النهردة مفروض جوازى منك ده دورى بعد الاخوة ..عايزة تديه دورى ولا إيه
..لا ده انا اسيح دمه .
.
أشجان بابتسامة مكر ..لا متخفش على دورك فى ميعاده يا سيدى ..بس هو لو قبل يكون معانا يبقى بعدك ..
صهيب بنرفزة ...بس لو عرف القائد ..ممكن يمنعك لانه مش وقته خالص نجيب حد جديد منعرفهوش لسه وخطر علينا
وقدمنا عملية مهمة ولازم نحققها .
أشجان بتودد وهى تمسك يديه ...متخفش بس أنت بس المهم متقلش لحد أى حاجة دلوقتى وسبنى أحاول معاه يمكن يقتنع ويفدنا فى العملية أكتر
على جانب آخر ..
...جويرية بدئت تنزل مع أم خالد ..تجهز نفسها أستعدادا للزفاف .
جويرية....حبيبتى يا أمى ..انا كل مختار الارخص تنقيلى انتى الغالى كتير والله عليكوا ده
أم خالد بابتسامة...انتى هتبقى مرات الغالى فلازم يجيلك الغالى .فنقى احسن حاجة ميهميكيش مستورة والحمدلله ونقى للعروستين الصغيرين أخواتك كمان حاجة تفرحهم .
جويرية..تدمع عينيها من الفرحة..وتبوس راس أم خالد ..وتقول ربنا يخليكى ليه ..أنتى متتخيريش عن أمى بجد فى الحنية وربنا يقدرنى واكون بنت صالحة ليكى واخت لخديجة باذن الله
ام خالد...ليه كده يبنتى متبوسيش رآسى كل ده من خير الله ..وفكرتينى بأختك خديجة ..ادعلها تقدر تنزل وتحضر الفرح
جويرية...ان شاءالله يا امى تنزل وتبقى الفرحة فرحتين ..
ويلا انا تعبتك كتير النهردة كفاية ونكمل يوم تانى ان شاءالله
أم خالد. تعبك راحة يبنتى ربنا يكملكوا على خير وتفرحوا وتتهنوا
وبكرة ان شاءالله فى كتب الكتاب هتبقى زى القمر وخالد حجزلك فى كوافير كويس اوى بشهادة خديجة بنتى عشان اتعاملت معاه كتير
ويلا بينا...نشترى الفستان ال يعجبك ومناسب للعقد فى المسجد ..
اشترت جويرية فستان وردى جميل وبسيط وشيك فى نفس الوقت ...وروحت تحلم بخالد وايه احساسها هيكون بعد اول لمسة من خالد بعد العقد
....قد ايه الحلال جميل وليه احساس مختلف عن اللمسات فى الحرام والعياذ بالله
فى اليوم التالى ...عقدت العزم أشجان أن تذهب لخالد لعلها تأثر عليه بجمالها ودلالها وتجعله عضو معهم فى جماعتهم ولا تعلم انه غيرهم ويغض بصره عن جميع ما حرم الله
.... أشجان بإبتسامة عند خالد..السلام عليكم ورحمة الله وبركاته
خالد...وعليكم السلام ورحمة الله وبركاته
تأمرى بشىء اختنا
أشجان بهيام وهى تقترب منه ...ايوه ...عايزاك أنت ..
خالد وهو يتراجع للوراء . بغضب. ..انتى بتقولى ايه ازاى يعنى ..
أشجان بتودد ... يعنى نكون مع بعض
خالد بغضب اكتر .. بقلك ايه مع السلامة
شوفى حالك يا أختى واتقى الله ..وانا مليش فى غضب الله .
أشجان..لا لا مش قصدى فى الحرام..
قصدى نجوز ولو ليوم واحد ..جواز متعة يعنى ..
خالد بغضب وهو يضرب كفيه ببعضيهما ..أستغفر الله العظيم يارب .... انتى يا ستى مين حدفك عليه النهردة.
متعة ايه وزفت ايه ويوم ايه ده كلام فارغ وحرام
..وعشان أريحك منى انا أصلا مرتبط
ومع السلامة بقه من غير مطرود
شعرت أشجان بالاهانة ..
فخرجت والدموع فى عينيها انه مرتبط ويرفض عرضها ..
أشجان محدثة نفسها ...أعمل ايه مش قادرة أقاوم سحر عنيه وابعد عنه
ولازم يكون معايا يوم ..هرجعله يعنى هرجعله تانى ..
ثم قابلت صهيب ..فمسحت دموعها سريعا كى لا يراها
صهيب بشماتة ..ايه شكلك متغير فأكيد صدك مش قلتلك هو غيرنا خالص ..
أشجان بثقة ..متقلقش هخليه زينا وانا وراه والزمن طويل
.....مرت عدة ايام وجاء موعد عقد جويرية وخالد 😍 وكان فى المسجد
فى يوم العقد....تزينت جويرية وأرتدت فستانها الوردى الجميل فكانت كالزهرة المتفتحة التى يتناثر عبرها فى وقت الربيع .
ذهب اليها خالد ليأخذها من مركز التجميل
وكانت هى تنتظره بشغف وتعد اللحظات التى تجمعهما سويا ..واخذت تفرك يديها تارة ثم تمسك باقة الورد تحتضنها تارة أخرى
ثم استمعت لقول البنات فى مركز التجميل
العريس وصل ..حتى ارتعدت أوصالها فرحا ثم ووقفت بظهرها تنتظره
لتشاهد ردة فعله عندما يراها بالفستان
دخل خالد لمركز التجميل على مضض وخجل...
خالد بسعادة ..جورى فاستدرات إليه على استحياء
.انبهر خالد بها لانها كانت كالقمر فى ليلة تمامه
..ياه مكنتش فاكر انك بالحلاوة دى كلها ..
جويرية بخجل...منته مكنتش بتبص أعملك ايه
خالد بابتسامة..كنت مستنى ابص واكل كمان الحلاوة دى بالحلال
لان الحلال أدوم ولذته أبقى وليه كمان أجر لكن الحرام لحظة نندم عليها عمر بحاله
وكمان من أستعجل شىء عوقب بحرمانه وأنا اهو الحمد صبرت ونولت حتة مانجة ..
جويرية بضحك...ايه ده انا كنت مفكراك متعرفش تقول الكلام ده
خالد بضحك...لا ده انا حبيب اوى بس بالحلال وهتشوفينى حاجة تانية بعد العقد ولا روميو فى زمانه
جويرية بخجل ...لا ده أنا اخاف منك بقه
خالد بضحك ...ايوه هوريكى عينى بس مش الحمرة لا الخضرة.عشان هتكون حياتنا خضرة باذن الله
...ووصلوا المسجد ...وتم العقد وسط فرحة الناس والعروسين ..
.
ثم قام خالد لجويرية فقبلها قبلة حانية على جبينها قائلا...مراتى حبيبتى مبرووك
جويرية بخجل...مبارك علينا زوجى
وهما طالعين مسك ايديها لقاها أرتعشت
خالد بهمس فى أذنها ..وهم فى السيارة
.ايه من أولها كده بترتعشى ..أومال لما اخد حتة سكر من شفايفك العسل دى هتعملى ايه
جويرية بحرج....ولا تقدر ..لما نبقى ندخل بيتنا يا خفيف ..
خالد بزعل...كده برده ..
جويرية بابتسامة...ايوه كده .
خالد طيب على الأقل ..لمسة ايد ومسك ايديها وقبلها بحنان المحب
خالد بفرح..مبروووك علينا يا أجمل واحن زوجة فى الدنيا
جويرية ..بسعادة...ربنا يخليك ليه يا زوجى الغالى ..وربنا يقدرنى وأسعدك لاخر يوم فى عمرى
.....خالد بفرحة..تحبى نتفسح شوية
جويرية...بسعادة ياريت
.....اخدها خالد يتفسحوا شوية بالعربية ونزلها عند مطعم شيك
خالد...أتفضلى اميرتى الساحرة .
جويرية...بس ده شكله غالى اوى ..لا بلاش تعال نروح الحسين وناكل فى المسمط أحسن
ده عنده شوية لحمة راس على ممبار ايه حكاية ..
خالد.بضحك.....مسمط فى فرحنا ...لا خليها يوم تانى ...وملكيش دعوة غالى ولا رخيص ...خلينا نتبسط من نفسنا شوية ..
جويرية بحب...ال تشوفه يا زوجى
خالد بمزحة....يسلام على احلى كلمة سمعتها فى حياتى ..قوليها كمان ..عايزة اسمعها
جويرية بابتسامة...زوجى
خالد بفرح...الله ..الله ...
شوية حبتشتنكات كده ...😂😂 وسهوكة ملناش فيها ندخل على المهم
....جماعة الشنقيطى فى الشقة المختبئين فيها للتحضير للعملية الارهابية
الشنقيطى بكلمات صارمة ...لقد اقترب موعد الهدف فلنستعد سريعا بالعدة والقنابل والأسلحة والذخيرة
الجماعة. باذن الله ...الله اكبر...هنيئا لنا الشهادة
أشجان مكنتش مركزة خالص مع الجماعة وكانت سرحانة برده فى خالد ..وقررت تنسحب وهما بيحضروا لمهمتهم من غير محد ياخد باله وتروح لخالد وهما منشغليين
وفعلا راحت أشجان لخالد
أشجان بابتسامة لما شفته ...السلام عليك اخ خالد ..
خالد وهو مش واخد باله منها . وعليكم السلام
أشجان .الا تتذكرنى .جئت اليك من قبل اعرض نفسى للزواج
خالد بغضب .. انتى تانى عايزة ايه منى..أنا مجوز يا ستى وبحب مراتى ويستحيل ابص لغيرها
فروحى لحالك الله يخليكى ..مش ناقصاكى وياريت تخلى عندك شوية دم ومتجيش هنا تانى
أشجان على قد ممقهورة من كلامه بس حولت تانى
أشجان بدلع..الشرع حلل لك التعدد
خالد بضيق....وانا مش عايز غير مراتى ومش شايف ولا هشوف غيرها
أشجان بحزن...وهو كذلك ..أنت حر ..
ولكن هناك موضوع اخر اريد ان احدثك به .
أشجان وهى تكتم غيظها ..أنت رجل ملتزم واكيد تحب الجهاد فى سبيل الله ..فلتأتى تجاهد معنا ضد الكفرة
خالد بتعجب ...كفار ايه. .وجهاد ازاى يعنى ..
أشجان بصوت منخفض لكى لا يسمعها أحد غيره ..النصارى .وايضا المسلمين العاصين المتمردين
خالد وهو يزفر غضبا وضيق ..استغفر الله العظيم ..ده فى شرع مين بس
النصارى ليهم عهد عندنا والرسول صل الله عليه وسلم قال من اذى ذميا فأنا خصيمه يوم القيامة..
وبدال مش بيتعدوا علينا ومسالمين يبقى كل واحد ليه دينه وربنا ال بيحاسب بس
..اما المسلم العاصى فليه نكفره ..حرام كده بدال بيشهد الشاهدتين وكلنا بنعصى الله ونسئل الله العفو والعافية ..
..مش عارف انتم أشكالكم ودماغكم متركبة ازاى ربنا يهديكم ويبعد عننا شركم
ولو عايزين تجاهدوا عندكم فلسطين ..رحوا جاهدوا هناك ...
أشجان حست انه بيكلم صح ..بس مش قادرة تقتنع لانهم عمللوها غسيل مخ وفهموهم انهم هم الصح وانهم كده بيجاهدوا فى سبيل الله
أشجان.بغضب ممزوج بالحب ...انت دماغك ناشفة اوى ..بس مش عرفة ابعد عنك .وداخل دماغى ..
خالد ...استغفر الله ..ربنا يهديكى لنفسك ..
اتفضلى بقه من غير مطرود
خرجت اشجان تلتوى حزنا وألما ولكن وقفت مرة اخرى ثم ألتفتت تقول له
أشجان بثقة ..مش هيئس وهجيلك تانى قريب
يا ترى هتقدر تأثر عليه ؟
*تمت*
*أمير Amir* 🍂