علاج قلبي انت - الفصل الرابع - مكتملة | روايتك

*علاج قلبي انت *🍒 الجزء الرابع بيلتفت ليشوفها ماسكة باقة ياسمين وفل وعم وعم تحطها ع طاولة السفرة وترتب كم شغلة ع الطاولة وبتقرب منهن بخطوات بطيئة لجين: مسا الخير مع ابتسامة وبتقرب بتصافح أمجد وبتبوس نيرمين بتقرب منو وبتمد ايدها كيفك دكتور غيث وبتمد ايدها لتصافحو غيث: عم يستنشق الريحة يلي اخدتو لعالم تاني وصافن فيها وببساطة تفاصيلها وجمالها الرايق بتخجل ليجن من صفنتو وهي مادتلو ايدها لجين: بهمس دكتور غيث مع ابتسامة غيث: اي بمدلها ايدو وبصافحها وهي عن تبتسملو وهو لسا شارد فيها لجين: تفضلو ع العشا ليث: يلا تفضلو ياجماعة بيأعدو ع طاولة السفرة وببلشو أكل بتأعد لجين قبال غيث وبتكون عيونها بصحنها وعم تاكل وغيث: كل شوي عم يخطف نظرات عليها كيف ماعم تطلع عليه من شان يخليها تحكي غيث: بخبث باقة الورد كتير حلوة انتو مقطفينها او جاهزة أمجد: مزبوط لفتتني ريحتها كتير نيرمين: اي كتير حلوين والله ليث: هي الباقة من ذوق لجين مقطفتها من المشتل تبعها مو هيك بابا لجين: بترفع راسها وبتطلع بابوها مزبوط هي من عندي من المشتل غيث: ما شاء الله بتهتمي بورداتك كتير معناها لجين: بتطلع عليه وبتهز براسها اي كتير بهتم فيهن بقلبها قال يعني ماقلتلو هالشغلة فيني مهم بدو يخليني احكي وبتبتسم ليث: بس تخلص عشا فيك تطلع تشوفها دكتور لجين بتاخدك عليه مو هيك بابا لجين: اه اي بابا تكرم انت والدكتور غيث غيث: والله بيسعدني شوفه اذا بتسمحي انسة لجين لجين: تكرم بينهو العشا وبقومو بيأعد ليث وأمجد عم يشربو شاي ويحكو عن الشغل ونيرمين وريحان ملتهيين ببعض ولجين: اعدة وعم تقلب بموبايلها للتجنب تطلع بغيث وغيث: عم يفور ويغلي ليش ماعم تطلع عليه او عم تحكي شي بقرر يكسر حاج الصمت شو انسة لجين مابدك تاخديني ع المشتل؟ لجين: اه مبلا دكتور غيث تفضل غيث:( واخيرا حكت )يلا بوقف وبيمشو بتطلع ع جنينة الفيلة وهو وراها لجين: بتاخد نفس عميق وبتلتف عليه دكتور فيك تلبس هي الجزمة من شان نفوت مايتلوت بوطك غيث: انسة لجين انا هون مالي بعيادتي لهيك قوليلي غيث لجين: متل مابتريد استاذ غيث فيك تلبس الجزمة لندخل المشتل غيث: بقلبو استاذ! اوك عطيني ياها بتمدلو ياها وبتشلخ الكعب وبتلبس الجزمة وبيلبش الجزمة هو كمان لجين: تعا معي يلا بتوقف قبال باب ابيض خشب عليه ورد وجاية فوقو الياسمينة ممدودة حول الباب غيث: هون المشتل لجين: اي بدي ياك بس تدخل تاخد نفس عميق وتستنشق غيث: هه تمام بتقرب وبتفتح الباب وبتفوت وعم تطلع عليه بكون واقف وعم يراقبها بنظراتو لجين: مابدك تفوت غيث: مبلا بيدخل وعم يتطلع حوليه ع كمية انواع الورد يلي مزروعين وكل لون احلا من التاني لجين: خود نفس عميق يلا وغمض عيونك غيث: بيبتسم اوك بغمض عيونو وبياخد نفس عميق وبطلعو ببطئ بفتح عيونو بلاقيها عم تبتسم ومغمضة عيونها بيتبسم ع ابتسامتها غيث: احم الريحة بتجنن لجين :بتفتح عيونها بعرف بتبلش تمشي وهو جنبها وعم تعدلو انواع الورد وبكونو كلهن متناسقين باحواض ملونة بوصلو لشجرة الياسمين بكون غيث عم يتطلع عليها وع شعراتها المنثورين ع ضهرها متل الاقلام بقرب وبيقطف ياسمينة لجين: بتطلع فيه بنظرة ماعجبها يلي عملو لان مابتحب حدا يقطف من ورداتها غيرها غيث: بيطلع فيها كيف عم تطلع فيه شبك عملت شي غلط لجين: كنت احكي انك بدك تقطف كنت قطفتلك انا غيث: تدايقتي لان قطفت مو لجين: مابحب حدا يقطف منهن لهيك لاتواخذني غيث: بيبتسم وبقرب منها انا قطفتها لسبب واحد لجين: شو هو وعم تطلع كيف عم يقرب منها غيث: بقرب اكتر منها وهي بتغمض عيونها وبحطها ع طرف شعرها بتفتح عيونها وبتطلع فيه اديش قريب منها غيث: لحطها ع شعراتك لانهن كتير حلوين لجين: عفواً غيث: شعراتك حلوين وبتلبقلهن هالياسمينة تزينهن وانتي رقيقة متل الياسمينة لجين: ساكتة ومصدومة من حكيو بتطلع ع ساعتها وبتنط يي الساعة ٨ غيث: عندك شي يعني لجين: لك امشي نهرب بسرعة غيث: ليش شوفي لجين: بتمسك ايده وبتجي بدها تركد بشدها لعندو وعيونو بعيونها بغمض عيونها لجين اتحممنا غيث: بضحكة شو بيطلعو من الارض رشاشت المي وببلشو يرشو غيث: ياا لجين: بتضحك ههههه لك قلتلك امشي مابترد عم يبعدو عن الرشاشت وتغسلو بالمي ولجين عم تضحك ع منظر غيث ههههه غيث: عم تضحكي لك طلعينا بسرعة لجين: بتمسك ايده وبتشدو لبرا المشتل فورا غيث: بأنزعاج لك تعبينا ميي لجين: كاتمة ضحكتها ع شكلو بيشلح الجزمة وبيلبس بوطو وبكون عم يرفع شعرو يلي انبل لجين: ماعاد تقدر تكتم ضحكتها وبتبلش تضحك هههههههه اخخ ياامي هههههه غيث:بيطلع فيها بأنزعاج وبشوفها كيف عم تضحك بتتبدل ملامحو لابتسامة ع شفافو لجين: اسفة ورب ماقدرت اكتمها هههههه غيث: بقري منها بجدية لجين: بتبلع ضحكتها وبتتلبك وبترجع لورا وهي عم تطلع فيه لتوصل للشجرة وراها بتلزق فيها غيث: بحط ايدو ع الشجرة محاصرها وبقرب وبيهمس بدي افهم ليش في مشافي وادوية وضحكتك بتشفي قلب كل مريض جُمِع جمال الكون ونُثر في ضحكتك . . بيتركها وبفوت ع الفيلة بتوقف لجين شاردة لجين: هاد كيف هيك انقلب كانو كان عم يغازلني ! هه وربي ماعاد افهمت شي كم شخصية عندو انا لاجنيت لاحجن بتفوت ع الفيلة وراه الكل: بيطلعو عليهن وبيضحكو ليث: شو صاير معكن ليش مبلولين غيث: اشتغلو رشاشات المي بالمشتل واكلنا يلي فيه النصيب أمجد: ههههه نعيما لكن بتفوت لجين خجلانة ومتكركبة نيرمين: تعي لجين حبيبتي اعدي معنا لجين: اه بتطلع بغيث بتلاقي كاتم ضحكتو وعامل حالو ما عم يتطلع ع اللوحات يلا جاية خالة ريحان: بتنادي للخدم بجيبو مناشف خدو هدول نشفو حالكن لاتمرضو بتاخد البرنص لجين وبتلبسو وبتروح بتاعد ع الكنباية وغيث بيلبسو وبيأعد مع ابوه وليث وعم يتطلع فيها كيف شوي بتحمر شوي شوي بتفرك ايديها بتمر ساعة وهنن ع نفس الحالة أمجد: يلا نحن صار لازم نمشي بوقفو وبيشلح البرنص غيث وبقرب بيعطي للجين وهي بتخجل وبتاخدو ليث: نورتونا ياجماعة أمجد: منورة بوجودك اخي لزياردة الجاية عنا ليث: إن شاء الله منتشرف بيطلعو بسيارتهن وبيمشو ولجين فورا ع غرفتها بتعمل دوش وبتلبس بجامتها بيخطر ع بالها عمر ولحظاتها معو بالفيلة بس هالمرة بفوت ع خط افكارها غيث وبتتذكر كيف كان عم يحكيها بتتشوش وبتمسك اللابتوب وبتفتح صفحة جديدة لجين: ماهذا الذي يحدث بي موازين الحياة تنقلب هل من الممكن ان يسكن احد قلبي بعد الان ولكن انت كل شي في قلبي اكرهك نعم ولكن لن استطيع ان ادخل احداً الي قلبي غيرك نعم هو مختلف عنك تماماً نحن مختلفان جداً ولكن انا لااريد سواك اخرج من داخلي واتركني وشأني انا اريد ان اعيش حياة هادئة رحلت وتركت قلباً ينزف شوقاً اليك💔 عند غيث: بكون متسطح وعم يطلع بسقف الغرفة وماسك المشبك وعم يتذكر ضحكة لجين وبيبتسم انا عم حس شي تجاه لجين لان الحكي يلي قلتو اليوم مابعرف كيف حكيتو بس يلي بعرفو وقت شوفها بتخدر بتصير بحركاتها تتحكم بقلبي معقول اقدر احصل ع قلبك يالجين قلتي انك ما بتعطي قلبك بالسهل واكيد هلق صار اصعب من الاول طول ماعمر لسا ساكن قلبك بيدايقك بس انا غيث ورح احصل عليه لو بعد مية سنة بغمض عيونو وبحط المشبك تحت مخدتو وبيغرق بأفكارو ليغفى تاني يوم الصبح بيصحى غيث وبقوم ولأول مرة عم يبتسم بيلبس وبينزل غيث: صباح الخير نيرمين: صباح النور اوو غيث: شبك امي نيرمين: مو معقول ابني غيث فايق وعم يبتسم شو صاير لك من ٢٦ سنة ومن اول ماخلقت وانت عابس هههه غيث: بيطلع بأمو بزعل هلق هيك صار ياام غيث نيرمين: ههه لك تقبرني هالابتسامة وبتقوم بتبوسو وبتطلع عليه بخبث نيالها صاحبة هالضحكة غيث: مافهمت نيرمين: انو اكيد ورا هالابتسامة الحلوة شي صبية مفيقتك ع صوتها غيث: هههه صبية وصوتها وشي هالوش امي تأخرت ع شغلي بدك شي نيرمين: ايوا تهرب لا سلامتم ابني الله يرزقك بيطلع وبيركب سيارتو وبروح ع العيادة عند لجين بتفتح عيونها ع صوت رنة موبايلها لجين: الو تولين: لك كيفك وليه لجين: اهلين تولين تمام انتي كيفك تولين: مشتاقتلك شو موناوية تجي ع الجامعة لجين: مبلا رح اجي اليوم استنيني قدام الجامعة بعد ربع ساعة تولين: يعني نص ساعة بعرفك لان لجين: ههه حافظة درسك يلا روحي بتقوم لجين وبتمد ايديها قبالها وبتتذكر انو عندها موعد عند غيث يي لازم رن ع العيادة وقلها تأجلي موعدي بتقوم بتاخد كرت العيادة وبتسجل الرقم وبترن بتلاقي مشغول تبع العيادة يي علينا في رقم تاني بترن عليه بكون غيث عم يشرب قهوتو وعم يصنف الحالات برن موبايلو غيث: الو لجين: مرحبا هون عيادة الدكتور غيث غيث: اي نعم تفضلي انا الدكتور غيث لجين: بتسكت وماعاد تعرف شو تحكي غيث: الو مين معي تفضلي ياانسة لجين: بتوتر مرحبا دكتور غيث: اهلين كيف فيني ساعدك لجين: انا لجين غيث: بفتح عيونو ع الاخر وبيطلع ع الرقم بيرجع بقول اهلين انسة لجين خير في شي لجين: اتصلت ع رقم العيادة طلعلي مشغول لهيك رنيت ع الرقم التاني مابعرف انو رقمك لاتواخذني غيث: ولايهمك قولي في شي لجين: بدي اجل موعد اليوم اذا في مجال غيث: خير فيكي شي لجين: لا الحمدلله بس بدي روح ع الجامعة اليوم غيث: ولايهمك خلصي وتعي انا بنتظارك لجين: شكرا دكتور غيث: العفو انسة لجين ياريت كل يوم مشغول خط العيادة لجين: بصدمة عفواً غيث: بيبتسم عم قلك ياريت عطول مشغول الخط لنسمع صوتك لجين: اه ططيب انا بدي سكر سلام غيث: سلام بسكر هههه كيف تلبكت وانا وراكي يالجين لااخر هالعمر بتسكر لجين وبتوقف بتطلع ع لمرايا لجين: شو يلي عم يصير معو هاد صاير كتير عم يلمح ويغازل اخخ هو بشو وانا بشو بتضرب ع قلبها كيف بدي اجرحو بحبي لعمر اخخ بس بتطلع بتغسل وشها وبتلبس تيابها بتوقف ع لمرايا بتشوف الياسمينة ع البيرو محطوطة ودبلانة بتمسكها بايدها وبتتذكر ميف حطلها ياها بتبتسم وربي انا حجن اوف بتمسك شنتتها وبتطلع لجين: صباحو ريحان: يسعد صباحك قلبي لجين: عيوني يخليلي هالوش بتبوسها انا طالعة ع الجامعة بعدين عندي موعد عند الدكتور غيث ريحان: لجين بنتي لجين: اي ماما ريحان: ايمتى بدك تخلصي من عندو! لجين: باقي كم جلسة ماما ريحان: عم ترتاحي لجين: بجزء من قلبي عم برتاح ريحان: ماحتقوليلي شو القصة لجين: بتقرب وبتبوس ايدها مبلا حقلك بس اخلص من الجلسات صدقيني رح اجي واحكيلك كلشي ريحان: الله يرضى عليكي يلا تيسري لجين: سلام بتركب سيارتها وبتطلع عند غيث بكون اعد عم يسمع مريضة عم تحكي مشكلتها اعد بجدية وعابس بيسرح بتفكيرو اليوم مابلشت يومي فيكي يالجين بس سمعت صوتك ورقمك صار معي هلق لصدقت قلبي انك انتي غير الكل معك بضحك ومعك ببتسم ومع الكل بكون هيك بيصحى من شروده وبكفي مع المريضة لجين بتكون اعدة بالمحاضرة وحاطة ايدها على خدها وعم تشخبط ع الدفتر هفف بتهكس لرفيقتها ايمتى بدها تخلص تولين: باقي خمس دقايق مستعجلة لجين: وجع بس مليت تولين: يلا ماباقي شي ومنتخرج كلو كم اسبوع لجين: الله يمضي هالكم اسبوع على خير بوقف دكتور الجامعة وبقلهن ياشباب باقي كم اسبوع ومنخلص ع خير وسلامة لهيك بدي تبلشو تعملو المشروع الاخير ويلي هو تصميم عدت البسة متل العادة وهاد حيكون اخر مشروع بحثي يعطيكن العافية وبيطلع لجين: اوف واخيرا بتمسك شنتتها وبينزلو تولين: شو عندك هلق تعي نروح ع السوق لجين: مابقدر عندي شغل والله خلص بكرا ع الساعة ٤ تولين: اوكيتو بتطلع لجين وتركب سيارتها وبتمشي بسرعة ع العيادة عند غيث: بخلص حالات لليوم وبيأعد ع كرسيه عم يلف فيه ويتطلع ع الساعة بتوصل لجين بتاخد نفس وبتنزل لجين: يعطيكي العافية انسة ريهام: الله يعافيكي انسة لجين لجين: الدكتور غيث موجود ريهام: اي موجود بنتظار حضرتك لجين: ماشي يسلمو بتمشي لعند الباب بتاخد نفس بقلبها يارب مايحكي شي يخليني اغلط معو بتدق الباب نقرات خفيفة غيث: بيعرف انو هي بزبط اعدتو تفضل لجين: بتفتح الباب مرحبا دكتور غيث: اهلين انسة لجين تفضلي بوقف بصافحها وبيأعدو غيث: بكون عم يتطلع فيها ويبتسم لجين: بعفوية بتطلع فيه وبتكشر كيف صافن فيها دوم دكتور غيث: بيرفع حاجبو شو هي! لجين: الابتسامة هه غيث: اها الابتسامة يدومو حباب قلبك لكن لجين: شكرا بتحب نبلش او بتضل تبتسم غيث: بيقلب جدي لا فيكي تبلشي انسة لجين لجين: بقلبها يالطيف كيف بيقلب فوراً الله يعينها يلي بدها تاخدك بتغمض عيونها وبتبلش تسرد وقت شفتو عم يحكي ويضحك وكتير مدموج بالمكالمة فتت ع المحل وفورا بسكر الاتصال #فلاش_باك لجين: بتتبدل ملامحها لاابتسامة بسيطة مرحبا حياتي عمر: بلبكة اهلين عمري ليش ماقلتيلي انك جاية لجين: حبيت اعملك مفاجأة مع مين كنت عم تحكي! عمر: مع رفيقي والله لجين: مو ع اساس متدايق كيف كنت عم تضحك عمر: حكالي نكتة فضحكت ممنوع بعدين شبك عم تحققي لجين: اي دوم الضحكة ماعم حقق بس من حقي اعرف مع مين عم تضحك ومدموج بس عمر: بغير الحديث شو سر هالمفاجأة الحلوة لجين: جاية قلك انو بابا وافق ع خطبتنا وفيك تجي انت واهلك بكرا المسا عمر: بفرحة متصنعة عنجد لجين: ايي عمر: ياعمري واخيرا حتكوني الي بكرا المسا بكون عندك ياغنوجة قلبي انتي لجين: بتبتسم يخليلي ياك عمر: ويخليلي ياكي لجين: انا حروح هلق ع البيت بكرا بشوفك عمر: ماشي قلبي بتوقف لجين وبتلتفت عمر عمر: اي لجين: لاتكسرني بيوم وتتركني او تكسر ثقتي! عمر: بقرب لعندها شو هالحكي لجين انتي مابتعرفي اديش بحبك انتي شقفة من قلبي لاعاد تحكي هيك بعمري مابتركك او بكسرك لجين: وعدني عمر: بحط ايده ع خدودها بوعدك وببوس جبينها وبضمها لجين: بتضمو وبتمشي #باك لجين:بتفتح عيونها كنت متل الطفل يلي خايف تتركو امو وثقتي فيه كانت عالية كتير وعدني ماحيكسرني بس كسرني كسرني بغيابو وتركني لحالي بهالدنيا كسرني بأنانيتو بكذبو علي كنت بحبو كتير كنت مستعدة لو يطلب عيوني اعطيه ياهن بس حبي ماكفاه غيث:بيدايق كيف عم تحكي عنو ومكسورة بيطلع فيها كل هالقد بتحبي! لجين: بتطلع فيه كلمة حب ما بتكفي لااوصف المرحلة يلي فيها كنت اعشقو بحبو بجنون غيث: ماممكن يطلع من قلبك! لجين: عمر هه مزبوط كنت حبو كل هالحب ومزبوط عمل كتير شغلات لتخليني اكرهو تماماً بس بكل ذرة كره بقلبي في مقابلها حب كبير ومشاعر ماعم ترضى تموت مارح اقدر طلعو من قلبي لاهلق ولابعدين مافي قبلو ولابعدو لجين حكت هالحكي بدون وعي ومابتعرف انو وجعت قلب عم ينتظر جواب غير هيك غيث: بيوجعو قلبو وبينزعج كتير بينفعل بقوم النضارة من ع عيونو كل هالقد معمية بحبو لجين: بتطلع فيه بأستغراب كيف نفعل لان هو الوحيد يلي كان بقلبي وهو الوحيد يلي سلمتو قلبي وكان ماقد هالحب ولاقدر يحمي قلبي لهيك الكل متلو ماحدا بيستاهل قلبي غيث: بس ماكل اصابعك متل بعض ياانسة لجين انتي يلي ماعرفتي تختاري الصح وتختاري يلي يصون قلبك من كلشي مو يلي يجي يستغلك ويطلب مصاري سمحيلي قلك عمر كان بدو مصاريكي بس لجين: دكتور غيث بعتقد انا هون لتسمعني مو لتنفعل علي غيث: بلاحظ على حالو كيف نفعل وبهدي حالو وبيسكت اسف انسة لجين بس انزعجت عليكي مواكتر لجين: ولايهمك فيني كفي غيث: بيلبس نضارتو تفضلي لجين: بقلبها شو عم يصير معك ياغيث اوف مر اليوم ورجعت لعند اهلي وتصالحت مع بابا وتاني يوم اجو وقرأو الفاتحة وكلشي مشي تمام مع انو حمنت بعرف بابا مالو رضيان بس كنت عم دافع عن حبي وبعد اسبوع عملنا خطبة بالفيلة ومشيت الامور متل مالي مخطتلها ومرو الاسابيع ورا بعض وعمر يوم يكون منيح معي كتير ويوم يسكر ومايحكيني وانا كنت صابرة كتير معو وهو بيعرف اني بحبو وعم يلعب بأعصابي اكتر واكتر وقرب موعد عرسنا لان عمر طلب يكون بعد خطبتنا بخمس اشهر بس عمر ماعاد عمر يلي بعرفو اول مرة قبل موعد العرس باسبوعين رجع متل اول واحسن كان يجي لعندي ع الفيلة ونعمل المشتل سوا ونأعد بالجنينة ونحكي ونضحك كانت ايام حلوة رغم عدم اهتمامو بأوقات غيث: بكون عم يتطلع عليها وماسك اعصابو لجين:وبيوم اجا لعندي وقلي خلينا نطلع ع مطعم نتغدا وبعدين ع الملاهي فطلعنا بسيارتي وهو ركب ليسوق وهاد كان اليوم يلي تغيرت فيه موازين الحياة بتوقف لجين وبتغص غيث: يوم الحادث! لجين: اي غيث: حتقدري تكفي او لا لجين: لا خليها لااخر جلسة غيث: متل مابدك لجين: انا صار لازم امشي بكرا اخر جلسة وحترتاح من الغم ههه غيث: هه لاتحكي هيك انا هون مشانك خليها ببالك بقلبو: لو بتعرفي انو بكرا اتعس يوم لان ماعاد شوف هالوش كل يوم لجين: بدك شي غيث: سلامتك لجين: بتبتسملو وبتطلع غيث: بيأعد ع الكرسي وعم يحكي حالو غيث معقول غيران من واحد ميت! هه لك انا شو صابني ليش لعلق حالي بالبنت وهي مارح تقدر تنساه بيخبط ع المكتب اوف بيشلح مريولو وبحطو وبياخد مفاتيح سيارتو وبيطلع ع بيتو عند لجين بتكون اعدة عم تصمم المشروع الاخير لتقدر تتخرج بتوقف وبتحط القلم من ايدها بتفتح باب البرندا وبتطلع عليها وبتطلع بالسما بتاخد نفس عميق شو يلي عم يصير معقول غيث بحبني او حاسس شي تجاهي لهيك انفعل وقت حكيت! اوف ياه من وين بدي لاقيها ولا من وين من عمر يلي مرافقني ولا من حبو ومن كرهي الو ولا من غيث راسي حينفجر بتفوت وبتتسطح وبتغمض عيونها بتعب لتغفى اما عند دكتورنا بكون اعد وعم يفكر غيث:بعقلو شو هاد يلي عم تعملو بحالك ياغيث شبدك حدد افكارك ومشاعرك انت بتحب لجين او مجرد اعجاب! وكيف بدي اعرف بس يلي بعرفو اني اليوم غرت من حكيها وحبها لعمر وهي يلي خلقت الابتسامة ع شفافي وخلت حياتي احلى بس بكرا اخر جلسة ماعاد شوفها غير بالصدف مارح خليكي تروحي من ايدي يالجين ولو شوماصار وشو ماحكيتي رح اسكن قلبك واعرف كيف طلع عمر من قلبك لان مابيستاهلك لا مابيتساهلك بيتسطح وبضل بفكر لينام تاني يوم الصبح بفيق غيث بنشاط وبينزل بيعمل رياضة وبنشط جسمو وبيطلع بيعمل دوش وبيلبس وبينزل غيث: صباح الخير امي نيرمين: يسعد صباحك ابني شو طالع غيث: اي رايح ع العيادة بدك شي نيرمين: سلامتك عند لجين: بتفيق متكاسلة بتتاوب وبتطلع ع الساعة بتكون ١١ بتقوم بتغسل وبتلبس وبتنزل بتصبح ع امها وابوها ليث: لوين بابا لجين: اليوم اخر جلسة عند الدكتور غيث ليث: عم تتحسني لجين: اي الحمدلله بابا ليث: الله يحميكي والله هالغيث مافي منو رجعلك صحتك وضحكتك ما متل وبيسكت ريحان: اي والله الله يحميه لجين:بتطلع فيه لابوها وبتعرف شو كان بدو يحكي بتكفي مو متل عمر مو هيك بابا ليث: الله يرحمو مابتجوز عليه غير الرحمة هلق لجين: بقلبها لو بتعرف يابابا انو كان معك حق انو ماتخليه يخطبني بس هاد يلي صار يلا انا حروح ليث وريحان: الله ييسرلك بتطلع وبتروح ع العيادة بتوصل وبتنزل بكون غيث واقف بالعيادة مع ريهام بتجي بدها تفوت بتشوف الدكتور سامر سامر: انسة لجين لجين: بتقرب وبتصافحو اهلين دكتور سامر سامر: كيفك ان شاء الله تحسنتي لجين: الحمدلله تمام انت كيفك ان شاء الله بخير انا الحمدلله سامر: الحمدلله والله بشوفتك لجين: بتبتسملو انا بدي اعتزر منك ع الموقف يلي صار هديك المرة سامر: هههه ولايهمك ليش لتعتزري شي صار وانا نسيتو اصلا وماحطيتو ببالي لجين: كنت مجنونة بوقتها هههه سامر: ههه لا ع سلامتك هنن عم يضحكو ومالهن عرفانين انو في عيون عم تراقب وحتنفجر لجين: يلا بدك شي سامر: سلامتك بيمشي سامر وبتفوت لجين ع العيادة وبتنصدم من غيث كيف واقف وعم يتطلع فيها بنظرات غيظ لجين: صباح الخير غيث: بيطلع فيها بديق صباح النور انسة لجين لجين: بتبتسم وبتهزلو براسها غيث: تفضلي نفوت ع المكتب لجين: يلا بتفوت وبفوت وراها وبسكر الباب بأنزعاج بتنئز لجين وبتطلع فيه وبتعمل حالها طبيعية غيث: تفضلي فينا نبلش لجين: اليوم اخر جلسة غيث: ايي حنزعل ع فارقك والله لجين: بتبتسم غيث: بجر الكرسي كانو عم يتخانق معو وبيأعد بحط نضاراتو ويمسك دفترو بيكتب نهاية القصة المريضة الاولى مريضتي (مع انو بيكتب بالعادة اسم الشخص بس لجين مميز😂) فيكي تبلشي انسة لجين لجين: بتكتم ضحكتها كيف مزعوج اي يلا حبلش بتاريخ * طلعنا بالسيارة ومشي وشوي شوي صار يطلع برا المنطقة كلها صرنا جنب شجر وجبال بالطريق الجبلي #فلاش_باك لجين: عمر وين اخدني حبيبي عمر: ع المطعم حبي لجين: بتطلع ع الطريق وبترجع بتلتف عليه عمر وين اخدني شايفني جدبة هاد طريق جبلي مافي ولا نص محل هون عمر: بتتغير نبرة صوتو والله ذكية ها لجين: شو قصدك عمر: قصدي انو مارايحين ع مطعم مزبوط رايحين ننبسط ببعض شوي بعيد عن العالم لجين: القصد!؟ عمر: القصد متل مافهمتي لجين: عمر رجعني هلق عمر: لجين انا بحبك وبدي ياكي الي وبس لجين: وانا بحبك بس لسا ماصار عرسنا عم تفهم عمر عمر: مامهم ماانا هلق جوزك خلينا ننبسط شوي لجين: لك عمر انت شو جنيت عم قلك وقف هالبطيخة احسن مازت حالي ها عمر: هه جربي زتي حالك لجين: بتفتح مسكة الباب بكون مقفول بتضرب ع الشباك لك عمر وقف شو صرلك انت عمر: بدي ندمو لاابوكي انو يرفضني بدي خليه يجي لعند صرمايتي ليخليني استر عليكي لجين: بوقف الحكي بتمها ماعاد يطلع شوو عمر انت عرفان شو عم تحكي شربان شي عمر: ابدا انا هلق عم احكي صح لجين: لك عمر انا حبيبتك لجين وين راح الحب احكي عمر: حب ههههههه وحبيبتي مو هههههه لك انا ماحبيتك من الاصل ولا رح حبك انا حبيت مصرياتك وانتي هبلة راكدة وراي كنتي بتعرفي شو لجين انا بكل دقيقة كنت خونك وبكل دقيقة حكي بنت شكل وخونك معها انا ماحبيتك ولا رح حبك ورح خلي ابوكي يجي لعند صرمايتي عم تفهميي لجين: بترفع ايدها وبتسفقو كف وبتلبش تبكي انت واحد واطي مابتستاهل اي ذرة حب مني لك انا بكرهكك ايي بكرهكك عمر: بيطلع فيها هاد الي ياكلبة وبيمسك ايدها وبقرب منها بيفقد وعيو وبينسى انو هو بطريق لجين: بعد عنيي عمرر عمر: بيطلع ع الطريق ليوقف السيارة بس ضو الشاحنة بيطلع بوشو فجأة وبعم صوت الزمور العالي لجين:بتصرخ انتبه عمرررر وبحاول يبعد عن الشاحنة وبلف والشاحنة بتفقد توازنها وبفوتو ببعض بتفتح عيونها لجين وهي عم تشهق كانو المشهد عم ينعاد قدامها بالزبط بوقف غيث وبقرب منها غيث: لجين اهدي خدي نفس لجين: عم تاخد نفسها بصعوبة وبتبلش تبكي غيث: بجيب كاسة مي لجين اشربي اهدي بيأعد جنبها بتشرب مي وهي عم تشهق لجين: ككسرني الانسان يلي حبيتو خان ثقتي كان بدو يزلني عم يضحك علي كان لك انا بكرهو بكرهو بدي يطلع من جواتي عم يضل يلاحقني ليش ماعم بقدر شيل هالحب يلي كنت عاطيتو ياه ليش ليش الكل بخون انتي بتخونو كلكن وبتفقد سيطرتها وبتبلش تضرب غيث ع صدرو اي انتو بتخونو وكذابين كلكن متل بعض اي اي بكرهكن كلكن انا غيث: عم يتطلع عليها ومقهور كيف هيك عيون بتبكي لك الله يلعن يلي بدو يبكيهن بيمسكلها ايدها وبيحضنها بتدفشو عنها وعم تضربو بس اخر شي بتستسلم غيث: عم يلمس شعرها بحنان وهي عم تشهق بحضنو خلص اهدي لجين اهدي كلو رح يتصلح ماعاد تبكي خلص هششش بتهدى بين ايده بيمسك وشها بايده وبيمسحلها دموعها ماعاد بدي شوفهن هدول الماضي خلص راح اندفن مع يلي راح وحيندفن هالحب مع يلي ماقدرو بتطلع بعيونو يلي مخبيتهن نضارتو الطبية لجين: ااكيد غيث: اكيد حينتهي كلشي صدقيني لجين: بتنتبه ع حالها وبتبعد عنو ببعتزر نفعلت شوي غيث: بيبتسم هه شوي قولي كنتي حتروحيني ههه لجين: بتضحك ههه غيث: وهيك خلصت قصة عمر لجين: خلصت هاد الانسان يلي حبيتو وماطلع قد حبي وماقدرو بس هو شخص ما بيتنسى رغم يلي عملو ويلي كان حيعملو ويدمر عيلتي ويدمرني بس الله كبير بجوز بالحادث يلي صار كنت موت بس الله كاتبلي عيش واتعرف عليك يادكتور غيث: هه اديش الله بحبني لكن لجين: بتطلع بضحكتو وبتبتسم غيث: بابتسامة شبك لجين: ولاشي بس غريبة هالايام صاير عم تضحك كتير اسفة ع سؤالي بس اول ماتعرفت عليك كنت ماتضحك ابدا غيث: ههههه معك حق في سر ورا ضحكتي يلي صارت تطلع فجأة وطلعت من اسرها لجين: شو السر غيث: مع الايام بتعرفي لجين: اوك وهلق صار لازم امشي بشوف وشك بخير غيث: انسة لجين لسا في اخر جلسة لجين: ليش مو ليوم اخر جلسة! غيث: لا بعد في بكرا بدي اوصفلك دوا ليريح نفسيتك وحكيكي كم شغلة مستعجلة لماعاد تشوفيني لجين: لا ماهيك القصد غيث: عم امزح معك لاتتأخري بكرا لجين: ان شاء الله يلا سلام غيث: سلام بتطلع لجين ع بيتها وغيث بكمل المواعيد يلي عندو وبيرجع ع بيتو المسا بغرفة لجين بتكون فاتحة اللابتوب ع صفحة جديدة لجين: والان انا انتهيت نعم نفذت طاقتي بتصارعي مع حبك هذا اريد ان اوافق بين حبي لك وكرهي لك ولكن دائماً الحب يغلب الكره هل هذه المرة الكره سوف يغلب اريد ترياق لهذا الوجع الذي سببته انت هل سوف اجد نعم سأحاول لكي اجد علاجاً كرهي لك سوف يغلب حبي حتماً💔 بتسكر وبتغمض عيونها لتتصارع مع افكارها عند غيث بكون ماسك دفترو وعم يكتب غيث: مريضتي الاولى ومريضة قلبي بكرا رح اكشفلك سر قلبي يلي عم اكتمو بس حقولو لو شو ماصار حبي الك عم يكبر كل يوم اكتر وغيرتي مالها حدود بكرا حصارحك بكلشي #طبيبك وبحط المشبك بقلب الدفتر وبسكر عليه احتلني حبك كانك تعانق قلبي بكل قواك♥️ وبتمضى هالليلة ناس مكسورة وناس عم تتفائل ببكرا تاني يوم الصبح بيصحى غيث متنشط بقوم بيعمل دوش وبيلبس ونص علبة البارفان بتدلق عليه 😂 وبينزل بصبح ع اهلو وبوشو ع العيادة بعكس لجين بتفيق عم تتاوب وبتقوم عم تجر حالها لتوصل تغسل وشها بتوقف ماسكة باب لخزانة لتنقي تياب بتطلع افرول جينزل وبوط رياضة بتلبسهن وبترفع شعرها بملقط وبتاخد شنتابتها وبتنزل بتفطر وبعدين بتطلع ع العيادة بكون غيث واقف وعم يمشي بعيادتو وخايف ومتوتر بتوصل لجين وبتدخل بتنقر الباب كم نقرة خفاف غيث: احم تفضل بتفوت وهو واقف صافن بنعومتها وكيف الافرول مصغرها مبينة طفلة لجين: صباح الخير دكتور غيث غيث: اه لجين: بتكتم ضحكتها عم نقول صباح الخير غيث: صباح الورد والياسمين والفل لجين: بقلبها يوه شبو هاد غيث: تفضلي استريحي لجين: اي دكتور لو سمحت ابدا بموضوعك وعطيني الروشتة عندي روحة ع الجامعة بتعرف بعد شهر بدي قدم اخر فحص غيث: اي ولايهمك حأحكي لجين: تفضل غيث: بقوم بوقف وبيأعد مقابيلها احم مابعرف من وين بدي بلش بس انو بدي قلك انك انتي بنت قوية وبتقدري تتخطي كل يلي مرق وتبدي حياة جديدة ومن اول وجديد مع حب جديد و لجين: عفواً دكتور حب جديد شو! غيث: في مجال تسمعيني لجين: تفضل غيث: لجين لجين: بتنصدم عم يقلها لجين عادي غيث: بيطلع بعيونها لثواني وببلش يحكي انا من وقت مابلشتي تجي لعندي تغيرت نفسيتي كنتي علاج لضحكتي يلي طلعت من اسرها ما بتتوقعي انو وقت تخطري ع بالي لحالي ببتسم من اول ماشفتك كنتي مميزة لفتي قلبي بأحكام ومابعرف ليش اصريت عليكي لتجي وتتعالجي عندي وصار عندي فضول كبير لااعرف شو يلي كاسر صبية حلوة متلك زما بينسخى ينرمى عليها وردة من الاخر لجين انا بحبكك انا مغرم فيكي وبتفاصيلك يلي بتسحرني اي انا بحبكك. لجين: بصدمة شو غيث: انا بحبكك لجين لجين: اا... لجين: ااه دكتور غيث انت واعي ع يلي عم تحكي! غيث: حكيت شي غلط ليه لجين: عن اذنك وبتوقف بدها تمشي بيمسكلها من ايدها غيث: ماتروحي وتتركيني هيك لو سمحتي جاوبيني باي شي لجين: بتلتفت عليه دكتور غيث انا اجيت لهون من شان اتعالج من الماضي مو لاارجع عيد الماضي! غيث: ميت قلك رح نعيدو انا ماحكون متل عمر انا مالي متلو! لجين: هه انت بتعرف كتير منيح انو انا حالتي النفسية مابتسمح لااي ذرة حب ولا لشي وبتعرف اكتر انو انا لسا ساكن قلبي عمر وهو حبي الاول والاخير اسفة ع كلامي بجوز بيزعج بس انا قلبي مابأيدي انت شب ما بتتعوض دكتور بس انت طبيبي بس و انا مافيني انا لسا بحب عمر حتى لو مات دفنو واندفن قلبي معو مع كلشي عملو ماعم بقدر انساه او اكرهو بيرخي ايدو عن ايدها شوي شوي غيث: بضيق بعرف هالشي بس ماكنت بدي خبي مشاعري وضل كاتم عليهن لان عم يحرقني هالشي انتي قلتي قلبك صعب احصل عليه بسهولة وانا قبلان حضل حاول لااكسبو لجين: بتاخد نفس (بقلبها شو عم تعمل ياغيث انا مابعرف شو مشاعري هلق متلخبطة) دكتور غيث انا بقدر هالمشاعر يلي عطيتني ياها بس مافيني بعتزر منك وبتركد لبرا فوراً بتطلع بسيارتها وبتمشي غيث: ليش هيك صار انا متوقع رفضها بس وقت سمعتو قلبي نحرق اكتر قالت عمر حبيبها الاول والاخير بيأعد ع الكرسي انا تسرعت اي انا تسرعت ماكان لازم احكيلها مشاعري لازم كنت نسيها عمر اول اووف منك غيث بيضرب ع المكتب وبيطلع لبرا العيادة غيث: ريهام الغي المواعيد اليوم وروحي ع بيتك ريهام: حاضر دكتور بيطلع بسيارتو وبيمشي عند لجين: بتكون صافة سيارتها ناح البحر وواقفة فيها لجين: بجوز كسرت قلبو بحكيي بس مابأيدي حب عمر متملكنيي تركني بحالي عمر بكرهك بكرهك وعم تضرب ع مقود السيارة شتقتلك عمر وبتحط راسها ع المقود وبتبلش تبكي بترفع راسها وبتمسح دموعها وبتمشي ع بيتها عند غيث بكون بغرفتو وعم يمشي ومزعوج بيفتح دفترو وبياخد المشبك غيث: وكيف بدي انساكي وانا وين مابروح بتكوني مرافقتيني ببالي وبقلبي وبكياني لك حتى مشبكك ريحتو ياسمين متل صاحبتو بيبتسم بس مارح اتركك لااحصل ع قلبك يالجين وانا غيث أمجد سلطان مارح اخسرك انتي الي لجين وعندي مليون طريقة لاقدر نسيكي كلشي صار معك مافي شي بيصعب ع الدكتور غيث بيبتسم وبضم المشبك لقلبو وبيأعد وبغمض عيونو ليفكر شو بدو يعمل عند لجين بتكون حاطة اغاني وحاطة السماعات وعم ترسم وتصمم للمشروع وكل شوي بتوقف وبتتذكر غيث وكلامو