الفصل الخامس والاخير
*-بـدايـة جـديـدة 🧜🏻♀️♥ <<𝑻𝑯𝑬 𝑬𝑵𝑫>>*
𝑷𝑨𝑹𝑻 𝟐𝟏
𝑷𝑨𝑹𝑻 𝟐𝟐 𝑻𝑯𝑬 𝑬𝑵𝑫
🟥🟥⬛⬛⬛⬛⬛⬛⬛
🟥🟥🟥⬜⬜⬜⬜⬜⬜
🟥🟥🟩🟩🟩🟩🟩🟩🟩
𝑷𝑨𝑹𝑻 𝟐𝟏
💬 ..بداية جديدة.. 💬
🌹. الحلقة ال21.🌹
🌸🌸🌸🌸🌸🌸🌸🌸🌸
وبعد الدرس يرجع أحمد على البيت يحضر شُنطه ويقعد مع أهله في أخر ليلة هيقضيها معاهمـ قبل السفر
وفي صباح يومـ الجمعه يستيقظ الجميع ليفطروا سوياََ ثمـ ينزل أحمد مع والده لـ صلاة الجمعة
*الخُطبة* ..
سؤال إحنا بنعمل ذنوب ليــــــــــــه ؟
عشان فاضين أأه وربنا
حتى اللى بيشتغل أو بيدرس هو فاضي برده أصل الفراغ مش فراغ وقت لآ هو فراغ اليومـ من *ربنا سبحانه وتعالى*
إحنا في أساسيات مفروضة علينا نعملها يومياََ لكن *بنقصر* فيها مع إننا لو عملناها هنقلل الذنوب لآنه مش هيبقى في وقت نذنب أصلاََ
أنت عندك يومياََ 5 فروض فجر وظهر وعصر ومغرب وعشا وعندك سنن مؤكدة زى *الضحى وقيامـ الليل* أنا كل ده مجيبتش سيرة سنن الفروض نفسها الظهر 4 قبل و2 بعد ..والمغرب والعشاء2 بعد ..
والفجر 2 قبل..👈 عندك أذكار الصباح وأذكار المساء
👈عندك ورد قرآنى يومي والمفروض يكون في ولو آية بتحفظها أو بتراجعها كل يومـ عشان متنساش القرآن لآن اللى بينسي القرآن بينساه خد بالك ,,
كل لحظة بتمر بينا احنا بنتحاسب عليها حتى قعاد الشباب عـ الفيس اللايك والكومنت محاسبين عليهمـ
استثمر وقتك صح حتى لو فاتح فيس عشان تتسلي ليه تجرى على
التفاهات وبتعدى بمزاجك أى حاجه بيجيلك من وراها باب حسنات
ومتنساش كلامـ ربنا " إن السمع والبصر والفؤاد كل أولئك كان عنه مسئولاََ " فيس بقي واتس فايبر ماسينجر لاين انستجرام تويتر مش فارقة كتير كله هتتحاسب عليه ..
اللهمـ بلغت اللهمـ فاشهد ^_^..
محتاجين لـ ترتيب الآولويات وأهمهمـ الصلاة لآنها اللى هتظبطلنا كل حاجه تانية وكان من ضمن الاقتراحات وهو جدول الصلآة اللى هنسجل فيه الالتزامـ والتقصير والشق التانى هو النوافل :)
النبي صلى الله عليه وسلم قال: " أول ما يحاسب الناس به يوم القيامة من أعمالهم الصلاة، يقول ربنا عز وجل لملائكته - وهو أعلم - : انظروا في صلاة عبدي هل أتمها أم نقصها؟
فإن كانت تامة كتبت له تامة، وإن كان انتقص منها شيئاً،
قال: انظروا هل لعبدي من تطوع ؟ فإن كان له تطوع قال : أتموا لعبدي فريضته، ثم تؤخذ الأعمال على ذاكم".
يعنى ايه الكلامـ ده ؟! يعنى تكمل صلاتك بالنوافل ..
و ما زال عبدى يتقرب إلى بالنوافل حتى أحبه ^_^
مين اللى قال كده ؟؟ ربنـــــــــــا <3
ربنا سبحانه وتعالى بيقول في حديث قدسي " ما يزال عبدى يتقرب إلى بالنوافل حتى أحبه فإذا أحببته كنت سمعه الذى يسمع به وبصره الذى يبصر به ويده التى يبطش بها ورجله النى يمشي عليها وإن سألنى لآعطيته ولئن استعاذنى لآعذته وما ترددت عن شئ أنا فاعله ترددى غن نفس المؤمن يكره الموت وأنا أكره مساءته"
الله الله الله الله <3 😍
لو صليت النوافل ربنا هيحبنى ^_^ يا حبيبي يارب <3
وكمان كل فعل وقول هيكون ربانى اخدلى بالك أنت ;)
سؤال يطرح بلح :D ليه النوافل مهمة أوى كده؟! :)
قالك يا سيدي لآنك هتصلي الفرض خوف من الله لآنها مفروضه عليك وفيها ثواب وعقاب إنما لما تصلي نوافل تطوع دى حب فـ *الله*وتقرب منه واللى بيحب ربنا ربنا بيحبه أضعاف مضاعفه <3
خد_قرار
متسيبش نافلة وطبعاََ النوافل مش سنن الفروض وشكراََ لا يا برنس النوافل أهمهمـ " قيامـ الليل .. *الضُحى* " <3
الطاعات كلها ما هى الا اعتياد هتاخد وقت لحد ما هتبقي جزء من يومك مش هتقدر تتخلى عنه هتبقي أحب إلى قلبك من الماء والطعام
_ وتنتهى الصلاة ويخرج أحمد و والده من المسجد
الآب : أنت خلاص ماشي النهاردة
أحمد : أيوة يا بابا بإذن الله هطلع أخد حاجتى واروح على المطار
الآب : ماشي هاجى معاك أوصلك
أحمد : لا ملوش لزوم يا بابا متتعبش نفسك أنا هتصرف
الآب : لا لا جاى معاك .. أحمد
أحمد : نعم يا بابا
الآب : خد بالك من نفسك ومتسلمش دماغك لحد في السفر أنت بتبقي لوحدك وده الفرق والمعاناة لو كنت بتموت متضمنش هتلاقي اللى يشيلك يجري بيك ولا لآ هنا ف بلدك لو ف الشارع هتلاقي ناس حواليك لما هتتخنق وتنزل تتمشي في الشارع لوحدك هنا هتحس إنك مش لوحدك اوى في ناس فيها منك وزيك ويمكن مخنوقين من نفس اللى خانقك .. الغربة مش سهلة يابنى عشان كده كنت خايف عليك ..
أحمد : أنا فاهم يا بابا وعاوزك تطمن ابنك راجل وقد المسئولية وهيشرفك إن شاء الله
الآب : ونفسنا نفرح بيك كمان ونشوفلك عيال قبل ما نموت
أحمد : متقلش كده يا بابا ربا يبارك في عمرك ويديلك الصحه يارب هتعيش وهتشوف عيالي ان شاء الله ده لو ممتش انا قبل ما اشوفهم :D
الآب : ههههه لا يا حبيبي ربنا يسعدك طول حياتك يارب
ينزل أحمد على يد والده ويُقبلها ربنا يخليك ليا يا بابا
الآب : صحيح يابنى هو الشيخ بتاع المسجد ده بقاله هنا قد ايه انا مش عارف بيتكلم كده ليه..
أحمد : ههههههههه ماله بس يا بابا الشيخ ده زود اقبال الشباب على المسجد بشكل كبير جدا ماشاء الله عليه بجد اسلوبه
بسيط وسهل ومحبب للقلب بيوصلنا بسرعه
الآب : هى دى الطريقه اللى بتحبوها :/ كل حاجه شقلبتوا حالها فين ايام شيوخ زمان واللغه العربيه بتاعتنا الجميله حتى الاغانى بقت عجيبة استغفر الله العظيم بتهيج الاعصاب الواحد كان الاول يسمع فيروز حليم فريد الاطرش دلوقتى نركب المواصلات نلاقي خبط ورزع وحاجات بتتكسر تحس شياطين بتغنى اعوذ بالله ده انا ف مرة سالت واد من السواقين بتوع العربيات الصغيره ايه يابنى اللى بتسمعوه ده قالي مهرجانات يا حاج قولتله يا سنة يا سوخة ده اختراع ده ولا ايه فضل يضحك عليا..
أحمد : هههههههههه ماهو يا والدى ده حال الدنيا كل شئ فيها اتغير وكل التفاصيل عشان كده بييجي من هنا الخلاف بين الجيل بتاعكم والجيل بتاعنا
الآب : ده احنا جيلنا احسن من جيلكم الف مرة
أحمد : طبعاََ طبعاََ يا بابا ودى عاوزة كلام :D
الآب : مش عاجبك ولا ايه
أحمد : عاجبنمى طبعاََ يا حاج بس اللى مش عاجبنى انى اتاخرت ولازم اروح على المطار ..
وتيجي أخر لحظة بين أحمد وأسرته يودعهمـ ويسافر وتكون مدة سفره 10 شهور كاملين طول مده السفر بيتكلم يومياََ مع أهله على النت بيشوفهم ويشوفوه وكان بيحاول يثبت نفسه في شغله بشكل كبير لحد ما فعلاََ بقي له مكانة في الشركة اللى بيشتغل فيها ويقترب ميعاد عودة أحمد :)
👈استنونا بكرة والحلقة الآخيرة من بداية جديدة ^_^
🌸🌸🌸🌸🌸🌸🌸🌸🌸
..
🟥🟥⬛⬛⬛⬛⬛⬛⬛
🟥🟥🟥⬜⬜⬜⬜⬜⬜
🟥🟥🟩🟩🟩🟩🟩🟩🟩
𝑷𝑨𝑹𝑻 𝟐𝟐 𝑻𝑯𝑬 𝑬𝑵𝑫
🌹 بداية_جديدة 🌹
☑ الحلقة الآخيـــــــــــــــــــرة ☑
💌💌💌💌
_ ييجي ميعاد رجوع أحمد وصاحبه حسن من السفر .. عملها مفاجأة لأهله ووصل البيت من غير ما يقولهمـ ^_^
أحمد يخبط على الباب تفتح نور : حبيييييييييييييييييييبيي وحشتنى اوى اوى😍
أحمد : وأنتى أكتر يا نونو
_ وبعد سلامات واكل وضحك وهزار وحكاوى بينه وبين أسرته ينفرد بأمه وأبوه في جلسه مغلقة ومتكونش نور معاهمـ وبعد انتهاء الجلسة
نور : هموت وأعرف كنتوا بتقولوا ايه -_-
أحمد : مفيش يا حشرية بشاركهم يعنى الرأى ارجع تانى سنة كمان ولا ابتدى في حاجة بسيطة هنا في مصر
نور : وده يستدعى بقي إنى محضرش الكلام :/
أحمد : كفاية كلام يا رغايه وسيبني أنامـ 😌
_ وبالفعل ينامـ أحمد وأول ما يصحي يخرج عشان يقابل أصحابه
وفي صباح اليوم التانى وبعد الفطار
نور : مسألتش يعنى خالص على منة من ساعة ما جيت أنت نسيتها ولا ايه ؟!
أحمد : يعنى تقدرى تقولى حاجه زى كده
نور : تصدق فعلا كلكوا وحشين زى بعض
أحمد : أنا وحش يا نور ربنا يسامحك ..
نور : وأنا اللى كنت مفكرة إنى هضرب بيك المثل الآعلى في الصبر والحب الحلال .. ليه كده يا أحمد حرام عليك :( .. تعرف إن منة رفضت اربع عرسان في ال 10 شهور اللى فاتوا دول..!!
أحمد : ومين قال إنها رفضت عشانى
نور : ماهو بالعقل يعنى اومال هترفض عشان مين امى مثلا 😑
وامبارح لسه جايلها عريس راح قابل باباها وهى متعرفوش :( وكانت مش عارفه تقول لـ باباها ايه ولا رافضه ليه وباباها مصمم إنها تقابله
أحمد : طيب ربنا يسعدها يارب
نور : هيسعدها يا أحمد ان شاء الله ..
بس احب اقولك انك انت اللى خسرتها مش هى
_ وتسيبه نور وتقوم تكلمـ منة
نور : عاملة ايه يا منتى ؟
منة : الحمد لله اهو عايشه
نور : عملتى ايه مع والدك ؟
منة : ولا حاجه هو زى ما حكتلك امبارح طلع حكالى على العريس ده وقالي انه هييجي النهاردة نقعد سوا والموضوع ده غير قابل للنقاش لآنى معرفوش فمينفعش احكم عليه بالرفض من قبل ما اشوفه
نور : وافقي يا منة لو كان كويس وافقي
منة : أنتى يا نور اللى بتقولى كده !! اومال لو مكنتش حكتلك انى لسه بحب احمد ومستنياه..
نور : منة احمد رجع من السفر امبارح شليه من بالك يا منة وقابلي العريس لعله هو الخير ليكي
_ تسكت منة ومش لاقيه تعبر بيه عن حالتها غير الدموع😢
نور : أرجوكى يا منة متعيطيش مش انتى اللى دايماََ بتقوليلي لازم نثق ف ربنا واختيارات ربنا لينا وان ربنا مش هيعملنا الا الخير
منة : أكيد ونعم بالله .. بس الوحش الخذلان بس يا نور انك تستنى حاجه من حد ويخذلك ده اللى بيوجع ..
نور : بس بس اكيد ده الخير ليكي ان شاء الله روقي بقي عشان خاطرى
منة : حاضر يا حبيبتى حاضر متضايقيش نفسك وبالله عليكى ما تحكى حاجه لاحمد خلاص سبيه براحته ف كل شئ وانا هقابل عريس النهاردة وفعلا لعله خير محدش عارف النصيب فين
يأذن المغرب ويقوم يلبس أحمد عشان يخرج
نور : رايح فين ؟
أحمد : هنزل اصلي المغرب في المسجد وخارج شوية
نور : وانت يعنى جاى من السفر عشان تخرج كل يوم كده !!
أحمد : معلش مشوار مهم كده ومش هتأخر ان شاء الله
_ وفي نفس الوقت تكون بتجهز منة وتلبس طرحتها الكبيرة عشان تقابل العريس
الامـ : يا بت صغري الطرحة شوية ما انتى ف البيت
منة : *لا يا ماما مينفعش أنا أه في البيت بس اللى جاى ده واحد غريب ولازم يشوفنى زى ما بخرج برا البيت*
الآم : انا عارفه هغلب معاكى ف الكلام البسي اللى انتى عاوزاه
الآب : طيب يلا اهو بيتصل يبقي شكله وصل هنزل اخده واجى
_ وينزل والدها يستقبل العريس وأول ما يوصلوا البيت ويقعد ينادى على منة
الآب : تعالى يا منة ادخلى
_ وأول ما تدخل منة تتفاجئ بيه إنه أحمد :O 😳تقف فـ مكانها مش قادرة تتحرك يقاطع سكوتها والدها : اقعدى يا منة هسيبكم شوية تتكلموا بقي :)
أحمد : هتفضل متنحة كتير ؟ :D
منة : أنت إزاى ايه هه ايه😳
أحمد : هههههه مش عيب لما عريس يكون جاى يقابلك يلاقيكي هبله كده :P😂
منة : نعم !! يعنى انت العريس واتفقت مع نور عليا !!
أحمد : تؤ تؤ تؤ نور ياعيني متعرفش حاجه برده وهتتصدم زيك كده بالظبط
الموضوع يا ستى باختصار عشان متفضليش مندهشه كده انا كنت مرتب نفسي انك اول حاجه هعملها اول ما ارجع ان شاء الله انى اجيلك واتقدملك :) والحمد لله ربنا حفظك ليا لحد ما رجعت وفعلاََ بعد ما وصلت وسلمت عليهم فاتحت امى وابويا ف الموضوع وممانعوش طبعا لانهم نفسهم يفرحوا بيا وبناءاََ عليه جيت سألت على والدك وقابلته حكتله على كل حاجه بس مش بالتفصيل قولتله انى كنت زميلك ف الكلية وكنت اعرفك كزمايل بس انا خلصت وسافرت ولما رجعت ملقتش احسن منك اتقدملها وفهمته ان انتى متعرفيش حاجه وطلبت منه ميحكلكيش ويسيبك تتفاجئي ولآنى عارف نور اختى انها مش فتانة ولا حاجه فمرضتش احكيلها عمتهالها مفاجأة هى كمان وتوتة توتة خلصت الحدوتة :D
منة : والله العظيم انت رخم :/
أحمد : عييييب مينفعش تشتمى جوزك على فكرة :D
_ اتكسفت نور وبصت فـ الآرض وقالت : مش لما اوافق عليك اصلا اصلا😒
أحمد : يابنتى انتى اساسا بايرة وانا قولت اكسب فيكي ثواب
منة : هههههههههه انت لسه رذل زى ما انت
أحمد : وأنتى لسه جميله زى ما انتى .
منة : احم احم ايه يا حاج صلي على النبي اومال
أحمد : احم هه ايوة الله يكرمك فكريني اول باول كده احسن حرمان السنين اللى فاتت ده كله بيتلكك عشان يتعوض :D
منة : هههههههههه..
أحمد : ايوة يا منة اضحكى .. انا جيت على نفسي وعليكي كل الفترة اللى فاتت دى عشان اشوف الضحكة والفرحة دى دلوقتى
أنا مبعتكيش يا منة ولا كنت بتسلي بيكي انا كنت بحفظك ( *يعني صابر دا كله وجي تضيع الصبر بالأسلوب دا يا عم أحمد ..لاحظوا برضه أن مش من الصح يتكلموا كدا عادي وكمان أبوها خرج ومش سامعهم ولا شايفهم ودا خاطئ جدا*) كنتى بحميكي من نفسي سامحيني لو حسستك في يوم بأى احساس وحش اعرفى وتأكدى انى كنت موجوع اضعاف وجعك
منة : مهما زعلت منك كان في جوايا حاجه مصدقاك حاجه بتقولى انك راجع ليا ..
أحمد : أنا فرحتى بيكى دلوقتى عاملة شبه فرحة اول بنوتة لآب <3
منة : عارف وجع اللى فات كله راح ف ثانية اللهم لك الحمد
ثوانى بس لازم اكلم رفيقتى اختك دى وجودها ف الدنيا لوحده فرحة
أحمد : استنى طيب كلميها من تليفونى هتتصدم :D
نور : أيوة يا أحمد
منة : متمشيش معاكى منة طااه :D
نور : ايه ده :O هو ايه اللى جاب القلعه عند البحر :D😳
منة : ربك يا نور قادر على كل شئ ^_^
نور : انا موش فاهم حاجة :/
منة : أحمد طلع العريس
نور : يابن الناااااااس الكويسة لولولولولولولولولولولييي :D
منة : هههههههههههههه ربنا يخليكي لينا يا نونو
أحمد : عقبالك يا اخر صبري
نور : يابن اللعيبه يا شق طلعت معلم اه وربنا انا ك نور انبهرت😂
أحمد : ولسه في مزيد من الانبهارات بس طيري دلوقتى عشان اكلم ابوها سلام
_ ينادى أحمد على والد نور
أحمد : ان شاء الله يا عمى لو في قبول عند حضرتك وام منة ان شاء الله نحدد يوم واجيب اهلى ونقرا فاتحه
الآب : ان شاء الله يابنى هنشوف رأى الانسه ورأى الحاجه وارد عليك بالميعاد ان شاء الله وربنا يقدم اللى فيه الخير
أحمد : ان شاء الله استأذنك أنا يا عمى
منة : أحمد
أحمد : نعم
منة : استخير ربنا وانا كمان هستخير ربنا النهاردة ان شاء الله
أحمد : اكيد طبعاََ مبقتش بخطي خطوة من غير ما استخيره فيها وبالذات ف الموضوع ده عشان يوم ما نكتب كتابنا واقول انى استخرت الله ابقي صادق قدامه مش كذاب :)
_ ويفوت يومين وييجي تليفون لـ أحمد من والد منة بالموافقة ويذهب بأسرته لـ قراية الفاتحة <3
أحمد : إن شاء الله يا عمى أنا ناوى ارجع تانى سنة كمان سفر وبأمر الله بعدها نعقد ونتجوز بأمر الله
الآب : على خير يابنى ان شاء الله .. انت هتاخد أغلى ما عندى يا أحمد
أحمد : عارف يا عمى بنتك دى أمانة من ربنا عندى ان شاء الله ولازم اصونها
الاب : مبارك عليكم الخطوبة ^_^
☺ *تمت*☺
▫ *اتمنى تكون نالت اعجابكمـ اتمنى تكون ساعدتكم ولو بكلمة وغيرت فيكمـ كلنا جوانا خير بس مستنيين ناخد القرار ونثبت عليه .. أنت وأنتى قوى بـ ربك💪💪*
▫ *الدنيا قصيرة لو مقدرناش نحقق فيها السعادة مش مهم المهم نحقق فيها القرب من ربنا اللى هيحققلنا السعادة الآبدية فـ الجنة "*
دمُتمـ_بخير*
*استنونى القصة الجاية*
*السلامـ عليكمـ ^_^*
🌹🌻🌹🌻🌹🌻🌹🌻🌹