الفصل الرابع
*-بـدايـة جـديـدة🧜🏻♀️♥↻≯♡゙ُ))*
𝑷𝑨𝑹𝑻 𝟏𝟔
𝑷𝑨𝑹𝑻 𝟏𝟕
𝑷𝑨𝑹𝑻 𝟏𝟖
𝑷𝑨𝑹𝑻 𝟏𝟗
𝑷𝑨𝑹𝑻 𝟐𝟎
🟥🟥⬛⬛⬛⬛⬛⬛⬛
🟥🟥🟥⬜⬜⬜⬜⬜⬜
🟥🟥🟩🟩🟩🟩🟩🟩🟩
𝑷𝑨𝑹𝑻 𝟏𝟔
🌹 بداية_جديدة 🌹
💎...الحلقة الـ 16... 💎
🌸🌸🌸🌸🌸🌸🌸🌸🌸
ويخرج أحمد من بيته في طريقه للشركة اللى هيقدمـ فيها ولكنه أول ما وصل
السكرتير : بنعتذر جداََ لكن حصل اكتفاء مش هنقدر نقبل أى تقديمـ تانى
أحمد : حضرتك إزاى قفلتوا التقديم ولسه إحنا قبل الميعاد بـ 10 دقايق !!
السكرتير : لو سمحت أنا مش عاوز كلام كتير أنا قولت أوفر عليك الوقفه دون جدوى حابب تفضل مستني خليك...
أحمد ظهر عليه الحزن الشديد 😞لآنه كان حاطط أمل كبير على الوظيفة دى إنها اللى تحل كل مشاكله وبالفعل غادر المكان دون النطق بأى كلمة ولما وصل الشارع كان على ميعاد صلاة المغرب دخل يصلي وبعد الانتهاء من الصلاة يقابل راجل كبير فـ السن وكان أول مرة يشوفه
_ مالك يا ابنى شايل هم الدنيا فوق راسك كده ليه ؟!
+ مفيش يا حاج الحمد لله على كل حال ..
_ مش عاوز تحكي ؟! ماشي بس نصيحه من راجل مفارق الدنيا خلاص أوعى تقهر نفسك أوى كده على حاجة فـ الدنيا مهما كانت وطول ما المشاكل جاية ف حاجات مقدور عليها صحه بقي فلوس شغل عيال جواز كل ده مقدور عليه
+ إزاى مقدور عليه بس يا حاج..
_ طبعاََ مقدور عليه مادام بعيد عن الابتلاء في الدين يبقي أنت بخير .. شغل نفسك فيه ومجاش عادى هتلاقي غيره جوازة كان نفسك تكمل ومكملتش نصيبك وربنا هيعوضك عليك بالآحسن كان نفسك ف عيال ومجوش الحمد لله برده يمكن لو كنت خلفت كانوا ماتوا او كانوا مرضي وعذبوك ولو مرضت خير برده ربك لو أفقدك عين عندك التانية ولو أفقدك رجل عندك التانية ولو أفقدك بصرك كله عندك نعمة العقل والحركة وغيره حاجات كتير .. لازم نبقي فاهمين كويس أوى إننا مش جايين الدنيا نرتاح الراحة اللى بجد فـ الآخرة
عارف وأنا قدك كده مكنتش لاقي أكل وربك يكرم فجأة بشغل مع جوازة وسكن مرة واحدة وعمرى ما يأست ولا قولت ليه يارب
+ ياريت أبقي زيك يا حاج...
_ تقدر يا حبيبى تبقي زيي لو أنت قررت تعمل كده .. أنا عمرى دلوقتى 73 سنة شوف كبير قد ايه وعندى كوبشة أمراض بس ما زال برده عندى أمل إن اللى جاى أحسن لآننا بنعبد ربنا حتى لو مت النهاردة هموت مطمن عشان هدخل الجنة ..
+ ماشاء الله ده ايه الثقه دى ربنا يرزقنا الجنة يارب ..
_ طبعاََ ثقة أومال ايه بس الثقه مش في أنفسنا لآ الثقه في ربنا اللى بنعبده واللى هيدخلنا الجنة برحمته طالما بنعمل اللى علينا وبنعبده وبنطيعه وبنتبع أوامره يبقي استحالة ربك *يبخل عليك بعفوه ورحمته*
+ ونعم بالله يا والدى..
_ حلوة والدى دى ربنا يخليك لآبوك وأمك يارب ..
+ الله يخليك يارب .. ياريتنى عندى نص قناعتك ورضاك دول مكنتش تعبت كده
_ وإيه اللى تاعبك بقي يا عيل أنت
+ هههههه عيل الله يخليك يا حاج..
_ أيوة كده اضحك محدش واخد منها حاجه .. الرضا ده حل فزورة الدنيا كلها .. اللى هو مهما مريت بظروف صعبة بتتقبلها عادى وبكل هدوء ومش الهدوء بتاع البرود لآ الهدوء النابع من الرضا اللى معناه إن قلبك راضي على اللى أنت فيه أنا كنت كل ما تحصلي مصيبة من مصايب الدنيا اروح جري اقري الكراسة اللى مجمع فيها الآحاديث والقرآن اللى بتطمنى كنت بجمعهم أول بأول لحد ما حفظتهم
"( *إن الله إذا أحب قومًا ابتلاهم: فمن رضي، فله الرضا، ومن سخط، فعليه السخط*)
" *وعسي أن تكرهوا شيئاََ وهو خير لكم وعسي أن تحبوا شيئاََ وهو شر لكم والله يعلم وأنتم لا تعلمون* "..
وغيره وغيره حاجات كتير عشان أفكر نفسي إن الدنيا مش نهابة المطاف الدنيا دى دار ابتلاء واختبار والنعيم الآبدى بقي في الجنة
+ ونعم بالله .. مش عارف يا حاج أنت ريحتنى بكلامك ده قد ايه
_ ربنا باعتنى ليك مفيش حاجة بتحصل كده هباء ربك بيسبب كل شئ وهو اللى يسرلي الكلام اللى قولته وهو اللى خلاك تقعد وتسمعنى ومتملش من كلام راجل عجوز قد جدك
+ ياريتك جدى بجد والله ..
_ هههههههه اعتبرني جدك وابقي تعالالي
+ أنت ساكن جنبنا هنا ؟
_ الشارع اللى جنب المسجد بالظبط اسأل عن عمك مسعد .. اسم الجميل ايه بقي..
+ اسمى أحمد
_ عاشت الاسامى يا ابو حميد☺ ..
+ تسلم وتعيش يارب ربنا يبارك ف عمرك
_ مش هوصيك بقي يا حبيبى متقهرش نفسك خليك بس مع ربنا واستعين بيه ف كل امورك واتوكل عليه ومتسلمش نفسك للشيطان اللى بيحبطك
+ إن شاء الله حاضر ..
_ اسيبك أنا بقي هااه وأدى قومة
+ ثوانى هاجى معاك اوصلك..
_ ماشي وماله يلا اهو تسندنى وانا مش قادر امشي كده
ويخرج أحمد معاه من المسجد يوصله لحد بيته ويرجع تانى على منزله ويعدي يوم والتانى ولمدة أسبوعين متواصلين وأحمد بيسأل عن شغل في مكان وللأسف مفيش أى جديد وفـ يومـ يكون بيتكلمـ مع حسن..
حسن : أبو حميد أخبارك ايه..
أحمد : كله تمام الحمد لله معلش أنا عارف إنى مقصر معاك بس والله ما بقعد ف البيت طول النهار والليل بدور على شغل لما طلعان عين أهلى
حسن : سيبك من الرغي ده كله يا ريس عاوزك في موضوع أهم بكتير
أحمد خير ؟!
نكمل معا باق الحلقات باذن الله.
🌸🌸🌸🌸🌸🌸🌸🌸🌸
🟥🟥⬛⬛⬛⬛⬛⬛⬛
🟥🟥🟥⬜⬜⬜⬜⬜⬜
🟥🟥🟩🟩🟩🟩🟩🟩🟩
𝑷𝑨𝑹𝑻 𝟏𝟕
🌹.. بداية جديدة ...🌹
☑... الحلقــــــــــة الـ 17...☑
🌸🌸🌸🌸🌸🌸🌸🌸 🌸
حسن : شوف يا سيدي ربنا لما منع عنك حاجة عشان شايلك الآحسن منها بكتير أوى
أحمد : يعنى ايه ؟
حسن : يعنى جاتلك فرصه شغل حلوة أوى أوى عندى هنا مطلوب محاسب حديث التخرج وأنا بصفتى الآنتيم بتاع الآنت قولتلهم عليك يا عم ابسط بقي
أحمد : حسن أنت بتتكلم جد😃 !
حسن : يا عم أنت وهو الحاجات دى فيها هزار وهتكون معايا إن شاء الله فـ نفس السكن وده أحلى ما فـ الموضوع طبعاََ
المرتب عالى جداََ في خلال سنة واحده إن شاء الله تكون قدرت تعمل حاجه لنفسك والعقد بيكون بالسنة انما الشغل الفعلى منهم 10 شهور واجازة شهرين ..
يا عم أحمد
روحت فين يابنى
أحمد : معاك يا حسن بس مش عارف اقول ايه
قد ايه ربك كريم 😳الشغل اللى أنا كنت زعلان عليه ده لو كنت فضلت فيه 5 سنين مكنتش هعرف اعمل منه أى حاجه بس كنت راضي برده وقولت احسن من قعده البيت ووظيفه محترمة ولما اتقفل في وشي زعلت واتضايقت بس ربك بيطيب الخاطر برده من خلال حاجات بتحصلك ودلوقتى يفتحلى باب رزق مكنش في بالي
حسن : الحمد لله على كل شئ يا بو حميد..
أحمد : امبارح بفتح الفيس لقيت في وشي " *فأردنا أن يبدلهما ربهما خيراََ منه* " فقولت فـ بالي يارب أبدلنى اللى فيه خير ليا يارب وربك استجاب ☺
حسن : أنت تستاهل كل خير يا أحمد .. أنت قلبك طيب وجدع
أحمد : الله يكرمك يا صاحبي .. المهم دلوقتى أنا أبويا كلها كام يوم وجاى الاجازة بتاعته هفاتحهم بقي في الموصوع عقبال ما ارتب ورق السفر ...
حسن : بس في الانجاز بس عشان المفروض خلال الشهر تستلم الوظيفه
أحمد : على الله ربك يحلها إن شاء الله
حسن : قولى صحيح أخبار الشيخ علي ايه ؟
أحمد : الحمد لله زى الفل الراجل ده يا أخى ربك جعله يغير مسار حياتى 180ْ ..
حسن : والله الكام درس ما بيروحوا من بالي لله الحمد ابقي سلملي عليه متنساش بالله عليك
أحمد : طيب عندى فكرة أحلى النهاردة إن شاء الله في درس بالليل ابقي كلمه سلم عليه هرن عليك أول ما اقابله واديك تكلمه
حسن : اشطة يا ابو حميد
_ وامتد حديث بينهما لساعات أخرى حتى جاء موعد صلاة العشاء وذهبل أحمد للصلاة ومن بعدها جلس ليستمع للدرس وقام بالاتصال بـ حسن
أحمد : اتفضل يا شيخنا كلم حسن عاوز يسلم عليك
على : السلام عليكم أهلاََ أهلاََ بالشباب
حسن : ازيك يا شيخنا ليك وحشة والله
على : الله يكرمك يا حسن وأنت أكتر والله طمنى عليك لعلك بخير
حسن : الحمد لله في نعمه
على : فضل وعدل من ربنا ربنا ييسرلك أمرك يارب
حسن : أه يا شيخ دعواتك دايماََ ..
على : ربنا يقدرلك الخير حيث كان يارب
وصيتي ليك يا حسن تقوى الله " *ومن يتق الله يجعل له مخرجاََ ويرزقه من حيث لا يحتسب* "
والتقوى دى تكون فـ كل شئ الكلمة والفعل والتعامل مع الناس والخلوات في الشغل وفي الشارع وأينما كنت
حسن : أكيد يا شيخنا أنا مش ناسي أما قولتلى لذه المعصيه بتزول ويبقي عقابها ..
على : بالظبط كده ربنا يحسن ختامنا جميعاََ
حسن : أمين يارب يارب .. في حفظ الله يا شيخنا
على : في أمان الله ورعايته
وبعد انتهاء المكالمة يبتدى الدرس عن الجزء الآخير في موضوع العلاقات # *الزواج*
على : اتكلمنا يا شباب عن علاقات الحب والخِطبة والنهاردة عاوزين نتكلم عن الزواج " *الميثاق الغليظ* "
#الزواج بيتلخص فى قول الله تعالى ====>>
" *وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِقَوْمٍ يَتَفَكَّرُون*َ "
ربنا سبحانه وتعالى رتب الزواج فـ 3 حاجات *السكن* ،، *المودة* ،، *الرحمة*
*السكن* : ده الآساس فـ الزواج لآن الراجل بيشتغل وبيتعب طول اليومـ وفـ نهاية يومـ بيحتاج لحد يريحه ويواسيه ويشاركه حياته وده بيلاقيه فـ زوجته بيلاقي عندها الحنان والعطف فيبتدى ياخد شحنة وطاقه علشان يكمل لتانى يومـ
*المودة*: التعريف الآلهى للحب وإنهمـ هما الاتنين بيتعبوا علشان بعض هى بتتعب جوا البيت علشان يلاقي راحته معاها وهو بيتعب برا البيت علشان يريحها هى فـ بيتها
*الرحمة* : جت فـ أخر الترتيب لآننا بشر وأصلنا التغيير بمعنى أنه بيتبدل حالنا من يومـ وليلة من غنى لفقير والمرأة الجميلة تغيرها الآيامـ او يهدها المرض والقوى بيضعف علشان كده الرحمة فـ أخر الترتيب علشان يومـ ما نفقد السكن والمودة نلاقي الرحمة بينا فـ يرحمـ الزوج زوجته وترحمـ الزوجة زوجها ^^
غير كده ميبقاش جواز أحسنوا الاختيار الجواز يا جنة يا نار
ده وصف ربنا سبحانه وتعالى للزواج وكيفيته طيب حد يقدر بقي يقولى أهميه الزواج بالنسبالك ايه ؟!
_ *غض بصر*
_ *عفة للنفس من الغلط*
_ *استقرار وانجاب*
على : جميل يا شباب ربنا يفتح عليكم عشان كده سيدنا النبي عليه الصلاة والسلام قال *يا معشر الشباب من استطاع منكم الباءة فليتزوج، فإنه أغض للبصر، وأحصن للفرج.* متفق عليه
وقال كمان *تزوجوا الولود الودود فإني مكاثر بكم الأنبياء يوم القيامة.*
وهنا بقي بتيجي المشكلة الآكبر وهى المغالاة فـ المهور والطلبات من الآهالى 😑ومفيش أنسب من رد سيدنا النبي عليه الصلاة والسلام
*إن أعظم النكاح بركة أيسره #مؤنة يعنى تيسير تكاليفه لك أن تتخيل إن سيدنا النبي عليه الصلاة والسلام يقول لأحدهم* " *تزوج ولو بخاتم من حديد* "
إذاََ تكمن أهمية الزواج في أمور عدة مثل *إحصان الفرج*، *وتكثير النسل*، *وبناء الأسرة التي هي اللبنة الأولى في المجتمع*
الفقر مش عيب ومش مشكلة يا شباب ده ربنا بيقول *إِن يَكُونُوا فُقَرَاء يُغْنِهِمُ اللَّهُ مِن فَضْلِهِ وَاللَّهُ وَاسِعٌ عَلِيمٌ*
تعرف إنك لم تعف نفسك وتسعي للحلال ربنا هييسرلك اللى يساعدك ويسهلك سبل الوصول للحلال
ثلاثة حق على الله إعانتهم وذكر منهم *الناكح يريد العفاف*
خد بالآسباب اجتهد واعمل اللى عليك ربنا هيساعدك وهيكون جنبك دايماََ متهتمش لكلام الناس ومتهتمش للظروف اللى عماله تزداد سوء ربنا مقدر ليك الخير ومتنساش " *ومن يتق الله يجعل له مخرجاََ ويرزقه من حيث لا يحتسب* "
اشوفكم على خير الاسبوع الجاى ان شاء الله .. السلام عليكم
وعليكم السلام ورحمة الله وبركاته
_ يخرج أحمد من المسجد ويطلع على البيت وأول ما يدخل
نور : أحمد أحمد أحمد
أحمد : نعم نعم نعم
نور : عندى ليك فجأة
أحمد : خير إن شاء الله
نور : أنا نويت ...
نكمل معا باق الحلقات باذن الله.
🌸🌸🌸🌸🌸🌸🌸🌸🌸
..
🟥🟥⬛⬛⬛⬛⬛⬛⬛
🟥🟥🟥⬜⬜⬜⬜⬜⬜
🟥🟥🟩🟩🟩🟩🟩🟩🟩
𝑷𝑨𝑹𝑻 𝟏𝟖
🌹 .. بداية جديدة ... 🌹
☑...الحلقة الـ 18....☑
🌸🌸🌸🌸🌸🌸🌸🌸🌸
نور : احمد أحمد أحمد...
أحمد : نعم نعم نعم
نور : عندى ليك فجأة
أحمد : خير إن شاء الله
نور : أنا نويت ألبس طرحة كبيرة 😃
أحمد : نعم 😳
نور : ايه يا عم في ايه مالك
أحمد : نور اللى ملبسها الطرحة بالعافية عاوزة تلبس طرحة كبيرة يا ماشاء الله 😮..
نور : أيون بقي 😊 بقيت شطورة أنا .. خلاص أنا في انتظار التنسيق وكده وكلها حاجات بسيطة وأدخل الكلية قولت ادخلها بقي بالطرحة الكبيرة احلي
أحمد : هو طبعاََ أحلى يا نونو بس ايه السر بقي يا تري ورا الفجأة دى
نور : أنا نفسي اتفاجئت بنفسي والله..
بس تقدر تقول كده إن السبب اللى بجد هى منة
_ ظهرت على أحمد علامات الاندهاش ممزوجة بالفرحة لسماعه اسم منة😳
أحمد : منة !! ايه علاقتها بالموضوع .
نور : الموضوع ببساطة ولو إنى مفروض مقولكش حاجه بس زي بعضه هى لبست الطرحة الكبيرة من كام أسبوع كده وفضلت تحكيلي عنها قد ايه جميله وستر للبنت أكتر وبعتتلي لينكات كتير على الفيس اقراها لحد ما فعلاََ اقتنعت إن الطرحة الصغيرة دى مش ده اللى ربنا عاوزه وجابتلي طرحة كبيرة هدية أول ما قولتلها قرار إنى خلاص عاوزة البس طرحة كبيرة عليا كده...
أحمد : يا سلاااام يعنى منة تعرف قبل منى وكمان تجيبلك هى أول طرحة كبيرة هدية وأنا ايه نظامى بالظبط ادفن نفسي وتحطيلي *صبارتين مثلا😒*ََ
نور : هههههههههههههه يا دودو ماهى صابحتى البنوتة بقي وأنت عارف إن البنات بطبعهم رغايين اثلا اثلا😜 ..
أحمد : طيب ممكن أفهم بقي ليه مش بتقوليلي زى الآول بتتكلموا عن ايه
نور : بص يا سيدي أنا دلوقتى اللى مرضاهوش على نفسي مينفعش ارضاه على أى حد فأنا بطمنك عليها من وقت للتانى وده اللى يهمك إنما بقي بنتكلم في ايه ده مينفعش يطلع لآى حد خالث وبالذات إن الحاجات اللى تخصنى أنا بحكيلك عنها إنما اللى يخصها هى ده ملكها مش ملكى أنا عشان اتكلم عنه
أحمد : بت انتى بقيتى عسل كده ليه 😍
نور : ايوة ياخويا عشان كده عاوز تسافر وتسيبني😔
أحمد : سنة واحدة بس يا نونو اقف على رجلى وافضل جنبك ومعاكى على طول ان شاء الله .. المهم قوليلي بقي كملى وبعدين وايه اللى كانت بتبعتهولك وازاى هى قررت ولبستها وكله كله
نور : نووووووو نور موش هتحكى الا اذا ممم الا اذا اكلت واحدة كيت كات 😜😋
احمد : شخصية مادية حقيرة هجييلك ياختى انجزى يلا
نور : هى من لما خلصت امتحانات قضتها بقي قراية روايات على الفيس وقصص وبقت تقرأ في التفسير والفقه وحاجات كتير حلوة ماشاء الله واستنتنى أنا كمان لما خلصت وبقت تبعتلي اللى هى بتقراه وفي حاجات أنا كنت بحفظها بقي عندى تعالى أوريك
وفتح أحمد اللاب ودخل على الفولدر اللى نور بتحفظ فيه كل اللينكات وبدأ يقرأ ..
فــ البداية لازمـ نكون عارفين أن اللى بيختار دين لآزمـ يقبل أحكامـ الدين ده بكل ما فيه حتى لو فيها بعض الآحكامـ اللى من وجهة نظره تقييد لحريته وحتى وإن افترضنا إنها تقييد فهى *لخير الانسان مش لشره :))*
☑...... الحجــــــــآاب ^^ ......☑
بنلاحظ ان في نساء كتير بتضرر من الحجاب وهى متخيله انه بيقيد حريتها لما بيستر منها ما أمر الله بستره ،، شوف بقي
📚 الشعراوى قال ايه فـ النقطه دى قالك لو واحده قبلت إنها متلبسش الحجاب وأباحت لنفسها أنها تتزين وتكشف مفاتنها لتجذب إنسان او تفتنه يبقي مش من حقها أنها تعترض على واحدة غيرها كشفت زينتها ومفاتنها لتجذب زوجها أو ابنها،
*قالنا الهدف الأساسي هو صيانة المجتمع كله من الفتنه وابقاء الاستقرار والآمن بالنسبة للمرأة علشان ميخرجش زوج من بيته ومراته مش عارفه يا تري هتفتنه امرأة أخرى ويتزوجها ولا هيرجع بيته بدون مشاكل* ،،
ربنا سبحانه وتعالى وضع لنا القواعد والضوابط اللى لازم نمشي عليها علشان يمنع الفتنة للمرأة والرجل والحفاظ على استقرار الآسرة وأمنها وأمانها وحرّم أى شئ يمكن أن تكون فيه فتنة من امرأة لرجل غريب عنها علشان كده ربنا حرّمـ ابداء الزينة الا لمحارمـ المرأه وذلك فى قوله تعالى "(( وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ*))
👈اللى ذكرهمـ ربنا فـ الآية الكريمة هما دول بس اللى من محارم المرآة التى لا تحرص على ابداء زينتها أمامهم وحتى ان فعلت هذا فهذه الزينة لا تثير في نفوسهم أى شهوة إما لآنهم لم يبلغوا السن اللى يحسوا فيه بالشهوة أو إنهم تعدوا هذه المرحلة تماماََ ،،
وكمان ربنا سبحانه وتعالى حرم على النساء أن يضربن بأرجلهن كنوع من التحايل لاظهار الزينة التى أخفتها الثياب في قوله تعالى "
(( وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ)) وده مش تقييد للمرآة انما هو حماية ليها ولغيرها ،، ده لو مكنش ربنا أمرنا بالحجاب كان أحق عليها أن تطالب بيه لآنه أكبر تأمين ليها ولحياتها ،،،
نضارة المرآة موقوتة وفترة جمالها لو حسبناها مش هتزيد عن 15 عامـ بعد كده هتبدأ بالذبول وزوجها ما زال محتفظ بنضارته وقادر على الزواج لو خرج إلى الشارع ووجد فتاة في مقتبل العمر وكاشفه عن زينتها ايه اللى هيحصل ؟ يا اما هيفتن بالفتاة دى ويترك زوجته ويتزوجها يا اما لما هيرجع البيت هيلاحظ الفرق ويبتدى يقارن فيزهد فـ زوجته وينصرف عنها،،
لكن لو تخيلنا العكس وكل امرأة حجبت مفاتنها ! هتحس كل واحدة بالآمان من فقدان زوجها وهتحتفظ بحبه ليها واقباله عليها لآنه مبيشوفش غيرها لأن الجمال نمو, و النمو في المخلوقات و النبات و الحيوان و الإنسان لا يدركه المتتبع له,
يعنى لو اب ابنه كل يوم بيكبر قدام عينيه مش هيلاحظ ان فيه حاجة اتغيرت انما لو غاب عنه شهر ورجع هيحس بالفرق وهيكون الراجل مع زوجته نفس الوضع طول ماهى قدام عينيه شايفها زى ماهى لا بتعجز ولا بتكبر ولا بتدبل
وتعالوا نشوف كده الآية دى الله سبحانه و تعالى يقول:
(( وَالْخَيْلَ وَالْبِغَالَ وَالْحَمِيرَ لِتَرْكَبُوهَا وَزِينَةً وَيَخْلُقُ مَا لاَ تَعْلَمُونَ )) زينة لمين؟ لآصحابها فقط؟ الآية جاءت بالزينة على إطلاقها, و لهذا فهي زينة لصاحبها,
و لمن أراد أن ينظر إليها و يتمتع بجمالها, كل ما في الكون من جمال, انظر إليه كما تشاء, فليس هذا محرما, إلا المرأة , فالنظرة إليها *محرمة* من المرأة للرجل, و من الرجل للمرأة, و النظر إليها و التأمل في جمالها من غير زوجها إثم, و كذلك الرجل بالنسبة للمرأة, نظر المرأة للرجل و تأملها في ملامح رجولته إثم, لذلك يقول الله سبحانه و تعالى في كتابه العزيز: (( *قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ ))
و قوله جل جلاله: (( وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنّ ))
فالحجاب الشرعي الذي يجب على المرأة إذا خرجت من بيتها أن تلبسه هو ما يستر جميع بدنها بأي نوع أو زي، ما اجتمعت فيه الشروط الآتية:
📚 *.....فالشرط الأول.....*📚
👈 أن يكون مستوعباً لجميع بدنها إلا الوجه والكفين، فقد اختلف أهل العلم في وجوب سترهما، مع اتفاقهم على وجوب سترهما حيث غلب على الظن حصول الفتنة عند الكشف كما هو الحال في هذا الزمن ، وذلك سداً لذرائع الفساد وعوارض الفتن.
📚 *......الشرط الثاني......* 📚
👈 ألا يكون زينة في نفسه بمعنى ألا يكون مزيناً بحيث يلفت إليه أنظار الرجال ، لقوله تعالى ( *ولا يبدين زينتهن*) [النور :31]
📚 *......الشرط الثالث.....*📚
👈أن لا يكون ضيقاً لا يشف ، لأن المقصود من اللباس هو الستر ، والستر لا يتحقق بالشفاف. بل الشفاف يزيد المرأة زينة وفتنة ، قال صلى الله عليه وسلم : " *نساء كاسيات عاريات*" رواه مسلم .
📚 *......الشرط الرابع.....* 📚
👈أن يكون فضفاضاً غير ضيق ، فإن الضيق يفصل حجم الأعضاء والجسم ، وفي ذلك من الفساد مالا يخفى .
📚 *......الشرط الخامس.....*📚
👈ألا يكون مبخراً أو مطيباً، لأن المرأة لا يجوز لها أن تخرج متطيبة لورود الخبر بالنهي عن ذلك . قال صلى الله عليه وسلم : " *أيما امرأة تعطرت فمرت على قوم ليجدوا من ريحها فهي زانية*" رواه أبو داود الترمذي والنسائي.
📚 *.....الشرط السادس.....* 📚
👈ألا يشبه لباس الرجال ، لقوله صلى الله عليه وسلم :" *ليس منا من تشبه بالرجال من النساء ، ولا من تشبه بالنساء من الرجال* " رواه أحمد .
📚 *.....الشرط السابع....* 📚
👈ألا يشبه لباس نساء الكفار ، لما ثبت أن مخالفة أهل الكفر وترك التشبه بهم من مقاصد الشريعة. قال صلى الله عليه وسلم " *ومن تشبه بقوم فهو منهم*" رواه أحمد وأبو داود.
📚 *.....الشرط الثامن.....* 📚
👈ألا يكون لباس شهرة وهو كل ثوب يقصد به الاشتهار بين الناس .
التفاصيل الصغيرة اللى بتفرق من ستايل بنت للتانية دى حاجه ترجع لكل بنوتة المهمـ تتوافر فيه كل الشروط دى أما إذا خالفت هذه الشروط، بأن كانت مطرزة تطريزاً يضفي جمالاً، أو ذات ألوان ملفتة ، أو مبخرة أو تصف - لضيقها - حجم أعضاء جسمها ، أو كانت تتشبه بالكافرات ، أو على نحو عباءة الرجل فلا يجوز لبسها.
نيجي بقي لجزء مهمـ جداََ وهو *الاختلاف على تغطية الوجه " النقاب* "
فقد اختلف العلماء في وجوب تغطية الوجه والكفين من المرأة أمام الأجانب . فمذهب الإمام *أحمد والصحيح من مذهب الشافعي أنه يجب على المرأة ستر وجهها وكفيها أمام الرجال الأجانب*، لأن الوجه والكفين عورة بالنسبة للنظر ، *ومذهب أبي_حنيفة و مالك أن تغطيتهما غير واجبة* ، بل مستحبة ، لكن أفتى علماء الحنفية والمالكية منذ زمن بعيد *أنه يجب عليها سترهما عند خوف الفتنة بها أو عليها
(( *وأحنا أكيد في زمن فتنه* )).
والمراد بالفتنة بها : أن تكون المرأة ذات جمال فائق ، والمراد بخوف الفتنة عليها أن يفسد الزمان، بكثرة الفساد .
ربنا سبحانه وتعالى بيقول ( *يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين* ) [الأحزاب:59] . وقد قرر أكثر المفسرين أن معنى الآية : الأمر *بتغطية الوجه*،
فإن الجلباب هو ما يوضع على الرأس ، فإذا اُدنِي *ستر الوجه* ،
وقيل : الجلباب ما يستر جميع البدن ، وهو ما صححه الإمام القرطبي
وأما معنى الجيوب وعلاقة ذلك بالحجاب، فقال الشوكاني: *الجيوب جمع جيب ، وهو موضع القطع من الدرع والقميص، مأخوذ من الجوب وهو القطع* قال المفسرون: *إن نساء الجاهلية كنّ يسدلن خمرهنّ من خلفهنّ، وكانت جيوبهنّ من قدّام واسعة، فكان تنكشف نحورهنّ وقلائدهنّ، فأمرن أن يضربن مقانعهنّ على الجيوب لتستر بذلك ما كان يبدو، وفي لفظ الضرب مبالغة في الإلقاء الذي هو الإلصاق.*
وقال سعيد بن جبير: { *وَلْيَضْرِبْن*}:
وليشددن { *بِخُمُرِهِنَّ عَلَى جُيُوبِهِن*َّ }
يعني: على النحر والصدر، فلا يرى منه شيء، وقال ابن الجوزي: *المعنى وليُلْقِين مَقانِعَهن على جيوبهن ليسترن بذلك شعورهن وقرطهن وأعناقهن.*
وقال الجلال السيوطي: *أي يسترن الرؤوس والأعناق والصدور بالمقانع.*
أحمد : بسم الله ماشاء الله .. الله أكبر😍
ايه الحلاوة دى .. تحفة الكلام ده
نور : أنا أول مرة قريته فيها بكيت والله وحسيت إنى مقصرة أوى مع ربنا وقررت إنى لازم بقي أخد خطوة ايجابية وان القرب من ربنا مش بس صلاة وصوم في رمضان في حاجات تانية كتير ..
_ أخذ أحمد نور بين يديه وقبّل جبينها قائلاََ ربنا يرضي عنك يارب
أحمد : أنا كده هسافر مطمن جداََ على أختى إنها كبرت وبقت قد مسئولية نفسها وبتراعي ربنا في كل تصرفاتها
نور : ربنا يخليك ليا يارب يا أحمد ويجمعك بـ منة في حلال يرضي بيه عنكم يارب
أجاب أحمد مبتسماََ : أول مرة أشوفك بتدعى الدعوة دى .. على العموم ادعيلي ربنا يقدر ليا الخير حيث كان ويرضييني بيه ولو كانت هى الخير أكيد هيقربها منى :)
نور : هى أكيد الخير إن شاء الله منة دى حتة من الجنة
أحمد : إيه الكلام الكبير ده !!
نور ": مش متخيل أنا حبيتها قد ايه يا أحمد فـ أكيد انسانة في طيبتها هى الخير ليك
أحمد : مش شرط يا نونو هى فعلا طيبة جدا وكويسه جدا بس مش شرط تكون هى اللى ربنا كاتبهولى بس الآكيد إن كل أمرنا خير حتى لو عكس ما بنتمنى
وبعد انتهاء الحديث بين أحمد ومنة ينزل على المسجد لـ صلاة العشاء وبعد انتهاء الصلاة ينادى عليه الشيخ على
على : أحمد استنى متمشيش عاوزك
أحمد : تحت أمرك يا شيخنا
على : الآمر لله يا حبيبي .. كنت عاوزك في موضوع كده
أحمد : اتفضل طبعاََ
على : في بنت أعرفها أحسبها على خير إن شاء الله زيك كده إن شاء الله قولت أعرض عليك الآمر لعلها تكون من نصيبك إن شاء الله
_ أحمد وقد ظهرت عليه علامات الاندهاش والمفاجأة رد قائلاََ ...
نكمل معا باق الحلقات باذن الله..
🌸🌸🌸🌸🌸🌸🌸🌸🀊
🟥🟥⬛⬛⬛⬛⬛⬛⬛
🟥🟥🟥⬜⬜⬜⬜⬜⬜
🟥🟥🟩🟩🟩🟩🟩🟩🟩
𝑷𝑨𝑹𝑻 𝟏𝟗
💬..بداية جديدة...💬
🌹....الحلقة ال19....🌹
🌸🌸🌸🌸🌸🌸🌸🌸
أحمد : مش عارف أقولك إيه يا شيخنا أنا كنت مأجل الفكرة كلها من بالي وكمان انا مسافر خلال اسابيع و كمان ..
على : انا فاهم كل ده يا أحمد ومش عاوزك تستعجل استخير ربنا ورد عليا بكرة بعد صلاة الجمعه ان شاء الله
أحمد : تمام يا شيخنا..
رجع أحمد على البيت وبيسأل نفسه يا تري ده خير ربنا باعتهولى ومنة مش نصيبى !!
ويقومـ أحمد لـ يصلي قيامـ الليل الذى قد اعتاد عليه يومياََ وبعد انتهاءه من الصلاة جلس على سجادة الصلاة ليُحادث ربـه
_ يارب أنت عارف إنى بحبك أوى وعارف إن كل التعب اللى حسيت بيه فـ قلبي 💚من يوم ما سيبتها كان عشان أرضيك وعارف برده إنى متماسك عشان مضعفش ومضعفهاش معايا بس كل ده مكنش سهل عليا مش سهل خالص يارب أنا تعبت وعانيت كتير ولسه بعانى حتى لو ده مش ظاهر عليا بس أنت وحدك العالم باللي جوايا وأنا واثق أن أمرى كله خير وأنا واثق فيك يارب وراضي بكل اللى هتجيبهولى بس يارب أنا # *عاوزها يارب ارزقنى بيها في حلال ترضي بيه عنا* وأوعدك يارب إنها لو بقت نصيبي وخطبتها عمرى ما هعصيك بيها تانى
_ وبدأت الدموع تتساقط من عينه وأخذ بالمصحف ليقرأ منه حتى اطمئن قلبه ثم قام لينام وفي صباح يوم الجمعه ..
اﻵم : صباح الخير يا حبيبي
أحمد : صباح النور يا ماما
اﻵم : يلا عشان تفطر
أحمط : ﻻ معلش مليش مزاج افطروا أنتوا أنا هنزل أصلي اﻵول وابقي افطر لما ارجع
وينزل أحمد متجه للمسجد ويجلس ليستمع إلى *الخُطبة*
_ فلانة كلمتها ومردتش عليها *قليلة الآصل ده أنا كل ما بتكلمنى برد عليها على طول ومبتأخرش عنها*
_ فلان بعتله رسالة شافها ومردش عليا بينفضلي ابن التيييييت
_ كان فرحى ومعبرتنيش ومقدرتنيش ومجتش كل ده عشان الهدية يعنى مكنتش عاوزة منها حاجه..
_ كنت تعبان ومجاش سأل فيا بس أنا متعود منه على كده ملوش غالي
_ أصل أنا وأنا مروحة قالتلى مع السسسسسلامة اتكت على *السين*
_ يا عم ده بيصلي نفاق ،، البت دى بتتكلم ف *الدين* ومش بتنفذه
الخ الخ الخ من سوء الظن بالناس مبنفكرش أن ممكن يكون عندهمـ ظروف صعبة بيمروا بيها ومش لازمـ يكتبوا تقرير للناس عن حالتهمـ الاجتماعيه ممكن يكونوا بيمروا بفترات ضيق وخنقة وقرفانين من كوكب الآرض أصلاََ ومش طايقين يتكلموا مع حد ولا قادرين يسألوا على حد " عادى بتحصل " وممكن يكونوا هما اللى تعابنين ومحتاجين اللى يسأل عليهمـ مش هما اللى يسألوا ..... ياااااااه شوف قد إيه إحنا وحشين بقي :(
شوفوا كلامـ سيدنا النبي صلي الله عليه وسلمـ >>>>
" *إياكم والظن؛ فإن الظن أكذب الحديث، ولا تحسسوا، ولا تجسسوا، ولا تنافسوا، ولا تحاسدوا، ولا تباغضوا، ولا تدابروا، وكونوا عباد الله إخوانًا...*".
طيب بايدك تتغير وتساعد نفسك على حسن الظن :)
أيوة أعمل ايه يعنى انجزى ؟! -_-
* الدعاء الرسول عليه الصلاة والسلامـ كان بيسأل ربنا أنه يرزقه قلباََ سليماََ
* حط نفسك مكان غيرك ساعتها هتقدر موقفه وهتحس بيه وهتراعي ظرروفه شوف كلامـ ربنا بيقول إيه : " *لولا إذ سمعتموه ظن المؤمنون والمؤمنات بأنفسهمـ خيراََ* "
* خليك مدرك أن الكلامـ ممكن يحمل أكتر من معنى يعنى السين اللى هى اتكت عليها يا ابتسامـ :D ممكن تكون من كتر حبها فيكي مش أكتر
سيدنا عمر بن الخطاب كان دايماََ يقول : ""*لا تظن بكلمة خرجت من أخيك المؤمن شرًّا، وأنت تجد لها في الخير محملا*ً"
الامامـ الشافعى كان مريض فراحله بعض الناس عشان يسألوا عليه فاقله واحد : *قوى لله ضعفك فقاله الشافعى لو قوى ضعفى لقتلنى فقاله الراجل والله ما أردت إلا خيراََ* فالآمامـ قاله : *أعلم أنك لو سببتني ما أردت إلا الخير* يعنى حتى لو شتمتنى فأنت مش قصدك إلا خير برده..
*التمس لغيرك العذر الصالحين كانوا بيقولوا التمس لآخيك سبعين عذراََ* احنا طبعاََ ماشاء الله هو عذر واحد ولو وصلنا للتانى بنبقي حاسين نفسنا ملايكة بجناحات بترفرف ... قال ابن_سيرين رحمه الله : *إذا بلغك عن أخيك شيء فالتمس له عذرًا ، فإن لم تجد فقل: لعل له عذرًالا_أعرفه*
* أخر حاجه بقي وهى متزكيش نفسك على حد ومتحكمش على نوايا حد عشان ربك هو اللى يعلمـ بـ *النوايا*
وخد بالك ربنا سبحانه وتعالى قالنا ايه : " *فلا تزكوا أنفسكمـ هو أعلمـ بمن اتقي* " وقال كمان : " *ألمـ تر إلى الذين يزكون أنفسهمـ بل الله يزكى من يشاء ولا يظلمون فتيلا*ََ "
يعنى مـ الآخر متحكمش حد هو كويس ولا وحش ومتشوفش نفسك أحسن من حد عشان ممكن يبقي أحسن منك عند #ربنـــا
خليك فـ حالك تكسب أصاحبي ;)
وبعد انتهاء الصلاة اتجه إلى الشيخ على قائلاََ ..
أحمد : في الحقيقة يا شيخ أنا استخرت ربنا وفكرت كتير وللأسف مجرد التفكير في أى بنت فـ الوقت الحالى مش قادر عليه لآى قلبي متعلق بزميلة ليا
_ أجابه الشيخ على مبتسماََ :)
ومالك طيب بتقول وأنت مكسوف كده يا أبو حميد :) .. ربنا يقدر ليك الخير حيث كان ويرض
يك بيه واطمن ما كان لك سيأتيك يعنى لو نصيبك ربنا هييسرلك كل السُبل إليها ولو مش نصيبك هيُبدلك خيراََ منها بس أهم شئ الثقة فـ الله
أحمد : أكيد يا شيخنا ونعم بالله :)
يرجع أحمد على البيت مبتسم وحاسس بخير منتظره من ربنا كبير <3
يفتح الفيس بعدها وأول بوست يشوفه قدامـ عينه " *وهو على جمعهم إذ يشاء قدير* ☺
أول ما شاف الآية قال يــــــــــــــــــــــــااارب أنت عالم باللي جوايا ..
نكمل معا باق الحلقات باذن الله..
🌸🌸🌸🌸🌸🌸🌸🌸🌸
..
🟥🟥⬛⬛⬛⬛⬛⬛⬛
🟥🟥🟥⬜⬜⬜⬜⬜⬜
🟥🟥🟩🟩🟩🟩🟩🟩🟩
𝑷𝑨𝑹𝑻 𝟐𝟎
💬.بداية جديدة...💬
🌹 . الحلقة ال20..🌹
🌸🌸🌸🌸🌸🌸🌸🌸
_ يقفل أحمد الفيس وينامـ ويصحي تانى يومـ على تليفون من والده يطلب منه ينتظره فـ المطار
أحمد : حمدالله على السلامة يا بابا
الآب : الله يسلمك .. أمك عاملة ايه وأختك ؟!
أحمد : كويسين الحمد لله اديك رايح تشوفهم أهه
وفور وصولهم البيت وبعد الغدا يفاتحهم أحمد فـ موضوع السفر
أحمد : بابا أنا كنت قررت قرار كده وعاوز أخد رأيك فيه ..
الآب : قرار ايه ده !
أحمد : جالى عقد عمل برا ومكان مضمون لآنه بيشتغل فيه حسن جارنا وكمان ..
الاب : بس بس بس سفر ايه وهبل ايه اللى بتتكلم عنه وأنت عرفت تعمل حاجه ف بلدك لما هتعرف تعمل حاجه في بلد غريبه عنك
أحمد : ماهو يا بابا اديك شايف ظروف البلد الاقتصادية والسياسيه وانا كبرت مش صغير وهقدر إن شاء الله اتأقلم ع المكان الجديد اللى هروحه
الآب : كبرت أأه .. بإمارة إنى مش قادر اعتمد عليك وأنا سايبك مع أمك وأختك لوحدهم ..
أحمد : طيب ليه يا بابا الكلام ده ليه بتقلل منى كده ليه دايماََ شايفنى صغير ومش قد المسئولية .. كنت طايش شوية ايام الكلية ما كل الشباب على كده وربنا بيهدي الحال وبنبقي كويسين
الآب : سيبك من كل الكلام ده سفر مفيش واتلم وشوفلك شغلانة تعرف تصرف بيها على نفسك..
أحمد : أنا أسف يا بابا بس أنا لازم أسافر أنا التزمت كلمة وهكون قدها وكويس إن حضرتك خلاص مش هتسافر تانى هتكون مع ماما ونور إنما أنا خلاص تعبت من الطريقه دى والآسلوب ده ومحتاج أكون نفسي ويكون ليا حياة مستقله بيا أرجوك متقفش في طريقي خليني لـ مرة أحس إنى مسئول عن قرارى .. كل اللى ات بتلوم عليا فيه دلوقتى كان سببه ايه !! مش حضرتك ؟
اشتغل يا بابا في الصيف ؟ لا عشان متتمرمطش عاوز تريحنى
مش عاوز يا بابا علمى عارف إنى مش هكون قدها ؟ لا عشان تدخل هندسه
اشتغل بعد اذنك وانا بدرس ؟ لا ركز في كليتك وخلصها وانت هتشتغل ايه يعنى
_ خلتنى معتمد عليك ف كل شئ انا عارف ان كل ده كان خوف عليا وأنا مش بلوم عليك بس برده مش عاوزك تلوم عليا في زرعه انت رميت بذرتها جوايا وسيبنى اصلح من حالى اللى مش عاجبك سيبنى اكوون الابن😔 اللى بتتمناه اللى يراعي امه واخته وابوه ويكن # *سندهم ف الدنيا*
انا نزلت اشتغل في كذا حاجه مؤقته الايام اللى فاتت ومكنتش بعرف اشتغل مبقاش يناسبنى الا الشغل بطريقه معينه طريقه ميكونش فيها إهانه ولا تعب كتير لانى متعودتش عليها .. اديني الفرصه يا بابا من فضلك عاوز اعتمد على نفسي شوية مش دايماََ أكون موجه من حضرتك خليني اخد قرار واتحمل نتيجته للأخر وصدقنى والله هتحمل النتيجة للأخر لآنى مقتنع تماماََ باللي بعمله ...
الآب : اعمل اللى أنت عاوزه يا أحمد
ويتركهمـ والدهمـ ويذهب إلى غرفته
نور : متزعلش يا دودو أنت عارف الحاج صاحب البيت عصبي شويتين
أحمد : مش زعلان منه يا نور أنا زعلان عشان هو زعلان
نور : معلش يا حبيبي كله هيبقي تمام اطمن ركز أنت بس وخلص ورقك كده وهو هيهدى لوحده .
أحمد : خلاص بكرة ان شاء الله هستلم باقي الورق اللى ناقصنى والسفر المفروض يكون يوم الجمعه الجاية دى بأمر الله
نور : على خير يارب .. ربنا يستر بس الحاجه هتعملهالنا مناحه
أحمد : بالنسبالك ايه دورك حررتك متفرجة ولا ايه مفيش دمعة كده دمعه كده
نور : واعيط ليه يا عم انا مش ناقصه كأبة وبعدين مانا هشتري كام هنا في البيت ونتكلم كل يوم واشوفك وتشوفنى وكام شهر بالعدد وترجعلنا تانى بالسلامة تكون بقيت مليونير قد الدنيا ..
أحمد : هههههههههههه الوحيدة اللى بتعرفيني تضحكيني يا جزمة
نور : عارف يا أحمد بحب ضحكتك أوى .. وكنت بكرهك زعيقك ليا زمان برده كنت غلس ف فسك كده انما من ساعه ما بقيت تهتم بيا واتغيرت معايا كده وأنا مبقتش احتاج لآى حد أبداََ طول ما أنت معايا
أحمد : ربنا يخليكي ليا يا نونو .. هو احم اخبار منة ايه ؟
نور : احم احم احم منة زالفل الحمد لله ..
أحمد : ومبسوطة بقي ف الطرحة الكبيرة ولا زهقت منها
نور : نوو مبسوطة جدا ماشاء الله وبتقولى اللبس الجديد أحلى بكتير من اللى كانت بتلبسه وقالتلى اشوف يوم واقولها عشان تشوفنى وتديني الطرحة اللى جابتهالى شان البسها بقي
أحمد : طيب ايه رايك أوصلك ليها يوم الخميس ؟ تقابليها وبعدها اخدك نشتري شوية طرحه كبيرة ليكي ونرجع على البيت تانى احضر حاجتى قبل السفر .
نور : هييييييييييييييييييه ماسي😅 بقي موافقه موافقه هروح اكلمها اقولها
ويمر يوم تلو الأخر منغمس أحمد في تحضير أوراقه الخاصة بالسفر ومقابلات مع أصدقائه وجيرانه حتى يأتى يومـ *الخميس*
نور : أحمد أحمد أنا خلاص لبست يلا بقي هنتأخر الميعاد الساعه 2
أحمد : اهدى يا حاجه خلاص أهه ..
نور : وهو لازم جيل يعنى يا ابو حميييييييييييد
أحمد : ومالك بتتكى على ال ي كده ياختى لاحظى انى هوصلك وهمشي مش هقعد معاكم وهى ساعه واحده هرجعلك الساعه 3 ان شاء الله
نور : ماشي خلصنى بقي
ويذهب أحمد ونور فـ طريقهم لمقابلة منة وأول ما يوصل المكان ويلمح منة يثبت مكانه ميتحركش .
نور : مالك يا أحمد ما تمشي
أحمد : منة منة قاعده اهى في الوش
نور : الله دى كميلة اوى طيب يلا بينا بقي
أحمد : لا لا بصي روحى انتى وانا كمان ساعه هكلمك واجيلك
نور : ماشي سلام..
وأول ما توصل نور عند منة
نور : الله بقي أخيراََ شوفتك
منة : حبيبتى يا نور أنا كمان مبسوطة أوى إنى شوفتك .. أنتى جاية لوحدك ؟!
نور : لا ما هو احم اصل
منة : خلاص خلاص يا نور ها بقي طمنيني عليكي ؟!
في هذا الوقت كان أحمد يجلس بمفرده وبيسأل نفسه " *هو أنا ليه مشيت من قبل ما تشوفنى ليه مستنتش اسلم عليها بس* " بس احسن انى مستنتش لآنها واحشانى أوى وأكيد كنت هضعف واكلمها
_ وتيجي الساعه 3 ويروح احمد ياخد نور ويلفوا يشتروا طرح جديدة
أحمد : نور هى منة مسألتش عليا ؟
نور : لا هى مجابتش سيرتك ولا أنا طبعاََ بس عارف يا أحمد البنت دى حلوة أوى من جوا قلبها نضيف وطيبة وحنينة أوى
أحمد : ربنا يسعدها
وتنتهى جولتهم ويرجعوا على البيت
أحمد اطلعى بقي أنتى البيت وأنا هدخل المسجد استنى صلاة العشا واحضر الدرس واجى
نور : وده وقت درس يا احمد بدل ما تيجي تسهر معانا ده أنت مسافر بكرة
أحمد : الدرس مبيكملش ساعه واحده يا نور وبعدين سيبيني احضر لآخر مرة الدروس دى هتوحشنى اوى وهفتقدها جدا والله ..
ويذهب أحمد ويصلي معاهم صلاة العشاء ويأتى ميعاد الدرس الجديد
الشيخ على : عاوزين نتكلم عن حاجه مهمة جداََ النهاردة وهى مسألة # *المقياس* بمعنى ايه يا شباب تلاقي فلان بيشرب سجاير تقوله يا عم السجاير حرام يقولك اييييييييه مانا احسن من غيري ده فلان بيشرب حشيش والتانى كذا ..
اخت فاضلة تقولها بلاش لبس بنطلونات وحاجات قصيره كده تقولك مانا احسن من غيري ماهى فلانة بتلبس مش عارف ايه
بقت الشتيمة دى مقياس الروشنة تلاقي صاحبه بيقوله امك وابوك وهو عادى جدا منشكح معندوش أدنى مشاكل تقوله يا راجل دى امك دى اللى بتتشتم يقولك لا ماهو بيشتمنى انا ميقصدهاش هى وغيرها حاجات كتير مقاييس حطينها قدام عنينا شبه الآصنام الشنب ده رمز الرجولة والبدلة رمز الاحترام والبنت اللى عاملة *بلياتشو* ف وشها هى اللى هتتجوز كل الآصنام دى محتاجة تتكسر عشان نعيش حياتنا صح .
سؤال ..؟؟؟
إحنا اللى بيحكمنا العادات والتقاليد ولا الشرع ؟!
احنا المفروض بنقول إن اللى بيحكمنا القرآن والسنة ولكن بالفعل اللى بيحكمنا هى العادات والتقاليد الموروثة
البنت تكون مسكينة اتربت على إن ولاد عمها وخالاتها دول عادى زيهم زي اخوها فسلمي عليهم عادى واقعدى بشعرك عادى مع إن كل ده # *حرام*
الولد لو مسلمش على قرايبه يبقي قليل الذوق مع إنه ده المفروض يكون
الراجل اللى بجد ميقبلش أبداََ أمه وأبوه يتهزأوا تحت مُسمي هزار
يدخلوا الجامعه ويبقوا شله اصحاب ولاد على بنات !! على فكرة ده لا يجوز ماحنا بنعامل بعض زى الاخوات .. احنا هنضحك على بعض ولا ايه ؟ اخوات من أى اتجاه بالظبط !! بس برده أصبحت كل التفاصيل دى عادية جداََ لمجرد إن ناس كتير ف ـ المجتمع بتعملها .
ولكن أنت كـ مسلم المفترض عليك أن تتبع القرآن والسٌنة وهما دول فقــــــــــــــــــــــــط اللى يحكموك مش عادات المجتمع وتقاليده لآنك لما هتقابل ربنا هتقابله لوحدك بعملك مش بعادات مجتمعك وعمل الناس
حد عنده سؤال يا شباب ؟!
أحمد : بس بنلاقي هجوم كتير جداََ من الناس وبيستغربونا
على : حلو وهو ده المطلوب تكون غريب عن المجتمع ما دُمت ترضي ربك
*بدأ الإسلام غريباً وسيعود غريباً كما بدأ، فطوبى للغرباء* ده كلام سيدنا النبي عليه الصلاة والسلام ومعناه أن الإسلام في بداية دعوته كان غريباً لقلة أهله، محارباً من أهل الشرك والفساد ،
وكذلك يكون في آخر الزمان فسيعود غريبا لقلة من يقوم به ويعين عليه، وإن كان أهله كثيراً، فإن من تمسك به صار غريباً محارباً، فيصير المتمسك بالإسلام *كالقابض على الجمر*، وطبعاََ طوبي هى شجرة في الجنة
ألاقيكم على خير ان شاء الله .. السلام عليكم
وعليكم السلام ورحمة الله وبركاته
نكمل معا باق الحلقات باذن الله
🌸🌸🌸🌸🌸🌸🌸🌸🌸