الفصل الثاني
*-بـدايـة جـديـدة🧜🏻♀️♥↻≯♡゙ُ))*
𝑷𝑨𝑹𝑻 𝟔
𝑷𝑨𝑹𝑻 𝟕
𝑷𝑨𝑹𝑻 𝟖
𝑷𝑨𝑹𝑻 𝟗
10
🟥🟥⬛⬛⬛⬛⬛⬛⬛
🟥🟥🟥⬜⬜⬜⬜⬜⬜
🟥🟥🟩🟩🟩🟩🟩🟩🟩
𝑷𝑨𝑹𝑻 𝟔
🌹 بداية_جديدة 🌹
🍃.... الحلقة السادسة ....🍃
🌸🌸🌸🌸🌸🌸🌸🌸
أول ما فتح الباب سمع أخته نور وهى بتتكلمـ فـ التليفون مع واحد اسمه يحيي..
نور : لا هو نزل بعد ما شد مع بابا في التليفون على طول كالعادة يعنى
لا مش محتاجة حاجه ربنا يخليك يا يحيي..
طيب حاضر ان شاء الله
وانت من اهل الخير مع السلامة
أحمد : الله الله يا ست نور قفلتى ليه ما لسه بدري
نور ظهرت عليها علامات الخوف
أحمد : بقي انتى يا مفعوصه يا ام 16 سنة يطلع منك كل ده !!
نور : والله يا أحمد انت فاهم غلط والله فاهم غلط
أحمد : هو في غلط اكتر من اللى انتى عملتيه ؟!
خرجت والدتهمـ على صوت الزعيق..
الامـ : في ايه يا ولاد مالكم بس
أحمد : مفيش حاجه خالص حضرتك نايمة وغرقانه ف النوم وبنتك بتحب ف التليفون مع واحد..
الآم : احترم نفسك متقولش على اختك كده..
نور : والله يا ماما ده زميلي والله انا معملتش حاجه غلط ..
الآم : وايه اللى يخليكي تكلمى زميلك متاخر كده يا نور ..
نور : يا ماما افهميني انتى ارجوكى انا ساعات لما بكون متضايقه بكلمه لكن مش قصدى اى حاجه وحشه والله بس بكون مخنوقه ونفسي اتكلم مع حد وهو بيسمعنى يا ماما وبينصحنى وهو جدع وكويس اوى
أحمد : جدع وكويس مممممم وايه كمان كملى كملى مانا لو راجل قدامك مكنتش تجرأى تعملى اللى عملتيه ده
بس ملحوقة يا ست نور انتى بوظتى وانا هعرف اربيكي والمك
يا حاجه البت دى ملهاش نزول لوحدها والتليفون اللى معاها يتاخد ودروسها انا هوصلها..
فضلت نور تبكى بصوت عالي
أحمد : عيطي وماله الدموع دى كانت بتصعب عليا زمان ايام ما كنتى اختى المتربية اللى اعرفها..
الآم : ملوش لزوم الكلام ده يا احمد خلاص
نور : لا مش خلاص بقي يا ماما مش خلاص هو حكم عليا من كلمتين في التليفون وانتى طاوعتيه ف كل اللى قاله وبس مش مهم انا فين ولا انا ايه ولا ايه ظروفى..
انا بحتاج حد يسمعنى وارغي معاه بحتاج حد يحسسنى انه واقف جنبي انا مبحبش يحيي ولا هحبه بس احنا اصحاب يمكن انا مكنتش بقتنع بموضوع الصداقه بين الولد والبنت بس اعمل ايه لقيت نفسي لوحدى واخويا اللى كان على طول معايا مبقاش معايا من ساعة ما ارتبط..
وانتى يا اما مسلسلات يا اما افلام قديمة مع شوية مع الجيران واليوم بيخلص بدري وتخشي تنامى انا فين بقي من ده كله وحكمتوا عليا عشان مكالمة مكنش فيها غير كلام عن حاجات عادية اومال لو كان شافنى معاه ف الشارع كان عمل فيا ايه ؟ كان قتلنى..!!!!
قبل ما تزعقلي يا احمد زعق لنفسك قبل ما تحكم عليا احكم على نفسك وقبل ما تقلل منى كده شوف انت بتعمل ايه..
سابتهم نور ودخلت اوضتها تنامـ وفضل أحمد سهران لحد الفجر بيفكر في كلام نور ليه ولما سمع الآذان نزل عشان يصلي واتقابل مع حسن هناك فـ المسجد وبعد ما الصلاة خلصت..
حسن : ابو حميد حبيبي عامل ايه
أحمد : تمام
حسن : مالك؟!
أحمد : مفيش يا ريس عن اذنك انا هطير بقي عشان منمتش بالليل
حسن : تمامـ يا عم ماشي .. هقابلك بالليل ولا ايه النظام ؟
أحمد : أه اكيد ان شاء الله لازم اشوفك قبل ما تسافر
حسن : اشطة سلامو
طلع أحمد البيت ودخل اوضته لكنه برده مش عارف ينامـ اتصل بـ حسن وطلب منه ينزلوا يتمشوا شوية"
أحمد : تيجي ننزل نتمشي شوية مخنوق ومش عارف انام
حسن : اشطة يا عم ولو انى مش قادر ونفسي انام بس زى بعضه عد الجمايل
خرجوا سوا وفي طريقهم حسن : مش هتقولى مالك بقي "
أحمد : يعنى مخنوق شوية كده بس تمام اطمن'
حسن : لا بقولك ايه انا مليش ف المحايله هتنجز وتقولى مالك ولا اسيبك واروح..
أحمد : نور يا حسن نور كنت بحسبها صغيرة ومش فاهمه حاجه ف الدنيا بس أول مرة حد يواجهنى كده واقتنع فعلاََ بغلطتى..
لقيتها النهاردة بتكلم عيل معاها زميلها ف الدرس وانا واثق ف اختى انها مش هتعمل حاجه غلط بس مجرد انى سمعتها بتكلم واحد خلتنى مش طايقها ولا طايق نفسي بس ف نفس الوقت طيب مانا بكلم واحده من ورا اهلها مفكرتش ولا مرة إن كده هيكون شكل منة وحش بالعكس ده انا شايف انها احسن واحده ف الدنيا بس بجد انا ازاى اقبل عليها اللى مقبلوش على اختى يا حسن ؟؟
*والمفروض انى بحبها انت مش متخيل كنت خايف على نور النهاردة ازاى كنت حاسس ان حتة من قلبي وجعتنى لمجرد احساسي انها بتكلم بس واحد ما اكيد منة عندها ابوها واخوها اللى يخاف عليها ويتوجعوا عشانهاوميقبلش انها تكون بتكلمنى حسيت قد ايه انا متناقض عاوز احب واتحب واعيش حياتى واربط بنت معايا كذا سنة لحد ما اكون جاهز اتقدملها وف نفس الوقت مقبلش ابدا ان اختى واحد غريب يكلمها ولو حتى تحت مسمي الزمالة مع انى عندى اصحاب بنات كتير في الكلية وعادى يعنى ولا مرة حسيت انه مينفعش حتى لما منة بتغير عليا من كلامى معاهم وهزارى بخفف كلام معاهم عشان منة مش علشان ده اصلا مينفعش اعمله انت فاهم حاجه يا حسن ؟*
حسن : طبعاََ فاهمك انت الموقف الاهبل بتاع نور بينلك حاجات كتير كانت معدية عليك ومكنتش واخد بالك
منها حسسك انك بتغلط وبتعمل نفس الحاجه اللى رافض ان اختك تعملها وف نفس الوقت مش عارف تعمل ايه هل تكمل ف اللى انت فيه وهتفضل متناقض بقيت عمرك ولا تاخد موقف عشان متحسش بالتناقض ده وتكون معاملتك لبنات الناس زى معاملتك لآختك بس برده مش عارف تعمل ايه..
أحمد : أيوة يا حسن مش عارف اعمل ايه سيبك بقي ربنا يدبرها من عنده المهم انت حضرت شنطك وكله تمام..
حسن : اه الحمد لله كله تمام تعالى نروح ننام بقي وننزل اخر النهار نقعد مع العيال شوية عشان بكرة هتغدى مع الحاجه وانزل بقي ع المطار ..
أحمد : اشطات اتفقنا..
رجع أحمد وحسن على البيت ودخل كل واحد بيته وناموا وبعد الظهر صحى أحمد على تليفون من منة .. أول ما شاف اسمها على التليفون مبقاش عارف يرد ولا ميردش قفل التليفون لآنه حاسس إنه مش قادر يرد عليها.
قامـ من النومـ وخرج من اوضته مش بيكلم نور أخته
الامـ : احضرلك الفطار ؟
أحمد : لا مش عايز .. بنتك عندها دروس النهاردة ؟
الآمـ : ايوة عندها الدرس الساعه 33
أحمد : ماشي تمام انا هنزل شوية واجيلها الساعه 2 ونص تكون جهزت هروح اوصلها..
نزل أحمد فطر على القهوة وبعد شوية شغل تليفونه لقي منة اتصلت بيه كتير جداََ لكنه مرضاش يتصل بيها رجع البيت التانى عشان يوصل نور لـ الدرس
أحمد : جاهزة يا أنسة عشان تروحى الدرس..
نور : ايوة اتفضل..
وصلها أحمد لحد مكان الدرس واتمشي شوية حوالين المكان لحد ما خلصت ورجعلها عشان ياخدها تانى وبعدها راح يقابل حسن وبقيت أصحابه يودعوه قبل السفر...
🌸🌸🌸🌸🌸🌸🌸🌸
🟥🟥⬛⬛⬛⬛⬛⬛⬛
🟥🟥🟥⬜⬜⬜⬜⬜⬜
🟥🟥🟩🟩🟩🟩🟩🟩🟩
𝑷𝑨𝑹𝑻 𝟕
🌷🌹 بداية_جديدة🌹🌷
🔆 .... الحلقة السابعة....🔆
🌸🌸🌸🌸🌸🌸🌸🌸
وصل أحمد لآصحابه على القهوة عشان يسهروا مع حسن وبعد ما انتهت السهرة ذهب أحمد وحسن للبيت
حسن : إيه الآخبار مفيش جديد ؟
أحمد : لا مفيش بس تمام ماشي الحال
حسن : معلش الحمد لله يومين وهيعدوا بس كنت عاوز اقولك حاجه كده
أحمد : خير !
حسن : يعنى يا أحمد حاول تراضي نور كده أنت زعلتها جامد ومتنساش إنها لسه صغيرة فمش مدركة أوى يعنى حجم اللى حصل ..
أحمد : مانا بفكر في كده والله يا حسن بس موش عارف اعمل ايه
حسن : عيب عليك يا عم ده أنت أبو حميد الحنية كلها يعنى روح هاتلها حاجه حلوة كده قبل ما تطلع البيت وهما البنات هبل أساساََ بيتراضوا بأقل حاجه
أحمد : وبالذات نور والله يا حسن طيبة أوى وغلبانة البت دى..
حسن : خلاص اشطة روح ظبط بقي حالك وانا هطلع انام ونتقابل بكرة على صلاة الجمعه
أحمد : ماشي الكلام سلامـ
ذهب أحمد واشتري شيكولاتة من اللى بتحبها نور وطلع البيت عشان يصالحها
أحمد : احم احم احم ممكن ادخل يا أنسه
نور : اتفضل طبعاََ يا أحمد
أحمد : عاملة ايه دلوقتى ؟
نور : الحمد لله اطمن مبتكلمش ف التليفون
أحمد : أنا عارف انك مش ببتكلمى ف التليفون وانا مش داخلك عشان اراقبك انا عاوز اطمن عليكي..
نور : اطمن كويسه
أحمد : طيب ممكن تقبلي منى بقي الحاجة المتواضعه دى لسمو الآميرة نور
_ فضلت نور باصه في عيون أحمد وفـ عنيها علامات حب وزعل فـ نفس الوقت وبدأت تبكي..
أحمد : لالالالا العيون الحلوة دى متبكيش عشان خاطرى حقك عليا بقي مانا خايف عليكي يا نونو يا بت انتى مش عارفه انى بعتبرك بنتى مش بس أختى .. ردى عليا
نور : ايوة عارفه وانت عارف برده انى بحبك اوى عشان كده زعلت منك اوى يا احمد
أحمد : أنا عارف انى زعلتك جامد واديني جاى اصالحك اهه ومش بس كده كمان سمو الآميرة تختار المكان اللى تحب تتغدى فيه بكرة والمكان اللى تحب تتمشي فيها هى تؤمر وأنا انفذ يلا انشاء الله ما حد حوووش
نور : حضنته أوى وهى بتقوله ربنا يخليك ليا يارب يا أحلى أخ في الدنيا دى كلها
أحمد : أنتى اللى أحلى نور خلقها ربنا فـ الوجود وعشان تفضلي حلوة كده على طول لازم تسمعى كلام يا نور .. خافي على نفسك حبيبتى انا صاحبك يا نور مش محتاجة اصحاب تانيينن وانتى ماشاء الله عليكي شطورة وجميله وبتصلي فـ حتى لو انا مش موجود ابقي احكى مع ربنا وانتى بتصلي عشان مينفعش بنوتة حلوة وعسولة زيك يبقي ليها اصحاب ولاد مهما كانوا كويسين بس ميصحش ماشي يا نونو ..
نور : حاضر يا أحمد اوعدك مش هعمل كده تانى
أحمد : وأنا متأكد إنك مش هتعملى كده تانى
نور : بس انا نفسي ف حاجه كمان
أحمد : اؤمري يا قلبي .
نور : مش هينفع يا أحمد تيجي توصلني كل مرة للدرس أنا بتكسف جداََ وسط اصحابي وكمان انا متعودة اروح واجى معاهم وكده شكلى هيبقي وحش اوى
أحمد : حاضر بس اسمحيلي اوديكي بس المرة الجاية عشان اعوضلك كسفه المرة اللى فاتت دى..
نور : ايه ده ازاى ؟ هتعمل ايه دودو
أحمد : دلوقتى بقيت دودو ؟ شخصيه مادية حقيرة
هتعرفي يا قلب دودو المرة الجاية بقي
نور : *يا خلاسى يا ناس على دودو العسل اموووووووووواااااه*
أحمد : أحبك وأنت حنين يا عسل ..
نور : يلا بقي من غير مطرود عاوزة انام يا استاذ وقبل ما انام هقضي على كل الشيكولا دى ويايرت بعد كده تزود كيت كات حررتك
أحمد : لا انا ممكن الم الشيكولاتة بتاعتى ياما
نور : لالالا احياتى خلاث خلاث ..
أحمد : ماشي ماشي ثبتيني كده وانا شبه الاهبل بضعف قصادك
تصبحي على خير يا نونتى
نور : وانت من اهل الخير والفرحه والراحه يارب يارب
_ دخل أحمد ينامـ وأول ما شغل تليفون لقي رسايل كتير من منة ولما حس إنها قلقت عليه قال يتصل يطمنها
منة : احمد فينك كل ده حرام عليك انا مش عارفه انام بسببك
أحمد : معلش يا منة ظروف كده ف البيت مكنتش عارف اكلمك
منة : ظروف ايه دى مكنتش فاضي حتى دقيقه تبعتلي رساله .. الله يسامحك
أحمد : ما خلاص بقي يا منة انا قولت اطمنك عليا قبل ما انام
منة : ماشي يا أحمد اللى تشوفه اتفضل يلا تصبح على خير
أحمد : وأنتى بخير مع السلامة
بعد ما انتهت المكالمة فضلت منة تبكى جداََ زعلانة من طريقه أحمد اللى اتغيرت معاها وكان زعلان أحمد مش هاين عليها إنه يعاملها كده
فـ تانى يومـ صحي أحمد قبل الصلاة أخد دش ونزل يقابل حسن وراحوا للمسجد سوا عشان صلاة الجمعه
#الخُطبة
للأسف كلنا بنيجي علينا فترات تحول بمعنى !!
هو كان مقضيها مع اصحابه بنات وسكر .. وهي كانت مقضياها مع اصحابها خروجات وقصص حب ..
ولما واحد /ة من الشلة حصله /ها حادثة ومات/ت .. ابتدي فلان وفلانة يرجعوا لربنا تاني فهو بقي مواظب علي الصلاة وقاطعهم .. وهي لبست الحجاب الشرعي ومبقتش تعرف ولاد خالص ... وشوية كده بعد ما كل واحد فيهم هينسي الحادثة هيرجعوا لشلتهم تاني وهيرجعوا للغيبوبة تاني الي حين اشعار آخر !!
المشكلة بقي في *موجة_التدين* دي انك لازم
يحصلك مصيبة عشان ترجع لربنا وتسمع كلامه ( *مبدأ الأستاذ لازم يضرب عشان نعمل الواجب*) !! ...
ودي مشكلة كبيرة جدا في التعامل مع الله .... أنت لا تطيع الله لأنك تخاف منه فقط ! أنت في الأصل توجد علاقة *محبة بينك وبين خالقك* الذي سواك فعدلك ... خالقك الذي يرزقك وأنعم عليك ويسر لك ويوفقك في كل أمر ... صاحب القوة المطلقة الذي تستند اليه في كل شديدة وتعد تقول ( *يا رب اقف جنبي*) ...
يبقي أنت المفروض تعبد ربنا عشانم بتحبه قبل ما تكون بتخاف منه فالعقوبة من الله المفترض أنها الاستثناء والأصل دوام المحبة والرحمة بينك وبين الله .. *فلماذا لا تتعامل مع الله لانك تحبه ليس لأنك تخافه* ؟؟ ...
لماذا لا تتعامل مع الله لأنك تعرف أنه يعلم مصلحتك ليس لأنه يقيدك بأمور ونواهي ؟؟ ... *لماذا لا تتعامل مع الله لأنك تريد أن ترجع اليه يوم القيامة وتجلس الي جواره ليس لأنك خائف من عذابه وعقابه* ؟؟
انت محتاج فعلا تشيل الموجات دي من حياتك وتحولها لعادة مستمرة وعلاقة دائمة متصلة بينك وبين ربنــا ... حتي لو عدت الي ذنوبك من جديد فلا تيأس فان الله لا يمل من أن يغفر لك حتي تمل انت من الاستغفار !! .... قال الله عن نفسه ( *ورحمتي سبقت غضبي*) .... ليه بقي تتعامل معاه بالعكس لازم تشوف غضبه قبل رحمته !!
القرب من ربنا نعيم لا يعلمه ولا يدركه إلا من عاش فية
#بدايةجديدة
..
🟥🟥⬛⬛⬛⬛⬛⬛⬛
🟥🟥🟥⬜⬜⬜⬜⬜⬜
🟥🟥🟩🟩🟩🟩🟩🟩🟩
𝑷𝑨𝑹𝑻 𝟖
🌷🌹 *بداية_جديدة*🌹🌷
💎 ... *الحلقة الثامنة*...💎
🌸🌸🌸🌸🌸🌸🌸🌸
خرج أحمد وحسن بعد انتهاء صلاة الجمعة
حسن : خطبة النهاردة فكرتنى بـ محمد سامى جارنا اللى لما توفى وشباب الشارع كلهم بطلوا لف سجاير وبدأوا يصلوا على طول فـ المسجد ومفيش شهر بس وكله رجع تانى زى ما كان
أحمد : أيوة فاكر وساعتها الكل ربي دقنه وانا كنت منهم انا وانت يا عم انت نسيت ولا ايه
حسن : اعمل نفسك ميت..
أحمد : أنت هتطلع دلوقتى تقعد مع الحاجة شوية وتاخد شنطك صح
حسن : آه إن شاء الله يعنى ساعة زمن بس
أحمد : اشطة يا ريس هطلع افطر انا واظبط حالى وانزلك اروح اوصلك وارجع للبت نور افسحها شوية
حسن : ماشي يا عم .. أحمد
أحمد : نعم
حسن : مش هوصيك على أمى يا أحمد الله يباركلك لو طالع ونازل ابقي خبط عليها ..
أحمد : في عيونى ابو علي وراك رجالة ياض
حسن : أنت مصدق نفسك
أحمد : احم احم هى مالها بردت كده ليه؟!!
يلا طير بقي على بيتكم وانا ساعه وانزلك سلامووووز
طلع أحمد البيت وفطر وقال لـ نور تجهز نفسها عقبال ما يوصل حسن ويرجعلها تانى
نزل أحم لـ حسن وركبوا سوا فـ طريقهمـ للمطار
أحمد : خد بالك من نفسك يا دزمة
حسن : إن شاء الله اطمن مش هوصيك بقي يا أحمد " *حريم لا يا علي حريم لالالا*"
احمد : هههههههه لا اطمن توبت خلاص
أول ما توصل تطمنى عليك بقي ع النت هه وانا هبقي اظبط النت عند الحاجه عشان لما تعوز تكلمك
حسن : الله يباركلك يارب يا أحمد
انتهى اللقاء بين أحمد وحسن وكان كلاهما متأثر للفراق
وبعدها رجع أحمد للبيت
احمد : سمو الآميرة نور جاهزة
نور : احم احم ايووون جاهزة
أحمد : يلا بينا يا سمو الاميرة
الآمـ : ربنا يهديكم ويصلح حالكم قادر كريم ويفرحنى بيكم
أحمد : نفسك فـ ايه بقي ؟
نور : عاوزة ايس كريم ودرة مشوى وممممم حمص الشام كمان
أحمد : أنا بقول نلف ونروح تانى
نور : ههههههه خلاص يا احمد بقي
أحمد : أنتى تؤمري وانا انفذ يا نونو
نور : ربنا يخليك ليا يارب
_ انتهى يومـ أحمد ونور بضحكة كبيرة وفرحة أكبر وأول ما وصلوا البيت
أحمد : اطلعى بقي انتى يا نونو على فوق وانا هخطب على أم حسن اطمن عليها
نور : ماشي يا دودو
أحمد : السلام عليكم ازيك يا حاجه عاملة ايه
أم حسن : بخير يابنى تعالى اتفضل
أحمد : لآ يا أمى معلش انا قولت اطمن عليكي بس
أم حسن : الله يخليك يا حبيبى منحرمش منك انا كويسه والله
أحمد : لو احتاجتى اى حاجه معاكى رقمى كلميني على طول
أم حسن : انشاء الله تعيش يا حبيبي
يستقبل أحمد تليفون من منة حبيبته
تابع لقناة
"ࢪِوايَــ🩵ـات تُـࢪضِــ♡ــيه ﷻ"
علي واتساب
أحمد : ألو
منة : طيب كويس والله إنك رديت عليا توقعت يا يكون مقفول يا إما هتكنسل
أحمد : معلش يا منة ظروف
منة : ظروف أأه .. ظروف ايه دى اللى تغيرك عليا بالشكل ده وتخليك تتهرب منى؟!!!
أحمد : انا مبتهربش من حد يا منة
منة : اومال تقدر تفهمنى ايه اللى انت بتعمله معايا ده ؟ وليه يا أحمد انا زعلتك ف حاجه..
أحمد : انتى معملتيش حاجه يا منة وياريت متكبريش الامور محصلش حاجه انشغلت شوية ايه اللى حصل يعنى
منة : معاك حق مفيش حاجه حصلت قلقى عليك ده كله ولا حاجه انك وحشت..قاطعها أحمد..
لو سمحتى يا منة انا لازم اقفل دلوقتى
منة : انت حتى مش طايق تسمع منى كلمة حلوة صارحنى يا احمد لو في حاجه قولى مخبي عليا ايه..
أحمد : انا مش مخبي حاجه ومحصلش حاجه متزهقنيش بقي يا منة
منة : معاك حق انا اسفه انا اللى غلطانة بس اخر طلب يا احمد
أحمد أتفضلي...
نكمل معا في الحلقة القادمة باذن الله.
🟥🟥⬛⬛⬛⬛⬛⬛⬛
🟥🟥🟥⬜⬜⬜⬜⬜⬜
🟥🟥🟩🟩🟩🟩🟩🟩🟩
𝑷𝑨𝑹𝑻 𝟗
💬 بداية_جديدة 💬
.☑... *الحلقة التاسعة*....☑
🌸🌸🌸🌸🌸🌸🌸🌸🌸
أحمد : قولى يا منة عاوزة ايه
منة : محتاجة إنى أشوفك مرة واحده بس لو سمحت وصدقنى مش هطلب منك كده تانى
أحمد : بس أصل
قاطعته منة : من غير بس يا أحمد لازم اشوفك أظن احنا كبار بما فيه الكفاية فلازم نتكلم بعد اذنك
شوف يناسبك امتى وانا معنديش مشكلة
أحمد : طيب بعد اذنك خليها الاسبوع الجاى وربنا يسهل ان شاء الله
منة : اديني ميعاد محدد لو سمحت عشان هرتب نفسي على اساسه
أحمد : ماشي يا منة يوم الجمعه ان شاء الله الجاية بعد العصر عند كافيه الجامعه
منة : تمام اتفقنا .. يلا مع السلامة
_ أحمد فضل ساكت قلبه موجوع علشان منة بس فـ نفس الوقت جواه صراع بين حبه ليها وبين الموقف البسيط اللى حصل مع أخته وهو مقدرش يتقبله
_ وأول ما طلع البيت حاول يفتح النت عشان يبعت لـ حسن يطمن عليه
أحمد : افتقدتك من أول يوم يا ريس ابقي طمنى عليك
يمر يوم ورا التانى أحمد مش حابب يروح الكلية عشان ميتقابلش مع حد من أصحابه بينزل المسجد يصلي ويطلع تانى عـ البيت وهكذا لحد يومـ #الاربع وتيجي رسالة من حسن
حسن : حبيبى يا ابو حميد وحشتنى
أحمد : ياااااااااه فينك يا جدع قلقتنى عليك والله كل ده برده بتظبط النت اومال لو مكنتش محلفك
حسن : والله الدنيا تكعبلت خالص اول يومين ف السفر دول مكنتش لسه واخد ع الاجواء هنا
أحمد : المهم طمنى عليك كله تمام
حسن : الحمد لله يا معلم زى الفل طبعاََ حاسس حبة وحده كده مفتقد للحاجه ولقعدة القهوة
أحمد : ترجعلنا بألف سلامة يارب
حسن : الله يسلمك طمنى على أمى بتعدى عليها ولا لآ
أحمد : ده سؤال برده يا حسن .. لآ طبعاََ
حسن : اصيل يا حبيبي من يومك
أحمد : هى بخير والله يا عم حسن وظبطلها التليفون وباقات النت عشان منين ما تحب تكلمها لانها مش هتعرف تتعالم ف الكمبيوتر
حسن : ايوة مانا ناوى اظبط التليفون واكلمها على طول
مفيش جديد عندك ؟
أحمد : النفسيه ض ج
حسن : طيب ليه بس كده
أحمد : سيبك يا عم انت مش ناقص
حسن : انجز في ايه مع ابوك تانى ؟
أحمد : لا أنا ابويا اتعودت عليه خلاص .. منة كلمتنى الجمعه اللى فاتت يوم ما انت سافرت وصممت انى اقابلها انا قلبي واجعنى اوى ع البت دى يا حسن حاسس انى لعبت بيها بس اقسم بالله ربنا العالم بنيتي انا فعلا بحبها بس مفيش بايدي حاجه لا انا عارف اتقدملها ولا عارف اكمل معاها هبقي حاسس انى بذمتين ومنافق واللى مرضاهوش على اختى مينفعش ارضاه على بنات الناس
حسن : خلاص يا احمد فهمها الليله الهروب واللف والدوران مبيحلوش بيعقدوا الامور اكتر وبدل ما تفضل هى معشمه نفسها ع الفاضي فملوش لزمة..
أحمد : ربك يييسر الامر ان شاء الله .. المهم انت خد بالك من نفسك بس واتأقلم بقي ع الاجواء الجديدة دى بسرعه
حسن : لعله خير ان شاء الله .. أخبار الصلاة ايه طمنى
أحمد : الحمد لله زى الفل الفرض بفرضه ده الواحد مكنش عايش يا جدع الصلاة الحاجة الوحيده اللى قبلها ابقي قرفان من الدنيا اخلصها ابقي مبسوط
حسن : الحمد لله وانا برده من ساعه ما جيت مفوتش فرض وبدأت كمان احفظ قرآن لآن عندى وقت فاضي كتير بقي
أحمد : يابن اللعيبة والعه معاك يا عمونا من ورا اخوك كده
حسن : ده انا لسه بادئ امبارح والنهاردة والله حااجت بسيطة كده سمعت طريقه حلوة للحفظ وقولت اطبقها
بص يا عم تنزل السورة اللى عاوز تحفظها على التليفون عندك او اللاب بصوت شيخ كويس كده عشان #التجويد وتسمع منه أية أية وتردد وراه وهكذا عدد الايات اللى هتحفظهم وبعد ما تكرر الحوار ده 3 4 مرات كده لحد ما تلقطهم سجل لنفسك واسمع هتلاقيها مشيت معاك واحلى حاجه بقي تثبت الحفظ المدوامة يعنى طول ما انت قاعد شغل السورة اللى بتحفظ فيها لو ف المواصلات حط السمعات واسمع ف السورة اللى بتحظفها ف اى حتة شغلها معاك هتلاقيها بقت سهله على لسانك
أحمد : اشطات يا ريس ننفذها كده ونتابع سوا بأمر الله
حسن : ع البركة .
وبعد حديث طويل ذهب كل منهما للنومـ ليستيقظ أحمد في صباح يوم الخميس كعادته يفطر مع أمه وأخته وينزل للصلاة في كل فرض ويجلس على النت بالساعات ثمـ أتى موعد أذان العشاء ومن بعده درس الشيخ على
أحمد : ازيك يا شيخنا
على : الحمد لله فـ نعمه .. عاملين ايه يا شباب
_ تمامـ الحمد لله
على : عملتوا ايه فـ الموضوع اللى اتفقت معاكوا تحضروووه
ماشاء الله يا شباب الكل تنح كده ليه
احمد : موضوع ايه يا شيخ انت تحط ايدي ع السؤال من هنا تلاقيني فوريرة
على : هههههه لا ما واضح يا ابو حميد يا خسارة شقايا فيكوا
انا مش قايلكم هنتكلم عن موضوع الحب والزواج والخطوبة وطلبت منكم تحضروا وجهة نظركم وفكرتكم ايه عن الموضوع .. ع العموم مفيش مشكلة صلوا ع النبي يلا
اللهم صل وسلم وبارك على سيدنا محمد وعلى آله وصحبه أجمعين
على : نبتدى من الزواج أم الخطبة أم الحب فقط بدون اى مسميات اخرى ؟
_ الحب يا شيخ الله يكرمك
على : ماشاء الله ما
شاء الله العيال كلها بقت حبيبة
حاسس إن في ماسورة حنان وعاطفة طفحت على المجلس
_ ههههههههههههههههههههههه
على : المهم نرجع لموضوعنا بقي بحبك وبقولك هقتلك ... موتى ؟! ... طب أنا أسف
الحب ولع فـ الدرة
وده بقي موضوعنا النهاردة >>>>>> *الحُـــب*<<<<<<
إحنا كلنا بنتكلمـ عن يعنى ايه حب حلال وحب حرامـ طيب هو أنا ليه محبش بس الآنسان اللى قلبى اختاره طيب ماهو بيوحشنى فـ لازمـ أكلمه .. اسئلة كتير بتدور فـ بالنا ليه العلاقات # *حرامـ*
قبل ما تاخد أى قرار لازم تعمل كل حاجة باقتناع وعلشان فاهمين كويس أوى إحنا بنعمل ايه
ناديلي #عقلك أكلمه بقي واركن احساسك على جنب دلوقتى " هو اللى مضيعنا "
_ الحب يا سيدى ده فطرة وهو أساس وجودنا فـ الحياة وإحنا من كتر حبنا #لله بنعبده ومن كتر حبنا فـ الرسول عليه الصلاة والسلامـ بنتبع #سنته وعلشان بنحب أهلنا بنطيعهمـ ونسمع كلامهمـ ونحترمهمـ وعلشان بنحب أصحابنا بنخرج معاهمـ وبنرتاح وياهمـ ومبيعديش كامـ يومـ إلا لما لازمـ نطمن على بعض ،، نفس الموضوع ممكن عادى بنت تحب شاب أو العكس دى فطرة مجبولين عليها ")
بس اللى موش # *عــــــــــــــــــــــــــادى* إننا نبتدى نترجمـ حبنا ده لكلامـ وتصرفات .. قبل بس ما نكشر ونبوز كده احنا قولنا لازمـ نقتنع بالحاجة علشان لما ننفذها منتراجعش عنها ^^
_ تعالى نعمل # *زووووووومـ* كده على المشهد ده
" ولد وبنت وحبوا بعض وقربوا من بعض جداََ اتعلقوا ببعض وهما الاتنين نيتهمـ خير وهى # *الجواز* هوبااااااااا دروب يحصل ميكملوش يا أهلها ميوافقوش أو أهله مش عاوزين دلوقتى أو حد فيهمـ يجرح التانى أو #الظروف معطلة الدنيا أياََ كان السبب المهمـ أن النهاية #فراق .. البنت متعلقه بيه مش قادرة تنساه مشتاقه لحنيته وخوفه عليها واهتمامه بيها الولد قلبه واجعه ولآول مرة يحس أنه #ضعيف مش عارفين يعملوا حاجة ولا يغيروا من الواقع شئ بيحاولوا يقووا نفسهمـ لكن غصب عنهمـ مش قادرين تعدى أيامـ عـ البنوتة لا قادرة تنسي ولا عارفة تحب من بعده والولد يا عيني عليه عاش حياته بالطول والعرض وشال الجواز تقريباََ من باله "
كاااااااااااات هايل يا # *فنان* ...... وبعدين بقي ؟!
قالك يا سيدي بقي ربك مش هيحرم شئ إلا اذا في أذى لينا زى لحمـ الخنزير كده مُحرمـ علينا واكتشفوا طبياََ أنه كله بلاوى
ربنا سبحانه وتعالى وضع اطار للعلاقات كلها ومن ضمنهمـ علاقة الحب بين ولد وبنت ربنا قال أن أفضل إطار ليها هو # *الزواج* عشان ده المضمون وده اللى هو ربنا هيبارك فيه طيب واللى بيحبوا ولسه مينفعش يتجوزوا ؟!
قلب الاتنين في ايد ربنا سبحانه وتعالى لو ليهمـ نصيب # *هيألف بينهمـ وهيجمعهمـ ولو ملهمش نصيب !! هيكون محصلش # *تعلق*اللى هو أوجع من الحب بمراحل
#مثال .. لو أنت ليك حد من جدودك توفى أنت بتحبهمـ أكيد بس ممكن تحزن على حد أكتر من حد ليه بقي ؟ أنت بتحزن أكتر على أنت متعلق بيه أكتر وعلى اللى ليك معاه # *ذكريات أكتر ده اللى بيوجعك مش الحب*
عشان كده الحب مسموح لأنه مفيهوش # *أذى طالما فـ القلب أنما اللى مش مسموح أننا نتكلمـ وتقرب من بعض وأشوفك وتشوفني وأعيش معاك تفاصيل حلوة كتير لما تضيع منى هتوجع قلبي " *القلب هيبقي اشبه بالملوخية تحت #المخرطة* " بالرغمـ من أنه تشبيه يضحك بس والله دى الحقيقة .. الفراق بعد تعلق بيعمل كده فـ القلب ..
# *حافظ على قلبك*
# *وجع القلب مش بالساهل*
واللى يقولك اللى اتكسر يتصلح اكسرله دماغه وخليه يصلحها
سأل أحد الحضور الشيخ : يعنى يا شيخ كده لو أنا بحب واحده اعمل ايه عشان مبقاش بعمل حاجه حرام
على : بصوا يا شباب عايزين نقسمـ الموضوع لـ 4 شرائح من الناس
*.......الشريحة #الآولى......*
اللى لسه لا حــب ولا ارتبط وقلبه خالى متقلقش أنت مش مريض والله ولا # *نحس برده انت بس لسه رزقك مجاش و اياك تمشي تدور عـ الحب صدقنى هو هيجيلك لوحده هتلاقي احساس # *اقتحمـ قلبك بدون مقدمات وهتبقي مش عارف ليه حبيت ده بالذات دوناََ عن الباقي هيبقي # *زرع ربانى كده* .. اصبر رزقك جايلك جايلك بس لما يجيلك بقي عيشه صح فـ #مرضاة الله وأوعى تقوى بيه على اللى #خلقك ورزقك بيه
*.......الشريحة التانية........*
اللى حب بس لسه حبه فـ قلبه مترجمهوش لارتباط #اثبــــــــــــــت
أوعى تخلى حبك يضعفك مهما كان أوعى تقدمـ تنازلات لمجرد إنك بتحب وخليك #واثق فـ ربنا أنه هيكتبلك الخير وخليك مطمن أن اللى ليك نصيب فيه هتاخده والله هتاخده ومفيش حاجة هتعطلها قدامـ مشيئة ربنـــا
قلبك وقلب اللى بتحبه فـ ايد مين ؟؟ # *ربنـــــــــــــــــا*
طيب حد يقدر يمنع عنك شئ كتبه ربنا ليك ؟ # *لــأ*
طيب هتاخد حاجة ربنا مكتبهاش ليك ؟! # *لـأ*
يبقي اطمن ومتعصيش ربنا طالما النهاية واحدة ومكتوبالك من زمان يبقي خدها بـ رضا ربنا عليك حط دايماََ قدامـ عينيك " ما كان لله دامـ واتصل وما كان لغير الله انقطع وانفصل "
أى حلاوة هتدوقها بقرب اللى
بتحبه هى #مؤقته وسهل تتعوض فـ #الحلآل لكن #بالله زعل ربنا منك إيه يعوضه لو عصيته ؟!
*.......الشريحة التالتة.......*
اللى حبوا و # *ارتبطوا بقي وعبروا عن كل مشاعرهمـ ودلوقتى عايشين فـ قصه حب ودوامة الحب # *سرقاهمـ .. شوف براحه كده وبالعقل يابن الحلال أنت وهى أنتوا ضامنين إن أنتوا تكملوا سوا وتبقوا نصيب بعض ؟! # *لـأ*
طيب هتقدروا تتحكموا فـ نفسكمـ زى ما بتقولوا وتقولوا إحنا بنتكلمـ كلامـ عادى حتى لو مجرد # *شات*؟! أيوة هنتحكمـ فـ كلامنا
_ أنت كداب يابو صلاح .. آه وربنا زمبئولك كده أصل على رأى مش عارفة مين الانسان # *دعيييييف*
صدقونى هتضعفوا غصب عنكمـ وهتبقوا مش حاسين وهتتعلقوا ببعض أكتر ومش هتقدروا تبعدوا عن بعض خلاص لآنكمـ بقيتوا جزء أساسي فـ حياة بعض وده هيصعب عليكمـ البعد جداََ عشان كده متأخروش # *القرار خدوا قرار إنكمـ تبعدوا لحد ما ربنا # *ينظر فـ أمركمـ*
يا عمـ أنت وهى ربنا هيظلمكمـ ؟! لـأ طبعاََ # *حاشاه*
" *وما يظلمـ ربك أحداََ*" يبقي #اطمنوا بقي وسلموا أمركمـ لله
_ وفـ اللحظة دى أحمد حس أن الكلام موجه ليه هو بالذات وصل لقلبه حسسه بوجع حس قد ايه هو كان فـ غفله عن حاجات كتير ومكنش حاسس بخطورة اللى بيعمله كان متخيل إنه ارتباطه ده أمر طبيعي استعاد تركيزه تانى وكمل كلام الشيخ
الشريحة الرابعة والآخيرة
اللى دخلوا علاقه وخرجوا منها أياََ كان السبب بقي المهمـ أنها انتهت
حط دايماََ قدامـ عينيك الآية دى " وإنّى لغفارُ لمن # *تاب وآمن وعمل صالحاََ ثمـّ اهتدى " متقلقش تقدر ترجع أحسن من الآول ومتخافش وتقول ربنا مش هيرزقنى بانسانة كويسة علشان أنت بتعبد # *ربنــــــــا وربك كريمـ وحنين وغفور ورحيمـ هيديلك على قد نيتك وعلى قد توبتك # *لله وعلى قد ثقتك فيه وظنك # *الخير فيه* ... اطمن
# *أنت ياللي عايش في الدراما لسه*
الحياة مبتقفش على حد على فكرة مهما حبتها هتقدر تعيش وتكمل حياتك # *متضعفش نفسك بكلامـ سلبي قوى نفسك أولاََ بـ ربنا ثمـ قوى نفسك بنفسك متحاولش تعيد التجربة تانى بقي المفروض تكون اتعلمت خلاص ابتدى حياة جديدة # *نضيفة* زى ما ربنا عاوزك تكون
_ أنا كده خلصت كل اللى عندى اتمنى أنه يكون وصل لقلوبكمـ لآن كل كلمه خارجة من قلبي ...
دُمتمـ محبين للخير .. وراضيين ربكمـ اشوفكم المرة الجاية يا شباب ونكمل بقي بالترتيب كده الخطبة ثم الزواج
السلام عليكم
وعليكم السلام ورحمة الله وبركاته
نكمل معا باق الحلقات باذن الله..
🌸🌸🌸🌸🌸🌸🌸🌸🌸
🟥🟥⬛⬛⬛⬛⬛⬛⬛
🟥🟥🟥⬜⬜⬜⬜⬜⬜
🟥🟥🟩🟩🟩🟩🟩🟩🟩
𝑷𝑨𝑹𝑻 𝟏𝟎
🌷🌹 *بداية_جديدة*🌹🌷
▫.. *الحلقة العاشرة*..▫
🌸🌸🌸🌸🌸🌸🌸🌸
خلص الدرس وكان أحمد فـ حيرة شديدة وبيسأل نفسه هو معقول كل السنين اللى فاتت دى حُبه كان حرامـ !!
بس وقتها حس إنها رسالة من *ربنــا*قبل مقابلته مع منة وقرر إنه ينفذ كل اللى سمعه من الشيخ وميتراجعش عنه أبداََ
وفي صباح يومـ الجمعه يحضر نفسه عشان يروح الصلاة
..... *الخُطبة*.....
كلنا عندنا قصور فـ علاقتنا مع ربنا بس لو إحنا قررنا إنك نقرب منه بجد هنحاول نطلع الحسنة من أقل حاجة وأبسط حاجة <3
دلوقتى علاقتنا مع ربنا ليها شكل وهو على شكل أبواب موش فاهمـ !! أبسطهالكـ
يعنى إحنا في فرق بين العبادات والآخلاقيات
أولاََ العبادات ودول أكتر من باب " الصلاة الصوم الزكاة الحجاب الصدقة .... الخ "
دى كلها عبادات مفروضة علينا كـ #مسلمين
ثانياََ الآخلاقيات ودول برده أكتر من باب " الصدق ، الآمانة ، الحياء ، حب الخير للغير ،، الصبر ،، الكرم ،، العفو عند المقدرة ......... الخ "
الذكى اللى يكتر أبوابه المفتوحة بينه وبين *ربنـــا*
هييجي عليك وقت وهتلاقي نفسك مقصر هتقولى منه لله شوشو :( هقولك لا ياخويا منك لله أنت ماهو كله من نفسك الامارة بالسوء هى اللى هتخليك تقول أنا كده *فلة شمعة منورة بس يا عمـ بلاش مسخرة .... أنت نفسك هتصورلك أنك بقيت تمامـ بقي ومش محتاج تزود لا أنت محتاج تزود طاعاتك سواء بعبادات أو أخلاقيات وتدور ع اللى ناقصك و تكمله وأحياناََ نفسك بتعمل فيك العكس وهى تحسسك أنك بعيد عن ربنا كل البعد ومفيش منك أمل ده برده *غلط❌* لآن كل الكلامـ ده هيحبطك ويخليك تصدق نفسك فعلاََ وتفضل بعيد عن ربنا وتسيب حالك على تقصيرك
أوعى تقول بكرة عشان بكرة ممكن *تموت*
أوعى تقول بالليل مش ضامن بالليل هيحصلك ايه؟!!!
خد خطوة فعلية عاوز تصلي قومـ صلي عاوزة تلتزمى بحجاب شرعي البسيه على طول عاوز تبطل سجاير انوى وتوكل على الله واستعين بيه عاوز تعمل أى حاجة تقربك شبر من ربنا اعملها و *قرب*
ومتنساش كلامـ ربكـ..
" *إذا تقرب العبد إلي شبراً تقربت إليه ذراعاً، وإذا تقرب إلي ذراعاً تقربت منه باعاً، وإذا أتاني يمشي أتيته هرولة* "
ثم ييجي بقي دور ترتيب الآولويات
رتب أولوياتك وأول حاجه لازمـ تكون فـ قمة أولوياتك هى
الصـــــــــــــــــلآاة
== نبتدى *بالوضوء* حضرتك بتتوضي عامل زى اللى لسه صاحى من النومـ بيكب على وشه ميا والميا ساقعه وموش طايقها -_- ده انا عليا جمل المهمـ يعنى ده غلط بينعكس عليك بالسلب لازم تتعامل مع كل حركة باحساس تبقي حاسس كل خطوة لانها بتغسلك ذنوبك اللى اتعملت بكل جزء من جسمك...
==
روحت للصلاة نفسها بقي بتبقي عامل زى اللى بيعمل تمارين الصباح 1 2 3 هوباا ده كلامـ يا راجل ده أنت واقف بين ايدين *ربنــاااا* إزاى مش حاسس *بعظمة الموقف* اللى أنت فيه تمهل فـ قراءتك للقرآن وحاول يكون في جديد من القراءة ده بيزود *الخشوع*ركز فـ كل كلمة وحس إنها موجهة ليك خليها تدخل *قلبك* تدوب حجر الذنوب اللي فيه
== نيجي بقي لآهمـ حاجه وهى الفروض اللى بتقع مننا فـ السكة :( *وبتقول أصل المحاضرة والشغل مممممم الضيوف أصلي كنت فـ الشارع أصل المواصلات وكل اللوكلوك اللى ملوش أى 30 لزمة لآن اللى عاوز يعمل حاجه بيعملها*... *صلاتك* أولاََ قبل أى شئ لاقيلها وقت غصب عن كل الظروف اللى أنت فيها ^_^
🌸== هنعمل جدول أسبوعى فيه أيامـ الآسبوع بالطول والخمس فروض بالعرض وبعد كل فرض هتعمل علامة عنده وفـ نهاية الآسبوع هتقيمـ نفسك ^_^ ولو أنجزت ومقصرتش كافئ نفسك عشان تتحفز وتكمل ولو قصرت يبقي لازمـ يبقي في عقاب عاقب نفسك فـ الحاجة اللى بتحبها تليفون بقي فيس لمة أصحاب عـ القهوة وممكن كمان تجبر نفسك أنك تصلي الفرض اللى قصرت فيه ده مرتين لمدة أسبوع كمان ساعتها شيطانك مش هيخليك تقصر لآنه مش عاوزك تزود طاعاتك ...
حاوط نفسك باللي يرضي ربنا ساعتها بس هيصعب عليك الغلط وإنك تغضب منك ربنا
خلصت الصلاة وخرج أحمد في طريقه عشان يقابل منة وأول ما وصل قعد استناها وصلت بعده بدقايق
أول ما شافته مدت ايديها تسلمـ عليه
أحمد : نزلى ايدك يا منة يا لوسمحتى
حست منة باحراج شديد وقالت : كمان !! حتى السلام مش طايق تسلم عليا امشي طيب يا أحمد ؟!
أحمد : اتفضلي اقعدى يا منة
منة : ممكن افهم بقي سر اللى وصلنا ليه ده ؟
أحمد : منة أرجوكى أنا عاوزك تفهميني كويس أوى إحنا خلاص مبقاش ينفع نكمل سوا ع الوضع ده بدون ارتباط رسمي وفـ نفس الوقت انا مقدرش اقولك خليكي مرهونة ليا كام سنة جايين وانا لسه مستقبلي غامض مش باينله ملامح
بدأت منة فـ البكاء : يعنى ايه ؟ بسهولة كده !!
أحمد : يابنت الحلال افهميني وبالله عليكي ما تعيطي يا منة بلاش دموع أنا أنا
منة : أنت ايه ؟ انت مبتحبنيش يا احمد
أحمد : والله ب ... انتى مش فاهمه حاجه يا منة انا شوفت اختى مكانك مطيقتش مستحملتش ازاى عايزانى اقبل عليكي اللى مقبلتوش على اختى ساعتها لو قبلت يبقي فعلا محبتكيش
منة أنا واثق ومتأكد انى لو قولتلك ان ارتباطنا اللى فات ده كله كان حرام مش هتستوعبي اصلا اللى هقوله زى امان بالظبط كده مكنتش متخيل ان حبي ليكي يكون مبيرضيش ربنا أنا حاسس كإنها جت رساله من ربنا بيقولنا ابعدوا ولازم نبعد يا منة لازم
منة : يا سلالالام خلاص تصدق اقتنعت وهعيط من كتر ما اتاثرت تعلقني بيك وتخليني اربط مستقبلي بيك واوقف حياتى عليك وبعدها تيجي تقولى اسف معطلكيش اصل حبنا حرام ولازم نبعد وانا لو مقتنعتش هبقي انا اللى وحشه وغلطانة ازاى اكون حابة اكمل ف حاجه حرام مش كده ؟؟
▪لا تصدق اقتنعت وصدقت على فكرة مكنتش محتاج تمثل وتعمل افلام عليا عشان تسيبنى كان ممكن تكون صريح اكتر من كده وانا كنت هتقبل انا برده ليا كرامة وبحافظ عليها ولو على الوجع اللى سببتهولى عادى يعنى هاخد وقتى وهبقي كويسه مفيش حاجه بتفضل على حالها بسس حقيقي نمانة مش على حبي ليك لآ انما عشان راهنت ناس كتير على انك مختلف للأسف طلعت زى اللى كنت بقول عليهم أندال
_ اتفاجئ أحمد بـ رد فعل منة ورد عليها قالها ....
نكمل معا باق الحلقات باذن الله..
🌸🌸🌸🌸🌸🌸🌸🌸🌸