الفصل الاول
*-بـدايـة جـديـدة🧜🏻♀️♥↻≯♡゙ُ))*
𝑷𝑨𝑹𝑻 𝟏
𝑷𝑨𝑹𝑻 𝟐
𝑷𝑨𝑹𝑻 𝟑
𝑷𝑨𝑹𝑻 𝟒
𝑷𝑨𝑹𝑻 𝟓
🟥🟥⬛⬛⬛⬛⬛⬛⬛
🟥🟥🟥⬜⬜⬜⬜⬜⬜
🟥🟥🟩🟩🟩🟩🟩🟩🟩
𝑷𝑨𝑹𝑻 𝟏
✅ *بداية_جديدة*✅
▫ .... *الحلقة الاولي*....▫
👈 *قصة جديدة كل شخصية فيها بتعبر عن كل واحد فينا دور على نفسك مين فيهمـ واتعلمـ منه وصل لآيــه؟!!*
🌸🌸🌸🌸🌸🌸🌸🌸
الآمـ : قومـ يا أحمد الصلاة يابنى وأنت لازمـ تروح بعد الخطبة كل مرة يعنى
أحمد : حاضر يا حاجه قايمـ أهه .. صباح الفل يا ست الكل
الآمـ : صباح النور يا حبيبي .. ما أنت لو تبطل رغي طول الليل فـ التليفون كنت عرفت تصحي بدري لوحدك
أحمد : أنتى بتراقبيني ولا إيه يا ست أنتى
الآمـ : ياخويا ولا براقبك ولا حاجه لو ييجوا يشوفوا خلقتك وأنت صاحي من النوم محدش هيعبرك
أحمد : هههههههههههههههههه بقي كده يا أمى ماشي ماشي ده أنا إبنك حتى
الآمـ : ربنا يصلح حالك
أحمد : آميييييييين .. الفطار فين بقي
الآمـ : أنزل صلي الآول الجمعه هتفوتك واطلع افطر أنت وأختك
أحمد : حااضر نازل أهه
وأثناء نزول أحمد من المنزل يتقابل مع أحد جيرانه وصديقه " حسن "
أحمد : صباح الفل أبو علي
حسن : صباح الجمال يا ريس عامل ايه
أحمد : كله تمام الحمد لله وأنت
حسن : زى الفل .. رايح تصلي ؟
أحمد : آه أنت عارف خالتك أم أحمد لما بتقف فوق دماغى هقوم يعنى هقوم
حسن : هههههههههههه أنت اللى فاشل يا عم يلا بينا عـ الجامع
يذهب أحمد وحسن في طريقهمـ للمسجد وأثناء دخولهمـ يتقابلوا مع العديد من الجيران وبعض أهالى المنطقه وبعد دخولهمـ للمسجد تبدأ الخُطبة
علمونا وإحنا صغيرين إنه بُنى الإسلام على خمس " شهادة أن لا إله إلا الله وأن محمد رسول الله .. إقام الصلاة إيتاء الزكاة وصوم رمضان وحج البيت لمن استطاع إليه سبيلاََ "
كلنا حافظينهم مش كده بس هل يا تري بتعمل بكامـ % منهمـ ؟!
يعنى مثلاََ .. ملتزم بصلاتك كاملة ولا بتصلي على مزاجك ؟!
متضايقوش أوى من كلمة مزاجك دى ماهو دى الحقيقه يعنى لما يكون عشرات الشباب من الشباب الحلوة اللى معانا في المسجد دلوقتى مبيجوش يصلوا إلا صلاة الجمعه *وبـــــــــــــــــــــــــــــس*تدور على باقي الفروض مفيش ..
لما تكون بعض الآخوات مبتسجدش لربنا إلا عشان تستخيره فـ #عريس ولما يكون أستاذنا الفاضل مقدم على وظيفه وقتها بس يفتكر ربنا وأن الصلاة فرض لآزم يأديه عشان ربنا يحققله اللى بيتمناه والآخت اللى نفسها ربنا يرزقها بطفل فتقرب من ربنا وأول ما تحمل ترجع تنساه .. كده يبقي اسمها حولنا الصلاة على مزاجنا ولا لآ ؟؟ ..
الفرض هو اللى يفضل مكمل معانا في أى وقت وتحت أى ظروف نفضل ملتزمين بيه دايماََ إنما المزاج ده ساعات بيروح وساعات بييجي والصلاة مينفعش أبداََ أبداََ إنها تتحط في خانة #المزاج مش عيب إنك تلجأ لربنا لما تحتاجه بس العيب إنك لما يقضيلك حاجتك تبعد عنه تانى ... رسول الله صلى الله عليه وسلم .. صلوا عليه قال "إن بين الرجل وبين الكفر ـ أو الشرك ـ ترك الصلاة" طيب أنتوا أكيد عارفين إن أول ما يحاسب عليه العبد يوم القيامة #الصلاة فإن صلحت فقد أفلح وأنجح، وإن فسدت فقد خاب وخسر"
لما تقابل ربنا ويسألك عنها بقى هتقوله *إيـــــــــــــــــــــــــــــــــــه ؟؟*
هتقولوا قريت في كتابك " *حافظوا على الصلوات والصلاة الوسطي وقوموا لله قانتين* " بس برده مصلتش !! هتقوله عرفت إنه " *فويل للمصلين الذين هم عن صلاتهم ساهون* " وبرده مخوفتش ومهتمتش !!
أقولك على حاجه حلوة يمكن تفرق معاك
سيدنا النبي يوم القيامة هيعرف أمته أمة الآسلام بالغرة و #التحجيل عارفين يعنى إيه ؟! الغره بياض الوجه والتحجيل بياض اليدين والرجلين من أثر الوضوء
فوقوا يا شباب فوقوا واعرفوا إن الصلاة متتعارضش مع إنك تعيش حياتك بالعكس ده هى اللى هتزين حياتك تعرفوا سيدنا عمر بن الخطاب كان بيقول " *لا #حظ لمن لا صلاة له* " يعنى الخير كله هيجيلك مع صلاتك ابدأ من جديد وخد عهد على نفسك بالصلاة .. الصلاة مش يوم الجمعه وبس الصلاة # *أسلوب_حياة*
كان الحضور ما بين متأثر من الخطبة وما بين لاهِِ عنها وكان أحمد يتأثر قليلاََ ثم يأخذه تفكيره لشئ أخر وعندما انتهت الصلاة خرج أحمد وحسن من المسجد
أحمد : إيه يا أبو على رايح على فين ؟
حسن : مشوار كده في السريع مع ناس أصحابي وجاى إن شاء الله
أحمد : اشطة يا معلم وأنا هطلع بقي افطر واظبط حالى كده ونتقابل بالليل عـ القهوة
حسن: تمام يا ريس
ذهب أحمد في طريقه للمنزل وأخرج بهاتفه ليحدث حبيبته #منة
أحمد : منون حبيبي صباح الخير
منة : صباح النور حبيبي عامل ايه ؟
أحمد : تمام الحمد لله القمر بتاعى عامل ايه
منة : كويسه الحمد لله صوتك في الشارع
أحمد : أه لسه راجع من الصلاة وهطلع افطر بقي
منة : طيب كويس وانا لسه صاحيه من النوم هقوم افطر برده ونتكلم
أحمد : ماشي يا حبي مستنيكي .. سلامـ
منة : سلامـ
أكمل طريقه أحمد لمنزلهم وعندما وصل قامت والدته بإحضار الفطار لهم هو وهو وأخته #نور التى تبلغ من العمر 15 عاماََ فهي طالبة في الثانوى العامـ
أحمد : أعوذ بالله دى أشكال الواحد يشوفها ع الصبح
نور : خليك ف حالك يا رخم وشوف منظرك الآول
أحمد : رخم ايه يابت انتى انا اخوكى الكبير اكبر منك بـ 7 سنين
نور : كبير على نفسك 😒
أحمد : ماااشي مانتى الدلوعه بتاعتنا انا مش هتكلم
نور : حبيبي يا شق ..
أحمد : حطوا في ايدك رق .
الآمـ : مخلفه شوية عاهات ياربي..
🌾نكمل الحلقه القادمه باذن الله 🌱
🌸🌸🌸🌸🌸🌸🌸
*تــآبــع قــنــآهّ حـڪـايـه ف ࢪوايــه 🦋 ً᭣ٌ᭫ ᨳ . ف وتــســآب*
*`https://whatsapp.com/channel/0029VakfoTc8qIzzKA6lLf2g`*
🟥🟥⬛⬛⬛⬛⬛⬛⬛
🟥🟥🟥⬜⬜⬜⬜⬜⬜
🟥🟥🟩🟩🟩🟩🟩🟩🟩
𝑷𝑨𝑹𝑻 𝟐
*
*بداية_جديدة*
.... *الحلقة الثانية*....
🌸🌸🌸🌸🌸🌸🌸🌸
أحمد : تسلمـ ايدك يا حاجه فطار ميا ميا ..🥗
الآمـ : انشاء الله تسلم..
نور : وهتبتدى وصلة التليفونات بقي يا مامااااااااا🗣
أحمد : عارفة يا زقردة أنتى لو تبطلى لماضه ورخامة وتخليكي ف حالك كله هيبقي زى الفل والله يا ام لسانين انتى..
الآمـ : هههههههههه هتفضلوا كده كأنكوا مولودين فوق روس بعض
يتركهمـ أحمد ويذهب إلى غرفته ليحادث منة مرة أخرى ..
منة : ألو..
أحمد : إيه يا حبي فينك ده كله عشان تردى
منة : معلش بقي بابا كان قاعد معانا فعقبال ما سيبتهم ودخلت اوضتى..
نفسي بقي يا أحمد اكلمك براحتى قدام اى حد وميهمنيش حاجه..
أحمد : أنا نفسي أكتر منك والله بس اعمل ايه انا لسه اخر ترم في الكلية ومن بعدها عاوز اشوف شغل كويس خريجين تجارة ماليين البلد ماشاء الله يعنى هيطلع عين اللى خلفونى لحد ما الاقي شغل واعرف اتقدملك وبابا مسافر ومكتفي بمصاريف البيت والكلية وانا مقدرش اطلب منه اكتر من كده بصراحه..
منة : أنا عارفه يا أحمد ومقدرة كل اللى أنت فيه وهفضل جنبك إن شاء الله لحد ما نحقق كل أحلامنا
أحمد : بحبك بقي يا لوزة ..
منة : حبيك أكتر أثلا اثلا .
تنتهى مكالمة أحمد ومنة وفي أخر اليومـ يتلقي مكالمة من حسن ليتقابلوا سوياََ في القهوة المجاورة لمنزلهمـ ..
▫▫▫▫▫▫
يدخل أحمد إلى القهوة ليجد حسن صديقه ومعه عمر صديق لحسن..
أحمد : السلامـ عليكمـ أرجالة
وعليكمـ السلام ورحمة الله وبركاته
حسن : اتفضل يا ريس
أحمد : مش تعرفنا يا عم حسن
حسن : ده عمر صاحبي اللى كنت معاه في مشوار النهاردة
أحمد : اهاا اهلايا عمور
عمر : اهلا بيك يا ابو حميد
وتنتهى السهرة ويذهب أحمد وحسن إلى منزلهمـ ويتبادلان أخر حديث في هذا اليومـ
حسن : كلام الشيخ النهاردة مش رايح من بالي يا أحمد..
إحنا مبنصليش ليه يا أحمد
وبدأت تتساقط الدموع😢 من عيون حسن..
أحمد : سألت نفسي السؤال ده كتير أوى ومفيش مرة وصلت لآجابة أخر حاجه عملتها إنى زعلت من نفسي أوى فبكيت وبعدها فتحت فيس كلمت أصحابي فنسونى إنى كنت زعلان أصلاََ ومرة يموت لينا زميل في الكلية ازعل برده فأصلي يومين وارجع انسي وهكذا ليه مبثبتش مش عارف ..
حسن : عارف ليه مش بنثبت ف الالتزام يا أحمد .. عشان مش من قلبنا بجد نابع عن موقف أو عن مشكلة بنمر بيها على رأى الشيخ النهاردة بمزاجنا الدين بقي بالمزاج اللى على هوانا نعمله واللى مش على هوانا منعملوش😔 .. مستغرب نفسي أوى النهاردة يا جدع أنا عمرى ما حد أثر فيا كده بس يمكن عشان سنه صغير ..شاب يعنى زينا بس شوف الفارق بينا وبينه كبير أوى قد ايه
أحمد : ربنا يهدينا..
حسن : يااارب يا عم أحمد .. أنا سمعت إنه بيعمل دروس ف الجامع بعد العشا ايه رأيك يا أحمد نبتدى نصلي ونخلينا معاه شوية يمكن !
أحمد : يمكن ايه . هتبقي شيخ زيه ولا ايه ☹
حسن : أنا مش بهرج يا أحمد ما يمكن يتصلح حالنا يا أخى مش كفايه متمرطين في أم الدنيا اللى هتبقي قـــــــــــــــــد الدنيا كمان هنضيع أخرتنا مننا ..
أحمد : ههههههههههههههههههههه قد الدنيا اوى الصراحه خلاص اشطة يا ريس بس اسندنى معاك ونبدأ من بكرة بأمر الله. ؛؛!!
حسن : لا من بكرة إيه يا صاحبي من النهاردة الفجر ان شاء الله ..
أحمد : لالالا انت بتهرج أكيد أنت متخيل إنى اصحي من النوم الساعه 5 الفجر ..
حسن : هتقوم يا عم غصب عنك هطلع اجيبك من بيتكوا قوة واستقدار ..
أحمد : إذاََ فليكـــــــــــن..
حسن : أحبك وأنت مطيع..
أحمد : تصبح على خير يا معلم.
حسن : وأنت من أهله يا كبير سلاموز
يذهب أحمد غرفته لينامـ ويضع هاتفه بجواره ويفيق فجراََ على هاتفاََ من حسن يطلب منه أن يتقابلان ليذهبا للمسجد سوياََ ثمـ ...
نكمل معا الحلقه القادمه باذن الله..
*تــآبــع قــنــآهّ حـڪـايـه ف ࢪوايــه 🦋 ً᭣ٌ᭫ ᨳ . ف وتــســآب*
*`https://whatsapp.com/channel/0029VakfoTc8qIzzKA6lLf2g`*
🟥🟥⬛⬛⬛⬛⬛⬛⬛
🟥🟥🟥⬜⬜⬜⬜⬜⬜
🟥🟥🟩🟩🟩🟩🟩🟩🟩
𝑷𝑨𝑹𝑻 𝟑
🌸 *بداية_جديدة* 🌸
▫... *الحلقة الثالثة*...▫
🌸🌸🌸🌸🌸🌸🌸🌸
يحاول أحمد الاستيقاظ من نومه بعد محاولات عديدة من حسن وبالنهايه يستسلم وينهض من سريره ويقوم فيتوضأ وينزل ليقابل حسن ويذهبان للمسجد سوياََ
يقابلهما الشيخ *على* بإبتسامة كبيرة فرحاََ لتواجدهم لآول مرة بالمسجد في صلاة الفجر
الشيخ على : أهلاََ أهلاََ بالشباب
ويأخذهم بالحضن كأنهم أصدقاء منذ زمن بعيد
حسن : أهلاََ بيك يا شيخنا
على : لا شيخ ايه بقي أنا اسمى علي
أحمد : عاشت الاسامى
على : يلا بينا بقي عشان هنقيم الصلاة ونبقي نتعرف لما نخلص
وبعد إنتهاء الصلاة جلس الشيخ بجوار أحمد وحسن وبدأوا يتعارفون على بعضهم البعض
حسن : خلاصه الكلام يا شيخ عشان مش بعرف اذوق كلامى انا *محتاج_ربنا*
على : كلنا محتاجين ربنا يا حسن بس أانا فاهمك
أحمد : حسن كان قالي إنك بتعمل دروس بعد العشا هنا ف المسجد كل خميس
على : ايوة فعلاََ أنا أصلي لسه متعين في المسجد جديد قولت اعمل حاجه مختلفه تنشط المسجد شوية لآن للأسف الشباب أخر حاجه بيدوروا عليها هى المساجد دلوقتى
حسن : وإحنا كنا منهم يا شيخ لحد النهاردة بس إن شاء الله بمساعدتك بعد ربنا تاخد بايدينا
على : بإذن الله يا رجالة طول ما النية موجودة ربنا هيقويكم ان شاء الله
يبقي اتفقنا مستنيكم بكرة بعد العشا وياريت لو واظبتوا على الصلاة في المسجد ياريت بس ده بقدر استطاعتكم إن شاء الله
أحمد : حاضر بإذن الله ربنا يسهل .. يلا السلامـ عليكمـ
_ وعليكمـ السلامـ ورحمة الله وبركاته
أحمد : تعرف يا حسن أول مرة احس بإحساس الراحه اللى جوا قلبي ده حاسس بحاجه حلوة اوى اوى بجد
حسن : وأنا كمان والله حاسس بانبساط كده غريب على غير العادة طبعاََ
عشان تعرف إن كان عندى حق فـ إننا نصلي
أحمد : وأنت عمرك غلطت أبداََ يا ريس يلا تصبح على خير
حسن : وأنت من أهله
_ يأتى يومـ جديد وكعادة أحمد يذهب إلى الجامعه برفقة اصدقائه ويتقابل مع حبيبته منة .. إذ به يجدها تقف مع أحد زملائه
أحمد : منة
منة : نعمـ يا أحمد .. جيت متأخر ليه كده النهاردة
أحمد : سيبك من تأخيرى دلوقتى أنتى ايه اللى موقفك مع الواد ده ..
منة : مفيش يا حبيبى عادى ماهو زميلنا وكان بيسألنى على حاجه تخص دكتور محى محاضرة التكاليف المرة اللى فاتت
أحمد : طيب ياريت متتكررش تانى لو سمحتى
منة : احم احم ده في ناس بتغير باين عليها
أحمد : أيوة بغير ياختى أنتى بتاعتى أنا وبسسس
منة : طيب بقي بقي خلاث مث هعمل تده تانى
أحمد : حبيبتى منة شطورتى ... أنا هروح أصلي الظهر بقي في المسجد هنا عشان الظهر أذن وأنا داخل من باب الكلية
منة وقد ظهرت عليها علامات التعجب !!!!!
ماشاء الله ي أحمد أنت بدأت تصلي ؟
أحمد : أيوة الحمد لله وعاوزك أنتى كمان تصلي عشان خاطرى .. يلا روحى بقي على مسجد البنات وانا هروح اصلي ولما نخلص هستناكى قدام المبنى
منة : ماشي حبيبى حاضر
_ بعد انتهاء الصلاة يتقابل أحمد ومنة مجدداََ
منة : أانا مبسوطة أوى يا أحمد إننا بدأنا نصلي ونفسي نفضل نشجع بعض كده دايماََ على الصلاة والقرآن
أحمد : وأنا موافق جداََ يا ستى كل يوم هنتابع سوا الخمس فروض في ميعادهم وكمان يكون لينا جزء من القرآن نقراه كل يوم
منة : ماشي ياريت بجد
ينتهى اليوم الدراسي بالجامعه ويذهب أحمد لمنزله يستريح ثم يأكل ويصلي باقي الفروض في مواقيتها وأثناء صلاة العشاء يجد حسن يهاتفه ليذهبا سوياََ إلى صلاة العشاء في المسجد وحضور أول درس مع الشيخ على وبالفعل ذهبا إلى المسجد وبعد انتهاء الصلاة جلسا بجوار الشيخ بانتظار الدرس ..
_ *منورين يا شباب أخبار البنات الحلوين إيه ؟! هه أخبار الفنانات والبنطلونات والباديهات متهيألى بقيتوا فاهمين في هدوم البنات أكتر منهم مش كده*
أكبر مصيبة ممكن تعملها فـ نفسك إنك تطلق بصرك على كل ما حرم الله سواء بقي صور أو ناس ماشيه في الشارع أو الآسوأ من كده وأقبح وهى الفيديوهات الاباحيه
ربنا أصدر أمر صريح وواضح وقال فيه " *قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يعملون* "
أخدت بالك إن غض البصر سبق *حفظ الفرج ؟؟*
لآن دايماََ النظرة بتكون البداية هى المحرك اللى بيحرك الغريزة جواك
في مرة أيام الرسول " صلوا عليه "
عليه الصلاة والسلام ..
*لقي الفضل بن عباس رضي الله عنهما ينظر إلى امرأة جاءت تستفتيه صلى الله عليه وسلم فأخذ بذقن الفضل فعدل وجهه عن النظر إليها. يعنى شده من دقنه كده بعد نظره عنها*
ما هما يا شيخ اللى لبسهم ملفت أوى وأنا شاب ومحروم مش عارف اعمل ايه غصب عنى ..
أنت لو عديت في شارع وغصب عنك عينك وقعت على ما لايرضي الله ده بقي اسمه نظر فجأة يعنى غير مقصود بس مش معنى كده إنك تطيل النظر لا يا حاج أنت المطلوب منك إنك تدور وشك على الفور مش تفضل تتأمل فيها نيجي بقي للمصيبة الآكبر الدنيا ليل قاعد
لوحدى
قدامى جهاز الكمبيوتر بتاعى اقفل باب اوضتى واتفرج على فيلم من اياهم عشان اشبع رغبتى وخلاص اعمل ايه مانا مش لاقي اتجوز اقولك على حاجه حلوة ايه رأيك قبل ما تسيب عينك تتفرج افتكر إن نظرة ربنا ليك هتسبق نظرتك أنت للي بتتفرج عليه ..
قولى قلبك هيطاوعك إزاى وأنت حاسس من جواك ومتأكد إن ربك مطلع عليك وهو شايفك وأنت بتعصيه كده وعلى فكرة ربك مش بيحرم شئ إلا لو كان لمصلحتك .. الفيديو اللى أنت بتتفرج عليه ده نتايجه بتاخد من صحتك ده أولاََ .. لو جيت اتجوزت وربنا كرمك مش هتحس بسعادة مع زوجتك لآنك استحاله هتلاقي نفس اللى كنت بتتفرج عليه لآنها كانت حاجات مبتذله رخيصه دايماََ هتحس بنقص وهتحس إنك مش راضي عن زوجتك وعن علاقتكم ببعض ده غير بقي عداد الذنوب اللى هيفضل يعد ليك لحد ما تقابل وجه كريم
أحمد : يا شيخ تعالى وشوف المناظر عندنا ف الكلية واللى البنات عاملاه ف نفسها
على : وأنا مش معترض يا عم أحمد هما عليهم إثم وذنب كبير جداََ بس أنت سيب فعلهم وركز ف فعلك انت لآنك لما تغض بصرك أنت رحمت نفسك وهى لما تعري جسمها تبقي ظلمت نفسها وعلى فكرة كلامى مش بس ليكم تغضوا البصر هما كمان البنات مأمورين بغض البصر " *وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن ولا يبدين زينتهن إلا لبعولتهن أو آبائهن*
أو .. لآخر الآية الكريمة ..تلاقي البت من دول ماسكالك صورة مصطفي حسنى وتقوله يا جماله يا حلاوته يا دقنه المسمسمة *هو يعنى ايه مسمسمة يا شباب؟!!*
ههههههههههههههههههههههههههه ولا نعرف يا شيخ بس هى شكلها حاجه حلوة يعنى
على : هى كمان لما بتطلق بصرها ده بيأثر عليها بالسلب لآنها مش هتقدر ترضي بقي بنصيبها اللى ربنا هيرزقها بيه وكل ما هتبص ف خلقه زوجها هتقولك ده انا بحب صندل
بالتالى أى أمر قرآنى في نهى عن حاجه هى لمصلحتنا أى سؤال يا شباب
أحمد : يعنى يا شيخ أنا لما اشوف منظر صعب يعنى اعذرنى اعمل ايه عشان ميأثرش فيا ومغضبش ربنا منى..
على : ابعد عن كل المسببات اللى توصلك إنك تعصي ربنا وأولهم غض البصر زى ما اتفقنا ولما تلاقي حاجه جت قدامك اثرت فيك فكر فى اى حاجه تانية اشغل بيها تفكيرك واستحضر ربنا امامك وواظب على صلاتك لآن زى ما ربنا قال " اضاعوا الصلاة واتبعوات الشهوات فسوف يلقون غياََ " يعنى بداية أى ذنب تضييع للصلاة
حسن : ربنا يفتح عليك يا شيخنا
على : وعليك با ابو على اشوفكم بكرة على خبر بأمر الله .. السلامـ عليكمـ ..
وعليكمـ السلام ورحمة الله وبركاته ..
*تــآبــع قــنــآهّ حـڪـايـه ف ࢪوايــه 🦋 ً᭣ٌ᭫ ᨳ . ف وتــســآب*
*`https://whatsapp.com/channel/0029VakfoTc8qIzzKA6lLf2g`*
🟥🟥⬛⬛⬛⬛⬛⬛⬛
🟥🟥🟥⬜⬜⬜⬜⬜⬜
🟥🟥🟩🟩🟩🟩🟩🟩🟩
𝑷𝑨𝑹𝑻 𝟒
🌹 *..بداية_جديدة*..🌹
▫ .... *الحلقة الرابعة*....▫
🌸🌸🌸🌸🌸🌸🌸🌸
خرج أحمد هو وحسن من المسجد بعد أن سمعوا الدرس كاملاََ وهما في طريقهمـ للمنزل
أحمد : ياااه يا عم حسن الواحد كان في نص هدومه النهاردة قصاد الشيخ الكلام مبيوجعش بس لا ده بيقتل
حسن : لا كله كوم والحتة بتاعت بالليل لوحدك والكمبيوتر قدامك عارف انت اللى جاب جردل ميا ساقعه ودلقه عليك مرة واحدة
أحمد : بس على قد الكسوف والله قولت خير يعنى كلامه دايماََ جاى في وقته الصراحه
حسن : جداََ يا أحمد في وقته جداََ .. عاوزك فـ حوار كده يا أحمد
أحمد : خيييييييييير يا حواراتك
حسن : عايز اسافر
أحمد : ليه كده يا حسن بس
حسن : هقعد اعمل ايه قولى ؟
دراسه وخلصت .. شغل ومفيش .. جواز ومش هيحصل طول ما جيبي فاضي .. حب حبيت مرة ومع اول عريس طارت قولى بقي اقعد اعمل ايه
أحمد : يا عم ما رب هنا رب هناك واللى هيرزقك هنا يرزقك هنا ان شاء الله
حسن : ماهو على يدك بتنطط من شغلانة ل شغلانة شبه القرد يادوبك بجمع مصروف جيبي يا جدع ده انا بطلت السجاير مش عشان خايف على صحتى عشان مبقاش معايا حقها..
أحمد : فكرتنى بالسجاير الحسنة الوحيدة اللى فيا اعتقد انى مبحبهاش
حسن : ربنا نجاك منها والله يا عم .
أحمد : سيبك من ده كله المهم قولى انت مقرر السفر على اى اساس في عقد عمل قدامك كويس
حسن : اهو جالى حاجه كده من طرف جوز اختى الكبيرة هكون مشرف عمال في المشاريع المتنقله دي.
أحمد : لو مقتنع بيه يا حسن توكل على الله المهم تكون مرتاح وبس وراضي عن اللى بتعمله .. هتسيبنى يا صاحبي
حسن : الدنيا هى اللى مفرقانا بس هنروح من بعض فين وبعدين يعنى اومال الفيس والفايبر ولاين والواتس والحاجات التانية اللى موش بفهمها دى راحت فين على قلبك يا ريس لحد ما اموت..
أحمد : بعد الشر عليك يا عم .. طيب حددت الميعاد ولا لسه
حسن : خلال 10 أيام ان شاء الله دعواتك
والله ما مأثر فيا غير اننا اتجمعنا على خير وهفارق الدروس والجامع بس أنا اخدت عهد على نفسي قدام ربنا مش هرجع للى كنت فيه تانى أبداََ ان شاء الله
أحمد : بأمر الله يا ريس
وبعد حديث طويل وسهرة طويلة ذهب كلاهما لمنازلهمـ وأصبح أحمد في تانى يومـ كالمعتاد على كليته يقضي يومه مع منة حبيبته ثمـ يعود للمنزل ليبقي مع والدته وأخته
وفي يومـ من الآيامـ بالجامعة أثناء ذهاب أحمد في طريقه للجامعه تكون منة جالسة مع إحدى صديقاتها إيمان
إيمان : إيه يا منون أخبارك مع أحمد ..
منة : كويسين جداََ جداََ يا إيمي بجد أول مرة أشوف أحمد كده بيرن عليا كل يوم الفجر ولو مصحنيش برن عليه أنا وبيسألى كل يوم بالليل قريت قرآن ولا لآ ولما بينسي بفكره أنا بقي لسانه على طول حلو معايا
إيمان : غريبين أوى أنتوا الاتنين
منة : ليه بتقولى كده ؟
إيمان : منة أنتى صاحبتى الوحيده وأنا من أول يوم انتى ارتبطتى فيه بـ أحمد وأنا بسألك أخرة الارتباط ده ايه وبلاقيكى كل يوم بتتعلقي أكتر وبتحبيه أكتر ..
منة : إيمان ما أنتى عارفه أن خلاص ده أخر ترم لـ أحمد وإن شاء الله يخلص ويلاقي شغل وساعتها هييجي يتقدملى وكده ولا كده انا لسه فـ تانية يعنى قدامى سنتين كمان فـ الكلية يكون هو قدر يعمل اى حاجه
إيمان : اتمنى من ربنا كده يا منة انتى عارفة إنى بحبك وميهونش عليا إن قلبك يتوجع لآى سبب..
_ في هذه اللحظة يسكت الطرفان ويقترب منهما أحمد
أحمد : صباح الخير يا بنات
منة : صباح النووووووور عامل ايه
أحمد : الحمد لله تمام .. ازيك يا ايمي
ايمان : الحمد لله كله تمام
اسيبكم أنا بقي واطير على صحابي بدل ما هتزحلقونى أنتوا غصب عنى
منة : هههههههههههههههههه لا يا ايمي متقوليش كده يلا مع السلامة حبيبتى
أحمد : آآه يلا مع السلامة حبيبتى
ايمان : ههههههههههههههه ماشي سلام
أكمل أحمد ومنة حديثهمـ وفي نهاية اليومـ قبل أن يتركها قبل يداها قائلاََ " *ربنا يخليكي ليا* "
منة : ويخليك ليا يارب .. ايه سر الرومانسيه المفرطة اليومين دول هه هه ;)
احمد : معرفش حاسس إنى بحبك شوية زيادة بلاش ؟
منة : لا طبعاََ بلاش ايه انت حلو كده
ذهب أحمد لمنزله وتناول غداءه وقامـ بالتحضير للنزول للشيخ على هو وحسن صديقه
حسن : ايه يا عمـ بقالك كام يوم مختفي في أنهى داهيه ده انت ما صدقت انى هسافر بقي ..
أحمد : لا والله يا عم ابويا كل يوم بنكلمه نت وبتاع فلما بيكلمهم وانا مش ف البيت بيعملها مشكلة ويفضل يدينا فوق دماغ اللى خلفونى وامك واختك وميتسابوش لوحدهم فقولت اعمل هدنة من المشاكل شوية..
حسن : معلش يا أحمد ماهو برده معذور عاوز يبقي متطمن عليهم وانت مسافر هما برده ستات لوحديهم في بيت ..
أحمد : وأنا مش معترض والله بس هو انا بقيت بروح فين ؟
ماهى القهوة بالليل ساعتين وبطلع البيت وشكراََ حتى اصحاب الكلية مبقتش اروحلهم
حسن : والله مصلحه يا عم دول عيال خربانة معندهمش حاجه ممنوعه
أحمد : صحيييييييييي
ح مش الواد هيما اللى كان معانا ساعه الرحله ده اللى قولتلى هو بيتكلم بالطريقه دى ليه
حسن : الآسمرانى شوية ده ؟
أحمد : أه هووو بغباوته بوشه العكر
حسن : ههههههههه ماله نيل ايه
أحمد : ابن التيت بقي ملحد
حسن : لا يا عم بتهرج قول وربنا !!
أحمد : أه والله الواد اتهبل اتلم على شوية عيال عشان يحللوا لنفسهم كل حاجه يقوم يقولك ده مفيش ربنا
حسن : لا حول ولا قوة الا بالله ربنا يهديه يارب .. يلا ع الجامع دول هيصلوا الشيخ على هينفخنا
ذهبا سوياََ إلى المسجد وبعد انتهاء الصلاة اجتمعوا حول الشيخ على ليستمعوا إلى الدرس الجديد
على : أخباركمـ إيه يا شباب ؟
_ كله تمامـ الحمد لله يا شيخنا
على : افتكر زمان ابويا وجدى كانوا متعودين على إنهم يبوسوا ايد امهاتهم وابهاتهم دلوقتى بقينا متعودين نزعق لآمنا نعلى صوتنا على ابونا نشوح بايدينا وبنسيبلهم البيت ونمشي أحياناََ
تفتكروا ده كله ليــه ؟!
هى علاقة طردية كل ما تبعد عن ربنا أكتر كل ما تنعدم أخلاقك أكتر
لما تنسي إن ربنا سبحانه وتعالى أمرك وقالك " *وبالوالدين إحساناََ* " وتنسي كمان إنه حذرك وقالك " *فلا تقل لهما أفِِ ولا تنهرهما وقل لهما قولاََ كريما*ََ " يبقي لازمـ تزعق وتشوح ماهما أصبحوا بلا قيمه عندك
راح واحد لسيدنا النبي عليه الصلاة والسلامـ وقاله : *يا رسول الله من أحق الناس بحسن صحابتى ؟ قال : أمك قال ثم من ؟
قال : أمك قال : ثم من ؟ قال : أمك قال ثم من ؟ قال : ثم أبوك*
ده انت لو بتحب واحدة مفيش بينك وبينها أى صلةغير إنك بتحبها بيبقي نفسك تبوس إيديها ده لو مكونتش بوستها بالفعل وأمك ؟؟ ايديها دى تغسلك وتنظفلك وتكويلك وتطبخلك وبس ؟؟ انما تتباس يع
أنا عارف إنى في خلافات كتير بتحصل بينا وبين أهالينا بسبب اختلاف منهجية التفكير بينا واختلاف الآزمان ولكن لازم نستحملهم لازم نراضيهم لازم نكون جنبهم معاهم مش عليهم .. أبوك طريقته صعبة أوى معاك وحاسس إنه بيقلل منك وبيعاملك إنك لسه صغير معلش تعالى على نفسك واستحمل ماهو ياما استحملك وأنت صغير بقرفك واللى يقلل منك مش طريقه ابوك ليك انما اللى يقلل منك طريقتك انت معاه ايه ؟!
شوف حنية ربنا فـ كلامه وهو بيقول " *واخفض لهما جناح #الذل من الرحمة* " ياااه على جمال التعبير بيقولك خليك حنين معاهم رحيم بيهم رقيق ولطيف لدرجة إنك مترفعش عينك فيهم ولا ترفضلهم طلب " *وقل رب ارحمهما كما ربيانى صغيراََ* " ادعيلهم بحق الآيام اللى تعبوا فيها عشانك
هحكيلكم موقف أنا كل ما افتكره ببكي *
راح واحد لسيدنا عمر بن الخطاب وبيقوله "إن لي أمًّا بلغ منها الكبر، أنها لا تقضي حاجتها إلا وظهرى لها #مطية ( يعنى لازم يشيلها على ضهره عشان تقضي حاجتها ) فهل أديت حقها؟ قال عمر: لا؛ لأنها كانت تصنع بك ذلك وهي تتمنى بقاءك، وأنت تفعله وتتمنى #فراقها*" ..
يعنى هى كانت بتشيلك برده بس كان على قلبها زي العسل تفضل شايلاك كده على طول إنما انت بتشيلها أه انما نفسك تخلص بقي وترتاح يا خبرررررر شايفين امهاتهم كانت فارقه عندهم قد ايه ؟؟
أنت بقي دلوقتى أمك مستحملاك وبتخدمك وبرده مش عاجبك مش بتطيق كلمه تقولهالك من زعلها ولا بتستحمل تزعلك غصب عنها ..
سيدنا النبي عليه الصلاة والسلامـ " صلوا عليه " قالك حالة واحده بس اللى تقدر توفيهم حقهم "" *لا يجزي ولد والدا إلا أن يجده مملوكا فيشتريه فيعتقه* " بما إن الزمن اتغير يبقي مبقاش في حاجه أبداََ توفى حقهم مهما عملت ..
كلنا هنموت طبعاََ ومحدش عارف مين هيسبق مين بس افرض هما سبقوك هتعمل إيه ساعتها هتقولى ياريتنى مش كده ؟ هتتمنى لو يرجعوا ترضيهم وتعيش خدام تحت رجليهم صح ؟
بس ساعتها هيكون كل ده ملوش فايدة تعرف إن لما أمك تموت الملايكة هتردد وتقول " *ماتت التى كنا نكرمك من أجلها* " في بعض الآهالى هما فعلاََ أسلوبهم صعب وحياتهم صعبة جداََ وعيالهم بيعانوا معاهم ولكن هقولكم على حكاية بسيطة خالص هنقيس عليها تعاملاتنا معاهم سيدنا إبراهيم عليه السلام أبوه كان كافر وهو مش عرف يعمل معاه إيه كان ردة فعله علي أبوه " *سلام عليك سأستغفر لك ربي إنه كان بي حفيا*ََ " تأدب مع والده وتلطف بيه في دعوته إلى الله بالرغم من *كفره !!*
بس كان الجزاء من جنس العمل واتنفذت قاعدة النبي عليه الصلاة والسلام لما قال " *بروا آباءكم تبركم أبناءكم* " وفعلاََ لما جه سيدنا إبراهيم اتأمر بإنه يذبح إبنه كان رد إبنه عليه " *يا أبت افعل ما تؤمر* "
حسن : واللى أبوه مات يا شيخنا
على : حبيبك النبي قال " *إذا مات ابن آدم انقطع عمله إلا من ثلاث صدقة جارية أو علم ينتفع به أو ولد صالح #يدعو_له* " أدى أول حاجه ادعيله فـ كل صلاة ... وقال كمان " *ترفع للميت بعد موته درجة.
فيقول: أي رب! أي شيء هذه؟ فيقال: ولدك استغفر_لك*"
استغفرله واطلب من ربنا يعفو عنه .. تالت حاجة تقدر تتصدق له في *مرة راح واحد للنبي عليه الصلاة والسلام قاله : إن أمي توفيت أينفعها أن أتصدق عنها؟
قال: نعم. قال: فإن لي مخرفا
فإني أشهدك أني قد تصدقت به عنها*" وأخر حاجه بقي يا عم إنك تصل
رحمه من بعد موته تشوف أهل أبوك المتوفى او اللى أمه متوفيه ويصل رحمها
لآنه عن أبي بردة قال: *قدمت المدينة فأتاني عبد الله بن عمر فقال: أتدري لِمَ أتيتك؟ قال: قلت: لا. قال: سمعت رسول الله صلى الله عليه وسلم: يقول: "من أحب أن يصل أباه في قبره فليصل #إخوان أبيه من بعده، وإنه كان بين أبي عمر وبين أبيك إخاءً وود، فأحببت أن أصل ذلك*"
اى سؤال تانى يا شباب ؟ خد عهد على نفسك إنك تبقي ملك ليهم في طوعهم همك في الدنيا رضا ربنا فيهم وشوف الدنيا هتحلى معاك قد إيه
يلا السلام عليكم متتأخروش الآسبوع الجاى بقي وموضوع الدرس الجاى عاوزين نعمل فيه حاجه مختلفه الموضوع هيكون عن علاقات الحب والارتباط قبل وبعد الزواج عاوزكم تحضروا كده ف بالكم عشان هنسمع أراء بعض
_ إن شاء الله وعليكمـ السلامـ ورحمة الله وبركاته
🌸🌸🌸🌸🌸🌸🌸🌸
🌻..... *ملحوظه هامة*.....🌻
👈 *ذكرت بالاعلي كلمه الله يخليك او يخليكي وتلك الكلمه ليست صحيحه ولكن بما أن الأبطال لا زالوا في بداية الطريق فلم يعرفوا أنها خطأ*
..
*تــآبــع قــنــآهّ حـڪـايـه ف ࢪوايــه 🦋 ً᭣ٌ᭫ ᨳ . ف وتــســآب*
*`https://whatsapp.com/channel/0029VakfoTc8qIzzKA6lLf2g`*
🟥🟥⬛⬛⬛⬛⬛⬛⬛
🟥🟥🟥⬜⬜⬜⬜⬜⬜
🟥🟥🟩🟩🟩🟩🟩🟩🟩
𝑷𝑨𝑹𝑻 𝟓
🌷🌹 *بداية_جديدة*🌹🌷
▫.... *الحلقة الخامسة*....▫
🌸🌸🌸🌸🌸🌸🌸🌸
بعد انتهاء أحمد وحسن من الدرس خرجوا سوياََ من المسجد
أحمد : إيه الآخبار يا أبو علي
حسن : تمام والله خلاص مسافر بعد بكرة
أحمد : على خير يارب إن شاء الله .. مش محتاج أى حاجه يا حسن ؟
حسن : منحرمش منك يارب كله تمامـ .. دعواتك بس ..
أحمد : تروح وتجيلنا بألف سلامة يارب واعمل حسابك بكرة سهرانين سوا إن شاء الله
حسن : أكيد بأمر الله .. لم بقي باقي العيال عشان يوم السفر هقضيه مع الحاجه لحد ما امشي
أحمد : تمام يا معلم..
يترك أحمد حسن ويذهب كل منهما إلى منزله ويذهب لغرفته ليحادث منة
أحمد : ايه يا منون عاملة ايه
منة : الحمد لله تمامـ..
أحمد : أخبار الصلاة ايه ؟ صليتي العشا ؟
منة : لا لسه مصليتش العشا
أحمد : طيب اتفضلي اقفلي وقومى صلي يلا بدل ما ازعل منك
منة : طيب حااااااضر قايمة اهه
أحمد : ماشي وانا هقوم اكلم ابويا معاهم واجى سلام.
منة : مع السلامة
وبالفعل يذهب أحمد ويجلس مع أمه وأخته ويتصل بوالده..
أحمد : ازيك يا بابا وحشتنا
الآب : متأكد إنى وحشتكوا ولا ما صدقت ارتاحت بتروح وتيجي ومحدش بيقولك رايح فين .. وأمك ملهاش لزمة معاك وأنا اللى فاكر انى سايب راجل اعتمد عليه اتاريني سايب بنتين مش بنت واحدة
أحمد : طيب ليه بس يا حاج الكلام ده هو انا بروح فين غير عـ القهوة شوية مع اصحابي
الآب : ليك حق تروح عـ القهوة ما انت لاقي الحمار اللى بيصرف عليك
ترك أحمد سماعة الهاتف لوالدته وخرج من المنزل واتصل بأحد أصدقاء الجامعه " كريمـ و مصطفي " ليسهر معهمـ.
أحمد : إيه يا شباب عاملين ايه
كريمـ : ايه يا عم أنت اللى عامل ايه عاش من شافك ما أنت كنت منفضلنا خالص
مصطفي : سيبه يا عم تلاقيها مانعاه عننا عشان خايفه عليه نبوظه ولا حاجه
كريم : هههههههههههههههههههه لا اذا كان كده ماشي ..
أحمد : ملوش لزمة الكلام ده اجدعان الواحد قرفان لوحده ولا طالبه اسيب ام القاعده وامشي يعنى ..
كريم : هدى اعصابك يا عم بنهرج محصلش حاجه .. انت شكلك منفوخ اصلا من حاجه
أحمد : لا انا زى الفل بس اهدوا انتوا كده وخلوها قاعده حلوة مش طالبة رخامه ع المسا
مصطفي : ماشي يا عم خد بقي منى السيجارة دى ..
أحمد : لا أنت عارف مليش فيها الحمد لله
كريم : ياض استرجل كده متبقاش طري في نفسك
مصطفي : خد يا عم أحمد وادى الدنيا بالجزمة
أخد أحمد منه السيجارة واندمج معاهم في السهرة وبعدها قامـ كريمـ عشان يشغل على اللاب فيلمـ..
أحمد : ايه يا كريم اللى أنت مشغله ده
كريم : اتفرج وادعيلي بقى يا ريس
مصطفي : اوباااااااااااااااا يا ذوقك العالى يا كيكووووو..
فضلوا يتفرجوا وأحمد معاهم لكن من جواه مش مبسوط مش مرتاح في القعدة وفضل كلام الشيخ مش رايح من باله لكنه مش قادر يواجههم ويقوم ويسيبهم بعد شوية بطنه وجعته جداََ وجري الحمام بدأ يتقيئ هما جريوا عليه يطمنوا ماله
كريم : في ايه يا أحمد مالك
مصطفي : يا جدع رد علينا حصلك ايه مال معدتك..
وبعد ما انتهى أحمد خرج وطفي اللاب وفضل يبكي وهما على وشوشهم علامات الاستعجاب مش فاهمين هو ماله
كريمـ : مالك يا أحمد
أحمد : خايف أموت .. خايف أموت .. ربنا سايبنا نتنفس نفس داخل ونفس خارج واحنا بنعصيه.. عارفين إن هو شايفنا دلوقتى وبالرغم من ده مكبرين دماغنا عادى ومش فارق معانا احنا *بنستهون بـ ربنا* .. ياريتنى ما جيت
كريمـ : انت جاى تعمل علينا شيخ ولا ايه هو احنا كنا ضربناك على ايدك
مصطفي : بس يا كريمـ أحمد معاه حق
أحمد : أنا مش عايزكم تانى خلاص ونصيحه ليكم فوقوا في الدنيا قبل ما تفوقوا وانتوا بين ايدين ربنا يوم القيامة ..
أنا لو كنت اضمن نفسي انى اقدر اسعدكم كنت فضلت معاكم يمكن اخد بايديكم بس انا لسه ضعيف محتاج أقوى الآول
سابهمـ أحمد ونزل في طريقه لبيته واتصل بـ منة
منة : إيه يا أحمد اتصلت بيك كتير مردتش
أحمد : بدأ يبكي .. منة أنا محتاجلك أوى معايا النهاردة أكتر من أى وقت تانى .
منة : مالك بس يا أحمد أنا معاك دايماََ
أحمد : مبقتش بطمن إلا بوجودك أنتى أنا حاسس إنى ضعيف أووى يا منة ضعيف أوى.
منة : مينفعش تضعف يا أحمد علشانى عشان أنا بقوى بيك أنت روق يا حبيبي مفيش حاجه مستاهلة .. أكيد شديت مع عمو برده لما كلمته
أحمد : هو معاه حق يا منة في كل اللى بيعمله .. قوليلى أنا ايه في الدنيا . أنا ولا حاجه أنا مليش لزمة في حاجه ..
منة : أنت أحسن واحد في الدنيا يا أحمد .. أنت حبيبي اللى اختارته من بين كل الناس عشان واثقه فيك عشان مبطمنش الا معاك ولو عـ الظروف مش لوحدك ما كل الشباب على كده وان شاء الله اللى جاى أحسن
أحمد : ربنا يخليكي ليا
منة : ويخليك ليا يارب
_ انتهى أحمد من مكالمته مع منة ووصل للبيت وأول ما فتح الباب سمع ....