معنا الصداقة...🦋🥺 - الفصل 14 - بقلم وحيده كالقمر | روايتك

وصلت فجر للشاطئ واتصلت بمشاري لفت وشافت مشاري خلفها «««««««طبعا دلال قاعده بمكان بعيد عليهم هي تشوفهم وهم ما يشوفوها فجر : مشاري مشاري :لبيه فجر : تلبي بمكه مشاري : ياارب وياك فجر : وش تبي مشاري جلس يناظر بعيونها واخذ نفس عميق : من أول مره شفتك فيها مو راضيه تخرجي من بالي صرت اتحجج علشان اسمع صوتك او اشوفك بس فجر أنا حبيتك من أول يوم ناظرتك فيه حبيتك يا فجر ما حبيتك بس عشقتك اييه عشقتك كل ما اسمع صوتك او اشوف عيونك يلي تأخذ عقلي يبي قلبي يخرج من مكانه ويصيح بحبه لك أنا ... فجر قاطعته : مشااري لا تكمل مشاري : لييه ياروح مشاري فجر ومنزله راسها : أنا مالي بالحب والخرابيط تحبني تعال دق بابي واطلبني اما حب وخرابيط لاتدخلني فيها مشاري: موافقه فجر : أول شيء تقدم لي وبعدين بتعرف قراري ومشت من جنبه مشااري : فجررر فجر وقفت بس معطيه له ظهرها وما تكلمت مشاري : احبببببك فجر خجلت وكملت طريقها صحيح كانت فرحانه كثيير بس ما تبي تدخل بعلاقه محرمه واذا كان يحبها من صدق كان بيتقدم لها ____________________________________ عند العنود ونورا قاعدين يتمشون العنود : نوري تعالي نجلس هنا نورا والعنود جلسون في الشاطئ وقاعدين يناظرون البحر العنود : نورا ابغى اكلمك بموضوع حساس شوي نورا : وش هو العنود : تركي قال انه معجب فيك نورا توسعت عيونها: ما لقى غيري ينعجب فيني العنود : ليه ما ينعجب فيك نورا : انعجب فيني بعد ما كسر وجهي بحقته الكف ورجعت فكرت انها تخلي تركي يتعلق فيها وترجع تتركه وكذا تكون انتقمت منه نورا بتوتر لأنها أول مره بتكذب على صديقه عمرها: عننـ ود وانا كمان معجبه فيه من زمان العنود : يالحيوانه وما قولتي لي نورا مسويه نفسها الخجلانه : خجلت العنود : خجلتي هااا نورا : عويند خلاص العنود : ههههههههه خلاص مابتكلم _______________________________ دلال تصافر : ومن قدك يافجر فجر وتبي تصيح: ليه يكذبون من بيحب واحدة مثلي يسموني ام العيال لانه شاف دموعي يوم حبني دلال : فجرر الولد يحبك مثل ما انتي فجر : ما حبني الا يوم ما شافني ابكي دلال : لا تسوين معذر براسك وبعدين إذا يحبك من جده بيتقدم لك فجر : أنا كل يلي يحبوني تحت التراب يادلال مافي حد يحبني كثرهم دلال : وخواتك وحنا ما نحبك صح فجر : مو كثر يلي تحت التراب يا دلال أنا من لما ماتت امي وابي تحملت مسؤولية اكبر من عمري مافي حد سأل علينا كثركم أنا تعبت مسويه نفسي كاني ولد بنفسي ولو يوم اخلي نفسي طبيعيه ارجع فجر يلي كانت قبل خمس سنوات دلال ضمت فجر : دلال وليه ما ترجعين مثل ما كنتي من قبل ي روحي فجر : ماراح ابين لأحد ضعفي يادلال دلال ما تكلمت هي وفجر جلسوا ضامين بعض ____________________________________ رجعوا البنات للشاليه بالوقت المحدد دلال تناظر نورا ونورا تناظر دلال وكل واحده ابتسامتها شاقه حلقها دلال طلعت جوالها وبدأت تشوف اعتراف مشاري لفجر هي والعنود نوراا: ههههههههههههه والله واخوي طلع رومانسي العنود: ياحليلك يافجر مين قدك فجر : بناات خلاص طفشتوني بكلامكم ما ابغى واحده تذكر السالفه العنود: فجرر لوحد ثاني بمكانك انه الآن خجلان مو معصب فجر : أنا غير ويلي تفتح السالفه ما بيكون خير لها نورا ماقدرت تمسك ضحكتها: هههههههههههه مرت اخووي فجر نطت لفوق نورا ودلال مييته ضحك والعنود نطت لفوقهم وصاروا فوق بعض وكل واحده تسحب شعر الثانية وهم يضحكون وضحكاتهم تملا المكان نامو البنات _____________________________________ صباح جديد على ابطال روايتي صحو الرجال والحريم اما البنات والعيال نايمين ام عزام : ما صحو البنات ام رغد : لا نايميين ام محمد : حرام يكونوا ساهرين ام صقر (الجده): قوموا سون الفطور لنا وللرجال وخلو البنات والعيال لين يصحون ام محمد : من عيوني ي خالتي ام صقر (الجده): يسلمون لي ام محمد : يسلمك قاموا الحريم ياكلون ويسولفون _______________________________________ ابو محمد : الا وين الشباب ابو سلمان : نايمين ابو صقر : افطروا ونخليهم شوي بعدين نصحيهم وقعدواا يفطرون ويكملون نقاشاتهم عن الاسهم والشركات ________________________________________ ام صقر (الجده): البنات طولوها نومه متى بيصحون الساعه 11 الظهر ام رغد : لو عليهم مابيصحون ام عزام : مين من البنات نومها خفيف نتصل لها دلال وريم لو تنهدم البيت فوق راسهم ما بيصحون ام محمد : بتصل على العنود هي أكثر واحدة نومها خفيف واتصلت ام محمد : هلا عنود يله كفايتكم نوم اصحي وصحي الباقيات العنود : خالتي تكفيين اشويه كمان ام محمد: لا اشويه ولا شويتين معاكي خمس دقائق ولا بستعمل الاساليب الثانية العنود : خلاص كله الا الاساليب الثانية ام محمد: يله حبيبتي معا السلامه معاكي خمس دقائق العنود : معا السلامه __________________________________ عند البنات العنود قامت لدوره المياه الله يكرمكم غسلت وجهها خرجت تقيم البنات العنود : بناات يله اصحوا البنات لاحياه لمن تبالي العنود : بناااات خالتي بتجيلكم كمان مافي رد العنود : أنا حاولت معاكم بس تستاهلوون راحت اخذت مكعبات ثلج وسطل مويه وخلت المكعبات فيه وكبت الماء فوقهم البنات قاموا مخترعين وكان اشكالهم خراافه يلي شعرها واصل للصقف ويلي ما قاعده وهي نايمه ويلي مطيره عيونها ويلي واقفه من الخوف والعنووود تمووت ضحك عليهم واخذت الكاميرا ونور اشكالهم فجر : ولعنه تلعن وجهك يالعنود ونورا تأخذ الوساده وترميها على العنود : في حد يصحي كذا نوف: يا ثقل دمك شجون: والله باايخه رهف : طيحتي قلبي شهد : بنات ما اشوفكم زين دلال : مزحك مو حلووو ابدا رغد : ياثقل دمك ريم : حيواانه نورر : خلاص أنا بروح معا عزام من اليوم ما راح اجلس معاكم العنود : على فكره إذا ما سويت الحركة هذه كانت امك يا نورا بتصحيكم هي نورا: كله الا مامي نور : أي والله يله بنات نفطر ونصلي وبعدين نشوف وش بنسوي طلعوا البنات عند الحريم بعد ما غيرون ملابسهم _______________________________ العنود : صبااااحوووو الحريم : ياصباح النور ام محمد : هلا والله بالبنات البنات : هلا فيك ام صقر (الجده): وينكم أمس ما شفناكم نور : يمه كنا متحمسين واجتمعنا بعد فتره كبيرة ام صقر (الجده): امزح معاكم لساتكم شباب ما راح تحبوا قعده العجايز ام رغد : لا عجايز ولا شيء تونا شباب الكل صار يضحك ام محمد: تبون تفطرون العنود : تكفين خالتي جيعانه كثييير فجر: إذا جلست اشويه من دون اكل باكل البنات رهف : تسوين خير خالتي نورا : مامي حبيبتك جوعانه ام محمد: ههههههه لهدرجه جوعانين روحوا للخدامه وقلوا لها تحط لكم الفطور خلينا لكم نور : تسلمي يا اجمل واحن ام بالعالم نوف : تسلمين خالتي ____________________________________ البنات وهم ياكلون نورا بحماس : بنااات العنود : في شيء حلوو من نبره صوتك نورا: صقرر سمح لنا نركب الدبابات وبيجي معا العيال دلال وفجر قاموا يتحاضنون : يسسسسس بييه رهف وريم: حنا ما بنجي معاكم بنجلس هنا شهد : وانا ابغى اجلس لوحدي في الشاطئ نوف : اجي معاكي حبيبتي شهد : ابغى اجلس لوحدي حياتي نوف : براحتك حياتي بس اتصلي لي إذا احتجتي شيء شهد : طيب ي قلبي نور : اقسم بالله تدفنوا الحماس العنود : ههههههههه أي والله نور : المهم حبيبي بيكون هناك نورا : نووور خلاص قرفتينا بحبيبك دلال كيف عايشه معاهم دلال : لا اعلم يا اختاه فجر : ههههههههههههههه _______________________________ راحوا البنات لعند الدبابات والتقوا بالعيال هناك صقر يكلم نور ونورا ونوف : حبيباتي انتبهوا على نفسكم وكمان على البنات نورا : من عيوني صقر : يسلمون لي مشااري : وش رايكم نخلي الاجواء حمااس الكل : كييف فجر كملت فكرته : نسوي مساابقه بين البنات والعيال الشباب : ياهلا والله بام الشباب صار لنا زمان عنك مشاري غار كثيير وموقادر يسوي شيء فجر : ياهلا فيكم خلاص فجر رجعتت للساحات الكل : هههههههههههه فجر : أول شيء البنات يجون على يميني والشباب على يساري اقتسموا مثل ما قالت فجر فجر : الآن بكتب اسامي البنات في قصاصات ورق واحطهم على يميني والشباب على يساري وبسحب بكل جوله ورقتين واحدة من البنات وواحده من الشباب بدر: انتوا يالبناات منكم ثمان وحنا 11 لازم ننسحب ثلاثه فجر : ميين راح ينسحب بدر : أنا بنسحب لان رفروفه قلبي مو موجوده فجر اخذت صحه ماء ورمت بدر فيها: يلي ما تستحي إذا شفتك قريب من اختي بقتلك وما بدفنك بدر توهق : طيب سليمان : وانا بنسحب فجر : مين يلي بينسحب ماحدا من الشباب رد فجر : يلي ماراح ينسحب اسمه ما بيشارك موافقين الشباب : موافقين نور : أنا خرجوني من اللعبه أنا وعزامي غصب عنكم بنلعب معا بعض سلمان جاب لوحه وقلم علشان يكتبون النتيج فجر : أول من بيلعبون هم .... وسحبت الاوراق ___________________________ توقعاتكم من هم يلي بيلعبون أول شيء الفوز بيكون للبنات او للعيال مين يلي ماراح يلعب من الشباب