قائد الغرام - الفصل الثالث - مكتملة | روايتك

._*قائدالغرام*_ 🍒⸙♡») ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ آلحلقهہ‏‏ 7♥ آلحلقهہ‏‏ 8♥ آلحلقهہ‏‏ 9♥ 🩷🩷🩷🩷🩷🩷 البارت السابع ظلت تبحث بعيونها الي ان وجدت حسام يقف امامها فنضرت اليه بخضه كبيره حسام بحده .... جاهزه لتدريب يا قطه فتحت غرام فمها بخضه كبيره ثم اغمضت عيونها بحزن وقالت بصوت هادي .... دي بينها ايام عسل اقترب حسام منها وهو مازال ينظر اليها بحده وقال .... مش متخيل ان عيله زايك تدبسني في تدربها غرام بداهشه ... عيله هي مين دي اللي عيله علي فكره يا حضرت انا عندي 22 سنه وثلات شهور يعني مسؤله عن نفسي ومش.... ثم صمت فجاه بعد ان استوعبت الكلام الذي قاله فقالت بصدمه .... ثواني ثواني انت قلت تدريب انت هتدربني انا نظر لها ببرود ولم يرد فقالت وهي تبتسم بخوف .... انت بتهزر صح قول انك بتهزر حسام بجديه .... انتي شايفه ايه غرام بضيق وهي تمسك راسها بخضه .... المصيبه انه لا بجد كده كتير عليا مش لدرجه دي بقا نظر لها حسام وقال بحده .... اخلصي انا مش فاضي لهبلك دا خليني اخلص نظرت اليه غرام بخوف اغمضت عيونها لثوني ثم فتحتها بسرعه ووقفت امامهم وقالت بحماس .... طيب بص انا هقولك مش عمو جمال عمل كده علشان انا قلتله نظر لها حسام وقال بصدمه ... عمو جمال غرام بسرعه ... استنا بس انا هروح اقوله اني كنت بكدب ان مفيش حاجه من اللي قولتها صح ثم ضربت يدها ببعض بحماس وقالت ... ساعتها مش هيخليك تدربني لا انت تتعب ولا انا اتشل ايه رايك كان حسام ينظر امامه وهو يحاول ان يتحكم من غضبه قليلا ثم قال بحده .... ثواني والقيكي قدمي ومستاعده لي التدريب وتركها وتحرك الي مكان واسع في الغرفه دبدبت الارض بقدمها وقالت بخوف .... يااارب استرها معايا دا انا غلبانه وعمري ما عملت حاجه وحشه في حد وذهبت بسرعه ووقفت امامه وقفت غرام امامه وقالت بثقه .... علي فكره علشان قبل ما تتريق يعني انا بعرف العب كرتيه يعني مش هتحتاج وقت كتير نظر لها حسام ببرود وقال وهو يلف الشاش علي يده .... امم مش هحتاج وقت كتير غرام بستغراب من لاهجته ... ااه مش هتحتاج ايه مالك متستغربش انا ااه ابان رقيقه وكده بس انا بعرف ادافع عن نفسي بس انا مش بحب ابين لي حد نظر لها حسام بملل وقال ... خلصتي رغي ولا لسه مي بعند ... شكلك مش مصدقني طيب ثواني ثم بسرعه امسكت يده ورجعلتها خلف ظهره وهي خلفه وضغطت عليها بقوه غرام بسعاده .... شوفت الحركه دي بتخلي اي حد يستسلم بسهوله اخذ حسام نفسه وجاء ليذيح يده بهدو لكي يبدا لكنها امسكتها بقوه اكبر فقالت ببتسامه سعيده ... كده بقا مش هتعرف تسحب ايدك خالص لكنها فجاه وجدت يدها تنزلق منها بكل سهوله وتلف حول رقبتها وجسدها يتقدم الي الامام فصبح ظهرها مقابل الي صدره ويده مازلت حول رقبتها انصدمت غرام بشده فهذه الحركه لم تحتاج منه لي اكثر من ثانيه حسام وهو يقترب من اذنها .... اظن كده يا قطه نبدا وانتي ساكته اغمضت غرام عيونه بخوف فهي كانت تعتقد انها حقا تعرف في فن الدافع تاكدت لان انها لا تعرف اي شي ابتعدت عنه وقالت وهي تعدل ملابسها وشعرها القصير وتقول بتوتر .... ع علي فكره انا اللي سبتك علشان بس اتعلم حركات اكتر مش حكايه يعني لم يعيرها حسام اي اهتمام وقال .... تعرفي حركه تانيه غير الهبل اللي عملتيه دا نظرت اليه بضيق ثم قالت وهي تربع يدها .... لا معرفش ابتسم حسام ابتسامه بسيطه علي طفولتها تلك لكنه اخفاها بسرعه وقال .... طيب قربي شويه مش هعلمك وانتي كده يعني اقتربت غرام منه بحذر وهي تنظر اليه فكان حقا ثابت كلجبل لا يهتز ملامحه جاده لدرجه تخفي كل من ينظر اليه لكن عيونه تبعث حنان لا يوصف ظلت تنظر اليه هكذا ولم تبتبه الا علي يده تتحرك امام وجهها فستفاقت بخضه حسام بضيق ..... بعدين هبقا اجبلك صورتي تسرحي فيها برحتك انما دلوقتي عايزن نخلص علشان عندي شغل فتحت غرام فمها بخضه وقالت بغضب ... علي فكره انا مكنتش سرحانه فيك ولا حاجه انا بس كنت سرحانه في حاجه تانيه وبعدين انت ازاي تقول كده ايه قله الذوق دي فصل حسام كلامها وهو يمسك يدها يرجعها خلف ظهرها ويتنها بقوه فقتربت من وجهه فنظر لها بحده وقال .... الحركه بتاعتك لازم تبقا كده علشان الخصم ميقدرش يفلت منك نظر حسام الي عيونها وقال بثبات وتقه عاليه وهو يضغط علي يدها اكثر .... ودي علشان لسانك الطويل اللي هقطعهولك قريب غرام بوجع وهي تحاول ان تبتعد .... ااه ايدي هتنكسر اااه ابتعد حسام عنها فمسكت غرام يدها بوجع وهي تدلكها وتنظر الي الارض وتمسك دموعها بقوه لكي لا تدمع لاحظ حسام ذلك لم ينكر انه احس بالذنب تجاهها لكنه ابعده بسرعه وقال بحده .... ياله علشان قدمنا حاجات كتيره اخذت غرام نفسها ثم مسحت دموعها ونظرت اليه بتحدي وقالت .... ياله انا جاهزه نظر لها حسام بعجاب شديد فلقد اعجب حقا عيندها واسرارها هذا وبدا في تدريبها بعض الحركات لم ينكر ابدا فقد اعجبه شجاعتها فليست مثل باقي الفتيات التي لا تستطيع ان تفعل اي شي انتهاء من تدريبها بعض الحركات فنظر اليها وجدها تحاول ان تقف بثبات لكي لا تظهر اليه ضعفها نظرت غرام اليه وجدته ينظر اليها بهدو فنعدلت في واقفتها بسرعه وقالت بعند .... ياله نكمل قرر حسام هذه المره بان يراف بيها فقال وهو ينزع الشاش .... لا خلاص كفايه كده النهارده علشان عندي شغل ومش فاضيلك ورم الشاش علي الكرسي وغادر بدون حتي ان ينظر اليها نظرت اليه غرام بصدمه ثم قالت بغضب كبير ..... في داهيه يا باررد وجاءت لتضرب الارض بقدمها لكنها توجعت بشده وجلست علي الارض بتعب وهي تمسك ظهرها .... ااااه يانا ياما يانا تعالي شوفي بنتك ياما وهي متهبدله حسبي الله ونعم الوكيل فيك يا حسام يابن ...يارب حتي مش عارف اسم امه علشان ادعي عليه حسبي الله ثم وقفت وهي مازلت متعبه ولمت شنطتها وغاردت من الغرفه ************* عند مي كانت في الكافيه الذي امام مكتب القوات وهي تنظر غرام بملل كبير فلقد جلست هنا لاكثر من ساعه احست بالملل الشديد فقررت ان تغادر نزلت من المطعم فوجدت هاتفها يرن وجدتها غرام مي ... انتي فين يا بنتي غرام بوجع .... ااه انا في التاكسي مروحه علي البيت مي بغضب .... نعم ياختي ازاي يعني مش فاهمه انا مش متزفته مستنايكي في الكافيه اللي جمب المكتب غرام بوجع ... خلاص بقا يا مي انا مش قدره خالص لما تجي هبقا اشرحلك مي بحده ... لا تشرحلي ولا اشرحلك انا غلطانه اصلا اني بسمع كلامك واغلقت الخط معاها وجات لتدخل الموبيل في شنطتها وهي تمر من علي الطريق ولم تلاحظ هذه السياره التي امامها نظرت اليها ومن صدمتها وقفت امامها بدون حركه وهي تضع يدها علي وجهها لم تشعر الي علي جسد يلتفت امامها ويضع يده علي كتفها ويزحها بسرعه مرت ثواني قليله ومي مازلت تضع يدها علي عيونها وهي تاخد نفسها بصعوبه ثم انزلت يدها بخوف فوجدت نفسها تستند برسها علي راس شخص ثم سمعته يقول ... انتي كويسه حصلك حاجه ابتعدت عنه بسرعه وهي مازلت ترتعش من كثره الخوف فاغمضت عيونها لكي تحاول ان تهداء قليلا ثم سمعته يقول .... واضح ان مش القطه بس هي اللي متهوره صاحبت القطه كمان كده نظرت اليه بسرعه اول ما قال ذلك فوجدته نفس الشخص الذي انقذ قطتها ابرهيم ببتسامه .... ابقي خدي بالك بعد كده دا طريق عربيات مي وهي مازلت خائفه ... لا اصل كنت بتكلم في الموبيل ومخدتش بالي والله ابرهيم ... الحمد الله حصل خير مي ... انا متشكره اووي يا .. ابرهيم ببتسامه وهو يمد يده لها .... ابرهيم مي ببتسامه .... وانا مي متشكره اووي يا حضرت الظابط ابرهيم ... امم واضح ان غرام قالتلك مي ببتسامه ... بصراحه اااه بس هي مكنتش هتقول حاجه بس حصل حاجه كده وكان لازم اعرف ثم وجدو سياره من الخلف وهو ينادي علي ابرهيم نظر لها ابرهيم وقال ... طيب انا لازم امشي فرصه سعيده مي ببتسامه سعيده وهي تسلم عليه مره اخري ... انا اسعد ابتسم ابرهيم باعجاب شديد لها يالله ماهذه الرقه ثم تركها وغادر مع اصدقائه ودخلو الي المكتب ظلت مي تنظر اليه الي ان دخل الي المبني ثم ركبت تاكسي وذهبت الي البيت ************** دخلت مي الي المنزل ثم دخلت غرفتها فوجدت جرس الباب يرن فذهبت لتفتح وجدت غرام امامها وهي تستند علي الباب مي بضيق .... نعم مصيبة ايه تاني المره دي غرام ... خلاص بقا يا مي والله مكنت قدره اتحرك والتاكسي كان قدامي ركبته وجيت علي طول دخلت مي الي الشقه وهي تقول ... وايه اللي شلفطك كده دخلت غرام خلفها وجلست علي الكنبه وهي تقول ..... هو في غيره حسبي الله ونعم الوكيل فيه قال ايه لازم تدربي علشان لو حصل حاجه ربنا ياخدك يا شيخ واشوفك واقع في حفره مجاري سيره ومحد يعرف يطلعك تفضل عايم في المجاري كده مي .... بس الله يقرفك يا شيخه والموضوع دا هيفضل لحد امته بقا غرام بضيق .... وانا ايش عرفني هو دا حد يعرف ياخد منه معلومه المهم تعالي اللهي تنستري فرقعيلي دهري مي بحده ... عند امك يا بت وياله بقا من هنا علشان عايزه انام غرام برجاء ..... طيب دوسي عليه اي حاجه متسبنيش كده اللهي تنستر يا شيخه مي بحده .... يا سلام دا انتي تؤمري ثم ضربتها بقدمها علي ظهرها بقوه فوقت علي الارض بوجع غرام بوجع .... انتي غبيه يا بت انتي كمان اتفوو علي اشكلكم انا ماشيه وجاءت لتقف فوجدت الوجع خف قليلا غرام بسعاده .... الله الوجع خف شويه روحي اللهي تنستري مي بتردد ... غرام بقولك ايه هو ابرهيم اللي كان في العربيه دا معاكي في الفريق نظرت اليها غرام وقالت بخبث ... وامم وانتي عرفتي اسمو منين مي .... بت فكك من الجو دا انا بس بسال مش اكتر غرام .... هههههههه ماشي يا ستي هقولك هو معايا في الفريق مسمينو في القوات الصخره لان ماشاء الله زاي مانتي شايفه عنده 30 سنه جدع جداااا وعايش مع مامته في البيت ومش مرتبط مي بكسوف .... الله وانتي بتقوليلي ليه انا بس بسالك مش اكتر غرام بخبث .... الله مش بفطمك انا غلطانه مي .... لا ياختي مش عايزه ياله من هنا غرام .... ايوه اخدتي غرضك مني وخلاص كده علي العموم انا ماشيه واعملي حسابك هتروحي معايا لما اروح تاني سلام غادرت من الشقه واغلقت مي الباب واستندت عليه وهي تقول ببتسامه .... الصخره اسمه حلو اووي *************** مر يومين بشكل عادي علي الابطال فكانت غرام سعيده جدا انه لم يتصل بيها مره اخري لكي تدرب وفي اليوم التالي كانت تجلس في الجامعه مع مي مي .... بس انتي مروحتيش التدريب تاني يعني غرام برتياح .... يا شيخه الحمد الله ياارب ما يتصل ابدا وقبل ان تنهي جملتها وجدت هاتفها يرن فنظرت اليه ثم نظرت الي سماء وقالت ببكاء مصتنع .... لا ياارب هو انا لدرجه دي انا وحشه الدعوه بتتقلب مي .... هههههههههه ردي ياختي ردي اخذت غرام نفسها ثم اجبت بهدو .... الو حسام بجديه .... انتي فين نظرت الي مي بستغراب ثم قالت .... انا في الجامعه حسام .... حضري نفسك خمس دقائق وهنكون عندك غرام بسراعه ..... ليه هو ح.. وقبل ان تكمل كلامها كان قد اغلق الخط غرام بداهشه وهي تنظر الي الهاتف .... قفل السكه في وشي قفلو في وشك ابواب الرحمه يا بعيد مي ..... هههههههههه قالك ايه غرام ..... هو دا حد بيفهم منه حاجه حسبي الله بيقول خمسه وجاي ياخدني مي .... مصيبه ايه المره دي غرام .... انا متنيله قاعده معاكي اهو اما نشوف ربنا يستر بعد خمس دقائق وصل فعلا حسام ومعه الفريق كانت غرام بنتظارهم امام الباب اول ما وصلو ركبت معهم وتحركو غرام .... هو احنا رايحين فين احمد ... عرفنا مكان القنبله واحنا رايحين نفكها دلوقتي غرام بتوتر .... ااه تمام ************* يصل الفريق الي هناك وهم يرتدون ملابس عاديه لكي لا يلفتو الانتباه نظر حسام في كل مكان في الرسبشن وجد هناك حراس كثيرون يقفون في كل مكان احمد بصوت منخفض .... الفندق كبير جدا يا فندم هنعرف مكان القنبله ازاي حسام بتركيز وهو ينظر حوله .... المشكله مش في مكان القنبله المشكله في حراس عادل اللي موجودين في كل مكان نظرو جميعا حولهم فعلا وجدو هناك العديد من الرجال من حولهم حسام بصوت منخفض ... مش لازم نلفت الانتباه انتو هتدورو هنا في الرسبشن من غير ما تلفتو الانتباه احمد وابرهيم .... تمام يا فندم وفعلا تحركو في المكان بطريقه غير ملحوظه نظر حسام اليهم ثم نظر الي غرام التي كانت تنظر في المكان حولها الي ان تفاجات بيد توضع حول كتفها نظرت بسرعه وخضه كبيره وجدت حسام هو من يضع يده غرام بخجل وخضه كبيره .... اي ايه في ايه يتبع * 🩷🩷🩷🩷🩷🩷🩷🩷🩷 🩷🩷🩷🩷🩷🩷🩷🩷 البارت التامن اي ايه في ايه ابتسم حسام وهو ينظر امامه ويقول ….. بلاش التوتر دا علشان متودناش في داهيه اذداد توتر غرام اكثر بعد ان راته يضحك لاول مره لها ثم فجاه وجدته يتحرك هو مازال يمسك بيها ويتقدم في الرسبشن حسام ببتسامه …. مساء الخير الرسبشن …. مساء النور يا فندم تحب حضرتك تحجز غرفه ايه حسام …. لا انا عايز جناح مش معقول ابقا في شهر العسل واحجز غرفه الرسبشن …. عندك حق يا فندم تمام هحجز لي حضرتك جناح حالا حسام بهدو وثبات …. بس واضح ان في شخص مهم في الفندق اصلا في حراس كتير موجودين الرسبشن …. ايوه فعلا واضح انه شخص مهمه شويه رجل اعمال مثلا حسام …. ااه رجل اعمال طيب ممكن تحجزلان الجناح بعيد عنه اصلا المدام بتخاف شويه من الحراس دول نظرت اليه غرام بصدمه فنظر لها حسام بحده لكي لا تظهر ذلك فابتسمت غرام بتوتر وقالت …. ااه اه صح فعلا الرسبشن …. للاسف يا فندم مش هينفع مفيش غير الجناح اللي جانبه فاضي بس هو اصلا حاجز اليوم دا بس وهيمشي علي طول حضرتكم هتقعدو كام يوم حسام وهو يمثل الحزن …. ياله مش مهم حصل خير احجزه بقا وخلاص احنا هنقعد ليله واحده اصلا الطايره بكره الصبح الرسبشن …. تحت امرك حجزو الغرفه ثم ذهبو الي المصعد وكان حسام مازال يمسكها الي ان اغلق المصعد ابعدها عنه بحده وهو يخرج هاتفه ويبحث عن شي غرام بوجع وصدمه …. ااااه ايه الهبل دا نظر لها حسام بحده كبيره فقالت غرام ببعض التوتر …. ايه ايوه فعلا هبل يعني تمسكني من كتفي تحت ودلوقتي ترمني كده يبقا هبل ولا مش هبل حسام بحده …. هحسبك علي الجمله دي لما نخلص من اللي احنا فيه نظرت اليه بخوف وجاءت لترد عليه لكي تخبي خوفها لكن وجدت من يمسك يدها ويبتسم مره اخري ثم وجدت باب الاسانسير ينفتح خرجو من الاسنسير ثم ذهبو الي رقم غرفتهم كان حسام ينظر حوله في مكان وفعلا وجد غرفه امامها حراس كثيرون ظل ينظر اليهم قليلا بدون ان يلفت الانتباه ثم دخل حسام الي الغرفه وخلفه غرام اول ما اغلق الباب تكلم في السماعه …. لقيتو حاجه سامر …. الدور الاول نضيف حسام …. يبقا اكيد هيسيب القنبله في الجناح هو هيسيبه بكره علشان كده احنا هنفضل هنا في الفندق اليوم دا وانتو كمان كل واحد يحجز غرفه بس كل واحد لوحده غرام بصدمه …. لا ثواني بس يعني ايه هنقعد هنا النهارده انا مستحيل اقعد هنا جلس حسام علي الكرسي وهو ينظر الي هاتفه بدون ان يعير لها اي انتباه غرام بحده …. انت يا بني ادم انا بكلمك انا مش هينفع اقعد هنا تيتا ممكن تقلب الدنيا عليا حسام ببرود بدون ما ينظر اليها ….. اتصرفي احنا مش هيتفع نمشي م هنا غرام بغضب … هو ايه اللي اتصرفي ايه اقول لي تيتا معلش اصلا مطره ابات بره البيت النهارده ومع واحد غريب في الاوضه ومتعمليش حسابي في العشاء انت اتجننت كانت غرام سوف تكمل كلامها الي ان تفاجات بمن يمسك يدها ويتنها خلف ظهرها ويقربها منها وهو ينظر الي عيونها بحده …. واضح كده انك علشان سكتلك مره هتسوقي فيها بس اعرفي ان صبري لما ينفذ محدش هينضر غيرك فعقلي كده علشان متكونش نهايتك علي ايدي فاهمه نظرت اليه غرام بخوف كبير وقالت وعيونها تدمع من وجع يدها …. ااه اه فاهمه فاهمه لانت ملامح حسام بعد ان راي دموعها فابتعد عنها اغمضت غرام عيونه وهي تمسك دموعها من السقوط ثم تركته وذهبت الي البلكونه التابعه لي الجناح اغمض حسام عيونه وهو يلعنه نفسه فيبدو انه قاس عليها هذه المره لكنه اخبر نفسه انها تستحق ذلك فمن يجرو ان يتحدث مع حسام المنوفي هكذا ظلت غرام في البلكونه تبكي قليلا ثم اخرجت هاتفها ورنت علي مي غرام …. الو ايوه يا مي مي بخضه … ايه مال صوتك ابعدت غرام الموبيل عن وجهها ومسحت دموعها وقالت … مفيش حاجه المهم انا مطره اني اقعد في الشغل النهارده ورايا حاجات كتير لما تيتا ترن عليكي قوللها اني بايته عندك تمام مي بخوف … غرام انتي بتهزري انا مش هعرف اقولها كده ممكن تقفشني وبعدين شغل ايه دا اللي لحد دلوقتي غرام …. مي معلش علشان خاطري قوللها بس كده ولما ارجع هبقا افهمك كل حاجه تمام مي …. ماشي ربنا يستر اغلقت معاها الخط وجلست قليلا ثم قالت بحده ….. وانت مدايقه ليه وبتعيط ليه اصلا هو كده طول عمره غبي مدايقه ليه انتي اهدي كده واذا كان هو حسام المنوفي فانا غرام مالك ثم وقفت وقالت بحده …. ماشي والله لهوريكي ازاي تزعقلي كده ماشي خرجت من الغرفه وجدته جالس علي السرير فقالت بغضب …. ممكن اعرف انا هنام فين نظر لها حسام وقال ببرود …. مش مشكلتي اتغاظت غرام اكثر من راده وقالت بغضب اكبر …. وانا عايزه انام علي السرير مش هنام علي الارض انا اغمض حسام عيونه وقال بخبث …. وهو انا ماسكك ما تنام غرام بحده …. انام ازاي وانت نايم عليه حسام وهو مازال علي نفس بروده ….. خلاص متناميش ضربت غرام الارض بقدمها بحده وذهبت من امامه فتح حسام عيونه وضحك عليها ثم اغمض عيونه مره اخري ولكنه فجاه احس بمياه تنسكب علي السرير فتح عيونه بسرعه وجدها تقف وهي تبتسم بخبث وفي يدها زجاجه كبيره تكمل تفرغها علي السرير وقف حسام بسرعه وقال بغضب …. انتي عملتي ايه انتي اتجننتي غرام بعند …. طلما مش هنام علي السرير يبقا محدش هينام عليه اقترب حسام منها وقال بحده كبيره وعيونه تحولت الي اللون الاحمر من شده الغضب فرجعت غرام الي الخلف بخوف شديد لعنت نفسها مليون مره انها فعلت ذلك ظلت ترجع الي الخلف وهو يقترب منها ومازال ينظر الي عيونها الي ان انصدمت في الحائط خلفها فحاصرها حسام بيده وقال بحده …. انتي قد اللي عملتيه دا بلعت غرام ريقها وقالت بتوتر ….. اا ااه قدوه مش انت قولت مش هقوم خلاص نام بقا قرب حسام راسه منها فاصبح امامها مباشره وقال بصوت منخفض لكنها حقا ارتعبت منه …. انتي عارفه انك الوحيده اللي قدرتي تعملي فيا اللي بتعمليه دا لدرجه اني مجاش في بالي لو حد عمل كده انا هعمل فيه ايه غرام بخوف شديد وهي تبتسم ابتسامه بسيطه …. الحمد الله حسام بهدو …. اممم الحمد الله تمام وانا بقا ميرضنيش انك متناميش علي السرير غرام بخضه وهي تحاول ان تهرب …. قصدك ايه لم تكمل داهشتها بسبب حمل حسام لها ورمها علي السرير فصرخت غرام بخضه كبيره وهو تقف مره اخري بصعوبه بعد ان ابتلت ملابسها كلها ثم وقفت امامه وقالت …. انت انسان متخلف والله الهدوم كله اتبلت هعمل ايه دلوقتي نظر لها حسام وقال بحده …. قولتلي ايه نظر اليه بغضب وقالت …. مش بقول حاجه ثم ضربت الارض بقدمها وتحركت من امامه الي الحمام ابتسم حسام عليها ثم ذهب الي الكنبه وارح ظهره الي الخلف بتعب واغمض عيونه قليلا الي ان سمع صوت باب الحمام فنظر اليها وجدها ترتدي بورنس لونه بينك ويصل الي ركبتها وكل ما تمشي خطوه تمسك البورنس وتنزله الي الاسفل ظل ينظر اليها اما هي فذداد توترها اكثر عندما لاحظت مرقبته لها فوقفت وقالت بتوتر …. ايه بتبصلي كده ليه وقبل ان يرد عليها سمع صوت الباب يخبط نظرت اليه غرام بخضه وقالت …. يا لهووي اعمل ايه دلوقتي وقف حسام وقال لها بحده …. تدخلي الحمام متطلعيش منه غير لما يمشو فاهمه جاءت غرام لترد.عليه فقال بحده …. كلمه كمان والبورنس الجميل اللي انتي لبسه دا هيكون نفس مصير هدومك التانيه واظن مفيش بديل المره دي فتحت غرام فمها بصدمه من كلامه ثم صرخت منخفض ودخلت الي الحمام وهبدت الباب خلفها بقوه ضحك حسام عليها وذهب وفتح الباب وجد احمد امامهم وهو يرتدي ملابس الروم سيرفس نظر اليه احمد وقال … حضرتك طلبت الروم سيرفس حسام بهدو …. ااه اتفضل ادخله حسام واغلق الباب خلفه نظر اليها احمد بسرعه وادي التحيه …. تحت امرك يا فندم اخرج حسام من جيبه ورقه وقال لي احمد …. المعلومات دي اعايزها تروح لي مكتب اللؤاء جمال النهارده علشان يلحق يتصرف اخذ احمد منه الورق وقال …. تحت امرك يا فندم وهوصل هنا كمان ساعه بالضبط حسام بجديه …. تمام نظر احمد حوله وقال بتردد … احم بس هي غرام فين نظر اليه حسام ثم قال بحده شديده …. نافز الامر اللي تطلبته منك بس يا حضرت الضابط مفهوم احمد …. تحت امرك يا فندم استاذن انا وجاء ليتحرك فقال له حسام …. استنا العربيه دي فيها ايه احمد بستغراب …. دي فوط ومليات وحاجات من دي حسام بهدو …. طيب سيب ملايه منهم هنا احمد ….. ليه يا فندم هو فيه حاجه حسام بزهق …. اخلص يا احمد سيب ملايه وامشي