انا كلي مكلك - الفصل الرابع - مكتملة | روايتك

[*❴📖❵↵*انا كلي ملكك* *❴🔢❵الـــبـــــــــــ❴الخامس❵ــــــــــــارت* ➖➖➖➖➖➖➖➖➖* .. ما في شي بيننا مشان ابكي وصرخ قدام الكل هي مشاعر بقلبي ما حد بيعرف فيها فتت على غرفتي وتسطحت على تختي وصرت اتزكرو .. وأول شي تزكرتو بس وقعت وسندني .. كانت ريحة عطرو بتجنن .. تزكرت ريحة عطرو وبكيت .. مسكت موبايلي وصرت اسمع اغاني وابكي اكتر وغفيت وانا عم ببكي خالد : بحبك نورا : وانا بحبك يا عمري .. متى رح ترجع وشوفك ؟ خالد : رح ارجع .. اكيد رح ارجع الجزء الخامس فقت من المنام وبكيت كتير لأنه منام .. هلأ كنت ماسكة بإيدو وعم نحكي وعم قلو متى رح ترجع وقلي رح يرجع .. بس هاد مجرد حلم .. لانه خلص رح يخطب كتير حاولت ارجع نام بس ما قدرت .. صارت الأيام تمشي بصعوبة علي والأصعب لما ابي قرر نسافر عالسعودية ... امي : نورا شبك عم تبكي وين البنت اللي كلا مرح يلي كانت تطير بكل البيت وهي عم تضحك ؟ نورا : ماتت امي : شو صاير معك ؟ نورا : ولاشي امي .. متى رح نسافر ؟ امي : بعد اسبوع .. مشان هيك زعلانة ؟ نورا : لا مو مشان هيك امي : طيب شبك ؟ نورا : امي .. ممكن تتركيني براحتي ؟ امي : ليش عصبتي ؟ نورا : هيهيييييي علينا كلو ليش ليش ليش ليش خلصنااااااا ======================================= ما عاد سمعت شي عن خالد لأنه المكالمات كانت دولية وما كانت عمتي تتصل فينا كتير .. وحتى برامج الإنترنت كانت مو منتشرة متل هلأ وكانت الأحداث بسوريا بلشت وما عاد في شي متوفر متل الأول .. سافرنا عالسعودية وبقيت انا قلبي عند خالد .. وكتير كنت صلي وادعي ربي يسمعني لو خبر واحد عنو انا ما حبيت السعودية وجوا .. او يمكن لأنه ما كانت نفسيتي مرتاحة ابدا بعد يومين من وصولنا للسعودية اجا بابا وخبرنا انو دق لعمتي مشان يتطمن عليها وقالتلو انها رح تجي لعنا عالسعودية وبس خبرنا ابي طرت من الفرح وصرت بوس ابي وامي ... وقبل ما كفي فرحتي قلنا ابي انه عمتي رح تجي لحالا طبعا انا بقيت اضحك ومبسوطة لأنهن فكروني فرحت مشان تعلقت بعمتي بس فعلا ما انطفت فرحتي لأنه ردلي الأمل اني رح شوف خالد بعد هيك اجت عمتي لعنا بنهاية الأسبوع وكنت اسهر على راحتا وابقى سهرانة لحتى تغفى مشان ازا احتاجت شي كون جنبا بيوم كنا عم نتغدى كلنا عالسفرة مجتمعين ... امي : شو صار مع خالد خطبتيلو ؟ نهلة : اي والله خطبنالو و ... غصيت بلقمتي وصرت اسعل متل يلي روحا عم تطلع والكل اجتمع حوالي شي يشربني مي شي يضربني على ضهري وامي وعمتي ايديهن على راسي بيقراولي قرآن ... نورا : خلص خلص .. الحمد لله مضت على خير ما فيني شي امي : شو صارلك ؟ نورا : ما بعرف عادي عادي خلص هلأ بشرب شاي سخن بروق اكتر نهلة : بسم الله عليكي حبيبتي الله يحميكي مسكت كاسة الشاي وعم اشرب .... امي : اي كملي خطبتي لخالد ؟ نهلة : عم قلك اي خطبتلو بس هو رفض امي : لا يكون في حدا ببالو ؟ نهلة : والله هيك الظاهر انا ما بعرف شو صارلي صرت اضحك على حالي .. كل هالغصة وبالأخير مو خاطب .. مو مشكلة لو غصة الموت اهم شي انو مو خاطب مضت الأيام وعمتي ما رضيت تسافر الا لتاخدنا معا على دبي مشان نغير جو و نحضر عرس احمد .. بالبداية ابي رفض بس عمتي اقنعتو واخدتنا معا .. بس نزلنا بمطار دبي دقات قلبي تسارعت .. كأنه قلبي عم يعطيني طاقة لامشي بسرعة واوصل لعند خالد وشوفو .. فتلتنا عمتي شوي بدبي وانا دخت من جمالا .. وهواها شي خيالي وكلشي بيجنن وصلنا لبيت عمتي دقينا الجرس وفتحلنا احمد الباب .... احمد : اهلااااااااااااااا اهلااااا نورتو دبي والله اهلا وسهلا تفضلو خالد : مين اجا ؟ وهو عم يحكي مين اجا لمحني وجمد بأرضو ... خالد : نورا ؟ احمد : اي نورا و مرت خالي معا اجا خالد ومد ايدو سلم على امي وبعدا سلم علي وهو عم يتطلع بعيوني متل أول لقاء .. بس هالمرة تلخبط وتلبك وبانت لهفتو بعيونو ======================================= اليوم يلي جيت فيه على دبي ما عرفت نام .. طلعت سهرت بصالون البيت وعم اتفرج عالتلفزيون واشرب عصير .. خالد : نورا نورا : تفضل خالد فوت خالد : كيفك ؟ نورا : الحمد لله خالد : الساعة 2 بعد نص الليل ليش مو نايمة ؟ نورا : ما عم بحسن خالد : بدي قلك شي نورا : تفضل خالد : كل لحظة كانت تمر وانتي مو جنبي كنت موت .. تعرفي عنجد اشتقتلك نورا : ..... من خجلي ما عرفت شو رد بس حطيت راسي بالأرض وصرت اتأملا خالد : كنت اسمع غنية اشتقتلك قد الدني واتزكرك .. وشم ريحة عطرك بكل مكان و ... نورا : حاج .. لو سمحت خالد : يعني انتي ما ب ... يعني انو .... نورا : تصبح على خير انا بلا هالحكي ما كنت عرفانه نااااام شلون رح نام بعد هالحكي يلي تمنيت اسمعو كتير من خالد ... ولقد رأيتك .. والله انني رايتك بعد طول الغياب واعدت الأمل الى قلبي .. بعد ان ظننت ان عشقي لك سراب عشقتني وعشقتك وهنا بدأت قصتنا انا وانت نغرق في بحر الأحباب بلا أسباب عشقتك انت بلا أسباب ________________________________________ اي بلا سبب حبيتك لمجرد اني شفتك دبت بعي *❴🔢❵الـــبـــــــــــ❴السادس❵ــــــــــــارت* ➖➖➖➖➖➖➖➖➖ ونك .. غرقت بنظراتك وبريحة عطرك ودفى قلبك المميز اختلف تعاملي مع خالد كتير .. صرت اخجل اتطلع بعيونو صرت اخجل حاكيه .. انا بحبو اي وكنت اتمنى يكون بيحبني بس ما كان في اعتراف بالحب بيناتنا ما كنت حس بأني بتعامل مع حبيبي مو مع ابن عمتي بس هلأ عم حس اني بتعامل مع حدا بيفكر فيني وبيحبني .. وانا نفس الشي بفكر فيه وبحبو بس كنت بدي شيل حاجز الخوف والخجل يلي عم يمنعني عنو #أنا_كلي_ملكك @rwayate #قصة_واقعية #بقلم_حلا_الشويكي اجا موعد عرس والتحضيرات لبكتنا كتير .. وكمان اختي المتزوجة عايشة بدبي اجت لعنا وضمينا بعض وصرنا نبكي .. كان الكل واقف وانا عم ضما وابكي .. اجا خالد لعندي ماسك كلينكس ومسحلي دمعتي .. والكل عم يتطلع فينا ومستغربين .. بعدا حس خالد انو لازم يعدل الموقف .. قام مسح دموع اختي وقلا ما بحب شوف بنت بتبكي بنزعج كتير .. اتطلعت فيني اختي وابتسمت .. متل يلي عم تقلي كاشفتكن بليلتا نمت انا واختي وامي بجنب بعض لأنه كتير كنا مشتاقين لأختي و فرحنا كتير بشوفتا تاني يوم الصبح .... اجت سهر من سوريا واستقبلناها استقبال غير شكل وطلعنا نحنا وهي وتأجرنالا فستان العرس وحجزنالا بصالون حلو ومرتب وراقي .. وحجزنا الي ولأختي بغير صالون بعد يومين كان عرس احمد وسهر .. ورحت عالصالون انا واختي عملت مكياج وتسريحة ولبست فستان احمر طويل ... رجعنا من الصالون بس هي فاتت قبلي عالبيت وانا كنت وراها بكم خطوة .. فتت بسرعة عالبيت ومسكني خالد من ايدي ورجعني لعندو .. خالد : تعي لهون تعي نورا : شو في ااخ ايدي وجعتني شبك ؟ خالد : ايديكي كلهن وصدرك وكلشي مبين .. شلحي وريحي حالك نورا : اترك ايدي لقلك .. ما دخلك بلبس شو ما بدي خالد : البسي شال على كتافك .. مشان ما زعلك نورا : بالله خالد : والله .. وكمان شغلة .. ما تقومي ترقصي بالحفلة اوك ؟ نورا : شو رأيك ما احضر وخلص ؟ خالد : اي بيكون احسن .. ما بدي حد يشوفك غيري نورا : هففففف سحبت ايدي من ايدو وفتت عالبيت معصبة كتير ... امي : شبك شبك شوفي فايته معصبة كل هالقد ؟ نورا : ولا شي .. متى الحفلة رح تبدا ؟ امي : بعد شوي بس روقي مشان الميك اب نورا : اي بروق ليش ما روق ======================================= صار موعد الحفلة .. طلعنا كلنا عالقاعة شوبت بالحفلة وشلت الشالة عن كتافي .. اجا خالد ركض ورجعلي الشالة وهو عم يصرخ فيني .. قمت مشان ارقص مسكني من ايدي ورجعني عالكرسي وقعد جنبي وقلي ممنوع تتحركي بس اجت رقصة السلو ... خالد : هاتي ايدك نورا : ليش ؟ خالد : مو بدك ترقصي .. قومي نرقص تزكرت بخطبة احمد وسهر بس رقصت معو .. نبض قلبي تسارع وقمت معو بلا تردد رقصنا .. كانت من احلى لحظات حياتي .. كانت الغنية بتحكي انا .. انا كلي ملكك .. انا كل حاجه حبيبي فيه بتناديك انا .. انا مش بحبك .. الحب كلمه قليله بالنسبه ليك انت فرحه جت لعندي بعد عمر من التعب في السعاده الي بعاشها انت السبب ضحكتك عقلك جنونك والحنان الي ف عيونك هوصف ايه واحكيلك ايه انا .. انا كلي ملكك .. انا كل حاجه حبيبي فيه بتناديك انا .. انا مش بحبك .. الحب كلمه قليله بالنسبه ليك قربت كتير منو .. حسيت بنفسو عم تلامس انفاسي .. وانا عم اتطلع بعيونو وهو عم يشدني من خصري ويقربلي اكتر لحتى اجسامنا التصقت ببعض وعطري علق بتيابو وعطرو علق بتيابي .. قرب لإدني وقلي ... خالد : يؤبرني الأحمر شو بيجنن عليكي نورا : خلينا نرجع عالطاولة حاج شوف العالم شلون عم تطلع علينا خالد : ما بهمني العالم .. اهم شي عندي بكل الدنيا انتي ورجع قرب من ادني التانية وهمسلي بحبك تسارعت انفاسي .. ما عاد قدرت ركز بشي الا بعيونو وريحة عطرو ======================================= خلص العرس ورجعنا عالبيت وانا كنت تعباااااانة طلعت فورا على غرفتي وبدلت الفستان ولبست بيجامة بس كنت بعدني بتسريحة شعري .. نزلت مشان خلي امي تساعدني بفك شعري بس ما كان في حد بكل البيت فايق الا خالد قاعد وعم يدخن نورا : وين امي ؟ خالد : فاتت تنام هي وامي نورا : يا الله خالد : شبك ؟ نورا : ما فيني فك تسريحة شعري لوحدي طفى خالد سيجارتو ... خالد : تعالي انا بساعدك نورا : عنجد ؟ خالد : اي تعي قعدت انا مقابيلو فاتلة ضهري وهو عم يفكلي بشعري خالد : لك شو كل هااااد لازم نجيب مغناطيس لنفك شعرك الليلة نورا : ههههههه .. ااخ شوي شوي لك مو هيك اي هيك شوي شوي خالد : وجعتك ؟؟ فتلت وشي لعندو و اجت عيوني بعيونو ... نورا : احم .. كمل فكلي شعراتي واتطلعت على الطاولة يلي بجنبو لقيت دبابيس كتير .. صرت مرر ايدي بشعراتي نورا : اااااخ كل هادول كانو بشعري خالد : ههههههههههههه نورا : يسلمو كتير خالد : ليكي شو رأيك نشوف فيلم حلو سوا ؟ نورا : اي ماشي خالد : يلا قعدي رح وصي على عشا نتعشى سوا نورا : اي ماشي اصلا انا كتير جوعانة خالد : اي يلا رح وصي جاب البيتزا وتعشينا وكنت قاعدة بجنبو ونحضر فيلم وج