انا كلي مكلك - الفصل الثالث - مكتملة | روايتك

*❴🔢❵الـــبـــــــــــ❴الثالث❵ــــــــــــارت* ➖➖➖➖➖➖➖➖➖* و رح يحكو لأني ما كنت بدي تخطب بنت خالتي سهر لألو انزعجت كتير بس نادتلو .. نهلة : شفت بنت خالة نورا ؟ خالد : سهر ؟ اي شفتا شبها ؟ نهلة : شو رأيك فيها ؟ الجزء الثالث خالد : منيحة امورة .. بس مااااايعة بتقلي هاااااااي مو تقول مرحبا لأنها شافت شب اول مرة تشوفو مو تشد حالا لا قالت هاااااااي هيك هااااااي نهلة : هههههههههههههههه يبعتلك الهنا وانت عم تقلد بتفرط ضحك ههههههههههههههه خالد : ههههههههه عنجد مايعة كتير فلجتني نهلة : بتتغير بعد الزواج خالد : زواج ؟؟ اي اي فهمت لا مستحيل ما حبيتا نهلة : اي بتحبا بعد الزواج خالد : امي .. سكري عالموضوع لا عاد تفتحيه معي .. سهر لا لا لا نهلة : متل ما بدك خالد : نننننه هااااي ننننه ... شو غليييييظة نهلة : هههههههههههههههه حطيت ايدي على تمي وصرت اضحك .... و رجعت كملت تقديم لزوم السهرة بس هالمرة كنت عم اضحك مو زعلانة امي : نوراااااا نورا : اي امي امي : تعي اقعدي معنا حاجتك عم تركضي هون وهنيك وتشتغلي ارتاحي شوي نورا : حاضر ======================================= تاني يوم الصبح ... فقنا انا وامي متل العادة حضرنا فطور وفاق الكل قعد يفطر .. فطرنا وقعدنا نشرب عصير فريش مع عمتي و ولادا لأنه عمتي كانت كل مشروباتا الصبح صحية .. طلعت عالجنينة لشم هوا جديد سهر : هااااااي صباح الخير نورا : يقطع عمرك رعبتيني سهر : يقطع عمري ؟ زعلت منك نورا : تعي اتمشي معي شوي سهر : بدي روح بس جيت لاطلب منك طلب نورا : طلبي سهر : بدي استعير منك فستا........ مين هالشب يلي جاي لهون ؟ نورا : احمد .. ابن عمتي عم يعمل رياضة الصباح ههههههه احمد : صباح الخير يا صبايا نورا : صباح النور .. بعرفك على بنت خالتي سهر سهر : ....... نورا : سهر ؟ وين شردتي عم عرفكن على بعض احمد : ههههههههه تشرفت فيكي سهر : انا .. اسمي .. اسمي .. اي اي انا اسمي سهر احمد : اي خبرتني نورا ههههههه عاشت الأسامي يلا بترككن تكفو كلامكن باااي سهر : ( بصوت ناعم وهادي ) باااااي نورا : شبك شو صارلك ؟؟ سهر : كتير حلو نورا : شو هو اللي كتييير حلو ؟ سهر : احمد نورا : هههههههههه مشي اعطيكي الفستان يلي بدك ياه سهر : يلا اجا المسا ونحنا مجتمعين على العشا .. احمد : يامو نحنا ليش جينا لهون ؟ نهلة : مشان اخطبلكن انت و خالد احمد : طيب انا عجبتني بنت وبدي ياها اتطلعو امي وعمتي ببعض بإستغراب .... نهلة : الله يسمعنا الاخبار الطيبة .. مين ؟ احمد : سهر خالد : سهر ؟ مو هاي يلي بتحكي هااااي بمياعة ؟؟ نهلة : هههههههههه لك لا بقا تقلدا بفرط ضحك احمد : خالد .. خلصنا انا البنت عاجبتني خالد : تتهنى تاني يوم حكت امي مع خالتي وخبرتا انو بدهن يطلبو ايد سهر لاحمد .. واتفقو على موعد زيارة ======================================= حددو موعد الخطبة بعد اسبوع .. والكل ما لحق يعمل شي .. الا انا هههههههه من ساعة يلي خبروني بموعد الخطبة عملت اتصال عصالون ام رفيقتي وحجزت .. ورحت على محل البسة سهرات واشتريت احلى فستان .. كنت طول الوقت فكر بخالد شلون رح يشوفني .. بعدا اتزكر اني استقبلتن وانا شعري منكوش وماسكة الملعقة اللي كنت حرك فيها العصير .. ارتاح شوي لأنه حسيت بنظرات الإعجاب يلي بعيونو لالي من اول لقاء بالرغم من اني مو محضرة حالي لشي بعكس باقي الصبايا يلي كانو موجودين .. يعني بنات عمامي وبنات عماتي كلهن كانو يجهزو حالهن مشان يستقبلو ولاد عمتي ... احم احم قصدي عمتي امي : لك لحقتي تحجزي وتجيبي فستان واكسسوارات وليييي شو قوية نهلة : ههههه عادي تركيها مبسوطة بخطبة احمد .. اخوها هاد نورا : اي صح .. ( عم افتل بوشي يمين ويسار ) امي : على شو عم تدوري ؟ نورا : ولا شي بس ... وين ... خالد وينو ؟ نهلة : قال عندو موعد نورا : وين ؟ اتطلعت امي فيني حسيتا رح تاكلني ازا ما بضب لساني .. نورا : يعني قصدي ان شاء الله خير في شي ؟ مالو بالعادة يطلع نهلة : والله ما بعرف يا حبيبتي نورا : عن اذنكن خالد : مساء الخير وقفت جمدت بارضي ما عم اعرف احكي ولا اسكت ... نهلة : ليكو خالد يا نورا خالد : نورا ؟ في شي ليش ؟! نورا : احم .. اه ؟ لا .. مساء الورد بس انو .. كنت بدي اي اي بدي اسألك عم تشوفا للقطة ؟ بلع خالد ضحكتو بالغصب وابتسم .. خالد : زكريني ابقى جيبلك رقما ضحك الكل بصوت واحد وانا دبت من خجلي .. و فتت على غرفتي ركض .. كان عبالي احفر احفر احفر بالأرض لاوصل جزر المالديف واختفي من سوريا كلا بعد اسبوع كنت انا بالغرفة عم اخد سيلفي بعد ما رجعت من الصالون .. ابي : يلا يا نورا يا نهلة يا ودااااد ( امي وداد ) نورا : يلا يابي بس شوي صغيرة وبجي ابي : يلا تأخرنا الساعة 8 الا 5 والحفلة عال 8 وما وصلنا عالقاعة لسا طلعت من الغرفة وانا عم حط شال على كتافي وتفاجأت بوجود خالد بوشي .. شهقت بقوة وخجلت كتير ورجعت على الغرفة بسرعة ... ابي : لك نورا خلص خليكي هون اي *❴🔢❵الـــبـــــــــــ❴الرابع❵ــــــــــــارت* ➖➖➖➖➖➖➖➖➖* نحنا رايحين بالله شلون يعني رايحين !! طلعت من الغرفة ركض ومشيت متل البطريق لأني اول مرة البس كعب 20 س وصلنا القاعة ونزلت من السيارة وانتبهت على نظرات خالد .. لا هي نظرات ما بتشبه نظرات الإعجاب .. لك هاد معصب والشر عم يلمع بعيونو متل الشرار حاولت ركز بنظرة عيونو وافهما بس عجزت افهم شو عم تحكي عيونو لألي بهالنظرة ... الجزء الرابع حاولت قرب منو لأفهم شبو بس هو ركض علي ولبسني جاكيتو وقلي بعصبية ... خالد : ليش غلبتي حالك ولبستي كان جيتي بلا تياب نورا : شبو فستاني ؟ خالد : هاد فستان ولا قميص نوم ؟ نورا : ليش هيك عم تحكي معي ؟ خالد : لك شوفي شلون قصير و شفاف لك كلشي فيكي مبين شلون خالي سمحلك تطلعي هيك ؟؟ نورا : ........ شيل جاكيتك عني ليكو الشال يلي كنت لابستو بس طار من الهوا خالد : ....... كتير مكشوف الفستان نورا : يعني بصفتك شو عم تدخل ومعصب كل هالقد ؟ خالد : ابن عمتك .. انا ابن عمتك نورا : بتقوم بتحكي معي بهالطريقة ؟؟ امي : نورااااااا وينك كلنا دخلنا عالقاعة شو عم تعملو انتي وياه جنب السيارة ضاع منكن شي ؟ نورا : لا بس ... امي : يلا امشي شبك واقفة هون نورا : فستاني علق بالسيارة وكان خالد عم يفكلي ياه .. مو هيك خالد ؟ خالد : اي اي صح .. يلا فوتو لجوا بقيت مزعوجة طول الحفلة .. انو ليش هيك يحكي معي .. لحتى اجا لعندي وطلب نرقص سوا على غنية السلو خالد : ما في حد ارقص معو .. الكل عم يرقص الا انا نورا : شو بعملك ؟ مو ضروري ترقص خالد : ( انحنى لعندي ومدلي ايدو ) ممكن ترقصي معي ؟ اتطلعت بإمي وهزتلي براسا انو اي عادي ... حطيت ايدي بإيدو ومشيت معو لنص القاعة مشان نرقص .. اجا حظنا جنب العريس والعروس مشان يتغالظو علينا حط ايدو على خصري واتطلع بعيوني وانا شبكت ايدي على رقبتو و اتطلعت بعيونو .. خالد : انتي كتير حلوة نورا : ....... سهر : نورا قربي شوي بدي قلك شي قربت ادني لعندا ... سهر : خالد بيحبك نورا : هسسسسسس رجعت شبكت ايدي على رقبتو وقلبي رح يطلع من مكانو من سرعة نبضاتو خالد : تعي لقلك شي نورا : اي خالد : نحنا عم نرقص سلو على غنية شرقية .. خلصت غنية السلو من دقيقتين ما بدي قلكن شو صار فيني من الخجل .. يعني تركيزي بعيونو ما خلاني ركز بالغنية يلي عم نرقص عليها ======================================= تاني يوم كان روتين مختلف وفي شي وجعلي قلبي .. انو عمتي و ولادا قررو يسافرو بعد يومين ويرجعو قبل عرس احمد وسهر بأسبوع .. انا تعبت نفسيتي وزعلت كتير وصرت ابكي .. خفت ما شوف خالد بعد هيك بقيت سهرانة بليلتا بحضر تلفزيون وببكي وبتزكر كل نظراتو وكلامو وصوتو .. شلون يعني ما عاد شوفو شلووون ؟؟ خالد : نورا ؟ نورا : اي خالد : ليش ما نمتي ؟؟ اتطلعت فيه وعيوني متل الجمر .. نورا : ما بدي نام خالد : ليش بكيانة ؟ نورا : مو بكيانة خالد : لك شبك ؟ نورا : ولا شي بس ما بدي تسافرو يعني انو ... تعودت على عمتي رح اشتاقلا خالد : على عمتك بس ؟ نورا : اي على عمتي .. خلص نعست رح فوت نام تصبح على خير ======================================= فتت نمت وانا عم ببكي وشفت خالد بالمنام عم يضمني ويقلي رح ارجعلك .. الصبح فقت حضرت فطور انا وامي بس ما اكلت .. تعبت نفسيتي وما عاد الي نفس اكل او اشرب .. حتى ما الي نفس اطلع اتمشى بالجنينة حضرت معهن الفطور وكنت رح فوت على غرفتي حكتلي امي اقعدي معنا عيب كلا يومين وبيسافرو ما بيصير هيك قعدت معهن وبقيت صافنة لحتى خلصو فطور وشلنا السفرة طلعت عالجنينة شميت هوا جديد ومسحت دموعي وفتت على غرفتي ... نهلة : ممكن فوت ؟ نورا : تفضلي عمتي نهلة : شبك حبيبتي ليش زعلانة ؟ نورا : لأنك بدك تتركينا وتسافري حبيتك كتير وتعودت عليكي نهلة : اي بس رح ارجع بعد 5 شهور يعني مو كتير رح غيب عنك حبيبتي ( شلون قلا اني خايفة خالد يخطب وما ارجع احسن حاكيه او شوفو ؟! ) نورا : بالسلامة يارب نهلة : في حد زعجك بشي ؟ خالد ؟ او احمد ؟ نورا : لا والله .. الله يخليلك ياهن ما في منهن عنجد نهلة : وانتي ما في منك يا عسل .. يلا ساعديني بضب الشنط نورا : من عيوني بعد يومين سافرو عمتي وولادا وانا مرضت من الزعل ما عاد اكلت او شربت او ضحكت او طلعت من البيت .. صابتني حالة كآبة مو طبيعية و خالد ما كان يروح من بالي .. المشكلة حتى ما معي رقمو خجلت اطلبو وهو ما جرب يطلب رقمي بعد يومين دق رقم مجهول على موبايل امي .. امي : الو نهلة : مرحبا امي : مين ؟ نهلة : انا نهلة امي : اهلا اهلا الحمد لله عسلامتكن نهلة : الله يسلمك .. هاد رقم خالد امي : اي هاد رقم خالد .. رح سيفو عندي انا كنت جنبا مشان اتسمع عليهن واعرف شو في اخبار عن خالد ... نهلة : اي رح روح شوفلو عروس هاليومين الظاهر ما اتفق مع حدا من بنات العيلة امي : اي في جنبكن سوريين ؟ نهلة : اي جيراننا سوريين وعندن بنات متل القمر رح روح شوفن ما عرفت شو احكي او شو اعمل